💎 💎 💎
💎 💎
💎

بارت 130


في بيت توفيق 2 ..

توفيق : كمل يتغداء وهو قلق 😰 ومتوتر دخل المكتب حقه بيحاكي التلفون 📱...


ليلى : قحصت قمها .. يعلم الله مالهم بابا هذه اليومتين بينحسهم قلقين واصل ..


مره توفيق : تنهدت وهزت رآسها .. آاااح اح والله ماعد دري حالي ماله قدهو غر اتصالات ومجابره سكته وقلق مانا داريه ماراسه ...

ليلى : ذلحين عنخرج اليوم نبسر الفستان وبقيه الحاجات ولا مع ..


مره توفيق : مع اليوم نسير ندي العربون 💴 للمغنيه قبل ماتطير قدهو يله حين قد رضيت توافق ومعاها حجز حين زيدنا لها زلط منين عنزيد نلقى مغنيات قدوذا بتبسري ع عرس مستعجل ...

ليلى : خلاص تمام أكمل اصلي عصر ونخطى ..


....... ....... .......

في بيت توفيق 1 ..


عفاف : ضابحه زاعله 😔ومقهوره من بعد ماحاكت ليلى فالتلفون وحست ان ماعادبش لها اي قيمه وبنتها عتتزوج بدون ماتحضر عرسها أو تدي لها قيمه بتخرج قهرها وضبحها في رفاع البيت كملت تنظف الغرف ودخلت بتندش دواليب المطبخ ترفعه .. رن تلفونها 📱جاوبت .. ألووو ..


أميره : كيف انتي يا أختي كيف حالش مالش مغيبه هذه اليومتين ..

عفاف : تنهدت 😔.. آآح آأااح يا أختي كم شاقل وكم شحكي انتي داريه ان ليلى قد عتتزوج ومره ابوها قدهي الكل فالكل وانت رجعت موخر ..

أميره : يووه😱 مسرع عادش قلتي لي يشتوا يخطبوها ومشهي راضيه .. ذلحين اسمعيني انفعيني وروحي لعندي نتجابر غير ريم تاعبه شويه ماشقدرش اسير أنا لعند المغنيه قالت سماح انها اتصلت لما كنا فالمستشفى مع ريم قالت ماعاد عتقدرش تجي تغني في عرس ريم طلع ان معاها حجز ثاني وكانت ناسيه ...

أميره : مدت يدها ..يوووه حسبها الله وذلحين كيف لاتصدقي لهاش ولا .. والله ان شكل احد زيد لها الزلط💴 لكن اسهل ولا عليش شخطى ذلحين البس بساعتي واخطى لها وارجع طريقش قدهو نتجابر وأبسر ريم مدام وهي تاعبه ...


........ ........ .......


في بيت جدي ...


أيمن : فتح باب 🚪 البيت وطلع ع طول للغرفه الي قد جهزها خلس الجاكت حقه ورجمه للقاع وارتجم فوق السرير وحط يد وراء رآسه ويد ماسك فيها الإسويره حق ريم جالس يفكر 🤔 معقووله كانت اليوم بين يدي وما انتبهت انها هي ليش ماكنت الفت او حتى أبسر من المرايه كان عرفتها .. ليش ياريم ماقلتي لي ان ابوش خطبش 💍 غصب عنش ليش ماكان تحكي لي كل ظروفش ومعاملته القاسيه لش كان وقفت معش بدل ما انا زدت اظلمش معاهم ياريت وانا كنت داري انه العقد كان حقش والله اني كنت شمنعه لو اوقف ضد الكل ..وخفع السرير بيده 🤛🏻 وصاح بقوووه ليش لييييش ذلحين خلاص ضعتي من يدي قدش مره واحد ثاني وأبوش طلع غريمي الشخص الي بيندوره .



🌹meme_abdalgaleel


@qesasanani

💎 💎 💎
💎 💎
💎

بارت 131


بعد العصر ....

عند المغنيه 🎤...

عفاف :جالسه فالمكان عندها بتحاكيها .. يا اختي كيفه هكذا مايسبرش كيف تلغي حجزنا مشو صح هكذا تشتي زلط💴 زياده عندي لش بس مش تمحقي لنا العرس ..


المغنيه : العفو منش يا أختي بس طلع ان معي حجز ثاني وكنت ناسيه له لاني وعدت الناس ونسيت ما اسجله فالدفتر 📖 ذلحين لو تشتي عندي لش من البنات يجين يغنين ..


البنت : دخلت لعندها .. ياعمه بيت توفيق ال*** الي اتصلين لش مراعيات لش فالمكان الثاني قالين ادين لش الزلط 💴 تأكدي الحجز ..


عفاف : سمعت الإسم وطن راسها 😇 وابسرت البنت من جاء منهن العروسه جت ..


البنت : أيوه ياخاله جت هي وأمها ..

عفاف : تنهدت 😔 انا ابزي وأربي وتجي تقع أمها في يوم وليله ..

المغنيه : ابسرتها 👀.. يييه ذلحين يا أختي ماقلتي تشتي نديلش البنات يغنين ولا عتبسري مغنيه ثانيه شرق عليا قدوذا سمعتي الناس مراعيين لي ..


عفاف : سنبت وبتحس قد الضغط مرتفع لها واذانها بتوش من الزعل 😔.. خلاص عنبسر كيف وعنتصلش .. وخرجت وهي بتتلفت للمكان الثاني وتقرب تشتي حتى تلمح ليلى وتبسرها ..

البنت : مسكتها ... يييه ياخاله باب البيت من هانا مشو هاناك ..

عفاف : هزت راسها . حاضر حاضر يابنتي اوذا شارحلي وفلتت وخرجت ...


......... ......... .........


في بيت جدي ..


أيمن : ماسك تلفونه 📱ومتردد🤔 أرسل ولا لا ..رجع قرر ورسل ( ريم ممكن تطمنيني كيف قدش لوسمحتي كلي سواء وتغذي يكفي اليوم ) ...


ريم : كانت ممدده وحدها في غرفتها سمعت تلفونها 📱رساله فتحتها اول ماابسرت رقم أيمن اتفاجاءت وحست قلبها بيدق بسرعه ❤ ونفسها سريع .. بس رجعت ركزت 🤔 يووه مدراه اني مريضه وليش اصلا يرسل اقتهرت منه وردت عليه ( أعتقد موضوع مايخصك ومشنا محتاجه شفقه منك بس كيف دريت ولا شكلك لحقتني من المعهد ) ..


أيمن : إبتسم من ردها 🙂 لانه داري انها معصبه رد عليها ( قالت لي العصفوره لأنها داريه اني أحبش قووي بتوصلي أخبارش أول بأول بس قليلي لقيتي الإسويره ولاعادهي ضايعه ورسل لها غمزه 😉 ) ..


ريم : قريتها وحطت يدها ع خدها 😱 يوووه مدراه ماهو هذا ردت عليه ( ذلحين عتقلي ولا ماشي مدرااااااااااك قلي لووووسمحت ) ..


أيمن : صور لها الإسويره ورسلها وجنبها غمزه 😉 لو تشتي ارجعها لش قلي لي أحبك ) ...

ريم : إبسرت الصوره حق الإسويره وجننت عصبت 😠 ماشقلش أحبك ولا عاد لي دخل منك خلي الإسويره عندك حقك ورجعت لك ولا أقلك أديها لخطيبتك 💍 بس يووه صح ماعينفعش مشو اسمها ريم ...


أيمن : رد عليها بضحكه هههه 😂 خطيبيتي مه هيا جاوبي شتصلش صوتش وحشني قووي ومعي كلام خيرات اشتي اقله لش وافهم منش حاجات خيرات ....


ريم : ردت عليه ماشاجاوبكش ولاتتصل واشبع بالإسويره وغلقت تلفونها 📱..


أيمن : بيتصل وقدهو مغلق رجع رسلها ( أين عتهربي مني ولو غلقتيه لما تفتحيه عتحاكيني ماشي شاجي للبيت حقكم والاماره لون الديوان حقكم كحلي ومعاكم شجر🌳 في درج البرنده ههههه ...


ياتري ريم عتعاند وتطنشه ولا عترضى تكلمه وتفهم منه 🤔..



🌹meme_abdalgaleel



@qesasanani

💎 💎 💎
💎 💎
💎

بارت 132


العشي 🌚...

علي : بيتصل للرجال 📱.. هيا أين أنت مراعي في المكان الي اتفقنا عليه ...

الرجال : أوووه ياعم علي إنشغلت شوويه ذلحين خلاص عادي راعي لي شويه أمد ما أجي ...


علي : يله اقطب شرق عليا ادي الزلط 💴 اشتي أرحلي ...


الرجال : يله تمام شويه وأجي ..وغلق معه واتصل 📱 لناس .. خلاص قدهو موجود ..


بعد شويه خطيت سياره📱 من المكان الي فيه علي ووقفوا سعمن السياره تعطلت ..

واحد من الرجال : نزل لعند علي بيدق له زجاج السياره ✊🏻 لوسمحت ياعم بطاريه سيارتنا وقفت ممكن تفعل لنا اشتراك ...


علي : نزل الزجاج .. بضبح 😤. مابش معي اشتراك ...


الرجال : قووى. ياعم ابسروا كيف الدنيا قفره وظلمي 🌚 عيرونا بطاريه السياره حقكم أمد مانشغل حقنا وعنعبي حقنا ...


علي: بصيااح 😡 يوووه من اللغاجه فيك أنت بتفهم وتعقل أو ماشي ..


الرجال : بصياح 😡 ناهي وانت ذلحين سعم مدري من قد يقلوا لك عيجي يهنجم فوقي ..

صاحبه : حمل لعنده 🏃🏻 وفي يده صميل مالك بتصيح مافعل بك ..


الرجال: هذا شيبه خرف صورته ما تعلمش الأدب وهو جاهل يشتي نربيه ...

علي :فتح باب السياره ونزل معصب 😡 بيصيح... من عتربي ياقليل الأدب صورتك انت الي ناقص تربيه ولطمه ..


الرجال : مسكه سعم بيتضارب معه ..


صاحبه : خفعه من وراه بالصميل ...


علي : ارتجم للقاع من الظربه..


الرجال : مسكه هو وصاحبه .. يله بسرعه نحطه فوق السياره 🚘 ونفك البريك وندهفها كأنه فعل حادث احنا مالناش دخل ..


بعد ماكملوا مهمتهم اتصلوا 📱 لصاحبهم يقلوا له وهو اتصل لتوفيق يبشره ..



....... ........ .......

في بيت علي ...


أميره : جالسه فالمكان بتتجابر هي وعفاف ...أمانه ياأختي ارقدي الليله عندي. ابسري كيف انتي تاعبه ..


عفاف : مع قووى خليني غر ارحلي اسامه وحده ولو تبسري كيف المطبخ مندش والله اني خرجت والدواليب فالقاع...

في غرفه ريم ..

سماح : ذلحين اسكه قليلي ماضبحش من اول هكذا...


ريم : بزعل 😔 اقلش حاجه ..وماتصيحيش فوقي أيمن رسلي وانا رديت عليه...


سماح :فتحت عيونها وصيحت 😱 يوووه أنا قلتلش ماعاد تحاكيه .. ادي تلفونش اسكه ابسر مارسل ..


ريم :فتحت تفونها 📱 ووصلت الرساله حق أيمن ...


سماح : هزرت التلفون من يدها 📱 ماعد بش لش تلفون والله ماتحاكيه ...

أيمن: وصله تقرير استلام الرساله دري انها فتحته أتصل ع طول 📱...


سماح : التلفون في يدها 📱 فتحته ع طوول.. بقلاب صوره 😡 نعم ماتشتي ليش بتتصل لها لوسمحت بطل ازعاج ..


أيمن :أستغرب 🤔 من. معي أينهي ريم من أنتي ..


ريم :بتتفرج سماح وقلبها بيدق..بس مكسوره منه 💔...


سماح : مادخلك من أنا أنا ذلحين ليش بتتصل ماعاد تشتي منها قدوذا خطبت ولا ماقد كملت لعبتك ...


أيمن : إستغرب 😳 خطبت أيحين خطبت وبعدا لعبه مه أيحين لعبت عليها .. هي الي جت تقلي أبعد عنها وبعدا اكتشف انها مخطوبه وخبت عليا ...



سماح : بتمط صووتها ..وليلى من خطبها ع من بتكذب قد قالت لنا بكل شي وانك تعرفها من قبل ريم وزد ورتنا صورتك يعني مابش داعي تكذب ...


أيمن : حط يده ع راسه ...ليلى مه وصوره مه ..أسكه لوسمحتي ادعي ريم اتفاهم معاها ..


سماح : آسفه ماشدعيش أحد معك شي قله لي أنا...


أيمن: بداء يفهمها ويشرح لها القصه كلها من بدايتها وكيف تعرف ع ليلى...



🌹meme_abdalgaleel



@qesasanani

💎 💎 💎
💎 💎
💎

بارت 133


في بيت هاشم...

سامريين...

هاشم : جالس ودعى سندس بيأشر لها بيده 👋🏻 هيا جي جنبي ...


سندس : قامت من بقعتها وقامت جلست جنبه ..


هاشم : حط يده ع كتفها وحضنها مقهور عليها من حين جو وهي من مصيبه لامصيبه .. ذلحين مافي نفس بنتي ماتشتي أفعلها ...


سندس : لفتت له .. ماتفعلوا لي في ايش لو قصدكم اني زاعله ماشي بالعكس الحمدلله ربي كشفه ..


هاشم : طيب ودراستش كيف قد طارت عليش هذه السنه ..

سندس : بصوت مكسور 😔 عادي شاعوض السنه الجايه ...


هاشم : إبتسم لها 🙂 طيب ولو أقلش أنه بدل ماتراعي للسنه الجايه انه ترجعي كندا تكملي دراستش أسجلش في سكن الطلبه وتدرسي براحتش لأني خلاص فكرت صح وحسيت ان الي حصل غيرش وأكيد عتعقلي وتبطلي طيش ...


ناديه : بتسمعهم لفتت له بسرعه 😱 يووووه سفر مه كان ما رجعنا من وسط كندا الإ قلق عليها ذلحين تشتي ترجعها ووحدها ...


هاشم : ابسرها بهنجمه 😠 زمان غير ذلحين سندس عاقله وقد هي اكيد داريه كيف توبه لنفسها وتحافظ عليها ...


سندس : ابتسمت و فرحت قووي وقامت تبوسه في راسه 😘 يوووه تسلموا لي يا أحلى بابا فالعالم ..


........ ........ .......


في بيت علي ...


ريم : مطننه 🤔 من حين سمعت كلام أيمن مع سماح ...


سماح : مالش مطننه 🤔. صدقتي كلامه ...

ريم : قحصت فمها أممم.. أصلا ياسماح كلامه منطقي هو فعلا كان يشتي يعرفني ع أهله وانا الي قلت له لايكلمنيش وليلى يمكن انه فعلا كانت له اخت وصديقه وهي فهمت غلط ..


سماح : خفعت رجلها بيدها ...علمي علمش والله مازد دري حالي .. أقوم أتصل لأبوش أبسره ماله ماقد روحش ..

ريم : فتحت عيونها 🙄 يوووه. والله انه صدق قد الساعه 11 وماقد روحوش ..


سماح : هيا قومي نجلس خارج نسمر معاهم خاله عفاف مجابرتهم حاليه والعيال بيمازحوها من أول وسامي هانا والكل عيرقد عن العيال وأنت جالسه مخبايه هانا مطننه في مسيو أيمن ...


ريم : ضحكت 😂 هههه وخفعتها بالوساده .. مدري ليش قلبي ❤ مصدقه ..


سماح : مدت لها لسانها 😜 هيا ناهي يامصدقه وضحكت ههه وخرجين ..



🌹meme_abdalgaleel



@qesasanani

💎 💎 💎
💎 💎
💎

بارت 134


في بيت هاشم ....

هاشم : بيتصل لأيمن 📱 هيا أبني عتروح قد الساعه 11 قدنا مخليك ع راحتك لذلحين لما قالت لي أمك أنك اليوم كنت مخنوق قلت لما تروح وعتحاكيني مالك ...


أيمن : ممدد فوق السرير في بيت جدي🏡 ..وحاطط يده وراء رآسه .. أنا في بيت جدي لاتقلقوش خلوني الليله أرقد هانا ووعد لما أروح شحكي لكم الموظوع كله لأنه فعلا إشتي مساعدتكم ..


هاشم : خلاص إذا اتفقنا بس انتبه ع نفسه ..


........ ....... ........


في بيت علي ..

قبل الفجر ...

الكل سامر وبيتجابروا ويضحكوا 😂...

أميره : لفتت لمحمد يا إبني إسكه زد حاول تتصل لأبوك مدري مالي قد بينقلق 😰..

اسامه : حرك يده بلا مبالاه 👋🏻 هيا ناهي لكم بتقلقوا سعم انها أول مره يتأخروا أبي ..

ريم : والله انه صدق ياماما هم بيخرجوا ويتأخروا ...


أميره : بتتراشى محمد .. قوى يا أبني إسهل والله ان قلبي ناكزني ❤ ماعنخسر شي ..

محمد : طيب حاضر شتصل 📱 علشانكم بس ماهو ريت والله وماعاد يرجعوش ..


عفاف : ضحكت وابسرته هههه 😂 حجره من طريق اليهود أومه يا أبني ...


محمد : بيتصل 📱 بيرن محد بيجاوب عاد الإتصال جاوبه واحد ...

الرجال : ألوو سلام عليكم أنت ابن صاحب التلفون صح مكتوب محمد ابني ...


محمد : بإستغراب 😳 أيووه إبنه ليش فين أبي ..

الرجال : يا أخي والله مانا داري ما أقلك بس احنا كنا خاطين فالشارع وإبسرنا سيارته فاعله حادث إسعفناه لمستشفى ال**** .. ياريت تجوا تبسروه نشتي نخلي مسؤليتنا نروح ..

محمد : فتح عيونه واتفاجاء 😳 حادث ومستشفى طيب طيب تسلم يا أخي أحنا جايين ذلحين ...


كلهم كانوا بيسمعوه وفاتحين عيونهم مبهررين 🙄 ...


أميره : نزلت دموعها بكيت 😭 قلتلكم قلبي ناكزني فيه شي هيا اخطوا نسير نبسره وسنبت ..


سامي : مسكها بيدها 👋🏻.. مع ياخاله أين عتسيروا أنتين أجلسين هانا وإحنا عنسير نبسر مابه ..

أسامه : يله بسرعه البسوا ياعيال أخرج ادور تاكسي 🚖..



........ ........ ........

ثاني يوم الصبح 🌝..


أيمن : فتح عيونه ع طول مسك تلفونه 📱 ورسل لريم .. صباح العسل ع أحلى ريم فالدنيا أكيد سامحتيني وصدقتي كلامي ...


ريم : كانت رغم كل الي فعله بها أبوها خايقه وقلقه عليه 😰 ماحست نفسها الا بترد ع أيمن ( أيمن بابا سواء حادث وحالتهم بين الحياه والموت فالعنايه قالوا تاعبين قووي ) ...



🌹meme_abdalgaleel



@qesasanani

💎 💎 💎
💎 💎
💎

بارت 135



في بيت الحج أحمد...


الحج أحمد : بيصتبح🍳🥖 هو ويوسف ... يووه كيف البيت قافر محلانا كيف كنا نجتمع كلنا فوق الصبوح ..


يوسف : سهى وربي يفتح عليها ويوفقها والله ان به أمين ساع العافيه فالبدن .. وسمر فارحه بالعطله بترقد 😴 وهذاك المدبر مشنا داري في أي أرض هو من حين روحنا أمس ...


الحج أحمد : لفت له وأشر له بيده 👌🏻 دلا دلا عليه يا ابني مهمها كان عادهو غاوي وطايش مابلا تحتويه وتلاحق بعده لاتخليه يفلت من يدك ويضيع ..


يوسف : يا أبه مفعل جنني في روحي وطي براسي فالأرض 😔 ومشتيش الأحق بعده وأتراشاه ..


الحج أحمد : خلاص أنت خليك بعيد أنا شاحاول أبسره وأتصله 📱 يرجع البيت ...


........ ......... .........


في المستشفى 🏥.


أسامه : مسنب عند باب العنايه .. ابسر الدكتور خرج ...يادكتور هيا مه طمنا كيف حالته ...

محمد وسامي : كانوا جالسين فوق الكراسي أبسروا الدكتور قاموا لعنده هاه دكتور كيفهو ..


الدكتور : والله يا أخي ماشاخبيش عليكم حالته تاعبه قووي قلبه ❤ توقف وفعلنا له إنعاش عنده كسور ونزيف فالدماغ 🤕 وماوصلوه لعندنا الإ وقد نزف خيرات ..


محمد : زاعل 😔ع الي حصل لأبوه بس بيحاول يكابر... يعني أيش يادكتور عادهو عيعيش أو لا ..


الدكتور : والله هذا كله بيد الله بس خلوكم متوقعين أي شي لأنه تاعب .. يله العفو منكم معي حالات ثانيه أسير أبسرها فلتهم وخطي 🚶🏼...


سامي : رن تلفونه 📱 أيمن فلتهم وخطي للممر يحاكيه ..


محمد : اسمعني أنا شاسير أدي أمي وسماح وريم يجين يبسرين أبي محد داري مايحصل ..


أسامه : يله تمام. وانا أنزل أبسر ظابط 👮🏻 الحراسه الي فالمستشفى مارضيوا يفلتوا الي أسعف أبي الإ بعد ماظمنتهم انهم مافعلوا شي بس مستغرب ماشل أبي هذك البقعه وهذاك الوقت المتأخر أنا شاقلهم انه كان بيحاكي احد وبينهم تهديدات ونبسر كيف ونحقق ..



سامي : أيوووه .. وحالته تاعبه قووي ..


أيمن : توتر 😰 يووه مش وقت يموت خالص أشتي أحاكيه أشتي أعرف ليش كان يفعل ببيت جدي هكذا ..

سامي :طيب إسمعني حاول تجي ذلحين للمستشفى 🏥 وأنا شاسير أبسر لو به مجال أدخل لعنده لو شقدر أعرف منه أي شي ...


...... ...... .......

في بيت علي ..

ريم : بتبكي 😭 وهي بتلبس البالطوه .. يعني ماهو يامحمد ماقالوا لك بابا عيموتوا ..


محمد : بيقلد انه مابش في حسه ببرود .. ولو مات يموت الله يرحمه يرتاح ويريح يله بسرعه البسين أنا مراعي لكن فوق التاكسي 🚖...


أميره : بتلبس وهي بتبكي 😭 الله يرده بالسلامه مهما كان عادهو سراج البيت ومسكت عفاف اشبحيني قوى ياأختي قد ركبي يابسات ماعد قدرتش أخطي..

عفاف : سندتها..ودعت سماح هاه اشبحي امش سواء ماشاجيش معاكن شاروح بساعتي للبيت ادي له لده وأرجع كذا وارفع القلافد من القاع حق المطبخ بساعتي لاعاد يقع بعلي شي ولا شي ماعاد شقدرش افلتكن...



🌹meme_abdalgaleel


@qesasanani

💎 💎 💎
💎 💎
💎

بارت 136

الساعه 9 :30 الصبح ..


في بيت توفيق 2...

مره توفيق : بتقيمه من النوم 😴 يييه توفيق عتقووم قد تاخرت ع الشركه ..


توفيق : راقد 😴 في سابع نومه مرتاح انه تخلص من علي خلاص .. أشر لها بيده 👋🏻 ماشي ماشاداومش وغطى وشه بالوساده ...

مره توفيق : كان خلاص شاشل ليلى ونخرج نكمل تجهيزات العرس ماعاد بش وقت ...


توفيق : سيري أين مشتيتيوغلقي عليا الباب 🚪...


مره توفيق : خرجت هي وليلى ..


توفيق : بيسمع تلفونه بيرن 📱طنشه وان التلفون ولا وقف إتصال بعد إتصال سحبه بيده من فوق الكومدينو وهو مغمض عيوونه .. ألوووووو ...


الرجال : بصوت قلق 😰 هاه عم توفيق علي فالمستشفى 🏥 مدري من اسعفه ..


توفيق : فز من نومه وفتح عيوونه 😳 أييش يعني عادهو بخير وبداء يصيح 😡 أنت غبي ولا أيييش كيف يسعفوه ليش ماتتاكد من موته إفرض ذلحين قام عيبلغ بنا ع طول الان تتصرف وتسير للمستشفى 🏥 تتأكد كيف حالته قسما بالله لو يعيش لأشل روحي بيدك ...


....... ........ .........


في بيت توفيق 1


عفاف : دخلت غرفتها بتجهز له لده خرجت شنطه صغيره 👝 وبتحطهن فيها 👚👖👗 ورجعت تتصل لأميره ..هيا مه يا اختي طمنيني شي خبر ..


أميره : جالسه فوق الكرسي حق المستشفى 🏥 بتبكي 😭 مابش حاجه جديده قالوا حالته مشي مستقره ندعي له واوذا احنا جالسين مراعيين خارج ..


عفاف : الله يشفيه ويقل عثرته كان مدام عادش فالمستشفى والبنات عندش اوذا شفعل الغداء 🍲🍜🍛 وارجعي اجي ظهر للمستشفى أبسره وادي الغداء معي ..

أميره : إسلمي يا اختي ...


....... ....... .......

في بيت هاشم ..

سندس : مارقدتش طول الليل بتتراسل مع صاحباتها حق ألمانيا وتتراسل 💻 بالكمبيوتر مع جامعات فيها سكن داخلي وتبسر مواعيد الدوام وأيحين عتبداء دواماتهم ...


هاشم : بيصتبح 🍯🥞 هيا أينهو إبنش هذا قد تأخرت ماخرجتش قلت لاهو عيجي أبسر ماله ..


ناديه : وهي بتسكب له الشاهي ☕ إتصله 📱 يمكن إن عادهو راقد 😴 لأني متأكده ماعيرقده طول الليل ع الحاله الي كان فيها اول مره أبسر إبنك بهذاك الشكل كان منهار قووي ..


هاشم :تنهد بزعل 😔 آآح آآح بس قلنا عنرجع بلادنا نقر ونستقر وانحنا من حين جينا في مشاكل ..


ناديه : حطت يدها ع خدها.🤔. ذلحين منك صدق عتخلي سندس تسافر وحدها مالك ياهاشم أمس العشي ماعاد جابرتك في هذا الموظوع قلت مشتيش نتجابر قبالها ...


هاشم : إبتسم لها 🙂 أنا داري انش مستغربه من قراري بس أنا فكرت وإبسرت انه أخلي بنتي تسافر تقرى برضايا وتحت عيني واديلها الثقه أحسن من ما أخليها تفكر تهرب او تظلم نفسها بزواجه علشان تسافر وبعدا ماشفلتهاش وحدها شاكن أسافر بين كل فتره وفتره ولو قد أستقر العمل هانا وترتبت الأمور نبسر لأيمن عروسه ويجلس يمسك العمل مع خاله ونسافر أنا وأنتي وسام علشان الولد يتخرج ويدرس ساع أخوته دراسه قويه ونكن نسير ونجي ..


ساميه : تنهدت 😔... يوووه قد كنا فرحنا انه أخيرا رجعنا واستقرينا في بلادنا لكن شكله من خرج من بلاده ماعاد يقدرش يرجع لها ...



🌹meme_abdalgaleel


@qesasanani

💎 💎 💎
💎 💎
💎

بارت 137


ف المستشفى 🏥...


أيمن : وصل بيتصل لسامي 📱 هاه أين انت قد وصلت قدرت تدخل تحاكيه ..


سامي : ماشي مارضيش الدكتور يخلي أحد يدخل لعنده راعي اوذا شنزلك ...


أيمن : أبسره وأشر له 👋🏻 وخطي لعنده .. هيا مه جالس تاعب مابش امل ندخل لعنده ..


سامي :واقف قدامه ... جي نزيد نبسر الدكتور نحاكيه لو عيرضى يدخلنا نقله موظوع مهم ..

أيمن : بتعابير مستغربه 🙁أممم ومحمد وأسامه ماعيقلوا ماعيتحاكوش ..

سامي : محمد نزل يدي علاجات 💊💉 وأسامه سار معاهم للقسم شكل الحادث متعمد قالوا البريك كان مقطوع بفعل فاعل انا الصدق حاسس ان الي بينه وبين أبي شي كبير ووطى رآسه 😔 ما استبعدش ان أبي وراه لانه اتماحقوا من حين دخلنا صاحبنا بينهم ...


أيمن : مد يده ع كتفه 👋🏻 بيطبطب عليه ... ربي يعينك ويعينهم مامعاكم من أبوتكم الي المشاكل .. هيا نبسر الدكتور وهم بيخطوا رن تلفونه 📱 هاه بابا ..


هاشم : هيا ابني أين أنت مراعي لك لذلحين ماقد خرجت ...

أيمن : خفع راسه بيده .. أوووه ام سووري والله انشغلت مع سامي معاهم حاله فالمستشفى زوج خالته فعل حادث وانا معاهم ...

هاشم : هز راسه .. لاحول ولاقوه الإ بالله العلي العظيم .. تشتوا أجي أين أنتوا ..


أيمن : لو أحتجناكم عنتصل📱 لكم لان الشرطه بتحقق شكلها حادث متعمد ذلحين عنبسر كيف ولو نشتيكم عنتصل مع السلامه ...



........ ........ .........

وقت الظهر 🌞

في بيت الحج أحمد ...


ساميه : مسنبه عرض الباب 🚪 وطارحه يدها عرض الجدر .. هيا مه يا أبه لقيتوه ..


الحج أحمد : قلب يدده 👋🏻 والله مانا داري ماقلش يابنتي أنا من الصبح بيندوره عند خبرته ارجعه واصالح بينه وبين أبوه وانه قلي صاحبه إنه سافر أمس العشي هو و2 اصحاب ل*** قالوا عيدخلوا منها للسعوديه تهريب ...


ساميه : صااااحت 😱 وحطت يددها ع وشها يوووووه السعووديه وتهريب وجلست فالقاع بتبكي 😭 هذا الولد مايشتي بيجننا هكذا مابيفعل بروحه وبتصيح ياسمر ... ادي تلفوني 📱 أتصل لأخووش ..


الحج أحمد : مسكها بيوقفها يدخلها ... ماعاد يحتاج تتصلي 📱 له يابنتي قد اتصلت له قلي مشو راجعي ولا عاد نتعب نفسنا ونحاول نتصله عيكسر شريحته هو أصلا لاعاجبه عيشتنا ولا يشتي اليمن وكما وصل السعوديه وإستقرت أموره عيرجع يتصلنا ويطمنا ...



سمر : واقفه عرض الجدر ورافعه رجل مطننه 🙁 وزاعله ع أخوها رغم انها ماكانتش تسد معه بس مش انه يفلتهم بهذه الطريقه ويرحله ...



🌹meme_abdalgaleel



@qesasanani

💎 💎 💎
💎 💎
💎

بارت 138


في بيت توفيق 2 ..


مره توفيق : روحت هي وليلى وطلعت غرفتها فتحتها ابسرتها مندشه وبتصيح 😱 يووووه ماهو هذا وبتداعي الشغاله .. يييييه اينهو توفيق ماهو هذا النداش ..


الشغاله : أنا مش يعرف .. بابا شل شنطه👝 كبيره حط فيها ملابس وبعدين هو شلي ورق 📑 كثير وخرج ...


مره توفيق : أستغربت 😳 شنطه وملابس ليش وخرجت تلفونها 📱 وبتتصله بيرن بيرن محد بيجاوب رجعت تتصل بسرعه للشركه لعند السكرتيره .. وينهو توفيق جاء للشركه ..


السكرتيره : اهلا .. ماشي الإستاذ توفيق في المطار ..


مره توفيق : صااحت 😱 يعووو مطار مه كيف عيسافر وماقليش سفر مه ومابش خبر ...

السكرتيره : هم اتصلوا للشركه قالوا أخلي أحد يسير يحجز لهم ع اي رحله مسافره✈ لاي دوله اليوم ولقينا لهم رحله بعد ساعتين للقاهره ..


مره توفيق : غلقت التلفون 📱 وقد عتجنن 😰 بتحاول تتصله ولا بيرد ...


......... .......... .........


في المستشفى 🏥...

أيمن : لبس الكوفيه المعقمه والمشمعات الي فوق الجزمه أخيرا بعد ماحاول يقنع الدكتور انه يدخل لعنده رضي 5 دقايق بس لان حالته تاعبه ماعاد يشتوش يتعبوه ...


سامي : مراعي له عند باب العنايه قلق 😰 بيسير ويجي ويخفع يده مراعي له ماعيقله ...


سماح : كانت سايره لعند سامي تقله ينزل يشتري لهن ماء كانين جالسات في الجهه الثانيه لمحت ايمن دخل لعند علي إستغربت 😳 وحملت بسرعه لعند ريم تشاورها .. أيمن هانا ودخل لعند أبووش ..

ريم : فتحت عيونها 🙄 متفاجاءه وسنبت كذذذذابه ..


أميره : جالسه فوق الكرسي بتقراء قرآن ...افتجعت 😰 وسنبت من الكرسي مالكن مابه ماقالت لش ابوش فيه شي ...


سماح : جلستها مع مع اطمنوا مابش شي اجلسوا ارتاحوا بس بس قلتلها ان ابسرت صاحبتها هانا فالمستشفى 🏥 يمكن انها تاعبه جيت لها تقوم تبسرها ...


أميره : ابسرنها بساعتكن وارجعين لاتتاخرنيش ...ورجعت تقراء قرآن وتدعي له ...


......... ......... .........


في بيت توفيق 1 ...


عفاف : بتفعل الغداء 🥘🍱بإستعجال وبتدور بين الحاجات والقلافد الي فالقاع حق الدواليب بتدور الحافظات اين حطتهن ماعاد دريتش أين حطهن مع النداش تشتي تفعل الغداء فيهن تخطى للمستشفى ذكرت انهن فوق الثلاجه بتمد يدها تسحبهن نكعت الدعوه ✉ حق عرس سندس عادها ع ماحطتها لما مكنها أيمن .. شلتها من القاع ✉ يووه استغفر الله العظيم ذلحين لاهو مكتوب فيها آيه قرآنيه ولا شي أمانه احرقها لا أجلس أتحمل بإثمها لو ارجمها فالزباله شلتها وبتخطي لعند البوتقاز 🎛 تحرقها وهي بتبسرها ..وبتحاكي روحها مسكينه البنت هذه لاعاد سبر لها عرس ولا حميت الي قد جهزته هذه وهي غر الدعوه
ع قد حلا فيها يعلم الله كيف كان عيقع العرس أمانه اسكه ابسر اين كانت عتفعل العرس في اي قاعه وبتفتح الدعوه ✉ وبتخرجها دلا دلا وبداءت تقراءها 📃 ... تتشرف حرم المهندس / هاشم عبدالله حسين ال***** بدعوتكم لحضور ...ابتلدت وعجمت 🙊 ماعاد قدرت تكملها حست ارجلها ثلجت .. معقوووله انه هذا هاشم أبو أيمن يطلع هاشم أخي بس هو قالوا مغترب بس سامي قال انه أيمن كان مغترب ماعاد قدرت تتمالك نفسها حست ارجلها ثقال يعني أخي وابنه كانوا قريبين مننا قوي وابني صاحب ابنه وبيشتغل عنده وكأنهم أغراب وما قد ابسرنا منهم الإ كل خير واحنا قاطعناه بسبب حقد أمي ع أمه .. جلست فوق الكرسي تهداء وترتاح من التفكير ...



🌹meme_abdalgaleel


@qesasanani

💎 💎 💎
💎 💎
💎

بارت 139


في بيت الحج أحمد ...


ساميه : جالسه فالصاله بتبكي 😭 وفي يدها التلفون 📱 بتحاول تتصل لسهيل مغلق ..


سمر: في يدها التلفون 📱بتتصل لسهى تقلها ..


يوسف : دخل من الباب ووشه مقلوب 😡 ضابح ... ابسر مرته بلهفه .. هيييا مه جاوبش ..


ساميه : قد عتقرح بكاء 😭 هزت له راسها .. ماشي مغلللق .. وانت مافعلت ..


يوسف : بينحاول من أول اتواصل مع أصحابه لو أحد معه رقم أحد من خبرته الي سار معاهم ولا وصلت لشي...


الحج أحمد : جالس ممدد فوق الكنبه وطارح الشال حقه تحت راسه ... لفت لهم 👀 قلللتلكم ياعيالي لاتتعبوش نفسكم ولا قال ماعيجاوبش أحد وكما وصل السعوديه وأستقر وإتوضع عيرجع يتصلنا ..


يوسف : بضبح 😤 وعيون مبهرره .. لاعااااد يتصلش ولا عاد أشتي أسمع صوته ما أنا عن نفسي مقلع لازد رده بدع بي ربي يبدع به ....


ساميه : لفتت له وقد عيونها حمراء ومورمه 👁 من كثر الدموع ...بريحمه قووى يا يوسف لاتدعي عليه عاد دعوه الأم ربي داري إنها مش من القلب ❤ مادعوه الأب مابش بينها وبين الله حجاب ..


....... ........ ..........


في المستشفى 🏥...


في غرفه العنايه ...

أيمن : بيخطى 🚶🏼بخطوات متقاربه بهدوء ناحيه سرير علي ..


علي : فوق السرير ممدد راسه مربط🤕 وجسمه كله مدكم وحوارق وكسور .. الاجهزه مركبه ع جسمه والأكسجين في فمه ...


أيمن : قرب لجنب سريره ..ابسره وزعل ع حالته 😔..تنهد ولفت له وبنره صوت حزينه ماناش داري أزعل عليك أو أقلك هذه جزاتك كم قد ظلمت ريم وعيالك وفوقها ماناش داري ماعلاقتك ببيت جدي ولا ليش كنت تفعل هكذا ..

على : فتح عيونه 👁 ببطئ دلا دلا بيبسر مغشوش ..وبصوت. تاعب ومقطع .. من أاااانت ..

أيمن : أنا أيمن هاشم عبدالله حسين ال*** الي كنت تدخل بيت جدي وتخربه وتفعل فيه الي فعلت وطول هذه السنين كلها وأنت بتوهم الناس أنه مسكون ملان جن 👿 ... ليش فعلت هكذا قلي ليش بري ذمتك محد ظامن عمره وماعلاقتك بتوفيق ال*** ومن فعل بك هكذا صدق الحادث متعمد ولا أنت الي صدمت ومسك بيده 👋🏻 قووى حاكيني ...


علي : رفع يده بصعووبه 👋🏻 بيحاول يبعد الاكسجين في فمه ..


أيمن : بعده له يساعده .. هيا عم علي تحاكي قووى ...

علي : بيتأتاء في الكلام ... تووفيق .. تووفيق فععععل بببي هككككذا ...


أيمن : فتح عيونه 🙄 وركز معه لييش ..


علي : لأني ..... وبيحكي له ...


🌹meme_abdalgaleel


@qesasanani

💎 💎 💎
💎 💎
💎

بارت 140


في قسم الشرطه 👮🏻...

الظابط : يعني من كلامك أفهم أنه عندكم شك في شخص معين ..


أسامه : مقدرش أحدد من هو الشخص يافندم أنا يافندم قلتلك الكلام الي سمعوه أمي فالتلفون و شويه تفاصيل من الي فهمته من الموظوع الي قلتلك بس تفاصيله مع سامي إبن خالتي وصاحبه ..


الظابط :لفت للشرطي 👮🏻 الي جنبه .. سجل يا أبني يستدعى كلا من الاخ سامي وابسر أسامه ايش أساميهم بالكامل ..


أسامه : بيمليه أساميهم وارقام تلفوناتهم📱 ...



........ ........ .........

في بيت توفيق 1


عفاف : حاولت تتمالك نفسها وقامت تتصل 📱 لسامي ..بصوت زاعل 😔 جي لي ذلحين ...


سامي : افتجع من نبره صوتها 😰 مالكم او تاعبيين . .


عفاف :مابش فيني شي لكن جي لي ذلحين بسرعه اشتيك في موظوع وعنرجع المستشفى جمعه أنا وأنت ...

سامي : طيب تمام بس يرجع محمد ولا أسامه ماشفلتش خالتي والبنات وحدهن وأيمن صاحبي هانا أمد مايخرج من عند عمي علي ..

عفاف : بهررت عيونها 🙄 أيييمن ليش مابيفعل عند علي ..


سامي : لما اجي وشاجابركم بالقصه عمي علي مدري ماكان يفعل في بيت جد أيمن ويقل انهم جن 👿 موضوع طويل ششرحه لكم لما أجي..


عفاف : حطت يدها ع رآسها .. خلاص لاعاد تجي ليش شاجي أنا ذلحين بس لاتخليش أيمن يروح أشتيه ..


....... ....... .........


في بيت هاشم ...


ناديه : بتقرب الغداء 🍛🥗🥘 ذلحين ماهو يعني إبنك ماعيجيش ...


هاشم : شكله ماشي مدام ماقد روحش يمكن عيجلس مع سامي فالمستشفى 🏥 ..

سام : جالس جنب أبوه بيهزوره من يده .. بابا بابا سهيل هرب السعوديه .

هاشم : لفت لناديه بإستغراب 😳 هرب السعوديه ..


ناديه : تنهدت .. آآح بس منه هذه الولد قد جنن اهله الله يهديه قد اتصلت 📱لي ساميه بتبكي قالت انهم مادريوا الا وقدهو فالطريق قال عيسر السعوديه يغترب وغلق تلفونه 📱..


هاشم : يله عيس خليه يسير يغترب يتبهذل ويطعم الغربه لاهو عيشتحط .. أين جت بنتش ..


ناديه : في غرفتها فوق اللاب تب 💻حقها من امس قد سجلت لك أسامي جامعات بسكن داخلي وبتتواصل مع صاحباتها ..



🌹 meme_abdalgaleel


@qesasanani

🐈 🐈
🐈
بارت 141


في المستشفى 🏥..


ريم : مراعيه خارج باب العنايه هي وسماح .. قلقه ومتوتره 😰 ماجاء أيمن يفعل ليش دخل لعند أبوها ...


سامي : غلق التلفون 📱 وقرب لجنبهن .. يابنات ماجاء بكن هانا ليش فلتين خالتي وحدهم يله سيرين عندهم ...


ريم :أشتي أطمن ع بابا خليني شويه مازد قال الدكتور زد حاكاك ولا مع ..


سامي : وهو مركي برجله عرض الجدر ولا قال شي يله سيرين عند خالتي ادعين له واقرين قران ..


سماح : لفتت لريم 👀 ناهي زيد خلينا شويه وعنسير ...


أيمن : فتح باب العنايه 🚪 وخرج ..ملامح وجهه غضب ع قهر وزعل لفت لسامي ولمح ريم تنهد بقهر 😔 ومسك سامي بيده وسحبه .. جي معي ما أقلك ..

سامي : فتح عيونه 🙄 هيا مه قلك شي وخطيوا ..


ريم : ابسرت لسماح بإستغراب 😳 ماهو مابه ..

سماح :عوجت فمها 😏 وأشرت بيدها.. مدري ..


سامي :بيتجابر هو وأيمن .. صااح 😱 ايييش معقووله بس مادخل أبي بجدك ماسألتش كيف يعرفه ..


أيمن : ماقدرت أكلمه سواء ولا افهم منه شي الإ انه ابوك قتل جدي وشل زلطه وبصاير واوراق واتفق مع عمك علي ع قصه الجن وعادنا بينسأله أفهم سواء تعب والممرضات خرجني ..


سامي : خفع راسه عرض الجدر 😔 ليييش ياربي ليييش تربط إسمي بهذا الأب ..


أيمن : مسكه من كتفه .. اهداء ياسامي اذكر الله سعمنهو الموظوع بيدك ..


ريم :بتتفرجهم من بعيد ومستغربه من الي بيحصل بينهم قلبها بيحرق ❤ تشتي تعرف مابه ..


سامي : رن تلفونه 📱 الووو..

أسامه : هاه سامي كيف الأخبار كيف أبي ..


سامي :والله انه تاعب ماقد عتجيش ..


أسامه : مع عتجي أنت واتصل لأيمن يجي الظابط 👮🏻 يشتيكم ..

سامي : وأحنا نشتيه والكل معانا كلام مهم يله مع السلامه عنجي ذلحين ...


أيمن : ابسره وبيأشر له بحواجبه 😒 يشتونا الشرطه صح ..

سامي :أيووه ..هيا نخطى ونقلهم ماحصل..

أيمن: يله تمام وخرج تلفونه 📱 بيتصل لهاشم يقله ..


هاشم : إستغرب 😳 وليش القسم ماعتسير تفعل .

أيمن : بتنهيده .. ما أقلكم وما أحكى الموظوع كبير قوي ويخص جدي وقتلهم..

هاشم :اتفاجاء 😱 إيييش قتل أبي ماهو مابتقل أين انت راعي بقعتك في أي مستشفى 🏥 شاجي لعندك ذلحين ونخطى للقسم جمعه وتفهمني الموظوع فالطريق ..


........ ........ ......


في الجهه الثانيه من المستشفى ..

أميره : غلقت القرآن من يدها ..هيا مه أين سيرتين ماعد رجعتنش ..

سماح : إبسرنا صاحبه ريم وزد سيرنا نطمن للعنايه ..

أميره : هيا مه وقالوا ..

ريم : جلست فوق الكرسي وحطت راسها للجدر مطننه 🤔 مستغربه ما ادي أيمن وماهو الي حصل بينه وسامي ومنين يعرفه ...


محمد : دخل لعندهن .. بيأشر بيده 👋🏻 هيا قوموا أروحكم مافايده لجلستكن هانا لو حصل شي شاجي لكن ..

ريم : هزت رآسها .. ماشي شجلس هانا لما اطمن عليهم ..


أميره : وأنا والكل ماشروحش لما أدرى ان أبوك بخير..


عفاف : وصلت دخلت المستشفى 🏥 بتتلفت يمين وشمال مشهي داريه أين هم بتسأل أين العنايه قالوا لها ..


هاشم : وصل للمستشفى 🏥 بيتصل لأيمن ينزل تلفونه📱 مغلق كملت بطاريته نزل يدوره قالوا له فالعنايه ...


عفاف : مراعيه عند الاصنصير تطلع زحمه خطيت تطلع من الدرج وفي يدها الاوعيه حق الأكل 🍱..


هاشم :ضبح مراعاه عند الاصنصير قد عيجنن قلبه بيحرق 😰 ايش الموضوع خطي للدرج وبيحمل 🏃🏻يوصل بسرعه ..


عفاف : تعبت من الدرج والأوعيه في يدها حطتهن فالدرج وجلست ترتاح شويه ..


هاشم : ع طلعته ابسرها قدامه رحمها ... عفوا تشتي مساعده يا اختي تاعبه اوشي ...


عفاف : خزيت ووطت راسها ☺ مع اسلم هو بس تعبت من الدرج وجلست شويه افتهن وشلت الغداء وسنبت ورجعت تطلع فالدرج ..

هاشم :رجع يحمل بسرعه ع طلعته من الدرج لمح أيمن وسامي أشر لهم ونزلوا ..




كيف الصدف والقدر ممكن يجمعنا بأشخاص نبحث عنهم دون علمنا ...


🌹 meme_abdalgaleel


@qesasanani

🐈 🐈
🐈

بارت 142

في بيت توفيق 2


مره توفيق : قد عتجنن بتصيح 😡 كيف زوجها يسافر بدون مايقلها شي ..


ليلى : بتحاول تهداءها ياخاله يمكن معاهم عمل فجاءه اوذك بينبسر فالحلقات رجال الاعمال هكذا كودهم يسافروا فجاءه ...

مره توفيق : بعدتها بيدها 👋🏻 .. وبضبح 😤 أمانه لما خطيتي من قبال وشي قلك حلقات أنتي بعقلش ولا ماهو عرسش بعد إسبوع كيف يسير ويرحله هكذا وليش اصلا مابيجاوبش ...


ليلى : عوجت فمها 😏 كان مشتيتوا أنت أخبر وفلتت وخطيت 🚶🏻‍♀..


مره توفيق : ماسكه التلفون 📱جالسه بتحاول تتصل لتوفيق اخيرا رد ..

توفيق : بصياح 😡 ماهو ماتشتي جننتيني من اول ..

مره توفيق : بضبح 😤 ليش مابتجاوبش صدق عتسافر منين طلعت لك السفره هذه وأنت داري عرس بنتك بعد إسبوع أيحين عترجع ..

توفيق : بصيااح 😡 أوووف منش وقت التحقيق ذلحين أوكيف العرس ايذك البنت عندش عرسي مشنا داري أيحين شاجي ذلحين يله مع السلامه قد الطياره ✈ عتقلع وكما وصلت شرجع احاكيش بس ماتقليش لأحد أين أنا ولا ترجعي تدي رقمي لأحد مع السلامه ...


........ ....... .........

فوق السياره 🚘حق هاشم ..

هاشم : بيصيح 😡 وكيييف يحصل هذا كله وأنا مثل الأطرش فالزفه ليش ماقلتلي شي ...


أيمن : بيقرح أصابيعه .. أصلا ماحبيتش أشغلكم لما اتأكد وقد وليد وسامي ماقصروش معي ...


سامي : يووه صدق ذكرتني أتصل📱 لوليد أقله ماحصل...


أيمن : لفت له لوراء 👀 وخليه يلحقنا لقسم الشرطه أكيد عيحتاجوه لانه معانا خطوه بخطوه ..


هاشم : خفع السكان بيده 🤜🏻 حسبي الله فيكم عيال الي ماتقلوا لي الموظوع من البدايه ...



....... ....... ........

في المستشفى 🏥..

عفاف : دخلت لعند اختها والبنات .. حطت الغداء 🍱 وجلست فوق الكرسي قدهي تاعبه من الدرج بتنهل .. وابسرت ريم .. أينهو سامي ادعيه لعندي ..

سماح : مابحد هو ياخاله خرج ..

عفاف : بضبح 😤 أنا قلت له يراعي لي ذلحين ماقالوا كيييفهو علي ..


أميره : طارحه يدها ع رآسها 🤕 بيوجعها .. قالوا تاعب يا أختي وحتى لاصح ماعاد عيعيش الإ مشلول ..


عفاف : الله يسخر له مافيه الخير .. وبتمكن سماح الكيس هاه بنتي كلين وادعين العيال يجوا يأكلوا .وانتي جي يا أميره معي نجلس فالكراسي الي هاناك اشتي احاكيش في حاجه مهمه ..


أميره : فتحت عيونها 😧 خير مااابه يا أختي ..


عفاف : قوومي وأنا شاقلش موظوع مهم وسنبت هي وياها ..


محمد : حمل لعندهن بسررعه 🏃🏻 ووشه أسود 🌚 مقلووب بيصيح. يا أاااامه يارريم أبي أبي ...


ريم : حست جسمها كله بارد واطرافها ثلجت ⛄ سنبت بقعتها ...


أميره : استندت بعفاف ومسكتها .. وبصووت مفتجع 😰 ماااهو ..


محمد : لأول مره يحس بالوجع والقهر عليه نزلت دمعه من عينه 😢 عظم الله أجررنا كلنا ...


أميره : صااااااحت وجلست فالقاع بتبكي 😭...

ريم : حضنت سماح بقوه وبتبكي 😭..


عفاف : بتحاول تهدئهن اذكرين الله .. أحمدي الله وأشكريه يا أختي .


محمد : مسك تلفونه 📱 وخرج من عندهن بيتصل لأسامه يقله ...


🌹meme_abdalgaleel


@qesasanani

🐈 🐈
🐈

بارت 143


في قسم الشرطه 👮🏻..

الضابط : جالس فوق المكتب حقه ..

سامي :جالس في الكرسي وأيمن قباله ..

الضابط : لفت لسامي .. أيش إسمك بالكامل وبياناتك وقل لنا كل الي تعرفه ..


سامي : بداء يحكي له كل شي عرفه وكيف عرف أيمن ولما طلب منه عمال يساعدوه وبعدها بقيه التفاصيل ..


الضابط : هز رآسه .. آها وفعلتوا نفسكم ضباط وشرطه بدل ماتجوا تقلوا لنا القصه وهذا خبيركم وليد أينهو ..


أيمن : جاوبه . قد قلنا له يجي لاهانا ..

الضابط : بهرر فوقه 🙄 من سمح لك تتكلم لما يجي دورك اتحاكي .. ولفت للعسكري جنبه .. افتح يابني صفحه جديده .. يله أيش اسمك بالكامل وبياناتك بالكامل واحكي لي الموظوع من اول يوم سيرت فيه بيت جدك هذا ..


أيمن : إسمي أيمن هاشم عبدالله حسين ال**** مواليد اليمن بس مغترب في كندا من وعمري 9 سنين وبيحكي له ..


سامي : لأول مره يسمع 👂🏻إسم أيمن طنن 🤔 يووه عبدالله حسين ال*** اسم جدي أبو أمي بس مابش مع أمي اخوه الإ خالتي هذا يمكن تشابه أسماء وبعدا هذولاء مرتاحين وعايشين في كندا كميا ناس اساميهم متشابهه

....... ....... .......

خارج في الممر حق القسم .

هاشم : مراعي لهم خارج عند الباب هو وأسامه ..


أسامه : رن تلفونه 📱محمد بيتصل جاوبه .. وع طول تغيرت ملامح وشه واقتلبت صورته 😠 أيييش أيحين لاحول ولا قوه الإ بالله شل الله حقه اوذا شاجي ذلحين انتبه لأمي ولريم ..


هاشم : سمعه وفهم ان أبوهم مات قرب لجنبه حط يده ع كتفه 👋🏻 عظم الله أجركم ياولدي ..


أسامه : بتنهيده زعل 😞 حق الله ياعم والله مانا داري ماقلكم عادكم بتعزونا وقد أبي فعلوا بكم هكذا ..

هاشم : كل شي في بابه يا ابني وانتوا مادخلكم ذلحين خليني بس أنبي ع أيمن ونقل للضابط ان أبوك مات واخطى معاك للمستشفى 🏥 نبسر لو انتوا بحاجه شي .

أسامه : بملامح خزا وعرفان .. تسلموا ياعم ..


...... ....... ........


في المستشفى 🏥...


ريم : طارحه رآسها فووق أبوها وبتبكي 😭 قوى قوموا لاتفلتوناش وافعلوا بي الي تشتوا اضربوني واحبسوني حتى العرس قدنا موافقه كيف تفلتوني باقي للعرس شويه وبتهزوره .. هيا قووموا ..


سماح : مسكتها وبتبعدها وبتبكي 😭 من زعلها عليها .. اذكري الله قووى ياريم امسكي نفسش خلاص هذا قدر الله ..


أميره : ابسرته من الباب🚪 ماقدرتش تدخل وعفاف ماسكه لها ... الله يسامحك دنيا وأخره من قلبي ❤ صح قد ظلمتني خيرات وظلمت عيالك لكن الله يسامحك وبكيت😭 وخرجت ...

محمد : مسك ريم وسماح وخرجهن ونزل يعامل اجراءات الخروج وتصريح الدفن ...


اداره المستشفى : ماعينفعش ندي لك تصريح دفن ونعامل خروج مدام وهي قضيه وفيها جاني الإ بتصريح من الشرطه 👮🏻 أحنا عنزله الثلاجه لما تبسروا كيف ...


محمد : طيب تمام وخرج تلفونه 📱بيتصل لأسامه يقله مايفعلوا ..


أسامه : عادهو كان مراعي ماقد رضيش الضابط يدخله ولا خلوه يخرج من القسم لما يتموا يحققوا معه ... خفع راسه بيده .. والله مانا داري ماقلك ولا كيف عنفعل اوذا ندخل لعند الضابط وشاحاكيك أنت خليهم ينزلوه الثلاجه وروح النسوان البيت لما أجي ....


هاشم : ابسره وطبطب عليه بيده 👋🏻 لاتقلقش ياولدي اعتبرني أبوك اوذا شاسير المستشفى مع اخوك اديلي رقمه اتواصل معه وشبسر المحامي حقنا حق الشركه يجي يبسر لنا المعاملات ..


أسامه : تشارغت عيونه بالدموع 😢 وقام حبه في رآسه 😘 لو أحد غيركم عيحبسنا مش يساعدنا ...



🌹meme_abdalgaleel


@qesasanani

🐈 🐈
🐈

بارت 144



بعد العصر حوالي الساعه 5...


في بيت توفيق 2


ليلى : في غرفتها بتجابر صاحبتها فالتلفون 📱 المهم ماعليا ظروري تمسي عندي فالعرس حاكي ابوش من ذلحين يووه من يصدق لو عادنا عند امي اني بيندور حق الجامعه عيس اني صدقتش وسيرنا لعند أبي من مصدق اني اعيش هكذا وافتهن واتزوج بواحد مزلط قووي وزيد شاسافر أعيش فالخارج مثل ماكان في نفسي يووه كيف أنا فارحه 😁...



صاحبتها : بإستغراب 😳 يووه مسرع نسيتي أيمن تخايلي انش كنتي عتموتي بعده ..


ليلى : ضحكت بسخريه 😬 خخخخ أموت بعد من ياخبلاء .. صح اني حبيته بس احب نفسي أكثر وانا حبيت فيه وسامته وزلطه وانه عايش فالخارج بس مادام وخطيبي كل هذا فيه خلاص الله يفتح عليه ..

وهن بيتجابرين سمعت صوت دقدقه الباب حق الحوش 🚪يووه مدري من بيدقدق الباب هكذا قوي مايدق الجرس ولا يدق للحارس راعي شبسر من وشرجع أتصلش باي ...


مره توفيق : بتحاكي الحارس فالتلفون وتصيح 😡 أين يدخلوا كيييف يدخلوا مابش رجال فالبيت مايشتوا مننا العسكر هذولاء 👮🏻..


الحارس : مفعل مارضيوش قالوا تلبسين تتغطين وتجلسين في غرفه وهم عيدخلوا يفتشوا وتتصلي لأي احد من اهلش لأنهم يشتوا يحققوا معش وبيسألوا أين عمي توفيق قد ساروا له للشركه قالوا سافر ...


مره توفيق : بتصيح وتبكي 😭 حسبي الله فيك ياتوفيق مافعلت لي من فعله قد قلبي حس ان به شي قدله فتره متغير ومفتجع ..


ليلى : نزلت بسرعه بتحمل 🏃‍♀ مابه ياخاله مال العسكر هذولاء مايشتوا مننا ..


مره توفيق : وهي بتبكي طلعي اخوتش واطلعي البسي العسكر 👮🏻 عيدخلوا يفتشوا البيت ..


........ ....... .......

في بيت علي ...

ريم : في غرفه ابوها خرجت لداته 👕👖 فوق السرير وبتبكي ...


أميره : فالديوان جالسه وممده أرجلها مغطيه لهن ببطانيه طارحه يدها ع خدها فوق الوساده بتبكي ..

سماح : بتسكب قهوه ☕ وتقرب للنسوان الي درين بالموت وبيجين يتبادين ..

عفاف : جالسه جنب أختها اشرت بيدها 👋🏻 لسماح دعتها هيا مه اتصلتي للعيال تسأليهم مافعلوا هيا مه مالهم ماقد خرجوه يدوه هانا حالي لما الميت يمسي ليله وحدته في بيته لو شي انحنا بنقراء فوقه قرآن ...


سماح : وطت وشاورتها دلا دلا في إذنها 👂🏻 شكلهم ماعيخرجوش الليله شكل القصه كبيره ع ماقلي أسامه وانه به قضيه قتل علي كان فيها والي معه هو الي حاول يقتله وبعدوا له البريك حق السياره بس قد بيتحراني لا اتحاكاش قبال أحد لما يتموا يحققوا علاسب ماما وريم ..


عفاف : تنهدت لا حول ولا قوه الا بالله 😔 جننهم وهو عايش وجننهم وهو ميت ...


......... ....... ........

في المستشفى 🏥..


سامي : بيسير معاهم ويجي وعقله 🤔 مشغول فالإسم بس قال اين الناس وأين هو ...


هاشم : مسك يد محمد بيد وحط يده الثانيه فوقها ..👏🏻خلاص يا ابني روحوا لكم ذلحين وان شاء الله قد الصبح عتخرجوه طريق المقبار ع طول ...



محمد : تسلموا ياعم بس لوسمحتوا نشتي نحاكيكم سواء نفهم ماهو الموظوع وليش أبي فعلوا هكذا ومنين يعرفوا أبوكم ..


هاشم : ابتسم له 🙂 مش وقت هذا الكلام يا ابني ذلحين كملوا الموت وبعدا لكل حادث حديث وحتى أنتوا مالكمش دخل بشي ع مافهمت من ينصف لكم منه قدوذا سار بخيره وشره ماعاد يجوز ع الميت الإ الرحمه ...


أيمن : بعد ماكملوا الإجراءت والتحقيق ذكر ريم 🤔 وكيف عتكون حالتها ذلحين ماعاد قدرش يصبر نزل فوق سيارته يتصلها ...

ريم : فالغرفه بتبكي 📱 اول ما ابسرت رقمه نسيت كلشي وانها ماعاد تشتيش تحاكيه حست انه الشي الوحيد الي ممكن يريحها هذك الساع جاوبته وبتبكي 😭 ..

أيمن : جلس يهديها ويحاول يخفف عنها ريم قووى روحي بطلي تبكي 😭 هكذا لاتقهرينيش ماشي والله لا اروح مع اخوتش الليله بيتكم وشدعيش قدامهم كلهم ماعاد يهمنيش أحد ..


ريم : بعد ماهداءت شويه .. بفجيعه 😰 ماشي مع لاتروحش قوى .. قلي ليش دخلت العنايه عند بابا منين تعرف اخوتي وسامي ..


أيمن : مش وقت هذا الكلام شاجابرش به كله بعدا ذلحين يله اوعديني تقومي تاكلي انا داري انش بدون أكل وخلي التلفون جنبش 📱 تتطمنيني عليش أسير أبسرهم عيقلوا اين جيت ..


ريم : طيب حاضر ..

أيمن : إبتسم 🙂 انا فدال الحاضر هذه وصاحبتها الله يوصلني لما قد بينسمعها وانتي قدامي . يله مع السلامه عتمسخيني وماعد اغلقش .. أحبش ..

ريم : ابتسمت بزعل .. وانا والكل يله باي وغلقت. .



🌹meme_abdalgaleel


@qesasanani

🐈 🐈
🐈

بارت 145


ثاني يوم بعد المقبار ..


هاشم : بيأشر لأيمن براسه . هيا نروح لنا يا ابني ماشاء الله قد فعلت معاهم الواجب وكفايه لو غيرنا انهو حابس للعيال مدام أبوهم مات لما نعرف ماراس القصه وليش أبو سامي ع قوله علي قتل أبي ..


أيمن : مسك يد أبوه 👏🏻 وهمس عليها ... أسهل علشاني أنا خلوني شاروح معاهم وأنا لو تحبوني صدق لاتدخلوش العيال فالقضيه وأنا ششرح لكم ليش ..


هاشم : هز راسه .. ان شاء الله خير بس أنا كنت اشتي تروح معي أنت معاهم طول أمس وأنا للان ماقد عرفتش ماهو الي حصل معك ع قوله أمك أول مره تبسرك ضعيف ومنهار هكذا أشتي نتجابر ...


أيمن : أبتسم لأبوه بخزا 😊 هو أصلا كله مربوط ببعضه وليش مشتيش تدخلوا العيال فالقضيه من ينصف لهم هم من أبوتهم ذلحين روحوا وانا وعد أزيد أبسر مايشتوا وشاروح البيت أتحمم وأبدل ونتجابر وارجع أجابر..


هاشم : يله تمام لاتتاخرش وأنا ذلحين شخطى للقسم أبسر مافعلوا زد لقيوا شريكه هذا الي قالوا سافر ولا مع وأبسر خالك يوسف مازد قال صاحبه الي بيدور عماتك شكله ماعنستفيد منه بشي كوده بيمكني امل ع الفاضي وبس..


أيمن : طيب تمام . بس من رائي الرجال هذا ابردوا لكم منه والله ماغير بيخسركم زلط 💵 ومسك الشميز حقه بزنط وإبتسم 🙂.. إحم إحم ششتغل أنا ووليد وسامي مخبرين ابسروا كيف كشفت لكم قضيه قدلها سنين ..


هاشم : حط يده ع كتف أيمن وابتسم 👋🏻 خاطرك أنت لو احد يجابرك ماعاد عيشبعش تجلس تمسخه يله لاتتاخرش سلام ..


أيمن : خطي 🚶🏼 يرجع لعند سامي والعيال ابسر واحد واقف معاهم كبير فالسن شعره أبيض وأصلع من قدام 👴🏻 سمين لابس زنه وكوت أسود معه كرش صغيره مسنب عند أسامه ومحمد وبيمكنهم زلط 💵 ومحمد رجعها ... سار وقف جنب سامي .. هذا مايقع لهم عمهم ..

سامي : ضحك بإستهزاء خخخ 😬 قصدك هم أعمومه ..


أيمن : عقد حواجبه بإستغراب 😟 كيف يعني مافهمتش كيف هم اعمومه ابسر سعمن قدهو شيبه ..

سامي : هذا زوج اختهم الي قلتلك عليها الي حضرنا عقدها ..


أيمن : فتح عينه وبصدمه وعصبيه 😡 قصدك زووج ريم ..

سامي : لفت له استغرب من رده فعله 😯 .. أيوه مالك قرحت هكذا وبعدا مسرع ماشاء الله حفظت اسمها ...


أيمن : ارتبش 😅 هاه .. ومسك يده بيسحبه جي جي نسير نبسره ونتعرف عليه ..

سامي : بيهزره .. يييه راعي ماهو ماتتعرف عليه ماعلينا منه.. تصدق لو عليا امانه لازبطه في أقرب قبر محفور تهجع البنت منه بعد أبوها ..

أيمن : ضحك هههه 😂 وفلتت عليه بدون ما ينتبه أيووه فكره نطفحه وافتهن ترجع لي ري.. وركز ع طول وماكملش كلمه ريم .. ارتبش 😰 قصدي ترتاح ريم وترجع لكم اصلا ااا..


سامي : وقف واتفرجه مبلوود 😳 ووجه معصب ماااهو ماقلت كيف تفتهن وترجع لك ريم ..

أيمن : حس جسمه ثقل وأطرافه ثلجت 😰 ارتبش .. اسمعني يا أخي لاتسي الظن ولا تفهم غلط ششرح لك كل شي وأفهمك الموظوع بس خلينا نوصل العيال البيت ونسير نتغداء وششرح لك كل شي ...



......... ........ .......

في بيت توفيق 2 ...


مره توفيق : بتجاوب التلفون 📱 وتبكي 😭 حسبي الله فيك الي فعلت فينا هكذا العسكر جو امس وفتشوا البيت وقالوا انك متهم في قتل يعني ماهربت الا وانت داري صح ..


توفيق : افتجع 😱 ايييش يعني بيدوروني خلاص اسمعيني لاتقليش اين انا ولا اني اتصلت لش وغلق التلفون وكسر الشريحه حقه ورجمها ...


......... ........ .......

في بيت علي ...

عفاف : جالسه جنب أميره بتحاكيها وتهدائها .. قووي يا اختي اهدائي وقومي كلي لش لجع لقمه عادش ع لحم بطنش من أمس ...


أميره : وشها أسود وتحت عيونها حارق يا أختي شابعه مابش نفس والله ماقدرت ..


عفاف : أنتي داريه به حاجه اشتي احاكيش فيها بس اول ازيد أتاكد سواء من سامي غير مازد ابسرتش من امس قدوذا بتبسري ع جنان احنا فيه .

أميره : ماهوو مابه خير .

عفاف : إبسرتي ذيه أيمن صاحب سامي الي مع العيال من امس ..

أميره : هزت راسه . أيوه دريت حين بتتحاكوا انه وابوه مافلتوش العيال ماقد ابسرتش ماله ..

عفاف : فرحت 🙂 صددق يعني ابوه معاهم والكل ..

أميره : استغربت😳 يووه مالش فرحتي هكذا حين دريتي من أبوه او قد بتحبي ابوه ولاشي اوقد جاء يخطبش ..


عفاف : ضحكت ومسكت نفسها غطت فمها 🙊 بيدها يووه حسبش الله عيقلوا بيت موت وبيتكركرين .. انتي داريه من يمكن يطلع هذا يمكن انه هاشم اخونا بس ماقدناش متاكده وبتحكي لها ..

🌹meme_abdalgaleel


@qesasanani

🐈 🐈
🐈

بارت 146


بعد 3 أيام عزاء ..

في بيت هاشم ...

أيمن : في غرفته بيحاكي التلفون 📱 هاه وليد . يعني سلمتهم التسجيلات حق الكاميرا والسيديهات 💽..


وليد : أيووه لكن يا أخي مدري ليش مشنا مطمن مفتجع لو مايلقوش توفيق هذا وماندراش ليش قتل جدك ولا ليش قتل توفيق ..

أيمن : طيب وهذولاء الي مسكوهم الي فعلوا الحادث ماقد تحاكوش ..

وليد : هذولاء موظوعهم ثاني تصفيه علي بس ليش وكيف مشهم دارين بشي اهم شي يستلموا زلطهم 💵 وينفذوا المهمه مابيدخلوش بكيف وليش ...


هاشم : دقدق الباب 🚪 هاه ولدي أدخل ..

أيمن : لفت له وفي يده التلفون 📱 اكييد هذا بينحاكي وليد ع القضيه اليوم سلم التسجيلات .. ورجع يحاكي وليد يله تمام شرجع اتصلك وغلق ..


هاشم : جلس جنبه فوق السرير وحط يده 👋🏻 ع فخذه . أيووه ياولدي ذلحين عتجابرني مالك ولا عتمكنها هكذا تهراب ..


أيمن : حمر وشه وخزي وطي رآسه ☺ .... امممم أصلا.. ورن تلفونه ريم بتتصل ارتبك 😅 وكنسل ع طول ..


هاشم : ضحك هههه وغمز له 😉 هذااا شكل أبني بيحب ولا بيتخايل لي ...

أيمن : ضحك هههه 😂 طيب مدام قد فهمتوا ليش عاد بتسألوا ..

هاشم : أبتسم 🙂 اسمعني انت داري اني ربيتكم ع الحريه في حدود الصح والصراحه وبالذات انا وأنت أكثر من أخوتك علاقتنا اصحاب بس اشتي أعرف منهي وبنت من وكيف عرفتها وليش انهرت بهذك الطريقه ..


أيمن : حك راسه وتنهد والله ماناداري منين أبداء أنا شحكي لكم القصه من أولها لليوم الي انهرت فيه للي حصل ذلحين وبعدا انتوا ابسروا كيف وماهو وماعينفع وهل ممكن اقدر اوصلها ونطلقها وهل انتوا عتوافقوا بعد ماتعرفوا منهي ..


هاشم : بدهشه 😳 ايييش البنت مزوجه وحبيتها وتشتي تتطلق ..

أيمن : ضحك هههه 😂 لا لا مش هكذا واشر بيده راعوا ششرح لكم القصه وعتفهموا ذكرتوني بسامي اول ماعرف بس بعدا الحمدلله فهم وحس بي ووعدني يساعدني ..

هاشم : تربع وتوضع سواء وارتزح عرض السرير يله سمعني كلي أذآن صاغيه ...


........ ......... ........

في بيت توفيق 2

ليلى : بتحاكي التلفون📱 وتبكي 😭 يعنني ماهو كيف ماعاد تشتينيش ومابش عرس ..


خطيبها : خلاااص يابنت الناس مفعل بواحده أبوها هارب ومتهم بقضيه قتل أنا أشتي نسب يشرفني مش يوطي رآسي وغلق ...


ليلى : نزلت وهي بتبكي 😭 بتصيح وتداعي من الدرج يااااخاله خطيبي أتصل قال ماعد يشتينيش ..

مره توفيق : جالسه فوق الكنبه والتلفون في يدها 📱 ابسرتها بتبلد ولا مبالاه دريت عاد صاحبتي اتصلت لي تقلي وقالت نرد حاجتهم حق الخطبه ويشتوا المهر الي قد دفعوه لابوش قبل مايهرب ...

ليلى : وهي بتبكي 😭 وحطت يدها ع راسها .. ياخاله قوى اتصلوا لها اتراشوها اتزوج به ..

مره توفيق : بقهر 😔 قلك اتراشاها اطلعي اطلعي ادي الذهب الي قد اشترينا لش نسير نبيعه وندي للناس زلطهم ومابقي نصترف منه قد الشرطه حجزوا ع الشركه وزلط ابوش لما يبسروا كيف ومه ..


ليلى : طلعت تديهن وهي بتبكي 😭 وتجابر نفسها كيف افعل ذلحين ماهو ذلحين هذا طار من يدي وأيمن طيرته وأبي أحتبس كيف شجلس عند خالتي وهي كارهه لي يله فرحت تزوجني تقلعني وكيف عنعيش بدون زلط لما تكمل قيمه الذهب شرجع أفقر من ماكنت عند أمي الي يشتيه كله فاته كله كنت شجلس عند امي وارضي بقدري وكنت شاراعي لما يجي لي نصيب حالي واتزوج ولا وقع بي هكذا ...


...... ........ ........

في بيت توفيق 1 ..


سامي : كان في غرفته بيبدل سمع الباب 🚪حق البيت افتتح بيبسر وانها امه .. كيف لكم روحتوا وفلتوا خالتي ..


عفاف : روحت اديلي لده .. يله عيس حين قد صدفتك ولقيتك جي ما اسالك اشتي أجابرك ذلحين من ايمن صاحبك وأبوه ...


سامي : ابسرها وفتح عيونه 🙄قصدكم ع القضيه كيف دريتوا سعم قد اتفقت مع العيال ماقد عنقلكن شي موت لما نبسر ليش ابي وعمي علي قتلوا أبو عمي هاشم ..


عفاف : خفعت صدرها بيدها يووووه 😱 من قتلوا وجلست فالقاع ماهي القصه ماااابه فهمني ...



🌹meme_abdalgaleel


@qesasanani

🐈 🐈
🐈

بارت 147

في بيت هاشم ...


هاشم : حاطط يده ع خده منسجم بيسمع كلام أيمن 🤔 ويفكر ... يعني ذلحين البنت الي حبيتها طلعت بنت علي وفوقها معقوده ..

أيمن : هز راسه بقهر 😔 أيوووه وهذا الي جنني لما عرفت من أبوها وانه له علاقه بقتل جدي وعرفت اني ظلمتها ...


هاشم : طيب وسامي ماكانت رده فعله لما عرف ان اخته كانت بتحاكيك وانك بتحب ريم يعلم الله ماعيفعل بهن ذلحين اناداري واعرف اخلاقك وفاهمك بس هو ماعيفكرش هكذا ..


أيمن : أشر بيده لا لا ☝🏻هو مش عارف هذا كله ولا تفاصيل انا مش اهبل احاكيك من اخته لانه عارف طريقه تفكير مجتمعنا ولاعيفهم ان به شي صداقه وزماله عندهم خلاص لو قد احد كلم بنت يعني قدهو بيلعب عليها حتى ريم ماقلتله انها بتحبني او بنتواصل معي قلت له انها طالبه فالمعهد وحبيتها وحاولت اكلمها انه اشتي اتقدم لها وصدتني انها مخطوبه ...


هاشم : ابتسم 🙂 خير مافعلت يا ابني ... أنا عن نفسي والله ما اشتي الا سعادتك وع مافهمت منك ان علي كان ظالم لعياله وريم قد قهرها خيرات وماشاحاسب العيال بذنب أبوهم بس البنت يا ابني خلاص مزوجه معقوده مش بالسهوله هذه الي انت متوقعه والله لو ماكانت معقوده لاكنت أسير أخطبها لك من بكره بس انت لاتعلقش نفسك قووي لانه خلاص مصيرها بيد زوجها ..


أيمن : تنهد بقهر 😔 بس هو أبوها الي غصبها وقد أبوها مات .


هاشم : صح معاك بس هذا الكلام لو كانت مخطوبه بس عيرجعوا حاجتهم وانتهى الموظوع بس هذه خلاص قدهي في ذمته وأمرها بيده ومحد عيقدر يجبره يطلق الا بمشاكل وجنان الله يقدم لكم مافيه الخير بس اهم شي لاتتعلقش وترجع تقتهر ...


أيمن : قحص فمه وضغط ع يده 👊🏻.بقوه أن شاء الله خير .. وبيسمع تلفونه بيرن 📱 لفت لعند ابوه .. ذكرناه اتصل هذا سامي ...


هاشم : جاوبه ..

أيمن : الوو ..

سامي : اهلا .. كيف حالك اين أنت ..

أيمن : الحمدلله .. أيوه فالبيت تشتي أجي لك ..


سامي : لا لا اشتي أجي انا لعندك لو عمي هاشم فالبيت ..


أيمن : أيوه بابا هانا به حاجه جديده حصلت ..


سامي : امي يشتوا يجوا لعندهم خلاص اوذا شديهم وأجي ..


أيمن : غلق ولفت لأبوه مستغرب 🤔 قال يشتي يجي ذلحين أمه تشتي تحاكيكم ..

هاشم : استغرب .. تشتيني 😳 يمكن علشان القضيه وعيالها وعيال أختها لانشهرش ابوتهم الله يعلم اوذا عتجي وندرى ...


........ ......... ........

في بيت الحج أحمد ...

سمر : جالسه بتتحيلى لبطن سهى 🙂 .. يووه جبر اختي الواحمه ذلحين قدنا خلاص شاقع خاله .. مافي بطنش ماقالت الدكتوره بنت ولا ولد ..


ساميه : ضحكت عليها هههه 😂 يابنتي رزي بطن أختش جننتيها وماقد كبرتش ..


سهى : اسهل خلوها فارحه عتقع خاله محد فارح ومزقرع هكذا الا هي وأمين امانه من حين دري اني واحمه وماعاد بيخليني اتحرك ..


ساميه : ابتسمت 🙂 الله يخليه لش ..

سهى : أمين .. وسكتت شويه وابسرت امها .مابش اخبار من سهيل ...

ساميه : تنهدت بزعل وتشارغت عيونها 😢 ماشي ولا قد حتى أتصل ماهو أمس اتصل واحد من هانا لعند أبوش قال هو صاحب سهيل قله يتصلنا ويسلم علينا ويقلنا انه بخير ..

سهى : يووه وليش مايتصل هو لعند بابا أتصل لصاحبه يتصلنا ...


سهى : بلقانه .. تخايله انحنا عنقله يرجع ولا يرسلنا زلط 💵 ساع المغتربين سعم انهم قالوا له انحنا فارحين فيه..


ساميه : بهررت فوقها 🙄 بسش لقانه قومي قومي اسكبي لنا شاهي ☕ وادي لنا كيك 🍞..

سهى : بعد ماقامت سمر بتحاكي أمها دلا .. أمين قال ان معه اصحاب فالسعوديه وخلاهم يدوروا سهيل وانهم قالوا انه بيشتغل عامل في بوفيه بس قد بيتحراني لا اقلش لكم بس ماسخيتش الصدق قلت أحاكيكم بس ماتحاكوش أحد ..

ساميه : نزلت دموعها وبكيت 😭 اح اح بس قد كنت يا ابني هانا مفتهن ومرتاح وبتمكن الدنيا زنط ظلمتنا وظلمت روحك ...


🌹meme_abdalgaleel


@qesasanani

🐈 🐈
🐈

بارت 148


فوق التاكسي 🚖...

سامي : نسي موظوع الإسم ماعد ركزش مع الموت والقضيه ... بيسأل أمه اسكه ذلحين قلوا لي مالكم هكذا ولاعاد سمعت لكم نخس من حين دريتوا بموضوع القضيه الا شلني اشتي أبسر أبو أيمن وأحاكيه ..

عفاف : كما وصلنا عتدرى .. أنت غير قلت يارب وبس..

سامي : بيبسرها ويهننجم ... اسمعوا يا أمه لو عتسيروا تحاكوهم ولا تتراشوا أنهم يسحبوا القضيه لأن أبي متهم فيها خايفين عليا وعيقلوا ابن قاتل لو سمحتوا من هانا بينقلكم لو هو هذا الموضوع نروح لنا البيت وبس ..


عفاف : قفت وشها للجهه الثانيه كما وصلنا عتدرى ...


....... ....... .......


في بيت علي ....

ريم : أخيرا كمل العزاء والله ان النسوان يقهرين أكثر من فراق الميت كل واحده تجلس تتليقن وكيف مات وليش وصدق قالوا قتلوه وصدق وصدق لما يتعبوش ...


سماح : تنهدت .. يووه حسبهن الله وتشارغت عيونها بالدموع 😢 ..

ريم : مسكتها.. يووه سماح مالش من غثاش ..

سماح : قرحت بالبكاء 😭 ياريم ماعيوقع بي ذلحين بعد مامات أبوش كيف شفعل أين شاعيش ..

ريم : حضنتها وهي بتبكي 😭 يووه كيف أين عتعيشي هذا بيتش وين عتسيري ماهو هذا الكلام الأخبل ..


سماح : أمس سمعت امس بنات عمي لما جين يعزين بيتجابرين قالين انه بيقل عمي زوجش انه عيخليني أكمل العده وعيجي يشلني يزوجني وانتي يشلش يتزوج بش ..


ريم : بكيت 😭 شلووا روحه ان شاء الله والله مايشلش من عندنا وانا شاقله مشتيش اتزوج بك واكرهك خلاص ماعادبحدهو أبي يغصبني ..


سماح : وايمن ماقلش عيفلتش تتزوجي به ..

ريم : قلي انه عيحاكي أبوه وعيبسر كيف عيتصرف ويحاكي أخوتي بس يشتي يفكر بطريقه ماتخليش احد يدرى انه يعرفني ماعيقلهم جيت اخطب بنتكم وهي معقوده يشتي يخارجني ويتقدم لي ع طول ...


....... ....... .......


في بيت توفيق 2 ..


ليلى : كانت بتتفرج التلفزيون 📺 وطلعت غرفتها فتحتها صاحت يوووه 😱 مابتفعلوا ..


مره توفيق : بتراجم اللده 👚👖👗من الدولاب للشنطه 👝 بينلفلف لداتش ياقمر تشليهن وتريحيلش عند امش ماعاد جلستش عندي ابوش الي كان مخلي لش قدوذا هرب وانا كنت فارحه عتتزوجي بس ماذلحين الريال الي شصرفه عليش عيالي أفيد به ...

ليلى : بتصيح 😡 وتهززر اللده من يدها .. فلتي لداتي رزززي ماشخرجش من بيتنا هذا بيت أبي ..


مره توفيق : مسكت بشعرها وبتهزورها وتداهفها 😡 وتصيح ... عتخرجي غصب عنش واحمدي ربش اني زد خليتش تشلي لداتش الي اشتريتهن لش أنا بزلطي ودهفتها للقاع ...




🌹meme_abdalgaleel


@qesasanani

🐈 🐈
🐈

بارت 149


في السفاره اليمنيه 🇾🇪 في مصر ..


توفيق : جالس مفتجع ومبلود 😰 يا أخي ماتشتوا مني ذلحين ماهو ليش جو شلوني من الشقه الي انا فيها ..


موظف السفاره : جالس وحاطط يده 🙇🏻 فوق المكتب ... أديناك نشربك قلص شاهي ☕ ونتجابر معك شويه ..

توفيق : بيهز أرجله ومرتبك 😰... يعني بتجابروا كل اليمنيين الي هانا ..

موظف السفاره : ضحك بسخريه 😬 أيووه المهمين الي مثلك بنهتم بهم خاصه لما تجي لنا اوامر من اليمن نبحث عن هذا الشخص ونشوف أماكن تواجده ونستضيفه عندنا ..


توفيق : فتح عيونه وبهرر 🙄 وبيقرح أصابيعه ذلحين ماتشتوا مني لاني مستعجل معي عمل وشلتقي بناس ...

موظف السفاره : مابلا نشتي نجلس نتجابر شويه وبعدها يمكن عتسافر اليمن ومعاك أحد من أصحابنا وبعدا عيكملوا معاك المجابره هاناك ...


توفيق : بداء خلاص يرتبش ويفقد توازنه ويفكر ايش عيقلهم 🤔 وكيف عيخارج نفسه من موظوع علي . (مسكين مشو داري ان علي قد حاكى أيمن ع قتل جده وقد به قضيه ثانيه غير قضيه قتل علي ) ..



........ ........ ......

في بيت هاشم ..


الباب🚪 بيدقدق ✊🏻...


هاشم : فالديوان جالس مراعي لهم ..أشر لناديه تقوم هي وسندس ..

أيمن : قام فتح لهم الباب 🚪 وبيسلم ع سامي ..ولفت لعفاف اهلا وسهلا ياخاله كيف أنتوا اتفضلوا .


عفاف : قلبها بيرجف ❤ وبتدعي في نفسها ياررب انه يطلع هاشم هذا هو نفسه هاشم أخوها ..لفتت لأيمن وهي بتتفرجه .. اهلا وسهلا بك يا ابني .. دخلت وهي ماسكه لسامي بتحس خطواتها ثقيله 🚶🏻‍♀...


هاشم : إبسرهم دخلوا وقف وسنب اهلا وسهلا ومد يده كيف حالك ياسامي .. ووطي راسه حياش الله يا اختي واشر بيده 👋🏻 اتفضلوا ...


أيمن : جلس جنب سامي بيحاكيه دلا .. مابه ..

سامي : لفت لعنده وبصوت واطي .. علمي علمك خلينا عنسمع ذلحين مابه ...


هاشم : لفت لعند عفاف .. خير يا أختي قال سامي تشتي تحاكيني .


عفاف : فتحت شنطتها👜 وخرجت الدعوه ✉ حق العرس وفتحتها هذه الدعوه حق عرس بنتك صح ..


هاشم : مستغرب 😳 أيووه بس ماحصلش نصيب والتغى العرس ..


عفاف : هزت رآسها ... أيووه قد دريت بس أصبر راعي شاجي لك فالكلام وبتقراها .. إسمك هاشم عبدالله حسين ال**** ...



هاشم : هز رآسه وملامحه كلها تساؤل .. أيووه ..


أيمن : اتفرج لعند لعند سامي واشر له بحواجبه ماهو..

سامي : رد عليه بحركه مدري بفمه ..

عفاف : بتحس قد قلبها عيخرج من بين ضلوعها ❤ أنت أمك إسمها لطيفه وكانت المره الثانيه ومعاك 2خوات من أبوك ..


هاشم : إبتسم وفرح 😃 أيووه تعرفي خواتي أنا بيندورهن من حين رجعت من كندا..


عفاف : إبتسمت وتشارغت عيونها بالدموع وسنبت وهي بتبكي 😭 أنا عفاف اختك ياهاشم ...


هاشم : نزل العرق من جبهته😅 وحمر وشه يعننني أنتي أختي وسامي ابنش صح وقرب يحضنها ...

سامي : ابتلد 😳 مااااااهو اخته خالي كيف ..


أيمن : حط يده ع راسه وضحك ههه 😃 يعني بندورهم وهم عندنا ومعانا ...


عفاف : بتحضنه وتبكي 😭 سامحنا يا أخي فلتناك وقاطعناك وصدقنا أمي وكرهناك من كرهها لخالتي وفلتنا أبي ..


هاشم : مسكها بيدها وجلس وجلسها جنبه أيووه جابريني عنش وكيف أختي أميره ...


سامي : مطنن .. أيحين طلع لي خال أنا ماعرف الإ خالتي أميره ...


عفاف : ابسرته وتنهدت ... آآح يابني بس هذه قصه طويله عنشرح لكم ونجابركم بكل شي أهم شي حين قد لقينا خالك ..


هاشم : سكت شوويه وطنن 🤔 .. يعني ذلحين زوجش توفيق وعلي زوج أميره صح ..


سامي : حسه راسه بيلف 😇 مشو فاهم شي .. الشي الي فهمه انه هاشم خاله ..


عفاف : أيووه أزواجنا وللاسف عادنا دريت اليوم بقصه القضيه وان ابي ماتوا مقتولين وانهم المجرمين ..


أيمن : عادهو ركز ان معنى هذا ان ريم طلعت بنت عمته ... ما ابسروه الا بيصيح ويبتسم 😁 ييييس ييييس يييس ..


كلهم لفتوا له مستغربين مالك مابه ..


أيمن : ضحك 😅 خزي هاه ... هيا نسير نبسر عمتي اميره ونتعرف عليها حرام نوقف جنبها هي بعد موت ...


هاشم : فهمه ع طول وضحك 😂 ناهي يا عمتك أميره ادخل ادعي امك وخواتك يتعرفوا ع عمتك ...

سامي : ركز وضحك غمز له 😉 عمتك هاه ..

أيمن : خزي☺ وخرج يدعي أمه واخوته يتخارج منهم ..


دخلوا كلهم وتعرفوا ع بعض .

سامي : بيتفرج جمال سندس ماتوقعش ان اخت ايمن تطلع هكذا..

وقاموا كلهم وخرجوا يسيروا بيت أميره ...

أيمن : بيسوق وحسه عنده ريم فارح وبيفكر في رده فعلها 😍

مهما خبأنا الحقيقه لابد وأن يأتي اليوم الذي تنكشف فيه ..


تقولوا ايش عيكون موقف ريم لما يطلع أيمن ابن خالها 😍..


🌹meme_abdalgaleel


@qesasanani