🖤

بارتـات يومنـا الثـلاثـاء 👆🏻😍

.

البـارت 21 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


نبيل أبتسم بحزن: لوما تبسري شخص بتحبيه قوي بيعاني ومش انتي قادرة تعاوينه تتعبي

استنكرت: مابه

نبيل ببحة: عمتي مريضة بالسرطان

دمعت: هاا

نبيل بألم: امس درينا، واحده من بناتها من قوة الصدمة دوخت، تقدري تقولي دخلنا بحالة ماساوية امس

مها بكت وببحة: ليش دايما يموتين الامهات ليش دايما يتعذبين

تجمعت دموعه ولفت للطرف الاخر: الحمدلله على كل حال

مها مسحت دموعها: نبيل، انتوا خليكم قويين علاميد ما تتتحس

نبيل: ان شاء الله "تذكر موضوعها "عادو بيراسلش وبيطلب زلط

مها تنهدت: بعد غدوة يشتي زلط وقد حدد مكان اطرحهن واخطى

نبيل: بتسري وحدش

مها ابتسمت: معي الله

نبيل أبتسم لابتسامتها: ذاحين معش الله وانا،

مها لم تفهم قصده

نبيل قام: خاطرش ..
.
.

في قاعة اخرى:
وقفت أمام الباب تأففت (يخخ هاذا الدكتور الكريه، الذي ما بيرضاش يدخل احد بعده كيف شافعل )

فهد شافها أبتسم يعرفها" شهد "أخت صديقه حتى طريقة إمساكها للملازم غريبة ليست كباقي البنات

الدكتور شافها: خير يا طير

شهد: يا دكتور تاخرت

الدكتور: داري انش تاخرتي وخارج القاعة يله

شهد تجمعت دموعها ومشت

فهد كتم ضحكته (حساسة البنية)


مر الوقت وكملت المحاضرة خرج فهد شافها

شهد بدموع: قد انا دارية ،ما بلا لا ذليت نفسي، حمله حمله دكتور دخلني "قلدت صوته"اخرجي يله

ضحك ومشى

بيان جلست جنبها: مالش

شهد: يعني ما تاخرنا اليوم الا حين هي محاضرة الدكتور الكريه

بيان: الله يسامحش بين اقل مدري مالش جي نسير ناكل حاجه

شهد: تمام

بيان بتشوف مها: ابسري تيك البنت، بتجلس وحدها يومين وانا بين ابسرها وبعدين تجي واحده ويسيرين المحاضرة نفسي اتعرف عليها

شهد ضحكت: واحنا ما دخلنا لا نعرفها ولا احنا داريات من هن

شهد: تمام نسير لانو باقي ربع ساعة للمحاضرة

بيان استغربت: كيف دريتي

شهد ضحكت بخفة: خمنت بس

بيان وشهد مشين وجلسين جنبها: سلام

مها بهدوء: وعليكم السلام

بيان: بنبسرش يومين جالسه وحدش، وقولنا نجي نتعرف عليش

مها أبتسمت: مها سنة ثانية طب

بيان ضحكت: بيان، شهد سنة أولى فنون

مها ضحكت بخفة: دقيقة دقيقة تسترين ترسمين!

ضحكين: اكيد

مها فرحت: يووه والحلى

شهد: ايوة

روان جت: سلام "استغربت "من انتين


وبدأ التعارف من جديد...
.
.

في المدرسة:
خرجت المعلمة الطالبات بيتأملين أماني وجمودها الطاغي

داليا: مالش
شافتها ورفعت حاجبها: خير!

علياء بحب: سلامتش ياروحي مالش

أماني ضحكت بتعجب: ولاشي

علياء: انا شاسير اشتري لكن واجي "اشرت لداليا وخرجت "

داليا جلست جنبها ربتت على كتفها: أماني يا روحي

أبعدت يدها بلطف وبتعجب: روحش!

دمعت ونزلت نظرها: أنا آسفه سمعت غاده بتتحاكى وفهمت كل شي

أماني أنكسرت روحها: آسفه ،"وببحه"انتي ما اديتي لي فرصة أحاكيش افهمش، عايرتي بتعامل الكل وزدتي الطين بله برسائلش وانتي بتقولي ان انا سخيفة وتافهه، والا كرهش لي وكرهش لليوم الذي تعرفتي عليا، "وبغصة ودموع على وشك النزول "أنا مقهورة من كل الدنيا وجيتي انتي وفيتيها

بكت: أنا فدالش يا أماني لا تقسيش عليا

تنهدت بابتسامة محاولة إخفاء دموعها: تقسوا عليا كلكم وأنا ما يحق لي، أنا أمس حصلت ملطام من أبي حين مرضت كنت بحاجتش ، ضعفت وجيت اقول لش بحاجتش وانتي ما فعلتي دهفتيني "رفعت كفها "ابسري علامته غر ما ازيد اقول غير الله يشل أمانته وافتهن منكم كلكم
بكت بقوة

همست وببحه: رغم الذي قلت لش الا ان انا كنت أتالم كان به حاجه بتوجعني قوي

ضحكت بخفة: كذب! لو كنتي بتتألمي ويوجعش قلبش ما كنت تتحاكي بحكى جرحني

داليا مسحت دموعها: أماني

أبتسمت ببرود: مااشتيش اسمع شي يكفي لا هانا وبس

داليا وضعت كفها على خد أماني: وجعش قوي!

تذكرت ،ضحكت وانزلت كف داليا ووضعته على قلبها: هذا الذي بيوجعني

ضمتها وبكت: لاتقسيش  عليا خليني اوقف معش

أماني أبتعدت: اسلمي مااشتيش شي..

.
.


بيت يوسف:
أصوات تكسير وصراخه الدائم، إحمرار عيناه، عصبيته الفائقة: اكرهش، اكرهش، اكرهش، ليش خنيتيني ليششش؟

دخل بهدوء تعجب من منظره: يوسف

ضحك بهستيرية: اخرج مشتيش شي مشتيش احد، كلكم كذابين كلكمممممممم

بلع ريقه بهلع: تمام أهدأ "زاد خوفه السكين الموجوده بكفه " أرجم الذي في يدك

يوسف شاف السكين: مفتجع منها "وببحة"والا مفتجع مني تحاكى

أقترب منه بابتسامة رغم خوفه: مش انا مفتجع منك لو انا مفتجع مش انا جنبك حتى مازد اجلس او احاكيك

ضحك بسخرية: كذاب

فارس وقف أمامه: أبسر هو ذا انا تجاهك أفعل مااشتيت

يوسف تأمله لثواني...




















📚 @rewayatyamania  🇾🇪

.

البـارت 22 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


فارس وقف أمامه: أبسر هو ذا انا تجاهك أفعل مااشتيت

يوسف تأمله لثواني أرتخى بضعف شديد وبهمس: مش انا متحمل نفسي

أقترب اخذ السكين: انا شاتحملك انا

يوسف أبتعد: تسلم

فارس أخذ السكين وبشك: ما فعلت بك هاجر لوما قدك كذيه

يوسف: مالك دخل

فارس: ما بتوثق فينـ

قاطعه بعصبية وبجنون: مالك دخل، اذا بتكرهني او مش واثق فلتني مثل الكل

فارس بنفس العصبية، وضع السكين بكف يوسف: اذا بتبسرني وقح وشافلتك بسرعة اقتلني لان جنونك ذيه ما عينفعك بشي ماغر تقتل نفسك واللي يحبوك

يوسف تثاقلت قدميه جثى بتعب: أشتي أموت،

فارس تنهد: يوسف

رفع نظره: غدوة عيجوا من عدن عيسكنوا هنيه شاكون أبسرها شابسر صليها شافقد نفسي وارجعها وانا مااشتيهاش

بلع ريقه من تناقضه: عادك بتحبها ، مش عيب ترجعها وزد إذا حسيت انها درت بغلطها

يوسف بصياح: مااشتيهاش بتفهم او مع انا كاره لحياتي ولروحي بسبتها

فارس التزم الصمت من تناقضه

يوسف تأفف ، شد شعره بقوة وبهمس: أنا أستاهل

.
.

بيت عبدالله:
متجمعين بيأس هديل بتتامل والدتها وتبكي

أماني ملتزمه الصمت

احمد بيتامل أماني ويزيد تعبه

عبدالله بهدوء: اتصلت بنادر وفيصل يجوا علاميد ينتبهوا لكم، حين نكون بالمستشفى لان احنا عنبدأ جلسات الكيماوي غدوة

احمد: وما قال الدكتور

سكت لوهلة ورد: قال كل شي بيد الله

نبيل قبل جبين عمته: ما عيقع شي هي غر فترة وعترجعي بيننا

نادية ضمت هديل وهيثم اللي بحضنها: على الله كل شي من الله حالي

عبدالله دمع وخرج

سامية وفتحية مقهورات

أماني وبتتأملهم: لا تبكوش ما عيقع فيها شي

هديل بسخرية من بين دموعها: انتي مالش دخل من حياتنا، انا داريه بحقدش ودارية انش فارحة لان امي عتموت انتي اكثر انسانه حاقده وحاسدة،

أماني تجمعت دموعها

فتحية لفتت لاماني: خليش بحالش تمام

هديل: انقلعي غرفتش، ومالش دخل مننا تمام!، لو انتي بتحبيها ماانتي جالسه ولاكان به شي

أحمد بغضب: اصه انتين، محد داري ما بتعاني قدي هالكة فوق ماهي هالكة ولاحد منكن دري مافيها

فتحية استنكرت: ماله ابنش بيدافع،

سامية: احمد مالك دخل منهن

احمد: لا والله سكتنا لكم خيرات ،بترجموا كل كلمه سعما الجبل ،ارحموها

أماني وقفت وببرود: سهل

آيه بسخرية: والا ما عتفعلي؟

هديل بغضب: اطلعي غرفتش مااشتيش أبسرش كل ما أبسرش أبسر النحس

نبيل ساكت وقلبه بيألمها عليها كم نصحهن...



بغرفة أماني:
بكت من كلامهن تكورت حول نفسها ،تمنت فارس جنبها او داليا، أخرجت حجرة شبه كبيرة وبدأت تضرب يدها وبهمس: أشتي اموت يارب، شلني وخلي أمي "سال الدم من  مكان جرحها السابق شافته وزاد بكاؤها " أشتي اموت علاميد يفتهنوا

"ارتفعت وهي ترى كفها بألم، غسلته عقمته وربطته بالشاش ، مسحت مكان الدم، "الله يجعل يومي قبل يومش "سمعت الآذان توضت وبدات تصلي "

.
.

بيت محمد:
داليا بحضن ريان: قولي كيف شافعل، كيف شاراضيها

ريان: ولا تفعلي شي تأسفي ومن حقكن الخبر أماني طيبة، وعتسامحش

داليا: تقل!

ريان: اكيدد
.
.

بغرفة محمد:
محمد أمسك بكفها: كيف انتي

ذكرى: بخير

محمد جلسها: جي ما حاكيش

خفق قلبها: مابه! امي ابي فيهم حاجة

محمد تنهد: ماشي بس

دمعت: بس ايش

محمد: نادية مرة عبدالله طلع فيها مرض خبيث وغدوة عتبدأ الكيماوي

تساقطت دمعاتها: نادية! "أجهشت بالبكاء"

حضنها: خلاص ياروحي

ذكرى: ماهو خلاص نادية قديه أختي واعظم

"صوت الباب"

محمد: ادخلوا

داليا بخوف: مالكم مابه، للمه بتبكوا

ريان منتظر الرد

محمد بأسى: خالتكم نادية مريضة بمرض خبيث وعتبدا غدوة العلاج حاكيت امكم وانتوا داريين كيف علاقتهن قوية

داليا تصنمت: ماهو

ريان: داليا اهدئي

داليا دخلت غرفتها: أسبوع وهي مريضة اسبوع وانا اجرحها، اسبوع وهي بحاجتي

ريان: داليا

بكت: سرحني عندها خليني اوقف معاها

ريان: حاضر اسرحكن ، بس خليش قوية

داليا: تمام..
.
.

بيت عبدالله:
فتحت شعرها تاملت شكلها، نحيفة جدا ،قصيرة على غير أختها ربطت شعرها لبست حجابها وخرجت: هيثمه

لفت لها: ماهو

أبتسمت: من به؟

هيثم: خالتي ذكرى"مشى"

نزلت شافتهن سلمت ببرود ،أخرجت هاتفها وبتقلبه بتملل

داليا بتتأمل كفها: بمه وجعتي يدش

هديل: قدش داريه كل ما ضبحت ضربت يدها

أماني ببرود: مابش شي

داليا بدموع: كيف هي خالتي

هديل: قدهي هالكه بكاء وتعب

داليا ربتت على كتفها: عيشفها الله

أماني: انا في غرفتي اذا تشتوا شي داعوني

هديل بدون إهتمام: تمام

آية بفضول: عادكن متصايحات

داليا بغصة: ما اقول لكن إن كل الذي حكيت لكن خطة من غادة بنت جيرانكم

انصدمت

هديل بدهشة: امانه

داليا: والله ومش انا داريه كيف اراضيها

هديل: عترضى اماني طيبة..





















📚 @rewayatyamania  🇾🇪

.

البـارت 23 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


في إحدى الاسواق:
يقود سيارته بتملل تام لا يعلم مالذي يفعله، فتح عينيه: مها ما بتفعل هانا

مها توقفت امام محل الذهب بكت بصمت لثواني وهي ترى ذكرى والدتها الوحيده: مضطرة يمه" دخلت شافت رجل كبير بالسن" لوسمحت يا عم

لفت لها: خير يا بنتي

ابتسمت: اشتي ابي هذا ابسر لي بكم هو

اخذه وكان باسم إبنته ابتسم: ثلاثه جرام بالضبط عيطلع ب96 الف

مها: تمام "أخذت الفلوس ومشت مقهورة "

نبيل دخل: يا عم

الرجل: حياااك

نبيل: اشتي ادرى ما باعت لك البنت

الرجل اخرجه: سلس

نبيل فهم سبب بكائها ابتسم: شاشتريه بكم ماهو

الرجل حك راسها: بس

نبيل برجاء: انا فدالك لا رديتني شاشتريه بكم ماهو

تنهد: والله دام جيت بنفس اليوم شابيعه لك بنفس السعر

ضحك بفرحة: اسلم انا فدالك "اشتراه وخرج بفرحة عكس مها "
.
.

بعد المغرب:
بيت صالح:
دخل حامد وبهمس: قربي عشاء علاميد اخرج معي عمل

غاده: حاضر

حامد بيسمع اصوات غطى على مسامعه: ياربب

غاده خرجت بخوف: حامد ابي يا حامد ادخل ابسر لا يفعل بامي حاجه

مشى ناحية غرفتهم فتح الباب صعق من منظرهم، لاحظ إحمرار خد بلقيس تجمعت دموعه ضمها وبقهر: قدك في القرية اخرج لنا ولك

صالح حس على نفسه اخذ غترته ومشى

بلقيس بكت: ابوك فلت العلاج، والا مابش احسن منه إلحقه لايفعل بروحه شي، قوا يابني

حامد خرج

غاده دخلت غرفتها وبكت (انا بين اعيش في جنهم واماني مفتهنة، والله لا اوريها شي ما بسرته عمرها)


امام المسجد استغرب من تواجده: صالح

ابتسم بتعب: حياك كيف انت

عبدالله: بخير مالك؟ تاعب فيك شي

صالح: مابش شي

عبدالله: فلت العلاج يا صالح

تنهد وسكت

عبدالله ربت على كتفه: الله غفور رحيم، سير إعتذر لمرتك ولاتنسى علاجك، وعاد باقي حاجة لو تواصل عليها عتفتهن

صالح شافه بضعف

عبدالله ابتسم: القران يا صالح لا تفلت له

ابتسم: إن شاء الله

حامد شاف ابوه: حياك ياعم

عبدالله: الله يحييك انتبهوا له

حامد امسك بذراعه: ولا يهمك

عبدالله مشى، حامد وابوه رجعوا البيت

صالح دخل غرفته تألم من منظرها تقدم ناحيتها لمح خوفها: بلقيس

بلقيس بكت: لا تحاكينيش، قداحنا بخير وعايشين مابش احسن مننا للمه فلت العلاج

احتضن اكتافها: ولا شافلته غر لا تفلتيني بين ابسر الدنيا ظلمي حين تلفي وجهش

ارتمت بحضنه وبكت: انا بين احنجك بين افتجع عليك

باس راسها: وانا اوعدش ما ازيد افلت للعلاج

حامد تأملهم لثواني وابتسم خرج يكمل عمله

.
.

بيت عبدالله:
"صوت الباب": ادخلي

دخلت وهي ساكته

أماني بدون إنتباه: شاجي ارفع معاكن ذاحين

داليا: اماني

ضحكت بسخرية: اهلا

داليا: ما بتفعلي؟

أماني ببرود: بين افكر بحكى اتحاكى عليش من وراش ،"ضحكت بخفة"بين اخطط

داليا جلست جنبها: ليش ما قلتي لي ان خالتي مريضة

اماني بهدوء:للمه، انتي اديتي لي فرصة احاكيش بشي

داليا: اماني "لفتت لها بجمود تام"اسمعيني

اماني: قد سمعت بما فيه الكفاية

داليا بكت: آسفة والله ان انا بين احس قلبي عيتوقف ذاحين

اماني نزلت دموعها: لا تبكيش

داليا بتتنهد: ادي لي فرصة

اماني جثت على ركبيتها: عايرتيني باهلي يا داليا ذليتني وخليتيني اندم ان انا حكيت لش،

جلست امامها: اماني، والله ما ازيد ولا شاعيدها، انا تحاكيت من وجع قلبي

ضحكت بألم: وجع قلبش! "فتحت الشاش" ابسري وجع قلبش ما فعل بي، حين كنت احاكيش واوثق فيش فلت تيه الطبيعة انتي داريه ليش؟ لاني بسرت فيش الاخت الذي انحرمت من حنانها، بس انت كسرتي قلبي وحين ما لقيت من افضفض له كانت الحجر اقرب لي منكم كلكم

بكت من منظر كفها اصبح ممزق تمام بلعت ريقها: كنت استاهل علاميد تفعلي بروحش كذيه؟!

ابتسمت بدموع: تستاهلي؟ كنتي رووحي يا داليا رووحي ،انتي داريه ماهو

ابتسمت بدموع: ماهو

اماني بألم وبسخرية: باقي مكان زغير في قلبي لشخص واحد بس إذا كسره شاموت

داليا سكتت رغم دموعها

اماني اكملت: وإن شاء الله اموت وافتهن منكم كلكم

داليا مسحت دموعها: اماني

مسحت دموعها: أنا روحي تحبش وروحي تغفر زلات الصديق"ضمتها بقوة "احبششش

داليا فرحت: وانا والله
.
.

بيت بسام:
سلمى: غدوة عيجوا قدو اكيد

شهد: انا معي محاضرة للساعة 11 شتصل ليوسف يروحني تمام

سلمى: تمام

شهد لفتت لبسام: وانت يابسامي لو تبسر ماوقع بالجامعة

خفق قلبه: ماوقع

شهد بهدوء: واحدة من خبيراتي مابش معاها زلط ابوها تيه الفترة بحاله لا يعلم بها الا الله اشتيك تدي كم ما استطعت

بسام أبتسم من أعماقه: انا فدالش يا بنتي، انا اخلي امش تدي لش زلط

باست جبينه: احبك يا احلى اب في الدنيا كلها

بسام لمعت عيونه بحب: ما يغلى عليش شي يا قلب ابوش

شهد ابتسمت ودخلت غرفتها

سلمى: الله يحفظك ،حالي انك تعاونها بفعل الخير، لكن...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 24 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


سلمى: الله يحفظك ،حالي انك تعاونها بفعل الخير، لكن به حاجات بتزيد لها الدلع

بسام: دام وعادهي في ذمتي تتدلع لها كيفما تشتي

سلمى: الله يهديك
.
.

بغرفة يوسف :
جمع ملابسه ،أخرج السلسال من جيبه تنهد بخيبة أمل وارجعه مكانه

ماجد: يوسفي

أبتسم: خيرر ماقد به معك

أبتسم لابتسامته: ولاشي غر جيت نتجابر دامك عتودعنا هذه الفترة

يوسف ببرود: مابش فرق هو الا اسبوع امد تجهز الشقة وتأثثوه وارجع

ماجد: اسمعني شاحاكيك بس لا تتشنج يا منعاه

عقد حواجبه: مابه

ماجد: ابي اليوم بيسأل امي على بنات خبيراتها شكله يشتي يطرحك في الامر الواقع

تطاير الشر من عيونه: انا يشتي يزوجني

ماجد بتهديء للوضع: يمكن بس لا تصيح عيرتفع لابي الضغط

يوسف دار بباله حوارها (ابسر اول اذا عتقدر تتقبل نفسك يا ##)حس بضياغ وغضب شديد أخذ شنطته وخرج وبصوت عالي: اباه

فز بخوف: مابه مالك

يوسف بتهديد: اذا قصدك تخطب لي وتطرحني بالامر الواقع فهذا شي بعيد

بسام بصوت عالي: قسما بالله لو ازيد ابسرك بترفع صوتك لاكسر رأسك وماكنت اشتي اخطب لك، وبعدا معك هذا الشهر اذا ما اديت لي قرار شتصرف

يوسف: لا تغصبني على شي عتلقى ضرره انت يااباه

بسام لفت لـ سلمى: ابسرتي اخرة الدلع حقش بيرفع صوته ويقلل من إحترامي

يوسف: انا خارجي اذا تشتوا شي اتصلتوا لي

سلمى: اهدأ  ياابني مالك

يوسف باس جبينها: انا في بيتي اذا انتي بحاجة شي حكيتي لي "خرج"

بسام بضيق: اسكه قولي لي ماحصل لوما تعقد كذيه

سلمى بحزن: لا تضغطش عليه

بسام بحزم: سعما تزوج هاجر باختياره عاد ازوجه باختياري

سلمى بقلق: ما عتنظلم الا البنت

بسام لفت لها: ما عيقع شي
.
.

بيت عبدالله:
فتحت الشاش بعد أن أخرجت علبة الاسعافات الاولية أخذت قطعة من القطن غمستها بين المطهر "صوت الباب": ادخل

فارس بحب: داااا!

ضحكت بلطافة: ياسعم ان انا جاهلة بتناغيني

عبث بشعرها: انتي جاهلة في عيني كم ما كبرتي"ضحك بحب"عادش تذكري حين كنتي تجلسي عندي واصل واحيانا ترقدي معي

أماني بحب: ايوة

جلس جنبها: خليني وانا انظفه لش

أماني: تمام"شافته بدا ينظفه وبتساؤل "عم فارس

ضحك: مادام فيها عم به حاجة تشتي تحاكيني

أماني  بتساؤل: للمه ابي وعمي خالد واخواته مش هم سعما الناس متصالحين تحسهم متصايحين

فارس: مدري حين ماتت امش كان عمري 10 سنين، بعد شهرين اذكر انهم تصايحوا علاميد الشركه وكذا وكلا رحله بحاله

أماني: هاا، قد انا مستغربة، بس كيف لوما يوسف بتسايره

فارس تنهد: من بعد ما صيح ابوش ذيك اليوم ، قلت له ماعاد عيربطني به شي وهو مشو داري ان انا بين اسايره اوبهي تودفي بي

أماني ابتسمت: انت سايره وماعليك من ابي دايما الصحبة تجي اقوى من اي احد الاخ او اي احد ثاني محد عيستر يفرقكم

عبدالله سمع جملتها حس بشعور شنيع ،مشى بكل غضب ..
.
.

صباح جديد:
في الجامعة:
مشت بتملل لم تاتي صديقتها او حتى مها الجديدة عليها، حست على قدميها التي جرتها لمكان شبه فاضي ضحكت: ياربي ما اداني هانا" لفت انتباهها صوت شخص مألوف مشت بخطوات بطيئة همست"فهد مابيفعل هانا

فهد بهدوء: قمر قد انا بين ادور شقة لي ولش شاجي اول ما القاها تمام

قمر بخوف: بس لو يدرى عمي عيقتلنا

فهد: ما عيدرى بشي

قمر: فهد انا فدالك عنصبر

فهد بقهر: ما شاصبر يكفي من حين ماتوا ابي وامي واحنا صابرين

قمر ببحة: قدك اخبر افعل مشتيت

شهد بتتامله تجمعت دموعها ، لفت تمشي تعثرت وتساقطت ملازمها

فهد اغلق ولفت رأى بنت بتجمع ملازمها صعق: شهد؟

شهد لفت له

فهد بشك: بتتسمعيني

شهد بدموع: ماشي والله سمعتك بالغلط

فهد: حصل خير

شهد لفت تمشي تذكرت شي بلعت ريقها: فهد

استنكر: ماهو

شهد بتلبك: سمعتك وانت بتحاكي اختك تشتي شقة به في حارتنا عماره اذا تشتي شقة يعني

فهد أبتسم: في أي شارع او حاره

شهد: في ال...

توسعت إبتسامته: إسلمي

شهد مشت

فهد ضحك بشعور عجيب
.
.

في مكان آخر:
نبيل منتظر لمها وفعلا جاءت: صباح الخير

مها بعيون ذابلة: صباح النور

نبيل: مالش

مها ببحة: ولاشي

نبيل: اي حين عتسيري تطرحي الزلط

مها أبتسمت: بعد ما اخرج من الجامعة

نبيل: انا شاجي معش

مها بدموع: مع لو يقع فيك شي ما شاسامح نفسي

نبيل ببحه: ...
























📚 @rewayatyamania  🇾🇪

.

البـارت 25 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


نبيل: انا شاجي معش

مها بدموع: مع لو يقع فيك شي ما شاسامح نفسي

نبيل ببحه: وانتي لو يأذيش قصدش شاسامح نفسي،

مها بخوف: انا فدالك يا نبيل

قاطعها بابتسامة وبصوت يملأه الحنان: انا شاجي معش امد نبسر من هو بس ماعنفعل شي ، غير انتي وانا بس

مها أبتسمت ومسحت دموعها: للمه واثق فيني لهذه الدرجة

نبيل ضحك بخفة: لانو انا اسير بالطريق الذي يتفق معه قلبي وبعدا حتى لو غلطتي الله غفور رحيم

تنهدت باحساس غريب: اول مره ابسر احد بيفكر كذيه

نبيل بهدوء: انا شاخطى ذاحين

مها تذكرت: كيف هي عمتك

نبيل بألم: عتبدا علاج الكيماوي اليوم

مها: الله يشفيها

نبيل: امين..
.
.

بيت خالد:
عمار تنهد باحساس غريب إحساس وجود خبر سيئ، طرق الباب: ادخل

خلود: ادخل

عمار: مابتفعلي هانا وحدش

خلود: مابلا ما بتفعل انت هانا معك جامعة

عمار ضحك: مابش محاضرات اليوم "لمح الضيق " مالش ضابحه من أمس

خلود وهي تعلم مدى حبه لهديل: أنت بتحب هديل؟

أستنكر سؤالها: ايوة للمه السؤال

خلود بحزن: مابلا خاله ناديه فيها مرض خبيث واليوم بدات العلاج

ضحك بصدمة: بتمزحي مه!

خلود: احد يمزح بتيه الامور

عمار بقلب مكسور (كان مفروض تفقدي أمش بنفس مرض أمي يا هديل ) صحى على صوتها

خلود: عم فين سرت

عمار: معش معش انا ضروري اخرج ذاحين

خلود: فين عتسير ييي

عمار خرج بدون اي رد، وقف أمام بيتها ونظره على نافذتها أخذ حصى صغيرة ورجمها، ما لقى اي رد عاد الكره
.
.

بغرفة هديل :
مسحت دموعها بخوف (من بيراجم) فتحت الستارة على الخفيف فتحت عيونها بصدمه: عمار! "لفت لآيه "جي أبسري من بيراجم

آية بدهشة: عمار! والله لو يبسره احد لا يقلتوش يا مجنونه

ارتعشت بخوف: يووه ماافعل ذاحين

آية: مدري

هديل أبتسمت وهي بتتأمله: عمار،قد رحله

آيه زفرت براحة: له الحمد والا ان احنا بنقرا عليش الفاتحة لو بسره احد

هديل: تقولي للمه فعل كذية

هزت أكتافها: مدري..
.
.

بيت بسام:
كملت ترتب غرفة هاجر الموقتة: لا خلق ولا أخلاق وعادهي بتتشرط تشتي غرفة لحالها يخخخ، استغفر الله العظيم

سلمى: مالش بتحطمي لوحدش ذاحين سع صياد

شهد: ولا شي غر بين اغني

سلمى بعجلة: هيا شرق، نسير نتم باقي العمل قدهم عيوصلوا

شهد بهدوء: مشو غلط تجي هاجر بيتنا بعد طلاقها

سلمى: فين عيسروا

شهد: مدري بيت جدي

سلمى تنهدت: هند اختي واعرفها مسكينة، ونسوان أخوتي عيتعبنها، وانتي هو الا أسبوع ما عيضر ويوسف قدو في بيته

شهد بحب: حرام مابين أحب الا خالتي وسندس، ما هاجر "أشرت على حلقها "ما بنتزل من حلقي

ضحكت: تمام لاحد يسمعش

شهد: هيا نقطب بس ماعلينا منها
.
.

الظهر:
منتظر بنفس مكانه، شاف خروجها من المدرسة وكيف جرت أقدامها لناحيته: حسام

لفت: أماني

ضحكت بحب: قلب اماني "تلاشت إبتسامتها وهي ترى علب المناديل "بتبيع

حسام: من عيشقى علينا

أماني تجمعت دموعها: تبطل وانا شاصرف عليكم لوما تتصلح المكينه

حسام بقهر: يكفي بتصرفي علينا "أبعد كفيها "

أبتسمت: خلاص اشتغل وكل شي عيصلح باذن الله، انا شارحلي

حسام حس انه أذاها ضمها: احبش

ضحكت بدموع: وانا والكل احبك

حسام شاف دخولها السيارة ،رمى علب المنديل ومشى

يوسف أبتسم ولحقه بهدوء، شاف جلوسه على عتبت بابه: ياولد

حسام رفع رأسه: ماهو

جلس جنبه: مالك ضابح

حسام بطفوله تجمعت دموعه: مابش شي

يوسف: احكي لي

حسام شافه وقف: ولاشي

يوسف: اعتبرني اخوك

أرتمئ بحضنه بكى بصوت عالي وطفولته ضائعه لما الدنيا قاسية عليه؟

يوسف بلع ريقه ما توقع ردة فعله أحتواه: مالك

حسام بقهر ودموع: أبي مات وانا صغير معي اخت بتصرف علينا ، واشترينا مكينة خياطة وقد كنا مالنا شي وذاحين خربت وانا بين أشقى على امي بين احس بذل

أحتضن وجهه الصغير رغم حديثه الكبير: الله معانا هو بيختبرك

حسام: حتى اختي بتقول كذيه "مسح دموعه"الله معك

يوسف: الله معك "شاف اختفائه، بدا يلحقه بدون ما يحس "..
.
.

بمكان آخر:
نبيل: ذيه المكان مه

مها: نبيل اسكه ارجع بين افتجع لا يبسرني ويقع بك حاجة

نبيل ابتسم: تمام اخطى ذاحين قبل ما يجي

مها وضعت الفلوس بالمكان المحدد تخبت مع نبيل


مرت دقائق طويلة شافوا شاب ملثم واضحه ملامح الفقر في ملابسه أخذ الكيس وضحك بخفة: قريب واوصل لش يا بنت علي خليني افقرش بس"ركب اول تاكسي ومشى"

مها بكت بصمت

نبيل عقد حواجبه: يعرف ابوش"فتح عيونه بصدمه "بتبكي!

مها ببحة: ماكفاش الذي بيفعله فيني، يعلم الله ما عيفعل بابي دام وهو ذكره

نبيل ابتسم وبحنية: ما عيفعل حاجة! اهم شي انتي تحاكيني اذا بيقل لش شي تمام

مها: تمام "وقفت"الله معك

نبيل: الله معش


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 26 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


بيت عبدالله:

شافت هديل: وين عتسيري

هديل: أسير المستشفى

أماني برجاء: راعي لي اجي ابسرها وارجع ما شاجلس

عبدالله سمعها: مابش سرحه

أماني: انا فدالك يابه

عبدالله اشر لهديل: سبقي للسيارة

هديل: حاضر

اماني اقتربت وبدموع: نفذ لي طلب لمرة

عبدالله بهمس: كان عتتغير معاملتي لش الا حين سمعتش امس وانتي بتحرضي عمش على انو ما يخطى بعد حكاي، بتسيري اي مكان تتبكبكي لهم وتحضريهم وتوقعي مظلومة وانا الاب القاسي، خليني اذوقش القسوة الصدق

كابرت دموعها: تمام بس لا تحرمني من امي

امسك ذراعها وادخلها غرفتها: ارتزعي هانا يا بنت ياسمين"خرج"

أجهشت بالبكاء وقفت بضيق وببكاء هستيري أخذت المقص وفتحت شعرها الذي يصل لنهاية خصرها وقصته تناثرت خصلاتها وهي تشعر به يلامس عنقها جثت على ركبيتها غطت وجهها بكفيها: انا اكره نفسي اكرههااااا

فارس سمع بكائها دخل بخوف: مالش ليش بتبكي "صعق وهو يرى شعرها ، أحتضن أكتافها"امانيي ييييي ما وقع

أماني بصوت متقطع وبانفاس ضئيلة: مـشـ..ـتيش أعـ ..ـيش، ابـ..ي بيكـ..ـرهني

فارس رأى صعوبة تنفسها قام وبيدور للادراج: اين طررحتي العلاج حقش

اماني بصعوبة: اشتي امووت

فارس بصياح: اسكتي  للجنان، "لقاه جلس وبيشربها " اماننني ياروووححي، اممماني"مسح دموعها بكفه وببحه ودموع متجمعة" لو تموتي كيف شاعيش هاا حاكيني

أرتخت على صدره وبألم: عتعيش محد يموت بعد احد

زفر بضيق: لاتكونش تتحاكي هكذا

أماني بدموع: حرام ماعاد اشتي اعيش، انا بين افتجع من الله والا ان انا قتلت نفسي زمان

رفعها: ناهي ، قسما بالله لا اندع لش ملطام يصحيش انا بين احنجش ومااشتيش شي يأذيش

أماني ضمته: انا فدالك

فارس ضمها وابتعد: خارج شوية واجي

اماني رفعت شافت شعرها وقصته اللي ما زادتها الا جمالا بكت: كنتي تمنعيني اقص شعري لانو بيعجبش بس محد منعني يمه

.
.

بيت بسام:

بغرفة شهد :
زفرت بضيق(يخخخ مقصدها فارحه اسلم عليها هو من باب الاحترام)

سندس: كم انا فارحة يا بنت خالتي ان احنا عنجلس جمعه ذيه الاسبوع

شهد: وانا والله

سندس: وريني رسوماتش قوا

شهد: تمام "اخرجتهن " ابسري تيه لوما نزلنا عندكم رسمتها من التلفون

سندس قاطعتها: اماني، رسمتي أماني

شهد ضحكت: بتعجبني الصدق

سندس بتتأملها: لي منها خيراتتت ،لو تبسري ما نفسي

شهد: ماهو

سندس: تخطبوها ليوسف

صعقت: يي لا احد يسمعش يقلتنا، ابي وابوها بمشاكل وبعدين حتى فارق العمر هو 28 وهي 17 ،وحتى الطباع هو نار الله وهي ثلج عيحرقها وتجلطه

ضحكت: تمام دلا عليا

هاجر بتسمعهن حست بقهر (اماني اماني فين ما سرت ما ادري من غاده الذي بتدور لاماني مشاكل والا من اختي الذي بتحرضهم يزوجوه والله لا اخلي عيشتها جحيم لو تفكر تتزوجه): بناتت

شهد: تشتي شي يارووحي

هاجر لوت ثغرها: اسلمي، غر جاوبين مدري ما يشتين منكن

سندس: عنجي ذاحين..

.
.

بيت يوسف :
ضغط على رأسه بقوة: لا تفكرش بها لا تفكرششش، انت تكرهههها يا يوسف"صوت الهاتف"الوو

هاجر: حبيبي فينك ما بسرتك

ضحك بسخرية: ما عتبسريني لوما تموتي

هاجر: خلنا نبدا من جديد

احمرت عيناه بقهر: مابش لنا بداية يا بنت الاصول ، مااشتيش ازيد ابسر رقمش

هاجر بنفس القهر: اذا ما كنت لي ما عتكون لغيري واي واحده تفكر بقربك شاحرقك واحرقها

يوسف باستفزاز: الذي شاشلها شاحميها منش وما عتقدريش تأذيها

هاجر: عنبسر

يوسف اغلق (الله يلعنش)

.
.

بيت علي:
تبكي بصمت تام، وتفكيرها متمحور حول ذلك المجهول ومن الذي، ضحى بصورها؟ أيعقل أن تكون إحدى صديقاتها؟ هي لا تمتلك سوى روان صديقة الطفولة؟

بردت أطرافها من شدة البرد كيف لا وهي بين زخات المطر لساعات طويلة،..قاطع تفكيرها دخول رجل كبير بالسن قد غطى الشيب معظم ملامحه استنكر تواجد إبنته وحيدته: مهااا

أبتسمت وهي تضمه: حيا بابي وروحي

ضحك: خضرتيني! "شاف إحمرار ملامحها" قد انتي محمره من البرد يا مجنونه

أبتسمت: ذاحين ندخل ونسبر احسن قلص شاهي بالعالم

ضحك: على الله لا تفعلي ملح من كثرة الحماس

مها بغرور: احم احم، لا تشك بقدراتي يا ابو مها

ابتسم: هيا اخطي يا بنت ابوش نبسر ما عتفعلي

مها مشت معه بتتامله لثواني دعت الله انه مايكسره


مرت ربع ساعة
مها: واحسن شاهي لابو مها

علي أبتسم: يا قلب ابوش، كيف الجامعه معش ناقصش شي

مها: تسلم الله يحفظك مابش شي ناقص غر متعبه

علي: سهل ياروحي عتتعبي بس عنتسي التعب حين تقعي اكبر دكتورة

ضحكت لحلم والدها: ان شاء الله وانت معي ياربب

علي: يارب






















📚 @rewayatyamania  🇾🇪

.

البـارت 27 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


بيت صالح:
ممتدة على فراشها تذكرت إستهتار أماني وكيف أصبحت نظرة البنات لها همست (أنتي عايشة بجنة وانا بجحيم والله لافعل لش مصيبة لوما تنتهي) متناسيه ان للبيوت أسرار فتحت هاتفها (هاجر مازد فكرتي يا منعاه) (قد بهذلت فيني بين كل البنات)

هاجر بهدوء (تمام شابسر خطة، وانتي اتحمليها تيه الفترة)

غاده بغيظ (تمام بس بس لا تنسي )

هاجر (الله معش)

غاده (الله معش)

.
.


الليل بيت عامر:
فهد بهمس: غدوه شاسير انا وياش نبسر الشقة

قمر: بس لو يسالوك كيف دريت ما عتقل، اختك قالت لي؟

فهد ابتسم: مع عيقتلوها! بسيطه دورت ولقيت

قمر بتفكير: كيف لوما قالت لك اكيد ان هي داريه بصحبتك مع اخوها

فهد بتفكير: مدري هي داريه او مع ما علينا كثر الله خيرها

قمر: والله لو يدرى عمي لا يندع لنا قتله ابو مليون

فهد: ما يلمسش وانا هانا

ضمته: حبيب قلبي انت

ضحك وضمها

.
.

بيت عبدالله:
في الصالة:
ضامه ركبتيها وعيناها للفراغ آيه دمعت من منظرها: أماني

لفت بهدوء: ماهو

آيه: جي اكلي لش حاجه

أماني باستنكار: من أي حين المعاملة تيه؟

آيه بنفور من ردة فعلها: إحمدي الله جيت وانا راحمه لش محد بيقل لش حتى كيف انتي عادش عتزنطي ذاحين!

أماني بجمود وببرود: انا مشتيش شفقتش يارووحي، وبعدا منو قلش ان انا اشتي احد يجلس جنبي لا انتي ولا حتى أبي اشتيه معي، كما بتعاملوني على اساس ان انا نكره خلوكم كذيه

آيه بكره لتصرفها: الله يلعنه الذي يرحمش "ركزت على شعرها " كودا عمتي مرضت سرتي تقصيه، هذا دليل انش بتكرهيها

أماني باستفزاز: حالي مه! انتي مالش دخل، كما صبرت لش خيرات قلت بنت عمي واكبر مني مش انتي حق إحترام، اماني الساكتة ماتت تعبت احترمكن مش انتين حق احترام

هديل سمعتها: امانننننننني

أماني بضيق: ماهو

هديل شافت دخول أبوها (والله لا اوريش الاحترام): كلنا دارينن انش بتكرهي أبي وان كل الذي بتفعليه تمثيل ومش احنا ناقصات شي علاميد تحترمينا

ضحكت بسخرية: الحمدلله انكم داريين وشاقول لش ياروحي من ذاحين الاب الذي بتتحاكي عليه بيتهمني بشي ما فعلته ان كان بقدره يقبر نسوانه كلهن انا ماادخلش بذيه " أغمضت عينيها من شدة الدوار ، حست بلهب يخترق خدها، بكت عندما أستوعبت انها تلقت صفعه من عزيزها "

عبدالله بغضب وهو يشدها ناحيته: انا قبار النسوان يا اماني

هي غلطت لا تنكر لكن لما عليها تحمل كل هذا: أنا آسفه

عبدالله بقهر: على مه أسفه هااا

أماني ببحة ودموع: على لساني الذي تحاكى وما قدرش يصبر ويخطيها مثل كل مره

بلع ريقه بغضب: قسما بالله لو ازيد اسمعش او ازيد ابسرش مثل اليوم لا اقتلش

اماني بابتسامة ومليئةباالدموع: اقتلني يابه اقتلني انا تعبت قوي والله ان انا تعبت

دفعها بدون اي رحمة: انقلعي من قبالي لا

قاطعته وهي تمشي بعجلة وقفت امام هديل وبهمس والم: الله يجعلش تذوقي عذاب الضمير يا اختي؟"قاومت رغبتها بالبكاء وصعدت الدرج، اصتدمت بشي عريض لين "أنا أسفه ما بسرتك

احمد تنهد بعمق: اماني

تعدته خطوة حست بكفه يمسكها: فلتني يا احمد

احمد بحنية: مالش احكي لي

اماني بسخرية: يهمكم مه؟

احمد بألم: اماني والله بين اقتهر عليش وكم يامرات نصحت عمي

زادت رغبتها بالبكاء: انا الدنيا كلها بتزعليني ما فرقتش

اقترب خطوة وبهمس: تزعلش الدنيا وانا ارضيش يا اماني "اخرج شكولاه "يقولوا الشكولاته تدي السعادة جربي ما عيضرش

أبتسمت بدموع: اسلم يا احمد اخي "ابتعدت بعد ما اخذت الشكولاه ودخلت غرفتها"

احمد ابتسم (والله لو تدري كم بين احنجش ومااشتيش ابسر دموعش اح بس )


نبيل نزل من غرفته: مالك مطنن

احمد: ولاشي بين ابسر عمي كيف بيعامل اماني وكيف بيعامل هديل واقتهر

نبيل: ما نفعل؟ قد تحاكينا لوما تعبنا

احمد سكت ..

.
.

في المستشفئ:
بلعت ريقها والالم ينخر عظمها يحاول تفتيت عضلاتها يسلب منها قوتها، دعت من جوفها ان ياخذها الله اليه هي لا تود الاحتمال هي تود الموت واللحاق بوالدتها الميته منذ سنين، حست بدخول أحد ما، تبسمت وهي ترى لوحة كبيرة هي تعرف رسم من هي وخط من هي ضحكت بخفة وبسعادة وكانها توثق أخر لحظاتها معاهم تاملت العبارة جيدا (لا تنطفئي فانكي نور أعيننا)

تجمعت دموعها وهي ترى ابنتيها ضمتهن بعمق احساس الرحيل المتواجد في اعماقها: انا فدالكن صدق

اماني بدموع: وجعوش ؟

نادية: حتى لو وجعت وتألمت سهل ما عيضيع الله تعبي علاميد اعيش معاكم

اماني بحب وببحه: بين ادعي الله دائما يخليش لنا

هديل بهدوء وبهمس: يله اخطي المدرسة لا يجي ابي يبسرش ويصيح

اماني قبلت جبين ناديه: الله معش يمه

ناديه: الله معش

اماني خرجت ضمت فارس: انا فدالك

فارس: انا وعدتش ومش انا اللي اخلف بوعدي معش

ابتسمت: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 28 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


اماني خرجت ضمت فارس: انا فدالك

فارس: انا وعدتش ومش انا اللي اخلف بوعدي معش

ابتسمت: الله لا يحرمني منكك

ضحك: ولا منش يا ربحة بيتنا

ضحكت بسعاده ..

.
.

في الجامعة:
منتظرة امام البوفية، أخذت عصيرها تفاجأت من الشاب الذي قطع طريقها: يا قمر يا حاليه

مها تجاهلته وحاولت تمشي

عاصم (تذكروه)أبتسم: الله على غمازة معش، صاروخ صاروخ

لفتت له بحده وغضب: إحترم نفسك وقح، قسما لوما تبعد لا اشتكي بك

عاصم ضحك: تمام شابعد بس اشتي الرقم يا رووحي

تطاير الشرار من عيونها: الله يلعنك لو انت رجال

نبيل شافها حس بحريق داخل قلبه ركض باقصى ما لديه دفعه بقوة دون معرفته: ما تشتي منها يا نذل "التجم لسانه بصدمه" عاصم

بلع ريقه: نبيل

زاد الحريق الذي بداخله، لكمه باقوى ما لديه: الله يلعنك الله يلعنك

عاصم استسلم له وللكماته

ماجد وفهد شافوهم وبدأوا يفرقوهم

نبيل بصياح وبقهر وحرقة: ماكنت اتوقعها منك يا نذل

عاصم بقهر: تمام يا كامل الاوصاف يا مسترجل بتمثل قبالها مه بتعرض عضلاتك

نبيل بقهر: ما بين اعرض يا وقح، بين ادبك وادب امثالك يا قليل المرجلة، انت معاك خوات

عاصم بنفس القهر: انت مديت يدك وانا احترمتك واحترمت الصحبة

نبيل بغضب: لا تحترمينيش وانت مضيع نفسك

فهد بهدوء: بس انت وهو جمعتوا الناس علينا

نبيل مشي بقهر

عاصم بيمسح الدم

ماجد بيأس: اول مره نبسرك تفعل كذيه

فهد: كله من الصحبة اللي بيسايرها ياسعم مش انت داري، على قدر غلط نبيل الا ان فعلتك تدي للواحد الخزا، "وضع كفه على كتف عاصم "مع الاسف انك خسرت نبيل يا عاصم

عاصم بلع ريقه حس بندم

ماجد تأفف: ناقص لكم انتوا

.
.

في مكان اعتدنا عليه:
تالمت وهي تراه يمسح الدم من كفه همست وهي تفتح قارورة الماء: هات يدك

رفع نظره وشافها وسرعان ما لف للجهة الثانية: ما اداش هانا

مها بعفوية: حسيت انك هانا، نبيل

لفت لها: مالش

تنهدت: آسفه كل هذا بسببي

نبيل ابتسم: كل هذا علاميد يتأدب ما يحاكيش بنات الناس لانو عيبدا كذيه ويرجع يفعل شي اكبر من ذيه وانا بين افتجع على صاحبي

مها أبتسمت بحب: كم بتكبر بنظري

نبيل تنهد: اهم شي، عادو بيراسلش بيطلب منش زلط

هزت رأسها بلا وببحه: ماشي

نبيل بهدوء: مالش

مها بغصة: اخس شي حين تفقد ذكرياتك مع آدمي مات، تخيل ان انا بعت سلسلي الذي أدته لي امي

نبيل كان ناوي يكلمها تراجع: مهاا

مسحت دموعها المتمرده: لا تهمش

نبيل بشعور غريب: انا جنبش ولا شافلت لش ابدا، اي شي تحتاجيه اتصلي لي

مها رفعت نظرها: هاا

نبيل بلع ريقه: لا تفهمينيش غلط

مها أبتسمت: اسلم الله يحفظكك، والله مابيخليني ارتاح الا انت "وقفت " انا شاخطى الله معك

نبيل: الله معش"شاف إختفائها وتنهد وبداخله (ليش بين احس ان انا بين املك الدنيا كلها حين تضحك وليش بتوجعني دقة قلبي حين تبكي) "

.
.

في المدرسة:
تجر أقدامها تمشي وسط الساحة، تعبت كثيرا، كثيرا تخلخل لمسامعها همسات البنات وقذفهن المباشر ، تأففت بضيق وهي ترى غاده التي تراها عدوتها اللدوده، لم؟ هي لا تعلم وبصوت عالي على غير العادة: ما تشتي تتحاكي؟ ما بتحاكيهن هاااااا!

غاده: اسمعين يابنات"ابتسمت باستفزاز"اماني الذي قدامكن بتخرج وتراسسل وتصاحب عيال

أماني ضحكت ببرود: السارق احد يستر يصدقه! "احتدت ملامحها "والله وبالله وتالله لو ازيد أسمع واحده منكن تتحاكى عليا لا اقص لسانها أنا أماني عبدالله ال... واذا قلت كلمه أنفذها

داليا وعلياء مصدومات من شكل أماني

البنات بخوف: تمام

اماني بنفس الحده والغضب: وانتي يا سارقة يا قاذفة الناس بدون شي احترمي نفسش لا تخليني افضحش هانا زيادة عن اللزوم

غاده بدموع متجمعه: والله لا تندمي وانتي عتبسري

اماني ضحكت بسخرية وباستفزاز وهي ترى دموعها: فوق ما انتي سارقه وكذابه ضعيفة شخصية بتبكي وما تستر تفعل شي لكن لاهانا وبس تحملتش قوي،"وبهمس" وباين من الذي بيراسل احمد ابن عمي، ولولا الله ثم ان انا حظرت رقمش انش افتضحتي عند الكل واحمد الذي كان عيبسر اخوش بنظرة شوعة حكيت له انو حامد مشو داري باغلاطش  "مشت"

غاده ضربت الارض بقدمها: والله لا اخليش تتمني الموت

علياء: يووه بسرتي كيف بتتقارح اماني

داليا بألم: ما تدرى تتحمل البيت ومرض امها او خبر تيه الجنيه

علياء بشفقه: الله يعينها
.
.

العصر:

بيت بسام:
سارحة بهمها لايوجد احد سواها سمعت صوت ماجد يرحب وييسهل عقدت حواجبها وبدات تسترق النظر من نافذتها صعقت: يووه يمه فهد "ضربت خدها "شلوني وانا حمله حمله احاكيه نسيت انهم اصحاب يعني كان داري ان انا اخت صاحبه شلووني لاعاد يرجع يحاكيه ياجناه والودافه

ماجد: يي يا بنيه

شهقت بخوف























📚 @rewayatyamania  🇾🇪

.

البـارت 29 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


ماجد: يي يا بنيه

شهقت بخوف

استغرب: مالش

شهد: ولاشي نكزتني

ماجد: صاحبي جاء ومعه اخته عتدخل هانا اهتمي بها وادي لنا شاهي

شهد: حاضر

ماجد خرج ابتسم: النسوان من هانا يدخلين

فهد: ادخلي من هانا

قمر: تمام


بعد مرور دقايق
شهد: حيا الله ما قلتي لي مااسمش

قمر بحياء: قمر

شهد ضحكت: قمر واسمها قمر

أحمرت خدودها: اسلمي

شهد: وانا اسمي شهد

قمر: قد قال لي فهد وهو انتي الذي دليتيه على الشقه الذي هانا

شهد دق قلبها بخوف: هاا

قمر: سعليش مشو عيتحاكا بس لو تبسري كيف هو متجمل منش

شهد ابتسمت براحه: الله يحفظه لش
وبداين يتعارفين اكثر


في عمارة قرب بيتهم اتفقوا على السعر وقدموا ايجار شهرين مقدم

فهد: قد اشتريت الاثاث وكملت

ماجد: بحاجة زلط

فهد: والله ان معي لوشي لا احاكيك

ماجد: اهم شي اي شي تحتاجه انا في الخدمه

فهد ضمه: الله لا فرقنا امانه انك صاحب معروف وعشرة

ابتسم: الصديق وقت الضيق..
.
.

في المستشفى:
هديل بدموع: امااه

ناديه بنوم عميق

عبدالله: شكلها رقدت خليها تنوم عادهي تاعبه

هديل ضمت أبوها وبكت: مااشتيش امي تموت

دمع وببحة حنية: من قال لش ان هي عتموت، باذن الله ما يقع شي

هديل تذكرت حديث والدتها: انت داري ما قالت لي

عبدالله بيتاملها: ما قالت

هديل بكت: قالت اوصيكم باماني "وبألم "للمه دايما حسهم عندها يا ابه للمه ما تقول لي اوبهي لنفسش"وبحقد " انت داري فارس اداني بالصبح وخلاها تجي تبسرها بتعصيكم يابه بتفعل عكس اللي تقوله رغم ان انا حذرتها

عبدالله بداخله (حسابها عندي): سهل هي امها والكل

هديل بضيق: تمام

.
.

بيت عامر :
برزت عروقه أحمرت عيناه بعصبية: فين ساروا ما عيختفوش بتيه السرعه

علياء بدموع: اهدأ يابه

عامر بحده: انا؟ يهربوا مني انا! الذي ربيتهم وكبرتهم ودرستهم

علياء بصراحه وصدق: بس انت أذيتهم"سكتت بسبب نظرته "

عمر بهدوء: اهدأ يابه عنلاقيهم

عامر: خليني احصلهم قسما بالله لا راحت لهم وان ما عيشتهم عيشة سع الجن ما اكون عامر

عمر بلع ريقه بخوف على قمر حبيبته: ادي لكم حل يابه

لفت له

عمر بخوف: انا دايما اقول لك زوجني بقمر لانك عتستر تلوي يد فهد ما عيسترش يشلها بحكم انها في ذمتي

عامر ارتخت ملامحه بتفكير وبعد ثواني: تمام ازوجك ازوجك

نبيلة سمعتهم: والله ما تتزوجه مش انا راضيه

عامر تنرفز: اسكتي انتي مره مثل اسمش ما تتدخليش بهذه الامور

نبيله دخلت غرفتها

علياء شافت خروج ابوها، امسكت يده بغضب: تشتي ترجعها هانا علاميد يعذبها

أبتسم بهدوء: تبسريني اشتي لها العذاب، انا احب قمر وانتي داريه كم مرة انضربت من بدلها وكم مره كنت اجلس قدامها واحضنها علاميد ابي ما يضرها بحاجه هو الا من ذلحين ما بين اعسها لان هي ما تحل لي واشتيها حلالي علاميد احميها

علياء هدات: تمام والله لو ابسرك تاذيها لا تبسر شي غير الشي"دخلت غرفتها

أبتسم: ااذيها من يسخى على روحه

.
.

صباح جديد:

شقة فهد:
قمر: فهدددي

فهد فز بخوف: مابه عمي جاء

قمر استغربت: محد جاء لا تقلقش

حضنها بخوف ودمع: افتجعت او احد جاء وشلش عليا

بكت بحضن أخيها: ليش دايما نتعذب ليش؟

غمض عيونه بارتياح: عتجي الراحه

قمر بتتنهد: لهذه الدرجه بتحبني؟ وتفتجع عليا

تجمعت دموعه: والله ما مصبر لي على الدنيا الا انتي لاني بين ابسر أمي في صورتش وكلامش وحنانش وطيبتش

زاد بكائها من نبرة بكائه وببحه: ليت واحنا متنا معاهم

لم يحتمل سمح لدموعه بالنزول: ماتوا وفلتوا لنا خلونا لحالنا،

غطت وجهها ودخلت بنوبة بكاء

فهد أخذ غترته وبكى بكل نحيب وأنين همس (فلتونا لمن 💔)
.
.

بيت خالد:
حورية بهمس: والله انو في نفسي نسير نبسر فتحية وسامية ونزور بنات نادية

فاطمة دمعت للذكرى الأليمة: مدري ما عيخلوناش خالد اخي

دعاء سمعتهن: للمه، رغم ان احنا جيران بس بين احس ان به مشاكل بينهم ومشي اي مشاكل

حورية: مالش دخل من الماضي

دعاء بضيق: تمام مابين اقل شي غر صدق يقل انهم تقاتلوا

خالد بيسمعهن: يا بناتت

دعاء جرت وضمته: كيف انت

خالد: بخير "وبزعل"سمعتوا ان مرة عبدالله مريضه وهي في المستشفى "تنهد"ما رايكن تسيرين تزورينهم قدو بحق الجورة

فاطمة بكت بفرحة: امانه عتخلينا

خالد: شاخليكن بس لاحد يحاكي بسام عيقلب الدنيا فوق رأسنا

حورية: تمام محد عيدرى

خالد دخل غرفته أخرج صورتها (والله ما نسيتش) تنهد: الله يرحمكم

.
.

في المدرسه :
علياء: بنااتتتت

أماني: خير ما قدبه

علياء بقهر: ...








https://tttttt.me/rewayatyamania/46166













📚 @rewayatyamania  🇾🇪

.

البـارت 30 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


في المدرسه :
علياء: بنااتتتت

أماني: خير ما قدبه

علياء بقهر: انتين داريات ان فهد وقمر هربوا من البيت

اماني بدهشه: كيف هربوا

علياء: مدري اهم شي ذاحين ابي متوعد لهم انو يحرقهم حرق وعمر من كثر ما بيفتجع من ابي على قمر قال له يتزوجها ويا سعم يلوي ذراع فهد

داليا: بس عمر بيحبها ؟

علياء ابتسمت: يموت بحاجه اسمها قمر تخيلين انو زمان حين كانت قمر زغيرة كان يحضنها وينضرب بدالها

داليا وأماني بنفس الوقت: الله والحب

ضحكت: الله يقلعكن على مه ركزتين

أماني تنهدت (ليت وانا كان معي احد مثل عمر): دام وهو بيحبها ما تفتجعيش عليها

داليا: الله ،امانه ان ان انا فارحه لعمر عيتزوج قمر واسمها قمر

ضحكين..
.
.

بيت خالد العصر :
حورية: نفسي يوم نخطى قبل ما توقع أربع

دعاء: هي خلود تدخل تحمم وتحمم الجن معاها

خلود ضحكت: تعوذبي قلعوا عينش

حورية: اخطين نفسي تبطلين مناقرة مثل الكلب والدممم

امل ماتت ضحكة: تمينا قذا جينا"مشين بسبب قرب المسافة وصلين "

خلود وقفت وفتشت: راعين افعلين شوية عطر

دعاء بلقافه: ناهي ردي البرقع لوما يبسرش ويدوخ

فارس خرج من مجلس الرجال سمعهن وتخبى وبيتامل البنت الفاتشه(معقولة هذيه خلود)

خلود ضحكت: انا فدالي ابسري على جمال قولي بتحسدي

دعاء: طسوش

خلود ضحكت وبدلع: انا اغنج وادلع وافعل مشتيش انا خلود

دعاء: الله يشفيش

امل بهدوء: لو انا مكان خالتي لا اطرحكن في البيت واجي وحدي ساعه واحنا عند الباب

خلود: تمام عندخل

فارس بيتاملها باعجاب تام ما زالت ضحكتها ذات النغمة الموسيقية مازالت ذات القلب اللطيف تنهد (مدري لك أمل بها او ماشي)


بنفس البيت:
لبست ثوبها الاسود فتحت شعرها ابتسمت كم هي جميلة وتعيسة هي دائما تسمع بان الله ياخذ شي ويعطي شي تنهدت وخرجت من غرفتها انصدمت بتواجد بيت خالد ..

فاطمة ابتسمت وبتحاول تكون طبيعية: حيا بالحالية كيف انتي

اماني سلمت: تمام الحمدلله"وبحياء "اي حين جيتوا


خلود همست لهديل: كيف انتي

هديل بحزن: الحمدلله

خلود: عتفتهن باذن الله


في المستشفى:
دخل مع أكياسه المليئة بالفروالة، طلبها الوحيد، خفق قلبه بشده وتثاقلت قدميه، من دخول وخروج الممرضات خلق الاضطراب بداخله وقف أمام الباب وبهمس (لا تشلها يارب) رآها وهي ترتفع وتهبط بين كفي جهاز الصدمات وصوت ذلك الجهاز الذي يدل على خروج روحها أرتخت أنامله تناثرت حبات الفراوله وبهمس: ياررب

غطاها الدكتور: سجلي ساعة الوفاه "سكت وهو يرى عبدالله ربت على كتفه "عظم الله اجرك وكل شي بالقسمة والنصيب والرضاء بالقدر

دمع: ما ماتتش

تألم: اذكر الله

عبدالله: الحمدلله على كل حال "ابعد الغطاء تأمل إصفرارها ، انهمرت دموعه"قد انتي بارده قووي يا نادية "توقف عن البكاء" للمه فلتيني للمه اكدتي لي اللي ببالي"مرت دقائق صحى من نوبة بكائه باس جبينها " الله يرحمش
.
.

بيت يوسف:
فارس: مازد فكرت بموضوع زواجك

يوسف: ولاشي غر بين اراعي للشهر يكمل وادي لابي القرار

فارس: سابر"صوت الهاتف"هااا عبدالله

عبدالله ببحه: فينك

فارس بقلق: خارج للمه ما تشتي

عبدالله: سير ادي هديل تبسر امها ماتت

صدم وفز : ما بتتتتقوووول ماهووو ماتتتتت

عبدالله بهدوء: انا لله وإنا إليه راجعون

فارس غلق لغت ليوسف المفجوع: ماتت ناديه ماتت يا يوسف امي اللي ربتني ماتت

ضمه: الحمدلله على كل حال، خلك قوي علاميد بنات اخوك ما يتعبنش

فارس قام وبدون وعي: قال اسرحهن

يوسف: تمام شاسوق انا انت اهدأ

.
.

بيت عبدالله:
هديل: سيري ادي لداة الصلاة وانا افرش السجادات

ايه: تمام"مشت "

"صوت هاتف آيه ": الوو عم فارس

ماركز على الصوت: فين هي هديل

استغربت: عم

قاطعها: قولي لها تتجهز مع اماني عمتش ناديه ماتتت

لفتت على دخول البنات سقط التلفون بكت  بهستيريه وبتردد ماتت ماتتت

أماني تراجعت ببطء بتحاول تكذب اللي سمعته

حوريه وفاطمه بكين

خلود: هديل اهدي صل على النبي

هديل بنحيب: الذي ماتت امي ، ماعاد شاكون أبسرها ولا احجفها ولا ابكي عندها ولا اشكي لها "ارتفع انينها "الذي ماتت أمي

بكت معاها: كل شي قضاء وقدر قولي الحمدلله

هديل بكت بحضنها

أماني جرت للحوش وبيدها بخاخها منتظرة لفارس بدات تضرب يدها بالارض وبتهمس: الحمدلله، الله يرحمش

فارس وصل شاف أماني بعبايتها وبنفس وضعيتها ويدها بتنزف ومازالت تضربها دمع

قاطع تامله خروج هديل وبكائها ضمها: ماتت ياعم ماتت

فارس: كلنا حق الله وعنرجع لعند الله قولي الحمدلله

هديل هدات: الحمدلله

أماني مشت وركبت السيارة بكل هدوء

فارس ركب مع هديل: تحرك يا يوسف..


https://tttttt.me/+Ecxq_OzMYh40M2E0




📚 @rewayatyamania  🇾🇪

🖤

بارتـات يومنـا الاربعــاء 👆🏻😍

.

البـارت 31 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


في المستشفى:
وصلوا هديل نزلت وبتجري

فارس لحقها: يوسف امانتك اماني

صعق (ماله ذيه الجني امانتك اماني كيف اتعامل معاها )

أماني نزلت كانت حافية حست بزجاجة تخترق راحة قدمها اختل توازنها وجلست بتتامل قدمها ونزيفها بكت بصمت

يوسف خاف: مالش كيف وجعتي رجلش

اماني بحده: مالك دخل خليني في حالي وانا داريه بالطريق

اخرج علبة المناديل: امسحيها ولولا عمش لا اخليش لوحدش"صعق وحس بقشعريره من منظرها وهي تخرج قطعة الزجاج بكل برود، زاد تعجبه منظر كفها وهو يغطيه الدم

يوسف تافف

أماني بكت بصمت قام وبتجر قدمها المتعبه: مش انا اماني اللي تضعف

يوسف لحقها (الله والودافه،"وبقهر" كلهن هكذا بيمثلين القوة والشرف وهن نجسات، اوووص يا اخبل هذه روح صاحبك لو يدرى كيف بين احاكيها لا يقتلني)..

خرجت هديل بتبكي ومنهارة تماما ، عبدالله شاف أماني وبغضب: ما اداش هانا

بكت بضعف: خليني ابسرها يا اباه

عبدالله دفعها بقوة: يكفي جيتش حق الصبح وقتلتيها، مش انا قلت لش انش بتقتلي اي واحد تحبيه

يوسف بيشوفهم ومستنكر الوضع

فارس بعصبية وحزن: يكفي حتى اخر بسره لامها ما عتخليهاش

أماني ضمت نفسها وجلست بالارض ونظرها على عبدالله ودموعها مستمرة

الممرضة جلست امامها: كيف انتي

اماني أبتسمت بدموع: اشتي امووت!

الممرضة: كل شي عينحل

أماني سكتت بيأس

الممرضة: قد انا جيت اعقم لش الذي بيدش ورجلش

أماني: من اللي طلب منش ، مشتيش شي اسلمي

الممرضة: هذك الذي طلب

شافت أصبعها وكان عند يوسف، بكت أكثر حست بألم في قلبها، لمَ الغريب أحن إليها من والدها حاولت تسحب انفاس لتستعيد الحياة

فارس ركز عليها: امانني امانني"شاف الممرضه"فيها ربووو

الممرضه بعجلة: جوا الطوارئ ....
.
.

بيت بسام:
بسام بقلق: اسكه قولي لي اين عيسير هوذا سرنا بيته مابحدهو

سلمى اتصلت: عادو بيرن جاوب، الووه يوسف فينك ياابني اقلقتني عليك

يوسف: والله يمه مرة عبدالله ال...ماتتت وانا عندهم بحكم انش داريه بعلاقة ابي معاهم دوري لش اي عذر

كابرت دموعها: الله يهديكم كنت عتحاكيني كذيه "غلقت" مابش شي كان صامت وخرج تعشى بالمطعم وجلس يلوي

بسام ارتاح: الحمدلله

سلمى شافت خروجه وبكت


بغرفة شهد:
سندس: شهد احاكيش وما عتصيحيش

شهد: تمام

سندس: شاحاكي خالتي سلمى وابدا اوسوس لها واخليها تطرح اماني براسها لو ما تزوج يوسف

شهد جننت: بطلي الجنان مش احنا في مسلسل، اماني ثلججج داريه ما معنى ثلج ماغر تفلج اخي

سندس: يا خضعاء، حالي

شهد رمتها بالوسادة: اصه

سندس ضحكت وغنت: اصه اصه اسمعوا يا ناس شتكلم

شهد ارتمت على الارض بتمثيل: بس بس دوخت

ضحكت بصوت عالي: عليش لعنتي"هدات "الا فينو ماجد

شهد: ياسعم مش انتي داريه بابي وماجد، ماجد يندع كلمة سع تيه وابي يطرده بيت عمي

سندس: وعيجلسوا كذيه

شهد: مدري، تخيلي وماجد مزوج عيخرجه ابي من الباب ويرجع من الطاقه

ضحكت: تمام اسكه اسكتي بطني يا كلبه

شهد: اها رقدت خاطرش "أخذت هاتفها صعقت من الرسائل (كيف انتي ،انا فهد حبيت اشكرش من وسط قلبي على كل شي)غلقت"وبداخلها (لو يدرى ماجد والا احد لا يقطعني اهي حرام لا يفصلني لا شواله ويرجموها للكلاب)

.
.

صباح جديد:
صحت من نومها همست ببحة: اباه

فارس باس كفها: انا ابوش انا

تحدثت بدموع: ماتت امي صح، الحمدلله على كل حال

فارس دمع: الحمدلله هيا نروح

أماني أصلحت حجابها: هيا "قامت بتعرج وبتمشي ببطء ركبت السيارة"

فارس: اوبه لها لوما ارجع

يوسف استغرب( لهذه الدرجه بيوثق فيني )"صوت الهاتف ": الووو

هاجر: رووحي فينك مابين ابسرك

يوسف: في جنهم ما تتدخليش

هاجر بقهر: احمد الله الذي بين احاكيك

يوسف بجنون وصياح ملا المكان: ما بين اتراشيش تحاكيني يا ###

أماني بتشوفه ببرود تام وبهمس: مريض

يوسف بدا يكسر التلفون ويصيح بصوت عالي جدا ، فارس خاف على أماني من يوسف: يووسف انت في الشارع بتبسر الناس بيضحكوا عليا

يوسف: اشتي ماء

فارس: الان اطلع السياره

يوسف ركب ، وتنفسه السريع دليل غضبه الجامح: الله يلعنش الله يلعني اكرهشش اكرهكككممممم

اماني بهمس: الله يشفيك

يوسف حس بتواجدها وسمع كيف بتدعي له ضحك: مجنون ما تدخليش

اماني رمقته بحده (متخلف)

فارس ركب: هاا اشرب ..


في المقبرة...























📚 @rewayatyamania  🇾🇪

.

البـارت 32 •°

كـان اللقـاء أشبـه باليقيـن 🖤

👌🏻👇🏻 😍
📚 @rewayatyamania  🇾🇪


في المقبرة:
بكى كـ طفل فقد لعبته المفضلة، ماتت والدته والان زوجاته لمَ يجب ان يعيش المهن لمَ عليه ان يتعذب بسبب تلك النكرة (أماني) همس: كله بسببها الله يلعنها اكرهها اكرههاا

بسام من ورائه: ابكي سعما المكلف

مسح دموعه وقف بعجلة: ما بتفعل هانا

بسام: جيت ابسرك وانت كذيه اشتي أبسرك ضعيف لانك خليتني كذيه

عبدالله: ألمي اكبر من اني افتح الماضي القديم

بسام بعصبية: الماضي القديم بيعذبني بيقتلني ويهلكني بسببك الله يجعلك تذوق ما ذقته أضعاف يا عبدالله

عبدالله ببرود: الله يشفيك"مشى تحت عصبية بسام وصراخه"

.
.

بيت عبدالله (العصر):
أماني وداليا بغرفتها لانهم ما اهتموا فيها ولا حسوا بألمها

داليا بدموع: أبكي شوية خرجي مافي قلبش

أماني بهدوء: لو أبكي عترجع امي ياسمين، عترجع امي  نادية؟ والله ما بيخلي البكاء الا أبسر الشفقه في عيونهم

داليا ضمتها وبكت

أماني تجمعت دموعها وبتحاول تكابر..


بنفس البيت
أمسكت بكف هديل وبهمس: جي ما احاكيش

هديل القت نظرة على دعاء وهي ممسكه بها من يمنها وخلود من شمالها: مابه

أمل بهمس: جي ندخل غرفتش وعتدري

هديل هزت رأسه بشتات: تمام "دخلين وآية لحقتهن "

خلود: سهل آيه لو درت

هديل: سهل قديه أختي وبيت اسرار بس مابه ما تشتين تحاكين

خلود أخرجت هاتفها واتصلت برقم عمار: جاوبي

هديل عقدت حواجبها والتلفون على مسامعها: من؟
"سمعت صوت رجال ابعدته "رجال جاوبيه انتي

دعاء بهدوء: عمار يشتي يحاكيش

هديل اضطربت دقات قلبها وشافت ايه

ايه اشرت لها ترد

هديل بصوت ضئيل: الوو

عمار بحب: هديل ياروحي

سقطت دموعها: هاا

عمار بحزن: انا داري بما بتمري وكيف بتحسي انا اشتيش تدري ان انا مستحيل افلت لش وشاكون شقش في غثاش قبل فرحش

هديل بصوت مبحوح والم: امي كانت كل شي بحياتي

عمار بهدوء: انا داري بس احنا اقوى من ان احنا ننهزم احنا عنكون ندعي لهن بالرحمة تمام يا روحي خليش قوية علاميدش وعلاميد اخوتش

هديل: تمام

عمار: مااشتيش اطول عليش الله معش

هديل: الله معك"غطت وجهها وبكت باحساسيس غربية، أخذ الله روحا واعطى لها روحا أخرى، فقدت إنسانة وضمت الى حياتها إنسان أخر "

خلود بكت: لا تبكيش اذكري الله

دعاء: لو تبسري كيف حالة عمي عمار قد كان عيجي من نفسه!

هديل: يعني كان يحبني

خلود: فوق ما تتصوري

هديل حضنتها ومستمره ببكائها ......
.
.

بعد مرور أسبوع

بيت عبدالله..
مجتمعين على طاولة الاكل

أماني بهدوء: شابدا أدرس غدوة

عبدالله: مشو بدري عليش

أماني بألم: ما عيفيد شي ماغير ندعي لها بالرحمة

هديل بكره: ما عيفيد؟ لان هي مشي امش مشو بحسش ابدا

فارس بغضب: بس كل يوم نفس الموال

عبدالله: لا ترفعش صوتك

هديل بسخرية: ما عيفيد سوا درستي او مع درجاتش زي الزفت واخس من الزفت حتى

أماني بتتأملهم ببرود

عبدالله: ماهو ما قلتي

هديل: سير ابسر ورقة الاحياء راسبة اذا كان الاحياء وهو بسيط فكيف الباقي

نادر بحنية: للمه يابنتي

أماني ابتسمت لحنيته: كنت مريضة تيك الفترة وزد كتابي ضا

قاطعها عبدالله بغضب: عادش تشتي تدرسي الله يلعن الذي درسش ويلعن من بيطرح ثقته فيش

قامت ببرود تام: غدوة شاجلس اواسي هديل وبعده شادرس تمام يا أبه عبدالله

جنن من اسلوبها: لا بارك الله فيش

اماني بجمود: أمين"مشت"

احمد لحقها

نادر: محد يفعل كذيه ابسر مالها لا تحسسهاش انك بتكرهها

عبدالله: بنتي واربيها مثل ما اشتي

اقتهر: تمام، بنتك هي بنتي ما شارضاش عليها بشي غلط من ناحيتكم

سامية بهم: مالنا دخل احنا اب وبنته

نادر قام: صدقني لو عتجلس تعاملها كذيه والله لا اشلها بيت ونسكن انا وهي

فارس: وانا شاجي معاكم

عبدالله تافف ولحق اماني
.
.

بغرفة اماني:
بتاكل الشكولاه وبهمس: للمه بيلحقني كل ما اضبح!

عبدالله دخل: ما بتفعلي

اماني: ولاشي "وبسخرية"نسيت حاجه والا امر ما تقله لي

عبدالله وقف أمامها: للمه تصرفاتش معي كذيه للمه بتخليني أقسى عليش قوي

تجمعت دموعها: أنا يابه؟ طول 17سنة وانا بين اراضيك، وكل ما افعل حاجه تجي تلطمني وكل ما ادي كلمة تعارضني ،كنت اجي وانا بين اجري ودموعي ملان وجهي، "رفعت كيفها ووضعتهن على صدره" كنت اتمنى انك تحجفني وتضمني، مثل هديل بس بدل ما تفعل كذيه كنت تزيد تلطمني أنت كسرتني خيرات يابه "لفت وهي لا تحب رؤية دموعها " أنا بين ابكي كل يوم لانو حكاك صدق، انا اي شخص احبه اقتله ربما الله ما قد موتك لاني ما بين احبـك

انكسر قلبه لاول مرة حس بألم بين دقاته همس بضعف شديد: ما بتحبينيش

























📚 @rewayatyamania  🇾🇪