🌿
63



مريم: بتتصل لهناء .. هيا قوى أمانه جي نعيد أيام زمان ونسمر رمضان جيت امسي من اليوم للجمعه في بيتنا هيا جي ..


هناء: 🤔 أمممم شابسر أصلا ماعد بينقدرش أبسر عبدالعزيز بينقتهر لما أبسر مرته ...

مريم: هي تاعبه هذه اليومين سارت بيتهم عادهو شلها عبدالعزيز .

..........





سيده: افتح الباب ياسامي بيدقدق 🚪..


سامي: هذه رهآم يا أمه..وعبدالعزيز ..


سيده: إبسرتها وفي يدها شنطه صغيره 😱 يووه او حانقه مالكم يابني ..


عبدالعزيز: ضحك هههه 😃 تزوجت عليها ورديتها لكم ..

رهآم: خفعته بيدها .. سامج والله لأذبحك .

سامي: هيا قلك حانقه وهي بتصافده ... هذا مدرى ما ادت لنا ..



سيده: يووه حسبكم الله قد قلت مدري مافيكم.


عبدالعزيز: رهآم تاعبه شويه قلت تغير جو عندكم وبيحكيلها..

رهآم: دخلت تسلم ع أبوها ..


سيده: 😱 يوووه الله يشفيها هذا لاقدهي عين مدام مابش فيها شي شبسر حفيظه لاهي تعرف احد يقرا لها قرآن ..


عبدالعزيز: والله ماقلكم إلا خير قدنتوا أخبر أدخل اسلم ع عمي واروح شرق عيأذن ..



سامي: مابش والله ماتدي خطوه اتعشى عندنا اطعم طبخي قدنا معاونه أمي 😬...


عبدالعزيز: ضحك هههه هيا تمام يامعاونه شجلس نطعم عشاش ..


..........



في بيت الشيخ ...



سمر: بتدحس تشتي أحمد في حضنها ..

نجات: يابنتي قوى اطرحي الولد شلوطتيه ..


سمر: اصلا سلوى قالت لي هو حقي خلاص لاتجننيش ..



هناء: أمانه ياسلوى جي إلعبي معانا بطه ساع زمان ..

سلوى: ماقدرت ضابحه من روحي ..


مريم وهناء: بيهزورنها بصفاد ع دخله عبدالعزيز ..


سمر: سحبت عبدالعزيز مابلا يلعب معاهن ..



عزيز: جلس يلعب واتفقوا اللعب بحكم ..

هناء: خسرت والحكم عليها ..

سلوى: حكمت عليها تقلد عبدالعزيز كيف كان يضحك وهو جاهل ..


نجات: بهررت فوقها 😳.

هناء: خزيت وماقدرتش تقلد سوى .

عبدالعزيز: ضحك 😃 وتليقن عليها .

رهآم:.إبسرته وجت عينهافي عينه وطت رآسها 😊 ..


عبدالعزيز: دعمم خرج تلفونه 📱يتصل لرهآم يطمن عليها .




🌹meme_abdalgaleel


@qesasanani

🌿
64


عدت أيام ورهآم في بيتهم وعبدالعزيز كان يسير يطمن عليها.


رهآم: بتأكل في بيتهم ومفتهنه بس اول ماتبسر عبدالعزيز تضبح وتختنق منه ..


عبدالعزيز: بدأ يحس أنها بطلت تحبه 🤔 ليش في بيتهم بتأكل وعندنا ماشي لوكانت تشتي تسير بيتهم ليش ماتقلي أحسن من هذه الحركات ..


سيده: يابنتي عتعيدي هانا أومه يله ريحيلش بيت زوجش مايسبرش..

رهآم: يا أمه بينضبح عندهم 😔 ماعد اشتيش أرجع ..


عبدالله: سمعها .. خرج لاعندها .. مالش يابنتي احد فيهم بيزعلش قليلي بس عبدالعزيز بيفعل بش شي ..


رهآم: ماشي بس مدرى مالي قدنا ضابحه من بيتهم ولما ادخل غرفتي أجنن ونزلت دموعها 😭.



سيده: هذه عين يابنتي حسدوش ع الرآحه الي انتي فيها قد خليت حفيظه تذرع لش عند المره قالت عين ...


.....


الشيخ: بيداعي ...ياسلوى جي إبسري ماقد اشتريت لأحمد للعيد ..



سلوى: إبسرتهن وضحكت 😃 ماهو هذا كله يا أبه إسلم عيصغرين عليه وماقد لبسهن سوى وهذولاء كبار ...



الشيخ: وأنا مدراني 😬 مابسرته عجبني شليته .. وخرج من جيبه زلط 💵 شلي هذه واخرجي اشتري له ولش الي تشتوا ..


سمر: بتهزوره .. وأنا والا قد كلشي أحمد بس ..



نجات: قد زلطش عندي يابنتي ..

عبدالعزيز: ع نزلته من الدرج ... يهيه يهيه وأنا أشتي حق كسوه للمه ماهن ...


الشيخ: مغلاك هآه ومكنه زلط 💵وهذه اخرج انت ومرتك السوق .. ماقد عتروحش ..


عزيز: إلا قد إتصلت لي أجيلها..


سلوى: خلاص العشي نسيرلها ونخرج السوق ..




........


روحت رهآم بيت الشيخ وكل يوم بكاء وضابحه وتاعبه ومابش أكل ..



عبدالعزيز: يارهآم قليلي ماغيرش عليا ماعاد تشتينيش ..


رهآم: مسكت يده وبتبكي 😭 والله ماهو برضايا سامحني بينحس نفسي شاموت ..


عبدالعزيز: شكله إكتئاب خلاص قدحنا عنسافر بعد يومين ونزيد نبسر دكتور هاناك ..


رهآم: بتبسره مقهوره وزاعله عليه 😔 سامحني والله إني أحبك ..


عبدالعزيز: وأنا أحبش والله قومي نسير نبسر ماعد ناقصنا قبل السفر وتبسري بيتكم ...


@qesasanani

🌿
65



لندن......


عبدالعزيز: بيفتح الشقه وفي يده الشنط .. هذا قد حملتي صنعاء كلها 😬.


رهآم: بتسحب أرجلها تدخل لفتت له بإبتسامه متعبه شدخل أرقد تاعبه ....


عزيز: بيمزح معاها يشتي يلطف الجو .. أين ترقدي ياعجوزه أطرح الشنط ونخرج نتغداء خارج ولا أسير أدور لي عروسه 😉.


رهآم: دعممته ودخلت ...


عبدالعزيز: 🤔 هذه قدهي تاعبه قووى أفتهن وأخرج احجز لها عند الدكتور ماعد ينفعش أصبر ...


............


حفيظه: عند الولاد .. ياأختى والله انش افتهنتي للمه جالسه بتفورى هكذا عليه خلاص إبردي لش ..


سيده: 😔 ولو ياحفيظه هو ولدي مايهونش عليا والله لوتبسري كم قدنا فاقده لسندس وعبدالله والكل غير بيكابر ..


حفيظه: الله يهديه ويرد عقله عليه أهم شي كيف قدي رهآم جالسه تاعبه ..


سيده : عاد ماهذك خازقه قلبي ..💔والله لوتبسري مرحمها قذا سافرت ع الله لاهي عتفتهن هاناك ...


حفيظه: مشهو أحد فعلها شي كماقد الناس خبيثين هذه الأيام ..


سيده: 😱 يوووه من عيفعلها أهل زوجها وبيحبوها مابلا شكلها عين وماصلتش ع النبي ....


..........


الشيخ: دخل فارح 😃 وفي يده بصيره ... آح آح أخيرا شليتي الأرضيه عيدوها بالرضاء مع مايشتوا إلا صميل ..


سمر: قد قتلوا زوج اختي بسببها وعادك فارح ..


سلوى: سمعتها ..تنهدت ودمعت عيونها 😭...



الشيخ: صيح 😡😡 مشوووو عليش هذا الحكاء اخطي من قبال وشي.


سمر: خرجت بتبكي ... سعم ماقلت انا قلت الصدق ..



........


فالعياده ...


عبدالعزيز: بيحكي للدكتور حاله رهآم ..


الدكتور: أتمنى منكي ان تحكي لي كل ماتشعرين به ويحدث لكي.

رهآم: إبسرت عبدالعزيز وتنهدت .. أشعر باختناق ولا أستطيع النوم كوابيس ولا أطيق الجلوس في بيت زوجي خصوصا غرفتي وأكره زوجي وبتحكي له ...



عبدالعزيز: مسك يدها وحبها أنا شخرج وأنت حاكيه براحتش ....


الدكتور: زوجتك لديها إكتئاب حاد ويجب أن تستخدم هذه الأدويه ويجب مراقبتها بإستمرار لأنها قد تفكر في قتل نفسها إذا استاءت حالتها ...



@qesasanani

🌿
66


بعد شهر.....



وليد: بيصيح ... يا أروى خففي مصاريف هذا قدهو جنان 😡 مادريت مفعل بنفسي مصاريف للبيت ولا لحليب البنت والحفاظات ولا إيجار لأمش قليلها تقلل الايجار كم جهدي أنتي بنتها لاخلتنا نجلس فيه بلاش ..


أروى: فاعله يدها في خصرها ... او تشتي أمي تديه لك بلاش هيا سير دورلك عمل ثاني أنا أشتى حاجتي أنا وبنتي ...


وليد: مستغرب من إسلوبها 😳 منيحين رفعه الصوت هذه وقله الحياء شكلي ظلمت أمي ..


أروى: مآهو مآهو .. ظلمتها مابلا قد قلبك بيحن ❤هيا قوم ابسر عمل من كثر الهدار..


وليد: الله الله عتعلميني مفعل أومه 😡 اخطى من قبال وشي قبل ماقلبها لش ليله جن ...


أروى: بتمد يدها إلا إلا هآه وريني رجالتك ماعتفعل تخايلك لاقد سكتنا لأمك وأبوك عنسكت لكم كلكم أومه أنا سكت فارحه بخرجتي من عندهم ....


وليد: خرج وصرع الباب في وشها 🚪..


..........


عبدالعزيز: روح والبيت مندش واللده حقه مراجمه في كل بقعه ...بيداعي رهآم ماهو هذا 😳..



رهآم: إبسرته اووووف ماجاء بك ليش روحت بينفتهن وأنت خارج وبتدهفه أخرج ...


عزيز: رهآم إهدائي مالش وينو علاجش تشربيه وبيدوره ..


رهآم: مسكت الحبوب وبتراجمهن فالقاع وتدعسهن ماششربش حاجه مشنا مجنونه بتفهم أخرج من عندي ...



عبدالعزيز: ضبح 😤منها وخرج .
..


في الطريق محمد: بيتصل لعبدالعزيز .. اديلي الملازم ..


عبدالعزيز: ضاب😤ح من روحي يا أخي أنت والملازم هذه الساع جي نخرج نلووي ..



محمد: خلاص تمام جي لاعندي وتعرف أحلا سهره 😉..



.........

رهآم: بتتصل لأمها وتبكي يا أمه كرهته ماعد أشتيه أشتي أرجع ..



سيده: يابنتي إذكري الله مابيفعل بش به شي تحاكي ..


رهآم: مابش شي هكذا أنا حره روحوني ..


عبدالله: شل التلفون وبيحاكيها يعقلها غلق من عندها واتصل لعبدالعزيز ..



عبدالعزيز: والله ياعم مابه شي ماسخاني بس الدكتور قال فيها إكتئاب حاد وقدنا بينصبر عليها واليوم رجمت العلاج ..


عبدالله: مارأيك لو تديها لاهي عتفتهن هانا وانت تبسر قرايتك سوى ..


عبدالعزيز: ماشي شجلس قلق وزيد الدكتور هانا ومتابعه العلاج الله يشفيها لاتقلقوش اطمنوا لوتشرب العلاج بس شهر وقدهي بخير ...



.......

مريم: دخلت بيتهم .. في يدها سونار للبيبي هيا وين جاء أبي أفرحه .. ياشيخ جي إبسر إبن بنتك ...



نجات: فارحه مبروك يابنتي .. ولد 😃.



سلوى: يله عيس الحمدلله جاء لابني صاحب ..


مريم: بتحانكها 😜 قصدش طبينه هههه عيشل حب ابنش ويحبه أبي أكثر ..


الشيخ: سمعهن دخل في يده أحمد... من عيشل حب هذا لاعاد أحد يحلم هذا ماعد بش أحد بعده وحبه في رآسه 😘.


مريم: 😔 إكتبست .. يله عادي يكفي شاحبه انا وأبوه ..


نجات : ياعيبتش كلنا عنحبه هو قطعه مننا ...


سمر: إبردي لش منهم كلهم يكفي انا شاحبه وقربت تتسمع بطنها ... وتحط يدها خليني أعسه لمايتحرك..



...........

عبدالعزيز: 😱 ماهو هذا الجنان أنت داري قد بطلت أشرب🍷 وزيد إتصلت للبنات .



محمد: ناهي وأنت هو اليوم وبس إنسى الضبح من حين جيت وانت في هذا الجنان مع مرتك وناوله كأس 🍷 ..



عبدالعزيز: تردد شويه ورجع شربه ...



@qesasanani

🌿
67



رهآم: بتبكي ضابحه قامت تتوضاء وتقراء قرآن بتدعي .. يارب ريحني من هذا العذاب ليش بيحصلي هكذا يارب فرجها عليا ...


عبدالعزيز: روح وهو سكران ...


رهآم : 😳 ماهو هذا رجعت تشرب .. أنت وعدتني ليش تخلف بوعدك ...


عبدالعزيز: مدوخ 😇 اخري من قدامي ضبحت بي كان عيدرب.


رهآم: حملت تمسكه .. هذا كله بسبب الزفت الي بتشربه حرام عليك عتدخل النار ..


عبدالعزيز: دهفها ... والله ماحرام إلا النار الي عايش فيها تعبت منش ..


رهآم: إرتجمت للقاع .. بتبكي وأنا تعبت من العيشه معك فلتني خليني أروح اشتي أسير عند أمي ..



عبدالعزيز: إرتجم فوق السرير .. ورقد ..


.........


نجات : ياشيخ خف شويه ع مريم حرام عليك عتخليها تكره إبن إختها ..


الشيخ ناصر: حرك يده بلامبالاه .... تكرهه ولا برضاها عنبزي جهال أومه .. هذا ماناش داري حبه نزل في قلبي من الله وهي ع مه مستعجله كما ولد إبنها تبسر قدهو إبن بنتي قطعه مني بس بنتش داحوس ..



.........


وليد: مطنن فالشارع بيخطى بالسياره 🤔معقووله كانت مرتي بتكذب ع أمي ورهآم وطول هذه الفتره بينصدقها ... بس رهآم طيبه ماقد تليقنت عليا أبدآ ماكنت ادرى انها بتتليقن من أروى دور بالسياره ورجع البيت ..



أروى: دلا دلا من بيرزع الباب هكذا 🚪 كسروا يده ..


وليد: عادهوا كسروا يدي أومه وهزرها إجلسي قدامي .. ماذلحين أشتي ادرى ليش كنتي بتكذبي ع أمي وأختي ..


أروى: بريحمه .. 😔 أنا .. مالك ياحبيبي رجعت هكذا عليا تفعل بي وأنا أحبك وبكيت ياسعم..


وليد: 😡😡 يييه قد صدقتش خيرات عتتحاكي وتقلي الصدق أمي قالت عليا هذاك الكلام ولا مع ..


أروى: إفتجعت منه 😱 أول مره يصيح فوقها هكذا .. ماقالتش هكذاك بالظبط بس هو كان معنى كلامها هكذا ..


وليد: 😡 أنا بينسأل ... قالت او ماشي بالحرف الواحد .


أروى: صاحت .. أيوووه ماقالتش وأنا حره أقل الي أشتي أيووة أكرهها وأكره أختك ومشنا حقهن الشغاله أخدمهن ماعتفعل ...



وليد: لطمها 😡
هيا إجلسي عند أمش تربيش سوى يا ماشفعل وكما عرفتي قدر أهلي لنا كلام وخرج من البيت .



.......

سامي: فتح الباب إبسر وليد إستغرب 🚪..

وليد: شجلس مسنب فالباب أومه دهفه ودخل ..


وليد: دخل لاغرفه أبووه ..


سامي: لحقه والله مادخلته يا أبه انه دهفني ودخل وحده ..



سيده: بتفعل العشاء .. سمعت صوتهم حملت .. لايتصايحوا .


وليد: وطى ع ركب أبوه يحبهن 😘سامحني يا أبه وحقك عليا أنا غلطان ومرتي عرفتها ع حقيقتها فلتها في بيتهم تتربى لما تعرف قدر أمي وقدرك ..


سيده: مسكته بتقيمه ونزلت دموعها .. قومي يابني الله يسامحك دنيا وآخره .


عبدالله: تشارغت عيونه بالدموع 😭 الله يصلحك ويهديك ..


سامي: بيتكركر 😃 أخير خلصنا من هذك العقربه ..


سيده : بهررت فوقه 😳..


........
أم أروى: طز فيه هو وأهله ماعزش ومغلا وبيت أبوش يعزش.



🌹meme_abdalgaleel


@qesasanani

🌿
68



الصبح ......


عبدالعزيز: قام وذكر انه صيح فوق رهآم ودهفها ..


رهآم: مقهوره من عبدالعزيز كانت رآقده فوق الكنبه فالصآله .


عبدالعزيز: إبسرها بغير دفاء دخل يدي لها دفاء ..

رهآم: حست عليه نكزت ..

عبدالعزيز: أنا آسف يارهآم اصلا أمس ماكنتش في وعيي وماركزتش مافعلت ذلحين قومي إلبسي نسير للدكتور ..

رهآم: ساكته قامت تلبس وسارت معه عند الدكتور ..


الدكتور: حالتها سيئه يجب أن لاتتركها بمفردها ..


رهآم: يادكتور أنا لست مجنونه أنا أريد أن أرجع اليمن عند أمي تعبت منكم ..


عبدالعزيز: ضحك ههه 😃 أيووه نرجعش يذرعين لش أومه بطلي بعسسه قدش عند الدكتور اشربي العلاج وعتفتهني ..

.......

بعد أيام ..

عبدالعزيز: رجع لأيام زمان 🍷.

رهآم: ماعد قدرت تتحمل أكثر مرض وعزيز بيفلتها طول الليل ويروح سكران وبدأء يضبح منها ومن مرضها بيعاملها بجلافه .


عبدالعزيز: روح الصبح و رهآم بتلف لداتها فالشنطه ...


عزيز: ماهو هذا ... مابتفعلي ..


رهآم: إشتي أرجع اليمن خلاص كرهت عيشتي معك وتعبت منك كل يوم شرب وبنات وخباله وبتنسى مواعيد دكتوري شلني عند أمي توبه لي وأنت أوبه لصاحباتك ...


عبدالعزيز: كلامش صح أنتي محتاجه أحد ينتبه لش هذه الفتره شاسير أحجز وأرجعش تفتهني شويه ...


.........


الشيخ: هذا إبنش زيد لها الدلع قلش عيديها تفتهن قدهي وسط لندن ماعاد به من فهنه بعد هذه ..



نجات: حرام عليك لاتقلش هكذا والله إن شكلها تاعبه صدق إبسرت حين سافرت كيف كانت ..


الشيخ: ناهي تاعبه ماقلنا شي لكن هذا قدهو دلع هم أحرار لكن قال عيشلها بيتهم تمرض سوى ماتشتيش عندنا .


سلوى: يا أبه مشو قصدها شي كلنا البنات مانشتي إلا امهاتنا لما نمرض ..


الشيخ: يله هو حر اهم شي يتبلى بلاه ...


..........


أروى: هيا إبسرتي يا أمه شهرين ولاعد سأل ولاعبرني انا وهذه المسكينه .. ع الأقل يدي مصروف بنته ..


أم أروى: أيووه .. الصدق ماعد قدرت ع مصروف بنتش كم جهدي حليب وحفاظات كل واحد يشقى ع بنته أنا شاسير أنبي ع أمه ...



........


حفيظه وسيده : بيتجابرين في الحوش ..

أم أروى: إبسرت الباب مفتوح دخلت .. إسمعي قلي لإبنش ماناش مخاطبه ببنتكم يدي مصروف بنته ماشي شاسمع بكم أمه الصلاه ..


حفيظه: 😱😱
يوووه يوووه ماهو هدا عاد الناس يقلوا سلام ..


أم أروى: لاسلام ولا كلام قد قلت ماعندي وخرجت ..

سيده: لاحول ولاقوه إلا بالله .. هيا من هذا الجنان يا أختى قذا إبسرتي بعينش ..


حفيظه: الله يعينكم .. والله إنهي ودافه .

......


@qesasanani

🌿
69


وليد: ع خرجته المطار .. يا أمه عتجي معي شاسير إدي رهآم قد عبدالعزيز بيتحرى لا أتأخرش عليها قد وصى عليها مسافرين ..


سيده : مع اخطى وأنا شاتم العمل رضي عليك قلبي وربي بس لوتزيد تبسر بنتك قد جت عمتك تشتكي وتدي مصروفها ...


وليد: بيأشر بيده .. دعمميهم شويه خليها تتربى وتحس بقيمتش .. يله خاطرش شرق لا أتاخر عليها ....



..........


نجات: بتداعي سلوى ... ييييه يابنت البسي شرق نخطى نبسر أختش قالوا فالمستشفى بتولد ..


سلوى: يوووه مسرع 😱 عادهي فالسابع ..

سيده: قالوا ولاده مبكره هيا إنجزي نخلي السواق يخطينا ..


سلوى: إتصلي لأبي يجي ..

نجات: قد اتصلت قال معه عمل عيلحق لاهاناك..

سلوى: يله تمام ادعي الشغاله تنتبه لأحمد رآقد .


..........

لندن....

محمد: يا أخي هيا فكها أنت والزعل سعم مدري ماعيقع بك وهي مابحد احمدالله تفتهن شويه جننتك أخر فتره ..


عبدالعزيز: تنهد .. آح يا أخي بس والله مالي علم سفرها صح أو غلط وانا أخر فتره إهملتها والبنت طيبه والله ماتستاهل ..


محمد: ناهي يا أمي حنجاء قوم روح عندي معي سهره اليوم عتنسيك الضبح ..



..........


سيده: 😱😱 يوووه يوووه مالش يابنتي قدش هكذا ع قد وش معش ورجعت تبكي 😭 .


رهآم: بتسلم عليها .. إسهل يا أمه وشي تاعبه شطفح قد بينحس شجنن ..


عبدالله: بيسلم عليها .. وبيصيح 😡ادي رقم عمش اتصله ابسر ماقد فعل بش إبنه تخايلهم لاقدهم شيوخ يلعبوا ببنات الناس ويردوهن حانقات ..



رهآم: بتهدائه .. مع مع يا أبه والله ماهم هم أنا مريضه .. قد عبدالعزيز شلني حتى عند الدكتور هاناك.

عبدالله: خبي خبي بس انا شتصرف معاهم ..


رهآم: بكيت 😭 مع مع يا أبه قووى والله محد فعل شي .. اينهو سامي فقدته .


سيده: فالمدرسه .. أقوم افعلش لجع لقمه ع قد وش معش 😔.



......


مريم: ولدت بعمليه وادت ولد سموه أكرم ..


🌹meme_abdalgaleel



@qesasanani

🌿
70




الشيخ: وصل المستشفى دخل يبسر مريم .. حمدلله ع سلامتش يابنتي سامحيني ولدتي ومعي عمل ..


مريم: الله يسلمك كان نفسي أولد وأنت هانا ..

الشيخ: وأنتي مقطوبه محد توقع تولدي أين جاء هذا المستعجل ع الدنيا إدوه نبسره .

نجات: هآه شيخ إشبح اكرم إبسره محلاه يشبه مريم قووى .


الشيخ: ماشاء الله الله يصلحه ..ذكر زوج سلوى وتنهد الله يرحمه خرج لي أحمد وقلي سميه ياشيخ ..


مريم: 😅 انحرجت من أبوها ذلحين الثاني عليك يا أبه .

الشيخ: إبسرها وضحك 😃 كلهم أحفادي مشو بينقل هكذا ولاحبي لأحمد لأني سميته الله يصلحهم ..



.......


بعد شهر ....


عبدالله: ياوليد قوم سير إدي بنتك قدنا فاقد لها ..

وليد: لو أسير يا أبه عنتصايح وأنا عادنا اشتيها تتربى خليها شويه ..


سيده: كان رسل سامي يشتري حاجات للبنت ويشلهن ...


عبدالله: أينهي رهآم ..

سيده: في غرفتها رآقده .

سامي: أنت داري يا أبه عبدالعزيز ولا زد اتصل من حين جت رهآم وبيت زوجها ولاحتى اتصلوا وبنتهم والده غير دريوا أمي من أمي حفيظه قالت لهم ..


سيده: بتبهرر فوق سامي 😳 مشو عليك هذه المجابره قووم سير شل حاجات لبنت أخوك .


عبدالله: صيح 😡 فوق سيده .. وبتكذبي عليا وتقلي بيتصلوا هيا الان ادعي بنتش تجي تتصلي بزوجها ...


...........


نجات: يووه 😱 ياخزا البلاء نسينا مره أخوش ولاعاد اتصلنا من حين جت لأنها سارت بيتهم نسيت راكنه انها مسافره ياخزا البلاء عيقولوا محد بيسأل عليها وهي مريضه ..


مريم: بضبح 😤 مشو خزا ولا ولاحتي عبرتنا وجت تبسرنا ولاتتصل ..


سلوى: حرام عليش البنت مريضه لوسمعتي حفيظه ماقالت لأمي أمس كيفهي تحرق القلب مانا بينقل هذا ماعدهوش مرض مابلا لاقد أحد فعلها شي ..



مريم: هيا ناهي يامحامي قومي إبسري سمر عند العيال لاتطفحهم لنا ..



..........

رهآم: يا أبه والله مازعلني لاتتصلش ..


عبدالله: 😡 بيصيح فوقها بينقل أتصلي عاد لي كلمه ..


رهآم: إتصلت ومكنته التلفون 📱.




عبدالعزيز: إبسر رقمها .. خفع رآسه اووه نسيتها ... ألوووه حيا برهآمي سامحيني أنشغلت ..



عبدالله: إنشغلت ع مرتك ياباهر أومه ولاعاد أحد عبرها لا أنت ولا أهلك رجمتوها وبس مافعلتوا ببنتي لما قدهي هكذا ..


عبدالعزيز: دخن جسمه 😅 هآه عم كيف أنت .. الله المستعان ماعنفعل بها أنا كان معي امتحانات و..


عبدالله: قاطعه .. خليك في اختباراتك وبنتي معاها أهل يوبهوا لها وأبوك قله بيض الله وشه انا سلمتها من ذمتي لاذمته ...وغلق التلفون في وشه📱.






الله يهديك ياعم عبدالله إحنا بندور نصلح الحال وانت فعلت مشكله 😜




@qesasanani

🌿
71



الشيخ: بيحاكى عزيز فالتلفون 📱وأنت للمه ماتسأل عليها مرتك لكن أنا ليش اسأل عليها الإحترام لي مشو لها ماقد رفعت سماعه التلفون تقل كيف انت ياعم ولاحتى جت ولاد أختك ..



عزيز: يا أبه والله إني تاعبه قوى ماخليتها تجي صنعاء إلا بعد ماتعبت ماعد قدرت ولادريت مفعلها بكاء وضيق وماتشتينيش قلت مدام تشتي أمها اروحها شويه لاهي عتفتهن ..


الشيخ: عادهي عتزنط قلك ماتشتيش إبني تحمدالله إن إحنا زوجناك بها ..الله يفتح عليها ماقدبش بيننا جاهل يربطها قدي اذك عند أهلها وشازوجك بالي أحسن منها ..


عبدالعزيز: مع مع😱 ماهو هذا الكلام يا أبه البنت صدق تاعبه والغلط مننا محد سأل عليها ..


الشيخ: عادهو عيغلطني خاطرك وأبسر منهي الي ماتشتيش أبني وغلق التلفون ..


عبدالعزيز: بيتصل لرهآم يحاكيها ..


عبدالله: هزر التلفون من يدها .. ابسرش تجاوبي خليه يتأدب ..



.........


سمر: بتدحس .. يوووف ماهو هذا ليش ماتدين بنات ألعب معاهن سيرتين تدين لي عيال ..


نجات: بتضحك عليها ههه 😃 إحمدي الله ينفعوش ويجعلوا لش ويكن يوصلوش ..


الشيخ: بيصيح ... يييييه نجات .. سلوى الآن اطلعين لفلفين لدات مره أخوش في شنطه ..


نجات: حملت لاعنده 😱 يووه مابه ليش بتصيح ..

الشيخ: بتمكنونا هي تاعبه وإن ابنش قال بتبكي ماعد تشتيش عنده تشتي أمها هي خليها تجلس عند أمها ع طول .



سلوى: حملت تهدئه .. يا أبه البنت ماعدهوش برضاها قذك ابسرت بعينك كيف بتحب زوجها مابلا لحد فعلهم شي .


الشيخ: 😡 بتسمعين ماقلت أوماشي عشر دقايق واخلي السواق يطلع للشنط ..



نجات وسلوى: طلعين بيلفين اللده ..


مريم : بتتصل لهناء تحكي لها ماحصل .

هناء: 😔 حرآم والله إنش زعلتيني ماذنبها شكلها مسكينه ..


مريم: ياخبلاء قد قلت اتصل أفرحش ان عبدالعزيز يمكن يفلتها ....


بيت عبدالله الباب بيدقدق 🚪.



سامي: فتح الباب ..

السواق : طرح الشنط .. هآه اداهن الشيخ ناصر قال تشلوهن ورحله.



سامي: بيداعي وليد جي شل معي مدرى ماقد ادى أبو عبدالعزيز ..


رهآم: بتفتح الشنط وانهن لداتها إستغربت 😳 ليش ادوهن وبتبكي.



عبدالله: صآح 😡 ادوا حقي الكوت سيده جي لبسيني والله لأعلمهم كيف يفعلوا ببنتي ..



وليد: رآعي يا أبه إهداء اول نبسر مابه نخلي أمي تتصلهم وأنا شتصل لعبدالعزيز ..



سيده:.بتتصل لابيت الشيخ جاوبت سمر سارت تدعي أمها .. يا أمه جاوبي ام رهآم ..


نجات: إبسرت للشيخ 😱 وبتخفع وشها يووه ياخزا ماقلها ..



الشيخ: مسك التلفون رد .. ييه من الأخير خلو دلع بنتكم ينفعها مدام تشتي أمها تجلس عندش وابننا ألف من يتمناه وورقتها عتوصلها ..


سيده: غلقت بتبكي 😭 وحكت لهم ماقال ..

رهآم: بكيت 😭 وقامت غرفتها بتتصل لعزيز ..


عبدالله: لبس هو ووليد وساروا لعند زوج حفيظه كان الواسطه ..







معقول عبدالعزيز يسمع كلام أبوه ويفلت رهآم وينسى انها الي غيرته بحبها له 😔.




@qesasanani

🌿
72



عزيز: تلفونه بيرن 📱 ماسمعش من كثر صوت الموسيقي العاليه🎷 .


رهآم : 😭 بتحاكى نفسها .. يعني شكله ماعد يشتيني صدق ..



عبدالله ووليد عند زوج حفيظه ..


عبدالله: قذا قلنا لك ياأخي ماحصل بالظبط ومدام هذا عملكم يدوا ورقه بنتي ..



زوج حفيظه : يا أخي إذكر الله إن شاء الله عتحتل مشو كله بالطلاق ..



وليد: ناهي ياعم وأنا ساعك قل لأبي بينحاكيه من أول حرآم نظلم البنت عادهي جاهله وقدهي تتطلق ..


عبدالله: هم الي بدائو قله الحياء .. للمه أو أشتروا بنتي بزلطهم يجوا يرجموا شنطها للباب 🚪.


زوج حفيظه: إن شاء الله خير للصبح وكل شي يصبح ..


.........



سلوى: غاثيه ع رهآم 😔 بتحاكى أمها .. يا أمه والله إنه حرام عقلي أبي ماهو يطلقوها ماقد فعلت ..


نجات: 😔 وأنا ساعش مقهوره عليها لكن ماصديت أحاكيه دخلت لاعنده وهو صيح فوقي قال محد يقل لأبنه ماشي ..


سلوى: هم مامحق عبدالعزيز إلا أبي .



.....

عزيز: خرج تلفونه يتصل إبسر مكالمات من رهآم ومن أبوه رجع يتصل لرهآم ..


رهآم: جاوبته وهي بتبكي 😭 ليش تفعل هكذا ..

عبدالعزيز: 😳 مستغرب .. ماهوو مافعلت ليش بتبكي .

رهآم: اليوم عمي رسل لداتي وحاكى أمي قال عتطلقني وبتحكيله ماحصل ..


عبدالعزيز: 😱 خلاص غلقي الآن شتصل لأبي أنا أهملت علاجش صح بس مش طلاق .



الشيخ: أيوووه فعلت هكذا ومشهي الي عتخطي كلمتها عليا من يقلوا لها هي وأهلها لما تطرح رآسها برآسي وتتصل تشكي لك وبعدا مدام مفتجعه ع بيتها ليش تفلتك وتسير عند أمها ..



عزيز: يا أبه الدكتور قلي عندها إكتئاب حاد مشو برضاها الي بتفعله ..


الشيخ: آها يعني قدهي مجنونه شليتها عند دكتور نفساني .. إهي إهي ماعد إلا مره ابني مجنونه رسل ورقتها ولا قسمابالله لاعاد أنت ابني ولا أعرفك ودور من يرسلك مصروف ودورلك أب ..


عبدالعزيز: 😱 يا أبه صل ع النبي الموظوع مش هكذا جنان مه إسمعني ...


الشيخ: قاطعه ... سمعت الي عندي وانت حر يا أنا يامرتك ومعك لابكره وتردني نابي ...



..........


وليد: تلفونه بيرن .. اهلا عبدالعزيز كيف الحال ..

عبدالعزيز: سامحني ازعجتك بس أنا دريت ماحصل واتصلت أقلك تحاكى عمي ...


عبدالله: هزر التلفون من يد وليد ... إسمعني يا ابن الشيخ مشي بنتي لعبه عندك وعند أبوك ولاعاد بيننا شي لاهانا وبس والحمدلله ماقدبش بيينا جاهل يربطنا ورقه بنتي توصلني وغلق في وشه التلفون ..



رهآم: 😭 بين نارين بتحس انها بتحب زوجها وماتشتيش تتطلق وفي داخلها شي بيخليها تكرهه وتشتي تبعد عنه قامت تصلي وبتدعي ريي يكتب لها الخير ...




عبدالعزيز: 🤔 بيفكر في كلام أبوه وعبدالله والنار الي خيره أبوه بينه وبين رهآم الي حس نفسه إنسان صح من يوم ماعرفها وكيف حبها ..


.......


بعد يوميييين ...



عزيز: رسل رساله لرهآم مكتوب فيها قراره ...



😅😅😅

ياهمتاه لنا يعلم الله ماقرر


🌹meme_abdalgaleel



@qesasanani

🌿
73




أم أروى: ماهو هذا الجنان الصدق ماعاد قدرت لهرم بنتش جي شليها ..


أروى: عادي غر قامت مالش قد بتصيحي هكذا ..


أم أروى: زوجش هذا ماقد عيرجعش ..

أروى: 😔 قدش ضابحه مني مسرع ولو أطلقت كيف عتفعلي ..


أم أروى: ماشي ياخبلاء .. أنا قصدي إنه نشتي ترجعي سمعت ان رهآم حانقه قلت تبسري لاقدهي عتتطلق ولامع تسيري تنتقمي منهم سوى ..



......



رهآم: فتحت الرساله صآحت وبكيت ع طول ...😭.


سامي: إبسرها حمل لاعندها مالش شل التلفون من يدها قري رساله من عبدالعزيز مكتوب ( رهآم والله إني حبيتش بس مقدرش أعصي أبي ... أنتي طالق ).


😱😱😱😱😱


سيده: بتحضن رهآم طز فيهم يابنتي والله مايلقوا ساعش والحمدلله مابش جاهل يربطش عادش جاهله وعتتزوجي بالي أحسن منه ..


رهآم: بتتذكر كل شي بينها وبين عبدالعزيز وكيف صبرت عليه وخبت ع أهلها وفي الأخير يبيعها .. راجمت الحاجات الي فوق المكتبه واطرحت ع ركبها في الأرض بتبكي 😭..



........


الشيخ: بيتصل لعبدالعزيز .فارح 😃.. هكذا انت ابني ولاتغثى ولاتدخل في نفسك والله مايوفي شهر إلا وقد زوجتك ...


عبدالعزيز: ضابح مقهور 😔 ماعد أشتيش زواجه كما نويت شاقلك ..



الشيخ: قد حاكيت عمك نشتي هناء وقلتله نفعلها عرس وعيديها ابن عمك لاعندك ..


عبدالعزيز: 😱 ماهو يا أبه زواجه مه من قلك تحاكيه انا ماعد أشتيش زواجه ..


الشيخ: 😡 كلمه وعشر سوى شهر وقد مرتك عندك ..




.........


عبدالله: دخل لاعند رهآم .. يابنتي ولاتقهري نفسش والله انه افتهنتي منهم وعادش صغيره والعمر قدامش ..


رهآم: بتتفرجه سكته ودموعها بتنزل ع خدها ..


سيده: قوم معي نخرج خليها تجلس وحدها ..


وليد: دخل ومعه أكل من المطعم .. هآه رهام قد خرجت اشتري لش انتي بدون أكل من الصبح ..


رهآم: شابعه تسلم تعشى انت وسامي ..


وليد : فرش فالقاع .. والله ماكل إلا معش ونزلها بالغصب تأكل معه .



......

هناء: 😃 فارحه .. أخيرا شتزوج بعد العزيز وحلم الطفوله يتحقق صح اني زعلت ع رهآم بس انا بينحبه أكثر وهو شكله حاكي عمي لأنه عادهو يشتيني بس تزوج برهآم لأن عمي غصبه .




الله لاسامحش يا أروى فرقتي بينهم بسبب حقدش وغيرتش 😭😭😭😭😭



@qesasanani

🌿
74

بعد إسبوع ...


أروى: 😃 يوووه الحمدلله بشرش الله هيا خليهم ماذلحين يزنطوا سوى إن ابن الشيخ نسبهم ريت منهو عندهم يتشفى سوى ..



أم أروى: يله عيس إفتهني ماذلحين ..


..........


رهآم: بتعاون أمها في المطبخ حست بمغاثاه ورجعت ...


سيده: لحقتها للحمام .. قد بينقلش يابنتي رزي أنتي تاعبه مابتسمعيش ..

رهآم: إسهل خليني أعاونش اتواله .. ماقد روحش سامي من المدرسه ..


سيده: إلا قد وصل قبل شويه غير سار يشتري علاج أبوش ..


رهآم: سارت تتصله ... سامي عادك فالصيدليه ..


سامي: أيوه يا أختي تشتي شي ..


رهآم: بس لاتحاكيش أحد إشتي أتأكد اديلي معك فحص حمل منزلي بس لاتدريش أمي ..


سامي: طيب حاضر تمام .. يله مع السلامه ..



.........

حفيظه: بتدقدق الباب ..🚪


سيده: هيا أخوالش يحبوش ادخلي قد شاقرب الغداء ..

حفيظه : مع إسلمي هو غير فعلت ذمول قل أدي لش لاهي رهآم عتأكل وشاسير بيت الشيخ يشتين حاجات قلت استأذنش ماعتغثيش مني ماشي أبوها السيره ..


سيده: إسلمي والله انهي تاعبه مابترضى تاكل عادهي رجعت من شم الأكل ومسامحه يا أختي سيري ماعليش هذا رزقش ...




.........


عبدالعزيز: ممدد فوق الكنبه بيتلفت حوله الدنيا مندشه وكل شي وسخ تذكر رهآم كيف كيف يتحانب هو وياها لمايندش الشقه وهي ترفع ويرجعوا يمزحوا تنهد عليها واتصل لسلوى يسألها لوعندها خبر منها 😔.




سلوى: لاتقتهرش ياخي الله عيعوضك وأنا والله زاعله عليها بس مانفعل تعرف أبوك محد يقدر يقله ماع وبعدا ذلحين قدك عريس كلها اسبوعين وهناء عندك ..


عزيز: والله ماأشتي اتزوج لكن مانقل لأبوش .. قوى يا أختي ابسري لي لو عتعرفي شي عنها وهي صدق تاعبه ولا ماكنتش تشتيني ساع ماقال أبي وبتكذب علينا ..



سلوى: إيذه حفيظه جارتهم عتجي تدي لأمي ومريم زنين للعرس وشاحاول أعرف أخبارها منها ..


عزيز: 😘 تمام تسلمي لي ..



.............

مريم : هيا هناء بطلي خباله كيف ماعتسافريش متوجه 👰🏼.


هناء: مالش انتي بعقلش سفر وطياره وأنا بالفستان والطرحه .


مريم: خلاص معي فكره بدل ماتوصلي عند مقرعه نخلي الكوافير تسبرش وانتي لماتوصلي إلبسي الفستان والطرحه ..


هناء: 🤔 اممم أيووه خلاص تمام ..




.........

سامي: هآه اختي .. ناولها الكيس .



رهآم: تسلم .. ودخلت تجرب الفحص طلع حمل 😱😱😱.


مسكينه يارهآم حامل .. بس ايش عيفعل الشيخ معقوله يرجعها لعبدالعزيز بعد مايعرف أو عيزوجه بهناء ...



@qesasanani

🌿
75



سامي : هيا ماهو 😳..


رهآم: تنهدت مقهوره 😔 طلعت حامل بس لاتحاكيش أحد حتى أمي مشتيش أحد يعرف بعدا لايخلوني أنزله ..


سامي: ماهوووو. مالش مجنونه من عيخبي بطنش لما تكبر وبعدا ماينزلوا فيه سعمنهو لعبه ..


رهآم: أصلا أبي كان يقل الحمدلله مابش بيننا جاهل يربطنا وذلحين جاء جاهل 😭..



سامي: إطمني والله محد يقدر يفعلش شي وأخوش موجود ..


......


بيت الشيخ ....



مريم: أيووه خلاص اديلي تيه الزنه وعادنا إشتي ساع حق أمي الخضراء..


نجات: هيا ناهي لش عتطابنيني أومه ..

مريم: هيا يا أمه قوى عجبتني وبعدا نلبسها جمعه قد إسمنا أم الحريو وأخته ..


حفيظه: إنصدمت 😱 حريو مه ..


مريم: بمحانكه 😜 عرس أخي عبدالعزيز عنزوجه ببنت عمي نهايه الشهر ..


حفيظه: 😳 هآه تمام .. وحست بقهر وزعل ع رهآم ..

سلوى: أمانه كيفهي رهآم قد إفتهنت ولاعادهي مريضه ..


نجات : بهررت لها .. ليش تسأل 😳.



حفيظه : والله لوتبسري مرحمها هايمه لانايمه لابتاكل وتاعبه في روحها ..


سلوى: 😱 يووه مسكينه والله إن قد قلت هذه شكل فيها شي الله يقل عثرتها ...



...........



عبدالعزيز: ماعد قدرش يجلس فالشقه قام لبس وخرج ..


...........


رهآم: فوق الغداء مطننه ..

عبدالله : هآه بنتي مالش مابتاكلي ..

رهآم: شابعه إسلموا .. فلتت وقامت..


سامي: لحقها ... رهآم قوى يااختي لاتقهريش نفسش ماتشتي وانا شفعله ..


رهآم: مارأيك لونرسل لعبدالعزيز نقله .. بس مشتيش يقل اني بينقله يرجعني بس في نفس الوقت حرام لازم يعرف ..


سامي: تمام خلينا نتغدا وبعدا نخرج انا وأنتي نلوي بعدالغداء ونتجابر .


تلفون البيت بيرن ☎..


وليد: يا أمه جاوبي أمي حفيظه ..


سيده: يعلم الله ماقد به هي سارت اليوم بيت الشيخ ..

عبدالله: قلب فوقها 😡 واحنا ماعلينا منهم اسمع كلمه تخرج منش ..


سيده: بتحاكى التلفوون .. 😱 يوووه مسرع هذا مابلا قدشكلهم فلتوها بالعاني لكن الله يقهرهم ساع ماقهروا بنتي ..


عبدالله: هيا ... ماقد به ..


سيده: قالوا عيزوجوا عبدالعزيز ببنت عمه نهايه الشهر ..


رهآم: من .. هناء .. ونزلت دموعها ع طول قامت ودخلت غرفتها 😭..



سامي: لحقها دخل عندها وخرجها بالغصب معه ..



@qesasanani

🌿
76



بدأ العرس حق هناء وعتسافر بعد يومين عند عبدالعزيز ..



رهآم: قررت انها تخبي موظوع الحمل ع عبدالعزيز مدام تزوج ..


.......

محمد: يا أخي قووم احلق دقنتك قدك مطوع وجي نسير لنا سونا ونفعل مساج بكره شفعلك حفله ياعريس ..


عبدالعزيز: هنيت له عريس مه والله مافي حسي إن قلبي مفطور ع رهآم 💔.

محمد:. هيا قووم ونسير نشتري لك ملايه جديده للسرير ونرفع البيت ..


عبدالعزيز: البيت معفوس عفيس ولدات رهآم فالغرفه وحاجاتها ماشلتهنش كلهن معاها هي رآكنه إنهي عترجع وانا فلتها ..


محمد: هيا قوم نلفلفهن هآه مايسبرش مرتك تجي وعادهن فالبيت ..


عبدالعزيز: شارسلهن لها .



وصلوا الشقه بيرفعوا اللده في شنطه ..

عبدالعزيز: بيرفع الملابس .

محمد: بيدخل العطور والمكياج في شنطه ..

عبدالعزيز: إبسر الشنطه الي إدت لها أروى إبتسم 😃 يا الله كم ضحكنا هذك اليوم أنا وهي لما ادتها لها مره أخوها قلنا شكلها من حق الأخدام ..

محمد: إسكه وريني ياأخدام وبعدا تعب عليك هكذا تجلس تذكرها واصل عتتعب ..

عبدالعزيز: رجم له الشنطه ..

محمد: بيتفرجها ... وفتحها لكن حاليه كبيره تكفي قلافد خيرات ..

عبدالعزيز: خلاص دخلها الشنطه الي عندك وانا شاكمل هانا ..


محمد: هذا مدرى مابه داخل هآه افتحها لابه وسطها ذهب ولازلط من حقها ..

عبدالعزيز: 😳 استغرب وسطها .. مابش شي اصلا مرجومه من يوم ما ادتها لها ..

محمد: قرب لاعنده هآه عس هذا به شي داخل أومع حتى ابسر مرقعه شكلها كانت مستخدمه ..


عبدالعزيز: بيعسها ..أيووه صدق مدرى مابه وبيفتحها مقدرش يفك الرقعه أشر لمحمد يمكنه مقص ✂يفتحها .

محمد: مكنه المقص بيفتحوها لقيوا حاجه ملفوفه بكيس أسود ..


عبدالعزيز: خرجها وبيفتحها لقي ورق مشخبط فيهن ..😱😱 يوووووه معقول هذا .. والتفت لمحمد ..


محمد: 😱 أيوووه هذا سحر ذلحين درينا مال مرتك متغيره عليك ..


عبدالعزيز: رجعه ع طول فالكيس وحمل مسك تلفونه بيتصل لأمه يقلها ..



نجات: 😱 يووه يا أبه ع فعله قد بتقل أختك سلوى محد صدقها مسكينه رهآم ظلمناها ..


عبدالعزيز: ذلحين يا أمه يسبر أحد يسير يقلهم وشارجعها وهناء عادهي عندكم ماقدجتش إسهل .



نجات: 😱 يووه مع يابني ماهو هذا الحكى تشتي أبوك يفعل لنا نثره خلاص الحمدلله درينا انها مشو دلع منها وانت اقنع بنصيبك هذا قدهو مكتوب من الله .


عبدالعزيز: 😡 بيصيح مشو ع ماتشتوا يا أمه حرام ظلمتها وصدقتكم ..


نجات: اوذك ابوك عندك سد أنت وهو ماأدخلش غير ماعيقلوا الناس ع بنت عمك تفلتها في عرسها وأنا شاقوم أتصل لأم رهآم اقلها ..


عبدالعزيز: طيب وهذا مفعل به ارجمه اوكيفه ..


نجات: مدراني يا ابني وانا لكن شسأل أمها لاهي داريه وانت زيد ابسر شيخ عندكم من حق المسلمين ...



محمد: هيا اديه وقوم معي نبسر الشيخ حق الجاليه اليمنيه نسأله مايفعل به ..



.........


رهآم: مريضه يله تقوم تجلس شويه عندهم وترجع غرفتها من وقت ماعرفت بالعرس ..


سامي: دخل لها أكل حرام عليش يا أختى كلي ع الأقل إرحمي الي في بطنش ..


سيده: ع خطيتها سمعتهم ... 😱ايش .. الي في بطنها ليش اختك حامل ومخبيين علينا ..



🌹meme_abdalgaleel.


@qesasanani

🌿
77


سلوى: 😱 يوووه صدق لقيه قد بينقلكم هذا يمكن فيها شي قلتوا مع حسبنا الله بس مشو بحق ماظلمناها وقد أخي تزوج ..


مريم: هيا ناهي لش بدل ماتفرحي لهناء إنهي أخيرا عتتزوج بعبدالعزيز وهي بتحبه ..


سلوى: بس مش ع حساب رهآم ماذنبها 😔..



نجات: ذلحين ماقلت ياشيخ أتصل لأمها أقلها أوكيف ..


الشيخ: بهنجمه 😡 إسمعي تشتي تتصلي لها تقلي لها إتصلتي بس لايتخايلهم إنحنا عنرجعها خلاص قذا زوجنا الولد ..


نجات: عبدالعزيز عادهو بيقل عيتصلك يشتي يردها ..


الشيخ: رجم القاروه من يده 😡 سمعتتتتي ماقلت أوماشي خرجه من قبالي قدمرته عتسافر بعد غطوه ماعد يشتي ..



..........


سيده: فتحت عليهم الباب ودخلت 🚪.... وآحمه يارهآم ولا تتحاكي ..


رهآم: إبسرت سامي بزعل 😔 هكذا تقلهم هذا الوعد ..


سامي: سنب كان جالس .. لفت لأمه والله ماقد فتحت فمي ايذا أمي عندش إسأليها ....


سيده: مسكت ع كتف رهآم بطبطب عليها .. أنا سمعتكم ذلحين ع خطيتي وأنتوا بتتحاكوا .. .


رهآم: بتهز رجلها وتقحص أظافيرها قوى يا أمه لاتحاكيش أبي بعدا يقلي أنزله هو كان يقل الحمدلله مابش بيننا جاهل يربطنا 😔..


سيده: ضحكت عليها ههه😃 أمانه أنش مجنونه ومن عينزله حرام هذا هبه من الرحمن لاتفتجعيش يابنتي ..


رهآم: ولاتحاكيش أمي حفيظه قوى بعدا تسير تقلهم مش ظروري يدروا مدام وقد عبدالعزيز تزوج بعدا عيقلوا اني بينخرب عليه ..


تلفون بيتهم بيرررن ☎.


عبدالله : بيداعي .. ييييه أين جيتوا أحد يجاوب التلفوون.


سيده: إبسرت رهآم .. هيا كلي سوى وأنت غصب أختك أسير أجاوب ...



@qesasanani

🌿
78



لندن ....

الشيخ: هذا عمل يابني فعلوه تفرقه ..


عبدالعزيز: إبسر محمد 😳 مستغرب كيف يعني ...


الشيخ: مكتوب فيه يا إبني إسم رهآم وعبدالعزيز الي فعله يفرق بينهم ..


عبدالعزيز: خفع رآسه بيده ... يعني كله كان غصب عنها أنا ماصدقتهاش كانت تقلي حاجه غصب عني 😔.


محمد: مسكه من يده خلاص يا أخي هذا نصيب وإبسر الشيخ .. ذلحين مانفعل ياشيخ ..


الشيخ: قدنا بينفكه بالقرآن والبنت ظروري تزيد تخلوا شيخ يبسرها ويقرأ عليها ..


عبدالعزيز: طيب تمام .. جزاك الله خير ..


......


سيده: بضبح 😤 خيير ماتشتي ..

نجات: أنا داريه يا أختي انش غاثيه مننا ماعندش حجه لكن والله انه الشيخ ومحد فينا يصدأ يقله ماشي ..


سيده: خلاص مابش نصيب بنتنا وقدهي عندنا وإبنكم وقد زوجتوه ليش اتصلتي ...



نجات: والله مانا داريه ماقلش .. اليوم عبدالعزيز بيرفع لدات رهآم وبين اللده لقي شنطه قال ادتها لها مره ابنش ولقي وسطها سحر مفعول لرهآم قله الشيخ سحر تفرقه ..


سيده: صآحت 😱 يووووه سحر .. الله لاوفقها ولا إلحقها خير مافعلت بها بنتي وبتبكي 😭..



رهآم: مال أمي صاحت جي نبسر مالها من أتصل ..


عبدالله: خرج من غرفته يبسر مالها ..


سيده: بتتحاكى وهي بتبكي 😭أيووه خلاص تمام الا عنشلها يله شكرا مع السلامه .



رهآم: مستغربه 😳 وطت لاعند أمها .. مالش بتبكي من فالتلفون ..


سيده: بتخفع وشها هذه عمتش نجات قالت لقيوا فالشنطه الي ادت لش أروى سحر وأنا بينقل مرضش هذا مشو طبيعي ..


عبدالله: صاح 😡أييييش سحر مه .. ابسر سامي اتصل الآن لأخوك يجي أبسر عاد معه كلمه ع بنت الشوارع هذه ...



رهآم: جالسه ع ركبها موطيه رآسها بتبكي 😭..


سيده: حضنتها وبتبكي معاها 😭 لاتفتجعيش عنشلش عند الشيخ يبعده وعتفتهني ...


رهآم: بتصيح وتخفع بطنها ...مافعلت بها حرام ماذنب الي في بطني يتربى بدون أب بسببها ليش ياعزيز تزوجت كنت عتراعي 😭😭..



عبالله : 😳 بإستغراب ... يييه بنتش واحمه ..


سيده: إبسرته وعيونها حمر عادحنا درينا اليووم ..



.........


عبدالعزيز: خرج ضابح من عند الشيخ بيلوى فالشارع ..

محمد: بيلحقه بالسياره .. يا أخي أطلع وشاشلك أين ماتشتي ماشفلتكش وانت هكذا ..



عبدالعزيز: لفت له بقهر 😔 وأشر له بيده اخطى ...



......


وليد: وصل البيت عرف بالموظوع اتصل لأروى جهزي سندس ولداتها وتجهزي شاجي ذلحين ..




أروى: حملت لاعند أمها فارحه .. وليد عيجي لي يردني أخطى اتجهز ..



سيده : اتصلت لحفيظه تجابرها وسدين يشلين رهآم الصبح عند شيخ يقراء فوقها ....



@qesasanani

🌿
79



أروى : فتحت الباب 🚪 لوليد فارحه 😃..

وليد: بيبسرها مبتسم هيا إطلعي أدي سندس ولداتها ..


أروى: بتدلع عليه .. مابلا سندس بس .

وليد: ضحك ههه 😃 إلا الثنتين بس ادى سندس ولداتها اطرحهن فالسياره أمد ماتدي الباقي..


أروى: مكنته سندس وشنطتها .. باقي أطلع لداتي ..

وليد : إبسرها بعصبيه 😡 لداتش ههههه خليهن عند أمش وصلت بش تفعلي أسحار ولطمها في وشها 👋🏻.. أنتي طالق وبنتي ماشاربيهاش عند أم ساعش ..

أروى: صأحت ... ييييه بنتي أدي بنتي ..


وليد: دهفها وشل البنت وخطي ..


.......



ثاني يوم ....


حفيظه وسيده:.شليين رهآم عند الشيخ ..


الشيخ: إن شاء الله عتفتهن بس تشتي وقت قد فعلوه لها بين الأكل ...



في الطريق فوق السياره ..


سامي: هيا مه ماذلحين صدقتوا قد قلتلكم إبسرتها بتراجم الأكل بعد ماتدي لرهآم وصيحت فوقي لما شليت أكل ..


سيده: يوووه سامحني ياإبني شكل الزلط هي كذبت عليك والكل ...

.........



هناء: وصلت من السفر ودخلت الشقه فارحه ..


عبدالعزيز: مربي دقنه ضابح من نفسه مابش في حسه منها ..


هناء: حبيبي رآعي هانا شدخل البس الفستان والطرحه 👰🏼.


عبدالعزيز: إبسرها بضبح 😤 هنيت لش أنتي والفستان قدش هكذا كفايه لو جاوعه قومي نخزج أغديش ..



هناء: إصترعت 😔 تمام شدخل اتجهز نخرج دخلت لبست وخرجت ...

.عبدالعزيز: إبسرها .. فعل بيده ماهووو هذا ..


هناء : لابسه بنطلون جينز وبلوزه صفراء وفردت شعرها .. ولبست عبايه مفتوحه وشعرها نصه باين من قدام . ماهو عروسه كيف تشتي أخرج وعلشانك أصحابك الأجانب لايقلوش معقده ..


عبدالعزيز: تذكر رهآم كيف كانت تتصايح معه لما يشتي يخرجها ..تنهد وابسر هناء ادخلي أخلسي بس إحنا والحفله هذه الي وشش شتصل أطلب من المطعم ...


هناء: بعدت الطرحه من فوقها ... أوووف ماهو هذا حتى دقنتك ماحلقتهاش كأنك مغصوب عليا غصب مالك قدك هكذا نسيت حبنا ❤كيف رجعت وبتصايحه ..


عبدالعزيز: دعممها ومسك تلفونه بيتصل للمطعم ..


هناء: حنقت ودخلت الغرفه ...



..........


بعد شهور .....


رهآم: افتهنت وقدهي أحسن تاعبه من العيافه بس ..


سيده: سألتش بالله لاتحاكيتي ياحفيظه مدام قد دريتي أنتي تعرفيهم كيفهم مش بعيد يشلوا الجاهل ..


حفيظه: يوووه ياعيبتش والله مفتح فمي هي بنتي ..




رهآم: بتحاكي عبدالله .. إشتي أسجل جامعه ..

عبدالله : تمام خلي وليد يسير يسجلش الحمدلله إن قدش بخير 😃.


سامي: بيلاعب سندس ... لفت لرهآم مارأيش تراعي للسنه الي عتجي وندخل جمعه ..


عبدالله: أيووه قدهو أحسن يابنتي قد إسمش واحمه أمد ماتزيدي تولدي ..




أم أروى: يييه عتجلسي مطننه هكذا خلاص إبردي احمدي الله شلوها تفتهني عادش صغيره تتزوجي أمس مره ال*** قالت تشتي تخطبش لأبنها قلتلها لماتتمي العده ...


أروى: وبنتي يا أمه مع حرآم ..


أم أروى: عيس خليه يحنب بها يربيها ... أيووه ذكرتيني انتي داريه إن رهآم واحمه قالت لي جاره عمتش إبسرتها فالحاره وبطنها قبالها ..


أروى : صدق 😳
لكن كيف له ماردهاش وهي واحمه ..


أم أروى: مدرى يعلم الله كيفهي .



🌹meme_abdalgaleel


@qesasanani

🌿
80


رهآم: خرجت السوق هي وأمها بتشتري لده للنونو ... تذكرت عبدالعزيز لمادخلوا محل اطفال واشترى الفستان الي عجبها لماتجي لهم بنت تنهدت ودمعت عينها 😔.


سيده: يووه محلا ذيه جي جي إبسريه ..😃

رهآم: بتخطي سحب قد بطنها كبيره لاقد عجبش شليتيه ..

سيده: كيف لاقد عجبني أنتي أمه هيا إخطي من الخباله اشتري قدهي من مره نبسر القلافد ..


سامي: مراعي لهن فوق السياره .. بيتصل يكملين بسرعه سندس بتبكي جننته ...


رهآم: يا أمه أنا شخرج أوبه لسندس وانتي اشتري الحاجات الأساسيه وكما ولدت عنشتري الباقي ..


أروى: كانت 🤔بالصدفه في نفس المحل خرجت مع جارتها تكتسي قد عتتزوج إبسرت رهآم ع خرجتها من المحل وإبسرتها واحمه ... 🤔 يعلم الله ليش مازد رجعت لزوجها وقد دريوا انه فرقتهم انا وزياده انها واحمه ..


جارتها: بتهزها ييييه مالش مطننه هيا شرق عيأذن مغرب ..



.........

العشي ..

عبدالله : بيتفرج الحاجات الي إشترين 😃 يووه والحلا ماشاء الله ..

رهآم: بتلوم نفسها يووه لو أنا داريه إني اديت الفستان الي اشتراه عزيز معي حين جيت لكن مدراني إني ماعد شرجعش 😔.



سامي: هزها ..يييييه وبيحرك يده قدام وشها نحنا هنا قدلي ساعه بينقلش عشاء ..


رهآم: إبتسمت 😊 يله تمام تعشوا أرقد سندس .

وليد: سامحيني يا أختي تعبتش ببنتي وأنت واحمه كل هذا حصل بسبب أروى الله لالحقها خير ..



رهآم : الله يسامحها وشلت سندس وقامت ترقدها .



..........


بيت الشيخ .....



أحمد: بدأ يسنب ويخطى ع الوسايد ..


الشيخ: فارح به وفلت الأوراق من يده يلعب معه ..



نجات : نسيت ماقلك هناء اتصلت لي أظاهر قدهي واحمه غير ماقد صديت تحاكي عبدالعزيز لما تتأكد ..




الشيخ ناصر: 😃 يوووه بشرش الله بالخير يارب وهو صدق أفرح بحفيد لي ماساع هذك مكنتنا ماقد تشتيش وبنت أخي جبرني برآسها عتفرح قلبي ..




سلوى: الحمدلله إن ربي مارزقهمش بجاهل يعيش بعيد عن واحد فيهم .



.........


هناء: بتحاكي عبدالعزيز بدلع عزوز اشتي نسير عند الدكتوره أتاكد يمكن أني حامل ..



عبدالعزيز: لفت لها بعصبيه 😡 حآمل أيش أنا قلت لش ماقد اشتيش جهال يعني ماكنتيش تشربي حبوب منع الحمل صح ..


هناء: حاطه يدها فوق الكنبه .. إبسرته نظره تحدى 😠 أيوه مابينشربهنش قلت أدي لك جاهل لو انت عتعقل كل يوم سهر وشرب وراجمني فالبيت وحدي ع الأقل اتواله انا وهو بدل مابتفلتني وحدي ..


عبدالعزيز: مالش دخل بحياتي أنا قلتلش من يومه هذا أنا ولومش عاجبش شارجعش قلتي عتجلسي خلاص اجلسي ساكته ..


هناء: انا شتصل لعمي وأقله كل مابتفعل ..رجمت وساده الكنبه وحنقت ..


عبدالعزيز: تذكر كيف رهآم وقفت جنبه لما بطل وكيف اسلوب هناء معاه ورجع للسهر بسبب مصياحتهم واصل .. تنهد وبيحاكي نفسه يعلم الله كيف قد انتي يارهآم وحشتيني بينذكرش في كل مكان فالبيت فالشارع كيف حبيتش في هذه السنه وقدرتي تنسيني اني كنت أحب هناء وكل البنات بعدش ماعادت تفرق معي 😔....




كان نفسي وشخصيتك قوويه ياعبدالعزيز وكنت قلت لأبوك لا بدل ماقهرت نفسك وقهرت رهآم

😔😔😔😔



@qesasanani

💎
💎
💎 81



بعد إسبوع ...

أروى: يا أمه مارأيش أشل دعوه لبيت الشيخ لاهن عيجين ويطرحين لي حاجه سوى ..

أم أروى: أيووه صدق 😃 وبعدا ذلحين انتي وهم ماعد عليكم ببيت عبدالله يعني ماعدتدخليش منهم ..



أروى: خلاص قومي إلبسي ونشل لهم الدعوه ..


.......
لندن...


عبدالعزيز: روح وهناء مابحد بيتصلها .. أين أنتي ..


هناء: بتحاكيه من شق نخرها ..عند الدكتوره سيرت اتأكد من الحمل أو تشتي أراعي لك يله جي روحني .



عبدالعزيز: 😡 عصب منها .. في نفسه الصدق أين انتي من رهآم كيف كانت تحترمني بس.. الي شلش يروحش وغلق في وشها 📱.




بعد ساعه روحت هناء ..

دخلت البيت فارحه 😃 وفي يدهل نتيجه الفحص .. مبرووك ياحبيبي خلاص عتكون بابا..


عبدالعزيز: فوق الكنبه ممدد بيقلب التلفزيون .. إبسرها أين الأكل ..

هناء: من اليووم كن اطلب لنا أنا حامل خلاص ماعد شفعل شي ..


عبدالعزيز: تذكر رهآم وكيف كانوا يطبخوا ولما سكبت الماء الثلج فوقه ضبح 😤 قام بيلبس يخرج ..

هناء: ييييه أين عتسير مالك ضابح هكذا بدل ماتفرح اني شديلك جاهل الي ماقدرت رهآم تديه لكن الحمدلله قد إنقلعت هذك المجنونه الي ماعد خلوا بها بقعه يعالجوها ..



عبدالعزيز: إلتفت لها ولطمها 😡 أوووول وأخر يوم تذكري إسمها ع فمك ولبس الجاكت وخطي ..

هناء: لحقته وهي بتبكي 😭 ليييش بتقتهر عليها عادك بتحبها لكن عيس تستاهل الي فيها أيوووه مجنونه ماعتفعل بي ..

عبدالعزيز: خرج وصرع الباب 🚪.



هناء: مسكت التلفون 📱 بتتصل لبيت عمها تشتكي به ..



..........


بيت الشيخ ...


الشغاله: ماما في واحده خارج تشتي انتا يمكن أنا شفت تقرب لرهآم ..


نجات: إبسرت سلووى 😳 تقرب لرهآم .. هيا قومي معي نبسر منهي ..


أروى: قربت تسلم عليهن أهلا أهلا يوووه كم قدنا فاقده لكن 😃..


نجات: إستغربت منها (لأنها دريت إنها الي فعلت السحر لرهآم .. خير في شي ..


أم أروى: شكلش ماقد دريتيش هي قد أروى تطلقت من عندهم هذولاك مشهم اوادم لوتبسري ماكانت سيده تفعل ببنتي رجعت طلبت الطلاق وذلحين عرسها جينا نعزمكن ..


سلوى : تمام شكرآ ..باقي شي ..



أروى: ليش ماعد رجعتوش رهآم ولاماتشتوش جاهل (أروى تقصد لأن رهآم حامل ..



سلوى: مافهمتش قصدها وتشتيها تروح بسرعه .. خلاص مابش نصيب خلاص والحمدلله مابش بيننا جهال ..


أروى: آها .. يعني لوكان به جاهل عتردوها ..


نجات: إبسرتها بقلبه وش 😡 مع ماعد نشتيهاش ولوكان معانا جاهل كنا عنشله يله استأذنكن الشيخ عيجي أقوم أوكف حاجاته ..


أم أروى: دكمت أروى ... يله كان خاطركن وهذه الدعوه لاتنسينش العرس ..



ع خرجتهن ..

أروى: سمعتي يا أمه مشهم داريين إني واحمه شكلها مخبيه عليهم ..

أم اروى: أيووه أظاهر افتجعت لايشلوه قذا سمعتي ماقالت عمتها ...





@qesasanani

💎
💎
💎 82



الشيخ : بيتصل لعبدالعزيز 😡 ماهووو هذا مافعلت بمرتك ياقليل الحياء حين دريت انهي واحمه .. وماهو هذا الخبر رجعت للخباله حقك والسهر قلنا عنزوجك تعقل وانت جالس هذك الصايع ..



عبدالعزيز: مقهور من أبووه 😔 خليتني أطلق رهآم غصب وزوجتني بهناء غصب وذلحين عتزيد تغصبني أدي جهال ..

الشيخ: الله الله صوتك علي عليا الآن تقوم تصالح مرتك وأزيد أسمعها تشكي منك 😡 ولا ماتلوم إلا نفسك ..


..........



رهآم: روحت من عند الدكتوره فارحه باقي لها إسبوع وتولد ..



وليد: غبني عليش يا أختي بعدا بنتي وحقش كم جهدش بزا ..


سيده: يووه ياعيبتك ماسخانا ع تيه القمر إبسر محلاها أمانه بتبعد لنا المرض 😃.


........


أروى: وقفت عند محل إتصالات ..



أم أروى: مالش عتدخلي ماتشتي منه ..


أروى: هزرت أمها ودخلت للكبينه إدخلي وعتدرى خرجت من تلفونها رقم وبتتصل ..



........


عبدالعزيز: رجع البيت وبيداعي ... ياهناء ييييه ..


هناء: سمعت صوته فعلت نفسها بتبكي فوق السرير 😭.


عبدالعزيز: دخل لاعندها إسمعيني يابنت الناس أولا أنا آسف ع مده يدي ثانيآ من اليوم اسم رهآم ماعد اشتي تذكريه بخير ولابشر ثالثآ وهو الأهم المشاكل الي بيننا أول وأخر مره تخرج لحد سواء أبي أو غيره اشتي تحترميني وتعرفي اني قبل ماكون زوجش انا ابن عمش هذا لوتشتي نكمل حياتنا صح ..


هناء: بتتفرج له سكته ومدعممه 😕..



........


أروى: غيرت صوتها ببتحاكى تعزي .. الووه هذا بيت الشيخ ناصر ..

الشغاله: أيووه انتي من تشتي .


أروى: فينو الشيخ قليله فاعله خير تشتيه ..


أم أروى: بتسألها ماهو ماتشتي تفعلي .


أروى: بتأشر لها بيدها رآعي ..



الشيخ: أيووه من معي ..

أروى: ياشيخ الي كانت مزوجه بإبنك هذك بنت عبدالله ال*** واحمه قد عتولد ومخبيه عليكم ماتشتي تعرفوا تشتي تخبي عليكم إن معاكم جاهل لأنكم طلقتوها وزوجتوا إبنكم ولومش مصدق تأكد بنفسك ..


الشيخ: من أنتي ومدراش .


أروى: غلقت السماعه وإبسرت أمها وهي بتضحك 😄.


الشيخ: ألوووه ألوووه .. غلق وبيدعي نجات .. يييه انتي داريه ان رهآم واحمه ومخبيه قسما بالله مارآحت لهم يشتوا يشلوا حفيدي لكن هم عيبسروا عملهم وأعرفهم قيمتهم بيتحدوا الشيخ ناصر ...😡😡


سلوى: يا أبه إذكر الله مادراك يمكن كذب وبعدا ولو صدق مشو تحدي هي مفتجعه لانشل إبنها ..



الشيخ: بيتصل .. خلي مرتك الآن تسير تسأل وتتأكد طليقه عبدالعزيز صدق وآحمه شلها لابيتهم وقدك رجال داري كيف تتصرف ساع كل مره ...


نجات: بتخفع وشها دلا 😱 قفى الشيخ وبتبسر سلوى .. ياهمتاه لنا ولأبوووش ..





حسبي الله فيش يا أروى ربي ينتقم منش ..


🌹meme_abdalgaleel


@qesasanani