.

البـارت 7 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


ياسين: سالم نظيف

سالم: نظيف يا قائد بس ما قلت من الذي عننقذه

ياسين: الكل ينتشر ويدور على بنت بسرعه

سالم: ايش بنت؟!

ياسين: اسرع يا سالم ايوه بنت مابش معانا وقت هيا

سالم: بعدك يا قائدي

ياسين: دوروا كل مكان حتى بيت النمل فتشوه لا تخلوا اي شي على ماهو وانتبهوا و احذروا


وبعد نص ساعه من التفتيش و الدوار

ياسين: سالم لقيت شي

سالم: لا والله شكله انضحك عليا يا صاحبي

ياسين: يا صاحبي في العمل

سالم: قصدي يا قائدي

واحد من رجال العناصر: ياقائد يا قائد لقيت غرفه مقفله تعال ابسرها

ياسين: بتسمع يا سالم هيا اجري


نزلوا للغرفه المغلقه الذي هاجر فيها

سالم: افتح الباب هيا الوقت بيضيق علينا بس لحظه ماهو هذا الشم

ياسين: ابعدوا  ابعدوا وانا افتحه


الكل بعد وياسين زبط الباب لما كسره لانه معروف ببنيته القويه

سالم: كما هو متوقع منك يا طرزان


تقدم ياسين وسالم وبقية العناصر بعدهم بحذر خشيه من لو به فخ والا اي شي للاحتياط ولكن ما ابسروه خلاهم يتسمروا مكانهم لما شافوا الجثث المعلقه في كل انحاء الغرفه

سالم: ياسين ماهو هذا الان هولا كلهم من هم


ياسين: والله مريض ايضا قلت لك يا سالم انه مريض وطلع كلامي صح هولا كلهم اموات وجيفتهم قديه لا بعيد لحظه من الذي جالس هناك في الزوه

سالم: اينه هاه ايوه من هو

وبدا ياسين يتقدم بحذر خطوه خطوه لما وصل وابسر ان هي هاجر ياسين وقف مكانه يتأملها هل هي نفس البنت الذي ابسرها لكن لحق سالم بياسين

سالم: مالك تأخرت يا صاحبي هاه شكلك افتجع...... اووووه من هي هذه الملاك المعذب

ياسين: الذي جينا على شان ننقذها و ... ييه ما بتفعل ذلحين


سالم: اسبر نفسي مابتبسرش كيف قد انا مع المداهمه لو قامت ذلحين تبسرني وانا هكذا مبهذل ليش ما تقول لي ان حنا جينا على شانها على الاقل كنت استبكت

ياسين: وانا مارضيت اقول لك على شان هذا المجبر يا راديو اف ام

سالم: انا راديو اف ام

ياسين: ناهي هيا هيا قبل ما يجي عزام تأخرنا

سالم: ايوه هيا يله ابعد اشلها

ياسين: اخطى قبالي من الخباله باشلها انا يله

سالم: ياصايع تشتي تشلها انت هاه

ياسين: تقول لا قائدك يا صايع

سالم: ماهو ما شي ماشي مش لك لا واحد ثاني اسف يا قائد ما كنت اقصدك فهمت غلط

ياسين: خير خير يله قبالي سريع


حمل ياسين هاجر وركبوا السيارات وانطلقوا ...........
.
.


الحارس: سيدي داهموا المقر وقتلوا كل الحراس

عزام ضرب يده على ماسة القمار وقال: اييييييش انت تسمع ما بتقول كيف ومن

الحارس: الاستخبارات والرجال الذي داهموا هم نفسهم حق كل مره

عزام: احححح منك يا ياسين اذا ما قتلتك بيدي ما انا عزام ابن حسني والبنت ان شاء الله ما خليتوها وهم شلوها

الحارس: للاسف سيدي

عزام خرج مسدسه وعشقه بسرعه وطلق على راس الحارس من كثر العصبيه


عزام: ياسين ياسين ياسين اين ما سرت وانت عقبه في طريقي لكن خليني اشل مرادي وصدقني نهايتك ماعتكونش بسيطه انت وهاجر انا اوريكم تشتوا نلعب عنلعب صح من الان انت يا حسن اسمعني الان وسير لا عند شيطان الظلام وقله اني اشتي اكلمه ضروري في موضوع الشنطه

حسن: بس يا سيد عزام انت عارف ان محد يقدر يوصل له

عزام: انت سير للبيت الاسود وبس

حسن: حاضر يا سيد عزام

.
.

في بيت ياسين.....

سالم: ليش اديتنا هانا يا ياسين وليش اديت البنت في بيتكم ووين الجده امنه

ياسين: اسكه اسكت حتى نص ساعه نفسي يجي يوم وابسر ما تسأل الا لما الناس يقولوا لك طبع زفت فيك

سالم: يوووه منك يا ياسين سكتنا اهه عنريع لما تكلمنا انت بنفسك

ياسين سكت وشل هاجر وطلعها لا غرفه الضيوف فتح الباب ودخلها وطرحها فوق السرير وخرج وقفل ونزل لا عند سالم

سالم: ايوه

ياسين: ماهو ايوه

سالم: تكلم جاوب ما انا سألتك جاوب

ياسين: هاه ايوه صح جدتي مابحد هي سافرت تحج مع اخوها وجينا لا هنا قلت نفتهن قد احنا تاعبين اما البنت انا جبتها هنا على شان ترتاح ولاني باخليها تحت حمايتي

سالم: ماهو كيف تحت حمايتك ما يسبرش يا ياسين ماعيقولوا اهلها

ياسين: مابش معها احد اين اديها والمدير قال اخليها عندي

سالم: حتى لو مابش معها احد حتى لو قال لك المدير يا اخي هذا لا يجوز شرعاً لو عاد الجده امنه هنا كان عاد هي تمتغط (تنبلع) شويه لكن لوحدك هكذا اااه والله ماهي سابره

ياسين: اححح بس كم جهدي انا وما جت تسافر جدتي الا الان قلت لك انا دبور يا سالم

سالم: لا تقلق عنبسر حل

ياسين: هيا قم المدير فعل رساله نسير لا عنده

سالم: يا جناه نفسي نص ساعه يا عالم نص ساعه نجلس هكذا بغير شي

وقام ياسين وسالم وغلق ياسين البيت على هاجر وانطلقوا بالسياره حق ياسين


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 8 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


وفي البيت الاسود.....

حسن: اشتي اقابل شيطان الظلام

سامي اليد اليمين لشيطان الظلام: للاسف مستحيل تقابله الا لو هو يشتي.. من انت

حسن: بس معي له كلام من سيدي عزام ال...

سامي: ماهو كلمني وانا اكلمه لانه مستحيل قلت لك تبسره وهو ما يشتيش

حسن: خلاص تمام قول له

سامي: كلام ياحسن كلام كم جلست تخبي بنت ابنك هذه يا هاني مننا لكن الهربه سنه واللقيه يوم صدق خلاص انت الان سير بعد عملك ولا تقلق كلامك هذا اعتبره وصل من وقت طوييل

حسن: تمام وشكراً لك

سامي: مابلا تسلم انت على هذه المعلومه

ورحله حسن.....

سامي: هههههه واخيراً عنكمل ما وقفناه


..............................


في بيت ياسين عند هاجر ....

هاجر: اححح قدوه بختي بوجع راسي هذا وين انا الان وكانت هاجر تلف بنظراتها حول الغرفه باستغراب
قامت من فوق السرير فتحت الباب وانه مفتوح


هاجر بتعجب: الباب مفتوح والله مفتوح لكن ليش ما غلقوه ليكون في شي خارج فخ والا اي شي والله لا ابسر خرجت من الغرفه بحذر لا يقع شي وبدات اتقدم خطوه خطوه وصلت لا عند الدرجه نزلت منها وكنت اتساءل البيت هذا كبير وحالي الله اعلم حق من هو

الله يستر لا يكون حق واحد اخس من عزام لما ذكرت عزام جريت لاصلا الباب حق البيت بكله لكن كان مقفل وقتها ذكرت انه كان به اشتباك عنيف وبعدها جاء واحد وضربني في راسي لما تذكرت هذا ابسرت طوالي لا ايديي او الاصح اصابعي كانين في حاله مزريه ويوجعني قوي تذكرت معاناتي وكيف كان يقلع اظافيري ويلطمني بقلب بارد حسيت بالموت يمشي في عروقي لكن مدري ليش بين احس ان القادم اخس واعظم

وبعد ماكملت اذكر حالتي المأساويه دخلت المطبخ وهنا كانت المفاجأة

هاجر: الله ما احلى المطبخ هذا يوووه والحلا فيه بين احس نفسي مش في اليمن اسكه افتح الثلاجه انا جاوعه ابسر ما بينها فتحت الثلاجه ولما فتحتها شهقت بقوه وطرحت يدي في فمي من كثر الصدمه وقلت يارررررب ايش الضخامه هذه كانت الثلاجه سوبر ماركت امانه وها انا جهزت لي اكل عادي لاني ما قد اقدرش اطبخ من اصابعي وبدات اكل بهواره يوووه والطعم كنت اكل نوتيلا مع فول سوداني امانه لو تطعموا والطعم فيهن كملت اكلي وطلعت انام لاني محرومه منه قد لي ثلاثه ايام تصبحوا على خير

ـــــــــــــــــــــــــــــ


في الاستخبارات وصل ياسين وسالم ونزلوا ودخلوا الاستخبارات ولما دخلوا طلب منهم الحارس التوجه للداخل دخلوا لا داخل لكن مساعد المدير احمد قال

احمد: ياسين جاوب المدير علي يشتيك

سالم: وانا ما يشتينيش

احمد: قال داعوا لي ياسين لاقد جاء بس

ياسين: خير خير تمام انا ادخل لا عنده الان

وصل ياسين لباب مكتب المدير علي ودق الباب اذن له المدير با الدخول

ياسين: احترامي سيدي طلبتني

المدير قام وقال: تعال يابني تعال امانه لو ابوك الله يرحمه عاده عايش لا افتخر بك جي احضنك

حضن المدير ياسين من الفرح على اكماله للمهمه بدون خساره نقول مش هو شي جديد فهذا الشي من عادات ياسين ينفذ مهمته بدون خساره لهذا هو المسؤول عن المهمات الخطيره بشكل عام

ياسين: شكراً يا حضرة العقيد ما قمت الا بواجبي.

المدير علي: وين البنت الان في بيتك وكيف حالها

ياسين: ايوه طرحتها في بيتي كما امرت اما حالها فواضح انهم مارسوا اساليب تعذيب كبيره على البنت 

المدير: المجرمين الانذال لاتقول لي ان حالتها خطره وما اسعفتهاش

ياسين: لا لا تقلق حالتها مستقره لكن يا عقيد الان وين عنديها

المدير: عندك وين عنديها قد الاوامر جاءت من فوق ان هي تكون تحت حمايتك وعندك

ياسين: بس ما يسبرش اجلس انا وهي في بيتي لوحدنا لان جدتي مش موجوده في البيت سافرت تحج وهذا لا يجوز شرعاً في حقي وحقها عتتشوه سمعة البنت

المدير: عادي بسيطه حل هذا الشي بسيط

ياسين: صدق ماهو وانا افعله

المدير: تتزوجها

ياسين: ماهو اتزوجها لا لا ماشي ابسر حل ثاني

المدير: مابش حل غيره الكل مشكوك فيه وهذه البنت في يدها اخطر شي على البشرية والكل طمع فيه وخاصه الشيطان الاسود اخطر واخس رجل عصابه مافيا وانت داري به لذا انت الوحيد الموثوق به انت معروف وابوك معروف لذا مابش شك فيك

ياسين:ولكن كيف اتزوج واحده ما اعرفش اصلها ولا اهلها ولا كيف هي حتى من اين هي

المدير: انت الا من هذا سهل باكلمك بكل حاجه عليها

ياسين: لكن يا مدي...

المدير بصوت عالي: بدون لكن هذا مش خيار يا ياسين هذا امر اخرج الان فكر خمس دقايق يا اما تتزوجها يا اما تخسر عملك

ياسين بغضب خرج وغلق الباب بعده بقوه لما كان عيكسره

مشي ياسين بغضب ابسره سالم ولحق بعده وخرج ياسين وبعده سالم



























📚 @rewayatyamania  🇾🇪

.

البـارت 9 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


سالم: ياسين سلامات مالك يارجال ايش حصل مالك قدك هكذا احمر ماقلك المدير وليش صرعت باب المكتب هكذا


ياسين: خيرة الله عليك يا سالم خليني في حالي انا مش ناقص لك حياتي كلها مشاكل في مشاكل ما اخلصش من الاوله الا وقد الثانية جت اوووف اوووف


سالم: صل على النبي واحكي لي ما حصل يمكن اقدر اساعدك


ياسين ابسر لا عند سالم وقرر انه يكلمه ففي الاول والاخير ما معه الا هو يفضفض له شويه


ياسين: اححح قول يا صاحبي ........ وكلمه بكل ما حصل بينه هو والعقيد علي من كلام


سالم: والله كلام حل مناسب لكم الاثنين وانت ضبحت لانه قال لك هكذا يوووه منك والعصبيه الذي فيك


ياسين: انا ذلحين كلمتك تخفف عليا والا تزيدها فوقي


سالم: انا اسف يا صاحبي وانت مش هو يعني لا قد تزوجتها ضروري تكون بينكم علاقه خليه زواج منفعه وانت


ياسين: كيف يعني ما قصدك


سالم: قصدي خليها منفعه ما انت بتقول ان قد الجده امنه تاعبه وما عاد هي حق عمل وشغل صح او ماشي


ياسين: ايوه صح يعني


سالم: يعني تزوجها انت تحميها وهي تنفعك انت والجده امنه وما يحصل بينكم شي عاطفي ولما تكمل المشكله هذه تتطلقوا وكل واحد منكم يخرج من هذا الزواج بمنفعه نسميه زواج المنفعه وكل وحد يبسر مستقبله وعمره


ياسين: فكره حاليه يا كلب طلع معك عقل وانا مش داري والله انك خطيير يا صايع


سالم: هاه يعني انت كنت تقصدني اخبل او كيف


ياسين: يعني هاه شويه بس يعني يقدر واحد ينتفع منك غير الهدره حقك ذلحين بدخل لا عند المدير وارجع


سالم: ييه ريع يعني انا كثير كلام عندك ياسييين انا اوريك يا لغجه


دخل ياسين لا عند المدير دق الباب وسمع صوت الاذن بالدخول دخل


المدير: هيا فكرت ما هو قرارك ان شاء الله يكون اخترت الصح

ياسين: ان شاء الله

المدير: ماهو قرارك

ياسين: قررت اتزوجها


المدير: ايوه هذا الكلام الذي اشتي اسمعه صدقني انك اخترت القرار الصح صدقني لا تقلق العقد والشيخ وكل شي عليا لا تقلق غدوه وكل شي جاهز.


ياسين: طيب والبنت اكيد ان هي ماعتوافقش

المدير: هيا هيا امشي باجي معك

ياسين: اينه

المدير: معك لا عند هاجر اكلمها


ياسين: انت قلت عتكلمني على اهلها و قصتها


المدير: امشي الان وتوكل وعلى ضمانتي اطمن


.......................


وفي الظلام حيث يتخبأ الشيطان ويلعب العابه القذره الخطيره بصمت و قسوه اخطر من جميع شياطين الجن كان ينظر من نافذته الكبيره نظرة قسوة وحقد كبيير كان بيده سجاره يشربها ويزفر الدخان بقوه لدرجه ان اصبحت الغرفه مغطاه بالضباب انه شيطان الظلام عندها دق الباب ثلاث دقات وسمح للطارق بالدخول


سامي: سيد مالك معي لك خبر عيرفع معنوياتك

الشيطان الاسود والذي اسمه مالك عمره 22 عتستغربوا كيف شخص بهذا العمر الصغير خطير لهذة الدرجه عتعرفوا السبب المهم قال

مالك: خير ماهو اذا ما وقعش نفس ما قلت اعتبر نفسك ميت وانت داري

سامي: لا تقلق يا سيدي انا واثق من كلامي

مالك: تكلم ماهو

سامي: جاء مساعد عزام حسن للبيت الاحمر وكان يشتي يقابلك لان يشتي يوصل كلام من عزام

مالك: يعني ايش

سامي: انا منعته وقلت له يكلمني وانا اوصله لك

مالك: يعني ماهو

سامي: قال ان عزام لقي هاجر فهد ال... وانه شلها ولكن جاء استخباراتي اسمه ياسين وانقذها بعد ما كان يشتي يديها لك

مالك: ايش قلت هاجر فهد ال....

سامي: ايوه يا سيد مالك

مالك: خلاص اخرج انت الان لانا بحاجتك باناديك

سامي: امرك يا سيدي وخرج سامي

مالك: واخيراً واخيراً يا هاجر عنلتقي بعد مده طويله هههههه هربتي مني مره ما عتقدري تهربي مره ثانيه


..........................


وفي الساعه 11:30 بينما كان ياسين يسوق السياره وجنبه المدير او العقيد علي على نية انهم يسيروا لا عند هاجر على شان المدير يطمن عليها ويكلمها

خرج المدير علي جواله من جيبه وشاف الساعه قديه مقاربه من منتصف الليل امر ياسين بأن يسير لا مكان شبه معزول ياسين نفذ طلبه ولما وصلوا قال له يجنب وجنب ونزل ونزل ياسين معه

ياسين: خير ايش به يا مدير علي ليش قلت نجي هنا

المدير: مابلا تأخر الوقت مايسبرش نسير لا عند البنت هذا الساع وكلمه عاد اعصاب البنت الان مرهقه وتاعبه لذا خليها ترتاح تستعيد صحتها وبعدها عنكلمها

ياسين: ايوه انا كنت اشتي اكلمكم هكذا بس ما قدرك اكلمكم

المدير: هههههه ليش يا ولدي ما انا مثل ابوك والا من رباك بعد ابوك وانا مش عارف

ياسين: الله المستعان قدركم غالي عندي بس في العمل ضروري من الرسميات

المدير: ياسين يا ابني اسمعني انا...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 10 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


المدير: ياسين يا ابني اسمعني انا ما شاجيش ازوجك بنت ما اعرفش اصلها او على عشان مهمه لا من قال لا احد يقول لك هكذا وتصدقه مابلا بازوجك بأحسن بنت ممكن تعرفها لذا هاجر هذيه انا اعرف اصلها ومن هم اهلها وكيف هي وكيف طبعها على شان هكذا ليش انا مصمم ازوجك بها لان هي بنت مابش لها مثيل في كل شي وانت تستاهل بنت مثلها وما اشتيش تضيع من ايدينا وقديه قريبه مننا وبعدين لو تعرف من هي صدقني انك عتشكرني لاني خليتها عندك مش عند احد ثاني


ياسين: ليش من هي وكيف تعرفها هكذا يابه

المدير: ايوه هكذا لاقد احنا خارج العمل داعيني مثل ما بتداعيني كنت اول ما انا ربيتك بعد ابوك ولا تقلق انا اعرفها مثل ما اعرفك باكلمك يوم ثاني الان تأخر الوقت روح البيت ارتاح وعلى شان انك نجحت بمهمتك بدون خسائر غدوه لك اجازه لانك قدك عريس وقالها بمكر

ياسين: مابش داعي للاجازه هذه وبعدين جدتي مابحديه كيف بعقد وهي مش موجوده

المدير: الا الا له داعي كيفه اما الجده امنه لاتقلق انا اكلمها يله خاطرك انا ارحلي بمتر والا تأكسي

ياسين: يابه بس ما قلت لي من هي ومن اسرتها

المدير: عادوه مش وقته الايام جايه وبتعرف وصدقني عتنصدم وقتها


المدير وقف متر ومشي اما ياسين جلس شويه يفكر في درامه واستفسار ماكان يقصده المدير علي من كلامه هذا بس مالقي تفسير منطقي وركب السياره واتجه للبيت


ولما وصل البيت كان قد الساعه وقعت 12:10 منتصف الليل دخل المطبخ على شان يشرب ماء وشاف اثار اكل عرف ان هاجر هي من اكل

شرب الماء وطلع غرفته بس جاه فضول يشوف هاجر بس ذكر يمكن تكون بشعرها او بدون عبايه لذا غير مساره ودخل غرفته
.
.

وفي الصباح...........

في بيت هنادي

هنادي: امه يله قوم نصطبح قد انا جاوعه

ام هنادي: قد فعلتي الصبوح مافعلتي لنا

هنادي: فعلت لنا بيض وقطعت لنا طماط وبصل وفعلت قهوه

ام هنادي: الله يرضى عليش يا بنتي بتعزيني من الشقاء الله يعزش بابن الحلال

هنادي: امين هيا امه عاد انا اشتي اسير لا عند بيت هاجر ابسر هي جت او ماشي قلبي عليها مثل النار

ام هنادي: ماعيقع الاخير انتي اهدئي من الحنان حقش واصطبحي سواء من الهدار طلعتي روحي انتي وهاجر حقش هذه

هنادي: يوووه يمه ما اسخاش عليها والله ان هي عسل ومابش مثلها غير البنات والله

ام هنادي: ناهي ناهي كملي وسيري فيسع على شان تفعلي الغداء

هنادي: تمام

...........................


وفي مكالمه في الهاتف بيتكلموا شخصين

المدير علي: ذلحين دريتي يا حجه امنه ماهو مارايش

الجده امنه: والله انا ماعندي مانع بس اهم شي تكون البنت بنت ناس وحاليه ومخلقه مش من حق بنات هذه الايام والاهم راي ياسين

المدير علي: على ضمانتي يا حجه امنه وحين تجي وتشوفيها عتنصدمي اكيد

الجده امنه: ماقصدك قصدك من الحلا

المدير:  من الحلا ومن حاجه ثانيه لما توصلي وتبسريها عتعرفي


..............................................


هنادي: امه يمه خاطرش بمشي

ام هنادي: الله معش يا بنتي سيري وارجعي فيسع لا تتأخري وانتبهي من السيارات وامشي طريقش

هنادي: تمام ناهي قد بتقولي لي هذا المجبر واصل قد انا حافظه له مثل اسمي خاطرش

...............................................


وفي بيت فهد ال....

ازهار: فهد ايش حصل في صفقه امس عاد سديتوا

فهد: ماشي والله قد كانت سابره ما بلا مدري ايش حصل فجأه وغيروا رايهم قلبوا وماعد سبرت

ازهار: مالك يا فهد قد هذه ثالث صفقه تخرب عليك والزلط الذي وقعت لنا من بيعة هاجر عتكمل كل سع وشليت منها زلط وسارت هباء منثورا

فهد بيتكلم وهو يأكل: طيب طيب ايش افعل انا


نزل زين وقاطع مجبرهم: امه اباه بمشي الان تحتاجوا حاجه

ازهار: الله معك يا ولدي تسير وترجع بالسلامه


وخرج زين اما الياس كان عاده يتجهز كمل ونزل وكان على اخر شياكه وشم عطره لا بعيد شل مفتاح سيارته وودع امه وابوه وهو على خرجته فتح الباب الا على وجه هنادي ساعتها الياس فرح في داخله

هنادي: اااه انا جيت اطمئن على هاجر لو قد جت

الياس: غلق الباب على شان ما يسمع امه وابوه مجبرهم وتجي امه تقاطع مجبارتهم وقال هاجر عاديه ماقد جت لكن كما قد جت بانبيش

هنادي: كيف عتنبيني

الياس: معش رقم اكلمش منه كما قد وصلت هاجر

هنادي: هاه ايوه بس

الياس: لا تقلقي انا مش ولد صايع مثل اي ولد انتي صديقه اختي تعتبري اختي

هنادي: خلاص تمام سجل عندك ويامنعاه لما تجي كلمني

الياس سجل الرقم في تلفونه وقال تمام


هنادي مشيت وروحت اما الياس...













https://tttttt.me/rewayatyamania/45829













📚 @rewayatyamania  🇾🇪

.

البـارت 11 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


هنادي مشيت وروحت اما الياس جلس واقف وقال اخخ اخخ ايش الذي بيقع بي لما ابسر هذه البنت وايش الذي خلاني الفق مثل هذه الكذبه على شان اشل رقمها يمكن لو قد انا...... لا لا مش معقول مستحيل انا مش حق هذه الحاجات انا قلبي حجر مش حق حب ورمسسه بعدها مشي وركب السياره وانطلق للجامعه


اما هنادي: يوووه يا الله والحلى فيه صح ان نظرته تفجع وانه هيبه بس حالي قوي وشم العطر ذياك يووه امانه عاد انا بين اشمه للان لكن يووه مالش يا هنادي بتتخيبلي وايش الكلام الذي بتقوليه هيا لا احد يسمعش اصه من الجنان


ووصلت البيت هنادي
.
.


في بيت ياسين.. وبالتحديد عند هاجر وياسين

صحي ياسين من النوم بس بفزع لانه سمع صوت تكسير في البيت خاف لو في احد اقتحم البيت ويخطف هاجر وقتها خرج من غرفته بسرعه ونزل من الدرج بهروله ولما وصل لا تحت هنا كانت المفاجأة لياسين حيث انه شاف شعر طويل اسود ناعم بس وجه الشخص كان محترف للشق الثاني وهذا الشخص كانت هاجر كانت بدون حجابها وكان ملفوف حول رقبتها وساعتها قالت هاجر

هاجر: اححح يا يدي ماقدرت اشل الصحن هذا الزجاج من وجع يدي كان نفسي افعل لي سلطه شرقيه اوووف يارب اي حين عيفتهنين من الوجع هذا

هاجر ما حست على ياسين ولا دريت انه وراها


ياسين صحي بعد التعجب على جمال شعر هاجر وتراجع لا وراء وطلع الدرج بهدوء ودخل غرفته على شان لا تسمعه هاجر وترتبك ولما دخل ياسين الغرفه

ياسين: مالك يا ياسين اخبل هكذا كان باقي شويه وحست بي اني وراها اووووف اوووف يارب ما بتمتحني فيه لكن ايش الشعر هذا الذي معاها سبحان الله ما يخلق لكن تشتي الصدق يا ياسين على الاقل ابسرت شعر البنت الذي عتكون على اسمك باقي وجهها اشتي ابسر كيف هي لان ملامحها ذيك اليوم كانت مش باينه

دخل ياسين الحمام وتحمم ولبس وتشيك وفعل شويه ضجه على شان هاجر تحس بوجوده وتتحجب

هاجر: كأن في احد طالع بين اسمع ضجه الله اعلم من هو خليني اسبر طرحتي لا نزل قد انا مغطيه شعري


نزل ياسين وشم عطره لا بعيد ونزل على مهله بكل كبر وهيبه


هاجر كانت منتظره تشوف من هو هذا الذي اداها لا هنا وتسأله ما يشتي منها ولما كمل ياسين نزلة الدرج ووصل لا تحت كل واحد منهم تفاجأ بالثاني لكن كان هذا التفاجؤ مختفي في انفسهم وما اظهروه

هاجر شافت رجال طول وعرض شعره اشقر ولابس نظاره شمسيه سوداء ولبس انيق هاجر طبعاً ما كان حسها من هذا كله لان احنا ذكرنا ان بطلتنا قلبها قاسي شويه وما يعرف ما هو الحب اصلاً

هاجر: من انت وليش اديتني لا هنا وماتشتي مني


ياسين كان عاده منبهر من جمالها وبراءتها من ملامح وجهها الذي وكأن هي مرسومه رسم بس اكتفى بالصمت والنظر من وراء نظرته الشمسيه وحاول انه يكون هادئ مشي لا صلا الباب حق الشارع وقال ببرود

ياسين: هيا امشي قبالي

هاجر بخوف: لا وين اين عتشلني

ياسين: لا تخافي للمستشفى

هاجر بتوتر: ل ل ليش

ياسين: نجارح لش اصابعش يا سيده يله قبالي سريع قالها بصوت مرتفع

هاجر خافت بس ما بينت ولبست البوتي حقها وخرجت

شغل ياسين السياره حقه اول ما ابسرتها هاجر وقفت وطننت وقالت في نفسها

هاجر: الله الله ايش هذه السيارة الضخمه السوداء سيارة جمس ايوه جمس الذي بين احلم بها اااه الحياة قاسيه صدق

طلع ياسين السياره وشعلها اما هاجر فطلعت في الكرسي الخلفي وانطلقوا


.....................................


وفي مكان بعيد اي في دوله المانيا.....

مالك كان في يده كأس الخمر وبجانبه اثنتين من النساء متبرجات الى ابعد حد مرتديات ملابس شبه عاريه
دق الباب وسمح للطارق بالدخول

مالك: سامي ليش تقطع راحتي جبت لي اخبار حاليه باسامحك اما اذا كانت سيئه وشرب من القلص الخمر وكمل قال والا انت عارف ماعيقع بك

سامي: سيد مالك تمت العمليه بنجاح اما السيد ايفا مات

مالك: جميل البضاعه وصلت بأمان والا لا

سامي: وصلت يا سيد مالك لا تقلق

مالك: ممتاز ممتاز اخرج الان


خرج سامي ولكن بعد خروجه بدقيقه سمعوا صوت تكسير ولما جري الحراس الى الغرفه الذي فيها مالك خشيه من ان يكون قد اصابه مكروه سامي وقفهم وقتها خرجين النسوان وهن يجرين وخايفات عندها جاء صوت مالك الغاضب الحاد المخيف العالي

مالك: ساااااامي

سامي دخل بعجله وغلق الباب وكانت الغرفه في حالة دمار شاسع
سامي: امرك

مالك: ادي للنسوان هولا اجرتهن

سامي: تمام يا مالك قال هكذا واقترب من مالك بهدوء وقال سيدي مالك ايش حصل هكذا فجأة ايش الذي خلاك فعل هكذا ابسر يدك كيف جرحتهن لا تقول لي انه نفس السبب حق كل مره


مالك: ايوه هو انا...
























📚 @rewayatyamania  🇾🇪

.

البـارت 12 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


سامي: تمام يا مالك قال هكذا واقترب من مالك بهدوء وقال سيدي مالك ايش حصل هكذا فجأة ايش الذي خلاك فعل هكذا ابسر يدك كيف جرحتهن لا تقول لي انه نفس السبب حق كل مره


مالك: ايوه هو انا اشتيها يا سامي ماقدرت انساها بعد هذه السنين وايش ما افعله واقول ممكن انساها ولا قدرت انسى وخاصه ان هي السبب الذي خلى ابي وجدي يتبروا مني ووصلت لهذه الحاله
سامي ممهما كان الثمن اشتيها يعني اشتيها


سامي: حاضر ولا يهمك بس اهدأ الان وخلينا نكمل عملنا وبعدين عنفضى لها

مالك: ماعادبش فيني صبر والله ماعد اقدر

سامي: قد صبرت الكثير ماعد باقي الا القليل وماعد تقدر تصبر اصبر وانا اوعدك لا اديها لك ولو على قطع راسي


نظر مالك لا عند سامي ببرود وبعدين وجه راسه لا صلا الطاقه وسكب له خمر في القلص وبدأ يشرب


خرج سامي وقتها مالك جلس يقول الايام بيننا يا هاجر يابنت فهد او با الاصح بنت جدش اذا ما خليتش تتألمي مثلما خليتني اتعذب كل هذه السنين من اول ما عرفتش ما عرفت راحه ولا هدوء بيننا الايام

...................................


نرجع لليمن...

الساعه بالضبط10:30 صباحاً
في المستشفى.....

هاجر: اححح دلا بتوجعني قوي

الدكتور: من فعل بش هكذا يا بنتي لا حول ولا قوة الا بالله وبعدين باين عليهن قدلهن كثيير ليش ما جيتي اول ما وقع باصابعش هكذا لو كنتي تأخرتي شويه كان عيعفنين ونقطعهن من مره بعدين


هاجر سكتت وكأن هي ما هي مباليه بشي


الدكتور ابسرها بتعجب كبيير وكمل مجارحه

هاجر: اححه انا قلت دلا

ياسين: وانت دلا يا دكتور

الدكتور: والله انه دلا ما بلا مرتك هي الذي بتزيدها

هاجر: ماهو مرته انا ماناش مر...

ياسين قاطع هاجر: ايوه انا داري بها بس دلا مرتي هي مدلعه شويه

هاجر ماله هذا بيتخيبل ابسرت لا عنده بستغراب اما هو ابسرني بنظرة برود وكأنه طبيعي انا سكت وكملت المجارحه المؤجعه


ولما كمل الدكتور وخرج ياسين وهاجر


هاجر وقفت وقالت: انت ذلحين ماقلت داخل انا لا اعرفك ولا اصرفك وليش تقول اني مرتك

ياسين: كان ماتشتيني اقول واحده لقيتها بالشارع


هاجر: ايوه كنت عتقول هكذا لانه ما يشرفنيش اني اكون او ادعي اني زوجه واحد مجرم الله اعلم ما بيفعل بخلق الله


ياسين عصب بقوووه وكان عيرد عليها رد مش حالي ابدا بس رن تلفونه وقاطع موجة الغضب القادمه
خرج ياسين تلفونه وشاف المتصل وانه سالم جوبه ياسين وعاد نبرة الغضب فيه

ياسين: ماهو يا سالم انت الثاني ما عاد ناقصني الا انت

سالم: ياسين يامنعاه ساعدني

تغير صوت ياسين من الغضب الى القلق
ياسين: ليش مابه ايش حصل قولي

سالم: انا ......... وقطع الخط

ياسين: سالم سالم الو سالم الله يلعن ام الدبور هذا

هاجر: سلامات ايش حصل

ياسين: اطلعي السياره ماعدنا ناقص لش


هاجر طلعت السياره بناء على طلبه لانه الله اعلم ايش حصل شغل السياره وكان يسوق بشكل جنوني خرج تلفونه وشغل جهاز التعقب GBS بس ماقدر يتبع او يحدد تلفون صاحبه هذا سالم

ياسين: الله اكبر قد قال لي ادخل دوره برمجه وحاسوب بس هو انا مارضيت ذلحين كيف افعل

هاجر: هات وانا احدده لك

ياسين التفت لا عندها وقال: كيف عتفعلي وانتي اصابعش مغطيات بشاش مع ماشي بعدين مادراش

هاجر: سهل بابعد حق اصبعي السبابه وبعدين لا تستهين بي جربني وعتبسر

ياسين: تمام ناهي بابسر ومكنها التلفون

هاجر حددت مكان سالم ومكنت ياسين الموقع

ياسين: مسرع كيف فعلتي متأكده من مكانه

هاجر: عليا انا داريه بالالكترونيات

ياسين: على الله بس


وبعد نص ساعه وصلنا للمكان الذي طلع منه اشارة تلفون صاحب هذا الرجال الذي كان اسمه سالم وكانت الاشاره من عماره كبييره في مكان مهجور

طلعنا العمارة ولما قد احنا عنوصل خرج مسدسه والكاتم وعشقه انا شفت السلاح فزعت والله بس صبرت وكملنا مشي وصلنا للشقه الذي بتجي منها الاشاره

ياسين: اسمعي اوقفي ورايا انتبهي تفعلي حركه غلط تودينا في داهيه لا تخليني انشغل بش انتي والكل

هاجر: تمام حاضر


كسر هذا الرجال الذي ما اعرف اسمه الباب بزبطه واحده لما خلاني اطنن من قوته بدأ بالدخول وانا وراه كنت اتقدم معه بس كنت خايفه لا يحصل اشتباك وكان قلبي يقول انه عيحدث شي وخلوني اقول لكم شي عندي التركيز وقوة الملاحظه قويه جدا المهم دخلنا وفتشنها وصلنا غرفه كبييره وفيها طاقه كبييره قوي بس ماكان فيها شي غير تلفون سالم شله ياسين

ياسين: التلفون هنا بس اين سالم

هاجر: به حاجه من وراء هذا الشي

ياسين: كيف يعني


عاد كانه يكلمني الا اني لاحظت من الطاقه الكبيره لمعه وكأنها لمعه حديد ساعتها صحت وسحبته لالارض وقلت


هاجر: انبططح

وعاد احنا ما وصلنا الارض سواء الا وبدأ مطر الرصاص...

























📚 @rewayatyamania  🇾🇪

.

البـارت 13 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


وعاد احنا ما وصلنا الارض سواء الا وبدأ مطر الرصاص كان الرصاص اخس من المطر نقول انه شبيه العاصفه اقترب مني ياسين بالزحف وحماني عليا بجسمه

رفعت راسي واشوفه بيبسر لا عندي التقت عيوني بعيونه وجلس كل واحد يبسر الثاني لكني شفت شي مش طبيعي عيونه كل عين ولها لون اليمين عسلي فاتح واليسار سوداء ما شفتهن من اول لانه كان لا بس النظاره السوداء حقه ما ابتعدت الا لما سحبته للارض ونكعت من عيونه

بس كان مقدار الحزن فيهن شديد ما قدرت افسر ايش الذي حدث معه لما خلاه حزين هكذا عتقولوا كيف عرفتي يا هاجر انا عرفت لاني افهم كيف العيون الذي تتكلم بحزن لاني انا اولهم على قولتهم مايعرف الا مجرب المهم توقفت الرصاص

ياسين: انتي بخير مابش فيش شي

هاجر: انا بخير ما بش فيني شي انت انت ما حصل لك اي رصاصه

ياسين: انا بخير ما حصل لي شي الان جي نخرج بس عنخرج زحف تعرفي تزحفي

هاجر: ايوه اعرف


خرجنا من الغرفه الذي قديه كلها مخزقه خزاق خرجنا منها وبعدين وقفنا وجرينا خرجنا خارج الشقه ولكن في الدرج كان في رجال لابسين اسود عادهم يشتوا يطلعوا لا عندنا ابسرونا وابسرناهم بس لما ابسرونا بداين الرصاص من جديد حاولنا نتخبا في اي مكان احتجينا بالجدر وبدأ الرجال الذي جنبي باطلاق الرصاص وبصراحه كانه ماهر قوي في التصويب لانه كل رصاصه كان يطلقه كانت تكون في راس واحد كان مسدسه نوع روسي والروسي يكون فيه سبع رصاصات المهم قتلهم كلهم والتفت لا عندي ورجع نفس سؤال اول

ياسين: انتي بخير

هزيت راسي بالموافقه هو ابسرني بنظرة ندم وكأنه يقول ليت ما اديتش معي ومسك يدي وجرينا


طلعنا السياره بسرعه وشغلها وساقها بعجله والحمدلله خرجنا من منطقه الخطر لكن يافرحه ما تمت لانه لحقونا بسيارات وكانوا يطلقوا الرصاص علينا انا طرحت ايدي فوق راسي من الخوف اما هو قال لي

ياسين: تعالي اجلسي في الامام من الرصاص

هاجر: انا فعلت ما قال وتسحبت تسحاب لا جنبه بعدين قال

ياسين: سبري حزام الامان وتمسكي سواء لاني بسرع بسرعه

هاجر: فعلت ما قال لي وهاهو دعس بقووه ويتمايل بالسياره يمين وشمال علشان يتفادى الرصاص

ياسين: ييه انتي شلي تلفوني من جيبي

هاجر: ايييش شله انت

ياسين: بلا لقانه الان ما بتبسريش كيف الرصاص بيخزقين السياره خزاق شليه من الهدار هيا بسرعه

هاجر دخلت يدي داخل جيبه وخرجته قال

ياسين: افتحيه وادخلي الاتصالات واتصلي بالمدير علي

هاجر: فعلت ما قال وهاهو الرقم يرن ....... وبعد مده قليله فتح الخط

المدير: ايوه يا ولدي وين انت وماهو هذا الصوت الذي عندك ايش بيحصل هذا صوت رصاص وين انت

ياسين: ابه وقعت في فخ وفعلوا لي مكيده وسالم مخطوف

المدير: اييييش ما بتقول اين اين انت الان والبنت وينيه

ياسين: البنت معي بس انا في مكان والله مالي علم وينوه لكن برسل لك الموقع لكن اهم شي سالم

المدير: سالم هو ذا عندي ما بينه شي انت حاول تهرب لما نجي وغلق الخط

ياسين: ماهو عندك كيف كيفه عندك الو الو يا الله كيف عنده وتلفونه مابيفعل هناك ييه انتي ارسلي لهم الموقع

هاجر: مغطت عصبيتي وارسلت لهم ما هو انا المباشر حقه او ماهو بيتأيمر ايمره


وبعد جوله من الرصاص والخوف ضيعنا الذي كانوا بيلحقونا بس السياره ماعاد رضيت تشتغل وقفها ونزل يبسرها فتح المحرك حقها لكنه غلقها ضربها  بيده وجاء فتح لي الباب وقال

ياسين: يله انزلي عنكمل مشي

هاجر نزلت: ليش ايش حصل لها

ياسين: حرق المحرك من كثر السرعه هذا واحد وثاني شي ما بتبسريش كيف قديه مخزوقه او انتي عمياء كثر الله خيرها لو هي واحده ثانيه ان قد انفجرت

هاجر: ناهي وليش بتصيح فوقي ذلحين

ياسين: لاني ماعد انا ناقص لشي

هاجر: وانا ما فعلت لك ذلحين

ياسين: يارب انت داري واخبر يا الله صبرني لا افعل جريمه الان

هاجر: افعلها وسكهني من هذا الهرم والجنان كله

ياسين: لا اي هرم واي جنان اين انتي من الهرم والجنان صدق احنا والدلع الان

هاجر: ماهو دلع ماهو الدلع اصلاً عرفني عليه ممكن نتعارف واتصاحب انا وهو

ياسين: اوووف من اللغاجه و السماجه حقش هذه ماشفتها في بنت

هاجر: هاه يعني انت حق بنات

انا قلت هكذا الا واشوف الغضب والشرار يخرج من عيونه بعدها ابسر لا ورايا وقال

ياسين: اتخبي يا مجنونه

وسحبني وتخبينا وراء السياره وبدات مره ثالثه حفلة الرصاص ابسرني وقال

ياسين: انتبهي ترفعي راسش شويه

انا هزيت راسي بالموافقه الا ونشم ريحة دخان...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 14 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


وسحبني وتخبينا وراء السياره وبدات مره ثالثه حفلة الرصاص ابسرني وقال

ياسين: انتبهي ترفعي راسش شويه

انا هزيت راسي بالموافقه الا ونشم ريحة دخان ونشوفه انه من السياره توسعت عيوني وتجمدت مكاني اما هو مسك يدي وسحبني بقوووه وجرينا لكن ما ابتعدنا قليل الا وانفجرت ابطحنا طبعاً ولكن صوت الضغط حق الانفجار خلا اذاني ما يسمعين شي وقفنا وكملنا جري ودخلنا مكان اشبه بالغابات

هاجر: اين هذا المكان وين احنا في اي دوله

ياسين: في اليمن وين انتي

هاجر: والله اول مره اعرف ان في اماكن مثل هذه في اليمن

ياسين بيكلم نفسه: على بنت غريبه ساعه تكون قنبله من الغضب وشويه تقتلب ولا بينها شي وتضحك وكأن مابه حاجه

هاجر: بتكلمني

ياسين: لا بين اكلم نفسي

هاجر: هاه ايوه صح ماهو اسمك

ياسين: لا ياشيخه هذا وقت مناسب للتعارف

هاجر: ومن قال اني اشتي اتعرف عليك انا قلت اسمك بس على شان اناديك به ولا اجلس اصيح لك ييه ووه يا رجال

ياسين: اوووف ياسين اسمي ياسين ال...

هاجر: اممم اسم جميل يا ياسين

ياسين: وانتي ما عتعرفي بنفسش

هاجر: مش ضروري لانك داري باسمي من غير ما اقول

ياسين: وايش الذي خلاش تقولي هكذا

هاجر: لانه مستحيل تخطف بنت من غير ما انت عارف باسمها

ياسين: انا ما خطفتش انا انقذتش

هاجر: ههههه كان نفسي اصدق.

التفت لا عندي وقال

ياسين: اسمعي انتي الان بتستهزئي بواحد كبيير

هاجر: هاه كبير بالقتل والاجرام هذا انا داري به

ياسين: يارب شكلش ما بتفهمي الناس عندش مجرمين كلهم

هاجر: ايوه حتى صاحبك الذي كنت عتموت على شانه مجرم اخس منك

ياسين: ما بتقولي كيف مجرم

هاجر لا انت غبي لهذه الدرجه الشغله واضحه وضوح الشمس صاحبك هذا هو الذي فعل هذا كله من غير ما يفكر ان انت صاحبه

ياسين: هههههه انتي مجنونه والا مستحيل سالم يفعل بي هكذا ايش الذي يخليني اسمع لبنت اصلاً

هو قال هكذا الا سمعنا صوت

هاجر: ماهو هذا الصوت

ياسين: ارجعي ورايا


الا نسمع صوت من الطرف الثاني صوت بمكرفون يقول


ياسين اذا تشتي تعيش وتعرف من هو قاتل ابوك سلم لنا البنت الان اذا حاولت تهرب لا تفكر لانك محاصر

هاجر: ماهو يسلمني ويعرف قاتل ابوه

ياسين: ابسرتي لو كان صاحبي على قولتش انه الان الذي يقول هكذا لكن خيب الله ظنونش

هاجر: ههههه انت وين وانا وين لهذه الدرجه يهمك صاحبك هذا

المهم سمعت ما قال والا لا

ياسين: ايوه سمعت

هاجر: عتسلمني اكيد

ياسين: لا من قال لش هكذا


الصوت قال هيا ما قلت يا ياسين ماعتفعل انصحك تسلم البنت احسن ما تتأذوا انتوا الاثين وما يخرج اي احد منكم بفائده

هاجر بتفاجؤ: منك صدق

ياسين: ايوه صدق وبعدين شكلش يابنت محبوبه الكل يشتيش

هاجر: صدقني عاد انا عرفت الا الان والا كنت اقول ان الدنيا بكلها تكرهني

ياسين بصياح: ييه يعني مابش حل ثالث

الصوت لا مابش

ياسين: انا ادي كان مارأيك تجي نتصارع ومن يفوز يشل البنت ويرحله

هاجر: تتصارعوا

ياسين: ايوه حاجه غريبه او كيف

هاجر: لا لا

الصوت لا تحاول تلعب معنا انت واحد واحنا كثير

ياسين: مابين العب هذا هو العدل الصح الفائز يشل المكافأة والله معه

الصوت كما تشتي لكن اعرف ان النتيجه من الان انك ميت

هاجر: يله وانا باشجعك

ياسين: ماعتسأليني ليش بين افعل هكذا

هاجر: لا لاني داريه ما مرادك انت تشتي تلهيهم على شان الوقت

ياسين: صح ماكذب الذي قال انش ذكيه

هاجر: من قال

ياسين: عيجي ذلحين وتعرفيه


.............................


العقيد علي: هيا كم عاد باقي لما نوصل

السواق: ثلاثه كيلو يا سيدي

سالم: اسرع بسرعه الله اعلم ايش حصل لهم هيا وقالها بصياح

العقيد: اهدأ يا سالم عمري ما شفت عمل بغضب كان ناجح

سالم مسح على وجهه بيده بتوتر: بس ما بتبسر اين هم في اخر الدنيا ايش الذي خلا ياسين يسير لا هنك

السواق: وصلنا المكان المحدد يا سيدي

سالم: واخيراً

نزل سالم والعقيد وباقي الوحده العسكريه الذي كانين في السيارات الذي بعدهم

العقيد: سالم الوحده تحت قيادتك الان ابسر اشاره تلفون ياسين اين هيا وتحركوا بسرعه

سالم: امرك سيدي العقيد يا رجال بعدي

العقيد: سالم رجعهم لي سالمين بدون خسائر

سالم: امرك


وانطلق سالم والوحده العسكريه بعده وتوجهوا الى مكان ياسين وهاجر اما العقيد فجلس منتظر في سيارته الكبييره.....
.
.

عند ياسين وهاجر.....

هاجر: يووووه ياسين ما قدرك تصارع هذا بكله

ياسين: يا ساتر يا الله هاه مدري الا لو ربي عيعينني هذا شكله صنعاء بكلها داخله الله الله انتي داريه انا بضرب الاثنين الذي على اليمين وانتي ازبطي الذي على الشمال ونهرب

هاجر بابتسامة سخريه: انا مولعه بثقتك بنفسك هذيه

ياسين بضحكه: ...


























📚 @rewayatyamania  🇾🇪

.

البـارت 15 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


هاجر بابتسامة سخريه: انا مولعه بثقتك بنفسك هذيه

ياسين بضحكه: ايوه لو ما وثق الانسان بنفسه مستحيل ينجح

الصوت هيا يا ياسين ابدأ انت طلبت وها هو امامك

ياسين: انا طلبت آدمي مش ونش.

هاجر: كنت عتطلب تحدي ثاني غير هذا ما هذا اضمن انك عتخرج منه ميت صدق

ياسين: ما طلع في راسي الا هو كنتي اديتي لنا واحد يا ذكيه

هاجر: ما كلمتني لو قلت لي كنت اديت لكن انا ما اقول شي الا لو احد قال لي

ياسين: ومن قال لش تتكلمي الان

هاجر: محد قال

ياسين: خلاص اسكتي اديتي لي اليأس


تقدم ياسين وهذا الدب العملاق وبدأ العملاق بتوجيه الضربات واللكمات وياسين يتفاداهن وكنت ادعي من قلبي ان ما يصير لياسين شي و ان نجيت بالهروب من هنا لانه اكيد حتى لو فاز ياسين ما عيخلونا نسير بس مدري ليش كنت ادعي له مع اني ما اعرفه

المهم وهاهي اول دكمه توقع لياسين بوجهه اووو خرجت الدم من فمه يارب ليش مقدر لي هذا كله ياسين يضرب فيه ويطرحه ارض ما انكر ان ياسين قوي بصدق بس اخر مره طرحه ياسين بها خرج حبه من جيبه ومغطها

ياسين ما لا حظ هذا انا الذي لا حظت ولما شربها ماهي الا ثواني حتى تحول مثل الثور الهائج المفترس عيونه حمرين اما اوردته انتفخين قوي

ياسين: يا الله ياالله ما حصل فجأه

انا صحت بكل صوتي

هاجر: ياسين اهررررب بسرعععه

ياسين جري لا عندي ومسكني وهربنا لكن دون فائده المكان كان كله محاصر حصار شديد وكأن ياسين هذا انسان خطيير قادر يهرب حتى من خزقي على الحصار ذيك انا من شدة الخوف مسكت بذراع ياسين بقوووه لدرجه انه شافني وحزن

ياسين: مالش

هاجر: خايفه قوي

ياسين: من ايش خايفه وانا معش

هاجر: خايفه لو يفعلوا لك شي ويشلوني ويعيشوني نفس العذاب والتعذيب

ياسين: لا تقلقي متسحيل اسلمش يا نموت سواء والا نهرب سواء

انا شفت لا عنده بنظرة استغراب

ياسين: مالش بتبسري لا عندي هكذا

هاجر: ولا شي مابلا انا مش متعوده احد يقول لي هكذا

ياسين شاف لا عندي وضحك ضحكه حاليه قوي انا ابسرته ذكرت اهلي الذي ولا واحد منهم قد ضحك في وجهي هكذا عيوني دمعين

ياسين: مالش او فعلت حاجه غلط وانا مش داري

هاجر: ماشي مافعلت حاجه انت وابتسمت ابتسامه خفيفه وقالت مابلا محد قد ضحك في وجهي هكذا

ياسين: ما استوعب ايش تقول كيف كيف محد قد ضحك في وجهها هكذا يا الله ايش هذا القسى كله راسي ما استوعب ما قالته

قاطع تفكيره الصوت قال
انت اخترت نهايتك بيدك كان سيدي قد قال شلوا البنت وخلوا الولد يعيش بس انت مش ناوي تعيش صح

ياسين: الصوت قريب اين انت يا حقير يا نذل لو انت رجال اخرج واجهني يا هين

صاحب الصوت: هههههه هو ذا انا وراكم

هاجر التفتنا نشوفه وانه ظهر رجال طويل لابس بدله رسميه سوداء

ياسين ابسره جري طوالي صليه بسرعه قويه

هاجر: ياسين ارجع لا تسير هو فخ

ياسين: عتبسر ما بفعل لك يا ابن الكلب


لما كان بيوصل لا عنده حوطوا ياسين الرجال من كل مكان ومسكوه انا جوا اثنين من ورايا على شان ما اهرب

قرب صاحب البدله السوداء لا عنده وقال ذكرتني يا صاحبي

ياسين: كيف ما اذكرك يا خالد وانت كنت هين وفاسق وابن......

خالد: اووووه يووه والله ماهي حاليه منك يا ياسين وخاصه قبال المزه حقنا هذه

ياسين: بعصبيه والرجال ماسكينه بايديه الثنتين وهو يحاول يوصل لخالد قال جي يا ابن الككككلب جي جي وانا اوريك كيف المزمزه صدق يا صايع


خالد: ههههههه واخيراً جاء اليوم الذي ابسرك فيه قبالي هكذا كم اكرهك تدرى كم تمنيت يجي هذا اليوم الذي ابسرك فيه مقيد وانا اهيمن عليك


هاجر بعد ما قال لياسين هكذا اشر لواحد من رجاله و بز منه المسدس وعشقه وطرحه في راس ياسين

خالد: نهايتك قربت يا ياسين واخيراً جاء هذا اليوم الذي اشفي غليلي فيك وانتقم منك... ييه انت ادي البنت قالها للرجال الذي كانوا ماسكين هاجر وادوها لا عنده

ياسين: فكها يانذل حسابك معي لا تدخل المكالف

خالد: لا لا ليش افكها ما كودا مسكتها لان رئيسي عيفرح قوي لانه قال لو مسكت البنت فالولد لك وانت داري خليها تبسر موتك المحزن على شان تعتبر وما تعاندش معنا

كمل كلامه بعدها وجه السلاح على جبهة ياسين

هاجر بخوف شديد: لا لا الله يحفظك لا تفعلها خلوه يرحله هوذا مسكتوني انا

خالد: تشتي تقول اي شي قبل ما تموت

ياسين: هاه ايوه فكني وانا اقول ولا تفتجعش انت معك السلاح وانا مابش معي شي

خالد: فكوه يا رجال نبسر ما يشتي


الرجال فكوا ايديهم من ياسين و بعدوا شويه

ياسين: شكراً الان اسمعوني عنلعب لعبة والخاسر يموت

الرجال كلهم ههههههههه

خالد: بتفهم بنقول عتموت وعادك تشتي تلعب

ياسين: وانا اشتي العب قبل ما اموت

خالد: تمام سابر في كل الاحوال عتموت عتموت

ياسين: احم احم اسمعوني...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 16 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


خالد: بتفهم بنقول عتموت وعادك تشتي تلعب

ياسين: وانا اشتي العب قبل ما اموت

خالد: تمام سابر في كل الاحوال عتموت عتموت

ياسين: احم احم اسمعوني حتى انت يا خالد عتلعب باعد لا عند العشره والذي اوصل لا عنده واقول عشره يدني تمام

خالد: بالله هي هذه لعبتك لكن يله تمام

هاجر: ماله هذا ما قصده من هذا الشي اكيد مش يكسب الوقت لانه حتى لو كسبه ما عينفعش انا كنت اقول هكذا ابسرني ياسين وغمز دريت ان في راسه شي بس مدري ماهو

ياسين: الان نبدأ

وبدا ياسين عد الرجال

ياسين: واحد اثنين ثلاثه اربعه خمسه سته سبعه ثمانيه تسعه عشره

وكان رقم عشره خالد

ياسين: هيا

خالد: ماهو هيا

ياسين: وطي مالك وطي براسك

هاجر: خالد وطى راسه قرح راس الذي وراه طوالي  ومات

عيون الكل توسعت بالدهشه وليش اكذب حتى انا

ياسين: ابسرت لعبه حاليه لو ما وطيت راسك انك الان بدله ميت

خالد: كيف فعلت

ياسين: اقول لك كيف

هاجر: صفر ياسين بقووه وعندها خرج العساكر من كل مكان وكانوا كثيير انا ضكحت من الفرحه وقتها خالد افتجع وجري بسرعه لا عندي ومسكني وطرح السلاح على راسي

ياسين: ما تتوقع من نذل خواف ما يدي قوته الا على نسوان

خالد: انتبه حركه واحده غلط البنت عتموت

ياسين: اسمعني لو قتلتها الان ماعتقول لمديرك هاه صدقني عيعيشك في جحيم


هاجر: لما قال له ياسين هكذا بعد المسدس من راسي وطلق على راسه بغير تردد انا استغربت وما اتحركت من مكاني كيف انسان يقتل نفسه من غير تردد يا الله استرنا ولا تجعلنا من المغضوبين عليهم


ياسين: ييه يا بنت انت بخير مابش فيش شي هاه

هاجر: انا مش بخير انا شوعه حالتي شوعه قوي

سالم: ياااااسين

ياسين: سالم

وتبادلوا العناق بقووة

سالم: سلامات كيف انت مابش فيك شي ليش ما تكلمنا قبل ما تسير

ياسين: الله يسلمك يا صاحبي الحمدلله انت اتصلت لي وبعدين قطع الاتصال وانا خفت عليك لانك قلت ساعدني ايش حصل لك

سالم: ولا فيني شي انا اتصلت لك تساعدني لان عمي وقع له حادث سياره والخط فصل لانه مابش تغطيه وتلفوني استرق لانه نكع عليا في مكان الحادث

ياسين: هاه الحمدلله قد انا اقول كيف لوما تلفونك وصل لا هناك وهم استدرجوني بك الكلاب هيا حصل خير يله قد انا احس نفسي تاعب

سالم: ياسين ياسين اسمعني ان هذه المزه هي هاجر تيك الذي انقذناها في هذاك اليوم


ياسين: ايوه هي وبعدين احترم نفسك انت عارف على من تتكلم تتكلم على مرة الرائد حقك

سالم: الله الله قد الغيرة من الان عادك ما كنت تشتيها ايش حصل فجأه

جاوب ياسين وهو يمشي

ياسين: سبحان الله يغير الاحوال


هاجر: الله اعلم بايش بيتكلموا المهم الحمدلله خرجنا من هذه المصيبه الذي حسيتها انها مثل الحلم ومشينا نروح ونرتاح لكن كان في مفاجأة منتظره لي

...................................


والساعه 6:00 مساء

الياس: افعل لها رساله تقول عتجاوب مع ماشي لو ارسل لها وماتجاوب وتطنش عتقع صرعه في جبهتي برسل لها وبس وما وقع يقع بس ما اكتب لها يا الله ايش هذه الحنبه لو هاجر هنا اني سألتها هاه ايوه دريت ما بكتب بكتب ............... ايوه هكذا الان افعل ارسال

..................


ام هنادي: هنادي يابنتي جي ابسري من رسلش رساله انتي داريه اني ما بين استرش اقرا

هنادي في المطبخ

هنادي: ناهي يمه لحظه

وخرجت من المطبخ لا عند امها

هنادي: اسكه من هي هذه

ام هنادي: من هي يا بنتي

هنادي بتوتر: هاه هذه هذه صاحبتي ايه

ام هنادي: وما تشتي منش

هنادي: ما تشتي تشتي اكتب لها الدرس حق اليوم حق المعهد لان هي غابت

ام هنادي: هاه اكتبي لها يا بنتي حرام البنت اكيد ان هي مريضه اكتبيه وارسليه لها

هنادي: تمام انا اسير الان اكتبه لها وسارت ودخلت غرفتها وغلقت

هنادي: اوووف الحمدلله تخارجت قد ربي ستر انا امي ما تقرا هذا مجنون يقول هكذا


الرساله كانت

مساء الخير هنادي معش الياس لو قريتي هذه الرساله ردي عليا

هنادي: هيا ماهو لو ماكتبش اسمي كان عادنا باخارج روحي لكن لو كانت امي تقرا وقريتها هكذا ان هي قتلتني اححح ذلحين ما اقول له هاه دريت .............. ارسال


الياس: والله ان هي ردت اسكه ما قالت الرساله
(ايوه قريتها يا اخبل ليش تقول هكذا قد ربي ستر والا كانت قتلتي ) اهاه انا اخبل....... ارسال

الياس:( اهاه انا اخبل وليش قتلتش ما فعلت )

هنادي: ههههه وعادك ما فعلت انا اقول لك ...........ارسال
( كيف ما فعلت ليش تكتب معش الياس يا هنادي لو قريتها امي ما عيحصل)

يوووه والله صدق الله يستر لا تكون .........ارسال
الياس(انا اسف ما فكرت بس قريتها والا لا) ..........ارسال

هنادي ( لا قد ربي ستر ان امي ما بتقرا) 

الياس(هاه الحمدلله) لكن ايش اقول لها على شان القاها اول اعرف...























📚 @rewayatyamania  🇾🇪

.

البـارت 17 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


يوووه والله صدق الله يستر لا تكون .........ارسال
الياس(انا اسف ما فكرت بس قريتها والا لا) ..........ارسال

هنادي ( لا قد ربي ستر ان امي ما بتقرا) 

الياس(هاه الحمدلله) لكن ايش اقول لها على شان القاها اول اعرف اين تدرس في اي معهد ........... ارسال

الياس ( شفتش تخرج بدري وبيدش كتاب بتدرسي جامعه) ............ ارسال

هنادي ( لا ما ادرس جامعه ادرس معهد انجليزي)

الياس.... ايوه باقي اسم المعهد .......... ارسال

الياس ( في اي معهد) ...... ارسال

هنادي/(في معهد سمارت)

الياس اوووه هذا المعد جنبنا خلاص احتلت عندي عرفت كيف افعل ......ارسال

الياس ( مع السلامه اسير اتعشى تحتاجي شي)  .....

هنادي... ههههه مسرع قدوه جاوع .......... ارسال
( لا شكراً الله معك) .......ارسال

الياس/ ( متواصلين هنادي)

الياس فتح تلفونه واتصل لصاحبه هاه ايوه حسين ابسر الذي قلت لي عليه انا موافق ايش الذي غير رأيي يعني ابطل خلاص انا داري انك جلست تراشيني سنه لكت الان فكرت وانه عينفعني انا ايوه ايوه خلاص بكره مر لا عندي غدوه الصبح وبعدين نتفاهم وغلق ...........

.....................................


عند هاجر

هاجر: واخيرا وصلنا البيت

سالم: ابسر ما قالت يا ياسين قديه ترتاح في بيتك من الان

ياسين: اصه اسكت لا تسمعك

المدير: سالم سير رجع الوحده المقر واستلم العمل اليوم انت ياسين تاعب امسك بدله

سالم: حاضر سيدي

المدير: الحمدلله على سلامتكم يا عيالي وحضن ياسين

هاجر: سمعت صوت فاجأني قوي قوي خلاني انصدمت هذا الصوت صوت واحد اعرفه قوي قوي بس من المفروض يكون ميت الان مع جدي شكلش بتتخايلي يا هاجر قد انا مجنونه او كيف

المدير: هاجر بنتي مالش مقفيه بظهرش عرفتيني

هاجر بصوت مرتفع: ماشي ياهاجر هذه قديه لغاجه بتسمعي صوت ميتين اعوذ بالله من الشيطان اعوذ بالله من الشيطان

ياسين: ابه تعرفها

المدير: ايوه اعرفها مثل ما اعرفك

ياسين: كيف ومن وين؟؟

المدير: قصه طويله اكلمك بعد شويه

ياسين: ناهي نفس المجبر حق كل مره بعدا واصل وانت تمكني هكذا

المدير: مالك بتصيح هكذا احترم نفسك قبالك مديرك وبعدين عنكلمك لا تطويني والان هاجر بنتي ابسري لا عندي انا عمش علي

هاجر: التفتت لا عنده لا لا لا لا شكلي قد انا ميته بين ابسر اموات

المدير: هاجر من حقش ان انتي تخافي لكن اسمعيني انا مش ميت انا نجيت من الهجوم الذي وقع وقالوا لش اني مت على شان ماتدوريني وانا دورتش بس الله اعلم اين خبوش علينا


هاجر انا من كثر الوحده الذي كنت فيها ما صدقت ان جاء واحد كان يحبني صدق يحترمني ومن بينهم هو عمي علي هذا جريت لا عنده وحضنته وبدات ابكي قويييي قوييي


المدير: واخيراً لقيتش لو تبسري كيف كنت قلق عليش يا بنتي ابكي خرجي ما داخلش

وكان يمسح على راسي ويحبني فيه

المدير ابسر لا عند ياسين

المدير: مالك تبسر هكذا


ياسين: دنيا وفيها العجايب صدق


هاجر ببكاء حاد وصوت حزين: يا عم لو تبسر ما فعلوا فيني يا عم شلني عند جدي اجلس عنده ولا ارجع انكسرت من كل الجهات حياتي كلها دم في دم ماعد اشتيش اعيش


المدير وياسين دمعت عيونهم من الكلام لان هاجر ادته بكل حزن ويأس ولكن بعد نص ساعه من البكاء غطست هاجر في نوم عميق لدرجه ماعد حست بنفسها


المدير: جعلي موت على بنتي ما وقع بها من مصايب ابسر كيف نامت من كثر البكاء والتعب


ياسين: كيف المظهر الخارجي خادع صدق كنت اقول ان هذه البنت دلعيه ومن شكلها وان ما همها احد والذي حصل معها ما عيأثرهاش لانه كانوا باين هكذا


المدير: قد ربي ادى لها قوة تحمل مش طبيعيه هيا شلها وسيرها فوق السرير انا ماعد فيني شي قد انا كبير وارجع بسرعه على شان اكلمك قصتها


ياسين: تمام الان


المدير: لحظه هكذا عيني عينك تمام انتبه تفعل شي قبل ما نعقد


ياسين: هههههه الله يهديك يابه ما شفعل شي وانت داري وشلها ياسين وطلعها وطرحها فوق السرير وغطاها ونزل


المدير علي: غطيتها سواء


ياسين: ايوه مسكينه ما عاشته اليوم مش بسيط

المدير: الان اسمعني اكلمك

ياسين: ايوه كلمني هيا


المدير: قول يا ابني عائلة هاجر ابوها فهد هذا تزوج ازهار هذه الذي هاجر تتعتبرها امها بس هي مش امها


ياسين: كيف مش امها من هي امها تقصد واحده ثانية


المدير: ايوه اسمع لا تقاطعني ايوه امها واحده ثانيه بعد ما تزوج فهد ازهار وبعد فتره حب فهد ام هاجر وتزوجها على ازهار وبعد ما تزوج ام هاجر ما جلست الا سنه وخمسه اشهر وماتت وعمر هاجر سنه


ياسين: ماتت كيف حصل بمرض او ايش


المدير: لا لا بمرض ولا بشي بسبب مجهووول ما لقينا الا جثتها...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 18 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


ياسين: ماتت كيف حصل بمرض او ايش


المدير: لا لا بمرض ولا بشي بسبب مجهووول ما لقينا الا جثتها في شارع الخمسين واثار طعن وخنق فيها بس الفاعل ما لقيناه ومن هذك السع وهاجر تتعامل من خالتها اخس معامله

اما ابوها تغير معاها الف كأن ماهي بنته وما كان يهتم بها وحسسها بالعطف شويه الا جدها هاني والذي يعتبر اخي وصاحبي وكل شي مثلك انت وسالم بس كان جدها يجلس الا يوم يومين ويسافر خارج اليمن


ياسين: اين يسافر وايش عمله كان


المدير: كان يسافر اكثر من دوله يسير امريكا وفرنسا تركيا كندا روسيا دول كثييير وكان يجلس سنه سنتين وما يجي الا يوم واحد ويرجع لذا انا كنت انتبه لهاجر في اكثر الاحيان اما عمله انا بكلي ما كنت اعرف ماهو ابداً كلما اكلمه يقول لي خطر عليك ولو اكلمك عتكون حياتك جحيييم


ياسين: اعوذ بالله من الجحيم ايوه كمل


المدير: وبعدما هاجر وقع عمرها 16 مات جدها في سبب مجهووول جدا وكلما جينا نحقق توقفنا الولايات المتحده لما فيه من خطوره علينا وكلما سألنا ايش السبب ما يردوا علينا وحين جاء خبر موته كذبوا على هاجر اني مت معه ونقلوا من البيت ولما سرت ابسرها ما لقيتها ولا عاد دريت وين ساروا كأن الارض انشقت وبلعتهم


ياسين: وما قصة اهلها انت قلت لي من اول انهم باعوها


المدير: هاه ابوها باعها لعزام ب 2 مليون بدون عقد ولا شي بيع وكأنها بضاعه


ياسين: طيب ليش هذا الكره لها وليش الناس الخطره تشتيها لهذه الدرجه


المدير: مدري يا ولدي مع ان هي بنت مثل العسل بطباعها اما ليش يشتوها صدقني انا والكل مش عارف ليش ذلحين اسمعني عرفت اهلها بنت من غدوه الساعه 7:00 ليل عيكون العقد حقكم ولا اشتي اي نقاش قد كل شي جاهز


ياسين: تمام بعدك بس من عيكلم البنت


المدير: انا اكلمها ولا تقلق انت ما بتبسر كيف قدك سير ارقد وافتهن اشتيك غدوه عريييس تمام


ياسين: تمام

...........................


الساعه الان 9:00 الليل

سالم بيتكلم بالتلفون: هاه تمام ولا عليك ابشر


وقتها جاء المدير: خير يا سالم بين ابسر تلفون جديد ومع من كنت تتكلم


سالم: هاه هذا تلفون اشتريته قبل شويه واتصلت لابي قلت اطمنه لا يقلق


المدير: ضخم اشتيك تجهز نفسك بكره الساعه 7:00 الليل


سالم: ليش في مهمه


المدير: هههههه لا لا قد حياتنا كلها مهمات او كيف لا حاجه حاليه غدوه اشتيك تكون شاهد في عقد ياسين وهاجر


سالم: هاه ايوه صح مبررروك والله فرحت له بس مش بدري عليهم عادهم نفسيتهم تاعبه خاصه البنت


المدير: بارك لياسين والا لي هو العريس مش انا ولا هو بدري ولا دق الحديد وهو حامي

سالم: خلاص تمام بعد امرك

.........................


وفي المانيا الساعه 10:00 صباحاً..........

حيث انه كان على الشاطئ يقوم باللعب على امواج البحر باللوح البحري وكل البنات الالمانيات الذي في الشاطئ منتظرات متى ا ينزل هذا اليشطان الذي يتسلق امواج البحر الكبيير بدون خوف او توقف

وجميع فتايات المانيا منتظرات بشوق متى عيوصل هذا الشخص الوسيم الماهر في الزلاجه المائيه وبعد وقت طويل واخيراً استسلم هذا الشيطان وقرر النزول الى الارض وعند وصوله للارض التفت البنات كلهن حوله والذي تشل تلفونها وتتصور معه والذي تصور جسمه المفتول بالعضلات اما هو تضايق وطلب من رجاله ابعادهن عنه


سامي: ماشاء الله عليك يا سيدي جمعت كل سكان المانيا من مهارتك


مالك: سامي خلينا من الكلام الان وقول لي فعلت الذي قلت لك عليه وما حصل قتله والا لا


سامي: للاسف يا سيدي نجوا الاثنين


مالك بعصبيه قووويه: ماهو يعني ما تقدروا تنجحوا في عمل بدون ما انا فيه


سامي: اصلاً وصلهم دعم عسكري بشكل مفاجئ


مالك جلس فوق الكرسي ولبس منشفته وقال

مالك: وكيف وصلهم دعم ما على اساس كانوا في مكان شبه مهجور وياسين ما يفهم في الالكترونيات والمواقع لما يعرفوا مكانهم هاه


سامي: ايوه بس السيده هاجر كانت معه واكيد هي الذي ارسلت موقعهم


مالك: هاه يعني حبيبتي فاهمه في هذه الحاجات مثل ما كانت قصدي ان هي نسيت المهم جهز التذاكر الليل عنسافر فرنسا نكمل عملنا ونعرف اين هي الشنطه والخزنه السوداء ومفتاحها


سامي: سيدي به معلومه مهمه قوي اشتي اكلمك بها


مالك: ماهي تكلم


سامي: حصل الذي ماكنا متوقعين انه يحصل لا العقيد علي الذي كان صاحب هاني ال...

مالك: ايووه ماله تكلم

سامي: لمحوه اصحابنا وقت العمليه وانه جاء بنفسه ينقذ ياسين وهاجر

مالك: ههههههه هذا خيالهم اكيد العقيد علي مات من وقت طوييل مع هاني

سامي: لكن....

مالك: بدون لكن كما قد ابسرته انا بعيني باصدق يله بعد عملك سريع

سامي: حاضر

مالك: انتظري يا هاجر انتظريني ههههههههههه


























📚 @rewayatyamania  🇾🇪

.

البـارت 19 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


نرجع لدولتنا حبيبة قلبي اليمن ..............
في الصباح في الساعه 8:00

كان العقيد علي متوجه الى غرفته دخلها وشل تلفونه واتصل

العقيد علي: السلام عليكم كيف انتي يا حجه امنه

الجده امنه: وعليكم السلام ورحمة الله وبركاته الحمدلله وانتوا كيف حال ياسين ماله بين اتصل له ما يجاوب

العقيد علي: واحنا في نعمه ياسين هو عريس اليوم شكله عاده راقد

الجده امنه: ماهو عريس كيف عتعرس له قبل ما اجي او كيفه

العقيد علي: اسمعيني الان وانتي قرري وحكى لها ما حصل لياسين وهاجر كله بس ما قال لها هي بنت من او من هو ابوها او امها

الجده امنه: يوووه جعلي مكسر على ولدي وقع به هذا كله ولا انا داريه قد الضيق حقي امس جاء لا طريقه والله والبنت كيف هي

العقيد: والله اشكل هيا ما قلتي هو عقد بس

الجده امنه: تمام بعدك بس ما قلت لي بنت من هي اشتي اعرف من وين هم اهلها على الاقل

العقيد: سعليش ولا عليش بنت ناس ولما تجي عتعرفيها وتدعي لي من قلبش

الجده امنه: ناهي هه ببسر حين اجي هيا كان الله معك لا عاد اشغلك انتبه على ولدي

العقيد: ما عتوصيني على ياسين الذي ربيته انا الله يهديش خاطرش الله معش اسير عند ياسين ابسره واكلم البنت ...يله


.................................


في بيت ياسين...........

ياسين في غرفته .......

ياسين: اوووف ولا قدرت ارقد من مره استغفر الله العظيم مالي متوتر هكذا وقد الساعه 8:30 ولا قد جاء هذا علي يكلم البنت عاد انا كنت افكر اقول اتصل للعقيد علي دق الباب

ياسين: واخيراً جاء اسير افتح له

نزل الدرج وفتح الباب

ياسين: واخيراً وينك لا هذا الساع

العقيد علي: ليش خير عاد الساعه ثمان يووووه ليش عيونك هكذا ما رقدت او كيف

ياسين: ايووه ما رقدت ولا عرفت النوم هيا ادخل ادخل وسير كلم البنت قده شرق

العقيد: ناهي انا اطلع لها لكن انت سير ارقد حتى ساعه ابسر وجهك كيف قده

ياسين: تمام وقده يطلع الدرج بس وقفه العقيد وقال

العقيد: ياسين ياولدي متى ببسر عيونك هذه الثنتين نفس اللون واصل ضابح ليش هكذا.. هكذا البنت عتخاف من منظر عيونك

ياسين ببرود وعدم مبالاة: محد له دخل مني اعجبها هكذا ولا الله معاها وطلع الدرج

العقيد استاء من ياسين وردة فعله القاسيه وطلع لا عند هاجر

............................


وفي معهد اسمارت ........

عند هنادي بالضبط ..........

هنادي: يابنات ليش تأخر الاستاذ اليوم قد الساعه ثمان ونص

ايه: قالوا به استاذ جديد عاده بيجي

خلود: ايوه قال لي مشرف المعهد وقال لي واحد عمره 24 سنه ويدرس طب عام سنه ثالثه وقال انه شاطر قوي قوي وان المدير قد له سنه يراشيه مراشاه على شان يدرس عندنا واقول لكن حاجه

هنادي وايه: ايوه ايش

خلود: قال انه حالي وشخصيه ما بتبسرين قد البنات عيجننين مريعات عيجننين

هنادي: ناهي من الهباله هو رجال من جيز الرجال

ايه: خلاص المدير جاء اصه يا بنات


دخل المدير وقال
ياشباب اليوم جاء مدرس شاطر قوي عتستفيدوا منه هو طالب مثلكم في الجامعه بس سنه ثالثه في الطب العام ودايماً وما يكون الاول في الدفعه اشتيكم ما تتعبوه معاكم وخاصه انتي يا هنادي واشر للاخير اين ما هنادي جالسه

هنادي: ليش مالي انا

المدير: كثر اسئلتش تطلع الضغط لذا خفيفيهن تمام

هنادي: تمام استاذ

المدير: الان ادخل يا استاذ

ولما كانت الاعين موجهه عند باب الفصل منتظرين هذا الاستاذ الجديد وعند دخوله دخل الاستاذ ولكن البنات بشهقه دهشه من وسامته لكن هنادي كانت مدنيه راسه تراجع الدرس السابق

تكلم الاستاذ وعرف نفسه وقال السلام عليكم يا شباب انا الياس ال... اظن ان المدير قد عرف بي ولو اي احد منكم عنده سؤال يتفضل

هنادي: كأني اعرف هذا الصوت رفعت نظري الا وهو يقول الياس ال... انصدمت كيف كيف جاء للمعهد ويدرس

ايه: هنادي هنادي

هنادي: هاه ما تشتي

ايه: وين حسش المهم ابسري ما احلاه كيف جسمه وشعره ونظرات عيونه هيبه امانه اووووف كيف هو انيق

هنادي كنت ساكته اما واحد من العيال رفع يده وسمح الياس له وقال الطالب يا استاذ انت والمدير اصحاب او كيف المدير جاوب قبل الياس وقال

المدير: ايوه اصحاب من زمان

الياس: في احد ثاني معه سؤال

واحده من البنات رفعت يدها وقالت يا استاذ انت متزوج او عزب

المدير: ايش السؤال هذا هذا سؤال

الياس: محمد اهدأ خليها براحتها لا مش مزوج اعزب

البنت كملت وقالت: مرتبط او لا

الياس: لا

هنادي: رفعت يدي الياس ابسرني وسمح لي وقمت وقلت: يا استاذ الياس ايش السبب الذي خلاك تجي معهدنا البسيط مع ان معك قدرات تخليك تدخل افضل المعاهد

المدير: ايوه هذا سؤال هنادي اعرفك يا الياس افضل طلابي واذكاهم

الياس: ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 20 •°


التعـايُش مـع المـوت ❤️‍🔥


👌🏻👇🏻 😍
📚 @rewayatyamania  🇾🇪


المدير: ايوه هذا سؤال هنادي اعرفك يا الياس افضل طلابي واذكاهم

الياس: هاه ضخم انا جيت هنا لان المعهد هذا بسيط واعم صاحبي محمد وانا احب المعاهد البسيطه لان طلابه يكونوا بسطاء مثلها

هنادي: ما قصدك ان احنا بسطاء

الياس: اظن فهمتي قصدي

هنادي ضبحت قوي وحمرت وقالت بغضب ونسيت ان هي في الفصل: احنا الحمدلله في نعمه مش احنا بسطاء كما بتقول وما دخلت هذا المعهد الا على هذا السبب مش ضروري ندخل في معاهد عاليه على شان نبين ان معانا زلط وخرجت من الفصل

محمد: الله يهديك يا الياس ليش تقول لها هكذا

الياس: انا ما غلطت عليها وما كذبت

محمد: ولو

ولحق محمد بعد هنادي الياس شك من صاحبه انه ليش الزعل هذا بكله على شان هنادي اكيد في شي

الياس لحق بعدهم

هنادي وصلت الحوش حق المعهد وما قدرت اتمالك اعصابي ابسرت المدير محمد جاء

محمد: هنادي مالش عصبتي هكذا

هنادي: ما قدرت يا استاذ انت عارف ان سمي من يقول عليا هكذا

محمد: خلاص اهدئي وصلي على النبي لما ابسرش هكذا اضايق

هنادي: انا اسفه

جاء الياس وقال
الياس: محمد ممكن تخلينا شويه اكلمها

محمد: عادي تكلم وانا هنا

الياس: محمد قلت رحلك

محمد: خلاص تمام لا تطولوا على شان الطلاب لا يقولوا شي

الياس: تمام

رحله محمد وقلبه على نار يعرف ماعيقول الياس لهنادي

الياس: مالش قلبتي فجأه انا ما قلت حاجه غلط

هنادي: الا قلت يا الياس انا مش بسيطه

الياس: اسكه قولي لي انتي كيف فهمتي

هنادي: فهمت ان قصدك ان احنا محتاجين وبسيطين ومن جاء يضحك علينا صح

الياس: ههههههههههههه يعني هكذا كان تفكيرش

هنادي: ايوه ليش تضحك

الياس: انا ماكنا قصدي هكذا انا كان قصدي انش بسيطه يعني متواضعه مش متكبره فهمتي الان

هنادي: صدق كان قصدك هكذا

الياس: ايوه صدق

هنادي: انا اسفه ما قدرت امسك اعصابي

الياس قرب منها قوي لدرجه ما باقي فيهم الا حاجه بسيطه جدا هنادي استحت وحاولت ترجع لا وراء بس مسك يدها وقال

الياس: المره الثانيه انتبهي تصيحي فوق قبال الطلاب وقبل ما تتسرعي بالفهم افهمي اول تمام يا هنادي

هنادي بتوتر: تمام

تراجع الياس وابسر وفك يد هنادي وقال: هيا قد تأخرناوقولي لي بعد الحصه كيف شرحي تمام

هنادي: تمام استاذ

ضحك الياس ودخلوا الفصل وبدا اليأس في الشرح

.......................


نرجع عند هاجر بطلتنا.........

وصل العقيد باب الغرفه الذي هاجر داخلها و دق الباب

هاجر: ادخل

دخل العقيد

العقيد: صباح الخير لبنتي القمر كيف حالش رقدتي او لا

هاجر: صباح النور لك يا عمي الحمدلله ايوه رقدت

العقيد: من اي حين صاحيه

هاجر: من لما جيت سمعت الدقه حق الباب ومجبارتك انت وياسين

العقيد: هاه اسمعيني يا بنتي اشتي اكلمش بشي ضروري قوي بس اسمعيني للنهايه تمام

هاجر: تمام يله ماهو قل لي

العقيد: اشتيش توافقي تتزوجي ياسين

هاجر: ماهو

العقيد: اسمعي للنهايه على شان ان ياسين الان هو اكثر شخص نوثق به في الاستخبارات ووكلناه يحميش وتجلسي عنده بس ما ينفعش تجلسي عنده وانتي محرمه عليه وياسين انسان محترم وخلوق وانا ربيته بيدي وداري ما معي ولو معش اي سؤال اسأليني وانا اجاوبش وصدقيني اني اضمن لش ضمانه ولو مش مقتنعه حتى يكون زواج بالورق لما تلقى ونعرف من وليش يلاحقوش بعهدها تطلقوا تمام هيا ما قلتي


كان العقيد منتظر لجواب هاجر

هاجر فكرت قليل لكن كان جوابها صادم للعقيد ولا اي بنت كانت كان جوابها

هاجر: انا موافقه يا عم اتزوج ياسين

العقيد: قولي والله ما عتقليبيش بعدا

هاجر: مابقلبش لا ليش اقلب انا قد كلمتي وانت عارف

العقيد: كنت اتوقع منش العكس وعاد انا كنت افكر كيف اقنعش

هاجر: ليش وبعدين كل شي واضح منطقي هذا الشي في مصلحتي مادام عيحميني لكن معي اسئله اشتي اسألك بها

العقيد: اسألي يا عموو

هاجر: ليش لما ياسين كان عيطلع وقفته وقلت له ليش انت ضابح واصل يا ولدي نفسي ابسر هولاء العيون نفس اللون ليش مالهن عيونه

العقيد: يعني مش ملاحظه انهن مختلفات لا مش لهذه الدرجه

هاجر: الا ملاحظه وداريه بس ليش قلت هكذا ايش دخل الضبح في عيونه

العقيد: عيون ياسين من الله اذا كان ضابح تختلف الوانهن واذا كان فارح وقلبه سالي يرجعين الثنتين عسلي فاتح

هاجر: هاه ولكن ايش حصل له لما هو ضابح واصل والحزن في وجهه واصل

العقيد: وما دراش انه فيه حزن

هاجر بضحكه: انا مش غبيه ياعمي انا عارفه كيف هو الحزن والهم والندم وكيف يظهر شكله في ملامح الشخص

العقيد: ااااه اااه ياسين...













https://tttttt.me/rewayatyamania/45829













📚 @rewayatyamania  🇾🇪