🔺 بارت23 🔺




بعد إسبوع ......


رهام: بتتجهز عتسير المدرسه ..

عبدالعزيز: عاده راقد ..

رهام: بتهزه تقيمه عبدالعزيز هيا شرق شتأخر ع المدرسه توصلني وترجع الجامعه ..

عبدالعزيز: إبسرها وضحك يووه جبرني محلا حبيبتي طالبه ولابسه الشنطه هيا إبردي لش من المدرسه وجي أرقدي ماقدرت أقووم ..

رهام: بتحرك أكتافها ماعه إشتي أسير ..

عبدالعزيز: فاتح عين ومغمض عين إبسرها ضحك ع حركتها 😃 وقام بيتفرجها .

رهام: مالك بتتفرجني هكذا ..

عبدالعزيز: مرتي حبيبتي اتفرجها كيف ما أشتي ..

رهام: بتقرح أصابيعها أقلك حاجه وماتزعلش مني ...

عبدالعزيز: بيتفرجها بيتحيلا لها بلبس المدرسه يله قلي ماشزعلش ..

رهام: ليش أوقات أحسك طيب قوى وبتحبني وأوقات شرير بتفجعني تصرفاتك ساع يوم الحفله ....

عبدالعزيز: ضحك ههههه أنا شرير ليش مافعلت يوم الحفله لأني خليتش تلبسي الفستان وبشعرش ..

رهام: أيوه وزيد لماروحنا صيحت فوقي لمابكيت اني مارقصتش معاك ..

عبدالعزيز: مستغرب 😳يووه أنا بكيتش لما روحنا مذكرش ..

رهام: خلاص يله لاتفعلش نفسك فاقد الذاكره سامحتك لأني أحبك بس وأخر مره تزعلني والبس هكذاك بالغصب ..


عبدالعزيز: ههههه تحبيني صدق خلاص هيا إثبتيلي وجي ارقدي ابوها المدرسه ملاني نوم ورجع يرقد.

رهام : ابسرت قاروره ماء فوق التسريحه شلتها وسكبتها فوقه .

عبدالعزيز: صآح يح يح وبيضحك شل الماء ولحقها ينزفها ...


..........


سلوى: ياعدولي اليوم عتشلني صح عند الدكتوره ...

عادل: يووه اليوم معي عمل مع ابن عمي سيري انتي ومريم ...


سلوى: خلاص العمل أهم مني وحنقت خرجت تتصل لمريم ...


مريم: يووه ياسلوى مالقيتي إلا اليوم ماشقدرش شاسير أنا وهناء أقايس فستان الزفاف اليوم برووفه تشتي تنجزه ماعد به للعرس شي ..


سلوى: خلاص يله مع السلامه ..


عادل: مسنب قفاها إبسرها زآعله .... خلاص شاسير اكمل العمل بسرعه وأجيلش ..


سلوى: ماعد أشتيش خلاص كسرتوا نفسي انا كنت فارحه أسير أبسر بنت ولا ولد ...


عادل: فرح 😃 صدددق

يعني قد عيبان اليوم ..

سلوى: بزعل 😔 أيووه لكن يله خلاص مره ثانيه ..


عادل: خلاص شتصل لإبن عمي يسير هو وأنا أشلش كم سلوى معي ماسخاني ع زعلش ..


سلوى: بتدلع وتهز راسها أيوووووه مابلا ماسخاك ع الي في بطني تشتي تدرى مافي بطني خراط ..


عادل: ضحك😃 وشعفل شعرها هيا قومي تجهزي أمد ما أتصل لإبن عمي ..




..........


حفيظه وسيده عند الولاد ..


حفيظه: هيا مالش تأخرتي لاذلحين ..

سيده: تميت أغسول والعمل وبدلت وجيت .

حفيظه: 😱 يووه ومره ابنش اينهي ..


سيده: تنهدت آح ياختي بس قلك قدهي واحمه ولازد رضيت تطرح يدها في مهره هي تاعبه لكن ما للأكال ساع القشه ولا بيرزى فمها ....


حفيظه:مطننه .. يعو يابه ع قد مره وزوجها مابيقل ...

سيده : ماعيقل إنا قدهو مزقرع بها زقرعه عيعين الله ..


حفيظه: الله يعينش ويفسح قلبش ..

سيده: أمين .



@qesasanani

🔺 بارت24 🔺




عبدالعزيز: فوق السياره ..هيا كيف المدرسه عجبتش فهمتي ولا أسجلش فالمدرسه العربيه ..


رهام: 😃 فارحه حاليه ارتحت قووى ..

عبدالعزيز: الحمدلله .. نسير نتغدا في مطعم ونروح غير عيقلوا بيحب طالبه محد عيصدق إن قدش مزوجه ههههه ..

رهام: بتخزا مني 😔 خلاص حذ زاعله منك ..

عبدالعزيز: مسك يدها وحبها من يخزا منش ياخبلاء والله ماتوقعت إني إحبش هكذا صح جلف شويه أحيانا ركزي ع أحيانا هههه يعني مش دايما بس والله اني أحبش قووى ..

رهام: ههههه يله غديني جاوعه يا أحيانا زيد خليها أبدا ونفتهن من الجلافه ع طول ...



.........
عند الدكتوره ..

سلوى: ممدده فوق السرير الدكتوره بتفعلها تلفزيون ..

عادل: مسنب جنب سلوى هيا ماهو يادكتوره بشري ..


الدكتوره: ضحكت ههههه أنتوا الرجال كلكم تراعوا لولد مشنا داريه ليش ماتحبوش البنات ..

عادل: ضحك هههه لا لا عادي ما جاء من الله بنت ولا ولد أنا بينسأل بس فضول ..

سلوى: إبسرت الدكنوره ..يارب بنت يادكتوره انا نفسي في بنت ..

الدكتوره : للأسف مشي بنت في بطنش ولد وماشاء الله صحته تمام ووزنه كويس ع عمره بس زيدي الخضار والحليب أهم شي التغذيه التمام ..

عادل: فرح إسكه وريني يادكتوره وبيبسر التلفزيون وبتوريه الدكتوره فين قلبه ورآسه وارجله ...


........

في المطعم ....


رهام: ييف ماهو هذا الشم حقهم الأكل شمه شووعه ..

عبدالعزيز: ضحك شووعه مه أو قد حبيبتي واحمه ..

رهام: 😱
يوووه مع الله لاقال إشتي أكمل قرآيتي ...

عبدالعزيز: ههههه شل صحنه بيشمه مابش فيه شي اسكه صحنش يامعيفه ..

رهام: مكنته الصحن وهي بتقفي ..

عبدالعزيز: بيضحك عليها وشله يشمه ... يووه صدق شمه شوعه ..


رهام: هيا إبسرت قد فجعتني لو أنا واحمه الحمدلله ..

عبدالعزيز: ضحك هههه ناهي يامعيفه أقوم ارجعه لهم أبسر ايش هذا الأكل واديلش بدله ..



كملوا يتغدوا وروحوا ..

عبدالعزيز: وقف جنب صيدليه ونزل اشترى علاج طلع فوق السياره مكن رهام ..


رهام: ماهو هذا ..

عبدالعزيز: حبوب منع الحمل أحسن ماتوحمي وعادحنا طلبه نأجل الخلفه لما نكمل دراسه ..


رهام: أيووه عيس شكرا ..

..........


سيده: رووحت والمطبخ مندشه ملان أوعيه ... يعووو ماهو هذا ..


وليد: أروى كانت جاوعه تخورت أكله فعلتها ..

سيده: أيووووه وللمه ماترفعهن ولاغر تقدر تأكل ..

وليد: ماعجبه الكلام .. هيا من هذا واحمه تاعبه وتشتيها تغسول لش مابعدا زيدتي الجنان ..


سيده: مع لاتغسولش تفتهن في روحها وتخلي الغسوله لأمك الله يهديك يابني أنت ومرتك ...


وليد: إستغفر الله العظيم بس ودخل غرفته وصرعت الباب 🚪..





@qesasanani

🔺 بارت25 🔺



اليوووم عيبدأ عرس مريم

أروى: هيا ياعمه إقطبي شرق نسير نبسر عرس بيت الشيخ ..


سيده : انتي مريضه ولا غير مريضه ع العمل ماشاسيرش ..

أروى: كان خاطرش مانا شاسير ..


.......

مريم: يووف ماهو هذا شكلي شوعه قلتلكم مشتيش ألبس هكذا ..


نجات : والله إنش ساع القمر هيا نزفش ذلحين بالقميص وبعدا عتلبسي حقش هذك المجنانه ..

سلوى: هههه هذك لبس مغربي يا أمه مشو مجنانه وبعدا أول هي عتلبس الزنه المطرزه الحمراء ..


نجات: وغطوه ماعتلبس ؟.

هناء: عتلبس اول الزنه الكبيره الي اديتوا من الهند وبعدا هذك الفستان والماسك ..

سيده: يله كان شرق إقطبين مادام عتدخلنها3مرات ..


سيده: وصلت القاعه هي وحفيظه ..

نجات: حيا حيا بأم مرت إبني كيف انتي ..

سيده : الحمدلله كيف انتي ..

أروى: قد سبقت جالسه في القاعه إبسرت عمتها قامت لاعندها وفاعله يدها في خصرها هيا ماجاء بش أنتي قلتي ماعدجيش ..

حفيظه: يووه ع قله حياء من يحاكى عمته هكذا ..

بيتحانبين ع خرجه سلوى من غرفه الحريوه ..

حفيظه: يووه جبرني ماشاء الله واحمه ..

سلوى: أيووه مش ترجعوا تنسوا ماتجوا في ولادي شولد عند أمي ..


أروى: طول العرس وهي بتحطم هيا إبسري ع عرس وع قسام والشغالات ماقد وقفين وع هدايا بيقسموا ذلحين قد بنتش دخلت في هذا النعيم ...

حفيظه: عينش الله أكبر طارحه روح ع هذه البنيه ...



كمل عرس مريم واليوم سارت بيت زوجها ...



الشيخ ناصر: يوووه كيف فضي البيت علينا ماعد في البيت إلا سمر ..

نجات: ان شاء الله يمتلى البيت عيالهم ماذلحين ..

الشيخ ناصر: ماقد وحمتش مر إبنش ..

نجات: مسرع خليهم يفتهنوا عادهي جاهله ويتموا قرايتهم .

الشيخ: ولاعليهم شي تولد ويدوه عندنا وهم يتموا قرايتهم ..

نجات: من عيسخى يشل جاهل من أمه قدهم يتموا قرايتهم ..

الشيخ : ولا شليناه مايقع به أو عيموت هم غير يدوا لي جهال يملوا البيت ..



..........

رهام : بتتصل لعبدالعزيز مغلق قد عتجنن قلقه ..


بعد شويه عبدالعزيز: فتح الباب وهو بيغني ..

رهام: حملت لاعنده وين انت قد شجنن لاذلحين وتلفونك مغلق .

عبدالعزيز: طنشها ودخل وهو بيغني رجم الجاكت حقه وارتجم فوق السرير يرقد بلداته ..

رهام: قربت تبعد له الجزمه ودفته شمته شم غريب إستغربت ورجعت طفت السراج ورقدت ..


........



بعد شهور ....


سلوى: بتتصل لعادل للعمل بتصيح بتولد ..

عادل: اتصل لنجات تسير لاعندها أمد مايجي ..


الشيخ ناصر: يله وأنا معاكم هذا أول حفيد لي ..

فالمستشفى ....

الدكتوره: فين زوجها يوقع ع اوراق العمليه ..

نجات: 😳 للمه عمليه ..

عادل: ليش يادكتوره عمليه ..

الدكتوره: نبضات الطفل بدائت تقل ولازم نخرجه بسرعه .

الشيخ ناصر: شل الورق من يدها ومكن عادل يوقعهن ..


بعد ساعه ....

الدكتوره: خرجت الجاهل في يدها مكنت عادل ..

عادل: مسكه حضنه ومكن الشيخ هاه شيخ سمي ..

الشيخ : فرح بحفيده وحس انه شل حبهم كلهم (أعز من الولد ولد الولد ) ماشاء الله محلاه .. قدهو أحمد عادل ..

نجات: طمنيني كيف بنتي ..

الدكتوره : الحمدلله تمام لكن حصلها تمزق فالرحم إن شاء الله بعد العمليه ونبسر كيف هي ..



@qesasanani

🔺 بارت26 🔺




رهام: بتهز عبدالعزيز تقيمه .. عزيز هيا قووم شرق الجامعه قدلك إسبوع مازد سيرتش ..

عبدالعزيز: بيتمطط وبيتشقر بنص عين إبردي منها نووم.

رهام: بزعل 😔حبيبي هيا قوم قد وكفت لداتك وجهزتلك حمام دافي والصبوح قدلك إسبوع مابتروح إلا متأخر وترقد طول اليوم ..

عبدالعزيز: رجم الوساده وقام جلس .. بينذاكر أنا وأصحابي ..

رهام: حاسه إنه متغير ..والي يذاكر يشل معه كتب ولايرجع وهو بيغني وتنهدت ...

عبدالعزيز: حس إنها زاعله ..رهامي قومي تجهزي باص المدرسه عيجيلش وأنا أقوم اتحمم واسير الجامعه وشاجي اروحش أنا ونسير نتغدا خارج قدلنا خيرات ماعد خرجناش جمعه ..


رهآم: إبتسمت له تمام 😊 وقالت له أحبك ❤..

عبدالعزيز: ضحك ههه وإبسرها وأنا والله أحبش بس إستحمليني شويه وساعديني أتغير ..

رهام: في أيش تتغير قلي ماهو وأنا أساعدك ...

عبدالعزيز: قام من فوق السرير ومسكها يله شرق عليش مكنها الشنطه وباسها في خدها يله الباص جاء 🚌 مع السلامه ..


رهآم: مطننه طول الطريق بتفكر 🤔في أيش تساعده وملاحظه انه متغير صدق بيسهر بيذاكر ولا مع طيب وماهو الشم الي بيروح به معقول بيشرب لكن بينحسه بيحبني ماهو هذا ياربي ساعدني ...



..........
فالمستشفى ...


عادل: حمدلله ع سلامتش ياسلوه خاطري ..

سلوى: فوق السرير ممدده عادهي تاعبه وينهو إبني إشتي أبسره كيفهو..

الشيخ : قرب لاجنبها حبها 😘في رآسها كيف بنتي إبنش بخير قد سميته أحمد ...

سلوى: إبسرت عادل سميتوه أحمد ...

عادل: ضحك ههههه هذا أحمد ع مايشتي عمي والثاني عنسميه مهند ع ماتشتي ..

الشيخ : ههههه هيا من هذه الخباله حفيد الشيخ وتشتيه مهند ..


سلوى : أين أمي ..

عادل: عند الدكتوره سارت تحاكيها ...


الدكتوره: أصلا حصلها تمزق فالرحم لأنها تعبت فالولاده والطفل كان مرجل تعبها..

نجات: طيب مايفعل هذا التمزق عتفتهن يعني ..

الدكتوره: إحتمال ماعد تقدرش تحمل مره ثانيه بنسبه 80%والموضوع بيد الله .


نجات : 😱 يووه ياقهري ع بنتي كيف ماعتقدرش تزيد تدي جهال عنسفرها نعالجها فالخارج..

الدكتوره: مش موضوع تسفريها او هانا لأنه خلاص حصل التمزق بس كله بيد الله ..

نجات: خرجت زاعله من عند الدكتوره 😔 دخلت تتطمن ع سلوى وسحبت الشيخ ع جنب تقله ..


الشيخ : كيفه ماهو هذا نشلها أين ماتشتي نسفرها نعالجها ..

نجات: قالت الدكتوره كله ع الله ..


عادل وسلوى: فارحين بيلاعبوا أحمد إبنهم ....


...........


أروى: بتصيح آي يابطني مدري ماهو هذا الوجع ..

سيده: حملت لاعندها كانت فالمطبخ ... مالش مابه ..

أروى: بتصيح قووى إتصلوا لوليد شاموت ..

سيده : إتصلت لوليد يلحق للمستشفى ودعت حفيظه شلين تكسي وشلنها المستشفى ...


..........

عبدالله : ياخالد جي إستلم بدلي شدخل أرقد قدنا تاعب مستلم طول الليل لاذلحين ...

خالد: يله تمام وشاناوب بدلك الليله أنا الحمدلله هادئين هذا الشهر مابش مهربين كلهم بيدخلوا بضاعتهم رسمي فالجمرك ..

عبدالله : لايغركش هم هكذا يهجعونا فتره ويرجعوا يله اخطى افعل نعسه قد بينتراجم ..



@qesasanani

🔺 بارت27 🔺


عبدالعزيز ورهام فالمطعم ....

عبدالعزيز: بيتفرجها مطنن في وشها 😃 ومبتسم ..

رهام: بتحرك رآسها يمين وشمال تحانكه ..

عبدالعزيز: يييه بس إرزي من الدلع هذه الساع ههه خليني اتفرجش سوى 😃..

رهآم: بتفعل حركات خباله بوشها هههه سعم ماتعرفنيش ..

عبدالعزيز: ههههه زوجوني بنونو قري خليني أبسرش سوى قدنا فاقد لش ماشاء الله محلاش تجنني ...

رهآم: أصلا أنت لاهي قدلك فتره متغيره 😔 ووطت رآسها ..

عبدالعزيز: رهآم مستعده تتحمليني ولا لا ..

رهآم : قلي ما أتحمل ماناش داريه ماهو بتمكني اتحمليني ومشنا داريه ما أتحمل بس بدون ماتطلب أكيد شتحمل ونص ..


عبدالعزيز: مسك يدها تسلمي لي خلينا نتغدا أول ونروح نبدل ونخرج نلوي للعشي اليوم شاعوضش ع كل الفتره الي سارت وأنا مشغول عنش ..

رهآم : هي هيه هي هيه ..

عبدالعزيز: ضحك ههههه 😃 قلنا لكم جاهله ..


..........

فالمستشفى ..


وليد: وصل هيا ماهو مالها ماحصل ..

سيده: صيحت فجأءه بطني بطني وصلنا قالت الدكتوره مابلا ولاده مبكره ..


وليد: ولاده مه عادهي في السادس ..

حفيظه: ماشي قالت الدكتوره هي غلطت فالحساب قدهي فالسابع وايذا داخل بتولد ...


وليد : صورتش تعبتيها وشقيتي بها كل العمل فوقها لماتعبت ماعد بترحميها وبتخليها تنفض ..

سيده: يوووه ياعيبتك للمه شفعل بها هكذا والله مانفضت إلا أنا مامرتك مازيد طرحت يدها في مهره من حين وحمت وعادهي بتكذب عليا لكن أمرك إلي الله انت وهي ونزلت دموعها 😭 ..


حفيظه: مسكتها .. مع ياختى لاتدعيش عليهم حرام المره بتولد ..


سيده: قست قلب إبني عليا لكن ماشاقل إلا حسبي الله فيهم ..

وليد: عصر وشه ومسنب باب العمليات مر اعي ...



..........

سمر: دخلت غرفه سلوى فالمستشفى بتبكي ليش ماشلوهاش معاهم ..

مريم: حمدلله ع سلامتش وينهو مهند حبيب خالته ..

سلوى : ضحكت هههه وقاحصه ع فمها قدهو أحمد الشيخ سماه ..

مريم: ضحكت ههه وقربت تشاور سلوى يامسكينه أنا ماشرجع أقل لأبي اني ولدت إلا وقد سميت إبني 😜...


الشيخ : سار هو وعادل لعند الدكتوره يسألوها ع سلوى..



........
أروى: ولدت وإدت بنت سموها سندس ..



رهام وعبدالعزيز: قضوا يووم ممتع وارتاحت رهآم وكل يوم بتتعلق بعبدالعزيز أكثر وأكثر ..



@qesasanani

🔺 28 🔺



خرجين الوالدات من المستشفى .


سلوى: سارت بيت الشيخ تولد عند أمها ..

وليد: مارأيش تسيري تولدي في بيتكم أحسن توبه لش سوى ..

أروى: للمه مفتجع ع أمك لاتتعب وأمي مع ..

سيده: هيا ياإبني سير اتصرف للولاد وابسر لي مره تعاوني ماشقدرش ع النسوان وحدي ..

أروى: دكمت عادل وشاورته بصوت واطي قدهي تشتي معاونه ومصروف خلاص إبردلك بس شاسير بيتنا قد أمي توبه لي ......


رهآم : رابطه شعرها ولابسه المريله بتصلح العشاء ...

عبدالعزيز: دخل إبسرها بيضحك ههههه شكلش ساع الشغاله حقنا 😜.


رهآم : هيا يالقانه جي وريني حماشتك اتحداك تفعل أكل ساعي ..

عبدالعزيز: سحبها وجلسها فوق الكرسي يله عتبسري ع أكل أفعلش ..

رهآم: بعدت المريله ولبسته وبعدت ربطه الشعر وبتربطها له ..


عبدالعزيز: بيهزورها ويضحك هههه سعم إني بنت عتربطي شعري ..

رهآم: مدت لسانها 😜هيا إقطبي ياختى حظيه افعلي العشاء وأنا أدخل ابدل وأتصلح ..

عبدالعزيز: بيضحك ههههه 😃 هياتمام إرجعي اضحكي سوى لماتطعمي أكلي ..


رهآم: دخلت تبدل لبست فوطه قصيره للركبه سوداء وشميز أحمر وفعلت شعرها ذيل حصان وفعلت شموع فوق السفره ...

عبدالعزيز: فعل طبخه حاليه علمته صاحبته بس كان يحط فيها شامبانيا جلست متردد يفعل بينها أولا لاتدرى رهآم لفت ورآه إبسرها مابحد فتح الدولاب خرجهن من الكيس وسكب للطبخه ..


رهآم: بتشم الطبخه سنبت باب المطبخ تبسر مابيفعل ..

عبدالعزيز: كمل يسكب للطبخه وسكب له كأس 🍷 ورجعهن فالكيس تحت الدولاب ..

رهآم: إبسرته طننت هو قلها هذا سم للفيران وذلحين بيشرب تأكدت كل شكوكها إنه بيشرب 🍷..

عبدالعزيز: قفى يدي ملح إبسرها قدامه والكأس في يده 🍷 تصنم يبس بقعته ...


رهآم: بتتفرجه سكته 😳 انصدمت خرجت سكته من المطبخ ..


عبدالعزيز: حط الكأس من يده وحمل يلحقها رهآم رآعي لحظه أفهمش ومسكها من يدها ..


رهآم : بعدت يده لوسمحت إبعد يدك هو هذا الي بتقلي أسامحك وأساعدك فيه مشنا مسامحه وبكيت 😭..


عبدالعزيز: خلاص قد حطيته يارهآم مش بيدي قدلي 6سنين بينشرب تشتي أبطله في يووم ...


رهآم: 😱6 سنين ... أيووه زيد قلي ماعد به مخبيه عليا ومعاك بنات صاحباتك صح ودموعها بتنزل 😭
..


عبدالعزيز: قرب يمسح دموعها يارهآم هن بس خباله بس أنتي مرتي وحبيبتي وروحي ..

رهآم : بعدت يده فلتني يله سير عند صاحباتك وأشرب معاهن للصبح وارجع اكذب قلي بتذاكر ... دخلت الغرفه وغلقت الباب إرتجمت فوق السرير بتبكي..

عبدالعزيز: بيدقدق لها الباب شم حريق سار يطفي العشاء ..



...........


عادل: يله ياروحي شاروح ماعد تشتي شي ..

الشيخ : وين عتسير إرقد هانا نسمر توالهني عمتك بترقد عند سلوى وأنا قدنا وحدي قد البيت فاضي علينا بعد ماتزوجت مريم ..

عادل: يله تمام حاضر ..


سمر: سلوى ذلحين أحمد عتخليه عندي صح لماتروحي بيت زوجش ...


سلوى: ضحكت عليها ههههه أيوه ومن عيوبه له وانتي بتسيري المدرسه ..

سمر: أنا شابطل المدرسه ضبح وأجلس ألعب معه ..


نجات : ضحكت ههههه هيا أووص لايسمعش أبوش والله لاتجيه منه يخلي الولد قدهو مولع ومتعلق به قووي ...



............


سيده : هيا ماكان عيقع بك لوخليت مرتك عندنا نولدها ونوبه للجاهله حين هي سباعيه ...


وليد : مع عند أمها أحسن توبه لها ولاتشتي تشقى بها وهي والده والكل ماكفاش ولدت بحين ..



سامي: عيب عليك إدرى إن هذه امك بعت امك علشان مرتك ..

وليد: بضبح إسكت انت لأكسر فمك .


سيده: خلاص ياسامي إسكت قوى يابني من الهدار هجعنا الله يهديه بس .....







.......


عبدالعزيز: بيدقدق .. يارهام قوى افتحي لي خلاص آسف .

رهآم: بتبكي 😭 ومارضيتش تجاوبه ..

عبدالعزيز: بيصيح 😡 عتفتحي ولاشكسر الباب ...


رهآم: سير عند صاحباتك ماعليك مني 😭..


عبدالعزيز: ضبح سار يفتح التلفزيون ممدد فوق الكنبه رجع قام ادى له قاروره شراب وبيشرب ينسى الضبح لما رقد ..




@qesasanani

🔺 29 🔺


رهآم : قامت الصبح تسير المدرسه خرجت لقيته ممدد فوق الكنبه وجنبه قاروره شراب 🍾.
إقتهرت منه وفلتت وخرجت المدرسه ...



عبدالعزيز: سمع صوت الباب 🚪تغلق نكز إبسر القاروره جنبه 🍾ذكر المصياحه حقه وهو رهآم خفع رآسه ودخل تحمم وبدل وسار لها للمدرسه ..

رهآم: ماتشتي معي حصص ..

عبدالعزيز: قد إستأذنت لش إدي شنطتش يله مراعي فوق السياره ...


رهآم: شلت شنطتها وطلعت السياره ساكته ..

عبدالعزيز: رهآم أنا آسف سامحيني ..

رهآم: مطنشه له ومقفيه للطاقه ..


عبدالعزيز: يييبه من بينحاكى جاوبي..

رهآم: أيو صح آسف وبدل ماتبطل عادك جلست تشرب طول الليل صح وبكيت 😭...

عبدالعزيز: سكت مادريش مايقلها ..


رهآم: رجعني المدرسه ..

عبدالعزيز: مطنشها وبيسوق ..


.......


أروى: ياأمه اديلي قهوه ..

أم أروى: مالها عمتش ماتجي تعاوني ولا كله فوقي ..

أروى: إبردي منها يكفيني أنتي ووليد ..

أم أروى: أمانه انحنا نشتي نرجع نسير لعند هذك المره تبسرلها صرفه إبسرتي كيف قد وليد خاتم في يدش من حين شربتيه هذك الخلطه ..

أروى: أيووه ظروري وقوى يا أمه زيد إبسريها تفعلي شي لرهآم قلبي مقروح ع عيشه ورآحه وفهنه هي فيها ..

أم أروى: يووه ع نصيب ماهي وقع لها جعل لاتهنت به ولامعه ..


........



عدى إسبوع ورهآم وعبدالعزيز متصايحين ورهآم بترقد في غرفه وحدها ..

عبدالعزيز: ضبح خرج يسهر مع أصحابه ..

رهآم: قامت العشي مابحدهو قلقت عليه مسكت التلفون تتصله ..


عبدالعزيز: إبسر رقمها فرح جاوبها وصوته سكران واصوات أغاني وهيصه ..

رهام: أنا قلقه عليك وأنت ولافي حسك سهرآن شكرا ع حبك لي وقيمتي عندك وغلقت السماعه وهي بتبكي 😭..


عبدالعزيز: زعل عليها وقام يروح

........

سلوى: يا أمه قدنا تاعبه ولاد يكفي أيحين شوفي ..

نجات: نزيد ذيه إلاسبوع عاد أبوش يشتي يغني لش وعادل يفعلش زفه ..


سلوى: يله تمام ع ماتشتوا ..


.........

وليد: قد مرتي عتوفي بعديومين ..

سيده: مسرع عادهو البكر تتم إلاربعين ..

وليد: مع تعب ع عمتي كم جهدها نسوان قد هكذا يكفي ..


سيده: ما اشتيتوا .


@qesasanani

🔺 30 🔺



بيت الشيخ ....


مريم : يووه يا أمه مشو ظروري ألبس عصبه خزا قد كمل العرس ..

نجات: عادنتي حريوه مالش وبعدا اليوم غناء ..

مريم: اصلا قد تواعدت أنا وهناء تجي ولو ألبس شدخل عند النسوان وأفلتها ..

سلوى: سعم انهي من الشارع إدخلي شويه وخرجتي عندها.


نجات: يله اقطبي البسي قد المره عتجي تلبسكن ...


........

سيده: أيحين عتروح مرتك يابني أوضع لها البقعه عادهي والده تجي تجلس لماتتم إلاربعين ...


وليد: بيضحك بإستهزاء 😁 سعم انش طيبه هههه عتجلس عند أمها لماتتم الأربعين تفتهن ...

سيده: تنهدت وإبسرته بحسره ولبست وسارت عند حفيظه ...



.........

عبدالعزيز: طبعا رجع لحياته الأوله سهر طول الليل ورقده ولاعاد بيسير جامعته ..



رهآم: جالسه مطننه 🤔 بتفكر كيف تغير عبدالعزيز لأنها متأكده إنه بيحبها ... قررت تتكلم معاه وتساعده يبطل ..



........


بيت الشيخ ....


مره: يووه ماشاء الله ع بناتش محلاهن فوق المرتبه ..

نجات : ابتسمت لها 😊الله يحفظهن ..

هناء: بتأشر من الباب لعمتها أحمد بيبكي ..

نجات: تمام اوذا شدعي أمه تخرج له ..

المره: يووه ماشاء الله وهذه بنتش والكل ..

نجات: هذه بنت حمايا ..

المره: آها ماشاء الله الله يخليهن لكم ..

نجات: أمين .

سلوى: خرجت تبسر إبنها ..

مريم: قدهي ضابحه من النسوان خرجت معاها عند هناء ....


.........

خالد: هيا عبدالله جي نفعل لنا عودي قات داخل ..

عبدالله: قدحنا هنيه لاتجي بضايع ..


خالد: جي ندخل بس والله مابه أحد اليوم قذا بتبسر من الصبح ..

عبدالله: يله بعدك ودخلوا ..


🌹meme_abdalgaleel


@qesasanani

🔺 31 🔺


أروى : هيا ياأمه أيحين عنسير ..

أم أروى: مابلا لما ترجعي بيتش تبسري أي شي من لداتها تديه ..

أروى: يوووه اوذنا عندش عادش تشتي أصبر لما أرحلي والله إن قلبي بيفور إنهي مفتهنه من يوم مازيد إبسرت عرس بنتهم هي تعيش في هذك الفهنه وأنا مودفه بأخوها ...


........


هناء: إبسرت صوره لعبدالعزيز معلقه فالجدر ذكرته ونزلت دموعها مسحتهن بسرعه ..

مريم: إبسرتها خفعتها ... يييه ياخبلاء عادش بتفكري فيه بيعيه طز والله مايستاهلش ..

هناء: بقهر ماكان عيقع في عمي لورضي والله اني كنت شصبر عليه ..

مريم: هو فعل هكذا حب فيش بعد مادرى بخباص عزيز مايشتيش يظلمش معه ..


هناء: بس ع مابينسمعكن انه مرتاح هو ومرته يعني عمي ماظلمش مرته ولا ماعيظلمني إلا أنا قدلهم 8أشهر مزوجين ماقد شكتش منه ..


مريم: حضنتها وزاعله عليها الله يرزقش بالي يحبش وينسيش ..


هناء: قامت تشل أحمد من يد سمر بتلعب به .. مع ياسمر هكذا حرام عادهو نونو..

سمر: يووف منكم هي قالت سلوى قدهو حقي العب معه ليش بتصيحين فوقي ..



......

رهام: بتهز رجلها متوتره عبدالعزيز إشتي أكلمك في موظوع ...

عبدالعزيز: ضبح 😤 لو ع السهر والجامعه مشتيش ..

رهآم: سنبت كان ماهو نجلس كل يوم في هذا الجنان حرام عليك حتى ريحتك ماعد بينطيقهاش إرحم نفسك وبكيت 😭 ليش تتزوج بي مدام وأنت معك صاحبات حس فيني لو أنا أفلتك طول الليل وأخرج مع أصحابي أنا ماسخيتش أحاكي أهلي ولا أهلك لأني بينحبك واشتي تتغير ..

عبدالعزيز: فلت وخرج من البيت بيفكر في كلامها 🤔..






@qesasanani

🔺 32 🔺



عبدالعزيز: بيتمشي بالسياره وبيفكر في كلام رهآم وانه صدق ظلمها ليش يتزوج مدام وهو ناوى يعيش حياته بطيش وكيف كان أول شهر لما كان بدون أصحاب وكيف بيحبها وانه لو واحده غيرها كان كلمت أهله دور السياره ورجع البيت ..




......

خالد : يووه ماعدبش ماء بارد شاسير ادي لنا من البقاله ..

عبدالله: وأنا شخرج خارج ماينفعش نفلت هكذا ..

خالد:يله تمام أصلا قدهو عشي كودحنا نخرج شسمر معاك لما يجوا الباقي يشلوا مناوبتهم ..



.......


العشي سامرييين ...


سامي: ياوليد أيحين عتدي مرتك ماقد عرفتش بنتك ..

وليد: قد بينقل شاسير لها الصبح قدنا ضابح وحدي وهي هذه اليومين بتدحس تشتي تروح ..

سامي: أيووه عيس إديها حالي صوت جاهل فالبيت ..


سيده : بتتجابر مع عبدالله فالتلفون إتصلت له تتطمن عليه قدله إسبوع مازد إتصلش ...


عبدالله: والله إن قدنا ضابح هذه المره طولت عليكم قدلي من عرس رهآم كيفهي بتتصل...

سيده: أيوه الحمدلله بخيره قد بينقلها لاهي عتجي عطله وقدتمت تختبر تصوم هانا تعب رمضان وغربه ..

عبدالله : أيووه والله إنه صدق قدحنا فاقدين لها يله خاطرش به ضوء سياره جت أقوم أبسرها نجمرك لهم سلمي عليهم كلهم وحبي الصغيره مني لما أطلع أبسرها ....


.........


بيت الشيخ ....

نجات: اليوم مره ال***قد بتتحيلا لهناء قووى من حين دخلت تدعيش ..

سلوى: للمه أوقد تشتيها ولاشي ..


نجات: حسيت هكذا اصلا بتسألني عليها طول محنا جالسات ..


سلوى: الله يسخر لها ..


نجات: أين أبوش وأختش ماقد رقدتش مدرسه شرق عليها ..

سلوى: بيلاعبوا أحمد جت لهم لعبه هههه 😃.


نجات: والله إن قد بينهم حين تروحي قد أبوش مولع بإبنش قوى ماعد بتنزل له اللقمه إلا وهو في حظنه وأختش مابترضاش ترقد إلا وهو جنبها ...


سلوى: هههههه بتزبج ع أمها شكلي شافلته لكم تبزوه وأنا أفتهن 😜..


نجات: ههههه يله تميت اربيكم ذلحين دوركن ..

........


رهآم: بترفع كتبتها كملت السنه وبتدخلهن في كرتون ورفعتهن في الغرفه الفاضيه..


عبدالعزيز: فتح باب الشقه دخل بيحس هدوء فتح غرفه النوم مابحدهي سمع قلفده في الغرفه الفاضيه سار لاعندها ..

رهام: ماسمعتش لمادخل حست يد اطرحت في كتفها صاحت افتجعت 😱..


عبدالعزيز: إبسرها افتجعت ضحك 😂😂😂😂 بصوت عالي ...

رهآم: حاولت تمسك نفسها من صوت ضحكته ماقدرتش جلست تضحك 😂😂😂..


عبدالعزيز: محلاش لما تضحكي وكيف بتقعي شوعه لما تزعلي وتبكي 😭..


رهآم: كانت جالسه فالأرض ...أصلا أنت بتزعلني ومابتسمعش ...عادها بتتكلم ...


عبدالعزيز: جلس قدامها ع ركبه ....غطى فمها بيده خلاص لاتتكلميش انسي لاعاد تفتحيش هذا الموظوع والله إني أحبش يارهآم وبدل ماكان تعيشي أحلى أيام عادش عروسه جننتش معي آسف سامحيني ساعديني أبطل وإستحملي صياحي غصب عني وحضنها ..

رهآم: بتبكي وفارحه إنه يارب يتغير ويرجع مثل ايام العرس .




🌹meme_abdalgaleel



@qesasanani

🔺 33 🔺



عبدالله: لوسمحتوا نزلوا البضاعه نوزنها ونحسب قيمه الجمرك..


واحد من الرجال: إبسر مابلاعبدالله مابحد الباقي قرب جنبه وبيطبطب عليه بيده ياخي إبرد لك بس تعب ننزلهن دخله ظرف في جيبه شل هذه لك ولا من شاف ولا من دري ..

عبدالله: دهف يده وحمر وشه 😡عترشيني أومه إخر من جنبي يله ونزل بضاعتك ...

الرجال الثاني: حمل يهدأئهم ياخي صلي ع النبي شكلك فهمت غلطت هو قصده تشل حساب الجمرك بس أخبل مقدرش يشرح ..


عبدالله : ع عقل من عتضحك وبيصيح ياخااالد يا أبوحمزه جوا كذا شكلهم مهربين ..

الرجال: حمل طلع فوق موتر البضاعه والثاني لحقه وشغل عيخطى ..

عبدالله: خرج مسدسه بيضرب ع التواير ..

الرجال: خرج من الطاقه ضرب ع عبدالله بالمسدس وهربوا ..

خالد وأبو حمزه : حملوا سمعوا صوت رصاص ..

عبدالله : ممدد ملانه دم وبيصيح لهم يسعفوه ..

خالد: بيطلعه للسياره يشله للمستشفى .

أبوحمزه: بيتصل للنقطه الثانيه يمسكوهم..


............


سيده : مدرى مالي قلقه قلبي مقبووض..

سامي:هيا ناهي لش ياأمه أبي وعادش حاكيتيه ورهآم إتصلتلش عصر إلا لاهو أنا قد شاموت هههه وقرب بيصافدها جبر القلب المقبوض❤ ..

سيده : ضحكت ههههه هيا شرق عليك مدرسه ياطلاس قوم نرقد ..



.........



الصبح ....



أم أروى: يله ووقعي مره ولاعليش من مهره عادش موفيه خلي عمتش ماعيقع فيها شي ولداه الجاهل كن قليلها بتتغاثي تصبنهن هي ولا غر جده عالفاضي ..


أروى: بتحب رآس أمها أيووه ولايهمك يله خاطرش قد عادل بيطرق ...

أم أروى: في يد الله لاتنسى ماتبسري لنا أي شي من حق رهآم ...

أروى: بحده صوت وعيون مفتوحه أطمني ذاكره ..



........


بيت الشيخ ...


نجات : يووه مالك مابتاكلش ياشيخ ..

الشيخ ناصر: سيري إدعي سوسن تدي أبنها والله ماعد بينهنا اللجع الإ وهو في حظني ..


نجات: هيا ناهي لك مابلا تعود عادي سلوى عترحلها بيتها كيف عتفعل ...


الشيخ: طرح يده فوق ركبته وهز رآسه تشتي الصدق قد بينقل شاحاكي زوجها من عاد به فالبيت أنا وأنتي والصدق قد أحمد شل حبهم كلهم يجوا يجلسوا هانا ..


نجات: فرحت 😃 يووه مكره لكن تقل عادل عيرضى ..

الشيخ: أهم شي بنتش ماعادل عليا .....




.........


رهآم: قامت فعلت أحلى صبووح وجهزت لدات عزيز وقيمته يسير الجامعه ..

عزيز: فتح عيونه وإبتسم لها صباح العسل حقي ..

رهآم: وطت 😊 صباحك فل ساعي طبعا هههه يله جهزت الصبوح خورت لنا زلابيا وفول هيا نصتبح وهو دافي ..

عزيز: ههههه ضحك 😃 حميش حميش زلابيا وسط لندن الآن وقام يغسل وشه ..

رهآم: فرحت انه قام وعيسير الجامعه في نفسها ياربي ساعدني وساعده يتغير ..


@qesasanani

🔺 34 🔺



فالمستشفى ....

خالد: حمدلله ع سلامتك دفع الله ماكان أعظم ...


عبدالله: الله يسلمك مسكتوهم ..


خالد: أيووه مسكوهم لكن خلينا فيك ظروري نطلعك صنعاء الدكتور قال الرصاصه حنبت فالعمود وماصديوش يخرجوها داري هانا مابش إمكانيات ..


عبدالله: إفتجع ع نفسه 😱 يا الله لطفك العمود يعني به إحتمال أشتل ..

خالد: بطل خباله وتفوال مابش شي قد عنطلعك بعد ساعه صنعاء فوق سياره الإسعاف بس كنت مراعي لك تفوق تدي لي رقم إبنك أقله ..


عبدالله: لمانطلع لاقد تتصلش من ذلحين عيفتجعوا البيت ..


.........


أروى: وصلت البيت وفي يدها البنت سندس ..

وليد: قفاها باللده والشنطه ..

سيده: حملت لاعندها يووه حيا بمره ابني وقربت تشل الجاهله ..

أروى: شبحتها عادهي رقدت لاتنكزيهاش وبعدا تجلس تبكي شلت بنتها ودخلت غرفتها ..

سيده: 😔 إكتسفت ودخلت المطبخ ..

وليد: دخل بعدها الغرفه .. ليش ماتمكني أمي تبسرها ..


أروى: يووف منك وقلدت زاعله 😔تشتي تزعلني وأنا والده ضر ع بنتك بعدا الحليب أنا غير قلت حرام البنت عتتكز بعدا ماعاد عترقدش لماتقوم وانا شاخرجها عندها .


وليد: هآه 😁 وبعدا ماسخاني ع حقي القمر أزعلها قدنا فاقد لش قدلش شهر في بيتكم عادنا شازعلش ..

رهآم: ضحكت بلئم 😃 يووه تسلم لي ياروح قلبي ....

..........


رهآم: مايشتي حبيبي أفعله اليوم غداء ..

عبدالعزيز: ههههه ماقد هضمناش الصبوح 😃 تسلم يدش إفعلي ماتشتي ..

رهآم : يووه ريت والله ومعانا حلبه نفعل مقلى سلته من حق صنعاء ..

عبدالعزيز: خلاص لاتفعلي شي ارجع من الجامعه ونسير المطعم اليمني ..

رهآم: تمام وجلست تتفرج له بإبتسامه 😊..

عبدالعزيز: بيحرك يده قدام وشها ييييه الأخت معجبه وضحك هههههه ..


رهآم: ضحكت هههه زيزو تسلم لي يارب إنك قررت تتغير ...

عبدالعزبز: ماهو ماهو زيزو هههه إسكه قليها مره ثانيه 😉.


رهآم: ضحكت بخزا 😊 يووف منكم يله شرق عتتأخر ودهفته من الباب ..

عزيز: خرج ورجم لها حبه فالهواء 😘..

......


وليد: تلفونه بيرن ... ألوووو.


خالد: السلام عليكم كيف حالك ياوليد .


وليد : الحمدلله تسلم من معي ..

خالد: أنا زميل أبوك في حرض بس حصلت حادثه بسيطه واحنا في طريقنا ذلحين لصنعاء قلت اقلك تسبق للمستشفى واطمن إبوك بخير ..



وليد: سنب كان جالس فوق السرير إيش 😱كيف بخير ومستشفى ماحصل ..


خالد: والله إطمن قدحنا قريب وعتشوفه ..

وليد : يله الأن قدنا متحرك مع السلامه ..


أروى: مالك من مريض ..

وليد: بيلبس الجاكت أبي شاسير المستشفى لاقد تحاكيش أمي لما أبسر .. خرج وغلق الباب ..

سيده: بتداعيه يييه وليد رآعي تغدا أين عتسير ...


أروى: تشتي تقهرها سنبت باب غرفتها وطارحه يدها عرض الجدر قالوا عمي مات مدرى ماوقع به 😜
وسار يبسره للمستشفى ...


سيده: صاحت يوووه 😱 زوجي مات ودوخت باب المطبخ ...


أروى: غلقت باب غرفتها ودخلت عند بنتها ..


@qesasanani

🔺 35 🔺



سلوى: ماشي يا أمه ماينفعش كيف أجلس هانا وأفلت بيتي..

نجات: مايوقع يابنتي مافيها مش أنتي لا أول ولا أخر واحده تجلس في بيت أهلها وبعدا سدي أنتي وأبوش قدهو مولع بإبنش قووى ماإبسرتش تولع بأحد منكم هكذا ..

سلوى: إبتسمت 😃 أيووه قدنا مستغربه كيف طبع أبي لاعنده كان يصيح فوقنا أووص وسكته حتى أذكر لماولدتي سمر كان يصيح لماتبكي ..

نجات: مرتزحه عرض المدكى شلت الوساده حق المدكى وطرحتها فوقها وتوضعت ... هذا صورت إبنش سحره هههه أمس دخلت لاعنده وهو بيبكي دخل شله من يدي يرقده ..

سلوى: الله يجبرني بعافيته أقوم أبسره..


..........


سامي: دخل بيتهم بيفتح الباب بيداعي ياأمه يييه ..

سيده: مدوخه باب المطبخ نص جسمها خارج ونصه داخل المطبخ ..

سامي: إبسرها بيهزها ويقيمها ييييه ياااأمه ودخل يدي ماء يسكب فوقها.

أروى: سمعت صوت سامي خرجت ... مابتفعل هانا هيا سير المستشفى مدرى ماله عمي ..

سامي: ماركزش ماقالت تخايبه إنها بتقله يشلها المستشفى ...إبسرها بربع عين .. أمي مدوخه وأنتي هانا مغلقه ع نفسش ..


أروى: تأففت ..اوووف وأنا مادرآني أو بينعلم الغيب وبعدا إخر كذاك مايفوقوش هكذا قربت تلطومها في وشها ياسعم تقوقها ..


سامي: هزر يدها هذا قدهو ضرب ماعدهوش فواق إبعدي ودهفها ..

أروى: قلدت إنها بتبكي 😭 وقامت هكذا جزآتي مشنا داريه ليش بتكرهوني هكذا ..


سيده: فتحت عيونها وبتبسر سامي وتسوم ...


سامي: فرح 😃هآه أمه الحمدلله إفتهنتي ..

سيده: قرحت بكاء 😭 أبوك مات شلني عند أبوووك ..

سامي: 😳 تفاجأ بصدمه هآه إيش أبي ماهو هذا الكلام من قلش ..
سيده: مرتزحه عرض باب المطبخ بتبكي ويدها ع رآسها مره أخوك قالت لي إتصل لخوك إبسره ..

سامي: حمل بيدقدق باب غرفه أروى وملامح الخوف والقلق في وشه يييييه من قلش مال أبي ييييه جاوبي وبيرزع الباب ..



أروى: فتحت الباب طارحه يدها عرضه ..بكل برود بتجاوبه مدرى من إتصل لوليد إوذك وليد سار مستشفى ال***إبسره ..


سامي: خطي بيفتح الباب بيصيح لأمه اوذا شاسير المستشفى ابسر مابه ..

سيده: كانت بتلبس البالطوه ودموعها ماوقفتش😭 رآعي لي شاجي معك أبسر ماله زوجي ...


..........

رهآم : بدلت وتشيكت وأول مره تفعل لها روج من نفسها بدون مايضغط عليها عبدالعزيز ومرآعيه له يروح ..

عبدالعزيز: فتح باب الشقه روح من الجامعه بيلعب بالدواير في يده .. رهآمي رهوم قلبي ..

رهآم: خرجت من الغرفه نورت بيتك ..

عبدالعزيز: إبسرها من طالع لانازل له له إيش هذا الحلا والشياكه عيحسدوش عليا ..


رهآم: خزيت ووطت رآسها 😊 عجبتك ..

عبدالعزيز: بيتحيلالها جبرني بالي بتخزا 10أشهر مزوجين وعادش بتخزي بس الصدق تجنني إلا حاجه واحده بس ماعجبتنيش ..


رهآم: رفعت رآسها بخوف إييييش لاتقليش أبعد الحجاب ..

عبدالعزيز: بيخوفها .. ضحك ههههه 😃 أيوه ابعديه بس ابعدي الروج ماشتيش أحد يبسرش غيري وإحنا سدينا من اليوم أكون إنسان جديد ...

رهآم: فرحت بتغييره قربت تحبه في خده 😘 وبخزا شكرا ودخلت تمسحها ..

عبدالعزيز: تحيلالها .. عفوا ودخل يبدل يخرجوا يتغدوا .



@qesasanani

🔺 36 🔺



فالمستشفى .....


عبدالله: في غرفه العمليات ..


خالد: بيشرح لوليد كيف حصل الحادث ...


وليد: خايف ع أبووه وبيفكر في كل لحظه زعله فيها بس حاسس إنه كان غصب عنه..تلفونه رن


سامي: أين أنت مال أبي ..

وليد: خفع رآسه .. مابش شي من قلك ...

سامي: أروى ذلحين أين أنت انا وأمي نازل ماله أبي صدق مات قلي الصدق لاتفجعنيش ..


وليد: الحمدلله بخير بس عادهو فالعمليات اوذا شنزلكم..

سيده: بتهزور سامي من يده أين أبووك مافيه ..

سامي: حط يده ع رآسها قوى ياأمه إذكري الله الحمدلله قال وليد عادهو فالعمليات ..

وليد: إبسرهم بيأشر لهم ..

سيده وسامي: طلعوا ...




.......


عبدالعزيز ورهام فالمطعم اليمني ....


عبدالعزيز: ارتزح عرض الكرسي وطرح يده ع بطنه .. هذا غداء واحد يدرى انه شبع قلك أكل ديلفري ..

رهآم: قلدت زاعله😔 والله هكذا يانكار هيا دور من يزيد يفعل لك زلابيا ..


عبدالعزيز: ضحك هههه 😃 لاتصدقيش إلا إلا حميش ..

رهآم: بتحانكه 😜مارأيك نسير نرمض في صنعاء بدل ما أجعجك وأمكنك ديلفري .

عبدالعزيز: هههههه وبغمز بعيونه 😉 بتتعذري بالجعجعه يانزغه مابلي قلي فاقده لأهلش ..


رهآم: وفاقده لهم والكل أول مره أتزوج و أبعد عنهم ..

عبدالعزيز: إشترغ بيضحك هههه عتطفحيني هههه قلك أول مره أتزوج ليش كم عادش تشتي تتزوجي ..

رهآم: قاحصه إصبعها سعم بتفكر أمممممم يمكن 3أو 4غيرك ومدت لسانها تحانكه 😜..


عبدالعزيز: بيضحك ههههه ومسك السكين وحطها جنب رقبته بيأشر لها شاذبحش لوتبسري غيري بس قلك تتزوج هههه .

رهآم: إبسرت واحد قدامهم بيتفرجه ويضحك أشرت لعبدالعزيز الرجال بيضحك عليك ههههه ..

عبدالعزيز: إبسر الرجال وخزي ☺حط السكين من يده ... هياناهي لش لاراحت لش بدعتي بنا ....


رهآم: بتهز رآسها وأنا ماعليا ...

عبدالعزيز: طنن في وشها بيحس إنه كان مهتم بالسهر وصاحباته ومعه مره طيبه وحبوبه وقمر..


رهآم: بتحرك يدها قدام وشه واا مطنن ..

عبدالعزيز: إبتسم ... هيا عتخزني قد إسمه غداء يمني ..

رهآم: ليش بيبعوا قات هانا ..

عبدالعزيز: أيووه هيا نسير نشتري ونروح نخزن ..

رهآم : روحت لبست زنه مطرزه ولبست عليها مصر طالعي ونازلي شلتهن معاها ووظعت لهم بقعه فرشت فالقاع وفتحت أغاني صنعاني وخزنوا جمعه ...


...........


@qesasanani

🔺 37 🔺



بيت الشيخ ....


سلوى: مال أبي ماقد روحش كيف له اليوم خرج إشتي أحاكيه إنه شاروح بيتي ماعينفعش أجلس هانا ..



نجات: والله مادي لش علم أين سار وشل معه سمر .


سمر: دخلت لاعندهن بتتنبع وشعرها ذيل حصان ..الله محلا الحاجات الي أشتري أبي 😃طلعت أقلكن لحد ينزل الرجال نازل ..


نجات وسلوى إستغربين .😳.


سلوى: بإستغراب رجال مه وما أشترى ..


سمر : بتهز أكتافها مآعه قلي أبي سر لاقلش وخرجت من الباب ...


نجات: بتداعيها ماجاوبتش ..


سلوى: يعلم الله ماجر بتسمعوا الخفاع ..


نجات: عيكملوا وعندرى مه وإرتزحت..

.......


فالمستشفى.....




وليد: يعني أيش يادكتور ...


الدكتور: مثل ماقلتلك الرصاصه كانت فالعمود ونسبه نجاح العمليه كانت 70% لما يفوق وعنبسر ...



عبدالله : فوق السرير ممدد ماقد فاقش ..

سيده: مسنبه جنبه وماسكه يده ..


سامي: إدآلها كرسي هآه أمه إجلسي بدل السناب أرجلش ...



.........

أروى: إبسرت البيت فاضي مابش أحد دخلت تندش في دولاب رهآم تفتش في لداتها القديمه لقيت شميز كان يعجبها تلبسه دايما حطته في كيس أسود ولفته في دولابها تحت اللده ...



حفيظه: بتدقدق الباب ...

أروى: حطت الكيس بسرعه وحملت تفتح إفتجعت لو قد رجعوا ..


حفيظه: يووه يابنتي صدق عمش تاعب كيف قدهو ..

أروى: يووه صرفوا مسرع قد دريتي ...


حفيظه: قلي صاحب البقاله ذلحين حين بينشتري روتي ع ضويتي من الولاد إبسر سامي وعمتش ع سيرتهم المستشفى وسألهم..


أروى: والله مدري لش علم كيف هو عادهم فالمستشفى من ظهر مشنا داريه بخير أومات ..



حفيظه: حجاب ع بورده فيش عاد الناس يتصلوا يسألوا هم في أي مستشفى أخطى انا وزوجي نبسرهم ..

أروى : للمه سعم تسيري تشتي تتجملي سعم هيا هم في مستشفى ال****يله خاطرش بنتي بتبكي وغلقت الباب في وشها ..


حفيظه: يووه غبني عليش ياسيده ع ودافه الله يعينش ...


.......


الشيخ ناصر: بيداعي من الدرج يييييه يامره سلوى إنزلين ..


سلوى : يوووه ماهو هذا يا أبه..


الشيخ: للمه ماعجبتش والله ان قدهي أحلى شي إبسرته ..

نجات: ماشاء الله والله إنهي تجنن قوووي ..

سمر: وأنا والكل أبي أشترى لي جي إبسري حقي والكل ..


الشيخ: وحقش ياسلوى خليتها لماتسيري انتي وزوجش تجروها ع ماتشتي ..


سلوى: بس يا أبه أنت داري إني شاروح بيتي كيف تشتري لأحمد غرفه هانا ...


الشيخ: تروحي وتشلي ابني معش لاتحلميش قد حاكيت زوجش الصدق ماعاد شقدرش أفلته ماعد بينبسرش يومي إلا لو اصتبحت بوشه ...


نجات: مسكتها هيا وأنتي بكم توالهيني أنا وأبوش مدام وزوجش رضي ...



......

أروى: بتتصل لأمها تجابرها من عمها وقالت لها إنها شلت شميز رهآم .


🌹 meme_abdalgaleel


@qesasanani

🔺 38 🔺



بعد إسبوع .......


سلوى: بعد محانبات هي وأبوها وافقت تعيش عندهم هي وزوجها ..


عبدالله: اليوم عيخرج من المستشفى بس حصل عند شلل رعاش في يده من تأثير الرصاصه ..


رهآم وعبدالعزيز: مرتاحين وبدأ يركز في جامعته وبطل السهر ..


رهآم : بتقيمه .. زيزو هيا حبيبي اليوم نتايج المدرسه ..

عزيز: بيتفرجها بعين مغمضه وعين مفتوحه رآسبه رآسبه اجلسي بس ..

رهآم: خفعته بالوساده هيا قووم يارآسبه ..

عبدالعزيز: قام مسك الوساده يخفعها ..

رهآم: بتحمل منه تكحولت للقاع..

عزيز: وطي يبسرها مسك يدها بيقيمها وهو بيضحك عليها ههههه تستاهلي 😜.

رهآم: بتتوجع وقاحصه فمها بس ضحك وخباله رجلي 😭 مقدرتش تسنب ..

عزيز: حط يدها ع رقبته وسنبها جلسها فوق الكرسي بيبسر رجلها ..

رهآم : ذلحين كيف أسير المدرسه مكسحه بسببك أومه وخفعته في رآسه ..

عزيز: هههههه أصلا رآسبه إجلسي بس ومد لها لسانه 😜.


رهآم: تشتي تقوم تضربه ماقدرتش تسنب .. هيا إدي لي أي شي نربطها ونسير المدرسه .


عزيز: بيحانكها 😉
أديلش مشمع وسيري اشحتي في الجوله ههههه 😜.


رهآم: بتتفرجه بضحك 😃 خليها تفتهن وأوريك اللقانه هيا ادي لي التلفون أتصل لأمي أسألهم ماهو الي فعلوا لأخي سامي لما إعتاصت رجله مدرى بما كانوا يدهنوها له ...


عزيز: هياناهي لش يايدهنوا لوبتوجعش قوى قومي أشلش المستشفى ..

رهآم: مع شتصلهم بس أسألهم وقدنا أطمن عليهم ..

عزيز: مكنها التلفون .. يله تمام وأنا أخذ دش ونسير المدرسه .


...........
بيت الشيخ :



مريم : الله الله ماهو هذا الدلع كله أسبوع أغيب عليكم أجي وقدسمر بغرفه جديده ..

سمر: غايبه مارضيتش تسير المدرسه تشتي تلعب مع أحمد.
... عاد غرفه أحمد تجنن وغرفه سلوى ..


مريم: إستغربت ماكانتش داريه إن سلوى عتجلس في بيتهم كانت مسافره مع زوجها ...

نجات: سمعت صوتها حيا حيا ببنتي كيف أنتي ..

مريم: تسلموا بخيره صدق سلوى عتجلس هانا ..

نجات : أبوش مازد رضي يخليها ترحلها بعد ماولدت قدهو مولع بابنها قووى..

مريم: وأنا تقلي عيرجع يحب إبني هكذا ولاهي غير سلوى .


نجات : له حلات كما جاء من وقته ..


مريم: ضحكت خازيه 😊 قدنا واحمه ..

نجات: يووه مسرع ماتفتهني لش شويه يابنتي ..

مريم: سكتت وينهي سلوى أقلها ..


........



رهآم:.بتتصل لبيتهم جاوبتها أروى كيف أنتي وين أمي ..


أروى: عادهي فالمستشفى مع عمي ماقد روحوش اليوم عيخرجوه .

رهآم: إفتجعت 😳 أيييييش مستشفى ماله أبي..

أروى : يوووه 😱 محد قلش وقعت فيه رصاصه فالعمل بس ماماتش قد فيه شلل رعاش في يده ..

رهآم: صاحت وبتبكي 😭 وليش محد يقلي ..

عزيز: سمعها بتصيح وتبكي ع خرجته من الحمام إفتجع حمل لاعندها .. مال روحي رهآمي مالش بتبكي وبيهديها ..


رهآم: 😭 أبي فالمستشفي وقعت له رصاصه ..


عزيز: 😳 إيش وشل التلفون من يدها ادي احاكيهم وأفهم ..

أروى: هآه أخي وبتحكي له ماحصل ..

عزيز: يله تمام تسلمي شتصل لوليد مع السلامه وحط التلفون نسي مايغلقه حسه عند رهآم يهديها ..

أروى: بتسمعه بيهدي رهآم ويدلعها حست قلبها ❤بيفور غيره غلقت واتصلت لأمها .


@qesasanani

🔺 39 🔺



سلوى: 😃 مبروووك ياأختي يله عيس يلقى إبني صاحب يلعب معه ..


مريم: الله يبارك .. وبعدا مشتيش ولد إشتي بنت أكن ادلعها وأمشط لها ...

سلوى: أيووه ياخطيره مابلا تشتيها بنت تزوجيها بإبني حركات هههههه..


الشيخ: دخل من الباب سمع مجابرتهن من قد تشتي تزوجين .


مريم: إبسرته قامت تسلم عليه وحبته في ركبته 😘..

سلوى: مريم واحمه قلتلها لوبنت نزوجها با أحمد ..

الشيخ: مسكها وحبها في رآسها 😘ألف مبروك يابنتي عقبال أخوكن لما يزيد يفرحني وتملوا لي البيت عيال ..


سلوى: يووه يا أبه خلي مرتهم تفتهن شويه حرام عادي صغيره وتعب غربه .


الشيخ: ذكريني نتصلهم العشي ونبسر لاهم عيجوا يصوموا عندنا قدنا فاقد لهم ...



..........


أم أروى: خلاص تمام شاجي بعدا لاعندش ياسعم أسأل ع عمش وأنتي مكنيني أشله للمره ..


أروى: بتهز رجلها أيوه يا أمه قوى لوتبسري كيف جلس يتراشاها وسكتها هي مفتهنه معاها زوج يدلعها وأنا قذال زوجي إسبوع عند أبوه فالمستشفى مخاطبه باأهله..



أم أروى : ماعليش شي ولاتقهري روحش مالش إلا مايرضيش ...



.........


وليد: بيسوق السياره وسامي جنبه مروحين من المستشفى..


عبدالله: جالس وراء وسيده جنبه ..



عبدالله: سامحوني تعبتكم وذلحين قدنا هكذا لاعد أنفع لمهره ولادهره قدنا عاله عليكم ونزلت دمعه من عينه 😔 إقتهر ع نفسه..


سيده: يووه جعلك العافيه تقل هكذا والله لأخدمك بعيوني وبعدا سمعت الدكتور قال إن شاء الله تتحسن هي غر رعشه في يدك الحمدلله مامتش ...


سامي: لونخدمك بعيوننا يا أبه مالك تغثينا هكذا ..


وليد: تلفونه رن .. بيجاوب عزيز.


عبدالعزيز: ألف سلامه عليه ولاحد يقلي كيف قدهو.

وليد: ماحبيناش نقلقكم الحمدلله قدحنا فوق السياره مروحين..

عزيز: عمتي معك تحاكيها رهآم بتقلق..

وليد: مكن سيده التلفون بتحاكي رهآم وتطمن عليهم ...




.......


عزيز: هيا إطمنتي عليهم الحمدلله قومي نبسر شهادتش يارآسبه..


رهآم: ماعدبش نفس خلاص سير إديها أنت بس وزيد رجلي.


عزيز: يشتي يلطف الجو 😃 مابلا رآسبه وبتتعذري وبعدا هيا نخرج نشحت برجلش أبومشمع ندخل زلط هههه.

رهآم: ضحكت هههه والله مانا رآسبه يله قووم .


خرجوا ادوا حقها النتيجه ناجحه بمعدل84.5% وشلها حديقه فيها بحيره تغير جو بعد زعلها ..





........


أروى: فتحت لهم الباب حمدلله ع سلامتك ياعم .


عبدالله: إسبوع ولاتجي تزوريني ..

أروى: مفعل علاسب البنت وين أفلتها.

سامي : مسك أبوه بيدخله.

وليد: دخل غرفته يرتاح.


سيده: هيا إسكبي طاسه مرق لعمش ..

أروى: عوجت فمها 😏 مافعلتش غداء البنت بتبكي من الصبح ماهجعتنيش ..


سيده: إبسرتها وطرحت يده فوف يد خيره الله قوم ياسامي شل زلط من باب دولابي تحت الزنه الخضراء وسير إشتري لنا غداء ...





أروى: دخلت لغرفتها بتبكي 😭 مالهم عليا هكذا بينقل لعمتي قد فعلت غداء اسكب لعمي مرق قالت مشي مراعيه لي وخلت سامي يسير يشتري غداء مالهم عليا ..


وليد: ممدد تاعب يشتي يرقد خليني أرقد من جنانكن هذه الساع تاعب وشل الوساده وغطى وشه ..



أروى : بتتفرجه هيا ناهي لك في نفسها والله لأوري أمك وأقهرها في بنتها 😡
.








@qesasanani

🔺 40 🔺




عزيز: جالس قدام البحيره بيراجم بحجار..

رهآم: تصدق مافرحتش بنتيجتي اليوم ..

عزيز: حاسس إنها ضابحه ع أبوها .. يشتي ينسيها أيوووه أصلا غشيتي كيف عتفرحي 😜..

رهآم: بتخفع بيدها ساع الجهال ماعه والله ماغشيت إنها نتيجتي بطل محانكه ..

عزيز: بيحرك حواجبه يحانكها ولو مابطلتش ماعتفعلي بي هههه..

رهآم: شرجمك للبحيره هههه...


عزيز: قصدش شرجمش أنا وأنتي مكسحه هكذا قصدي شحاته هههه .

رهآم: والله هكذا وسنبت وهي بتعرج بتدهفه تشتي ترجمه .😃

..

عزيز: قرب لجنب البحيره بينازفها بالماء ويحانكها ياشحاته الله كريم ..😜



.......


بعد يومين ....


أروى: بتتصل لأمها هيا مه مافعلتي .

أم أروى: عادنا ماقد سيرتش تشتي زلط ..

أروى: كم تشتي .

سيده: بتداعي هيا أروى شرق جي نقرب الغداء ..

أروى: يووف احنا والهرم يله شتصلش بعدا وأدبرلش الزلط أقوم نقرب الغداء مع السلامه ..



.......


عزيز: بيداعي رهآم ... رهوم أينو قلبي ..

رهآم: كانت في غرفتها ضابحه منه 😤.

عزيز: دخل لاعندها مال حبيبي مابتجاوبش ..

رهآم: ماهو هذا .. خرجت له من جيب الكوت فاتوره أنا قلت ووعدتني تتغير هذه فاتوره3قوارير شراب 🍾 جالس بتشرب خارج وبتكذب عليا..

عزيز: ضحك ههههه ياخبلاء لو قريتي التاريخ سوى كنتي عتدرى انها قديمه والله يارهآم إني بينحاول اتغير علشانش وبعدا خربتي المفاجاءه هكذا خرج لها تذاكر سفر حجزت لنا بعد اسبوع عنسير نصوم في صنعاء وعنرجع رابع العيد .

رهآم: 😃 فرحت وبتتنبع ساع الجهال هيه هيه ..

عزيز: بيحانكها نو نو وااا نونو وبيضحك هههه 😃.



........

سامي: يا أمه اشتي زلط أشتري علاج لأبي ..


سيده: فالمطبخ بتقرب شل من الدولاب من هذك البقعه الي أنت داري ..


أروى: بتسمعهم 🤔 بدل ما أدور زلط أشل من حقها ومحد عيدرى مشي أمي مخاطبه تدي زلط من عندها ...


.....


عادل: والله إن أبوش بيحرجني قووي بكرمه معانا ...

سلوى: 😃 يووه هو أبي يعني أبوك.

عادل: داري بس مابيرضاش يخليني حتى أصرف ريال وكل مانخرج ويعجبني شي لأحمد يشتريه هو ..

سلوى: تصدق قد بينحسد إبني ههه من كثر مابيدلعه أبي وعادهو جاهل كيف عيفعله لمايكبر شويه ..


عادل: الله يحفظه .. اليوم شخرج العشي أسير أتوسط مع صاحب الأرضيه الي بينه وعمي مشاكل ..

سلوى: ليش ماقد سدش أبي معه.


عادل: ماشي قلت أسير من نفسي أبسر لاهو عيرضى نحلها سلمي بدل الجنان هذا والله مقدر أجازي عمي ..


سلوى: تمام بس لاتسيرش وحدش شل أحد معك.


.......

قربوا الغداء.

سيده: بتأكل عبدالله.

سامي: ماقد جاش سار يشتري العلاج ..

وليد : بيتغدا ..

أروى: يووه هذا سندس بتبكي أقوم أبسرها .

وليد: مابينسمع شي تمي غداش .


أروى: مع افتقدها بساعتي وأرجع ..

قامت اتأكدت إن مابش أحد دخلت بسرعه لاغرفه عمتها فتحت الدولاب بتدور الزلط 💵 لقيتها شلت 10ألف وطرحت الباقي وخرجت بسرعه وغلقت الباب وقلبها بيدق ..


وليد: بيداعيها يا أروى يييه مالش مازد رجعتيش عنتم الغداء ..



أروى: إفتجعت خبت الزلط بسرعه 💵في دولابها وشلت بنتها وسارت ..

عبدالله: مالش اديتي البنت برد عليها ايذا رآقده ..

وليد: مال وشش شكلش مفتجعه😳.


أروى: هآه ... مابلا كنت شدرب والبنت في حضني إفتجعت عليها خلاص تموا اتغدوا شبعت اشل البنت بقعتها صدق لاتستبرد .. فلتت وقامت .



سيده: إدي صحن يابني أغرف لها مدرى مالها اليوم مزغوطه وشله معك لما تقوم ..



سامي: دخل ادى العلاج .. يا أبه صاحبكم خارج الي اسعفكم يشتي يبسركم .


عبدالله : دخله الديوان أمد ماجي .



أروى: غلقت عليها باب الغرفه بتعد الزلط سوى واتصلت لأمها .


@qesasanani

🍓
41
🍓


خالد: حمدلله ع السلامه طلعت اليوم أبسرك وأجابرك.


عبدالله: الله يسلمك والله مانا داري كيف أجازيك لولاك إني مت .

خالد: الموت والحياه بيدالله وأنتي أخي مافعلت إلا واجبي ..

عبدالله: يده بتهتز إبسرت كيف قدنا ..

خالد: إسهل ياخي دفع الله ماكان أعظم حين قد روحك بخير .

عبدالله: قد بينهم العمل من عاد عيقبلني وأنا هكذا و تنهد .



خالد:.بيهز رجله متوتر ..هذا الموضوع الي جيت لك فيه وخرج له ظرف من جيبه ✉ طرحه في حضنه ..

عبدالله: ماهو هذا مافيه ..

خالد: بنظره زعل 😔عينوا بدلك واحد فالعمل لمادريوا بحالتك وحولوك تقاعد وصرفوا لك هذا المبلغ تعويض ومعاشك عيمشي كل شهر ..

عبدالله: قحص ع أسنانه بقهر ...الله الغني عنهم .



........


رهآم: زيزو هيا نتصل نطمن ع أبي ونقلهم ان قد حجزنا ...


عزيز: تمام هيا نتصلهم بس نخلي السفر مفاجئه ..

رهآم: زيزو أنا آسفه لما زعلتك وتصايحت معك ..

عبدالعزيز: إبسرها بنظره ندم 😢أنا الي آسف ع كل لحظه زعلتش فيها وبعدا ذلحين ليش الهرم هذا قومي نتصلهم ...


............

أروى: بتلبس البالطوه وشلت بنتها وخطيت ...


سيده: أين عتسيري؟.


أروى: أبسر أمي وأشل سندس تدهونها ..

سيده: تمام وسلمي عليها.



.......


العشي ...



سلوى: يا أمه قدقلبي بيفور ولاجاوبني لذلحين ...

نجات: ليش وأنتي القلق شويه وعيروح ..


سلوى: شاقلش بس لاتحاكيش أبي قال عيسير يبسر الرجال صاحب الأرضيه الي متصايح هو وأبي عليها يتوسط ..


نجات: الحمدلله حلا ان زوجش عاقل وسار يحاكيه يتوسط بدل الجنان والمشاكل ..

.....


أروى: هآه أمه إشبحي 💵 10ألف شليها للمره غير قلي لها تقطبنا ..

أم أروى: منين إديتيها كيف لومارضي زوجش يديلش ماقلش للمه ..

أروى: نكزت هآه 😳 أيوه أيوه هو اداها لي قلتله أشتي أشتري لي لده قد حقي صغار بعد ماولدت ..

أم أروى:.يله حلا حين مابعسسش شابكر الصبح أسير لاعندها 😈.



أمرش إلى الله يا أروى أنتي وأمش 😔.


🌹meme_abdalgaleel



@qesasanani

🍓
42
🍓
الصبح ...


سلوى: جالسه فالصاله مراعيه لعادل ماقد روحش ..


نجات: نزلت تدي صبوح للشيخ 😱يووه مسرع قمتي كيف لش ..


سلوى: بتهز رجلها وتقحص أظافيرها أين قمت ماقد رقدتش عادل ماقد روحش لذلحين وبينتصله مابيردش ..


نجات: 😱 يوووه لذلحين الله يسمعنا خير شاطلع أحاكي أبوش يبسره ..

سلوى: ملامح القلق ع وشها أيووه يا أمه قووى بساعتش ..


نجات: يله الآن الله يحفظه وأنتي زيدي إتصلي لاهو عيجاوبش ..



الشيخ: بيلبس الصماده قبال المرآيه إبسر نجات .. هيا وين الصبوح ..

نجات: والله مانا داريه ماقلك ياشيخ زوج بنتك خرج أمس لاعند صاحب الأرضيه يسد بينكم ماقد روحش لذلحين قد بنتك عتجنن ..



الشيخ: صيح 😡 ماسيرته أنا قلت لحد يتوسط شاشلها غصب مشو برضاه قيمتها وشديها له قد وقعت مشكله كبيره قبل يومين ونزلت المسلحين للأرضيه وخري من قبالي نسير نبسره ..


نجات: بتلحقه فالدرج رآعي كان اديلك لجع صبوح ..

الشيخ: شابع خلينا نبسر الرجال قد الدنيا غاغه وهو ادى مسلحين من بلاده الله يستر ع زوج بنتش مايسدوش في أراضي بالحلا الله يهديه ...


سلوى: سمعته حملت لاعنده قوى يا أبه إبسره قد قلتله لايسيرش وحده ماسمعش مابش معه حتى مسدس ...


الشيخ: صيح للمرافقين وخرجوا ..


.........


سامي : رآقد في غرفته ...


سيده : فتحت دولابها تخرج زلط تمكنه يشتري روتي للصبوح وزبادي بتبسرها ناقصه 😱 يووه أين جت الزلط ..


عبدالله : إبسريها سوى لاهي نكعت ولادخلت بين اللده ...


سيده : بتندش الدولاب مابش قذا ندشته كله أسير أقيم أبنك إبسر لاهو شلها ..


عبدالله: كيفه إبنش شلها ومن أيحين جهالش سرق لاهو يشتي شي عيطلبش ..


سيده: ومحد بيدخل غرفتي إلا هو ويشل الزلط ينفعني وبتصيح 😡أسير أبسره ..


أروى: كانت خاطيه للمطبخ سمعتها حملت بسرعه لغرفتها شلت ألفين وسارت لاعند سله الغسيل حطتها في جيب بنطلون سامي الوسخ .




سيده : ع خرجتها من باب غرفتها إبسرت أروى مابتفعلي ..


أروى : مابلا إبسرت المشروع بيدي قلت أصبن اللده أعاونش حين عمي تاعب كم جهدش وحدي ..



سيده: إبتسمت لها 😃 إسلمي يابنتي كثر خيرش وفي نفسها الله يهديش الحمدلله لاقد عتسبري ...



سامي: رآقد بيتقلب ..


سيده: فتحت باب غرفته ودخلت بتقيمه يييه سامي أين الزلط ..

سامي: بيتمطط .. أين زلط ..


سيده : الي في دولابي من أيحين قدك بتشل زلط سكته ساع السرق ..

سامي: ارتكز وفتح عيونه 😳 ماهو يا أمه مابتقلي والله ماشليت إلا حق العلاج مشنا سارق عندكم وبعد البطانيه من فوقه وقام يفتح دولابه هآه جي دوريها ...


أروى: سمعتهم بيتصايحو فرحت 😃يووه الحمدلله محد عيشك فيني شلت البنطلون في يدها وسارت لاعندهم هآه سامي وخرجت الألفين هآه لقيتها في جيب بنطلونك.



سامي: إستغرب 😳
جيب بنطلوني مالش بتربشي مشي حقي.


سيده: 😡 لطمته هيا إبسرت وعادك بتكذب حسابك عند أبوك يربيك ..


سامي: حمل بعدها يفهمها ...


أروى: 😏 عوجت فمها وعصرت وشها بضحكه سخريه ... يسدوا أهم شي خرجت روحي أسير أكمل الصبان وأخليني طيبه لعندها هذه الفتره ابعد الشك عني .....




.........

عبدالعزيز: روح من الجامعه أخر إختبتار دخل ورهآم عادهي رآقده دخل المطبخ يفعلها غداء مفاجئه..


رهآم: سمعت قلفده فالمطبخ .. قامت إبسرت المطبخ مندش ومعفوس عفيس وعزيز بيطبخ ضحكت عليه ههههه 😃
ماهو هذا ههه ...


عزيز: لابس المريله وفي يده ملعقه بيحرك الأكل ...بينفعل الغداء ماسخيتش أقيمش...

رهآم: 😋 يمي يمي بتفتح الأكل تبسر مافعل ...


عزيز: باقي السلطه عليش ومكنها السلطه قطعيها ...


رهآم: بتهز أكتافها ماعه اليوم دورك من غطوه يوم بيوم هههه وخرجت لسانها 😜..



عزيز: ضحك ههههه عنداول تمام سدينا بس أشتي خبز وملوج في دورش ملوجه ساع هذه وبيمد يده خفع الجاك البارد الي فيه ثلج جهزه للعصير إستكب لافوق رهآم سنب بيضحك عليها هههههه😃..


رهآم: بتصيح يح يح بارد وفتحت الثلاجه وخرجت قاروره ماء ونزفته .


عزيز: مسكها برآسها ولاتحت الحنفي تحممي سوى ههههه ..


جلسوا يضحكوا وبعدا تغدوا وخرجوا السوق يشتروا هدايا لأهل صنعاء 🎁.




الله يسعدهم ويبعد شر أروى عنهم قلين آمين 😃.


@qesasanani