#لاتبالي... فإني عينيك...


البارت 55 ❤️


[ابقى بقربي إلى الابد]


👌🏻👇🏻 😍
📚 @rewayatyamania 🇾🇪


جمال بهيام: اخيرا تحقق حلمي ووقعتي لي... قد كنت أتمنى نجي أنا وانتي لاهنا بس لوحدنا وما أحد له سلطه علينا وتحققت... سبحان الله!


تغريد: يووه تسلمي لي ي جمالي!


جمال ضحكك: عيدي عيدي م قلتي ي مه؟؟


تغريد بخزا: ي جمالي مالك اوهو عيب والا حرام؟؟


جمال: مع مع فديتش قولي اللي تشتي!



جلسوا شووويه حوالي ساعه وقاموا ساروا مطعم قريب من هناك... وراحوا الساعه 4 العصر قع لهم ي تيك التهزيئه من الكل بس م عبروهم... أما سامي له قصه لحاله أول م وصل امه خفعته ب المحواش😂 في ظهره ودخلته غرفته وغلقت عليه الباب...

‏

- يمر العمر ؟ والدنيا لقى وفراق
واللي سكن بـ قلوبنا صعب ننساه!💔🚶🏻‍♂



وصل البيت وع دخلته لقفته امه وكانت جنبها امل وفي وجهها دمووع!


ام عزام صيحت فوقه: وينك لاهذا الساااع فلت حريوتك يوم صباحيتها قد جوا اهلها وأنت جالس تمرح وتسرح...



عزام تنهد: يماه مش وقت هذا الساع أنا تاعب خليني اخطى ارقد!


ام عزام اتحفتت: تاااعب؟؟ تعب من مه وأنت م فعلت شي امس؟؟ وعاد أنت قمت من النوم وطوالي خرجت؟؟ او لا سرت عند تسنيم؟؟



عزام ابسر امل وتأكد أنها اشتكت منه: أيوه سرت. عند تسنيم اللي بتملي لي حياتي واللي م أحد يقدر يبز مكانها في قلبي.... ممكن ذلحين اخطى ارقد بما إني في اجازه م اشتي إي إزعاج... وطلع...


ام عزام: ناهي اسمع ي عزام امل عتنقل لداتكم في الغرفه اللي قدام حقكم لأن هذكه هي صغيره م عتنفع لكم...



عزام التفت بحده: أكسر رجلها إذا عتدخل لها... هذك غرفتنا أنا و تسنيم وأي واحد يشتي يتعدى حدوده بنعلمه كيف عيقع به... وطلع وطنش الكل...



ام عزام التفتت لأمل وصيحت: وانتي ذلحين سيري بعد زوجش وافعلي الواجب!


امل تأفأفت: أن شاءالله! وطلعت



وصلت للغرفة وابسرته ممد فوق السرير ع بطنه قربت منه وجلست فوق السرير جنبه...


عزام فتح عين وبزها بيده...وهو ممدد


امل بتوتر: ما بتفعل؟؟


عزام: م بين افعل شي حقي وأنا حر...


وووو احم


المهم نسير لعند بطلنا العاشق الولهان المضروب ب المحواش😂


كان في يده الكتاب وهو سااارح في مها وكيف بيشتاق لها حتى لو هي جنبه... قام بز البوم صورها وجلس يتفرجهن وبيحاكي نفسه...


سامي: هانت ي قلبي باقي كم شهر وتقعي لي... وما أحد يقدر يبزش مني!


فتح صورتها وهي صغيره وعمرها 9 وفي يدها شكلاته وممهوده((وسخه)) لداته ووجهها كان شكله طفووولي وحالي قوووي!



: ههههههههههه يوووه فديت الجغصه حقي تيه ربي يخليها لي صح أن المسافات والمشاكل فرقتنا بس حبنا لبعض بيكبر ويكبر...


تمدد فوق السرير وبيقلب فيه وبيحاكي نفسه لما رقد...


‏وأني اقبل بأن يكون بيني وبينك سورًا وبحارًا ومدن العالم جميعها، لكن لايكون بيني وبينك شخص.✨



https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

#لاتبالي... فإني عينيك...


البارت 56 ❤️


‏وش حيلة اللي فاقدٍن زول غاليه
‏لايقدر يشوفه ولا هو ب ناسيه💔😞


👌🏻👇🏻 😍
📚 @rewayatyamania 🇾🇪


قام من النوم وابسرها جنبه قام وهو متضايق تغسل ولبس خرج من البيت الساعه 11 بالليل ومحد انتبه له... طلع فوق السياره ويلف لف بها بدون هدف مش هو داري وين يسير...

متضاااااايق بأقوى قوته لأنه خلا مرة ثانيه تدخل في حياته... بس أيش يفعل هو عيرجع يتحاسب عليها يوم القياااامه إذا م ادا لها حقوقها في كل شي...


واللي مضايقة أكثر أن عمه حرمه من تسنيم لما يلقى له حل... لما يفعل اللي يشتيه...


رجع البيت الساعه 1 بعد منتصف الليل ودخل غرفة تسنيم وارتجم فوق السرير بضييييق وشوووووق... وبعدها بكى بكاء رجال ضاقت عليه الحياه... بكى بكاء رجال م هوش داري م يفعل ولا له فكره او سلطه عليهم...



[يقولون من بكى مش رجال... ليش الرجال ماله مشاعر ولا احساس ولا قلب... ليش هو حجر مخلوق من اللامبالاه... ي لسخفكم👌]


...<<<تسريع للأحداث

مها+سامي كملوا الاختبارات الوزارية قد لهم شهرين
كمال الحمد لله نجحت عملياته الثلاث وعيرجع بعد شهر

عزام مشتاااااق قوووي قوي لتسنيم وبيفعل جهده لطلب عمه وقريب بيحققه بدون علم امه...
تسنيم نقدر نقول نسيت كمال او تناسته ومشتاااقه لعزام وكل يوم ترقد ببكاء...

امل لحد الآن تمام مع أهل عزام... بس في داخلها غل لان عزام بيحسسها أنها سلعه... ما بيحسسها أنها زوجته عن جد وحقيقة...


والباقي ع ماهم م تغيرت حياتهم



[وأخيرا حلمنا بيتحقق]


سامي متوتر ومش هو داري كيف يصارحها: اممممم امااه


صالحه ابسرته: هاه؟؟


سامي: انتي داريه إني كملت الثانويه صح؟؟


صالحه: أيوه خير م تشتي؟؟ تشتي تسافر خارج اليمن تكمل دراستك ع طول بس خلي أبوك يجي!


سامي حك رأسه: مش ع هذا يمه... التفت لسام أخوه... أنت داري أيش بين اقصد؟؟



سام تنهد: أيوه بس انصحك لا تتحاكى لأني انا الكبير واصلا أمي م عترضاش وأنت داري ليش!


صالحه عصبت: قولوا لي مااالكم من صغركم بتتحاكوا ب الألغاز...



سامي تشجع وووو....؟؟



[سأوفي بوعدي لكِ ي حبيبتي]





📚 @rewayatyamania 🇾🇪

#لاتبالي... فإني عينيك...


البارت 57 ❤️

👌🏻👇🏻 😍
📚 @rewayatyamania 🇾🇪


عند عزام...

عزام قام بدري وابسرها عادهي راقدة تنهد بغصه وقام غسل وجهه ولبس لداته وخرج وع خرجته لقي امه وخواته فوق السفره... لوكانت تسنيم هنا أن هي اللي فعلت الصبوح مش امه...


عزام تنهد: صباح الخيييير!


الكل: صباح النووور


ام عزام: جي ي ابني اصتبح لك كم لقمه!


عزام بدون نفس: الحمد لله م اشتيش ... بس؟؟ اشتي أقولكم اتجهزوا وجهزوا لداتكم لأني شابيع البيت ومعانا مهله أسبوع...


ام عزام قامت من فوق الاكل بصدمه: مااااهو؟؟ تشتي تبيع البيت؟؟ بيت ابوك اللي فيه ذكرياته واخوك لا والله م عتبيعه لو ع جثتي!



عزام: أنا م جيت استشيركم أنا جيت آدي لكم خبر... المهم ذلحين لا تنسوا بس اللداه بزوهن أما الكنب والذيه ماشي... يلا سلااااام... وخرج بدون م يسمع لأي حد...



علا قامت من فوق الأكل: الحمد لله يمه شبعت... ادعوا لي شاسير الجامعه قد تأخرت...


ام عزام وعادهي في صدمتها: الله معش!


عاليه لحقت بعلا بدون م تتحاكا...


خرجين من البيت وقرحين ضحكه...


علا: هههههه والله انش داهيه ي تسنيم!


عاليه: ليكن امانه عتبرد قلوبنا وانتي أيش جاب امل لاعند تسنيم


علا: والله أنوه صدقش قد كنا نقوم وقد جهزت كل شي أما تيه الله يعيننا بس تقوم الساعه 1 بعد الظهر وتجي تقول لنا وين الصبوح...


عاليه: وأمي تتحمل المسؤولية وتفعل عمل البيت بكله" تستااااهل امانه...


علا: مسكينه تسنيم كيف قد كان هي امي تفعل بها من أول شهر تعايرها أن م قدهيش واحمه وتيه قد لها ثلاثة شهور وما بسرنا منها حاجه...


عاليه: المهم ذلحين نشتي نبشرها كيف نفعل...



علا: ماشي ماشي خليها لها مفاجأه... ياااه وأخيرا عترجع ابسر تسنيم والله ولها وحشه قووووي...


عاليه: هانت يلا خلينا نسرع قد تأخرنا ع الجامعه... يوه الله لا غيبش ي تسنيم...


علا:يلا... أن شاء الله ماعاد تغيب


{من يحبه الله يحبه الناس أجمعين... دون أن يكون هناك سببا لمحبتهم له}



سامي تشجع: يمه الصدق الصدق أنا اشتي أخطب مها وانتي داريه إني بين أحبها من صغري...


صالحه رفعت حاجب: ما ناش موافقة مستحيل... أخطب لك إي واحدة غير مها قد بين أكرهها وأكره أبوها وعائلتها كلهم عادك تشتيني أديها لابيتي...



سامي قام: وأنا شخطبها وشفعل اللي فى راسي... وبعدين م دخلي أنا وهي بمشاكلكم


صالحه صيحت: ييييييه ولد قد بتتعلم الرد والوقاحه قلنا مابش يعني مابش


سامي خطي: وأنا قلت إلا يعني إلا هي حلمي من وأنا صغير ويلا صبرت لما كملت الثانويه عادش تشتيني امتنع منها لا والله واللي خلقني... ودخل غرفته بدون م يسمع ردها...



صالحه تنهدت وابسرت لعند ابنها: وأنت مش ناوي تتزوج قد أخوك بيخطط وأنت ماشي؟؟



سام قام: عادي افعلي اللي يريحش بس هاه اشتي مرة تقع بنت ناس ما اشتيش مرة من بنات اعمومي...


صالحه: ومالهن بنات اعمومك... طيب أيش رأيك ب لبنى بنت عمك عبدالله...



سام اكتبد: لا وألف لا ومن سابع المستحيلات م اشتيهاش... لو عاد باقي من بنات اخوالي م قد تزوجت إني بزيت منهن أدب وأخلاق وجمال...


صالحه بسرته: إلا عاد باقي جليلة وعلياء وعاليه...


سام ضحك: يماه عاد بينكم عدواه لاتنسي... ورجع سكت بوجع... وبعدين اللي يشتي أخي أنا م اشتيه... وسار وهو مكبود ودمعتته طرف عينه...



{لا تذكروني بحبيبي اللي بحبه ب القوه أنا نسيته🔕}


سام وصل الجامعه وهو شارد بسره محمد((اخو مها)): ييه ي خبير مالك هكذا قالب صوره؟؟


سام: ههه تخيل أن امي اليوم تشتي تزوجني...


محمد: اووه قدك عتتزوج... أحمد ربك أنا بين اتراشا امي مراشاه تزوجني...



سام ضحك: مش على هذا بس امي تشتي تزوجني ببنت عمي عبد الله... سكت شويه وبغصه... وذكرتني بها بعد م نسيتها!!


محمد: بمن؟؟


سام:...؟؟


{أصعب شعور أنك تحب شخص وهو يحب شخص ثاني م يحبه}



https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

#لاتبالي... فإني عينيك...


البارت 58 ❤️

‏ذقنا ملذات الهوى .. حُب وفراق ،،
‏وشفنا من صدوف الزمن وأكتفينا
‏
ء “̯ 💛🚬'‏ء


👌🏻👇🏻 😍
📚 @rewayatyamania 🇾🇪


سام تنهد بوجع: ذكرتني بوجعي ذكرتني ب علياء قالت تشتي تخطبها لي تصدق اليوم اللي كنت أتمنى اسمع تيه الكلمه منها اليوم كرهته...



محمد مسكه من كتفه: اصبر ي خووووك ووالله يعينك... بس هاه اسمع وركز معي اللي يبيعك لا تبيعه تبرع به يعني إذا هي بتحب أخوك سامي... اكسرها وتزوج واحدة ثانيه...


سام: أن شاء الله ي حيدي تسلم... بس والله م نا قااادر انسى ذيك اليوم والله قهرتني...



محمد: انسى حتى لو ما قدرت تناسى... ويعني الإنسان م سمي هكذا إلا من النسيان... وخلي بالك أنها م تستاهلك ابدا وبه مليوووون بنت تتمناك...


سام من ورا قلبه: صح كلامك والله م أحد يستاهلني... ذلحين خلينا نلحق ع المحاضرة...


محمد: يلا...



((م اوجع ذكريات الماضي... تجعل من حاضرك ومستقبلك كئيب جدا))



سامي خرج من البيت وأمه مش هي داريه سار لبيت جده ودخل الديوان ولقي أبو مها هناك...


محمد: هاه خير ي ابني م تشتي اقلقلتني؟!


سامي بتوتر: والله ياعمي اسمعني ولا تقاطعني!


محمد: ناهي اتحاكا مابه؟؟


سامي تنهد: ي عم من وأنا صغييير م اعرفكم إلا انتو وبين احبكم واعزكم قوووي... وأنت داري بهذا الشي


محمد: ناهي ذلحين ابردلك من المقدمات ادخل في الموضوع!



سامي تنهد: أنا والله ي عم جيت طالب راغب ببنتكم مها ع سنه الله ورسوله والكل داري إني بين أحبها واشتيها من صغري...



محمد....؟؟


{أتقدم خطوه ثم أرجع لورا اكثر💔}



رجععين علا وعاليه من الجامعه وهن تاعبات...


علا: يماااه


ام عزام من الديمه: هاه ي بنتي رجعتين؟؟


عاليه: أيوه كان ماهو م بتبسرنا ذلحين وين احنا؟؟



ام عزام: بطلي ليقنه ي بنت ويلا قومين اخلسين وحين عاونني!


عاليه : ليش؟؟ او انتي لحالش في الديمه؟؟ وين امل م قد نزلت؟؟


ام عزام خرجت وتنهدت: ماشي ويلا بدون اسئله اقطبين!


علا قامت تخصرت: والله م عنجلسش هكذا يماه كل واحد من يفعل بدوله... احنا معنا جامعه أما هي ما معها...


نزلت امل بتتثاوب: صباح الخير


علا بضبح: إي صباح صبحو راسش قدو الساعه 2 أيش عاد من صباح...


عاليه خطيت لجنب امل وبنبره مستفزة: جيييفه... قالوا ماشي والله وعرفنا قيمة تسنيم الله لا يغيبها... لا عمل ولا صلاه ولا جمال او شكل وأخلاق يعني من الآخر مرة قلي قلك م منها فايده...<<< تيه الكلمه مستفززززززه قووووووي لأي بنت م تقدر تتحمل تيه الكلمه...


عاليه تشتي تطلع...


ططططططططططططخخخخخخخخ


((ههه شي مستفز لما يجي شخص غريب وما منه فايده يتحكم فيكم))





📚 @rewayatyamania 🇾🇪

#لاتبالي... فإني عينيك...


البارت 59 ❤️

{لأجلك ساتحمل كل شي... لأجلك ساحقق م يريدون}


👌🏻👇🏻 😍
📚 @rewayatyamania 🇾🇪


محمد سكت شويه: والله ي ابني أنا مش موافق صراحه... اولا بنتي عاد هي صغيره وهي وحيدتي... وثانيا أمك مش وجه تكون عمه لبنتي وماناش مأتمن عليها عندكم...


سامي اكتبد: بس ي عم أنا بين أحبها وشطرحها في عيوني... أما ع أساس أنهي صغيره ما قد شتزوجش ذلحين هو غر خطبه بس... أما ع امي م دخلها بنا ومشاكلكم العائلية لا تدخلوها فينا...


محمد: خلاص ي ابني م بش نصيب بينكم... روح الله معااااااك وبعدين مش بنتي اللي م أحد راغب فيها... ولا أحد جاء معك وكما قد به رجال شاريين طالبين رجعت جيت لي...


سامي قام: تسلم وما قصرت بس ي عمي تأكد ان م بش ولا واحد من البشر بيحب بنتك ساع م بين احبها.. وان شاء الله شارجع أجي مع اهلي بأقرب وقت واتمنى م تردني...


محمد: أن شاء الله وتوكل ع الله...


سامي:مع السلامة... وخرج...


محمد تنهد وخرج من البيت بيحس بضيييق وظلم لسامي ولبنته... تفكيره مشوووش مش هو داري م يفعل...


عند سامي خرج وروح البيت والعبرة خانقته ومورع لابوه أي حين عيجي ويقوله لأنه مش قااادر يصبر اكثثثر...


_كفاك ي زمن عبث بحياتنا... فنحن لا نصبر ولانقوى ع خيباتك المتتالية_



امل م استحملت ردها وطررررراخ فعلت لها كف لف وجهها...


امل بعصبية: ذيه الملطام علسب تدري مع من بتتحاكي... ولا تقارنيني بتيك العاقره ال... احسن لش لانش عتندمي تمام ي ماما... وبعدا أنا م جيت اخدمكم ولا جيت خدامه عندكم وأقوم اي حين م اشتي وارقد اي حين م اشتي ماااالكم دخل بحياتي...


علا سمعت الصياح وخرجت بسرت عاليه ويدها في صابرها وساكته دريت أنها لطمتها...


كانت تشتي تتهجم عليها بس وقفتها عاليه وبنبره مستفزه: لا ي علا لا تفعلي شي خلي أخي لما يجي وبعدين عنتفاهم... بسرت امل... بس والله واللي خلقني ذيه الملطام عيجي بعشرة... وإلا الكلام الحالي اللي قلتيه ع تسنيم والله م يسير هكذاك... ويا أنا ي انتي... وطلعت وهزرت علا معها...


ام عزام بتبسر امل وبتتحسر ع تسنيم وما قدرت تدي لها ولا نخس لأنها عتقلب لها قلبة خادم...


امل بقلبه صوره: وانتي ماجالسه تتبسري ويلا سيري لعملش قدني جاااوعه...


ام عزام دخلت الديمه وبصوت واهي م يسمعه إلا هي: استغفر الله العظيم أديت لي بلوه ومصيبه لابيتي... هو هكذا اللي يتبذر ب النعمه اللي كانت معه...


عاليه أول م دخلت الغرفه نزلت دموووووعها وفتحت شنطتها وبتدور اسم عزام...


علا بعصبية: مش وقتش ذلحين جيتي تتبكبكي لي ليش م خليتيني أرد عليها تيه الوقحة قد بتتمادى في وقاحتها معنا...



عاليه بانهيار: واللي يعافيش ي علا اسكتي اللي فيني مكفيني اشتي اسم عزام طلععيه لي...


علا رحمتها واتصلت من تلفونها واللي كان مكتوب فيه * عزوتي وسندي*


رنت لعنده وع ثانيه رنه جاااوب وفي نبرة صوته اللهفه... عاليه أول م سمعت صوته م عاد قدرت تستحمل...


_اٌخوَيَ...مٌاقًدِ ْعلُمٌوَكِ يَ رَوَحُ اٌختْكِ انَك لُيَ "وَطِنَ"...مٌاْعلُمٌوَكِ انَكِ لُيَ ضُحُكُِه وَامٌان_



عنــــد عــــــزام...

كان في مكتبه مرررهق بقوه بعد م فعل العمليه الثانيه لمريض... رجع رأسه لوراء وبدأ يفكر في أنه كيف كانت امه تعامل تسنيم وأمل غير عنها... أيش السبب اللي يخليها تسكت لها... وبيفكر أنه خلاص بترجع تسنيم له كيف عتكون حياتهم؟؟ بعد مده م هي قصيره بعيده عليه... وخواته بيهمهن لأنهن لوما كانت تسنيم موجوده كانين مرتاحت رغم أنهن م بيبينين له إلا أنه ملاحظ عليهن التعب والإرهاق والضيق...


وفي قمه تفكيره وتعبه سمع رنت تلفونه بسر وأنها *كتكوتتي* واللي هي علا فتح ع طول وما تردد...


عزام: الو


سمع صوووت بكاء قووووي ومن وسطه فهم: عزااام قوووا ي روح أختك جي للبيت...


عزام افتجع خصوصا أنه تلفون علا وعاليه اللي جاوبت... مقصده أن علا قع فيها شي... جن جنوووونه وماعاد دري كيف يفعل خرج من المستشفى بدون إذن...



وصل للبيت... ووووو



_الا يحق لي أن أرتاح ولو بعضا من الوقت؟؟_




📚 @rewayatyamania 🇾🇪

#لاتبالي... فإني عينيك...


البارت 60 ❤️

_على الرغم من إستمرار البُعد في محاولة أن تكون كأي شخص الا أن قلبي يحتفظ بمكانتك المختلفة


👌🏻👇🏻 😍
📚 @rewayatyamania 🇾🇪


عند تسنيم بتتذكر حياتها السابقه وتتمنى ترجع لأيام زمان لأيام م كانت تحمل في قلبها إي هم او غم... لأيام م كانت عاد هي تحب كمال لأيام قبل م يخطبها عزام...


هي م تنكر أنها بدأت تحب عزام لا أقصد تعشقه بس مع ذلك كل م تتذكر أن كمال م باقي له إلا ايام ويجي يزداااد نبض قلبها وتوترها يبان في وجهها... حاولت أنها تنسى كمال وتغير من نظرتها تجاهه بس م قدرت... وهي ذلحين أكيد بتخون زوجها لما تفكر فيه بس أيش تفعل... القلب لا سلطه لنا عليه... القلب يقودنا لاشياء احنا م نشتيها القلب دايم يعصينا ولو ع حساب راحتنا...


قامت بتأفأف وخرجت لعند جدتها وطرحت رأسها في حضنها... لأنها لو جلست في غرفتها وتفكر في الكل أكيد بتجنن...


الجده مسحت ع راسها: تسنيم؟؟


تسنيم وهي مغمضه عيونها:همممم


الجده: انتي داريه أن عزام بعد أسبوع عيرجعش! قال لابوش أنه كمل اللي طلب منه ابوش بس باقي حاجه!


تسنيم فتحت عيونها: صدق... ماهي؟؟


الجده: كمال! كمال عيرجع نفس اليوم اللي انتي عترجعي لزوجش! م تشتيش تبسريه؟؟


تسنيم...؟؟



_.فتحت له قلبي ، على سبعة أبواب
وغيره على باب الأمل ينتظرني_


عزام وصل للبيت وصيح بصوت عااالي: عاااااليه علاااااااا وينكن امااااااااه...


امل كانت جالسه تبسر التلفزيون سمعت صوتها وافتجعت الموووووت... م عاد دريت كيف تفعل تسير تبسر ماله او تطنش... سارت لعنده بدلع ممزوج بخوف...


امل: هاه عزامي مالك بتصيح؟؟


عزام ابسرها بقرف: هه عزامش تمام ناهي عنقلهم! وين هن بناتي؟؟


امل بغيظ: من بناتك؟؟


عزام كان يشتي يتحاكى نزلت عاليه وعلا بعدها...


عاليه أول م وصلت لعنده ارتمت في حضنه وجلست تبكي...


عزام ارتاح نسبيا بعد م بسر علا بس افتجع لما بسر عاليه هكذاك...


عزام بعد عاليه من حضنه ومسح لها دموعها: اهدئي ي قلب اخوش قولي لي مالش بتبكي هكذا؟؟


عاليه رجعت تبككي بس بهدوء: عزام أنت قد بسرت أبي وإلا أخي عزان الله يرحمهم يمدوا يدهم فوقي؟؟


عزام باستغراب: ماشي ليش هذا السؤال ذلحين؟؟


عاليه مطنشه لسؤاله: طيب حلو قد مديت يدك عليا وإلا امي؟؟


عزام برفعة حاجب: أقص يدي من جنبي إذا شامد يدي عليش بس ذلحين مالش بتسألي قولي لي وما لش بتبكي هكذا؟؟


عاليه مطنشه له: طيب بسرت تسنيم تمد يدها علينا؟؟



عزام وبدأ يعصب رفع صوته: عااااليه لا تختبري صبري قولي لي تحاااااكي ماااابه... وبعدين بسر صابرها احمر طرح وجهها بين يده... مال صابرش هكذا احمر... عسه وأنه حامي وبعصبيه... من اللي ضربش جعلللللل يده الكسسسسسر... التفت لعند علا وبعصبيه بالغه... من اللي ضرررربهاااااا قولوا ليييييي ابــن الـ....


علا بخوف: هي هي هي امل مرتك...


عزام بتيك اللحظه طلعين شياطين الجن والإنس فوق رأسه تقدم منها بدوون تردد ووووو...



_الاخ نعمه من الله لا يمكن تعويضها ابدا_



نسير لعند سامي بعد شويه أبوه عيجي وهو متوتر وخايف ويائس بعض الشي... الكل معارض له ليش ليش مش هو داري مع أنه كان هذا حلمه؟ كلهم تزوجوا اللي بيحبوهم ويجوا لعنده ويحرموووه ليش!



سمع صوت ابوه خارج خرج من غرفته واستبشر بوجوده سلم عليه في راسسه وبعد السلام والأسئلة الرسميه وبعد كل شي معتادين عليه...


سامي قرر يفاتح أبوه ب الموضوع: اباااه


احمد ((أبو سامي)) : هاه ي ابني خير؟؟


سامي: ي اباه أنت داري إني بين احب مها واشتيها ع سنه الله ورسوله ومن زمان صح؟؟


احمد تنهد: أيوه خير؟؟


سامي: أعتقد أنه جاء الوقت المناسب لهذا الشي!



احمد: بس أخوك أكبر منك ولازم يتزوج قبلك...قدك تشتي من ذلحين


سامي ضحك: الله يهديك ي ابه ايش من زواجه أنا قلت غر خطوابه بس ولا تنسى إني شاسير تعز أكمل دراستي هناك!



احمد: وما سيرتك تعز ادرس هنا والا خارج أخرج لك!


سامي: لا اشتي مع اصحابي! المهم ذلحين م قلتوا؟؟



احمد...؟؟


ـ


صديت لگن لآ تشگ بغلآتگ
غآلي علي وإن گآن خيّبت ظني


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

✍🏻

بارتات يومنا الجمعة 👇🏻👇🏻

#لاتبالي... فإني عينيك...


البارت 61 ❤️

_مو أنا اللي يحب شخص ويخذله... مو أنا اللي يجرحوه ويحقد... مو أنا اللي يكذب عشان يلبي رغباته... مو أنا اللي يسعد نفسه ع حساب سعادة أشخاص... مو أنا اللي اتغيرت والله مو انا💔_


👌🏻👇🏻 😍
📚 @rewayatyamania 🇾🇪


احمد: والله م اقولك إلا كل خير خلي أمك واخوك يجوا وبعدين لنا خبر!


سامي بسرعه: لا لا إلا امي ما دخلها وبعدين اهم شي أنت موافق وانا موافق وأخي سام م هوش معااارض ابدا نخطب جمعه وزوجوه بدري وانا كما كتب لي الله!


احمد: خلاص أن شاء الله الموضوع تم بس خليني ازيد ادرسه في رأسي شويه واتحاكا أنا واخوك وامك!


سامي استسلم: تسلم... وقام حبه في رأسه... يلا خاطرك شخرج اشم لي شوية هواء...


احمد: الله معك... سامي خرج وأحمد سار بدل ورقد من الإرهاق...



خرج سامي وهو مهمووووم وشارد بيمشي بدون وجهه محدده م عاد بيتحمل شي وبيتمنى يرجع صغيييير جاهل م همه شي وما هو فاهم ب الحياه حاجه... بيبسر الأطفال كيف بيلعبوا ويتذكر طفولته مع مها وكل شي مها مها وبس كل م يتذكر يبتسم لا اراديا...



*ويـا ذكـريات الطفـوله ويافرحنا ارجعي لنـا*



تسنيم تمثل البرود: عادي شبسره وارجع أسير مع زوجي...


الجده: الله يوفقش ي بنتي ويدي لش الذريه الصالحة... وكوني انتبهي لزوجش وضرتش لاتكوني تحتكي فيها خيرات ابردي لش منها وطنشي وعيشي حياتش مع زوجش بكل شي ولا تخليه من شي...


تسنيم تنهدت: أن شاء الله يمه الله يسمعع منكم... امممم يمه م قالوا لكم سميره وساميه اي حين عيخرجين؟؟


الجده: يمكن غطوه لأن سميره بعمليه وكملت مدة الشهر عندهم... وساميه عيخرجوها غطوه والكل لأنها طبيعي فبيخرجوهن بسرعة...



تسنيم بلهفة: يوووه يماه كيف قدني مشتاقه ابسر جهالهن... سميره قد ابنها ابن شهر وساميه ابن اسبوووع ياااه والله احسهم يجننوا... وبعدين ما شاء الله الخوات في كل شي نفس نصيبهن بيقع... ضحكت.... هههههه حتى بنوعيه الجاهل الثنتين ادين عيال... سكتت بعد م غورقت عيونها ب الدموع...


الجده رحمت حالها طبطبت ع ظهرها تسنيم قرحت بكاء وتندب حظها اللي ما حالفها ولا مرة لما رقدت...


#‏كسّرة الخاطر بانت حتى بعُيوني

"لكني بدري المكابرين ماتنازل"#


عزام بدون تردد تقدم منها وعصر يدها بحيث تكون يدها ورا ظهرها...



عزام وهو شاد ع اسنانه وقرب لاذنها: من قد يقولوا لش تمدي يدش عليها هاه... قد بتتطاولي زيدنا لش الدلع والله والله واللي رفعهن سبع لا أكسر يدش تيه...


امل بتوجع مع بكاء: إي اي عزااااام وجعتني قووووا وخر يدك...



عزام رفع صوته: علسسسب مرررره ثانيه تحاسبي ع تعاملش معاهن... انتبهي هاه عاليه وعلا بناتي وابسرش مرة ثانيه تعسيهن لا ادفنش وانتي حيه...دهفها لعند عاليه وعاده مساك لها... يلا اعتذري منها وحبي راسها...


امل بمكابره: عزاااااام مالك جننت خليني بحالي ومستحيل أعتذر لها قولها أيش قالت لي وليش أنا فعلت هكذا المفروض هي اللي تعتذر مش أنا...


عزام عصب: ولو لو تقووول م قالت م تمدي يدش عليهن فاااهمه... ويلا اعتذري


ام عزام قررت تدخل: خلاص عزام فلتها عتكسر يدها...


عزام رفع حاجب والتفت لعند امه: انتي ما تدخليش يمه وحسابي معش بعدين... التفت لعند امل... عتعتذري والا؟؟


امل: طيب قلت يدي ي عزام وشعتذر بس ب الأول هي تعتذر


عاليه: ب الله ليش أعتذر لأني قلت الحقيقه... خلاص شاقوله أيش قلت لش وايش قلتي لي ع تسنيم ي قلب... وعنبسر م عترجعي تفعلي ي هه ي امممم اموله...


عزام لما سمع اسم تسنيم وان امل تكلمت عليها جن جنووونه وزاد في زر يدها: قووولي لي كل شي من البدايه... ووالله لو غلطتي ع تسنيم م يصير لش خير...


عاليه تنحنحت: اسمع ي أخي واحكم... قبل م تجي امل كنا عايشين براحه تسنيم كانت تشل البيت كله وحتى امي ما كانت تفعل شي وهذه جت وخلت امي تشتغل شغل البيت كله واحنا نساعدها وعاد الطين بله تيه مرتك المصون بتخلي امي ترفع لها غرفتها... واليوم ي أخي العزيز جينا من الجامعه تاعبات وأمي نفس كل يوم في الديمه وداعتنا نجي نعاونها... وما استغربنا ان امل م هيش معها لأن احنا متعودات بس اللي حصل أنه...<<<عاليه سردت له كللللل شي



عزام كان يتسمع وساكت ومورع للي قالته ع تسنيم علسب يشفي غليله منها لأنه لها للنخر...



"أنا متعب جدا ولا واحد يعلم م الذي يجري لي... كلا لاهي بنفسه قد يبدو عند موتي سيتذكرونني"





📚 @rewayatyamania 🇾🇪

#لاتبالي... فإني عينيك...


البارت 62 ❤️


_قد يكون الواقع مؤلم ولكن هناك خيال جميل عشه وارمِ همك خلفك


👌🏻👇🏻 😍
📚 @rewayatyamania 🇾🇪


بعد م كملت عاليه تتحاكا عزام بدون تردد سطرها كف: هذا علسب تتعلمي م تمدي يدش ع بنتي... فعلها كف ثاني... وهذا علسب تتعلمي الأدب وتقومي ع عملش... فعلها كف ثالث اقوا من اللي قبله... وهذا علسب قلبي وما تتعدي عليها حتى ب الكلام وما عاقر غيرش ي الكلبه... دهفها للقاع وركضها... ويلاااا انقلعي من بيتي م اشتي ابسرش هنا عندي يلااااا الله يلعن أمها مررره... التفت لعند خواته واحدة في اليمين وواحده من شقه اليسار حضنهن وطلع معاهن للغرفة حقهن...



عزام حب راسهن: أسف م قدرت احميكن بس تأكدين إني معاااااكن وما بفلتكن وأمل بزت حقها... ومن اليوم عتفتهنين منها


عاليه وعلا حجفنه: الله يخلييييك لنا وما يحرمنا منك وياااارب ترجع لك تسنيم وتعيش بسعادة وتملي قلوبكم فرح...


عزام تنهد: امييين يااارب يلا ذلحين أنا اشتي أسير المستشفى واشتي أجي وقد اللي قلته جاهز تمام...



علا وعاليه بعدين منه وهزين رؤوسهن: أن شاء الله



عزام نزل ولقي امل قد هي جاهزه وشنطتها معاها أشر لها... سارت بعده بدووون م تنطق كلمه وهي منهااااره بكاء... طلعت لفوق السياره وصلها وما عاد ورع لها لما دخلت بيت أبوها...



امل دخلت البيت وانهااارت بكاء أمها سمعتها وجت حمله مفتجعه عليها...


وافتجعت أكثر لما بسرت شنطتها عندها...العائله كلهم تجمعوا عندها وعندهم فضوووول يدروا م قع بها...


_لا أحد يقدر النعمه التي كانت لديه إلا بعد زوالها_



بعد مروووور اسبووووع...

عائله امل ب الكاااامل دريت باللي قع لها بس م قالت لهم أيش السبب اللي خلاه يفعل بها كذيه...

عبدالله أبو امل متحلف لعزام وبيخليه يدفعه التمن بس م قدر يوصله...

سميره وساميه خرجين وفعلوا لهن ولاد...

سامي فااارح بعيال خواته بس اللي منغص عليه مها... وخطبتها لأنه بيحس شعور غريييب اجتاحه وما عادوه داري أيش شعوره تجاهها...

عزام وأم عزام وعلا وعاليييه في قمه سعااادتهم واليوم بترجع تسنيم لعندهم واستقروا ب البيت الجديد والقريب من بيت أبو تسنيم وعزام قدر ينفذ طلبات أبو تسنيم وبجداره...


كمال ومهدي اليوووم بيرجعوا من عمااااان ب السلامه...


_الغربه وجع والم ولا يعرفه من لم يفارق وطنه_


في بيت الجد...

كانوا كلهم مجتمعييين وفااارحين بعودة كمال ومهدي وعيال الجد عزموا الجن والانس...<<< لاتصدقوو بس مبالغة 😂
يغدوهم بمناسبه سلامة كمال ورجوعهم بدون اي مضاعفات... وفي تيه اللحظه عيسيروا يدوا كمال ومهدي اللي منهم سنه كاااامله...


داخلللل عند النسوان غجه وازعااج ممزوج بفرحة الكل بيشتغل بهمه وذمه وضمير... بس تسنيم خصوصي دخلت الديمه وفعلت لكمال كل الأكلات اللي تعجبه ونسيييت كل اللي حولها وبتفعل عملها بمتعه...



في بيت عزام...

عاليه: يلا ي علا عنتأخر ع تسنيييم والله لاتزعل مننا...

علا وهي توضع لثمتها: يلا يلا جيت جيت لا عاد تشولحي...


عاليه: احسن يلا قطبه...


علا: جحفه تجحفش ي جنيه ناهي...


عزام جاء: هيا ي بناتي جهزتين... ووين هي امي...


علا: امي عاد هي داخل عتخرج بعد شويه...


عاليه: عزام قووووا شلنا احنا الاولات وبعدين جي لأمي قدني فاااقده لتسنيم والله...


عزام: ناهي ناهي ي هرمه... يلا وغطين الخنه ع عيونكن الرجال ملان الحاره


علا: تمام يلا ي عاليه...


عزام بصوت رافع: يمهههه شاشلهن وارجع لش تمام...


ام عزام خرجت: ماشي قذا أنا جاهزه هاه...


عزام: تمام يلا خلينا نسير...


خرجوا وعزام غلق البيت ب الدواير((المفتاح)) وشلهم وابسر باب البيت ملان رجال ابسر خواته وانهن نازليات الخنه افتهن...


عزام وصلهن للبيت: يلا ادخلين وأنا شاسير لعند الرجال...


:تمام أن شاء الله وانتبه لنفسك... دخلين وهو سار لعندهم...


عزام: ي سلاااام الله عليكم...


الكل: وعليييكم السلام ورحمه الله وبركاته...


عزام: هيا م تشتوا اي خدمه؟؟


محمد غمز له: أنا اشتي منك خدمه بعد شويه بس مش قبالهم...


سام فتح عيونه: ي جززززمه وعتفعلها...



عزام باستغراب: خير مااابه؟؟


محمد: ماعليك منه بعدين شاحاكيك...


عزام:تمام يلا جوا نبسر أيش عادهم يشتوا لما يجوا من المطار...


الكل: تمام...


بعد ساعه....

أصوات رصااااص وقريييييح وسياررررات ملاااااان الحاره ولا كأنها عروسه اللي وصلت 😂



_اللهم شفاء وعافيه في عقلي فإني مرهق التفكير وليس مرهق الامراض_




📚 @rewayatyamania 🇾🇪

#لاتبالي... فإني عينيك...


البارت 63 ❤️

‏أنشهد أن الزين لاشافش هجّد
يا لعنبوا زينش وبسم الله عليش



👌🏻👇🏻 😍
📚 @rewayatyamania 🇾🇪


مها من الفرررحه طااارت للمكان الموجه للشارع فتحت الطاقه وبتتفرج وبتحس قلبها عيخرررج وأخيرا عترجع تبسر اخوها وابن عمها... كانت تبسر السيارات وتسمع الطريق والقريح والرصاص وبتشعر بررغبه في البكاء م تعرف ليش بس الاكيد من الفرحه...


سامي كأنه حس بها رفع راسه للطاقه وتسمر مكانه جالس يتفرج لها وسااارح... وبيحس بضيييق وكتمه كاتمة ع نفسه لأنه م عاد دري بحاله ولا فهم نفسه...

تنهد وغمض عيوووونه وفي قلبه((يااااااارب))


نزلوا من السيارات ودخلوا البيت كان الكل هناك وفااارحين قووي سلموا عليهم وتحمدوا عليهم ب السلامه ومجباره لامجباره بعد شوي... دخلوا لهم الغداء سموا ب الله وبدؤا يأكلوا...


كمال ومهدي أقدر أقولكم أن شعورهم بتيك اللحظه نفس بعض... فارحين ب اللمه والجو اللي سووه لهم بس مكتبدين من حظهم مع احبابهم...


سامي كان يأكل وبيفكر يأكل بدون م ينتبه للي يأكل وبيأكل بسرعة وبنص اكله... اكتبد ب الاكل وماقدر يتنفس رضوان كان جنبه...<<<عرفتوه اكيييد^~^


انتبه له دقة في ظهره بس م في فايده سامي بز نفسه وخرج من عند المعازيم وما أحد تلوه له كل واحد همه عند بطنه😭😂


_الا ي قلب م قلت لك لا تتعلق بأشخاص مش لك_


عند النسوان...

مها كانت تسير وتجي وتفعل عمل بهمه والشوق غالب لها ومتوتره من بسره اخوها بعد زمن طويل...


كان معها الجاكات علسب الرجال نزلت من الدراجين وابسرت ساامي ماسك ع رقبته ووجهه أحمر...


نزلت بسرعة لعنده وطرحت الصحن اللي كان فيه الجاكات والقلصات في القاع ((الارض)) ودريت أنه يحتاج ماء من شكله...


وبخوف سكبت له ماء في القلص ومكنته: هاه أشرب الماء بهدوء لكن!


سامي بزه من يدها وشربه دفره واحدة ردت روحه بعد دقيقتين...


سامي تنهد براحه: اه تسلمي لي ي قلبي والله كنت بين ابسر الموت في عيوني...


مها ضايقت بس م بينت: سامي لا تكونش تتحاكا هكذا رجاء والله إني بين أزعل كل ساع تذكر الموت في لقفك كن اعقل!


سامي أبتسم: بتفتجعي عليا...


مها قامت وبزت الصحن: ماشي وليش افتجع عليك من قد يقولوا لك... مكنته الصحن... وهاه ازقمهن سوا ودخلهن لهم لأهم يشتوا



سامي: ايوووه ي سلااااام م اديتوهن إلا بعد م كنت شا اموت...


مها بكيت: يييخخخخخ منك لغججججججه بسك بس لا عاد تجلس تذكر تيه الكلمه لغج... وها بز ذوليه بدون كلام معي عمل... مكنته وطلعت بسرعه وهي بتمسح دموعها...



سامي تلخبطت كل احاويسه😂 نزل لعندهم وهو مششخخخخخر والابتسامة من الأذن للاذن...


وزع لهم ورجع جلس بقعته...


رضوان: الحمد لله ع سلامتك... فرحنا معك قد كنت بين الحياه والموت ورجعت وأنت بتضحك خير؟؟


سامي: ههه م دخلك وبعدين حد به معه من اللي معي وما يضحكش وتقتلب كل موازينه؟؟


رضوان بلا مبالاه: الله يسعدك ع طووول ي خبير... يلا خليني اكمل أكل قد كملوه عليا....


سامي ضحك: خخخخخ م بتحب إلا بطنك الله يقلع أمها طبيعه!


رضوان ضحك: ليش به حد م يحب بطنه الله يقلعك انت!


سامي بدأ يأكل: خلاص خلاص لا عاد تتحاكا وبعدين امـ... وذكر مها وكيف بكيت وغير... اشترغ ساع اول


رضوان م جاوبه وهمه ببطنه...



_حقيقه😭😂
كل الرجال عندهم بس بطنهم اهم شي الاكل الدسم ويومه بيكون تمام...
وصدق المثل اللي يقول أسرع طريق لقلب الرجل هي بطنه😭😅_


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

#لاتبالي... فإني عينيك...

البارت 64 ❤️

_💔

لا أستطيع ان اخبرك بأني حزين
، او بأن هذه الشهور لاتسير معي بشكل جيّد..

لاأستطيع ان اخبرك بأني انظر للحياة وكأن كلَ شيء يبدو جارحاً ،..

المس قلبي فقط..✨💜_


👌🏻👇🏻 😍
📚 @rewayatyamania 🇾🇪


بعد م كملوا يتغدوا الرجال وبعد صلاه العصر جلسوا في المجلس وبدأوا يخزنووا...


والنسوان المسكينات قاتلات نفوسهن عمل... في كل مناسبه دايما الرجال يجوا لكل شي حاصل ومفتهنين والنسوان اللي عليهن العمل والتعب
وبعدين يجوو يقولوا م منش فايده☹️. المهم لا تخلونا نخرج المواجع قدني شبكي😪



كمال بهمس لمهدي: مهدي اشتي اقوووم قدني ضااابح...


مهدي: أسهل استحمل هذولا هم جوا علسبك مش علسبي...


كمال بضبح: والله احس بخنقه وتعب اشتي ارقد...


مهدي: خلاص خلاص ولا عليك ذلحين... التفت لعند عمه أبو كمال... ي عم كمال يشتي يطلع يرقد وأنت داري أنه جاء بعد سفر ومرض... خليه يطلع والمعازيم عادي اهم شي أنهم قد بسروه...


أبو كمال: أنا قلت لكم خلوه يخزن وهو عيبتعد منه كل شي وانتم م رضيتوا...


مهدي تنهد: ي عم قوووا الله يحفظك ابنك عاده بعد عمليه ومش إي عمليه والتخزينه مضره بصحته...


أبو كمال: خلاص ناهي خليه يطلع وامري إلى الله...


مهدي التفت لعند كمال: هيا ي حيدي اطلع وافتهن وارقد أبوك وافق...


كمال انتبز: تسلم لي الله يحفظك...والتفت للجميع... يله سلااااام


الكل: وعليييكم السلااام...


خرج كمال وقده هالك وبيدور السرير ب السراااج طلع لغرفته بس إذا يشتي يسير للغرفة كان لازم يخطى من شق الديمه... ذيك الساع م كااان منتبه لأي شي إلا السرير والسرير وبس... ولما خطي من شق الديمه م توقع ابدا اللي سمعه...


_فرصه واتت إلي اظنها رحمه من ربي علي_


مها بتذمرررر: يخووووه م هو هذا عمل عمل عمل... وفي الأخير م يقدروا كان احنا آلاات عمل نشتغل وبس حتى كلمه شكر م بنسمعها...


الكل: إي والله صدقش...


جليلة بدمعه: يخوووه ي ليتني وأنا بزيت الكناس أخرج لي من ذيه الكرف...


تغريد بضبح: اففففف تعبت من الصبح وما قد جلست والله أنه ظلم...


مها بسرت ظل وعرفته ع طول ابسرت تسنيم بتغسول سكته: تسنييييم؟؟


تسنيم: همممم؟؟


مها: اليوم عترجعي لعزام صح لأني سمعتكم ببتحاكووا انتي وجدتي...



*لاتذكروني بوجعي لأن م بعد الوجع إلا الموت*



سامي م كانش متحمل وسار لعند مهدي جلس بقعة كمال: اسمع ي حيدي!


مهدي: هاه خير م قد به معنا؟؟


سامي تنهد ومسك ع قلبه: ذيه ذيه اللي قد معنا! مهدددي قوووا م عاد شقدر استحمل واشتي منك خدمه وامنتك لا رديتني؟؟


مهدي باستغراب: قوووول وأنا اخوك وإن شاء الله م اردك!



سامي....؟؟


*_‏هل تدركين بأنني عالق بكِ و جداً.*_




📚 @rewayatyamania 🇾🇪

#لاتبالي... فإني عينيك...


البارت 65 ❤️

_• مو ﭑنا ﭑللـييء ﭑتععوض بغيريء ، ما ﭑشبه جديدک ولا قديمک وﭑراهنک ،!🤘🏼ֆء͡_


👌🏻👇🏻 😍
📚 @rewayatyamania 🇾🇪

تسنيم تنهدت: مدري بس ان شاء الله لأن عاد أبي عيبسر إذا عزام كمل الشروط اللي قاله أبي وإلا ماشي...


مها: اهاه طيب م قد اشتقتي له...


تسنيم: إلا والمووووت والله الله يسامحه أبي حتى واتس وإلا تلفون مش مخلي لنا!!


جليلة: وهو احسن والله لو أنا بعمي م ارجعش له... استغفر الله بس لا عاد تنرفزني امانه لأن ذيه الموضوع بيدي لي الطاوي... يفعلوا بها العمايل ويعايروها ويقتلوا ابنها وفي الأخير يتزوج عليها... قسسسسم انش هبلا


تسنيم: يوه مالش هكذا قرحتي وبعدين مش انتي داريه ب الحكايه كلها لا تتفلسفي تمام...


جليلة زعلت: انتي اخبر... واسفه ع تطفلي


مها قاطعتهن: مش وقت ذلحين المصايحه وقولي لي ي تسنيم وكمال خلاص؟


تسنيم توترت بس م بينت: كمال؟؟ ماله كمال عادي زيه زي إي واحد من عيال عمي!


مها: طيب م عاد بتحبيه



تسنيم بصوت مكبود: أيوه خلاص قدني مزوجه... وقد نسيته وهو ساع عيال عمي الباقيين م بش فرق المهم ذلحين غلقوا ع ذيه الموضوع...


الكل سكت بس مها فرحت لانها وصلت للي تشتيه... كم عيجلس كمال يحبها وهي مش سائله عنه... فحبت تخليه يسمعها منها علسب يقتنع ويبدأ حياته من جديد...


كملين عملهن وكل واحدة سارت تبدل علسب النسوان عيجين عندهم...


أما كمال أول ماسمع ردها اقتهههر قووووويه واللي قهره أكثر شي أنها متعلقة بعزام بعد اللي قع لها منه... وصل لغرفته وارتجم فوقه وأول م غمضت عيونه رقد... بس رقد ودموعه ع صابرة



#ي غبني ع الوفي... كل وجعه يخفي...
لوما من حوله يختفي... لا يسأل ولا يحكي...
الوفي هو الاصيل... لو مهما غيابك تطيل...
عمره م ينكر جميل... م يهمه كل غدار عميل...
على عهده راسخ م يميل... يبقى وفاه وجعه كفيل...



سامي تنهد: ي خوووك انت داري إني اموووت ع أختك واشتيها ع سنه الله ورسوله بس ابووووك م فعلي مجال...


مهدي : كيف كيف؟؟ ما دخل ابي؟؟


سامي: اسمع... وحكا له يوم م رضي ابوه... وأن شاء الله قريب شاجي أنا وابي وأخي وأمي نخطبها بس مفتجع لا أبوك يردنا!! واشتيك تدربس له...


مهدي: خلاص أن شاء الله ولايهمك شا أحاول فيه...


سامي أبتسم براحه: تسسسسسلم انا فدا لك...



_الصديق الحقيقي ب المواقف وليس بكثرة السنين_



في الليييييل


الكل روووح م بقي غير الأهل الرجال ساروا يصلوا والنسوان كملين يصلين ومورعات إي حين عيجوا... طبعا من غير صالحه...


عزام روح بيته وهو متضاااايق هو وخواته كان مقصده أن اليوم بترجع له تسنيم وبعد زمن طويل... بس عزام نسي الشرط الأخير والمهههههم فرجع خااايب بس عيفعل كل شي ولاجلها وعترجع قريب له...



بعد م رجعوا الرجال مها بسسسسسرررررعه حمللللت ونطت لحضن اخوها ببكاء: ييييييي كللللللللللب وحششششتني ي جززززززمه ليش خليتني لووحدي


مهدي حضنها وهو بيضحك: هههههههه يووووه من أختي الصغنبوره وتدي ذيييه الكلام بكله لاخوووها... بعدها منه وحبها في رأسها... ي قلبي ي أختي اسسسف


مها دكمت في جبهته باصبعها: وهذا المممخخخ ليش نسيني...


مهدي: والله م نسيش وبعدا جي هكذا هاه... من بيعلمش ذيه الكلام



مها لا اراديا بسرت سامي: هاه ولا أحد المهم الحمد لله ع سلامتك ي قلب أختك


مهدي حبها في صابرها: الله يسلمش ي روحي...



....: بسسسكم رمسسه واحنا لنا الله!



مها بسسسرعه حملت ونطت لحضنه: يوووووه كمال والله إني فقدددتك قوووي قووووي قووووي والحمد لله ع سلامتتتتتك يووه لوتبسر كيف كانت حالتي وأنت مررريض...



كمال ضحك: ههههه هذك انتي م عقلتي جالسه مجنووووونه...


وخرت منه: يخوووه منكم تهبطوا المواهب... خلاص أنا زاعله منكم كلكم... والتفتت لعند سامي ورفعت حاجب وطلعتت بدون م تسمع ردهم...



الكل ضحكك عليها وع أنها م عتعقل...


كمال ومهدي بدؤا يسلموا ع الجدة ونسوان اعمومهم وبناتهم...


كمال وصل لعند تسنيم ومد يده وما تكلم...


تسنيم...؟؟



_وعندما قررت اكرهك مشاعري تحاربني وبقوه_


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪

#لاتبالي... فإني عينيك...


البارت 66 ❤️


_‏من باب الثقه المُفرطه ؛
مامرّك مثلي ولا راح يُمر_


👌🏻👇🏻 😍
📚 @rewayatyamania 🇾🇪

تسنيم سلمت عليه وتبين عدم اللامبالاه وهي من داخلها يصرخ يشتي يحاكيه يشتي يواسيه ويعاتبه...


كمال زر ع يده وبهمس م تسمعه إلا هي: هاه ي تسنيم ماعد قوليش لابن عمش الحمد لله ع السلامة وإلا ماهو؟؟


تسنيم بتوجع: كمااال مالك وجعتني حراااام عليك وخرر يددك...


كمال وعيونه حمر وبعصبيه: وجعتش هاه وانا من اللي عيداوي وجعي... واشر لقلبه وعيونه ملان دموووع... هذذذااا ي تسنيييم تعب بسببش م توقعتش تنسيني لهذي الدرجه... بس أنا كرامتي فوق كل شي وعتندمي ي تسنيم وانسي إني كمال اللي يحبش... بسر بنظره خلت كل خليه فيها يرجف بعد يده منها وسار يسلم ع الباقي...


كل اللي كانوا موجودين م لاحظوا شي بس اللي لاحظوا مهدي, جمال, سامي, تغريد, جليلة وبس


جليلة كانت آخر واحدة يسلم عليها مدت يدها له بس هو هزرها لعنده وحضنها:م وحشتش قلب اخووووش...


جليلة ببكاء وقليل من الحياء: من قااال؟؟ والله إني كنت اموت في اليوم ميه المررره! المهم أنت ذلحين بخير ومتعافي الله م يحرمني منكك...


جمال بضحكه: هييييه تترمسسوا وأنا خليتوني لووووحدي لا تنسوش عادني منكم... وسار وحضنهم الإثنين


ياسين بيمثل الصدمه: ابسرتوا ابسرررتوا ع خووونه وأنا وين شليتوني...


جمال مد رأسه: هههه انت معك سميره وغمز له



ياسين ضحكك:ايوه صح أنتم شوووعين... وقرب لعندها وحضنها قبالهم وسمييره خزيييت...



مها نزلت من الدرج ع حضنة ياسين غطت عيونها بايديها وشهقت: اههحححه ي وقحين م بتبسروا عندكم عزابيه واطفال عيييب عليكم... يلا يلا هش هش وخررووا عن بعض يلاااا ي قليلين الأدب


ياسين وخر من عند سميره وضحكك: ههههه أما انتي ي مها المفروض يسموووش هادم اللذات م بتخلي لأحد حالة...


الجدة: وهي الصادق به معكم غرفه سيروا ترمسسوا فيها بدل الوقاحة...


سميره حمرررت وياسين قصفت جبهته م عاد قدر يرد عليها...


مها نزلت وجلست جنب مهدي: احم حبيبة قلبي والله


الكل ضحكوا منها ومن ياسين اللي نكس رأسه ومن سميره اللي من الخزاء دوروها م عتلقوها...


الساعه 9:00 الليل والكل مجتمع

كمال قاطع كلامهم: يييييه اسمعوني ذلحين اشتي أقولكم حاجه!


الكل ابسروا لعنده وسكتوا: خير؟؟


كمال تنحنح وهو بيبسر تسنيم: أنا....؟؟



من عزه النفس وطبوع البدو فينا...♡‌‏ نعطي على صدة المقفي ابتسامة..♡‌‏


🚶‍♂
💔



📚 @rewayatyamania 🇾🇪

#لاتبالي... فإني عينيك...


البارت 67 ❤️

كمل غيابك ماعليك اعتاب

انا كذا ولا كذا مجروووح💔🚶‍♂


👌🏻👇🏻 😍
📚 @rewayatyamania 🇾🇪


كمال تنحنح وهو بيبسر تسنيم: أنا قررت أخطب واشتي أتزوج بسرعه! قدني كبير واشتي ابسر عمري ليحين شازيد اورع؟؟



ام كمال فرحت: والله هذي الساعه المباركه من غطوه ادور لك ولا عليك إلا أدي لك أحسن البنات...


كمال ابسر امه: يمه م اشتي تبسري لي لأن قد البنت جاهزه!


أبو كمال: والله ومن هي تيه؟؟


كمال: اخت عزام اللي اسمها علا!



تسنيم ابسرته بصدمه وحرقه قلب يعني أيش يشتي من حركته تيه البايخه


أبو كمال: خلاص أن شاء الله غطوه تسير أمك تطلبها...


كمال قام من مكانه بدون نفس وحب رأس امه وأبوه: تسلموا لي ويلا تصبحوا ع خير... وطلع



محمد بتوتر بيبسر سام ويسبه ويلعنه لو شي أن قد هو مرتاح... بيأشر لسام ع أنه يخرج وهو يلحقه... وأخيرا سام ابسره وفهم محمد خرج وسام بعده...


مهدي بمزحه: وأنا والكل اشتي أخطب


سام دخل: وانا!


محمد: وانـــا!


سامي بضحكه: وانـا م عاد زد فعلت ؟؟


أبو مها: خلاص ولا عليكم إلا نخطب لكم ذيه الأسبوع كلكم بس هاه قولوا لنا من ذلحين من تشتوا مش بعدين تندموا...م عاد إلا سامي عاد هو جاهل!


سامي تضايق وقاااام حركه بايخة من عمه خرج من بيت جده وسار بيتهم بسر امه وأبوه في الصالة...


سامي: السلام عليكم


امه وأبوه: وعليكم السلام...


سامي بسر أبوه: هياااا ابه م قلت غطوه عنسير نخطبها لي؟؟


صالحه ببهرره: ماهو ماهو؟؟ ماهو تخطبوا ولمن؟؟ ومن اللي عتخطبوها؟؟


سامي...؟؟



ـ


تذكر كيّف كنا نكره طاري الفراق ؟
واليوم نتباهىَ من يزيد البعد أكثر💔🔕



في بيت عزام...

فوق سريره وبيفكر قطع حبل أفكاره اتصال بسره وأنه من عمه أبو امل...


تنهد وبزه وفتح: الو السلام عليكم


أبو امل بعصبية: لا سلام الله عليك وأخيرا رديت ي حضرة الدكتور عزام... المهم غطوووه تجي لعندي وضروري وإذا م جيت انت اخبر... وغلق في وجهه...


عزام تنهد وطرح التلفون فوق الكمدينه واقتلب ع بطنه و كـ العادة الشوق قاتله بس وش حيلته كل اللي وصله بسبب امه...


لا يوجد اي سبب مقنع بأن تيأس من
الحياة ، ان كان حزناً فـ كُن من الصابرين ،
وان كان فراق فـ كلنا راحلون' (=|.



الساعه 12 الليل...

كان بيموت لو اللي اختارها كمال حبيبته بس سام طمنه أنها مش هي... فرحته مش سايعته بعد م حدد أبوه أن غطوه امه بتسير تطلبها له وأخيرا بيتحقق حلمه... صحيح م يعرفها خيرات بس هو أكثر من مرة بسرعة في الجامعه وأعجب بها وبعدين تطور للحب... وكان يغاااار لما تكلم حد من زملاءها بس يكبت ويكابر وأن شاء الله ينال اللي يشتيه



- ﺎنتةهَ ﺎلي خليتني ﺎحس بانني ﺎمتلك

حظ لـ ﺎول مره بححياتي ، ،☹️💭"̯ ء


https://tttttt.me/joinchat/AAAAAEIz_KDfjDgo7Gaxwg


📚 @rewayatyamania 🇾🇪