👌🏻👇🏻 😍
📚 @rewayatyamania 🇾🇪


ملخص الروايـة 🥀

رقـم الروايـة : 198

اسم الروايـة 📖 : وشـاءت الأقـدار

اسم الكـاتبـة✍🏻 : ميمـي عبـدالجليـل

أبطـال الروايـة: سلاف وأحمد

عدد البارتـات : 110

مدة العرض 🗓 : 11 يــوم

وقت العرض ⏰ : المســاء


#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة



📚 @rewayatyamania 🇾🇪

.

البـارت 1 ☆

#وشاءت_الأقدار
#للكاتبة_ميمي_عبدالجليل

👌🏻👇🏻 😍
📚 @rewayatyamania  🇾🇪


يوم الخميس الصبح الساعه 6 ⏰.

في غرفتها...
 
سلاف بطلة قصتنا 😍 آخر سنة تصميم أزياء ، قمحية البشرة عيونها عسلي 👁️ واسعة.. شعرها بني غامق طويل للخصر 👩🏽 متوسطه الطول ضحكتها جذابة.. معاها خدود وغمازه بنت فرفوشه وتحب الحياه ..


ممدده في سريرها بتتفرج كل جزء في غرفتها مع إبتسامة ☺️ بتتذكر كل لحظاتها الحلوه فيها وشريط حياتها وطفولتها جت عينها ع فستانها المعلق قفزت من السرير مسكته وبتلف به فارحه 😍 ..


سمعت تلفونها بيرن 📱 بالرنه المخصصه له  قفزت بسرعه ترد ..


خالد: ياصباح الحب ❤️ ياصباح اليوم اللي أخيرا فيه عتكوني ملكي وحقي ياصباح السعادة.. اليوم كل شي في الدنيا بين احسه فارح لنا حتى العصافير اليوم بتزقزق ولاسكتت جالسه تزفنا 😍 ..


سلاف ضحكت بخزا 🥰: ياذكي العصافير بتزقزق كل يوم وبعدين مسرع قمت وأنت أكسل واحد كيس نوم ..


خالد ضحك: 😂 هههه طيب كان اليوم تجملي معي وقلي لي كلمه حاليه جالس أصبح عليش وماقد قدرت أرقد اليوم من كثر الفرحه اللي فيني خايف أرقد وأنه يطلع حلم أشتي أجلس مصحصح 😅..


سلاف تنهدت بإبتسامه ☺️: تصدق حتى أنا ماقد رقدت جالسه أتفرج كل شي في غرفتي وأتذكر كل شي فيها ولحظاتي وكيف شبعد عنها..


خالد: هههه 😂  يله زيد قلي لي كيف عتبعدي عن وسادتش وبطانيتش ماشي إديتيهن معش بين الكسوه والكل.. بين اقلها ماقد قدرت أرقد من كثر الحب اللي فيني مش مصدق إنه أخيرا عتكون حقي وحلالي تقلي غرفتي وسريري ياااااارب صبر قلبي هههه ..


سلاف: هههه تصدق والله إن انا بين اهم وسادتي وبطانيتي والكل 😂  بس خزا أديهن من ذلحين ماعيقلوا أهلك خلاص خليني بعد يومين ثلاث وأجي أديهن ...


خالد: بصوت كله شجن .. سلااااااف ..


سلاف: ياعيوون سلاف ☺️...

@rewayatyamania المصدر الأول للروايات

خالد : أووف أوووف🙂 عيونها مره واحده لحظه لحظه عيدي عيدي ماقلتي أتاكد معقووله قلتي لي كلمه حلووه ...


سلاااف بخززا ☺️: خالد خلاص بس والله لأبطل قلي ماكنت تشتي تقلي ...


خالد تنهد: اآااااح  بس 😔 خاااايف مدري ليش بين احس رغم كل الفرح اللي فيني ومش مصدق إنه أخيرا بعد ال٤ سنين حب من يوم ماشفتش في الجامعه لما جيتي تسجلي عندنا وأنا كنت بين اتصايح مع مندوب دفعتنا كيف لفتي انتباهي وفلت المصياحه وفلت كل شي علشان ألحق أشوف أيش عتسجلي وأعرف جدول محاضرتش

وبعد كل التعب اللي تعبناه علشان أقنع أبي بعد ماكان يشتي يزوجني ببنت عمتي وكل الأحداث اللي حصلت إنه يحصل شي خاايف إن هذا كله يكون حلم ..


سلاااف: صلِ ع النبي قوى حبيبي مااالك وبعدا هو أصلا شعوور مدري كيف اليوم حتى أنا حاسه بخوف مدري كيف أصلا هذا إحساس طبيعي الكل  بيمر فيه لأنه عتتغير حيااته.. وبعدا لحظه لحظه خليني أصيح 😠 ليش تتصلي إحنا إتفقنا إنه اليوم ماتتصليش خالص علشان أوحشك ..


خالد ضحك: هههه😂  ما احلى المهيبه حقي والله إن انا شتصلش كل شوويه وكل لحظه وبعدا يله القطبه قوومي جهزي حاجاتش وأقطبي سيري عند الكوافير مشتيش نتأخر ع جلسه التصوير سمعتي ماقالت المصوره نجي الساعه ٢ونص القاعه نتصور براحتنا قبل مايجين النسوان..

العشي ماشقدر أتصور سواء خزا بين النسوان  ومشتيش أتاخر علشان أرجع القاعه عرسي ...


سلااف: طيب حاضر أصلا ماشتأخرش هي قالت عتخرجني الساعه 1 يمكن نسير القاعه قبل.. أنت قوم إصتبح وتجهز ..


خاالد: يووه صح ذكريتني لاتصتبحيش أمانه قد نبيت ع صاحبي من العشي يشتري لش صبوح نفس اللي عيشتري لي أشتي اليوم نأكل أنا وأنتي من كل شي جمعه لاتصتبحيش شوويه وعيديه لعندش ...


سلاااف: ☺️  خلووودي عتجلس تدلعني هكذا ع طوول ..


خالد: وأدي لش عمري كله يا أغلى شي في حياتي .. أحبش ❤️  ...


سلاف: خزيت 🥰  يله باي باي لا نتأخرش..


خالد ضحك 😂  دري إنها خزيت: ههه يله تمام يا لانتأخرش باي ..



كل واحد فيهم يتجهز  سلاف سارت للكوافير وخالد للحلاق هو وأصحابه ..



في القاعة 🏢..

عمة سلاف سميره.. متزوجه معاها بنت وولد  سبقت للقاعه بتتفقد كل شي وتشوف الأشياء الناقصه ماسكه تلفونها 📱 بتتصل ..


أحمد.. إبن عم سلاف خريج هندسه مدنيه  طوويل وعريض بيلعب رياضه عيونه كبار سود 🧔🏻 مربي دقنه خفيفه شعره أسود: هااه عمه قدنا في الباب الان شدخل إفتحوا لي الباب حق الغرفه الخارجيه أدخل الكراتين ..


العمه سميره: يله عيس قد شجنن أنك تأخرت وماقد اديتهن ..


أحمد: ماأفعل للهرمه بنت أخوش أصلا إتصلت سلا من الكوافير قالت قدهي جاهزه مابلا أجي لها تشتي تجي علشان تبسر سلاف وخالد حين يتصوروا 📷..





📚 @rewayatyamania  🇾🇪

.

البـارت 2 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


أحمد: ماأفعل للهرمه بنت أخوش أصلا إتصلت سلا من الكوافير قالت قدهي جاهزه مابلا أجي لها تشتي تجي علشان تبسر سلاف وخالد حين يتصوروا 📷..


العمه سميره: جبرك الله يحفظك ويخليكم هكذا ع طول قد انت ويوسف أخوتهم ربي مارزقش عمك بعيال وعوضه بكم يله ادخل قد الباب مفتوح ...


سلا.. اخت سلاف الوحيدة ثاني ثانوي مجنونه مشاكسه تحب المقالب والضحك دخلت بسرعه ع طول طلعت غرفه العروسة تتجهز وتتصل لسلاف تشوف ماقد بتفعل ونزلت تتفقد بقيه التجهيزات ...


........  .........  .........


في الكوافير 👰🏻‍♀...

سلاف بتتفرج نفسها  في المرايه كل شويه  👰🏻‍♀ فارحه: يوووه كيف شكلي بيتغير تقلي عيعجب خالد شكلي ...


مريم صاحبه سلاف الأنتيم: يوووه محلاش 😍  تجنني عتعجبيه ونص ذلحين بطلي كل شويه تتقفزي للمرايه خليها تكمل تصلحش عنتأخر ..


سلاف ضحكت ☺️: طيب ومسكت تلفونها بتلعب به وصلتها رساله 📱..


خالد ( مابتفعل القمري حقي يووه كم قدنا متشوق أشوفش😍 اليوم بيمر ببطء قوي هيا أي حين عتجي الساعه ٢ أبسرش ويجي العشي اروحش معي ) ...


سلاف إبتسمت 🥰  ( عادها بتصلحني وقع شكلي شوعه أفجع وبعدا  من قال إن انا شاروح معك ماشاروح الإ بيتنا 😜)..


خالد (ههههه😂  في المشمش يابيتنا عشم ابليس في الجنه ماقدناش مصدق إن اليوم عتكوني مرتي قالت بيتنا جربي تفكري بس ههه..


سلاف (هههههه  😅  يله باي ياهرم خليني أكمل أتجهز ).


خالد ( خليني أجلس أكلمش قوى مدري ليش اليوم صدق مشتيش أفلتش لحظه ) ..


سلاف (نوووو 😜  بالذات اليوم أنا أشتي أوحشك خيرات يله باي ) ..


خالد (طيب حاضر يا أميرتي .أحبك ❤️ )..



سلاف كملت تتجهز وطلعت مثل القمر 👰🏻‍♀ وسبقت للقاعه ...


خالد لبس وطلع أحلى عريس وتصور ورسلها لسلاف تشوفه وفي الطريق للقاعه علشان يتصوروا 📷...
.

@rewayatyamania المصدر الأول للروايات


في بيت سلاف 🏡...

هاشم أبو سلاف بيداعي: ياأميره هيا شرق شتأخر قدهم مراعيين لي نخطى الصاله حق خالد والا خلي يوسف يوصلكن ..


أميره (أم سلاف بتلبس العبايه): مع مع خلاص الآن والله بس ماافعل تأخرت قدوذا بتبسر كيف الجنان والتعب عيس إن سميره قد سبقت للصاله تبسر ماناقص ..


هاشم: الله يحفظها بس هي ويحيى أخي وعيالهم كيفهم قايمين بالعرس كأن سلاف بنتهم مش بنت أخوهم ويوسف وأحمد أنا فدالهم أخوه وافيين لبناتي ...


أميره خرجت لعنده وماقد لبست الطرحة: آمين يارب ويخليك لهم ..


هاشم إبتسم لما شافها 😁: الله الله ماهو هذا الحلا وأنا بين اقل مالش متأخره اليوم الناس ماعيدروش من العروسه أنتي والا سلاف .


أميره خزيت ☺️: هيا لكن بس وبعدا يله شرق عادك عتوصلني عتتأخر ..


هاشم ضحك: هههه 😂  طيب ياشتأخر بس الصدق قمر ..


أميره لبست الطرحه وبتتلثم وتضحك ونزلت قبله ..

....... ........ .........


في القاعه 🏢..

سلا بتحاكي المصورة 📷: ايوه قدهي طالع أبدأي بها صوريها أمد مايوصل ..


المصوره طلعت وبتصور سلاف وهي فارحه 👰🏻‍♀..



أحمد عادهو كان باب القاعه يشوف أيش محتاجين .. شاف خالد وصل هو وصاحبه بالسياره يتصوروا سلم عليه وبيداعي عمته يقلها إن خالد جاء لو أحد داخل يشتي يتغطى . 


سميره بتداعيهم يتغطين قبل مايدخل ..


سلا حملت لعند سلاف ومريم ..🏃‍♀️  خالد جاء ..


سلاف قلبها كان يدق ❤️ بسرعه وتسمرت مكانها: يوووه يا أمه خلاص خلاص لاعاد تخلوه يطلع ..


مريم ضحكت 😂: هيا ماقد لها مش مراعيه لليوم اليوم عتكوني مرته ماذلحين لاعد يطلع ..


سلاف مسكت يدها وحطتها فوق قلبها ❤️: عسي أمانه قد قلبي عيخرج يووه كيف قد بين ارتعش خزا قوي كيف شكلي أمانه مش انا شوعه ..


المصوره ضحكت: ههه 😂 ماشاء الله والله انش شاع القمر هيا جاء اغطيش واقلش كيف تفعلي لما يدخل خليش مقفيه لايبسرش ولما يجي لعندش قفي حانكيه شويه نصوره نبسر ماعيفعل  ..


سلا بتتقفز وتضحك 😂: ايوه ايوه جننيه شويه أمانه يعجبني أبرقطه ..


خالد واقف فالباب نازل بيحاكي أحمد: ذلحين أمانه منهن صدق عيدخلني أتصور وأتخيبل هههه محد يصدق للنسوان هذولا 😅..


أحمد ضحك: هههه وحط يده ع كتفه مدام ودفت لعند بنات عمي الله يعينك سلاف وسلا هولا مجنونات بس بيني وبينك حلو ذكرى لكم وبعدا اقطب لاتتأخرش إتصور شاراعي هانا ونخطى جمعه شرق عليك عادك تشتي تسير القاعه حقك وترجع مغرب تبدل وتتصور فالاستديو وترجع الزفه قد بين اقلك تتعرس أمس أخرج لك بدل الحنبه كله اليوم ...


خالد: ريت والله وأنا صدقتك صدق كله اليوم وإنه ملاحقه هيا إبسرهن لانتأخرش . 


احم بيداعي عمته وتأكد إنه خلاص يدخل وخرج يدعيه ..





📚 @rewayatyamania  🇾🇪

.

البـارت 3 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلاف غطت وجهها بالطرحه 👰🏻‍♀  وقفت للجهه الثانيه ومرتبكه قوي ..


المصوره واقفه عند الباب في يدها الكاميرا 📷 مراعيه له يطلع


سلا نزلت لعنده تطلعه للغرفه توريه من اينه


خالد وصل لعند الباب عاده خارج بيقل لسلا بإبتسامه 😁: هيا كيف أنا مز صح وبيتصلح


سلا بتتليقن عليه: أين مز مسكينه أختي كيف ودفت هههه أنت عترجع تبسر كيف شتزوج بمز أنا وتكن تخزا لما تبسره 😜


خالد ضحك: هههه😂  هيا ناهي يابرج خليفه قد يعلم الله ماقد فعلتي في شعرش انتبهي لاخطيت طياره تخفعه 😜


سلا: خخخه خباله يله قطبه أدخل هيا عاد انتوا عتنزفوا فالدرج تصوركم وتنزل تصوركم عند الكوشه قبل مايجين النسوان


المصوره بتأشر له بيدها 👋🏻 يدخل


خالد دخل وهو بيضحك 😁 فارح حاسس إن الدنيا كلها اليوم فارحه من فرحته بيتفرج للفستان الأبيض والطرحه


سلاف مقفيه وماسكه البوكيه حقها 💐 ويدها بترتعش وقلبها بيدق ❤️


خالد بيمزح: أين الشوعه حقي مالها مقفيه لفي بسرعه هيا قبل ماينتهي مفعول العلاج قد شربته مقدما لاتحصلي سكته من شواعتش 😜


سلاف بتضحك وهي خازيه موطيه رآسها ردت: خلاص شوعه يله روح وشارجع بيتنا 🥰


خالد لف ووقف قدامها عيونه 😍 بيتفرجها مبتسم


المصوره: إفتح لها الطرحه


خالد: مسك الطرحه بيده وفتش لها 👰🏻‍♀وبيتفرجها ويبتسم: سبحان من خلق وصور ماهو هذا الحلى 😍


سلاف خزيت 🥰 ووطت رآسها


خالد ضحك 😂:  هيا من هذا هاه خسرنا زلط للمصوره يطلعين الصور كلهن موطيات


سلا ضحكت هي والمصوره 😂: ياسلاف هيا بطلي لكن شرق هيا إمسكيه نزفكم تصوركم تنزلوا تتصوروا


خالد مسك يدها وحطها في يده: هيا ياحجه قصدي يامرتي .. اللله محلى هذه الكلمه خلاص قدش مرتي وحقي 😍  يووه ياسلاف ماقدناش مصدق حاسس إن انا بين احلم


سلاف بعدت يده: مش هكذا ياقبيلي يمسكوا وحطت يدها صح 👫

@rewayatyamania المصدر الأول للروايات

بدأت الزفه والمصوره بتصورهم وسلا بتصفق وسميره كانت نازل مراعيه لهم ..


خالد طول الزفه وهو بيتحلى لها وسلاف تصيح فوقه يسكت


سلا وهم بيتصوروا إدت لعندهم قلصات عصير 🍹  بما إنه ماعتقطعوا الترته الإ العشي إتصوروا ذلحين بالعصير مقدما تفعلكم صور ضخمات


خالد وسلاف مسكوا العصير 🍹يشربوا بعض ويعدوه بسرعه


سلا بتضحك وتتقفز 😂: زدت عليكم زدت عليكم هههه


سلاف بتضحك 😂: والله لاوريش حتى يوم عرسي حق مقالب


خالد بيضحك 😂: والله لأزوجها بصاحبي مجنون ساعها ماراحت لها أحد يفعل بسباس


سميره بتضحك 😂: حاليه يوقع لكم ذكرى


كملوا يتصوروا والكل مبسوط ..


خالد إبسر الساعه: يووه قدها ٣ونص شتأخر مع إنه مشتيش أفلتش ولا أخرج من عندش لو بيدي شاشلش معي ونروح ماعد أشتيش عرس ولا أشتي شي يكفيني أنتي قد أنتي بالدنيا كلها


سلاف: هههه هيا نروح ونفلت العرس


خالد بإبتسامه 😁: صدق هيا والله لأفعلها


سلاف ضحكت 😂:  مجنون يله عتتأخر بعدين المهم الساعه ٩ وأنت هانا علشان نقطع الترته


خالد تفرج لها وطنن


سلاف بتأشر له بيدها 👋🏻: يييه  أين قدك


خالد إبتسم 🙂 وتنهد: خليني أحفظ ملامحش سواء

سلاف الله يشهد إن انا حبيتش من أول يوم وتمنيتش لي وحقي طول العمر ولو بيدي ما أفلتش دقيقه أين دقيقه ثانيه والله إن انا أحبك بكل ماتعني كلمه حب الله لايحرمني منش ولا يبعدش عني ومسك يدها وباسها  ..


سلاف مستغربه منه: مالك 😳 .


خالد: أحبك ❤️  أمانه سامحيني ع أي لحظه زعلتش بدون قصد ونزلت دمعه من عينه وباسها ع رآسها وخرج


سلا: ماله الأخ قلبها دراما شكله مشو مصدق إنه تزوجتوا


سلاف مستغربه منه طلعت غرفه العروسه بتحاول تتصل تبسر ماله ماجاوبش


خالد: رسل لها والله مالي شي داري إنش قلقه بس مدري ليش حسيت إن انا إشتي أقلش هكذا أحبك ومراعي للعشي بفارغ الصبر نروح بيتنا ❤️



بدأ العرس والنسوان جين والأغاني والرقص والفرحه ملان القاعه


وخالد عند الرجال بيرقصوا ويجننوا والكل فارح من قلبه ❤️...
.
.

الساعه 5

في قاعه الرجال🏢 ...

أبو خالد بيسلم ع المعازيم ويتحاكى مع أخوه: خلاص تمام قد هكذا سواء يروح ذلحين يبدل ويرجع للزفه قدهو وقت مادام عادهو عيسير القاعه حق مرته ..


عم خالد: والله مانا داري مامصنف للدخله حق القاعه ما احلانا كيف كنا لانبسرها ولا نعرفها الإ يوم العرس وعاد احنا نسمع صوت الطراق حق السيارات 🚙  حين يدوا الحريوه وقلوبنا تدق ونجلس نهم كيف هي حاليه والا شوعه هههه ..


أبو خالد: تذكر حين جين قالين لك إن هي شوعه وأنت ماعد رقدت وبكرت الصبح باب بيتهم تتشقر لاهي عتخرج 😂...


عم خالد ضحك 😅: يووه ع أيام صدق .. ذلحين خليني أسير أقل لخالد شرق عليه يخطى هو والعيال يلبس لايتأخروا ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 4 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪



في قاعه النسوان 🏢

سلاف عند الكوشه 👰🏻‍♀  بتتصور وتترقوص فارحه وصاحباتها جنبها ..


سلا تلفون سلاف عندها 📱: ياحجه مدري يامدام الحج حقش رسل رساله ..


سلاف إبتسمت 🥰  ياويلش لو فتحتيها ..


سلا: ماصداني عتذبحيني هاه ومكنتها التلفون 📱 أفتحيها لنفسش ..


سلاف فتحتها وإبتسمت 🥰  وهي بتقراها ..


خالد ( كم باقي وأجي أخطفش الليله 😍 يا الله كيف بين احس قلبي عيوقف من كثر الفرحه أحبش لأخر لحظه ونفس في حياتي )


سلاف ردت عليه  ( وأنا ما أحبك 🤪 هم بس غصبوني عليك هههه).


خالد (هههه أدلعي عليا كيف ماتشتي خلاص أخر يوم لي أسمح لش فيه بالغنج هذا ماذلحين عتكون تقولي أحبك كل يوم صبح وليل عقاب 😘)


سلاف (فالمشمش 😜)..


خالد ( يله باي يامشمشه حياتي قدنا فالسياره أنا والعيال أبدل وأرجع للزفه )


سلاف: أول ماتكمل تلبس تصور ورسلي أمانه أبسرك قبل ماتجي


خالد (اوكيشن وشازيد أسجلش الزفه والصياح حق الشباب فوق السياره لوتبسري كيف بيفعلوا ويجننوا هههه فارحين بي 😁)


سلاف (يله تمام صور فيديو وسجل ورسلهن شاقفل قد ماما بيبهرروا فوقي 😳  أفلت التلفون 😅  باي.)


....... ........ ....... 



الساعه 7

أبو خالد بيتصل لهم 📱: هيا أين أنتوا قد المزمر بيصيح والنشاد عتتاخر ع الزفه


خالد بيأشر  لأصحابه يوطوا الصوت حق المسجله عالي: يله هيا والله إن قدنا جاهز فالطريق بس العيال دخلوا من شارع وإنه زحمه أوذا عنرجع من السبعين أسرع


أبو خالد: يله تمام مع السلامه


خالد لفت لعند صاحبه اللي بيسوق 😬: هيا  اقطب أسرع والله لو يدروا أبي إن احنا نزلنا  نتمجنن ونرقص فالسبعين وهم مراعيين لايصيحوا


صاحبه بيضحك 😂: وأنت خلينا نفرح بك كم مره عتتزوج ذلحين مالك الإ نوصل ورفع صوت المسجله وبيصفقوا هو وأصحابه ويزفوا


وحقك ياخالد حقك 😍  ...
.

@rewayatyamania المصدر الأول للروايات

الساعه 8

في قاعة النسوان 🏢..

عمه خالد خرجت لاخارج من صوت الغناء  بتحاكي التلفون وإبتلدت 😳 بتصيح: بطل خباله مايمزحوش هذا الساع


إبنها بيصيح ويبكي 😭: بين احاكيكم صدق مابش مزح في هذا الموضوع قومين إلبسين بسرعه ولاتفجعوش مرة خالي قد رسلنا لكم العيال يروحوكم قلوا لهم إنه رجله بس وجيعه ..


عمه خالد ماقدرت تمسك نفسها ودموعها ع طول نزلت وبتبكي 😭 وتمسك فوق قلبها يارب صبرنا يارررب وجلست في الأرض ..


سميره عمه سلاف إبسرتها حملت لعندها 🏃‍♀️: يووه مالش به شي بيوجعش مالش ماسكه قلبش ومسكتها بتحاول تقيمها  .


عمه خالد بتبكي 😭: ماافعل ماافعل ما اقلهن كيف أسوي واستندت ع الجدار مشتيش أحد يبسرني منهن


سميره: من هن 😳  مالش مابه .. وصيحت لهن يدين ماء


عمه خالد: قوى أنا فدالش 😭 إدخلي قلي لأم خالد والباقيات يلبسين قدهم مراعيين لنا خارج قالوا خالد تقلب هو وأصحابه ومدري مافيهم


سميره صااحت 😱: أيييش من قلش ماهو طيب مافيه ماحصل


النسوان بيتجمعين ويبسرين مالهن وكل واحد بتحمل تبسر مابه وبدأت القاعه تتدربك


أميره حملت ع طول 🏃‍♀️ لعند سلا ومريم يطلعين سلاف للغرفه فوق لاتحس بشي يقلين لها تطلع تزيد تتصلح قبل مايدخل خالد أمد مايعرفوا إيش حصل وسارت بتتصل لزوجها


سلاف في الكوشه بتبسر اهل زوجها بيخرجين واللي بتلبس العبايه إستغربت وبتدعي مريم .. مالهن هولا أين عيسيرين


مريم وجهها مقلوب 😟  وبتحاول ماتبين لها ارتبكت: هاااه قالوا جوا لهم ضيوف الان أصحاب عمش من مآرب وعيروحين يفعلين لهم عشاء لازم يرحبوا بهم ويعشوهم


سلاف وهي مبتسمه 😁: هيا ناهي يشتروا لهم  من المطعم المهم عمتي مايروحوش ولاخوات خالد


مريم 😥: هاه مع يله بسرعه ذلحين جي نطلع تتصلحي


سلا قد عيونها حمر بكاء 😔 ماقدرت تمسك دموعها جت لعندها هيا نطلع بسرعه


سلاف: يووه😅 مالش هكذا قد بتبكي عليا ياخبلاء إطمني أنا كل يوم عندش


سلا ماقدرت تزد توقف قرحت بكاء وفلتتها وخطيت 😭..


أم خالد بيلبسنها العبايه وهي  بتصيح 😱  قلوا لي مافيه ماووقع به وارتجمت للقاع دوخت


النسوان إتجمعين عليها والمغنيه وقفت الغناء وبدأت أجواء الحزن فالقاعه ..


سلاف بتمشي تطلع للغرفه بتحس إن الأجواء غلط في شي قلبها اقتبض 💔  وإبسرت أم خالد والكل حولها بيبكي رجمت بوكيه الورد من يدها 💐  وحملت لعندهن بتصيح مالكن بتبكين ماابه


أميره وسميره حملين يمسكنها وهن بيبكين 😭: صلي ع النبي ياسلاف مابش شي خالد فعل حادث هو وأصحابه وقالوا وجع رجله


سلاف ارتجمت ع ركبها وكانت تصيح قووي وتبكي 😭 وتهزورهن: بطلوا كذب مافيه خالد قلوا لي خالد مااااات صح خااالد فلتني صح هو من الصبح حاسس إن فرحتنا ماعتكملش كان بيودعني 😭 ليش خليته يخرج من عندي ليييش وتلطم وجهها




📚 @rewayatyamania  🇾🇪

.


البـارت 5 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلاف ارتجمت ع ركبها وكانت تصيح قووي وتبكي 😭 وتهزورهن: بطلوا كذب مافيه خالد قلوا لي خالد مااااات صح خااالد فلتني صح هو من الصبح حاسس إن فرحتنا ماعتكملش كان بيودعني 😭 ليش خليته يخرج من عندي ليييش وتلطم وجهها


أين هو تلفوني أدوا تلفوني أتصله أددوه وتهزورهن وتبكي ... أبسرت تلفون📱 في يد خالتها هزرته منها  وبتتصل برقم خالد بيرن بيرن محد بيرد


أنهارت ورجمت التلفون بتصيح خالد مابيردش خالد لو بخير عيجاوبني خاااالد وبتهزور التاج والطرحه من فوقها شلوني المستشفى وبتحمل تشتي تخرج سحبنها النسوان ومريم يدخلنها صااحت قوي وارتجمت للأرض 😭...

.
.

بعد ساعات..

في بيت خالد 🏡..

الرجال ملان والنسوان والفرح إقتلب حزن 😔...


أم خالد كل ماتفوق تصيح وتبكي 😭 وبيفعلوا لها إبر مهدئه...


عمة خالد مسكت تلفونها 📱بتتصل وهي بتبكي: 😭  ذلحين ماهو ليش ماعيروحوه هانا ..


إبنها: مارضيوش خالي قالوا لو يروحوه عيزيد الجنان والبكاء قدهم عيخرجوه الصبح يدوه يزيد تودعوه ونسير للجامع والمقبار ع طول 😔..


عمه خالد: يوووه ياقهر قلبي 💔 عليك ياخالد حتى فرحتك ماكملتش ...

@rewayatyamania المصدر الأول للروايات

في المستشفى 🏥...

هاشم ماسكها من يد وأحمد من اليد الثانيه بيسندوها تخطى ...


أحمد لفت لعند عمه بزعل 😔: عتدخلوا معاها ..


سلاف عيونها وارمه من كثر البكاء😭 وتحت عيونها حارق من كثر البكاء والمكياج والكحل اللي ساح من الدموع بتحاول تمسك نفسها وتبين لهم إنها قويه لأنه بالعافيه سمحوا لها تجي للمستشفى  تبسره...


ردت ع أحمد بصوت تاعب:  ماشي إشتي أدخل وحدي أبسره 😔..


هاشم: ماشي يابنتي ماشافلتش وحدش عندخل جمعه .. وإبسر أبوخالد بيأشر له يبعد الرجال من عند الباب تدخل سلاف ...


أبو خالد: قرب لعندها وعيونه بتتشارغ بالدموع 🥺  عظم الله أجرش واجرنا كلنا يابنتي ..


سلاف لفتت له وقرحت بالبكاء 😭 وبصوت كله رعشه وجسمها كله مثلج: ماهو عظم الله أجري لاتقلوش هكذا هو عيبسرني ذلحين ويقوم خالد ماماتش هو قلي اليوم عنروح بيتنا ابسروا حين يقوم ذلحين وبعدته دخلت ع طول تبسر خالد ..


خالد.. ممدد عيونه مغمضه فيه جرح في جبهته🤕 مربطه اثرها دم وبواقي دم عند فمه من الحادث مغطى بملايه بيضاء ...


سلاف.. اول ماإبسرته تسمرت 😳مكانها حست إنها قطعه ثلج وأرجلها وقفت بتسحبها تخطيها بصعوبه وقفت جنبه بتتفرجه ودموعها كانت تنزل بقوه 😭


ارتجمت ع ركبها للأرض وبتهزه: خااالد ياخاااالد هييا قوووم خاالد يييييه هيا بطل خباله بطل تمزززح معي هكذا أنت قلت لي ماعتزعلنيش أبدآ ليش تشتي تزعلني هيييا .. وبتهزه قووي .. 💔 


خاااالد وبترفع صوتها بابا عموو جوا قيموه قلوا له هيا يقووم وبتهزوره قووي خالد والله لا أقلك أحبك خيرات وأقلك كلام حالي وتصيح وتبكي 😭 .


أبو خالد مسكها: صل ع النبي يابنتي 😔 اذكري الله ..


هاشم حضنها وبيحاول يهديها: عوذبي من الشيطان تحمدي الله قووي سلاف اذكري الله 😔..


سلاف بعدت أبوها وبتصيح 😭: هو قلي ماعيفلتنيش وتلطوم نفسها وتمسك يده خالد قووم هيا نروح بيتنا ... أنت قلت اليوم ماتشتيش تفلتني ليش فلتتي ليييش 😭


أحمد مقهور عليها وزاعل ع خالد دخل: ياعمو ماينفعش هكذا عتزيد تتعب مابلا نروحها ..


سلاف لفت لعنده وبتصيح 😡:  ماشاررروحش ماشافلته ماشخرج الا وهو معي وارتجمت للارض ودوخت



أوقااات بعد مانحس إن فرحتنا خلاص كملت وحققنا اللي تمنيناه يحصل شي غصب عننا ينهي كل شي حلو ويقلب موازين حياتنا 💔


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 6 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


بعد إسبوعين ..

في بيت هاشم 🏡 ..

الصبح 🌞

سلا: يابابا قووى لاتخبوهنش لو تدرى والله لاتزعل قوي يكفي القهر والوجع اللي هي فيه 😔..


أميره: أبوش صح يابنتي لو تبسرهن عتزيد تقتهر أكثر خليه يخبيهن وبس وكما تحسنت نفسيتها إسهل عيرجع يمكنها ..


هاشم: في يده الصور اللي إدتهن المصوره .. وأنا من رأي أمش يابنتي مابتبسريش كيف هي محروقه ومابتبعد الدبله حقه والساعه من يدها  من حين شلتهن مع لداته حق العرس حين بعدوهن له ...


سلا: طيب اللي تبسروه مناسب سووه أنا قلت يمكن يخففين عليها لما تبسرهن😟 .


هاشم: مابلا يزيد وجعها الله يرحمك ياخالد من كان متوقع ان يوم فرحته هو يوم موته ...


........ ......... .........



في بيت عم سلاف 🏡

يوسف بيتصايح مع أحمد: يا أخي وأنا ماعليا تحنبني هكذا والله ان معي محاضرات هي إتصلت لك أنت وقلت لها تمام شلها أنت ..


أحمد: ماعيوقع بك هي أختك قبل ماتوقع بنت عمك المشكله ان انا وعدتها شاشلها اليوم بس ذلحين اتصلوا لي اجي يعني عيوقع عمل ضخم ووراه مبلغ محترم لو عتسخى عليا يطير من يدي خلاص شاسير أنا ..


يوسف: يله لارجعت رحمتك شاسير أنا بس عتعوضني لو سبر العمل وعتدي لي مبلغ محترم  .


أحمد خفعه في رآسه 👋🏻:  ناهي ياحق الزلط يله شرق أمانه لاتتأخرش عليها يكفيها الوجع اللي هي فيه ..

....... ....... .......


في المقبره ...

أبوخالد واقف بيقرأ له الفاتحه 😔 


أخو خالد جاء لعنده🚶🏻‍♂️: خلاص قال الرجال قد عيركبوا له الرخام بكره ..


أبو خالد تنهد 😔:  آااااح ياقهر قلبي ووجعي بدل ما إبني يسبر قبري ويدفني هو قبرته أنا ومسح دموعه .


أخو خالد تنهد 😟: الله يطول في عمركم ويحفظكم لنا ويرحمه بين احس إن انا ضايع من غيره طول عمرنا وأحنا سواء فلتني ورحله وخلاني وحدي كان فارح من قلبه وبيجنن ويترقوص وطول اليوم بيقلي تقل الفرحه ماعتقتلب زعل مدري مالي بيجي لي هذا الاحساس وارجع أغالط نفسي وأنا قلت له بغير خباله هو بتفتجع بس لأنك عتتزوج بتحس هكذا لأنك عتتبربط بس مش انا داري انه عيفلتني ..نزلت دموعه 😭 ماقدرش يمسك نفسي قفى ومشي 🚶🏻‍♂️..


أبوخالد كمل يدعي لأبنه وودعه ومشي 😔...


الله لايقهر أحد فيكم ولايوجعه ع أحد قريب وغالي عليه 🤲🏻..

@rewayatyamania المصدر الأول للروايات

ع خرجتهم من المقبره ...

سلاف بتمشي هي ويوسف 👫 حست بدوخه استندت عليه ..


يوسف مسك بيدها بزعل 😔: سلاف لو ماعتقدريش نروح مابش داعي تدخلي وأنتي هكذا ...


سلاف نزلت دموعها 😭: يايوسف كان المفروض إن احنا اليوم مسافرين في شهر العسل  مش انا داريه إنه عيسافر ويفلتني ليش ماشلني معه ...


يوسف تنهد 😔: بعد الشر عليش الله يحفظش ويرحمه اذا عتجلسي تبكي هكذا شاروحش ..


اخو خالد لمح يوسف بيأشر له 👋🏻 وخطي لعنده بيسلم عليه وإبسر سلاف بتبكي 😭: هيا ماهو ياسلاف تشتي تحرقيه وتقهريه هكذا مابلا خليش قوويه ربي بيحبه هنيت له عريس فالجنه هو مفتهن ..


سلاف بتبكي 😭: فلتني ورحله ليييش ليييش ..


ابو خالد إبسرهم سار مسكها: هيا مه ياسلاف عتسكتي والا والله  ما أخليش تدخلي ..


سلاف وقفت سواء وحاولت تمسك نفسها وبتمسح دموعها وشلت نفس عميق: خلااااص تمام أنا قوويه ماشبكيش أين هو حقه القبر ..


ابوخالد: اوذا شاخلي اخوتش يدخلوش ويجلسوا معش أمد ماتقري له الفاتحه ..


سلاف: ماشي لو تحبوني قوى خلوني أجلس عنده شويه وحدي إشتي أحاكيه خيرات روحوا أنتوا ويوسف عيوريني ويراعي لي ..


أخو خالد بيشاور أبوه: خلاص خلوها تدخل حرام تجلس معه وإحنا نخطى..


أبوخالد: يله تمام بس توعديني ماتبكي وتكون تجاوبي تلفونش📱 لما أتصلش أطمن عليش وماتحتاجيه تكون تطلبيه مني أنتي قدش مره إبني يعني مسؤوله مني ..


سلاف: طيب حاضر وعد ..


....... ....... ........


في الشركه 🏢 ...

مدير الشركه مبتسم 😁 بيقلب الرسومات: ماشاء الله عليك ياأحمد بصراحه ماتوقعت إنك فنان هكذا قووي صح نصحوني عليك وقالوا شاطر بس قلت ذلحين أكيد بيقلوا هكذا لانك معرفه معاهم ويشتوا يتجملوا معك . 


أحمد إبتسم 😬:  هااه أنا أصلا ما أحبش الجمالات والوساطات فالعمل أحب أثبت نفسي بنفسي وشغلي هو اللي يتوسط لي ..


مدير الشركه: أنا بالنسبه لي بعد اللي شفته ماشاء الله مشتيش أحد غيرك يمسك لي هذا المشروع وبالمبلغ اللي تطلب والصدق قد شكلي شاوقع معك عقد ماعد تشتغل مع أي شركه غيري إشتي شركتنا تكون مميزه بوجود مهندس مثلك ..


أحمد مبسوط وفارح 😁: بإذن الله وربي يوفقنا جميعا وتكون أضخم مشاريع ...





📚 @rewayatyamania  🇾🇪

.

البـارت 7 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


في المقبره 😔

سلا بتمشي وتحس أرجلها بتتضارب في بعض وقلبها بيدق ❤️ من الخوف والزعل ..


يوسف وقف وبيأشر لها 👈🏻:  هذا قبر خالد اللي عاده تراب .. ذلحين أجلس عندش والا أراعي لش هانا ..


سلاف تنهدت بقوه 😔 وحاولت تتماسك: مع راعي لي وبتخطى بصعوبه للقبر وقفت جنبه وفي يدها ورد وريحان 💐  بتتفرج التراب ومش مستوعبه ولامصدقه بتحاكي نفسها ياررب قويني ياررب صبرني ياررب مشتيش أبكي عيسمعني جلست جنب القبر وحطت الورد والريحان بتوزعها وبترش ماء ع القبر ...


يوسف واقف بيتفرجها 😥  وزاعل عليها ..


سلاف مسكت التراب بيدها بتتفرجه ونزلت دموعها 😭: خاااالد ياااااخالد أنت بتسمعني صح هيا قوم بطل مززح أنا داريه إنك بتكذب وشلقاك فالبيت لما أروح صح


وبدأ صوتها يهتز وبرعشه خااالد هيييا قوووم أنت وعدتني ماتفلتتي أنت قلت لي عنكون لبعض طول العمر لييش تفلتني وحدي ليييش كيف شاعيش من غيرك أنا بين اموت كل لحظه وأنت مش في حياتي ياخالد والله لا اقلك أحبك كل لحظه وكل يوم وشابطل أخزا وأدلع  أنت قلت لي اخيرا قد أنتي حقي لماقدنا حقك فلتني  وبصيااح خااااااالد وبدأت تبكي بقوه😭 وتصيح وتبعد التراب من القبر  خاااااالد شلني عندك إشتي أموووت حياتي واقفه بعدك أشتتتي أموووت  ...


يوسف إبسرها بتصيح وتخرب التراب حمل بسرعه لعندها 🏃🏻‍♂️ يمسكها وبيصيح فوقها: 😠 سلاف  يييه صلي ع النبي  تعوذبي من الشيطان مش هكذا وبيسحبها يوقفها ..


سلاف بتدهفه وتبكي 😭: خللليني أمووت إشتي أدخل عنده اقبروني جنبه يايوسسف قلبي عيوقف أنا هانا وهو تحت التراب 😭 كيف هو كيف بيفعل وحده الجو بارد وهو بالكفن بس خليني إبسره خلييني أبوس يدك وتصيح ...


يوسف نزلت دموعه 🥺: ياسلاف قووى أنا فدالش بس لاتزيدي تقهريني وتقهري نفسش هكذا قدهو عند ربه اللي أحن منش ومننا كلنا قووى لو تحبيه لاتعذبيه هكذا هو ذلحين بيبسرش و زاعل عليش ..


رجال خطي من جنبهم إبسرهم وبصياح 😡: قلنا لكم من هذا الجنان والخباله مايدوش نسوان المقبره روحها البيت من التبداع هذا ..


سلاف بدون تركيز وبعصبيه 😡 ردت عليه بصياح: ماتدخلش الله يحرق قلبك ويموت لك غالي عليك تحس بالوجع اللي فيني ..


الرجال لفت لها من شق نخره بضبح 😤: ماشردش عليش بس لأنش مره وفلتها وخطي ...


يوسف: سلاف هيا نروح يكفي أنا فدالش وأنا أوعدش إذا شفتش هاديه وبدأتي تهتمي بأكلش وبنفسش شاكون أديش كل جمعه تزوريه ..


@rewayatyamania المصدر الأول للروايات


فوق السياره 🚗..

أبوخالد بتنهيده: إبسرت مره أخوك مسكينه كيف قهرتني عليها فوق قهري ع أخوك😔 والله إنها بنت أصول لو واحده غيرها عتقل قد مات وماقدناش عنده والله ماتزعل هكذا ولاعاد تفكر تجي تزوره في قبره ...


أخو خالد بيسوق ماسك السكان بيده: آح عليهم بس😔  ريت والله وأنتوا رضيتوا تزوجوه بها من أول ماقلكم يشتيها كم جلس يتراشاكم ..


أبوخالد نزلت دمعه من عينه ومسحها بسرعه وأشر بيده لقلبه ❤️: لاعاد تقهرني يا إبني فوق ما أنا كنت أقل يعلم الله كيف هي مدام عرفها فالجامعه وقلت أزوجه ع يدي والله إنها ست البنات وسكت شوويه ولفت لعنده ... مارأيك يا ابني لما تهدأ ويخف الوجع نزوجك بها قدهي مرة أخوك ع شرع الله قد عقدوا لاعاد تسيرش لواحد من خارج ..


أخو خالد دعس بريك ووقف بسرعه 😳: ماهوووو..
.
.
.

بعد شهر ...

في بيت سلاف 🏡

سلا: ماعليا أنا إدخلي إدعيها أنتي عتصيح والله لاتفعل لنا غاره ..


مريم بتتليقن عليها 😖: ناهي يافجاعه شدخل أنا الله يرحم أيام سماختش قدش بتفتجعي ساع الدمه


سلا: ناهي خليني أفتجع أصلا سلاف ماعد بتتقبلش أي مزح أو كلام طول اليوم مقفله ع نفسها تشتي فجأة أدخل أقلها هيا أخرجي عنسير حفله أنا عليا رتبت أنا وأحمد مثل ماقلتي لنا  وانتي خرجيها

٦
مريم: وأنتي لازم تقلي لها إنها حفله عنتعذر لها بأي شي


سلا: أيذك عندش إدخلي حاكيها وأنا أتصل لأحمد أبسر أين قدهو ..


مريم دقت باب الغرفه ✊🏻 ودخلت ..


سلاف كانت ماسكه الفرشه حقها حق الرسم 🖌️بترسم صوره خالد وهو بلبس العرس اللي رسلها لها قبل مايفعل الحادث لما بدل  مندمجه  ..


مريم جت من وراها: بخ مااهو هذا الرسم الحالي  🤩..


سلاف بنبره حزينه😔: ووجه شاحب وذابل .. كيف هو حالي صح ماخلانيش أزيد أبسره بهذا اللبس فلتني قبل مايجي لعندي ..


مريم إقتهرت عليها بس حاولت تغالط سحبت الفرشه🖌️ من يدها والألوان 🎨: ذلحين آسمعيني مش وقتهن عتكملي ترسميها لما نرجع إلبسي بسرعه حقش البالطوه إشتيش تخرجي معي بسرعه


سلاف: أين أخرج وبسرعه أنتي داريه إن انا ماعد بين اخرج مكان ولا إشتي أخرج يله بين اسير للمقبره أزور خالد وبس

مريم: ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 8 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلاف: أين أخرج وبسرعه أنتي داريه إن انا ماعد بين اخرج مكان ولا إشتي أخرج يله بين اسير للمقبره أزور خالد وبس ..


مريم: وأنا ماعتكسفينيش أنتي داريه إن مابش معي أحد يجي معي غيرش فعلت حاجه كبيره قووي ولو ما أسيرش الآن شاودف قووي من اهلي لو تبسري ماحصل شحكي لش فالطريق بس بسرعه قووى مش وقت الأسئله يله البسي سريع وبتخرج لها البالطوه تلبسها ...


سلا رسلت لمريم أحمد مراعي لي خارج قد وصل أنا شسبق معه علشان لاتحسش ...

@rewayatyamania المصدر الأول للروايات

في بيت خالد 🏡 ..

أم خالد: يا إبني والله إن ابوك كلامه صح أنا من كثر حبي لها ما أشتيهاش تكون لحد ثاني ع الأقل نحقق أمنيه أخوك وتكون مره إبننا ..


أخو خالد بصياح😠 حط الخبز من يده كان بياكل 🥖: اوووف آحنا وهذا الموضوع تعبت وأنا كل يوم أقلكم ماشي يعني ماشي هذه مره أخي وأنا داري إنها بتحبه ليش تظلموها وتزيد تقهروها وتدخلوها بيتنا وتخلوني أموت قهر كل يوم ع أخي وأنا داري إنها كانت أمنية حياته..


أم خالد: أبوك بيدحسني كل يوم أقنعك وقال هو مراعي شويه بس ماقد يسبرش يتكلم في هذا الموضوع عاد القلوب وجيعه وقال عيحاكي أبوها مايشتيش يفلت نسبتهم ..


أخو خالد: ذلحين أنتوا كيف بتفكروا مابش معاكم قلوب مابتحسوش هذا الذي مات أخي وصاحبي وقطعه مني كيف أشل شي حقه وهو كان ملكه وبعدا كيف مع أبي نفس يتكلم في هذا الموضوع إحنا قبرنا أخي ماقبرناش خشبه 😔...


أم خالد بكيت 😭: والله آن أخوك كسر ظهري بس أبوك يشتي ترضى بس حب في أخوك لانخليش مرته تسير لمخرجي ..


أخو خالد: تسير لمخرجي أحسن ماتجي عندي ماعد أحد يفتح معي هذا الموضوع  وفلت الأكل وقام خرج  ورزع الباب🚪...

........  ......... .........


في المطعم 🏪..

سلا بتتفرج اللي جهز أحمد  مبتسمه 😁: حالي أتخايلي إنك ماعتقدر تجهز قد كنت أهم حين بابا ماخلونيش قالوا مابلا لو عيجي معاكن أحمد والا يوسف ...


أحمد بيتفرجها بربع عين وعوج فمه 😏: أو قالوا لش إن انا قبيلي جيت من عند البقره ما افهمش شي أخوش خطير في هذه الأشياء قد دورت أهدأ مطعم مابش فيه إزعاج وسديت معاهم وجهزنا الطاوله بس كيف مارأيش حالي التنسيق حق البالونات 🎈 والثيمات والترته قد حاولت ارتب لها كل شي ع ماقلتي ..


سلا: أيوه يجنن 😍 أهم شي هديتي اللي قلت لك أين هي قد سيرت تديها من عند البنت ..


أحمد: أيوه ولو إن قلبي❤️ بيحز إشتي أدرى ماهي شكلها لوحه صح خمنت هكذا من شكل الغلاف..


سلا: ماعليك سر 🤪 المهم جهزت لها أنت هديه ...


أحمد ضحك 😂: ماعليش سر .. اهم شي إنها ماعتتوقعش أبدا إن احنا عنحتفل بها لأنه عاد عيد ميلادها بعد ٤ أيام ...


سلا: أيوه الله يفرحها ويسعدها يارب ويحقق لك مافي نفسك يا أحمد صدق ربي ما اداش لنا أخوه بس  عوضنا بك وبيوسف😊 ...
.
.
@rewayatyamania المصدر الأول للروايات

فوق التاكسي 🚖..

سلاف: لفتت للسواق ممكن تطفي الأغاني لوسمحت ..


مريم إبسرتها. مالش خلينا نسمع هيا لكن ياسلاف المفروض تغيري مودش شويه لو تحبيه ماتجلسي هكذا زاعله وتزعليه لاقبره ..


سلاف إبسرتها بضبح 😤: مش وقت الدروس حقش أنا خرجت معش علشان مابش معش أحد قلتي وعتحصل مصيبه وللآن ماقد فهمتيني شي ولاداريه مافعلتي ولا أين عنسير ..


مريم ارتبكت 😧: ايووه صح ذكرتيني والله لو ماجيتي معي إنه عيخرب كل شي .. مسكت تلفونها 📱 ورسلت لسلا (الله يستر أختش متنشنه وضابحه فوق السواق يغلق الأغاني المهم قد إحنا قريبات ) ..

........  ......   .......

في المطعم 🏪..

أحمد: هيا مه مارأيش تدخل وإحنا هانا والا نخليها تدخل عادي ونتخبى وبعدا نفاجئها ...


سلا: مدري انت مارأيك مريم قالت انها متنشنه وقالت للتاكسي يطفي الأغاني 😥...


أحمد: خلاص خليها تدخل وشاخلي البنت هذه اللي فالمطعم تقلهن لما يجلسين عفوا هذه الطاوله محجوزه ممكن تنقلين هذه الطاوله حق العيد ميلاد امد مانجهز لكن مكان وبعدا ندخل بالترته🎂 وهي جالسه ..

سلا: يله إفعل ماتشتي مانا الصدق أول مره احس نفسي مربطه هكذا كأن انا مش سلا وجعها مقيد لي حتى طباعي عقلت ماعد بين اصداش امزح معها...


مريم رسلت لها (يله وصلنا عندخل الآن )..


سلا وأحمد : كلموا البنت فالمطعم وتخبوا ...


سلاف بتتلفت يمين شمال 👀 وابسرت مريم: ماهو من مصيبه فالمطعم عتتحاكي مابه مالش ..


مريم: طيب الآن شحكي لش ممكن نجلس واقلش وبتسحب الكرسي تجلس ..


البنت قربت لجنبهن: العفو منكن الطاولات هذولا اليوم محجوزات معاهم حفله عيد ميلاد بس ممكن تجلسوا فالطاوله هذه المزينه حق العيد ميلاد بسرعه أمد ما اجهز لكن مكان ..


سلاف مشيت وهي بتنفخ 😤: مرريم عتتحاكي والا أروح أدتني عند حفلات تحكي لي ..


مريم : ....



📚 @rewayatyamania  🇾🇪

.

البـارت 9 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلاف مشيت وهي بتنفخ 😤: مرريم عتتحاكي والا أروح أدتني عند حفلات تحكي لي ..


مريم: خلاص وعد الآن نجلس واحكي لش وجلستها معاكسه للباب ماتشوفهمش ورسلت لسلا خلاص كله تمام 👍🏻 ادخلوا ..


أحمد أشر للبنت تفتح أغنيه عيد ميلاد وماسك الترته 🎂  بيخطى بها ..


سلا واقفه جنبه بتصفق وفارحه لها 😁 ..


سلاف سمعت الأغنيه (كل عام وأنت بخير ميلادك حبيبي غير عيدك ياغالي اليوم خليها فرحه تصير)
ذكرت خالد ع طول هداها لها عيد ميلادها الأول تنهدت قالت لمريم أنتي داريه ... وقاطعها..


أحمد من وراها: كل سنه وانتي طيبه وحط الترته🎂 وهو مبتسم ..


سلا حضنتها ع طول: أختي حبيبتي كل سنه وأنتي طيبه 😁 ..


سلاف مبلمه بتتفرجهم😳: تصدقوا إن انا فرحت حسبت إن أحمد خالد مدري كيف سمعت صوته وخاصه بعد الأغنيه هذه ..


مريم حاولت تغالط ع طول علشان لاتقلبها دراما حملت لعندها حضنتها 😁: كل سنه وصاحبتي وأختي وحبيبتي بخير كيف المفاجأة حاليه صح ..


سلاف بتتفرجهم سكته ..


أحمد بيأشر لها بيده قدام وجهها 👋🏻:  ييه يا أخت الشمع عيذوب بسرعه طفيهن وأتمني...


سلاف لأول مره تبتسم رغم إنها إبتسامه بوجع طفت الشموع 🎂 بدون ماتتمنى شي حاسه انه خلاص كل أمنياتها ضاعت ..


سلا سحبت كرسي وجلست: مارأيش طلع احمد ذواق صح جهز هذا كله هو 😊..


سلاف لفتت له: شكرا يا أحمد مش أنا داريه ما أقلك ولا كيف اشكرك ع وقوفك معانا دايما ..


أحمد: بمزح تحاسبيني زلط بالدولار 😂 وتدي لي قيمه الهديه عادهي سلف وخرج لها الهديه من جيبه كيس صغير وسطه علبه ..

سلا بتتليقن عليه: تشتي قيمتها وهي شكلها صغيره بألف تخايلي مدري ما قد أديت🤪 ..


سلاف: لاتصدقهاش أنت تعرفها هذه لقنه يكفي اللي فعلته مسكت الهديه وفتحتها ابتسمت عجبتها قووي سلسله فضه فيها قلب داخله صوره لخالد ...شكرا يا احمد 😊..


سلا: وهذه هديتي مكنتها بس ماعينفعش تفتحيها هانا خليها للبيت ...


مريم مكنتها الهديه حقها 🎁..


احمد: يله أنا شاخليكن تجلسين براحتكن وانا في الطاوله اللي هانا ولفت لسلاف لو أحد منهن فكر يزعلش قلي لي بالذات هذه ام لسان ..


قضوا اليوم هاناك وحاولوا يغيروا لها جو ولما روحوا أحمد أتصل لعمه يستأذن  منه إنه يمشيهن بالسياره علشان سلاف تتغير نفسيتها ...

@rewayatyamania المصدر الأول للروايات

مرت ٤ شهور وسلاف الحزن مسيطر عليها وبتذكره كل دقيقه ولحظة دبلته وساعته ⏱️اللي بعدتهن من يده فالمستشفى لابسه لهن في يدها والسلسله اللي ادالها خالد فيها صورته وهديه سلا معلقه قدامها كانت لوحه خشبيه كبيره معلق فيها صورهم حق العرس اللي ادت المصوره ومعلقه صوره واللوح اللي بترسم له ملان غرفتها ....

سلاف رن تلفونها 📱: صباح الخير


يوسف: صباح الخيرات والليرات كيف أنتي ..


سلاف: الحمدلله بخير قدك خارج أنا جاهزه..


يوسف: ماشي أبي خرجوني معاهم مشوار قبل صلاه الجمعه سرت معاهم وقد حاكيت أحمد قال عيجي يشلش هو زيدي بس إتصلي له..


سلاف: متأكد أتصله داري مش يقل طيرت عليه النوم يوم آجازته..


يوسف: مع إتصلي بس قد إتفقنا أنا وهو ..


سلاف غلقت من عنده وبتتصل لأحمد 📱 ..


أحمد فتح التلفون 📱 بيرد وهو منعس مشحب:  هآه يا ياهررمه الآن شاجي..


سلاف ضحكت  ع صوته 😂: مالك كأن شرابات حانبات في حلقك ماهو هذا الصوت يفجع غبني ع مرتك حين تتزوج عتكون تفجعها حين تقوم من النوم..


أحمد فرح  😁 إنها ضحكت: لو أنا داري إن صوتي عيضحكش إن انا بين اتصل لش يوميه أول ما اقوم من النوم..


سلاف: مع مع لاتفجعنيش قوى هو غر اليوم بس..


أحمد بيتمطط نووم 🥱ويتقعم: ناهي يارقيقه يله تجهزي أمد ما ألبس وأجي لش وإتلثمي عنسير مقبره..


سلاف: الله الله ع اللي عيتشرط سلام الله ع يوسف بيشلني كل جمعه مابيفتح فمه وأنت عتتشرط وبعدا قدنا جاهزه اقطب أنت بس يله باي لاتتأخرش..


أحمد غلق وبيتذكر صوت ضحكتها عليه ويضحك  😅 .

...... ......  ......



في بيت هاشم 🏡

هاشم فوق الكنبه في يده السجاده بيتجهز يسير الجامع.. رن التلفون 📱 رد  ياحيا وعليكم السلام في خير الحمدلله وأنت كيف حالك..


أبو خالد: اللهم لك الحمد صح حياتي بعد موت خالد مش مثل قبل  لكن عايشين..
وسلاف كيف قدهي أنشغلت هذه الفتره سامحني مقصر ماسألت عليها..


هاشم: عادي ولايهمك الدنيا تلاهي يا أخي وسلاف الله يعينها قدهي أحسن من قبل بس ربي عيعصم قلبها..


أبوخالد: أنت فاضي اليوم يا أخي إشتي أجي لعندك معي موضوع إشتي أحاكيك فيه..


هاشم: حيا بك تنور أي وقت اليوم أنا في البيت أنا وأخي أبو أحمد عيجي عندي قدهي فرصه نجتمع كلنا..


أبو خالد: خلاص إن شاء الله اليوم عصر وأنا عندك..


معقووله جالس بيفكر في نفس الموضوع 🤔 ويشتي يزوج سلاف بإبنه..


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 10 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


في بيت العمه سميره ..

زوج سميره: ياسميره وين الصندل حقي🩴 مالقيتش عيصلوا عليا ..


سميره: عندك فالجزامه إبسره شرق عليا بين البس جهالك إشتي أسير أعاون مره أخي حرام وحدها هي وسلا وعنتغدى عندهم كلنا  ..


زوج سميره بضبح 😤: ناهي يا أدوره أنا ماشاجيش أتغدى شاسير أبسر أمي وأتغدى عندهم عيزعلوا لا أنا ولا أنتي ..


سميره: مابلا ماتشيش تجي عند أخوتي أنت حر أنا شاكمل ألبس العياال وأسير وأنت ارجع جي خزن عندهم والله لايزعل منك هاشم ..


زوج سميره: إن شاء الله يله مع السلامه ..


سميره : كملت تلبس العيال وسارت بيت هاشم ..


....... ........ ............


في المقبره..

أحمد ببهرراه 😠: ييه راعي ماهو حمله حمله هكذا راعي اخطى جنبش قدش مهريه حافظه البقعه ولاتقلوا لبنى السريعه بتحمل ..


سلاف لفتت له وبتبسره بضبح 😤: اووف منك والله انك هرم مايكفيش خليتني اتلثم عادك عتخطيني بحارس يووه محلى يوسف بيفلتني وحدي وخفعت بايديها ودعممته وخطيت 🚶‍♀️ ..


أحمد بيتفرجها وإبتسم 😅: مالها هذه اليوم دلوعه قوي من الصبح والا أنا اللي بيتهيألي والا بين اتحيلا لها مالك يا أحمد من الخباله ماهو بتتحيلى لها اختك اختك من الجنان .. لحقها وبيخطى بعدها ووقف جنبها عند القبر..


سلاف إبسرته وحطت يدها ع راسها 🙆🏻‍♀️: اللهم طولش ياروح توبه ازيد أجي معك يله ابعد من هانا يووه ع فضول جاء يتسمع مابين اقل ..


أحمد إكتسف 😅: والله ماغير بين اقلق عليش يالقنه مش انا فارح أسمع مابتقلي سامجه اوذا شبعد هاه وجابري براحتش .. بعد من جنبها وجالس يتفرجها ...


سلاف جلست تتكلم مع خالد وتحكي له تفاصيل الإسبوع مافعلت وصلحت ...

....... ....... .......


في بيت هاشم 🏡...

أميره بتمكن سلا الصحون: هاه دخلي السلطه🥗 والأشياء البارده ..


سميره: إديهن أنا شدخلهن خليها تفتهن شويه قدهي عتوقع تاعبه من الصبح بتساعدش قلت شاجي بدري وإن البزا والجهال تعب ماخرجت الإ وقد هلكوني ...


سلا: مع ياعمه إسهل مش انا تاعبه أنتوا اليوم إفتهنوا إسهل أدلعكم ..


أميره: إتصلي لأختش مالها تأخرت سعم قد بين اقلها لاتتاخرش حين الكل عيتغدوا اليوم هانا ...


سميره: أوذا شتصلها أنا أبسر أين قدهم وخرجت تلفونها تتصل 📱..



في الديوان داخل ...

ابو أحمد: تقل يا أخي مايشتي معقوله يجي يقل يشتي الشرط والمهر حين ماعاد كملت زواجه 🤔...


هاشم: وأنا قد فكرت مثلك وقد جهزتها كم لي بين اقل شتصله أحاكيه وأقل ماقد يسبرش عاد قلبهم وجيع ع إبنهم وعيقلوا فارح فالزلط ...


يوسف: المفروض ياعمو ماعاد ترجعوا شي أنتوا قد جهزتوا وصرفتوا للعرس مشو ذنبكم إنه حصل اللي حصل ..


أبو أحمد: يله قدوذا عيجي ونبسر مايشتي وأنت يا أخي حط الموضوع من نفسك قبل ماحتى يفتحه ..


يوسف إبسر سلا دخلت والصحون في يدها 🥗السلطه والصحون قام يشل منها وبيرصف معاها بيقربوا ...

........ ....... ........


فوق السياره 🚗 ..

سلاف  ماسكه التلفون 📱: هاه عمه أيوه قدحنا مروحين قد خرجنا من المقبره ماعنتأخرش ...

غلقت ولفتت لعند أحمد هيا إسرع قالوا تأخرنا عيصيحوا يشتوا يتغدوا  أنا مدخلش  ...


أحمد إبسرها بربع عين 😏: ماتدخليش هاه هو أنا صح اللي جلست أجابر ماعد كمل هداري ..


سلاف سمعت صوت سياره ايس كريم 🚛 خرجت راسها من الطاقه: أحمد أحمد أمانه وقف هذا أيس كريم من اللي كنا نشتري وإحنا جهال إشتري لي ..


أحمد: هيا من هذا الدحس هاه وارجعي قلي أخرتني اليوم أقتلبتي جاهله🤪 ...


سلاف حنقت وقفت وشها 😥: خلاص ماعد أشتي شي منك والله ان يوسف أحسن منك ..


أحمد بيحاكي نفسه مبتسم 😊  مالي اليوم بين اتحيلى لحركاتها .. لفت لها: يله خلاص لارجعتي شاوقف وأشتري لش والله ماغير لأني اليوم بين ابسر نفسيتش حاليه ..


سلاف: أصلا اليوم مرتاحه حلمت خالد أمس حلم حالي قوي ووعدته ما أجلس أبكي ...
.
.


بعد العصر ....

في الديوان عند الرجال...

أحمد بيتشاور هو ويوسف 👂🏻: والله لو جاء يطلب المهر إنه حاذق..


يوسف: معقوله إنه جاء علشان هذا السبب مشو محتاج 🤔.. سعم إنها قالت لإبنه يموت..


أبو أحمد جالس جنب أبو خالد خفعه بيده👋🏻: ع رجله منوور والله أيوه كيف الدنيا معك


ابو خالد: الحمدلله في خير قد احنا بندلهف في هذه الدنيا


هاشم دعى يوسف .. وقله إدخل لعند عمتك إدي الكيس اللي  فالدولاب


يوسف دخل إداها وجاء مكنه 💸


هاشم مسك الكيس💸 وقام حطه في حضن أبوخالد: هاه أخي أتفضل أنا ماقد كنت سخيت أفتح هذا الموضوع  بس اليوم فرصه إنك هانا أمكنك..


أبوخالد بنظرة إستغراب 😳: مااهو هذا مالها هذه الزلط


هاشم: هذا المهر حق سلاف يا أخي ماعاد كملش النصيب من حقكم علينا إنه نرجعه


أبو خالد 😥 أكتسف وع طول رجعها


https://tttttt.me/rewayatyamania/45109





📚 @rewayatyamania  🇾🇪

.

البـارت 11 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


أبوخالد بنظرة إستغراب 😳: مااهو هذا مالها هذه الزلط..


هاشم: هذا المهر حق سلاف يا أخي ماعاد كملش النصيب  من حقكم علينا إنه نرجعه ...


أبو خالد 😥 أكتسف وع طول رجعها: الله المستعان يا أخي  ماجيتش علشان هذا.. سلاف بنتي ومره ابني عادنا المقصر في حقها المفروض ان صرفتها وطلباتها عليا أنا مش عليك.. 


أبو احمد حس الوضع توتر حب يلطف الجو: أكيد هي بنتك بدون ماتقل وانا يصلح أوقع إبنك وتصرف عليا 😅...


أحمد ضحك😁 هو ويوسف: وإحنا والكل ياعم إتبنونا ...


هاشم ضحك 😂: كان ماعد بقيت أنا وحدي وأنا زيد اتبناني ...


أبو خالد ضحك 😁: ما اعزكم واغلى من عيوني أنتوا أهلي وأنسابي وبما أنه قد تحاكينا في موضوع المهر والنسب أنا اليوم جيت علشان أجدد النسب وأشتي سلاف لإبني الصدق ما اشتيها تخرج من عندنا ...


هاشم لفت بإستغراب 😳 لعند أبو أحمد  قال سلاف والا سلا  ...


أحمد بضبح 😤 دكم يوسف: هذا منه صدق والا بيمزح بعقله كيف يزوج سلاف لأخوه مشو داري إن سلاف عتجنن لو تدرى ..


يوسف: والله إنه مجنون رسمي سعم إنها ملك ماسبرت للأول تسبر للثاني ...


أبو خالد: مالك مطنن يا أخي 🤔  أو غلطت بشي ..


أبو أحمد: لالا حاشاك أي غلط ماقلت الا كل خير وكلامك دليل ع أنك شارينا وشاري نسبتنا ..


هاشم: المشكله يا اخي مش هي في كلامك المشكله في سلاف وردة فعلها أنت متخيل كيف كانت تحب خالد الله يرحمه😔 ومافاعله بنفسها لليوم كيف عتتقبل إنها تكون زوجه اخوه وبدل ماتدخل بيتكم عروسه لخالد تدخل عروسه لأخوه ...


أبو خالد: وهذا اللي خلاني ما افرط فيها إن انا داري أنها صاينه إبني حتى بعد موته ...


هاشم: والله مانا داري ما اقلك ولا كيف أتصرف بنتي وأنا داري بها وخايف من ردة فعلها..


أحمد بدون شعور ضبح 😤 مسك تلفونه ورسل 📱 لسلاف ( أخرجي بسرعه للحوش أشتي أحاكيش بحاجه حصلت هانا بس لاتبيني شي للي عندش...


سلاف كانت جالسه داخل عندهن بس ساكته مابتتكلم معاهن ماسكه تلفونها 📱 بتقرأ كتاب وصلتها الرساله استغربت 😳  ردت عليه ( مالك ماحصل ) ..


احمد رسلها فيس ضابح (😤 هيا لكن عادها عتسأل أخرجي بسرعه أنا وراء البيت عند الخزان اخرجي من الباب اللي وراء مش من قدام الديوان يبسروش)...


سلاف خافت 😥 يووه مابه قامت ع طول وخرجت..


تقولوا إيش يشتي أحمد معقوله في شي في رآسه 🤔

@rewayatyamania المصدر الأول للروايات

في بيت خالد 🏡...

أخو خالد بيلوي ملان الصاله ..🚶🏻‍♂️ بيتصايح هو وأمه: كيييفه إسكه فهمووني كييف أبي يتصرفوا هكذا من نفسهم كييف ليش أنا أي حين قلت إن انا موافق هذه مره اخي اولا وثانيا أنا مشتيهاش ولاشتزوج بها كيف يسيروا بدون ما يتحاكوا ماعيقلوا عليهم الناس ابنهم ماقدله ميت الا شهور وقد بيدوروا يزوجوا مرته بأخوه...


أم خالد بتبكي 😭:  يا إبني وأنا ماعليا أنت إبسرت كيف أبوك معاند ومشو راضي مقهور ع أخوك مايشتيش مرته تتزوج بواحد ثاني..


أخو خالد: يعني وأنا مش أنا واحد ثاني والا كيف والا هي نقل قدم ماسبرتش للأول نديها للثاني أنا لو يقطعوا راسي ماشتزوج بمره أخي 😔 والله ما سبرت زواجه مشو ع مزاج أحد ...


أم خالد: أبوك عندك وسد انت وياه مادراك ماترضاش سلاف ..


أخو خالد: وأنا متأكد إنها ماعترضاش انتوا داريين كيف كانت تحب أخي مش هي مجنونه تتزوج بي .. مسك تلفونه📱 ورسل لأبوه إذا سمحتوا لاتفتحوا معاهم الموضوع حق سلاف لأنه مش انا راضي ولاشتزوج بمرة أخي ...


........ ........ .........


في بيت هاشم 🏡.

في الحوش ...

سلاف بصددمه 😳: أيييييش ماهو هذا الكلام مابتقل...

أحمد بضبح 😤 وماسك الخزان بيده: اللي سمعتي عمش هذا مجنون والا ماهو انا ماعد دريت كيف بيفكر كيف يزوجش بأخوه وهو داري قلك مايشتيش تخرجي من عندهم ..


سلاف بكيت 😭: كيفه ما اخرجش من عندهم ماهو هذا مش هو ع مايشتوا هم أنا مشتيش أحد ولا عادنا ناويه أتزوج خلاص انا شدخل احاكيهم ..


احمد ييصيح فوقها 😠: يييه بغير خباله مالش بتبكي سعم انهم عيزوجوش غصب وبعدا ما تدخلي تتحاكي أنا جيت احاكيش من كثر ما اقتهرت قلت أحطش فالصوره بس وماقد تبيني لحد شي وبعدا أصلا عمي شكل الموضوع مشو عاجبهم ... وأنا قد بين اقل ماله مارضيش يشل المهر حين رجعوه عمي شكله عيقل يتجمل أنه ماشلش ويحرجهم يزوجوش لأخوه ...


سلاف بتمسح دموعها 😥 وشلت نفس عميق: ياااربي ليش هكذا بيحصل معي لاكملت فرحتي وذلحين هكذا...


أحمد زعل عليها 😔  يشتي يغالطها ويحاول يضحكها ...




📚 @rewayatyamania  🇾🇪

.

البـارت 12 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلاف بتمسح دموعها 😥 وشلت نفس عميق: ياااربي ليش هكذا بيحصل معي لاكملت فرحتي وذلحين هكذا..


أحمد زعل عليها 😔  يشتي يغالطها ويحاول يضحكها: سلاف تذكري هذا الخزان كم قد جننا عمتي لما كان فيه حنفي كنا نهرب نجي نلعب هانا ونلعب بالتراب ونفتح الماء ونمهد وانتي كنتي تفعلي نفسش مرتي وسعم بتعجني بالتراب تفعلي لي كعك 🍪... وأنا اجلس أتضارب مع هذك ابن جيراننا نسيت إسمه اللي كان يجي هو واخته يلعبوا هانا لما يقلش مابلا تدي له كعك هو عيتزوجش لما يكبر ...


سلاف إبتسمت 🙂: يووف كم كنت أكرهه هو وأخته هذك المشعفله كيف كانت تجلس تشل حقي العرايس وتكسرهن قالت هي خطيبتك هي ليش بين اقل إن انا مرتك..


أحمد فرح إنها إبتسمت 😁 وغيرت الموضوع: تقلي ذلحين أين قدهم مدري قد تزوجت والا نسير ندورهم أتزوجها حرام أحقق لها حلمها وضحك هههه ..


سلاف بضبح 😤: ع طوول ولايهمك نسأل عمتك لو عادهم داريين اين هم ونسير نخطبها لك قلك يخطبها الخباله والله لو أبسرها لأطفحها كم كنت اكرهها..


أحمد ضحك 🤣: هههه هذه قدهي مطابنه وماقد جتش يعوو مابلا خلي قلبش فساح عادها عتوقع مرتي وشاكن اديها عندش يوميه . 


سلاف عادها تشتي ترد عليه رن تلفونها 📱: هاه ماما أنا خارج فالحوش .. مع مع بخير والله مافيني شي بس خرجت أشم هواء شويه أوذا شدخل ذلحين ...


أحمد: يله وانا ادخل والكل المهم لاتبينيش لهم بشي يمكن عمي عيرفضوا من نفسهم ومايقلوا لش بس قلت أحطش فالصوره ...

@rewayatyamania المصدر الأول للروايات

بعد يومين ......

في الشركه 🏢...

أحمد بيصيح ..😠: من اللي فعل هكذا ليش عدل ع هذه الرسومات ..


الموظف: هذه المهندسه الجديده قالت نفعل هذه الاضافات ...


أحمد بيلف الورق 📑:  تعدل لما يكون شغلها بس مالهاش حق تجي تعدل في شغل غيرها والا تضيف هي المفروض تجي تستشيرني قبل ماتتصرف هكذا وين هو مكتبها وشل الورق وخطي لعندها 🚶🏻‍♂️...



سهام... مهندسه جديده فالشركه مغروره جدا شايفه نفسها .. دخلت بوساطه أبوها صاحب مدير الشركه.. طويله بيضاء وعيونها ملونه أمها روسيه .. جالسه في المكتب حقها بتلعب بتلفونها 📱...


احمد دق الباب ✊🏻 بوجه ضابح 😖: انتي المهندسه الجديده ..


سهام بتتكلم بزنط 😌: إسمي المهندسه سهام مش المهندسه الجديده ...


أحمد في نفسه: الله يعينني ع اللغاجه شكلها حق بابي ومامي من طريقة لبسها وكلامها ... رد عليها بعصبيه 😠.. اسمش سهام اسمش المهندسه الجديده مايهمنيش أنا يهمني إنه ماتدخليش في شغل غيرش مره ثانيه وماتقوميش تعدلي أي شغل ولا رسومات بدون ماترجعي لصاحبها ...


سهام بتتفرجه ببرود 🤭 ضحكت وغطت فمها: دلا لايقرح لك عرق مالك معصب هكذا وبعدا من أنت أصلا علشان تجي تتكلم معي هكذا ...


أحمد: أنا البشمهندس احمد ورئيسش فالشغل اللي المفروض إن انا أول شاجربش وأبسر إذا عملش عيعجبني شاخليش تشتغلي معي والا يحولوش مع مهندس ثاني تتدربي معه ...


سهام بتتفرجه ولاهاممها ابتسمت وفتحت تلفونها 📱: لحظه شتصل لبابا وأخليهم يحاكوا عمو علي صاحب الشركه نبسر عادك عتختبرني والا لا ...


أحمد: وليش عاد عتتصلي لبابا أنا شدخل لعند عمو علي أنا وأبسر عتشتغلي بمزاجي والا بمزاجش .. فلتها وسار لعند مدير الشركه 🚶🏻‍♂️ ..دقدق ودخل ..


المدير: اهلا يا احمد هيا بشر ما اخبار المخطط حق المشروع الجديد ...


أحمد حط الورق قدامه 📑 : هيا اتفضل ابسره وقلي مارأيك هذا يسبر ...


المدير جالس فوق الكرسي بيقلب الورق: ماهو هذا يا أحمد ماهي هذه الاضافات من اين عتسبر هذا صورتك أمس كنت فاصل كيف فعلت هكذا ..


أحمد ضحك 🤣:  هذه تعديلات السفيره عزيزه قصدي المهندسه الجديده اللي عينتوها دخلت مكتبي وقد الرسومات هذه معدله اللي بالرصاص هذا كله تعديلها قلك هكذا أحسن ولما صيحت فوقها قالت عتتصل لبابا يخرجني من العمل ...


المدير ضحك 🤣:  هههه قصدك سهام يووه الله يهديه صاحبي احرجني اشغل بنته هانا بس شكلنا عنشتغل شغل ابو اسد مادام هذه تعديلاتها ...


أحمد: هذه شكلها دلوعه قوي كيف نجحت فالهندسه شكلها زورت شهاده أمانه اين عقلها لما فعلت هذه الاضافات فين الأعمده كيف عيثبت ...


المدير ضحك 🤣: الله يعين بس .. إسمعني أنا شاخارج نفسي علشان لا أحرج نفسي مع ابوها وأنت خليها تحت يدك وماتسلمهاش مشاريع حاول تشغلها بأي شي ...


احمد فرح إنه عيوريها: ولايهمك أنا شاعلمها الهندسه ع أصولها 😉 وغمز له ..


المدير ضحك😂: هيا قدوذا ابوها بيتصل اجاوبه أبسر ماقد قالت له شكلي شبزي جهال الله يعين بس ..

احمد: يله وأنا أستاذن أسير أعدل الرسومات اللي عصدتهن ...


الله يعينك يا احمد قدنا ضابحه منها انا كيف ما انت 🤭




📚 @rewayatyamania  🇾🇪

.

البـارت 13 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


في بيت هاشم 🏡..

سلاف في غرفتها بتلعب بالفرشه حق الألوان 🖌️ سارحه قدام اللوحه ..


مريم بتدق لها الباب ✊🏻: سوسو أنا مريم إفتحي لي ..


سلاف فتحت الباب🚪: أهلا كيف أنتي ...


مريم: فقدتش ياشوعه الصدق ماهو هذا قدنا مضايقه فين سلاف حق زمان اللي كل يوم وإحنا مع بعض ذلحين بتفلتني بالأسابيع ...


سلاف حضنتها وباستها 😘: أنا آسفه بس والله ماهو بيدي قد أنتي داريه ماعد لي نفس في شي..


مريم: بس هكذا ماينفعش حرام عليش نفسش تقهريها هكذا وتقهري خالد لاقبره .. ذلحين ممكن تقومي نخرج شويه سلا معاها عرس صاحبتها وتشتي تشتري لها فستان👗 وهديه لصاحبتها 🎁 إتصلت لي أخرج معاها ...


سلاف: قد إتصلت لش لأنها داريه إن انا ماشخرجش ليش تزيد تقلي لي ...


مريم: لأنه عتخرجي غصب ويكفي الحزن هذا يابنتي عيلبسش عفريت 👹 كودش مغلقه ع نفسش وبالأسود هذا ..


سلاف: خلاص تمام شخرج معاكن بس بشرط بعد ماتشتري اللي تشتي نسير محل مواد غذائيه بالجمله نشتري أشياء أوزعهن لناس صدقه ع روح خالد ...


مريم: 😁 موافقه وأزيد أجي معش توزعيهن يله قومي البسي ..

........ ........ ..........


في بيت سميره 🏡...

سميره بتحاكي التلفون📱: يووه مالش ماقد تزوجت ماقد بترضاش تخرج وكودها مغلقه ع نفسها في غرفتها وماقد بعدت الأسود وأنتي بتسألي لو قد تزوجت ولا إختطبت . .


جارتها: يوووه سعم للمه هذا كله 🤔 لو هي موجله إن قد كملت الوجل هذا وماقد سارت عنده ولا قد كمل عرس ..


سميره بضبح 😤: قد كان زوجها يا أختي الله يعصم قلبها .. ماقلتي لي مالش بتسألي عليها ...


جارتها: مابلا هي أختي جت معي يوم العرس صفيه لو عرفتيها وبعدا ماشاء الله صلاه ع النبي كانت تتحيلى لها من داخل قلبها وقالت هذه ع مافي نفس إبني نفس المواصفات اللي يشتي لكن قدوذا تزوجت وذلحين قالت لي أمانه أسأل لو عادها ماقد اختطبت ولاتزوجت أقلها تشتي تجي تفاتح فيها لإبنها الصدق دخلت نفسها قووي ..


سميره ضحكت 🤣 : أنتي بعقلش أنتي وياها والله العظيم لو تدرى بس  لاتقوم القيامه ..


جارتها بإسلوب سخريه 😏: يوووه للمه أو عتجلس عزبه طول عمرها تحزن عليه ماعاد بيحزنين اللي بيعيشين معاهم وأم عيالهم بيتزوجين ويعيشين حياتهن وهذه عتجلس عزبه ...


سميره: ماعتجلسش عزبه أكيد وربي عيجبر كسرها وعتتزوج ...


جارتها: خلاص يا أختي أنتي ماعليش أنتي غر رسول بلغي الرساله وحاكي أمها مدراش وربي يلين قلبها وإن به موافقه عنجي أنا وأختي ويتحاكوا الرجال..


سميره: والله ماقلش الإكل خير أنا شاجرب أحاكي أمها وشانبيش ماعيقلوا ...


جارتها: خلاص إن شاء الله المهم لاتتأخري لأن الولد يشتي يسافر هو بيشتغل فالسعوديه لاقد وافقتوا يشتي عرس ويشلها معه ...


سميره: يله الله يقدم مافيه الخير ..

@rewayatyamania المصدر الأول للروايات

فوق السياره 🚗

مريم بتسوق: يووه والحلى أخيرا رجعت لي سيارتي قد كنت ضايعه بدونها هذه الفتره 😁...


سلا ماسكه تلفونها 📱بتصور: يامريم إسكه إفتحي لنا أغاني 🎼 يطلع التصوير حالي . 


سلاف بتتفرج الشارع سارحه 🤔 بتفكر في كلام أحمد ع أخو خالد وليش ماكلمهاش أبوها ..قاطعتها مريم ..


مريم بتأشر لها بيدها 👋🏻: يييه يامطننه أين أنتي بين احاكيش ...


سلاف لفتت لها:  هآااه كنت بين افكر في موضوع ماتشتي ...


مريم: بين اقلش هيا مه أفتح لسلا أغاني🎼 تصور عادي والا عتصيحي ماتشتيش تسمعي ...


سلاف: هآاااه .. أفتحي لها عادي ماذنبها .. ولفتت لعند سلا إسمعيني إشتي أسألش ماسمعتيش بابا بيتحاكوا مع ماما إنه ابو خالد لما جوا هذك اليوم كان يشتوا يخطبوني💍 لأخوه ؟؟؟


سلا فتحت عيونها 😨: يوووه بطلي خباله مااشي ماسمعتهمش ولا أعتقد إنهم حاكوا ماما لو شي إن قد ماما تحاكوا وقالوا لش والا لي من قلش هذا الخبر ...


مريم بضبح 😤 يد في السكان ويد كانت بتفتح الأغاني: هذا منه صدق والا بيجنن ليش مشو داري إيش كنتي أنتي وخالد لما يجي يخطبش شكلش بتحلمي مابش هذا الخبر والا ان قد حاكوش ...


سلاف: طيب إسمعني أحمد هذك اليوم رسلي وخرجت للحوش وبتحكي لهن ماحصل.. 

........ .........


في بيت سميره 🏡...

يوسف بيدقدق الباب ✊🏻 ..


سميره: حيا بروحي كيف انت هيا أدخل ...


يوسف:  بيسلم عليها 😘 الحمدلله كيف أنتوا ... هاه إمسكوا الحاجات هذه ادوهن أمي قالوا اللي قلتوا لهم يشتروهن...


سميره شلتهن منه: طيب  إدخل أين عتسير ..


يوسف : ماشي ماعد شدخلش أحمد مراعي لي فالسياره 🚗 قد قلي بسرعه لا أتاخرش يشتي يسير لعند صاحبه ...


سميره: هااااه هيا مدام أحمد خارج إدعيه يجاوبني إشتي أحاكيه في موضوع ..


يوسف خرج يدعي أحمد للسياره 🚗 يجاوب عمته ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 14 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


في بيت صاحبه سهام 🏡...

صاحبه سهام بتضحك 🤣: شكله زري قوي وبعدا ماطلع لش تلعبي بحقه الرسومات ...


سهام بتتمنكر 💅🏻: اصلا حسيت  إنها ناقصه تشتي تعديل ...


صاحبه سهام : هههه كيف شكله وسيم 😉...


سهام إبتسمت ☺️: إبسري من الوسامه ماهو وسيم قوي بس شكله زناط قوي وشايف نفسه ويشتي يتميدر عليا مصدق نفسه مهندس فاهم بس والله لاقهره مثل ماصيح فوقي قد إشتكيت به لعند بابا يحاكوا صاحبهم ...


صاحبه سهام: ياخبلاء لاتدخليش العناد بينكم ويحطش في رآسه كن إسمعي كلامه ...


سهام بسخريه 😏: يحط من في رآسه هههه قصدش لا أحطش أنا في رآسي وأطيره من الشركه ...

شكلها ناويه ع مشاكل الله يستر منها 🤣...

@rewayatyamania المصدر الأول للروايات

في بيت سميره 🏡..

أحمد جالس حاطط يده ع خده بيسمع عمته 🤔: ايوه وبعدا ...


سميره خفعت يده ...👋🏻: ماهو وبعدا.. بين اقلك أول إسأل ع الولد لو هو سابر شاحاكي عمك وأفتح الموضوع قدهو اتحاكى بشي سابر وإن الولد مش هو سوى شاقلها بنت أخي مارضيتش ومابش داعي أحاكي عمك خاصه وسلاف زاعله هكذا ...

أحمد إبتسم😁: والله لو تشتوا رأيي إن انتوا قلوا لها البنت مش هي راضيه أنا أخبر والله ماترضى ...


سميره: وأنا داريه إنها ماقد عترضاش بس كم عتجلس مهما كان عيجي لها وقت وعتتزوج وتنساه وتعيش حياتها عادها صغيره وعادها اللي عتبدأ حياتها بس قلت لوهو سابر يمكن ربي يحنن قلبها ❤️...


أحمد: خلاص تمام الموضوع عندي ..  أنا شبسر كيف وارجعكم خبر ... خرج من عندها وحط يوسف المكان اللي يشتي وقبل مايوصل عند صاحبه اتصلها 📱....


سلاف كانت جالسه في كافيه فالمول بتشرب قهوه ☕ امد ماسلا ومريم يشترين الفستان👗 والحاجات اللي تشتي .. شافت تلفونها 📱بيرن أحمد: يا حيا ...


أحمد يد ماسكه التلفون📱 ويد بيسوق: حياش وقواش .. كيف بنت عمي ...


سلاف: الحمدلله كيف حالك ..


أحمد: هذا صوتش خارج صح .


سلاف: أيوه فالمول  بين اشرب قهوه ☕.. سلا ومريم بيشترين حاجات وخرجني معاهن ..


احمد فرح إنها خرجت 😁: أيوه إبسري هكذا محلاش في اي مول أنتي ..


سلاف: في ال......


احمد: هااه يله عيس ع طريقي خلاص راعي شاجي إشتي أحاكيش في موضوع جديد وبيضحك 🤣..


سلاف: هيا ماقد معه بيضحك ..ماقد به ياموضوع جديد ..


أحمد: قد معش وبيضحك 🤣 راعي شاجي وافهمش .. غلق من عندها واتصل لصاحبه إنه عيتأخر شويه ..

@rewayatyamania المصدر الأول للروايات

في بيت هاشم 🏡  .

هاشم روح: هيا ماللبيت طافي أين البنات ...


أميره: خرجين مع مريم جت لهن سلا تشتي حاجات لعرس صاحبتها ..


هاشم فرح 😁:  سلاف خرجت معاهن ...


أميره إبتسمت 😊: أيوه قد فرحت حين رضيت تخرج لكن شرطت عليهن يشلنها تشتري حاجات تقسمهن لانيه خالد الله يرحمه ...


هاشم: الله يرحمه😔 ياررب هيا أين جاء أبوه يبسر  كيف بنتي عادها ع إبنه وقدهو يشتي يزوجها باأخوه ...


أميره إستغربت 😮: يززوج من ومن ...


هاشم: إبسرتي حين جاء يخزن هو جاء يحاكيني قال يشتي سلاف لإبنه مايشتيش مره إبنه تخرج من عندهم ...


أميره 🙉 خفعت وجهها بيدها: يوووه كيف ماتخرج من عندهم وماقلت له  وبعدا كيف لك ساكت ومخبي عليا ....


هاشم: أصلا موضوع مابش داعي أتحاكى منه جوابه واضح قلت ليش أشغلكن معي .. بس قلت أجلس حق إسبوعين ثلاثه هكذا وأرده خبر أقله إن سلاف مارضيتش ...

أميره مسكت يده 🤝🏻: قووى أنا فدالك والله لاتجنن بنتك لو تدرى يله قد انا فارحه هذه اليومين حين قد بتتحسن نفسيتها لاعاد نأزمها ...

هاشم مسك يدها وباسها 😘: إطمني مابش معي أغلى منها هي وسلا وأنتي طبعا ...

.......... .........


في المووول ...

أحمد إبسرها أشر لها 👋🏻 ودخل سحب الكرسي وجلس وهو مبتسم 😁....


سلاف بلهفه: ماهووو مابه ...


أحمد: الناس أول تعزم ع شي شربيني حاجه ع حسابش وبعدا شاقلش والا أتصل لعمي أقلهم ع طول ويشربوني هم 😜...


سلاف: يووه يا أحمد وقت ثقاله دمك صح .. ناهي اطلب اللي تشتي وشاحاسب بس قلي مابه ...


أحمد بيحانكها مسك المنيو يدور مايختار .. طلب 🍹 سن شاين ...


سلاف بضبح 😤: يله عتتحاكى والا ماشي ....


أحمد: خلاص حاضر 🍹 حط العصير من يده جالش عريس جديد لعند عمتش ومصيرش بيدي 😜...

سلاف بإستغراب 😨: عررريس ...




📚 @rewayatyamania  🇾🇪

.

البـارت 15 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلا بتتحانب هي وصاحب المحل ع الفستان 👗: يا أخي خلاص مدام ماجاء يشله بيعه لي والله إنه دخل نفسي قوي ...


صاحب المحل: ماينفعش يا أختي قد حط حجز بس مدري ماله تأخر ...


سلا: طيب هو تأخر خلاص ماتفعله تقطع رزقك وبعدا إسهل رجع له الحجز حقه وأنا قد شدفع لك قيمه الفستان كله 👗  قووى والله مادخل نفسي غير هذا الفستان في المول كله ..


مريم بتسحبها: بس هيا من اللغاجه عنسير ندور في مكان ثاني بطلي مراشاه قد بيقلش مدفوع فيه حجز صاحبه عيجي له ..


سلا بضبح 😤  والفستان في يدها: الله يشله هذا اللي جاء حجزه هو رجال مادخله يشتري فساتين👗 بنات افرضي ماعجبش اللي عيشتريه لها ياارب وهي حبيبته اللي اشتراه لها ومايعجبهاش وتقله ان ذوقه شوعه ويتصايحوا وتفلته ساع ما شحترم من هذا الفستان بسببه يارب إحرش بينهم  ...


صاحب المحل بيسمعها وبيضحك 🤣: هيا اوذا اللي بتدعي عليه مسنب وراش قدوذا جاء يشل الفستان..


حمزه... شاب طويل وسيم شعره أسود وعيونه سود مربي شنب ودقنه خفيفه 🧔🏻 ضحك🤣 وبيحاكي صاحب المحل هذه الدعاوي لي ..


سلا إبسرت لعنده وإبسرت مريم وخزيت 😅...


صاحب المحل ضحك 🤣: يا اخي مارضيت أبيع لها الفستان قدلها نص ساعه جالسه بتتراشاني تشله وانا قلت لها قدهو محجوز ...


حمزه ضحك 😁  مكنها: هاه شليه لاعاد تحرشيش بيننا وتفلتني ...


سلا ارتبكت 😅 بس فرصه ماتتعوضش سحبته: قل والله أشله ماعاد شارجعه ...


مريم سحبته من يدها 👗 ومكنته: العفو منك يا اخي لاتصدقهاش هذه مجنونه محد يعتب عليها اتفضل ..


سلا إكتسفت 😟 ولاعاد فتحت فمها بكلمه ...


حمزه: لالا والله الله المستعان قصدش من هي ومن أختي معي أخت ساعها مجنونه هكذا لذلك قد انا مقدر والله مايرجع خلاص تشله وبعدين أختي قد وريتها الصوره حقه قالت مايعجبهاش هذه الموديلات يعني أنا كنت جاي اغيره في كل الأحوال..


مريم واقفه قدامه: لا والله يا اخي خلاص شله أبرد منها حرام وقد دخل نفسك لاعاد تبررش وتقل ماعجبها حرام ...


حمزه: لا والله ماهو مبرر وإنه صدق ماعجبها وكويس جيت فالوقت المناسب علشان تشله قدهو من نصيبها ....


مريم: خلاص تسلم اذا والعفو منك ع كلام المجنونه هذه ..


شلين الفستان👗 وحاسبين وخرجين من المحل ومريم بتهزأها وسلا فارحه المهم اشترته وسارين يكملين يشترين بقيه الحاجات ...

@rewayatyamania المصدر الأول للروايات

في الكافيه ...

سلاف بصدمه 😨: أحمد هيا صدق تحاكى ..


أحمد: والله إنه صدق جارة عمتي سميره تشتي تخطبش لابن أختها وعمتي قالوا انش ماعترضيش بس قالوا لي أسال لو هو كويس عيجربوا يحاكوا عمي وبعدا القرار لش ...


سلاف: كيف القرار لي أنتوا كلكم داريين إن انا ماعد أشتيش أحد بعد خالد ولاعادنا ناويه أتزوج أبدآ ...


أحمد بيلعب بالمصاصه حق العصير 🍹: أنا معش في الوقت الحالي إنش زاعله ومحد يلومش وقد قلبش مكسور 💔  بس ياسلاف مهما مر الوقت أنتي عتتزوجي وعتعيشي حياتش وخالد الله يرحمه ماعتكمليش حياتش كلها هكذا ...


سلاف بعصبيه 😠: الإ شاكمل حياتي هكذا محد عيغصبني ع شي ماعاد اشتيش أتزوج أنا خلاص تزوجت بخالد خلاص قفلوا هذا الموضوع ولو أنا أهمك صدق يا أحمد اتعذر بأي شي لعمتي ولاتخليش الموضوع يوصل لبابا وقفلوا
هذا الباب نهائي...


أحمد: طيب حاضر من عيوني وأنا ليش جيت أحاكيش قبل ماافعل شي علشان أبسر ماعتقولي وأتصرف ع أساسه شاقول لعمتي إن الرجال مشو كويس ويعتذروا منها ولايوصلوش الموضوع لعمي ...


سلاف تنهدت وابتسمت 😊: شكرا يا أحمد تسلم قد بين اهرمك معي قوي ..


أحمد: بكره جمعه يعني عتهرميني سواء أهم شي البسي اللثمه😜 ..


سلاف: مااعه والله ماتشلني انت هي مره وفي إذني عيشلني يوسف ..


أحمد ضحك 😂:  يوسف الأخبل صح اللي بيخليش تسيري تجلسي براحتش المهم تجهزي شاجي لش بكره الساعه ٩ نسير بدري ألحق صلاه الجمعه ..  ووقف .. يله شكرا ع العصير بايو صاحبي مراعي وخلاص اطمني الموضوع شافركشه ...


سلاف: شكرا ..


احمد خرج من عندها وطول مابيسوق بيتمنى يلقى واحده تحبه هكذا ❤️ مثل حب سلاف لخالد ...
.
.

ع نزلتهن من المول ..

سلاف مطننه 🤔بتفكر في موضوع العريس وضابحه ومتجمله من أحمد كيف بيخلصها ...


سلا فارحه إنها اشترت الفستان بتخطى وتاكل 🍟 شبس ..


مريم إبسرت السياره وقفاها سياره 🚗 محوزه: يوووف 😤 من هو هذا اللي حط سيارته هانا إحنا والحواز ...


سلا: اقدمي شويه واكسري السكان وخرجتي ...


مريم بتضحك: ههه الله الله ع السواقه 😁 من أي حين قدش بتفهمي ..


سلاف: هيا من المجابره أنتي وياها خرجيها عاد احنا نشتي نسير نشتري الحاجات ...


مريم طلعت السياره 🚗 تخرجها ..


https://tttttt.me/+Ecxq_OzMYh40M2E0



📚 @rewayatyamania  🇾🇪