.

البـارت 16 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


مريم طلعت السياره 🚗 تخرجها ..


سلا بتحاسب لها  وتاشر بيدها 👋🏻: ارجعي ..


مريم بترجع 🚗 دكمت السياره الثانيه ...


سلا بتصيح لها: وقفي وقفي صددمتي 😅...


مريم من الربشه تشتي ترجع لاقدام ريوست وصدمت أكثر 😅..


سلاف ابسرتهن وضحكت 😅: شاطررات يله ماذلحين بقعتكن ..


حمزه نزل وقف مبلم 😨  بيتفرجهن وهن حانبات يخرجين السياره.. قرب لجنب سلا .. يعني هذه جزاتي تشلي الفستان وزيد تدقين لي السياره ..


سلا إبسرته وقرحت ضحك 🤣: والله ماهو أنا هي اللي ماتقدرش تسوق ...


حمزه رفع يده 👆🏻: حسبنا الله ونعم الوكيل من اين طلعتي لي اليوم ..خطي لعند مريم انزلي انزلي لاعد تنهيش السياره 🚗 شاخرجها لش أنا ...


مريم ابسرته وخزيت منه 🙈: أنا آسفه قد جسمها بيدخن من الإحرج والله ماهو بالعاني هي ماحاسبتش سواء يووه والخزا ماقرحت الإ في رآسك..


حمزه بيأشر بيده 👋🏻: انزلي انزلي ..


سلاف بتسأل سلا: من هو هذا 🤔..


سلا بتحكي لها الموقف اللي حصل وبتضحك ع مريم كيف قدهي عتموت من الخزا 🤣..


حمزه خرجها .. نزل وبيمكنها السويس 🔑 : قووى مره ثانيه لاتكنش توقفي في مكان زحمه كون دوري لش بقعه فاضيه ...


مريم إصترعت 😅: أنا آسفه ذلحين
شاصلحها لك ..


حمزه بيبسرها بضبح 😤: روحي الله معش لاتصلحيها ولا ..


مريم بإصرار: ماشي والله أنا خربتها شاصلحها لو سمحت ادي لي رقمك وسجل رقمي علشان تبسر بكم ماعيطلع سبرتها وانا أحاسب والا لو تشتي نخطى لعند السمكري ذلحين ...


حمزه: يا أختي خلاص سامحش الله الله معش بس . 


مريم خرجت تلفونها 📱: ماشي لوسمحت كم رقمك أسجله أرن لك وتتصلي تقلي بكم سبرتها..


حمزه ضحك 🤣: يله شكلش مزلطه ملاها الرقم  وطلع سيارته ومشي .


سلا طول الطريق وهي بتضحك😂 عليه ومافعلين به اليوم ..

@rewayatyamania المصدر الأول للروايات


ثاني يوووم الصبح🌞..

سلاف عادها راقده رن تلفونها📱 سحبته بدون ماتقرأ الإسم: بصوت منعس ألووو..


أحمد: يهي يهي والكسل 😁 قلت لش تتجهزي بدري إشتي ألحق صلاه الجمعه ...


سلاف ركزت إنه أحمد: اوووف منك هو أنت 😤 قلت لك عيشلني يووسف ...


أحمد: يله قومي إلبسي شررق واتلثمي أنا خارج باب البيت ...


سلاف بصوت نووم🥱: يا أحمد عاده بدري وماقد اصتبحتش ولا لبست ...


أحمد: معش ١٠ دقايق يله بسرعه البسي واخرجي ولارجعتي ششتري لش سندوتش من الطريق 🌭..


سلاف قامت تلبس بسرعه .. وخرجت لعنده وهي منعسه وبتتحانب معه ليش يجي هو ...


أحمد خطي من جنب مطعم إبسر مكتوب كباب بلدي 🧆.. وقف ونزل إبسر معاهم قسم عوائل سار يدعيها ينزلها يصبحها ....


سلاف في المطعم ع مايوصل الأكل ...بتتفرجه وتتقعم 🥱: أخر مره تشلني أنت بكر بي سعم إن احنا عنسير نفتتح المقبره ..


أحمد بيحانكها ورفع حواجبه 😌: أيوه نسير وعاد الدنيا فاضيه مش والشعب كله هاناك يتفرجش ...


سلاف: قدوذا لثمتني ماعاد عيتفرجوا فيني ...


أحمد: ولوو هكذا ممنوع ماعادبش سيره الإ بحين وزيد ملثمه والا شاحارش لعند عمي وأقلهم العريس ضخم وضحك 😂..


سلاف بهررت 😳: بطل هباله لكن .. ماسدينا ..


أحمد: ياسلاف طيب أنا مقدر وضعش بس خلينا نتكلم بالعقل لو الشخص مناسب ليش ماتفكري انتي عتتزوجي كم ما جلستي انا معش هذه الفتره عاد قلبش مكسور بس مش كل مره أنا شدرى واخلصش منه عيجي وقت وعمو يدحسوش تتزوجي ..


سلاف وطت راسها 😔: أنا خلاص ماعاد أشتيش أحد ولاعاد قلبي عيقدر يحب حررام أتزوج بحد وأظلمه معي ماذنبه يعيش مع واحده قلبها❤️ مع واحد ميت ..


أحمد: بس قلبش ❤️ عيرجع ينبض إذا الشخص بيحبش وربي عيعوضش ..


سلاف تشتي تغالطه: هيا ذلحين عيدوا الأكل 🧆 والا نمشي عنتأخر بعدا ونسير وقدهي زحمه ...


احمد حس إن الكلام ضايقها: طيب الآن أبسرهم وقام يبسر الأكل ...
.
.


بعد إسبوع ...

في الشركه 🏢...

أحمد بيحاكي الموظف: سير إدعي السفيره عزيزه 😂 قلها تجي معي شنزل الموقع ...


الموظف إستغرب 🤔: السفيره عزيزه من قصدك ...


أحمد وقف وحاطط يده ع المكتب ضحك 😂: من معانا في الشركه غيرها سهام قلها قلش البشمهندس أحمد تتجهزي عتنزلي معه الموقع حق المشروع ...


الموظف واقف في يده ورق ضحك 😁: امانه لاسخيت عليها تنزلها بين الشمس عتحرق علينا مابش معانا وجه رضي في الشركه إلا هي ...


أحمد خطي لجنبه وخفعه بيده في كتفه 👊🏻: كان قلت لي بتفتجع عليها لاتسود هاه وبهنجمه 😠  أخطى أدعيها لا أحرقك أنا ...


الموظف ضحك وسار يدعيها 🚶🏻‍♂️...



سهام كانت جالسه ضابحه مادريتش ماتفعل خرجت المرآيه 🪞 وبتصلح مكياجها 💄..


الموظف دخل إبسرها إبتسم 😄: هيا قوومي لاعاد تزيديش السبكه البشمهندس أحمد نزل مراعي لش تنزلي معه الموقع حق المشروع ..




📚 @rewayatyamania  🇾🇪

.

البـارت 17 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سهام كانت جالسه ضابحه مادريتش ماتفعل خرجت المرآيه 🪞 وبتصلح مكياجها 💄..


الموظف دخل إبسرها إبتسم 😄: هيا قوومي لاعاد تزيديش السبكه البشمهندس أحمد نزل مراعي لش تنزلي معه الموقع حق المشروع ..


سهام خزيت منه 😅حطت المرايه والروج من يدها: هااه يله تمام الآن شنزل كملت تزيد تتصلح وتتعطر ونزلت ..


أحمد إبسرها جيه .. عوج فمه 😏: شكلنا عنسير نتعرس ماعننزلش موقع ..


الموظف ضحك 😅: أمانه خليها من الدحس قلت لك ماعدبش وجه رضي في الشركه الإ هي ...


أحمد: ذلحين كيف عتطلعي معانا فوق الشاص وأنتي بهذه العبايه عتمتهد 😂 حتى لو طلعتي قدام قدهي متربه ..


سهام بغرور 😌: من قال أصلا إن انا شطلع معاكم أنا شلحق بعدكم بسيارتي 🚗 فلتتهم وطلعت سيارتها وخطيت بعدهم ...


.......... .......... .........


في بيت مريم 🏠...

مريم كملت تساعد أمها في رفاع البيت ودخلت غرفتها .. مسكت تلفونها 📱 جالسه متردده  تتصل أو لا ليش ماعد إتصل يقلها بكم خايفه تتصل يقل إنها بتتعذر وفي نفس الوقت تدعمم يقل إنها هربت من الزلط ... تشجعت وإتصلت له  ...


حمزه كان في السياره مع صاحبه 🚗 وفاتحين أغاني رن تلفونه شاف رقم مش مسجل لأنه ماسجل رقمها هذك اليوم .. رد ألوو ..


مريم بصوت مستحي: سلام عليكم ..


حمزه: وعليكم السلام .. من معي ..


مريم: أنا اللي صدمت سيارتك 🚗فالمول  مراعيه لك تتصل تقلي بكم صلحتها علشان أدفعها لك وأنت ماعاد  كلمتني ...


حمزه ضحك 😂: هااااااآه عادش ذاكره قد نسيت قد صلحتها خلاص وكملوا الناس ...


مريم: هاااه طيب لو سمحت كم كلفتك ..


حمزه: يووه من دحس النسوان خلاص يا أختي قلت لش قد سبرتها المهم مره ثانيه لاتكنش تخلي هذك اللقنه تحاسب لش وضحك 😂...


صاحبه بيتفرجه مستغرب بيسأله من 🤔...


مريم خزيت 😅: خلاص توبه في إذني أزيد أخرج معاها .. عموما مشكور وتسلم وربي يعوض عليك ...


حمزه: شكرا لش ع وفائش ومادعممتيش لكن والله انها عيبه في حقي أشل من مره .. المهم خير وكون انتبهي .. في آمان الله ..


مريم: مع السلامه غلقت وهي خازيه 😅 وإتصلت لسلاف تحكي لها ...

@rewayatyamania المصدر الأول للروايات

في الموقع .. 

أحمد بيتفرج الشغل ويتفقده 👷🏻‍♂️..


سهام بتخطى وتحنب ماقدرت تخطى بين الحجار والحديد والإسمنت بالكعب 👠...


أحمد بيتفرجها ويضحك😂 ..صيح لها: قلت لش ماعنسيرش نتعرس إحنا نازليين موقع حسبي الله في من طلعش مهندسه وإدى لش شهادة تخرج ..


سهام ضبحت منه 😤: أوووف ومسكت نفسها بتحاول تخطى سواء لاتخليه يضحك عليها . 


أحمد بيتكلم مع العامل بيشرح له مايفعل ...


العامل مش هو حسه معه خالص عيونه ع سهام 😍...


أحمد ركز عليه صيح فوقه 😡: يييه من بين احاكي عتركز في عملك والا الله معك شليت حسابك ورحلك ...


العامل خزي 😅: هااه مع مه معك أيووه ماقلت ...


أحمد كمل يفهمه وخطي لعند سهام 🚶🏻‍♂️: إسمعيني يابشمهندسه أول وأخر مره شاقلش هذا الكلام  هذا مكان شغل يعني الحفله اللي في وجهش تمسحيها والجزمه هذه  تلبسيها في بيتكم مش هانا إحنا جينا نشتغل ماجيناش نتعرس😡  ...


سهام إنصدمت من كلامه 😳 ردت عليه ع طوول: مادخلك أنا حره ألبس كيف ماأشتي أنت اللي لك عندي شغل وبس مالك دخل بلبسي ...


أحمد بضبح 😤:  آااها طيب يله ياشغلش أشتيش تطلعي للدور اللي طالع تشيكي ع العمال وتبسري ماقد فعلوا وتقدمي لي تقرير ...


سهام إبسرت وان العمال بيطلعوا بسقاله خشب ماقدهوش الدرج جاهز 😳 تشتي تتكلم .. كيف أطلع السلام...


أحمد قاطعها: أنا أعرف شغل وبس يله أشتي شغل استعجلي معش ١٠ دقايق تشيكي عليهم وأول مااوصل الشركه ألقى التقرير قدامي فلتها وخطي 🚶🏻‍♂️...


سهام ضبحت منه 😤  وبتحاكي نفسها من يقلوا له تخايله ماشقدرش أفعله تقرير ولا أشيك ع عمال طيب هو عيبسر ..  بتتحانب هي وجزمتها 👠 وهي بتطلع السقاله نكعت واعتاصت رجلها جلست فالارض تبكي 😭 وحاولت تسحب نفسها للسياره وشغلتها ومشيت ...


أحمد شافها ضحك 😂  فرح فيها تستاهل أمانه تبطل الزنط حقها وتتعلم كيف يلبسوا حين ينزلوا الشغل ذكر سلاف🤔 إن الموقف هذا عيضحكها إتصل لها يحكي لها   ...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 18 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


في بيت سميره 🏠 ..

سميره جالسه مع جارتها جت عندها تتقهوى ☕  بعد ما اتصلت لها تجي..


جارتها في يدها البن ☕:  هيا مه بشري ماقالوا ...


سميره: والله ماقلش الإكل خير يا أختي البنت رافضه الموضوع من أساسه مارضيتش تدي مجال لحد حتى يناقشها ...


جارتها بززعل 😔: يووه ليش هكذا مالها زيدت بها طيب وأخوش عاد له كلمه ..


سميره: حتى أخي والكل قال ع ماتشتي بنته ماعيسخاش يزعلها كما قد جبر كسر قلبها 💔 من وقته..


جارتها بضبح 😤: خيرة الله مابش نصيب الله يرزقه ببنت الحلال وهي ربي يعينها يله كان خاطرش لاعاد أشغلش تقومي تبسري عملش ...


سميره: مسرع إجلسي نتجابر ..


جارتها: مع قدو وقت يله مع السلامه لبست لثمتها وخرجت ...


سميره ضحكت  ههه يوه لو تدرى ان انا ماعد حاكيت أخي ماعد صديت حين قلي أحمد إن أبن أختها الكل بيشكي منه حق مشاكل 😅...

.
.


عدت أيام بدون أحداث مهمه ..

سلاف.. بدأت تتحسن بس الحزن كاسر لها 💔


سلا.. مأجزه من المدرسه فارحه عتدخل ثالث ثانوي وتخلص مدرسه ..


أحمد.. في مناقره هو وسهام 😅..


مريم.. بتقلب في تلفونها 📱وتشوف حالات الواتس لقيت حاله لحمزه فاعل فيها صوره له وكاتب ياجماعه من يعرف أحد فنان يقدر يرسمها لي بكم مايشتي .. ذكرت سلاف إتصلت لها ع طوول ...


سلاف كانت فالمطبخ دخلت تفعل كيك 🥧 سمعت تلفونها بيرن خرجت تشله: ألووو ..


مريم: سلااافي أنتي أختي وصاحبتي وحبيبتي صح 😅..


سلاف ضحكت: اللي بعده ع طول أعرف هذه الحركات ماقد معش ماتشتي ...


مريم ضحكت: هههه😁  فديت اللي يفهمني أنتي حقنا الفنانه الرسامه المبدعه ..


سلاف: إدخلي في الموضوع ع طول الكيكه عتحرق 🥧..


مريم: تذكري هذك اللي صدمته بالسياره 🤔 اوذك مارضيش يشل زلط اليوم بين اقلب في التلفون لقيته فاعل حاله بيدور أحد يرسم صورته قلت أتجمل معه وأخليش ترسميها واديها له بدل الزلط ...


سلاف: آااها الجماله لش والتعب عليا 😁...


مريم: ياسلافه هيا من اللكاعه شارسلش الصوره ذلحين وحاولي ترسميها سريع قدهو بحق ماقد فعلت به أنا وسلا 😅...


سلاف: رسليها ..حسبي الله ونعم الوكيل فيكن ...


@rewayatyamania المصدر الأول للروايات

في بيت احمد 🏠.....

أم أحمد بتتجابر مع أبووه: لو تبسر أمس ع ٢ بنات لقيتهن في العرس يجننين ماشاء الله خووات ساع القمارى عجبني قووي قد سألت عليهن بنات من قلت احاكيك ونحاكي العيال ماعاد به قدهو وقت نخطب لهم ونزوجهم قد احمد مهندس وموظف ويوسف أخر سنه له فالجامعه ...


أبو أحمد: ماشاء الله بنات من وبعدا مشو الجمال أهم شي كيف الأهل والأخلاق ...


أم أحمد: بنات ال.... أنساب بنت إبن عمي ..


أبو أحمد: آها أيووه عرفت أبوهن أعتقد قد أبسرته في بيت عمش  ..


أحمد بيغلق باب البيت 🚪 بيداعي: يا أمه جااوع عتغدوني  ..


أم أحمد: حيا حيا بالجاوع ماذلحين قدوذا عتخطب لك ونزوجك وتكن تغديك 😉...


أحمد دخل جلس جنبهم مستغرب 😳: تزوجوا من ..


أبو أحمد إبتسم 😁: هذه أمك لقيت لك أنت وأخوك بنات قالت نخطب لك ونزوجكم ...


أحمد إبسر أمه 😟: ماهوو من تزوجوا ليش أي حين قلت لكم إشتي أتزوج لاتدوروا لي ولا تتعبوا نفسكم وقت ماقد انا اشتي أتزوج شاقلكم ويوسف عندكم إسالوه لو يشتي أخطبوا له ..


أمه إكتسفت ☹️: ليش يا إبني هكذا نفسي أفرح فيك إلا لو في نفسك أحد تحاكى ونخطبها لك ....


أحمد بربكه 😅: هاه ماشي مع مابش احد في نفسي بس ماقد أشتيش وقت ماقد أقرر شاحاكيكم ..شدخل أبدل قوى ميت جوع أمد ماتدوا لي غداء وحب أمه في رآسها 😘 ودخل غرفته ...


أبو أحمد إبسرها بضحكه 😄: والله إن إبنش في رآسه مووال بس إسهل عندرى كم ما جلسنا ...


أم أحمد وقفت تسير تجهز له الغداء🍱: الله يسخر له من يشتي بس يتحاكى إشتي أفرح به هو وأخوه ....


أحمد دخل غرفته بيبدل ذكر سهام كيف لما طحست وإنها ماعد داومت رجلها مجبسه رسل لها يستفزها الناس لما تغيب تشل إجازه مش تغيب بمزاجها 😅...


حط تلفونه بيبدل وصلته رساله ضحك ههه يعلم الله ماقد عترد تتليقن فتح تلفونه لقي رساله مكتوب فيه ( يا أحمد إشتي أقص شعري جي وصلني عند الكوافير مريم معاها عرس ماعتقدرش تشلني 🙈)..


ضحك 😂 ورد عليها: حاضر قد انا السواق الخصوصي أوصل وغصب عني أنا اللي حكمت ع نفسي 😅...




📚 @rewayatyamania  🇾🇪

.

البـارت 19 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


بعد العصر ..

في بيت هاشم 🏠..

سميره مسنبه باب الغرفه حق سلاف بتبسرها  بتلبس البالطوه: يابنتي قوى لاتقصيش إبسري محلاه طوويل .


سلاف مبتسمه 😊: ماشي ماعد أشتيش طويل تعبني وبعدا خالد وعدني إنه عيخليني أقصه بعد العرس واخترت أنا وهو هذه القصه وبتوري أمها صوره القصه ...


سميره بلمت 😳: يوووه ماهو هذا الجنان مابش قصه هكذا أنتي بعقلش ماعاد عتخلي فيه عتوقعي ولد حرام عليش إبسري لين شعرش طويل ...


سلاف رن تلفونها 📱: يله مع السلامه إدعوا لي قد أحمد خارج وشاقصه هكذا حبتها في راسها 😘 ومشيت... رجعت من الباب هاااه قلوا لسلا نسيت مريم عتمر لها بعد نص ساعه علشان العرس خرجت بسرعه وطلعت السياره 🚗 غلقت ع حقها البالطوه رجعت تفتح الباب تسحبها .


احمد لفت لها: 👀  عاد الناس يقلوا سلام مش يطلعوا ع طول يصروعوا الأبواب ...


سلاف خزيت 😅: حنبت حقي البالطوه آسفه... كيف حالك


أحمد: بخير .. ذلحين قلي لي ماصنف لش تقصي شعرش أحلى مافي البنت شعرها الطويل ....


سلاف: أصلا تعبني طويل قوي لخصري ويشتي إهتمام وأنا هذه الفتره يله بنفسي وزيد أنا كنت مختاره قصه أنا وخالد وعدني يخليني أقصها قلت أقص ع ماكان يشتي  ...


احمد بهنجمه 😠: منش صدق طويل لاخصرش وعتسخي تقصيه إسكه وريني القصه اللي عتقصيه ..


سلاف فتحت تلفونها 📱 بتوريه ...


أحمد وقف السياره 😲: أنتي بخير صح مش انتي مريضه .. مالش للجنان هذا والله لو ماعدبش فيش ذرة عقل تقصي هذه القصه شعري اطول منه .. 


سلاف ضحكت 😅: ليش والله ان انا عاقله ...


احمد بهنجمه 😡: سلااااف مابش قصوص مابش كوافير ...


سلاف: يووه 😲 أحمد مالك ..


أحمد: ماهو مالي... قصي قصه ساع الناس مش هذه لو سمحتي ياسلاف لاتزعلنيش منش ...


سلاف: طيب وليش تزعل مالك شعري ...


أحمد بزعل 😔: ناهي شعرش بس أمانه لاسخيتي عليه لو سمحتي غيري شكله تمام قصيه بنفس طوله والا قصريه شويه قد إسمش خورتي بس مش هكذا ...


سلاف ساكته مطننه 🤔  بتتفرجه .. بتحاكي نفسها ماله هذا  زاعل منه صدق ..


أحمد شغل السياره وخطي 🚗 : خلاص أنتي حره افعلي ماتشتي أين الكوافير ...


سلاف: في شارع ال....  مركز ال.... للجمال...


احمد بيسوق وهو ساكت ضابح 😤..


سلاف بتحسه زاعل وقفت عند الكوافير ونزلت ...


احمد مراعي لها فوق السياره 🚗 لما تخرج بيتسمع أغاني 🎼 .. وصلته رساله من سهام ( انا حره أداوم ع مزاجي وبعدا مش لازم أخذ منك إذن يكفي مدير الشركه عارف إن انا رجلي مجبسه بسببك ) ..


احمد ضحك ههه ورسلها ( مشو بسببي ولا تتعذري مابلا بسبب الكعب 👠 اللي نزلتي به الموقع تتعرسي لو بتلبسي ساع خلق الله إن رجلش بخير )...

@rewayatyamania المصدر الأول للروايات

سلاف بعد ربع ساعه خرجت كان المحل فاضي فتحت الباب حق السياره 🚗 وطلعت ...


أحمد كان ماسك تلفونه 📱 مبتسم بعد مارد عليها: لفت لعندها خلاص افتهنتي ماذلحين قدش صاحبي صح ..


سلاف بتصلح الطرحه حقها: ماشي مش انا صاحبك ماسخيت عليك لما إبسرتك زاعل هكذاك قصيته مدرج بنفس طوله 🥴...


أحمد فرح 😃: قلي والله ..


سلاف: والله .. بس مره ثانيه شاقصه نفس هذك القصه تمام اليوم بس رحمتك ...


أحمد ضحك 😂: إسهل المره الثانيه عنرجع نتفاهم .. ذلحين مكأفاه لش لأنش ماقصيتيه أتخوري أي شي وأنا أشتري لش ...


سلاف: تسلم مش انا خاوره شي ...


أحمد: خلاص أنا شاخورش أنا  ع ذوقي لأنش سمعتي الكلام ...
وصلته رساله ..


سهام ( ههههه تشتيني ألبس مثل العسكر صح آسفه هذا لبسي وماشاغيره علشانك ) ..


احمد قريها وضحك 😂 رد عليها (ليش تغيريه علشاني أو أنا حبيبش ومش انا داري الله يزكيش عقلش ) ..


سلاف حست  من إبتسامته وتعابير وجهه إنه بيحاكي بنت لفتت له 😒: حبيبتك ...


أحمد ضحك 😂😂: هآه إقري إقري أمانه هذه اللي قلت لش المهندسه اللي  في الشركه وبيحاكيها عليها ....



عزمها ع محل  أيس كريم 🍨 وروح وهو فارح إنها ماقصت شعرها وسمعت كلامه ....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 20 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


بعد إسبوع ....

سلاف.. رابطه رآسها مصدعه 🤕  .. بتلوي في الصاله  ...


سلا.. روحت من المدرسه بتدقدق الباب 🚪 قوي ...


سلاف فتحت لها: مالش بترزوعي الباب هكذا عتكسريه  ..


سلا: الكلاب بيلاحقني 😭 إفتجعت ..


سلاف ضحكت😂: كيف لش إفتجعتي سعم أنتي تفجعي قريه كنتي عترجميهن بحجره وهن عيهربين ...


سلا بهررت عيونها 😳: أنا أفجع طيب ياسلافه لاراحت لش وبتداعي أمها .. ياماما الكلاب فجعني ...


سلاف خرجت تلفونها 📱 تتصل لمريم: هيا أين قد أنتي عتجي للبورتريه حق الأخ هذا اللي مدري بسمه ...


مريم ضحكت 😂: تصدقي والله إنه صدق مدري بسمه شسأله لما أمكنه ... إفتحي الباب قد أنا قريبه ...


سلاف دخلت لغرفتها تخرج الرسمه وحطتها فوق الكرسي لما توصل مريم ..


اميرة بتداعيها: ياسلاف .. جي لعندي أوريش هذا الموديل قبل ما  أطلبه ..


سلاف سارت لعندها بتتفرج معاها الصور حق الموديل فالتلفون 📱 سمعت الباب بيدقدق ✊🏻  لفتت لسلا: أمانه سيري إفتحي الباب لمريم أمد ما اكمل أبسر مع ماما ...


سلا سارت تفتح الباب 🚪: إبسرته إبتسمت 😁 أهلا ...


أحمد خفعها في رآسها 👋🏻: يفتحوا الباب بدون مايسألوا من أفرضي يطلع أحد ثاني والا من هذولا العصابات ...


سلا ضحكت 🙂: هيا ناهي العصابات عتفلت الناس كلهم وتجي لعندنا وبعدا يجوا عادي أنا مابين افتجعش أنا سمخه  ...


اميره سمعت صوته خرجت لعنده لأنها إتصلت له يجي يحول الزلط حق الفستان .. ضحكت ع سلا: ايووه يا أحمد مابتفتجعش خالص ولاعاد الكلاب نكعين قلبها قبل شويه 😜. 


أحمد ضحك عليها وغمز لعمته 😉: هي سمخه هيا مه هههه .. فلتها ودخل جلس فوق الكنبه هيا ادي لي قلص عصير 🍹 قد انا حامي شمس ..


اميره: يله اقطبي إدي له وأنا أدخل أدي لك الزلط لا أخرك قد بنشغلك خيرات ...


أحمد: ياعمه بطلوا تقلوا هكذا لو سمحتوا أنتوا داريين إنه ع قلبي❤️ مثل العسل ..


اميره: الله يجبرني بعافيتك انت ويوسف صدق ما اداليش الله عيال وعوضني بكم .. دخلت تدي الزلط 💸...

@rewayatyamania المصدر الأول للروايات

أحمد إبسر  اللوحه فوق الكرسي هذه أكيد رسمه جديده لسلاف  ..قام بيتفرجها بيحاكي نفسه 🤔: من هو هذا  اللي رسمته ...


مريم إبسرت الباب🚪 مفتوح دخلت بتداعي: ياأهل البيت أين جيتوا إكسري لي طبق بيض جيت بسرعه.. إبسرت أحمد قدامها خزيت 🙈 ..


أحمد إبسرها رجع للجهه الثانية بيداعي: ياسلاف جاوبي ولفت لمريم إدخلي هم داخل ...


مريم دخلت لعند سلاف  للغرفه .. بتضحك 😂: الله يقلعش ليش ماترسلي لي أن أحمد هانا قد دخلت بين اصيح وأتبدع قدامه ...


سلاف ضحكت 😂: يله عيس يعرفش ع حقيقتش هو مابببسرش الإ عاقله ...


مريم: ناهي ياعاقله أين اللوحه قد انا متشوقه أبسرها ..


سلاف: قد حطيتها لش فوق الكنبه خارج راعي شخرج اديها لش وخرجت سلمت ع أحمد وشلت اللوحه ومكنت مريم ..


مريم واقفه عند الباب عتروح 🚪 مسكتها بتتفرجها ابتسمت 😁: يووه كأنه هو هذا وأنتي ما إبسرتيه الإ يوم وركزت وطت صوتها لما ابسرت أحمد بيبسرهن .. كأنه نفس الصوره طبق الأصل ذلحين كيف أتصل له وأشلها له والا أحطها في مكان هدايا وأدي لهم رقمه ويتصلوا له واكتب له كرت بس  .


سلاف بصوت مسموع  بتحانكها: حطيها في محل هدايا وإدي لهم الرقم واكتبي له فالكرت من سلاف 😜.


أحمد مركز معاهن قلبه بياكله من هو هذا وليش سلاف عترسلها له .. وهو مركز معاهن قاطعته اميره ..


اميره: ها إبني هذه الزلط💸 وهذا رقم الحساب ...


أحمد: طيب تمام الآن شاشلها ...


مريم شلت اللوحه وروحت ..


أحمد خرج وبيفكر 🤔طول الطريق معقوله قد سلاف تعرفت ع أحد بس اوذا زاعله ع خالد من هو هذا ....

........ ........ .........


في المستشفى 🏥...

الدكتور فك الجبس لسهام: إسكه إدعسي عليها بس خفيف ..


سهام نزلت رجلها من فوق السرير .. واستندت ع صاحبتها 👭بتحاول تدعس عليها .. 


الدكتور: أيووه هكذا تمام حلوو ماذلحين كن أخطي عليها بس ماتدعسيش قوي وجزماتش كلهن فلات لما تتحسن ...


سهام: طيب .. سؤال يادكتور عادي لو نزلت العمل والا عادنا أحتاج رآحه ..


الدكتور: لا خلاص عادي داومي بس أهم شي ماتضغطيش عليها قوي وتمشي مسافات طويله يله الف سلامه عليش وخرج يشوف المرضى ...


سهام لفتت لصاحبتها 😌: الله يعني شرجع أداوم والله لاوريه اللقانه عليا ماذلحين سواء ...


صاحبتها ضحكت 🤣: اهم شي جزمه فلات سمعتي ههههه ...


سهام سانده عليها وبتخطى 👭: مع طريقنا وقفي في اي مول اطلعي أشتري لي جزمات ....


https://tttttt.me/rewayatyamania/45109




📚 @rewayatyamania  🇾🇪

💛

بـارتـات يـومنـا الاثنيـن 👆🏻😍

.

البـارت 21 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


مريم وصلت لعند محل هدايا: لوسمحت ممكن تغلفها لي ...


صاحب المحل: 😍  ماشاء الله من الفنان اللي رسمها كأنها عتنطق ممكن أسمه او اسمها التوقيع حروف بس ..


مريم ابتسمت 😁: صاحبتي هي ماشاء الله عليها رسامه...


صاحب المحل: ماشاء الله رسمها فظيع 😍 لو عترضى نكون نتعامل معاها لو احد يشتي هدايا رسومات...


مريم: هي مابترسمش لحد بس لأن انا صاحبتها .. بس فكره 🤔  شاحاكيها لو عترضى تكون تشغل نفسها ...


صاحب المحل: خلاص والتغليف هديه مني 🙂 وتضبطيها لي تخليها توافق ...


مريم: مع غلفها بحسابها لأنه ما اركنك أنها توافق هي عنيده بس وعد لا اكلمها ...


صاحب المحل: وحتى إذا ماقبلت نكسبش زبونه للمحل وطلع احلى غلاف وبيغلفها 🎁..


مريم: طيب ممكن كرت اكتب عليه وتتصلوا لصاحب هذا الرقم وتوصلوها له ...


صاحب المحل: مكنها الكرت ✉️ وسجل رقم حمزه ...


@rewayatyamania المصدر الأول للروايات


في بيت أبو أحمد 🏡 ..

يوسف بيتقلب ويغطي رآسه بالوساده ماقدرش يرقد 😴.. بعد البطانيه وخرج من غرفته دخل لعند أمه: يا أمه قوى ابسروا حل لبنتكم هذه جننتني سجلوها في حضانه بدل اللعب هذا كسرت راسي ...


أم أحمد في المطبخ بتصلح الغداء 🥘 ضحكت 😂: محسسني إن عاده صبح ماقدهوش بعد الظهر ..


يوسف مرتزح عرض باب المطبخ 🚪بيتقعم 🥱:  هو فرحت ان الدكتور ماعيجيش قلت أرقد اليوم قد انا تاعب كل يوم جامعه وقومه بدري ..


أم أحمد: يله آسهل وبعدا لاتكنش تخلي طبعك صغير شويه وقدهم عيالك بيلعبوا كودك تتعود ..


يوسف: أين عيالي بدري عادنا يله الإ شبسر حياتي وأعيشها قلك امي عيالك...


ام أحمد حطت الملعقه من يدها 🥄: هيا ناهي قلك بدري الصدق انا عجبني بنات واشتي اخطب لك أنت واخوك ..


يوسف ررفع يده 💁🏻‍♂️: هيا ناهي قلك يخطبوا لي أوذك احمد عندكم اخطبوا له مانا محد يحاكيني بدري عليا...


أم احمد بضبح😤: هيا ناهي احمد يقل اوذك يوسف وانت تقل اوذك احمد محد يشتي يفرحني ..


يوسف يشتي يتهرب من الموضوع: شدخل افعلي دش أصحصح اطير النوم 😴 فلت وخطي...


أم أحمد ضبحت وسارت تبسر بنتها👧🏻: ابردي يا بنتي منهم شكلي شازوجش انتي قبلهم .....


....... ....... .......


في عمله...

حمزه منهمك في الأوراق اللي قدامه بيسجلهن فالكمبيوتر 🖥️.. رن تلفونه 📱  رد: ألووو


صاحب المحل: الو سلام عليكم ..معاكم محل .... للهدايا معاك هديه عندنا 🎁 ممكن تمر تستلمها ...


حمزه إستغرب 😳:  هديه لي أنا متأكد يا أخي ..


صاحب المحل: أيوه هم ادوا لي هذا الرقم ...


حمزه: طيب من من أيش الهديه 🤔..


صاحب المحل: الهديه فيها كرت عتعرف لما تستلمها عنواننا في شارع ال... ممكن تمر أي وقت وتستلمها....


حمزه: طيب خلاص قدنا شاروح من الشغل بعد شويه وامر لعندكم إن شاء الله ...


......... ........ ........


أحمد كمل يحول الفلوس و قلبه جالس ياكله ❤️ من اللي رسمته سلاف خرج تلفونه 📱 واتصلها ...


سلاف ممدده في سريرها لو الصداع🤕 عيخف شويه بعد ماشربت حبه 💊 ... سمعته بيرن ماردت ..


مريم بتتصل 📱 لسلاف والكل ..


سلاف سمعت التلفون بيرن مره ثانيه 📱 سحبته تجاوب: ماقد معش ياشغله والا قد صدمتي واحد جديد وتشتي ارسمه ..


مريم ضحكت 😂: مع إطمني إديت لش عمل إبسري كيف روجت لرسمش صاحب المحل عجبه قوي رسمش قال يشتي يتعامل معش تكون ترسمي لهم الهدايا...


احمد رجع يتصلها 📱التلفون مشغول ضبح 😤 من بتحاكي وأنا ماجاوبتش . 


سلاف: أشتغل معه 🤔 مدري أصلا ماقد فكرتش أبدا ..


مريم: هيا فكري أمانه وقدهو تشغلي وقتش ومتعه في نفس الوقت ..


هاشم قاطعهن دخل: هيا مالها حبيبه أبوها مابيوجعها...


سلاف: هاه مريم خليني أبسر بابا وشرجع اتصلش ...


هاشم حبها  في راسها 😘: هيا ماله راسش ..


سلاف: مدري ماله بيوجعني قد شربت حبه 💊 ومانفعش  .


هاشم: يمكن انش مهبطه ماعد بتاكليش سواء هيا قومي معي نتغدى..


سلاف خطيت معاه وبتحاكيه من اللي قالت لها مريم وفلتت تلفونها فالغرفه 📱...


احمد رجع يتصل لها بيرن 📱 ماردت ضبح وغلق 😤 رجم التلفون للكرسي الثاني.. أنا مادخلني ذلحين بين افور هكذا تحاكي من تشتي وترسم من تشتي ...


ذلحين مالك يا احمد معصب إذكر الله 😉





📚 @rewayatyamania  🇾🇪

.

البـارت 22 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


بعد ساعه .. 

في المحل ....

حمزه دخل محل الهدايا 🎁 سلام عليكم: لو سمحت أنتوا أتصلتوا لي معي هديه عندكم ...


صاحب المحل أول ما ابسره 😳: اوووف ماشاء الله كأنه انت عتنطق ...


حمزه إستغرب 🤔: كيف شنطق ...


صاحب المحل خرج اللوحه مكنه: هاه تفضل هديتك 🎁..


حمزه مسكها شلها🎁 .. بيقرا الكرت✉️ مكتوب ( بما انه مارضيتش تشل فلوس السياره حبيت أقضيك بعد ماشفت حالتك إنك نفسك أحد يرسم صورتك ) إبتسم 😁 يووه هذه اللي صدمتني  ...


صاحب المحل: مدام إبتسمت أكيد عرفت من من .. هيا أمانه قلها قوى لاتنسى ماتحاكي صاحبتها ع ماقلت لها تكن ترسم لنا نسيت ما أشل رقمها علشان أعرف ماعترد عليها 🤔...


حمزه ضحك 🤣: اول خليني أذكر أنا أين هو رقمها والله ماعد لي علم ..


صاحب المحل في نفسه هذه شكله حق مزز ماعد دريش من هي منهن 😏...


حمزه شل الرسمه وخرج بيدور في تلفونه 📱 في سجل المكالمات لاهو عيدرى أين هو رقمها مادريش ...

@rewayatyamania المصدر الأول للروايات


في بيت أبو أحمد 🏡...

أحمد روح ضابح عيقرح 😤 دخل البيت مارضيش يتغدى دخل غرفته يرتاح ...


أبو أحمد لفت لعند مرته 👀: وهذا إبنش ماله ..


أم احمد: مادراني وأنا قد جهالك ضبحوا بي ماعاد ادخلش منهم واليوم يوسف مارضي اخطب له ولايشتي زواجه ...



أحمد وصل غرفته أرتجم فوق السرير وخرج تلفونه 📱 بيقلب فيه .. ذلحين أرسلها والا ادعمم مالي بين اكل روحي هكذا تحب من حبت بس ليش بتقلد زعل ع خالد ...


سلاف عادها ابسرت الاتصالات حقه 📱 مسكت تلفونها بتتصله ..


أحمد شاف رقمها 📱 فتح ع طول بدون مايحس بضبح 😤: بدري ليش تتعبي نفسش وتتصلي كنتي عتواصلي الدعممه والا صح المفروض مااعاتبش أصلا المشغول لايشغل ...


سلاف مستغربه منه 😳: ماالك مابه ..


أحمد: من كنتي بتحاكي اول مشغول 😠 ومن هو اللي رسمتيه ويكتبوا له في الكرت من سلاف ...


سلاف ضحكت 😂: طيب اعصابك ليش الضبح هذا كله من شاحاكي هي مريم أتصلت لي والرسمه هي حقها .. وبتحكي له الموضوع من هو صاحب الرسمه ...


أحمد إبتسم وخزي 😅: آهاااا قد قلت يعلم الله من هو ...


سلاف بتضحك عليه 😂: أقسم بالله إنك مجنون يعني من معي بطل تسيء الظن مره ثانيه ...


أحمد أحرج منها قوي 😅: مشو ظن أنا داري مامعانا بس .. وغيري الموضوع ذلحين ادي لش صورتي عترسميني ...


سلاف جلست فوق السرير: تمام رسل لي الصوره اللي تشتي وشرسمها .. انت داري صاحب المحل قال لمريم يشتي أشتغل معاهم وبتحكي له وتسأله مارأيه وأن أبوها موافق ...


أحمد: يعني عتكوني تسيري للمحل دايما وعتتعاملي مع ناس خيرات ..


سلاف: أنا قلت أشغل نفسي اتواله ..


أحمد: إذا تشتي تتوالهي خليني شافكر في حاجه وشارجعش خبر ...


سلاف: حاجه إيش ..


أحمد: لو نفعت شاقلش ولو مانفعت خلاص تمام أشتغلي مع صاحب الهدايا ومن رأيي والكل تبدأي في التصاميم حقش تحللي الجامعه ...


سلاف: حتى انا قد بين اقل هكذا والكل بدل الضبح ..



ياترى ايش الفكره اللي في راسك يا احمد 🤔





📚 @rewayatyamania  🇾🇪

.

البـارت 23 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


حمزه : روح مسك تلفونه 📱 وجالس بيقلب في سجل المكالمات يمكن لو عيعرف أين هو رقمها مادريش أين هو منهن وكم عيجلس يتصل بكل رقم مشو مسجل عنده يتصله ذكر إنها شافت الصوره من حالته قال أكيد عتشوف لو فعل حاله قام صور الرسمه وفعلها حاله للواتس وكتب ( شكرا ع الهديه عجبتني قووي ياهكذا الصدمات يابلاش 😅 المهم الرقم ماعدهوش عندي ممكن ترسلوا لي 😂) ..


وصلته تعليقات من أصحابه .. ياحركات 😉  واعترف من هي هذه وهذه أكيد مزه وصدمه مه نشتي ننصدم كلنا ويامسكين مابش معك رقمها 😜...


مريم شافت الحاله ضحكت 😂 صورتها ورسلتها لسلاف تسألها مارأيها ترد والا لا قالت لها لا خلاص هي صدمته ورسلت له الصوره تعتذر خلاص انتهى الموضوع ...

........ ........ ......


ثاني يوم ..

في بيت أبو أحمد 🏡   ...

أم أحمد مريضه راقده في غرفتها ومركبين لها مغذيه 🤒  ...


اميره جالسه جنبها في طرف السرير جت تبسرها: يووه ألف سلامه عليش ماتوقعتش إنش مطروحه هكذا حين بيقلي يوسف إنش مريضه ...


أم أحمد بتتحاكى بصوت واطى تاعبه وبتسعل 🤒: شكلي بردت وما انتبهتش حين خرجت أعلق الملابس في الحوش غسلت وحسيت جسمي بيتقطع ماعاد كملت عاد الغساله ملان وعطست .. هاااتشو  ..


سلاف كانت واقفه جنب راسها: يووه ياعمه ماعزكم وأغلى اوذا شخطى أكمل اغسلهن ...


أميره: أيووه يابنتي نور قلبش وإبسري البيت مايشتي رفعيه واوبهي لعمتش اجلسي هانا وأنا شاروح واشل البنت عندي أوبه لها وأزيد الأكل🍱 وشاخلي احمد يديه ...


أم احمد: مع يا اختى إسلمي لاعاد تتعبيش نفسش قد العيال قالوا عيشتروا من خارج ..


سلاف: ولا تفعلوا ياماما ولاالعيال يشتروا أنتوا شلوا أمنيه معاكم بس وأنا شارفع ذلحين وأطبخ علشان أدي لعمتي سواخن وأفعلهم شوربه 🫕 ...


أميره: وانا اقوم أعاونش شويه وأجهز الملابس حق أمنيه أمد مايجي لي أبوش ..


أم أحمد: الله يجبرني بعافيتكن ..


سلاف: إشتي بس ياعمه أي لبس من حقكم أبدل ..


أم أحمد بتأشر لها من اي رف فالدولاب تشل لها ..


......... ........ ........


في الجامعه ....

يوسف جالس فوق الكرسي 🪑تحت شجره هو وصاحبه بيراجعوا الملازم 📃 ..


صاحبه دكمه: إبسر إبسر البنت اللي بتعجبك 😉...


يوسف ضحك 😂: الله يقلعك اووص عتفضحنا اللي عيسمعك عيقل مدري مابيننا مشو داري إنه بيعجبني الغمازه حقها ...


صاحبه ضحك 😁: وخفعه الغمازه بس .. عليا هههه.. 


يوسف: يا أخي سعم إنها فارحه تبسرني والا تبسر أي واحد يمني عتفلت السوريين حقها كلهم وتعبرنا..


صاحبه: يا اخي مادراك يمكن تعجب فيك وبعدا سعم إنك شوعه والله إنك أحلى من حقها السوريين كلهم 😁..


يوسف حط الملزمه وسحب الشميز حقه: إحم إحم لحظه خليني أزنط شويه😄 ..


صاحبه بيضحك😂😂


جت ريح طيرت الورق 📃 ...


يوسف حمل 🏃🏻‍♂️هو وصاحبه بيلفوهن قبل مايطيرين ..

@rewayatyamania المصدر الأول للروايات



في الشركه 🏢...

سهام رجعت تداوم جالسه في مكتبها  ...


أحمد كان في الموقع رجع للشركه بيخطى للمكتب حقه ... إبسر باب 🚪 المكتب حقها مفتوح  بيشم عطرها لاخارج ..دخل رآسه يتأكد من داخل قد جت ...


سهام إبسرته بزنط 😌: أيوه رجعت أداوم ماتحسب إن انا شابطل بسبب رجلي ...


احمد ضحك 😂: هيا حمدلله ع السلامه مدام وأنتي طلعتي بسكوت بيتكسر بسرعه عنكون نخليش هانا وسط المكتب 😜...


سهام بلقانه: خخخ دمك ثقيل كن اشرب ماء خيرات تخففه ...


أحمد قرح ضحك 🤣: واااو وطلعتي زباجه ...


سهام قامت تجمع حاجاتها للشنطه 👜: انتهى الدوام شاروح ..


أحمد ركز إنها لابسه جزمه فلات 🥿 : وااااو اخيرا دريتي إن انتي في شركه مش في عرس لو دريت ان انا نزلتش الموقع من أول يوم تكتسر رجلش وبيضحك 😂..


سهام فلتته وخطيت🚶‍♀️وبتلاعنه في نفسها ...

.
.


في بيت أبو أحمد 🏡...

أبو احمد بعد ماروح ودري إن سلاف عندهم فارح بها خرج للبقاله اشترى لها جعالات خيرات وشوكلاته 🍫🍭🍬...


سلاف شكلها مضحك😅 بلبس عمتها واسع عليها وطويل محمشه الأكمام ورابطه شعرها بالطرحه مثل الصماده كانت بتطبخ 🥘 ...


يوسف روح فتح الباب 🚪 ودخل قد امه اتصلت له لايشتريش اكل سلاف عندهم بيداعي: ياسلاف .. الله الله ايش هذه الروايح الجميله دخل للمطبخ ع طول ...


سلاف في يدها الصحن 🦪: اداك الله جي شغلني الفرن هذا مادريتش كيف اشغله ...


يوسف بيضحك🤣:  طيب يا امه حنجا ووطى يشغل الفرن حق البوتجاز ..


سلاف خفعته في رآسه 👋🏻: امك حنجا هاه ..


يوسف بيضحك ع شكلها: هيا ناهي ما اقل سندريلا 🤪..


احمد دخل من الباب مش هو داري 🚪 ان سلاف عندهم بيسمع صوت ضحك من المطبخ دخل ..


سلاف كانت جالسه مقفيه بتدخل الصحن فالفرن 🦪 ويوسف جنبها بيضحكوا ..


أحمد وقف باب المطبخ...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 24 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلاف كانت جالسه مقفيه بتدخل الصحن فالفرن 🦪 ويوسف جنبها بيضحكوا ..


أحمد وقف باب المطبخ مسك الباب بيده  🚪بعصبيه 😡: الله الله امك تمرض ويدوا شغاله وانت تدخل تمكنها ضحكه معاها مابتدخلش تعاون أمك ...


يوسف وقف وبيضحك 😂..


سلاف لفتت لعنده بزعل 😔: شكرا ياشغاله أنا جلست أساعد عمتي ...


أحمد إبسر إنها سلاف قرح ضحك 🤣: هههههههه هو أنتي والله إن انا حسبت انهم ادوا شغاله حين أمي مريضه وبعدا مادخلني أنا هو انتي اللي لابسه هذه الحفله ..


سلاف بضبح 😤:  يله ياشغاله ادخل اطبخ أنت وقفت وشها ..


يوسف لفت لعنده: امانه امانه مشو شكلها ساع أمي حنجا 🤣😂...


أحمد: ياعيبتك ع امي حنجا تشبهها بهم والله إنهم أشيك منها وبيحانكها بيده ولسانه 😜 ..


سلاف سحبت القاروه الماء 🍾 وبترشهم: اقسم بالله لو ماتخرجوا من عندي ما ادي لكم اكل مابلا لعمي وعمتي ...


يوسف بيرفع يده 🙌🏻 : خلاص مستسلم والله اهم شي أتغدى..


احمد: وأنا عتغديني غصب عنش والا شاطير عليش العمل الجديد اللي قلت لش جوا قد معي لش عمل معي 🤪 يعني غبني عليا كم عيتليقنوا عليا اديت لهم واحده مبهذله ههههه


@rewayatyamania المصدر الأول للروايات


في الليل 🌕

حمزه جالس بيقلب تلفونه يمكن رسلت وبيحاكي نفسه يمكن ماشافتهاش طيب ياربي كيف أوصلها مادراني اين هو رقمها ضبح رسل لصاحبه يحاكيه ..


صاحبه: يا اخي من اين جيت عادك من البلاد .. حمل برنامج كاشف الأسماء وسجل كل الارقام واللي يطلع اسم بنت اتصله واتاكد اذا هي عيتسهل عليك الدوار...


حمزه إبتسم 😀: صح فكره اين كنت عنها ... يله تسلم ياعسل الآن نزل البرنامج وجالس يسجل كل الارقام الي بدون اسم عنده في سجل المكالمات لقي ٣ أرقام مسجله باسم اروى ومريم ورؤى ..


جالس متردد يتصل📱 والا يراعي للصبح قلبه بياكله قام اتصل بالرقم اللي مسجل باسم رؤى ...


رؤى طبعا واحده كانت تتصله تسمع صوته وتغلق .. شافت اتصال منه فتحت وجلست ساكته ...


حمزه: ألو مساء الخير كيف حالش ..


رؤى فرحت 😀: مساء النور أخيرا ..


حمزه احرج 😅: بيحاكي نفسه هذه شكلها مراعيه لي ...


رؤى: مالك ساكت يعني لما اخيرا تتصلي تجلس ساكت قد فرحت انك اتصلت لي واخيرا حسيت فيني ...


حمزه بإستغراب🤔: ماهو اخيرا وكيف حسيت فيش ..


رؤى: حسيت ان قلبي مشغول فيك من ٣ سنين وكنت خايفه أصارحك ...


حمزه خفع رآسه بيده 🙆🏻‍♂️: شكلي ودفت .. انتي اللي صدمتيني ..


رؤى: صدمه مه ..


حمزه ضحك: هههه😂  خلاص خلاص شكلي غلطان غلق وحظرها وجلس يضحك وقرر الصبح يتصل بالرقمين الباقيه وهو وحظه

.
.


في بيت هاشم 🏡..

احمد بعد ماروح سلاف جالس مع عمه بيتحاكوا ..


هاشم: ع ماتشتي هي أهم شي لاهي مقتنعه .. أنا أفضل أنها تشتغل في مجال تخصصها بس لاقدهي موافقه خلاص ...


سلاف جالسه وحاطه يدها ع خدها 🧏🏻‍♀️: وانا عادنا متردده يابابا بس إشتي أشغل نفسي ..


سلا: خلاص إفتحي معمل وابدأي صممي أزياء والله ان تصاميش تجنن وزيد رسامه كن أرسمي للمحل اللي قال..


أحمد لفت لعندها 👀: المعمل يشتي تكون شخصيتها قوويه لأنه عيكون معاها عمال وعيجين لها زباين وتشراط وطباع مشي صح لازم تكون قويه لما تفتح وهي مالهاش خبره انا لو تشتوا رأيي خلوها تشتغل معي ع الاقل عتكسب خبره في حياتها لما تختلط بالناس وانا اشتي مساعده وزيد عتساعدني قوي فالرسومات وشستفيد من ذوقها ومحد عيكون يزعلها ويفكر يتجرأ عليها وهي معي ..


أميره: ايوه والله إنه صدق فكره حاليه يا أحمد 😁 أركن عليها معك وقلبي بارد بنت عمك تشتي تتعلم تكون جريئه أول وتخالط الناس وبعدا تفتح معمل ...


هاشم: خلاص اذا ع بركه الله أنا موافق لو هي موافقه  .


سلاف: خلاص تمام مادام موافقين اهم شي انشغل شويه ..


أحمد: خلاص اذا سدينا .. تجهزي بكره شامر لش الصبح الساعه ٧ ونص ...




📚 @rewayatyamania  🇾🇪

.

البـارت 25 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


الصبح 🌞...

حمزه اول مافتح عيونه مسك تلفونه 📱 قلبه بيحز لو رسلت بيحاكي نفسه ذلحين لو أتصل ويحصل لي موقف مثل أمس 😅 أسكه أزيد أجرب أفعل حاله يمكن تبسرها ...


كتب في حالته ( ياجماعه خلاص أنا قررت شارجع اللوحه وإشتي زلطي رسلوا لي 🤪)  وقام يتجهز يسير الشغل ....


مريم نووم 😴 رن تلفونها سلاف: ردت صباحه ماقد معش تنكزيني ماتخليني أرقد ...


سلاف قدام المرايه🪞: هيا قومي صحصحي اليوم اول يوم لي في الشغل ششتغل مع أحمد ومش انا داريه ما ألبس عادي عبايه واسعه من حق الخرجه والا بالطوه عادي ولو لبست صندل عادي والا البس كوتش 👟...


مريم جلست وارتزحت عرض المخده 🥱: مافهمتش عيدي الكلام..


سلاف: يووه من الخباله ارجعي أرقدي شافهمش بعدا باي غلقت وخرجت لعند امها توريها شكلها عادي بهذه العبايه والصندل 👡...


أميره كانت راقده 😴...


سلاف ماسخيت تقيمها .. خرجت الحوش مراعيه لأحمد لما يجي لها ....


مريم نكزت طار النوم بتقلب في تلفونها 📱 ابسرت حالته ضحكت 😂 هذا منه صدق يشتي زلطه جلست متردده رجعت علقت ع الحاله ..( بكم صلحتها رسل إسمك بالكامل وشاحولها لك من عند أي صراف واللوحه حقك لاترجعها ) ...


حمزه قد كان خرج فوق السياره 🚗 وصلته الرساله فتحها عرف انها هي ضحك 😂 اتصل لها ع طول ..


مريم عاد صوتها نوم 😴 ردت: ألوو..


حمزه: والله ان قدش رئيسه جمهوريه ماقدرت أوصل لرقمش قد تبدعت فالحالات حقي علشان ترسلي وأمس أتصل لمعجبه بالغلط بسببش😅 ...


مريم مستغربه 🤔: طيب وأنا مادخلني وبعدا زلطك أنا قد قلت لك شديها أنت اللي رفضت ذلحين شاحولها لك ...


حمزه ضحك 😂: هههه أين زلط أنا فكرت في حاله أستفزش بها بين ادور رقمش اشكرش ع الرسمه وبيحكى لها الموقف اللي حصله مع رؤى ...


مريم بتضحك 😂: وانت محد يفعل هكذا ..


حمزه بيتجابر معها ويضحك لما وصل للعمل وشكرها ع اللوحه وانها عجبته وان صاحب المحل قال لاتنسى ماتحاكي البنت وبيسالها ع سلا المجنونه..


مريم قالت له ان سلاف مارضيتش وبتحاكيه انها اخت سلا وقصتها وماحصلها في العرس ...


@rewayatyamania المصدر الأول للروايات



بيت هاشم 🏡..

أحمد وقف باب البيت بيطرق لها 🚗..


سلاف خرجت وهي لابسه شنطه وصندل لحمي نفس اللون فتحت باب السياره 🚗 وطلعت صباح الخير  ..


أحمد إبسرها 😏: ماهو هذا عنطقم هيا إنزلي البسي بالطوه مش عبايه والبسي كوتش والا جزمه جت لي بصندل ...


سلاف اكتسفت 😅: قلت ألبس سواء لايحسبونيش حقك الشغاله والا أمك حنجا ....


أحمد ضحك 😂: هيا انزلي بسرعه البسي لاتتاخريش نتأخر من أول يوم تشتي تخلي سهام تضحك وتتليقن عليا ...


سلاف بضبح 😤:  يعني تشتيني اتبهذل علشان سهام هانم لاتضحكش عليك ...


أحمد ضحك 😂: هههه لالا مشو هكذا بس عتقل بين اصيح فوقها وبنت عمي جت بصندل ..


سلاف: آها للدرجه هذه بتهمها .. طيب ونزلت تلبس بضبح 😤..


أحمد بيضحك: هههه الله يعينني ع الدحس حقها هي وسهام بس مالها ضبحت مني حين ذكرت سهام 🤔..

.
.



في الشركه 🏢...

أحمد دخل وسلاف بتخطى جنبه 👫..


سلاف بتتلفت يمين وشمال 👀 بتتفرج المكان وزحمه وموظفين . 


أحمد حسها مرتبكه: هيا مالش ؟


سلاف: 😅  مدري بس بين احس كيف شقدر أتفاهم مع هذولا كلهم ...


أحمد ضحك 😂: عتتعودي وبعدا جي جي اول ندخل أعرفش ع سهام ..


سلاف وقفت ولفتت له بضبح 😤: ليش ومن قلك إن انا إشتي أعرفها بعدا لو انت تشتي تدخل تصبح عليها إدخل أنت أنا مشتيش أتعرف عليها بعدا تعديني نفس طباعها ...


أحمد ضحك من طريقتها 🤣: مالش معصبه طيب إحمدي الله قلت تلقي لش بنت حين قد بتهمي هذولا الموظفين ...


سلاف حطت يدها ع وجهها🤦🏻‍♀️: ياربي صبرني حاضر يا أحمد لعند عمي والله لأقلهم مابيوصل الإ يصبح ع المزه حقه ...


أحمد حط يده 🧏🏻 ع رآسه: حقي المزه أمممم الموضوع يشتي له تفكير وضحك ههههه ...


سلاف نفخت 😤: هيا أين شجلس تعبين أرجلي سناب ...


أحمد: هيا جي اوريش  وخطي معاها  👫 بيحاكي نفسه .. محلاها حين تغير هذا وأنا أبن عمها وأخوها وبتتبرقط هكذا كيف كانت بتفعل بخالد الله يرحمه بس والله إنه إحساس حالي لما تحس إن أحد بيغير عليك الله يرزقني بواحده أحبها وتجنني بغيرتها أعرف غلاوتي عندها 😅..


سهام كانت داخله للمكتب حقها في يدها نسكافيه ☕ إبسرت بيخطى هو وسلاف👫 بتتفرجهم من هي هذه اللي معه وبيخطى معاها عادي هكذا ويجابرها هو غر يقدر يتليقن عليا وهذا بيضحك معاها جلست موقفه مكانها علشان...


https://tttttt.me/+Ecxq_OzMYh40M2E0





📚 @rewayatyamania  🇾🇪

.

البـارت 26 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سهام كانت داخله للمكتب حقها في يدها نسكافيه ☕ إبسرت بيخطى هو وسلاف👫 بتتفرجهم من هي هذه اللي معه وبيخطى معاها عادي هكذا ويجابرها هو غر يقدر يتليقن عليا وهذا بيضحك معاها جلست موقفه مكانها علشان يخطى من عندها  ...


أحمد لمحها بيدعي سلاف دلا: بس بس إبسري هذك اللي قبالش سهام بس لاتبينيش إنش داريه من هي طبعا هذا حقها اللوك حق يوميه بس فرقت الجزمه كانت كعب 👠 بس حين كسرتها قد بتلبس واطي ..


سلاف بتتفرجها سكته من بعيد 👀: آها وانت ماكنت تشتي اجي بالصندل لا أوقعش مثلها حتى لو جيت بلبسي هذك كان كويس وعادي مقارنه بها هذه جت تتعرس وضحكت 😂..


أحمد لفت لها يصيح فوقها 😠: أوووص يامفضوحه ..


سهام إبسرته ولفتت لسلاف بتتفرجها من طالع لانازل 😯  وإبتسمت له: صباح الخير ياهندسه كيف حالك . 


أحمد إستغرب منها 🤔 لأنها ماتبتسمش ولا تصبح عليه: صباح النور ..


سهام واقفه والنسكافيه في يدها ☕ : تفضل هذه حقك قد شربت حقي  ..


سلاف بتتفرجهم ساكته 😏...


أحمد إرتبك 😅: هآاااه لي كيف لش مد يده شله ☕ شكرا ومكن سلاف هآه خرجتش بغير صبوح إشربيه ...


سهام إكتسفت 😧  وضبحت ودخلت مكتبها ...


سلاف: آااااها أنت قلت مابتسدوش مشو باين خالص يا نسكافيه وياهندسه 😏...


أحمد ضحك وبيحاول يبرر لها: والله إن انا مستغرب منها 😁.. ابردي ابردي هيا جي معي اوريش مكتبش جنبي بيننا باب زجاج بس علشان أكون اشوفش ..


سهام دخلت مكتبها وبتلاعنه وتحطم واتصلت لصاحبتها 📱 تحكي لها ان معه بنت وشل النسكافيه واداه لها ...


صاحبتها: هذه شكلها حبيبته👩‍❤️‍👨 ياخبلاء لو تشتي تقهريه صدق تقربي منه خليه يتعلق فيش ويحبش يفلتها وفرقي بينهم وفلتيه ..


سهام بتفكر 🤔: أممممم  والله إنها فكره والله انه عيموت قهر صدق لأنه شكله خايف عليها بيهمها قلك خرجها بغير صبوح ...


........  ........ ...... 


في الجامعه 🏢..

يوسف خاطي هو وصاحبه 👬  ..


صاحبه: إبسر مايا قلب سوري.. ولك ياعمي مش هلا عنا محاضره ..


يوسف ماركزش إنه إبسرها بيتخيبل معه 🙃: شوو عن جد أنا فكرت هلا عنا بريك ..


مايا سمعتهم👂🏻 حسبتهم سوريين خطيت لعندهم 🚶‍♀: مررحبا أنتوا سوريين ...


يوسف إرتبك 😅 ولفت لعند صاحبه ..


صاحبه ضحك هههه 😂: إييه من سوريا فرع اليمن ...


مايا: شوو مافهمت عليك.. يعني أنتوا سوريين بس عايشين هون . 


يوسف قرح ضحكه هههه 😂:  لالا هذا خراط إحنا يمنيين بس بنحب سوريا وأهلها..


صاحبه خفعه في رآسه 👋🏻: أيييه بنحب سوريا وأهلها..


مايا: يعني إنتوا هلا يمنيين بس بتحبوا تحكوا سوري 😍 حلو كتير في حدا بيحب لهجتنا..


صاحبه: إييه أكيد بالذات صاحبي يووسف بيموت ع شي إسمه حكي سوري  وغمز له 😉..


مايا: تشرفنا يوسف وأنا إسمي مايا..


جلسوا يتكلموا شويه وتعرفت عليهم..

.
.

@rewayatyamania المصدر الأول للروايات
بعد يومين..

بعد العصر..

في بيت هاشم 🏡..

سميره جالسه هي وأميره بيتجابرين تغدت عندهم  بياكلين كيك 🥧وشاي...


أميره بتصيح: ياسلا جي أفعلي بوشار 🍿  لعيال عمتش..


سلا دخلت لعندهن مبتسمه في يدها صحن بوشار 🍿: مادراكم إن انا فعلت لنا قلبكم حس..


سميره ضحكت 😂: مابلا شكلها شمت وتعذرت بالجهال..


أميره: ههه يووه حسبش الله والله ماغير قلت حرام تدي للجهال..


سلا: وأنا قد إديته من نفسي وحطت لهن الصحن.. قد فعلت لنا عنتفرج الفيلم 🎥 اللي إدته مريم قد فعلنا لنا أجواء سينما وضخامه..


سميره: إفتهنيين عادها لكن شويه وعتتزوجين وتدين جهال وتحنبين بزا وهرم والله ماعد تبسرين تلفزيون 📺..


سلا: يووه الله لاقال ياعمه اشتي افتهن يله اسير قبل مايبسرنه عليا..


....... ....... ......



داخل في غرفتهن..

الدنيا مظلمه طفين السراج 💡 وجهزين الداتاشو 🎥 يعرضين فيه الفيلم وقدامهن مكسرات 🥜 وبسكوت 🍪 وعصاير 🍷..


مريم: جين اسحبين السرير 🛏️ معي نعكسه نرتزح لعرضه..


سلاف بتسحب معاها السرير 🛏️ ويوضعين البقعه..


سلا: وكل واحده تطفي تلفونها 📱 مش تجلس تأنتر نشتي ننسجم ونستمتع بالفيلم..


مريم: خلاص تمام سدينا بس بعد مانصور ونفعل حالات..


سلا: يله تمام مسموح لكن أول عشر دقايق في الفيلم بس..

........ ......... .........


في الكافيه 🏩..

سهام جالسه فوق الكرسي🪑 في يدها الشيشه  بتشرب ...


صاحبتها: ياسهام مش وقت الشيشه هانا عنروح ونشيش في البيت إبسري اللي فوق هذك الطاوله  كيف بيتفرجونا ويتحاكوا علينا 😒....


سهام حركت يدها حركه بلامبالاه 👋🏻: مايهمونيش يقلوا اللي يشتوا اهم شي أن انا مرتاحه..


واحد من الشباب قام خطي لعندهن 🚶🏻‍♂️: ممكن نتعرف...


سهام لفتت له بربع عين 😏: لا طبعا..


الشاب ضحك بإستهزاء 😆: طيب إذا  ماعجبتش أنا عادي إحنا ٣ إبسري اللي عيعجبش منهم..


سهام : ...




📚 @rewayatyamania  🇾🇪

.

البـارت 27 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


واحد من الشباب قام خطي لعندهن 🚶🏻‍♂️: ممكن نتعرف..


سهام لفتت له بربع عين 😏:  لا طبعا..


الشاب ضحك بإستهزاء 😆: طيب إذا  ماعجبتش أنا عادي إحنا ٣ إبسري اللي عيعجبش منهم..


سهام حاطه رجل ع رجل وفي يدها القصبه حق الشيشه: كلكم للأسف  بيئه 🤭  مش ستايلي خالص يله روح بعيد ياشاطر..


الشاب ضحك: هههه بتقلدي محترمه مع إنه لاشكلش ولا لبسش يوحي خالص فلتها وخطي من عندها وهو ضابح 😤 وصل بيحكي للشباب ماقالت عليهم ..


واحد من الشباب: أنتوا داريين ماعيكسر زنطها هذا جوا نقهرها في سيارتها انا إبسرتها حين نزلت من فوقها 🚘 ... سيارتها هذك اللي طلعت بها فالرصيف كأنه الشارع ملكها وسدت ع الناس..


صاحبه إبسر سيارتها: أوووف اوووف هذه سيارتها 🚘 كان مالها بتزنط يعلم الله بنت من هي ...


صاحبه: يله انا شخرج افطر لها التواير وأدحسها لها وأنتوا واحد يراقب لي لو أحد يبسرني والثاني ينتبه لها لاتخرج..


بعد ماكمل عمله دخل ومحد انتبه له .. جلس جنبهم وبيتفرجوها ويضحكوا 😂..


صاحبتها بدأت تنزعج: هيا قومي نروح الصدق ماعدناش جالسه براحتي خلينا نروح نكمل الجلسه فالبيت..


سهام: يله تمام علشانش بس وقامت وخطيت من جنبهم بنخيط وزنط🚶‍♀️..


الشباب لحقوا يبسروا ردة فعلها وطلعوا فوق سيارتهم 🚗..


سهام إبسرت سيارتها في الارض إنصدمت 😳:  بتصيح من هو اللي فعل هكذا..


صاحبتها خفعت وشها بيدها 😱: يوووه إبسري إبسري هذه قد دحشوها بحديده..


الشباب صاحوا لها من فوق السياره بصوت واحد: تستاهلي بابيئه وبيضحكوا 🤣 فلتوها وخطيوا..


سهام بتصيح وتلاعنهم 😡 اتصلت للسواق حقهم يجي يروحهن ويصلح السياره..

@rewayatyamania المصدر الأول للروايات

الليل 🌚

في بيت أبو أحمد...

سامرين بيتفرجوا التلفزيون 📺

أبو أحمد بيقرش برتقال 🍊  ويمكن مرته: هاه روحي كلي كالسيوم تتغذي سواء عادش قمتي من مرض..


يوسف بيمازحهم: الله الله ع الرمسسه حق الشيبات 😉 الله يرزقنا لكن نشتي رمسسه من حق ابن عمي ولك تقبرني..


أم أحمد ضحكت خزا بها 😅: هيا ناهي يارمسسه هو غر حين أنا مريضه والا بتحسد .. وبعدا قد قلت لك أخطب لك مارضيتش..


يوسف بمزح: وأنتوا تشتوا تخطبوا لي وتدوا لي من اللي شمهن حلبه 😜 شي معاكم من حق يقبرني ابن عمي ماشي بطلنا..


أحمد سارح مشو حسه عندهم 😇 بيفكر ماله اليوم من الصبح فارح وليش عجبه غيرة سلاف عليه..


أبو أحمد خفعه بقشره برتقاله 🍊: ييييه يامطنن  وأنت من حق أين تشتي..


احمد لفت: هآااااه 🙄  مااهو..


يوسف بمحانكه: مااااااهو يآهووو 😜  الحب الحب الطنانه..


أحمد ضحك 😂: مابتقلوا ماهو ماكنتش مركز مابتقلوا أنا بين افكر في المشروع حق بكره معانا صبه..


أم أحمد: ناهي ياصبه شاصدقك 😜 المهم كيف الصبه حاليه..


أحمد فتح تلفونه 📱: هااه ابسروا لو مش انتوا مصدقين الرسايل حق صاحبي اللي رسلي اول بنتكلم ع الصبه حق بكره..


جلسوا يضحكوا ويعلقوا عليه لأنه كان باين عليه سارح قووي 😊...

......... ......... .........


في بيت هاشم 🏠..

كملين يتفرجين الفيلم..

سلاف بتمسح دموعها 🥺ذكرت خالد: مااحلاهم كيف نهايتهم سعيده..


سلا ركزت إنها بكيت حبت تغير الجو ووقفت بتقلد واحده في الفيلم: الصدق أحلى واحده  كانت هذه وخاصه لما تفعل هكذا وبتفعل ساعها 🙅🏻‍♀️..


مريم ضحكت هي و سلاف عليها..

سلا: يله قومين رفعين وكنسين والله ماارفع حاجه انه عليكن أنا شخرج أرفع اللي مهدوا خارج العيال نظفين سواء نشتي نرقد في بقعه نظيفه..


مريم خفعتها بالوساده: المفروض تضيفيني أنا عندش ضيفه مش أرقد عندكن وتزيد تخليني أكنس 👊🏻..


سلا: مش انتي ضيفه هذا بيتش قومي رفعين من التعزاز هذا الساع سعم شاقلش لاتمسكي شي والله انش عترفعي 🤪 فلتتهن وخرجت..


مريم: هيا قومي نرفع قد حكمت علينا شغلت تلفونها 📱 كان مطفي..


سلاف بتخرج الصحون للمطبخ 🥧..


مريم وصلتها رساله تعليق ع الحاله حقها موفي تايم مع احلى سلاف وسلا وصور الأكل  ...
  من حمزه ( الله الله 😍  شكل الجو حالي ممكن تعزموني قلي لسلا تتجمل معي مثل ما أديت لها الفستان والا ترجع حقي )..


قريتها وإبتسمت 🥰..


سلاف دخلت بتبسرها مبتسمه 🥰 خفعتها في رآسها 👊🏻: هيا ماقد به معانا للشخاره هذه كلها..


مريم إرتبكت: هااااه 😅 مابش شي..


سلاف سحبت منها التلفون 📱تشتي تبسر..


مريم بتتهزور معاها طفته 📱..


سلاف سحبتها وجلستها ع الأرض تحكي لها مابه وليش مبتسمه 🥰..


مريم: والله مابه حاجه وبتحكي لها انه هذا حمزه اللي صدمته وانه اتصل يشكرها ع اللوحه واليوم رسل علق ع الحاله..


سلاف: طيب لو تشتي نصيحه أختش لاتاخذيش وتدي معه عيقل إنش كنتي بتتلككي وتتعذري علشان تحاكيه ومدري كيف تفكيره وياخذ عنش فكره غلط..


مريم : ...


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 28 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


سلاف: طيب لو تشتي نصيحه أختش لاتاخذيش وتدي معه عيقل إنش كنتي بتتلككي وتتعذري علشان تحاكيه ومدري كيف تفكيره وياخذ عنش فكره غلط ...


مريم: طيب وانا والله من نفسي قد قلت هكذا تذكري كم جلستي لما عبرتي خالد الله يرحمه لما تأكدتي انه شاريش صدق وقد امه اتصلت لخاله ...

سلاف: الله يرحمه 😔  ..


....... ........ .........


في بيت سهام 🏠..

سهام قلبها بيحرق ❤‍🔥  من الموقف اللي فعلوه قامت تنزل صوره سيارتها🚘 ع صفحتها  في الفيس وكتبت لما يكون في شويه حيوانات مش شباب يشوفوا بنت بتسوق وسيارتها أحسن من سيارتهم يستغلوا فرصه نزولها للمحل ويفعلوا بسيارتها هكذا يستاهلوا وقتها يتأدبوا لازم يكون في بلادنا قانون يعاقب هذه النوعيات ..
.
.
@rewayatyamania المصدر الأول للروايات

عدت شهووورر...

مافيش أحداث مهمه غير :

مريم وحمزه.. كل واحد معجب بالثاني بس محد تكلم وكل اللي بينهم تعليق ع حالات وجمعه مباركه ...


سلا.. مركزه في مذاكرتها📚 ثانويه عامه ...


سلاف.. بدأت نفسيتها تتحسن أكثر مع الشغل بس مازال حزنها ع خالد مسيطر عليها حتى لو ضحكت في القلب غصه 💔...


أحمد.. ملاحظ إهتمام سهام فيه ومبسوط بوجود سلاف جنبه ع طول 😁...


يوسف.. علاقته كل يوم بتقوى مع مايا وخلاص متأكد من مشاعره إنه بيحبها 😍 بس خايف يصارحها يخسرها لأنه شايف إنها بتعامله كزميل وصديق مقرب ودايما تقله انت طريقه تفكيرك وعقليتك😇 حلوه مش أي بنت تكلمك يعني إنها تحبك ..

...... ....... ......


مايا في الكرسي 🪑 اللي وراه  في قاعه المحاضرات ... بتتفرجه 👀  شو فيه هيدا ماعم يكتب شي ماسك القلم وبيرسم 📝 مسكت تلفونها 📱 ورسلت له ( يوسف فيك شي 🤔 ليه ماعم تكتب ) ...


يوسف مشو مركز خالص ولا سمع الرساله جالس بيرسم قلوب ❤️ ويشخبط أساميهم ...


مايا نكعت القلم للأرض 🖊️  علشان تنزل تشله .. وطت تشله وبتداعي: يوووسف شو بك مو مركز افتح موبايلك  ..


يوسف قري رسالتها رد عليها (😅 بين احب واحده وخايف أكلمها تصدني لأني حاسس إنها بتعتبرني أخ وصديق ) ...


مايا إكتسفت 😔  لأنها بدأت تحس إنها بتحبه حاولت ماتبين له ( عن  جد  معقووله في واحده  عاقله تصدك قوول يابختها لأنك فكرت فيها ) ..

يوسف ( 😁 صدددق  يعني أتشجع وأكلمها ع ضمانتك مش تكسفني )..


الدكتور لاحظ ان التلفون في يد يوسف 📱 صيح فوقه ...

حطوا تلفوناتهم 📱وركزوا في المحاضره ...


....... ........ .........


في الشركه 🏢...

أحمد ضابح 😤 دخله خرجه للمكتب حقه ...


سهام إبسرته طلبت له عصير ليمون 🥤 وشلته له .. بدلع: هآه آشرب روق 😊 شكلك معصب ...


أحمد مد يده شله 🥤: شكرا والله إنه جاء في وقته ...


سهام طبعا مخففه مكياج وبتحاول تلبس اهدأ من قبل علشان يغير رأيه فيها: مالك اليوم شكلك مخنوق في شي مزعلك إحكي لي عترتاح 😊...


أحمد وقف جنب الطاقه 🪟بيشم هواء ويشرب العصير: مابش شي بس في أشياء خاصه بين افكر فيها ومشتيش تحصل لأن عواقبها عتكون وخيمه بين احاول أتناساها ...


سهام بدلع حطت يدها ع فمها 🤭: اوووف وخيمه مره واحده شكله موضوع كبير ...


أحمد سكت شويه بيفكر 🙄 وبعدين تكلم: ياسهام إشتي أسألش سؤال لو واحد في قلبه مشاعر لحد وخايف يتهور وتتطور هذه المشاعر كيف يسيطر عليها  ...


سهام فرحت ☺️: صددق وليش يسيطر عليها بالعكس اسمح لقلبك يتهور وعيش الإحساس خاصه لو كان صادق وشويه شويه عتعرف إنك عايش في أحلى شعور ...


أحمد إرتاح من كلامها 😃: يعني أخلي مشاعري تمشيني وما أتحكمش فيها ...


سلاف هزت رآسها 😌: أيووه بالعكس زيد تعمق أكثر ...


أحمد إنبسط 😁: يله شكرا وخرج من المكتب ورجع من الباب 🚪  ابتسم هاااه  شكرا ع العصير وع كلامش  ..


سهام بعد ماخرج إبتسمت بسخريه 😬: والله ان شكلك وقعت يا أحمد وشلعب عليك  ع أصوله أخرج القهر اللي قهرتني ع أصوله مسكت تلفونها 📱 وبتتصل لصاحبتها تحكي لها اللي حصل وان أحمد شكله بدأ يحبها ❤️..


صاحبتها:  شطوووره 👏🏻 يله ماذلحين خلينا نفكر في خطط صح ...


....... ........ ..........


في الجامعه 🏢..

بعد ماخرجوا من المحاضره ...

يوسف واقف مع صاحبه بيتجابروا 👬: ذلحين مارأيك أتشجع وأحاكيها قد إسمها فتحت الموضوع وسألتني . 


صاحبه: اسمعني أنت حاكيها ع أساس واحده لاتقلهاش إنها هي وابسر ردة فعلها وماعتقل وعيبان من ملامحها ووقتها قدك عتبسر القرار في يدك اذا حسيت ان به منها قبول توكل ع الله وقلها ولو عتكسفك خلاص قدك ماصارحتها ولاقلت شي وعتجلس علاقتكم حلوه أصحاب وزملاء ...


يوسف: يله تمام إسلم روح وطول الطريق وهو بيفكر 🤔 إيش عتكون ردة فعلها . 




📚 @rewayatyamania  🇾🇪

.

البـارت 29 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


في بيت هاشم 🏡...

سلاف مريضه 🤮 بترجع وبتصيح الم ووجع قوي في بطنها  وكل ماتحاول توقف ترتجم لان قدلها يومين بدون أكل ...


سميره بتصيح فوقها 😡: يابنتي ماينفعش هكذا مش هو ع قولش لازم تخطي تتعالجي وبعدا طيبي نفسي قد فعلت لش هذه الشربه 🫕 حين قالت أمش مابتاكلي شي كلي حتى ملعقتين ...


سلاف   ممدده فوق السرير 🛌🏻: ياعمه اسلموا قوى أنا فدالكم ماقدرت أكل شي بين احس اي أكل بينزل بطني بيقطعني مشتيش ..


اميره مسنبه جنب السرير 🧋: كان قوى اشربي هذا القلص العصير مشو برضاش شتصل لابوش يجي يخطيش المستشفى ماذلحين أمس وقلنا عتفتهني بس ما اليوم زاد الوجع إبسري ع قد صفاره فيش كيف  قد أنتي ...


سلاف بتبكي 😭:  ماشي مشتيش مستشفى .. بتتخيل صوره خالد قدامها وهو في المستشفى وتقتهر ... أنا شفتهن ادوا لي قربه حاميه بس أدفي بطني أكيد برد في معدتي...


أميره حطت العصير 🧋 فوق الكومدينو: الصدق ماهذا قد بتزيدي قدهو جنان كلنا بنمرض ونسمع الكلام وخرجت تدي لها قربه حاميه ...


سلاف ماسكه بطنها بتتوجع 😭 أكثر ..


سميره: يابنتي لافيش تسمم والا لاهي الزايده وأنتي صابره هكذا لو تنفجر عتموتي مايسبرش هكذا والله إن انا شتصل لأبوش الصدق ولو زعلتي ...


سلاف بصوت تاعب والوجع بيزيد ودموعها في عيونها 🥺: خلاص تمام لما يروحوا من الشغل ويشلوني لاتزعجوهم ذلحين وتفجعوهم ...


أحمد وصل بالسياره 🚗 نزل بيدقدق الباب 🚪..


أميره فتحت والقربه الحاميه في يدها: حيا إداك الله ..


أحمد في يده ورق 📃 لكم الحياه ماتشتوا أامروا من عيني 👁️...


أميره: سلاف مريضه من امس تاعبه لكن ماذلحين قدهو قوي ولارضيت تخلينا نشلها المستشفى 🏥 ولاقد رضيت تاكل شي اسكه ادخل ابسرها لو عتخطيها المستشفى  ..


أحمد قلق عليها 😥: يووه تاعبه قوي أنا راكن انه شويه تعب عادي وارهاق لما رسلت لي أمس لا أجي لها وقلت اجي ذلحين أبسرها وادي لها هذولا الورق مع الطريق .


سلاف بتبكي خلاص 😭 ماعاد قدرت تتحمل بتصيح قووي:  ياعمه خلاص شلووني ادوا لي البالطوه وجع قووي ...


سميره قامت بتلبسها وتداعي: يا أميره أين أنتي جي نخطيها البسي بسرعه نوقف تاكسي🚖 وعنتصل لهاشم يلحق ...


أميره حملت لاعندهن بسرعه 🏃‍♀️:  يله لبسيها بساعتش  وانا ألبس حلا اوذا أحمد جاء نخطيها ..

أحمد بيسمع صياحها قدهو مقهور وزاعل عليها 😔: ياعمه اوذا شخرج بسرعه أقرب السياره بسرعه  للباب ..


خرجين وطلعين السياره 🚗..


سميره ركبت قدام


أميره جالسه وراء ماسكه سلاف ..


سلاف بتصيح وتبكي😭 ماسكه بطنها: شاااامووت وجع قوي ..


أحمد بيسوق بسرعه 🚗 ومتوتر خايف عليها يحصلها شي: خلاص خلاص باقي شويه عنوصل الآن هيا مه أنتي قويه تحملي هانت ...


@rewayatyamania المصدر الأول للروايات


في الشارع ....

حمزه  خاطي رجل 📱 سيارته معطله مروح من شغله قال يتمشى🚶🏻‍♂️ شويه ويركب تاكسي .. مسك تلفونه جالس متردد يتصل أو لا بعد تردد اتصل لمريم ...


مريم وحدها في البيت اهلها معاهم عرس خارج صنعاء ساروا عيروحوا مغرب وهي مارضيتش ... جالسه تعطف دولابها وترتب ملابسها 👚👗..


سمعت تلفونها 📱 بيرن شافت اتصال من حمزه ..بتحاكي نفسها 🤔 ارد والا لا بس ليش أتصل هو ماقد اتصل لي الا هذك المره بس يمكن يكون في شي ضروري خلاص شارد عليه أبسر مايشتي: ألوووو..


حمزه : صباح الظهر 🌞 والا أقل مساء الخير ...


مريم بتحاكيه وترفع الملابس للدولاب 👚👗
: عادي اللي تشتي كلهن في الأخير تحيه ...


حمزه  رفع عيونه وعقد حواجبه .. 🤨 : شكل إتصالي إزعجش صح .. فهمت هكذا من ردش ...


مريم استغربت 🤔 : ليش ماله ردي قلت عادي سواء مساء والا صباح هن نفس المعنى تحايا ...


حمزه: طيب كيف حالش طمنيني عليش كيف أمورش وأخبارش ...


مريم: الحمدلله كل شي تمام .. خير في شي خلاك تتصل 🤔..


حمزه إكتسف 😥: هآاااه ولاشي بس مروح رجل من العمل سيارتي معطله ذكرتش قلت أتصل أكلمش شويه أسال عليش ولأن كلامش حلو لا أحسش بتعب الطريق ...


مريم حست آنها زعلته بس ماتشتيش يقل عليها بنت حق مجابره ..  حاولت تغالط الزعل وتفتح موضوع بدون مايحس انها ملهوفه تكلمه : آااها ليش مالها سيارتك 🚗 والا قد صدموها ...


حمزه ضحك 🤣: هههه ليش تحسبي الناس كلهم مثلش مايقدروش يسوقوا .. قد انا أبسر بنت بتسوق وأهرب منها ميه قدم ساع حافلات البترول 🚛 الله يسامحش فجعتيني من كل البنات اللي بيسوقين ...


مريم ضحكت من إسلوبه 🤣: هههه حرام عليك مش للدرجه هذه هي سلا ماحاسبت لي صح ..


جلسوا يتكلموا ويضحكوا وماحسوا بالوقت لما وصل حمزه للبيت ..


https://tttttt.me/+Ecxq_OzMYh40M2E0




📚 @rewayatyamania  🇾🇪

.

البـارت 30 ☆

وشـاءت الاقـدار 💛

👌🏻👇🏻 😍
📚 @rewayatyamania  🇾🇪


في المستشفى 🏥..

أحمد مراعي خارج بيسير ويجي 🚶🏻‍♂️ ويقرح أصابيعه..

واحد شيبه خطي من جنبه إبسره: الله يقيمها بالسلامه لاتقلقش كلنا مرينا بهذا الشعور أول مره ولاد وبعدا خلاص تعودنا خاصه بعد ماتبسر الجاهل في يدك..


أحمد فهم إن الرجال فاهم غلط ..حب يوضح له: هآه مشي مرتي ياعم مابتولدش هذه بنت عمي مريضه تاعبه قوي اسعفتها وعادها داخل الدكتوره بتفعلها تلفزيون وأشعة تبسر مافيها...


الشيبه إبتسم 😄: هآااااه كان الله يشفيها لك ويحفظها شكلك بتحبها قوي الخوف باين في عيونك مخلوط بحب 😍..


أحمد إرتبك: هآاااه 😅 مادريش مايقل: آمين آمين الله يشفيها..


سميره خرجت من عند الدكتوره فتحت الباب 🚪 مستعجله بتداعيه: يييه يا أحمد نسينا سلا عتروح مابحد فالبيت إتصل ليوسف يسير للبيت يشلها عندكم قد عمتك بتتصل 📱لعمك يجي لاهانا يشتوا يفعلوا لسلاف عملية المراره ملتهبه قووي..


أحمد 😳: عمللليه ليش ماشي خلونا اول نتأكد نبسر دكاتره ثانيين.


سميره: قدهو باين يا ابني ماعندها حجه من كثر ماكانت تتبرقط لما قرحت عليها المراره..


أحمد زعل عليها 😔: قد كملت الدكتوره تكشف عليها أدخل أبسرها..
ماقد كمل كلامه الإ وسلاف خرجت هي وأميره ماسكه لها..


سلاف بتبكي بهدوء 😭 من كثر الوجع وماسكه بطنها..


أحمد: سلامتش ألف سلامه عتفتهني ويسير هذا كله 😔..


أميره: هاه ابني أبسر ماعتفعل احجز لنا غرفه اللي ندخل فيها ترتاح ويبدأوا يبسروا ماعيفعلوا لها تفتهن شويه من هذا الوجع أمد مايوصل عمك..


أحمد: أيوه حاضر الآن من عيني وبيداعي ممرضه يييه جي إبسري اين عتشلوها ماعتفعلوا لها أمد ما أفعل آجراء دخول وحجز غرفه مشي🚶🏻‍♂️ يبسرهم وخرج تلفونه يتصل ليوسف 📱 يسير يشل سلا عتروح من المدرسه ومابحد في البيت..


........  ......... ........


في بيت ابو أحمد  🏡.

يوسف قد وصل البيت جالس ممدد فوق الكنبه 🛋️  في يده التلفون  رن تلفونه رد 😨 تغيرت ملامحه وجلس: يوووه صدق يله الآن في اي مستشفى شاسير بسرعه أشلها اديها هانا وأجي لعندكم..


أم أحمد سمعته افتجعت 😧: مالك مابه مستشفى🏥 مه ماحصل..


يوسف: سلاف إسعفوها للمستشفى 🏥 عيفعلوا لها عمليه وسلا عتروح من المدرسه مابش احد في البيت قد عمي عيسيروا للمستشفى ع طول أسير أديها لاهانا وأسير أبسرهم..


أم أحمد: يوووه 😱  جعلي مكسر عليها مسكينه هذه البنت مابتقرح الإ في رآسها هيا اخطى بساعتك ادي البنت قد عتوقع روحت لاتتأخرش عليها وأنا أتصل لأبوك أقله مايسبرش يفلت عمك..


يوسف سار يدي سلا وصل لعند البيت إبسرها واقفه..


سلا واقفه قدام الباب 🚪 بتدقدق.. محد بيرد..


يوسف بيطرق لها 🚗 ودعاها: ييييه مابش أحد انا جيت أديش هم كلهم عندنا..


سلا فتحت باب السياره 🚗 وطلعت: كيف كلهم عندكم محد قلي ليش ماينبوني هم داريين شاروح وحدي يعني لو ماجيت أجلس وحدي هانا وهم داريين مابين اشلش التلفون المدرسه اووف 😤  ماهو هذا..


يوسف شغل السياره 🚗 ومشي: نااهي اووص 🤫 من الحطيم حق الجهال هذا الساع سعم إنهم بالعاني عيفلتوش مابلا هم شلوا سلاف المستشفى حين هي تاعبه واتصلوا لي أجي أروحش حين مابحد في المستشفى..


سلا: طيب ماحبكتش كان عيجلسوا ماما وبابا عيشلوها المستشفى 🏥..


يوسف: يوووه واللغاجه 😠  سلاف مريضه عيفعلوا لها عمليه طااابت اسعفوها وهي تاعبه قووي واحمدي الله انهم ذكروش اجي لش هو غر احمد اللي أسعفها وعمي في العمل..


سلا بكيت 😭: يووووه عمليه ليش مافيها أختي شلني المستشفى مش بيتكم إشتي أبسرها  ماعليا..


يوسف خرج تلفونه 📱: إمسكيه إتصلي لعمتي تتطمني عليها مابش سيره مستشفى شاشلش البيت..


سلا بتتصل لامها 📱 وتبكي خايفه ع سلاف وبتسأل عليها مافيها..


....... ....... ........


بعد ساعتين

في المستشفى 🏥...

يوسف بينافعهم للبيت يدي حاجات يشتوها..


أميره وسميره داخل فالغرفه حق سلاف قلقات😥 عليها قد دخلوها العمليات..


احمد باب غرفه العمليات منتظر وبيسير يدي أي شي يطلبوه 💊💉..


هاشم جالس فوق الكرسي🪑 بيهز رجله: يا أخي قلبي بيحرقني ❤‍🔥 هذه البنت كله فوق رآسها وسمعت ماقال الدكتور قهر مدخل مدخل وبرقطه لما قرحت لها المراره 😔..


أبو أحمد حط يده ع كتفه بيطبطب عليه: عتقوم بالسلامه وبخير يا أخي وربي عيعوضها..


الممرضه خرجت لو سمحتوا محتاجين دم🩸: اوو سالب ممكن تدوا لنا..


أبو أحمد لفت لعنده: أنت يا أبني فصيله.. وماقد كمل كلامه..


أحمد قاطعه: أنا اووو سالب اين أسير تسحبوا مني 💉..


الممرضه: تعال معي وخطيت وأحمد بعدها 🚶🏻‍♂..


هاشم لفت لأخوه: الله يجبرني بعافية جهالك يا أخي والله أنهم عيالي ربي عوضني بهم..


أبو أحمد: ويجبرنا بهم كلهم بنات وعياال ويحفظهم ويحميهم من كل شر ❤️..


https://tttttt.me/rewayatyamania/45109





📚 @rewayatyamania  🇾🇪