#لاتبالي... فإني عينيك...


البارت 68 ❤️

#قد أبدو بشوشا ضاحكا...
لا اسأم ولا اتضجر...
ولكني اموت في اليوم مائه مره#


👌🏻👇🏻 😍
📚 @rewayatyamania 🇾🇪


اليوم الثاني...

في بيت عزام...

خرج من البيت هو وخواته علسب يوصلهن للجامعه...


وصلهن ورجع سار لبيت عمه ((أبو امل))


رن جرس البيت فتح له أبوها وشكله كان مورع له...


دخله للمجلس... وضيفه


عزام: خير عمي طلبتني ليش؟؟


أبو امل بعصبية: بكل وقاااحه تجي تسألني هذا السؤال هاه؟؟ أديت لي البنت مضروووبه ولا همك شي! ليش هذا عمل رجال؟؟ اصلا لو أنت رجال م مديت يدك ع مره؟؟


عزام ببروده أعصاب: ليش ي عمي؟؟ اممم ع م أظن لو أنت مكاني بتفعل اخس والعن مني!... وبضحكه ساخره... ههههه والا يمكن هي ما حاكتك بكل شي وليش مديت يدي عليها... هيا اسمع ي عم واحكم وابسر من الغلطان إذا كنت أنا والله واللي رفعهن سبع لا اهجرها وإذا هي م يفرقني عنها غير الطلاق!


أبو امل بسرعه: بس حتى وإن م عتقدر تطلقها!


عزام رفع حاجب: وليش ب الله؟؟


أبو امل تنهد: لان امل...؟؟


& ي لسخيره الأقدار عندما تريد أن توهبنا بما لا نريد ولا توهبنا بما نريد&



ب العصر في بيت الجد...

ام كمال وأم محمد سارو لبيت عزام...


مها كانت في غرفتها وأبوها ومهدي والرجال في مجلس الرجال وبتحاكوا عادي ومواضيع مختلفه...


سمعوا رن جرس الباب...


أبو محمد لابنه محمد: سير ابسر من في الباب...


محمد قام بحلطمه: يييخخخخو يعني م به معاهم إلا انا... فتح الباب وابسر قدامه أحمد وسام وسامي سلم عليهم ودخلهم للديوان...


دخلوا وسلموا ع الكل... ورحبوا بهم وما استنكروهم ابدا...



سامي كان متوتر وع ناااار...


أحمد تنحنح ويشتي يدخل ب الموضوع: احممم ي العزي طلبتك قول تم...


محمد أبو مها وداري بطلبه: إذا أنا قده أن شاء الله؟؟


أحمد: والله احنا طالبين وشاريين بنتكم مها لابني سامي...


محمد أبو مها: اممم طيب صالحه وينها جت والا ماشي؟؟


أحمد عرق من كل شعره: والله ي عزي ماشي م رضت...


محمد أبو مها: خلاص م بش عندنا بنات للزواج!


سامي دمعت عيونه وما استحمل رد عمه ابسر لعند مهدي وبخيبه كأنه يقول هذا وأنا ركنت عليك... خرج من الديوان ومن البيت بكلللله...


احمد: هاه ههه خير ليش ي عزي؟؟ م ينفع هكذا أنت داري أنه بيحبها من زمان ليش تحرمهم من بعض؟؟


محمد أبو مها: أنا قلت كلمتي وبعدين م ظنتني إني غبي صالحه م جت لانها م تشتي بنتي وانا مش مباسل ببنتي لبيت م أحد يحبها فيه...


أحمد: لا ب العكس من قالك والله أنها من معزه بناتي احنا جيناك طالبينها وما عن ارخصها...


سام اقتهر ع أخوه: عمي ب الله عليك واافق... صح إني أكبر منه بس أنا م به معي حد ببالي لحد الآن... وأنت داري به أنه يشتي يخطبها علسب يأمن أنها عتكون له ومش لغيره...


محمد أبو مها تنهد: خلاص موااافق بس بشرط وإذا مش موافقين أنا م بش عندي بنات للزواج تمام...



أحمد وسام: قووووول أيش هو وأن شاء الله واحنا قدها؟؟


محمد ابو مها: صراحه أنا اشتي صـ....؟؟




📚 @rewayatyamania 🇾🇪

#لاتبالي... فإني عينيك...


البارت 69 ❤️


#*وهنيئا لقلبي حين اختارك نبضه ..!✧*


👌🏻👇🏻 😍
📚 @rewayatyamania 🇾🇪


نسير لبيت عزاام...

أم عزام بندم وحسره: والله م عن قدر نلقى أحد مثلكم... وأنا اســـفه بكل اللي فعلته ببنتكم... يمكن الحقد والغل أعمى لي عيوني والله إني متندمه قووي خلوا تسنيم تجي وترجع لناا... قدني فاااقده لها قوووي خلوها ترجع ووعد لاطرحها في عيوني...

أم كمال بابتسامة: أسهل م فات مات واحنا اهل ذلحين... ولا تقلقي إلا وتسنيم عندش بس بعد م يكمل عزام الشروط...


أم عزام تنهدت: الله يعينه أنا السبب في اللي أبني فيه... كان عايش حياته ومرتاح مع مرته وأنا اللي اديت له بلوة لا وسط بيته...


أم محمد: خلاص ي أختي كل شي مكتوب ومقدر وما نقدر نعترض عليه... بس المهم ذلحين أن عزام يكون قدها وإن شاء الله خير...


أم عزام: خير خير... وبتداعي... علاااااا عاليييييه وين الضيااافه...


جين واحده في يدها العصير والثانيه في يدها الكعك والبيتيفور... <<< مقبلات يمنية تجنن ومسكين اللي م عندو متلهن😝


أم كمال بتبسرهن: ما شاء الله ما شاء الله لا قوه إلا ب الله... يتشابهين قوووي


أم محمد: أيوة ذلحين قولي لي من هي علا ومن هي عاليه...


أم عزام وبتأشر: تيه علا وتيه عاليه!


علا وعالية كملين يضيفنهن وسارين... وهن حاسيات بهن وخازيات بنفس الوقت...


أم كمال: هيا اسمعي ي أختي احنا جينا نشتي بناتش الثنتين لعيالنا


أم محمد: أيوة وأنا جيت اطلب بنتش عاليه لابني محمد


أم كمال: وأنا اشتي علا لابني كمال...


أم عزام فرحت: والله أما أنا عني عن نفسي موافقه وما شقدر ألقى أحسن منكم لبناتي... بس الشور الأول والأخير لاخوهن وهن...


أم كمال: هيا بزوا راحتكم وردوا لنا خبر...


أم محمد : بس لا تطولوا علينا...


أم عزام: أن شاء الله...


في غرفه البنات...

علا: والله ي عاليه عندي احساس أنهم جوا يخطبوا...

عاليه سرحت وفي عالم ثاني: بس تقولي من مننا؟؟


علا: هههه مدري بس لو هو أنا شاباسل به لش أنا مشتيش عادني...


عاليه بسرتها بنص عين: ي سعم إني اللي اشتي... اممم بس اشتي اسألش سؤال بسرتي محمد اللي في كلاسناا...


علا: أيوة ماله


عاليه: خالتي حميدة أمه ومها أخته...


علا بصدمة: هااااه مش معقووول بس بس كيف دريتي؟؟


عاليه: اسمعي... وحكت لها


علا ضحكت: ههههه يعوه والصدفة ليكن حالية...


عاليه بتفكير: أي والله حاليه!



&➺🌸┊↷

‏⠀┊ 💕🍃

. •‏يــاحــب البعيـــديـــن ياأصـــدق شعور❤️



محمد أبو مها: صراحه أنا اشتي صالحه تجي تعتذر لي عن كل شي بدر منها... هذا أولا ثانيا تجي تترجاني وتتنازل لي علسب بنتي مها وأرضى... ثالث شي أي حاجه تقع ببنتي بسببها محاكمه...


أحمد قام من مكانه: شكرا ي عزي ما قصرت بس انت زودتها شويه وما ظنتني أنها بترضا... خااااطرك


سام سار بعد أبوه وهو مكبود ع حال اخوه


{ي قسى وجع الحب إلا ترحمين حالنا }



في الديوان..

مهدي بيشاور أبوه: أباه حرام عليك م ينفعش اللي بتفعله هذا أيش دخل الجهال فيكم...


محمد أبوه: مهدي انت م تدخل وسير من وجهي قبل م نتزاعل أنا وأنت...


مهدي قام بضيق: سابر ي ابه بس مش بعدين تندم... وطلع لغرفة مها....


جابر اخوه: محمد ولو هو فضول وما لي دخل بس احسك زيدت فيها... وبعدين م دخل مها وسامي فيكم


صالح: أي والله صدقك م ينفعش اللي بتفعله ي أخي... إذا كان بينك وبين صالحه شي لا تدخلوهم في دوامتكم


محمد قام بعصبية: ي اخوووتي فكوووني م تدخلوش هي بنتي واناااااا حرررر... وخرج من البيت بكلللله


صالح تنهد: الله يهديه بس


جابر: أمين


ِ➺🌸┊↷

‏اشتقت .!
إليك كثيرًا ، عجزت ان ارسلها لك .!
فقررت ان انشرها ، لـ يراها الجميع ..!



الليل الساعه 12..

عزام كمل شغله وسار بدربه وهو بيفكر مش معقوله اللي اتكلم فيه عمه...


وصل لبيت عمه عبدالله رن جرس البيت ودخل للديوان وطرح فوق الماسه ميتين الف...


عزام: وهذي تهجيركم أيش عاد ثاني؟؟


عبد الله: ولاشي يلا امانتنا عندك وانتبه لها تيه المره ثاني مره والله م يردني غير الحبس


عزام لف وجهه بضيق: ناهي... قام ... يلا أنا شاسير اورع لها فوق السياره داعوها والقطبه لأني تأخرت ع البيت... وسار

طلعوا يداعوها خرجت من البيت مع شنطتها طلعت فوق السياره وراء...


عزام بعصبية: عاد الناس يقولوا سلام... وبعدين مناش سواقكم لما تطلعي وراء ويلا قدام ابسر..


أمل نزلت من السياره بضبح ورزعت الباب بقووه وطلعت قدام


عزام: جعل الكسر في يدش دلا دلا ع السياره..

أمل: ناهي تماج..


عزام: تمجوا راسش ولا عاد اسمع لش صوت... يخخخخ بلوة الله يسامحش يماه..ِ.


أمل لفت وجهها بقهر ودموعها بينزلين...

بعد مده من الصمت..

عزام بهدوء:قولي لي من اي حين؟؟ وليش م قلتي لي من البدايه؟؟


أمل..؟

حبل الكذب قصير
وكذبك م بيطوول
وكذبتك كانت للوهم
وربي مادانيك يوم




📚 @rewayatyamania 🇾🇪

#لاتبالي... فإني عينيك...


البارت 70 ❤️

لو تممر وجيهہ وٱبيآت وسنين ،
ٱنت ٱخر درب لي وٱنت ..ٱولھہ❤


👌🏻👇🏻 😍
📚 @rewayatyamania 🇾🇪



مها كانت في غرفتها متوترة وضايقه من فعله أبوها بعد م قال لها اخوها مهدي ب اللي حصل... وهي مش قادره تصبر ومورعه لابوها يجي وبتتفاهم معه...


خرجت من غرفتها ونزلت ع دخلة أبوها من خارج تقدمت لعنده...


مها: وين كنت اليوم ي ابه؟؟


أبو مها بسرها: كنت خارج ليش بتسألي؟؟ مش من عوايدش تسأليني!


مها ابسرت أبوها وعجمت ماعاد قدرت تتحاكا بس شجعت نفسها: ابه سمعت اليوم ان سامي جاء خطبني وأنت رفضت هو صدق؟؟


أبو مها دخل: أيوة صدق ليش بتسألي؟؟


مها : بس ليش م جيت تبز رأيي؟؟


أبو مها: مش ضروري ابز رأيش أنا ولي امرش وافعل اللي اشتي!


مها: ماشي مش هو من حقك ي ابه ترفضه وما بزيت رأيي...


ابو مها رفع حاجب: وايش هو رأيش؟؟


مها رفعت عيونها لعنده: أنا موافقه واشتيه يعني اشتييييييييه!


أبو مها...؟؟


•أنا الأحق بلقائك وبالنظر لعينيك👀💙"
•أنا الأحق بك دوماً وغالباً وابدا✋🌸"


أمل: والله ليش انت خليت فيها بدايه م أنت من أول م وصلت م ورعت لردي أو حتى أدافع عن نفسي... أما اي حين دريت عاد هو قريب يعني لا تقول إني مشتيكش تدرا...



عزام بيفكر: اها حصل خير أن شاء الله... غطوه عتجي معي للمستشفى نتأكد...


أمل بتوتر: ليش أو مش واثق فيني ي عزام م ابسرتش التقارير أو كيف؟؟


عزام: إلا إلا بس للتأكيد!


أمل في نفسها يوووه ورطت نفسي ذلحين كيف شفعل اففففف يارب ايوووه أيوووه خلاص لقيتها: طيب براحتك


عزام وخطرت في باله فكره: بس هاه تسنيم عتجي قريب يعني استحملي شويه ويمكن م اكونش أجي لعندش خيرات وكل وقتي عيكون عندها بس يمكن حوالي 3 شهور أو أربع


أمل سار كل مخططها وبصوت عالي: هااااه تسنيم؟؟ وعتجي وتعيش عندنا؟؟ وفي بيتي لا والله ماااعه؟؟؟


عزام بنرفزه: قلتتتتت لش أكثر من مرررره صوتش لا يعلى فوقي تمام... وتسنيم هي عتجي في بيتها مش بيتش ي قمر امش... وعترضي غصب عنش ورجلش فوق راسش



أمل: تهينني ي عزام وعلميد من علميد واحده عاااقـ...


م كملت كلمتها إلا وعزام جنب سيارته بعصبية لما خلتها تدكم رأسها عرض زجاج السياره...


التفت لعندها ومشع شعرها من فوق المقرمه: قلت بس اكثثثثر من مرررره ي أمل إلا تسنيم وما عاقققر غيرش ي بنت آل... أستغفر الله عتتمسي الليله والا ماشي


أمل: أي آي ي عزام خلاص خلاص والله اسففه بس فلتني وجعتني...


عزام فلته ورزع رأسها عرض زجاج السياره: أزيد اسمعش تدي أي كلمه عليها والله م تلومي غير نفسش! افففف أستغفر الله من بلوه


أمل م ردت عليه وجلست تبكي...


وصلوا وأمل مستغربه هذا مش بيتهم...


أمل: يوه ي عزام هذا مش بيتنا وين شليتنا؟؟


عزام بدون م يبسرها: قلت لش انش عتجلسي في بيت تسنيم والا ماشي؟!



&‏مالـك بديل بخاطري ولا لك عديل
مالـك شـبيه غير قلبـي ودقـاته💕&


عند سامي كان في غرفته بيتفرج الألبوم حق الصور حقها... وكـ عادته يضحك ويتذكر ع كل صوره...


فجأة انتبز من مكانه وخرج للصاله وابسر امه وابوه وأخوه موجودين...


سامي بخنقه: والله والله يمه لو م انتي موافقه ع خطوبتي بمها لا اسيييير ولا عاد تعرفي وين أنا لا أهرب وارجعي اتندمي واتحسري عليا...


صالحه بفجيعه: يوووه ي ابني مالك هكذا قمت ساع الشيطان صل ع النبي وأذكر الله... وبعدين مابش لكم نصيب الإثنين م سمعت أيش طلب أبوها مني


سامي بحرقه: مااادخلي أنا دبررررري حاااالش أهم شي مها لييييييي تمام... قذا أنا قلت لكم معاكم مهله اسبوووع والله لو ما سديتوا ما عاد تزيدوا تبسروا لي صوره... ودخل غرفته ورزع الباب بعده بقوووه...


ارتمى فوق سريره ببكاء وغصه وقههههر ليش كل م اظن أن الدنيا بدأت تضحك لي تبكيني أكثر من اول؟؟



-‏ فــإنــي عـالــق بــكِ روحــآ وفـكـرآ وقـلــبــآ،💕


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

🍃🌸🍃

بارتات يومنا السبت 👇🏻👇🏻

#لاتبالي... فإني عينيك...


البارت 71 ❤️


...والله انك حبيبي والهوى بك نصيبي☹️♥️...&


👌🏻👇🏻 😍
📚 @rewayatyamania 🇾🇪


اابو مها تنرفز وفعلها ملطام خماسي الابعاد☹️...


مها م توقعت الملطام من أبوها لأنها أول مره يرفع يده عليها...


مها بدموع: شكرا ي ابه ليكككن أنا شجلس ع رأيي ذيه وما شاغيره... وطلعت غرفتها...


محمد أبو مها دخلت غرفته وهو ضااابح عيقرح وماعجبه ردها له وأنها تشتي تكسر كلمته...


مها دخلت غرفتها وغلقت ع نفسها ب الدااااير ومقرره تحبس نفسها وما تشتي حد يدخل لعندها....


*-وسألوني عن ذلكَ الوطن الذي أجلئ إليهِ دائما ، فأخبرتهم عنكِ.*


اليوم الثاني الصباح...


في بيت عزام خرج من البيت مستعجل ونسي قصه أمل أو ب الأصح تناساها... يشتي ينفذ الشرط الأخير والمعرقل له...


علا وعالية قامين ساع كل يوم وبيجهزين الصبوح... وأم عزام بتبسر التلفزيون...


قربين الصبوح وبيداعين امهن أمل سمعت مداعاتهن وخرجت من غرفتها...


أمل بابتسامة متصنعه: صباح الخير!


علا وعالية وأم عزام ابسرنها بصدمة مع قليل من الاستغراب...


ام عزام: انتي م اداش هنا؟؟


أمل اكتسفت: هاه عزام م حاكاكمش؟؟


علا : مش ذلحين ذيه السؤال بس أنا اللي مستغربه منه... انش قمتي بحينه مش من عادتش... وبنبره استهزاء... هه أو اهلش علموش التربيه والحماشه من جديد


عاليه ضحكت: ههههه صدقش ي أختي يلا هيا خلينا نأكل بسرعه عنتأخر ع الجامعه...


علا ابسرت لعند عاليه وغمزت عاليه فهمتها وحمررررت...


امل في داخلها أنا اوريكم وإن م أكون اسمي أمل: أمس عزام جاء لبيتنا بعد م اتصل له أبي ولما جاء جاء وادا 100000 تهجير ب الذي فعلتوه بي... وما قد كنت اشتي أرجع معه بس مضطرة لأني حامللللل لأني أيش ح ا م ل فهمتوا والا اعيد؟؟


علا وعالية م صدقيييين ب المره ومتأكدات أنها كذابه لأنهن اكتشفيين حاجه خطيره منها وقالين لعزام... بس مستغربات ليش عزام صدقهاااا وزد ادا لها تهجيير...


ام عزام بفرررحه قامت: والله آخييييرا شبسر عيال ابني ياربي لك الحمد والشكر...


علا وعالية قامين من فوق الاكل: الحمد لله شبعنا يلا خاطرش يمه دعواتش...


علا قبل م تخرج ابسر أمل بنظره وخرجت أنا حست أن علا دريت بها...


ام عزام: جي ي بنتي هاه اصتبحي وانتبهي لحفيدي تمام!


أمل جلست وهي بتحرق من داخل: تسلموا



‏⠀┊ 💕🍃

. •‏بيـــن القلـــب ونبضـــه مقـــرك ومستقـــرك💕




📚 @rewayatyamania 🇾🇪

#لاتبالي... فإني عينيك...


البارت 72 ❤️


👌🏻👇🏻 😍
📚 @rewayatyamania 🇾🇪

في بيت الجد علي...


مهدي كان متأخر ع دوامه نزل وهو مستعجل...


ابسرته امه: يييه ي ولد جي هاه م احاكيك!


مهدي باستعجال سار لعندها: هاه خير يماه م تشتوا؟؟


ام مهدي تنهدت: ي ابني كلهم خطبوا بقي انت ابسر أخوك محمد أصغر منك وسرنا ادينا لهم كلمه باقي بس الرد وأنت لأي حين ناوي تجلس عزابي؟؟


مهدي : يمه مش وقت هذا الكلام! م قد اشتيش والله!


ام مهدي: ماشي يعني ماشي والله ي مهدي لا تخليني ازعل منك! خليني افرح فيك وابسر عيالك حولي!


مهدي تنهد: خلاص يمه افعلي اللي تشتي!


ام مهدي فرحت: يعني موافق؟ طيب به في بالك بنت محدده والا ماشي؟


مهدي تذكر جليلة: ماشي يمه دوري لي انتي!


ام مهدي: طيب خلاص أن شاء الله من اليوم أدور لك...


مهدي قرب منها وحب رأسها: يلا يمه خاطركم تشتوا مني شي!


ام مهدي: سلامتك الله يكون معك!


مهدي سار وهو بيفكر مش معقوله؟؟ كان يتمنى ذيه اليوم اللي تجي امه وتسأل فيه إذا كان به معه حد والا ماشي ويقولها أيوه اشتي جليلة... بس مش كل م يتمناه المرء يدركه...



#ضـاع فيـڪِ الــوصـف ي ذيــڪ المـلامــح.



ياسر قام مستغرب من مها بالعادة م يجي ذيه الساع إلا وقد هي مجننتهم... تشتي تبسر ابن اخوها...<<< أوبسي م قلت لكم باساميهم... ابن ياسر اسمه قصي وابن ياسين اسمه عدي ^_^


قلبه مش متطمن من عدم دخولها لغرفتهم وتزعزعهم من صباح الله رضاك بدقداق الباب علسب يفتحوا لها... والا يوم تجي تقحصه وهو يبكي حس نفسه أن يومه مش هو سااابر...


كمل يبدل وخرج بيدق باب غرفة أخته...


دق الباب أكثر من مره م جاوبت في آخر دقه سمع صوتها...


مها من داخل وبصوت تاعب: ماتشتوا مني روحوا لكم خلووا لي حااالي...


ياسر...؟؟



$لا أطيق أي شي الان...
لا اطيق نفسـي...
ي موت دق بابي...
وخذني لترابي...$


عزام تنهد:وأخيرا رضيتي ي أختي افففف كيف انتي عنيده... اشتي ادرا أخي كيف كان يتعامل معش ي العنيده


ريهام بخزا مع وجع: هههه الله يسامحك والله م أنا عنيده بس احسها تكلفه وما يصلح أعيش معاكم بنفس الوقت


عزام: ي لييييلااااه رجعنا لذيه الخبببر... أكثر من مررره اقولش أنه انتي مره أخي وهذا ابنش ابن أخي وانا عمه... لذلك واجب عليا إني أهتم فيكم... وبعدين م يصلحش تجلسي وحدش في شقه م بش معش محرم... وما عاد أزيد اسمع منش ذيه الكلام...


ريهام: امممم طيب تسلمي لي بس خايفه أهلك يعارضوا من وجودي...


عزام: لا تخافي أنا شدبر أمري... قام... يلا ي رهومه شاسير عملي والعشي اجي وقدش جاهزه تمام


ريهام قامت بعده وهزت رأسها: تمام أن شاء الله... خرج وهي غلقت الباب بعده... ارتزحت عرض الباب بتعب وووبكاء...


م كان بش أحد معاها وعزان جاء وملا لها حياتها... بس شكل القدر مش راضي لها أنها تفرح أو حد يكون معها...


سمعت صوت ابنها يبكي... سارت لعنده وبتنيمه... ولد يتيم في اليوم اللي ولد أبوه مات اخخخ ي لسخريه الأقدار...


&لفـقيدي...
ي ليتني م عرفتك من بعد فرقاك زاد وجعي وجع&




📚 @rewayatyamania 🇾🇪

#لاتبالي... فإني عينيك...


البارت 73 ❤️

&اريدك ان تعتني بنفسك جيدا،اريدك حقا الا تقترب من امر يؤذيك او يكسرك،وتذكر دائما انك تعني لي الكثير ..🔐.


👌🏻👇🏻 😍
📚 @rewayatyamania 🇾🇪


ياسر : مههاااا افتحي مالش؟؟


مها: ولاشي مالي شي ليش اصلا انتوا مهتمين فيني... كل واحد أختار شريك حياته إلا احنا لييييش؟؟ طيب ليش قولوا لي م هو الذنب اللي ارتكبناه احنا الاثنين؟؟


ياسر تنهد بعد م دري بايش تقصد: مها افتحي وانا شافهمش وإن شاء الله اساعدش


مها ببكاء: خليييني لحاااالي مشتي شي وعمركم م عتساعدوني بشي!


ياسر : سابر ي مها... سار وخلاها براحتها هي في الأخير بترجع لهم...



&كُل مآ أعلمه إن وجودكِ فَي حَيآتي هو سند هآئل لي 💙✨&



ام مهدي وأم جليلة وأم تيسير في الديمه...


ام مهدي: وأنا لو تبسرين واخيرا مهدي رضي لي أخطب له...


ام تيسير: الله يوفقه ووالله وكبروا جهالنا. وعجزوا بنا...


ام مهدي: هههههه أي والله صدق


ام جليلة تنهدت: الله يوفقه ويدي له بنت الحلال اللي تسعده


ام مهدي بابتسامه: وأنا م اشتي إلا بنتش لابني ومتأكدة أنها عتسعده...


ام جليلة فرحت: واحنا والله يشرفنا وإن شاء الله خير نحاكي أبوها ونبسر... تدري أبوها مش راضي لها تتزوج لأنها وحيدته... بس يمكن يرضى لأنه ابن عمها


ام مهدي: خير أن شاء الله خير والله يقدم لهم اللي فيه الخير...


&انتِ قدري ونصيبي مهما ابتعدنا , افترقنا, تزاعلنا&


كمل من عمله وبسرعه سار لعندها شلها معه وهي متوووتره ومفتجعه منهم...


مفتجعه لا يرفضوها... فتجعه لا يستقبلوها ب الرفض و الاهانه...


وصلوا وريهام حست أن قلبها في أرجلها...


عزام نزل من السياره: يلا ي أختي احنا وصلنا... لا تفتجعيش أنا معش


ريهام نزلت بتوتر وفي يدها ابنها... وملخبطه من كل الجهات

عزام نزل اللداه: يلا سمي ب الله وادخلي...


ريهام تنهدت وسمت ب الله ودخلت وعزام وراها...


دخلت للصاله والكل كان موجود...


عزام بابتسااامه: السلاااااام عليكم ورحمة الله وبركاته... كيفكم؟؟ عاد انتوا ذاكرين أن به معكم ولد والا ماشي



ام عزام: وعليكم السلام ههههه يوه وبه حد ينسى ان به معه جهال... وانتبهت للكتلة السوداء واللي في يدها😂وباستغراب... وبعدين من هي تيه اللي معااااك ي عزام


عزام....؟؟


&فقدانك...
أخذ مني روحي
ولا أريد البقاء أرجوك
خذني اليك...&




📚 @rewayatyamania 🇾🇪

#لاتبالي... فإني عينيك...


البارت 74 ❤️


&لما تحب شخص...
حبه بكل حالاته, عيوبه, غيرته, كلامه, عتابه, وحتى عصبيته...&


👌🏻👇🏻 😍
📚 @rewayatyamania 🇾🇪


عزام جلس جنبها:تيه مرت أبنش يمه!


ام عزام شهقت: هييييه متزوج الثالثه ي عزام وبالخفيه؟؟ ولااا وفي يدها جاهل وشكله ابن سنتيييين؟؟ يعني تزوجتها قبل تسنيم والا بعد!


عزام قرح ضحك: هههههههههههههههههههههااااااااي يمه مالش عاليا دلا دلا وبعدين تيه... أشر لعندها... ريهام زوجه عزان والولد اللي في يدها ابنه


ام عزام م صدقت وقامت من مكانها بصدمة: هـــــــــــــاه منك صدق بتتحاكا والا بتكذب...


عزام: اجلسي ي امه وانتي اجلسي ي ريهام... وأنا شاقولكم بكل شي بس م اشتي أحد منكم يقاطعني تمام


الكل: تمام


عزام: اسمعوا عزان اخي قبل م يموت بتسعه اشهر التقى بريهام في المستشفى اللي بين اشتغل فيه يوم كان جاي يبسرني المهم... ابسرها وهي منهاره لأن أهلها كلهم ماتوا بحادث وبقيت هي بس... رجع ساعدها وتعلق فيها بس ما حاكاش حد... كان مشوش ومش هو داري م يفعل انا حسيت فيه قلت له مالك حاكيني وفضفض لي وأنا أخوك... رجع قالي بكل شي وبعد فتره ساعدتهم بأنهم يجتمعوا ويتزوجوا لأني كنت ابسرهم بيحبوا بعض... المهم تزوجها وكان فااارح قوووي...<<< وسررررد لهم كل الحكايه من الألف للياء...


ام عزام كانت تسمعه وتبكي كمل يتحاكى: يوووه ي قهري عليش ي بنتي... كيف تعذبتي وتحملتي ويا الله أنه خلا لي شي من ريحته يذكرني به... مدت يداتها الثنتين... هاتيه اشتي اشمممه وارتاااااح



ريهام مكنتها الولد بدون تردد...


الجده بزته منها وبتتحببه وتشمه: يوووووه ي روووح جدتك وأخيرا رجعت لي رائحته الله يخليك وما يحرمني منك ساع م حرمني من ابوك...


الكل تقبل ريهام وابنها بروح حالية... ريهام تفاجأت بهم م كانت متوقعه يكون ردهم كذا بس ارتاحت لهم وتأقلمت معاهم... واعتبرتهم عيلتها اللي انحرمت منها...



&قد يأخذ منك الله شي تحبه... ولكن تأكد أنه أختار لك خيرا منه&



مررت ثلاثه اياااااااام ومها حابسه نفسها في غرفتها وهالكه حالها وما بتخرج لا تأكل ولاتشرب ولاشي...

سامي دري م فعلته بنفسها وجنن اكثثثثر وبيهدد امه...

تسنيم يومها اليوم بترجع لعزام واخييييرا

محمد , كمال, مهدي ردوا لهم بالموافقه ومنتظرين ليوم الخطوبه... بس مهدي لحد الان مش داري من هي خطيبته

الباقي ع حاله وما تغير...


محمد أبو مها تنهد وبيحس بتأنيب الضمير ع حال بنته...

بز تلفونه ولازم يأخذ تيه الخطوه علسب بنته لأنه مش قادر يبسر بنته بتيه الحاله...

وبعد أربع رنات جاوب الطرف اللي متصل له محمد...

...؟: السلام عليكم


محمد: وعليكم السلام كيف انت؟؟


...؟:: نحمد الله وانتوا كيفكم؟؟


محمد: والله ماشي تمام الحمد لله... بس اشتي اقوووولك إني موافق بس لو المدام حقك م جت الخطبه شاكنسلها...


...؟:والله؟؟ تمام أن شاء الله ولا يهمك المهم ذلحين شاسير ابشر الولد قبل م يطيح من يدي...


محمد تنهد: الله يصلح حالهم... يلا في أمان الله


...؟: امين... في حفظه


غلق محمد وهو مرتااااااح وحس أنه بيسعدها بخبره... فز من مكانه وسار لغرفة بنته...


دق الباب أكثر من مره بس م في أي رد منها...


محمد بخوف: مهااااااا ي بنتي افتحي الباب أنا ابوش اشتي احاكيش حاجه!



مها:...؟؟


&- وأمتلينا شوق طالبين ﺎﻟوصال ‏.💔&




📚 @rewayatyamania 🇾🇪

#لاتبالي... فإني عينيك...


البارت 75 ❤️


&انا استعد اتحمل إي شي لأجلك إلا انني لا استطيع أن ارى الوجع في عينيك&


👌🏻👇🏻 😍
📚 @rewayatyamania 🇾🇪


مها ولا ردت محمد افتجع ع بنته قووووي ما دري م يفعل... ع طلعة مهدي...


محمد أبوه: ي ابني ليش مها مش راضيه تفتح الباب قوووولها تفتح وأنا والله إني موافق ع الخطبه... جيت ابشرها بالله لا تفجعوني عليها


مهدي فرح في داخله وضحك وأخيرا خطتهم نجحت: هاه تمام تمام ي ابه انت سير أدعي إي واحد من إخوتي علسب نكسر الباب...


محمد بدون تفكير: تمام الآن... وسار يدعيهم


مهدي بسرعه خرج الداير من جيبه وفتحه...


مهدي وهو بيضحك: هههههههااااااي والله وقدرتي ع أبي ي هبلا...


مها التفتت له بابتسامة: ههههه اصلا م قد كنت شقدر ع هذا كله إلا بسببك... قامت من مكانها وسارت لعنده وحبته في صابره... اححححححح م احلاااااااااك من اخخخخخ فديتك ي قلب أختك...


مهدي حبها في رأسها: يووووه جبرني بش ي روح اخوش وبعدين كم معنا مها... سمعوا صوت أبوهم والعيال...


مهدي بسرعه: سيري اختمدي فوق السريييير بسرررعه وأنا ي سعم شفعل نفسي بين اعالجش...


مها بسرعه فعلت اللي قالها اخووها... مهدي خلا نفسه أنه بيعالجها...

أبوهم دخل ومستغرررررب قوووووي...


محمد: كيف لو ما دخلت ي مهدي؟؟


مهدي: هاه مش وقت ذلحين ذيه الكلام مها تاااعبه قوووي فيها هبوووط حاااد... جي ابسرها


محمد جاء حميليه لعندها وجلس فوق راسها... مهدي ابسر ياسر ومحمد أخوه وجمال وكمال وووو وغمز لهم... وهم كتموا ضحكتهم ودخلوووا ياسعم يلهوه...


&يا هل العشق المدبلج والمحببه
لاحدن عندي يطري لي ...حبيبه&


عزام تجهز واليوم هو اليوم الموعود وتسنيم عتنوووور بيته وعيكحل عيونه بشوفتها واخيييرا عيسير يديها وعتجلس عنده وما أحد له دخل فيها...


وصل للبيت وإن قد أبو تسنيم مورع له دخله للمجلس وسار داعا تسنيم...


أبو تسنيم: والله ي عزام أنك رجاااااال وابن رجاااال فعلت كل الشروط اللي قلت لك عليه وأنا ذلحين شوفي بوعدي لك... وهذه تسنيم لك بس هاه خليها في عيونك وانتبه لها...


عزام وهو مشخرررررر: تسلم الله يحفظك...ولا عليك ي عم تسنيم في عيوني...


أبو تسنيم: يلا ي تسنيم سيري البسي علسب تسيري مع زوجش


تسنيم سارت بدون إي كلمه مع أن في جوووفها كلاااام خييييرات تشتي تحاكيه بها...


عزام جلس يتحاكا مع عمه وهو بيعد الثواني... وأخيرا جت تسنييييم وسارت معه وودعت الكل...



فوق السيااااره...

عزام: يووووه نوووورت سيارتي بوجودش ي قلبي... كم قدنا مشتاااااق لش ي الظااااالمه ولا عاد سألتي عليا


تسنيم ضحكت: ههههه حرام عليك والله إني كنت أجلس اهرم خواتك عليك...


عزام: يوووه وانفدا!


تسنيم كأنها تذكرت: أيوة صح قولي ذلحين أيش هن الشروووط اللي قالك عليهن أبي لحد الآن وأنا ساع الأطرش في الزفه....


عزام...؟؟


&-
مفتون أنا في عشقڪ والقلب ملزوم يوصف غرامك للبشر وأحلى الانغام💜⚜&


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

#لاتبالي... فإني عينيك...


البارت 76 ❤️


&ولانــي احبـــكـ... سـأفعـل إي شي لاجلكـ...&

👌🏻👇🏻 😍
📚 @rewayatyamania 🇾🇪

عزام : لحظه نوصل للبيت وبعدين شاحاكيكم كلكم...


تسنيم: تمام يلا...


وصلوا للبيت نزلوا وعزام نزل حقها الشنيط وووو المهم...


تسنيم بتتفرج البيت بتمعن... أكبر من اللي كانوا فيه واحلى باين عليه...


تذكرت أمل وأنها رجعت لعزام بدأت تحس بتوتر ما تشتيش تقابلها بالمره وكيف عتستقبلها عمتها بالرفض والا بالقبول... مع انه عماتها قالين لها أن عمتها رجعت طيبه...


عزام خرج من البيت بعد م دخل الشنط... ابسرها واقفه أستغرب وسار لعندها...


عزام: هاه ي تسنيمي مالش واقفه؟؟


تسنيم: اااا والله امممم ولاشي يلا ندخل!


عزام بشك: تسنيم فيش حاجه تحاكي؟


تسنيم وطت رأسها: الصدق الصدق... مشني داريه كيف عتفعل أمك... ووووو أمل الصدق مشني داريه كيف شاقابلها... كيف تشتيني ابسر المره اللي بتشاركني فيك... م أقدر والله م أقدر


عزام تنهد قرب منها وسحب يدها: تأكدي ي قلبي إني معش وأمل طنشيها اسعريها سعر الكلب... واعتبريها كانهي ريهام أو علا وعالية....


تسنيم باستغراب: ومن قدي تيه ريهام؟؟


عزام سحبها لا داخل: جي وأنا شاقولش بكل حاجه! لحظه ادخلي برجلش اليمنى وسمي بالله


تسنيم ضحكت: هههههه وربي أنك مجنون... يلا بسم الله



عزام داخل نفسه(( أيوة أنا مجنون ومجنون في حبش))


تسنيم ااول م لامست رجلها البيت حست نفسها عتدرب من الهجوووووم المفاجئ من قبل المجنونات اللي قضين عليها...


عاليه: ياااااااااااي واخيييرررررا رجعتي م وحشناش والا تشتي تتغلي علينا؟؟


علا: مع مع هي اصلا بتتكبر علييييينا وما عاد تشتينا...


تسنيم وهي مخنوقة: ايييييي ي المجنوووونات خنقتني وخرررين مني عتقتلني....


علا وخرت وهي بتضحك: ههههه أيش نفعلش كله عمل الشوووق...


عاليه الثانيه وخرت: إي والله صدق يعني لا تعتبي علينا...


تسنيم: يوووه فديتكن صدق وأنا والكل لو تبسرين كيف قدنااااا فاااااقد لكن قووووي....


عزام بغيره ودخله في العرض: هييييه وأنا وين شليتني أو نسيتيني والا مش انتي فاقده لي



تسنيم بسرت لعنده: أحيييه فديت انا الغيووور... مع أنت الأصل والفصل ومن ينساااك ي قلبي واكيد فاقده لك وقوي...


عزام مسك ع قلبه: يوه يوه م أقدر أنا ع الكلام هذا لا تخليني اتهور اعقلي ي مره...


تسنيم نطت وتخبت وراء علا: ماشي خلاص هاه افسسسه سكت...


عزام ضحك: وربي انششششش مجنونه...


جت ام عزام وريهام يستقبلوها...


ام عزام بابتسامة: حياااا بروحي حياااااا نور البيت بوجودش ي بنتي سامحيني ع كل شي سببته لش...

تسنيم برزانه واحترام حبتها في رأسها: تسلموا ي امه... البيت منور بأهله مسااامحه يمه وانتي م فعلتي شي...


ام عزام: ربي يحفظش ويكملش بعقلش...

تقدمت ريهام منها وسلمت عليها: حيا كيف انتي؟؟؟




📚 @rewayatyamania 🇾🇪

#لاتبالي... فإني عينيك...


البارت 77 ❤️


👌🏻👇🏻 😍
📚 @rewayatyamania 🇾🇪


تسنيم سلمت عليها: وقوا الحمد لله وانتي؟؟


ريهام: نحمد الله


تسنيم: والنعم... انتي ريهام صح


ريهام بابتسامة تجنن: ايوه


عزام تعب سناب: هيااااا خلونا نجلس يوه كم تقدرين تستحملين ما شاء الله عليكن...


الكل ضحك وتوجهوا للصاله...


كل واحد جلس في بقعة وتسنيم أكيد جنب عزام ليش هو اصلا بيخليها اكييييد لا...


تسنيم بتساسره: هيا ي عزام م قلتي لي من هي تيه ريهام...


عزام: هاه تيه ريهام زوجة أخي عزان!


تسنيم م فهمت: كيفه؟؟


عزام: شافهمش ذلحين...<<< وسرد لهاااا كل الحكايه...



{شختصر لكم الموضوع واقولكم أيش هن الشروط...
1- تجلس في بيت أبوها لما يكمل الشروط كامل... هذا أول شرط
2- أنوه يبيع ذيك البيت الأول ويعمر له بيت قريب من بيت أبوها...
3- البيت الجديد ينكتب باسم تسنيم كااامل...
4-يخلي مرة اخوه عزان تسكن معاهم... لأن ابو تسنيم داري بزواجة عزان
5-ام عزام أو أمل يتعرضوا لها تهجير...
6- يخلوها براحتها وما يأذوها... أو يعايروها بسبب الانجاب
7- واخيييرا إي شي يجي منهم يضايق تسنيم طلاق فووورا}


تسنيم بتدور بعيونها أمل وما لقيتها...
سمعت صوت فتحه باب التفتت وابسرتها قدامها... تسنيم ع طووول زقمت بيد عزام بتوتر...


_*والإمسّاك بيّداكِ ، كَـ أرض الوُطن💙*_


سامي كان خارجي من البيت داعاه أبوه...


سامي سار لعنده بتنهد: هاه أباه م تشتوا؟؟


أحمد بفرح: شاقولك بحاجه تفرحك... بس اشتي تحليه!


سامي كأنه شك: خير ي ابه كله ع حسب الموضوع ولك مني احلى تحلايه...


أحمد بابتسامه: خـــالك محمـــد واااااافق انــك تكـــون لمهـــا...


سامي بعدم تصديق: امانه امااانه ي ابه منك صدق؟؟


أحمد: والله ليش فيها مزح هذي الاشياء


سامي حب رأس أبوه: بشرك ربي بالجنه ي ابه الله يحفظكم واخيييرا يالله...


أحمد : آميييين ويلا اشتي حلايتي...


سامي: ابشرررر... ودخل غرفته...


من كثر الفرحه اللي بداخله م عاد عرف أيش يفعل كان يسير للدولاب وارجع يسير للطاقة وهكذا... وما استحمل رجع يتنطط ساااع الجهال?

سامي بفرحة م تنوصف: ههههههه واخيييييييرا بتكوني لي ي مهاااا...


_شوفتك كنها البصر بعد العمى
وغيبتك مثل العزا في يوم عيد"😴💔


مهدي يمثل الجديه: خلاص يلا أخرجوا اشتي أفعلها ابره وما ينفعش تبسروها حتى أنت ي ابه...


محمد: هاه بس أنا أبوها عادي...


مهدي كاتم ضحكته: مع م ينفعش ي به اخررررج انتوا وهم لأن الابره اشتي اضربها في بقعة م ينفعش تبسروها...


كمال وجمال ومحمد وياسر وياسين قد وجههم احمممممر من الضحك المكتوووم... وأخيرا جاء لهم الفرج وخرجوا قرحوها ضحكه من عمهم محمد وشكله...


محمد أبو مها خرج باستغراب منهم ليش بيضحكوا وبيعصبيه: هييييه انت وياااه شي معاكم عمل والا ماشي...


كلهم سكتوا وما قدروا يردوا عليه...


محمد تأفأف: استغفرررر الله عيال آخر زمن... وسار من عندهم


أمد م خلوه يسير ودخلوا لعندهم وابسروا مهدي قدوه منسدح في القاع من الضحك... ومها م باين منها شي



محمد اخوها قرب منها ويشتي يبعدها من وجهها م رضيت... أستغرب منهم مالهم هذولا الاثنين


مهدي بعد م هدأ من الضحك...


جمال: خييييير ي الخوي مالك هكذا وليش تضحك؟؟


مهدي كل م يتذكر الموقف يضحك: ههاه ههههههه بسرتوا لما هههههه قلت لأبي يخرج ههههههههههههه يووو ي بطني م شقدرش اكمللللل...


مها سمعته وبعدت الطراحه من وجهها وشكلها احمررررر من الخجل: تستتاااااااهلللللل جعللللللك المغص في بطنك ي رب


مهدي سمعهااا وما عاد قدر يتحمل وخرج من الغرفه وهو بيضحك...


والعيال ساع الأطرش في الزفه مشهم دارييين مالهم...


البنات طلعين مهدي ابسر جليلة قباله سكت ونزل بدون إي كلمه...


دخلين غرفة مها وهن مكتفات ايديهن...


ساميه بعقاده حواجب: ما بتفعلووووا هنا يلااااااا مقلع من غير مطروووود


تغريد نفس حركتها: ايووووه يلااااا معاكم عمل سيروا بدل المفراغه هذه...


سميره نفسهن: أيوة صح والا إذا م بش معاكم عمل المزوجين يسيروا يبسروا لنا حل مع جهالهم اللي مش راضيين يسكتوا...


جليلة وهي مشتتة التفكير من نظره مهدي: أيييوه


مها....؟؟


_أخبــي الشــوق لا شفتــك قبــآلــي وأتمنــى أشــوفـك ڪـل ليلـة_🔕😴


https://tttttt.me/joinchat/AAAAAEIz_KDfjDgo7Gaxwg

📚 @rewayatyamania 🇾🇪

#لاتبالي... فإني عينيك...


البارت 78 ❤️

‏مهما حدث بيننا دائماً إستند إليّ وكأنني قوتك ،


👌🏻👇🏻 😍
📚 @rewayatyamania 🇾🇪


عزام حس فيها التفت لعندها وطرح يده الثانيه فوق يدها يطمنها...


تسنيم ارتاحت نسبيا وابتسمت...


عزام أشر لعلا بعيونه تأدي اللي قاله عليها...


علا فهمت: اووووي امووووول مش قلتي اليوم عتسيري مع عزام المستشفى


أمل توترت: هاه أيوه عادني جيت اشتي اقولكم...


عزام قام من مكانه: طيب يلا البسي والحقيني للسياره...


تسنيم م دريت بايش بيتحاكوا ومستغربه من عزام ليش م حاكاها...


علا أشرت لتسنيم أنها بعدين بتفهمها...


أمل دخلت غرفتها بتحلطاام(( يوووه ي أمل ودفتي والله... تخيلي يكتشفوا خطتش والله أنها القاضية... ضرووووري لازم أفعل حل وأبي لو يدرا إني كذبت عليه م عيفعل... اففففففف ياااارب))


كملت تلبس وع خرجتها سمعت تسنيم وعلا بيتجابرين(( يوووه ي أمل تسنيم هنا من ايحين جت... وانا اقووول تيه اللمه ليش إلا علسبها... بس والله م سبرت إلا لاخرب عليها بنت آل...))


فتحت الباب: يلا سلام عنسير نبسر البيبي حقنا ادعوا لنا تمام... وابسرت لعند تسنيم وأن وجهها تغير ابتسمت بانتصار وخرجت...


تسنيم بكبده: صدددق اللي قالته؟؟ يعني عزام بيقع له جاهل من غيري؟؟


#عـواصـف كـثـيـره تـعـصـِف بـداخـلـي ولـكـن مـظـهـري الـخـارجـي يـُشـعـرك بـأن كـل شـيء عـلـى مـا يـُرام وأنـنـي جـيّـد جــــﺩآآ لـلـغـايـــهہ 💔"


مها قامت: ع الأقل هم ساعدوني أما انتين جاء لكن تأنيب الضمير...


ساميه تخصرت: والله ي ناكره ومن اللي كان يفعل لش الاكل كل م قد انتي جاوعه ي كارشه...


مها تورطت: هاه ذلحين خلوني أسير لعند ابي اشتي أشكره بطريقتي... وسارت


سميره وهي بتداعيها: وووويه ي بنت وين عتسير جي هاه لا تتهربي من الجواب!


تغريد وهي بتضحك: ههههه خلوها خلوها هي عترجع... يلا الله يتمم لهم ع خييير ي رب والله إني فرحت لهم قووووي الله يخليهم لبعض


الكل: اميييين!


#انــــت ماضي , حاضري ومستقبــلي😴✨


سامي بز الألبوم و كـعادته ما سمع إلا صوووت ابووه بيصيح له سار جاوبه...


سامي: هاه أباه م تشتوا؟؟


أحمد بيمثل الغضب: شكلك تشتيني الغي كل شي... وين اللي قلت لك حقي الحلاوا


سامي خفع جبهته: يوووه نسييييت الآن أسير ادي احلى حلاوا ومن اللي تعجبك بس هاه أنا يلا كرها وصلت لها عادك تشتي تلغي كل شي...


أحمد ضحك: هههههه الله يهديك يلا سير الآن وأنا مورع لك ولايهمك إلا اللي يرضيك...


سامي حبه في رأسه وسار لصاحب الحلوى واشترى له مشبك من الحجم الكبييير 😋...<<< اللي م يعرفش المشبك تيه حلوى يمنيه تجنن واحسن من أي حلاوى ثانيه بلون الأحمر وبأي شكل تشتوه...


رجع سامي للبيت...

سامي: وهذي أحسن مشبك لأحلى واحسن اب...


احمد توضع: يلا أديها بسررررعه وأنا افدي أبني اللي يعرف أيش اللي يعجبني...


سامي ضحك: ولو أنت ابي والا ماشي؟؟


أحمد: إلا إلا ذلحين مش وقتك أدي المشبك بسرعه...

سامي مكن أبوه ودخل غرفته... يكمل اللي بدئه...


#ڪُل شيء حولي أنتَ..فأنا لا أرى
الـ؏ـالم جميل إلا بڪ "ِ 💛🌸'


فـي المستشفى...

عزام: يلا ادخلي وانا شجلس هنا بسرعه يلا...


أمل فرحت من داخلها : بس م عتدخلش معي؟؟ المفروض تجي معي علسب تبسر طفلك والا ماشي؟؟


عزام: مش وقت أنا ذلحين معي عمل ولما تكملي دقي لي تمام!


أمل: تمام... ودخلت...


عزام....؟؟


#وإن رأيتُكَ للمرّةِ الألف ، لَنْ تتغيّر تِلكَ النبضة الَّتِي أشعُرُ بِهَا حينَ أراكَ




📚 @rewayatyamania 🇾🇪

#لاتبالي... فإني عينيك...


البارت 79 ❤️

#صحيح الناس مليانه وفي مني كثير ويشبهوني شكليا... بس أنا مالي اثنين بالوجود 💞

👌🏻👇🏻 😍
📚 @rewayatyamania 🇾🇪


عزام (( اخخخخ وتمثل الدور صح... بس والله م عذر م ابهذل بش مش أنا اللي تستغبيني... يلا ي عزام الخطه الثانيه لازم تنفذها))


سار لمكتبه وفعل مكالمه سريه ضرورية ومهمة جداااااا...


عزام: بدأت لعبتش ي أمل تنكشف وأن م ندمتي ع اللي بتسوية فما اسمي عزام...


#أنا طيب, محترم, اتغاضى ع أي شي يزعجني, أحب التلقائيه, الابتسامه, المزح, كثير العطاء والسخاء, قليل الغضب والحقد...
#ولكـــن احذروا أن تستغبوني بكلمه...
فسأكون شارون بذاك الوقت ولن أرحم أحد...



مها نزلت وهي بتتحلف بسرت أبوها معطيها ظهره...
قربت من عنده بخفة علسب م يسمعها رفعت نفسها بأطراف أصابعها وطرحت ايديها حول عيونه...


مها بفرحة: من انـــا؟؟


محمد بعد يدها وهو بيضحك لفها له وبزها في حضنه: انتـــي بنتــي حبيبة ابووووووها...


مها وفرحتها م تنوصف حضنته بقووووه: بــابـا ربي م يحرمني منك ي روح بنتك ويخليك لي طول العمر...


محمد بعدها منه وحبها في رأسها: آمين الله يحفظش ي قرة عيني... وابسرها بشك... بس مش كانت انتي مريضه والا بيتهيئ لي...


مها اتلعثمت: هاه هو هو بس امممم ااا...


محمد قرح ضحك: هههههههههه فديت بنتي اللي كبرت وبتفعل أي شي علسب الحب...


مها خزيت: ابــيييييييي بتحرجني...


محمد: يوووووه ع بنتي اللي بتنحرج... الله يوفقش ي بنتي ويختار لش اللي ما فيه الخير...


مها: آمين يارب... وين عتسير ذلحين بين ابسرك متجهز...


محمد تذكر: يعوووه نسيت معي عمل مهم... يلا أن شاء الله العشي عنتفاهم تمام؟


مها من قلب: الله يكون معك وييسر لك كل عسر ي رب... أن شاء الله...


محمد سار ومها تنهدت م تشتيش تسير غرفتها رجعت خرجت لها الحوش تشم هواء...


#يجيب الهوی طاريه وآصد من طاريه
مكابر عزيزٍ تكسره لمعة الدمعه💔


مهدي بيتمشى بدون هدف(( خلاص ي مهدي انساها انت ذلحين وبعد كم يوم عتخطب وما ينفع تخووون... واللي م يشتيني أنا م اشتيه خليها تتهنى بالذي قبلت فيه غيري... بس انت ي مهدي م قدمت شي لها كيف تشتيها تورع لك وتحبك... بس مهما كان هي داريه بحبي لها وما كان لازم تقبل بغيري إذا كانت تحبني صدق... اففففف أستغفر الله العظيم وأتوب إليه اخخخخ دنيا م تسوى ونجلس نهمها ي رب رضاك والجنه ))...


جليلة في غرفتها (( واخييييرا بيتحقق حلمي وبكون لمهدي؟؟ بس نظرته لي اليوم خلتني أشعر إني منبوذه من ناحيته... طيب إذا م كان يشتيني ليش يطلبني... اففففف ي فرحه م تمت أنا لازم ادرى أيش شعوره ناحيتي إذا كان رده بالقبول بكمل وع الله وإذا كان بالرفض والله ثم والله لا انسااااااه وأعيش حياتي براحه وبدون وجع رأس أو تفكير...))



#تدري وش معنى اوعدك م اخليك
كذبه حبايب في لحظه سعاده



عزام بيسمع كل شي له مصعووووق من تفكيرها وكلامها وخبثها اللامعقول...


فكره مشوش مش هو داري م يفعل يسير يخرجها من الغرفه ويقتلها ضرب والا يستحمل لما يبسر له حل بدون شوشره وتبداع...


م بش معه أي حد يأخذ برأيه ولو كلم خواته وسمعهن اللي سمعه أكيد م بيسكتين خصوصا أنها ذكرتهن...


طيب تسنيم إذا قالها أكيد بتساعده بس م يشتي احتكاكات بينهن...


عزام زقم رأسه بيداته الثنتين: افففففف ي ربي سااااااعدني أيش هذي من بلوه ولو هي بلوه سابره...


بعد ثواني...

رن تلفونه بسر المتصل رده مشغول بضيق...


قام من مكانه وسار لعندها وصل وشكله قالب وجهه وباين عليه الغضب...


عزام بيحاول يهدي أعصابه: كملتي؟؟


أمل بتمثل الخزا: ايوه...


عزام بشرر: وايش طلع؟؟


أمل: طلعت واحمه!


عزام قحص لسانه بعصبية وبتكذب بنت اللذين وجالسه في كذبتها ليكن أنا شاوريش مش أنا اللي تستغبيني: اهاه سابر يلا مشينا؟؟


أمل: كأنك مش فارح بذيه الخبر؟؟


عزام بطفش هزرها من معصمها: إلا بس راسي بيوجع خلينا نروح بدل الهدره الهبلا تيه...


الدكتوره خرجت: دكتور عزام كل شي تمام؟؟


عزام ابسرها وهز رأسه: تمام تمام...


الدكتوره بتمعن: الله يعينك ي دكتور ويكون في عونك... تحتاج شي؟؟


عزام بنظره امتنان: شكرا ي دكتوره... م تقصري كفيتي ووفيتي... يلا سلام ...


وخرجوا من المستشفى بدون تردد وأمل ساااكته وما عارضت بشي...


#أحْتَاجْ لِعَقْلٍ أخر
كَيْ أُعيدْ حِسَابَاتِ غِيَابِكْ بِدِقَّهْ !


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

#لاتبالي... فإني عينيك...

البارت 80 ❤️

#ي الله الوجع اللي أحسه فيني...
لا تخلي حد من الغوالي يحسه...


👌🏻👇🏻 😍
📚 @rewayatyamania 🇾🇪


جليلة نزلت من غرفتها ع أساس تسير تستفسر من مها...


دخلت غرفتها وأن م بش أحد فيها... نزلت الحوش وابسرتها جالسه في بقعتها حق كل مررره...


جلست جنبها: اممممم مهاوي؟؟


مها: هااه؟؟


جليلة بتردد: اشتي اسألش سؤال ممكن؟؟


مها: خير ي جلجل اسألي؟؟


جليلة تنهدت: امممم مهدي؟! مهدي ي مها اشتي اعرف هو بيحبني والا ماشي؟؟ وإذا م بيحبني ليش طلبني؟؟


مها ابسرت لعندها: هييييه انتي مجنونه شكل حقش الفيوز ضربت... يعني بالله عليش هذا سؤال؟؟


جليلة: طيب أيش أفعل والله نظرته لي اليوم حسستني إني واحده مش مرغوب فيها وأني مغصوبه عليه...


مها خفعتها في رأسها: ابعدي فكرش هذا الاهبل والله ي جليلة أن أخي بيمووووت عليش والكل داري بهذا الشي ويمكن أمس كان مشغول...


جليلة تنهدت: مع إني شاكه في كلامش ليكن أن شاء الله يكون صح...


#‏مد وصلك بب ﺎللقاء لاا تشتريّ ثقل ﺎلكلام



وصلوا البيت ودخلوا ولا كأنه به شي...


علا باستغراب: هاه ي عزام م فعلتوا؟؟


عزام ابسر أمل بنص عين: ولا شي اسألوها لأني سرت وهي دخلت...


علا رفعت حاجب: اهاه وها ي ست أمل ما قالوا لش؟؟


أمل ابسرت تسنيم: والله ي أختي قالوا إني واحمه في الشهر الثاني وبعد كم شهر بيجيكم نفر جديد... واكيد عتفرحوا قووووي لأنكم مورعين له بفارغ الصبر


عاليه عوجت لقفها: اهاه واخيييرا وحمتي؟؟


أمل بقوة عين: والله عادني احسن من غيري من ثاني شهر وحمت وهم قد لهم أكثر من سنه ولا قد به شي... ويعلم الله أنهم م بيدوش جهال...


تسنيم اكتبدت وحست أنها تقصدها بس كابرت ابسرت لعند أمل: اهااااااا دام هكذا اسكه ورينا الكشف حق الجاهل...


أمل تورطت: هاه؟؟ اصلا م فعلت تلفزيون فعلت فحص عادي!


عزام رفع حاجب: بس أنا طرحتش في الغرفه حق التلفزيون والا ماشي؟؟


أمل اوووي والورطه:أيوه أيوه صح نسيت قالت لي غطوه عتديهن...


ريهام م صدقتها بس م اتدخلت وحستها أنها بتكذب... وإذا استمرت هكذا بتدخل في دوامه


ريهام: الله يكون في العوووون...


عزام ابسر تسنيم وقام: تسنيمي جي بعدي ي قلبي... وسار


تسنيم ع طووووول سارت بعده بدون تردد...


دخلت وغلقت الباب ودمعتها في طرف عينها... لفت له وتفاجأت بوجوده وراها وما انتبهت إلا بــ... 🙈 غطوا عيونكم عيييب ههههه


#وش تبيّ أحكي لك عن  دنيتْي ،لا صارت دنَيتي كلها أنت 😴💕


اليــوم الثانـــي...


متجهزه ومورعه في الصااااله ومتوتره بأقوى قوتهاااااا أيش يشتي منها عزام لما قالها تتجهز خير؟؟... وبتحرق من داخلها لييييش لهذا السااااع عندها وامس فلتها ساع الكلبه خارج حتى م عبرها بكلمه...


سنبت بعد م بسرته خارجي من غرفته وكانت تسنيم وراه تلبسه الكوت...


تسنيم حبته في صابره: الله يكون معك حبيبي انتبه لنفسك علسبي تمام...


عزام بفرحة: من عيوني ي عيوني تشتي شي آدي لش معي من خارج...


تسنيم: سلامتك ي قلبي..


أمل ابسرتهم وما استحملت كتفت ايديها: هيااااا ي عزام قده وقت والا ماشي؟؟


عزام انتبه لها: أوه م انتبهت لش نسيييت... ابسر تسنيم... يلا ي حب مع السلامه


تسنيم ابسرت أمل: الله معك ي روح روحي وراحتي...


أمل خطت لعندهم لأنها م عاد قدرت تستحمل حقهم اللغاجه... وقد بتحررررررق غيظ منهم


وصلت لعنده: يلا ي عزام أنا شسبقك ولما تكمل تترمسس الحقني... وسارت


عزام غمز لتسنيم... وخطي بعد امل هزرها بيدها...


عزام بعصبيه: أنا لما اقوووولش كلمه قولي حاضر... ولوما اقولش ورعي يعني ورعي لا تقلبي لي وجهش وتعفطي...


أمل وقدهي متضايقة: ناهي خلاص فلتني...


عزام فلتها: أنا م فلتش إلا لأني رايق ومشتيش أحد يعكر مزاجي... يلاااا بعدي


أمل ابسرت وراها وإن تسنيم ابسرت كل شي زاااااد ضيقها ضيقين...


خطيت بعده وهي بتفكر وحاسيه أن نهايتها قربت...


وصلوا عزام نزل من سيارته وآمل حست بقشعريره تسري في جسدها...


نزلت وهي مستغربه: عزززززاااام مالك اديتنا لهنا؟؟ أبي يشتيني به حاجه؟؟


عزام بدون م يبسرها وبيرن الجرس: كان أيش مقصدش إني شانزهش... هيا ادخلي وعتفهمي كل شي وبدون لف ودوران...


أمل كانت تشتي ترد بس قاطعها فتحة الباب...


أبو أمل: حيااااكم تفضلوا


عزام دخل: الله يحييك ي عم زاد فضلك...


أمل سلمت ع أبوها وهي مش فاهمه لحد الآن ليش هم هنا؟؟


دخلوا المجلس وبعد السؤال عن الحال والأحوال...


عزام....؟؟


#سأفعل حد للسخافه التي تحصل في حياتي😴✨



https://tttttt.me/rewayatyamania/19120

📚 @rewayatyamania 🇾🇪