.

البــارت 48 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بيت اخوها...

سميه: اسألش بصراحه ياكنز؟

كنز: ايوه

سميه: انتي ليش وافقتي ع زواجتش وعادش صغيره كنتي تقلي ماعتتزوجي.. فارحه عشان انهم اغنياء؟

كنز : وامد ادرس ولانه مرتاح وفي المدينه فارحه ليش بتسألي

سميه: لانش تغيرتي ماكان يهمش غني او مرتاح او فقير كان يهمش بس تدرسي

كنز: الصدق ماهمني يوقع غني اهم شي في المدينه ويكون متعلم ويخليني ادرس

سميه: ايوه خليش ع ما انتي ساع ماعرفتش لاتكن تصدقي لامش خيرات

@rewayatyamania المصدر الأول للروايات

بيت سالم..

سالم بيكلم امه: ذلحين كيف افعل بالبنت ؟

مرته نبعت: اي بنت؟ والله يا سالم لو بنتك ترجع مااجلس لك في بيت ولاتزيد تبسر لي صوره

امه غمزت له يسكت: يا ابني خليها بيت خالها امد

مرته: ولا امد ولا شي ماعنعيد الموضوع خلاص مايردها الا لابيت زوجها يدور لها زوج

سالم: بعقلش ادور لبنتي زوج اخرج اداعي خلق الله احرج بها ساع الغنم

مرته: خلاص تجلس بيت خالها مااقدرش ابسرها وهي السبب في قتل ابني... رجعت تبكي

سالم ضبح وخرج وقفل الباب وذكر انه لو ترجع بتوقع مشاكل.. شغل السياره ومشي لبيت خالها..

بيت خالها..
مرة خالها بدأت تتصرف معها شويه كغريبه عن بناتها: ابوش ماطرح لش صرفتش

بلقيس بزعل هزت راسها لا

مرة خالها: ومالش ماتحاكيه قلي له شجلس بيت الناس بدون صرفه

بلقيس انجرحت: تمام

مرة خالها: هيا ادخلي هذك مع خالش في الديوان انا ادعي خالش احاكيه وكلمي ابوش براحتش.

بلقيس: تمام .. دخلت

ابوها شافها بزعل منها وعليها: كيف انتي

بلقيس ماسكه نفسها لاتبكي: الحمدلله

ابوها: مرتاحه

بلقيس: الحمدلله

ابوها: تشتي اضويش معي؟

بلقيس: ماشي هنا احسن

ابوها: على راحتش

بلقيس: تسلم

كان الجو بينهم رسمي ومقطف الكلام سؤال وجواب بس هو حاسس بضعف نفسه ترجع بنته وخايف من المشاكل

وهي تعبت جعجعه ومشاكل معه وضبحت جلستها المطوله مع بنات خالها بدأت تفعل حساسيه ومقارنه ويقلبين عليها

سالم وقف: يله ماتشتي شي

بلقيس: كنت اشتي لو معك زلط

سالم فتح جيبه وخرج لها مبلغ وناولها: شلي هذا وارجع ادي لش

بلقيس اخذت الفلوس: تسلم

سالم: يله مع السلامه ومشي

بلقيس كم تمنت ع الاقل يودعها يحجفها ويبوسها زي ماكانت وهي صغيره ...خرجت معه للباب وبعد ما مشي

مرة خالها جت لاعندها: هيا مه كم ادالش؟

بلقيس مبتسمه بتوريها اللي في يدها

مرة خالها شلتها من يدها وبتدور في اليد الثانيه وتفتشها: لاتقلي لخالش ان انا شليتها.. انا شاخبيها لش عندي لاحتجتي شي.

بلقيس استغربت من موقفها: تمام

دخلت عند بنت خالها

كانين مقلوبات منها وبدأين يرجمين كلام واللي بتقلها تفعل عملها بدلها واللي تهددها تكشف سرها لوما تصبن بدلها..

بلقيس بضبببح بدأت تحس انها ندمت ماراحت مع ابوها وتمر قدام عينها كل المواقف وترجع تقول بنات خالها اهون.

@rewayatyamania المصدر الأول للروايات

بعد يومين..
ايمن خرجهن بالسياره ووصلين السوق كانين يشوفين شي يعجبهن ويصيحين وهو يبهرر ويبقصهن يسكتين ..

كانت سميه تخور شي وكنز تشل مثلها والعكس

ايمن شاف كم قد اكياس وكم قد صرف زلط طلع السياره

كنز: يو باقي لي يا اخي اشياء قد شارجع بكره القريه للعرس

ايمن خرج اخر ميتين وبضبح: ماعدبش الا هذه حق بترول

كنز خرجت من جيبها الرزمه: باقي هذه معي ادتها امي

سميه: يا شيطانه تميتي زلط زوجي وانتي مخبيه مهرش

كنز: مع والله قلت شاحاسبه

ايمن شاف سميه: انتي تقلي هكذا من اي حين

سميه: والله بين ازبج معها مالك قلبت

ايمن: هي اختي وكلها زلط ابي

كنز ضحكت: الله يحفظك داريه هيا اخي قوا نزيد نتم

ايمن: وانتي ياسميه عترجعي معها القريه بكره

سميه ماتشتي ترجع جت له باسلوب: لا اجلس معك اطبخ لك انظف لك بعدا لاقبل العرس انزل معك البلاد

ايمن انبسط منها: ايوه مره

@rewayatyamania المصدر الأول للروايات

المزارعين بعد ماسمعوا بعض اراضي جنبهم عادها بتزرع البن ووصلتهم طلبيات بكثره للخارج ودعم حسوا بغيره وقهر وصلوا لاعند الشيخ

الشيخ خرج معصب: انا آخرتي شاحرقكم مثل ماحرقت الشجر هولك جننتوني مالكم ماتشتوا

بدأوا يكلموه بالوضع وانهم بيحصلوا ع ضعف مابيبيعوا ويخسروا في القات

الشيخ حس بغيره وخاف المزارعين يقلبوا عليه... دعى سالم ونفذ معه خطه وراحوا لاعند مشايخ القريه اللي جنبهم

اقنعهم كذب ان القات دخل مبالغ اكثر من حقهم وحفزهم وحمسهم يزرعوا القات
.
.

بيت خال بلقيس..

بلقيس شافتهن متغيرات جلست تبكي

بنت خالها رحمتها وبضبح: ليش بتبكي

بلقيس: ولاشي

بنت خالها: مالش؟ تشتي تسيري مع ابوش

بلقيس ببكاء ونص كلامها مش مفهوم: انا فلت ابي وجلست معكن بعد ماشكيت لكن مافعلت بي خالتي وفعلتين بي مثلها ليش

بنت خالها بزعل عليها: ...




📚 @rewayatyamania  🇾🇪

.

البــارت 49 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بنت خالها: مالش؟ تشتي تسيري مع ابوش

بلقيس ببكاء ونص كلامها مش مفهوم: انا فلت ابي وجلست معكن بعد ماشكيت لكن مافعلت بي خالتي وفغلتين بي مثلها ليش

بنت خالها بزعل عليها: ضبحنا ابي بيقل احسن مننا اشطر واحده امهر واحده في العمل بتبكر من بدري وبتفعل احسن خبز ماعد بيعجبه شي مننا

بلقيس: وانا ماافعلكن مادخلني

بنت خالها: وامي لو قد معها شي مكنتنا اوقعين مثلها مثلها كل شي مثلش يف

بلقيس: خلاص ماعد شفعل الخبز انا ماعد يضايقش مني

بنت خالها الثانيه: بطلي توقعي مسكينه الصدق بنبسر طيبتش زياده ونتحانب احنا وتقفزي انتي تفعلي كل شي ويمدحوش بنضبح اوقعي مثلنا تاففي قلي قومي انتي لاتوقعيش حاليه

بلقيس: انتين بناتهم وخوات انا بنحس نفسي غريبه وعيب مااقومش لوما حد يحاكيني

رجعين تاسفين منها وتسامحين وبررين لها انهن هكذا مع بعض حتى بيتضاربين لاتتحسس وتزعل وتبكي.
.
.

بيت سليم..
شمس بعد مارجعت

انس: ها سرتي

شمس: ايوه

انس: ماقالت

شمس: بهذلتني ماقالت.. قالت بتجنني انتي واخوش واي حين اعرفه كنا نلعب واحنا جهال بس
وانا مخطوبه ومااشتي اتزوج الا هذا

أنس: قالت هكذا ؟؟؟

شمس: ايوه قلت لك بس انت مع ماتصدق

أنس خرج وجلس جنب الباب زاعل شويه وقرر انه ماعد يفكر ببنت ولايحب واحده الا بعد مايحقق احلامه عشان الكل يحترمه انه متعلم ومتوظف وعايش في المدينه حسب كلام اخته له ليش كنز رفضته وعشان ايش انه للاسباب اللي قرر يغير نفسه ويتمسك بحلمه.

@rewayatyamania المصدر الأول للروايات

وبعد ايام رجعت كنز وتعرست بينما اهل القريه بيعانوا من الدخل بسبب تضرر القات مع الجو الا انه ابوها فعل لها عرس خلا الناس كلها تحس بظلم وقهر من اين له الفلوس وهم بيدوروا الفلس...

بدأوا يحسوا بطمعه وجشعه بس قوته ماخلتهم يفعلوا شي ..
.
.

بيت الشيخ..
كانت امها متفاخره وبتفشر ببنتها وذهبها ولبسها عند نسوان القريه اللي متحملات ظلم زوجها لرجالهن.. بيتفرجينها بحقد....

ام كنز جهزت نفسها ووقت ماسفروا العروسه للمدينه راحت مع سميه وايمن

بعد ماوصلوا..

ام كنز: جننتينا المدينه ع هذا البيت والله انش ترحمي

سميه: ليش ارحم

ام كنز: بعد ماشفت بيت بنتي ماعد اعجبني اجلس هنا

سميه: الحاصل كل واحد ع قدره

ام كنز بسخريه: قدره..  هذا وانتي مرة ابن الشيخ الكبير تسكني هنا

سميه: ايوه احسن من الغنم والحطب ومسايبة الماء ومداورتش

ام كنز: يو حسبش الله تكلميني هكذا ؟؟؟

ايمن: ياخاله رجاء مشاكل مااشتيش

خالته: ولا مشاكل ولا الصبح ردني عند ابوك احسن من المصابحه مع مرتك

ايمن: ان شاءالله الصبح تجهزي لاني نازل البلاد مع ابي عمل

ام كنز سكتت ودخلت الغرفه.
.
.

كنز كانت منبهره بالبيت وعيشتهم المختلفه جدااا عن عيشتها سافرت مع زوجها مدينه ساحلية ورجعت سافرت شهر عسل للخارج كانت حاسه نفسها اسعد واحده.

@rewayatyamania المصدر الأول للروايات

بيت خالها..

بلقيس حاولت تكسب بنات خالها وماتفعل الشي اللي بيفعل حساسيات بينهن ورجعين لها مثل اول متعاونات
.
.

أنس بدأ يشوف الوضع بنفسه بعد ماكبر كيف بيتعبوا اهل القريه ويغرسوا وبيستلمو فلوس اقل.. بس الشي الوحيد اللي ماعرفه على ايش ابوه بصم ورق وانه كان معه ارض جلس مخفي عليه الموضوع حفاظا عليه..

ويوم جالس مع الشباب شاف ابن عمه بيمشي لاعنده قرب ووطى وهزره من فنيليته

انس وقف ودهف يده: مالك؟؟

ابن عمه بضحكه: مالي ياسارق وعاد لك عين تداهف اين الزلط؟؟؟

انس: قصدك زلطي ياكذاب يا سارق انت

بدأوا يفرعوا بينهم الشباب وهم بيتضاربوا

ابن عمه: امشي معي للقسم الان

أنس: يله اخطى

ابن عمه مستغرب: سيمخه مش انت مفتجع قد اكلتها صح

انس: انا حر ززززلطي

ابن عمه: يله اخطى قبالي لو انت رجال

انس عصب ومشي معه..

وصلوا القسم
دخل ابن عمه وجلسوا مراعيين..


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البــارت 50 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


دخل ابن عمه وجلسوا مراعيين

الضابط بيتكلم في التلفون ويدور في علبه السجاره فاضيه رجمها وفتح الدرج مابش قفله بضبح

ابن عم انس خرج السجاره وناول الضابط وولع بالولاعه

انس لماكان يجي يزور ابوه كان يشوف الرشاوي وعلاقيات القات اللي توصل وكيف يتخارجوا.. قام وخرج لاعند العسكري اللي في الباب ناوله فلوس وكلمه

الضابط ابتسم لابن عمه وقفل التلفون وسحب نخس وشافهم: مامعاكم هنا؟؟

ابن عم انس: والله يا فندم قد لي شهور ادوره ساع المجنون ابن عمي وثقت فيه وسكنته معي في المدينه واخرتها سرقني وهرب

الضابط مستمتع بالسجاره ومتجمل منه بهنجمه فوق انس: صدق ياولد

انس: ايوه صدق زلطي يافندم كنت ارسله كل اسبوع3000 ريال لمده 3 سنوات والاماريه ملفوفات بربل كنت اشتغل وادرس وراكن انه يمكن ابي وهو بيخبيهن لوما سألته قال عيسافر ويشتغل ويردها

الضابط شاف ابن عمه وهز راسه باتجاه انس ( يعني صدق)؟

ابن عمه: كذاااب جاهل ماعيشتغل الا لو سرق

دخل العسكري ناوله القات والباكت سجاره والماء وطرحهن له فوق المكتب وناول انس الباقي

انس: والله مايرجع قرش حق شقاك

الضابط فرح باللي قدامه بعد مافهم انه انس ولاحظه لما كان بيتكلم خرج يكلم العسكري ودخل
شاف ابن عم انس: الا لو سرق .... اهمممم
قام وقف ويلوي فتح القات وبيتفرج
يعني بكلمتك هذه اعترفت انه كان معه فلوس

ابن عم انس حس قد ودف فرجعها تهمه لانس: كان يوصل بزلط ويقل بيشتغل

انس بثقه ويحلف ويبرر: خليه يسير يسأل كل اللي اشتغلت عندهم وهم يقلوا له يله ذلحين

الضابط طعم ورقه قات ورجع جلس مكتبه شاف ابن عم انس: وفين حصل هذا انت وياه

انس: في المدينه شليت زلطي وخليت حقه ماعسيت فلس

الضابط: مادخلني ماشليت وماطرحت... اللي يهمني انه في المدينه... يعني سير اشتكي به هانك انا مااقدرس افعلك شي

ابن عمه شافه بضبح وقام وقف: انا اوريك وداري لاعند من اشتكي بك

انس وقف: لاعند الشيخ؟ ضخم قوي وانا نفسي اقل لابوك يرجعك القريه لاتمتسك هانك ع المتر..

ابن عمه بهررر وشافه وشاف الضابط وخرج بسرعة

انس خرج بعده

ابن عمه هزره: والله لو تفتح فمك لاقتلك

انس دهفه: وانا والله مابين افتجع منك زلطي وشليتها للمه تسرقني وتشتكي بي لو عتتلمعن انا العن منك.

ابن عمه فلته ومشي


انس رجع وشاف ابوه بعد ماقد ساروا اللي كانوا مع انس يقلوا لابوه على اللي حصل

ابوه: رجعت يا انس تدور هدار قدك هانك يا ابني

انس: يا اباه هو اللي جا يدور مشاكل انا بعد حالي

ابوه مسك انس ومشي: يا ابني قد المدرسه عتبدأ سير الله يحفظك بعد حالك مااشتي منك شي ادرس معهد وادرس والله يفتح عليك انا خايف عليك وع روحي لو وقع بي شي تبقى لخواتك انت سندهن

انس بيمشي ويتجابر مع ابوه ويقنعه انه قد حل الموضوع وعرف يتفاهم مع الضابط

ابوه مارضيش وبالغصب امره يسير المدينه وهم يزوروه لاعنده في الاعياد والمناسبات.

أنس: ناهي مابرجع الا وقد امي عندك تعاونك شويه يا اباه.

ابن عمه شاف انس مستقوي ومش خايف وممكن يفعلها ويكلم ابوه على اللي حصل معه حاول يقنع ابوه وشل زلط توفيه للي معه وسافر
.
.


وبعد فتره...

انس استغل بقية الاجازه ودخل دورات تقويه للمواد الدراسيه وانجليزي ويشتغل فتره واحده مع مخازن محلات جمله يتحمل البضاعه للمخزن...


كنز بعد محاولات لاقناع زوجها تتم دراستها وافق وسجلت تروح مع خواته..


اما بلقيس فكانت متحمسه لسنه دراسيه جديده وبدأتها بمثابره عشان تحافظ ع مستواها الأول وبدأت تحس بخوف بعد مانقص عدد بنات خالها واحده تزوجت في العطله و2 انخطبين بقيت هي وواحده من بنات خالها متوانسات انهن مع بعض...

@rewayatyamania المصدر الأول للروايات

وبعد 6 سنوات....

بيت سليم..

ام أنس: يا ابني قد تعبت ودرست حرام تضيع الجامعه قدلك سنتين موقف.

أنس: يماه من عينتبه لش وانتي لوحدش انا بدل ابي الله يرحمه

امه: اختك قالت اسير عندها زوجها مسافر وهي لحالها في شقتها

انس: تجي عندش لانكن لحالكن

امه: أهل زوجها ماخلوها امد جهالهم بيفقدوهم

انس: يعني مصممه تسيري

امه: ايوه وانت سير سجل جامعتك وادرس واشتغل.

انس: تمام مابرجع الا لوما قدش عند اختي

امه: شلني وسير شاقوم اجهز الادوات..

دق الباب...

سالم بخوف: مابش حد؟ ابسر طريق اشتي اكلمك

انس: ادخل حياك الله؟... طريق الله الله

سالم دخل معه وجلس.. وناوله ظرف كبير مغلق: اسمع يا أنس العيب والغلط مش انك تغلط بس انك تتمادى وتسكت في الغلط.. الله يهديني انا  ظلمت ابوك الله يرحمه... والآن ماعدناش ضامن عمري ولا عملي مع الشيخ بعد ماباعني وباع العشره وثقته فيني.. جيت اكفر عن ذنبي

أنس بضبح: ولا انا فاهم شي

سالم: ماعتقدرش تفهم شي ولا اشتيك تفهم الآن بس...


https://tttttt.me/rewayatyamania/51250



📚 @rewayatyamania  🇾🇪

.

البــارت 51 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سالم دخل معه وجلس.. وناوله ظرف كبير مغلق: اسمع يا أنس العيب والغلط مش انك تغلط بس انك تتمادى وتسكت في الغلط.. الله يهديني انا  ظلمت ابوك الله يرحمه... والآن ماعدناش ضامن عمري ولا عملي مع الشيخ بعد ماباعني وباع العشره وثقته فيني.. جيت اكفر عن ذنبي

أنس بضبح: ولا انا فاهم شي

سالم: ماعتقدرش تفهم شي ولا اشتيك تفهم الآن بس خلي هذا الظرف معك يمكن تحتاجه يوم من الايام وبما انك متعلم عتفهم كل شي فيه وانا كاتب خلف كل ورقه شهادتي مع 2 شهود ع كل شي حصل

انس يشتي يفتحه..

سالم مسك يده وسحب الظرف: رجاء يا ابني الآن عتحصل مشاكل لو تتهور اتصرف بذكاء وقت ماتكون قادر صدق تشارع على حق ابوك وحقك افتحه.

بعد ماسمعت انك ناوي تدرس في كليه الشريعه والقانون جيت ناولتك انت وغيرك مثل هذه الاوراق وقت ماتشل شهادتك خرج حقكم ... وقف والآن ابسر لي طريق اخطى ومحد يعرف اللي حصل حتى امك.

انس: تمام

سالم خرج وراح بيت انسابه يزور بنته...

بلقيس بعد مامات خالها بسبب جلطه وبقيت هي وبنت خالها ومرة خالها.. وبما ان خالها معه بنات بس جوا اخوالها البقيه يشلوا بيت الاب الكبير اللي كانوا فيه عشان يورثوا فقررت مرة خالها تسير بيت اهلها تعيش هانك

بلقيس: اشتي اروح معك يا اباه

سالم جلس متردد ويتعذر شاف حياته هادئه وقد معه 3 عيال: احسن لش هنا يا بنتي وانا مافيني لوجع الراس ماصدقت حياتي سبرت.. وانتي مرتاحه هنا خليش بقعتش واكون ادي لش زلطش لاعندش

بلقيس انصدمت واقتهرت: بس انا ضروري ارجع

ابوها: ماشي عادي اجلسي بس

بلقيس ماعد قدرت تشرح له وتوضح له الامر بعد ماشافت خوفه من مرته وبيهم راحة باله سكتت وشلت الفلوس ومشي ابوها


بنت خالها: بلقيسسسس اسرعي البسي نسير المدرسه قالت الهرمه ( جارتهم العجوز ) انها سمعت اعلنوا اسمش في الاذاعه

بلقيس مافهمت: اسمي في الاذاعه ليش؟؟ مادراش وليش المدرسه

بنت خالها: نجحتي  اكيد بس مدري خلينا نسير نبسر

بلقيس لبست وراحت...

@rewayatyamania المصدر الأول للروايات

في المدينه...

كنز بعد ماشافت النتايج وسمعت اسم بلقيس انصدمت واقتهرت وزعلت كانت بنتها بتبكي جنبها وهي حامل وعانت عشان تنجح نجاح دهفه..

جلست تكلم نفسها ليش اللي في القريه جت اوائل اكيد غشت كيف توقع اوائل وهي ماكانت تسير مدرسه شكل ابوها دفع لها تنجح والله ماتستاهل النجاح.
.
.

في المدرسه..

الاستاذات والمديره فارحات ببلقيس اول مره يدخل اسم مدرستهم اللي في القريه من ضمن المدارس اللي طلعت منها اوائل ... قررين يفعلين لها حفل وتكريم كانت فرحتها لاتصدق..

المديره تعرف كل ظروف بلقيس دخلت هي وياها الاداره وقفلت الباب: بلقيس انتي مجتهده وشاطره ليش يابنتي ماتدرسي جامعه؟

بلقيس: مابش جامعه هنا كيف افعل

المديره: سيري المدينه

بلقيس: عند من؟

المديره: انتي بدرجاتش هذه تقدري تطلعي منحه دراسيه سافري

بلقيس: يووو وحدي مااقدرش اخاف

المديره: ليش تخافي في كثير مثلش مش انتي اول واحده تسافر

بلقيس: يا استاذه ابي مابش عنده هكذا

المديره: ابوش مش داري وين انتي وقلتي لي ماعد رضي ترجعي

بلقيس: بس سفر لوحدي ماعيرضاش

المديره: طيب اديه واقنعه انا

بلقيس عجبتها الفكره: تمام

بلقيس جلست تهم وضعها وشرحت للمديره انه مابش معها حل غير ترجع لعذاب خالتها وجدتها اللي بتقاوم الحياه وماماتت للآن او انها تقنع ابوها تسافر

خرجت وهي بتمشي لاعند ابوها ومتأكده 100 ف الميه بيكون رافض بس يمكن فرحته بنجاحها تغير رأيه... وصلت بعد تعب ومشي مسااااافه بين الشمس وبتحاول تخترع الف طريقه وطريقه تقنعه بها وتغير الاسلوب وتعيد ووو ...

وصلت وماحست بالوقت والمسافه من كثر ماشغلها تفكيرها كيف تكلمه

ابوها في الباب عادو فوق السياره..فرحت وقربت

ابوها شافها خاف وشاف للباب: ماجابش ماقلت لش يابنتي ماتفهميش تشتي تنكدي حياتي صميل

بلقيس: مااشتيش اجي بس اشتي تجي معي للمدرسه

ابوها: مش وقت سيري الله يرضى عليش سيري

بلقيس: اشتي اقلك حاجه بس انا نجحت وجيت من اوائل الجمهوريه ويمكن تطلع منحه اسافر ادرس

ابوها بيشوف للباب بخوف ويشوفها: اطلعي اوصلش لبيت خالش انا داري عيوقع يوم جن الآن لو ابسروش هنا

بلقيس حست بقهرررر: بيهم مرته اكثر منها حتى مافرح ولا بارك لها بنجاحها ماحس بتعبها والجهاد اللي جاهدت عشان توصل للمجد والفخر اللي حاسه به لوحدها محد فارح لها غير نفسها...

ابوها: ايش من سفر

بلقيس ندمت واقتهرت تسرعت وكلمته ونسيت الكلام المرتب اللي قررت تقوله له

ابوها: مالش ساكته اين تسافري

بلقيس: مدري هي قالت المديره

ابوها بضبح: والله مالي علم بشي مابتقولي فهميني

بلقيس: المديره طلبت ولي الامر تكلمه

ابوها: وانا فاضي لش بتبسري معي عمل؟؟




📚 @rewayatyamania  🇾🇪

.

البــارت 52 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بلقيس: المديره طلبت ولي الامر تكلمه

ابوها: وانا فاضي لش بتبسري معي عمل؟؟

بلقيس سكتت ولا عاد نفسها شي بهذه اللحظه

ابوها ساكت بيمشوا طريق بيت خالها

بلقيس: اباه وصلني المدرسه وانزل كلم المديره واوعدك ماعد ارجع للبيت ولاتبسر لي صوره

ابوها حس انه يشتي يخلص وخاف من وقت ماكلمته انها ترجع حاسس بقلق: من اين المدرسه

بلقيس فرحت وبدأت تشرح له الطريق...

@rewayatyamania المصدر الأول للروايات

وصلوا عند المديره...

المديره  بعد ماشرحت له ورفض حتى النقاش انها تسافر لحالها: ليش؟

ابوها: عاد في المدينه ممكن اوافق اقدر اسير اي وقت لكن تسافر لا

المديرة: ليش مابش فرق

ابوها: الفرق انه الناس عيتكلموا عليا اهل القريه كلهم وانا شخص لي احترامي

المديره: همك كلام الناس مش مستقبل بنتك

ابوها: اي مستقبل؟ مامع البنت الا بيتها وزوجها

المديره شافت بلقيس وبيأس وضبح: خير يعني ماعندك مشكله تدرس في المدينه جامعه بسكن طالبات

ابوها: تتعهدي لي انتي انا موافق  واشلها بنفسي هانك اتأكد من كل شي

المديره: تمام .. لعلمك يا اخي انا مابش معي فرق ولا مستفيدة شي.. انا كل اللي بين افعله من حب بلقيس للدراسه واهتمامها والجهود اللي بذلتها ساعدتها

سالم: ناهي لكن ذلحين اخطى

المديره خافت يرجع يغير رأيه: بس قبل ماتخطى اشتي توقع هنا انه لامانع لديك من تسجيلها واجراءات معامله انتقالها ووقع وابصم

ابوها وقع بعد مازادت شرحت له واقنعته وطمنته ان في بنات كثير وانهن بنات وانه في اهتمام ورقابه عليهن اكثر من البيت.

بلقيس فررررحت وخافت تبين له فرحتها يلغي كل شي.

ابوها: اخطى ذلحين؟

المديره : نعم وروحي يابلقيس معه وارجعي بعد اسبوع

بلقيس: تمام..



فوق السياره..

سالم: لوما تسيري لاتكنيش تقلي لقبش قلي اسمش الثلاثي بس

بلقيس: ليش؟

سالم: مااشتيش حد يدرا ان انتي بنتي

بلقيس: ومافيها لادريوا

سالم: تشتي تفضحي بي وتخلي الكل يتحاكا عليا انا ما وافقت الا لاجل اسكه المشاكل.

بلقيس داخل نفسها يمكن لو اموت لايفتهن اكثر لهذه الدرجه انا هم عليه !!!


وصلوا قدام بيت خالها وقبل ماتنزل: عترجع بعد اسبوع امد تسير تسجلني في المدينه؟

ابوها بقلبه: معي عمل قد وقعنا لش موافقه ماعد باقي المديره قالت عتشلش بنفسها وتتعهد لي لاوقع  شي مسؤوليتها

بلقيس: يعني اسير بدون مااودعك

ابوها: للمدينه يشتي له وداع !!! سيري بس اهم شي وافقت

بلقيس فرحه عجيبه فارحه انها بتبعد من هذا الهم اللي عاشته عمرها كله وفارحه بحياه جديده ودراسة وزاعله على ان ابوها بايعها للدرجه هذه... نزلت ولوحت له بيدها بيباي ودخلت..

مرة خالها بتلفلف الثياب وتجمع كل ادواتهم

بنت خالها: بعد خمس ايام عنسير وانتي كيف عتفعلي؟

بلقيس فكرت تبقى يومين عند ابوها وتسافر المدينه: سهل ارجع بيتنا

بنت خالها ماسكه خصرها وبتمزح معها: البنت جلست ومطننه مازعلت انا ع البيت وعشت فيه اكثر منش

بلقيس شافتها باستغراب: اين بيت هنيت لش اصلا ماعد دريت على ايش اغثى اطسين عليا كلهن

بنت خالها: قومي لفي اداتش

بلقيس: اداتي ماهن ! هن الا خرقتين ثياب والباقي كتب شحرقهن تمينا السنه

بنت خالها: لاتحرقيهن شاشلهن انا خورت اكمل اقرا بعد ماشفت نجاحش واعلنوا اسمش في الراديو

مرة خالها بضبح: قومين اقطبين من المجابره..

بنت خالها شافت من الطاقه للحوش حقهم  بتمازحها: حتى الغنم مطننات ساع بلقيس كيف ننقلهن يمه هولا بيعيهن

امها: شديهن لاخي امد يفرح بهن ويخلينا نجلس عنده

بلقيس حست وضعهن اخس منها وكرهت اخوالها الباقيين انانيين وظالمين مثل ماظلموا امها وخذلوها عدة مرات كانت تروح لهم حانقه ويردوها.

قامت تلفلف ثيابها وخايفه ترجع لابوها ويمنعها تسافر فقررت تروح للمديره تراشيها يسيرين قبل الاسبوع الجاي..

@rewayatyamania المصدر الأول للروايات

في المدينه..

أنس رجع واستأجر مع شباب في شقه وشل غرفه لحاله عشان يأمن على ادواته.. وبما ان التسجيل للجامعه باقي له وقت قرر يخرج يدور له على شغل يكون يشتغل بعد العصر...

عجبه محل كان معروض فيه بدله فخمه حب يسأل عن سعرها دخل وانصدم من السعر بالدولار: ليشششش يا اخي بالدولار والله ان به مثلها باااااقل قوي

اللي بيبيع: يا اخي هذه اسعار شركة.. العالميه معروف تجي تقلي باربعه الف بعقلك تقارن الثنتين؟

انس: مافرقت ! والله انها مثلها بنطلون وكوت ونفس اللون

البايع: القماش والتفصيل والموديل وهذه القطعه مع الفنان الفلاني والوزير الفلاني

انس عوج فمه وبيتفرجهن: والله انهم مغالطين

سمع وهو بيتفرج البايع بيقل للمشرف على الموظفين والمخازن حقهم: عادنا كلمت الشباب لو واحد منهم يشتي يشتغل محد رد لي خبر

انس شافه وبحماس: انا بين ادور عمل تشتي موظف؟؟

المشرف: ...




📚 @rewayatyamania  🇾🇪

.

البــارت 53 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


انس شافه وبحماس: انا بين ادور عمل تشتي موظف؟؟

المشرف عليهم: ايش مؤهلاتك وخبراتك؟

أنس ضحك: يا استاذ الله يحفظك اهم شي اقنع الزبون مايحتاج خبره مش هو كمبيوتر هي بدله

المشرف عجبه اسلوبه: ايوه كيف بتفعل مثلا ؟

البايع: عادك تقلي باربعه الف يا مشرف تشتي تودف بنا؟

انس اشر له بيده: راعي انت لاتقطع رزقي بحجر الله مافيني للوي والدوار

شاف المشرف مثلا هكذا: مسك الكرفته وقرب من المشرف ومسكه تعال يا فندم اوقف قبال المرايه شوف كيف طلعت هيبه اللون هذا مناسبك رجعك شباب ولك انت بالذات عرض خاص ولايهمك انت بس اختار اللي يعجبك

المشرف شافه في المرايه وبيكلمه: فين قد اشتغلت؟

أنس ضحك وبعد الكرفته منه وطرحها: يهيااااه ولابقيت بقعه كل شي بقاله كافتيريا حمال بلك وحجار وسمنت سكرتير في عيادة مزارع مباشر في مطعم

المشرف: معك ضمين؟

أنس: للأمانة ماشي بس كيف افعل وانا افعل ضمانه

المشرف: حد يضمنك

أنس: ابي الله يرحمه متوفي

البايع ضحك: والله عاد الابن في وادي قلك خبره بتودف بنا ياحبوب

المشرف: خليه تحت التجربه اسبوع يتعلم ولو فهم العمل يجيب ضمين ويتوظف مبين عليه ذكي وعنده اسلوب ومظهر لائق بعد ما اشر عليه من راسه لارجله

أنس ابتسم بإحراج ومزح مسك دقنته: يارجال احرجتني

ضحكوا ومشيت الأمور تمام خرج وبيفكر من يضمنه!

@rewayatyamania المصدر الأول للروايات

تذكر اعمامه كيف خذلوه ومارضيوا يدوا لابوه فلوس يسافر يتعالج بعد ما لفوا مستشفيات وكل مستشفى كان يشخص فيه مرض فمات بسبب حمى التيفود قالوا انها ماتحتاج سفر صرف كل اللي معه لمستشفيات وعلاجات وفي الاخير ابوه توفى!

حس انه عاجز ومش عارف كيف يفعل مايعرف حد يضمنه كتاجر فكر في سالم لو يتوسط له عند الشيخ..

قرر انه يسافر في نفس اللحظه عشان يلحق يرجع الصبح ويوصل عشان يبدأ العمل..


في نفس الوقت في القريه في المدرسه...

بلقيس: طيب يا استاذه كيف افعل قوا مااشتيش ارجع بيتنا ماعيخلونيش ادرس واحقق حلمي ( حكت لها من قبل)

المديره رحمتها: طيب ولو سرنا المدينه معش اقارب تجلسي عندهم؟

بلقيس: ماشي

المديره جلست تفكر وبعدها: خلاص شاخليش ترجعي مع سواق

بلقيس: تمام سهل

المديره: اهم شي ملفش ورقم الجلوس لاتنسي لو معش اي اوراق ثانيه وبطاقه شخصيه اديها.

بلقيس: مابش

المديره: خلاص سهل عنرجع نطلعها مع ابوش.

بلقيس كانت مش مصدقه نفسها من الفرحة رجعت للبيت وبتدور اجدد بالطو معها عشان تلبسه خرجته من بين القلافد اللي قد جمعتهن وغسلته وعلقته ينشف...

شلت الحجار وجالسه في الباب خارج تلعب بهن وترجم قدامها وتتفرج اللي بيشتغلوا واللي بيجمعين حطب واللي بيعلفين واللي بيرعوا غنم... وجهال بيلعبوا ويضحكوا ... تذكرت طفولتها بالتدريج ولما ماتت امها وتزوج ابوها وكانت تضربها جدتها واخس الأيام..

مسحت دموعها وطرحت راسها بين ارجلها وغطت بيدها ونعست... بنت خالها فتحت الباب وبلقيس رجعت لاورا نكزت جلست تضحك عليها وبلقيس قربت منها بنت خالها خافت تضربها

بلقيس ابتسمت وطرحت يدها ع كتفها: سعليش ماشفعل شي بس شفقد لش.

بنت خالها حضنتها وجلسين يبكي ويتوادعين... كانت اكثر واحده تضحكها واقرب لها رغم انها بعد صداقتها مع كنز ماعد ركنت على حد وجلست متباعده بس حبت بنت خالها بحكم عاشين سوا..


بعد ساعات وصل..

جنب بيت سالم بيدق الباب...
سالم بضبح وخوف لاتكون رجعت فتح الباب شافه وتلفت وراه لو في حد بيشوف: هيا مالك ! ماجابك ماقلت لك لحد يشوفك هنا عيقع لنا يوم جن قدو جن من اوله

أنس: خير مالك ياعم

سالم: ماقلت لك لاتجي ولاتسألني ابدا ع شي

انس: جيتك في موضوع ثاني تطمن

سالم: ماهو الموضوع؟

انس: اشتي تتوسط لي عند الشيخ يضمني اشتغل

سالم بتافف وضبح: ابرد لك من الشيخ ابعد عنه ما اردته

انس: كان كيف اسوي مامعنا الا هو

سالم: سير لابنه معه محلات جمله وياسلام سلم ربي فاتح عليه

انس: مااشتيش اشتغل عنده

سالم: ومن قال تشتغل يضمنك بس


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 54 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سالم: ومن قال تشتغل يضمنك

انس: وهو يقدر؟

سالم بضحكه مسخره: يقدر ! اكثر من ابوه زززلط سير بس وايمن مخلق ومحترم احسن من ابوه

انس: معك العنوان والا اين المحلات حقه.

سالم: راعي ادخل ادي الكرت حقه معه رقم تلفون اتصل له.

انس: تمام يلا خاطرك

سالم: ها راعي احاكيك انت بتدرس جامعة؟

انس: عادني شاسجل كنت هنا بعد ما مات ابي

سالم: وكيف المدينه امنه؟

انس: قوووي أكثر من هنا خبت وظلام هانك حياه وناس وكهرباء وعيشه ياسلام.

سالم: والبنات بيخرجين لحالهن للجامعه والمدرسه

انس: ايوووه ملاااااااان كل الشوارع بيقرين كلهن مش سع هنا

سالم ارتاح شويه: ومحد يحاكيهن

انس: ولا حد والله ان المحترمه تخطى محد يلفت لها لكن اللي حركاتها ولبسها ملفت قوي واها واها الصدق ياعم بنتليقن احنا الاولين

سالم بيكلم نفسه ع ايش يوصيها: تمام.. يله سع ماحاكيتك تواصل معه والله معك.

انس مشي وذكر بنته انها زمان كانت تشتي تدرس جلس يفسر ليش وذلحين تكون قد تزوجت.. نسي الموضوع ومشي فارح انه عيكلم ايمن اسهل له..

مر لاعند امه واخته وجلس معهن شويه..

امه: والله ماتخطى هذا الساع لايقع شي سافر الصبح بكر.

انس: تمام.

@rewayatyamania المصدر الأول للروايات

ثاني يوم الصبح بلقيس متجهزه ولابسه البالطو والمقرمه وملثمه بطريقة اهل القريه لثمه بنفس المقرمه.

المديره: مابش معش برقع يا بلقيس؟

بلقيس: مابش

المديره جلست تجابرها كيف تقنعهم لو حد كلمها بخصوص المنحه.. ومراعيات البيجو تتحمل ركاب عشان يسيرين..

طلع انس قدام جنب واحد وماانتبهين له... وبعد ماوصلوا.

انس نزل الأول بعد ماشاف عنوان كرت ايمن كان من نفس الطريق.

بلقيس ماانتبهت له كانت بتتلفت يمين يسار من الطاقتين ومن قدامها بتتفرج متعجبه ززززحمه وناس وسيارات ودكاكين واسواق..

المديره بتكلمها وهي مش مركزه لما نزلت كانت تشوف كيف كلهن مبرقعات ولابسات وفاتشات كانت تحس شكلها غريب بينهن..

المديره وقفت تكس وطلعت معها للوزاره.. كانت واقفه خلفها ولو حد كلمها تلف وشها وتغطي بطرف المقرمه من الخوف والخزا

المديره شاورتها: ماقلت لش مش علمتش تكوني طبيعيه وماتقالعي حد هنا اساتذه ومش قصدهم يجابروا هم يستفسروا منش ايش درستي وماتشتي تتخصصي واين تشتي تسافري.

بلقيس: ابي قال مااسافر

المديره سكتتها: تمام ذلحين جاوبي

النائب بيسألها: ايش اخترتي من تخصص

بلقيس: انا اشتي اوقع دكتوره يا استاد.

النائب: يعني طب

بلقيس هزت راسها ايوه

النائب: صعب القبول هانك المقدمين خيرات وو

المديره: كيف صعب تقدم والبنت معها حق تاخذ منحه للخارج وحولناها داخليه لرفض ولي امرها السفر

النائب بيده الثنتين زي اللي ماله حيله: انا ادي لكن رأيي عتضيع سنه مراعاه وانتي داريه اللي متقدمين معهم دعم ودلهفه من هنا وهنا.

المديره: مدري والله كيف بناقش معها الموضوع وارجع وعندي لك طلب يا استاذ تستعجلوا لها بالقبول في السكن لان مابش معها حد في المدينه.

النائب: هذا الموضوع على الجامعه انا هنا فقط لتسجيل المستحقين للمنح

المديره تمت المعامله وخرجت للجامعه مع بلقيس وراحت لنائب عميد الجامعه .. بعد نقاش حول السكن ...الخ

رد لها العميد: بالنسبه للسكن الجامعي يتم اختيار التخصص ولايهمش بكتب لو تشتين ورقه من الان تبدا إجراءات السكن الى ان يتم التسجيل

المديره: يكون افضل لانه صعب تسير وتجي في نفس اليوم تعب

النائب: من رأيي الان تسجل اي كلية لان عيتغلق باب التسجيل خلاص بقي يومين بس وبعدين تفعل تحويل للكليه اللي عتقرر الدراسه فيها ونضمن حصولها ع السكن

المديره: احسن فكره خلاص تمام.

بعد ماتعاون الكل عشان بلقيس وقصه جهودها اللي حاولت تبذلها

خرجين.

بلقيس حاسه بعطششش تعبت مشاوير جلست في الدرج

شافها واحد من الموظفين وهو نازل وطرح لها فلوس ومشي

بلقيس لفتت للمديره: مالهم بيوزعوا زلط؟

المديره ضحككككت وسحبتها ومشيت جلست تفهمها كيف تتعامل مع الناس كيف ماترد ع حد يكلمها ولا تجاوب حد ولا تأمن اي غريب تكون حريصه...الخ

وصلين لمحل بالطوهات دخلت واشترت لها برقع وبالطو ومقرمه.. وبعدها محل الأحذية واختارت لها شنطه وحذاء.. بلقيس بتلطم وشها: يو يا استاذه كيف افعل اللي معي ماتكفي هذا كله رديهن والله مااشتي معي

الاستاذه: انا الان اسلفش سلف وبعدا انتي عيوقع لش زلط بدل منحتش للخارج عيسلموا لش راتب تصرفي على نفسش ومصاريف الدراسه والتسجيل... بعد مافهمتها الطريقة..الخ اقتنعت بلقيس انها بتردها لها اول ماتحصل على مستحقاتها.

الاستاذه دخلت معها مطعم وطلبت لها اكل(بروست)

كانت بلقيس تتلذذ للاكل الغريب اللي اول مره تطعمه
بس عجبها قوي ..

كان اليوم واللحظات هذك...




📚 @rewayatyamania  🇾🇪

.

البــارت 55 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


كان اليوم واللحظات هذك اللي شافت فيها حياه غير الحياه الحزينه اللي عاشتها نستها كل اللحظات الصعبه اللي مرت بها.

المديره خرجت تلفون نوكيا قديم وبتتصل: والان شرق جي اشوف السواق وين هو عشان يشلش

بلقيس بتتفرج لها: ماهو هذا

المديره: تلفون محمول

بلقيس: كيف مابش خيط

المديره أشرت لها لحظه وبعد ماكلمت السواق جاوبتها وشرحت لها

@rewayatyamania المصدر الأول للروايات

في مكان ثاني..

أنس: السلام عليكم

ايمن: وعليكم السلام تفضل يا اخي

انس: انا انس ابن سليم تذكرني

ايمن: اللي في قريتنا صح؟

انس: ايوه

ايمن: ماشاءالله ماعد عرفتك قدك طول وعرض.. كيف انت كيف ابوك

انس جلس: الحمدلله.. وابي الله يرحمه مات

ايمن: اوو الله يرحمه والله ماعد لي علم بشي ماعد بين انزل البلاد الا في العيد بس كيف الدنيا واخبارك

انس: الحمدلله جيت لك الصبح في موضوع مهم وقالوا مابحد رجعت لك الآن وماعد بش معي وقت يامنعاه لو عتجهز لي الضمانه.. وشرح له التفاصيل

ايمن: ولايهمك ماشاء الله عليك جالس انت والمثابره ما ساع عمر مكنها تخازين ورقده وخبره.

دخل ايمن المكتب وفتح الدولاب وخرج ورق رسمي خاص بتجارته جلس يناقش انس عاد بيتهم في القريه والا باعوه وارضهم ووو تفاصيل يضمن لو حصل شي كيف ياخذ حقه وبموجب ذلك كتب الضمانه وبصم ووقع

انس تشكر منه وادا له عنوانه ورقم البيت اللي فيه ووعده اول مايشل تلفون يرسل له برقمه.

@rewayatyamania المصدر الأول للروايات

عندها طلعت السياره..

بلقيس وبتسمع اغاني حلوه واصوات ولهجات غريبه مش يمنيه اول مره تسمعها حتى الاغنيه عجبتها لحنها وكلماتها... كانت مبسووووطه والاكياس في يدها

حاول يسأل ويستفسر السواق وين هي وين ساكنه وايش بتدرس جلست ساكته ع ماعلمتها المديره ماتجاوب اي غريب لشي مش مهم.

وصلت القريه
وحست بضيق صدر راح منها كل الفرحه اللي كانت فيها يمكن لانها حست مابش معها حد يفرح لفرحها او بيت ينتظرها ويسأل عليها.. دخلت بيت خالها

مرة خالها: يو من اين جيتي؟

بلقيس: سرت مع المديره سجلت

مرة خالها: وهولا ماهن

بلقيس: اشترت لي لايضحكوا عليا هانك لبسهم ثاني

مرة خالها هزت راسها وبحسد شويه اسكه نبسر: سبحان الله افتتح لش باب واحنا تقفلت علينا عشر ابواب

بلقيس: ياخاله قالوا عيدوا لي زلط حق الدراسه صدقيني والله ماافلتش انتي وبدور لاشتري لكن كل شي حالي واطعمكن منه.

مرة خالها شافت طيبتها رحمتها وسكتت: الله يسخر لش يابلقيس كل قلب ويبعد عنش اولاد الحرام

بلقيس: ذلحين جي معي يا بدور نسير لاعند الهرمه

مرة خالها: ماتفعلين؟

بلقيس: اتصل من عندها لابي يسير الصبح معي المدينه

مرة خالها: سيري يابدور معها

سارين وبعد ماتشرطت عليهن الهرمه يتكلمين بس دقيقتين.

بلقيس ضربت الرقم وهي خايفه وقلبها بيدق لاتجاوب مرة خالها

بدور: مالش؟

بلقيس: مفتجعه

بدور: ياخبلا فجعيها انتي

جلسين يضحكين.

جاوبت خالتها: الوو الو ياي الووو مالك ماتجاوب

بلقيس مسكت الضحكه وبشقاوه قلدت صوت: عووو

خالتها: صرفوا كل شيطان ،قفلت

سالم: مالش؟

مرته: مدري من اتصل بيتخيبل

سالم: سيري افعلي شاهي

التلفون رن مره ثانيه

سالم: الو مامعك يافارغ ماتجاوب

بلقيس ضحكككت وبعدها مسكت نفسها: اباه

سالم: هو انتي

مرته جاوبت من المطبخ تفكر بيكلمها: والله ماهو انا هم اتصلوا مدري من

سالم: ماتشتي؟

بلقيس: قالوا لازم تجي معي غدوه نسجل

سالم: ناهي انا شاطلع المدينه الصبح معي عمل شاخطى لاعندكم..مع السلامه

قفل

مرته: من؟

سالم: مش هو عليش ادي الشاهي ودفي الجهال برد الليلة

@rewayatyamania المصدر الأول للروايات

في المعرض الملابس الرجاليه الراقي ..

أنس بيحاول يقلد البائع الابتسامه وطريقه مسكته للبدلات وعرض البنطلونات وأسلوب الكلام بهدوء وصوت اقل من الطبيعي وبابتسامه.... جالس مركز على كل هذه التفاصيل دخل له زبون...

المشرف على العمل ماسك جهاز الكمبيوتر وبيتفرجه كيف بيتصرف مع اول زبون

الزبون دخل شاف انس راح لاعنده: اشتي شميز ابيض ساده

أنس بذكاء ركز ع حجمه وذكر كلام صاحبه شرح المقاسات خرج من وراه مجموعه شمزان: تلبس لارج يا استاذ

المشتري بيلوي بيتفرج: نعم

أنس خرج وناوله وجلس يلوي معه وينسق له كرفتات ويوريه العروض اللي عليهن خصوم وفتح له غرفة القياس دخل زبون ثاني ورحب به وعينه ع غرفه القياس وع الزبون وراه الاكوات المعروضه وخامتهن.. خرج الزبون الاول اعتذر من الثاني انه ياخذ راحته في اختيار الذوق اللي يناسبه ورجع لاعند الاول تم معه التنسيق والكرفته في دقايق ورجع للثاني كان اختار كوت وبيدور ويتفرج رجع سأله ايش يشتي وبيعرض له

المشرف شاف لباقته...

https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 56 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


المشرف شاف لباقته وخفته وسهوله تعامله بذوق مع الزباين ارتاح له مبدئيا وبيفكر انه بيوقع معه العقد...

وبعد اول يوم روح وهو تاعب دخل توضا وصلى وخرج يلوي مع واحد من اصحابه اللي في الشقه ويتعشوا
.
.


ثاني يوم الصباح...

ابوها مر لها وشافها لابسه لبس جديد النقاب طريقته غير وبالطو جديد استغرب ولا سألها شي لانه مايعرف عنها شي..

في طريقهم ولا سألها شي داخله احساس غريب زي اللي ماعد يشتي يحسسها باهتمامه ويدي لها وش وزي اللي منحرج منها انه فلتها.. شعور متناقض بس لانه اقتنع بكلامهن انها نحس والمشاكل بسببها فصدقهن.

ابوها شافها جالسه تنزل البرقع ويرجع لاعينها وتمسح الدموع وترجع تسحبه لاتحت شويه.. أخرتها نزلت تحت الكرسي تجلس

ابوها تفاجأ: مالش

بلقيس: ضبح بي هذا قلعت البرقع وردت الطرحه وتلثمت بها زي ماكانت تفعل ورجعت الكرسي تجلس وخبت البرقع في شنطتها.

ابوها: ماعتسجلي ذلحين !

بلقيس: طب بس قالوا صعب القبول والتسجيل اسجل اي كليه واحول للطب

ابوها بفرحه: يعني عتوقعي دكتوره

بلقيس فرحت ابتسمت: ايوه

ابوها: انا منش صدق قالوا لش تمام؟

بلقيس: ايوه والله ، انت داري ان انا جيت السابعه من الاوائل على اليمن كلها في الثانويه والاولى على مدرستنا

ابوها انبسط بها: اهاااا على هكذا انا مووووافق قوي والان نوصل نسجلش

بلقيس فرحت.. واول ماوصلوا كانت المديره منتظرتهم ودخلوا مع بعض تم التوقيع ع اوراقها فقط انها مقبوله في كليه الطب مع صرف مستحقات ماليه وسكن جامعي..

المديره: الان ماعنلحق نسجلش بكليه الساعه 1 يكونوا بيتغدوا انتي الان نوصلش للسكن حقش ونرتب لش كل شي وانتي تخطي مع واحده من البنات تسجلي في كليه وعيساعدنش

بلقيس: تمام

المديره: بس السكن حقش عيكون في الجامعه هذه مش حق الطب بس سهل قريب عتخطي مع زميلاتش بباص واحد او تمشي رجل

بلقيس من كثر حماسها كان كل شي عندها تمام سهل اهم شي لاتبين لابوها انها ماتعرف شي..


بعد ساعات تم تسجيلها ودخلت السكن ابوها ادالها فلوس واشترى لها حسب كلام المديره انها تحتاج لادواتها مثل بطانيه وملايه وفرش وتلفون صغير للضروره لو احتاجت تستفسر شي من المديره..

@rewayatyamania المصدر الأول للروايات

بعد ماوصلت دخلت غرفه كانت اول واحده تسكن في الغرفه هذه اختارت سرير وطرحت الفرش فوقه وملايه والبطانيه ورتبت ملابسها في الدولاب شافت الطاقه ملان تراب مسحتها وجلست شحنت التلفون مثل ماقالوا لها وعلموها كيف تفعل.. جلست تلعب بالنغمات ومعها اسم ابوها والمديره ولقيت الالعاب جلست تلعب لعبه الحنش وتضحك ع حركه الحنش ولما يصدم ويموت تجلس تلعنه وتعيدها .. سمعت الاذان قامت خرجت تدور الحمام تتوضا للصلاة.. لقيت بنت خارجه من الحمام سألتها وقالت لها.. سألين بعض اين غرفهن.. جلست بلقيس تتفرج لها ممشطه شعرها

وبلقيس لابسه الزنه حقها الطويله والطرحه شافت نفسها وشافت البنت حست ان لبسها غريب ومختلف عن البنت وليش البنت بشعرها مش عيب ! ) عندهم في القريه البنت العازبه تجلس بالمقرمه حتى بين النسوان)


على رجعته جلس يفكر بنته دكتوره يافرحته وبيسأل نفسه يقل لمرته وامه؟؟ يمكن يرحمنها ويفرحين انها دكتوره ويوافقين ترجع عنده .

وصل ولقي الشيخ مراعي له بمهام وبيصيح فين كان

سالم بيتفاخر: سرت اسجل بنتي في الجامعه عتدرس طب وتوقع دكتوره

الشيخ: من اي حين عندنا جامعات؟

سالم: في المدينه

الشيخ: واي حين استشرتني انك تنقل المدينه؟؟

سالم: انا هنا شجلس مابلا البنت بس عتجلس في سكن الجامعه

الشيخ  باستهزاء وصوت مرتفع: كيف !؟؟؟ بنتك تجلس وحدها في المدينه، من اي حين قد وقعت مكلف تجلس لحالها؟ وفي المدينه؟؟ بضحكه سخريه، شكلك بتخرف

سالم بيحاول يبرر الشي النكير على المجتمع والقريه: هو سكن طالبات بس كلهن بنات عتعيش معهن

الشيخ باستهزاء: عجيب استلم الان اهل القريه مايقلوا عليك.

سالم: محد داري بشي هي ماكانت عايشه معي عند خالها

الشيخ: المهم ذلحين اقطبنا اين الكشوفات حق اهل القريه واشتي واحد يرش القات سم لايخرب علينا

سالم: بس ياشيخ قالوا ان البودر يسمم اوقات وانه يسبب سرطان فقال لنا لانزيده

الشيخ: هم اخبر بصحتهم احنا ماعلينا الا نزرع سوا ونبيع ونشل زلط مادخلني من صحتهم

سالم: تمام بعدك انا اتصل له

الشيخ: وعلم عمر العمل كله خليه معك واصل

سالم: تمام رسله لاعندي اوريه كيف بنحسب ونقسم.
.
.

أنس نكز من النوم شاف الساعه 3 العصر ضبح وتأفف اتاخر في النوم بسبب السهر مع صاحبه مالحق التسجيل وماعد بش وقت يلا يلحق يصلي الظهر فاتته والعصر ويسير العمل حقه... وقت المغرب





📚 @rewayatyamania  🇾🇪

.

البــارت 57 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


بيت الشيخ جالسات يتجابرين الطباين

الشيخ بيكلم سالم في التلفون ويصيح فوقه: السبب انت تأخرت فلت العمل هنا وساير تسجل بنتك في المدينه لحالها قلك دكتوره وفارح ناهي لك بكره اعرف العمل يتم من راسك وتطلع المدينه تتم العمل اللي رسلته لك ومانجزته..
قفل

وهن بيتشاورين بنت سالم ! لحالها في المدينه؟؟ دكتوره؟؟؟! كيف هذا وفين عتجلس مع من ..

مرته الثانيه: يمكن تزوجت ساع بنتش للمدينه

الزوجه الاولى: هيا كان نفسش فيها لعمر طارت عليش

الزوجه الثانيه: شاخلي ابو ايمن يتأكد منهم زوجها او مع

الزوجه الثالثه بضحكه مسخره: دكتوره وهي مادرست مدرسه يبسر كذبه وزنط غير هذه بنتي اللي اشطر واحده وكانت الوحيده المتعلمه مادرست طب ياسعم انه سهل.

@rewayatyamania المصدر الأول للروايات

في المدينه في السكن..

بلقيس من الضبح والارهاق قامت بدري نعست ونكزت مغرب كان شم طبخ خرجت تتوضا للصلاه وبتسمع ضحك البنات مشيت بعد الصوت شافت اخر الممر مطبخهن المشترك بدت راسها وبيتجابرين ويفعلين اكل

لمحتها واحده وشافت اختفت خافت مشين للباب وشافين واقفه جنب الباب ملثمه ومنزله اللثمه ولابسه زنه

صاحت البنت: يمااه نكزتيني من انتي

بلقيس: سعليش هو انا

البنت بتشوف لبسها ومستنكره: من انتي؟

بلقيس: انا طالبه عادهم عيسجلوني

البنت: من هم؟

بلقيس: الجامعه

البنت عقدت حواجبها يلا تفهمها لهجتها مختلفه وكلامها غريب: كيف الجامعه ؟؟

بلقيس: مدري قالوا هكذا وضحكت خزا

البنت ضحكت من حركاتها وخزاها: من وين جيتي

بلقيس: من القريه

البنت مستغربه دخلتها للمطبخ: معاكن ضيفه جديدة

واحده منهن: والله مااقبل قدحنا 3 في الغرفه

بلقيس: انا معي غرفه فاضيه جين

ضحكين: لاتفرحي عيجين ماقد بدأت الدراسه سوا

بلقيس: يابنات بكره من عتسير الجامعه منكن

واحده منهن: انا ليش

بلقيس: اشتي توريني من وين اسجل وكيف

البنت: تمام .. بس ليش لابسه هكذا مابش حد هنا الا احنا بنات بس خذي راحتش

بلقيس: انا مرتاحه

البنات كتمين ضحكهن وجلسين يتفرجين لبعض

بلقيس حست بغرابه مشيت

البنت: تعشي معنا

بلقيس: تمام اصلي واجي.

البنت ضحكت: تمام من اولها ولا انحرجت

البنت الثانيه: حرام عليكن والله انها ترحم البنت شكلها ماتعرف شي

تمت تصلي وجت تعشت معهن وبتسألهن كيف بيفعلين ويطبخين ويسيرين ويجين شرحين لها كل شي متعلق بالمكان والنظام والقوانين

@rewayatyamania المصدر الأول للروايات

ثاني يوم الصبح في القريه..

الزوجه الرابعه خرجت تزور واحده والده ولقيت مرة سالم ع طريقها بتسايب ماء: يو صدق اشتي اسألش بنت زوجش دكتوره ؟؟

مرة سالم ضحكت: ماهوو ؟؟ من بيخرف لكن وتصدقين

مرة الشيخ مسكت خصرها وبدلع: يووو زوجش المخرف سمعت زوجي بيكلمه امس وسألته وقال لي هو.

مرة سالم: ماقال؟

مرة الشيخ: ان بنته في المدينه بتدرس لحالها عتقع دكتوره

مرة سالم ذكرت كلامه ان كان معه امس عمل في المدينه يعني يمكن صدق؟

مرت الشيخ مسكت يدها وبضحك: شكلش مش داريه بشي هيا اوبهي لايكون متزوج عليش في المدينه واحده ثانيه كوده سارحي راجعي من هانك

خاطرش

مرة سالم جننت رجعت بالدبيب الفاضيه وبتهرم عمتها وتلعنه وتدعي عليه: ابنش تزوج عليا الله ينتقمه.

ام سالم: قطعوا لسانش حين تدعي عليه هكذا يامجنونه مالش من قال لش

مرة سالم: مرة الشيخ هي اخبر كوده سايري وراجعي معه علمه عليا.

عمتها: هذا عندنا واصل عيزكيش عقلش اعقلي يامجنونه

مرة سالم: وبنته زفرها تعيش لحالها في المدينه عتفضحوا بنا وتسمعوا بنا القريه هي وياه..
.
.

في المدينه..

قامت لبست ومراعيه للبنت اللي في السكن

البنت خرجت لابسه ومطقمه الشنطه والجزمه والساعه

بلقيس مطننه تشوفها

البنت شافت لثمتها ضحكككت: بلقيس منش صدق عتسيري هكذا؟؟؟

بلقيس: مافيها؟

البنت: معش برقع ساع اللي فوقي؟

بلقيس: ايوه بس بيدمع بعيني

البنت ضحكت: رخيه لاتحزقي

بلقيس: مادراني كيف افعل به ابردي هذا احسن

البنت: عيضحكوا عليش

بلقيس: صدق خلاص اسكه لبسيني انتي

البنت لبستها وورتها كيف تربطه

بلقيس: ايوه هكذا حالي مابيدغوز عيوني

البنت ضحكت من كلامها خرجت لها مرايه: هيا ابسري نفسش في المرايه اين احسن

بلقيس: يو والله ان البرقع جميل خلاني اقع قمريه ساعكن

البنت ضحكت وتحيلت لها ولعفويتها: انتي حاليه قوي ماشاء الله شوفي عيونش كيف عسلي


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البــارت 58 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


البنت ضحكت وتحيلت لها ولعفويتها: انتي حاليه قوي ماشاء الله شوفي عيونش كيف هن عسلي.. عتجنني الشباب

بلقيس: كيف اجننهم

البنت تعبت معها: ولاشي ابردي بس هيا امشي معي
.
.

في غرفته..
أنس قام حلق وبلل شعره فعل الجل وتمشط ولبس الشميز الجديد والبنطلون اللي شله بالتقسيط وخصم من راتبه من المعرض اللي بيشتغل فيه تعطر وخرج

صاحبه: عتجي معي مضرابه العيال تضاربوا؟

انس: والله ما اقدر اسبق شوفهم انت اليوم آخر موعد لي ماعد شالحق

صاحبه: تمام

انس: المهم لو في شي مهم اتصل بي اتم والحقكم

صاحبه: خلاص انت سير لحق

أنس: طيب عاد انا اشتي اصور هولا واسير خاطرك ودعواتك

صاحبه: الله معك.

انس خرج وهو متفائل وحاسس بايجابيه ويوم جديد اليوم اللي انتظره

@rewayatyamania المصدر الأول للروايات

في البيت..

ايمن رجع البيت: يااي سميه.. وين انتي

سميه لابسه المقرمه وماسكه وجهها فجيعه

ايمن دخل للغرفه مستعجل شافها: اين عتسيري وليش مابتجاوبي؟

سميه: ولابقعه هنا

ايمن عقد حواجبه: ومالش لابسه هذا؟؟

سميه ارتبشت من الخوف: ولاشي

ابنها بيبكي حضنته واهتزرت المقرمه

ايمن شافها وابتسم: اي حين لونتي شعرش؟؟

سميه قد عيونها ملان دموع: الصبح والله انها هي جارتنا لعبت لي بلونه ماهو انا

ايمن قرب لاعندها: حالي قوي ماله ؟

سميه: عجبك؟؟ انا قلت عتصيح فوقي وقع شوعه.

ايمن: وقعتي ساع اللي يجين في التلفزيون

سميه فرحت فتحت شعرها: امانه عجبك يو قد كنت مفجوعه.

ايمن: حالي قوي ، تجهزي قد امي فاقده للجهال انزلش معي اتم عملي مع ابي ونرجع

سميه: ذلحين؟

ايمن: ايوه
.
.

وصلين للجامعه

بلقيس: اين شهايدش كيف عتسجلي؟

البنت: انا قدني سنه ثانيه بس اعلمش من وين لان عاد انتي عتطوبري

وصلين عند شؤون الطلاب وفي صف طويل عريض للشباب ع جنب والبنات ع جنب قالت لها فين توقف وايش تدي له وكم المبلغ حق البطاقه ومشيت البنت مع صاحباتها..

بلقيس كانت واقفه تشوف اللي جنبها الشباب يتفرجوها ويبتسموا وتقلب عيونها وتلعنهم داخل نفسها وخايفه اول مره تدخل مكان مزدحم هكذا وتتفرج للبس البنات مختلفات عنها بكثير والفاتشات والمبرقعات ولا واحده ملثمه بلثمتها اللي كانت بتروح بها وفرحت ان صاحبتها علمتها كيف تتبرقع..

كانت اخر الصف وفي واحد شكله مألوف ماعرفت كيف ووين شافته.. وصلت لاعند النافذه حق شؤون الطلاب وبتناوله الاوراق هي والولد نفس اللحظه..

شؤون الطلاب: ماعدفي الا مقعد واحد مسموح خلاص والباقي نحولهم لمنطقه ثانيه جامعه قريبه من المدينه تتبع المحافظه.. شافوا بعض الاثنين وماسكين اوراقهم من اللي بيسجل ؟؟!!

بلقيس شافته وماعرفته بعد ماشب وكبر

الموظف: شاف اوراقهم الاثنين
بنقلكم واحد

انس: مافيها ياخي اقبل الورقتين قد احنا اخر شي

الموظف: مابلا واحد والثاني يتسجل في جامعه تابعه لنا

بلقيس: وانا كيف افعل؟ مااعرفش الا هذه المدينه

انس: كلنا مانعرفش الا هذه

الموظف: طيب لحظه اسأل وارجع لكم.

بلقيس جالسه خايفه وبدأت تدمع خافت لاتنرفض وترجع القريه

أنس لمحها بتبكي: طيب يااختي ماتقدري انتي تسجلي في الجامعه اللي قال عليها

بلقيس: مع مااقدرش يله جيت هنا وعاد انا مااعرفها سوا

انس حس لهجتها قريبه من لهجته: طيب وانا معي عمل هنا مش داري كيف افعل

بلقيس سكتت شويه ورجعت تبكي تخيلت انه خلاص بحكم انه الرجال بيكون اقوى منها ويشل المقعد له وهي ترجع ولو رجعت ابوها يمكن يزوجها والا مايقبلها وفين تسير.. بدأت تبكي اكثر

انس شافها خرج فاين وناولها: خلاص لاتبكي
بضبح سار لاعند الموظف: طيب وهانك لازم حضور؟؟

الموظف: مدري والله بس اهم شي تحضر الاختبارات

انس شافها ما هان عليه يسجل هو وتتبهذل البنت: طيب خلاص سجلها هنا وانا هانك وامري لله

بلقيس فرحت ومسحت دموعها: شكرا لك الف شكر

انس شاف رموشها مبله بالدموع وعيونها رغم جمالها فيها حزن وذبول: لكن بشرط

بلقيس: ماقصدك؟

انس: اقبل تتسجلي مكاني بس بشرط

بلقيس بترجف يدها وهي بتكلمه من الخوف: ماهو؟

انس كان ملاحظ ربشتها وتكلمه وهي بتشوف للارض ويدها بترجف الورقه: الدروس اللي تكتبيها تسلفيني

بلقيس: تمام موافقه اهم شي لو سمحت خليني اسجل

انس: خلاص كلمته

تمت التسجيل والبطايق يرجعوا لها يوم ثاني..

انس مشي زعلان شويه انه مالحق

بلقيس كانت فارحه وتدعي للشخص اللي ادالها فرصه.
.
.

بيت ايمن..

سميه: قوا يا ايمن اسير العرس وتنتبه للجهال وارجع قبل المغرب جي لي ونسافر

ايمن: عرس من

سميه: نسيت؟ اخت زوج كنز

ايمن: هاا هو اليوم؟ قد تراشتني تجي حين مابحد هنا الا انتي

سميه: ايوه قوا نفسي اسير عرسهم ضخم قوي

ايمن: ...




📚 @rewayatyamania  🇾🇪

.

البــارت 59 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


سميه: ايوه قوا نفسي اسير عرسهم ضخم قوي

ايمن: يله سريع قربي الغداء وجهزي نفسش والجهال اوصلش ارجع اخزن شويه واجي عليش

سميه بفرحه: تمام..قامت تجهزت وقربت الغداء..
.
.

وصلت السكن بعد ماتاهات شويه وجلست تسأل...

البنات وصلين قبلها وجالسات يصلحين شعرهن.

بلقيس مستغربه وتتفرجهن: مالكن بتتكوفرين؟

واحده ردت باحتقار: وانتي مادخلش! او عنجلس مثلش مربطات

صاحبتها شافتهن وبهررت: ها مافعلتي اليوم؟

بلقيس: سجلت

صاحبتها: مبروك

بلقيس: تسلمي

صاحبتها: مارأيش تجي العرس معنا؟

بلقيس تفتكر في السكن نفسه: تمام

صاحبتها: هيا تجهزي وصلحي شعرش

بلقيس: شلبس الطرحه وبس مابش داعي

البنات ضحكين عليها وبيهزأين صاحبتهن: اجلسي معها انتي لو تجي بالطرحه والله مانجلس معها احنا

بلقيس شافتهن وزعلت راحت غرفتها تبكي

صاحبتها شافتهن بضبح ولحقتها: لاتزعليش تعودي هنا هكذا يمزحين مع بعض

بلقيس: عيب يتضحكين عليا انا مش مثلهن

صاحبتها: خلاص ولاتزعلي والمقرمه في البلاد هنا كلنا بنات افتحي شعرش شفتي كيف وقعتي قمر بالبرقع

بلقيس: يو خزا مع مااقدرش مش انا الفه (متعودة)

صاحبتها: عتتعودي هيا وريني شعرش اقلش كيف تفعلي به

بلقيس فتحت شعرها

صاحبتها: ماشاء الله ناعمممم مايحتاج لش شي مثلهن ادخلي تغسلي ومشطيه ينشف معش فستان؟

بلقيس هزت راسها لا

صاحبتها: سهل انا معي ومقاسنا سوا انتي اطول مني بشويه بس هو طويل عليا جي لغرفتي اوريش.

بلقيس فرحت: صدق؟

صاحبتها: ايوه

بلقيس حضنتها: انتي طيبه قوووي بس لاترجعي تكرهيني وتقاطعيني

صاحبتها استغربت: ان شاءالله مايقع شي انتي طيبه وماشاتغير الا لو زعلتيني

بلقيس: والله ماازعل حد ولايعجبني ابسر حد زاعل مني بس كانت معي صاحبه قاطعتني فجأة ماعد يعجبني اصاحب حد

صاحبتها ابتسمت: خلاص جي اوريش الفستان لو يعجبش

بلقيس مشيت معها..

@rewayatyamania المصدر الأول للروايات

انس جالس يفكر في المطعم اللي فعله صح او غلط نادم شويه انه رضي بس رحمها بتبكي وانها غريبه ع المكان وبنت ...طيب وهو كيف يفعل !

اتصل يسأل واحد من اصحابه بيشتغل في الجامعه متخرج بس مبقي ماده يمكن يفيده ويتوسط له..

بعد ماقفل ووعده انه يشوف الموضوع ويرد له خبر... انس تم يتغدى حاسب وخرج يتمشى شاف الساعه مايلحق يوصل يرتاح ويرجع الشغل دخل يصلي في الجامع وراح المعرض..
.
.

في السكن..

بلقيس متفاجئه بشكلها واحده ثانيه تماما جلست تتفرج نفسها وتضحك وتتأمل مره ثانيه الفستان فوقها وتمسك يدها تغطيهن: معي فنيليه على لونه

صاحبتها: مابش برد في القاعه حمى مع الزحمه ماتحتاجي

بلقيس: يو خزااا اسير هكذا مخلعه

صاحبتها ضحكت: سهل يابلقيس عتتعودي هنا غير عندكم عتوقعي غريبه بينهن بالفنيليه
جي افعلش شويه مكياج

بلقيس: يو مع مع مااشتيش عيب قد بين احس زيدت قووووي

صاحبتها: على راحتش وانا مابين تفعل الا خفيف حين انا عزبه

بلقيس: احنا جتى المزوجه عيب تخرج هكذا نجلس مبرقعات

صاحبتها تعجبت: صدددق؟

بلقيس: والله

صاحبتها: طيب صبغي يدش

بلقيس: مااشتيش اتخضب امد الصلاه

صاحبتها تأثرت بالتزامها وذكرت انها ماصلت: ذكرتيني اصلي

بلقيس جاوعه كانت ومنحرجه تسألهن: تمام





📚 @rewayatyamania  🇾🇪

.

البــارت 60 ○


الثــروة الـمنسيـة 🍀

👌🏻👇🏻 😍
📚 @rewayatyamania  🇾🇪


في القريه..
سالم رجع تاعب بعد الطريق والعمل وبهذلة الشيخ له كان معصب جلس

امه: صدق بدعت بنا انت وبنتك

سالم: اي حين

مرته: قد القريه كلهم بيتحاكوا عليك

سالم: على ايش؟

امه: خليت البنت تطلع لوحدها جننت ولاعد بتحس بشي ! افتهنت ذلحين

سالم: هيا كيف الخبر انتين قلتين ماتجلس عندكن

مرته: زوجهااا مش ترسل بنت تعيش لوحدها في المدينه لو حد يزيد عليها والا تضيع والله مايرجعوا بعدا الا يبدعوا بك في القريه

امه: لو ماتردها لا انت ابني ولا اعرفك

سالم: تمام ناهي

@rewayatyamania المصدر الأول للروايات

وصلين العرس..
بلقيس خايفه وبتتفرج النسوان لبسهن ومصلحات ممكيجات وقاعه انيقه مفرشه مش مثل الخيم حقهم وملبسات .. اللبس قدامها انواع واشكال وموديلات حست نفسها لاول مره مش غريبه ولبسها مناسب المكان.

صاحباتها ناولينها الكيس ها دخلي البالطوهات حقنا فيه وامسكيه امد مانتصلح

بلقيس ع نيتها: تمام جلست متحمله لهن وواقفه يتمين

فلتنها ومشين..

صاحبتها مشيت معها ودخلين جلسين يسلمين ع صاحبتهن اللي عزمتهن من الجامعه..

بلقيس خرجت شنطتها عشان يكفي الكيس ولبستها ولان لونها مش مناسب ومتناسق جلسين يضحكين عليها ومتباعدات من جنبها راحين رقصين وبيتجابرين وهي جالسه لحالها بتتفرج.

مشيت واحده من جنبها بتوزع شاهي ومن كثر ماكانت جاوعه ماانتبهت للي بتقرب شلت القلص.

تكلمت بصوتها: سبحان الله كيف فيش شبه من واحده اعرفها

بلقيس كانت بتنفخ الشاهي حامي لفتت لافوق
بعينها شافتها: كنززز ؟؟

كنز: يعني انتي بلقيس؟

بلقيس ابتسمت لها وبتتأمل لبسها متغيرررره كثير لابسه ذهب وفستان انيق وحامل: قدش واحمه؟

كنز: قدو الثالث

بلقيس: ماشاءالله ماتغيرتي

كنز: وانتي كم قد معش؟

بلقيس: ماتزوجت

كنز  وضعت المدكا وجلست مقابل لها: اي حين جيتوا المدينه

بلقيس: هو انا جيت بس امد القرايه

كنز بهررت: انتي؟ مع من

بلقيس خافت من ردة فعلها: لوحدي

كنز لطمت وشها: يو والفعله منش صدق؟

بلقيس: جيت امد ادرس طب

كنز حست بحقد قووي وكتمت في نفسها بتسمعها بعد ماتزوجت زوجها خلاها بالعافيه تكمل الثانويه ورفض تدرس جامعه: انتي عتدرسي طب ماتقدريش قالوا صعب قوي وعترسبي

بلقيس: هوذا قالوا اللي يجي من الاوائل يدرس طب يقدر

كنز صاحت: كيف جيتي اوائل ومادرستيش

بلقيس: الا درست

كنز: يهي يهي وانا اقول مالش دعممتي ولا عد كنتي تجي تزوريني

بلقيس: هو انتي اللي زنطتي عليا بعد ماانخطبتي

كنز شافت من بيدعيها سميه قامت سلمت عليها وادتها لاعند بلقيس وبتشاورها ع بلقيس

سميه كانت مستنكره وتقلها كيف خلوها تجي لوحدها؟

صاحبه كنز جت جلست معها: سامحيني فلتش سرت ابسر خبيراتي يله شويه ونروح لانه ممنوع نتأخر ع المغرب

بلقيس خافت: خلاص هيا نروح ذلحين

صاحبتها: سهل نص ساعه ونمشي

سميه جت سلمت ع بلقيس وبتتفرجها: كم قدلش هنا؟

بلقيس: اربع ايام

كنز ضحكت: اربع ايام وقد اتطورتي هكذا ماشاء الله مسرع اندمجتي معهم وفتحتي شعرش؟

بلقيس انحرجت: هي صاحبتي قالت عندكم هكذا

صاحبتها شافتها وشافتهن بيتغامزين ويتشاورين عليها: تعرفيهن؟؟

سميه شافت لكنز بنظره: ايوه عادي مابش فيها شي

كنز: ومش ناويه تتزوجي

بلقيس انحرجت ونزلت راسها: الله اعلم

صاحبتها شافت كيف هن بيتمسخرين بها: هذا وانتي تعرفيهن ؟؟ بضبح قلبت فوق بلقيس
هيا قومي البسي الان عنمشي شرق مايدخلوناش السكن

كنز: وسكن !!

سميه ابتسمت لها: الله يوفقش يابلقيس وتحققي اللي كان نفسنا فيه

كنز: والله ماتحقق شي ان اخرتها زواجه ماعتوقعش اعظم مني في حبي للدراسه وها اين اخرتي بزا وحام وزواجه

البنات صاحين لها وبقلبه: هيا ادي الكيس

بلقيس شلت الكيس وودعتهن وعادها بتمشي وبتحاسب ع الطريق من جنب المداكي والمدايع ومستحيه من النسوان اللي يشوفنها ويبتسمين لها مجامله وهي بتمشي.. سمعتهن وراها بيتكلمين

كنز بتقل لسميه: ها كيف بيقلبين فوقها حتى هنا وقعت شغاله لصاحباتها

بلقيس لفتت لها شافتها اقتهرت ومشيت لاعندهن جلسين يهزأنها

صاحبتها بتشوفها بنظرات ضببببح

بلقيس اكتسفت قوووي وحست بغصه ليش الكل قلب فجأة عليها... لبسين ومشين

واحده من البنات: يله افرقين كلكن حق التكس

بلقيس لصاحبتها: كم ادي؟

صاحبتها: لاتديش انتي انا بحاسب وانتي في السكن حاسبيني

بلقيس خرجت من شنطتها فلوس: لا سهل عيب انتين خواتي وناولت اللي جالسه قدام

البنت ضحكت: خلاص يابنات والله ماتدين فلس التوصيله اليوم ع بلقيس شكل البنت مزلطه اليوم العشاء عليش كمان

بلقيس فتحت تشوف كم باقي معها: تمام

صاحبتها دكمتها وبهررت لها..

لما وصلين السكن

البنات: هيا دورش ادخلي اليوم افعلي لنا عشاء

بلقيس: ...


https://tttttt.me/rewayatyamania/51250



📚 @rewayatyamania  🇾🇪

☘

بارتـات يومنـا السـبت 👆🏻😍