بارت 52


بعد شهرين من الموت ...


في بيت خالد 🏡..


مرته : هييا مارائيك ياخالد لو أحاكي يوسف ابسرت بنت أمس عند بيت جيراننا عجبتني قووي ساع القمر لو نبسرها له ..


خالد : اوذك ابنش عندش سدي أنتي وياه بس أنا لوتشتوا رائي يكمل قرايته وقدهي خطبه💍 وعرس مره واحده انا رضيت بس وفتحت المجال علشان بنت عمه لايشلوها ..

مرته : بضبح 😤 جعل شلوها الجن ان شاء الله 👿 حرقت قلب إبني وانا اشتي اخطب له حناك فيها تدرى ان محناش فارحين فيها ..


خالد : يسدوا لكن قدوذا بيننبي عليش مابش خطبه الا بعد ماتكمل مره اخي الوجل .. وفلتها وقام ..


مرته : حمله حمله طريق التلفون 📱 تتصل لسميه عادهي في بيت عمها علشان بس توصلها خبر تحانك رهف ..


........ ......... ........

في بيت حسين 🏡..


سميه : كانت بتقرب الغداء 🍱🍲 بتساعد رهف ..


رهف : ابسرت 👀 فارس فالدرج بتدعيه .. فاارس جي ياحبيبي
اتغداء معانا ..

فارس : مفتجع 😰 مع ماما عيضربوني قالوا مع انزل عندكم ..


رهف : مسكته .. وبتدخله ماعتصيحش قلها هي عمه رهف دخلتني أتغداء ..


ريان : بيحاكي هيفاء .. يا أمه دواير السياره 🚘 حق أبي الله يرحمهم أينهم أدوهن لي أسير عند صاحبي اذاكر المواد الي ما امتحنتهنش فالموت .. عيعيدوا الامتحانات الإسبوع الثاني ..


هيفاء : تنهدت اااح ااااح عادهن ع حطه يده الله يرحمه في الدرج حق الجزامه ..

سميه : بتحاول تلفت انتباه ريان طول هذه الفتره كلها قربت له شوربه 🍵 حطتها تحته .. هيا اطعمها وقلي رائيك يا ابن عمي قدنا حميش وزد فعلت بسبوسه والكل لما نتم الغداء شاطعمك ..

ريان : مع خلاص قدنا شابع و إبسر رهف وابتسم 🙃 يووه بسبوسه يارهف خورتني ..

سميه : فررحت 😃صددق تعجبك اقوم اديلك ذلحين تحلي .. وادت له ..

ريان : أول ما إبسر شكلها 🥧 ..قزز 😖 ماهو هذا سألتش بالله هذه بسبوسه ولاكدم امانه خلي سلا تعلمش وفلت وخطي شل دواير السياره وصيح لهيفاء مع السلامه ..


سميه : اصترعت كسفها 😰 دخلت للغرفه ابسرت مكالمات من امها اتصلت لها وتجابرين ..



.......... ......... ...........


في بيت أحمد 🏬...


محمد : بيتجابر مع سلا بيطمن كيف قد هي لانه ماعد ابسرهاش ومن صوتها في المكالمات مش عاجب له ... مارائيش ياسلا لو تحاولي تخرجيها من المود الي هي فيه ..


سلا : مفعل والله ان قد بينفعل جهدي وأحاول اشغلها وانسيها قدنا طول اليوم معاها والعشي بتجلس معاها الغوريلا هههه .


محمد: ضحك هههه 🤣 أمرش الي الله قد بتسميها الغوريلا ماانا قد بينسميها الرازم ماعد قدرت احاكي رهف ساع الناس من تحت راسها ..

سلا : أصلا لوتبسر كيف بتزعج ريان قوي قدهو مخنوق منها بتجلس تستعرض قدامه وتلفت انتباهه خبلاء شكلها معجبه به ...


محمد : أنتي داريه حاكي رهف اليوم أسجلكن في معهد قدهو منها تخرج تغير جو وتنشغل وترحلها الرازم بيتهم ...


سلا : فرحت 😃 صدق قل والله عتسجلنا ..

محمد : شعفل راسها😁 أيووه ياقليله الولف بس لو مارضيتش رهف مابش معهد..


سلا : بتتنبع فارحه 😄 مالك الا توافق ع ضمانتي ...



🌹meme_abdalgaleel


@qesasanani

بارت 53


العشي
في بيت توفيق 🏬...


سميره : بتحاكي اختها فالتلفون 📱 لكن يا اختي خزا نحاكيهم وهم بعد مووت ..


أختها : مفعل والله ان قد ابني جنني وزيغ عقلي قلي ابسروا بدلها ماعيجلس يراعي وانا الصدق دخلت نفسي قوي واشتيها وبعدا قدوذا للموت شهرين هو غر عنطرح كلمه ويردونا خبر يهجع الولد وبعدا اسهل عناخر الخطوبه شويه أهم شي يضمن .


سميره : خلاص تمام ولو انه خزا لكن شاقوم أتصل لغاده ذلحين واحاكيها وغلقت...


سمر : بضبح 😤 عتتصلوا لماما غاده ..

سميره : أيوه نحاكيها تحاكيهم قدوذا بتبسري خالتش جننها ابنها ..


سمر : امانه وبدون مايحسوا جابروهم اسالوهم لو مهند فيه شي بينحسه كانه ضابح و لو اتصل بيتحاكى من شق نخره 😤 امانه بينحس كانه مغصوب عليا غصب ..

سميره : هييا ناهي لش من الدحس والبعسسه من عيغصبه مابلا انتي حساسه بس .. خليني اتصلها شرق ..



....... ........ ........

في بيت أحمد 🏬...


غاده : في غرفتها وأحمد عندها رن تلفونها📱 جاووبت . اهلا وسهلا .


سميره : مساء النور ..كيف انتي ..

غاده : مساش الله بالخير كيف انتي وكيف سمر ..

سميره : الحمدلله تسلم عليش . شغلتش صح محد يتصل هذه الساع بس مفعل والله ان قد اختي جننها أبنها وكسر راسها قلت اقلك ولو خزا لوتحاكي هيفاء ع رهف ولو حتى بس يردونا نابي وماقد عنخطبش ..


غاده : احرجت منها 😅 مادريتش كيف تبداء معاها .. اممم والله ما اقلش الا خير يا اختي بس البنت مابترضاش عادهي رفضت ابن عمها والكل قبل مايموت ابوها وأنا قبل يومين كنت عندهم والكل وجت واحده ابسرتها فالموت عجبتها تحاكيهم تشتيها قالوا لها ماقدعيزوجوهاش ولا قدبتوافق ع احد ..


سميره : إكتبست 😰 يووه لكن مارائيش نجرب يمكن انه نصيبها ..


غاده : إبسري والله ان قد حطيت لها خبر بس علشان ابري ذمتي لكم شازد احاكيها غطوه بس قدوذا بينقلش دوروا له احسن حرام تراعوا عالفاضي ..


سميره : بزعل 😔 ان شاء الله تترخشش ويفتتح قلبها وترضي..


بعد ماغلقت غاده ..

أحمد : ممدد فوق السرير وفي يده الرموت بيقلب التلفزيون 📺 هذا بيت توفيق صح ..

غاده : أيووه اتصلت علشان موضوع رهف الي قلتلك حق ابن اختها ..

أحمد : بهنجمه 🤨 وأنتي ماعليش قدبتقكعي و بتمنعي من عندش ..


غاده : باستغراب يوووه 😨 كيفه امنع من نفسي اصلا هي مشي راضيه وبعدا قدهي خطيبه ابنك كيف نزيد نحاكيهم ونتوسط لناس ..


أحمد : بسخريه 😏 هه خطيبه من او صدقتي انتي والكل انا غر هجعت الولد يرجع البيت ولايسير الثاني يجنن ويفسخ خطوبته ويحرم لي عملي .


غاده : خفعت وشها 😱 بغيير جنان والله لويدرى محمد لايخرف ويزيغ حسه ويجنن وبعدا انا قد طرحت خبر لهيفاء والكل بعد ماقلت تمام علشان لايخطبوهاش لأحد ..


أحمد : ضبح😤 ورجم الريموت من يده .. ومادخلش بتتصرفي من راسش أنا قلتلش تحاكيها ولاقدهو شورش من راسش لكن عيس بيني وبينش ترجع تصترع منش لما تخطبي لابنش وتقاطعش ونهجع منهم وفلت وخرج طلع عند ناديه ..


........ ....... ........


في بيت حسين 🏡...


رهف : بتحاكي ريان ... مارائيك ذلحين أسجل ولا مع ..


هيفاء : ايووه قلتلش سجلي بكم تخرجي من الحبسه وجلسه البيت والتفكير ..


ريان : أيووه عييس تشغلي نفسش وقدهو تتقوى لغتش قبل الجامعه بس ابسرين وقت مناسب .


رهف : أيووه قالت سلا نسير عصر ..

سميه : جي نسجل أنا وانتي ماعيسبر الا تسيري بسلا هذه ..


ريان : أبسرها بهنجمه 🤨 انتي شويه وعتروحي بيتكم لخطبه اخوش قدوذا قلتي عيخطبوا له بس سلا هي معاها ع طول ..


سميه : بكيت 😭 يعني قدك بتطردني تشتي اروح ..


هيفاء : بهررت فوقه 🙄 يووه مع يابنتي مشو هذا قصده بس قصده هن والفات مايقرين الا جمعه ..


وعادها بتحاكيها وقد الباب بيرزع بقوه 🚪..


ريان : يووه من بيرزع وقام يفتح الباب 🚪..


ماجد : دهفه بيده ... وبصياح 😡 من خرج بسياره أبي ..

ريان : اخذ نفس ومسك نفسه ... أنا لييش ..

ماجد : وبأمر من خرجت ياشاطر 😡 يله الان ادي الدواير ماعدبش سياره ..


هيفاء : سنبت .. مااهو ماعدبش سياره🚘 ماعيديش ماتشتي منها ...


ماجد : كما قدهي سيارته وحده هو حر يفعل بها مايشتي بس هذه قدهي سياره 🚗 الكل وكل شي يخص ابي حقنا كلنا لما نقسم مايحق له يشل شي ..


هيفاء : بكيت 😭 يووه عيقسمك ربي من نصك الي بدل ماتقل لو لكم مالي ومامعي يا اخوتي تشتي تقاسمهم لكن عيوريني فيك ربي ...



ماجد :😡 ومن قال اني شاقاسمهم انا الكبير والوصي عليهم وكل شي عيكون يوصل لايدي معاش ابي وقد نبيت ع المستاجرين وصرفتكم شاكن اديها لكم ..



ريان : بعصبيه 😡 وصي ع نفسك ومرتك وعيالك انا وامي واختي مالكش دخل بنا وابعد عننا يكفي ماتوا ابي بسببك ..


ماجد : لطمه 👋🏻 عتتليقن عليا ياقليل الادب ..بس انت عتبسر حسابك وخرج وصرع الباب 🚪.

رهف : بتتفرجهم وتبكي 😭 واطرحت ع ركبها فالأرض لمن فلتونا يابابا لمن جوو ابسروا ماجد ماقد بيفعل بنا..



🌹meme_abdalgaleel

بارت 54


طبعا عدت الأيام واليوم أخر يوم لهيفاء في الوجل ..



رهف : رغم انها بتسير المعهد بس حزينه وقلبها مكسور 💔 ع فراق أبوها ومابيخلصوش من جنان ماجد كل يوم بيدور له اي بعسيسه ومشاكل.. .. مروحه هي وسلا من المعهد بيخطين 👭..


سلا : بتسحبها ..سلا سلا امانه جي نشتري لنا أيسكريم 🍦 من هذا المحل شكله حالي ..

رهف : تمام بس انا مشتيش مابش نفس اشتري لش وحدش 😔..


سلا : بتبهرر فوقها 🙄 بغير خباله يا اشترينا جمعه ولا مشتيش ..

رهف : ناهي يله تمام .. ادخلي إشتري لنا وشاراعي لش هانا فالباب ماقدرت ادخل ..


سلا : تمام .. ودخلت ..

رهف : مراعيه فالباب🚪 حق المحل من خارج ومصتويه للشارع خطي ولد صغير بيبع ميداليات حروف ومكتوب فيه شعر ..

الولد : معلق الميداليات في يده تشتي ميداليات وبيوريها ..

رهف : بتتفرجهن .. معك حرف M و Rوريني ...

الولد : أيووه وبيوريها عجبنها إشترت حرف الM مكتوب فيها ( أشعل شموع الحبّ وأرسل لك أشواق، وأكتب على العنوان لعيونك أنا مشتاق)...

وحرف الR مكتوب فيها ( غريق أنا في بحر عينيك وما تعلّمت الرّحيل إلاّ إليك.


سلا : خرجت بتمكنها الايسكريم 🍦 هاه امسكي ..

رهف : شلته🍦 وبيخطين وبتوريها الميداليات كيفهن ..اشتريت من ولد فالشارع لي ولمحمد انا شاشل لي حرف الMوهو R.

سلا : خفعتها والله ياشووعه ليش ماتشتري لي انا وريان ..


رهف : ابتسمت 😊 والله ما انتبهت .. وبتمكنها حرف R مكني محمد لما تروحي وغطوه نروح من هانا وندور الولد نشتري لش ...


........ ........ ..........

العشي 🌚...

في بيت ياسمين ..

ياسمين : بتحاكي وليد فالتلفون 📱 طبعا بتحاكيه وتحاول تسايره وقارفه 🤮 منه علشان تخلص من مشاكله لما يقتنع ..


وليد : ذلحين عنبداء الدوام الإسبوع الجاي ولا ماقلتي يامندوبتنا ...

ياسمين : أيووه إن شاء الله هذا الإسبوع أنا شاسير أبسر الجدول ..

وليد : خلاص تمام ورسليه لي وتس بس هاه قدوذا بيننبيش من ذلحين محمد مالش دخل به لا من باب ولا من طريق ولا أبسرش يوم واقفه معه لأنه الصدق ماناش طايق له ..

ياسمين : اختنقت وضبحت 😤 طيب تمام ..وطننت 🤔 بتحاكي نفسها .. والله ان قدنا مراعيه للدوام مراعاه أبسرك يامحمد عمري ماحسيت هذا الشعور الي بينحسه معك مع واحد غيرك ولا حسيت أني أشتي اشوفه ووحشني ..


وليد : بيداعيها .. ييييه من بينحاكي أين انتي ..


ياسمين : 😅 هااه معك معك أيووه .. وكملوا يتجابروا ...



إييييش ياياسمين معقووله تكوني حبيتي محمد ❤ ولا بس الموقف الي سواه معش أثر فيش ....



🌹meme_abdalgaleel


@qesasanani

بارت 55


في بيت حسين 🏡...

هيفاء : سامره مع رهف وريان ...

ريان : تنهد 😔 يا الله مسرع الأيام بتمر ماناش مصدق ان أبي قدلهم 4 أشهر من حين ماتوا ..


رهف : تشارغت عيونها بالدموع 😢 الله يرحمهم ياارب ساروا وفلتونا للعذاب هذا ..


هيفاء : ابسرتها بتحاول تخفف عنها .. وجع وانا واخوش جنبش هيا من هذا الكلام الي يزعل وبعدا من اليوم ماعد أشتيش أبسر فوقش أسود خلاص كنتي تتعذري لي لما أكمل الوجل قدوذا اليوم كملت ..


رهف : هزت راسها ماشي ياماما مشتيش ..

ريان : حط يده ع راسها وباسها 😘 الإ ياقلب أخوش عتبعديه علشاني صح وبعدا هيا مه ماسدينا نشتي نبطل زعل و نفرح شويه ..


رهف : ومنين عاد عيجي الفرح بعدهم وبكيت 😭..


ريان : مسكها بيهديها .. رهف قووى روحي علشان خاطري لاتقهريناش زياده و ابتسم يحاول يمازحها يخفف عنها😜... وبعدا بكره موعد النتايج حقكم خلي الدموع لبكره قد عتبكي من مره ياراسبه ..


رهف : كان جنبها قاروره ماء 🍾 خفعته مشنا راسبه بطل تفووال ..

ريان : ضحك هههه 😜 خلاص عتنجحي دهفه ..

هيفاء : بتصيح فووقه .. ريان بس امانه من محانكه اختك خليها في حالها الله يوفقش يابنتي لاتصدقيه انتي عتبسري كم عتدي ..

ريان : خلاص هيا قووموا أعشيكم خارج ونغير جو قدلنا خيرات محبوسين فالبيت ...


رهف : قامت تلبس هي وهيفاء ..

الباب دقدق ..🚪..


ريان : فتح الباب بضبح 😤 مااالك ..


ماجد : دهفه بيده 👋🏻 مشو عليك أين أمي .. ودخل بيداعي يا أمه يييه ..

هيفاء : خرجت من غرفتها وهي بتلبس البالطوه بضبح 😤
مااقد معك مشكله جديده ..


ماجد : ابسرها بالبالطوه 😳 إستغرب أين عتسيروا هذا الساع ..


ريان : واقف وراه ومرتزح عرض الجدر .. مششو عليك ..


ماجد: لفت له ببهراره 🙄 تشتي أدبك صح ..

هيفاء : صااحت يييييه 😠 عتهجعوني ماتشتي نزلت ..


ماجد : في يده ورقه 📃 اشتي توقعوا لي الوكاله هذه ..


ريان : شل الورقه 📃 من يده بيقراها ...

ماجد : صااح 😠 عادهو عيقراء ويراجع بعدي مشو عليك ياشاطر انت وقع سكته ..


رهف : سمعت صوته خارج جلست في غرفتها ماقدرت للمشاكل معه شلت تلفونها 📱 ورسلت لمحمد (عجبتك الميداليه انا شليت لي حرف الM واديت لك الR علشان كل واحد يخلي عنده حرف الثاني ).


كملوا مصياحه خارج وبعد ماوصلوا لنتيجه هيفاء وقعت وخلت ريان ورهف يوقعوا علشان ممتلكاتهم وحاجاتهم لازم أحد يمسكها بعد ما ماجد وعد أمه انه يكن يشل نصيبه بس ويدي الباقي لعندها كل شهر ..



........ .......... .........

في بيت توفيق🏬 ..


توفيق : جالس بيحسب ويشتغل ويفكر 🤔 كل هذه الفلوس الي معه وبيتعب فيها في الأخير كلها عتتقسم بين أخوته وهو يتعب ويشقى وهم يشلوا كل شي جاهز .. حط الورق من يده ونزل لعند سميره ..


سميره : بتتفرج التلفزيون 📺 هي وسمر ..


توفيق : نزل جلس جنبهن وهو مطنن 🤔..

سمر : بابا مالكم مطننين ..

توفيق : حاطط يده ع خده 🤔 هااه ولا شي قوومي اديلي شاهي ☕ ثقيل .


سميره : حطت الريموت من يدها شااهي ثقيل ☕ هذا الساع عيسهرك ...

توفيق : عادي أنا اشتي أسهر أصلا معي موضوع شاغلني فالعمل أشتي اليوم ألقى حل ..


🌹meme_abdalgaleel


@qesasanani

بارت 56


ثاني يوم الصبح ☀..

رهف : قامت فجر تصلي. وماعد قدرت ترقد قلبها❤ ع نار اليوم النتايج جالسه تتقلب تعبت مسكت تلفونها وبتتصل لمحمد 📱...


محمد : سمع رنتها فاعل لها رنه مخصصه (الله يديم الضحكة
ونبقى بحب ولهفة
ولا يحرمني شوفة وجهك
من اصحى ومن اغفى
ويهنينا بحبنا
ويبعد عنا الفرقه
يا توأم روحي اللي يشبهني
ياحب قلبي وعشقة ) ... مد يده سحب التلفون وهو نوم رد عليها كمل باقي الأغنيه وهلا هلا😍
هلا باللي وفا
وبقلبي اكتفى
هلا بتالي الصبر
هلا بحب العمر
احبك😍 وبجنون
وعندي تسوى كون
بعد قلبي هلا ومية هلا..


رهف : إبتسمت وردت عليه 😊 احبك بالسكوت
وانا بحبك اموت
احبك وانا اصيح
وعلى وجهي اطيح
بعد قلبي وهلا
هلا ومية هلا
هلا ومية هلا...


محمد : فتح عيونه صباحوو حب ياكل الحب ❤ ...

رهف : حموودي .. هييا قووم ماعد قدرت أرقد ..


محمد : ضحك 🤣 هههه فجااعه خلي سلا المبورده تعلمش راقده مشخره ولافي حسها وانتي بتقلقي وانتي داريه انش شاطره اهدائي وارقدي ..


رهف : بدلع😊 .. مفتتتجعه لو ادي مجموع قليل كيف ادخل هندسه ..


محمد : جلس وارتزح عرض السرير ...يكفي قد دخلتي قلبي ❤ احلى من ميه هندسه ..


رهف : بتتمشى في غرفتها ضحكت😊 محمد امانه هيا قووم ابسر لو قد نزلوهن ماشصداش انا أبسرها ولو أنا راسبه لاتقليش ...


محمد : هههه من قد عينزلهن من بعد الفجر يامجنونه عاد الناس راقدين .. ماقد قام الا اصحاب الكباب والبرعي ههههه

رهف : يوووه خوورتني ..


محمد : ابتسم 🙂 صددق من عيووني ياعيووني أسير اشتري لش هيا سيري قيمي ريان ولا خلاص شتصله انا ونسير نصتبح في صنعاء القديمه ونديلكم ..


رهف : ماااعه شلووني معاكم نفسي أسير صنعاء القديمه ...


محمد : قلد حركتها المالوفه هي وسلا ضغط ع اسنانه 😬 اييي خخخخ ع طووول عادحنا بنشارعش تتلثمي عاد شاطلعش باب اليمن قوومي ارقدي قوومي ..



رهف : ضحكت هههه 😂 وبتحانكه يمكن يعجبني شيبه من حقهم واحبه بدلك ..


محمد : طنن 🤔 رهووف ممكن يجي يوم وتحبي غيري ..


رهف : لا طبعا لو أموت .. بس انتوا الرجال عيونكم زايغه ولاعاد بس تطلع مثل أبوك وتتزوج عليا..


محمد : مسك الميداليه الي ادت له وتنهد أحبش❤ وحدش ولاممكن في يوم افكر أكون لغيرش واعتبريه وعد مني طول عمري ...


رهف : وأنا عمري ماشاحب غيرك😍 .. وذلحين بغير مغاواه اشتي صبووح ..


محمد : من عيووني اقوم أبدل واقيم ريان ونسير ...


........ ......... ........


طلعت النتايج وسلا ادت 72 ورهف 92.5 ...



الله يخليكم لبعض ولايفرق بينكم وتكونوا نصيب بعض وتجمعكم الأقدار من يشتي يجتمعوا يقل أمييين 😜..


🌹meme_abdalgaleel


@qesasanani

بارت 57


في العصر ....


في بيت حسين 🏡...


هيفاء : فارحه برهف ونتيجتها .. ذلحين ماتشتي روح قلبي أشتري لها هديه نجاحها ...


ريان : هديتها عندي 🙂 تؤمر بس حقنا الذكيه وبيصافدها ويلعب بشعرها 92 هاااه .. زدتي عليا ..


رهف : فعلت حركتها المعتاده 😬وندشت شعرها بيدها .. قصدك 29 ونص يعني 93 ..


ريان : ضحك 🤣 ولعب بيده في وشها 👋🏻 ناهي ناهي لاتصدقيش روحش قووي وتزنطي ..ذلحين يله تخوري ماتشتي من هديه 🎁 ..


رهف : إشتي تشلني بس أزور بابا أقلهم إني نجحت وشدخل هندسه مثل ماوعدتهم ...


هيفاء : تنهدت😔 ... الله يرحمه ياارب كم كان عيفرح بش ..


ريان : طنن شوويه .. تمام بس عتوعديني انش ماعتبكيش أنا ماقد رضيتش أشلش من يوم الموت لأنش بتبكي واصل ..


رهف : قربت لجنبه .. بتتراشاه والله ما ابكي أسير بس أفرحهم ..


ريان : خلاص حاضر من عيوني الصبح نسير جمعه .. وهو بيحاكيها وصلته رساله من سلا ( ريااني اين انت عنجي أنا وماما ذلحين لعندكم لو انت فالبيت أخرج أجلس فالباب أبسرك ) .. قام خرج وجلس عند الباب وفتح اغاني بيتسمع كانه جالس ..


غاده : وصلت هي وسلا إبسرته بتسلم عليه ..🙂 كيف انت ياريان ومبروك ع رهف ..


ريان : سنب وإبتسم 🙂 الحمدلله كيف انتوا ولفت لسلا .. كيف انتي ومبروك ..

غاده : ضحكت ههه 😄 ماهي صدق تستاهل المبروك والله انحنا ماتوقعنا تنجح ع بورده قلبها ..


ريان : ضحك هههه 😂 شكلها غشت ياخاله مدام ادت72 ..


سلا : ابسرته ببهراره 🙄 هيا هيا ندخل لو تجلسوا تجابروه عيمكنها لقانه .. ودخلت ..


غاده : دخلت وفي يدها تورته 🎂 بتداعي .. هيفاء .. رهف ..


رهف : قامت تبسرها .. هاه خاله وبتسلم عليها ..


غاده : بتبوسها وتحضنها فارحه 😘 مبررررروك ياروح قلبي وبتمكنها التورته 🎂..


هيفاء : يووه ماهو هذا مابلا بالشغله ياغاده ..


غاده : والله ماهو انا إنه محمد ومهند ساروا اشتروها ومشنا داريه قالوا نحتفل بالبنات وابسرت سلا ورهف 👀 هيا سيرين ادين صحون وسكين ..


سلا : بتمزح😇 .. بتهز اكتافها .. ماعه ماعه اشتي تفعلوا لي شمعه اطفيها ..


رهف : خفعتها في راسها 😁 اخطي هاه من الهباله سعمنش جاهله تشتي عيد ميلاد .. وسحبتها للمطبخ يدين صحون🍽 ..


هيفاء : تسلمي ياغاده والله ان ربي عوضني بش وصدق انش اعز من اختي ..

غاده : الله يديمها اخوه ومحبه ياارب ويجعلنا هكذا طول العمر .. وربي يجمع بين العيال ع خير ..


هيفاء : ان شاء الله بس قووى ناجل الموضوع ع الأقل تكمل السنه بعد موت حسين وعلشان بيت عمها والكل قدش داريه ..


غاده : ان شاء الله .. وبتحاكي نفسها ... والله لأحاول اقنعك يا أحمد وشاوقف مع محمد لما ترضى ولا اكسر قلب ابني ...


رهف وسلا فالمطبخ فارحات 😃 بيصورين التورته ويتصورين ويفعلين حركات بايديهن وقلوب ❤..


سلا : يووه قد شنسى فتحت شنطتها وخرجت منها سلس ذهب مكتوب love داخل قلب ❤ هذه اداها الحب وغمزت لها 😉 .. هديه نجاحش ..


رهف : بتبسرها يووه تجنن 😃 بس ليش ذهب هذا المجنون مااشاقل لماما من اينه ..


سلا : كالمعتاد .. سلا وضحكت 😂هههه ..

رهف : بس مش ذهب ماما عيصيحوا ..


سلا : ماتدخليش وسحبتها من يدها شدخل اوريهم انا ودخلت .. خاله هيفاء إبسروا ما اديت لرهوفي هديه نجاحها ..

رهف : شلت الصحون 🍽 ولحقتها ..


هيفاء :😱 بتبسره يووه يابنتي لييش تكلفي ع نفسش ..


غاده : بتبسرها مستغربه 😳
يووه أيحين اشتريتيه يانزغه. .


سلا : ضحكت هههه 😂 قدلي من اول السنه بينجمع مصروفي لأني داريه انها عننجح بمجموع عالي ...


رهف : شلت تلفونها ورسلت لمحمد ..( تسلم لي ياكل دنيتي السلس يجنن ليش تتعب نفسك غالي )..


محمد : رد عليها ( مايغلى عليش لو بيدي لا أديلش الكون هذا كله بس توعديني ماتبعديه البسيه ع طول علشان تذكريني طول اليوم 😍 ) ..


رهف : (ليش احد يقدر ينسى روحه .. أحببببك ❤ ) ..


محمد : رد عليها 😳 لا لا مش مصددق هههه اخيرا قلتيها يووه والحلا لو عاد اسمعها صووت )

رهف : ردت عليه ( 😊 يله باي اجلس مع ماما وخاله غاده ) ..


محمد : ههههه طييب حاضر اهربي كما جلستي مصيرش لعندي واسمعها منش طول العمر 😉) ...


🌹meme_abdalgaleel



@qesasanani

بارت 58


بعد إسبوع تقريبا ...


في بيت أحمد 🏬...

محمد : بيدقدق باب الغرفه 🚪 ياااسلا هييا شرق عليا ماشي شافلتش واخطى ..


سلا : فتحت الباب 🚪 وهي بتلبس البرقع .. نااهي من الجنان والهرم حقك الي يسمعك يقل شاسير اداوم مشو غر شاجي أبسر الجامعه لو عتعجبني أسجل ...



مهند : كان بيصتبح .🌯 مشنا داري ماطلع لش تسيري تبسري جامعته قد بينقلش والله ان جامعتي احلي جي سجلي معي .. وبعدا كنتي عترتاحي لش هذه السنه ..

سلا : اصلا اشتي مع رهف ..ورهف ماعتسجل الا مع ريان في نفس الجامعه ..


مهند : وهو بياكل .. اللجع في فمه ... أحسن سكهتيني من الشغله هههه ..


سلا : 😬 خخخخخ ..

محمد : يله بسرعه شسبقش للسياره 🚘...


....... ........ ..........


في بيت خالد 🏡...


سميه : بتقرب الصبوح ..

يوسف : جالس مطنن 🤔 فوق الكنبه فالصاله ..


سميه : إبسرته مطنن 🤔 قربت لجنبه .. هيا مالك مطنن من الصبح .. وماسيرتش جامعتك ..


يوسف : تنهد😔 والله مانا مصدق ان رهف تكون لواحد ثاني الصدق ماقدرتش اتقبل انا طول عمري وانا مراعي ايحين اخطبها ولما اتقدم لها 💍 ترفض والي قاهرني اكثر ليش عمي مايقلوا لي انها مخطوبه وماجد عشمني بها ..


سميه : إستغربت 😳 مخطووبه مه .. أيحين انخطبت وقربت بتعس جبهته مالك يا اخي سلامات او محمي..


يوسف : بعد يدها ... بطلي ثقاله دم من الصبح سعم اننا مريض .. أيووه قالوا مخطوبه وان بينهم كلام انها لمحمد ابن جيرانهم بس ليش ماجد عشمني ومايقنعني من البدايه ...


سميه : فتحت عيوونها 😳 اخوو سلا قصدك .. وانا بينقل مالهن صاحبات قووي هكذاك وحتى امها وكان البيت بيتهن ..


يووسف : قام من فوق الكنبه .. الصدق والله ان قلبي بيفور 😡 وماعذر ما اسال ماجد ليش يفعل بي هكذا مع اني ماعد اشتيها لو يدوها لي بلاش بس ليش يلعب بي ويخليني اتعشم وجهزت شنطه الخطوبه وفتح الباب 🚪 وخرج ...



......... ......... .........


في الجامعه 🏫...


سلا : فارحه 😄 بتتفرج يمين وشمال وعاجب لها انها عتكون مع ريان في نفس الجامعه يعني عتكون تبسره كل يوم ..


البنات : ابسرنها مع محمد مستغربات من هذه شكلها كانها جديده وبتتعرف ع الجامعه ..

ياسمين : بتتفرجها 🙁 وتاكل في نفسها .. بتسال صاحبتها يعلم الله من هذه الي معه شكلها عادها خريجه من حق الثانويه ..


صاحبتها : فعلت بيدها مدرري .. علمي علمش جي نسير نسلم عليها ونسأله ..


ياسمين : ماصديتش من وليدد ...😅 هاااه مع مع سيري انتي انا ماعد اشتيش احاكيه من الموقف الي حصل مع أمي ..


البنت : سارت لعند بتصبح عليه وتسال من هذه عرفت انها اخته ..

محمد : شليها معش شوويه امانه جننتني من اول اساله وقدهي تتعرف عليكن ..


سلا : خطيت معاها وبتتعرف عليهن ..


ياسمين ؛ فرحت 😁 هاااه يعني انتي اخته .. وعتسجلي عندنا ..


سلا : بعفويه 😄 ايووه عنسجل انا ورهف بس مش نفس القسم حقكم رهف تشتي هندسه ..


صاحبه ياسمين : من رهف اختش ..

سلا : مع هي بنت جيراننا بس اعظم من خووات وخطيبه محمد 😄 لو تعرفين رياان هي اخته ..


ياسمين : تغيرت ملامحها واكتبدت 😨 ليش محمد خطب ..


سلا : إبتسمت 🙂 هاااه مع بس ان شاء الله عيخطبها اصلا هو بيحبها قووي وهي والكل وقد حاكى ابي امانه ادعين لهم ..




ماااااافعلتي ياسلا ... مالقيتي الا تتكلمي قبال ياسميين 😱 الله يهديش بببببس ..


🌹meme_abdalgaleel


@qesasanani

بارت 59



بعد العصر ..

في بيت حسين 🏡..

رهف : دخلت المطبخ هي وسلا بيفعلين كيك 🍞..

سلا : بتخلط الدقيق وتضحك 🤣 ههههه مااالها بتتمطط هكذا ...


رهف : قربت بتبسرها وتخلطها بالملعقه وتضحك 🤣 والله انها بالمقدار ..

سلا : سكبتها للصحن .. خلينا ندخلها الفرن واحنا وحضنا .. وجلست جنب الفرن مراعيه لها بتغني وتترقوص ..

رهف : بتفور شاهي حليب ☕ ..سلااا تقلي عنجلس سديات هكذا طول عمرنا .. ولا عترجع كل واحده تتغير ..


سلا : بترفع حواجبها وتحانكها 😜 ايووه شتغير واكون مره اخ واخت زوج شريره وضحكت ههههه ..


رهف : بترفع الدقيق تدخله الدولاب شلت شويه وطعفرته لافوقها وضحكت هههه 🤣 وانا شاكون شريره اخس منش ..


سلا : بتضحك هههه 🤣 ابسرت قاروه ماء فوق الدولاب شلتها ونزفت رهف ..

جلسين يضحكين ويمزحين ..
...... ....... .......

طااالع في شقه ماجد ...

ماااجد : بعد ماخرج يوسف من عنده فااار دمه 😡 وماعاد قدر يمسك نفسه بيصيح ررررنا يييييه ..


رنا : فوق السرير ممدده جنب فراس بيرقد ..سمعته نبعت ع طول تجاوبه ماالك بتصيح ..

ماااجد : قد عيونه كلها شرر وحواجبه معقدده .. 😡 مابين رهف ومحمد انتي داررريه ..


رنا : اررتبشت وبتقحص اظافيرها .😰. هاااه مااهو مابينهم مااقصدك ..


ماااجد : رفع صوووته 😡 وصاااح دااريه ولا ماشي يووسف قال سمعها بتحاكيه وقله ان ريان داري وامي وانها في حكم خطيبته .. والخبر عندهم من زمان انتي قد سمعتي شي من هذا الخبر ولا مع ..


رنا : فرحت داخلها انه عتقع مشكله لرهف ... .. ناااهي اهداء اذكر الله مشو كل شي بالصياح ماناش داريه من موضوع خطبه انا قد اكثر من مره حسيت ان به شي بينهم وكنت لما اسالها تدعمم والسلام هذاك الي وراء البيت يمكن بتجابره منه بس ماصديتش اقلك قلت لاتقل بينفعلك مشاكل انت واختك ..


مااجد : دهفها بيده 👋🏻 من قدامه ونزل بسرعه بيصيح من الدرج بقووه رررررهف 😡 رررررهف ... ونزل بيرزوع باب البيت🚪 بقووه ويركضه برجله ..


رهف وسلا اتباسرين وخرجين بسرعه من المطبخ ..

سلا : دخلت بسرعه غرفه رهف تتخبى لانها بشعرها ..

رهف : حملت بسرعه لعند امها .. ياماما ماااجد بيصيح ويرزوع الباب 🚪قووي..

هيفاء : فتحت الباب 🚪 ومسنبه ..بصووت مهنجم مااالك عتكسر الباب ..

ماجد : دعممها ودخل بيصيح 😡 ويدور .. رررهف أين انتي ودخل للمكان ..

رهف : افتجعت منه😰 وحملت تتخبى وراء امها ومسكتها .. ياماما قووى قلوا له ...

هييفاء : حوزت عليها بيدها ..بتصيح مااالك 😠 ماتشتي من بنتي ...

مااجد : مسك رهف من شعرها وبيهزرها بيسحبها .. ويصيح 😡إشتي أربيها قليله التربيه هذه ولطمها 👋🏻 في وشها بتحبي اومه بتجابري عيال خلق الله لكن الحجه مشي عندش الحجه عند الفالت اخوش الي بيدخله بيته ويوثق فيه ...

رهف : بتصيح وتبكي 😭 اااااي بتوووجعني فلتني ...

هيفاء : بتدهفه وتبعده منها وتحوزها .. ماااهو من بتحاكي مابه ..


ماجد :بقلبه وجه 😡 بنتش المحترمه بتجابر محمد وتحبه هذا عديم الشرف مالقي الا اختي يلعب عليها لكن والله لا اربيه واكسر راسه ..

هيفاء : دهفته .. وبتصيح 😠 مششو عليك محمد قدهو خطيبها💍 وانا راضيه وابوك كان يشتيه انت غر اوقع ربعه وتعلم الرجوله والاخلاق منه ..

سلا : بتسمع الصياح والجنان غلقت الباب عليها 🚪 وبسرعه
شلت تلفونها وبتتصل 📱 لرياان .. رياان اين انت جي بسرعه انا عندكم ماجد نزل بيضرب رهف ويتصايح مع خاله ..

ريان : غلق التلفون📱 وحمل بسرعه كان مخزن عند ابن جيرانهم فالشارع الثاني ...

ماجد : ضحك بسخريه
خخخخ أين رجووله هذه واخلاق الي اتعلمها منه وهو بيلعب ببنات الناس والله لاشرب من دمه 😡 هذا الواطي واربيه ..

رهف : بتبكي😭 ومخبايه وراء امها .. صاحت أيوه رجال وأرجل منك من وقف جنبنا غيره وانت فارح وبيتهيأ لك ان الرجوله برفعه صوتك ومده يدك ع اختك وامك مايكفيش انك قتلت أبووك ياعاصي .

ماجد : اقتلب مجنون 😡 ماعد قدر يمسك نفسه ولا كيف يضربها شاف قدامه شاحن التلفون وبيخفعها بالسلك ..

رهف : دموعها مثل المطر بتبكي 😭 رزيت له اضربني اضربني يا اخي ياسندي ياظهري ...

هيفاء : بتبكي وتصيح 😭 وتحاول تبعده من فوقها ..

ماجد : رجم الشاحن وابسر تلفونها قدامه فوق التلفزيون شله 📱 وبيخفعه في الارض ويكسره من اليوم ماعدبش تلفونات ومابش خرجه من البيت لما تتربي وعاد اخوش الفالت شاربيه معش ومحمد هذا حسابه معي ..وخرج ورصع الباب 🚪 ..

رنا : كانت واقفه في الدرج بتتسمع 👂🏻 ابسرته حملت مسكته اهداء ياروحي لاتمرض وابرد منها تستاهل قليله ادب تتربى ...

هيفاء : وطت بتحضن رهف وتبكي 😭 وتتبسر الضرب .. وتدعى عليه .. الله ينتقم منك ويحرق قلبك ويقهرك ..

سلا : فتحت الباب بعد ماخرج وحملت لعندها وقدها مضروبه وجسمها قدهو معلم من سلك الشاحن بكيت 😭 وحملت للمطبخ تدي لها ثلج تدخل وقد المطبخ كله ظلام الكيكه حرقت و البوتقاز 🎛 كله شاهي والغاز بيسرب ...

حسبي الله فيك يامااجد انت ورنا ...😔..
🌹meme_abdalgaleel

بارت 60


في بيت توفيق 🏬...

توفيق : بيحاكي اخوه فالتلفون 📱 يا اخي عادوذا انا اديت لك 100الف ماعد تشتي ...


أخوه : يا اخي قدوذا بتبسر بعينك 👀 ع قد غلاء وانت داري ان البنت حريوه وبتكتسي وكم جهدي مصاريف بيت ولاعرس ولا كسوه وبعدا اعتبرها بنتك وانت ماشاء الله اللهم لاحسد الخير معك خيرات لمن ماعتفعل بهذه الملايين كلها اديلنا في سعادتك ندعي لك ...


توفيق : اغتاظ وعصب 😠 وحاول يمسك نفسه .. حقي و انا حر فيه حتى ارجمه البحر ماعليك .. يله شارسلك مع السواق زد 200 الف ولاعاد اسمع لك بعدها حس مش انا اشقى واتعب وأنت تجي لها حاصله غلق التلفون📱 وجلس مطنن🤔 معقووله اخره فلوسي لهم وانا الي تعبت وشقيت ..



........ ......... .........

في بيت حسين 🏡..


ريان : وصل وعرف الموضوع وطلع بسرعه لعند ماجد دخل مهنحم 😡 إسسسمع يدك هذه لوعاد تمدها ع اختي لا أكسرها لك لو تخايلك أن أبي ماتوا وعتفرض قولك وتخطي كلمتك إنسى أنت في حالك واحنا في حالنا وماعد لك دخل بنا .

ماجد : كان جالس ومدكي . رجم الوساده حق المدكى وقاام 😡 اهلا اهلا بالاخ الفالت الي مخلي لأخته تحب وتجابر برضاه أبوك مقدرش يربيك ويربيها لكن انا شاربيكم انا وصاحبك هذا هو عيتربى والكل ولي دخل ونص ..


ريان : بعد ما أبسر رهف وكيف قد جسمها جنن 😡 واقتهر قووي .. دهفه .. إسمع محمد خطيبها 💍 برضاك ولاغصب عنك وقلتها لك مالك دخل فينا خلي عندك كرامه واسكه ابسر ماهو نصيبك من حقي ابي وشله وانقلع من عندنا ...



ماجد : 😡 هزره من الشميز ولزه عرض الجدر نصيب مه يا نصيب مابش لكم شي وكله حقي ومعي وكاله عامه منكم . ورهف هذه ماعادبش لها خرجه من باب البيت وانت عتخطى بادبك ماشي انا شرجمك من البيت ودور اين تسير ودهفه من الباب 🚪 يله خرجه من قبالي قبل ماخرج روحك ..وغلق الباب ..


ريان : جلس في الدرج وغطى وجهه بيده ونزلت دموعه 😭 مقهور من اخوه ومقهور ع أخته وانه ماقدرش ياخذ لها حقها من ماجد ...


....... ...... .........

العشي 🌚

في بيت أحمد 🏬..


محمد : بعد ماروح سلم عليهم ودخل غرفته ..


سلا : حملت بعده 🏃🏽‍♀ لحقته ماعد قدرت تتحمل دقت الباب🚪 ودخلت محمد اشتي احاكيك ضروري ..


محمد : بيعلق الجاكت حقه 🧥 ماالش مابه ..


سلا : ماجد دري ان أنت بتحب رهف واننتوا بتتواصلوا واليوم ضربها لما قد جسمها حوارق بسلك الشاحن وكسر تلفونها📱 ومنعها من خرجه البيت وحالف لايربيها وقال عادهو عيوريك ..


محمد : اقتلبت صورته وحس ضغطه ارتفع 😠 مسك تلفونه وبيتصل .. هااه رياان اين انتي ..


ريان : فالبيت ..

محمد : بعصبيه 😠 ماجد فالبيت .


ريان : بصوت حززين . لاتذكر ليش هذاك الحيوان مشو بشر انت داري انه ..


محمد : قاطعه ..أييوه دريت لاعد تكملش شاجي الان لاعندك وقل لخاله اشتيهم والكل ..


ريان : يله تمام مراعي لك ..

سلا : ماالك اين عتسير .

محمد : لما ارجع شاقلش . شل جاكته 🧥 من المعلق وخرج ..


....... ........ ........


في بيت ياسمين 🏡..


ياسمين : جالسه ضابحه ومخنوقه 😤 طول اليوم بعد ماعرفت ان محمد بيحب اخت ريان شلت تلفونها واتصلت لصاحبتها تحكي لها انها معجبه بمحمد وانها مقهوره انه بيحب واحده ثانيه ..


صاحبتها : حاولت تفكر معاها كيف يخلين محمد ينتبه لها ويفكر فيها ويتقرب منها وينسى رهف ...


🌹meme_abdalgaleel


@qesasanani

بارت61



في بيت حسين 🏡...

نازل ..

محمد : تنهد ومقهوور 😔 سامحوني يااخاله والله ماكنت حابب الأمور توصل لهانا ولا توقعت ان ماجد يفعل هكذا وماكان مرزيني اتقدم رسمي الا موت عمي الله يرحمهم بس مدام وصلت الامور لهذا الحد نخطب 💍وبس وانا اليوم جيت لكم شاري واشتي رهف ع سنه الله ورسوله والله شاهد عليا إني كنت محافظ عليها واخاف عليها مثل ما بينحافظ ع سلا وريان داري وماخنته من وراء ظهره وقد الخبر عندكم وامي حاكوكم ..

ريان : لفت لهيفاء 👀وانا اشهد يا أمه والله أن محمد رجال وسيد الرجال ..


هيفاء : تنهدت بحرقه 😔 أنت يا ابني يامحمد وواثقه فيك وفي اخلاقك انا تربيه يدي وماشلقاش احسن منك لبنتي وانا موافقه وقد قلت لأمك بس هذا الموضوع قدك داري بالاصول فيه عنحاكي عمها قدهو بدل أبوها وبعدا يسد هو وابوك ..


محمد : أكييد ومالكم الإ ما يبيض وشكم وحط يده فوق راسه 👋🏻 ورهف فوق راسي ووسط عيوني ومالها الإ ارفع راسها لو لها روحي ياخاله والله ما اقل ماشي .

هيفاء : تسلم يا محمد واليوم موقفك هذا زد كبرك في عيوني👁 اكثر ..

محمد : قام حبها في راسها 😘 تسلموا وربي يخليكم لنا . واشر لريان بعيونه 👀 اخطى معي نطلع لماجد احاكيه ..

ريان : سنب . بياشر بيده 😲 يييه اين عتطلع من الخباله والله لايقتلك .

محمد : إبسره 👀 بس انا جي للبيت من بابه 🚪 مشنا حق لعب لما افتجع منه .. عتطلع معي ولا اطلع وحدي ..


ريان: مع معك يله نطلع له ..

محمد : ع خطيته أبسر قطع من تلفون 📱 رهف مرجومه مكسره فالسله حق الزباله 😔 اقتهر عليها ووعد نفسه إنه يكون لها سند ويعوضها ع كل شي ...


........ ......... .........


في بيت خالد 🏡..


سميه : عند يوسف في غرفته 😱 يووه يعني مشو ماجد داري وكان محمد بيكذب عليك بس يسكتك انها خطيبته وقد حط كلمه ..


يوسف : كان في يده قفص الشقاره 🚬 ضغط عليه بقوه بعصبيه 😠 لما كسرهن .. تصدقي بقدر ماكنت أحبها بقدر ماقدنا قاارف من ذكر اسمها ولو ماجد اليوم يقتلها ماعد تفرق معي ...


سميه : خلااص طز وانت ابرد لك اصلا هو كان عمي يدلعوا لها قووي وريان ع ما ابسرته فالموت مابيسخاش يقلها مع وشكله داري انها بتحب محمد والكل لانه كنت احس من كلامه بس ماتلوهت الا ذلحين لما قلت لي .


يوسف : خلاص ابردي منهم ولاعاد اشتي اسمع لهم حس. وخلاص يحاكوا امي اهل البنت الي قالوا يخطبوها💍 وبس راضي بها ورهف من اليوم غلقت صفحتها ...

........ ......... ........


في شقه ماجد 🏡...


ماجد : جالس وقد عيجنن 😡 وسعم ذلحين ماااهو جيت تسلم جلدك خفت من الي ناوي افعله بك .


محمد : بثقه في نفسه وهنجمه 🤨 إسمع يا ماجد أنا مشنا خايف منك والي في راسك افعله أنا الكل داري اني إشتي رهف في بيتنا وأمي قد حاكوا خاله هيفاء وريان داري بس انا احترمت مشاعركم بعد الموت قصدي مشاعرهم هم ما انت مشو فارق معك شي وطلعتي لعندك مش علشانك طلعتي بس احترام لخاله هيفاء وريان ورهف قبل ما احاكي عمك خالد ...


ماجد : قلب صووره 😡
آااااها يعني بتتحدى وعادك بتتليقن ..


محمد : إفهمها كيف مافهمت بس أنا شاري وجيت من الباب .

ماجد : طنن شويه 🤔 بيحاكي نفسه .. شكله واثق من نفسه قوى ان امي موافقين وعيقنعوا عمي .. قدنا افعل نفسي راضي احسن ما تكتسر كلمتي ... ابسره ورد عليه 👀 عنبسر كيف وبعدا لنا كلام وجيتك اليوم هذه غيرت حاجات كثير برغم انه ماقد جاش ابوك بس ماشعتبره تقدم رسمي الا كما قدهو كلام رجال ...



الله يحنن قلبك يا أحمد وتسير مع محمد تتقدموا لرهف وتبطل غرور وعنطزه 😉..

🌹meme_abdalgaleel


@qesasanani

بارت 62


بعد يومين ....

في بيت أحمد 🏬...

محمد : ضابح ومقهور زاعل 😔 ع رهف .. بيدور سلا تتصل لعند هيفاء تحاكي رهف يشتي يطمن اليوم كيف قدهي ماعدبش معاها تلفون .. ياسلا أين أنتي ..

سلا : كانت بتحاكي أمل جت عندهم بيتجابرين ... سمعته بيداعي 👂🏻 هاااه محمد أنا في غرفتي أنا وأمل ..


محمد : دخل لعندهن بيسلم ع أمل 😘 كيف انتي والعيال ..


أمل : بخير تسلم .. مالك هكذا شكلك ضابح وكيف لك بداءت تربي دقنه 🧔🏻 اول مره ما اعرفك الا بتحلق وتنعم دايما ..


محمد : تنهد ااااح😞 .. والله مافضيت يا اختي أحلقها ماقدرت ابردي بس .. ولفت لسلا 👀 ذلحين مشنتي داريه أيحين عيطلعوا أبي من الحديده سالتي أمي ..

سلا : أيووه قد سالوهم قالوا لما يكملوا العمل مشهم داريين ..


ماجد : بضبح 😤 مااهو كيف مشهم داررين مايسبرش هكذا الناس ..

امل : جالسه في طرف السرير .. اتربعت .. مااهو مالكم مابه ماتشتي من أبي ..


محمد : إشتي اخطب 💍 سعم مشنتي داريه اكيد قد خالتي قالوا لكن ..

أمل : ابتسمت 🙂 صددق يعني اخيرا عقلت وقد عتخطب واحده ثانيه ماقد حاكونيش والله الا هذك المره لما تصايحتوا ...


محمد : ارتزح عرض الجدر ورفع رجله وربع يده .. وابسرها باستغراب 😳 واحده ثانيه مه .. هي رهف ليش من به غيرها ..


أمل : عصرت عيونها 😏 وعوجت فمها .. ررررهف تشتي ترجع لنفس الجنان انت وأبي قد قلت ان أنت عقلت ...


محمد : قزز وشه 😠 مع ماعقلت ولا شاعقل واكبر مجنون في هذه الدنيا وبعدا رجاء يا امل مش كل واحده تفعلي محاضره وتفتح فمها أنا شتزوج بها انا مش أنتين يله بعد كرهن رضيوا أبي ..


أمل : ابسرته بإستغرراب 😨 رضيووا أيحين كيف لوما اقتنعوا ..


محمد : من زمان ومارجعت البيت الا ع هذا الشرط ..

أمل : ضحكت ههههه 🤣 زادوا عليك وانت صدقت هم غير كانوا بيسايروك انت عند ابي قد خليتني أطنن أيحين وافقوا. ..


محمد : حس دمه بيغلي وعصب 😡 فلتها وخرج بيداعي غاده .. يا أااااامه يييه ...


غاده : كانت فالمطبخ بتفعل محشي🍛 هي وناديه .. بتجاوبه .. هااه محمد أنا فالمطبخ جي كذا ..


محمد : سنب باب المطبخ وطرح يده عرض الباب ... صدق أبي مشهم موافقين ع خطوبتي من رهف وأنهم كانوا بيسالوني بس ..


غاده : ارتبشت ومقهوره ع إبنها 😥 هااه إهداء يا أبني ان شاء الله كلشي عيسبر ..


محمد : إنفعل ... 😠 يعنننني ماااهو بيسالوني سااع الجاهل ويضحكوا عليا وانا قد طبعت وشي للناس انه نتقدم رسمي ..

ناديه : الباذنجان 🍆 في يدها بتحشيه .. بكل برود ردت .. والله لو قد عدمين البنات ما تفعل هكذا وانسي الموضوع ولاعد تدور لك هدار مع أبوك يله هجعنا ...


محمد : صاااح 😡 وأنا أقسم بالله ماذلحين لايطلعوا يخطبوها لي ماشي انا شافلت صدق واخطبها لنفسي وارحلي ..


ناديه : رجمت المحشي من يدها 😡 وسنبت ..بتصيح عااادهو عيهدد قليل الحياء ويوقف ضد أبوه اخرج خرجه نفسك ..


غاده : بتصيح 😠 بسس ياناديه بدل ماتعقلي أحمد وتصيحي فووقه مافيها رهف عادش عتزيد تعلميه ..


ناديه : فلتت وحنقت. خرجت من المطبخ ...


........ ......... .........

في بيت حسين 🏬...

رهف : جالسه في غرفتها فوق السرير بتتفرج صوره ابوها وتبكي 😭 مقهوره ع نفسها ومابيفعل ماجد ..


ريان : دقدق باب الغرفه 🚪 رهف ادخل ..

رهف : مسحت دموعها 😢وحطت الصوره .. هاه ريان ادخل ..


ريان : دخل حبها في راسها 😘 وجلس جنبها ..كيف قدش اليوم ..


رهف : تشارغت عيونها 😢 بالدموع .. كيف شاكون مارائيك ماتوا بابا وأنا ادعست بعدها ياريت ربي شل روحي معاهم ولا الذل هذا ..


ريان : حضنها .. والله ياشوعه تقلي هكذا ماعاش من يذلش وانا جنبش لو لش روحي ما اقل ماشي ..


رهف : انت مظلوم بنفسك من ينصفك من هذا الظالم لكن ربي ينتقم منه ويقهره بحق كل دمعه نزلت من عيني 👁 وقهر قهرني ...


ريان : إطمني .. ربش مايضيع حق أحد ..ذلحين عتجلسي تجابريني هكذا ونسيتيني ما جيت اقلش . اليوم قد سجلتش فالجامعه عندنا بالكشف حق الدرجات لماتخرج الاستماره بس مايشتوا الا بطاقه شخصيه وماقدبش معش جيت اقلش نسير غطوه نخرج لش ..


رهف : لكن ماجد ماعيخلنيش اخرج من البيت ولا اقرى ..

ريان : عتخرجي وتقري غصب عنه ...


🌹 meme_abdalgaleel



@qesasanani

بارت 63 ...


ثاني يوم ...


في الجامعه 🏫...


ريان : بعد ماكملوا البطاقه شلها يوريها الجامعه ... هييا مارائيش عجبتش ...

رهف : شكلها حاليه لكن بينحس نفسي غريبه وملانها شباب ..

ريان : ضحك 🤣 هههه عتتعودي عليها ذلحين جي اصبحش سندوتشاتهم🌯 طعيمه ...


رهف : بتتلفت يمين وشمال 👀 بتدور محمد لو عتلقاه ...

ريان : راعي هنيه امد ما اشتري لنا 🌯واجي ..


رهف : طيب تمام وجلست فوق الكرسي ..


رهف : بتتفرج الجامعه وعيونها بتلفت 👀وخازيه .. 😊 كيف شقدر اقراء هكذا بين العيال هولاء كلهم . وطننت شويه 🤔 معقووله محمد مابيحاكيش احد والجامعه هكذا ملان بنات والله ان شكله بيضحك عليا ..


ريان : ادى السندوتشات 🌯🌯 والعصير وبيمكنها .. هاه امسكي وجلس جنبها ...


رهف : شلتهن منه ..وبتفتح العصير .. لفتت له 👀
ريان امانه قلي كم به بنات تعرف من هولاء انت ومحمد ..


ريان : بياكل ضحك 🤣 واشترغ ... حسبش الله والله انحنا مؤدبين والي نعرفهن مابيتعداش حدود الزماله ...


رهف : هزت رآسها. وغمزت له 😉 .. أيووه زماااله صح وتتضاربوا علشان الزماله..


ريان : ضحك 🤣 ههههه عادش ذاكره قد نسيت وبعدا والله انها زميله محمد والموضوع كان عادي ...

رهف : وريني اينهي .. إشتي أعرفها ..

ريان : كملي كلي🌯 وقومي نسير نبسر محمد لاقد كمل محاضراته وشاوريش اينهي ..


رهف : ارتبشت هااه 😅
مع مشتيش أبسر محمد قووى محناش ناقصين مشاكل ياريان قد بينهم ماجد ماعيفعل لو يدرى انك سجلتني ..


ريان : اتحداه يفعل شي والله لا اشتكي به ماذلحين لعند عمي خالد ..


رهف : مع قووى لانسمعش احد ونخلي الكل يشمت فينا .. يله كمل كل بسرعه وقوم وريني ياسمين ..



......... .......... .........

في الحديده 🌊...

أحمد : فوق البحر هو توفيق ... اخيرا كملنا عمل وخلصنا البضاعه من الجمرك.. تصدق والله ماقد به نفس أطلع الجو حالي ...

توفيق : أيووه الجو حااالي قووي .. بس مانفعل قدك داري العمل خيرات...


أحمد : يا أخي وأنت إبرد لك كم جهدنا شقاء نفتهن لنا يومين وبعدا على مه بتجنن ع الدنيا وتهلك روحك اخرته لأخوتك ياسعم كم عتشل مرتك وبنتك..


توفيق : تنهد ... آاااح آااااح .. والله انك صادق لوتبسر كيف بيستغلوني من ذلحين وكودهم إدي وإدي ولو يوقع بي شي كيف عيفعلوا ببنتي ومرتي ..


أحمد : يا أخي والله ما انا داري كيف بتفكر نااهي بتحب مرتك ماقلنا شي خليها ع ذمتك وتزوج واحده تدي لك جاهل👶🏻 وتجدد شبابك أحلى مايجوا أخوتك ويشلوا كل شي بارد مبرد ..


توفيق : لكن يا اخي ماعيقلوا الناس خطب💍 بنته قد عيزوجها وجنن قام تزوج ومرتي ماعتقل والله لاتجنن...


أحمد : والله لو مرتك بتحبك انها عتزوجك هي تدي لك جاهل قدوذا صبرت هذا العمر بكله وبعدا يا اخي مشو ضروري لاتدري الناس ولا تدريها اتزوج لك سكته وكما قد معك جاهل رجعت صارحتها ...


توفيق : طنن 🤔 وجلس يفكر في كلامه ...


........ .......... ........

في الجامعه 🏫...


ريان : بيدور في جدول المحاضرات في اي قاعه طلاب سنه ثالثه لقيهم وشاف انه وقت خرجتهم مسك رهف وبيمشى لعندهم...

رهف : بتمشي وقلبها بيدق ❤ انها عتبسر محمد بس هي قد وعدت نفسها ماعد تكلمه علشان المشاكل ...

ريان : بيسال الشباب أين محمد قالوا له ماداومش اليوم .


رهف : ارتاحت وهداءت لانها ماكانتش تشتي تبسره معنه واحشها وتشتي تتطمن عليه ..


وليد : ع خرجته إبسر رهف 😍 سرجين عيونه دكم صاحبه إبسر ع صااروخ واقفه جنب ريان سير اطقس منهي ..



صاحبه : سار كانه بيسلم عليه .. من بتدور محمد ماجاش ..

ريان : أيوه قد قالوا لي .. بس بينسال ع ياسمين اشتي أعرفها ع أختي ..


صاحبه : هاه .. عتدرس معانا ساع اخت محمد ..


ريان : ايووه عندنا فالجامعه بس هن هندسه .. ذلحين ابسرت لي ياسمين ..

صاحبه : هي كانت داخل وماقد كملش الكلمه الا وقد ياسمين خرجت هي والبنات ..

ريان : دعاها وبيعرفها ع رهف انها اخته وعادها مستجده ..


ياسمين : أول ما ابسرتها عرفت انها حبيبه محمد حست بنار في قلبها ❤ خاصه لما ابسرتها قمر .. مسكت نفسها. وبتتعرف عليها ..اديلي رقمش نكن نتواصل ولان عادش جديده لو تحتاجي شي ..


رهف : احرجت منها 😰 تلفوني اكتسر بس اول مشتري جديد شاديه لش ع طول ...



🌹meme_abdalgaleel


@qesasanani

بارت 64


بعد يومين ...

في بيت حسين 🏡..


رهف : بتتفرج صورتها فالبطاقه وتضحك ع شكلها 🤣 مالهم بدعوا بي هكذا ياريان ..


ريان : بيضحك هههه 😂 إبسري ع نخره بس امانه لو محمد ماكانش يعرفش وابسر صورتش هذه مايعبرش ..


رهف : سكتت شوويه طننت 🤔 ريان ليش ماتحاكي ماما ويخطبوا لك سلا قدهي خطبه واحده ..


ريان : هز رآسه .. لا لا مش وقت بتبسري ع جنان ومشاكل إحنا فيه وبعدا ماقدهوش وقت خالص ع الأقل يكملوا بابا السنه .. بس مدري ماله محمد مختفي هذه اليومتين مش طبعه يختفي هكذا حتى الجامعه ماعد ابسرته وكل ما أسال سلا تقلي مدري مابتبسرش حتى هي الإ لما يروح وبيدخل غرفته ..


رهف : وانا مثلك بينسالها وتقلي هكذا وماعاد كلمته امانه سير لعنده إبسره ماله ..


ريان : يمكن ضابح ومقهور بعد المشكله حق ماجد وعيقل لاعد نقل انه دعمم مازد جاش بس انا داري ان عمي أحمد في الحديده ..


رهف : أيوه قالت سلا عيجوا اليوم قدهو مراعي لهم يحاكيهم ...



ريان : إبتسم لها 🙂 والله وكبرتي يابنت وقدنتي عروسه لكن مابش زواجه تكملي الجامعه ..


رهف : خزيت 😊 ووطت .. اكيد ماهذا اشتي أكمل الجامعه وقدهو تكمل سلا والكل ونتزوج جمعه ...


...... ......... ..........


في الجامعه 🏫


وليد : واقف تحت الشجره هو وصاحبه إبسر محمد ذكر 🤔 بيحاكي صاحبه أنت داري إبسرت المزه الي كانت مع ريان من طلعت ..


صاحبه : في يده الملازم مرتزح عرض الشجره ... أيووه اوذك قلتلك أخته ...


وليد : حرك يده 👋🏻 ابرد لك من انها أخته طلعت انها البنت الي بيحب محمد ويشتي يخطبها ...


صاحب : فتح عيونه بهرر 🤪 صددق مادراك ...

وليد : حاكتني ياسمين هي قد تعرفت ع اخت محمد واخت ريان وجابرتها أخته ...


صاحبه : هز راسه وغمز بعيونه 😉 ع خطير أمانه أنه وقع واقف نشن بطيبه نفس إبسرت ع بنت مثل القمر ...


وليد : عووج فمه 😏 انت داري والله ان نفسي اغدغد قلبه في بالي فكره 🤔 بس اشتي ياسمين تساعدني ...


صاحبه : امممم بس تقل ياسمين عترضى وهو محمد ...

وليد : ضحك بسخريه 🤪 ماعاد صداها تقلي لا عتوافق غصب عنها ...




🌹meme_abdalgaleel

بارت 65


في الشارع ....


ماجد : بيوقف سيارته 🚘 عند بيتهم ...


أحمد : عادهو وصل من الحديده بينزل من سيارته 🚘 إبسر ماجد قدامه اشر له من بعيد سلام 👋🏻 عليكم ...


ماجد : بيبسر السواق نزل شنطته وصندوق فيه سمك وشروخ 🦀🐠 عرف انه كان فالحديده . خطي لعنده 🤝🏻 بيسلم عليه .. كيف حالك حمدلله ع السلامه هذا كنت مسافر ..



أحمد : أيووه كنت فالحديده 🌊 كان معي شويه عمل ..


ماجد : هز رآسه .. آااها .. وأنا قد بينقل مدري مالكم لاعد حس ولاخبر ومحمد هو قلي يومين بس وتحاكوا عمي والكل وانهو طلعت مسافر ..

أحمد : فتح عيونه واستغرب 😳 نحاكي عممك ... نحاكيه في أيش ..



ماجد : إبسره بهنجمه 🤨 كييفه في إيش .. في خطبه محمد ورهف ...


أحمد : مرتزح عرض السياره قلب صوره 😠 خطبه مه من الجنان حقك ومن قلك انحنا عنخطبها . ييييه إسمعني لاقد تدورلك سلبطه ولا .. انا محترم للجوره مش تضحكوا لكم ع الولد وتخلوه يخطب البنت لا انتوا تنفعوا لنا ولا إحنا ننفع لكم وكلمه قصيره نفاعه لا تدوروا لكم هدار ولا احنا مناسبين لكم ..



ماجد: فار دمه وحمر وجهه وصااح 😡 اسمعني مش إحنا الي نضحك ع أحد إبنك هو الي مكنا يشتي البنت ومكنها بيحبها وعيخطبها وأول مادري إني دريت جاء لعندي يقل عيخطب لكن مدام وانت هذا ردك إبنك شتصرف معه بمعرفتي واوريه إن بنات الناس مشهن لعبه عندكم ولاتفرحش بنفسك من قد يقلوا لك غيركم واحسن منكم يشتوها وانتوا احنا الي مانتنازلش نناسبكم .. ركض باب السياره 🚘 برجله وخطي ..



أحمد : دخل معصب من باب البيت بيصيح 😡 محمممممد يييييييه ...


ناديه : سمعت صوته حملت .. حيا حمدلله ع السلامه ..


أحمد : دهفها بيده 👋🏻 ابعدي من قدام وجهي هذه الساع أينهو هذا الزفت أين جاء وبيدوره ..


مهند : كان عند غاده بيتجابروا سمعه بيصيح .. حمل ..🏃🏼‍♂ ماالكم ماابه ..


غاده : مسنبه فالدرج ابسرته بيصيح 😡 ماعد صديت تنزل بتتفرجهم ..


أحمد : أينهو أخوك هذا الي سار يتفيضل من نفسه أنا شاووريه كيف يكسر كلمتي عاد شي معه كبير ولا قدهو كبير نفسه ...


سلا : دخلت غرفته بسرعه بتقيمه وتهزه محمد يييه قووم بابا وصلوا من الحديده قد بيصيحوا 😡 ملان البيت بيدوروك ...


محمد : بعد البطانيه من فوقه راقد 😴 . بيتمطط ماالش ماهوو...


سلا : هزرت البطانيه من فوقه .. عادهو عيتمطط ... قووم جاووب قد البيت حريقه 🔥...


محمد : نزل لابس البجامه 👕👖 عادهو ملان نوم بيفحس عيونه👁 ماالكم ماتشتوا بتداعوني ..


أحمد : ع طول بدون مايجاوبه ندع له ملطام 👋🏻 في وجهه بسترجل اوومه 😡 قد بتتقفى أبووك وتسير تحاكي الناس وتخطب بتكسر كلمتي وتعصيني تخايلك إنك عتوطي راسي وتخليني ارضخ واوافق ..


محمد : واقف مبلود 😳 ماعد بيركزش في كلام أبوه بقدر ماهو مصدوم من الملطام أول مره يمد يده عليه ...

مهند : حمل وقف قدام أخوه .. لو عتضربوا أخي 👋🏻 زيد اضربوني أنا لأني كنت غبي وماكانت عندي شجاعته أقلكم مشتيش سمر وأدافع عن حبي وع البنت الي اشتى ...


ناديه : صااحت 😡 يهي يهي والله وطلع لكم لسان ياعيال أحمد عيقتلبوا لي قيس وعنتر ..


غاده : ماعد قدرت تصبر ودموعها 😭 بتنزل خلااااص بس زيدتوا فيها ماعتجوش تظلموا عيالي من تحت راس نخيطكم. وزنطكم واحنا بيت فلان وماعنتزوج الا مننا فينا خلاص قد نسيوا الناس ..


سلا : مرتزحه عرض الباب 😭بتبكي مقهوره ع محمد ...



أحمد : لفت لغاده 😡 والله وقد طلع لش صوت انتي وعيالش وبتتحدوني لكن يمين الله لو عاد يفتتح هذا الموضوع فالبيت ان انتي طالق ...


غاده : 😱 خفعت وشها بيدها .. وتطلقني لأن إبنك يشتي يتزوج بالي يختارها قلبه ❤ هذا قدك ظالم ومفتري ..


محمد : حط يده ع رآسه وصاااااح 😱 ببببببببس هجعووني كلكم أنا بينحب رهف ومشنا مستغني عنها والله لو يكون أخر يوم في حياتي لكن مدام أبي حلفوا ماعد يفتتح فالبيت ماعدناش جالس لكم في بيت هذه المره مش علشانكم علشان امي بس لايخترب بيتهم ودخل غرفته بيجهز لداته في شنطه 🎒 وكتبه ...


أحمد : لحقه لباب الغرفه 🚪 مقلللع اخرج خرجه نفسك يشتي يحطني امام الأمر الواقع ويكسر كلمتي كسروا عظامك ...


محمد : ساكت بيلفلف لداته .


غاده : اطرحت في القاع بتبكي 😭 وسلا بتهديها ..


مهند :دخل غرفته بعد اخوه بيجهز حتى هو لداته وقرر يكون رجال مثله ويتحدى الكل علشان حياته ..



محمد : خرج من غرفته حب راس امه 😘 لاتقلقوش عليا أنتوا خلفتوا رجال بس زيدوا لي الدعاء ..

سلا : حضنته وهي بتبكي 😭 ولو اني شفقدك بس رهف تستاهل لاتفرطش فيها يامحمد وخليك رجال والكل عيرضى لمايبسر موقفك ..

https://tttttt.me/qesasanani/1240


🌹meme_abdalgaleel

بارت 66


كمل اليوم و بيت أحمد سكنه الصمت والهدوء بعد الي حصل ..


غاده : في غرفتها مقهوره وزاعله وعيونها مورمه من كثر البكاء 😭 مقهوره ع عيالها وع العشره الي احمد مستعد يبيعها في لحضات ..


سلا : مقهوره وزاعله 😔 بس عاجب لها موقف أخوها إنه ما استغناش عن حبه ومستعد يحارب الكون علشانها .. دقت الباب 🚪 ودخلت لعند غاده .. ماما كيف قد انتوا اديلكم عشاء ..


غاده : ممدده فوق السرير وراسها مربوط 🤕 مااشي شابعه ابسري لي حبه قد راسي عيقرح اشربها ..

سلا : بس ماينفعش تشربوها وماقد في بطنكم شي لاتغديتوا ولا تعشيتوا ...


غاده : اشرت لها بيدها 👋🏻
مشتيييش شاابعه قلت لش اخوتش ماقد إتصلوش ..


سلا : مااشي قد بينهم أين عيسيروا ..

غاده : والله اني ميته قهر عليهم لكن الصدق خليهم لاهو ابوش عيلين شويه وقرحت بكاء 😭 ابسرتي يارهف كيف عيبيعني ..


سلا : قربت جنبها وحبت راسها 😘 قوى ماما لاتبكوش وتقهروا نفسكم هو بس من خارج قلبهم كانوا معصبين ..


غاده : من خارج ولا من داخل قلبه ❤ قد قالها . قومي جربي اتصلي لاخوتش أبسري اين ساروا .


سلا : ذلحين اكيد انهم عند واحد من خبرتهم ..

غاده : ذكرت .🤔 انتي داريه بيت جدش الله يرحمه مغلق مابش فيه احد فيه من حين سافر خالش شتصل لخالتش أسالها لاهو داير البيت عندها 🗝 يسيروا فيه بدل الشحططه ..


سلا : فرحت 🙂 أيووه صدق والله انها فكره يسيروا هاناك وبعدا مفروش والكل وحالي تحتهم مطاعم خيرات ..


غاده : بتاشر لها أدي تلفوني أتصل 📱 لخالتش ونرجع ننبي أخوتش ..


........ .......... ..........


في بيت 🏡 خالد ....


خالد : فتح الباب🚪 ودخلهم .. حيا بكم اهلا وسهلا ...


محمد : دخل وهو مستحي موطي راسه للقاع ..


مهند : بيخطي بعده 🚶🏻‍♂ دخل وجلسوا ..


خالد : بإبتسامه 🙂 حيا الله بالشباب كيف انتوا ..


محمد : جالس مرتبك😅 ويتفرج لمهند ... الله يسلمكم .. أكيد مستغربين سبب جيتنا هذا الساع وسبب الجيه من أساسها ...


خالد : خير يا إبني في شي ..

سميه : دريت ان محمد هو الي جاء لانها الي جاوبت الجرس 🛎 حملت بسرعه لعند يوسف لغرفته تقله ...


يوسف : قام بسرعه وخرج من غرفته وصل لعندهم ع كلام محمد وقق عند الباب 🚪 بيسمعهم ..


محمد : إبسر مهند 👀 وخازي والله مانا داري منين أبداء لكم بس شختصر لكم الموضوع أنتوا ذلحين تعتبروا أب لرهف بدل عمو حسين الله يرحمهم وانا جيتكم شاري وخاطب💍 البنت ع سنه الله ورسوله ..


يوسف : دخل ع طول معصب 😡 ووقف قدامه بيصيح هييا مه انت قلت قدهي خطيبتك ماعد جاء بك تخطبها ولا مابلا قل افتجعت جيت تلملم الموظوع ...


مهند : سنب .. وبيمسكه يجلسه .. مالك يا اخي إذكر الله ماهو هذا الكلام ...


خالد : حس بقهر إبنه لأنه يشتي يخطب رهف زعل عليه 😔 بس تذكر وصيه اخوه وهو بيامنه ع رهف .. صيح فووقه وبهرر 😠يوسف لو سمحت اخرج من هانا الكلام بيني وبين الناس ..


يوسف : اقتهر من أبوه 😔 لفت لعند محمد بنظره كره وفلت وخرج ..


خالد : ارتزح وتوضع .. ذلحين انا مافهمتش الصدق اولا كيف تجي وحدك انت واخوك تخطب 💍 ومحد جاء من اهلك وفينهو أبوك وماهو الي بيقل يوسف ..


محمد : إحرج 😰 مادريش مايقله سكت ..


مهند : إسمعوني أنا شاقلكم الموضوع بإختصار محمد يشتي رهف من زمان وعادحنا جهال وقد طرح الموضوع من زمان ع امي وحاكوا خاله هيفاء وريان داري وحتى رهف موافقه بس ماجد دري وقال انهم ماعبروه خاصه بعد المشاكل الي حصلت بينهم وكوده بيمد يده ع رهف وأبي الله يهديهم وبيحكي له بقيه التفاصيل ... بس اخي شاري البنت وجينا طريقكم لأن أنتوا عمها وفي مقام أبوها .


خالد : هز رآسه آاااها .. يعني ماجد بيفعل بهم هكذا طيب انا شتفاهم معه واسير أبسر ماهو الموضوع أما موضوعك يامحمد فالصدق يا إبني لاتزعلش مني انا داري بك إنك رجال وسيد الرجال لكن محد عيرضى يزوج بنته بواحد اهله رافضين لها وطردوه من البيت وعادهو طالب وماقد بيصرف حتى ع نفسه كما جاء ابوك واهلك رضيوا أوعدك أن البنت لك مدام وهي وامها وريان موافقين غير هكذا مقدرش أفعلك شي..


محمد : إقتهر وتنهد بحرقه 😔 وانا معاكم في كل كلمه ولاشرضى عليها تتزوج هكذا ساع السرق بدون اهل والله يوفق لما فيه الخير وروح وهو زاعل وراسه بيلف بيفكر 🤔 مايفعل ..


🌹meme_abdalgaleel


@qesasanani

بارت 67


في بيت 🏬توفيق ..


توفيق : من حين وصل من الحديده وهو مطنن 🤔 في كلام أحمد ..


سميره : إبتسمت 🙂 هيا ماله زوجي اليوم مطنن قد قلنا اليوم عتجي فاقد لنا وانك ساكت ..


توفيق : 😅 هاااه مع مابلا مطنن بينهم صاحبي ..

سميره : فتحت عيوونها 😳 يووه ليش ماله ...

توفيق : مابلا تزوج ع مرته واليوم دريت ...

سميره : هاااه ... تخايلي مدري ماله بس الصدق يستاهل خليها بس تبرد قلبها ❤ وتشل حقها ولا مزوج ماعد معه زيد سار يتزوج ..


توفيق : ارتبش 😅 مابلا هو معه ولد معوق متخلف قال يشتي يتزوج لانهم عيال عم ومنعوهم الدكاتره يخلفوا قالوا فيهم مدري ماهو حق هذاك الي يجي للاقارب وعيطلعوا عيالهم مشوهين قال يتزوج يدي له جهال لأخرته ...


سميره : بتقرش له التفاحه 🍎 مكنته ...مدام وهو هكذا من حقه يتزوج وهي ليش تغثى مدام مافلتهاش ومتكفل بكل مصاريفها ومايخصها ..

توفيق : برد قلبه وابتسم 🙂 وأنا قد قلت له والكل لأنه معه عذر مشو تزوج بها هكذا لعب ..



....... ......... .........


فوق السياره 🚘...


ريان : بيحاكي محمد .. ليش مايقله بالي حصل مع ابوه وليش يسير لعند عمه بدون مايشله معه ...


محمد : يد فوق السكان بيسوق ويد عرض الزجاج ... خازي منك يا اخي ما اقلك وماموقفي قدامكم 😰 والله اننا قد شجنن وكاره نفسي والدنيا كلها ولاداري كيف أفعل ...


ريان : إقتهر 😔 وتنهد والله يامحمد لو عليا ما انا شاقلك جي شلها ذلحين بس قدك داري ومدام ابوك هذا رائيه فكيف عاد عيرضى لي ويزوجني بسلا ...


محمد : تنهد وتشارغت عيونه 😢 والله ان قد شاموت قهر يا اخي قدوذا خرجت لهم من البيت انا ومهند نبسر لاعاد عياثر فيهم ..


ريان : وكيف عتفعلوا أين عتسيروا ..


محمد : لاتقلقش علينا قد عنسير بيت جدي هو مغلق مابش فيه احد أنت لاتحاكيش رهف بشي حرام تقهرها مشها ناقصه وغطوه عنتجابر عتجي الجامعه 🏫...


ريان : ان شاء الله بس قد رهف عتداوم والكل قد سجلتها بس ذلحين كيف من سلا ..


محمد : يله عيس بكم تغير جو من الضبح وسلا مدري ماعتفعل لما نبسر كيف لو تحاكي ابي ذلحين انها قد عتداوم عتقع مشكله خاصه انها مع رهف ..



كانوا بيتجابروا ومهند مشغول في تلفونه 📱 كل شويه بتوصله رسايل من سمر اين انت.. ليش مابتسالش عليا.. مالك مابتهتم فيني ... ومن نوعيه هذه الرسايل ...


مهند : ضابح 😤منها وحس ان موضوع محمد فرصه وجت له رد عليها ( إسمعيني ياسمر أنتي بنت طيبه وبنت حلال والف واحد يتمناش بس والله اننا حاولت اتقبلش ماقدرتش لأن قلبي ❤ مع واحده ثانيه ووافقت علشان ارضي اهلي بس بعد ماشفت اخي كيف بيسوي علشان لايخسر البنت الي بيحب تشجعت اقلش هذا الكلام وان شاء الله ربي يوفقش بواحد يحبش من قلبه وسامحيني ع كل شي بس فعلا أذا استمرينا شظلم نفسي واظلمش معي ) ...



سمر : أول ماقريت الرساله إنصدمت 😱 ونزلت دموعها ع طول وبكيت 😭 وبتصيح كنت حاسه قلبي ❤ كان يقلي انك مغصوب عليا وخرجت لعند ابوها وأمها توريهم وبتبكي وتشتي تفسخ ...

....... ........ .........

ثاني يوم ..

في الجامعه 🏫...

رهف : بعد ماوراها القاعه حقها .. يعني اراعي لك هانا بعد ما اكمل .. مدري مالها سلا ماتجي تداوم حتى ولاعد منها خبر وانا ماعد جزمت اتصلها ولا أسير ..

ريان : ابردي مش وقتها معاهم مشاكل حتى انا مابتحاكينيش ..ولما تخرجي أيووه أجلسي فوق هذا الكرسي لما اجي لش وذكريني نبسر لش تلفون 📱 ولو اتسلف قيمته من عند احد من اصحابي امد ما المجرم هذك يدي لنا زلط ...


رهف : بخوف 😰 قد بينهم يامحمد لو يدرى ماجد اني داومت وعاد لو اشتري تلفون ..


ريان : ابردي منه ولاتدخلي في نفسش يله ادخلي محاضرتش لاتتاخريش ذلحين وراعي هانا مثل ماسدينا ...


🌹meme_abdalgaleel

@qesasanani

بارت 68


في بيت 🏬 أحمد ....

باب البيت بيدق 🚪...


سلا : فتحت .. من أنتي ..


الشغاله : فينو ماما قاده أم مهند .


سلا : بتبسر الشنطه حق خطوبه 👛 مهند في يدها .. استغربت 😳 .. فتحت لها ودخلتها .. اتفضلي وانا لحضه شدعيهم وحملت تدعي امها .. ماما ياماما جوو جاوبوا به شغاله خارج وفي يدها الشنطه الي ادينا لخطوبه مهند ...


غاده : كانت في غرفتها ممدده جالسه زاعله 😔 قامت تمام اوذا شلحقش ..


سلا : سارت لعندها .. ابسرتها مسنبه .. إجلسي ماما عيجوا ذلحين بس من أنتي ..


الشغاله : لا لا شكرا انا مافي أجلس مستعجل بس انا في جيب هده شنطه حق ماما قاده ..


غاده : دخلت إبسرتها ..👀 عرفت شنطه 👛خطوبه ابنها بلمت شويه .. قالوا تشتيني ..


الشغاله : أيوه ماما ومدت يدها مكنتها الشنطه 👛 هده في شنطه ماما سميره كلمتني انا جيب لك قالت كلاس مافيش خطوبه وهده حاجه حقكم ..


سلا : ابتسمت فرحت 🙂 حست إن به شي حصل ويمكن انه مهند صدق فعل شي حملت بسرعه تشل تلفونها تتصله 📱..


غاده : انصدمت 😱 يووه كيف مافيش خطوبه ماهو هذا الكلام ..


الشغاله : أنا مافيش اعرف انا في كلم جيب شنطه بس .. يله انا تأخر كثير مع السلامه ...


غاده : قدها مطننه 😨 وراسها بيلف ويدور ماقد حصل.. فتحت الشنطه 👛 وان حاجات الخطوبه والذهب وكلشي رجعوه مثل ماهو حتى الشوكلاته وبوكيه ورد 💐 بدل الي شلوه ...


سلا : بتحاكي مهند وفارحه 🙂 والله انك طلعت خطير بس الصدق عيس تلووا ذراع بابا صح اننا زاعله ع سمر بس ربي عيعوضها حرام تتزوج بك وانت ماتشتيها ...

غاده : مادريت ماتفعل وعادها حانقه من زوجها .. طلعت لعند ناديه تقلها تتصل لأحمد يتصلهم يبسر مابه ماحصل وليش رجعوا الشنطه 👛....


....... ........ ........


في الجامعه 🏫...

رهف : كملت محاضرتها وجلست تراعي لريان فوق الكرسي مثل ما اتفقوا تعبت شمس 🌞 وقدها عاطشه قامت تشتري لها ماء ..


ياسمين : واقفه مع صاحبتها بيشترين لهن صبوح ابسرتها 👀 قربت لعندها بتسلم عليها 🤝🏻 كيف حالش عرفتيني ..


رهف : طبعا عرفتها ع طول لانها ركزت 😳 في كل تفاصيلها لما ابسرتها .. ابتسمت 🙂 أيووه ياسمين ..

ياسمين : مالش وحدش ليش سلا ماقد داومتش معش ..


رهف : استغربت 😳 مدراك بسلا ..


ياسمين : ضحكت بلعانه وغمزت لها 😉 قد عرفني عليها الحب وغطت فمها بخزا سعم 🤭 يووه فلتت عليا آسفه قصدي أخوها محمد واعرفها من كثر مابيحاكيني عليها ...


رهف : حست عفاريت الدنيا كلها قدام وشها 👹👿 👺 .. بيحاكيش عليها وقلتي الحب ..


ياسمين : بتقلد نفسها خازيه 😊 أقلش حاجه بس بيننا سر انا ومحمد بنحب😍 بعض من سنه اولى ومراعيين نكمل الجامعه ونتزوج .. جبره محلاه مايقدرش يعدي عليه يووم بدون ما يحاكيني ويسمع صوتي حتى انتي داريه إنه هو مره ضرب واحد لأنه بس حاكاني وكسروا راسه .. وغيوزت عيونها 😁 يوووه جبر الحمودي حقي لكن امانه الموضوع بيينا سر ولا تحاكيش احد حتى سلا أنا قلتلش بس لأن قلبي❤ افتتح لش وحبيتش ..


رهف : ماعدهيش حاسه بشي الإ القهر وبتحس قلبها خرج من مكانه وتهشم 💔 نزلت دموعها لا اراديا 😭 فلتت وخطيت ..


صاحب البوفيه : بيداعيها ... ويأشر لها بيده 👋🏻 ييييه يابنت مال هذه الزلط حطيتيها وخطيتي ماتشتي. .


ياسمين : لفتت إبسرتها مقهوره وبتبكي تنهدت بفرح 😄 عقبال ماتكرهيه وتفلتيه واخليه يحبني انا أسير أدور وليد أقله ان الخطه بداءت تتنفذ ...


رهف : رجعت لعند الكرسي وهي بتمسح عيونها 😭 من الدموع ..


ريان : إبسرها . بقلق 😰هيا أين سيرتي قد بيندورش قلقت عليش ولمح عيونها 👁دموع .. ماااالش ..


رهف : بتحاول تتماسك وتخفي قهرها .. ولا شي اتحسسين من الشمس 🌞 ودمعين سيرت اشتري لي ماء ..


ريان : يله تمام نروح ذلحين وشبسر سلا هذه ماعتفعل تجي تداوم اكن ائمن عليكن ...



🌹meme_abdalgaleel

بارت 69


في الشركه 🏬...

أحمد : غلق التلفون 📱 مع ناديه قد عيجنن بيصيح 😡 ليش رجعوهن ماحصل وبيهم الأعمال الي بينهم خرج تلفونه وبيتصل لتوفيق ..


توفيق : شارف رقمه 📱 جاوب وهو قالب صوره 😠 نننننننعم ..


أحمد : بيحاول يبين انهو هادئ.. صباح الخير ياوجه الخير كيف أنت ..


توفيق : بعصبيه 😠 نعم ماتشتي ماعد به للاتصالات قدوذاك ادوا لك حاجاتكم ماعد به عندنا ...

أحمد : بريحمه ومسكنه 😞 ماالك يا اخي تعوذب من ابليس 👺 ماحصل مابه لهذا كله ماحصل ليش رجعتوا الشنطه .


توفيق : بصياح 😡 والله أنك أخبر وداري وقل لإبنك المحترم بنات الناس مشهن لعبه عنده ومدام كان مغصوب عليها ماكنش عيتشرط يشتي يدخل حفله الخطوبه ويجابرها بس الصدق الحمدلله إن ربي كشفه ع حقيقته من ذلحين خااطرك. ... هاااه ع فكره نسيت ما اقلك اي عمل بيننا انساه نكمل المشروع هذا الي بداءناه وماعدبش بيني وبينكم شي كل واحد في طريق وغلق السماعه في وشه 📱..


أحمد : أصترع 😥 وارتفع ضغطه وبيتصل لمهند مابيردش قد عيجنن 😡 اتصل لناديه وهو بيصيح قلي لأم العقاعقه العاصيين يجاوبوا تلفوناتهم ويخطى ابنها يتأسف للناس ويقلهم إنه كان بيفعل مقلب لخطيبته يبسر لو بتغير عليه وتحبه ماشي أنا شاوريهم القلبه سواء ...



........ ......... ........


في بيت 🏡 حسين ..


طالع في شقه ماجد ..


رنا : بتقرب لماجد الصبوح 🍷🥙 .. هااه روحي فعلت لك سندوتش وعصير قدهو ظهر علشان تتغداء ..


ماجد : بيتمطط كان راقد 😴 ليش ماقيمتيني أسير اداوم .


رنا : بتحاكيه بدلع 😊 ماسخيتش عليك ياقلبي قلت اخليك اليوم ترتاح قدك في جنان ومشاكل واصل مع اخوتك وذلحين موضوع هذا الي هرب ماعاد جاش يخطب قدوذا ابسرت كيف كلام أبوه ...


ماجد : نفخ بضبح 😤 أوووف لاعاد تذكرينيش أقسم بالله ان قد دمي بيفور لهم وزيد هذك الكلبه راضيه به وامي وريان لكن عيس قدوذا صرعهم وفحط ..


رنا : بتقسم له السندوتش 🥙 أصلا الصدق مشو الغلط منها الغلط من عمي وعمتي وزد ريان زيدوا لها الدلع خلوها تفعل مافي راسها لما ماعد احترمت أحد حتى أنت مع انك اخوها الكبير وتكسر راسها ...


ماجد : رفع حاجبه بهنجمه 🤨 خلااص قد انتهى زمن الدلع ماذلحين ماعد لها الإ جلسه فالبيت وقصده الله وماعدبش خرجات ولا خباير ولا تلفون لما يجي لها نصيب وزوجتها ..


رنا : إبتسمت 🙂 أيووه جبر زوجي المشحوط انا فداله وبعدا هو لها في مصلحتها مالها الإ زوجها وبيتها إبسر كيف أنا مالي فالأخير الإ انت وعيالي ....

https://tttttt.me/joinchat/AAAAAERja9LRzSkmuZYIRw

🌹meme_abdalgaleel

بارت 70


في بيت جد محمد 🏬...


مهند : في يده المكنس بيكنس و بيضحك 🤣 والله إننا متخيل شكل أبي ذلحين بعد الي حصل يا أخي انا ماطيرتش عليهم بنت وخطوبه 💍أنا طيرت عليهم ملايين ...


محمد : بيمسح الأثاث .. والله أننا زاعل😞 ع البنت ماذنبها ..


مهند : هكذا احسن لها ولي والله ماكنت شقدر أعيش معاها وكنت شتزوج عليها فلذلك قدهو هكذا وبس ..


محمد : خفعه بالممسحه وضحك 🤣 والله ماتوقعتها منك ولا انك توقف معي بس الصدق طلعت سمخ ياولد ...


مهند : أمانه جي نتصل لأبي نبسر قد غيروا رائيهم وعيزوجوك برهف ولا عادهم وضحك ههههه 🤣...

محمد : ضحك هههه 🤣 مابلا يذبحونا بعد الفعله حقك .. يله قوم انزل اديلنا غداء قدنا جاوع غبني ع النسوان كيف بيفعلين شقاء طول اليوم واحنا تكسرنا من تنظيف اليوم ...


مهند : يله الآن شله جاكته ونزل ..

محمد : قدهو تاعب ارتجم فوق الكنبه وخرج تلفونه 📱 بيفكر يتصل لرهف بس تلفونها مكسر ذكر تلفون البيت ☎ اتصل عليه وجلس ساكت لما يسمع الصوت ...


رهف : عادها روحت من الجامعه تاعبه ومقهوره بعد الي سمعت 😔 من ياسمين ماعددخلت تساعد امها رجمت شنطتها ودخلت غرفتها مغلقه ع نفسها بتبكي 😭 ...


التلفون ☎ بيررررن ..


هيفاء : بتصيح لها .. يارررهف ييييه جاوبي التلفون ☎ أنا فالمطبخ وأخوش سار يشتري خبز ...

رهف : خرجت تجاوب التلفون وهي ضابحه 😤 ردت بدون نفس ألوووو..


محمد : سمع إنهو صوتها إبتسم فرح 😃 يوووه محلى هذا الصوت كم وحشني ...


رهف : بهررت عيونها 🙄 وركزت .. تشتي تتأكد من معي ..


محمد : مسرع نسيتي صوتي قد شجنن عليش وماقدرتش أتصلش بعد الي حصل و مابش معش تلفون 📱 قلت اجرب لاهانا وع الله ..


رهف : بعصبيه 😡 مش بس نسيت صوتك شنساك كلك ولاعاد تفقدني ولا أشتي أكلمك الحمدلله اني ما قد انخطبت لك يكفي عليك صاحباتك الحاليات الي فالجامعه قد تعرفت عليهن بس ع فكره ذوقك شووعه ..


محمد : مصدوم من كلامها 😨 ررررهف مااالش ماهو هذا الكلام وصاحبات مه مابتهذي ...

رهف : أنت أخبر ورجاء لوسمحت ابعد عني وبطل ازعاج وغلقت السماعه 📱 في وشه ...


محمد : غلق التلفون وجالس مطنن 😕 مستغرب من كلامها وايش حصل لهذا كله وبنات مه ..


مهند : طلع بالأكل 🍔🍔..دخل .. بيحاكيه .. اديت لنا برجر وبيبسي 🍾 هييا جاوع قوم كل ..


محمد : ابسره بضبح 😤 شاابع ماعد أشتيش شدخل أرقد نزل من الكنبه ودخل الغرفه وغلق.


مهند : لحقه🏃🏼‍♂ بيداعيه .. يييه محمد خلاص ماتشتي ماعجبك البرجر ما انزل ادي لك ..


محمد : تمدد فوق السرير وغطى وشه بالوساده .. قلتلك شاااابع ماعد إشتي شي فلتني في حالي ...


مهند : حس ان فيه شي فلته وساؤ يأكل🍔🍾 ...



🌹meme_abdalgaleel

@qesasanani