.

البـارت 11 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


عند امير اول مافتح عيونه قرر انه يقول لقمر انهم عيتركوا بعض

فتح الوااتس وشاف اكثر الرسائل من قمر وقال في نفسه(يعني ماحد اشتاق لي غيرك يا قمر)

جلس يقرأ كل الرسائل حقها وحس بضيق قوي بس قال ماشي انا مااحبها ولازم اتركها مثلها مثل باقي البنات اللي تركتهم. 

وارسل لها سلام ... كيفش.. 

عند قمر سمعت صوت الرسائل بنغمة (ارجع لي انا قلبي معاك مش قادر انسى هواك يا حبيبي يا احلى ملاك يا روح الروح)

دموعها نزلوا تلقائي من الفرحه ردت: وعليكم السلام حيااا وقوااا الحمدلله انك بخير الحمدلله خفت عليك لو صاير لك شي او شي وكيفك ماطمنتني عليك كيف سخيت عليا

امير كان قلبه يقول اكتب لها اليوم بدونك كأنه الف سنه بس غير رأيه وكتب اسمعي يا قمر ايش اشتي اقول لك واتمنى ماتزعلي مني

قمر: خير يا أمير ايش تشته تقول ماشي انا ما ازعل منك ابدا

أمير: قمر لازم نترك بعض

قمر كأنها مش مصدقه ايش بتقرا وعادت الرساله يمكن الف مره ومره (تعرفو شعور لما تكونوا واثقين بشخص ثقه عمياء لما تحبوا شخص من كل قلبكم وبعدا تعرفوا انه مايستاهل شي من الذي كان بقلبكم له يوجع جدا جدا. 💔)

أمير: قمر وين رحتي ..


🍂🍂💙‌‎خف النخيط ما للنخيط داعي
ولا عتلوي بالجفا ذراعي

والله ما تلقى حبيب ساعي
ومثل قلبي مستحيل تلقاه
🍂🍂💙


الله معك يا أمير انا مش عقول لك ليش ولمه تركتني بس تذكر اني كنت نعمه في يدك خاطرك ..💔

عند أمير ولاول مره يبكي يوم قمر ردت عليه وقالت: جعل لغيري يسعدك مثل ماكان نيتي...
مانا عتبعد واوعدك ماعاد تبسر صورتي...
الله على من ايدك تعلن بوجهي فرقتي...
لكن وهي واغسل يدك مني واحلم بسرتي...
قد كنت نعمه في يدك بس استغليت طيبتي...
بس الزمن عيذكرك وتحس كم كانت قيمتي..

امير قرا رسالة قمر حس بندم كبير جدا حس بضيييق قوي قوي وجلس يبكي مثل الجاهل اللي ضيع لعبته..

@rewayatyamania المصدر الأول للروايات

في غرفتها
ساره اول ماقامت من النوم دخلت للواتس لعند قمر وعملت نسخ للرسائل حق قمر على شان تجيبهم ل أمير ومايترك قمر (بس للاسف ساره ماتعرف ان امير قد غلط غلطة عمره😔)

(:احنا لنا سنين مع بعض ونحب بعض وامير انا واثقه به اكثر من نفسي أمير انا بين اعتبره أبي وبين اعتبره أمي وبين اعتبره اخي وبين اعتبره اختي والله أمير كل شي بحياتي يا ساره.

فديت عيونك ممكن يـ ساره تدعي ل امير يمكن انتي اقرب الى الله مني ادعي الله انه يكون بخير ويرجع لي.
ساره في نفسها الله يسامحك ي أمير وقالت: طيب )

ساره نسخت هذول الرسائل وعترسلهن لأمير على شان يشوف كم تحبه قمر.. 

أمير سمع صوت الرسائل وفرح قال شكلهن من قمر بس شافهن من ساره وقراهن وبكي اكثر واكثر ورجم بالتلفون لعرض الجدر وجلس يبكي ويقول ياليت انا مااستعجلت وقلت لها نترك بعض انا السبب انا السبب وكان يخبط صدره بيده ويقول والله إن قلبي يحبك

‌‎#هزني_الشوق_وقلت

يوه هنيت لقلبك
ياكذاب يابلطجي
تشتيني احبك
سير ادي ضمانه وجي.🖐💔😔
.
.

عند ليث..
قام بالصباح ونزل شاف امه واخته وابوه بيفطروا
قال: صباح الخير

الكل باصوات مختلفه.. صباح الورد
صباح الخير صباح الفل.

ام ليث: هياا تعال يا ابني افطر معانا جبر قلبك

ليث: اسلمي يمه والله ماقد اشتي

ابو ليث: وين عتخرج من صباح الصبح

ليث: باروح اشوف امي فخريه.. وقال يله سلام.. وخرج

ابو ليث: مالش يا جودي اليوم شكلك مش معانا

جودي ارتبكت وقالت بضحكه: هههه خلاص وين انا يابه الا عندكم هه بس جالسه افكر ايش عاد البس يوم الجمعة

ام ليث: يووو يا بنتي الدولاب ملان وعادش فصلتي خمسه فساتين البسي من الموجود فديتوش

ابو ليث: جودي قلب ابوها اطلبي وتدلعي وتدللي وخرج من جيبه 50 الف وقال هذه اشتري بها اللي تشتي واللي ناقصش

جودي باست راسه: اسلم يابه ربي يحفظك ويطول بعمرك..


‏لاعز كعز الأب ولا دلال بعد دلاله....🖐💙💙💙💙.
.
.

بيت الجد والجده
دق ليث وفتحت له جدته

الجده: حيااا بنور عيني

ليث: لش الحياه يمه وباس راسها وقال كيف انتي يمه

الجد: الحمدلله بخير ياابني هياا تعال عاد انا قدمت الصبوح ل جدك

دخل ليث وسلم على جده وفطر وهو ماكان له نفس بس على شان يجبر بخاطر جدته..

الجد: يوم الجمعه عقدك قدك جاهز.

ليث اتذكر الموضوع وضاق وقال: يب ان شاء الله كل شي جاهز

الجـد: هياا حجه وين الغتره (الشال) حقي اذنا اخرج

الجده: اذنا اقوم اجيبه

ليث: والله ماتقومي قولي لي وينه وانا اروح اجيبه..

الجده: يووو جبر قلبك يا ولدي وحفظك وقالت له وين الغتره


‌‎#أمثال_صنعانية

🍂🍂شا اقلكم بالصدق والحقيقه

ما كان ظني نفترق دقيقة..🍂🍂.




📚 @rewayatyamania  🇾🇪

.

البـارت 12 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


عند جودي ماقدرت امس تنوم النوم وهيه جالسه تفكر بايان وهل هو فعلاً يحبها او لا وقررت تفتح الواتس وتشوف لو به رساله منه بس ماكان فيه

.
.

عند ايان نفس الشي كل شويه ويفتح الواتس يشوف لو قد به رساله من جودي.. 


كل نبضة قلب فيني تعشقك 🍂💙 وانت لي مثل الهواء# استنشقك 🍂💙
.
.

عند ليث والجده بعد خروج الجد
الجده: يوو كيف قدك يا ليث نحيف لاتجلس تفكر يا ابني وساره صدقني باترجع تقول الحمدلله اني اتزوجتها

ليث راح وحط راسه برجل جدتي وغمض عيونه وقال: بس يمه مااحبها مااحبها ولاحتى كنت مفكر اتزوجها

الجده: الله يحفظك يا ابني الحب هو يجي بعد الزواج وانت كون حاول تقنع نفسك انك تحبها وانت عتحبها

ليث تنهد وقال: ان شاء الله خير خير
.
.

عند ساره
جالسه تتراسل مع قمر وعرفت من قمر ان امير قد تركها وزعلت على قمر بس قالت يمكن خير قمر تستاهل واحد احسن من أمير اخـي ..
.
.

وليد جاء لبيت امير لانه بيتصل عليه وهو مقفل فتحت له ملاك الباب

وليد: السلام عليكم كيف انتي يا ملاك

ملاك: الحمدلله بخير

وليد: امير بالبيت او وين بين اتصل مالي يرد عليا

ملاك: يب تفضل امير بغرفته..
.
.

عند نادر وايان
خرجـوا يفطروا خارج

نادر: مالك ي جني هيااا اكل معي

ايان: حرام مالي نفس لـ شي

نادر: حرام انك اهبل كل بس والله عيفرجها وبعدين من هذه الهبلاا اللي عترفض ايان انا لو انا بنت باجي اخطبك 😉

ايان: ههههههههههههههههه انت عارف انك سخيف او ماشي

نادر: ماشي ههههههه
.
.

بغرفة امير
وليد دخل واستغرب من شكل امير المبهذل ومن التلفون المكسور

وليد بخوف: امير يا صاحبي ايش فيك

امير: انا مت يا وليد انا مت

وليد يقرب ويحضنه: مالك يا قلب ابن عمك مالك وليش انت كذا ومن الذي غثاك والله ادفنه بارضه

امير والدموع بعيونه: ادفني انا يا وليد ادفني انا قمر يا وليد قمر

وليد: خير مالها قمر خوفتني والله

امير: تركنا بعض وانا والله احبها واليوم من دونها كأنه الف سنه ونزلين دموعه..

وليد يمسح دموع امير ويقول: لايا امير انا ماتعودت اشوفك كذا انت اقوى من كذا وكم وكم قد تركت بنات ليش ماقمر عتزعل عليها بكره شوف لك غيرها جبرك يا امير لاتبكي

امير: آه آه انا مااشتي غيرها ولا اشتي احد اشتي قمر ترجع لي مع اني متأكد انه مستحيل ترجع لي  بس والله احبها بس كنت مكابر..

وليد: طيب اهدأ وان شاء الله يصير خير الله كريم ياصاحبي

@rewayatyamania المصدر الأول للروايات

يوم الجمعه واللي هو يوم الخطوبه والعقد حق (ليث &وساره)


الايام اللي فاتت كلم ن على نفس حاله بس الجديد ان قمر وساره اصبحوا صديقات قوي وقمر ماتعرف ان ساره اخت امير وساره عزمت قمر تحضر الخطوبه حقها وقمر وافقت قالت ليش لا اغير جو واتعرف عليها اكثر واكثر..
.
.

امير صلح تلفونه وكل يوم يجلس يقرأ الرسائل حقهم القديمه ويراسل قمر وهيه ماترد عليه..


ملاك.. قد بتسمع كلام من الناس ليش خطبوا الصغيره قبل الكبيره وليش وليش وبتقتهر بس ماتبين لـ حد..


راكان.. كل يوم يجلس يتمنى لو هو بمكان ليث وهو اللي يتزوج ساره


جودي وايان كل واحد منهم عايش صراع داخلي جودي بتقول لو هو يحبني صدق عيرجع يراسلني وايان بيقول شكلها ماتحبني ولاتشتي بي ليش ماردت عليا...


قمر نفس حال امير بس قررت انها مستحيل ترجع له وعلى شان تثبت له انها ماعد تشتي به ماحظرته وكل يوم يرسل لها رسائل وهيه تقرا وماترد عقلها يقول لها خلاص ماعد تشتي به يا قمر وقلبها يصيح ويقول انتي تموتي فيه يا قمر💙
.
.

بالعصر البيت قد بدأ يمتلي بالضيوف

عند البنات بغرفة سارة..
جودي: الصدق ليث اخي عيذوب اليوم يا ساره

يارا كانت تتمنى لو ساره وقعت لراكان ضحكت وقالت: هههههه لاتصدقي نفسش يا ساره قولي عيهرب يا جودي

ساره بغرور: خخخخ اصلاً يحمد ربه اني وافقت عليه

ندى بدون قصد: ومتى وافقتي وهو جدي اجبرش

ساره اتذكرت الموضوع وزعلت بس مابينت وقالت بضحكه: هههه شلوش وقالت ملاك بليز كذه جيبي لي تلفوني اشوف وين رجعت قمر

يارا: ومن قمر هذه

ساره: واحده صاحبتي عتجي وانتين اتشوفينها
.
.

عند العيال بالمجلس جالسين جنب بعض بالمجلس حق بيت ابو امير

نادر: قول لنا ايش شعورك يا ليث

ليث حب يمزح وقال: واو يجنن الله لاوريك

نارد: شلوك الجن الله يوريني مانا اشتري اجرب

وليد يرجم دبة الماء لـ فوق نادر ويقول: ماحد يدعي على العريس خيبه

نادر: كان نفسي اقول كسر يدك بس انت اخي ايش اعمل

ايان: هنفداااا لك يا صاحبي ماعليك قول بس حتى لو هو اخوك

الجد: ليث تعال جنبي

ليث قام ورح جلس جنب جده وابوه واعمامه
.
.

عند النسوان...




📚 @rewayatyamania  🇾🇪

.

البـارت 13 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


عند النسوان مشغولات بالضيوف
سعاد: يا ام امير

ام امير: هاه سعاد ايش تشتي

سعاد: المجلس اللي عيدخل له ليث قاهو جاهز

ام امير: ايوه ايوه قد جهزته


‏🍂💙

لاتجرحوا حبي ولاتغثوه
جروا لكم صيني عسل وسقوه
🍂💙

@rewayatyamania المصدر الأول للروايات

عند البنات..
يارا: هياا بنات جين ننزل نرقص لما يجي وقت الزفه

البنات هيااا ونزلين الكل ماعد به بالغرفه الا ساره

ساره قالت بنفسها خليني ارجع احاول اتصل لـ قمر اتصله وبعد الرنه الثانية ردت قمر

ساره: قمررررر وينش

قمر: ههه والله الآن قد احنا بالطريق بس ابي كان خارج واتأخرنا والان احنا بالطريق.

ساره: طيب يله اسرعي سلام

قمر: يوو يوو لحظه كيف عاد اعرفش

ساره: ايش انتي لابسه وانا اقول لـ ملاك اختي تريع لش جنب الباب

قمر وصفت لـ ساره ايش هيه لابسه من بالطو

ساره: تمام انا اخلي اختي تنتظرش

ساره اتصلت لـ ملاك مالترد ورجعت اتصله لـ جودي وقالت لها

يارا: من بتكلمي

جودي: ساره قالت اخرج انتظر صاحبتها

يارا: هاه طيب اخرجي

جودي: قولي البس بالطوه او مش ضروري مابش احد

يارا: مش ضروري يا هذه انتي الا للحوش مابش احد والعيال مخزنين مستحيل واحد يخرج وانتي داريه

جودي: اي والله صدقتي وخرجت
.
.

بالمجلس امير بيتصل على ملاك مالترد عليه قال اوووف

نادر: وامير قده بيتافاف يشتي زواجه

الكل هههههه

امير: ومن يكره بس اللي يحبها امير مش موجوده
ماحد فهم ايش يقصد الا وليد

امير: ذلحين اشتي اطلع للغرفه اجيب الشاحن حقي ومش داري كيف

وليد: لف من الباب الثاني واطلع

الجد: ايان

ايان: هاه جد

الجد: اخرج للحوش انتظر الشيخ متى يجي قال قاهو بالطريق

ايان: طيب من العيون


امير طلع لـ غرفته يجيب الشاحن..

قمر وصلت وشافت جودي وسلمين على بعض

جودي: يالله ادخلي واخلسي البالطوه وساره طالع بالدور الثاني اسبقي وانا اجي الآن بعدش

قمر: طيب يا قلبي ودخلت

ومن الباب الثاني ايان شاف جودي بالحوش وجن جنونه وراح لها

ايان بضبح: ايش رأيك تخرجي للشارع كذا وتريعي للشيخ بدلي

جودي ارتبكت واستحت انه بيشوفها وهيه مسبوكه ومدلعة كذا وقالت وهيه خازيه: ايان غمض عيونك مايصلح تشوفني كذا مايجوز

ايان بداخله قد قلبه بيدق مليون دقه وزاد حبها اكثر واكثر وقال: تخيلي لو واحد من العيال خرج من المجلس وشافش والله لاااقتلش انتي وياه

جودي: مله انا قلت ماحد عيخرج مش انا داريه انك عتخرج

ايان: ناهي ادخلي بسرعه عادش جالسه وحسابش بعدين

جودي راحت وهيه بنص الطريق

سمعت صوت ايان يقول: ياااارب زوجني بعد ليث انا والذي قبالي وغمز لها

جودي قا هيه تشتي تبكي من الخزا وجالسه تدعي على يارا الذي قالت لها اخرجي كذا



مـادمت على قيد الحيااه..💙🍂
هاااذا يمين مااعـششق سـواه..💙🍂


عند قمر دخلت للصاله وشافت بنات ونسوان ملان بس ماتعرف احد منهن خلست البالطوه واتذكرت كلام جودي يوم قالت لها واطلعي لطالع  وقالت بنفسها خليني اطلع وطلعت للدور الثاني شافت كم غرفه وقالت بنفسها ذلحين اين الغرفه حق ساره شافت غرفه مفتوحه وقالت شكلها ذي

قمر اتجهت للغرفه الا وتصدم بشخص خارج من الغرفه

جلسوا يشوفوا لـ بعض ثواني وبعدا قمر حست على نفسها ونزلت جري لـ نازل



عند امير جالس مكانه ولا حركه حس بشعور غريب بشعور كأنه يعرف هذا الشخص وكأن هذا الشخص يعني له الكثير

قال بنفسه: والله انها ملاك نازل من الارض وسبحان الله على شعر معاها.. وشاف شي على الارض راح له وانها اسواره بحرف (A) شلها وخبأها بجيبه ونزل من الباب الثاني ورجع المجلس وقد قلبه وعقله معش معه



عند سااره جالسه منتظره لقمر ولا جاءت واتصلت مره ثانيه على جودي

جودي: الووو

ساره: الووو بنخرتش وين قمر ماقد طلعت

جودي: يووو احلفي خليني اشوف وين هيه
وانها شافت قمر من بعيد

جودي: هذي هي شفتها وصاحت قمر يا قمر

قمر بتشوف من وين الصوت وشافت انها جودي وراحت لها

جودي: ليش ماقد طلعتي ل عند ساره

ساره تصيح من التلفون: طلعيها انتي وهيه ايش عرفها وين انا

قمر بابتسامه: يب مش انا عارفه وين هيه

جودي: جي يا قلبي وانا اطلعش لان شويه وزفيناها.
.
.

الشيخ وصل وتم العقد لـ ساره و& ليث.


‏🍂💙
جي عندنا للباب
ودق، وادخل

جي نسمرالليله
وطز في
الكل🍂💙


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 14 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ساره اول ماشافت قمر انصدمت من جمالها وقالت بنفسها(والله انك يا امير خسرت شي غالي غالي مره مستحيل يتكرر)

ساره: واوو ماشاء الله عليش ضيعتيني

جودي: اي والله ماشااء الله اسمش قمر وانتي قمر من صدق

قمر: يوووو يا بنات احرجتوني وانتم والله تجننوا

جودي: ههههه حتى لو هيه مجامله بس شكرا

ملاك تدخل الغرفه وهيه مستعجله وفجأة توقف وتقول ماشاء الله لاقوة الا بالله من ذي القمر

جودي وساره: هههههه هذه قمر

ملاك: امااااانه والله انش قمر من صدق

قمر: ههههه تسلمي لي يا قلبي وانتي ماشااء الله عليش ملاك

جودي وساره: ههههههههههههههههه هههههههههههه هيه ملاك

قمر: ههههه ماشاء الله ملاك من صدق

ساره: وانا لي الله ولاحد مدحني

ملاك: وانتي لش ليث هيااا جيت اقول لش اسرعي قد هو وقت الزفه الان

ساره بداخلها قالت (يااليت وبدل الزفه حقي يكون عزائي)
.
.

عند الرجال والشباب ليباركوا لـ ليث
امير: مبروك يا صهر

ليث: وعقبالك

امير وبكل جرأة قال: امين ياااااااااااااااااااااااااارب على الذي شفتها اليوم

الجد: وايش شفت يا قليل الحياء

امير: شفت قمر يمشي على الارض.. (مسكين امير مايعرف أن الذي شافها هي قمر)

ابو امير: ههههه الله يهديك

راكان بدون نفس قام يسلم على ليث وقال: مبروك لك

ليث: الله يبارك فيك وعقبالك

راكان: كنت اشتي ماذلحين ماعد اشتي

ليث مارد عليه
.
.

ملاحظه (طبعاً الرجال مابش احد الا اهل البيت بس وبعض من اصدقاء ليث اما النسوان به ملان..)

@rewayatyamania المصدر الأول للروايات

عند النسوان قد نزلين ساره وزفينها والبنات اتعرفين على قمر وكلهن حبينها وذابين بجمالها

ام امير: ماشاء الله عليش يا قمر ليش ماجاءت امك نتعرف عليها

قمر بابتسامه كلها حب لان هذه الذي قبالها ام حبيبها اللي كسرها قالت: والله كان نفسها تجي بس خالتي عتسافر جالسه معاها

ام امير حبت قمر قوي وقالت: ان شاء الله مره ثانيه نرجع نعزمكم او نجي لـ عندكم ونتعرف على بعض اكثر واكثر ..

قمر: ان شاء الله يا خاله..


البنات جالسات رقص ومجنانه على الاخر وعيون النسوان عليهن اللي تدعي لهن بالسعاده واللي حاسده لهن(هذا حال الدنيا )



سعاد: ولووووووووووي مبروك يا قلب عمتش انتي

ساره تقلب عيونها وماردت

سعاده: ههههههههههههههه مالت عليش احمدي ربش عتحصلي ليث ابن اخي

ساره: 😒يوووووو امانه منك صدق

سعاد: هههههه هيااا هيااا جهزي نفسش ليث عيدخل يلبسش

ساره: مااشتي

سعاد: نفسي اسجل صوتش لاجل ارجع بعدين اذكرش مااجي غدوه الا وقدش بتفعلي حالات لزوجي لزوجي لحبيبي

ساره: حلم ابليس بالجنه اني اعمل له حالات


اوصف لكم لبس البنات..

(ساره... فستان طويل ماسك على الجسم نص كم لونه دم الغزال ومكياج خفيف وطالعه تجنن وشعرها تسريحه بسيطه بس طالع شكلها تجنن)


(جودي.. فستان طويل ومنفوش بدون اكمام شعرها كيرلي وطالع شكلها جنان)


(قمر.. فستان قصير ماسك على الجسم وفاتحه شعرها الطويل اللي يوصل ل تحت خصرها وعامله مكياج يجنن ...اللي يشوفها مايشبع منها)

.
.

سعاد تصيح: ياا ام ليث

ام ليث: هاه سعاد

سعاد: جهزي الذهب ليث عيدخل الان

ام امير تطفي السماعه وتصيح: يا بنات يا نسوان البسين العريس عيدخل..

قامين النسوان والبنات يلبسين وام ليث جهزت الذهب وجودي وملاك جهزين التلفونات على شان يصورينهم



قمر راحت جنب ساره تسألها لو تشتي شي او شي

ساره: يوووو يا قمر قا يدي ثلج مش عارفه ليش متوتره

قمر: من الحب يا قلبي من الحب

ساره: خخخخ اخر واحد افكر اني احبه وفجأة ولعوا السماعات ودخل ايان وامير وليث وقمر نزلت بسرعة من فوق الكوشه


ليث انصدم بجمالها ماكان متوقع انها كذا وقال: مبروك علينا

ساره ماردت

امير وايان باركوا لها وسلموا عليها

ام ليث جاءت وجابت الذهب وابتدا ليث يلبسها. وحس بيدها البارده وقرب لجنب اذنها وهمس وقال: ليش يدش باره سعليش انا مااكل بنات

ساره: زباج

ليث ضحك ضحكه سمعوها اللي هم قريبن منهم
وكمل يلبسها وسعاده جابت الدبله حق ليث لساره وقالت لها يله وانتي لبسيه

ساره : ناهي ولبسته الدبله

جودي وملاك بيصورينهم..

عند جودي ماقدرت تصور حلا مرتبكه من ايان وقلبها بيدق مليون دقه لان ايان جالس يشوف لها ويبتسم

عند قمر بتشوف امير وجالسه تبكي من تحت البرقع وتقول كسرتني وعذبتي وانتي يا ساره طلع اخوش
اه يا دنيا اه مكتوب لي الشقاء فيش


‏روحي وروحك جسم واحد🍂💙
بس طبعك بعض الاحيان مش تمام

ابكيت قلبي بالتباعد ونسيت عهد الغرام
والوووفاء ياحبيب طبع الكرام..💔🍂

ملاحظة.. طبعاً قمر ماكانت تعرف ان امير اخو ساره ويوم صدمت به قالت اكيد واحد يقرب لـ ساره برجع اكلم ساره بعدين لما اروح الان الوقت مش مناسب والان انصدمت انه اخو ساره)




📚 @rewayatyamania  🇾🇪

.

البـارت 15 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


كملوا ليث وساره تصوير وخرجوا المجلس الصغير على شان يجلسوا لوحدهم..


وقمر لبست البالطوه حقها واتصلت بابوها وخرجت تنتظر له خارج..


وليد: مالك يا امير اليوم

امير: والله مدري ياوليد

وليد: كيف مدري

امير: انا مربوش يا وليد قلبي عند قمر وعقلي عند الذي شفت اليوم

وليد بنذاله: وايش شفت اليوم.

امير ماحس على نفسه وقال: والله ياوليد شفت قمر يمشي على الارض كلمه قمر قليله عليها .. وسكت شويه وشاف لعند وليد وقال: واقسسسم بالله انك نذل لو مش احنا عند الرجال لاقتلك

وليد ميت من الضحكه وقال بمزح: خلاص شخطبها لي الصدق

امير: ادفنك انت وهيه والله

وليد: خلاص اتزوج لي قمر وانت اتزوج اللي شفت اليوم

امير ضبح وقال: وليد بس لاقمر ولاذي هاذو حقي وخرج الحوش
.
.

عند ليث وساره المكان هدوء والاثنين ساكتين

ليث: مش انا عارف ليش جينا هنا

ساره بضحكه خفيفه بانت غمازتها قاله: يااازعم على قولهم نتعرف على بعض

ليث: هههههه يالله عرفيني عليش

ساره: انا اللي ظلموها وزوجوها لك عرفتني او ازيد اعرفك

ليث ضبح منها وقال: ساره احترمي نفسش على شان احترمش

ساره سكتت وماردت عليه
.
.


قمر بالحوش وقالت بدلع طبيعي: يوووووه وين بابي ماقد جااء الا وتشوف سياره ابوها جايئه

طبعاً امير شاف قمر وهيه بالحوش ومبرقعه وقال هذه هي نفس البنت اللى شفتها بغرفتي وخرج الاسواره من جيبه وشاف لها شويه رجع باسها وخرج يلوي بالسياره

🍂🍂🍂💙

خطى من الشارع وابسر صليا

لاهو رقد ماانا حرام عليا 🍂💔
.
.

بعد مرور يومين

كل من جالس على حاله مابش احداث جديده


ساره وليث كأنهم مش معقودين

@rewayatyamania المصدر الأول للروايات

بيت ابو وليد جالسين بالصاله ام وليد وندى وقاسم الصغير ونادر وكمان ابو وليد

ام وليد: اسمع يا ابو وليد ايش اقول لك

ابو وليد: خير قولي

ام وليد: ايش رايك نخطب لوليد

نادر: هئئ وانا

ابو وليد: اهجع مش وقت الهباله حقك ويرجع يكلم ام وليد: لو وليد مستعد ليش لا

ام وليد: انا بكلمه واشوف

ندى: من عتخطبي له يمه

ام وليد: صديقه ساره اللي شفناها بالخطوبه

ندى: يووووه لو توافق وين سعده(حظه) وليد

نادر: وليش وين سعده يازعم انه انجلينا جولي

ندى من دون ماتحس على نفسها قالت: وقسم احسن منها بمليون درجه بنت تجنننننننن اللى مايجننننن ماشااء الله بس

نادر بنذاله: خلاص اخطبوها لي انا موافق

ابو وليد: كمل الثانويه اول واجمع زلط واتزوج.

.
.

عند ساره وملاك
ساره: اوووف وقسم طفششششش

ملاك: اي والله ايش رأيك نقوم نخترع اي طبخه

ساره: هياا شلوش قولي هيا نخرج هياا نروح عند البنات مش نطبخ

ملاك: ههه الله معي فكره حلوه ايش رأيك نروح عند جودي

ساره: وعععععععع لااااا

ملاك: ليش وع

ساره: مااشتي يتعكر مزاجي واشوف ليث وبعدا مايصلح اروح عندهم ايش عيقولوا ميته عليه

ملاك: مالت عليش والله مافيها شي خلاص تعالي نروح عند عمتي سعاد ..

ساره: اوك بيت عمتي سعاد معقول

ملاك: طيب قومي اتجهزي وانا بروح استأذن من امي

ساره: تيب وكمان بتصل على جودي وندى ونجتمع كلنا هناك


‏طمن من تُحب بأنك تحبه في كل حين.💙🍂
.
.

عند ايان جالس فوق التلفون وكل شويه ويدخل لـ صفحه جودي ويكتب ويرجع يحذف وبالاخير دخل وكتب لها ((كيفك ياللي سرقتي قلبي وفكري حبيت اقول لش ورب البيت لليوم وصورتك مامشت من خيالي كنتي تجنني ماشاء الله وكمان حبيت اقول لش مره ثانيه لاتكوني تخرجي للحوش الا وانتي لابسه البالطوه ومبرقعه كمان والله لو اعرف ان واحد شافك بقتلك انتي وهو)) وارسل لها بدون تردد..واول مارسلها جاءه اتصال من نادر

نادر: ووووايان معي لك خبر بعشره مليون وانت اول واحدعيدري بهذا الخبر حتى الشخص اللي يخصه الموضوع هذا ماقد هو داري بشي

ايان: خزعت اذني بصياحك قول قول حمستني ولك عشرين مليون

نادر: هههه احلف انك عتجيب لي عشرين مليون

ايان: نخرتك لو معي عشرين مليون مانا عندك الان

نادر: ياناكر العشره حسابك بعدين اسمع اتحداك تعرف من عيخطب

ايان: من؟؟؟؟؟؟

نادر: وليد اخي

ايان: تتتتتتمزح وقول واقسم بالله

نادر: واقسسسم بالله صدق وزاد قال لك بنيه تجنننننن اللي مايجينننن وقالو شقرا ومعها 5 غمازات ((طبعاً هذا الكلام زيده من عنده ماحد قال ههههه))

ايان يصفر ويقول: حقك يا وليد حقك وايش زادوا قالوا

نادر: مدري ماعد سمعتهم طلعت اقول لك

ايان: ههه هنفدااا لك وانا اروح اقول لـ امير باي وقفل بوجه نادر
.
.

عند امير جالس نازل بالصالة

ايان ينزل من الدرج ويقول: امير ياامير معي لك خبر بثلاثين مليون

امير: ايش او قدك عتتزوج

ايان: يوووووه ياليت خخخخ ماشي حاجه ثانيه

امير: شكله...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 16 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ايان ينزل من الدرج ويقول: امير ياامير معي لك خبر بثلاثين مليون

امير: ايش او قدك عتتزوج

ايان: يوووووه ياليت خخخخ ماشي حاجه ثانيه

امير: شكله عيطلع شي تافه مثل وجهك

ايان: شلوك ماتافه غيرك اسمع هذا الخبر عاده جديد مقرطس حتى صاحب الموضوع مايعرف عن هذا الخبر

امير: امانه قول بدون لغاجه

ايان: ههه طيب اسمع تخيل وليد قاهو عيتزوج (هم قالوا يخطب مش يتزوج 🤦 كل واحد ليزيد شي من عنده )) وقالوا واحده تجننننننننن اللي مايجننن قال لك شقراا وعيونها سماوي مدري اخضر مدري اصفر المهم وتخيل ايش كمان قال لك كل الصفات الحلوه فيها

امير: وانت وين شفتها يا جني

ايان: ههههه ماشفتها حكى لي نادر ونادر امه واخته تكلموا عليه

امير: واووو وحقك يا وليد حقك وعقبى لي اتزوج الذي بنفسي

ايان: وانا يااارب
.
.


بيت العمه سعاد ..
طبعاً البنات قد اجتمعين كلهن وجالسات رقص وهباله وحش على الناس والجو وناسه بكل ماللكلمه من معنى..
.
.

عند قمر على نفس حالها كل يوم تجلس تقرا المحادثات اللى كانت بينها هيه وامير
فكرت تعمل استوري .. (( ليش اللي نحبهم هم اللي يجرحونا وليش دائماً نتعلم دروس من اللي نحب))

@rewayatyamania المصدر الأول للروايات

عند امير وليد
امير: مبروك مقدماً يا شيخ

وليد: على ايش!!

امير: هههههه يووووه عاد هم ماقد قالوا لك انك عتتزوج

وليد: واااااااااات

امير بيضحك بالصوت وقال: اي والله قد هم ناويين يخطبوا لك

وليد: ومن قال اني موافق

امير: لو تسمع مواصفات البنت عتوافق على طول

وليد: والله لو تكون انجلياجولي مااوافق

امير: ههههههههههههههه قال لك انجليا جولي ماتسوا رجلها

وليد: ناهي شلها لك

امير: مانا قد معي


🍂🍂

مااشتيش انا الشيشه ولا المداعه
اشتي حبيب قلبي في كل ساعه🍂🍂

بالليل الساعه ...9م

البنات اتفقوا انهم ينوموا عند يارا

ساره: واووو وقسم حماااااس كم لنا ماعد زدنا رقدنا سواء

جودي: اي والله قد لنا كثير

ندى: اليوم عندقها سمره وجنان للصباح وبعدا كل واحده تنقلع بيتها

يارا: لالا حرام مانسمر الا سوا وننوم سوا وبعدا غدوه بالليل كل واحده تتروح بيتها
.
.

بيت ابو امير..
ايان يدخل البيت ويشوف امه سامره بالصاله رد السلام وبعدا قال: غريبه اليوم البيت هادي

ام امير: هههه خواتك بيت عمتك

ايان: يووه ليش ماقد تروحين

ام امير: اتفقوا ينوموا هناك الليلة
.
.

بيت ابو ليث
ليث ينزل من غرفة على شان يتعشى وبعدا ماشاف الاامه بالصاله وابوه عاده بالشغل وبعدا قال: وين جودي

ام ليث: اليوم عتمسي بيت عمتك سعاد

ليث: كيف لما

ام ليث: اتفقين مع بنات عمك امير وبنت عمك ندى قالين قد لهن خيرات مانامين سواء

ليث جنن جنونه ان ساره عتنوم هناك لانه عارف ان راكان يحبها خرج على طول للحوش

ام ليث: ليث ياليث وين عتسري ارجع اتعشى ((لاحياة لمن تنادي))

عند ليث خارج بالحوش ركب سيارته وجاء يتصل على ساره بس تذكر ان ماعنده رقمها🤦 رجع اتصل على جودي


عند جودي والبنات
جودي: يوووه شكل العيد عيجي ليث اشتاق لي وبيتصل

ندى: هههه شكله اشتاق لـ سارة

جودي: طيب اوص اوص خلينا اشوف ايش يشتي

جودي: الووو

ليث بدون اي مقدمات قال: وين ساره

جودي: اذيه جنبي ليش؟؟؟

ساره تاشر لـ جودي تفتح الميك جودي فتحته

ليث: هاتي اكلمها

ساره قامت وهربت الصاله

جودي بتضحك وتقول: قد هربت الصاله

ليث ضبح اكثر وقال: جووودي مكنيها التلفون وقولي لها تكلمني والا والله لااجي اسحبها من شعرها

جودي خافت وقالت: طيب طيب
ومكنت ساره التلفون

لـيث: اسمعي يا ساره الان تخرجي قذ انا جنب الباب والا والله اجي اسحبك من شعرك وقفل الخط





📚 @rewayatyamania  🇾🇪

.

البـارت 17 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


بعد مرور ثلاثه ايام..

ماتغير شي كلاً على حاله


بيت ابو وليد..
ابو وليد: انا بطلع لعند وليد واشوف ايش قال على شان امر لـ عند ابي وامي واكلمهم

ام وليد: طيب والله يكتب له مافيه الخير
.
.

عند أمير قلبه يشتي قمر بس عقله ليفكر بصاحبة الاسوار

قال بنفسه: انا احب قمر واموت فيها وصاحبة الاسوار مجرد اعجاب بس شاف للاسوار اللي بيده وقام حطها وسط الدرج
ورجع فتح الواتس وخرج تنهيده طووووووووووويله وقال لو شي الان افتح الواتس ومعي 20 رساله على الاقل كلهن من قمر

دخل للوتس وضغط تسجيل مقطع صوتي.. وقال ..((معلقني فيك وناسيني وعيوني مشتاقة لعينك
والشوق بناره يكويني يذكرني ويقلي وينك

ليش تقسى وليش تزعل انا ليك
انا قلبي ورحي الله يموتوا فيك

من بعدك ماريد عمري والله اموت
تطلع الروح البصدري بين ايديك

معلقني فيك وناسيني وعيوني مشتاقة لعينك
والشوق بناره يكويني يذكرني ويقلي وينك

بنهاري اتخيل طيفك وبليلي حالف ما نام
حنيت وشوقي يعذبني من عشق لا ما ينلام
بنهاري أتخيل طيفك وبليلي حالف ما نام

قلبي الساكن بين ضلوعي مو ناسيك وحامل همك
صدقني ما نشفوا ضلوعي مشتاق لكل حرف باسمك
قلبي الساكن بين ضلوعي مو ناسيك وحامل همك
صدقني ما نشفوا ضلوعي مشتاق لكل حرف باسمك

ليش تقسى وليش تزعل أنا ليك
أنا قلبي ورحي واللٰه يموتوا فيك
من بعدك ماريد عمري واللٰه أموت
تطلع الروح البصدري بين أيديك....

وقال: والله والله ياقمر انا بدونك ولاشي ولاشي انتي روحي وانتي قلبي وانتي كل شي انا ماعرفت قيمتك الا من بعد ماتركتك بس والله ورب محمد انا آسف سامحيني وارجعي ادبيني بطريقه غير انا احبششش ياقمر انا احبششش لو سمحتي ارحميني وارسل المقطع الصوتـي)))

@rewayatyamania المصدر الأول للروايات

بـيت الجـد والجـده..

جالسين بالحوش بين الشمس الحاره ويتجابروا الا ويدق ابو وليد الباب

وقام الجد فتح وبعد السلام عن الحال والاحوال

قال ابو وليد: انا جيت اكلمكم انـي انا وام وليد قررنا نخطب لـ وليد

الجد بضبح: ومن عتخطب له وليش ماقلت لي من البداية رجعت ام وليد هيه ابوك ياعاصي والديك

الجده: اهدأ وصلِ على النبي ياقاسم مالك هو قال قررنا نخطب ماقال خطبنا الله يهديك مو انت من رجال

الجد: حتى ولو المره ذي قرر مره ثانيه عيزوج من دون علمي

ابو وليد: الله عليك المستعان ياباه ياجعل لي الموت لو اعمل شي من دونك علمك

الجده: يووووه الف ياسين عليك ياابني

ابو وليد: ايش قلت يابه

الجده: ماعليك منه اذا هيه البنت اللي جاءت بـ خطوبة ساره احنا موافقين لان والله مانحصل مثلها ادب وخلاق وحشمه وذوق بالكلام وزاد انا طلعت اعرف جدتها ام ابوها الله يرحمها

الجد: ايش قال وليد

ابو وليد قال بنفسه على اساس يهمك قول وليد: وقال ايوه يابه عاد انا قبل مااجي لاعندكم كلمت وليد وقال انه موافق

الجده: على بركة الله ان شاء الله خير..


‏🍂🍂🍂🍂

شلّيتْ نهده يرزحوا بها بابْ
من كثرة الفرقه وقِلّ الاحباب.

🍂🍂🍂🍂🍂

عند وليد بعد ماخرج ابوه من عنده اتنهد حس انه اتسرع بس قال لعله خير واتصل على امير يقول له.


امير: اليوم عيكون نحس دام وانا سمعت صوتك من غبش الله

وليد: خخخخ احمد ربك انك لتسمع صوتي غيرك يتمنى لو نظره مني

امير: يووووه شكلك تامر حسني وانا مش داري

وليد: عاد انا احسن منه بألف مره

امير: ومن كذب عليك؟!!

وليد: خطيبتي 😉

امير: قوووووول والله انك وافقت

وليد: هههههههههه وربي عاد ابي خرج من عندي قبل قليل وقال اقول الكلام النهائي..
.
.

بيت ابو وليد بالمطبخ
ندى: هياااا اماه ايش عاقلتم من سب خطبة وليد اشتي اكلم البنات

ام وليد: مله تمام يابنتي خلينا نشوف ايش عيقول جدش اول وبعدا اذا قال تمام كلميهن

ندى: يووووه يمه وقسسم ماعد بي صبر قانا اطير متى اكلم ساره لانها صاحبتها

ام وليد: هياا ناهي اسرعي غسولي لاجل ترجعي ترتبي البيت
.
.

نـرجع عنـد وليد واميـر

امير: يااااارباااه وانت ايش قلت امانه احكي لي كل شي

وليد يقلد انه  استحى قال: يوووووه امير بس استحي

امير ووليد: هههههههههههههههههههههههه

وليد: الله يفتح عليك ياامير ويزوجك بقمر حقك قريب

امير من صميم قلبه قال: آممممممين بس ايش تقصد بقمر حقك

وليد: ههههه امي امس قالت لي ان اسمها قمر البنت اللى يشتوا يخطبوها لي

امير: هههههه بس مابش قمر مثل ماقمر حقي

وليد: نااهي ناهي انقلع ادينا لك وجه

امير: انا اللى اديت لك وجه ياحيوان وقفل الخط..


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 18 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


عنـد جودي..
يووووه ياربي ايش قد فيني جالسه افكر ب ايان لـ يكون حبيته لالا مستحيل احبه ليش مستحيل شكلي احبه يوووووه الله لاقال مع كان به الاايان اجي احبه



قال احبك 🍂
قلت له واهدئ  قليل *.*!

قال مالك؟
قلت له اين الدليل؟؟!

..*
قال تسخى؟؟
قلت شسخى
قبل مااصيـر القتيل.
هو هواكم
هو مخادع ياجـميل "🍂
.
.

عـنـد راكـان
سعاد: يوووووه يـاقلبي مالك احكي لي ياقلبي

راكان: مابش بي شي يمه الله يحفظش لي

سعاد: راكان يا ابني انت متغير وانا ملاحظه هذا الشي وحالك مش عاجبني لا لتاكل ولالتنوم ودائماً اشوفك سارح قول لي ياابني ايش فيك وايش شاغل بالك لاتخوفني عليك انت داري انك كل حياتي وانك سندي وانت بين اشوفك الدنيا ومافيها
.
.

عنـد ساره وملاك
ملاك: ايش رأيك نروح بيت جدي

ساره: والله مافيبي طاافة

ملاك: يوووه كل يوم مابش بش طاافه متى عتجي الطافه ذي

ساره: خخخخخخخخ ايش دخلش

ملاك: هياا هياا بس هباله عيب من امي فخريه خلينا نروح نشوف لو تشتي شي او شي

ساره: خلاص تيب
.
.

راكان قام حضن امه وجلس يبكي مثل الجاهل

سعاد تبكي على حال ابنها وقالت: يوووه ياولدي مالك ومن زعلك ماعاش من يزعلك وانا امك

راكان: يمه انا موجوع انا موجوع ماعد اشتي اعيش (قال كذا على نزلة يارا من طالع)

ياارا تصيح وتقول: راكان لااااااااااااااااااا من لي من بعدك من ؟؟ انا مابش معي أب انت أبي انت اخي انت سندي انت ظهري وتشهق وتقول انا اخاف الحياه بدونك وربي اخاف وتروح تحضنه

سعاد تبكي وراكان يبكي ويارا تبكي كل واحد منهم حضن الثاني وكل واحد جالس يهدي الثاني..😩

🍂💔

‌‎يا مسلمين شلوا حبيبي الناس ..لو شله الباري تطيب الانفاس

🍂💔

عنـد ليث وابو ليث بالماركه

ابو ليث: يله ياابني الله يحفظك شل هذه الخضروات والفواكه لجدتك

ليث: ان شاء الله من عيوني

ابو ليث: خلاص انا بروح الشغل وانت روح قدا جدتك

ليث: طيب
.
.


عند قمر بعد مافتحت المقطع الصوتي حق أمير
جلست تبكي تبكي
قالت: ليش ياربي بيصير معي كذا ليش ليش ياأمير اوجعتني وذلحين رجعت تعتذر ليش ياأمير ليش انا حبيتك وانت بتعذبني وترجع تقول اسسسف كيف عد اسامحك كيف..💔


يانهدتي خفي على فؤادي🍂🥺
خفـي قليلةه قد معي كـفاتي🍂🥺

@rewayatyamania المصدر الأول للروايات

عند ساره وملاك قد هن باب الباب حق بيت جدهن بيدقين فتح لهن جدهن

الجد: كيف كلن جيتين ؟؟!

ساره: قالوا ان هذا بيت جدنا

ملاك: يوووه يا جد جئنا نشوفكم انت وامي فخريه ونطمئن عليكم..

الجد: ناهي ناهي ادخلووا


داخل في الصالة الجده: يووووه حيااا حيااااا بـ بنات ابني

ملاك وساره: لش الحيااة يمه ساره حلت البالطوه والطرحه وراحت المطبخ تعمل كافي وتعمل لجدها شاي

الا ويدق الباب فتحت ملاك وان هو ليث جاب المقاضي

الجده: يووووه الله يحفظك ياابني ويجبر قلبك حطهن في المطبخ..

ليث دخل المطبخ وشاف البنت وهي مقفيه وجا ماعرف انها ساره جاء يخرج الا ويسمع صوت ساره بتقول: ملاك تشتي كافي او شاي

ليث رجع دخل وقال: كل شي من يدش حالي

سااااره: هييييي لابارك لك خوفتني

ليث اتقدم لعندها وقال اولاً وطي صوتش ثانياً ليش تخافي يازعم انا وحش وانا مش داري ثالثاً الله يبارك لي لاازيداسمعش تدعي عليا...

ساره: ههههههههه كل خيبه يعمل له هيبه هههه وترجع تغسل الاقلاص

ليث: كل واحد يتكلم عن نفسه 😉وخرج..
.
.

عند نادر وايان معاهم جعاله بياكلوا ويتمشوا

نادر: مالك ياايان ايش الذي شاغل بالك

ايان: آه آه ياصاحبي قدك عارف

نادر: طيب ليش ماترسل لها

ايان: اخر مره رسلتها وماردت عليا يمكن ماتحبني بس ماتشتي تجرحني وتقول

نادر: طيب ي غالي ليش ماترجع تراسلها انت يمكن هي تستحي

ايان: مااشي مااظن

نادر: الا جرب وماعليك

نادر: هيااا لكن لاتكون تجلس تفكر ايش رأيك نروح بيت جدي
ايان: هياااا قوم
.
.

بيت سعاد
راكان قد طلع غرفته هو ويارا وسعاد عاد هيه بالصاله رفعت اياديها وقالت..(ياااارب انت مايعجز عليك شي لاتحرمني من عيالي وابعد عنهم الضيق والهم الحزن يارب ارح قلوبهم بما أنت اعلم به يارب هم نور حياتي يارب اذا كتبت لي ايام سعيده اقسمها بيني وبينهم..)

انها الام ياساده🥺🍂.
.
.

بيت الجد والجده...
قد كان ليث عيمشي ماخليه الجد يمشي..

ساره وملاك والجد والجده وليث جالسين سوا بالصاله وبيشربوا كافي والجد شاي

ليث بنذاله قال: ايش هذا الكافي ماله لاشم ولا طعم

ساره: ماش ضروري يعجبك

الجد: احترمي نفسك يا بنت هذا زوجش وقومي اعملي له واحد بدله يللله..

الجده: صلوا على النبي مالكم..

ملاك: يووه والله مابه شي انه حلا

ليث اتندم انه قال لانه ماكان متوقع ان الجد يصيح فوق ساره قال: مااااشي مااشي ماعد اشتي قد انا اقوم اروح..وقام


https://tttttt.me/rewayatyamania/51126




📚 @rewayatyamania  🇾🇪

.

⛔️⛔️⛔️

الكاتبة دلوعة نفسي تتواصل مع الادارة للاهمية
@YemRewBot
.

.

البـارت 19 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ليث اتندم انه قال لانه ماكان متوقع ان الجد يصيح فوق ساره قال: مااااشي مااشي ماعد اشتي قد انا اقوم اروح..وقام

وهو بيفتحه للباب الا ونادر وايان بدخلتهم

ليث تذكر ان ساره بغير طرحة وبالطوه قام دهفهم مخرج ورجع للصاله
ودخل لعند ساااره شل بيدها وقال قومي البسي بسرعه العيال كانوا عيدخلووا وانتي كذاا

الجده: روحي يابنتي البسي بالغرفه وانتي ياملاك قومي افتحي الباب..

ساره راحت تلبس وليث راح بعدها
.
.

بالغرفه..
ساره: خير مالك لحقت بعدي

ليث بهدوء: اسمعي ايش بقول لش لو سمحتي ياساره لما تكوني تجي بيت جدي لاتكوني تحلي البالطوه والحجاب يعني تخيلي مثل اليوم لو دخلوا وشافوش يرضيش هذا الشي اكيد لا

ساره استغربت من هدوئه وقالت ان شاء الله..

وخرجوا من الغرفه..
.
.

بيت ابو وليد..
ابو ليد: متى عتروحوا بيتهم.

ام وليد: ان شاء الله بعد يومين انا اكلم النسوان وعمتي لاهي عتجي ورحنا وانا اكلم امها ان شاء الله

ابو وليد: ان شاءالله الله يكتب مافي الخير..

ندى: وانا وانا اشتي اجي معاكم.

ابو وليد: هههه وانتي ماعتسيري تعملي

ندى: كيف مااسير اعمل انا اخت العريس..

ام وليد: لقد هو خرب اكيد تعالي عاد هي الا جمعة نسوان ونشوف مايقولوا

ابو وليد: على الله الله يكتب مافيه الخير...



‏🍂🍂🍂
ولعتني بحبك
ياذا الحمامي

لكن اسف ياناس
طلع حرامي
🍂🍂🍂😿


بـعد مرور اسبـوع مافي احداث جديده...

ام وليد ماقد راحت تخطب لوليد بسبب الجده كانت تعبانه شوي.. فقرروا يروحوا اليوم اللي هو يوم الجمعة..

راكان..قرر انه ينسى ساره ويبدأ حياة جديده ((ياترى هل بايقدر ينسى ساره..))

ساره وليث مابش جديد بحياتهم..

امير تعبان مره بسبب بعد قمر عنه...وكل يوم يعمل لها رسائل وهي ولاترد عليه.


ايان اليوم بالنسبه له يمر كأنه سنه من كثر التفكير بجودي.

جودي .. تشتي تراسله بس  بتتردد


باقي الاشخاص مابش شي جديد تغير خلال الاسبوع اللي مر..

@rewayatyamania المصدر الأول للروايات

عنـد قمر اليوم اول ماقامت من النوم شلت تلفونها شافت الساعه جت بتقفل التلفون الا وتشوف التاريخ.. تنهدت تنهيده طوووووويلة وقالت: آآه آآه يادنيا في مثل هذا اليوم تعرفت على أمير مرت ثلاث سنين من اجمل السنين بحياتي واليوم كاني بتتعاقب وبعيش اتعس ايام حياتها.. وبكت وبكتتتتت


ياليت وبه بير قبالي.💔🍂
اسير اشكي له عن ضيق حالي.🍂

ياساليين كيف السلا قلوا لي ..💔
كيف السلا ودمعتي بطولي 💔🍂



عند امير اللي ماقد نام وكل تفكيره وحسه عند قمر
شل تلفونه وقد خطرت في باله فكره جهنميه شل تلفونه ودخل للواتس وضغط تسجيل مقطع صوتي قال(( كيفك ياكل تفكير امير كيفك يادواء لكل جروحي قمر تعرفي ايش هو اليوم ؟! اليوم هو اليوم اللي حسيت ان الحياه ضحكت لي فيه هو يوم اتعرفت عليش ياقمر الله يحفظش انسي اللي حصل وخلينا نرجع من جديد ونبدأ صفحه جديدة قمر والله والله واللي خلقني وانتي ماتردي عليا اليوم ل اروح الجبهه واذا مت اعرفي انك انتي السبب انا اسسسف وسامحيني واحبششش اكثر من نفسي..))
.
.

بالعصر

ام وليد عتروح بيت قمر اليوم هيه وسعاد وام امير

طبعاً البنات ماحد عارفه اين عيسيرين النسوان
لان ام ليث قالت بنفسها تشوفها بدون ميك أب.
.
.

البنات اجتمعين بيت ابو امير..

نفس الشي عند الشباب اجتمعوا بيت ابو امير بالمجلس اللى تحت

الاباء في الشغل ماعدا ابو وليد لانه وصل النسوان
.
.

في المجلس عند الشباب..
ليث متضايق من وجود راكان ببيت ساره
نفس الشي عند راكان الغيره بتحرقه حرق ..

ليث تكلم بصوت عالي بحكم الكل يسمعه قال: ياامير لو سمحت شوف لي طريق لعند الحجه حقي

الكل باستثناء راكان: اووووووووووه وحقك ياليث حقك

ايان: الصدق مامفتهن الا ليث

امير: عقبالي ان شاءالله

ايان: وانا والكل عقبالي

ليث: هيااااااااا

ايان قال: اسمع ياشيخ ليث مابش عندنا رجال يشوفوا زوجاتهم الا بعد الزواجه ذلحين مابش(طبعاًيمزح)

راكان قال: ومن قال لك ان ليث رجال وضحك بسخريه

ليث جن جنونه وقال بصوت عالي مره لـ درجه ان البنات سمعينه قال: انا رجال غصب عنش ولو انتي مكلف مش كلنا مثلك مكالف

وليد: خلاص خلاص صلوا على النبي

راكان بصوت اكبر من صوت ليث: وقسسسم  مامكلف غيرك يا نذل يا قليل الاصل
.
ِ


عند البنات
ندى: يوووه اللهم اجعله خير مالهم

جودي: يارب لطفك

يارا قده بتبكي على اخوها ((على فكره يااارا حساسه مررره وتحب اخوها مرره)

ملاك: يووه ياااارا خلاص ي قلبي مالش

ساره قلبها بيدق قوي مش عارفه ليش خافت



ليث: رااااكان احترم نفسسك والا والله لاتشوف شي عمرك ماشفته

امير: إهداء ياجني انت وهو مالكم استحوا على نفسكم قدكم رجال طول وعرض

راكان: ماعتعمل

ليث قام...




📚 @rewayatyamania  🇾🇪

.

البـارت 20 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ليث: رااااكان احترم نفسسك والا والله لاتشوف شي عمرك ماشفته

امير: إهداء ياجني انت وهو مالكم استحوا على نفسكم قدكم رجال طول وعرض

راكان: ماعتعمل

ليث قام هجم على راكان باقوي قوته

الشباب بيحاولوا يفرعوا بس ماحد قدر

ليث كان فوقه الجمبيه حقه خرجها وقال: ابعدا بيبعد الشباب

وقال: واالله لاخليك تندم على كل كلمه قلتها
الا على صوت بنت دخلت المجلس وهي تصيح وتقول: ليث لاااا امانه لاااذيت اخي ليثث الا راكان ي ليث مامعانا الاهو بالدنيا بعد ألله وتبكي بأقوى قوتها وتروح تبعد ليث من فوق راكان وتقوم راكان من الارض وتحضنه وتبكي

الشباب الكل متأثر من كلام يارا

البنات جودي وندى يبكوا

ساره منصدمه من قوة ليث

ليث شاف لساره وراح لها ومسك يدها وحضنها

هنا الكل شاف لهم...

امير: هيييي هيييي احترم نفسك يا اخ عاد اخوتها موجودين

ليث شاف لهم وشاف لراكان وقال: انتوا اخوتها وانا ززززززوجها وشدد على كلمه زوجهاا..وخرجوا من المجلس طلعوا غرفه ساره..


‏🍂🍂🍂

يا فاتني حسبي وحسبك الله
شليت قلبي ماتخاف من الله🍂💙

بالمجلس. ِ
نادر اتأثر مره من الموقف هذا قام خرج من المجلس

ايان شاف جودي لتبكي تمنى لو يقدر يروح ويهديها ويمسح دموعها رجع قام خرج بعد نادر على شان لايشوف جودي تبكي

وليد. شاف ندى وجودي وملاك وقال: ندى تعالي شلي يارا واطلعين لكن

راكان قال: لا مابش داعي احنا عنتروح

امير: مالك يارجال والله ماتتروح

ندى وملاك اتقدمين من يارا وشلينها

راكان اول ماطلعوا البنات غطى وجهه في يده وبكي

امير ووليد كل واحد يشوف لعند الثاني

@rewayatyamania المصدر الأول للروايات

خارج في الحوش عند ايان ونادر
ايان: مالك ياصاحبي

نادر: تصدق يا ايان تمنيت لو اقدر اكون أب لـ يارا واحسسها في الامان

ايان: ...

نادر: والله يا ايان دائما اشوفها واحسها مكسوره من الداخل
وارجع احمد الله الف مره على وجود أبي..

((فعلاً الاب نعمه عظيمه وكبيره الحمدلله على وجوده بحياتنا))

ايان: مدري مااقول يا صاحبي بس الله يرحم ابوها ويحفظ لنا آباءنا..
.
.

عند النسوان بيت قمر..
ام قمر قد فتحت الباب ودخلين ((ام قمر ماتعرفهم لأنها ماحضرت عقد ساره ))

بالمطبخ ام قمر: هيااا ي قمر انتي ادخلي سلمي وقربي لهن القهوه وانا ادخل اغير ملابسي

قمر: حاضر ي ماما انتي روحي غيري ملابسك وانا بدخل اسلم واقرب لهن القهوه.
.
.


بغرفة ساره
لهم أكثر من دقيقتين وماحد تكلم منهم

ساره قررت تتكلم وقالت: ممكن افهم ايش الذي حصل وعلى ايش ضربت راكان

ليت شاف لها وسكت

ساره بضبح: ليث أنا بين اسألك

ليث مركز عليها وقال في نفسه ((اول مره اعرف انها بهذا الحلا)) وابتسم

ساره بضبح أكثر يوم شافته ابتسم: ليييييييث سلامات جننت اوايش مالك لي توزع ابتسامات

ليث: عيب أو حرام واحد يبتسم لـ زوجته ولا تسأليني مره ثانيه لاني مش عجاوب عليش انا حر حتى لو اموته ماحد يسألني ليش وخرج
.
.


بالمجلس وليد وامير اول مره يشوفوا راكان كذا
امير: مالك يا رجال عيب عليك رجعت تبكي مابش شي يستاهل

وليد وقده يشتي يبكي قال: راكان منك صدق ي راكان تبكي وين راكان القوي والمهنجم وبضحكه والدلوع حقنا

راكان وهو مغطي وجهه بايده قال: اه اه الكل يحسدوني على اني دلوع امي وأنه امي تجيب لي اي شي انا اشتيه بس انا احسدكم انتم عندكم أب انتم عندكم اخوان يساعدوكم ويدفعوا عليكم عندكم أخوه تتجابروا معاهم تتضاربوا معاهم وتتصافطوا وتضحكوا وتشكوا لبعض انتم على الأقل ماقد حملتم مسؤولية لأن اباءكم موجودين اما انا لا انا من يوم انا صغير وانا اهتم بامي واختي واحاول اكون لهن سند واعوض غياب أبي انا انا وبكي

هذا الكلام كله سمعه ليث تأثر قوي قوي رجع أخذ شهيق وزفير ودخل


ليث بصدمه قال: هياااا ناهي بدل ماكنا بواحد صرنا ب ثلاثه

امير يسمح دموعه وقال: انت اسكت

ليث بكل جديه قال: بس هباله انا اكلمكم من جد ماهو هذا تبكوا مع من مابكي بكيتوا بعده وشاف لعند راكان: وانت ياراكان المفروض تقول اللهم لا اعتراض على حكمك وتدعي لأبوك بالرحمه والمغفره وبعدا تخيل أبوك كان موجود ولا يحبك ولا يهتم بامك واختك وكنت اكيد عتتمنى له الموت اتحمد الله ياراكان انت عندك ام تحبك وتهتم فيك ومدلعه لك عندك اخوال يحبوك وعيال اخوال تحمد الله عندك بيت من اجمل البيوت غيرك ماعنده شي من هذا

وليد يكمل وبمزح: وبعدا يا حيوان انا اخوك وبين اجي احكي لك كل شي يحصل معي لكن عليا الطلاق ماازيد اكلمك ليش مالي تكلمني وانت هاه..

امير وراكان: اتزوج اول وبعدين فكر طلق

وضحكوا على دخلة ايان ونادر...





📚 @rewayatyamania  🇾🇪

.

البـارت 21 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ليث بكل جديه قال: بس هباله انا اكلمكم من جد ماهو هذا تبكوا مع من مابكي بكيتوا بعده وشاف لعند راكان: وانت ياراكان المفروض تقول اللهم لا اعتراض على حكمك وتدعي لأبوك بالرحمه والمغفره وبعدا تخيل أبوك كان موجود ولا يحبك ولا يهتم بامك واختك وكنت اكيد عتتمنى له الموت اتحمد الله ياراكان انت عندك ام تحبك وتهتم فيك ومدلعه لك عندك اخوال يحبوك وعيال اخوال تحمد الله عندك بيت من اجمل البيوت غيرك ماعنده شي من هذا

وليد يكمل وبمزح: وبعدا يا حيوان انا اخوك وبين اجي احكي لك كل شي يحصل معي لكن عليا الطلاق ماازيد اكلمك ليش مالي تكلمني وانت هاه..

امير وراكان: اتزوج اول وبعدين فكر طلق

وضحكوا على دخلة ايان ونادر

نادر بصدمه: سلامات مالكم انتم لتضحكو او لتبكوا

ايان: والله ماعد دريت

امير: ولا شي لنضحك اتطمنوا

نادر عوج لقفه وقال: ناهي ضحكونا معاكم

راكان: مانكلم مجهاله.. وضحك وخرج الحوش



‏ياريتني طاير واطير للقصر🍂💙
وابسر حبيبي حين يصلي العصر👳

عند البنات مجموعات..
ندى قررت انها تقول لهن وين امها وباقي النسوان وقالت: اسمعين اسمعين يا بنات ايش اقول لكن

يارا: خير ايش

ساره بمزح: او قد معك عريس ومش احنا داريين

ندى بضحكه: ماشي ماشي مش انا اللى معي عريس وليد راحت امي اليوم تخطب له

ملاك: قولي وقسم بالله

جودي: يا حيوانه ولا تقولي لنا

ساره: أمانه من خطبوا له

ندى: هههههه الله يشلكن ي جنيات والله كنت بقول لكن بس امي مارضت قالت لاقاهو خبر اكيد نرجع نتكلم

ملاك: ناهي ناهي اتعذري لش

جودي: ماعلينا من ذي الهدره ذلحين قولي لنا من خطبتم له

ندى: واحده تعرفينها قوي واكثر واحده تعرفها ساره

ساره: يوووه سألتك بالله من!

ندى: قمر صاحبتش

ساره: كيف كيف منش صدق

ندى: يوووه مالش ايوه والله
.
.

بالحوش راكان جالس يفكر بكلام ليث واقتنع به وقال في نفسه وعد احاول انسى ساره واهتم بامي واختي ويلعن ابو الحب

@rewayatyamania المصدر الأول للروايات

الساعه 10:54 الليل ..

كل واحد قاهو في بيته

بيت ابو وليد
ام وليد بتحكي لابو وليد :الصدق ياابو وليد ناس محترمين قوي قوي وانا قد كلمت امها وقلت لها فكروا وردوا لنا خبر لاجل نخلي الرجال يفتحوا خبر

ابو وليد: إن شاءالله خير الله يقدم مافيه الخير
.
.

بيت قمر..
قمر: ايوه يمه هاذو هم الذي رحت عند خطبة بنتهم

ام قمر: وايش رأيك يابنتي كيف هم

قمر وهي مش عارفه ليش امها بتسأل قالت: الصدق يمه ناس محترمين قوي قوي وذوق بس ماقلتي لي ليش بتسألي .!

ام قمر قالت في نفسها تكلم ابو قمر اول وبعدين ترجع تكلم قمر وقالت: مابش شي ي قلبي بس قلت اسألك كيف هم لانك تعرفيهم وقد رحتي عندهم ..
.
.

بيت ابو امير ..
امير جالس يراسل لـ قمر ولا ردت عليه يشتي يتصل لها بس خايف لو التلفون مش معاها قطع تفكيره صوت الرساله عرف على طول أنها من قمر لانه فاعل لها نغمه مخصصة...

قمر: هههههههههههه انا قفلت على شان تشتاق لي

امير: ناهي ناهي اضحكي لش الحق عليا اللي خفت عليش وقد كنت اجي لبيتكم اشوف لو بش شي او شي

قمر: منك صدق ياامير كنت عتجي ؟!

امير ارسل لها مقطع صوتي وقال: وقسم بالله ياقمر لاكنت افعلها ولا انا خايف من أحد

قمر بتسمع صوته وتبكي وحست بالصدق في كلامه وقالت: الله يديمك لي

امير: ويديمش لي يا قلبي

قمر: اميرررررررررر ايش قلت لك مااشتي هذا الكلام

امير: هههههههههه خلاص خلاص ولا تزعلي ويديمش لي ياخادمه

((وجلسوا كذا يتجابروا وكل واحد يحكي للثاني كيف كانت أيامه من دون الطرف الآخر))
.
.

بغرفة ساره & ملاك
ملاك قاهي نوم

ساره محتاره قوي تشتي تعرف ايش قد حصل قررت تتصل لـ ندى اتصلت مره ومرتين وتلاثه وندى ولا ردت عليها
.
.

بعد يومين بالعصر
ام قمر: هيااا موه يارجال سألت عليهم عيب عليك لازم نرد لهم خبر

ابو قمر: ايوه ناس محترمين قوي ومن ماسألت يقول لي عائله محترمه وراقية

ام قمر: ماعلينا من هذا كله اهم شي الرجال كيف هو كيف أخلاقه وليصلي او لا

ابو قمر: ايوه ايوه قلت لك قالوا ناس ذهب انا ادخل اكلم قمر


داخل بغرفه قمر كأنت لتراسل امير

امير: الصدق ي قمر مانا والله مع اصبر أكثر من كذا انا اكلم امي اليوم يجوا يخطبوش اشتي اكون اكلمك بكل وقت

قمر: بس والدراسة

امير: ولا عليش من شي ولا يهمش الا تدرسي واعمل لش كل شي اهم شي انا اكلم امي اليوم

ابو قمر دق الباب

قمر خافت وحطت التلفون من يدها وقامت تفتح ل ابوها

دخل ابوها وجلس فوق الكرسي حق التسريحه

وقمر جالسه فوق السرير

ابو قمر: ماشاء الله وكبرتي دلوعتي وبنتي الوحيده

قمر: هههههه هاموه ياباه تشته أجلس صغيره

ابو قمر: والله يابنتي لو يوقع عمرك الف سنه لاتجلسي بنظري صغيره

قمر: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 22 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ابو قمر: والله يابنتي لو يوقع عمرك الف سنه لاتجلسي بنظري صغيره

قمر: هههههه الله يحفظك ياأحلى بابا بالعالم

ابو قمر بجديه: اسمعي يابنتي ماقول لش ولا تقاطعيني

قبل يومين جوا لعندنا خطابين لش وامك ماكلمتك لما سألت عليهم وان هم ماشاءالله يابنتي ناس ذهب وانا شأمن عليش عندهم والله عيب نرفضهم مستحيل نحصل مثلهم

قمر مصدومه والدمعه بعيونها: قاله بس ياباه

ابو قمر قاطعها وقال: بدون بسبسه ي قلب ابوش فكري واستخيري ورديتي لي خبر وحب رأسها وخرج

@rewayatyamania المصدر الأول للروايات

‏جبل صبر عالي على المدينه 🍂🍂

يامن معه محبوب الله يعينه 🍂🍂

بيت امير..
امير نزل من الدرج وهو يدندن ((يغني))
شلوا لكم صنعاء مع الاراضي اما حبيبي مش انا راضي

ايان: اووووه حركات والله

ام امير: الله يهديكم

امير جلس جنب أمه وقال: هيااا اماااه ماقد تشتي تفرحي بي

ام امير: يووه ياابني مابش ام ماتشتي تفرح بابنها

امير: خلاص هيااا اخطبوا لي

ايان: وانا والكل يمه اخطبوا لي امانه

ام امير دعممت كلام ايان وشافت لـ امير: منك صدق ياابني قدك مستعد ولا يهمك الا أخطب لك اهم شي تكون مستعد

امير والابتسامة ملان وجهه قال: مستعد ونص يمه والعروسه جاهزة

ام امير فارحه لفرحة ابنها قالت: من قد معك ياابني

امير: بنت...... وقال اسم ابوها

ام امير بشهقه: هئئئ او قصدك قمر

امير وهو فارح بأقوى قوته قال: يب يب يب يمه هي هي

ام امير: الله يهديك ياابني واحنا قبل يومين وين كنا احنا رحنا نخطبها لوليد ابن عمك لكن سهل انا اشوف لك غيرها

امير حس أن العالم كله وقف وحس أن لسانه انشل عن الحركة

قام مسرع خرج من البيت وهو بيحلف أنه بيقتل وليد

ام امير بصياح والدموع بعيونها: الحق ي إيان بعد اخوك الحق

امير مسرع بأقوى قوته وكل تفكيره أن وليد ابن عمه خاين وكذب عليه وبيقول بنفسه والله لو ماتكن لي قمر ماتكن لغيري

ايان يلحق بعده ويدعي الله مايوقع شي لاخوه
اتصل على نادر

نادر بمزح: مسرع اشتقت لي وعاد احنا كنا سوا

ايان صاح بالصوت: نادر مش وقت مزحك الحق على اخوك

نادر: ايان ايش بتقول اتخابر دلا دلا ايش فيه اخي وليش الحق عليه

ايان صاح بأقوى قوته: الله يشلك يا حمار الحق وبسسسسسسس وقفل الخط


نادر نزل الدرج بسرعه: اماااااااه ياامااااااااااه

ام وليد: خير خير مالك ياابني

نادر: وين وليد وين

أم أمير جاءت تتكلم الا على صوت رزوعة الباب ودخل امير وقد وجهه احمر وعروق رقبته خارجه
قال: يالوليد انزل ياخاين انزززززززززززل ياخسيس انزززززززززززل وقسسسسم لا اقتلك

ام وليد تبكي: خير ياابني مابه ايش فيك

امير مارد عليها وطلع الدرج بسرعه وكان يعمل الدرجه درجتين 
دق ورزوع غرفة وليد جاء ومابش أحد نزل بسرعه

شل نادر ومسكه من رقبته وشاف لعند عمته وقال: عمه تكلمي وين وليد والا وقسسم بالله مايوقع خير

ايان: امير أهدأ وصلِ على النبي وبطل جنان

ام وليد تبكي: ياامير الله يحفظك مااتشتي اقتلني انا وفلت لنادر

امير: عمممة قولي وين وليد الحمار بسسسسرعة

ام وليد وهي تبكي وتشهق: والله ياابني ماادي لك علم بس شكله بيت جده

امير ما انتظر منها تكمل رجم بنادر للأرض ورجع يرجع وركب السياره وهو يتحلف بوليد

ايان ونادر لحقوا بعده على طول ويتصلوا لوليد وهو ولا يرد
اتصلوا على ليث وقالوا له يخبي وليد

باقل من خمس دقائق وصل امير بيت جده


ليث: هيا وليد قوم بعدي

الجد: مابه ايش فيك

على دخلة امير صاح والدموع ملان عيونه وقال: هكذا ياخاين هكذا هذا نهاية الثقه بيني وبينك وصاح انااااا واثق بك ياحمااااااااااار وااثق واتقدم ودهف وليد من كتفه والدموع بتنزل تلقائيا انا اعتبرتك اخ لي وحكيت لك كل شي
ليش تعمل هكذا ياوليد ليشششششششش ويسمح دموعه انا كنتتتت واااثق بس حسافه طلعت واحد خسيس

وليد مش فاهم شي

الجد صاح: مالك ي جني ليش قدك كذا وايش عمل وليد العفري

ليث اتقدم ومسك امير وقال: مالك ي امير أهدأ وصلِ على النبي

امير دهف ليث وقال وهو يسمح دموعه: انت مالك دخل

امير: وليد تعال لعندي

وليد اتقدم لعند امير وقال: ايش فيك يا أمير

امير ماخلاه يكمل كلمته واعطاه بكس قوي لما رجم به للأرض

الجد: مالك ياابن الكلب ماعمل بن عمك قول لنا

امير رفس وليد رفس وكل شويه واعطاه بكس

ليث وايان ونادر بيحاولوا يفرعوا بس وليد ماخلى أحد يتقدم

الجده فخريه دخلت المجلس: يوووه جعلي على عيال ابني مالكم وماوقع

الجد: هذاو عيال الجن وشاف لعند ليث وقال له اتصل بابوك واعمومك يجوا

امير شل وليد ومشي ورجع شاف ايان ونادر بعدهم وقف وقال واقسم بالذي رفع السماء واحد منكم يحلق بعدنا لااقتله وارجع اقتل نفسي وانتم أخبر وركب السياره هو ووليد




📚 @rewayatyamania  🇾🇪

.

البـارت 23 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


ام امير لتبكي وساره وملاك عندها

ساره: امااااااااااه الله يحفظش اهداي وان شاء الله مايوقع الا خير

ام امير: زيدي اتصلي باابوش يا ملاك أو ايان

ملاك: قد حسرت يمه ماحد ليرد عليا

ام امير بصياح: اتصلي على زوجش يا ساره

ساره: حتى هو قد اتصلت به ماليرد



🍂🍂
‏مو اشتعملي به واصل يذاكر
قالت شحبه مع الدفاتر 🍂🍂

ام وليد: يووووه جعلي عمى على ابني يووووه ياربي شلني ولا يوقع بابني شي

ندى وهي تبكي من بكاء امها: امااااه اذكري الله وبدل البكاء ادعي له وبعدا لا تنسي كم امير يحب وليد

ام وليد: هي توقع يابنتي هي توقع والصاحب احيان يخدع اسكه اتصلي على ابوش الجني عيني وين رجع

ندى: ماحد ليرد يمه إن شاءالله ما يوقع شي
.
.

عند قمر جالسه تبكي وتدعي الله ومش عارفه ايش تعمل وتخاف ابوها يجبرها تتزوج ابن عم امير
جالسه تراسل امير ولا رد عليها
.
.

بعد صلاة العشاء..

كل العائله مجتمعه بيت الجد قاسم

ام امير وام ليث يبكين وسعاد تهديهن هي وام ليث

ابو امير ضابح بأقوى قوته

ابو وليد خائف على ابنه بس مش مبين عليه

الجد كل شويه ولعنهم

الشباب قد حسروا لهم اتصالات وماحد ليرد عليهم وكل واحد خرج يدور بسياره ولا لقوهم ورجعوا البيت

@rewayatyamania المصدر الأول للروايات

البنات كل واحده جالسه مطننه وكل واحده خايفه على اخوها

ساره اتضايقت من الجو داخل البيت وخرجت الحوش

ايان: تتوقعوا وينهم

ليث بتنهيده: انا الصدق والله قانا تاعب

نادر: نفسي افهم ايش الذي حصل

ايان مارضي يتكلم وفضل أنه يسكت

((طبعا العائلة كلها لحد ذلحين ماحد يعرف ايش الذي حصل بس ايان الذي شك بالموضوع وساره بس حتى ام امير مافهمت ليش ضبح امير ))


ليث: خاطركم انا بخرج اشم لي شويه هواء


ليث خرج وشاف واحده وعرفها واتقدم وجلس جنبها مسك أيدها وقال: لاتخافي انا اعرف امير اخوش طيب مش عيعمل به شي

ساره والدموع ملان عيونها قالت: طيب وين هم لاذلحين

ليث ضغط على يدها أكثر وقال بهدوء: والله مدري وقد حسرت لهم دوار ولا شفتهم بأي مكان

ساره اتنهدت تنهيده طووووووويله

ليث حب يدها وقال: لاتخافي وخليش ساره القويه امش ذلحين بحاجتك ادخلي عندها ولو تشتي شي او شي اتصلي لي

ساره ماردت عليه وقامت ودخلت
.
.

عند وليد وامير..
جالسين بمكان ماحد يعرفه غيرهم الاثنين

امير: ليش عملت هكذا ياوليد ليشششششش

وليد بهدوء: ايش عملت انا يا امير قولي ايش عملت

امير وهو يصفق بيده: ماشاء الله ماشاء الله يعني ماتعرف ايش عملت

وليد رفع صوته وقال: امير انت داري من انت بالنسبه لي انت أكثر من اخ انت روحي انت صديقي انت بير أسراري انت صديق المر قبل الحلو ايش فيك تكلم بدل الضرب لاتفكر اني مااقدر ارد لك الضرب انا اقدر اضربك وارفسك بس انا محترم الايام اللي كانت بيننا ومحترم صداقتنا ومستحيل أمد يدي عليك


امير جلس على الأرض وبكي وقال انا تعبت والله ((ملاحظه امير عنده عادي يبكي امام وليد نفس الشي وليد))

وليد جلس جنبه ويطبطب على ظهره وقال: قول يا صاحبي مالك ومن ايش تعبت وانا معك

امير شاف له وقال: ليش تروح تخطب قمر ليش ياوليد ليشششششششش وانت عارف

قاطعه وليد: قمر من وايش بتقول متى خطبتها

امير: انت بتمثل عليا او ايش قمر قمر البنت الذي حبيتها والذي سهرت معاها واللي شكيت لها واللي كبرنا انا وهي سوا عرفت من هي قمر أو عادك

وليد مسك رأسه وقال: امير فهمني يعني قمر اللي راحت امي تخطبها لي هي نفسها قمر اللي انت تعرفها

امير عوج لقفه وقال: بتفعل نفسك مش انت داري

وليد وقف وقال: امير بس هباله مالك والذي خلقك وخلقني لو كنت عارف انها قمر اللي تحبها ماكنت وافقت لو تكون آخر بنت بالعالم كله يازعم انا مجنون اروح أخطب البنت الذي صديقي يحبها عيب عليك هذا الكلام ياامير والله عيب

امير بصياح: وليش مارحت تخطب الا هي وليش

وليد بصياح أكثر: وانا مادراني انها قمر حبيبتك قالوا نخطب لك قلت اخطبوا

امير سكت وجالس يفكر ايش يعمل الان

وليد جلس جنبه وقال: لا تخاف تحرم عليا اتزوجها لو تكون آخر بنت بالعالم كله ومالك الا اللي يرضيك يا صاحبي

امير شاف لـ وليد واتنهد: اااااااااااه ااااااااااااه

وليد: هياااا ياارجال قلت لك مالك الا الذي يرضيك بس ذلحين قوم نتروح قد الأمهات اكيد عيجننوا علينا

امير قام وسكته

ركبوا السيارة والذي ساق وليد


💙🍂
‏وهبتك روحي ، ومالي الا روح
‎غزل_عدني🍂💙


بيت الجد
جمع الجد العائلة كلها للمجلس

الجد بصوت فجع الكل: عيال الكلب انتم ماعرفتم تربوهم لكن خلوهم يرجعوا والله لااربيهم سوا

ابو امير ضابح قوي من ابنه: الحمار هذا والله لااوريه

بذي اللحظه دخل امير ووليد

ام وليد صاحت بأقوى قوتها: ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 24 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


بذي اللحظه دخل امير ووليد

ام وليد صاحت بأقوى قوتها: ولييييييييييييد وقامت تحضنه وتبوسه ((نفس الشي عند ام امير ))

ام امير: وين كنت ياابني خوفتنا عليك وتبوسه

يارا تبكي ((لاانها حساسه مره ))

الجد: ياعيال ال........... وين انتم لذلحين
وانت يا شيخ امير ماعمل ابن عمك

ابو امير اتقدم يشتي يضرب امير الا على يد تمسكه

وليد: وقسسسم بالله العظيم واحد يمد يده على امير لااخرج من هذا البيت وماارجع الا وانا بالكفن

الجد صاح: اهي اهي ياعيال الكلب ابن الكلب وهو هذا نهايه الدلع

امير جالس ساكت وكأنه جسد بلا روح ..

ساره تكلمه بحيث الكل يسمعها: اهداوا وصلوا على النبي مابش شي ينحل بالصياح والضرب خلوا وليد وامير يهدوا وبعدين وهم عيرجعوا يحكوا لكم ايش في بينهم..


بعد أقل من دقيقتين الكل ساكت

الجد: عتتكلموا أو كيف

وليد شاف لعند امير ومتردد يتكلم او لا رجع قال: مابش شي ي جد هو سوء تفاهم حصل بيننا بس

الجد: ناهي واحنا نشتي نعرف ايش سبب سوء التفاهم هذا

العمه سعاد: أهدأ ياباااه الله يحفظك وخلهم براحتهم هم عيال عم وأصدقاء بنفس الوقت يسدوا

الجد بضبح: امير اتكلم ايش في قبل مااغلط


ايان بضحكه ليشاور نادر ايان: هههههههه على اساس ماقد غلط الا شويه

نادر: وانت اتقرص العافيه واسكت قبل ماتحصل لك قسمك هههههه

جودي نفسها تعرف ايش ايان ليكلم نادر

الجده فخريه: اتكلموا يا عيالي ايش الذي بينكم

ساره قررت انها تتكلم: انا داريه ايش بينهم

الكل شاف لها

ساره مكمله تتكلم وقالت: البنت الذي رحتوا تخطبوها قبل يومين كان يشتيها امير

ابو امير: وليش ماقلت لنا قبل مايروح عمك يفتح خبر مع الجماعه

راكان بسخريه: كنت أقول مابلا انا حظي اعوج وعادك طلعت ازيد مني ياامير

سعاد: راكان مش وقت حقك المزح ((لتفكر أن ابنها لي يمزح ))

ليث كان نفسه يقوم يرفسه

الجد: اميرررررررررر ماهو هذا الخبر اللي قالت ساره

امير شاف له ولا رد

ام وليد: يووووه شلوني ياامير ليش ماقلت لي والله ماكنت باديه لعندهم..

وليد: ذلحين حصل خير اسمعوا ايش اقول لكم انا البنت هذا تحرم عليا... غدوه نروح نقول انا ماعد اشتيها وبعدين نروح نخطبها لـ امير

ملاك بضبح: يازعم بنت الناس عندكم لعبه ماعد اشتيها انا ادوها لـ ابن عمي وأبوها عيقول تمام ولا يهمكم استحوا على انفسكم وخرجت


الجد: الكل اليوم يرقد هنا لغدوه لما نشوف ايش انعمل مع عيال الكلب وشاف لـ عند ابو امير وأبو وليد انتم ماعرفتم تربوا عيالكم مثل الجن

امير قام خرج

وليد لحق بعده

الكل قام يرقد بعد يوم متعب وصعب بالنسبة للكل

@rewayatyamania المصدر الأول للروايات

الساعه واحد ونص الليل

الشباب طبعا بغرفه
والبنات بغرفه

امير ماقدر يرقد ويشتي يفتح تلفونه ومستحي من قمر ايش عيقول لها

وليد نفس الشي ماقدر يرقد

ايان بيفكر بجودي ويشتي يراسلها بس خايف ليث يشوف

نادر بيفكر بيارا

ليث جالس فوق التلفون وشاف مكالمات من ساره واستغرب ليش اتصلت له ((هي اتصلت كانت تشتي تشوف وين امير))

دخل الواتس وأنه شافها متصله ارسل لها: خير ايش كنتي تشتي ليش اتصلتي لي أو اشتقتي لي😜

ساره: 😏😏 اخر واحد افكر اشتاق له وهو انت

ليث: شعور متبادل وقفل تلفونه

جلس حق نص ساعه يتقلب ولا جاء النوم ورجع فتح الواتس وأنه شاف ساره عاد هي متصلة مادري ايش يقول رجع قال: ساره زوجش جاوع💔

ساره دق قلبها من كلمه زوجش وكتبت له: ايش افعل له ينزل يطبخ من نفسه

ليث بضبح لانه ماجائه النوم: والله وانتي ماتخرجي تلقيني الان لااجي ادقدق الغرفه الذي عندش وادخل اشلش غصب

ساره: اتحداك وقفلت التلفون

ليث ضبح وقال في نفسه انا اوريش ياساره ولبس الشال غطى رقبته من البرد وخرج.. راح دقدق عليها

ساره: يوووه شلوه منه من صدق عملها وجاء

البنات قاهن نوم ماعدا يارا

يارا: هههههه قومي افتحي قبل مايعملها ويدخل

ساره قامت مسرعه وخرجت وماعد لبست طرحه ((حجاب أو مقرمه))

ليث مسك يدها ونزلوا مسرعين للمطبخ

ساره: اووف دلا دلا عتكسر يدي

ليث: عادي وتكتسر ايش فيها

ساره: وبعدا من عيطبخ لك

ليث: اوووه صح صح يله اطبخي لي

ساره تشتي تعانده بس عارفه مابش فائده قالت: تمام ايش تشته

ليث استغرب انها استمعته وقال: عادي اي شي
.
.

قمر جالسه تصلي وتدعي الله وخايفه على امير ليش ماقد فتح تلفونه
.
.

ساره طبخت اندومي وجالسين يأكلوا

ليث جالس يتأملها وهي تاكل وقال في نفسه واحده شقيه ومشاغبه

ساره ركزت أنه جالس يشوف لها اتوترت بس مابينت: خير يااخ مضيع شي بوجهي

ليث بمزح: جالس اشوف كم له شعرك بدون مشاط

ساره شهقت: اهئئئئى الله يشلك انا بغير طرحه

وقامت تهتر الشال من رقبته

ليث: وقسم...



📚 @rewayatyamania  🇾🇪

.

البـارت 25 🍂


يا وجـه الخيـر ليـا وأحـن واحـد عليـا 💙

👌🏻👇🏻 😍
📚 @rewayatyamania  🇾🇪


وقامت تهتر الشال من رقبته

ليث: وقسم مااديه ليش عتتحجبي

ساره وقاهي مستحيه ولتغطي أيدها بشعرها: ليث هياااا والله ماهو ممشط من صدق

ليث بضحكه قرب منها وبعد أيديها وقال: انا كنت امزح معش والله مابه شي شعرك أنه يجنن وباس خدها ورمى لها الشال وهرب وقال وهو خارج من الطبخ البسيه واطلعي لامن يشوفك


🍂‏"قلبي محلّّك والحشا ملعبك..
ارقص وغنّي كيف ما يعجبك".🍂

اليوم الثانـي الساعه 12 الظهر


الكل قد قام وقد اصطبحوا

امير يشتي يفتح تلفونه وبنفس الوقت ماله وجه من قمر ايش عيقول لها جاء بن عمي يخطبك وانا مش داري

وليد جاء لـ عنده وقال: ذلحين منك صدق ياامير زعلان مني

امير بابتسامه حزين: لا ماحد يزعل من روحه

وليد: ايوه قاهو باين ..

نادر: يله كل واحد يبوس الثاني

ايان بمزح: وانا اروح اجيب الكيكه وكل واحد ياكل الثاني

الكل ههههههههههههههههههههههههه

امير: تعال انت ياايان مانا قريب بإذن الواحد الاحد ماأكل الا زوجتي وخرج

ليث: ماتحسوا ياشباب أن نفسيته اليوم احسن

وليد: ايوه الحمدلله بكثير
.
.

بيت ابو قمر
ام قمر: مدري وين رجعوا الجماعه ولا عد سمعنا لهم حس

قمر: احسن يمه لاني مش موافقه

ابو قمر متضايق لأن هم ماعد جاءوا: لعله خير ..

الا ويسمعوا نغمة رساله بأغنيه ((حبه عم يشمي بدمي وعامل حالي مش همي))

ابو قمر: من هذا ليراسلك ذلحين؟!

قمر توترت: اااااايمكن لينا صاحبتي إذنا اقوم اشوف ايش تشتي ودخلت غرفتها..

وشافت رساله امير فتحتها وهي تضحك وتبكي من الفرحه ((لأنها قد كانت متوقعه أنه ماعد ايراسلها))

كانت رسالة امير: قمر وربي وربك مانا عارف أنه بن عمي جاء وخطبك وربي انا احبش وعد مني ماتكوني الا لي واذا ماكنتي لي وقسسسم ماتكوني لغيري

قمر: 💔😭مافي داعي تحلف ياامير انا واثقه بك وعارفه انك ماكنت عارف ان ابن عمك جاء وخطبني

امير في نفسه وربي مااستاهلش ياقمر كنت أقول مش انتي واثقه بي لكن وعد بإذن الله اسعدك رجع كتب لها: المهم انتي لاتوافقي واحنا جدي بايجمعنا ونتكلم بهذا الموضوع

قمر: طيب أن شاءالله خير.. انا بحاول اني مااكون افتح الواتس كثير على شان بابا لايشك

امير: وعتسخي تفلتيني ياقمر تخليني أجلس وحدي والله الواتس يوقع يفجع من دونش

قمر حبت تغير الجو: 🤣🤣 اصدق نفسي وبعدا  اتدلع عليك ههههههههه

امير: عادي تدلعي انا فدااااش..

@rewayatyamania المصدر الأول للروايات

بعد الغداء..

عند الرجال بالمجلس..
ابو امير: قوم ياايان جيب الشاي

ايان: ليش مايقوم امير

امير شاف له وعوج لقفه ومارد

ايان: استغفر الله العظيم اخي اليوم مايسافط أحد وقام

ايان: امااااااه يامااااااااه وين الشاي

الجده فخريه: اكيه بنت عمك بالمطبخ وقول لها وهي عتجهز لك

ايان: طيب ومشي للمطبخ

جودي وهي ملقيه ظهرها وتتخيل أن الذي دخلت المطبخ يارا قالت: ياااارا معك شوكولاتة توكس والله يانا خاوره لها

ايان برومانسيه وصوت واطي على شان لا من يسمعه: ادي لش قلبي مش الا شوكولاتة توكس

جودي بشهقه 'هئئىىىىىىى وخرجت من المطبخ جري

ايان: ااااااااااه ااااااااه فديتها وخرج مسرع للبقاله

الجد: وين رجع الجني هذا

ليث: انا بقوم اجيب الشاي وارجع

ليث: امااااه يااااماااااه وين الشاي

الجده فخريه وهي تشوف ل عند جودي: يابنت الذين أمانة ليش ماجبتي الشاي لابن عمك

جودي: اااااااااء اااا مدري ماحد جاء لاعندي


🍂🍂🍂
‏الوجه حالي والشعر ملوى
سبحان ربي ماخلق وسوى
🍂
حين شافني قلي حيا وقوى
رجعين عيوني كالقلوب ياناس 
🍂
أشتي انا مهجتي والروح
اشفي بها قلبي المجروح
🍂
وماطلبتوه خذوه مسموح
يا جيرة الحب عينوني

🍂🍂🍂


بالعصر بالمجلس عند الرجال والشباب

الجد: ذلحين اسمعوا ايش امير يشوف له بنت غير الذي قال يشتي بها

امير: وامير يقول لكم والله مايتزوج الا البنت الذي قال لكم عليها

ابو امير: امير احترم نفسك

الجد بصياح: عاد الضبح لك أجلس وسكته والبنت توقع لـ بن عمك وانت ندور لك غيرها أو شل لك واحده من بنات عمك

امير بصوت عالي: واللي رفع السبع السموات وانتم لو ماتروحوا تفسخوا الخبر الذي قدمتوا للجماعه لااعمل شي اخلي الكل يندم وخرج

وليد قام وقال: وانا ياجد قبل ماتقول اي شي والله لو تكون هذا البنت آخر واحده بالعالم مااتزوجها وخرج بعد امير

ابو امير وأبو وليد قاموا حبوا راس ابوهم ويعتذروا

ابو ليث: وانتم ياجماعه وهو الصح هذا الخبر نروح نفسخ الخبر الذي قدمنا لهم ونرجع نخطبها لـ امير

الجد وقد الضغط مرتفع به قال بصياح: انت اسكت سكت دهر ونطق كفر والله ما يمشي الا قولي والجني امير من وين يعرفها وانتم ولا عد احد أستحي منكم كل واحد يرفع صوته من حال ووا...
 



📚 @rewayatyamania  🇾🇪