.

البـارت 7 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


يوسف: ولاشي نلتقي بالعصر"غلق"

فارس تأفف: ماله، عنجلس نراشيه

أماني: مالك انت وياه

فارس بضبح: مدري كيف تغير يوسف تحسيه ماعاد بيوثق بحد تحسيه بيدور الزلة علاميد ينهي أي علاقة

تنهدت: هذا عانى قووي يافارس

فارس بزعل: والمشكلة انه كتوم قوي"وصلوا "انزلي ونتجابر بعدا

أماني: حاضر

دخلت القت نظرة على الكل جرت اقدامها وحضنت والدتها

نادية: حيا بروحي وقلبي

اماني: أنا آسفه اذا حاكيتش امس بدون نفس

نادية أحتضنت وجهها: مازعلت وبعدا من حقش تزعلي اللي دريتي فيه مشو بسيط

تنهدت بحب: انا فدالش "طلعت غرفتها غيرت ملابسها فتحت قلادتها أبتسمت بحزن بتقارن نفسها نفس أماكن الشامات لون العيون ، لون شعرها، لون بشرتها، ملامحها العربية التي بعكس أختها الغربية، سقطت دموعها جثت على ركبتيها" ليت وانا مت انا أنا اللي محد بيحب لي الحياة يمه "أخرجت بخاخها أخذت جرعه كاملة تكورت حول نفسها بالم نامت تلقائيا "
.
.

العصر:
بيت بسام:
تأففت بضجر وقفت أمام رسوماتها أبتسمت بينما هي تحمل رسمة "أماني "وبهمس: كيف قدرت تدمج الالوان كيف خلتها حقيقة لهذه الدرجه

دخل يوسف وبهدوء: شهد

لفتت له بحب: حياا

حضنها: أنا آسف حين صيحت

ضمته بقوة: عادي

أبتعد: ما بتفعلي

شهد هزت أكتافها: ولاشي بين أقارن الرسومات حقي برسمة بنت عمي عبدالله انا عمري 21سنة وهي 17سنة ورسمت يجننن "لفت اللوحة "ركز نسبة تركيز الالوان وكيف هي متناسقة ركز على البنت على كل شي

أستغرب: للمه فين بسريتها وابي بيمنعنا منهم

أبتسمت: حين نظفنا بيتك

ضحك: هاا، ماشاء الله، بس للمه حزينة البنت لهذه الدرج رغم كل اللي جنبها بيضحكوا

شهد: مدري، سالتها ما جاوبت أماني غامضة قوي ما تقدرش تبين لك اي شي

يوسف بلا مبالاة: هاا الله يعينها، انا خارجي أي شي تشتي افعلي رسالة

شهد بحب: تمام

يوسف خرج توجه نحو بيته ..
.
.

العشاء:
بيت عبدالله:
غيرت ملابسها نزلت بسرعة فائقة، لم تنتبه لتواجد هيثم صدمت فيه بقوة، أرتعش قلبها بخوف من منظره والدم ينزل من أنفه

أجتمع الكل عليه

هديل بصياح: عمياء ما بتستضي مه

أماني بهدوء: مشو بالعاني غر كنت انزل بسرعه ما ابسرته وهو جاء لا تجاهي

نادية أخذته: سهل هي تقع

عبدالله دخل على أصواتهم: خير مابه

هديل: بنتك بتحمل وصدمت بهيثم ذاحين رعف

اماني تالمت من كلمة "بنتك "لفتت: ما ابسرته يابه والا للمه شاوجعه

قاطعها بعصبية: إطلعي غرفتش لوما أجي لش

تجمعت دموعها وصعدت غرفتها جلست على سريرها قلبها خائف جدا ان يتكرر موقفه


"نرجع للماضي "..
أماني ببكاء: والله يابه ما ازيد انا فدالك

عبدالله بغضب جامح: مش انا قلت لش ما تسايريش بيت ال.... ، ومع هذا سرتي بيت ابنهم وكان انا ما اهمش او مابش لي او لحكاي معنى

فارس بقهر: انا الذي سرحتها انا الذي دخلتها هذاك "سكت من قوة الكف "

أماني حست بدوخة، وبهمس: تلطمني يابه!

فارس حضنها بقوة وبغضب وصياح: هو انا الذي قلت لها تجلس بييته جنب اخته لوما يرجع لانها كانت بتنظف وحدها

عبدالله ببرود: تستاهل لانها بتدعس على حكاي"مشى"

أماني دفنت نفسها بداخل صدر فارس..

"صحت من واقعها، عندما حست بدخول والدها": عتلطمني بدون ما عتخلني احكي لك اللي حصل

عبدالله بهدوء: مش انا قاسي لهذه الدرجه، اهم شي مرة ثانية تكوني تبسري اين بتخطي

هزت رأسها: حاضر

عبدالله بحزم: وثاني شي صوتش مشتيش ترفعيه على خواتش

أماني بدون أن تراه: حاضر

عبدالله خرج، أماني تنهدت بتعب
.
.

بيت يوسف:
يتأمل جميع إنحاء البيت يخيل له جميع تصرفاتها حديثها ضحكتها حتى شجارهم وطلاقهم ،تأمله لثواني كل شي مغطى باللون الاحمر كما كانت تماما جاذبة تماما، كما يصفها (أنا هاجر بنت العز، اجلس معك وانا .....) ضغط على رأسه بقهر: تمام تمام والله لا انساش وانسى ايامش "أخذ السكين وبدا بتخريب أي شي له علاقة بلونها "أكرررهش، اكرهشششش

فارس تقدم ناحية بيت يوسف صقع من الاصوات الصادرة بدا يدق الباب بقوة: يوووسف، افتحححح يوسسسف

يوسف مارد

فارس تذكر المفتاح الذي معه إخرجه بسرعه وبدا يفتح، دخل مفجوع مصدوم من شكل المكان: مالك يا مجنون مابه

يوسف بحده: مالك دخل وانا مجنون انت ما تدخل فيني اخرج كلكم كذابين

فارس اقترب منه بعد ما لمح السكين: خلاص إهدأ وكل شي له حل

يوسف: انا مشكلتي مابش لها مابشش لهااااا، كم شاجلس أفهمك قولي

فارس وقف أمامه: تمام خلاص أبعد السكين

يوسف...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 8 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


فارس اقترب منه بعد ما لمح السكين: خلاص إهدأ وكل شي له حل

يوسف: انا مشكلتي مابش لها مابشش لهااااا، كم شاجلس أفهمك قولي

فارس وقف أمامه: تمام خلاص أبعد السكين

يوسف أرتخى بضعف: باقي انت ما تزعزعت ثقتي فيك لا تكسرها

فارس أخذ السكين: يوسف انت بس خليك قويي

جلس وسند رأسه على الجدر وبسخرية: مش انا متحمل أبسر حاجه كانت فيها

فارس بضيق: بدل ما تخرب الدنيا كنت عتشلهن الملحق وخلاص

يوسف: حتى انت أحيانا ما بتقدر تفهمني، اقول لك ما عاد أشتي أبسر اي حاجه، خليهن وانا غدوة ادي دينه تشلهن وترجمهن

فارس أستغرب تصرفاته: أذا عترتاح براحتك

يوسف: عتروح

فارس: بعد ما ابسرتك كذيه تتوقعني أروح

أبتسم: اسلم "صوت الهاتف"

فارس ابتسم"الصوت شبه عالي": اهلا

أماني: فينك يا ضايع

فارس: مش انا جاي يوسفي مريض قلت اجلس جنبه

أماني: تمام انتبه لنفسك وله يعني انتبه تفلت صاحبك

عقد حواجبه تخلخل لداخله شعور غريب

فارس: حاضر ما تشتي شي

اماني: سلامتك"اغلقت"

فارس: ما عتتعشى

يوسف: ادي زبادي او اي شي والا اديت فول وانا اصلحه

فارس: اوو الشيف يوسف عيطبخ الان قصعه فول

ضحك يوسف

فارس خرج ونسي تلفونه وصلت عدة رسائل

يوسف فتحه بفضول وانزل شريط الاشعارات  أبتسم من أعماقه (عمي العزيز، انتبهوا لنفسكم، اذا هو مريض حمى او زكمه اشتري له ليم وفواكة وانتبه تفلت له، رغم ان انا شافقدك لكن يله لاجل الصحبه)

ارجعه وتنهد: يارب ساعدني
.
.

صباح جديد:
بيت خالد ;
تتأمل من نافذتها كم تحب هذا المشهد لم تمل أبدا، أب ياخذ أبنته الى مدرستها القريبة من بيتهم ، هو لا ينسى أن يضع قبلاته على جبينها وخدها لاينسى تلك الابتسامة ابدا ليحلى يوم أبنته

بكت واشتدت قبضة يدها وبهمس: كان نفسي اكون مكانها بس انت يا ابه اخترت البعد استلمت بسهولة، فلتني اعاني خيرات الله لا جمعني بك يابه الله لا جمعني

عمار دخل: املي

مسحت دموعها: صباح الخير

عمار احتضن وجهها: مالش هكذا من الصبح

امل نزلت دموعها اشرت على ذلك الرجل: أبسرت ذيه الرجال، دايما يوصل بنته بحب دايما يحبها براسها وصابرها دايما يبتسم لها ويودعها، وانا أحس إن انا أحسدها أحسدها على المثالي اللي معاها رغم الفقر اللي فيهم الا ان حب أبوها شي كبير اكبر من الغنى اللي انا فيه يا خال عمار انا فقدته رغم ان انا ما اعرفهش

دمع من مشاعرها أحتضنها: خلاص يا امل اذكري الله

امل بكت بالم: ليش انا ابي فلتني لو مات احسن

عمار: ابوش ماكان الاب المثالي ماكان عيسندش

امل استمرت ببكائها

خلود ودعاء تأثرين ورجعين غرفهن
.
.

في الجامعة:
منتظر بمكانها ،قلبه يحترق يريد ان يعلم أن يفهم يريد ان يذهب الشك لحيتل اليقين قلبه، وحقا اتتت

مها شافته بعصبية: للمه بتلحقني ما تشتي منيييي؟

نبيل بغضب: اشتي اوقف جنبش

مها: مالك دخل مني، وبعدا للمه تشتي تساعدني تساعد واحدة باعت نفسها هاا، ما تشتي منيي

نبيل بيحاول يهدا: انا اسف ان انا غلطت عليش، أسف بس احكي لي خليني اهدأ يا مها لو سمحتي "قالها بنبرة هادئة حنونه"

مها بكت حست بتعثر بقدميها من المصيبة التي هي  فيها

نبيل امسكها: مالش

جلست وببحة: ما احكي لك على اي اساس من انت؟

نبيل: انا نبيل زميلش في دفعتش شاكون معش والله يشهد على هذا

بكت او بالاصح أجهشت بالبكاء
.
.

في المدرسة:
أماني بتقلب القلادة بيدها بتتذكر كل شي وتحس بالم بقلبها

داليا: ايش فيبك

أماني: بدا العرق التعزي مه

داليا ضحكت: خلاص ارجع صنعانيه مالها قلبي

اماني شافت علياء جاءت: اكتشفت ان معي أم ثانية ماتت حين ولدتني، وامي نادية مشي امي

صعقين

علياء: ما بتقولين

اماني ببرود: والله

داليا: وليش ما حكيتي لنا

اماني: عاد انا دريت

علياء ربتت على كتفها: الله كريم

داليا ضمتها: انتي قوية واشتيش كذيه

علياء بألم: الله يعينش

أماني: لا تحاكينش احد

علياء: اكيد

أماني ضحكت بسخرية: غادتي

لفتت لها: ما تشتي

أماني وقفت أمامها: قصدش إذا خليتي خالتي تتصل لي وتهزئني، ان انا شاقتهر، انا احترمت الجورة اللي بيننا ما رضيت أحاكيها والا انا سكت لش خيرات كم مرات قلتي لي كلام زي الزفت ومعفن ساكته لانو مش حلا حين تلقي تهزيء من امش واهلش، لذلك إحترمي نفسش

غادة: انا شاكرهش عيشتش

أماني بيأس: أفعلي مااشتيتي

غادة مشت (والله لا اخلي الكل يكرهش ويتحاكى بسيرتش، انا بس اشتي احد يفهم بتيه الامور أشتي واحده تساعدني)
.
.

في الجامعة:
بعد دقائق طويل من بكائها، هدات وببحة ألم: حتى لوحكيت لك ما عتصدقني

نبيل جلس أمامها بمسافة بعيدة: اوثقي فيني يا مهاا




















📚 @rewayatyamania  🇾🇪

.

البـارت 9 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


في الجامعة:
بعد دقائق طويل من بكائها، هدات وببحة ألم: حتى لوحكيت لك ما عتصدقني

نبيل جلس أمامها بمسافة بعيدة: اوثقي فيني يا مهاا

أبتسمت بحزن: أنا بنت عادية جدا يا نبيل من الجامعة للبيت ومن البيت للجامعه أنا خسرت امي وعمري 3 سنين عانيت وتحملت وخسرت امي اللي ربتني بعمر 17 ، وبيوم رجعت من الجامعة على رقم غريب بيراسلني وبيهددني بصوري، مش انا دارية كيف جمعهن وذاحين كل اسبوع او نص شهر يشتي زلط، حاولت ادرى منو ما قدرت

نبيل سكت

مها شافت عيونه وكمية الضياع وقفت وبحده: انا دارية انك ما عتصدقني بس انا استاهل لاني حكيت لك

نبيل ابتسم: انا مصدق كل حرف قلتيه

ضحكت بصدمه بالم: والله

نبيل تنهد: والله، طيب، محد رسل لش رابط او إيميل علاميد يهكر حسابش

مها هزت رأسها بالنفي: مابش احد وانا صاحباتي معدودات بالاصابع

نبيل أبتسم: خلاص، ادي لي رقمه وخليني ابسره كيف نفعل

مها: حاضر

.
.

بيت يوسف:
صحوا على صوت الأذان، قاموا صلوا

فارس استنكر صوت يوسف وقف امام غرفته

يوسف بقهر: ليش بتتصلي،

هاجر بهدوء: اشتي نبدأ صفحة جديدة يا حبيب هاجر

يوسف بصياح: صفحتش حرقت حرقت حين اهنتيني يا هاجر انا كرهتش خلاص

هاجر: كذاب

يوسف: والله ان انا كرهتش "رمى التلفون على الارض بقوة لتطاير الى قطع صغيرة"

فارس رجع خطوات من حالة صديقه شاف الساعة. 1(اماني كيف تتعاملي مع واحد عيكسر كل شي اذا لقئ كلمة تضبحه)

اماني ابتسمت (مش انا دكتورة،انت الدكتور والا أنا)

فارس (اماني هيا بين احاكيش صدق)

التمست الجديه (أحضنه احاول أسأله مثلا اقول مابتحس، ما اللي بيضايق قلبك احاول أكون اهدأ منه)

فارس(شكرا)، لفت ليوسف: ما تشتي من غداء

يوسف: هيا نخرج وانا أغديك على حسابي

فارس بتمثيل: تمام ادي تلفونك وهيا نخرج

يوسف بلا مبالاة: نكع عليا واكتسر

فارس: يا مجنون هذا التلفون الخامس اللي بيكتسر عليك

يوسف بضيق: مالك دخل من تفلوناتي

فارس أكتبد: اها وانا سكتت، اخطى قبالي

يوسف تألم من اسلوبه الذي جعل الكل يكره مشى وبيحاول يكون صامت تماما بعيد من أذية أحبته
.
.

بيت عبدالله:
أماني: بخير وانتي

هنادي: بخيير،"وبعتب"ليش تتعبي نفسش

اماني بحب: مابش تعب وقذا انتي أختي لو تجلسي تتحاكي كذية شاحس ان انا ثقيلة على قلوبكم

هنادي: الله يحفظش والله انش في قلببي

اماني ابتسمت: ماعاد تشتي شي

هنادي: سلامتش

اماني اغلقت جلست على كرسيها أخذت فراشتها بحب بدات تدمج الوانها: يومين بس واكمل المفاجاة

فارس دخل: ما بتفعل حبيبة عمها

أماني تكتفت: ليش ما دقيت الباب

ضحك: اووه نسينا يا برنسس

أبتسمت بحزن: أنا برنسس في قلبك بس

وقف وراءها: يكفي انش اميرة قلبي بس

التفتت وضمته: انا فدالك "أشرت على اللوحة "كيف هي

فارس: حالية بين اشك انو انتي احيانا ، يقول واحد انها صورة

أماني: قول ماشاء الله

فارس: ناهي عيني باردة "وبتساؤل"عبدالله ونادية هديل وهيثم وانتي فينش

بلعت غصتها: نسيت نفسي

فارس بحده: انا داري بتفكيرش، بس انتي بنتهم واختهم غصبا عن الكل وازيد ابسر مثل هذه اللوحه شاكسر رأسش

تجمعت دموعها: بس هم بيعاملوني غير

أحتضن وجهها: وإذا! انتي بنت عبدالله ال... حتى لو عاملوش كذيه

أماني: بين احس ان انا ثقيلة قوي بين اكره نفسي بينهم

فارس ضمها: مشتيش اسمع هذا الحكى مرة ثانيه

أبتسمت: حاضر...
.
.

بغرفة هديل وآية:
هديل اعتدلت بجلوسها: ادخل

فارس: مساء الخير

هديل: حيااا، حلا الذي عبرتنا والا كل يوم تسمر مع أماني

فارس جلس: انا جيت علاميد هذا الموضوع

آية: ما قد شكت لك اليوم

أستغرب: شكت لي

آية: إحنا داريات او الكل داري انك بتحبها ازيد من الكل، وانها بتشكي لك على كل شي

هديل أكملت: كما هي بتزيد فيها

فارس بسخرية: أماني ما قد شكت لي يوم ودايما تدافع عليكن عند أخي تذكرين كم مره اصيح فوقها بسببكن، حين أكتسرت المدريهه "المرجيحه"كيف قالت هي، وحين كسرتي تلفونها يا هديل كيف تحملت الذنب هي ليش؟ بتسألين نفسكن ليش؟ لانها ما تشتي تعانين او تحسين بالشعور الشوعة، رغم وانا متاكد انو لو كان درى انو كل شي يكتسر سببه انتين ماكان تحاكا يا هديل "ضحك بسخرية "اصلا أجي أحاكي بنات عمرهن ما جربين شي من ما جربته أماني

هديل: على من بتدافع على واحدة شايفه نفسها

قاطعها: اووووص، لاهانا وخلاص، "وبقهر"عتندمين قووي

هديل بغضب: أبسرت كيف خلت أبي يدي لها غرفة لحالها، هي تكرهنا تكره تجلس جنبنا

آية: وزادت كذبت ان احنا بنسهر لمدري كم

ضحك بالم وقهر: استوعبين الحكى صح، أماني خرجت غرفة لوحدها لانكين بتسمرين الثنتين وما بتحاكينها، بتجلسين تتشاورين وتتهامسين لو احد فعل بكن كذية عتحسين بالثقل او مه؟!

على العموم...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 10 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


هديل بغضب: أبسرت كيف خلت أبي يدي لها غرفة لحالها، هي تكرهنا تكره تجلس جنبنا

آية: وزادت كذبت ان احنا بنسهر لمدري كم

ضحك بالم وقهر: استوعبين الحكى صح، أماني خرجت غرفة لوحدها لانكين بتسمرين الثنتين وما بتحاكينها، بتجلسين تتشاورين وتتهامسين لو احد فعل بكن كذية عتحسين بالثقل او مه؟!

على العموم انا قد حاكيتكن وازيد ابسر واحده منكن او اسمعها تضايقها ما تلوم الا نفسها ارحمنها فيها ربو بتشرب كل يوم جرعة بتحارب الحياة وتحارب حكاكن، وكلامي هذا خلنه خرص في اذانكن"خرج وطلع غرفته"


هديل خرجت لتدخل غرفة اماني بقوة وبسخرية: ماشاء الله عليش، اهنئش، فزتي

بلعت ريقها بخوف من دخلوها المفاجئ: دقي قبل ما تدخلي فجعتيني

هديل غلقت الباب بقوة: والا ما عتفعلي عتشكي لعمي فارس الوحيد اللي بيحبش

أماني ببرود وقفت أمامها: أنا مابين أشكي لاي مخلوق

هديل بصياح أمسكتها بياقتها: لا والله، عمي فارس جاء وبهذلنا بسببش

أبتسمت: وإذا

قاطعتها وهي تدفعها بقوة: وإذا، انتي إختي بس من أبي أنتي اللي أمي كانت تحبها أكثر مني، تفتجع عليها أكثر مني أنتي يا بنت أبي، بس والله لو أزيد أسمعش تشكي ما تلومي الا نفسش "شافت عدة لوحات أخذتهن ومزقتهن "وخلي هذه درس وعبرة لش للمرة الثانية "خرجت من غرفتها بدون إنتباه لنادية المتواجدة السامعة لحديثهن "

أما بطلتنا أغلقت باب غرفتها جثت على ركبيتها بتجمع لوحاتها أخرجت اللاصق وبتحاول تجمع شتاتهن ودموعها مستمرة بالنزول "
.
.

بغرفة نبيل:
اتصل مرة ومرتين وثلاث، مغلق، همس: الله يلعنك ، والله لا اخليه يبكي دم على كل دمعة نزلت منش يا مها، يارب كن معي

.
.

صباح جديد :

بيت محمد:
ذكرى: ليش ما سرتيش المدرسة

داليا أبتسمت: اصلا بين أذاكر طول الاسبوعين
للفجر ومابين ارقد سوا فقلت افعل لي يوم ارقد
فيه بس ها مثل يوميه قمت الساعه 8ونص مشو بحق الغياب

ذكرى: الله يصلحش، خلاص قومي اخوش عيتاخر

ضحكت بتعجب: والله انو عيطرده المدير

ذكرى: اصبحي واطلبي الله ولا تفاوليش،

داليا: تمام "دخلت غرفته "ريااان ريااااااااااااننن، الساعة ثمان ونص عتتاخر رياان

ريان بكسل: تمام

جننت: يعووه يابه، عيطرك المدير حرام لا اكون أضحك متشفيه

ريان قام: أعوذ بالله كم فيش من هدار

داليا ضحكت: لمصلحتك يا قلبي

ريان قام وقبل ما يدخل الحمام: شارجع اقلبش راسا على عقب

ضحكت بقوة: تمام اقطب "اكملت ترتيب فراشه "الله يحفظك يا رووحي انت

ريان خرج: ما بتحاكي نفسش

داليا حضنته: بين ادعي الله انو ما يحرمني منكككك

باس جبينها: ولا منش

داليا: لو نزوجك عتتغير عليا

أحتضن أكتافها: ما شاتغير على احد خصوصا انتي وامي انتين خط أحمر

تجمعت دموعها: يا لطيف كم أحبك

ضحك: وانا احبش، هيا اخري البس

داليا خرجت بابتسامه..
.
.

في المدرسة :
دق جرس الراحة

علياء بتساؤل: كيف لداليا غابت وهي الذكية حقنا

أماني ضحكت: تتفرغ لزوجها

تعالت ضحكة علياء: هيا صدق

اماني: لا تصدقي قالت لها اسبوعين من غير نوم، تنوم تفعل لها هدنة

علياء: هاا، سابر "تنهدت "

أماني ضمتها هي تعلم أن تلك التنهدة وارءها
بكاء، وفعلا بكت:مالش يا قلبي؟ من مزعلش

علياء بصوت متقطع: أبي وأمي بيعاملوا قمر معاملة قاسية تخيلي أمس أمي خلتها ترقد بغير عشاء
وأبي دخل صيح فوقها بسبب امي الذي حرضته عليها

تجمعت دموعها :خلاص اهدئي

علياء زاد بكاؤها: أهدأ وفهد اللي بين اعتبره اخي
واعظم يرقد في الحوش بين البرد، مش انا دارية للمه ابي قاسي كذية

أماني تذكرت معاناتها وبغصة: كل واحد عيدرى بغلطه

علياء: بين ادعي والله

كل هذا تحت مسامع غادة التي لم تركز بحديث
علياء بقدر حديث أماني، أبتسمت بنصر: والله فرصة وجاءت ليدي ان ما فرقتكن ما اكون غادة الذي قلتي عليها سارقة ...
.
.

بيت بسام:
الكل مجتمع على سفرة الاكل

بسام: وين ماجد؟

سلمى: معه محاضرة للساعة أربع

بسام: الله يوفقه، وانت يا ابني

لفت له بهدوء: مالي

بسام: فكرت بالذي قلت لك

يوسف: ماقد من الشهر الذي قلت الا اربع ايام خليه يكمل وادي لك رأيي

شهد قرصته وبهمس: اهدأ مالك

بسام: تواصلت مع صالح قال انو عيدي عياله هانا قال ادور له شقة يومين ثلاثة ايام بالكثير

يوسف قام بغضب: الحمدلله

سلمى: ويوسف

بسام بهدوء: يجلس في بيته لوما نلقى لهم شقة

يوسف خرج بغضب

سلمى بألم: كنت عتخليه يتغدى وترجع تتحاكى

بسام بحزم: لا تجلسي تعامليه بالدلع، خليه يدرى انو مشاكله على جنب


https://tttttt.me/rewayatyamania/46166





📚 @rewayatyamania  🇾🇪

.

البـارت 11 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


ببيت يوسف:
سند رأسه على الكنبة تامل حالة بيته مبعثر، كتبعثر قلبه تنهد تنهيدة ندم وأسى: للمه يا بنت خالتي، للمه
كسرتيني وأنا ماكنت أخلي الرياح تلمس شعرش، ولا خليت المطر يأذي يدش ولا الحجر تجرح
رجلش، لييييييييييييششش كسرتيني ليشش"

قام المطبخ بيتامله بتعب فتش الادراج لفت إنتباهه
ورقه صغيرة "ماهي "فتحها كانت  (أنا أماني وجنبي شهد الربحة، جالسات وحدنا بعد ما وعدني
فارس يخرجني بس مع الاسف اتصل اخوها انها
وحدها وقال ما عيستر يخرج فقام عمي اداني هانا
علاميد ننظف ومكتوب عليا الشقى)

ضحك بصدمة: هاذيك ؟! لها شهر هانا "تنهد ووضعها بغرفة نومه امتد على سريره ونام تلقائيا"..
.
.

بيت عبدالله:
بغرفة هديل وآية:

نادية جلست بتعب: ما بتفعل الحالية حقي

هديل جلست جنب امها: ولاشي قلت ابدل وننزل انا وآية

نادية: ايوة، كيف المعهد

هديل: ماله شي

نادية أبتسمت: قال أبوش نخرج العصر

فرحت: أمانة

هزت رأسها

ضحكت بحب: احبكم، أكمل اصلي والبس وانزل

نادية ضمتها: اشتيش تضحكي دايما

فرحت: انا اضحك اذا انتوا جنبي

نادية خرجت فتحت غرفتها أبتسمت: نوم العافية "أغلقت الباب "

أماني فتحت عيونها: مشو مرغوب فيني، مشو ضروري اخرج معاكم ماغر اسمع ابي وابسر حركاته
اللي كلها حنية لهديل "طلعت السطح أبتسم قلبها
"مطرررررر"

بدات تلعب بدون ما تنتبه لوجود أحمد "

احمد أبتسم قلبه: الله لو تدري كم أحبش كم اشتي اضمش حين يصيح عمي فوقش ..
.
.

في الجامعة:
خرجت من قاعتها، تنهدت بتعب، إرهاقها الواضح، عيناها الممتلئة بالدموع ، رأت نبيل القت عليه نظرة بمعنى(أحتاجك)

أبتسم وبنظرة حنونة تحمل معنى(لا تقلقي، انا معش)

مسحت دموعها بهدوء رفعت يدها بمعنى(نلتقي)

أبتسم ورفع يده بالمثل

مها مشت حست بيد: ماللش فجعتيني

روان بهدوء: مالش انتي قدش ضعيفة وتحت عيونش مسود مابه

مها: مابش شي

روان: تمام براحتش

مها: خاطرش"مشت"

روان أبتسمت بخبث (هذا الذي أشتي ابسره)..

.
.

في إحدى الاماكن العامة، ابتسم وبيعد فلوسه: اقدر اشتري لش اللي تشتيه يا قمر

حس بيد على كتفه: بحاجة زلط وما تحاكينيش "ضرب صدره" حسافة صحبتنا، يعني اذا انت بتخصص ثاني ينسيك اخوك

فهد تنهد: عزة نفسي ما سمحت لي

ماجد بغضب وبصياح: عزة نفسك؟

فهد عقد حواجبه: مالك

ماجد سحبه للسيارة دخله وطلع مكانه: انا ماهو اخوووك، يارجال درسنا سوا كنت انوم وانت بحاجة زلط اتصل افعل رسالة، مش تسير تشتغل وانت بتدرس

أبتسم لمعت عيونه بحب خفي: آخر مرة خلاص

ماجد أخرج مبلغ: حرام لو ما تشله لا اقتلك

فهد: كيف دريت

ماجد ضحك: سمعتك بتحاكي نفسك

فهد ضمه: الله يحفظك

ماجد تنهد: أنا اخوك لا تخلينيش احس ان انا غريب عليكم

أبتسم: حاضر..
.
.

بيت عبدالله:
دخل نبيل بتعب: اين الغداء

أماني نزلت وهي ترتدي شيء ثقيل: الان اديه لك عمتي مخزنة

نبيل: وللمه لابسه ثقيل

أماني ضحكت بداخلها وبهدوء: تخضرت بين المطر

نبيل ضحك: ما عتبطليش الطبيعة تيه

اماني ضحكت بخفة قربت أكله: عوافي

نبيل: اسلمي


"قاطعهم دخول عبدالله ونادية مع هديل وهيثم وآية "

اماني: حيااااا

أستغرب وبهمس: للمه ما خرجتي معاهم

أبتسمت ببرود: مابش نفس

نادية: اي حين قمتي

اماني: ذاحين

نبيل تنهد وبهمس: للمه كذبتي انش قمتي ذاحين

أكتفت بالنظر إليه

نادية: هااا بسرتش راقده قلت لا  اقومش

هديل وآية طلعين غرفتهن

اماني: انا دارية "لفتت لابيها" تشتي شي يا

قاطعها: مشتيش شي

بلعت غصتها ولفت تمشي

نادية تألمت وبهمس: كنت عتخليها تكمل حكاها

عبدالله بهمس مسموع: مشتيت منها شي، هذك تقتل اي شي تحبه وأنا مشتيش أماني تحبني مشتيهاش يكفي قتلت امها

نبيل حس بضيق: خالتي ياسمين ماتت كان قضاء وقدر يا عم

أماني كابرت دموعها ونظرها على أبيها

نادية بكت وبضيق: يكفي التعامل هذا لها، اماني مافعلت حاجة عشان تعذبوها وتتهموها كلكم

عبدالله فاهم مرضها اول ما شافها تضع يدها على يسارها خاف عليها: نادية خلاص افتهني ناادية

اماني ملت القلص ماء بخوف: اماه اشربي اشربي

دفعها بقوة: انقلعي من قبالي عتموت بسببش انتي يا وجه النحس

نبيل امسكها قبل سقوطها: اماني انتي بخير

نادية زاد بكاءها، عبدالله ساعدها وطلعها غرفتها

نبيل شاف فارس الشاهد على موقف أخيه: الحقها خرجت الحوش..

خرجت مسرعة تخبت خلف الشجرة بدات تضرب يدها بقوة: ليش ما بتفهمي انش نحس ليييشش!

"بكت اول ماحست دم بأناملها "مافعلت علاميد يكرهني ما فعلتت

حست بأحد خلفها مسحت دموعها بعشوائية: ما تشت

فارس فتح ذراعيه بمعنى (تعالي)

ضمته بقوة وبكت بصوت عالي: ليشش انا يا عم للمه؟

دمع وهو كان شاهد على قسوة أخيه: اووش انا هانا معشش

أماني بصوت متقطع: ...




















📚 @rewayatyamania  🇾🇪

.

البـارت 12 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


حست بأحد خلفها مسحت دموعها بعشوائية: ما تشت

فارس فتح ذراعيه بمعنى (تعالي)

ضمته بقوة وبكت بصوت عالي: ليشش انا يا عم للمه؟

دمع وهو كان شاهد على قسوة أخيه: اووش انا هانا معشش

أماني بصوت متقطع: قـ..ـال أنـ..ـا أقـتـ..ـل كل اللي أحبـ..هم

فارس: لو انتي تقتليهم ان قد مت زمان

أماني هدأت مسحت دموعها لعنت ضعفها أبتسمت بحزن: عيرجع يراضيني مه؟

فارس هز رأسه بيأس وبكذب: أكيد "رفع يدها "أبسري الدم جي أغسله لش

أماني: انا غسله من نفسي

فارس أبتسم: ممنوع...



بغرفة أماني:
غسل جرحها وطهره، بدا يلف الشاش عليه: يا اختي قولي حتى اح

ضحكت بخفة: اح ولاداخل قلبي

ضحك لضحكتها: طول عمرش مكابره، تذكري حين كان عبدالله يصيح فوقش كان عمري عشرين وانتي ثمان سنين كنتي تسيري تبكي وراء الشجرة والقاش وقدش نوم ويدش مثل ذاحين

ضحكت على طفولتها الحزينة: ما افعل ابكي قدامهم مستحيل

فارس ابتسم وسكت

عبدالله دخل: اخرج اشتي أحاكيها

فارس وقف امامه بهمس: دلا عليها عادهي شربت جرعة "خرج"

عبدالله جلس جنبها: كيف انتي
اماني ونظرها بالارض ودموعها على وشك النزول: بخير

عبدالله رفع يدها بيد والاخرى أحتضن وجهها ونظره بنظرها: أنا قلت حكاي ساعة غضب، انا اسف "بلع ريقه" ما عتبطليش ضرب ايدش كل ما تقتهري

نزلت دموعها بغزارة لاول مرة يعتذر بكت بأنين

احتضنها: أماني يا بنتي، يا فلذة كبدي، قذا قلت أسف

أماني هزت رأسها بيأس وبتحاول توقف دموعها

عبدالله تألم من منظرها حس نفسه مجرم بحقها ضمها: خلاص يا رووحي

أماني غمضت عيونها وبهمس: اذا هو حلم مشتيش أقوم أشتي أجلس في حجفك"بكت حتى نامت"

عبدالله حس بثقلها أيقن انها نامت، هربت من واقعها رفع يده /الساعه 6"رتب مكانها وضع راسها على الوسادة باس جبينها "أنا آسف..

هديل شافت خروج ابوها (دايما الدلع والاعتذار لها)

آيه سحبتها وببهمس: جي ابسري منو

هديل تنهدت بحب: عماري

رقصت حواجبها: الله الله

ضحكت: الله يجعلش تجربي هذا الشعور

آية: احم احم مشتيش احب اقع مثلش سع المجنونة مشو من نظامي

هديل: اوقعي معقده سعما أماني

آية بغرور: لا تكونيش تقارريني بها

ابتعدت من النافذة: تمام

آية بتساؤل: كيف تحسيي امانه

هديل ضحكت بشعور غريب: مدري، مااسترش احاكيش

آيه: يييي يييي ناهي محد يستر ينتفع منش بشي ..

.
.

بيت محمد:

دخل ضايق: به عشاء

داليا ضمته: به كل شي

تنهد: جاوع

داليا باستغراب: مالك؟

ريان: المدير صيح فوقي وادى لي إنذار لو أزيد أتاخر عيفصلني

تعالت ضحاكتها الشامتة: تستاهل قلدني الله قد بين اقول لك

ضحك بأسى: متشفيه فيني

قرصت خده: أنا فداله حبيب إخته اللي بين أنصحه خيرات وذاحين زاعل

ريان ضمها من جديد: نسيتيني الزعل والله

داليا ضحكت: انا فدالي

ريان بتساول: فينهم

داليا: من هم

ريان: الزوجين

داليا ابتسمت: مخزنين وحدهم بيترمسسوا

ضرب عنقها: عيب،

داليا ضحكت: عقبالك

حك راسه: آمين

ابتسمت ...

.
.


صباح جديد:

وقف بمكان شبه مرتفع تذكر جميع مواقفها (نرجع للماضي)..

أبتسم وهو يتأمل ملامحها جمالها الغربي قامتها تناسق تفاصيل جسمها أحتضنها: مالها حقي الحالية

هاجر أبتعدت: ولاشي

ضحك بخفة: الا فيش شي؟ هجور ما  تزعلش الا من حاجة

هاجر أحمرت عينيها الزرقاويتين: مشتيش منك شي"امتدت على سريرها بدون اي مبالاة"

يوسف استنكر حالتها ، عذرها لاسباب غير معروفه..


(نرجع للحاضر)
صحى من خياله: غببييي غبيييي قد كانت حركاتها واضحة للجن ماعاد كانت تشتيني "وبقهر"وانت مثل الحمار عذرتها رغم أنك بسرت نظرة القرف اللي كانت تبسرك بها، لكن أنا أستاهل استاهل "صوت الهاتف"الوو

هاجر: صباح الخير

أحمرت عيونه بغضب: ماتشتي انتي ، ما عتفلتيني

ضحكت: لا انت روحي واشتي نرجع

قام بغضب وصياح: مش انا### علاميد ارجع لش مش انا لعبة تحت يدش مش انا ### علاميد تتحكمي بي

هاجر بهدوء: بس انا دريت بغلطي وانت تحبني أغفر لي

بلع غضبه: أنا كرهتشششش كـ ره ت ش "غلق ركب سيارته داس بقوة ومشى"
.
.

في المدرسة:
دخلت صفها استغربت من عدم تواجد علياء واماني فكرت كثيرا صحت من تفكيرها: خيررر، ما تشتي من صباح الصبح

غاده تكتفت: ولاشي غر انبهش من أماني خبيرتش بتتحاكى عليش بكلام زي الزفت

تكتفت: تشتيني اصدق

غاده ضحكت أقتربت وبهمس أشعل قلبها: بيسألنها البنات للمه غبتي، جاوبت بكل نميمه بتتفرغ لحبيبها ، المدرسة كلها قصدها انش خرجتي امس مع حبيبش

تجمعت دموعها بصدمه: كذابه اماني ما تتحاكاش عليا كذيه

غاده ابتسمت: طوز صدقي او لا انا حاكيتش بصدق مش لاني بين اكرهها بس اوضح لش صورتها الحقيقية" خرجت بعد أوضعت خنجرا بين يدي الصداقة"

داليا مسحت دموعها: كذب أماني ما تفعلش كذيه
























📚 @rewayatyamania  🇾🇪

.

البـارت 13 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


غاده ابتسمت: طوز صدقي او لا انا حاكيتش بصدق مش لاني بين اكرهها بس اوضح لش صورتها الحقيقية" خرجت بعد أوضعت خنجرا بين يدي الصداقة"

داليا مسحت دموعها: كذب أماني ما تفعلش كذيه
دخلين عدة بنات

البنت 1: أشتي أبسر داليا الذي خرجت مع حبيبها

البنت 2: المشكلة إن اللي فضحتها صاحبتها الروح بالروح

داليا كابرت دموعها: من الذي كانت تتحاكى

البنت 2: مدري بنت اسمها أمينه

البنت 1ضربتها بكتفها: أماني اماني ،المهم اذا دريتي بالبنت حاكينا "خرجين"

داليا سندت رأسها على الكرسي وبكت

أماني دخلت بكل نشاط كيف لا وهي من نامت بحضن أبيها، خافت: دالي، يا بقرتي مالش

فزت وهي تمنعها من الاقتراب: بقرتش، والله ان انا بقرتش صدق، ولا تجيش يكفي الذي فعلتيه لاذاحين مش انا ناقصة كذب أكثر

عقدت حواجبها: مابه؟ ما فعلت؟

داليا بكت: كذبتي عليا طول 17سنة واليوم كشفتي وجهش الحقيقي يا بنت عبدالله ال...

أماني ضحكت بألم: بنت عبدالله!

داليا اقترب: وااااو قد ايش لعبتي عليا، يا أماني

أماني: انا! لعبت عليش؟ أنا أنتي وانتي انا وانتي داريه ان انا مستحيل افعل شي يكسرش

داليا بكت: بس انتي كسرتيني كسرتي ثقتي فيش

أماني أحتضنت أكتافها: أنا والله ما فعلت شي يكسرش، وبعدا فهميني الموضوع

دفعتها بعنف وبصراخ وتهديد: لا تلمسيني مش انا بحاجة مواساتش

تمالكت نفسها قبل السقوط ضحكت بخفة ودموعها على وشك النزول: إن فعلت شي ومش انا دارية ماهو أنا آسفة بس إن دريتي بحاجة لا تقوليها لي

داليا مسحت دموعها: أنا داليا اجي اتاسف لش ! باحلامش

أماني أخرجت دفترها: تسلمي"دق الجرس "
.
.

بيت عبدالله:
هديل تبكي بصمت تعب والدتها يزيد يوم بعد يوم: ماقال لك الدكتور

عبدالله: عاد احنا فعلنا الفحوصات وعيطلعين غدوة

هديل: وما قال ايش الاحتمالات

عبدالله سكت لثواني: ماقال شي

نادية: مافيني شي، انزلي ادي لي صبوح

سامية دخلت: قذا اديته

نادية: اسلمي

هديل دخلت غرفتها بكت بعمق الشعور اللي بتحسه، هي لاتعلم ما مرضها لكن موقنه بانها ستفقدها

آيه حضنتها: مالش ياروحي صلي على النبي

هديل ببكاء: حاسسه ان انا شافقدها حاسه يا آية

آيه بكت من بكائها: ناهي اصه، عتفاولي ومابش شي

دفنت نفسها بحضن آيه ومازالت تبكي
.
.

في الجامعة:
أستغرب: فهد

لفت له: ماهوو

نبيل: الساعه تسع معك محاضرة

فهد بضيق: مااشتيش ادخلها

نبيل شاف جرح فوق حاجبه: من ضربك؟

فهد أبتسم وتحسس حاجبه: هذا عمي أمس تصايحنا ودهفني للجدر ودقيتها

نبيل تألم: عيدرى بغلطه

فهد ضحك ببرود: يدرى ما يدرى ماعاد تفرقش، وانت داري ناوي أخرج أختي ونسكن وحدنا بس بالوقت المناسب

نبيل: سابر اي شي تحتاجه احنا معك

ماجد: سلام، باقي عشر دقايق وتبدا المحاضرة

عاصم وقف بعد ما كمل فطوره: هيا

ماجد: انت كودك حق بطنك

نبيل ضحك: لا تصرعه عين

ماجد ضحك: ماشاء الله "مشوا "



فهد دمع ومسحها بسرعة تذكر ليلة الامس..

فهد بعصبية: أختي وانا حر ابسرها اي حين ما اشتي

عامر بسخرية: أذا قدرت أصلا من بعد الساعه 8 مابش لك دخله البيت شكلي زيدت لك الدلع

فهد بقهر: هذا دلع، ظلمك لي ولها دلع

عامر اقترب منه: سير ارقد

صاح بغضب: ماشاسير الا وقد بسرت اخـ

قاطعه بكف احرق خده، ودفعه بقوة على الجدر: انقلع من قدامي ولا ازيد ابسرك ذاحين

شاف دخوله، حس بشعور شنيع لف يمشي حس بيد توقفه لف وأبتسم: قمري!

ضمته وبكت: أنا آسفه كله بسببي

أبتسم: سهل اهم شي بسرتش

قمر تحسست جرحه: آسفه

باس خدها: كل شي علاميدش يهون، بس كيف خرجتي لو يبسرش عمي

قمر لفت: عمر خرجني من باب المطبخ وذاحين شادخل علاميد محد يحس

أحتضنها وباس جبينها: الله معش..صحى وبقهر الله يرحمكم يابه

.
.

في المدرسة :
في الراحة، وحيده تماما قد كانت داليا كل شي بحياتها تنهدت رفعت نظرها: دالي

ضحكت بسخرية: ما تشتي تبرري لي!

أماني خاب ظنها: أبرر لش! "وقفت بضيق"والله ليش ابرر، جيتي سالتيني من حين دريتي

داليا بكت: أنا حبيتش من أعماقي، ظنيت إنش أختي اللي أنحرمت منها، بس طلعتي كذابة

أبتسمت ببرود: كذابة!

داليا بقهر وأشرت عليها: أنتي داريه ليش الكل ببيتكم يكرهوش لانش تهربي من مشاكلش، أنسانة أنانية وكذابة، تتحاكى بالقفى تغتاب الواحد وترجع تمثل دور البراءة الكل بيكرهش لانش تستحقي الكره يا أماني بنت عبدالله

أنغرزت سكاكين داخل صدرها: أنا اماني وانتي داليا والفرق من ناحية التفكير واضح وسلام على المرسلين "لفت تمشي"

داليا شدت ذراعها وبدموع: ما عتخطي الا حين تقولي لي ما فعلت بش علاميد القى الخيانة هذيه

أبتسمت: ابسريني يا دالي انا استر أخون ثقتش، وبعدا ما فعلت علاميد اخونش

بكت وعيونها تتاملها: ...



https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 14 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


أبتسمت: ابسريني يا دالي انا استر أخون ثقتش، وبعدا ما فعلت علاميد اخونش

بكت وعيونها تتاملها: ما بين ابسر الا الكذب والغدر، تصدقي ان انا كرهت اليوم الذي جمعني بش

حست نبضتها توقفت وببحة ألم: صدقني ان انا كارهه اليوم الذي جيت فيه على الدنيا "جرت ناحية الحمام بكت بصمت، أخرجت الشعور السيئ الذي أحتلها لمَ هي؟ لما تصلح علاقتها بأحد، وتهدم علاقتها بشخص آخر، بكت بحجم الألم النازف الذي بقلبها وبهمس: ما كان باقي الا انتي ياداليا ماكان باقي ابكي الا بسببش ...
.
.

مر الوقت بهدوء جميع أبطالنا

بيت محمد:
ريان أبتسم: كملت الحالية تغسول

داليا: ايوة "دخلت غرفتها تمددت على سريرها وبكت بعمق الالم "

ريان دخل شاف حالتها وخاف غلق بابها: داليا مالش احد بيزعلش

داليا حضنته وزاد بكاوها

ريان بيمسح على ظهرها: داليا أنا فدالش فجعتيني عليش مابه ما بيحصل معش

داليا هدأت وبدموع: اليوم سرت المدرسة واوصل على حكى طالع نازل

ريان: ايوة

داليا ببحة: واللي تحاكت عليا، اماني

صعق: متاكدة ما قالت

داليا: قالت ان معي حبيب ومن هذا الحكى

ريان بلع ريقه: واجهتي اماني عاتبتيها

داليا بقهر: استخدمت اسلوب الهروب، وبتتفلسف كذب كله

ريان: ومن اللي حكت لش

داليا: هو هذا اللي قاهرني اساسا انها سارت تحاكي غاده

ريان سكت بتفكير

داليا بدموع: انصدمت مه؟

ضحك بسخرية: هذا كله لعبة من غاده ووقعتي فيها انتي خسرتي أماني يا داليا...

داليا بصدمة ودموع..

ريان: مش انا داري اواسيش على قلة تفكيرش او على خسارتش لاعظم إنسانه في حياتش

داليا بكت من جديد: حتى انت وقفت معاها

قام: ما وقفت مع احد، بس بين ابين لش الحقيقة  وذاحين قومي بدلي سيري مع امي خالتي نادية تاعبة قوي اوقفي مع صاحبتش

داليا قامت: انا لو سرت شاسير اواسي هديل مش حبا لاماني

ريان اقترب منها بسخرية: اماني مشي منتظرة لا لي ولا لش ولا حتى لابوها، اماني معاها الله اذا فلتوا لها اهلها وصاحباتها

داليا بصدمة: بتوقف معاها لا يكون بتحبها

ريان ابتسم بيأس: ايوة بين احبها كأخت بين احبها لانها اختي لانها كانت معانا بالسراء والضراء لانها اختي بس لا يسير تفكيرش ويقع سخيف! "خرج "

داليا مصدومة كيف دافع عليها وبهمس: الله يلعنش خليتيه يفضلش عليا

.
.

بيت عامر:
نائمة على الكنب، هي لا تترك اي فرصة لتستطيع النوم على فراش مريح

تامل نومها وابتسم بحب تذكر بكائها على اخيها تنهد وبهمس: قممر قمممممر

فزت بخوف: هااا، ماهووو،

عمر: لا تفتجعي هو انا

قمر بدموع: لا تحاكيش عمتي ان انا رقدت عتصيح فوقي

عمر ابتسم: تمام، انا شخرج للبقالة تشتي شي

قمر ابتسمت ،اخرجت 500: اشتري لي معك شبس

تاملها واغلق كفها: ولا يهمش

قمر استحت: هاا

عمر: لا تديش زلط اعتبريه مني

قمر: تمـ"ضحكت بقوة من شكل علياء "من اين خرجتي يا جنيه

علياء بطرف عين: من راسش

عمر ضحك: سيري امشطي يا مشعفلة

ضحكت: تمام ،اذا عتخرج ادي لي فيفا

عمر: من عيوني...
.
.

بيت عبدالله:
مجتمعات بالصاله
هديل: كيف لش ما طلعتيش عند اماني

ايه: يكفيهن بالمدرسة والبيت

ابتسمت مجاملة: الا ما وقع في خالتي نادية

هديل: تاعبة من بداية الاسبوع

داليا: متى ما طلع الفحص احكي لي وطمنيني

هديل: من عيوني

اماني نزلت ابتسمت بحب: دالي !

طنشتها

اماني مدت يدها: كيفش

القت نظره على كفها وبهمس: لا سلام على الكذابين

اية بهمس: متزاعلات

هديل بسخرية: اماني ما خلت احد وما زعلته" وبصوت عالي "مالكن متزاعلات؟

اماني: ولاشـ

قاطعتها: ليش مفتجعه تحاكيهن، انا اقول لكن، اختكن بتتحاكى عليا بكلام زي الزفت كلام شوعة قوي "بكت"وحين جيت احاكيها انكرت

هديل صعقت: مثل ماهو

داليا: ان انا بين اخرج مع حبيبي

اماني صعقت

هديل بعصبية: إعتذري لها

اماني شافت داليا: اعتذر لها على شي ما فعلته

هديل بصياح: ما بتفهميش مه

داليا زاد بكاؤها

اماني تألمت احتضنتها: انا اسفه، بس لا تبكيش

دفعتها بعنف: وخري مني مااشتيش منش شي ، غر تفلتيني لحالي وكل واحدة بطريق

اماني بهمس: لابعدش يضر ولا قربش يشفي!

داليا مستمرة بالبكاء وهديل تواسيها

اماني وقفت وبتشوفهن ضحكت بسخرية لثواني، طلعت عرفتها جري رمت نفسها على سريرها وبكت بقهر عظيم قهر جديد في حياتها"

.
.


بيت عامر:
علياء: كان ناقص على الشبس ديو

ضحك: هو حين بسرتش ما عاد دريت ماافعل

علياء: ابسري يا قمر ! كله بسببش

قمر ماتت ضحكة

عمر: كودها بتمكنها ضحوكه

علياء: ناهي لك

قمر قامت

عمر: يي فين عتسيري

قمر شافت الساعه: ادخل قبل ما تجي عمتي

عمر: وإذا جت

نبيلة دخلت استنكرت وجود قمر: ليش مش انتي بغرفتش

قمر بخوف: ...


















📚 @rewayatyamania  🇾🇪

.

البـارت 15 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


نبيلة دخلت استنكرت وجود قمر: ليش مش انتي بغرفتش
قمر بخوف: هو انا اديت لهم صحن للشبس

نبيلة شدت ذراعها: لو ازيد ابسرش هانا لا اكسر ارجلش وبعدين قد كملوا الشبس لايكون جلستي معاهم

عمر وقف جنبها: واذا جلست ما فيها

نبيلة: لا تتدافعش معاها

قمر نزلت دموعها بصمت

نبيلة: سيري غرفتش

عمر امسكها: قمر ما عتخطى ولا عتسير بقعة قمر مكانها بيننا سكت وتحملت خيرات

نبيلة استتنكرت: على مه سكت

عمر بغضب: على ظلمكم

نبيلة بصدمة: انا ظالمة! وعلى من على بنت الفقر

قمر بكت بصمت

نبيلة سحبتها: سيري غرفتش ولا ازيد ابسرش

جرت ناحية غرفتها بكت وبهمس: ليش فلتيني يمه، ليش خليتنا يابه

عمر خرج بضيق

علياء دمعت وهي فاهمة حجم حب اخوها لقمر..
.
.

بيت عبدالله:
غرفة اماني
اكملت صلاة العشاء رتبت الفوضى اخذت اللوحة بيدها: واخيرا "ابتسمت "حتى تغيرك يا ابه بالوقت المناسب "خرجت من غرفتها شافت باب غرفتهم مفتوح وقفت مستنكرة بكاء نادية "

عبدالله: هيا ماهوو، ليش البكاء ذاحين ربما يطلع حميد انتي خليش قوية بس

نادية بخوف على مستقبل أولادها: مش انا مفتجعه من الموت مفتجعه على عيالي كيف عيقعوا بعدي؟
بس امنتك بهم يا عبدالله لا قسيت عليهم ولا جعجعتهم

دمع وبغصة: ماقساني وهم منش

نادية زادت دموعها: واماني أمانه لا قهرتها

حضنها وبدموع محبوسة معاها كأي رجل محب خائف من فقدان محبوبته

"تراجعت ببطء وهي تشعر كأن جبال الارض تمحورت على أكتافها دخلت غرفتها، لما عليها الاحساس والشعور بكل شيء، فتحت درجها أخذت جرعتها وأرجعت لوحتها كما هي تأكدت من إغلاقها للباب اطفات الانوار وبتتامل السماء سامحة لدموعها بالنزول
.
.

بيت محمد:
دخل شافها ممتدة: هيا ماهو

داليا: ولاشي غر اماني اللي دافعت عليها قالت لابعدي يضر ولا قربي يشفي

ريان: تحملي مسؤولية غلطش

داليا بهدوء: طوزز، ميته عليها أصلا

ريان: قالت امي عشاء هيا

داليا مشت ووقفت امامها: اذا سمحت لا عاد تذكرها قدامي

ريان بضيق: ناهي اخطي

داليا: تمام"خرجت "..
.
.

صباح جديد:
في الجامعة :
عاصم أبتسم: باقي 5 آيام وانزل القرية حرام ان قد الشوق للحلق

ضحك: اصاه لامن يسمعك

عاصم ضحك: قد انا فاقد لامي واكلها الله والطعم

نبيل وصل: هيا

عاصم: اسير اصتبح

ماجد: قلت لكم حق بطنه، قوم

نبيل تذكر مها: شوية واجي"مشى لمكانها لقاها سارحه بفكرها" : مهاا

ابتسمت: صباح الخير

نبيل: صباح النور

مها: ماجيت تفعل

نبيل حك رأسه: اطمن عليش

مها: بخير "تنهدت"

نبيل جلس بعيد: محتاجه زلط حاكيني وانا ادبر لش

ضحكت بدموع: قبل امس ثلاثين واليوم أربعين بس دبرتها لا تهمش

نبيل: امانه اي شي تحتاجيه حاكيني، وعلى فكرة محد بيدرى اي حين بيفتح

مها بضيق: الله يشله"بكت"لو يدرى ابي لا يقتلني

نبيل: لا تقلقيش انا معش والله محد يعسش وانا موجود

التمست الصدق بحديثه: اسلم

ابتسم وقام: الحقيني للقاعة عتبدا المحاضرة

.
.

في المدرسة:
اخذت إذن من مديرتها ، لقته منتظر لها بمكانهم ابتسمت: حسامي

لفت وضحك بفرح، جرى ناحيتها ضمها بقوة: راعيت لش الصبح

قاطعته: تاخرت وهو قذا استاذنت وجيت ابسرك،

حسام بحب: اي حين عتجي عندنا تتغدي انتي وعدتيني

تجمعت دموعها وبهمس: ابي ما رضاش يخليني

قوس ثغره بألم: سهل "ركز على الشاش الموجود بيدها "بمه وجعتي يدش

بكت بصمت ونزلت راسها

احتضن وجهها بكفيه الصغيرة: اماني اختي

ضمته وبكت اكثر

سند راسه على كتفها: مالش احد بيزعلش، حاكيني حين ابسرش كذيه اغثى وقلبي يوجعني

اماني بتتنهد: كلهم بيكرهوني محد بيحبني غيرك انت وخالتي هنادي

ابتسم بحزن: الله بيحبش انتي مسكينة والله بيحبش

طبعت قبلاتها وبحب بعد ان استجمعت نفسها: سير البيت لا تتأخر تمام

هز راسه: تمام، بس لا تبكيش

ضحكت بحب: حاضر "دخلت المدرسة بيدها ثلاثه ايس كريم وضعتهن على طاولة داليا وعلياء "عوافي

داليا شتت نظراتها: مااشتيش

علياء استنكرت: مالكن! "وبتفكير لثواني "متصايحات مه؟

داليا بسخرية: انصحش لوجه الله مش لشي هذه "اشرت على اماني "اللي وجهها كله براءة وبتمثل دور المظلوم طلعت كذابة غداره بتتحاكى للظهر

علياء: مافهمت

اماني ببرود:وانصحكن لا عاد تسايرني لان انا اكسر ثقة الكل تمام، وبالنسبة لش يا دالي

قاطعتها: لا تذكيرش اسمي

اماني اقتربت بهمس: اشتي منش حاجة واحدة، حين تدري ان انا ما كذبت عليش لا تجيش وتقولي آسفة لاني تعبت من هذه الحياة "مشت "

علياء بتعجب: قد بين اقل مالها جالسة وحدها، "وبتساؤل"ايوة ما حكت عليش ابدعينا!

داليا: قالت للبنات ان انا بين اخرج مع حبيبي حين اغيب خلتني بلا إحترام قدام البنات كلهن

علياء: وكيف دريتي حاكيني

داليا: غاده قالت لي...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 16 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


علياء: وكيف دريتي حاكيني

داليا: غاده قالت لي

صفقت لها بسخرية : برافو، ماشاء الله عليش، تشتي الصدق،

عقدت حواجبها

علياء: اماني لو كانت غلطت ما بسرتيها تتحاكى معش كذيه، اماني حين تغلط تتأسف ماعتخطى وكأنها ما فعلت شي،حميت 17سنة الذي درستنها سوا يا داليا

داليا: محد له دخل انا انهيت علاقتي معاها

علياء بقهر: براحتش قدش ادرى مننا

.
.

بيت عبدالله:
بغرفة أبيها بتتأمل تعب امها ،حمى ملازمة لها خلال هذه الفترة، خافت من ارتعاشها بكت وبخوف: امه مااالش، مابتحسي

دخلت سامية: ماببه، ما حصل؟ ليش بتبكي

هديل بخوف: بترتعش امي

قاطعتها: شليها معي للحمام  قدي حامية سع النار

هزت راسها: تمام

آيه دخلت: مابه

هديل: خرجي لها لده

ايه: تمام..
.
.

بيت آخر:
كملت عملها ،شافت الساعة 1 تاملت من نافدتها كان فهد جرت بفرحة: حيا بقلب اختك حيا مراعية لك نتغدى

فهد: ليش ماقد تغديتي

قمر: مع مراعيه لك اصلا عمي وكلهم تغدوا وانت داري بعمتي ما ترضاش تخليني اتغدى معاها

فهد تألم: خلاص اديه لا هانا ونتغدى ابسري محلا الجو ظلمي

ضربت كتفه بلطف: مغيم "لفت تراجعت بخوف "عم عامر

عامر بغضب: ما بتفعلي عندش، والا عاجبش يبسرش واحد من الحرس

فهد بغضب اعظم: لا تغلطش عليها جت تبسرني، "وبسخرية" وبعدا قول لي حين مات ابي وصاك علينا وهكذا تفعل!

قمر بخوف من عمها اللي برزت عروق جبينه: خلاص يا عم انا فدالك هو عيتغدى ويخرج

سحبها ناحيته: لا تتفديش له

عامر احتضن اكتافها بقوة: أدخلي لا تبسري شي ما يعجبش

ارتجفت كل خلية فيها: خلاص ياعم ارحمنا تعبنا من جبروتك

ابعدها ورفع يده

فهد حضنها وتلقى الكف تجمعت دموعه وسط بكاء قمر

سحبهم لمكان عقابهم وقف عند الباب ودفعهم بقوة: كنت اقول عيتربى طول السنين عيحترم عمه ويقصر لسانه بس بتتمادى قوي"خرج وغلق الباب"

قمر ابتعدت من حضنه لامست خده بدموع: وجعك!

مسح دموعها: اهم شي انتي بخير وما وجعش واذاش

ابتسمت رغم غزارة دموعها: انا بخير وانت جنبي

فهد ضمها: خلينا نرجع الذكريات انتي ترقدي في حضني وانا ارقد وانا جالس لوما يجي عمر ويفتح لنا

مسحت دموعها: وزد واحنا جاوعين

فهد تألم، حس بسكاكين داخل صدره وسكت

قمر تكورت على نفسها ونامت تلقائيا

فهد بهمس: الله يلعنك يا فهد مش انت رجال والا لو شي ان قد معك بيت لحالك..
.
.

بيت عبدالله:
اماني بهدوء: اشتي ادخل ابسرها

عبدالله غلق الباب: عادهي نامت

اماني ببحة: انا فدالك يابه

عبدالله امسك ذراعها وادخلها غرفتها، وبحزم: حين ادي لش كلمة تقولي حاضر، مش تراددي"خرج وغلق "

أحمد نزل وكان شاهد على موقفه تنهد


بغرفة اماني:
تمتمت ببطء: أدخل

ابتسم: كيف انتي

اماني بهدوء: بخير

اخرج شكولاه: هذه لش علاميد تنسي الزعل كله، وعمتي نادية عتقوم وانتي ادخلي ابسريها

اماني دق قلبها بشعور غريب اخدتها بابتسامه: شكرا

احمد بحب خفي: انتبهي لنفسش..
.
.

بغرفة هديل:
دخلت آية: لو تبسري ما ابسرت

استنكرت: ماهو

آيه: أحمد دخل غرفة أماني تجابروا وادى لها شكليت

هديل رفعت حواجبها: امانه

ايه: والله ما طلعتش هينه اماني من تحت لاتحت

هديل بلا مبالاة: لا اسمعش الا انا، اماني مشي حق هذا المجبر

آيه بسخرية: بتدافعي عليها

هديل: مش دفاع، بس اختي واعرفها

اية باستهزاء: الله يجعله صدق..
.
.

بيت يوسف:
كملوا يصلوا عصر

يوسف: مالك

فارس: ولاشي خلينا نسير المكان حقنا، قد انا ضابح قووي

يوسف استغرب: مالك

فارس: ولاشي

يوسف: تخبي عليا وانا اخوك

فارس حس بضيق: مرة اخي تاعبه قوي فعلنا لها فحوصات طلع عندها مرض خبيث

بلع ريقه: هاا

فارس: احنا عاجزين قووي ما معانا الا الدعاء

يوسف ربت على كتفه: الله يشفيها

فارس: انا شاخرج"اذا تشتي شي حاكينا

هز راسه وخرج هو الاخر
.
.

ببيت بسام:
شهد بملل: ماجده خرجني اغير جوا

ماجد ابعد نظارته: لا بتبسريني بين أذاكر

شهد ضربت رجلها في القاع: نفسي يوم حين اتحاكى واطلب شي تلبوه لي"دخلت المجلس الصغير" بسام

لفت لها وضحك: ماهو

جلست جنبه: اشتي اخرج ضبحت وحدي في البيت، وماجد معه مذاكره

بسام: تمام اقوم اخرجش انا

ضحكت بفرح: امانه

بسام بحب: والله كم معي شهد

قبلت جبينه: احبك يا اطيب اب في العالم

بسام تنهد

سلمى: لا تكونش تجننها كذيه خلها تواجه الدنيا مش كل ما طلبتك شي لبيته

بسام بحب: ما سخاني اقهر بنتي

سلمى: قدك ادرى، امس اتصلت هند اختي عيجوا غدوه او بعده

بسام: حياهم الله فوق العين والراس

شهد دخلت: قذا انا جاهزة يا بسامي هيا

ضحكوا من دلعها: هيا

























📚 @rewayatyamania  🇾🇪

.

البـارت 17 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


بيت عامر:
فتح الباب تاملهم بحزن: احم، فهد فهدد

فز: ماهو

قمر عدلت وضعيتها ووقفت: خاطرك

عمر: راعي اكلي شي انتي وهو

قمر بغصة: شابعه"مشت"

فهد: كم الساعه

عمر بألم: ست المغرب

فهد وقف: أبوك عيلقى جزاته

عمر بهدوء: صدقني ان انا حاولت افهمه بس قدك داري بطبعه

فهد أمسك ياقة قميصه ودفعه على الجدار: داري بطبعه! قصدك داري بظلمه وجبروته مه ،"وبقهر" اختي ما أكلت شي من الصبح كنت أسمعها تبكي وتون من الجوع وانا مش انا قادر ما افعل

عمر أحمرت عيونه بقهر: أنا مقهور وبين افعل اللي بين اقدر عليه

فهد ابتعد: قريب واتخلص منكم، ونرحلنا ونفتهن..
.
.

بيت عبدالله:

بغرفة أماني..
شافت داليا متصلة تمنت لو تقدر تكلمها عن المشاعر السيئة اللي محتلة لقلبها، لا اب ولا ام لا اخ ولا اخت حتى هي تركتها، أبتسمت وهي تشوفها تكتب ، سرعان ما تلاشت إبتسامتها وهي تشوف صور مكتوب تحتهن (الله لا جمعني بش مرة ثانية ومثل ما أنهيت رسائلش ورجمت هداياش شانهيش من حياتي يا بنت عبدالله)

مسحت دموعها (براحتش)

داليا اقتهرت وبكت (راحتي وانتي بعيد مني)

أماني (شابتعد وشافلت لكم كلكم)

داليا بتجريح (تفعلي خير)

أبتسمت بحزن ،جلست على كرسيها بعد أن لبست مريولها، أمطرت عيناها رسمت قلبا كبيرا وإناس يصعدون إليه وكل واحد منهم يحمل مطرقة ليكسره حتى أصبح هش، مسحت دموعها وهي تهمس: أنا أستاهل"صوت الباب "ادخل

فارس: مابتفعل روحي

ضحكت لتخفي ملامح الحزن: ولا شي بين ارسم

فارس وقف ورائها ، عقد حواجبه: يعني؟

أماني ضحكت بحزن: قلب شخص، كأحبابه بيكسروه" أشرت على منطقة صغيرة" باقي كسر واحد من شخص واحد وانتهى شخص بهذا القلب ومات

فارس أبتسم: ومنو هذا الشخص اللي ما كسر قلبش

أماني: خلها مفاجأة

هديل دخلت وبدون نفس: أمي تشتيش

أبتسمت وهي تبوس عمها وتقرص خده: ثواني وأرجع لك


بغرفة نادية
دخلت وهي تبوس رأسها: كيف قد انتي

نادية: بخير، جي ارقدي جنبي

اماني أبتسمت بدموع: حاضر"امتدت بحضنها"

نادية لوت ذراعها عليها وبهمس: مالروحي الغالي ضابحه

أماني بكت: مدري مفجوعه ان انا افقدش

نادية بهمس متعب: وشاستر افلت لش

أماني بتتنهد: مـ..دري، مشـ..ـتيـش، تفـ..لتيني لانش بتحبيني انتي بس مشتيش اخسرش

نادية بتعجب: ليش بتقولي كذية

أماني دفنت رأسها بصدرها: ولاشي بس مشتيش تفلتيني

ضمتها: انا معش، بس اشتي منش تكوني قوية وصبورة وتذكري إن الله ما يضيع أجر الصابرين

أماني هزت رأسها رغم إحساسها بالفقد: تمام

نادية ضمتها ونامت بتعب

أماني تنهدت مسحت دموعها وقامت ببطء خرجت ما حست الا على يد تسحبها وتدخلها غرفة

أماني بخوف: مالشش

هديل: مشتيش تعسي امي ولا ترقدي في حجفها

أماني تكتفت وببرود: للمه!

هديل بسخرية: لان هي أمي مشي امش

ضحكت باستفزاز أقتربت بهمس: أمش هي أمي، بس غيرتش هذه ما عتغير شي وما عتبعدني منها

هديل بدموع: يكفي يا بنت أبي، قد خليتيها تحبش أكثر مني ، ما بتهتم فيني بقدر ما تهتم فيش، بتسألي نفسش للمه بين أكرهش لانش خليتهم يحبوش كلهم بيحبوش وحدش "مسحت دموعها" كلهم بس خليش بعيد من أمي، لان حتى لو كان حبها لش مجرد شفقة بين اغار منش

أماني سحبت نفسها وخرجت ببطء وجملتها بتتردد (حبها لش مجرد شفقة) ضحكت بألم شافت عبدالله: اهلا

عبدالله ببرود: خير تشتي شي

أماني: ولاشي، عاد امي رقدت ذاحين

عبدالله: تمام

أماني: عتخليني بيت جدي يومين، امد ما

قاطعها وهو يشدها ناحيته بعنف: قصدش إذا خليتش مرة والا مرتين شاجلس اخليش، قصدش مش انا داري انش بتسيري تشكي لهم قصدش مش انا داري كيف بتبكي وتخليني بعيونهم ظالمين

أماني بألم وعيونها بتتأمل ملامحه الغاضبة: ما بين أشكي لحد

ضغط على ذراعها أكثر: وحكى عمي الوهاب

أماني بدموع متجمعه وبابتسامة مستفزة: ما شكيت له، بس معاملتكم لي واضحة مثل عين الشمس "ضحكت " للمه سكت لانك داري انو لو ما بتعاملنيش محد حاكاك ولو بتخلي لي قيمة ششوية ما هديل كل شوية وادت لي حكى يكسر الرأس، وجدي

قاطعها: اوووش عبدالوهاب مشو جدش، جدش خالش وامش ماتوا زمان

بلعت غصتها: لو انت بتحب أمي إنك تحبني من حبها

طار الشرار من عيونه، رفع كفه على وشك ضربها

أماني أغمضت عينيها

فارس أمسك كفه وبغضب: بس لاهانا وبس، ضربتها خيرات يكفيها

عبدالله بغضب: بنتي وانا حر

فارس: لا قدي بنتك تفعل كذيه، تكرهها! على سبب اخبل وتافه ومالها ذنب فيه

عبدالله: هذه الذي بتدافع عليها ب...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 18 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


فارس: لا قدي بنتك تفعل كذيه، تكرهها! على سبب اخبل وتافه ومالها ذنب فيه

عبدالله: هذه الذي بتدافع عليها بتقبر كل واحد تحبه انا بين أحاول أتقبلها بس أتذكر انها قتلت أمها، واكرههاا، حرمتني من ياسمين وذاحين بتحاول تحرمني من نادية لان هي بتتعب حين تبسرها مشتيش أبسرها قبالي ،أشتيها تموت  !

رمشت عدة مرات بصدمة نزلت دموعها بغزاره حست أنفاسها تثاقلت ونبضتها أوشكت على التوقف، مسحت دموعها ودخلت غرفتها

فارس دمع بقهر: انت قاسي قوي ظلمتها، الله يهديك

عبدالله تجاهل ودخل غرفته

أماني خرجت مع كتابها

أحمد: يي فين عتسيري الساعة 8

أماني: اطلع اقرأ لي شوية

احمد بابتسامه: ناهي استأذني لا دورناش ندرى فينش

أماني بجمود: أبي، اخي، عمي، خالي جدي، شي من ذولا الاسماء بين أداعيك بهن، اذا لا تفرض نفسك يا أبن عمي "مشت "

احمد ضحك كم يحب جبروتها صراحتها وبهمس: لو تدري كم يحبش إبن عمش

فارس: ابسرت اماني

احمد: طلعت الجباء"مشى ودخل غرفته "

نبيل نكز: مالك كون دق فجعتني

احمد ضحك: ناهي قدك سع البنات فجعتني

نبيل أبتسم: تمام جي ما احكي لك

أحمد باستماع: همم

نبيل: كيف تدرى انك بتحب؟

شافه باستنكار: ليش السؤال

نبيل هز أكتافه بلا مبالاة: ولاشي بين اسمع اصحابي واتعجب، قلت اسالك اذا انت داري

أحمد ضحك: تشتها من الاخير

نبيل: ايوة

احمد: الحب عذاب!

انفجر ضحك: اسمع لك عنتر! قال عذاب

أحمد أمتد: لا تصدقش "أخرج صورة صغيرة لاماني، قبلها وبقلبه (قريب اللقاء) "ارقد لا فيك نوم

نبيل: ناهي يا عنتور

.
.

صباح جديد;

بيت يوسف:
أبتسم بالمرايا لانعكاس صورته، تنهد وهو بيتذكر أشياء كثيره، خرج من بيته، شاف طفل صغير بمكانه زاد فضوله وهو يشوفه بيراقب المدرسة وبهمس: يا حاللي

لفت له حسام: ماهوو

يوسف: ما بتفعل هانا يوميه

حسام تكتف: وما عليك مني؟

يوسف أبتسم واقترب منه: مراعي لاحد

حسام أبتعد: مالك دخل

يوسف: براحتك "مشى وتخبى بمكان بعيد "


نزلت من سيارة عمها أبتسمت أول ما شافته: حسامي

أمسك كفها: كيف قديه يدش

ضحكت: بخير لا تهمش

يوسف بيتاملها (مراعي لها بس من هي، وبعدين من اين يعرفوا بعض، هذا دايما يخطى من حارتي)

أماني: ليش ما بتدرس

حسام بحزن: مابش معانا زلط وزد خربت المكينة حق أمي وبين أبيع ماء علاميد أجمع شي نأكل

أكتسر قلبها: خلاص ياروحي أنت أشتغل وأنا شاشتري لك زي خلال هذا الشهر" أخرجت مبلغ " تكون تشتغل العصر بس تمام وحاكي المدير انك عتشتري الزي متى ما معك زلط وابشر باحلى زي وأجمل زي لاحلى أخ

ضحكت عيونه بفرح: صودق

أماني ضمته: والله وذاحين خليني اخطى لا اتاخر

حسام: الله معش

أماني مشت

يوسف صعق: أماني بنت عبدالله وما علاقتها بـذيه الولد "هز رأسه "تيك المغرورة تطلع مسكينة  "حس بكمية إعجاب تجاهها ، هز رأسه بغضب "كلهن نفس التفكير كلهنننن"صوت الهاتف"رد بتأفف: ماهووووو ماهوووووو

هاجر: يوسف،صباح الخير

يوسف ركب سيارته وبغضب: ما تشتي يا بنت صالح ما تشتي

أبتسمت: أشتيك انت نرجع مثل زمان

يوسف بقهر وصياح: بس مشتيش مشتيش واحدة بنت عز وفوق هذا خاينة "غلق وحظرها "

.
.

في المدرسة:
دخلت ببطء وجمود وهي كل همها والدتها شافت داليا أبتسمت وبمحاولة أخيرة: دالي

داليا ركزت على كفها وبكت بصمت هي تعلم ما سببه

أماني أحتضنت أكتافها وبدموع: أنا بحاجتش!

داليا بكره ودموع: بس انتي كسرتي ثقتي فيش قوا لش الله يا بنت عبدالله

تمردت دمعاتها: هانت عليش العشرة

دفعتها بقوة وبكره وصياح: هانت عندش انتي ، وقد انهيتش من حياتي لا عاد تحاكيني كرهتش
سقطت ، ومسحت دموع الضعف لاحظت خدش كفها أبتسمت بدموع عالقة بين جفنيها

داليا لاحظت خافت وجلست بمستواها: اسكه أبسره، انا فدالش، اماني، بيخرج دم جي نسير عند الأبله تبسرها أخرجت منديل ووضعته على الخدش وقفت

ووقفت داليا معاها: انا آسفه ان انا تحاكيت من وراش واسفه ان انا دخلت حياتش واسفه ان انا كسرت ثقتش "بكت وببحة "بس انتي خسرتيني يا دالي وانا فقدتش "مشت"

علياء دخلت: صباحش، ابسرت أماني دخلت الحمامات، مالها

داليا مسحت دموعها : ولاشي

علياء: حاكيني ما قالت لش غاده

داليا: قالت ان اماني قالت للبنات ان انا غبت والسبب بين اتفرغ واخرج مع حبيبي

علياء بتتذكر، ضحكت بصدمة: صدقتي ،أماني تحاكت معي انا قالت بتتفرغ لزوجها ورجعت قالت امزح امزح بتفعل هدنة بعد الاختبارات، وغاده سمعت واكيد شلتها فرصة تفرق بينكن

داليا سكتت وبتفكر

اماني دخلت وقلبها وكل تفكيرها عند نادية

























📚 @rewayatyamania  🇾🇪

.

البـارت 19 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


بيت عبدالوهاب:
عبدالله: ياعم اشتيك في موضوع

عبدالوهاب أبتسم: خير ياابني

عبدالله بلع ريقه: بخصوص نادية

خفق قلبه: مافيها؟او هي تاعبة؟

عبدالله نزل نظره: لها أسبوع تاعبة وكانت بتظهر عليها علامات غريبة وأعراض ثانيه تماما، اسرحها عند دكتور فعلنا الفحوصات وطلع عندها سرطان في الدم

فاضت عيناها بالدموع وضحك بصدمة: بتكذب مه

عبدالله دمع: أحد يكذب بهكذا مواضيع

تنهد بحزن رغم توجع قلبه همس: الحمدلله على كل حال، الحمدلك يا رب في السراء والضراء

عبدالله بهدوء: عنبدا جلسات الكيماوي من نهاية الاسبوع

عبدالوهاب هز راسه بحزن على أبنته

عبدالله وقف وباس رأسه: خاطركم يا عم

عبدالوهاب: الله معك "شاف خروجه سمح لدموعه بالنزول وقلبه يهمس"الحمدلله..


في المقبرة القريبة من بيت جدنا، جلس بجانب قبرها همس: فلتيني، وذلحين دور نادية مه؟

بيعاقبني الله بكن بيحرمني منكن بعد الغلط الذي فعلته بس انتي موتي بسبب أماني ونادية عتموت بسببها لو هي ما بتحبكن ما حصل الذي حصل، لكن الحمدلله على كل حال



بنفس المكان ، جثى على ركبتيه بكى من شوقه وحنينه بكى من الظلم واعوانه بكى بضعف شديد عكس القوة التي بيظهر عليها: أنا راضي بكل شي من الله راضي يارب، وانت داري ما بين اتحمل وما تحملت، خذ حقي من كل ظالم ظلمني انا واختي ياربب "أنحنى وهو يضم قبر والدته وبهمس"ابنش تاعب يا حليمة تاعببب يا مجد تاعب، كان نفسه تكون معه  تبسره حتى من بعيد، كان نفسي تكون جنبنا ولو على الكرسي ...

.
.


في المدرسة:
داليا تفكر بكلام علياء مشت بحيرة والم ،توقفت بتسمع غاده بصمت تام

غاده لفت للبنات: انا بسرتهن متصايحات قوي وهذا اللي اشتيه اشتي كل واحده تكره الثانيه

واحده من البنات: ايوة بس كيف

غاده: نزيد نكذب وانتين اتحركين بالذي قلت لكن

"تراجعت خطوتها ببطء، خرجت من المدرسة شافت سيارتهم ،ركبت بسكون تام"

ريان: ييي

لفت له: ماهو

ريان: فينش ،حسش مشو معش

داليا بدموع: أماني اللي بتدافع عليها

قاطعها: اوووش مااشتيش اسمع شي لانش لو تتحاكي عتندمي بعدا

أبتسمت بحب ومسحت دموعها: أماني ما كذبت ولا ادت كلمة عليا وكله من غاده علاميد تفرقنا

ريان ضحك وعيونه على الطريق: أيوة وما عيفيدش ذاحين اسكه قولي لي

داليا بندم: حين نسير غدوه شاتأسف لها

ريان بهدوء: وعتسامحش! ما اعتقدش

داليا ابتسمت: عيعين الله..
.
.

بيت عبدالله:
كملت تغسل الصحون طلعت غرفتها بتتأمل كفها: الله المستعان
جلست على سريرها

دخلت نادية: مالها روحي الغالي

نزلت دموعها لانها عتفقد هذه الكلمة

جلست جنبها: احد بيغثيش

هزت راسها بلا وبهدوء: ليش خبيتوا علينا انش مريضة بسرطان

صعقت: هااا

مسحت دموعها: قبل أمس جيت أوريكم اللوحة الذي رسمتها "بكت بهدوء "سمعتكم وانتوا بتتحاكوا، للمه خبيتي علينا

نادية بغصة: مفتجعه اموت وانا ما قد بسرتكم سوا، ومااشتيش اموت وانا بين أبسركم بتبكوا

أماني بغصة: أبي ما كذبش حين قال ان انا بين أقبر اي واحد أحبه

نادية ضمتها: لاتقوليش كذيه

هديل دخلت أستنكرت حالتهن: مابه وللمه بكاكن لاخارج"مشت لعند أماني "أرزي من أمي عادهي افتهنت وجيتي تشكي لها

نادية بحده: اووووص قد بتتمادي

أماني أبتعدت وبدموع: ما بين اشكي لها،

هديل: كان ليش بتبكين مابه

أماني أبتسمت بحزن: ما لاحظتيش أعراض امي ماهي وليش بتتعب كذيه أمي مريضه بالسرطان امي عتموت يا هديل

تطاير الشرار من عيونها وبصياح: لا تفاوليش عليها، حين ماتت امش تشتي تموتي أمي، حاقده ومتخلفه

أماني غطت وجهها وبكت أكثر

هديل لفتت لامها: ابسرتي انها بتكذب بتفاول

نادية بحزن: الا انا مريضه

أنهارت أعصابها وبكت حضنت امها: لا تفلتينش يمه!

أماني فتحت درجها أخذت جرعتها، وقفت وهي تشعر بدوار شديد، سقطت بدون وعي

نادية شافتها جرت وهي تصحيها: اماني...أماني، دداعي اعمومش

هديل خرجت شافت أحمد: احمد احممدد

لفت لها: مابه

هديل بخوف ودموع: أمانيي دوخـ"ما كملت حديثها الا وهو يجري نحو غرفتها

نبيل سمع الاصوات وخرج: ماهو

هديل: اماني دوخت انزل خرج السيارة

نبيل نزل بسرعة بغرفة اماني:
شافها فاقدة الوعي تمام: كيف وقعت يا عمه

نادية مسحت دموعها: احمل بها لو ينقص عندها الاكسجين عنفقدها

حملها بين ذراعيه وبهمس: انا معش ياروحي

هديل خرجت مع آيه: عنجي...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 20 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


بيت يوسف :
ممتد على الكنب تنهد بتعب: ليش دايما نتعذب يا صديقي

فارس أبتسم: محد بيتعذب غيرنا ،حين بنطرح الثقة ويكسروها

يوسف: احيانا افكر اسير عند دكتور نفسي، ما بتبسر كيف كلمة بتخليني اكسر الدنيا واقلب

فارس ضحك: رحلكك، قال دكتور انت خليك هادئ بس وكل شي عيسبر

يوسف تربع وببحة: ابي يشتي يزوجني ومش انا داري ما اقول له، وقال معي شهر يا اتزوج والا ارجع هاجر

فارس تنهد: فكر وادي قرارك
سكت "صوت الهاتف"

فارس: خير

نبيل: أماني دوخت وذاحين إحنا بالمستشفى

فارس بهلع: كيف؟ ما وقع فيها

نبيل: مدري دوخت فجأة

فارس فز: جاي لكم بأي مستشفى

نبيل: مسشفى ....

فارس غلق: بنت اخي تعبت نلتقي غدوة

يوسف قام: اوصلك

فارس أبتسم بقلق: اسلمم ....
.
.

بيت عبدالله:
دخل عبدالله بخوف: مابه مالها نادية

سامية: أماني تعبت وسروحها المستشفى وذاحين نادية طالع ولا وقفت بكاء

عبدالله طلع دخل غرفته شافها بتبكي بصمت ضمها: خلاص يارووحي

نادية: تعبت بسببي درت ان انا مريضة وشاموت

عبدالله صعق: كيف درت

نادية تنهدت: سمعتك وانت بتحاكيني

عبدالله تنهد: عيعين الله

نادية: سير ابسرها

عبدالله: انتي أهم منها

نادية ابتعدت بعنف: انت قاسي قوي، قد بين اكره نفسي،قد بين أتمنى أموت  "خرجت "

عبدالله شد رأسه بقوة: الله يلعنش يا اماني
.
.

في المستشفى:
فارس دخل عندها بعد ما فهم سبب تعبها، أمسك كفها الصغيرة: أماني

أبتسمت بألم: همم

فارس باس رأسها: فجعتيني عليش

أماني بهدوء: فين امي

فارس مسح رأسها بحنية: بخير وعتجلس بخير لانها قوية ولان دعواتكم معاها

أماني تنهدت بحزن: فينو أبي

فارس تألم وسكت

أماني ضحكت بألم وتربعت بجلستها: مثل كل مرة! ما يجيش لهذه الدرجة بيتمنى موتي يا فارس

فارس أحتضن وجهها: أهم شي أنا معش

أماني وقفت وهي تعدل حجابها: هيا نروح

هديل: هيا

فارس لفت لها: بين اقول انش بالبيت

هديل: جيت معاها لان امي تاعبة والا ماكنت جيت أبدا

أماني مسكت بيد فارس بتعب: هيا نخطى

فارس شد عليها: ازقمي سوا لا تنكعي

أماني: ناهي...
.
.

بيت عبدالله:
منتظرة لاماني بفارغ الصبر أبتسمت اول ما شافتها: حياا بروحي ما قالوا لش

أماني أبتسمت بحزن

هديل: مابش شي هبوط ومدري ماهو

فارس: ذاحين خلوها تفتهن

اماني قبلت رأس نادية ومشت

حست بيد تسحبها وتدخلها غرفتها أبتسمت بألم: أباه"حست بدوخة من قوة الكف الذي تلقته ، رفعت نفسها بدموع" مافعلت

عبدالله بغضب: مش انا قلت لش ما تحاكيش نادية، بسببش تعبت قوي وتصايحنا

أنهمرت دموعها: هاا

عبدالله شدها ومن بين أسنانه: كيف دريتي هاا؟ بتتسمعي علينا احكي لي، بتجسسي

أرتخت بين كفيه سامحة لدموعها بالنزول ميلت رأسها بضعف: أرحمني يابه! مافعلت بك علاميد القى الكره هذا بكله

بلع ريقه من منظرها: أماني

تثاقلت قدميها تقدمت خطوة وهي تضع رأسها على صدره وتصدر أنينها: أنا ميته يابه ميته! لا أب ولا أم لا أخ ولا أخت ولا صديقة ولا حد، للمه أنا وحدي يابه للمه بتكسروني "أجهشت بالبكاء لاول مرة"

حس بضيق رفع كفيه كان على وشك إحتواءها أغمض عيناه، تذكر ياسمين ودفعها بقوة: أزيد ابسرش جنب نادية عتبسري شي اخس من ذيه وقسما بالله لا اوريش شي مايعجبش، وسعما قتلتي امش عتقتلي نادية بقربش منها، فهمتي او مع

أماني لعنت ضعفها: حاضر

عبدالله شافها بمقت وخرج
.
.


بيت جديد:
دخل شاف أخته وابتسم من قلبه: ما بتفعل الربحه حقنا

ضحكت ولفت بتشوف نفسها وبغرور: انا فدالي أبسر على جمال او سعما انت أسود

تعالت ضحكاته: يا اسود انا رجال ضروري أسمر، او افعل كريمات مثلكن

غاده بحب: انا فدالك "عبست "

أبتسم: مالها روحي اعتجنت صورتش

غاده بدموع: للمه احنا مش سعما الخلق، ابي وامي مشاكل واصل

حامد تنهد: عيصلح الله الكل ولا تقارنيش نفسش باحد البيوت أسرارها محد داري ما داخل كل بيت

غاده: بس انا بين اتعب واضنك حين ابسرهم كذيه

حامد: انت داريه ان ابي مريض واكثر أيامه بيظل في القرية ورغم تعبه الا ان انو معيش لنا احسن عيشة

غاده بدموع: بس قد انا فاقده له

حامد أبتسم: اتصلت له وعيجي غدوه

ضمته: الله يحفظك

حامد تنهد براحة

بلقيس (والدتهم)تأملتهم ودعت من أعماقها هي ستتحمل فقط لترى الحب هذا شكرت الله ان صبرها لم يكن سدى
.
.

صباح جديد;

في الجامعة بمكانها المعتادة بتتأمل قلادتها المنحوته باسمها هي الذكرى الوحيدة من والدتها، همست بضعف: شكلي شابكي خيرات يمه

نبيل: صباح الخير

مها: صباح النور"وبتساؤل"مالك!

نبيل أبتسم بحزن: لوما تبسري شخص بتحبيه قوي بيعاني ومش انتي قادرة تعاوينه تتعبي

استنكرت: مابه

نبيل ببحة: عمتي مريضة بالسرطان

دمعت: هاا

نبيل بألم: ...










https://tttttt.me/rewayatyamania/46166
















📚 @rewayatyamania  🇾🇪