البـارت 19 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


حسين: بعد امركم الولد جاهز من كل حاجه نشتي خطوبه وعقد الاسبوع اللي عيجي

احمد: القول قول اخي ماقلت

يحيى: قلت كل خير

حسين: ع بركه الله وماعنلاقي لابننا علي احسن من بنتكم

يحيى: الله يحفظك

احمد: اذا خلونا نقرا الفاتحه

علي كان خازي

ومجد ساكت ولاكلمه مصدوووم

تمـوا يقراوا الفاتحه وقام الكل يبارك لعلي

علي جلس شق مجد وقال له: وانت ي شيخ ماعتبارك لي

مجد وهو حاسس بنار شاعله في صدره: الف مبروك الله يوفقك ي غالي

علي: تسلم وعقبى لك

مجد بكبر: ان شاء الله

حسين: نستأذنكم

يحيى: الله معاكم

وخرجوا كلهم حتى احمد ومجد


تقيه: دخلت المجلس هيا ماهو

يحيى: كل خير خلاص اتفقنا ع كل حاجه وبعد اسبوع خطوبه وعقد ع طول

تقيه: يوه مسرع

يحيى: ماعدباقي جاهزين من كل شي خلاص

تقيه: والعرس اي حين

يحيى: ماقد حددناش حتى المهر بس شكلهم ماعيقصروا في حاجه

تقيه: الله يكتب لها مافيه الخير

يحيى: وين حنين

تقيه: في غرفتها

يحيى دخل غرفه بنته

حنين بنبرة حزن: حيا ي اباه

يحيى: الله يحييش ي روح ابوش والف مبروك الله يتمها لش ع خير

حنين بحزن: يعني خلاص

يحيى: مالش

حنين: ولاشي بس مشتيش افارقكم

تقيه: انا فدالش ي بنتي بس مانفعل قديه سنه الحياه وبعدا الخطوبه والعقد في هذا الاسبوع بس الزواجه مدري اي حين شكلهم مطولين اطمني

حنين ماحست ع نفسها وشهقت: هااااااا عقد والكل مسرع

يحيى: شكلش ماتشتيش هذا النصيب او كيفه

حنين افتجعت: من قال بس استغربت مسرع

يحيى: قدهم جاهزين ماعدباقي وبعدا الرجال مايعيبه الا جيبه

تقيه: ماقالوا لك ي يحيى اي حين عيجين النسوان؟

يحيى: ماشي وانتي اي حين ماجين

تقيه: قصدي يجوا نتعرف ع بعض اكثر جلسه تعارف يعن

حنان: اكيد عيجين خلال هذا الاسبوع

تقيه: خير ان شاء الله

يحيى: ان شاء الله

.
.

في 🏠 احمد
ميار: هيا مه ي مجد ما قلتوا ما اتفقتوا

مجد بضبح: اسالي ابي انا تاعب شخطى ارقد

ميار: يوه ترقد هذا الساع

مجد: ومافيها مشو حرام

ميار: مجد مالك ضابح عتقرح

مجد: ولاشي وخطي

ميار: يعلم الله ماله

احمد: مالش بتجابري نفسش

ميار: ههههه 😅 مازد فعلتوا ي اباه

احمد حكى لها كل حاجه

ميار: والله وسبرت لها هذه الكلبه اخطى اتصلها

احمد: هههه الله يهديش بس



مجد في غرفته فتح الواتس وبسر حنين عادها ماقد قرأت اخر رساله منه غلق وتذكر ان العقد حقها خلال اسبوع انقهرررر


ميار بتتصل لحنين

حنين: الو

ميار: اهلا بحقنا العروسه

حنين: اين عروسه هذا الساع

ميار: يوه مالش المفروض انش فارحه

حنين: ناهي

ميار: حنين مالش

حنين: ولاشي

ميار: هااه هذه الحركات اللي بيفعلنها البنات ي سعم مش هن فارحات شلوش هههه

حنين: صح مادراش

ميار: يووه مالش شكلش ضابحه قوي حتى اخي مدري ماله اليوم ضابح عيقرح

حنين وجعها قلبها عليه

ميار: حنين مش انتي مغصوبه

حنين حست انها بينت ان هي زاعله حبت تغير الموضوع: منش الصدق مغصوبه بس ي اختي مشتيش افارق اهلي ولا افارقش

ميار: ي ساتر قلت لش حركات ودلع اي حين العقد حقش

حنين: قالوا هذا الاسبوع

ميار:والله يوفقش ي حنونتي تستاهلي كل خير والف الف مبروك

حنين: الله يبارك فيش فديتش

ميار: يله سلمي لي ع عمتي

حنين: يوصل

ميار: مع السلامه

حنين: الله معش غلقت وبكيت لما شبعت
.
.

قبل العقد بيوم...
ميار بتدق ع مجد يخرج يجاوب صاحبه

مجد لارد

ميار بتدق الباب بقووه

فاطمه: مالش ي بنتي كسرتي الباب

ميار بخوف: يماه مدري ماله مجد مابيجاوبش

فاطمه: اكيد انو بالعاني سعما كل مره بيدعممش

ميار: ماشي يماه هو يجاوب هذا ولاحاجه

فاطمه: عتقلقيني ذلحينه هو قدله فتره مشو سابر ضابح واصل جربت تدق عليه بس مابش فايده

ميار: بسرتي ي الله ع اخي

فاطمه: ادي المفتاح الاحتياط من غرفتي من الدرج حق التسريحه بسسسرعه

ميار: ي الله سارت ولقيته ومكنت امها

فاطمه بتحاول تفتح

ميار: لو خلى المفتاح عرض الباب ماعتقدريش

فاطمه: ماشي مابحدوه

ميار: الحمدلله هيا ماله مايفتح

فاطمه: فتح وحملت صلا ابنها

ميار: مجد مجد مجد

فاطمه: يو ي الله على ابني مجدددد

احمد سمع الصياح جاء: مابه

فاطمه: جي ابسر ماله ابنك

احمد بخوف: ماله

ميار بتبكي: مدري ي اباه شله المستشفى

احمد: ابعدين.. شله فوق ظهره وخطي به للمستشفى



احمد: الحقو ابني قوا

الدكتور: سعليك مابش حاجه واستعان بالممرضين واخذو مجد للطورائ

احمد: جالس بيبكي ع ابنه خارج



















📚 @rewayatyamania 🇾🇪

البـارت 20 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


في 🏠 احمد
فاطمه: يوه ي الله على ابني ي الله استر

ميار: يارب احفظ اخي يارب 😭

فاطمه: اتصلي لعمش يلقى ابوش

ميار: تمام واتصلت ع حنين

حنين مسحت دموعها وبكبر: مسرع فقدتيني

ميار وهي وبتبكي: حنين وينو عمي

حنين: يوه ميار مالش

ميار: اخي مدري ماله ي حنين

حنين بصدمه وخوف: من اخوش مالش

ميار: مجد مجد ي حنين قوا قولي لعمي يلحق ابي سار يسعف مجد مدري ماله

حنين افتجعت عليه قوي وبخوف: يوووه مجد ماله

ميار: مدري دقينا عليه مابيجاوبش وبعدا فتحنا الباب ولقيناه لابيتحرك ولاحاجه

حنين: يوه ي الله عليه في مستشفى ايش

ميار: مستشفى الـ.... قوا قولي له يلحقه

حنين: ناهي وغلقت وسارت تقول لابوها


تقيه: قد سرنا اليوم وحجزنا لحنين فستان وكل شي

يحيى: ايوه تمام

حنين دخلت لاعندهم وهي بتبكي قوي

تقيه: يوه ي ساتر مالش ي بنتي

حنين: الحق عمي ي اباه سار يسعف مجد للمستشفى وكملت له باقي المجبر......الخ

يحيى: ي ساتر ع ابن اخي ابعدين مني وخطي للمستشفى

تقيه: ي الله استر

حنان: ان شاء الله مايقع حاجه حنين

حنين بتبكي بقووووه

حنان: بتعجب مالش بتبكي هكذا سعليش ماعيقع شي

حنين: مستمره في البكاء وخطيت صلا غرفتها وكانت تقول اكيد انا السبب قهرته الله يشلني بس وارتاح من هذه العيشه
.
.

في المستشفى 🏥
احمد مريع لاي احد يطمنه

الدكتور خرج لاعنده

احمد: فزز خير ي دكتور طمني على ابني

الدكتور: سعليك ابنك تعرض لانهيار عصبي

احمد بتعجب: انهيار عصبي

الدكتور: ايوه وكمان هبوط شديد هو بياكل او ماشي

احمد: قدله فتره مابياكلش عندنا وبيقل بياكل خارج

الدكتور: واضح انو كان بيكذب عليكم لان الهبوط عنده حاااد الان فعلت له مغذيات وكتبت له فيتامينات وحاولوا تبعدو عليه اي اخبار سيئه معافى

احمد بتعجب: شكرا ي دكتور ودخل لاعند ابنه يتطمن عليه

مجد فاق وبيتعجب وين هو

احمد: مجد انت في المستشفى

مجد: في المستشفى ليش

احمد: وقع فيك هبوط حاد وانهيار عصبي ماغثاك ي ابني قل لي

مجد تذكر حنين وتنهد

احمد: قل لي ي ابني

مجد: ولاحاجه ي اباه بس مدري كيف هذا

احمد: كيف مدري وبتكذب علينا وبتقل انك بتاكل خارج وانت ولابتاكل حاجه

مجد: الا

احمد: لاتكذبش مالك ي ابني قلي وانا افعل لك اللي تشتي

يحيى دخل وقاطع حديثهم: خير خير مالمجد ي اخي

مجد: سعليك ي عم قدنا بخير مابلا هبوط شويه

يحيى: كيفه هبوط

مجد: هي تحصل سعليك شويه واخرج

يحيى: والله ان بنتي حنين فجعتنا كلنا جت تقلي وقديه عتموت من البكاء

مجد بينه وبين نفسه وعادش بتقلي انساش ي حنين وانتي بتبكي عليا هكذا ماعتقدريش تنسيني ولا انا شقدر انساش اح بس 💔

احمد: وانتوا من قلكم

يحيى: ميار اتصلت لحنين وقالت الحقكم

مجد: مابش شي خلاص الحمدلله

يحيى: احمد اتصل للبيت وطمنهم وانا شتصل بعدك

احمد: اوه نسيت

اتصل احمد على ميار وفاطمه وطمنهن وغلق

يحيى: هيا اسكه ادي التلفون اتصل

احمد: هاه بس السماعه خاربه افتح المكرفون

يحيى: تمام

احمد: لاعند من تشتي اتصل

يحيى: لاعند حنين

احمد: تمام اتصل وجاوبت حنين

حنين: بصوت مبحوح الو

يحيى: حنين انا ابوش بين اتصل لش من تلفون عمش

حنين بخوف: هاه اباه طمني كيفو مجد

يحيى: اطمنوا قدوه بخير شويه ويروح طلع عنده هبوط حاد

حنين ماقدرت تمسك نفسها وبكيت

يحيى: حنين بنتي مالش

حنين وهي بتبكي: الحمدلله الحمدلله خلاص شاطمن امي ذاحينه

طبعا المكرفون كان فاتح والكل سمعها

احمد دمعت عيونه

مجد ماقدر يمسك نفسه اقتلب ع الشق الثاني وغطى وجهه بالبطانيه وكان ينزلين دموعه على الصامت

يحيى: ايوه الله يرضى عليش

حنين: مع السلامه

يحيى: مع السلامه

احمد: مالها بتبكي هكذا بكتنا معاها

يحيى: حنين حنونه قوي وقلبها رهيف بتبكي على كل صغيره وكبيرة

احمد: الله يحفظها حنين وهي كلها حنان

يحيى: اي والله

احمد: مجد مجد راقد او كيف

مجد مسح دموعه واخذ نفس وابتسم وبعد البطانيه من فوقه: هاا اباه

احمد: عتخرج ي ابني قذا شويه وكملت المغذيه

مجد: عدباقي واحده

يحيى: افعلها في البيت اخرج لك

احمد: صدقت

مجد: عادوه احسن

يحيى: شخطى احاكي الدكتور وخطي

احمد: بتحس نفسك احسن من اول

مجد: ايوه الحمدلله

احمد: كون انتبه ع نفسك ي ابني وكون تغذى سوا

مجد: تمام

احمد: ايوه الله يرضى عليك

يحيى: هيا قوموا قذا قلت للدكتور قال تمام

احمد: ايوه ريع تكمل هذه علميد يجوا يركبوا له الثانيه

يحيى: ماعليك من هذا الخبر شاخلي حنين تجي تفعلها له هي درست تمريض

احمد: خلي بس الدكتور لو تحرج والا شي

يحيى: مابش حاجه هو ابن عمها ومثل اخوها خلينا نخطى

مجد...

















📚 @rewayatyamania 🇾🇪

البـارت 21 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


يحيى: ماعليك من هذا الخبر شاخلي حنين تجي تفعلها له هي درست تمريض

احمد: خلي بس الدكتور لو تحرج والا شي

يحيى: مابش حاجه هو ابن عمها ومثل اخوها خلينا نخطى

مجد بينه وبين نفسه: عتجي تغيرها لي هي اصلا هي وجعي بس حالي ازيد ابسرها قبل ماتتزوج 💔

احمد: هيا مجد

مجد: هيا ورحوا البيت

فاطمه كانت تحضن ابنها هي وميار ويبكين

مجد: مالكن وذا انا بخير قبالكن خلاص

ميار: فجعتني عليك ي شوعه

مجد: سعليش مابش شي

فاطمه: كيف قد انت بخير ماتشتي افعلك قلي امانه

احمد: فاطمه مالش وذا الولد قبالش بخير هو بس هبوط وذا المغذيه هذه حاليه عيكملها وقدوه ساع الحصان صح

مجد: ايووووه ان شاء الله سعليش ي اماه

ميار: وذا المغذيه كملت

مجد: عادنا شفعل الثانيه

ميار: وانت مالك ماتفعلها هانك

مجد ساكت

احمد: يحيى مدري ماله جاء له ضيق قال مابلا نروح وهو عيخلي حنين تجي تفعلها له قال هي درست تمريض

ميار: ايوه صدق درسنا جمعه هي تمريض وانا حاسوب

فاطمه: فعل خير ماتعجبنيش انا المستشفيات لو كان تأخرتوا شويه ان انا جننت

احمد: الحمدلله حن جينا

الكل ضحك
.
.

في 🏠 يحيى
يحيى: قومين البسين واخطين معي تبسرين ابن اخي

تقيه: ايوه عادنا قلت اقلك لان غدوه ماعنقدرش حين هي ملكه

يحيى: قدنا داري قومين البسين

حنان: الان

حنين: مانسير نفعل قدوه بخير خلاص

يحيى: ضروري انتي بالذات تسيري

حنين بخوف: ليش

يحيى: علميد تفعلي لمجد المغذيه

حنان: وما فعلوا في المستشفى

يحيى: فعلوا واحده ذاحينه قد كملت عباقي الثانيه

حنان: كان عتريعوا لما تفعلوا الثانيه

يحيى: ماع كان عنتاخر وبعدا ماتعجبنيش اجواء المستشفيات روحتهم انا

حنان: هاه

يحيى: هيا قومي ي حنين

حنين: تمام وبينها وبين نفسها (ي الله استر بس بين افتجع لا انهار قباله 🥺)


تمين يلبسين وخطيووا
وبعد السلام والكلام..
ميار: الف مبروك ي كلبه احجر

حنين بهررت فوقها وقالت: مااااع

ميار بتعجب: ليش

حنين: مشي سابره بتبسري مرض

ميار: ي ساتر قصدش اخي قدوه بخير

حنين: ولو ي نظر

يحيى خرج من المجلس ودخل غرفه البنات يصيح لحنين تجي تفعل لمجد المغذيه

حنين كانت ترتعش بكلها وقلبها ماوقف دق

ميار: مالش سعليش اخي ماياكلش احد

حنين: مش وقتش

ميار: هيا اخطي

حنين: يله

ودخلين المجلس...


احمد: حيا بحنين كيف العروسه حقنا

حنين بصوت مبحوح: الحمدلله

تقيه: هيا اخطي افعلي له الفراشه

ميار: ريعي اسير اديها

حنين جمعت قوتها ومكابره: الحمدلله ع سلامتك

مجد بنبرة حزن: الله يسلمش

يحيى: افتشي ي بنتي اسهل هو مثل اخوش

حنين لارد وكلها توتر

فاطمه: خليها براحتها ي اخي

حنان: خلاص قد عتتزوج مايسبرش

فاطمه: مادخل هذا الخبر

تقيه: ابردي لش منها ماتقدرش تجابر

حنان: انا بين اضحك 😅

ميار: هاه ي حنين هيا جي نفعلها له

حنين: هيا
وقربين الثنتين يفعلنها

ميار: يوه ميس بتتصل يمكن قد دريت شاخطى اجاوبها وخطيت

حنين توترت بقوه وقامت فعلت الفيتامينات داخل المغذيه واخذت طرفها علميد تفعله في الفراشه اللي في يد مجد

مجد جالس يتأمل فيها وفي عيونها

حنين اخذت طرف المغذيه علميد تفعلها في الفراشه بس كانت ترتعش بقوه

مجد بدأ يتوتر معاها

حنين يدها البيضاء الناعمه كانت تلامس يد مجد وهي بااارده وترتعش

مجد افتجع عليها: مالش

حنين هزت راسها بمعنى ولاشي وبتحاول توازن يدها علميد تفعلها له

مجد ع اساس بيساعد حنين طرح يده فوق يدها
بدون ما احد ينتبه

حنين بسرته وانصدمت

مجد بهمس: اهدئي انا فدالش وبعد يده

حنين ماعاد قدرت تمسك نفسها كانت تبكي بصمت وهي بتفعلها له وبعد اكثر من محاوله قدرت تفعلها

مجد بهمس: اص لاتوجعيش قلبي اكثر انتي حقي وبس اوعدش

حنين قامت وخطيت بسرعه من عنده

احمد: حنين هاه حنين

تقيه: كملت تفعل لك المغذيه

مجد بمكابره: ايوووه

يحيى: مالها خرجت بسرعه

تقيه: اكيد من الخزا

فاطمه: ماشاء الله عليها

احمد: ماعدبش بنات هكذا الله يحفظها

حنان: وانا ماقلبتوني عادنا اختها يعني 😌

تقيه: ناهي واحنا ماقلنا عليش

حنان: قلتوا ماعدبش بنات هكذا الا به انا الاوله فديتني بس

احمد: ههههه الله يهديش ما انتي

.
.

فاطمه: ذاحينه ماعتفعلين غدوه

تقيه: قد حجزنا لها كوافير وفستان وباقي القلافد

فاطمه: وماعتفعلي سماعة او ماهو

تقيه: ايوه معانا سماعه مالها شي وانتي مشو عرس عقد

فاطمه: هو صدق ي سعم عيدخل يبسرها

تقيه: اكيد

مجد بيتسمعهن ونار الغيرة شاعله فيه

احمد: امانه اي خدمات قلي ي اخي

يحيى: الله يحفظك

احمد: يوه الباب بيدق من عيجي هذا الوقت

فاطمه: مدري شخطى افتح

احمد:....


















📚 @rewayatyamania 🇾🇪

البـارت 22 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


احمد: يوه الباب بيدق من عيجي هذا الوقت

فاطمه: مدري شخطى افتح

احمد: ماع قدوه ليل شخطى انا وسار يفتح وطلع امير صديق مجد

امير: كيف انت ي عم

احمد: حياك ي ابني مابه خير

امير: قلي انت كيف مجد قدنا قلق عليه قوي

احمد: وانت مادراك

امير: قصه طويلة واسف لاني جيت في هذا الوقت المتاخر بس ممكن ابسره

احمد: الله المستعان البيت بيتك في اي وقت

امير: تسلم ي عم

احمد بسر طريق لامير ودخله المجلس

مجد بتعجب: هااا امير

امير سلم ع الموجودين وسار يحضن مجد: سلامتك ي غالي

مجد: الله يسلمك ي اخ

امير: الله المستعان ي مجد ولاتقل لي انك مريض على كيف الاخوه هذه

مجد: مادراك اول

امير: قالت لي اختي بسرت الحاله حق اختك

مجد: يوه والفعله ليش وانت تشغل نفسك وتجي قدنا بخير كان عتتصل لي

امير: اتصلت لك بس مابتردش

مجد: ايوه هو في غرفتي صامت

امير: ماتشوف شر ي غالي

مجد: انا فدالك والله انك اخ وافي

احمد: الله يحفظك ي ابني ماعدبش صحبه هكذا

يحيى: والله انو صدق الله يديم اخوتكم

امير ومجد: امييين
.
.

عند البنات..
ميار: مالش ي حنين

حنين: ولاشي

ميار: واضح ابسري نفسش في المرايه

فاطمه: مالش على البنت ولافيها حاجه

ميار: ابسريها ي اماه كيف هي متوتره وملامح وجهها تغيرت

تقيه: مالش عتفجعيني ع بنتي

حنان: سعليكن هو هذا لانو العقد غدوه قلقه مدري مالها

فاطمه: اكيد هذا السبب عادنا اشتي اقلكن صح ي حنين

حنين هزت راسها ب ايوه

فاطمه: سعليش مابش شي عتوتري نفسش ع الفاضي

ميار: هو صدق اشتحطي ماعيجي غدوه الا وقدش حالتش حاله خذي نفس مابش شي

تقيه: ايوه ي بنتي خلي نفسش عادي

حنين: تمام

ميار: خاطركن

فاطمه: يوه اينه

ميار: قالت ميس اول ماتوصل عترن لي افتح لها الباب والقف معاها السماعه

فاطمه: وكيف لما عتجي هذا الساع اكيد قلتي لها من اخوش

ميار: ايوه هي بسرت حقي الحاله وافتجعت قامت تتصل

فاطمه: امرش الى الله فجعتي لنا البنت وخليتيها تجي هذا الوقت

ميار: هي كان هي عتدرى

حنان: والسماعه ليش

ميار: انا جابرتها من موضوع حنين والعقد قالت معاها سماعه كبيره قلت عادوه احسن اديها

حنان: حلوووو😻

ميار: شخطى افتح لها
.
.

عند مجد والباقي بيتجابروا من موضوع العقد وبيرتبوا ماعيفعلوا

امير: مين اللي عيعقد

يحيى: بنتي

امير: اهاا الله يتمم بخير

يحيى: امين تسلم

امير: الله يسلمك

يحيى: ان شاء الله يجي غدوه وقدك بخير ي مجد علميد تنفعنا لو معي ولد لكنت قلت له

احمد: الله المستعان ومجد ابنك

مجد: ايوه ي عم ولايهمك

امير: استأذنكم

مجد: اجلس مالك

امير: ماع خلاص تطمنت عليك

مجد: الله يحفظك شغلتك سامحني

امير: عيب عليك هاه وطرح مفاتيح سيارته شق مجد

مجد: ماهو

امير: شل سيارتي واقضي مشاويركم غدوه بها وارجع اديها

مجد: ماشي والله

امير: والله لاتشلها

مجد: هيا ليش اليمين وكيف عتروح

امير: ماعليك شادبر روحي وبعدا عاد الساعه 9

مجد: يو ماشي والله انه خزا

امير: مابش خزا ولاشي وبعدا ربع ساعه وانا في البيت

احمد: مايسبرش ي ابني هكذا

امير: الا يسبر احنا اخوه مابش بيننا هذا الخبر

يحيى: الله يحفظك

امير: اجمعين

مجد: عجزت مادريت ما اقول لك الله لايحرمني منك

امير: ولامنك اشتي اخرج جوا ابسروا لي طريق

يحيى: يله وقام يبسر له طريق

ميار باب الباب جت اختها وفتحت لها وغلقت بعدها

ميس وعادها باب الباب بخوووف: ميار كيف قدوه مجد امانه

ميار: سعليش والله ان قدوه بخير

ميس: امانه صدق

ميار: والله ماشكذب عليش

ميس: شطلع ابسره وانتي طلعي السماعه وبدات تطلع من الدرج

ميار: يوووه ريعي ساعديني

ميس: هي خفيفه وبينما هي طالعيه

يحيى كان بيبسر طريق لامير وقله يخطى

امير: بدا ينزل من الدرج ولقي ميس في بدايتها تجنب منها واعطاها ظهره

ميس بسرته وخطيت بسرعه صلا غرفتها

يحيى: خلاص اخطى ي ابني هذه بنت اخي جت تبسر اخوها

امير: تمام خاطرك

يحيى: الله معك ودخل المجلس

ميار في عصرة الدرج جالسه بتهدر وحدها وبتحرن ليش تبز السماعه وحدها وبتطلعها ع درجه درجه

امير بينزل في الدرج وهووب لقي ميار امامه

ميار جالسه بتتفرج للسماعة من اين تجي لها لان هي تعبت

امير بسرها وانصصصدم كانت لابسه روب فرنسي مكمم مع حقه الكوفيه وشعرها فاعله له حركه الحصان وطالعه مززززه

امير انتبه على نفسه وتنحنح احم احم واعطاها ظهره شويه

ميار سمعت الصوت رفعت راسها بسرت امير امامها انصدمت هي الثانيه

ميار بهمس ضربت يدها ع وجهها: يوووه والفعله ومادرت ماتفعل تسمرت بقعتها

امير هو الثاني مادري كيف يفعل

ميار قامت طرحت السماعة من يدها وخطيت من الدرج بسرعه لما كتفها صدم بكتف امير ع خفيف

امير...

















📚 @rewayatyamania 🇾🇪

البـارت 23 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


ميار قامت طرحت السماعة من يدها وخطيت من الدرج بسرعه لما كتفها صدم بكتف امير ع خفيف

امير ماتحرك من مكانه في حاله ذهول من بعد مالمسته بكتفها وبسر حلاها ، شوويه وانتبه ع نفسه كمل ينزل من الدرج بسر السماعه امامه قام اخذها وطلعها لاقرب نهايه الدرج وخرج

ميار ريعت له لما خرج وبدات تنزل من الدرج علميد تاخذ السماعه بس تفاجأت ولقيتها قرب نهايه الدرج وعرفت ان هو امير كملت وطلعتها للصاله ونزلت تغلق الباب بعده بس لقيته باب الباب

امير كان واقف وقلبه كان يدق بقووه بسبب الموقف اللي حصل له وتذكر موقف الموكب والكيكه وعرف انها ميار 😻

ميار غلقت الباب بشويش وجلست ع الدرج وقلبها بيددددق بقوه

امير حس ع حركة الباب خطي سريع للبيت

ميار اخذت نفس عميق وطلعت
.
.

تقيه: حيا ي ميس

ميس: الله يحييش ي عمه وتمت تسلم ع امها والبنات

فاطمه: قلقتش ميار الله يهديها بس

ميس: ليش يماه وانتوا ماتقولوا لي

فاطمه: مابش حاجه مانشتيش نقلقش

ميس: كون قولوا لي بأي حاجه عادنا منكم والا خلاص

تقيه: ي بنتي هم ماقالوا لش الا من هذا الخبر ابسري كيف جيتي هذا الساع

حنان: وبعدا قدوه بخير مابش شي

ميس: ولو وبسرت صلا حنين: ماللعروسه حقنا مطننه

حنين: ولاشي بين اسمعكن وانتين بتتجابرين

ميس: امانه عليش

حنين: والله 😅

ميس: هدأتي قوي من حن قالوا عتتزوجي حلووو عدباقي ميار علميد نهدا مره واحده😜

حنين بابتسامه مصتنعه: شلوش ما انتي

حنان: ايوه صح وين هي ميار

ميار فتحت الباب وطرحت السماعه وقدهي عتطفح

فاطمه: يوه مالش

ميار: اسالي بنتش ميس حمله حمله خاطيه صلا مجد وخلتني اطلع السماعه وحدي

ميس: بس دلع هي خفيفه

ميار: والله ان هي ثقيله

ميس: لو به شحطه صدق ماتقلي هكذا

ميار: ناااهي والله مافيني من شارعش قدنا تاااااعبه هذا كله علميد حنين مادخلني منها مدري

حنين ابتسمت

ميار: هذا كله اللي طلع معش ابتسامه وخلاص ووو حنين مالش

حنين: ولاشي

ميار: والله ع وضعش هذا لاتقل الا عيشلوش الان بيت زوجش فكيها الدنيا عوافي

حنين: ههههههه تمام

ميس: يي مابش احد في المجلس اشتي ابسر مجد

تقيه: ماعدبش خلاص هو كان امير صاحب مجد عنده وقد خرج قبل شويه

ميار بينها وبين نفسها: يارب تكون ماركزت مع خوفها ع مجد انو امير نزل وانا عادنا كنت نازل والله لاتوقع مشكله😰

ميس: ايوه انا كنت طالعيه وهو كان نازلي

فاطمه: هيه اخطي ابسريه

ميس: تمام وخطيت

ميار اخذت نفس وارتاحت لان هي ما انتبهت


ميس خطيت اول شي لاعند اخوها حضنته وبكيت

مجد وهو حاضن لها: ميس خلاص سعليش وذا انا بخير

ميس: الحمدلله ع سلامتك

مجد: الله يسلمش ي غاليه

ميس: امانه كيف قد انت

مجد: بخير الحمدلله وذا بتبسريني

ميس: الحمدلله

احمد: ميس وذا احنا موجودين

ميس: يووه والفعله سامحني ي اباه والله حسي كان عند مجد وسلمت على ابوها وعمها

يحيى: ماعليش ي بنتي اسهل الله يخاوي بينكم

ميس: امييين

احمد: مجد خلاص كملت المغذيه ابعدها

مجد: كيف افعل

ميس: اقدر ابعدها

احمد: ابعديها الله يرضى عليش

ميس: الان وبعدتها بشويش

مجد: تسلمي

ميس: الله يسلمك

يحيى: ابسر ي ابني اذا تشتي تاكل حاجه

مجد: ماع مابش في نفسي حاجه وبعدا قد فعلت مغذيه هي حاليه بدل الاكل

احمد: ايوه لكن من غدوه ضروري تاكل

مجد: ان شاء الله

ميس: مافعلتوا ي عم قد تميتو تحجزوا كل شي لغدوه

يحيى: ايوه

ميار دخلت بالسماعه وقدهي عتموت من التعب

ميس: هيا مالش انتي والسماعه ليش اديتيها

ميار: اشتي اجربها

ميس: تجربيها هذا الساع

ميار: ومافيها ماعنعليش الصوت

ميس: يوه ومنها الصدق

ميار: يوه مالش اشتي ابسر هي تستاهل التعب اللي تعبته

مجد: افتحيها لها خلينا نتخارج

ميار: والله ي مجد هكذا

مجد ضحك

ميس: مالش اديتيها كان عنجربها عند البنات

ميار: نسيتي ان الكبس هانا اللي عندهن خارب

ميس: ايوه صدق

احمد: وطين الصوت الناس قد رقدوا ذاحينه

ميار: والله مابيرقد هذا الساع الا احنا والا الناس كلهم بيسمروا لافجر

يحيى: ولو احتياط

ميار: قد عنوطيها

ميس: هيا شغلتها افتحي اي حاجه

ميار: تلفوني في الغرفه

مجد: شفتح انا وفتح اغنيه عاديه

ميار: اوه ما احلى صوتها لاتقل الا في استديو

ميس: هذا والصوت مشو عالي لو تبسري لما يكون عالي رووعه

ميار: قوووووه عنستمتع غدوه قوي شخطى اداعي البنات يسمعين صوتها

يحيى: ايوه ي بنتي وقدوه نروح خلاص

احمد: زيد اجلس ي اخي شويه

يحيى: ماع خلينا نروح معانا غدوه اعمال خيرات

احمد: الله يعينك

ميار: هيا افتح ي مجد سمعهن صوتها

حنان دخلت تسمع

حنين واقفه باب الباب من خارج يعني ماتقدرش تبسر الا ميس وميار والسماعه

مجد عرف ان حنين بتسمع...


















https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 24 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


مجد عرف ان حنين بتسمع فتح مقطع من اغنيه احبك لـ هاشم الحسني

🎶 انا لك واوعدك ماتكون الا لي ، تطمن وابعد التفكير من بالك ، ابيع الكون واقطع يد من طالك ، لانك لي لوحدي بس وانا لك 🎶 .....الخ

ميس: الله والرمسسه

ميار: حااليه هذه الاغنيه شكلها عاد هي جديده صح

مجد: ايوه

حنين سمعتها عيونها امتلين دموع وانقهرت قوي

ميار: هيا كيف صوتها ي حنين حالي صح

حنين هزت براسها بمعنى ايوه واشرت لها بيدها مع السلامه وخطيت

ميار: يوه مالها هذه قالت ايوه وخطيت لها

ميس: مدري

يحيى: خاطركم

احمد: الله معاكم وخرج مع اخوه يوصله للباب

ميس: مدري مالحنين بين احس ان فيها حاجه مخبيتها علينا

ميار: يوه ما اعتقدش

ميس: الا بتبسريها كيف قدهي وجهها شاحب وطول الوقت ساكته اي واحده مكانها عتكون فارحه

ميار: والله انو صدق

مجد بيتسمعهن سكته وبدا يفكر مايفعل علميد يخرب الزواجه...

.
.

يحيى وعائلته روحوا 🏠

حنين وهي ماسكه لنفسها: تصبحوا ع خير

تقيه: عتتعشي

حنين: ماشي شابعه

تقيه: تعشي ي بنتي لا ترجعي غدوه تدوخي والا شي

حنين: سعليش يماه والله ان انا شابعه

حنان: انتي اخبر بروحش مانا شخطى اتعشى

حنين: اخطي تصبحوا ع خير

الكل: وانتي من اهله


حنين دخلت الغرفه وغلقت وكانت تبكي بهستيريه كانت تتذكر كل اللحظات اللي عاشتها مع مجد وتذكرت اخر اغنيه فتحها لها ، وبينها وبين نفسها ماهكذا ماينفعش ضروري اخليه ينساني بأي طريقه حتى لو يكرهني مع اني احبه قووووويه وماشقدرش انساه😭 وبعد تفكير عميق كتبت له رساله ع الواتس (( لوسمحت انساني انا داخله ع حياه جديده لاعاد تخربها خلاص ي اخي مابش نصيب ولو سمحت احذف رقمي وانا شحذف رقمك الان واحذف كل الرسايل واذا حاولت ترسل حاجه شحظرك خلاص ماعدبش بيننا حاجه غير الاخوه وغلقتتتتتت وهي قدهي عتموووووت من البكاء

حنان بتدق ع اختها الغرفه

حنين قامت فتحت لها ورجعت ع سريرها سريع وتغطت بالبطانيه

حنان: هيا مالاختي كانت مغلقه

حنين: كنت بين ابدل وتصبحي ع خير

حنان: سااابر
.
.

في 🏠 احمد
الكل خطي يرقد

مجد دخل غرفته وتسطح ع السرير وفتح الواتس لقي رساله من عممممي اللي هي حنين فززز قلبه قام يفتحها انصصصصصدم وبينه وبين نفسه هكذا ي حنين وهنت عليش بس والله ان انا داري ان الكلام هذا كله من خارج قلبش تشتيني ابتعد عنش وانساش وارضى بالأمر الواقع لكن مستحيل والله لاحاول افركش هذه الزواجه وغلققق الواتس ورقد وهو مقهور
.
.

يـوم الخميس يوم العقد 💍 الصباح
تقيه دخلت على غرفه حنين بتقيمها

حنين وعيونها ملان نوم لان هي كرها رقدت: هااه اماه

تقيه: قومي هيا اصتبحي علميد مجد عيجي يشلكن الكوافير

حنين دددق قلبها وبينها وبين نفسها يعني خلاص مابش امل

تقيه: حنين حنين

حنين: هاه

تقيه: هيا ي بنتي اخطين من عندي اشتي افعل ميه عملي واعزم على الجيران وقد عمتش فاطمه والبنات بيساعدني ويرتبين المجلس حقهم للرجال هيا

حنين: يله الان

تقيه: قيمي اختش

حنين: تمام

يحيى: وين البنات نص ساعه ومجد في السياره

تقيه: يله قذا قيمتهن

حنين اخذت نفس عميق واستسلمت للامر الواقع قيمت حنان وخطيين يصتبحين

تقيه: اقطبين عباقي ربع ساعه مانشتيش مجد يريع

حنان: يوه مسرع عاد الساعه عشر ونص

تقيه: ماعدباقي قدوه وقت مدري كم عتجلس الكوافير فوقكن

حنين قامت

تقيه: مسرع اصتبحي سوا

حنين: خلاص شبعت

حنان: وانا والكل

تقيه: يله البسين وانزلين

حنين تلفونها رن

ميار: هيا ي حريوه قد مجد نزل

حنين: يله

ميار: يله وغلقت

تقيه خطيت مع بناتها للدرج وحجرت وحنان بتحجر معاها

حنين كان نفسها تسد على اذنها وماتسمع المحجره

ميار فتحت لهن باب السياره والبنات دخلين

حنان: كيف قد انت ي مجد

مجد: الحمدلله

ميار: هيا اخطى مانشتيش نتاخر

مجد: تمام وخطي وفتح اغنيه اذا ناوي تروح بصوت واطي

🎶 اذا ناوي تروح ، ابفهم وين اروح ، تخليني اعيش بعدك ملم وجروح ، واذا عني مشيت ، واذا غيري لقيت ، منو غيرك انا بالقاه ياروح الروح ، 🎶 .....الخ

حنين بينها وبين نفسها: يا الله بس 🥺 كيف افعل بروحي تتتتتتعبت

ميار: مجد افتح لنا زفه والا اي حاجه

مجد بضبح: مابش معي

حنان: ناهي ومالك بتقلها هكذا خلاص عنفتح احنا

مجد: تمام افتحي

حنين: خلاص شويه ووصلنا

ميار: مالش ي حنين جالسه ضابحة ي اختي خلاص لا اول واحده ولا اخر واحده عتتزوج اضحكي

حنان: هو صدق من كثر ماهي ضابحه ضبحتنا

حنين: خلاص ناهي اسكتين

ميار: قذا وصلنا هيا ونزلين

مجد دق بيده بقوه فوق السكان حق السياره وبيفكر بأي حل بس مابش فايده وكل امره الى الله ورجع البيت يبسر مايشتوا البيت



















📚 @rewayatyamania 🇾🇪

البـارت 25 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


تسريع للاحداث الساعه 3 عصر
مجد: ماعاد تشتوا

تقيه: يوه والفعله ي مجد نسينا ماندي الكرسي الكنب من بيت الجيران

مجد: هيا نخطى

تقيه: هيا وخطيوا بالسياره

مجد: هيا عمه دق باب بيتهم واول مايقولوا لش ادخلي شليه داعيتيني

تقيه: تمام الله يرضى عليك ونزلت ودقت الباب وبعد السلام والكلام اعطوها الكرسي وخرجوه لباب الباب ومجد نزل يشله لافوق السياره

تقيه: اساعدك

مجد: ماشي ماعليش شي شقدر له

الجاره: امانه عليش اذا تشتي حاجه قولي لي

تقيه: الله يحفظش ماتقصريش

الجاره: تقيه بنفسي سوال اشتي اسالش بس خازيه

تقيه: اسالي مالش

الجاره: انتوا عتناسبوا بيت حسين الـ.....

تقيه: ايوه ليش

الجاره: كيف لما رضيتي بنتش تنزل على طبينه

تقيه انصدمت: ماااهو

مجد طرح الكرسي من يده

الجاره: يوه او مش انتي داريه

تقيه: ماهو هذا حقش الخبر او بتمزحي معي

الجاره: يوه مش انتوا داريين وانا قد بين اقل كيف لها تقيه رضيت

مجد طارت حمامه قلبه من الفرحه

تقيه: من قلش

الجارة: كيف من قلي بنتي وبنتهم صاحبات قوي قد تزوج بس مرته طلعت مابتخلفش وقد جاء لبنتي وانا مارضيتش وبعدا جاء صليكم

تقيه: والله ماقالوا لنا بحاجه ولو يدرى الحج لاتقع مشاكل الله يستر بس

الجاره: الله يستر عادكم عتشلوا الكرسي

تقيه: ايوه اديه بس عنرجع نبسر ماعنفعل

الجاره: تمام

مجد اخذ الكرسي بمساعده واحد جازع لافوق السياره وطلع هو وعمته وطلعوا

تقيه: يوه ي مجد وعلى فعله

مجد: اهدئي ي عمه

تقيه: كيف اهدأ لو يدرى عمك لايجنن ويفعل لنا مشاكل

مجد: سعليش ماعيقع شي

تقيه: على الله قذا بيأذن ذاحينه ي مجد قدهم في الجامع عيتموا يصلوا ويعقدوا كيف نفعل ضروري نقل لعمك ماشي عتقع مشكله

مجد بحزم: الان اطرحش وخطى صليهم

تقيه: قوا لابني سير قله وهو يفعل اللي يشتي

مجد: تمام وتم يوصلها وطار للجامع جنب السياره بسسسسرعه ودخل وعادهم بيصلوا وقدهم كلهم موجودين

مجد ريع لما تمو يصلوا وبدأوا يفعلوا دائره يتفقوا على المهر وكل شي وبعدا يعقدوا

حسين: صلينا على النبي

الكل: اللهم صل على محمد وآله

مجد اشر لعمه يحيى من بعيد يجي يكلمه

يحيى: لحظه اجاوب بسرعه واجي

علي: توتر لاحد يدرى انه كان مزوج قبل مايعقد

مجد كلم عمه بكل القصه

يحيى وهو مصدوم: قل بغيرها

مجد: والله حتى اسال عمتي

يحيى: يمكن ان جاره تقيه بتحسد قامت قالت هذا المجبر

مجد: ما اعتقدش بس انت اتاكد منهم ماعتخسر

يحيى: وهذا اللي عيحصل وخطيوا لاعند الرجال

حسين: ذاحين كم تشتو مهر بنتنا

احمد: انتوا وقبيلت،،،قاطعه يحيى

يحيى: كم اديتوا في مرته الاوله ادوا في بنتي

الكل انصدم

احمد: ماهو هذا الخبر ي اخي

يحيى: مثلما سمعت

حسين ارتبك: لحظه ي اخي يحيى احنا كنا عنقلكم من قبل بهذا الموضوع بس،،، قاطعه احمد

احمد: يعني صدق 😳

علي بخوف: والله ي عم كنا عنقلكم بس قلنا لما قد احنا عنعقد

يحيى قام وقال: مابش نصيب

اهل حسين: اصبر ي عمنا

يحيى: هي الا كلمه مابش نصيب خلاص عيب عليكم تخبوا علينا خبر مثل هذا وكان عتخلوني ازوج بنتي على طبينه تجلس بين المشاكل والهرم ليش وانا بنتي مشي رخيصه علميد ارجمها هكذا

علي: ي عم انا متزوج صح بس سعليك كل واحده معاها بيت لحالها مابش مشاكل ولاشي

يحيى: مابش نصيب الله معاكم

احمد: خير مافعلت كما قد العلاقه من اولها كذب وخداع كيف عاد النهايه يله توكلوا

حسين وابنه علي انقهروا وخطيوا هم والاثنين الشهود اللي معاهم


يحيى جلس ومسك على راسه

احمد: ولاتزعل ي اخي واحمد الله ان هو كشفهم على حقيقتهم قبل ماتودف بالبنت

مجد جلس هو الثاني واخذ نفس عميق وقال اووووف الحممممممدلله

احمد: مالك ي ابني

مجد: اشتي اطلب من عمي يحيى طلب

يحيى وهو ضابح عيقرح: ماهو

مجد جمع قوته وقام قال: بعد اذن ابي انا اشتي بنتك حنين ي عم لـــي على سنه الله ورسوله

يحيى واحمد: انصدموا

مجد: مالكم او قلت حاجه غلط لاسمح الله انا ابن عمها اولى من الغريب ماقلتوا

احمد بفرح ممزوج مع تعجب: ماقلت ي اخي

يحيى: قلت كل خير وانا موافق بس

احمد: بس ماهو

يحيى: نشتي ناخذ برأي البنت

احمد: من حقك مع من نتواصل

مجد: مع ميار هي معاها عند المكوفره

يحيى: خلاص اتصلوا لها

مجد: انا من رأيي نفعل رساله احسن مشي سابره اتصال ناخذ رأيها بكل هدوء

يحيى: مع ان انا داري ان هي ماعترفضش وعتخطى بعد ابوها مثلما خطت بعدي في هذه الزواجه اللي ماتمتش بفضل الله لكن ولو افعل ي مجد رساله لاعند ميار على اساس ان هي مني وقلها تجي لها بطريقه حاليه تقلها الموضوع لان هي عتتفاجأ

احمد: ماشاء الله عليك ي اخي كلام

مجد: تمام وفكر في حيله وكتب لميار:...
















https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 26 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


مجد: تمام وفكر في حيله وكتب لميار: قال عمي تقولي لحنين للتأكيد هي موافقه على الزواج

وبعد شويه كتبت: انا بعد ابي

مجد: عم يحيى قالت هي بعدك ها اقرا الرساله

يحيى: من دون ما اقراها قد كنت داري

احمد: على بركة الله وبيصيح لشيخ الجامع يجي يعقد

الشيخ: خير

احمد: هيا جي اعقد لابني

الشيخ بتعجب: هذا على ما اظن كان واحد ثاني

يحيى: كان بس ماحصلش نصيب

الشيخ: سبحان الله هيا اقربوا لاعندي شويه

احمد: اول ي اخي نتفق على المهر

يحيى: قاطعه ماعنختلفش احنا اخوه تفضل ي شيخ


لحظات وتموا يعقـــدوا 😻
مجد ماصدقش نفسه من الفرحه قام يحب راس ابوه وبعدين عمه وقال له: اوعدك ي عم لااطرح حنين في عيوني

يحيى: ياسين عليك ي ابني والله ان قد كانت هموم الدنيا كلها على راسي وكنت بينهم الناس اللي قدهم ملان البيت والنسوان وكله ولا حنين اللي قدهي جاهزه قد قلت خلاص البنت عتزعل وتقتهر قوي بس الحمدلله ستر الله

احمد: الحممممدلله

مجد: هيا تاخرنا على الناس وعاد الكرسي حق مرتي عندي

احمد: ماهو مرتي ي مجد

مجد: ايوه مرتي ي اباه خلاص

احمد: عادنا مش انا مستوعب للي حصل قذا بيقل مرتي

مجد: هههههههه

يحيى: الله يتمم لكم على خير ي ابني

مجد: امين ي عم امين

احمد: هيا عيب الناس قدهم ملان المجلس

يحيى: ايوه هيا وخطيوا

مجد: وصلهم لبيتهم ودخلوا احمد ويحيى عند الرجال ومجد خطي صلا غرفته يجهز نفسه عررررريس


طبعا قدكم عارفين الرجال جمعتهم في بيت احمد ، والنسوان في بيت حنين

.
.

احمد ويحيى: السلام تحيه حياكم الله

الرجال: بقيتوا

يحيى: شويه ويجي العريس

مجد في غرفته اتصل ع امير صديق عمره

امير: ها مجد كيف حالك

مجد: الحمدلله جي الااااان

امير: خير مالك او تاعب

مجد: ماشي سعليك بس البس واتأنتك وجي الاااان

امير: فهمني مابه

مجد: جي وانت عتدرى

امير: كنت بين اقل اوصل اختي لاعندكم واروح بس خلاص البس واجي معاها

مجد: اقطب ي منعااااه

امير: اموت واعرف مالك لكن قد شاجي واعرف بنفسي

مجد: سابر يله خاطرك

امير بتعجب: الله معك

مجد لبس احلى ثوب عنده لونه ابيض وشال ابيض مخطط بأسود ولبس الجنبيه وتعطر من اضخم العطور وماشط لشعره سبايكي وخفف لحيته شويه وطلع 😻😻 قبل مايخرج عند الرجال ابسر نفسه في المرايه وقال: حنين استعدي للمفاجاه قلت لش انتي حقي ماصدقتينيش ابتسم وخرج عند الرجال

احمد: حيا الله العريس

الرجال: اتفاجأوا

يحيى: طبعا انتوا ذاحينه عتتفاجأوا انا شاقلكم ماقع ، ما اتفقناش احنا وحسين على هذا النصيب وتفركشت الزواجه وبعدين ابن اخي طلب يد بنتي له وانا وافقت على طول ابن اخي اولى من الغريب او مارأيكم ي رجال

الرجال: ولاعاد كلمه صح لسانك

احمد: ادخل سلم ع ضيوفك ي عريس

مجد خطي يسلم على كل الرجال في المجلس وكلهم كان ياخذوه في الاحضان ويباركوا له


شويه واتصلت ميار لمجد

ميار: مجد

مجد: هممم

ميار: انا داريه ان قدك عند الرجال بس هيا جي لنا قد احنا جاهزات وامي قد جننتني اتصالات قالت قد النسوان ملان

مجد: الان وغلق

امير اتصل على مجد وبيسال وينه

مجد: اطلع بيتنا سعليك مابش احد مابلا رجال لانو عقد قدك داري

امير: تمام دخل للبيت وخطي صلا المجلس دخل وسلم على الرجال كلهم وما انتبه لمجد انه العريس لانه مايعرف العريس اصلا

مجد: احم احم

امير: مالك ي رجال جننتني مابه

مجد: بارك لي

امير: ماهو ابارك لك من الجنان هذا الساع

مجد: ههههههه والله بارك لي انا عقدت على بنت عمي

امير: ماهو عقدت مابتقل ربشتني وكان يهز راسه

مجد: ههههه صلي على النبي لاتجنن ريع وانا افهمك كل حاجه

امير: وانا بين اسمعك

مجد تم يشرح له كل الذي حصل

امير: انا في حلم والا ماهو

مجد: هذه الحقيقه

امير: سبحان الله كيف النصيب

مجد: ايوه واصل مجبر انت بتدرى انك ماقد باركت لي

امير: اصلا انت ربشتني وقام يحضنه ويبارك له

مجد: الله يبارك فيك ي غالي عندي طلب

امير: عيوني ماتشتي ي عريس

مجد: لاتحرجنيش

امير: هههههه

مجد بهمس لامير: مرتي واختها واختي مريعات لي اجي لهن مش هن داريات بكل الذي حصل

امير: خلاص فهمت لاعاد تكملش الان اخلي اختي تجي معي وتتواصل مع اختك ونخطى صليهن

مجد: الله يحفظك

امير: خاطرك

وتواصل مع اخته اميره وخلاها تخرج من الحفله وخلاها تتواصل مع ميار وعرفت مكانها وخطيوا صليهن

اميره: امير فهمني مالك خرجتني من الحفله ومادخلك تسير تديهن

امير: شارجع افهمش بعدين

اميره: مابلا ذاحينه

امير: بين اقل ماشي

شويه ووصلوا ع الكوافير ودخلت اميره تداعيهن

ميار: يوه اميره ماجاء بش

اميره:...






















📚 @rewayatyamania 🇾🇪

البـارت 27 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


شويه ووصلوا ع الكوافير ودخلت اميره تداعيهن

ميار: يوه اميره ماجاء بش

اميره: اللي جابش

حنان: جيتي تتسبري او ماهو

اميره: ماشي جيت اروحكن هيا اقطبني امير مريع نازل

ميار: يووه اخوش ليش مايجي مجد

اميره: مدري يمكن مشغول بس اللي انا داريه به ان اخوش مجد قال لامير يجي لكن

حنين انقهرت قوي وبينها وبين نفسها: شكله زعل قوي واخذ بكلامي يله هكذا احسن لي وله

اميره: حنييييين

حنين: هاه

اميره: بين اتغزل فيش من اول وانتي ولاحاجه

حنين: صدق ماسمعتش تسلمي

اميره: الله يسلمش هيا نخطى

حنان: هيا وطلعين للسياره وخطيين

اميره: اقطب ي امير النسوان قد عيروحين واحنا هانا

امير: تمام

ميار بسرت امير وانعجبت بلبسه واناقته وحلاه

امير وهو بيسوق ذكر موقفه مع ميار اللي حصل في بيتهم


شووويه ووصلوا

حنان: انا شنزل ي بنات علميد امسك حنين وواحده منكن تمسك الفستان من وراها

البنات: تمام

نزلت حنان ومسكت حنين ونزلت اميره وراها وخطيين شويه

ميار: ريعين بين اشل اللده

حنان: اقطبي

ميار: اوووف رفعت طرحه البرقع من فوق عيونها علميد تستضي الاكياس اللي بينهن اللده تمت تشلهن ونسيت ماترد الطرحه وعلى خرجتها من السياره بسرت امير من المرايه

امير بينما كان مريع لها بسر المرايه ولفت انتباهه عيون ميار كانهن فظيعات😻

ميار بسرته وارتبكت

حنان: هيا ميار عنخطى

ميار: يله يله ونزلت ودخلين للبيت

امير: ي قلبي عليها وعلى عيوووووونها 😻 تم جنب السياره وطلع عند صديق عمره

مجد: هيا كيف

امير: ولاتقلق الامور سابره

مجد: الله يحفظك

امير: واياك
.
.

في 🏠 يحيى
صديقات حنين لقفين لحنين بالمحجره

ميس مسكت بحنين ودخلتها الغرفه وبعدت لها العبايه

ميس بسرتها وانذهلت: ماشاء الله قمرررررررر

ميار: بسرتي ماتوقعتش تطلع هكذا

حنين: امانه

ميار: بين اضحك

تقيه وفاطمه دخلين وبسرين حنين انذهلين من جمالها

تقيه: ماشاء الله ع بنتي

فاطمه: الله يحفظش من كل عين

اميره: اللي عيتزوجها امه داعيه له

ميس: والله انه صدق

فاطمه: هيا افتحين الزفه ودخلنها المجلس قد النسوان بيروحين قدهي الساعه خمس

تقيه: ي اختي مالهم اهل العريس ماجوش كيف النسبه هذه

فاطمه: مدري دخليها بس واي حين ماجوا جوا

تقيه: قد بيسالني النسوان كودي اتهرب

فاطمه: اذا سالنش قلي جدهن مات ومازد جين

تقيه: يوه مشي سابره

ميار: الا سابره كم عنجلس نريع

تقيه: عيقلين بنتي عليهم نحس

فاطمه: ماعيقلين ولاشي اخطي بعدنا وبعدا كم قد حصل هذا الموقف وبيكملوا عادي

تقيه: بعدكن

دخلت حنين على الزفه والبنات بيزفنها

🎶 والصلاه واحنا نصلي ، نذكر الله العليم ، نذكر الهادي محمد🎶....الخ


شويه وقامين يرقصين البنات وتقيه وفاطمه يرحبين بالنسوان ويوزعين لهن اكياس فيها ببسي وماء وفاين وكيكه

المهم شويه وقامت رقصت العروسه ومشى الوقت على هذا الحال للساعه 8 المساء

تقيه: ي بنات نظفين المجلس بسرعه عيجي العريس يبسر حنين

ميار: جوا في وقتهم ماعدبش احد

حنين: قلبها كان يدق بقووووه وعيونها امتلين دموع

تقيه: مانا هذه النسبه ماعجبتنيش ماهو هذا الخبر حقهم ولا واحده جت من اهل العريس

فاطمه: مش وقت ذاحينه خليه يتم اليوم هذا وبعدا جابري

تقيه: قدحنا عنصبر

ميس خطيت صلا حنين وعطرتها وسبرت لها المكياج

ميار: خاطرش ابتسمي وقدهي خاطيه ومسكتها حنين

ميار: مالش

حنين: اجلسي جنبي

ميار: يوه عيصيحوا

حنين: قوا

ميار: تمام شبسر ماعتقل امي

شويه وجوا الرجال

.
.

تقيه: قذا جين نخطى

ميار: يوه ي عمه وحنين عتجلس وحدها

تقيه: ماع ابوها عيدخل مع زوجها وبعدا ادخل انا قال عمش هكذا

ميار: سابر وخطيين وفتحين الباب شويه

الرجال دخلوا

البنات بيحجرين لولولولوليششششششش ههههههه المهم

مجد وعمه وابوه دخلوا على طول لغرفه نوم يحيى

ميار: يوه مالهم هولا وين ساروا ووين العريس مابسرتش

ميس: كيف مابسرتيش شكلش حولا

ميار: والله

حنان: هو صدق انا والكل مابسرتش وبعدا ليش دخلوا غرفه ابي وامي

تقيه: ماهو حقكن الخبر هذا

اميره: شكلهن بيحلمين

ميار: تمام لاتصدقوش
.


مجد: ممكن اطلب منكم طلب

يحيى: ماهو مابنفسك ي ابني

مجد: اشتي اول شي ادخل انا لاعند مرتي علميد افهمها كيف وقعت القصه لان هي ذاحينه مشي مستوعبه للذي حصل

يحيى: ماشاء الله عليك ي ابني خلاص تمام

مجد: امد خمس دقايق وبعدا ادخلوا

يحيى: على طول

مجد طارت حمامه قلبه: الله يحفظك

يحيى: ويحفظك


شويه وخرج مجد وهو في قمة شياكته ودخل المجلس

ميار: يوووه يووه يوووه

ميس: مابه مالششش

ميار: يوووه يوووه مابه

حنان: مالشششش

ميار:...














https://tttttt.me/rewayatyamania/39481




📚 @rewayatyamania 🇾🇪

🖤


بـارتـات يومنـا الخـميــس👆🏻😍

#انتظرونا مساء الغد

ومع آخر بارتات قصــة

حُـب صنعـانـي


📚 @rewayatyamania 🇾🇪

البـارت 28 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


شويه وخرج مجد وهو في قمة شياكته ودخل المجلس

ميار: يوووه يووه يوووه

ميس: مابه مالششش

ميار: يوووه يوووه مابه

حنان: مالشششش

ميار: اخي مجد

ميس: ماله

ميار: دخل المجلس عند حنين

ميس: حنان اسكه عسيها اكيد حاميه اليوم

تقيه: غلقين الباب احنا والجنان هذا الساع

ميار: والله

اميره: لاتحلفيش يمكن بيتخايل لش

ميار: يوه ي قلبي محد مصدق لي



اما عند العرســاان 😻
مجد دخل وبسر امامه ملااااااك بمعنى الكلمه تسمر مكانه وقلبه كان يدق بقوه

كانت لابسه حنين فستان منفوش لون ازرق وفاعله مكياج خفيف وتسريحه لشعرها تركيه كعكه لافوق ونزلت القصه لافوق عيونها ولابسه اكسسوارات مناسبه للفستان انيقه وراقيه ومعطره بعطر فاااخر

حنين كانت منزله لراسها وبتبكي على الصامت وبتفرك يدها بقوة من التوتر

مجد وقف وطلع تلفونه وكتب لها رسالة: امسحي دموعش ي قمر انتي حقي وبس

حنين كان التلفون في يدها بسرت الاشعار وقريت الرساله بسرعه وحذفتها وبينها وبين نفسها: ي الله منك ي مجد كيف بتحس فيني وبعدين انتبهت ع نفسها ومسحت دموعها بشويش علميد المكياج واستغربت ليش ماقد قرب منها عريسها

مجد بيتبسرها سكته وهو مبتسم

حنين قتلها الفضول رفعت راسها وانصصصصصصصدمت😳😳😳

مجد قرب منها شويه

حنين كانت تفرك عيونها بشويش وتفتح وتلقى مجد امامها

مجد بسرها وضحك

حنين مسكت بيدها على قلبها وقالت: يوه يوه مالك ليش هانا عيصيحوا مجد جننت او ماهو

مجد قرب منها ومسك يدها الثنتين

حنين مصدوووومه

مجد: صلي على النبي شافهمش كل حاجه كل الحكايه انو ،،،،،،،،،،، وتم يقلها بالحكايه كلها

حنين جالسه مصدومه لان الموقف اللي تعرضت له مشو بسيط

مجد: انا داري انش مصدومه ومعش حق بس حبيت افعلها لش مفاجاه وكوني واثقه بي دائما لما اقول انتي حقي يعني انتي حقي

حنين: يعني صدق

مجد: هههه ايوه صدق

حنين: قول والله

مجد: والله

حنين حضنت مجد بقووووه وكانت تبكي وتقول: الحممممممدلله الحممممممدلله والله ان انا اموت عليك ي مجد ومانيستك لحظه واحده مدري كيف كانت عتقع عيشتي من دونك

مجد دمع وحضنها بقوه وقال: انتي اكسجيني احد يقدر يعيش من دون اكسجين جاوبيني

حنين ابتعدت منه وقالت وهي مبتسمه: ماشي

مجد مسح دموعها: خلاص لاعاد تبكي دموعش غاليات عليا

حنين: تمام

مجد: ايوه صح ماهو هذا الحلا كله

حنين خزييت

مجد: من يصدق انتي حقي هذا الملاك حقي وحدي ي جنااااه وضرب بيده على راسه

حنين: يوه مجد

مجد: ي روح مجد

حنين: خلاص لاعاد تحرجني اكثر

مجد: فدالش المهم محد داري بالذي قع الا عمي وابي بس اسمعي الباقيين اول ماعيدروا ماعيفعلوا

حنين بدلع: قول والله

مجد بيقلد نبرة صوتها: والله

حنين: يوه منك🙈

يحيى واحمد دخلوا يباركو لحنين

حنين سلمت على ابوها وعمها وحبت راسهم

يحيى: الحمدلله حن بسرت ضحكتش يعني انش موافقه باقتناع بمجد

حنين سكتت

مجد: اكيد موافقه وذا اخذنا رأيها وقالت ايوه

حنين بهررت وبسرت مجد

مجد غمز لها

حنين دريت انها حيله منها وقالت بينها وبين نفسها (اهم شي ان انا تزوجت بحبيبي مجد لو نتحيل ونكذب الف كذبه)

احمد: شخطى اقل للبنات يدخلين

مجد افتجع لاحد يكشفه وقام قال: انا شخطى

احمد: تمام

مجد خرج ودق الباب على البنات وصيح لامه وعمته

ميار: يوه جاوبين مجد

تقيه وفاطمه: فتحين الباب يجاوبين مجد

تقيه: خير ي ابني

مجد: كل خير صلين على النبي

فاطمه: اللهم صل عليه خير مابه

البنات بيتسمعين من باب الباب

مجد انا تزوجت حنين

الكل انصصصصصصدم

تقيه: ماهو ي ابني مابتقل

فاطمه: يوه الله يرضى عليك ي ابني انت داري ماقلت

مجد: هههههه ايوه مالكن

تقيه: كيفه مالنا ماهو هذا الخبر ي فاطمه

فاطمه: مدري

مجد: ريعين افهمكن وبدا يشرح لهن كل الحكايه

فاطمه: بتجابر صدق ي ابني

مجد: ايوه ي اماه

تقيه: متاكد

مجد: ايووووه

تقيه: الف الف مبروك ي ابني

فاطمه حضنت ابنها وبكيت: الف الف مبروك ي ابني الله يسعدك

مجد: امييين

ميار وميس خرجين لاعند اخوهن وهن مصدومات

مجد بسرهن وضحك وقال اليوم يوم الصدمات 😹

ميس: ذاحينه صدق اللي سمعناه

مجد: ايوووووه تعبت وانا اقول ايوه

ميار: قلت لكم ماصدقتونيش بسرته دخل لاعند حنين وانت قلتين قدنا حولا هيا ماحول الا انتين

الكل ضحك

مجد: عتباركين لاخوكن او ماشي

ميس وميار حضنين مجد وبكين من الفرحه

حنان اول ماسمعت بالخبر مسحت المكياج وخرجت تجابر مجد وبعدين تبسر اختها

مجد:...















📚 @rewayatyamania 🇾🇪

البـارت 29 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


حنان اول ماسمعت بالخبر مسحت المكياج وخرجت تجابر مجد وبعدين تبسر اختها

مجد: هيا مالش ي حنان مطننه

حنان: ذاحينه اختي تزوجت بك

مجد: نعم

حنان: ايوه والاول

مجد: طار

حنان: احسسسن ماكانت حنين مرتاحه لهذه الزواجه بالمره

ميار: صدق والله

مجد: هيا ادخلين ابسرين مرتي

ميار: سبحان مغير الاحوال

ميس: ما احلى الكلمه هذه من فمك جبرني

مجد: بش.. هيا ادخلين


تقيه دخلت وحضنت بنتها وباركت لها

فاطمه دخلت وحجرت ع طول وتمت حضنت حنين: الف الف مبروووك والله ان انا فارحه من قلبي حن قدش مرت ابني لو كنت ادور لابني مره ماكنت شلقى احلى منش

حنين وهي خازيه: تسلمي

ميار: واحلى مرت اخ في العالم وحضنتها

حنين: فديتش

ميس: والله ان انا بسرتش اليوم وزعلت قلت حرام هذا القمر يتزوج لاخارج اسرتنا والحمدلله ماتمتش وتزوجتي بأخي الف مبروك

حنين: تسلمين احرجتني

ميار: الله يقلعش ماذاحينه نطقتي وضحكتي كنا نشحت منش الضحكه والكلام شحت

حنين ضحكت

حنان: والله انو صدق لكن يله حن قد ضحكتي

مجد: خلاص اهرمتين مرتي

ميار: دلا علينا فارح بروحه

مجد: اكيييد

فاطمه: خلاص ي مجد هيا نقوم نروح وماعاد عتبسر مرتك الا لما تتزوجوا

مجد: بغير جنان

ميار: واللهِ ي حبيبي يله اخرج

مجد: هكذا قدوه طرد

ميس: فسرها اللي تشتي اهم شي تخرج

مجد: حنين اخرج وغمز لها

حنين حمرين خدودها وخزييت

ميار: ومنك الصدق مريع لرأيها

احمد: هيا قيام نروح ماعدباقي بسرت مرتك وجابرتها يله

مجد انحرج من ابوه

ميار: يله وخرجته من المجلس

مجد اشر لها من عيني

ميار ضحكت ورجعت المجلس لاعند حنين
ميار: ابسرتي فعلت لزوجش طرده محترمه

حنين: بهمس حن تسخي عليه

ميار: عفوا من معي من هذه اللي بتجابرني من اي حين هاه

حنين اخذت يدها وطرحتها ع فم ميار وبتقلها اصصصص

ميار بعدت يدها وقالت: اهييي بدا الحنج من ذاحينه

حنين: شلوش ي كلبه اصه

ميار: هههههه

ميس: ي عم يحيى وذا عنروح حنين معانا

يحيى: هههه امانه

ميس: صدق

تقيه: يوه عادنا مش انا مصدقه ان هي انعقدت عادهي عتشلها

ميار: ماعدباقي وبعدا خلاص زوجتوا من زوج زلج

حنان: مااابش يله قلك يشلوها

ميار: من ايحين افتهني كودكن تتصايحين

حنان: ما اشتيش افتهن اشتي نتصايح واصل اهم شي ماتفلتنيش

حنين عيونها امتلين دموع

تقيه: نفس الخبر

فاطمه: يوه مالكن عتبكين مرة ابني عادوه بحينه ع هذا الخبر وبعدا وذا هي شقكم

ميار: قلعش ي حنان قلبتيها لنا مناحه

احمد: يله خاطركم وانتن الحقيني ي فاطمه انتي والبنات

فاطمه: تمام وينو مجد

احمد: اكيد مريع خارج

فاطمه: يله تمين يلبسين وتوادعين وروحين


تقيه: قومي بدلي ي حنين وابسري لانتي عتاكلي حاجه ذاحينه قدش جاوعه

حنين: ايوه الان قدنا متضايقه من الفستان

حنان: وانا والكل لكن شاريع لش لما تكملي وبعدا ادخل اغير

حنين: تمام وخطيت الغرفه غلقت ع نفسها واخذت نفس عميق وابتسمت وكانت تدور تدور تدور من فرحتها تعبت وجلست بسرت تلفونها وانو فيه رساله من ميار القلب 2 ضحكت ع الاسم وغيرته نصفي الاخــر وبعدين قرات الرساله اللي هي

انتي لي وسلام على من حلم بك وبي 💓

ردت وكتبت
الناس للناس وانت لي وحدي 💓


وتم يومهم بسسسسعاده😻
.
.

يوم ثاني بعد العصر...
ميار اتصلت ع اميره

اميره: حيا مسرع فقدتيني

ميار: يعني اغلق صح

اميره: مالقانتش الا وحدها

ميار: هههه مالش امس اختفيتي مازد دريتش اي حين روحتي

اميره: انا خرجت والرجال والعريس دخلوا كنت اشتي اودعكن بس بسرتكن مشغولات لانو العريس عيدخل روحت

ميار: كان عتجلسي عندنا لما يخرجوا عادي

اميره: ماع امير عيصيح

ميار: ي سااتر

اميره: عباقي لرمضان ثلاثه ايام هيا نخرج ي نفس ماتشتي

ميار: والله

اميره: والله

ميار: اي حين

اميره: مارأيش غدوه عيكون قبل رمضان بيومين

ميار: قووووه خلاص احاكي ابي ومجد واردلش خبر بس وين عنخرج

اميره: نسير مول الـ......نتسوق لرمضان قالوا به عروض حاليه ونكمل نجلس ع الطاولات ناكل شبس وعصير وباقي القلافد

ميار: ي سلاااام سلم خلاص تمام

اميره: وحاكي مره اخوش وحنان

ميار انصدمت😳: وانتي مادراش عادنا كنت اشتي اقلش

اميره: حبيبتي نسيتي انا اخويا صاحب اخوكي عاده قلي الصباح

ميار: ماشاااء الله سااابر

اميره: ههههههه يله خاطرش خالتي مره ابويا بتداعيني

ميار: الله يعينش من ذاحينه

اميره: اميييين
وغلقين


نور: مالش ساعه لما تجاوبي

ساره: مشي فاضيه لش اصلا معاها اعمال وبتضحك بسخريه

اميره: اكيييد معي اعمال مش لاشغله ولاعمله مثلش

نور:...















https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 30 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


اميره: اكيييد معي اعمال مش لاشغله ولاعمله مثلش

نور: اميره قد بتطوري وتردي على بنتي

اميره: مارأيش اسكت لها

نور: حسابش لما يجي ابوش

اميره: قولي له اللي تشتي

نور مسكت يد اميره بقوه وقالت: لما تكوني تجابريني جابري بأدب احسن لش

اميره: اي فلتيني

ساره: ايوه عيس لما تتعلمي كيف تجابري اللي اكبر منش

اميره بدات تبكي

امير بسر اخته جنن خطي صليها بسرعه وبعد يد نور بقوووه

نور: الله عليكم ي عيال سميره

امير بصوت رجولي هز البيت: ما اسمح لش تنطقي اسم امي على لسانش فاهمممممه

نور: عادك بتهدد اوريك

ساره افتجعت وخطيت بعد امها

امير: هاه لحظه

نور وقفت

امير: لو تزيدي تمدي يدش على اختي عتندمي

نور بقهر: ماعتفعل الله يقلعك انت واختك والله لا اوريك وانت عتبسر

امير: يله يله كسرتي راسنا بحقش الجنان

ساره: يخخخخ الله يشلكم ونرتاح منكم

اميره: الله يشلنا لتركيا يارب نفسي ازورها وانتي الله يشلش لجهنم الحمراء قول امين ي امير

امير: امييين ومسك بأخته وخطيوا غرفتهم

نور وبنتها فحرر قلبهن


امير واميره: دخلوا غرفه اميره

اميره بتبكي

امير: هيا مالروحي

اميره: لو كانت امي عايشه ماكان حصل اللي حصل

امير: اااح مانفعل هكذا حال الدنيا وكلنا عنموت

اميره: انا داريه بس الام ماتتعوض الام شي ثاني

امير حضن اخته ودمع بس مابين لها

اميره بتبكي بقوه

امير: هيا ماهو ي اميرتي تشتيني اقوم ازعل منش ذاحين اذا بتحبيني عتسكتي

اميره هدأت شويه

امير: يعني مابتحبينيش الله الله

اميره خفعته: وذا سكت وبتمسح دموعها

امير: انا فدالش ايوه هكذا كون ادعي لها

اميره: بين ادعي لها واصل

امير: ايوه وبعدا لايكون يدخل في نفسش من كلام هذه ال....بس خليني ساكت احسن

اميره: ولاعليك والله مافي حسي بس انا اقتهرت لان هي مدت يدها عليا وأمي اللي هي امي عمرها مامدت يدها عليا

امير: ولاعليش قد حذرتها والله لو تزيد تمد يدها عليش لاكسرها

اميره: يوه ماع تشتي ابي يصيح فوقك ويطردك انت داري بها

امير: يفعل مافعل اصلا وين هو الان مني ومنش من حن تزوج وهو في سفريات لكن ولايهمش وذا انا موجود

اميره: الله يحفظك لي

امير: ويحفظش ي روح اخوش وحضنها

.
.

يـوم ثاني وقت الظهر

ميار بتتصل على حنين
حنين: حيا

ميار:لش الحياه كيف مرة اخي

حنين بخزا: الحمدلله

ميار: ي ساتر من الذي بيخزوا

حنين: قلعش

ميار: اسمعيني ذاحين اميره اتصلت لي امس وقالت نخرج اليوم مول ال...ونتسوق لرمضان ونكمل ناكل شبسي وقلافد

حنين: قولي والله 😻

ميار: والله قولي لعمتي وحنان عيجين احنا عنسير

حنين: ريعي وذا امي شقي احاكيها

ميار: تمام

حنين تمت تحاكيها: قالت تمام

ميار: حلوووو😻

حنين: سابر😻

تقيه: حنين ضروري تستأذني من زوجش

حنين: يوه

تقيه: والله قولي لميار تحاكيه

ميار: مالامش من بتجابري

حنين بخزا: مابلا قالت امي ضروري استأذن من مجد☺️

ميار: يوه سابر

حنين: قوا قولي له

ميار: تمام ولاعليش

حنين: وارجع نبيني

ميار: اوكي باي

حنين: بايات


تمت تجابر حنين وخطيت لغرفه مجد تستأذن لحنين منه

ميار: مجووودي

مجد: اين تشتي تسيري

ميار: يوووه ههههه

مجد: مالش قدنا داري مابعد هذا الطلس الا العافيه

ميار: ذاحينه اسمعني اليوم بعد العصر عنسير مول الـ نتسوق لرمضان انا واميره وامي

مجد: قد قررتين خلاص

ميار: قد استأذنا من أبي وانا داريه انو انت ماعتتحاكى😅

مجد: فديت الثقه

ميار: ايوه 😌

مجد: ايوه وذاحين ماتشتي

ميار: اقلك ما اشتي اتصلت على حنين وقلت لهن يجين معانا قالين تمام بس ضروري نستأذن منك اذا حنين تسير او ماشي

مجد: صدق😅

ميار: والله ماقلت

مجد وهو محرج: تسير عادي

ميار: ومالك قد انت هكذا

مجد: مالي

ميار: بتقلها وانت خازي 😹

مجد: اخطي من قبالي قبل ما احلبطكن وامنعها من السيره

ميار: والله

مجد: والله انتي داريه بي افعلها

ميار: يوه مااع خلاص خاطرك وخرجت

مجد: ههههه

ميار: رسلت رساله اس ام اس لحنين تقلها انو مجد وافق لها



امير اتصل على مجد
مجد: حياك ي اروع واضخم اخ في العالم

امير: ي جنااااه عتخليني ذاحين اغلق في وجهك التلفون

مجد: هههههههه ليش

امير: انا ما اقدر اتحمل اسمع هذا الكلام الحالي واجلس ساكت

مجد: لاتسكتش قلي وغازلني عادي ههههههه

امير: هههههه ذاحين قلي وين عتسير اليوم

مجد: ولامكان بس معي اوصل البيت وبيت عمي المول

امير: اهااا وأختي عتسير والكل

مجد: اها

امير: مارايك نوصلهم ونطلع نخزن في الدور الاخير في المول فيه كافيه

مجد: وهذا حل خلاص وصل البيت واخطى صلا الكافيه وانا بعدك

امير: سابر اي حين عتخطى

مجد: تقريبا 4

امير: حلو نلتقي ع خير

مجد: ان شاء الله

امير: خاطرك

مجد: الله معك





















📚 @rewayatyamania 🇾🇪

البـارت 31 💗


حُـب صنعـاني🌷

👌🏻👇🏻 😍
📚 @rewayatyamania 🇾🇪


بعد العصــر..
هيا ي اماه انتي وميار اقطبين

ميار: يله الان وخرجت من غرفتها وبسرت مجد في قمه الشياكه

مجد: هيا مالاختي بتتفرج صليا هكذا

ميار: ايش الشياكه ايش الحلا مابه معانا اليوم

مجد: مابه

ميار: هاه نسيت ان انت عتوصلنا احنا وبيت عمي

مجد: ماتشتي تقلي

ميار: هذا الحلا كله علميد تبسرك حنين اوووف منك

مجد بهرر فوقها: منش الصدق لاتقل الا اول مره اتشيك هكذا

ميار: مالك الا انت واصل هكذا بس هذه المره زياااااده

فاطمه: هيا قد عمتك مريعه

مجد: الان وهمس لميار: حسابش بعدين

ميار: هههههههه بين اضحك وخرجوا وخطيوا لبيت يحيى

تقيه: هيا هيا وذا عمتش خارج

حنان: يله يله وخرجين

حنين بسرت مجد وقلبها ددددق وانعجبت به بشكل خيالي

مجد كان بيوقف لهن تاكسي

ميار: كيف مرة اخي

حنين: الحمدلله

ميار: ايش البالطو ايش الحركات مابه معش اليوم انتي ومجد او عتسيروا تتقابلوا ومش احنا داريين

حنين: اص الله يقلعش ماله والله ان هو عادي لا ملون ولاشي

حنان: مابه مالكن

حنين: ولاشي

تقيه: مدري بكم عيقولوا لمجد البترول غالي

فاطمه: على الله يلقى تاكس بسعر حالي

مجد: هيا قذا وقفت

تقيه: غالي او ماهو

مجد: ماعليش ي عمه اطلعوا بس

تقيه: على الله وطلعين


مجد رسل رساله نصيه لحنين: هلكتيني بعيووووونش

حنين وصلت لها الرساله وبسرتها من مجد افتجعت لاتدرى امها لانها كانت شقها قرات الرساله بسرعه وغلقت التلفون وقلبها كان يدق بقوه

مجد كان هو بيتفرجها من المرايه الاماميه حق السياره لان حنين خلفه تمامآ

حنين بسرت صليه

مجد غمز لها ع الطاير

حنين رااااحت فيها

تقيه: وينو المول هذا

فاطمه: مدري

ميار: قذا وصلنا


خرجوا حاسب مجد التاكس وخطي

ميار: يوه عتجي معانا ي مجد

مجد: ايوه بس مش ذاحين مريع لامير لانو عنخزن فوق في الكافيه

ميار: هاه حاليي مدري قد وصلوا او ماشي

مجد: شتصل له

امير: ها مجد

مجد: وين قدك

امير: خمس دقايق وانا عندك

مجد: سابر وغلق

ميار: هيا ماهو

مجد: شويه ويوصل جوا ندخل هيه

ميار: هيه

مجد: اخطين قبالي

ميار: تمام وخطيين ودخلين المول

تقيه: نخطى نتسوق او نريع

فاطمه: يوه مايسبرش ضروري نريع لها

مجد: جين اجلسين في الكراسي امد ماتجي

فاطمه: ايوه الله يرضى عليك وجلسين

مجد جلس بعيد منهن وبدا يخزن

تقيه وفاطمه بيتجابرين

البنات مندمجات بيهدرين بس حنين كل شويه بتلمح مجد

مجد بيخزن وكل شويه بيلمحها

حنان: يو والزحمه هذا قدوه جنان

حنين: لانو عادهم فتحوه

ميار: مالها هذه ساعه

مجد سار لاعندهن

ميار: هيا مالك

مجد: غطين عيونكن

ميار: يوه ليش

مجد: الناس ملان لو انا داري ماجيت

حنان: ليش عادي

مجد: مشو عادي بيجلسوا يتفرجو غطين عيونكن والا عنروح

ميار: ليش ماتقل لمرتك والكل

حنين خزييت بهمس: اص ي كلبه

مجد: هي الاوله وكلامي لكن الثنتين يله

ميار: قوا ي مجد كيف عنتسضي الاغراض اللي عنشتريهن نشتي نبسر سوا

فاطمه: مالك ي ابني خليهن محد بيحاكي احد

مجد: خلاص ناهي غطين شويه ولما قدكن في المحل اسهل

تقيه: خلاص غطين ماعيقع بكن

حنان: الحمدلله ان انا فاتشه

ميار: يوه بس وغطت شويه

حنين غطت للاخر

مجد: بسرهن وافتهن

حنان: وذك صاحبك جاء هو واخته

مجد: خلاص ميار اشري لاخته وانا اخطى صلا امير

ميار: تمام

مجد: هاه انتبهين على نفسكن الدنيا زحمه واذا احتجتين حاجه اتصلين بي

فاطمه: تمام
مجد اشر لامير ، وميار اشرت لاميره وخطيت صليهن

مجد: مالك ي ولد ساعه

امير: مانفعل تحلبطنا شويه

مجد: هيه خطينا

امير: هيه بس لحظه مسرع خزنت

مجد: ههههه عادنا بدات هيا

امير: خيانه هههه وخطيوا للقرب من البنات

امير بيحاكي اخته: يي اذا احتجتي اي حاجه قولي لي

اميره: تمام

فاطمه: كيف انت ي ابني

امير منزل راسه: الحمدلله ي خاله وانتوا

فاطمه: الحمدلله ، يله عنخطى وخطيين

مجد: واحنا هيه

امير: هيا وطلعوا

مجد: يوه والزحمة ليش

امير: حن عادوه جديد جي نخطى في هذاك المكان واشر له

مجد: ايوه عباقي ثلاثه كراسي فاضيه بس هيا نلحق لنا

امير: هيا وخطيوا وجلسوا

مجد: والله الجو والمنظر من هانا جنان

امير: صدق والله لانو الكافي في اخر دور

مجد: عتشيش

امير: ماشي وانت

مجد: ماشي

امير: سابر















https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪