روايات يمنية📚🇾🇪

البـارت رقـم 8

انتـقمــت لنفســي 🖤

👌🏻👇🏻 😍
📚 @rewayatyamania 🇾🇪

عند الشباب ..

بلال وصل: مالكم هنا خير

صاحبه: سام امه في المستشفى حادث بسيط قلنا نجي نجلس معه لو يشتي شي

بلال: سلامات خير كيف الحاله الان

سام: الحمدلله جت سليمه

بلال: وانت وقع بك شي

سام : مع مش حادث سياره في الشارع الوالده خلاف نسوان وانضرب راسهم في الحجر..

بلال : هيا صدق !! ماعدلا نسوان يتضاربين في الشارع من فعل بهم هكذا بلغوا

سام: قد عنبسر كيف

بلال خرج محفظته: اهم شي يلزمك شي امانه هذه خليها عندك

سام: موجود كله والله ربي يحفظك

صاحبهم: تشربوا شاهي ؟؟؟

بلال: عادك بتسأل استحي على نفسك هي الا ميتين ريال شاحاسبك

جلسوا يضحكوا وراح صاحبهم يدي شاهي

بلال شاف واحده بتمشي لوحدها نفس طول وملامح آية من بعيد قام فجأه مشي شويه شاف مش هي ومع ابوها واخوها بيمشوا وبيضحكوا رجع

سام: اين سرت؟؟

بلال: شبهتها بواحده هيا اسمع قصتها لقانه سارق ومضارب.

سام: اوف كيف؟

بلال: هذه كريمتي جننتنا بمجالها من لقت ادتها للبيت

اشتي افتح لها ملجأ

سام ضحك: الله يكتب آجرها على من طلعت انت هكذا

صاحبهم جاء بالشاهي : تفضلوا حياكم الله

جلسوا يشربوا ويتكلموا على خطبه بلال..
.
.

الساعه 1 الليل..

ابو آية : بين اقلش البنت ماتعرفش الطريق وحدها افهمي كيف سارت عند جدتها

مرته: لو مش مصدق لي سير اسال

ابو آية: يتخايلش اني مصدق لش ايوه سرت أسأل فلتي البنت لحالها ماقلتي لها حين هربت وفلتت البيت

مرته: عتحملني المسؤولية ذاحين وانت اللي خرجتها بيدك

زوجها: حرام وطلاق لو وقع بالبنت شي ماتجلسي على ذمتي يوم ودخل الديوان جالس يفكر كيف يفعل اين يسير قرر يسافر يشوفها لو عند امه..
.
.

بيت بلال..

دخل دلا وقفل الباب لاينكز امه ..

آية مسكت فمها وعطست

بلال انتبه فجأه في صوت.. جلس يتلفت حوله دخل بين الشجر اللي جنب الباب مابش حد..

وهدووووء بعدها

رجع فتح الباب شكلها رياح او دمه دخل وقفل

آية حاسه ببرد ماسكه عودي شجره وبترسم بالتراب دواير جالسه تفكر وتخطط كيف تعيش وتسوي بدون ماترجع للقريه وبيت ابوها..

تجلس بيت رحاب او تخرج؟ د؟ بعد ماطلع الضوء وحست بأمان شويه وطرحت راسها فوق الشنطه ورقدت...

الصباح..

رحاب خرجت هي وامها يكملين مشاويرهن.

بلال قام من النوم فتح الطاقه وواقف مبتسم حاسس بفرحه اخيرا عيخطب واليوم يوم مميز بالنسبه له ..

بيسمع صوت قرب راسه وشاف جنب الطاقه راقده انصدم وجلس يضحك اخذ ماء شرب والباقي رشه من الطاقه...

آية وقفت فجأه نكزت من الخوف صيحت شافته: ايش الحيمره هذه مالك انت تسافط بالماء هكذا ؟؟

بلال بزنط: ايششش ؟؟ اسافط من اين اعرفش قلك اسافط واختفى من قدامها..

آية بتصيح وبتدوره بعيونها فين راح: هربت اصلا ماسطاك ترجم الكلمه وتهرب

بلال من وراها : انتي ماقصتش انتي اعترفي

آية تشتي تمشي

بلال مد رجله : لوين مفكره عتهربي احلمي والله ماتخرجي الا بعد ماتقلي بنت من انتي وليش هربتي

آية زبطت رجله ومشيت بتمشي ناحيه الباب حق البيت : اين رحاب ؟؟

بلال سبق وقفل الباب حق الشارع : مابحد احد في البيت يعني عتتحاكي او اسلمش للقسم يدوروا اهلش هم

آية: وانت مادخلك ؟؟ نفسي افهم مادخلك افتح اخرج

بلال جلس قدام الباب : عتتحاكي او مع لقانه وعاد انتي بتزابطي هاااه

آية: والله لاصيح ملان الحوش افتح الباب من قلة الحياء

بلال: اقسم بالله يابنت الناس لو تقلي لي ماحصل معش والله لادي راسي عليش وافعلش ماشتيتي اسكه بردي قلبي واعتبريني اخوش والبيت هذا بيتش بس قلي لنا ماقصتش بسسس

آية: كلمت رحاب تأجر لي المخزن ابي سفرني البلاد بيت جدتي وجدتي ميته مابش حد رجعت وخالتي طردتني لان ابي مسافر افتهنت ؟؟

بلال: والصدق

آية: سير اسأل خالتي

بلال: ماشسألش وشاثق في كلامش وشأجر لش المخزن كم معش

آية: ماناش دارية ماقد ابسرت كم معي خبيتها وجيت

بلال: اين ؟ ومن اين اديتيها

آية: الجار حق جدتي كان عنده الوصيه والفلوس وذهب امي

بلال: لاحول ولاقوة الا بالله واين خبيتيها ؟

آيه : في ارضيه جنب حارة بيتنا

بلال انصدم وقف: مجنونه والا بعقلش؟ بتتحاكي صدق؟

آية: والله مالك كم لها مهجوره..

قاطعهم الباب بيدق...

فتح الباب امه واخته

رحاب: آية وين كنتي؟؟ انتي داريه مارقدت للصبح اهم وين انتي

بلال بيفتح باب الحوش: كانت راقده في الحوش عند السرق والدمم

رحاب لاتدخليش جي انتي وياها

امه: الله يهديش يابنتي كيف تهربي هكذا وانت اين عتسيروا لقيت اهلها؟

آية شافته بنظرة

بلال:...

📚 @rewayatyamania 🇾🇪

👍16❤3

4.76K views17:48