.

البـارت 141 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


ابتسمت وسط دموعي وقلت: انا كسرت ايش امممم قلبك اصلا انته عندك قلب

عصب وانا استغليت الفرصه وقلت: انته لا عندك قلب ولا عندك ضمير ولا عندك رحمة وانته شخص حقير وتافه وانا ندمانه اني فكرتك تغيرت وصرت تحبني انته اصلا ماتعرف ايش يعني حب لو تعرف كان من اول من قبل ٧ سنين كنت تزوجتني وقبلتني وكسبتني بس انته ضيعت حبي وضيعت عمري وضيعت كل شي وجيت بعد ٧ سنين تقلي احبش وبتزوجش وانا زي الهبلا اصدقك واصل لاني هبلا وبظل هبلا لأخر عمري انته بلا ضمير وبعدين انا بشو اذيتك وكسرت قلبك لا ياحبيب امك انا مش اللي كسر قلبك فكر من اللي كسر قلب الثاني وتعال تكلم معي


قال: كملي كملي عشان يكون الرد مني يسكتش لأخر عمرش وتظلي مشلوله

خفت بس قويت قلبي وقلت: مشلوله احسن من اعيش معك

قرب لي وعروقه خرجين من وجهه وعيونه حمر واطاني كف ع طول وقال بصوت عالي وهو يرفعني بشعري ع طوله: انتيييي تشتي لش قص لسان صحححح تشتي قص لسان طيب تعالي


انا مسكت بالباب بقوة وحاولت افك نفسي وقلت بصوت عالي: ياحقيررررر فك شعري وربي لاكلم ابوي والله لاكلمه بتشوف اهى ا

ترك شعري ولطاني بالجدار وقال: بتكلمي من هاااااه ابوش هههههههههه ياقلبي خوفتيني يووووه لالا لا تكلمي خالي لاني بجنن اووه بيجي يضربني لا اسألك بالله لا تكلميه هههههههههههه


انا بلعت ريقي وهو كمل بصوت جاد: كلميه وشوفي ايش بيصير فيش وفي عددددددي


عدي ؟
ابني؟

قلت وانا ابكي وادهفه من عندي وبقوة: ابني لا تدخله يااااحققققيررررر ابني ماله دخل خله في حاله

قال وهو يضحك: اممممم طيب ما باذيه بس بخليه يحس بعدم التنفس


كسر قلبي الا ابني انا حتى رفضته المره الاوله عشان ماانحرم من ابني والآن يهددني فيه ليش كل الرجال اللي وسخه زي شهاب وناصر هذول يهددوني باابني 💔


سقطت ع الارض وبكيت وانا منزله راسي وهو قايم قدامي بكيت وقلت بحرقة: ليش ابني ايش دخله ليش تاذوني بابني انااااا ام حرام عليكم انته زيه مافيش بقلبكم رحمه لانه انتوا مش ام ماالومكم بس روووحووووا الله لا يسامحكم

رد بسرعة: لا تدعي عليا

قلت: الله لا يسامحك الله لا يسامحك

وبكيت بقوة
.
.


شهاب *

من قصدها انته زيه من هددها بعدي من يتجرأ يهدد سهر ويحرق قلبها بابنها


نزلت ع ركبتي قدامها وقلت وانا ارفع راسها: من هددش بـ عدي

قالت وهيه تتفل في وجهي: انته اتفووو عليك عاد لك عين تسأل

كنت باطيها كف بس تعوذت من الشيطان ومسحت وجهي وقمت وخرجت من عندها للغرفه الثاني وقلت: وربي لذبحه اللي تجرأ يهددها


اتمديت ع القعاده ماجاني نوم ظليت افكر من اللي هددهااا وربي بشرب من دمه الحقيرر

جا لي صوت من داخلي يقلي (انته زيه حقير لا تلوم غيرك وانته اخس )

حسيت بتأنيب ضمير وقلت (عادي وربي بس بخليها تحس بنفس اللي حسيته وبعدين بـ عيشها اميره ع عرش قلبي )

جاني صوت من داخلي يقلي (انته مريض)


غمضت عيوني بقوة ارفض افكاري اللي تشوشني كذا مابقدر اعذبها لو ماقسيت قلبي طيب اصلا ليش عذبها ليييش ما انا احبها وصعبه عليه انا متأكد اني بخسرها

جاني نفس الصوت من داخلي يقلي (ابنها خاف الله كيف تهددها به )

قمت وصحت باعلى صوتي: ماااااهدددتها وربي بس اشتتتيهااا لي وامسككهااا باليد اللي توجعهاااا وربي عادني احبها والله هيه هنا هنااا

ودكمت صدري بقوة


بعد دقيقه يمكن انفتح الباب التفت شفتها تعيني باستغراب قفيت منها ورحت جلست فوق القعاده


قالت بتردد: مالك

مارديت عليها

وكررت السؤال: مالك تصيح

قلت لها بنظره تخوف: اطلعي ولا بطلعش للمشفى

كانت بتقفل الباب بس رجعت فتحته وقالت: يَد اللّه حنونة ان شاءالله مش لـ المشفى ان شاءالله للقبر وترتاح مني وارتاح اني منكم


كانت بتخرج وانا قلت: بتجبريني قوم اربطش

ابتسمت لي وخرجت ع طول حسيت اني بخسرها يكفي تعبت اشتي عيش براحه يكفي هذه السبع سنين مش قليله والله مش قليله
.
.


سهر*

خرجت ورحت غرفتي صنجتها سواء عشان مايدخل

جلست ع قعادتي واتمديت ع جنبي اليمين نزلت دمعتي اللي فكرتها بتنزل وكثير بس كنت افكر دموع الفرح هيه من بتنزل بس انعكس الوضع والآن من بينقذني منه لا اقدر كلم بوي ولا خوي ولا حتى ارفض الحياه بارادتي يارب اموت قهرت من الحياة كل ما افرح تجيني مصيبه انا بديت اتأكد اني انسانه منحوسه من جميع النواحي مافي حد ينقذني من الجاي غيرك يارب كيف اعيش الآن مع ذا المريض

رجعت نمت ع ظهري وشفت السقف وعيوني ماوقفت دموع وشفايفي يرجفين وقلت: انت كنت حلمي والآن اتمنى استيقظ من هذا الحلم ،، من اول كنت عارفه انك مريض والله مريض ايش ذا الانسان

غمضت عيوني وقلت: بتندم وربي




📚 @rewayatyamania  🇾🇪

.

البـارت 142 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


يوم جديد الساعه 9:00 صباحا

قمر: يماااااه

امي: رعي قمر بتخليني شوف لي مهره

قمر وهيه تمشي للمخدم: يماااه قولي لـ سارة قالت بتلبس حق....

قاطعتها: قمر بتخليني شوف لي مهره والا لا

خرجت قمر وراحت لـ عند سماء وورده وحلا اللي يقطعين امخضرة لـ امزربيان جلست عندهن وقالت سماء: حلا اتصل علاوي ع شهاب عشان يجيب سهر

حلا: ايوه وقده داري شهاب
.
.


قمر*
قلت: عادي اتصل بسهر

سماء وورده: لااا

قلت: ليش بمزاجكن امشي والا ايش

ورده: ايوه بمزاجنا

قلت وانا اتنفخ: ورده مالش كل ما تكلمت كلتيني ماكل

ورده: كلتش ؟ ابااابااابااا انا كلتش ؟

قلت: ايوه انتي من عاد

قالت: شوفي من كل الثاني وتعالي كلميني بعدين

حلا: بقوم قطعكن بدل امخضره

سماء: قومين اتضاربين احسن مشان تكملين عليها

حلا: اتفق مع سماء يله قومين

امي دخلت وجابت امثوم وطرحته وانا وورده نعين بعض بغضب وقالت امي: شي لطمهن جني

حلا وسماء: ههههههههههه

سماء: ههههههه لا لا عثر فيهن عاده

حلا وهيه تضحك: عاده عثر ماهن وقد اشكالهن كذا كيف لقد دخل بيتضاربين فوق امجب (السطح)


امي ضحكت وقالت: ههههههه الله يحفظش ياقمر قومي نجحي امقهوه وتعالي امصاله مع عماتش يشتين وبنات عمش وجيبي كتلي شاهي معش ومصرف قلاصات

قمر: يمه كم بي يدات عسى الله عشر

ورده: شلي برجيلش الباقي

عينتها وقمت عشان ما نتضارب صدق وخرجت وقالت امي وهيه تمشي للصاله: هنااااااء شرووووق قومين سوين لكن مهره استغفرالله مبننات عيالكن تقول ماحبل وولد الا انتين قوووومين


انا ضحكت ودخلت امخدم التفت وقد دخلين هناء ووشروق


هناء: استغفر الله لكان ماجت عمتي وانا قايم كان زرقتني من امطاقه ومابعودشي قوم


شروق: اسكتي عاد ولا بش شي اانا سمختني بظهري


ضحكت وقلت: تستاهلين ولا تتحركين اليوم امصبحيه حقت شهاب وسهر وانتين جالسات تقول امحرايو(عرايس)

سكتين مني وكل وحده دورت لها مهره وانا نحجت امشاهي وامقهوة وشليتهن ورجعت شليت بسكت وتمر وشليتهن ورجعت وشليت امقلاصات ورجعت وشليت هناء وشروق ورجعت وشليت امشوله ورجعت وشليت امخدم كامل لعماتي  اقصد ماعاد رجعت امزح تحمست شويه🌚💔😂


دخلت امغرفه حصلت فوزيه وسارة يسوين مناكير جلست العب بتليفوني وهن يضحكين ويهدرين قلت: فوزيه جيبي لي شاهي

عينتني وقالت: عيوني وانتي ياسارة تبي

سارة: ههههه يه قلصين

خرجت فوزيه وهيه تضحك وقلت: سارة بالله عادي اتصل بسهر اطمن عليها

سارة: عيب خلي لها حالها وبعدين قدها بتجي الظهر لايش تتصلي

قلت وانا اعين رقمها: بتصل

اتصلت وماردت واتصلت اتصلت اتصلت للمره الالف وقلت بقلق: ماترد

قالت وهيه تشرب امشاهي ذي جابته لنا فوزية: نايمه عادها

عينت الساعه شفتها قربت عشر وقلت: وين نايمه الآن

قالت فوزيه: نعم انش ذكيه ايوووه نايمه مالش ياقمر وغمزت لي

انا مااهتميت رجعت اتصل ورسلت لها رسائل وقلت: ولا حتى ترد

قالت سارة: يمكن تليفونها صامت

سكت وانا اتنفس بصعوبه لانه لما اخاف انكظم

اجت سارة واطتني جهازي ورجعت اتنفس طبيعي

وقالت سارة بخوف: لا تخافي ياقمر مالش اكيد تليفونها صامت

قلت وانا ابتسم: ان شاءالله يكون صامت طيب بروح عند عماتي اتشوه معهن


ضحكت لي سارة وانا خرجت ورحت امحوش من برع واتصل وارسل رسائل لآخر شي ضبحت وحطيت تليفوني عندي فوق امصبه حسيته رن التفت بلهفه شفته تركي رفعته وابتسمت بعد زمن والله ورديت: الو

تركي بضحكه: واخير مش عوايدش تردي عليه

ضحكت وقلت: صباح الخير

قال: صباح الحب

ابتسمت وخجلت قلت: اممم

قال: ايش اممم المهم كيفش

قلت: الحمدلله عادنا عايشين

قال: سألنا كيفش اما عايشين فاكيد عادكم عايشين لانه كيف اكلمكم من القبر مثلا

طلع لي عرق جن ذي الساعه احس انه يتهابل عليه وقلت: انا الغلطانه ارد عليك قلت ....

طبق في وجهي مع اخر كلمه سمعتها ( مجنونه )


تنهدت وقلت: مش لازم اعصب عليه وش فيها لو مزح معي يووه شكله بيهج مني

فتحت تليفوني رجعت اتصلت به
.
.

تركي*

ههههههه عرفت انها بتعصب الصراحه افرح لما تعصب مني

حطيت تليفوني عندي فوق القعاده شليت منشفه كنت بدخل الحمام بس رجعت ع صوت رن تليفوني شليته فتحت عيوني ع وسعها

وقلت: قمر تتصل؟

مش متعود لانه ماتتصل ابدا وماترد بس انا رديت وقلت: نعم

قالت: نعم الله عليك

قلت: ايوه

قالت: ايش ايوه قول آمين

ابتسمت وجلست ع القعاده وقلت: امين يااارب واياش

قالت بتردد: انا

عقدت حواجبي وقلت: ايوه انتي ايش

جاني صوت من داخلي يقول (بتقول احبك )

قلت بيني وبين نفسي قوليها قوليها

بس قالت: انا آسفه لاني صيحت عليك قبل قليل


انصرعت وقلت: اوك تمام عادي شي تشتي حاجه لاني مشغول


عصبت مني وقالت: ...




📚 @rewayatyamania  🇾🇪

.

البـارت 143 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


عقدت حواجبي وقلت: ايوه انتي ايش

جاني صوت من داخلي يقول (بتقول احبك )

قلت بيني وبين نفسي قوليها قوليها

بس قالت: انا آسفه لاني صيحت عليك قبل قليل


انصرعت وقلت: اوك تمام عادي شي تشتي حاجه لاني مشغول


عصبت مني وقالت: ايووووه اصلا انته ماتفضي نفسك لحد اوك باي واخر شي اقلك ماعاد اتصل بك اصلا انا غلطانه

ضحكت وقلت: طيب غلقي الخط

قالت بصياح: تمام اصلا الآن

وغلقت وانا ضحكت بقوة لما طلعين دموعي من الضحك وقلت: الله يعينك يا تركي

قمت وقلت: وربي احبها
.
.


سهر*

قمت الفجر صليت وما عاد نمت للآن وانا جالسه اقرأ قرآن

قمت وغلقت كتاب الله تعالى وقمت بعد ما جلست ع القعاده ذكرت تليفوني ورحت شليته شفت اتصالات كثيره من علاوي ومن قمر ومن ابوي

ع طول اتصلت بابوي ورد وقال: هلا والله

قلت بدموع ع صوت ابوي لاني احسه الامان لي: هاه يابه ياروحي وقلبي انته

ابوي حسيته خاف وقال: ماله صوتش

قلت: ماشي بس اشتقت لك

ضحك وقال: ايوه طيب اتصلت بشهاب وكلمته يجيبش قبل اذان الظهر طيب يله غلقي


كان نفسي اقله ايش قال شهاب اللي ابوي يحسبه رجال وهو انسان مريض كان نفسي اشكي لابوي واقله انا اتألم يابه انا موجوعه شهاب ينتقم ع غلطه هو بس *خفت ع ابني*

وقلت: طيب مع السلامه يابه

غلقت وشفت رقم علاوي كنت بتصل وقلت خلاص بروح البس واشيك نفسي بس اهتز امتليفون وشفت قمري تتصل ع طول رديت وقلت: اذكر القط طلع ينط

قالت قمر بغضب: اذكر الكلب وامسك عصاء

قلت بضحكه: مالش

قالت: انا اللي مالي يا$@# اتصل بش من ابش(الصباح) وانتي ولا تردي

جلست ع القعاده وقلت ببكى: قمر

ع طول تغير صوت قمر من غضب لخوف وحنيه: مالش ياعمري

قلت بخوف: شهاب

قالت: ماله

قلت بعد ماذكرت تهديده: هاه ولا شي

قالت بخوف: سهر ماله شهاب سوى لش شي

قلت: لا لا ماسوا شي

قالت: قلت لش ماااااله

قلت: هههههههه امزح معش اقصد شهاب هو ماخلاني ارد عليش قال لي خليها تتصل وانا زعلت منه لانه ماخلاني ارد

قالت: متأكده

قلت: ايوه ايوه متأكده

قالت: سهر ياويلش لو تكذبي

قلت وانا اتهرب: يله يله الآن معي شغل لفوق راسي عادني بتغسل وبااستشور شعري معي مية مهره يله باجي وكلمش

قالت: تمام

غلقت الخط وامتديت رجعت لـ نوبة البكاء
.
.

شهاب*

كنت بدق ع غرفتها بس سمعتها لما تكلم اختها

حسيت بتأنيب الضمير

لما دافعت عني وهيه خايفه مني ايش من انسان انا

دقيت الباب عليها وهيه قالت من داخل: خلي لي حالي لو سمحت الله يلعنك

قلت: افتحي

قالت: الله يشلك

قلت بعد ما طلع لي الجنان وكنت اشتي اكسر راسها: افففتحييي ياسهر والا وربي بكسر الباب فوقش واكسر لقفش لما بطلتي تردي عليه بقلة اددددب


فتحت ع طول ودهفتني بقوة من قدامها وقالت: تكسر لقف من لا ياحبيبي انا بكسر لقفك واكسر لقف اهلك وبعدددددين تحسبني فااازعه منك لا انا بكلم اخوي علااااوي يأدبك واخوي بشير يمسح بك الارض والنجاسه واكلم ابوي يطلقني منك تحسببببني بسكت ورب العرش لااااا وتهديدك انك تحرمني من ابني ذااااا بالذااات بكلم ناصررررررر ويجي يقتلك ويخلصني مننننك



صدمه ؟

ماهمني ذا كله ابدا اللي همني وقهرني الكلمه الاخيره تلتجى لناصر مني تشكي لناصر علياااا

قلت وانا ماسك بشعرها والوي يدها لوراء وصحت: اننننتتتتتي بتكلممممي من لاااااا بتكلمي نااااصر عادش تحبيه صح تحبيه وتزوجتيني عشان ترجعي له صح جاوبي صحححح لكن وربي لذبحش واذبح ابنش واذبح ناصر وعيشووووا في الجنه يا قلب ناصر

بكت وحاولت تفلت نفسها مني وانا دهفتها بقوة لما سقطت بالارض ودقت يدها بالمكتبه وقالت: ااااااااه


حسيت بوجع بقلبي رحت لها وقلت وانا امسك يدها: والله مش متعمد كيف بشوف

نتعت يدها مني وقالت ببكى حرق قلبي: تسوي عمايلك وتقول مش بالعمد


سكت منها وقلت: ممنوع اسمع اسم ناصر والا بتكون النهايه وخيمه


قمت وقلت: ابوش اتصل قال نجي قبل الاذان واذاااااا عملتي حركه كذا والا كذا ماتلومي غير نفسش وخلي غيرش يدفع ثمن اغلاطش ولا تنسي عدي


خرجت وخليتها تبكي قلبي حرقني بس قلت: هذا لانش ذكرتي اسمه
.
.


سهر*

قمت وشفت يدي تنزف عورني اللي مايتسمى الحيوان


مسحت دمعتي وشفت يدي انه البخش كبير وواضح اكيد اخواتي بيركزين

قمت ودخلت غرفتي وشليت لي فستان كم طويل ماحصلت دورت دورت لما زحفت(تعبت) ولا حصلت قمت شليت لي ابل بني وقلت عادي لو شافينه بقول طحست وتعورت


سحبته ودخلت الحمام تغسلت وبكيت بقوه خرجت كل الكظمه اللي فيه وطلعت بعد ما لبست وسويت لي كحل حاولت اتشيك سوا بس يدي تنتسف من الخوف مدري ليش احس اني خلاص بنكشف قدام اخوتي عيوني حمر ويبان اني بكيت كثير ويدي معوره وكمان غير قمر اللي حسيتها قدها شاكه


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 144 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


حاولت اخفي بالمكياج عواري بس ماعرفت عاد المكياج دخل ولهبه لهب رجعت غسلته وسويت لي ربطه عليه لانه ينزف وعيوني تدمع رجعت مسحت دموعي وبديت ارتب شكلي حبه حبه

قمت شوف نفسي بالمراية انه تمام حسيته انه مايبان اني بكيت بس اخواتي ويعرفيني مستحيل مايركزين حاولت اخفي كمان بالمكياج اللي طاعني وبعدين قلت: يووووه مامعي فل

دخل ع صوتي وقال: جبت لش

التفت عليه وكان نفسي ارد بس قلت يكفي بالقوه خفيتي شكل عيونش والآن بتخربي 

قلت له بعد ما قفيت منه: شكراً مااشتي منك حاجة كثر الله خيرك


اجا وحط الفل قدامي وقال بابتسامه: تشلي الفل والا ممنوع الروحه وانا اقدر ارفض اجي واقول لخالي اي عذر

بلعت ريقي انا مااشتي اجلس اشتي روح عند اهلي ع الاقل ارتاح قليل منه

قلت: لو بس تبطل تهديد

شليته من قدامي وشفت شهاب راح وجلس ع القعاده عينته بمعنى ايش تسوي

قال: ايش بجللس اشوف كيف تضبطي نفسش

قفيت منه وقلت: ولا كأنك موجود اصلا

سكت مني وانا قلت بقلبي الحمدلله انه سكت مني

كملت تشياك وقمت وقلت بعد ما لبست عبايتي: يله

قال: اها اصح نسيت انني كأني مش موجود لذلك روحي لوحدش

لوحدي ؟

قلت: اوك احسن

خرجت تليفوني وكنت بتصل بعلاوي بس نتع امتليفون من يدي وقال: امشي يله

مشى قدامي وانا ابتسمت وقلت بيني وبين نفسي (حلو لما اكسر خشمك)

مشيت وراه لما نزلنا الدرج قال بهمس: نزلي البرقع ع عيونش لانه يبانين

قلت: لاااا انا حره

ع طول وقف وقال: سهر بتخليني ارجعش الآن سحب

قلت وانا امشي قدامه: احلامك غريبه

ع طول مسك يدي ولفني ونزل جلبابي وغطا به عيوني وقال: كذا تمام تعرفي اغار عليش من اهلش حتى

ع طول حسيت بقلبي دق وقلت بوجع: ليش تخدعني ليش تكذب عليا ليش تهددني ليش ياشهاب

قالي: لا تطلعي ضغطي الآن

مسك يدي ومشاني معه لما دخلنا السياره وطلع جنبي وقال: اصلا ما تحبيني انتي

التفت عليه وقلت: من قال ان......

قاطعني وقال: حبش انتهى من قبل ثمان سنين يوم رفضتش جلست سنه وانا احاول افكر بحبش لي وقلت لنفسي مااحبها بس بعد ماحبيتش جيت وتأكدت اني احبش ومن زمان كنت جاي اقلش بس انتي ايش هاااه قولي انتي وافقتي ع ذاك الكلب ولما قلت لش انا احبش ع طول رفضتيني ومش مره ياريتها مره انتي كررتيهاا


حاولت ماابكي وقلت له: وانته كمان انتهى حبك لي من يوم تزوجت وجيت الآن تنتقم

رد عليه: وانتي الآن ماتزوجتيني عشان شي انتي بس تزوجتيني عشان ترجعي لـ ناصر وعدي ابنش انتي بس خادعه لا تفكري انش ملاك وما تغلطي


قلت: ورب العرش تزوجتك عشان اشتي عيش مسقبل معك بس انته تافه ومريض وتفكيرك متخلف


قاطعني وقال: احلمي اصدقش لانه لو صدق تزوجتيني عشان تعيشي معي مستقبل ع قولتش مارفضتيني المره الاوله

قلت: رفضتك صح بس ذا مايعني اني رفضتك برأيي

قال وهو معصب: هاه برأي من برأي ناصر قالش صح قالش اتزوجيه عشان ترجعي لي ونرجع نلم العائله و......

قاطعته وانا احط يدي ع اذاني واقول: بسسسسس بااااااس ولا اشتي اسمع منك شي


مسك يداتي ونزلهن من اذني وقال: طيب ايش العذر اللي يخليني اصدق انش رفضتيني عشان شي


قلت له: لانك مريض ورفضتك لاني شفت حلم انك بتشنقني بيدك


(قلتها بوجع وقهر قلتها ماكان لازم اقولها بس قلتها بردة فعل وهيه كذبه)


عيني باستغراب وردد نفس الكلمات: لاني مريض وحلمتي اني بشنقك بيدي

قلت: لا ماشي انا اقصد

قاطعني وقال: انا بس حبيت انتقم منش ما بقتلش

قلت له بسرعه: عاد قبل قليل قلت بقتلش واقتل ابنش وتقتل....

قاطعني وقال: لا تذكري اسمه

كنت بقول شي بس هو قال: ولا اشتي اسمع شي منش

دعس ومشت السيارة بسرعه وطلع سجارة وسجر التفت عليه وقلت: ذا مرض

قال وهو يخرج الدخان من انفه و لقفه: ع الاقل اكيف قليل

قلت: براحتك ماهن نصحتك

التفت عليه شافني اختنقت من الدخان وقال: تضايقش بطفيها

قلت: لا لا

نذقها من امطاقه حقت امسيارة وتابع طريقه بسكوت ويعين قدام انا التفت عليه وظليت عين عيونه قال: احم

التفت عليه وكمل: لا تسرحي كثير فيه لاني ع قولتش مريض

قفيت منه وانا اردد بقلبي مريض وينتقم ع اغلاطه هو
.
.

قمر*

الساعه صارت 11:00 وسهر ماجت وقد كلنا لابسين وكاشخين وكل شي حتى الزربيان اعتقد طبخوه وكل شي


دخلنا غرفه ورده لقيت املدات كااااااالهن جالسات يشربين قهوة قلت: ماتشبعين انتين

: بسم اللله علينا

: قولي ماشاءالله ياقمر

: اعوذ بالله منش

: بسم الله عليه

: بتمرعينا !

: ع اساس انش ماشربتي كتلي

: اوف منش لسانش شبر ونص

: احترمينا قليل

: هههههه تشتي جب لش

: اباااب الله اكبر


شفتهن باستغراب وقلت: طيب ماشاءالله




📚 @rewayatyamania  🇾🇪

.

البـارت 145 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


جلست وقلت: ساارة اتصلتي بسهر

سارة: لا

هناء: فله باقي لش شهر والا قده شهرش


فله ضحكت وقالت: وين انتي لا لا باقي شهرين

شروق: عادها باقي لها شهرين يا هناء

هناء: ماشاءالله كبيره بطنها

رهف: واني باركوا لي احس اني حامل هههههه

فوزيه: بالله

حلا: عاد معش اربعه ماشاءالله وين تبي بنفسش

رهف بعصبيه: بسم الله منش وش فيها وبعدين قلت احس مش متأكده

قلت: اتأكدي

قالت رهف: ان شاءالله

ورده وهيه تقرش يدها من الحناء اللي سوته بكتفها: تقولين سهر جايه والا عادها ماخرجت

قلت لها: مدري اتصل

قالت ورده: اتصلي اتصلي

اتصلت وطلع مغلق


جلست مع البنات وان امي دخلت وتقول: سهر جت يله طبلين وزفين



خرجنا كلنا واحده تجيب الطبل ووحده تطبل ونص يحجرين ونص يغنين ويصفقين وانا وامي لطيات بالباب دخلت سهر وانا حضنتها وامي تبخر علينا وتمهسني وتقول: قومي من فوقها

قمت وانا اضحك وسهر مبتسمه دخلت تمشي بهدوء وانا وسماء عندها زفيناها لـ غرفه ورده وجلسنا ع القعاده وهيه تخلس عبايتها وامي دخلت امجمره وامبخور عندنا وقالت: ليش تشيكتي هناك لكان خليتيه لهنا قد اخواتش بيسرحينش

سهر: لا فديت قلبش ياروحي قلت هناك احسن بدل ماتعبهن

امي: طيب ياقلبي التفتت عليه امي وقالت: جيبي لها حاجه بارده تشرب اختش

قمت وقلت: عيوووووووني لها

خرجت وجبت عصير من الثلاجه وسكبته في قلص وشليته لها ودخلت واطيته سهر

وقالت: مااصطبحت قلت عادي بتغدا واذا شربت عصير بسد نفسي

امي شلته منها وقالت: خلاص روحي ياقمر جيبي لها ماء

سهر قالت لي: بااااااارد

رحت وانا ابتسم وجبت لها ورجعت جري

سهر: امممممم لصيت امكهرباء لما قد الدنيا بارده

امي وهيه جالسه عنادها: لا لا وين لصيت رعي ماهن اماطور اما صحاب امكهرباء قطعهم وقطع بوهم مايلصونها

ضحكت سهر وقالت: الله يسامحهم


شفت عيون سهر كان شكلها كأنها سهرت وبكت كثير شفت يدها مربوطه بشاش ومخفينه تحت امقرمه قلبي نقز شفتها بصدمه عينتني وهيه كانت تضحك بس جت عينه في عيني راحت الضحكه وعينتني ورجعت نزلت امقرمه ع يدها بهدوء وكأنها عرفت اني شفت كان نفسي اقلها ايش ذا بس قلت بعدين بسأل


التفت ع البنات جالسات كل وحده تهدر مع الثانيه وامي قامت وخرجت وسهر ماسكه قلص الماء وتعينه وكأنها تفكر باللي حصل معها باللي خلاها تسهر وتبكي باللي سبب لها جرح بيدها او يمكن وقلبها كمان


رحت وشفت البنات يتكلمين مع بعض استغليت الفرصه وسألتها: مالش ياقلبي

عينتني وقالت: ماشي

رفعت امقرمه وقلت: ايش ذا

ع طول وبحركه سريعه رجعت امقرمه عليه وقالت: سقطت وتعورت


سرينا وعلى هواء المواجع غنينا ،❗️🚶🏻



ماصدقتها بس ماحبيت اضغط عليها قلت (شهاب هو اللي عمل كذا وربي لوريك نجوم الظهر )


قمت وخرجت من عندها


بعد ما احتفلنا للمغرب ونسوان اعمامي وخالاتي وعماتي روحين كلهن حتى امبنات روحين مابقينا غيرنا احنا نسوان امبيت وروحت ورده مع اهلها بعد ما ترخصت من بشير وحلا كمان قالت بتروح عند اهلها ووصلها علاوي وكمان راح معها عبودي


داخل امغرفه حقتنا

سهر: يله رسل لي شهاب اخرج

سارة: بتروحي الآن

سهر بضحكه : ليش تشتيني امسي عندكن

قلت: ايوه مادام مايقدرش

التفتت عليه بصدمه وقالت: هاه

قلت: لا ولا شي

قامت سارة خرجت وانا جلست بعد مادخلت سماء وقالت: امي قالت تجي ياسهر

قامت سهر وخرجت وجلست سماء وقالت: احس في شي

قلت: زي ايش

قالت: زي ان سهر مخبيه شي ومش فرحانه وحتى ما تبتسم الا بالغصب

ابتسمت لها وقلت: تصدقي حتى انا

قالت: ايوه

قلت: يعني شفتي يدها كيف هيه

قالت: كيف !

قلت: فيبها عوارات

لحظه حتى قالت: يووووه وين معوره

قلت: بكتفها

قالت وهيه حاطه يدها ع صدرها: قولي والله

قلت وانا اقوم: شوفيها حتى


قامت وخرجت ورجعت ومعها سهر وغلقين الباب ورفعت سماء مكان كتفها وماشافت شي قلت لها: اليد الثانيه

رفعتها وقالت بشهقه: ايش ذااا ؟

سهر بخوف: ماشي ماهن تعورت سقطت اقصد


بعد فحس سماء ع سهر وسهر البت تقول لنا ايش زحفنا واحنا نقنعها تتكلم بس ما تكلمت وقامت لبست عبايتها وشلت شنطتها وذهبها وخرجت مع شهاب

قلت: سماء والآن ايش

التفتت عليه وقالت: الآن خليها تتعذب معه وبعدين بنشوف نهايتها يا بتقول لنا يا لا

انصدمت من برودتها وخرجت من عندها شفت من امطاقه سيارة شهاب مشت
.
.


سهر*

بالطريق ولا اطيت كلمه جلست ساكته قطع الصمت لما قال: كيف كان وقتش

قفيت منه ولا تكلمت

رجع قال: امممم سهر

التفت عليه وقال: بقلش حاجه يعني هو اللي هددش بعدي من

سكت وقفيت منه وقال: ردي

قلت: ماحد هددني غيرك

سكت مني وكأنه يحاول ما يضربني اتحمدت وسكت

لما وصلنا دخلنا وكل واحد راح غرفته ولا تكلم ابدا


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 146 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


تركي*

سهرنا وخزنا انا وعادل وزياد في بيتي بعد الاخذ والعطا قال عادل: تركي باجر عندك في ام.....

قلت له وانا فرحان وقبل يكمل كلامه: ايووووه اكيددد كنت بفتح معك ذا اموضوع والله ولا يهمك باطيك شقه الك وكمان بـ

قاطعني وقال: لا لا بأجر مش ببلاش

سكت لاني كنت بقله ببلاش بس ابتسمت وقلت: اوك تمام

زياد قال: واحنا

ضحكنا وقلت له: تحت امرك ايش

قال: اوك اوك الآن انا كمان يعني باجر في عمارتك بس اذا ما تشتوني عادي متعود

عادل قال: طلقناك ياخي

ضحكت انا وقلت: حرام عليك

زياد التفت ع عادل وقال: مرتك عشان تطلقني

ضحكت وقلت: لا لا بس انته راشن فيه

قال: ويطلق كذا

عادل ضحك وقال: خلاص رجعناك

زياد قفا من عادل بانزعاج وقال لي: ايوه ايش قلت

قلت له: ولا يهمك

قال: طبعاً ايجار

قلت له: ولا يهمك اللي تشتي

سكت وستانس وقال: واوووو تخيلوا عايشين مع بعض

عادل بصفاط: كل يوم بينتحر واحد

زياد التفت ع عادل وقال: ياخي مالك انته كل شي عندك صفاط وبعدين ياريت صفاطك حلو

قلت: صفاطه زي وجهه

سكت عادل وتجاهلنا وغيرنا اموضوع وجلسنا هدره عاديه بعدين قال زياد: باقي قليل ع زواجكم

رد عادل وقال: ليش وانته متى

قال زياد: اوووهوووو عادني اشتي واشتي

قلت له: كم يعني

قال: مالك دخل كم وبعدين مشتيشي اتعبك معي وانا من نفسي بتأخررر لمدة يعني سنه واتزوج

رد عادل: سنننه ؟

قال: ايوه سنه

قلت: كثير

قال بابتسامه: عادي
.
.


قمر*

بعدددددد مرووور يومين وقد سماء روحت مع زوجها امس واليوم قررنا نزور سهر ببيتها العصر


الظهر وامي جالسه مع ابوي تكلمت سارة: يبه بنزور سهر العصر عادي

قال بوي بابتسامه: ايوه عادي بيشلكم بشير

ع دخلة بشير وقال: وين شلهم

قالت امي وهيه تقدح امغداء: عند اختك سهر

جلس بشير وقال: بس انا بروح جيب ورده

قلت له: طيب تودينا ورجع جيب ورده وبعدين بترجع لنا امغرب

قال: تمام تمام خلونا نتغدا الان

قال بوي: وماتتاخرينشي تظلين عندها طيب

قلت له: ايووه بنروح الساعه 6

قال بوي: لا قليل وروحين ماشي الساعه 6

سارة: تمام

سكتت وتغدينا بعد ما تغدينا سارة شلت امسامان وانا كنست من حيث تغدينا ودخلت غرفتي وغيرت لي لبس وجهزت شنطتي وعبايتنا وكل شي وخرجت من امغرفه ع دخله رؤوف وعلاوي وقال لي رؤوف: جيبي لنا غداء

قلت: عيوني

دخل علاوي ورؤوف امصاله وانا رحت جبت لهم لانهم يتأخروا بالشغل ونخلي لهم غداء وشليته لهم وقال علاوي: حطيه هنا وليش مغيره لبسش وين بتروحي و

قلت بابتسامه: ماشاءالله عليك تركز

ضحك وقال: ايوه وين بتروحي

قلت: عند سهر

رؤوف: اهاه

علاوي: طيب ماتتأخرين من بيوديكن

قلت: بشير

قال: تمام

قمت وخرجت من عندهم وسمعت ابوي يقول وويننننن
امشاهيييي


قلت: الآن الآن بجيبه

رحت وركت امكتلي بسرعه وطبخت امشاهي وشليته بعد ما لبنته وصرفته في امقلاصات وشليت قلص لامي وقلص لابوي وقلصين لعلاوي ورؤوف ودخلت غرفه بشير وحطيت له قلص وخرجت وصرفت قلص لي وقلص لـ سارة وجلسنا نهدر لما عمدت الساعه 3ونص وبدلنا وكل شي وجلسنا نستنا لـ بشير اللي عادنا صحيناه من امنوم ودخل يتغسل ومدري ماله حنب في غرفته
.
.

تركي *

بعد ما تغديت خرجت وشفت عادل وزياد جزعوا من عند بيتي وقلت: ع الاقل سلموا

التفت عليه عادل وقال: بروح جيب قات تجي معي

جيت وقلت له: قااات ماقد عادنا امس خزنا مالكم لا تتولعوا كثير

رد زياد وقال: ياخي ماهن اليوم مش كل يوم

قال عادل: ايوه اليوم ومعي شغل انا

قلت له: طيب طيب من بيروح

عادل بابتسامه: انا وانته

قلت: لا لا انته لوحدك وش وداني لسوق القات الآن

زياد: وليش ماله الآن وبعدين قدك تروح

سكت وقال عادل: خلاص انا وتركي بنسبقك للعماره وانته روح

زياد: انا ؟

قلت: ايوووه

عيني بمعنى اسكت

عادل قال: ايوه انته يله روح وبتحصلنا هناك

مشى زياد بعد ما استسلم وشل مننا بيس وراح (بيس يعني فلوس )


مشينا انا وعادل مشي ب رجيلنا لـ العماره لانه بعيده واحنا نشيطين ومافيش داعي لسيارة لانه نتسلى ع الطريق وخفيفين احنا
.
.

سهر*

حطيت الغداء واجا شهاب تغدا وهو ساكت ولا اطا كلمه بعد ما تغدينا شليت امسامان ودخلت امخدم غسلتهن ودخل عليا وقال: باتتكلمي انتي

قلت بضبح: ايش اتكلم

قال وهو مدكي ع باب امخدم: كل يوم نفس السؤال قدش داريه ع ايش اشتي تتكلمي

التفت عليه وقلت: وانته كل يوم نفس السؤال ومافيش حاجه اقلك عليها

قرب وقال: سهر لا تجبريني اتصرف بعنف معش

قلت له وانا حاطه عيني بعينه: اصلا شي شفت لطافة قدك عنف في عنف من يوم عرفت..

عصب مني ومسك شعري وقال...




📚 @rewayatyamania  🇾🇪

.

البـارت 147 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


التفت عليه وقلت: وانته كل يوم نفس السؤال ومافيش حاجه اقلك عليها

قرب وقال: سهر لا تجبريني اتصرف بعنف معش

قلت له وانا حاطه عيني بعينه: اصلا شي شفت منك لطافه قدك عنف في عنف من يوم عرفت

عصب مني ومسك شعري وقال بسؤال اللي يكرره له يومين: منننننن هدددشششش ؟

قلت له بوجع: كبه تكبك انته وسؤالك قلت لك مية مره مااااحد ماااحد

ترك شعري وقال: يعني مكانش معنده

قلت له: ايوه ايووووه مكاني ياخي روح مني كل يوم اهانه وتعيد نفس المواقف

قفا مني ورجع التفت وقال: شاهي الان

وخرج وانا كملت غسال ولا اهتميت وقلت (جعله سمك ان شاءالله )

وركت كتلي اشاهي وطبخته وقلت: جعل ما تحيا بعده

رد عليا من وراي: امين من شان ترتاحي مني و....

قاطعته لاني عارفه ايش بيقول وقلت له: عمرك ما بتعمد رجال

طلع شياطين الكره الارضيه فوق راسه وقال: سهههههرررر وربي بذبحش

قلت له: جديده عليا ع اساس

قرب وكان بياطيني كف بس رجع قال: مااشتي اقتلش قبل اعرف

نزلت من عيني دمعه حاره وكنت ببكي بس مسكت نفسي وقلت: ايش بتسوي لو عرفت

قال بابتسامه: يمكن اموته

قلت له: انته كمان هددتني وما موت نفسك

ع طول راحت الابتسامه من وجهه وقال: انا عادي اما غيري لا

قلت له: انته حلال وغيرك حرام لانك مريض ونفسي كمان انته تعمل الغلط وغيرك يدفع الثمن انته تسوي اللي في راسك وغيرك ممنوع انته لازم اللي تشتيه يكون لك وحتى لو ع حساب غيرك وع حساب..

قاطعني وقال: الشاهي ياسهر


التفت وشفت امشاهي فار طفيت عليه وصرفته له واطيت اياه وقال: ماانحرم منش يارب

كانت اول مره يقلي ياها بس تجاهلت وقلت بنفسي (جعل تنحرم منك السعاده)

قال: لا تدعوي عليا

وخرج وانا بلعت ريقي وقلت: قلتها بنفسي كيف عرف

كملت شغل وخرجت شفت امكهرباء لصيت جلست اتفرج ع مسلسل كويتي

وشهاب وراي جالس مخزن مدري منين له امقات مع انه ماخرج قلت بنفسي (بسم الله مدري هو جني والا انا مااشوف سواء اول سمعني وانا اكلم نفسي والقات مدري منين جابه)

قال لي: سهر اقلبي القناة فكي ع الحدث

ع طول طلع لي شيطان وقلت: ليييش انا عاجبني ذاا

قال: اقلبي قلت

ع طول قمت طفيت امتليزون(التلفزيون) كوا له

عصب وقال: لما قول اقلبي يعني اقلبي وبطلي عناد والا وربي يومش اسود

قلت له: يومك انته اللي اسود

قال وهو يقوم باتجاهي: سهر وربي لكسر امقرن هذا اللي في راسش ومعند والله

ع طول رجفت بفزع وهو لصى امتليزون وجلس يتفرج ع الحدث وانا قلت: طيب ليش انا اتابع امسلسل

قال: جننني

قلت: بسم الله

قال: سهر بتخليني اتفرج والا قوم كسر امتليزون فوق راسش

سكت وقمت دخلت غرفتي وجلست ابكي مدري ع ايش بس ابكي
.
.

قمر*

اجا بشير وشلنا عند سهر وصلنا امعماره وبشير اشر لنا نص ساعه ويجي تأففنا ومشينا طلعنا ادرج
.
.


سهر*

خرجت وسمعت شهاب يتكلم ويقول: طيب طيب ياقلبي ولا يهمش باجي ...... لا سهر داخل ...... متى تجي انتي اشتي اسوي لها مفاجاة ...... بتنصدم اكيد ..... طيب ياقلبي مستنيش ..... هههههههه احلى مفاجاة بتكون لها...... لا لا اكيد بتنصدم...

اجيت وسحبت امتليفون من يده وحطيته عند اذني اسمع من ذي اللي تكلمه

سمعت صوت بنت تقول: شهاب حياتي يله زوجي اجا بعدين كلمك اممممح

انصدمت وعينته وهو سحب امتليفون من يدي وقال: كيف تسمحي لنفسش تسحبي تليفوني من يدي


نزلت دموعي بقهر وقلت بصوت عاااالي: اسممممح ونننننص انا مررررتك انته ماعندك حياء ولا ادببب تكلم وحدددده متزووووجه طيب معليشششش خونني بس هييييه ليش تخون زوجهااااا انتتتووووا بلااااا ادب وناس بلا شرف انا ندمانه اني عرفتك ندمانه انيييي تزوجتك ندمااااانه واللله


اطاني كف لما سقطت ع الارض وقال بصوت قوي: انتتتي تفكيييرش وسخ اصلا عمرش ما شفتي من ناحية المعقوله انتي تشووووفي كل شي وسخه زييييش


مسكت خدي وبكيت وقلت بصوت يتقطع: انته كلب طلقني ياشهاب


رد بقوة واجا سحبني بشعري وقال: طلااااق لا تحلمي به وانا مش محتاج ابرر لش افعالي تمام ويله شلي نفسش وادخلي غرفتش قبل ما ابتلي فيش الآن


انا نتعت يده من شعري واطيته كف وياريت ما اطيته ع طول نزل فيه ضرب

وانا اصيح
.
.

قمر*

سمعنا صياح من بيت سهر

سارة صاحت وقالت: سهرررر

ع طول دقينا الباب وبقوة لما هدأ الصوت وانا اقول: افففففتتتتتح ياااقليل الشرف ياحيوان ياكلب افتحح الهي يفتح راسك ياكلب لا


سارة معي وبصوت باكي: اترك اختي ياحيوان يااااااشهااااااب افتح

التفتنا ع صوت عادل: ايش في

تركي بصوت عالي: قمرررر

قلت له ببكى: الكلب يضرب اختي تركي ساعدددددهااا


اجا عادل وتركي واشروا لنا نبعد من امباب ودكموا الباب وانفتح


كانت سهر تبكي وشهاب يضرب فيها بلا رحمه

صدمة

سهر


ع طول دخل تركي و...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 148 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


ع طول دخل تركي ونزل ضرب في شهاب وعادل دخل يضرب معهم وانا وسارة رفعنا سهر ودخلناها غرفتها كانت حالتها حاله والدم يسيل من راسها وشفايفها


سارة ما تحملت وجلست تبكي بصوت عالي وانا طلعت وشياطين الارض فوقي شفت شهاب يقول: زوجتي وحر اموتها انتوا كيف تدخلوا بيتي كذا وتقتحموه


تركي تكمه في لقفه ويسقط شهاب وعادل قال: احنا رجال مش زيك نضرب بنات ياقليل الاصل انته


انا جيت ونزلت ع طول شهاب لانه جالس بالارض وماسك لقفه واطيته كف وقلت: ياحيوان ذي اختي كيف تمد يدك عليها

اطيته كف ثاني وهو قام يشتي يضربني بس وقف تركي قدامه وقال: لو انته رجال تواجه رجال مش نسوان وتعال معي اشتي شلك عند عمي نايف


خرج تركي وهو يسحب شهاب وقال لي عادل: وين اهلش ومع من جيتوا


قلت بصوت باكي وخايف ع سهر: مع بشير


خرج عادل وهو يقول: اتصلوا به الآن يجي انا برع


ع طول رجعت الغرفه واتصلت بـ بشير وانا ابكي واشوف سهر اللي مش داريه بشي ومدوخه وسارة الللي حاضنتها وتبكي

رد بشير: ايوه

قلت له ببكى: بشير تعال لنا الآن

قال: مالش ؟

قلت: تعال الآن وبس

وغلقت ع طول وجلست البس سهر عبايتها



بعد عشر دقائق وقد بشير عندنا ويكلم عادل وسمعته يقول: وربببببببي الللي خلق سبع سموات كلا علمته دررررس ما ينساه كيف يمد يده ع اختتتتي وين هووووو الآن وييين

مسكه عادل وقال: صلِ على النبي الآن هو مع تركي اخذه بيتكم المهم اخذ اختك رعها داخل بسرعه انا بالحق تركي

(صلوا ع النبي )(اللهم صل وسلم عليه )
.
.

دخل بشير وقال بصوت خافت ونزلت دمعه منه ع حال سهر: الكلب وربي لخليه يتمنى الموت ولا يلقاه

اجا وشل سهر في حضنه واحنا نمشي وراه ونبكي شفنا عادل تحت وعادل شاف سارة وكأنه يقول لا تبكي التفت ع سارة كانت تبكي بقوة


دخلنا السيارة وبشير مشى بسرعه خارقه واحنا خفنا ليسوي حادث


وصلنا شفنا ابوي وعلاوي وشهاب وتركي ونزل بشير وجرى لـ شهاب ويضربه بقوة وبكل مكان وعمي رؤوف يحاول يفك بينهم ويقول: بسسسسس بشيرررر اهدأ تعالوا افرعوا بيموته


قامت سهر تشتي تخرج بس انا مسكتها وقلت: خليه يموته

بكت وقالت: بس انا الغلطانه

قلت: لا مش انتي خليه يموووته

بعدت مني وفتحت الباب وخرجت تقول: مااااااحددددد له دخل بيني وبين زوجي بعددددووووا منه بعدوووووا

اجت ورفعته بعد ما هلكه بشير ضرب


ورفعته وقال علاوي: سهر هو مد

قاطعته وقالت: باااااااس انتوووا بأي حق تلبجونه مهما صار انا مرته حتى لو بنتكم واختكم مااسمح لكم تلبجوه قدامي


شهاب كان يعينها بساكت وقال ابوي: سهر ادخلي داخل مالش دخل بيني وبينه كلام ثاني


قالت سهر: ماحد له كلام انته ابوي وكلامك فوق عيني وراسي بس ماحد له دخل يموتني والا موته ماشي لكم حق

رفعتها وسندته ع كتفها ومشت قدام الكل ولا اطت كلمه اجا علاوي مسكها من كتفها وقال: مالش رجعه معه يله ادخلي داخل قلنا بلا خزا

قال شهاب: لها رجعه لاني زوجها

بشير كان بيجري يضربه ومسكه تركي وقال: بشير

بشير وقف لانه شاف علاوي يسحب سهر ودخلها بالبيت ورماها ع امي وقال: ممنوع شوفها تخرج


دخلنا احنا وراها وما وقفنا بكى


قالت سهر: يمه انا الغلطانه اطيته كف

امي شهقت وقالت: ليييش عيب عليش من بنت

قالت سهر وهيه تبكي: قصه طويله يمه قصه طويله كان يكلم اخته ويقول لها تجي وتعمل لي مفاجاة وانا فهمت غلط


امي كانت بتضرب سهر بس شافتها قدهيه تعبانه وقالت: شلينها من قدامي قليلة الادب

سحبناها معنا للغرفه
.
.

تركي*

قال علاوي: والله والله لو شفتك قدام بيتنا ما تلوم الا نفسك

بشير: واختي طلقها

رؤوف: هدوا قليل ياجماعه اذكروا الله خلونا نفهم ايش حصل

عمي نايف: علاوي وبشير وتركي وعادل يله كلكم انقلعوا من قدامي وانته يارؤوف جب شهاب وتعال لي للديوان

لحظه ؟

بشير شل حجر وكان بيدق بها شهاب بس مسكه عادل وسحبه معه لحقتهم وانا اشوف رؤوف وشهاب يمشو ورا عمي نايف وعلاوي يمسح وجهه بقهر


الله يستر الامور تعقدت
.
.

رؤوف *

دخلنا انا ونايف وجلس نايف وشهاب دخل منزل راسه وقال نايف: اجلس اشتي اعرف كل شي

جلس شهاب وانا جلست وقال نايف: تضرب بنتي اللي عمري ما مديت يدي عليها تجي انته تضربها

سكت شهاب ونزل راسه


قال نايف: مااايكفي اللي سواه فيها ناصر وضربها وهانها وهددها وسوا فيها العمايل وتجي انته تسوي نفس اللي سواه وانا امنتك عليها كذا تكسر ظهري ببنتي يا شهاب هذا هيه الامانه وحسن ثقتي فيك

كمل وقال: مادام ساكت بقلك آخر كلام انته مدعسه وخساره فيك ثقتي وبنتي ترجع لي ولا اشتي منك حاجه بس طلق

لحظه يطلق؟

شهاب رفع راسه وقال: ياخال افهم


قاطعه نايف وقال: لا خال ولا عم بنتي تطلق وترجع لي معززه مكرمه ببيت بوها


شهاب قال: خال والله انا ما...




📚 @rewayatyamania  🇾🇪

.

البـارت 149 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


شهاب رفع راسه وقال: يا خال افهم

قاطعه نايف وقال: لا خال ولا عم بنتي تطلق وترجع لي معززه مكرمه ببيت بوها


شهاب قال: خال والله انا مااعرف كيف حصل اللي حصل لو سمحت خليني فهمك


قام نايف وقال: اللي عندي قلته انا مااطيتك بنتي ترجع نفس السناريو عليها


مشى وخرج وانا قلت: ايش حصل

شهاب قال بحزن: فهمت غلط واطتني كف وانا ماتحملت ومامسكت نفسي نزلت ضرب فيها


اطته كف الصدق ماالومه تستاهل


قلت له: طيب ايش فهمت غلط

قال: ياخي كنت كلم اختي وهيه فهمت غلط

وسكت بلعت ريقي وقلت: ليش ماقلت كذا من اول

قام بتعب وقال: ماينفع

وخرج



سكت قليل ورجعت قمت وشفته يمشي وبشير جالس يعينه بقزازه وعلاوي ماسك بكتف بشير عشان مايقوم يضربه التفت يمين يسار ماشفت تركي ولا عادل رجعت دخلت امبيت شفت شمس وسارة جالسات يبكين قلت بسرعة: وين نايف

اشرت لي سارة ع امغرفه دخلت وشفت سهر في حاله ونايف يقول: اطيتيه كف ؟


قمر وقفت قدام نايف ونايف كان بيكمل ع سهر رجعت مسكته وقلت: خلاص اللي فيها مكفيها يكفي خلينا نخرج


خرجته لانه كان بيضربها ويقول: تستاهل خلها تستاهل


قمر سمعتها تقول: اوووه كيف لو عرفوا اني اطيته كف كمان مش كف كفين


لحظه نايف افتك مني ورجع يتضارب معهن ويسب ويقول قليلات اصل وشمس وسارة دخلين واجا بشير وعلاوي ودخلوا وما اهتميت وقلت: يلعنك ياشيطان احسن اتماوتوا من اول قول اهدوا وتكلموا بعقل بس ههه

خرجت ولا اهتميت شكله نايف تنح قمر تنح

شفت تركي وعادل يأشروا لي بمعنى ايش قربت لهم ومشيت معهم للبلد وقلت: ماشي ياتركي قمر يضربوها
.
.

تركي*

يضربوها التفت ع رؤوف وقلت بخوف: من يضربها


التفت عليه بأسى وقال: نايف لانها ضربت شهاب كف

لحظه صح صح بس كيف عرفوا التفت عليه وقلت: من قال لهم

عادل قال: وسارة

ضحك رؤوف وقال: مدري


تمنيت ادخل بيت عمي نايف واشل قمر واخرج واهرب بها بلا ما يموتوها عليا
.
.


بعد مرور 7 ايام


قمر*

دخلت امخدم وحصلت سهر تنجح شاهي وقلت: ماعاد سمعتي ع شهاب

التفتت عليه وقالت: لا ولا اشتي اسمع


جلست وهيه حطت لي شاهي وقالت: ياريت ما عاد اسمع عليه ويطلقني والا يخليني معلقه احسن من امعيشه معه

سكت وشربت شاهي


*(يووووه ذاك اليوم تنحني بوي الله يستر مانمت من الوجع :"( ..*


خرجت سهر من عندي وانا اعين يدي عادها تجعني من لويت علاوي لما لواها عليا يووووه


دخلت ساره يابختها ولا حتى حطت فيها ضربه وحده جلست وشربت شاهي وتلعب بتليفونها وورده جلست تتكلم برع في الصاله مع حلا ويضحكين


سهر رجعت بعد ما وزعت شاهي للكل وقالت: بنات ايش رأيكن نخرج نغير جو

قلت بسرعه: وين

قالت: وين عاد امبلد
.
.


تركي*

(ذاك اليوم اجا زياد متأخر وحكى له عادل كل شي وجلس يضحك ع عادل لانه خايف يضربوا سارة اما انا جلست ادعي انها ماتموت قمر وزياد يضحك علينا خزنا قليل ورحنا امبيت وسهرنا للساعه 12 وروحوا بيتهم واخواتي اجين يسألين وقصيت لهن كل شي قام حكت لي بثينه ع اليوم اللي سدينا نعم كانت قمر تضارب هيه وزوجة بشير ضحكت وقلت ياويل حالي وحال عيالي :)

.
.

بعدددددد فترررررة واليوووووم المنتظررررررر زفااااااااف


تركي♥️قمررر

عادل♥️سااارة

رؤوف♥️ريماا

🥺....♥️

يوم زفافي انا واختي وروحي خالتووووو



رحنا عند الكوفيره معليش بنختصر الاحداث

تشيكنا وكل وحده طلعت سيارة مع زوجها


وصلنا بعد ما نزلت مسك يدي تركي وقال لي: احبك

مشيت بخجل مع انه كانت الكلمه مش اللي اشتيها كان نفسي يقلي احبش مش احبك ع العموم مشينا ودخلنا بيت عمي رياض لانا سوينا زواجنا ببيت عمي رياض اما ريما روحت بيتها بيت اخوالي يعني لانه هناك زواجها وامي معنا وكذا بعد ما زفينا اجت ريما عندنا ببيت عمي رياض لان رؤوف ضروري يجيبها وجات خالاتي وجدتي وجدي كلهم لحقووووا صارت الساعه 11 ونص وامي لبستنا انا وسارة وخالتي ريما حقاتنا الجلباب وابوي مسك يدي ويد الثانيه سارة وسلمنا لازواجنا وقال: من ذمتي لذمتك ياتركي بنتي ماتكسر ظهري فيها


ابتسم تركي وقال: لا توصي حريص ياعم وقدك عارف قمر وسط عيوني

انا بكيت وحضنت ابوي ومشيت مع تركي ودخلنا سيارتنا

شفت سارة وعادل كمان طلعوا سيارتهم وزفونا كذا يعني كل القريه والسيارات وانا ابكي وتركي يقول: قمري خلاص حياتي ما باخذش مثلا لبعيد وبعدين قدش بتشوفي اهلش


مارديت وبكيت وقال: قمري ذا زواج مش موته

مارديت وبكيت زايد وقال بضحكه: اهاااااه الان تبكي لانا تزوجنا صح ايوه عرفت

ضحكت ع تفكيره وقلت: كذا وكذا

قال بابتسامه وهو يشد ع يدي: كيف يعني كذا وكذا

قلت وانا امسك يده وبشده: يعني فرحه وحزن اني بفارق اهلي

قالي: فرحه اوصفي لي فرحتش

ابتسمت وماتكلمت


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 150 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


قرب لاذني وقال: وربي انش بتكوني هنا واشر ع قلبه وكمل ومستحيل ازعلش والا اخليش تطفشي مني صح بحاول اكون ماازعلش بس مااضمن

لحظه جلست افكر وضحكت وقلت: اممممم تركي

قرب لي وقال: عيونه

قلت: يدي بتوجعني لانك ماسكها بقوة

التفت ع يدي وفكها وابتسم وقال: خايف تطيري

ضحكت وقال لي: والله احبش


وصلنا الشقه وكانين حلا وورده وبنات عمي كلهن ورانا يمشين ويزفين حتى نسوان امعماره تعبين وخرجين يزفين معنا انا وسارة كنا نمشي مع عادل وتركي ونسوان امعماره يطبلين في امباب ودخل تركي وغلق امباب والتفت عليا وانا جلست

اجا وشال الجلباب من فوق راسي

وباسني بخدي وقال: طالعه تجنني

وسكت جلس يعين عيوني لحظه انا قد بكيت لما شبعت اكيد وجهي تشوه من امكياج

قال لي: لحظه خليني جيب لش مرايه

يوووه والخزاء

جاب لي مرايه صغيره واطاني ياها وانا شليته وانا انتسف من الخوف شفتها وفتحت لقفي ع الاخر كان الكحل ع خدي ومسوي مشوار طويل يووووووه

التفت عليه شفته كاتم ضحكته ودقيته بالمرايه وقلت: المفروض ماتضحك

ع طول ضحك وقال: والله حلوه وبتظلي حلوه بنظري

اجا ونزل الطرحه من فوق راسي وقال: بس غسلي وجهش قبل انتحر


طلع لي عرق الشيطان اللي تعرفونه :)

وكنت بتضارب معه بس ضحك وقام وقال: طيب بجيب لش حاجه تاكليها وانتي قومي غيري


خرج عرفت انه خاف ههههههه فديت روحه احلى شي عندي بالدنيا مستحيل افكر يوم اجرحه بكلمه ولا حتى بنظره قمت وخلعت فستان الزفاف ولبست لي حق النوم وجلست ع القعاده شفت وجهي وعدلت مكياجي لانه تخربط
.
.


سهر*

ذي الفتره كلها ولا سمعت خبر ع شهاب ابداااا عضيت اصابعي ندم لاني ضربته كيف يجي او اقدر امد يدي وكاني بنجا منه لو كان ماجت قمر وسارة ذاك اليوم كنت مت ع يده
.
.

مررررت سنه ونصف

تركي: قمر قمرررررر


قمر خرجت من امخدم وتقول: هاااه خير ايش قد معك صياح من ابش الله


تركي وهو يأشر لها ع الارض


قمر حطت يدها ع قلبها وجرت شلت ابنها بخوف: يووووووه حنيني

تركي بضبح: قمر ليش تخليه لوحده المفروض ما تخليه صح والا لا

قمر بخوف: طيب طيب وانته ايش تسوي نايم من امس ولا تشله قليل

تركي وهو يخرج من امباب: انا اللي جبته والا انتي


قمر شلت قلص ودقته في امباب وجلست تقول وهيه تهز محمد: ابوك حمار ايوووه ليش كذا تعيني شفت ايش قال وتقلد صوت تركي انا اللي جبته والا انتي


ابتسم محمد وقمر حضنته بقوه: جعلني اموت ع ذي الابتسامه

بعدته من حضنها وحطته ع امقعاده: حبيب ماما انته

عينته قليل كان عيونه يشبهين عيون تركي وقالت: ليش شليت عيون ابوك ليش مش عيوني

بعد ثواني قالت: عيوني عسليه وحلوه

ضحكت وقالت: اكلم جاهل عمره اربعة اشهر ونص هههههه

ابتسمت له وقالت: قول ماما

تركي من وراها: ماما هههههه

التفتت قمر وقالت: ايش رجعك

تركي وهو يشل كشيدته ويأشر لها بمعنى لذي

قالت: طيب تركي ارجع من حين من شان نروح للقريه حقت خالك عند زهرة قالت لي احضر زواجها


تركي: بوديش بعدين اما انا مابحضر لاني بجس مع زياد

اشرت له بمعنى تمام

خرج تركي وقمر شلت عبايتها ولبستها وشلت محمد وخرجت خطوتين لعند باب شقه سارة ودقت فتح لها عادل ودخلت قمر وعادل خرج مع تركي


شافت سارة تكنس حطت محمد ع امخده لانها ع طوله وصغير عاده وقالت: صباحش

سارة التفتت بفزع: بسم الله قمرررر ماحسيتشي بش متى جيتي

جلست قمر وقالت: الآن ع خرجة عادل

سارة عينت محمد وشلته تحبه بخدوده

قالت قمر: ايوه افعصيه احسن

سارة وهيه تبوسه: بفعصه اكيد

قمر: سارة ماعينتي نفسش شي بش حبلا والا لا

التفتت سارة بحزن: ماشي والله

قمر بحزن: ان شاءالله ربي بيطعمكم طعم الضنى لا تيأسي

سارة: ان شاءالله


بعد ثواني ابتسمت ساره وقالت: والا اطونا محمد نربيه احنا وانتوا جيبوا بدله

قمر بضحكه: بتعملوا خير
.
.


بالليل *

سهر*

دخل عليا علاوي ومعي عدي اراجع له دروسه وقال علاوي: سهر

قلبي نقز والتفت

وقال: شهاب اجا امس واليوم يشتي يرجعش ماتقولي لابوي اني قلت لش

اشر لـ عدي بمعنى اخرج

قام وخرج وانا نزلين دموعي وقال علاوي وهو يجلس: سهر ذا زوجش وانتي الغلطانه وانا كمان وبشير وقمر وحتى ابوي لازم انتي ترجعي وابوي مصمم انه يطلقش بس انا معش روحي وقولي لا واشتيه اذا انتي تشتيه انا معش ومابتطلقي

بكيت وحضنته وقلت: اشتي ارجع

قال لي وهو يحط يده ع ظهري: بترجعي بترجعي له



بعد نص ساعه دخل ابوي وقال لي: شهاب من امس يتردد عليه ومن سنه يتصل وانا ما حبيت ارجعش بس خلاص مادام تشتيه ارجعي


ع طول بكيت وشليت نفسي وحضنت ابوي وقلت: من بعد اذنك يابه لو ماتشتي والله مابرجع


قال لي: ...




📚 @rewayatyamania  🇾🇪

.

البـارت 151 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


بعد نص ساعه دخل ابوي وقال لي: شهاب من امس يتردد عليه ومن سنه يتصل وانا ما حبيت ارجعش بس خلاص مادام تشتيه ارجعي


ع طول بكيت وشليت نفسي وحضنت ابوي وقلت: من بعد اذنك يابه لو ماتشتي والله مابرجع


قال لي: لا ذي حياتش وانتي حره وانا معش بكل كلمه


ابتسم علاوي وقال: احم احم

التفت عليه وامي وورده دخلين وحجرين وحلا ماسكه بطنها حامل بالشهر الخامس وورده جابت بنت سموها قمر 🌚💔

حنيني لقمر المفروض بي لاني الكبيره يله نتعوض في حلا لو جابت بنت تسميها بي


بعد ذا كله الفرحه والبكى امي قالت: بتتحني ونجهز سامانش وتروحي بس بعد شهر من الآن


قلت بصدمة: شهر

مهستني ورده وغمزت وانا بلعت ريقي لان امي استغربت من صدمتي
.
.

شهاب*

صح عرفت ذاك اليوم لما ضربتها

عرفت من خالي ان ناصر اللي كان مهددها بابنها وانه ماخلاها تتزوجني وانها رفضتني خوف منه وخوف ع ابنها لدرجه اني اجيت اشتي ارجعها بس مالي عين وهيه كمان جرحتني بكلامها ولما اطتني كف قفيت ورحت السعوديه

امي فرحت وخطبت لي بدون علمي وانا عرفت متاخر وفسخت ورجعت اليمن ع امل ان سهر ترجع ولما كلمت خالي رفض يرجعها بس علاوي وقف معي وكلمني انه بيرجعها لي واعتذر لي عن سهر وقمر وقال السموحه انا اصلا مش مهم قمر عندي ابدا ومافكرت بذا الكلام بس سهر حرقت قلبي بس حبي لها زاد وعرفت اننا مهما صار بيننا مستحيل تتخلى عني ولا انا بتخلى عنها وبشير كمان التقيت به عددة مرات وكان يشوفني ومايتكلم اخر مره اجا لي واعتذر مني يابختي كان نفسي اطيه كف بس قلت بلا ما اسود بها ع قولة المثل جيت كحلها وعميته ببساطه قبلت اعتذاره بس قلت (الاعتذار سهل يابشير اما المسامحه تشتي لها وقت)

وكمان حصلت تركي وعادل بس مكبرين راس وما اعتذرو ابدا واصلا مااهتميت لهم ولا اطيتهم وجه اجا لي مدري ايش اسمه ايوه ايوه زياد وقال لي (السموحه منك واذا تشتي والله بجيب لك لوم عليهم ) ذاك اليوم مافهمته بس فهمني ان تركي وعادل قالوا بيطرحوا لوم انا قلت له (لا مشتيشي حاجه اللي اشتي تروح تاطيهم من كف) بصراحه انصدم بس قال ولا يهمك وضحك انا ارتحت له هو محترم قلك كما تركي وعادل

المهم اجا بعد فتره تركي وعادل ومعهم شيخ القريه كانوا يشتو يطرحوا لوم بس سامحت وقلت لهم (انسوا كل شي مسامحين وانتوا كبرتوا في عيني ورجال والنعم فيكم صح زيدتوا بها بس والله شفتكم والنعم ومااشتي لوم )

راحوا وخلاص القصه بعدين ظليت اقنع خالي اني ارجع سهر وكذا لليوم حصلت علاوي وكلمته اني كلمت خالي ومارضي علاوي اشر لي لرقبته وقال من هنا رجعها وربي بكون معك ومابتخلى انته بس ثق فيه واليوم رد لي خالي وقال بعد شهر تعال شلها فرررحت كثير لاني والله مشتاق شوفها ورجعها صح كثير شهر بس بتحمل ع قولة المثل (ذي صبرت السنه زيد الثمان)
.
.


قمر*

رحنا انا وتركي القريه حقت خاله وصلت ونزلت وقال تركي: بعد بكره باجي لش واهتمي بنفسش وبمحمد ياقمري بمن بمحمد مش تروحي وتخليه ناقصني انا

قلت له بضبح: طيب ياتركي طيب مابخليه لا تظل تان فوقي من يوم خرجنا وانته محمد محمد

قفل باب السيارة وقال: ذا البيت اللي قدامش ادخلي له مش تضيعي الباب اللي لونه ازرق

قلت: تركي ماناشي هبلا روح انته وانا اعرف


قال: بجس لما تدخلي يله خفي عمرش امشي والا وصلش

ع طول كنت بقله (تركي) بص تي كله بس سكت ومشيت والتفت وعاده يعيني دقيت الباب وهو شافه انفتح وحرك سيارته وراح


شفت زهرة فتحت ووراها وحده كبيره ماعرفتها اقصد حرمه كبيره


اشرت لي زهرة بمعنى ادخلي بفرحه قالت: حيااا الله من جانا


دخلت وسلمت عليها وشلت محمد وسلمت ع الحرمه الثانيه ودخلت امخزن وجلست ابرد لي تحت المروحه والنسوان مليان البيت

لحظه لمحت واحده

التفت عليها

كانت
كانت
كااانت ززززينه؟


تعرفوها ذي اللي كذبت عليا في امدرسه وقالت قمر ضربتني مدري ايش ذكرتوها وفصلتني امها من امدرسه يخرررب بيتها وبيت امها بنت الكلب

اجت لي بعد ما شافتني ومدت يدها بس انا قفيت منها وشليت محمد من حضن زهرة وقمت اشتي اخرج للغرف الثانيه بس لحقتني زينه ووقفت قدامي وقالت: السموحه ياقمر والله ندمانه


قلت لها بصوت وطي: السموحه بذي البساطه انتي داريه اني كانت احلامي كمل دراسه بس انتي خربتي كل شي بخرتي احلامي الله يشلش روحي من قدامي


مسكت يدي وقالت: قمر والله آسفه حتى اعترفت لامي اني كذبت واعترفت لكل البنات وقلت انا ابتليت ع قمر وخرطت وكل شي كان كذب والله اعترفت سامحيني ياقمر قلبش طيب وبتسامحي


تنهدت وقلت: الله يسامحش وبعدين انا بسافر عدن وزوجي بيدرسني وبيدعمني وشجعني يله الله معش مسامحه

https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 152 °


كـان عـدوي والآن حبيبي ❤️

👌🏻👇🏻 😍
📚 @rewayatyamania  🇾🇪


تنهدت وقلت: الله يسامحش وبعدين انا بسافر عدن وزوجي بيدرسني وبيدعمني وشجعني يله الله معش مسامحه


ابتسمت لي وقالت: قلت لش والله قلبش طيب كم حاولت اوصل لش


قلت بابتسامه ع جنب: كم حاولتي ايييش توصلي لي هههههه زينه بيتنا قريب من قريتكم صح بتسألي وبتوصلي بطلي عذر وقلبي مش طيب انا ارد الصاع صاعين ياحلوه بس مشتيشي الان سوي قصه يله باي وياريت ماشوف وجهش وخليني لقول سامحته وبس


دخلت وخليتها في صدمه من امرها خلوووها تستاهل ضرب لما يتكسرين عظامها حتى لو ندمت مااسامحها



بعد ساعه دخلت عليا زينه مع زهرة وجلسين وقالت زهرة: قمر

شفتهن وانا انيم ابني قالت زهرة: البنت اعتذرت منك ليش كذا تفعلي


قلت: ايش سويت

قالت زهرة: اعتذرت منش وما سامحتيها


قلت بعد ما عينت زينه انها منزله راسها: خلاص مسامحه ومن كل قلبي والله تعرفي يازينه انا انجرحت منش وذي ردة فعل بس نسيت كل شي اذا انتي ندمانه والله مسامحه وابتسمت لها وهيه عينتني وابتسمت


اجت زهرة شلت محمد من حضني واشرت لي احضنوا بعض

حضنتها ونسيت كل شي لانها ندمانه من قلبها وحسيت بها صدق وقالت لي: الله يحفظش يارب


قلت لها: امين يارب واياش

بعدت مني وقالت: صحبات

ابتسمت وقلت: صحبات

شلت ابني وقالت: ذا ابنش

قلت بابتسامه: ايوه

قالت: اوووه محلاه ماشاءالله


وجلسنا نتكلم



بعد الزواج وبعد ما روح زياد زهرة

(واووو زياد زهرة (Z♥️Z)❤😻 لايقين لبعض)

اجا تركي وروحني بيت اهلي اشوف سهر قالت لي انها بترجع لـ شهاب واجت كمان سارة



ورده دخلت علينا واحنا جالسات نتكلم وقالت: بنااااااات

التفتنا بفزع قالت: زوجة ليث ودوها امشفى بتحط (بتولد يعني)

سهر بفرحه: متى

ورده: قبل قليل اتصلت بي فله



(هاااااي انتوا يامتابعيني 🌚😚❤️❤️ بقلكم شي فله حطت المره الاولى وقبل سنه وجابت ولد سموه رياض ورهف كمان جابت بنت اقصد طلعت حبلا وجابت بنت وسموها شهد وشادي خطب مدري من هيه المهم بنت صاحب عمي رياض وخطبوها لشادي عمي رؤوف وخالتي ريما جابوا بنت سموها هدى )



روحت العشاء واجا لي تركي وشلني معه روحنا وحطيت محمد في سريره والتفت ع تركي شفته جالس وقال لي: بتروحي عدن تدرسي


قلت له بابتسامه: اكيددد

قالي: ومن بيهتم بـ محمد يا قلبي

قالها بهباله وقلت له: ابوه

قالي بابتسامه: ابوووه ماشاءالله عليش اهتم به والا بشغلي


عينته وجلست وقلت: به وبشغلك وبي


ضحك وقال: طيب بحاول ما اطيه عادل يربيه

لحظه ابني ياطيه عادل قلت له: لاااااا ياحبيبي ابني ماحد بيربيه غيري وغيرك

قال وهو يقوم: طيب بطلي دراسه

قلت وانا اعين ابني: بطلت

رجع جري وقال: عيدي عيدي


عينته وابتسمت وقلت: بطلت خلاص اصلا انتوا حلمي ومستقبلي مش الدراسه


اجا تركي وحضني وشالني ودورني وهو يضحك (ذكرني بيوم قلت له حبلا بمحمد)


نزلني وقال بابتسامه: احبش والله انتي روحي ومستقبلي كله


شفت له وقلت: امممم تركي جوعانه


كان يبتسم وراحت الابتسامه بسرعه وقال: خساره فيش الرومانسيه والله


ومشى للغرفه وانا ضحكت ولحقته اعتذر





#انتهت ❤️...


ان شاءالله عجبتكم♥️

للكاتبة✍🏻 وداد درعان


https://tttttt.me/rewayatyamania/50722



📚 @rewayatyamania  🇾🇪

❤️

بارتات يومنـا السـبت والأخيـرة👆🏻😍