البـارت 131 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ريم بقهر مدري لما قلت لها صاحباتي ايجين يعزين قالت ننكر ان ابونا هادي

سلوى بخنقه: صديقاتها بالمدرسه الجديده ندى ومدري ايش اسم الباقيات وابرار

براء اشترغ: من

ريم: صاحباتي

براء: اذا افعلي اللي قالت عليه امي

ريم: ليييييش

براء: لانو ياقلب براء اللي اغتالوا ابي يشتوا يعرفوا اين بيت اسرته من شان يقتلوهم

ريم: بس صاحباتي مش هكذا

براء: اذا تشتي تعرفي ليش اتصاوبت اسمعي كلام

ريم بسرعه: طيب بسمع الكلام

براء ضحك: فضولك ايقتلك

براء بينه وبين نفسه: سامحيني يا ابرار كان نفسي اشوفك بس مش قادر انا الان بحاجتك لو شفتك ما بتحمل وبجي اضمك واشبع منك انا لازم اخرج من الفيلا بكلها
.
.

في العصر
ابرار ضمت ريم وبدأت كل واحده تبكي بحرقه والم بكاء يتم وعجز بكاء ضعف اعتلت شهقاتهن وانهارين يمتلكهن نفس الشعور وظلين على هذه الحاله تقريبا نص ساعه والبنات يبكين معاهن

ريم بحرقه: عظم الله اجرك

ابرار ضمتها اكثر: اجرنا واجرك عظيم وانتي عظم الله اجرك

ريم: اجرنا واجرك عظيم

ندى فصلتهن: بس بكاء

ريم مسكت يد ابرار: ارتحت حسيت اني ابكي بحضن اختي

ابرار ضمتها: الشاهد عليا الله انه نفس شعوري

جلسين البنات لمغرب ونزلين من شان يروحين

سلوى اعتذرت من المعزيات انها بتروح تسلم على صديقات ريم

سلوى تبكي: ابرار

ابرار لفت وشافتها: ايه من انتي

سلوى راحت لعندها وضمتها: انا ام ريم عظم الله اجرك يابنتي

ابرار حست بشعور غريب وضمتها: اجرنا واجرك عظيم

سلوى ضمتها اكثر وكانها بتدخلها داخلها وكانت تشم ريحتها وتبكي بحرقه وبينها وبن نفسها: يا غلاوتك عند هادي يا غلاوتك عند براء

ابرار: عظم الله اجرك

سلوى بعدت: اجرنا واجرك عظيم توصلي بالسلامه

ابرار: الله يسلمك وخرجين

هديل بقهر: الله يصبرهم

ابرار بكت: احس هذا البيت يخصني احس كل ميت مدفون فيه احس هذا الفيلا قبر براء وهادي احسهم هنا وقراب مني كأن ارواحهم عايشه هنا او هم بذاتهم عايشين ريحه هادي ملان الفيلا واحساسي ببراء هذا البيت ثاني

اميمه بكت: الله يرحم براء وهادي

الكل: الله يرحمهم

براء جلس بقهر: ايه يا ابرار هذا قبري ريحه هادي هنا ايه صدقتي انا اشوفك حاولت امنع نفسي اخرج بس ما قدرت ما قدرت
.
.

في الليل
فؤاد تذكر رساله نهى وخرجها وقريها كان مكتوب فيها رقمها ومكتوب اتصل لي ضروري اشتي اكلمك بموضوع خرج تلفونه واتصل وهو مستغرب
.
.

دخل شقته لم يشغل الضوء فظل الظلام والهدوء جلس بارهاق وتعب نزلت دمعه يتيمه مره اخرى من عينه ولم يشعر بوجوده خلفه
.
.

نهى: فؤاد

فؤاد: ايوه انتي قلتي اتصل لك ضروري

نهى تنهدت: فؤاد انت ضروري تعرف الحقيقه

فؤاد: اي حقيقه

نهى: الله يرحمه اللي قالوه لك عمي وابي وعلي مش الحقيقه وانا مش حابه حياتنا نبنيها على الكذب والخداع
انا بقول لك الحقيقه وانت قرر حول حياتنا فؤاد انا مغتصبه صح بس كمان فعلت اغلاط

فؤاد مندهش: ايش كملي

نهى شرحت كل الحقيقه كيف خرجت مع خطيبها وهو اغتصبها وكيف تبلت على معتز واخوها مات بسببها وكل شي

نهى: والان قرر تواصل او تترك

فؤاد مصدووم على الاخر:.....
.
.

هادي بهدوء: براء

براء: ......
.
.

فؤاد مصدووم على الاخر: نهى اللي قلتيه الحقيقه

نهى بخنقه: ايوه فؤاد مشتيش حياة كذب خليها من البدايه صراحه

فؤاد تنهد بقهر: انتي غلطتي يانهى وغلطك كبير بس انك كلمتيني الحقيقه وبدون كذب هذا يعني انك نادمه نهى كبرتي بعيني لما واجهتيني واخترتي حياة مبنيه على الثقه انسي الماضي وكل اللي فات تقبلي تفتحي صفحه جديده معي

نهى بكت: يعني انت سامحتني ورضيت فيني

فؤاد ابتسم: اللي يحب ينسى الاغلاط من شان اللي يحبهم مش يسمح للاغلاط تفرق بينهم

نهى بدموع وخنقه: اللي يحب

فؤاد: وانا يشهد عليا الله اني حبيتك يانهى

نهى غلقت التلفون وبكت بحرقه لم تعلم بكاء ماذا هل فرح ام تحسر ام ماذا فؤاد ابتسم على حركتها وارتاح وتقبل كل الحقيقه

ام فؤاد دخلت: جعل الابتسامه دايمه من خبر وفاة الوزير وانت مزعوج

فؤاد: الوزير حط بحياتي مشتل من الورود قبل ما يروح

ام فؤاد ابتسمت: تقصد نهى

فؤاد: احبها

ام فؤاد بدموع: مسكينه انظلمت بحياتها
.
.

هادي بهدوء: براء

براء انصدم وقف وشغل الضوء اشتاق لصاحب الصوت اللي سمعه يتمنى لو هو حقيقه اشتاق لاسمه من فمه تخرج نزلت دمعته يشتي يلف ويخاف لو اللي سمعه خيال من كثر الشوق وينصدم بالواقع ويحس باليتم من جديد ويفقد الامل

هادي ضحك: براء مالك ما اشتقت لابوك

براء فتح عيونه بصدمه ونزلت دموعه لف وشافه صرخ: ابااااه

هادي فتح يده: يا روح ابوك

براء...














📚 @rewayatyamania 🇾🇪

البـارت 132 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


براء فتح عيونه بصدمه ونزلت دموعه لف وشافه صرخ: ابااااه

هادي فتح يده: يا روح ابوك

براء جري وضم ابوه مثل الطفل انت عايش انا اللي اشوفه حقيقه

هادي باس راس براء: ايوه انا عايش وانا حقيقه

براء ضم ابوه اكثر من شده الفرح ذهب اليأس واتى الامل تغلب على الوحده اللي شعر فيها

براء ضرب ابوه: كيف تكذب كيف انت كيف نجيت من الانفجار وليش عامل نفسك ميت ها انت داري كيف حاله امي وامي الثانيه وريم وابرار ومعتز

هادي مسكه: اذا مامت بالانفجار انت اتموتني

براء هدأ: جاوب


هادي ضحك شرح لبراء وهو يتذكر احداث الانفجار تعالوا نروح معه لذكرياته

في الامس عند خروج سهيل وهادي من مركز الشرطه
هادي: رد على تلفونك

سهيل رد: الو

.....: لقد سمعت ان عاصم قد وضع في السجن هل ماسمعته صحيح

سهيل: نعم صحيح

......: اذا هذه المهمه لايستطيع تنفيذها عاصم ستقوم انت بتنفيذها

سهيل: اي مهمه

.....: لقد وضعنا عبوه ناسفه في سياره الوزير وسيتم تفجيرها

سهيل بخوف: وماذا علي ان اعمل

.....: سوف يعطيك زر انت عليك تفجيرها اذهب الى مركز الشرطه هادي هناك ستجد احد رجالنا سيأتي ويقول لك هدفنا واحد عليك ان تكمل الجمله تغيير اليمن حسنا

سهيل تلعثم: حسنا انني قريب من المركز الان

......: اذا سرعت عملنا احسنت

سهيل غلق التلفون بخوف وكلم هادي

هادي ابتسم: من شان حمايه اسرتي ومن شان نقدر نمسكهم لازم يتوقعوا انهم قتلوني اليوم ضروري تفرحوهم بخبر موتي

سهيل: واهلك

هادي تنهد: فتره واتعدي عليهم هذا من شان حمايتهم

هادي طلع فوق سيارته وسهيل انتظر للرجل

الرجل وقف قدامه: هدفنا واحد

سهيل بقهر: تغيير اليمن

الرجل ابتسم واعطاه زر الانفجار وسهيل طلع فوق سيارته شغلها وراح خرج تلفونه واتصل

هادي: هلا

سهيل: يلا انزلوا

هادي: طيب غلق التلفون وشاف للسواق يلا ننزل

السواق: طيب

نزلوا والسواق طلب من الكل يخلوا هذيك المنطقه وخرج بطاقه سهيل انا مفتش في الشرطه اتمنى تسمعوا الاوامر خطر الكل اخلى المنطقه وفضوها ارتاح هادي والسواق واخذوا تكسي وهادي اخذ شال وخبى فيه وجهه من شان صاحب التكسي ما يعرفه وقفوا بعيد خرج تلفونه واتصل


سهيل: ابتعدتوا عن المنطقه

هادي: ايوه احنا الان بامان

سهيل ابتسم وضغط زر الانفجار وانفجرت السياره

هادي ابتسم: الحمدلله محد تضرر

سهيل قرب من الانفجار: لا محد تضرر

هادي ابتسم: اهم شي محد من شعبي يتضرر

براء بفرح: ها الحمدلله ان سهيل معاهم وعاصم محبوس والا كان وقع شي ثاني

هادي: هذه المره حالفنا الحظ

براء ضم ابوه لما وقعوا للارض: من الحظ الحلو انك ابي

هادي: ولا حد يعرف اني عايش الا انت اتفقنا

براء: اتقفنا
.
.

يوم ثاني العصر

شذى: عظم الله اجرك

ابرار: اجرك عظيم

ام ايمن: سامحينا كنا مسافرين ولما سمعنا الخبر جينا

ام معتز: مسموحين والغايب عذره معه
.
.

عبدالله بقهر: بسرعه يا بنت

قمر: ايش تشتي برقم ابرار

نوف اخذت التلفون: قمر عبدالله يبي يتصل لمعتز يعزيه وانا ابي رقم ابرار اعزيها صح ما اعرفها بس واجبي

قمر ابتسمت: فديتو ياناس مره اخي يلا سجلي عندك

سجلت الرقم وغلقت واتصلت من تلفونها لابرار وعبدالله اتصل لمعتز

ابرار: الو

نوف بقهر: ابرار

ابرار: من

نوف: نوف

ابرار بفرح: نوفي حياتي

نوف ضحكت: يا روح نوفك

ابرار بشوق: عاش من سمع صوتك يا ربحه وحشتيني

نوف: هين انا ربحه يا ابرار الشرهه مو عليك الشرهه عليا قلت اتصل واعزيكي

ابرار ضحكت: ماغلطت لما قلت ربحه

نوف بقهر: تراني شبهك

ابرار: فديت يا ناس من يشبهني

نوف بقهر: عظم الله اجرك

ابرار بنفس القهر: اجرنا واجركم عظيم


معتز: من

عبدالله: عطيتك رقمي بالسعوديه مسرع امتسح

معتز ابتسم : عبدالله

عبدالله: بيقولوا

معتز ضحك: مالك ضابح

عبدالله: تقول من والرقم عندك كم له

معتز: السموحه اصلا طرحت الشريحه بتلفوني الثاني

عبدالله: عظم الله اجرك

معتز تنهد: اجرنا واجرك عظيم
.
.

نور: من نوف

ابرار ابتسمت: صديقتي

ندى: من وين اول مره اعرف معك صديقه اسمها نوف

ابرار: انا تعرفت عليها من الواتس

نور: اها
.
.

مر اسبوع بحزن وكان ليله رمضان

ابرار: انا ونور بخرج

ام معتز: لا مابركن خطفوش مرتين

نور بقهر: الله يخليكم احنا نحب نشتري نواقص رمضان

معتز دخل: مالكن تصيحين وتنوحين

ابرار بقهر: ماخلوناش نخرج السوبر ماركت

احمد: ليش

نور: قالت خطر على ابرار

معتز: اها طيب البسين نخرج احنا وانتين

ابرار بفرح: صدق

ام محمد: قومين مادام ايجوا معاكم سيرين

البنات قامين بفرح يتجهزين للخرجه














https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 133 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


براء: ريمو

ريم تنهدت: ها

براء غمز لها: تجي معي نروح نشتري نواقص رمضان

ريم وقفت بفرح: ربع ساعه وانا جاهزه تركتهم وطلعت

سلوى ابتسمت: من بعد موت ابوك الله يرحمه اول مره تفرح

براء: انتي تعرفي ريم ماتحب اي خرجه مثل خرجه قبل رمضان بيوم او قبل العيد


الكل تجهز وخرجوا وراحوا لنفس السوبر ماركت

معتز: ابرار عشار برمضان

نور: البيت ملان عشار

ابرار حطت العشار بالسله: ما ايكفيش طوال شهر رمضان معتز ايش فيها العشار برمضان

احمد: يقرح المعده

ابرار: ولا ايوقع فيني شي



ريم اخذت نوتيلا وحطت بالسله

براء ضحك: في ثنتين بالثلاجه ليش عاد وكمان النوتيلا ايش دخله بنواقص رمضان

ريم: انت تعرفني ضروري نوتيلا كل ما اروح السوبر ماركت

براء: هممم اخذ نكهات وحطها بالسله وهذه نكهات الحلويات

ريم في بالبيت

براء: كان ايش خرجنا نشتري وكل شي في بالبيت

ريم ضحكت مدري


معتز خفع جبهته:ايش دخل هذولا بنواقص رمضان

احمد ضحك: اسال اختك

ابرار بقهر: كل ما اخذت شي قالت نور في بالبيت نرجع فاضيين او كيف خلونا نشتري ليز وشيبسات ومكسرات ونروح

نور: بالفلفل

ابرار: قلت لك خل وملح

احمد سحب بالفلفل وبالخل والملح وحطهم بالسله: خذوهم الاثنين

ابرار: الان نروح ناحيه الشكلاتات راحوا ناحيه الشكلاتات وبراء وريم دخلوا بدلهم عند الشيبسات والمكسرات

ابرار تنهدت


نور بخوف: مالك

ابرار: ولا شي احساسي اللي ماله داعي جاء لي

نور بقهر: قصدك براء

ابرار: من غيره

براء ابتسم ردد بينه وبين نفسه: ابرار انتي هنا

ريم تشوف لعنده قربت من وجهه اكثر: خير ليش الابتسامات

براء: ولا شي او ممنوع الابتسامات عندك

ريم بعدت: لا بس مافي شي يخليك يبتسم


تقضوا واشتروا كل حاجاتهم براء وريم كانوا يحاسبوا وراء معتز واحمد ونور وابرار الكل حاسب بدون ما يركز على وجود الثاني وخرجوا ورجعوا لفيلاتهم

(ههههه ابرار مثلي تحب الحوامض والموالح والاشياء الفحه وريم مثل ارنوبتي نجوى تحب الشكلاتات والحوالي😂😂)


وقت السحور واثناء التسبيح لاول يوم من الشهر العظيم شهر التوبه والغفران شهر الطمأنينه الشهر الخالي من وساويس الشياطين تجمعوا كل العائلات نحو سفرة السحور

ابرار جلست بتعب: السفره كامله والا ناقص شي

ام معتز: لا يلا ادعوا وتبسملوا ومدوا يدكم

معتز بفرح: بسرعه من شان نجتمع ونقرا القران

ام محمد: يلا عيال يلا نور السحور جاهز

نور غلقت ختمتها وباسته : يلا جايه

الكل اجتمع حول السفره للسحور
.
.

قمر: اريج انزلي السحور جهز

اريج نزلت: اسفه تاخرت

ام عبدالله: عادي اصلا بدري ما قدوش شرق

سميره: اللي يتاخر على موعد السحور يصوم عطوف

قمر بقهر: رمضان اتقي الله بروحش

ابو عبدالله: اسكه تسحرين سكته
.
.

سام صيح: جيبي الماء معش

ندى: تمام

ام ندى: يلا حطي وتسحري

ندى جلست: بالعافيه على قلوبكم

سام: وعلى قلبك وين سحور تامر طلعتي له

ندى: ايوه طلعت له قبل شويه
.
.

ريم: براء هيااا

براء: طيب وين الجبن

سلوى: جنب الثلاجه

براء اخذ الجبن وراح: اها يلا بسم الله
.
.

ام علي: وين كريم تاخر

كريم دخل: اسف اسف كنت مشغول

سهى سكبت له عصير: يلا تسحر مافيش وقت

علي: اسكه يمه مدي لي الخبز

ام علي مدت له الخبز: كل بالعافيه
.
.

نهى: تسحري ياخاله

ام سهيل بقهر: مالي نفس متعوده اتسحر مع سهيل

نهى بقهر: وانا مش ممليه عينك

ام سهيل ابتسمت: الا ممليته ونص

نهى: اذا يلا قومي تسحري

ام سهيل قامت وتسحرين
.
.

فؤاد: الله سويتي فته تمر وعسل

ام فؤاد ابتسمت: تبسمل ومد يدك بسرعه قدو شرق
.
.

شذى: ايمن فك

ايمن: والله باكلها انا شاحطه حاليه

ام ايمن عصبت: تسحروا بدون صياح هيا

ابو ايمن: ايمن جيب القشطه من جنبك

شذى مدت له القشطه وتسحروا
.
.

هادي: حرق

سهيل ضحك: لك ساعتين تطبخها وقد باقي شويه وياذن وبالاخير تقول احترق الان ايش نتسحر

هادي ضحك: هذه الفاصوليا

سهيل: قلت لك نشتري سحور قلت مع تشتي تقتلب طباخ

هادي بقهر: اسكت اول مره اطبخ بحياتي وبعدين ضبحت من اكل المطاعم

سهيل فتح الثلاجه: امممم به بيض ناوي بس المشكله ما اشترينا ولا حاجه والمطبخ فاضي من كل شي

هادي: لا انا ولا انت فضينا نشتري اشغالنا لفوق الراس

سهيل: ضروري نبسر رجال يساعدنا يشتري لنا كل شي والا انجلس ناكل من فاصوليتك الحارقه

هادي: المشكله ما انقدر نوثق باحد انو انا عايش كلم براء يشتري لنا

سهيل: طيب احنا في الان ايش نتسحر

هادي اخذ الفاصوليا وحطها فوق الماسه وابتسم: فاصوليا

سهيل جلس: تقصد فحم

جلسوا واكلوا اول لقمه وخرجوها بسرعه وضحكوا
















📚 @rewayatyamania 🇾🇪

البـارت 134 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


هادي بضحك: تضحك على فاصوليتي

سهيل ميت ضحك: انت بنفسك تضحك على فاصوليتك ايش سويت فيها حارقه كله ملح وبدون حوايج

هادي كشر: كل الحاصل والا صوم عطوف

سهيل يضحك: انا بصوم عطوف انت كل ووريني

هادي ياكل بغصب ووجهه حمر: الرسول نهى عن الصيام العطوف كل

سهيل بدأ ياكل بغصب: ايش نسوي ماعاد في وقت
كانوا ياكلوا بغصب بعد اللقمه الواحده يشربوا كاستين ماء وهم ميتين ضحك
.
.

نوف وقفت: الحمدلله شبعت

عبدالله: كمان انا الحمدلله

نوف: خلاص انا برفع السفره
.
.

كمل الجميع من السحور وبدأوا يجتمعوا لقراءه القران اذن الفجر صلوا ورجعوا قروا قران نص ساعه والكل توجه لغرفته للنوم

الكل قام عند صلاة الظهر صلوا صلاة الظهر

معتز: جيلي

ابرار: كرم كراميل

احمد: ايوه كرم كراميل

محمد: لا جيلي

نور: وانا جيلي

ابرار واحمد: كرم كراميل

ام محمد عصبت: بنسوي كرم كراميل وجيلي وانتوا اسكتوا


مرت الايام وهم على نفس الروتين كل الاهالي يتعازموا بما بينهم لمشاركه سفره الشهر العظيم الشهر المؤلف بقلوب البشر جاء اواخر رمضان وكانوا يخرجوا من بعد صلاه العشاء يتكسوا وبعدها يرجعوا لصلاه قيام الليل انتهى الشهر الفضيل وجاء العيد وقبل صلاه الفجر بكلمكم ايش فعلوا مثل ما افعل انا واهلي كل صباحيه العيد 🤭

ابرار: معتز انا قبلك انت شعرك مش طويل اتتحمم بسرعه بدون لغاجه

معتز ماسك باب الحمام وانتوا بكرامه: لانو انا بتحمم بسرعه اخرجي وخليني اتحمم وانتي بعدي

ابرار: ماعه ماعه عادني اشتي استشور شعري

معتز: ابرار اخرجي اشتي اروح الجامع لاتاخريني هيا قبل ما يصلوا صلاه الفجر

ابرار: روح الحمام الثاني (وانتوا بكرامه)

معتز: روحي انتي عاد المهندسين بيصلحوا السخانه

ابرار بقهر: ما لقيت السخانه متى تخرب الا ليله العيد

معتز: بدل هذه الشريعه فاتني تحممت وكملت

ابرار: وحمام غرفتك ماله

معتز: تقولي مش هو نفس السخان اللي مع الحمام الثاني(وانتوا بكرامه)

ابرار: روح حمام الاستراحه

معتز: قد محمد واحمد بيتصايحوا من ايتحمم فيه نور وام محمد كل واحده دخلت تتحمم بحمام(وانتوا بكرامه)

ابرار بقهر: عادك رحت امس حمام بخار انت واحمد ومحمد

معتز: لااااه وانتي ونور وامي وام محمد كمان رحتوا ليش عاد اتتحموا الان

ابرار: ترويشه العيد

معتز بقهر: وانا ترويشه العيد اخرجي

ام معتز طلعت: مالكم تتصايحوا

معتز: امه قولي لها تخرج اشتي الحق الصلاه في المسجد

ام معتز تنشف شعرها: روح تحمم بحمام غرفتي(وانتوا بكرامه)

معتز نزل وتحمموا وخرجوا
.
.

نور صرخت: محمد لاتشل من دهاني

محمد: عيد عيد دهاني كمل

نور: خلصت حقي بدل ما تروح تشتري لك طول رمضان من حقي قد كمل

محمد: ما فضيت مع المذاكره اشتري شي

نور: طيب اخرج خليني ابدل

محمد خرج وراح لغرفه احمد شافه مش موجود اخذها فرصه خرج عطوراته وبدأ يرشرش من احلى ثلاث انواع

احمد دخل بقهر سحب عطوراته: بس بس بس هذا قدك تتروش بهن ترواش

محمد اخذ العطر ويرشرش: والله محد قال لك ما تشتري لي قلت لك اشتري وانت رفضت

احمد بقهر: وانت اخرج اشتري لنفسك انا معرفش اشتري لغيري

محمد: قدك عارف من كثر المذاكره ما فضيت حتى اشتري لي كسوه

احمد: وايش اتلبس

محمد: خليت نور تكوي لي حق العيد الاول

احمد: هيا اخرج اخرج قد امي وابرار خرجين امس واشترين لك كل شي

محمد بفرح: شوف ها كيف امي وابرار مش مثلك اخ على الفاضي

احمد بقهر: لااا هيا روح يا اخ معشق

محمد خرج: امه صدق اشتريتي لي كسوه

ام محمد: ايوه طرحتهن بدولابك بدل بسرعه قبل صلاه الفجر

محمد راح وبدل ملابسه وخرج شاف احمد بغرفته

محمد ابتسم: جاوب امي

احمد: يا حركات الثوب هذا يا شيخ

محمد بثقه: هذا ذوق ابرار

احمد بقهر: روح من قدامي

محمد فرح انه قهره: انت روح جاوب امي

احمد نزل ومحمد دخل الغرفه

احمد: ها يمه ايش تشتي

ام محمد: ولا اشتي شي

احمد مستغرب: انتي قلتي لمحمد يصيح لي

ام محمد: لا ماقلت له

احمد نبع من فوق الكنبه لاول درجه بقهر: عطوراتي

طلع بسرعه وفتح الباب بقوه ومحمد جالس يترشرش بالعطورات

احمد سحب عطوراته: قالوا تتعطر مش تتروش وبعدين عادك تعطرت ليش جيت مره ثانيه

محمد: غيرت ثيابي وجيت اتعطر

احمد سحب محمد لخارج وغلق الباب: انا اوريك

محمد ضحك ونزل واحمد خرج ثوبه وبدأ يلبس ويتجهز
.
.

ابرار بغرفتها تستشور شعرها فوق سريرها ومعتز بغرفته يدور ثوبه ما حصله نزل

معتز: اماه اين ثوبي

ام معتز: انت وين لفيته

معتز طلع بقهر ودخل لعند ابرار ابرار شافته وكتمت ضحكتها وطفت الاستشوار

معتز بقهر: وين مخبيه لثوبي

ابرار تحبس الضحكه: مدري














https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 135 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


معتز عصب: ابرار مش وقت الان محمد واحمد ايجهزوا وانروح الجامع

ابرار: روحوا الله معاكم

معتز بقهر: هاتي الثوب

ابرار: بشرط تغير رايك ثالث العيد تخرج معانا مش مع امير

معتز: انا وامير نخرج كل ثالث عيد وانتي تعرفي

ابرار بقهر: بس هذه المره لازم نروح بثالث العيد بيت عمي كريم عيب هذه السنه هم باليمن

معتز: بروح نص ساعه واخرج

ابرار: ما علينا الان لو تشتي ثوبك هات حقي الساعه بلبسها اليوم

معتز: انا قلت هذيك الساعه اتجلس عندي

ابرار بقهر: ندى ادتها لي هديه مش لك

معتز: لمن ما كانت كانت المهم انها منها اجلسي بدون ساعه

ابرار شغلت الاستشوار واستشورت: وانت اجلس بدون ثوب

معتز خرج بقهر اخذ الساعه

معتز مد لها الساعه: خذي الله ياخذك

ابرار اخذت الساعه ولبستها: شكرا يلا روح

معتز عصب: وين اروح هاتي الثوب

ابرار: على ما اعتقد انت اشتريت لك اربعه اثواب البس اي واحد

معتز عصب: بس اللي عندك هو اللي اشتريته لاول العيد

ابرار: امممم طيب دوره

معتز اخذ الاستشوار وطفاه: لو تشتي تكملي تشتشوري شعرك جيبي ثوبي

ابرار وقفت بقهر خرجت له ثوبه اخذ الثوب وخرج
.
.

علي: سهى هاتي الشال

سهى: وين طرحته

علي: فوق السرير بسرعه قد ايصلي فجر

سهى اخذت الشال وعطته: اجي معاك المسجد بنفسي اكبر تكبيرات العيد في الجامع

علي: اطلعي البسي ثوبي وتغطي بالشال الثاني وجي

سهى بفرح: صدق

علي ابتسم: ايوه صدق من شان اكسر رجلك

سهى بقهر: كسروك كسا..

ام علي قاطعتها: فجر يابنت لاتدعي دعاء شر

كريم: علي يلا
.
.

ريم بقهر: ليش لبست هذا الثوب

براء شاف ثوبه: ماله

ريم: البس الثوب الزيتي

براء ابتسم: الافضل اول العيد نلبس الثوب الابيض

سلوى مدت له العسيب: البس بسرعه اياذن فجر

براء لبس عسيبه: وين عطري

ريم: هذا هو

سلوى رشته بالعطر: افعل لك قبعه

براء ضحك: قدنا اقدر اسوي لنفسي قبعه

ريم: اسكه وريني

براء يحاول يقبع لنفسه وما يقدر سلوى ضحكت وصلحت له القبعه وريم بكت بحرقه

براء بقهر: هيا ريم بس بكاء

ريم مسحت دموعها بقهر: تتذكر لما ابي كان يقبع لك كل صباحيه العيد

براء باسها: ايوه اذكر وانتي كنتي تقولي زي الجهال تقبعوا له

ريم ضحكت: وللان وانت جاهل ما تقدر تقبع لك

براء: ما افعل مهنجم فاشل

سلوى: اها والان البس ساعتك واخرج

ريم ضحكت: تذكروني لما نجلس نصلح الحريوه هكذا نجلس فوقها

براء بقهر: عيد عيد نخرج واحنا مسبوكين او السبكه للبنات بس
.
.

هادي بقهر: اول عيد ما اخرج اصلي في جامع الصالح مع شعبي

سهيل يحانكه: انا بخرج اصلي

هادي بقهر: روح الله ياخذك ما استفدنا منك شي غير الحناك

سهيل بقهر: ما قدرت اقبع لنفسي

هادي ضحك: كل عيد اجلس اقبع لبراء وهذا العيد بقبع لك بدله

سهيل يشتي يقهره: ايوه اقبع لي قبعه خليني اخرج بين المصللين وانا مقبوع بهنجمه

هادي بقهر: روح شوف لك واحد من الشارع يقبع لك

سهيل ضحك: خلاص خلاص اخر مره وعلمني كيف اقبع

هادي ضحك وجلس يعلمه وسهيل فرح انه تعلم للقبعه

(للبس اليمني وخصوصا الصنعاني الثوب والعسيب والقبعه عشق ما اقدرش اوصفه والله ياحبي للاثواب والقبعه والعسيب والهنجمه ياريتني ولد بس😂😂)


لبسوا العيال وتجهزوا وخرجوا لقدام الفيلا

احمد بقهر: معتز بادلت بين عسيبي وعسيبك

معتز بحناك: ايوه

احمد: هات عسيبي احسن لك

معتز: ماعه يا اخي حقك العسيب جاء عليا حالي

احمد: واذا جاء هات العسيب

معتز: دورت مثله ومالقيت

احمد: ما افعل لك

معتز: شل عسيبي واهجع لك

محمد: اذن فجر بعدا تحاسبوا يلا نروح الجامع


راحوا الجميع للجامع وبدأ يعلو صوت تكبيرات العيد وصلوا صلاه العيد خرجوا من المساجد وكل واحد يسلم على اصحابه واهله وجيرانه ورجعوا لبيوتهم


ابرار شافت معتز دخل حملت بسرعه ومعتز حمل ومسكها

ابرار تصيح: معتز فلتني بسلم عليها انا الاوله

معتز: والله انو انا بسلم عليها الاول

ام معتز ضحكت: ما اتبطلوا هذه العاده كل عيد

ابرار بقهر: يمه لاتخليه يسلم عليش قبلي

معتز دهفها: انا بسلم قبل

ابرار وقفت: معتز القبعه حقك خربت

معتز راح لعند المرايه: القبعه سابره فتح عيونه بقهر ولف وصرخ ابرار والله وسكت لما شاف ابرار بتسلم على امه

ام معتز تضحك: وما تعلمت مكانك بكل عيد توقع بفخها وتسلم عليا قبلك

معتز بقهر: العيد اللي ايجي ما اتزيد عليا

(انا واخي الله يرحمه لما كنا نتضارب من ايسلم على امي وابي قبل😂😂👆🏻) (رحمه الله تغشاه من يقرا روايتي ترحموا لاخوتي واقرأوا الفاتحه لنيتهم ونية موتى المسلمين💔)












https://tttttt.me/rewayatyamania/37080



📚 @rewayatyamania 🇾🇪

💔

بـارتـات يـومنـا الاربـعــاء 👆🏻😍

البـارت 136 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ودنى باس ركبه امه وهي باست راسه

معتز: من العايدين الفايزين السالمين

ام معتز: كل عام وانت بخير وصحه وسلامه ودكتور وعريس

معتز: كل عام وانتي عروسه

ام معتز اشترغت: كل عام تشتي كل سنه اتزوج قول كل عام وانتي حجه زايره

ابرار باست امها: كل عام وانتي حجه وعمران وصعده وتعز ومارب واب وذمار وعدن والحديده و

ام معتز قاطعتها: بس بس بس

ابرار ضحكت: وين العواده

ام معتز: مابش عواده

ابرار تخصرت: ليش

ام معتز ضحكت وخرجت العواده وعاودت بنتها ومعتز عاود امه وسلم على ابرار وعاودها

معتز: كل عام وانتي مش معانا وبقره للمقبره

ابرار ضربت: كل عام وانا اشوفك بين نسوانك حاير وعاجز

معتز خرج متوجه لبيت عمه كريم

كريم وعلي اخذو طريق ودخلوا

كريم يسلم على ابرار: كل عام وانتي بخير ومن العايدين الفايزين وعروسه ان شاءالله وناجحه ونشوفك اكبر مديره اعمال

ابرار دنت تبوس ركب عمها بس هو مسكها واعطاها عوادتها واعطى ام معتز عوادتها وعلي كذلك وجلسوا ياكلوا جعاله العيد وكعك ويتجابروا

معتز اخذ طريق وسهى لبست وسمحوا له يدخل

معتز يسلم على عمته: من العايدين الفايزين وكل عام وانتي بخير وحجة زايره

سهى: حجه زايره بمكه مش بحجه حقنا

معتز شاف سهى: كل عام وانتي عروسه يالقنه

سهى مسكت خدودها: كل عام حرام عليك اربعه بس يكفوني

معتز تنح وفتح عيونه: اربعه

سهى تنهدت: قليل صح

معتز ضحك: قوي

خرج العواده وعاودهم وجلس شويه وخرج معتز من بيت عمه وخرج كريم وعلي من بيت هادي وتوجهوا لناحيه بيت ام سهيل
.
.

براء يبوس ركب سلوى وسلوى رفعته وباسته

براء: كل عام وانتي مريضه ومن العايدين الخاسرين

سلوى مسكت اذنه: بنفسي عيد واحد لسانك هذا مايعتوج

براء خرج لسانه: لساني معووج ياريم

ريم: لا

براء: شفتي يمه

ريم: هات العواده

براء بقهر: وقفتي جنبي من شان العواده

ريم ابتسمت: ايوه امي قد عاودتني قدو ركنه

براء يسلم على ريم: كل عام وانتي بين الكتب محتاره

ريم بقهر: اخترت الكتب لاني اكره الدراسه الله يشلك

براء عاودها: امزح كل عام وانتي عروسه

ريم: يااااريت ما احلاني كل سنه اغير

براء ضربها: مابش حياء
.
.

معتز باس ركب خالته وبعدها راسها: كل عام وانتي بالف خير وصحه وعافيه ومن العايدين

ام سهيل: وانت بالف خير حريو دكتور ناجح

معتز ابتسم: وين نهى نسلم عليها سلام العيد

ام سهيل وقفت: بروح اصيح لها

نهى بصدمه: معتز قال

ام سهيل: ايوه يلا عيب روحي سلمي

نهى بكت: كيف بقدر اواجهه

ام سهيل: قومي معتز مافيش اطيب من قلبه

نهى قامت بخوف دخلت المجلس وجلست بعيد عنه بدون ما ترفع راسها

معتز بحنيه: نهى كل عام وانتي بخير ومن العايدين الفايزين

نهى بكت وبخنقه: وانت بالف خير

معتز قرب منها مسك دقنتها ورفع راسها: ارفعي راسك ماعاش من ينزل لك راسك

نهى بقهر: انا نزلت راسي بنفسي معتز انا من زمان حبيت اعتذر لك بس ما قدرت اواجهك باي وجه بجي واعتذر لك ما قدرت كل كلمات الاسف ما تجي شي سامحني معتز وبكت اكثر انا والله ندمت وتبت

معتز ابتسم: اووف بنت عمي قصدها اني حاقد عليها لهذه الدرجه انا خبيث المهم انسي اللي فات مات ماضي ونسيناه والان عيشي حياتك بسعاده يكفي الحزن اللي مريتي فيه انا سامحتك زمااان

نهى ابتسمت بفرح: صدق

معتز عاودها: والله سامحتك احنا عيال عم

علي دخل: الله ما احلى عيال العم شكلهم متصالحين

نهى ضمته: كل عام وانت بالف خير ومن العايدين الفايزين وحريو مقنبع

علي: ان شاءالله

معتز وقف وسلم عليه: كل عام وانت بالف خير ومن العايدين وان شاءالله حريو بس بعدي عادك اصغر مني بشهر

علي بقهر: اعكس عاد

ام سهيل ضحكت: معتز علي اكبر منك بشهر

معتز: خاله اسكتي وخليني اتزوج قبله

علي عاود اخته: روحي ابي يشتي يشوفك

نهى بخوف: لا

معتز: نهى لا تخافي

ام سهيل: انا بخرج خلوه يدخل

معتز: لا لا مافي داعي

ام سهيل: الا عيب علينا نخلي الضيف خارج

علي: اهون عليش تخرجي بدون ما اسلم

سلم عليها سلام العيد وعاودها وهي خرجت وكريم دخل

كريم: من العايدين الفايزين السالمين الغانمين كل عام وانتي بخير وحريوه وبمستقبل مشرق

نهى بكت: وانت بالف خير

كريم ضمها: هشش عيد بدون بكاء انسي الماضي

معتز ابتسم: الان اكتمل العيد

نهى ضمت ابوها: الله لا يحرمني منك

علي: يلا انتي وخالتي اتتغدوا عندنا

معتز حلف: والله مابلا عندنا كلكم عيب تردونا

كريم ابتسم: ابشر بعزك والكل عندنا ثالث العيد بكره انا مشغول

معتز: ابشر بعزك يلا
















📚 @rewayatyamania 🇾🇪

البـارت 137 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ام معتز: على وين

ابرار: بروح اشوف نور

ام معتز: طيب وقولي لهم يجوا يساعدوني الكل ايتغدى عندنا اليوم

ابرار بفرح: الله يا سلام
.
.

احمد يسلم على نور: كل عام وانتي ربحه

نور تسلم عليها: وكل عام وانا اشبهك

محمد: تشبهيه المفروض تقولي تشبهيني

نور: لا هو قال كل عام وانا ربحه يعني اشبهه لانو ربح مش زيك انت نسخه من الهلال

محمد اشتب بثقه واحمد ضرب نور

محمد وقف: امي نزلت

كلهم تضاربوا من ايسلم عليها قبل واحمد سلم عليها الاول

احمد: كل عام وانتي بالف خير من الفايزين السالمين

نور: كل عام وانتي ضوء عتمه العالم

محمد: عتمه والا ريمه هعهعهعهعهع

نور: بايخه مثل وجهك

محمد يسلم على امه: كل عام وانتي مجننه شباب اليمن

احمد: لا تفرح امك بعدين نشوف الارقام مكتوبه حتى بالجدران

ام محمد: كل عام وانتوا بخير ومن السالمين محمد احمد ارقام من او شايفين بنت 16 سنه قدامكم

احمد: لا انا شايف قمر 14

نور: هيا اماه ابتسمي

ام محمد بكت: كيف ابتسم مر رمضان واليوم عيد وابوكم ما عتب عتبه باب البيت

نور بقهر: هو مشغول

ام محمد: شغله شغلنا

احمد يغير الموضوع: ايش رايكم اعسبكم وانتوا تعسبوني

نور: متى النسوان يعسبوا الرجال

احمد: قانون جديد انا بوضعه

محمد عسب امه واخته: ما عليكم من هذا البخيل

نور: حرام مابه خرجه الا وقد عسب

احمد خرج العسب وعسبهم: من شان ماتبكين

ابرار دخلت: سلام انا من اطفال العيد

احمد ابتسم: انتي روحي شوفي لك كفن قدك عجوزه جايه تقول اطفال العيد

ابرار بقهر: عجوزه بعينك ان شاءالله تتزوجها وماتفتك منها

احمد غمز لها بدون محد يركز وابتسم: ان شاءالله

ابرار فهمته وانحرجت: كيف العيد

محمد: مافيش عيد بس لما دخلتي دخل العيد معك

نور: لا تصدقيه يجاملك حين رحتوا وكسيتوه

محمد: على الاقل ذكرتني

ابرار: هو مشغول بمذاكرته سلمت على ام محمد كل عام وانتي بخير ومن السالمين الغانمين

ام محمد ابتسمت: كل عام وانتي ناجحه وبالف خير وصحه وعافيه وان شاءالله عروسه

نور ضمت ابرار: كل عام وانتي حريوه مقنبعه

ابرار بقهر: عاد انتي كل عام لوين هذا بكله

نور: عادي لو ماتشتي حوليهم صليا

محمد مشعها: وايمن لمن

ابرار ونور: لاهل اليمن

ابرار: المهم اليوم كلهم ايجوا يتغدوا عندنا بيت خالتي وبيت عمي وقالت امي تجوا تساعدوها

نور: عيوني اطلع البس وارجع

ام محمد: وانا البس والحقش

ابرار ابتسمت: خلاص انا اتسبق خرجت واحمد خرج بعدها ومحمد استغرب خرج بعد احمد بهدوء ولنص الحوش احمد مسك ابرار

ابرار شافته: اتركني

احمد ابتسم: كل عام وانتي حبيبتي كل عام وانتي ملاكي كل عام وانتي روحي كل عام وانتي اجمل قدر بحياتي وكل عام حبك لي يكبر مثل ماحبي لك يكبر

ابرار تكهربت وتوترت من كلامه ثلجت و انحرجت: ما احبك

احمد ضحك: لمتى اتنكري

ابرار هربت: مابين انكر

احمد ضحك ومحمد يراقب بقهر وحقد ناحية اخوه
.
.

سام باس ركب امه: كل عام وانتي جنتي

ام عبدالله تبكي: افداك بروحي ياغالي يا عيدي وكل اعيادي

سام مسح دموع امه: لا تبكي دموعك غاليه سلم على اريج وقمر وعايدهن بعواده وقمر نزلت تشغل سميره واريج تشوف الطريق وخرج وهرب
.
.

وصل الجميع لبيت معتز وابرار ونور استقبلين سهى ونهى بفرحه وبشوق وسلموا على عمتهم وخالتهم

مر الوقت وتغدوا وبعدها جلسين البنات لحالهن يلعبين ويضحكين


سهيل دخل: السلام عليكم

ام سهيل بقهر: ليش جيت

سهيل تقدم: اليوم عيد جيت اسلم عليكم

ام معتز: وقف عندك وسلامك مشتيه

سهيل بقهر: يا عمه لا تفعلي هكذا اماه خليني اسلم عليش عيد

ام سهيل: ما يشرفني تسلم عليا

سهيل خرج بقهر ومعتز والشباب شافوه وهجموا عليه

احمد سحب سهيل من يدهم: خلوا الولد لحاله عيد مش وقت مشاكل

علي تهجم مره ثانيه على سهيل وسهيل ما تحمل من شده القهر من امه وعمته ضرب علي بهستيريه والشباب فرعوا

سهيل وقف بقهر: هذا من شان ما تقولوا اني ما اقدر ادافع عن نفسي انا اقدر بس بين احترم القرابه اللي بيننا

معتز بقهر: اي قرابه انت احترمت القرابه لما حطيت يدك بيد اعداءنا

احمد صرخ بقهر: معتز

محمد: احمد لا تدافع عن سهيل انت اول من تحلف بقتله

احمد بقهر: عيد تصافح مش تقاتل

معتز كان بيهجم على سهيل بس وقفه صوتها

ابرار صرخت: معتز لا

معتز: ابرار لا تدخلي

ابرار: لو مديت يدك عليه انسى اني اختك

معتز شافها بقهر تركهم ودخل ومحمد وعلي لحقوه

احمد: سهيل روح

ابرار: سهيل كل عام وانت بالف خير ومن العايدين الفايزين

سهيل بقهر: انتي اول واحده يعايدني وانتي بالف خير تركهم وخرج وهو مقهور حتى بالعيد ما قدر يشاركهم فرحه العيد ما قدر ياخذ رضاة امه ولا عمته ما قدر يسلم عليهم تنهد بالم طلع سيارته وتوجه ناحيه اشغاله














📚 @rewayatyamania 🇾🇪

البـارت 138 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


مر اول يوم يوم وثاني يوم وثالث يوم والكل يخرج خرجات العيد وعزايم العيد مر العيد وبدأت اختبارات الوزاري واختبروا مر الوقت واعلنوا النتائج ومحمد معدله 91

ام محمد بفرح: الف مبروك يا غالي ترفع الراس

احمد بفرح: ما توقعت هذا المعدل بالظروف اللي مرينا فيها

نور ضمته: الف الف الف مبروك يا فاشل

محمد بدموع فرح سجد: ربي لك الحمد

ابرار زغرطت ونور زغرطت بعدها ابرار بفرح: مبروك النسبه الف مبروك

معتز دكمه: والله وطلعت المعدل

ام معتز بدموع الفرح: تستاهل ياغالي

احمد خرج الهديه: مبروووووك

احمد ابتسم: متى قد اشتريتها

معتز مد له هديته: خرجنا امس واشترينا الهدايا

ابرار بفرح: لانو واثقين انك ناجح

نور اعطته الهديه: قليله قدام معدلك الكبير

ام محمد مسحت دموعها: هديه صغيره ماتوفي حقك

ام معتز: وانا اتمنى تعجبك هديتي

ابرار: هديتي عند المسبح تعال لوحدك شوفها

احمد: ياسعم احنا فارحين نشوف هديتك

ابرار: مش فارحين بس فضول

محمد خرج لعند المسبح وابرار خرجت بعده

ابرار: اولا هديتي اني سامحتك وانو بنرجع اصدقاء زي قبل واكثر

محمد غرس اصابعه بشعره بفرح: ربي لك الحمد ولك الشكر ربي لك الحمد احلى هديه والله احلى هديه

ابرار ضحكت: ثانيا هذه هديتك

محمد سحب الهديه وفك غلافها وكان فيه ورقه فتحها وقراها محمد بدهشه ايش ايش

ابرار: اشتريت لك وانا صغيره طياره لعبه بس الان كبرنا اتمنى تعجبك لما تتخرج من الكليه استلم هذه الطياره طيارتك وباسمك

محمد بفرح: اشتريتي لي طياره

ابرار: ايوه خاصه فيك
.
.

بعد يومين كانوا جالسين في الحديقه احتفال صغير بنسبه محمد

ابرار رن تلفونها وكانت نغمه تلفونها اغنيه عايشه سني وبغني وبحب الحياه

احمد عجبه النغمه وابرار ردت وغلقت التلفون

محمد: مالك مبتسم

احمد: عجبتني نغمتها

محمد: اول مره تسمعها

احمد: لا بس هي فعلتها رغم كل شي فيها حزين ما عاشت حياتها بفرحه تامه بس نغمتها عكس شخصيتها بتصل لها واسمعها مره ثانيه

محمد بقهر: معك رقمها

احمد: ايوه شليته من نور كل ما تخرج تتصل لي اوصلها لانو خطر عليها هذه الفتره

محمد: ها يلا اتصل لها على راحتك

احمد اتصل وكان نغمه رقمه خاصه فيه اغنيه احبك حب يامجنون لكن مقدر احكي لك احبك يابعد هالكون

محمد اشترغ بالعصير واحمد انصدم من اللي سمعه ماتوقع ابتسم بدهشه وصدمه بفرحه عميقه عجز عن وصف شعوره اما هي شافت لعنده وتجمدت وتوترت حست انها خلاص اكتشف حبها له

معتز: ليش هذه النغمه ثانيه

ابرار بتلعثم: هذه نور حطتها على رقمها قالت لو اغيرها اتزعل مني

نور فرحت عرفت انه احمد: يوه تعجبني قوي

معتز: وليش تتصلي لها

نور وهي ماسكه تلفونها: الان بغلق

احمد فهم وغلق تلفونه

نور: قالت لي غيرت النغمه اتصلت من شان اتاكد لو كانت غيرتها ما كنت اتفلت مني كانت اتقتل

معتز: هااا طيب

احمد شاف لعند ابرار وهو مبتسم بفرح وهي شافته وانحرجت وتوترت

محمد وقف: انا تاعب شويه بروح

ابرار وقفت: وانا كمان

نور: خلاص نروح كلنا

معتز: يلا

اما احمد كان طول الوقت ساكت والفرحه تغمر قلبه
وصلوا وابرار نزلت اول واحده وهربت قبل ما احمد يشوفها
.
.

في الليل
محمد جلس: رجعتي للمسبح كنتي تركتيه

ابرار ابتسمت: تركته لاني كنت احب اجلس هنا وانت موجود والان تصالحنا ورجعت له

محمد بقهر: نغمة جوالك لاحمد مخصصه

ابرار ابتسمت وتفاعلت: مادام تصالحنا ليش اخبي ايوه هذا سر محد يعرفه محمد انا اكره الرجال لانهم خونه بس وقعت بفخ العشق حبيت اخوك احمد لاول مره بحياتي واخر مره اتكون ما اقدرش اتخيل حياتي مع غيره ابدا احب كل تفاصيله اسر قلبي اعشقه يا محمد اموت في احمد ما تقدر تتخيل كم احبه

محمد كان مركز معاها الكلمه الواحده مثل عشر سكاكين تنغرس بقلبه اقتهر تمنى يموت ولا يسمع اللي سمعه بدأت دموعه تتجمع وقف ولف عنها قبل ما تنزل دموعه

ابرار وقفت بقهر: محمد

محمد مسح دموعه وبخنقه: ها

ابرار وقفت قدامه بدموع: انا اسفه انا مش بقصدي وبكت اكثر شوف انا كم انانيه رغم اني عارفه انك تحبني بس جيت وصارحتك اني احب غيرك سامحني انا انانيه وما اراعي مشاعر احد بس صدقتني انا كلمتك لانك الصديق الوحيد عارف بكل اسراري ومقرب لي

محمد بخنقه: لا عادي ان شاءالله ترتاحي مع احمد وحبكم يكبر اكثر واكثر ويجمع بينكم على خير واتمنى لكم السعاده

ابرار سكتت بقهر ومحمد تركها وراح
.
.

مرت الايام وابرار واحمد تقربوا من بعض اكثر ومحمد كان يراقبهم ويقتهر ويتالم كان يشوفها تضحك معه ويقتهر تكلمه يشاركها همومها وافراحها ما تحمل مر شهر على هذا الحال وكل ماله يتالم اكثر كل ما شافهم قراب من بعض


بعد شهر في العصر

محمد بقهر: خلاص انا قررت مابسكت للمسخره هذه الان بنزل واكلم امي والكل بقراري












https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 139 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


قمر وقفت بدهشه: براء

براء ابتسم: مالك

قمر: ولا شي بس استغربت من وجودك لانك اختفيت

براء: جيت اشوفك انشغلت اخر فتره وما قدرت اجي

قمر: عادي اصلا مش مهم تجي تشوفني انا وانت ما نقرب لبعض

براء: ليش ما ينفع اشوفك الا وانا اقرب لك

قمر: اكيد لانو مش اي واحد له الحق في حياتي

براء بقهر: وانا اي واحد

قمر: يعني مش ضروري تهتم لي هكذا

براء ابتسم: بالنسبه لي ضروري

قمر انحرجت وسكتت

شاف لفيلاتهم وبينه وبين نفس: لازم اروح قبل ماحد يشوفني انا المفروض ماجي بس اشتقت اشوف هذه البنت والان اروح احسن المهم اني شفتها

براء خرج يده من جيب تيشرته ونكعت المحفظه بدون ماينتبه: يلا لازم اروح تركها وراح

قمر انتبهت للمحفظه راحت تشتي تاخذها ولفت انتباهها صورته شافت بطاقته المدرسيه وانحطت عينها على اسمه وانصدمت مش مصدقه اللي قريته قلبها قبضها ودموعها تجمعت
قمر بصوت مخنوق: براء هادي......

حطت يدها على فمها: ليكون هذا اخو ابرار براء اللي توفى تذكرت يوم موت هادي اتصل لها وقال لها انه مرهق ابوه مات تذكرت انه بنفس يوم ما مات ابو ابرار
.
.

ام محمد: خير يا محمد

احمد: ليش جمعتنا

محمد بجديه: انا اخذت قرار ولازم تعرفوه

نور: ايش قرارك

محمد:......
.
.

قمر مسحت دموعها: لا لا لازم اتاكد منه لحقت بعده لكن وقفت تسمع كلامه مع الشخص اللي تعرف منو

قمر بتعجب: هذا شفته مدري منو بس على ما اعتقد يقرب لابرار ايوه صح هذا ابن خالها

سهيل مستغرب: براء

براء وقف: هلا سهيل

سهيل: ايش تعمل هنا

براء تلعثم: ولا شي وانت

سهيل عصب: كيف ولا شي واهلك هنا انت مجنون كيف تجي تخيل حد شافك

براء بقهر: يشوفني

سهيل صرخ بعصبيه: ايوه عادي ولما يشكوا انك ابنهم ويسالوك من انت قول لهم انا براء ابنكم انا براء اخوكم انا عايش ومامت قبل 12 سنه وانو بنكذب عليكم طوال هذا السنين وانا قريب منكم وخلي كل تضحياتك انت وعمي تروح هدر

قمر بكت بقهر: براء

براء لف لها وانصدموا سهيل وبراء بوجودها وارتبكوا وتوتروا

قمر نكعت المحفظه من يدها وتبكي: انت

براء بخوف: انتي..
.
.

نور: ايش قرارك

محمد: بسافر ادرس خارج اليمن

احمد مستغرب: ليش عادك ما كملت السنه عادك تخرجت اجلس سنه الخدمه وروح السنه الثانيه

محمد يشوف احمد بنص عين وبينه وبين نفسه: عادك تشتيني اجلس سنه اشوفك قريب من ابرار مابوفي السنه الا وقد خرجت روحي

احمد: مالك تشوفني هكذا

محمد: ولا شي بس اشتي اسافر من الان محتاج اخرج خارج اليمن

ام محمد: ادرس هنا في اليمن

محمد: مع الحرب والاوضاع اللي في اليمن تدريس الطيران مستحيله

نور بقهر: كم اتجلس

محمد: لما اكمل وارجع

ام محمد شهقت: وما اتجي تزورنا

محمد ابتسم: مابكذب عليش ياغاليه بس بصراحه لا مش ناوي ارجع اليمن الا والشهاده بيدي ترفع الراس

نور تنهدت: هذا كثير والله

محمد: لا قليل

احمد: على راحتك متى تحب تروح

محمد: هذا الاسبوع

الكل بصوت واحد: هذا الاسبوع

محمد: بسم الله الرحمن الرحيم اللي ايشوفكم ايقول اني قلت بروح انقبر
.
.

قمر نكعت المحفظه من يدها وتبكي: انت

براء بخوف: انتي

سهيل شاف براء: من هي

قمر بقهر تصيح: كيف قدرت كيف انت عارف كم ابرار تتعذب من لما مت انت عارف انهم فعلوا لها عمليه تخسر جزء من ذاكرتها من شان تنساك انت عارف انها كل يوم تبكي وتقول انا قتلت براء وتعيش بذنب انا كيف ما لاحظت الاسم والشبه لاني مش متوقعه انك مكار هكذا فكرتها صدفه بس ايش من صدفه الرجال انت من جنسهم انت مكار مثلهم مسحت دموعها بشده انا الان بروح اكلم ابرار كل الحقيقه يكفيها العذاب ضروري هي تعرف حقيقة اخوها وتعرف انك عايش وانكم خدعتوا عليها بقول لها هو قريب منك بس مش حابب يشوفك تركتهم وراحت

سهيل جاء له رساله من هادي صرخ: روح اتصرف معاها طلع سيارته ورجع

براء لحق بعد قمر وقمر قدي في باب فيلا الوزير هادي براء ما تردد يرجع راح ومسكها على خروج معتز
.
.

ابرار تبتسم: كيف اقولها

ندى متوتره: قولي وخلصيني خوفتيني

ابرار غطت وجهها: انا احب احمد

ندى انصدمت: ايش ايش عيدي اللي قلتيه

ابرار صرخت بقهر: سمعتيني

ندى تضحك: لا ابدا انا مش مصدقه اللي سمعته ابدا

ابرار بنص عين: وليش يا حاليه

ندى: انتي انتي تحبي لا مستحيل انتي كرهك لعمك وابوش غطى عيونك وقلبك عن حب الرجال واليوم تقولي احب احمد كيف وثقتي فيه

ابرار: احمد ثاني متاكده هو مش مثلهم مستحيل يخذلني ثقتي فيه عمياء

ندى: الله واخيرا شوفي يا قلبي مش كل الرجال مثل بعض اوثقي بس

ابرار ابتسمت: قدنا واثقه

















📚 @rewayatyamania 🇾🇪

البـارت 140 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


شعُرت ‌إنني ‌وحدي ‌تمًاما وكأنني ‌أخر من‌ بقى َ‌حيًا على‌ الارض ‌لاأستطيع‌ وصُف ‌شعور إلوحده ‌التامّه‌ هذه‌ أردت ُ‌فقط ‌ان‌ اتبخر في ‌الجوو لاأفكر في ‌اي ‌شي.🖤


براء شاف معتز ومعتز بقي شويه ويشوفه بس وقفه صوته

محمد: معتز

معتز لف وشافه: تعال معي تعال جيت بوقتك

براء استغل انشغاله مع محمد مسك قمر وتخبى وراء عمود الباب ومغطي على فمها

محمد: ليش بوقتي

معتز: جي معي نروح لعند امير

محمد: ليش ما معه

معتز: وقف الجامعه معي من شان ندرس جمعه وانت سجلتنا السنه اللي فاتت والان قدو وقت تسجيل تعال معانا

محمد: يلا معاك اصلا اشتي اكلمك بموضوع

خرجوا وبراء ارتزح عرض الجدار اكثر من شان ما يشوفوه طلعوا فوق السياره وراحوا

براء بعد يده من فم قمر وسحبها للشارع الثاني

قمر بقهر: ليش هذه الحركات

براء يهديها: اسمعيني جيبي لي اليوم فرصه بس اليوم فكي عليا الحظر وانا بكلمك بكل شي وانتي بعدها قرري

قمر عصبت: ايش اسمع ايش مافيش اي مبرر لتصرفاتك هذه انت ايش من عذر اتجيب اي عذر تخليك تبعد من حضن امك

براء بقهر: قلتيها بلسانك تخليك بعيد من حضن امك مافي اي شخص يشتي يبعد من امه واخوته وعائلته فانا اكيد معي سبب خلاني ابعد عن حضن امي غصب عني

قمر تنهدت: طيب اليوم بفك الحظر واشوف ايش في تركته وراحت وهي تبكي ومصدومه وهو تنهد راح لعند سيارته وروح
.
.

هادي تنهد: يعني الخطر بيلاحق ابرار والتهديد رغم معرفتهم بموتي

الرئيس: للاسف وانت لازم تستمر بالتمثيليه

هادي بقهر: وليش ما يتركوا عائلتي لحالها

الوزير الثاني: لانهم عارفين ان الشاحنات معاك وانك ما سلمتها للدوله بقولوا اهلك عارفين بمكانها

سهيل دخل: تسمحوا لي

الرئيس: اكيد ادخل

الوزير قلق: منو هذا وكيف يدخل محد عارف ان هادي عايش الا احنا الثلاثه

الرئيس: وهذا الرابع

هادي: والسواق الخامس وبصراحه ابني براء السادس

الوزير: هذا من لما وثقتوا فيه

هادي: ابن اخ زوجتي وهو ضابط سري مخابرنا عند جماعه الهرماني

الوزير: يعني موثوق

الرئيس: مليون بالميه

سهيل: تسلموا

هادي: والان كيف نتصرف

الوزير: انا من رايي نسلم الشاحنات للدوله امام الجميع ونتخلص منهم

سهيل جلس: لا اذا فعلنا هكذا بنت عمتي ايقتلوها انتقام وكمان ايقتلوا كل عائله الوزير هادي وفوق هذا بكله ما انقدر نمسك من الزعيم ما نعرفه ولا عندنا دليل

الرئيس: واحنا هدفنا نمسكهم بدليل ونعرف من زعيمهم

سهيل: وانا مادام عملي هنا بيكون صعب نمسكهم بدليل

الرئيس: على ايش ناوي

سهيل بجديه: انا ضروري ادخل لداخل الجماعه من قرب واكون عندهم واعرف وين مكان الجماعه اللي حطوها في اليمن

الوزير: حاليا عادهم مادخلوا جماعه لليمن بس على ما عرفت من احد رجالي انهم عينوا مجموعه تدخل اليمن ومجموعه سوريا ومجموعه العراق ومجموعه لبنان هذولا الاربع الدول اللي عادهم مادخلوا لها

سهيل: حلو يعني عملي ايبدأ

الرئيس: انت متاكد انك تشتي تكمل بهذا العمل

سهيل: انا خسرت كثير ناس من شان نقدر نمسكهم مستحيل اتراجع

هادي: واحنا واثقين فيك
.
.

معتز مش مصدق: شكلك تمزح

محمد: لا والله

معتز: كيف تسافر وسنه الخدمه عادها بدأت

محمد: عادي بس اشتي اخرج خارج اليمن

امير: خليه يامعتز يمكن متضايق من شي ويشتي يسافر يغير جو

معتز ضحك بقهر: يغير جو يقول لك حتى زياره لليمن ما ايزورها ما ايزورها

محمد: ايش فايده الزياره قدها بجي مره واحده بعد ما اكمل الدراسه

معتز: يلا حلو افعل بالكل مثل مافعل احمد فيكم

محمد بقهر: لاتشبهني باحمد يا ريتني احمد

معتز عصب: تتذكر خالتي كيف كانت تبكي لرجوعه ودموعها بصلاتها منهمره لرجوع ولدها تتذكر اختك كل شويه تشتاق له وتبكي تتذكر انت بنفسك تقول بنفسي اشوف احمد

محمد عصب: كل شي احمد احمد ياخي احمد غير ورددها بقهر احمد غير هو راح يدرس بس انا.....وسكت

معتز: كمل انت ايش

امير: شباب اهدأوا وصلوا على النبي

معتز ومحمد: اللهم صل عليه وعلى اله الطيبين الطاهرين
.
.

نور دخلت وصورتها مقلوبه وجلست بهدوء

ابرار: نور مالك

نور تنهدت: محمد ايسافر

ندى: وين

نور: مدري قال خارج اليمن يدرس

ابرار ابتسمت: عاد باقي سنه لما يروح ومن الان الحزن

نور بقهر: لا مش سنه ايسافر هذا الاسبوع وماعاد ايرجعش اليمن ابدا الا بعد ما يكمل دراسته والشهاده تكون معه

ابرار فتحت عيونها بدهشه سكتت بقهر وبينها وبين نفسها: ايش السبب يا محمد ايش اللي يخليك تسافر من الان
.
.

في الليل
قمر فكت الحظر على براء وهي للان مقهوره ومش مصدقه

براء: هلا

قمر: براء ادخل بالموضوع طوالي












https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 141 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


في الليل
قمر فكت الحظر على براء وهي للان مقهوره ومش مصدقه

براء: هلا

قمر: براء ادخل بالموضوع طوالي

براء شرح كل شي لقمر ماعدا حقيقه ان هادي الان عايش الذي مازال مجهول في الروايه وقمر تبكي بقهر مش مستوعبه

قمر: كل هذا حصل معاك

براء تنهد: ايوه

قمر بقهر: اسفه ما كنت عارفه انه هكذا

براء: والان ايش قررتي قدك عارفه ايش ايحصل بامي او باابرار او معتز او اي شخص يعرف اني عايش

قمر: ما بكلمهم بسكت من شانك ومن شانهم

براء ابتسم: تسلمي

قمر: انت قلت عملت شي يخليك تحس انك قريب من ابرار ايش عملت

براء: قلت لك معي اخت اسمها ريم

قمر: ايوه

براء: خليتها تدرس مع ابرار والان هن صديقات مقربات بس انتبهي امنتك حتى تلميح لا تلمحي لابرار ان ريم اختها

قمر: لا لا مستحيل انا اخاف على ابرار

اريج جلست: انتي ومن

قمر تراسل براء: براء

اريج تاففت: اموت واعرف ايش عمل هذا البراء انتي حتى عاصم ما تكلميه واتس الا اذا اتصل لحاجه ضروريه ومقنعه

قمر طنشتها وهي حسها بمحادثتها مع براء واريج مستغربه على الاخر سحبت منها التلفون

قمر بقهر: هاتي التلفون

اريج عصبت: اللي تفعليه غلط غلط عيب وحرام قمر من متى وانتي من هذا النوع

قمر ولا بحسها للان وكل تفكيرها عند ابرار وبراء سحبت التلفون: مالك دخل وخرجت من الغرفه
.
.

ابرار خرجت واحمد وقف قدامها: على وين

ابرار: بروح اشوف محمد

احمد بغيره: ليش

ابرار بقهر: سمعت انه ايسافر هذا الاسبوع شكله متضايق من شي

احمد تلعثم: لا هو مش متضايق ولا شي

محمد مرتزح ظهره على الشجره ورجله اليمين رافع لها عرض الشجره واليسار على الارض ومربع يداته ويسمعهم بدون مايشوف لعندهم وعيونه على الارض

ابرار: امممم ايش عرفك

احمد: بصراحه مدري بس لو تكلميني انا بدله احسن

ابرار ربعت يدها: ليش احسن

احمد: لانك حبيبتي وانا حبيبك

ابرار ابتسمت: من قال

احمد غمز لها: قلبي قال واذا انتي اتنكري تلفونك فضحك هذاك اليوم

ابرار انحرجت واعتجمت وما عرفت ترد من شدة التوتر

احمد: تكلمي ليش ساكته

ابرار تلعثمت: ولا شي

احمد: متاكده

ابرار تشجعت: دام انك عرفت اني على قولتك على قولتك اني احبك ايش تسوي

احمد بفرح: ما بسمح لاحد يشلك مني او يلمس شعره من شعرك سواء حبيتيني او لا لانك لي وحدي انتي لي

ابرار تشوف عيونه وبدون شعور: وانا لك

احمد زاد سرعه نبضات قلبه: ايش قلتي ايش

ابرار صحت على نفسها وكشرت: ولا شي وهربت لداخل

محمد ضحك ضحكه خفيفه محد سمعها بقهر ضحكه الم وغيره راح للاستراحه يشغل نفسه

اما احمد مبتسم بفرحه للان مش مصدق اللي قالته
.
.

مرت الايام وبدأت الدراسه وقمر نقلت من مدرستها الحكوميه للمدرسه الاهليه اللي تدرس فيها ابرار وندى

قمر وابرار وندى دخلين المدرسه وريم شافت ابرار حملت وضمتها بكل قوه اكبر من قوه الشوق والاشتياق لها وابرار بادلتها نفس شده الضمه من كثر الشوق وكل اخت تحمل مشاعر غريبه وحلوه تجاه اختها ولا قدرين يعرفين ايش هذا الاحساس الغريب

ريم تبكي: وحشتيني وربي قوي

ابرار بشوق ودموع: وانتي اكثر ياقلبي كيفك كيف الدنيا بدوني

ريم: الدنيا بدونك حااااليه قوي

ابرار ضربتها بقهر: وليش جايه تحضنيني انقلعي من قدامي

ريم تمسح دموعها وتضحك: لاتصدقي الدنيا بدونك ماتسوى

ندى: ياعيني ياعيني

ريم: هذه البنت متى تبطل غيره

ابرار: مدري

قمر مستغربه: مني هذه اول مره اشوفها

ندى: هذه ريم

قمر تفاجأت شافتهن مع بعض واقتهرت نزلت دموعها بدون شعور: هذه اللي لقبها نفس لقب ابرار

ندى: ايوه كيف عرفتي وليش تبكي

قمر استوعبت ومسحت دموعها وابتسمت: سمعت من ابرار مره قالت في بنت نفس لقبها وعيوني تلهبني ما ركزتي عليا

ندى بشك: لا ما ركزت

ريم تسلم على قمر: ومن هذه القمر

البنات ضحكين: قمر

ريم: ايوه قمر شوفين ما اجملها ماغلطت ليش تضحكين او تغارين منها

البنات ضحكين: هي اسمها قمر

ريم خفعت راسها: هااا ما فهمتكن سواء اسفه قمر عاشت الاسامي

قمر لاشعوريا ضمتها: تعيشي

ندى سحبت قمر بقهر: هي هي اول شي صديقتي والان بنت خالتي ايش فيها هذه البنت لما هكذا تجذبكن

ريم مشعتها: مامع الحاسدين الا الدموع

قمر تهمس لابرار: ماشاءالله ما احلاها متواضعه شكلك تحبيها قوي

ابرار تشوف ريم: ايه قوي احسها اخت مش صديقه تصدقي عمري ما احس بمعنى كلمة اخت الا وهي جنبي لما تشتكي لي واشتكي لها احس انها اختي الصغيره اللي لازم اعتني بها

قمر ماتحملت تركتهم وراحت وهي مقهوره جلست بمكان لحالها وبكت

قمر ودموعها على خدها: اذا كان هذا شعوري واحساسي يابراء انت كيف تحس الله يكون بعونك ويخلصك من اخوال ريم مثل الشعره من العجين
















📚 @rewayatyamania 🇾🇪

البـارت 142 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


في الراحه
اجتمعين الكل للصبوح وقمر معاهن وكانين جالسات جنب شله بنات

بنت1: بنات خرجوا الاطفال الايتام من المدرسه

الثانيه: يوه ليش

الثالثه: ايوه والله قهر مش بس هذه المدرسه كل المدارس الاهليه خرجوا الايتام

الرابعه بقهر: ليش فعلوا هكذا

الاولى تنهدت: من بعد موت الوزير هادي كل شي خرب هو اللي فعل مقاعد للطلاب الايتام بالمدارس الاهليه على حسابه

الثانيه: الله يرحمه حتى في طفله عندنا بالحاره كان فيها سرطان كان الوزير هادي يعالجها على حسابه والان بعد ماتوفى محد تكفل بعلاجها خرجوها من المستشفى وحتى اهلها ما معاهم حق الكيماوي

الثالثه: اصحاب الخير ملان ليش ما يتبرعوا لها

الثانيه: هم عزيزين نفس محد داري بهم الا احنا والوزير هادي شافهم بالمستشفى وعرف مشكلتهم وتكفل بها

الرابعه: كان كل رمضان يجيب سلات غذائيه للمحتاجين وكل عيد يكسيهم بس هذه السنه ماجاء صح افعال الخير ملان اليمن بس الوزير كان ثاني كان يجيب كل شي من قلبه واشياء تلتبس مش الحاصل

الاولى: الشعب تيتم من بعده

الثالثه: كان هو الاب للايتام والان تيتموا من جديد ومره ثانيه

الثانيه: الله يرحمه كان وزير مع المظلوم ضد الظالم


البنات سمعين كل شي وكانين يشوفين لعند ابرار ماعدا قمر كانت تشوف لعند ابرار وريم وكلهن مقهورات اما ابرار كانت تاكل من السندوتش وعيونها على الارض ومدمعه ومحمره والقهر طاغي عليها وصوت الشهقات والبكاء محبوسه بوسط حنجرتها كانت تشرب من الببسي بكثره على شان تقدر تمضغ اللقمه بس ما قدرت ولا رفعت راسها على شان مايشوفوا دموعها بس دموعها غدرتها نزلت على خدودها ووصلت للارض البنات شافين الدموع تتساقط على الارض اقتهرين


عند ريم
كانت منزله راسها وتشوف قمر تبتسم لها بالم وقهر بداخلها صرخه تهز المدرسه بكلها محبوسه بحنجرتها وانهمرت دموعها وبدون شعور خرجت شهقاتها بالم وقهر جعلت البنات يخافين عليها حطت يدها على فمها بس خرجت الشهقه غصب عنها

اميمه بخوف: ريم مالك

هديل: ابرار

ريم وابرار وقفين بنفس الوقت وكل واحده راحت بااتجاه معاكس

قمر بدموع: روحين شوفين ابرار انا بروح اشتي اكلم ريم لحالنا

الخنساء: تمام تركوها وراحين عند ابرار وقمر مسحت دموعها وراحت لعند ريم

ندى: ابرار

ابرار: لاتقولين شي انا بخير ومش مهم عندي اللي سمعته

هديل: طيب شوفي لعندنا

ابرار شافتهم وابتسمت: هيا قد الراحه اتكمل

الخنساء بقهر: على الاقل كملي اصتبحي

ابرار: الحمدلله شبعت


قمر مسكت ريم: ريم

ريم مسحت دموعها: هلا

قمر بقهر: لاتزعلي هو شهيد والشهيد حي عند الله يرزق

ريم بخنقه: عن من تتكلمي

قمر مسكت يدها: لاتخبي عليا انا عارفه انك بنت هادي

ريم بخوف: لا لا لا غلطانه انا مش بنت

قمر قاطعتها: هششش انا عارفه بس لاتخافي وعد محد يعرف ولا بقول لاي حد

ريم ضمت قمر وبدأت تبكي بحرقه: اشتقت له ياقمر اشتقت له

قمر تمسح على ظهرها: الله يرحمه لاتبكي هذه سنه الحياه وكلنا انموت


انتهت الراحه والجميع دخل فصله
ابرار: ريم مالك

ريم ابتسمت: ولا شي وانتي

ابرار: ولا شي

مرت الحصص والكل رجع منزله
.
.

براء: وصلنا بس قبل ما تنزلي قولي لي مالك

ريم: ولا شي

براء: مش عليا

ريم: راسي يوجعني انت تعرف ثالث ثانوي تعب

براء ضحك: اليوم اول يوم وتقولي ثالث ثانوي تعب على غيري انتي اخر همك الدراسه قولي ايش حصل انا اعرفك

ريم: اليوم كنت جالسه انا والبنات وفي بنات جنبنا كانين يتكلمين عن ابي الله يرحمه وتنهدت وانا لما ذكروه ما تحملت

براء: لاتقولي انك بينتي لاي حد انك بنته

ريم: لا بس في واحده مدري كيف عرفت خلت البنات يروحين لعند ابرار وهي جت لعندي وقالت لي انها تعرف اني بنت هادي

براء بقلق: ليش ابرار مالها

ريم: مدري بس بكيت انا ماركزت بس اميمه قالت لي انها بكيت وكانت تاعبة

براء: والبنت من وين تعرفك

ريم: اليوم تعرفت عليا هي تقرب لندى صديقتي وكمان بيتهم جنب بيت ابرار

براء شك انها قمر: قصدك بنت بيضاء عيونها عسلي وخدودها حمر و...

قاطعته ريم: بس بس قد فصفصتها فصفاص ايوه هي من وين تعرفها

براء تلعثم: لما جيت اوصلك شفتها كانت جنب صديقاتك

ريم: هممم ماشاءالله وقد حفظتها حفظ انا نسيت شكلها وانت من ثانيه قدك اترسمها رسم

براء: اصلا هي فاتشه ما افعل لها

ريم بقهر: غض بصرك












https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 143 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


معتز: ليش ابرار ما تنزل تتغدى

نور: هي تاعبه

ام محمد: لو تنزل وتشاركنا اليوم قد اجتمعنا ونتغدى جمعه على شان بكره محمد مسافر ماعاد انجتمع

محمد: نور اطلعي صيحي لها

ام معتز تنهدت: قد حاولت معاها الله اعلم ايش فيها خرجت وهي ساليه والان عيونها مورمه من البكى

معتز: هي مقهوره صديق عمرها مسافر بكره

احمد بغيره: الله اعلم

معتز وقف: بروح اشوفها

محمد: وخليها تنزل اليوم اخر يوم اشوفها

ام محمد شهقت: اللي يسمعك انك رايح للموت بعيد الشر عنك

محمد بهدوء: الاعمار بيد الله مادراش يمكن اسافر واموت وماعاد اشوفكم

ام معتز ضربته بالملعقه على يده: هذه المره بيدك المره الثانيه بفمك لما اهر اسنانك انطق خير او اسكت شوف بكيت امك

محمد: وانتي كمان تبكي

نور تبكي: اصلا من حلى كلامك

محمد باستغراب: حتى انتي بكيتي

احمد: تعرف النسوان حساسات عقولهن فوق شعرهن على اطرف شي نزلوا الشلال

محمد: محد يتكلم قدامكن قليلات عقل
.
.

معتز: ما للقمر

ابرار: معتز اشتي اجلس لحالي

معتز: ليش

ابرار: بدون ليش

معتز جلس: في اخ يترك اخته مهمومه ويروح ليش قالوا الاخ سند

ابرار قامت: معتز اطلب منك طلب

معتز: اامري امر

ابرار: انت تعرف بيوت الوزراء لما كان هادي يروح عندهم

معتز مستغرب: اعرف بيوتهم لما كنت جاهل بس الان الله اعلم عادهم مكانهم او نقلوا ليش

ابرار: افعل اي شي يامعتز بس خليني اروح اشوفهم

معتز: ابرار ايش في

ابرار: ولا شي بس اشتي اقول لهم حاجه

معتز: اذا نزلتي تتغدي بخلي امي تساعدنا

ابرار بسرعه: يلا ننزل

معتز ضحك: حماااس


نزلوا والكل ركز على ابرار مبين من عيونها انها بكت

محمد: ما تشتي تشاركينا غداء الوداع

ابرار جلست: الا بس كنت تاعبه شويه

الكل ياكل بصمت ومحمد واحمد عيونهم عند ابرار

وابرار عيونها على الاكل مبين عليها الشرود

معتز وهو ياكل: اماه ممكن طلب

ام معتز: امم

معتز: انتي تتزاوري انتي ونسوان الوزراء صح هم يجوا عندك وانتي تروحي عندهم

ام معتز: ايوه صح بس ليش السؤال

معتز: منو اكثر وزير يوثق فيه هادي وكان مقرب له

ام معتز: الوزير سلطان

معتز: تعرفي مرته

ام معتز: ايوه وانا وهي مقربات من بعض اكثر من الثانيات

معتز: حلو وهم الان بصنعاء تعرفي وين ساكنين

ام معتز: ايوه

معتز: اكيد معك رقمهم صح

ام معتز عصبت: مالك من اول انت تسال وانا اجاوب قول اللي تشتيه من هذه الاسئله

الكل مستغرب على معتز وابرار تراقب الوضع بهدوء

معتز: اتصلي لهم وقولي لهم بكره انك اتروحي عندهم

ام معتز: ليش

ابرار: الله يخليش يمه وافقي

ام معتز: بس بكره

معتز قاطعها: هيا امه وافقي من شاننا

ابرار بدموع: ايوه الله يخليش من شاننا

ام معتز: ايش فيكم اليوم

ابرار: قوا اتصلي

ام معتز تنهدت: طيب نشوف نهايه الموضوع ايش

ابرار وقفت وخرجت بقهر ودموع احمد جلس شويه وخرج بعدها ومحمد تنهد بغيره

احمد شاف ابرار جالسه وراء الشجره وجلس جنبها
احمد: ابرار مالك ليش الدموع

ابرار تبكي: الشعب كله مقهور على موت هادي كل ما اخرج يتكلموا عليه وانا اطنش بس حتى بالمدرسه محد نسي حادثه موته كان امل للشعب كان اكبر امل للايتام كان اب لهم كان الطبيب للمرضى والداء للمجروحين هو الامان للمظلومين والرعب للظالمين الشعب مشتاق له مشتاق لعودته ليش ما يرجع الاطفال بحاجته الايتام المحتاجين الموظفين حتى العسكر والضباط بحاجته

احمد اقتهر: بس هو خيره حي ما مات صح مات هو بس طيبته ما ماتت

ابرار: هادي قدوتي واجب عليا اكمل اللي تركه

احمد ابتسم: وهو يفتخر بك
.
.

براء: يعني هذا اللي قالوه عن ابي

ريم تمسح دموعها: ايوه وانا لازم امشي على دربه بكمل كل شي يفعله من بعده

براء باسها بجبينها: وانا معك

ريم: انا وانت نروح للوزاره وزاره التربيه والتعليم ونرجع المقاعد حق الايتام وندرسهم وعلى حسابنا

براء: وبعدها نروح لوزاره الصحه لمعالجه المحتاجين والاطفال المصابين بالامراض الخبيثه

سلوى ابتسمت: انا افتخر بكم والله وانا بساعدكم كمان وبوكل محامي يتابع الوزارات من شان ماياكلوها بخلي كل الزكاه تروح للمحتاجين مابسمح لهم اكلها

براء وريم: انتي قدها وقدود
.
.

في الليل
كان يرتب شنطته يجهز لسفره شاف الماسه فيها الطياره اللي اهدتها له ابرار اخذها وجلس نزلت دمعته مسحها بسرعه وبيده الثانيه يقلب الطياره تنهد تنهيده الم ووجع

محمد بحزن: مشتيش اشلك معي اشتي اهرب من شان انسى ابرار وانتي تذكريني فيها بس ما اقدر استغنى عنك
دخل الطياره بشنطته وقفل الشنطه وارتمى على سريره يفكر لو قراره كان صح
.
.

الوزير سلطان: اليوم دخلوا العصابه لليمن

هادي:...











https://tttttt.me/rewayatyamania/37080



📚 @rewayatyamania 🇾🇪