⇓ ✷ 😂😂 ✷⇓


خمسة كيلو برتغال بألف🤣


@nokat23 🤪

.

البـارت 31 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


علي ابسر لا عند ياسين وقال: اشتي منش تقولي ليش ابوش سلمش لعزام وما يشتي منش عزام

ياسين: ها ايوه صح ضروري نعرف

هاجر عمي سألني هذا السؤال وتذكرت ايامي البائسه الذي عذبني فيها عزام زفرت بقووه وتمنيت لو اني ما اتكلم بس هم ضروري يعرفوا في نفس الوقت هم الدوله ويمكن يشوف حل لمشكلتي كلمتهم بكل الذي حصل بالتفصيل كانت ردة فعلهم انهم اندهشوا بقووه

ياسين: وعشتي هذا كله في ذيك المكان لوحدش

هاجر: ايوه لوحدي

علي: لا حول ولا قوة الا بالله وانتي يا بنتي تعرفي الشنطه ومفتاح الخزنه اين هن

هاجر: ايوه عارفه اين هن وما مفتاح الثنتين

علي: وانتي ايش دراش يا بنتي وجدش مات من سنتين

ياسين: ايوه كيف دريتي

هاجر: دريت لانه طرح لي رساله

علي: طرح لش رساله اينه

هاجر: في المقبره

ياسين وعلي: مااااااهو في المقبره

هاجر: خلوني اكمل ايوه في المقبره

علي: كملي يا بنتي

هاجر: كان جدي قبل ما يموت اوصانا نقبره في مقبره جنب بيتنا ولما مات قبرناه هناك وانا كنت اسير كل جمعه اسقي قبره وارجع جلست جمعتين اسير اما ثالث جمعه سرت بس كانت مغلقه رجع سرت ليل

ياسين: وسرتي المقبره وحدش ليل

هاجر: ايوه وبعدين سقيت قبر جدي بس هذه المره جاء الامين حق المقابر الذي ينتبه لها جاء لا عندي ومكني الرساله وقال لي ان هي من جدي انا اول شي ما صدقت بس لما قريتها عرفت ان هي من جدي

ياسين: وكيف لما تأكدتي ان هي من جدش

هاجر: من الخط والكلام الذي فيها

علي: وما كان فيها من كلام

هاجر: كان في الظرف ثلاث رسايل الاوله عن مكان الشنطه والثانيه عن مكان الخزنه والثالثه عن مفتاح الثنتين

ياسين: عاد انتي ذاكره للكلام الذي قاله

هاجر: اذكر رساله الشنطه لانه قال افتحها اما الباقيات كل واحده ولها وقت وتاريخ

علي: طيب ماهو الكلام واين هي

هاجر: انا باقول لكم وانتوا قولوا لي اين هي

قال في الرساله غابة الحجار في الغرفه الذي ما تدخل منها الضوء حيث تنام الاميره بدون تعب بس للاسف الاميره راحتها مش دايمه لان اللحم عندها والكلاب تنهش في عظمها

ياسين: اييه ماهو هذا الكلام

علي: والله ما فهمت شي فهمت يا ياسين

ياسين: لا ولا انا داري ما قالت نفس طريقه كلام شيطان الظلام 

علي: بنتي الله يهديش ماهو هذا الكلام من اين قريتيه

هاجر: لا لهذه الدرجه هذه رساله جدي الذي يقول فيها مكان الشنطه

ياسين: هههه اسكه قولي ما فهمتي صدقني يا ابه ان هي مثلنا ولاهي داريه بشي

هاجر: الا داريه وعارفه ماهو

ياسين: يله اسكه ماهو

هاجر: يقصد غابه الحجار الذي هي المقبره لان هي كلها حجار اما الغرفه الذي ما يدخل منها الضوء الذي هي القبر حق جدتي لان جدي كان يقول لي ان جدتي هي الاميره النايمه في الغرفه اي القبر بس راحة جدتي مش دايمه لانه دخل في قبرها الشنطه وخباها بس الكلاب الذي هم امثال عزام وغيره بينهشوا ويدوروا عليها لدرجه جدتي مش مطمئنه في قبرها

ياسين: ما ماااااهو

علي: كلام يا بنتي وكلام في مكانه كيف عرفتي بهذا كله

ياسين: لا لا مش معقول كيف فهمت هذا المجبر كله والذي هو العقيد ما هو داري ماهو

هاجر: سبحان الله هو الذي يلهم الانسان ذلحين الشنطه في قبر جدتي

علي: انتبهي يا بنتي لنفسش والكلام هذا لا يخرج لاي احد تمام واي حين عتفتحي الباقيات

هاجر: عاده مش وقتهن غدوه بفتح الثانيه اما الثالثه فهي لما اشل الذي قال جدي اشلهن وبعدين اقراها

ياسين: واي حين فتحتي هذه حق الشنطه

هاجر: قبل امس بس عندي سؤال شيطان الظلام قلتوا ان كلامه نفس هذا الكلام طيب ما تعرفوا من هو يعني هويته الحقيقيه

ياسين: ايوه بس اصعب للاسف ما نعرف هويته الحقيقيه ابداً

علي: الصدق يا بنتي ذكاش ماشاء الله عليه بس المحلل حقنا الذي يعتبر الاول على الجمهوريه ما عرف لشي حتى ربع المجبر هذا

ياسين: لا اله الا الله صدق كيف الالهام من عند الله صدق

.......................................


نرجع عند صديقتنا هنادي

هنادي دخلت مكتب العميد وكان على شكله مبهر بجد الديكور كان فخم وانيق كنت اجول عيوني في كل ارجاء المكان ابسرت صوره رجال كبيير بالسن باين من شكله انه هيبه بصدق

هنادي: هذه صورة ابوك الذي هناك

مصطفى استغرب منها لان اول وحده تسأل هذا السؤال مع ان قد دخلين بنات كثيير

مصطفى: لا هذا جدي الذي بنى هذه الجامعه

هنادي: شكله هيبه والله هذا ينفع يكون عميد جامعه

مصطفى: احم الان قولي ايش القصه وليش انتي هنا ما جابش الجامعه هذه

هنادي: القصه ان هي تيك قليلة الادب قالت اني موضه قديمه وانا ما قدرت اسكت وانا جيت قلت اسأل بكم التسجيل لاني اشتي ادرس هنا

مصطفى: وانتي ما قصرتي بكيتي البنت

هنادي: ما فعلت بها ماغير مسكت يدها...

























📚 @rewayatyamania  🇾🇪

.

البـارت 32 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


هنادي: القصه ان هي تيك قليلة الادب قالت اني موضه قديمه وانا ما قدرت اسكت وانا جيت قلت اسأل بكم التسجيل لاني اشتي ادرس هنا

مصطفى: وانتي ما قصرتي بكيتي البنت

هنادي: ما فعلت بها ماغير مسكت يدها بس يووه من بنات هذه الايام

مصطفى: الان انتي مابش لش خرجه من هذه الغرفه من غير ولي امرش الان كم رقم ابوش

هنادي نظرت له نظرة برود: ابي مش موجود

مصطفى: وينوه عنتصل له ويجي عادي

هنادي: مات قبل 15 سنه

مصطفى تمنى انه ما قال لها اين ابوش لانه عارف كيف الالم هذا لان ابوه مات ومثل ما يقول المثل مايحس بك الا مجرب

مصطفى: طيب رقم اخوش عمش خالش عادي

هنادي: اخي مات وعمره سنه عم مابش معي عم خال مابش مع امي اخوه مابلا خوات

مصطفى: خلاص رقم امش

هنادي: امي مابش معها تلفون وهي ما تعرفش تقرا

مصطفى: هههه هذه اعذار وانا داري باعذار البنات بس مثل عذرش مابش وانا اقول لش مابش خرجه من هذه الغرفه الا لما يجي احد من اهلش وقام وخرج وغلق الباب

هنادي: وانا اقول الصدق مش اعذار وانا عادي بجلس لما تصدق يا زناط اوووف منكم يا رجال

الياس كان حاضر المحاضره وعقله عند هنادي
الياس: اوووف منش يا هنادي ياليت ما اديتش كيف افعل الان واخرجش من عند العميد ان شاء الله ماتكون قلتي انش جيتي على اساس حبيبتي لانه عتقع لي مشكله وصاح بصوت عالي: يااااارب عينني


القاعه كلها شافت لا عنده والدكتور ابسره باستغراب انا اسف يا دكتور كمل


في مكتب عميد الجامعه

هنادي: يوووه قد انا تاعبه وانا مسنبه وملثمه قد انا بطفح والله لاجلس جلست في الكرسي الذي جنبي وكان معي علبه عصير كنت عاطشه قوي فتحتها ورفعت البرقع وبين اشرب وخرجت تلفوني لان كان معي روايه اقراها


مصطفى: ذلحين هذه البنت هنادي من صدقها والا تكذب بس شفت الصدق في عيونها والله بنت غريبه بصدق اول مره تلفت نظري بنت هكذا بشجاعتها وصدقها اح اح كم جهدي انا الله يرحمك يابه سرت وفلت كل شي عليا ارجع الان المكتب ابسر ما شفعل

مشيت ووصلت المكتب فتحت الباب بس بهدوء مثل عادتي ولما رفعت نظري من الارض شفت بنت جميله ملاك لو قلنا ملاك جالسه تشرب عصير تتطلع في تلفونها هي ما انتبهتش ومنسجمه في الشي الذي تقراه انا كنت ما قدرت ابعد نظري منها لان كان شكلها جمييل وهي منسجمه بس صحيت من شرودي ورجعت غلقت الباب بهدوء ودقيت الباب اعلمها بدخولي فتحت مره ثانيه ودخلت وكانت قد رجعت البرقع وقامت من مكانها

هنادي: لو سمحت اقدر امشي لاني تأخرت وامي هي تاعبه و لوحدها في البيت قدو ظهر شرق عليا لو سمحت استاذ مصطفى تسمعني

مصطفى: هاه ايوه ما قلتي ما سمعتش

هنادي: مدري اين هو حسك هذا وانت تبسر لا عندي قلت اقدر امشي لانه قده شرق عليا

مصطفى: ايوه تقدري تمشي

هنادي: شكرا و كانت بتكلم نفسها الحمدلله انه ما اصر على ولي امري الحمدلله وخرجت هنادي

مصطفى: والله لا الحقها ابسر من صدقها والا تكذب


هنادي خرجت من الجامعه وطلعت مواصلات

ومصطفى شغل سيارته ولحقها

................................

في مطار فرنسا .......

سامي: ايوه يا سيدي الذي سمعته

مالك: سامي انت داري ما بتقول كيف هاجر هي الذي عارفه بمكان مفتاح الخزنه والشنطه ومكانهن هاه انت متأكد

سامي: ايوه قالها عزام بنفسه هو ذا عاده دخل قد حالته مثل الكلاب مستحيل يكذب

مالك: الان معي سبب قوي جداً يخليني اشتي هاجر صدق من قال يضع سره في اضعف خلقه ذلحين قول مفاجأة ياسين جاهزه

سامي: ايوه جاهزة لا تقلق

مالك: جميل

وطلعوا الطياره وماهي الا ثواني واقلعت الطياره متوجهه الى مطار صنعاء

..................................


نرجع اليمن بالتحديد بيت ياسين......

ياسين: وين عتسير ياباه عادك جيت ما بأكلك الان

العقيد علي: يا ابني اشتي اسير انقل المعلومات هذه بسرعه لان هي مهمه جداً وقد تأخرت في معرفتها وانت داري

ياسين: طيب خليني اجي معك

علي: اينه تجي معي قر من الخباله انت عادك عريس ماقد لك الا يوم وقدك تشتي تتخروج قر لا اكسر راسك هيا خاطرش يا بنتي ولو انتي تشتي شي هو ذا ياسين لا تخزي منه قده زوجش تمام

هاجر: تمام يا عم لا تقلقوا ولا شي

علي: ايوه صح عتجي الجده امنه متى

ياسين: مدري قالت في ذيه الاسبوع

علي: يله سابر خاطركم

هاجر وياسين: الله معاكم


مشي العقيد وغلق ياسين الباب ولما دخل ابسر هاجر مسنبه وفجأه التقت عيونهم ببعض ارتبك الاثنين بشده ياسين حاول يلطف الجو

ياسين: ما تشتيش شي من خارج اقصد تقدري تفعلي سلطه شرقيه

هاجر: ايوه اقدر

ياسين: صدق قولي والله خلاص انا اخرج اشتري مكوناتها واجي بس ماهن مكوناتها

هاجر: اشتري ........

ياسين: شي ثاني

هاجر: لا اصلاً البيت ملان ما احتاج شي










📚 @rewayatyamania  🇾🇪

.

البـارت 33 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


وصلت هنادي البيت ودخلت

مصطفى راقبها من بعيد وهو دخل سيارته

مصطفى: يعني هذا بيتش يبان انه بسيط وليش قلتي انش جيتي تشتي تسجلي في الجامعه اكيد في حاجه لحظه يا اخي انت من هذه الحاره

الرجال: ايوه يا اخي من تشتي شكلك ابن عز وغناء من معك هنا كلنا هنا بسيطين اول مره اشوفك هنا

مصطفى: اخي تعرف بيت من هذا واشر له

الرجال: ايوه هذا بين سعيد ال... بس هو قد توفى وما معه الا مرته وبنته اما مرته قديه تاعبه

مصطفى: طيب مابش معاهم احد

الرجال: لا يا اخي اخوته من بعد ما مات فلتوا البنت وامها والام مابش معاها اخوه

مصطفى: طيب من يصرف عليهم

الرجال: البنت تشتغل أستاذة في مدرسه في العصر هي الذي تشتغل وتصرف على البيت

مصطفى: شكرا يا اخي اشغلناك معنا

مشي الرجال ومصطفى يعني كلامش طلع صح وعاد انتي تشتغلي الله يعينش المسؤوليه تعب


هنادي: اماه وين انتوا انا جيت اماااااه يووووه وين انتي اماااه سرت دخلت الغرفه الثانيه و اول ما دخلتها غطيت على فمي وشهقت وصحت امااااه لان امي كانت على الارض غايبه عن الوعي نزلت لا عندها للارض كنت اهزها بقوووه بس مابش اي ردة فعل مادريت ايش افعل شليت تلفوني واتصلت لالياس بس ما بيرد خرجت سع المجنونه التمس اي مساعده من اي احد


مصطفى ارحلي الان ماعد جلستي هنا لحظه من هذه البنت الذي لحقتها مالها هكذا ايش حصل حالتها تشبهني لما مات ابي وما كان به احد غيري لحظه لا يكون حصل لها شي

خرج مصطفى من سيارته بسرعه لا عند هنادي

هنادي والدموع في عيونها: يارب ليش مابش احد كيف افعل يارب

مصطفى: ايش به حصل شي

هنادي: ساعدني امي امي مدري مالها

مصطفى: تمام اهدئي اسير ادي السياره لا هنا وسيرناها المستشفى تمام

هنادي هزت راسها بالموافقه والخوف ملان وجهها

مصطفى شغل سيارته وقربها لا عند باب بيت هنادي
دخل شل ام هنادي وطلعها بالسيارة وانطلقوا


وعند وصولهم المستشفى دخلوها هنادي كانت تشتي تدخل معاها بس مارضيوش الممرضات

مصطفى: اهدئي الان مابش شي ليش البكاء هذا كله

هنادي ببكاء شديد: امي لو يقع بها شي ما بقدر اعيش انا فلتها وسرت صدقت الياس العب انا خبلا يارب شلني ولا تشل امي

مصطفى: كيف الياس تمام لا تقولي هكذا هو مقدر ومكتوب مابش شي الان

خرج الدكتور من غرفه ام هنادي

مصطفى: يا دكتور حسن ايش وضعها

الدكتور: والله وضعها ان حالتها الان مستقره الحمدلله انك وصلت في الوقت المناسب والا كانت عتكون جلطه

هنادي: ايش جلطه بس من ايش امي مابش بينها ضغط ولا هبوط

الدكتور: فيها دم زايد وهذا الدم يسبب جلطات كثيير
المهم الحمدلله على السلامه

هنادي: اقدر ادخل اشوفها

الدكتور: من الافضل لا خليها ترتاح شويه عاد هي في العنايه المركزه خدمات يا استاذ مصطفى

مصطفى: لا شكراً دكتور تعبناك معنا

مشي الدكتور بعد عمله


هنادي جلست فوق الكرسي

هنادي: الحمدلله لك يارب

جلس مصطفى في المقعد الذي جنبها

هنادي شافته: اشكرك ولولاك ان الله اعلم ما وقع بامي والزلط قول لي كم هي وانا احاسبك حتى على شويه شويه عادي والا دفعه واحدة استاذ مصطفى صح لان الدكتور نادك به

مصطفى: شوفي انا سبب من عند الله اما الزلط مش وقتها الان خلي امش تخرج بخير وسلامه ايوه اسمي مصطفى وانتي ما قلتي اسمش

هنادي: هنادي اسمي هنادي سعيد ال...

مصطفى: هنادي اسمش مثل امي الله يرحمها

هنادي: انا اسفه ذكرتك بامك الله يرحمها

مصطفى: لا حق الله وشله واحنا شويه وقد احنا عندهم

هنادي: صح كلامك

.................................


ياسين: ذلحين صدق فعلتيها انتي ما طلبتيها من المطعم وقت ما انا خارج

هاجر: ايووه انا ليش بطلبها من خارج ليش هو به هنا تلفون

ياسين: هاه صح مابش معش تلفون ماشاء الله عليش لما تجي جدتي عتفرح بطبخش هذا



تسارعت الاحداث وبعد اسبوع خرجت ام هنادي من المستشفى ومصطفى ما كان يفارق هنادي في محنتها


اما الياس من بعد ذيك اليوم ولا عاد اتصل او فعل رساله لهنادي


اما ياسين وهاجر جلس ياسين ثلاثه ايام بعدها كان يسير على عمله ويرجع ولكن اشتغل العناد فيهم وسالم يجي عند ياسين ينام كل يوم


اما مالك الذي هو شيطان الظلام رجع اليمن هو واعماله الخطيره الذي تتعب الاستخبارات منها


وكان موعد جية الجده امنه اليوم اربعه فبراير

ياسين: ييه انتي اسمعيني جدتي عتجي اليوم ما اشتيش اي عناد

هاجر: من بيعاند انا والا انت خليها تجي اقول لها بكل الذي تفعله

ياسين: الله الله ما بين افعل افعالي جنب افعالش ماهن شي يا هانم

هاجر: ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 34 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


هاجر: من بيعاند انا والا انت خليها تجي اقول لها بكل الذي تفعله

ياسين: الله الله ما بين افعل افعالي جنب افعالش ماهن شي يا هانم

هاجر: والله من الذي عاند وما رضي يشتري شي ليوم كامل ومن الذي كسر باب المطبخ على شان ما اكون اغلقه ومن الذي غلق الطيقان ما عد زادين يفتتحين على شان ما افتحهن اسكه قول من

ياسين: ههههههه من الذي حلفت عليا ما بلا اخرج اشتري صمغ على شان طوابع من حق الجهال ومن الذي غلقت باب المطبخ لا وجهي ومن الذي تفتح الطيقان من صباح الصبح وقت ما الناس سايرين جايين

هاجر: مش هو انا

ياسين: وانا مش هو انا

وهكذا كان حال ابطالنا في الاسبوع الذي فات


................................


هنادي: هيا اماه انزلي دلا لا تدربي

مصطفى: لحظه وانا انزل اساعدش

نزل مصطفى وفتح الباب لام هنادي الذي اسمها سميحه وساعدها على النزول

هنادي: شكراً يا مصطفى انا مش عارفه كيف ارد جميلك هذا

مصطفى: مابش شي وما فعلت شي انتي كون لو حصل شي اتصلي لي ولو احتجتوا شي واحتاجت الخاله سميحه حاجه امانه لا تترددوا في الطلب

سميحه: الله يستر عليك يا ولدي ويجازيك خير ادخل عندنا على الاقل تغدى يا ولدي

مصطفى: عندكم العافيه يا خاله مره ثانيه ان شاء الله الان اسير بعد عملي قد لي كثير مفلت له وابسر لا عند هنادي.. هنادي ما تحتاجي شي

هنادي: ماشي تسلم

مشي مصطفى ودخلت هنادي وامها البيت

هنادي: نورتي بيتش يا امي الغاليه

سميحه: بنورش يا حبيبتي ايوه قولي لي اسمعش

هنادي: ما هو ايوه وايش تسمعيني

سميحه: من هو هذا الولد الحالي الطيب مصطفى هاه وصدق هو الذي دافع كل شي

هنادي: من قال لش هذا المجبر

سميحه: الدكتوره كانت تقصد انه زوجش قالت ماشاء الله معش زوج بنت مابش منه دفع كل التكاليف

هنادي: يا اماه الله يحفظش مش وقت الكلام الان عادش تاعبه قصه طويله

سميحه: وانا جاهزه اسمعها تكلمي الان

هنادي: يوووه لا قد طلعت حاجه في راسش ما تهجعي الا لما تفعليها

هنادي كلمت امها بكل شي حتى قصه الياس

هنادي: انا اسفه يا اماه لاني كذبت عليش وابسري حين كذبت كيف ربي عاقبني على كذبتي

ام هنادي: بس بسبب كذبتش ربي خلاش تعرفي من هو ابن الحلال من الحرام صح او ماشي كل شر يولد منه خير ومره ثانيه لا تكذبي عليا مره ثانيه يا بنتي

هنادي: ايوه عرفت وقديه قفا اذني ولاعاد بازيد اكذب ابداً عليكم

ام هنادي: ذلحين ضروري نعزم الولد هذا نجازيه على ما فعل لنا على الاقل ولو مش هو قيمه الذي فعله لنا اتصلي له غدوه يجي غداء

هنادي: تمام

..............................


في مطار صنعاء..

ياسين: مالها ما قد جت جدتي قد لنا ساعه مريعين المفروض ان قد نزلت اين هي

سالم: اهدأ يا اخي يمكن بتخطى دلا انت اهدأ

علي: ياسين اصه كسرت راسي من الجنان

ياسين: انا اسير ابسر كشوفات القادمين من الاداره عتجوا معي والا لا لان اكيد به شي كما قد هاجر قامت كذيه من الصبح مابش خير في اليوم هذا

سالم: عنجي عنجي وامرنا الى الله

علي: ايش دخل البنت يا ولدي البنت في حالها

ياسين: كيف ايش دخلها كما قديه ضابحه هكذا والا احد ضبحها اعرف طوالي ان اليوم هذا مابش فيه خير ابدا


مشي ياسين وسالم والعقيد وتقدم العقيد الى الاداره وخرج بطاقته ودخلوهم طوالي وطلبوا من صاحب الكشوفات البحث

علي: اسمعني يا ولدي ابسر اسم امنه محمد علي قد وصلت طيارتها

الموظف قلب الكشوفات

ياسين: هاه ايش وصلت والا عاد هي

المؤظف: ايوه وصلت امس الساعه 3:00 عصر

ياسين: ماهو ما بتقول تأكد

سالم: كيف وصلت امس وما قد جت تأكد هيا من الجنان

المؤظف: انا متأكد يا استاذ وصلت امس عصر

علي: شكراً يا ولدي اتعبناك

خرجوا من عند الاداره

ياسين: كيف هذا المجبر يا مدير انا بجنن اكيد غلطوا خليني ارجع لهم

علي مسك يد ياسين بقوه وشده

علي: اسكت من الخباله الناس قالوا امس خلاص ايش دخلهم هم وقد تأكدنا منهم مرتين

ياسين: لا لا لاتقول ان شيطان الظلام رسالته كانت تستهدف جدتي طول هذا الوقت بدون ما نحس 

سالم: لا لا اكيد لا الله اعلم من خطفها لو كان الشيطان ايش مصلحته من خطف مره عجوزه

علي: ذلحين نسير المقر ونبسر الاستخبارات ونلقى وين هي هيا شرق

وانطلقوا الى المقر

........................


في مكان بعيييد كانت في الظلام الغارق امرأه عجوز لا ترى شي مقيدة اليدين ومغلقة الفم

مالك: كيف انتي يا حجه انا اسف لاني بأذيش واتعبش انا شغلي مش معش بس انا اشتي ابسرها ضروري لان قد نفسي عتخرج عليها اشتي العب مع ياسين شويه وانتي الوحيده الذي عتفعل لي هكذا يله مع السلامه هههههههه




























📚 @rewayatyamania  🇾🇪

.

البـارت 35 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


وصلنا المقر اخيراً هكذا قال ياسين من كثر الخوف على جدته نزلوا بسرعه وكان قد العقيد اتصل بالمقر واعلمهم بالمشكله دخلوا وكان المقر بيشتغل بقووه لانه مشكلة الرائد ياسين القاسي والعنيف والهيبه والرجوله

ووقت ماكانوا واقفين منتظرين اي معلومه جاء العميد اللواء الركن احمد

احمد: خير يا ياسين لا تقلق عتلقاها

ياسين: العميد احمد احترامي سيدي انا اسف سيدي

احمد: ياولدي ابعد الرسميات وكلمني مثل ما بتكلم العقيد علي وعلى ايش آسف ياعيباه انت ابننا وفينا وجدتك هي امنا

ياسين: ما تقصروا سيدي


جاء واحد من الاستخباراتيين وقال للاسف ما لقينا شي غير حين خرجت من المطار ومن هنا انقطعت مشاهد كيمره المراقبه

احمد: ياسين سالم وعلي وحسين الحقوا بعدي المكتب

مشيوا مكتب العميد احمد وكل واحد جلس في كرسي على الطاوله

احمد: ياسين خرج الرساله الذي اداها الشيطان هي معك

ياسين: ايوه معي هاهي وخرجها وطرحها فوق الماسه

سالم: بس سيدي ايش عنستفيد واحنا ما قدرنا نعرف ماهي

احمد: وصلتني معلومات حفيدت هاني ال... وان هي في خطر كبيير بصدق بس كلمني علي ان هي عرفت الشنطه من رسالة جدها وهذه الرساله كانت مشابهة تماما لطريقه الشيطان صح او لا

ياسين وعلي: ايوه صح

احمد: طيب اكيد انك ما وريتها هذه الرساله الذي معك يا ياسين ليش

ياسين: لا ما وريتها لاني قلت ان هي معترف لها لان مش معقول ان هي تعرف ايش يقصد

احمد: ومن حل لها رسالة جدها يا فاهم

ياسين: يمكن حلتها غلط

احمد: ابني لا تستهزئ بحفيدة هاني.. هاني كان عالم كبيير وعبقري وما عيترك رساله لحفيدته الا وهو داري ان هي عتعرف ما مقصده

حسين: ايوه صح كلام العميد الركن احمد منطقي وصح

سالم: وانت يا ياسين مالك كلامه صح

ياسين: الان انا ايش افعل يا عميد

احمد: عندي البنت هنا تحل الرساله وتعرف مكان جدتك

علي: ايوه قرار صائب انا اسير ارسل لها سليم يديها الان

اتصل العقيد لهاجر وفهمها الوضع وقال لها انه عيجي سليم يشلها ويديها وهي وافقت وبعد نص ساعه وصلت هاجر ودخلها المستقبلين مكتب العميد الركن احمد

علي: حياش يا بنتي

هاجر: الله يحييكم يا عم

ياسين ابسر لا عندها بنظرة غيره لان كان سالم وحسين مطننين فيها

ياسين: احم احم سالم حسين الان ركزوا معي

احمد: ههههه كيف الغيره ما عندهم حجه يا ولدي لا تضبح البنت مثل القمر وفاتشه لذا اعذرهم

هاجر فهد معش اللواء العميد الركن احمد مطهر جدش كان صديق لي وانا اتشرف اني اشتغل الان مع حفيدته

هاجر: وانا اتشرف اني اساعد الدوله سيدي

علي: اجلسي هنا يا بنتي

ياسين: ييه انتي مش وقت المجبر ماعد بش وقت الله اعلم كيف جدتي بس انا متأكد ان احنا اديناش على الفاضي

هاجر: هه اووف متكبر ومغرور

حسين: صدق انتوا الان مزوجين

سالم: كأنهم اطفال بيتعاندوا صح

ياسين وهاجر بصوت واحد: ما تتدخلوش

احمد: كمل وقت المزح والان وقت الجد حسين مكن الرساله الانسه هاجر

هاجر: انا شليت الورقه بس كانت سوداء طبعاُ ادوا لي ضواء ازرق على شان تبان الكتابه واول ما شفت المكتوب لا لا مستحيل الخطوط تتشابه مش هو خطه الان وقت اركز كان مكتوب

ياسين لو نقول انت روميو وهي جوليت يبيعوها بكثرة في بيت الزعلانه هي تكون عاليه في المنتصف اذا قطعتها مايكون لها قيمه واذا خليتها هي حلقه لا منتهيه لكن اذا لقيتها انتبه تسرع لانك عتكون ميت في نار لكن انتبه تكذبني في فبراير ابريل............. شيطان الظلام

هاجر: انا كملت قريتها وطرحتها على جنب غمضت عيوني استوعب اكثر بس كنت اكلم نفسي كيف هذه الطريقه تشبه طريقة جدي قوي

سالم: ياسين مالها ايش حصل ليش غلقت عيونها

ياسين بسخريه: هههه اكيد ما عرفت شي انا قلت لكم بس ما صدقتوني

احمد: اصصص من قال لك مثل جدها تمام

علي: اهاه كان لما يحل اي شي يغمض عيونه

حسين: ظاهره غريبه ونادره

هاجر: انا دريت اين هي وما يقصد

الكل كان متعجب هل صدق هاجر عتعرف الجواب الصح

احمد: تكلمي يا بنتي تكلمي

هاجر: المكتوب هنا هو

ياسين لو نقول انت روميو وهي جوليت يبيعوها بكثره في بيت الزعلانه الاجنبي هي تكون عاليه في المنتصف اذا قطعتها مايكون لها قيمه واذا خليتها هي حلقه لا منتهيه لكن اذا لقيتها انتبه تسرع لانك عتكون ميت في نار لكن انتبه تكذبني في فبراير ابريل............. شيطان الظلام


حيث انه شبه حب ياسين لجدته بحب روميو وجولييت.. اما الشي الثاني في مكان في شارع الخمسين بيبيعوا فيه قصص روميو وجوليت بكميات كثيره

حسين: طيب لو سمحتي على شان يكون منطقي كيف عرفتي انه في شارع الخمسين

هاجر: لانه قال...



https://tttttt.me/+Ecxq_OzMYh40M2E0






📚 @rewayatyamania  🇾🇪

.

البـارت 36 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


حسين: طيب لو سمحتي على شان يكون منطقي كيف عرفتي انه في شارع الخمسين

هاجر: لانه قال في بيت زعلانه بالاجنبي والان قول لي اين هو العدد بالارقام الاجنبيه يكون اتجاهه عكس الارقام الباقيه

حسين: اكيد الخمسه

هاجر: الان قول هو به شارع خمسه عندنا

حسين: لا مابش

هاجر: يوجد شارع خمسين وهي نفس الخمسه بس جنبها صفر فهمت

حسين: يا الله ياربي ايش ذا العقل يا الله ماشاء الله بس

هاجر: كان ياسين جالس جنبي مسك يدي بقووه انا التفت لا صليه لان اول مره يمسك يدي او يقرب مني هكذا شفت في عيونه عضب وشرار احمر كله غضب بس ايش سبب النظره هذه

علي: كملي يا بنتي

هاجر: اه نكمل الشي الثالث عاليه في المنتصف يقصد هنا الجبال الذي في شارع خمسين اذا قطعتها ما تساوي شي واذا خليتها هي حلقه لا منتهيه ويقصد هنا الجبل رقم ثمانيه

سالم: ايوه صح اذا قطعنا رقم الاجنبي الثمانيه ما يسري شي يكون صفر وصفر واذا خليناه يكون دواير لا منتهيه مابش لها مخرج

هاجر: بالضبط هذا ما قصدته اما الرابع قال لا تسرع اذا لقيتها يا سعم لما نلقى الجده امنه وتبسروها لا تسرعوش لا عندها لان في فخ من نار عيحرقكم انتبهوا اما انتبه تكذبني في فبراير ابريل يعني انتبه تقول ان كلامي كذب في تاريخ 2/4 الذي هو تاريخ اليوم

الكل كان يستمع بدهشه من ذكاء هذه البنت وبشكل مباشر صفق الجميع صفقه قويه الا ياسين الذي كان ماسك يد هاجر بقووه ولا فلتها ومطنن لا قباله

هاجر: لي علمي ماله ياسين هكذا من ايش خايف لهذه الدرجه بس قده بيوجع يدي قوي يارب ساعدنا من عندك

قاطع كلام هاجر الداخلي العميد الركن احمد قال

احمد: هاجر بنتي لو عاد جدش موجود انه الان يفتخر فيش لانش كنتي في كشف احد خدع ومخططات اكبر مجرم مافيا بالعالم

هاجر هزيت راسي بالموافقه والايجابيه بس محد داري الا خالقي ما كان يجول في عقلي من افكار عن الشخصيه الحقيقيه لشيطان الظلام


وفي نفس الوقت امر العميد بتجهيز وحده كامله من الرجال العسره للمهمه الكبيره هذه الذي الشيطان فيها فهي مهمه خطيره جدا

هذه الوحده والقياده كانت بقياده ياسين انا اصريت على السيره معاهم لانهم ما يعرفوش في اي جبل محتجزه الجده امنه

ياسين طبعاً رفض بقووه بس استسلم لام العميد احمد وانطلقنا في طريقنا

ياسين: ييه انتي اسمعي ما اشتيش اي غلط مر فينا اشتغل فيش انتي الثانيه انتبهي تتحركي من جنبي فهمتي

هاجر: ايوه فهمت

سالم: ياسين ليش ما بتدعيها باسمها من لما جت وانت تقول ييه انتي ليش

ياسين: اظن انك لا تدخل في الازواج يا سالم وخليك في عملك احسن لك

هاجر: هو ما غلط عليك هو صدق ليش انا معي اسم من اول ما جيت وانت تداعيني هكذا

ابسر لا عندي بنظرة قسوه وغضب انا خفت من نظرته لان طريقة نظرته هذيه وعيونه المختلفه الوانها مخيفه بجد انا سكت وكملنا طريقنا والان وصلنا شارع الخمسين

نزل كل الرجال ونزل ياسين ادى لهم التعليمات وها هم كل واحد انطلق الى مكانه

ياسين: هيا يا هانم عتنزلي

هاجر: انا ايوه بس ادي لي حجره انزل فوقها ما تشوف كيف السياره مرتفعه قوي والارض وين هي
كنت اتكلم مد ياسين لي بيده ماهو ما تشتي

ياسين: ما اشتي امسكي يدي وانزل هيا انا مش فاضي

هاجر: ياسين قال هكذا وحارف وجهه لا يمينه انا ماكان معي خيار ثاني انا مديت يدي امسك يده بس هو سحبها بشكل مفاجئ لما خلاني ادربت لا فوقه فتحت عيوني الا وانا فوق ياسين وهو ممدد في الارض انا خزيت قوي وجهي حمر وعيوني بعيونه وقمت طوالي من فوقه 

ياسين بغضب: ليش بتتأخري ذلحين جدتي في وادي الله اعلم اين هي وانتي الان بتتخيبلي بخبالتش هذه

هاجر: انا اتخيبل والا هو انت الذي سحبت يدك ليش تمدها وانت عتسحبها اصلاً انت مش قدها

ياسين: انا مش فاضي لش وقتش بعدين مش الان اجلسي في السياره ومابش نزله منها


هاجر: ليك ليك ما بتقول انا جايه معك مابجلس لوحدي هنا

ياسين: الا عتجلسي واتحداش تخالفي كلامي وتخرجي منها عيقع كلام ثاني بعدين ومشي ياسين

هاجر: ييه وين عتسير ارجع لا هنا يا لغجه اووووف اجلس في السياره لوحدي يوووه جحفه له ما افعل الان اسكه افتح الصندوق الذي عند السكان فتحت الصندوق ولكن خرج منها رساله سوداء شليتها وفتحتها بس هذه المره كانت الورقه بيضاء و مكتوبه ببنفسجي انا استغربت وقريتها وكانت

خليش يا هاجر متفائلة واعرفي انش الصح بكل شي وان الصمام مصدر عِلل كل انسان وكل جماد وان الغلط والدعممه والمشي بغير بصر تخلي الواحد يندم ويقرح جو

هاجر: ...




























📚 @rewayatyamania  🇾🇪

.

البـارت 37 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


هاجر: هاه مابيقول هذا كيف كيف يغير المكان وكيف طرح هذه الرساله هنا وما دراه بأن البنفسجي يعجبني طز كيف ما دري دري ذلحين الصمام عِله كل انسان وجماد لحظه في الرساله الاوله قصده الجبال والان يقصد ما داخل الجبال يعني الجده داخل كهف وهذا الغام يوووه كيف افعل ذلحين من عيكلم ياسين مامعي الا اني اسير بنفسي ادورها ولو اجلس ادور ياسين الجده عتموت وعاد انا ما لقيت ياسين اسير ادورها وما عيفعل يفعل

خرجت هاجر تدور وتنقذ الجده امنه


نجي عند ياسين....
سالم: ياسين مالقينا شي دورناها في كل مكان لقينا المكتبه الذي يبيعوا قصه روميو وجوليت والجبل كان وراه بس ما بحديه هناك

ياسين: كيف ما بحديه وين هي وين زيدوا دوروا وانا اسير ابسرها لا تكون كذبت او ما دريت وينوه وقالت انه هنا

سالم: لا ما اظنش ان هي كذبت او مادريت البنت والله عبقريه ولو هي ما دريت ان مالقينا المكتبه ولا الاشياء الباقيه

ياسين: سير ذلحين دور ما عليك من الباقي


سار ياسين الى السياره مكان هاجر وهو يجابر نفسه يووه يا هاجر لو اعرف انش غلطتي بالمكان ما شفعل بش

وصلت لا عند السياره فتحت بابها وقلت ييه يااااا ب ن ت اين هي وين سارت خلفتي كلامي هيا ابسري ايش بفعل بش قلت هكذا لاني شفت السياره ما فيها احد

كنت اتلفت يمين ويسار وشفت للارض بس لاحظت في ارضيه السياره ورقه سوداء من شيطان الظلام رفعتها وكان تحتها ورقه بيضاء ومكتوب فيها بقلم باللون البنفسجي استغربت قوي كيف الشيطان غير لون الكتابه ولون الورقه بس لما قريتها زاد اندهاشي اكثر هاه من اين يعرف هاجر وكيف هذا الكلام شكله غير المكان بس من ادى هذه الورقه لا عندها اح اح ولو مره واحدة افعلي حاجه وقولي لي بها اح طلعت سيارتي وكان الصندوق الذي جنب السوكن مفتوح غلقته وشغلت السياره وسرت

اتصلت لا عند العقيد علي وكلمته بالذي حصل والذي مكتوب بالرساله جاوب عليا العميد الركن احمد وامرني بالبحث في اماكن اعمق بكثير لانه ذكر الصمام والصمام شي داخلي وعميق استمعت لامره وامرت العناصر بالبحث في كل مكان في الجبال حتى الكهوف....


عند بطلتنا هاجر

هاجر: هو هذا الجبل صح ايوه هو لانه قال انتبه امشي بحذر بس ما دراني انا بالالغام بدخل وعلى ربي دخلت الكهف كان مظلم قوي ومن حسن حظي كان معي ولاعه في جيب البالطو خرجتها وتضاويت بها مشي ومشيت كثيير الله اعلم كم يبلغ عمق هذا الكهف الله يستر لا يخرج لي شي واخيراً وصلت شفت مره عجوزه مربطه فوق كرسي جريت لا عندها وبعدت القماش من فمها

هاجر: انتي بخير يا جده

الجده: يابنتي ما بين اقدر ابسر من الظلام ساعديني الله يستر عليش وانا افعل لش اي شي

هاجر: لا تفعلي لي شي خلينا نخرج اول اهدئي افك الرباط من عليش وقت ما فكيت ايديها حدث شي غير متوقع انفجر لغم لشكل غريب وكأنه تحكم عن بعد

الجده: يوووه يا الله اسرعي يا بنتي لا نموت الله يحفظش

هاجر: الان انتي تنفسي واهدئي لان المكان قده كله دخان انفجر اللغم الثاني وها هو الكهف يمليه الغبار والدخان لان الا لغام كانت بعيده شويه منا وثواني وقرح الثالث والرابع

الجده: احا احا احا ما عد بين اقدر اتنفس باموت وما قد شفت حفيدي سامحيني يا بنتي باموتش معي

هاجر كملت فكيته: احا هيا نخرج قبل ما نختنق مسكت الجده امنه ومشيتها سريع كانت تسعل بقوه انا خفت عليها لا يحصل لها شي ما عيقع بياسين غطيت على فمها بيدي واليد الثانيه ما سكه لها كنت اكتم انفاسي بصعوبه بين احس وكأني بادوخ ومشينا بس قرح لغم ثاني خلاني افقد اكثر قوتي

حاولات احمي حياة الجده الاهم عندي واخيراً وصلنا للمخرج خرجنا بس ما عد قدرت اتحمل اكثر الدنيا سودت قبالي ونفسي اقتطع وها انا استسلم وارتمي في الارض


ياسين: سالم بتسمع القوارح هذه اين هي هاه لا تكون عند جدتي

سالم: بتجي من تيك الجهه هيا نسير نبسر عساكر تحركوا لا مكان الانفجارات

ياسين: الله يستر عليش يا جدتي اما هاجر هي بتسع ارواح

جري ياسين وسالم والعناصر العسكريه بسرعه ووصلوا مكان الانفجارات كل واحد منهم اخذ مكان للحراسه والاحتياط وبدا ياسين وسالم وبعض العناصر الاخرين بالبحث

ياسين: سااالم لقيت اي شي

سالم: لا عادنا الله اكبر على اليوم هذا

ياسين: لحظه بتسمع هذا الصوت صوت بكاء

سالم: هذا هذا صوت الجده امنه من اين بيجي

ياسين: هيا بسرعه من هنا سرت انا وسالم بخوف وحذر في نفس الوقت وكنا بنتقدم بحذر وبطء لا يكون فخ ولما وصلنا هنا كانت الصدمه جدتي كانت تبكي وهاجر كانت مرجومه في الارض جريت بسرعه البرق لا عندهن

ياسين: جده جده جده واخيراً لقيتش مابه مالش اهدئي تمام الان ايش حصل مالها

الجده امنه: ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 38 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


ياسين: جده جده جده واخيراً لقيتش مابه مالش اهدئي تمام الان ايش حصل مالها

الجده امنه: اااالذي ااالذي حصل انه انه جت هذه البنت لا لا عندي تساعدني بسسس قرحين الغام وامتلا الكهف بالغبار والدخان وجلسين يقرحين خ خيييرااات وانا كنت اسعل قوي البنت خافت وسدت على انفي وفمي من الدخان و كانت ماسكني باليد الثاني لا ادرب وهي جلست تستنشق ذيك كله ولما خرجنا ادربت على الارض وماعد قدرت تتنفس ودوخت و و

ياسين: خلاص خلاص مابه شي البنت عتكون بخير عنسيرها المستشفى الان ابسري البنت ضحت بحياتها على شانش لا تخلي تضحيتها بلاش سالم شل جدتي للسياره المستشفى 

سالم: تمام هيا جده امنه هيا
الجده امنه سارت مع سالم وهي تبسر لا عند هاجر وتدعي لها ياسين قرب من هاجر

ياسين: ييه ييه انتي تسمعيني هاجر هاجر يارب لا لا هااااجر قومي اسكه دنيت راسي لا صدرها اسمع نبض قلبها سمعته بس ضعيف خفت بقووه ولاول مره اخاف هكذا مدري ليش تفحصت التنفس بس توسعت عيوني وشهقت بقووه وصيحت بكل صوتي كان مابش نفس وبدون تفكير فعلت لها تنفس صناعي حاولت حاولت كثيير يارب يارب الطف بي من عندك وحاولت مره ثانيه لكن هذه المره الحمدلله جابت مفعول بدات تتنفس شويه بس تنفس ضعيف شليتها وجريت مثل الطير للسياره و اول ما طلعت السياره

ياسين: سالم امشي بسرعه لاقرب مستشفى البنت عتضيع من يدي اسرع

سالم شغل السياره مثل المجنون وكان يسوق بشكل مش طبيعي

ياسين: ابسرت لا وجه هاجر كان شاحب مثل الميت تفحصت النفس وانه انقطع من جديد انا صيحت قوي ساااااااااالم اسرع والله لا اقتلك اسرع

الجده: ابني ابني البنت ما بتتنفس ما بش نفس والنبض ضعيف قوى افعل شي

ياسين: قد فعلت لا تجننيني يا جده قد فعلت تنفس صناعي كثييير انا ازيد افعل اكثر زدت فعلت لها وعاد حسيت بنفسي اول ما طرحت راسي براسها ماعد قدرت ارفعه خفت خفت لا ارفعه وتضيع من يدي واكون السبب في موتها صحاني من شرودي سالم

سالم: ياسين اسرع وصلنا المستشفى

ياسين فتحت الباب ونزلت بسرعه خياليه دخلنا المستشفى الطوارئ كان هو مستشفى خصوصي دخلوها بسرعه ولا مكان محدد منعوا دخولي اكثر وطلبوا مني الانتظار مسكت بيدي على وجهي خوف من اي شي يمكن يحصل

سالم: ياااسين ايش ايش الذي في وجهك ويدك

الجده: شهقت بقووه د د دم في ولدي

ياسين: ايش دم ايش ابسرت لا يدي وان هي ملان دم واليد الثانيه نفس انا ارتبكت هذا هذا الدم من اين جاء او يكون وابسرت لا عند المكان الذي دخلوا هاجر منه وقتها خرج الدكتور انا بدون شعور مشيت لا عنده مسكته من ملابسه ودهفته عرض الجدر وقلت مالها ايش فيها من اين الدم هاه قول تكلم

الدكتور: استاذ ياسين انت معروف واحنا نحترمك انا اكلمك بس اهدأ لا تقلق

ياسين: تكلم تكلللللم بسرعه

الدكتور: تمام تمام الحمدلله انكم فعلتوا للبنت تنفس والا كانت الان راحت من يدنا اما الدم الذي قلت فهن شظايا دخلت في رجلها والان نشتيك توقع على بعض الاوراق على شان نفعل العمليه وضروري لان البنت خسرت دم كثير

فلت ياسين الدكتور بقوه وقال
ياسين: اين اوقع اسرع

الدكتور: تفضل معي

وسار ياسين ووقع على موافقه العمليه

............................


مروان: الياس متى عنكمل التطبيق قد انا كاره نفسي

الياس: مسرع مادام وانت هكذا ليش تدخل طب

مروان: قول لي ما عاد فعلت من هنادي عاد قدرت تفعل الذي قلت عليه

الياس: هههه لا كان نفسي بس اكتسرت يا اخي عامله نفسها شريفه وبنت ناس وانا ما اشتي منها انا اشتي اتسلا قلنا نطعم هذه المره المحشمات ما سبرت ذلحين ما علينا منها قول لي ليش المستشفى بيرتج هكذا ايش به من هو هذا الذي رجه هكذا

مروان: ايوه صح ذكرت اقول لك ابسرت ياسين ال... ذيك الاستخباراتي الذي الاخبار والتواصل الاجتماعي والراديو ووووو بيتكلموا عليه هو الذي رج المستشفى على قولتك مدري من مرض عليه هذا استخباراتي في مرتبه رائد ياسعم انه مثلنا محد له علم اين احنا

الياس: ذيك الهين متكبر شايف نفسه من هو يكفينا احنا اجمل بنات معنا ما عاد نشتي

مروان: ايه كلامك صح اما هو حياته كلها قتل وحرب وجنان

الياس: جي نسير نبسره هيا ونبسر مابه

مشي الياس ومروان وهم يمشوا خطيوا من جنب باب المستشفى

مروان: ليك ابسر كيف الكيمرات والصحفيين جوا الله الله كيف هم سع الذر حول الباب

الياس: ايوه ماااالك هو كبييير هاه هو ذا هو الكبيير

مروان: اااالله ابسر ابسر كيف هو قده عيجنن انت عارف نفسي اعرف مابيفعل لجسمه وشعره يا اخي انت الذي بنقول عنك جنتل ومدري ماهو انت جنبه ولا شي

الياس: سكهني هدارك وابسر فتحوا الباب خلينا نبسر من هو المريض الذي بيقلق وقد عيجنن عليه السيد ياسين هههه




























📚 @rewayatyamania  🇾🇪

.

البـارت 39 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


خرجوا الدكاتره هاجر متوجهين بها الى غرفه العمليات بسرعه مشيوا بها من جنب الياس ومروان

كانت ردة فعل الياس انه طنن وتسمر مكانه وكان يكلم نفسه ها هاجر ايوه هاجر ما مالها ايش حصل لها وايش علاقتها بياسين ال... لا يمكن ان هي تشبهها اوقف الدكتور اسأله

مروان: اوووف والبنت عادك تقول ان اجمل بنات معنا يا اخي هذه اين بنات معنا هذه ثلاثه صواريخ امانه جو جو بر بر بحر بحر ابسرتها يوووه لو هي معي ييه يا ابن ال... بين اكلمك

مشي دكتور والياس وقفه وسأله

الياس: لو سمحت يا دكتور من هذه المريضه وما اسمها لان شكلي اعرفها

الدكتور: هذه زوجة السيد ياسين ال... اصيبت باختناق وشظايا في رجلها اما اسمها فهو ممنوع علينا نقوله لاحد ومشي الدكتور

الياس صعق فور سماعه لهذا الكلام هاجر زوجة ياسين وكيف عرفها وعرفته وما حصل لها لما اصيبت باختناق وشظايا ضروري اتأكد هل هي هاجر او لا

مروان: الياس شكلك مش معي انا باروح انتهى الدوام عتروح معي

الياس: هاه لا روح انت انا بتأخر

مروان: شكلك اعجبتك البنيه يا صايع مع السلامه تمام براحتك ومشي مروان

الياس تقدم الى ياسين محاول التأكد بأي طريقه سار لا عند ياسين وهو جالس وطارح راسه في ايديه

الياس: الحمدلله على السلامه استاذ ياسين الذي داخل تكون زوجتك او ايش

ياسين تنهد وسكت

الياس: يافندم ممكن تجاوب

ياسين: انت ايش دخلك تكون لي ما كانت ابسر عملك ومادخلك ليش بتحقق هاه

سالم: خلللللللاص خلاص بس ياسين اهدأ انت في مستشفى وانت يا اخي لا تواخذه الرجال مرته في العمليات وهو عصبي شويه لذا قدره

الياس: لا عادي بس كنت حاب اعرف اسمها لاني داخل الان العمليه على كل حال الله يقومها بالسلامه

سالم بصوت هادئ: اسمها هاجر ال... لا تخلي احد يعرف لان ياسين ما يحب اسم زوجته يعرف فهمتني

الياس: ايوه فهمت هو الا اسم سابر المهم زال البأس

سالم: تسلم يا دكتور

مشي الياس وهو يقول والله ان هي هاجر طلعت شكوكي صحيحه بس ما حصل وكيف عرفت ياسين انا اشتيها تنذل بتعتز ليش بيقع عكس ما اشتي يقع فيها

روح الياس اما هاجر كانت عاد هي في غرفة العمليات وياسين والجده منتظرين

اما سالم امره ياسين يستكشف الكهف الذي حصل الانفجارات فيه


خرج الدكتور من العمليات وهو يقول

الدكتور: الحمدلله العمليه تمت بس احنا محتاجين دم البنت فقدت دم كثيير

ياسين: طيب ادوا لها ايش يمنعكم

الدكتور: المشكله ان فصيله الدم نادره جدا ومستحيل تلقاها في بنك الدم

ياسين: كيف ماهي فصيلة دمها

الدكتور: -B

ياسين: اااايش هذه نادره بجد وكيف عنفعل

الدكتور: فندم كيف انت زوجها ومش عارف فصيله دمها

ياسين: ايش دخلك قلت ايش عنفعل

الدكتور: ما معنا الا ندعي لها لان مابش ما نفعله وصدقني لو قلت تدور ما عتلقى ابداً زال البأس مره ثانيه

ياسين هز راسه با الرضى ودخل لا عند جدته والحيره ملان وجهه والندم

الجده: هاه طمني ما قالوا نجحت

ياسين: ايوه نجحت بس

الجده: ماهو بس ايش به تكلم

ياسين: محتاجه دم لانها نزفت بدون ما نحس ونمنع النزيف وفصيلة دمها نادره جداً ومش موجوده في بنك الدم قال الدكتور ما عاد معنا الا الدعاء

الجده: يوووه ياربي لطفك كله بسببي لو كنت انا بدلها لكن ماشي البنت ضحت بنفسها على شاني

ياسين: اصصصص ازيد اسمعش تقولي هكذا كله مقدر ومكتوب

الجده: من هذيه يا ابني وماقدرت ابسر صورتها من الربشه كنت ابسر كل شي اسود وبس ايوه وين هي مرتك في البيت لوحدها اتصل لها وطمنها

ياسين بقهر: ههه ههه مرتي مرتي هي هذه الذي في العنايه الذي انقذتش هي مرتي

الجده: ماااهو كيفه وكيف جت معك لا هناك وكيف تفرط فيها هكذا يا ابني كيف هاه هكذا واحد يركن عليك

ياسين بصياح: خلاص بس خلاص انا غلطان ونادم لاني خليتها لوحدها في السياره اعجبش هكذا انا شخص شوعه قذر واحد هين ونذل واهم شي نفسه مايقدر ومحد قدره والذي قدرته شويه ابسري ما فعلت لها انا نحس وشؤم وكريه من عرفني يموت

الجده لطمت ياسين في وجهه بقوه

الجده: ارجع لعقلك وازيد اسمعك تقول هكذا قسما لا عاد تعرفني ولا اعرفك

ياسين ببكاء: ما عد قدرت اتحمل مشاكل داخل مشاكل حياتي كلها ما فيها يوم حالي كلها قتل حرب دم في دم اشتي اعيش افتهن حتى يوم بس بعدا افعلوا بي ما تشتوا

الجده حضنت ياسين بقوة

ياسين ما عاد قدر يتحمل بكى بقووه لعلى وعسى تهون الالم عليه شويه ويبرد حريق قلبه


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 40 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


في بيت كبيير في مكان مهجور اينما كان يجلس في الظلام دائما شيطان الظلام الذي لا توجد في قلبه اي رحمه وانما ظلام اسود حيث اصبح الصمت مضاعفاً وكل الاحاديث ذابت في ظلامه المملوء بأصداء بعيده ومخيفه

سامي: تمت العمليه يا سيدي الانسه هاجر في المستشفى مثلما انت تشتي وبلغنا العميل بمعلومات جديده لهم الان هم محتاجين لها دم مثل ما توقعت انت بس مالقيوا لان فصيله دمها نادره مثلك سيد مالك

مالك: هههه ضخم الامور ماشيه تمام ومثل ما اشتي اتصل لصاحبنا وقول له عنجي الان

سامي: مثل ما تأمر

شل سامي التلفون واتصل للعميل الذي بينقل لهم معلومات ياسين بدقه عاليه تقولوا ولا عايش عنده كلمه سامي بالذي امر به شيطان الظلام وغلق الخط

وانطلق مالك وسامي للمستشفى الذي هاجر متواجده فيه..

.......................


في بيت هنادي
هنادي وامها جالسات يشربين شاهي ويتابعين التلفزيون......

ام هنادي: بنتي اتصلتي لمصطفى قد كلمتيه يجي يتغدى عندنا

هنادي: ماشي يا اماه عاد انا

ام هنادي: واي حين عاد قومي اتصلي قد الساعه ثمان ليل اتصلي قبل ما يقع معش شي غدوه وبعدين ما يقدر يجي

هنادي ابسرت لا عند امها هزت راسها بالموافقه وقامت غرفتها تشل تلفونها تتصل لمصطفى

هنادي: وين جاء رقمه هاه ذاهوه بس ايش اقول لك اممم ايوه قول له ان امي حالفه عليه غدوه غداء فعلت اتصال لمصطفى وهاهو تلفونه يرن


عند مصطفى...
مصطفى: اوووف يارب ضبحت لوحدي وسط هذا البيت بكله ايوه صح غدوه اسير العصر المستشفى ابسرها قد انا فاقد لها قوي ماعد يخليني اقاوم حالتي الا هي اح اح مدري مالي حسي عند هنادي بصدق اول مره بنت تلفت انتباهي مثلها كهذا كم يابنات حاولين بس مثلها لا بس ليش بين افكر بها كل سع الله الله يا هنادي قد انتي الذي توالهيني وقت ضبحي هيا ماقد به قد التلفون بيرن ما عيقع لي افتهن شويه اسير ابسر يمكن شي مهم

سار مصطفى يبسر من بيتصل لان تلفونه كان في غرفته ولما شله وشاف المتصل هاه هنادي والله صدق ابن الحلال على ذكره يبان احم احم احسن صوتي


نرجع عند هنادي.....
هنادي: يووه ماله مابيجاوب قد له ساعه بيرن هاه هو ذا فتح الو استاذ مصطفى كيف الحال

مصطفى: الحمدلله هنادي وانتوا كيف حالكم وحال الخاله سميحه

هنادي: الحمدلله بخيره بفضل الله وبفضلك لكن

مصطفى: ايش لكن ايش حصل به شي

هنادي: لا تقلق مابه شي بس امي حالفه عليك غدوه غداء عندنا وقالت والله لو ماتجي لا تخاصمك

مصطفى: هاه فجعتيني الخاله سميحه حالفه عليا غداء غدوه ها

هنادي: ايوه

مصطفى: وانتي مش حالفه عليا

هنادي: هاه الا اكيد كيف ما احلفش عليك ليش عاد اتصلت لك كنت باخلي امي لو انا ما اشتي

مصطفى: بس انتي قلتي امي ما قلتي احنا

هنادي: هيا ناهي انا وامي واحد ماعد بش داعي للرسميات

مصطفى: مدري بين احسش ما تشتيش اجي

هنادي: يوووه مصطفى انت والطبيعه هذه والله لو ما يجي الساعه واحده ظهر وانت عندنا يا ويلك ابسر ما عيقع لك وغلقت هنادي الخط


عند مصطفى....
مصطفى: ههههه والله ان هي غلقت في وجهي احب غضب البنت هذيه تخرج الذي في قلبها كله لا قد ضبحت افعل لها رساله اني باجي غدوه


هنادي سمعت صوت رساله رفعت تلفوني اشوفها رساله من مصطفى قال فيها مالش ضبحتي هكذا خلاص انا بأجي اتغدى بكره على شان ما تقتليني
قريتها وخرجت لا عند امي كلمتها انه بيجي ولاني فرحت بس تقولوا كيف عيقع غدوه انا متوتره بجد

..........................


في المستشفى......
رجع سالم من المكان الذي حدثت العمليه فيه ودخل لا عند ياسين

ياسين: اهلاً سالم قول ايش حصلت

سالم: بصراحه هذه هاجر معجزه من الله الكهف عمقه خمسه كيلو وهي مشيت هذه المسافه كلها وهي تتنفس دخان القنابل

ياسين: قنابل ما على اساس الغام

سالم: ايوه في الغام ومتفجرات دخانيه و الكل وعلى ما ابسرهن خبير القنابل قال انهن من صناعه فرنسيه روسيه وقويات

ياسين: سبحان الله وقوة التحمل والصبر الذي معها بس قول لي لقيت الدم الذي قلت لك تدور عليه

سالم: لا والله دورت كل مستشفى وبنك الدم بس مالقينا هذه نادره

بينما ياسين وسالم بيتناقشوا دخل الدكتور مستعجل وفارح

الدكتور: فندم ياسين معي لك خبر حالي ومعجزه والله

ياسين: سلامات ايش به تكلم

الدكتور: تفضل يا استاذ هذا فندم ياسين اظنه غني عن التعريف فندم ياسين هذا الاستاذ عيتبرع لزوجتك بالدم فصيله دمه مطابقه لفصيلة زوجتك

ياسين: صدق الحمدلك يا الله تسلم يا اخي وانت تحتاج شي تشتي اي مقابل انا مستعد بس عرفنا باسمك الكريم

مالك: انا اسمي مالك...

















https://tttttt.me/rewayatyamania/45829











📚 @rewayatyamania  🇾🇪

❤️‍🔥

بارتـات يومنـا الاحــد👆🏻😍

.

البـارت 41 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


الدكتور: تفضل يا استاذ هذا فندم ياسين اظنه غني عن التعريف فندم ياسين هذا الاستاذ عيتبرع لزوجتك بالدم فصيله دمه مطابقه لفصيلة زوجتك

ياسين: صدق الحمدلك يا الله تسلم يا اخي وانت تحتاج شي تشتي اي مقابل انا مستعد بس عرفنا باسمك الكريم

مالك: انا اسمي مالك يا فندم ياسين واخيراً لقيتك انا من اكبر محبيك وانا اشكرك انا ما احتاج شي ولا اشتي غير المساعده

ياسين: احرجتني يا مالك فوق راسي هنا هه بس امانه تحتاج شي كلمني تطلب شي نفسك بشي تكلم

مالك: بصراحه نفسي اكون صديق لك انا اتمنى اكون صديقك او حتى على تواصل لو سمحت اطلب منك رقم تلفونك لو ماعندك مانع طبعاً

ياسين: الله المستعان كيفه ادي لك روحي لانك اديت شي معدوم وربي سجل عندك .......777

مالك: شكراً لك عن اذنك اسير اتبرع بالدم على شان معي عمل

ياسين: الله معك يا اخي

سالم: سبحان الله يا ياسين كيف رزق هذه البنت حالي

ياسين: اهه عاد باقي الان تقوم بالسلامه


عند شيطان الظلام........

سامي: سيدي انا ارفع لك القبعه بصدق صدقت انا انك متبرع

مالك: كل شي يشتي له سياسه وبعدين دمي ودمها واحد ماهي جانبي الايسر الاهم اننا نبقى على مقربه من ياسين وهاجر

سامي: ايوه سيدي


في غرفه مغلقه حيث الاجهزه ممتلئه في جميع اجزاء الغرفه كان في بنت ممدده على السرير موصله جميع هذه الاجهزه بجسدها الصغير هي مثل الملاك المتعب الهزيل منتظر الشفاء من خالقها

دخل الاطباء لاجل يدوا لها الدم ويبسروا حالتها وخرجوا

كانت هاجر مثل الجثه الهامده الذي متوقعين الاطباء توديعها هذه الحياه بأي لحظه والمعجزه هو ان اول ما وصل الدم الى يدها ليدخل الى جسمها المتعطش له فتحت هاجر عيونها بثقل واستعادت وعيها


تسارع الاطباء للعنايه ليشاهدوا هذه المعجزه

ياسين: ايش به مالهم بيفعلوا هكذا او يكون حصل شي لها

الجده: يوووه مع يارب سترك يارب تفاءل بخير قلعوا عينك يالغجه

سالم: يا جده امنه اكيد حصل شي مابتشوفي كيف هم دخله خرجه


واخيراً جاء رئيس الاطباء على شان يشرح الذي يحدث ويطمن ياسين والذي معه

ياسين: دكتور ابسرني الان تقول ايش الذي بيحصل هاه تكلم ولو تخبي شي واعرفه قسماً لا اقلب هذا المستشفى قلب

الدكتور: اعصابك يافندم ياسين الذي حدث شي ما كنا نتوقع حصوله وحصل بطريقه كيف اقول معجزه والله

الجده امنه: ايش حصل يا ولدي حرقت قلبي واقلقتني تكلم

الدكتور: الانسه هاجر فتحت عيونها فور تعليق القربه الدم جنبها والذي جعلنا نندهش هو ان ما قديش القربه الدم حتى ربعها بس الا وقد نسبه الدم عندها ارتفعت الى الشكل الطبيعي والذي يدهش اكثر هو ان جميع اجهزه وظايفها الداخليه والخارجيه سليمه وممتازه جداً لدرجه انكم قادرين تخرجوها الصباح معجزه والله

الجده: الحمد لك ياربي لك الحمد ياسين خليني اروح البيت اجهزه وانظفه على شان نروح مرة حفيدي غدوه

ياسين مسح على وجهه: اوووف الحمدلك يارب هذا كله القلق والحشره كلها اقلقتونا يادكتور شكراً لك تقدر تسير وتشوف عملك غدوه الصبح عنخرج هاجر

الدكتور: بالسلامه مره ثانيه وتقدر تخرجها اي وقت


رحله الدكتور وياسين اتصل لسليم السواق حقهم يجي يشل الجده امنه ويروحها لانها مصره على الروحه ووكل ياسين حراس لحراسه البيت وحمايته

وبعد ما روحت الجده بنص ساعه....

سالم: ياسين جي واحنا نروح والله ان قد انا تاعب قوي اشتي ارقد قد الساعه بعد منتصف الليل

ياسين: روح انت انا بجلس عندها محد عارف ما يمكن يحدث لما نسير اكيد ان اليهود الان منتظرين نفس هذه الفرصه ويخطفوها مره ثانيه

سالم: ايوه صح ذكرتني دققنا في الرساله وكل ما فهمه حسين هو انه الشيطان يعرف ان هاجر هي من حلت الرساله الاوله بل متأكد من البدايه ان هي الذي عتحلها وزيد عرفنا انه غير مكان الجده بالعاني على شان احنا ندور ونلتهي وهاجر تسير تساعد الجده ويحدث هذا كله اي من البدايه هو يشتي هاجر وهذا كله على شان يوالهنا ويقدر يوصل لهاجر براحته

ياسين: يوووه يوووه من ابن الحرام هذا ايش العقل الذي معه شيطان ابن الكلب وربي شيطان بجد هذا وقدك عارف وتشتيني افلت هاجر هنا لوحدها يمكن يجي بأي لحظه ياغبي هيا روح روح وانا اجلس هنا عندها

"مساكين الاثنين ما يعلموا ان شيطان الظلام قد جاء وهو الذي تبرع بالدم ودخل لا عند هاجر وخرج بكل راحه"

سالم: تمام سامحني والله تاعب قوي وذلحين اخي الكبير عاده عيفعل لي محاظره خاطرك
ومشي سالم

ياسين كان يشوف سالم وهو يمشي ويرحله وكان يجابر نفسه...























📚 @rewayatyamania  🇾🇪

.

البـارت 42 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


ياسين كان يشوف سالم وهو يمشي ويرحله وكان يجابر نفسه
ياسين: ياسعم ما تاعب الا انت قد انا حسيت روحي خرجت ورجعت ثنتين فجايع في يوم واحد استغفر الله العظيم اسير الان عندها اجلس وانتبه لايقع شي
سرت لغرفة هاجر فتحتها ببطء ودخلت كانت مستلقيه فوق السرير ونايمه بعمق اقتربت منها وجلست جنبها ماقدرت اتجنب وجهها الجميل وملامحها البرئيه بجده فيها حلا يخلي الواحد يتحيلا لها غصب لحظه ذلحين الدكاتره ابسروها هكذا فور ما قلت وفكرت هكذا اشتعل الغصب بداخل راسي مش عارف ليش هذا كله ما اشتيش احد يشوفها غيري او يكلمها غيري وانا اتأمل ملامحها بكل بهجه غطيت في نومي بدون ما اعرف او احس


هاجر فتحت عيوني بين احس بشخص جنبي واحس بتنفسه حركت راسي بهدوء لا طرفي الايمن اشوف انه ياسين نايم وهو جالس بس راسه فوق السرير جلست اشوفه كثير لدرجه ان يدي خانتني وقمت بتحسس ملامحه القاسيه الرجوله وشعره الغزير الاسود ما اعرف ليش فعلت هكذا او ماهو السبب هل هو اعجاب بشكله وملامحه او حب وعشق اسئله كانت تدور في راسي من غير جواب وهل ينفع الحب من الطرف الواحد هذا يعتبر عذاب ابت عيوني الاستماع لعقلي وجلسين يتأملين ياسين وطريقه نومه بصمت الا عندما اعلنين الاستسلام لملامحه القاسيه وغطين في السبات العميق

................................. 


في الصباح الساعه 8:00

ياسين صحي من نومه بثقل ولكن اول ما تذكر هاجر قام بخوف وشاف السرير ما فيش فيه احد خاف من ان يكونوا استغلوا فرصة نومه وجوا خطفوها واول ما رفع راسه شافها واقفه جنب الطاقه تشاهد الناس والعصافير من هناك

ياسين تنهد بقوه: يوووه والفجيعه وقعت لي والله اني حق قطر الحديد

هاجر التفتت لا عنده وضحك بابتسامه خلت ياسين مايبعد نظره عنها

هاجر: ايش حصل ماالك ايش ذكرت لما انت مطنن فيني هكذا

ياسين: هاه هاااه ايوه ذكرت ماذكرت ايوه صح جدتي تشتيش تروحي ذلحين

هاجر ضحكت بهدوء وضحكتها شرحت قلب ياسين بقووه

ياسين قام ومشي لا عندها وقرب قوي لا عندها

هاجر ارتبكت ونزلت راسها للارض

ياسين بصوت هادئ: عاد معش عقاب حين قلت لش ما تخرجي من السياره ابدا وانتي خرجتي وعصيتي كلامي

هاجر: قد تعاقبت وهذا الذي حصل لي ماهو

ياسين: لا من قال لش انا ما اشتيش تتعاقبي هكذا الان قولي انتي بخير تقدري تخرجي اليوم والا عادش تاعبه

هاجر حاولت تتحرر من عيونه وجسمه الكبير لان فارق الطول بينهم كبير مشيت وهي تقول

هاجر: انا بخير واقدر امشي مابش داعي للمستشفى واكيد ذلحين ان قد الجده قلقه قوي

ياسين: هاه ايوه لو تبسريها امس لا ترحمي حالها كانت صاحيه بس مثل الميته ما تدرى بشي من كثر الفجيعه المهم هيا خرجنا تقدري تمشي برجلش

هاجر: يعني شويه توجعني لو يدوا لي عكاز يساعدني شويه

ياسين: صح ضروري الان اسير اديه وارجع

خرج ياسين ادى العكاز ورجع هاه شليه تعرفي تستخدميه

هاجر: اه اعرف شليت العكاز ومشينا وقع ياسين على اوراق الخروج وتقدم الاطباء للتوديع انا استغربت لهذه الدرجه ياسين شخصيه مهمه المهم ولما خرجنا وقفنا

ياسين: اصبري شويه يسيروا يدوا السياره من موقفها

هاجر: تمام
التفت الى الجانب الثاني من المستشفى كان يوجد اطفال يلعبوا بمرح واباءهم حولهم باين عليهم اطفال مصابين بأمراض وبينما انا اشاهدهم بسعاده سمعت ياسين يلقي التحيه الحاره على واحد ويشكره شكر مش طبيعي

جاني فضول كثيير اعرف من هو هذا بعدت نظري من الاطفال والتفت الى ياسين وهذا الشخص الذي يحييه ولكن لما شفته تمنيت لو اني ما التفت او ان الفضول هذا جاء فيني رفعت حواجبي وفتحت فمي وشهقت بقووه لكن سرعان ما تمالكت نفسي لكن تجمدت مكاني


............................


في بيت عائله هاجر (فهد ال...).....

كانوا مجتمعين على السفره يتناولوا طعامهم بصمت والحزن في اوجاههم لانه بدأ فهد يدخل في مشاريع فاسده بسبب زوجته ازهار وبدا الافلاس في شركته وفجأة قطع هذا الصمت المخيف الياس

الياس: لو تبسروا امس ما شفت في المستشفى الذي كنت اطبق فيه امس

فهد: هاه ايوه انت امس طبقت في المستشفى الكبير ذيك صح ايوه قول لنا كيف كان التطبيق وقدرت انك تتعرف على بعض الدكاتره هناك

الياس: كانوا حالي وكان المستشفى هادئ الا لما جاء ياسين ال....

فهد: والله ياسين ذيك الاستخباراتي الكبير

ازهار: صدق قابلته قدرت تتعرف عليه

زين: مالكم يووه حتى اصحابي كسروا راسي منه اهدأوا شويه يكمل الولد

الياس: لما جاء اقتلب المستشفى قلب ورئيس الاطباء الذي محد يبسره ابداً خرج ابسرناه امس ماهو حرك المستشفى قرعه امانه

ازهار: ماهو هيبه من صورته صدق ايوه ما كان يشتي

الياس: هههه لو تبسروا ما ابسرت...



























📚 @rewayatyamania  🇾🇪