❤️

بارتات يومنـا الخميـس👆🏻😍

مرت سنة على غيابكم يا أبي.. يا قطعة من كبدي يا روحي الغالي كل يوم يمر في فراقكم صعببب لكن اسأل من الله ان يلحقنا بكم صالحين ويجمعنا بكم في جنات النعيم.. والى حين ذلك الوقت اسأل من الله الصبر والعصم.. ربي ارحم ابي واحسن إليهم كما احسنوا إلينا وارحمهم برحمتك هم وجميع من فارقنا من اهلنا واحباءنا ياااارب وارحم فقيد كل من قال آمين.. الفاتحة أثابكم الله

.

البـارت 131 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قام نايف وخرج وانا قلت: سهر وقمر وسارة وانا يااااي بنتزوج بيوم واحد احسن

بشير بضبح: بالله

علاوي بضحكه: وعادل وتركي وريما وشهاب كل واحد بعائله لوحده وين بتزوجوا وكيف كلهم بيوافقوا يسووا بيوم واحد

قلت: وش فيها مخارجه وماشي خساره كثير بتصير زي زواج واحد

بشير: عوضونا بزواجي وسووا زواج كبير بس بعد ثلاثه اشهر والا اربعه عشان يكون حلو ومميزز

علاوي: لا قال عادل بعد شهر ونص يشتي يتزوج

قلت: وليش شهر ونص

بشير: ماشاااءالله وماقد انته قلت تشتي بعد شهر

علاوي: وتركي مدري متى بيقول

قلت: وشهاب ايش قال

بشير: مدري بنشوف شكله بيقول اسبوع

انا وعلاوي: تخمن من عندك

قال: لا لا بس قلت ع تفكيره يمكن
.
.


سارة *

ابوي اجا وكلمته امي وقال: كلمتهم

امي: كلمت من

ابوي: كلمت شهاب وتركي ما حصلته لما شوفه بكلمه

امي: لو بنسوي زواج واحد احسن صح

ابوي: ايوه بس تقولي بيوافقوا الناس كل واحد له اسره لوحده وتشتي تفرح بوقت مزاجها

امي: كلمهم وشوف

ابوي: اوين كلمهم بيقولوا ماعاد رجي يزوج بناته

امي ضحكت وقالت: والله ما يقولوا انته قول لهم بعد اربعه اشهر كل من بيجي قله بعد اربع اشهر وكذا بتصير زواج واحد

ابوي: بنشوف وان شاءالله خير

امي: وحتى رؤوف معهن

ابوي: بنشوف ان شاءالله خير

قام وخرح وانا هربت عشان مايشوفني وكذا لما خرج رحت وقلت لهن وقالت سهر: بطلي تحقيق

قلت: اسمه تسماع ع الناس

قمر: وليش الان وين راح ابوي

حلا: وعلاوي وين ما شفته

سهر: الليل ماشفتيه وقد خرج قدامش حنيني لش

ورده: هههههه نشتاق

قمر: هههه
.
.

تركي*

روحت انا بيتنا اشوف اخواتي واول ما مسكت الباب عمي نايف صيح لي وانا جييت له بابتسامه وقلبي يدق واقول بيني وبين نفسي (يارب وافقت)

وصلت وسلمت عليه قال: من اول ادور عليك

قلت: خير ياعم

قال بابتسامه: خير خير ان شاءالله بس بقلك وافقوا عليك واذا تشتي تجي العصر ونسوي شوفه شرعيه ونتفق ع كل شي

قلت له: لا ماشي داعي شوفه شرعيه اما نتفق تمام العصر وانا عندك

علاوي اجا باتجاهنا انا تلبكت من علاوي ولما وصل سلم عليه وقال بابتسامه: كيفك اخبارك

قلت: الحمدلله تمام

علاوي: ايش كلمته يابه

عمي: كلمته كلمته والعصر بنسد

قلت: خاطركم والعصر وانا عندك

علاوي: والله غداء عندنا وقد عزمت عادل وتجوا تتغدوا وشهاب عزمته كيف اصهارنا وما نعزمكم

شهاب ؟

قلت: من شهاب

عمي: ابن اختي

علاوي: ماتعرفه

قلت وانا اتذكر: الا الا قابلته مره

علاوي: وين ؟

قلت: ساكن عندي بالعماره وامس شفته

عمي نايف: طيب تعال زي ماقال علاوي تمام

قلت: ان شاءالله

علاوي : طيب يله مع السلامة

ومشى هو وعمي نايف وانا دخلت البيت شفت اخواتي جالسات يتقهوين سلمت ودخلت

لحقتني اختي بثينه وقالت: تركي

التفت وقلت: ايوه

بثينه: انا اشتي اقلك

قلت: ايوه

قالت: انا شتي ف فلو

قلت: فلوس

قالت بارتباك: ايوه

قلت بابتسامه: عيوني كم تشتي

دمعت وقالت: مش كثير اشتي

قلت: بثينه انا اخوش كم تشتي باطيش وبعدين اللي معي كله لش كم مااشتيتش كلميني كم معي انا بثينه

حضنتني وانا مش متعود حد يحضني غير امي تلبكت وهيه بكت وقالت: والله اني ندمانه ع كل شي وع اني ما كنت اكلمك ولا كنت اشوفك انته اخوي اللي تجاهلت انك اخوي الصغير ولا عاد سألت عليك ولا ع امي وندمانه ع تعاملي مع امي كل شي ندمانه عليه مامعي غيرك والله كنت مع قاتل ابوي وقاتل امي دمرتكم ياريت مت ولا بعدت ايش ينفعني الندم ياريت امي ترجع وابوس رجلها تسامحني ياااريت ااااه ياتركي ايش همممم اللي فيه زي الجبل اايش تعبت والله ماحد بقي لي غيرك ياريت تسامحني ياتركي ياااريت مابقى لي احددددد مابقى ياتركي غيرك وانا والله مااستحق انك اخوي استحق الموت والله استحق التعب والمعاناه اللي انا فيهاااا ياريت موووت وارتاح


بعدتها من حضني وقلت: الله يسامحكن كلكن واتأكدي انش ما غلطتي وان عمي خدعش الله لا يسامحه ولا يرحمه لا تقولي اموت عاد عيالش يشتوش حرام جهال ويتامى

قالت: يتامى احسن من اب حقير زي صقررر

قلت: خلاص امسحي دموعش واشتي قلش تفرحي لي خطبت

شراح من عند الباب تبكي وقالت: تركي سامحني

فتحت لها ذراعي وقلت: تعالي

اجت وحضنتني وبثينه حضنتنا كلنا قلت: اااااه ياريت كنا مع بعض من زمان

زاد بكاهن وانا نزلت من عيني دمعه وقلت بيني وبين نفسي ( ماانحرم من ذي اللحظه ياااارب ماتحرمني من اخواتي ما لي غيرهن )

بعدت منهن وقلت: طيب بنقل لشقه وبتزوج وخطبت قمر

بثينه: من قمر

شراح: ذي اللي جارتك

قلت: جارتنا ايوه

بثينه بابتسامه: هاه عرفتها ونعم والله انها...




📚 @rewayatyamania  🇾🇪

.

البـارت 132 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


بعدت منهن وقلت: طيب بنقل لشقه وبتزوج وخطبت قمر

بثينه: من قمر

شراح: ذي اللي جارتك

قلت: جارتنا ايوه

بثينه بابتسامه: هاه عرفتها ونعم والله انها طيبه وحلوه

قلت بابتسامه: ايوه

خرجت من جيبي فلوس ما عديتها واطيتها بثينه وقلت: ولش كمان ورثش وبتاخذيه من ذي

ولطمت رقبتي وقلت: كلكن بتشلين حقكن واذا محتاجات شي والله انا اخوكن عيب تستحين مني صح ان احنا ما نعرف بعض كثير ولا عشنا مع بعض بس بتظلين اخواتي وان شاءالله ما تحتاجين شي وانا معكن وعيالكن عيالي وانتي ياشراح سامي ان شاءالله بيطلع من السجن واذا تشتي ترجعي له والله ماامنعش انتي حره


شراح: مدري وش اقول بس الله لا يحرمني منك يارب تسلم ياتركي ماحسينا بقيمتك الا بالوقت الغلط اسفه

بكت وقلت: ويه شراح بلا بكاء ايش مااحتجتي انا معش وبعدين اشتي منكن تروحين معي والا ماتشتين

شراح: كيف مانشتي اكيد بانروح معك

ضحكت وقلت: طيب يله بنام قليل واقوم اروح معزوم عند عمي نايف صحيني اذان الظهر

بثينه: تمام يله نام وارتاح و....

قاطعتها شراح: بتتغدى عندهم

قلت: ايوه

قالت: عزموك ههههه شكلك محبوب وغمزت

ضحكت وقلت: اكيد اخوش محبوب

دخلت غرفتي

وامتديت ع طول فوق القعاده (شعور حلو لو معك اخت هههه عمري ماعشت الاخوه من وعادني صغير ومااذكر ايامي مع اخواني ولا حتى محمد الله لا يسامحك يافهد )

تنهدت ونمت
.
.

بعد ما صحيت ع صوت شراح وهيه تقول: يله عشان ما تتأخر وقد اذن الظهر


قمت وقلت: يله يله

مشيت للحمام وانتوا بكرامه وبعد ما طلعت شفت ثيابي فوق القعاده عصبت من فتح كبتي وقلت: مننننن فتتتتتح كبتي

شراح دخلت وقالت: انا ليش

قلت احاول مااعصب: ليييش تفتحيه !

قالت: مالك خرجت لك ثياب

قلت: مااحب حد يدخل غرفتي ويفتش في اغراضي ياريت ماتعيديها

سكتت وخرجت وانا تنهدت وقلت: الا قمر بس يحق لها


شليتهن ولبست وتعطرت وطلعت شفت شراح تبخر واجت بخرتني وقالت: مش حلو اللي متعقد وبطل تعقاد وبعدين مالمست شي بس فتحته وخرجت لك ثياب

قلت: خلاص عادي مره ثانيه ممنوع

بثينه من داخل امخدم: قد عادك بتتزوج ومرتك بيكون لها حق تفتحه

قلت بابتسامه: حقها ومن قبل كمان

شراح طرحت امجمره وقالت: اهااااه قلنا متعودين يعني

قلت وانا اخرج: غصباً عني كنت ازعل من قبل
.
.

شراح *

ماحبيت تصرف تركي اوه نعم من قبل تفتح كبته ايش ذي قمر دخلت امخدم وقلت: تفتحه من قبل ههههه

بثينه التفتت وقالت: تقول مدري ايش معه

قلت: ايش رأييش نتغسل ونبدل ونتشيك ونروح عند قمر العصر ونسأل عن الكبت ذا

ضحكت وقالت: ماشي فيه والله وقدش تعرفي تركي من وهو صغير حتى شنطته حقت امدرسه ماحد يقدر يلمسها

ضحكت وقلت: يله يله امشي بنروح
.
.


سارة*

بعد ما نجحنا الغداء لـ عرساننا :) رحنا انا وقمر وعملنا عصير طبيعي وتحلايات وكبسنا الدجاج وسهر حنذت دجاج ومغلي وكل انواعه وسوينا سحاوق و قدحنا الرز وقطعنا الفواكه وقمر تشكلهن وسمعنا صوت بشير يقول: ورده بسرعه ساعديهن والله انهن كسلات

قمر قالت: والله انا مو كسلات وقد سوينا كل شي

اجا ودخل وقال: اللللللللله ماحد سوى لي كذا بزواجي

اجا يشتي ياكل ولطمته سهر وقالت: مع الناس مش الآن

قال: بخيله

ورده: خليه ياكل

قلنا كلنا: الله اكبر ندافع الآن

بشير: فديت حبي انا

ورده: يفداك روحي وقلبي

سهر: حمير

قمر: احم احممممم

اني: ايوه ايوه كملوا

ورده استحت وبشير قال: مالش دخل مرتي وادلعها

سهر: ذا دلاع وبعدين دلعها لما تكون معها لوحدك مش هنا

تعامس منها ووخر وانا وقمر ضحكنا ع شكله وشكل ورده اللي تسوي نفسها تقطع الدجاج ومش مركزه

حلا دخلت وقالت: قدهم كلهم بالديوان يله خفين اعماركن

سهر: اخر لمسه يله خلصنا

شلته حلا وغطت الصحون وقالت: بعد 10 دقائق دخلوهن

سهر: ماشاءالله عادهم بلا صلاة الظهر

حلا: قدهم راحوا المسجد يله لا تفتحين شي

امي دخلت وقالت: ليش ما عزم ابوش اخوات تركي

قمر حمر وجهها ع اسم تركي وانا قلت: مدري

امي: وين عبدالله خليه يجي

حلا: عببببببدااااالله

عبدالله اجا وهو ماسك يد ناشر وناشر ينتع يشتوا يتضاربوا وانا قلت: ناشر عيب

ناشر: حررر خليه يفك يدي

نتعت يده من يد عبدالله وقلت: خلاص بطلووا قلة ادب

حلا باست خد عبدالله وناشر غار وقال: ليش تحبيه

حلا مااهتمت وقالت: عبودي روح بيت تركي تعرفه اللي عند بيتنا وبابهم اخضر دق الباب وقل لخواته نعم تقول جدتي شمس انكن تجين عندنا غداااء والا بتزعل

هز براسه وخرج وحلا قالت: شطووور ابن امه والله

ناشر كان تعابير وجهه ماتفتهم وحلا مسكته وحبته في خده وقالت: كلكم عيالي وعبودي يتيم حرام تضربه حرام

ناشر: ايش يعني يتيم

حلا قالت: ...




📚 @rewayatyamania  🇾🇪

.

البـارت 133 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


ناشر: ايش يعني يتيم

حلا قالت: امه مااتت يعني راحت عند ربها وابوه مريض ماحد معه لا تكون اناني خله يحبك وكونوا اصحاب طيب وامه قدها زوجة ابوك الله يرحمها يعني انتوا اخوان طيب

قال: مش هووو خوووي مش ابن ابوووي

حلا بعصبيه: ناااشر والله بضربك كف لما قول كلمه لا ترد ولسانك طال ذي اليومين لو مابطلت قلة الادب والله باطيك جزمه في وجههك قليل ادب

سهر: خلاص حلا خليه جاهل

حلا: مهوشي جاهل يبطل قلة ادب ولسانه طال مع ابوه واقسم بالله ياناشر ماحد بينفعك بلبجك لما يقولوا على ايش

قمر: خلاص حلا

حلا: خليه ولسانه بقطعه من جذره لو تكلم ع عبودي تسمعني قدك وخليني شوف قلة ادبك وبادبك من جديد قلة تربيه من صدق يشتي له لطم

ناشر بكى وقمر عصبت وقالت: جاااهل ياحلا حرام

حلا: والله حلفت يمين ماتنفعك قمر ولا سهر اليوم يومك ياكلب امشي من قدامي وخليني شوف كيف بتقل ادب مع عبدالله من الان قلت لك

قمر قامت وباست ناشر قالت: مش حولك منها ما بتلمسك

ناشر دهف قمر وقمر سقطت وحلا قامت تشتي تضربه وسهر مسكتها وناشر هرب

حلا: قليييييل ادب قلت لكم يشتي له سرماخ لما يعقل

سهر: حلا جاهل جاهل

ورده خرجت وانا لحقتها يوووووه ايش ذا حرام ناشر جاهل ما يستاهل كذا تعامله المفروض تكلمه بهدووء وتفهمه بدل الصياح كذا بدل ما يعقل بيكاوي ويزيد مشاكل بس لما تتعامل مع الجاهل بكلام منطقي وتقله ذا عيب وذا صح وذا حرام وذا حلال وانته حبوب وتفهم واحسن واحد وكذا بيفهم بس الضرب والشتم والصياح عاده بيزيد الطين بله

دخلت عند ناشر شفته يبكي وقلت له: حبيبي

قربت له وحبيته في خده ودهفني وقلت له: حرررااام عمتك تدهفها

قال: كلكم تكرهوني وترحموا عبدالله اناااا اكرهكم واكره عبدالله

قلت له: عيب والله اننا نحبك واكثر واحد وانته ذكي وما تفكر كذا وبعدين انته الكبير ورجال البيت لا تكون تفكر كذا وعبدالله حرام والله ليش تكرهه هو اخوك زيه زيك في البيت وبعدين يتيم ياناشر وانته عاقل وفاهم انه يتيم يعني لا معه اب ولا ام وعادك انته تكرهه طيب سوي نفسك مكانه

عينته انه مسح دموعه وركز مع كلامي وكملت وقلت: طيب شوفه من جهه ثاني شوف فيه اخوك وصاحبك واعتبره صديق عزيز و بطل تكرهه لانه والله حبوب بايش اذاك حرام عليك وامك ما تكرهك بس تتعاطف مع عبدالله وانته فكرت انها كرهتك ماحد يكره ابنه وبعدين شي قد ضربتك شي قد

قال: قبل قليل كانت بتضربني

قلت له بابتسامه: لانك فعلت شي غلط يعني لو كان ما تضارب عبدالله وانته داري ان الله سبحانه وتعالى ما يحب اللي يضرب او يزعل اليتيم

قال: اهاه

قلت: والله وانته عاقل تحب انه انته تكون شخص اناني وتكرهه لانه عاش معنا غلط يا ناشر وحرام امه وصت ابوك يربيه معكم وانته تعرف ايش يعني وصيه يعني امه اخر امنيه تمنتها ان ابوك يربي عبدالله وابوك وعدها انه يربيه زيه زيكم وما ينقص عليه شي وانته تحرق قلب امه لما تظل تلبجه كذا وتاذيه وتخليه يزعل و تحنق امك منك وابوك وامه عبدالله ووالله سبحانه وتعالى كمان يزعل منك تحب انه الله يزعل منك انك تاذي يتيم هاه والا انته ماتفكر غير بالانانيه خليك رجال وصونه وكون معه بالحلوه والمره ولا تخليه يحس انه ثقل علينا ويزعل منك ويحترق قلبه حرام صح والا لا

هز براسه بانه فهم وقال: ماشي اكرههه انا وخلاص ما بزعله مني

قلت له: شاااطر وكمان بر الوالدين يا ناشر لانك تطول لسانك ع امك وابوك وهذا حرام وتكون ولد عاق الوالدين وقال الله سبحانه وتعال  ((وبٍالوٰلٌدينِ احسَاناً إما يبلغن عندك الكبر احدهما او كلهما لفلا تقل لهما افّ ولا تنهرهما وقل لهما قولاً كريماً ))((واخفض لهمـا جنـاح الذلِ من الرحمه وقل ربِي ارحمهما كما ربياني صغيراً))    صدق الله العظيم  .... يعني ما تغلط عليهم ولا تزعلهم ولا تقل تربيه عليهم هم اهلك وربي وصانا بوالدينا احساناً مش تقوم تكرههم حياتهم وترد في وجههم وتسب وتقل ادب لانه عيالك انته لما تكبر بيسووا فيك زي ماانته تسوي في اهلك وبترجع تتمنى انك ما غلطت عليهم ولا زعلتهم بس ما بينفعك الندم

ابتسمت له وقلت: ياريت فهمت وانته كبير وعاقل وانا فهمتك ع قدر ما اقدر عليه
داري بك تفهم صح


قمت وخرجت وخليته يفكر في كلامي...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 134 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قمت وخرجت وخليته يفكر في كلامي يارب يفهم صح صغير بس لما يتعلم وهو صغير احسن بعض الناس تحسب التعليم ضرب وصياح وربط ولبج لما يخربوه بيدهم وذااا اكبررر غلط لانه بدل ما يفهموا ويتربوا صح يفكروا اهلهم يكرهوهم ومايحبوهم وان الحياة كلها ضرب وكره وننجب اجيال اشد قسوة من اللي قبل بس بكلمه حلوه وترفع معنوياته بالكلام الصح ذا يكون قدوه لغيره ويكون فاهم وعاقل وبعضهم يخلوا ابنهم يسوي اللي يشتي حتى لو غلط ما يعلموه ويقولوا جاهل وذاا كمااان اكبر غلط لانه بيكون مدلع واناني ويصير بخيل واي شي يشتي لازم ينفذوه له وذا بيكون شخص جاهل وحتى لو كبر مكانه جاهل لانه ماعنده علم ولا اهله علموه الصح من الغلط وبيكون ولا يفهم شي حتى لو كبر بيظل عقله صغير واي شي يشتي بيخرجه من راس ابوه وامه ولا حتى بيحترمهم وبيكون يفكر الاهل بس يلبوا الطلبات وينفذوا اللي يقوله وبسسس ومش اهل ذا يفكرهم خدم المفروض تحسنوا تربيتكم بعيالكم وما تخلوهم يسووا اللي يشتوه واخذوا التعليم الصح لاولادكم وعلموهم الصح من الغلط بس بكلام حلو يريحه ويفكر فيه وبدل الضرب كلمه حلوه وبوسه وبعض الاحيان لو ما فهموا ازعلوا منهم قليل لا تشدوا عليهم ولا تضربوهم  لانه جاهل وما يفهم الا لو جلست معه وكلمته بلطف وقلت له ذا غلط وذا صح ومش حلو تظلم احد وحب اخيك واطي صاحبك معك ولا تبخل كذا رح ننجب جيل يراعي المشاعر وكريم
.
.

قمر*

خرجت اشوف من الطاقه ع تركي يوووه جعلني فدا روحه حبيب قلبي شفته وهو يمشي للمسجد كشن(لطيف) ههههههه

التفت ع سارة وهيه تقول: احترمي نفسش ايش ذا التشفاي

قلت: تعالي تعالي عيني عادل

اجت جري عادها تقول عيب ماهيه الآن ايش تسوي

التفتنا ع سهر الللي دخلت بيناتنا تتشفى وقالت: شهاب مش معهم

ورده: احم احم

التفتنا ع ورده شفناها تضحك مااهتمينا وجلسنا نعين شهاب وتركي وعادل ههههههههه حلو الشعور ذا

اجت ورده تتشفى معنا استغفر الله ضحكنا لما شبعنا عليها وعاد سهر تتغزل اوووه هههههههخخخ وتقول: اللله محلاه شهوبي

ورده: وجعش وش من شهوبي الا شب شب احسن

لطمتها سهر وقالت: مشغلش مني انا ادلعه عاد احسن من بشور

ورده: نعممممم لا حبيبتي انا اقله بشيرو مش بشور

قلت: حلو بس بشير مش له دلع

سارة: الا له ونص

امي من ورانا: ايش تسوين

اجت وتشفت معنا وقالت: الله الله ع عيال الناس تعينوووا هاه ماشااااء الله ع زواج بناتي حلوين وين ذا قاسم (زوج سماء 🌚) ماعزموه والا ايش

ورده: مدري

قالت امي وهيه تغلق الستاير: يله عيب قومين سوين لكن مهره

ورده: عمه شي معنا مكونات كيك بسوي

امي: حرام مالون وصي بشير يجيب لقد جاء

سهر وهيه تدخل الحمام وانتوا بكرامه: عادني سويت قبل

ورده: رعيييي لا اقصد بسوي نوع غير اللي سويتيه

امي: صلين لشي معكن صلاه


وخرجت وانا دقيت الباب ع سهر وقلت: عجلي طابور بعدش


ماردت وانا جلست العب بتليفوني لما تخرج


وسارة راحت هيه وورده يوصين حد يجيب مكونات الكيكه


شفت رقم تركي ورفعت امحظر عنه ورسلت له (رفعناه بس ماشي بيننا كلام ) اشتيه ينفحر قليل


مارد وخرجت سهر وقالت: ادخلي توضي يله وغيري لش جلابيه حلوه اخوات تررررررر بيجين هههههه

قمت ودخلت ولا اطيتها كلمه توضيت وخرجت صليت معها وجلسنا وقالت: كننا نهاري جدار قومي غيري

قلت: بعد امغداء

قالت: قومي والا اسفخش

قمت وشليت لي جلابيه ودخلت امحمام وانتوا بكرامه تغسلت ولبستها وخرجت انا انشف شعري شفتتهااا ماسكه تليفوني والتفتت عليه وقالت: تركي رسل لش رساله يقول الحمد لله وبطلي عناد واحترميني

طلع لي عرق شيطاني وقلت: لللللليييييييش تشلي تليفوني من ذون اذن هااااه من سمح لش

سحبته من يدها بقوة وقلت: يقول احترميني طيببب

قالت وهيه تمشط شعرها: بطلي تكلميه طيب لما قدكم تعقدوا وتكلموووا والا بكسر راسش لو كشفت انش تكلميه

تجاهلتها وجلست انشف شعري جت رساله فتحتها من هناء بنت عمي رياض تقول ( مبرررروووووك ياحب قلبي قسم بالله فرحت لششش🥺♥️♥️)

قلت (الله يبارك فيش)

اجت رساله من شروق وندى وزينب وفوزيه وووووووكل بنات عمي يباركين لي قلت: انتشر الخبر وعاده الا كلام ذي ورده تشتي حد يربط لسانها

التفتت سهر وقالت: لا عادي لو انتشر

قمت وخرجت وقلت: ورده

شفتها عند الباب تشل امكياس حقات امكونات من نادر وقالت: مالش

قلت: منننن كلم بنات عمي اني انخطبت انتي صح

جزعت من عندي وقالت: مدري ناقول انه امغراب امسود ذي قال لهم


قلت وانا امشي وراها: والله انتي صح اعترفي اصلش بلا ادب

التفتت عليه وقالت: لعند بشير بقله اختك تسب لي

قلت: يعني انتي

دخلت امخدم وقالت: طيري مني وبعدين ايش فيها

جلست وانا اتنفخ واقول: اصلا تشتي حد يربط لسانش عااااااده الا كلام ياورده

قالت: عممممممه...




📚 @rewayatyamania  🇾🇪

.

البـارت 135 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


جلست وانا اتنفخ واقول: اصلا تشتي حد يربط لسانش عااااااده الا كلام ياورده

قالت: عممممممه تعالي شلي بنتش والا بنتلاطم اليوم

قلت: يمممممه هيه قالت اني انخطبت وعاده الا كلام

امي من برع: تماوتين ماشي لي دخل

قلت: والله كلبه

قالت: انقلعي

قلت: مابنقلعشي

ومسكنا مجادله انا جالسه فوق دبه الغاز وجادل وورده تشتغل وتنجح وهيه تجادل دخلت سارة وعينت اننا نتجادل وقالت: بااااااس عيب

اني: مله شوفي هيه تتكلم

سهر دخلت وقالت: مالكن

ورده: اسحبينها والا والله لقوم اتلاطم معها

دخل رؤوف وقال: مالكن وين امغداء

سهر: ابنات تقاشرين

رؤوف: بطلين والا بلطمكن من كف

ورده قامت ودقتني بالطاسه حقت املبن وانا قمت اشتي انتع بشعرها ورؤوف مسكني وهو يضحك وسهر تزعور علينا وامي دخلت هيه وابوي وقالت: مالكم

ابوي: والله العظيم لما يروحوا الناس لـ قوم اطبع فيكن لما يقولوا على ايش اييييييش ذااا خزيتووا بنا قدام خلق اللله اليوم يومكن


وخرج وانا رجعت شعري لوراء وخرجت وورده تقول بصوت واطي: كلبه واحده

رجعت جررري كنت بلطم ومسكني رؤوف وخرجني وهو يضحك ويقول: الله يعينك ياتركي الله يعينك مصيبه والله وقعت ع راسك

كنت برد عليه بس امي قالت: بتخلوني اندب الان ع الخلفه المنحوسه ذه

واشرت عليه وانا بكيت وقلت: عينيها هيه ذي بدأت

ورده خرجت من امخدم ومعها بيلم تشتي تطبعني به

وسارة تضحك بصوت واطي وبذي اللحظه دخلين اخوات تركي ووقفين عند الباب وامباب مفتوووح وانا في ماسكني رؤوف وورده ماانتبهت عليهن وتقول: بنتلابج اليوم

امي وهيه مقفيه من امباب: عيب عليكن قمر فضحتينا

رؤوف فك لي واخرج وانا اشر لورده للباب وهيه مافهمت وانا اشر افهمها وهيه تقول: انشليتي تبي تلتبجي تعالي برويش ايش هوه امدحاجه كلبه وحده

وانا انصرعت وسهر قالت: ياهلا وسهلا ادخلين

وامي وقفت مكانها وسارة هربت للمخدم وورده سقط عليها امبيلم وابتسامتها انشلت وتصنمت

انا كنت ادمع ع الفضيحه ذه


ورده: ههههه نمزح كنا

شراح دخلت وسلمت ع امي وبثينه ماسكه عيالها وتسكتهم لانهم بكوا وفزعوا مني يوووووه يااالله ايش الفضيحه ذه

هربت وورده سلمت عليهن ولحقتني للغرفه


لقيتني الطم نفسي وغلقت الباب ولطمت خدودها وقالت: ياااااغااارته يافضيحتنا

قلت ببكى: بسببش انتي

قالت وهيه معصبه: يوووه من السبب انتي ياحلوه وبعدين انا مش اللي نشرت شوفيها حلا والله

بكيت وقلت: ماعاد ينفعشي انفضحنا دخلين واحنا نتلابج

قالت وهيه تجلس: تخيلي

وضحكت والتفتت عليه: تخيلي مش هو رؤوف لكان مسكنا ببعض ونتعنا بشعرنا وكانت اكبر فضيحه هههههههههه بيهج تركي منش

بكيت وقلت: من وراش انتي

ضحكت وقالت: خلاص عادي حصل خير


دقت علينا سهر وقامت فتحت ورده وقالت سهر: يووووه ياعيباه النسوان مصدومات منش

زاد بكاي وقالت: قومي قومي غسلي وجهش وتعالي سلمي عليهن عيب


ورده اجت وباست راسي وقالت: اعتذر والله مع اني مش الغلطانه لكن يله اعتذرنا قومي

قمت ودخلت امحمام وانتوا بكرامه وغسلت وجهي وخرجت شفت سهر وورده قيام وبدين يقنعيني انه عادي وكل بيت فيه قربعه بس انا ماقدرت اروح اسلم عليهن واصبر وبالقوة رحت


دخلت سلمت عليهن وجلست عند امي وسهر وسارة وحلا يقربين الغداء وسماء نفاس وممدده رجيلها وتكلمهن وتضحك معهن

شراح: ماشاااءالله بيتكم كبير واسرتكم ماشاءالله كبيره

سماء: يه ماشاءالله

بثينه وهيه تعيني: واصغر وحده قمر صح

سماء: ايوه فديت روحها هيه امصغيره فينا كلنا وذي حلا زوجة اخوي امكبير وذاك اللي خرجت قبل قليل لابسه ويل زيتوني زوجة اخوي بشير

شراح: ايوه ايوه اعرفها حضرت زواجها عاده بذا الاسبوع ماشاااءالله وكم معه اخوش عيال


وبدين يتكلمين وبثينه تعيني باستغراب وانا اتمنيت الارض تنشق وتبلعني من نظراتها

قربين الغداء وتغدينا وقمت اكنس وابخر
.
.


تركي*

تعرفت ع شهاب وارتحت له سدينا ع كل شي بس وقت قال عمي رياض (لاني جبته يتكلم معي لان ماحد معي كبير واستحيت اتكلم انا)

قال: تركي يشتي يتزوج خلال شهر

عمي نايف وعلاوي: شهر

عادل ضحك وقال: تتسرع

انا قلت: ايوه اشتي استقر

عمي نايف: لا بعد اربعه اشهر وكلكم موجودين شهاب وعادل وتركي ورؤوف ايش رأيكم نزوجكم مع بعض القرار لكم لانه لو تعاونتوا مابتخسروا كثير وبسوي لكم احلى زواج ولا تهموا انا مش طالب منكم شي كلكم رجال وانا اشتري رجال ورؤوف قده اخوي وانا بقررر ازوجه بعد اربعه اشهر وانا قد قلت لك ياعادل اني بزوجك بعد شهرين ونص بس اجل معهم احسن


التفت ع وجه الشباب شفتهم مستغربين وقال شهاب: مستعجل انا

بشير: وليش والله فكر حلو زواج كبير وانا برجع اعيد زواجي من جديد معكم

عمي نايف ضحك واحنا كلنا ضحكنا معه


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 136 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


بعد نص ساعه قال عمي رياض: ما فكرتوا

روؤف: انا قلت مع كلامكم موافق

عادل وهو يعيني: وانا

قلت وانا اشوف شهاب: وانا

شهاب: انا لا اشتي بشهر

عمي نايف: طيب خلاص بعد شهر زواجك انته يا شهاب وانتوا زي ما قلنا بعد اربعه اشهر

عمي رياض: اقلكم الصدق اعقدوا بذا الاسبوع هههههههه ماشاءالله واملكوا والزواج بعد اربعه اشهر وبنحدد التاريخ

انا فرحت شفت عادل فرحان والكل الا شهاب حسيته مدري ماله و ماارتحت له خالص مدري ليش احس انه مش فرحان ومدري ع ايش مخطط نعلت الشيطان وقلت بيني وبين نفسي (إن بعض الظن اثم )



راح بشير يشتري لنا قات وخزنا بعد التحلايه واجوا عيال رياض فريد وشادي بس

خزنوا معنا وباركوا لنا انا فتحت جوالي وكتبت (مبروك لنا ♥️)

ورسلتها لها

ماردت قلت بيني وبين نفسي (عنيده)
.
.

سارة *

كلمت قمر وسهر انهم بيعقدوا بعد اسبوع وسماء كانت تتكلم وتضحك مع اخوات تركي

اشرت لنا امي بمعنى قومين غيرين ثيابكن قمنا وحلا وورده خرجين من غرفه علاوي بعد ما غيرين ثياب وتشيكين ودخلين عند اخوات تركي يهدرين مساءالله


شفت ناشر ونادر وعبدالله يلعبوا بتليفون علاوي ضحكت ع شكل ناشر حاط يده ع كتف عبدالله وعبدالله يلعب ويعلمهم كيف يلعبوا وناشر عيني وابتسم وانا ابتسمت له واشرت له باابهامي بمعنى ممتاز وهو ابتسم وحضن عبدالله وعبدالله استغرب ورجع تحز من حضنه وقال: فشلت من قفاك قتلوني

ضحكت ع قتلوني و مشيت وناشر يقول: عفوا والله

وسمعت ضحكتهم يارب تدوم


مشينا ودخلنا غرفتنا وغيرنا انا وقمر نفس الشكل لبسنا سروال جينز اسود ع بلوزه بيضاء ورفعنا شعرنا وسوينا حاموره خفيفه ورديه وخرجنا وسهر لبست فستان هادي وطويل وخرجت

كان شكلنا مره حلو دخلنا وجلسنا مع اخوات تركي وتهارينا(تكلمنا) ونتشوة(نتسلى) لما امغرب وروحين واحنا جلسن نتكلم لما دخلت علينا امي وقالت: ماشااااااءالله تبينا نجلس بلا عشاء يله قومي

سهر: احم احم اسفه يماه اليوم سدوا فينا يعني احنا الثلاث ماجزات من امخدم وحلا وورده يشتحطين يقومين ينجحين يووووم واحد خلونا نرتاح

امي: والله سدين بينكن البين

ورده وحلا قالين: خلاص امرناا لله بنقوم


وقامين واحنا ضحكنا وتممدينا ع امسوفه وجلسنا نتكلم لما اذن العشاء


سماء: استغفر اللله بلا صلاة المغرب قومين قد اذن العشاء

قمنا صلينا وتعشينا ودخلنا ننام ع طول
.
.

بعد مرور شهر يوووم زواج سهر


قمر*

بيتنا كله مجتمع فيه كل اللي يقربوا لنا وخالتي ريما تشيك سارة وسهر عند الكوفيره لانه الزفاف

وانا وورده نتشيك لوحدنا والان المغرب يووووووه واحنا نلاطم في غرفتنا وبنات عمي كلهن يشيكين وحده تلطم ابنها ذي يعطل(يخرب) ووحده تصيح ع الفل اللي ماقدرت تسويه سواء ووحده تهز ابنه وتنيمه ووحده عادها ولا لبست حاجه وكل وحده بجهههه


نسيت اقلكم ورده حامل كشن😍♥️
.
.

سهر*

متوتره مررره وقلبي يرجف تقول اول مره اتزوج وقد لما تزوجت ناصر ماكنت حس بذا الاحساس احساس فرح وخوف وخجل وكل شي ماعرفت فسره راحت معي شروق وزينب بنات عمي


فرحت بهن كانين يتصورين قمت بعد ما خلصت الكوفيره مني شفت شكلي حلوه وتصورنا مع بنات عمي

شروق وهيه تلقط لي صوره من بعيد وانا ماسكه الورد ع وجهي ووحده ثانيه وانا ماسكه الطرحه ومغطيه بها لقفي وعيوني يبانين ووحده ثانيه وانا جالسه والورد بيدي وفستاني مرتب ويبان ع شكل ورده ووحده وانا عين نفسي في المراية ووحده مع شروق وزينب كلنا مع بعض ويداتنا صورناها وعيوننا

وبعد ما خلصنا جابين العشاء وتعشين وقامين يرتبين شكلهن وطلعنا بسيارة ابوي وعلاوي زفونااا عطول لبيت اهلي بقلكم عمتي ماجت ام شهاب يعني .... بس سمعت مش متاكده ان عمتي ماتشتيني ومش راضيه ع زواجي زعلت كثير بس مدري الخبر صدق والا اشاعه ع العموم كانت سيارات ومسياكل الناريه ورانا وطلق رصاص ومدري ايش وصياح وطبل تعرفوا الزفه كذا عندنا

ابوي وعلاوي قدام وانا وشروق وراء اما زينب راحت مع زوجها هو بيوصلها قال وسيارة عمي رياض وسيارة بشير ومعه رؤوف ورانا وسيارات عيال عمي كلهم ماشاءالله عليهم ورانا ويطلقوا رصاص وطماش والعاب ناريه من ذي اللي يقرحين بالسماء ويعملين الوان ماعرفش اسمها


ابوي يقول: قريتي ع نفسش

ع طول نزلت دمعه مني وقلت: ايوه

قال: حلو

نفسي ابكي احس اني بفقد لابوي والله احسن اب بالدنيا الله لا يحرمني منه ولا من احد احبه

مسحت دمعتي ونخرتي وطلع صوت يعبر ع اني ابكي قال علاوي: بتتزوجي ماهن لا تسوي دراما

ع طول ردت عليه شروق: حرااام عليك بتفقدكم مسكينه

ضحك علاوي وقال: سهر سهر

سكت وهو قال: ياقلبي بتخربي مكياجش اسكتي لما نوصل ولا قدش عند شهاب ابكي وخليه يهج من شكلش

ع طول ضحكنا كلنا وقال: ...




📚 @rewayatyamania  🇾🇪

.

البـارت 137 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


ضحك علاوي وقال: سهر سهر

سكت وهو قال: ياقلبي بتخربي مكياجش اسكتي لما نوصل ولا قدش عند شهاب ابكي وخليه يهج من شكلش

ع طول ضحكنا كلنا وقال: ايوووه هكذا اشتيش لا تخربي مكياجش وبعدين والله بنزورش وتزورينا طيب

كانت العبرة في حلقي وقلت: طيب

شروق قالت: ياعم لف لبيتنا خلاص سهر مابتتزوج بطلنا

ابوي بضحكه: وشهاب ايش نقول له

شروق: قول له خلاص بطلت ماتشتي تتزوج

ابوي: هههههه هاه عقلش ياشروق يشتي فرمته

ضحكت من قلبي ع سكوت شروق
.
.


شهاب*

انا صح فرحان والله واخيرا سهر الي بس في شي داخلي اشتي ارد لها نفس اللي سوت انا مخطط لها اشتي احرق كبدها واعلمها ايش يعني ترفض شهاب برويها والله يمين لاخلي الليله دموعها ماتجف لما بكره الصباح

ماانكر اني احبها وماانكر اني فرحان بس بنفس الوقت اشتي ارجع كرامتي اللي اطعفرت برفضها لي للمره الثاني ماانسى لما تزوجت وما فسخت زي ماقلت لها وماانسى كل ذي السنين وقلبي محروق منها ومن رفضها وهروبها عند اخوالها عشان ماتفسخ خلت في قلبي نار واول ماسمعت بعد ذي السنين انها اطلقت كانت فرحتي كبيره وع طول طلقت زوجتي مع انها ماسوت شي ولا اذتني بس تعذرت وقلت ماجابت لي ولد ولا حملت وانا اشتي ولد تلقيت الاهانه من ابوي وامي وابوها وقالوا ليش تطلق المفروض تتزوج عليها ومن ذا الكلام والهدره الفاضيه بس كنت ناوي اتزوج سهر ورجعت اليمن ع امل انها ماترفضني وكنت نفسي شوفها وتمنيت ودعيت اني اشوفها وزي ماتعرفوا شفتها بس بوقت توقيته غلط وكانت حالتها حاله وتبكي ع بشير كان يوم عمل بشير حادث ذاك اليوم شفتها وقلبي دق نفس الدق اللي كنت لما شفتها ولما اعترفت لها وهيه رفضتني كل شريط ذكرياتي معها عاد وعيونها ما تغيرين بسسسسسسس هيه هانتني في ثاني مره شفتها وقابلتها برع المشفى هانت كرامتي بس انا قلت خلاص انسى واتقدم لها وكان في امل انها توافق وتقدمت بس هيه جلست نص شهر ماردت علي ولما ردت كان اكبر صدمه رفض رفض رفض كرهت نفسي ليش ترفضني ايش يعيبني هيه ماتحبني لو تحبني ماترفضني للمره الثانيه وحلفت يمين اعلمها ادرسها واحسسها نفس اللي حسيته وتقدمت من جديد وههنت كرامتي بس عشان اعلمها كيف شعوري لما ترفضني والحمدلله هذه بدايتها

والليله بتبدأ الحرب والدرس واعلمها الادب
صح نسيت قول لكم بروحها الشقه اللي اجرت فيها حقت تركي تعرفوها العماره المهم بروحها هناك ابوي زعل مني وامي بس كل شي عادي المهم انتقم منها صح مابسخى بس بقوي قلبي واربيها وما اسمح لها ترفع صوتها ويدها عليه زي قبل وراش والزمن طويل ياسهر


مشيت مع الشباب و بعد ما جهزت سيارتي حقت الزفه وكل شي وحرام شادي ماقصر وساعدني كثير وصالح ابن خالي سلمان كمان ساعدني

شفت تركي يعيني مدري كيف وكأنه يقول كاشفك هههههه ابتسمت له وهو قفا مني ياخي بطل كبره مشيت مع شادي اللي يقول لي: مله حريو تعال لهنا مالك جالس لوحدك

جلست عنده وبدينا اخذ واطى وعيوني ع تركي مدري ماله خوفني بنظراته
.
.

تركي*

حاسس وراه شي ذا مش معقول من يوم شفته وانا احسه له علاقه مع سهر مش بس خطبها كذا لااا في شي ثاني وقلبي ينقز من ابتسامته لانها زي الشرير الله يستر حتى لما شفته يوم عزمنا عمي نايف حسيت في شي وكأنه كان مش طبيعي يله

رسلت رساله لـ قمري وكتبت (كيفها زوجتي اليوم)

ماردت طبيعتها تتجاهلني ههههههه صح نسيت قلكم عقدنا بعد الخطبه باسبوع وانا شفت قمر وكانت حلوه مره صح عادل رفض يشوف سارة الا لما قده يروحها ع مادب والله مادب مره زايد عن اللزوم ويستحي مدري كيف تفكيره بس انا مختلف عنه وجراءه فيه الله يستر اما عادل ع الله خلوها ربي يعين


التفت ع زياد اللي من يوم جلسنا وهو يندرج(يدور) مدري ايش معه قلت: بتجلس والا بتظل تخزي بنا

عادل وهو يقطف القات: زياااد

زياد: مله اشوف واحد هنا حسيته مألوف لي

عادل قفا منه وضحك وقال وهو متكي: تذكر ياتركي ذاك مره في زواج ابن الخاصر قال واحد مألوف لي


ضحكت وتذكرت رديت عليه بسرعه: ايوه ايوه هههههههه يوم راح قال له شي قد شفتك انا وامليد انصرع وقال له هههههخخ قال له انا مصفي مجاري هههههههه اااه يازياد


كمل عادل وهو يضحك: هههههههههه حرام مسكين اختزا زياد


التفتنا ع زياد وهو قالب خشمه علينا وقال: كملوا كملوا

قلت وانا امسك نفسي لـ اضحك: بنكمل ايش مانعنا

عادل: انتبه تقول مألوف لي

زياد: وربي انكم تافهين

عادل: ههههههههههه

قلت له: عادل بتشرغ علينا لا تضحك كثير

زياد حانق منا وجلس يخزن واحنا كل ما شفناه ساكت نضحك كذا مدري ليش يضحك شكله لما يسكت منا


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 138 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قمر*

جلسنا نطبل ونرقص كلنا الا ورده اما بنات عمي كلهن ماشاءالله من شوط وشوطين يتلاقفين ملاقفه وانا اضيف انسوان شاهي وقت الاستراحه من الرقص وقهوة وحلوى وكذا يعني لما زحفت من النجال(تعبت من الشل) وجلست مع سماء اختي وهيه ترضع بنتها وتقول لي: تأخروا صح

قلت: لا لا الآن بيجوا وعاده الساعه 10 بدري

سارة من ورانا: اوين قد راح الوقت

قلت: الا الا عاده وقت

امي شفتها تكلم حلا وتقول لها: مله شوفي عيالش وين

حلا تلطم راسها وتقول: مايا مدري وين هيه اما عبدالله و نادر نيام وناشر مع عدي

قمت وقلت: دورتي لها سواء

ع طول دمعت عيونها وقالت: في كل البيت والله دورت مالقيتهاشي

التفت ع سارة اللي تدور في امغرف ورحنا انا وحلا وساره ندور في امحوش لما شفت شادي دخل ومعه صحن قلاصات تلثمت منه وقلت: شادي

التفت ع سارة وحلا وهن دخلين وشادي اجا واطاني امصحن وقال: بسرعه جيبي ثلاجه شاهي جديددددد الآن

قلت له: رع بلا شاهي بلا زفت املده ضايعه

قال: وش من ولده

قلت: مايا مايا

ضحك وقال: مع زوجش

زوجي؟ هااااااه تركي نسيت

قلت له: جبها قصفها كلبه وحده ندور لها من قبل

قال: جيبي ثلاجه شااااهي بعدين بجيبها لش

دخلت وشفت حلا تقول: مع زوجش وين خرجت ومتى

قلت: بطلوا تقولوا زوجش لاني استحي

سارة: يوووووه ع اللي يستحون

مشيت وانا اتجاهل جبت ثلاجه شاهي وخرجت واطيته شادي وخرج شادي
.
.

تركي*

شادي جاب شاهي وهو يضحك حسيت في شي لما يعيني ويعين بنت علاوي ذي مدري ايش اسمها ايوه ايوه مايا هههه حلوه وجالسه معي من اول وحبووووبه مررررره

اجا لي شادي وقال وهو يبتسم: جننت زوجتك تدور لها

قمر ؟

قلت بابتسامه: خلها خلها والله حبوبه

قال لي: امها تصيح تشتيها

عادل اطاها خمس مئه ومايا باسته في خده وعادل يضحك وزياد يقول: وانا وانا

مايا اشرت براسها بلا

انا مت ضحك وشادي شلها وهو يضحك

وعادل التفت ع زياد وقال: يااااااحرررررراااام

زياد: حياتك تفاحس مهرتك قدها

قلت: ههههههه خلاص اليوم جبهتك اطعفرت

التفت وقال: واقسم بالله بقوم وخلي المكان لكم لو ماسكتوشي


سكتنا انا وعادل بس طبعا ما سكتنا غير من الكلام اما الضحك كل ما التفتنا ع بعض نضحك وزياد يعينا لقهر
.
.


قمر*

شليت مايا من شادي ودخلتها لامها وسمعت الهونات وصوت الضرب سهررر اجت


قامين انسوان يطبلين ويحجرين وانا ع طول قمت معهن وزفينا من عند الباب شفت شراح وبثينه حرام ولا احسن منهن معنا من قبل الزواج وهن يسعديننا بكل شي وبترتيبات وصفاي امبيت وكل حاجه المهم زفينا عند امباب وامي معها امجمره وريحة البخور معبيه المكان وامي تحجر بقوة وعماتي يحجرين وامي مسكت بيد سهر ودخلتها وزينب وشروق دخلين من امباب وراها وماسكات بفستانها من وراء امي فتحت ع وجهها ماشاءالله تبارك الله والله حلوووه ومتغيره جلست مفتحه عيوني وبسمل واذكر الله عليها ورحت لبستها امفل ذي شكيته لها وبستها وانا وسارة نبكي من الفرح وزفيناها مع انسوان لما الكوشه حقتها وجلسناها وهيه ساكته اطيتها عصير شربت نصه وجلست قلت لها: تصورتوا

قالت لي بهمس: يه

قلت: طيب بعدين بندخل داخل غرفه ورده ونتصور معش ولما بيجي يشلش شهاب بروح معكم اصورش طيب

قالت بهمس: طيب ترخصتي من بوي

قلت: لا بكلم امي والا بروح بسيارة بشير بكلمه تمام

قالت بهمس: خلاص لا تكثري كلام امنسوان يعيننينا

سكت وجلست عندها سكته ولا اطيت كلمه بعد مالعبين قليل قمت ورحت عند امي وقلت: يماه عادي ندخل سهر غرفة ورده ونتصور

امي قالت بضبح: لاااا ممنوع

قلت: ليه لييييه ليييه والله عادي

قالت: قلت لاااا

قلت: حرام والله ليش لا

قالت: عيني امنسوان بيضحكين عليكن

جلست وانا ضبحانه وبعد نص ساعه شفت حلا تقيم سهر ومعها سماء ماسكات الفستان من وراى ويمشين لغرفة ورده شفت امي عصبت بس سكتتتت رحت وراهن جري

غلقنا الباب وتصورنا جماع صور ومايا تصورت مع سهر وسهر بتجنن من الفرحه وبعد ما كملنا تصوير

سارة راحت معي عشان نكلم امي اني بروح مع بشير وبصور سهر وشهاب وامي بعد عناء ومطاوعه مني ومن سارة وحلا وورده وشروق وزينب وندى وهناء وفوزيه وشراح وبثينه ونص عماامي وحتى خالتي ريما  لماااا بالقووووه قالت روحي معها

(المفروض بطل بس عنادي قلب واضطريت جيب الامه كلها تقنع امي 🌚😂💔)


بعد ما لبسين سهر الجلباب وامي سلمتها ليد ابوي وسهر تبكي وامي تمسح دموعها وسارة تبكي وراي وانا ماسكه نفسي

وحلا وورده يبكين ويبخرين وابوي ماسك بيد سهر و
.
.

سهر*

حسيت بحرقه اشتي ابكي بس اول ماابوي مسك بيدي حضنته وبكيت وقال لي بضحكه: خلاص سهر بتملي شميزي دموع وكحل

ضحكت وبعدت من حضنه وسويت الجلباب ع وجهي وخرجني وشفته شهاب قلبي دق بسرعه لما شفته قايم عند سيارته...




📚 @rewayatyamania  🇾🇪

.

البـارت 139 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


ضحكت وبعدت من حضنه وسويت الجلباب ع وجهي وخرجني وشفته شهاب قلبي دق بسرعه لما شفته قايم عند سيارته ومبتسم ولابس معوز ابيض وشميز ازرق وكشيده بيضاء وشعره حلقه وخفف منه كان يلفت النظر تسارع تنفسي وابتسمت من تحت الجلباب

ابوي مسك يد شهاب وحط يدي بيده وقال: انتبه لبنتي ياشهاب شفها من ذمتي لذمتك بنتي لا تزعلها ولا تحرق قلبي فيها


حسيت قلبي بدأ يدق بقوه ويده الدافيه اللي ماسكه يدي حسيت بامان والله

قال شهاب: لا توصي حريص يا عم بنتك في قلبي وعيني وان شاءالله ماازعلها


طلعني السيارة وطلع معي ومسك بيدي طول الطريق وورانا سيارة بشير تدق هون وسيارة علاوي عرفتهن ومش عارفه من كمان كل القريه معنا تزف ابتسمت وشديت بيدي ع يد شهاب
.
.

شهاب*

اللحظة اللي شدت ع يدي حسيت اني بظلمها وكأنها تقول لا تتركني جلست بس شوف يدها اللي بيدي يدها ناعمه وحلوه وبيضاء وشاده ع يدي التفت عليه وابتسمت لها مع اني ماشوف وجهها من ورا الجلباب بس حسيتها مبتسمه قلت بهمس في اذنها: اخيرا

بعدت يدها من يدي بهدوء ماحبيت حركتها وخليت لها حالها وسكت ولا عاد تكلمت وقلت بيني وبين نفسي (لا تضعف ياشهاب لازم تخليها تحس باحساس الرفض )


لما وصلنا نزلت وكنت مادد يدي لها بس شفت بنتين نزلين من سيارة بشير شكلهن قمر وسارة

اجين باتجاهنا ونزلين سهر ومشينا ع الدرج لما دخلنا داخل الشقه قمر قالت: صهيري وابن عمتي اسمع انا جيت صور ياريت تكون الصور حلوه ولا تقلبوني

فتحت قمر وجه سهر وكانت سهر اميره ماقدرت اشيل عيوني

سمعت سارة من وراي: احم احم

ع فكره قمر وسارة لابسات عبايه وبرقع اوك


سهر منزله راسها وانا ماقدرت اشيل عيوني واجت قمر وقالت: لو سمحت اجلس جنبها وحط يدك ع كتفها

سهر بانفعال: نعم لا حبيبتي مااتفقنا كذا

انا ع طول ضحكت ع سهر ماتبطل اللقافه حقتها


سهر خجلت ونزلت راسها وقمر دهفتني وجلستني عند سهر وكتفي لمس كتفها وقلت لها: غصبا عني بحضنش ونتصور عشان ينقلعوا اخواتش

استحت وحطيت يدي ع كتفها وقربتها لي وقمر تصور هيه وسارة وعملنا شوي حركات يعني واحنا قيام وانا ع ركبتي واطيها الورده وانا وراها وماسك خصرها كذا ع طلب قمر ما انكر كنت مستمتع باخجل سهر واحراجها :)



طلعت قمر وسارة وانا غلقت الباب والتفت ع سهر اللي جالسه تنتخ الورد اللي بيدها وقلت لها بصوت واطي: لاااااازم تعرفي حاجه واحده


عينتني وقالت بابتسامه: اممم


قلت وانا ابتسم بخبث: زواجنا عباره عن اسم انا رافض انش تكوني زوجتي وتكون علاقتنا زي الزوج وزوجته تعرفي انا تزوجتش بس عشاااان ارفضش تكوني زوجتي واطيش حقوقش انا بس تزوجتش عشان هينش زي ما هنتيني تذكري يا سهر كم مره ذليت نفسي عشانش وكم مره جرحتي قلبي وانتي ايش ماتحسي ماعندش ضمير وكمان انا مابسكت ومن الآن ببدأ في الرفض وانتي بس بتكوني عندي خادمه


مشيت باتجاهها وانا انحني ع طولها لانها جالسه ع القعاده وحطيت عيوني بعيونها اللي ملها دموع وقلت بصوت واطي وابتسامه: لا تفكري اني عادني احبش انا بس انتقم


قالت بصوت واطي: تنتقم ؟


قامت من القعاده بهدوء وحطت يدها عند صدري وضربتني بالورد في صدري وبكت وتقول ببكى: تنتقم ليش ليش ليش ايش سويت بك انته كلب وخاين انته تافه اهى اهى

مشت من قدامي وانا مكاني ما تحركت وظليت مبتسم شفتها وقعت ع الارض جريت لها بس وقفت وعاد يدي ما لمست كتفها ورفعت نفسي ومشيت وطلعت من الغرفه وانا اقول: ما غلطت انا بس رجعت كرامتي
.
.

سهر*

ينتقم حرق قلبي بكلامه طلع ينتقم اصلا من يوم يومه حقير والله حقيررر انا اللي استاهل حبيت واحد زيه ونسيت اللي سواه فيه وقلت ببدأ صفحه جديده وانسى كل شي واعيش مع حبي وبس واخر شي يقلي انتقم انا لييييش كذا حياتي ليش ما افرح ليش فرحتي ما تتم اول حبيت واعترفت بحبي له ورفضني ولما هو اعترف رفضته حبه بحبه ولما تزوجت ناصر كان كل يوم ضرب واهانه وكرهني عيشتي وآخر شي طلقني وحرمني ابني وبعد ما رجعه لي حرمني الزواج من شهاب وهددني بابني والآن بعد ما وافق وقال ابني لي وبيجيبه لي شهاب خدعني ليش انا اللي حياتي تعاسه ليش خدعني ماكان ناقص غير يخدعني اااااه اشتي اموت

اتمديت ع الارض وبكيت بقهر وشهجت لما حلقي وحنجرتي توجعني جلست اردد كلمه (ينتقــم)
.
.

شهاب*

جلست بالصاله وحطيت يدي ع وجهي بقهر قلت: ايوه تستاهل

سندت نفسي ع المدكا من ورا وشفت للسقف وقلت بصوت هامس: ...



https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 140 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


شهاب*

جلست بالصاله وحطيت يدي ع وجهي بقهر قلت: ايوه تستاهل

سندت نفسي ع المدكا من ورا وشفت للسقف وقلت بصوت هامس: عمري والله عمري مافكرت ااذيها بس انا ليش كذا ليش مااقبل احد يهينني ليش مااسامح وانسى هذا الشي العيب فيه اني ماافكر ولا اقدر انسى احد جرحني ومااسامح هذا العادة السيئة فيه مااقدر انسى اي شييييء ولو  صغيررر لازم ابرد كبدي فيها واحسس الشخص نفس الاحساس اللي تذوقته انا مهمتي بالحياة الآنتقاااام بنفس الضربه

تنهدت وقلت: الا سهر مايطاوعني قلبي

ع طول نفلت هذه الافكار وقلت: لا لازم تذوق اللي اكلتنيه

ابتسمت بخبث وامتديت وقلت: ماانكر انها احلوت اكثر من قبل وجمالها زاد وعيونها السود غلابه وبسهوله بضعف قدامها لازم اخلي بيننا جفاف ومااحتك فيها

غمضت عيوني واجت صورتها قبل 7 سنين ببالي ابتسمت وانا مغمض
.
.


قمر*

اول ما خرجنا من شقة شهاب ع طول نزلنا احنا من امدرج وشفت عادل طلع التفت ع سارة كانت مش منتبهه مهستها وهيه قالت: يوووه قمر مالش

عادل كان منزل راسه ورفعه ع صوت سارة لما تكلمت

انا حاولت اقلها عادل بس ماقدرت وعادل ابتسم ونزل راسه ع جواله ومشى من عندنا وسارة فهيت وقالت: يوووه ليش ماقلتي لي انه هنا

ع طول انا التفت عليه وشفته قد اختفى قلت لها: مهستش وانتي ما عينتي

قالت: يوووه جبر قلبه مااحلاه شفتي كيف هو جسمه يجننن بذوووب هنا

قلت: امشي امشي بلا هباله

قالت لي واحنا نمشي لتحت: ليش اجا لهنا

قلت: يمكن عند تركي لانه ينام بعض الايام هنا

قالت: ويه كنه كل امقريه بتحل في امعماره ذه

قلت: وش بها عمارة زوجي تجنن

قالت: رعي جذم

قلت بضحكه: وربي تجنن

قالت: تصدقي والله حلوه امعماره لكان بيسكن عادل فيها وانتي وتركي قدكم بتحلوا فيها ونكون انا وانتي وسهر بنفس المكان بيكون حلوو

قلت بفرحه: ياريت طيب كلمي عادل يحل فيها

قالت: وين منهكشي كلمه استحي

*(ع فكره ياجماعه تذكرو ذاك اليوم اللي اتصل بي تركي من رقم عادل وقال لي افتحي الحظر من جوالي ايووووووه هذاك اليوم اختكم قمر وتعرفوني خطيره قمت شليت الرقم واطيته سارة وسارة الخجوله تبع الخجول زوجها ما نهكتشي ترسل له حتى رساله قهرت قلبي وانا اقلها سوي له رساله وبتتجابروا قبل الزواج قالت لا وانتي قدش ما تراسلي ولا حتى سهر وليش انا راسل واصلا لو كان يشتي يراسلني كان كلم ابوي واشترى لي جوال زي املدات وسكتتني وبلعت لساني وتبت اقلها شي 🌚💔)*


نرجع*

قلت: خلاص خلاص فهمنا

خرجنا من باب امعماره ودخلنا سيارة بشير وع طول بشير قال: ساعه سااااعه يا سارة خافي الله ايش تصوري فلم والا ايش؟

سكتنا ولا تكلمنا مشت اسيارة واحنا قضيناها كل وحده بعالمها

(ياريت كان زواجنا انا وتركي اليوم شكثر احبه 🥺💔)


وصلنا ودخلنا غيرنا ملابسنا وتغسلنا ونمنا
.
.

سهر*

فتحت عيوني كان راسي بيتكسر من امجع قمت وكان عظامي توجعني تفاجأت باني فوق امقعاده مع اني اتذكر اني نمت تحت وشفت ان ثوب الزفاف عليه يووووووووووه انصدمت


قمت وجسمي يوجعني وشفته جالس وقال: انتي كيف تنامي بفستان الزفاف وكمان ع الارض تشتي تموتي انتي والا ايش

قلت له: مادخلك مني وبعدين خليني اموت ليش اهمك اصلا

قام وهو معصب وقال لي وهو يحط يده ع رقبتي: وقسم بالله لو ما تقومي كلا ذبحتش الآن قووووووومي غيري فستانش


قمت وانا ابعد يده وقلت له: اصلا اموت احسن منه بريحك وببرد كبدك فيه

سكت مني وخرج وانا غلقت امباب وفتحت امكبت لانه قد قمر وسارة رتبين ثيابي قبل الزواج بالكبت كذا سوين اما اذهب وذا لا عاده عند امي

خرجت لي جلابيه ولبستها وفكيت شعري من اتسريحه وقمت دخلت الحمام وانتوا بكرامه وغسلت وحهي وشعري وخرجت نشفتها وجلست فوق القعاده ابكي جلست ابكي بقهر وقلت: سهر لا لاتبكي هو مايستاهل منش دمعه

ع كلمه دمعه دخل وانا مسحت وجهي والتفت عليه وقلت: خير مش قلت مابيننا شي وانك تزوجتني عشان تنتقم وتخليني خدامه عندك وان احنا زواجنا اسم وبس وداخل البيت مافيش بيننا علاقه والا لا قلت كذا طيب ايش جابك اخرج من عندي وذي غرفتي


دكا ع الباب وابتسم وانا حطيت عيني بعينه وبقوة وهو مبتسم حسيت جسمي سقع من نظراته وقال بصوت فيه بحة: انتي حلوه كثير ماتستاهلي تكوني خدامه انتي تستاهلي تكوني اميره فوق راسي وتكوني وسط قلبي مفروض مااخليش حتى تنزلي دمعه


ابتسم وحك شعره وانا ع طول نزلين دموعي كان نفسي ابكي بقوة


بس قال وياريته ماقال: بس لااااا انتي قلبتي كل شي انتي خسرتي حبي لش وخسرتي كل الكلام الحلو انتي رفضتيني وكسرتي قلبي وانا ما بخليش غير خدامه وبس انتي لازم تذوقي اللي ذقته منش ولازم اكسر قلبش زي ماكسرتي قلبي


ابتسمت وسط دموعي وقلت: انا كسرت ايش امممم قلبك اصلا انته عندك قلب

عصب و...


https://tttttt.me/rewayatyamania/50722





📚 @rewayatyamania  🇾🇪

❤️

بارتات يومنـا الجمعـة👆🏻😍

#انتظرونا مساء يومنا السبت

   ومع آخر بارتات رواية

            كان عدوي والآن حبيبي



📚 @rewayatyamania 🇾🇪