البـارت 10 •°

السـر المـدفون ❤️

في الصحراء..

النسر الأحمر 🦅 كان يحاول يرفع جناحه اليمين يدي إشاره لروزيل علشان تفهم اتجاه الطريق..

روزيل شافت حركة جناحه ابتسمت 😄 بدأت تحس بالأمل داخلها وتأكدت إنه فعلا زوجها نشروان وبيسمع كلامها معه وبيحاول يساعدها..

باسته في راسه 😘 شكرا يانسري الجميل لأنك بتساعدني وبتحاول تنقذني وتحميني وأنا وعد إن انا أساعدك وانقذك ونرجع بناتنا... بدأت تمشي🚶‍♀️ في الجهه اليمين من الصحراء نفس ما أشر لها..

معقوله تكون روزيل وصلت خلاص للأمان بس أيش قصه عيونها 👁 والسحر اللي بيقلوا عليه..

صح صح حتى نشروان كان يقلها في عالم الإنس سحرتني عيونش👁

أيش سر عيونش ياروزيل 🤔..
.
.


في قصر الملك ضرغام 🏰..

الكل منتصت يسمع أيش القصة..

رئيس الوزراء: طبعا أم روزيل كانت جميله جدا وعيونها أجمل 👁 عيون في منطقتها وكان الكل يتكلم ع جمالهن ومعاهم جاره معاها بنت عيونها حول كانت تحسد ام روزيل ع عيونها فقررت تفعل لها سحر علشان تخسر جمال عيونها علشان بنتها لاتجلس زاعله وسارت لعند ساحره يهوديه مشهوره في قريتهم علشان تعميها..

هجرس: 😳 اوووف ع حقد في النسوان لو قررين الإنتقام..

صوهيماء بضبح 😤: أيش تقصد

الملك ضرغام فهم ان صوهيماء قصدت نفسها بسبب كرهها لروزيل لأن نشروان فضلها عليها ودخلوا في حروب مع مملكة البحار..

حاول يغالط: أيوه أيوه كمل لنا باقي القصة..

رئيس الوزراء: كبرت البنت وهي عمياء وتزوجت وفي اليوم اللي ولدت فيه روزيل ماتت أمها وبعد فترة من الزمن الساحره تابت وقررت تدور أم روزيل ترجع له نظرها بس لما سألت عليها عرفت انها ماتت فقررت انها تعوض بنتها وتحط لها جمال عيون أمها فوق جمال عيونها 👁 بس جلس ضميرها يأنبها فحطت الساحرة قوتها اللي كانت تملكها في عيون روزيل فامتزجت عيونها بجمال أمها وقوة الساحره فمن يومها كل من شافها من بشر والا جن سلبت قلبه ❤️ وعقله..

الملك ضرغام هز رآسه: آها اذاً عرفنا السبب اللي خلى نشروان يعشقها..

رئيس الوزراء إبتسم بسخريه 😆 وهجرس والكل..

هجرس إرتبك 😅: هاااه لالا أنا ماقلتش عشقتها أنا قلت ان انا قوتي ضعفت قدامها بس..

الملك ضرغام: طيب وسحر عيونها بيأثر ع رجال الجن بس🤔 ؟؟

رئيس الوزراء: حسب معلوماتي إنه للرجال بس بدون النساء..

الملك ضرغام: وليش ماكلمتنيش من قبل؟؟؟

رئيس الوزراء: كنت أحسب إنه الفتنه في مصلحتنا علشان نكمل الحرب بس لما سار هجرس انا كنت مشغول في جزيرة السلاحف 🐢 بين احاول أبطل سحر الخاتم 💍 اللي بيحميها بس ماقدرتش لأنه طلع بيستمد قوته من نشروان نفسه وللأسف نشروان مستعد يفديها بروحه وبيضحي دايما علشانها..

الملك ضرغام: طيب وبناتها أيش وضعهن معاهن نفس القوة 🤔؟؟

رئيس الوزراء: حسب معلومات جواسيسنا أنه ماظهرتش عليهن أي علامات إلا أشياء بسيطه من قوى الجن بس بتزيد كل يوم من قوه نشروان..

الملك ضرغام خفع كرسي العرش بعصبيه 😡: طيب والحل في الوقت اللي إحنا ع حافة الإنتصار تظهر لنا هذه المخلوقه خايف تسلب عقل وقلب ❤️ هجرس وهو وريث المملكه..

صوهيماء بحقد وكره لروزيل 😠: أنا موجوده ومستعده أكل من كبدها وأسخطها أذا اديت لي الأذن..

هجرس حاول يكابر قدامهم ويثبت لهم إنها ماسحرته بعيونها 👁: أنا مستعد أقتلها وأثبت لي إني جدير بالعرش ووقتها نشروان عيزيد ضعفه بعد قتل حبيبته وأم بناته وسجن ابوه ونقدر بسهوله نقضي ع مملكة البحار 🌊..

رئيس الوزراء: للأسف ماعتقدرش تقتلها ولا تتخلص من قوة خاتمها 💍 الإ لما تقتل نشروان قبل لأنه بتستمد قوتها منه..

هجرس: أكيد شلقى حل بس إدوا لي فرصة..

الملك ضرغام: أوكي معك فرصه تتخلص منهم وتقتلهم بس لو خسرت ماعتخسرش العرش بس شانفيك من مملكه النار 🔥 للأبد..

........ ......

في الصحراء...

روزيل تعبت من كثر المشي في صحراء قافره مش مبين فيها شي إلا رمال وحرارة الشمس ☀️ قوويه بدأ العطش يتعبها ومش باقي معاها الا شويه ماء بتحاول تخبيه علشان تشرب منه النسر الأحمر 🦅 خاصه بعد ماشافت ان جروحه بدأت تتحسن وتتشافى من وقت مادخلوا الصحراء وعالم الجن..

جلست تتلفت يمين وشمال مالقيتش شي شافت من بعيد كأنه خيال شجره 🌳 بتكلم نفسها معقوله تكون شجره والا هذا سراب وبيتهيأ لي بس لو هي شجره أكيد إن جنبها ماء بتتسقى منها وتعيش بس مافيش معي امل غير إني أمشي لعندها..

كانت كل ماتمشي خطوة🚶‍♀️تتوسع خطواتها وتبعد المسافه لكنها في الأخير وصلت وطلعت شجره🌳 وجنبها...

فين التفاعل والا نوقف النشر؟

🌹meme_abdalgaleel 🌹

البـارت 11 •°

السـر المـدفون ❤️

جلست تتلفت يمين وشمال مالقيتش شي شافت من بعيد كأنه خيال شجره 🌳 بتكلم نفسها معقوله تكون شجره والا هذا سراب وبيتهيأ لي بس لو هي شجره أكيد إن جنبها ماء بتتسقى منها وتعيش بس مافيش معي امل غير إني أمشي لعندها ...

كانت كل ماتمشي خطوة🚶‍♀️تتوسع خطواتها وتبعد المسافه لكنها في الأخير وصلت وطلعت شجره🌳 وجنبها بئر ماء 😍 صاحت من الفرح أخيرا ماء الحمدلله لك يارب نزلت الدلو وسحبت الحبل وخرج ماء بارد سكبت فوق جسمها تبرد من حرارة الشمس ☀️ وبدأت تشرب منه وتشرب النسر الأحمر 🦅 وترش ع جسمه علشان يبرد من الحرارة

ولما بدأت تحس بالنشاط رجعت مره ثانيه تنزل الدلو في البئر علشان تطلع ماء سمعت صوت عالي وصرخه قوويه مفزعه من وراها لما تجمد جسمها وأطرافها 🥶 ورجمت الدلو من يدها....

أيش هذا الحظ ياروزيل فرحنا إن أمورش بدأت تعدي ع خير 😅
.
.

روزيل سمعت صوت بيصيح من وراها كيف تنجرأي لفتت والشجره قد اختفت وقدامها واحده عجوزه شمطاء 🧟‍♀️ مرعبه شعرها طويل أبيض يابس وعيونها حمراء دائريه بدون رموش وفم كبير بدون أسنان فيه نابين طويله ..

روزيل ثلج جسمها من الخوف 🥶 مسكت النسر الأحمر 🦅 بسرعه وبتحمل تشتي تهرب 🏃‍♀️ الا والشعر الأبيض يلتف حول أرجلها ويسحبها بقوه ويرفعها ويرجمها للأرض ودقت راسها بقوة ورجمت النسر من يدها ...

السعلاه🧟‍♀️ : رجعت تسحبها بقوه لعندها بشعرها وهي بتصيح كيف تتجرأي تشربي من البير حقي وتستخدمي الدلو وهو ملكي كيف تتعدي ع ممتلكاتي ...

روزيل بتبكي 😭: أنا آسفه أعتذر منش مش أنا داريه إنه ملكش أنا كنت عاطشه شربت سامحيني ..

السعلاه🧟‍♀️ لفت شعرها بقوه حول جسمها وبتحاول تخنقها من رقبتها: هذا الماء حقي وبما أنه شربتي منه مافيش معش خيار الإ إن انا أكلش وأشبع جوعي هذا أقل شي تستاهليه أنتي إنسانه حقيره تعدت ع أملاكي وبدأت تخنقها بقوه ..

روزيل بتختنق وتصيح: سامحيني حرام عليش أنا معي زوج وطفلتين 😭 حسي فيني ...

السعلاه 🧟‍♀️: ههههه يعني بكلامش هذا عتحاولي تستعطفيني وأسامحش لاتحاوليش ياغبيه ...

روزيل: أنا مستعده أسوي أي شي تطلبيه مني والوقت اللي تجي فيه عالم الإنس مستعده أدي لش أحسن اكل وشراب وأكون خدامه عندش بس لاتقتلينيش 😭😭 زوجي وبناتي في حاجتي ...

السعلاه 🧟‍♀️ فكرت شوويه 🤔: طيب ممكن نفعل إتفاق بس بشرط إذا وافقتي عليه ...

روزيل بتهز رآسها وهي مربطه بالشعر اليابس: أيووه أيوووه موافقه ع أي شي تطلبيه بس سامحيني وفلتيني ...

السعلاه 🧟‍♀️ نزلتها للأرض وبعدت شعرها المربط لروزيل

روزيل بدأت تستجمع قواها وأول شي سوته حضنت النسر 🦅 تتطمن ع صحته ...

السعلاه🧟‍♀️: انتي متأكده انش عتنفذي طلبي والا خليني أكلش لأنه الطلب حقي محد عيقدر يساعدش بعده لو تخلفيه عقابش عيكون شديد حتى لو تدخل كل الإنس والجن 👹..

روزيل حست إنه مابش معاها أي خيار غير إنها توافق مهما كان ولا إنها تاكلها وتموت وزوجها وبناتها ضايعين: خلاص موافقه ع أي شي ...

......... ........ ...........

في قصر الأميرات 🏰

الوصيفه: يولاند يامولاتي ولا راضيه تسكت بتبكي 😭 تشتي أمها وأبوها وهيلانه بتراجم كل الأكل🍱 اللي بندي لهن ...

أم نشروان: طيب حاولين تشغلنهن بأي شي خلي الجنيات الصغار يلعبين معاهن ..

الوصيفه: هذا أكثر شي مخوفهن بيحسين نفسهن في بيئه جديده وأشكال غريبه مش متعودات عليهن حتى نوعيه الأكل جديده عليهن ...

أم نشروان: طيب أنا شاحاول اتواصل مع ملهم يسأل نشروان أيش ممكن نسوي لهن وخلي مجموعه من الحراس يتسللوا لعالم الإنس يدوا لهن أكل 🍱 وألعابهن 🎮🪁 لما نخلص من هذا الوضع كلنا ..

الوصيفه: حاضر يامولاتي الآن أكلم مجموعه من الحراسه يتسللوا لعالم الإنس وأسأل البنات أيش يشتين من اكل وألعاب 🎮....

مسكينه هيلانه و يولاند في لحظات تغيرت حياتهن وكل شي عندهن مجهول وغريب ومسكينه روزيل اللي وافقت ع شرط السعلاه 😔.

ياترى إيش عيكون شرطها علشان تفلت روزيل 🤔

🌹meme_abdalgaleel

البـارت 12 •°

السـر المـدفون ❤️

في الصحراء ....

السعلاه 🧟‍♀️: لآخر مره أسالش متأكده إنش موافقة..

روزيل نزلت رآسها للأرض وتنهدت 😔 بزعل: أصلا مابش معي أي خيار غير إني أوافق أهون من الموت..

السعلاه 🧟‍♀️: طبعا أنتين يانساء البشر دايما تقلين الموت عندي أهون من إن مره ثانيه تشاركني في زوجي وطلبي أشاركش في زوجش ...

روزيل إنصدمت 😳: مااااااهو تشاركيني في زوجي...

السعلاه 🧟‍♀️: أيوه مثل ماسمعتي أشاركش في زوجش ليله واحده في الشهر بس لما يكتمل القمر 🌝 ..

روزيل خطرت ع بالها فكره بسرعه ابتسمت 😄: ايوه أنا موافقه أشاركش زوجي الإنسي مره واحده في الشهر ...

السعلاه 🧟‍♀️ إستغربت كيف رضيت بهذا الشرط: محد عيقدر ينقذش مني لو تخلفي وعدش متأكدة..

روزيل: أيووه 😁 أقبل أشاركش في زوجي الإنسي مره واحده في الشهر ...

السعلاه 🧟‍♀️ ضحكت: ههههه حاسه إنها أنتصرت خلاص يله أبعدي من هانا ولقانا يوم إكتمال القمر 🌝...

روزيل فرحت إنها اول مره تقدر تغلب جن 🧟‍♀️: خلاص ع اتفاقنا بس ممكن ازيد أشرب اروي عطشي قبل ما ارحلي ..

السعلاه 🧟‍♀️: وزيد ملي لش القاروه حقش 🍾 وارجعي بسرعه لعالمش قبل إكتمال القمر 🌝...

روزيل شربت ماء وشربت النسر 🦅 وملت القاروه وحطتها في شنطتها وبعدت عن السعلاه 🧟‍♀️ لما اختفت من قدامها ...

....... ....... .......

في قصر الملك ضرغام 🏰...

رئيس الوزراء دخل لعند الملك ضرغام: مالبالك مشغول يامولاي لحد الآن كل أمورنا مطمئنه والملك ديمان مسجون وبنخطط لهجوم قريب ع مملكه البحار 🌊 بس جواسيسنا يوافونا بالأخبار

الملك ضرغام: أنا بالي مشغول من يوم ماعرفت سحر عيون 👁️ روزيل وخايف ع هجرس مايقدرش يقاومها وهو ولي عهدي ووريثي ...

رئيس الوزراء فكر شويه 🤔: طيب مارأيك يامولاي معي فكرة أصلا صعب إن احنا نخاطر بهجرس لو يحاول يقتلها ويتعلق بها اكثر ويحبها لأنه حسب ماشفته إنها سحرته بعيونها ودخوله في هذا الباب هلاك له ولمملكتنا ...

ما رأيك نخلي واحده من الجنيات تتشكل ع صوره روزيل ويقتلها🔫 وقتها عتقوى ثقته في نفسه انه نفذ امرك وأثبت كفاءته وتخلص من عشقها وإحنا نقتل روزيل بطريقتنا ونخلي صوهيماء تتولى المهمه لأنه اكثر واحده حاقده عليها وندعمها بجنيات قويات لان سحر روزيل يؤثر ع الذكور ...

الملك ضرغام : بس كيف عنقتلها 🤔 والخاتم 💍 اللي معاها بيحرسها ...

رئيس الوزراء: خاتمها 💍 بيستخدم قوته من نشروان يعني الوقت اللي عنهجم فيه ع المملكه عنسلط اقوى الجن والمرده 👹 ع نشروان يشتتوه ويضعفوا قووته وإحنا ننفذ خطتنا وصوهيماء تقتل روزيل ...

الملك ضرغام: طيب ولو فشلت الخطه وماقدرتش صوهيماء تقتلها 🔫 كيف عنواجه هجرس وقد قتل روزيل المزيفه ويعرف إنها عايشه ...

رئيس الوزراء: مش مشكله هو داري إنها ساحره وقتها عنقله إنها رجعت للحياه بسحرها ...

الملك ضرغام : اذاً ابدأ خطتك واستدعي صوهيماء نرتب معاها ورتب لي إجتماع طارئ مع الوزراء والقاده نرتب خطه هجومنا ع مملكه البحار 🌊...

....... ...... ......

في الصحراء..

روزيل تعبت من كثر المشي🚶‍♀ والشمس الحارقه ☀️ تعبت جلست ع الأرض ومسكت النسر الأحمر 🦅 يانسري قلي أنا بين امشي ع الطريق الصح وأنت نشروان زوجي ومعك مملكه والا دخلت نفسي في مكان مابش له نهايه ..

النسر الأحمر 🦅 حرك رآسه وجناحه ولأول مره خرج منه صووت كأنه يشتي يوصلها ايوه استمري ع طريقش وإنه بيسمعها وفاهمها ...

روزيل فرحت وضحكت بصوت عالي ونسيت كل التعب اللي حصل معاها 😂: يا الله مااحلى لو تطلع نشروان حضنت النسر 🦅 بقوة وصلحت خاتمها 💍 ورجعت تمشي بنشاط وقوه ...

🌹meme_abdalgaleel

البــارت 13 •°

السر المدفون ❤️

في الصحراء .....

روزيل مستمره بتدور ع أرض الجن 👹 في الصحراء وقررت تتحدى كل شي عيواجهها بعد ماتأكدت ان النسر الأحمر 🦅 بيسمعها وبدأت صحته تتحسن ....

إبسرت من بعيد وادي فيه أشجار بس للأسف أشجار يابسه بس مافيش معها مجال الإ أنها تدخله يمكن تلقى فيه شي يدلها لمملكه البحار 🌊 بدات تستجمع قواها وهي عارفها ان قدامها تحدي جديد وبدأت تمشي لعنده 🚶‍♀️.....

دخلت الوادي وبتتلفت حولها يمين شمال 👀 يمكن تلقى شي والدنيا هدوء ولافي اي حركه مكان مهجور فجأه سمعت صوت بيصيح ساعديني أرجوك ..
تنفست بعمق واستجمعت قواها وابسرت النسر الأحمر بس هذه المره باإبتسامه مصحوبه بخوف 😅 الله يستر معانا تحدي جديد وياعالم عنعيش بعده والا نموت ...

....... ....... .......

الصوت تكرر مره ثانيه ساعديني أرجوش فلتيني يامتوحش النجده

روزيل بدأت تدور حولها وتلاحق الصوت ابسرت تحت شجره وطواط صغير 🦇 بيعض فراشه صغيره 🦋 وهي بتصيح ساعديني عيموتني ...
فكرت تهرب بس تذكرت انها كانت تتمنى أحد يساعدها قررت تساعد الفراشه 🦋 شلت حجر صغير ورجمته جنب الوطواط فلتها ياشرير ...

الفراشه🦋 هربت طارت بسرعه بعد ماطار الوطواط ..

الوطواط 🦇 هرب وطلع فوق غصن شجره حاول يخبي رآسه بس جسمه ظاهر ..

روزيل بعد ما ابسرته هرب قررت تمشي 🚶‍♀️تكمل مسيرتها سمعت صوت الوطواط مره ثانيه ...

الوطواط 🦇: ييييه أنتي بتبسريني ؟؟؟

روزيل بقلق 😅: أيووه بين ابسرك ماتشتي ...

الوطواط 🦇: ضحك هههه ياسلام وبتسمعي صوتي والكل انه لعجب عجاب 😅....

روزيل حسته مضحك من طريقه كلامه ابتسمت 😊 اول مره تحس بالراحه من حين دخلت أرض الجن وقربت لعنده: أيش العجيب في الموضوع ...

الوطواط 🦇: أصلا مدام إبسرتيني وسمعتي صوتي يعني أنتي مش من فصيلة الجن 👹 .

روزيل : أيووه أنا إنسيه من البشر .

الوطواط 🦇: إنسيه وفي مملكه الجن 👹 ماهو اللي اداش هانا ..

روزيل: قصه طويله ياصغير الجن👹 .

الوطواط 🦇 ضحك 🤣: بس أنا مش من الجن واقدر أخوف أكبر جني في الدنيا ...

روزيل ضحكت 🤣🤣: انت تخوفهم ...

الوطواط 🦇: انتوا هكذا يابشر تستخفوا بأي شي صغير وتضحكوا عليه وتفتجعوا من أي شي كبير ...

روزيل: أنا آسفه يا وطواطي الجميل 🦇بس قدلي فتره ماعد ضحكتش هكذا ...

الوطواط 🦇: بس انا مش جميل وأكره الجمال ..

روزيل: الصدق أثرت فضولي من انت ؟؟؟

الوطواط 🦇: أنا كابوس الجن أتغذى ع فزعهم وخوفهم ودموعهم والفراشه 🦋 هي احلامهم الجميله وكنا بنتنافس أنا وهي علشان نوصل لحلم جني 👹 راقد بس انتي خليتيها تنتصر وتكون حلم جميل للجني ...

روزيل بإستغراب 🤔: ليش الجن بتحلم مثلنا ..

الوطواط 🦇: أيوه بس أنا إستغربت كيف البشر يقدروا يبسرونا مع الجن مايقدروش مع ان الاحلام تحس بس محد يقدر يبسرها

روزيل: بس انا بين اقدر أبسر أحلامي

الوطواط🦇: كيف بتبسريها وعيونش 👁️ مغلقه يامكاره...

روزيل ضحكت: هههه 🤣 شكلك لطيف وظريف جدا مارأيك ترافقني في رحلتي ع الأقل احس إن أحد معي وأتكلم معه ضبحت وحدي ..

الوطواط 🦇: بس انا مش فاضي انا جاوع وبين ادور ع جني اتغذى ع كابوسه ...

روزيل: طيب ما رأيك أبكي لك 😭 عتشبع مدام تحب الحزن ..

الوطواط 🦇: ماقد جربتش اتغذى ع بكاء وحزن انسيه بس انتي جميله اكيد عيكون بكاش مشبع ولذيذ ...

روزيل: خلاص ولايهمك بس رافقني في رحلتي وشحكي لك قصتي الحزينه 😔 اكيد عتشبع ...

الوطواط 🦇: خلاص موافق بس بشرط تسميني الكابوس المرعب العظيم ..

روزيل ضحكت 😂: ماشي شاسميك الكابوس بس ...

بدات روزيل تمشي🚶‍♀️ وهي فارحه ان معها صديق يؤانسها في رحلتها ويخفف عنها الخوف وبدأت تحكي له قصتها ....

الوطواط 🦇: خلاص يكفي قصتش حزينه شبعت شكرا وماشتركش أبدا قصصكم يا انس تافهه بتزعلوا ع اشياء بسيطه وسهله الهضم ...

روزيل: يعني كل اللي حكيته لك والاهوال والمخاطر بالنسبه لك تافه 😅 مافيش شي فيه يستاهل ...

الوطواط 🦇: إلا الشي الحزين فيه فقدش لزوجش وبناتش ...

روزيل وطت رآسها لعند النسر الاحمر 🦅 بتبسره: صدقت هذا أصعب شي بالنسبه لي..

اخيرا روزيل لقيت حد يساعدها ويوانسها 😁

🌹meme_abdalgaleel

البـارت 14 •°

السر المدفون ❤️

روزيل تعبت من المشي🚶‍♀️وقفت تشرب ماء وتشرب النسر الأحمر 🦅 لفتت للوطواط 🦇 ياكابوس عاطش تشتي تشرب..

الوطواط 🦇 ضحك: هههه قلت لش أنا بين اتغذى ع الحزن كيف أشرب بس انتي كيف بتاكلي أكيد قد انتي جاوعة..

روزيل مسكت بطنها 😅: جاوعه قوي بس مافي اليد حيله هذه ارض قاحله لازم اتحمل لما أوصل أرض الجن بسرعة علشان أنقذ زوجي..

الوطواط 🦇: أنتي أصلا في أرض الجن 👹 قصدش تشليه لقلعه الملك ديمان 🏰 أبوه..

روزيل بإستغراب 🤔: بس كيف في أرض الجن ومابش بيوت للجن ولا بين ابسرهم يعني هم مخبايين..

الوطواط 🦇: ابسري الجن هم قبايل وكل قبيله عايشه في منطقه فيها بيوت وقصور وقلعه كبيره🏰 للملك محاطه بأسوار عالية والحراسه القويه من أشد انواع العفاريت 👺 اسمهم العفاريت الحارسه اللي ممكن تلقيهم خارج هم الجن المطرودين والمنفيين من مملكتهم وممكن تلقي بعض التجار والصيادين اللي بيخرجوا للعمل..

روزيل: طيب فين هي قلعه الملك ديمان 🏰 قريبه والابعيده من هانا؟؟

الوطواط 🦇: مش مشكله البعد والقرب المشكله كيف عتقدري تدخليها اصلا..

روزيل: نشروان معي يعني اكيد الحراسه عتفتح لي..

الوطواط 🦇: انا ما اعتقدش حاسس إنش عتخاطري بنفسش وفيه بس..

روزيل: طيب قدامك حل ثاني أقدر أسويه مابش معي وقت أشتي أوصل بسرعه علشان انقذه..

الوطواط 🦇: للأسف مابش..

روزيل: طيب خلاص ساعدني وشلني للقلعه وبعدها عنفكر في طريقه ندخل بها..

بدأت تمشي🚶‍♀️والنسر الأحمر 🦅 في يدها بعد ماتحسنت صحته اكثر بعد مادخلوا أرض الجن ومعاها صديقها الوطواط 🦇 اللي بيوانسها ويخفف عليها تعب الطريق لما وصلوا لعند جسر طويل 🚟 معلق في الهواء مش باين له نهايه..

الوطواط 🦇: قلعه الملك ديمان 🏰 نهاية هذا الجسر..

روزيل: طيب كيف الطريق أمان 😅..

الوطواط 🦇: اصلا مابش معش أي خيار ثاني غيره كيف ماكان..

روزيل رفعت حواجبها 🤨: مااشتيش أبسر اي جني .. بسم الله نبدأ حضنت النسر الأحمر بقوة 🦅 وبدأت تمشي مراعيه إنها توصل بسرعة..

........ ........ ........

في قصر الملك ضرغام 🏰..

الملك ضرغام جالس في عرشه بيفكر ويخطط 🤔 في الطريقه اللي عيهجموا فيها ع مملكة البحار 🌊 وبيفكر يحبس الملك ديمان في منطقه بعيده يخرجه من مملكه النار 🔥 ويكثف عليه الحراسه علشان يستخدمه ورقه ضغط ويتفاوض عليه..

رئيس الوزراء دخل عليه وملامحه كلها قلق😰: كيف حالك يامولاي..

الملك ضرغام: مال القلق في وجهك أيش حصل؟؟

رئيس الوزراء: كارثه يامولاي مش بدأنا ننفذ خطتنا وبدأنا نقنع هجرس أن الخاتم 💍اللي لابسه له روزيل مابش منه فايده وان نشروان أصلا ضعيف بعد مارجع للملكه بسبب سجن ابوه والهجوم اللي شنته رجالنا عليه..

الملك ضرغام فاتح عيونه 😳: أيوه ماحصل..

رئيس الوزراء: رسلت واحد من الجن لأرض الإنس يتنكر في شكل نشروان علشان يخطف روزيل ويديها لعندنا تقتلها صوهيماء دورها في كل أرض الإنس ومابش لها أي أثر ولما رجع أرضنا مر من عند السعلاه 🧟‍♀️ وقالت له إن في إنسيه دخلت أرضنا ومعاها نسر أحمر 🦅 كبير..

الملك ضرغام خفع الكرسي بيده 👊 وقام بغضب 😡: هذا مستحيل كيف دخلت هذه الإنسيه أرضنا ومحد إنتبه لها ومن هذا النسر 🦅 فين جواسيسنا..

رئيس الوزراء: جواسيسنا متمركزين حول قلعة الملك ديمان 🏰 وبيحاولوا يدوا لنا أي اخبار بس ع الأغلب إذا ماخاب ظني أن النسر هذا هو نشروان تحول لما هجمت صوهيماء ع روزيل ينقذها وهو الآن مجروح بعد المعركة..

الملك ضرغام: آااااها وهي رجعته لأرض الجن 👹 علشان يتعافى يا أما هذه البنت قويه ومجنونه تخاطر هكذا او انها ساحرة عظيمة..

رئيس الوزراء: انا حاسس إن هذه فرصتنا وإنها جت برجلها لعندنا علشان تسهل علينا المهمه لو رسلنا رجالنا يمسكوها وقتلنا نشروان لأنه مجروح خاتمها 💍 عيفقد قوته ونقدر نقتلها بعد نشروان وبهذه الطريقه عنقتل آخر ولي عهد لمملكه البحار 🌊 بدون مانخسر اي جندي من جنودنا ولا ندخل في اي معركه وعتستسلم قبيلته كلها بالكامل بعد قتل نشروان وسجن الملك ديمان وبعدها نذل الملك ديمان ونتخلص منه..

الملك ضرغام إبتسم إبتسامه شريره 😁: انت فعلا صديقي المخلص والوفي أبدأ بإرسال أقوى الجنود يقبضوا عليها ويتخلصوا من نشروان..

رئيس الوزراء: قد رسلتهم بالفعل رسلت ٣٠٠ جندي وامرتهم يقتلوها بدون محد فيهم يبسر عيونها 👁️ ووعدتهم اللي عيقتلها عيتعين منصب كبير في الدولة ومعه جايزه كبيره ومبالغ مالية..

الملك ضرغام: طيب وهجرس كيف عنسوي معه 🤔..

رئيس الوزراء: قد بدأت تحركاتي وأمرت جني من جنودنا 👹 يسير لبيت روزيل في عالم الإنس ويتشكل في صورتها ويرقد في سريرها وشطلب من هجرس يسير يقتلها 🔫..

الملك ضرغام: طيب ولو يكتشف هجرس خدعتنا..

رئيس الوزراء: ماتقلقش من هذه الناحيه لأن انا شاسير معه علشان أساعده في قتلها ويتخلص من سحرها وترجع له ثقته بنفسه..

الملك ضرغام إبتسم 😁: فعلا أنت نعم الأخ والسند..


🌹meme_abdalgaleel

البـارت 15 •°

السـر المـدفون ❤️

اخيرا بدأت أسوار القلعه 🏰 تبان نهاية الجسر ....

روزيل فرحت 😍: أخيررررررا وصلت ذلحين يرجع نشروان لقصره ويتعافى وأبسر بناتي خلاص مابش حاجه تمنعني وشفعل المستحيل ادخل ..

كانت القلعة 🏰 نهاية الجسر قلعه ضخمه محاطه بأسوار عاليه وباب كبير ضخم أول وع جوانب الباب حراس من العفاريت 👺 شكلهم مخيف وأجسامهم ضخمه..

فجأة بدأ الجسر 🚟 يهتز بقوه بطريقه عنيفه مخيفه وأصوات مزعجه وعاليه ...

روزيل إفتجعت 😰 ومسكت النسر🦅 بقوة بتبسر قدامها الحراس ماتحركوش من مكانهم وبتلفت وراها الدنيا كلها ضباب 🌫 ...

بدأ جسمها يرجف 😰: ياربي ماهو هذا انا قلت خلاص وصلت..

الوطواط 🦇: لحظه انا شبسر لش ماهي هذه الأصوات... إرتفع ونزل بسرعه روزيل أهربي بسرعه هذولاء جن 👺👹 اعدادهم خيرات وشكلهم غاضبين قوي بيلحقوش وهم من قبيله النار 🔥 القبيله المعاديه لنشروان ...

روزيل حست جسمها كلها دخن وعرق من الخوف 😓 وحست هذه المره بالخطر الأكيد لو يمسكوها ماعتموتش هي بس عيموت نشروان وقبيلته بالكامل..

زاد الإهتزاز وبتسمع أصواتهم قربت منها وسمعت صوت بوق 📯 في السماء من احد حراس القلعه🏰 اللي كان فوق السور وبدأ واحد من الحراس اللي في الباب يتحرك لعندها صح المسافه عادهي بعيده بس بدأ يتحرك للجسر ...

روزيل فرحت: الحمدلله عيساعدنا أكيد لو أصيح عيسمعني وينقذني حطت يدها جنب فمها وبدأت تصيح وترفع صوتها بقوه 😱 ساعدني بسرعة أنا روزيل زوجة نشروان ونشروان معي مجروح ساعدنا بسرعه الجن 👹بيهجموا علينا ...

الحارس بيخطى بكل قوه لكن للأسف ماسمعش 🦻 صوت روزيل مسك الجسر بيده الضخمه وهزه بكل قوته ونفضه بقوه لما طار كل اللي كانوا فوقه من جن 👺 وعفاريت..

روزيل طارت وفلتت يدها والنسر الأحمر 🦅 فلت منها بتبسره بينكع وتبكي 😭 غمضت عيونها من الخوف من أشكال الجن 👹 و بتصيح بأقوى صوتها سامحني ياحبيبي حاولت أساعدك لآخر لحظه خلاص هذه نهايتي....

الجن 👺 والعفاريت اللي نكعوا معها خرجت لهم اجنحه بيطيروا ويتسابقوا ويتضاربوا من اللي يمسكها فيهم علشان يشل المنصب والجايزه ...

واحد من الجن 👹 مسك روزيل وطار بس لحقه جني 👹 ثاني بسرعه وضربه في راسه بمطرقه 🔨 ورجعت روزيل تفلت وتطير من جديد وهي مغمضه عيونها 👁️ كان اللي حولها كأنهم قطيع من الذئاب 🐺 لقيوا فريسه وكل واحد فيهم بينهش من جهة..

........ ........ .........

بعد لحظات بدأت الأصوات تهدأ وتختفي وهي بتهوي وعيونها جالسه مغمضه 👁️ سمعت صوت ريح حولها وحست بشي مسكها بتحاكي نفسها خلاص مسكوني شاموت ....

هذا شكله جني كبير 👹 مسكها ووقف فالهواء بدون حركه وجلست معلقه فالسماء ..

روزيل برعب ورعشه 😰: ماحصل لي اين انا يارب ماله وقف بي والأصوات كلها سكتت فين الجيوش اللي كانت موجوده حاولت تفتح عيونها 👁️ ببطء تحاول تبسر وهي مرعوبه واول ما فتحت عيونها وابسرت قدامها صاااااااحت بقوه ورجعت تغمض عيونها ......

ليش صاحت هكذا أيش إبسرت 🥺🥺 مسكينه روزيل دخلت عالم مش عالمها ....

.
.

روزيل بعد مافتحت عيونها 👁️ صاحت بقوووه نشرروواااااان نشرووووان أخيرا فاق حبيبي وزوجي فاق من اللي كان فيه ينقذني شكرررا يارررب وبدأت تحضنه بقووه وتحط رآسها ع صدره وهي بتبكي 😭 نسيت في هذه اللحظه ان زوجها جني 👹 لأنه فاق بنفس الشكل اللي متعوده عليه بس معاه جناحين كبيره ونسيت العفاريت والجن 👺 اللي حولهم اول مره تبسر نظرة الغضب والشر 😡 هذه في عيونه وهو بيبسرهم..

حط يده ع راسها ومسح ع شعرها وقلها الآن دورش ترتاحي ياحبيتي عانيتي خيرات خلي الباقي عليا أنتي إهدئي وأوثقي فيني بدأت تغمض عيونها 👁️ بدون إدراك وغابت عن الوعي ...

نشروان لفت للجن وعيونه كلها شرر😈 وكأنه هو اللي محاوطهم مش العكس هجم ع الجني اللي ماسك المطرقه 🔨 سحبها منه وعصرها بكل قوته وخفعه في عيونه لما تطاير الدم 🩸 منها ورجمه للأرض..

بدأت الجن والعفاريت 👺👹 تهجم بسرعه قويه ع نشروان تشتي تقتله ...

نشروان إرتفع بسرعه وطار ومد يده بسرعه بإتجاه القلعه 🏰 وبسرعه حاجه كانت بتطير وصلت ليده كان سيفه 🗡 اللي توارثه من أجداده وفلته لما نفوه من المملكه بعد زواجه من روزيل كان السيف 🗡 مصنوع من البلور كأنه ثلج وحوله رعد أزرق🌩 هذا السيف أقوى سيف في مملكتهم إسمه السيف الصاعق ...

أول ما إحتطت السيف 🗡 في يد نشروان إنتفضوا الجن👹 وكان كهرباء مسكتهم بدؤوا يتطايروا في كل جهه ويهربوا مابقيش منهم الإ جني واحد بس إسمه الأجهش ...

الأجهش...


🌹meme_abdalgaleel 🌹

البـارت 16 •°

السـر المـدفون ❤️

الأجهش.. جني أبيض 👻 وشعره أبيض طويل جني خطير وقوي سموه بالأجهش لأنه يخلي عدوه يجهش بالبكاء 😭 قبل مايقتله وقالوا انه بيستخدم هذه الوسيله من العذاب لأنه جلس يبكي ع عشيقته سنة متواصله بعد موتها كان من جن الصعاليك منفي من كل المماليك مابش معه قبيله وكان معه سيف مرن مربوط نهايته بخيط كأنه سنارة سلاح قوي وخطير 🦯....

نشروان صيح بقوه 😠: اجهش ليش جالس أنت مش من قبيلتنا يله أخرج الآن ....

الأجهش 👻 ضحك بسخرية: خخخخخ كيف أخرج بدون ما اشل هذه الإنسيه الملك ضرغام ورئيس الوزراء حطوا جائزه كبيرة ومغريه للي يدي راسها..

نشروان تأكد انه الأجهش👻 ناوي ع معركة وماعيتنازلش بسهولة ولازم يقتله قبل مايقتل روزيل حضن روزيل ونزل بها حطها عند باب القلعه 🏰 بس الأجهش لحقه ...

وقفوا الاثنين قدام بعض وجه لوجه وبدأ السكون والهدوء حولهم..

....... ....... .......

في عالم الإنس..

رئيس الوزراء وهجرس وصلوا عالم الإنس وصلوا بيت روزيل 🏠 ودخلوا غرفتها لقيوها راقده فوق سريرها 🛏 طبعا روزيل المزيفه حسب الخطة..

رئيس الوزراء: هيا ياهجرس إمسك الرمح هذا 🏹 واقتلها واثبت لأبوك للملك ضرغام أنك قد ثقته وإنك ماتأثرتش بسحر هذه الإنسيه اثبت له إنك كفؤ تكون وريث لعرشه..

هجرس مسك الرمح 🏹 ووقف جنب السرير 🛏 قرب لعند راسها بيتفرجها 😍: يا الله ما احلاها وماأجمل ملامحها فعلا سحرتني ياريت لو تفتح عيونها 👁️ ابسرهن مرة ثانية...

رئيس الوزراء بقلق 😰 لو تنكشف الخطه: يله ياهجرس بسرعة إقتلها معانا أعمال كثيره لازم نرجع بسرعة..

هجرس بدأت يده ترتعش وبيرتجف 😓 مش قادره يقتلها نكع الرمح 🏹 من يده ...

رئيس الوزراء شل الرمح 🏹 من الأرض بسرعة وطعنها في صدرها..

هجرس زعل وعيونه امتلت بالدموع 🥺: ليش فعلت هكذا كنت عتخليني ابسر عيونها 👁️ حتى لو لآخر مرة..

رئيس الوزراء: كان لازم نقتلها مابش وقت وعنقول لأبوك إنك اللي قتلتها يله نرجع...

هجرس خرج وهو زاعل 😢 ووجهه اصفر وبيرتعش مقهور ع روزيل..

رئيس الوزراء مسكه بيده ع كتفه: حاسس بوجعك لأنه مافيش لحظه أصعب ع العاشق لما تموت حبيبته خاصه لو ماتت برمحه 🏹 بس كان لازم تموت والا عتخسر العرش ونخسر حربنا...

هجرس بعد يده وطار بسرعة وملامحه كلها زعل وحزن 😭 ودموعه بتنزل وصل قصره وغلق ع نفسه في جناحه..

........ ......... ........

في مملكة البحار 🌊

نشروان أمر جنود من حراس القلعه 🏰 بحماية روزيل ووقف يواجه الأجهش اللي كان متحديه بأقوى قوته ومراهن ع خسارته لأن جروحه ماقد التأمت..

رفع نشروان السيف 🗡 للسماء وبدأت تتجمع حوله السحاب 🌩 وترعد والسيف يستمد قوته من الرعود..

الأجهش 👻 مسك سيفه السناره 🦯 وبيدوره في السماء وتجمعت حوله زوبعه 🌪...

نشروان وجه سيفه مع الرعود 🗡 الزرقاء بإتجاه الأجهش..

الأجهش واجهه بسرعه بالزوبعه 🌪 تصد الرعود الزرقاء..

انصدمت الرعود بالزوبعه وزادت كثافتهن وبدأت الزوبعه تدور بشكل جنوني مع رعود متطايره..

نشروان ارتفع بسرعة للسماء ووجه السيف 🗡 والرعود للأجهش..

برغم قوة نشروان بس خبرته كانت أقل من الأجهش في القتال بسبب بعده عن المملكه والحروب وقلة خبرته في القتال وكمان جروحه المصاب بها..

الأجهش رجم سنارته بإتجاه الزوبعه 🌪 وسحبها بسرعه ورجمها بإتجاه روزيل..

نشروان إفتجع روزيل وطار بسرعة لعندها يشتي يمسك الزوبعه🌪 قبل ماتوصلها..

الأجهش رجم سنارته 🦯 وعلقها في رقبة نشروان في مكان جرحه وبدأ يسحبه وهو بيضحك 😁 بقوه لما سحبه لعنده

نشروان بدأ الدم ينزف🩸 من رقبته والزوبعه 🌪 قربت من روزيل رفع سيفه 🗡 واطلق رعده 🌩 منه علقت الزوبعه في السيف وبيسحبها لعندهم لما نكعت فوقه وفوق الأجهش وصعقوا الاثنين وتكهربوا من الرعود وافتكت السناره🦯 من رقبته ونكع للأرض...

وقف بسرعة وجسمه ملان رعود وكهرباء من البرق وجرحه بينزف🩸 مسك سيفه 🗡 بيتلفت حوله يمين شمال بسرعه بيدور الأجهش بس ولا عاد له أثر أختفى مع الزوبعه صيح نشروان لنا لقاء يا اجهش.. حاول يهدأ وطار بسرعه لعند روزيل خرج قاروره الماء الاي في شنطتها وبيرشها ع وجهها ويشربها..

روزيل فتحت عيونها 👁️ ..

نشروان إبتسم 😍: الله مااحلى عيونش كم وحشتني أخيرا نجحتي انتي في بر الأمان ياشجاعتي الجميله..

روزيل تنهدت بقوة وبكيت 😭: كنت حاسه إنها نهايتي ليش كذبت عليا كل هذه السنين..

نشروان مسك يدها وباسها 😘 حاول يهديها: طيب ممكن الآن تنسي كل شي وترتاحي وعنتكلم وأشرح لش كل شي..

روزيل: بناتي فين هن إشتي أبسرهن وحشني قووي..

نشروان: البنات بخير لاتقلقيش عليهن هن في أمان وعليهن حراسه..

روزيل: خلاص يله هيا نسير نديهن ونرجع كلنا لعالم الإنس مااشتيش اجلس في هذا العالم المرعب..

🌹meme_abdalgaleel

البـارت 17 •°

السـر المـدفون ❤️

روزيل: خلاص يله هيا نسير نديهن ونرجع كلنا لعالم الإنس مااشتيش اجلس في هذا العالم المرعب..

نشروان حضنها بقوه 😔: سامحيني بس الرجعه الآن صعبه ماشقدرش حتى انتي ماعترجعيش لأن رجعتش خطر عليش انتي الآن مكشوفه بالنسبه لأعداءنا ويشتوا قتلش لأزم تجلسي تحت حمايتي..

روزيل: خلاص شتحمل وأصبر معك وأجلس معك بس توعدني أول ماتكمل مهتمك نرجع لعالم الإنس يله ندخل القلعه🏰 اشتي ارتاح تعبت..

نشروان ضحك 🤣: بس انا خايف عليش من اشكال الجن 👺 والمناظر اللي عتبسريها داخل القاعه ...

روزيل: اسهل عادي انا قد قلبي تعود وقد انا قوويه 💪 من اللي حصل معي..

نشروان إبتسم 😁: مااحلى الشجاعه حقي بس انتي ماقد ابسرتي شي الجن 👺👹 أشكال وأنواع منهم السود والبيض والشقر واللي ع شكل اسود وضباع وحمير وسباع واللي معم انياب واللي قرون وأشكال مرعبه واللي يمشي ع اربع واللي معه جسم اسد وراس فيل واللي نصه كلب ونصه ثور وأشياء مرعبه قوي وانتي رقيقه ماتقدريش تتحملي هذه المناظر..

روزيل فكرت شويه 🤔: امممم خلاص معي فكرة سحبت الربطه اللي ربطت بها جرحه وغطت بها عيونها 👁️ خلاص عتكون انت عيوني اللي شبسر بهن يانور عيوني..

نشروان ضحك وباسها في جبهتها 😘: يا الله مااحلاش امس كنتي تفتجعي وتصيحي لو قلت لش اي شي يخص الجن واليوم جيتي بنفسش عالم الجن وعتعيشي بينهم..

روزيل تنهدت: غصب عني ماقدرتش اتحمل فكرة إني اخسرك وتبعد عني أنت وبناتي..

نشروان: يله ندخل القلعه ترتاحي وتبسري البنات ويطمن قلبش ❤ حضنها وطار بها ..

فتحت ابواب القلعه 🏰 اخيرا ودخل نشروان وروزيل معه رابطه عيونها مغطيه لهن 👁️...

........ ........ .......

في قلعه الملك ديمان 🏰..

في جناح نشروان..

روزيل بعدت الرباط من عيون تبسر بناتها بعد ما امر نشروان الجنود يدوهن لعندها.. كانت تحضنهن وتبكي 😭

هيلانه: ياماما ليش فلتيني كنت ابكي اشتي عندش

يولاند جالسه تتقفز وتطير وتحضن امها

روزيل إبسرت بنتها بتطير لأول مره لفتت لنشروان بضبح 😤: حتى بناتي هكذا يووه لو اقدر اقتلك لا اقتلك كيف قدرت تفعل هكذا وتخدعني

نشروان ضحك هههه 🤣 ييحانكها: للأسف ماتقدريش لأن حبي ❤️ سيطر على قلبش وخلاش تدخلي هذا العالم تنقذيني 🤪

روزيل كان جنبها وساده رجمته وابتسمت 😊: لاتفرحش خيرات لأن حسابك ثقيل بس مراعيه ترتاح وتتشافى جروحك وتحكي لي كل شي يالتفصيل

نشروان إبتسم😆 واشر للجواري بعد ماطلب من كل الجواري والحراس حول جناحه أن يتشكلوا باشكال لطيفه علشان روزيل لاتخافش

الجواري: امرك سيدي

روزيل: أهتموا بسيدتكم والأميرات الصغيرات تعبت خيرات هذه الفتره

الجواري حضنوا البنات وشلين روزيل معاهن دخلنهن حمام 🛀 مائه دافي ينزل من شلال عذب وبعد ماخرجت روزيل من الحمام لبسنها فستان حرير ابيض ناعم ومشطين شعرها ولبسنها تاج مرصوص كله من اللؤلؤ 👑

روزيل جلست ع سرير كبير ومريح مغطى بالحرير 🛏 وبتحضن بناتها وتلعب معاهن

نشروان بيتفرجهن بفرحة وإبتسامه 😍: ما احلى لمتنا الله لايحرمني منكن

روزيل ابتسمت😊 له وغمزت له بعيونها 👁️: ويخليك لنا

نشروان امرهم يدوا لهم الاكل اللي متعوده عليه روزيل وتحبه في عالم الإنس

بعد ماكملوا ياكلوا وارتاحوا

روزيل حطت راسها في حضن نشروان وبتحكي له كل اللي حصل معها من اول ما أصيب بجروح وكانت شاكه انه النسر الأحمر 🦅 وقررت تنقذه وتخاطر ودخلت من تحت الشجره والحيه والشق والدلهاب وكيف خدعت السعلاه وصاحبها الوطواط كابوس

نشروان حط يده ع شعرها: مسكينه ياحبيتي كم واجهتي انا كنت معش وحاضر كل هذا وكنت ميت رعب عليش بس شكلش بدأتي تهذي من التعب ومن المناظر اللي ابسرتي لأنه مابش حد اسمه كابوس

روزيل قامت جلست وبضبح 😤: ماقصدك بين اهذي

نشروان: يمكن هذا الشي في خيالش بس من كثر الخوف لأنه مابش وطواط اسمه كابوس في عالم الجن

روزيل: إلا به بس هو قلي ماتقدروش تبسروه انا اقدر ابسره بس هو اللي بيدي لكم الكوابيس ويتضارب هو والفراش 🦋

نشروان بإستغراب 🤔وفراش والكل 🦋: خلاص انتي حاولي الآن تهدئي وترقدي شوويه

روزيل زعلت 😔: يعني قصدك ان انا مجنونه بين اخرف صح

روزيل رفع راسها بيده: لا ياحبيتي بس البشر مايقدروش يتحملوا المناظر اللي يبسروها ولا هم متهيئيين لرؤية الجن بعضهم بيموت وبعضهم بيجنن وأنتي اكيد من اللي ابسرتي عقلش اخترع هذا الشي علشان تنسي وتصبري نفسش قومي الآن ارتاحي وارقدي وعنتكلم بعدين ع الوطواط أنتي الآن في امان ارقدي براحتش بدون اي خوف

روزيل مسكته: فين عتسير لاتفلتنيش

نشروان: لازم أجتمع بالوزراء ونستعد للحرب وننقذ أبي لاتخافيش ارتاحي انتي والبنات الغرفه محد يقدر يدخلها غيري وعليها حراسه شديدة..

عوضتكم😊..اذا في تفاعل قوي بزيد انزل لكم بارت

🌹meme_abdalgaleel

البـارت 18 •°

السـر المـدفون ❤️

بعد ماخرج نشروان روزيل حضنت بناتها وحاولت تغمض عيونها 👁️ بترفع راسها لفوق ابسرت صديقها الوطواط كابوس معلق فوق الشمعدان مسحت عيونها بيدها تتأكد بس كابوس كان معلق وطار لعندها ووقف جنب راسها...

ذلحين من الصح نشروان والا روزيل كابوس موجود ونشروان مايقدرش يبسره والا روزيل عقلها ضرب وبدأت تتخيل من كثر ما شافت 🤔 الله يستر ..
.
.

روزيل فرحت إنها إبسرته 😁: كابووس صديقي فين اختفيت..

كابوس: شليت قسط من الرآحه لأن انا كنت تاعب بعد مادخلت مخيلة نشروان وأزعجته بكابوس مزعج يخوفه قوي علشان يفوق من غيبوبته..

روزيل ضحكت 😁: يعني انت اللي فوقته وهو اصلا مش مصدق إنك أصلا موجود قال أنا بين اجنن ههههه..

كابوس: هم هكذا الجن👹 مايصدقوش إنه به كوابيس بيحسبوا محد مرعب إلا هم بس مااحلاش أنتي وبناتش أخيرا لقيتيهن اول مره أتمنى لو كنت فراشه🦋 أهديكن أحلام حلوة..

روزيل: شكرا لك أحلى حلم لي هو اللي وصلت له إن انا أنقذت زوجي وبناتي الآن في حضني أكيد إنك تاعب مثلي مارأيك تجي ترقد وترتاح..

كابوس: فعلا محتاج ارتاح قووي قد أستنفذت كل طاقتي في كابوس نشروان نزل ورقد جنب روزيل وبناتها ع السرير 🛏..
.
.

في قاعة العرش..

نشروان جالس ع العرش ومجتمع بكبراء الوزراء: من الجن 👹 والمقاتلين..

كبير الوزراء أخزم: سيدي قلقنا عليك قووي ليش خاطرت بنفسك واديت هذه الإنسيه لعالمنا..

نشروان: قصدك هي اللي رجعتني لعالم الجن 👹 ولولاها إن انا مت ومحد قدر ينقذني هي خاطرت بنفسها ورجعتني والا كنتوا عتفقدوا أميركم..

أخزم 👹: بس ياسيدي جميع الجن في المملكه مستنكرين وجودها وخاصه انها شلتك من دولتنا وبعت العرش علشانها والكل بيقل إنها ساحرة والدليل إنها سحرتك..

نشروان: ماتشغلوش أنفسكم في مواضيع خاصه فيني المهم إن انا رجعت خلونا في أمور المملكه ونرتب وضعنا ونجهز خطه ننقذ فيها الملك ديمان ونستعيد قوة مملكتنا..

ملهم.. طبعا تتذكروا ملهم 😅 صديقه الوفي من الطفوله اللي قله خبر سجن الملك ديمان وهجوم صوهيماء ع روزيل.. كان قووي وذكي جدا: طبعا يامولاي وضعنا سيئ جدا خاصه بعد هجوم الملك ضرغام 👹 وجنوده وقتلوا عدد كبير من جنودنا كل اللي معانا الآن ١٠٠ ألف جندي بس يعني أي معركه ندخلها عنخسرها مقابل عدد جنود الأعداء..

أخزم نزل رآسه بزعل 😔: للأسف ياسيدي اي معركه عندخلها عنخسرها ونخسر الجنود الباقيه أو نستسلم ونسلم المملكه..

نشروان بعصبيه 😠: أنت فاهم الكلام اللي بتقوله أيش يعني نستسلم يعني قتلي وقتل الملك ديمان وكل الوزراء والجنود يكونوا أسرى عندهم وكل قصورنا 🏰 وكنوزنا تكون ملكهم صح هم عددهم كبير بس إحنا مع الذكاء والقوة..

أخزم: أصلا لما غبت عنا يامولاي إجتمعنا وقررنا نستسلم خفنا إنك ماترجع قلنا نستسلم أهون من القتل..

نشروان خفع الكرسي ✊️: بعتوني في يوم واحد غبته شوية حمقى وأغبياء..

ملهم بنظرة غضب ل أخزم 😡: تكلم عن نفسك يا أخزم المجلس ماوصلش لقرار هذا كان اقتراحك بس..

أخزم: بس هذا الواقع دخولنا معركة جديدة جنون عنموت كلنا.. الاستسلام الحل الوحيد نضمن انه نبقى أحياء..

نشروان لفت لعنده بضبح 😤: اذا تشتي تستسلم إستسلم أنت وعايلتك واللي يشتي منكم يستسلم ما شامانع أنا عن نفسي شاقاتل لآخر لحظه في حياتي يا أما أنتصر أو أقتل..

أخزم حس بالحرج 😅: أنا روحي لك فداء يا مولاي بس قلت احطك في الصوره وأطلعك ع الوضع..

نشروان: أنا داري أن عددهم أكبر بس لازم نفكر 🤔 في حيله وخطه مدروسه ونستخدم المراوغه وننتصر..
........ ......... .........

في مملكة النار 🔥

رئيس الوزراء دخل ع الملك ضرغام وبيحكي له ماحصل وان هجرس قتل روزيل المزيفه بس الجنود والعفاريت 👹👺 اللي رسلوهم يقتلوا روزيل الحقيقيه فشلوا وهربوا بعد مافاق نشروان من غيبوبته..

الملك ضرغام 😡 حمر وجهه ولمع الشرر من عيونه: أنا طال صبري انت وخططك الفاشله أنتهى الأمر إقرع طبول 🥁 الحرب عنهجم على مملكه البحار 🌊 الصبح..

رئيس الوزراء: بس ياسيدي ..

الملك ضرغام قاطعه: لازم نهجم ونباغتهم لأن جيشنا مستعد ونشروان ضعيف ماقد التأمت جروحه وعددهم قليل ...

رئيس الوزراء: إحنا خلينا جواسيسنا تنشر خبر ان روزيل ساحره علشان نشق الصف وسط جنوده وانه وجودها بينهم خطر علشان يقلبوا عليه...

الملك ضرغام: حلو إستمر.. بس فين هجرس بلغه يستعد للهجوم وصوهيماء..

رئيس الوزراء: صوهيماء 🐈‍⬛ مستعده في اي لحظه لأن الأنتقام مسيطر عليها لكن الخوف من هجرس مغلق ع نفسه في جناحه من زعله ع روزيل..

الملك ضرغام: لاتقلقش عيفوق من صدمته سير لعنده قله انه عيقود المعركه بنفسه وحول زعله لحقد وغضب😡 ع نشروان يقتله وانا شحضر المعركه معه بنفسي..

رئيس الوزراء بإستغراب 😳: ...

🌹meme_abdalgaleel

البـارت 19 •°

السـر المـدفون ❤️

الملك ضرغام: لاتقلقش عيفوق من صدمته سير لعنده قله انه عيقود المعركه بنفسه وحول زعله لحقد وغضب😡 ع نشروان يقتله وانا شحضر المعركه معه بنفسي..

رئيس الوزراء بإستغراب 😳: ليش تحضر بنفسك خطر عليك لازم تكون في المملكه تحميها...

الملك ضرغام: أنا شحضر أشتي أقتل روزيل بنفسي اذا فشلت صوهيماء لأن قوة الفأس الأسود 🪓 محد قدر يوقف ضدها لليوم..

رئيس الوزراء: امرك مولاي وشطلب من جواسيسنا اللي في مملكة البحار 🌊 يعلنوا استسلامهم وسط المعركه نهبط عزيمة نشروان ان جنوده بتستسلم ويحس إنه ضعيف...

بدأت جيوش وجند مملكة النار 🔥 ترتب وضعها وتجهز أسلحتها وتستعد للهجوم في الصباح الباكر ع نشروان ومملكته الله يستر ...
.
.

في مملكة البحار 🌊...

روزيل كانت حاضنه بناتها وفي عز نومها اخيرا رقدت بهدوء 😴 نكزت ع صوت طبول 🥁 افتجعت..

نشروان دخل بسرعة🏃 لعندها والبنات يطمنهن..

روزيل بقلق 😥: ماهو هذا قد فرحت انه شقدر ارقد واهدأ..

نشروان بيحاول يهديها: إهدئي ياحبيبتي هذه طبول 🥁 الحرب ماكنتش متخيل إنهم عيعلنوها بهذه السرعة..

روزيل مسكت يده 🤝: طيب وإحنا جاهزين للحرب..

نشروان إبتسم وإبسرها بنظرة حب😍: ماقلتي إحنا... مااحلاش إتأقلمتي بسرعه ع عالمنا اللي كنتي مفتجعه منه..

روزيل وطت رآسها 😊: ما اسوي مابش معي خيار ثاني انت زوجي وحبيبي ومااقدرش اتخيل حياتي بدونك حتى لو طلعت جني.. بس ذلحين كيف عنفعل من الحرب الجيش مستعد..

نشروان: إحنا مستعدين ومعانا خطط بس مشكلتنا إن عددهم خيرات ومعاهم اسلحه قووية..

روزيل: لاتقلقش ياحبيبي النصر لنا إن شاء الله..

نشروان حضنها وحضن بناته: ذلحين يله نرقد 😴 وترتاحوا معانا معركه شرسه الصبح..

روزيل: حالي الحرب حقكم هذه اللي بموعد وساعه محددة.. حاولت تغمض عيونها 👁️ بس القلق مسيطر عليها.. إبسرت كابوس 🦇 بيحاول يقرب من زوجها وبناتها بتهشه بيدها ورفعت صوتها كابوس إبعد عن عائلتي سير دور لك جني 👺 ثاني..

كابوس 🦇: روزيل قوى أنا جاوع خليني أتغذى ع كابوس..

روزيل بهررت عيونها 👁️: كابوس قلت لك دور لك جن ثاني ياويلك لو تقرب لأحد منهم...

نشروان فتح عيونه بيبسرها ويسمعها قلق😥 عليها بتحاكي نفسها كان يشتي يحاكيها بس خاف يزعلها وتقل انه بيقل إنها مجنونه مسك يدها بقوة وبيمسح ع شعرها: يله ياحبيبي غمضي عيونش وحاولي ترقدي انا جنبش لاتفكري في أي شي..
........ ........ .........

بعد بزوغ الشمس ☀️

التقى الجيشين في وادي الرماد بين جبليين رماديين كبيرين 🏔...

نشروان افتجع يخلي روزيل والبنات في القلعه 🏰 لانه داري ان به جواسيس لو يأذوهن اداهن معه وخلاهن في نهاية صف الجيش مع كبار الوزراء وكبار القبيله وخلى جني أزرق كبير يحرسهن بشكل حصان🐎 امره يهرب بروزيل والبنات إلى اقصى بقاع الأرض لو قتل في المعركة..

روزيل مربطه عيونها 👁️ ماتشتيش تبسر أشكال الجن 👺 المخيف اللي في المعركه ومحد يبسرها..

نشروان كان في الصفوف الأماميه وع يمينه ملهم وع شماله اخزم..

في الجهه المقابلة..

هجرس.. كان في الصف الأمامي وع يمينه ابن عمه مرقد جني بهيئة إنسان ورآسه رآس أسد 🦁 ضخم وع شماله ابن عمه قعقاع امير الدخان 🌬 من أشرس المقاتلين واقواهم وكان الملك ضرغام وصوهيماء 🐈‍⬛ ورئيس الوزراء في نهاية صف الجيش..

هجرس صااح بصوت عالي 📢: ياجنود مملكة البحار 🌊 إستسلموا أحسن لكم من الموت اذا إستسلمتم لكم مني الأمان وعنعتبركم جند من جنودنا..

نشروان قاطعه ورفع صوته 📢: ياجنود مملكه البحار 🌊 لاتصدقوش انتوا اقوى منهم حتى لو عددكم قليل جن مملكه النار 🔥 مابش لهم عهد ولا وفاء وهم اللي هجموا ع مملكتنا وسجنوا ملككم ديمان ويشتوا يشلوا كنوزنا وذهبنا 💰🪙 انتم الأقوى والنصر لنا لا للإستسلام ...

روزيل كانت تسمع الأصوات وبدأ يجسمها يرجف بدأت تحس بالخوف 😢 بتسأل بناتها ويحكين لها ع الوضع لأنها مربطه عيونها 👁️...

خرج لساحة القتال جني من جيش هجرس اسمه نميم نصه حصان ونصه إنسان معه رمح قصير فيه ٣ رؤؤس مربوط بسلسله طويله نهايتها حاده كالمجرف ⛓️....

ملهم خرج يواجهه بدون سلاح وواقف في نص الساحه بكل هيبه وقوة 💪 وبرود أعصاب ...

نشروان قلق ع ملهم لانه خرج بدون سلاح وبيتفرجه مركز معه لو احتاج اي مساعده لان نميم مقاتل قوي وشرس جدا..

نميم بسخريه: أنت جني 👺 غبي خرجت تواجهني بدون سلاح من تحسب نفسك توقف قدامي..

ملهم بضحكه مستفزه: هههه🤣 أصلا انت أضعف من إني اواجهك بسيف او سلاح..

نميم إستفزه كلام ملهم ورجم السلسله ⛓️ وبسرعه لفها حول جسم ملهم وسحبه بإتجاه الرمح والمجرف تعلق في إنف👃ملهم وهو معلق في الهواء..

ملهم...

🌹meme_abdalgaleel