❤ وشآءت الأقدار ❤

بارت 46

الدكتور : أنت كيف عايش حياتك لذلحين طبيعي 😠 سبحان الله بس اللي ماقد حصلك شي حالتك قدها خطيره قوي والان ع طول تحتاج مستشفى وعمليه ماتستحملش تأخير ..

أحمد : إنصدم بخوف 😨 ماااهو يادكتور فجعتني ماااهو مابه ...

الدكتور : لفت لعند هاشم .. يا أخي والله انك تحمد ربك وتشكره أنه ماقد حصل شي والله ان ربي يحبك بس الشرايين حق القلب❤️ قدها متسدده وصعوبه التنفس هي منها ونبضات القلب ضعيفه قووي وعندك الصمامات واحد لازم يتغير كيف صابر وماحسيت الحمدلله انه ماقد حصلت لك جلطه ...

هاشم : إنصدم 😨 اوووف هذا كله بطل يادكتور لاتفجعنيش شابطل الدخان 🚬 ناهي بغير هولاء كلهن ...

أحمد : مسك رجل عمه بيده 👋🏻 راعوا راعو نسمع كلام الدكتور ونفهم سواء لاتقلقوش ...

الدكتور : ياجماعه افهموني والله ان الموضوع صدق ومايحتاج تأخير وإذا مش مقتنعين بكلامي ممكن تشوفوا دكتور ثاني بس والله فعلا الموضوع مش محتمل للتأخير لازمه عمليه عاجله أو ع الأقل يترقد فالمستشفى🏥 فالعنايه المشدده لابكره بالكثير لو حابين تتاكدوا وع ماواحد يجهزه للعمليه ...

هاشم : حس جسمه ثقل وركبه يبست 😧 يعني شاموت يادكتور ..

أحمد: مالكم صلوا ع النبي هو بيقل عمليه بس مالكم 😔 ووقف مسكه من كتفه يحاول يهديه ..

الدكتور : شوف يا أحمد أنت ع ماقلت لي وفهمت إنك مهندس وشكلك شخص فاهم وانسان متعلم وفاهم ان أي لحظه تأخير فيها خطر ع صحته أنا عارف إن إسلوبي هجومي وثقيل والمفروض أتكلم معاكم بطريقه ثانيه بس أنا من خوفي عليه مش حابب أكذب عليكم لازم تنحطوا فالصوره صح بدون لف ودوران لأنه والله ماغير رحمه من رب العالمين إن ماقد حصله شي وحالته خطيره ...

أحمد : خلاص يادكتور اللي تشوفه مناسب إبدأ به وإحنا موافقين صح ياعمو ولفت له ..

هاشم : مطنن 😳 في عالم ثاني حسه ماعدهوش عنده بيفكر في مرته وبناته ايش عيحصلهن لو يموت وكيف عيوصلوا لهن الخبر لما يروح هو وأحمد ...

احمد: إبسره ملامح وجهه متغيره وبيعرق من كل شعره 😓 عممو يييه ماقلتوا هيا نتوكل ع الله ونبسر ماعيفعل الدكتور ونبدأ نفعل الفحوصات والأشياء اللي يحتاج ونرقد الليله في المستشفى 🏥 علشان يجهزوكم للعمليه بكره ...

هاشم : مش مركز معه في كل اللي قال .. اللي تشتوا فعلتوه بس خلوني اول اروح أبسر بناتي ...

أحمد : خلاص يادكتور ايش المطلوب الآن حولنا للمستشفى 🏥 واذا في شي يستخدمه الآن ع مانوصل البيت ونجهز انفسنا ونتحرك المستشفى ...

خرجوا وهاشم طول الطريق بيتفرج الشارع من طاقه السياره 🚗 بيفكر طيب ولو يحصله شي من عيوقف مع بناته ويكون لهن السند ومابش معاهن أخ . صح آن اخوه و يوسف وأحمد معاهن ومابيقصروش بس عيجي يوم وينشغلوا بنسوانهم وعيالهم حتى لو مافلتوهن ...

احمد: خرج تلفونه 📱 بيتصل ليوسف أين انت ..

يوسف : خارج أنا وصاحبي مالك ..

أحمد: إسمعني ماتتحاكاش لأحد لما أجي ماقد إشتيش أحد يقلق عمي تاعبين شويه قال الدكتور لازم يرقدوا فالمستشفى الليله 🏥 وششرح لك التفاصيل بعدين فلت صاحبك ذلحين وشارسلك صوره للورقه حق التحويل اللي كتب الدكتور للمستشفى تسبق للمستشفى تجهز المطلوب واحنا عنروح لبيت عمي وندي حاجتهم اوصل للمستشفى وكل شي جاهز ...

يوسف : إفتجع ع عمه 😨 يله حاضر الان شتحرك بس هم بخير أمانه لاتفجعنيش ...

احمد: أيوه ايوه بخير والله اوذا هم جنبي ولفت👀 لعمه هيا اتحاكوا سمعوا يوسف ان انتوا بخير ..

هاشم : رفع صوته يسمعه .. بخير بخير يايوسف لاتقلقش يابني الله يحفظكم ويجبرني بعافيتكم ونزلت دموعه 😭...

احمد: قفل وبيحاول يخفف ع عمه هيا مه مالكم صلوا ع النبي هي عمليه ان شاء الله بكره وقد انتوا بخير بعدها الحمدلله انه فكرنا نجي نبسر الدكتور ودرينا ..

هاشم : بيمسح دموعه 🥺 مش انا قلق ع روحي يا ابني أنا بين اهم بنات عمك ماعيوقع بهن من بعدي سلا ومجنونه قدك داري بها وسلاف بتبسر كيف قدهي مكسوره وماوقع بها عاد لو يوقع بي شي والله لاتموت ..

أحمد: الله المستعان🙁 تهموهن وإحنا ع وجه الأرض والله لو لهن هذا ناضج وهذا نيه وأشر ع أكتافه هذولا دمنا ومننا وفينا وقطعه مننا وبعدا الله يطول في عمركم وتفرحوا بهن وبعيالهن ..

هاشم : ونعم بك ياولدي مامصبرني الإ هذا الله لايفرق بينكم ويجعلكم هكذا طول العمر ..

أحمد: آميين يارررب ويحفظكم لنا ويقومكم بالسلامه 🤲🏻...

🌹meme_abdalgaleel


https://tttttt.me/qesasanani/4825



@qesasanani

❤ وشآءت الأقدار ❤

بارت 47

في بيت هاشم 🏠..

أميره : كانت جالسه داخل هي و سلا عند سلاف ..

سلاف: ذلحين كيف لهم بابا اليوم خرجوا يلووا هم وأحمد من أي حين بابا يعجبهم اللوي ..

سلا : بتحانك أمها 😜 مابلا شكلهم بابا يشتوا يرجعوا شبابهم قدهم أصحاب هم وأحمد قوي من حين كان يمكنوها سمره فالمستشفى ذلحين أحمد عيخرجهم يعاكسوا البنات ..

أميره : خفعتها بالوساده .. والله ماعاد يبسر واحده في الدنيا بعدي ولما يجي إساليه💪🏻 ...

سلا : ضحكت 😂 ياواثق ..

سلاف: سرحت بتفكر🤔 في كلام سلا أحمد خرجهم عيعاكسوا بنات معقوله سلا داريه إن أحمد هكذا وأنا اللي كنت مخدوعه وبين ابسره طول حياتي مابش مثله لما أنصدمت إنه بيضحك ع سهام علقها فيه وهو بيلاعنها ويضحك عليها من ورآها .. قاطع تفكيرها صوت ابوها ..

هاشم : حاول يتماسك أخذ نفس عميق قبل مايدخل .. بيداعي يييه يا أميره ...

أحمد: سار يشتري العلاج اللي يشربه ذلحين قبل مايسيروا المستشفى 🏥..

أميره : بتجاوبه .. هاه هااشم جي جي أحنا عند سلاف جي إسمع 👂🏻ماقد بتقل سلا ..

هاشم : دخل وهو مبتسم 😊 هيا ماقد بتقل بنتي ..

سلا: حملت تبوسه 😘 وتحضنه يابابا اومه ان عاد انتوا البنات بيتحيلين لكم وإن أنتوا أحلى من الشباب حق هذه الأيام .

هاشم : باسها 😘 ايوه صددق ليش مابه ..

أميره : بدلع 😌قالت بنتك انك خرجت تعاكس أنت وأحمد قلت لها أتحداك تحب والا تبسر واحده غيري ..

هاشم : قرب حبها في رآسها 😘 أنتي مرتي وحبيبتي وصاحبتي وأمي

وكل شي في حياتي لو ألف الدنيا كلها ملقاش واحده مثلش لافي جمالش ولا حنيتش ولاطيبه قلبش ...

سلاف : لفتت لهم إحم إحم 😊 نحن هنا ...

هاشم : قرب باسها 😘 جلس جنبها فوق السرير 🛏️ أنتي أول فرحتي أول كلمه بابا إنقالت منش أنتي نص قلبي❤️ وهذه المجنونه اشر👈🏻 لسلا النص الثاني وفتح يده بيدعيها تجي يحضنها ..

أميره : إبسرتهم وابتسمت 😊 الله يحفظك لنا ويخليكم هكذا ع طول ..

هاشم : آميين ياررب🤲🏻.. ذلحين إسمعني إشتي أتكلم معاكن في موضوع بس بدون جنان وصياح انا كنت أنا وأحمد عند الدكتور ..

سلاف : مالكم 😳 ...

أميره : فتحت عيونها خايفه ماعيقل😧...

هاشم : ماسك نفسه يضعف قدامهن إبتسم 😄 هيا من هذا ماقد قلت عتسمعين بغير هدايم مابش شي هو غر قال من كثر الدخان 🚬 والكتمه اللي بتجي لي به انسداد صغير في شريان ويشتي يفعلي قسطره تشخيصيه بس ..

سلا : بكيت 😭 يعني ماهو كيف يعني قسطره ..

هاشم : صيح 😠 يييه انا الاخبل اللي جيت اتحاكى شاصدق احمد وفعلناها هذك الساع لوشي ان انا روحت ومش انتين داريات ان انا فعلتها ...

أميره : عيونها بتتشارغ بالدموع 🥺 كيف يعني لوشي ان قد فعلتها وروحت ليش هي بسرعه بسيطه يعني ...

سلاف : ساكته مطننه 😳بتسمع بس ...

هاشم : ايووه مابش بساعتها قال بكره الصبح عيفعلها لي بس علشان لا أتاخرش الصبح يشتي أسير المستشفى 🏥 ذلحين ارقد علشان يقيسوا لي الضغط والسكر وهو أصلا عيبكر بحين يشتي يجي وكل شي جاهز ...

أميره : قلبها❤️ مش مصدق اللي بيقله ومش مطمنه .. خلاص تمام هيا اقوم اجهز حاجتنا ونخطى ...

هاشم : أين تخطي محد عيخطى والبنات لمن وسلاف بتبسري عادهي تاعبه ..

اميره : شتصل📱 لسميره تدي عيالها وتجي عندهن ...

سلا : بتبكي 😭 مااشي ماعليا وانا شاجي معاكم ماشفلتش بابا..

هاشم : بهرر 😠 مابش جيه لحد ولاعتتصلي لحد عادهو عيفعلها الصبح لفت لسلا و بعدين أنتي معش مدرسه ثانويه أشتي معدل عادش مكنتيها غياب مع مرض أختش...

اميره : دموعها نزلت 😭 قامت وهي مقفيه شاقوم أجهز لك ملابس وخرجت ...

هاشم : قومي ياسلا عاوني امش من البكاء يله لو تحبي أبوش واختاري لي عطر حالي ودلعيني يشمني الممرضات ويتحلين لأبوش وغمز لها 😉..

سلا: خرجت وهي بتمسح دموعها 🥺...

هاشم : لفت لسلاف .. وأنتي ماتشتيش تبكي ساعهن ...

سلاف : متأكده أنه بيكذب وفي شي مخبيه لفتت له 😔 بابا أنا أول فرحتكم قلتوا صح..

هاشم : أنتي روح قلبي وبين اهمش أكثر من روحي ووجعش كسر قلبي 💔..

سلاف : طيب لاعاد توجعوني أكثر ولاتسخوا تكذبوا عليا والله ما اتحاكى ولا أقل لماما وسلا مالكم ماقال الدكتور انا داريه إن به شي ...

هاشم : بيحكي لها ماقال الدكتور ... بس إشتيش تكوني متماسكه أنتي العاقله وراكن عليش وبعدا هذه الأعمار بيد الله وانا متفائل سعم مدري ماقد به اوذا بين اخطى وأسير وأجي بس هم الدكاتره يعجبهم يكبروا المواضيع ...

سلاف : إبتسمت 🙂 ماتشتيش يحس بخوفها مع إنها قد عتموت خوف عليه وخايفه يحصله شي ... ماعيوقع شي وبعدا ربي حطه في طريقكم وأنتوا مش عاملين حسابكم ع علاج علشان يفعلها لكم وبعدا إحمدوا الله عيوقع لكم شوكلاته وعصاير خيرات 🍫🍭🧃 ...

هاشم: حبها في رآسها 😘 فديت العاقله حقي .. أحمد عيجي معي ويوسف قد سبق وشتصل لعمش بس اسمعيني يابنتي محد داري ماعيحصل الأعمار بيد الله إشتي توعديني إنش تكوني قويه وتقوي أمش وأختش وأنا راكن ع عمش والعيال عمرهم ماعيفلتوكن واشتي اختش تهتم بمستقبلها ودراستها وأنتي توعديني انش عتهتمي بنفسش وصحتش وعتعيشي حياتش وتتزوجي ...

سلاف : نزلت دموعها 🥺 ومسحتهن بسرعه وابتسمت أنتوا تشتوا تبكوني صح .. أصلا هذا الكلام كله مابش داعي له لأن أنتوا عتخرجوا بالسلامه وتعاكسوا البنات هيا مه ولو تشتوا عنزوجكم ...

هاشم : ضحك 😂 هيا لاتسمع أمش .. ذلحين قوى بنتي ماتحتاجي أعقلش ..

رن تلفونه 📱 احمد بيتصل ..

أحمد: ها عمو قدنا خارج قد حاكيتوهم ماهو ذلحين ..

هاشم : سلاف بس داريه وعمتك قلت لها هي بسيطه هاه هاه حاكي سلاف عتقلك مافهمتهن علشان لاتخبص قبالهن وأنا اقوم أبسر عمتك ماقد جهزت لي مكن سلاف التلفون 📱 وقام يبسرها..

سلاف: هاه احمد ..

أحمد: حيا بالمريضه حقنا كيف قدش ..

سلاف: مش وقتي إبرد مني ماقال الدكتور قووى لاتكذب حاله بابا خطيره قوي 😔..

أحمد: مخرج يد من الطاقه حق السياره 🚗 مدكي ..يعني لو خطيره عتبسريني هكذا مبورد صح مش هي بسيطه بس الدكتور شاطر والحمدلله ان احنا درينا وماقد حصلهم شي ..

سلاف: طيب بابا قالوا لماما وسلا انه وبتحكي له ..

أحمد: خلاص تمام هكذا حلو وشاقل نفس الكلام لعمتي وامي ..

سلاف: طيب بابا مارضيوش احد يجي المستشفى 🏥 أنا اشتي أجي قبل مايدخلوهم العمليات ..

احمد: عمي مارضيوش قالوا مايشتوش أحد .

سلاف: علشان خاطري يا أحمد لو لي غلاوه عندك مش لازم بابا يعرفوا شاجي وبس والله مااقل لماما ولا احد جي لي بسرعه الصبح شخرج سكته ..

احمد: ياسلاف أنتي غاليه وغاليه قوي بس ماعينفعش بتبسري كيف عادش مريضه بعد عمليه ماينفعش .

سلاف: قوى أنا فدالك وبكيت 😭 اسهل قدنا أحسن وبعدين قدهو ابعد الخياطه حق العمليه هم قالوا بعد اسبوع والله لا أجلس عاقله ...

احمد: رحمها وماسخي ع دموعها 😭 خلاص ناهي لاعد تبكيش وعد لا اجي لش الصبح بس تخرجي سكته ومحد يحس عليش والا اقلش شاقل لعمتي انه شرجع اجي لهم قبل العمليه وشدي لهم وقت متأخر وانتي لو حسوا عليش سعم ان يوسف جاء يشلش تبعدي الخيوط ..

سلاف: خلاص تمام اتفقنا شكرا يا أحمد ..

أحمد: بدون خبالات والا مابش جيه وبعدا مشتيش دموع ولابكاء إشتي سلاف حق زمان اللي ابتسامتها تجنن وع طول وهي بتضحك .

بعد ساعتين ..

في المستشفى 🏥..

هاشم : فالسرير 🛏️ بدأوا يفعلوا له الفحوصات والأشياء اللي يحتاجها..

أحمد: عيرقد عنده ..

يوسف : روح بعد ماجهز لهم كل شي وعيرجع الصبح بدري هو وأبوه ..

الله يقيمك بالسلامه ياهاشم ويخليك لمرتك وبناتك 🤲🏻

🌹meme_abdalgaleel



@qesasanani

❤ وشآءت الأقدار ❤

بارت 48

ثاني يوم ...

الصبح 🌞...

احمد : أتصل بدري لسلاف تخرج ..

سلاف : أصلا ماقد رقدت وماما عادهم غمضوا ماقدروش من القلق شخرج الان بسرعه بدون مايحسوا ...

احمد : يله نودف اليوم من تحت رآسش 😅 عيصيحوا عمتي قلت لهم العمليه الساعه ١١ لو يدروا انها ٨ لايذبحوني وعمو يعلم الله ماعيفعلوا حين يبسروش قدامهم ...

سلاف : كانت بتحاكيه📱 وهي بتخرج قد كانت جاهزه .. قفلت الباب 🚪 دلا ..

احمد : فتح لها الامان حق السياره 🚗 ..

سلاف : طلعت .. صباح الخير ..

أحمد : شغل السياره ومشي 🚗 شافها بالبالطوه بس مش لابسه شي ثقيل والدنيا برد ❄️ ليش ما تلبسي سواء ..

سلاف : ماعد ركزت حسي مشو معي 😔 اشتي اوصل بس أبسر بابا ...

أحمد : وقف السياره 🚗 وبيبعد الجاكت حقه 🧥 مكنها هاااه البسيه ..

سلاف : بترجعه .. ماااشي مشتيش البسه بس ...

احمد : بهنجمه أصيح صح 😠 بررد البسيه قلت انتي مريضه ..

سلاف : شلته منه 🧥 وبتلبسه ..

أحمد : إبتسم 🙂 محلاش حق صميل من وإحنا جهال ...

سلاف : يووه صح ذكرتني كيف كنت حق صياح تخليني افعل كل شي بالغصب ..

احمد : إبتسم 🙂 لأنش عنيده وماتسمعيش الإ لما افعل بش هكذا ...

بيمشوا فالشوارع فاضيه 🚗 والمحلات عادها مقفله ...

سلاف : يووه كم يعجبني هذا الجو ومابش احد والدنيا فاضيه ذكرني لما كنا صغار ويسافر احد ونخرج معاهم المطار 🛬 ويشلونا للبوفيه اللي في شارع الزبيري اللي تجلس مفتوحه واصل يشتروا لنا سندوتشات وعصير ...

احمد : ضحك 😁 تذكري لما سافروا ابي وعمي روحونا عندكم وع رجعتنا من المطار طلعنا فالخانه حق السياره الصالون وكنتي بتبكي 😭 حقش العصير 🥤استكب مابلا يرجعوا يشتروا لش محد قدر يسكتش ..

سلاف : وأنت صيحت فوقي 😠وسكت ورجعت رحمتني واديت لي حقك العصير ..

أحمد : لفت لها 😊 محلى هذك الآيام لما يخرجوا عمي بالسلامه وتفتهني نفعلنا لنا سفره كلنا للحديده نغير جو عند البحر هذه الفتره كلها كانت ضغوط وتعبنا كلنا ...

سلاف: يقوموا بابا بالسلامه وكل شي عيسبر ..

أحمد : دخل من شارع غير طريق المستشفى🏥 يشلها للبوفيه يشتري لها عصير وسندوتش 🌯🥤 .. وقف عينزل ..

سلاف: أحد قلك قبلي إنك مجنون مالك اديتنا شابعه اشتي ابسر بابا ..

احمد : نشتري ونسير نبسر بابا وعتاكلي بالحلا والا شاصيح 😠 ..

سلاف: بعد مانزل . بتفكر 🤔 ذلحين يا احمد أنت طيب وكل شي فيك كويس بس ليش بتلعب ع سهام احاكيه والا ادعمم هذا شي يخصه وبتحاكي نفسها ..

أحمد: فتح باب السياره 🚗 وطلع بيمكنها ..

سلاف: شلت منه الكيس 🌯🥤 .. أحمد لو اقلك شي عتزعل مني وتقول ان انا بين ادخل في خصوصياتك وهذه حياتك الشخصيه مالي حق ادخل ولا اسال والا عتتقبل مني .

أحمد: حس انها تشتي تتكلم شي يخص الرسايل .. حس قلبه بيدق بسرعه ❤️ لاول مره هكذا يرتبش ومش عارف ليش هذا الاحساس هل هو خوف انها فكرت فيه غلط او هو احساس من ناحيتها وفارح انها بتغير .

سلاف: شافته ساكت خلاص مادام ساكت ماشتكلمش عرفت الرد ..

أحمد: 😅 ارتبك مع مع مشو هكذا الا اتكلمي انا تقريبا عرفت ع ايش تشتي تتكلمي انا من هذك اليوم اشتي اشرح لش وافهمش والله ان انا استغربت مثلش انها رسلت لي هكذا لأنه مابين ادي لهاش وجه ولاهي من النوع اللي يعجبني ولو بيني وبينها شي كنت اتكلمت ولاشجلس اضحك عليها يمكن هي فهمت كلامي غلط لما يوم سالتها ع شي ...

سلاف: بتتفرجه 😯 هذا كله وانا ماقد سالت افرض كان سؤالي ثاني بس خلاص مدام فتحت الموضوع شسالك ماهو الكلام اللي قلت لها وهي فهمته غلط ...

أحمد: بيحكي لها ..

سلاف: حطت العصير من يدها 🥤 يعني معجب بواحده صح ...

أحمد: مدري مش قادر اعرف ولا افهم احساسي ماهو هو حب ❤️ والا ايش بالضبط لأنه طول عمري قريب منها بس ماحسيت بهذا الا هذه الفتره ليش مدري ومشتيش اتهور لأنه ماينفعش واستحاله انها تفكر فيني .

سلاف: وليش ماتفكر فيك يا أحمد أنت تنحب وانسان محترم وكل شي فيك حالي أول تأكد من إحساسك وبعدين عنشوف كيف .

قاطعهم اتصال 📱

يوسف: هيا اين انت قد جيت ادورك ومابحد مابلا عمي راقدين😴 ..

احمد: قدنا فالطريق سيرت ادي سلاف سرقه ولفت لها وابتسم 😊..

يوسف : هيا القطبه ياسرقه والله لاتتصايح مع عمتي انا مدخلش لو حد سالني شاقل مش انا داري شفعل نفسي اتفاجأت ..

أحمد: أين اتفاجأت هههه هو انت اللي سيرت تشلها عند الدكتور حقها تبعد الخياطه قلك مايدخلش ..

....... ....... ......

بعد ساعه ..

هاشم : بيجهزوه للعمليه ...

سلاف: واقفه جنبه ماتشتوا يابابا افعل لكم ..

هاشم : لفت لأحمد وأشر له بعيني 🧏🏻 اديتها هكذا وقد سدينا محد يجي ...

أحمد: والله ماسخيت عليها ياعمو هذه سلاف هيا مه ..

هاشم : هيا جي ما أقلك حاجه في اذنك 👂🏻...

سلاف: والله هكذا تقلوا له وحده وانا ماشي ..

هاشم : إبتسم لها 😊 يووه لو تدري كم احبش بس ..

احمد : قرب لعنده 👂🏻 ...

هاشم : .........

أحمد : استغرب 😳 صدددق .. معقووله طيب كييف .

سلاف: بتبسر ردة فعله وقلبها بياكلها ❤‍🔥 مفتجعه في شي ومخبيه ..

هاشم : هيا مه وعد يا أحمد ...

أحمد : إبتسم وعد قوموا بالسلامه بس ..

دخل هاشم غرفه العمليات وسلا جالسه فالغرفه بتقرأ له قرآن...

يوسف واحمد وابواحمد خارج عند غرفه العمليات واحمد كل شويه بيسير يطمن عليها ويطمنها ان العمليه ماشية بخير بيطمن من أي ممرض يخرج ...

أميره : في البيت بتبكي 😭 هي وسلا ويدعين له ويقرين قرآن وقد سميره وام احمد عندهن دريين بعد ماكشفين إنه سلاف سارت وحاكين هاشم فالتلفون قبل مايدخل العمليات ...

🌹meme_abdalgaleel



@qesasanani

❤ وشآءت الأقدار ❤

بارت 49

عدت العمليه ع خير ونجحت 😍 بعد ما استغرقت ٣ ساعات وخرجوا هاشم وحطوه في العنايه لما يطمنوا عليه

يوسف : بعد ماخرجوه سار يدي البقيه يطمنوا عليه يشوفوه من خلف الزجاج ...

اميره : ماعاد رضيت تروح عتجلس هاناك فالغرفه حتى لو هو فالعنايه تكون قريبه منه ووعدتهم عتروح العشي ترقد فالبيت ..

احمد: دخل لعند سلاف ..

سلاف: ماسكه العمليه بيدها كانت بتوجعها لأنها من كثر القلق جلست تتحرك وتمشي خيرات وهي المفروض تجلس ماتتعب نفسها ماقد التأمت ..

احمد : قرب لجنبها .. بتوجعش صح ابسرتي اللي مايسمعش الكلام ..

سلاف : حاولت تكابر مااشي بخيره .. المهم ان انا اتطمنت ع بابا ...

أحمد: ناهي صدقتش يابخيره .. قومي معي ننزل نبسر احد فالطوارئ نطمن عليش ...

اميره : ابسرتها انزلي قوى لاعاد توفيش اللي فيني ماعاد ادرى ع من ابسر فيكم 😔 وخطيه البيت عمتش عتجلس عندكن ولاعاد اشتي ابسر لش صوره جلسه فالبيت وكما خرج ابوش للغرفه عنديش تبسريه ..

احمد: سمعتي ماقالوا عمتي يله قدامي ماذلحين بالأمر العسكري نبسر دكتور واروحش..

سميره : خلاص يا اختي قووى طمنيني اول باول 😔 ولاتهميش سلاف ..

اميره : ماشاهمش خلاص قدنا راكنه عتقدري فيها المهم حسش من هذا بس واشرت لأحمد 👈🏻 لاعد يديها ..

أحمد: ضحك والله هكذا ياعمه ولفت لسلاف هيا ابسرتي كله بسببش 😅 جزاتي حين رحمتش ماسخيتش فيش...

مريم : الله يخاوي مابينكم وماتسخى عليها هي وسلا طول العمر ويشفي عمك ياررب🤲🏻..

سميره : آمين ياارب ..

......... ........ .......

بعد شهر ...

هاشم : خرج من المستشفى 🏥 والحمدلله نجحت العمليه بس طبعا عاده تاعب عمليه كبيره وممنوع عليه يبذل أي جهد او زعل وانفعال ...

سلا: باقي لها شهر بس وتبدأ اختباراتها الوزاريه مركزه في مذاكرتها اغلب وقتها بين الكتب 📚 تشتي تعوض الايام اللي فاتت مع المستشفيات وتدي مجموع علشان أبوها ...

سلاف: تحسنت بعد العمليه وأول شي سوته أول ماخرج ابوها بعدت اللبس الأسود علشان لايكون فال شوعه لأن الكل صيح فوقها ان اللبس الأسود يدي موت بعد موت ...

يوسف : بيختبر وكل يوم يجلس يذاكر هو ومايا فالمكتبه حق الجامعه 📚 وعلاقتهم بتتطور وناوي خلاص يكلم اهله فالموضوع بعد الإختبارات يخطبوها له 😍...

مريم وحمزه : العناد والمكابره مسيطر عليهم 💪🏻 رغم ان كل واحد بيحب الثاني محد فيهم فكر يعترف خايف ان ردة فعل الثاني تصدمه ...

سهام : مش قادره تفهم احمد وماعاد بتقدر تشوفه كويس لأنه كان مشغول مع عمه وبدات تفكر ايش تسووي علشان يحبها وتفلته تشتي تكسره خاصه بعد ماطنشها اخر فتره وكل يوم تجلس تفكر في خطط 🤔..

كمال : بعد ماعرف من احمد ان ابو سلاف مريض قرر يزوره يطمن ع صحته بحكم انه زميل أحمد وسلاف ومقرر بينه وبين نفسه إنه يفاتحه فالموضوع ويتقدم لسلاف لأنه كان نفسه يكون جنبها فالظروف اللي مرت فيها خاصه ان مافيش معاها أخوه ...

أحمد : كل يوم بيحس إن مشاعره بتتغير وإحساسه بيكبر وبدأ فعلا يحس إنها شي مميز وقرريب منه قوي ❤️...

🌹meme_abdalgaleel



@qesasanani

❤ وشآءت الأقدار ❤

بارت 50

في الشركه 🏢...

سلاف اليوم أول يوم عترجع الشركه بعد العمليه ...

أحمد : قد طلب منهم قبل مايجي يجهزوا بوكيه ورد 💐 يحطوه في مكتب سلاف ومكتوب فيه ع الكرت 🧧 حمدلله ع السلامه نورتي الشركه ...

وصلوا الشركه🏢 ودخلوا ..

الموظفات شافين سلاف وبيسلمين عليها 😊 حمدلله ع سلامتش ..

سلاف : الله يسلمكن 😊..

كمال : سمع إنها جت خرج من مكتبه عاده فالممر بيفكر 🤔 يخرج يسلم عليها والا يراعي لما تدخل مكتبها ويدخل يحاكيها ... سمع صوت سهام من وراه ..

سهام : مالك واقف مطنن هانا ..

كمال : هآه 😅 ماشي مش انا مطنن بس سمعت ان سلاف جت قلت أسير أقلها حمدلله ع السلامه ورجعت قلت خلاص لابعدين لما أكمل عملي ...

سهام : بضبح ومن شق نخرها 😏 آهاا قد سلاف رجعت تداوم ..

كمال : أيوه ..أصلا ابسرت أول ورد 💐 دخلوه لمكتبها جهزه أحمد سألت قالوا لسلاف وقبل شويه سمعت الموظفين بيسلموا عليها ...

سهام : مسكت يدها من الضبح 🤛🏻 وحاولت تكتم .. وررد يله كويس انك قلت لي أسير أسلم عليها وخطيت 🚶‍♀️...

في مكتبها ....

سلاف : دخلت وشافت بووكيه ورد 💐 كبير محطوط ع مكتبها فرحت 😍 الله وقربت تشم الورد شلت الكرت تقراه 🧧...

أحمد : مبتسم وفارح من فرحها 😍 حمدلله ع السلامه نورتي الشركه ..

سلاف : لفتت له والورد في يدها 🥰 أنت اللي إديته ...

أحمد : كم سلاف معانا😍 هي واحده بس لو مش خايف من كلام الموظفين وماعيقلوا كنت مليت لش المكتب كله ورد 🌹🌹🌹 الفتره اللي عدت كانت صعبه علينا كلنا قووي ...

سلاف : بتتعامل معه بعفويه أحمد إبن عمها اللي بتعتبره أخوها ...
يوووه تسسسلم لي ياأحمد 🥰 فدديتك لولاك هذه الفتره ماعدت تعبت معي قوي ومع بابا ...

أحمد : كل كلامها أخر فتره بدأ يحسه ع طول بيدخل 💘 لقلبه ويعلقه بها أكثر 😍

سهام : كانت واقفه وراهم عند الباب 🚪 بإسلوب مستفز 😏 كملتوا الأجواء الرومانسيه ندخل نسلم ع المريضه حقنا ...

سلاف : خزيت منها 😅 أهلا كيف انتي وقربت تسلم عليها ...

سهام : مغصوبه .. حمدلله ع السلامه ..

أحمد : يله ياسلاف انا داخل لو تشتي شي دعيتيني ودخل مكتبه 🚶🏻‍♂️..

سهام : في نفسها .. طيب يا أحمد مش معبرني علشان هذه ..

سلاف : مكنتها ورده 🌹 هذه لش ..

سهام : يووه مع ماشي خلي حقش بعدا أحمد عيزعل منش 😏..

سلاف : بإبتسامه 😊 ماشي عادي ليش عيزعل هن حقي .

سهام : اقصد واحد لما يهدي حبيبته شي عيزعل لو توزعه ...

سلاف : ضحكت منها 🤭 حبيبه مه أحمد ابن عمي بس وإحنا أخوه قوي أنا مابش معي أخوه . يعني الجو فاضي لو عاجبش 😉...

سهام : ارتبكت 😅 هااه مع مع هو بس انا حسبت ان بينكم شي لأنه مهتم بش قوي قلت انه بيحبش ..

سلاف : لالا مابش هذا الشي نهائيا بس إحنا هكذا قريبين من بعض .

أحمد: بيتفرجهن من الزجاج الشفاف 😤 ضابح يشتي سهام تخرج مايشتيش تختلط بها قووي ...

........ ....... ........

الظهر 🌞

في بيت هاشم 🏠...

سلا: ضبحت من المذاكره 📚 خرجت من غرفتها دخلت لعند أبوها .. بابا حبيبي شفعلي عصير🧃 ماتشتوا افعلكم معي ...

هاشم : ممدد في السرير 🛌🏻 أنا قلت ماعاد تفعلي شي داعي بس وماما عتدي لش عصير ..

سلا : يابابا قوووى قدنا ضابحه 😤 جلسه فالغرفه مذاكره واصل اسهل اساعد ماما في احتياجاتي أنا بس ..

أميره : دخلت وفي يدها صحن فيه أكل 🍱 لهاشم .. وأنتي مابتفعلي هانا ليش مابتذاكريش امتحاناتش الاسبوع الجاي ..

سلا: بابا اشرحوا لهم أنا تعبت وضحكت سارت تفعلها عصير 🧃..

أميره : حطت الأكل 🍱.. وجلست جنبه مسكت الملعقه 🥄 تأكله ..

هاشم : سحب الملعقه 🥄 من يدها ومسك يدها وباسها 😘 تسلم لي هذه اليد اللي تعبتها قووي معي ..

أميره : إبتسمت 😊 تعبك رآحه أخدمك بعيوني مش الا بيدي حين قد ربي قيمك لنا بالسلامه ..

هاشم : الحمدلله دفع الله ماكان أعظم بس جالس قلق😥 عليش وع البنات ومش انا داري كم شاعيش لكن محد ضامن عمره ..

أميره : مسكت فمه بيدها 👋🏻 بعد الشر عليك لاتقلش هكذا ..

هاشم : هذا هو أمر الله ومحد يقدر يرده .. إسمعيني أشتي أطمن ع سلاف وإشتي أضمن وجود شخص في حياتها يكون سند لكن كلكن والصدق بنتش جننتني شايله موضوع الزواج من رآسها إشتي تقنعيها ...

أميره : ليش في أحد جديد تقدم لها 🤔 ...

هاشم : إسمعي ما اقلش .... وجلس يحاكيها ..

🌹meme_abdalgaleel



https://tttttt.me/qesasanani/4825





@qesasanani

❤ وشآءت الأقدار ❤

بارت 51

ثاني يوم الصبح ☀️..

في الجامعه 🏫 ..

يوسف : واقف بيراجم الملازم للهواء 📑 ويطيرهن فارح أخييييرا .

مايا : بتضحك عليه 😂 يامجنون مش هييك يمكن تحتاجن ..

يوسف : قلك احتاجهن خلاص مع السلامه ناجح وبإمتياز عتبسري واجي أخطبش 😍..

مايا : خزيت ☺️ شو رأيك تتعرف ع بابا خليه يحبك بالأول بعدها احكي معه ع خطبه ..

يوسف : مابش عندنا تعرف ع بابا وتعرف ع ماما 😅 ونننعم شاجي اقله ياعمو أنا وبنتك بنحب بعض هيا زوجنا هههه ...

مايا : ضحكت 😂 لكان شو بدك تقله ..

يوسف : شاخلي أمي تجي لابيتكم تقلها ابني بيدرس فالجامعه مع بنتش وابسرها بنت محترمه وعجبته سأل عليها وعرف اين بيتكم وجيت اليوم اقلكم نشتي بنتكم لابننا ...

مايا : ضحكت 😄 نفس الشي ..

يوسف : ضحك 😅 هم قد عيفهموا من نفسهم بس مش اقرحها للوجه ...

مايا : خلاص ياتقرحها وقت ما امك بدها تجي ع البيت كلمني قبلها اعمل حسابي وأضبط نفسي تشوفني حلوه 🥰...

يوسف : بالسوري بيتليقن عليها .. ولك أنتي حلوه بدون تضبييط 😜 ياعمي شو هالحلا...

مايا : خزيت وضحكت 🤭 يله امشي مابدي أتاخر ...

........ ........ ........

في الشركه 🏢..

كمال : بيدقدق الباب ✊🏻 حق مكتب سلاف . دخل وفي يده بوكيه شوكلاته 🍫 صباح الخير . حط البوكيه فوق المكتب حمدلله ع السلامه أمس جيت أتحمدلش بالسلامه وسلامه الوالد وقد مشيتي .

سلاف : إبتسمت إبتسامه خفيفه 😊 الله يسلمك ليش الشغله . .

كمال : لا والله مابش شي واجب عاد احنا مقصرين عادنا كنت حابب أستأذن إذا ممكن أزور الوالد حابب أتحمدله بالسلامه وقدهو بالمره أتعرف عليه قد حبيته من كثر ما احمد دايما يتكلم عليه ..

سلاف : تنور حيا بك البيت بيتك أستأذن لك بس من بابا لأنه أول مره احد يقلي يشتي يزوره ..

كمال : خلاص تمام ممكن تتصلي تكلميه وشاجي ازوره إن شاء الله أنا وأحمد ...

......... .......... .........

في الموقع .. .

سهام : لابسه كوتش رياضي 👟 ولابسه بالطوه سوداء بدون تطريز فيها شريط ذهبي خفيف ومخففه مكياج قوي شكلها مهندسه مش في عرس 👷🏻‍♀️ .

أحمد : 👷🏻‍♂️ خلص يشيك ع العمال نزل شافها بتكلم عامل ايش يسوي قرب لعندهم ابسر لبسها قرب لجنبها بصوت واطي إبسري اليوم هكذا باينه مهندسه مش متعرسه ومشي 🚶🏻‍♂️ ..

سهام : فلتت العامل ولحقته 🏃‍♀️ .. قربت لجنبه أحمد ممكن سؤال ..

أحمد: وقف .. احمد ع طول مابش يابشمهندس ولا مدير هههه😂...

سهام : أنت بتحب سلاف❤️ ؟؟؟ هي البنت اللي حكيت لي عنها صح 🤔..هي اللي مطنشني ومش حاسس بمشاعري بسببها هي اللي خايف تصارحها تخسرها؟؟؟

حبيت اقلك بس لاتصارحها ولاتتكلم معاها سلاف بتعتبرك أخ ولاعتفكر فيك اي شي ثاني يعني من الأخير شيل الموضوع من رآسك وبدل ماتوجع نفسك في قصة حب مش ممكن تنتهي الإ بكسرة خاطر فكر في اللي بتحبك وشاريه لك وتغيرت علشانك وأنت بنفسك قلت لي هكذا قدش مهندسه مش متعرسه اناتغيرت علشانك حس فيني 😔 .. فلتته ومشيت وبتكلم نفسها هههه اذا ماخليتك تلف حول نفسك يا أحمد ....

احمد: واقف منصدم من كلامها 😳 مالها هذه ومعقوله تغيرت علشاني صدق حبتني...
طيب ليش قالت ان سلاف مش ممكن تحبني وشكسر قلبي لو افكر فيها 💔 معقوله امس لما كانيين يتكلمين تكلمين بخصوص هذا الموضوع جلس يفكر ...

العامل : بيحاكيه يابشمهندس ذلحين كيف افعل ؟؟

احمد : لفت له مش مركز أقلك خلاص خلاص وقف كل شي لما امر بكره .. شغل سيارته 🚗 ومشي طول الطريق بيفكر فتح تلفونه 📱 قري رسايل سهام بتركيز وبيفكر في المواقف الاخيره كلها مع سلاف حس نفسه ملخبط ...

........ ......... ........

في بيت مريم 🏠...

مريم : بتنكنس ورابطه شعرها ببندانه والمكنس في يدها والتلفون في اليد الثانيه 📱 ...

قل والله يعني عيرضوا يخلوني أشتغل ...

حمزه : بيضحك😂 ايووه مالش ساع اللي مش والفه وليش ماعيرضوش يخلوش أنتي خريجه تصاميم ازياء وهذا التخصص نادر عندنا يله حقنا المخيطين بيشتغلوا بالبركه ما اديتي لهم عينفذوه مابش مصممين يصمموا لش ع حسب جسمش والاستايل المناسب لش ليش بتقللي من نفسش...

مريم : أصلا تفاجأت لأن انا كل ما احاكي احد يقلي مادرستي اقل تصميم ازياء يقلين هاه مخيطه وليش تعبتي نفسش وقريتي جامعه هو الا خياط سعم مدري ماهو واللي تقلي عتخيطي لي تيه الزنه وبكم احنا نتعارف لاتغليش ماعنجيش عندش كسرين نفسي وحطمين معنوياتي 😅.....

حمزه : وذلحين لاعاد تتحطمي ولا تنكسر نفسش من حظش ان بنت خالتي كانت عايشه في لبنان مع زوجها وقررت لما رجعت تفتح دار للأزياء وعتدي فساتين لمصممين وقلت لها اخت صاحبي اعتقد مصممه قالت تأكد لو مصممه خلاص تشتغل معانا...

مريم : فرحت 😍 يوووه أخيرا وجالسه تدور بالمكنسه وأوقع مشهوره وأصمم فساتين زفاف وأبيع بالدولار...

حمزه : ضحك 😂 أيوه علشان تقضيني قيمه الصدمه والا أين قيمه الصدمه إشتي سياره جديده 🚘...

مريم : من الفرحه 😄 خليني بس أشتهر وأد يلك السياره من عيوني.

حمزه : فدديت العيون 👁️وصاحبتها..

مريم : ارتبكت 😅 حست قلبها بيدق بسرعه ❤️ .. أول مره يقلها هكذا .

حمزه : ألوو يا الوو نحن هنا ...

مريم : هااه ايوه معك ...

حمزه : يامريم أقلش شي .


مريم : هاه ..

حمزه : خلاص خلاص خليها مره ثانيه المهم بكره الساعه ١٠ ان شاء الله تجي شارسلش العنوان في رساله ...

تقولوا ممكن أحمد يفكر في سهام بعد كلامها اللي قالت له 🤔

🌹meme_abdalgaleel



@qesasanani

❤ وشآءت الأقدار ❤

بارت 52

في بيت أبو أحمد 🏠...

يوسف : روح من الجامعه فارح بيدقدق الباب ويطبل 🚪.

أم أحمد : فتحت له 😄 مالك يامجنون ..

يوسف : فارح فارح يا أمه وبيبوسها 😘 خلاص اخر أختبار كملت جامعتي اخيرا قدنا حر طليق ماعدبش قومه بحين ماعدبش مذاكره ماعدبش دكاتره يكرهوني عيشتي أخيرررا ..

ذلحين خلاص موافق تخطبوا لي و تزوجوني😍 ..

أم أحمد : فرحت 😃 يوووه منك صدق قل والله يجي ابوك بس وأحاكيه ومايجي بكره الإ وأنا عند أهل البنات هولاك اللي عجبني لو ماقدخطبوهنش أسير أفاتح لك في واحده ولو احمد يرضي نخطب له الثانيه ...

يوسف : سحبها وجلسها فوق الكنبه 🛋️... إسمعوني أول يا أمه صلوا ع النبي .

أم أحمد : اللهم صل وسلم عليه ...

يوسف : أنا مشتيش تخطبوا 💍لي هذه البنت اللي قلتوا أنا الصدق نفسي في واحده بتدرس عندنا فالجامعه بنت ناس وقمريه ومحترمه إشتي تسيروا تحاكوا أهلها وتخطبوها لي ...

أم أحمد : إبتسمت 😊 إسهل ومافيها مدام قد إعجبتك ونفسك فيها نبسرها لك يجي أبوك وتقله من هي وكيفه ومه وسيرنا لعندهم
أنت داري أين بيتهم ..

يوسف : أيوه قد سألت ع كل شي وداري أين بيتهم وبكل شي باقي تسيروا أنتوا بس تحاكوا أمها ..

أم أحمد : كيف هي قمريه 😀 هي محجبه والا ملثمه ..

يوسف : مع مش هي ملثمه هي بيضاء وعيونها عسلي قمريه ما الشكل أنا متأكد عتعجبكم قدهي سوريه تعجب الأمام ..

أم أحمد: 😍 ماشاء الله شكلها حاليه اذا مدام تشبه السوريات بنت من هي يا ابني ...

يوسف : مع مع مش هو تشبه السوريات هي أصلا سوريه من سوريا مش هي يمنيه ....

أم أحمد : تغيرت ملامحها 😖 قصدك سوريه عايشه فاليمن .

يوسف : أيوه جوا هانا هي واهلها مع الحرب فلتوا سوريا ..

أم احمد : بضبح 😤 وللمه سوريه يايوسف كملين اليمنييات قد بين اقل إنها يمنيه ومننا وفينا قدنا فارحه أحاكي أبوك ونسير نخطبها لك وإنك تقلي سوريه 😒...

يوسف : اكتبد 😰 .. ليش يا أمه ومالهن السوريات ومافيها لو تزوجت بسوريه ..

أم أحمد : مافيها شي يتزوجوا بها عيال بلادها مانا مشتيش واحده مخرجيه ولا تدخل بيتي فلت حقنا وعتسير تدي لي اللي بتخرج بشعرها وبنطلون وشميز 👚👖 ماناش راضيه ولاشاسير أخطب لحد ولا أشتي سوريه ..

يوسف : مسك يدها وبيبوسهن 😘 يا أمه قوى أنا فدلكم اذكروا الله مايوقع سعم انه ناقصها شي وبعدا هي محجبه حتى في سوريا مابتخرجش بشعرها وأنا الصدق إشتيها محد دخل نفسي الإ هي يعني عتسخوا عليا أتزوج بواحده ثانيه وأنا أشتيها...

أم أحمد : حرام ماتدخل بيتي أنت مجنون والا بعقلك بتبسر في الحلقات كيف بيفعلين السوريات بعماتهن تشتي تدي لي واحده تشبعني حياه ماناش موافقه والله لو تحبب يدي من ذلحين لابكره ...

أبو احمد : دخل ع عباره ماناش موافقه .. هيا خير مالكم ماقد له بيدحس مايشتي مش انتي موافقه ...

يوسف : بين اقلهم إشتي أخطب💍 يزوجوني ...

أبو أحمد : بإستغراب🤔
طيب ومالش مش موافقه وأنتي اللي كنتي بتدحسيه تخطبي له هو واخوه...

أم احمد : بضبح وصياح 😤
إبنك يشتي يخطب سوريه يشتي يتزوج بها ويدخلها عندي مانا حرام عليا ما أخطبها له ولا تدخل بيتي .. فلتتهم وخطيت 🚶‍♀️..

أبو أحمد : لفت له 👀

ماهو الموضوع عتفهمني سواء ...

يوسف : بيشرح لأبوه ..

........ ........ .........

بعد يومين ...

في بيت هاشم 🏠..

في الديوان ...

هاشم : جالس فوق الفراش ومدفي أرجله مغطيهن بشال.. ليش الشغله ياولدي كلفت ع نفسك ..

كمال : أدى معه شوكلاتات خيرات وعصاير 🧃 🍫 مابش شي من واجبكم كان نفسي والله أجي أزوركم فالمستشفى بس ماعد إبسرت أحمد واستحيت أجي وحدي المهم طمنوني كيف قد أنتوا ..

هاشم : الحمدلله الذي لايحمد ع مكروه سواه .. قلي ابن من أنت ياولدي ..

كمال : إبن ال......

هاشم : ماشاء الله عائله معروفه وأصلكم واحد يفتخر به قلي يقرب لك( ......) ...

كمال :باإبتسامه😊 الوالد الله يرحمه ..

هاشم : الله يرحمه يارب😔 تصدق كان صاحبي طول الابتدائي والاعدادي تفرقنا فالثانويه بس هو نقل مدرسه ثانيه وبعدا جلسنا نتواصل لما فرقتنا الأيام الله يرحمه ...

كمال :فرح 😄 هيا مدام طلعنا معرفه وطلعتوا صاحب أبي شتشجع وأقلكم .. أنا ياعم جيت أبسركم وفي نفس الوقت يشرفني إن انا أتقدم لسلاف ع سنة الله ورسوله ولو وافقتوا أي شي تطلبوه مني أنا حاضر..

أحمد : حس كأن أحد سكب ماء بارد من فوق رآسه 🥶 جاء يخطب سلاف ..

هاشم : لكن سلاف قدهي تعتبر وقاطعه أحمد ...

أحمد : لفت لعنده 👀 أنت تشرف أي شخص ياكمال ...
صح ماقد لك الإ فتره قليله معانا بس إبن الأصول يبان وبعد إذن عمي أنا شاقلك خلينا نسأل البنت أول ع رأيها ....

هاشم : شافه بإستغراب 😳 مصدوم من رده بيكلم نفسه بصوت واطي طيب والوعد ..

كمال : جلس شويه وإستاذن منهم وروح ..

هاشم : لفت لأحمد بعتاب 😟 معقولة يا أحمد طيب والوعد...

أحمد : وأنا عند وعدي سند وظهر ..خلونا نبسر أول رأي سلاف يمكن يطلع رأيها غيرنا ...

ياترى إيش عيكون رد سلاف إيش تتوقعوا 🤔

🌹meme_abdalgaleel



@qesasanani

❤ وشآءت الأقدار ❤

بارت 53

بعد ماخرج كمال ..

هاشم : بيتفرج لأحمد مستغرب 😳 من ردة فعله ..

أحمد : قرب لجنب عمه وجلس تربع .. قبل ماتقلوا لي أي شي أنا داري إنكم مستغربين مني وعتقلوا هذا وعدني وقلي إن سلاف عتكون له وعيكون لها الأخ والزوج وإبن العم كيف يرد ع كمال هكذا 🤔..

هاشم : وأنا فعلا مستغرب من ردة فعلك لدرجه إن انا حسيت نفسي نزلت قيمتي وأجبرتك ع طلب ماتشتيه وتمنيت وأنا ماكلمتك ....

أحمد : قرب باسه في رآسه 😘 لاعاش ولاكان من ينزل قيمتكم وأنتوا ع رآسي من فوق بجزمتكم .. أنا خفت إن سلاف يكون عندها ميول لكمال وإحنا نقوم نرجعه بدون مانأخذ رأيها ونكسر قلبها للمره الثانيه 💔..

هاشم : ليش في شي بينهم قد لاحظت عليهم شي يعني البنت تشتيه 🤔.. لو سلاف تشتيه والله ما ارجعه ...

أحمد : لا والله ماقد شفتهم حتى مع بعض الإ لما دخل يسلم 🤝🏻 عليها ويقلها يشتي يشوفكم ..

هاشم : طيب مارأيك أحاكيها عليه وعليك وأبسر خيارها ..

أحمد : ضحك 😂 والله لو تشتوا رأيها شاقله لكم الآن عتقل لكم أنا مشتيش أتزوج أحد بعد خالد ...

هاشم : إبتسم 🙂 وأنا مثلك بس ماعدهوش برضاها إشتي أتطمن وأزوجها لو حصل لي شي أشتي افرح بها وريت والله وقد سلا كبرت شويه وكملت دراستها لا أزوجها ...

أحمد : بعد الشر عليكم ربي يطول في عمركم عادكم عتفرحوا بهن وتزوجوا عيالهن ...

.......... ......... .........

في بيت أبو أحمد 🏠..

أبو أحمد : ذلحين منش صدق يامره عتجلسي هكذا حانقه من إبنش ..

أم أحمد : بضبح 😤 ... خلاص قلنا هذا الموضوع يتقفل مش انا راضيه ومابش بيني وبينه كلام لما يغير رأيه ويخليني أخطب له واحده ثانيه ...

أبو أحمد : يامره اذكري الله الولد يشتي البنت ماعنكسرش قلبه 💔 ولو هي سوريه مايوقع عادهو أحسن يوقع لش أنساب في سوريا وتكن تسافري عندهم ..

أم أحمد : لا أسافر عندهم ولايجوا عندي يخلوا لإبني حاله وكثر الله خيرهم لو يعدمين بنات اليمن كلهن وماعدبش الإ هي ماناش راضيه وأنتوا أحرار ولو عتدخل من الباب 🚪 أنا شخرج منه وفلتت وخرجت ...

أبو أحمد : لاحول ولاقوة الإ بالله ...

........ ........ .........

في دار التصميم ...

مريم : بتشرف ع العمال بيدخلوا المكاين ..

صاحبه الدار : قربت لجنبها وإبتسمت 🙂 ماشاء الله عليش نشيطه وشكلش حابه العمل بقووه ...

مريم : أيووه والله 😅 إشتي نبدأ بدايه قوويه ونشتهر بسرعه بسرعه ..

صاحبه الدار : ذلحين اخوش صاحب حمزه ابن خالتي صح ...

مريم : ارتبكت هآه 😅 أيووه أيووه .. ذلحين نحط هذولاء المكاين هانا ونخلي هذه الركنه لأخذ القياسات ..

جلسين يرتبين ويفكرين كيف عيبدأين فالشغل ...

🌹meme_abdalgaleel


https://tttttt.me/qesasanani/4825




@qesasanani

❤ وشآءت الأقدار ❤

بارت 54


الليل 🌚...

في بيت هاشم 🏠..

هاشم : هيا أينهن بناتي اليوم ...

أميره : سلا قدك داري ربي يعينها وسلاف بتتجابر مع مريم فالتلفون 📱 فارحه حين اشتغلت الله يوفقها ...

هاشم : إبسرتي زميلها اللي فالعمل اللي جاء اليوم يزورني مع أحمد تقدم لها يشتي يخطبها 💍...

أميره : صددق 😳 ..

هاشم : ومالش إستغربتي ..

أميره : مابلا قدك داري بين اهم ماعتقل ولاعاد تبطل الشغل بسببه ماعد ترضاش تسير وقد كرها فرحت حين خرجت واشتغلت اتحسنت نفسيتها ...

هاشم : بس كم عتجلس تقل ماشي وخالد الله يرحمه كان ابني والكل بس هي لازم تعيش حياتها والصدق أنا أشتي أطمن عليهن في حياتي ماعدناش ضامن عمري .. شاقوم لعندها أبسرها ...

سلاف : في غرفتها التلفون 📱 في يدها .. هههه ايوه وماقلتي لها حين سألتش ...

هاشم : دق الباب 🚪 عاد بنتي مطوله فالتلفون ..

سلاف: حيا بابا مع ادخلوا .. هاه مريم خليني أبسر بابا وشرجع أتصلش وقفلت ...

هاشم : جلس جنبها ...مرتاحه مريم فالشغل حقها .

سلاف: أيوه الحمدلله ومبسوطه إنه في نفس التخصص ..

هاشم : طيب وأنتي مرتاحه فالشغل مع أحد والا تشتي لو عينفع تشتغلي معها ..

سلاف : مع مرتاحه قوي مع أحمد وبين استفيد قوي وبعدا خلوني شويه لما أتعود أسير وأجي وحدي وأتعلم السواقه..

هاشم : المهم راحتش أين ماتشتي.. ماشاء الله زميلش هذا اللي جاء اليوم يزورني مسكين ومؤدب قوي ولو تدري طلع أبوه الله يرحمه صاحبي كنا أصحاب مانفترق واحنا في المدرسه وبعدا قل تواصلنا لماتخرجنا وشغلتنا الدنيا ...

سلاف: صددق 🙂 كيف الدنيا صغيره ..

هاشم : شكله محترم قووي واخلاقه كويسه ..

سلاف : مسكين من يوم ماتعرفت عليه وهو بعد حاله ما ابسرش يختلط قوي بالبقيه تحسوه بعد عمله ومحترم قوي مشو حق مجابره بنات مايحاكينيش الا سلام كيف الحال و لما جاء يقلي حمدلله ع السلامه ويشتي يزوركم ..

هاشم : مسك يدها 🤝🏻 إبسر الدبله في يدها 💍 .. مادريش كيف يفاتحها فالموضوع .. ذلحين هذا دبلتش وجنبها دبله خالد الله يرحمه صح ..

سلاف: الله يرحمه 😔 ايوه ..

هاشم : كمال اليوم تقدم لش يشتي يخطبش 💍..

سلاف: إنصدمت 😳 يخطبني .. أيوه ماقلتوا له أكيد قلتوا له ماشي صح ..

هاشم : ماشي قلت له شسألش ..

سلاف: نزلت دموعها 😭 كيف تسألوني كيييف أنتوا داريين إن انا خلاص قفلت هذا الباب ومشتيش اتزوج احد بعد خالد ولاشاكون لواحد ثاني ...

هاشم : وأنا داري وحاسس بمشاعرش بس يابنتي أنا أشتي أموت وأنا مطمن عليش وع أمش وأختش إشتي يكون معش رجال في حياتش يسندش وقت حاجتش وأنتي ماعتفلتيش أمش وأختش مشتيش أفلتكن فالدنيا هذه وحدكن إشتي أفرح بش وأبسر عيالش قبل مايحصل لي شي 😔...

سلاف : ودموعها ملان عيونها 🥺 الله يحفظكم ويطول في عمركم لاتقلوش هكذا أنتوا اللي عتجلسوا توبهوا لنا ومش احنا محتاجين أحد وأحمد ويوسف أخوتي الله يخليهم لنا ...

هاشم : الله يبارك فيهم يابنتي ماعيقصروش وأنا داري بس لو تحبيني لاتقلي ماشي سواء هو والا غيره أنا ماشغصبش عليه بس الولد مابش فيه شي يتعيب والصدق أنا أشتي أفرح بش وأبسرش عروسه قدوذا بتبسري كيف قد قلبي 💔 لو تحبي أبوش صدق فكري في الموضوع أنا شاخليش تفكري وياريت تحسي بإحساسي كأب خايف يموت وماقد فرحش ببنته وإطمن عليه حبها في رآسها 😘 وخرج ..

سلاف : ارتجمت فوق السرير وغطت وجها بيدها وبتبكي 😭 ليييش ياخالد فلتني وسيرت ليش ماتشلني معك ...

....... ....... ......

في بيت أبو أحمد 🏠 .

يوسف : في غرفته ماعد بيخرج عندهم بسبب زعل أمه وكل مايحاول يكلمها يتصايحوا ...

أحمد : سامر مع أهله بيتفرجوا التلفزيون 📺 ذلحين يوسف هذا ماله كمل أختباراته ولاعد بين ابسر له صوره أختفى قدهو ساع الحريوه محجب في غرفته ...

أم أحمد : بضبح 😤 يشتي يحنق خليه يحنق سعم لو فعل هكذا إن انا شرضى والله ماتدخل يا أنا يا هي اخرتنا بسوريه ...

أحمد : إستغرب 😳 سوريه مه وحنق مه ...

أبو احمد: بيشرح له ...

أحمد: لفت لعند أمه 😔 اوووف ليش هذا كله مدام بيحبها ويشتيها الله يسعدهم ليش توقفوا في طريقهم ...

أم أحمد : بهنجمه 😠 ماعد ناقص الإ أنت والكل تدافع عليه الإ لو قد معك والكل سوريه ساعه ..

أحمد : ضحك 🤣 مع مع إطمنوا ما أنا ماشدي لكم الإ صنعانيه بس ع الله ماترجعوش تحنقوا هكذا ..

أبو أحمد : لفت له وغمز 😉 صنعانيه هااه ماقد معانا وأنت ..

أحمد : إرتبك 😅 هاااه ماقد معانا شي بس بين اقصد إن انا مشتيش من مخرج مشتي الإ صنعانيه .. غالط الكلام ... ذلحين اقوم إبسر يوسف هذا حرام جالس وحده ...

....... ....... ......

في بيت حمزه 🏠 ..

أم حمزه : يووه ماشاء الله ياحمزه ماأحلى أخت صاحبك اللي فالدار مع بنت خالتك أمانه إن فيها حماشه ماشاء الله 😄 .. بنت من هي أين هو أخوها من أصحابك ..

حمزه : هاااه 😅 بنت ال..... أخوها مشو صاحبي صاحبي يعني هو صاحب صاحبي ...

أم حمزه : إبتسمت 😌 حست إن الموضوع فيه إن ... أيوه ومادراك إن اخت صاحب صاحبك مصصمه أزياء وتشتي تشتغل..

حمزه : حس بالشك في عيونها وزاد ارتباكه 😅 كنا يوم جمعه وبعدا بنتحاكى من الوظايف .. ذلحين جاوع عتعشوني قد شاموت جوع ...

أم حمزه : ضحكت بعد ماشافت ارتباكه لكن ماشاء الله حاليه وزد مؤدبه وحميش صح 😉...

حمزه : وأنا مادراني سعم قد إبسرتها هو رسلت لأخوها عنوان الدار وهي سارت ذلحين مش وقتها جااااوع شطفح والا أقلكم مابش منكم خراج شاقوم أفعلي سندوتش جبنه 🌯 فلتها وهرب 🏃🏻‍♂️...

أم حمزه : ضحكت 😂 خبي خبي قد عيونك فضحنك والله ان انا اشتي أتعرف عليها سواء وإبسر كيف هي ...

🌹meme_abdalgaleel





@qesasanani

❤ وشآءت الأقدار ❤

بارت 55

ثاني يوم الصبح 🌞...

أحمد : بيتصل لسلاف 📱 هيا مالش تأخرتي شرق مراعي خارج من أول .

سلاف : صوتها ضابح وزاعل 😔 ماشداومش ماعد إشتيش أشتغل..

أحمد : ارتزح للكرسي حق السياره سواء 🚗 اوووف ليش هكذا من زعلش عادش الا رجعتي بعد العمليه ..

سلاف: كمال جاء يخطبني وأنا ماعد أشتيش أداوم أبسره او أحد يبسرني ...

أحمد: مركي فالطاقه ... طيب قومي البسي بسرعه من الخباله قلك ماعد تشتيش تداوم ولا واحد يبسرها ... أنا ماعد أقدرش أستغنى عنش قدش يدي اليمين فالشغل وتشتي تفلتيني عصيه يله بسرعه مراعي معش ١٠ دقايق ..

سلاف : يا أحمد ماشي سير بس مشتيش 😔...

أحمد : بهنجمه 😠 قلت ١٠ دقايق يله بسرعة تزيد عن ال١٠ ياويلش ..

......... ......... .........

في الجامعه 🏫...

مايا : جالسه فالكرسي حق الكافتيريا 🪑 .. عن جد إنت مجنون في حدا عاقل يشتاق للجامعه مصحيني من الصبح أجي لهون ...

يوسف: جالس في الكرسي 🪑قدامها مفعلش خورت صبوح من حق الجامعه وبعدا المفروض ترحميني مسكين مجعجع بغير أكل حانق يله بين افعلي سندوتشات 🌯...

مايا : بإستغراب شو قلت شو هي الكلمه مفجعج ...

يوسف : ضحك 😂😂 مجعجع مجعجع إنطقيها سواء يعني ميت جوع ومحد مهتم فيني...

مايا : ضحكت 😂 طيب وكلمه ميت جوع من شو بتشكي قول جوعان وخلاص بدال هالكلمه المعوقه ..

يوسف : مايا ذلحين أهلش عندهم عادي لأن انا يمني لو أتقدم لش ماعيرفضوش ويقلوا ماشي🤔 ...

مايا : وليه يرفضوا ما أنت شاب كويس وأخلاقك منيحه تكون حتى صيني في الأخير أنا اللي رآح أتجوز وهاد إختياري ...

يوسف : حس الكلمه وجعته ( انا الي راح أتجوز وهاد إختياري ) بيحاكي نفسه يعني البنت عتقل هذا إختياري وأنا الرجال لليوم ماقد قدرت أقنع أمي الله المستعان عليا بس 🤔..

مايا : قاطعه تفكيره 🤔 يامفجعج قووم شووف الأكل مش حابه أتاخر كثير ...

......... ........ ........

فوق السياره 🚗...

أحمد : بيبسرها ضابحه باين الزعل في وجهها 😔 وتحت عيونها أسود.. سلاف مالش هكذا هذا كله علشان كمال تقدم لش ...

سلاف: بزعل 😔 علشان بابا بيضغطوا عليا وخايفه أزعلهم لما أقل لا.. بعدين يحصل لهم شي سمعت الدكتور ماقال لايزعلوش ولا ينفعلوا بس يا أحمد مشتيش أتزوج حد غير خالد مش أنا قادره أستوعب إن انا أكون لواحد ثاني وبكيت 😭 يا أحمد كل شي في حياتي كنت مخططه له ومرتبه له أنا وخالد وكل شي تبخر بس بابا مثل أي أب يشتي يطمن ع بنته خاصه بعد ماتعبوا كيف أفعل وبتبكي 😭...

أحمد : وقف السياره ولفت لها 🚗 سلاااااف تتزوجيني ؟؟؟؟

سلاف: وقفت دموعها وفتحت عيونها مصدومه من كلامه 😳 أيييش مابتقل ..

أحمد : قلت تتزوجيني...
أفهمش أكثر يعني تكوني مرتي تكوني زوجتي ماقلتي ؟؟؟

سلاف: متفاجئة ومصدومه قوي من طلبه 😨 في داخل نفسها بتقول هذا أكيد بيمزح ماهو تتزوجيني ... أحمد بطل خباله ومزح بتدور تقل أي شي علشان أبطل بكاء ضح ...

أحمد: سلااف بين اتكلم جد للمره الثالثه أقلش موافقه تتزوجيني وتكون مرتي بشرع الله ؟؟؟؟؟

سلاااف: بتتفرجه سكته بدون أي كلام 😳 ...

أحمد: شغل السياره 🚗 ومشي ... شاروحش البيت لأنه ماعد ينفعش تروحي الشغل بهذه العيون الوارمه ..

سلاف: ولاردت عليه بكلمه وبتتفرج من الطاقه لما وصلت البيت فتحت باب السياره 🚗 ونزلت ع طول ودخلت البيت ....

أحمد : خرج تلفونه 📱وإتصل لعمه يحكي له اللي حصل وردة فعلها من كمال ومن كلامه ...

ياترى إيش عيكون ردش ياسلاف ولو أنتوا مكان سلاف يابنات وشخص تعتبروه أخ يفاجئكم بطلب هكذا إيش عتردوا🤔



🌹meme_abdalgaleel



@qesasanani

❤ وشآءت الأقدار ❤

بارت 56

بعد إسبوع ....

في الشركه 🏢...

كمال : دخل لعند أحمد .. صباح الخير يا هندسه كيف الحال ..

أحمد : مد يده يسلم عليه 🤝🏻 حياك بخير كيف حالك ..

كمال : الحمدلله بس إستغربت سلاف ماعد داومت من بعد مافتحت الموضوع معاكم خايف إن انا أكون السبب وعتبطل شغل بسببي إذا مش موافقه لأن انا مش عارف إيش ردكم ...

أحمد : بيأشر له بيده 👋🏻 إجلس إجلس اول شي بالنسبه لموضوعك ماقدفيش أي رد وسلاف مقاطعه للكل هذا الإسبوع في غرفتها واصل شكلها بتفكر 🤔 لأنه الأحداث كلها صدمتها وأنت عارف قد حكيت لك كيف هي متعلقه بخالد الله يرحمه ...

كمال : الله يرحمه بس مهما كان هي لازم تعيش حياتها خاصه إنه ماقد كان زواج رسمي وتفركش كل شي يوم العرس مانقلش قد معاها عياال تشتي تربيهم وتوقف حياتها .

أحمد : إن شاء الله خير اليوم شاكلم عمي وأشوف إيش قرروا وحتى إذا ماحصلش نصيب هذا مش معناه نقص في حقك قدك عارف السبب وتفكير سلاف ..

كمال : وقف.. الله يقدم اللي فيه الخير يله أستأذنك ومنتظر إتصالك لأنه إذا مافيش قبول أكلم الوالده يبسروا لي عروسه إشتي أسافر جاء لي عرض عمل كويس مشتيش أضيعه وإشتي أسافر وقد عروستي معي ...

أحمد : الله يوفقك يارب ويقدم اللي فيه الخير .

سهام : لمحت كمال خرج من عنده حملت بسرعه🏃‍♀️ تدخل لعنده .. دخلت وقفلت الباب 🚪 وحشتني يا أجلف قلب عرفته ...

أحمد : إستغرب من إسلوبها 😳 مالش يامجنونه افتحي افتحي الباب 🚪 ووقف علشان يمشي يفتحه ...

سهام : مدت يدها تغطي ع الباب 🚪 ماشفتحش الإ لما تحس بي وتعرف إن انا بين احبك حرام عليك ليش قلبك قاسي ومابتحس الوجع اللي فيني ❤‍🩹..

أحمد : بهنجمه 😠 سهام مش وقت الكلام هذا افتحي الباب ذلحين 🚪 وعنتفاهم ..

سهام : شفتحه بس توعدني أول مانكمل الشغل تعزمني في أي مكان نتغدى 🍱وتسمعني...

أحمد : تمام شاغديش 🍱 يله إفتحي الباب وسيري مكتبش ..

سهام : تمام بعد الشغل شسبقك لمطعم ال....

أحمد : طيب تمام يله أخرجي ..

.......... .......... .........

في بيت هاشم 🏠..

أميره : فتحت الباب 🚪 حق غرفتها ودخلت تقيمها ...

سلاف : نوم 😴 بتهرب من الواقع بالنوم ...

أميره : سلاف قدهو بعد الظهر خلاص قومي شرق يابنتي ماعتجلسي تمكنيها يوميه هكذا نوم ..

سلاف : بتسحب البطانيه وتغطي وجهها إشتي أرقد 😴..

أميره : هزرت البطانيه وصيحت 😠 سلاااف بس هكذا ماعدهوش صح مصره تتعبي نفسش ليش خلاص رافضه قلي مشتيش كمال وبس ولاهو أول ولا أخر عريس بس اللي بتفعليه في نفسش مش صح ...

سلاف : بتحاكي نفسها ( ياريته كان ع كمال ياماما وبس كان الموضوع سهل شرفض وبس أنا محطوطه بين نارين بابا خايفه عليهم يحصلهم شي ومافرحتهم ووجعي ع خالد وأكون لواحد غيره وأحمد اللي صدمني بطلبه وخايفه أكلمكم ويعرفوا بابا يصيحوا فوقه لأنه بيعتبروه أخ لنا 😔) ..

أميرره : ييييه من بين احاكي عتمكنيني دعممه 😠 ...

سلاف: لو سمحتوا شتصل لمريم 📱 تجي تشلني للمقبره إشتي أزور خالد ذلحين ...

أميره : 😠 مقبره مه هذه الساع قدهو ظهر ياسلاف محد قلش لاتزعليش بس هكذا قدش بتعذبي نفسش وتعذبينا معش قرحتي المراره وذلحين تشتي تقرحي قلبش💔 وتحصلش جلطه وتموتي صح والا تشتي تموتيني ..

سلاف: بكيت 😭 لو سمحتوا إشتي أسير أزور خالد ذلحين ..

هاشم : سمع صياح أميره 👂🏻دخل لفت عند سلاف .. قومي البسي شاشلش أنا .

أميره : لفتت له 😤 بضبح أين تشلها وأنت تاعب بدل ماتصيح فوقها عادك عتشلها الصدق زيدت لها الدلع هذه البنت عتموتني قهرتني عليها بكيت 😭 وخرجت .

سلاف : وهي بتبكي 😭 صددق عتشلوني ..

هاشم : أيوه اذا هذا الشي عيريحش قومي البسي والحقيني للسياره 🚗.

سلاف : بعدت البطانيه وقامت بسرعه تلبس وخرجت بعده .

....... ........ ........

في المدرسه 🏫 ..

سلا : خرجين من الإمتحان أول يوم إختبارات الثانويه بتراجع الورق حق الإمتحان هي وصاحبتها 📑...

السياره باب المدرسه بتطرق 🚗...

صاحبتها : بتأشر لأخوها 👋🏻 يله الآن .. هيا سلا نروح قدوذا جاء ..

سلا: الله يسامحش قد قلت لش والله انه خزا تجلسوا تشلوني وترجعوني معاكم ..

صاحبتها : يابنتي أصلا هو ع طريقنا وبدل ماتشغلي إبن عمش قدحنا مع بعض ونراجع الصبح ..

سلا: فدديتش تسلمي قد يله بعد كرها رضيوا فالبيت بس معوضه نكمل إختبارات وتعرفي أحلى عزومه ..

خرجين وروحين مع بعض 👭

🌹 meme_abdalgaleel



https://tttttt.me/qesasanani/4825




@qesasanani

❤ وشآءت الأقدار ❤

بارت 57

في دار التصميم . .

مريم : بتشرح للزبونه شكل الفستان 👗 وكيف عيكون وبتعارضها ع أشياء بتطلبها لأنها مش مناسبه لها ..

الزبونه : مبسوطه منها 😊 يوووه محلاش ماشاء الله فاهمه قووي لما قالوا انش مصممه أزياء قلت لهم هيا ناهي والله انها عتطلع ساع المخيطات حقنا سامحيني بس الصدق ذوقش يجنن قووي وفهمتي ع طول إيش في نفسي ..

مريم : حست بثقه في نفسها خاصه إنها أول زبونه .. تسلمي 🥰 أصلا الواحده بتحلم بفستان زفافها ونفسها في شي معين وان شاء الله يطلع نفس اللي بتحلمي فيه باستثناء التعديلات اللي إتفقنا إنها مش مناسبه عليش ...

الزبونه : يووه جبرش صددق 😍 ووعد مني ع إسلوبش وتعاملش الرآقي هذا أحاكي كل صاحباتي ماعد يصممين الإعندش...

......... ........ ........

في المقبره ...

سلاف : بتمشي هي وأبوها للقبر والزعل باين عليها 😔 ...

هاشم : ماسكها 👫 الله يرحمك ياخالد إبسرتي يابنتي كيف الدنيا هذه واحد يكون مخطط لشي وربي يكتب شي ثاني .

سلاف : بتمسح دموعها 😭 لييش يابابا حظي وقع هكذا ليش انكسرت فرحتي لو خالد عايش إن حياتي مختلفه ...

هاشم : عمر ربش مايظلم أحد ولا يفعل شي الإ لسبب وبعدين ربي يحبه وإختاره يكون عنده ذلحين أين القبر ماعد عرفت أين هو من يوم ماقبرناه ..

سلاف: بابا هذا قبر خالد وبتأشر له بيدها 👈🏻 إبسروا ..

هاشم : ماشاء الله كم قدهو ملان 🌹ورد وشجر وريحان .. زرعتيهن أنتي .

سلاف: أيوه كنت كل ما اجي أنا ويوسف والا أحمد أشتري زرع وأزرعهن ..

هاشم : الله يرحمه بس هذولا اللي فوق القبر عنخلي حارس المقبره يبعدهن قدهو مغطى عيأثر ع القبر ويهتدم خلي اللي حوله بس والورد 🌹 اللي فالاحواض ..

سلاف : طيب حاضر .. بابا اطلب منكم طلب اليوم قد ازعجتكم معي ..

هاشم : إطلبي عيوني 👁️ياروح أبوش ..

سلاف: تسلم لي عيونكم .. إشتي أجلس وحدي شويه عند القبر عادي لو راعيتوا لي هانا ...

هاشم : حاضر من عيوني 👁️ بس بعد ما أقرأ له الفاتحه وشاسير أبسر الحارس أين هو أمد ماتحاكيه أنا داري إن معش كلام تشتي تقلي له علشان ترتاحي ليش رضيت أديش علشان ترتاحي ..

سلاف : تسلموا لي وخطيت هي وياه 👫 يقرأ له الفاتحه ويسير يبسر الحارس ..

........ ........ .......

في المطعم 🏪..

سهام : جالسه مراعيه له بتتلفت يمين وشمال 👀 خايفه انه مايجيش مسكت تلفونها 📱 تتصل له ..

أحمد : دخل المطعم بيدورها 👀..

سهام : أشرت له 👋🏻 ..

أحمد : خطي لعندها 🚶🏻‍♂️..

سهام : إبتسمت 😊 مالك تأخرت عادنا كنت شتصلك ...

أحمد : مالقيتيش مكان أحسن من هذا المفتوح ليش ماتدخلي قسم العوائل عند الحواجز ...

سهام : بإبتسامه 🥰 عادي خلي الناس تتعود ع شكلنا وإحنا مع بعض ..

أحمد : بضبح 😤 سحب الكرسي وجلس 🪑 سهام إسمعيني أنا ماجيت الإ علشان نتفق ونوقف هذا الجنان ياسهام اللي بتفكري فيه ماعيحصلش ولاينفع ...

سهام : بتبكي 😭 لييش ماينفعش لييش فهمني .. ايش ناقصني ايش اللي فيني مش عاجبك علشانك غيرت من نفسي غيرت لبسي غيرت كل شي فيني .. ومستعده أسوي أي شي أنت تطلبه بس تحس فيني ...

أحمد : رحمها 😔 وسحب منديل ومكنها 🧻 طيب ممكن تمسحي دموعش وعنتفاهم .

سهام: مشتيش أتفاهم ولا أشتي شي حتى الغداء اللي كنت فارحه إن انا شتغدى معك ماعد أشتيش خلاص خلينا نروح😔 ....

أحمد : بهنجمه 😠 يوووه من الخباله هذا الساع تشتي تخلي الناس تبسرنا قلنا إمسحي دموعش وماعتتغدي نطلب لنا ..

سهام : بشرحجه وصوت بكاء 😭 ماعد أشتيش شي شبعت أطلب لك أنت لو تشتي ولا قوم روح لو خايف أحد يبسرك ..

أحمد : لاحول ولاقوة الإ بالله شاقوم أطلب لي ولش بيحانكها علشان تهدأ وأنتي قومي غسلي وجهش قدهو ملخبط من الكحل اللي في عيونش 👁️ قدش ساع المضروبين اللي قد تحت عيونهم حارق 😜..

سهام : بتمسح تحت عيونها بالفاين أصلا مش انا فاعله كحل ..

أحمد : داري وهكذا شكلش أحلى يله قومي غسلي وأنا شطلب لنا ولارجعتي الحساب عليا داري إنش تشتي تخسريني لكن يله سهل معش اليوم وبس وسار يطلب وهو حاسس بالقهر عليها بعد مابكيت 😭 ....

......... ......... .........

فوق السياره 🚗..

بعد ماوصلوا سلا للبيت ...

غسان : أخو صاحبتها سنه ٢ جامعه ... كم لكن صاحبات؟؟

صاحبتها : تعرفت عليها السنه الأوله يعني قدلنا سنتين صاحبات من حين نقلت هذه المدرسه 🏫 .

غسان : طيب وليش نروحها ليش مايجوا لها أهلها ...

صاحبتها : مالك مايوقع هو ع طريقنا وبعدا أنا اللي تراشيتها وخليت ماما يتصلوا يحاكوا أمها حرام مابش معاها أخوه.. عيال عمها هم اللي يشلوهن ويوصلوهن وأبوها عادهو فعل عمليه فالقلب وتاعب فالمدرسه الباص بيوصلها بس ذلحين مش هي مدرستنا ماعيوقع ..

غسان : ناهي وإحنا ماقلنا ماعيوقع شي هو بس سألت لأنه استغربت أنا ماشرضاش أخليش تسيري مع صاحبتش لذلك سألت بس مدام فهمت ليش خلاص..

صاحبتها ضبحت منه 😤 وقفت وجهها للطاقه تتفرج الشارع ..

🌹meme_abdalgaleel



@qesasanani

❤ وشآءت الأقدار ❤

بارت 58

في المقبره ...

سلاف : جالسه جنب القبر بعد ماحطت الورد🌹 والريحان وسقت الشجر ..

منين أبدأ وما أقلك بتلعب بالدبله حقه 💍 اللي في إصبعها أول حاجه شاقلها لك انك وحشتني قوووي وبعدك عني ماخلانيش أنساك بالعكس زادني حب❤️ أكثر وأكثر من كل السنين حتى لو إنشغلت وحاولت أتعايش مع الوضع بس مش قادره أنام ليله من غير ما أشوف صورتك وعيوني تشوف عيونك 👁️ وأقلك تصبح ع خير ...

أنا عمري ماشلقى حد غيرك أحبه ومخلصه لكل اللي بيننا.. الدنيا كلها بالناس اللي فيها ماعد تسوى شي من غيرك.. وجودك كان مخلي لها طعم ثاني وكانت كلها سعاده...

خالد أنا داريه إن انا تعبت اللي حولي وزعلتهم بس مش بيدي قد بين احاول أشغل نفسي وأساير الوضع بس محد قادر يحس بي ويفهمني مثلك 😔

داريه إنك زاعل مني 😔 تأخرت عليك بس مش برضايا كنت تاعبه وفعلت عمليه للمراره وبابا مريضين قووي وفعلوا عمليه قلب ❤️.. بس ولافلتك يوم كل يوم أدعي لك وأمسك صورتك وأجلس أحكي لك ع كل شي حصل معي ... الناس كلها حاسه ان انا تحسنت وبتفرح لي مش عارفين إن نا بين اموت بعدك في هدوء لا أنا قادره أنساك ولا أعيش بعدك ولا أفوق من صدمتي ...

يا خالد مش أنا قلت لك بين اشتغل مع أحمد وبكيت 😭 واحد من الشغل تقدم لي يشتي يخطبني وأنا مشتيش أتزوج بحد غيرك وبابا نفسهم أوافق وخايفين يحصل لهم شي بس مششتيش كيف أفعل أنا مقرره أقلهم لا وبين اهم لو يزعلوا مني خاصه إنهم بعد العمليه 😭 ياخالد إشتي أمووت وأجي عندك ولا أكون لغيرك ..

ياخالد أحمد أحمد قلي تتزوجيني 😭 مش أنا داريه إيش حصل ولا ليش قلي هكذا ليش الناس كلها بتفكر هكذا أحمد صح قريب مني وأحبه بس كأخ أنا آخر فتره حسسته بغيرتي بس كانت غيره عفويه غيره أخت ع أخوها ليش يفكر فيني هكذا طلب أحمد صدمني ووجعني قووي 💔.. وجعني لأنه داري كم أحبك مش أنا داريه كيف اتصرف ولا مفعل خايفه ع بابا ومشتيش أقلهم من أحمد يزعلوا منه ولا إشتي أكون لغيرك ...

هاشم : ع جيته هو والحارس سمع👂🏻 أخر كلمتين مشتيش أقلهم من أحمد يزعلوا منه بس مابين لها.. رفع صوته تسمعه ذلحين بتبسر هذولاء الشجر 🎍🪴 اللي فوق القبر إشتي تبعدهن ..

سلاف : سمعت صوتهم وقفت وبتمسح دموعها 😭..

هاشم : قرب لجنبها مسك كتفها .. هيا مه إرتحتي ..

سلاف : بتمسح دموعها🥺 .. أيووه قووي اسلموا .. ذلحين عيبعد هذولاء الشجر كلهن ..

هاشم : مع اوذا شاوريه أين ...

........ ....... .......

في المطعم 🏪..

سهام : شلت قطعه بيتزا 🍕 بتأكلها ..

أحمد : قد طلبت هذا النوع ومش انا داري يعجبش او مع لكن قلت حظ يانصيب ..

سهام : الإ كل اللي طلبته بين اكل منه بس 🍲🍜🥘 بس لمن هذا كله قدهو خيرات ..

أحمد : علشان لاتقليش إن انا بخيل وماسخيت أعزمش سواء وبعدا مشو كله لش أنا جاوع شفترس الأكل 🍲🍛🍜 هذا كله الآن ..

سهام : إبتسمت 😊 بالعافيه ...

أحمد : أيووه هكذا إبتسمي😊 مش تمكنيها بكاء تخايلش إن احنا وسط موت مكنتيها دموع ..

سهام : مفعل مش بيدي أصلا والله لا أموت نفسي بين احبك ❤️ وأغير عليك وخايفه لو تشلك واحده ثانيه والله لا أقتلك مش عارفه كيف لوما حبيتك هكذا مع إنني كنت أكرهك محد قدر يغيرني مثلك ..

أحمد : تنهد وزعل 😔 ياسهام ممكن نأجل كلام في هذا الموضوع وتعتبريني أخ وصديق أدي لنفسش فرصه تعتبريني هكذا وماتفكريش فيني بأي مشاعر وأنا أوعدش واقف معش ع طول ...

سهام : نزلت رآسها وحطت البيتزا من يدها 🍕 بتحبها صح ..

أحمد : فهم إنها تقصد سلاف بس غالط ... مش أنا عارف من تقصدي بالضبط بس أنا تقدمت لواحده ومنتظر الرد بعد ردها لنا كلام ..

سهام : تشارغت عيونها 🥺 يعني أنا مخليني إحتياط ..

أحمد : بهرر 😠 هاه هاه عنرجع للبكاء ماسدينا يله ابكي علشان أفلت وأرحلي ..

سهام : بتمسح عيونها بالمنديل 🥺 خلاص تمام بس توعدني تكون معي وترد عليا أي وقت تمام خليك أخ وصديق ومش طالبه منك شي أنا داريه إنك عتجي تقلي ياسهام مشاعري تغيرت ...

أحمد : غالط ذلحين أنا قلت له مشتيش بسباس 🌶️ في الأكل ليش يفعله ...

....... ........ ........

فوق السياره 🚗 ..

وهم مروحين ...

هاشم : إرتحتي بعد ماخرجتي اللي في قلبش ❤️...

سلاف : أيووه تسلموا 😔 افتهنت قووي ..

هاشم : يابنتي أنا مشتيش أضغط عليش ولاتحسي إن انا جابرش ع شي بس أنا فعلا خايف أموت وأفلتكم هكذا أشتي أبسرش وأفرح بش وأركن انش عتوبهي لأمش وأختش ..

داري عتقلي اوذا عيال عمي وعمي بس أنا خفت الزمن يغيرهم ومن حبي لأحمد طلبت منه يوعدني يتزوجش قبل ما أدخل غرفه العمليات وأحمد قلي حاضر وموافق وماردنيش وقلي إنه قد كلمش ..

لاتفكريش إنه نقص في حقش ولا إن انا نزلت من قدرش لما كلمته.. أحمد آخر شخص يفكر هكذا لأنه داري إنش اللي بترفضي العرسان وداري إني طلبي كان حب فيه وفيش لو تحبيني ياسلاف وتحبي خالد عتفرحي قلبي وتفرحي خالد لاقبره لأنه أكيد بيتمنى يشوفش سعيده ومرتاحه في حياتش أنت خذي وقتش وفكري ياكمال أو أحمد ولو رفضتي أنا ماشغصبش ع حد بس هذه أمنيه أشوفش عروسه والقرار لش ...

سلاف : بتسمعه 👂🏻 ولاردت بكلمه قفت وجهها للطاقه تتفرج الشارع وبتنزل دموعها سكته 😭...

الله يعينش ياسلاف موقفش صعب ومحد يقدر يلومش ع أي قرار 😔..

🌹meme_abdalgaleel



@qesasanani

❤ وشآءت الأقدار ❤

بارت 59

بعد يومين بالضبط ...

سلاف : صحيت من النوم بدري قوي بعد الفجر أول مافتحت عيونها سحبت تلفونها 📱وإتصلت لأحمد ...

أحمد : عادهو نووم 😴 سمع تلفونه بيرن سحبه شاف إسمها نكز وافتجع لايكون في عمه شي 😨 .. هاه سلاف مالش مابه ..

سلاف : مالك أفتجعت هكذا مابش شي ..

أحمد : متأكده .. طيب عمي بخير محد فيه شي ..

سلاف: ماشي والله قلت لك مابش شي بس قمت من النوع جاوعه قوي خاوره أصتبح في باب اليمن زلابيا وبرعي قلت أتصلك عتجي تصبحني ...

أحمد : فرح .. إبتسم 😊 الله يقلعش فجعتيني حاضر أجي أصبحش من عيوني أقوم ألبس وأجي لش ..

سلاف: تمام وأنا أقوم ألبس وأحاكي بابا لو عيجوا يغيروا جو

لبست وخرجت شافت سلا ماسكه كتبها بتراجع 📖 للاختبار ..

سلا: شافتها استغربت 😦 يووه صرفوا مالش قدش بالبالطوه من هذا الساع أين عتسيري ..

سلاف : إتصلت لأحمد يجي يصبحني في باب اليمن خورت زلابيا وبرعي ..

سلا: أممم 😋 سم سم هههه لاتصدقيش بالعافيه بس روحوا لي معاكم وقلي لأحمد شاكمل اختبارات وعيشلني يصبحني ...

سلاف : حاضر شاروح لش شدخل أبسر بابا أقلهم لو عيجوا ...

سلا : مابحدهم قد ابسرتهم اول بعد ماصليت فجر وجالسه اذاكر خرجوا هم وماما يخطوا رجل شويه قالوا قد تحسنوا وتواصلوا مع الدكتور قلهم يكن يخطوا كل يوم ع الأقل ساعه ..

سلاف : آها تمام .. شتصلهم ودخلت تتصل 📱..

هاشم : بعد ماكلمته إنها عتخرج تصتبح مع أحمد فرح 😀 وبيكلم أميره إنه يارب تكون وافقت وتشتي تقله ..

........ ........ ........


الساعه ٨ ...

في دار التصميم ...

صاحبة الدار : دخلت وشافت مريم قدامها إبتسمت 😊 صباح الخير مسرع اليوم بكرتي ...

مريم : في يدها مقص وعلبة دبابيس .. 😊 ابتسمت لها صباح النور جيت بدري ماقدرت أرقد مراعيه أبسر الفستان كيف عيطلع إشتي أخلصه بسرعه ...

صاحبه الدار : قد إصتبحتي والا أطلب لنا جمعه ...

مريم : ماشي والله إن انا خرجت مستعجله وقلت شاكل أي شي هانا ...

صاحبه الدار : خرجت تلفونها بتتصل لحمزه 📱 صباح الخير كيف انت عتقل بنت خالتي هذه شغله صح ...

حمزه : صباحش ورد أنتي أمري وأتدللي بس ..

صاحبه الدار : داري مابش معي أحد هانا الإ أنت عادنا وصلت للدار وقد أخت صاحبك هانا والكل لو تبسر محلاها ماشاء الله قدبكرت تبدأ
تجهز الفستان حق الزبونه وعادهي بدون صبوح قلت أتجمل معاها وأتصلك تدي لنا صبوح ضخم ع ذوقك ...

حمزه : إبتسم 😊 هاااه وهذه مالها ماتصتبح في بيتهم من الخساير هههه ...

صاحبه الدار : بسس امانه مش تقل هكذا قدامها لما تديه عيب والله إنها بنت ساع العسل ومايغلى عليها الصبوح😌 ...

حمزه : فرح ان قد بدأ الكل يحبها 😍.. خلاص تمام ناهي مانا ماعليا هو عتخسري من جيبش مانا مادخلني عتحاسبيني هههه ..

صاحبه الدار : حاضر وازيد اصبحك ع حسابي والكل المهم صبوح ضخم ...

حمزه : ضحك ههه إبشري سار يشتري لهن كبده ورشوش وفاصوليا ناشفه وكباب وطبعا مانسيش البطاط اللي اشترى منه لها ولسلاف علشان يحانكها 😜 شل الصبوح للدار ودخل علشان يشوفها ..

صاحبه الدار : إبسرته دخل قربت لعنده بتشل الأكياس منه يووه جبر ابن خالتي تسلم لي ..

حمزه : بيكلمها وعيونه بتتلفت يمين 👀 وشمال بيدور مريم ..

صاحبه الدار : ذلحين كم حسابك وانت اصتبحت والا مع ...

حمزه : قد اصتبح طبعا بس بيغالط 😅 ماشي شصتبح معاكن هههه ..

صاحبه الدار : شكلك رايق قووي صح قلك يصتبح معانا تشتي صاحبك يخرج اخته من العمل صح ...

حمزه : بيرفع صوته علشان تسمعه مريم .. أنا جاوووع ياناس يييه صبحوني ...

صاحبه الدار : بتضحك عليه 😂 يييه والله ان انا قدامك ليش الصياح ذلحين ناهي ياجاوع شفعلك سندوتشات والا شدخل أبسر لو به صحن🍽️ أحط لك فيه ..

مريم : سمعت 👂🏻صوته .. فرحت خرجت تشتي تبسره سعم مش هي داريه 😊 كانها بتدور شي .. ابسرتي اين علبة الدبابيس الكبيره ...

حمزه : أبسرها وعيونه وقعين قلوب 😍 يشتي يحانكها . ليش الدبابيس شكلش مطابزه بغير شي وضحك ..

صاحبه الدار : لفتت لعنده وبهررت 😠 .. لاتزعليش يامريم هو طبعه هكذا مايدراش مابيقل يله شل صبوحك وأخرج شرق عليك معك عمل ...

مريم : تشتي تستقضى 😜 أيووه لو سمحت ممكن تخرج نشتي نأخذ راحتنا هذا دار للنساء ووجودك هانا لو يجين زبونات عيتضايقين ..

صاحبه الدار : يووه والله إنه صدق نسينا عيقلين هن بيجين براحتهن وياخذين مقاسات وعيبسرين رجال وماعد عيعجبهن عتطير لنا الزباين يله شرق عليك ...

حمزه : ماسك ضحكته صميل وبيقلد زعل 😔 يله خلاص شارحلي قدهو طرد وماعاد أشتيش صبوح وخلوني أمووت جوع . وفلت وخطي ..

مريم : رحمته لفتت لعند بنت خالته يووه حرام شكله زعل 😔 افعلي له حتى سندوتش مدام كان جاوع .

صاحبه الدار : ضحكت 😂 هذا ربل مايزعلش لاتصدقيش حركاته ابن خالتي وتربى ع يدي وانا ادرى به اطمني مازعلش هيا جي نصتبح بتفتح الأكياس وتخرج الأكل 🍲🍛...