.

البـارت 26 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


الجد وقد الضغط مرتفع به قال بصياح: انت اسكت سكت دهر ونطق كفر والله ما يمشي الا قولي والجني امير من وين يعرفها وانتم ولا عد احد أستحي منكم كل واحد يرفع صوته من حال ووا دوخ

ليث: جد جد

ايان: انا بتصل للدكتور يجي

ابو امير يرش الماء على ابوه

ابو وليد: عيال الكلب رفعوا لـ أبي الضغط
.
.

قبل المغرب بخمس دقائق
ايان خرج للحوش وعمل رساله SMS لـ جودي (انزلي الان للحوش وشلي الذي وراء الشجره بسرعه))

جودي شافت الرساله وخافت وكتبت له (ماشي مش عنزل وبعدا لاتكون تفعل رسائل نصيه لامن يرجع يشوفها)

ايان كتب لها (انزلي بسرعه وشلي الذي قلت لش عليه لأنه مكتوب اسمك مالي دخل ) ودخل التلفون جيبه وضحك

جودي يوووووو منك اياان ولبست الطرحه (حجاب) ونزلت


ساره بالمطبخ هي ويارا

ساره: يووووووه والطفش اليوم وقسم خاوره اخرج

يارا بمزح ودراما: والله لو انا مزوجه مااقر ببيت اتحمدي الله انش مزوجه ودقي على ليث يخرج..

ساره: هههههههههه مالت عليش

((كلام يارا سمعه نادر لانه كان جايي للمطبخ ))



عند جودي نزلت للحوش وراحت لـ وراء الشجره بسرعه وشافت قرطاس توكس شلته بسرعه وطلعت للغرفه وخبئته وسط الشنطه حقها ..
.
.

امير ووليد جالسين يتمشوا وكل واحد سارح في عالمه.

الساعه 9 الليل ساره نازل عند الجده

يارا بملعنه وهي لتشوف تلفون ساره ليشحن قاله بحماس: بناااااااات بناااااااات

ملاك: خير ايش

يارا: اتجمعين اتجمعين

واتجمعين وجلسين بالأرض

ندى: ايش باتعملي بتلفون ساره

يارا بحماس: اوووص اوووص مارأيكن نعمل لها مقلب

جودي: هههههه يب يب انا موافقة

ملاك: حرام عليكن

ندى تخبط ملاك: مالت عليش قالت حرام خلينا نضحك شويه وتشوف لـ عند يارا ايش المقلب

يارا قالت لهن وضحكين بملعنه هههههههههههه..

@rewayatyamania المصدر الأول للروايات

.🍂🍂🍂
‏فك اللثام خلنا نبسر
عنشوف ونقول ماشاء الله
كل البشر غرهم حسنك
ايش الذي قد عجبهم فيك
كلامهم كلهم عنك
وكل من جا تغزل فيك
قالو لي انك عسل شافي
ضو النجوم لابديت يضعف
قالو لي انك قمر وافي
وان القمر شاهدك وخسف
وان انت نهر الحلا الصافي
بحر الجمال يوم شافك جف

‎🍂🍂🍂

عند الشباب متجمعين سوا بالمجلس
الا ويسمعوا صوت ليث يقول لـ عمه أبو امير: ياعم تسمح لي اشل ساره ونخرج نتعشى سواء

ايان: لا والف لا مش مسموح

ليث شاف له وقلب عيونه

الجد: وانت اتزوج وهجعنا

ليث بضبح: ذلحين ايش قلت ياعم أشلها او لا

ابو امير: عادي ياابني الله يحفظك قاهي زوجتك
.
.

عند ساره جالسه عند النسوان وجدتها الا وتسمع صوت ليث يقول: امااااه ياااماااه

الجد فخريه ردت قبل ماترد ام ليث: ادخل ياابني ادخل مابش أحد إلا عماتك وساره

ليث دخل: مساء الخير كيف انتم

الجد فخريه بعتاب: احنا بخير وموجودين وينك انت ولا عاد شفناك

ليث: والله اني آسف يمه بس استحي ادخل على شان البنات وشاف لعند ساره وقال هياا اتجهزي

ساره وهي رافعة حاجبها: وين ؟!

ليث بينه وبين نفسه يووووه على ممثله شاطره وقال: هيا جي نخرج نتعشى خارج قد استأذنت من ابوش وقال اشلش

العمه سعاد: اهي اهي حركاتكم هههههههه

ام امير: يوووه ساره قومي اتجهزي بسرعه

ساره ضبحت وخرجت تتجهز...
.
.

فوق السيارة..
ساره: يوووف منك من قال لك اني اشتي أخرج معك
وايش ذي الحركات السخيفه حقك وجلست تهدر وتهدر

ليث: ساااااااااره عتسكتي أو كيف

ساره: تيب خوفتني

ليث بهدوء: كيف بتقولي ليش خرجتني وانتي اللي عملتي لي رساله

ساره بشهقه 'هئئىىىىىىى: متى والله ماعملت لك شي

ليث: فتح تلفونه ورواها الرساله وكانت (ليث لو سمحت يا احلى واضخم زوج بالعالم انا طافشه اشتي أخرج خلنا نخرج نتعشى خارج 🌹)

ساره: وقسسم بالله ورب محمد ورب العرش الكريم وو

ليث قاطعها: يووو يووو خلاص يابنت ماحد طلب منك تحلفي لاني قد عرفت أنه مش انتي

ساره: طيب وليش قلت لي هيا نخرج

ليث بضحكه بانت حقه الغمازه: لاني طافش واشتي أخرج ولو اقول اشتي أخرج جدش مش عيخليني

ساره: ههههههههههههههه

ليث: هيااا جعل عيد اللي قد ضحكتي


‏ما بَعد عيُونه غزل ولا بَعد ضحكته حُب.💙🍂


اليوم الثاني🍂

امير قد راسل قمر وطمنها انه عيجي يخطبها لو كان ما كان


قبل الظهر..
ابو وليد جمع الكل وقال: ...




📚 @rewayatyamania  🇾🇪

.

البـارت 27 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


قبل الظهر..

ابو وليد جمع الكل وقال: اسمع يابه انا في الصباح قد رحت انا ووليد لاعند ابو قمر وقلت له مابش نصيب ابني مايشتيها

الجد قال وقد هو ضابح قوي ان ابو وليد كسر كلمه: ياعاصي والديك تسمع خبر المجهاله ذي أمس وليد قال اخطبوا لي واليوم مع يشتيها يازعم الدنيا فوضى

ابو ليث وهو قده ضابح من تسلط ابوهم عليهم: يابااه وهو هذا الصح وعين العقل اصلا فكروا بها كيف وليد عيتزوج اللي يحبها امير ايش هذا الجنان وخرج

سعاد بزعل من اخواتها: خلاص تمام اهدوا وصلوا على النبي ومايقع الا خير إن شاءالله

الجد: من وين عيجي الخير وعيالي مثل الجن

امير قال: اسمعوا يابااه انت وجدي واعمامي الذي عيجي معي جاء واللي مايشتي لا يجي انا اليوم باروح أخطب قمر

الجدة فخريه قد هي كارهه لقمر ذي: كيف عتروح وعاد عمك رجع من عندهم فسخ لوليد ايش هذا الجنان ياعيال

ساره: اماااه فخريه هذا مش جنان ولا شي هذا الصح امير يحبها يتزوجها بس تحكم رجاءً وخرجت

ايان بمزح يشوف لـ عند جودي وقال: وانا زوجوني والا عخطفها وهربنا

جودي دق قلبها الف دقه وارتبكت وخرجت بعد ساره

نادر بملعنه: هيااا وانت ياايان واحنق وأخرج بعد ساره وجودي

الجد: هياااا وانتم ناقصين هدرتكم ..

((وجلسوا كذا حق أكثر من ساعه والجد بيلعن بهم وضابح من امير وعياله اللي يشتوا يمشوا قولهم
.
.

بالعصر امير عمل رساله لـ قمر وقال دعواتك ياقمري انا اليوم جاايي اكلم ابوش وان شاء الله يرضى

قمر: يوووو ياامير مش وقت اليوم عاده ضابح منكم انكم فسختم

امير: انا ماعليا من أحد ولا بازيد انتظر حتى يوم ايش رايك انتظر لما تتطيري من يدي

قمر: طيب الله يكتب مافيه الخير 💙

@rewayatyamania المصدر الأول للروايات

ليث شاف راكان وقال: عتجي معانا نروح نخطب لـ امير

راكان: ايوه هاايش تشته يازعم ماهو صاحبك الا انت

ايان بدراما: قولوا آمين يا عيال

نادر كأنه عرف ايش يشتي يقول وقال: آمين الله يزوجك ويهجعنا منك

وليد: هيااا ناهي مع كان له إلا ايان يتزوج

ايان برفعة حاجب: ايش قصدك ياشيخ وليد أو مش انا رجال قبالك

وليد: خخخخخخخخخ اعصابك لايقرح عرق انا مااقصد كذا بس يعني شوف كم باقي قبلك انا وراكان ونادر وليث

ايان: وانا مادخلني منكم

امير جاء وقال: هيااا هياااا من عيجي

كلهم قاموا

امير: خلاص جوا كلكم يله انا مااشتي اشل أبي او واحد من اعمامي على شان جدي لايزعل منهم يكفي احنا قاهو عيقرح مننا..

وليد بضحكه: امشي بس يا قلبي يكفي احنا وزياده يازعم عاد احنا جهال قد احنا رجال طول وعرض

ليث: هيااا عريس اسرع عتغرب الدنيا
.
.

عند البنات
يارا لتشوف بالحالات حق الواتس وقالت: اموت واعرف متى ساره عتعمل حالات لـ ليث

ملاك: امانه عليش اعملي له اليوم وخلينا نقهر الذي قالوا انكم عقدتم اجباري عنكم

ساره: اممممممم والله فكره ليش لا وشافت لـ عند جودي وقالت: كذه لامعك صوره حاليه لاخوش ارسليها

جودي: كل صور اخي حاليات

ساره: ايوه ماشاء الله بس لامن يمرعه هيااا اسرعي ارسلي لي صوره

جودي أرسلت لها صوره لـ ليث من حق العقد

ساره عملتها حاله وكتبت عليها
‏بعض الصُدف وراها حياة ، مِثل صُدفتي بك L&S.
.
.

بيت قمر الشباب قاهم بالمجلس وابو قمر راح يجيب الشاي

ايان: يووووه ياأخي مااقوى قلبك وقسسم قابي مغص تقول إنه انا اللي جيت أخطب

نادر: والله صدق شكل ابوها مايصافط الا على دخلة ابو قمر والشاي بيده ((طبعاً ابو قمر مستغرب من وجودهم وخاصه وليد)

امير: اسلم أسلم ياعم مانشتي شي وشويه وخزنا

ابو قمر: ولو اشرب الشاي وارجع خزن

ليث: طيب الله يحفظك ياعم احنا جينا امير يشتي يكلمك بشي ونمشي لنا

ابو قمر مش عارف اي واحد منهم امير: من امير منكم

امير: انا واسمع لو سمحت مااقول بدون ما تقاطعني

ياعم انا جيتك اليوم وبكل صدق جيت اتقدم لـ يد المستوره بنتك واتمنى ياعم انك ماتردني خايب

ابو قمر وقده ضابح: على العين والراس بس يااحفاد قاسم بنتي مش لعبة عندكم قبل اسبوع بن عمك يخطبها واليوم انت وبعدين الكلام هذا المفروض مش انت تقوله وين ابوك وين عمك

ايان لانه حاسس باخوه وحاسس بعذاب الحب قال: الله عليك المستعان ياعم ليش واحنا مش احنا رجال قبالك طول وعرض وأخي يحب بنتك ويشتيها (طبعاً ايان غلط يوم قال يحب بنتك ويشتيها)

ابو قمر بصياح: ايش يحب بنتي ليش ومن وين يعرفها والله ياابن قاسم وانا اعرف أو ادري انك لتواصل بنتي لاافدفنك بارضك ويله مقلع من عندي مابش معي بنت للزواج

امير: هياا قوموا ياشباب نتروح بس ياعم والله ما اتزوج الا قمر بالرضاا او بالغصب وخرجوا


( احبك ايه والله اني احـبك
ولما دق قلبـي دق قلبـك ) ❥⇣

( انا غيرت دربي صوب دربك
وبأعلى صوت قلت اني احـبك ) ❥⇣


https://tttttt.me/rewayatyamania/51126




📚 @rewayatyamania  🇾🇪

💙

بارتات يومنا الاربعــاء👆🏻😍

#انتظرونا مساء الغد بإذن الله

   ومع آخر بارتات قصة

            يا وجه الخير ليا وأحن واحد عليا



📚 @rewayatyamania 🇾🇪

.

البـارت 28 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ابو قمر: قمر ياقمر

قمر وامها: هاه هااااه

ابو قمر بهدوء لانه يحب قمر: شوفي يابنتي والله لو أعرف أو ادرى انك بتتواصلي مع أحد لا يوقع بيننا خراب ثاني انا واثق فيش ثقه عمياء

ام قمر بخوف: ليش خير مابه ماحصل ومن الذي جوا

ابو قمر: شلة شباب مجانين
.
.

فوق السياره عند الشباب متروحين بيت الجد..

ايان: ورب محمد انا آسف ياامير انا جيت اساعد وبدل مااكحله اعميته

امير ضابح بس ايش عاده ايعمل: حصل خير يااخي حصل خير
.
.

بيت الجد فوق العشاء..

الجد: هياااا ماعملتوا يا.........

الكل ساكت

ابو امير: امير ماعملت وماقال لك ابو البنت

امير بضبح قام: ايش مااشتيه قال مايهمني وخرج
 
ليث قام: وانا الحمدلله شابع

ايان بيشاور نادر: وانا والله نفسي اتدلع مثل ليث واقول انا شابع بس للاسف انا مش حق الحركات ذي

نادر: خخهههه مالت عليك

الجد: وانتم ياجن ايش بتقولوا
.
.

امير ركب سيارته وخرج من البيت

ليث جالس بالحوش بيبعسس بالتلفون دخل الواتس وأنه شاف حالة سارة
(بعض الصُدف وراها حياة ، مِثل صُدفتي بك L&S..)

ليث حس باحساس سعاده وشعور غريب اخذ تنهيده ومسك قلبه: يووووه وانت مالك أهدأ.. رجع دخل البيت ودخل للصاله حق النسوان وصاح: امااااااه ياماااااااه

ام ليث: ايوه ايوه جيييت

ليث: الله يحفظشش يمه شوفي طريق لـ عند ساره (طبعا هم عادي يشوفوا بنات عمهم بس قال كذا على شان لو هم بغير حجاب أو شي)

ام ليث: يوووو ياابني عيب مالتشوف كيف الاجواء مكهربه

ليث: انا مالي دخل من أحد

ام ليث: الله يهديك هيا تعال معي
.
.

عند امير فوق السياره شغل اغنيه

(ماهي قليلة قولة القلب يفداك
‏العمر كله لك كم قلتها لك

دامك تعرف إن الغلا ما تعداك
‏الحب لك ما عندي إلا حلالك)

وعمل لـ قمر رساله (انا تحت بيتكم
وحط رأسه فوق الدركسون ينتظر لما ترد

@rewayatyamania المصدر الأول للروايات

عند ساره كانت مع جودي بالغرفه
الا وتدخل ام وليث وليث

ساره: هئئ

ام ليث: ههههه الله يهديش يابنتي مافجعش

ساره قامت تشتي تخرج

ليث مسكها وقال: هيااا اماااه انتي وجودي خلوني مع زوجتي

جودي: يعني طرده

ساره تحاول تبعد يدها من ليث: لاتصدقي ياجودي امانه اجلسي

ليث ضبح: هيااااا جودي عتلحقي بعد امي أو كيف 

جودي: تمام تمام وخرجت

ليث فك يد ساره وراح قفل الباب
.
.

عند قمر فتحت الرساله وارتعبت قامت تتشاقر من الطاقه وأنها شافت سياره من صدق تحت بيتهم

كتبت له: امير يامجنون لو سمحت بابا لايشوفك

امير: يب يب انا مجنون فيش

قمر: امير مش وقت هذا الكلام رجاءً واتروح بيتكم

امير: والله مااتروح ومن مااشتيه شافني طز

قمر تبكي: اميررررر أبي والله وهو يضبح مايعرف احد

امير: قمر لاتخافي عليا وارقدي وانا شويه واتروح..
.
.

جودي تنزل من الدرج وتصيح: بناااات يابنااااات

يارا: يوه ايوه مالش يا ربحه

ملاك: خير مالش

جودي تضحك وتجلس جنبهن وتقول: لو تعرفين ايش

ندى: مااثقل دمك هيااا قولي ايش

جودي وهي تضحك: تخيلين أن ليث طالع هو  وساره

البنات اووووه حركات هههههههههههه

ملاك: مسكينه اختي الله يعينها
.
.

بالمجلس الذي جنب عند النسوان..

سعاد: وذلحين كيف ياأم امير

ام امير اتنهدت: والله مااقول لش الا كل خير امير رأسه يابس ويشتي الا بها أو بها

الجد فخريه: مانا الله قد كرهت البنت ذي اللي عتفرق بين عيال العم

ام وليد: ليش ياعمه ولا عتفرق بينهم ولاشي اصلا وليد قد قال تحرم عليه وامير يشتيها ومايحصل الا كل خير

ام ليث: إن شاءالله مايوقع الا كل خير..
.
.

عند ليث وساره
((ليث قد قرر أنه يبدأ حياه جديد وأنه عيعتبر أن ساره اختارها عن حب)

ساره: ليث هيااا بليز جيب المفتاح وخلني أخرج

ليث بابتسامه بانت غمازته: ماااابشششش

ساره: كذه ككذذه وتقرب امانه ابتسم مره ثانية

ليث ابتسم

ساره: هئئئئئئ مععككك غماززه

ليث: ههههههههه امانه انش مجنونه قانا اقول ايش به ورجع مسك يدها وجلسها وقال اسمعي ايش اقول ولاتقاطعيني

ليث: اسمعي يا ساره ايش عاجبك وضعنا كذا معقودين وكأن احنا مش معقودين

ساره جاءت تتكلم ليث قال لها: اوووص خليني اكمل كلامي
ورجع يكمل شوفي ياساره...




📚 @rewayatyamania  🇾🇪

.

البـارت 29 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ساره جاءت تتكلم ليث قال لها: اوووص خليني اكمل كلامي
ورجع يكمل شوفي ياساره ليش مانرضى بالواقع ونحاول نتقبل بعض يكون احسن من أنه نتزوج واحنا ماقاحناش راضيين ببعض وبعدا يازعم اني عد أطلقك هذا الشي مستحيل لو طلقتك الناس بتتكلم عليش وانا والله مااخلي أحد يتكلم عليش لانك قبل ماتكوني زوجتي انتي بنت عمي تمام ياساره فكري بالموضوع وإذا قبلتي اعملي لي رسالة واتس

وقام وقوم ساره معه وعلى فكره اعجبتني حالات الواتس حقش وغمز لها

ساره استحت وابتسمت

ليث: كذه كذه ككذذه ارجعي ابتسمي

ساره ابتسمت

ليث باس غمازاتها يمين وشمال وفتح الباب وهرب

ساره واقفه من الصدمه مكانها ولا تحركت....


🍂💙
‏"قلبي محلّّك والحشا ملعبك..
ارقص وغنّي كيف ما يعجبك".🍂💙
.
.

بعد مرور أسبوع

ليث وساره تحسنت علاقتهم كثير


قمر وامير
امير كل يوم يطمن قمر أنها مع تكون إلا له


عصافير الحب جودي وايان يوم بعض احيان يتراسلوا وبعض احيان لا
.
.

بيت ابو امير
ام امير: الله يجبر قلبك ياابو امير ويحفظك روح انت بنفسك وكلم ابو قمر ارحم ابنك شوف كيف قاهو مالياكل ولا لينوم وحالته حاله

ابو امير اقتنع وقال: إن شاءالله خير

@rewayatyamania المصدر الأول للروايات

بغرفه امير جالس مع ايان ويتراسل مع قمر

قمر: امير الله يحفظك ايش هذا كن اهتم بنفسك وأمانه عليك كن اكل ونوم سوا ارحم نفسك

امير: لا تخافي عليا مايوقع شي

قمر قد قررت شي وناويه تعمله قالت: طيب براحتك الله معك انا بقفل ذلحين

امير تنهد

ايان وهو راحم لـ حال أخوه قال: وربي أن انا حاسس بك يااخي وان الحب عذاب

امير: ماشي يااخي ماشي الحب مش عذاب الحب حالي لانك تحس انك حصلت على نصفك الثاني على من يفهك وتفهمه بس هو عذاب لما تكونوا بعيدين عن بعض

ايان قرر يقول لـ امير أنه يحب جودي وقال: طيب وانا ايش اعمل بروحي

امير بهرر عيونه: لاتقول ياخي انك حبيت

ايان: اعتبرني قلت يااخي

امير: هههههه ومن تعيسة الحظ

ايان: ههه قول سعيدة الحظ جودي بنت عمي

امير: او بتتوصلوا

ايان: يب بس والله الا بعض احيان

امير بجديه: اسمع ياايان ايش اقول لك انك رجال ماعدا انت جاهل وجودي بنت عمك والحب مش عيب ولا حرام بس العيب والحرام لو نحب بطريقه غلط مثل هاتي لي صورتك اشوفش هاتي لي صورتك ومن هذا الخبر شوف انا قمر وربي ماقد حتى فكرت اسمع صوتها لاني حبيتها كقمر واشتيها كيف ماكانت تكون

ايان: الله عليك المستعان يا امير جودي قبل ماتكون حبيبتي هي بنت عمي وعرضي وشرفي ومستحيل افكر كذا
.
.

بيت ابو قمر
قمر: ماما ماما وين بابا

ام قمر: بالمجلس

قمر: طيب تعالي انتي والكل اشتي اقول لكم شي
بالمجلس

قمر: اسمعوا ايش اقول لكم ورجاءً لاتقاطعوني

ابو قمر: طيب ياقلب بابا قولي اللي تشتي

قمر تبكي وتقول: يابا قبل ثلاث سنوات اول ماشليت التلفون انا تعرفت على امير بابا انا بهذاك الوقت ماكان عندي صديقات وتبكي انا ولا عندي بنات عم أجلس معاهم انا كنت بحاجه لشخص اتجابر معه واحكي له ايش حصل معي بيومي وكيف كانت الدراسه وكيف الامتحانات وتبكي صح انت وماما موجودين بس انتم تفكيركم غير تفكيري انتم من جيل غير جيلي وتبكي بس وربي يابابا بالسنوات اللي مرت بعمره ماطلب يسمع صوتي أو يشوف صورتي.. يا بابا امير شخص يشتيني لاني قمر مش على شان شكلي حالي أو على شان عندي أموال كثيره وربي امير مايعرف عن الأموال الذي معي وتبكي وتشهق يا بابا انت وماما انا احب امير واشتي فيه

_🍂🍂🍂

*الحب مامنه الا حريق دم
*ولا بيشفقني ولا بيرحم

🍂🍂🍂

عند ساره وملاك..
ساره: يوووووو الدراسه قاهي عتبدأ

ملاك: ياهذه قاانتي اخر سنه كملي وارجعي ارقدي بالبيت

ساره: اووووف يااختي جعل للمدرسه حريقه
.
.

سعاد: هياا ايش قلت يا قلبي

راكان: مدري يمه نسأل عنهم اول ونشوف ايش عتقول يارا

سعاد: إن شاءالله وانا بكلم اخوتي وابي والله يكتب مافيه الخير ماهم شكلهم ناس حلا
.
.


بيت ابو قمر..
دق الباب

ابو قمر تنهد: اااااااااااه ااااااه وقام

بالمجلس
ابو امير: اسمع يا ابو قمر اتمنى ماتردني خايب والله ياابو قمر أن أبني لا ليله ليل ولا نهاره نهار وقد جنن بنا مايشتي الا بنتك

ابو قمر جالس ساكت

ابو امير: لا تخاف يا رجال واسأل عن امير أبني ولا تخاف بنتك هي عتكون بنتي وفي الاول والاخير القرار لكم..

ابو قمر: إن شاءالله خير يااخي نفكر ونرد لكم خبر

ابو امير ابتسم: يله كان اسمح لي

ابو قمر: خلنا نضيفك على الأقل

ابو امير: مشغول والله بس إن شاءالله لو به نصيب الجايات أكثر وخرج..





📚 @rewayatyamania  🇾🇪

.

البـارت 30 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


عند ايان ونادر
ايان: لا تجنني كيف مدري احبها ومااحبها مالك انت

نادر بحيرة: والله ياصاحبي مدري بين اقول لك

ايان: ناااااااادر كيف مدري

نادر: احيان احس اني احبها واشتيها وأحيان احس اني شفقان لها بس

ايان: خلاص يا حب هذا مش حب الحب انك ماتفكر مجرد تفكير انك ماتشتها بالعكس الحب تشتيها بكل صفاتها السلبيه والإيجابية
.
.

بيت ابو قمر..
ام قمر: من هذا الذي جاء

ابو قمر شاف قمر وقال: وين تلفونش

قمر: بالغرفه وتروح تجيبه وترجع

ابو قمر شل التلفون وفتحه وخرج البطاريه من وسطه والشريحه ورده لها وخرج من البيت

قمر بكت: اههى ماما بابا زعل مني وتبكي

ام قمر على شان بنتها تعرف غلطها: كلنا زعلانين منك وقامت..
.
.

بعد يومين.

ليث: هياااا ساره امانه

ساره: لييث بليز خلنا نتراسل مراسله احسن مايعجبني الاتصال

ليث: وانا اشتي اسمع صوتك مالي دخل 

ساره: يوووه ما انت على قول المثل سمحنا له دخل بحماره ههههه

ليث: والله تمام ولا يهمش وقفل الواتس وخرج من بيته متجه لـ بيت ساره
.
.

بيت ابو امير بالصاله جالسين الا والباب يدق

ابو امير: اللهم اجعله خير من هذا اللي عيجي من صباح الصبح وقام يفتح

ابو امير: خير ياابني ابوك به شي او شي او احد به شي

ليث استحى: ماشي ياعم كلهم بخير

ايان: خلاص ايش ادي امك عندنا

ليث: جيت اشوف زوجتي ويخرج لسانه

ايان بمزح: مابش انقلع

امير: وانت ايش عليك يا ايان شل أخته وكون افعله نفسه وغمز لـ ايان

ليث: هههههههه للاسف اختي عادها صغير

ايان: يازعم مانا قانا عجوز شلوا صورتك ياعجوز

ام قمر: ماعليك ياابني منهم اطلع ساره بغرفتها وملاك هي عند جدتها


ليث طلع وبيدق الباب

ساره: يوووه جعل عيد من وين هذا الأدب ياايان

ليث فتح الباب

ساره تصيح وتتخبى تحت البطانيه

ليث بيضحك: ههههههههههه ياهببلا مالك

ساره: امانه ياليث أخرج امانه خلني على الأقل اغسل وجهي

ليث: والله مااخرج ويقرب ويشل البطانيه وقال لها قومي قومي هيااا

ساره قامت

ليث جالس يشوف لها

ساره غطت وجهها بايدها وقالت: ليييث ايش بتشوف

ليث: انتي عارفة ايش بين اشوف

ساره: ايش؟!

ليث: بين أتأمل خلق الباري سبحان الذي صورش.


🍂
‌‎وسط قلبي موقعك
حتّى روحي تحت أمرك لو تبين

ليتني دايم معك وأنتِ تضحكين

ليت كلماتي تُجفّف كلّ همّك وأمسح دموعك وأبدلها بحنين.

🍂🍂🍂..


امير قده عيجنن لأن تلفون قمر مقفل رجع قال: اباااه لو سمحت زيد روح وشوف ايش عيقول ابو قمر

ام قمر: الله يهديك ياامير ياابني ماعدمين البنات إن وافق او عادي ولا تهم ي قلبي

امير قام: والله مااتزوج الا قمر ومااشتي الا هيه وخرج

@rewayatyamania المصدر الأول للروايات

بيت قمر جالسه بغرفتها جنب الطاقه الا وتشوف سياره امير توقف جنب بيتهم امير رفع رأسه وأنه شاف ظلها رجع شغل اغنيه ((غصباً عن الكل شاحبك وشاعشقك عشق لوما اموت )

ورفع الصوت للاخير

قمر بغرفتها تسمع وتبكي

ابو قمر سمع الصوت وعرف أنه امير قام لـغرفه قمر دخل وأنه شاف قمر لتبكي تنهد ورجع نزل للشارع

امير فوق السياره شاف ابو قمر ونزل

ابو قمر: ايش هذا الجنان

امير: والله ياعم ماهو انا ويأشر على قلبه ويقول هو هذا وربي وهو هذا ليحب بنتك ويموت فيها انا ايش اعمل انا ايش ذنبي

ابو قمر مشي وركب سياره امير وقال: تعال بعدي تعال

بعد أقل من نص ساعه وقف ابو امير في مكان كله أراضي زراعية وجنب شويه في كم فله

امير: ايش هذا ياعم وماجينا نعمل هنا

ابو قمر: بتشوف هذا كله ياابني

امير: ايوه بين اشوف

ابو قمر: شوف هذا كله حق قمر انا ماكنت الا انا مع أبي وأمي الله يرحمهم وهذا كله كان حق أبي وبعد موته وقعين لي والحين انا من زمان قد كتبتهم باسم قمر لان قمر ياامير مامعها في الدنيا هذي الا انا وامها

امير: الله المستعان وانا ياعم ايش

ابو قمر: خلني اكمل كلامي لا تقاطعني ورجع قال: وانا اخاف لاقدر الله ووقع بنا شي انا أو امها قد معها شي مننا ولاتخاف ولا تحتاج لـ أحد وكمان ياابني انا والله شفت الصدق والحب وانك تشتي قمر بس وتدمع عيونه والله ياامير أن قمر حياتي مااقدر اتخيل ان حياتي بيوم من الايام عتمشي من عندي

امير حب رأس ابو قمر وقال: ياعم قمر حياتك وانا والله قمر قلبي ووعد إن شاءالله اني بخليها داخل عيوني ..

ابو قمر: الله يحفظك ويجمع بينكم على خير

امير بابتسامه كبيرة: يعني خلاص وافقت ياعم

ابو قمر: هياا أمشي ولا تخلني اغير رأيي..

امير: لاااااا لااااا هياااا هياااا


🍂🍂.

ـ مستحيل احد يشلك
لو دفع وزنك #ذهب

ـ انت حقي بين اقول لك
ومن قال حقي #غلب.
🍂🍂.



📚 @rewayatyamania  🇾🇪

.

البـارت 31 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


بيت الجد..
سعاد: والله يمه انا اعرف امه هيه.... وقالت اسم المره

الجده فخريه: خير إن شاءالله

سعاد: وانا قد كلمت اخوتي وان شاء الله خير

الجده فخريه: قد كلمتي ابوش

سعاد: لا والله يمه ماقد شفته قد جئت ذلحين وانش قلتي أنه نوم
.
.

عند امير وصل ابو قمر لـ بيته ورجع بااكبر سرعه حرك السياره متجه لـ بيتهم وقده فارح قوي..


وصل البيت
وبيصيح: اماااااه ياااامااااه

ام امير تخرج من المطبخ: خير خير مالك لتصيح

امير راح حضنها وبيصيح: يماااااه وافق ابو قمر وافق

ام امير فرحت لـ فرحة ابنها: ههههه الله يسعدك يامجنون

امير: هياااا اماااه هيااا امانه البسي البالطوه حقك بسرعه نسير نشتري لها شنطة الخطوبه

ام امير: هيااا ناهي للجنان حقك اهجع لما نكلم أبوك وجدك

امير: اماااااه لو سمحتي امانه عليش هيا انا اتصل استأذن من أبي وانتي اسرعي


امير اتصل لـ ابوه ورجع اتصل لـ صاحب عمره وليد

وليد: حيااا حياااا الحمدلله ذكرت أن معك صاحب

امير: هههههههه وقسم انك في قلبي اسمع ايش اقول لك ابو قمر وافق وعنسير اليوم نشتري الذهب تعال معي هيا

وليد بفرحه: انا كنت زعلان منك بس ابشر اجي معك واشاركك فرحتك

امير: وقسسسم انك احسن صاحب..



‏اللهم صديقي الذي يُِدهشني في كل مرة بحسن صُحبته أزهر قلبه بما يُحب ياالله🍂
.
.

بعد مرور أسبوع اليوم الجمعه.. (خطوبه وعقد قمر &امير

امير يله يله كوده صبر إلى اليوم

طبعاً ابو قمر قال خطوبه بس وبعدين بعد فتره العقد بس امير مارضي وأصر الا عقد


سعاد قد وافقت للذي تقدموا لـ يارا وبعد فتره عتكون الخطوبه مع الزواجه

@rewayatyamania المصدر الأول للروايات

بيت قمر..

قمر: ماما والله مااشتي مكياج ماينفع وعاده اول مره عيشوفني

ام قمر: يوووه يابنتي حتى شويه اتدلعي مثل البنات اليوم فرحتك

قمر: الله يحفظش ياماما تمام انا بعمل بس اول خليه يشوفني كذا وانا على طبيعتي
.
.

بيت ابو امير..
امير: امااااه واماااااه هياااا اسرعوا

ملاك: الجنان سلامات يااخ وين عنسير ذلحين عاد الدنيا ظهر

امير: وانا ايش دخلي ظهر والا عصر اهم شي انها الجمعه وانتم قلتوا اصبر لـ يوم الجمعه وصبرت ذلحين مالي دخل..

ايان: هياااا تمام تمام تعال نصلي الجمعه وبعدين يحله الله
.
.

ساره: ليثثث لو سمحت عتخلني اتجهز او لا وانت انقلع صلاه

ليث: الله يسامحش متى تتعلمي الرومانسيه متى

ساره: ناهي ياابو الرومانسيه لامن يمرعك بس

ليث: هههههههه ناهي ياأم لسان خاطرش



بعد صلاه الجمعه
امير: لحظه لحظه ياشيخ ابي يشتي يكلمك

ابو امير بهرر بعيونه واستحى

الشيخ: خير يابني ايش

ابو امير: هيااا ياشيخ عتجي معانا نعقد لـ امير

الشيخ: مله ذلحين وقت عذاء لكن على شان امير شاجي معاكم

امير بفرحه: يووووو جبرك ياشيخنا هيااا هياااا..

ابو امير: خلاص انت ياليث ارجع جيب امي والنسوان وتعالو واحنا نسبق نعقد
.
.

بيت ابو قمر تم العقد
امير: ماذلحين ياعم عقدنا خلني اشوف زوجتي

نادر: هههههههه ياعم حرام عليك ارحمه والله جنن بنا

ابو امير: والله قانا مستحي منك ياابو قمر بس ايش نعمل

ابو قمر: ولا عليك يابو امير وبنتي قدها زوجته ومن حقه يشوفها تعال ياابني

الجد بعد ماخرج ابو قمر: هياااا ماذلحين برد قلوبكم شوف على بيت صغير معه والله مارضي يزوج بنته لـ ابننا الا على شان احنا اغنياء

ابو وليد: الله يهديك يابه عيب هذا الكلام ذلحين
.
.

بغرفه قمر قدها متوتره

دخل امير وأبوها

امير: السلام عليكم وسلم عليها بالوجه

قمر بصوت واطي: عليكم السلام

ابو قمر: يله ماذلحين انا أخرج لي

قمر: بابا لاااااااااااااااااااااااا

امير دق قلبه الف مليون دقه لما شاف وجهها ((وعرف على طول أنها صاحبة الأسوار ))

امير تقدم لها وجلس جنبها ورفع رأسها وقال وعيونه بعيونها: ماغلط عمي يوم سماش قمر انتي وربي احسن من القمر وقال والدموع ملان عيونه: انا صح قد زعلتش خيرات لكن وعد منى طول ماراسي يشم الهواء ياقمري أن انا اسعدش

قمر تبكي: وانا إن شاءالله بسعدك بكل مااقدر

امير يمسح دموعها ويحضنها: انتي وجودش سعاده بالنسبة لي


‏"انتَ حلالي؛ وانا على غيركَ حرام.".
.
.

بالمجلس..
ايان بيشاور نادر: يووووه ياليت والله وانا ماكان امير اخي واليوم يكون عقدي

وليد سمع وقال: الف بسم الله والف ياسين على صاحبي من عيون الحاسدين

الجد: هياااا ابو قمر شوف لنا وين رجع امير او قد حنب

ابو امير وهو مستحي حب يبرر: هو عاده ايرجع يلبسها ويتصوروا

الجد: ايش عاده ايرجع يشوف وذلحين ايش بيعمل مانا خاطركم وشاف لعندنا راكان تعال انا وانت

الكل مستحي من تصرف الجد

ايان قال: هههههه عادك ياعم ماشفت شي جدي إذا قاهو وقت القات مايصافط أحد ..



📚 @rewayatyamania  🇾🇪

.

البـارت 32 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


عند امير وقمر

امير يمكن قد شل لها اكثر من الف صوره وقال: يله انا أنزل انتظر بالمجلس لما تجي امي وارجع البسك

قمر عاد هي مستحيه: تمامو



ليث: اماااه يااامااه هياااا بسرعه انتي وجودي
اتجهزوا وتعالوا لـ بيت عمي وانا شاسبق على شان اسلم على ساره اليوم جمعه

ام ليث: ايش الحشره هذه عاده الدنيا ظهره مانسير نعمل من ذلحين

ليث وقده خارج: مدري امير ماصبر
.
.

ام امير: انا صدق قد راحوا يعقدون

ليث: ههههه مانعمل ياعمة ابنش ماصبر

ام امير ضابحه

ليث: وين ساره ياعمه

ام امير: اطلع ياابني اكيه طالع..


ليث طلع وفتح الباب
ليث: الله الله ايش هذا الحلا ((ساره كانت لابسه فستان وشعرها مفتوح لتستشوره)

ساره: عاد الناس يدقو الباب

ليث: ايوه الناس مش زوجش ويخرج لسانه

ساره: هههه ناهي تعال تعال ساعدني استشور شعري

ليث وقرب وساعدها وقال: ماشاء الله مااحلى شعرش

ساره:حرام الا هرم إذنا اقصه

ليث: اكسر يدش لو تقتص شعرها واحده منه

ساره: ليش شعري أو شعرك والله لااقصه

ليث: ساره انا حلفت وانتي اخبر ويله بسرعه اتجهزين انا اسبق للسياره..

ساره بعد مخرج ليث تقلد صوته: والله لااكسر يدش كسروا يده وحرام لااقصه وقصت شعرها
.
.

قاالكل اجتمع بيت ابو قمر..
وكانت حفله ضخم الضخم


‌‎➺ احتويتـك فـي خيـالي ثـم غفـيت
يا حلات الحلم لاجمعني معاك💙 ➺

عند ايان ونادر
ايان: قدك عارف أن يارا قاهيه عتتزوج قريب

نادر: يب

ايان: وايش شعورك

نادر: هههههه بصراحه والله شعوري عادي جداً الله يستر عليها انا يمكن ماحبيتها بس كان شفقه

ايان: آمين يارب الله يستر عليها وعقبالي انا وجودي نتزوج

نادر: هياااا قوم قوم يامجنون نتروح هجعنا من امير اخوك جيت انت
.
.

بيت ابو امير

ام امير: ملاك كذه شوفي وين اخوش ينزل يأكل له لقمه ماهو هذا الجنان من أمس ولا عد شفته ماهذه قمر قد جننت به

ابو امير: وانتي موه عليش منه الذي هو جاوع هو اينزل وبعدا شكلش قدش بتغاري من مره ابنك ويغمز لها

ملاك: هههههههههههه ماهذا صدق يابه شكل امي قدها بتغار على نزلة امير وقال: يووووه من هو الذي بيغار ومن من

ام امير: ماعليك منهم ياابني تعال تعال اكل لك شي

امير: اسلمي يمه الله يحفظش إذنا اروح عند قمر اليوم

ام امير: اهي اهي ماذلحين مع عجبك اكلنا او كيف وبعدا ليش عتروح عندها ماعيقولوا ماقدرنا نأكله أجلس وسكته

ابو امير: لاتصدق ياابني ماعليك منها روح بس

امير: الله يهديش يمه ورجم لها بوسه بالهواء وخرج

ام امير: الله اكبر عليها من بنت مانا شكلها قد سحرت لي أبني

ابو امير: شكلنا قد عنبدأ من ذلحين دحس النسوان والمحناكه.
.
.

بيت سعاد
راكان: رورو ي قلبي هيا تجهزي على شان اشلش السوق انتي وامي وشلي الذي تشتي امانه

يارا: اسلم يااخي الله يحفظك انا قد شليت الأكثر هو باقي الا شويه بعسسه

سعاد: ولو يابنتي مامعانا الا انتي شلي الذي يعجبش وبعسسي براحتش انا عخلي راكان يوصلنا للمكان الذي نشتي وهو يروح له بعد عمله لما نكمل ونرجع نتصل به

يارا: خلاص تمام دامه كذا انا بتصل للبنات ونروح سوا
.
.

عند ساره وملاك
ملاك: والله كان نفسي اليوم نروح بيت جدي بس قده عيب من يارا

ساره: هيااا ابردي لش بكره جمعه وعنروح خلينا نخرج نسلي على أنفسنا ونعيش حياتنا مثل العالم والناس ايش هذا جالسين بالبيت بالبيت

ملاك: هنيت لش والقلب الذي معش

ساره: هيااا انقلعي لش خيلني اتصل اشوف عريس الغفله ايش عيقول واتصلت على ليث

ليث: يووووه ياناس ياعالم مش معقول ساره تتصل لي ومن وين اشرقت الشمس

ساره: هههههههههه على تافه عاد انا شفتك أمس

ليث يشتي يحانكها قال: حرام مامفتهن الا امير اخوش قالوا معه مره مالتخليه ياكل ولا يشرب وقالوا اليوم عزمته على الأكل عندها مش زي بعض ناس

ساره: ناهي ناهي ماعلينا منهم اسمع ايش اقول لك اشتي أخرج

ليث: ويازعم ليش بتستأذني عادي اخرجي

ساره: يوووه جبرك هياااا خلني البس سريع راكان شويه وجاء يشلنا

ليث ضبح وجن جنونه: يو يو اسمعي خرجه مابش خرجه ارتزعي بالبيت

ساره: لييييييث حرام عليك بس هباله

ليث: كلمه وعشر سواء وقسم بالله وانتي تخرجي ياويلش

ساره: ياليت وانا مت ولا تزوجتك وقفلت الخط..

.
.

ملاك اتصلت على جودي
جودي: حيااااا حيااااا ملان الدنيااا

ملاك: لش الحياه اسمع ايش اقول لش لو سمحتي ياجودي كلمي اخوش المعقد يخلي ساره تخرج معانا والله حرام قد كانت متحمسه قوي والله الحين ساره بتبكي

جودي: يوووه جعلي العافيه عليها الآن بقول له الله معش


جودي: ليث لو سمحت الله يحفظك هيااا خلها تجي معانا والله قالت ملاك قاهي بتبكي

ليث: جودي لاتخليني احلف ماتخرجي حتى انتي

جودي: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

ياوجه الخير ليا وأحن الناس عليا

للكاتبة✍🏻 دلوعة نفسي

البارتات من 33 إلى 36 👆🏻😍


https://tttttt.me/rewayatyamania/51126

.

💙

بارتات يومنا الخميــس والأخيـرة👆🏻😍

.

متابعينا بقية البارتات والذي هن ٤ موجودات هنا في ال pdf وانتوا تعرفوا السبب حفاظا على حقوق الكُتاب والكاتبات والقناة.. وفتحنا القناة للنسخ على هذا الاساس وشاااكرة لتفهمكم وتعاونكم


.