سأكتفي بك حلمآ 💔

بارت ٢٣

في المستشفى 🏥...

سمر : واقفه فالدرج 👩🏻‍🔬 بتتحاكى مع الدكتور غيث ...

غيث : طيب يادكتوره زيد جربي حاكيها أنتي داريه إننا فعلا شاريها وقلتها ألف مره إننا أشتي أجي من الباب 🚪..

سمر : محتاره 😅 مش داريه ماترد عليه بتقرح أصابيع يدها والله يادكتور ان قد كلمتها بدل المره ألف لك ولغيرك بس روان مقفله هذه الباب من مره ...

غيث : ارتزح عرض السلام 😔 طيب في بالها أحد مرتبطه مع أي شخص لأنه هكذا والله انه قهر بس ..

سمر : احرجت 😅 ماعد دريت ماتقل .. أبسرتها بتخطى نازل .. أشرت لعندها 👈🏻 أقلك احسن شي أنزل لعندها حاكيها أنت وسد منك لها لأننا مثلي مثلكم أشتي أخلص منها وازوجها وضحكت ونزلت بتداعيها ...

روان : ماركزت انها بتدعيها كانت بتخطى لعند نادر 🚶🏻‍♀️ وصل ..

غيث : إبسرها بتسلم ع نادر وهي مبتسمه 🥰 ودخلت معه عيادتها بيحاكى نفسه يعلم الله منهو هذا 🤔 وليش فارحه به هكذا معقوله يكون حبيبها الي رافضه لي علشانه ونزل يسال ويطقس منهو هذا الشخص ..

........ ........ ........

في الجامعه 🏫..


غاده : واقفه مع البنات وصاحباتها 👭🏻 بيتحانبين ع موعد الامتحان ..

صاحبتها : خلاص بغير مضاربه👊🏻 واحده منكن تسير تحاكى مندوب الدفعه تقله انه نأجله مابش وقت نذاكر ..

غاده : وينهو هذا وانا شاسير لعنده مالكن مفتجعات منه أصلا منهو مندوب الدفعه حقنا ماقد دريتش منهو وبتضحك 😂..

واحده من البنات : بتأشر لها لعند وائل 👈🏼 هذاك اللي لابس شميز كبدي 🙍🏻‍♂️...

غاده : إبسرت وأنه وائل أحرجت من البنات 😅 ماتشتيش تسير .. هاه هذاك طيب من عتسير لعنده ..

صاحبتها : بتضحك عليها وتغمز 😉 من عيسير لعنده أكيد انتي عادش بتقلي ليش مفتجعات منه هيا سيري ياقمر ورينا الهنجمه حقش ههههه ..

غاده : أحرجت من البنات 😅 وتشتي تكابر بنفسها وماتحسسهن بشي تمالكت أعصابها وشلت نفس عميق وخطيت لعنده 🚶🏻‍♀️..

وائل : واقف مع صاحبه 👬🏻..

غاده : يييه يا مدري ايش إسمك ..

وائل : ضحك هههه 😂 وقرب لعندها أسمي وائل وبعدا مسرع جيتي لدفترش 📒 أنتي قلتي ماتشتيه ..

غاده : بتتحاكة بزنط 😠 وهنجمه ايوه مشتيه واشبع به أنا جيت بخصوص الإمتحان وبصفتك المندوب تحاكي الدكتور نشتي نأجله البنات كلهن معترضات ع الموعد ..

وائل : بيتفرجها بإبتسامه 😊 حاضر شاحاكيه بس مش علشان خاطر البنات علشان خاطرش أنتي بس لأننا أشتي تدي درجات عاليه وتذاكري ..

غاده : ضبحت ونفخت في وشه 😤 استغفر الله العظيم بس والخباله وفلتت وخطيت 🚶🏻‍♀️..

وائل : لفت لصاحبه ع فكره كل يوم بيعجبني زرتها وجلافتها أكثر 😉...


🌹meme_ abdalgaleel



@qesasanani

سأكتفي بك حلمآ 💔

بارت ٢٤

نادر : جالس فالمكتب عند روان بيتفرجها سكته لانه حاسس انها متوتره 😕..

روان : جالسه فوق مكتبها في يدها التلفون 📱 ليش ماقد طلعتوهن مراعيه من الصبح ماقد كملت كلامها الا وقد الممرضه دخلت والفحوصات في يدها ...

الممرضه : حطتهن فوق المكتب هاه دكتوره اتفضلي الفحوصات الي طلبتي 📑 ..

روان : حست قلبها نزل ركبها وكان يدق بخوف 💓 ويدها بترتعش بقوه .. لفتت للممرضه ادعي دكتوره سمر بسرعه الان ..

نادر : ابسرها خايفه استغرب 😟 مالش ياروان والله لو قدهن ورق اعدامي ماتصفري هكذا ومسك الورق يشتي يفتحهن 📑 ..

روان : سحبتهن بسرعه من يده وملامح الخوف باينه عليها 😥 عتجي سمر تفتحهن راعي ..

نادر : حس بخوف 😟 بس حاول يمسك نفسه وقف روان مالش مابه سعم ماعيطلع هي غر جرثومه مالش مأفوره الموضوع ..

روان : ماسكه الفحوصات📑 في يدها بقوه لايشلهن .

سمر : دخلت بتتفرج لهم 😥 الوضع شكله مكركب ومقلق . هاه روان تشتيني ..

روان : مكنتها الفحوصات 📑 وجلست فوق الكرسي 🪑خلاص ماعد قدرت تمسك نفسها افتحيهن ..

نادر : بيتفرج سمر ووجهه بيعرق 😓 من خوف روان افتجع .

سمر : فتحت الفحوصات 📑 وبتقلب الأوراق ووجهها بيتقلب 😟 وتبسر روان مره ونادر مره ...

نادر : ماعد قدر يمسك نفسه مد يده يشتي يبسر مافي الورق 📑...

سمر : سحبتهن بسرعه راعي 📑 لحضه اوذا شاقلكم ...وبعدا مالك مسنب إجلس ..

نادر : ماعاد قدر يتماسك وارتفع صوته 😠 ماااهو مابه والله لو قد فيني كانسر ماتفعلين هكذا ..

روان : خلاص أيقنت أن النتايج كانت صح كانت تحس كل شي قدامها كانه حلم ودموعها كانت تنزل من نفسها 😭...

سمر : إبسرت نادر .. بزعل 😔 إهداء كل شي وله علاج قد العلم اتطور وكم حالات أتعالجت واليوم عايشين حياتهم طبيعي يعني مش أنت وحدك بس ...

نادر : كان يتفرجها وقف وكان يضحك مهستر 🤣🤣 مااهو كانسر صح ههههه يعني أنا مريض فيني سرطان صح هههه أكيد كانسر فالمعده صح ههههه ويتفرج لروان قد شاموت يابنت عمي روان شامووت ويضحك 🤣🤣...

روان : بتبكي 😭 تعوذ من ابليس يانادر اذكر الله وقربت لعنده مسكته وجلسته فوق الكرسي 🪑 ..

نادر : كان يتفرجها ويضحك وعيونه دموع 😰 روان عتوبهي لعيالي صح أمهم مابش عليها ركنه إبسرتي كيف ضيعت يوسف وانتي لقيتيه إحلفي لاتوبهي لعيالي ...

روان : ماعاد قدرت تتمالك نفسها كانت تبكي بقووه 😭 وتصيح نادر بسسسس بطل خباله عتعيش مالك بطل تتفول ع نفسك عتفتهن كل الناس بتمرض ..

نادر : وقف ويشتي يروح .. تسلمي ياروان تعبتش معي انا شامشي وبيخطى 🚶🏻‍♂️..

روان : بتلحقه وتداعيه نادر لحضه ناااادر ماحست بنفسها إرتجمت للأرض أغمى عليها 😔...

نادر : لفت ع طول وهي مرجومه حمل لعندها 🏃🏻‍♂️ يبسرها ..

سمر : بتفوقها وتداعي أحد من الممرضات معاها..

غيث : كان قريب من عند مكتبها قلبه بيفور ❤️ يشتي يعرف من الي داخل سمع الصياح والدوشه دخل بسرعه وبداء يفوق روان هو وسمر ...

نادر : جالس فوق الكرسي مقهور ع نفسه 😔 ومقهور ع روان انها دوخت بسبب زعلها وقهرها عليه حاسس نفسه في دوامه مش عارف إيش يسوي ولا كيف يتصرف ولا كيف عتكون حياته من بعد اليوم ....


أوقات أعراض مرض بسيطه نهملها محد يتخيل إنها تكون مرض مميت 😔 ياقهرري عليك يانادر منين تلاقيها وياقهري عليش ياروان الشخص الي تمنيتيه يحصل شي يوجع قلبش عليه ....

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ٢٥

بعد مرور يومين من الصمت والهدوء ...

في بيت هاشم 🏠...

شيماء : بتصحي نادر من النوم 😴 بعدت البطانيه مم فوقه ... يييه هيا مه عتسير عملك ولا عتمكنها كسل ..

نادر : فتح عيونه إبسرها بدون أي تعليق سحب البطانيه غطى وشه ورجع يرقد 😴...

شيماء : بتحطم .. ماهو هذا الجنان يومين ممكنها رقده طول اليوم هذه ماعدهيش عيشه وخرجت وهي بتتكلم🚶🏻‍♀️ ....

حوريه : سمعتها 👂🏻 هيا ماقدلش من صباح الصبح .. يابنتي قوى المره ماتجلس تدحس وتضبح زوجها وتنكد عيشته ...

شيماء : بتحطم 😏 كان مفعل ماهو يومين ماناش داريه مافيه ولا ماجغر له الطبيعه يومين وهو قالب صوره من حين رجعت ولابيحاكيني وطول اليوم راقد حتى عمله مابيسرش وتلفونه 📱مغلق مافعل ادعممه ..

حوريه : يمكن يابنتي عادهو غاثي منش حين ضاع يوسف وحين حنقتي وفلتي البيت .. لما يقوم أنا شاحاكيه الله يهديكم بس ...


....... ....... ........

في بيت عادل 🏠...

عادل : كمل يلبس وبيداعيها هيا ياروان قد انتي جاهزه ...

روان : بتنزل من الدرج والشنطه في يدها 👜 وبتلبس الطرحه .. يله الان بسرعه البس الطرحه بس ..

عادل : ضحك عليها قصدش اعلق الطرحه فوق راسي بس ههه أنتي وطرحتش هذه الي ماثبتت وكودها بتطحس 😂...

روان : خزيت 😅 مفعل والله ان كودي بينثبتها بس مابترزاش ...

عادل : نسير ذلحين نصتبح خارج ولا عند جدش ونحاكيه مدام ونادر مغلق تلفونه 📱...

روان : أنا من رائي🤔 تتصلوا لبيت عمي لو نادر فالبيت نسير تدخلوا تشلوه بالغصب ونخرجه معانا ونتفاهم معه هو اول قبل مانحاكي جدو ...

عادل : إسمعي إتصلي📱 لعند سندس أنتي تأكدي لو هو فالبيت سيرنا مشتيش قد نفجع عمش ...

روان : خرجت تلفونها من الشنطه 📱 واتصلت لسندس وتأكدوا ان نادر فالبيت ..

....... ....... ........

في بيت الجد قاسم 🏬..

الجد قاسم : بيحاكي التلفون 📱 ياابني والله ان قد قلت لكم مارضيتش البنت ولا ما انتوا ونعم النسب ونتشرف بكم بس البنت مارضيتش ..

أبو العريس : ناهي ياعم قاسم وانتوا الكبير عاد لكم كلمه وتقدروا تقنعوها قدلنا شهرين وإحنا سيره وجيه لوتشتوا وساطه عندخل ...

الجد قاسم :قدهو محرج منه 😅 يابني والله ماهو موضوع وساطه وانتوا تدقوا الباب وتدخلوا ع طول بس قدك داري ماعد أحد يقدر يغصب بنات هذه الأيام بس والله لا أزيد أجرب أحاكيها وغلق من عنده وأتصل لعند روان ...

روان : فوق السياره 🚙 جنب ابوها في طريقهم لبيت هاشم .. جاوبت .. حيا بجدو حبببي كيف انتوا ...

الجد قاسم : غاثي منش ..

روان : بإستغراب 😱 يووه مافعلت ماسخاني عليكم ..

الجد قاسم : حطيتيني في موقف محرج مع الناس عادهم اتصلوا لي يشتوا خبر ...

روان : إبسرت أبوها وإبتسمت ☺️ لحضه بابا يشتوا يحاكوكم .. وغطت السماعه بيدها 📱 جدو بيدحسوا ع العريس تفاهموا معاهم انتوا ومكنته التلفون ....

عادل : تكلم مع ابوه واتفقوا انه يمر لعنده بعد مايكمل مشواره هو وروان ...


🌹meme_abdalgaleel


@qesasanani

سأكتفي بك حلمآ 💔..

بارت ٢٦

في بيت هاشم 🏠..

عادل : بيداعي يييه يا اهل البيت يانادر ..

سندس : فتحت له الباب 🚪اهلا بعمو وقربت تسلم عليه 😘 .

عادل : عاد ابوش هانا ولا قد خرج ..

سندس : مع قد خرجوا ودخلت معه وينهي روان مادخلتش .

عادل : مراعيه لي فوق السياره 🚙 إطلعي ادعي نادر قليله إننا هانا مراعي له إشتيه ضروري يجي معي لعند صاحبي يشتيه في شغل ولا تبيني له إن روان قد اتصلت بتسأل عليه ...

سندس : طيب حاضر الآن وطلعت تقيمه يجاوب 🚶🏻‍♀️..

نادر : مرهق تاعب .. بزعل 😒 بينه وبين نفسه شغل مه الي يشتوني فيه قد شاموت وعاد حسهم في شغل قام لبس ونزل لعند عمه .. صباح الخير

عادل : إبسره وقف .. ياصباح الأنوار هيا مالك هكذا مالك ماتحلق دقنتك 🧔🏻 نشتي نسير نبسر الرجال ..

نادر : بلا مبالاه حرك يده 👋🏻 ابردوا بس وبعدا أنا نزلت أبسركم بس وابسر صاحبكم مايشتي مشنا حق شغل بس ماشاكسفكم ...

عادل : يله إسهل شاقله سحبته وهو راقد حتى ماخليته يحلق ..

نادر : خطي معه وهو بيتفرج له وبيحاكي نفسه 🤔حاسس انه مش عارف شي معقول روان ماقالت له شي .. خرج معه وصل للسياره إبسر روان إستغرب 😧 وأنتي مابتفعلي هانا ..

روان : إبتسمت له 😊 مابش معي سياره🚙 معطله، بابا عيوصلوني بس قالوا عيجوا لعندك ويحطوني ..

نادر : طلع فوق السياره🚙 معاهم وخطيوا ...

عادل : وقف باب المطعم 🏪 يله إنزلوا نصتبح اول وبعدا اوصلش ونبسر الرجال ..

نادر : لفت له 👀.. إنزلوا انتوا بالعافيه عليكم مابش نفس شابع ..

نادر : بهرر فوقه 😠 مابش عندي شابع يله نزله انت وياها قدامي ...

....... ....... ........

في المستشفى 🏥

غيث : أخيرآ عرف منهو الشخص الي كان معاها ... آها يعني طلع إبن عمها ..

دكتور المختبر : ايوه اصلا هي كانت مهتمه قوي بفحوصاته وحتى اول مره تصيح 😠 وأبسر دكتوره روان قلقه بهذه الطريقه ..

غيث : يعني طلع فيه كانسر وكانت بتبكي 😭 ودوخت علشانه .. يله تسلم يادكتور ألف شكر ... وطلع شل بياناته من عند الموظفه حق الاستقبال ....

...... ...... ......

في المطعم 🏪...

عادل : بيصتبح بشراهه ويجابرهم ويضحك 😂 يشتي يغير نفسيه نادر ...

روان : بتاكل لقمه وتتفرج لنادر زاعله عليه 😔..

نادر : اللقمه في يده ييتواله بس لايكسف عمه ...

عادل : لفت لعند روان ورجع يبسر نادر 👀 ذلحين ماعنفل يانادر ...

نادر : يشتي يسنب قام من الكرسي 🪑 هيا نخطي ع طول جاهز نبسره ..

عادل : أشر له بيده ✋🏻 إجلس إجلس نبسر من ... مابش معي لاصاحب ولاهم يحزنون ولا شاوصل هذه اي مكان ..

نادر : إستغرب 😧 ماهو يعني ..

روان : يعني حركه فعلتها أنا وبابا علشان نجي نخرجك لأنك مقفل تلفونك 📱وماقدرت اتواصل معك ومانشتيش نبين حاجه قدام عمو والباقي ...

نادر : هز راسه بضبح 😤 آاااها يعني من الأخر فيلم هندي ..

عادل : ذلحين أيحين عنبدأ العلاج وماعنفعل تشتي هانا ولا نسافر ولا ماقررت ...

نادر : لفت لروان بسرعه 😓 قلتي لهم ..

روان : بابا اول شخص عرفوا والنتايج ماضاعت انا خليتك تعيدهن نتاكد بس ذلحين خلاص قد إحنا أمام أمر واقع لازم نبداء العلاج ..

نادر : ضحك بسخريه 🤣 علاج مه سرطان ياروان يعني مووت ليش وأنا أزيد اتعب نفسي وكيماوي وأموت كل يوم من وجعه خليني اكمل ماعاد باقي لي من عمري مع عيالي يرجعوا يتذكروني وانا سابر مش يتذكروا ابر ومستشفيات ...

روان : بزعل 😔 وقهر ... تنهدت تعوذ من الشيطان يانادر ليش تقل هكذا وبعدين الحمدلله حالتك عادها فالبدايه قد تواصلت مع دكاتره كبار هانا وفالهند وقالوا لي به امل ليش ترفض العلاج ...

عادل : ببهراره😠 ماعيرفض شي وعيتعالج غصب عنه مشو برضاه ..

نادر : بقهر 😔 مشتيش احد يرحمني ويبسرني بشفقه ويزعل عليا لما شعري يتشاقط ولما يبسروني في جرعات الكيماوي وأنا بينتعذب خلوني هكذا لما اموت فجاءه بدون ما أعذب احد معي ويتوجع ولوسمحتوا أنا داري إنكم عتحترموا قراري وماعتكلموا أحد بأي شي ع مرضي وعنقفل الموضوع ...

حاولوا يتكلموا معه ويحاولوا يقنعوه ولاقدروا يوصلوا معه لنتيجه .. كملوا يصتبحوا وساروا بيت الجد قاسم علشان يشوف موضوع روان ونادر سار معاهم 😔..

🌹meme_abdalgaleel



@qesasanani

سأكتفي بك حلمآ 💔..

بارت ٢٧

في بيت الجد قاسم 🏬...

في غرفه الجده خديجه ...

روان : دخلت عند جدتها تتطمن عليها كيف قدهي ...

خديجه : ممدده فوق سريرها 🛌🏻بتصيح فوقها 😡 اين انتي لليوم حتى ولاعاد أتصال صح كيف رجعتي ياروان ..

روان : باين عليها الزعل 😔 أنا آسفه قووى سامحوني والله إننا أنشغلت قوي ماعاد ركزت في حاجه وأنتوا كنت مطمنه عليكم لأنه برد وثاني يوم كنتوا أحسن ...

خديجه : قفت وشها منها ولاعد تحاكيني 😞 ولا خلي الأهم مني ينفعوش ..

روان : قربت بتبوس راسها 😘 والله ياماما ماهو برضايا سامحوني ..

خديجه : بعدت راسها ...يله قلي لي ماهو الي اهم مني وبعدا يمكن أسامحش ...

....... ....... ......

في الحوش 🌲🌳...

الجد قاسم : جالس تحت الشجره بيقشر تفاح 🍎..

عادل : جالس جنب أبوه هو ونادر ..

الجد قاسم : قطع تفاح 🍎 وبيمكنهم ..

نادر : إسلموا عادنا كملت أصتبح ..

عادل : شلها من يد أبوه ومكن نادر وبيأشر له شلها 🍎..

نادر : فهم إن عمه مايشتيش يحسس أبوه أنه مابيقدرش يأكل ويرجع يتحانبوا ويدرى ..شلها وفعل نفسه إنه بيأكل ..

الجد قاسم : ذلحين يا إبني ماخبر بنتك الناس اتصلوا لي وجالسين يحرجوني الرجال شاري البنت ويشتوا يجوا وعيدوا وساطه ..

عادل : ضحك هههه ياحج قد انتوا داريين وأنا أشتي بنتي تختار حياتها برضاها وتقرر وتختار الشخص الي تشتيه هي حياتها هي مش حياتي ..

نادر : لفت لعمه 👀 يعني منين عتدي هذه الطبيعه طالعه لكم عنيده كم قد الكل تراشاكم تتزوجوا وانتوا رافضين ..

عادل : لأنك لو عرفت عمتك الله يرحمها سواء وعشت معاها عتعرف إن ماعدفيش مره فالدنيا بعدها ممكن أحبها ...

نادر : الله يرحمهم😔 أذكر حاجات بسيطه كانوا طيبين قوي وأذكر كيف زعلتوا عليهم فالموت قوي ..

الجد قاسم : الله يرحمها ويوسع قبرها ذلحين مابش مجال نقنع بنتك ..

عادل : خلوها اليوم لما نروح شازيد اتحاكى معاها ونبسر كيف وشاردكم خبر وماهو مكتوب من الله عيخطي والله ان نفسي أفرح بها بس برضاها ..

نادر : إبسر عمه 👀 تشتوا أحاكيها لكم أنا لو هي عتقتنع مني.

الجد قاسم : زيد جرب أنت يا أبني يمكن عادك تقدر تقنعها ماعلي هذاك المدلوز لو نقله يحاكيها عيقل عيس خلوها انا شاطلق مرتي وزوجوني بها ..

نادر : اخيرا إبتسم 🙂 ماعلي مجنون الله يهديه خلاص حاضر انا شاحاكيها وابسر ماهو رائيها ..

عادل : انا شدخل أبسر امي اتطمن عليهم كيف قدهم ..

نادر : راعوا لي شاقوم معاكم ابسرهم انا والكل ...


🌹meme _ abdalgaleel


https://tttttt.me/qesasanani/3374



@qesasanani

سأكتفي بك حلمآ 💔..

بارت ٢٨

آيه : دخلت لعند عمتها بتسألها بضبح 😖 ذلحين قدهو ظهر وخالي عادل وروان ونادر عادهم هانا ماهو عيتغدوا هانا ولا عيروحوا ..

أزهار : لفتت لها بربع عين 😏 ليش أو جالسين فوق راسش هم جالسين في بيتهم أو نسيتي ...

آيه : إصترعت 😰 هاااه مابلا قصدي لاهم عيتغدوا هانا نزيد الغداء وأدعي روان تعاوني افعله ...

أزهار : تشتي تحانكها 😜 لاتفعليه ولا تفعليه قد إتصلت لعلي يشتري غداء من خارج حين يروح قلت له ان روان وخاله هانا يشتري لها بيتزا 🍕 من الي تعجبها ...

آيه : ضبحت 😤 ونفخت هيا اتغدوا أنتوا والبرنسيسه حقكم وخطيت 🚶🏻‍♀️ ورجعت لفتت لعندها .. هااه أنا ماشنزلش يعني قلوا للبرنسيسه حقكم ترفع بعد ماتكملوا تتغدوا هو بيتهم ولا ماهو بيتهم الإ لما تجلس تتأمر فيه ...


....... ....... ........

في غرفه الجده خديجه ...

عادل : جالس جنب أمه .. لفت لعند روان هيا يابنتي خطينا هيا نادر ...

خديجه : خطيه مه هذه الساع والله ماتدوا خطوه قدإحنا هانا وزيد إتصل لبيت أخوك يجوا كلهم قد عمتك نبت ع علي يشتري لنا غداء🍕🧇🍱 من خارج خوره كلنا ...

عادل : قرب يبوس امه في راسها 😘 طيب حاضر ياغاليه امركم الآن أتصلهم وخرج تلفونه يتصل ...

نادر : كان جالس قدام روان بيتفرجها ويبتسم 😊 ..

روان : حست بإحراج خزيت منه ومن نضراته 🥰 وطت راسها وقامت .. لفتت لعند أبوها بابا شاسير أبسر عمتو لو يشتوا اساعدهم بأي شي ..

نادر : لحق بعدها لما خرجت🚶🏻‍♀️ ودعاها ... روان يييه رورو ..

روان : وقفت مكانها تسمرت كان قلبها💓 يدق بسرعه لما سمعت إسم رورو منه ..

نادر : يييه يادكتوره يابنييه ياأنسه ماعد يدعوش تجاوبي وضحك هههه..

روان : لفتت لعنده وهي محرجه 🥰 الي تشتي عادي أي إسم بس عادك ذاكر إسم رورو ..

نادر : ضحك هههه 🤣 اكيد كيف شنساه كم كنت تقرحي قلبي وإحنا جهال تحنقي لو محد قلش رورو وارجع اسير اشتري لش شوكلاته أراضيش كم قد خسرتيني زلط ...

روان : فرحت إن عاده متذكر تفاصيل عنها وهم صغار 😊 .. وكنت أجلس اقلك أنا لما اكبر شاسافر وحدي واوقع دكتوره وأنت تقلي اين دكتوره وأنتي دلوعه هكذا مابلا تدي جلطه للمرضى من دلعش ...

نادر : بحزن 😔 بس ربي أراد إنش تطلعي دكتوره صدق وأنتي الي تعرفي إننا مريض ...

روان : زعلت 😔 نادر لو سمحت علشان خاطر عيالك قبل خاطر اي مخلوق ثاني وافق تتعالج لاتسخاش عليهم ..

نادر : طيب اجلي هذا الموضوع ذلحين وجي معي نخرج الحوش إشتي أتكلم معش في موضوع ثاني ..

روان : طيب حاضر وخرجت معه للحوش ...


🌹meme_abdalgaleel


@qesasanani

سأكتفي بك حلمآ 💔..

بارت ٢٩ ..


في بيت هاشم 🏠..

هاشم : بيداعي مرته ياحوريه هيا ادعي سندس عنسير بيتنا قد عادل أتصل هو هاناك عنتغداء هاناك قد خلوا علي يشترى غداء معه حين يروح ..

حوريه : خرجت من المطبخ والعجين في يدها .. عادنا عجنت خورت افعل لنا بنت الصحن 😅...

هاشم : افعليها وعنشلها معانا ..

سندس : خرجت من المطبخ ...وانا قد جهزت اكل والكل شاديه معانا .. بس غاده عادهي فالجامعه🏫 اتصلوا لنادر يسير لها ...

هاشم : نادر مع عمش في بيت جدش ..

سندس : فعلت يدها في وشها 🤦🏻‍♀️يوووه صح نسيت هو مع عمو من الصبح خلاص نسير نديها ع سيرتنا ..

هاشم : أينه ع سيرتنا بعيده جامعتها مشهي ع طريقنا شتصل لعلي هي قريبه من العمل حقه يسير يروحها معه وأنتين كملين الي في يدكن شرق
و البسين بسرعه نخطى ...


......... ......... ........

في الجامعه 🏫...

غاده : بتتمشى هي وصاحبتها رن التلفون 📱 هاه طيب خلاص شاراعي لك عند البوابه قدك قريب ...

علي : أيوه ١٠ دقايق وأنا عندش عيس إتصلوا 📱لي قبل مخطى من جنب جامعتش🏫 قد خرجت بدري علشان أسير أشتري الغداء شاجي لش اول وبعدا المطعم ..

غاده : ماسكه التلفون في يد 📱 والملازم والكتب في اليد الثانيه 📕الله الله عتغدينا والكل خلاص أنا شتخور الي اشتي يله أقطب مراعيه لك ..

صاحبتها : بتمزح معاها .. الله الله ماقد معانا من عيجي لش ويغديش 😉 ...

غاده : خفهتها 👋🏻 بطلي خباله هذا علي ...

صاحب وائل : كان خاطي وراهن سمعهن بيجابر نفسه 🤔 الله الله هذه الزريه الي بتمكن وائل صروعه أمانه اتصله أقهره انها عتخرج مع واحد عيجي لها خرج تلفونه 📱 وبيتصل لوائل يحكي له ..

وائل : بإستغراب 😮 هيا ناهي لك من الخباله مش وقت الزبج الحامض هذا بتدور لك مجبر هذا الساع صح ..

صاحبه : هييا ناهي لك أنت أنا قلت لك الي سمعت👂🏻 أين أنت جي نسير لعند البوابه وعتبسر بعينك وتدرى أننا ماكذبتش وبيضحك عليه 😂 ..

وائل : انا عند التصوير يله غلق غلق وقدهو مطنن 😨 معقوله بتدقها زره عليا بس وهي تعرف واحد .. حط بقيه الاوراق عند التصوير خليهن عندك لابعدا صورهن وشرجع لك وخطي بسرعه 🏃🏻‍♂️ لعند البوابه علشان يتأكد ..

بعد ١٠ دقايق ...

علي : وصل بالسياره 🚙 واقف عند باب الجامعه خرج تلفونه 📱 بيتصلها انه وصل ..

غاده : ماسكه التلفون 📱 بتحاكيه وخرجت بتدور اينهو إبسرت السياره 🚙 عرفته فتحت باب السياره وطلعت ..

علي : شغل السياره وخطي 🚙..

وائل : كان واقف بيتفرج مصدوم 😱 معقووول هذه غاده الزريه ..

صاحبه : خفعه من وراه بالكتاب 📕 وبيضحك هههه هيا مه ناهي لك انت أو أنا هيا صدقتني إننا مابينكذبش هيا أخطى غديني بحق ماكذبتني 😂...


أوقات التفكير الغلط وسوء الظن يخلي الواحد يفسر ع كيفه ويحكم ع الناس من وجهه نظره رغم إن الحقيقه مختلفه تماما فأحسنوا الظن وإلتمسوا سبعين عذر للشخص ...

🌹meme_abdalgaleel



@qesasanani

سأكتفي بك حلمآ 💔..

بارت ٣٠

في بيت الجد قاسم 🏬...

نادر وروان فالحوش عند المدرهه 🎡...

روان : ماسكه السلاسل حق المدرهه 🎡 تصدق كم قد لي من المدرهه هذه قدنا ناسيه أيحين أخر مره لعبت فيها إنشغلت دراسه وجامعه ومستشفى🏥...

نادر : وذلحين العبي بها كل ماتلقى فرصه .. وإبتسم هيا إطلعي وأنا ادهفش مثل زمان ع قولتش طيرني لعند السماء 🙂..

روان: ضحكت بخزا 🥰 هاه .. مع مع شرجع اخرج بعدا لما تجي سندس وغاده ونلعب جمعه .. ذلحين قلي ماهو الموضوع الي تشتي تحاكيني فيه ...

نادر : ارتزح عرض الحديده حق المدرهه ورفع رجله لعرضها وابسرها .. ذلحين قلي لي انتي ليش جالسه ترفضي أي عريس بيتقدم لش ومش موافقه تتزوجي قلي لي الصدق ماهو السبب في شخص في حياتش ...

روان : يبست أرجلها وجسمها كله دخن وقلبها كان يدق بسرعه 💓وتغيرت ملامحها 😅 ماعرفت ايش ترد عليه نزلت راسها ع طول للأرض ...

نادر : ضحك 😂 ههه جبر الي بتخزا يعني كلامي صح في شخص في حياتش ..

روان : حاولت تتماسك وتتحكم بنفسها .. رفعت راسها وحاولت تتكلم بجديه 🤷‍♀️ بدأءت تتكلم وهي بتحرك أيديها ... لا طبعا مافيش أحد وأنت تفكيرك غلط وشاقلك مثل ماقد قلت للكل بس محد فهم مش مقتنعين أنا لو تزوجت يا نادر من عيجلس عند بابا ويهتم فيهم بابا رفضوا أي مره تدخل بيتنا غير ماما الله يرحمهم علشان مايدوا لي مره اب وأنا تشتيني أتزوج وأفلتهم ...

نادر : نزل رجله ... بس ياروان هذا مش سبب مقنع عتتزوجي وتكون تسيري عندهم وتملي لهم البيت احفاد 👶🏻👧🏻 وتفرحيهم ..

روان : مرتبكه وماتشتيش تجلس تتكلم معاه في هذا الموضوع 😅 .. هيا ندخل نبسر عمتو لو يشتوا مساعده ..

نادر : لفت لها ... روان ليش رافضه العريس الي قالوا لش جدو الناس اليوم إتصلوا 📱لهم وجننوهم الرجال شاريش وقال مستعد يزيد يدخل وساطه وعيجلس هكذا لما توافقي ...


روان : إبسرته وسرحت 😓 وفي داخلها بتكلم نفسها ماوافقتش لأننا بينحبك ومشتيش أكون لشخص غيرك ...

نادر : بيحرك يده عند وشها 👋🏻 ييييه من بينحاكي مش وقت الطنانه .. بينقلش ليش ماتواققي عليه جدو موافقين وعمو عادل وطلبوا مني إننا احاكيش علشان أقنعش يشتوا يفرحوا بش ...

روان : تشارغت عيونها بالدموع 😰 وحست قلبها إنكسر فوق ماهو 💔 تقنعني انت أوافق وبنبره حزن ... طيب وانت إيش رائيك ...

نادر : رائيي إنه نسأل ع الرجال ونشوف كيفهو ولو كل شي تمام نتوكل ع الله وإبتسم🙂 ومالش الا اخليش تبسريه ولو تشتي والله لأخرج معه مكان وانتي معانا تعرفيه لأننا داري بش مش اي شخص يدخل مزاجش بس ترضي...

روان : حست جسمها كله مثلج ونزلت دموعها من نفسها ع طول 😰 ومسحتهن بسرعه .. طيب يانادر مدام وانت الواسطه الي عتقنعني أنا موافقه بس معي شرطين إشتيهن يتنفذين ...

نادر : موافق والكل عيوافق عليهن أنتي أمري بس وكل شي عيتنفذ ....

علي : دخل من الباب هو وغاده وفي إيديهم 🍱🍛🍲🍜 الغداء إبسروهم بيداعوهم هيا غداء قطبه قبل مايبرد ..


أصعب موقف لما الشخص الي تتمناه طول عمرك هو الي بنفسه يقنعك ويترجاك تكون لشخص غيره ..
إيش رائيكم إحساس موجع صح من قد جرب هذا الشعور يحكي لنا وإيش تتوقعوا تكون شروط روان علشان توافق 🤔...

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..
بارت ٣١

فوق الغداء 🍲🍜...

شيماء : جالسه جنب آيه ..بيتجابرين عيس إنش صدقتيني ونزلتي خبلاء كنتي تشتي تخلي زوجش يتغداء وهي هانا وحده ...

آيه : دكمتها 💪🏻 بيدها .. اووص لايسمعش كما قدهو متحلف لي لو يشم خبر بس إننا اتحاكيت عليها مدري ماعيفعل بي ..

شيماء : لكن إبسري👀 يعلم الله مالها اليوم مطننه من أول ولا بتتحاكى وتجابر ..

روان : جالسه موطيه مطننه و الملعقه 🥄 في يدها بتتواله بها بتحركها يمين وشمال ...

أزهار : إبسرتها مطننه 🤔 هيا مالها الرواني حقنا مابتاكلش بتلعب بالملعقه من اول ..

روان : رفعت راسها 😅 وإبتسمت إبتسامه بالغصب .. هاااه الا الا أكلت قدنا شابعه الحمدلله .. وقامت ..

عادل : لفت لها👀 .. رواان مسرع عادش جلستي مسرع شبعتي ...

روان : عاد الصبوح ماقد اهتضمش ...

نادر : حس إنه السبب لأنه ضغط عليها وكلمها حط الملعقه من يده 🥄 وقام لحقها 🚶🏻‍♂️...

الجد قاسم : هيا ناهي لنا وهذا ماقد له قام مسرع شبع ...

هاشم : قدهو هكذا من حين رجع قد أكله خفيف معدته بتوجعه ...ورجع يتجابر هو وابوه ..

غاده : بتحطم هي وسندس ع شيماء وآيه حين هن جنب بعض ...

آيه : دكمت شيماء قوومي ياخبلاء إبسري زوجش مسرع قام بعدها خاصه وقد قلتي قد كودهم اخر فتره جمعه واليوم قلش عيخرج هو وعمه وانهم هانا جمعه👿 ...

شيماء : دخل ابليس😈 راسها خاصه انهم صدق جمعه في بيت جدها من الصبح قامت ولحقت بعدهم ...

نادر : ابسر روان خرجت الحوش لحق بعدها 🚶🏻‍♂️...

روان : جلست تحت الشجره 🌳 ونزلت دموعها بتبكي 😭 ماعد قدرت تمسك نفسها ...

نادر : جاء من وراها ابسرها بتبكي 😭 خرج من جيبه منديل ومكنها ... روان أنا أسف لو زعلتش ...

روان : لفتت له 😭 وبتسمح عيونها ايحين جيت بعدي ..

نادر : مكنها المنديل .. أول ماقمتي وبعدا شلي المنديل عتجلس يدي هكذا ممدوده ...

روان : شلت المنديل من يده وبتمسح دموعها 😰 ...

نادر : أنا أسف ياروان😔 شكل كلامي زعلش وتدخلت بخصوصياتش وتصرفش هذا أثبت لي فعلا إن في شخص في حياتش مهما حاولتي تخبي بس لاتهميش عادي شاحاكي عمو واقلهم ماقدرت اقنعش بس افتحي لي قلبش ياروان ❤️ وقلي لي منهو وأنا مستعد اساعدش إذا أعرفه فينهن عيونه هذا الأعمى الي مابيبسرش احد تكون قدامه هذه البنت ومايبسرها ...

روان : بدون تركيز خرجت مع القهر والبكاء 😭 قالت له لانه اعمى صح ...

نادر : مقدرش يمسك نفسه من موقفها ضحك 😂 طيب يا اعمى قليلي منهو وانا اخليه يبسرش بعشر عيون مش بس بثنتين ..

روان : خزيت منه وركزت 😅 هااه منهو مابش احد انا بينلعق ع كلامك بس وبعدا انا قد قلت لك خلاص موافقه ...

شيماء : كانت واقفه عند الطاقه لما لحقتهم بتتفرجهم بس ماقدرت تسمع الكلام بتجابر نفسها 😡 بعصبيه طااايب ياروان انتي عتبسري من اليوم منهي شيماء يعني مايكفيش علي لليوم يشتيش تشتي تزيد تشلي زوجي مني صبرش عليا ....

🌹meme_abdalgaleel



@qesasanani

سأكتفي بك حلمآ 💔..

بارت ٣٢..

نادر : بيتفرجها وحاسس انوفيها شي 🤔 مااهو موافقه كيف موافقه وانتي كنتي بتبكي 😭 هكذا ...

روان : ارتزحت عرض الشجره وبتمسح عيونها 😰 أصلا انا مخنوقه بس معي مشاكل فالشغل مشو ع موضوع الزواج ...

نادر : ومنهو الأعمى الي قلتي لي قبل شويه وغمز لها 😉 هيا إعترفي لي ..

روان : هزرت غصن شجره 🌿 وبتقطع الورق تبعد التوتر 😅 مابش حاجه اعترف بها أنا كنت بس بينتليقن عليه وبعدين لاتحاولش تغالط انت جاوبني أنت تشتي اوافق ع هذا العريس وأتزوج صح ..

نادر : بإستغراب 🤨 رفع حاجبه ... مش أنا وحدي كلنا نشتي وعتفرحي الكل ...

روان : بتبسر في عيونه 👁️ طيب ولو انت عتكون السبب الوحيد الي فرحه الكل عتكون مرتبطه بقراره عتقل ايوه أو لا وعيتحدد قراري بعدها ع قرارك ...

نادر : لأول مره ركز في عيونها هكذا 👁️ وحس بإحساس غريب بس مافهمش ..🤔 ومستغرب من كلامها ... ماقصدش ....

روان : حست بتركيزه في عيونها👁️ وطت بسرعه اقصد اذا انت وافقت ع شروطي أنا شاوافق ع طول وعتفرح الكل وإذا رفضت شروطي فمعناها رجعوا للناس خبر إننا مش موافقه ...

نادر : 🤦🏻‍♂️ خفع وشه بيده ... ياهمتاه لنا يعني القرار لي قصدش وبعدا الشروط هي للعريس مش لي ..

روان : ماشي .. مشهن للعريس شروطي هن لك وبصوت كله حزن 😔 مكبوده .. أول شرط توافق نبدأ العلاج وثاني شرط مابش عرس الإ لما قدك بخير وكل شي تمام ...

نادر : إبسرها بطنانه قووي 😳 روووان مابتقلي ماهو هذا الجنان أنتي مركزه في كلامش ولا بتجنني علاج إيش الي أبداء وعتربطي نفسش بي ليش وانا ممكن أموت في أي وقت وبعدين عتنخلي عن الي بتحبيه وتتزوجي علشان أرضى أتعالج وتربطي حياتش بي ...

روان : أنا قلت الي عندي يانادر والقرار قرارك انت الي عتختار وانا لو احد سألني إيش رائيش شاقلهم إسالوا نادر الجواب عنده وفلتت وخطيت 🚶🏻‍♀️ وهي مقهوره بتلعب باغصان الشجر🌿 وهي بتخطى ...

نادر : جلس في الأرض مستغرب من تصرفها بيفكر 😳 مطنن مالها هذه بتجنن تشتي أتعالج وربطت حياتها بقرار مني كيف أفعل أنا ذلحين مشتيش أتعالج وفي نفس الوقت الكل يشتي يفرح بها مالي حطيت نفسي في هذا الموقف لو ماكانش تدخلت كان احسن مشتيش أتعالج وأعذب نفسي كيماوي ... جلس يتكلم بينه وبين نفسه ويفكر في حل 🤔...

روان : دخلت وهم كلهم جالسين داخل مبسوطين وبيتجابروا وبيضحكوا حست انها ماعتقدرش تجلس مخنوقه قربت لعند أبوها ... بابا ممكن تدوا لي السياره 🚙 إتصلوا لي من المستشفى به حاله إسعاف ومابش معي سياره ولو عتجلسوا هانا شرجع امر لكم أروحكم ...

سندس : إبسرتها 😧 يوووه ماهو هذا ياروان قدحنا فارحين كلنا مجتمعين نجلس جمعه ..

قاطعتها آيه : لاتصدقيهاش ولا أنتي غر إخطي بعد عملش محد عينفعش وبعدا تكسبي لش اجر عند الله احسن لش من الجلسه هانا ...

علي : لفت لها بعصبيه 😡 وبهرر فوقها تسكت ...

الجد قاسم : خلي احد ثاني يسير يابنتي المستشفى 🏥ملان دكاتره ...

روان : شاكمل بسرعه وشاروح عندكم اليوم إشتي أرقد عندكم ولفتت لجدتها عترقدوني عندكم ياماما قدنا فاقده للرقده في حضنكم ...

خديجه : فرحت 😃 يوووه ماعزش ومغلى هيا اخطي بسرعه لاتتاخريش ..

عادل : مكنها المفاتيح حق السياره🚙 ووقف.. خطي معاها لعند الباب ع فكره أنا داري إن مابش أحد أتصلش أعرف بنتي لما هي متضايقه أخرجي أفعلي لش لفه ولوسمحتي لاتسوقيش بسرعه وع فكره محد عيغصبش ع شي أنتي ماتشتيه والقرار الاول والأخير هو لش ...

روان : حضنته وباسته 😘 الله يحفظكم لي يارب ..

عادل : ويخليش لي.. يله لاتتأخريش وأرجعي بحين وعنرقد😴 اليوم كلنا عند امي ..

شيماء : بتتغامز هي وآيه غبني ع قلبش عادها اليوم عترقد عندش ..

آيه : عوجت فمها 😏 إبردي لش من الرقده اليوم اول قومي إبسري زوجش أينهو مدام قلتي كان بيتجابروا وتبكي يعلم الله ماوقع اقطع يدي إذا به مستشفى 🏥 مابلا لاهي تشتي تفعل حركات سعم انها زاعله منه روان هذه مش بسيطه تشتي تخلي الكل يحبها ..

شيماء : ابليس زاد لعب في عقلها 👹 أكثر بعد كلام آيه قامت تبسر أين زوجها وإنه جالس مطنن فالحوش فدخلت ع طول لعند آيه وبدأين يحللين ويفسرين ...

🌹meme_abdalgaleel



@qesasanani

سأكتفي بك حلمآ 💔..

بارت ٣٣ ..

بعد يومين ....

في الجامعه 🏫....

وائل : بيحاكي واحده من البنات تدي له رقم غاده ...

البنت : بتضحك 😂 يعني مالقيت الا غاده هاشم وتشتي رقمها ع فكره ماعتعبرك ولا عتدي لك وجه ..

وائل : ضحك بسخريه 😏 هه هو تحت المدني ألف جني لايغرش ..

البنت : مستغربه 😮 يووه منك صدق سعم تشتي تقل إنها بتدقها حركات بس ..

وائل : بالضبط وفعل بيده 👍🏻 لذلك ادي لي رقمها وإطلبي الي تشتي ..

البنت : إبتسمت 😄 خلاص تعرف رقمها اليوم وهو عندك ...

...... ...... ........

في بيت هاشم 🏡..

نادر : بعد طول تفكير .. قرر يتصل لروان يقلها رائيه .. خرج تلفونه 📱 وبيتصلها ...

روان : راقده 😴 في غرفتها .. مخنوقه من كل شي مقهوره ع مرض نادر وزاعله انه الي طلب منها توافق وتتزوج ..حتى دوامها مابتسير ..تلفونها 📱رن إبسرت إسم نادر ردت .. ألوو ..

نادر : صباح الخير يادكتوره ..هذا صوتش نوم 😴..

روان : صباح النور .. أيوه عادنا نوم ..

نادر : إستغرب 🤔 ليش مابش معش دوام ...

روان : بصوت حزين 😔 الإ بس مابش نفس أسير ..

نادر : طيب ياروان ليش الزعل😔 هذا كله والله إننا مقهور قوي انش زاعله بسببي ..

روان : جلست وفتحت عيونها 👁️ ... من قال إننا زاعله أنا مراعيه لقرارك بس ..

نادر : طيب حاضر ياروان ... وأنا شاقلش قراري بس قومي البسي مدام عادش راقده😴 لذلحين فمعناها عادش بدون صبوح تجهزي وشاجي لش اصبحش واقلش قراري يله اتجهز بسرعه واجي ...

شيماء : ع دخلتها للغرفه سمعته 👂🏻 قلبت صور 😠 وبتمد يدها .. الله الله ليش ما روان هانم مقهور إنك زعلتها وعتسير تصبحها وبعدا قرار ماهو هذا الي عتقلها وأنا بتقهرني لما تقل بس ما اعرفك تراضيني والان اشتي افهم مابينكم في بيت جدك بتراضيها وتدي لها مناديل تمسح الدموع وبعدا هي فلتت وخرجت وانت جالس مجغور واليوم بتتاسف وعتسير تصبحها 😠... هذه البنت مابتدور يعجبها خراب البيوت تشتي تلم رجال العايله حولها ماكفاهاش علي قدها بتلف عليك ...

نادر : بيسمعها👂🏻 سكته ولا رد عليها مخليها تصيح قام يفتح الدولاب بيخرج له ملابس 👕👖..

شيماء : شبحته بتهزوره 😡 يييه من بينحاكى مابش خرجه لما الان تفهمني مابينك أنت و خطافه الرجال هذه أين الي بيبسروها مثال للأخلاق يجوا يبسروها وهي تشتي تشل رجال ع مرته وعياله قليل الادب ..

نادر : بدون تفكير لطمها في وشها 👋🏻 اخر مره شسمح لش تغلطي ع روان وقبل ماتذكري أسمها فكري الف مره.. روان هذه تسوى راسش بكله وهي بنت عمي واختي وأي تفكير غلط في راسش إبعديه قبل ماأبعد راسش ...

شيماء : بتبكي 😭 والله ماراحت لك يانادر بتضربني اناشاسير بيتنا ودور كيف تجي ترجعني ..

نادر : بضبح 😤 سيري الله معش ولاتنسيش إنش الي رجعتي نفسش بنفسش محد رجعش بس عيالي مابش لهم سيره .. شل ملابسه 👕👖 وخرج من الغرفه وصرع الباب في وشها ...

يعلم الله إيش قرارك يانادر 😅

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ٣٤ ..

في بيت عادل 🏡...

روان : قامت تلبس وتتجهز .. إتصلت لأبوها 📱 .. هاه بابا كيف انتوا ...

عادل : أهلا بروحي .. قد نزلتي المستشفى 🏥...

روان : ماشي ماسيرتش ..

عادل : فوق الكرسي حق مكتبه بيتحرك به ... رواني أنا حاسس بش وداري إن الموضوع مضايق لش لذلك إبردي منه وإنسيه سعادتش أهم شي عندي وأبي أنا شاكلمهم وبعدين لاهو أول ولا أخر عريس...

روان : خلاص أصلا نفسها مكسوره 💔 وماعاد يفرق معاها هذا او غيره كلهم زي بعض لأنه في الأخير نادر مش لها بس هذه المره الشي المختلف إنها ممكن بزواجها تنقذ نادر من الموت ويتعالج .. طننت شويه 🤔 ...

عادل : يييه ألوو أين سيرتي ..

روان : هاه 😅 معاكم معاكم إسمعوني أنا شاقلكم قراري ماهو لما أرجع لاقد تحاكوا جدو شخرج أنا ونادر ذلحين ويارب أقدر أقنعه يوافق ع العلاج هذه اخر فرصه نقنعه ...

عادل : خلاص أوكي إفعلي كل الي تقدري عليه وانا واثق في قدرات بنتي في الإقناع بنتي شاطره 💪🏻 وإن شاء الله يوافق . وبالنسبه للعريس لاتحطي في بالش ولا أنا اصلا مشتيش ضوء البيت حقي يفلتني...

روان : تسلموا لي يا أحلى بابا في الدنيا 😊 يله باي نادر شكله جاء بينسمع السياره والباب بيدق قفلت مع أبوها ومشيت لقدام المرايه تتأكد إنها مصلحه 👩🏼 وخرجت ..

نادر : فوق السياره 🚙 إبسرها لما خرجت بتفرجها بيجابر نفسه 😯 اووو والله إنها مزه صدق وبيضحك ولاقد ركزت إنها حاليه هكذا الإ اليوم ولا هو لبسها الي اليوم ملفت ...

روان : فتحت باب السياره وطلعت 🚙 سلام كيف حالك ..

نادر : لفت لها ع طول وإبتسم الصدق يابنت عمي أنا دريت ماله هذا العريس لبط هذه اللبطه 😅 ..

روان : إستغربت منه 😅 إيييش وبعدا الناس يردوا السلام ..

نادر : ضحك هههه أصلا مدري هو انتي الي حاليه قوي وانا الي كنت أعمى ولا هو لبسش اليوم في حاجه مختلفه 😅...

روان : كانت لابسه طرحه سماوي فاتح نفس لون عيونها 👁️ وكالمعتاد طرحتها الي كودها بتطحس 😅ولابسه جزمه وشنطه👛 نفس اللون وحاطه روج وردي خفيف عكس ع لون بشرتها البيضاء وبرزت ملامحها ...
خزيت منه قوي 🥰 ولفتت ع طول للجهه الثانيه وماعد قدرت ترد ..

نادر : ضحك هههه 😂 هيا ناهي لنا اليوم حتى مع الخزا زيد حمرين الخدود ... اتلثمي يابنت عمي اخرج لنا من هذا الجنان كيف عمي لليوم ماقد لبسوش لثمه .

روان : بقدر ماكانت فارحه بكلامه لها 🥰 بقدر ماكانت ماتشيش تبين له وفي نفس الوقت خايفه من قراره لو يرفض العلاج ومقهوره انها عتوافق ع العريس وبتتذكر إنه مزوج كل المشاعر تلخبطت عندها جلست ساكته ولاعاد فتحت فمها معاه خرجت تلفونها 📱 ورسلت لسمر ... ليش رجع من السفر ليش رجع يعلقني فيه خايفه ان حبه الي خبيته في قلبي ❤️ طول هذه السنين يبان ويعرفه وأنا مشتيش يعرف خاصه وقدهو مزوج ومخلف ....

....... ...... .......

في الشارع .....

سندس : خرجت يوسف👶🏻 معاها للسوبر ماركت تشتري حاجات .. وجنبت السياره في مكان غلط 🚙...

زياد : بيخرج بسيارته 🚙 حنب ماقدرش نزل يدور صاحب السياره الواقفه يبعدها ...

سندس : كملت تشتري الحاجات .. وخرجت ...

زياد : كان في الشارع بيصيح 😡 منهو هذا الغبي كيف يوقف هكذا وقدامه سياره وبيتفرج ساعته شتأخر ع موعدي ...

سندس : سمعته وخزيت منه قوي 😅 خطيت بسرعه 🏃‍♀️لعنده اسفه قوي العفو منك أصلا مالقيتش موقف الان ابعدها وحطت يوسف والأشياء فالسياره وبتبعد السياره ..

زياد: طلع فوق سيارته 🚙 وشغلها يمشي ..

سندس : قدها مستحيه قوي منه 😅 وتشتي ترجع ريوس ماركزت بدل ماترجع وراء رجعت قدام صدمته 🚙 ...

زياد : فتح باب السياره 🚙 ونزل بيصيح 😡 ويتفقد الصدمه .. قدهو يوم دبور من أوله طار الموعد وعنخسر الصفقه وزيد خربنا السياره يا اختي خيره الله عليش لاتكنش تخرجي بالسياره كن خلي زوجش يخرج يتصرف لش ...

سندس : نزلت وهي بترتعش بتتأسف له أنا آسفه قووي سامحني 😔 انا شاصلحها لك ..

زياد : يافرحتي تصلحيها لي بسببش الآن شخسر صفقه بملايين ...

سندس : بإحراج منه وخوف 😥 بتمكنه مفاتيح سيارتها 🚙 خلاص شل سيارتي وسير بها موعدك وانا والله لأصلح لك السياره ...

زياد : إبسرها بإستغراب 😳 انتي هبلاء يابنت أو ماهو اين أشل سيارتش إبعدي إبعدي خليني أخرج سيارتش من قدامي اعرف اخرجها اخطى لي وطلع سيارتها يبعدها ...

سندس : بتتراشاه طيب لوسمحت نسير نصلح سيارتك🚙 ولا قلي كم ادفع لك ...

زياد : دعممها وشغل سيارته وخطي ..

سندس : بتداعيه ماردش عليها جلس قلبها يغلي تشتي تعرف منهو علشان تصلح له السياره بتسال هاناك لو احد يعرفه قلها حارس الأمن حق السوبر ماركت هذا الأستاذ زياد صاحب مكتب الهندسه الي قدامهم وشلت منه رقمه ...

🌹meme_abdalgaleel



@qesasanani

سأكتفي بك حلمآ 💔..

بارت ٣٥

في المطعم 🏪...

روان : جالسه قدامه بس مرتبكه قوي مش قادره تبسره بعد الكلام الي قلها 😅 .. بتلعب بالمفرش حق الطاوله ...


نادر : أنا أديتش تأكلي 🍽️ولا تلعبي بمفرش الناس ...

روان : رفعت راسها استحت .. هاه 😅 مع مع شاكل بس أشتي اعرف قرارك أول ...

نادر : بيتأمل في ملامحها 🙂... وهي بتتحاكى ... روان ليش ربطتي قرار مصيري مثل هذا بعلاجي وعتوافقي وانتي الي رافضه هذا الموضوع ...

روان : ثلجت أطرافها وبتحس قلبها بيدق عيخرج 💓 من مكانه ... ارتبكت هااااه 😅 أصلا انتي تشتي اوافق علشان الكل مراعي يفرح بي وأنا أشتي أفرحهم والكل لما تفتهن وتكون بخير ...

نادر : بيتفرجها مركز 🙂 بس ياروان أنتي ربطتي حياتش كلها وعتتنازلي هذا التنازل كله علشان علاجي شيماء وهي مرتي مش بس بنت عمي مابتقدمش أتفه تنازلات علشاني ... لييش ...

روان : خلاص ماعاد قدرت تتحكم في نفسها 😅 كانت تتنفس بسرعه حاسه كلامه اليوم غريب كأنه باقي شويه ويقلها أنا داري أنش بتحبيني❤️ ... ماعد دريت إيش تقول ولا تتصرف كانت تهز أرجلها .... حاولت تتكلم بهنجمه😠 يله هيا قلي قرارك شتاخر أشتي أسير المستشفى ...

نادر : ضحك هههه مش ع أساس 😂 ماتشيش اليوم تداومي وع فكره عادنا اليوم بس ركزت إن معش غمازه 😉 هنيت له إبن الذين توفق والله ...

روان : ماعد ركزت انه ابسر الغمازه ركزت ع توفق والله ... حست جسمها كله دخن .. يعني وافقت تتعالج صح علشان أتزوج😳 ...

نادر : أيووه .. خلاص أنا تحت الإشاره ومستعد نبدأ العلاج حتى من الآن بس الآن وقدامي تتصلي📱 لعمو عادل وجدو تقليلهم إنش موافقه ...

روان : نزلت دموعها 😭 بدون شعور مشاعرها ممزوجه بفرح إنه عيتعالج وزعل إنه خلاص عينتهي بالنسبه لها وعتكون لشخص ثاني ... لفتت له حاضر الآن وخرجت تلفونها 📱 إتصلت لأبوها تقله إنها موافقه ويشوفوا الصح يفعلوه ...

نادر : مستغرب ليش بكاها وبيلوم نفسه حس انه انغصبت ع الزواج هذا علشان يوافق يتعالج جلس مطنن بيفكر 🤔...

روان : قفلت الإتصال 📱 مع أبوها .. ولفتت له يله قوم نسير للمستشفى نشوف الدكتور الأخصائي ونشوف ماعيقرر ...

نادر : طيب حاضر بس الموضوع هذا يكون بيننا وعمو عادل بس مشتيش احد يشفق عليا أو يحس إننا مريض ...

روان : طيب حاضر وعد .. وخرجوا ع طول للمستشفى ...

....... ....... ........

بعد حوالي ساعه⏰ ...

في بيت الجد قاسم 🏬..

خديجه : فارحه بتحجر 😃 قل والله ..

الجد قاسم: بهنجمه 😠 ماهو اقل والله شكذب عليش أومه مايضحكوش في هذه المواضيع . .

أزهار : فارحه 😃 يووه الحمدلله أخيرا وافقت هذه البنت وعتفرحنا بها الصدق قدوذا بنقلكم من ذلحين اشتي نفعلها عرس ماقد وقعش ..

آيه : سمعتهم فرحت 😁 يوووه الحمدلله مقلع أخيرا عتنقلع من حياتي أطلع اتصل بسرعه لشيماء أقلها ..

الجد قاسم : لفت لعندهن يله اوص 🤫 ولا أسمع لكن كلمه اتصل للرجال أقله إنحنا موافقين يبدأو يجهزوا نفسهم ..

أزهار : والولد كيفه عاد عتسألوا عليه أول ..

الجد قاسم : قد خليت ناس يسألوا عليه من أول ماطرحوا كلمه قد كان قلبي حاسس إنه نصيبها .. يله أوص أحاكي الرجال ...

أتصله وقله موافقين وطلب منه يجي العريس يخزن عندهم يتعرفوا عليه سواء ويحددوا موعد الخطوبه 💍 ويتفقوا ع كل شي ..

شاحاول أكتب البارت الثالث حتى لو متأخر ولو ماقدرت شانزله بكره اكيد ولو هو أجازه 😅


🌹meme_abdalgaleel




@qesasanani

سأكتفي بك حلمآ 💔..

بارت ٣٦...

في بيت هاشم 🏬.

سندس : وصلت البيت ودخلت الحاجات وطلعت غرفتها بتبكي أول مره تصدم 😭 وزيد كلام الرجال ضايقها ...

غاده : دخلت لعندها إبسرتها بتبكي إستغربت 😲 يوووه مالش وقربت لعندها ...

سندس : صدمت سياره واحد 🚙 وبتحكي لها ماحصل ..

غاده : بتضحك 😂 وليش بتبكي ياخبلاء المفروض بابا يدوا السياره لي انا السمخه مش انتي الفجاعه ...

سندس : هو مارضيوش يدوا لش سياره 🚙 من هذا لانش مجنونه وزريه .. ذلحين قليلي كيف افعل مشنا مراعيه له يصلحها لنفسه انا صدمتها أشتي اصلحها جلس يصيح عيخسر ملايين بسببي ..

غاده : انت قلتي شليتي رقمه صح ؟؟؟

سندس : أيوه .. قد قلت لما يروحوا بابا شامكنهم يتصلوا له 📱 ويتفاهموا معه ...

غاده : شلت تلفونها 📱 هيا ناهي لش يابابا عادش عتراعي لوما يروحوا اديه وشلت التلفون وبتتصل ...

سندس : بتهزورها .. مابتفعلي يامجنونه ادي التلفون 📱..

غاده : بهنجمه 😠 ألو سلام عليكم ...

زياد : وعليكم السلام .. عفوا من معي ..

غاده : ماعنتعرفش من معاك المهم نسبر لك السياره حقك الي اصتدمت 🚙 ذلحين ابسر بكم عنتصلح وقلي وشدي لك الزلط إحنا مايعجبناش نأكل حق احد ..

سندس : بتصيح فوقها وتبهرر ليش بتتكلم هكذا 😡...

زياد: بقلبه صور 😠 يييه مالش بتهنجمي يابنت أحد قلش إننا مراعي لزلطش أصلا تسبريها أنتي اول سيري تعلمي السواقه سواء وكيف يجنبوا السيارات 🚙 وبعدا جي هنجمي طلعتي زريه واول كان باقي شويه وتبكي 😭 وبتتراشيني ساع الهبل أشل سيارتش مفتجعه ..

غاده : ضحكت ههههه 😂 صدق صدق قالت لك تشل سيارتها والله انها هبلاء صدق .. وبتحاكيها كنتي عتديله السياره وبتضحك ..

زياد : إستغرب 🤔 يووه يعني مش هي هذه الي صدمتني وانا قد بينقل سعم كان باين عليها مسكينه كيف لو ما قدهي زريه هكذا ...

سندس : سحبت التلفون 📱 من يدها ... هاه عفوا منك يابشمهندس هذه اختي هي مجنونه شويه اسفه ع طريقه كلامها معك أنا آسفه بدلها بس ذلحين كيف بالنسبه للسياره حقك ادي رقمك لبابا وتتفاهم معاهم تصلحوها ..

زياد : رقمي لبابا 😅اها يعني مش انتي مزوجه العفو منش انا حسبت الولد الصغير الي كان معش إبنش وبعدا فرق بينكن قوى قد بينحاكي نفسي كنت مسكينه كيف طول لسانش هههه 😂 وبعدا كيف لوما اديتي رقمي ويابشمهندس مدراش..

سندس : أصلا جلست أسال لو احد يعرفك علشان أصلح لك السياره وقالوا لي وشليت الرقم ..

زياد : آها .. طيب خلاص عادي مابش شي وحصل خير وانا آسف والله كنت عصبي 😡 لأنه تاخرت ع موعد عمل مهم وزد توفت بالصدمه ..

سندس : أنا آسفه والله بس مالقيتش مكان اوقف فيه وما انتبهت انك عتخرج بسرعه ..

زياد: خلاص لاعاد تتأسفيش قد سبرت الصفقه وشليت المشروع بس مره ثانيه لو زيد صدمتي لاتكونيش هبلاء وتقلي له شل سيارتي وضحك 😂 عيرجع يشلها ويرحله ..

سندس: خزيت 😅 طيب حاضر ذلحين كيف بالنسبه للسياره عتخلي احد يشوفها واديلك قيمه التصليح ولا اخلي بابا يجوا يشلوها هم للورشه ..

زياد : ولا شي تسلمي أنا شاصلحها أنا ولا به شي ..

سندس : لالا ماينفعش هكذا😅 الصدق مع لازم تشل قيمتها ماذنبك تخسر وهو ذنبي ..

زياد : بيتحانب معاها ..

غاده : بتتفرجها وتتيلقن وتفعل لها قلوب ❤️ الله الله عنقلبها صحبه ومجابره ومراشاه ..

سندس : بتخفعها تسكت
وبعد محانبه طويله خلاص قرر زياد انه يشوف كم التكاليف وعيقلها بس بشرط هو عيدفع النص وهي النص .

....... ....... .......

في المستشفى 🏥..

سمر : بتحاكيها فالتلفون 📱 طيب قدنا الان نازله لعندش بس الان تفهميني ماهي هذك الرساله الي رسلتي إحنا قلنا خلاص ننساه ..

روان : نادر جنبها .. خلاص تمام انا ونادر عند عياده الدكتور عبدالله يله جي نشوف ماعيقل وبعدا عنتجابر 😅..

نادر : جالس فوق كرسي الإنتظار .. بقلق وخوف 😥 روان لو يقول ماعد فيش امل وماينفع لي العلاج ..

روان : موقفه قدامه ... ليش انت متشائم هكذا أنا اصلا قد كلمته وشاف حالتك وحتى عرضتهن ع دكاتره غيره ودكاتره فالهند قالوا نبداء فالعلاج ..

نادر : طيب وليش عاد نشوفه خلاص اسافر وبس وقدهو علشان مايدروش أننا مريض ..

روان : جلست فالكرسي 🪑 طيب خلينا اول نتكلم معه ويفحصك هو لأنه أخصائي اورام يمكن ماعتحتاج سفر وبعدا لو سافرت كيف عتسافر وحدك لازم عيدروا علشان يكونوا معك وقت العلاج ...

سمر : إبسرتهم خطيت لعندهم 🚶🏻‍♀️بتسلم عليهم ... الحمدلله الي أقتنعت اخيرا ووافقت تبدا العلاج ..

نادر : مانفعل لصاحبتش عنيده قوي أنتي داريه قد حكت لش او ماشي إنها ربطت موافقتها ع العريس بعلاجي ...

سمر : اتفاجأءت 😨 موافقه إيش ومادخل علاجك ...

روان : تشتي تتهرب من الكلام ... هااه مش وقت مش وقت شرجع أشرح لش يله ندخل اول نبسر الدكتور مسكت سمر ودخلين هن ونادر..

غيث : كان خاطي لمح روان ونادر معاها حس بغيره 😠 هذا قدهو اهتمام مش طبيعي حتى لو ابن عمها ومريض طلع سحب ملف مريض ونزله علشان يدخل لعندهم

كأنه يشتي يستشير الدكتور عبدالله ويفهم ايش الي حاصل بالضبط ....

....... ........ ........

في بيت هاشم 🏡...

شيماء : بتجاوب آيه .. فرحت 😃 قلي والله انها وافقت الحمدلله لكن الله يجعله يشلها ماعد يخلينا نبسر صورتها بس غريبه كيف لو ما وافقت واليوم تصايحنا بسببها وبتحكي لها ماحصل بينها وبين نادر وانه لطمها 👋🏻...

آيه : خفعت وشها بيدها 🤦🏻‍♀️ يوووه ع بنت أمانه انه صدق لاقالوا تحت المدني ألف جني ع حركات بتفعل بتلعب ع عقولهم كلهم كان ماهو منها قالت موافقه مدام اوذا مدري ماحصل بينهم وبيعتذر لها ولا تقلي تصايحوا وهي تشتي تقهره وافقت 🤔...

شيماء : طنت في راسها 🤔 يووووه والله انه شكل كلامش عيطلع صدق لأنه كان زاعل قوي وبيتاسف منها وعيعزمها يراضيها قلت لش لطمني👋🏻 أظاهر من قهره والعزومه يمكن يشتي يتراشاها ترفض وتقلهم ماعدهيش موافقه🤔 ...

آيه : أنتي داريه لو مايروح أنتي عتبسري كيف طبيعته وسيري تأسفي منه وافعلي نفسش هاذك المسكينه علشان لا يفكر يراضيها وانا قدنا هانا شبسر مابيحصل وشانبيش ع طول عادنا بينهم هم حين يروح علي ويدرى انها قد وافقت والله لايعصدنا عصيد لو عادنتي زوجش مشو مبين شي وكشفتيه بالصدفه مانا عيني عينك وقبالي بيقل ايوه اشتيها بس مارضيتش .. حاذقه تشتي تقهر قلوبهم بس وهي كودها بتتمخطر قبالهم ...

شيماء : خلاص تمام سدينا وانا شاقوم أفعل له اكله من الي تعجبه للغداء واحاول اتقرب منه لما نبسر ماعيحصل والله لو توصل لأسير ادور لها زوج انا أهم شي تنقلع .

آيه : ما لو ع الأزواج لو تبسري كم بيجولها بس لانش كنتي مسافره هي مابترضاش هي . لكن الله يقلعها من طريقنا ..

شيماء : ماعليش شي عتقتلع ولو مااقتلعت برضاها عنقلعها غصب عنها .. يله خاطرش اقوم ابسر عملي مع السلامه ...


🌹meme_abdalgaleel



https://tttttt.me/qesasanani/3374



@qesasanani

سأكتفي بك حلمآ 💔..

بارت ٣٧ ..

بعد يومين .....

في بيت الجد قاسم 🏬..

الجد قاسم وهاشم وعادل فالديوان مراعيين للعريس يجي عندهم يتعرفوا عليه ...

علي : مقهور وحاسس بغصه 😥 لو كان عنده شويه امل خلاص ضاع .. بيقطع أوقات القات 🌿..

نادر : جالس جنبه متكي بيتفرجه كيف زاعل ..🤔 بيجابر نفسه ... شكله مقهور عليها قوي .. قرب راسه لجنبه ذلحين ماذنبه القات بتفعل به هكذا ...

علي : بضبح 😤 نادر مش وقت خبالتك مشنا ناقص ..

نادر : ضحك عليه وإبتسم 😄أنت داري لو مرتك تبسرك هكذا ماعيحصل ...

علي : بضبح 😤 عيحصل إننا أرجعها بيت أهلها خلينا نبسر عريس الغفله هذا حين يجي كيفهو ... لاعاد توفيش الجغره سألتك بالله ...

نادر : حس أن قدهو الصدق منه فلته وخرج بيتصل لروان 📱 يسألها عادي لو خزن شويه معاهم ولا لا مايشتيش أحد يحس ...

روان : في غرفتها مغلقه ع نفسها بتبكي 😭 حاسه إن قدهو الصدق وخلاص كل أحلامها إنتهت .. بتسمع التلفون بيرن طنشته ...

نادر : عاد الإتصال 📱 ماردت .. دخل لعند عمه عادل يحاكيه ... عمو بينتصل لروان أسالها ينفع أخزن اولا مابتردش قلت أسالكم لو هي فالبيت تتصلوا لعند الشغاله تقلوا لها تجاوب ..

عادل : إستغرب 🤔 غريبه ليش ماردت بيني وبينك أنا حاسس إنها مش مبسوطه والصدق مشتيهاش توافق ع شي مش مقتنعه به وكل ما أحاول أحاكيها تقلي انا موافقه خلاص ولافيني شي ولا رضيت تدي لي مجال نتناقش أصلا مستغرب أيش الي خلاها توافق هكذا وهي اصلا كانت رافضه ...

نادر : زعل عليها 😥 حاسس إنها عتدبس نفسها وتوافق علشانه يتعالج بس .. سكت وجالس يفكر في تصرفاتها ...

عادل : بعد عده محاولات إتصال ردت عليه أخيرا 📱 .. هاه بنتي أين أنتي مالش مابتردي قلقتيني ماله صوتش ..

روان : صوتها بكى ...😭 هاااه عفوا كنت راقده بس..مابش شي .

عادل : روان متأكده .. روان عادحنا ع البر وبعدا اليوم عادنا شتعرف عليه بس واذا ماعجبنيش والله مارضي ولا يحلم بش وبعدا ماعادش جالسه في البيت بتفعلي يله قومي البسي وجي ..


روان : بقهر 💔 ليش اجي مشتيش قد اتصلت لسمر عتجي لي ونخرج ...

عادل : آها خلاص إسمعي مدام عتخرجين أنا شبسر لو الرجال عجبني شتصلش وتجي ع طول علشان تدخلي نظره شرعيه وتبسريه وتعرفي طريقه كلامه أنا أشتي تكوني مقتنعه ميه ميه هو قد إبسرش بس أنتي ماتعرفي عنه شي .

روان : بضبح 😤 ماااشي مشتيش أبسره ولا شي أذا عجبكم انتوا خلاص ..

عادل : بقهر💔 طيب يابنتي عنتجابر سوى لما اروح حاكي نادر يشتي يسألش ومكنه التلفون 📱 ...

نادر : شل التلفون 📱 وخرج يحاكيها من خارج .. هاه روان كيف انتي .

روان : سمعت صوته وبكيت 😭 كان نفسها تقله انا موجوعه أنا مقهوره 💔 اليوم عيكون يوم جنازتي ويتحدد مصيري بعيد عني أنا مت مره يوم ماتزوجت واليوم شاموت مره ثانيه ...

نادر : بيسمعها بتيكي ييييه روان 😥 مالش روان ردي مالش بتبكي لاتقهرينيش الله يشلني بس من قلي اتدخل خلاص والله لا افركشها واطيره ولا تسبر زواجه ...

روان : بصوت متشنهج ودموع 😥 بعد الشر عليك لاتقلش الله يشلك مره ثانيه الله يحفظك ويشفيك .. وبعدا ليش تفركشها مابش حاجه انا بس ذكرت ماما لو عادهم موجودين إنهم معي ويشاركوني فرحتكم ...

نادر : الله يرحمهم يارب 😥 .

روان : ماكنت تشتي مني ..

نادر : ممكن اخزن ولا لا نتعرف ع عريس الغفله حقش مالش الإ أفصفصه لش من راسه لارجله وابعسس أخس من عمو عادل ...

روان : تخززن 😨 لا طبعا مانشتيش قات خاصه ان الورم فالمعده ماينفعش وبعدين إحنا اتفقنا يكون نوعيه أكلك مختلفه ونبداء نقوى المناعه سمعت الدكتور لأنه مانشتيش تتعب فالجلسات ...

نادر : تنهد بحزن 😥 طيب حاضر أنتى أومري والله ما اخزن وشاقول حاضر في كل شي وشافصفص لش العريس ولو ماعجبنيش مابش زواجه ...

روان : طيب حاضر .. يله إنتبه لنفسك قوي لوسمحت أنا أقوم أتجهز قبل ماتجي سمر نخرج ..

نادر : طيب وانتي انتبهي لنفسش والكل ..قفل وجلس مطنن شويه 🤔 أول مره أحد يقلي إنتبه لنفسك ويهتم بي هكذا فينهي شيماء تتعلم والله إننا بدأت أحسد عريس الغفله هذا صدق ع حظ معه حلا وجمال ورقه ودلع وحنونه وفوقهن دكتوره وبنت أسره ...


🌹meme_abdalgaleel


@qesasanani

سأكتفي بك حلمآ 💔..

بارت ٣٨ ..

في المول🏢 ...

سندس : والله إننا خبلاء من قلي أصدقش ماهو هذا 😥 .

غاده : بتضحك عليها😂 .. هيا ناهي لش سعم أنش عتخرجي معه أحنا عنمكنه الزلط حقه وخطينا ...

سندس : بتخفعها 👋🏻 أنا قلت لش نحاكي بابا ولا نادر قمتي تتفلسفي ..

غاده : ناهي يله إتصلي له 📱 إبسري وينهو ولا نلوي شويه أمد مايجي ..

سندس : فتحت تلفونها تشتي تتصل له 📱 رن .. ردت ألوو..

زياد : سلام عليكم .. انا في المول أين أنتي ..

سندس : أحنا جنب محل الإيسكريم🍦 الي فوق ..

زياد : طيب الان شطلع .. وبيحاكي نفسه ويضحك 😂 مدام إحنا شكل اختها الجلفه معاها أمانه فرق بينهن هذك هادئه ومسكينه وهذاك نار وشرار 💥...

سندس : إبسرته بتدكم غاده بيدها 👋🏻 جاء جاء هو هذاك ..

غاده : إبسرته وبتحانكها 😉 يووه ع حلا فيه اعترفي شكلش صدمتيه بالعاني صح ..

سندس : بتبهرر فوقها تسكت 😳 اووص لايسمعش خبلاء ..

زياد : قرب لعندهن .. سلام عليكم كيف الحال ..

سندس : وعليكم السلام .. وبتفتح شنطتها تمكنه الزلط 💵.. هاه اتفضل والعفو منك اسفه مره ثانيه ..

زياد : لفت لعند غاده .. هي هذه أختش العسكري 👩🏻‍✈️ مابش شبه خالص لاشكل ولا طباع ...

غاده : لفتت له بضبح 😤 زباااج لكن زبجك بايخ . .

سندس: بهررت فوقها 😠 ولفتت له أنا اسفه بدلها ابرد منها .. يله العفو منك مره ثانيه .. نستأذنك .. وسحبت غاده يخطين 👭🏻..

زياد : إبتسم 😊 عادناركزت انها حاليه وزيد مسكينه مش مثل العسكري الي جنبها وبيتفرج الزلط ويضحك 💵 يله نسير نتعشى بها لوتدرى انها مش ربع قيمه الصدام والكشافات بس يله أطيب نفسها انها صلحتها ..

........ ....... .........

في بيت عادل 🏡 .

سمر : طلعت لعندها .. يووه ياروان منش صدق ماقد جهزتيش قد بتقلي الشغاله ماصدقتهاش ..

روان : جلست فوق السرير .. مشتيش اخرج جي نجلس هانا بس 😥...

سمر : مسكتها وبتصيح فوقها 😠 اسكه ابسريني ماهو ماتشتي بالضبط اسكه قليلي نادر مزوج وموضوعه قد قفلناه من زمان وماهو عتجلسي تضيعي عمرش علشانه اذا ماوافقتيش ع هذا العريس عتوافقي ع غيره وبعدا امسكي نفسش شويه لأن مشاعرش خلاص باينه والكل عيلاحظ مش بس نادر ...

روان : حضنتها وبتبكي 😭 مش بيدي مش بيدي مفعل قليلي ليش رجع لييييش قد كنت بداءت انساه انا ولا مره بينت له شي بس من يوم مارجع من السفر وكل يوم وهو معي وزد توفى مرضه كمل عليا أنتي داريه والله لو ما انه عيتعالج بسبب زواجي ما اوافق ..

سمر : تصدقي مش أنا زاعله أنش عتوافقي لأنه لازم لش هذه الخطوه وبكره مع الزواج والعشره عتحبي زوجش وتنشعلي ببيتش وعيالش وتنسيه .. وانتي قد وافقتي علشانه يعني خلاص لاتبكيش ...

روان : ولو يمووت كيف عيوقع بي وتبكي 😭 ..

سمر : الأعمار بيد الله يمكن تموتي انتي او انا بعد شويه وهو المريض يفتهن هذا كله بقدر ماتفكري في هذا الموضوع .. وجلست تهديها وتتكلم معاها ...

...... ....... .......

جلسوا مع العريس وتعرفوا عليه طلع إنسان محترم وجنتل واتفقوا معاهم انه لو كل شي تمام والموعد يتناسب مع روان عتكون الخطوبه بعد إسبوع يوم الجمعه ....

🌹meme_abdalgaleel




@qesasanani

سأكتفي بك حلمآ 💔..

بارت ٣٩ ...

يوم الجمعه ....

في بيت الجد قاسم 🏬...

خديجه : تخطي شويه وتحجر لوووولي فارحه 😃...

الجد قاسم : بيضحك 😂 امانه من كثر مابتحجري خورتيني الزواجه قد عتخليني أسير أدور لي مره ...

أزهار : فاتحه أغاني زفه 📟 بتغني وترفع البيت ...

آيه : فارحه من داخل قلبها لأول يوم طبيعتها سابره 😃 ووجهها مفرود خلاص آيه عتنزاح من طريقها ...

علي : مكبود وضابح 😤 بس ماعدفيش شي في يده يفعله ..

الجد قاسم : بيداعيه .. ياعلي يييه هيا إبني شرق إتصل 📱لأخوالك لايتأخروش الناس شويه وعيجوا ...

علي : مالكم ياجد هذاك كان ع زمانكم يجو من بحين ماذلحين ماعاد بيجوا الا بعد العصر ...

خديجه : قد بينقلهم مابلا نتغداء هانا جمعه🍛🍝 من هذه الحنبات مارضيوش قالوا عنتحلبط ...

آيه : بتبخر البيت ... ياعمه ذلحين كيف النسوان حقهم عيجين معاهم اكيد ولا مع علشان أزيد اجهز طالع لنا ..

علي : بيبسرها فارحه تضايق .. لفت لها 😤 بضبح ناهي ومالش مزقرعه هكذا ماعيجينش روان قالت ماتشتيش نسوان اليوم تشتي تجلس براحتها ...

آيه : بتبسره بحناك 🤪 يوووه كم أنا فارحه لها يووه الله يسعدش ياروان ان شاء الله يقلوا عرس قريب نشتي نتعرس ...

أزهار : تفرجت لعندها ولفتت لعند امها 😏 يووه ع درك فيها لكن الله يسعدش ياروان ويسخر لش ...

....... ....... .......

في المقبره .....

عادل : ماسك لها من كتفها وعيونه دموع 😥 رووان هيا مه إحنا ماسديناش هكذا ...أنا الغلطان الي صدقتش وأديتش ..


روان : جالسه جنب قبر أمها بتبكي 😭 ... كان نفسي وماما عندي اليوم كل البنات اليوم امهاتهن جنبهن ..

عادل : نزلت دمعته ومسحها 😥 هيا من هذا الكلام الأهبل وانا أين سيرت أنا أبوش وأمش ..

روان : وقفت وباسته😘 في رآسه أنتوا حياتي كلها مش بس أبي وأمي بس عادنتوا ع وعدكم صح مابش عرس الإ بعد مايفتهن نادر ماشسخاش أتزوج وهو مريض ..

عادل : أيووه وعد مابه عرس الإ برضاش و زيد شرطت عليه بس ماقد قلت لش انه تسكنوا في البيت طالع هيا إفرحي ماعدتشتي ..

روان : إبتسمت 😊 احلى شي إنه ماشافلتكم ..

عادل : يله شرق عنتأخر ع جدش ..

روان : يله حاضر وخرجت تلفونها 📱 بتتصل لسمر فين قدهي اتفقين يلتقين في بيت جدها عند الخطوبه ...


....... ....... .......

بعد العصر ...

الرجال : مخزنين كلهم فالديوان والأجواء المألوفه فالخطوبه ...

النسوان : كلهن الأسره طالع فارحات😃 بروان ويحجرين .

غاده : مالهم ماقد طلعوش حاجات الخطوبه اتصل 📱لنادر يطلعهن نبسرهن ..

روان : لابسه فستان طويل عنابي👗 كم طويل وفاعله شعرها ع جنب وورده 🌹 وروج عنابي خفيف ومسكره وكحل طبعا بعد ماغصبها الكل تلبس طلعت تجنن😍 ... جالسه سارحه ...

سمر : بتبهرر فوقها 😠 افرديها من الخباله شكلش في عزاء معانا موت صح ..

روان : تنهدت بزعل 😔 أيووه اليوم موتي وجنازتي ..

شيماء : بتحش هي وآيه .. إبسري ع قز مالها قالبه صورها هكذا كانها مغصوبه ..

آيه : راعي والله لازيد اقرح قلبها 😜 قامت تفتح الأغاني بترقص وتهزور روان مابلا ترقص معاها ...

نادر : طلع صندوق الخطوبه والحاجات🧳بيداعي ييييه من عيجي يشل الحاجات ..

سندس : سارت تجاوبه هاه .. وبتدخل الحاجات ودعت غاده تشل معاها ...

نادر : نزل يطلع الحاجات الباقيات ..

البنات : فارحات😄 بيتفرجين الحاجات ويحجرين ..

آيه : مقهوره 😣 يووه ابسري مدولها ع عطور وبدله ذهب وزنين وفساتين ..

شيماء : والساعه إبسري ع ساعه وجزم وشنط ..

آيه : ع حظ معاها هذه البنت 😏..

روان : شافت الحاجات دخلوهن راكنه انه ماعد بش حاجه ونادر خلاص نزل فلتت وخرجت ..

نادر : ع طلعته في يده بوكيه كبير ورد🌹🌹🌹 وشوكلاته بشكل عربيه وفيه دبدوب .. وقف ..

روان : إبسرته قدامها .. خزيت☺️ ماعرفت كيف تتصرف ترجع او تمشي وهي مصلحه ..

نادر : لأول مره يتفرجها وماينزل عيونه إبتسم 😄 ماشاغمض محد يبسر الحلا هذا ويغمض وضحك هههه مبروك ياروان الله يتممها لش ع خير يارب ومكنها البوكيه ..

روان : خزيت قوي منه بعدماقلها هكذا فلتت وخطيت🚶🏻‍♀️ ودموعها نزلت 😰 ...


نادر : نزل وطول ماهو كان جالس كان يتذكر شكلها ويبتسم 😊 مالي كنت قليل ادب هكذا احرجتها يا أما إن روان إحلوت هذه الفتره يا أما إننا الي ماكنت اركز ...


تمت الخطوبه 💍 وكل شي تم والحمدلله ...

ألف مبرووك ياروان الله يعوضش يارب ويسعدش ..

🌹meme_abdalgaleel



https://tttttt.me/qesasanani/3374


@qesasanani

سأكتفي بك حلمآ 💔..

بارت ٤٠ ...

بعد إسبوع ....

في المستشفى 🏥....

غيث : كان غايب اسبوع من الدوام.. مسك شوكلاته 🍫 في درجه .. بيسال زميله من اداها لي🤔 ...

الدكتور : هذه الدكتوره سمر وزعتهن قبل ٤ أيام بمناسبه خطوبه الدكتوره روان وأنا شليت نصيبك 🙂..

غيث : كانت الشوكلاته في يده 🍫 بيفتحها بلم 😳 إييييش خطووبه من ..

زميله : الدكتوره روان عادل إنخطبت ..

غيث : حط الشوكلاته 🍫 من يده ع طول وخطي 🚶🏻‍♂️ بيدور سمر ويجابر نفسه ... بمن بمن انخطبت لايكون ابن عمها هذاك .. دور سمر فينهي ودخل لعندها ...

سمر : كانت في قسم الطوارئ بتشوف الحالات ...

غيث : دعاها ... دكتوره سمر لوسمحتي إشتيش شويه ...

سمر : خرجت لعنده 🚶🏻‍♀️هاه دكتور امر ..

غيث : ضاغط ع يده بقوه 👊🏻 وباين القهر عليه 😒 مش ع أساس ان روان رافضه تتزوج وبترفض الكل كان عتقلي لي بدون مجاملات انها رافضه لك شخصيا وبس .

سمر : لا والله يادكتور ماهو هكذا وإنها فعلا رافضه الكل مش عليك بس سبحان الله هو النصيب جاء فجاءه وهي أصلا ماكانت موافقه بس شفت اهلها والنصيب خطي ..

غيث : بضبح 😤 طيب ممكن سؤال ..انخطبت بهذاك ابن عمها الي جاء المستشفى عندنا صح ..

سمر : إستغربت 😅 هاه من قصدك نادر مع مع انخطبت بواحد اسمه عبدالله ...

غيث : طيب يله شكرا تسلمي وفلت وخطي 🚶🏻‍♂️ وهو مقهور بس حالف انها ماتكون لواحد غيره ...


...... ...... .......

في بيت عادل 🏠...

روان : بتتحانب مع ابوها .. والله اننا مضايقه ماهو ليش فعلتوا هكذا إحنا ماسديناش ع هذا الشي 😔..


عادل : مسك يدها وجلسها 🤝🏻 بالعقل ياروان أنتي مش اي واحده ولا أنا شرضى تتزوجي هكذا وبعدا انتي عقليتش غير وانا تفكيري منفتح وانسان متفهم ومشتيش بنتي تتزوج بشخص ماتعرفه ولا داريه عنه شي .. فين روان الي كانت تضحك وتجنني وتقلي يابابا أنا شاروح لكم يوم واقلكم انا بينحب هذا زوجوني به ولما قدهو خطيبها ماتشتي حتى تحاكيه ...

روان : وطت راسها 😔 والله ماعدهي فارقه معي يابابا عادي مدري ليش أصلا مشتيش اعرفه قد عجبكم خلاص ..

عادل : مشو عجبني مش انا الي شتزوج به ذلحين قومي تجهزي يله لانه شويه وشتصله قدهو وقت غداء يلقانا للمطعم وأشتي تعرفي كيف طباعه من اول مقابله وتواصلوا مع بعض علشان تفهميه وتعرفي طباعه ...

روان : إبتسمت 😊 له والله ماقد ابسرت أب يخرج بنته تتغداء مع خطيبها ويشتيها تجابره الإ أنتوا ..

عادل : يعني تشتيني أهم كلام الناس والعادات وعيب ومايسبرش وترجع لي بنتي بدون شهر مطلقه مااتفقوا في طباعهم رسول الله امر بنظره شرعيه ويتكلموا في وجود محرم و لو عجبته وعجبها توكلوا ع الله وانا قدنا موجود معاكم وبعدين هذا الزمن تغير ع زمان يعني زمنكم منفتح عن قبل والكل بيختار لنفسه ...


روان : طيب حاضر شاطلع اتجهز ..

عادل : ابتسم لها 😊 فديت بنتي العاقله ولاتنسي ماتلبسي الدبله 💍 الي ماقد لبستيها لليوم هههه ..

روان : ضحكت وخطيت ...

🌹meme_abdalgaleel



@qesasanani

سأكتفي بك حلمآ 💔..

بارت ٤١ ..

في المكتب 🏢...

زياد : كمل اتصاله مع صاحب الورشه السياره جاهزه 🚙 .. تذكر سندس وتصرفاتها ضحك 😄 والله ان شكلها هذه البنت مسكينه مش مثل اختها .. بس يعلم الله كيف هي .. مسك تلفونه 📱جلس متردد يرسلها او لا بعد تفكير🤔 عميق رسلها
كيف الحال كيف قدش قد انتي تقدري تجنبي السياره 🚙 أو عاده 😅 أجي اعلمش .

سندس : كانت في الحوش حقهم بتسقي الشجر 🌲🌳🌴.. سمعت رنه تلفونها 📱رساله في جيبها ..دعممت لما تكمل تسقى ...

زياد : ماسك تلفونه 📱 شافها ماردت خفع وشه بيده 🤦🏻‍♂️ مالي تخيبلت عتقول اننا واحد اهبل .. جلس يقلب في تلفونه فاح الوتس حقها بيبسر صوره البروفايل حقها صوره فراشه 🦋 وكاتبه فالوصف حقها ..
الفتاه مثل الفراشة , فى حال ﻻحقتها فلن تمسك بها ولكن ان كنت هادئا ستأتي وتحط على كتفيك 🦋...
إبتسم 😊 والله وطلعت البنت هذه حساسه بس ماقصدها اذا لاحقتها فلن تمسك بها وضحك هههه يعني عتقل ذلحين إننا بينلاحقها يالله خراجك ..

سندس : كملت تسقى الشجر 🌳 خرجت تلفونها من جيبها 📱 بتفتح الرساله قريتها وضحكت 😅 خزيت ماله هذا والله اننا اقدر اجنب خلاص عيعلق عليا .. ماهو ارد عليه ولا أدعممه .. أصلا ليش عاد يرسلي خلاص قداديت له الزلط دعممته وقفلت تلفونها ..

زياد : دخل عليه الموظف بيحاكيه وهو كان فاتح بروفايلها ضغط زر التسجيل بدون قصد وتسجل جزء من كلامهم ..

سندس : وصلتها رساله وتس فتحتها وانه تسجيل صوتي منه 😤 ضبحت ماله هذا بتسمع التسجيل وفهمت انه من غير قصد ضحكت بس قررت تستقضى ردت عليه ..
لوماتقدرش تستخدم الوتس وبتسجل بدون ماتعرف شاجي أعلمك 😊...

زياد: سمع رنه وتس وهو بيتكلم مع الموظف أبسر الرساله إبتسم 😅 وفهم انه ترسل بالغلط رد عليها هو اتسجل عليا بدون ماانتبه 😅 العفو منش ..

سندس : مثل ماصدمتك كان يالغلط بدون ماانتبه لذلك ربي شل حقي بسرعه علشان تبطل لقانه عليا ...

زياد: نسي ان الموظف مراعي لرده بيراسلها .. كيف حالش انا رسلت اليوم علشان أقلش ان السياره 🚙جهزت خلاص شستلمها اليوم من الورشه ..

الموظف : بيحاكيه ..ذلحين ماهو يابشمهندس ايش افعل ..

زياد: لفت له هاه 😅 خلاص خلاص سير وانا شاقلك بعدا ماتفعل .. جلس يتراسل معاها ع السياره وقلها انه شل الزلط هذك اليوم وتعشى بها وبيتاسف لها ع اسلوبه الجلف هذك اليوم ...

...... ....... .......

في المطعم 🏪...

روان : جالسه جنب ابوها محرجه 😊 موطيه راسها للأرض ...

عبدالله : جالس قدامهم خازي حتى هو ساكت ولا كلمه ..

عادل : حب يلطف الجو بيمزح هيا ماهو جينا نطنن أو مه 🤪 ناهي ع الأقل اطلب لنا اكل ولا من اولها بخيل ..

عبدالله : احرج 😅 هاه مع مع والله مش بخل الان ع طول ايش تحبوا تاكلوا شاسير انا بنفسي اطلب ..

عادل : انا أشتي سمك 🐟وخطيبتك أيذه عندك إسالها هي ماتشتي ...

عبدالله : لفت لعندها 😅 إيش تحبي تاكلي ..

روان : عادي أي شي ..

عادل : روان تحب المشاوي 🍱والسلطات وانت أختار ع ذوقك ..

عبدالله : طيب حاضر وسار يشوف الاوردر ...

عادل : بيتكلم مع روان وبيسالها ع رائيها فيه ..

روان : شكله إنسان كويس وجنتل مابش فيه شي ينعاب ..

عادل : فرح 😃 الحمدلله الله يسعدش ياقلبي ويفرحني فيش ...


🌹meme_abdalgaleel



@qesasanani