💕 بارت 3



سيده : يابنتي قووى جي قربي الغداء ..

رهام : عمرها 16 سنه طويله شعرها أسود طويل عيونها عسلي بيضاء صف ثاني ثانوي ...

يووف يا أمه قدنا تاعبه عادنا ماقد خلستش لداه المدرسه خلوا نسوان أخوتي .

سيده : تنهدت أح يابنتي مانفعل ماعيرضينش عيقلين هو دولش قدنا بينفعل العمل بدلش في دولش ماعد بينخلي لش إلا القرآب والغسوله .

رهام: رجمت شنطتها يوووف لهن نسوان أخوه ماقد إبسرتش أحد يداول واحده بتقرى إلا هي سعم كثرنا هو مابلا أنا وانتوا وسامي مدرى ماعنأكل سعم .

سيده : هيا إقطبي من اللقانه شرق وإدعيهم غداء ...


.........


الشيخ ناصر: نجات ييييه بيصيح ..

نجات: هآه شيخ حاضر ....


الشيخ ناصر: دوري مره لإبنش نزوجه بدع بنا لالحق الله بخير ماردوه أمس إلا سكران من وسط القسم شبحوه الشرطه ..

نجات: 😱😱 يووه يافضيحتاه قد قلتلك ياشيخ الدلع عيمحقه .

الشيخ ناصر: رجم القاروه الماء من يده الله يخزيه سعما خزا بنا أقوم أتصله ...



مريم: سمعتهم حملت تتصل لإختها سلوى تقلها ماحصل ..



سلوى: 😱 يووه قد بنقلهم ماصدقوش الله يهديه عادنا قلت أتصل أبشركم قدنا واحمه ...

مريم: 😁 صدق ألف مبرووك ياروحي أسير أقل لأمي .

سلوى: مع شاجي بعدا وأقلهم أنا .


مريم: يله تمام وأنا مراعيه لش ..



......


رهام : هيا أخطى أذاكر ماذلحين تميت أغسول ..


سيده : خلاص اخطي يابنتي إسلمي ..

مره أخوها: إلا زيد سبري لنا كيكه ..

رهام: والله إن الكيكه عليش ماكتبوش في دولي إنه يفعلوا كيك فلتت ودخلت غرفتها ..


......


عبدالعزيز: رآقد في سابع نووم تلفونه بيرن ... جاوب وهو مغمض ألوووو ..

الشيخ ناصر:بيصيح 😡 قووم قامت قيامتك بدعت بنا ياقليل الحياء ..



عبدالعزيز: فتح عيونه هآه أهلا ياأبه كيف أنت مالك مابه بتصيح ..


الشيخ ناصر: قوم قوم ياقليل الأدب ماعد بتخزاش ع روحك يشلوك سكران لاوسط القسم .


عبدالعزيز: 😳 هآه ماهو يا أبه راعي افهمك الموظوع ..

الشيخ ناصر: لاتفهمني ولا أفهمك ابسر أسرع رحله وجي صنعاء خاطرك وغلق السماعه في وشه .



@qesasanani

💕 بارت 4




بعد العصر....

رهام : بتحاكى صاحبتها في تلفون البيت ☎ أيوه قالت الأبله نديهن غطوه معانا جي بحين أديلش الدفتر تنقلي ..

أروى: مره وليد أخو رهام .. هزرت السماعه من يدها وغلقت مابتشبعيش مجابره عادش كنتي معاها فالمدرسه ولاقصدش من خساره ..

رهام: عيب عليش تغلقي في وش البنت سعم إنش بتحاسبي أنتي .


أروى: أو عتجي تعلميني الأدب أنتي ياقليله التربيه ودفتها إخطي من قبال وشي لاأعلمش الأدب سوى ..

رهام: بكيت 😭 والله لا أتصل لأبي أقلهم مدرى مابيطلعلش مصنفه فيني من قلنا نزوجش بأخي ودافه .

أروى : مشعتها بشعرها ودافه في عينش هيا بتفجعيني باأبوش إتصليله يجي لش حافي من وسط حرض اقطبي فجعتيني به .

سيده : كانت رآقده نكزت ع صوت صياحهن قامت عتهجعنا من الجنان حقكن ...

رهام: غلقت التلفون في وش صاحبتي ودهفتني ومشعتني وقالت بينفجعها سعم باأبي ..

سيده: إبسرت أروى ..😱 صدق ..

أروى: أيووه أنا حره لما تتعلم الأدب وعادنا شاخلي أخوها يربيها لمايروح من الخزانه .. خطيت وصرعت الباب ..

رهام: هيا بتبسروا كم جهدي اصبر هكذا والله لا أقل لأبي ..

سيده: إسهل يابنتي قدهو مانفعل نصبر عليها مانزيد نجنن أبوش لاهاناك قدهو مسكين تاعب بيشقى علينا .

رهام: أيوه مكنوني هكذا أصبر وكودها بتفعل بي هكذا ودخلت غرفتها وهي بتبكي ....


......

بيت الشيخ ناصر ..


نجات : يوووه جنه مبرووك يابنتي 😃للمه ماقد تحاكيتيش .

سلوى: ماقد كنتش متأكده قال عادل لما نتأكد واليوم فعلنا الفحص .

سمر: ياسلوى اديها بنت أكن ألعب معاها بينضبح وحدي ..

مريم: ضحكت هههه قصدك تلعبي بها ماتلعبي معاها ماعتكبر إلا وقدش مره ..

سمر: اووف منكن كان قومي العبي معي أنتي ..

سلوى: لاتزعليش شاخليش تربيها أنتي لو بنت ولو ولد أصملي فوقه أنتي خالته الكبيره

سمر: أيووه لو هو ولد شاضربه 😁.


نجات : هيا اتصلي لأختش فاطمه نفرحها .....



@qesasanani

💕 بارت5




عبدالعزيز: فتح اللاب تب يبسر مواعيد الرحلات لقي رحله بعد إسبوع حجز ... وإتصل لصاحبه محمد ...

محمد: ماقد معك من هذا الساع صوره المزاج مقلوب ..

عبدالعزيز: مدرى من قد حاكى أبي اتصل يصيح ويشتي أرجع ...

محمد: 😱😱 يووه وماعتفعل كيف ترجع من قله ..

عبدالعزيز: أنا شكي في الطلبه حق إلاتحاد اليمني ليش إتصلتلك لأن أبو ذيك الولد يعرف أبي ..

محمد: أيووه عرفته ..

عبدالعزيز: قبالك 2زنوج ندي لهم زلط ونخليهم يسيروا يدعسوا أبووه يتعلم كيف المحارشه سوى.

محمد: 😱 مالك ماهو من الخباله تشتي تزيد تكبر المشكله بدل ماتهديها قل لأبوك كانت حفله خطوبه لصاحبنا والأجانب اشتكوا ازعجناهم فتحنا مزمار ..

عبدالعزيز: الله يستر والله ماناداري مفعل قد بينهم ماعنفعل .


محمد: الله يعينك ...



......


وليد : أخو رهام .. روح من الخزانه العشي دخل غرفته ..

أروى : سمعت صوته جلست فوق السرير بتبكي 😭.

وليد: يووه مال روحي من زعلش..

أروى: بتتريحم من عيزعلني غير أمك وإختك قدهي ساع كل مره بتفعلي مشاكل واليوم دهفتني ومشعتني بشعر رآسي قالت أنا ودافه هذا كله لأني قلتلها يارهام يكفي مجابره فالتلفون حرام ع أخوش كم جهده قالت مشو من حقه من حق أبي لاهو رجال يخرج من البيت ويصرف ع روحه ...


وليد: 😡😡 بيداعي رهااام يارهاااام وفتح باب غرفتها ..

رهام: بترتب شنطتها للمدرسه إبسرته هآه مالك ..

وليد: مسكها بشعرها وبيضربها مشنا رجال أومه وأخرج من البيت تخايلش لو أبوش مابحدهو محد عيقدر يربيش ...


سيده : حملت تفره رزيها مافعلت بك هذه المسكينه لكن هي الحجه عند مرتك قد شبجتك ...


وليد: هيا إبسرتوا ماعليكم من مرتي كودكم بتكرهوها ...

سامي: أصغر من رهام بسنتين .. رزيها ولا شتصل لأبي زيدت فيها أنت ومرتك سعم إنها شغاله عندكم ..

وليد: لطمه ماعاد إلا أنت تتليقن إخطى من قبالي لاعلمك الأدب 😡.


سامي : حوز ع إخته لو أنت رجال أصلا ماتمد يدك ع إختك يامره مرتك ..

وليد: مسك سامي بيضربه ..

سيده: بتصيح تفارع بينهم ...

أروى: مسنبه عند الباب ومربعه يدها بتتفرج بتضحك 😃وتتشفى في رهام ..


رهام: حملت تتصل لأبوها ...


عبدالله : أبو رهام .. يووه مالش بتبكي مابه ماهو هذا الصياح .


رهام: إطلعوا صنعاء تعبنا يوميه ضرب وإهانه من وليد ومرته وإمي بيخبوا عليكم .


عبدالله: 😡 إدعي أمش وحسابهم معي .....



@qesasanani

💕 بارت6


في بيت الشيخ ...


مريم : إبسرتي مافعل أخووش ..

سلوى: الله يهديه قدنسينا أيحين سافر لاهو الي كمل قرايته ولاهو الي رجع ..

مريم: غبني ع قلب أمي كم جهدهم برقطه ومسكينه هناء بنت عمي مشنا داريه مابتحب فيه ..

سلوى: يووه ذكرتيني صدق أتصلها أبشرها إني واحمه ونقلها تجي تمسي عندنا شمسي اليوم عندكم 😁.

مريم: ههههه كيف لش ماقد فعلتيها من يوم ماتزوجتي ..

سلوى: اليوم بيندلع ع عادل واحمه سعم هههه .

مريم: هيا جي نتصل لهناء تجي تمسي ..

سلوى: أيوووه بس اوبهي لحد يتحاكى ع خباص عبدالعزيز قدامها ..



بيت رهام ....

سيده : بتحاكى زوجها فالتلفون ياعبدالله لاتقلقش إسهل هم أخوه عيسدوا ..

رهام: بتصيح وتبكي 😭لاتصدقش أمي جي لوسمحت تعبت هكذا.


عبدالله: هذا يعلم الله ماقد به فيكم يله شاحاول أشل إجازه وأطلع ...

سيده: إبسرت رهام هيا طابت نفسش إفتهنتي قذا عيطلع ..


سامي: مابلا عيس يا أمه كم عتتحملوا يطلع يبسر أخي ومرته .



.......

عبدالعزيز: هيا محمد نخرج نفعل لفه للسوق أبسر ماشل لهم هدايا ..


محمد: هههههه هنيت لك عاد حسك عند الهدايا يعلم الله ماناويلك أبوك وأنت حسك عند الهدايا.



عبدالعزيز: قدنا مودف مودف لاعد أدخلش ويدي فاضيه ...


......

هناء: يوووه ياقلبي ألف مبروووك كم قد لش 😃.

سلوى: عاد الفحص طلع اليوم قدلي شهر ونص.


مريم: هزرت السماعه من يدها ... عقبالش ياهنو أنتي وعبدالعزيز لماتدوا لنا نونو...😉


هناء: أوووص ياكلبه لحد يسمعش 😡.


مريم: هههههه احنا وحدنا هيا جي ارقدي عندنا سلوى عترقد هانا ..

هناء: تمام شبسر لحد عيرضى يدينا شاجي ...





🌹meme_abdalgaleel


@qesasanani

💕 بارت 7



بعد 5أيام .....


سيده : هيا شرق ع المدرسه عتقومي ..

رهام: بتتمطط فوق السرير ماشي اليوم شاغيب أبي عيجي أجلس أفعل الغداء معش ..

سيده: يهي يهي جبر بنتي الحميش عتعاون أمها ..

رهام: قامت بترفع الغرفه ودخلت المطبخ تعاون أمها ..


......

الشيخ ناصر: قذك رسلت السواق يدي إبنش ..

نجات: 😱 يوووه للمه ماتسير معه قد لك من إبنك خيرات.

الشيخ ناصر: لو أبسره ماشمسك روحي كما وصل البيت نتحاسب..

نجات: قووى ياشيخ مش من أول مايوصل خليه يفتهن له يومين ..

الشيخ ناصر: إقطبي إبسري له مره نزوجه ..

مرام : سمعتهم خرجت .. مارأيك يا أبه لونخطب له هناء بنت عمي ..


الشيخ ناصر: وتشتي أودف ببنت أخي لاعنده مع ولا ماشخسرش أخي علشان واحد صايع مثله ..


مرام: 😔 زعلت ع هناء لأنها بتحبه ... طيب جرب ابسر رأيهم يمكن يوافقوا ..


الشيخ ناصر: 😡 صيح فووقها بتسمعي ماقالت ماشي يعني ماشي دورين له مره من خارج ..



نجات : ناهي تمام لاتصيحش وأنتي مابش قبالش له بنت من صاحباتش فالجامعه ...


مرام: مابش وخرجت ضابحه علشان هناء ..



........

أروى: سنبت باب المطبخ وطارحه يدها عند الباب .. إهي إهي ماقد معش للحماشه وهذا اللعب كله والأكل ..

رهام: رابطه شعرها وبتفعل بنت صحن ..مطنشه لها ..

أروى: دخلت فتحت الماء بتغسل يدها ياسعم وسكبت ماء لافوق البنت 😱 يوووه بغير عاني ...


رهام: يمه يييه جو إبسروها إشهدوا عليها خربت لي بنت الصحن ..

... باب البيت بيفتتح عبدالله دخل ع صياحهن ..


عبدالله: ماهو هذا الجنان ماقد دخلناش سوى ..


رهام: سمعت صوت أبوها حملت تحجفه وهي بتبكي من مره أخوها 😭.



أروى: كيف أنت ياعم ..

عبدالله: لاكيف انا ولا كيف أنت قد إبسرت بعيني وسمعت بإذني يابنت الأصول ومسك رهام ودخل غرفته ..


أروى: إبسرتهم بربع عين وعوجت فمها 😏.


@qesasanani

💕 بارت8




رهام: فارحه 😃 حمدلله ع السلامه عيس إنك جيت قدنا فاقده لك ..

عبدالله: الله يسلمش يابنتي .. ذلحين قليلي هذه مابتفعل بكن وأمش ساكته هكذا ومخبيه ..

رهام: أمي ماتشتيش تزعجك بس .

عبدالله : وينهي مابسرتهاش ..

رهام: مشي داريه إن قد عتجي ذلحين سارت لاعند أمي حفيظه جارتنا ...


عبدالله : وأنتي مالش ماسرتيش المدرسه ..

رهام: 😃 جلست أفعل الغداء أخورك ..

عبدالله : يله تمام أنا شرقد لي شويه تاعب وأنتي تمي الغداء قدنا جاوع وخاور أكل البيت وماعليش من مره أخوش دعمميها لما أقوم وأبسر هذا الموضوع .


رهام: حبته في رآسه حاضر 😘 وسارت تكمل الغداء ...


..........


بيت الشيخ ناصر


مريم: بتتصل لهناء ... كيف نفعل من أول وانا بيندحسهم قالوا ماشي..

هناء: 😔 زعلت .. تنهدت ليش مايشتونيش والله إني أحبهم ..

مريم: مشو مايشتوش ياخبلاء أصلا هم لأنهم بيحبوش قالوا هكذا ..



هناء: 😳يحبوني .. ناااهي عنقلهم كيف يحبوني ومايشتوش اتزوج بإبنهم ..


مريم: أسمعي شاقلش حاجه بس اوبهي تخرج كلمه أصلا عبدالعزيز أخي ...... وحكت لها ..


هناء: إنصدمت ..😭 دموعها نزلت أنا بينرفض العرسان ومراعيه له ع ماوعدني قبل مايسافر وهو عايش حياته ...

مريم: سامحيني ياهناء بس أنتوا الاثنين أخوتي ومشتيش تجلسي تفكري فيه طز والله مايستاهل دموعش ...


هناء: لكن يامريم انتي داريه كم أحبه وكيف كان يقلي ياويلي لو أوافق ع أحد غيره أراعي له لما يرجع ...

مريم :.إسمعي قد ساروا يدوه من المطار جي تغدي عندنا ...


هناء: بتبكي ماشي مع مشتيش أبسره بالذات اليوم ..


مريم: خلاص شتغدا وأتصل لسوسن ونجي عندش عصر ...


......


سيده : يووه ياحفيظه أنا قلتلش تدي لي الزنه حمراء مالش إديتي هذا اللون ...


حفيظه : تشتي الصدق ولا تغثي مني أنا قد إديتها حمراء غير سيرت لبيت الشيخ ناصر أشل حقهن الزنين الي طلبين وعجبت بنتهم الي عتتزوج شلتها قلت لهم هي حق زبونه قالت مره الشيخ عتزيد لي 5ألف رجعت بعتها ..


سيده: طرحت الزنه وحنقت هآه هكذا هيا إسلمي ماعد إشتيش حقش الزنه ..


حفيظه: شبحتها يووه ياختي مع أمانه لاغثيتي مني والله لا أسير أردها غير قدش داريه ماصدى واحد يقلهم مع هذولاء بيت الشيخ ..


سيده: شيخ مه منهم هذولاء ..

حفيظه: بيت الشيخ ناصر ال*** لوتبسري ع بيت معاهم وعمر وشغالات والعسكر مابيندخل عندهم إلا بعد جنان غير قد أم عبدالعزيز قالت لهم يكن يدخلوني ...


سيده: الله يسكنا الجنه ويرزقنا ساعهم .. خلاص ياختي لاعاد ترديهاش ولا شاشل هذه بس ..

حفيظه: جبرني براسش إحنا خوات مش بس جيران وهذه الزنه أمانه إنهي للقمر حقش شليها هديه مني لرهام ..

سيده : بتمسكها بيدها يووه مع ماشي والله ماجر شي بعدا رهام مابتلبس إلا فساتين قدش داريه ببنات هذه الأيام ..


حفيظه: والله إنهي لها تخيطها خياط حالي وعتقع فستان يجنن والله مارجعت ..



@qesasanani

💕 بارت 9



عبدالعزيز: نزل من السياره بيفتح باب البيت بيداعي ييييه يا أمه ياشيخ يا أهل البيت أين جيتوا ..


نجات: حملت تسلم عليه يووةه حيا برووحي قدنا فاقده لك ولاتزيد تقل معي أم أجي أبسرها ..

عبدالعزيز: قدنتوا داريين قرايه مانفعل ..

مرام : خرجت تسلم عليه ...

عبدالعزيز: وسمر أينهي وأبي ..

مرام: سمر عادهي فالمدرسه وأبي كان طالع ..


عبدالعزيز: طلع يسلم ع أبوه إبسره وطى ع ركبه يحبهن كيف أنت ياشيخ ..


الشيخ ناصر: اخر من قبالي لا أنت ابني ولا أعرفك لماتشتحط وتقع رجال ..دهفه ..

نجات: ياشيخ قوى مش هكذا خلاص قدهي أخر مره والله مايعيدها..


عبدالعزيز: مسك يد أبوه بيحبها يا أبه خلاص آسف والله ماعيدها هي كانت حفله خطوبه صاحبي والجيران اشتكوا فتحنا صوت المزمار لاتصدقوش ان به بنات ولا خباله ...


الشيخ ناصر: إبسره وقفى عنتفاهم قربين لنا الغداء وبعدا عنبسر صرفه لك لكن هذه المره ماعترجع إلا مزوج وأعرف شهاده انا خليتك براحتك ودلعت رآكن إن معي رجال وانك بدعت بي ...


عبدالعزيز: وطى رآسه 😔 حآضر الي تشتي أهم شي ترضى عليا ...




...........

بيت عبدالله ....



أروى: بتقرب الغداء هيا ياعم قد فعلت لك سوسي ع مايعجبك ..


عبدالله : هيا تمام

جلسوا يتغدوا ورهام جنبه فارحه به وسامي من الشق الثاني ..

وليد: ضابح قد قالت له أروى انه دخل صيح فوقها ..

سيده : هيا عبدالله كل سوى قدلك من هذا الأكل6أشهر ..

عبدالله: إسلمي لي قد بينكل وبعدا شجلس عندكم هذه المره شهر شليت إجازه ..


رهام: فرحت هيه يعني عنكمل نختبر أخر السنه وعادنت هانا تكن تخرجنا دوره ..

عبدالله: أيوووه أهم شي ذاكرى سوى ومالش إلا أحلى خرجات ..


أروى: عوجت فمها 😏 للمه سعم ماتشتي تقلي إن وليد مابيخرجش ..

رهام: طنشتها . وبتاكل ..

عبدالله : وليد لما تكمل تتغدا جي لاعندي إشتيك في موظوع وقام ..


سيده : يووه مسرع ماقد أكلتش سوى ..


سامي: يا أبه قد إشتريت لك قات ضخم شاغسله واديه لك وأوضع لك بقعه فالديوان ..

عبدالله: إسلم ياروحي جبرني برآسك اتلوه الصغير يشتري لي والكبير مبرطم من حين دخل وخطى يغسل يده ...



........



هناء : مصدومه من عبدالعزيز وبتتذكر كيف كان يخلي سوسن ومريم يدين لها رسايل منه ويقلين لها إنه بيحبها وكيف قدهو وبتبكي في غرفتها ...



أم هناء: بتدق لها باب الغرفه هيا بنتي غداء ..


هناء: شابعه عادنا أكلت اتغدوا أنتوا ..


أم هناء: ما اشتيتي ...



.....

سلوى : هيا عادل شرق علينا كم عتجلس تلبس ..

عادل: مال روحي مستعجله قدش عتجلسي عندهم للعشي..

سلوى : إشتي أبسر عبدالعزيز قبل ماتخزنوا داري عيجوا رجال ومخزنين وبعدا شاسير أنا ومريم عند هناء ...


عادل: خلاص يله الآن جاهز ...




.......


عبدالله : مخزن فالديوان وسامي جنبه ..

وليد : دخل هآه أبه مالك ..


عبدالله: هآه هكذا من رآس القامه ذلحين اجلس قلي ماهو هذا الخبر وماقصه مدود يدك ع إختك ومالها مرتك ...


وليد: يا أبه لاتصدقهاش هي كذابه وكودها بتتليقن ع مرتي وتظربها .


سامي: لاتصدقوش هذا والله انه كذاب هو ومرته وبيحكي لأبوه ..


وليد: مسك سامي وعيضربه ...

عبدالله: مسك وليد ولطمه إستحي ع نفسي وقلك ماأصدقش قدك عتظربه قبالي ياقليل الحياء ومرتك سمعتها بإذني الصبح بتقالع إختك أمن خطيت الطريق أنت ومرتك ولا شليتها وخرجت من بيتي أنا قلت إنك رجال أدعيك نتجابر ونتفاهم وإنك عتمد يدك ...


وليد : رجم الوساده حق المدكى وخرج وصرع الباب ..


سيده : حملت يوووه 😱 مالكم مال أصواتكم عاليه ..

سامي: وليد تصايح مع أبي ..

عبدالله: وأنت ماعد جلستك عندي يله من هانا إشتي اتجابر مع أمك ..



سامي: تمام حاضر شاسير عند أصحابي ...



@qesasanani

💕 بارت10



بيت الشيخ ناصر ...



مخزنين فالديوان والرجال ملان ..


عادل: هيا ذلحين كم باقي لك ..

عبدالعزيز: باقي سنتين ..

عادل: يا أخي إذكر الله سنتين مه مازد تمتش قرايتك..

عبدالعزيز: مالك أنا قريت لغه وشليت التوفل أول وبعدا قرايتهم معقده ماشي ساع عندنا ...



الشيخ ناصر: أيووه وبعدا هذا السنه ماعيرجع إلا مزوج ...


عبدالعزيز: بيتفرج أبوه ساكت ..


.....

ثاني يوووم ...



نجات :بتحاكي التلفون.. ذلحين منين ندور لأخوش مره أبوش مصر نزوجه ..

سوسن : يراعوا للعرس حق مريم ويزوجوهم جمعه ..

نجات : مارضيش قال مابلا ذلحين يشلها معه علشان لايتأخرش ع قرايته .

سوسن : وعبدالعزيز ماقال؟.


نجات: ماعد صديش يفتح فمه داري بروحه إنه غلطان قال لأبوش اخطب لي هناء بنت عمي ..

سوسن: 😃 أيووه عيس وأبي ماقال..

نجات: صيح فووقه وقله ماعيديلش بنت أخوه ويظلمها معه ..

سوسن: حرام عليه أنا حاسه إن عبدالعزيز يشتي هناء بنت عمي ..


نجات: وأنا كنت ساعش تخايلي إنه يشتيها بس بعد ماسافر بينحس قدهو واحد ثاني ولاعاد في حسه من أحد ..

سوسن: 😔 في نفسها(ياخساره حبش له ياهناء ..


نجات: مالش سكتي ..

سوسن: هآه ولاشي بس بينفكر من نخطب له نشتي بنت حاليه لاهو عيعقل ...

نجات: أيووه ونشتيها بنت مسكينه طيبه تقدر تصبر عليه وع طباعه ..


سوسن : الله يسخر له مافيه الخير أنا شسال أهل زوجي وأنتوا دوروا من عندكم ..


........


مريم : يا امه إتصلوا لحقكم هذك الدلاله تجي تدي لي الحاجات الي قالت ....


نجات : يووه صدق ذكرتيني ونزيد نسألها لاقبالها بنات هي بتدخل بيوت خلق الله كلهم ..


مريم: والله ماكان نفسي إلا في هناء لكن مانقل لأبي ..


نجات: يعلم الله من عتقع نصيبه ...



......

عبدالله : ذلحين قذا قلتلش أزيد أسمع كلمه منهم ولا قله حياء شاخرجكم من البيت ..


أروى: ساكته وبتقرح أصابيعها .. حاضر ..

سيده : الله يهديكن أنتين خوات مشنا داريه مامصنف لش فيها ..


عبدالله: بهرر فوق سيده 😳 خلاص قلنا خوات ماعد عيقع شي من اليوم ماقدرت للجنان وأنا مسافر ..


رهام: كله إلا زعلك ولاتقهر نفسك والله مالك إلا مايرضيك وقامت تحب رآسه 😘.



🌹meme_abdalgaleel


@qesasanani

💕 بارت11



ثاني يووم ...

رهام : سارت المدرسه بتختبر ..

أروى: بتفعل الغداء وقلبها بيفور نفسها تطفح رهام بس مفتجعه من عمها ....


باب الباب بيدق ..

سيده : أروى ابسري من فالباب .

أروى: في المطبخ يووف جحفه لها عمه تقوم لنفسها ولاعيكتسرين أرجلها قدهي لاعسيه عرض زوجها من حين جاء..


حفيظه : وينهي عمتش ..

أروى: بتغيوز عيونها دآخل عرض عمي من حين جاء مازد فلتته سعم إنه عيطير ..

سيده : حيا حيا إدخلي مالش فالباب ..

حفيظه: ماعد شدخلش شاسير أشل بضاعه لزباين غير قلت أسالش عتسيري بيت ال***عند العرس .

سيده: أيوه مايسبرش قد جت ميزتنا للبيت داريه بنتها صاحب رهام قووى ..

حفيظه: كان خلاص تجهزين بساعتكن نخطى مش من حق بنتش الحباطه ومره إبنش ..

سيده : خلاص تمام 4وإحنا جاهزات عنخلي سامي يوصلنا ..

حفيظه : يله خاطرش ..


......


سلوى: يف ماهو هذا شم حقك العطر ذيه جيفه ..


عادل: هيا ناهي لك ياجيفه ولا قد صورتها عتقرح العيافه فوقي هذا العطر الي يعجبش ..

سلوى : يف وبتأشر بيدها أخرج أخرج ماعد قدرتش أشمه ..

عادل: ضحك ههههه 😃 الله يعينني ع الدلع حق الوحام ماذلحين ..

سلوى : خلاص جي جي وسدت نخرتها وخرجت شخرج أنا ماعد قدرتش أجلس فالغرفه شمها منك ..


عادل: ماهو سعم شجلس محبوس فالغرفه ..

سلوى: ييييييف وهانا قد شمه ساعك والكل وحملت للحمام متغاثيه ..


عادل: بيدق لها باب الحمام سوسو قلبي شكلش صدق تاعبه تجهزي أشلش بيتكم تفتهني لش يومين وقدهو تبسري أخوش والكل شاسبقش للسياره لاتشميش العطر وضحك هههه ..

سوسن: تمام ....



.........


بيت الشيخ ناصر


نجات: يووه ياحفيظه ماهن هذولاء أنا قلتلش اشتي زنين ضخمه ..

حفيظه: والله إن قدهن أضخم شي ادت من الهند قد شليتهن كلهن من عندها وإديتهن طريقش ..


نجات: ماعجبنيش الصدق إشتي أضخم والي قالت لش مريم إديتيهن ..

حفيظه: كان مه ماسخاني ع الحريوه حقنا وفتحت الكيس وخرجتهن ...


عبدالعزيز: دخل بالغلط يووه عفوا عفوا مشنا داري إن به أحد عندكم .


حفيظه : علت اللثمه إسهل إسهل إدخل يابني قدنا غير أمك .

عبدالعزيز: مع خلاص قدنا خارجي يا امه شاسير اتغدا في بيت عمي مع السلامه ...


حفيظه: يووه حجاب ويسن هذا إبنش الي فالخارج .


نجات: أيووه عادهو جاء بندور له مره مابش قبالش بنات حاليات ..

حفيظه.: ما البنات كميا قمارى غير مشهم من مستواكم هم ناس عاديين مشهم بيوت شيوخ ..

نجات: إسهل الغناء والفقر يا أختى أهم شي بنت مأدبه وحاليه وأسره طيبه ..

حفيظه: اوذا معي عرس اليوم في بيت ال*** شازيد أدورلش معي .

نجات: هآه وإحنا محلوفيين والكل هي الحريوه بتقرى مع بنتي غير قلت ماشاسيرش مانعرفهمش غير البنات يتعارفين ..

حفيظه: هيا ماشي جيتي أنتي والبنات وأزيد أوريش بنت جارتي والكل ساع القمر ماشاء الله عليها فيها قبله ماتقدري تبعدي عينش منها ومؤدبه والكل وأهلها ناس ساع العافيه فالبدن ..

نجات: مدرى شابسر البنات ولو جينا عنتصلش ..


حفيظه: خلاص تمام ..يله كان خاطرش اخطى لي شرق ..

نجات: الله يعينش ..


@qesasanani

💕 بارت12




بعد العصر.....

سيده : هيا بنات شرق كملتين تلبسين ...


رهام: باقي ألبس البالطوه تميت ..

أروى: وأنا جاهزه .


سيده : يله تمام أمد مادعي سامي يوصلنا ..


.......


بيت الشيخ ....


نجات: يوووه ياسلوى ماقد لبستيش ..

سلوى: ماقدرتش تاعبه الصدق يكفي أنتي ومريم .


نجات: قدهو تبسري معانا بنات وزد قالت أمش حفيظه عتورينا واحده ..


مريم: خلاص يا أمه خلوها حرام تاعبه معيفه لاقد عجبتنا عنرجع نسير للبيت وتبسرها ..


نجات: كان يله شرق إنجزي أمد ماتصل لخوش أسأله كيف يشتيها بيضاء ولاسمراء ..


مريم: حاليه هذه سعمنهي بضاعه كيف يشتيها قذاك قلش اخطبي له هناء ..

نجات: أبوش مارضيش مانفعل نتقالع يله شرق إنجزي ...



........

عبدالعزيز: إسلموا ياعم ع الغداء أمانه إن قد شقرح ..

أبوهناء: بالعافيه ع قلبك وانت قدك مغترب بتاكل من حقهم هذك اللخا فج .

عبدالعزيز: ضحك 😃ههههه لغافج مه إسمهن فاست فود ياعم ..


أبو هناء: ذلحين ماعتفعل كملت قرايتك ..

عبدالعزيز: باقي سنتين بس مانقل للشيخ مابلا قال أجي يزوجني وأسير اكمل ..

هناء: دخلت لهم الفاكهه وبتسمعهم.

أبوهناء: وقد لقيتوا مره ولاعادهم بيبسروا ..

عبدالعزيز: إبسر هناء😔 كنت أشتي واحده ياعم بس أبي مارضيش هم أحرار يزوجوني بمن يشتوا ..

هناء: إقتهرت تشارغت عينها بالدموع وخرجت 😭.


عبدالعزيز: مسك تلفونه📱 سعمنهو بيتصل وخرج من الديوان ...بيداعي هناء يييه رآعي ..

هناء: سنبت موطيه رآسها 😔 ماقدرتش ترفع وشها لايبسرش دموعها ..مالك .

عبدالعزيز: سامحيني ياهناء بس ماعترضيش إني أعصي أبي وانتي تستاهلي واحد أحسن مني والله يسخرلش بالي يستاهلش ..

هناء: إبسرته بقهر هذا الي قدرك ربي عليه شكرا نزلت دموعها ..😭.. فلتته وخطيت ....


........

في القاعه ...


حفيظه : هيا جي ندخل أنا وأنتي وهن خليهن يتمرين لما يشبعين ..


سيده : هيا خطينا..

أروى: راعوا لي تميت ورهام كما تمت عتدخل ...


دخلين القاعه ورهام عند المرايا بتتصلح ع دخله نجات ومريم بيخلسين البالطوهات ..

رهام: نكعت عليها الفرشه وطت تديها وع رفعتها دكمت مريم .. عفوآ آسفه ..

مريم: إبسرتها وإبتسمت عادي ولايهمش ..

رهام: شلت الفرشه وخطيت ..

مريم: أمه يييه ابسرتي محلاها قمر ..

نجات: بتصلح المصر الطالعي مع أينهي ..

مريم: هذك الي لابسه فستان وردي قصير وشعرها أسود مفتوح الي دكمتني .

نجات: مع وريني لماندخل ..

مريم: ماشاء محلا عيونها عسلي فيها قبله تجنن ...



حفيظه : أيوه هنيه البقعه حاليه إبسرتي قلتلش نجلس هنيه قبال الكوشه نبسر الحريوه ونبسر الداخلي والخارجي من الباب.


رهام: دخلت وبتدور أينهن جالسات سارت لاعندهن.



@qesasanani

💕 بارت13




هناء: بتتصل لسلوى .. قهرني ياسلوى مراعيه له هذه السنين كلها ويجي يقلي هكذا بكل برود ..

سلوى: طز فيه ولاتقهري نفسش والله مايستاهلش إنه الخسران ..

هناء: جي عندي أنا ضابحه قهرني ..


سلوى: شبسر لاقد السواق جاء هو شلهن عند العرس ماشي جيتي أنتي عندنا أنا شمسى هانا..

هناء: ماشاجيش مشتيش أزيد أبسره ..


........

نجات: هيا لما تبسريها وريني ..

مريم: تمام اوذا شاقوم أدورها فالقاعه ...


رهام : جالسه فوق المدكى مقفيه ..

حفيظه : إبسرت مريم بتخطى دعتها وين أمش جت ..

مريم: سلمت عليها.. أيووه جالسين فالشق الثاني وأبسرت رهام جنبها ... هذه بنتكم ..

حفيظه : فهمتها ضحكت وغمزت لها 😉 هذه بنت جارتي سيده ايذا أمها هآه وأشرت بيدها لعند سيده ..

مريم: سلمت عليها كيف الحال .

سيده: الحمدلله تسلمي ..

أروى : بتتبسر فستان مريم في نفسها يووه ع فستان يعلم الله بكمهو ..

حفيظه : رهام قومي مع مريم تسير لعند أمها تبسرين لاشقها بقعه نسير عندها ..

رهام: بقعتنا حاليه نجلس هانا بس .

مريم: أيوه هيا قومي معي ومسكت يدها تقيمها ..

رهام: خزيت 😊وقامت .


سيده: يووه ياحفيظه مالش خزيتي بالبنت تقوم معاها..

حفيظه : اووص أنتي بس شاقلش بعدا هذه بنت الشيخ ناصر ال***الي قلتلش .

سيده : هآه قد بينبسر فستانها ماشاء الله ..

حفيظه : قلي يارب الله يجعلها من نصيبهم ..

سيده : منهي .

أروى: مابتتجابرين قلين لي ..

حفيظه : إدعي إدعي المقربه تدي لنا قلص شاهي نتقهوى قبل مانخزن .



نجات: إبسرت رهام في يد مريم شابحه لها ضحكت 😃.

مريم: هذه أمي يارهام ..

رهام: وطت تسلم عليها كيف انتي قالت أمي حفيظه تجي عندش به بقعه ..

مريم: أيووه يا أمه هذه بنت جيران خاله حفيظه ..

نجات: هآه وأمش هانا والكل .

رهام: أيوه هم وأمي حفيظه عند الكوشه ..

نجات: أشرت لمريم هيا كان قومي نسير عندهن 😉..


رهام : بتخطى الأوله قبلهن ..

نجات: بتتحيلا لها ماشاء الله ع قبله قمريه ..

مريم: أيووه قووي هي هذه الي ابسرتها خارج وشكلها مؤدبه .

نجات: اوذا نتعرف ع أمها وبعدا نحاكى أبوش نبسر ماعيقل ..

مريم: يعني لازيدش ادور بنات .

نجات: إلا زد قومي افعلي لفه نطرحهن في بالنا لامابش نصيب .



.........


سلوى: خلاص ياروحي والله إنه الخسران مايستاهلش دمعه من عينش ..

هناء: 😭😭 مشو برضايا دموعي بتنزل وحدها ..


سلوى: لو أنا بش والله مقتهر تحمدي الله ان أبي بيحبش ماسخي يزوجش به وهو بيشرب ومصاحب بنات دليل انش أغلى عنده من عبدالعزيز ..

هناء: الله يحفظه ذلحين عيزوجوه ذلحين ولا خطبه بس ..


سلوى: مابلا عرس ويشلها معه وأنتي اقهريه واتعرسي ولاتعبريه قرحي قلبه ..


🌹meme_abdalgaleel


@qesasanani

💕 بارت14



حفيظه: يوووه حيا حيا وقامت تسلم ع نجات ..

نجات: كيف انتي وبتشاورها دلا هي هذه البنت الي قلتي ..

حفيظه : أيوه عجبتش ..

نجات: ماشاء الله عليها قمر ..

حفيظه : هيا إجلسي بقعتي وبتقل لأروى يييه قومي لمريم من البقعه ...

أروى: يوووه 😱وأنا أين أجلس ..

حفيظه: فوق مدكى إبعدي لبنت الشيخ ..


المهم جلسين وتعرفين عليهن ..



لما روحين فوق السياره ...


أروى: يووه ع زنط فيهن ولبس إبسرتي ع قات بتخزن به أمانه أرجل حمام ..

رهام: والله ماهن زناطات محلاها مريم طيبه وحبوبه ..


أروى: يووه ريت والله وعادنا عزبه والله مافلتهن إلا وقد خليتهن يخطبني ..

سيده : بتضحك ههههه هيا قد ستر الله وقدش مزوجه ..

حفيظه: بتحاكى سيده دلا .. قد رهام عجبتهن قووى قلي الله يجعلها من نصيب ابنهم هو بيدرس فالخارج ووحيد أبووه .

سيده : يووه مسرع مع ماقد شازوجها ولا ع الأقل تكمل ثالث ثانوي وبعدا ماعيوصلنا لبيت الشيخ ..

حفيظه: هن بيدورين والي فهمته إنهي عجبتهن الله يجعلها من نصيبه بكم تفتهن من جنان مره أخوها ..


سيده: لاهو نصيب ع الله ..



........


بيت الشيخ ...


نجات: ياشيخ لقينا اليوم بنت ساع القمر بنت ال**** غر ناس ع قد حالهم أبوها بيشتغل في حرض.


الشيخ ناصر: أهم شي انها بنت ناس تجي تصبر ع إبنش ..


نجات : ذلحين ماقلت موافق نخلي حفيظه الدلاله تحاكيهم ..

الشيخ ناصر: مع رآعي أول نسأل عليهم وشاردش خبر .


نجات: تمام حاضر شاقوم أحاكى أبنك أبسر ماعيقل.


الشيخ ناصر: مشو ع قوله ولا على مايشتي ..



......

بعد إسبوع ...

حفيظه : بتتصل لسيده هآه أختي إبسرتي هذك الموظوع الي قلتلش مره الشيخ تشتي رهام لإبنها ..

سيده: يووه يعني مشو غر مجابره .

حفيظه: أيووه والله إنهم ناس ياسلام وبقعه حاليه أمانه لاتحرمي نصيب بنتش حاكي أبوها وإبسري ماعيقل وريني خبر أقلهم أيحين يجوا الرجال ...


رهام: يوووه يا أمه مع لاتحاكيش أبي إشتي أتم قرآيتي ..

سيده: إسهل القرآيه عتتميها عندهم ابسري ع بقعه وناس ياسلام بكم تفتهني من مره أخوش شاحاكي أبوش ولاهو نصيبش ع الله ...


عبدالله : سأل وعجبوه الناس وافق عليهم وخطبوا 💍.


أروى: ميته قهر قدعتجنن رهام عتتزوج بإبن الشيخ وقدهي بتحاول تتقرب منها وتغير طباعها وهي من داخل تشتي تأكلها ..


@qesasanani

💕 بارت15


عبدالله : قالوا يشتوا العرس نهايه هذا الشهر ..

سيده: يووه 😱 مسرع مابش وقت مسرع عنكسي ونحجوز ..

عبدالله : قالوا عيشلها معه لندن مايشتيش يتأخر معه جامعه ..


سيده : وماسديتوا ع الشرط والمهر .

عبدالله: عيدوا 2مليون شرط ومهر والذهب والقاعات وفستان الزفاف عليهم ..

سيده: 😃 الحمدلله كان ماعلينا إلا الكسوه الله يسعدش يابنتي ويسخرلش ..

أروى: سمعتهم حملت لاعند وليد تقله هيا سير خلي أبوك يدي لنا كما كان ادوى لها2مليون والباقي عليهم ماعتفعل بها عتكتسي ب2مليون أومه ..

وليد: أيووه صدق شاقله يسلفني سعم أفتح لي مشروع ولاماكان ..



عبدالله: هيا ماقلتي يابنتي موافقه أفعل بالزلط هكذا ..

رهام: لكن يا أبه أهم شي يخليني أكمل 3ثانوي هاناك مش يقلي ماشي والزلط خليها لك ..

عبدالله: ماشي مع عنجر حاجتش كسوه والباقي شادخلها لش فالبريد وماتحاكيش أحد تخليها حاجتش للزمن ومامعش لافوقها مع الأرباح الي عتطلعش ..

رهام: خلاص موافقه ابسروا الصح فعلتوه ..



.........


مرت الأيام بسرعه وهم لاهييين عند الكسوه والتجهيزات في بيت عبدالله وبيت الشيخ ..


الشيخ ناصر: ماشاوصيكش ياإبني قدك رجال واليوم قدك عريس وعتتحمل مسؤليه بيت ومره وماعد اشتيش أسمع أي خباله والعقل وبنت الناس في ذمتك ..

عبدالعزيز : إن شاء الله مالك إلا مايرضيك ..

الشيخ ناصر: يله إقطب شرق قدالملبس مراعي لك يلبسك ..



وقع عرس حنان طنان كلهم تحاكوا عليه ...


رهام : طلعت تجنن بالفستان 👰🏼وفارحه انها عتسافر وتزوجت بابن شيخ ..

عبدالله: هيا شرق جهزنها قد المخرجين جو..

أروى : بتتبسرها وعاوجه فمها 😏والله وسبرت لش وانا تزوجت بهذا المودف .. وشلت المبخره وبتبعد البنات إبعدين محد عيبخرها إلا أنا يوووه مبروك ياروحي ..

رهام: فارحه إن قد مره أخوها سبرت مشي داريه مافي قلبها❤.

سيده: بتسلم عليها وتبكي 😭.

حفيظه: عتسير معاها عند بيت الشيخ .

.......

بيت الشيخ


مريم: بخرت غرفه الحراوه وجهزتها ..

سلوى : نازل تاعبه معيفه ..

هناء: مقهوره بتبكي وبتحاول تكابر .

نجات: عند النسوان..


وصلت رهام ودخلنها عند النسوان وطلعنها غرفتها ترتاح لما يجي عبدالعزيز ..

رهام: بتتفرج الغرفه وانه هذا البيت الي عتعيش فيه فارحه إن ربي عوضها وخلصها من جنان مره أخوها.

عبدالعزيز: دخل وفتش لها الطرحه إبسرها وإبتسم 😃عجبته ..

رهام: خازيه موطيه 😊..

هناء: مقدرتش تتحمل تبسره خرجت ..

سلوى: لحقتها تهديها ونزلت معاها ...


خرجوا من عندهم ...

عبدالعزيز: ماشاء الله ماهو هذا الحلا بكله ..

رهام: موطيه ساكته😊 ...


عبدالعزيز:بيحاكي نفسه سعم يحانكها ... يووه ياحرام مسكينه هذه البنت حاليه ساع القمر لكن عجماء ليش زوجوني بعجماء .

رهام: بصوت واطي مشنا عجماء ..

عبدالعزيز: 😉 هآه تحاكيتي معش لسان هههه إسكه قلي عبدالعزيز أتأكد إن معش لسان ومشنتي لتقاء هههه ..


رهام: يوووف منك والله اني أقدر أتحاكى ..

عبدالعزيز: ضحك هههههه خلاص هيا قومي نتعشى ياعجماء ...

رهام: ضحكت وفي نفسها ( الحمدلله يارب شكله طيب وحالي وبدائت تحس براحه تجاهه ❤.



نازل أجواء عرس وحشيره وأصوات الطباخين غطوه غداء كبير وأهل رهام عيجوا يتغدوا صبح ..



@qesasanani

💕 بارت16



ثاني يوم الصبح ....


الشيخ ناصر: هيا مه عجبتش إبنش .

نجات: أيووه قال قمر ومسكينه الله يهديه ع يدها ..

الشيخ ناصر: أمين يله شخرج أبسر الضيوف ..

نجات: تمام وأنا أطلع أبسر الشارعه قد تمت تلبس الحريوه أوماشي .



في غرفه رهام ...

الشارعه : يابني مايسبرش هكذا جننتني دخله خرجه خليني ألبس البنت ..

عبدالعزيز: ياخاله إبسري محلاها خليني أبسرها ماهو هذا الي بتفعلي لها.

رهام : إبسرته وبتضحك خلاص يله إخرج ...

هناء : بتتفرج كيفهو فارح بها وتندم ع كل لحظه حبته فيها ..

سلوى: قامت تخرجه تدهفه ..

عبدالعزيز: رجع رآسه من الباب بيحاكي رهام كملي البسي وإدعيني أبسرش ..

رهام: ضحكت وخزيت 😊..



.....

وصلوا أهل رهام أمها وأروى وعماتها وخالاتها بيت الشيخ ..


أروى: يووه هذا بكله بيت وياسعم عتجلس رهام في هذا البيت هآه سبرت لها ..

سيده : قلي ماشاء الله ..

دخلين ع المحجره وبيت عرس قدنتين داريات ..

أروى: هيا وينهي بنتنا نشتي نطلع نبسر غرفتها ..

سيده : يووه مع لاتصدقنهاش عنجلس هانا لما تنزل ..



أروى: مع اجلسي انتي مانا شطلع .. طلعتها سلوى ع نزله عبدالعزيز ..

أروى: خزيت ونزلت اللثمه ..

سلوى: هههه هذا من الصبح حانب لنا طالع ولارضي يخرج من عندها ...

أروى: شلوش يارهام أنتي وهو ع حظ معش جعلش إزاله 😡.

سلوى: ماقلتي ماسمعتش ..

أروى: ههه قلت الله يسعدهم 😁
..



نزلت رهام وتغدوا وطلعت أهلها توريهم الجناح حقها وتدي لهم جعاله من حق العرس وتورته ...

أروى: وهذا الجناح لش وحدش سعم اوذا عتسافري ..

رهام: قال عبدالعزيز عنكن نجي فالعطله ولما أفقد أهلي عيديني وبعدا هي سنتين عتخطي بسرعه ..


أروى : هيا إتشرطي عليه لو أنا بش وكن تشروي غير ذهب وشلي منه زلط ..

رهام: يووه مع للمه وأنا ..

سيده: مع يابنتي لاتصدقيهاش ولا أهم شي الحب وإلاحترام والمره محد يدرى مابينها وبين زوجها وتصبر عليه وتقله حاضر ..

رهام: حاضر ...


🌹meme_abdalgaleel


@qesasanani

💕 بارت17


بعد 3أيام ..

رهام: سارت تسلم ع بيتهم وتودعهم قد عتسافر ..

أروى: أهم شي لاتنسي الهديه لماتكن تجي ..

سامي: إبسر مره أخوه وقلها أهم شي توبه لقرايتها وزوجها ..


سيده: أيوه يابنتي أنتوا في غربه والحياه هاناك مختلفه لا ابسرتي زوجش بيحاكي أجنبيه مش تقالعيه هم عندهم عادي وحافظي ع بيتش ..


ع خرجه رهام تروح ..

أروى: لحقتها هيا مشي ترجعي تنسينا كن رسلي لنا فساتين ولده حاليه لاشي مسافر مش تنسي أهلش وتزنطي علينا ..

رهام: بضبح تمام ..


....

عبدالعزيز: هيا مال روحي تأخرت عليا قدنا فاقد لش ..

رهام: إبسرته وإبتسمت مسرع ..

عبدالعزيز: مدرى يارهام مع إنه ماقدلنا الا 3أيام بس بينحس إنش جيتي لي في وقت مناسب ومسك يدها .. يله أين تشتي أشلش نتعشى ..

رهام: أممم 🤔 مارأيك نشتري عشاء ونروح نتعشى فالبيت معاهم نودعهم ...

عبدالعزيز: يله تمام نفعل لفه ونجر عشاء ونروح ...



.......

هناء: روحت بيتهم مريضه مقهوره بعد عرس عبدالعزيز خاصه إنه بتبسره فارح قررت تعيش حياتها وتنساه وتتزوج بأول واحد يتقدم لها ...


......
بيت الشيخ :

نجات : شكل إبنك فارح بها قووى .

الشيخ ناصر: والله مابينهم إلا لو يرجع للخباله حقه هاناك ...


نجات: قذا معه بنت ساع القمر ماعاد عيفعل بالخباله الله يهديه مانا قد بينبسره بيعقل ..

الشيخ ناصر: ذلحين ماتشتين لعرس بنتش ماعد به إلا شهر ..

نجات: ماعد به إلا بعاسيس قد جهزنا أغلب الحاجات ..


الشيخ : أهم شي مشتيش تقصري عليها بشي هي بنت الشيخ اشتي الكل يتحاكي ع عرسها وكسوتها وذهبها ..


نجات: يووه ذكرتني أقوم أتصل لحفيظه تمكن رهام الزنين قبل ماتروح ..



عبدالعزيز : دخل هو ورهام بالعشاء ..

نجات: حيا بالحراوه حقنا عادنا قايمه أتصلش تدي الزنين من عند حفيظه ..

رهام: قد ادتهن لاعند أمي انذلاها فالكيس وناولتها .



عبدالعزيز: هيا ادعوا خواتي نتعشاء ونسمر معاكم شويه رحلتنا فجر ..


سمر: فارحه برهام وجلست تتعشى في حظنها ..

مريم : إنزلي من فوقها تعبتيها ..

رهام: إسهل خليها شفقدها لما نسافر ..



.......

فجر خرجوا المطار ..

سامي وعبدالله خرجوا معاهم للمطار يودعوا بنتهم ..

الشيخ ناصر: بيسلم ع عبدالعزيز وماعد إشتيش أسمع أي كلمه عليك قدك أخبر ..

عبدالعزيز: خلاص ياشيخ ولايهمك لو أنا داري إننوا عتزوجوني بهذه القمر إني قد إحتبست من زمان ههههه.

الشيخ : دكمه وضحك هههه الله يوفقكم .

رهام: سلمت ع أهلها وطلعت مع عبد العزيز الطياره ..



@qesasanani

💕 بارت18



وصلوا العرسان لندن ...

عبدالعزيز: بيفتح باب الشقه نورتي ياروحي نفتهن شويه ونخرج أمد ماتصل لشركه النظافه تجي تنظف الشقه ..

رهام: ليش تتصلهم شانظف أنا ..

عبدالعزيز: ههههه ضحك 😃 جبر الحميش حقي إسهل ندلعش شويه عادش عروسه ومن بكره شابسر الشغاله الي كانت عندي ترجع عملها ..

رهام: مستغربه 😱 يووه كان معك شغاله وعادنت عزب وتجلس معك وأنت وحدك ..

عبدالعزيز: ضحك عليها ههههه هانا عندهم عادي هيا إدخلي إدخلي ولابتغيري عليا ..

رهام: أيوه أكيد أغير قدنت زوجي وحبيبي وكلشي في حياتي ولو عاد واحده تبسرك لأموتها .

عبدالعزيز: ما البسره عيبسرين خيرات لازم تتعودي .. ودخلها الغرفه ..

رهام: يوووه كيف قدهي تراب مابش ملايات جداد نغيرهن ..

عبدالعزيز: إلا راعي أسير أديهن ...سار يدي وذكر إنه قوارير شراب من خباصه هو وأصحابه حمل للرف حق دولاب المطبخ لفهن في كيس أسود وحطهن تحت الساحل جنب المنظفات ...


رهام: بتداعيه هيا وين سيرت اديهن أغيرهن ..


عبدالعزيز: يله هيا بس اديت ممسحه نمسح التراب والمكنسه الكهربائيه ....


رفعوا الغرفه ورهام رتبت الملابس فالدولاب ..

عبدالعزيز: دخل ياخذ دش ..

رهام: ضبحت فالغرفه خرجت بدائت ترفع الشقه ..

عبدالعزيز: خرج للغرفه بيدورها مالقيهاش خرج للصاله إبسرها بتفتح الدولاب الي تحت الساحل حمل لاعندها إفتجع 😳مابتدوري ..

رهام: بيندور صابون أرفع البيت وأغسل ..


عبدالعزيز: هيا رزي بس قد رفعنا الغرفه نرتاح فيها أمد والباقي عنخرج ماعنرجع إلا وقد الشركه نظفته وبعدا لاتفتحيش هذا الدولاب فيه سم فيران لو تعسيه تتسممي ع طويل مفعوله قووي ..


رهام: يمه 😱 به هانا فيران ..

عبدالعزيز: ضحك هههه أيوه بيخرجين من تحت الساحل لاتكنش تفتحيه ومسكها ودخل الغرفه هيا نبدل نخرج أوريش لندن ...



.......


أروى: ذلحين منك صدق صدقت أبوك إنه كمل الزلط فالعرس مابلا مايشتيش يديلك ..

وليد: يا أروى بس كودحنا في مقالعه بسبب دحسش مادريت من أرضي أنتي أو أهلي ..

أروى: بتتريحم مع خلاص أنت ارضيهم بس هي الحجه عندي الي أشتي مصلحتك ومصلحه الي عيجي فالطريق وعست بطنها .

وليد: 😃 ماهو او قدش واحمه ..

أروى: أيوه 😃 كان للمه بيندحس أشتي جهالنا يتربوا أحسن تربيه ..


وليد: خرج يبشر أمه وأبووه فارح ..

عبدالله: هيا مبروك يابني ..

سيده: الله يرزقك الولد الصالح ..


أروى: أمين أهم شي نلقى زد عمل لوليد شق عمله ماذلحين قد عيقع أب لو تديله ياعم صغيره زلط نفتح له ماكان .


عبدالله: ياهمتاه لقلبي إحنا والدحس قلنا كملناها يله شاقوم أرقد لي شابكر الصبح أرجع حرض ..


سيده: هيا وأنا معك ودخلوا غرفتهم.



أروى: طارحه يد فوق يد هيا إبسرت أهلك مابيعجبهمش كلامي سعم اني شاشل الزلط لاجيبي هي لابنهم وحفيدهم..

وليد: ضبح قومي وإحنا نخطى نرقد لنا بس ...



.......

رهام: يووه ما اتصلناش نطمنهم إن قد وصلنا ..


عبدالعزيز: إلا قد رسلت لمريم وقلتلها تقل لأمي نتصل لبيتكم تطمنهم والصبح عنتصلهم قدهم راقدين ...

رهام: تمام ...


عبدالعزيز: يله تميتي تلبسي..

رهام : باقي البالطوه وللثمه .


عبدالعزيز: ضحك هههه بالطوه مه هانا ولثمه مه ياجدتي إلبسي طويل بس وحجاب ..

رهام: 😱يوووه خزا ..

عبدالعزيز: عتتعودي وبعدا أنا أشتي مره متحرره ماتعجبينش المحزقه ..

رهام: متحرره كيفه زيد قلي ابعد الحجاب ..

عبدالعزيز: هيا شرق ياحظيه مش وقت المجابره جاوع إشتي أكل ..

رهام: يله راعي اتوضع سوى..

عبدالعزيز: شل الروج يفعلها 💄..


رهام: يوووه مالك إحنا عنخرج الشارع ..

عبدالعزيز: إسهل هانا محد عيتلوه لش عندهم عادي وبعدا إشتي ابسرش انا حاليه اليوم علشاني هيا عمري لاتكسفينيش ..

رهام: انحرجت تكسفه يله علشانك اليوم بس ..



@qesasanani

💕 بارت19



الشيخ ناصر: شكل إبنش مرتاح معاها ..

نجات: أيووه قووى كان بينقل عيقل جاهله عادهي ثالث ثانوي وهو قد أبسر كيف الأجنبيات والشقره والزرقه لاتسير ماتعجبه وانه الحمدلله ربي سخرله..

الشيخ : حتى البنت شكلها طيبه وأهلها محترمين ..

.......



عادل: بيتصل لسلوى.. هيا ياقمر أجيلش ماقدرتش أرقد ضبحت وحدي يكفي جلسه في بيتكم ولا عاد شمي اففففف ..


سلوى: ضحكت ههههه 😃 أيووه شمك لاعندي ...

عادل: والله هكذا ياشوعه وأنا قدنا ضابح البيت شوعه من دونش ..


سلوى: خلاص جيلي الصبح قد بيتنا راقدين ذلحين ..

عادل: 😃 من 7وأنا عندش نخرج نصتبح خارج ..

سلوى: ههههه 7مه يامجنون ولا تشتي تعلم إبنك البكاره ..

عادل: يووه ذكرتيني صدق نسير نبسر بنت ولا ولد ..

سلوى: باقي إسبوعين وأدخل الرابع وبعدا نبسره ..


...........



عبدالعزيز: هآه حبيبي عجبش المطعم 😁..


رهام: أيووه شكله يجنن ..

عبدالعزيز: سحب لها الكرسي تجلس ..

رهام: 😊 تسلم لي محلاك طيب ..


عبدالعزيز: ضحك هههه طيب بس مابش تسلم ياروحي ياقلبي ❤.

رهام: خزيت إبتسمت ووطت 😊.



الجرسون : جاء يدي لهم المنيوو.

عبدالعزيز: شل المنيو وبيتفرج .. ماتشتي أطلب لش ..

رهام : شلت المنيو وبتحاكي الجرسون بالإنجليزي ماتشتي ..


عبدالعزيز: ياحركات ياعلي إنجليزي ماشاء الله عليش وين قريتي..

رهام: ضحكت هههه 😃 ليش سعمني غبيه بيندرس في مدرسه خاصه يعني انجليزي من صف أول وزيد دخلت العطله الأوله معهد ..

عبدالعزيز: آها حلو يعني ماعتتعبيش فالمدرسه هانا بس أعتقد عيمتحنوش وعتنزلي سنه ولا نبسر لش المدرسه العربيه ..


رهام : يووه مع أنزل سنه مشتيش قد مريم قالت لوأسجل منازل في صنعاء و أذاكر وأرجع اسير امتحن ..

عبدالعزيز: الي تشتي بس لوتدرسي هانا أحسن شهادتش بريطانيه ...


رهام: خلاص تمام الي تبسره صح ..


وهم بيتعشوا خطيوا 2أجانب رجال ومره إبسروا عبدالعزيز قربوا يسلموا عليه ..

البنت: سلمت ع عبدالعزيز في وشه ..

رهام: 😳 إستغربت وذكرت كلام امها هو عندهم عادي سكتت ..


الرجال: مد يده يسلم ع رهام ..

رهام: مبتسمه بس ماسلمتش ..

عبدالعزيز: بهرر فوقها تسلم ..

رهام: ضبحت منه ليش يبهرر قدامهم ومدت يدها تسلم ...


🌹meme_abdalgaleel


@qesasanani

💕 بارت20



رهام: جالسه بتتعشى ونفسها مسدوده بتلعب في الصحن بالشوكه🍽.

عبدالعزيز: ماعجبش الأكل تشتي أطلب لش بدله ..

رهام: 😔 شكرا قدنا شابعه ..

عبدالعزيز: أنا آسف زعلتش قدامهم بس إحرجتيني الرجال ساعه مدي يده وانتي مدعممه..

رهام: بس المفروض يفهم ع نفسه بيبسرني محجبه ولا يشتي أسلم عليه في وشه مثلك ..

عبدالعزيز: إبسري يارهام أنا داري إنش زعلتي لماسلمت عليها في وشها بس ضروري تتعودي أنا مشنا معقد مثل أهل اليمن حتى لو خرجتي بشعرش عادي ..

رهام: 😱
بشعري ليش عندك أهل اليمن معقدين لأنهم محافظين ع دينهم ..

عبدالعزيز: أعتقد فهمتش طبعي من ذلحين مش ترجعي تقلي لي ماهو هذا ...

رهام: إشتي أرووح قدنا تاعبه ..

عبدالعزيز: طرح الحساب وقاموا روحوا ...


........


الصبح....


أروى : راقده ..

عبدالله: سافر رجع عمله ..


سيده: في المطبخ رجعت سارت تدقدق لأأروي .. هيا بنتي قدهو ظهر شرق علينا ..


أروى: ع مه شرق أنا واحمه ومن ذلحين شجلس أرتاح وانتي عليش العمل ولو ع أكلي أنا وزوجي عنشتري من السوق ..

سيده: حطت يدها ع خدها خيره الله كل النسوان بيوحمين ..


......


عادل: بيطرق لسلوى تخرج ..

نجات: كان زيد راعي إصتبحي يابنتي ..

سلوى: عنصتبح فالسوق ..


الشيخ : يله وأنا أخرج للمحكمه معي مشكله مع واحد ع أرضيه ..


نجات : الله يعيينا إحنا وهذه المشاكل ماعد بتكملش ...


.........

عبدالعزيز: بيلبس عيسير الجامعه ..

رهام: راقده فوق السرير فتحت عيونها .. أين عتسير ..

عبدالعزيز: الجامعه قدلي خيرات اسير أبسر ..

رهام: رأعي اقوم افعلك صبوح ..

عبدالعزيز: قد صبحت نفسي 😃 يحسب الله وعادنا عزابي وقرب حبها في جبهتها أنا آسف رقدتش أمس زاعله وخرج ...



رهام: إبتسمت 😊 إنه صالحها بس عادهي مش مقتنعه بموظوع الحريه الزياده الي عنده قامت ترتب بقيه ملابسهم وبتتعرف ع الشقه وترتب الحاجات الي إشتروا في دواليب المطبخ وذكرت الفار الي عند الدولاب الي عند الساحل ماصديتش تفتحه .. ..




الساعه 5بتوقيتهم ...

عبدالعزيز: إتصل لرهام .. رهوم قلبي قد طلبت لش ديلفري آسف إنشغلت فالمحاظرات عيدوه ذلحين ..


رهام: قد فعلت لي سندوتش وعصير من الحاجات الي أشترينا امس لماروحنا ..


عبدالعزيز: قد عيدوه ذلحين إتغدي وإتجهزي إلبسي فستان حالي وإتصلحي صاحبتي فالجامعه عزمتنا عندها اليوم عشاء وحفله بسيطه بمناسبه زواجنا إشتيش قمر ..


رهام: قحصت فمها هآه صاحبتك 😔..


عبدالعزيز: أيوه وعيجين بنات من صاحباتنا وعيال مش ترجعي ماقلتلش البسي سوى ..


رهام: يله تمام وقامت تدور ماتلبس ذكرت إنه مايشتيش تلبس بالطوه خرجت لها فستان بنفسجي ع أبيض طويل وأكمامه طويله وطرحه بيضاء فيها وردات بنفسجي وجزمه وشنطه مناسبات ..


الباب بيدق : فتحت طلع الغداء وصل شلته ودخلت تتغدا وتتجهز ..



@qesasanani

🔺بارت21 🔺




مريم : عند المخيطه ... ماهو هذا الصدق ضبحتي بي اديلش موديل تخيطيه موديل ثاني ..


المخيطه: أنتي تشتي موديلات ماتنفعش للزنين المطرزه ..


نجات: والله إنش بتزيدي الدلع يامريم إبسري ع موديلات لاتصدقيهاش مادراها مابلا تسلم يدش ..

مريم: يوووف منكم .. البسوهن أنتوا وجلست حانقه ..

المخيطه: لاعد تحنقيش شاخيط لش الزرقاء ساع ذيك الموديل أبو ذيل ..

مريم: أنا أصلا قلتلش تفعليهن فساتين سهره مش هكذا ..

نجات: أنتي حريوه يافساتين عتلبسي مصر طالعي عليهن وعادش ع تيجان وعصبه وشكمه ماعتلبسيهن ع فساتين قذك معش فساتين ملان ..


......

عبدالعزيز: فتح باب الشقه ودخل في يده 2بوكيهات ورد وعلبه شوكلاته بيداعيها .

رهام: قد جهزت له ملابسه وتجهزت باقي تلبس الطرحه سمعت صوته خرجت تجاوبه ..


عبدالعزيز: مكنها بوكيه ورد أحمر 🌹هذه لحبيبي وهذولاء نشلهن معانا لمرجريتا ..

رهام: فرحت وشلتهن شكرا 😊.

عبدالعزيز : شكرا حاف وغمز لها😉.

رهام : ضحكت شكرا ياحبيبي ...

عبدالعزيز: تغديتي سوى.

رهام: أيوه وقد جهزت لداتك للحفله إبسرهن عيعجبنك ..

عبدالعزيز: يله تمام اخذ دش واخرج ابدل أيوه حاليات يله تجهزي ..

رهام: لبست الطرحه ومراعيه له يخرج يبدل..

عبدالعزيز: ماهو هذا قدش سعم جاهزه ..

رهام: أيوووه حالي 😃..

عبدالعزيز: حالي مه بينقلش حفله علشانش يعني الكل عيبسرش تلبسي لي هذا الله يهديش وفتح الدولاب يخرج لها فستان ..


رهام: قد دورت أحلى واحد من الطوال ..

عبدالعزيز: مطنشها وخرج لها فستان أسود قصير طويل فيه فتحه ع جنب وصدره مفتوح مربع واكمام شيفون ...


رهام: 😱 يووه مالك هذا مفتوح واكمامه شفافه انت قلت عيجوا رجال ..

عبدالعزيز: بيبسرها بضبح ولو جو رجال مايقع هانا محد بيبسر أحد هم داريين إنش مرتي وكل واحد معاه حبيبه ولامرته ماعد بيبسرش غيرها ...

رهام: مشو ع البسره هو ع الحرام ...

عبدالعزيز: ناهي ياحرام عادحنا صغار لمانشيب ولازوجوني بالسديس إلبسيه يله وصلحي شعرش ع جنب مثل اول امس كان يجنن ...


رهام: مالك مجنون والله مالبسه ولا أخرج بشعري شاسير هكذا ولا شجلس هانا ..

عبدالعزيز: 😡 رهام ماعنتصايحش هم يعرفوني الحفله علشانش يله معش ربع ساعه تتجهزي وتلبسي هانا مواعيدهم بالدقيقه مانشتيش نتأخر ..


رهام: مشتيش بتبكي 😭.


عبدالعزيز: هيا من الدلع وبعد الطرحه من فوقها تبدل ..


رهام : بتلبس وهي بتبكي 😭ماتشتيش ...



عبدالعزيز: شل العطر حقه تعطر وشل عطرها يعطرها ومسكها من كتفها رهامي هيا حبيبي بطلي زعل والله انش لماتبسريهم ماعتزعليش هكذا كل واحد حسه في نفسه ..

رهام: أنا بيبنكي من الحرام مشتيش أدخل النار..

عبدالعزيز: جبر حبيبي الي بتفتجع من النار قد حرقتيني أنا بنار حبش ..
:
رهام: ضحكت عليه ..

عبدالعزيز: هيا إبسري محلا الضحكه هذه وتشتي تسيري وانتي بتبكي أنا أشتي كلهم يقلوا ع قمر معي ولو انش شوعه 😜..


رهام: وطت رآسها والله أنا شوعه 😔.

عبدالعزيز: أنتي روحي وعمري وحبيبه قلبي ..

وخرجوا عند الحفله ورهام شلت معاها شال مغطيه أكتافها به وكل شويه تطلعه فوق شعرها فوق السياره وعبدالعزيز ينزله ..



@qesasanani

🔺 بارت22 🔺



سامي: يا أمه جاوع ادولي عشاء ..


سيده: هيا عتقومي تفعلي العشاء ولافي يدش نقش الحناء من الصبح رقده وجلسه ..

أروى: بتتأفف وعصرت عيونها مابش في يدي نقش به في بطني جاهل ولو انتي جاوعه وسامي تعشوا ما أنا وليد عيشتري لي عشاء من السوق ..

سيده: ويحسب الله وأنا أمه وهذا أخوه لااشترى لنا معه..

أروى: سنبت تقوم لاحول ولاقوه إلا بالله طبينه مشي عمه بدل ماتقل عيس يخورش واحمه وحطت يدها ع وشها جحفه ع حظ معي ماساع بنتش يعلم الله ماقد بيفعلها إبن الشيخ ..

سامي: قلي ماشاء الله لاتحسديها..


أروى: بتحطم دلا ع خرجتها الله يجعله يرجمها يخرج لكم الزنط وفرحتكم بها عرض ...


سامي: مابتقلي ..

أروى: بينقل قوم إتزوج يدولك مره تفعلك عشاء ..



.......

عبدالعزيز: بيدق باب مارجريتا ..

رهام: بتهزور الفستان تغطي الفتحه وبترفع الشال تغطي أكتافها ..


عبدالعزيز: إبسرها رهام حبيبي بطلي خباله خليش عادي إحنا والهرم عتبسريهن كلهن مخلسات عندهم عادي ..

رهام: تنهدت بضبح وسكتت ..


مارجريتا: فتحت الباب اوووه مرحبا وبتحضن عبدالعزيز ..

عبدالعزيز: مكنها الورد والشوكلاته وبيعرفها ع رهام هذه زوجتي رهام وهذه مارجريتا صديقتي .

مارجريتا: مدت يدها تسلم ع رهام ..

رهام: ابسرت عبدالعزيز ايوه قدهو العكس انت تحضنك وأنا تسلم في يدي ..

مارجريتا: ماذا تقول ..

عبدالعزيز: إبتسم 😃 تقول إنك جميله ..

مارجريتا: شكرا قل لها إنها جميله جدا ..

رهام: قليلي أنا لأني أستطيع التحدث بالأنجليزيه ..

مارجريتا: تفضلوا بالدخول محمد داخل والبقيه في الطريق ..

عبدالعزيز: دخل وبيسلم ع محمد ويزبجوا ..

محمد: ههههه أيوه يامعرص سافرت بمشكله ترجع بمره أومه ..


رهام: إبسرته يمني جلست واقفه عند الباب وبتتغطى بالشال .

عبدالعزيز: بيدعيها ماجاوبتش قام لاعندها بعد الشال من فوقها علقه وسحبها لعند محمد يعرفه عليها ...


..........

نجات: اخليهم يدوا لك العشاء ياشيخ ..

الشيخ : شابع خليني ابسر ماعنفعل مع الرجال هذا حق الأرضيه مارضيش يبيع وقد خرج الحكم لي ..

نجات: هي حقك أو حقه ..

الشيخ: حقه عجبتني مارضيش يبيع بالحلا خرجت أمر من المحكمه انها حقي ذلحين يبيع بالصميل ولا شاشلها بلاش قد معي أمر ..

نجات: يووه 😱 وكيف حقه ويدوا لك حكم..

الشيخ: بيأشر لها بيده بالزلط كله بها اديت200الف للقاضي واداه لي حرام ماتفلت من يدي أرضيه تسوى ذهب عتقع فيها عماره ياسلام ...



........


رهام : جالسه متضايقه فالحفله كل شويه بتبسر الساعه تشتي تروح ..

عبدالعزيز: مهيص ولافي حسه بيرقص ومبسوط ..


مارجريتا: هيا يارهام قومي بالرقص مع عبدالعزيز ..

رهام: لا شكرا انا متعبه رأسي يؤلمني ...


عبدالعزيز: دخل المطبخ شال كاس شراب🍷 وشربه داخل لاتبسره رهام ..

محمد: إبسره دخل بيضحك عليه هههه😃 أحارش لاعند مرتك شكلها مغصوبه عليك ضابحه .


عبدالعزيز: خفعه في كتفه اوووص من الخباله قدنا خاور قدلي منه من يوم ماسافرت واطمن مشي مغصوبه عليا غير ضابحه بعدت لها الحجات ولبستها فستان للحفله ..

محمد: كنت عتخليها وأنت

عبدالعزيز: أيوه وتبدع بي قبال اصحابنا اووص امانه خلينا نعدل المزاج 😉.




رهام: بتدوره قدهي ضابحه تشتي تروح ..


عبدالعزيز: شويه خلينا ننبسط عتبدأ الدراسه حقش وبعدا تدوري الحفلات دوار ..


رهام: سكتت وجالسه في طرف وحدها ...



كملت الحفله وروحوا ورهام ساكته طول الطريق وملاحظه إن عبدالعزيز متغير كأنه سكران بس ماصديتش تتحاكى ..


🌹meme_abdalgaleel


@qesasanani