🦋
🦋
🦋
🦋
بارت 110


في بيت علي ...


سماح : ياريم حرام عليش الي بتفعليه بنفسش هكذا لا اكل ولا شرب ومغلقه ع نفسش خلاص ارضي بنصيبش أيمن وطلع كذاب والحمدلله خلصتي منه وعرسش بعمي بعد شهرين ..


ريم : تنهدت بقهر 😔 قووى يا أختى لاعاد تذكريني بوجعي قلبي💔 مشو ناقص والله لوأحد يدخله لايموت قهر عليا وأيمن خلاص ماعد اشتيش حتى أحد يذكر أسمه كل مشاعر الحب الي كانت في قلبي له قدهي مشاعر كره ..


سماح : اذا خلااص مدام ماعاد بتفكري فيه اقتنعي بنصيبش وخلينا نبداء نخرج السوق نجهز للعرس ..


ريم : هزت أكتافها .. مشتيش أجهز شي. وماشفعلش عرس اضحك الناس عليا ...


سماح : طبطبت عليها بيدها 👋🏻 اسهل ياريمو علشان خاطري ضروري نشتري لش حاجات جديده وفستان الزفاف ومدراش يمكن عمي يتغير بعد ماتتزوجي ويكون حنون عليش ابسري كيف أبوش لاعندكم كلكم جلف وانا كيف بيسمع كلامي وبتزنط .. آحم آحم وضحكت هههه 😂...

ريم : ضحكت عليها ههه 😂 ناهي لاتفرحيش قوي مدراش ويرجع يقلب عليش لاقد تزنطيش هو بيدلعش لانش بتقلي له حاضر في كلشي بس خليش تدي عيال وتبدأي
تطلبي منه مصاريف وحاجات والله لايقتلب لش جزار ..


سماح : حضنتها وباستها في خدها 😘 ابسري محلاش لما تضحكي ذلحين يله قوومي نتصل للعيال يشتروا لنا سندوتشات 🌭 تأكلي ..


ريم : مع مشتيش سندوتشات قدنا ضابحه نتصلهم نخرج نأكل خارج ..


........ ......... .......

في بيت هاشم ...


ناديه : جالسه بتقطع تفاح لهاشم 🍎 وتناوله ..ذلحين ماقلتليش مازد فعلت من موظوع خواتك مازد فعلتوا مع الرجال الي بيسأل لك ...


هاشم : شل التفاحه 🍎 كويس انش ذكرتيني اتصله أبس مازد فعل وخرج تلفونه 📱 بيتصله ...


الرجال : حيا الله بالأستاذ هاشم والله ان عادنا بينقل شتصلك بس قلت أزيد اجمع معلومات أكثر ..


هاشم : إبتسم 🙂 يعني لقيت شي ...


الرجال : الي وصلت له يا أستاذي الجيران ادولي عنوان واحده قالوا مزوجه لابيت ال... ومعاها بنت و2 عيال بس ماعاد بيتواصلوش معاها من سنين بس مشهم دارين عادها هاناك او مع لان البيت كان إيجار والثانيه ماقد عرفت عنها شي ..


هاشم : اسهل الحمدلله لاقد لقينا الأوله عنوصل للثانيه ... ان شاء الله نسير ونسأل علي العنوان ...


الرجال : اسهل يا أستاذ هاشم قدنا شاسير أنا أنا داري إنك مشغول واي شي اوصله شابلغك ..


هاشم : خلاص متواصلين ان شاء الله تسلم في أمان الله ..


ناديه :ابتسمت له 🙂 شكل به خبر حالي صح ...


هاشم : قلي ع الله ان شاء الله نلقاهن قبل العرس ويحن قلبهن ❤ ويجين يتعرسين عرس بنت أخوهن والكل ...


ناديه : ان شاء الله .. ذلحين قدحنا نشتي نوزع الدعوات كودحنا ماعد به الإ أسبوعين وأبنك مشغول عايش في عالم ثاني من حين يفتح عينه وهو في بيت جده مابيروح الإ العشي ومشو عاجب لي شكله مقهور مريض ماعاد قدرت أفهمه ..


هاشم : اسهل خليه مابش فيه شي قدوذاك ظلمناه المره الأوله وانه كان بيسبر البيت قليلي ماتشتين أفعل وأنا شوزع لكن وأفعل كلشي وأيمن لو تقلي له ماعيقل ماشي ..

ناديه : تسلم .. أقوم أبسر بنتك لاهي تشتي شي أمانه قد زيغت حسي لارضيت تشتري لده خيرات ولا زنين مطرزه واين ماقلت لها شي تقل مش لازم مش لازم انا ماشحتاج هذه الحاجات ...


هاشم : ضحك 😂 هههه الله يعينكن كيف انتين هرمات يالنسوان هو كلامها صح تشتري اللي عتحتاج ...



@qesasanani

🦋
🦋
🦋
🦋


بارت 111.

ثاني يوووم ..


في بيت جدي ..


أيمن : بيرتب غرفه نووم وبيبداء يجهز البيت بحاجات بسيطه مقرر خلاص انه بعد مايرتب كلشي ينقل فالبيت حق جده ويعيش فيه بس ماقد فاتحش أبوه فالموظوع ... رن تلفونه 📱 جاووب . هاه ليلى كيف انتي ..


ليلى : بصوت مبتسم 🙂 أكيد أحلى حاجه مدام سمعت صووتك بينحاكي أيمن كيف تشتي أكوون ..


أيمن : إبتسم 🙃 مجامله بيحاول انه يتناسى ريم وفي نفس الوقت حس بوجع ليلى لما اكتسر قلبه 💔 ... مابتفعلي ...


ليلى : ولا حاجه جالسه بينبسر ما ألبس بكره مره أبي مسويه حفله وصاحباتها كلهن أنيقات ودلوعات💃 وعادهن أول مره عيعرفني ..


أيمن : آها .. شكلش مبسوطه عندهم ياليلى صح ..

ليلى : أيووه مبسوطه قوي 🙂 صح مره أبي هرمه. بس اسهل اهم شي بينلقى كل الي اشتي وعايشه في بيت ساع الناس ...


أيمن : وأمش ياليلى .. حرام عليش زد سألتي عليها لاتسخيش فيها ...


ليلى : نفخت 😤 اوووف ..منك أنا أتصلت افتهن مش تضبح بي ذلحين يله مع السلامه اقوم أبسر ما شاجهز خالتي قالت عتشلني عند الكوافير اسشور شعري ...


........ ....... .......


وليد : بيتصل لسامي .. اليوم بعسست بعد حساباته ويله بعد ياشاهدين اشهدوا لقيت صاحب وطلع لي حسابه قال معه رصيد فالبنك وكوده بتوصله حوالات 💴 من شركه ال*** للمقاولات ..


سامي : بإستغراب 😳 ايييش شركه ايش هذه شركه أبي بس من الي بيحولهن له علاقه أبي اقتطعت بنا كلنا من حين فلت أمي معقوله ان زوج خالتي بيفعل شي ويتعاون هو وأحد داخل الشركه ويتأمر ع أبي وبيسرقوه ..


وليد : بمطه فالصووت .. يهههي يههههي هذا شكل زوج خالتك عيطلع بير مالها نهايه بس ليش عيسرق أبوك مابينه وبينه لو نقل أنه بيديها لكم عنقل اسهل بس هذا مشو مبين بشي ..


سامي : خلاص إسمعني ياووليد لاقد تحاكيش أيمن بشي خلينا نفهم أول إحنا مدام وشركه أبي جت فالنص الله يستر بس شكله عيفتتح لنا الف كتاب وكتاب 📖...


........ ....... ........

في بيت الحج أحمد ...


سمر : بتقايس فستان الزفاف وتحط الطرحه 👰🏻 حق أختها .. هيا مه كيف أنا عروسه صح ..

سهى : ضحكت هههه 😂 وبتهزر منها الطرحه .. بس ياسمر أمانه قووى عتخربيهن ويجي العرس وقدهن ممهودات ..

سمر : ابسرتها وغمزت لها 😉 سبحان مغير الأحوال ماكأنهاش هذه الي كانت زاعله وبتبكي حين اختطبت ع أيمن واليوم قدهي فارحه بالعرس ..


سهى : خزيت 😊 أصلا ابسرت الفرق بين أمين وبينه صح اني حبيت أيمن بس أمين بيحبني قوى ومستعد يفعل لي كل شي بس أكون راضيه فقررت احب الي بيحبني وخلاص .. ذلحين يله من الخباله ادي حقي ورجعين يتصافدين ويتهزورين ويضحكين 😂...





🌹meme_abdalgaleel



@qesasanani

🦋
🦋
🦋
🦋
بارت 112


بعد إسبوووع ..

أيمن : بيوزع دعواات العرس وهو زاعل 😔 مايشتيش أخته تتزوج بس خلاص ماباليد حيله .. سار لعند سامي للبيت بيدقدق ..


عفاف :جاوبته من قفاء الباب 🚪.. ماااان ..


أيمن : هاه خاله أنا أيمن صاحب سامي هذه الدعوه لكم حق عرس أختي اوذا شاطرحها لكم فوق المغلقه حق الباب ..


عفاف : اها تسلم يا ابني ان شاء الله وفتحت الباب 🚪وشلت الدعوه ✉ ودخلتها حطتها فوق الثلاجه ودخلت تفعل الغداء ...


....... ....... .......

في بيت توفيق 2

ليلى : بتحاول تتقرب من أبوها ومرته كملت تفعل الغداء 🥘🍛 وأمها ماكانت تفعل لها مهره .. سكبت في طاسه مرق 🍵 ودخلتها لأبوها .. هاه بابا إطعموا ع طعم فالمرق فعلته أنا ...


توفيق : شله منها 🍵وطعم يووه والطعم ماشاء الله اوذا بنتي حميش هنيت له زوجش عتشربيه مرق طعيمه وانا ماعد ششربهاش ..


ليلى : جلست جنبه .. يهييه هييه له حلات ع الزواج عادنا اول شقراء الجامعه يعني ماشرجع أتزوج الإ وقد شبعتوا من المرق 🍵 حقي ..


مره توفيق : بتمط صووتها وتسحب ممممع ...جامعه مه قد جالش زوج لعندي ابسرتي صاحبتي حق يوم الجلسه سميره هذك الي لابسه فستان أزرق عجبتيها وتشتي تخطبش 💍..


ليلى : ارتبكت هاااه 😅 تخطبني مه .. مع مع أنا أصلا ماقد أشتيش أتزوج أشتي أكمل قرايتي ..


مره توفيق : بضبح حطت يد ع يد وعوجت فمها 😏 جامعه مه ياجامعه إحمدي الله حين قد عجبتيها ولفتت لتوفيق. صاحبتي هذه مره محمد ال*** يعني مايحتاج اقلك منهم بدل ماتحمدي الله ع بقعه غيرش بيتمني زواجه لعندهم ...


توفيق : رفع حواجبه 😌 هآاااه ماشاء الله بيت محمد ال*** والنعم فيهم كان قلتي لي عجبتهم البنت وحاكوش عليها ...


مره توفيق : أيوه قالت تشتيها اسالك وأبسر ولو احنا موافقين عيجوا الرجال يتحاكوا. .


ليلى : سنب وبضبح 😤 ماااهو زواجه مه مالكم قليلها مشنا موافقه مشتيش اتزوج ماهو هذا ..

توفيق : لفت لها بنظره حاده 🙄 ماااهو ماتشتيش أول اسال ع الولد وأبسر كيفهو البقعه حاليه وبعدا شستفيد قووي منهم في المعاملات حقي لما نتناسب أحمدي الله غيرش بيتمنوا هذه الفرصه ..


مره توفيق : بدل ماتحمدالله لوعادهي عند امها مايجي يخطبها 💍 الإ واحد جاوع بيدور ماياكل بدل ماتشكرني ع زوج اديت لها عادهي عتنخط ...

ليلى : بكيت 😭 وخرجت .. مشتيش أتززوج مشهو غصب .. ودخلت غرفتها تتصل لأيمن تقله من العريس ..


أيمن : فوق السياره 🚘 بيوزع باقي الدعوات ✉ جاووبها .. هاه ليلي كيف انتي ..

ليلى : وهي بتبكي 😭 أيمن بابا ومرته يشتوا يزوجوني ..

أيمن : طييب وليش بتبكي 😭 محد عيزوجش بالغصب ...

ليلى : أيمن قووى قووى جي اخطبني 💍 حاكي أهلك مشتيش اتزوج بواحد غيرك ...


أيمن : اتفاجاء منها 😳 اخطببش ليلى انا قلت لش ندي لنفسنا فرصه بعد ماتصالحنا ولو حسيت مشاعري تغيرت شاقلش بس أنا الصدق لحد الان مش قادر اعتبرش الإ أخت وصدديقه غاليه قووي ..


ليلى : بعصببيه 😡 أيوووه أنت هكذا أجلس مكني اخت أخت يا ابن الناس مشنا أختك افههههم أنا أحببببك ❤..

مره توفيق : كانت سايره لعندها تقنعها من العريس سمعتها بتجابر فالتلفون 📱 فتحت عليها الباب 🚪 من بتحبببي ..

ليلى: لفتت لعندها بفجيعه 😰 هاه وبعدت التلفون 📱من اذنها ونزلته دلا دلا ...


أيمن : سمع صوت خالتها غلق التلفون 📱ع طول ...



🌹meme_abdalgaleel



@qesasanani

🦋
🦋
🦋
🦋
بارت 113


في التلفوون 📱..


سامي : طلع كلامك صح فعلا المبالغ الي بتتحوله من شركه أبي ومابش سرقه للشركه ولا الزلط كلها والحوالات بأمر من أبي ...


وليد : قلتلك ان شكل بينهم شي وكويس إن أيمن مشغول هذه الفتره بعرس اخته ماعاد سألني مافعلت والله مانا داري ماقله لأن أبوك فالنص ...


سامي : ولو أبي فالنص مافيها هو داري أصلا انحنا مش متداخلين به وأنه مقاطع لنا من زمان وضروري ندور بعدهم نبسر ماهو السبب وليش بيحوله زلط مابينهم ....


وليد : أنت داري معي فكره 🤔 شاسير للشركه واقل لمدير الحسابات ان عمي علي رسلني أستلم حواله جديده وقال يمكنوني كاش هذه المره ...


سامي : ضحك هههه 😂 سعم فارحين فيك يا حاذق يدوها لك هكذا اكيد عيتصلوا له ويسألوه ..


وليد : أيووه أنا اشتي يتصلوا له 📱 وشارسل أحد لزوج خالتك يقله قال عمي توفيق من اليوم ماعاد عيرسلك شي ولا عاد معه حواله ...


سامي : هز رآسه .. آهااااا ذلحين فهمتك تشتي تحرش بينهم أن به أحد كشف سرهم وتخليهم يبداؤا يدوروا منهو ...


وليد : أيووووه بالظبط 👍🏻 ذلحين فهمتني أهم شي رسلي رقم زوج خالتك وأبوك ..


سامي : رقم زوج خالتي شارسله لك الآن بس رقم أبي مشو معي شادبره لك وارسله ... غلق معه وبيحاول يتصل لليلى 📱 مابتجاوبش رسل لها رساله ليلى كيف أنتي مالش غايبه علينا ولا حتى اتصال قد أمي فاقدين لش قوي ورسلي لي رقم أبي بينفكر لو أتصله لأنه تعبت من العيشه هكذا وإشتي أعيش معاكم ...



....... ....... .......


في بيت مرام ...


مرام : في غرفتها بتبكي 😭 والله ماتوقعت انه هكذا يفعل ويطلقني صدق ماعيقلوا عليا الناس مسرع طلقني ..


صاحبتها ( خطيبه أسامه ): أقلش الصدق حتى لو زعلتي مني أنتي فعلتي بنفسش هكذا كم نصحتش ولا سمعتي الكلام وسيرتي تتزوجي به من وراء أهلش كنت أقلش سهيل شكله صايع لاتصدقيه ماسمعتيش ...


مرام : وهي بتبكي 😭 ليش مانا طلع كذاب وانتي أسامه حبش صدق وجاء يخطبش 💍 ..


خطيبه أسامه : لأني ماكنتش سهله مثلش صح حبيته بس فهمته من البدايه تشتيني تعرف طريق بيتنا ولاكنت ارضى أخرج معه ولا سمحت له يفكر يتمادى معي .. ذلحين اسهل أحمدي الله انه ابوه طلع ابن ناس وخلاه يتزوجش قدام الناس حتى لو فلتش قد إسمش مطلقه أحسن من ما الناس يتحاكوا عليش رن تلفونها أسامه 📱 جاوبته ألووو...


أسامه : كيف حبيبي 😍أينهي اليوم ولا سألت عليا ...


خطيبته : بعدت شويه من عند مرام وبتحاكيه بصوت واطي .. قلتلك شاسير عند مرام والله اني زاعله عليها اليوم سهيل طلقها ...


أسامه : آهااا كان قلتي لي طلقها .. بس بيني وبينش حلا ان أبوه طلع محترم وزوجه بها .. ابن منهو قلتي لي ..


خطيبته : منهو سهيل ... ابن يوسف أحمد ال***** ...


أسامه : طنن شوويه 🤔 أممم كأني قد سمعت هذا الاسم من قبل المهم ابردي منهم ماعلينا كيف أنتي وحشتيني أيحين عتروحي أجابرش براحتي ..


خطيبته : قلت شجلس لاقبل المغرب وأروح شرجع اتصلك ذلحين يله باي خليني أسير أبسر البنت عيب جيت عندها وأفلتها ...


أسامه : أوكي باي 👋🏻..



🌹meme_abdalgaleel


@qesasanani

🦋
🦋
🦋
🦋
بارت 114


في بيت هاشم ...

سندس : كملت تحاكي سهيل وعرفت إنه أكد الحجز للسفر بعد يومين من العرس فرخت ولبست فستان الزفاف حقها 👰🏻 وخرجت توري أبووها .. مارأئيكم كيفهو ..


هاشم : إبسرها بالفستان 👰🏻 وإبتسم 🙂 ماشاء الله ع بنتي هي قمر بغير شي عاد لما تكون عروسه وحبها في رآسها 😘..


سندس : خزيت منه 😊 مارأئيكم كيف أرجع أفعل بشعري ..


هاشم : مدراني مفهمش في هذه الأمور أنتي وامش ذواقات ...


أيمن : ع وصلته للبيت دخل وإبسرها بالفستان 👰🏻 تنهد بزعل 😔 خلاص قد أنتي عرووسه ياسندس ..


سندس : أبسرته وحست انه فعلا مقهور مايشتيهاش تتزوج بسهيل .. حاولت تغير الجو .. أيووه عقبالك وسحبته من يده جي معي للغرفه إشتي اوريك حاجات ودخلته وغلقت الباب 🚪 ..


أيمن : بيتفرج 👀 ماتشتي توريني ..

سندس : أيمن أنا داريه انك زاعل 😔 وماتشتيش أتزوج بسهيل بس أنا لما عرفت طباعه حسيته بيحبني صدق ..


أيمن : تنهد 😔 ع الله مع أني مش مرتاح له لأنه عرفت طباعه وكيف نظرته للمراءه وانسان طايش بس الله يوفقش اذا حسيتيه بيحبش صدق يمكن يتغير ...


سندس : أمانه ياأيمن لاتخلينيش أتزوج واسافر وأنت زاعل مني هكذا ..


أيمن : استغرب 😳 تسااافري !!..


سندس : ارتبشت .. هآاااه 😅 أيووه سهيل قال حجز لنا نسافر شهر العسل بس ماقد رضيش يقلي أينه يشتي يفعلها مفاجاءه بس اوبه تقله قوى لأنه عيزعل مني مايشتيش أحد يعرف ...


أيمن : حس بربشتها 😅 هز رآسه هآاااه تمام ... وخرج من عندها وسار يتصل لسهيل يجابره عادي ويحاول يسحبه فالكلام بدون مايحس إبسر كلامه متغير خاصه لما قله يدخل معاه في مشروع حس منه انه مايشتي شي فالبلاد هذه طنن شويه 🤔 وفكر وسار لعند أمه .. بيسألها .. ماما أوراق سندس وجوازها الكندي وينهو ...


ناديه : كملها من حين شلتهن من عندي قالت علشان العقد مدري ماهو يشتي سهيل يثبته فالمحكمه ...


أيمن : فتح عيوونه 😳 أيووه وبابا داريين ..


ناديه : هاه مع نسيت ما اقله حين جاء سهيل وهي جت طلبتهن ما انتبهتش يله عيس ذكرتني حلا أسير أسألها قد رجعهن ...


أيمن : هز رآسه وضحك بينه وبين نفسه بسخريه 😬 هع. قلك بيحبها والله ماحب الإ جنسيتها ضروري أتأكد ..


......... ........ .......

في بيت علي ...


أميره : دخلت للمطبخ أبسرت ريم خرجت كل الصحون 🍽🍴🥄 والدواليب بترفعهن . استغربت منها 😳 مالش يابنتي بتندشي هكذا عادوذحنا رفعناهن مالش كل يوم بتدوري لش عمل ..


ريم: طبعا بتحاول تشغل نفسها ماتشتيش تفكر 🤔 في أيمن وفي زواجها .. هاه مابش شي مابلا ضبح قلت أتواله ...


أميره : بدل ماتتوالهي فالعمل سيري كملي المعهد حقش ماهكذا بطلتي السيره فجاءه ..


ريم :ذكرت أيمن وتشارغت عيونها بالدموع 😢 وحاولت تخبيهن .. مابلا حقنا الاستاذ اكتسرت رجله ماعاد جاش وبعدا ابردوا ماعاد فايده قد شتزوج واقتبر مره واحده البركه في أبي باعوني ساع البضاعه اهم شي عندهم الزلط 💴 الله لاسامحهم قد ظلمهم زاد ..


علي : ع دخلته سمع اخر جمله . عصب 😡 ودخل مهري مسكها من شعرها .. وبيضربها ابوش ظالم أومه ويلطومها 👋🏻..


أميره : بتهزوره وهي بتبكي 😭 قووى فلت البنت حرام عليك ..


علي : دهفها للقاع .. هي الحجه عندش وعند تربيتش وسحب ريم معه وبيهزورها للغرفه وغلق عليها الباب 🚪 ابسرش تخرجي منها لما تتعلمي الأدب ..


ريم : ارتجمت فوق سريرها بتبكي 😭 لييييش ياربي هكذذذا ليش اديت لي هذا الأب وحتي الي حبيته طلع كذاب ...



🌹meme_abdalgaleel


@qesasanani

🦋
🦋
🦋
🦋
بارت 115


ثاني يووم ...

في بيت الحج أحمد ...


ساميه : والله لو أديتي سندس ماكان عيووقع نزفها اليوم مع سهى قد إسمه الحمام حقها هذاك لو إحنا مخرجيين اسهل هذا بيت جدها ..


ناديه : بإبتسامه مايسبرش يا أختي قد انتي داريه ماعدهوش بيت جدها ماذلحين قدهو بيت زوجها وبعدا إسهل قديه عتزتف من غطوه قدهو الحمام حقها سهى الي لاجت اسهل عتجي بيت عمتها ..


ساميه : ريت والله يا أختي وأحنا فعلنا القاعات جمعه وقدهو عرس واحد غير بنات هذه الأيام مشعبات كل واحده تشتي وحدها ولا كيف كنا زمان يزفونا من 5 و8 حراوي مانعرفش نفتح افمامنا ...


ناديه : ضحكت هههه 😂 والله انه صدق اذكر في عرسي فالشكمه حقي شكمونا انا و8 حراوي ولا كنا نقل شي .. ذلحين هيا قومي نبسر النسوان خزا لاهن يشتين شي ولا شي ...


....... ........ .......

في بيت سامي ..


أيمن : بيضحك هههه 😂 أمانه قد شكلنا ساع المخبرين كل واحد في يده ورقه وتلفونات ..


وليد : بيأشر لهم بيده اوووص 🙊 اووص راعوا اجاوب الرجال الي أتصل لهم .. ألوووو ..


الرجال : هاه سلام عليكم كيف أنت..

وليد : الحمدلله بشر مافعلت وفتح السبيكر حق التلفون 📱 ..

الرجال : ضحك ههه 😂 يا اخي قدهم ساع المرابيش الاثنين كل واحد قلتله اني دريت بالسر حقهم وان الثاني قلي واشتي منهم زلط ولا شافضح بهم ..


وليد : مفتح عيونه واذانه 😳 أيووه وماقالوا لك ..

الرجال : الي إسمه علي بينحسه مستقوي 💪🏻وما قد إطرحش اما الي إسمه توفيق حسيته ارتبش وقلي شديلك الي تشتي كم تشتي بس أهم شي تسكت مابش داعي لفتح موظوع قديم قد الناس نسيوه أنا رجال مقاول ولي سمعتي بين الناس ..


وليد : آاااها ... يعني طلع في شي بينهم أكيد نشتي نعرف ماهو ...


أيمن : بيأشر له بيده 👋🏻 قله يبداء يقلهم انه عارف بموظوع البيت وانه داري ان علي هو الجني 👿 ...


وليد : كلمه وفهموه مايفعل ويقلهم بالأخبار أول بأول ...


بعد ماغلقوا جلسوا يتجابروا عادي سمعوا باب البيت بيدقدق ..

سامي : قام فتح وانه أسامه دخل ضابح عيقرح 😤 مشو داري ان به احد عنده بيتحاكى بصوت عالي وهو بيدخل ومعصب 😡 .. يا أخي أنا شرجع أقتل أبي هذا وأخلص منه لو تبسر مرحم ريم روحت للبيت وقدهي مظروبه وحالتها حاله وحبسها فالغرفه مايشتي مننا هذا الرجال ...


سامي : بيحاول يأشر له ان به احد داخل بس خلاص قد سمعوا ...


أسامه : إبسرهم واستحى العفو منكم ياجماعه بس قد الواحد ضابح😤 من روحه وسلم عليهم ..

أيمن : بيحاكي سامي دلا .. بيتحاكى ع بنت خالتك صح الي ظربها أبوها هي نفسها الي عيزوجها غصب ولا واحده ثانيه ..

سامي : ايووه ريم بنت خالتي هي مابلا هي نفسها مابش معه خوات غيرها الله يعينها هذه البنت كم قد اظتلمت ..


أيمن : ذكر إسم ريم وتنهد 😔 آآه ياريم بس ليش تفعلي بي هكذا ..... وجاله اتصال من ابوه يقله لاينسي مايتصل لصاحب القاعه والفرقه يؤكد عليهم الحجز ...

أسامه : سمعه بيتحاكى من عرس .. لفت له ماشاء الله عرسك ..

أيمن : ابتسم 🙂 مع انا عادهو بدري عليا هذا عرس اختي عتتزوج بإبن خالي وعرس بنت خالي اخته والكل ...


أسامه : آها ماشاء الله ... عقبالك ..

سامي : قاطعهم .. عرس ابن المدير الي بينشتغل معاهم عمي يوسف ال*** هو ذلحين ابنه سهيل عيتزوج با اخت أيمن ..

أسامه : طنن وفتح عيونه 😳 سهيل يوسف احمد ال*** ..

أيمن : أيوووه تعرفه ..


أسامه : ارتبش هاه 😅 يله المهم ربي يوفق ..


أيمن : أبسره 🙁 مالك أمانه به شي أنا اصلا مشهو عاجبني ومش موافق ع الزواج هذا بس خلاص مانفعل قدهو النصيب ..


أسامه : يا اخي لاتأمنيش .. انتوا اهل وعتسدوا ماليش دخل بشي ...

أيمن : لفت لسامي 👀 وقدهو متوتر 😰 يا اخي لوسمحت ابسر لنا ابن خالتك هذا قله مابه أمانه ..

أسامه : شاقلك بس سألتك بالله لاتذكرش أسمي خطيبتي💍 لو يوصلها خبر عتحصل بيننا مشاكل ويمكن تفسخ عتقل اني بينخرج اسرار صاحباتها ..

أيمن : بيهز أرجله متوتر 😰 حاضر وعد والله ما اذكرك بكلمه بس مابه قلقتني ..


أسامه : سهيل كان مصاحب صاحبه خطيبتي 💍 واتزوج بها عرفي وابوه عرف وخلاه يتزوج بها شرعي وعادهو طلقها ...


أيمن : حط يده في وجهه 😱 ايييش عرفي وخالو زوجه ...


🌹meme_abdalgaleel


@qesasanani

🦋
🦋
🦋
🦋
بارت 116


في بيت الحج أحمد ...


الكل مبسوط وفارح 😄 بعرس سهى ..

النسوان : بيحجرين ويزفين ويرقصين 💃 ..

ساميه : بترقص مع بنتها وفارحه بها ...


ناديه : رن تلفونها 📱خرجت من الديوان تجاوب .. هاه أيمن مالك يا إبني ...

أيمن : بصوت ضابح ومعصب 😡 أنا خارج عند الباب الآن تلبسوا تروحوا ..


ناديه : افتجعت 😱 يوووه مالك مابه كيف اروح عرس ..

أيمن : بجديه 😠 ماما يله بسرعه مش وقت الأسئله عتعرفوا كل شي بعدا أنا مراعي ..

ناديه : أختك فيها شي أبوك ماله قلي مابه ..

أيمن : ماما يله الآن لو سمحتوا لاتتعبونيش باي وغلق التلفون 📱 ...



........ ........ .......


في بيت توفيق 2


مره توفيق : بتحاكي توفيق ذلحين اسكه قلي مالك مجغور هكذا والجن 👿 كلهم فوق راسك ما اديت لي حتى فرصه أحاكيك ماقالت صاحبتي أيحين يجوا الرجال ..


توفيق : بعصبيه اووف منش 😡 خلي لي حالي قووى معي ألف شي وشي قليلها يجوا أيحين مشتوا ولا أقلش قليلهم يوم الخميس خطوبه يجهزوا نفسهم أنا موافق ..


مره توفيق : فرحت 😄 صددق يله حلا كان اقوم أتصلها وسارت تتصلها ودخلت لعند ليلى ..


ليلى : ماسكه التلفون بتراسل 📱فالوتس وهي ضابحه 😤 من مره أبوها ...


مره توفيق : بتمدمد أيديها هيا مبرروك مبرروك ياقمر خطوبتش💍 يوم الخميس ...


ليلى : رجمت التلفون من يدها 📱 ماااااهو 😱 خطوبه من أنا قلتلكم مشتيش ...

مره أبوها : بصياح 😡 قلتلش عتوافقي وغصبا عنش ماشي شاقل لأبوش أن معش واحد وبتحبيه واني سمعتش بتحاكيه فالتلفون وبعدا صدق يكسر راسش بدل ماتحمدي ربش ع زوج اديت لش زلط وراحه وانتي بنت فقر وجعجعه ...


ليلى : بتبكي 😭 قلتلكم مابينحاكيش أحد مشتيش أتزوج ..


مره توفيق : تشتي ولا ماتشتيش ماعادهوش برضاش قد أبوش ادى كلمه وماعتبخسيش بوشه قبال الناس وخرجت وصرعت الباب 🚪...


ليلى : مسكت تلفونها وهي بتبكي 😭 مادريتش ماتفعل .. حن قلبها ❤ ع طول وأتصلت لأمها ..


عفاف : فرحت 😄 لما إبسرت رقمها حسبت انها فقدت لها قلب أم ... جاوبتها أهلا ببنتي الي فقدتني ...


ليلى : بعصبيه مع البكاء 😡 مش وقت فقدتش وفقدتيني. أنا مافقدتش أحد ماشفقد الفقر وعيشه النكد أنا عاجب لي العيشه هانا ولاعاد شفقد عيشتكم أنا أتصلت مخنوقه اشتي أشكي مره أبي تشتي تزوجني وأنا مشتيش وابي موافق قالوا الرجال معه زلط خيرات ...


عفاف :حست كلامها قهرها وكسرت قلبها 💔 😔 هاااااه كان هو هكذا .. مدام أخترتي أبوش ومرته ماعاد ليش دخل يزوجوش ولا يفعلوا مشتوا قلتلش محد عيستحملش ساع أمش لكن برضاش وغلقت التلفون 📱 في وشها ...


🌹meme_abdalgaleel



@qesasanani

🦋
🦋
🦋
🦋
بارت 117


في بيت علي ...


علي : مخزن داخل بيحاكي التلفون 📱 وهو معصب 😡 يا أخي أنت منين طلعت لي ماتشتي مابش معش زلط الزلط سير شلها من توفيق أنا مثلي مثلك وبعدا كل هذه السنين وعادك ذكرت تجي تقل انك داري أنا مابش معي شي وغلق التلفون في وشه وأتصل ع طول 📱 لتوفيق ...


توفيق : بضبح 😤 هاه علي وأنت ماتشتي ..


علي : بصياح 😡 إسمعني من الأخر أنا ماليش دخل بشي ومدام وقد به أحد داري أنا مشنا مستعد أضيع نفسي وأحتبس علشان سواد عيونك وقبل مايوقع الفاس فالراس أنا اشتي تزد تحولي 2 مليون وبعدها لاعاد أعرفك ولا تعرفني وحتى رقمي شاغيره وبيتي شابيعه وأشتري بيت جديد وأرحلي ...


توفيق : بيجنن فووقه 😡 سير حتى جهنم ماليش دخل بك ومابش معي زلط ماشاحول بشي قد الزايد معاك وغلق التلفون في وشه ...


أميره : كانت واقفه عند الباب تشتي تدخل لعنده تتوسط له يفتح المكان لريم تخرج من حبستها سمعته بيحاكي التلفون حطت يدها ع فمها 🙊 يحتبس ليش ومن بيحاكي ويشتي منه زلط ليش فلتت ورجعت ماعد دخلت لعنده وهي مطننه 🤔...


........... ......... .......


في بيت هاشم ...


هاشم : مخزن هو ويوسف والحج أحمد فالبيت عنده لأن النسوان في بيتهم عرس ..بيتجابر معاهم. والله ماعد دري حالي كيف ياعم حتى الي لقينا عنوان بيتها وفرحنا لما سألنا قالوا قد نقلوا زمان عمروا لهم بيت ملك وانقطعت أخبارهم ...


سندس : كانت جالسه عندهم .. في يدها المبرد بتصلح أظافيرها وتتصبغ 💅🏼 خلاص وانتوا مدام مالقيتوهمش ماعاد تفعلوا تجلسوا تتبرقطوا هكذا ابردوا ...


أيمن : وصل بيجنب السياره 🚘 ..


ناديه : قد عتجنن 😡 بتصيح ذلحححين مااااابه جننتني مكنتني لما نوصل البيت قدوذا وصلنا قلت ابوك واخوتك بخيرين كان مابه ...

أيمن : مسك يد أمه ودخل ..👫 عتعرفوا ذلحين قدام بابا وخالو وجدو ...

ناديه : تنهدت ودخلت وقد بتحس راسها بيدخن من كثر الجنان 😤 ...


هاشم : أبسرها واستغرب 😳 يوووه مارجعش ...

ناديه : بتتلفت لهم كلهم وأنهم بخير اطمنت ولفتت بعصبيه لأيمن 😠 وبصياح ... قل لإبنك اتصلي ساع المجنون مابلا أخرج أروح الان قد افتجعت عليكم ولما اساله مابه يقلي مابلا لما أوصل البيت وعيقلي قبالكم ..


الحج أحمد : ابسره وبيمد له يده 👋🏻 مابه ياولدي ليش روحت أمك من العرس ...


أيمن : لفت لخاله يوسف 👀 وبيركز في وجهه إسألوا خالو وهم عيقلوا لكم مابه قلوا لهم منهي مرام الي تزوج بها سهيل عرفي وهم زوجوه بها شرعي وطلقها قبل يومين وخبوا علينا الموظوع وداروا ع فضايح سهيل وعيزوجوه با أختي دريتوا ليش مشنا مواافق وليش ما ارتحتش للزواجه هذه ...


ناديه : لطمت وجهها 😱 ماهوووو سهيل مززوج ..


سندس : إبتلدت 😳 وفلتت المبرد والصباغ من يدها 💅🏼..


الحج أحمد وهاشم : لفتوا ليوسف و بيصيحوا 😡 مابييقل ماهو هذا الكلام ..


يوسف : تمنى الأرض تنشق وتبلعه كره نفسه وعجمت لسانه العرق بينزل من كل جسمه 😰 أنا شحكي لكم كل القصه ...


🌹meme_ abdalgaleel



@qesasanani

🦋
🦋
🦋
🦋
بارت 118



العشي 🌚....


في بيت علي ...


أميره : بتحاكي محمد وأسامه ماسمعت علي بيتحاكى ومستغربه 🤔 تقلوا من كان بيحاكي ..


أسامه : لما كان عند سامي العصر قد فهم طراطيش كلام من سامي ... يا أمه اسمعوني أنا شاقلكم شي بس عادوذا سامي بيتأكد بس ماقد فهمناش ماراس الموضوع مادريتش ماهو شكل أبي مدري ماكان بيفعلوا في بيت من فعلات ومدري ماهو عمي توفيق أبو سامي بيرسلهم زلط مدري ليش المهم مادريتش ماهو سمعتهم بيتجابروا سكته بس ماحاولوش يقلوا لي حسيتهم مايشتوش أعرف ...


محمد : ضحك بسخريه 😏 والله أن شكل أبوك يا اخي عيطلع حق نثرات ونتبدع في كل بقعه فلت سامي عليا وأنا شخرطه وأفهم منه ماراس الموظوع ...


أسامه : هز رآسه .. ماشي مع أنا شاحاكيه أنا مشتيش يقل اني حاكيتكم بس شاحاكيه ماسمعوا أمي ذلحين قوم معي نبسر ريم نخلي قد سماح خرطت ابي وفتحوا لها ..


......... ........ .......


في بيت هاشم ...

سندس : بتبكي مقهوره 😭 مغلقه ع نفسها الغرفه ...


الحج أحمد : في الباب حق البيت بيحاكي هاشم وطارح يده ع كتفه 👋🏻 بيطبطب عليه والله ماعندك حجه يا أبني ومابش عليك ملامه والي قررته هو الصح والحمدلله ماقد تزوجت به وقدهي عنده ولو ع كلام الناس لاتهم ولا خلاص مابش نصيب وبس ..


يوسف : مسك راس هاشم وحبه 😘 سامحني يا اخي أنا الي ماقدرتش أربي أبني وسامحوني أني خبيت عليكم بس والله ماعد دريت مفعل ..


أيمن : مابش شي ياخال أنتوا ع راسنا من فووق وماعليكم ملامه أنتوا اطرحتوا في موقف محد يقدر يلومكم عليه ...


هاشم : مسامح يا أخي دنيا وأخره لكن أشتي ورقه بنتي توصلها ...


أيمن : تنهد بزعل 😔 آااااح ياسندس ياقهري عليش تراشيتها لاتعقدش قلبي مشو مطمن ماسمعتش ذلحين كم كسرتها لما قدهي مطلقه وعادها جاهله وماقد ابسرت دنيا ..


هاشم : أيووه واشتي الورق يايوسف وأنا شاحاكي السفاره وشاشل سندس الصبح وتوفف المعاملات الباقيه ...


الحج أحمد : حسبي الله ونعم الوكيل فيك يا سهيل الي فعلت بنا هكذا وكنت تشتي تضحك ع بنت عمتك تشل الجنسيه ..


.......... ........ ........


في بيت توفيق ...


عفاف : بتبكي 😭 من قهرها وحرقتها من كلام بنتها ..


سامي : بيحاول يهداءها ابردوا لكم بس يا أمه هي اختارت طريقها خلوها غر تتزوج وتعقل مسكينه ريم بنت خالتي واخت أيمن صاحبي اليوم بالصدفه درينا انه كان مزوج عرفي وقد عرسها هذا الاسبوع وذلحين بطلوا العرس ...


عفاف : 😱 يوووه حسبه الله إنا وقد به في بلادنا يا ابني زواج عرفي ساع حق الحلقات والبنات بيرضين ع ارواحهن ...


سامي : به يا أمه من كل شي بس كله مخبى ومن تحت لاتحت الكل بيفعل نفسه محترم ومن الخفاء بيفعلوا كمن مصيبه العرفي من شق والحشيش والمخدرات والخمور والي بيضحك ع بنات خلق الله والي والي كم شاقل وكم شتحاكي لكن الله يستر علينا ..


عفاف : كان الله يستر علينا وع بلادنا لاقد هذه الفتن عندنا ماعاد به ..


🌹meme_abdalgaleel


@qesasanani

🦋
🦋
🦋
🦋
بارت 119


اليوم الخميس زفه سهى 👰🏻ع أمين وخطوبه 💍ليلى ...


في بيت توفيق 2 ...


مره توفيق : بعد ماخرجوا الناس دخلت شنطه الخطوبه لعند ليلى للغرفه 👝 .. وبصووت مسحوب .. هاه قمر هاه قوومي ابسري شنطتش ابسري ما ادوا لش ماتحلميش كنت تلبسي حاجه من هذولاء عند أمش وعادش مغلقه ع نفسش في غرفتش بتتبكبكي 😭 لي ع حبيبيش مدري صاحبش مدري مايقعل لش ...


ليلى : كانت ممدده فوق السرير جلست وبضبح اوووف 😤 منكم افتهنتوا خلاص قد فلته ولاعاد بينحاكيه قدوذا خطبتوني غصب ماعاد به ماعد تشتوا ...


مره توفيق : بتفتح الشنطه👝 وتخرج الحاجات وهي عاوجه فمها 😏 ماعد اشتي الا أبسرش حريوه وافرح بش ابسري ابسري سعمن البدله الذهب هاه ومحلى الدبله والمحبس 💍 والساعه ماركه والعطورات وع زنين وقلافد .. وبتحطهن لاحضنها وخرجت صوره العريس هاه ابسري محلاه كيفهو وسيم ...


ليلى : بتتفرج 👀الحاجات وابتلدت من حلاهن وفرحت لما ابسرت صورته حاليه 😄 وقتها قالت في نفسها يله طز فيك يا أيمن أهم شي عيقع لي زلط وزوجي عيقع حالي وشقهر ريم بنت خالتي وخرجت تلفونها ورسلت لريم ( باركي لي اليوم كانت خطوبتي ورسلت لها صور الحاجات حقها ...



......... ........ ........

في بيت الحج أحمد ..


بعد ماخرجوا سهى 👰🏻وشلوها عند زوجها ...


ساميه : جالسه بتبكي زاعله 😭. وخواتها بيسكتنها ..

سمر : في غرفتها ماسكه وساده سهى وبتبكي 😭 عليها .. من شاكن أناقر الغرفه فضيت عليا ..


يوسف : روح هو والمخرجين .. بيحاكي هاشم عند الباب .. هيا أخي قوى لما زد دخلت نتعشى ونسمر شويه ..


هاشم : مع إسلم الله يخليك ادعي لي ناديه بس شرق علينا قدك داري سندس وحدها فالبيت مابلا سام عندها مانشتيش نتأخر عليها ...

الحج أحمد : بقهر وحرقه 😔 يووه عيحرق قلبك ياسهيل ساع ماحرقت قلب البنت وكسرته وقدهو عرسها 💔 وكسرت قلوبنا ...


هاشم : حط يده ع كتف 👋🏻 عمه .. مع ياعم لاعد تدعوش عليه قلوا الله يهديه اوذا محد داري أينهو من حين دري انحنا درينا وهرب ...

يوسف : مابلا قل ربي يشله ساع ماوطى راسي هكذا أقسم بالله اني ماعادنا جازم ابسر في وشك 😔 ...


هاشم : مابش شي يا أخي احنا الاخوه وهذا هو نصيب من الله ذلحين ادعي لي ناديه نخطى لنا ...


🌹meme_ abdalgaleel



@qesasanani

🦋
🦋
🦋
🦋
بارت 120



بعد يوومين ...


في بيت علي ...

علي : دخل وفي يده كيس كبير بيداعي ريم ... ياررريم ييييه أين جيتي ...


ريم : سمعت صوته بيداعيها حملت تجاوبه بسرعه 😰 مفتجعه منه .. ماهو مالكم. .


علي : رجمت الكيس للقاع هاه اشبحي ادخلي ابسري الفستان حق الزفاف مقاسش ولا ماشي زوجش اشتراه ...


ريم : إقتهرت قوويه 😔 ووطت تشل الكيس وخطيت 🚶🏻‍♀ لغرفتها سكته ...


سماح : كانت واقفه ابسرتها لحقت بعدها 🏃‍♀دخلت لعندها ريم اسكه وريني ...


ريم : رجمت الفستان فوق السرير وجلست تبكي 😭 اوذاك عندش ابسريه ولا افعلي ماتشتي أنا ما اشتيش شي يارررب أموووت أشتتتتتي أمووت حتى أيمن طلع كذاب وخطب ليلى ليش ياربي تفعل بي هكذا ..


سماح : جلست جنبها فوق السرير وحضنتها .... قوى ياريم لاتقهريش نفسش هكذا حرام عليش خلاص قد هو هذا نصيبنا وقدرنا من الله ليش نزيد نقتهر هكذا ذلحين قومي قايسي الفستان مش بعدا يجي يوم العرس ونحنب لو مشو عليش ...


ريم : يارب اجعلني البسه كفن مش فستان زفاف 😔 ...


......... ........ .......


في بيت جدي ..

أيمن : شل سندس معه يوريها البيت علشان تغير جوو .. إبسري ياسندس كان في هذه البقعه جدو يلاعبوني وهانا كان يجلسوا لما اجي عندهم يشربوا حقهم البن ☕ ...


سندس : كيف كانوا يا أيمن طيبين ...


أيمن : ابتسم 🙂 يووه ياسندس لو تبسري محلاهم كيف كانوا ريت والله وانتي عرفتيهم كان يعجبني قوي لما اجي مع بابا عندهم واقطع لي ورد من حقهم المزرعه وتوت .. أنتي داريه أقلش سر بيننا أنا ناوي اكمل أجهز البيت كله واشتري له أثاث وانقل هانا أعيش فيه بين الزراعه🌳🌲 هذه والجو الحالي ..


سندس : إبسرته وغمزت له 😉 تجلس وحدك ولا قد في بالك مزه تشتي تتزوج وتفلتنا تعيش هانا ...


أيمن : ضحك ضحكه مدرب 😅 ههه. مابش مزز يا اختي ولا به أحد كان به واحده لكن خلاص الله يفتح عليها وعليا ...


سندس : استغربت 😳 صددق ولا تقلي وبتهزوره يله ذلحين تحكي لي كلشي بالتفصيل ...


أيمن : تنهد بقهر 😔 خلاص لاعاد تذكرينيش قوى موظوع وانتهي ...


سندس : مسكته من يده بتهزوره ماعليا ماعليا يله احكي لي يمكن أقدر أساعدك ...



أيمن : بداء يحكي لها القصه من أولها ....


...... ....... ......

في الحديده 🌊...


العرسان بيتمشوا ع البحر 🌊..

أمين : ماسك يد سهى وبيخطوا 👫 تصدقي لحد الان حاسس انه حلم ماقدناش مستوعب ولا مصدق انحنا تزوجنا رغم اني ماعرفتش سوى الإ أنه من أول مره حسيت ان به شي داخلي تحرك ورفع لها حواجبها 😌 بيحانكها ...



سهى : ضحكت بخزا 😊 هههه وانا ماتوقعتش أبدا بالعكس كنت اطفش وأضبح منك لما ترسل أقل اووف هذا ملغج ههه ..


أمين : همس يدها بقوه بيصافدها سعم معصب لغجه هاه وضحك هههه ...


سهى : بتضحك عليه 😂 أيوه لغجه ههه وبتلف راسها لمحت من بعيد واحد كأنه سهيل رجعت راسها بسرعه ... أمين امين هذاك سهيل صح ...


أمين : لفت لعنده 👀 بسرعه .. أيوووه والله انه هو جي نسير لعنده ..


سهى : مع مع خلينا بس نخطى بعده بدون مايحس ونتصل لبابا نقلهم أينهو لأنهم بيدوره يشتوا يطلق سندس.


🌹meme_abdalgaleel


@qesasanani

💎 💎 💎
💎 💎
💎
بارت 121

العشي 🌚..

في بيت توفيق 2


توفيق : بيحاكي عياله الصغار ..بعد شويه عيجي عندي صاحبي معانا إجتماع عمل مشتيش أحد يدخل لاعندي ..


مره توفيق : استغربت 😳 صااااحبك كيف لوما أول مره تدخل أحد البيت عملك كله بتكمله خارج وزيد عشي ..


توفيق : صيح فوقها بضبح 😤 قلت محد يدخل لعنددي خلاص محد يدخل وفلتها وخطي دخل الديوان مراعي لصاحبه ....


........ ......... ........

في بيت علي ...


ريم : خرجت تسمر عندهم لما دريت أن أبوها عادهو خارج سامر ...


أميره : كانت بتتصل للمغنيه خلاص ان شاء الله نشتيش لليومين للنقش والحفله ..


ريم : صااحت وبكيت 😭. مااااشسي مشتيش مشتيش عرس والله مفعل عرس ..


أميره : خلاص مثل ماسدينا وشرجع اتصلش 📱... ولفتت لريم مالش يابنتي ليش البكاء ليش ماتشتيش عرس قدهو مايسبر الإ به ..


ريم : جلست فالقاع وبتبكي 😭 ياماما بينحس نفسي شاموت والله ما أتزوج به تعبت تعبت وعادنتوا تشتوا تفعلوا لي عرس ..


سماح : قامت تحضنها وتبكي جنبها 😭 بعد الشر عليش ياروحي بطلي تتفولي ع نفسش ..


ريم : خلاص قووى مشتيش عرس لاعاد تقهرونيش أكثر ...


أميره : بزعل 😔خلاص يابنتي نفعلش يوم قدهو قبال الناس ونهجع من أبوش وشغلته والله لايفعلنا فعله قدش داريه به ...


......... ........ ......


في بيت توفيق ...


في الديوان ...

أصواتهم بداءت تعلى ...


توفيق : بيصيح 😡 ماااابش معي زلط خلاص كل هذه السنين وأنا بينصرف عليك خلاص شطبنا ياحالي محد قلك اني بنك ...


علي : بعصبيه 😡 ودهفه. ... إسمعني عتديها غصبا عنك معك يومين بس واعرف ال2 مليوون عندي ماشي ياتوفيق قسما بالله لانثرها عليا وع أعدائي مدام قد بترسل ناس تقلهم يهددوني وزد العيال الي لقيوني فالبيت ابسرتهم عندي فالبيت بس ماعرفونيش ماشاضيعش نفسي وانت بتلعب بالزلط 💴 لعب ...


توفيق : دهفه 😡 بيده يييييه من بتهدد يابابا وبعدا لاحصل شي هي عتنتعث علينا جمعه مشهي عليا وحدي ..


علي : ضحك بسخريه خخخ الحمدلله مانا يدي نظيفه لاقتلت أحد ولا سرقت زلطه 💴 أنا كل الي معي كنت أفجع خلق الله لاوقعت نثره ماعتقع الا عليك ... واشر بيده تهديد 👆🏻 يووومين وأعرف الزلط عندي وخرج وصرع الباب 🚪 في وشه ...


توفيق : خرج تلفونه📱 وبيتصل لواحد وبيحاكيه بضبح 😤..



🌹meme_abdalgaleel


@qesasanani

💎 💎 💎
💎 💎
💎
بارت 122

ثاني يوم الصبح ...

في المعهد ..


وليد : بيتصل لأيمن هيا أين قدك قد المدير عيجنن قال غبت وهي لاعاد جيت تكمل تدرس ولا استلمت مرتبك 💴 ..


أيمن : ضحك هههه 😂 تمام تمام قدنا عند الباب بينوقف السياره بس وشدخل ع طول لعنده القاني لاعند مكتبه ..


وليد : يله تمام باي ..

ريم : داخل عند السكرتيره سارت هي وسماح يشلين حقها الشهايد📉 حق الدورات الي قد قريت جالسات فوق الكراسي مراعيات لها قامت تدورهن ...


أيمن : دخل للمكتب مستعجل .. سلام علي.. وسكت اتفاجاء 😳لما أبسر ريم قدامه وجت عينه في عينها 👁 تنهد بحرقه ووطى راسه بسرعه 😔 بزعل وكمل كلامه .. سلام عليكم وقفى وجهه وخطي لعند مكتب المدير بيدقدق له ✊🏻 ...


ريم : أول ما أبسرته قدامها انصدمت وذكرت وجعهها وكسره قلبها 💔 انه كان بيكذب عليها وخطب بنت خالتها نزلت دموعها ع طول 😭 وقامت بسرعه تخرج ...


سماح : بتلحقها 🏃‍♀ وتداعيها ... ريييم يييه مالش ..


أيمن : كان واقف عند الباب🚪 وهو مقفي وجهه مقهور😔 وبيحاول يمسك نفسه ماسك المغلقه بيده يفتحها سمع سماح بتداعيها لف راسه ماعاد لقيهاش قد خرجت رجع خفع القاع برجله من القهر ودخل لعند المدير..


سماح : لحقت بعد ريم ومسكتها مالش ماحصل ..


ريم : حضنتها وبكيت 😭 أيمن أيمن هذا أيمن الي دخل ياسماح أبسرتي كيف حتى ماعبرنيش ورجع كمل السلام بس وهو مقفى ليش ياربي تفعل بي هكذا ..

سماح : بتهدائها خلاص بس قوى ياروحي ابردي منه وانا قد بينقل لما دخل شكله كانه اعرفه بس ماركزتش إنه أيمن حين قلتي قالت لش صاحبتش ماعد بيجيش طز فيه لاتبكيش 😭وتخليه يفرح فيش امسحي دموعش وجي نسير ندي حقش الشهايد ..


ريم : ماشي سيري اديهن أنتي قوى لو تحبيني وأنا شاراعي لش هانا ..

سماح : طيب حاضر خلاص شاسير بس أمانه إهدائي والله مايستاهل دمعه 😭 من عينش وسارت تديهن ع خرجه أيمن من عند المدير إبسرته بنظره😡 حاده وقفت وشها ...


أيمن : استغرب من نظرتها وفي نفسه .. مالها هذه وفلتها وخرج ..


ريم : جالسه فالحوش فوق الكرسي موطيه راسها 😔مراعيه لسماح وقد عيونها 👁 محمره من أثر الدموع والبكاء رفعت راسها وتنهدت ..


أيمن : ع خطيته هو ووليد بعد ماخرج من عند المدير👬 إبسرها فوق الكرسي ولمح عيونها كيفهي دموع جمز ع يده 👊🏻 وتنهد آح ياريم ليش تفعلي بي هكذا وتكذبي عليا وعاد الدموع لش وفلت وخرج ..


....... ...... ......

في طريق الحديده 🌊..


يوسف : بيحاكي أمين .. ان شاء الله بالكثير ساعه وقد إحنا عندكم ..

هاشم : بيحاكيه ... قله اهم شي ينتبه سواء وحسه معه لايسير يدرى انه قد عرفنا مكانه ...


يوسف : هز له رآسه .. تمام ورجع يحاكي أمين ...



🌹meme_abdalgaleel


@qesasanani

💎 💎 💎
💎 💎
💎
بارت 123


في بيت هاشم ..

سندس : فالصاله ..مخنوقه مسنبه عند الطاقه بتتفرج 😔 ..


ناديه : قربت لعندها مسكتها ع كتفها من وراها ... لاتقهريش نفسش يابنتي ربي عيعوضش بواحد أحسن منه وبعدا عادش جاهله لاتحطيش هذا الموظوع في بالش ويؤثر عليش وعتقدري تنسيه ...


سندس : حضنت أمها وبكيت 😭 ياماما أنا ماحبيتش علشان أنساه أنا كل الي كان مخليني اوافق عليه أنه قلي عيسافر معي كندا علشان نفسي أرجع وأكمل دراستي هاناك كان مفهمني أنه علشاني وحب فيني وكنا حجزنا للسفر والكل بس الي قاهرني انه استغلني بس يشل الجنسيه مش حب فيني ...


ناديه : بتطبطب عليها بيدها 👋🏻 أحمدي الله انه أيمن كشفه وعرفنا كلشي قبل ماتتزوجي به وذلحين أبوش وخالش ماعيرجعوا الا وقد خلوه يطلقش ذلحين هيا بدل الدموع هذه قومي بدلي وأتصل لأخوش يجي يشلنا نتغداء🍱 خارج تغيري جو وشلت تلفونها تتصله ...


أيمن : كان تلفونه مشغول بيحاكي سامي .. طيب تمام يعني أجيلك ونسير لعندهم نشلهم ولا كيف ...


سامي : مع لاعد تجيش لعندي إخطى طوالي لعندهم هم مراعيين وانا شاسير وحدي ضروري اليوم تفهمني انا واسامه ومحمد الموظوع بالتفصيل لأنه قالوا خالتي سمعوا عمي علي بيحاكي احد ويشتوا يفهموا سوى يساعدونا ...


أيمن : يله تمام شسبقك وانت الحق بس ماشدخلش افرض زوج خالتك يبسرني قلهم يراعوا لي ونسير اي مطعم نتغداء ونتجابر .. غلق مع سامي وابسر اتصالات أمه رجع يتصلها ... هاه ماما إتصلتوا لي ...


ناديه : أيووه ياروحي قلت اقلك لو تجي لنا نخرج نتغداء خارج أختك ضابحه قوي تغير جوو ..


أيمن : أممم 🤔 والله ان معي عمل ظروري قوى لكن اسمعوا كيف شلوا تاكسي وسيروا مطعم ال **** وانا شاشل اصحابي نتغداء فيه والكل وعتجلسوا في طاوله وحدكم وعنروح جمعه ..


ناديه : يله تمام اتفقنا ولما قدحنا هاناك شتصلك 📱..


...... ...... .......

في بيت توفيق 2 ...


توفيق : بيندش المكتب حقه والخزنه 📼 بيدور اوراق مالقيهنش قد عيجنن بيصيح 😡..


مره توفيق : بقلق 😧 يووه مالك هكذا عيوجدين للمه الجنان هذا اذكر الله ...


توفيق : بيقلب بين الورق 📑لقي الي يشتي الحمدلله خلاص لقيت الي اشتيهن .. وشلهن وخطي ..


مره توفيق : بتلحقه 🏃‍♀ يييه راعي اول ما اقلك اهل خطيب ليلى اتصلوا قالوا فيزه ابنهم حق ألمانيا طلعت وضروري يسافر قبل شهرين لو به مجال نقرب العرس ماشي ماعيتزوج الا بعد سنه لمايخرج ..


توفيق : بإستعجال .. عادي عادي قليلهم موافق يفعلوا مشتوا البنت عندهم وفلت بسرعه 🏃🏻وخرج من البيت ..


مره توفيق : سارت تتصل لصاحبتها تقلها تمام موافقين ع قرب العرس بس الكسوه عليهم مابش وقت تجهز للعرس ولا تكسي ...



🌹meme_abdalgaleel



@qesasanani

💎 💎 💎
💎 💎
💎
بارت 124



في بيت علي ....


أميره : بتتصل لريم هيا اين انتين مالكن تأخرتين ...

سماح : جاوبت التلفون بدلها 📱.. هاه ماما انا سماح قدحنا فالطريق لاتقلقوش ..

أميره : يله سلام ...


أسامه : ماقالين قدهن قريبات او عادهن ..

أميره : أيوه قالين قد عيوصلين..

محمد : يله عيس يوصلين قبل مايجوا ابي ماقدرنا للهدار ولفت لأسامه 👀 وانت هيا نخرج للباب قد الرجال عيوصل ...


فوق الباص ....

سماح : ع جنب يا أخي ..ومسكت ريم وبينزلين .. ريم هيا من الخباله عتمرضي روحش هكذا ابسري كيف قد شكلش من القهر وكثر البكاء 😭...


ريم : بتحاول تمسك نفسها وتتحكم في اعصابها وتخطي شويه وتمسك راسها شويه .. مدري مالي قد بينسوم قوي ...

سماح : مسكتها.. أظاهر شمستي 🌞 وأنت مراعيه لي فالحوش وزد قهر يله خلاص وصلنا اوذاك البيت وبيخطين..


ريم : بتسوم وتخطى 🚶🏻‍♀ يله بالعافيه قدرت تمسك نفسها لعند باب البيت بتبسر اخوتها مثل الخيال وراسها بيلف 😇 وارتجمت للأرض دوخت ...


سماح : صاحت ريييم ووطت بسرعه تقيمها ..


أسامه ومحمد : حملوا بسرعه يبسروها وبيفوقوها ..

محمد :بيلطمها في وشها 👋🏻 ريييم رييم ..

أسامه : بيصيح😡 وياشر بيده لسماح ادخلي ادي عطر بسرعه ..

سماح : حملت 🏃‍♀بسرعه وابسرتها أميره ..

أميره : بتصيح مالش ..

سماح : ريم دوخت عند باب الحوش ..

اميره : حملت 🏃‍♀ لعندهم وبتبعدهم مال اختكم اسكه ابعدوا ابسرها قوموا اسعفهوها مالكم رازين هكذا بسرعه ..


أسامه :بقلق 😰 تمام ادخلوا البسوا بسرعه اخرج اوقف تاكسي 🚖 فتح باب الحوش ع وصله أيمن بيجنب ...


أيمن : بياشر له بيده 👋🏻 سلام وبيداعيه .. هيا مالك بتتلفت مابتدور مالك قلق ..

أسامه : بعجله وتوتر 😰 راعي يا ايمن بيندور تاكسي 🚖 اختي تاعبه مدوخه نسعفها ..


أيمن : لفت له 👀 الله المستعان عليك تاكسي وانا موجود هيا ادعيهم بسرعه خرجوها وانا اتصل لسامي اقله لاعاد يجيش ..


أسامه : دخل دعاهم وحضن ريم هو ومحمد وطلعوها وراء وجلست جنبها اميره ومحمد وهو طلع قدام جنب أيمن ..


أيمن : بيسوق بسرعه وعيونه لاقدام مابيحاولش يلفت لاوراء احتراما لهم ..

اميره : بتبكي 😭 وتدعي ع زوجها .. يوه حسبي الله فيك ياعلي قهرت بنتي وقع بها هكذا من تحت راسك ..


محمد : بياشر لها بيده وبصوت واطي دلا يا امه خزا من الرجال ..


أيمن : وصل المستشفى وجنب السياره 🚘..


محمد وأسامه : نزلوا ريم واميره معاهم ...


أيمن : جالس فوق السياره 🚘 مانزلش وصاح لمحمد لو احتجتي شي انا هانا مراعي لكم .



🌹meme_abdalgaleel



@qesasanani

💎 💎 💎
💎 💎
💎
بارت 125


في المطعم ...

سندس : بتتلفت يمين وشمال 👀 ماما مابحدهو أيمن أنتوا متأكدين إنه هذا المطعم الي قلكم عليه ...


ناديه : أيوه هو قلي أشل تاكسي واقله اسم هذا المطعم وهو ادانا ع طول ليه ..

سام : بيلعب بالأيباد حقه 🖥 بيسمع كلامهن رفع رآسه فلحين نو بروبلم اتصلوا له ..

سندس : ضحكت ههه 😂 طيب ياذكي وخرجت تلفونها 📱بتتصله .. ها أيمن أين أنت إحنا فالمطعم ..


أيمن : فوق السياره 🚘 عند المستشفى مراعي ... هاه سندس أنا سيرت لصاحبي علشان نجي وإنه وصلت وأخته تاعبه إسعفناها المستشفى ..

سندس : هزت رآسها .. آها سلامتها خلاص تمام إحنا عنتغداء هانا 🍱 نراعي لك ولا ماعاد عتجيش ..

أيمن : أبسر الناس كيف وشارجعش خبر تراعوا لي ولا تروحوا ... باي ...


سامي : كان جنبه فوق السياره قد جاء لعندهم سمعه ... لفت له 👀 يا أخي قد كثر الله خيرك سير مع بيتكم بس ..


أيمن : ابتسم له 🙂 مع خلاص أسهل اصلا مايسبرش عيب لما يروحوا ..

سامي : لا والله مافيه عيب قد كثر الله خيرك تعبناك معاهم وبعدا عادهم ركبوا لها مغذيه💉 وإبر يعني عادهم متأخرين والله مايسبر نتعبك معانا ...


أيمن : ألف سلامه عليها ماقالوا لكم ماحصل لها ...

سامي : قال الدكتور هبوط وفقر دم اصلا انت داري من يوم ماعقد لها أبوها والبنت مريضه ومقهوره قوى قالت خالتي لاعاد اكل ولا نوم وبكاء وزد ظربها وحبسها حسبي الله فيه بس ...


أيمن : زعل عليها 😔حسبنا الله ونعم الوكيل من عاد بيفعل ببناته هكذا ويزوجهن غصب الحمدلله ع سلامتها مابلا كن اوبهوا لها وخلوها تأكل سوى ..

سامي : مسكينه ماعاد عيأكلها قد عرسها نهايه الشهر .. ذلحين يله قوم رحلك لاعاد تتأخرش ع اهلك ..

أيمن : يله تمام والعفو منكم والحمدلله ع سلامتها وعنرجع نتواصل بعدا ايحين نلتقي معاهم ...


......... ........ .......

في الحديده 🌊..

أمين : هذا الفندق الي جالس فيه سهيل ياعم قدنا من الصبح جالس هانا ساع المخبرين لايسير يخرج وضحك 😂هههه ..


يوسف : حط يده ع كتفه 👋🏻 تسلم ياولدي بارك الله فيك ..

هاشم : ذلحين كم رقم غرفته قلتلي ..


أمين : رقم الغرفه 17 ..

هاشم : اشر بعيونه ليوسف 👀 هيا نطلع ولفت لأمين .. خلاص يا إبني الله يفتح عليك روح لك عند مرتك شغلناك وأنتوا عرسان ..

أمين : أنتوا تأمروني بس ولو تحتاجوا شي اتصلتوا 📱لي ...



يوسف : طلع هو وهاشم للغرفه حق سهيل بيدقدق✊🏻 الباب 🚪...


سهيل : كان راقد 😴 قام فتح الباب وهو بيتمطط ابسر أبوه قدامه اتفاجاء .😳.

يوسف : ع طول مسكه من الفنيله حقه ودهفه بعصبيه 😡.. هررربت ياقليل الحياء عتستحي ع نفسك وتقع رجال ..


هاشم : مسكه بيده . اهداء يا أخي الضرب ماعد عيقطعش فيه .. وبهرر فوق سهيل 😠 قوم لفلف حاجتك يله واخطى معانا صنعاء يله تطلع تطلق البنت وترجع اوراقها الي عندك مشهي حاليه أبلغ عليك السفاره وقد معاك ملف وتعهد عندهم ..


سهيل : وطى راسه وقام سكته فتح الدولاب وبيلفلف لداته ويدخلهن للشنطه 👝 سكته ..


🌹meme_abdalgaleel


@qesasanani

💎 💎 💎
💎 💎
💎
بارت 126


في بيت علي ...

علي : روح بيبسر البيت فاضي بيصيح ... يييييه ياجن أين جيتوا ...


سماح : حملت بسرعه 🏃‍♀ لعنده تجاووبه هاه مالك بتصيح ..

علي : مال البيت هامي أين الجن 👿 الي فيه اخطي قربي لي الغداء جاوع ...


سماح : بتخلسه الكوت.. هم ساروا يسعفوا ريم للمستشفى دوخت تاعبه ..


علي : لفت لها بضبح 😤 وللمه المستشفى والخساير مابلا روحهم يلعبوا بالزلط 💵 كان عيشمموها بصل 🌰 وإنها عتقوم ساع الحمار ذلحين اخطي قربي لي الغداء بسرعه معي عمل اشتي أخرج ...

سماح : خطيت تغرف له أكل 🍲🍛...

علي : رن تلفونه خرجه بيبسر رقم غريب .. الووو ..


الرجال : هاه عم علي كيف انت ..


علي :استغرب مايعرفش 😳 الحمدلله من معي ...


الرجال : انا من طرف الي أنت داري الزلط قدهي معي اين القاك امكنك ..


علي : طنن شويه 🤔 يشتي يتأكدمنه قبل مايقل شي رجال مه زلط مه ..


الرجال : ال2 مليون الي بالي بالك بس ماعينفعش نحولهن لك ساع كل مره لأن المبلغ كبير وبه ناس قدهم دارين ..


علي : إطمن شويه تأكد إنه من طرف توفيق .. خلاص يله تمام أتغداء واجي لك ...

الرجال : مع ماعينفعش ياعم علي مابلا نرجع نلتقي العشي لحد يبسرنا نسير في ال***بقعه مكفيه ومحد بيسير فيها خيرات ...


علي : هز رآسه ... أيووه والله انه صددق خلاص موعدنا الساعه 8 الليل ..


......... ........ ........

بعد العصر ..


في بيت توفيق 2


ليلى : خلاص ماعد همها شي لا أمها ولا أخوها ولا أيمن الي كانت عتجنن عليه كل الي همها الكسوه والعرس 👗👚👖 وفارحه انها عتسافر معه ألمانيا ...


مره توفيق : فارحه انها عتقلعها من البيت وتخرج من عندها ترتاح بتحاول تخلي نفسها طيبه لعندها أمد مايكمل العرس وتفتهن ..بتداعيها .. ليلى هييييا شرق علينا مالش ماقد نزلتيش نشتي نسير نحجز الكوافير ..

ليلى : بتنزل من الدرج وهي بتلبس البالطوه .. هاه خاله قدوذا جيت بس كنت بينحاكي صاحبتي سألتها بسم المحل الي فعلت اختها الكوشه عنده نسير نبسر الكوش حقه ..


مره توفيق : يله تمام شسبقش لافوق السياره 🚘 اقطبي الحقي بسرعه ..

ليلى : رن تلفونها عفاف ابسرت الرقم وضبحت 😤 جاوبت بغرق . ماهو ماتشتوا ..


عفاف : اقتهرت 😔 وبصوت مخنوق .. مشتي شي يابنتي اشتي أطمن عليش قلقه عليش من أخر منه لما اتصلتي ...


ليلى : بتحطم .. اوووف منكم مابش فيني شي بخيره ومفتهنه وشاخرج ذلحين انا وخالتي نبسر تجهيزات العرس ونحجز لاعاد تاخرونيش باي وغلقت التلفون📱 في وشها ..


عفاف : غلقت التلفون وبكيت 😭.. من قهرها .. وبتحاكي نفسها .. يووه يابنتي الي قدهو عرسش وبدل ما اجهزش أنا رجعت مره ابوش أحنج لش ...



🌹meme_abdalgaleel


@qesasanani

💎 💎 💎
💎 💎
💎

بارت 127


في بيت علي ...


أسامه : بيوضع الوساده قفاء ريم فوق السرير .. هيا مه هكذا ولا ازيد أرفعها ...


ريم : تاعبه🤒 والفراشه حق المغذيه في يدها .. خلاص اسلم هكذا مرتاحه ...

سماح : بتدفيها .. ماشنتي بارده أزيد أدفيش ببطانيه ثقيله ..


ريم : مع خلاص ماعد أشتيش أشتي بس قلص ماء 🥛...


أميره : جالسه جنبها في طرف السرير .. مع يابنتي لاتدي لهاش ماء افعلي لها قلص عصير 🍹 مدام وهي مهبطه ..


محمد : أوذا شخرج أشتري لها عصير طازج من البوفيه 🍹 ادي لها ماء بس تشرب أمد مخرج بساعتي ...


ريم : بتتوضع وركزت في يدها يووه 😱 اين الإسويره حقي كانت في يدي ...


أسامه : يمكن لاهي بعدتها الممرضه حين فعلت لش الإبره💉 ...


أميره : يووه 😱 مع يابنتي اظاهر لما كنافوق السياره 🚘 نكعت عليش لانه حسيت حاجه حنبت في البالطوه حقي غر مع الفجيعه عليش ماعاد ركزتش نزلت ع طول ...


ريم : لفتت لأسامه بزعل 😔... قوى يا أسامه إتصل لصاحبك يبسرها عنده كله ولا هذه الاسويره غاليه عليا قووي ..


سماح :سمعتهم ع دخلتها بالماء 🥛 ابسرت ريم ..خلاص ابردي منها لاعاد تدوريهاش ششتري لش أحسن منها ..

ريم : مع مشتيش احد يشتري لي اشتيها هي قوى قوى ياسامي اتصله ذلحين ...


أسامه : إسهل شاحاكي سامي يتصله 📱مابش رقمه عندي ..


ريم : أيووه قوى يا اخي اتصله ذلحيين ...


........ ........ .........


في المطعم ...


ناديه : يوووه مسكينه وكيف سخي ابوها عليها ...


سندس : معقوله بس ناس عاد بيفكروا بهذه العقليه ويبيعوا بناتهم علشان الفلوس 💵...


أيمن : والله إني زعلت عليها قووي يعني ماعيستفيد لما يخسر بنته هكذا لو كانت ماتت ماكانش عيأنبه ظميره ...


ناديه : حسبنا الله ونعم الوكيل فيهم 👆🏻 ع قد ظلم ..


تلفون أيمن 📱 رن بيجاوبه ..

أيمن : هاه سامي .. هيا كيف قد بنت خالتك ..


سامي : الحمدلله أحسن قد خرجوها .. بس أمانه إبسر في حقك السياره 🚘 الإسويره حقها شكلها نكعت لما نزلت قال اسامه قد عتجنن عليها قالت هي غاليه عليها قووي ..


أيمن : طيب حاضر ولايهمك شنزل أبسرها ذلحين وأتصلك ...


سامي : طيب تمام تسلم قد بينشغلك ...



تقولوا أيمن عيلقى الإسويره في سيارته 🤔 ويعرف انها الي اداها لريم ولا نكعت في بقعه ثانيه ....



🌹meme_abdalgaleel



@qesasanani

💎 💎 💎
💎 💎
💎

بارت 128


في طريق السفر لصنعاء ...


هاشم : بيسوق السياره🚘 وساكت ولافتح فمه بكلمه ...


سهيل : جالس وراء خازي منهم وكاره نفسه 😓 فاتح تلفونه بيشغل نفسه ..


يوسف :لفت له بقلاب صور 😡 ماقد معك فالتلفون ولابتدور لك مصيبه جديده...


سهيل : بضبح 😤 اوووف منكم وغلق التلفون 📱 هاه غلقناه افتهنتوا هكذا ...


يوسف : مع ماقد افتهنتش ماشفتهن الا كما قد ورقه بنت عمتك في يدي والاوراق📑 وجوازها💳 والمعاملات عندي ...



سهيل : بنظره حاده 😠 ناهي قدوذا عنوصل وشلوا مشتوا ..


هاشم : لفت ليوسف 👀 خلاص يا أخي اهداء كل شي عيسبر ...


......... ........ .........


في المطعم ...

أيمن : هيا مه كملتوا تتغدوا ولا متأخرين أنزل أدور الإسويره حق البنت ...


سندس : خلينا نزيد نخرج نلوي قوى يا أيمن مشتيش أروح ..


سام : أيوه ايوه بليييز يا أيمن ..


أيمن : إبتسم لهم 🙂 يله تمام شسبق للسياره أبسر إسويره البنت وأنتوا أمد ماتنزلوا شاشلكم نلعب في فن سيتي ونزل قبلهم للسياره 🚘 جاله إتصال بيرد وهو بيدور .. هاه بابا كيف أنتوا هيا مه لقيتوه ..


هاشم : ايوه قد هو معانا قدحنا فالطريق طلعنا باقي شويه ونوصل بس عنسير ع طول طريق القاضي يطلقها ونرجع بيت جدك نشل الاوراق والحاجات واروح البيت قلت انبيك لاتقلقش ...


أيمن : بيحاكيه وهو بيدور فوق الكرسي الي وراء مالقيش وابسر في القاع عند الكراسي مابش شي .. طيب تمام احنا خارج بنتغداء وشاشل العيال فن سيتي يلعبوا ..


هاشم : يله عيس تغير اختك جو ولما نكمل شتصلك ..


أيمن : أوكي يله باي وغلق 📱 سمع صوت أمه من وراه

ناديه : .. هيا مه لقيتها ...


أيمن :هز راسه مع يمكن لاهي نكعت عليها فالمستشفى يله هيا اطلعوا نخطي ..


سندس : طلعت وراء وبتلعب هي وسام بيتصافدوا نفسيتها تغيرت وبتضحك 😂...


أيمن : خرج تلفونه 📱بيتصل لسامي يقله انه مالقيهاش التلفون بيرن ..


سام : بيتهزور هو و سندس بيلعبوا ابتعدت جزمته وطى يلبسها ابسر حاجه بتلمع مد يده خرجها وإنها الإسويره ...


أيمن : بيحاكي سامي 📱 فالتلفون .. هاه سامي مابش مالقيتهاش يمكن انها نكعت فالمستشفى ...


سامي : هاه يله تمام ماعد نفعلها ماعادبش لها نصيب فيها ..

أيمن : أسهل الإسويره أهم شي لاقدهي بخير ..

سام : بيهزور أيمن من وراه ويداعيه .. أيمن أيمن هاه لقيتها ..


أيمن : هاه سامي راعي قدوذا أيمن شكله لقيها و لفت له وبيمد يده يشلها منه ..


سام : بيفتحها يبسرها ابتسم 🙂 الله سوو بيوتوفل حلووه حتى مكتوب فيها إسمها ريم ...


أيمن : ابسرها وانصدم اتفاجاء 😱 اييييش رييييم ووقف السياره بسرعه ع جنب رجم تلفونه📱 وسامي فالخط وشل الإسويره بسرعه من يد سام بيتفرجها يتأكد منها ...


ناديه : لفتت له بإستغراب 😱 يوووه مالك مابه يا أبني مال صورتك اقتلبت هكذا مالك وقفت ماهو رييم مابه ..


سندس : فهمت ع طول لأنه قد حكى لها لما تجابروا ...


أيمن : ماسك الإسويره بيده مجمز عليها حاسس راسه بيلف وقلبه بيدق بسرعه ❤ وبيتذكر كل الكلام الي كان يقله سامي ع بنت خالته وكره ليلى لها ومعقوله ريم الي حبها هي نفسها تطلع ريم بنت خاله سامي وهو الي بدل مايوقف جمبها زاد قهرها بمعاملته واسلوبه لها واليوم اسعفها بنفسه للمستشفى معقوله دوخت بسبب اسلوبه وقهره لها فالمعهد تذكر انه حضر العقد حقها ولو كان داري انها هي كان منعه حس راسه عينفجر ونزلت دمعته من عينه خفع السكان بقوه بيده ..


سامي : ألووه الوووه استغرب ماله ماعد ردش غلق التلفون ..


ناديه : مفتجعه 😰 استغربت من تصرفه المفاجئ .. بتهزوره يييه مالك ..


سندس : فتحت باب السياره ونزلت بتفتح باب أيمن .. أيمن ارجع ارتاح وراء أنا شاسوق أنا ...


أيمن : نزل وهو ماسك الإسويره في يده بقوه وحط راسه عرض الكرسي ماعاد قدر يتكلم بشي ...



🌹meme_abdalgaleel



@qesasanani

💎 💎 💎
💎 💎
💎

بارت 129


في بيت الحج أحمد ...


ساميه : إبسرت سهيل دخل بضبح 😤 لغرفته حملت بعده 🏃‍♀ بتداعيه يييه سهيل وبتعاتبه هكذا يا ابني ولا حس ولا تقل عاد معي أم أسال عليها ليش فعلت بنا وبنفسك هكذا ياولدي مشو حرام عليك الي فعلته بنفسك وبنا ...


سهيل : مدعممها ..نزل شنطه💼 من فوق دولابه حطها فوق السرير وبيخرج منها أوراق📑 وجواز 💳 سندس ...


ساميه : مسكته من كتفه .. يييه من بينحاكي ..

سهيل : بعد يدها بضبح وعصبيه 😠 قوى اسكه فلتوني في حالي خلاص ماعاد تشتوا مني طلاق وقدوذا طلقت لكم البنت وورقها 📑 شامكن أبوها ذلحين مراعي فوق السياره 🚘 ...


ساميه : بقهر وزعل 😔 إشتي ادرى ليش فعلت بنفسك وبنا هكذا ...


سهيل : شل الورق 📑 في يده وبعدها وخطي 🚶🏼 ..


سمر : كانت مسنبه عند الباب 🚪 وفاعله يدها لعرض الجدر .. إبسرته بنص عين 😏 مسكين يارحمتي لحالك لا تزوجت ولا سافرت لكن عيس هذا عقاب الله يوريك كيف تلعب ببنات الناس ..


سهيل : ماقدرش يمسك أعصابه 😡 قرب لطمها وبيضربها وبيصيح .. مشوووو عليش ماتدخليش ...

ساميه : إبسرتهم وحملت تفرع بينهم .. وبتصيح 😡 يييييه بس أنت وهي هجعوني جننتوني ...


سهيل : زبطها برجله وخطي يخرج الورق يمكن أبوه وهاشم فوق السياره 🚘...


........ ......... ........


في بيت علي ..

سماح : جالسه جنب ريم بعد ماخرجت أمها ذلحين عتقلي لي ماتشتي بتفعلي بنفسش هكذا تشتي تموتي صح ..


ريم : بمرض وتعب 🤒 أيووه خليني أموت أحسن لي مفعل بهذه العيشه ...

سماح : ابسرتها وبهررت فوقها 🙄 أيووه ومامعش بتدوري الإسويره بدل ماتحمدي الله انها ضاعت تنسيه ولا تشتي تجلسي تقهري نفسش ..


ريم : غطت وشها بيدها وبكيت 🙈 مفعل ياسماح مفعل ماعاد بش معي شي يذكرني به الإ هي مقدرتش أنساه مقدرتش ..


سماح : حضنتها بتحاول تهداءها .. خلاص قوى ريم ابردي منه كم عتجلسي هكذا ابسرتيه فالمعهد كيف ولا حتى عبرش وانتي عتجلسي تقتهري عليه .


ريم : بتبكي 😭 مفعل مفعل مقدرتش اكرهه مقدرتش ...



........ ........ ........


في بيت هاشم ...

أيمن : لما وصلوا دخل ع طول غرفته وغلق عليه الباب ...


ناديه : قد عتجنن قلقه عليه 😰 بتدقدق له الباب ✊🏻 أيمن أيمن إسكه افتح لي الباب قلي مالك مابه ..


سندس : سارت بتسحب أمها من عند الباب🚪 .. ماما خلوه ذلحين وبعدا عيرجع يقلكم مافيه ..

ناديه : بتهز راسها .. وانتي داريه هاه صح بس ماتشتيش تقليلي صح ..


سندس : مع والله مانا فاهمه ماحصل بالظبط بس تقريبا فهمت شي بس مش متأكده لما يهداء وعنعرف ماله ..

ساميه : رجعت تدقدق الباب ✊🏻 ماشاراعيش قلبي بيفور .. أيمن افتح لي قلي مالك ..


أيمن : فتح الباب وهو ضابح 😤 ماما خلوني لما ارتاح وشاقلكم أنا شخرج شويه وفلت وخرج سار بيت جدي اكثر مكان بيرتاح فيه لما يحس نفسه مخنوق ...


🌹meme_abdalgaleel


@qesasanani