البـارت 82 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


نازل دخل هادي وشاف الكل موجود
هادي بدون نفس: سلام

انور واكرم: اهلا بالصهر

هادي جلس: اهلين فيكم

ريم وقفت: انا بطلع

هادي: اجلسي

ريم ما شافته: فيني نوم

هادي عرف انه عادها زاعله: طيب تصبحي على خير

طلعت ريم دخلت غرفتها اخذت صورت معتز وبدأت تكلمه
.

اكرم: طولنا عليك صح

هادي: لا ابدا بالعكس لو طولتوا هناك كان احسن

انور: كأنو مش مرغوبين بهذا البيت الا عند ريم

اكرم: المهم احنا ريعنا لك من شان نقول لك في عقد اجتماع مع وزراء اليمن ولازم احنا نمثل هذا الاجتماع

هادي ابتسم: وايش سبب الاجتماع

انور: يخص جماعه الهرماني وامساكهم

هادي: وليش انتوا لازم تمثلوا الاجتماع محد يحق له يمثل اي اجتماع غيري

اكرم: انت ما ينفع تمثل الاجتماع لانو غضبك منهم بعد اختطاف بنتك ايعمي بصرك

انور: والعداوه ايخليك تودي الدوله بداهيه

هادي وقف: مش هادي اللي يودي الدوله بداهيه لاتخافوا انا اقدر احمي بنتي واقدر احمي دولتي نفس لما خطفوا ابرار حميتها وحميت الدوله ومحد ايمثل الاجتماع غيري والان اسمحوا لي بطلع ارتاح لي تركهم وطلع

اكرم بقهر: عنيد

انور: عقلي زوجك واقنعيه

سلوى: والله انا مع زوجي واثقه فيه كامل الثقه

اكرم وانور خرجوا وهم مقهورين
.
.

صباح اليوم الثاني
الدكتوره: ام علي معك زياره

ام علي: من

كريم دخل: انا

ام علي بقهر وصدمه: ايش جابك اخرج

كريم: جيت اطلب منك السماح واذا رضيتي ترجعي معي

ام علي بكيت: بعد ايش بعد ايش اخرج من حياتي مشتيك خاين واناني

كريم جلس ومسك يدها: والله تغيرت وندمت سامحيني ويلا ارجعي معي من شان عيالنا

ام علي بقهر: عيالنا اللي حرمتني منهم سنين

كريم :فرصه اخيره والله

ام علي: من شان اولادي

كريم: كلمت الدكتور وقال انك بخير واقدر اخرجك

ام كريم: انا بخير من زمان بس من يسأل

كريم: يلا قومي عيالنا باانتظارنا خليهم يجوا من الدوام يتفاجأوا

خرجوا من المستشفى ورجعوا للبيت ودخلوا

نهى تشرب ماء: من جاء

كريم دخل: رغم انك ما تستاهلي تشوفي المفاجأة اول واحده بس مضطر لانك في الفيلا

نهى اقتهرت وقفت: انا بطلع ما بشوفها

ام علي دخلت: ما تشتي تشوفي امك

نهى وقفت مكانها وتجمدت ما قدرت تتحرك مش مصدقه اللي سمعته دقات قلبها تسارعت وازدادت دموعها نزلت بغزاره سمعت صوت امها اللي انحرمت من حضنها وحنانها سنين تظهر فجأة لتعلن وجودها

ام علي نزلت دموعها مشتاقه لهم ولريحتهم انحرمت منهم بعد ما تلقت بخيانه من اقرب الناس لها بعدهم زاد عذابها عذاب راحت لعندها وضمتها من وراء ظهرها وهي تبكي

ام علي: نهى صح

نهى لفت وضمت امها بكل شدة وكأنها تشتي تعوض كل سنين الحرمان اللي فاتت واللي احتاجته فيها: ايوه صح صح

ام علي مسكت بطنها: حامل يعني تزوجتي

كريم ونهى توتروا

كريم: لا ماتزوجت

ام علي انصدمت: كيف وهذا الورم ايش لاتكون تاعبه

نهى نزلت راسها: لا انا حامل

ام علي صرخت: كيف حامل ومش متزوجه رفعت يدها كانت بتعطيها كف

نهى غطت وجهها بيدها وكريم مسك يد ام علي

كريم وهو ماسك يدها: لا تظلميها اللي وقع غصب عنها

ام علي هدأت ودموعها سالت: نهى غصب عنك

كريم شرح لها كل شي ماعدا قصه اشرف ومعتز ونور وابرار بالمختصر ماعدا افتراء نهى على معتز

ام علي ضمتها ببكاء: كل هذا مريتي فيه يا قلب امك كم تحملتي

نهى ضمتها اكثر وبكيت: اشتقت لك يمه بكل دقيقه كنت احتاجك جنبي

امها: وانا الان جنبك ما بتركك

علي دخل: واخيرا كملت محاضراتي تعبت والله انا جاو ما كمل كلمته الا وشاف امه ونهى بس ما عرف امه رجع

كريم: علي تعال تعال

علي: في نسوان

كريم ابتسم: تعال اعرفك من هي اتمنى تعجبك مفاجأتي

علي استغرب وراح لعنده وهو منزل راسه

ام علي وقفت: على الاقل ارفع راسك انا اشوف ابني كم تغير وانت تشوف امك

علي رفع راسه بصدمه: امي شافها وعرفها طوالي

ام علي بكت بقهر: ايوه امك

علي نزلت دموعه بالم جلس طوالي يحب رجولها بكل لهفه

ام علي جلست ورفعت راسه وضمته وهي تبكي وتشم ريحته: اشتقت لك ياعلي اشتقت لك يا فرحتي الاولى ويا بكري ويا قوتي الله يحميك يا علي كم تمنيت اشوفك

علي مش مصدق للان كان ضامم امه بشده خوف يرجع يفقدها من جديد خوف يحس الاحساس المؤلم اللي حسه بموت اخوه اشرف ضمها بالم ضمه تعوض كل سنين الحرمان وكل سنين العذاب اللي تمنى فيها امه تكون جنبه خرج كلماته وهو يشهق: ك..كم .كم دورت عليش كم تعذبت بدونش كم تمنيت دعوتك كم حلمتك كم اشتقت لك

ام علي تبكي: والله ما نسيتكم من دعوتي والله والشاهد عليا الله















📚 @rewayatyamania 🇾🇪

البـارت 83 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ابرار: يلا بعدا جي عندي نذاكر

ندى نزلت من فوق السياره: اوكي

احمد شغل السياره سمع تلفونه ورد: هلا ايمن

ايمن: اهلين فيك

احمد: تاخرت بالاتصال

ايمن: اعذرني روحت تاعب بعد ما فعلت لواحد عمليه ورقد

احمد: عذرك معاك

ايمن: انا كلمت الاهل وقالوا يوم الخميس واحنا عندكم

احمد: نورتوا البيت بيتكم

ايمن: مع السلامه

احمد: بامان الله وغلق التلفون

ابرار: ايمن

احمد: ايوه ايجوا يشوفوا نور يوم الخميس

ابرار تنهدت: الله يكتب اللي فيه الخير

احمد: يارب ابرار ممكن اسالك سؤال

ابرار: تفضل
.
.

ريم: وقف هنا

براء: ايش تشتي من هذا المحل

ريم: في هنا تيشرت عجبني قوي اشتيك تشتريه يناسبك

براء: ومتى شفتيه

ريم: لما خرجت انا وامي هيااا

براء: طيب ننزل نشتريه واذا ما عجبني ما باخذه

ريم: اوكي ونزلوا
.
.

سهى دخلت البيت رمت الشنطه اخذت القلص والجاك وسكبت لها ماء لفت لعندهم وهي تشرب واشترغت

علي راح ويخبط ظهرها: الله الله دلا دلا كأنك شفتي جني

سهى: من هذه

كريم مسك ام علي: ......
.
.


ابرار: تفضل

احمد: جماعه الهرماني لما خطفوش بدبي

ابرار: مالهم

احمد: انتي وقتها قلتي للوزير هادي انه ما ينفذ طلبهم حتى لو قتلوش

ابرار: ايوه قلت

احمد: ايش كان طلبهم

ابرار بتردد: .....
.
.

ريم: هذا التيشرت

براء اخذه: حلو بقيسه وتركها وراح

ريم لفت وانصدمت بوجوده حست بصدمه وفرح جديد ازداد نبضات قلبها وهي تشوف اخوها معتز امام عيونها الدنيا حرمتها منه واهلها ما قصروا دورت وبحثت لكن لافائده والان القدر وضعه امامها كهديه تجمدت نزلت دموعها اندهشت.. شفايفها ترجف وهي تنادي بصوت واطي باسمه ومتقطع بكت اكثر مسكت قلبها بالم الفرح وصرخت باعلى صوت: معتتتززز

معتز شاف لعندها وهو مستغرب: .....

.
.

كريم مسك ام علي: زوجتي

سهى طاح القلص اللي بيدها وصرخت: اييييش

كريم: زوجتي

ام علي تشوفها وتبكي ومتشوقه تعرف ردة فعل بنتها

سهى بكيت: حرمتنا من امنا واحنا اطفال ومحتاجين حنانها والان تجي تقول اتزوجت كيف تتزوج كيف تدخل بحياتك واحده غير امي ما نشتيها قول لنا وين مكان امي واحنا انروح لعندها وانت عيش مع هذه براحتك

علي ضحك: سهى اهدئي هذه...

سهى صرخت: ما بهدأ ما بهدأ انتوا عاجبكم الوضع

نهى: سهى هذه امي ابي رجعها لنا

سهى سكتت مش مستوعبه كيف امها هي حتى ما تعرف شكلها كبرت بدون حنانها وطيبتها تمنت بكل لحظه تشوفها انصدمت وتجمدت نزلت دموعها بغزاره

ام علي بكيت فتحت يدها لها حتى تجي وتضمها الوحيده اللي تركتها وهي صغيره وعمرها ما تجاوز 4 سنوات والان امامها بنت بربيع شبابها

سهى شافت امها فتحت لها يدها شهقت وجرت طنشتها وطلعت غرفتها والكل مستغرب ليش ما ضمت امها

دخلت غرفتها وغلقتها وجلست ارتكت على الباب بشهقات الم

الكل طلع بعدها يشوفها وامها تبكي

علي يدق الباب: سهى اطلعي

سهى صرخت بشهقات: روحوا من عندي يكفي انا ما اشتيها ما اشتيها

كريم مقهور: انتي قلتي اجيب امك

سهى تبكي: ايوه قلت اشتيها بس مش الان انا تعودت بدونها خلوها تروح تركتني وانا طفله وراحت كلكم كنتوا اتعرفوها الا انا.. الام اذا راحت تاخذ اطفالها احتجت لها كثير ليش ما اخذتني معها تركتني والان رجعت لعندنا ليش تركتنا ليش

نهى تبكي: هي تحبنا اطلعي اشتاقت لك

سهى صرخت باعلى صوت: ما تحبني ما تحبني ليش تركتني وينها لما كنت اشتاق لها وينها لما كنت اشوف صديقاتي بحضن امهم واغار واقول اشتي ام مثلهم الكل يسالني وين امك ما كنت اعرف ارد اقول لهم تركتنا وراحت بعد حالها تخلت عني وانا عمري 4 سنوات وصرخت اكثر ما اشتيها خلوها تخرج انا ما اعرف حنانها والان مش بحاجتها

ام علي جلست وهي تبكي: ما تركتك ياسهى والله ما تركتك افتحي لي الباب وخليني اضمك

سهى حطت يدها فوق عيونها وتشهق: الا تركتيني وتخليتي عني وما رجعتي وسالتي ما حطيتي يدك فوق راسي لما انجح وتقولي انا فخوره بك ما جيتي تشاركيني افراحي تركتيني اعاني بدونك ليش رجعتي روحي انا ما احتاجك

كريم نزلت دموعه: سهى انا اسف انا كذبت وقلت لك انو هي تركتك بس بالحقيقه هي ما تركتك انا هربتكم من عندها من شان ابعدكم عنها

سهى نزلت يدها من فوق عينها بصدمه










https://tttttt.me/rewayatyamania/37080



📚 @rewayatyamania 🇾🇪

البـارت 84 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


فقط انـظر الى عـيني وهي سـتخبرك عني..كم اصبحت منكسرا:حزينا: تائهآ: غائبا:هاربا حتى من النظر في وجوه الاخرين خوفا من ان يقـرأوها...!!؟


ابرار بتردد: هادي مسك شاحناتهم اللي كانوا يشتوا يدخلوها اليمن

احمد: ايوه

ابرار: الشاحنات كان فيها مخدرات مش قليله 5 طن

احمد انصدم: خمسه طن

ابرار: ايوه وهادي ما سلمها للدوله من شان يحرقوها والسبب انهم يهددوه فيني هو حقق مع سائقين الشاحنات وما اعترفوا حتى تحت انواع التعذيب من اصحاب المخدرات

احمد: كملي

ابرار: هددوه فيني هادي قال ما ايسلم المخدرات للدوله من شان يتخلصوا منها الا بعد ما يمسكهم اتصلوا له وهادي عرف انهم جماعه الهرماني وبدأ مخططهم تدمير اليمن بدخول اكبر كميه من المخدرات

احمد: وعلى ايش ناوي هادي

ابرار: بيسلم المخدرات للدوله ولكن بعد ما يمسكهم

احمد: وليش ما يسلمهم الان

ابرار: لسببين

احمد: اللي هم

ابرار تنهدت: السبب الاول على شان لو سلمهم المخدرات بدون ما يسلمهم صاحب المخدرات ايتخلصوا من المخدرات بدون ما يتحاسبوا من اصحابهم لانو ما معه دليل يثبت انهم جماعه الهرماني وهو يشتي يمسكهم بدليل من شان يحاسبهم وينقذ اليمن والدول العربيه منهم

احمد: طيب السبب الاول الدليل والثاني ايش

ابرار: الثاني تهديدهم له فيني يااما يدخل الخمسه طن من المخدرات لداخل الدوله لانه بيده مخبي لهم او ايقتلوني

احمد تنهد: وهو اكيد مش قادر لايفرط بدولته ولا يفرط بك

ابرار: مشكلته مش سهله
.
.

معتز شاف لعندها وهو مستغرب بس مالقي احد: عفوا في حد نداني

العامل: انا سمعت واحده صرخت معتز

معتز متعجب: يعني مش بس انا اللي سمعت وبدأ يدور


خلونا نرجع لقبل دقيقتين
خرج براء من شان يوري ريم شاف نظراتها ودموعها وفمها يرجف وصدمتها واندهاشها استغرب شاف للمكان اللي تشوف فيه وشاف معتز توتر ما عرف كيف يفعل سمعها لما صرخت معتز راح بسرعه مسك فمها وخباها وراء تعليقات الملابس

ريم خافت كانت تحاول تبعد يد براء من فمها

براء بصوت واطي: ريم اهدئي

ريم عرفت صوته وانقهرت حاولت تفك نفسها من بينه لكن لافائده بجسمها الضعيف امام جسمه الصلب
.
.
عند معتز طرح التيشرت من يده وراح يدور من البنت اللي نادته قرب منهم كثير شاف وراء تعليقات الملابس وجود بنت وولد والبنت تحاول تقاومه بس ما شاف وجههم قرر يروح لعندهم ليتاكد هي نفس البنت وقرب منهم

براء وريم شافوا معتز قرب ريم فرحت وبراء توتر ريم عضت براء بيده من شان تنفك وبراء غمض عيونه بالم وقاوم وحاول انه ما يفك يده ريم فرحت اكثر وبراء توتر اكثر لما شافوا يد معتز انحطت فوق البدله من شان يبعدها ويشوف

معتز شافهم مسك البدله من شان يسحبها ويشوف من اللي نادته وهو يسحب البدله قطع عليه صوت رنة تلفونه خرج التلفون ورد ولف عليهم

براء فرح استغل الفرصه سحب ريم معه حاسب العامل قيمه التيشرت اللي فوقه وخرج ودخل ريم في السياره من وراء والكل مستغرب ليش ماسكها هكذا
.

عند معتز
كمل اتصاله وسحب البدله شافهم مش موجودين تنهد واخذ له الملابس وخرج

براء بعد يده من فمها: ايييي الله اكبر عليش كلبه انتي او ايش الان ايجيني تسمم

ريم بكيت بقهر: ليش فعلت فيني هكذا يا براء ليش حرام عليك تحرمني منه

براء شاف معتز خرج رجع مسك فمها ودنى: هشششششش

شافه طلع فوق سيارته وراح وفكها

ريم كانت تضربه: حرام عليك يا براء حرام ايش سويت انا لما تعاقبوني وتحرموني منه يكفي اكرهك اكرهكم اكرهكم

براء: ريم اهدئي انا حاسس فيش بس ما ينفع

تجمعوا رجال ودقوا السياره وطلبوا من براء ينزل

براء نزل: تفضلوا

احد الرجال: ليش كنت ماسك البنت هكذا من هي

براء: اختي

الرجل الثاني: وايش يضمن لنا انها اختك وانت كنت هكذا ماسك لها

براء: اذا مش مصدقين اسالوها

الرجال شافها: صدق انتي اخته

ريم مقهوره من براء: لا مش اخي ولا اعرفه اول يوم اشوفه

الرجال مسك رقبه براء: حسابك معنا

براء مسك يده بحده ودهفه: اذا قلت اختي يعني اختي

الرجال: هي نكرت كيف نصدق

براء اخذ شنطه ريم وخرج منها بطاقه المدرسه وخرج بطاقته مسك يد الرجال وحطها بكل قوته :اسمي واسمها شوف

الرجال شافوا نفس الاسامي

الرجال بصدمه: انتوا عيال الوزير هادي

براء: عيال الوزير او غيره الان عرفتوا انها اختي شكرا على حمايتكم والان مع السلامه

الرجال: اسفين

براء ابتسم: عادي لو مكانكم عملت نفس الشي طلع فوق السياره وراح

براء ضحك: مجنونه نكرتي اني اخوش كانوا ايفعلوا لنا مصيبه واني اشتي اخطفك

ريم تبكي بقهر: هذا اللي كان مطلوب
.
.

سهى نزلت يدها من فوق عيونها بصدمه: انت

كريم: ...














📚 @rewayatyamania 🇾🇪

البـارت 85 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


سهى نزلت يدها من فوق عيونها بصدمه: انت

كريم: ايوه انا

سهى قامت بكل هستيريه وفتحت الباب وكانت تضربه بصدره: تكذب صح تكذب عليا

علي: لا يا سهى ما يكذب

سهى تبكي بحرقه: وكلكم عارفين ولا تقولوا لي ليش ايش وشافت لعند ابوها ليش لما كنت اقول لك وديني عند امي كنت تقول هي تركتك وراحت ليش لما اقول لكم حرمتوني من امي تقولوا كان برضاها ليش تكذبوا عليا

نهى بقهر: ابي طلب مننا ما نقول لك الحقيقه من شان ما تكرهيه وكنتي صغيره ما اتتحملي الصدمه

سهى صرخت: والان لما عرفت الحقيقه حبيت ابي صح حبيته دخلت غرفتها وغلقتها بقوه روحوا من عندي اكرهكم كلكم

كريم بقهر: خلونا ننزل هي اترتاح وتتقبل الحقيقه

ام علي تبكي: كذبت عليها يا كريم خليتني بعيونها انا الشريره وانت الملاك خدعتها فيني شوهت صورتي عندها اني الام المهمله والام الخبيثه

علي مسكها وهو مكبود: تعالي ننزل كل الامور اتنحل ان شاءالله ونزلوا كلهم
.
.

ابرار دخلت المطبخ وصرخت: ايش الغداء اليوم انا جاااااوعه

امها مغطيه على اذنها: قصري صوتك في من كل شي

ابرار وطت صوتها: كل شي طيب خاله اكيد فعلت لنا زربيان

ام محمد: لا ما سويت

جلست ابرار بتحسر: انتي وعدتيني تسوي كل مره وما تسوي

ام محمد: لان الانسه نور جرحها ما تعافى سوا وتعرفيها اتهجم فوق الزربيان قدرت تقاوم كل الكلات الممنوعه منها بس الزربيان ما اتقدر اعرفك انتي وهي ماترحموا هذه الاكله

ابرار ضربت نور: متى يشفى جرحك هذا امرضتيني جنبك

نور ترد لها الضرب: ايش دخلك من جرحي متى ما طاب طاب باقي شويه تحملي اسبوع عاد

ابرار شهقت: اسبوع لا لا سووا لي بالخفى اوعدكن ما تعرف

ام معتز ضحكت: اتشوفنا ندخل المطبخ اتلحق بعدنا

نور: بقي اسبوع وبعدها بجلس شهر كامل اكل زربيان

ام محمد: قومي قدمي الغداء ورجع سهل

ام معتز: يلا ابرار ساعدي نور

ابرار: رغم انها ما تستاهل بس يلا نرحمها

نور دعست رجلها: رحمتك جنيه وتاخذك من عندي

ام محمد عصبت: بس انتي وهي شغلين يدكن بدل لقفكن

ابرار ونور سكتين وبدأين يقدمين الغداء

.
.

نزلت من السياره وضربت الباب بقوه دخلت الفيلا وبراء لحق بعدها ومسكها وقدي في الدرج

براء وهو ماسكها: ريم افهميني

هادي: ايش فيكم انتوا الاثنين

ريم صرخت: ما افهم احد والان انقلع من قدامي مشتيش اشوف وجهك

سلوى خافت: ريم ليش تبكي

ريم تشهق: ولا شي بس خذو هذا من قدامي

هادي: ريم ما ينفع تقولي هكذا لاخوش

ريم صرخت بعصبيه: مش اخي انا اكرهه اكرهه هو حرمني من اخي ليش ما يحرمني من نفسه مثل معتز

هادي انصدم: ماله معتز

ريم: ما معي اخ الا معتز وحرمتوني منه زيدوا خذوا هذا واحرموني منه لاني مشتيش اشوفه

سلوى عصبت: براء مال اختك

براء بقهر: شافت معتز اليوم في المول وكانت اتروح لعنده

هادي عصب: مجنونه انتي

سلوى: طيب راحت لعنده وشافها

ريم صرخت: ايوه مجنونه اذا لقاء الاخ جنون فانا اكبر مجنونه بالعالم ولاتخافي يمه ما شفته براء مسكني وما سمح لي اشوفه

سلوى وهادي: الحمدلله

ريم اقتهرت: الحمدلله لاني ما شفته صح لانه محرم الاخ يشوف اخته عيب سمعه لبيت الوزير هادي انو الاخت تشوف اخوها

براء اقتهر من كلامها حس انها تخرج اللي بقلبه وبقلبها نزلت دمعه وابتسم: بهذه صدقتي بيت الوزير هادي محرم الاخ يشوف اخته والاخت تشوف اخوها

ريم فهمته غلط: اها يعني محرم دهفته بكل قوتها من الدرج للارض وصاح بالم لانه كانت المسافه بعيده في الدرجات الاخيره مش الاولى

سلوى وهادي خافوا وحملوا لعنده ومسكوه وهو ارتفع شويه وشاف لعند ريم بقهر لانه حاسس احساسها

ريم وهي تبكي: ما بسامحك يا براء حرمتني من اخي وجعت لي قلبي قهرتني ودفنتني بيدك اليوم ما بسامحك مثل ما اشعلت الوجع بقلبي بوجعك فيني وهذا وعد وعد يابيت الوزير هادي مثل ما وجعتوني بتفريقكم عني باخي باوجعكم بنفسي ودخلت وغلقت الغرفه

براء خاف عليها قام بالم: بروح اشوفها اتفعل شي لنفسها

هادي: انت اجلس بطلع انا وامك

براء يطلع الدرجات الاولى: مجنونه اتفعل اللي براسها وطلعوا بسرعه

عند ريم مسحت دموعها بعنف كسرت المرايه وهي مش مستوعبه اهم شي عندها تقهر اهلها مثل ما قهروها اخذت قطعه من المرايه وقطعت وريد يدها

براء يدق الباب: ريم افتحي بدون جنان

ريم تبكي: والله بقهركم مثل ما قهرتوني هكذا تحرموني بمعتز طيب بحرمكم مني

براء كسر الباب ودخلوا وانصدموا

براء مسك ريم: ايش فعلتي يا مجنونه

ريم بدأت تدوخ: بقهركم

هادي فتح درجها واخذ شالها ولفه على يدها: خلينا نوديها المستشفى

براء شلها: انزل شغل السياره نزل هادي وبراء بعده وسلوى تبكي بحرقه على بنتها










https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 86 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ابرار: ماهو ماهو ماقلتي

ام معتز ابتسمت: عمش رجع عمتش يلا نلبس ونروح

نور فرحت: الحمدلله على الاقل ايفرحوا بعد كل هذك المشاكل

ابرار: هيا نور البسي نروح

ام محمد: وجيبي حقي البالطو معش
.
.

ام علي: طيب واشرف وينو ليش للان ماجاء

الكل سكت ما عرفوا ايش يردوا خافوا من ردة فعلها وتوتروا

ام علي: مالكم ساكتين ردوا عليا

كريم بتردد: ادعي له بالرحمه

ام علي مش مستوعبه: كيف يعني

نهى بكيت: الله يرحمه مات

ام علي مسكت قلبها وصرخت: اييييش متى هذا

علي: له شهر ونص

ام علي اشتعل نار القهر بقلبها اكثر كانت تشوف كل شي حولها يدور شافت كل شي ضباب وتسمع كل شي خيال داخت والكل خاف ونهى رشت ماء عليها وصحيت

علي بقهر: امه صل على النبي الله يرحمه يحتاج دعواتنا

ام علي تبكي: ايش وقع وايش حصل فرحت اجي اشوف عيالي واحده مغتصبه والثاني ميت والثالثه تكرهني انا ليش هذا يحصل معي انا ياربي ايش غلطت لما احصل هذا العقاب

كريم بقهر: استغفري ربك ما ينفع تقولي هكذا

ام علي تمسك قلبها وكانها لو مسكته اتهدأ من وجعه: ولدي انحرم منه سنين وقبل ما ارجع لكم بشهر ونص تركني ليش ما رجعتني يا كريم قبل ما يموت ليش ما رجعتني قبل ما يودع الدنيا كنت اتخليني اودعه ليش تاخرت يا كريم ليش

كريم: حق الله وانا والله مش عارف كيف اطلب منك السماح

ام علي بدموع: ما اسامحك وقلت لك ما بسامحك رجعت من شان عيالي اغلاطك ما تنغفر ما هيش بسيطه حرمتني من اولادي بعد ما طعنت قلبي بخيانتك

كريم تنهد: معك حق والان مرة هادي والجهال ايجوا

نهى وقفت: بكلم الشغاله تجهز الضيافه
.
.

ام ندى تبكي: هلا وغلا بروح خالته طولت عليا وقطعت الزياره عمرك ما عملتها

سام يحب يدها: سامحيني يا خاله بس والله بين اجي بالسرقه اشوف امي وخواتي

ام ندى: وين جالس وايش تاكل وايش تشرب وين ترقد ومن بيغسل لك ثيابك من يطبخ لك

سام ابتسم: حبه حبه لا تقلقي بين ارقد بالمحل اللي اشتغل فيه واكل من المطعم واغسل ثيابي من نفسي

ام ندى تمسح دموعها: عيب علينا احنا موجودين وتروح المحل من اليوم اتجلس عندنا

سام: مافي داعي انا مرتاح

ام ندى: والله والله انك اتجلس عندنا وانا حلفت روح عملك وارجع عندنا

سام: يا خاله ما ينفع وندى تشتي تجلس براحتها ما اترتاح بوجودي

ندى تركت القلم: بالعكس والله اني ضابحه وعاصم ما يجي الا اخر الليل ويخرج الصبح وبعدين انا واصل محتشمه وبين البس ارواب وطرح متعوده لا تقلق والله انو برتاح على الاقل القى من يذاكر لي

سام ضحك: مصالح

ندى: ايوه اتذاكر لي غصب عنك

سام: بس قد نسيت المنهج

ندى: اقراه وانت اتتذكر

سام: مافي مهرب

ندى: ابدا

سام ضحك: اذا تم والله يعينكم على هرمي

ام ندى ابتسمت: احلى هرم
.
.

الدكتور خرج: الحمدلله على سلامتها ما نزفت دم كثير مافي داعي تقلقوا

براء: اقدر ادخل اشوفها

الدكتور: اذا كان سبب انتحارها انهيار ما تقدر لانو اتكون نفسيتها مش تمام

هادي: يعني تحتاج دكتور والا شي

الدكتور: قصدك دكتور نفسي

هادي: ايوه

الدكتور: طيب كم لها على نفسيتها وهذه المره الكم تنتحر

براء: اليوم اول يوم كل مره طبيعي ومرحه بس سمعت خبر ما عجبها وانتحرت اول مره

الدكتور: اذا مافي داعي لدكتور نفسي انتوا حاولوا بس تحسنوا المعامله وكمان تبعدوها عن المشاكل ونصيحه مني ياحضرة الوزير الامور السياسيه لا تخليها تاثر بعائلتكم لانو اياثر عليها سلبيا

هادي: ان شاءالله

براء: حابب اشوفها

الدكتور: اذا في لك علاقه بانهيارها انصحك ما تشوفها

براء بقهر: طيب ما بشوفها

الدكتور فهم ان له علاقه: طيب واتمنى اللي يروحها الوزير اذا هو مش مشغول

هادي فهمه: متى نروحها

الدكتور: بعد 6 ساعات تركهم وراح

هادي اتصل لسلوى وطمنها وهي اطمنت راحت لغرفتها ترتبها وتجهزها
.
.

نهى فتحت الباب: هلا وغلا نور البيت

نور ضمتها: منور بااهله

ابرار دهفتها: لصقتي عرضها انتي او كيف وضمت نهى كيف قدك

نهى ابتسمت: دامكم جنبي انا بخير

ام معتز وام محمد سلموا عليها والكل دخل

وقفت ام علي وضمت ام معتز: الف الحمدلله انك جيتي اشتقت لك وبحاجتك

ام معتز نزلين دموعها: والله فرحت لما قالوا لي رجعتي ماتقدري تتخيلي فرحتي بك

ابرار تضم عمتها: الان بيت عمي نور من صدق

ام علي باستها: من يوم يومه منور لانك موجوده وينو معتز

ام محمد تسلم عليها: خارج هو وعلي

ام علي: ابرار ناديه اشتقت له

ابرار: عيوني وخرجت

معتز: كيف اشوفها وانا قتلت ولدها

علي...
















📚 @rewayatyamania 🇾🇪

البـارت 87 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


معتز: كيف اشوفها وانا قتلت ولدها

علي عصب: معتز والله لو ما تبطل هذه الكلمه ما تشوف خير

ابرار وصلت: استاذ معتز يعني تشتي استدعاء من الوزراء والرؤساء من شان تدخل تسلم على عمتك

معتز: البنت خيالها واسع قالت وزراء اسكتي نهايتك مطبخ وعينك على الحكومه

ابرار بقهر: انشوفك يا فالح ايش اتكون بالمستقبل

معتز بثقه: اكبر دكتور جراح

ابرار تنتقم: اكبر دكتور فلاح مش جراح الله اعلم يقبلوك بيطره او لا

معتز عصب: بيطره ناقص انا حيوانات غيرك

ابرار: تعرف انهم ايقبلوك طوالي لانك من فصيلتهم اتفهمهم على طول ما اتتعب واتعالجهم

علي قرح ضحك: في الجبهه واحد صفر

معتز بقهر: ايوه صح بين افهم الحيوانات بسرعه والدليل اني بين افهمك انت وهي

علي: انت تفهمنا مش لانو احنا حيوانات لانك تربيت ببيئه الانسان تعودت

معتز: لاتنسوا دمكم من دمي هي اختي وانت ابن عمي يا اما كلنا حيوان او كلنا انسان

ابرار: يا بيطري جاوب عمتي ودخلت ومعتز متحلف لها ودخل بعدها

ام معتز: مالك

ابرار ماسكه لها: خبيني بس

معتز دخل: لا تهربي نهايتك على يدي

ام معتز: ما فعلت بك

ابرار خرجت راسها: قلت له الحقيقه

ام محمد: اي حقيقه

ابرار رجعت تخبي راسها: انه ايكون بيطري

معتز اقتهر والكل ضحك
معتز يسلم على عمته: هلا وغلا بالغلا كله

ام علي قبصت اذنه: اي غلا لك ساعه خارج وما دخلت تسلم

معتز يمسك يدها: اي اي كنت بدخل بس علي مسكني

ابرار تخصرت: تعرفوا من يمسكوا هكذا

الكل: من

ابرار: الحيوانات

معتز وقف وابرار هربت وهو يلحق بعدها دخلت المطبخ وغلقت والكل يضحك عليهم

معتز: لو مره حميشه اخرجي

ابرار: الحيوانات تفترس الانسان

معتز عصب: بس انا اليف

ابرار: ايوه يعني اعترفت انك حيوان

الكل قرح ضحك ومعتز اقتهر

معتز: والله ما راحت لك

ابرار: روح يلا خليني اخرج

معتز: اخرجي يا فجوعه

ابرار خرجت وبيدها المحواش: لو تقرب بضربك

معتز يقرب منها وهي تخبطه وهو يرجع بالاخير مسك المحواش وسحبه من يدها ومسكها
معتز: من الحيوان

ابرار: علي يصيح لك

معتز تركها وراح يجاوب علي خرج من الفيلا

ابرار لحقته: الحيوان اللي يصدق وغلقت باب الفيلا وهم يضحكوا

معتز عصب: علي انت صيحت لي

علي: لا من قال لك

معتز بقهر: عملها معي في البيت

علي ضحك: ابرار صح

معتز: في غيرها

نور: وين سهى ليش ما تنزل

ام علي بقهر: عادها مصدومه بوجودي ما تقبلتني

ابرار اقتهرت: انا بروح اشوفها

نور: وانا بجي معك

نهى: وانا كمان وطلعين البنات

ابرار دقت الباب

سهى صرخت: قلت مشتيش احد افهموا

ابرار: انا ابرار

سهى: انتي ومن

نهى اشرت لابرار انها ما تتكلم

ابرار: انا ونور

سهى وقفت وراحت تفتح الباب شافت نهى وكانت بتغلقه

نهى مسكت الباب: سهى خليني اكلمك شويه

سهى تدهف الباب: مشتيش

ابرار: من شاننا

سهى فتحت ودخلت والبنات دخلين
سهى بقهر: نهى لو سمحتي لا تجيبي اي مبررات

نهى: جيت وانا مقرره اقول لك كل الحقيقه

سهى: مشتيش اسمع منك شي

ابرار: مش منها من عمتي تعالي انزلي

سهى: مشتيش

نور: قومي واذا ما اقتنعتي ارجعي

ابرار: ووعد محد يجي عندك

سهى: طيب ونزلين

ام علي وقفت بدموع وضمت سهى: اشتقت لك كيفك سهى لا تحرميني منك يكفي السنين اللي فاتت

سهى ما بادلت امها الحضن: قولي لي كل الحقيقه

ام علي جلست وجلست سهى جنبها: سهى حبيبتي انا ما تركتك انا كنت معاكم بس ابوش الله يهديه خانني مع بنت عمي وانا لما عرفت حقيقتهم قلت له اتركها وهو ما رضي يتركها طلقني وانا كنت باخذكم بس هو سحبني من يدي وخرجني من عندكم وقتها اهلي فعلوا حادث وتوفوا لان السياره اتفجرت فيهم بقيت لوحدي في بيت ابي والناس ما ترحم كلامهم هذه مطلقه ولاني وحيده كانوا يشتوا يستغلوني بعض حثاله الرجال وانا كنت ارفض واحد تهجم عليا وانا من شان احمي نفسي قتلته حبسوني وتوحد ودخلت بحاله بعد خروجي من السجن ابوكم جاء واخذني لمستشفى المجانين كانت حالتي في البدايه وتعالجت بسرعه علاجي كان خلال شهرين قرروا لي خروج خرجت جيت لهنا قالوا انكم انتقلتوا وخارج اليمن رجعت المستشفى ما رضيت ارجع البيت والسبب مشتيش امر اللي مريت فيه من قبل مشتيش كلام الناس تقول مطلقه ووحيده من جاء دهف رجله ودخل خفت من الناس رجعت المستشفى وجلست هناك سنين وانا بصحه وعافيه وقبلوني للان جاء ابوش واخذني ورجعني

سهى بكيت وضمت امها: كل هذا مريتي فيه اسفه اسفه ما كنت عارفه

ام علي باستها: ليش تتاسفي انسي اللي فات والان خلينا نعوض السنين اللي فاتت

ابرار تمسح دموعها: ماشاءالله عليش قويه

نور تبكي: ايوه اللي مرت فيه مش قليل












https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 88 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


في الليل
سلوى فتحت شافت ريم مدكيه على كتف ابوها بكيت وضمتها طلعتها لغرفتها

سلوى: جاوعه ادي لش شي تاكليه

ريم بارهاق: لا بس اشتي ارقد

سلوى:وطيب ياروحي تركتها ونزلت

براء: ايش قالت ايش اتاكل

سلوى: ما رضيت تاكل شي قالت تشتي ترقد

هادي: براء خليك بعيد عنها لما تهدأ

براء خرج بقهر واتصل لاحمد وراح لشقتهم

احمد: هلا

براء بتعب: وصلت قبلي

احمد: اصلا انا كنت هنا مال صورتك تاعب

براء ارتجم على الكنب: انا تعبت يا احمد شوف لي حل

احمد قلق: ليش ايش حصل

براء شرح كل شي لاحمد

احمد اقتهر: والان كيف قدي

براء: عادهم ادوها من المستشفى وتاعبه

احمد: هي كم ما جلست اتتفهمك واتعرف انك تتعذب مثلها

براء تنهد: ما عاتبتها ليش فعلت هكذا لاني مجرب شعورها هي نفسي تشتي تضم معتز نفس مانا اشتي اضم ابرار تشتاق له مثلي محرومه منهم مثلي انا تعبت يا احمد خسرت معتز وخسرت ابرار اليوم خسرت ريم ما اقدر اتحمل اشوفها مقهوره اعمل المستحيل من شان ما تنقهر وعلى شان تضحك وتكون سعيده اقول على الاقل هي ترتاح بيننا من بين عيال هادي كل واحد له حزنه قلت هي تعوض بدل اخوتها بين ارسم لها الفرحه والسعاده لي ولها ولمعتز وابرار لاني لما اشوف حد من اخوتي مرتاح ارتاح انا ما بقي لي غيرها بس هي انانيه اتتركني مثلهم ماعاد اتحمل امي ومعتز وابرار والان هي على الاقل هي ترحمني وتقول ما بتركك وانا وانت انواجهم ونقابل اخوتنا بس هي راحت بعدهم عاد انا خلاص بقيت وحيد تخيل اليوم ابي يقول لي لا تخليها تشوفك ولا تقرب منها وضحك بقهر الان دورها حرمني من ابرار ومعتز واليوم ريم ايش عاد بقي لي ايش

احمد بقهر: هي مش انانيه هي بس فكرت انك تشتي تبعدها عن اخوها ولما تعرف الحقيقه صدقني اتفهمك ولا تصدق كلمه ابوك انت بس روح وحاول تقنعها لا تسمح لها تبتعد عنك روح يلا قوم وخلصني

براء وقف: طيب بروح
.
.

صباح اليوم الثاني
دخل وشافها نايمه جلس جنبها: ريم ريمو يا قلب براء اصحي اتتاخري على المدرسه

ريم حركت راسها بانزعاج: تاعبه ما بروح

براء: طيب قومي انا وانتي نتمشى

ريم استوعبت انه براء وقفت بسرعه: براء اخرج من عندي اخرج وجهك مشتيش اشوفه

براء: ريم اجلسي واهدئي وخليني افهمك

ريم صرخت: ايش تفهمني كل شي مفهوم انت مش من بني ادم قلبك مش قلب انسان انت قلبك قلب حجر انسان بدون رحمه خبيث واناني اخرج انا مش اختك غاسله يدي منـ...

براء حط يده فوق فمها: لا تقوليها لا تخليني اخسرك

ريم دهفته: انت اصلا خسرتني

براء بقهر: ريم انا حاسس بك وعارف شعورك

ريم صرخت: انت مش حاسس فيني ولا تشعر بي انت مش اخ مش اخ تشوف معتز قدام عينك وتطنشه اي اخ انت

براء دمعين عيونه وخرج العبره بخنقه: صح انا ما احس بك يا ريم لانو انتي الوحيده اللي محرومه من اخوش بس انا لا مش محروم منه صح انا ما اشعر بك لان قلبك يشتاق لاخوش بس انا قلبي ما يشتاق ايوه يا ريم انتي بس اللي قلبك مقهور لانك بعيده عن معتز بس انا لا تشتي تعرفي ليش يا ريم لانو معتز بس اخوش لحالش وانا مش اخي صح تركها وخرج من الغرفه ومن الفيلا باكملها

ريم جلست فوق سريرها اقتهرت لما شافت دموع براء عجزت عن الكلام وعن الرد عليه مسكت قلبها بقوه ونزلت دموعها بغزاره: الله ياخذني الله ياخذني انا ايش قلت له ما معي عقل انا كيف جرحته اكيد هو مقهور مثلي معتز اخونا الاثنين اكيد هو مثلي مقهور وهو يحبه اكثر مما احبه انا وجلس مع معتز باصعب ايامه واثبت براءته اذا انتي ياريم عرفتي معتز من شهر ونص هو من سنين الله ياخذك يا ريم قسيتي على براء

اما براء كان يسوق سيارته كل مامسح دمعته نزلت بدلها عشره اول مره يشعر بهذا الضعف تحمل الكثير الدنيا ما رحمته ولكن تعلق باخته ريم واليوم اخته اصبحت ظالمه كدنيته
.
.

سمير: الو

سميره: هلا

سمير: اسمعي المحامي جاء من خارج اليمن وجلس فتره اليوم ايجي يكلم ابو عبدالله ضروري تكوني موجوده جنبه من شان الارث

سميره: متى ايجي

سمير: قدو بالطريق

سميره: بس انا بروح المدرسه

سمير: اليوم غيبي

سميره: تمام وغلقت التلفون

قمر: هيا

سميره: روحي انتي انا اليوم ما اتاسيرش

قمر: طيب تركتهم وخرجت

وقفت وهي تشوفه واقف راحت لعنده: ليش جيت

براء ما تحمل نزلت دمعته: مدري فجأة لقيت نفسي هنا

قمر خافت عليه: براء فيك شي

براء: لا ولا شي كيف ابوش تعدل او لا

قمر: لا تغير الموضوع قول لي كم تحملت من القهر

براء: ما فهمت اي قهر

قمر: براء الرجال ما تنزل دمعته الا من شدة القهر

براء مسح دمعته: طيب واذا قلت لك مقهور كيف تداويني

قمر انحرجت وابتسمت: بفك الحظر عليك كلمني واتس تركته وراحت

اما هو حس انه ارتاح كثير بعد ماشافها لهيب انطفأت من ابتسامه















📚 @rewayatyamania 🇾🇪

البـارت 89 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


في العصر
ابرار صرخت: قلت في الفيلا

نور نفس الصراخ: وانا قلت في بيتنا

محمد يغطي اذنه: اندخلهم المسبح بس اسكتين

احمد ضحك: يا خاله سدي بينهم

ام معتز: من رأيي بالفيلا

ام محمد: لا في البيت احسن

معتز خفع احمد: اول شي تسد هي وامك وارجع يسدين البنات انا من رايي بالمسبح على ما قال محمد

احمد: والنظره الشرعيه فوق الشجره صح

نور شهقت: ايشوف نظره شرعيه

محمد: شي طبيعي

نور: لا ياروح امك قده يعرفني مافي داعي

ابرار: الصدق حقك النظره الشرعيه كانت محلله الناس محتشمين وانتي شافك بكلك كانك حلاله

نور انقهرت: كانت عمليه مش بيدي

ابرار: مادام انه اعجب فيش اكيد عد شعر راسك

محمد يشتي يحرج نور: والشامات

نور بكيت: الله ياخذكم اسكتي

الكل ضحك عليها

احمد: خلوا اختي في حالها بدون احراج

نور تمسح دموعها: كلمهم مثل البهايم ما يفهموا

احمد: خلاص نستقبلهم بالفيلا

نور: في البيت احسن

ام معتز: طيب في البيت بس اعذروني اذا زعلت منكم

ام محمد: خلاص بدون زعل انفعلها بالفيلا

ابرار بفرح: يسسسس
.
.

في الليل
الكل يجهز لجية اهل ايمن من شان شوفه نور ويجهزين ويخططين


اما في بيت الوزير هادي الفيلا الثانيه
دخل براء بتعب ارتمى على سريره سمع صوت الباب

براء: ادخل

ريم دخلت: هلا براء

براء حط المخده فوق وجهه: تاعب اجلي صياحك لبكره

ريم سحبت المخده: بس انا مشتيش صياح

براء جلس بقهر: ريم روحي واتركيني مش انتي قلتي انتي مش اختي وغسلتي يدك يلا روحي وكملي المشوار الناقص اصلا متعود كلكم مثل معتز بعيد وابر انتبه على نفسه وسكت وناس ثانيين بعيدين وانتي روحي بعدهم واتركيني وحيد روحي ماعاد بقي لي من اخوتي جنبي غيرك يا ريم بس روحي بعدهم واتركيني مثل ماتعودت على بعدهم بتعود على بعدك كمان انتي انتوا اللي ما تقدروا تتحملوا الظلم والمجروحين والمحرومين من بعضكم روحوا واتركوني انا الظالم والاناني وصاحب القلب الحجر لحالي انا ما يحق لي اعيش معاكم والان اخرجي وغلقي الباب بعدك

ريم بكيت ما تحملت وهي تشوف القهر بعيونه ضمته بشده: ما بتركك لحالك انا مش مثلهم انا بكون معك انت سامحني انا اسفه انا كنت انانيه قصدي انه برضاك بس لما شفت قهرك عرفت انه غصب عنك تبتعد واكيد فعلت كل هذا من شان مصلحتنا براء يكفي معتز سامحني ولاتتركني وتضاعف الوجع

براء ضمها: ما بتركك مستحيل اقدر يكفوا الاولين مش قادر اخسر ناس اكثر

ريم ابتسمت: صافي يالبن

براء حبها: حليب ياقشطه

ريم: يلا اعزمني

براء ارتجم فوق السرير: عادو ما تصالحنا زي الناس وبدينا بالمصالح

ريم: بلا كسل يلا قوم

براء: اليوم تاعب بكره

ريم: وعد

براء: وعد بس نرجع نذاكر الاختبارات قربت

ريم: اوكي
.
.

ابو عبدالله تنهد: الله يرحمه

ام عبدالله: ايوه هكذا ارضى بقدره

سميره: والان وين الفيلا حق ابوك

اريج: حسك عند الفيلا جدي مات

سميره: له كثير من لما مات

قمر بقهر: بس اليوم عرفنا

ابو عبدالله: الفيلا بشارع ال.....

سميره: متى انسكن فيها

ابو عبدالله: بكره اروح الشركه باخذ الفيلا اللي قريبه من بيت الوزير هادي فاضيه بشتريها

اريج بفرح: يعني جنب نور

قمر تذكرت براء: بطلع ارتاح واذاكر
.
.

عند براء كان منتظر لها متى تفتح الواتس ابتسم لما شاف رساله منها

قمر: سلام

براء: وعليكم السلام طولتي

قمر: وقع مشاكل وتاخرت

براء خاف: ليكون ابوش ضربكن

قمر: لا بس جدي مات وكتب املاكه باسم ابي وامور كثيره ابرد منها

براء: عظم الله اجركم

قمر: اجرك عظيم بكره اننقل لاتجي بيتنا

براء: وين تنقلوا

قمر: جنب بيت الوزير هادي

براء بينه وبين نفسه: كملت الان كيف بكون اشوفها اذا قربت ايشوفوني ااااه بس
براء: اها طيب الله يهنيكم

قمر: والان قول لي مالك كنت تبكي

براء: بقول بشرط

قمر: ايش شرطك

براء: انتي ليش تبكي هذاك اليوم من خانك وقلتي كذاب

قمر: ابن خالتي كذب عليا وانا صدقته وكان من جاء ارفضه من شانه بالاخير كذب عليا

براء: الحمدلله انك كنتي ترفضي

قمر: ما فهمت ليش

براء استوعب اللي كتبه: لانك جاهله ما قدك حق زواج

قمر صدقته: طيب وانت مالك

براء: اختي مرضت وفعلنا لها عمليه وما كانت سهله الان الحمدلله

قمر: الحمدلله على السلامه يلا مع السلامه

براء: اتحظريني

قمر ضحكت: اكيد يعني

براء: طيب الله معك

حظرته وهو غلق وارتاح ونام
.
.

صباح اليوم الثاني
ابرار: قلت كنافه

نور: وانا قلت بسبوسه

ابرار: لا كنافه

نور: بسبوسه

ابرار: كنافه

نور: بسبوسه

ام معتز صرخت: سوين كنافه وبسبوسه

ام محمد: انا سويت كيك ومعمول وبيتفور ايش الباقي

ام معتز: خلاص انا بسوي رواني وقطايف

ابرار: مش هكذا

نور: الا هكذا

ابرار: مش هكذا انا داريه

نور: انا اللي داريه

ام محمد عصبت:....













https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 90 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ام محمد عصبت: اخرجين من المطبخ انا بسوي كل شي

نور وابرار خرجين وراحين المجلس وام معتز وام محمد كملين عملهن

نور: الماسه هنا

ابرار: لا هناك

نور: لا هنا

ابرار: هناك احسن

نور: هنا يعني هنا

معتز: ااااوف ما تخلين حد يرتاح له شويه

ابرار: معاك غرفه

معتز شل الماسه وحطها في وسط المجلس: لا هنا ولا هناك خير الامور اوسطها

البنات ضبحين وخرجين من عنده
.
.

سميره: هذه الغرفه لي

قمر: وانا واريج هذه

ام عبدالله: كل واحده تشل غرفه

اريج: انا وقمر نشتي غرفه واحده

ابوعبدالله: طيب انقلعين

ام عبدالله: وانا بشل هذه الغرفه

ابو عبدالله: والان كل واحده ترتب غرفتها والصاله وكل شي
.
.

ايمن: ها كيف انا

شذى صفرت: وحقك يا عريس

ام ايمن وابو ايمن: حقك

ايمن ضحك: يعني مسبوك ها

شذى: لكن مسرع قد استبكت عادو بدري

ايمن: عادنا اخرج اشتري هديه تليق بزوجتي الغاليه

ام ايمن: اها وقدي زوجته وعادو ماقد وقع شي

ايمن: ولا عليش الا يسبر كل شي

ابو ايمن: خلوه في حاله فارح اليوم ما يتكرر

ايمن: يابه لاتنسى اهم شي تطلب النظره الشرعيه

شذى: اللي يسمعك يقول انك ما بسرتها

ام ايمن: قدو حتى لون شعر راسها عارف له

ايمن: ولو يمه ابسرتها وهي مخدره اليوم اتكون بخيره

ابو ايمن: واذا ما عجبت امك واختك

ايمن: ولا عليك الا تعجبهم

شذى غمزت له: ايش هذه الثقه

ايمن: هي ملكة جمال مش مثلش قطيع تفجع قريه

شذى رجمته بالقصعه حق البخور: انا قطيع ياثور

ابو ايمن ضحك: ما عليش منه انتي القمر يقول لش انا بنزل وانتي اطلعي مكاني

ايمن: اخرط فرحة الرباح

ام ايمن: ايش من رباح حرام ان هي قمر

ايمن: هرع هرع

شذى كانت ترفع حواجبها وتنزلهن بحناك وهو ضربها وخرج
.
.

ابرار: الازرق

نور: لا الوردي

ابرار: الازرق

نور: الوردي

محمد سحبهن من يد نور: لا الازرق ولا الوردي الاسود

ابرار سحبت الفستان الازرق: هو خطبه مش عزاء

نور سحبت الوردي: على شان هذا بلبس الوردي

محمد مسك راسه: البسي الاثنين والان اخرجين

ابرار اخذت الفستان الوردي: والله لااخبيه وما اخليش تلبسيه وهربت

نور اقتهرت: حسبي الله ونعم الوكيل شافت الفستان الازرق ما معي البسك الا انت قدك الانيق
.
.

مر الوقت ولبسين البنات وتجهزين لجيه الضيوف وندى جت تساعدهم

نور: ملفوف

ابرار: مندوش

نور: ملفوف اروع

ابرار: مندوش احسن

نور: ملفوف

ابرار: مندوش

دخلين ام محمد وام معتز وهن رابطات راسهن

ندى: سلامات مالكن

ام محمد: راسنا يوجعنا من ابرار ونور من امس وهن ما يسدين

ابرار صرخت: مندوش

نور عصبت: ملفوف

احمد: الله الله

ندى تلثمت وتخبت وراء الدولاب

ام معتز: ادخل

احمد دخل: كل شي جاهز الضيوف بالطريق

ابرار: مندوش يا نور

نور: لا ملفوف

احمد خفع راسه: مكانهن ما سدين

ام معتز بطفش: شيبين راسي

احمد مشع نور: الحاصل هي خطبه مش زواجه

ابرار نور: هي حين هي خطبه
.
.

ام علي دخلت: سلام

نهى وسهى بعدها: هااااي

احمد لف عنهم: ابسروا طريق

سهى ونهى هربين خارج وتخبين تحت الدرج

واحمد خرج ونزل وهن رجعين ودخلين

نور: ابرار قلت ملفوف

ابرار عصبت: وانا قلت مندوش

ندى: مندوش احسن

نهى: ملفوف احلى

سهى: خليه ملفوف

ابرار كسرت القباضه: والله مابلا يجلس مندوش وفعلا وقع مندوش
.
.

بعد ربع ساعه وصلوا الضيوف

معتز: ابرار لو اسمع صوت اي واحده بكسر لقفها

سهى: فهمنا

معتز: ولو اشوف اي واحده تتشاقر وتفعل حركات بكسر راسها

ابرار: ناهي اي اوامر ثانيه

معتز: ولا شي هذولا جوا يلا ادخلين مجلس النسوان ولا نسمع كلمه
.
.

فاروق استقبل الرجال بمجلس الرجال وام محمد بمجلس النسوان تستقبل النسوان

فاروق: اهلا وسهلا شرفتونا

ابو ايمن: الشرف لنا

احمد: اجلسوا

وجلسوا يتكلموا امور رجال(ما افهمش انا بايش يتكلموا صراحه المهم كلام رجال 😂)


ام محمد: هلا هلا نورتوا البيت

ام ايمن: البيت منور بااهله

ام معتز: ماشاءالله هذه بنتش

ام ايمن: ايوه

ام علي: قمر ماشاءالله

شذى انحرجت: وين نور

ابرار دخلت: هذا انا كيفكم

ام معتز استغربت: هلا ب...

ابرار قاطعتها: عادي يا خاله لاتقلقي هذولا اهلي المستقبليين ليش استحي

ام محمد ابتسمت: استحي يا بنت

ابرار: مني هذه اخت ايمن ماشاءالله اتكون صاحبه حاليه

ام ايمن بينها وبين نفسها: ماشاءالله سبحان الخالق على جمال وكمان مش خجوله

شذى بينها وبين نفسها: احلى مما وصفها ايمن بس هذه البدايه هكذا كيف النهايه وقال ايمن هي بنت خجوله الله يعينك يا ايمن

ابرار:....











https://tttttt.me/rewayatyamania/37080



📚 @rewayatyamania 🇾🇪

💔

بـارتـات يـومنـا الاحــد 👆🏻😍

البـارت 91 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


ام ايمن بينها وبين نفسها: ماشاءالله سبحان الخالق على جمال وكمان مش خجوله

شذى بينها وبين نفسها: احلى مما وصفها ايمن بس هذه البدايه هكذا كيف النهايه وقال ايمن هي بنت خجوله الله يعينك يا ايمن

ابرار: شوفوا انا ما اقدر لااطبخ ولا اكنس ولا اغسول ولا اصلح اكل ولا شي ما احب احد يزعجني ويقول قومي واجلسي معي صلاتي اصلي بعد ما اكمل بجلس فوق تلفوني من الان بين اقول لكم على شان بعد الزواج ما تقولوا ليش وكيف

ام ايمن وشذى فتحين عيونهن بصدمه: مااااهو
ام محمد وام معتز وام علي مش مستوعبات شي خازيات ويضحكين

سهى دخلت: سلام اسفه تاخرت سلمت عليهم انتي اكيد ام ايمن وانتي اخته صح اعرفكم انا نور

ام ايمن اشترغت: نور

شذى ضحكت: كيف

سهى جلست: يعني ما عجبتكم عادي يلا اصلا من يشوفني يقول اني ولد خصوصا بحركاتي يعجبني واصل العب لعب عيال واخرج احيان وانا لابسه ثوب وجنبيه ومحد يعرفني من الان بعد عرسي بايمن لا تقولوا مابش لبس اثواب بكون البس اثواب واخرج معه الاعراس

ام محمد وام معتز وام علي يراقبين وهن مش فاهمات شي مصدومات ما قدرين يتكلمين

نهى دخلت وهي لابسه جلابيه فسيحه ما يبين الحمل: هااااي كيفكم

ام ايمن: تمام وانتي

شذى: انا شبه مجلوطه انتي كيفك من انتي

نهى: انا نور

شذى فتحت عيونها: نوور

نهى: ايه نور ليش انصدمتي سامحيني عادني قمت من النوم ما افعل امي قومتني غصب والا انا ما اقوم من فوق سريري ابدا اكلي وشربي يجي لعندي وما احب اخرج من غرفتي قد بين اهم ايام عرسي بايمن كيف بقدر اصحى بدري واكون صاحيه لليل ااااه بس يلا قدو صميل ما نفعل

شذى: امه احنا غلطنا بالعنوان

ام ايمن: اتصلي لايمن واساليه

ندى دخلت: كيف الحلوين

شذى ابتسمت: الحمدلله للان صامدون

ام ايمن: انتي من

شذى: اكيد نور

ندى: كيف عرفتوني

شذى شويه وتنفجر: لانو البيت منور بكله

ندى جلست في الارض وتربعت

ام علي: اجلسي فوق المجلس مش في الارض

ندى: اسمعين ياغاليات انا نور قولوا لايمن اشتي شهر عسل بسويسرا واشتي فيلا بباريس وسياره من هولندا وقولوا له كل شهر يوديني دوله وكمان اشتي اربع خدم وميه حارس حول الفيلا تبعي وقولوا له كل يوم خمس وجبات مشاوي وست مقليات واشتي باليوم عشرين نوع من الحلويات اشتي مخزن بطاطيس ومقرمشات كل يوم وعندي مكوفره وكل يوم اشتي تنظيف بشره وحمام مغربي واشتي كل يوم فستان وكل وكل اسبوع نغير ديكور البيت و...

شذى: وبس بس بس اخي دكتور مش وزير الماليه والان قولوا من هي نور

البنات بصوت واحد: انا

ام محمد وام معتز وام علي ضحكين وام ايمن وشذى مصدومات

ام معتز: بنات عيب

ام محمد: خزيتوا بنا

ام علي: يلا انقلعين غرفكن

ام ايمن: لا لا عادي بس مني منهن نور

البنات: انا

ام محمد: لا تصدقي ولا واحده منهن

ابرار ضحكت: لاتخافوا انا مش نور ولا واحده منهن
نور انا ابرار وهذه سهى وهذه نهى وهذه ندى

شذى: ونور ويني

ابرار: بروح اجيبها وطلعين البنات وهن ميتات ضحك

نور: مالكن

ابرار: جننا ام ايمن واخته

نور: خير يا جنيات ما فعلتين بهم

نهى: كل واحده دخلت وقالت انا نور وجلسين البنات يشرحين لها كيف كانين يقولين

ندى ميته ضحك: حسيتهم يشتوا يقوموا يقتلونا

نهى: وخصوصا شذى اوووف كان وجهها تووووحفه

نور: الله يشلكن الان زيدين عليا الاحراج ما سطاني ابدي

ابرار تسحبها: تعالي انتي وبس

ونزلين ودخلين ماعدا نور وابرار كانت جنبها تقنعها

ام ايمن: مالها

نهى: تستحي

شذى: ما ناكل والله شوقتوني اعرفها


نور: ابرار خايفه

ابرار: اااوف عاد مشوارك طويل وعاد باقي النظره الشرعيه

نور توترت وتنهدت: يلا ندخل ودخلين

طبعا نور كانت لابسه فستان ازرق مناسب بشرتها البيضاء ضيق من الصدر للبطن ووسيع من نازل فيه كم واحد بس وطويل والثاني بدون كم وفيه مسكه من تحت الصدر وشعرها مندوش بسلاسه ونهايته مطوي وعامله روج وردي خفيف جدا مش باين الا شي بسيط

شذى انذهلت: هذه نور

ام ايمن فاتحه عيونها باعجاب: هذه خطيبه ايمن

نور منزله راسها ومتوتره بشدة

ام محمد: ايوه هذه نور

نور جلست نهايه المجلس

ام ايمن تاشر لجنبها: تعالي هنا يا نور نشوفك سواء

نور وقفت باحراج وجلست جنبها وهي تحس قلبها ايخرج من مكانه: هلا

شذى ابتسمت: احلى مما توقعنا بصراحه ايمن قصر بوصفك

نور ارتبكت: تسلمي

ندى: بصراحه يعني ما عرفتين انو احنا مش نور

ام ايمن: بصراحه شكيت بالكل انكن نور لانو كل واحده اجمل من الثانيه

شذى: بس جلطتونا بطلابتكم

الكل ضحك
.
.

علي: معتز منك صدق اتضيع نور انا ما اقدر انسى كيف رمت نفسها قدامك وانت اتضيعها البنت تحبك

معتز: على الاقل يوم اخلص من هذا الموضوع

كريم: معتز

معتز شافه: هلا

كريم همس له: روح شوف الضيافه

معتز: طيب وخرج

نور وقفت واشرت لابرار تخرج معاها من شان الضيافه

دخل معتز المطبخ ماشاف البنات لف من شان يخرج...
















📚 @rewayatyamania 🇾🇪

البـارت 92 ❦


خيــانــة ونــدم❥

👌🏻👇🏻 😍
📚 @rewayatyamania 🇾🇪


نور وقفت واشرت لابرار تخرج معاها من شان الضيافه

دخل معتز المطبخ ما شاف البنات لف من شان يخرج ينادي ابرار

نور: نقدم الضيافه ساعديني

ابرار: طيب اسبقي انا بصيح لسهى والحقك

نور: اوكي

نور واصلت المشي ودخلت المطبخ بدون ما تشوف من في كانت تصلح فستانها اللي فركشها على لفة معتز شافها وتصنم مكانه بشعرها المفرود وخدودها الحمر المبين انه من الاحراج نور واصلت المشي وتركت الفستان وتفركشت فيه مره ثانيه كانت اتطيح بس معتز بسرعه تلقاها بيده ومسكها وهي بسرعه تمسكت فيه

سهى وابرار كانين بيدخلين سهى كانت اتتكلم بس ابرار حطت يدها في فم سهى وسحبتها خارج المطبخ بدون ما ينتبهوا معتز ونور عليهم

سهى بعدت يد ابرار: مالك مجنونه ادخلي بعدي اخوش نور داخل

ابرار بفرح: هششش هذه فرصه خليني اتهنى بشوفتهم شافتهم ياربي كم هم لايقين لبعض

سهى: مجنونه اليوم خطبه نور

ابرار: اص بعدا افهمك كل شي


عند معتز للان مش مصدق ما قدر ينزل عيونه وهو يتاملها ويتامل بدقه تفاصيل ملامحها

عند نور شمت ريحه عطره وعرفته تجمدت ما قدرت تفتح عيونها.. فتحت عيونها شويه شويه وهي تتمنى انها تكون غلطانه باحساسها ولكن انصدمت بصدق احساسها عيونها تلاقت بعيونه ازدادت دقات قلبها وتحس انه يسمع قلبها من شده نبضاته وسرعانه

معتز بتلعثم: انتي نور
نور تجمدت من سؤاله بلعت ريقها بصعوبه: م..معتز

معتز بتوتر لف عنها: قولي لابرار تمد لي الضيافه لباب المجلس وخرج

وابرار اخذت سهى وتخبت

نور للان مصنمه ومش عارفه هو ايش قال لها كل شي بجسمها يرجف

ابرار دخلت بفرح وضمتها من كثر الفرح

ابرار بفرحه: جننتيه اخذتي عقله انا متاكده

نور مش مستوعبه: من

سهى غمزت: حركاتك انتي والباشا معتز

نور انحرجت: يلا يلا نقدم الضيافه

ابرار: الرجال بالاول

نور: اي رجال

سهى حبست ضحكتها: ايش قال لك معتز قبل ما يخرج

نور: ولا قال شي ايش قال

سهى وابرار قرحين ضحك

ابرار وهي تضحك: لا اخذ عقلك هو مش انتي

سهى تضحك: ومن الحب ما قتل

نور: على ايش تضحكين

ابرار: اسمعي يا قلبي معتز قبل ما يخرج قال لك قولي لابرار تمد الضيافه لباب المجلس

نور انحرجت: ما سمعت

ابرار: ليش انتي كنتي عايشه وقتها

نور: خذي بدون لقافه

وبدأين البنات يقدمين الضيافه ابرار لعند معتز ونور لعند النسوان وخلصوا وابرار ما علقت لمعتز باي شي من شان تخليه يفكر بنور على راحته

.

هادي: ايمن تشتي تشوف البنت

ايمن: اذا مافي اي مشكله

هادي: ابدا مافي مشكله فاروق ايجي معاك

فاروق: لا احمد احسن لانو اعرف الشباب ايستحوا مني

كريم: وهذا شور.. احمد احسن لانهم ايستحوا من فاروق

هادي: طيب معتز شل ايمن واجلس انت وهو بالمجلس الخارجي وانت يا احمد روح جيب اختك وخليه يشوفها

احمد وقف: طيب

معتز: هيا ايمن معي هيا محمد


احمد: اطلعي البسي البالطو والطرحه وامسحي الروج اللي بفمك ايمن ايشوفك

نور توترت: ضروري

احمد: انا بكون معك مافي داعي للخوف

نور تنهدت: طيب ريع لي وطلعت لبست البالطو والطرحه ومسحت الروج ونزلت


معتز: يعني ما تعرفها لما تشتي تشوفها

ايمن: اكيد اعرفها كمان حافظها حفظ وبدأ يتذكرها بشرتها بيضاء خدودها حمر عيونها وسيعه ورماديه وشعرها بني غامق

معتز بينه وبين نفسه حتى لون شعرها حافظ له وانا سنين عندها من لما خلقت وما عرفت لون شعرها من بعد ماكبرت الا اليوم

محمد ضحك: حافظ لها ليش عاد النظره هذه

ايمن بصراحه: اشتقت لها

معتز: ماشاءالله من الان

احمد دخل: نور جت

معتز ومحمد خرجوا

محمد غمز لنور: لا تستحي لانو ايفصفصك فصفاص

نور تورت: محمد لا تزيدها عليا

معتز بهدوء: ما عليك منهم اخطى معي

احمد ونور دخلوا
احمد: نور اقربي خليه يشوفك سواء

نور كانت تفرك يدها بقوه وحمرت ما قدرت تقرب طنشت كلامه

ايمن فهمها وابتسم قرب منها هو وهي خافت
ايمن ابتسم: اجمل من ايام العمليه

نور انحرجت ووقفت: بروح اشوف لو امي تشتي شي

احمد وايمن قرحوا ضحك

احمد: امي ولا تشتي شي ولو تشتي حاجه البنات جنبها اجلسي بس

ايمن: نور ما باكلك اجلسي على الاقل شوفيني يمكن ما اكون وسيم وما اعجبك

نور جلست بدون ما تشوفه: اعرفك من المستشفى

ايمن: يعني عجبتك

نور توترت وما تحملت: احمد تاخرت امي اتقلق

احمد وايمن فطسوا ضحك عليها

ايمن ماحب يحرجها اكثر مد لها هديتها: هديه صغيره ان شاءالله تعجبك

نور اخذتها: شكرا

ايمن: خلاص عجبتني والان اقدر اخرج

نور تنهدت براحه انها افتكت وهم سمعوها وضحكوا وهي انحرجت خرجوا ونور جلست مكانها وجين البنات وشذى لعندها















📚 @rewayatyamania 🇾🇪