💖


بارتـات يومنـا السـبـت والأخيــرة👆🏻😍

مرحبـا متـابعينـا..

#انتظرونا ومع قصة جميلة

للكـاتبـة مـروى العـودي

بعنـوان
بكـرة بينـا

ابتداءً من مساء غد الاربعاء

وذلك على قناتكم روايـات يمنيـة على الرابط التالي
👇🏻😍
https://tttttt.me/joinchat/AAAAAEIz_KDfjDgo7Gaxwg


.

يسعد مساكم واعتذر عن التأخير بسبب ظروف

قصـة بكـرة بينـا للكـاتبـة مـروى العـودي

👌🏻👇🏻 😍
📚 @rewayatyamania 🇾🇪


ملخص القصـة 🥀

رقـم القصـة : 186

اسم القصـة 📖 : بكـرة بينـا

اسم الكـاتبة✍🏻 : مـروى العـودي

عدد البارتـات : 25

مدة العرض 🗓 : 3 أيام

وقت العرض ⏰ : المســاء


#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة



📚 @rewayatyamania 🇾🇪

البـارت 1 ✨

#بكرة_بينا
#للكاتبة_مروى_العودي

👌🏻👇🏻 😍
📚 @rewayatyamania 🇾🇪


جيب معك جرز فل مع ورد نيلي طقم الفستان

=بسم الله من أولها جيب وشل

_اوف منك ياهيثم تتزايد وربي
قده هي مرة بالعمر واليوم فرحتي ونهاية صبرنا

=يارب وكل حياتنا أفراح ولاتجي نهاية بينا ولاينوجع قلبي بغيابك

_يارب وتدوم لي كل العمر يا حب قلبي

=إيش قلتي اجزع معي

_زهايمر انت جزع فل نيلي مش مزرق الورد اللي فوقه والا الشريطة عشان يكون طقم شميزك وفستاني وجزع البوكية من المحل قدني سجلت لك بالعنوان حق المحل sms


=ماشفتها لحظة بروح اشوف


(جزعت ثلاث دقائق وهيثم مرجعش يرد على حب قلبه)

14رسالة في الواتس من تمني

هيثم خارج من الحمام ويمسح وجهه ويساني الكشيدة قبال المرايا وجواله شغال رنة الواتس ذيك ابو عصافير .


تمني تقحطط وتفور مراعية يرد بتروح عند الكوفير وبيقطع النت ورصيده خلص

رسلت له
_عيب وربي كذا لو مش رايح قلي بوصي أخي وبلا اللوك حقك


هيثم يساني الشميز والمعوز يسبكه وراح الغرفة شل العطر وتعطر وأخذ جواله والمحفظة والجوال ومفتاح السيارة ونزل البيت جري عشان يلحق يعربن الفل والشكل المطلوب واللون كمان

شغل السيارة وفتح جواله وركب السماعة بلوتوث واتصل على تمني .


تمني زعلانة فوق التكسي مع اخوها وبنت خالها ترتيل

هيثم يتصل وهي تكنسل اربع مكالمات وماتردش

قلق هيثم كثير ورجع قرأ الرسالة بعنوان المحل حق بوكية الورد تحرك من إنماء للمنصورة وجاب الورد ورجع لجولة الغزل والنسيج يشوف أصحاب
الفل ويعربن فل .
.
.

الساعة 11 الظهر
خلص كل اموره وعربن الفل وشل البوكية وجزع المغسلة شل بدلته اللي كواها وراح سوق القات خزن صاحبه محمود وجزعوا مطعم في الهاشمي
وتغدوا وراحوا ساحل ابين مع العيال يخزنوا .


كلهم محتفلين بصاحبهم هيثم خطوبته اليوم ذا


تمني عند الكوافير تبكي وتتشهنج ومقفلة جواله تحسب في بالها هيثم ساقل كان له.


هيثم على أغاني أمل كعدل وحمود السمة ومحب والاخفش وهاتك ي سلا وجو مع العيال وعيال حافته للساعة أربع العصر قام ومشى قليل سنا الدراهين والطحاسة بساحل أبين عدن خورمكسر وشل جواله معه ودق على
تمني ثاني وثالث ورابع نص ساعة وهو مغلق .


رجع نجع بالقات وأستاذن العيال وتحرك بسيارته للكوافير كان قريب منه

زمط ويتصل بالحافة ومافيش فايدة

شاف جاهل يلعب كبة صيح له ينفعه للكوافير
ويصيح على اسم "تمني " .

الجاهل صغير ولسانه شوي مش متقن الحروف فيها
دخل مهرول يدور عن اماني: اماني .


اماني مراعية لاخوها يجي له وكملت تتجهز بنت بالصدفة اسمه اماني خرجت مطربقه من فوق لتحت بجلباب وقطعة قماش حول راسه ووجهه
سوداء فتحت السيارة و دخلت جست جنب هيثم .


هيثم مستغرب وعرف ان تمني زعلانة بتكون وماهدرتش وقالبه وجهه

شغل السيارة وخرج للخط وقال:
_تمني مالك ساكتة وفين ترتيل ؟


البنت تصيح صوت يسمعوها خور مكسر كلهم
=الحقوني ياناس الله يقلعك يانذل ياجزمة وقف والا ببهدل بك وقف الآن


هيثم مفزوع مسك بريك و قف السيارة والبنت نزلت تجري ونست جواله


واجوا اثنين عيال خرجوه من السيارة وهاتك ياضرب فوق هيثم .


هيثم يحاول يفهم العيال القصة انه بالغلط بس مافيش فايدة مسوين حالهم احمدالسقا ولكدوه لكد لمن قال بس ورعف دم .


رجع طلع سيارته وعشق ورجع للحافة حق الكوافير
شاف البنت واقفة مكانه عند المحل نزل وجاب له الجوال وقال :
_يا كريمة والله بالغلط والعفو منك


على خرجة تمني من الكوافير دمه فار ونتعته من يده وقالت:
_هيثم بعدي الآن .


طلعت هي وترتيل السيارة وهيثم جاب للبنت الجوال وطلع ولفت لوراء .


وتمني تبكي وتتشهنج جاب له الفاين ورفعت المقرمة من وجهه وقد السايل والايلينر مملعط بعيونه.


كان مش عارف يضحك والا يبكي ومش عارف السبب وخائف تكون فهمنه غلط!

يحاول يراضيها وهي زاره وقالبه وجه
قالت :
_امشي وقفي لاتتفرجش تفهم !


هيثم مستغرب وضحك
=لاتفرجش كيف ايش اتفرج اصلا تقولي دخلتي لعبتي بطة اونو وتدحمتي وخرجتي هههههههههههههه.


تمني مصدومة تضحك وهي تبكي وقالت :
_كيه ساني المرايا اللي عندك بشوف


هيثم يساني المرايا وتشوف نفسه وهنا الصدمة
_اوف تلخبط المكياج ترتيل الحقي


ترتيل مدنية ومخبية وجهه وحوشانة بفستانه والعباية ومستحية من هيثم

قبصت تمني وقالت :
_مش وقتك ياتمني بنوصل البيت بعدل لك هو محد قلك تبكي وتقتلبي بايعة الكبريت الآن .

هيثم يضحك ويضرب هون شاف عزيز أخو تمني واجي من ركن الحافة

طلع عزيز معاهم وتحركوا للمنصورة حيث بيت تمني .

عزيز مستغرب انه بكشيدة هيثم دم! وجهه آثار دكم!

خال تمني وترتيل ينزلوا رايحين البيت رجع عزيز السيارة يشوف أيش حصل!

يد عزيز على كتف هيثم
_مالك هيثم وجهك مجعوث والدم هنا

هيثم...


















📚 @rewayatyamania 🇾🇪

البـارت 2 ✨

بكـرة بينــا 🥀


👌🏻👇🏻 😍
📚 @rewayatyamania 🇾🇪


يد عزيز على كتف هيثم
_مالك هيثم وجهك مجعوث والدم هنا

هيثم يرد وهو يضحك وبالغلط دق هون وتمني وهي داخلة البيت لفتت رجع اشر له تمشي .

=اح يا عزيز اليوم مقلب حصل لي انضربت

_من ضربك بكسره قول ياصهير؟

بدأ يقص له وكملوا وضحكوا

رجع تحرك هيثم لإنماء يتجهز ويجيب اهله

وبنات حافته للخطوبة حقه لبيت تمني ويجزع الفل ومجهز الهدية والدبلة والترتة

وصل لبيت تمني الساعة سبع ونص دخلوا الحريم وشغلوا مكرفون
اغاني والحافة هوديني وهادني ودون وشرح وسلا وفرقة اجت وبدات الحفلة


بعد صلاة العشاء .
للساعة تسع اجوا العيال من الساحل وقرحوا طماش وجبروا صاحبهم وزفوه

وطبلوا بالحافة حق تمني وجسوا فوق الباص وخزنوا وهيثم مراعي كل مساع يتفرج للساعة مراعي متى !

عزيز يجي يقله يلا أدخل لبس تمني الدبلة
قليل وعزيز يخبطه بكتفه ويقول:
_قوم ي عريس الدبل الآن نعم امشي بندخل

والعيال يصفروا ويلطموه شعتلوه شعتال .


نزل من السيارة وتسانى وهو يمشي
للزغط ودخل بعد عزيز البيت وبدأت الفنانة تزفه والفرقة وقعت زفة حلوة لمن دخل وجس جنب تمني .


تمني زعلانة والدموع بعيونه وتفكر كثير ليش ساقله ويهدر كان مع البنت
العصر وإيش في بوجهه مدكم كذا
وهو جالس كان مدني ويحاول يوشوش وهي ضاربة سقال.


_ويه لاتتاحفيش معنة فيبك قليل مسكرة ورموش عادة وكنتور بنتور حقكم ذا الكذب اهدري اضحكي مالك؟
بدأ يحس إنه متضايقة من البنت و وقفته معاها وبدأ يطمنه إنه بعدين بيفهمه الموضوع وسكته ب كلمة من ثلاث حروف
"أحبك" ..
.
.

هيثم فتح العلبة حق المحبس وشله واخته رفيدة تأشر له انه يبدأ يشل العلبة حق الدبلة ههههههههههه كان يضحك وتمني مبرطمة وزعلانة .


قربت المصورة تأخذ لهم لقطات وهو يلبسه وتمني قالبة وجهه ولا تراطبت .

مدت بيده وكانت يده مخشبة مشنجة والاصابع جنب بعض مقدرش هيثم
يلبسه تمام رجع قال:
"بصوت خافت"
_تمني فكيها يلا بلبسك قدنا محرج من الحريم دون كلهم


"تمني أبتسمت بسمة خفيفة وتكابر "وقالت:
=هيا طيب خارجني .


هيثم لبسه في يده اليمين ومن داخل قلب قلبه مبتسم وفرحان وهي الكلبة فرحت وتكابر

كمل يلبسها والمحبس واالسوارة .

رجعت لبسنه الدبلة حقة الفضي وخاتم فضي كان أنيق بفص أسود .

ضم يده على شكل بكس وهي كمان وبينوا الدبل أمام عدسة الكاميرا وأخذوا
أربع لقطات حلوة وبدأت تمني تتراطب وهيثم مرتاح والزغاريط مليان البيت

والحريم والجهال يترقوصوا وبدأ السلا والفهنة .

قربت رفيدة للطاولة الترتة
كانت كريمة بيضاء سادة وردتين زرق على الجنب وعشب أخضر زينة من الجوانب والقلاصات حق الشراب زجاج سادة أبيض على شريطة نيلي من
تحت الجلسة حقهم على شكل فيونكة .

والمجمرة الخشب صغيرة جنبهم تبخر والسكين ملفوفة بشريط أزرق وفضي

قربت السكين رفيدة لهيثم بيقطع الترتة ويتصوروا مع بعض

بس هيثم كان سلي وحبوب لفت لوجه تمني وقال:
_أضحكي والا بطعنك وقرحت ضحكه مليان الغرفة هههههههههههه.

تمني دبجته خفيف بيده
=أعقل جنبنا ناس هههههههه.

رجع هيثم يقطع الترتة وتمني حاطة يده فوقه وهو يعايره ويقول:
_البنت لازم تقطع بيقولوا عليا سكان يمين من أول يوم أنا أتمهر ههههههه بدالك لاتفرحيش هي اليوم بس أمسك حاجة من حق المطبخ .

تمني بدأت تتراطب تلاكعه
_طيب ياسكان يمين هات

نتعت من يده السكين وقطعت باقي الترتة وقسمت للطبق الابيض وهيثم نتعه من جنبه والشوكة وبدأ ياكل

تمني تلمح له وتسوي حاله الانيقة بيقولوا خطيبه يتهاور

وهيثم دايس بنزين أكل كل الكيكة اللي قطعنه للطبق وبقى شوي من الكريمة
ههههههههههه.

وشل قلص الشراب وشرب وغمز لعند رفيدة أخته وبنات خالته جنبه
يضحكوا علوه .

ورفيدة أشترغت ضحك من جنان أخوها وقامت لعنده وقفت جنب كتفه دنت تقول له: وربي إنك مجنون اطعم بس ضحكتنا .


هيثم رافع حاجب ومبتسم ويخرج فاين من جيبو
=خلينا مجنون تتزايدوا البنات هههههههه جبناها ناكل مو نتصور والا فكي لهم الآن البنات لا يعملوا حالهم كيوت بيفحتتوها كما الرز المنفوش

ضحكت رفيدة وقفت تتصور وقربت أم هيثم وخالاته الاربع ومرة خاله وجدته والقاشعة كلهم وملوا المكان وقفو وتصوروا.


الصورة الثانية
قربت أم تمني وأخوانه الصغار وعزيز دخل بعد ما لبست رفيدة واهل هيثم وتصوروا مع بعض وشل هيثم وخرج .


في البيت البنت حلوا العبايات والمقارم وتمني بعدت اللبس اللي غطت فيه شعره ويداته من كتفه ونص الفستان قطعة قماش مثل حق بياض الثلج تبعها
كوفية وربطة وسط طقم الفستان .

وشلوا الكيكة رفيدة وخالته والصحن والقلاصات ودخلوها المطبخ .

وبدأوا صحبات تمني شادية وسوزان يقربوا للمعازيم الكيك والشراب والمي .
























📚 @rewayatyamania 🇾🇪

البـارت 3 ✨

بكـرة بينــا 🥀


👌🏻👇🏻 😍
📚 @rewayatyamania 🇾🇪


الفرقة رجعوا يغنوا وبدأوا بغنية :
أسمر وعادو زاد كحل عيونه
وابوي انا لمن يلاعب جفونه ..

البنات اشترحوا


والعيال مراعين برع لهيثم يخرج ويلطموه ويدكموه

عاد الا هيثم خرج من فكة الزغط والعيال سحبوه وحملوه فوقهم وهاتك يا زفة بالطبل اللي جابوه معاهم ومن السيارة فتحوا اغنية سمارة ياسمارة بصوت
فؤاد عبد الواحد .

وزفوا صاحبهم زفة هدار ولبجوه دكم وسفاط ونتعوه للسيارة وتحركوا
بالباص هايس وسيارة هيلوكس مليان عيال للساحل
جزعوا للعيال اللي كانوا مخزنين هناك وراحوا مع بعض مخبازة بالخور .

تعشوا سوا مع عزيز وأخو هيثم هاشم.

هاشم كان عمرة 26 أكبر من هيثم بسنة وقليل
عزابي سنجل وسيم قمحي وشعرو مش اسود داكن على بني كذا وحلاقة شعرو من الجوانب مخفف وقلبة على جنب من قدام كان شعرو حلو.


تعشوا مع بعض وفجأة صوت وضرب قوي من جهه المطار وماقبله.
وهم قريب عبود يتعشوا تطايروا العيال وسابوا العشاء نصه متأكلش .

وهاشم ياكل بالراحة مع عزيز وهم يزمطوا بالسيارة لهم

الشباب بصوت واحد ..
(يلا بنتحرك )

قام عزيز وهاشم وطلعوا الهيلوكس وراء مع العيال
وهم راجعين للمنصورة من خط العريش عند جولة الرحاب زاد الضرب

وكان الوقت قدو 9 ونص بالليل .

تعرقلوا وقطعوا الطريق وكانت أشتباكات قوية دوروا بالسيارة والباص
ورجعوا لخط الجسر من جولة بدر .

تحركوا وصلوا لعند الجولة وشافوا كمان اشتباكات ودبابات وكانها بداية حرب !

مروا بسلام وحفظ الرحمن للمنصورة

جزع هيثم والعيال كل واحد رجع على بيته وبقى هيثم وأخوه مراعين
يتجهزوا أهلهم ويروحوا بهم لإنماء.


تجهزوا الحريم على عشر وربع وطلعوا الباص هايس وتحركوا لأنماء
ورجع يلف بخالته للبريقة وحده منهم هناك مزوجة .

جواله مغلق خلص شحن تمني خايفة وتتصل علوه !
مستغربة ليش مافتحش نت

في جروب الواتس حق صحبات تمني بدأوا يسألوها !.
تترمسي يابنت متصلة ها
إيش قلك لمن كملت الحفلة
إتصل بك كلمك !
وكثير كلام

تمني تحس بالندم إنه هيثم ولامعبر له وساقل له وفوق ذا كله الأوضاع
مخبوطة خبط وتشتي تتطمن ومش عارفة ترد على البنات .


بدأت توالم زعلها مع بعض


وهيثم المسكين أول ما وصل بيتهم بيحل البدلة امه طرفت له ورقة مكتوب
فيبها رشان للبيت إحتساب لو وقعت حرب يكونوا جاهزين وعدت فلوس
وعطته يروح يجيب مع اخوة رشان من محلات الجملة بالشيخ قبل مايقفلوا .

طرح هيثم جواله يشحن وطفت الكهرباء وأمه فوق راسه يلا قوم

دخل الحمام عمل دش سريع ولبس بدلة رياضة عادية حق النفعة وصندل
وتحرك يراعي لهاشم أخوه ويروحوا يجيبوا رشان


شغل السيارة ونسى الورقة رجع هاشم طلع العمارة وجاب الورقة وتحركوا
للسيلة في مديرية الشيخ عثمان محافظة عدن.


محلات جملة على طول الطريق ومواد غذائية دخلوا ولقطوا الحاجات كله بوقت قصير وكانت زحمة التجار والسيارات والجواري جنب المحلات
مليان الناس متحسبة إن في شي بيقع وبدأت تأخذ رشان

حنبت سيارتهم وسط دينة محملة دقيق !
مقدرش يخرج هيثم لايسار ولايمين!

تنهد وقال:
_حوشة والله!

هاشم وهو يقول :
=اوووووف حنبنا والحل!؟

نزل هيثم من السيارة يدور صاحب الدينة والحمدلله لقاهو يقطع سند بالبضاعة من صاحب محل جنبهم.

طلع صاحب الدينة وإعتذر لهم وركن بعيد وفتح طريق .

تحرك هيثم لورا ودق في باص زلومة كان مستعجل ومش منتبه من الزحمة
والساعة 11 بالليل كأنها 11 الظهر امة لا إله الا الله وحمة خانقة.

أجى المرور سحبهم على جنب والرجال يتشعطط صاحب الزلومة ويشتي تعويض ويصلح سيارته.

هيثم شل الباص وراه وربط بحبل ومشوا للمدارة عند الورش ودخل باص الرجال ورشة يتصلح وهي لمن الساعة وحدة الفجر لمن خلصوا شغل المهندسين للباص .


سلمه الباص حقه وتصالحوا وبقت فلوس عند هيثم لصاحب الورشة وعده يرجع بكرة باذن الله ويغلقه كانت حوالي 50 الف .

وهيثم دفع 16 باقي الفلوس اللي معه بس .
رجعوا لأنماء حملوا الرشان للبيت .


وتمني في بيتهم مقهورة حلت الدبلة والمحبس وطرحتهم في علبة وخبتهم بالكبت وقفلت جواله ونامت

هيثم رجع والكهرباء طافية مكانه ومافيش بترول بالمولد حوشة ثاني!.

شل جوال هاشم ورسل لرقم تمني رسالة .
كانت كذا/
(مساء الخير تمني تطمني جوالي بلا شحن أول ماتلصي بشحن وبدخلك واتس وأقلك يومي كيف كان ولو فيك نوم نامي برجع أتصل بك لمن تجي
الكهرباء ذا رقم أخوي هاشم) .

يتصل عليها والجوال مغلق !
ويتصل على أخوها عزيز مغلق!
والأوضاع مش مبشرة بالخير


بدأ القلق ونزل تحرك بالسيارة للمنصورة وإتصل على عزيز ثاني وثالث وهو بركن حافتهم ومافيش فايدة والوقت متاخر !















https://tttttt.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 4 ✨

بكـرة بينــا 🥀


👌🏻👇🏻 😍
📚 @rewayatyamania 🇾🇪


انتظر لقريب الفجر وجوال هاشم معه ويحاول يتصل عليهم مافيش فايدة لعاد يقع شي حرب !

كمان والحافة محد فيبه كل العيال دخلوا بيوتهم إحتساباً

غفت عيونه ونام حتى صلاة الفجر سمع الآذان ورجع للمسجد يتوضي ويصلي ويتصل ثاني بعد الصلاة ومافيش اي رد

إنتظر الشمس تشرق ودخل للزغط حقهم ودق الباب مع الساعة ست بالضبط .

يتفاجأ ان الباب مقفل وفيبه قفل كبير على الهندراب !

كان مستمر في إنه ميتراجعش ويحاول يعرف فين راحوا!
رجع خرج من الزغط وطلع سيارته وانتظر للساعة ثمان الصبح ومافيش
إي حد خرج من البيوت وبدأ يستمع ضرب من جولة كالتكس .

شغل سيارته ورجع يلف حوافي بالمنصورة من الصبح ويشوف مخبازة بيتقرع لاقى مخبازة مفتوحة خلف مسجد الرحمن بمسافة قليل ركن بالسيارة حقه ونزل وهو نازل تذكر انه شحن جوال هاشم بيخلص ومافيش معه وصلة
شاحن يركبه ويشحنه من السيارة !

حطه في جيبه بعد ما نقص الاضاءة ودخل المخبازه طلب نفر فتة موز
وقلص شاهي ملبن "بالحليب".

خمس دقائق وطلبه جاهز قرب المباشر وبدأ صاحبنا هيثم يتقرع أكل لمن عبى بطنه كان بيختزق جوع .

جوال هاشم أخوه معه كان يرن !
نتعه من جيبه بطرف صبعه وحطه على كتفه ودنى قليل يرد يده كانت سور اكل وفتح المكالمة والمتصل كان امه.

_الو هيثم حبيبي فينك ياقلبي خوفتني عليك !

هيثم كان ياكل وصوته حبتين مكضوم من الاكل ههههههههه.
=ها امة هلنا بالمنصورة اتقرع ليش مالك تخافي!
حصل لكم شي؟

_لا تكذبش صوتك مدري كيف مالك ايش حصلك ؟

يحاول يطمنه كان وللأسف فصل شحن الجوال والام تتكلم .

خلص ياكل فيسع ...


في بيت هيثم
الام تتخبط وتبكي وتلطم وجهه وتتشتعل وتصيح فوق هاشم ليش ساب أخوة يخرج في الليل !

هاشم يحاول كان يهديها
_ياماه الله يحفظك هو خرج كيف بمنعه رجال مسبع مربع عارف فين الصح وفين الغلط وقلي بيتصل وبيرجع مقليش بيتأخر كذا!

=أخوك انخطف أكيد صوته ثاني يا هاشم الآن تنزل تدورله.. الآن .

هاشم ضم امه وباسه براسه
_خلاص يامه ولايهمك الآن بنزل وبرجع وهو معي بس اهدأي

راح هاشم للغرفة شل الجوال حق هيثم بس مش عارف كلمة السر!
رجع طرحه زي ماهو بعد ما كان فتحه وحطه بالكبت

رجع يلبس بداله وخارج يشوف هيثم فين؟


بالوقت ذا كانت تمني تتصل ومافيش اي حد يرد عليها وزاد الطين بله
الجوال صامت .

نزل هاشم وبقى هيثم في المخبازة يتقرع هاشم في إنماء وهيثم في المنصورة.

لف هاشم الرئيسي وقريب المسجد وكم حافة جنبهم ويتفرج بين العمائر مافيش أي حس ولا سيارة هيثم موجودة!

رجع يدور على باص للمنصورة ولافي نخس الناس متخوفة وفي بيوتها .

انتظر تحت العمارة لمن يرجع هيثم وجلس مفسر وحيران فين بيكون راح!

قليل هيثم يدخل الحافة بسيارته ويركن تحت العمارة .


نزل من السيارة أشر سلام لهاشم اخوه وطلع الدرج كان تعبان ومرهق.

هاشم معصب ودمه يفور لحقه ودخل بعده يسأله فين كنت وليش نمت برع بحكم إنه أخوه الكبير وخوفهم !

هيثم تعصب وقال له:
_مش شغلك فين كنت خلينا طالعة للسماء معي ضبحان

رد هاشم وهو ناتع له من الجرم عند رقبته
=كيف مش شغلي!؟
انا اخوك يا حمار
فين كنت ؟


اجت الام على صياحهم وهم بالممر دخلتهم للغرفة وقفوا وهي جست فوق
القعادة تتفرج سكته عليهم قالت:
_مسبعين مربعين وتتضاربوا!
جهال صح ؟
ربيتكم كذا اني؟
تكلموا
ليش ساكتين ؟

فرحت وقلت عيالي كبروا وتعبي مراحش للارض !
بينتبهوا لاختهم لو جرى بي شي
مدريش ان عيالي جهال !
عقولهم سليط ومي!
يتضاربوا بذا العمر!

لفتت الام لعند هيثم وهي قالبة وجهه من خوفها قالت:
_وانت يا هيثم فين كنت ؟


قفز هاشم قال :
=هات جوالي


الام صاحت بصوته .
_جسوا سكتة مجيناش نتضارب جيب له جوالة ياهيثم .


خرج الجوال هيثم وعطاه لهاشم وضمه لصدره وباسه براسه وقال:
_انا اسف يا خوي بس الله ضيقان تحملنا

ابتسم ابو بسمة جنان هاشم وقال :
=انفدا حبيب قلبي حصل خير بس طمنا فينك خوفتنا

الام شلت المخدة وجدلتهم وهم واقفين وتضحك وبعيونه دموع انهم سدوا ورجع هيثم وفرحانة فيبهم .
وقامت وقفت ومراعية ل هيثم يرد ..

هيثم بدأ يطمنهم وقص لهم الذي صار


الام ردت وقالت: والله وكبرته يا روميو يلا خير بس مش للدرجة ذي مها كنت تحب وقدك
خائف بس حسب على قلبك وصحتك بتجي الشمس ثاني يوم وكلمني بروح
معاك لبيتهم وبطمنك وبعدين بتكون نائمة والا اخوها خرج وقفل الباب من برع عادي تطمن خير.


بدأ هيثم يتطمن وشل نفسه راح الحمام يتغسل وبيرجع ينام عاد الكهرباء
لاصية كمل من الدش ورجع يدور الجوال وهاشم ممدد فوق السرير قله انه بالكبت .

فتح كلمة السر وشاف كثير اتصالات من تمني بدأ قلبه يقشنن ويرفرف
وطار النوم من وسط عيونه.

رجع يتصل فيبه وراح للبلكونة وذيك القشنانة والفرحة بوجهه .
_الو تمني فينك طمنينا ؟


تمني ساكتة متردش .





















📚 @rewayatyamania 🇾🇪

البـارت 5 ✨

بكـرة بينــا 🥀


👌🏻👇🏻 😍
📚 @rewayatyamania 🇾🇪


الحياة منهج ان لم تأخذ درس منها أصبحت تتلقى الصدمة تلو الأخرى .
مروى العودي✨


رجع يتصل فيبه وراح للبلكونة وذيك القشنانة والفرحة بوجهه .
_الو تمني فينك طمنينا ؟


تمني ساكتة متردش .

رجع يتكلم ثاني
_الو تمني فينك طمنينا عليك انا اجيت...

قطعت كلامه وجابت له كلام يسم البدن
=اجيت الآن اني من امس مجدولة ولا داري بي ي هيثم كل البنات يضحكوا عليا بيوم خطوبتنا مهلكش معي تقلي كيف وقعتي حتى من مجاملة ولاتطمني والاوضاع مخبوطة اجيت الآن وانت راقد بنوم عيونك من امس واني انقهر.

هيثم ضحك وعادة الا بيكلمه طبقت بوجهه المكالمة وقفلت جواله!

أنقهر الليد شل نفسه ونام نومة طويلة مقمش يتغذي حتى ولمن الساع ثلاث العصر شل نفسه ونزل الشارع والجهال لعبوا كبة جنبه قام تسلى وجزع وقت ولعب مع عيال حافته للساعة خمس طلع الشقة.

شل فلوس المهندس الباقي عنده دين وراح للممدارة يحاسب الرجال راعى للرجال كان يعبي تاير لسيارة بيضاء مدري كيف صاحبنا لفت انتباهه نوع
وموديل السيارة لفت شاف الزجاج نص وتمني داخل!

غمض وكذب عيونه وفتحهم وخرج جواله يتصل وقرب لباب السيارة
وجوال تمني يرن نفس النغمة اللي رسلها له كانت اغنية حق الجسمي قديمة
"انت كافي وما ابي غيرك أحد"
انت كافي وانت بزيادة عليا
اوعدك ما تلتفت عيني ل احد!

أنسحب وهو يشوف تمني تطبق عل المكالمة وحط الفلوس للرجال عند صاحبة عامل .

وطلع سيارته تحرك وهو لافت من زجاج مرايا السيارة للطريق بعده ويشوف السيارة ومدري كيف صاحبنا ضعف وقهر وبكى ودبج السكان
وصاح وطول لخط العريش عند المملاح جنب ركن قريب نقطة وهو ممنوع.

ودنى وبكى بحرقة وحل دبلته والخاتم وطرحه فوق الكرسي اللي جنبه

ويشوف ملامح تمني جنبه! ويذكر لمن جابه من عند الكوافير وتأكد بانها خاينه للاسف .


قليل والعسكري اجى مستغرب يسأل ليش واقف !

أعتذر هيثم وطول لنهاية الشارع ورجع لف من الخط حق الرجعة ومشى للمنصورة ومنها لأنماء .

وصل وجلس تحت عمارتهم لحاله وسط السيارة وفتح الغنية نفسه ومستغرب كيف ويحاول يخلق لتمني الف عذر ومش قادر يواجهه !

عموماً
مش كل الوعود صادقة

ولا كل البشر تكتفي
نتفق ان المواقف
هي حجر الاساس للعلاقات وان الصدمات هي دلالات ربانية وطوق نجأة لنا وبالمختصر لا تنكسر.
مروى العودي✨


هيثم كان يقاوم وجعه لحاله في الوقت ذا أستمر حق ساعتين وطلع نام نومة طويلة لثاني يوم الصباح لمن الساعة تسع صحى من نومه مش زي كل يوم يتفاقد الجوال.


المختلف اليوم انه اول ما صحى قفل الجوال وفك الغلاف وخرج البطارية والشرايح كسرهم نصين وجدل بهم تحت المخده .

قام تغسل وتقرع وشل مفتاح السيارة وخرج وفي بعض مديريات فيها كان الضرب بدأ يزداد .

شاف الوضع مايطمنش رجع البيت كلم رفيدة تلف الثياب وبيوديهم تعز تمشية حق اسبوع لو مكانهم مستمرين اشتباكات بيطولوا مزمة الاوضاع
تهدأ


رفيدة فرحته السفر والتمشيات بدأت تلف ثياب اخوانه وامه وثيابه

وامهم مقالتش لا بالعكس فرحت .
امهم كانت فرحانة بالسبب عشان عياله ولا يروحوا مع حد ولا يدخلوا بنزاع وحرب تشتي تجنبهم الفتنة ونار الحرب

كانوا أسرة بسيطة مسالمين لا لهم ولا عليهم


هاشم اول ما دخل البيت يتفاجأ انهم يرفعوا ..

وقف ورفيدة عند الكبت تنبش

قال:
_رفيدة مالك؟
يش في ترفعي
وليش الشنطة دي؟

رفيدة وهي فرحانة
=بنسافر ؛ نتمشي نتبرد نتصور نهبلة سلفيات كذاك كذاك.

هاشم مستغرب وزعلان بنفس الوقت ورافض حكاية السفر.
صاح وصوتة استمع للغرفة وهيثم وامه يتابعوا الاخبار.

قفز هيثم يحسب انه ضرب رفيدة ومستغرب ايش في!
قرب لعند هاشم وقال:
_هاشم مالك يااخي صوتك مليان البيت ؟

يتنهد كان وضبحان رد على هيثم وقال :
=ايش مالنا !
كيف بنسافر نتمشي والدنيا بداية حرب؟

ضحك هيثم ودكمة بكتفة حق سفاط وقال:
_يا هاشم ايش لنا منهم نحنا بعيد من السياسة وخبابيرة بالنهاية بيسدوا.

=يعني انت شايف ذا صح

_هاشم حبيبي اسمع اخوك نحنا مالناش دخل نحنا بنروح فيبه اما هم مرتاحين .

هاشم مش راضي يقتنع وفي باله انه يروح يسجل مع العيال بالمعسكر بس مش قادر يقول لهم الدخلة حق الموضوع كان يعارض على السفر .

هيثم يفهما وهي طائرة قرب لعند اخوه وبأس راسه : انفدا قلبك ياجبل انت أخي وانا مشتيش اخسرك خلينا بعيد ولاتفكرش بالعسكرة ذي

أطلع بنغير جو بتعز صاحبي بالشغل عزمنا والله وبنرجع عدن اسبوع بس .

هاشم أنكسر لمن شاف حنان اخوه واهتمامه وافق

ورفيدة تصفر وتصفق
وتقول :
_اتفاقية سايكسو

ضحك هيثم ومسك على بطنه ههههههههههه
=عيدي الكلام يارفيدة اتفاقية ايش؟

رفيدة بكل ثقة
_سيكو

أنفجر ضحك هيثم وهاشم

دخلت الام: ضحكوني معاكم















https://tttttt.me/joinchat/AAAAAEIz_KDfjDgo7Gaxwg






📚 @rewayatyamania 🇾🇪

البـارت 6 ✨

بكـرة بينــا 🥀


👌🏻👇🏻 😍
📚 @rewayatyamania 🇾🇪


أوقات الفراق بيسرق من عمرنا الفرح. مروى العودي✨


دخلت الام: ضحكوني معاكم

العيال يضحكوا بهوس على اختهم انه غلطت بالكلمة

ضحكت الام لضحكتهم

ورجع هيثم يوضح لامه اللي صار .
ويصحح المعلومة ل رفيدة
_اتفاقية سايكس بيكو لو تقصدي !

ردت رفيدة وهي تضحك
=ايوه اهم شي فهمتوني

هيثم مبتسم وقطعت المود اخته لمن سألته بنفس الدقيقة
_تمني ياهيثم كيف ؟
بينزحوا والا بيجسو !؟
تطمنت عليهم عاد؟

هيثم انعجم معرفش يرد
المسكين مقهور ويحاول ينسيها ومش قادر يواجه والا يكلم احد بالذي صار

غالط رفيدة وقال وهو مرتبك :
_تمني نزحوا ابين امس عند ناس يقعوا لهم كلمتنا قد.. يلا ماعلينا انا قدنا اطمن عليها لاتهمي .


رفيدة بحيرة أستغربت وقالت:
=يلا تمام الله يخليكم لبعض
مش زي كل مرة هيثم يرد بتنهيدة ويقول آمين
دي المرة شل نفسه وخرج من الغرفة ونزل للسيارة حقه

فتح باب السيارة وهاشم لحقه
حط يده على كتفه

لفت هيثم وهو يقول:
_خير هاشم !

=كل خير اشتي اجي معك

_انا مش رايح مكان

=طيب بطلع معك

_طيب اطلع

طلعوا السيارة لصى المكيف ومشى لخط التسعين .
هو ساكت ولا نخس وهاشم حاسس انه اخوه متغير

بدأ يفتح كلام معه ويحاول يخليه يفضفض .

هيثم مش قادر كان ومخنوق قرر يسكت مايتكلم

هاشم بذي اللحظة كان يحاول يسليه قال :
_هيثم اشتي ارتبط كيف اعمل؟

رد هيثم وبحة صوته منكسرة
_يا قلب اخوك لا توثق بالحب .

فجأة جوال هاشم يرن.
هاشم خرج الجوال من جيبه وشاف رقم تمني عطى الجوال لهيثم يرد بس هيثم قفل المكالمة ورفض يرد.

هاشم بقى مستغرب !

هيثم لصى حبة سجارة وفتح باب السيارة وركن بركن حافة وجلس ينفخ فيبه وعيونه تبكي ومقفي من اخوه.

نزل هاشم من السيارة شل السجارة من يده ورماها ودعسه بجزمته يطفيها بالتراب وضم اخوه وجلس على ركبه نص جلسة لافت لعيونه يتكلم معه
ويقول:
_ هيثم انا اخوك تعرف ايش اخوك؟
ورب محمد ما اخليك للحزن والزعل كلمنا مالك ؟

_اح ياهاشم انا مشتيش اكمل مع تمني

=ليش؟

_ شفتها

=فين ؟؟ شفتها ايش ولا افهمتم وضح

هيثم تراجع عن الكلام ومايشتيش كان هاشم يأخذ فكرة سيئة عن خطيبته
وحاول يستر الموضوع ويغالط وقال: _شفتها طبع فيبه زفت

ضحك هاشم وقال:
=يااخي عادكم الا خطبتوا مالكش يومين على بعض عطيها فرص والحب حبة حبه يجي .

_خلاص هاشم انا مقتنع عرفت طينته من الاول قفل الموضوع .

=ولايهمك اهم شي لا تظلم بنت الناس معانا اخت .

_تطمن ياجبل ربنا مايرضي بالظلم ولا بظلم حد .

تطمن هاشم ورجع على السيارة بس حاسس ان هيثم مخبي حاجة كان!


عدى اليوم ذا وتمني تراسل هاشم بالواتس وتسال عن هيثم .

هاشم كان يوري هيثم الكلام ويقله كيف يرد عليها.
هو بخير
جوالة عطلان
ومن ذا الكلام ...


ثاني يوم هو يوم سفرهم تعز يتمشوا..

نزلوا الشنطة وشنطة جنبه ونزلت ام هاشم ورفيدة وهيثم وهاشم .

طلع هيثم بيسوق نزله هاشم وطلع بداله يسوق كان مرهق وتعبان .


تحركوا على بركة الله من انماء للشيخ لخلف أستاد 22 مايو الرياضي كان من هناك الطريق مفتوحة لانه الكراع مقفلة طريق عدن تعز الخط ذاك ..

وصلوا لحج الساعة ثمان ونص الصبح ونزلو تقرعوا بمكان العائلات مخبازة ورجعوا واصلو سفرهم .


في الطريق صادفوا سيارة تعطلت ومعاهم ثنتين حريم وجاهل صغير واثنين عيال كانوا من عيال كريتر القطيع بالتحديد .

وقف هاشم ونزل يشوف السيارة مالهم والحريم بالطريق والجاهل!

ويساعدهم بس للأسف المكينة تعطلت حق سيارتهم اقل شي يبيتوا بالطريق
ويجيبوا مهندس وهم بمكان مقطعة بعد خط الرجوع لحج.

رجع هيثم قال للرجال خلوا الحريم يطلعوا معانا ونوصلهم ل تعز وحد منكم يجي بنشوف اقرب مهندس للسيارة ويرجع معه .

وافقوا طلعوا الحريم جنب رفيدة وامه ورة
وبدأوا يتعارفوا..

هيثم جنبه الرجال كان اسمه عبدالرحيم شاب عشريني جس يتعرف على هيثم ويحكوا لبعض عن الاوضاع كيف ولفين وصلت ..

وراء جالسين شوهة سال الحريم وقلك بلك وهدرة جزعوا الطريق .

هاشم عينه تزرق للمرايا ويلمح البنت ورة اللي تهدر بيده جاهل عيونه حلوة ..

هيثم ركز علوه قرب لعندو وقال:
_قع رجال معانا عار.

أستحى هاشم وكمل يسوق لطريق ولا عاد لفت لوراء

البنت كان اسمه هند وعمره 25 درست للثانوية وقفت ماليش نفس تواصل ومهتمة بحالة كثير .

بنت خالته جنبه كان اسمه سارة ومزوجة وزوجه جالس عند السيارة مراعي لحد يرجع له بالطريق ومعه جاهل عمره سنتين .


كملوا الطريق بس قلب هاشم يرفرف ههههههههههه.

وهيثم ساعة يهدر ساعة يتكارب ويغالط نفسه وحسه عند تمني !


ركنوا جنب مطعم في القاعدة لمن دخلوا تعز .

نزل هيثم شل جوال هاشم بيتصل لتمني .
اتصل على طول ردت






















📚 @rewayatyamania 🇾🇪

البـارت 7 ✨

بكـرة بينــا 🥀


👌🏻👇🏻 😍
📚 @rewayatyamania 🇾🇪


نزل هيثم شل جوال هاشم بيتصل لتمني .
اتصل على طول ردت

هم دخلوا يتغذوا مع الساعة وحدة ونص الظهر.
بقى جنب المطعم ويسمع تمني

_الو هاشم رد طمني على هيثم ؟

=انا هيثم

_ها هيثم فينك خوفتني عليك

=هلنا الآن في القاعدة حق تعز .

_طيب كيف الطريق كيفك انت

=بخير وفينكم انتوا؟

_نحنا في بيت خالي بالممدارة طفى المحول بحافتنا رحنا عندهم نجس .

هيثم قرر يصارحه بذا الوقت وقال :
_بسالك تمني تبردي بصدق!

=أسال ايوه

_ايش خرجك العصر اول امس؟
بسيارة سودة؟ جنبك رجال معرفوش انا
وقفتوا تعبوا التاير بالورشة!

= الو هيثم مسمعكش التغطية تروح وتجي عندنا

_تسمعينا ورب محمد وتغالطي المهم لمن تلاقي رد اتصلي على هاشم
وقولي له هات هيثم بكلمه اما انا كسرت شرايحي وجوالي بعدن طافي .

طبقت المكالمة تمني .


في بيت خال تمني
تمني في حيرة تشتي تلحق تفسخ خطوبتها قبل ماتكبر الحكاية او هو يسبق ويفسخ !

صيحت ل اخوها عزيز
وتكلمه انه متشتيش هيثم وانه نكدي وفحاس!

عزيز مستغرب !
لانه عرف هيثم طيب وسفاطي وشخصية !

المهم تفهم ل اخته بعد ما اقنعته انه مابتقدرش تكمل معه وحلت الدبلة وعطته ل اخوها .
وقررت تفسخ

............


في المطعم هيثم قرب متاخر وهاشم وعبدالرحيم قدهم مخلصين اكل لقمتين ومقدرش يخلص كان مقهور.

طلعوا للسيارة وصلوا للفندق حجزوا جناح خلوا الحريم يدخلو ورجع هاشم
يشوف عبدالرحيم ومهندس بيرجعوا للرجوع في لحج يجيبوا صهير عبدالرحيم وسيارة.

هيثم بقى في الاستقبال حق الفندق ويتابع الاخبار شاف ان عدن انعصدت اكثر خرج للاتصالات دق على تمني يتطمن .

ردت تمني واول ماسمعت هيثم طبقت .

رجع يتصل على عزيز !
هنا كانت الصدمة

يتطمن علوه وعزيز يصدم هيثم ان تمني فسخت ومافيش نصيب ودبلتك موجودة لمن ترجع .

ضحك هيثم وقال خير ان شاء الله وتسلم ياعزيز تحياتي.


مشت الامور عادي ...

جس زي المجنون يمشي بشوارع تعز الجديدة علوة!

ورجع للفندق مع الساعة تسع بالليل وقد هاشم منتظر له تحت ورجعوا من السفر.

مسك اخوه اول ماشافه داخل الفندق وطلعه السيارة وراح شل له جوال صغير وشريحة وحطه بجيبه وقال له خليه ذا معك لمن تخرج كذا تقلقنا
ياهيثم .

هز هيثم رأسه وطلع للجناح اللي فيه امه واخته مع هاشم وتمدد ونام بدون مايتعشى .

لثاني يوم امه تصيحه
_هيثم قوم تطمن على تمني واهله

هيثم فتح عيونه

=اماه الله يحفظك منتواصلش انا فسخت ولا اشتيها ولا هي عاد تشتينا ..

الام مصدومة وتحاول كانت تعرف ليش وكيف وهيثم مخبي كل الكلام.
وحاول يقنع امه انهم مسدوش .

الام مستغربة الفترة قصيرة ولازم تعطوا فرص لبعض !

بس اصرار هيثم كان الاقوى


مر اسبوع تمشوا وزادوا فوق الاسبوع اسبوع .

ام هاشم تمدح البنت اللي تعرفوا عليها بالطريق هند
وكانت هند بيطلعو البلاد ينزحوا مع اخته و زوجه لانه كانت يتيمة ومامعيش حد غير جدته اللي توفت قبل الحرب باسبوعين ورجعت تعيش مع اخته المزوجة

راحت الام تودعهم للغرفة حقهم جنبهم وهاشم نزل يوالم عصير وكيك ويلحق رفيدة عشان تدخل عليهم بهدية .

هيثم رجع يطلع كثير ويروح مع صاحبه جبل صبر وغيرو ومولات ويغير جو يحاول يكابر شعور الحب وينسى
..

اوقات الفراق يسرق من عمرنا الفرح✨












https://tttttt.me/joinchat/AAAAAEIz_KDfjDgo7Gaxwg







📚 @rewayatyamania 🇾🇪

البـارت 8 ✨

بكـرة بينــا 🥀


👌🏻👇🏻 😍
📚 @rewayatyamania 🇾🇪


اني فدالك ماله وربي منشتيش لا فلوس ولا وظيفة ولاشي اشتيك انته قبال عيوني

_بس ياماه قلنا اسبوع بنرجع وانا طلعت على ذا الاساس !

هيثم قرب واخذ اخوه على جنب وخرجه من الغرفة للصالة جلس وخلاه يجس قباله يلفت لوجه هاشم وذاك لافت لوجهه ولاحد منهم تكلم .

امهم وقفت بركن الباب
_ياهيثم هيا اقنع اخوك والله بموت فجايع اني مشتيش يدخل عسكرة ولا مستعدة اخسر حد فيكم ياعيالي

هاشم قام وقال :
_خلاص انا ببطل بشرط !

ردت امه وقالت :
=امرني يا عيوني مالك

_استحي

انفجر هيثم ضحك هعههههههههههه وقال :
_فهمتك

قام هاشم دبجه بكتفه وتسافطوا وقع ضحك والام حوشانة فيبهم ايش من شرط
ذا .

رفيدة واجية من الغرفة تمسح وجهه كانت وتقول :
_اني عرفت ياماه

=قولي ها ايش قصدة

هيثم وهاشم تسمروا كيف عرفت!

ضحكت رفيدة وقالت :
_واني مبقلش الا بشرط

الام تنرفزت وبنهاية النرفزة ضحكت هههههههه.
=كلكم شرط ماله خارجوني

رفيدة قربت من امه وتضمه وتشله لفوق المجلس
_جسي هنا يماه جسي
الواحد لمن يقلك مستحي من عيالك والا بناتك مستقبلا.

قطع كلامه هاشم وقال:
_لا تلمحيش يا مستقبلاً.

ضحكت رفيدة وكملت الكلام ..
ياماه تمام ركزي ها ..
_مستقبلا
اعرفي انه في خبارة زواج .

يعني المناضل ذا يشتي يروح للمعسكر انتي قلتي لا الآن بيقلك ياماه زوجينا
هههههههه.

فرحت الام وقالت:
_لو على كذا سهل فرحتي اشوف ابني عريس .
ولفت لعند هاشم والبسمة مليانة وجهه ..
من بقلبك ياهاشم قلي بنخطب لك ياتة .

هاشم شل المفاتيح من جيب هيثم وهيثم ضم ع يده وقال له:

_رد على امك ياحيوان هههههههه ليش الهربة .

=هات بروح مطعم جوعت

_بس ياجوعت جس ورد وخليك صريح .

الام تضحك ومن داخله مرتاح وفرحانه انه بيبقى هاشم جنبه

رفيدة تتفرج لاخوانه وكانهم الدنيا وما ملكت .

هيثم يحايل بهاشم يتكلم

بصوت عالي قرحة هاشم وقال :
_ انا صراحة دخلت قلبي البنت ذيك

الام قربت ورفيدة جنبهم سبطتت وهيثم مركز مع هاشم منتظر يهدر .

ردت الام وقالت
_اي بنت ؟

هاشم واثق من حالة مع قليل خجل قال :
_اللي شفناهم صدفة بالطريق

ضحكت رفيدة وصفقت وهيثم معاها
وقالت:
_واني اقول ياعصير يابسكت ياشكاليت يارفيدة ودعي الناس لمن سافروا
والدلع ذاك مش من قليل .
وذيك الحنية اللي نزلت عليك ههههههههههه.

هيثم قطع كلامه وقال:
_ انا اللي طلعت مسكين ياماه الليد خطير جس يتشقور بالمرايا بس عملت له هسة انا وقتها لكن طلع الحب من نظرة .

هاشم يقطع حشوشهم
_اوف لكن بسكم حشوش على ظهري الآن كيف شرطي مخارج معاكم !

الام ردت مع زغروطة ورفيدة لحقنه وزغرطت
كان الرد بزغروطة ياحلاوة البساطة والعفوية في امهاتنا .

بارك هيثم ل اخوه وقال له خليها عليا بتواصل مع عبدالرحيم وبنشوف فين بلادهم هنا وبنزورهم قبل ما ننزل عدن .


بدأت امورهم تتسهل واخذوا موعد من عبدالرحيم وراحوا طلبوا البنت اللي عجبت هاشم على سنة الله ورسوله.

وقتها بس عرف هيثم .
ان الحب محد يجري بعده ولا هو هدف يكون الحب شعور ومواقف تثبت لك ان حان الحب وحد يعيش داخل بقلبك.


وبلطف ورحمة الباري تمت فرحة هاشم بالرغم من انه من عيال المدينة بس كانت خطوبته في قرية وبعادتهم وتقاليدهم البسيطة مافيهاش غير نظرة شرعية

اول ما دخل هاشم الغرفة عشان يشوف البنت اللي قلبه دق ناحيتها ..

دنت وبينت انه مستحية

قربت ام هاشم وبيده هاشم وكان لابس جنز اسود على شميز ابيض وساعة بسير اسود وشكلة مرتب وانيق .

البنت رفعت عيونه تتفرج وهو ضحك .

بهررت له وقلبت وجهه

الام ضحكت عليهم انهم توم وجيري من اول لحظة
بس كانوا عفويين

بدأت ام هاشم تقول له:
_يا ابني اساله ماله اسمك وكذا سريع وبنخرج

هاشم لفت وقوى قلبه وقال:
_قومي جيبي لي مي

البنت انفجرت ضحك وقامت تجيب له من فوق الميز جنبهم قلص العصير

وهو يتفرج وامه قبصنه انه عيب مش كذا من اولها .

كانت البنت ناوية تردها له واول ما مدت له العصير كبعت به فوق شميزه
. 🔥

هاشم رد له بضحكة وقال:
_عادي حصل خير

شل نفسه وخرج وهو خار ج قفى ولفت لعنده كانت بالعباية جالسة والمقرمة حق الصلاة

قال:
_بخبي الشميز للزواج وانتي بتصبنيهو ههههههه.

ضحكت البنت وقالت له :
=طيب اهم شي توسخ

خرج هاشم وهيثم برع فوق السيارة قده شغل السيارة مراعي لهم يكملوا عشان يتحركوا سريع على بال مايوصلوا للمدينة في تعز حيث الفندق .

خرج وكتفه مسكوب لتحت الشميز عصير .
كان يضحك وجسوا بالطريق حشوش وسال على عروسة هاشم .
.
.

رجعوا عدن وبذاك اليوم قبل العند تقفل الطريق اضطروا انهم يرجعوا لحيث ماجوا ورجعوا للفندق وكانت فلوسهم على وشك انها تخلص


تسلف هيثم من صاحبه بس صاحبه حلف يمين انه يجي البيت ويجس عنده هو واهله وبيفرغ له البيت












https://tttttt.me/rewayatyamania/44175








📚 @rewayatyamania 🇾🇪