🖤


بـارتـات يومنـا الخـميـس👆🏻😍

اعتذر عن التأخير بس قد اتفقنا من قبل ان الجمعة انشغل جدا

البـارت رقـم 101

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


بعد مامشي عماد وبيشوف الكرت حقه مكتب محاماه واستشارات وذكر آية ..


اخر الليل في المطار بيفرغ جيوبه سجل رقم مصطفى واسمه في تلفونه والعنوان ورجم الكرت

وصل المطار وبيمشي شاف آية ..

عماد بتفاجؤ: مساء الخير

آية كانت بتتلفت وتسأل لفتت له: مساء النور

عماد: الحمدلله ع السلامه ، خدعني مصطفى قال ماعيروحش شكله بيمزح معي او يتهرب

آية: مافهمتك ، ماله مصطفى

عماد: كان بيقلي عيغير بس المدينه ماعيرجع !

آية: ايوه مارجع

عماد تفاجأ: رجعتي وحدش

آية ضبحت بتافف: لا عادني الان مسافره.. مع السلامه استاذ عماد

عماد : مسافره! اهااا العائله اللي كانت معه اهله. سوا الله معش.

آية انصدمت ماردت عليه بشي جلست تستغرب من كلامه وبعدين كيف عرف مصطفى ؟؟ وايش عرفه ان زوجها اسمه مصطفى؟؟ طيب لو عرف ف يعني صدق شافه بس مع من شافه من عائلته..؟؟

لقيت نفسها في زحمه افكار وزحمه طابور وزحمة خيبات اتصال خالتها والا كلام عماد او معقول مصطفى! ! لقيت نفسها فجأه جالسه في مقعدها في الطايره مش عارفه كيف مشيت وهي غارقه في كل هذك الأفكار.
.
.


ثاني يوم الصباح..

هاجر راحت القسم وقدمت شكوى في القسم.

بعد مارجعت...

هناء قامت ولابسه كل ذهبها بتفعل الصبوح

هاجر دخلت وشافتها: استغفر الله من قلة الولف بتحانكي ياسعم؟

هناء: لأنش محانكه فكرتي كل الناس ساعش ، مابلا مابش ثقه في البيت هذا والذهب هذا غاااالي على قلبي حين هو من الغالي

هاجر: عيبان كل شي  ماقد ضاع شي غالي هكذا في البيت الا من حين جيتي 

هناء ضحكت: لاتحاوليش مش انا مثلش اتعصب و اراددش ع ماقلتي كله عيبان ، مشتيش اطول المجبر معش الصبوح عيبرد على حبيبي.

ومشيت بدلع لغرفتها والصحن في يدها.

الشغاله بتهدئ هاجر وتمسك كتفها: لاتزعلي ماما انتي احسن واحده فيهم ولما يصلح العمل كلهم  يرجعوا لش انتي.

هاجر: مراعيه انا لهذه اللحظة سهل الذهب سهل كل شي اهم شي املك كل شي انا هنا.


وصلت آية المطار ..

مصطفى استقبلها بالورد وكيس فيه هديه

آية كانت فارحه ومنكسره شويه منه

بعد ماسلموا على بعض..

آية: مع من جيت لي..؟؟

مصطفى: لوحدي ياروحي يعني مع من شاجي انا وفرقه موسيقية مش مكفيش .. ( بيصيح وهو بيضحك وبيسافطها)

آية: لا بس قلت يمكن معك معجبه

مصطفى استغرب وتغيرت ملامحه: معجبه؟ ايش عرفش ان معي معجبات مش بس معجبه.

آية شافته وبجديه: مصطفى

مصطفى: عيوونه

آية بنفس اسلوبه وممازحته مبتسمه وقربت لاعند عيونه: لأي وحده فيهن

مصطفى: للي شايفه الان نفسها فيهن

آية حست ماقدرت عليه ولاقادره تثبت موضوع سمعته بالصدفه ومش متأكده من تفاصيل الموضوع قررت تسكت وتعيش تفاصيل دلعه لها مستغربه ليش بيكلمها بكل هذا الروقان بعد ماكانت اخر مده تفاصيل حياتهم روتينيه وفيها زعل وحساسيات من بعضهم البعض.
.
.


في بيت فاروق..

هاجر: قسما بالله ما ارحم ابوها لو هي اللي سرقت ذهبي لابهذل بها هي وابوها واحبسهم كلهم

الشغاله: يمكن هي سوت هكذا آية وسافرت

هاجر بدأ الشيطان يلعب بأفكارها: مارايش نسير لاعند الرجال هذا ويدرى؟

الشغاله: تمام

هاجر: خلاص اول مايخرجوا نسير


وصل لفاروق أمر من القسم اللي قدمت فيه هاجر شكوى لجمع الاستدلالات وياخذوا من جميع افراد البيت معلومات ويسألوه.

راح معهم هو ومرته والشغاله وهو متحلف لهاجر..

كانت من بينهم آية مؤجل جمع اقوالها الى حين عودتها..
.
.

في مكان ثاني..

مصطفى: تصدقي احس براحه معش غير الناس كلهم ما اعرفش ليش

آية: خير مالك متغير قوي

مصطفى: وحشتيني وفكرت في كلامش

آية: اي كلام؟

مصطفى: مابتكلم شي الان بعدين كله عيبان

آية وصلت وجلست ترتب ملابسها وملابسه تشوفهن وتشوف البيت اذا في صدق عائله كانت مع مصطفى بحكم دراستها وقضايا قرأت عنها كثيره عن الخيانه بس بتحاول تبعد الفكره من راسها
.
.

بعد مارجع من القسم ماكانت موجوده ..

دخل غرفتها جمع لها كل ملابسها في الشنط وطرحهن في السياره..

هاجر رجعت بعد ماتأكدت من كلام المشعوذ انها بنت شابه بمواصفات آية اللي سرقت الذهب

فاروق: اطلعي السياره

هاجر: مالك.

فاروق: ولاكلمه

هاجر: ليش الشنط هذه هنا!

فاروق: اخرتي انا اقسام وتحقيق اسرق ذهب مرتي تسرقيني وانا اللي اشتريتهن لش قطعه قطعه

هاجر: يو والله ماقصدتك انت ليش يحققوا معك والله ماقصد

فاروق: مابش مره تجلس ع ذمتي وهي تسير من راسها أقسام وشكاوي

هاجر بتبكي: قوا رجعني والله لو هي حتى آية ماعد اقل شي

فاروق مطنشها وبيسوق بسرعه

هاجر قدها قريبه من بيتهم: وجهالي ليش ماديتهم

فاروق: الجهال لي اربيهم سوا انا يكفي بنتي ضاعت من يدي وظلمتها

هاجر: بس انت معك مره ومشتيش جهالي يتربوا عند خاله مرة اب

فاروق وقف جنب بيتهم: ليش الله عيردلش جمالتش حين ربيتي آية


















📚 @rewayatyamania 🇾🇪

البـارت رقـم 102

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


فاروق نزل بينزل شنطها في الشارع جنب الباب

هاجر: الله المستعان

فاروق: على كل يوم معش وهكذا فعلتي بعد الف فرصه اديتها لش

هاجر: الله عينتقم من الظالم

فاروق رفع يده للسماء: يارب طلع السياره وشغلها

هاجر: والله ماذلحين لاخرج كل شي .

فاروق مشي بالسياره

هاجر دخلت بيتهم وبتدخل الشنط

في الحوش مرة اخوها: يوووه هاجر ! ليش الشنط هذه؟ لاتقولي عتجلسي عندنا؟

هاجر حست بقهر من اولها تستقبلها هكذا زوجة اخوها

اخوها: ماقد فعلتي به ياجنيه المره هذه؟

هاجر بتبكي: انسرق ذهبي يا اخي وبلغت قام فعل بي هكذا

اخوها: يعني انسرق ذهبش ! ومن عيصرف عليش وانتي مطلقه !

هاجر انصدمت من اخوها: الله المستعان عادو بيت ابي

اخوها: البيت بيت ابوش الله يرحمه ولكن اخوش اللي بيتجعجع جعجعه قلت لش زمان خلي زوجش يتوسط لي اتوظف ساع الناس وعاد هو منصب مهم في الوزاره ماذلحين انتي وياه افقر من بعض

هاجر: الله الغني عن لقمتك

اخوها: الكلام كلام ريت والله وهو صدق هيا ادخلي الله يعينني بس على اللي عيجي شكلش عتخرجي نسواننا كلهن من ذمتنا

هاجر اول مره تحس بالذل والضعف كانت راكنه اخوتها يوقفوا معها صدمها الكبير من اول موقف
.
.

في مكان ثاني جالسين على البحر..

آية: تخيل لو جيت فجأه وسويت لك مفاجأه ومش انت عارف

مصطفى: ياسلام كان عتوقع احلى مفاجأه

آية: وتخيل كنت مع معجبه من معجباتك

مصطفى ضحك: سهل عتتصلي لي قبلها تسالي اي فندق شاخليها تتخبى وبعدين من اي حين ايوشي حبيبي بتغير عليا

آية حست أنها مبالغه: مصطفى امانه في شي مخبيه عليا

مصطفى: أمانة بكلها لاتامنيني اكيد في اشياء مخبيها عليش بس مثل ايش

آية: ما اعرفش في شي عنك او يخصك انا ما اعرفه؟

مصطفى: في بس مايخصني وحدي يعني ماقدرش اقلش بالسر هذا بس لحظه لحظه فجعتيني يابنت ايش الاحساس هذا اللي فيش وايش الاسئله هذه ؟؟ انا اعرف التحقيق ماله دخل بالتوقعات والحاسه السادسه.

آية: منك صدق !! بيننا اسرار وشي يخصك ومايخصني ! ترضى انا اخبي عنك شي يخصني

مصطفى: اذا متعلق مصيره بحد من اهلش وماتشتيني اعرف ايوه يحق لش

آية ضبحت وحست انها تاهت اكثر بدل ماتعرف باسلوب دبلوماسي وبدون ماتشككه فيها..
.
.

الليل بعد المغرب اجتمع الاصحاب كعادتهم عشان رجوع عماد من السفر


بعد سهرتهم وهم مروحين

سام سبقهم وروح..

عماد قبل مايمشي: ايوه صح ارجع قل لقريبتك تنتبه لزوجها ماشاءالله عليه شكله خطير درجه اولى

بلال باستغراب ناسي: من قريبتي؟

عماد: ماذلحين ماعد تعرفها كنت حاسس انها قريبتك للقلب مش الاهل

بلال: هيا تمسى على دمك اليوم مالك بتراجم قنابل الغاز مالك

عماد ضحك: اهدأ المهم قد فهمت قصدي تصبح على خير ومشي بسيارته !

بلال راجع وهو محتار من كلامه!

يقصد آية اكيد مابش غيرها ، بس كيف يعني خطير من اي ناحيه ؟
.
.


ثاني يوم..

قام فاروق وهناء بتصبح العيال وتضحك معاهم ومنسجمين معاها

فاروق مبتسم جلس ياكل معاهم وبعدين شاف الشغاله في المطبخ شاكك فيها

هناء شافته بيشوفها: مالك ؟

فاروق: مدري ليش قلبي مش متطمن لها

هناء: وانا والكل قد ضبحت من الذهب فوقي واصل
فاروق ليش ماتخليها تدور عمل ثاني

فاروق: خليها تعاونش البيت كبير وجهال تعب عليش

هناء: ماعليك شي جهالك كبار مش هم صغار لازم كل واحد يعتمد على نفسه والباقي انا شاشتغل

فاروق: اللي تشتيه سويه البيت بيتش تصرفي مثل ماتحبي

هناء: تمام شاكلمها انا اول تدور عمل لانقطع رزقها

فاروق: طيب.
.
.

بعد ايام رجعت آية ومصطفى من السفر..

آية راحت تزور أبوها وجالسين يتكلموا ومنصدمه في الاحداث اللي حصلت

ابن فاروق دخل سكته من غرفته يتصل لامه يقلها باخر الاخبار.

هاجر راحت وبلغت القسم ان اخر واحده منتظرين اقوالها رجعت..

كتبت لهم عنوان بيتها ورجعت بيتهم.

مرة اخوها: عتجلسي تخرجي وقت العمل وتروحي والغداء جاهز ؟

هاجر: ماشتيش اكلش اشبعي به

مرة اخوها: هيا اسمع هاه

اخوها: مش هو فندق البيت عايشه فيه جيزش من جيز نسواننا اتمهري

هاجر: ماعليكم مني انتوا ونسوانكم انا في غرفتي واكل لوحدي واشرب لوحدي

اخوها: هذا اللي سمعتيه وبس ولا كلمه فوقه

مرة اخوها: مابش معش غير الحل هذا بعد ماطلقش زوجش بال3

هاجر حست بغصه وضيق بس عادها متأمله في سحر المشعوذ .
.
.

الليل بيت مصطفى  .

آية: عتجي معي؟

مصطفى: ماصنف لش تسيري بلادكم؟؟

آية: كنت صغيره مش فاهمه شي وابي مدعمم للرجال قلبي بيحز ادرى مافي الورقه اللي يشتي يديها لابي.

مصطفى: طيب اذا ماقد مات الشيبه

آية: خلاص الصبح نسير ونتمشى وابسر ما احلى بلادنا

مصطفى: قد القمر بكلها عندي مااشتي من بلادكم





















📚 @rewayatyamania 🇾🇪

البـارت رقـم 103

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


ثاني يوم الصبح. .

خرجوا بالسيارة وبعدها وصلوا من القسم ومابش حد زادت شكوكهم حول آية ليش متهربه يعني هي الان المتهمه الوحيده وبالذات بعد اقوال الشهود مرة جار هاجر والشغاله والمشاكل القديمه..

شافوها تهربت اكثر من مره قرروا يرفعوا عليها قضية.
.
.

 وقت الظهر..

فاروق وصلت له دعوه لبنته حضور للمحكمه بعد شهادة الناس اللي شهدوا في الشكوى حق هاجر.

انصدم وعصب شل السياره وخرج لبيت اهل هاجر.

هناء جالسه تشوف العامله تراجع شغلها في البيت اكثر اوقاتها في التلفون

العامله لاحظت نظراتها وحست بربشه: تشتي اسوي شغل خلصت كل حاجه

هناء: شوفي الصدق انا مابش معي عمل وفاضيه واحب شغل البيت وتعرفي ظروف زوجي متقاعد الان مانقدر نلتزم براتبش

العامله: ايش يعني مافيش شغل انا؟

هناء: لا ماينفعش اقلش في يوم مافيش شغل بس انتي دوري مكان ثاني لو لقيتي قبل مايخلص هذا الشهر عشان الشهر اللي جاي مافيش راتب

العامله حست انه الفكره مناسبه ملت وضبحت من مشاكل بيت فاروق وهاجر

هناء شافتها سارحه: شوفي انا بكلم ناس اعرفهم كمان

العامله: طيب

هناء حست براحه شويه بس جالسه شاكه فيها او هاجر بتكذب فبدات معها هذا الحوار: اشتي اسالش انتي تعرفي مرة فاروق هي اوقات تتكلم كلام كثير وكله غلط

العامله: ايوه هي تسوي مشاكل دايم دايم تصيح

هناء ماسكه تلفونها بتقلبه في يدها: ماعلينا من المشاكل بس انتي برأيش توقعي صح او لا

آية مرتاحه وزوجها معه فلوس ومعها ذهب مافيش سبب تسرق خالتها ! او خالتها مجنونه وخبت الذهب !

 العاملة ارتبشت بلعت الريق واشترغت: آية هي مسكينه ماتسوي كذا ، كل يوم ماما يضيع شي في البيت تقول آية ومره في فلوس ضاع قالت آية وهو ابنها سرقها

هناء: متأكده

العامله: والله العظيم حتى اسالي بابا

هناء: لا مصدقة لش ايوه كملي

العامله: ومره قالت آية سرقت حقها مجوهرات وهو ماما قالت لي خبيه في غرفه آية انا بطردها من البيت خلاص مافي آية هنا تروح بيت جده في قريه

هناء: حلووو كملي..

جلسين يتجابرين وتتعرف هناء على القصص الغريبه اللي تفاجأت من هاجر انها كانت شر هكذا.
.
.

بيت اهل هاجر..

هاجر: مايشتي مني وقد طلق ؟

 اخوها: جاوبي من ورا الباب

هاجر واقفه ورا الباب: ماتشتي

فاروق: ليش مصممه تسرقي آية ووصلتي الموضوع لمحاكم ؟

هاجر: والله لاحرقكم كلكم سعما خربتوا عيشتي وحرمتني جهالي لاحبس بنتك وافتهن

فاروق: ماتخافيش على سمعتها داري بش حقوده من زمان البنت باقي لها سنه وتوقع محاميه وعيالش ماتخافي عليهم يتحاكوا الناس عليهم

هاجر: طز فيك انت وجهالك وبنتك

فاروق: اخر كلمه لو ماسحبتي الموضوع وقلتي لهم الصدق لاخليش تندمي عمرش كله
.
.

في القريه..

آية وصلت وزعلت لما سمعت من العجوزه ان الرجال مات لقيت ناس ساكنين بيت جدتها وغيروه من داخل وصلحوا فيه سامحتهم وخلتهم يعيشوا فيه وشلت الظرف وطلعت السياره

مصطفى: عتفتحيهن والا تشليهن لابوش من رايي عيب راعي لوما توصلي

آية داخلها مابش اهميه ان ابوها يشوف قبلها لان كلمته اكثر من مره وكان متجاهل للموضوع: فتحت
الورقه وهي سارحه في فكرها وبتقرا...!؟

مصطفى بيسوق ويسمعها تبكي ! ماقدر ولاتجرأ يسألها مالها
.
.


في مكان ثاني في المعهد 



















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 104

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


في مكان ثاني في المعهد 

عماد : ليش ماتدرس هذه السنه ؟

بلال: يا اخي مابش نفس تعب وضياع وقت وياريت على زلط سوا

عماد ضحك: بتلمح ارفع لك الراتب

بلال ركز وضحك: والله ان انا ناسي انك المدير يا اخجف

عماد: هيا جي بس وازيد لك الراتب مني صدق محتاج مدرس ومابش احسن منك

بلال: عتزيد الف الفين

عماد: شحات ومتشرط اعرف ادي لك راتب كامل  يرضيك

بلال: مشتيش منك صدقه

عماد: صدقه يانذل هيا ذلحين تجي تدرس وبلاش وغصب عنك

بلال ضحك.

عماد: لو تعرف ماوقع وصلت لي قضيه ماتوقعت يا اخي هذه آية كيف هي تشتي تعصب عصب تشتي تجنن اجنن ، البنت هذه غريبه غامضه جدا عرفتها شخصيا هنا واخذت فكره عنها كويسه بس ياخي كل اللي حولها والشكاوي اللي بتحصل خلتني انصدم.

بلال قام بسرعه من طرف المكتب فوق الماسه ووقف قريب من المكتب: ايش حصل كلمني

عماد: انا ذلحين غطست في الموضوع بدون ما اعرف.

بلال : ايش من موضوع يا اخي فيك طبيعه زفت انت تتكلم الغاز عصبتني ماهو الموضوع

عماد: في شكوى مقدمه ضد آية بسرقة ذهب خالتها

بلال ضحك: ولارضيت تخلي للبنت حالها اعوذ بالله على اوادم

عماد: الودافه والمحرج في الموضوع سام حين حاكاني قبل ووقعت استلام ملف القضيه وبعدا دريت انها آية

بلال: واين المشكله لو استلمته انا واثق فيها مليون في الميه انها ماسرقت فاوقع معها ضدها ماتفرق هي بريئه

عماد: هي عتزعل وتاخذ مني موقف مش حالي

بلال: تزعل اذا هي فعلا مذنبه لكن لو واثقه من نفسها حتى لو وقعت انا محامي خالتها

عماد: مدري كيف شاتحاكى معاها حين ترجع من السفر

بلال: يهيااه قد اخبارها عندك أعظم مني كيف لوما

عماد: والله كل شي صدف مانش عارف كيف

بلال سارح ومصدوم في موضوع آية .
.
.

في مكان ثاني فوق السياره.

مصطفى: خير ايش في؟

آية: ولا شي فقدت لجدتي

مصطفى: الله يرحمها قد انا ساكت كنت حاسس ان الموضوع كذا.

آية مش عارفه تكلم ابوها عيزعل ويرجع يكرهها والا تقله عادي الموضوع !!

لما وصلوا المدينه..

آية: وصلني عند ابي

مصطفى: حاضر اطرحش وساير معي عمل

آية: تمام

بعد ماوصلت ..

فاروق ملامحه متغيره مش عارف كيف يقل لآية اللي حصل خايف يزعلها

آية خايفه ليكون عرف انها راحت: غاثي مني في شي

فاروق: مع انا اللي مشتي اغثيش بموضوع

آية: قد وصل لك؟

فاروق شك في هناء: ايوه اي حين دريتي من قال لش !

آية: عادنا رجعت كنت هانك اديت الورقه وجيت وخليت ناس مساكين في البيت

فاروق استغرب: اي بيت؟

آية: بس انت كيف دريت في حد بيتواصل معك من هانك؟

فاروق: من واين يتواصل على ايش بتتحاكي

آية: اليوم سرت القريه بيت جدتي

فاروق: هاه انا احاكيش عن موضوع المحكمه

آية: اي محكمه ؟؟

فاروق: اتهمتش العديمه انه انتي اللي شليتي ذهبها

آية: ايوه قبل ماسافر اتهمتني بس قد وصلتها لمحاكم؟

فاروق: والله مانا داري مافعل ي بنتي طلقتها ورجمتها بيتهم وحرمتها جهالها وذلحين ماشتيش اغثيش

آية: لاتغثاش انت ، انا عادي تبلغ كل المحاكم ولا في حسي

فاروق: طيب عنبسر كيف الخبر معاها

آية: انا شاحل الموضوع هذا 

فاروق: طيب ايش اللي بتتحاكي عنه

آية خرجت ورقه من شنطتها وناولت ابوها..
.
.


بيت بلال

رحاب عادها وصلت بيت اهلها

بلال: اداش الله جي معي لش موضوع اشتيش تعرفي ماوقع مع هذه المسكينه

رحاب: من ؟

بلال جلس يكلمها

رحاب بعد ماسمعت خافت عليها اتصلت لها
.
.

بيت فاروق..

آية ابوها بدأ يقرا الورقه وصلها اتصال رحاب ردت: ايوه وصلت امس بين اقل اليوم بعد العصر تجي عندي

رحاب: طيب انتي في بيتش؟

آية: ايوه

رحاب شافت امها بتكلمها: آية امي قالت تجي انتي تتطمن عليش هي ماتقدر تخرج رجلها تاعبه

آية شافت ملامح ابوها بيدمع: تمام حاضر شاتصلش بعدين.

هناء دخلت شافته استغربت ماحبت تحرجه انسحبت من عندهم وخرجت

آية: زعلت ان جدتي كتبت الاراضي بأسمي؟ انت كنت داري بهن !

ابوها: مش انا غاثي على الورث يا آية انا غاثي كيف كنت معمي على امي كيف ماتت وانا لاهي بعد عمل وبعد ترقيات ومكان في العاصمه وامد العقربه ماتشتي تسير وانه كل شي بيسير مابيبقى لنا شي الا رضى الأهل

آية مسحت دموعها

ابوها: لدرجه انا ماكنت داري مالنا وماعلينا

آية ساكته: عادي شاتنازل لك بكل شي

ابوها: ...



















📚 @rewayatyamania 🇾🇪

البـارت رقـم 105

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


آية ساكته: عادي شاتنازل لك بكل شي

ابوها: ولا تتنازلي شي هذا حقش ووصيه وورثش افعلي ما اشتيتي به وشلي اوراقش معش  ماضمنش حد في البيت خلاص ماعد بش ثقه ولا في اي واحده فيهن.

آية: خير اهم شي لاتقلق لاقضيه ولاغيره والجهال مش ذنبهم ينحرموا من امهم يكفي انا حرام مساومه بهم خلوا لهم حالهم انت وهي يختاروا هم

جالس بيسمعها ساكت

آية: يلا خاطرك اروح اشوف مصطفى وافعل غداء

فاروق: خليه يجي وتغدوا هنا

آية: مره ثانيه عاد الشنط وكل شي يحتاج ترتيب

فاروق: الله معش اي شي يحصل قلي لي اول باول

آية: تمام.

فاروق: وانا شابسر محامي

آية: ولا اشتي حد انا شادافع لي ولها هذه الظالمه وربي ينتقم لي منها.
.
.

بعد العصر بيت رحاب..

آية: انا مش في القضيه ذلحين  يارحاب انا مصدومه معي هذا الورث كله وكيف ابي قرأ الكلام اللي يزعل وزعلت على جدتي ماتت وهي تتمنى تشوفهم وغاثيه منهم ونكرت ان معاها عيال

رحاب: عوضش الله بدل الذهب

آية: اي ذهب انتي داريه هولا اراضي كلها زراعيه وليش حرمت نفسها تعيش عيشه سوا وخلتهن

رحاب: لو تشتي تعيش انها جت عند جهالها ماتزعليش عليها هي كانت مرتاحه بقعتها وعيشتها

آية سارحه

رحاب بصوت مرتفع وعصبيه نكزت آية: وهذه خالتش مجنونه غبيه مريضه كل شويه وقفزت تتهمش

آية: اخر همي هي خليها تشولح في العالم كله انا حاسه ان الذهب معاها وبتتبلى عليا

رحاب: بس كيف وقد الموضوع في المحكمه ما اظنش

آية: كله عيبان شاعرف كل شي

وجدان: انتي داريه يا آية من محامي خالتش ؟

آية: من ؟

وجدان: عماد صاحب بلال.

آية عقدت حواجبها مستغربه: وايش دخله عماد في موضوعنا

وجدان شافت رحاب بهررت لها: مدري .
.
.

بعد مارجعت للبيت..

مصطفى كان منتظرها

آية: اي حين روحت ؟ قلت معك شغل!

مصطفى: رحت خلصت الشغل ورجعت

آية: كيف يعني سريع

مصطفى: مش مهم كلميني الآن انتي ايش سويتي مع ابوش !

آية جلست تكلمه وكلمته على القضيه اللي ضدها

مصطفى  انصدم من خالتها: ولاتقلقي انا ادور لش احسن محامي

آية: ليش ! محامي لما اكون سرقت فعلا واشتي حد يدافع عني

مصطفى: طيب يا آية..

آية قاطعته: ياحبيبي خلي الموضوع هذا عليا اقدر اثبت براءتي انا قبل المحكمه بس خليها حتى جلسه واحده انا اشتي بس اعرف من فيهم شاكه في 2 شاعرف وبعدين اتصرف.

مصطفى ماحب يضغط عليها: طيب على راحتش.
.
.

ثاني يوم الصباح. .

هناء اتصلت لآية تروح لاعندها ولما راحت..

آية بعد ماقالت لها على الشغاله بتدور لها عمل: ليش عتمشيها شفتي منها شي ؟

هناء: لا بس اشتي اسألش هي أمينه ماشكيتي فيها!

آية: مشتيش اشك فيها حنونه وطيبه وقوي تحبني

هناء منصدمه: من قال لش تحبش !

آية: ليش قلتي هكذا؟

هناء: اشتي اسمعش حاجه يمكن تنفعش لان تعاملها معش وانتي هنا غير من وراش

جلست تسمعها التسجيل اللي شكت في آية..

آية بعد ماسمعت التسجيل ونسخته لتلفونها رجعت على البيت. .


كانت الأيام اللي مع آية من تحقيقات ووقفة مصطفى معها ، جمعت كل الأدله وراقبت تحركات الشغاله كل شي كانت تسويه بصمت وقبل يوم المحاكمه..

آية راحت تستشير محامي ولقيت عماد وهي خارجه..

عماد: آية

آية: وقفت

عماد: تعرفي انه اصعب محاكمه عليا اوقفها بكره

آية: ليش عادي ! انت محامي وهذا شغلك

عماد: انا مش حابب تزعلي مني اني بوقف ضدش

آية: ومن قال ان انا زعلانه ربما تكون متهمني انت واللي مقدمين الشكوى بس انا واثقه من نفسي وكل شي بيبان لاتزعل عادي مثلي مثل اي حد مافي داعي تزعل

عماد بربشه: انتي مش عارفه حاجه اولا مش انتي مثل اي حد بصراحه انتي اكثر بنت مميزه شفتها بحياتي

آية: الحمدلله ان هذه شهادتك فيني حتى لو انت محامي قضية ضدي

عماد: اقصد على المستوى الشخصي مش العملي ، انتي اكثر بنت فعلا لفتتني بس كان في الوقت الضائع

آية: ايش غرضك من هذا الكلام الان ! اعتقد ماله داعي ابدا اكون هكذا بنظرك ، بالذات اني مزوجه وانت عارف

عماد: هو هذا الشي اللي خلاني اتجرأ واقلش اللي بقلبي ان اكثر بنت تمنيتها متزوجه لشخص مايستحقها ممكن يا آية تعطي نفسش فرصه تثبتي انش مظلومه لانش عايشه مع شخص غلط وتدي لنفسش فرصه تعيشي مع حد بيقدرش وشايفش شي مميز !!!

آية مصدوووومه مصدومه و...


















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 106

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


آية مصدوووومه مصدومه و اول مره تحس انها تعجز ترد او تسأل او تستفسر كل الشي اللي لفت انتباهها ليش عماد بيخطر في بالها بصوره تشوه صوره مصطفى !!!

عماد: عارف ان الكلام صعب عليش وما فيش بنت بذكائش تكون للان في غفله ومش عارفه ايش بيحصل من وراها ليش راضيه وساكته !! مهددش بشي

آية فقدت اعصابها: من هووو ؟؟؟؟

عماد: زوجش يا آية لاتغالطي نفسش

آية: على اي اساس بتتكلم عنه هكذا ؟ ايش اللي تعرفه عنه اكثر مني؟؟

عماد: زوجش مش ملاحظه عنه اي تغيرات ! مش منشغل عنش بزياده وبيقضي اوقات لوحده وهو مسافر!

آية: من وين تعرفه عشان تتكلم عنه هكذا ؟؟ طبيعي شغله تجاره وهو الوحيد اللي ماسك هذا الشغل كله فوق راسه

عماد بضحكه شفقه: شغل !

آية: اخس اسلوب عندي الغموض واللف والدوران ايش اللي شفته منه يخليك تقول هكذا !ليش انت مهتم تشوه صورته عندي

عماد: مش عشان نفسي فيش من زمان بس لاني لقيت فرصه وحرام تضيع من يدي مره ثانيه

آية: آخر مره بكرر سؤالي لك ايش اللي شفته منه !

عماد: وعد لو بكره اثبتي براءتش اقول لش .

آية: ايش المسخره اللي انت فيها تغيرت نظرتي لك تماما انا بريئه من الان مش منتظره منك تكافئني وتشوه صوره زوجي عشان حضرتك تقلي بتبتزني بالموضوع عشان اجلس اتكلم معاك !

عماد: يا الله من قوتش وجبروتش يا آية عنيدددده

ماكنت حابب اوصل لش الموضوع هكذا بصوره قاسيه عليش واكون السبب اني اخرب بيتش بس

آية: لا عادي قول لاتخاف مابيخرب شي الا لو يستحق خرابه انا عاقله

عماد ماقدر يراوغها ولا قدر عليها: لما سافرت كنت انا ومصطفى في نفس الرحله ووصلنا نفس الفندق واكثر من مره شفته مع واحده ومش اي واحده ولا اي جلسه اللي بينهم مثل اي زوجين جلستهم كلامهم قربهم من بعض...

آية قاطعته بضحكه صدمه: خالتي علمتك الكلام هذا تقوله لي عشان تخرب بيتي صح

عماد: شفتي كيف فهمتي

آية: ايش فهمت ايش تشتي افهمك حد جاي يحرش بين اثنين مزوجين مخرب بيوت ايش اقلك فاعل خير صح

عماد: لو ماكنت مهتم فيش وشايفش شي ثمين ونفسي فيه ولش حق اختيار ثاني ماكنت قلت لش بس انتي انسانه قويه حرام تعيشي مع مخادع او ترضي بحد يقاسمش حياه من حقش تكوني فيها وحدش

آية ماقدرت تكمل وتوقف معه حست نفسها معصبه اخر شي تركته ومشيت مسرعه خرجت وطلعت سيارتها ..

عقلها مشوش تماما نسيت كل شي في حياتها وعقلها مسوي عرض لمصطفى وكل المواقف اللي خلتها تشك ان في بحياته حد ثاني انشغاله عدم اهتمامه بها تخليه عنها في اكثر اوقات احتاجته !!

بدأ إبليس يلعب بعقلها وعصبيتها وكل الضغوط اللي كانت بتمر فيها ماخلتها تفكر صح وتعطيه مبررات او تظن فيه خير.

عماد شافها مشيت هكذا لحق بعدها شافها طلعت تسوق وحدها كان خايف يحصل معها شي بسببه ، حس انه تسرع وقال لها هكذا لو خلاه بعد جلسه المحكمه خاف تحصل مشاكل معها وماتعرف تدافع عن نفسها وبالذات ان القضيه هي اللي اول مره تدافع عن نفسها ودايما معاها مشاكل مع خالتها !

حس بندم شديد بس بعد ايش ! فات الاوان قال وخلاص.



في الطريق وهي معصبه اتصلت ببلال..

آية: اشتي اسألك سؤال يابلال

بلال استغرب نبرة صوتها مرتفعه وبتتنفس بسرعه: خير ايش في

آية: صاحبك عماد هذا كيف هو ايش طبعه كيف قدرت تصاحبه

بلال: ايش في مالش؟

بنته بتبكي جنبه وبيسمع وجدان بتسأله من هي ايش حصل!

بلال وقف وفتح باب السياره ونزل: خير ايش حصل يا آية اقلقتيني ؟ ايش سوا في قضيتش؟

آية: مش قضيتي وبس ليش حاشر انفه في حياتي ايش يشتي مني ومن فين يعرفني ويراقب حياتي انا ومصطفى انت عرفته عني !

بلال: بعقلش يا آية حد يتكلم عن اخته عند اصحابه! تذكري كم يا كنت اباعدش عنه ! ليش يعني كنت اباعدش عنه غيره مني ؟؟ ليش بيني وبينش شي غير الاخوه ! بس انتي عنادش اوقات

آية قاطعته: يعني ماكان انسان كويس ؟

بلال : بالعكس مافيه اي غلط وعيب وبرضو ماعرفش انا حقيقته من داخل تماما كيف !
في النهايه الناس اطباع مع الاصحاب شي





















📚 @rewayatyamania 🇾🇪

البـارت رقـم 107

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


آية: مادخلني منه بس هل معقول اصدق كلامه والا هو بيفتن ويسوي مشاكل؟ انا محتاره والله ماعرفت من اصدق

بلال: آية ايش حصل مش فاهم شي الله يرضى عليش خوفتيني

آية: اليوم بيقلي مصطفى مايستاهلني انه لقيته مع واحده لما سافر

بلال: وانتي تتوقعي كلامه صح

آية: وانا ايش عرفني يا بلال هو صادق او كاذب

بلال: آية انتي عشتي مع زوجش وانتي تقدري تعرفي اذا صح او لا الكلام اللي وصلش ماعليش من حقيقه وشخصيه اللي نقل لش الكلام

آية: ايش يعني

بلال: يعني مصطفى يسويها !

آية: ابدا ولاعمري توقعت منه هكذا بس مدري اوقات احس في شاغله عني

بلال: آية هذا مش حد غريب عنش عشان تتوقعي وتظني وتسالي نفسش هذا زوجش وهذا الموضوع بالذات برأيي تواجهيه وتسأليه شخصيا

آية داخلها ردود فعل كثيره عن كلام بلال: ولو نكر ولا قال لا يقدر في كل الاحوال يقول هكذا خوف انه يخسرني

بلال: وانتي ذكيه وتقدري تعرفي انه صادق او لا ، اذا بنلتمس للغرباء سبعين عذر فكيف بزوجش صدقي اخوش واسأليه وناقشيه وقرري ماعليش من حقيقه عماد ولو تصايحت معه ماعنوصل لحل ولاعيفيد الموضوع بشي

آية: انت مادخلك تتصايح معه لا لا انا سالتك ماعد عرفت كيف اتصرف وقفت لنقطه عجزت احس كل شي بيمشي ضدي وكل مااخرج من مشكله ادخل لثانيه وكل مادخل طريق اعوج اخرج لطريق اعوج منه

بلال: وانتي قد كل شي ، والا مايجي يوم تمشي مستقيم اللي بيحصل معش كله عيجي له نهايه وتنتقمي لنفسش وكل واحد بيعجل بنهايته بيده خالتش حفرت قبرها بيدها وكل ظالم له يوم لاتتسرعي وتحكمي على زوجش الا اما تواجهيه

آية حست انها هدأت شويه: طيب

بلال: وطمنيني ايش حصل معش وانا اي وقت موجود

آية: طيب

قفلت ونزلت شربت ماء وحاولت تهدأ شويه وتجمع نفسها عشان تقدر تتكلم بهدوء مع مصطفى وتلاحظ تصرفاته وكلامه.

وصلت البيت وهي في الحوش جالسه فوق السياره تكلم نفسها

مشتيش اضعف مشتيش ابكي مشتيش يشوفني بعطف وشفقه ويكذب، بحاول افتح الموضوع بنقاش

مصطفى مستغرب من الطاقه بيشوفها جالسه فوق السياره فتح باب الحوش وخرج فتح باب سيارتها

آية مش قادره تحط عينها بعينه

مصطفى: مالحبيبي حصل شي في موضوعش

آية حاسه صوتها مخنوق اكتفت بالرد هزت راسها: لا

مصطفى ظن ان منها كسل وارهاق من الخرجه رجع سبقها: هيا نتغدى جاوع  سويت لش كبسه تجنن

آية حاسه نفسها في دوامه انفصام بتشوفه شي واللي سمعته شي ثاني دخلت بعده واخذت نفس ماحبت تكسفه اول ماشافته جهز السفره ومدلعها

مصطفى: ماعرفت كيف اخفف توترش لبكره قلت ياولد افعلها حركات من حق الافلام اكل ودلع

آية: ماعليك من الافلام اللي يعجب النسوان ويكسبوا قلوبهن بالإخلاص والوفاء

مصطفى: صح

غسلت يدها وجلست اكلت شويه وسارحه

 مصطفى: مش حاليه ؟

آية: الا

مصطفى: مالش ؟

آية: ولاشي

مصطفى: من حين جيتي ضابحه زعلتش في شي!

آية: مدري

مصطفى: كيف مدري ؟

آية: مصطفى لما سافرت من اللي كانت معاك!

مصطفى بصدمه سكت وبيشوفها: اي حين!

آية: قبل ما اسافر واجي عندك من اللي كنت تجلس معها !

مصطفى: انا ؟

آية بعصبية : ايوه انت يعني من؟ ليش بتقلي انا

مصطفى ضحك منصدم: منش صدق يا آية بتسألي هذا السؤال؟

آية: ايوه واشتي جوابه الان والا والله مانا جالسه دقيقه في البيت.

مصطفى: وانا جوابي واضح مستنكر ومستغرب بتسأليني انا

آية: جاوب طيب.

مصطفى: انتي واثقه فيني ؟؟

آية: لو مش واثقه فيك مش عايشه معك ، بس انت متأكد مش مخبي عليا حاجه؟ تعرف حد غيري معاك حد تكلم عادي انا بنفسي جيت اسألك

مصطفى ضحكك: طيب على ايش اجاوب الله يهديش بس

آية بتتفرجه

مصطفى طرح الملعقه من يده وشافها: والله العظيم مافي حياتي غيرش يا آية حبيبه وصديقه وزوجه انتي بس ايش اللي خلاش تشكي فيني فجأه هكذا!

آية: اكيد مش فجأه ولا شكيت لو شكيت كنت قلبتها مشكله بس عادي وصلني موضوع وجيت أسألك مباشرة

مصطفى: وايش الموضوع اللي وصل لش؟

آية: في حد شافك وانت مسافر مع واحده ..

مصطفى رفع حواجبه باستغراب وابتسم وسكت

آية: ايش؟

 مصطفى: من اللي قال لش !

آية: ايش عيهمك في اللي قال يهمني اعرف الحقيقه منك

مصطفى: صاحباتش يعرفين صوري يعني لهذه الدرجة قدرين يميزين

آية: ايش يميزين مش صاحباتي الصدق هو عماد المحامي حق خالتي ومن قبل كان ماسك لك قضية

مصطفى: من وين تعرفيه؟

آية: كان من ضمن إدارة المعهد اللي كنت فيه بين ادرس اللغه

مصطفى بعصبية: وايش اللي بينكم عشان يجي يكلمش موضوع مثل هذا ايش دخله

آية:...















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 108

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


مصطفى بعصبية: وايش اللي بينكم عشان يجي يكلمش موضوع مثل هذا ايش دخله

آية: انا ماحبيت اخبي عنك ولا نقطه في الموضوع وكلمتك رغم ان الموضوع بيسبب لك غيره وممكن توصل لمشاكل بس عادي حقك تعرف مثل ما حقي اعرف تكلم بصراحه ، حتى لو مش حب هل كانت شغل !

مصطفى: والله ماجلست مع واحده

آية صدقت وانه عماد غيور واناني ولانه قولته كان يشتيها ، اكيد بيدور يفرق بينهم.

مصطفى: صدقتي؟؟

آية: انا مصدقتك

مصطفى: ايش انا بالنسبه لش!

آية: انت النور الي احتواني بعد ظلام ، والأكسجين اللي اتنفسه لما اختنق ، والعمود اللي اتمنى انه ماينعوج عشان اجلس سانده عليه .

مصطفى كان في نظرات عيونه حب لها واسلوبها: وعشان انتي صادقه وواضحه في معي موضوع خبيته عنش والصراحه نادم وغصب عني لأنه ...!!

.
.

نفس الوقت بيت فاروق

هناء شافت الشغاله تشتي تمشي ذكرت خطه آية: اين عتسيري ؟؟

الشغاله: بروح عند ماما هاجر هناك معاها شغل

هناء: احتاجش يومين

الشغاله: لا لا ما اقدر انا وعدت ماما

هناء: طيب انتي عارفه ان الشهر ماخلص كيف وعدتيها

الشغاله: لأنه تحتاجني ضروري بروح شويه وارجع

هناء: لا انا احتاجش اليوم قلي لها بكره تروحي وبعدين الشهر ماخلص وانا دفعت لش راتب شهر

الشغاله متوتره: تمام

 دخلت غرفتها وقفلت

هناء مش مرتاحه لتصرفاتها: واقفه ورا باب غرفتها تسمع

من داخل الغرفة جالسه طرف السرير وتتكلم بصوت واطي

هناء قربت أكثر تحاول تسمع سمعت حركه صوت السرير خافت تفتح تخبت جنب الباب من ناحيه الجدار

الشغاله فتحت شافت مابش حد رجعت قفلت وبتصيح: اقلك ماينفع اهرب من البيت تقول تشتي شغل..هااه ؟؟ اهرب طيب بشوف وهم مشغولين واجي.

هناء منصدمه اتصلت لآية بسرعه..
.
.

بيت مصطفى..

آية بتوتر وخوف: ايش الموضوع تكلم !!

رن تلفونها

مصطفى سكت

آية كنسلت الاتصال: هيا تكلم

مصطفى: طبعا انا خبيت لأن طلب..

آية حست بتوتر اتصال هناء خافت يكون في ابوها شي: لحظه بجاوب واكلمك

مصطفى سكت: جاوبي طيب

آية :الو

هناء: اسمعي يا آية تصرفات الشغاله الزفته هذه ماتطمن مدري مالها اليوم تشتي تخرج بأي طريقه وع فكره سمعتها مدري من بتكلم وتقل اهرب واجي مافهمت شي

آية: صدق؟ ؟؟ ليس عتهرب اليوم وبكره معها موعد تشهد في المحكمه انتبهي يا هناء ولاتخليها تخرج للحوش

هناء: طيب كيف شاجلس احرسها اخاف تضربني معصبه قوي وهي بتتكلم

آية: اقلش انا جايه الان

مصطفى قلق وقف: ايش في؟

آية بعد ماقفلت شرحت له الموضوع ، مصطفى نسي او ماحس انها فرصه مناسبة يكلمها .

مصطفى: طيب انا شاوصلش يلا

آية: لا عادي اصلا يمكن امسي

مصطفى: طيب عادي سوي ماشتيتي والمحكمه كيف

آية: بكره

مصطفى: خلاص انا جاي لاعندش ونسير سوا

آية: طيب

مصطفى: ذلحين يلا اشلش

آية شافته: عادي يعني مش شي مستعجل تقدر تكمل كلامك امد ما اغسول وانظف حق الغداء

مصطفى كان يشتي يكلمها على رواق بس ماحب تشغل بالها اكثر..

تعرفي يا آية بسبب طلبه مني شخصيا انه ماعد أذكره لحد

آية: من؟

مصطفى فتح تلفونه وطلب الرقم وسوا اتصال فيديو

آية مش فاهمة من نصي الثاني !!!!

شافت فتحت المكالمه وواحده ردت بشعرها: اهلا

آية صاحت: مصطفى ؟؟ من هذه !! يعني في حد بحياتك ؟؟ تكلم ؟؟

اللي في الخط بتسمع ومصطفى ساكت

رجعت تداعي: معتزززز !!

























📚 @rewayatyamania 🇾🇪

البـارت رقـم 109

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


معتز قرب قدام الكاميرا وبيسمع آية: يعني هذه اللي كنت معاها.. تكلم ؟؟

مصطفى: ايش رأيك اخفي سرك يا اخي والا يخرب بيتي ؟

معتز: خير ايش في؟

مصطفى: وصل موضوع لمرتي ان انا كنت مع واحده

معتز: مع اني ماكنت اشتي تتكلم وحذرتك بس ادي لها التلفون اكلمها

آية منصدمه من اللي بتسمعه

مصطفى: هيا كلميه

آية راحت لبست غطت شعرها وقربت بتتفرجه بصمت وتلتفت لمصطفى: معاك توأم !!!!

معتز: اهلا آية كيف انتي العفو لو الظرف اللي مريتي به خلتش تعرفيني انا كنت ضد ان حد يعرف لمصطفى اخ عشان لايضايقه ولي اسبابي طبعا بس اهم شي اللي يوصلش الان ان مصطفى كان معي ولو اني مش فاهم الموضوع

مصطفى: برجع اكلمك يامعتز ذلحين نكمل نتفاهم معها.. قفل

آية معصبه: ليش ماقلت لي ! ليش خبيت ؟ ايش اللي يخليك تخفي عني شي مثل هذا

مصطفى: برغم انه اخي ووعدته احفظ سره بس من حقش تعرفي السبب وواثق فيش طبعا

اخي ياحبيبه قلبي التوأم الله يهديه كان حق مشاكل ونثرات وكان يتسلف بدون مايعرف ابي ويسوي له مشاكل مع الناس مره تصايح مع حد ودفاع عن نفس قتل الشخص اللي تضارب معه فدخل قضيه ثار ومشاكل مع ناس كثيره فسافر وغلقنا موضوعه تزوج اجنبيه وهذك مرته وهذه كل الحكاية طبعا هو شريكي وبيشتغل من عنده وانا من عندي بس لان الله يهديه مش شاطر قوي وبين اضحك عليه مابين اوثق غير اكمل اعمالي بنفسي

هذا مختصر الحكايه

آية تنهدت بزعل وراحه في نفس الوقت

مصطفى: عارف انش زعلانه وحقش تزعلي بس نفس الوقت حق اخي يخفي اي شي يخصه

آية كانت هذك اللحظه اكثر شي يهمها هو براءة مصطفى بعد ماشافت المره كان قلبها بيوقف وتوقعت اسوأ الصدمات بس فرحت انه ماخاب ظنها فيه

مصطفى: ليش ساكته!

آية: ولاشي مستغربه قوي

مصطفى: اهم شي تأكدتي ان انتي الوحيده بحياتي!!

آية ابتسمت: ايوه، بس احس للان اني ما اعرف عنك شي ، مش ملاحظ يامصطفى للان لو نحسب بيننا الكلام والمواقف مافيش بيننا اي معرفه كبيره عن بعض اوقات ما احس اني زوجتك شغلك اخذك عني ووقت شغلك..

مصطفى قاطعها: وايش رأيش لو اقلش اني انهيت كل هذه الاشغال وسمعت رأيش وبدأت مشروع شغل جديد مايشغلني عنش مثل اول

آية حست براحه كبيره مسحت دموعها وهي مبتسمه

مصطفى حضنها وباسها فوق راسها: اوعدش حياتش معي تتغير ونبدأها مثل ماتحبي

آية رغم انها كانت زاعله من اخفائه عنها اشياء مثل هذه الا انها احترمت مشاكلهم العائليه وخصوصيه أخوه وزاد ثقتها فيه أكثر. .
.
.


بعد ساعتين بيت فاروق..

الشغاله: انا تعبانه مره اشتي اروح مستشفى

فاروق: انا ادي لش دكتور للبيت

الشغاله: ماتقدروا تحبسوني هكذا شلوا فلوس اشتي اروح

آية دخلت وهي بتسمع صياحها: شوفي تعرفي كيف احترمش وبيننا عشره بس تصرفاتش كلها بتدل ان انتي خنتي العشره وماتوقعت منش وللان ما اتهمتش بشي بس لازم بكره نروح المحكمه كلنا وبعدين روحي فين ماتشتي

الشغاله: انتي يا آية انتي تعرفي كم دافعت عليش لما ماما كانت تقول كل شي آية

آية: وذلحين اشتيش تدافعي عني وبعدا سهل

الشغاله: مالي دخل انتوا روحوا محكمه انا ماسويت شي

آية: انتي شاهده اني هذك اليوم جيت وروحت

الشغاله: ايوه اروح خلاص!

آية هزت راسها: لا، بكره.

كان الوقت كله الشغاله متوتره وتبكي في غرفتها..

وبعد ماطلع الضوء أخيرا !!!


في المحكمه...
هاجر وهناء وفاروق وعماد وآية ومصطفى

بدأت القضية واتهام هاجر لآية: وقتها عماد ماعلق بشي.

آية ردت بحكم دفاع عن نفسها وهي المحاميه وبررت يوم ماراحت وسألتها على اي اساس اتهمتيني !!

بدأت هاجر تربط مواضيع قديمه والقاضي يسكتها ويرجعها لموضوع سرقه الذهب..

هاجر: تشوف مبررات آية المقنعه ترجع تذكر انهم متآمرين عليها وان طبينتها هي السبب ويمكن هي !

القاضي: هكذا ماينفعش انتي بتلغي اتهامش في القضيه والشكوى ضد المتهمه آية فاروق

عماد بحكم عمله وقف: موكلتي تبرر سبب اتهامها للمدعى عليها ولأنها السبب في اشياء كثيره ومشاكل حصلت يعني تثبت لكم ان شكوتها ضدها ليست مجرد ظنون وانما ربما تكون المدعى عليها بدافع الانتقام انتقمت لنفسها وسرقت مجوهرات موكلتي بعد كل تلك المشاكل قد يكون بدافع استفزاز واكراه لموكلتي

آية قاطعته: موكلتك قامت باتهام باطل يا استاذ عماد كما تعلمنا منكم هناك ادله تثبت على المتهم وهي لاتملك اي دليل ولكن

عماد قاطعها: و..

آية قاطعته: ولكن ..

بدأ الازعاج عماد يتكلم هاجر تتكلم

القاضي سكتهم ورجع لآية: كملي

آية: ولكن انا طالبه الشريعه والقانون لم استلم شهادتي بعد استطعت جمع أدلة تصلنا بالمتهم الحقيقي الذي عجز المحامي وموكلته النظر فيها والتحريات اللازمه !

عماد...
















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت رقـم 110

انتـقمــت لنفســي 🖤


👌🏻👇🏻 😍
📚 @rewayatyamania 🇾🇪


آية: ولكن انا طالبه الشريعه والقانون لم استلم شهادتي بعد استطعت جمع أدلة تصلنا بالمتهم الحقيقي الذي عجز المحامي وموكلته النظر فيها والتحريات اللازمه !

عماد بضحكه سخريه: اي ادله ، مثل ما قلتي مازلتي طالبه مبتدئه ! اي ادله تثبت على موكلتي وهي من سرق ذهبها !!

القاضي : ايش من  ادله !

آية قربت عند القاضي وناولته الاوراق ..

هذا ورثي اراضي بالملايين،  وهذه قيمة ذهبي ومجوهراتي ، غير مصاريف زوجي ووضعه المادي الممتاز وغير والدي الله يمده بالصحه والعافيه ، هل برأيكم احتاج  لخاتم وسلسله !!

وهذه شهاده من طبيب نفسي تثبت سلامتي النفسيه اني لست مريضة بداء السرقة كما تتدعي موكلة الأستاذ المحامي المحترم

عماد لفت لها استغرب نبرتها وبينه وبين نفسه: محترم ! ليش قالتها بسخريه انا قلت لها بدون زعل !

عماد قاطعها: موكلتي لم تتهم الأخت الفاضله باضطرابات نفسيه او كما تتدعي بالكلبتومانيا وإنما من المواقف التي تم ذكرها في ما سبق .

آية: اسمح لي اوجه سؤال للمحامي يا حضرة القاضي

 القاضي اشر لها بيده

آية: من سرق الذهب ؟!

عماد ضحك بسخريه: كان يجب ان توكلي محامي حيث ومازلتي طالبه لم تنتهي من معرفه القوانين بعد ، هذا السؤال بالذات وجه من الجميع واعيده لك تحديدا لتردي انتي

آية ابتسامتها المغروره بتشوفه وتمشي ووقفت جنب الشغاله: اين الذهب !!

الشغاله: ما اعرف قلت لكم كلكم ماما ماتسمح لي انظف غرفتها.

آية شافته: حاولت تتحرى وتحقق مع حد غيري !

عماد: هذا مش علينا طبعا على القسم والضابط الذي كتب المحضر.

آية رجعت عينها بعين الشغاله وفتحت التسجيل اللي في تلفونها: مع من كنتي بتتكلمي ؟

عماد استفزته قوة آية وانهم سمحوا لها تدافع عن نفسها: اعتقد انه مالهاش حق تحقق مع حد

آية مشيت وناولت القاضي التلفون: هروبها وكلامها مايدل لكم على شكوك قد توصلكم للحقيقه!

 القاضي قرر يستأنف القضيه للتحقيق فيها اكثر ..


خرجوا كلهم كان مصطفى بيتكلم مع فاروق ويمدحوا في آية وكلامها.

آية بعد ماخرجت مع الكاتب اللي بيحقق في الموضوع

عماد وقف: ماشاءالله بدايه موفقه وبتنفعي اللي حولش كثير ( اشر براسه لمصطفى وهو واقف بعيد )

 آية مشيت وبعدت شويه ووقفت وهو التفت لاعندها: كيف انت شخص متناقض اسمك محامي وبتدافع عن المجرمين وعلى اساس تصلح قضايا وانت مخرب أسر وبيوت الناس

اخو زوجي التوأم يسلم عليك وقال لك صحيح مرته اجنبيه بس غض بصرك وخليك في حالك مفهوم !!

ومشيت خطواتها بثقة استفزته مع أسلوبها مش متوقع البنت اللي اعجب بقوتها ذلته بها صحيح مستفزه بس بيحب قوتها وشخصيتها اكثر.


خرج مصطفى وابوها وهي رايحه لاعندهم

مصطفى: الكلام الاساسي في البيت مش هنا اما اللي من باب الفضول متى موعد الجلسه الثانيه متحمس

آية فهمت انه بيمدحها باسلوب قدام ابوها: الموعد الله اعلم بس لو سمعوا من الشغاله شي مهم ولقيوا دليل عيكون قريب قوي

عماد رافع عينه وراسه واطي عشان لايبان بيشوفهم نظراته لهم شر كان حاسد مصطفى على آية..


هاجر وقفت قدام الشغاله واللي بيكتب كان بيحقق مع الشغاله ومن غباءها مش عارفه هاجر وظيفته: ايش من تسجيل سمعتهم آية لايكون اتفاقي انا وانتي !

الكاتب رفع راسه لهاجر: اجلسي !!


















https://tttttt.me/rewayatyamania/39767




📚 @rewayatyamania 🇾🇪

🖤


بـارتـات يومنـا الجـمـعـة👆🏻😍

#انتظرونا مساء الغد

ومع آخر بارتات روايـة

انـتـقمـت لـنـفـسـي


📚 @rewayatyamania 🇾🇪