💖

بـارتـات يومنـا الخميـس والأخيـرة👆🏻😍

#انتظرونا ومع قصة جميلة للكاتبـة
الريـم الشـارد بعنوان


أقـدار محتـومـة

ابتداءً من مسـاء يوم الثـلاثـاء بإذن الله

وذلك على قنـاتـكم روايـات يمنيـة عبـر الـرابـط التـالـي😍👇🏻


https://tttttt.me/joinchat/AAAAAEIz_KDfjDgo7Gaxwg

قصة أقـدار محتـومـة للكاتبـة: الريـم الشـارد

👌🏻👇🏻 😍
📚 @rewayatyamania 🇾🇪


ملخص القصـة 🥀

رقـم القصـة : 200

اسم القصـة 📖 : أقـدار محتـومـة

اسم الكـاتبـة✍🏻 : الـريـم الشـارد

عدد البارتـات : 22

مدة العرض 🗓 : 3 أيـام

وقت العرض ⏰ : المســاء


#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة




📚 @rewayatyamania 🇾🇪

.

البـارت 1 ◇

#أقدار_محتومة
#للكاتبة_الريم_الشارد

👌🏻👇🏻 😍
📚 @rewayatyamania 🇾🇪


سعيد.. طفل معاق عانى وقاسى الكثير من المآسي والمحن لم يكن ذا عود قوي حين فقد والديه في حادث سياره انقلبت اثناء سفرهما للعلاج خارج المدينه.. فقد والديه وحزن حزنا شديداعليهما مما ادى ذلك الى زياده آلامه وآهاته..

فلم تكن له حيله الا انه كبر في ظروف تكاد تكون عاصفه من المشاعر والمشاكل فسعيد تربى في بيت عمه وكانت زوجة عمه تعامله معامله قاسيه جدا فقد كان يحتاج لرعايه اكثر من اطفالها الاخرين..


سنبدا في سرد الحكايه حين اكمل سعيد عامه الثامن عشر

عم سعيد: السيد فارع..
فارع: واسعيد وينك اليوم هيا شاخذك المستشفى نشوف كيف حال رجولك..

سعيد: ياعم فارع الله يحفظك كم لهم يمكنونا بكره بتمشي بكره بتخطي..
خلاص مالوش داعي انا تعبت وشكلي ماشمشي طول عمري.

العم فارع: يا ابني لاتقول كذا.. لاتقنط من رحمة الله "لايقنط من رحمة الله الا القوم الكافرون" هيا سير شابدلك ياابني ونسير المستشفى.


(العم فارع حنون جدا على سعيد فقد كان يحب اخاه حبا كثيرا وحين توفي تمسك بسعيد بقوه واخذه للعيش معه وهو للآن لايعلم بالمعامله القاسيه التي يتلقاها سعيد من زوجته وابنائه)


جلس سعيد على السرير واخذه عمه الى الحمام وبعدها قام بتبديل ملابسه واصلح هندامه وتوجهوا الى المستشفى..


فارع: السلام عليكم كيف انت يادكتور؟


الدكتور سعد: وعليكم السلام اهلا بعمي فارع كيفك وكيف الاهل؟ وكيف البطل حقنا سعيد؟


سعيد في نفسه اين بطل واين بصل.. مكنتوني بطل بطل لمن قدنا اشم ريحتي بصل.


فارع: الحمد لله ياابني والبطل ذاهوه قدامك ماناقصه الا يمشي.


الدكتور سعد: الله يعافيكم ياعم وان شاء الله قريب بيمشي بس ياعم ممكن اكلمك على انفراد شوي!؟

فارع: على طول ياابني تفضل..


سعيد حس في نفسه انهم بيتحاكوا عليه..


نادى الدكتور سعد للممرض فيصل .. ياخذ سعيد لعمل بعض الفحوصات


العم فارع: ها ماقلت ياابني اقلقتني!! خير! حالة سعيد تدهورت والا ايش؟


الدكتور سعد: لا لا ياعم ماكان قصدي كذا بس القصه ومافيها سعيد محتاج دافع..


فارع: دافع؟! كيف يعني؟


الدكتور سعد: اقصد انه ينقصه شغف للحياه ينقصه شيء يعمل جاهد لاجله..

فانت حكيت لي ان سعيد ولد باعاقه بسيطه وكان في تحسن في ظل رعاية والديه ولكن الحادث المؤسف الذي لحق بالعائله اثر عليه جدا وخلاه يفقد الدافع للحياة.

ياعم فارع انا احس ان سعيد نفسيته ماتشتي انه يمشي او يقوم بالسلامه..


فارع: بس انا مااقصرش عليه ولا بشي وهو وعيالي سوا.. وانا كنت اشتي ادرسه مدارس زي عيالي.. بس هو الي اصر على عدم الدراسه ومع ذلك جبت له للبيت مدرسين ودرسوه وذاهوه قدامك يقرأ ويكتب زي البلبل واحسن من عيالي اللي في المدارس.


الدكتور سعد: مش قصه نقص مادي ياعم انا فيني احساس ان سعيد ماعنده رغبه مطلقا في الشفاء الولد محتاج لدافع نفسي تقرب منه ياعم تاكد من احتياجاته ادخل في تفاصيل حياته.. بالمعنى الفصيح شاركه كل تفاصيل حياته.. الحين انت قدك مقاعد ماعندك عمل اجلس معاه اكثر طيب راقبه من بعيد لبعيد سيروا اتمشوا انت وهو وحدكم.. فهمتني ياعم؟


فارع: ايوه ايوه ياابني فهمت عليك وازيد اطمنك واقولك ان انا شكون له زي الصاحب على سب يقولي مو فيه.. وربي يوفق.


الدكتور سعد: آمين..
.
.


في الطريق الى المنزل..
سعيد: ياعم ماقلك الدكتور سعد؟

فارع: قالي انتبه على اكلك قال شكلك ماتاكل سوا وانا من اليوم شجلس جنبك واشوفك كيف تاكل.. وقال لي كمان في تحسن في رجولك وانه العصب ولله الحمد بدا يتشافى احسن من اول بكثير..


سعيد: ههه واصل نفس الكلام..

فارع: ياابني مو قلنا..


سعيد: ربك كريم.


فارع: الله كريم.
.
.


في البيت..
بدا العم فارع يتالف مع سعيد ويكثر من الزيارات لغرفته ويصطحبه في ارجاء القريه ويريه المناظر الطبيعيه الخلابه ويحكي له قصص عن امجاد القرية واهلها..

واستمروا على هذا الحال فتره..


في احدا المرات والعم فارع يقوم بالتنزه مع سعيد الذي يجلس على الكرسي المتحرك.. اشار العم فارع بان ينزله من على الكرسي ويضعه على العشب ويذهب هو للبقاله لشراء بعض العصير..

ذهب العم وترك سعيد تحت الشجره..


في المكان القريب من سعيد هناك اطفال يلعبون الكره وكان سعيد يبحلق فيهم كثيرا فهو كان يتمنى ان يصبح محترف كره او على الاقل لاعب يداعب الكره فوق العشب كان في صغره يتملك شغف قوي بالكره ولعبها..


رمى احد الاطفال الكره واستقرت قريب سعيد..


الطفل: ياويه.. شوت لنا الكره..


سعيد ينظر الى الطفل وتتملكه الحسرة.


الطفل مره اخرى: انت هاااات الكرره..


وسعيد لم ينطق بكلمه..


صرخ احد الاطفال: ييييااااااااا اعطينيا كرتنا


تملك الاطفال الرعب...
























📚 @rewayatyamania 🇾🇪

.

البـارت 2 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪


صرخ احد الاطفال: ييييااااااااا اعطينيا كرتنا


تملك الاطفال الرعب.. لانهم ينظرون الى سعيد وهو يمسك بالكره بين يديه ومنزل راسه للاسف ولاينطق بكلمه فهم لايعرفون من هو ولايدرون لماذا يفعل هكذا؟


نادى الاطفال على ذويهم الذين كانوا في مقربه منهم...


البنت: ويه انت مالك كذا او خينا تشتي الكره لك تلعب فيها هات الكره حق الجهال هات..


سعيد لاينطق ببنس كلمه...


البنت: ويه اصنج كمان اقولك هات الكره قبل ماانادي ابي..
البنت: الجهال يقولوا لك شوت الكره وانت متشعبط فيها(متمسك) خينا محركس والا مكرسح وانا مانيش داري..
نزلت كلمات الفتاه عليه مثل الصاعقه...


انها تعايره باعاقته انها تعايره بالذي يعاني منه ويكره ان يقال عليه ذلك..


اتى العم فارع: هيه مالك انتي ليش تقولي كذا على الولد استحي من نفسكك بعدين هذي ارادة الله محد اختاره لنفسه الصحه والا المرض..


انتبهت الفتاة على كلامها..
البنت: ماهو ياعم؟ والا هو تعبان من صدق...


العم فارع: ايوه عنده اعاقه ومايمشي بس طمنونا الدكاتره وقالوا قريب بيشفى.


البنت لم تتمالك دموعها: اسفه والله اسفه ماكان قصدي بس حسبت انه بياخذ الكره اسفه اسفه .. وابتعدت هاربه ودموعهاعلى خديها...


العم فارع: مالك منها هذي جاهله.. لاتبالي ياابني يله نقوم نسير مكان ثاني احسن من هذا..


سعيد: ياعم هي ماغلطت صح انا مكرسح ومكسح ... ومحركس ...(لايستطيع المشي اطلاقا)


فارع: هيا ابني خلينا نكمل نزهتنا وماحلاها من نزهه...
.
.


عند عائله البنت ..
رجعت تبكي بشكل هستيري وتقص على اهلها ماحدث..


الاب: يابنتي انتي غلطانه طول عمرك لسانك يسبق عقلك كوني فكري اول لاتتسرعي بالكلام وبعدين ايش له من داعي تقولي ذاالكلام لاي حد ؟؟ مابتبطليش طولة اللسان ذي؟


الام: دلا دلا عليها ماغلطت هو اللي متمسك بالكره..
بس يابنتي ماكنش له داعي ابدا هذا الكلام.


الاخ: المفروض تسيري تعتذري له ..


البنت: قد اعتذرت😢 واعتذرت واعتذرت.


الاخ: سهل نسير كمان نحن نعتذر منهم..


الاب: صح كلامه مش حلوة ندري باللي عملته ام لسان طويل ومانعتذر. ..يله سرنا ..


الاب: السلام عليكم ورحمة الله وبركاته..


فارع: وعليكم السلام حيا ومرحب ..


الاب: اقدم اعتذاري ياحاج على طولة لسان البنت.. ماكان قصدها هي كذا تجدل كلام اهبل.. بس ان شاء الله تكون اخر مره وتبطل تتكلم من ورا اذنها.. (بدون تفكير)


فارع: سهل سهل يااخي ماوقع شي واذاهو سعيد وماعنده اي مشكله ابني فاهم وعاقل ماشاء الله عليه..


الاب: كيفك ياسعيد؟

سعيد: الحمد لله ولاتزعج نفسك ياعم قد انا داري ان انا معاق .. مش الا لمن حد يقولي..


الام: يا ابني سامحها لسانها طويل .. وتلتفت نحو بنتها.. ويشتي له قص..


فارع: الا ماعرفتناش منو الاخ؟ اول مره اشوفك بالقريه؟ سائح؟


الاب: هههههه الله يرضى عليك.. لا ياعم انا ابن القريه ابا عن جد بس الظروف حكمت عليا العيش في المدن.. انا سامح سميح ..


فارع: هااااااا سامح سميح اللي..... ماكملش كلامه وتدارك نفسه ابن الحاج سميح صاحب مزرعه البن..


سامح يتصبب عرقا: ههه ايوه مزرعه البن ...

.
.

بعد الاعتذار الذي قدمه السيد سامح واسرته. لسعيد وعمه انطلق كلا منهما لمنزله ...

.
.

في منزل فارع..

سعيد: ياعم انت تعرف هذا سامح سميح؟


فارع: ايوة كان من سكان القريه.. ابوه الله يرحمه كان طيب والناس كلها تحبه..


سعيد: وليش فلت القريه وخطى المدينه...؟


فارع: يا ابني القصه طويله.. وماناش ذاكرها سوا..


سعيد: ياعم زوجته من القريه؟ شكلها بنت مدينه وماقد عاشت في قريه ابدا...


فارع: والله ماعندي علم.. بس شكلها زيما تقول يبان على هيئتها مدنيه قوي..



















📚 @rewayatyamania 🇾🇪

.

البـارت 3 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪


بعد اسبوع.. زار السيد سامح بيت السيد فارع ..

سامح: السلام عليكم


فارع: حيا الله من جانا .. او عرفت عنوان بيتي من نفسك والا دلوك..


سامح: ههههه لا دلوني قدك داري لي زمان من القرية


فارع: المهم خطوة عزيزه انست وشرفت ..


سامح: بحضورك.. المهم انا جيت وطالب منك طلب وياريت ماتخيب لي ظني..


فارع: لو بمقدوري ابشششر..


سامح: بشرك الله بالجنه..
سالتك بالله لاتقول لسعيد على قصة هروبي من القريه ولاتقول له باي شكل كان ان امه هي بنت خالتي ولا تجيب له سيرة عمي ابدا..


فارع مستغرب: لو ذا مطلبك ابشر بس انا قلت لو تقوله انت الحين احسن من لماا يعرف من حد غريب وذا موضوع عادي يعني مابشش اي احراجات.


سامح: لا ياحاج خليه مستور احسن وانا كما شفت.. معي ولد تقريبا بيكمل جامعه والبنت سنه وبتدخل جامعه والتوم اللي شفتهم هذيك اليوم مااشتيهم يتحسسوا او يحسوا باي شي تجاه سعيد..


فارع: خلاص دام ذا سببك ابشر وانا قلت اللي في نفسي وانت ونفسك.. وربك كريم


سامح: هيا خاطرك ولاتقول لحد انه جيتك خاطرك


فارع: على طول.. الله معك ..
.
.

توالت الايام وسامح عاد لمدينته وسعيد وعمه في القريه والعم فارع يتقرب من سعيد يوما بعد يوم

سعيد: ياعم تدري مابنفسي؟


فارع: لو انا اقدر البيه لك ابشر ..


سعيد: الله يحفظك ياعم ولايحرمني منك.. بس اللي بنفسي مايقدر عليه احد..


فارع: قول ياابني قول وربك كريم.


سعيد: كان نفسي ياعم يكون ابي وامي موجودين. واكون الان بدخل جامعه واشتي اكون مهندس. واللي بيقول دكتور وامي بتقول لا ماشاش ابني يتعب ويسهر كثير ادرس استاذ.. وانفجر سعيد بالبكااء....


حضنه عمه وقال له: انا ابوك وانا امك وانا مااشتيش هذا امر الله قول اللهم لا اعتراض..


سعيد: اللهم لا اعتراض 😢😢


فارع: بسك بكي قوم قوم صدقت وماعادك جاهل هيا ابوك بعمرك قاهو متزوج وقدك بتجيهم .. وانت جالس تتبكبك لي.


فهم سعيد ان عمه يريده ان يكف عن البكاء وينتبه للواقع اكثر مايعيش في الذكريات ..


سعيد: او ماهو قدك بتزوجني.. ههههه


فارع: ابشر ولايهمك انت بس اشر وانا بعدك.


سعيد: هههه مش لذي الدرجه اصبر ياعم عاد انا صغير.


فارع: ورجع يقولي صغير .. خلاص انا شزوجك يعني شزوجك...


سعيد: ومن هي ذي الهبلا اللي شترضى تبز واحد مثلي...


فارع: لاتزعلني منك.. شترضى لك احسن وحده .. قول يارب بس ..


سعيد: ههههه يارب ..


فارع: حلميه حليمه.. جي جي


حليمه زوجه فارع: او ماهو معانا لمو اكه صوتك طالع موفي؟


فارع: جي لهنا وشنتحاكى..


حليمه باستهزاء: اديني جيت ياباشا..


فارع: ههههه تتظيرفي.. هيا جسي شاقولك..


حليمه: مااااااهوووووو...؟


فارع: ابسرتي سعيد ماشاء الله قاهو رجال ومن سعه قد تزوج وقاهو معول ..


حليمه: هه ماشاء الله والمطلوب.. اسير ادور لك عروسه؟


فارع: ولمو تسيري تدوري .. العروسه موجوده ..؟


حليمه: وقد لاقى وحده. ماشاء الله والحظ !!


فارع: مشو هو انا انا لاقيت له وحده بتطير العقل واهله اكيد موافقين ويحبوا سعيد جنان..


حليمه: ومن هذي اللي دعت عليها امه جعله مكسر ...


فارع: ماهو؟


حليمه: قصدي جعله مجبر مجبر .. من سعيده الحظظظظظظظ؟


فارع: سلمى..


حليمه: هههه اووووو ماهوو منو سلمى؟؟


فارع: سلمى سلمى او به حد من القريه اسمه سلمى غير بنتك يالجنيه ..


حليمه: او قد جننت يارجال سلمى سسسلمى بننتي بنت الاصل والفصل والجمال والدلع شتزوج المحركس...


قام فارع من مجلسه: او ماهو يامره قدك بتطولي لسانك عليااااا.. وسعيد منو لمن بنتك بنت الاصل والفصل مش هو ابن عمهاااا؟ عاد بتعقلي....


حليمه: اسمع شقولك زواجه سلمى من سعيد انساهااا مش هو جنان دور له على وحده غيرها اما بنتي ماناش مجنونه ازوجهاااااا هذا سعيد .. حقك ..


فارع: يامره لاتخليني اتهور واقول كلام مش مليح اعقلي واتعوذي من الشيطان الرجيم هذي الساعه وكلمتي محد يكسره.. كسرووا راسك اصه..


خافت حليمه من حموة فارع وسكتت وشلت نفسه ودخلت غرفته وقفلت الباب ..


فارع مصمم يزوج سلمى بنته ذات ال16 عام لسعيد ابن اخوة اليتيم .. ذا ال18عام ..


السيد فارع اشعر اولاده بقراره وانه لا يمكن لاي احد ان يعترض...


الساعه الـ 8 صباحا وبينما السيد فارع ذهب الى السوق ليشتري حاجيات المنزل


دخل صلاح الى غرفة سعيد حيث قام بركل الباب ودخل عنوة والشر يطلق شراره من عينه...

سعيد: بسم الله ماهو ذا تقول الا غرانديزر دخل غرفتي ههه حيا..


صلاح: لاحيا ولابقا اسمع يامعوق يااكسر يامكرسح.. الافكار ذي اللي في راسك شيلها شيلها تسمع..


سعيد باستغراب: هيا مو قد في ياصلاح تعايرني بمرضي وايش هي الافكار ذي؟


صلاح: ايوة ايوة استغبي عليا استغبي حرام لادفنك حييي ياسعيد.


https://tttttt.me/+Ecxq_OzMYh40M2E0




📚 @rewayatyamania 🇾🇪

.

البـارت 4 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪


سعيد باستغراب: هيا مو قد في ياصلاح تعايرني بمرضي وايش هي الافكار ذي؟


صلاح: ايوة ايوة استغبي عليا استغبي حرام لادفنك حييي ياسعيد.


سعيد مستغرب لموقف صلاح صحيح ان صلاح عنيف ومايطيق سعيد لان ابوه يدلله اكثر منه الا ان هذا المره هي الاقوى والاعنف..


صلاح: ها فجعتك الحين اصلا انت ميت ميت. قدك محرسك وحالتك حاله بس نحن منتظرين متى تطفي.. ونرتاح منك


سعيد: ماهو ذا الكلام ياصلاح عيب عليك.. نسيت ان انا ابن عمك والا كيف؟


صلاح: هههههه ابن عمي وينو ذا عمي قد اكلينه الدود.. اسمع انسي انسي انك من ذي العيله انت اصلا حشره مفروض تكون عند احضان امك ذي الساعه بين الدود هههههههه.


سعيد لم يتمالك نفسه واجهش بالبكاء..


صلاح: ياسلام الطفل يبكييي يارحمتييي لك او ندي لك الرضاعه..


سعيد: بس ياصلاح كفايه كلام قاسي عن امي وابي هذا بدل ماتقول الله يرحمهم.


صلاح: مابقولش يانينو(طفل)..


سعيد: ايش سويت فيك ياصلاح ليش هذا الكلام..


صلاح: ياعييني على المؤدب والبريء.. هيا صحصح صحصح قد انا داري بخططك يامحتف يامنتف..

ادري بمخطاطاتك السوداويه من زمان ترسم ذي الخطط تشتي تتزوج سلمى ياكلب.. ويخبط بيده ع رجول سعيد بقسوه.. انت والارجل ذي الميته... وتشتي تلحس بعقل ابي يسجل لك من املاكه وتشتي وتشتي وتشتي تحسبنا مش فاهمين لك. لا صحصح من زمان ونحن نعرف خططك ياابليس..


سعيد: سلمى.. مالك ياصلاح سلمى الا اختي ماهو هذا الكلام وبعدين اين خطط؟ واين يكتب لي ماهوذا الخبرررررر؟


صلاح: اسمع نحن مستحملينك عشان الشيبه هذاك بس لو هو بيجبرنا عليك او بيعطيك ورثنا بندفنك قبل ماندفنه تسمع ويقفل الباب بقوه وراه

ويخرج يترك سعيد خلفه في دهشة وحيره...



بعد فتره سكون دامت حوالي الساعه مازال سعيد في حيرة من امره ويشعر بالالم من كلام صلاح. ولكنه لايدري ماذا يفعل ولايدري مالسبب ولكن بعد لحظات بسيطه يقطع تفكير سعيد دقة الباب...

سعيد: ادخل..


سلمى: دخلوك بقببرك قول امين..


سعيد: بسم الله ايش في..


سلمى: في شي لا ؟ لا من قال انه في شي..
اسمع قسم بالله اذا ماتنسحب انت.. بدبر لك مصيبه تلفك


سعيد: ماهو في ياسلمى ماهو هذا الحُكى؟


سلمى: ويعمل نفسه ماهوش داري ..اسمع ياابن الناس انا ماشكش ولا شخورك ولا اتمنى اتزوج بواحد مكرسح واجلس خدامه له.. اسمع قول لابي انك ماتشتينيششششش احسن لك والا شيقع لك خبر ثاني.


سعيد: اشتيك مه؟ وانا متى كلمت ابوك ان انا اشتيك وانتي داري انك من زمان مثل اختي..


سلمى تتقدم خطوتين من سعيد: تووووف على وجهك ياحقير وعادك تنكررر لكن سهل بوريك شغلك انا..


سعيد: الله يسامحك يااختي الله يسامحك يابنت عمي.. سهل سهل.


سلمى تقلد صوت سعيد: سهل سهل.. والله ماسهل عليا الا اجيب لك مصيبه من عيني ياحقير...

تخرج سلمى من غرفه سعيد تتعهد وتتوعد له بفعل غير متوقع..


يجهش سعيد بالبكااء ويجلس يدعي ربه يفرج همه وكربته..
سعيد (يارب محد يسمع دعائي الا انت ومحد يدري بحالتي الا انت.. انت تدري ايش يدبروا لي وانت وحدك من بتنجيني منهم اللهم اني استودعتك نفسي فاحفظني بعينك التي لاتنام واحفظ لي عمي ولاتغيره عليا مثل ماتغيروا عياله....
😭😭😭

ويغط في نوم عميق الى بعد الظهر..

بعد الظهر طرقات على باب غرفته خفيفه..
سعيد يصحى من النوم: ادخل..


فارع: االسلام عليكم ياولدي كيف انت

سعيد يتنحنح يداري صعوبه خروج صوته: الحمد لله ياعم كيفكم انتم


فارع: الحمد لله يا ابني دامك قدامي صحيح معافى انا باحسن حال.. هيا قوم شنخرج..

سعيد: نخرج!!!!. اين؟


فارع: قريب قريب انت بس خليني ابدل لك ونسير


سعيد: خير ان شاء الله..


يخرجوا بالسياره والعم مطنن وفاتح اغاني حمود السمه... ويغني مع الاغاني...


سعيد: ياعم ههههه ايش القصه خينا شتسير تخطب فوق عمتي حليمه اليوم؟


فارع: ههههه لو كنت بسويها كانت قدامي مليان فرص بس يابني العشره ماتهون الا على اولاد الحرام..


سعيد: ههههه وربي انك وفي.. هيا مابتقلي وين شنسير..


فارع: لمن نوصل بتعرف لوحدك..


وصلوا الجهه المقصوده..
فارع: هيا مالحين انزل ياولدي..


سعيد: لحظه احط الكرسي المدولب ع الارض..


فارع: هيا استعجل هات يدك احطك عالكرسي...


سعيد: ماهو هذا ياعم محل ذهب ... ليش؟


فارع: هيا عسب نشتري لك احلى دبله وخاتم ..


سعيد: دبله وخاتم؟؟ بتخطب لي ياعم..


فارع: ايوة ايوة بخطب لك..

سعيد: ومن هي العروس؟


فارع: ههههه وحده حاليه وحلفتُ ماتكون الا لك...
سعيد بدت تتاكد شكوكه اذا كلام صلاح وسلمى صحيح عمه ناوي يزوجه سلمى.

سعيد: بس ياعم انا خايف تكون ماتشتيناش العروس..


فارع: من قلك والله لكسر راسها..


سعيد: ماهو تكسر راس من ياعم؟ من ناوي تزوجني؟


فارع: ...






















📚 @rewayatyamania 🇾🇪

.

البـارت 5 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪


سعيد: بس ياعم انا خايف تكون ماتشتيناش العروس..


فارع: من قلك والله لكسر راسها..


سعيد: ماهو تكسر راس من ياعم؟ من ناوي تزوجني؟


فارع: انت بس خلينا ندخل نشتري الدبل وبعدها سهل


سعيد: ياعم انت تحبني صح وكأن انا واحد من عيالك مش بس ولد اخوك؟


فارع: ايوة ايوة هذا كلام اكيد..


سعيد: طيب ممكن تخليني افكر بالاول.. وماتضغط على سلمى بالموافقه..


فارع: ماهو اوقد حد حاكاك ان سلمى ماتشتيك..


سعيد: لا لابس بين اقول هذه زواجه مش هي لعبه ولازم التفكير من كل النواحي..


فارع: او انك ماتشتي بنتي ياسعيد.. او ماهوووو الخبررررر؟


هنا يحس سعيد بغلبه وغصه في حلقه ماذا يقول لعمه وماذا يفعل... لم يقدر سوى على طاطأة راسه والسكوت..


بعدها دخل العم المحل واشترى خاتم ودبله من الذهب الخالص وبسعر كبير جدا وبعدها دبله من الفضه لسعيد وبسعر عالي ايضا.. وعادا الى المنزل..

.
.


بعد العوده من المحل

دخل السيد فارع ع اهله في المنزل واشعرهم بشرائه الذهب وان الخطوبة اوشكت على الحدوث..

صلاح: ماهو ياباه او قدك تجبرنا على شي نحن مانشتيه؟


فارع: وماهو اللي ماتشتيه ياحبة عيني؟


صلاح: عريس الغفله هذا اللي وراك


سعيد يحاول الانسحاب من الحديث الملغم بكل انواع الاسلحه الثقيله: ياعم انا شاسير غرفتي..


فارع بحزم: انتظر ياسعيد خليهم يفهموا اللي في هذا البيت انك احد منهم وانك بتصير زوج سلمى وانك بتكون الكل في الكل..


صلاح: اها قد عبى راسك يابه بكل شي قاهو السيد.. قدك تعلمه علينا..


فارع: اسكت ياكلب واتعلم تحترم اكبر منك..


صلاح: او قد نسيت ياباه ان انا شاكون سيد البيت من بعدك؟


فارع: اعوذ بالله منككك ومن افكارك قدك تشتي تموتني ياكلب

سمعتي ياام صلاح كلام ابنك البغل هذا؟


حليمه: سمعت سمعت بس ايش نفعل انت اللي راسك يابس..


فارع: ماهو تقصدي يامرة؟


حليمه: اللي انت فاهم له.. قصدي اقولك سلمى مابتتزوجش سعيد هذا حقك..


فارع: اينيه سلمى وينها نادي لها او بتعصي قراري هي كمان..


صلاح: شنادي لهاا ذلحين..

صلاح: سلمى سلمى انزلي انزلي ابوك يشتي يحاكيك..


سلمى: هاه يابه ماتشتوووووووا ؟


فارع: وماهو هذا الرد ياسلمى اتحاكي سوا مع ابوك..


سلمى: ماقلنا يابه المهم خير ايش في؟


فارع: صحيح الكلام اللي يقولوه صلاح وامه انك معارضه زواجك من سعيد..


سلمى: يووووه وعادك دريت قدني من زمان اقول لو شتزوج شتزوج ابن خالي محمد المغترب او قد نسيت ان امي كلمت خالي محمد عليا لابنه مروان؟


فارع: ماهو تخططوا من ورا وتشاورتم كمان وانا اخر من يعلم يامجنونه مروان اكبر منك ب15سنه ولو بيتزوج بيتزوج وحده متعلمه مثله شاقيه مثله تعاونه في الحياة ماشيتزوجش وحده خرجت من صف سابع لانه ماعرفاش تجاوب كم قطر الدائره.. اصحوا ياعيالي اصحووووا انا عاد انا عايششش مامتش وكلامي هو اللي بيمشي..


حليمه: اسمع ياشيبه شاشل عيالي وشاسير بيت ابي اذا عقلت كلمنا نرجع ماشي خلينا هناك اخرج..


سعيد: ياعم بالله عليك تنسى الموضوع سلمى الا مثل اختي.. ومستحيل افكر اتزوجهاا وبعدين مروان مناسب لها اكثر الله يحفظك انسى الموضوع المشكله بتكبر..


فارع: قا كبراه والسبب مش انت تطمن هذولا يخططووا من وراي الابن يشتي يدفني ويورث فلوسي والمره وبنته يدورين الفلوس ويخططين يتزوجين بمشورتهن هيا مو عادباقي تقوم القيامه...

فارع: اسمعوا اللي بيخرج لاعاد يرجع فاهمين ومحروم يزور قبري والا ياخذ فلس من فلوسي ناهييييي..


صلاح: يعني شتخلينا نتسرع يابه ونحجر علوك..


حليمه: سيروا ياعيالي سيروا سهل سهل انا اعرف كيف نتخارج منهم..


وبهذه اللحظه يتعصب فارع ويقوم بجر يد ابنه صلاح ويطرده من المنزل ويلتفت صلاح ويوجه لكمه قويه لوجه ابوه ويسقط على الارض..


فارع: كذا كذا ياولدي كذا تجازي ابوك بعد هذا العمر ابوك يااصلاح ابوكككك..


صلاح: ابي ماقلنا شي بس انك تطردني من ملكي مابسمح لك.


حليمه: صلاح سير معي يله خليهم يشبعوا ببعض لكن سهل بوريهم انااا.. يله مشينا..


سلمى: يابه انت تقسى علينا عادي وتجبرنا على اشياء مانشتيها عادي بس نحن نتكلم لا هيا ماهو ذا الخبر ياشيبه..

فارع: سيروا وقلبي غضبان عليكم الى يوم الدين..

يقوم السيد فارع ولكن لايتمالك نفسه ويهوي مجددا على الارض ويرتطم راسه بالارض ويسيل الدم..


هنا يفزع سعيد من الموقف ويحاول النهوض من على كرسيه لكن دون جدوى
وهنا يتعالى صوت سعيد وهو يصرخ وينادي احد ياتي ينقذ عمه فارع..

تنهار اعصاب سعيد من شدة الخوف على عمه
يأتي رجال القريه ملبيين صوت سعيد ولكن سعيد ايضا قد اغمي عليه من الخوف على عمه فارع وتم نقلهم الى المستشفى في المدينه..


https://tttttt.me/+Ecxq_OzMYh40M2E0




📚 @rewayatyamania 🇾🇪

.

البـارت 6 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪


في اليوم التالي..
يصحى السيد فارع قبل سعيد..
فارع: وين انا؟ مو في؟


يطمنه الدكتور: الحمد لله على سلامتك ياعم بسيطه انهيار عصبي بسيط والان انت زي الحصان ههههه


فارع: انا مايهمناش حالتي انا اشتي اعرف وين سعيد.. وينو ياابني قلي وين سعيد؟؟


الدكتور: سعيد؟؟ لحظه شخرج اسالك عليه..
الدكتور يبحث بين من اسعفوا العم فارع عن سسعيد..

الدكتور: السلام عليكم ياجماعه في حد بينكم اسمه سعيد؟


الناس: لا سعيد مغمي عليه من امس ليش تسال؟


الدكتور: الحاج اللي في الغرفه يسال عليه ويشتي يتطمن.


الناس: ها قله انه بخير احسن شرجع يتضايق ويرجع للتعب.. قله انه سعيد بخير ولابينو شي


الدكتور: طيب فينه سعيد اشتي اشوفه؟


الناس يذهبون بالطبيب الى غرفه سعيد

الدكتور يتطمن على سعيد ويسال الدكتور المختص بحالته ويخبره بان سعيد اتعرض لصدمه نفسيه قويه وانه يعاني ايضا من شلل نصفي في جسمه وانه قد لايستطيع المشي ابدا..


يبدا الدكتور بالسؤال عن الحاله الماديه للاسره لانه يعرف الكثير من الدكاتره المختصين في هذا المجال ..

اجابه العم سليم وهو احد مسعفي العم فارع وسعيد

سليم: يابني الحمد لله الاسره مرتاحه ماديا لكن نفسيا مافيش اي استقرار المره حق هذا الرجال من حق ام الجن والجهال بني ام الصبيان ماله الا هذا السعيد اللي مالاقاش من اسمه اي سعاده..
وسعيد هذا ياابني يتيم الام والاب


الدكتور: سهل بنجيب لهم دكاتره نفسسين يقيموا وضعهم بس اهم شي مايقوم سعيد من الغيبوبه الا ووفرنا له احسن الاطباء وبوساطتي ان شاء الله مابخليهم ياخذوا كثير فلوس.


رجع الدكتور لغرفه العم وبدا يهديه ويشرح له الوضع بالتفصيل وانه سيقوم بايجاد افضل الاطباء لمعالجه سعيد..


فرح العم فارع بالخبر جدا وابدا موافقته على الموضوع.. وتم استدعاء فريق كامل مكون من اطباء وممرضين لمعاينه حاله سعيد وتقييمها ..

.
.

وصلوا الفريق الطبي الى المستشفى النموذجي وقاموا بفحوصات شامله لسعيد ..

في هذه الاثناء استفاق سعيد ولكن بحاله متدهوره نفسيا لايتكلم الا قليلا ولاياكل الا مايسد به رمقه


العم فارع: ها ياابني جبنا لك احسن الاطباء في الجمهوريه وخبرات خارجيه وان شاء الله بتتعالج ببلدك ومابتحتاج تخرج منها ابدا.


سعيد بابتسامه كاذبه: ها خير ان شاء الله ..


فارع: مالك ياابني تحسب ان انا زعلان عليهم لا والله بس الحمد لله انهم كشفوا لي حقيقتهم بنفوسهم والا انا شاكك بنذالتهم من زمان بس سهل خليك تقوم بالسلامه بعدين بنتفرغ لهم


سعيد: سالتك بالله ياعم لاتؤذي واحد منهم هم عيالك وزوجتك محد غريب


فارع: سهل سهل ياابني سهل


طرقات ايقاعيه على باب غرفه المستشفى التي فيها سعيد

فارع: ادخل..


الدكتور نصر : حيا بالشباب كيفك الان ياسعيد؟


سعيد: الحمد لله يادكتور شكرا لمجهودك معنا بس ماكنش له داعي احس انه مابيقع فرق..


الدكتور نصر: لاتقنط ياسعيد بعدين انا بعرفك الحين بافضل دكتور على وشك التخرج اتفضل يادكتور اسامة..


الدكتور اسامه: مرحبا كيفكم ياحلوين ههه
الدكتور اسامه شخصيه مرحه بس وقت الجد مايعرف حد


العم وسعيد: وعليكم السلام ..

سعيد: كأني شايفك من قبل..


اسامه: تصدق نفس الشعور..


العم: وه وه وه عرفتااااك انت ابن سامح سميح ....


اسامه: عليك نور ياحج والله انك عرفتنا..


سعيد: هاا.. حياك اخي اسامه..


فارع: كيف الاهل وكيف ام لسان طويل؟


الدكتور نصر: طلعتوا معرفه هيا بسيبكم مع بعض شويه تدردشوا ..
السللام عليكم..


اسامه: بخيرين يسلموا عليكم اششش لاتذكر ام اللسان تخرج لك مثل البعبع ..


سعيد: ومابتفعل هنا بالمستشفى؟


اسامه: ياخي امي تخاف عليا ان انا مااكلش سوا وترسلها ومعها اكل لي كل يوم وكل ساع تنط لي من مكان ربشت افكاري هههههه


فارع: اها امك معاها حق انت بعمر الشباب ولازم تتغذي والا تشتي تفعل عمليه وانته مغمض وتروح ارواح الناس..


اسامه: معك حق ياعم ....


فجأه ترررررررااااااااه انا جيييييييت


التفت الكل بسم الله الرحمن الرحيم....


اسماء: مالكم كأنكم شفتم جنييي بس سهله جني حلو ماشاء الله عليا ها يااخي العزيز اصطبحت والا اجي اصبحك بيدي؟


اسامه: يامليحه استحي مش قدام الخلق روحي باجي لك بعد قليل..


اسماء : العفو ياجماعه بس اكيد قد حكى لكم اخي بطولاته في الهروب من الاكل؟


فارع: ههههه او كنتي تتصنتي؟


اسماء: ياعم صورتك مش غريبه عليا؟


فارع: انا عم المكرسح والمكسح واشار بيده الى سعيد.. وسعيد اشر لها بيده مع ابتسامه..


اسماء: ووي وي وي اسفه والله اسفه شلت نفسها وخرجت..


اسامه: هههههه اخيرا لاقينا نقطة ضعف نذل فيبه هذي السوسه..


فارع: حرام ياابني..
























📚 @rewayatyamania 🇾🇪

.

البـارت 7 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪


اسامه: هههههه اخيرا لاقينا نقطة ضعف نذل فيبه هذي السوسه..


فارع: حرام ياابني قده محرجه قوي خلاص انسوا وبعدين حصل خير ..


سعيد: ههه شكلهاا يضحك وهي محرجه اوه اسف يااسامه ماقصدي شي..


اسامه: ياشيخ حصل خير وبعدين هي غلطت وتستاهل وتبطل قليل فلتة اللسان هذي..


فارع: بس ياابني كثير عليها حرام تبان مسكينه وطيبه ومافي منها ..


اسامه: صح كلامك واحيان احسها نفس امي باهتمامها بنا رغم لسانها الطويل الا ان عقلها يطلع في المواقف تحسها اكبر من عمرها ..


فارع: الله يصلحها.


اسامه: امين.. سعيد اسمع انا اعرف دكتور ممتاز وقلي ابدا بالتمارين لك وبعدها خطوه بخطوه لحد مايوصل هنا وبيشرف على علاجك مباشره.. واتطمن مابياخذ منك ولا قرش.. بتكون مشاركتي له في الجراحه هديه تخرجي..

وانا فرحان لك بانك باذن الله على يد هذا الدكتور بيكتب ربي لك الشفاء وفرحان ان انا بقوم بمشاركه اكبر جراح في علاج صديقي ..


سعيد: او قد انا صديق هيا الحمد لله... يله ربي عوضنا خير..


فارع: ياابني لاتقلق على الفلوس شنندي له قد مايشتي لاتقلق الحمد لله الجيب مليان ...


اسامه: والله ياسعيد ان انا احسك كاخ من يوم ماشفتك اول مره ولاتحس ان هذا عطف مني عليك او شي لا والله شفت حالات اكثر صعوبه من حالتك بس ماقد حسيت بهذا الشعور نحو اي حد غيرك وبعدين ياعم فارع هذا الدكتور يحب المساعده للكل بغض النظر عن حالة المريض الماديه..


فارع: ها الله يجبر بخاطره


سعيد: والله نفس الشعور يااسامه احس كانني اعرفك من فتره صراحه ارتحت لك كثير ..


فارع: ههههه مله الدم الدم..


اسامه: ماهو ايش من دم؟


فارع يتدارك كلامه: اقصد انه من قريه وحده او مالكم قد نسيتم؟


سعيد: هههه ايوه صح كلنا من بلاد وحده..


اسامه: هيا باروح انا الان اشوفكم على خير بتاكد من تجهيزات الفحوصات وكذا شغله يله بالاذن؟


اسماء: بالاذن بالانف بالحنجره ... هيا اليوم سير كُلك لقمه راعيت لك ولا لحقتني..


اسامه: بسم الله من وين تطلعي انتي..


سعيد: عفريت العلبه يظهر لك في كل كل لحظه.. ههه


اسماء: ههه ظررريف ظررريف..


فارع: الله معك ياابني.. ربي يحفظكم ..


سعيد: مع السلامه ...

اسامه : اشوفكم على خير ..


خرج اسامه واسماء من الغرفه وبعدها بفتره وجيزة بدت اجراءت العلاج لسعيد منها التمارين والفحوصات وقياس تحسن العضلات من وقت لاخر....


فارع: هيا ايش ياابني .. تحس بتحسن؟


سعيد: بصراحه لا ياعم احس زي كل يوم ... مافيش فرق يعني..


فارع: سهل ياابني ربك كريم العافيه تدخل على حبه حبه ماشنستعجلش ..
.
.

في احد الايام....
سعيد: خلاص يااسامه انا مللت شهرين ونحن ولالمسنا اي تقدم.. الصدق انا نفسي ضاقت..


اسامه: استهدي بالله ياابن الحلال عاده الا لنا شهرين وزي ماقلت لك الدكتور مابيقدر يعملك العمليه الا لمن تبدا العضلات تتنشط.. العمليه لازم تكون بعد هذه الخطوات..

اسمع باقي نص شهر من التمارين وبعدها بنضرب ابره محفزه لمده شهر وبعدها بيكون وقت العمليه. الحين انت ماتحس باي تحسن بس التحاليل اللي نسويها كل اسبوعين تظهر لدينا تحسن في بناء العضلات..


سعيد: اسمع انا ماعاد اقدر اتحمل شي خلاص نفسي ضاقت وخلاص ماعاد اشتيش امشي ولا شي بجلس طول عمري عاله على عمي.... واجهش بالبكاء..


اسامه: سعيد عمري ماشفتك كذا بذا الضعف لازم تقاوم اذا مش على شان نفسك على شان عمك اللي بذل كل مايملك من اجلك اللي يحسبك ابنه اللي ماخلفه انت ياسعيد لو تشوف عمك كيف تكون الفرحه على وجهه لمن يشوفك بالتمارين كيف يسالني كل لحظه وكل ثانيه كيفه سعيد كيف استوى وكيف وكيف... انا من نفسي لمن اسمع كلامه ودعواته وعيونه اللي تكاد تشرق كأنها الشمس... اقول كل اللي اعمله بيفرح هذا العجوز واشعر بالفخر ان انا اساعد انسان زي هذا لا تكسر قلب عمك ياسعيد واصل للنهايه..

دقه خفيفة على باب الغرفه..

سعيد يمسح من على وجهه الدموع..

اسامه: ادخل..

اسماء: السلام عليكم..

اسامه: هههه ياسبحان الله من متى تأدبتي في الدق... اول مره مااسمعش دقه رقصني ياجدع..


انفجر سعيد ضاحكا: ههههههههههه اما هذي جبته صراحه هي بكله ربشه اجت الا على الدقه..


اسماء بادب: الله يسامحكم.. هذا جزاتي وانا تعنيت اجيب لكم غداء من طبخ امي... وانا معي امتحان بكره لكن سهل..


تغيرت ملامح وجه اسامه.. وقال: اه اسف ماكان قصدي على العموم مشكوره وربي يوفقك بكره يارب وهذي خمسه الف ريال شليها وطيري شلي لك شكاليط ياشكلاطه انتي.. ادري ماتحلا مراجعتك الا بشكاليطك..


اسماء طايره من الفرح: يوووو تسلم تسلم الصدق انك اخ تفهم ماانحرم منك.. سلام ...
شلت فلوسه وقفزت للباب وراحت..


سعيد: مالك كذا تغيرت وكلامك ونبرتك تغيروا


https://tttttt.me/+Ecxq_OzMYh40M2E0




📚 @rewayatyamania 🇾🇪

.

البـارت 8 ◇

أقـدار محتـومـة💞

👌🏻👇🏻 😍
📚 @rewayatyamania 🇾🇪


سعيد: مالك كذا تغيرت وكلامك ونبرتك تغيروا


اسامه: صراحه هي صح هبلا ومربوشه بس وقت الجد تنقلب لك زي اللي فيه فصام ههههه دامه معاها ذي الفتره امتحانات الله يصبرنا على العقل ..


سعيد: هههههه ياسبحان الله يعني ماتجلس على حال لكل موقف حال وايش قصه الشكاليط.


اسامه: هذا ياسيدي من صغرها عودها ابي لمن تذاكر يجيب لها سله شوكلاته والا كرتون وهات لك يااكل لان هي بطبعها متوتره... فالشكلاته تهديها... وتذاكر سوا.


سعيد: ها الله يوفقها .. ايش بتدرس الحين؟


اسامه: الاخت العزيزه دخلت طب نفسي ياسعم تقول ان الناس مايحتاجوش للطب البشري كل يوم زي مايحتاجوا للراحه النفسيه بكل وقت..


سعيد: تصدق بهذي معاها حق ..


اسامه: ايش بنجلس نتكلم عن المقروده ذي طول اليوم قوم خلينا ناكل ونشوف ماذا طبخت لنا الشيف اميييييي...

اسامه: سعيد انا ماادري ليش كذا اشكي لك همومي وكل شي عن بيتنا وكل التفاصيل .. حتى اختي اللي مفروض مااتكلم عليها عند حد غريب؟


سعيد: وانا حد غريب يااخي نحن اخوان باذن الله ولاتقلق مابستنقص من قدر عائلتك ولا باحد فيهم ..


اسامه: هيا تحرك خلينا ناكل...


سعيد: ههه هيا..

.
.

في رحلة العلاج بدت تظهر ملامح التحسن على عضلات سعيد...

فرح بذلك الكل.. وكان اشدهم فرحا العم فارع فقد احس بأن الفرج قريب.....

وكانت سعادة اسامه لاتنوصف فهاهو صديقه الجديد يتحسن ويرى الفرح في وجوه المحيطين به...
.
.

في بيت السيد سامح سميح.....

اسامه: يمه يمه تعالي تعالي عندي لك خبر يفررررررررح..


شذى: خير يااسامه خينا خطبت وبتتزوج؟ ههههه


اسامه ممازحا امه: ياشيخه هو انا فاضي لهذه التفاهاااات.. اقولك خبر يفرح تقولي لي زواجه ..


شذى بخبطه خفيفه على راس اسامه: استحي على نفسك عمرك 25سنه وللان ماقلت يمه فلانه اعجبتني يمه فلانه دق لها قلبي...

اسامه: ههههههههههههه.. هيا تمام اسمعي بالاول ...
شفتي سعيد اللي كلمتك عليه وانه تصاحبنا وانه نسوي له فحوصات وكذا.. هذاك اللي شفناه بالقريه ذكرتي
المهم قربت العمليه يعني باختصار فحص اليوم كان فيه النتائج اللي نتمناها وعاده مش الا 60% تصدقي الفحص كان نسبته70%....


شذى: الحمد لله ياابني الصدق خبر يفرح بجد يااارب يقوم ويمشي على رجوله والله فرحانه له من قلبيييي.. ربي يعافيه..


اسامه: امين ..


اسماء: ايش تقولو ماهو اللي آمين... ايش يا اسامه خطبت؟ هههههه


اسامه: اعوذ بالله منك شوفي يامه على ايش تفاول...


شذى: ههههه خير المفاوله يااسامه ....


اسماء: او قد خطب صدق؟


شذى: ههههه لا يامجنونة هذا صاحبه سعيد نعم الحمد لله حالته تتحسن وقربت العمليه...

اسماء طايره من الفرح : هيييييي صدق قول والله يااسامه يعني بيقدر يمشي؟


اسامه بنظرة استفهاميه : ومالك كذا مفرحه؟؟ ها؟؟


اسماء انتبهت على نفسه: ها كيف.. وكيف ماتشتيني افرح مش انت بتشارك بعمليته اشتي افتخر باخي بين البنات اخي الدكتور اسامه سميح سامح ... اشطر دكتور فيك يايمن ..


شذى واسامه: هههههههههههههه


اسامه: يمه قد بنتك تلخبط باسم ابوها وجدها ..


شذى: يامجنونه سميح سامح والا سامح سميح ....هههههههههههه


اسماء بخجل: هاااا كلهم يتسامحوا ويسامحوا مش قصه الاسم المهم الدكتور الشاطر...


اسامه: صراحه اقنعتيني يادكتوره المصاريع .....


اسماء: اماااااااه شوفي ابنك انا دكتوره ايشششش؟؟


شذى تتكلم بصوت خافت: مصروعه وبتعالج مصاريع ....


اسامه: هههههههههههههههههه


اسماء: يا مجرمين ايش بتتوشوشوا عليا وتضحكوا الله يسامحكم ياعيله سميح سامح....


شذى واسامه: ورجعت للعجين من جديد...ههههههههههههه


اسماء: طز فيكم بروح غرفتي ابرك لي خاطررررركممممم ....
وراحت غرفته
وهي في طريقها للغرفه وهي طايره من الفرح وتكلم نفسها يعني الحمد لله ربي بيكرم عمي فارع وبيشفي سعيد وبيمشي سعيد اخيرررا ياااارب تكلل عمليته بالنجاح ....
.
.

بعد اسبوع..

وصل الدكتور المختص للمستشفى وبدوا في اجراء اخر الفحوصات والتحاليل استعدادا للعمليه التي سيتم اجراءها بعد اسبوعين ..

في هذه الاثناء سمعت حليمه زوجة فارع بالاخبار السارة لكنها لم تكن سارة بالنسبه لهااا فبدأت تحيك المكائد والمقالب ....... بدأت تخطط وتتوعد ...


حليمه: صلاح صلااااااااااااااااااااااح وينك ياكلببببببب....


صلاح: ماتشتوا يامه خير مو في لمو تصيحي.....


حليمه: اين انت؟؟ اين انت؟؟ الناس تسرح وتمرح وانت ولا حاسس بشي...


صلاح: ماهو الخبر خير؟


حليمه: خير من اين عيجي الخير وابوك يسرح ويمرح مع هذك الكلب المعوق من وين بيجينا الخير قده يلف ويدور حول ابوووووك ...
الااااا واصلااااح لفه علينا لففففه....


صلاح: ...
















https://tttttt.me/rewayatyamania/45423








📚 @rewayatyamania 🇾🇪