⚡️

بــارتــات يـومنـا السـبـت 😍👇🏻

البـارت 21 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


طبعا غرفة مرام لونها وردي وسريرها كبير يعني نفرين طبعاً دولابها ابو سحاب وبعدين من داخل غرفة ملابس يعني تسحب الباب وتدخل لا داخل الدولاب تلقى ادراج خيرات ورفوف وتسريحتها روعه وانيقة وطبعاً غرفة مرام مابش فيها موكيت ما بلا وسط الغرفه مفرشه دائريه ورديه متوسطه وباب المكان دسعه (مفرشه صغيره)ورديه من داخل ومن خارج)

ليا:يا مرام من وين اشتريتي هذه الشنطة

مرام:هذه ما اشتريتهاش هذه وقعت لي من خالتي ايمان لما سارت مصر

ليا: روووووعه ما شاء الله

مرام:اي حين ما تشتي تستعيريها مني استعيريها

ليا باحراج:ماشي ما ينفعش

مرام:ماهو من الخباله احنا بنات عم ومن قبل ما نوقع بنات عم احنا صاحبات يعني اشيائش هي اشيائي

ليا:تسلمي يا قلبي

مرام:وتيه الشنطه من ماليزيا ادتها لي خالتو اشتياق 

ليا:حركااات بس

مرام:وتيه والكل من خالتو اشتياق ادتها من ايطاليا

ليا:ماشاء الله على خوالاتش ذواقات

مرام ابتسمت بحزن:كانين خوالاتي 

ليا:صح ان انا يا مرام ما قد جربتش شعورش بس والله ان انا بين احس بش

مرام:انا داريه يا قلبي

مرام خرجت لليا بجامه جديده:ها ليا البسي

ليا:مع شجلس بملابسي الذي فوقي 

مرام:هيا من الهباله احنا ساع الخوات سعليش والله ان هي جديده

ليا:مش قصة جديده والا مش جديده بس مشتيش اشغلش

مرام تنهي الموضوع:ادخلي الحمام حقي غيري

ليا بزت البجامه ودخلت الحمام

مرام رفعت راسها لفوق تمنع دمعتها ان هي تنزل وبتقول في نفسها انتي قويه يا مرام انتي قويه لا تضعفيش ولا تبينيش ضعفش لاحد

بعد ما خرجت ليا من الحمام:
مرام:وقعت البجامه عليش با الضبط صح

ليا:ايوه

مرام:قدنا جاوعه ذلحين الساعه ثلاث والكل راقد جي نخرج المطبخ واطبخ لش واوريش طبخي

ليا:يوه عنزعجهم باصواتنا وباصوات الطيسان

مرام:لا تقلقيش في كل غرفه  عازل للصوت ما احد يقدر يسمع اخرجي بس

ليا :مدام هكذا يله

وخرجين


وفي المطبخ:
مرام:ايش تشتي تاكلي

ليا: اي شي على ذوقش

مرام:خلاص عتفعلنا بيض عيون وشاهي حليب

ليا:تمام 

بعد ما جهزت مرام العشاء او الصبوح

ليا:مالش اديتي هذا كله من عياكله

مرام:انا وانتي

ليا :على راحتش

مرام :ورعي هنا شاسير ادي تلفوني علشان اصور وارسل لخالتي اشتياق  اقول لها ان انا بين ااكل عتقول ان انا بدون اكل لاننا زعلانه (لا تصدقوش هذه يعجبها التصوير ساعي كل شي اصوره وكل حدث اسجله)😂😂

ليا: تمام
جلست ليا فوق الكرسي تورع لمرام


في مكان اخر
في البيت قام من النوم وهو عاطش نسي ما يدخل لاغرفته ماء قبل ما يرقد

دخل المطبخ وسار لاعند القطاره وسكب له ماء ومش منتبه للبنت الذي عنده

دخلت مرام للمطبخ وما ابسرتش من كان جنب القطاره بالنسبه لليا جالسه متسمره في بقعتها 

مرام:ليا مالش مسنبه اجلسي

ليا ولا صوت

التفت ميثم لا عند مرام وهو بيقل:ييي من بتحاكي

مرام انصدمت بوجود ميثم في المطبخ:ليا اتخبي

ميثم افتجع ظن ان مرام جننت مع صدمتها التفت وابسر ليا ونزل راسه وخرج من المطبخ

ليا شويه وتبكي من الاحراج:الله يقرفش يا مرام ما كانش منتبه لي نبهتيه انتي ذلحين ما عيقول الله يهديش حن خليتينا نخرج هذا الوقت من الغرفة

مرام:ابردي وهو اصلاً ما ابسرش نزل راسه وخرج كلي وابردي لش (طبعاً مرام صح كانت حزينه ومصدومه بس هي كانت متاكده ان هذا اليوم عيجي وعيقلوا لها ان هي مش بنتهم طبعاً هي بكيت ساعتين او ثلاث مش ضروري ان هي تجلس العمر كله تبكي لان هذا قدر هي اصلاً بتضحك علشان تخبي حزنها علشان تعرفوا احساسها كل واحد يطرح نفسه مكان مرام المسكينه وهو عيحس)


بعد مرور ايام
طبعاً الكل عرف ان مرام مش بنت محمد وان بنت محمد الحقيقيه ماتت 

مرام جالسه في غرفتها لا بتدخل ولا بتخرج حتى الجامعه ما عاد بتروح لها بتجي عندها ليا وتدي معاها اكل وتغصب مرام

ميثم بعد هذاك الموقف الذي حصل بينه وبين ليا بدا يعجب بها

طبعاً ليا دائماً كانت تجي عند مرام 

ياسمين بتخرج يومياً الشقه مع اياد


الخميس في بيت محمد:
غرفة مرام:

جالسه شارده بتكتب خواطر
💕انني اتالم حين ارى الناس الذي حبيتهم وعشقتهم للجنون لا يحملون لي الا مشاعر الاستهزاء والكره  فقط 💕كتاباتي💕

قاطعها شرودها رنة تلفونها ابسرت الرقم وان هو رقم سام ظنت ان هو عيواسيها ويخفف من حزنها ويقول لها انا شاجي اتقدم لش من ابوش احمد ردت وهي محتاجه لهذه المكالمه محتاجه لحبيب قلبها وحب طفولتها يواسيها يوقف معها في حزنها محتاجه له بجدد جاوبت:الو

سام:مرام

مرام بكذب:ايوه من معي

سام:يوه معقوله ما عرفتينيش انا سام

مرام :ها سام كيف انت

سام:الحمد لله وانتي

مرام بتنهيده:له الحمد

سام:على العموم انا اتصلت مش علشان اواسيش او شي اتصلت اقول لش انو انتي نجيتي من انتقامي 

مرام باستغراب :كيف مافهمت

سام:ما فهمتيش يا غبيه ....









📚 @rewayatyamania 🇾🇪

البـارت 22 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


سام:ما فهمتيش يا غبيه اصلاً ا نا ما بين احبش ولا اشتيش انتي كنتي اداة انتقام انفذ بها انتقامي الذي كنت شنتقم به لابي من جدتش لطفيه بس للاسف طلعتي مش بنتهم ولا انتي بنت عمتي شادور طريقه ثانيه للانتقام وشنتقم علشان اخرج حق ابي  على العموم مع السلامه.

مرام بقوة قلب:تصدق يا سام انك احقر انسان شفته في حياتي بس الغلط مني انا اين كان عقلي لما حبيتك بس الدنيا دواره وتذكر كلمتي يا سام ان الدنيا دواره على الكل  بس انت داري انو انا مش انا ضاربه لك كرت

سام:مش انا فاضي لتفاهاتش وغلق لا وجهها

مرام كانت تسمع والدموع بتنزل من عينها نكع التلفون من يدها جلست تبكي تبكي تبكي واتصلت لخالتها اشتياق وبتقولها :اه بس يا خاله لما قال لي ان هو كان بيلعب عليا حسيت هذاك الوقت بقهر ووجع مش طبيعي حسيت ان انا منبوذه ان فيني عيوب الدنيا كيف انو انا ما حبني رغم كل الذي بيتقدموا لي هولا الذي القليل منهم انا عارفه بهم والكثير منهم امي ما بتقوليش منهم كنت خايفه انه في يوم من الايام يتقدم لي وامي ترفض وما تكلمني انه تقدم لي ساعتها كنت شاموت من القهر اخس شي يحصل للانسان لما احد يغدره ويطعنه من ظهره بالذات هذا الشخص اذا كنت قريب منه جداً اه بس
لما قال لي انه بس يشتي ينتقم هاذاك الوقت كنت انا بين ابني احلام كثيره بس لما قال لي هاذاك الكلام كان انا سقطت من ناطحة سحاب احلامي اه بس وقعت ومحد سمى عليا خلاص انا كرهت الحب لان انا حبيته وخذلني خمس سنوات وانا احبه وفي الاخير وتوهمت اني نسيته ويرجع يكذب ويقول هو يحبني ولما حبيته للمره الاخيره انصدمت صدمة عمري في هاذاك الوقت كرهت الحب وكرهت نفسي وكرهت عيشتي انصدمت فيه مرات وحبيته بدرجة ما تتصوري يا خاله وفي الاخير صدمة عمري ما توقعتها اه بس والوجع الذي فيني الان انا مش عارفه كيف انساه كرهت كل شي يتعلق فيه كرهته

اشتياق :خلاص اهداي وصلي على النبي وسيري اتوضي وافرشي سجادتك وادعي الى الله


بعد ربع ساعه من البكاء
توضت وصلت وسجدت لله وبثت كل الامها واحزنها ودعت على سام بعد ما صلت حست نفسها ارتاحت وخرجت من غرفتها  للصاله بسرت حنان وملاك بيتفرجين التلفزيون

حنان:اخيراً شرفتي يا ست الحسن والجمال

مرام :انا ما خرجتش من غرفتي اتصايح معش انا خرجت اقول لش ان سام ابن اخوش علي كان يشتي ينتقم من امش انتبهي منه وقولي لامش تحذر منه

حنان:ماهو ما بتقولي انا اصلاً مستحيل اصدقش انتي اصلاً بنت حرام وانا مستحيل  اصدق بنات حرا.....
مرام قاطعتها بصياح:انا اشرف منش لا تتحاكيش عليا هكذا الحمد لله ان انتي مش امي يمكن لو كنتي امي ان قد مت من قهري بس الحمد لله طلعت امي الله يرحمها ويحسن اليها ميته

حنان:بتتليقني عليا اومه وبترفعي صوتش من متى قد معش صوت..... وفعلت لها كف ودهفتها وجلست تمشعها وتلطمها وملاك والكل مع امها 

حاولت مرام تبعدهن من فوقها بعد جهد اقدرت

حنان:اخرجي من بيتي

مرام بضعف بس بتمثل القوه :انا اصلاً شخرج من قبل ما تقولي لي وراسي مرفوع ما شخرجش مطروده انا كنت اقدر اضربش انتي ويها بس انا عادنا رضعت منش فتعتبري امي وهي اختي والا لوشي ان قد ضربتكن ودخلت غرفتها وصرعت الباب

اني اتالم وانا انظر الى اقرب الناس الي وهم يخونونني امام عيني وانا اقف مكتوفة الايدي ليس بوسعي اي شي لاني قد اهدرت كرامتي بما فيه الكفايه💕كتاباتي💕








📚 @rewayatyamania 🇾🇪

البـارت 23 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


دخلت غرفتها وغلقت بعد ما صرعت الباب 
بزت شنيطها الكبار حق السفر وبدات تبز كل ملابسها وادواتها واكسسواراتها ولا بتوبها وشنيطها بزت كل كتبها حق الجامعه وبحوثاتها.
كلهن في شنطه بزت كيس كبير فاضي ودخلت الحمام بزت كل صوابينها شمبوهاتها كل ادوات الحمام حقها

طبعاً بعد ما كملت بسرت شنيطها وانهن سبع شنيط كبار قوي الذي جت بهن من اليمن طبعاً عاد معاها في اليمن ملابس خيرات لبست جاكيت طويل وحجابها واتصلت لليا :

ليا:ها مرام

مرام بصوت باكي:ليا لو سمحتي تقدري تجي لي انتي واخوش لابيت ابي محمد  تستاجروا تاكسي ضروري

ليا خافت :ليش مابه

مرام:مابه ولا شي بس امي اقصد حنان طردتني

ليا انصدمت:طردتش

مرام :ايوه اقطبي جي قدهي بتدق لي باب غرفتي وبتقل ايحين شخرج

ليا:ورعي لا تخرجيش من الغرفه ربع ساعه واحنا عندش ....وغلقت

ليا اتصلت لمصطفى:ها مصطفى وين انت

مصطفى:انا وصاحبي في المنتزه الذي جنب بيتنا الذي كنا ساكنين فيه بنتمشى

ليا :اسمع اشتيك تجي للبيت ضروري ام ميثم طردت مرام من البيت ومرام معاها اشياءها وما تقدرش تجي وحدها ولا تبينش لميثم اذا هو معاك ان امه طردتها تمام جي وحدك الان

مصطفى: ميثم مسافر قد له يومين طيب خلاص الان سايري لابيت مرام الان. 
وغلق لا وجه ليا

صاحبه:ما يشتوا منك البيت

مصطفئ:انا شاسير البيت اختي مريضه واشتي اجلس عندها

صاحبه:مالها هيا نسير نسعفها

مصطفى:مش اما مريضه بس دلع بنات

صاحبه ضحك:ها خلاص براحتك

مصطفى:وانت وين عتسير

مصطفى:وانت وين عتسير 

صاحبه:شاروح البيت انام

مصطفى:يله مع السلامه.
وسار يستاجر تاكسي

بعد ما وصل مصطفى لابيت مرام دق باب البيت وفتحت له مرام 

مصطفى:مرام انتي بخير

مرام :ايوه انا بخير ادخل لا غرفتي بز معايا الشنيط

خرجت حنان وهي بروب الصلاه:
حنان:ايوووووه كملللللت وقدهي بتدخل رجال بيتنا ...من هذا الذي بتدخليه بيتنا يا قليلة الاصل من هو هذا ايوه صح نسيت ان انتي تشتي تعيدي غلطة امش وابوش وتدي عيال حرام

مرام:الزمي حدودش انا الان شخرج من بيتش الذي ذليتيني به وانا الان شارحلي بيت ابي واعيش هاناك معززه مكرمه

حنان:لو هو يشتيش كان ما رجمش عندنا من ١٨سنه

مرام:طبعاً انتي داريه ان ابي كان عيطرحني عندكم بس الا شهر ويرجع بس رحمش ان بنتش ماتت قال عيقول ان انا بنتكم وبعد شهر يجي يبزني علشان ما يقلوش الناس ان هذه ثاني مدري ثالث مره تولدي ميت

ضربت مرام الوتر الحساس عند حنان ان هي بتولد ميتين (عتقلوا ليش ملاك ما خرجتش ميته طبعاً محمد وحنان سافروا الخارج يفعلوا لحنان ابر و مقويات وبعد مأسآة ولدت حنان ملاك وهي مش ميته)

طبعا دخل مصطفى لاغرفة مرام وهو مش سامع كلام مرام وحنان وانبهر بالغرفة رغم ان هي فاضيه بس باين ان هي فخمه بدا يبز الشنيط ومرام نزلت الاشياء الذي يتكسرين وطلعت فوق التاكس

مصطفى طلع قدام جنب السواق

مرام:وين هي ليا

مصطفى:في البيت قلت ما اديهاش علشان يوسع التاكس

مرام:شلني ولو سوء وادب لابيت ابي 

مصطفى:تمام انتي داريه ان احنا جينا نسكن عندكم في فلة عمي احمد لو تبسري يا مرام كم يحبش قد جهز لش في الفله جناح خاص لش وحدش روعه احسن من الغرفة الذي في بيتكم 

مرام تنهدت وسكتت

مصطفى:على العموم المحاضرات الذي فاتتش بزيها من عند ليا اذا احتجتي تمام

مرام:شكراً ما تقصر

مصطفى خرج تلفونه واتصل لعمه احمد

احمد:ها مصطفى

مصطفئ:مرام عترجع تعيش عندك انا وياها في الطريق

احمد فرح:صدق 

مصطفى:والله ان احنا في الطريق

احمد:كيف لما رضيت تجي

مصطفى:عنقلكم لما نوصل

بعد ما وصلوا مرام انبهرت بالفلة والحديقه الذي في الفله والمسبح

نزلت مرام طبعاً كان في باب البيت مش باب الحوش او الفله كان واقف جنب باب البيت احمد فاتح يده علشان مرام تجي تحضنه

مرام: مصطفى هذه الشنطه فيها صور وتحف ولابتوبي ومكياج وعطورات يعني اشياء يتكسرين انتبه لها دخلها بنفسك

مصطفئ:تمام ادخلي ولا تهمي

مرام هزت راسها ودخلت



https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 24 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


اول ما دخلت كان باب البيت الداخلي مش الخارجي حق الحوش والحديقه هذا باب البيت او الشقه كان جنب الباب احمد وجنبه ليا

مرام اول مره ترفع راسها تبسر ابوها طبعاً لما عرفت الحقيقه كانت منزله راسها وما انتبهت لابوها او شافته سواء

احمد اول ما ابسرت بنتي حسيت بشعور غريب في قلبي فتحت يدي والدموع بينزلين من عيني

🌸احلامي اصبحت تتلاشى شيئاً بعض شي فواقعي مُر وحتى وان حاولت جاهده ان اتذوق بعض حلاوة احلامي ولكن يخذلني الواقع بشده💕كتابتي💕

مرام اول ما ابسرت ابي فتح لي يده  كان شي في عقلي يقول لي لا تسيريش وشي يقول لي سيري هذا ابوش هو عانى في حياته اكثر منش بري به مدري كم عاد باقي له عمر

احمد كنت متوقع منها ان هي ما ترضاش تجي لابين ايديي احضنها

مرام ما ابسرت نفسي الا وانا بين ابكي وحملت احضن ابي وابكي في حضنه

احمد اول ما حملت لاحضني فرحت فرح ما يتوصف وحسيت كان روحي رجعت لي من ١٨سنه

ليا ومصطفى كانوا بيتفرجوهم والدموع بتنزل من عين ليا(بكيه بتتاثر بسرعه)

كان شكل مرام واحمد يبكي وكل واحد حاضن الثاني

احمد:خلاص يا روح ابوش طول مانا عايش والله ما اسمح لحد ينزل لش دمعه المهم ما تبكيش 
كان يمسح على راسها وهي بتبكي

مصطفى:خلاص ادخلوا داخل يا عم قد الحراس بيتفرجوا

احمد ومرام ابسروا كيف قد الذي بيشتغلوا في البيت بيبسروهم ضحكت مرام من بين دموعها

احمد:نورتي بيتش يا اميرة وملكة هذا البيت

مرام ضحكت وهزت راسها وهي خازيه لان هي اول مره تتكلم مع الشخص اللي يسمى ابوها


طلعوا للدور الثاني ودخلوا جناح لونه وردي وازرق كبير روعه غرفه نوم اكبر واجمل من الذي كانت في بيت محمد وغرفة ملابس روعه ومجلس لونه ازرق ووردي روعه 

احمد وهو حاضن لمرام من جنب وبيوريها غرفتها:هذه اكبر جناح واحلى جناح لاميرة هذا القصر

ليا ومصطفى ابسروا انهم مابش لهم داعي يجلسوا في الغرفه علشان مرام واحمد ياخذوا راحتهم 

احمد:مصطفى قوا ابني خلي العمال يطلعوا شنيط مرام

مرام:انتبه شنطتي الذي فيها اشياء يتكسرين انتبه لها

مصطفى:تمام من عيوني وخرج

احمد:اه يا مرام لو تبسري كيف مرت عليا السنين هذه وانا بين اربعه جدران كيف وانا فلتش وانتي عمرش يومين يا ليتني ما جيت لليمن اطرحش عند محمد وخليتش عندي  اه بس اه من هذه الدنيا

مرام وهي بتبكي:ابي محمد الله يحفظهم كانوا يحبوني اكثر واحده من عيالهم وكل اهل ابي واخي ميثم كان اخي وصديقي وكل شي بيسلي لي وقتي كان كل شي في حياتي

مرت خالي هاشم خاله اشتياق كانت امي كنت احبها اكثر من ما كنت احب امي حنان واكثر كانت لي الام والصديقه والاخت وكل شي 

خالتي ايمان كانت حنونه عليا وبتدافع عليا في كل شي

جدتي ام امي كانت تجلس تقول ان انا بنت حرام وتجلس تلاعن الذي خلفني وتصيح فوقي وتضربني وما تخلي لي حالي حتى اذا كانت خاله اشتياق والا خاله ايمان ما بحد ما بلا امي وجدتي كانين يحرمني من الاكل ويضربني وكانت تكره اختي ملاك فيني هههههه (جلست تضحك)انتوا داريين ان انا وملاك من لما كبرنا ولا عمرنا جلسنا مع بعض ابداً 

خالتي ياسمين كانت نفس جدتي تصيح فوقي وتضربني وتطابز عليا

اختي ملاك امي كانت تدلعها وتشتري لها كل شي وتاكلها وتدافع عليها في كل شي وتحرضها ضدي

امي عمري ماحسيت بحنانها ابداً كانت تجلس تضربني وتقول عني ان انا بلوتها من الله وتقول لي يا بنت الحرام وتصدقوا انها طردت الشغاله بحجة ان هي ما تامنش عليها وكانت تخليني انا افعل عمل الشغاله كله

احمد بغضب:ووين محمد عن هذا كله

مرام:ابي محمد وميثم لما يكونوا موجودين مستحيل احد يمس مني الا لما يخرجوا ابي محمد  وميثم حنان تبدا شغلها معي ،ابي محمد  وميثم  هم الذي كانوا يصبروني على عيشتي هاناك اقول لكم ليش لان انا قد كنت دارييه ان انا مش انا بنتهم كيف عتقول لي امي يا بنت الحرام وهي خلفتني كيف فكنت متاكده ميه بالميه ان انا مش بنتهم وقد كنت سايريه افعل فحص الدي ان اي واسير ادور على اهلي بنفسي بس خاله اشتياق الذي غيرت ظنوني وصبرتني 

احمد:انسي كل شي يا بنتي ووعد مني ان انا لاعوضش عن كل يوم قضيتيه وانا مش معش

مرام هزت راسها ورقدت وهي في حضن ابوها

بعد مارقدت مرام باس راسها وغطاها وخرج


🌸احياناً عندما تغلق الدنيا بوجهك..وتاتيك الطعنة من شخص لا تتوقع..وتفقد كل امل وتتجرد من احلامك..تظن ان هذا العالم حقير..لكن بلمح البصر يظهر لك شخص لا يعرفك ليعيد لك النظرة المشرقة للدنيا 💕كتابتي💕







📚 @rewayatyamania 🇾🇪

البـارت 25 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


دخل غرفته واتصل لمحمد:
محمد:ها احمد

احمد:السلام عليكم

محمد:وعليكم السلام

احمد:مكنتك يا محمد بنتي امانه عندك وفي الاخير بنتي تنضرب وتنهان ويقولوا عليها بنت حرام واليوم يخرجوها مطروده ومضروبه وكل جسمها مزرق 

محمد انصدم:مالك ما بتقول مرام طول عمرها عايشه معززه مكرمه ولا قد احد مس منها شعرها وما بتقول اليوم مطرورده هي الان في البيت

احمد: بيض الله وجهك يا محمد على العموم كم المبلغ الذي تشتيه وكم قد صرفت على بنتي

محمد:مالك بتجنن مرام بنتي زي ماهي بنتك اسالها انا عمري ماحسستها ان هي مش بنتي لدرجة ان انا كنت احبها اكثر من بنتي

احمد:على العموم مرام الان عندي معززه مكرمه وجت لاعندي برضاها مرتك وبنتك طردنها من البيت وضربنها اتصلت لابن عمها وجاء لها 

محمد:مالك ما بتقول مرام هي الان في البيت

احمد :اتصل لمرتك واسالها اين هي مرام تمام وعلى العموم تسلممم ياخي وصاحبي وربي ما اقدر اجازيك باي شي

محمد:مرام بنتي زي ماهي بنتك...خاطرك

احمد:يله مع السلامه

بعد ما غلق من احمد اتصل لحنان
حنان:هامحمد

محمد:وين هي مرام

حنان تلبكت سكتت شويه 

محمد:مالش سكتي وين هي مرام

حنان:ااا مراام قالت تشتي ترحلها بيت ابوها وانا خليتها ترحلها

محمد:هكذا تفعلي تضربي البنت وتقلي عنها بنت حرام سكت لش اكثر من مره بس ذلحين صبري نفذ انتي طالق

حنان بكيت:تطلقني يا محمد علشان واحده بنت سوق وبنت حرام

محمد:ايوه اطلقش واسوي اكثر بكل من يتحاكى على بنتي مرام واذا تشتي ازيد اضربش ارجع البيت وقد رحتي لش منه تمام وغلق لا وجهها

دخلت ملاك لاعند حنان

ملاك:يوه مالكم بتبكوا

حنان:ابوش طلقني بسبب بنت الحرام مرامه


في اليمن:
في بيت لطفيه:
في غرفة ياسمين:
ياسمين:اي حين عتجي لي

اياد بخبث :بعد ساعه يا قلبي

ياسمين بتسمع صوت لطفيه:اياد امي بتداعيني شاغلق وشتصل لك بعدين تمام

اياد:تمام وغلق

خرجت ياسمين من غرفتها وتبسر امها مرجومه في باب غرفتها

ياسمين افتجعت:اماه اماه اماه وبتهز لطفيه ولا بتجاوب حملت تصيح للسواق يجي لبست العبايه ولبست امها  وخرجت هي والسواق


في بيت علي(ابو سام):
اياد قفل من عند ياسمين اتصل لاعند منال

اياد:يا منال كم مرات وانا اجلس اقول لش تخرجي معي وانتي ما بترضيش كم من مره هذه المره اذا ما رضيتيش خلاص انتهى كل الذي بيننا

منال افتجعت:يا قلبي انا ما اقدرش اخرج وبعدين ما يسبرش ان انا اخرج معك اكيد الشيطان عيوقع ثالثنا وهذا الشي حرام

اياد بسخريه:حرام حرمت عليش عيشتش مالصور الذي بترسلي لي مش هن حرام

منال افتجعت:طيب خلاص شخرج بس الساعه كم




https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 26 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


اياد في نفسه لازم اخليها اول شي توثق فيني شاشلها حديقه والا كوفي:تعجبني حبيبتي الحاليه غطوة الساعه اربع عصر نلتقي في فان سيتي تمام

منال بخوف:خلاص تمام حبيبي


في المستشفى :
عند ياسمين جالسه في الممر بتبكي 

خرج الدكتور من الغرفه

ياسمين:يا دكتور امي مالها

الدكتور: الوالده عندها فشل كلوي في كليتها اليمنى وهي الان محتاجه لغسيل كلوي

ياسمين انصدمت:فشل كلوي

الدكتور:ايوه بس الان روحي ادفعي الرسوم في الريسبشن بسرعه لان الوالده محتاجه للغسيل الان

ياسمين:يوه كيف افعل ومابش معي زلط شطرح هذه الاسويره الذهب رهن اميد ما اسير ادي زلط من البيت


في امريكا بيت احمد:
فوق الطاوله بيصطبحوا:

مرام جنب احمد، وليا ومصطفى جنب بعض

احمد:اول يوم من ١٨سنه اصطبح صبوح ساع الناس تسلم يدش يا احلى مرام

مرام خزيت: الله يسلمكم

مصطفى:واو والله اكل فظيع ما قد اكلتش نفسه

ليا بغيره ومزح:ايوه ولا قد اكلت طول عمرك يا كذاب وانا كل يوم بين اسبر لك سنه وانا بين اسوي لك اكل يا قليل المعروف

الكل ضحك على غيرة ليا

مصطفى:مع مع انتي اكلش غير اكلش لا يعلى عليه

ليا نفخت نبعتها(مقدمة شعرها):ايوه اكلي احسن اكل(نبعتها يعني قصتها يعني الشعر الذي يكون في مقدمة الراس)

احمد:ذلحين اشتيكم تحكوا لي كيف تعرفتوا على بعض

مصطفى:اسمع يا عم شحكي لك انا

ليا:ماشي يا عمو شحكي لكم انا

مصطفى :يي انا اكبر منش احترمي نفسش

ليا:يااااي اكبر مني يا سعم بعشرين سنه بدقيقتين بس يا توأمي

مرام واحمد بيضحكوا على محانكة مصطفى وليا 

احمد :خلاص يا ليانو خلي مصطفى 

ليا وهي عابسه :هذه المره علشانكم بس

مصطفى ضحك

احمد:يله بين اسمعك

مصطفئ:في اول السنه طبعا اول يوم لمرام دخلت وهي متاخره فمنعها الدكتور من الدخول قالت له ان هي جديده وقالت ان هي جت سبعه وتسعين مدري ثمانيه وتسعين ومدحت نفسها بزياده والقاعه والدكتور اعجبوا بها وبعدا كان به كرسي فاضي جنبي ما عاد الا هو قال لها الدكتور تجلس هاناك ما رضيتش بعد مراشاه رضيت وبعدين هي راكنه ان انا اجنبي كانت كل شويه ترطن باليمني وتقول يوف انا ما ادوني الا جنب هذا الاهبل طبعاٌ انا قد كنت شفعل لها كف بس مسكت نفسي وبعد المحاضره سرت لاعندها وقلت لها اذا تشتي تنقل المحاضرات الذي فاتتها صرعتني هذاك الساع قالت لا شكراً شاخذ من عند اي بنت وبعدين عرفت نفسي لها






📚 @rewayatyamania 🇾🇪

البـارت 27 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


وبعدين عرفت نفسي لها وشويه وتعرفت عليها ليا وبعدين يوم سارين الحديقه هي وليا وانا تعرفت على ميثم حن وصلها وهذاك اليوم يوم ما سارين الحديقه وانت حكيت لمرام القصه انا كنت سايري اتعرف عليهم 
وعرفت انك عمي هاناك بالصدفه


عند منال واياد في الحديقه:
اياد مسك يد منال:جي يا قلبي نطلع المقص

منال:يووه مع بين افتجع

اياد:هيا علشاني وبعدين كيف تفتجعي وانا جنبش

منال:خلاص يله

طلعوا واياد خرج تلفونه

اياد:امانه جي نفعل صوره توقع ذكرى نخلي عيالنا يبسروها

منال ساع الهبلاء والسلعه الرخيصه:يلا... وابتسمت ..واياد بيصور

بعد ما كملوا يلعبوا وقد كل واحد عيروح بيته

اياد:منالي غطوه معنا خرجه تمام لاتنسي الساعه ٤ نفس اليوم

منال :مع خلاص والله لو تبسر كيف اقنعت امي اليوم والا والله ما كانوا عيخلوني

اياد وهو ملي منها وباستهزاء:امممم خلاص بس يا محترمه ويا عفيفه يا البنت الشريفه صح على العموم يا حبيبتي انتظري اليوم معي لش مفاجأة

منال افتجعت:اياد مالك ليش بتقل هكذا انت داري ان انا بين احبك وما اقدرش استغني عنك

اياد:على العموم انتطري مفاجأتش الليله.  .....وطلع فوق سيارته

منال روحت بيتهم وهي مفتجعه وقالت ماهي مفاجاتي اوف يا منال ابعدي هذه الشكوك من بالش هو بيمزح معش هو هكذا دائماً اكيد عيدي لش دبدوب والا ورده ساع كل مره

لقد اقفلت قلبي بمفتاح ورميته في البحر فمن يريد ان يدخله فليذهب وليبحث عنه في البحر في ذلك الوقت اعرف من هو الذي يريد ان يسكن فيه ولا يريد ان يبتعد عنه💕كتابتي💕


في اليمن 
في بيت علي :
في التلفون جت لمنال رساله مكتوب فيها: هديتش وصلت طبعاً كنتي بس للتسليه فقط عزي نفسش ولا عاد تتصليش لاني مليت منش يا رخيصه

انهارت منال في القاع تبكي 

سام عادهو وصل من عند اصحابه بسر موتور طرح ظرف عند باب بيتهم وهرب
سار يبز الظرف دخل لاغرفته وفتح الظرف لقي صور منال وهي بالملابس والفساتين القصار وصوره لها وجنبها ولد غريب وهي بتضحك وباين انهم في حديقه جن جنونه وشياطين الدنيا هاذاك الساع فوق راسه بز الظرف وحمل لا غرفة منال والشرار بيطلع من عيونه وبيصيح ملان البيت يا كلبه يا حقيره يا منال

خرجت امه وابوه يبسروا ماله بيصيح :
علي:مالك بتصيح

سام بصياح :ابسروا بنتكم الحقيره نزلت رووسنا ابسروا ورجم الصور لاعند ارجلهم دخل لاغرفة منال وبسرها بتبكي قال لها

سام:ضحك عليش صح كسر قلبش وذلحين رسل صورش يا( ..........ما قدرتش اكتب لكم اللفظ لانو اللفظ صعب الواحد ينطقه)

كان يركضها يمشعها يلطمها والام بتحاول تبعد سام عن منال

اما منال فاغمي عليها من الضرب طبعاً علي فيه الضغط فما تحملش فاغمي عليه

بعد الضرب هذا كله يغلق عليها سام الباب ويكسر تلفونها قال:
سام :والله لو احد يفتح لها الباب ما يلوم الا نفسه, يلتفت يبسر, الا ابوه مغمي عليه يحمل يبز ابوه ويسعفه خرجه لا فوق السياره عشان يسعفه للمستشفى

اما الام جالسه بتبكي وتدعي ان الله يصيب اياد (هي مش عارفه باسم اياد بس بتدعي على من ضحك على بنتها وبتدعي على بنتها


🌸حُبك غلطة غلطتها وانا الان ادفع ثمنها ولن اكررها مرة اخرى 💕كتابتي💕 


اليوم الثاني
دخلت غرفتها بعد ما تغدت وهي متضايقه ذكرياتها في اليمن وحبها لسام كل شي بينعاد عليها

دق احمد باب غرفتها
مرام:من

احمد:انا ابوش

مرام:ادخلوا

دخل احمد وباستعجال
احمد:قومي قومي يلاااا

مرام باستغراب:ماهو

احمد:البسي حجابش وبس ضروري

مرام قامت ولبست حجابها وبزت تلفونها وخطيت مع احمد

مرام:ماهو مابه

احمد غمض عيون مرام وبيخطيها وخرجها الحوش وفتح عيونها

مرام فتحت عيونها وابسرت سيارة مرسيدس حمراء ومزينة ببالون ومكتوب فوق كبوت السياره با الانقليزي هابي بيرث داي مرام 19

صاحت بفرح

احمد:كنت داري ان نفسش فيها وكل سنه وانتي طيبه يا روح ابوش

مرام كانت ناسيه ان اليوم عيد ميلادها من غير شعور حضنت ابوها وبداين دموعها ينزلين

احمد مكنها مفاتيح السياره ورخصه:وهولا المفاتيح وهذه الرخصه قالي محمد انش درستي معهد سواقه بس ما قد خرجتش رخصتش

مرام بفرح:ايوه

احمد:يلااا انطلقي

بزت مرام المفاتيح بفرح وطلعت فوق السياره وسارت تتمشى مرت لها ذاكرتها ومن عادهي صغيره حبها لسام وسعادتها موت جدها طرد جدتها لاخوالها سفرها لامريكا وبداين دموعها ينزلين قاطع بكاها ونحيبها رنة التلفون ابسرت رقم غريب يمني عدلت صوتها وردت
مرام:الو

......:مرام

مرام:خير ما عاد تشتي مني يا استاذ سام والا ما قد كملت كلامك عادك ذكرت كلام تشتي تقوله ونسيته



https://tttttt.me/joinchat/AAAAAEIz_KDfjDgo7Gaxwg





📚 @rewayatyamania 🇾🇪

البـارت 28 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


مرام:خير ما عاد تشتي مني يا استاذ سام والا ما قد كملت كلامك عادك ذكرت كلام تشتي تقوله ونسيته

سام:مرام وربي اني احبش بس الحقد عمى قلبي سامحيني يا مرام الله عاقبني الله عاقبني في اعز الناس لي يا مرام انا احبش وربي ما قد حبيت غيرش طيب خلاص لوميني صيحي فوقي هزئيني مستعد اسمعش وربي ضميري بيموتني يا مرام

غلقت مرام في وجهه وهي ما تشتيش تضعف.. اوووووف مالي ما اسندفه اخرج مافي نفسي بس وربي انني شجرحه لو اتكلم الحقيقه بتوجعه نفس ما وجعتني حاولت تقوي نفسها شغلت اغنية الحقيقه لاصالة ودموعها بتنزل وكان الاغنية بتحكي اللي في داخلها (اسمعوا الاغنية في الفيديو)

بعد مرور ايام
اهم الاحداث:
لطفيه بتفعل كل اسبوع غسيل للكلى

ياسمين دائماً تخرج مع اياد

حنان رجعت اليمن هي وملاك بعد صياح بين محمد وحنان عند من تجلس ملاك والان هي في بيتهم عند امها 

منال حالها زي ما هو محبوسه في غرفتها طبعاً سام منع عليها الخرجه من الغرفه وبز منها الايباد والتلفون واللابتوب طبعاً الاكل بتدخله لها امها بالخفاء

مصطفى بدا يحب مرام

مرام حالها احسن حال وعايشه احسن عيشه  وبتحاول تنسى سام هي صح ما عادهوش الحب هذك كله في قلبها بس بتحاول تنهيه من تفكيرها 
طبعاً امتحنوا اخر السنه وبدات الاجازه


في غرفة احمد :
جالس بيفكر ومشتاق لاهله 
دق الباب
احمد:ادخل

دخل مصطفى

احمد:مالك يا ابني ادخل واجلس واشر له فوق الكنبه

مصطفى:يا عم ذلحين كيف؟ عترجع لاعند اهلنا وتقلهم ان انت عايش وترجع تعيش عندهم وتطلب منهم السماح او تجلس انت وبنتك هنا وحدكم لا معاكم اهل ولا احد

احمد :اه يا مصطفى خايف ارجع وما يسامحنيش ابي وما يتقبلونيش انا وبنتي

مصطفى:ماعليك شي ارجع بس جدي تغير من زمان ما عادهوش الرجال القاسي من بعد ما رحت لك من البيت كنت العشي اسمعه يبكي ويذكر اسمك ويتندم انهو طردك لو ترجع الان ياعم لا يفرح فرح اما جدتي الذي ومن لما خرجت من البيت اوقع فيها شلل نصفي ما تقدرش تمشي الان كلهم يشتوا يبسروك

احمد بحزن:يعني انا سبب مرض امي اه يا دنيا ما بتفعلي بنا اه

مصطفى:ذلحين عترجع اليمن والا مع

احمد :دقيقه خرج تلفونه واتصل وقال:
احمد:احجز لي اربعه مقاعد لليمن اقرب رحله الان ......متى اقرب رحله؟؟

السكرتير:اقرب رحله اعتقد بكره  طيب شحجز رسل لي صور للجوازات 

احمد:دقايق والصور عندك مع السلامه

السكرتير:مع السلامه وغلق

احمد:ادي الان جوازك انت واختك الان عنسير اليمن ونرجع في اقرب وقت

مصطفئ فرح :الان وخرج لاغرفته اخذ الجوازات حقه هو وليا 

اما احمد دق باب غرفة مرام بسرها جالسه فوق السرير وشارده دخل وقال:
احمد:مال الحلو مطنن(شارد)

مرام التفتت له:ايحين دخلتوا

احمد:عادني دخلت دقيت الباب وما جاوبتيش فظنيت ان انتي نايمه

مرام :لا مش انا نايمه بس بين افكر

احمد:بايش بيفكر الحلو

مرام بتنهيده وصوت مسموع:بكل شي

احمد حضن مرام من جنب وقال:مرام اعتبريني ابوش واخوش وامش واختش وصاحبتش وكل شي احكي لي كل ما في قلبش ولا تخبي عليا شي 

مرام :اشتي افضفض تعبت كتم يا بابا شاقلكم شي بس اوعدوني ما تصيحوا

احمد:اوعدش تكلمي

كان جايي يمكن عمه الجوازات ....








📚 @rewayatyamania 🇾🇪

البـارت 29 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


كان جاي يمكن عمه الجوازات لما عرف من الشغاله ان هو في غرفة مرام شده الحديث الذي بينهم ووقف يسمع

مرام: لما كنا عايشين في بيت ابو امي حنان كنت انا وابن خالو علي بنحب بعض وعاد احنا صغار بعدين لما ابي بدا شغله يتوسع خرجنا من عند بيت ابو امي حنان واشترى ابي فله كبيره  بعدين خرجنا من عندهم ومات ابو امي حنان وجدتي لطفيه كانت تجلس تطابز بين اخوالي وتخلي عيالها يكرهوا عيال زوجها الذي هم خالو علي وخاله نبيله وتعذبهم لدرجة ان خاله نبيله اتزوجت وعمرها ١٢ ومن شدة ما تضايقوا منها خرجوا من البيت وتقاطعنا نهائياً وبعدين انا لما كبرت جلست احبه وقبل اشهر اتصل لي وقال ان هو بيحبني وحاول يتواصل معي بس انا رفضت لان هو ما يسبرش ان انا وياه نتكلم صح ان احنا عيال خال عادي بس امي حنان لو تبسر رقمه عندي لا تقتلني صح ان كلامنا عيكون عادي احنا اهل بس انا رفضت لان هو ما يعجبنيش اتواصل مع العيال ابداً وبعدين لما عرفت ان هم مش اهلي جدتي لطفيه نشرت الخبر بين الناس لما وصل لهم فاتصل لي وجاوبته وقال لي ان انا كنت اداة انتقام بس علشان ينتقم  كان يشتي ينتقم من جدتي لطفيه بس لما عرفوا ان انا مش بنتهم قال لي احمدي الله انو انتي مش بنتهم والا قد كان عينفذ  انتقامه فيني مش انا داريه ايش هذا الانتقام المهم بكيتت شويه خرجت لاعند امي علشان اكلمها ينتبهوا منه قالت ان انا كذابه وبداين يضربني هي وملاك وطردني اتصلت لليا علشان تجي لي فجاه جاء مصطفى وخرجنا وقالت ان انا بنت حرام وان انا ياسعم اشتي اكرر غلطتكم انتوا وامي ماريتا الله يرحمها

احمد :الله يرحمها ايوه كملي

مرام:كملت هذه هي قصة حبي الفاشله الذي لا يمكن اني اكررها مره ثانيه بس اقلكم شي حسيت ان انا نسيت سام وتلاشى حبه في قلبي وتحول من حب الى كره 

احمد:ايوه يا بنتي لا تكوني تكرري اغلاطش  كوني اتعلمي منها لان غلطة الشاطر بالف 

مرام تنهدت وهزت راسها 

جنب الباب كان واقف وهو مصدوم يعني البنت الوحيده الذي دخلت قلبه بعد بنت عمته الذي رفضته تطلع تحب واحد ثاني وما بتحبه تنحنح وعدل صوته وهو بيحس بانكسار ووجع ودق الباب

احمد:من

مصطفى:انا

مرام حملت تلبس روب الصلاة وجلست فوق السرير

احمد:ادخل. 

دخل مصطفى وشكله متغير و مد الجوازات لاعند احمد:ها الجوازات

مرام استغربت:ليش جوازات او عتسافروا انت وليا

احمد:مع عنسافر كلنا

مرام انصدمت:مشتيش اسافر ما اقدرش ارجع اليمن

احمد:ليش يا بنتي

مرام:مشتيش ارجع والناس يكونوا يتكلمو عليا

احمد:طالما انتي بنتي وانا بظهرش مستحيل احد يدي كلمه عليش

مرام:بس مشتيش

احمد:مرام خلاص ولا عيوقع شي

مرام:اوف تمام بس شاسير ادي جوازي من بيتنا واسلم على ابي

احمد:طيب تمام....وخرج هو ومصطفى


رجع لاعند مرام:
مرام:ماهو

احمد: تجهزوا كلكم غطوه عنسافر الرحله الساعه ١٢الليل يعني بعد اربعه وعشرين ساعه من الان على العموم عنرجع كلنا لما تبدا السنه

مرام ارتاحت:الحمد لله يعني ما عد افلتش الدراسه

احمد:ايوه ماعاتفلتيش

احمد:مرام من الان انتي اسمش مرام احمد ال...خلاص اسمش القديم التغى طلعت لش شهايدش كلهن بهذا الاسم وغيرت حتى اسمش في الجامعه ومعش الان الجنسيه الامريكيه لان انتي ولدتي هانا بس اشتي جوازش الاول علشان نلغيه ونطلع لش الثاني

مرام : تمام الان شاسير
لبست وطلعت فوق السياره وهي متضايقه ما تشتيش ترجع اليمن لان هي لو رجعت اليمن بترجع لها كل ذكرياتها وحبها لسام اللي بتضحك على نفسها ان هي نسيته ولا زال صوته بيتردد في بالها
بدات تغني ودموعها بينزلين وبصوتها الشجن والعذب اغنية اصالة
اسرار في قلبي لا تتكتم
ولا تتحكي ولا يفهموها الناس
بس اللي لازم يتعرف
كتر الالم بيموت الاحساااس
مش كل ماضي بنعشقو
في ماضي لازم يتنسي ويتداس
وكفاية انو اتعاش في وقت ما ناسبناش


في غرفة ليا:
ليا:ذلحين عنسافر غطوه نفس هذا الوقت عاد احنا نشتي نشتري هدايا 

مصطفئ:اخرجي غطوه انتي و... 

ليا:مالك كمل انا ومن

مصطفى ضغط على نفسه وبقوه :ومرام

ليا:اها وانت مالك بتقول اسمها بهذه الطريقه

مصطفى :ماعليش وخرج من الغرفه

ليا بصوت مسموع:الله يشفيك يا رب

مصطفى من وراء الباب:ويشفيش معي

نكزت ليا وقالت :اعوذ با الله من الشيطان الرجيم كيف سمع هذا


في بيت علي:
غرفة سام:
جالس شارد وبتتكرر عليه كلمة مرام تذكر ان الدنيا دواره على الكل

سام في نفسه:اه يا مرام الله عاقبني لانني كسرت لش قلبش وكنت شفضحش بين العائله حقدي وكرهي لجدتش عمانيي والله عاقبني في اختي صح كلامش ان الدنيا دوار ه سامحيني يا مرام سامحيني

شتت نظره في الغرفه وقعت عينه على ظرف الصور الذي رسله اياد جاء يشتي يسير المطبخ يحرقه  بسر وان عاد باقي ...


https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 30 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


شتت نظره في الغرفه وقعت عينه على ظرف الصور الذي رسله اياد جاء يشتي يسير المطبخ يحرقه  بسر وان عاد باقي صوره دخل يده يخرجها خرجها وخرجت معاها ورقه مكتوب فيها معاكم مهلة اسبوع واحد اشتي تدوا لي ثلاثه مليون اذا تشتوا صور بنتكم المحترمه ما تنتشرش اخر يوم يوم ال الاحد تاريخ ٢/١/٢٠١٨وهذا رقم تلفوني77...... اول ما توقع الساعه ١٢الليل اعرفوا ان الصور قد انتشرت

سام:الحقير السافل اوف من هذا الحقير ال....اوف ماهو هذا اليوم يوم الاحد يعني اليوم اخر مهله لنا يارب ساعدني 

سام اتصل لاياد:اين اسلم لك الزلط 

اياد:من معي

سام:معك سام اخو منال

اياد:من منال

سام:اوف شكلك من كثر ما قد معك بنات ما عاد قدرت تفرق بيننا ان ابن علي ال.... الساعه كم تشتي الزلط

اياد:اوه اخو منوله كيفك يا حبيبي عسى شبعتها ضرب

سام:يا حقير يا واطي لا عاد تذكر اسم اختي على لسانك واحترم نفسك واعرف ان مستوانا الشريف ما ينزلش حتى بس نكلمك

اياد:اوه اسمعوا من بيتكلم عن الشرف على العموم ربوا بنتكم المحترمه وبعدين اتكلموا عن الشرف يا شريفين الساعه ١٢ الليل اذا ما كانتش الزلط عندي هاذاك الساع عتنتشر الصور 

سام:وين نسلمها لك 

اياد:اطرحها في البنك باسمي وهذه البيانات حقي.......
سام :تمام بس انتبه تفكر حتى لو مجرد تفكير تلعب بذيلك او تلعب علئ اسيادك فهمت وقفل لا وجهه


عند مرام سارت لابيتهم واستغربت ان البيت فاضي دخلت غرفة ابوها وفتحت الخزنه وبزت جوازها وروحت البيت


في بيت علي:
دخل لا غرفة منال وغلق الباب:
سام:السيد اياد طلب ثلاثه مليون علشان ما ينشرش صورش فالان شاسير اسحب من البنك زلط السياره الذي طرحتيها المليونين الذي كنتي عتشتري بها سياره انا شدي المليون الثاني من جيبي بس يا منال لو يطلع الذي في بالي صح ما تبسري الا الرصاص في راسش اخطي البسي عبايتش الان


في امريكا:
الصباح في السوق:
مرام:اوف ذلحين وانا ما اشتري من هدايا وانا ما اعرفش احد

ليا:اسمعي وانا شاعرفش
ابي اكبر واحد ومعه انا ومصطفى ويونس ويارا توأم  وبعدين عمتي خيريه ومعاها اربع بنات وولد وعمي احمد وعمتي ساره ومعاها ثلاث بنات واثنين عيال

مرام:طيب يونس ويارا كم عمرهم

ليا:١٥سنه 

مرام:اها خلاص جي ندور لهم وللباقيين هدايا حاليه


وبعد ما اشترين جميع الهدايا روحين للبيت يستعدين للسفر


نرجع لاعند منال وسام
منال هزت راسها بخوف ولبست عبايتها وخرجت مع سام لا فوق السياره

بعد ما وصلوا للبنك نزل من فوق السياره وغلق الزجاجات والابواب ودخل للبنك وكل شويه يجلس يبسر هل عادهي فوق السياره او لا سحب من حسابه مليون ومن حساب منال الباقي وطرحهن في حساب اياد

طلع لافوق السياره وحرك لا عند دكتورة نساء بعد ما وصلوا للعياده قلها :انزلي ولو اسمعش تتكلمي بكلمه لا اكسر راسش

منال هزت راسها بخوف ونزلت معه 

جالسين مورعين في الانتظار داعت الدكتوره اسمها

دخلت لاعند الدكتوره :

الدكتوره:الله يهديش يا بنتي ما قد فعلتي



((تشتوني ارجع سام لمرام او ابدا بقصة حب جديده ووحش جديددد))




https://tttttt.me/rewayatyamania/29947


📚 @rewayatyamania 🇾🇪

⚡️

بــارتــات يـومنـا الاحــد 😍👇🏻

البـارت 31 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


جالسين مورعين في الانتظار داعت الدكتوره اسمها دخلت لاعند الدكتوره :
الدكتوره:الله يهديش يا بنتي ما قد فعلتي لما قد اهلش جوا يكشفوا عليش الله يستر بس بنات اخر زمن

بعد ما كملت الدكتوره تكشف منال سالتها:شريفه صح

الدكتوره:الحمد لله بس انتبهي يا بنتي لنفسش وابردي لش من عيال الحرام هم هكذا وكم قد يا ناس جوا لاعندي يكشفوا على بناتهم ويقتلوهن امام عيني

خرجت منال لاعند سام الذي مورع لها ومكنته الملف وبسر النتيجه وان هي بنت تنهد براحه وروح للبيت وكالعاده دخل منال غرفتها وغلق عليها ورسل رساله لاياد ان هو قد دفع الزلط بس اين النسخ الباقيه حق الصور واتفقوا انهم يلتقوا الليله


في امريكا الساعه ١١ليلاً 
وقت السفر فوق السياره:
احمد:هيا جهزتوا كل شي ماعاد باقي لكم شي

الكل :ايوه 

احمد:يله اللهم سهل لنا طريقنا

وصلوا المطار وطلعوا فوق الطياره وطول الرحله ومرام وليا واحمد بيتجابروا ومصطفى في الكرسي اللي وراء بيتفرج مرام وبيتحسر ان حبه طلع من طرف واحد

اول ما وصلوا اليمن نزل احمد من فوق الطياره ونزل يسجد لله ويشم ريحة تراب وطنه الكل كان يشوفه ويستغرب

بعد ما استلموا شنيطهم استاجروا تاكسي وطلعوا طبعاً من كثر ما الشنيط خيرات ربطوهن فوق السقف واول ما وصلوا البيت دخلوا بالتاكسي لاداخل الحوش لان الحارس يعرف مصطفى فدخلوا الفله ونزلوا الشنيط وخلوا التاكسي يرحله بعد ما حاسبوه دقوا الباب الداخلي للبيت فتحت لهم الشغاله:

الشغاله:اوه ماما ليا انتا جيت انا روح نادي بابا كبير

ليا مسكت الشغاله:لالا لا تروحي انا الذي شاروح لهم ودخلوا البيت
طبعا كان وقت غداء والكل مجتمع بيتغدى نساء ورجال الكل اول ما ابسروا ليا ومصطفى وقفوا والذي بتزغرط والذي بتحضن والذي بيسلم 

مصطفى:الكل الان يسمعني معي لكم مفاجأة احلى من الروعه بس كل واحد يجلس مكانه الان

الكل جلس مكانه وهو متحمس للمفاجأه فجأة دخل عليهم احمد وهو ماسك بيده يد بنته مرام

الكل استغرب وما عرفهمش الا البعض شبه باحمد

احمد:لهذه الدرجه نسيتوني 

الجد بفرح:احمد ابني انت احمد وكان يبكي

احمد حمل يحضن ابوه:ايوه انا احمد ابنك ايوه هو انا 

الجده قامت من فوق الكرسي حق المعاقين وبتمشي دلا دلا وهي بتبكي:احماااد احمد يابني

الكل انصدم وفرحوا ان الجده رجعت تمشي

احمد فلت ابوه ومسك ابوه مصطفى
وحمل لاعند امه وهو بيبكي ساع الجاهل اللي لقي امه بعد ما ضاع عليها:اماه يماه

ويتحاضنوا وبعد نصف ساعه من اللقاء بين احمد وامه وابوه

ياسر ابو مصطفى والدموع في عينه:وانا ماعتسلمش عليا






📚 @rewayatyamania 🇾🇪

البـارت 32 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


ياسر ابو مصطفى والدموع في عينه:وانا ماعتسلمش عليا

احمد حمل يحضنه وهو بيبكي:ياسر ياخي يا سندي وين كنت عني

الكل بيبكي وهو متاثر 

خيريه:احمد ياخي 

احمد :ها ياروحي الغالي وحضنها 

ساره:وانا ما عتحضنيش سعما خيريه

احمد ضحك من بين دموعه: جالسه هذك انتي ما تغيرتيش هذك الحساده وحضنها هي وخيريه جمعه 

بعد السلام والكلام

احمد:وهولا من وبياشر على يونس ويارا وعيال خيريه وساره

مصطفى:هولا التوأم اخوتي يونس ويارا وهولا وبدا يعرفه بالباقي

الجد: من هي هذه يا ابني هذه مرتك وبياشر على مرام الذي انسحبت لاعند الباب في طرف الصاله وحزينه وبتحس وجودها غلط في غلط بينهم

احمد:مرامو جي يا بنتي

الكل باستغراب:بنتك

الجد:بنتك طيب وين هي مرتك جي يا بنت الغالي جي وفتح لها يده علشان تجي تحضنه

اما مرام اترددت ان هي تسير تحضنه وبسرت احمد احمد اشر لها ان هي تسير تحضنه واحمد ارتاح لان ابوه تقبل مرام

احمد بحزن:ايوه بنتي اسمعوا شحكي لكم القصه من البدايه وبدا يحكي لهم كيف لما تزوج ماريتا (ام مرام الحقيقيه الذي ولدتها)وكيف لما ماتت وتوأم مرام كيف لما مات واين عاشت مرام  وكيف لما انسجن وانهو غير اسم مرام من محمد الى احمد والقصه كامله

الجده:ليش ماتدي بنتك عندنا يابني

احمد:انا ظنيت ان انتوا ماعتتقبلوهاش وان ابي عيطردني انا وهي

الجد نزل راسه بأسى:اه يا ولدي لو اقدر ارجع الزمن لاورا ماكنت طردتك ولو انني ما طردتك لوشي ان قد معاك مدري كم جهال وبنتك عاشت معاك ما تبهذلت في بلاد الغربه

احمد وجروح الماضي تنفتح من جديد:خلاص الان حصل خير

الجد :خلونا الان نفتح صفحه جديده ونعيش كان عاد احنا ولدنا امس

يونس:والله ان انت نزغه يا جد تشتي ترجع عمرك ١٥سنه نفسي اومه 

الكل ضحك على يونس

يونس:لا تحلمش ان عمرك يصغر خلاص قد عمرك ٧٠سنه

الجد  بيضحك وبيحاول يبين العصبيه :اسكت يا ولد من اللغاجه قد زيدت بها

يونس بضحكه:اشتي ادرا كيف لما تزوجتي جدي يا جده على هذه العصبيه حقه

الجده:مشو انا الذي اخترته هو قلبي الذي اختاره

ياسر:اوهووووووه وقد امي شاعره وانا مش داري من وين تعلمتي هذا الكلام الحلو يا حلو

الجده: كنا نسير الوادي ندي ماء وحبيته هاناك جلست شهرين من لما حبيته وما ابسرت الا وقد جاء خطبني

احمد بيصفق:اوه وطلعوا امي وابي عايشين قصة حب وانا مش داري 

الجد بضحكه ويبين العصبيه :هن شويه ماء كانت تسير تديهن وحبيناها حتى ما كناش نبسرها سوا كنا لاقد بسرنا بسرنا عيونها اما الجهال حق هذه الايام قدهو بيبسر المره من علاوها لا اخرها وعادهو يقل انا ابن ناس ومحترم 

لاتوجد سعادة دائمة ولا حزن باقي!🌸
كلها فواصل لمرحلة جديدة،
فابتسم لاجملها وتجاهل اتعسها🌸




https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 33 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


طبعاً البنات دخلين غرفة يارا بعد ما مرام ادت لكل واحده هديه وبداين يتعرفين على مرام

ومرام طبعاً حبتهن الا بنت خيريه الكبيره رانيا(عمرها ٢٠سنه مغروره وشايفه نفسها كملت الثانويه وجلست في البيت)

يارا:كلمينا عنش
 
مرام بدات تحكي لهن عنها يعني ملاك وحنان بس ما قالت انهن كانين يعذبنها وميثم اخوها وبتوريهن الصور فجأه توقف عند صوره 

يارا:واو غرفة من هي هذه

مرام :هذه غرفتي الذي في امريكا في بيت ابي محمد

يارا:ماشاء الله روعه

مرام :عاد الذي في بيت ابي احمد اروع وكبيره قوي جناح خاص لي وحدي

رانيا:بطلي كذب مغروره وخرجت من الغرفه
صادفت مصطفى في طريقها طبعاً البنات يوم الجمعه يلبسين ملفلف ويغطين شعورهن
(يعني محشم)

مصطفى:مرام داخل

رانيا بحقد وغيره:ايوه بنت الامريكيه داخل يخ كيف هي قليلة ادب وكذابه وبعدين ماتشتي منها

مصطفى بحده:اسمها مرام بنت احمد ال....تمام لو ازيد اسمعش تتكلمي عليها هكذا لا اكسر لش راسش مفهوم 

رانيا:لاتدافعش عليها انا داريه ان انت بتحبها 

مصطفى ارتبك:مالش من الجنان قال بين احبها وبعدين انتي ما تدخليش احبها والا مع ما حشرش

رانيا :انا داريه ان انت بتحبها لكن انت لي وبس وامك تشتيني لك وانت عتتزوجني غصب عنك

مصطفى باستهزاء:مالش من الجنان استحي على نفسش ماعاد بش حياء قالت عتتزوجني غصب عني ضحكتيني ومشتيش اضحك وبعدين انتي من عيقبل بش لا حياء ولاجمال ولا ادب

رانيا:ايوه اضحك اضحك وانت عتبسر وسارت المجلس عند النسوان

مصطفى في نفسه :صدق ما تستحيش.   

في امريكا في بيت محمد:
عادهو جاء من رحله هو واصحابه دخل البيت ابسره فاضي جلس يداعي:مرام مرومه ملاك امااهه يييي من هنا

محمد خرج من غرفته كان راقد:اهلاً اهلاً نورت البيت

ميثم باستغراب:وين مرام ولاملاك وامي

محمد بحزن:امك وملاك ضربين مرام وطردنها من البيت وانا في العمل وامك قلت ادبها فوقي وزيد طردت مرام طلقتها وسارت اليمن هي وملاك

ومرام سارت عند ابوها وابوها رجع اليمن هو وعيال عمها وهي والكل رجعت

ميثم بصدمه:يعني ذلحين امي تطلقت وخواتي سارين اليمن ما بقي لنا هنا ما عاد باقي الا انا وانت وخالي ومرته

محمد:انت قدك ما عاد باقي لك الا هذه السنه وانا شرجع اليمن انا جيت هنا علشان ادور ابو مرام هذه نيتي لجية امريكا والا علشان دراسة مرام كنت شديها تدرس هنا عند خالها وعندك وارجع اليمن طبعاً امك ما رضيت تجي معي امريكا الا حن قلت لها انو انا جيت ادور ابو مرام

ميثم:معقوله امي حقودة لا هذه الدرجه تضرب بنتها الذي ربتها ورضعتها استغفر الله العلي العظيم واتوب اليه انا لله وانا اليه راجعون هذا جزاء الظالم لمن ظلم

محمد:خيرة الله انا مسافر غطوه وانت ارجع معي اليمن لان معك عطله ولما تبدا الدراسه رجعت لاهنا احجز لك معي

ميثم:ايوه خلاص تمام علشان ابسر امي ومرام وملاك قدنا فاقد لهن

محمد بضيق:يله تصبح على خير ودخل غرفته

ميثم:وانتوا من اهله ودخل غرفته 


في امريكا بيت اشتياق:
اشتياق:هاشم قوا خلينا نرجع اليمن ولو حتى شهر قد حنان تطلقت ومرام سارت عند ابوها ورجعت اليمن ومحمد وميثم عيرجعوا غطوه ماعاد باقي الا احنا خلينا نرجع ولو حتى شهر

هاشم:تصدقي والله حتى انا بين افكر انني ارجع اليمن نجلس شهر والا شهرين بس معي عمل خيرات لذلك ما شقدرش

اشتياق:يوه ماهو قدنا فاقده لاهلي ولمرام قوا حاول يا حبيبي

هاشم:اوف خلاص تمام من عيوني الان اسير احجز واجهز اموري وانتي جهزي شنيطنا انا وحمزه (حمزه ابن اشتياق عمره ١٠سنين)

اشتياق بفرح:يعني عنسافر امانه مانا مصدقه قد لنا خمس سنين هنا ولاقد بسرت اهلي

هاشم:قد عتسيري تبسريهم يله مع السلامه وخرج

اشتياق :اسير ابشر مرام بزت التلفون واتصلت لمرام

مرام بفرح:اهلاً خاله شوشو  اهلاً با القاطعين الذي ماسالوش علينا

اشتياق:سامحيني يا مرومه بس قد انتي داريه بالامتحانات حق حمزه وكله انجليزي ويشتي مذاكره تعب وعادهو غر كمل اليوم 

مرام:انا داريه يا قلبي بين امزح معاكم امانه حبوا لي حمزاوي 








📚 @rewayatyamania 🇾🇪

البـارت 34 ⚡️

وحــوش لا تعــرف الحُــب

👌🏻👇🏻 😍
📚 @rewayatyamania 🇾🇪


اشتياق: تمام حبتش العافيه يوه نسيت ما اشتي اقلش

مرام:خير مابه

اشتياق:خبر روووعه

مرام:هيا امانه قلوا ماهو

اشتياق: يمكن نسافر غطوه يعني بعد غطوه وانا عندش في اليمن

مرام بفرح:امانه 

اشتياق:والله

مرام:واو روعه عيوقع احلى يوم

اشتياق:ذلحين قولي لي كيف انتي وكيف اهل ابوش معش

مرام:انا الحمد لله مرتاحه واهل ابي امانه لو لهم يبزوني مايخلوني اخطى لا يبزوني ولا بيخلوني افعل شي وبيتدلعوا لي جده وجدو وعمي ياسر وعماتي خيريه وسارة

اشتياق:اوهوووو قدش حافظه لهن قد تطورنا يا مرومه اومه

مرام:اكيد

اشتياق:كان خاطرش اقوم اجهز الشنيط عاد هاشم سار يحجز لنا الان

مرام:الله يوصلكم با السلامه ويوفقكم مع السلامه.   وغلقت

اشتياق من قلبها:يارب وفق هذا البنت الذي ولا يوم من لما وعادهي صغيره ما ابسرت يوم حالي يارب وفقها واسعدها وادي لها ابن الحلال الذي يصونها ويقدرها يارب ويارب اسعدها ونجحها 

ملاحظه:(مرام وليا في غرفة واحده اما احمد فهو في غرفته حق العزوبيه)

عند مرام: 
ليا:مرامو احاكيش بشي بس ما عتقوليش لحد

مرام:ماهو قولي وبعدين من متى قد بيننا ماعتقليش لحد وهذه الهباله

ليا:الصدق انا بين احب اخوش ميثم اشتيش تساليه اذا هو بيحبني علشان لا ابنيش في قلبي وهم

مرام اتفاجات:اوه يا نزغه وانا راكنه ان هو اعجاب وان انتوا بتحبوا اومه

ليا خزيت:عتقولي له والا مع

مرام خرجت التلفون ورعي اتصله:فجأة رن تلفونها باسمه وردت بلهفه:ها ميثمو عادنا شتصل لك الا واتصلت

ميثم بزعل:شهر وما تتصلي لي هذه هي الاخوه 

مرام :ياسعم ان انت مش انت داري ان انا روحت عند ابي

ميثم:والله ان عادنا رجعت اول قبل ساعتين وسالت عنش ابي قال لي القصه كلها 

مرام:سهل حصل خير وانا هنا في بيت ابي مرتاحه اوه اشتي اسالك يا وسخ

ميثم:اسالي يا روحي

ليا بتاشر لمرام تفتح الاسبيكر

مرام فتحت الاسبيكر وبتقول:اشتي ادارى بس فضول هل انت بتحب واحدة

ميثم:ايوه وانا ما بين اخبيش عليش شي لذلك شاقلش من بين احب

مرام:قول لي من هي سعيدة الحظ

ميثم باحراج:الصراحة هي ....

مرام:هيا من الخباله اتحاكا بدون احراج

مرام بفرح:اوه ليا يا نزغه وانا بين اقول ليش بيسال كيف هي هاذاك اليوم وان هو طلع حب 

ميثم:ايوه اساليها اذا هي بتحبني 

مرام:اطمن هي بتحبك بس ليش ما تجي تخطبها 
مرام:اي يا كلبه ابسر يا ميثم بعض ناس بيضاربوا

ميثم بضحكه:هي عندش

مرام:ايوه هي جنبي الان

ميثم:انا قد كنت شاجي اخطبها بس كنت اشتي اتاكد اذا هي بتحبني وشاسير احاكي ابي نجي في هذه اليومين نخطبها اوه صح نسيت ما اقول لش ان احنا غطوه انا وابي عنرجع اليمن  

مرام بفرح:امانه ان انت عتجي انت وابي محمد يوه وملاك وامي 

ميثم بحزن:ابي طلق امي علشان ان هي ضربتش وطردتش وزد رفعت صوتها على ابي وتكلمت عليه فهو طلقها

مرام:يعني امك تطلقت بسببي

ميثم:مشو بسببش بسبب امي وهي تطلقت بعملها 

مرام بزعل:الله يعين ايحين عتوصلوا اليمن

ميثم:عنوصل بعد غطوه الصبح

مرام:يوه صح حتى خاله اشتياق وخالوا هاشم عيرجعوا معاكم

ميثم:صدق امانه عادنا دريت الا منش يله خير شاسير اجهز ملابسي 

مرام:لو ليا عندك انهي هي الذي بتجهزهن لك مش تتعب انت

ليا خزيت وبتاشر لمرام تسكت

ميثم ضحك:اوه والله ان هو صدق اين انتي يا ليا روحي تجي تبسري حبيبش كيف قدهو تاعب عادهو وصل من السفر يشتي يرقد

ليا خزيت وخرجت من الغرفه

مرام :احرجتها يا وسخ وخرجت 

ميثم:يله الحقي بعدها وساليها (يعني فرحيها)خاطرش اسير ارقد 

مرام:اهاااا يله تصبح على خير يا قلبي  مع السلامه

ميثم : وانتي من اهل الخير يا روحي مع السلامه. وغلق

ليا دخلت الغرفه وهي فارحه:يعني بيحبني روعه

مرام:مش روعه بس ضخم الضخم ..ميثم طيب ومحترم ومسكين وما كان بيحن عليا الا هو وابي

ليا بابتسامه:مارايش نسير نقول لجدو علشان يعزمهم ومنها علشان يتعرفوا على ابوش

مرام: صدق والله بين افكر اقول لابي احمد بس بين اخزى 

ليا:لا تخزيش ولا هم حتى قدهم بيفكروا يعزموهم في هذه الايام مارايش نخليهم يسووا العزومه على رجعتهم من السفر

مرام:خلاص تمام هيا









📚 @rewayatyamania 🇾🇪