سأكتفي بك حلمآ💔

بارت ١٤

في بيت 🏠أهل شيماء ..

يوسف : إبن نادر الصغير قام من النوم وخرج الحوش وأمه عادها راقده ..

مره أخوها : كانت بتضحى الملابس 👖👕 فالحوش عادها كملت تغسل ..

أم شيماء :لابسه البالطوه حقها وبتصلح اللثمه بتداعيها يييه يااابنت أوذا شاخطى لعند أمي تقيه جارتنا مات أخوها قبل إسبوع وماقدرت أسير أعزي أوذا شخطى لعندها أبدي عليها خزا ...

مره أخوها : حطت السله حق الملابس من يدها 🗑️ وجاووبتها طيب حاضر لاتتأخروش أمد ماجهز الصبوح قد خورت اليوم أفعل لنا خبز دافي صبوح ..

أم شيماء : إبتسمت لها 😃 يوووه جبررني بمره إبني الحميش هيا الآن بساعتي شخطى وأنتي قيمي شيماء تقوم تعاونش وتخبز معش خاطرش وخرجت وماغلقت الباب علشان لما ترجع ..

مره أخوها : بينها وبين نفسها بتفكر 🤔 أماانه إنها جت من الله أدخل أقيمها وأجننها تقوم تعاوني تخبز ولو صيحت شاقل هم امي قالوا أقلش تخبزي كم شجلس أصبر ع دلعها ودخلت تقيمها ...

يوسف : جالس بيلعب إبسر باب🚪الحوش مفتوح سار وقف عنده بيتفرج الشارع ...

....... ....... ........

في بيت الجد قاسم 🏬 ...

روان : في يدها جهاز الضغط والترمومتر 🎚️ بتقيس الحراره لجدتها والسماعه بتفحصها ...

أزهار : واقفه جنب السرير حق أمها قلقه 😟 هيا ماهو يابنتي طمنيني مالهم أمي ...

روان : هذا ياعمتو شكلهم إستبردوا قووي تحمموا وجلسوا بين البرد صح ..

علي : بيتفرجها مبتسم 😇 قدش اخبر بجدتش كالمعتاد يكملوا يتحمموا من هنيه ويخرجوا الحوش بين الشمس ☀️ يشمسوا شعرهم ..

روان : لفتت لجدتها بزعل 😔 الله يهديكم شمس مه هذه الأيام قدوذا بتبسروا ع برد أين الشمس ..

الجده خديجه : بتسعل وتاعبه 🤒 وبصوت مشحب مشنا داريه إننا شمرض هكذا يابنتي ..

روان : خلاص إسهل قد حصل شكتب لكم هذا العلاج وأفعلكم هولاء الإبر وعتفتهنوا ولفتت لعند علي 👀 هيا طير إديهن من الصيدليه ..

على : ع خرجته من باب الغرفه 🚪 ع دخله نادر سلم عليه بسرعه وخطي..

نادر : دخل مبتسم 🙂 وبصوت عالي هيييا سلامات ياحجه مااهو بتفجعونا عليكم بتتعذروا بالمرض تشتوا تجمعوا أحفادكم عندكم ..

روان : سمعت صوته كانت مقفيه وحست قلبها نزل لركبها ❤️ وارتبكت 😅 ماعد دريت كيف تتصرف جلست تلعب بالسماعه ..

نادر : لفت لها بيضحك عليها ذلحين دكتورتنا لما تعالج المرضى بتندوش هكذا وتنكع طرحتها لنص شعرها 😂😂...

روان : خزيت منه☺️ وبتلف شعرها وتصلح الطرحه مرتبكه أصلا كنت بينقيس لهم الضغط وكشفت عليهم بالسماعه مابينسدش انا واذاني أبدا كل مره هكذا ..

أزهار : ضحكت هههه 😂 وانا كان بينقل مالهم خلق الله كودهم بيلاحقوش هههه بتشدفيهم ..

روان : تشتي تغالطهم ذلحين فينهم جدو مابحد ...

ازهار : فالغرفه الثانيه بيصلوا ضحى عيس ماسمعوش ولا عيقلوا لش ماعدبش مستشفى 🏥دريوا ماسبب العرسان ..

جلسوا كلهم مع بعض واصتبحوا وروان جلست تصبح جدتها وبيتجابروا من ايام زمان ويحكيلهم الجد كيف كانت طفوله روان وكانت دلوعه وماكانت تأذى نادر وعلي...

🌹meme-abdalgaleel



@qesasanani

سأكتفي بك حلمآ 💔

بارت ١٥

في الجامعه 🏫...

غاده : جالسه فالقاعه حق المحاضرات
بتقلب الدفتر 📖 مراعيه لصاحبتها ..

وائل : دخل وإبسرها جالسه👀 سار يجلس فالكرسي الي مقابل لها علشان يقدر يشوفها براحته ...

صاحبتها : جت وجلست جنبها وبيتجابرين أن وائل كل شويه بيلفت لعندها وتعلق عليها وتحانكها 😜..

غاده : قدها ضابحه 😤 من تصرفاته رجعت لفتت لعنده وبهررت عيونها 😳...

وائل : ضحك لما إبسرها 😄 مبهرره ولفت لعند صاحبه بيحاكيه والله إنها زريه صدددق ..

....... ....... .......

في بيت 🏠 اهل شيماء ..

شيماء : بعد ماطنشت مره اخوها قامت من النوم😴 دخلت المطبخ بتغرف لها صبوح 🥘 ..

امها : إبسرتها وبتحطم فوقها وتصيح 😡ماااهو يابنتي رقده لهذه الساع بدل ماتقومي تعاوني مره اخوش ولا تتصلي لزوجش يجي يروحش ...

شيماء : حطت الصحن من يدها بضبح 😤😤 اوووف من كثر الدحس ماعد أشتيش صبوحكم وزوجي ماشتصله كما خرجني بيت وحدي جاء شلني وعفطت تخرج 🚶🏻‍♀️من المطبخ ..

ام شيماء : مسكتها من يدها 🤝🏻 يييه هكذا يتحنوقوا أنا يابنتي أشتي مصلحتش والله أن معش اهل زوج يسووا الدنيا وإبنش وحيدهم كيف تشتي يخرج من عند أبوه ..

شيماء : بعدت يدها ✋🏻 لايسووا الدنيا ولا الاخره وماعيقع بهم شي لاخرجنا يحسب الله وعادحنا مسافرين وفلتت بتخطى بتداعي إبنها يووووسف يا يووووسف ..

أم شيماء : رفعت يدها للسماء 🤲🏻 الله يهديش يابنتي ويرد عقلش عليش مشنا داريه سعمن وقعتي هكذا عنيده لكن الله يرحمه ابوش دلعش قوي لو ما ما عاد احد قدر عليش ...

شيماء : بتدور يوسف فالبيت كله 🏠ولا لقيته نزلت بتقالع مره أخوها 😡 اين الولد اين جاء كييف مابحدهو وقدهاوبتصيح وتجنن ..

أخو شيماء : سمعهن بيتصايحين كان راقد😴 قام بيبسر مالهن ورجع الكل بيدوروا يوسف مابحدهو ...

شيماء : بتبكي😭😭 قد عتجنن مالقيته ولا دريت أين جاء دخلت بسرعه للغرفه شلت تلفونها وبتتصل 📱 لنادر ...

...... ...... ......

في بيت الجد قاسم 🏬...

نادر : كان جالس في طرف السرير بيهمس رجل🦵🏻 جدته رن تلفونه 📱 إبسر إنها شيماء كنسل عليها اكثر من مره بضبح ..

روان : حاولت ماتحسسه انها ابسرت إسم شيماء فالإتصال 📱 لفتت له .. نادر فحوصاتك معي فوق السياره 🚗 جلسنا نتجابر ونسيت ما أقلك شخرج أديهن ...

نادر : وقف 🚶🏻‍♂️ طيب تمام راعي لي شخرج معش نديهن ونبسرهن جمعه ..

روان : طيب يله وبدأت تمشي 🚶🏻‍♀️.

نادر : وقدهم فالحوش رجع تلفونه يرن 📱 فتح عليها بضبح😤 ماااهو ماتتتتشتي...

روان : حاولت تبعد من جنبه 🚶🏻‍♀️ علشان يتكلم براحته ...

نادر : بيصيييح 😡😡 إيييييش مااااهو ضاااع مه كيييف ضاع انتي مااهو كيف يسموش وبيصيح الان أنا جيي وغلق في وجهها ....

روان : افتجعت عليه لما بيصيح ماالك ماحصل خيرر ..

نادر : بيصيح 😡 أبني ضاع ابني ضاع هذه مايسموهاش أم وبيفتح سيارته يطلع .

روان : ايييش 😳 كيف ضااع ماهو .. ابسرته بيشغل السياره فتحت الباب وطلعت معه وبتتصل لعند ابوها تقله أنها مع نادر لايقلق عليها ...

مسكييين يايوسف الله يعلم أين انت 😔 وأيش عيحصل توقعاتكم ..



🌹meme _ abdalgaleel


https://tttttt.me/qesasanani/3374


@qesasanani

سأكتفي بك حلمآ💔

بارت ١٦

في بيت هاشم🏠...

سندس : فالمطبخ رابطه شعرها ببندانه 👩🏻‍🍳 وفاتحه اغاني في تلفونها وبتطبخ بتجهز الغداء ..

حوريه : جالسه فوق الكنبه فالصاله بتحاكى التلفون 📱 يووووه وأمي مريضين ولا تتحاكوا لو ما أتصلتش أسألش نسير عند الولاد ماعتقلي لي ..

أزهار : ماشي والله مابلا هم تعبوا العشي هكذا فجاءه شكلهم إستبردوا بس قدهم أحسن ذلحين بعد ماجت وروان وفعلت لهم إبر💉 وإدت لهم علاج..

حوريه : بإبتسامه حب 🥰الله يحفظها ماهذه البنت أمانه إن الواحد يحبها غصب من أدبها وحلاتها وخفت ضلها الله يسخرلها بالي يستاهلها ..

أزهار : أمين ياررب بس هذه البنت عديمه وعنيده محد دري مافي راسها مشي ساخيه ع أبوها أقسم بالله لوتبسري كيف علي مقهور عليها بس مانفعل خيره الله مانفعل ..

حوريه : ضحكت 😂 ما انا وأنتي الله يعيننا ع نسوان عيالنا بس ويصبرنا والله ان إننا يوميه بينتراشى نادر مراشاه يسير يرجعها وهو ولا مدعمم ..

أزهار : يووه مالها أو حانقه هيا لو دريت إننا صيحت فوقه عادهو كان هانا وبعدا مدري أين خرج هو وروان بسيارته🚙 حتى سيارتها عادها هانا ماخطيتش بها ...

حوريه : استغربت 🤔 غرريبه ماقالش إنه عيجي لعندكم ولا دريت مامعه من الصبح خرج يعلم الله أين ساروا راعي شاصيح لسندس تتصله تبسر أينهو أمد مانكمل نتجابر وأحكي لش مالها حانقه وبتداعي سندس تتصله📱 ..

سندس : جاوبت امها ورجعت المطبخ طفت الأغاني من تلفونها 📱وبتتصل لنادر ..

نادر : رد عليها بسرعه بصوت معصب 😡 مش وقتش ياسندس ولا وقت دحس امس يوسف امه ضيعته أنا فالطريق لعندهم أدوره ..

سندس : حطت يدها في خدها وبتصيح 😱 ايييش ضاااع مااهو ضاااع كيف ضاع ماهو ماحصل ..

نادر : بضبح وقهر 😔 مشنا داري بشي خليني أغلق قوى ماناش داري بشي كما وصلت ودريت بشي شاقلش وغلق ..

حوريه : سمعتها بتصيح افتجعت وحملت لعندها 🏃‍♀️ والتلفون في يدها مااهو مالش مابه ماله أخوش ..

سندس : بتبكي 😭 يوسف ضاع ونادر سار يدوره مارضيش يقلي شي غلق ..

حوريه : صاحت 😱 يووووه يا حافظ ع إبن إبني ومسكت التلفون خاطرش يا ازهار أتصل لهاشم يبسر إبنه نادر قال يوسف ضاع وسار يدوره ..

أزهار : يوووه جعلها مكسر امه اين هي 😱 غلقي غلقي وأنا أتصل لروان أبسر ماهو الخبر مدام هي معه واخلي علي يلحقهم ...


ياقهري عليك يا يوسف أين انت 🤔

...... ...... .......

في الجامعه 🏫.
بعد ماكملت المحاضره والكل بيخرج من القاعه ..

غاده : مسكت يد صاحبتها 🤝🏻 راعي لاقد تخرجيش لما يخرج هذا الغبي وخرجنا ..

صاحبتها : بتضحك 😂😂 قصدش المعجب الولهان ..

غاده : خفعتها بالدفتر 📗 بطلي خباله أنتي وياه اقسم بالله أنه ثقيل دم بأقوى قوته ..

وائل : خطي لعندهن 🚶🏻‍♂️وهو مبتسم 🙂 سلام عليكم ممكن تشلفيني دفترش ماكتبتش المحاضره الدكتور بيتحاكى بسرعه وأنتي ماشاء الله طول المحاضره ويدش ساع الطابعه ولا وقفت .

غاده : إبسرته بضبح 😤 إستغفر الله العظيم من لغاجه بعض الناس مااهو أنت مابتفهمش يعجبش حين تتصروع خيرات صح مابش معي دفاتر ولا محاضرات وحتى لو معي ماشديلك معاك ايدي كون أكتب لنفسك ولو ماتقدرش تكتب كنت عتجلس في بيتكم مش تجي تقرأ ...


صاحبه : بيضحك عليه 😂😂 ويسحبه ويتليقن عليه صررعه أي ياعيني 😜 اخطي اخطي نرح لنا ..

وائل : بيتفرجها ومستمر فاللغاجه مبتسم بيحانكها 😜 مابش معي أيدي يكتبن البركه فيش وسحب دفترها 📗 من يدها وخطي وهو بيضحك هههه..

غاده : لفتت له بهنجمه 🤨 بتصيح أشبع به ولفت بقيه حاجاتها ومسكت شنطتها 👜وخرجت ..

🌹meme_abdalgaleel


@qesasanani

سأكتفي بك حلمآ 💔

بارت ١٧

في بيت أهل شيماء 🏠..

نادر : وصل بيصيح ملان الحوش 😡 أين أبني أين جيتي به ..

روان : بتحاول تهديه صل ع النبي مش هكذا راعي نفهم منها بالضبط علشان نقدر ندوره ...

أخو شيماء : خرج لعنده بيمد يده يسلم عليه 🤝🏻 كيف انت اهداء يا أخي ..

نادر : مسك نفسه ومديده بالغصب 🤝🏻 ناهي يا اخي مش وقت سلامات هذه الساع اين الولد كيف ضاع ..

شيماء : سمعته بيصيح خرجت للحوش وراسها مربوط من كثر الصداع 🤕 وعيونها مورمه بتبكي إبني يانادر إبني 😭😭.

نادر : بيصيح فوقها😡 مع إهمالش مع أن أنتي أم حاليه كيف ضااع وين ضاع ..

شيماء : جلست في قاعه الحوش بتبكي 😭 مدري قمت من النوم وماعاد بحدهو قالت مره أخي إنه خرج فالحوش كان بيلعب وهي دخلت تفعل الصبوح وماعاد لقيناه ..

روان : قربت لجنبها مسكتها من كتفها 👋🏻 الله يهديش بس كيف ماركزتي ذلحين إهدأي ان شاء الله عنلقاه يمكن انه خرج للشارع ..

شيماء : دهفت يدها وبعدتها 👋🏻 وانتي مادخلش أصلا وبعدا ماجاء بش معه من صباح الصبح ..

ام شيماء : خزيت من تصرف بنتها لفتت لروان بزعل 😔 أمسحيها في وشي يابنتي البنت مقهوره ع إبنها مشي داريه مابتقل ..

نادر : اشر لروان بعيونه👀 هيا اخطي معي نخرج ندوره ونسال فالحواري والشوارع الي هانا ...

اخو شيماء : قد بيندوره من اول وقلت نسير للقسم نبلغ بس مراعي لك لما تجي لانك ابوه ..

روان : خطيت معه 🚶🏻‍♀️ وطنشت كلام شيماء ..نادر رسلي صور ليوسف انزلهن فالفيس واوزعهن في قروبات الوتس لو احد لقيه نستغل الوقت ..

نادر : يله الآن وبيرسلها 📱..

شيماء : آبسرتها خرجت معه وجالسه تلاعنها وتصيح وشلت تلفونها 📱 تتصل لأيه تقلها وتبكي 😭..

مره اخوها : واقفه عند الباب 🚪 ماهي هذه المره بدل ماتشكر البنت ع وقفتها معاه عادها بتتليقن عليها 😅..


........ ........ .......


في بيت الجد قاسم 🏬..

الجد قاسم : بيصيح 😡 هيا ياعلي شرق علينا عمك هاشم قدهو فالشارع بيطرق 🚙.

علي : يله الان إسبقوني بس نسيت تلفوني 📱 اطلع اديه بسرعه وأجي وطلع ..

ايه : بتتحاكى فالتلقون 📱 يوووه الله يشلها روان هذه مابتدور ماجاء بها مع زوجش الصبح هانا هدار وضحك مع زوجي وذلحين مع زوجش إبردي ذلحين منها نلقى إبنش وبعدا عنبسر لها صرفه والله لانطايرها ونخليها تحرم دخله بيوتنا ..

علي : كان واقف فالباب 🚪سمعها وفار دمه دهف الباب برجله 😡صورتش تشتي تحرمي من دخله البيت هذا حسابش معي لما ارجع بس وشل تلفونه
📱وخطي ...

ايه : إبسرته وافتجعت 😯 يوه يوه غلقي غلقي شتصلش بعدا ولحقت بعده يييه علي لحضه افهمك ..

علي : طنشها خرج ورصع الباب 🚪 في وشها ..

....... ........ .........

بعد حوالي ساعتين ⏰ وصلت رساله لعند روان من واحده تقلها أن يوسف موجود عند صاحب هذا الرقم واتصلوا عليه وساروا يرجعوه ...


نادر : بعد ما شل ابنه معه فوق السياره 🚙 سار يشل البنت من عند شيماء ..

شيماء : بتصيح 😡ماشديش بنتي ادى اول ابني أبسره ..

نادر : بيصيح وقلب فوقها 😡 وشل البنت من عندها بالغصب وروح ..


تقولوا تصرف نادر صح ولا غلط إنه شل بنته من عند شيماء علشان تهتم شويه وتحس 🤔..

🌹meme_abdalgaleel


@qesasanani

سأكتفى بك حلمآ 💔
بارت ١٨

بعد يوم شاق ومتعب اخيررا روحت روان البيت ...

في بيت عادل 🏠..

في غرفتها ....

روان : ممدده فوق سريرها بتتصل لسمر 📱بتحكي لها الي حصل معاهم ...

سمر : يوووه 😱 حسبها الله ع قد أم وعادهو بدل ماتتجمل منش قامت تتيلقن ..

روان : بتضحك 😂 والله مالي علم مالها متحمله مني هكذا سعم ماقد عرفتها خيرات هي فتره العرس حقها وسافروا وبعدا ابسرتها يوم من بعد ماجو من السفر ...

سمر : بتحانكها 😜 مابلا قلبها حاسس منهو نادر بالنسبه لش شكل مشاعرش بتفضحش ههههه ..

روان : اووووف منش ومن سماجه أخر الليل 😅 قد فهمتش الف مره خلاص نادر بح من يوم ماتزوج خلاص قفلنا موضوعه ..

سمر : طيب معش شاسايرش ع قد عقلش قفلتي موضوعه ومابتفعلي معه من الصبح يعني ماعيقدرش يدور ابنه من غيرش واهتمامش به قلقه عليه بتبسريه تاعب يفعل فحوصات ورفضش للعرسان ماهو هذا ..

روان : قفزت من فوق السرير اووووه ذكرتيني الفحوصات فوق السياره 🚗من الصبح باي باي انزل اديهن أبسر مافيهن 😅...

سمر : ضحكت 😂😂 هيا ناهي وارجعي قلي قد غلقت موضوعه والمشكله مفضوحه ...


....... ........ ........

في بيت هاشم 🏠..

هاشم : جالس ويوسف في حضنه🧒🏻 بيلاعبه ...

غاده : باسته 😘يوووه جعلها مكسر كانت عتضيعك علينا ..

حوريه : بهررت فوقها 😳 تسكت ماهو هذا المجبر الاخبل هاه قوومي شلي نور رقديها قدهو وقتها ترقد..

نادر : لفت لعند امه 👀 مالكم بتبهرروا فوقها ماقالت الا الصدق جعلها مكسر صدق والله ان قد شبعتني حياه وانا اقل اسهل وأصبر وهي دحس واصل بس توصل لعند عيالي ماشي ..

هاشم : قدهو نصيبك يا ابني ماتفعل أنت زيدت لها الدلع المفروض كنت تزر لها من يومه بس مكنتها حاضر لما ماعاد ببقطع فيها شي ..

حوريه : بتشرب الشاهي ☕ هيا ناهي لك وانت بدل ماتعقله وتقله سير رجع مرتك علاسب عيالك عادك بتشجعه هكذا ..

سندس : ماحبت تدخل في نقاشهم قامت تشل يوسف🧒🏻 من حضن ابوها ترقده ..

نادر : إسكه قلوا لي ارجعها ع أي أساس لاتصايحت معاها ولا خرجتها من البيت حنقت من نفسها وسارت بيتهم وحدهم جلست تدحس تشتي بيت وحدها فلتها وخرجت ماروحت الا وقدهي في بيتهم وزد اليوم تضيع إبني مع إهمالها وعادها تشتي تجلس وحدها كيف شركن ع جهالي توبه لهم وحدها ...


هاشم : كان جالس مربع توضع ... تشتي نصيحه أبوك خليها شويه في بيتهم تدكم راسها خاصه وعيالها مابحد عتدرى بقيمتك ...

حوريه : بضبح 😤 كان انتوا أخبر بروحكم اخطى لك أرقد ومشتيتوا فعلتوا ...


....... ......... .........

في بيت عادل 🏠..

في الحوش ...

عادل : سمع صوت فتحه باب البيت 🚪 خرج من هانا ...

روان : واقفه جنب سيارتها 🚗 .. في يدها ظرف ✉️ هاااه بابا هو أنا ..

عادل : مالش خرجتي هذه الساع قد قلت مدري من به راكن ان قدش راقده😴 بعد اليوم المتعب هذا ..

روان : هو قد كنت ممدده وذكرت ان الفحوصات ✉️ حق نادر فوق السياره 🚗 من الصبح مع الي حصل ماعد شليتهن ولا ابسرتهن ...

عادل : بقلق 😯 ليش خير ماله أو مريض ..

روان : انا اصلا شفته هذك اليوم يوم ما تغدينا تعب قلت له يجي للمستشفى🏥 يفعل فحوصات ...

عادل : يله حلو انش خليتيه يجي ومسكها من يدها 👫🏻 هيا ندخل وعتبسريهن داخل برد عليش ...

روان : طيب حاضر يله تصبحوا ع خير وطلعت غرفتها دخلت وبدأءت تفتح الفحوصات ✉️ وبتقلب الفحوصات وتتفرج الأشعه وتندش الاوراق سريرها قدهو ملان ورق وأفلام x_ray ......


تقووولوا إيش عيطلع فالفحوصات هل ياترى عتطلع سليمه او ممكن يكون في شي 🤔🤔 أنا مثلي مثلكم يوم السبت عنعرف كلنا إيش النتايج بكره جمعه إجازه ...
وجمعتكم خير وبركه ❤️

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔

بارت ١٩

وقت صلاه الفجر 🕌...

في بيت عادل 🏠..

عادل : مشي🚶🏻‍♂️ من جنب غرفه روان إبسرها مسرجه وبيسمع صوت بكاء 😭 ... دقدق الباب ... رووان صاحيه ..

روان : كانت جالسه ع الأرض وحاطه راسها ع حافه السرير بتبكي 😭 .. سمعت صوت أبوها رفعت رآسها وبتمسح دموعها .. هاه بابا إدخلوا ..


عادل : فتح بابا🚪 الغرفه إبسر السرير ملان ورق 📄📑🧾 وفحوصات مندشه وروان عيونها مورمه حمراء من كثر البكاء 😭 .. افتجع ... قرب لجنبها وجلس بهدوء ماالش ايش في ...

روان : حضنت أبوها بقوه وبتبكي 😭 نادر يابابا نادر ابن عمي وبتبكي ...

عادل : قلق بقووه 😰 وافتجع عليه لأن شكلها مش طبيعي وبنبره خوف ماله نادر إيييش في ماطلع في الفحوصات لاتخوفيني عليه ...

...... ...... .......

في بيت هاشم 🏠..

سندس : حاضنه نور 👧🏻 وبتلوي بها ملان الغرفه بتبكي مارضيت تسكت تشتي أمها ...

غاده : بتصيح 😣 أوووف من هذا الجنان إشتي أرقد معي جامعه خرجيها من عندي شاقوم بدري ومسكت الوساده وبتغطى أذانها ...

سندس : إبسرتها بضبح 😤أقسم بالله إنش عديمه إحساس طفله طفله وبعدا قومي صلي واذكري الله ..

غاده : خفعتها بالوساده .. أخرجي من عندي ..

سندس : خرجت من الغرفه والبنت في يدها 👧🏻 بتبكي ..

حوريه : كانت خارجيه من باب الحمام عادها كملت تتوضاء إبسرتها 👀 يووه مالها أو ماقد رقدت ..

سندس : وقفت تحاكيها .. ماشي بتبكي من أول تشتي أمها والله ماعد دريت كيف أسكتها ..

حوريه : قربت تشل البنت 👧🏻 اديها أدخلها عند أبوها يمكن تسكت يوسف ماشاء الله عليه رقد في حضنه ولا عاد تحاكى ..

سندس : الله يهديها شيماء بدل ماترجع عند جهالها إبسروا ماارحم عيالها .. مكنتها البنت وسارت🚶🏻‍♀️ تصلي ..

حوريه : خطيت لعند نادر تمكنه البنت 👧🏻 فتحت الغرفه وانه مابحد مابلا يوسف راقد 😴 جت تخرج تبسره لاهو بيصلي ع خرجتها من الغرفه وهو داخلي ..

نادر : في يده مناديل كان بيمسح فمه 🤧 وأنفه .. ابسر أمه ونور في حضنها يووه مالها نور أو بتبكي 😭..

حوريه : مسكينه قالت اختك ماقد هجعتش تشتي أمها قلت اديها لعندك لاهي عتهجع قوى إبني سير رجع مرتك حرام عيالك ..

نادر : مسك البنت يشلها 👧🏻 عنبسر كيف خير إن شاء الله وماقد كمل يشلها سواء الا وقد بيرجعها لحضن أمه ورجع طريق الحمام يرجع من جديد 🤮...

حوريه : لحقت بعده وجلست مسنبه لما خرج ... بقلق 😰 مالك يابني ماهو هذا كل يومين هكذا مابلا تخطى الصبح المستشفى تتعالج ..

نادر : إبتسم 🙂 مايشتيش يخوفها مالكم يا أمه مابش شي وبعدا قد روان فعلت لي فحوصات والتهينا اليوم مع الي حصل ليوسف ونسينا الفحوصات بكره إن شاء الله شاسير لعندها ونبسر مابه ....


الله يشفيك يانادر بس ياترى إيش طلعت النتايج وليش روان كانت بتبكي 🤔 وهل ممكن تكون في لخبطه فالنتايج نراعي للبارتات الجايه وعنعرف🥰 ...

🌹meme_abdalgaleel




@qesasanani

سأكتفي بك حلمآ 💔

بارت ٢٠

الصبح ☀️...

في بيت الجد قاسم 🏬..

علي : قام يلبس 👕👖 وبيتجهز ..

آيه : فوق السرير عادها نايمه 😴 نكزت إبسرته .. ماقد معانا من هذه الساع ..

علي : إبسرها بضبح 😤 قلي ياصبح وقومي إديلي صبوح 🍲 عاد حسابش ع كلامش حق أمس انتي وشيماء لابعدا انا سكت العشي لأن قد كنت تاعب ..

آيه : بمسخره وبتعوج فمها 😏 لييش تحاسبني نزلنا السنيوره حقك من البرج العالي او أومه هي اصلا الي بتحط نفسها في اوضاع غلط ماسيرتها مع نادر يدور إبنه به رجال ولا عتصدق نفسها لأن قدهي دكتوره تحشر نفسها في كل شي ...

علي : ضبح من كلامها 😤 وإستفزته مسك قاروه العطر ورجمها للقاع .. وبصياح 😡 روان هذه الي مش عاجبه لش هي الي لقيت الولد بعقلها وقسما بالله يا آيه لو عاد أسمع لش كلمه ولا تذكري اسم روان ع لسانش ولا تزعليها ان حسابش عيكون عسير بمعنى الكلمه وقومي اديلي صبوح قبل ما اقلب يومش اسود ..

آيه : سكتت وافتجعت منه 😥 وقام سكته ...

....... ........ .......

في المستشفى 🏥..

روان : شكلها متعب ومرهق وتحت عيونها حارق بدون نوم ومن كثر الزعل 😔 وصلت ع طول طريق المختبر ...

دكتور المختبر : صباح الخير دكتوره .. تحتاجي شي

روان : بتمكنه اوراق الفحوصات 📄 اشتي تتاكد لي هذه النتايج هي نفسها الي طلعت حق هاشم نادر ولا فيها غلط ..

الدكتور : بإستغراب 😳 مابش حاجه يادكتوره عنغلط فيها أنا مركز في نتايج التحاليل وبعدا المريض هذا لانش موصيه عليه أنا فعلت التحاليل حقه بنفسي ..

روان : رفعت صوتها وبتصيح 😠 أنا بينقلك أتاكد أكيد في غلط ..

الدكتور : إستغرب من رده فعلها 😳 لانه يعرفها وهذه مش طباعها طيب ولايهمش يادكتوره اهدأء شتأكد لش من الكمبيوتر الان انهن نفس الشي ولو مش متأكده عادي يجي المريض نفعلهن له مره ثانيه نزيد نتأكد .

روان : حست أنها فقدت سيطرتها ع أعصابها . لفتت له بزعل 😔 أنا آسفه يادكتور والله غصب عني ماقد قدرت استوعب ومش مصدقه ولو قدشزعجك شتصله يجي ونعيد له الفحوصات والأشعه ...

الدكتور : عادي ولايهمش يادكتوره انتي تأمري أمر شكلش قلقه قوي ان شاء الله خير ..

روان : طلعت مكتبها لقيت سمر طالع وصلت حضنتها وبتبكي 😭. وبتحكي لها ..

سمر : بتحاول تهديها ... لاتقلقيش مابش شي ان شاء الله خير اتصلي له ذلحين وقلي له يجي يعيد الفحوصات ..

روان : بتبكي 😭 كيف أقله مش قادره مشتيش يحس بشي لما نتأكد .

سمر : عادي إسهل عنقله انهن ضاعين أمس لما شليتيهن وانشغلتي مع إبنه يجي نعيدهن ..

روان : حاولت تتماسك نفسها واخذت نفس عميق مسكت تلفونها 📱 وبتتصل ... صباح الخير اسفه لو صحيتك ..

نادر : يا صباح الانوار .. عمرش طويل والله عادنا قلت شتصلش 📱علشان الفحوصات ..

روان : ارتبكت 😰 هااه انا اتصلت لك علشان هذا أنا آسفه شكلي ضيعتهن أمس لما أنشغلنا بموضوع يوسف مادريتش أين حطيتهن فقلت اتصلك علشان تجي نعيدهن من جديد ..

نادر : عادي يابنت عمي مالش.. فداش ليش تتأسفي قد فلتي عملش ومامعي ولولاش مالقيت ابني جيتي تتاسفي لي لأننا شاعيد طبزه إبره بينفتجع منها وضحك هههه😂..

روان : تشارغت عيونها بالدموع 😰 وحاولت تمسك نفسها لما قال بيفتجع من الإبر لو تطلع النتايج صدق .. خلاص تمام يله مراعيه لك ولاقد تصتبحش علشان الفحوصات ..

نادر : طيب حاضر الآن شاجي وانتي لاتصتبحيش والكل ششتري لنا صبوح 🍱 وأديه معي ولا شاشلش اصبحش ..

🌹 meme-abdalgaleel



@qesasanani

سأكتفي بك حلمآ 💔

بارت ٢١

بعد ماكملوا الفحوصات 💉 ...

نادر : بيضغط بيده ع القطنه فوق الكرسي ولفت لها بإبتسامه خفيفه 🙂 أنا أسف تعبتش معي أمس شكلش قوي مرهق وزد لحقت باليوم بس خلاص شاساليش بصبوح ضخم ..


روان : واقفه جنبه بتتفرجه بزعل 😥 وجعتك الإبره ..

نادر : وقف قام من الكرسي 🪑وضحك هههه 😂 انا بين ادور أساليش بصبوح قد شكلش يفجع كانه مات لش ميت وأنتي حسش عند الإبره وبعدا قلي لي مالش هكذا صدق زاعله وتحت عيونش حارق ..

روان : حاولت تغالطه وابتسمت إبتسامه خفيفه 🙂 ذلحين فين عتصبحني جاوعه إشتي أكل خيرات ..

نادر : إختاري المكان الي تشتي بس اهم شي مايكون مكان أكلهم دسم وثقيل معدتي ماعد بينقدر اكل سواء من فجر وأنا فالحمام بينرجع 🤮 قدنا مراعي للنتايج مراعاه علشان اشرب علاج أفتهن ..

روان : تنهدت بحزن 😰 وتشارغت عيونها بالدموع وقفت ع طول لاينتبه ومسحتهن وبتحاكيه يله شطلع بسرعه ادي شنطتي👜 واجي وخطيت ...

....... ....... .......

في بيت أهل شيماء 🏠.

شيماء : جالسه بتبكي😭 وراسها مربط من كثر الصداع 🤕..

أم شيماء : بتمكنها اكل في صحن 🍱 هاه بنتي قوى كلي لش لقمتين ماقد اكلتي شي من أمش ..

شيماء : دهفت الصحن من يد امها 🍱 شااابعه بينقل محد له دخل مني أنا أشتي عيالي الآن سيروا أدوهم أقسم بالله لأحرق له الدنيا حريق ..

أم شيماء : وطت بترفع الأكل 🍱 إستغفر الله العظيم بس مافعلت بش النعمه هكذا ترجمي نعمه ربي وبعدا ضيعتي الولد وماتشتي زوجش يجي يقلش يووه إسلمي أحمدي الله أنه شل العيال بس وماطلقش ..

شيماء : بتصيح 😡 لو هو رجال يطلق سعم فارحه بالجلسه معه ومع اهله لو يشتيني انه ادى لي بيت وحدي هو الي وصلنا لهانا ..

ام شيماء : صل ع النبي يابنتي وإذكري الله وقومي إتصلي لزوجش وإعتذري منه وارجعي بيتش عند زوجش و عيالش ..

شيماء : بتبكي 😭 وفلتت امها ودخلت الغرفه تتصل لآيه تستشيرها ماتفعل ..

....... ....... .......

في باب اليمن 😊...

نادر : لفت لها بضبح 😤 ذلحين انا ماهو الي طلع لي وصدقتش أديش أصبحش هانا ..

روان : بتخطى جنبه👫🏻 وبتضحك عليه 😂 طيب وليش معصب ذلحين ماحصل ماعليك منهم ..

نادر : بضبح وبهرره 😠 ناهي جي من هنيه امد ماندخل للمطعم حسبنا الله ونعم الوكيل بس ع الأقل كنتي عتلبسي لثمه أنتي وهذه الطرحه المسرجه وسط باب اليمن لبست لي أصفر تكز عيون خلق الله ..

روان : رغم زعلها وقهرها ع النتايج حاسه بفرحه غريبه😁 ماقد حستها من قبل أنه شايفه غيرته عليها ومايشتيش احد يتفرجها ..

نادر : سحبها من يدها 👫🏻 يييه يامطننه جي كذا عتدكمي الرجال.. سارحه لي وسط الزحمه ..

روان : وقفت ماعاد قدرت تمسك نفسها وبتضحك 😂 أقسم بالله إنك مجنون صدق سعم عياكلوني متعوده ع هذه النوعيات في المستشفى وفالشوارع في كل مكان ..

نادر : إبسر محل بيبع بوالط وبراقع دخلها قلها شاوريش الجنان صدق شل برقع ومكنها قلها يله البسيه يا أشعه الشمس☀️ قامت تلبس لي أصفر وبيحاسب الرجال ..

روان : شلته من يده بتلبسه وبتضحك 😂 ...

عدى الوقت وكانوا مبسوطين كملوا يصتبحوا 🥘🍝 وخرجوا يلووا في شوارع صنعاء القديمه وهو بيضحك ع شكلها باللثمه ويعلق عليها وكان يووم حلو للاثنين وروان بتحاول قدر الإمكان ماتبين مشاعرها واشتروا غداء وأتصلوا لعادل يجي لبيت الجد قاسم يبسروا الجده خديجه يطمنوا عليها كيف قدهي ويتغدوا هاناك ....


معقووله الاحداث ورجوع نادر يصحي حب روان له 🤔 ويقربهم من بعض ...

اووووه صح نسينا الفحوصات بكره عتطلع النتايج علشان روان تتأكد 😅..

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔

بارت ٢٢
الصبح ☀️...
في بيت عادل 🏠..

عادل : قام بدري وخلى الشغاله تجهز الصبوح 🍲..

روان : قام بدري عن كل يوم لبست وتجهزت ونزلت تشتي تسير تتطمن ..

عادل : شافها وإبتسم 🙂 ..صباح الخيرات قد انا داري انش عتقومي بدري علشان النتايج ...

روان : قربت تبوسه 😘 صباح النور .. أيوه والله إننا قلقه قووي اكثر من المره الأوله ع الأقل أول مره ممكن ندي مجال للشك بس هذه المره خلاص عيحسم الأمر ..

عادل : تنهد بزعل 😔 إن شاء الله خير ياررب والله إننا قلق أخس منش أمس لما شفته مبسوط بعد ماخرجتوا تصتبحوا وبيضحك في بيت جدش كنت أقل بيني وبين نفسي ياررب النتايج تطلع غلط وتحفظه لنا ...

روان : وطت راسها بزعل 😔 أمين يابابا والله إننا مقهوره قوي خاصه ع عياله لو تطلع النتايج صح قد إبسرتوا كيف أمهم ضيعت الولد وماقدبش شي عاد لو تربيهم وحدها ...

عادل : إن شاء الله خير نقل ياررب وبس 🤲🏻 اجلسي كلي لقمتين قد قمت بدري علشانش ونخطى عملنا ..


....... ........ ........

بعد ساعتين ⏱️...

في بيت هاشم 🏡..

باب البيت 🚪 بيدقدق ...

هاشم : جالسين كلهم فوق الصبوح 🦪🍛 .. من قدهو هذا المقطوب الي جاء من صباح الصبح ...

سندس : ضحكت 😂 هذه أكيد واحده من الجيران صاحبات أمي جت تشرب قهوه مع أمي ...

نادر : نور في حضنه 👧🏻 ضحك هههه سافرت ورجعت وقلت ان هذه الطبيعه حق تجماع الجيران عتنتهي وان أمي ولابطلوها ..

حوريه : سنبت بتحطم فوقهم 🤨بتضحكوا عليا هيا ناهي لكم ناهي أسير أفتح أبسر منهي وبعدا شاوريكم الضحك وخطيت تفتح 🚶🏻‍♀️...

غاده : لفتت لعند نادر 🥰 بتتدلع عليه أخي حبيبي اليوم عيوصلني مع طريقه للجامعه صح محاضراتي متأخره ..

نادر : لفت لها بيأذيها اوووه والضخامه جامعه يعني ملان مزز وبنات حاليات 😉 ع طووول اوصلش وأزيد ادخل معش يمكن ألقى واحده تعجبني اخطبها بدل أم الصبيان الي معي وضحك ...

ماقد كملش الكلمه الا وسمع صوت من وراه😅 ....

شيماء : آهااا قد أنا أم الصبيان يانادر 😔 بدل ماتقل أسير أبسر مرتي وأرجعها قدش تشتي تسير تدور واحده تخطبها ...

نادر : لفت لها بسرعه 😅 أعوذ بالله ع عمر معش أيحين جيتي من أداش ..

شيماء : طرحت الشنطه من يدها 🧳 أديت روحي مدام ماجيت ترجعني رجعت عند زوجي وعيالي ..

هاشم : لفت لها بضبح 😤 والبيت الذي لوحدش منين عتديه ..

حوريه : بتاشر له من وراها 🤫 انه قوى يسكت ..

شيماء : سكتت وقربت تشل عيالها وتبوسهم 😘...

نادر : قام من فوق الصبوح ولفت لغاده 👀 يله بسرعه لاتتأخريش أنا مراعي لش فوق السياره معي موعد مع روان مشتيش اتاخر عليها ...

شيماء : سمعت إسم روان وبهررت 🙄 وابسرته موعد مه مع روان من صباح الصبح وبعدا ماهو روان اليوم وهذك اليوم جت معك روان وكل شي روان ..

هاشم : رد عليها ع طول بهنجمه 😠 أسمعي يابنت الناس بغير دحس ع روان هم هكذا وتربوا هكذا عيالنا كلهم مابش بينهم تفرقه لابنات ولاعيال ومابش عندنا هذه بنت عم ولا خال ماتجابرها انتي تزوجتي وسافرتي ماعرفتي طباعنا بس اعرفيها من اليوم .

غاده : فارحه فيها انها بتتهزاء ابتسمت 🙂 يله الان البس بسرعه والحق ..

نادر : طنش كلام شيماء ووجودها وخرج فوق السياره 🚙 يراعي لأخته ...

🌹meme_abdalgaleel



@qesasanani

سأكتفي بك حلمآ 💔

بارت ٢٣

في المستشفى 🏥...

سمر : واقفه فالدرج 👩🏻‍🔬 بتتحاكى مع الدكتور غيث ...

غيث : طيب يادكتوره زيد جربي حاكيها أنتي داريه إننا فعلا شاريها وقلتها ألف مره إننا أشتي أجي من الباب 🚪..

سمر : محتاره 😅 مش داريه ماترد عليه بتقرح أصابيع يدها والله يادكتور ان قد كلمتها بدل المره ألف لك ولغيرك بس روان مقفله هذه الباب من مره ...

غيث : ارتزح عرض السلام 😔 طيب في بالها أحد مرتبطه مع أي شخص لأنه هكذا والله انه قهر بس ..

سمر : احرجت 😅 ماعد دريت ماتقل .. أبسرتها بتخطى نازل .. أشرت لعندها 👈🏻 أقلك احسن شي أنزل لعندها حاكيها أنت وسد منك لها لأننا مثلي مثلكم أشتي أخلص منها وازوجها وضحكت ونزلت بتداعيها ...

روان : ماركزت انها بتدعيها كانت بتخطى لعند نادر 🚶🏻‍♀️ وصل ..

غيث : إبسرها بتسلم ع نادر وهي مبتسمه 🥰 ودخلت معه عيادتها بيحاكى نفسه يعلم الله منهو هذا 🤔 وليش فارحه به هكذا معقوله يكون حبيبها الي رافضه لي علشانه ونزل يسال ويطقس منهو هذا الشخص ..

........ ........ ........

في الجامعه 🏫..


غاده : واقفه مع البنات وصاحباتها 👭🏻 بيتحانبين ع موعد الامتحان ..

صاحبتها : خلاص بغير مضاربه👊🏻 واحده منكن تسير تحاكى مندوب الدفعه تقله انه نأجله مابش وقت نذاكر ..

غاده : وينهو هذا وانا شاسير لعنده مالكن مفتجعات منه أصلا منهو مندوب الدفعه حقنا ماقد دريتش منهو وبتضحك 😂..

واحده من البنات : بتأشر لها لعند وائل 👈🏼 هذاك اللي لابس شميز كبدي 🙍🏻‍♂️...

غاده : إبسرت وأنه وائل أحرجت من البنات 😅 ماتشتيش تسير .. هاه هذاك طيب من عتسير لعنده ..

صاحبتها : بتضحك عليها وتغمز 😉 من عيسير لعنده أكيد انتي عادش بتقلي ليش مفتجعات منه هيا سيري ياقمر ورينا الهنجمه حقش ههههه ..

غاده : أحرجت من البنات 😅 وتشتي تكابر بنفسها وماتحسسهن بشي تمالكت أعصابها وشلت نفس عميق وخطيت لعنده 🚶🏻‍♀️..

وائل : واقف مع صاحبه 👬🏻..

غاده : يييه يا مدري ايش إسمك ..

وائل : ضحك هههه 😂 وقرب لعندها أسمي وائل وبعدا مسرع جيتي لدفترش 📒 أنتي قلتي ماتشتيه ..

غاده : بتتحاكة بزنط 😠 وهنجمه ايوه مشتيه واشبع به أنا جيت بخصوص الإمتحان وبصفتك المندوب تحاكي الدكتور نشتي نأجله البنات كلهن معترضات ع الموعد ..

وائل : بيتفرجها بإبتسامه 😊 حاضر شاحاكيه بس مش علشان خاطر البنات علشان خاطرش أنتي بس لأننا أشتي تدي درجات عاليه وتذاكري ..

غاده : ضبحت ونفخت في وشه 😤 استغفر الله العظيم بس والخباله وفلتت وخطيت 🚶🏻‍♀️..

وائل : لفت لصاحبه ع فكره كل يوم بيعجبني زرتها وجلافتها أكثر 😉...


🌹meme_ abdalgaleel



@qesasanani

سأكتفي بك حلمآ 💔

بارت ٢٤

نادر : جالس فالمكتب عند روان بيتفرجها سكته لانه حاسس انها متوتره 😕..

روان : جالسه فوق مكتبها في يدها التلفون 📱 ليش ماقد طلعتوهن مراعيه من الصبح ماقد كملت كلامها الا وقد الممرضه دخلت والفحوصات في يدها ...

الممرضه : حطتهن فوق المكتب هاه دكتوره اتفضلي الفحوصات الي طلبتي 📑 ..

روان : حست قلبها نزل ركبها وكان يدق بخوف 💓 ويدها بترتعش بقوه .. لفتت للممرضه ادعي دكتوره سمر بسرعه الان ..

نادر : ابسرها خايفه استغرب 😟 مالش ياروان والله لو قدهن ورق اعدامي ماتصفري هكذا ومسك الورق يشتي يفتحهن 📑 ..

روان : سحبتهن بسرعه من يده وملامح الخوف باينه عليها 😥 عتجي سمر تفتحهن راعي ..

نادر : حس بخوف 😟 بس حاول يمسك نفسه وقف روان مالش مابه سعم ماعيطلع هي غر جرثومه مالش مأفوره الموضوع ..

روان : ماسكه الفحوصات📑 في يدها بقوه لايشلهن .

سمر : دخلت بتتفرج لهم 😥 الوضع شكله مكركب ومقلق . هاه روان تشتيني ..

روان : مكنتها الفحوصات 📑 وجلست فوق الكرسي 🪑خلاص ماعد قدرت تمسك نفسها افتحيهن ..

نادر : بيتفرج سمر ووجهه بيعرق 😓 من خوف روان افتجع .

سمر : فتحت الفحوصات 📑 وبتقلب الأوراق ووجهها بيتقلب 😟 وتبسر روان مره ونادر مره ...

نادر : ماعد قدر يمسك نفسه مد يده يشتي يبسر مافي الورق 📑...

سمر : سحبتهن بسرعه راعي 📑 لحضه اوذا شاقلكم ...وبعدا مالك مسنب إجلس ..

نادر : ماعاد قدر يتماسك وارتفع صوته 😠 ماااهو مابه والله لو قد فيني كانسر ماتفعلين هكذا ..

روان : خلاص أيقنت أن النتايج كانت صح كانت تحس كل شي قدامها كانه حلم ودموعها كانت تنزل من نفسها 😭...

سمر : إبسرت نادر .. بزعل 😔 إهداء كل شي وله علاج قد العلم اتطور وكم حالات أتعالجت واليوم عايشين حياتهم طبيعي يعني مش أنت وحدك بس ...

نادر : كان يتفرجها وقف وكان يضحك مهستر 🤣🤣 مااهو كانسر صح ههههه يعني أنا مريض فيني سرطان صح هههه أكيد كانسر فالمعده صح ههههه ويتفرج لروان قد شاموت يابنت عمي روان شامووت ويضحك 🤣🤣...

روان : بتبكي 😭 تعوذ من ابليس يانادر اذكر الله وقربت لعنده مسكته وجلسته فوق الكرسي 🪑 ..

نادر : كان يتفرجها ويضحك وعيونه دموع 😰 روان عتوبهي لعيالي صح أمهم مابش عليها ركنه إبسرتي كيف ضيعت يوسف وانتي لقيتيه إحلفي لاتوبهي لعيالي ...

روان : ماعاد قدرت تتمالك نفسها كانت تبكي بقووه 😭 وتصيح نادر بسسسس بطل خباله عتعيش مالك بطل تتفول ع نفسك عتفتهن كل الناس بتمرض ..

نادر : وقف ويشتي يروح .. تسلمي ياروان تعبتش معي انا شامشي وبيخطى 🚶🏻‍♂️..

روان : بتلحقه وتداعيه نادر لحضه ناااادر ماحست بنفسها إرتجمت للأرض أغمى عليها 😔...

نادر : لفت ع طول وهي مرجومه حمل لعندها 🏃🏻‍♂️ يبسرها ..

سمر : بتفوقها وتداعي أحد من الممرضات معاها..

غيث : كان قريب من عند مكتبها قلبه بيفور ❤️ يشتي يعرف من الي داخل سمع الصياح والدوشه دخل بسرعه وبداء يفوق روان هو وسمر ...

نادر : جالس فوق الكرسي مقهور ع نفسه 😔 ومقهور ع روان انها دوخت بسبب زعلها وقهرها عليه حاسس نفسه في دوامه مش عارف إيش يسوي ولا كيف يتصرف ولا كيف عتكون حياته من بعد اليوم ....


أوقات أعراض مرض بسيطه نهملها محد يتخيل إنها تكون مرض مميت 😔 ياقهرري عليك يانادر منين تلاقيها وياقهري عليش ياروان الشخص الي تمنيتيه يحصل شي يوجع قلبش عليه ....

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ٢٥

بعد مرور يومين من الصمت والهدوء ...

في بيت هاشم 🏠...

شيماء : بتصحي نادر من النوم 😴 بعدت البطانيه مم فوقه ... يييه هيا مه عتسير عملك ولا عتمكنها كسل ..

نادر : فتح عيونه إبسرها بدون أي تعليق سحب البطانيه غطى وشه ورجع يرقد 😴...

شيماء : بتحطم .. ماهو هذا الجنان يومين ممكنها رقده طول اليوم هذه ماعدهيش عيشه وخرجت وهي بتتكلم🚶🏻‍♀️ ....

حوريه : سمعتها 👂🏻 هيا ماقدلش من صباح الصبح .. يابنتي قوى المره ماتجلس تدحس وتضبح زوجها وتنكد عيشته ...

شيماء : بتحطم 😏 كان مفعل ماهو يومين ماناش داريه مافيه ولا ماجغر له الطبيعه يومين وهو قالب صوره من حين رجعت ولابيحاكيني وطول اليوم راقد حتى عمله مابيسرش وتلفونه 📱مغلق مافعل ادعممه ..

حوريه : يمكن يابنتي عادهو غاثي منش حين ضاع يوسف وحين حنقتي وفلتي البيت .. لما يقوم أنا شاحاكيه الله يهديكم بس ...


....... ....... ........

في بيت عادل 🏠...

عادل : كمل يلبس وبيداعيها هيا ياروان قد انتي جاهزه ...

روان : بتنزل من الدرج والشنطه في يدها 👜 وبتلبس الطرحه .. يله الان بسرعه البس الطرحه بس ..

عادل : ضحك عليها قصدش اعلق الطرحه فوق راسي بس ههه أنتي وطرحتش هذه الي ماثبتت وكودها بتطحس 😂...

روان : خزيت 😅 مفعل والله ان كودي بينثبتها بس مابترزاش ...

عادل : نسير ذلحين نصتبح خارج ولا عند جدش ونحاكيه مدام ونادر مغلق تلفونه 📱...

روان : أنا من رائي🤔 تتصلوا لبيت عمي لو نادر فالبيت نسير تدخلوا تشلوه بالغصب ونخرجه معانا ونتفاهم معه هو اول قبل مانحاكي جدو ...

عادل : إسمعي إتصلي📱 لعند سندس أنتي تأكدي لو هو فالبيت سيرنا مشتيش قد نفجع عمش ...

روان : خرجت تلفونها من الشنطه 📱 واتصلت لسندس وتأكدوا ان نادر فالبيت ..

....... ....... ........

في بيت الجد قاسم 🏬..

الجد قاسم : بيحاكي التلفون 📱 ياابني والله ان قد قلت لكم مارضيتش البنت ولا ما انتوا ونعم النسب ونتشرف بكم بس البنت مارضيتش ..

أبو العريس : ناهي ياعم قاسم وانتوا الكبير عاد لكم كلمه وتقدروا تقنعوها قدلنا شهرين وإحنا سيره وجيه لوتشتوا وساطه عندخل ...

الجد قاسم :قدهو محرج منه 😅 يابني والله ماهو موضوع وساطه وانتوا تدقوا الباب وتدخلوا ع طول بس قدك داري ماعد أحد يقدر يغصب بنات هذه الأيام بس والله لا أزيد أجرب أحاكيها وغلق من عنده وأتصل لعند روان ...

روان : فوق السياره 🚙 جنب ابوها في طريقهم لبيت هاشم .. جاوبت .. حيا بجدو حبببي كيف انتوا ...

الجد قاسم : غاثي منش ..

روان : بإستغراب 😱 يووه مافعلت ماسخاني عليكم ..

الجد قاسم : حطيتيني في موقف محرج مع الناس عادهم اتصلوا لي يشتوا خبر ...

روان : إبسرت أبوها وإبتسمت ☺️ لحضه بابا يشتوا يحاكوكم .. وغطت السماعه بيدها 📱 جدو بيدحسوا ع العريس تفاهموا معاهم انتوا ومكنته التلفون ....

عادل : تكلم مع ابوه واتفقوا انه يمر لعنده بعد مايكمل مشواره هو وروان ...


🌹meme_abdalgaleel


@qesasanani

سأكتفي بك حلمآ 💔..

بارت ٢٦

في بيت هاشم 🏠..

عادل : بيداعي يييه يا اهل البيت يانادر ..

سندس : فتحت له الباب 🚪اهلا بعمو وقربت تسلم عليه 😘 .

عادل : عاد ابوش هانا ولا قد خرج ..

سندس : مع قد خرجوا ودخلت معه وينهي روان مادخلتش .

عادل : مراعيه لي فوق السياره 🚙 إطلعي ادعي نادر قليله إننا هانا مراعي له إشتيه ضروري يجي معي لعند صاحبي يشتيه في شغل ولا تبيني له إن روان قد اتصلت بتسأل عليه ...

سندس : طيب حاضر الآن وطلعت تقيمه يجاوب 🚶🏻‍♀️..

نادر : مرهق تاعب .. بزعل 😒 بينه وبين نفسه شغل مه الي يشتوني فيه قد شاموت وعاد حسهم في شغل قام لبس ونزل لعند عمه .. صباح الخير

عادل : إبسره وقف .. ياصباح الأنوار هيا مالك هكذا مالك ماتحلق دقنتك 🧔🏻 نشتي نسير نبسر الرجال ..

نادر : بلا مبالاه حرك يده 👋🏻 ابردوا بس وبعدا أنا نزلت أبسركم بس وابسر صاحبكم مايشتي مشنا حق شغل بس ماشاكسفكم ...

عادل : يله إسهل شاقله سحبته وهو راقد حتى ماخليته يحلق ..

نادر : خطي معه وهو بيتفرج له وبيحاكي نفسه 🤔حاسس انه مش عارف شي معقول روان ماقالت له شي .. خرج معه وصل للسياره إبسر روان إستغرب 😧 وأنتي مابتفعلي هانا ..

روان : إبتسمت له 😊 مابش معي سياره🚙 معطله، بابا عيوصلوني بس قالوا عيجوا لعندك ويحطوني ..

نادر : طلع فوق السياره🚙 معاهم وخطيوا ...

عادل : وقف باب المطعم 🏪 يله إنزلوا نصتبح اول وبعدا اوصلش ونبسر الرجال ..

نادر : لفت له 👀.. إنزلوا انتوا بالعافيه عليكم مابش نفس شابع ..

نادر : بهرر فوقه 😠 مابش عندي شابع يله نزله انت وياها قدامي ...

....... ....... ........

في المستشفى 🏥

غيث : أخيرآ عرف منهو الشخص الي كان معاها ... آها يعني طلع إبن عمها ..

دكتور المختبر : ايوه اصلا هي كانت مهتمه قوي بفحوصاته وحتى اول مره تصيح 😠 وأبسر دكتوره روان قلقه بهذه الطريقه ..

غيث : يعني طلع فيه كانسر وكانت بتبكي 😭 ودوخت علشانه .. يله تسلم يادكتور ألف شكر ... وطلع شل بياناته من عند الموظفه حق الاستقبال ....

...... ...... ......

في المطعم 🏪...

عادل : بيصتبح بشراهه ويجابرهم ويضحك 😂 يشتي يغير نفسيه نادر ...

روان : بتاكل لقمه وتتفرج لنادر زاعله عليه 😔..

نادر : اللقمه في يده ييتواله بس لايكسف عمه ...

عادل : لفت لعند روان ورجع يبسر نادر 👀 ذلحين ماعنفل يانادر ...

نادر : يشتي يسنب قام من الكرسي 🪑 هيا نخطي ع طول جاهز نبسره ..

عادل : أشر له بيده ✋🏻 إجلس إجلس نبسر من ... مابش معي لاصاحب ولاهم يحزنون ولا شاوصل هذه اي مكان ..

نادر : إستغرب 😧 ماهو يعني ..

روان : يعني حركه فعلتها أنا وبابا علشان نجي نخرجك لأنك مقفل تلفونك 📱وماقدرت اتواصل معك ومانشتيش نبين حاجه قدام عمو والباقي ...

نادر : هز راسه بضبح 😤 آاااها يعني من الأخر فيلم هندي ..

عادل : ذلحين أيحين عنبدأ العلاج وماعنفعل تشتي هانا ولا نسافر ولا ماقررت ...

نادر : لفت لروان بسرعه 😓 قلتي لهم ..

روان : بابا اول شخص عرفوا والنتايج ماضاعت انا خليتك تعيدهن نتاكد بس ذلحين خلاص قد إحنا أمام أمر واقع لازم نبداء العلاج ..

نادر : ضحك بسخريه 🤣 علاج مه سرطان ياروان يعني مووت ليش وأنا أزيد اتعب نفسي وكيماوي وأموت كل يوم من وجعه خليني اكمل ماعاد باقي لي من عمري مع عيالي يرجعوا يتذكروني وانا سابر مش يتذكروا ابر ومستشفيات ...

روان : بزعل 😔 وقهر ... تنهدت تعوذ من الشيطان يانادر ليش تقل هكذا وبعدين الحمدلله حالتك عادها فالبدايه قد تواصلت مع دكاتره كبار هانا وفالهند وقالوا لي به امل ليش ترفض العلاج ...

عادل : ببهراره😠 ماعيرفض شي وعيتعالج غصب عنه مشو برضاه ..

نادر : بقهر 😔 مشتيش احد يرحمني ويبسرني بشفقه ويزعل عليا لما شعري يتشاقط ولما يبسروني في جرعات الكيماوي وأنا بينتعذب خلوني هكذا لما اموت فجاءه بدون ما أعذب احد معي ويتوجع ولوسمحتوا أنا داري إنكم عتحترموا قراري وماعتكلموا أحد بأي شي ع مرضي وعنقفل الموضوع ...

حاولوا يتكلموا معه ويحاولوا يقنعوه ولاقدروا يوصلوا معه لنتيجه .. كملوا يصتبحوا وساروا بيت الجد قاسم علشان يشوف موضوع روان ونادر سار معاهم 😔..

🌹meme_abdalgaleel



@qesasanani

سأكتفي بك حلمآ 💔..

بارت ٢٧

في بيت الجد قاسم 🏬...

في غرفه الجده خديجه ...

روان : دخلت عند جدتها تتطمن عليها كيف قدهي ...

خديجه : ممدده فوق سريرها 🛌🏻بتصيح فوقها 😡 اين انتي لليوم حتى ولاعاد أتصال صح كيف رجعتي ياروان ..

روان : باين عليها الزعل 😔 أنا آسفه قووى سامحوني والله إننا أنشغلت قوي ماعاد ركزت في حاجه وأنتوا كنت مطمنه عليكم لأنه برد وثاني يوم كنتوا أحسن ...

خديجه : قفت وشها منها ولاعد تحاكيني 😞 ولا خلي الأهم مني ينفعوش ..

روان : قربت بتبوس راسها 😘 والله ياماما ماهو برضايا سامحوني ..

خديجه : بعدت راسها ...يله قلي لي ماهو الي اهم مني وبعدا يمكن أسامحش ...

....... ....... ......

في الحوش 🌲🌳...

الجد قاسم : جالس تحت الشجره بيقشر تفاح 🍎..

عادل : جالس جنب أبوه هو ونادر ..

الجد قاسم : قطع تفاح 🍎 وبيمكنهم ..

نادر : إسلموا عادنا كملت أصتبح ..

عادل : شلها من يد أبوه ومكن نادر وبيأشر له شلها 🍎..

نادر : فهم إن عمه مايشتيش يحسس أبوه أنه مابيقدرش يأكل ويرجع يتحانبوا ويدرى ..شلها وفعل نفسه إنه بيأكل ..

الجد قاسم : ذلحين يا إبني ماخبر بنتك الناس اتصلوا لي وجالسين يحرجوني الرجال شاري البنت ويشتوا يجوا وعيدوا وساطه ..

عادل : ضحك هههه ياحج قد انتوا داريين وأنا أشتي بنتي تختار حياتها برضاها وتقرر وتختار الشخص الي تشتيه هي حياتها هي مش حياتي ..

نادر : لفت لعمه 👀 يعني منين عتدي هذه الطبيعه طالعه لكم عنيده كم قد الكل تراشاكم تتزوجوا وانتوا رافضين ..

عادل : لأنك لو عرفت عمتك الله يرحمها سواء وعشت معاها عتعرف إن ماعدفيش مره فالدنيا بعدها ممكن أحبها ...

نادر : الله يرحمهم😔 أذكر حاجات بسيطه كانوا طيبين قوي وأذكر كيف زعلتوا عليهم فالموت قوي ..

الجد قاسم : الله يرحمها ويوسع قبرها ذلحين مابش مجال نقنع بنتك ..

عادل : خلوها اليوم لما نروح شازيد اتحاكى معاها ونبسر كيف وشاردكم خبر وماهو مكتوب من الله عيخطي والله ان نفسي أفرح بها بس برضاها ..

نادر : إبسر عمه 👀 تشتوا أحاكيها لكم أنا لو هي عتقتنع مني.

الجد قاسم : زيد جرب أنت يا أبني يمكن عادك تقدر تقنعها ماعلي هذاك المدلوز لو نقله يحاكيها عيقل عيس خلوها انا شاطلق مرتي وزوجوني بها ..

نادر : اخيرا إبتسم 🙂 ماعلي مجنون الله يهديه خلاص حاضر انا شاحاكيها وابسر ماهو رائيها ..

عادل : انا شدخل أبسر امي اتطمن عليهم كيف قدهم ..

نادر : راعوا لي شاقوم معاكم ابسرهم انا والكل ...


🌹meme _ abdalgaleel


https://tttttt.me/qesasanani/3374



@qesasanani

سأكتفي بك حلمآ 💔..

بارت ٢٨

آيه : دخلت لعند عمتها بتسألها بضبح 😖 ذلحين قدهو ظهر وخالي عادل وروان ونادر عادهم هانا ماهو عيتغدوا هانا ولا عيروحوا ..

أزهار : لفتت لها بربع عين 😏 ليش أو جالسين فوق راسش هم جالسين في بيتهم أو نسيتي ...

آيه : إصترعت 😰 هاااه مابلا قصدي لاهم عيتغدوا هانا نزيد الغداء وأدعي روان تعاوني افعله ...

أزهار : تشتي تحانكها 😜 لاتفعليه ولا تفعليه قد إتصلت لعلي يشتري غداء من خارج حين يروح قلت له ان روان وخاله هانا يشتري لها بيتزا 🍕 من الي تعجبها ...

آيه : ضبحت 😤 ونفخت هيا اتغدوا أنتوا والبرنسيسه حقكم وخطيت 🚶🏻‍♀️ ورجعت لفتت لعندها .. هااه أنا ماشنزلش يعني قلوا للبرنسيسه حقكم ترفع بعد ماتكملوا تتغدوا هو بيتهم ولا ماهو بيتهم الإ لما تجلس تتأمر فيه ...


....... ....... ........

في غرفه الجده خديجه ...

عادل : جالس جنب أمه .. لفت لعند روان هيا يابنتي خطينا هيا نادر ...

خديجه : خطيه مه هذه الساع والله ماتدوا خطوه قدإحنا هانا وزيد إتصل لبيت أخوك يجوا كلهم قد عمتك نبت ع علي يشتري لنا غداء🍕🧇🍱 من خارج خوره كلنا ...

عادل : قرب يبوس امه في راسها 😘 طيب حاضر ياغاليه امركم الآن أتصلهم وخرج تلفونه يتصل ...

نادر : كان جالس قدام روان بيتفرجها ويبتسم 😊 ..

روان : حست بإحراج خزيت منه ومن نضراته 🥰 وطت راسها وقامت .. لفتت لعند أبوها بابا شاسير أبسر عمتو لو يشتوا اساعدهم بأي شي ..

نادر : لحق بعدها لما خرجت🚶🏻‍♀️ ودعاها ... روان يييه رورو ..

روان : وقفت مكانها تسمرت كان قلبها💓 يدق بسرعه لما سمعت إسم رورو منه ..

نادر : يييه يادكتوره يابنييه ياأنسه ماعد يدعوش تجاوبي وضحك هههه..

روان : لفتت لعنده وهي محرجه 🥰 الي تشتي عادي أي إسم بس عادك ذاكر إسم رورو ..

نادر : ضحك هههه 🤣 اكيد كيف شنساه كم كنت تقرحي قلبي وإحنا جهال تحنقي لو محد قلش رورو وارجع اسير اشتري لش شوكلاته أراضيش كم قد خسرتيني زلط ...

روان : فرحت إن عاده متذكر تفاصيل عنها وهم صغار 😊 .. وكنت أجلس اقلك أنا لما اكبر شاسافر وحدي واوقع دكتوره وأنت تقلي اين دكتوره وأنتي دلوعه هكذا مابلا تدي جلطه للمرضى من دلعش ...

نادر : بحزن 😔 بس ربي أراد إنش تطلعي دكتوره صدق وأنتي الي تعرفي إننا مريض ...

روان : زعلت 😔 نادر لو سمحت علشان خاطر عيالك قبل خاطر اي مخلوق ثاني وافق تتعالج لاتسخاش عليهم ..

نادر : طيب اجلي هذا الموضوع ذلحين وجي معي نخرج الحوش إشتي أتكلم معش في موضوع ثاني ..

روان : طيب حاضر وخرجت معه للحوش ...


🌹meme_abdalgaleel


@qesasanani

سأكتفي بك حلمآ 💔..

بارت ٢٩ ..


في بيت هاشم 🏠..

هاشم : بيداعي مرته ياحوريه هيا ادعي سندس عنسير بيتنا قد عادل أتصل هو هاناك عنتغداء هاناك قد خلوا علي يشترى غداء معه حين يروح ..

حوريه : خرجت من المطبخ والعجين في يدها .. عادنا عجنت خورت افعل لنا بنت الصحن 😅...

هاشم : افعليها وعنشلها معانا ..

سندس : خرجت من المطبخ ...وانا قد جهزت اكل والكل شاديه معانا .. بس غاده عادهي فالجامعه🏫 اتصلوا لنادر يسير لها ...

هاشم : نادر مع عمش في بيت جدش ..

سندس : فعلت يدها في وشها 🤦🏻‍♀️يوووه صح نسيت هو مع عمو من الصبح خلاص نسير نديها ع سيرتنا ..

هاشم : أينه ع سيرتنا بعيده جامعتها مشهي ع طريقنا شتصل لعلي هي قريبه من العمل حقه يسير يروحها معه وأنتين كملين الي في يدكن شرق
و البسين بسرعه نخطى ...


......... ......... ........

في الجامعه 🏫...

غاده : بتتمشى هي وصاحبتها رن التلفون 📱 هاه طيب خلاص شاراعي لك عند البوابه قدك قريب ...

علي : أيوه ١٠ دقايق وأنا عندش عيس إتصلوا 📱لي قبل مخطى من جنب جامعتش🏫 قد خرجت بدري علشان أسير أشتري الغداء شاجي لش اول وبعدا المطعم ..

غاده : ماسكه التلفون في يد 📱 والملازم والكتب في اليد الثانيه 📕الله الله عتغدينا والكل خلاص أنا شتخور الي اشتي يله أقطب مراعيه لك ..

صاحبتها : بتمزح معاها .. الله الله ماقد معانا من عيجي لش ويغديش 😉 ...

غاده : خفهتها 👋🏻 بطلي خباله هذا علي ...

صاحب وائل : كان خاطي وراهن سمعهن بيجابر نفسه 🤔 الله الله هذه الزريه الي بتمكن وائل صروعه أمانه اتصله أقهره انها عتخرج مع واحد عيجي لها خرج تلفونه 📱 وبيتصل لوائل يحكي له ..

وائل : بإستغراب 😮 هيا ناهي لك من الخباله مش وقت الزبج الحامض هذا بتدور لك مجبر هذا الساع صح ..

صاحبه : هييا ناهي لك أنت أنا قلت لك الي سمعت👂🏻 أين أنت جي نسير لعند البوابه وعتبسر بعينك وتدرى أننا ماكذبتش وبيضحك عليه 😂 ..

وائل : انا عند التصوير يله غلق غلق وقدهو مطنن 😨 معقوله بتدقها زره عليا بس وهي تعرف واحد .. حط بقيه الاوراق عند التصوير خليهن عندك لابعدا صورهن وشرجع لك وخطي بسرعه 🏃🏻‍♂️ لعند البوابه علشان يتأكد ..

بعد ١٠ دقايق ...

علي : وصل بالسياره 🚙 واقف عند باب الجامعه خرج تلفونه 📱 بيتصلها انه وصل ..

غاده : ماسكه التلفون 📱 بتحاكيه وخرجت بتدور اينهو إبسرت السياره 🚙 عرفته فتحت باب السياره وطلعت ..

علي : شغل السياره وخطي 🚙..

وائل : كان واقف بيتفرج مصدوم 😱 معقووول هذه غاده الزريه ..

صاحبه : خفعه من وراه بالكتاب 📕 وبيضحك هههه هيا مه ناهي لك انت أو أنا هيا صدقتني إننا مابينكذبش هيا أخطى غديني بحق ماكذبتني 😂...


أوقات التفكير الغلط وسوء الظن يخلي الواحد يفسر ع كيفه ويحكم ع الناس من وجهه نظره رغم إن الحقيقه مختلفه تماما فأحسنوا الظن وإلتمسوا سبعين عذر للشخص ...

🌹meme_abdalgaleel



@qesasanani

سأكتفي بك حلمآ 💔..

بارت ٣٠

في بيت الجد قاسم 🏬...

نادر وروان فالحوش عند المدرهه 🎡...

روان : ماسكه السلاسل حق المدرهه 🎡 تصدق كم قد لي من المدرهه هذه قدنا ناسيه أيحين أخر مره لعبت فيها إنشغلت دراسه وجامعه ومستشفى🏥...

نادر : وذلحين العبي بها كل ماتلقى فرصه .. وإبتسم هيا إطلعي وأنا ادهفش مثل زمان ع قولتش طيرني لعند السماء 🙂..

روان: ضحكت بخزا 🥰 هاه .. مع مع شرجع اخرج بعدا لما تجي سندس وغاده ونلعب جمعه .. ذلحين قلي ماهو الموضوع الي تشتي تحاكيني فيه ...

نادر : ارتزح عرض الحديده حق المدرهه ورفع رجله لعرضها وابسرها .. ذلحين قلي لي انتي ليش جالسه ترفضي أي عريس بيتقدم لش ومش موافقه تتزوجي قلي لي الصدق ماهو السبب في شخص في حياتش ...

روان : يبست أرجلها وجسمها كله دخن وقلبها كان يدق بسرعه 💓وتغيرت ملامحها 😅 ماعرفت ايش ترد عليه نزلت راسها ع طول للأرض ...

نادر : ضحك 😂 ههه جبر الي بتخزا يعني كلامي صح في شخص في حياتش ..

روان : حاولت تتماسك وتتحكم بنفسها .. رفعت راسها وحاولت تتكلم بجديه 🤷‍♀️ بدأءت تتكلم وهي بتحرك أيديها ... لا طبعا مافيش أحد وأنت تفكيرك غلط وشاقلك مثل ماقد قلت للكل بس محد فهم مش مقتنعين أنا لو تزوجت يا نادر من عيجلس عند بابا ويهتم فيهم بابا رفضوا أي مره تدخل بيتنا غير ماما الله يرحمهم علشان مايدوا لي مره اب وأنا تشتيني أتزوج وأفلتهم ...

نادر : نزل رجله ... بس ياروان هذا مش سبب مقنع عتتزوجي وتكون تسيري عندهم وتملي لهم البيت احفاد 👶🏻👧🏻 وتفرحيهم ..

روان : مرتبكه وماتشتيش تجلس تتكلم معاه في هذا الموضوع 😅 .. هيا ندخل نبسر عمتو لو يشتوا مساعده ..

نادر : لفت لها ... روان ليش رافضه العريس الي قالوا لش جدو الناس اليوم إتصلوا 📱لهم وجننوهم الرجال شاريش وقال مستعد يزيد يدخل وساطه وعيجلس هكذا لما توافقي ...


روان : إبسرته وسرحت 😓 وفي داخلها بتكلم نفسها ماوافقتش لأننا بينحبك ومشتيش أكون لشخص غيرك ...

نادر : بيحرك يده عند وشها 👋🏻 ييييه من بينحاكي مش وقت الطنانه .. بينقلش ليش ماتواققي عليه جدو موافقين وعمو عادل وطلبوا مني إننا احاكيش علشان أقنعش يشتوا يفرحوا بش ...

روان : تشارغت عيونها بالدموع 😰 وحست قلبها إنكسر فوق ماهو 💔 تقنعني انت أوافق وبنبره حزن ... طيب وانت إيش رائيك ...

نادر : رائيي إنه نسأل ع الرجال ونشوف كيفهو ولو كل شي تمام نتوكل ع الله وإبتسم🙂 ومالش الا اخليش تبسريه ولو تشتي والله لأخرج معه مكان وانتي معانا تعرفيه لأننا داري بش مش اي شخص يدخل مزاجش بس ترضي...

روان : حست جسمها كله مثلج ونزلت دموعها من نفسها ع طول 😰 ومسحتهن بسرعه .. طيب يانادر مدام وانت الواسطه الي عتقنعني أنا موافقه بس معي شرطين إشتيهن يتنفذين ...

نادر : موافق والكل عيوافق عليهن أنتي أمري بس وكل شي عيتنفذ ....

علي : دخل من الباب هو وغاده وفي إيديهم 🍱🍛🍲🍜 الغداء إبسروهم بيداعوهم هيا غداء قطبه قبل مايبرد ..


أصعب موقف لما الشخص الي تتمناه طول عمرك هو الي بنفسه يقنعك ويترجاك تكون لشخص غيره ..
إيش رائيكم إحساس موجع صح من قد جرب هذا الشعور يحكي لنا وإيش تتوقعوا تكون شروط روان علشان توافق 🤔...

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..
بارت ٣١

فوق الغداء 🍲🍜...

شيماء : جالسه جنب آيه ..بيتجابرين عيس إنش صدقتيني ونزلتي خبلاء كنتي تشتي تخلي زوجش يتغداء وهي هانا وحده ...

آيه : دكمتها 💪🏻 بيدها .. اووص لايسمعش كما قدهو متحلف لي لو يشم خبر بس إننا اتحاكيت عليها مدري ماعيفعل بي ..

شيماء : لكن إبسري👀 يعلم الله مالها اليوم مطننه من أول ولا بتتحاكى وتجابر ..

روان : جالسه موطيه مطننه و الملعقه 🥄 في يدها بتتواله بها بتحركها يمين وشمال ...

أزهار : إبسرتها مطننه 🤔 هيا مالها الرواني حقنا مابتاكلش بتلعب بالملعقه من اول ..

روان : رفعت راسها 😅 وإبتسمت إبتسامه بالغصب .. هاااه الا الا أكلت قدنا شابعه الحمدلله .. وقامت ..

عادل : لفت لها👀 .. رواان مسرع عادش جلستي مسرع شبعتي ...

روان : عاد الصبوح ماقد اهتضمش ...

نادر : حس إنه السبب لأنه ضغط عليها وكلمها حط الملعقه من يده 🥄 وقام لحقها 🚶🏻‍♂️...

الجد قاسم : هيا ناهي لنا وهذا ماقد له قام مسرع شبع ...

هاشم : قدهو هكذا من حين رجع قد أكله خفيف معدته بتوجعه ...ورجع يتجابر هو وابوه ..

غاده : بتحطم هي وسندس ع شيماء وآيه حين هن جنب بعض ...

آيه : دكمت شيماء قوومي ياخبلاء إبسري زوجش مسرع قام بعدها خاصه وقد قلتي قد كودهم اخر فتره جمعه واليوم قلش عيخرج هو وعمه وانهم هانا جمعه👿 ...

شيماء : دخل ابليس😈 راسها خاصه انهم صدق جمعه في بيت جدها من الصبح قامت ولحقت بعدهم ...

نادر : ابسر روان خرجت الحوش لحق بعدها 🚶🏻‍♂️...

روان : جلست تحت الشجره 🌳 ونزلت دموعها بتبكي 😭 ماعد قدرت تمسك نفسها ...

نادر : جاء من وراها ابسرها بتبكي 😭 خرج من جيبه منديل ومكنها ... روان أنا أسف لو زعلتش ...

روان : لفتت له 😭 وبتسمح عيونها ايحين جيت بعدي ..

نادر : مكنها المنديل .. أول ماقمتي وبعدا شلي المنديل عتجلس يدي هكذا ممدوده ...

روان : شلت المنديل من يده وبتمسح دموعها 😰 ...

نادر : أنا أسف ياروان😔 شكل كلامي زعلش وتدخلت بخصوصياتش وتصرفش هذا أثبت لي فعلا إن في شخص في حياتش مهما حاولتي تخبي بس لاتهميش عادي شاحاكي عمو واقلهم ماقدرت اقنعش بس افتحي لي قلبش ياروان ❤️ وقلي لي منهو وأنا مستعد اساعدش إذا أعرفه فينهن عيونه هذا الأعمى الي مابيبسرش احد تكون قدامه هذه البنت ومايبسرها ...

روان : بدون تركيز خرجت مع القهر والبكاء 😭 قالت له لانه اعمى صح ...

نادر : مقدرش يمسك نفسه من موقفها ضحك 😂 طيب يا اعمى قليلي منهو وانا اخليه يبسرش بعشر عيون مش بس بثنتين ..

روان : خزيت منه وركزت 😅 هااه منهو مابش احد انا بينلعق ع كلامك بس وبعدا انا قد قلت لك خلاص موافقه ...

شيماء : كانت واقفه عند الطاقه لما لحقتهم بتتفرجهم بس ماقدرت تسمع الكلام بتجابر نفسها 😡 بعصبيه طااايب ياروان انتي عتبسري من اليوم منهي شيماء يعني مايكفيش علي لليوم يشتيش تشتي تزيد تشلي زوجي مني صبرش عليا ....

🌹meme_abdalgaleel



@qesasanani

سأكتفي بك حلمآ 💔..

بارت ٣٢..

نادر : بيتفرجها وحاسس انوفيها شي 🤔 مااهو موافقه كيف موافقه وانتي كنتي بتبكي 😭 هكذا ...

روان : ارتزحت عرض الشجره وبتمسح عيونها 😰 أصلا انا مخنوقه بس معي مشاكل فالشغل مشو ع موضوع الزواج ...

نادر : ومنهو الأعمى الي قلتي لي قبل شويه وغمز لها 😉 هيا إعترفي لي ..

روان : هزرت غصن شجره 🌿 وبتقطع الورق تبعد التوتر 😅 مابش حاجه اعترف بها أنا كنت بس بينتليقن عليه وبعدين لاتحاولش تغالط انت جاوبني أنت تشتي اوافق ع هذا العريس وأتزوج صح ..

نادر : بإستغراب 🤨 رفع حاجبه ... مش أنا وحدي كلنا نشتي وعتفرحي الكل ...

روان : بتبسر في عيونه 👁️ طيب ولو انت عتكون السبب الوحيد الي فرحه الكل عتكون مرتبطه بقراره عتقل ايوه أو لا وعيتحدد قراري بعدها ع قرارك ...

نادر : لأول مره ركز في عيونها هكذا 👁️ وحس بإحساس غريب بس مافهمش ..🤔 ومستغرب من كلامها ... ماقصدش ....

روان : حست بتركيزه في عيونها👁️ وطت بسرعه اقصد اذا انت وافقت ع شروطي أنا شاوافق ع طول وعتفرح الكل وإذا رفضت شروطي فمعناها رجعوا للناس خبر إننا مش موافقه ...

نادر : 🤦🏻‍♂️ خفع وشه بيده ... ياهمتاه لنا يعني القرار لي قصدش وبعدا الشروط هي للعريس مش لي ..

روان : ماشي .. مشهن للعريس شروطي هن لك وبصوت كله حزن 😔 مكبوده .. أول شرط توافق نبدأ العلاج وثاني شرط مابش عرس الإ لما قدك بخير وكل شي تمام ...

نادر : إبسرها بطنانه قووي 😳 روووان مابتقلي ماهو هذا الجنان أنتي مركزه في كلامش ولا بتجنني علاج إيش الي أبداء وعتربطي نفسش بي ليش وانا ممكن أموت في أي وقت وبعدين عتنخلي عن الي بتحبيه وتتزوجي علشان أرضى أتعالج وتربطي حياتش بي ...

روان : أنا قلت الي عندي يانادر والقرار قرارك انت الي عتختار وانا لو احد سألني إيش رائيش شاقلهم إسالوا نادر الجواب عنده وفلتت وخطيت 🚶🏻‍♀️ وهي مقهوره بتلعب باغصان الشجر🌿 وهي بتخطى ...

نادر : جلس في الأرض مستغرب من تصرفها بيفكر 😳 مطنن مالها هذه بتجنن تشتي أتعالج وربطت حياتها بقرار مني كيف أفعل أنا ذلحين مشتيش أتعالج وفي نفس الوقت الكل يشتي يفرح بها مالي حطيت نفسي في هذا الموقف لو ماكانش تدخلت كان احسن مشتيش أتعالج وأعذب نفسي كيماوي ... جلس يتكلم بينه وبين نفسه ويفكر في حل 🤔...

روان : دخلت وهم كلهم جالسين داخل مبسوطين وبيتجابروا وبيضحكوا حست انها ماعتقدرش تجلس مخنوقه قربت لعند أبوها ... بابا ممكن تدوا لي السياره 🚙 إتصلوا لي من المستشفى به حاله إسعاف ومابش معي سياره ولو عتجلسوا هانا شرجع امر لكم أروحكم ...

سندس : إبسرتها 😧 يوووه ماهو هذا ياروان قدحنا فارحين كلنا مجتمعين نجلس جمعه ..

قاطعتها آيه : لاتصدقيهاش ولا أنتي غر إخطي بعد عملش محد عينفعش وبعدا تكسبي لش اجر عند الله احسن لش من الجلسه هانا ...

علي : لفت لها بعصبيه 😡 وبهرر فوقها تسكت ...

الجد قاسم : خلي احد ثاني يسير يابنتي المستشفى 🏥ملان دكاتره ...

روان : شاكمل بسرعه وشاروح عندكم اليوم إشتي أرقد عندكم ولفتت لجدتها عترقدوني عندكم ياماما قدنا فاقده للرقده في حضنكم ...

خديجه : فرحت 😃 يوووه ماعزش ومغلى هيا اخطي بسرعه لاتتاخريش ..

عادل : مكنها المفاتيح حق السياره🚙 ووقف.. خطي معاها لعند الباب ع فكره أنا داري إن مابش أحد أتصلش أعرف بنتي لما هي متضايقه أخرجي أفعلي لش لفه ولوسمحتي لاتسوقيش بسرعه وع فكره محد عيغصبش ع شي أنتي ماتشتيه والقرار الاول والأخير هو لش ...

روان : حضنته وباسته 😘 الله يحفظكم لي يارب ..

عادل : ويخليش لي.. يله لاتتأخريش وأرجعي بحين وعنرقد😴 اليوم كلنا عند امي ..

شيماء : بتتغامز هي وآيه غبني ع قلبش عادها اليوم عترقد عندش ..

آيه : عوجت فمها 😏 إبردي لش من الرقده اليوم اول قومي إبسري زوجش أينهو مدام قلتي كان بيتجابروا وتبكي يعلم الله ماوقع اقطع يدي إذا به مستشفى 🏥 مابلا لاهي تشتي تفعل حركات سعم انها زاعله منه روان هذه مش بسيطه تشتي تخلي الكل يحبها ..

شيماء : ابليس زاد لعب في عقلها 👹 أكثر بعد كلام آيه قامت تبسر أين زوجها وإنه جالس مطنن فالحوش فدخلت ع طول لعند آيه وبدأين يحللين ويفسرين ...

🌹meme_abdalgaleel



@qesasanani

سأكتفي بك حلمآ 💔..

بارت ٣٣ ..

بعد يومين ....

في الجامعه 🏫....

وائل : بيحاكي واحده من البنات تدي له رقم غاده ...

البنت : بتضحك 😂 يعني مالقيت الا غاده هاشم وتشتي رقمها ع فكره ماعتعبرك ولا عتدي لك وجه ..

وائل : ضحك بسخريه 😏 هه هو تحت المدني ألف جني لايغرش ..

البنت : مستغربه 😮 يووه منك صدق سعم تشتي تقل إنها بتدقها حركات بس ..

وائل : بالضبط وفعل بيده 👍🏻 لذلك ادي لي رقمها وإطلبي الي تشتي ..

البنت : إبتسمت 😄 خلاص تعرف رقمها اليوم وهو عندك ...

...... ...... ........

في بيت هاشم 🏡..

نادر : بعد طول تفكير .. قرر يتصل لروان يقلها رائيه .. خرج تلفونه 📱 وبيتصلها ...

روان : راقده 😴 في غرفتها .. مخنوقه من كل شي مقهوره ع مرض نادر وزاعله انه الي طلب منها توافق وتتزوج ..حتى دوامها مابتسير ..تلفونها 📱رن إبسرت إسم نادر ردت .. ألوو ..

نادر : صباح الخير يادكتوره ..هذا صوتش نوم 😴..

روان : صباح النور .. أيوه عادنا نوم ..

نادر : إستغرب 🤔 ليش مابش معش دوام ...

روان : بصوت حزين 😔 الإ بس مابش نفس أسير ..

نادر : طيب ياروان ليش الزعل😔 هذا كله والله إننا مقهور قوي انش زاعله بسببي ..

روان : جلست وفتحت عيونها 👁️ ... من قال إننا زاعله أنا مراعيه لقرارك بس ..

نادر : طيب حاضر ياروان ... وأنا شاقلش قراري بس قومي البسي مدام عادش راقده😴 لذلحين فمعناها عادش بدون صبوح تجهزي وشاجي لش اصبحش واقلش قراري يله اتجهز بسرعه واجي ...

شيماء : ع دخلتها للغرفه سمعته 👂🏻 قلبت صور 😠 وبتمد يدها .. الله الله ليش ما روان هانم مقهور إنك زعلتها وعتسير تصبحها وبعدا قرار ماهو هذا الي عتقلها وأنا بتقهرني لما تقل بس ما اعرفك تراضيني والان اشتي افهم مابينكم في بيت جدك بتراضيها وتدي لها مناديل تمسح الدموع وبعدا هي فلتت وخرجت وانت جالس مجغور واليوم بتتاسف وعتسير تصبحها 😠... هذه البنت مابتدور يعجبها خراب البيوت تشتي تلم رجال العايله حولها ماكفاهاش علي قدها بتلف عليك ...

نادر : بيسمعها👂🏻 سكته ولا رد عليها مخليها تصيح قام يفتح الدولاب بيخرج له ملابس 👕👖..

شيماء : شبحته بتهزوره 😡 يييه من بينحاكى مابش خرجه لما الان تفهمني مابينك أنت و خطافه الرجال هذه أين الي بيبسروها مثال للأخلاق يجوا يبسروها وهي تشتي تشل رجال ع مرته وعياله قليل الادب ..

نادر : بدون تفكير لطمها في وشها 👋🏻 اخر مره شسمح لش تغلطي ع روان وقبل ماتذكري أسمها فكري الف مره.. روان هذه تسوى راسش بكله وهي بنت عمي واختي وأي تفكير غلط في راسش إبعديه قبل ماأبعد راسش ...

شيماء : بتبكي 😭 والله ماراحت لك يانادر بتضربني اناشاسير بيتنا ودور كيف تجي ترجعني ..

نادر : بضبح 😤 سيري الله معش ولاتنسيش إنش الي رجعتي نفسش بنفسش محد رجعش بس عيالي مابش لهم سيره .. شل ملابسه 👕👖 وخرج من الغرفه وصرع الباب في وشها ...

يعلم الله إيش قرارك يانادر 😅

🌹meme_abdalgaleel


https://tttttt.me/qesasanani/3374


@qesasanani