مريم : إبسرت البطاط ابتسمت 😊 ورسلت له شكرا أطعم شي فالصبوح البطاط ...

حمزه : رد عليها أطعم شي فالصبوح اليوم شوفتش 😍 ....

مريم : حست قلبها بيدق قوي ❤️ حطت التلفون من يدها.. وكملت صبوح وبتحاكي نفسها (معقوله حمزه بيحبني وحاسس بي والا أنا بس بيتهيأ لي وكلامه عادي 🤔)..

..... ....... .......

في المدرسه 🏫...

سلا: بيراجعين فالساحه قبل مايدخلين الامتحان ..

صاحبتها : دكمتها 🤛🏻 ييه ابسري هذولاك العيال اللي واقفين عند الرصيف عند باب المدرسه امس واليوم ابسرتهم حين ندخل ونروح أبو شميز أزرق 👕 بيجلس يتفرجش .

سلا : ناهي ابردي لاتتفرجي لاعندهم يمكن بيتهيأ لش بس وسحبتها جي نخطى من هانا وقفتنا غلط مدام وهم خارج 👭 جي ندخل قد الامتحان عيبدأ بعد شويه .

🌹meme_abdalgaleel



@qesasanani

❤ وشآءت الأقدار ❤

بارت 60

في باب اليمن ...

جالسين بيصتبحوا 🧆🍛 كباب وزلابيا وبرعي وأصوات الناس من خارج والصياح ..

أحمد : اكل شويه ولفت لعندها بيحاول يخلي نفسه طبيعي بعد أخر موقف بينهم وطلبه علشان لايحرجها ...
عجبش الصبوح 🤔.

سلاف : أيوه طعيم بس زحمه مسرع قد الناس هانا بيصتبحوا قد قلت نجي بدري والدنيا خفيفه ..

أحمد : أصلا هذا مشهور قوي والناس بتبكر له من فجر مابتجي الساعه ٩ الإ وقد كمل يبيع ماشاء الله عليه مرزوق وأكله طعيم ..

سلاف : أيوه طعيم قوي أطعم من اللي جينا هذك المره كلنا إحنا وبابا وعمي .

أحمد : بيتفرجها ويتحيلى لكلامها 😍 ويقارن بينها وبين سهام بيحس نفسه ضايع بين واحده بيحبها ❤️ وواحده بتحبه ..

سلاف : بصوت هادئ .. أحمد أشتي أتمشى في شوارع صنعاء القديمه 😊 ...

أحمد : إبسرها بربع عين 😏 نتمشى بالمنظر الحالي هذا ليش مالبستيش لثمه ..

سلاف: ماكنتش عامله حسابي انه زحمه والا كنت خاوره اتمشى وبعدا أنت ماقلت لي اتلثمي ..

أحمد : إبتسم 🙂 يعني لو اقلش عتتلثمي ..

سلاف: اوذا بين اتلثم لما نسير المقبره لما تقلي .

أحمد : فرح إنها بتسمع كلامه 😁 خلاص يله لارجعتي شاخرجش نتمشى لكن عندور محل بيبع لثم وعنشتري وتلبسيها مشتيش يجلسوا يتفرجوش ..

سلاف : ابسرت لعند أحمد لو سمحت ممكن سؤال 😬..

أحمد: أكيد إسالي ماتشتي بدون إستئذان .

سلاف : ليش طلبت مني هذك الطلب علشان بابا قالوا لك صح ماسخيت تزعلهم صح بس إيش ذنبك توافق تتزوج بواحده بتعتبرها أختك وتظلم نفسك وتحرم نفسك تختار انسانه تحبها وتكمل حياتك معاها علشان ترضى بابا 😔

أحمد : حاول يستجمع قوته 💪🏻 ويرتب كلامه .. لفت لعندها وعيونه بتلمع 👁️ ومن قلش إن انا شاظلم نفسي والا إن انا وافقت علشان أرضي عمي أنا كنت ناوي أصلا أكلمهم قبل مايكلموني بس كنت خايف من ردة فعلش وإنش تقولي لا 😊...

سلاف : ناهي لاتحاولش تدور مبرر ولاتتعذر علشان لا تحسسني إن بابا احرجوك أو قللوا مني بطلبهم .

أحمد : ضحك 😂 أين أحرجوني سلاف صح أحنا تربينا أخوه ومحد فينا فكر إنه ممكن يحب الثاني بس لما قربتي مني أخر فتره قوي وطول يومنا فالشغل مع بعض حسيت ان كل شي بين احسه وخوفي عليش وكل اللي كنت أفعله من واحنا صغار ولما كنت أضرب👊🏻 عيال الجيران وأي واحد يقل انش خطيبته مشاعري كلها كانت حب 😍 بس ماكنت حاسس ولافاهم لأنش كنتي مخطوبه سلاف من الأخر أحبش تتزوجيني ❤️ .

سلاف : حست الدنيا كلها لفت قدامها هي كانت مصدومه من طلبه وقتها وبعد ماعرفت ان ابوها كلمه بررت موقفه بس كلامه الآن وطلبه واعترافه فاجأها وصدمها 😳..

أحمد : سلاااف والله ان انا أحبش ❤️ وماقلت هذا الكلام علشان عمي طلبوا مني ولو عمي ماكان تكلموا كنت شاكلمهم أنا وأطلب هذا الطلب بس بعد ماكنت شاخذ رأيش ولو توافقي عتسعديني طول عمرش وشاقلش شي أنا عارف إنش رافضه تتزوجي حد بعد خالد الله يرحمه بس عمي عيجلسوا يدحسوش ويزنوا عليش وكمال قد كلمني يشتي الرد واذا ماوافقتي ع كمال عتوافقي ع غيره مهما قلتي لا في الاخير عترضي...

سلاف : بنبرة حزن 😔 أحمد يتحبني صدق ...

أحمد : وربي شاهد عليا إن مشاعري حقيقيه ومش رحمه فيش ولا علشان عمي ..

سلاف : مستعد تنفذ اللي شطلبه منك ..

أحمد : ومستعد أدي لش عيوني مش الا انفذ لش طلب .

سلاف : موافقه أتزوجك 😔 بس ع شرط قدامهم بس ومشتيش عرس ونكون أخوه وانت عتتأكد بعد مانتزوج إنك مابتحبنيش وأن مشاعرك رحمه لي وبس أنا شاريح بابا ويطمنوا عليا وفي نفس الوقت ماشكون لحد غير خالد😔 وأنت عيش حياتك وحب تزوج ولا كأن انا موجوده في حياتك ...

أحمد : طنن شويه 🤔 فكر . اوووكي موافق ووعد زواجنا يكون قدامهم بس .. بيحاكي نفسه ( اذا ماخليتش تحبيني مايكون إسمي ) .. المهم انش توافقي ..

سلاف : حاسه إن قلبها بيتقطع 💔 بس هذا انسب حل تكون مخلصه لخالد وفي نفس الوقت تطمن ابوها وتريحه ..

أحمد : ذلحين ممكن تفكي التكشيره والزعل هذا 😔 شكلش شوعه مابش حاجه تستاهل الزعل مابش شي عيتغير الإ أنش عتريحي عمو وتنفذي كلامهم وتخلصي من دحس العرسان ذلحين قومي ألوي بش فالشوارع قبل مايزيدوا الناس وماعاد أخليش ..

سلاف : طيب تمام وأشتري لي لثمه ..

أحمد : ضحك 😂 فدديت اللي سمعت الكلام هيا خلاص والله وعد مادام قلتي حاضر ماششتري لش لثمه واخليهم يتفرجوا ويحسدوني ان معي واحده قمر ...

سلاف: بهررت فوقه 😠 أحمد ما اتفقنا والا شاغير رأيي..

أحمد : ضحك 😂 ناهي ناهي وأنا ماقلت او مش أنتي قمر . يله هيا لانتأخرش أوريش اماكن تجنن ماقد شفتيها ...

........ ....... ......

بعد الظهر 🌞

ع خرجتهن من المدرسه 🏫

صاحبتها : بتحاكيها دلا .. هيا إبسرتي انهم مراعيين وجالس يتفرجش 😂..

سلا : بطلي هباله لايبسروش انش بتتحاكي عليهم خلينا نخطى للسياره حقكم 🚗 اليوم أخوش بالعناد وقف في الرصده الثانيه ..

الولد : قام خطي بعدهن 🚶🏻‍♂️ ومن وراء سلا ممكن نتعرف ادي لي رقمش ..

سلا : فلتته وبتخطى بسرعه 🏃‍♀️ وتسحب صاحبتها ..

الولد : بيلاحقهن ويعاكس ..

أخو صاحبتها : إبسره ونزل من السياره 🚗 خطي لعنده بيصيح 😠 مامعك هانا وبدأوا يتصايحوا ..

اشتد الكلام بينهم واتضاربوا وتجمع الناس وفرعوا . .

سلا : طلعت السياره هي وصاحبتها وبتبكي 😭..

أخو صاحبتها : بعد مافرعوا طلع السياره أبسرها بتبكي 😭 وأنتي مالش بتبكي ..

سلا : أنا آسفه تضاربتوا بسببي بس والله ما أعرفه ولاداريه من هو وان هو اول يوم يفعل هكذا 😭 قد بين ازعجكم معي بتوصلوني وزدت فعلت لكم مشكله .. خلاص لاعاد توصلونيش من بكره عيديني ابن عمي ..

أخو صاحبتها : ضحك😂 ناهي للمجهاله هذه قلك لاتوصلونيش انتي مادخلش هذولا شويه عياله محتاجين تربيه وخلاص تربوا ...

سلا : جلست تبكي طول الطريق 😭 لما وصلت ...

أخو صاحبتها : بعد مانزلت بيحاكي اخته .. شكلها صاحبتش مسكينه قوي ومؤدبه لو غيرها عتفرح وتجابرهم ...

صاحبتها : أيوه لو تبسر كيف هي وفجاعه مع انها يعجبها المزح والمقالب ومشاكسه بس ساعة الصدق ساع الدمه 🐱...

ياترى هكذا سلاف عتخلص من زن أهلها والا لا؟ وقراراها هذا صح والا غلط 🤔

🌹meme_abdalgaleel



https://tttttt.me/qesasanani/4825





@qesasanani

❤ وشآءت الأقدار ❤

بارت 61

عدت شهرين بدون أحداث مهمه

في بيت أبو أحمد 🏠 ..

يوسف : باب المطبخ بيصيح 😡 هذا حرررام والله أنه ظلم يا أمه لاتظلمونيش أنا أشتي هذه البنت ..

أم أحمد: رجمت الملعقه من يدها 🥄 للمغسله وأنا قلت لك يا أنا ياهي وأنت حر ..

أبو أحمد : دخل وهم بيتصايحوا ..

يوسف : لفت لعنده بضبح 😤 والله انه حررام كلكم موافقين وأمي يفعلوا بي هكذا وقد عتخطبوا لأخي وتزوجوه وهو أختار سلاف وهي طول عمرها أخته ومحد حاكاه بالعكس كلكم فرحتوا له وأنا هكذا يا أقبل باللي يشتوا أمي يا يفعلوا بي هكذا 😔...

أم أحمد : وأنا قلت لك أختار واحده ثانيه ماشقلش شي أنا إعتراضي ع إنها سوريه ...

أبو أحمد : طيب أنتي بتحكمي عليها بدون ماتعرفيها جربي أتعرفي عليها أول وإبسريها مدراش يمكن تحبيها ..

يوسف : أيووه يا أمه قووى 😟جربوا تتعرفوا عليها وإجلسوا معاها وبعدا راضي بقراركم لأن انا متأكد إنك عتحبوها والله إنها مسكينه وتدخل القلب ...

أبو أحمد : وأنا من رأيه جربي تسيري بيتهم واتعرفي عليهم وبعدين احكمي ماتحكميش غيابي وقدحنا نفعل عرس واحد ...

أم أحمد : فلتتهم ودخلت وبدأت تفكر🤔 في كلامهم بس من داخلها مش مقتنعه ...

....... ........ .........

في بيت حمزه 🏠...

أم حمزه : ياحمزه عاد باقي ناقص الماء زيد إدي ٣ كراتين ..

أخت حمزه : يووه ياحمزه زيد إبسر هذك الإضاءه مارضيتش تشتغل ..

حمزه : بضبح 😤 اوووف ماهو هذا الهرم أول وأخر من يفعلوا حفله خطوبه زيد قلي سير سبر لي الفستان مدري مافيه (طبعا قال الكلمه هذه متعمد 😅 لسبب في نفسه ) ...

أخته : يووه ماشي مع الإ الفستان👗 أنا فدالها مريم أحلى مصممه صممت لي فستان يجنن ضخم قووي مع إنه الوقت كان قليل ابسرت حصلت الخطوبه فجأة .

أم حمزه : يووه جبرها ماهي 😍 صدق بنت تجنن وزد فوق ماجهزت الفستان لأختك وعدتها تسير معاها بكره عند الكوافير علشان الحفله تشرح للكوافير كيف تصلح شعرها ع الفستان ..

حمزه : يووه والحلا😄 أحلى شي يعني بكره أنا إجازه احتفلوا براحتكم حتى التوصيل مشو عليا ..

أخته : مع مشو إجازه أنت عتوصلنا أنت هي تجملت معي حين قدحنا صاحبات وأنا ماشجزمش أقلها تشلني هي خزا 😅 ...

حمزه : ومايوقع هي معاها سياره سعم عتتكسر هههه شاقلها أنا ...

أم حمزه : غمزت له 😉 أيووه ومدراك إن معاها سياره وكيف عتقلها أنت ...

حمزه : إرتبك هاه 😅 بين ابسرها يا أمه حين أسير للدار وبعدا عادي شاقلها شاحاكي بنت خالتي تقلها علشان أفتهن بكره ...

أم حمزه : ضحكت 😂 حااسه انه بيحبها وفي شي بينهم من يوم ماحاكى بنت خالته تشتغل معاها ..بس ماقدرت تصيده .. أنتوا داريين مارأيكم بنت عمي بتدور عروسه👰🏻‍♀ لإبنها لو أوريها مريم بكره حين تجي والله انها بنت ماشاء الله تجنن بكل شي ...

حمزه : تغيرت ملامحه 😒 لييش أو عتقتلبوا خطابه كل واحد يدور لنفسه وبعدا مايصلحش عتقل البنت انه عزمتوها تجي وهي تجملت تسير مع أختي عند الكوافير علشان توروا بنت عمكم عتحس انها بضاعه بيتفرجوا عليها..

أم حمزه : لما شافت ملامحه ورده تأكدت من إحساسها 😅 وفرحت له لأن مريم عاجبه لها وقد بتحبها ...

حمزه : خرج من البيت يدي الحاجات الناقصه طلع فوق السياره 🚗 خرج تلفونه يتصلها 📱...

مريم : اهلا كيف حالك ...

حمزه : بضبح 😤 قلي لي لو يتقدم لش ابن بنت عمه أمي مارأيش ...

مريم : اكتبدت من سؤاله 😟 حسبت انه يشتي يخطبها له .. بتحاكي نفسها 🤔 معقوله بين افهمه كل هذه الفتره غلط وحسبت إنه بيحبني وكنت أفسر كلامه ع إنه حب وهو يشتي يخطبني لمدري من .. ردت علشان تقهره .. لو هو شخص كويس وأهلي سألوا عليه وطلع مناسب ليش لا ...

حمزه : إقتهر من ردها 😔 آااها يعني عتوافقي يله مبروك مقدما المهم أنا أتصلت أقلش تعملي حسابش وتلبسي حالي علشان تعجبيهم ومدام عتسيري مع أختي الكوافير زيد خليها تصلحش علشان تطلعي أحلى ..

مريم : كابده زعلها 😔 ماتشتيش تبين له بتحاول تضحك هههه طيب مارأيك أفعلي مكياج والا بدون وكيف أفعل شعري ..

حمزه : خفع السكان بيده 👊🏻 قلبه بيحرق من ردها وإنها موافقه ❤‍🔥 أيوه افعلي مكياج ثقيل هو يعجبهم وشعرش افعليه رفعه قوويه ولو معش فستان منفوش بنت عم أمي يعجبها هذا اللوك عتدخلي نفسها قووي ..

مريم : تمام حاضر .. يله تسلم انك نصحتني مفعل أعجبهم ..باي
قفلت وأتصلت لسلاف تحكي لها وبتبكي 😭...

سلاف : مستغربه 😨 اووف قلي والله ماله هذا شكله عنده إنفصام فالشخصيه أنا كنت متوقعه إنه هو اللي خلى أخته تفعل الفستان عندش وتعزمش يشتي يقربش من أهله مش يخطبش لمدري من ...

مريم : ياريتتي صدقتش وماحبيته❤️ ولا تعلقت فيه وجع القلب شووعه قووي ويوجع 💔...

سلاف : يووجع قووي 💔 تذكرت خالد ..غلقت التلفون وقامت تمسك فرشتها والألوان ترسم له صوره جديده ...

....... ....... .......

في الشركه 🏢..

أحمد : مخلي علاقته بسهام عاديه بيكلمها ويجاوب اتصالاتها مثل ما اتفق معها إنه بيكون أخ وصديق وماقد كلمها ولا كلم حد عن زواجه من سلاف ...

سهام : عاجبها فكره إنه قبل موضوع تكون قريبه منه مقرره تفعل شي علشان تخليه يقرب منها أكثر ومايفلتها ويقبل يحبها ...

ماناويه عليه ياسهام خلي أحمد يتزوج 😅...

🌹meme_abdalgaleel



@qesasanani

❤ وشآءت الأقدار ❤

بارت 62


في بيت هاشم 🏠...

سميره : ذلحين منكم صدق عتخطوا قوولها كيف ماتشتيش خطوبه ولاعرس سعم ان هو موت عتسير سكته ...

أميره : 😔 ياختي قد قرحت قلوبنا قالت خلاص قد فعلت عرس أحمد يتعرس ويفعل اللي يشتي وهي عترجع تسير عند الكوافير بس ..

سميره : بضبح 😤 مشو قولها ولابمزاجها أين هي شدخل أبسرها ..

أميره : في غرفتها . لو عتقدري تقنعيها عتفعلي خير قد سدوا العرس بعد شهرين مابش وقت كودحنا نجهز ..

سلاف : في غرفتها بترتب ملابسها 👗🥻👘 بتتفرج كسوتها اللي مالبست منها شي لابسه أسود من يوم الموت لما خرج أبوها من المستشفى بتعطفهن للشنط وتتفرجهن وتبكي 😭...

سميره : دخلت مبتسمه 😊 هيا مابتفعل عروستنا ...

سلاف : مقفيه مسحت دموعها 🥺 لاتبسرهاش عمتها.. هاه بين ارفع ملابسي ...

سميره : هيا إسكه وريني علشان نشوف ماعينفع منهم وماعنشتري .. وبتتفرج الفساتين 👘🥻..

سلاف : ماششتريش حاجه كل شي جديد ماقد لبست شي ..

سميره : إبسرت عيونها 😟 يووه هذا مالش بتبكي ..به عروسه تبكي ..

سلاف : ماقدرت تمسك نفسها بكيت 😭 عروسه قلبها مكسور 💔 عروسه عتتزوج ترضيكم مش علشان نفسها محد حاسس بالنار اللي فيني وبتخرج فساتينها 👗 هذا ياعمه اشتراه لي خالد في عيد ميلادي وقلي أخبيه للعرس يبسره فوقي وهذا الشميز 👚 اللون اللي يعجبه وهذه الجزمه 👠 جلست ادورها مالقيت وشل صورتها وطلبها لي من النت اسكه فهموني كيف ماتشتوش أزعل ولا أبكي كل شي هانا بيقلي أنتي حق خالد وبس وأنتوا فارحين أتكسى وأتعرس ..

سميره : حضنتها 😔 يووه جعلي مكسر عليش يابنت أخي قد فرحت إنش رضيتي تتزوجي قلت قد نسيته وإن هذا كله في قلبش ...

سلاف : ياعمه أنا خايفه ع بابا بس وإشتي أريحهم وأسمع كلامهم لو تحبوني أقنعوهم والله مشتي عرس خلاص قد تعرست وانكسرت فرحتي😔...

سميره : لكن يابنتي كيفه ماعتتعرسيش وكيف تسيري ومش انتي لابسه وعروسه وبيت عمش عيوقع ملان ناس ماعيقلوا وأحمد ماذنبه مايبسرش عروسه 👰🏻‍♀ ..

سلاف : قد قلت لهم شاسير عند الكوافير والبس👰🏻‍♀ ولو يشتوا يعزموا الجيران واللي يشتوا هانا فالبيت يوم الخميس علشان محد يقل خرجت سكته بس عرس وقاعه مشتيش ..

أميره : دخلت للغرفه وإبسرتهن زعلت 😔 قربت لجنب الفساتين والملابس ما أرفع معش ..

سلاف: ولاشي تسلموا أصلا عادهن مرفعات بس بين اشيك ع أشياء بسيطه ...

أميره : إبسرت الفستان اللي ادالها 👗 خالد .. يابنتي وهذه الحاجات أو عتشليهن معش ...

سلاف : لفتت😳 بإستغراب أييوه كيف يعني شاشلهن معي أكيد شاشلهن .

أميره : أنا قصدي يابنتي الحاجات اللي تخص خالد لاتشليهنش عتكون تذكريه وتوجعي نفسش .

سلاف : أذكره لييش أي حين نسيته وبعدين لحد يقل أنتي عتتزوجي وعيب زوجش وتذكري خالد قدامه أحمد إبن عمي قبل ماعيكون زوجي وداري بكل شي يعني لاعاد توجعوني أكثر خلاص وافقت وشتزوج لاعاد تزيدوها عليا 💔 فلتتهن وخرجت ...

سميره : لفتت لأميره 👀 خلاص ياختي خليها تشل اللي تشتي ولاعاد أحد يحاكيها بشي وهي أصلا عتنشغل بحياتها الجديده وعتدي جهال يشغلوها وعتنسى من نفسها ..

أميره : إستغفر الله العظيم بس ع حظ مع بنتي هذه 😔 لكن ربي يسخر لها ويعوضها وأحمد والله انه ساع العافيه في البدن الله يعوضها خير ...

....... ........ .........

في الجامعه 🏫..

مايا : واقفه مراعيه له بيبسر النتايج بين زحمه الطلاب ..

يوسف : مشي لعندها بيقلد زاعل 😔 طلع عليش مادتين وأنا ثلاث ...

مايا : افتجعت 😨 شووو عم تحكي شو مادتين أنا واثقه من نفسي وحليت كتير منييح ...

يوسف : بيقلد ضابح 😤 يعني ماهمش الإ المادتين حقش وأنا أعيد السنه عادي صح ...

مايا : بتخطى🚶‍♀️ .. شكلك ماشفت منيح أنا رايحه أشوف درجتي ...

يوسف : ضحك هههه 😂 ياخبلاء جي جي كذا نجحنا أنا أمتياز وأنتي جيد جدا مرتفع ههههه بين اضحك عليش ...

ماريا : ضبحت فوقه 😤 ياخفة دمك صاير كتير تقيل ...

يوسف : ضحك هههه 😂 ناهي يله إعزميني ع عصير من الكافتيريا ..

مايا : بضبح 😤 ماراح أعزمك ع شي ورايحة البيت ماما مستنيه تعرف نتيجتي ..

يوسف : ناهي ياماما وقلي لها إن أمي تشتي تجي تتعرف عليكم 🤪 ...

مايا : خزيت 🥰 قووول والله يعني وافقت ...

يوسف : اقنعتها تجي تتعرف عليش أول لأن انا متأكد إنها عتحبش مثل ماخليتي إبنها يحبش 😍... وعتجنني هي أخطبش ..

مايا : وطت رآسها ☺️ ياررب توافق واذا بدها تتعرف عني بالاول قبل ماتيجي البيت وتحكي مع ماما أنا موافقه ...

يوسف : عادهو أحسن علشان لاتحرجش قدام أمش خلاص أنتي داريه شاخلي بنات عمي يعزمنش عندهن وتعرفش هاناك مارأيش ...

مايا : أيه منيح هييك ☺️ كثير عشان ماما وبابا مايحكوا شي مو منيح اذا ماعجبتها ...

يوسف : عتعجبيها قووي وانا متأكد خلاص شاخلي سلاف وسلا يعزمنش هذه اليومين علشان نخلص ونتزوج مع أحمد 😉...

مايا : خليني أعجب إمك بالاول هههه ..

يوسف: مايا أحبك 😍 وعتعجبيها وكلها شهور وتنوري بيتي ..

مايا : بتأشر له بيدها باي باي 👋🏻 راح أتاخر ع أهلي ...

يوسف: ضحك 😂 خرج تلفونه يتصل لسلاف 📱 يحكي لها الموضوع ويتفق معاها ع يوم تعزم فيه مايا وتوقف معاه تقنع أمه علشان توافق يتزوجها ...

🌹meme_abdalgaleel



@qesasanani

❤ وشآءت الأقدار ❤

بارت 63

في الشركه 🏢...

كمال : بيدور أحمد يسلم عليه لأنه عيسافر ..

أحمد : عتوعشحنا والله قد تعودنا ع وجودك بيننا ..

كمال : بيسلم عليه 🤝🏻مانفعل هكذا الدنيا أصلا العرض مايتعوضش ماعد شلقاش شغل مثله والوالده الله يحفظهم ماقصروش أتفقوا مع أهل العروسه يعرسوا ويدوها عروسه لعندي لأنه ماعدفيش وقت أراعي ..

أحمد : بالتوفيق .. الله يوفقك ويسعدك ويعوضك خير يارب اهم شي ماتكون شايل في قلبك شي علينا ...

كمال : الله المستعان ونعم بك كنت أخ وصديق فالشركه ولو قصدك ع موضوع سلاف ربي يوفقها ويسهل لها بالعكس ما ألومها بعد ماعرفت بالعكس زاد احترامي لها نادرا ماتلقى واحده تكون وفيه ..

قاطعهم صوت الموظفين بيسلموا ع كمال ويودعوه ..

أحمد : إستأذنهم ومشي🚶🏻‍♂️ .. دخل لمكتبه يشل ورق واللاب توب حقه .. لقي ورده حمراء 🌹 محطوطه وفيها كرت مكتوب عليه .. لو سمحت لاتقل لا اليوم عيد ميلادي ورفضت أحتفل مع صاحباتي لوسمحت جي الساعه ٥ للكافيه اللي في مول ال... والله ما أطول اطفي الشمعه 🎂 بسرعه معك واروح ...

......... .......... ........

في بيت 🏠صاحبه سلا ...

صاحبتها : بتحاكيها فالتلفون 📱 كذذابه قلي والله أي حين عيطلعوهن ...

سلا : قالوا بعد بكره أصلا بنت جيراننا أخوها بيشتغل فالكنترول ...

صاحبتها : يوووه الله يستر 😟 قدنا خايفه قووي .

سلا: وانا مثلش بين اهم لو يطلع مجموعي قليل مشتيش أزعل بابا مع إن انا متأكده إن انا حليت حالي قووي بس محد يقدر يضمنهم ...

صاحبتها : الله يوفقنا ياررب ونطلع مجموع حالي ..

غسان : كان خاطي سمعها 👂🏻 وقف بيحاكيها دلا ..بتحاكي سلا ..

صاحبتها : هزت رآسها .. أيوه ..

غسان : تشتي أشلش عندها حاكيها أنا فاضي اليوم شاوصلش ..

صاحبتها : فرحت 😁 .. سلا اسمعيني مامعش اليوم أنتي فاضيه عتجلسي فالبيت أجي عندش قدنا فاقده لش ..

سلا: فرحت😁 صددق عتجي حتى أنا فاقده لش خلاص مراعيه لش أصلا مابنخرجش ...

صاحبتها : خلاص تمام ان شاء الله شاجي عندش العصر ...

غسان : هيا اقطبي كووي حقي الشميز 👕👖والبنطلون ..

صاحبتها : يوووه ع استغلال ليش اكويهم سعم حين قد عتوصلني قد تجملت انك قلت من نفسك عتشلني ..

غسان : أصلا رحمتكن سمعتكن بتتحاكين قلت قد شكلكن فاقدات لبعض أشلش عندها ..

صاحبتها : جبر أخي اللي قدهو طيب وبيرحمني 😊..

غسان : يله شرق كويهن سواء وقلي لي ماتشتي أسير أشتري لش تشلي لها معش خزا تسيري ويدش فاضيه ...

صاحبتها : الله الله وعادهو عيشتري لي من اي حين الكرم هذا وغمزت له 😉 اعترف ماقد معانا ...

غسان : ضحك 😂 هيا من هذا اذا جيت تتجمل مع أختك تقل هكذا يله شرق سيري كويهن وأنا أخرج اشتري لش ...

........ ......... ........

بعد العصر ..

في بيت حمزه🏠..

اخت حمزه : بتتفرج نفسها فالمرايه 👸🏻 كيف شكلي أمانه ماعيقلوش شوعه ...

مريم : بتصلح لها التاج اللي في شعرها 👸🏻 مابلا عيقلوا ماشاء الله ع قمر طالعه مثل الأميرات ماشاء الله ولاغلطه فستانش وشعرش مكياجش كل شي يجنن ...

أم حمزه : ع دخلتها ماشاء الله ماشاء الله ع بنتي 😍 إسكه الحلا هذا تجنني ..

اخت حمزه : أمانه يعني حالي ياماما ..

أم حمزه : ساع القمر ولفتت لمريم 😉 عقبالش لما أجي خطوبتش وأقلش طلعتي ساع القمر ...

مريم : خزيت ☺️ وذكرت كلام حمزه إنه يشتوا يخطبوها لمدري من تشتي توصلها انها مش موافقه ... مع مع ياخاله مشتيش انخطب ولاقد بين افكر في هذا الموضوع إشتي ذلحين أنتبه لشغلي أول وأطلع إسم ..

أم حمزه : ناهي اسهل ماقدهوش عتحملي تنخطبي اليوم الله يسخر لش مابتتمني ومافي نفسي وغمزت لها 😉 ..

مريم : جلست تفكر ماهو اللي في نفسها مابتقصد وكيف مش اليوم🤔 ..

حمزه : كان نازل في الدور اللي تحت لو احتاجوا شي وقلبه ع نار ❤‍🔥 خايف مريم تعجبهم .. رسل لها ( هيا مه اقل مبروك عجبتي اهل العريس 😉 قد جوا وابسروش ) ..

مريم : مقهوره منه ردت عليه ( أيووه شكلي عجبتهم لأن خاله من اول بيلمحوا لي عقبالش وباللي في نفسي شكلهم يقصدوا اللي قلت شكلنا عنوقع أنساب 😂 ) ..

حمزه : قري رسالتها وضبح 😤 رجم التلفون وعادها فارحه عنوقع أنساب هذه شكلها بدون مشاعر مابش معاها إحساس كيف ماحست فيني باقي شويه وأخرج أصيح ملان الشارع إن انا بين احبها ...

اخو حمزه : أصغر منه بسنتين .. دخل وسمعه ضحك 😂 وليش وأنت تخرج وتصيح ملان الشارع قلها هي إنك بتحبها وهجع روحك ...

حمزه : إرتبك هاه 😅 ماهو مابتقل لمن أقل مابتحلم .

أخو حمزه : ضحك هههه 😂 قل للي ماحست فيك ومابش معاها مشاعره.. صارحها وريح نفسك أحسن من العذاب اللي أنت فيه ولو هي بتحبك عتسبر أموركم ولو مابتحبك ع الأقل تقتنع من الجنان اللي أنت فيه هكذا عتجنن وفلته وخرج 🚶🏻‍♂️..

حمزه : جلس يفكر في كلام أخوه 🤔 بس خايف يصارحها وهو شايفها فارحه بالعريس هذا تكسفه مادريش مايفعل قام شل نفسه وخرج يفعل لفه بالسياره 🚗...

....... ....... ......

في المول 🏢..

بعد تردد طويل وكثر الزن والرسايل حق سهام يجي وإنها فلتت الكل ورفضت تحتفل مع أي حد وفلتت صاحباتها علشان نفسها تحتفل معه وهو وعدها يكون واقف معاها دايما ...

أحمد : دخل المول وطلع لمحل هدايا شل لها هديه ع ذوق صاحب المحل وخلاه يغلفها 🎁 ودخل الكافيه..

سهام : طبعا آخر دلع ولبس ومكياج ولا كأنها سهام اللي تغيرت إبسرته فرحت😁 وبتأشر له ..

أحمد : إبسرها وإستغرب 😳 مالها رجعت للبس هكذا .. قرب لعندها مكنها الهديه🎁 وهو واقف كل سنه وأنتي طيبه ..

سهام : وأنت طيب 😍 مالك واقف إجلس ..

أحمد : ماهو هذا اللبس ..

سهام : هو اليوم بس قووى لأنه عيد ميلادي وبعدا مابش أحد هو انت بس ماعزمت احد .

أحمد : وهذولاء الناس اللي فالشارع كلهم مشهم أحد صح يتفرجوش هكذا ..

سهام : بضبح يوووه منك 😤 يا احمد هو اليوم بس .. هيا إجلس نشرب عصير وأطفي الشمعه وروح أنا داريه إنك ماتشتيش تتأخر .

أحمد : جلس وبيحاول يجاملها يشتي يروح مش عاجبه الوضع😖 وكل شويه بيتفرج ساعته ...

سهام : بعد ماطفت الشمعه 🎂 قطعت بالشوكه قطعه صغيره من الجاتوه ومكنته هاه اطعمها اشتي تكون أول واحد يطعمها حتى قبلي ..

أحمد : بيحاكي نفسه حسبي الله ونعم الوكيل انا اللي اديته لنفسي .. شل الشوكه من يدها وأكل ..

سهام : لفتت لعند صاحبتها في الطاوله الثانيه وإبتسمت 😁..

أحمد : يله استاذنش أنا وكل سنه وأنتي طيبه مره ثانيه وشل نفسه وخرج 🚶🏻‍♂️..

صاحبتها : بعد ماشافته خرج حملت لعندها 🏃‍♀️ بتوريها الصور في التلفون 📱 صورت كل شي ع ما اتفقنا من حين دخل وصوركم مع بعض وهو بيدي لش الهديه وبياكل الترته كل شي ...

سهام : ضحكت شطوره 😁 رسليهن وادي شنطتش بسرعه عنتأخر ع الشله كلهن مراعيين نسير نحتفل ...

حسبي الله فيش ياسهام قد كنت صدقتش إنش عتتغيري وتحبيه صدق 😤

🌹meme_abdalgaleel


https://tttttt.me/qesasanani/4825



@qesasanani

❤ وشآءت الأقدار ❤

بارت 64

بعد يومين ...

في بيت هاشم 🏠..

سلا : بترفع وتجهز البيت 🏠..

أميره : الله يسخر لك يايوسف ويحنن قلب ❤️ أمك وتعجبها وتوافق ...

سلا : والله أن عمتي مدري مالهم ولو هي سوريه مايوقع ..

سلاف : يوسف بيتصلي 📱 شكله قدهو خارج وادى عمتي شاسير أفتح لهم الباب ..

أميره : وأنا أدخل أبسر عمتش سميره بترقد عيالها لاقد كملت ..

أم أحمد : دخلت وهي ضابحه 😤 سلام كيف انتين ...

سلاف: حيا حيا ياعمه بتسلم عليها 😘 ..

أم أحمد : قد جت ست الحسن والجمال 😏 ...

سلا: ضحكت 😂 هيا ياعمه بطلوا مالكم عليها وبعدا مدام سوريه والله ان شكلها عتوقع ست الحسن والجمال ..

أم أحمد : ومالش هكذا فارحه 😁 والله ماجيت الا علشان أخلص من دحسه وقراري ماعيتغيرش ...

سميره : خرجت من الغرفه .. حيا حيا بمرة أخي بتسلم عليها 😘 وليش ماعتغيريش قرارش ياأختي لاقد تحكميش عليها غيابي إبسري البنت أول وتعرفي عليها وبعدا قرري ...

الباب بيدقدق 🚪 ...

سلاف : هذه شكلها مايا قدوذا بترن لي 📱...

أميره : هيا جين ندخل لانخزي بها وهي تدخل تأخذ راحتها مع البنات أمد قبل ماتدخل عندنا ...

سلاف : سارت تفتح لها الباب 🚪 ..

مايا : بإبتسامه خفيفه 😊 مرررحبا إنتي سلاف صح ...

سلاف : إبتسمت لها ☺️ أيووه صح نوورتي وبتسلم عليها ... تفضلي ...

مايا : دخلت وبتتلفت يمين وشمال خازيه ☺️...

سلاف : لاتهميش عمتي داخل فالديوان ههه وبعدا هذا الحلا كله أكيد عتعجبيهم ونص طلع يوسف خطير 😉...

مايا : خزيت ☺️ يسسلمووا عيونك الحلوه ..

سلا : جت من وراهن بتتحاكى سوري 😁 مررررحبا كييفك شو أخبارك ...

مايا : أهللييين أكيد أنتي سلا مو هييك 😊 طالعه مثل ماحكى لي عنك يوسف ..

سلا : ضحكت هههه 😂 الله يخارجنا من يوسف هذا يعلم الله ماقد قال عليا كما أنا وهو ساع توم وجيري ..

مايا : بيحكي لي عنكن كثير ويحبكن 😍 ويقلي سلاف وسلا مو بس بنات عمي هدول قطعه مني ...

سلاف : الله يحفظه 😍 هيا جي الغرفه كملي البسي وتجهزي وأنتي إتصلي ياسلا لمريم مالهم تأخرت ...

.......... ........ .........

في بيت حمزه 🏠...

أم حمزه : إبسرت حمزه 👀 دخل عندهن قررت تحانكه علشان تشوف ردة فعله وتتأكد .. يووه يابنتي لو تبسري كم قد تحيلين النسوان لفستانش 👗 قلت لهن إن هي مريم اللي صممته ووريتهن أين هي وان قد عيجننين عليها عجبتهن قوي وقد بيسألني مخطوبه أو ماشي ..

حمزه : ضبح وتغيرت ملامحه 😤 ليش ياسعم محسسني إنها ملكه جمال العالم وماعدبش بنات غيرها في الحفله والا شكلكم ماعزمتوا الإ عجايز وشوعات لما قد الكل يشتي يخطبها أول بنت عمكم وذلحين قد الكل بيسأل عليها ...

أم حمزه : ضحكت 🤣 شافت الضبح في وجهه ... بتحانكه والله إنها ساع القمر ماعندهم حجه يبسروها وتعجبهم وبعدا مؤدبه وأنيقه وذواقه وحميش والله لو القول قولي لا أخطبها لك والا أخوك لكن قدنا مخليه لكم ترجعوا تختاروا لأنفسكم ماقدرت أرجع أختار ومايعجبنكم ساع ذلحين أنا بين ابسرها حاليه وأنت مش هي عاجبه لك 🤪 ..

حمزه : سمع كلمة أخطبها لك أو أخوك وإرتبك 😅 وحس قلبه بيدق بسرعه .. حاول يغالط بسرعه ذلحين أي حين عنبدأ نحجز القاعات لأختي ونبسر إحتياجات العرس ...

أم حمزه : ضحكت 😂 ذلحين إبرد من أختك قلي لافي بالك أحد نسير نخطبها وقدهو نزوجك أنت وأختك ..

حمزه : إبسر الساعه في تلفونه 📱 اوووه معي موعد مهم نسيته أخرج بسرعه لا أتاخرش فلت وخرج 🚶🏻‍♂️...

........ ....... .........

في بيت هاشم 🏠..

مايا : كانت ع طبيعتها وماحاولتش تتصنع أبدآ وبتمزح مع البنات وتصاحبين ..

أم أحمد : بتتفحصها من طالع لانازل وتمكنها أسئله وتحقيق 🤭 كأنها متهمه وتشتي أي عذر علشان ترفضها ...

🌹meme_abdalgaleel



@qesasanani

❤ وشآءت الأقدار ❤

بارت 65

الليل 🌚

في بيت أبو أحمد 🏠

يوسف : جالس قلبه ع نار ❤‍🔥 بيقرح أصابيعه مراعي لأمه ماعتقول لأنه روحها أبوه .

أحمد : جالس بيلعب مع أخته الصغيره 👧🏻 ..

أبو أحمد : إبسر يوسف 👀 شاف القلق باين عليه 😰 .. أيووه يامره كيف كان يومكم ..

أم أحمد : لفتت لعند يوسف 👀 ماله شي يوم من جيز الأيام ..

يوسف : ضبح 😤 من رد أمه .. لفت لعندها .. ماهو يوم من جيز الأيام سرتوا تقلبوها تفرطه أنتوا وعماتي والا تبسروا البنت .. حرام عليكم هذا قدهو ظلم البنت لاناقصه يد ولا رجل أنتوا حرين بس من الأخير إذا ماعتخطبوها لي محد يفتح لي موضوع الزواجه مره ثانيه لأني اذا ماتزوجتهاش ماشتزوجش أحد غيرها .. فلت وحنق 🚶🏻‍♂️ دخل غرفته..

أحمد : زعل عليه 😔 يا أمه حرام عليكم ليش تكسروا قلبه 💔 مدام بيحبها ويشتيها خلوه هذه حياته وهذا قراره هو اللي عيعيشها وعيتحمل قراره ..

أم أحمد : بضبح 😤 مثل ما أنت حر في حياتك صح اللي فجأة بدون سابق انذار تقل لنا تشتي سلاف وأنت طول عمرك بتبسرها أختك لكن سلاف بنتي وتربت ع يدي وفرحت بها لكن هذه مش أنا داريه لاكيف عيشتها ولاتربيتها ...

أبو أحمد : طيب قدوذا جلستي اليوم معاها كيف إبسرتيها كيف طباعها كيف شكلها طلعت مثل مافي بالش ماقالين الباقيات ..

أم أحمد: ما من الجمال محد يقدر يقل كلمه ماشاء الله عليها ماشكذبش وطباعها هادئه شكلها مسكينه وتصاحبت بسرعه مع البنات بس ماكانت تصدا تبسرني بتخزا او بتفتجع والله ماعد دري حالي ...

أحمد : ضحك 🤣 مابلا شكلها مفتجعه منكم الله يهديكم ارعبتوا البنيه وبعدا قلوا لي من أحلى هي والا سلاف لو هي أحلى خلاص أنا معاكم وشرفض الزواجه هذه ...

أبو أحمد : ضحك 🤣 اووص لايسمعك أخوك كما قد روحه في نخره ماعيقلش إنك بتمزح عيصدق ع طول ..

أحمد : خلاص آها سكت ولا كلمه وأشر بأصبعه 🤫 ..

أبو أحمد : يعني البنت ع كلامش هذا انها بنت ناس وسابره مابش فيها شي ينعاب كان ماعد معش معقده حواجبش 😧...

أم أحمد : فلتتهم وقامت 🚶‍♀️ ..

أحمد : بيحاكي أبوه شاقوم أبسر يوسف وأمي عنقنعهم كم ما جلسوا ...

يوسف : ممدد فوق سريره 🛌🏻 في يده التلفون 📱 يشتي يرسل لمايا ومش قادر يقلها رأي أمه ..

أحمد : دق الباب 🚪ودخل .. ياضابح ..

يوسف: حط تلفونه و بضبح😤 سألتك بالله يا أحمد مش انا ناقصك هذا الساع خليني في حالي ..

أحمد : جلس جنبه والله هكذا وخفعه في رجله 👋🏻 عادنا دخلت أبسرك ماسخيت عليك وأقلك قوم حب أمك في رآسها 😘 واخرطهم بكلمتين حاليه واتراشاهم بكلمتين يلعبين بمشاعرهم مدام قد قالوا كلام حالي عليها عادهم يشتوا دهفه وعيرضوا ..

يوسف : فرح 😃 قل والله انهم قالوا كلام حالي ..

أحمد : بيهزره من السرير .. يله قوم هيا سير جابرهم واستخدم قوتك الخنفشاريه في الإقناع ..

يوسف : خرج من الغرفه وسار يجابر أمه ..

........ ........ ........

ثاني يوم في الشركه 🏢

سهام : دخلت مكتب أحمد وجالسه مراعيه له ..

أحمد : فتح باب🚪 مكتبه يدخل لقيها جالسه فيه استغرب 😳 مابتفعلي هانا قبلي ..

سهام : جالسه ع الكرسي حق أحمد وبتدور الناس أول تقل صباح الخير ☺️...

أحمد : سهام بطلي هيا قومي من هانا لو أحد يجي من الموظفين ويبسرش بتفعلي هكذا ماعيقل ...

سهام : حطت يدها ع المكتب ووجهها فوقهن .. عيقل بتحبك 😍 ..

أحمد : بعصبيه 😠 سهاام خلاص لكن قلنا يله قومي من هانا وقد تكلمنا في هذا الموضوع ...

سهام: مفعلك ماقدرت أعتبرك أخ بالعكس كل يوم بين احبك أكثر وأكثر ❤️ ولازم خلاص تستسلم وترفع الرآيه البيضاء وتحبني ..

احمد : ماسك يده بقوه 🤛🏻 مايشتيش يصيح وملامح الغضب ع وجهه 😠 أحبش مه من الجنان حقش أنا قلت لش شعتبرش أخت وزميله ووقت ماعتحتاجيني عتلقيني جنبش مش أكثر وبعدا خلاص ياسهام إقنعي أنا وسلاف قد عنتزوج وعرسنا قريب ..

سهام : حست ان أحد لطمها في وجهها 🤦🏻‍♀️ فتحت عيونها بصدمه 😳 ايييش تتزوج أنت ومن قلت ...

أحمد : أنا وسلاف بنت عمي وعرسنا قريب ممكن خلاص تقومي وترجعي مكتبش ...

سهام : قامت وهي معصبه 😠 طيب يا أحمد إفعل اللي تشتي وسلاف مابتحبك قد قالتها لي بنفسها هي بتعتبرك أخ ولا يمكن تعبرك ..

خرجت ورزعت الباب وهي معصبه 🚪 ودخلت مكتبها بتتصل لصاحبتها 📱 وهي ضابحه 😤 تحكي لها ماحصل وحالفه لاتوريه ...

........ ........ ......

أم احمد : مارقدت طول الليل بتفكر🤔 في يوسف وشافت قهره وكسرة قلبه 💔 قامت ع طول تدوره في غرفته مابحدهو رجعت تشل تلفونها رسلت له ( كلم مايا تشوف الوقت اللي يناسبها هي وأهلها نسير أنا وعمتك أميره وسميره لعندهم نكلم أمها )..

يوسف : كان خارج بيصتبح مع صاحبه قري الرساله فرح 😁 وع طول اتصل لمايا وهي نوم يقلها ...

اخيرا يا أم أحمد وافقتي 😍 وعنتعرس ..

بس اووه صح نسينا سهام مابتدوري ياسهام خلي أحمد في حاله 😅

🌹meme_abdalgaleel



@qesasanani

❤ وشآءت الأقدار ❤

بارت 66

في دار التصميم ...

مريم : ع وصلتها بتجنب سيارتها 🚗 ...

حمزه : واقف بسيارته 🚗 قدام مراعي لما تجي شافها نزل من السياره ومشي لعندها 🚶🏻‍♂️ صباح الخير ..

مريم : بضبح 😤 لأنه حاسه إنها ماتفرق معاه وعادي تنخطب .. صباح النور ..

حمزه : هيا مالها بترد من شق نخرها 😏...

مريم : أبدأ أفعل بروفه كيف شاكون أرد عليك بعد ما أنخطب لمدري من هو هذا اللي يقرب لك ...

حمزه : بعصبيه 😠 خبطوا راسش أنتي وهو لكن .. فاررحه صح .

مريم : قلبت عيونها 😌 أكيد أي بنت مكاني عتفرح إنها عجبتهم .. بس ماقلتليش ماطلبوش منك تتوسط لأنك ع قولتك صاحب أخي ...

حمزه : بيلعب بمفتاح 🔑 السياره بيخرج ضبحه فوقه ..😡 مرريم بسسس ..

مريم : فارحه إنها بتبرقطه 😄 بس ماهو ماالك معصب هكذا ذلحين انت ماتوقع له عمه ولا ايش يعني ماتقرب له بالضبط ماشكون أسميك ...

حمزه : رفع صوته 😠 تسميني سم هاري يطفحش أنتي وهو ..ولف يمشي🚶🏻‍♂️ ورجع لفت لعندها أقلش هيا قسما بالله ماتسبر خطوبه لا أطلع فيش عيوب البغله ورحله طلع شغل السياره وبيسوق بضبح .

مريم : إبتسمت فارحه 😆 حست بنشوة الإنتصار وإنها قهرته مثل ماقهرها .. فتحت تلفونها 📱وبتتصل لسلاف تحكي لها ماحصل ...

........ ........ .......

في بيت صاحبه سلا 🏡...

صاحبتها : واقفه وعيونها بتلمع فارحه بتتقفز وتسحب التلفون من يده 📱 قل والله اسكه وريني أبسر مش انا مصدقه إن انا إديت ٨٢ ...

غسان : بيضحك🤣 هههه ليش للدرجه هذه كنتي فاشله ..

صاحبتها : أصلا الصدق كنت اغش من سلا الحاجات اللي معرفهاش 😅 .. اذا أنا ٨٢ يعني هي عتدي أكثر أدخل أتصلها أبسر كم جت ..

غسان : مكنها تلفونه 📱 هاه لارجعتي لاعاد تخسريش رصيد إتصلي لها من عندي ..

صاحبتها : اووف من أي حين هذا الكرم يله اديه قبل ماتغير رأيك سحبت التلفون 📱 تتصلها ...

سلا : ردت عليها متفاجئه قلي والله 😳 انهن طلعين أنا حسبت إنه ساع يوميه حين يقلوا عيطلعوهن ومايطلعوش ما اهتميت ابسر..

صاحبتها : الإ طلعوهن أنا أديت ٨٢ وأنتي بسرعه هيا إبسري نتيجتش وطمنيني ..

غسان : واقف جنبها بيسمعها قلي لها تدي رقم الجلوس حقها وأنا شاطلعها لها الآن وهي معش فالخط وخرج تلفونه 📱الثاني يبسرها فيه ..

صاحبتها : ييه خلاص مليني رقم الجلوس حقش غسان عيبسرها لش الآن وأنا بين احاكيش ..

سلا : بتمليها الرقم وقلبها بيدق ❤️ مفتجعه كم عتدي وبتحاكي نفسها يارررب فرحني ...

غسان : بيبسر التلفون وإبتسم 😁طلع النتيجه .. هيا قلي لها ألف مبروووك إدت ٩٢.٥ شاصور لش الدرجات ورسليهن لها ..

صاحبتها : فرحت 😄 وبتقلها ..

سلا : من الفرحه كانت تصيح وتتقفز 😁 قلي والله صدق صدق خلاص باي باي أسير أقلهم غلقت وحملت تقول لأهلها ...

........ ........ .........

في بيت مايا 🏡...

مايا : ماما شو رأيك ألبس هيدا الفستان 👗 او هيدا بكره لما يجوا ..

أم مايا : الزهري كثير حلو راح يطلع عليك بيأخذ العقل والله كبرتي يامايا وصرتي عروسه والناس جايه تحكي عليكي مبروك ياروح قلبي قربت لجنبها وحضنتها 😘 ...

مايا : ربي يبارك فيكي وتفرحي ببقيه أخواتي ...

أم مايا : آمين يارب يارب بسرعه جربي الفستان 👗 في معانا تحضيرات كثير لازم نجهزها قبل مايجوا بكره ...

مبرررروك يا يوووسف والله وسبرت لك وعتخطب مايا 😍...

🌹meme_abdalgaleel


https://tttttt.me/qesasanani/4825





@qesasanani

❤ وشآءت الأقدار ❤

بارت 67

مر الأيام بدون احداث مهمه ..

وبكره عررس أحمد ع سلاف 😍 ويوسف ع مايا ...

في الشركه 🏢...

سهام : كانت غايبه مريضه عادها داومت وصلت وبتشوف مكتب أحمد مقفل سألت أين هو ..

الموظف : إستغرب من سؤالها يووه كيف أين هو بكره عرسه وكيف تشتيه يداوم ..

سهام : إنصدمت 😨 إيييش كيف فجأه هكذا ماتكلمش .

الموظف : واالله كلنا مثلش إستغربنا هكذا لاقبل ٤ أيام لما ادى لنا دعوات العرس ماكان أحد عارف ..

سهام: قلبها ولع نار ❤‍🔥 وحين بكره أكثر له وإن خطتها فشلت .. طيب بمن عيتزوج ..

الموظف : مش متأكد والله لأنه قلت لش محد كان عارف بس أعتقد إنه بسلاف سمعت هكذا ..

سهام : زاد حقدها 😠 بتحاكي نفسها مافيها سلاف أحسن مني لما تفكر فيها مش فيني وهذه سلاف عادها طلعت كريهه أكثر منه وتقلي هو أخي وهم بيخططوا مع بعض والله ماراحت لكم شلت شنطتها👜 فلتت ومشيت من الشركه ...

....... ...... .....

في بيت أبو أحمد 🏡..

أم أحمد : فارحه وفاتحه الأغاني حق الزفه 🎼...

أبو أحمد : دخل وفي يده أكياس ومصاريف .. ياسين ياسين ع أم الحراوه .. اللي يبسرش وأنتي بتتصايحي مع يوسف مايصدقش ان أنتي نفسش اللي بتغنى اليوم وفارحه 😁 ..

أم أحمد : ضحكت 😅 الله يسعدهم ويوفقهم والحمدلله سلاف بنتي وتربيتي ومايا لما عرفتها سواء هذه الفتره طلعت بنت مسكينه وبتحب إبنك قوي .

سميره : خرجت من الغرفه وفي يدها بالونات 🎈 وورد 🌹 ..

أبو أحمد : بيضحك 🤣 وهذا ما مع أختي معانا عرس والا حفله عيد ميلاد ..

سميره : هييا ناهي لك ياعيد ميلاد هذولاء اللي فعلت للغرف حق العرسان جي إبسر ماقد فعلت وجهزت لهم قد هددتهم اليوم أبسر أحد يرقد في غرفته شاشل المفاتيح 🔑 معي مش انا فاضيه بكره أجهزهن نشتي نسير القاعه حق مايا شويه وارجع بيت هاشم علشان سلاف وشاجي معاها..

أم أحمد : بزعل 😔 الله يهديها سلاف والله ان قلبي موجوع عليها مارضيتش تفعل عرس ..

أبو أحمد : إسهل قد تعرست أهم شي الحمدلله ان قد عتتزوج وتتغير حياتها وربي يعوضها خير في أحمد ويسعدهم ياررب ..

سميره : اللهم آمين . يله أنا شخطى لعند سلاف عاد باقي أشياء تشتيهن أميره مادريت أين أجي بنفسي ههه الله يسامحهم عيال أخوتي عرسين في بيتين 😅..

....... ........ ........

في بيت هاشم 🏡...

مريم : عند سلاف فالغرفه بتهديها ..

سلاف: بتبكي 😭 قد عتمووت في يدها صوره خالد .. يامريم قلبي محرووق مشتيش أفعل هكذا مشتيش إسمي يرتبط بحد غير خالد ذلحين خالد أكيد كرهني ماعاد قدرت أسير أزوره ماشاقله ..

مريم : حضنتها .. اذكري الله وتعوذي من الشيطان 👹 خالد الله يرحمه وهذا اليوم كان عيجي عيجي وبعدين لو مثل ماقلت لي والله ان أحمد شهم قوي وافق ع شرطش وماكلمش أحد رغم إنه قد أعترف لش إنه بيحبش .

سلاف : هو قال إنه بيحبني علشان لايحسسني بالقهر لأن بابا طلبوا منه مايشتيش يصغرني الله يسامحكم يابابا 😭 .

مريم : ذلحين خلاص قووى أنا فدالش قد قررتي تطيعي أبوش وماسخيتي عليه لاعاد تخربيها قومي غسلي وجهش وأطمني خالد مشو زاعل منش بالعكس لو هو عايش ماعيعجبه زعلش هذا ..

أميره : خارج بترفع البيت وبتحاكى سلا .. ذلحين هذا بيت عرس والا موت أختش مش هي راضيه أفتح أغاني ولا شي وقد بتحلفني بكره ما أفتح شي قلت لها كيف يجوا الجيران والأهل يسمروا سكته سعم ان هو عزا، قدوذا ماعنفعلش عرس قالت ماشي😔 بين احس إنها مغصوبه ...

سلا : إسهل يا أمه تحملوها حلا حين قد وافقت ورضيت اللي مرت به مش سهل والعرس ماعدلهاش نفس فيه قدوذا عتسير تتصلح عند الكوافير 👰🏻‍♀ وقد عزمتوا الناس للبيت اسهل العرس ...

أميره : تنهدت 😟 خيره الله ربي يسعدها ويوفقها وأحمد الله يجعله له زوج الدنيا والآخره ومايبسر غيرها مخلوق ويحنن قلبه عليها ..

سلا : تشتي تعدل الجو .. وأنا مابش لي دعوه حاليه ساعها ربي يرزقني بعريس قمرري مز 😍 يكن يبسرنه البنات ويقتهرين..

أميره : خفعتها في راسها 👋🏻 أخطي رفعي وكملي قرايتش قلك أدعي لها ...

سلا: ضحكت 😂 وخطيت تكمل عملها ...

....... ....... ........

عند الحلاق 💇🏻‍♂️..

يوسف : كمل يحلق💇🏻‍♂️ وفارح أصحابه جنبه بيتصور ويرسل لمايا يوريها الحلاقه ...

أحمد : بيلحق 💇🏻‍♂️ ويحاكي نفسه ذلحين أنا بين احب سلاف والا مشاعري تجاهها كانت رحمه وعطف 🤔 بس معقوله لو رحمه توحشني وأفرح لما تغير عليا طيب أنا ليش مش حاسس بالفرحه اللي يوسف حاسس بها ..

مايا بتتصله كل شويه وبيوريها كل شي بيفعله وعيسير بكره يتصور معاها وأنا سلاف من يوم ماوافقت ع الزواج ماعد كلمتني واي شي تحتاجه بتكلم يوسف وعرس مش راضيه تتعرس أنا ليش قبلت بشرطها أنه يكون زواجنا قدام الناس بس معقوله حبي لها مخليني مستعد أقبل بهذه العيشه علشان أشوفها مرتاحه والا هو حب في عمي وخايف يحصل له شي.. في عز ماهو مطنن وسرحان 🤔 وصلته رساله من سهام ..

سهام : ( مبروك يا أحمد قالوا عرسك بكره الله يسعدك وأنا ربي قادر يجبر كسر قلبي 💔 ويصبرني ع فراقك حبيتك وأحبك وشجلس أحبك طول عمري ومش ناسيه أي لحظه حلوه بيننا ) ..

أحمد : فتح الرساله وجالس مطنن 🤔 أنا خايف ان ربي يعاقبني كسرت قلبها بس مش بيدي أنا ماوعدتها بشي بس حرام أقل شي أجبر خاطرها بكلمتين رد عليها

( أنا آسف ياسهام سامحيني إنتي غاليه عليا قوي بس هذا النصيب وأي شي تحتاجيه أنا معش ع طول انتبهي لنفسش ) ..

سهام : صورت الرسايل ودخلت حساب سلاف في الوتس رسلت لها صوره الرسايل وصورها مع أحمد في عيد ميلادها وهم مع بعض وهو بيمكنها الهديه🎁 .. وكتبت لها

( سلاف ماتزعليش مني أنا داريه إن تصرفي غلط إن انا أرسلش هذولاء بس أنتي بنت مثلي وحاسه بالنار اللي في قلبي والله إنه حرام إننا نفترق أنا وأحمد علشان يتزوجش 😔 وينتهي كل شي بيننا في لحظه لو سمحتي علشان خاطري ماتكلمي أحمد بشي ولا إن انا رسلت لش لأنه ممكن يفعل شي يؤذيني لأنه قلي ما أكلمش حرام تحسي إنه مابيحبش ) ..

سلاف : كانت بتقفل شنطها 🧳 شافت الرساله .. فتحت عيونها 😳 بتقلب الصور وتقرأ الكلام ..

معقوول يا أحمد بتحبها وكنت بتكذب عليا وتتضايق من تصرفاتها علشان ما احس باللي بينكم وأزعل وأحس إنك مغصوب عليا ترضى بابا بس ليش توجعني وتقل إنك تحبني 😔 وأنت قلبك مع واحده ثانيه والله انه حرام أكون سبب في فراقكم وأنت تشتيها ومغصوب عليا وأنا نفس الشي ..

الله يسامحكم يابابا ظلمتوا الكل بطلبكم هذا ...

🌹meme_abdalgaleel



@qesasanani

❤ وشآءت الأقدار ❤

بارت 68

ثاني يوم ...

العرس 😍...

في قاعه الرجال ..

يوسف : بيترقوص مع أصحابه فارح 😍 .

أحمد : جالس عاقل مشاعره 🙄متضاربه مشو عارف هو فرحان والا زاعل ليش مايقوم يرقص وينبسط مثل يوسف طيب يوسف عيروح ويلقى قدامه مرته وحبيبته بس أنا شاروح وسلاف مش مهتمه .. المفروض كنت أخليها تحبني قبل ماأفكر أتزوجها مش أوافق ع شرطها نكون أخوه .

في عز ماهو سارح بيفكر ويكلم نفسه 🤔 قاطعه هاشم ..

هاشم : قرب لجنبه .. هيا ماله إبني جالس هكذا ولاكأنه عرسه ولافارح ..يا أحمد شكلي غصبتك بدون ماأدرى بس والله ماكنت أشتي الإ أطمن عليها بس لاشكلك فارح ولاشكل سلاف فارحه 😔...

أحمد : مسك رآسه وباسه 😘 مالكم ياعمو الله المستعان ليش هذا الكلام من قال إن انا مغصوب والله العظيم وربي شاهد عليا إن انا كنت شاحاكيكم في هذا الموضوع حتى لو ماطلبتوا مني أين شلقى أحسن من بنت عمي بس أنا جالس سارح🤔 بين افكر فيها اليوم مسكينه لأنه عتتقلب عليها ذكريات عرسها وقلبي موجوع عليها💔 بس ..

هاشم : الله عصام القلوب يا ابني وأنا واثق إنك قادر تنسيها ومعاها معاها عتنشغل وعتنسى وطبعا ماعيحتاج أوصيك عليها وع عمتك وسلا لوحصلي شي ما أخترتك الإ وأنا واثق وداري مامعي ..

أحمد : لاتقلوش هكذا الله يطول في عمركم وتوبهوا لنا كلنا .. ذلحين قوموا نبترع أنا وأنتوا 😁 ..

....... ........ ........

في الكوافير ...

الكوافير : بتصلح لها الطرحه 👰🏻‍♀ إسكه لفي راسش أثبتها ..

سلاف : بتتذكر كيف كانت فارحه يوم عرسها بخالد واليوم كله وجع وقهر 💔...

مريم : بتهزها .. يييه بتسمعي بتقلش لفي رآسش تثبت الطرحه ..

سلاف : انتبهت .. هآااه عفوا عفوا ماسمعتش ولفت رآسها ..

مريم : قربت لجنبها عتمكنيها طنان خلاص صل ع النبي ..

سلاف : اللهم صل وسلم وبارك عليه .إتصلي لسلا إبسري قد روحت هي وعمتي من القاعه حق مايا والا ماشي هن قالين عيروحين بسرعه علشان ماما وحدهم في البيت يساعدنهم ...

مريم : ناهي يايساعدنهم محسسه لي إن البيت ملان وعرس من صدق مش هن معدودات بالأصابيع اللي عزمتوا وعيجين العشي يسمرين يبسرنش ..

سلاف : بضبح 😤 ناهي يالقانه اليوم ماسكه نفسي بالصميل لا أقرح قد بين احس روحي عتخرج إتصلي لهن وأنتي ساكته ...

مريم : حست إنه منها الصدق وفعلا الزعل باين في وجهها 😔.. مسكت تلفونها 📱 إتصلت لسلا ...

........ ....... ..........

الليل 🌚

في بيت هاشم ...

النسوان في الديوان بيتجابرين مراعيات لسلاف يبسرنها ..

واحده من النسوان : خرجت من الديوان تدورهن يا أختي أين الغناء والزقعه جينا عرس والا موت ..

سلا : يووه ياخاله😅 آسفين بالحناك المسجله اليوم تعطلت من كثر ما ماما مكنونا غناء طول الإسبوع وسماعات الإم بي الكبار شلوهن بيت عمي لما يستقبلوا العرايس ...

المره : يله كان خيره الله ودخلت تجلس ..

سلاف : داخل في غرفتها جالسه فوق سريرها مطننه بتتفرج اللوحات والصور حق خالد في الجدار ...

سميره : دخلت لعندها .. يووه يابنتي عادش ماقد لبستيش الفستان هيا شرق النسوان خارج ملان مراعيات يبسرنش ..

سلاف : عيونها دموع 🥺 شلبسه بعدا لما قد عيجوا لي وأدخل بسرعه يبسرني وبس ..

سميره : ركزت ع يدها إبسرت الدبله حق خالد 💍 .. سلاف داريه إنه صعب عليش بس مايسبرش يابنتي تسيري والدبله حق خالد في يدش حتى لو أحمد داري بكل شي بس ذلحين قدهو زوجش ومن حقه يغير .

سلاف : مسكت السلسله المعلقه في رقبتها بيدها ياعمه أحمد أدالي هذه بنفسه وعليها صوره خالد يعني عيغير من دبله 💍 وبعدا اطمنوا هو داري وعادي ..

أميره : دخلت وفي يدها أكل 🍱 هاه بنتي كلي تعشي قبل ماتسيري ..

سلاف : و قفت حضنت أمها وبكيت 😭 الله يحفظكم لي أمانه إدعوا لي خيرات بين احس روحي عتخرج وقلبي عيوقف ..

أميره : بكيت معاها 😭 الله يحفظش ويحميش من كل شر قوى بنتي لاتقهرينيش عليش لو ماتشتيش تتزوجي عادحنا فيها ..

سميره : بعدتهن ييه إذكرين الله ماهو ماتشتيش وبعدا بدل ماتعقليها عادش بتزيدي تبكيها تخربي المكياج يله شرق خليها تلبس نخرجها عند النسوان شويه وجوا لها ...

مريم : خارج عند النسوان بتقرب لهن شاي ☕ وتوزع لهن كعك وكيك هي وسلا ..رن تلفونها 📱 حمزه كنسلت ..

حمزه : ضبح 😤 رجع يتصل لها من جديد ..

مريم : خرجت للبرنده ..ردت بضبح 😤 مالك ماتشتي .. ( مقرره تستفزه وتبعد علشان يحس بها 😅) ..

حمزه : بإستغراب 😳 ماتشتي هكذا مالش بتتحاكي هكذا ..

مريم : مابلا مشغوله عرس سلاف وبعدا قلت لك علشان أتعود كيف شتعامل معك بعد الخطوبه .. أين هم هذولاء اللي يقربوا لك أوذا مابش منهم خبر ..

حمزه : بصوت عالي 😠 وهنجمه ولا عيجوا ولاعيخطبوا وأقسم بالله ماعتكوني لحد غيري فهمتي والا أفهمش ..

مريم : إبتسمت 😃 بس حاولت ماتبين له إنها سمعت ماقال تشتي تحانكه أكبر وقت ممكن .. ألوو مابتقل ييه ماسمعتش بعدت السماعه أجاوب لأن أم سلاف بيداعوا ..

حمزه : خفع الجدر بيده 🤛🏻 لأنها ماسمعتش .. ضبح 😤 خلاص سيري يله جاوبي مش وقت ذلحين ..

مريم : أيووه صح وبعدا خليني أدخل أتحيمش وأقرب للنسوان يتحيلين لي يخطبني😜 ..

حمزه : خطبش يهودي معه زنانير .. خاطرش ..غلق وهو ضابح إنها ماسمعتش ومش شايف منها اي مشاعر بالعكس فارحه بتدور تنخطب ..

مريم : فارحه حاسه بنشوة الإنتصار 💪🏻...

🌹meme_abdalgaleel



@qesasanani

❤ وشآءت الأقدار ❤

بارت 69

في بيت أبو أحمد 🏡..

بعد ماروحين الجيران والأهل اللي جين يبسرين العرايس 👰🏻‍♀...

سميره : هيا ماذلحين دخلي كل واحده غرفتها قد العياال في الطريق ..

سلا: جالسه جنب سلاف زاعله😔 .. ذلحين خلاص عتفلتيني ياشوعه ..

سلاف : بتحاول تكابر ماسكه دموعها 🥺 بالغصب علشان محد يحس انها مغصوبه .. أنتي ذلحين ليش تشتي تبكيني ليش زد جيتي أصلا يله قومي روحي ..

سلا : والله ماقد اروح عادنا أشتي أصورش أنتي وأحمد حين تقطعوا الترته 🎂 مايوسف قد دخل القاعه وتصوروا باقي انتوا ..

سلاف : تذكرت خالد ولما دخل القاعه طننت شويه وتنهدت بحرقه 😔 سلا لو تحبيني قومي روحي عند ماما حرام ذلحين وحدهم ابسرتي خرجت وهم بيبكوا ...

سميره : بتحجر العرسان وصلوا .. الصدق أنا شدخل مع أحمد إشتي أبسر ردة فعله حين يبسر مرته ما يوسف قد إبسرناه ..

يوسف : ضحك 😂 هههه هيا ناهي لكم ياعمه مابلا بتحبوا أحمد وبعدا عيس الصدق أنا ماعد أشتيش أحد يصورني ولا يزعجني مش أنا مصدق إن قدهي مرتي وتحقق حلمي قرب لجنب أمه حبها في رآسها 😘 تسلموا لي ..

أم أحمد : باسته 😘 سلمك ربي يله شرق مرتك مراعيه الله يسعدكم ويوفقكم يارب ...

يوسف : دخل غرفته ..

أحمد : واقف محتار قلبه بيدق ❤️ فارح أنها مرته وفي نفس الوقت متذكر إنه وعدها أنه كل شي عيكون تمثيل قدامهم بس ويعيش حياته براحته ويتزوج ...

أم أحمد : بإبتسامه 😊 هيا ماله مطنن شررق أدخل أبسر مرتك ونصوركم ..

أحمد : إبتسم هآه 😅 الآن الآن وخطي للغرفه وسميره وأمه بعده ..

سلا: إبسرته دخل الغرفه بتأشر له راعي راعي أصوركم حين تدخل وفي يدها الكاميرا 🎥..

سلاف: موطيه رآسها ودموعها لا إراديا نزلت من عيونها😭 تذكرت كيف فعل خالد لما دخل وكلامه لها ..

أحمد : حط يده ع جبهتها بيقرأ لها الفاتحه وفتش لها الطرحه 👰🏻‍♀ .. شاف الدموع في عيونها لفت لعندهن ذلحين مامعاكن هانا يله خرجه من عندي وبيضحك 😂 ..

سلا : بتهز أكتافها ماعليا والله ماخرج إشتي أصوركم وأنتوا بتقطعوا الترته 🎂..

أحمد : حط السيف من يده (من ضمن لبس العريس ) وبيدهفها يله يله خرجه من هانا ولا عاد واحده عنتصور لأرواحنا ..

سميره : بتضحك ههه😂 وتحاكي أم أحمد إبسرتي إبنش النزغه ماعاد يشتي أحد يصورهم كان يحبها ومخبي علينا كلنا ...

أم أحمد : مبتسمه 😊 يووه ربي يسعدهم ويفرحني بهم جي جي نتصل لأميره نطمنها ذلحين قلبها بيفور زاعله ع بنتها ..

سلا : خرجت وهي مكبوده وبتهدده بيدها .. ناهي 👌🏻 لاراحت لك يا أحمد .. ومكنته الكاميره 🎥 هاه لارجعت تصوروا بها ..

أحمد : غلق الباب🚪 ولفت لعندها وإبتسم 😊.. أحد قلش إنش مثل القمر واليوم طلعتي فوق الحلاوه حلاوه ...

سلاف: رفعت رآسها وعيونها أثرهن دموع 🥺 بتتفرجه سكته ..

أحمد : مالش بتبكي😭 ساع الجهال يانونو شل مناديل ومكنها .. هاه مسحي دموعش أنا عند وعدي واللي يريحش كله شاسويه وهذا عهد الله بيننا ياسلاف أنتي قطعه مني ومن دمي قبل ما أحبش❤️ وتكوني مرتي يعني زعلش مايرضينيش .. لمح السلسه والدبله لابسه لهن .. تأكد إنه استحاله تنسى خالد زعل 😔 ..

سلاف : بتمسح دموعها 🥺 يعني مش زاعل مني إنه شرطت عليك هكذا ...

أحمد : باإبتسامه 😊 ماشي يكفيني سعادتش مدام هذا الشي عيرضيش .. ذلحين قومي بدلي وخذي راحتش أنا شفرش لي بطانيه في الأرض وأرقد والصبح نكون نرفعها ومحد عيدرى وقدامهم نعيش الدور ونصدق إن احنا عرسان ...

سلاف : تسلم لي يا أحمد وأنت الله يعوضك ويسخرلك بالبنت اللي بتحبها وشخطبها لك💍 بيدي بس لاتسخاش عليها لاتكسرش قلبها حرام ...

أحمد : في داخله زاعل تنهد إنها بتدعي له يتزوج بغيرها .. حاول مايبين زعله .. يله شاشل ملابسي وأبدل في الحمام وأنتي خذي راحتش فلت وخطي ...

......... ........ .......

في غرفه يوسف 😍..

يوسف : جالس جنبها مسك يدها وباسها 😘 معقووله خلاص تزوجنا وكل شي تمنيته حصل .. أخيرا قد أنتي مرتي وحبيبتي وحقي ...

مايا : إبتسمت 😊 لا هيدا حلم ماتصحى منه لأنه راح تتفاجأ انه مافي شي صاير ولساته حماتي مو موافقه ...

يوسف : ضحك 😂 ههه هيا اوبهي تسمعش أمي وأنتي بتقلي حماتي عتكرهش ..سحبها من يدها وقفها وفتح أغاني هادئه اليوم أشتي أرقص معش وأنبسط اليوم أنا أسعد مخلوق ع الدنيا أخير أتزوجت بحبيتي اللي محد لفت انتباهي في الدنيا الإ هي .. أحبش مووت مايتي ❤️..

مايا: وطت رآسها بتخزا 🥰 وأنا بحبك أكثر ..بمووت فيك ...

ياعيني عليك يا احمد فرحتك إنكسرت 💔 بس هذا قرارك ووافقت ربي يعوضك بواحده تحبك ..

إيش تفضلوا الزواج التقليدي والا عن حب وإيش سلبيات وإيجابيات كل واحد 🤔

🌹meme_abdalgaleel


https://tttttt.me/qesasanani/4825





@qesasanani

❤ وشآءت الأقدار ❤

بارت 70

ثاني يوم الصبح 🌞..

في بيت أبو أحمد 🏡..

في غرفه أحمد ..

أحمد : نكز من النوم 🥱 كان فارش له ع الأرض قام بيرفع البطانيات ..

سلاف : شافته لأنه ماقدرت ترقد .. لفتت لعنده 👀 أحمد حطهن شاقوم أرفعهن أنا ...

أحمد : إبتسم 😊 صباح السعاده ماشي مابش رفاع أنتي عروسه ..

سلاف : قامت من فوق السرير ..لفتت لعنده وإبتسمت بتنهيده .. عروسه منك صدق .. هذا وأنت داري بكل شي وبتقل هكذا ..

أحمد : شل البطانيه بعد ماعطفها وبيرفعها .. هو لأني داري بكل شي بين اقلش ياعروسه يله أنا شاخرج أبسر أمي يدوا لنا الصبوح🍱 وأنتي إلبسي وتجهزي ...

سلاف : شكرا يا أحمد أنا آسفه ع كل شي وعيش حياتك كأن انا مش موجوده ..

أحمد : بيصلح شعره بيده قدام المرايه .. بس أنتي موجوده وحياتي إرتبطت بش... يله شخرج تأخذي راحتش ..

....... ....... .......

في غرفه يوسف ...

مايا : سحبت ورده 🌹 من اللي فالغرفه اللي فعلت لهم سميره .. بتحركها ع أنف يوسف ..

يوسف : نووم بيحك أنفه 👃🏻 بيده ..

مايا : بتضحك 😂 وترجع تعيد الحركه ..

يوسف : فتح عيونه شافها إبتسم 😍 وعيونه قلوب .. ياصباح الحب ياصباح السعاده ياصاحب الورد ..

مايا : خزيت وطت راسها 🥰 صباح الخير ابن عمي ..

يوسف : ضحك 😂 يا إبن عمي والله إن انا اليوم ولا العقيد ابو شهاب في باب الحاره ...مسك يده وباسها 😘 أخيرا شاكون أصحى من النوم ع الوجه الحالي هذا 😁 عادنا مش مصدق بين احس إنه حلم وعاد أمي رافضين ...

مايا : لا مو حلم وصرت حقك مو هييك اسمها حقك صح .

يوسف : ضحك 😂😂 أيوه حقي ياحقي أنا فدال اللي يشتي يتعلم صنعاني وشعفل شعرها ..

مايا : ضحكت😅 وبعدت من جنبه يله إصحى يكفي كسل علشان نفطر مع حماتي مابدي تقول عني كسلانه من أول يوم ...

........ ........ ........

بعد ساعتين تقريبا ...

هاشم : بيصيح يييه يا أهل البيت هيا أين العرسان حقنا ...

أبو أحمد : سمعه حيا حيا با أخي حيا الله من جاء وبيسلم عليه 😘..

هاشم : هيا كيف العرسان حقنا اين جوا نسلم عليهم ..

سلاف : سمعت صوت ابوها 👂🏻 نزلت بسرعه بتسلم عليه 😘 وتحضنه ...

هاشم : حيا بروحي 😘 كيف أنتي ..

سلاف : جلست جنبه .. الحمدلله كيف ماما وسلا فقدتهم ..

هاشم : خرج تلفونه 📱 هاه إتصلي لأمش حاكيها مارقدتش كل شويه بتدخل غرفتش وتبكي حاسه نفسها مضيعه ..

سلاف : شلت التلفون 📱 وبتتصل ..

أحمد : نزل وبيسلم ع عمه 😘..

هاشم : خرج من جيبه ٤ تذاكر سفر 🧧 هاه أحمد هذولاء هديتكم أنتوا ويوسف حجزت لكم رحله لجزيره سقطرى شامله الفندق ورحلات سياحيه داخل الجزيره تسيروا شهر العسل أنا داري إن سلاف نفسها تسيرها من زمان ..

أحمد : يوووه تسلموا ليش تتعبوا نفسكم 😊..

هاشم : أنتوا عيالي قلك تعب يله قوموا تجهزوا أنت وسلاف تجوا تبسروا عمتك قد جننتني اتغدوا عندنا لأن انتوا بكره عتسافروا رحلتكم بكره ..

......... ......... ........

في بيت مريم 🏡...

مريم : لابسه البالطوه واقفه وفي يدها مفتاح السياره 🔑 بتحاكي أمها ... ماشي مابش عمل اليوم ماشاسيرش من مره قد اتصلت لي سلا سلاف عتجي تتغدى عندهم وبكره عتسافر سقطرى شهر العسل شاسير عندهن ...

أم مريم : ناهي .. قبل ماتخطى أشتي أحاكيش أمس جت لعندي بنت ال... وانتي عند سلاف قالت إنهن إبسرنش في عرس وسألوا عليش وأعجبتيهم قووي ويشتوا يتقدموا لش لأخوها قالت هو محامي وإدت صورته تبسريه والكل وحطت رقمها وتفاصيل ع أخوها نسأل عليه .. وأنا ماقد صديتش أحاكي أبوش قلت أحاكيش أول تبسري صورته لو اقتنعتي شاحاكيه ولو ماعجبش شتعذر لها بأي شي ماقلتي ...

مريم : واقفه مطننه 🤔 بتفكر في كلامها وبتفكر في حمزه ..

أم مريم : بتأشر بيدها قدام وجهها 👋🏻 يييه من بين احاكي ماقلتي ...

مريم : هاه 😅 للعشي للعشي خلوني أسير أبسر سلاف وبعدا لما أروح عنتجابر خرجت وغلقت الباب 🚪 طلعت فوق سيارتها خرجت تلفونها 📱 رسلت لحمزه تحانكه 😂 ( بارك لي جالي عريس محامي وأدوا صورته أبسره بس ماقد فضيت أبسره للعشي شبسره وارسلك صورته والكل تشوفه معي وتقرر معي شكل هذه الفتره موسم عرسان يشتوا ألحق صاحبتي بسرعه ) ...


🌹meme_abdalgaleel




@qesasanani

❤ وشآءت الأقدار ❤

بارت 71

بعد يومين...

في سقطرى 🌊..

الصبح 🌞

أحمد : نزل من الفندق 🏢 بيتلفت يمين و شمال شاف يوسف ومايا بيصتبحوا 🥪🥐.. خطي لعندهم صباح الخير ..

يوسف : بإبتسامه😊 والشاي في يده ☕ ياصباح الوورد هييا صبوح ..

أحمد : إسهل عنصتبح أول إبسرتوا سلاف ..

مايا : إييه شفتها لما نزلت قالت راح تتمشى شوي ع البحر 🌊..

أحمد : خلاص أوكي شخرج أبسرها وخطي للبحر 🌊...

سلاف : جالسه قدام البحر🌊 بتتفرجه وفي يدها حجار جالسه تراجمهن لوسط البحر ..

أحمد : جاء من وراها .. بخ أنتي هانا وأنا بين ادورش😄 ...

سلاف : لفتت له بإبتسامه 😊 صباح الخير أصلا إبسرتك في سابع نومه 😴 ماقيمتك قلت أنزل أتمشى ع البحر شوويه إبسر محلاه كيف هو يجنن صافي وكل شي هانا يجنن كأنه خيال ...

أحمد : جلس جنبها .. أكيد في سابع نوومه قدلي يومين بين ارقد ع الأرض وضحك 😂 قدنا مكسر يله إطرحت أمس ماعد دريت أين أنا .. شل حجره من يدها ورجمها بقووه للبحر 🌊..

سلاف : أحمد ...

أحمد : ياعيوون أحمد 😍...

سلاف : بهررت فووقه 😠 مااهو ياعيون أحمد ...

أحمد : ضحك هههه 😂 ماهو ماهو مالش صل ع النبي بين اقل عيوني للي في الشارع ماشاقلش وأنتي بنت عمي ومرتي ..

سلاف : بضبح 😤 قصدي ..

أحمد : هزرها من يدها 🤝🏻 ووقف .. ولاقصدي ولاقصدش قووومي هيا نلووي إبسري محلى الجزيره هيا نركب القارب هذاك 🛶...

سلاف : قامت .. أنا أصلا كنت إشتي أقلك أشتي المركب 🛶..

أحمد : إبسرتي كيف قلبي دليلي وغمز لها 😉..

سلاف : إبتسمت 😊 ثقيل دم وخطيت معه يطلعوا المركب ..

....... ......... .........

في بيت سهام 🏡.

سهام : قامت من النوم 🥱 ع صوت تلفونها بيرن 📱.. ردت ألووو...

صاحبها : يا محلى الألووو المنعسه هذا عاد القمر صحيت من النوم 🥱..

سهام : أيوووه نكزني صوت التلفون 📱 مامعك بتتصل من هذا الساع ...

صاحبها : سألت لش ودريت في أي فندق نزل 🏢 معي صاحب في مكتب السفريات وقلي أين بينزلين الأفواج حق الرحلات ..

سهام : صددق 😍 يله بسرعه الان رسل لي ..

صاحبها : أنا ذلحين نفسي أعرف🤔 ليش مهتمه بهذا الشخص وبتبعسسي بعده مش عوايدش ..

سهام : ضحكت هههه 😂 يا أخي هذا الشخص تحديدا إشتي أقهره لأنه قهرني خيرات أول ما أشتغلت وشايف نفسه قووي ومحد شاطر الإ هو ...

صاحبها : وذلحين ماعتفعلي 🤔 لاتقليش عتسافري ..

سهام : نزلت من السرير🛏️ ... يعجبني الشاطر .. أكييد شاسافر أخرب له أجواء شهر العسل الجميل قدلي يومين بين ادحس بابا نسافر سقطرى إشتي أعرفها ذلحين أسير أخليه يحجز لنا نفس الفندق يبسرني في وجهه والله لاخليه له شهر عسل محترم 😂...

صاحبها : ضحك 😂 حسبي الله في عقلش هذا يله شارسله لش ذلحين ولو تشتي أخلي صاحبي يحجز لكم الرحله كامله كلميني .

سهام: خلاص تمام إتفقنا شاحاكي بابا وأقلك ...

....... ........ ........

في بيت هاشم 🏡...

أميره : في المطبخ بتجهز الصبوح 🍲🍛 ...

هاشم : وقف باب المطبخ 🚪 صباح الخير ع أحلى أميرره في الدنيا كلها ..

أميره : بتسكب له قلص عصير 🍹 يا صباح الأنوار .. مكنته العصير مسرع قمت سمعت الدكتور ماقال ٦ شهور راحه ..

هاشم : شل العصير من يدها 🍹 تعببت مازد كملت هذه ال٦ شهور كم قد لي وبعدا قمت بدري اليوم علشان سلا تشتي تسجل فالمعهد وقلت حرام قد سمعتها 👂🏻بتحاكي صاحباتها قالت لهن خلاص يدخلين هن هي عتراعي لما يرجعوا العياال من السفر علشان يسجلوها قلت ماعيوقع بي شاقوم أشلها تسجل تدخل مع صاحباتها ماقدناش مطروح في الزوه ولا ميت أحرم بنتي من شي نفسها فيه ...

أميره : غطت فمه بيدها👋🏻 بعد الشر عليك أخر مره تقل هكذا وبعدا هو بس هذه الفتره ترتاح علشان تقدر ترجع الشغل وتعيش عادي ..

هاشم : بإبتسامه 😊بتفتجعي عليا .. ومسك يدها باسها 😘..

أميره : ومن معي غيرك في الدنيا هذه كلها أنت حياتي وعمري كله 😍 ..

سلا: خرجت من غرفتها سمعتهم .. إحم إحم نحن هنا 😜..

هاشم : ضحك هههه هيا إخطي البسي يالقنه أشلش تسجلي فالمعهد مع صاحباتش ..

سلا: فرحت 😍 صدددق يله الآن أدخل البس وأتصل لصاحبتي إن انا شاسير ...

🌹meme_abdalgaleel



@qesasanani

❤ وشآءت الأقدار ❤

بارت 72

في سقطرى 🌊..

وقت الغداء 🍕🍟...

يوسف : جالس وجنبه مايا ..

أحمد : سحب كرسي 🪑 لسلاف تجلس جنبه ..

سلاف : جلست وبتحاكيه بصوت واطي ليش تجلسني هانا ..

أحمد : قرب يشاورها اوووص 🤫 لازم نمثل صح والا عيكشفونا ويقلوا للباقي ..

مايا : يا الله ما أحلاها هالجزيره 😍 عن جد تجنن كثير كنت لما أسمعهم يتكلموا عنا بفكر إنم عم يبالغوا بس طلعت وااااو شي ولا في الخيال ...

يوسف : بيتفرجها بحب 😍 إنتي اللي طلعتي تجنني ولا في الخيال ..

مايا : ابتسمت بخزا 🥰 يوووسف خلاص مو وقته ..

يوسف : ضحك 😂 الإ وقته ونص أنا حر مرتي وأحب فيها وقت ما أشتي ...

سلاف : بتبسرهم ولفتت لأحمد زعلت عليه 😔 إيش ذنبه مايتزوج بواحده بتحبه ..

أحمد : إستغل الفرصه مسك الملعقه 🥄 وبيأكلها هم هم يا قمر 😜..

سلاف : بتتفرجه بلمت 😳 ..

أحمد : هيا قلبي❤️ إفتحي فمش عيعجبش ..

سلاف : إبتسمت 😊 فتحت فمها وأكلت ...

أحمد : بيحاكي نفسه ( خليش ياسلاف والله لا أجننش قدامهم لما أخليش تستسلمي ) ....

سلاف : قربت لجنبه بتشاوره 👂🏻 أحمد وقت الهباله حقك صح ليش تفعل هكذا ...

أحمد : ضحك 😂 ههههه يشتي يغالط وأنا والكل ..

سلاف : خفعته برجلها من تحت الماسه ..

مايا : شو رأيكم بعد الأكل نروح المغاره مو متذكره شو إسمها بس قالوا في مغاره حلوه كثير مشهور في سقطرى شفتها ع التلفزيون ..

أحمد : قصدش مغاره والا كهف لأنه به كهووف تجنن وأشهرهن هوك وجينبا وحوق وبه مغاره دي جب وجنيه شبهن وعاد باقي ملان ...

مايا : ايووه هيدا هووك اللي شفته ع التلفزيون واااو شكله كثير حلوو وجواته في مثل البحيره ..

يووسف : خلاص هيا نكمل نتغدى بسرعه ونسير قبل ماتظلم الدنيا ...

........ ........ ........

في بيت صاحبه سلا 🏡...

صاحبتها : حانقه مارضيتش تتغدى جالسه في غرفتها ..

غسان : دقدق لها الغرفه ✊🏻 ودخل وهذه مالها حانقه هانا ساع الجهال ليش ماتقومي تتغدي ...

صاحبتها : صاحباتي كلهن سجلين فالمعهد وأنا بابا قالوا مش وقت مابش من يشلني ويروحني مش ضروري هذه الفتره لما يبسروا من يشلني وأنا إشتي أسجل مع سلا علشان نكون نفس الكلاس😔 ..

غسان : ليش سلا عتسجل 🤔 معش ..

صاحبتها : أيووه قد اليوم أبوها شلها سجلها وقد عتبدأ تداوم من الاسبوع الجاي الصبح ...

غسان : إبتسم 😊 خلاص ولاتزعلي ذلحين أشلش بكره وأسجلش ولو تشتي نكون نرروح سلا معانا عادي .

صاحبتها : فرحت وباسته 😘 يوووه جبرني بأحلى أخ في الدنيا كلها أقوم أتصل لسلا 📱 أفرحها اقلها شاسجل ..

غسان : فتح تلفونه 📱 ودخل الوتس يتفرج الحالات ويشوف حاله سلا مثل كل يوم لأنه سجل رقمها لما إتصلت له أخته من عنده وفاعل إخفاء إنه شاهده الحاله ....

........ ........ ........

في بيت حمزه 🏡..

ام حمزه : بتتفرج موديلات فساتين 👗 في التلفون مارأيش في هذولاء ..

أخت حمزه : ياماما مشتيش من هذولاء أصلا أي واحده عتنزلهن من النت وتخيط مثلهن أنا قد قلت شاخلي مريم تفصلي فساتين العرس كلهن وبس ..

أم حمزه : يووه محلاها مريم أنا فدالها 😍 والله إن انا من يوم خطوبتش وأنا بين اقل إشتي أعزمها عندنا يوم تجي هي وأمها نتعرف عليها ..

أخت حمزه : ياماما مارأيكم فيها لو نخطبها لحمزه ..

أم حمزه : ضحكت 😂 نخطبها لحمزه .. لكن قال مش هي حاليه ماعجبته ..

أخت حمزه : قلك مش هي حاليه هذا ماعد يشتي بعدها خلوه عليا وأنا شاحاكيه أنا وأقنعه ..

أم حمزه : بتحاكي نفسها 🤭 قلك تقنعه هذا اذا مش هو اللي عيدحسنا بس عاده بيزنط ...

....... ....... .......

في بيت سهام 🏡...

سهام : بعد ماكلمت أبوها ووافق لأنه مايرفضش لها طلب دلوعته بس قلها معه شغل ماعيقدرش يسير تشل أخوها معاها اللي فالثانويه كلمت صاحبها يحجز لهم وبتجهز شنطتها 🧳 ...

🌹meme_abdalgaleel


https://tttttt.me/qesasanani/4825




@qesasanani