❤️‍🔥

بارتـات يومنـا الجمعـة 👆🏻😍

.


🎊🎉ألف ألف مبرووك تأهل المغرب للنصف نهائي ومبروك لنا جميعا وعقبى لكأس العالم يااارب🤲🏻


.

.

البـارت 21 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


العقيد: وما دراش انه فيه حزن

هاجر بضحكه: انا مش غبيه ياعمي انا عارفه كيف هو الحزن والهم والندم وكيف يظهر شكله في ملامح الشخص

العقيد: ااااه اااه ياسين ياسين عاش حاجات قاسيه في الحياه مات ابوه وعمره سنتين وامه و خالته ماتين وعمره 4 سنوات وكل سع ومات واحد من اهله يموت عمه شهر يموت خاله وشهر مات عمه الثاني وشهر ماتت عمته واخر شي جده الذي كان صاحبي قوي بقيت الا جدته الجده امنه وهي ربت ياسين وانا كنت اساعدها بس من ذيك اليوم ولا قد ابسرت ياسين عيونه رجعين لون واحد

هاجر: وجدته الان فين هي

العقيد: سارت تحج وعترجع وقد قلت لها على الزواجه واعجبتها الفكره وفرحت ان ابن بنتها عيتزوح اخيراً

هاجر: وياسين ما قال

العقيد: اول شي رفض ولكن رجع وافق

هاجر: ليش رفض اول شي

العقيد: الله اعلم ارجعي اسأليه انتي

هاجر: ومتى العقد

العقيد: اليوم الساعه سبع الليل

هاجر: ماااااهو مسرع ليش هكذا

العقيد: احنا متعجلين لان مابش وقت وقد لش يومين في بيته وانتي مش على ذمته وهذا حرام وانتي داريه

هاجر: خلاص بعدك لكن اول ما نكمل مشكلتنا نطلق

العقيد: والله هذا مش قراري هذا قرركم انتوا اذا تشتوا تتطلقوا واذا تشتوا اجلسوا مرتبطين وانتوا اخبر

هاجر: تمام

العقيد: قولي لي كيف حال اصابعش الان قدهن بخير

هاجر: ايوه ما عاد بين احس بالوجع هاه ابسرهن حتى افتهنين سريع

العقيد: الله له القدره والله انه صدق تحسنين بقووه ربي هو معش يا بنتي ارجعي كلميني ماكان يشتي منش عزام وليش فعل بش هكذا بعدا ذلحين تحتاجي شي

هاجر: لاوين عادك جيت

العقيد: ماشي قد تأخرت وعنكون نلتقي واصل من ذلحين ومطلع بس ما قلتي لي ما تشتي

هاجر: ولو هو سوء ادب اشتي ملابس لان مابش معي

العقيد: اوووه صح كيف غفلت عن هذا الشي تمام بشتري لش الان معي وانتي ارجعي اخرجي واشتري ما تبقى تمام

هاجر: تمام ولا تقلق من الزلط بأحاول ادور لي عمل وارجعهن لك

العقيد: ياعيباه عليش يا بنتي ايش هذا الكلام عيب انتي بنتي واكثر ومابش بيننا هذه الحاجات اسمعش تزيدي تقولي هكذا بزعل منش قوي

هاجر: تمام حاضر

خرج عمي علي وانا بعده ونزلنا وكان ياسين جالس مريع له

ياسين: وينك يابه تأخرنا

هاجر بتعجب: ابه

العقيد: هاه ايوه ياسين يقول لي هكذا لاني ربيته بس هنا طبعاً في العمل يقول لي يا عقيد او يا مدير

هاجر: هاه ضخم

ياسين: نمشي لان تأخرنا بجد انت عارف اين عاد احنا نشتي نسير

العقيد: تمام هيا

توجه ياسين وعمي علي الى الباب وفتح ياسين الباب لكن على خرجته وقفته

هاجر: ياسين لحظه لاقد تخرج ممكن نتكلم سريع

ياسين: ماتشتي تكلمي

هاجر: لوحدنا

العقيد: خلاص انا اسير اريع لك فوق السياره وابسر انت بنتي ما تشتي

خرج العقيد اما ياسين دخل وغلق الباب وقال

ياسين: هيا ماتشتي ابي مش غريب لما تقولي لوحدنا

هاجر: انا عارفه بس لو تكلمت قباله عيعارض كلامي وقلت اكلمك ونكون صادقين من البدايه

ياسين: وهذا شي يسعدني

هاجر: انا عارفه انك ماتشتي تتزوجني ولا انا اشتي اتزوجك لان مابش فينا اي معرفه واكيد لك مصلحه مادام انك رفضت في البدايه ورجعت وافقت كلامي صح او لا

ياسين: ايوه صح ذكاش هذا يعجبني بصدق

هاجر: جميل الان عنطرح قواعد لزواجنا هذا وبعدين لما نكمل مشكلتنا ننفصل

ياسين بعجله: تمام قلتي الذي كان في نفسي عنطرح قواعد بس مش الان لما ارجع لاني تأخرت

مشي ياسين قبل ما يخرج قال

ياسين: ايوه نسيت ما اقول لش اشتريت لش حاجات للاكل وبعض المصاريف دبري نفسش فيهن لما ارجع وهذا المفتاح الذي فوق الماسه حق الباب غلقيه سواء من باب الاحتياط

قال كلامه هذا وخرج  شليت المفتاح وغلقت الباب والطيقان وكل مكان ايوووه الان يا هاجر تصرفي براحتش و اول شي فعلته هو اني بعدت حجابي وعبايتي لاني ضقت منهن قوي ودخلت الحمام اتحمم واتنظف من الدم و القذاره الذي فيني .....


..................................


في المعهد.......

بعد ما خلصت الحصه ......
وحده من البنات تكلمت وقالت يا استاذ الياس ممكن نفعل لنا قروب في الواتس على شان نكون نتكلم فيه ونسأل واي شي جديد تبلغنا به

الياس: تمام ممكن من الذي هنا معه واتس اكيد الكل صح

ايه بصوت عالي: لا يا استاذ الا هنادي مابش معاها

هنادي: اصصص سمعتي بي يا كلبه

الياس: عادي تفعل لها واحد افعلي لش يا هنادي هكذا نكون الكل في القروب

هنادي: لا ما اشتيش ما احبش الواتس

الياس بتعجب: ليش ايش السبب

هنادي: السبب ارجع اقول لك

خلود: ايه ابسري هنادي كيف بتكلمه وكأنه ماهو الاستاذ الذي يدرسها كأنه صاحبها

ايه: ايوه وبعدين ابسري كيف البنات يبسرين لا عندها قد ايقتلنها

























📚 @rewayatyamania  🇾🇪

.

البـارت 22 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


ايه: ايوه وبعدين ابسري كيف البنات يبسرين لا عندها قد ايقتلنها


هنادي ولما الياس عيخرج سارين البنات وحوشين عليه كلهن الا انا وايه وخلود صاحباتي جاء واحد من العيال لا عندي وقال

احمد: هنادي ممكن تفهميني درس امس لاني ما فهمته صراحه

هنادي: تمام وبدات افهم احمد الدرس


الياس: خلاص يابنات معي عمل اشتي اسير كنت اتكلم هكذا وقررت اني ابسر هنادي بنظره لكن ابسرت عندها ولد بصدق شخصيه ويكلمها وبعدين هنادي فتحت الدفتر وتوريه حاجه وكأنها تفهمه انا ضبحت قوي مدري ليش و طنشت البنات الذي حولي وسرت لا عند هنادي

هنادي: فهمت هذه القاعده والا اعيدها

احمد بخبث: عيديها على شان تتثبت في راسي

الياس: ما بتفعلوا هنادي ما بتفعلي

هنادي: افهمه درس امس يا استاذ

الياس: هاه وفهمه

هنادي: ايوه وقال ازيد اعيده على شان يتثبت في راسه

الياس: هههههه وانا شأقلع راسه

احمد: عفواً يا استاذ ايش تقصد

الياس: قصدك انا مش عارف بهذه الحركات اذا كنت مش فاهم اي درس جي لا عندي لا عند استاذك وانا افهمك مش تزعج البنات

احمد: وانت ايش دخلك ذلحين اسير اين ما سرت مش لا قدك عضلات والبنات يلحقين بعدك تبسر نفسك وتهوك علينا ورينا رجالتك

الياس: ورينا انت رجالتك ياعم رجال

احمد: انا اوريك الان رجالتي وفعل لكمه لا الياس لكن مش قويه

هنادي: الياس ايش فعلت يا احمد الياس اسكه وجهك الياس رفع وجهه بس الحمدلله ما رعفش وقع له جرح فوق حاجبه

جاء المدير
محمد: ايش يحصل هنا ليش الصياح احمد ما فعلت باستاذك ايشو هذا

احمد: لا حتى انتي يا هنادي تهتمي به مثل البنات الباقيه ابسر هو مش رجال اصلاً

هنادي عاد انا كنت اشتي ارد لكن الياس ما ترك لي فرصه انفعل بقووه وكان سريع جداً وفعل لطمه لاحمد لما احمد غاب عن الوعي

الياس: مش قصة اني مش رجال بس خايف اوجعك يا حبيبي بس انت ما تركت لي مجال

محمد: اووووه خلاص بعد هذه اسبوع في غيبوبه الياس قول ايش حصل

الياس: علمته كيف يتكلم مع استاذه هنادي الحقي بعدي سريع

هنادي: كأن شكل الياس وهو ضابح يفجع قوي هزيت راسي بالموافقه ولحقته

خرج وانا خرجت بعده مشي مشيت بعده لما وصلنا شق صيدليه دخل انا دخلت معه شل معقم وقطن ولصقه وخرجنا مشينا والسكوت يعمنا وصلنا لا بيته انا ابسرت واستغربت هو فتح الباب وابسرني قال

الياس: هيا ادخلي اهلي ما بحدهم

هنادي: بس...

الياس: عتدخل ما شأكلش ما بتبسري وما وقع بوجهي بسببش وعادش مش راضيه تجارحي لي براحتش


هنادي: دخل وخلا الباب مفتوح انا كنت متردده عيب اني ادخل البيت ومابش فيه احد بس هو فعل هذه المشكله بسببي وعاده الله اعلم ما عيقع كل هذا بسببي بدخل في النهايه هو اخو صاحبتي ما عيفعلش شي وهم محترمين شجعت نفسي ودخلت

دخلت شفت الياس جالس فوق الكنبه لكن ايش البيت هذا حااااالي قوي انا جلست ابسره ساعه وانا اشوفه احححح اي حين بأعيش في مثل هذا البيت صح هاجر صاحبتي قوي بس ما قد جيت عندها ولا هي جت لا عندي المهم الياس لاحظ اندهاشي ببيتهم

الياس: هههه مالش مطننه في البيت

هنادي: البيت كبيير وحالي قوي

الياس: صدق انا ما يعجبنيش اشتي اغيره واغير الديكور ذلحين عتجي تجارحي لي

هنادي: هاه ايوه انا اسفه سرت شليت العطب وسكبت شويه من المعقم فيه وبدات انظف جرحه كنت انظفه بس الياس ما كان يتألم مثل بعضهم ساكت نزلت نظري شويه ابسرت نظراته متجهه نحوي انا ارتبكت و فحست جرحه قوي

الياس: احححححه مالش كنتي سابره ابش حصل

هنادي: انا اسفه والله ما قصدي ما بلا ارتبكت شويه

الياس: سهل ماعليش تسلمي تعبتش معي

هنادي: مابش اي تعب اا الياس انا اسفه لانك انضربت بسببي انا مستعده اتحمل اي مسؤوليه كانت

الياس: لا تقلقي مابش شي

هنادي: هاه صح اين اهلك

الياس: امي وابي مسافرين اما اخي الثاني في الجامعه الان وما يرجع البيت الا فجر

هنادي: وانت تجلس لوحدك

الياس: ايوه اجلس لوحدي واضبح قوي

هنادي: سهل تحمل شويه

الياس: هنادي من متى وانتي مبرقعه

هنادي: سنتين ليش

الياس: لانش عادش صغيره على البرقع

هنادي: في نظري احسن الحشمه حاليه

الياس: هنادي اشتي اطلب منش مساعده عتساعديني

هنادي: اكيد بس اول شي ماهي

الياس: انا خايف ترفضي او تقولي ما اقدر

هنادي: بأساعدك في الاول والاخير انت وقعت لك مشكله بسببي وضروري اعوضك تكلم بس

الياس: اشتي منش تكوني حبيبتي

هنادي: ايييش حبيبتك

الياس: قصدي تمثلي انش حبيبتي

هنادي: ليش ايش السبب

الياس: لان البنات بيضبحين بي زياده في الجامعه وكذبت عليهن اني مرتبط ومعي حبيبه اصحابي ما صدقوا ولا البنات وانا قلت لهم اني باديها معي غدوه

هنادي: وانت ما تشتي تنفضح انك كذبت وتشتي مني اكون حبيبتك قبالهم

الياس: بالضبط

هنادي: طيب ليش انا...

























📚 @rewayatyamania  🇾🇪

.

البـارت 23 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


هنادي: طيب ليش انا به بنات كثير يتمنين انهن يمثلين هذا الدور

الياس: بس انا اشتيش انتي مش عارف ليش.. ذلحين عتساعديني

هنادي: والله ما لي علم كيف افعل انت تشتيني اجي معك بكره الجامعه

الياس: ايوه ضروري

هنادي: خليني افكر وللعشي برد لك خبر تأخرت وعاد انا اشتي اروح افعل غداء

الياس: هنيت لمن يأكل غداش مش مثلي باسير اتغدى الان خارج.. تمام بنتظر ردش

هنادي خزيت حين قالي هكذا وحمرت: اول مره احد يقول لي هكذا

الياس: ههههه مسرع حمرتي ما قد قلت شي يا قمري

هنادي تلبكت اكثر وخرجت بسرعه

الياس: ما احلاش حين تخزي يا هنادي ان شاء الله توافقي وتكوني حبيبتي وبعدها عتكوني لي وبس


..................................


عند هاجر.......

هاجر: ايوووه هكذا احس كأني ادميه سمي انا بالقذاره الان انا جاوعه ابسر ما ادى ياسين
دخلت المطبخ وتفاجأت بقوووه هذا المصاريف كلهن وعاده يقول مشي حالش بهن لما ارجع كنت اقول اني بلقى خبزه وجبنه هذا قده سوبر ماركت الان ابدأ افعل لي اكل وغداء قده مره واحده


...........................


العقيد: ياسين ابني وقف عند هذا المحل

ياسين وقف السياره: ليش ايش تشتي هذا محل نسائي

العقيد: مابلا قلت وعاد انا ذاكر اشتي اشتري لهاجر ملابس

ياسين طرح يده على جبهته وقال
ياسين: اووووه كيف ما لاحظت هذا الشي البنت من اول ما جت وهي بنفس الملابس مع ان قدهن دم و قذاره وووو

العقيد: من الان عتكون تنتبه ولو اعرف انك مقصر مع هاجر بشي يا ويلك

ياسين: تمام ولا يهمك

العقيد: ادخل الان اشتري ملابس وجي

ياسين: من اااانا ماشي بغير جنان ادخل محلات نسوان مستحيل وبعدين انا مش عارف بذوق النسوان نهائياً

العقيد ابسر لا عند ياسين بنظره غضب وقال

العقيد: اشتري ما كان هاجر مش من النسوان الذي على قولتك هي تقبل بالحاصل يله قبالي

ياسين مغط ريقه: تمام الان

وخرجت من السياره ولبست نظارتي ودخلت المحل اوووف يارب كيف افعل الان ......

....................................

وفي المطار......
بالتحديد مطارالمانيا...........

مالك: سامي مالجديد للان وصلت رساله ياسين لا مكانها

سامي: ايوه يا سيدي بس عادهم ماقد شلوها بس قدهم قراب من مكانها

مالك: جميل جداً  هيا اشتي اكمل عملي الذي في فرنسا وارجع اليمن العب شويه لاني ضبحت الصدق

سامي: عيقع الذي تشتيه بذكاءك هذا لان عمرهم ولا حلوا اي مشكله فعلتها لهم بسبب رسايلك الذكيه

مالك ابتسم ابتسامة خبث بس تقولوا ايش مكتوب في الرساله الذي كتبها الشيطان الاسود لياسين عنعرف بأحداث القصه الجايه

.................................


نرجع اليمن اجمل...........
بعد نص ساعه .......

ياسين خرج من المحل وكان الاكياس ملان ايديه فتح الخانه وطرحهن هناك وطلع السياره

ياسين: اووووف واخيراً ماصدقت اي حين خرجت

العقيد: تأخرت قوي

ياسين: ما افعل قد قلت لك انا مش ناجح بحاجات النسوان هذه

وشغل ياسين السياره واتجهوا لا طريقهم ولما كان ياسين يسوق عادي ويتكلم هو والعقيد خرج واحد في وجه ياسين وكان ياسين مسرع شويه لانه خط سيارات

ياسين ما انتبه لان الرجال خرج له فجأة

ياسين صدمه

العقيد: ياسين ما فعلت

ياسين: مش هو انا هو خرج قبالي هو

نزل ياسين بسرعه يتفقد الرجال اذا كان قد وقع به شي والعقيد نزل بعده

ياسين: اخي انت بخير اخي تسمعني

الرجال ما تكلم بس مرر يده لا يد ياسين ومات

العقيد: ياسين الرجال مات ايش عنفعل

ياسين كان في صدمه ابسر يده الذي مسكها الرجال وانه يبسر رساله سوداء عليها ختم احمر ياسين كان مطنن فيها العقيد لمح لا يد ياسين شاف الرساله السوداء

العقيد: ياسين خلاص قوم يا ناس ممكن تتصلوا للاسعاف


وبعد شويه جاءت الاسعاف ومعاها الشرطه العقيد ساعد ياسين على القومه ودخله السياره وسار كلم الشرطه وبعدها رجع طلع السياره وقال

العقيد: باسوق انا انت خليك جالس

ياسين ولا كلمه جالس مكانه يشوف الرساله بس ما قد فتحها لانه خايف من محتواها


وبعد نص ساعه وصل العقيد وياسين البيت

العقيد: ياسين هيا انزل ياسين

ياسين اكتفى بالسكوت ونزل

غلق العقيد السياره وسار دق الباب احتياط لو هاجر بشعرها او مش لابسه عبايتها وفتح الباب ودخلوا

هاجر كانت قديه لابسه عبايتها وحجابها بس شافت ياسين بصوره شاحبه

هاجر: سلامات مابه

العقيد هز راسه ورفع حواجبه: مصيبه عتقع على راسنا

ياسين تجنب الكلام وطلع غرفته

هاجر: تفاءل بخير يا عمي ايش حصل

العقيد: شفتي تيك الرساله السوداء الذي كانت بيد ياسين

هاجر: ايوه مالها

العقيد: هذيك الرساله من شيطان الظلام ولا قد جاءت من هذه الرسايل تقع مصايب

هاجر: ليش ايش فيها ومن هو هذا شيطان الظلام

العقيد: ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 24 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


هاجر: ليش ايش فيها ومن هو هذا شيطان الظلام

العقيد: ما داخلها ما عيقدر عقل الانسان يفهمه ما يفهمه الا شيطان مثله وشيطان الظلام هذا اخطر واكبر مجرم مافيا محد قد ابسر وجهه ابدا

يظهر لكن باشكال مختلفه عن شكله الاصلي حتى صوته طريقه تفكيره وتخطيطه واستراتجيته شيطانيه مرعبه يفعل عمله دون ما يظهر نفسه في الظلام دايماً وهكذا سميناه شيطان الظلام لان ما نعرف ايش اسمه

هاجر: يوووه ياالله ليش هذا كله طيب ليش ياسين زعل هكذا

العقيد: هو ما يديش رساله لاي شخص هكذا ما يديها الا لو هو ناوي له ويحذر الشخص ويشرح طريقه القتل ولو تعرفي الطريقه الذي وصل فيها الرساله عتقولي هذا مريض فعلاً

هاجر: كلمني ماهي

العقيد كلم هاجر بالطريقه الذي وصلت الرساله بها

هاجر: هذا انسان معقد من الحياه اكيد

العقيد: قد كنا سكهنا منه ايش رجعه يا الله استر بس


هاجر شفت الخوف في عيون عمي وياسين واضح قوي عرفت ان هذا مش انسان عادي كان نفسي ادرى ما في الرساله يمكن اعرف

هاجر: يا عم ممكن اشوف ما داخل الرساله ممكن اعرف شي

العقيد: لا لا ما عتقدريش قد ادينا اكبر المحققين ولا قدروا ابدا يحللوا الكلام او يطلعوا منه معنا نهائياً

هاجر: بس ولو احاول

العقيد: لا خليش لا تدخلي


وفي غرفه ياسين كان جالس فوق مكتبه وطارح الرساله امامه متردد من انه يفتحها وما يفهم شي لكن قرر انه يفتحها ويعرف ما داخله

ياسين: بسم الله الرحمن الرحيم يارب نجيني من مكره يا الله

فتحت الظرف وخرجت الورقه السوداء وكتابتها كانت باحمر جبت ضوء ازرق على شان توضح الكتابه وها انا اقراها

لكن اندهشت بقووووه مسكت راسي لادرجه اني كنت بقلعه لان ما قريته خلاني احس با الجنان لان المكتوب كان................

.................................


عند هنادي ........
هنادي: ذلحين ما اقول له احس اني ما بقدر اجلس للليل وارد له الجواب

ام هنادي: بنتي مالش مطننه قدلي ساعه اكلمش اين حسش

هنادي: هاه اقول لها استشيرها ابسر ماعتقول باقول لها الصدق احس نفسي محتاره

ام هنادي: هنادي مالش

هنادي: امه اسمعي اشتي اكلمش في حاجه مهمه ضروري قوي

ام هنادي: خير مابه

هنادي: قولي ابسرتي صاحبتي ايه

ام هنادي: ايوه مالها

كلمتها هنادي بالقصه بس على اساس ان هي قصه صاحبتها: ما قلتي يمه هي كلمتني تستشيرني وانا قلت بافكر واسألش

ام هنادي: والله انا رايي ان هي توافق لانه بيوقع في مشاكل ويمكن الان اهل الولد اذا وقع فيه شي يغرموه وهذا كله بسببها

هنادي: يعني اقول لها توافق

ام هنادي: ايوه بس ما قلتي لي ايش اسم الولد حق صاحبتش

هنادي: مدري ما قالت لي هيا بدخل اكلمها الان بس على اساس انتي مش عارفه حاجه تمام

ام هنادي: تمام كلميها وانا باسير عند جارتنا ام وليد ابسرها تمام

هنادي: تمام

خرجت ام هنادي وهنادي شلت تلفونها وفعلت رساله لالياس قالت فيها ..... الياس انا موافقه متى اكون جاهزه الصبح.

عند الياس وهو لوحده في البيت .........

الياس: اوووف ايش الضبح هذا هاه من ارسل لي رساله هاه هنادي اسكه ما قالت الياس انا موافقه متى اكون جاهزه الصبح

الياس والله والله رضيت توقعت ان هي عترفض اتصل لها ايوه بتصل لها

هنادي: ليش ما يرد على الرساله

رن التلفون ........

هنادي: من الياس يوووه كيف افعل اجاوب باجوب وعلى الله

الياس: الو هنادي تسمعيني

هنادي: ايوه اسمعك

الياس: كيف حالش ياقلبي

هنادي: قلبي قلب من

الياس: قلبي ليش مستغربه ماهو عتكوني حبيبتي ضروري تتعودي

هنادي: كما قد احنا قبال اصحابك سهل لكن الان مابش داعي للكلام هذا

الياس: تمام حاضر ولا تزعلي قولي لي من الذي قال لش توافقي

هنادي: محد قال

الياس: صدق كان مسرع فكرتي كنت اقول انش عتجلسي تفكري يومين

هنادي: الصدق كلمت امي قلت استشيرها بس على اساس ان هي صاحبتي

الياس: وامش قالت توافق صاحبتش الذي هو انتي صح

هنادي: يووووه خليني اكمل انت مثل هاجر تتوقع الكلام وعاد انا ما قد قلته والمشكله انه يقع صح

الياس: هاه هاجر ذكرتيني بها

هنادي: كيف هي وين هي وحشتني قوي ونفسي اكلمها واستشيرها بكل الذي يحصل

الياس سمع ذكر هاجر وضبح قوي

هنادي: الياس تسمعني

الياس: بكره الساعه سبع وانتي جاهزه معي الان عمل مع السلامه

هنادي: الله معك وغلق التلفون انا قلت حاجه ضبحته ليش كل ما اذكر هاجر يغير الموضوع اححح يا هاجر قد عتجننيني قلق عليش


عند الياس ....
اوووف مالك يا الياس بتحس بالذنب كلما ذكرت هاجر صح اني كنت احسدها واغار منها ومن ذكاها وافعالها لكن كنت احس ان لي منافس في الحياه الان مابش الله الله ايش الخباله الذي بتقولها يا الياس قوم سير ابسر عملك

























📚 @rewayatyamania  🇾🇪

.

البـارت 25 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


جوا نجي عند بطلنا ياسين ونعرف ايش المكتوب في الرساله ..........

ياسين: لكن اندهشت بقوووه ومسكت راسي لدرجه اني كنت باقلعه لان ما قريته ادى لي الجنان وما دريت من وين اجي له المكتوب كان .....


ياسين لو نقول انت روميو وهي جوليت يبيعوها بكثرة في بيت الزعلانه هي تكون عاليه في المنتصف اذا قطعتها مايكون لها قيمه واذا خليتها هي حلقه لا منتهيه لكن اذا لقيتها انتبه تسرع لانك عتكون ميت في نار لكن انتبه تكذبني في فبراير ابريل............. شيطان الظلام


ياسين: يا الله ما بيقول هذا هذا اكيد اخبل ايش كاتب ماهو هذا ما فهمت شي صحت بقوووه وكسرت غرفتي كسار من هي الذي يبيعوها ووين بيت زعلانه هذا ياشيطااااان وربي انك شيطان صدق


نازل في الديوان .........

هاجر: يوووه سترك يارب ماله بيصيح هكذا وماهو هذا الكسار قوم ياعمي ابسر قوا

العقيد: شكله قري الرساله وما فهم شي وهو ضابح الان خليه براحته

هاجر: ولو قوم ابسره لا يفعل شي بنفسه

العقيد: ههههه قد الحنج من الان اصبري باقي ساعتي وعانش الله بعدين عتطلعي له انتي

هاجر: قوا ياعم مش وقت الزبج الان

العقيد: تمام ناهي وطلع العقيد وصل عند غرفه ياسين دق ودخل ولكن شاف حاله الغرفه فوضوي جداً لدرجه انه مادري اين يدعس تفاجأ ما توقع هذا الغضب كله

ياسين: لو سمحت ممكن تتصل بحسين يجي بسرعه لان تلفوني اكتسر

العقيد خرج تلفونه سكته بدون اي كلمه لانه عارف اذا تكلم الاعصار بيتفاعل اكثر اتصل على حسين وكمل وغلق

ياسين قام ومشي بين الزجاج كأن مابه شي في الارض وقال ببرود

ياسين: لما يجي دخله مكتبي وخرج

العقيد: اح اح الله يعينك يا ولدي ابسر الغرفه كيف هي كيف فعلت بها

ياسين نزل ولقي هاجر ابسرها ومشي

هاجر: ياسين لحظه

ياسين: ما تشتي

هاجر: خليني ابسر الرساله لو بفهمها

ياسين ابسرها بسخريه ومشي

هاجر: ياسين انا اكلمك اوووف مالكم بتبسروني بسخريه لما اقول اشتي ابسرها انا مش غبيه

العقيد وهو ينزل من الدرج

العقيد: هاجر اطلعي نظفي غرفه ياسين قديه في حال لا يعلمه الا الله مدري عاد عتترتب او لا

هاجر: تمام

طلعت هاجر غرفة ياسين تنظفها


اما ياسين والعقيد في مكتب ياسين ينتظروا وصول حسين الذي هو المحلل او المحقق حقهم


.................................


في فرنسا........

عند وصول الطياره الى مطار باريس كميه من رجال الاعمال بالسيارات الفخمه منتظره للذي عينزل من الطياره واخيراً ها هي الطياره تفتح ابوابها وينزل منها الشيطان المنتظر وصوله ولكن بغير شكله الحقيقي


سامي: سيد ايفا وصلنا

مالك الذي غير اسمه الى ايفا من اجل الصفقه

ايفا: سامي انت سير على العمل الذي قلت لك عليه انت عارف كيف هو مهم انتبه تغلط وانا اكمل عملي مع البقر هولا واجي

سامي: تمام سيدي


نزل مالك من الطياره واستقبلوه رجال الاعمال بحراره وعندها ذهب الكل لاتمام الصفقه الا سامي ذهب ليكمل عمل الذي امره به الشيطان

تقولوا ماهو هذا العمل المهم لهذه الدرجه عنعرف قريب

..................


في اليمن........
ياسين والعقيد منتظرين بس ماقد جاء

ياسين: وين هو هذا انا قلت بسرعه

العقيد: الان بيجي اصبر شويه

عندها دق الباب

العقيد: هيا ماقلت لك انه بيجي الان انت كون اصبر هاهو جاء

سار العقيد فتح الباب

العقيد: وين انت لا هذا السع يا حسين ليش تأخرت لو كنت تأخرت شويه كان ياسين عيقتلك

حسين: اخرني سالم والله

العقيد: سالم وينوه

سالم: هو ذا انا هاه

ودخل سالم طوالي مكتب ياسين وحسين والعقيد بعده

سالم: صاحبي كيف حالك اشتقت لك والله

ياسين: حياااك يا لغجه وين انت مختفي

سالم: يارجال ماهو الا يوم غبت عليك اجهز العقد حقك وابسر اشتريت زبيب ولوز ملان عنأكل لما نقرح

ياسين: ههههههه الله يرضى عليك ماعد يضحكني الا انت وانت حسك من الاكل واصل ولا تشبع

سالم: ما افعل اكثر شي استمتع به هو الاكل بعدك طبعاً ايوه قول لي صدق وقع لك رساله منه ما قال لك شيطان الظلام

دخل حسين والعقيد علي وعندها قام ياسين من مكتبه وسار غلق الباب

ياسين: تفضل يا حسين عملنا صعب تفضل

جلس حسين في الكرسي الذي جنب المكتب والعقيد جلس في الثاني اما سالم جلس امام مكتب ياسين

العقيد: هيا يا ياسين وريه الرساله معنا عمل ثاني مهم

ياسين خرج الرساله من جيبه

ياسين: هاه امسك يا حسين لكن يا منعاه حاول انك تفهمها

حسين: على الله يا ياسين قري حسين الرساله بصوت عالي وعاده مره ثانيه و ثالثه ورابعه وخامسه وبعد ما كمل عم السكوت الاجواء لفتره حتى قطع هذا السكوت سالم


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 26 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


سالم: هيا مالكم سكتوا حسين قول لنا ما قال

ياسين: سالم قول لي انت فهمت منها شي

سالم: امممم لا الصدق هذا كلام مابش له معنى

حسين: من قال لك يا سالم هذه من اخطر خطط  التنبيه و التشكيك وما يقدر يفعلها الا الخطيرين مثل شيطان الظلام الان

العقيد: طيب يا حسين انت فهمت حاجه من الذي قاله ومن يقصد

حسين: والله يا فندم حاولت افهم بس كلما اقول بخرج من المتاهه ارجع لها اما من يقصد الله اعلم يا فندم علي

ياسين: يعني ماهو حتى انت يا حسين كنت اقول انك ذكي وفاهم قدك المحقق حق استخبارات الدوله ولا فهمت

سالم: خلاص يا ياسين لا تضغط على الادمي

العقيد: خلاص يا حسين لو معك عمل ارجع له ولو حصلت شي كلمنا يا ولدي

حسين: حاضر يا فندم تحتاجوا شي انا بارحلي

سالم: وانت ماَلك يا اخي مالكَ من قال لك حاجه صدقته اجلس من الخباله

حسين وهو يعدل نظاراته الطبيه باصبعه

حسين: لا تسلم والله معي عمل لا فوق رقبتي وجيت على شان خاطر الفندم

ياسين: ليش واحنا مابش خاطر لنا على الاقل ابسر العقد حقي ورحلك

حسين: من عقد من تقصد

سالم: يووه مش انت داري ان ابننا كبر وجنن وهو يقالوا انه يشتي زواجه

ياسين: سالم مش وقت الزبج حقك الان مش ناقص لك

العقيد: حسين مالك مستغرب اجلس عندنا على الاقل نغديك قدو عصر وما قد اكلنا شي

حسين: ليش انا مستغرب انا مستغرب لاني عارف ان ياسين مش حق نسوان سالم يمكن لكن ياسين والله شي محير اما الغداء تسلم باسير اتغدى في اي مطعم

ياسين: الان ههه الان ماعتلقى شي قد الناس كملوا زمان

سالم: والله يا فرحتك يا سالم اخرنا الحج ياسين من غير فائده والان يقول مابش اكل في المطعم يله غدينا عتقوم تطبخ لنا او كيف

ياسين: تتحدوني افعلها

العقيد: ماشي ابرد لك والله لو اجلس جاوع سنه قد انا ابسر لما تحديناك قبل شهر تطبخ كرهتنا الاكل

طبعاً ياسين معروف بطبعه العنيد قام ياسين من فوق مكتبه وقال

ياسين: هيا والله ما سبرت الا تتغدوا عندي ومشي خارج من المكتب

حسين: لا لا تسلم يا عمنا والله معي عمل ضروري

ياسين: والله ما خطيت بغير خباله انا قلت غداء يعني غداء وخرج ياسين


سالم: خلاص ودفنا اليوم سامحيني يا بطني

العقيد: ايووه قديه حق بطوننا

حسين وهو يرفع نظارته بيده: يا ليتني ما جيت

وقام الجميع بالزفير بقوووه

.............................


عند اهل هاجر......

رجع فهد وازهار من السفر في العصر و لقيوا الياس في البيت لوحده جالس بيلعب بلاي ستيشن ومزاجه رايق لابعد درجه ما لاحظ الياس وصولهم مع قربهم منه لانه كان عقله وحسه في مكان اخر


ازهار: الله الله شكل الجنه افتتحت لابني لما قده رايق هكذا

فهد: والله غريبه اول مره اشوفه بهذا الشكل

واخيراً انتبه الياس من وجودهم بس فزع بقووه

ازهار: صل على النبي يا ولدي ايش حصل

الياس: اتقوا الله الناس حين يرجعوا ينبوا يتكلموا يتصلوا هكذا نزلتوا لي قلبي

فهد: قلنا ان ما في احد في البيت لذا جينا انا وامك قلنا نفعل لكم مفاجأة

الياس: مفاجأة ايش يا عمي ما انتوا ما قد قدلكم حتى يومين لما تفعلوا لنا مفاجأة الله يعينكم على الذي بتفكروا فيه وطلع الياس غرفته

ازهار: هاه الياس ما عتقول ليش كنت فارح ايش حصل بس ماسمعها لانه كان قد طلع من زمان

فهد: ازهار تقولي الولد هذا اي حين عيقرر انه يتزوج

ازهار: خليه براحته هو اخبر

................................


عند ياسين

دخل ياسين المطبخ يدور ما يفعل بس وهو بيشم شي غرييب

ياسين: ماهو هذا الشم انا ببن احلم اوكيف شم حاجه حاليه قوي هاه ماهن هولا الطيسان الذي فوق الشوله اسكه يووووه هذه كبسه اسكه والثاني ما بينه الله الله بين اتخيل او كيف والله انه محشي اوووووف والطعم عمري ماطعمت مثل هذا الاكل بس من فعلهن هاه من عاد به غيرها في البيت لكن والله سبرت

سالم: وهذا وين سار قد انا ميت من الجوع

حسين: انا ارحلي

العقيد: اين ترحلك قر عيب والله عليك

ياسين: ها انا جيت باحلى غداء

سالم: هيا هيا قد انا باموت وربي كيف ما كان

ياسين: لكن بشرط محد يسأل من فعله او من وين جاء

حسين وسالم والعقيد علي: تمام ناهي هيا

ياسين: يووه والله ان قد انتوا جاوعين من صدق

طرح ياسين الغداء وبداوا يأكلوا بشراهه

سالم: الله من وين اديت هذا لا تقول لي انك فعلته لا مستحيل

حسين: مش هو بحق الفجيعه وفي النهايه الطعم هذا كله

ياسين: انا قلت محد يسأل

العقيد قرب من ياسين قوي وقال

العقيد: هاجر الذي فعلته صح لان مابش غيرها هنا

ياسين: اصصصص لاحد يسمعك

واكملوا تناول الغداء

























📚 @rewayatyamania  🇾🇪

.

البـارت 27 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


كانت هاجر تنظف غرفة ياسين بتعب لانها بالفعل اصبحت بحاله عارمه من الفوضاء ولكن ما جعل هاجر تتعجب هو ما وجدته بغرفته

هاجر: اوووف والتعب ماله فعل بغرفته هكذا قلدني الله انه مجنون اسكه ماهي هذه هذا البوم صور افتحه والا ما دخلني والله لافتحه ضروري اعرف من هم اهله

ولما فتحت الالبوم وكنت اقلبه تعجبت وتوسعت عيني لاني شفت ثنتين نسوان ابسرت صورهن عند ابي ايوه ابي فهد

هنا جاء مية سؤال في راسي ليش من هن وليش صورهن مع ابي ومن يكونين لياسين اسأل ياسين لا لا عيقول اني فتشت خصوصياته بس باشل الصوره

شليت الصوره وخبيتها عندي وكملت نظفت الغرفه وخرجت غرفتي ولكن سمعت صوت رجال نازل

ياسين: الله معك يا حسين لكن حاول تفهم اي شي من الرساله وكلمني

سالم: ايوه ضروري نعرف ما يشتي شيطان الظلام هذا قبل ما تقع الكارثه

حسين: تمام باحاول بس لا تركنوا عليا ابدا انتوا حاولوا من جهه وانا من جهه وعيخارج الله

هاجر بتكلم نفسها: من هو هذا حسين لكله محقق لانهم وروه الرساله والثاني اكيد سالم ايووه سالم هذا الذي مابين ارتاح له ابدا وحب ياسين له اعمى بس انا متأكده ان له يد في الهجوم حق ذيك اليوم سهل الان بسيطه مش وقتك الان يا سالم الايام بيننا


ودع ياسين وسالم حسين ودخلوا البيت وساروا مكتب ياسين اين ما العقيد

سالم: يا فندم علي كم الساعه الان

العقيد: الساعه 6:00 مغرب وقتنا ضيق

ياسين: ليش ضيق او به عمل وانا مالي علم

العقيد: سالم بتسمع صاحبك هيا هو في استلامك انا اسير ادي الذي عليا واجي سبع وانا هنا

سالم: حاضر انت سير وخلي يا سين عليا

خرج العقيد بس كان ناوي يسير لا عند واحد مهم وبعدين عيرجع يدي الشيخ والعقد وووو

سالم: هيا قوم قبالي الان مابش معنا وقت

ياسين: ايش به مالكم

سالم وهو يسحب ياسين: لا ياسيد نسيت انه العقد حقك اليوم كيف تنسى اهم يوم في حياة الرجال كيف

ياسين: اوووه صح ذكرت لكن فلتني اين عتشلني

سالم: غرفتك يا حالي نختار لك ملابس انيقه


ذكر سالم الملابس وياسين ذكر الملابس الذي اشتراهن لهاجر وانهن عادهن في السياره

ياسين: اطلع انت قبلي انا اسير للسياره وارجع

سالم: ايوه ايوه تشتي تهرب اسمعني ما يلعبوش عليا

ياسين: لا والله ما بلا اشتريت حاجات ونسيتهن اسير اديهن بسرعه ولو هربت على قولتك اقتلني

سالم: اح اح لكن اسرع والا لاقتلك

ياسين: تمام بس انتبه لما تدخل الغرفه مكسرة كسار

وخرج طوالي

سالم: اوووف منك ياسين ليش مكسره يعني نفس كل مره

ياسين فتح خانة السياره وشل الملابس ودخل طلع الدرج وسار لا غرفه هاجر دق الباب

هاجر: ماان

ياسين: انا ياسين

هاجر فتحت الباب: ايش تشتي حاجه

ياسين: ما اشتي شي بس اشتي اشكرش على الاكل الذي فعلتيه لانه جاء بوقت مناسب

هاجر: هاااه مابلا فعلته قلت اتغدى لاني كنت جاوعه يعني وفعلت وزاد عليا لاني كنت جاوعه كنت ابسره شويه

ياسين: سابر هاه ايوه اديت لش هولا مع ان ذوقي مدري يعجبش او لا لكن برجع اخرجش وتختاري انتي

هاجر: ماهن هولا

ياسين: شلي بس وكان وجه ياسين احمر

هاجر لاحظت خجل ياسين واستغربت منه ايش الذي في الاكياس الذي يخليه يخزا هكذا هاجر شلتهن

هاجر: شكراً مع اني....

ياسين فور ما هاجر شلتهن هرب بسرعه

هاجر: مع اني ما اعرف ما فيهن على الاقل خليني اكمل الكلام الله الله

اسكه ماهن غلقت الباب وفتحت الاكياس وكان داخلهن ملابس بجد روووعه يجننين اعجبني نفس ذوقي والواني المفضله ما دراه بهن اجي اجربهن ذلحين وابدل لي اخيراً


ياسين كان مستحي بقووه لانه اول مره يفعل هذا الشي حتى جدته ما يشتري لها هو دخل غرفته لقي سالم

سالم: ابسر غرفتك قلت لي ان هي مكسره كسار وانه طلع العكس ايش الترتيب هذا ايش قول من رتبها هاه من

ياسين كان مستغرب من حالة الغرفه كيف كانت وكيف قديه الان بالفعل مرتبه ترتيب على اعلى مستوى

ياسين: من عاد به غيرها

سالم: هاه قد انا داري حتى الغداء الذي اديته هي فعلته صح

ياسين: سااالم قدك داري ليش عاد تقلد انك مش عارف شي

سالم: تشتي الصدق هنيت لك على حظ معك ياليت ومعي ربعك

ضحكوا الاثنين وهاهم يتجهزوا للعقد

.........................


نجي عند العقيد علي وهاهو يجنب سيارته وينزل منها ويدخل الى فله كبييره ملانها حراس

اوقفه الحارس لكن سرعان ما ادخله لما عرف هويته
مشي العقيد وطلع الاصنصير ووصل الدور السادس خرج من الاصنصير ودخل الغرفه

العقيد: احترامي سيدي جيت حسب امرك

اللواءالعميد الركن احمد: حياااك يا علي هيا قد انا فاقد لك هيا قد تأخرنا يشرفني اني اكون شاهد على عقد ياسين

خرجوا الاثنين وانطلقوا...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 28 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


اصبحت الساعه 7:00 مساء

ياسين تجهز ولبس اجمل ثياب اما هاجر كانت في غرفتها تتصفح كتاب

سالم: هيا وينه الفندم علي ما قد جاء بالشيخ واوراق العقد

ياسين: وانت ليش مستعجل بتزوج انا والا انت

حينها وصل العقيد علي واللواء العميد الركن احمد والشيخ

اما ياسين وسالم تعجبوا وقفوا يدوا التحيه العسكريه بس بدهشه

احمد: ههه مابش داعي لهذا خارج العمل يا عيالي ياسين الف مبروووك يا ولدي اعظم قائد استخباراتي عيتزوج معجزه

ياسين: الله يبارك فيكم يا سيدي ايوه عتتزوج لكن

احمد: ايوه لاعاد تكلمني قد حكى لي علي كل شي وانا جيت اشهد على زواجك من حفيدة الغالي هاني


سالم: حتى انت تعرف جدها يا سيدي

احمد: قصه طويله هيا نبدا وبعدين ايش الوسامه هذه يا ياسين

سالم موجه كلامه لياسين: هيا ابسرت وانت مكنتني مش هو حالي مش هو حالي


الجميع قام بالضحك ومن ثم بدات مراسم العقد والعقيد علي صعد الى هاجر ليخبرها ان تتجهز لسؤال الشيخ

هاجر: مااان

علي: انا يا بنتي

هاجر: ها ادخل يا عمي

علي: مابتفعلي يا بنتي وقت القرايه الان اليوم عقدش المفروض تكوني جاهزه

هاجر: انا جاهزه ومن قال اني هادئه انا لما اكون قلقه اقرأ كتب

علي: نفس جدش ها الان عيجي الشيخ يسألش وانت تجاوبيه تمام

هاجر: تمام بس

علي: بس ايش

هاجر: خلاص ولا شي


خرج العقيد علي وانا كنت في قلق صدق كم تمنيت لو يكون فعلاً يوم عرسي واهلي كانوا جنبي جدي امي ابي واخوتي بس القدر كاتب لي العذاب في الحياه هذه

جاء الشيخ وسألني جاوبت عليه بالموافقه


نازل عند الرجال

الشيخ: استاذ علي قول بعدي زوجتك ......

علي: زوجتك ابنتي ......

الشيخ: وانت يا ابني قول بعدي وانا قبلت ....

ياسين: وانا قبلت.......

الشيخ: الشهود تشهدوا على هذا الزواج

سالم واحمد: ايوه نشهد

الشيخ: وانا اعلنكم زوج وزوجه سكب سالم الزبيب واللوز وطبعاً سالم شلهن عليهم واكلهن كلهن

بصم هاجر وياسين على ورقه العقد بارك سالم لياسين والعميد احمد وخرجوا هم والشيخ

علي: ياسين ولدي البنت الان في ذمتك انتبه لها انا الان باروح لي قد انا تاعب وها صح قالت جدتك تتصل لها ضروري هي عتخلي البنت تكلمها اكيد لذا كلم هاجر قبل ما تتصل لها

ياسين: تمام بس مسرع اجلس عندنا

علي: ماشي خليني ارحلي قد قلت للبيت حقي اني بتعشى معاهم هيا خاطرك

خرج العقيد وياسين محتار مش عارف ايش يفعل واخيراً تشجع وطلع غرفة هاجر و دق الباب

هاجر: كنت افكر اني انزل واكلم ياسين لان كلامنا جلس ناقص هاه عاد انا اقول انزل هو ذا جاء سرت فتحت الباب وهو كان ياسين

ياسين: ييه انتي الحقيني لا نازل ونزل ياسين

هاجر: انا معي اسم ونزلت بعده

ياسين: اجلسي اشتي اكلمش

هاجر: ايوه وانا اصلاً كلامنا جلس ناقص وضروري نكمله الان

ياسين: اي كلام

هاجر: يوووه الذي تكلمنا به الصبح القواعد وغيرهن

ياسين: هاه صح ايوه انا الان تزوجتش وقبلت لاني وحيد انا وجدتي وجدتي قديه تاعبه مش هي حق عمل ومهرة البيت لذا اسمعيني انا تزوجتش تساعدي جدتي وتعينيها في البيت وانتي احميش وانتبه لش من الرجال الخطرين لما نبسر لهم حل وكما قد احتلت المشكله كل واحد بعد حاله ومحد عيدرى بهذا الاتفاق غيري انا وانتي

هاجر: الكلام الذي قلته للان انا موافقه عليه بس باقي معي شروط انك في غرفه وانا في غرفه حجابي هذا ما ببعده عيجلس فوقي يعني ما تبسرش شعري او جسم ابداً

ياسين: تمام بس القصه هذه لما تجي جدتي بنكلمها  كما قد جت احنا مضطرين نوضح لها قصه الحجاب لا تلبسي العبايه انتي داخل بيت وفي نفس الوقت ما تقدري تتحركي براحتش البسي روب وسيع وحجاب من الذي اديتهن لش

هاجر: تمام بس لما تجي جدتك ونكلمها ما عتتكلمش متأكد والباقي تمام موافقه وانت

ياسين: لا ماعتقولش وانا موافق الان بتصل لجدتي واكيد ان هي عتقول تشتي تكلمش لذا تجهزي لا تتوتري

هاجر: تمام

اتصل ياسين لجدته

ياسين: جده كيف انتي قد انا فاقد لش طولتي والله

الجده امنه: الحمدلله يا ولدي وانا قدني فاقد لك قوي ومبرووك يا ولدي سامحني اني ما قدت اكون جنبك وانت حريو

ياسين: الله المستعان يا جده اهم شي تكملي وترجعي لي بالسلامه

الجده: الله يحفظك يا ولدي واين هي العروسه هي جنبك اسكه ادي اكلمها

ياسين: ايوه جنبي وابسر لا عند هاجر هي ذيه معش ومكن هاجر وقال بصوت واطي انتبه تخبصي بالكلام

هاجر بصوت واطي: داريه مش انا خبلا احمم احمم
ايوه كيف انتي يا جده

الجده: حيييا ببنتي الحريوه  كيف انتي كيف حالش بخيره نورتي البيت

هاجر: ايوه بخيره تسلموا يا جده بنوركم

الجده: اسمعي يا بنتي...






























📚 @rewayatyamania  🇾🇪

.

البـارت 29 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


الجده: حيييا ببنتي الحريوه  كيف انتي كيف حالش بخيره نورتي البيت

هاجر: ايوه بخيره تسلموا يا جده بنوركم

الجده: اسمعي يا بنتي انتبهي لياسين صح هو شويه عنيد وعصبي بس هو مسكين وطيب ومابش احلى من قلبه اركن عليش

هاجر: ايوه كلامش صح اركني يا جده انا فدا لكم

الجده: يووه ما احلى كلامش باقي لي شويه واجي ابسرش قد قلبي على نار امانه هيا ادي لي ياسين

ياسين شل التلفون و ودع جدته وغلق

ياسين: ماقالت لش

هاجر: قالت انك عنيد وعصبي واني اتحملك

ياسين رفع حواجبه بتعجب: قالت هكذا كذابه

هاجر قامت من مكانها وهي تمشي: قالت اوبه لك حتى لو انت عصبي وعنيد قلبك طيب ومكسين ذلحين تشتي عشاء

ياسين: اوووه ياليت امانه ان قد بطني عرض ظهري

هاجر: هممم اخرج كان ادي لقمه مابش هنا


هاجر دخلت تفعل العشاء وياسين خرج يدي لقمه رجع وقد هاجر جهزت العشاء وكان شمه لا بعيد

بدأ ياسين يأكل: اوووف و الفول اول مره اطعم مثله امانه وكمل يأكل

هاجر كانت تشاهده بصمت اختفاء الروتي والفول من السفره ولا اكلت معه شي

ياسين: ييه انتي ليش ما تأكلي ابقي لش

هاجر: لا انا شابعه ما قد ناش جاوعه

ياسين كمل اكله وبعد ما كمل رفعت هاجر ونظفت

وطلع ابطالنا الاثنين كل واحد منهم غرفته

نام الجميع في هدوء وهم لا يعلموا ما ينتظرهم في الصباح ...

.
.

وفي الصباح الساعه 7:00 كان ياسين وهاجر لا يزالون نائمين

...................


بيت هنادي
هنادي في غرفتها محتاره ومتوتره من الذي عيحدث لبست عبايتها وحجابها وبرقعها وصلتها رساله من الياس انه منتظر لها في الحاره الثانيه خرجت لبست البوتي وقبل خروجها

ام هنادي: هنادي اي عتسيري من هذا السع

هنادي: هاه انا ابسرتي صاحبتي الذي كلمتش عليها امس تشتيني اسير معاها على شان اوانسها 

ام هنادي: ها ايوه صح سهل سيري معاها ذلحين البنت خايفه بس لا تتأخري ظهر وانتي هنا

هنادي: تمام

مشيت هنادي وكانت تجابر نفسها يوووه والله ان امي حاليه وعلى نياتها ولو هي ام ثانيه ما ترضى وتقول ايش دخلش منها المهم يارب استر لا يبسرني واحد من حق الحاره من هو ذيك الذي في السياره الياس ايوه الياس

الياس: هذي وين هي قلت لها سريع هي تيك الذي واقفه ايوه هي مالها ما تجي انا انزل ابسر مالها هذيه


نزل الياس من السياره وسار لا عند هنادي وقال

الياس: مالش ما تجي هيا تأخرنا

هنادي: اينه بالسياره

الياس: ايوه فيها شي

هنادي: ايوه فيها ما يسبرش اطلع معك لوحدنا فوق السياره

الياس: هههه ماهو كان ما تشتي مواصلات مافيها على اساس انش حبيبتي

هنادي: ايوه مواصلات ولو حتى لو خطيبتك حرام ما يجوز

الياس: خلاص تمام خليني اغلق السياره واجي

سار الياس يغلقها وقده عند السياره دخل شل تلفونه منها وغلقها وكان يقول كلام يا هنادي ظنيتش نفس البنات بس والله طلعتي غيرهن غيرش تتمنى تقرب لا جنب سيارتي وانتي رافضه تطلعيها يله سهل


وصل لا عند هنادي ومشيوا الاثنين لا عند المواصلات وطلعوا الباص وانطلقوا الى الجامعه

............................


في فرنسا حيث الساعه 8:00 صباحاً

في غرفه مظلمه كان جالس شخص مربط اليدين والقدمين وعلى جسمه اثار الضرب والتعذيب ووجهه مغطى بالدماء وكان امام هذا الشخص رجلان احدهما اخطر من الاخر غني عن التعريف انه مالك شيطان الظلام


سامي: سيدي انتظرت لك على اساس انك قلت عتجي لما تكمل الصفقه ما جيت فاضطريت اني اكمل العمل لوحدي

مالك: جميل انك انهيته لوحدك ولو كنت محتاج لمساعده في مثل عمل بسيط كنت قتلتك الان قدرت تعرف اي شي منه

سامي: قد تكلم بس باشياء بين اتوقع انه بيحاول يلعب بنا لذا سيدي هل اقدر اتأكد اكثر

مالك: تمام تأكد بس انتبه تتأخر اليوم عنرجع اليمن معك نص ساعه بس

سامي: حاضر سيدي

...............................


نرجع اليمن.........
الساعه7:30 صباحاً
هنادي والياس وصلوا الجامعه وعند باب الدخول منها

هنادي: الله انت تدرس هنا في هذه الجامعه

الياس: ايوه ليش الدهشه هذه

هنادي: هذه الجامعه الذي يعلنوا بها في التلفزيون والراديو والجرايد والمجلات وو

الياس: هههههه تمام تمام هيا دخلنا وكان بيمسك يد هنادي

هنادي سحبت يدها لا وراء

الياس: مابه ذلحين ليش وخرتي يدش

هنادي: ما يسبرش تمسك يدي وانت ولا شي لي حرام

الياس: احح احح بربش قلتي ما اشتيش سياره قلنا تمام قلتي ما تشتي تخطي جنبي مابلا ورايا قلنا تمام والان انا اديتش على اساس انش حبيبتي والا لا هكذا الذي في الجامعه عيدروا انه كذب كله هيا ابسري هولا الاثنين

وكان في رجال ومره متماسكين وقتها

هنادي: وانا ما افعل لهم...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 30 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


الياس: احح احح بربش قلتي ما اشتيش سياره قلنا تمام قلتي ما تشتي تخطي جنبي مابلا ورايا قلنا تمام والان انا اديتش على اساس انش حبيبتي والا لا هكذا الذي في الجامعه عيدروا انه كذب كله هيا ابسري هولا الاثنين

وكان في رجال ومره متماسكين وقتها

هنادي: وانا ما افعل لهم يعني انا كنت اتكلم قاطعت كلامي واحده بنت كان شكلها ايش اقول ايش المكياج في وجهها طن والرموش والحواجب والبالطو القصير الذي لونه بيج والنظارات الكبار بصدق اعجبتني انا عاد ما الرجال المهم قالت

ميرا: الياس قلبي صباح الخير ايش تسوي ليش ما تدخل ليش واقف

هنادي بينها وبين نفسها
ماهو قلبي ايش الوقاحه هذه

الياس: هاه ميرا صباح النور بدخل الان اسبقيني

ميرا مسكت يد الياس من ذراعه: لا ما بدخل الا انا وانت قده عندي عيد حين ابسرت القمر من الصبح والبنات الباقيات عيجننين حين انا معك

هنادي: لا لا يا شيخه هكذا زياده قوي

ميرا: عفواً من انتي من هذه يا الياس

الياس شاف لا عند هنادي بنظره انتصار لانه حس بغيرتها قال: هذه اسأليها انتي

ميرا: من انتي يا هانم لما تتدخلي

هنادي بغضب: انا انا اكون حبيبة السيد الذي انتي ماسكه يده

ميرا بسخريه وصوت مرتفع: ههههههه انا عارفه انه حلم اي بنت تعرفه بس انتي ليش عيحبش على ايش انتي موضه قديمه


التفت الجامعه حولهم نتيجه لصوت ميرا العالي


هنادي عصبت بقووه: وسحبتها من يدها قوي بس الموضه القديمه اصلي احس من الجديده تشتي تجربي ما رأيش نسير نغسل ونرجع نحكم من الموضه الاصلي هاه وسحبتها تمشيها الحمامات


ميرا بصوت يشبه البكاء: اييي فكي يدي بتوجعيني ما اشتيش اسير اغسل فكيني الياس ساعدني

الياس قرب من هنادي: هنادي خلاص ابسري كيف قد الجامعه التفت ما عاد باقي الا مصطفى عميد الجامعه يجي

هنادي: وانت خايف منه خليه يجي يبسر النظام الحالي هذا

بس ماهي الا ثواني وجاء العميد

مصطفى: مابه للحوشه ايش به وابسر هنادي ماسكه للبنت من يدها وقد البنت عتبكي

هنادي: ومن انت ذلحين

مصطفى: انا العميد

هنادي: انت العميد ههههه اكيد تمزح وين العميد من صدق اما انت عادك تدرس هنا اكيد يا سعم عتضحك على عقلي

الياس: هناااادي سكته احترمي العميد

هنادي: بس ما تشوف كيف هو صغير العميد يجي قده كبيير بالسن

الياس: هذا ابنه العميد حقنا توفى وجاء ابنه بدله

هنادي بدهشه وسكتت لان هي حست نفسها في ورطه

مصطفى: انتي فكي البنت الان

هنادي فكت ميرا وميرا هربت مثل السجين الذي يتحرر من السجن

مصطفى: الحقي بعدي الان

هنادي مشيت بعده والياس بس مصطفى وقف الياس انه ما يتبعهمش

الياس نظر نظرة عتاب لهنادي

هنادي حست بها وكأنها سكينه في قلبها وكملوا مشي الى المكتب

........................


هاجر كانت غاطه غي نوم عميق حين سمعت باب البيت يدق لان نومها خفيف جدا قامت لبست حجابها ونزلت

هاجر: مااان

علي: انا يا بنتي افتحي

هاجر فتحت

علي: اول مره اجي بدري و احد يفتح لي بدون ما اجلس ساعه

هاجر: هههه

دخل علي وسأل على حال هاجر وبعدها سأل فينه ياسين

هاجر: عاده نوم

علي: اطلعي صحيه يا بنتي

هاجر: انا

علي: ايوه انتي

هاجر: تمام وطلعت قلت في نفسي اصلاً العقيد علي مش عارف بقصة القواعد الذي فعلناها انا وياسين وصلت باب غرفه ياسين يارب كيف افعل دقيت كثير بس محد جاوب ادخل فتحت الباب شفته نوووم في سابع نومه زفرت بارتياح لانه كان لبس ملابس ناديته ثلاث مرات الثالثه صحي منها

ياسين بخمول: ما تشتي من ذلحين

هاجر: عمي علي يشتيك قده نازل

ياسين بفزع وقام من مكانه: من العقيد

هاجر هزت راسها بالموافقه

ياسين: الان شويه وانزل

هاجر غلقت الباب ونزلت وقلت لعمي علي ما قال ياسين ودخلت المطبخ افعل صبوح


بعد نص ساعه
نزل ياسين وقد كان عمي علي خرج ادى روتي قدمت الصبوح كملوا اكلوا رفعت الاكل الباقي الا ويدعيني عمي علي وسرت اجاوبه

هاجر: ايوه دعيتوني

علي: ايوه يا بنتي جي اكلمش

انا ابسرت لا عند ياسين نظره تساؤل بس ياسين هز راسه نافي انه ما يعرف ايش يشتي المهم جلست


علي: بنتي ابسري القاده الذي في الاستخبارات تشتي تعرف هذا الشي وانا كنت اشتي اكلمش من اول ما وصلتي بس قلت عاد حالتش النفسيه تاعبه واجلته والان بين ابسر حالتش مستقره

هاجر: ما تشتوا تقولوا لي يا عم

علي ابسر لا عند ياسين وقال: اشتي منش تقولي ليش ابوش سلمش لعزام وما يشتي منش عزام

ياسين: ها ايوه صح ضروري نعرف

هاجر عمي سألني هذا السؤال وتذكرت ايامي البائسه الذي عذبني فيها عزام زفرت بقووه وتمنيت لو اني ما اتكلم بس...











https://tttttt.me/rewayatyamania/45829
















📚 @rewayatyamania  🇾🇪

❤️‍🔥

بارتـات يومنـا السـبت👆🏻😍

.

👇🏻

https://tttttt.me/archiveRY


👇🏻

https://tttttt.me/ArchiveRY2