البـارت 93 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


نور تنهدت براحه انها افتكت وهم سمعوها وضحكوا وهي انحرجت خرجوا ونور جلست مكانها وجين البنات وشذى لعندها

ابرار ضحكت: مافي داعي تسالوها حاجه من شكلها مبين كل شي

شذى حطت يدها على خدها: لهذه الدرجه اخي طلع رومانسي

نهى جلست: وحقش يا نور

البنات: حقش

وجلسين يعلقين واتفقوا على كل شي وروحوا وام ايمن وشذى كلموا ايمن وابو ايمن ان نور عجبتهم قوي واقتنعوا فيها

سهى سحبت الهديه: بشوف ايش هي

نهى: انا بفكها

سهى: انا شليتها قبل

نور: هاتوا افكها انا ونشوفها كلنا

فكت نور الهديه وكان تلفون روووعه لونه احمر ومكتوب بالغلاف نور بالانجليزي بذهب مكتوب اسمها وحرفها وحرفه بميداليه بذهب

سهى: ماشاءالله ما اروعه فظيع واو

نهى: والله انه يجنن رووووعه


مر الوقت وروح هادي وكريم اخذ عائلته وروحوا وفاروق راح عمله وبقيوا بيت ام معتز وبيت فاروق

خرجت نور وشافت معتز قررت تروح تقهره
نور: حفله خطوبتي يوم الاثنين وانت متى تخطب ندى

معتز بينه وبين نفسه سامحيني يا نور اتنجرحي مني بس هذا لمصلحتك من شان تنسيني وتكرهيني اكون انا انسان نذل لما انتي تحميني وتضحي بالكثير من شاني وانا وانا اجرحك بس مضطر من شانك انتي

معتز رفع صوته: مبروك فرحت لك وابتسم اهم شي لاتنسي تعزمي ندى بالحفله وجودها يهمني

نور انقهرت بس ما حبت تبين له: عزمتها هي اول واحده واليوم عزمتها

معتز: حلو وانا بكلم اهلي بكره يروحوا يخطبوها

نور انقهرت بس ابتسمت: ان شاءالله توافق وتركته ودخلت البيت وطوالي لغرفتها رمت نفسها بسريرها وبدأت بنوبه بكاءها من الم القهر والغيره للان خطتها ما نفعت بشي مازال كل تفكيرها عنده اعتلت صوت شهقاتها بحسره على قلبها الذي لا يختار الا الخطأ

ام معتز بقهر: متاكد

معتز: ايوه وبكره روحوا اخطبوها لي

ابرار وقفت قبل ما تبكي على نور: الله يتمم وطلعت

ام محمد: خلاص بكره جمعه نروح انا وانتي والبنات

ام معتز تنهدت لانها تمنت نور لابنها: مثل ما تشوف
.
.

يوم ثاني بعد العصر
نور تبكي: ابرار اتركيني ما بروح روحوا انتوا واخطبوا له من مشتيتوا

ابرار بقهر: بتقومي واتجي غصب وتوريه انك مش مهتمه

نور زاد بكاءها: حاليه هذه تشتي اروح اخطب للشخص اللي احبه ما بقدر مستحيل اتحمل

ابرار: اتتحملي اعرفك

نور ارتمت بحضن ابرار: احبه يا ابرار والله احبه كيف اروح اخطب له ما اقدر من وانا صغيره كنت ارسم انه يخطبني مش انا اروح اخطب له كنت اكتب نور ومعتز ما كنت اكتب ندى ومعتز ما اتحملش ما اقدرش اشوفه لغيري طلعت روحي لما خطب نهى والان اروح اخطب له ما اتحمل

ابرار: لازم تتحملي تعالي هيا وريه قوتك وجلست تقنع نور ونور اقتنعت لبست وراحين

.

ام ندى: اهلا وسهلا نورتوا البيت

ام معتز: منوره باهلها

ام محمد: تفضلوا ادخلوا


مر الوقت وهن يتجابرين وقبل المغرب

ام معتز: شوفي يام عاصم احنا جينا اليوم من شان نطلب بنتكم ندى لابني معتز على سنة الله ورسوله

ام ندى وندى انصدموا: كيف

ام معتز: اتمنى من ندى توافق واحنا انترك لكم الوقت فكروا وردوا لنا خبر

ام ندى: اكيد والله يكتب اللي فيه الخير


طبعا نور كانت تحس روحها اتخرج وتحبس دموعها وابرار ركزت وضاقت وندى للان مش مستوعبه خرجوا وروحوا

ام ندى بفرحه: ابن الوزير هادي جاء وخطبك مجنونه لو رفضتي

ندى: بفكر واكلمك تركت امها ودخلت الغرفه الثانيه وهي تفكيرها عند تامر

ندى: لازم اكلم تامر كل شي
.

معتز: كيف كانت خطيبتي حلوه

نور بقهر: هي حلوه بيوم يومها بس عاد هي ماهيش خطيبتك

معتز ابتسم: اتكون خطيبتي يلا مع السلامه تركها وراح

اما نور جلست مكانها حطت يدها على فمها تمنع خروج شهقاتها قلبها يولمها بشده راحت غرفتها وبكيت براحتها
.
.

.....: خطف ابرار من الضروري ان يتم يوم الاحد

.....: حسنا كما تريد
.
.

صباح يوم السبت
تامر: ماذا بك

ندى تبكي ما قدرت ترد

تامر: قولي لي انك كاختي الصغيره لا احتمل اراك حزينه

ندى انصدمت: اختك

تامر: نعم فانا اعتبرك اخت لي

ندى: وغيره

تامر: لا شي

ندى: حسنا سوف اذهب امي بانتظاري

نزلت ومطر من الدموع على خدها حطت يدها على فمها من شان امها ما تسمعها ما تحملت اللي سمعته اول انسان تحبه قال لها اختي ما تحملت عانت طوال ذاك اليوم تفكر بتامر وبمعتز
.
.

صباح يوم الاحد
احمد: وين رايحه

ابرار: بروح اجيب فستان نور حق الخطبه واشتري لي اشياء ناقصه

احمد: يلا بوصلك وطلعوا فوق السياره وراحوا
.
.

.....: اليوم ابرار ايخطفوها تعال لعندي بسرعه

سهيل وقف بصدمه وخوف: اليوم

.....: ايوه اليوم

سهيل: طيب انا الان باجي

غلق وكان يتصل بهادي ولكن كان تلفونه مغلق ما عرف ايش يسوي اتصل ببراء













https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 94 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


غلق وكان يتصل بهادي ولكن كان تلفونه مغلق ما عرف ايش يسوي اتصل ببراء

براء: هلا

سهيل: براء الحمدلله ما رحت المدرسه

براء: لا اجزوا لكل المدارس قبل الاختبارات

سهيل بلهفه: بين اتصل لعمي وتلفونه مغلق

براء: في شي ليش صوتك هكذا

سهيل: قول له اليوم جماعه الهرماني ايخطفوا ابرار والان بيلاحقوها هي واحمد

براء صرخ: كيف من قال

سهيل: مدري منو اللي يتواصل معي بجماعه الهرماني وغلق التلفون

براء خاف على ابرار كان يتصل لابوه وهو مغلق اتصل لاحمد

احمد رد: هلا

براء بخوف: احمد وينكم

احمد بعد التلفون وشاف الاسم وندم انه يجاوب قدام ابرار: احنا بشارع ال.... ليش

براء بخوف: احمد جماعه الهرماني خلفك انتبه احذر

احمد شاف المرايه وشاف وراهم سيارات وخاف على ابرار غلق التلفون وزاد بالسرعه وابرار مستغربه ومش عارفه ايش سبب خوف احمد
.
.

براء اتصل بقائد الاستخبارات العسكريه اعطاهم رقم احمد يحددوا موقعه خرج مسرع وهو يتواصل مع الاستخبارات ويتابع الموقع منهم والشرطه خرجت بعد ما بلغهم براء عن محاولة خطف بنت الوزير

السيارات حاوطت على سياره احمد

احمد وقف سيارته ونزل وابرار الخوف سيطر عليها

احمد غلق الزجاج والابواب صرخ: انتبهي تنزلي من السياره

نزلوا الرجال من السيارات وبيدهم عصا

احمد حمش اكمام فنيليته واشر لهم بمعنى تعالوا

الرجال هجموا على احمد واحمد هاجمهم بكل عنف وقوة

ابرار خافت وصرخت: احمممد

اكثر من عشره جلسوا يضاربوا احمد والشارع فاضي وخمسه توجهوا لسياره ابرار كسروا الزجاج ودخلوا يدهم فتحوا السياره وخرجوا ابرار

احمد خاف عليها ضربهم بكل قوته لما قدر يتخلص من العشره راح ناحيتها وحاوطوه 15 رجال وبدأوا بضرب مبرح على احمد واحد بكل قوته ضرب احمد على راسه لما داخ

ابرار صرخت/احممممد

براء وصل نزل من سيارته مسرع والخوف مسيطر عليه على اخته كان مسرع وعيونه ما تدل على خير

الرجال دخلوا ابرار السياره وشغلوها وبراء وقف قدام السياره والسياره وقفت

براء اشر لهم بمعنى انزلوا ونزلوا

براء صرخ بعصبيه: وروني رجالتكم فيني واتركوا البنت

ابرار حست بشعور غريب عجمت عن الكلام

براء ضرب الرجال بكل وحشيه وهم يضربوه وهو يضربهم اكثر احمد بدأ يفتح عيونه بالم ويشوف كل شي ضباب

ابرار نزلت من السياره
.
.

ندى مسحت دموعها وخرجت: يمه انا قررت بخصوص معتز

امها ابتسمت: ايش قررتي

ندى: .....
.
.

براء كان يضرب اكثر من خمسه بوقت واحد احمد وقف بالم وراح ناحيته وساعده بالضرب والاثنين يضربوا الرجال لما تخلصوا منهم

براء مسح الدم اللي بفمه واحمد جلس بتعب

براء كان يتنفس بصعوبه شاف لعند ابرار وابرار مصنمه ومتجمده مكانها ما قدرت تتحرك او تتكلم....
.
.

ام ندى ابتسمت: ايش قررتي

ندى: مش موافقه مشتيش معتز

ام ندى بهدوء: ارجعي فكري سواء

ندى مسكت يد امها وباستها وهي تبكي: الله يخليش يمه لاتغصبيني مشتيش معتز

ام ندى تنهدت: طيب على راحتك بعدا بتصل لهم وارد لهم خبر
.
.

براء شاف لعند ابرار وابرار مصنمه ومتجمده مكانها ما قدرت تتحرك او تتكلم

دمعين عيون براء تحرك نحوها

وقف احمد ومسكه من كتفه: لا تتسرع روح لا تخلي ابرار تشوفك

براء طنشه ومشي ناحيتها وهو يشوف رجفتها وخوفها واضح عليها
.

عند ابرار كان كل ما قرب براء اكثر كل ما قبض قلبها اكثر شعورها ما يوصف عدة مرات تشعر بهذا الشعور بس هذه المره مختلف ما قدرت تتكلم دموعها نزلين ونبضات قلبها تسارعت

براء اتجه ناحيتها لما وصل قدامها ووقف: انتي بخير

ابرار قبض قلبها اكثر و خرجت شهقتها: انا اعرفك صح انت قريب مني

براء اقتهر:...

















📚 @rewayatyamania 🇾🇪

البـارت 95 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ما بطلب آي شي من الحياه غير آنها
تجمعني في شخص يشبهني ، يشبهني بملامحي تفاصيلي عيوني كل شي والاكثر يشبهني من
داخلي يشبه طريقة تفكيري وجنوني وعفويتي
وبسآاطتي


براء اتجه ناحيتها لما وصل قدامها ووقف: انتي بخير

ابرار قبض قلبها اكثر و خرجت شهقتها: انا اعرفك صح انت قريب مني

براء اقتهر: لا ما تعرفيني بس حبيت اطمن عليش لو ما ضروش الرجال

ابرار اعتلى صوت بكاها وشهقاتها: الا اعرفك وانت قريب مني قوي انت انت اعرفك قلبي يقول انك تعرفني ويقول انك قريب مني افتح الغطاء من عيوني خليني اشوفك

براء بدموع: ما شبعدش الغطاء اهم شي انتي بامان مع السلامه ومشي من وراها

ابرار لفت ناحيته: براء وقف

براء جمد مكانه: براء

ابرار تبكي: ايوه انت براء حتى لو عيوني مغطايه انت قريب مني كيف ما اعرفك وشهقت براء لاتروح اعرفك انت اخي توأم روحي كيف ما اعرفك صح انا ما اعرفك بس قلبي يعرفك

براء قبض يده ونزل راسه ودموعه نزلت وردد بخنقه: انا مش براء انتي غلطانه انا اهلي مش هنا حتى و انتي اللي تحسيه مجرد اوهام

ابرار جلست: مش اوهام انت براء انا متاكده متاكده قلبي لناحيتك ما يكذب

براء مشي: الا كذب انا اسمي مش براء

ابرار تسمع خطوته تبعد شهقت: براء لا تخليني اعيش بذنب اني قتلتك

براء وقف وفتح عيونه

ابرار كملت كلامها: انا للان مش متقبله وفاته لاني انا قتلته ارجع طيب على الاقل فك غطاء عيني وخليني اشوفك واقتنع اني غلطانه اقنعني انك مش براء لا تروح براء ارجع

براء شاف لعندها: انتي مش قاتله وما قتلتي اخوش انتي انسانه بريئه انا اعرف الابرياء من نظره وانتي بريئه لا تتحملي هذا الذنب

احمد اقتهر عليهم اشر لبراء يروح وهو قرب من عند ابرار والشرطه وصلت

ابرار صرخت: احمد فك غطاء عيوني وخليني اشوفه قبل ما يروح احمد فك رباط يدي وانا بفك الغطاء بنفسي

احمد مسكها: ابرار اهدئي انا شفته مش هو براء


جاء عده مترات اخذوا الرجال وهربوا واللي بخير طلع السيارات وهربوا والشرطه طلعت سيارتهم وكانوا يلحقوا بعدهم

ابرار تبكي: طيب فك بشوف انا بنفسي وصرخت اكثر ارجع انا اعرفك والله اعرفك لو انت مش براء ارجع واثبت لي لو انت مش براء يعني انسان ثاني يقرب لي

احمد اقتهر اشر لبراء يروح اسرع براء طلع فوق سيارته مسح دموعه وشغل السياره وراح

ابرار تبكي: احمد خليه يرجع خليه يرجع والله اعرفه

احمد فك غطاء عيونها وبعدين يدها ومسكها شاف سيارتهم مكسره ووقف منتظر تكسي

ابرار تبكي: ليش خليته يروح والله اني اعرفه يا احمد احلف لي انه مش معروف

احمد شاف تكسي وقفه وروحوا
.
.

سام: وانتي ليش رافضه

ندى بتردد: بصراحه ما افكر فيه

سام ابتسم: بمن تفكري

ندى: توعدني يكون سر

سام: وعد وبساعدك كمان

ندى ابتسمت: تامر

سام: اللي في الشقه الثانيه

ندى: ايوه

سام: طيب وهو

ندى بقهر: قال يعتبرني اخته

سام: هنا الحنبه وكيف اتفعلي دام هو ما يحبك

ندى بخبث: ما بستسلم بخليه يحبني بخليه يحبني وانت تشوف

سام ضحك: خبيثه
.
.

دخلت الفيلا واثر الحزن واضح عليها شافت اول كنبه وجلست بارهاق واحمد بعدها

ام معتز بخوف: ابرار مالك

معتز: ايش حصل سرتي وانتي بخير رجعتي مرهقه

ابرار سكتت ولا ردت

نور: احمد تكلم

محمد: ايش حصل فيكم وليش شكلك هكذا مضروب

ام محمد دخلت وخافت وهي تشوف احمد مضروب وابرار مرهقه: ايش فيكم

احمد: جماعة الهرماني حاولوا يخطفوا ابرار

الكل ارتعب وشهق: ايييش

احمد: صلوا على النبي مالكم حبه حبه هذا هي قدامكم بخير ولا فيها شي

ام معتز: يعني وصلوا لها بنتي بخطر

معتز قبض الماسه: وينهم الان

احمد: هربوا

محمد وقف: كيف هربوا

احمد ضبح: شغلوا مترات وهربوا والشرطه بعدهم

نور ضمت ابرار: انتي بخير

ابرار قررت تنسى الشعور اللي سيطر عليها ابتسمت: الحمدلله بخير

محمد يشتي يغير الجو: بالله عليكم خايفين على ابرار المفروض تخافوا على جماعة الهرماني منها مثلي انا خفت على جماعة الهرماني بس الحمدلله هربوا

ابرار عصبت اخذت الماء اللي قدامها ونزفته: شايفني قدامك مجرمة

محمد ضحك: المجرم يهرب منك

ام محمد تضحك : خلاص لاتتصايحوا

نور : جهال

احمد: يا عاقله وريني شطارتك وسكتيهم

نور بثقه: الان بوريك جهال اسكتوا

محمد وابرار بصوت واحد: اسكتي انتي لاتدخلي

نور: لا تشتوا الحرب تقوم وانا اتفرج خلوني اسوي هدنه

محمد: الان انتي تسوي هدنه ياراس الفتن

نور عصبت: انا اجيب الفتن

ابرار: اكبر فتانه انتي

معتز حط راسه فوق يده: وقالت هي عاقله من يسكتها هي الان

ام معتز: راسي بدا يوجعني

احمد ضحك وهو يشوفهم الثلاثه يتصايحوا: اسكتوا يا روادي

رن التلفون وردت ام معتز: هلا

ام ندى: اهلين فيكي كيفكم

ام معتز: هلا ام ندى احنا الحمدلله وانتوا

معتز سمع اسم ام ندى وتوتر وقلبه...












https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 96 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


معتز سمع اسم ام ندى وتوتر وقلبه فز اشر للكل يسكت ولكن لافائده وصرخ: اسكتوا ياجن خلونا نسمع رد الناس

ابرار: من الناس

احمد ابتسم: بيت ندى شكلهم الان يردوا خبر والرجال قلبه ايخرج

نور دمعت عيونها وجلست وهي تحس اطرافها مثلجه: منتظرين الموافقه نشتي عرس ونفرح

ابرار جلست جنبها بقهر: الان نعرف قرارهم

معتز بثقه: جهزين نفسكن بس اشتي زغروطه تهد صنعاء

محمد: شوفوا لكم اول من خطب واخر من خطب

احمد: لا وكمان واثق على الموافقه

ام معتز عصبت: اسكتوا خلونا نتجابر

الكل سكت ونور نزلت راسها من شان محد ينتبه لدموعها وابرار مقهوره وتغطي عليها ومعتز مبتسم وفارح واخيرا كسبها واحمد ومحمد عليهم يراقبوا الوضع مثل الجواسيس ومستمتعين هههههههه


ام ندى: والله مش عارفه ايش اقول لش كل شي قسمه ونصيب وابنكم معتز والله انه ينشرى وما ينرد بس ندى الله يهديها وسكتت

ام معتز فهمت: طيب فهمت الله يكتب اللي فيه الخير

الكل لحد الان مش فاهم حاجه

ام ندى بقهر: لاتزعلي مننا والله انو...

ام معتز قاطعتها: لا والله ما زعلت كله على النصيب الله يدي لها على قد نيتها ويرزقها بابن الحلال الصالح ومعتز الله يدي له بنت الحلال اللي تسعد قلبه

نور رفعت راسها وابتسمت بين دموعها وابرار من الفرحه ضمتها

اما معتز نزل راسه بقهر وابتسامته تلاشت واحمد ومحمد تنهدوا براحه وبقهر بنفس الوقت وام معتز غلقت التلفون

ام معتز: معتز ما كتب النصيب ندى رفضت

نور مسحت دموعها وابتسمت بتحدي وشافت لعنده
معتز شاف امه: ان شاءالله خير ورجع شاف لعند نور شاف ابتسامه التحدي والتشفي اقتهر وخرج

معتز بقهر: انا ياندى ترديني انا غصب عنك بخليش تحبيني وانتي تشوفي

ابرار وقفت بفرح: والان من يروح معي نخرج فستان نور

الكل بصوت واحد: مافيش خرجه لك ممنوع

ابرار خافت من اصواتهم: اعوذ بالله من الشيطان الرجيم بسم الله الرحمن الرحيم ايش حصل لكم

الكل ضحك: اجلسي مكانك

ابرار جلست: طيب من ايروح يجيب الفستان والاشياء الناقصه

محمد: انا واحمد

نور والفرحه تغمر قلبها: بس لا تتاخروا وراحت تتصل لعند قمر

قمر: هلا وغلا

نور: اهلين جيبي اريج

اريج اخذت التلفون: هلا بالعروسه

نور ضحكت: هاتي بشاره

اريج: بشريني بالاول

نور بثقه: خطتي سبرت وندى رفضت معتز

اريج بفرح: قولي والله فرحتيني كمان انا عندي خبر حلو

نور بفرح: لاجاء الخير يجي مره واحده هاتي

اريج: الفيلا اللي جنبكم صارت باسم رجل الاعمال ابو عبدالله

نور بفرح: صدق صدق كيف لوما

اريج شرحت لها كل القصه ونور فرحت واستمرين بالمحادثه
.
.

براء: قلت ولا فيني شي

سلوى: براء اعرفك اكثر من نفسي

براء: امه لا تقلقي كل شي بخير

هادي دخل: السلام عليكم

الكل: وعليكم السلام

براء وقف: ابه ممكن تجي معي للمكتب اشتي اكلمك ضروري

هادي : طيب تعال خلينا نشوف ايش معاك ودخلوا المكتب

براء: ليش كان تلفونك اليوم مغلق

هادي: كنت مشغول ليش السؤال

براء: لانو نتصل لك وهو مغلق جماعه الهرماني اليوم كانوا ايخطفو ابرار وماعرفنا كيف نتصرف

هادي انصدم وخاف: جماعه الهرماني كيف لوما

براء تنهد: كان سهيل يتصل لك وانت مغلق ورجع اتصل لعندي وانا رحت واحمد وانا قدرنا نخلص ابرار

هادي عصب: وانت ليش تروح مجنون

براء : لا مش مجنون لو كنت فاتح تلفوتك كنا رسلنا ناس موثوقين بس اللي عندي ما نوثق فيهم اضطريت اروح ولا تخاف ابرار كان مغطى على عيونها وما شافتني

هادي تنهد براحه: وجماعه الهرماني وينهم

براء بقهر: هربوا والشرطه تلاحقهم

هادي عصب خرج تلفونه واتصل للشرطه وطلب يكثفوا البحث على الجماعه

براء: ايش قالوا

هادي بقهر: هربوا منهم ولا واحد منهم عرفوا شكله يعني مافي فايده يعرفوهم

براء تنهد: طيب انا بروح اذاكر اختباراتنا قربت
.
.
كان جالس على هاويه في جبل عصر مقهور من رفض ندى له كيف ما قدرت حبه وعشقه لها طنش العالم وطنش اشخاص يعشقوه من شانها وهي تركته من اجل تامر قبض على يده اكثر بقهر وهو يتذكر تامر رفع راسه وابتسم: ما بخسر التحدي يا نور ما بنهزم قدامك بثبت لك انو انتي الخاسره
.
.

نهى: اين البس الان

سهى: كل واحد احلى من الثاني

نهى جلست: طيب انتي ايش اتلبسي

سهى: البيج

نهى: اممم اوكي وانا بلبس الاخضر
.
.

ابرار صرخت: ذلحين ماهو

نور تسد اذنها: ماهو

ابرار وطت صوتها وعصبت: قلت لك خطبتك بكره

نور بعدت يدها: طيب انا عارفه مش معلومه جديده

ابرار ضربتها: ومعتز

نور تتغابى: ماله

ابرار: زوجوا خاله

نور ابتسمت: صدق متى ليش ما عزمتوني

ابرار مشعت راسها: نور مش وقت هبالات هذا التحدي حقك بايخ مثل وجهك

نور: ولانه بايخ مثل وجهي انا بكسب معتز

ابرار: وتتزوجي ايمن

نور تشتي ترفع ضغطها: اووووه فديته

ابرار وقفت: فدتك جنيه اروح اذاكر لي كلمتين احسن من الجلسه معك













📚 @rewayatyamania 🇾🇪

البـارت 97 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


سميره: والان يعني اتجلس مشغول

ابو عبدالله: شي طبيعي العمل بالشركات متعب

اريج: يابه بكره خطبة صاحبتي نور خليني اروح

سميره: مابش روحه

اريج: قلت يابه انتي ابي

ابو عبدالله: كلمتها هي كلمتي مابش روحه

قمر: يابه هي صاحبتها قوي وانت عارف

ام عبدالله: عيب هم اصحابنا من زمان مش حاليه بحقك

ابو عبدالله عصب: روحوا انتي وقمر اريج ممنوع عليها الخرجه

قمر بقهر: ليش ايش فعلت بك

ابوعبدالله: عاد كلمه واحده ممنوع السيره على الكل

اريج قامت وهي تبكي: كثر الله خيرك ما تقصر وانا اكرهك وطلعت غرفتها بسرعه قبل ما يقوم يضربها
.
.

ام معتز: خلاص ندخل الكوشه للمجلس الكبير

ام محمد: ليش المجلس الكبير ضيوفنا قلال خليه بالمجلس الصغير

ام معتز: من قال لش انهم قليل انا عزمت خيرات

ابرار: ايوه حتى انا عزمت كل صاحباتي

نور: ليش ما كان في داعي

احمد: يووه وانا حجزت طلبيه على ما قالت امي

ابرار: لاتهم انا قد حجزت كمان طلبيه كثيره

معتز دخل جلس يشاركهم من شان نور ما تفرح برفض ندى: وانا كلمت المعمل يجهزوا ترته خليتها اربع طوابق كبيره اصغر طابق مثل ماسه المجلس الصغيره وفيها صوره الدبل حق نور وايمن وكتبت بالخط الطويل الف مبروك الخطوبه ايمن ونور

نور فهمت انه يشتي يحانكها: قلت له تكون بالشكلاته لانها تعجبني اكثر من الكريمه

معتز: مش انا داري قد حجزتها بالكريمه

ابرار بفرح: يم يم تسلم بالكريمه احلى

محمد دخل: هذه طلباتكم اللي رجعتوني الف مره من شانها ان شاءالله صح ماشي برجمكن واهجع منكن

ابرار ونور شافين: واخيرا عرفتهن

محمد قدو ضابح ايقرح منهن: مادخلت والله دورت كوافير ومكياج

ابرار: قول ميك اب ميك اب ياخي تطور

محمد عصب: عاد ناقصين تطور يكفي هذا اليليانار مدري ماهو جلس ساعه انطقها له وما عرفت ورجع وريته الرساله

نور وابرار بصوت واحد: قصدك الايلينر

احمد ضحك: ايش ايش ايش اسمه

معتز: ماعليك من اسامي الجن الان يفعلين محاضره حول المكياج بنات فارغات لا شغله ولا عمله

نور وابرار: ولا فكره بالي وبالو

محمد غطى على اذنه: خلاص اسكتين عرفنا انكن حافظات انتين واصواتكم تفجع قريه

احمد ضحك: لو في جن يسمعوا اصواتكم يتطايروا

معتز: المفروض ابرار ونور يحطوهم في بيوت مسكونه هن يغنين وهم يتطايروا من البيت

ابرار بقهر: طيب وانتوا ليش ماتطايرتوا للان لو صدق يطاير الجن انكم الان مش قدامنا

نور صفرت وصرخت: جوووووول طارت الجبهه
.
.

نوف: وش تبي ليه جيت الحين

ابو مشعل: اخوالك الحين وصلوا للخبر مابي يعرفون بسالفتنا

عبدالله: خايف يابو الحج اتجنب شري وانقلع نوف لا تقرب منها والا ما ايوقع خير

مشعل: انت شتبي ابوي قاعد يكلم بنت اخوه وش دخلك بسالفتنا

عبدالله: ناسيين انها زوجتي

نوف: انا حرمته والحين اخوالي بالخبر وانا بسكت عن السالفه اذا تعدلتوا ان ما تعدلتوا تراني بخبرهم كل شي وعبدالله كفو يبعدكم عني بس تراه محترمكم من شاني واخوالي بعد كفو بس انتوا مانكم كفو تحطوا راسكم براسنا

مشعل: احنا جايين نتكلم بالسالفه بالهداوه وقررنا نخليكم بحالكم ولاتكبر السالفه نعتذر عن اللي مضى

نوف ابتسمت: عبدالله قدر يتعامل معاكم

ابو مشعل بقهر: عبدالله مافي داعي للسالفه اللي حصلت تتكرر واحنا نعتذر

عبدالله ابتسم: لاتوروني وجوهكم مره ثانيه وهي ما تتكرر

.
.

صباح يوم الاثنين يوم الحفله بالصباح

نهى بقهر: ما عجبني

سهى: والله انه روعه البسيه

ام علي: رأيي من رأي سهى

سهى: وانا البس اللي فوقي

ام علي: الان الحفله بالعصر ليش لابسات من الان

نهى: نجرب من شان اذا ماسبر ما نحنب بعدا
.
.

اريج بقهر: كيف اترك نور بهذا اليوم

قمر بتحدي: اهربي وروحي

اريج بخوف: على شان ابي يذبحني

ام عبدالله: روحي انتي وقمر وانا بقدر اغطي عليش

اريج بخوف: لا لا اخاف

ام عبدالله: روحي شوفي ايش تلبسي واوثقي فيني
.
.

ابرار: بسرعه تاخرنا

نور تربط البرقع: ناهي اتطيري

احمد: الان يا حضرات البشوات انا بروح اوديهم الكوافير وارجعهم بس اروح اجيب لهم الغداء هذه قلة حياء وانتوا ايش بيدكم محنايين

ابرار: هم محجبين

نور ضحكت: حاليه

معتز بقهر: يا اخي انت قدك تعرف الكوافير روح انت

محمد: مش عذر ايجيب لك العنوان

احمد: ماشاءالله يا محمد فصيح وانت ليش ما تشل العنوان

محمد يهرب: ابسروا واحد غيري

نور: اوووف انتغدا هنا لما نرجع

ام معتز: طيب واحنا انصلح الغداء قبل ما تجي المكوفره لهنا

ابرار تسحب نور : هنيت لكن كوافير لعندكن احنا عادو نتمشور

احمد: بسرعه بسرعه وبس هدره خرجوا وطلعوا فوق السياره

ابرار مستغربه: ليش كل هولا الحراس ورانا

نور: ايوه ليش

احمد: من شان حمايتك الوزير هادي حطهم

ابرار : وهو ايش عرفه

احمد تلعثم: الشرطه قالوا له

ابرار: اووف اكره الحراس الان يلفتوا الانظار













https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 98 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


براء : افهمي

ريم: ما بفهم كيف افهم بروح يكفي المره الاوله

هادي ضبح منها: ريم مافي روحه

ريم تبكي: بس ابرار عزمتني بروح الخطوبه وارجع ليش هي الوحيده اللي تكرهوها

براء اقتهر منها صرخ: ما نكرهها ما نكرهها

ريم تخصرت: كان ايش

هادي شاف لعند براء واشر له بمعنى جاوبها وريم تراقب حركاتهم

براء تلعثم: ريم الاختبارات من يوم السبت نجلس نذاكر احنا علمي مش حي الله دراسه

سلوى: ريم اسمعي الكلام وبدون هدار زايد

ريم: اشتي اروح مذاكره بذاكر بعد ما ارجع

هادي عصب وصرخ: ريم بيت ابرار مافي روحه روحي اي مكان بس عند ابرار ممنوع فاهمه

ريم بكيت: ما دام هكذا بكون اقول لكم بروح اي مكان واروح عند ابرار بالسر عناد لكم

هادي بحده: الحمدلله انك كلمتيني من شان احط مراقبين بعدك يمنعوش من الروحه ومافيش اي خرجه الا مع براء

ريم اقتهرت وطلعت وهي تبكي وهادي شاف لعند براء بغضب لانه سبب تقرب ريم بابرار وبراء فهمه ابتسم واخذ كتبه وانسحب بهدوء قبل ما تبدأ العاصفه
.
.

ابرار: لا لا لا افعلي ميك اب خفيف وهادىء

نور: ايوه

المكوفره: اوكي

ابرار: جبتي فستانك

نور: لا

ابرار: حالي والان كيف المكوفره اتعرف لونه

نور عضت شفايفها: نسييييت

ابرار: قولي والله

نور: والله

ابرار بقهر: عمك عبدلله

نور ضحكت: اتصلي لاحمد قولي له يجيبه

ابرار عصبت: ما شفتي الشريعه اللي عملها هو ومحمد ومعتز

نور ابتسمت: من شاني

ابرار: من ميرندا

نور ضبحت: ابرار يا فعلتي شي يا سكتي حسستيني اني قاتله قتيل ونسيت اخفي الادله

ابرار صرخت: وانتي ليش ما تتصلي والا حابه كل شي يجي لعندك ياحضره الاميره

المكوفره وهي ساده اذنها: طيب ما فيش معاكم صوره للفستان بدون الصياح

ابرار دقت الماسه: فكره

نور فزت لما نكعت من فوق الكرسي: ايش هي

ابرار: كلمي اي حد يصور الفستان ويرسله واتس

نور وقفت: طيب

المكوفره تتفرج وعيونها تشوفهن وبيدها فرشاه الميك اب وقد افتجعت من اصواتهن الف فجيعه

نور وابرار: مالك

المكوفره ابتسمت وهي تاشر بيدها بمعنى ولاشي: ولا شي سلامتكم
.
.

محمد: معتز الله يخليك انا بين ارتب الكوشه سواء

معتز نفخ: طيب وين مكانه بالضبط

محمد: دولاب نور عند التعليقات فستان دم الغزال خرجه وصوره ورسله لعندها

معتز: برسله لعند ابرار

احمد معلق طالع يصلح الزينه اللي خربت: تلفون ابرار نسته فوق السياره رسله لعند نور

معتز: مابش معي رقم نور انتوا اخوتها مش انا

محمد: البنت من لما خلقت وهي قدام عينك وما ضريتها اتقوم تضرها بالتلفون

معتز: طيب طيب بس الرقم ما بحدو برسل لعندكم وانتوا رسلوا لعندها

محمد: تلفوني فيه رمز مش انا فاضي اذا فلت عملي الان الكوشه كلها اتخرب

احمد يدق المسمار: انا حافظ له سجله عندك
.
.

اريج: هذا حالي صح

قمر: لا هذاك احسن

اريج: اوكي وكيف اصلح شعري

ام عبدالله: افعليه نفخه

قمر: وانا كيف افعله

ام عبدالله: ايش من فستان اتلبسي

قمر شلت فستان اسود قصير: هذا

ام عبدالله: افعليه كبه والبسي الكوفيه الفرنسيه معاها

اريج: ايوه وافعلي حمره كبدي اتطلعي ملكه جمال

قمر تخصرت: قالوا لش اني مزوجه

ام عبدالله ضحكت: لاتصدقيها ولاتفعلي شي اجلسي طبيعي

اريج: بنفسي اشوفك بالروج الكبدي

قمر: بعرسي
.
.

دخل غرفتها لاول يوم بحياته شاف حروف بلواصق مذهله: ماشاءالله كل هذا حروف من جلس يتفرج خرج تلفونه وكتب الحروف وجلس يرتبهم لما طلع معه اسمه

معتز فتح عيونه: اسمي مجنونه هذه البنت تفضح نفسها لو حد ذكي يركز ويرتب

فتح درجها شاف الفستان مش موجود وغلقه فتح الثاني ونكع المصر وغلق : معتز وين عقلك قالوا في الدولاب حق الثياب المعلقه مش الادراج فتح الدولاب شاف الفستان وانذهل من روعته وتصميمه طويل سندريلا من عند الصدر مطرز ومن تحت نهايه الفستان مطرز اكمامه من تحت الكتف لعند الكف شيفون مطرز فرشه فوق سريرها وصوره ورسله غلق تلفونه واخذ الفستان وعلقه كان بيمشي بس لفت انتباهه المصر اخذه من شان يرجعه للدولاب لكن المصر افتتح شويه ولمح صورة شاب ما عرف منو قتله فضوله وفتحها وانصدم لما شاف الصوره صورته بعد ما كمل يتسبح

معتز بصدمه:...













https://tttttt.me/rewayatyamania/37080




📚 @rewayatyamania 🇾🇪

البـارت 99 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


معتز بصدمه: من وين لها هذه الصوره حتى انا مش موجوده معي وما شفتها من قبل يعني هذا يعني انو كانت تصورني بالخفى اخذ الدفتر اللي جنب المصر وبدأ يقرأ فيه قرا فيه كل شي يخصه الاشياء الذي يحبها ويكرهها تصرفه لما يكون معصب وتصرفه لما يكون رايق قرأ تغزلها بعيونه وسمرته وشعره وكل تفاصيله قرأ عن معاناتها من حبها له وعشقها له وعن غيرتها من ندى وعن وجعها من لهيب الحب الذي يشتعل كل يوم اكثر غلقه وهو مش مستوعب رجع الاغراض مكانها وهو للان مش متوقع كل ذلك الحب له

معتز بقهر: كل هذا الحب لي يانور انا ما استاهلك ما استاهل انتي تستاهلي احسن مني شخص يحبك بصدق نور سامحيني انا ما اقدرش احب غير ندى ما اقدر ابادلك الشعور انتي لازم تكرهيني ضروري تكرهيني اليوم عرفت كم حبك لي يعذبك

نور: رقم غريب رسل لي صوره الفستان

ابرار: كم هو

نور: .....

ابرار: هممم سهل هذا رقم معتز

نور انجلطت: ماهو

المكوفره بتعب: ثالث مره تخربي الرسمه

ابرار ضحكت: هذا وقلنا لك رقمه لو قلنا لك انه خطبك ايش اتسوي

نور انحرجت: لا ولا شي برفض

المكوفره فتحت عيونها: اليوم خطبتك كيف هذا

ابرار ونور ضحكين: ولا شي

الكوفره بيأس: انتين مش طبيعيات
.
.

ايمن: ولا ناقص شي

شذى عصبت: هذا خمس مئه مره تسال هذا السؤال

ام ايمن مسكت راسها: والله ماناقص الا سكوتك

ايمن: طيب بسكت

ابو ايمن: شذى فكي هذا اللي بشعرك جاب لي السومه

شذى: خليه لو فكيته ايخرب

ام ايمن عصبت: روووح شغلك

ايمن: اليوم خطوبتي اجازه

ام ايمن: ايش دخلك بالخطبه اليوم نسوان بس

شذى: مدري بيتسيمج

ايمن: طيب يعني مافي داعي لوجودي

ام ايمن شذى ابو ايمن: لا

ايمن فز: بسم الله طيب خاطركم

ام ايمن: شذى وين الطلبيه

شذى: جبت لهم عنوان بيت الوزير ما انتحمله احنا

ام ايمن: قد اتصلوا بيت نور وقالوا انهم حجزوا طلبيه وما نديش بس انا رفضت عيب ضروري نقدم بالاصول

ابو ايمن: ايوه يا خطبه ترفع الراس او ماشي بطلنا ولا شي ينقص
.
.

ابرار: خلاص كملنا

نور: بخرج هكذا مشتيش اشتي لثمه

ابرار ضبحت: ايش من لثمه اتخرب التسريحه

نور: بس هكذا احس انهم يقدروا يشوفوني

ابرار: لا مغطى والله محد يقدر يشوف

نور: احمد قدو خارج

ابرار: ايوه بسرعه قبل ما ياذن عصر نشتي نتغدى بعدين نصلي

خرجين البنات وطلعين فوق السياره واحمد شغل السياره ومشي

احمد: شكل الكوافير مش مبين الا بنور

نور: للمه ماقد به

احمد: شوفي ابرار مثل ما سارت مثل ما رجعت ما فايدة سيرتها

ابرار: ليش او تبسرني حريوه سويت شعري على ما يناسبني والمكياج ما يحتاج عادني بنت مش مزوجه

احمد: طيب طيب لا تعصبي


وصلوا ودخلوا الفيلا وطوالي لبيت فاروق من شان يتجهزين هناك وخصوصا لغرفه نور خلسين البوالط وبدأين يلبسين

ابرار ترفع شريط فستان نور: اها اللهم صل على محمد قمر يا قمر

نور: انتي ضيعتيني

ابرار: بايش حتى كريم واقي ما فعلت

نور: انتي هكذا قمر عاد لوفعلتي ميك اب كيف اتطلعي القمر اينتحر

ابرار: مافيش احد صح اخرج اجيب ماء عاطشه

نور: لا وجيبي معش انا عاطشه
.
.

احمد: وين نطرح الفرقه بالمجلس الخارجي

معتز: انا نصيحتي في بيتكم

محمد: المجلس اقرب

معتز: بس المجلس قريب من الفيلا لو خرجت بنت كذا والا كذا احتمال يشوفوها

احمد: خلاص انا بروح افتح لهم ديوان بيتنا
.
.
نور تشرب الماء: تسلمي والان قولي لي ايش اتلبسي

ابرار: الفستان الاحمر اللي جابته لي امش بعيد ميلادي

نور: وينه

ابرار: داخل دولابك طرحته قبل ما نسير

نور خرجت الفستان: بسرعه البسيه

ابرار لبست الفستان وعدلت شعرها وحطت روج وردي خفيف قوي

نور: لاااا اليوم اجلسي فوق الكوشه بدلي

ابرار ضحكت: بخرج اجيب شنطتك وين حطيتها

نور تعدل فستانها: للالف مره قلت لك فوق ماسه التلفزيون

ابرار: طيب فهمت وخرجت

احمد دخل من شان يفتح الديوان ويجهزه للفرقه ووقف بدهشه لما شافها قدامه لابسه فستان احمر قد شرحت شكله من قبل عرفتوه اكيد وكان شعرها مطوي لنهايه ظهرها ومنه على اكتافها ونهايه شعرها فعلته بخاخ احمر ممزوج بشعرها الاسود ومنفوخ من فوق ومخرجه لنبعتها واحده مغطيه نص عينها والاخرى منثور على خدها

احمد بااعجاب: ابرار

ابرار نكعت الشنطه من يدها شافت لعنده: احمد

احمد قرب منها ويتفحصها بنظره: سبحان الله

ابرار توترت من نظراته تحس لحظات ويوقف قلبها من قربه رجعت خطوت لوراء ومسكت الكرسي" ا..انت.هن..هنا

احمد بدون حس: انا ايوه هنا بس قلبي وعقلي مش هنا عندك

ابرار توترت اكثر ما قدرت تتحرك: اخرج

احمد: ليش ترجفي

ابرار برجفه اكبر: بروح اشوف نور تركته وراحت وهو مكانه يشوفها لما دخلت جلس فوق الكرسي وما زال قلبه وعقله عند تلك اللحظات


نور بخوف: مالك ايش حصل

ابرار...















📚 @rewayatyamania 🇾🇪

البـارت 100 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


نور بخوف: مالك ايش حصل

ابرار تلعثمت: ها لا ابدا مافي لا ولا شي

نور ضحكت: هذا مافي شي لو في شي ايش ايكون

ابرار حاولت ترجع طبيعي: ايش قصدك

نور جلست حطت يدها على خدها: ياااه فديت اخي احمد المسكين اليوم انسحر

ابرار فتحت عيونها: ايش ايش

نور ضحكت: مسكينه قدك اتموتي من نظرات بس

ابرار عصبت: ايوه مثل ما كنتي انتي اتموتي من نظرات معتز يوم النظره الشرعيه

نور تذكرت الموقف واقتهرت ورجع ابتسمت: على الاقل انا معترفه بحبي له مش مثلك انكر

ام معتز دخلت: يلا بشوف ما فيش احد بالحوش وانتين اخرجين الفيلا قبل ما تجي الفرقه والضيوف

ابرار: الفرقه اتجلس هنا

ام معتز: ايوه


خرجين البنات والمعازيم جوا وبدأت الحفله

اريج قدرت تهرب وراحت هي وقمر وندى جت والاغاني والرقص شعل الحفله

جوا اهل ايمن وزغرطوا الساعه 5 المغرب

ام ايمن: الان بلبسها

ام محمد: طيب وطلبت من البنات يجلسين من شان التلبس ولبست ام ايمن نور الدبله والمحبس ولبستها السلس الذهب والاخراص ولبستها الساعه وقدمت شنطتها وشنطه الام والخدم اربعه دخلين الترته

شذى فتحت عيونها: من اياكل هذه بكلها

نور بقهر: انا بقطعها بس اكل ما باكل

ابرار فهمتها وتقتهرت عليها وبعدين ابتسمت: كمان في ترته اهل ايمن وترتتنا كلي منها

نور ابتسمت: يم يم

شذى استغربت: ليش هذه الترته ايش فيها

ابرار تلعثمت: عمي فاروق ما جاء ورسل الترته وهي زعلت حلفت ما تاكلها

شذى صدقت: هااا

ندى: يا حركات الترته صور دبله ايمن ودبله ومحبس نور

نور وقفت: طيب هاتوا بقطعها

اريج شاورتها: هذه ترته معتز

نور تنهدت: ايه

قمر: ماشاءالله عليش يانور زي القمر

نهى: ضيعت القمر وخلته وراها

سهى: لاتصدقي يا ربحه

نور ضحكت: اصلا عارفه اني قمر

قمر تخصرت: مالكم عليا مش انتي قمر انا قمر كلهم يشتوا يطيحوني

الكل ضحك عليها واللي ضربتها واللي ندشت شعرها

قمر عصبت ليش يخربوا شعرها

طبعا نور شرحت لكم فستانها وكان شعرها عاملته فير على جنب نصه من فوق التاج ونصه من تحت التاج وعامله ميك اب خفيف جدا وهادى على روج وردي ظاهر وبارز زاد من جمالها جمال قطعت الترته والكل احتفل وبعد المغرب بدأوا المعازيم بتقديم الهدايا وروحوا
.
.

سميره: وين اريج

ام عبدالله غلقت غرفه البنات: راقده تاعبه

سميره: ليش ما سرتي الحفله

ام عبدالله: لان اريج تاعبه بجلس عندها ما بركن عليش اتقتليها

سميره نزلت: طيب نشوف نهايه المرض

ام عبدالله تنهدت براحه نزلت بعدها
.
.

....: لااعلم كيف ولكن سوف تخطفونها

....: حسناً اسبوعان بالكثير

....: انتظر الاخبار الجميله

....: لن ادعك تنتظر اكثر
.
.

ابرار: مسرع

اريج: انا هربت من خالتي بروح قبل ما تركز

نور تنهدت: طيب متواصلات

قمر تخصرت: تلفوني مش مساعدات عامه

ابرار ضربتها: بخيله انتي

قمر ضحكت: خلاص فكيني والله امكنها

ابرار: عندي فكره

ندى: يام الفكر قولي

ابرار: نور جابت لي ايفون اخر اصدار والاول ما استخدمه شليه واستخدميه بالخفى

اريج: لا لا ما اقدرش اقبل بشتري لي بكره او بعده

ابرار: احنا صاحبات وليش تشتري وحقي يرتجم هكذاك

قمر: لاتتعززي وشليه

اريج: طيب بس بسرعه

ابرار مكنتها التلفون وخرجين وروحين وبعد ذلك علي جاء واخذ امه وخواته وعاصم جاء لياخذ ندى

قمر: تعبت رقص

ندى: وانتي على اي اغنيه قمتي

اريج: تف تف يا اختي مالش عليها صل على النبي

ندى ضحكت: اللهم صل عليه وعلى اله

قمر تجمدت مكانها رجع لها المها وقهرها ما فكرت بيوم تواجهه خانتها دمعتها ونزلت جسمها رجف قلبها تسارع نبضاته صوت صرختها تحجرت بصدرها

اريج ركزت: قمر مالك

ندى شافت عاصم وتنهدت: من شانه لا تنزلي دمعتك ما يستاهلها

اريج شافت عاصم وفهمت: ايه ما يستاهل

قمر تذكرت كلام براء مسحت دموعها ودخلت الفيلا وعاصم شل اخته وراح
.
.

ام عبدالله شافت قمر: سميره ايش تشتي من بناتي

سميره: ايش قصدك

ام عبدالله وقفت قدامها وغطت عليها واريج دخلت بهدوء: لو اشوفك تضايقي بناتي ياويلك كل مره اسكت لك لاني ما احب المشاكل بس والله قد طفح الكيل منك هذا اخر تحذير لما اريج تكلم ابوها لا تعترضي عليها اليوم مرضت ورقدت من تحت راسك

سميره وقفت: انا حر اسوي اللي اشتيه

ام عبدالله مسكتها من جلابيتها ودورتها للشق الثاني من شان اريج تطلع الدرج بدون ما تشوفها: مش عند بناتي تتحرحري انا حذرتك هذه المره المره الثانيه ما ايحصل خير

قمر شافت اريج طلعت وهي خرجت وفعلت نفسها عادي وصلت: مالكن

ام عبدالله تركت سميره: ولا شي
.
.

علي: يلا انزلين

نزلين ونهى عادها كانت اتنزل بس قطع عليها علي

علي: نهى انتي اجلسي

نهى رجعت: ليش

علي: غلقي باب السياره وشاف لعند امه وسهى انتين ادخلين

نهى غلقت الباب والخوف سيطر عليها











https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 101 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


نهى غلقت الباب والخوف سيطر عليها

علي شغل السياره ووصل لقدام بيت متوسط: يلا انزلي

نهى بدموع: وين

علي: ام سهيل عادها وصلت من الحفله اتجلسي عندها لبعد ما تولدي

نهى بكيت بقهر: علي ليش ما تشتي تشوفني انا عارفه انك تكرهني وانا استاهل اللي فعلته مش قليل بس اقتلني ولا تعاملني هكذا لا تعاملني بقسوة علي لا تخليني بدون سند وانت حي

علي ما تحمل تجمعت دموعه: انزلي

نهى فتحت الباب وقبل ما تنزل شهقت: ياريت تقتلني انت اخي وغالي عليا الموت اهون من اني اشوف كرهكم لي كانت بتنزل بس وقفها يد علي

لفت لعنده وهو احتضن وجهها بيده ونزلت دموعه

علي: نهى والله ما كرهتك وضمها بقوه انتي اختي كيف اكرهك انتي قطعه من قلبي وانا احبك سامحيني بس انتي غلطي لو قلتي الحقيقه من البدايه احسن بس احنا زعلنا حين فعلتي هكذا بمعتز والان تعلمتي من الغلط

نهى بكت اكثر: تهورت كنت خايفه تقتلوني

علي مسح دموعها: انسي اللي فات والان يلا انزلي

نهى نزلت: كون جي
.
.

نور جلست: اووه واخيرا ربخت

ابرار تنشف شعرها: نعيما

نور تنشف شعرها بالشق الثاني: الله ينعم عليش

قامت نور ولبست بالطوها وخرجت من الفيلا متوجهه لبيتهم

معتز قطع طريقها: مبروك

نور وقفت وابتسمت: الله يبارك فيك وعقبى لك انت واللي اتنسيك ندى

معتز بخبث: محد ينسيني ندى وندى هي لي غصب عن الجميع

نور اقتهرت: بس رفضتك

معتز بثقه: بخليها تموت فيني وانا ما بستسلم بجلس اخطبها لما توافق وقرب منها اكثر ندى لي يعني لي غصب عن الجميع

نور باقي شويه وتبكي: الله يوفقك انت وهي والان بعد من طريقي

معتز خرج هديه صغيره: هديه خطوبتك

نور اخذتها: شكرا وتركته ودخلت غرفتها بسرعه

معتز اقتهر: اسف يا نور انا احب ندى وانتي لازم تتقبلي هذه الحقيقه مستحيل اتخلى عن ندى

عند نور جلست بقهر وقلبها ماعاد يتحمل اكثر اعتلى صوت شهقاتها: انت ما تحس قلب حجر من اي طينه خلقت انت ليش قلبي اختارك انت انا اكره قلبي اللي عشقك اكره نفسي اني حبيتك معتز انت الانسان الوحيد اللي انا حبيته وانت بالمقابل خليتني اكره نفسي
.
.

مرت الايام
والكل يذاكر ويجتهد ومعتز تقدم مره ثانيه لندى وندى رفضت وبدأت الاختبارات واختبروا ومرت كل الاختبارات وبدأت العطله حق اخر السنه


نور بابتسامه تحدي: هذه ثالث مره تتقدم لندى وترفض وقربت منه اكثر انت ما عندك كرامه

معتز ابتسم وبنفس التحدي: الحب مافيه كرامه فيه بس يا اما انتصار او هزيمه وفيه عدم استسلام

نور انقهرت: اتستسلم واتحبني وانت اتشوف يا معتز

معتز ابتسم: وانتي ليش ما تستسلمي

نور: لاني وسكتت

معتز: ليش ما تقدري تقوليها من وانتي طفله وانتي تحبيني ليش ما تقدري تقولي احبك

نور ابتعدت عنه: لما تستاهلها بقولها وتركته وراحت
.
.

....: رحلتها سوف تكون قريبه

....: خطتنا سوف تنجح لاحد يستطيع منعنا حتى كل الحراس من حولها

....: جميل جدا لا اريد اي خطأ كالسابق والا العقاب سوف يكون شديد

....: لن يكون هناك اي خطى

....: سوف نرى


-‏هذه المرة بالذات لن أحاول، لقد حاولت بما يكفي لأن أعرف بأن محاولاتي ما هي إلا هدرٌ للطاقة، وهدرٌ للأيام، وهدرٌ للشعور. أنا الآن مكتفٍ بما أملكه، ولا أملك أثمن من نفسي.


نور تبكي: خلاص ماعاد بحاول اكسبه بخليه يروح لها يتهنى معاها انا لازم انساه ولازم اعيش حياتي مع ايمن وانساه ماعاد بحاول معاه يكفي كل سنين عمري ضاعت وانا اعيشها من شانه وشهقت اكثر بقهر ومسكت على قلبها الان بعيش من شان نفسي من شان نفسي وبس
.
.

في صباح يوم ثاني

احمد: هيا الكل جاهز

ام معتز: باقي نور

نور خرجت: انا جاهزه

طلعوا السيارات واستعدوا للسفر لقضاء اجازتهم الى اراضي تعز تلك الحالمه الحبيبه بلد الحضاره والثقافه الى مدينتي الحبيبه عشقي تعز وما اجمل تلك الثلاث الاحرف نعم انها تعز العز التي تحمل الكثير من الالم والكثير من الاهات المدينه التي تحملت اشد الخيانات والغدر المدينه الحزينه الاليمه التي مازالت تبتسم وتحمل معاني الامل


احمد: يلا وصلنا

ابرار بدموع: واخيرا اشتقت لتعز

معتز: ايه والله فديت الحالمه

نور: خلونا بكره نروح قلعه القاهره

محمد: الان ندخل نرتاح وبكره نقرر وين نروح

ام معتز: نروح جبل صبر

ام محمد: ايوه جبل صبر

ابرار: لا قلعه القاهرة

احمد: قال محمد اول شي نرتاح


طلعوا الفندق واستاجروا لكل واحد غرفه وقضوا يومين من اجمل ايام حياتهم


في اليوم الثالث...
















📚 @rewayatyamania 🇾🇪

البـارت 102 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


في اليوم الثالث

....: سلام

ابرار: وعليكم السلام من معي

....: ليش ما تردي على الاتصال

ابرار: والان ما كنت بارد عليكم بس لما شفت الرساله

....: براء بيدنا لو تشتي اخوش جي وبدون ما تبيني لاي حد

ابرار انصدمت وخافت وتلعثمت: ايش بر براء عايش

....: ايوه لو تشتي تشوفيه تعالي لخلف قلعه القاهره

ابرار بخوف: هذا فخ انا مش مصدقه لكم

....: انتي حر بس اذا تاخرتي انقتله وغلق التلفون

ابرار تبكي: الو لا تغلق هات اخي الو الو

ابرار خرجت من الحمام(وانتوا بكرامه) شافتهم يضحكوا مع بعض ومشغولين استغلت الفرصه وخرجت لخلف قلعه القاهره لانهم كانو هناك

ابرار: انا خلف القاهره

....: فعلتي الصح والان شوفي خلفك

ابرار شافت وراء وخافت وانصدمت: لا منو اللي بيدكم لاتقتلوه

....: لو ماتشتيني اقتله جي لعندنا

ابرار غلقت التلفون وراحت لعندهم

احد الحراس ابتسم بخبث: واخيرا خفعها بالمسدس خلف رقبتها ودوخت دخلوها السياره وراحوا متوجهين لنهايه عماره كبيره

....: طلعوها فوق الهيلوكوبتر

احد الحراس: حسناً طلعوها فوق الهيلوكوبتر وشغلوها وطاروا
.
.

نور نفخت: وين ابرار تاخرت

احمد: روحي شوفيها

نور راحت ورجعت والخوف والتوتر مسيطر عليها

ام معتز بخوف: مالك ووين ابرار

نور: ما لقيتها

معتز صرخ: كيف ما لقيتيها

محمد: ارجعي شوفيها سواء

نور بكيت: دورت ما لقيت

ام معتز جلست بخوف: وين راحت وين

احمد صرخ فوق الحراس اللي معاهم: وين اختقت وانتوا هنا بحماية من بسرعه افترقوا ودوروها

الكل افترق يدور عليها
.
.

بعد ساعتين
قامت بالم ما تشوف شي عرفت انها مغمى على عيونها كانت بترفع يدها تفك الغطاء بس يدها مربوطه صرخت: فكوني

....: نورتي من جديد

ابرار بخوف: انت ثاني مره

....: عرفتي صوتي صح

ابرار بقهر: اكيد انت اللي خطفتني بدبي صوتك مألوف عليا خليني اشوفك

....: طيب ما دام ان نهايتك الموت فاكيد بعرفك من انا

فك لها غطاء عيونها وابتسم

صدمه دهشه عاصفه وصاعقه هاجمت قلبها تجمدت مكانها ماتوقعت انه هو

ابرار فتحت عيونها بصدمه: اااااانننننتتتتتت

عاصم: مفاجااااااااااأة

ابرار بدهشه: للليش

عاصم ضحك: لهذه الدرجه مش مصدقه ومصدومه

ابرار صرخت: ايش السبب اللي خلاك تفعل هكذا ليش انت معاهم

عاصم: مافي داعي تعرفي المهم ان هادي يلبي طلبنا

ابرار بدموع: عاصم ليش انت عارف ان شبعنا ايتضرر عاصم انت يمني كيف تسمح بتدمير اليمن

عاصم ضحك: مادام انك اتموتي بقول لك الصراحه انا مش راضي بس اهم شي عندي انتقامي

ابرار تحبس ضيقتها: ايش من انتقام

ابتسم: .....
.
.

ام معتز تبكي: خلاص بنتي خطفوها خطفوها

ام محمد تهديها: محد خطفها صل على النبي

ام معتز: مادام ما لقوها للان يعني خطفوها

احمد بقهر: لقيتها

محمد هز راسه بتعب: لا

معتز بقهر صرخ: كأن الارض انشقت وبلعتها

نور تبكي: حتى تلفونها مغلق للان

احمد: خاله كلمي الوزير واحنا بلغنا الشرطه اللي هنا
ام معتز تمسح دموعها: تمام

الشرطي جاء: حددنا مكان التلفون

معتز واحمد ومحمد: طيب يلا نروح ايش منتظرين

الشرطي: طيب والعائله

معتز: بيروحوا مع رجالنا للفندق

الشرطي: طيب انزلوا معانا


هادي بصدمه تجمد مكانه وخوفه على بنته سيطر عليه: انتي متاكده من اللي قلتيه

ام معتز تبكي بقهر وبحرقه: والله حتى دورنا وما لقيناها

هادي مسك براء بقوه: الان بجي لتعز

ام معتز: طيب لاتتاخر

براء ماسك ابوه بخوف: ايش في مال صورتك تغيرت

هادي حط راسه على كتف براء: ابرار مخطوفه

براء ضحك: كيف كيف عيد اللي قلته

سلوى بكيت: هادي لا تمزح الان

هادي وقف: انا بروح تعز اشوفهم

براء تاكد من جديه الموضوع عصب: انا بجي معاك

هادي: مش ناقصك يا براء

براء صرخ ودموعه تجمعت: كان ايش اجلس اتفرج

هادي مسكه: براء لا تعصب انا بحل الموضوع تركهم وخرج

براء شاف لعند سلوى: انا بروح غصب وخرج

سلوى وقفت: براء لا تروح اسمع كلام ابوك

براء طنشها وخرج
.
.

عاصم ضحك: انتقم لابي من ابوش هو قتل ابي وانا اقتلك والنتيجه تعادل

ابرار بصدمه: ايش ايش هادي قتل ابوك لا لا لا لا ما اصدقك مستحيل

عاصم صرخ: كيف مستحيل انا شفته بعيوني دخلت المكتب وابي مقتول والمسدس بيد ابوش وابو محمد

ابرار ضحكت: لا انا ما اصدق صح انا اكره هادي بس متاكده انه مش قاتل على قد كرهي له على قد تاكدي انه مش قاتل

عاصم: مش ضروري تصدقي اهم شي انا بنتقم بروح اشتري لك حاجه تاكلي
.
.

احمد جلس بقهر اخذ التلفون: التلفون مرجوم يعني ابرار مش بهذه المنطقه

معتز صرخ: خلونا ندور عليها سواء

محمد ضاق: مادام التلفون مرجوم يعني انها مخطوفه



















📚 @rewayatyamania 🇾🇪

البـارت 103 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


أنا بخير لكن بشكل غريب ومخيف جداً💔


ام محمد تمسك ام معتز والثنتين حالتهن حاله: صل على النبي اللي يحميها كل مره ايحميها هذه المره الله معاها ليش الخوف

ام معتز تشهق: تقولي هكذا وانتي بنفسك نفسي الله يحميش يا ابرار الله يردك لنا بالسلامه

نور وقفت بقهر وهي تمسح دموعها: بروح غرفتي تركتهم وراحت غرفتها رمت نفسها فوق سريرها واعتلى بكاها اكثر
.
.

بعد ساعات
وصل الوزير هادي وراح للفندق اللي هم فيه

هادي ضم ام معتز لاول مره بعد الفراق: اوعدك برجع بنتنا برجعها

ام معتز ضمته: اوفي بوعدك ورجعها انا ما اقدرش اعيش بدونها

هادي حضن وجهها بيديه: بوفي بوعدي ما بسمح لاي حد يلمس شعره منها والان وين العيال

ام محمد: مع الشرطه بيدوروها

هادي باس ام معتز براسها: امسحي دموعك ابرار اترجع تركهم وراح لقسم الشرطه اللي في تعز


احمد شاف محمد جاء صليه مسح دموعه بسرعه قبل ما ينتبه

محمد مسك كتف اخوه: معتز اللي فيه مكفيه كون اقوى

احمد ضحك: انت تقول هكذا اقنع نفسك بالاول

محمد تنهد بقهر: والله لما القاهم بقتلهم بيدي

احمد بقهر: انا معاك ومعتز معانا ما انخلي لهم اي اثر

معتز جاء: قال القائد ان الوزير هادي بالطريق

احمد مسكه: معتز مالك

معتز بتعب: ولا شي بس راسي يوجعني

محمد: لا مسوم كنت اتدرب

احمد: من الصباح ولا اكلت شي والان لليل تعال كل اي شي

معتز: شابع ها الوزير وصل

هادي شافهم وراح لعندهم: مافي اي جديد

محمد: لا ولا شي

هادي خرج تلفونه وخرج اتصل خارج

سهيل: هلا

هادي: سهيل جماعه الهرماني خطفوا ابرار او لا

سهيل وقف بخوف: مدري انا ما جابوا لي خبر

هادي مسك راسه بوجع: طيب لو عرفت شي كلمني

سهيل ضاق صدره: وينكم انا بجي

هادي: لا تجي ولا تخرب شي

سهيل: بس ابرار بنت عمتي

هادي: وعلى شان تحمي بنت عمتك لا تجي

سهيل تنهد: طيب وانا بحاول اعرف الخبر
.
.

احمد: هلا براء

براء: احمد انا خارج كنت مراقب ابي تعال بدون محد يشوفك

احمد عصب بصوت واطي: وانت ليش جيت مجنون

براء عصب: ايوه مجنون والان ممكن تجي

احمد تنهد: طيب الان بخرج
.
.

عاصم دخل: تاخرت عليش جوعتي

ابرار لفت وجهها عنه: لا لو ماجيت كان احسن

عاصم فك لها يدها ومد لها الاكل: كلي

ابرار جاوعه بس كابرت: مشتيش منك شي

عاصم: اتموتي هكذا

ابرار باستهزاء: هكذا او هكذا بموت

عاصم تنهد: على راحتك ورجع ربط يدها

ابرار بقهر: ايلقوني ايراقبوا تلفوني و يقتلوك

عاصم ضحك: ليش قصدك عاد احنا في اليمن لا ياحلوه سفرناش الخارج

ابرار عصبت: وين انا

عاصم: الاحلى ما تعرفي
.
.

نوف: يعني نروح الرياض

عبدالله: ايوه

نوف بفرح: طيب بس وش عندك بالرياض

عبدالله: اشتي اروح من شان المباراه م ابين المنتخب اليمني والسعودي

نوف بفرح: وانا ابي اشوف ترا السعوديه تفوز عليكم

عبدالله: لا اليمن

نوف: انا مشجعه السعوديه

عبدالله بغرور: وانا اشجع المنتخب اليمني

نوف ابتسمت: احنا الفايزين

عبدالله بثقه: نشوف من بس اكيد اليمن

نوف عصبت: السعوديه تفوز

عبدالله ينرفزها: اليمن تفوز

نوف صرخت: السعوديه يا مغرورين

عبدالله ضحك: طيب لاتعصبي خلينا نشوف بالمباراه

نوف: متى تبينا نروح

عبدالله: بكره نجلس نغير جو اسبوعين وبعدها المباراه ونجلس اسبوع بعدها نرجع للخبر

نوف باسته: اوكي وقفت بتروح

عبدالله مسكها وجلسها: لو عارف انو في بوسه من زمان كان قلت

نوف انحرجت: اتركني ابي اجهز اغراضنا

عبدالله: ما فيش الا بعد بوسه ثانيه

نوف باسته بسرعه وقفت وهربت وهو ضحك عليها واخذ الريموت يقلب قنوات الشاشه
.
.

احمد تنهد: وكأن الارض انشقت وبلعتهم

براء يلعب بيده بتوتر: يمكن خرجوها خارج تعز

احمد: لا ما اعتقد كلمنا وبلغنا كل نقاط التفتيش

براء بقهر: الان اذا كان جماعه الهرماني خطفوها فجماعه الهرماني بكلها ما عندهم طوائر

احمد يفكر بكلامه: معقوله يسووها

براء عصب: ايه يسووها مادام ابي براسهم

احمد خرج من السياره: بروح اكلمهم وراح ودخل بسرعه

محمد: احمد مالك

احمد : احتمال ابرار مش بتعز اكيد خرجوها

معتز: اذا جماعه الهرماني اكيد خرجوها زمان

محمد: وكمان صنعاء مستحيل يودوها هناك

هادي بقهر: بيخرجوها خارج اليمن

معتز: تلفونك يرن شوف من

هادي خرج التلفون: الو

عاصم ضحك: اشتقنا نسمع صوتك

هادي...










https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 104 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


معتز: تلفونك يرن شوف من

هادي خرج التلفون: الو

عاصم ضحك: اشتقنا نسمع صوتك

هادي عصب: انت اللي خطفت ابرار

عاصم: منو غيري مهووس ببنتك

هادي صرخ: لو تلمس شعره منها ما ارحمك

عاصم: ما بلمس ولا شعره منها لا تخاف ياوزير ولو عيب احنا ما نقل ادبنا مع البنات بس بقتلها طوالي بدون اي تردد

معتز صرخ: لو رجال واجهني

عاصم: رجال رجال لا تخاف ولا تعصب ابرار ما اتتعذب بتموت طوالي بدون ما تشعر بالم رصاصه بالراس

احمد اقتهر وخاف: يا كلب يا حيوان والله ما ارحمك ومانا احمد فاروق ان ما شربت من دمك

محمد خاف على ابرار: والله لو ما تردها سالمه لاخفي كل نسلك من الارض

عاصم: مع السلامه بروح اشوف ابرار بتخاف لوحدها داخل

احمد جن جنونه: والله ما تفلت من يدي لو كنت من تكون نهايتك على يدي يانذل والله لدور عليك من تحت الارض

معتز صرخ: قول وينك ياجبان وتعلم الرجوله

محمد: ابرار لو حصل لها شي محد يرحمك من تحت يدي

هادي صرخ: والله لو تقرب من بنتي بنهيك وانا الوزير هادي اول جريمه ارتكبها اتكون انت وما بتردد والكل يعرف الوزير مايرد كلمته

عاصم ضحك وغلق التلفون بوجههم ودخل وفك لها الربطه من فمها

عاصم: سمعتي كيف عصبوا

ابرار بقهر: ايوه سمعت وما كذبوا لما قالوا لك نذل وكلب وحيوان

عاصم اقتهر منها وربط فمها: سكوتك افضل من كلامك
.
.

ام محمد: الله يخليش كلي حتى شويه

ام معتز تبكي: مشتيش شابعه

نور تبكي: من ايش شابعه ايش اكلتي

ام محمد عصبت: ما شاءالله والفصاحه وانتي ايش اكلتي

نور زاد بكاها غطت عيونها بيدها: حاولت بس ما قدرت ما قدرت

ام محمد تنهدت: والله ما ينفع اللي تفعلنه كلين لقمه اتمرضين
.
.

هادي: الرقم سعودي

محمد: يعني خرجوها السعوديه

معتز: انا بحجز لي تذكرة واروح

هادي: انا بتصل للنائب واخليه يحجز لي ولك على اقرب رحله

احمد: وانا كمان

هادي: طيب

محمد: وانا بجي

احمد حط يده بكتف محمد: لا تجي معاك اختبارات بعد شهر ونص ذاكر

معتز: ثالث ثانوي مش لعبه

محمد بقهر: وابرار لعبه

هادي: احنا موجودين انكون نطمنك اول باول

معتز: وعمي فاروق له مده طويله مشغول ومافي احد معاهم في البيت انت اجلس عندهم

محمد اقتهر: بس ابرار

هادي قاطعه: محمد ونتركهم لحالهم كمان هم بخطر ذاكر وانتبه لهم

محمد بضيق: طيب

هادي تنهد: بكره الصباح خذهم وارجعوا صنعاء

احمد: بس مع اوضاع اليمن السفر صعب

هادي: المشكله الطيار مسافر والا كنا بنسافر بطيارتي الخاصه

احمد: نحجز طياره خاصه ومستعجله

هادي: طيب الان اكلم الوزاره يحجزوا لنا طياره اتصل وغلق

معتز: ايش قالوا

هادي: نص ساعه والطياره بمطار تعز روحوا جهزوا نفوسكم انتحرك طوالي مافي داعي للتاخير

الكل: طيب

نور مسكت تلفونها: الو

ندى بخوف: ليش صوتك هكذا وليش ابرار اتصل لها وتلفونها مغلق

نور بكيت: ابرار مخطوفه

ندى صرخت بخوف: كيف

نور: كنا بقلعه القاهره واختفت

ندى بكيت: من اللي خطفها

نور: للان مش عارفين محد جاء

ندى: اتصلي لهم

محمد دخل عندهم ونور وقفت: محمد جاء

ندى: لا تغلقي اشتي اعرف

نور: طيب

ام معتز وام محمد وقفين: محمد عرفتوا شي

محمد نزل راسه بقهر: الهرماني خطفها

الكل بخوف وصوت واحد: ايش

نور جلست وهي تبكي: الهرماني مره ثانيه وينهم عرفتوا مكانهم

محمد: ايوه خارج اليمن بالسعوديه بس وين بالضبط مااعرف

ام معتز ترجف بخوف وتبكي بحرقه مسكت قلبها: يعني الهرماني خطفوها بنتي اتروح مني اتروح وشهقت ابرار والله ما يرحموها ايقتلوها

ام محمد منهاره وماسكه ام معتز: ايلقوها صدقوني ايلقوها

نور بشهقات: ووين البقيه

محمد بقهر: ايسافروا السعوديه واحنا الصباح انرجع صنعاء


ندى غلقت التلفون وجلست تبكي بحرقه وانهيار

سام خاف: ندى مالك

ام ندى حضنتها: ندى ليش تبكي

ندى تخرج الكلام بصعوبه: الهرماني خطفوا ابرار

سام خاف: الجماعه اللي خطفوها بدبي

ندى: ايوه

ام ندى تبكي: الله ينتقم من اللي خطفها الله ياخذه لو كان من يكون الله يخلص ابرار من يدهم

ندى تبكي: يارب الله ياخذ من كان السبب
.
.

براء : بالسعوديه

احمد تنهد: ايوه

براء بقهر: وانتوا اتسافروا

احمد: اكيد

براء: وانا بروح

احمد ضبح: كيف تجي وابوك

براء: مالي دخل شوف اي طريقه بروح السعوديه بروح

احمد: احنا بنروح انت لا تقلق

براء صرخ: اختي هذه اختي يا احمد بروح غصب عن الكل واذا مش معاكم مع اي طياره

احمد تنهد بقهر: طيب تعال معانا اجلس جنب الطيار وانا بلهي الكل ونتعامل على انك مساعد الطيار

براء: والطيار

احمد: خليه عليا

براء: طيب بعتمد عليك














📚 @rewayatyamania 🇾🇪

البـارت 105 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


عاصم فك رباط فمها: مالك

ابرار: احنا في السعوديه صح

عاصم ابتسم: كيف عرفتي

ابرار: المجله فيها علم السعوديه

عاصم: اصلا لو عرفتي ايش اتفعلي

ابرار: سلامتك بس حابه انام ممكن تنقلع

عاصم: نامي من ماسكك

ابرار: احلف

عاصم: نامي واسكتي مابش نزله من فوق الكرسي

ابرار: ما اوثق بوجودك ابدا
.
.

اريج بخوف: نور صل على النبي حبه حبه يا اختي خليني افهم وليش تبكي

نور تبكي: ابرار يا اريج خطفوها عصابه الهرماني

اريج بخوف صرخت: ايش

قمر خافت اخذت التلفون وخبيته والكل دخل
ابو عبدالله: مالك ايش في

قمر: لا تخافي يا قلبي قد خرج من الطاقه

ام عبدالله: مالكن ايش اللي خرج من الطاقه

قمر: فاري

سميره: اولا مابش فيران في البيت ثانيا الطاقه مغلقه

قمر تلعثمت: الا كان في واحد هنا وخرج من الطاقه وانا غلقت الطاقه من شان ما يدخل

ابو عبدالله: وهذا كله على فاري

قمر: احنا نخاف من الفيران

صدقوهم وخرجوا وقمر تنهدت براحه

قمر: مجنونه انتي كنتي اتفضحي نفسك والان قولي مابه

اريج بكت بخوف: جماعه الهرماني خطفوا ابرار

قمر خافت: من قال لش

اريج: نور

قمر رفعت التلفون لاذنها: نور

نور تبكي: ايش حصل

قمر: ولا شي قولي لي اللي قالته اريج صدق

نور : ايوه

قمر بكيت: كيف لوما

نور جلس تشرح لهم كل شي
.
.

ابرار: ممكن اسالك سؤال

عاصم تافف: اسالي

ابرار: انت قلت براء عايش

عاصم ضحك: وانتي زي الهبلا صدقتي

ابرار صرخت: وانت ليش تكذب

عاصم: لانو عارف انو واصل يتخيل لك انه عايش ولانو نقطة ضعفك استغليتك بهذه الكذبه الصغيره اعرف انها فرحتك بس السموحه

ابرار عصبت: وانت ايش عرفك انه نقطه ضعفي

عاصم: ندى كانت تقول لنا

ابرار بقهر: ما تستاهل تكون اخوها تعرف انت نذل وهي متبريه من امثالك

عاصم: لما تعرف اني انتقمت لابوها اتفتخر فيني
.
.

......: هل وصل لك سلامي

هادي صرخ: دع الفتاة وشانها حسابك معي انا ليس معها

.....: اذا حقا تريدني ان ادعها اترك شاحنات المخدرات تدخل الشاحنات مقابل ابنتك

هادي: انا ايضا استطيع ايجاد ابنتي ولن ادخل لكم شاحنه

......: اذا ترحم على ابنتك

غلق التلفون قبل ما يرد عليه هادي

هادي عصب وصرخ: يلا بسرعه اقلع الطياره

الطيار اقلع بطيارته وبراء جنبه ومحد شك فيه ابدا ووصلوا لارض السعوديه وبراء نزل وراح لفندق لحاله والبقيه فندق ثاني
.
.

يوم ثاني في العصر
نزلوا من السياره ودخلوا الفيلا نور دخلت طوالي بيتهم وغرفتها وجلست لوحدها ومحمد جلس عند المسبح مقهور انه ما راح معاهم السعوديه وام محمد وام معتز دخلوا الفيلا وجلست ام معتز تبكي وام محمد جنبها
.
.

عاصم: كلي مصممه للان ما تاكلي

ابرار: قلت مشتيش من اكلك كله انت سم هاري

عاصم جلس ياكل قدامها: طيب انا مش خاسر شي

.
.
ريم: كيف فجأة انشغلوا واختفوا

سلوى بهدوء: قلت لش معاهم شغل

ريم: في شي غيره وصورتك مش طبيعيه

سلوى: انا بس راسي شويه يوجعني

ريم: امه ممكن سؤال

سلوى تنهدت: خير

ريم: ابي متى تزوج قبلك او بعدك

سلوى: روحي غرفتك

ريم بقهر: ايش فيها لو عرفت

سلوى: تزوج قبلي والان انقلعي

ريم: في معي اخوه غير معتز

سلوى بقهر عليها: لا

ريم: ليش ما نشوفهم ونعيش معاهم

سلوى عصبت: ناويه تجلطيني

ريم بقهر: انتوا اللي اتجلطوني بكذبكم عليا

سلوى: احنا ما نكذب

ريم: ايش ايتغير لو عرفت كل شي ايش ايحصل

سلوى عصبت: بنت انقلعي من قدام عيني

ريم وقفت بقهر: طيب طيب
.
.

ندى: كيف حالك

تامر: انني بخير وانتي ولما ملامحك مرهقه

ندى بدموع: الا تعلم ان جماعه الهرماني قد اختطفوا ابرار

تامر بخوف: ماذا

ندى: وذهبوا الى السعوديه

تامر صرخ: والان ماذا انا سوف اذهب السعوديه

ندى: لا لاداعي لذلك فالجميع ذهب للبحث عنها

تامر: حسناً انني متعب سوف ادخل ارتاح قليلا

ندى: حسناً

دخل تامر شقته وجلس فوق سريره وغطس بنومه عميقه
.
.

سهيل: ومن هو موكل بخطف ابنه الوزير

....: شاب يدعى عاصم وهو ايضا كما سمعت بانه اخ اعز صديقه لابرار

سهيل انصدم:...













https://tttttt.me/rewayatyamania/37080




📚 @rewayatyamania 🇾🇪

💔

بـارتـات يـومنـا الاثنيــن 👆🏻😍