بارت 71


بعد العصر ..

في بيت حسين 🏡...


خالد : مرتزح عرض الوساده ومربع أرجله فاتح عيونه متفاجاء 😨 معقققوووله .. هذا كله يطلع من ماجد وليش ماتحاكوني مالش يا اختي إتصلي بس أتصال وأنا أجي أكسر رآسه وأعلمه الأدب ..


ريان : جالس قدامه .. ليش هو اصلا بيحترم أحد ولا يدي له قيمه مابلا يوجعكم بكلامه ويقهركم بس أنتوا داريين أنه ماتوا أبي الله يرحمهم بسببه وبيحكي له ماحصل ..


خالد : رفع يده 👆🏻 حسبنا الله ونعم الوكيل فيه والله ماتوقعت ان قدهو هكذا ماله هذا متبور فالناس كلهم ...



هيفاء : بتبكي 😭 أنت داري يا اخي والله مابيقهرني ويحرق قلبي 💔 الإ عياله مانع لهم مني ماعاد بيصدوش يدخلوا عندنا لكن حسبي الله فيه وربي يحرق قلبه مثل ماحرق قلبي ويرحم لحال رهف والله ماكوده بيظربها ويمد يده عليها 👋🏻 لما قد عتموت بين ايديه ...


خالد : بعصبيه 😡 يده هذه انا شكسرها له لما يتعلم الأدب واخته مشو عليه منها من اليوم والقرايه عتقرى غصب عنه ولفت لريان 👀 اختك تداوم بتسمع وما تحتاجوه تتصلوا لي ..


ريان : تسلموا بارك الله فيكم خلوه بس مدام ع قولته هو يشتي يشل ورثه يشله ويفلت حقي انا وامي واختي ...


هيفاء : دموعها بتنزل بحرقه 😢 أنت داري إنه من حين كتبنا له الوكاله العامه وهو ولاعد رضي يدي لنا شي كودي بينطلع ادقدق ساع المطلبه اشتي حق مصروف ...


خالد : 😱 ايييش وكاله عامه .. ماهو الجنان انتي داريه إنه يقدر يشل كل شي مدام وهو هكذا وينكركم الله يهديش يا اختي أنتي وعيالش حاكوني استشيروني .. وابسر ريان 👀 أين أخوك ..

ريان : يمكن مخزن طالع في شقته ماعاد بينبسره بيخرج ..


خالد : إطلع ادعيه الان ينزل قله عمي يشتيك وإدعي رهف معاك ...


رهف : كانت في غرفتها من بعد ماتصايحت مع محمد بتبكي 😭 مغلقه ع نفسها ولاعاد رضيت حتى تتغداء ..


........ ......... ........


في بيت توفيق 🏬...


سميره : جالسه مع توفيق ..


توفيق : بقهر ع بنته 😟 كيف قدهي سمر والله اننا غاثي عليها كسر قلبها 💔...



سميره : تنهدت 😞 ااااح مسكينه والله انها مقهوره قوي وبتبكي قد كانت فارحه وبتجهز وتدور فساتين لكن مانقل نصيب ..


توفيق : بهنجمه 🤨 مااابلا قله ادب وإحترام لو هو ولد متربي مايفعل الي فعله ...


وهم بيتجابروا الحارس بيتصله يقله إن أحمد خارج ..


سميره : بضبح 😤 وهذا ماعاد يشتي ماجيته ماعد بش في وشه ذره حياء ..


توفيق : بهرر فوقها 🙄 اخرجي يله خليه يدخل وأنا شبسره حرام إننا له للنخر 😡 ...



أحمد : دخل وفي يده شنطه الخطوبه 👛 السلام عليكم حطها في وسط الديوان وقرب بيمد يده يسلم ع توفيق ..


توفيق : ابسره بهنجامه 😠 ونبره حاده لاسلام ولاكلام ماتشتي ماجاء بك والله لو ماهي من الأصول لاكنت اردك من الباب 🚪...


أحمد : إصترع وحس نفسه مهان 😓 .. وبريحمه مالك يا أخي إذكر الله وانا ماجيت الا نتفاهم وشاري البنت وشاري نسبتك ...


توفيق : ضحك بسخريه 😁 خخخخخ ضحكتني والله أو أحد قلك إن بنتي لعبه عندكم ع مزاجكم تخطبوا وع مزاجكم تفسخوا خلااااص شطبنا مابش معانا بنات ..


أحمد : جلس قدامه بيحاول يشرح له ويفهمه .. والله ان مهند قال كان بيجرب يمزح يبسر لو عتغير عليه وقد بتحبه هيا مه عنصدق غويان ...

توفيق: بعصبيه 😡 ووينهو ماجاش لكن قله ان بنتي ألف من يتمناها وهو الخسران وشل شنطتك 👛 معاك وفلته وقام ..


أحمد : حس بالإهانه 😓 واقتهر وقام شل الشنطه 👛 ورحله ..



🌹meme_abdalgaleel



@qesasanani

بارت 72


في الشارع ....


محمد : بيلووي بسيارته 🚘 ضابح قد عيجنن ومستغرب من رد وكلام رهف .. خرج تلفونه بيتصل لسلا 📱 تلفونها مغلق إتصل لغاده مابتردش ضبح أكثر 😤 قرر يسير للبيت يبسرهن ويحاكي سلا تبسر مالها ...



في بيت حسين 🏡...

ماجد : بيتصايح مع عمه 😡 انا كنت مراعي أن انتوا توقفوا معي وفي صفي خاصه بعد مارفضتكم ورجعت يوسف وانا الي كنت معاكم ومشتيها الإ تتزوج به تزد تجوا تصيحوا فوقي أنا ..


خالد : ببهراره 🙄 الزواجه هي نصيب ومحد يتزوج غصب عنه ومدام ماتشتيش ابني هي حره بس انا عمها في مقام ابوها وأبوك وصاني عليها ومن اليوم ماعد شسمح لك تمد يدك عليها .. خليك في حالك ورحلك منها ولا به شي عاد امك فالوجود وانا موجود بس الي بتفعله غلط ومحد عيرضى لك ولاعاد اسمع لك نخس وعتقرى مع اخوها .. والزلط تدي الايجارات وكل مايخص أبوك كل شهر لعندي تشل حقك وماعاد لك دخل حق اخوتك عتشله امك لايدها وهي أخبر هي وجهالها ويزيد يوصلني اي شي منك حسابك عندي ..


ماجد : ضبح 😤 من كلامه وفلت وخرج ..


........ ....... ..........

في بيت أحمد 🏬...


أحمد : عادهو وصل قد عيجنن 😡بيصيح ملان البيت ويدوشن .. خلوني اهين نفسي واتراشى الرجال هولاء العاصيين حطب جهنم وياشر بإصبعه لعنده 👆🏻 انا انا اخرتي انطرد من بيته ويعاملني بإهانه لكن والله لا اتبراء منهم هان عليهم يهينوا ابوهم وع مه ع بنت ولفت لغاده 👀 كل هذا بسسبش ياهانم لو ما تصاحبتيش مع هيقاء ان احنا سابرين ...


محمد : واقف باب بيتهم 🚪 يشتي يدخل ومتردد ...


غاده : بتتفرجه بدعممه ..


أحمد : بيصيح 😡 يييه من بينحاكي صنم ..


ناديه عوجت فمها وغيوزت عيونها 😏 شكلها قدهي درنا ولا بتتجاهلك تقلل من احترامك ..


سلا : لفتت لها بعصبيه 😡 ماااهو ماااهو ماتشتوا ياخاله حرام عليكم فلتوا ماما في حالهم ....


محمد : تشجع و فتح الباب بالداير 🗝 بيسمع صياح طالع بيطلع سكته من الدرج ...


أحمد : قررب لجنب غاده بيصيح ييييه من بينحاكي ..


غاده : بتتفرجه سكته ولافتحت فمها ...


احمد : بعصبيه ماعد هوش شايف الي قدامه من الي حصبه بعصبيه 😡 مسك بفمها ولزها لعرض الجدر ... لما اتكم تردي فاهمه. ولا افهمش ..


ناديه : بتصح .. فلتتتني ..


محمد : سمع صوت امه طلع ع طول ماعد قدرش يصبر ..طلع ع موقق لزه امه عرض الجدر حمل يمسك ابوه يبعده ..


أحمد : بصياح أهلا أهلا 😡 اهلا بالعقعاق عاصي والديه افتهنت انت واخوك فعلتوا الي في رووسكم وفسخ وهذا للمه علشان اوافق لك تخطبها هيا والله ماتدخلك ولو يكون اخريوم في عمري ...

محمد : بصوت عالي .. بس انا ماشتزوح الا بها لو يحصل ماحصل ولا مستعد استغني عنها والله لو توصل بي اني اخطفها ...


ناديه : بتشبج .. أيووه أيوووه قل ادبك ع ابوك ..


محمد : اول مره يخرج عن طبعه 🤫 انتتي اووووص ولا لش دخل بي اخرجي منها وعتسبر ..


استمرت المصياحه ومحمد حالف ماتكون لغيره لو يكون موته ولا يستغنى عن حبها ...



🌹meme_abdalgaleel



@qesasanani

بارت 73


حل الليل 🌚 وسكنت الأرواح وهداءت النفوس الإ نفوس من كان به الم ووجع ...


رهف : بتتقلب طول الليل ودمعتها ع خدها 😢 قلبها محروق 💔 وبتفكر في كل شي حصل بينها وبين محمد ومعقوله ماكان يحبها ولا كلامه هو الصح وان ياسمين لما حكى لها يوم المضرابه مجرد زميله بس ذكرت الورده🌹 والشوكلاته وكلام ياسمين وطار نومها ....



محمد : مقدرش يرقد مخنوق خرج الحوش جالس في درج البرنده بيتفرج القمر 🌝 النجوم ⭐⭐ ويتذكر كل شي حبه في رهف وكلامهم ولعبهم من حين كانوا اطفال ومعقوله النصيب يفرق بينهم مقدرش يتقبل الفكره دخل لعند ريان وهو راقد 😴 فتش جيوبه شل له دخان 🚬 وخرج يدخن من ضبحه 😤....


........ ....... .........

ثاني يوم الصبح 🌞..


في الجامعه 🏫.....


رهف : اتعرفت ع ٢ بنات وجالسه معاهن بعد ماكملت محاضرتها مراعيه لريان لما يكمل يروحوا ..



وليد : خاطي هو وصاحبه بيلوي بيتفرج ع البنات ويعاكس ابسرها 😍 سرجين عيونه خطي من جنبها .. رجم كلمتين كانه بيحاكي صاحبه ... انت داري ان محمد ال..... طلع واحد خطير مصاحب كميا بنات وبيكذب ع الكل ..


رهف : سمعته تغيرت ملامح وجهها ☹ وكتمت في قلبها ❤ يعني كلام ياسمين صح وانهو صاحبها وانا الي كنت اعتبره ملاك طيب طلع خاين وكذاب وربي يحبني خلى هولاء بالصدفه يخطوا من جنبي وهم بيتحاكوا عليه يخليني اسمعهم ...



محمد : خرج من المحاظره بعدهم بيخطى لعند السياره 🚘 ذكر ريان يخطى لعنده يبسر كيفهو ويحكي له ماحصل مع ابوه علشان لايقلش انه مدعمم ويطمن ع رهف .. بيتلفت يدوره لمح رهف 😍 فرح .. خطي بسرعه لعندها ...


رهف : واقفه مع البنات ..


محمد : قرب لعندها بيدعيها ... ررررهف وبياشر لها تجي ..


رهف : قفته ودعممت 😞 مقهوره ...


محمد : حس يد من وراه مسكت كتفه 👋🏻 التفت ..

ريان : كيف انت .. مالك مختفي ولا حس بينقلق عليك ..


محمد : تنهد 😞 آاااخ يا اخي ما اقل وما اخبى انت داري ان أبي طردوني ..


ريان : ايييش 😱 لييش ماحصل والله اننا قلقت مختفي وسلا ساعك لو قدهي مره ترسلي في راس اليومين اطمن انا بخير بس لاتتواصل بي لما اقلك اقلقتوني ...



محمد : ماعينفعش هانا مجبار طويل اخطى معي نتغداء واحكي لك ...

رهف : بتتفرجهم من بعيد بتسرق نظرات 👀 حاسه ان محمد فيه شي ومهموم ومغموم بس رجعت تقل طز يستاهل ليش اقتهر عليه وقفت وشها ...



ريان : ماشي ماعينفعش غداء اشتي اروح رهف ..


محمد : بعد الي حصل ومع ماجد ماعاد شصداش اقلك اروحكم انا سامحني لكن مراعي لك عصر انا في بيت جدي وبيوصف له العنوان ....


.......... ......... .........


في الشركه 🏬...

احمد : بيصيح 😡 كيييق يعني ماهو شلوا المناقصه وهي 90 % كانت عترسى علينا ..



الموظف: مدري ياعم احمد وبعدا الي شلها الأستاذ توفيق مع انها مش مجال عمله بس مدري كيف لوماحصل هكذا ...


أحمد : حسبي الله فييكم عيال 😡 وقسما بالله لااحرمكم من كل قرش وخلو الحب حقكم يعيشكم وابسر من عيصرف عليكم ....



🌹meme_abdalgaleel

https://tttttt.me/qesasanani/1240


@qesasanani

بارت 74



بعد يوومين ...



مهند : بيقيم محمد راقد 😴 يييه هيا شرق عتقوم الجامعه قدنا جاهز ...


محمد : مخنوق 😞 ماليش نفس ماشاسيرش ..


مهند : لو أنت ع الزلط 💶 قمت ربك كريم عاد معي ٥ الف عنقسمها نصين أمد ما اتصل لأمي اقلهم يدبروا لنا مبلغ لما نبسر ابوك ماعيفعل وضحك 🤣 ههه ..

محمد : بعد البطانيه من فوقه وجلس .. ايووه يا امك وما إستفدنا في الأخير عيقل رجعنا له وشلينا من حقه وانا مشتيش .


مهند : خلاص إسمع انا كنت والف أسير أسحب لي كما أشتيت من عند مدير الحسابات كان لي حساب مفتوح أيام ماكنت دلوع ابوك هههه معتقدش إن قد أبي انتبهوا يقفلوه شاسير اسحب مبلغ💶 محترم يكفينا فتره ...


محمد : غطى وجهه بالبطانيه ورجع يرقد 😴..


...... ....... .........


في الجامعه 🏫....


رهف : كملت محاضرتها وسارت هي وصاحبتها يصتبحين في الكافتيريا ...


صاحبتها : بتسلم ع طالبه في قسم ثاني وعرفتها ع رهف وجلست معاهن ..

رهف : بتتفرج الساعه ⏰ يووه باقي لريان ربع ساعه واروح ماقد ادوش الشبس ..

البنت : سمعت اسم ريان 🤔 ذكرته قصدش ريان ال.... تعرفيه ولا واحد ثاني ..

رهف : هزت راسها ... أيووه اخي احنا بنقراء جمعه هانا انتي تعرفيه ...


البنت : بتشرب العصير 🍹 مع مش معرفه شخصيه بس عرفته من البنات ورني بعد ماحصلت مشكله السنه الأوله ...


رهف : طارحه يدها فوق الماسه ع خدها ...قصدش الي تضارب محمد وريان علشان ياسمين ..


البنت : ابتسمت 😌 اااها كان قدش داريه ..

رهف : قلبها بياكلها ❤ وجالها فضول وفرصه تتأكد كلام من الصح محمد او ياسمين .. سألتها .. من الي بداء بالمضاربه امانه صدق هو كان الولد بيتحرش بها وهم دافعوا عليها ولا بيضحكوا علينا النزغات وهم حق مضاربه ..


البنت : والله علمي علمش انا ماكنتش موجوده بس ورني البنات صور محمد وياسمين وهم جمعه وقالوا انهم ع علاقه وانه تضارب هو ووليد عليها ...


رهف : حست قلبها 💔 اكتسر وخرج من صدرها وتشارغت عيونها 👁بالدموع وبتحاكي نفسها معقوووله يامحمد كنت مخدوعه فيك واصدقك وقد وصلت معك لاهانا بس كيف ريان وقف معه وضارب شكلهم كلهم لعابين وبيغطوا ع بعض بس ريان عيرضى له يلعب بمشاعري وحست راسها بيلف من كثر التفكير اختنقت تشتي تقوم ماعد حست بنفسها ارتجمت للقاع ....


البنات : حملين🏃🏽‍♀ يقيمنها ويفوقنها وبيرشرشنها بالماء ويشممنها العطر لما فاقت ...


رهف : فاقت وجلست فوق الكرسي ترتاح شويه وخرجت من الكافتيريا لعند ريان يروحوا ..


ريان : مسنب في المكان الي بيلتقوا فيه وفي يده الملازم والكتب 📚 هييا مالش تاخرتي أين كنتي ..


رهف : ساكته ولا ردت عليه فلتته وخطيت سكته 🚶🏼‍♀...


ريان : استغرب مالها 😳 ولحق بعدها يروحوا ...


رهف : من حين روحت وهي مقفله ع نفسها ولا خرجت حاسه بهموم الدنيا كلها فوق صدرها 😞 ونفسها تكلم سلا بس مش قادره تتصلها وتسير لعندها بعد ماعرفت من ريان كل شي حصل بعد ماحكى له محمد وهذا الي زد جننها أكثر كيف فعل هكذا وبيتحدى اهله علشانها وكيف هو حق بنات وعلاقات ولا بيفعل هكذا علشان خاف من ماجد ..



محمد : رقد لاظهر وخرج بيلف ع المحلات يدور له عمل العصر بعد لف طويل للمغرب لقي له عمل عند صاحب بقاله يشتي عامل عجبه المكان وعلشان يقدر يذاكر وهو فيها ...


🌹meme_abdalgaleel


@qesasanani

بارت 75



عدى إسبوع تقريبا ومافيش شي جديد حصل غير إن رهف كل ماتجي لها فرصه تشوف محمد فالجامعه تتحاشاه ولاراضيه ترد عليه ...


في بيت أحمد 🏬....


سلا : دخلت لعند أبوها تحاكيه ...


أحمد : جالس مخزن وقدامه اوراق 📃📑ملان مراجمه وفي يده القلم 🖊 جالس بيحسب ويشتغل ..

سلا : جلست جنبه سكته ..بتتفرجه👀 تشتي تحاكيه ..وماقد صديتش رجعت تحاكت .. بابا اشتي احاكيكم ولا مشغولين ذلحين ...


أحمد : رفع رآسه وإبسرها ماتشتي ..


سلا : إشتي اسير الجامعه هذك اليوم سيرت مع محمد وعجبتني وكنت شاسجل وحصلت المشاكل وانا الي حنبت ..

أحمد : وانتي مادخلش من المشاكل ومدام استمعتي وقطعتي تواصلش برهف سيري اقري ..


سلا : ماصديتش تقله إن رهف فالجامعه🏫 عيمنعها وقدها فرصه علشان تبسرها وتبسر محمد وريان .


سلا : يعني أخلي السواق يشلني بكره أبسر لو عاد عيقبلوني لان قدلهم شهر واداوم ..


أحمد : أيووه وقبل ماترقدي جي لعندي ادي لش زلط علشان لو طلبوا رسوم ولو أبسرتي اخوش العاصي أبسرش تحاكيه ولاتعبريه لوشي شاخليش تسجلي في جامعه ثانيه بس قدهو فيها اركن عليش ...


سلا : 😅 هااه ايووه ايووه ماشاحكيه بس ع ماقلتوا عيس لانه فيها اتشجع ولان الي بيقروا عيدروا انه اخي محد عيصدى يضايقني .. اسير اجهز شهايدي وهربت قبل مايغير رائيه ودخلت غرفتها تتصل لريان 📱...


ريان : كان بيذاكر هو واصحابه إبسر إسمها فالتلفون 📱 فلتهم وخرج للشارع يجاوبها بضبح 😤 أهلللا عاد الهانم عايشه تهيالي إن قدش ميته ...


سلا : داريه بنفسها إن غلطانه .. أنا أسفه سامحني 😥 داريه ان معك حق تزعل وأننا غلطانه بس والله ماعد صديت بعد الي حصل بيتنا نار وشرار 🔥 ومحرجه من رهف ما اقلها اهلي مايشتوش ..


ريان : تنهد 😞 مارضيوش بالبنت وهي عتجي لعندهم وتقع مره ابنهم وعيالها عيقعوا عيالهم عاد عيرضوا بي أنا وجهالش يتسجلوا بإسمي خلاص عادي ياسلا انا قد فهمت إنش بتحاولي تبعدي لأنش فالأخير بنت وماعتقدريش تتحدي ابوش مثل محمد ومقدر لش ومش زاعل منش ...


سلا : بكيت 😭 ماالك ياريان ماهو هذا الكلام والله مافكرت هكذا ولا إشتي أفلتك وانت داري كم احبك ..


ريان : جلس فوق الرصيف .. خلاص اهداءي من البكاء ذلحين 😭 طمنيني كيف انتي ..


سلا : بتتشنهج 😭 مقهوره وزاعله ع محمد ورهف وع ماما لوتبسرهم ع قهر فيهم وقد كانوا يشتوا يحنقوا ويسيروا عن العيال بس بكيت وتراشيتهم لايفلتونيش ..


ريان : الله يفرجها يااارب ويسخر لنا مافيه الخير ..


سلا : أمين يااارب ويجمعنا كلنا ع خير ..طمني كيفهي رهف . قلها قدنا فاقده لها قووي بس قد استاذنت من بابا وشاجي بكره الجامعه 🏫 بس مشنا داريه عادهم عيقبلوني ولا مع.


ريان : إبتسم 😄 فرح . صدق صددق عتجي ماعليش شي الإ يقبلوش اول ماتوصلي الجامعه اتصلي لي بس وشدخل معش نسجل ..


سلا : تمام وشازيد اتصل📱 لمحمد والكل ذلحين اقله ...



........ ......... ........


في البقاله ....


محمد : بيبيع للزباين وشويه يذاكر 📖 وشويه يسرح يفكر 🤔 ماهو الي عيحصل ومايفعل كيف عيقنع ابوه ...


صاحب البقاله : رجال شيبه ودقنته بيضاء فاعله فرش اسفنج وبيجلس فوقه بيتفرج التلفزيون 📺.. إبسر محمد مطنن 🤔 ... هييا مالك ياولدي مطنن ..


محمد : إبتسم له 🙂 في الدنيا ياعم ..


صاحب البقاله : ماقد جابرتنيش يا ابني ابن من انت ومن اينه شكلك من لبسك انك ابن ناس وبينبسر كتبك انجليزي الي بتذاكر بهن ومعك سياره كيف لو ماجيت تشتغل بياع في بقاله ..


محمد : تنهد بحرقه 😔 الظروف ياعم مفعل اشتي اصرف ع نفسي وجامعتي انا واخي لما يفرجها ربي ..


صاحب البقاله : مستغرب 😳 لكن سيارتك 🚘 ضخمه باين انك مرتاح ولبسك ..

محمد : ابتسم له 🙂 انا شاجابركم ياعم بقصتي وقدهو تدلوني مفعل قالوا اكبر منك بيوم اخبر منك بسنه وجلس يحكي له ..


صاحب البقاله : هز رآسه .. آااااها وانا قد بينقل شكلك ابن ناس قووي بس الصدق والله انك كبرت في نظري قوي ماعدبش أحد بيحب ❤ هذه الأيام صدق ويوفي قد كلهم حق لعب ويضحكوا لهم ع بنات خلق الله ..


محمد : تنهد ...ووطى راسه 😔 بس والله اننا احبها صددق ياعم ومستعد اضحي بعمري كله علشان تكون لي ونصيبي ..


صاحب البقاله : الله يسهلك يا ابني مدام وانت صادق وشاريها هكذا كن مع الله يكون معاك اتمسك بحبله وهو ماعيخذلك ومدام وانت بتقري جامعه والكل كن رحلك بحين من ٨ غلق وانا شفعلي زد ساعه بعدك وارحلي وكما معك امتحانات شاكن امسك بدلك انا ..


محمد : قام حبه في راسه 😘 تسلموا يا عم والله ان انتوا أحن عليا من ابي الله يهديه ..



🌹meme_abdalgaleel


@qesasanani

بارت 76


ثاني يوم ....


في بيت حسين 🏡...

بعد ماساروا العيال الجامعه ..

فراس : نزل الحوش بيلعب ..

هيفاء : سمعت صوته 👂🏻 فرحت خرجت الحوش تبسره قدهي فاقده له فتحت دولابها شلت شوكلاته 🍫 وخرجت عنده ..


فراس : إبسر جدته فرح 😄 حمل حضنها ويبسوها 😘 ..

هيفاء : جلسته في حضنها بتبوسه 😘 ومكنته الشوكلاته 🍫كيف انت وكيف اخوك قدنا فاقده لكم ليش ماتنزلوا عندي هكذا ولاعاد بينبسركم ..


فراس : بابا وماما صيحوا عليا مع احاكيكم أنا بكيت اشتي جده ورهف هم مع رضيوا ..

هيفاء : تنهدت بقهر 😔 عيدي له الله ما يقهره من عنده يشتي يحرق قلبي بكم لكن اوذك الله .. هيا جي افعلك البيض 🍳 الي يعجبك سنبت ومسكته في يدها 👫 وبتدخل للبيت ..

ماجد : ع نزلته يسير العمل أبسرهم صااح فوق ابنه 😡 فررررراس مابتفعل هانا أنا قلت لك مابش نزله وهزره من يدها .. يله طلعه عند امك ولو ازيد ابسرك تنزل بس يعلمني طير لا اضربك ..


فراس : أفتجع وبكي 😭 وبيخطى دلا دلا يطلع وفي يده الشوكلاته 🍫..


ماجد : هزرها منه 🍫 ورجمها وابسر هيفاء 😡 لوسمحتوا اخر مره تدوا لجهالي شي وخرج وصرع الباب ..

هيفاء : جلست في الدرج بتبكي 😭قد دموعها نار جهنم رفعت يدها للسماء 🤲🏻 بتدعي بحرقه الله يحرق قلبك ويذوقك من نفس الكاس الي بتشربني منه ..


...... ....... .........


في الجامعه 🏫 ...


رهف : أول ما إبسرت سلا اتفاجاءت 😳 ريان ماقلهاش حضنتها وبيبكين الثنتين ..


سلا : قدنا فاقده لش قوي ياشوعه 😭 قد شجنن بس خلاص ماذلحين شبسرش كل يوم مثل اول ..


ريان : بيضحك عليهن 🤣 هييا ناهي لنا عنفعل حفله بكاء اومه هيا من الخباله قومين ادخلين القاعه وانا اسير اكمل اجراءات التسجيل ..


سلا : ومحمد اينهو ليش ماقد جاش ..

ريان : محاظراته من 10 هو كان عيجي بحين بس علشان يسجلش بس قد قلتله لايقلقش شاسجلش لما يجي..

سلا : تمام .. قدها فارحه 😄 مسكت رهف هييا ندخل الفصل معي كلام خيرات اجابرش والله انهم عيطردونا من الحصه ...


ريان : ضحك عليها بيتحيلى لها 😃 اسمها محاضره وقاعه مش فصل .. يله خطيه من قبال وشي انتي وياها واقري ساع الناس ونقولي الي فاتش خلي رهف تشرح لش ...


...... ........ ..........


في شركه توفيق 🏬...


توفيق : كمل يتصايح مع الموظفين ودخل مكتبه حس بوشيش في راسه قووي واذانه عيتقارحين وخرج دم من نخره👃🏻 بيرعف ..


السكرتير : حمل يدي له ثلج وفعل له بس ما افتهنش شلوه يسعفوه ..


الدكتور : بعد مافعله فحوصات وابسره وفعله ابر وعلاجات .. هذا الضغط كان مرتفع عندك قوي ياعم مابلا تحافظ ع نفسك انت داري ان لو زد كان ارتفع شويه انك مت مابلا كن هدي نفسك ..


توفيق : ممدد فوق السرير وفي يده المغذيه ...بس انا مابش عندي ضغط ..


الدكتور : هذه النتايج الي طلعت وانت كنت مهمل لصحتك حتى طلع عندك ارتفاع في نسبه الكرياتين في الكلي مابلا تهتم بنفسك ولصحتك مشو العمل كل شي ...


توفيق : بعد ماخرج من المستشفى 🤔 جلس مطنن ويفكر لو فعلا كان حصل له شي ومابش مع بنته اخ كيف عيفعلوا اخوته ويشلوا حقه لهم ويورثوه ...



🌹meme_abdalgaleel


@qesasanani

بارت 77



ثاني يووم الليل 🌚..


حوالي الساعه 7


في بيت أحمد 🏬...


سلا : في غرفتها بعد ماتعبت من النقوله اتصلت بتحاكي محمد 📱بعد ماكملت تجابره .. ماتوقعتهاش منك يامحمد ؟؟؟


محمد : في البقاله جالس .. خفع الماسه بغرق بيده 🤛🏻 ماااهو ياسلا هذا الكلام والخباله ومنكن صدق تفكرين فيني هكذا معقووله وأنا بينقل مالها رهف مقلوبه فوقي ولاعاد رضيت تحاكيني ولما سالت ريان مالها قلي هي قالت له حلفت ماعد تحاكيني بعد الي حصل علشان ماجد ومشاكله ..



سلا : احرجت 😅 وأنا مدراني أنا قلت لك ماقالت لي وبعدا منك صدق الجامعه كلها عتتحاكى عليك ومابش بينك وبينها شي خاصه انها تحاكت هي من فمها ...


محمد : بيتليقن عليها 😬 خخخخخ قسما بالله اننتين سامجات الثنتين وغاويات يعني بعقلش انتي والمدلوزه الثانيه لوبيني وبينها شي عاد شاخليها تدخل نفس جامعتي وشتصايح مع أبي واخرج من البيت واتشحطط علشانها وفوق هذا كله ريان عيرضاها العب ع أخته ...


سلا : رمشت بعيونها 😁 وإبتسمت ... يعني. ياسمين بتكذب ...


محمد : عصب 😠 سلااااا عتبطلي خباله .. قومي حاكي البقره الثانيه قليلها تعقل اتصلي لها وللصبح وانا شتفاهم معاها فالجامعه وأبسر ياسمين الزفت هذه واخليها تبطل كذب ...



........ ......... .........


في بيت حسين 🏡....


في شقه ماجد ...


ماجد : باب البيت بيسلم عليه 🤝🏻 أهلا وسهلا ...


توفيق : جالس متوتر ... أهلا فيك أكيد مستغرب من أنا وماجيت أفعل ...



ماجد : ابتسم بإحراج 😅 والله لوتشتي الصدق اني مستغرب بس شكلك مألوف كأني قد إبسرتك ...



توفيق : أيووه شفتني في العزاء حق أبوك الله يرحمه جيت مع جاركم احمد ال.... انا كنت نسبه ابنه مهند كان خطيب بنتي بس قد فسخنا ...


ماجد : سمع إسمع أحد وتغيرت ملامح وجهه 😠 نععم ماتشتي او رسلك يوفي ماقد حصل ..


توفيق : حس ان به شي بينهم ومشاكل أشر بيده 👋🏻 لا لا ولاعليا منه ولا أدخل ولا عاد يهمني ولا أتشرف اني أعرفه قد فسخنا وانتهت حتى علاقتي فيه ولا عاد يشرفني حتى اذكر أسمه ...


ماجد : هداء وجلس توضع .. طيب ماعرفتنيش عن نفسك ولا ماتشتي ..


توفيق : أنا توفيق ال.... صااحب مجموعه شركات ال ....


ماجد : فتح عيونه 🤪 هااااه أيووه عرفتك ماشاء الله اسمك معروف. تشرفنا ...


توفيق : حط يده ع صدره 👋🏻 الشرف لنا يا إبني أكيد ذلحين بتحاكي نفسك ماجيت افعل وما أشتي منك ..


ماجد : حك شعره بيده 😅 الصددق أيووه ..


توفيق : شووف يا إبني أنا شاجي لك من الأخير وأدخل فالموضوع ع طول أنا مامعي فالدنيا هذه كلها الإ بنت واحده ونفسي يكون لها أخ ومرتي الله يحفظها والله مقدر أقل فيها الإ كل خير بس ماعد تقدرش تخلف وانا قدك داري صاحب خير وعز وحرام كل الي فعلته طول هذه السنين في الأخير يشلوه اخوتي ع البارد وإشتي اخ يكون سند وعزوه لأخته ...


مااجد : مبهرر عيوونه مركز 🙄 معه .. اكيد هذا من حقك وتفكيرك صح وفي محله . بس مادخلني أنا في هذا كله ...


توفيق : أنا جييت طالب راغب في أختك المصون رهف ع سنه الله ورسوله بعد ماسمعت عنكم وعنها كل خير داري اننا كبير عليها بس أنا موافق ع كل شروطكم وشدي لي بيت لحالها بإسمها بشغالتها وسواق وسياره 🚘 تحت خدمتها ومصاريف العرس ع حسابي والذهب وشاحط لايدك المهر الي تطلبه من مليون لاعشره وبدل ما انت بتشتغل في الحكومه شاشغلك معي وبمرتب ضعف الي معك ....



ماجد : إبتسم 😃 وافتتحت عيوونه .. حس العرض مغري جدا ويبعد رهف من فوق ظهره ومستقبلا كل فلوس توفيق عتكون لاخته وعيالها بس كيف عيقنع أمه واخوته طنن شوويه 🤔 أنا عن نفسي موافق بس قدك داري لازم اشوف رائيهم فالبيت ..


توفيق : وهذا من حقكم بس أنت اخوها الكبير والكلمه الاخيره لك تعرف مصلحتها وغمز له 😉 وحقك محفوظ .. وسنب ذلحين هذا كرتي فيه ارقامي وانت ابسر الي يناسبكم ورجعتني خبر.


ماجد : مسكه بدرري .. اجلس نتعشاء جمعه ..


توفيق : ابتسم له 😁 مره ثانيه ان شاء الله وقدحنا انساب ..


رنا : كانت وراء الباب 🚪 بتتسمع صوتهم عيخرجوا هربت للغرفه ...



🌹meme_abdalgaleel

@qesasanani

بارت 78


ثاني يوم الصبح 🌞..


في الجامعه 🏫...


سلا : بعد ماكملين المحاضره فعلت رساله لمحمد 📱 تقله اين هن جالسات ...


محمد : قري الرساله 📱 وسار ع طول لعندهن ..


رهف : إبسرته بيخطى لعندهن 🚶🏻‍♂لفتت لسلا ..وسنبت عتقومي نخطى ولا ارحلي ..


سلا : مسكتها من يدها 🤝🏻 راااعي محمد يشتي يحاكيش ..


رهف : بضبح 😤 بس أنا مشتيش أحاكيه .. قلتلش والله انه كذاب ..

سلا : سنبت .. ررهف راعي تحاكوا وتفاهموا وبعدا قرري محد عيغصبش ع شي ..


محمد : قرب لعندهن مبتسم 🙂 احلى صبباح ع احلى بنات فالدنيا ..


رهف : قفت وجهها 😏 للجهه الثانيه وساكته ..


سلا : بإبتسامه 🙂 صبباحك خير ياوجه الخير ..

محمد : لفت لرهف 😁 جبر الحانقه حقي .. ع فكره شكلش شووعه وأنتي مقززه ...


رهف : بضبح 😤 أحسن خليني شوعه بس علشان لحد يجي يكذب عليا ويقل انه يحبني وهو لعاب وكذاب ..

محمد : جلس فوق الكرسي وارتزح .. أيوووه ومن قصدش انه كذاب سعم أنا ...

رهف : مدري أنت أخبر .. أسال حبيبه القلب❤ ياسمين الي كسرت راسك 🤕 علشان سواد عيونها ...


محمد : لفت لها بإبتسامه😊 وسألتش بالله به عيون أحلى من عيونش 👁 الي سحرتني من طفولتهن قلك ياسمين ..


رهف : بعصبيه 😠 بببطل كذب خلاص قد حاكتني بفمها وسمعت عيال بيتحاكوا وواحده قالت انكم ع علاقه ...



محمد : سنب بعصبيه 😠.. وأنتي لأنش واثقه فيني قووي صدقتيهم صح ولأني لعاب اتصايحت مع أبي وفلت البيت وقد بينشتغل بياع في بقاله اصرف ع نفسي وسيرت لعند عمش اخطبش لأني كذاب مااهو الي عيجبرني ع هذا يارهف إذا ماكنت شاريش ..


سلا : بتهديه .. يييه بس من التبداع اهداء احنا فالجامعه عيبسرونا خلق الله ...


محمد : لفت لها آسف 😞 بس والله ان قدهو من قهري محد حاسس فيني وامي عيطلقوا ويخرجوا من راس أبي بسببي والأنسه رهف بتقل اني بينلعب عليها به لعاب يفعل مثلي ...


رهف : اقتهرت عليه 😔 وبصوت واطي أنا آسفه بس حط نفسك مكاني لما تجي البنت وتحكي لي وهي مش عارفه مابيني وبينك إيش مصلحتها ...

محمد : وهذا الي مجنني إيش مصلحتها تقل هكذا وتطلع ع نفسها كلام وهو مش موجود اصلا ..


سلا : يمكن إنها معجبه بك ولما دريت ان رهف جارتنا عتقل تقلها هكذا لو رهف معجبه بك .. والله ان قد شوقتوني اعرفها أينهي هذه ...


محمد : لفت لرهف 👀 اخطين معي وانا شاحاكيها قدامش وعتبسري أذا هي حبيبتي او ماشي وخرج تلفونه بيتصل لياسمين 📱... هااه اين انتي عادش فالجامعه ...


ياسمين : فرحت لما ابسرت اتصاله 😃 أيووه. أنا فالمكتبه ...


محمد : خليش مكانش أنا شاجي ذلحين لعندش أشتي أكلمش...


خطي 🚶🏻‍♂ومعه رهف وسلا بيخطين بعده 👭...


ياسمين : خرجت المرايه بتتوضع فارحه 😃 ابسرته ابتسمت وخطيت لعنده ...


محمد : وقف بضبح 😤 وسلا ورهف وراه ... لفت لها بعصبيه 😡 ممكن ذلحين أعرف أيحين كنت حبيبش يا محترمه وايحين وعدتش بشي ولا كان بيننا شي هذه جزاه المعروف والموقف الي سويته معش ...


سلا : أول ما أبسرتها عرفتها 😨 وبتشاور رهف .. يووه هذه الي عرفني محمد عليها لما جيت معه وانا قلتلها انه بيحب اخت ريان وانش صاحبتي ..


ياسمين : انصدمت من كلامه 😢 وتشارغت عيونها بالدمووع .. أنا آسفه يامحمد بس والله انه وليد قلي أفعل هكذا وجلست فوق الكرسي بتبكي 😭 وبتحكي له كل الي حصل من اول ماضغط عليها وليد تكلمه ..


رهف : بقدر مازعلت😔 عليها بقدر مافرحت😁 ان محمد بيحبها ومابيكذبش عليها ..


محمد : بعد ماتصالحوا واحتلت المشكله بيزبج 😜عليهن هيا اعزمني صبوح انا مشرد رحمتاه لحالي بياع في بقاله حرراف مابش معي زلط ...



سلا : ابتسمت 🙂 هيا شعزمكم انا وشل لك الزلط حقي الي ادولي بابا وشاقلهم اشتي مصاريف ..

محمد : ضحك هههه 🤣 تسلمي بس ماشعزمكن الإ انا ولفت لرهف وعادنا ششتري لش تلفون 📱 لأن قدنا فاقد لصوتش ...


رهف : لفتت له بمحانكه 😜 قد معي قد اشترى لي ريان بس انا كنت حانقه ومشتيش تدرى به ..


سلا : خفعتها بالكتاب 📕 طيب. انا شاوريش وانا ليش مخبيه له عليا ..

رهف : إبتسمت 🙂 لأنش عتديه له ...



🌹meme_abdalgaleel


@qesasanani

بارت 79


في بيت أحمد 🏬...


ناديه : بتقيم أحمد .. هيا عتسير الشركه مالك راقد ..

أحمد : كان ساهر طول الليل بيحسب بعد ماطارت عليه مناقصات والبنك رفض القرض بعد ماتوفيق قلهم انه ماعاد عيضمنه ..بعد البطانيه من فوقه وجلس .. بضبح 😤 مااشي ماشاسيرش خليني اول القى حل للجنان الي أنا فيه حسسبي الله فيهم عيال فسخه خطوبه مهند لعبت لي بحاجات خيرات في شغلي ...


ناديه : جلست جنبه فوق السرير وحطت يد ع يد وعوجت فمها 😏 حسبي الله فيهم جهال ولا انت بتتعب وتجنن علشان من كله فالأخير هو لهم سعم إن الحب ❤ حقهم عيعيشهم ويأكلهم لقمه .


أحمد : هو لو يرضى هذا الزفت مهند يجاوب تلفونه بس 📱 ولايرد ع رسايلي ان قد شليته يتأسف لعمه ويستسمحه ان قد حلينا مشكله القرض ...


ناديه : 🤔 بتفكر .. أممممم ماشي مارائيك تقل لمحمد انك موافق تخطب له رهف وتخطبها بس بشرط مهند يرجع لسمر ..


احمد : فتح عيونه بهرر اتفاجاء من كلامها 😨 أنتي بعقلش ولا قد بتجنني مااهو هذا الكلام خطوبه مه ..

ناديه : بتاشر له بيدها 👋🏻 راعي راعي إصبر إسمع كلامي سعم ان قدنا بينقلك زوجه قله ماقدبش خطوبه رسمي ولا زواجه الإ لما يكمل قرايته لكن عتسير تقرى الفاتحه مع أخوها تحجزها وتحط كلمه وكما كمل عتخطبوا رسمي وتعرس ولاهذاك الوقت من حله قد عتكون رتبت امورك وسبر عملك وماخطي الإ قولنا ومازوجناه بها ...


احمد : جلس مطنن في كلامها 🤔 بيفكر حس انه تفكيرها منطقي وعقلاني نزل لعند غاده بهنجمه .. اتصلي لعيالش قلي لهم موافق اخطب لمحمد بس بشرط قرايه فاتحه مع اهلها وكما تخرج خطبنا وزوجنا بس اذا مهند عيجي يتأسف لتوفيق ويرجع لسمر ...



...... ....... ........


في بيت حسين 🏡..


في شقه ماجد ...


ماجد : كمل يصتبح 🍛🥘 .. في يده قلص الشاهي ☕ بيحاكي رنا .. ذلحين قد بينهم كيف شنزل افاتح أمي في الموضوع ..


رنا : غيوزت عيونها 😏 وانت بعقلك سعم أن عمتي عيرضوا يزوحوها بواحد مثل أبوها ومزوج إجلس بس ..


ماجد : بهنجمه 🤨 لكن ابسرتي ماقد عيفعل ويدي وزلطه كلها عترجع لها وعيالها انتي مجنونه نطير هذا العريس من يدنا وزد اقهر به جارنا احمد إنهو فسخ خطوبتهم💍 وخطب بنتنا ويخلي ابنه له ...


رنا : إبتسمت بخبث 😆 ومن قلك تطيره بس لاتحاكيهمش الا وقد كلشي جاهز .. أنت اتصله📱 بس قله موافق وأسمع الي شاقلك عليه بس وأخطي بعدي وقدهو تتزوج نفتهن منها ومن دلعها وجنانها ...


ماجد : بيسمع كلامها 👂🏻 ويبتسم 😄 والله إننتي ذكيه .. شاراعي زيد يومين واتصله علشان اقله انه كنت جالس بينقنعهم علشان يوبه لي سواء ...



ياهل ترى مهند عيضحي بحياته علشان اخوه ويقبل يروح يعتذر ويرجع لسمر علشان محمد يقراء فاتحته هو ورهف ولا ماجد ورنا ناووين ع شي ..


🌹meme_abdalgaleel


@qesasanani

بارت 80

العشي 🌚


في بيت جد محمد 🏬...


مهند : دخل لعند محمد وفي يده سندوتشات طعميه 🌯 .. هييا قوم افعل لنا شاهي ☕ الشاهي عليك ..


محمد : كان بيذاكر📖 خفعه بالوساده كنت عتكمل الجماله وتزيد تفعله انت ...



مهند : يله وأنت قدوذا ربي عيتوب علينا ونرجع البيت من الشحططه وابتسم 😁..


محمد : إستغرب 😳 كييف يعني ؟؟؟..


مهند : يعني أبوك رضي علينا وقال نرجع وعيخطب لك رهف قصدي مش خطوبه خطوبه 💍 بس عيقراء الفاتحه مع اخوتها ويحجزها لك ويحط كلمه وكما بعد جامعتك قدهي خطوبه وعرس قال مشو حالي يعلقها من ذلحين خطوبه خيرات ..


محمد : طنن 🤔 كييف خيرات وماعد معي الا هذه السنه وسنه وبعدا كيف لوماغيروا رائيهم الصدق مشنا مقتنع مدام عادهم مايشتوش شي رسمي شكلها ضحكه علينا يسالونا بس ..



مهند : هز رآسه .. لا لا معتقدش انها ضحكه لأنهم يشتوا اسير اعتذر لأبو سمر وارجع اخطبها 💍...


محمد : بهنجمه 🤨 أييوه وماقلت ..


مهند : إبتسم 🙂 وافقت ..


محمد : بيصيح فوقه 😡 ماااهو وافقت من المجنانه حقه عتكسر قلبك وترجع تخطبها علشاني .. أنا قد فكرت أن قلبهم حن ورضيوا بس مدام هكذا ماناش راجعي وشاكمل اقرى واشتغل واخطبها واتزوج ..


مهند : بيفتح السندوتش 🌯 ويتفرج للأرض .. عادي يا أخي أهم شي واحد مننا يتزوج بالي يشتي وسمر طيبه وشتعود عليها أنا ماحاربتش مثلك بس انت حرام يكتسر قلبك 💔...



محمد : قلبي عيكتسر صدق 💔 لما اكسر قلبك بس مشنا الي أدور مصلحتي ع حساب أخي ولو انت قدك تاعب من عيشه الجعجعه ارجع البيت بس لاتكسرش قلبك وتصدقهم وترجع تخطبها ...



مهند : قام لعنده وحضنه ونزلت دموعه 😢 كان نفسي وانا قريب منك من زمان اقلها كنت تعلمت كيف أحافظ ع حبي واوقف ضد الكل علشانه ..



محمد : حبه في راسه 😘 ذلحين لاتغالطش معي مذاكره سير افعل لنا الشاهي☕ كمل الجماله وجي نتعشى وماعذر من خير وربك عيفرجها ومابش رجعه لسمر ولا عنرجع الا بشروطنا ونخطب الي نشتي .



....... ....... ...........


في بيت خالد 🏡...


سميه : ضبحت مذاكره 📖 قامت تقلب وتتفرج صورهم وهم صغار شافت لها صور خيرات مع ريان بتحاكي نفسها 🤔 كان معي دايما بس ليش ذلحين مابيفكرش فيني وأنا جالسه أفكر فيه ..كيف اخليه يفكر فيني ويبطل يصروعني خرجت تلفونها 📱 وبتتصله ...


ريان : في غرفته ممدد فوق السرير بيلعب بالتلفون 📱 إبسر رقمها استغرب مالها يعلم الله مابه الساعه 10 جاوبها .. ألووو..

سميه : بصوت ناعم ودلوع مساء الخير ..


ريان : بقلق 😥 مساء النور خير يابنت عمي في شي. .


سميه : بدلع ... لا ليييش ماينفعش أتصلش الإ لو به شي ..


ريان : ابتسم 😅 اصترع هاااه مع مع اسهل عادي بس ابسرتها قدهي 10 ومشنا متعود تتصلي قلقت لو عمي فيه شي ..


سميه : مع عمك بخير ولا فيه شي بس كنت جالسه اتفرج صورنا واحنا صغار وكل صوري انا وانت كنا قريبين قووي مع بعض وذلحين قد كل واحد مننا في جهه تذكر🤔 لما كنت اجي عندكم كيف كنت تفرح وتسير تجعلي وتوبه لي وبتحكي له ...


ريان : ممدد وبيضحك عليها 😂 ايوووه ومايقع هذا كان زمان كنا جهال وما اذكرش الي بتقليه هذا كله . ذلحين ماتشتي عنرقد عنقرى ...


سميه : اصترعت 😰 هاااه ولا شي خلااص انا آسفه شكلي أزعجتك بس أنا ابسرتهن قلت اشاركك ذكرياتنا والماضي ..


ريان : شاااطره قدوذا قلتيها بفمش ماضي وذكريات يعني بح . ذلحين إحنا في الحاضر والحاضر بيقل انه ورانا دوام ونقوم نرقد نركز ماتشتي شي يابنت عمي ...


سميه : اقتهرت 😔 ولا شي تصبح ع خير غلقت وجلس تبكي وتلعن نفسها انها اتصلت له ..


ريان : غلق من عندها واتصل لسلا 📱 يحكي لها الي حصل ..



....... ........ ........


بعد يومين ....


ماجد : بيتصل 📱 لتوفيق مادرش رسله انا ماجد ال.... ..


توفيق : اول ما أبسر الرساله فرح 😄 أتصله ع طوول حيا الله بالنسب .. هييا مه بشر ..


ماجد : بشرى خير إن شاء الله البنت موافقه والأهل بس معانا شويه شروط نشتي نتفاهم عليهن وأهم شرط أن الخطبه تكون سكته بيني وبينك علشان عمي والبقيه لايفعلوش لنا مشاكل لأنهم يشتوها وكمان عيقلوا فارق السن بينك وبينها وانك مزوج الخ قدك تعرف الكلام هذا وقدهي نفعلها خطبه وعقد في يوم واحد علشان ماعد احد يقدر شي ولا يفتح فمه قدها وقتها عتكون مرتك ع سنه الله ورسوله ..


توفيق : فرح افتهن 😄 ورجعت رووووحه وانا موافق ع كل شروطهن مهما كانت وابسر اليوم الي يناسبك وع طول والله يتممها ع خيرر....

https://tttttt.me/qesasanani/1240


🌹meme_abdalgaleel

بارت 81


بعد إسبوع ....


في بيت أحمد 🏬...


أمل : جت عندهم حانقه من زوجها ...


ناديه : بتصيح فوقها 😡 سألتش بالله به مره عاقله تحنق وتفلت بيت زوجها ...


أمل : بتبكي 😭 يعني ماتشتوا أفعل وهو بيسمع كلام أصحابه وقال عيتزوج أفلت بكرامتي قبل مايديها لعندي للبيت ...


ناديه : خفعت وشها 😱 يوووه. جعله العمى زواجه مه ماناقصش. يحمد الله عليش ...


أمل : قال شرع الله وماعيقع بي اوذا أبوش مزوج بثنتين وأصحابي والله ماحسوا بالاستقرار والفهنه سواء الإ لما تزوجوا كل واحده بتدور تسعده ...



ناديه : تنهدت ... آآح آآح بس عاد أبوش ناقص مشاكل مايكفيش الجنان الي هو فيه من تحت راس اخوتش ذلحين مشكلتش عتوفي له ...


أمل : بتبكي 😭 أنا داريه إنهم عيرجعوني له عيقلوا مافيها لكن قدنا قلت اجرب لاهو عيغير رائيه ...


ناديه : سنبت أنتي داريه شتصل لزوجش أنا 📱 أبسر ماهو خبره قبل مايدرى أبوش ....



........ ........ .........


في بيت حسين 🏡...


هيفاء : فالمطبخ بتفعل الغداء 🍲🍛 العيال فالجامعه ...


رنا : نزلت لعندها .. دخلت من الباب🚪 كان مردود بتدعيها يا عمه يييه ..


هيفاء : في يدها المضرب 🥢 بتضرب الحلبه سمعت صوتها 👂🏻 استغربت ولفتت لعند باب المطبخ ...


رنا : دخلت حطت صحن 🍮فيه حلا وقربت بتسلم عليها 😘 وتحضنها .. يوووه كم قدنا فاقده لكم كيف انتوا ...


هيفاء : مستغربه 😳 الحمدلله .. كيف لش فقدتيني .. وزوجش خلاش تنزلي ..


رنا : بتتريحم 😞 يوووه ياعمه مانا لو عليا والله لانزل يوميه بس مفعل ماجد الله يهديه مانع لي واليوم الصدق فعلت هذا الحلا وهو يعجب رهف قوي راعيت لما خرج وقلت ماعيدراش انزل بساعتي قدنا فاقده لكم قوي ..


هيفاء : ع نيتها ... صدقتها فيش الخير يابنتي حين حنيتي عليها عتحن عليش العافيه عادش احسن من إبن بطني لكن حسبي الله فيه الله يوريني فيه ..

رنا : يووه مع 😱 قووى ياعمه لاتدعوش عليه قلوا الله يهديه .. ذلحين خلوني اعاونكم بساعتي قبل مايجي ...


هيفاء : مع اسلمي انتي غر اطلعي لش بس لايجي يزوجش ويفعلش مشكله ماعد بش معي شي قد شاكمل واخطى بساعتي أزيد أكنس الصاله قبل ماتجي رهف حرام اعاونها بتوصل تكنس ..


رنا : مسكت المكنس ... مع والله مكنسها الا انا انتوا بس كملوا هنيه .. وخطيت بتكنس الصاله وفتحت غرفه رهف سعم انها بتكنسها وتمسحها وهي بتدور بطاقتها 💳 فتحت ع طول الدرج الي بتحط فيه ورقها لقيتها فرحت 😄 خبتها ع طول .. وكملت تكنس خرجت بسرعه للصاله ...


هيفاء : ما ابسرتهاش الإ وهي فالصاله .. قربت تشل المكنس منها .. خلاص يابنتي اطلعي لش لايجي يزوجش قد كملت ..


رنا : حست الفرج جالها 😁 طيب حاضر يله خاطركم وسامحوني قدوذا انتي داريين انه ماجد وطلعت بسرعه حمله حمله 🏃🏽‍♀ تتصل لماجد انها شلت البطاقه ...



....... ........ ........

في الشركه 🏢..

مهند : ماعدبش معه زلط 💷 الي شلها كملت وماسخيش يطلب من محمد لأنه داري ان حتى هو مابش معه .. سار للشركه يبسر مدير الحسابات ...



مدير الحسابات : ابسره وابتسم 🙂 هييا مه اكيد قدك حراف مانبسرك الإ وقت الزلط بس الصدق كنت زمان مبذر قوي ماذلحين قد مصاريفك اقل عادنا بينقل شاحاكي عمي أحمد أن قدك صرفيتك احسن ...


مهند : تغيرت ملامحه 😳 لا لا ولا تقلهم بشي أصلا انا أشتي يبسروني واحد جديد مفاجاءه ..


مدير الحسابات : الله يوفقك .. كم تشتي اليوم. ..


مهند : لو معك 200 الف اديتها ..

مدير الحسابات : 😨 يوووه عادوذنا بينشكرك ..


مهند : مااالك جاامعه او نسيت وبعدا جهزي لي مثلها شامر لها بعد يومين نشتي ندفع قسط من جامعتي وجامعه محمد. ..

مدير الحسابات : آها صح نسيت شديلك ال400 ذلحين وخرج له الورقه .🗒. هاه كالمعتاد توقعيك..


مهند : شل الزلط وخطي طريق الجامعه🏫 حقه حط قسط له وسار جامعه 🏫محمد دفع له بدون مايقله ...


🌹meme_abdalgaleel


@qesasanani

بارت 82



بعد العصر ...


في البقاله .....

محمد : الجو مطر يجنن ⛈ جالس فوق الدكه تحت الظله بيتفرجه إبسر عيال صغار بيلعبوا وسط المطر ابتسم 😄 ذكر كيف كان يلعب هو وريان ويتمهدوا وسلا تلعب معاهم ورهف ماترضاش دلوعه من صغرها ماتشتيش تتوسخ خرج تلفونه 📱 بيتصلها ...

رهف : كانت في غرفتها . جنب الطاقه بتتفرج المطر ⛈ وتتفرج لعند طاقه محمد كيف قد غرفته من يوم ماخرج ماعد فيها حركه ..سمعت تلفونها📱 بيرن وانه محمد ابتسمت😊 ردت ع طوول ... عمرك طوويل كنت بينفكر فيك ..


محمد : 😊 يطول في قربش ان شاء الله ..وحشتيني ...


رهف : 😊 مسرع عادك ابسرتني الصبح في الجامعه ..


محمد : طلع جلس فوق الماسه حق الدكان وتربع والتلفون في يده 📱 بتوحشيني وانتي معي وجنبي كيف لوماتغيبي عني ...


رهف : سكتت 😞..


محمد : مال حبيبي سكتت. .


رهف : مدري ليش مخنوقه وبينهم لو عمو احمد يجلسوا معاندين هكذا ويحرمونا من بعض ..


محمد : تنهد وحاول يخبي قهره وزعله 😞 ليش بتقلي هكذا هم عيضبحوا ويتعبوا كما جلسوا وفالاخير لما يبسروا اننا مصر عليش عيرضوا وبعدا بس قفلي الموظوع هذا انت حقي ومحد عيفرقنا عن بعض قد كلمت حتى اصحابي يدوروا لي شغل سواء غير البقاله وابداء اجمع نفسي واكمل الجامعه علشان نتزوج ومعي دخل ..


رهف : الي بتدخله كوده يكفيك بس انت داري ليش عمي رافضين انك جيت تخطب وحدك .

محمد : لانهم عيقلوا طالب ومابش معه دخل بس لماقدنا معتمد ع نفسي ماعد عيقلوش مع ..


رهف : حمودي إشتي أقلك شي ...


محمد : هاااه كل عمري ..


رهف : أحبك 😍..

محمد : نبع من فوق الماسه 😃 هاااه ماقلتي ماسمعتش عيديها ..


رهف : خزيت وضحكت هههه 😊 محمد خلاص ...


محمد : أخير 😊 سمعتها منش كم كنت بينتراشاش تقليها ..


رهف : خلااص قدوذا قلتها 😊 ولاعاد تقليش اقلها مره ثانيه ..


محمد : ضحك هههه🤣 لا لا خلاص ماعدهوش ع كيفك بعد ماسمعتها ذلحين ماعاد شارقد واتصبح الا عليها...


رهف : خزيت منه 😊.. يله باي باي أسير اجلس مع ماما ..



........ ........ .........

طالع في شقه ماجد 🏡..


ماجد : هييا مه جهزتي كل شي..


رنا : في يدها المبخره بتبخره ...ايووه قد الديوان موضع ومبخر وفعلت كيك 🥧🍮وحلويات انت اطمن بس ..

ماجد : قلق 😥 مدري ليش خايف حاسس انه عتحصل مشكله ...


رنا : ...ولا عيقع شي مابلا عادها عتشكرك تحمد الله عتشلها بقعه كلها نعمه وخير ...


🌹meme_abdalgaleel



@qesasanani

بارت 83


العشي 🌚...


في بيت أحمد 🏬...

بعد ما ابسر أحمد بنته ودموعها 😭 وحس بالوجع الي فيها وقلبها الي إكتسر دخل ع طول
يتصل بزوجها ...


أحمد : بيحاكي بضبح 😤 يعنني مااهو. مصر ع رائيك ...



زوج أمل : ليش ياعم مالكم هكذا محبكين لها عليا اوذا انتوا مزوجين بثنتين ولا هو حرام عليا بس أنا قد قلت اننتوا اول من عيقلها هييا بغير خباله وقومي ريحيلش بيت زوجش عاد ردكم يكون هكذا ..


أحمد : عجم مادري مايقل 😥 بس انا غير يا ابني انا مشنا مقصر ع الثنتين وماتزوجت الثانيه الا لاني كنت اشتيها وبيندور ولد لكن انت قدوذا معك الولد ماعاد زواجتك ...


زوج أمل : يااعم قدوذا قلتوها اتزوجتوا بالثانيه كنتوا تشتوها .. وأنا أمل أبي زوجوني بها يشتوا يناسبوكم وانا ماقلت شي ونعم النسب وأمل ما أقل فيها الإ كل خير لكن الصدق عاد في القلب❤ غصه واشتي اثني وهذا شرع الله ومحد عيعترض عليه وامل البيت بيتها أي وقت تشتي ترجع بيتها مراعي لها ...


أحمد : ضبح من رده 😤 وغلق وجلس يفكر في بنته وقلبها الي اكتسر 💔....


غاده : دخلت ابسرته مطنن 🤔 بعد المكالمه وطبعا عادها مقهوره وزاعله منه .. ابسرته 👀 مالك مطنن مقهور ع بنتك صح بس ماحسيتش ان سمر كان قلبها عيكتسر لما مهند يتزوج عليها ولا كسرته حين تزوجه مغصوب ولا انت حاسس بوجع محمد 💔 وقهره شردت عيالك وظلمتهم من تحت راس غروركم واحنا مدري من وماعنناسب الا علان وفلان وربك قلك هاه جرب في بنتك يله اخليك تكمل الطننانه وفلتته وخرجت🚶🏼‍♀ ...


أحمد : جلس مطنن في كلامها 🤔 ...

......... ........ ..........


في بيت حسين 🏡...


في شقه ماجد ...



ماجد : جالس وهو قلق ومربوش 😰 مرتبك خايف ...


توفيق : دخل ومعه الشيخ و2 رجال حط شنطه 👛 كبيره ملانها ذهب وحاجات وفساتين 👗👠 وجزم لرهف من كل شي ...



ماجد : شل الشنطه 👛 وخرجها لعند رنا .. وعلامات القلق باديه عليه 😥 يا مره الصدق ماعاد قدرت بينهم لو ننكشف ...


رنا : بتمكنه صحن الحلويات 🍱 والعصير 🍸🍹 ولاعيقع شي انا أفعل الي قلتلك بس يله دخلهن بس ومراعيه تدعيني ...



الشيخ : خرج اوراقه ودفتره 📖 .. هييا بسم الله توكلنا ع الله من وكيل العروسه ...


ماجد : بربشه😥 وخايف هااه شيخ انا .. وهذه بطاقتي 💳وبطاقتها أنا اخوها الكبير ووكيلها بعد ابي الله يرحمه وهي موجوده خارج لوتشتي تبسرها ...



الشيخ : شل البطايق وبيقارنهن 💳 ويبسرهن .. طيب يا ابني انا اشتي بس أسمع موافقتها ممكن اكلمها من وراء الباب 🚪 علشان الإجراءات بس ولا من عيشكك فيكم والشيخ توفيق رجال ونعم فيه ...



ماجد : يده بترتعش وبيحاول يكابر 😅 طيب حاضر الان ولو عادنت تشتي ادخلها عادي..


الشيخ : لا لا بس اسمع منها الموافقه ..


رنا : واقفه وراء الباب بعد مادعاها ماجد ..


الشيخ : يابنتي انتي موافقه ع زواجش من توفيق ال... ع شرع الله وسنه نبيه ...


رنا : ايووه ياشيخ ...


الشيخ : دخل كمل إجراءته وعقد لهم 📖...



ماجد : تنهد بخووف ان محد اكتشف امره ..


توفيق : فرح 😁 وارتزح اخيرا تشجع وتزوج ..



رنا : قدام المرايه بتتفرج الحاجات الي أداهن لرهف وتقايسهن 😄....




😔 ياااقهر قلبي عليش يااارهف ... ايش الي مخبي لش القدر. واكبر غلط في مجتمعنا أن البنت لما يعقد لها وليها بتاخذهم القبيله والشهامه ومايدخلوش البنت علشان يتاكدوا من موافقتها وإنها نفس الي في البطاقه وأكيد في حالات كثير غير رهف تزوجت بهذه الطريقه ...



🌹meme_abdalgaleel

https://tttttt.me/joinchat/AAAAAERja9LRzSkmuZYIRw

@qesasanani

بارت 84


بعدها ب 4 أياام ...


في بيت أحمد 🏬...

الساعه 10 الصبح ..


أمل : بتبكي 😭 وتصيح محرروقه ...


أحمد : ع خرجته للشركه إبسرها افتجع 😱 قرب لجنبها يوووه مالش .


ناديه : كانت جالسه جنبها بتهديها .. زوجها رسل لها قلها اليوم عيروح العروسه الجديده وهي البيت مفتوح وقت ماتشتي تروح روحت ...


أحمد : بيبسر منظرها وحالتها اقتهر وزعل عليها 😔 قرب لجنبها .. حط يده ع كتفها .. إبردي يابنتي لاتقتهري ولاتدخلي في نفسك وبيت أبوش مفتوح لش العمر كله وباسها ع راسها 😘 وخرج وهو مقهور ...



....... ......... ........


في شركه توفيق 🏢....


ماجد : فارح بالعمل الجديد 😁 جالس فوق الكرسي وبيدور ...

الفراش : دخل لعنده ... عمي توفيق مراعي لك فالمكتب حقه .


ماجد : أحرج منه😅 ثبت الكرسي ووقف ...هااه .. يله الان ..


توفيق : جاالس في مكتبه بيراجع الاوراق 📑 ...


ماجد : دقدق الباب ✊🏻 ودخل .. سلام عليكم ..


توفيق : رفع رآسه والقلم في يده 🖊 وابتسم له حيا الله بالنسب واشر له بيده 👋🏻 إجلس ..


ماجد : الله يحييك كيف أنت ...


توفيق : هييا مه كيف العمل مرتاح عاجبك ولا تشتي أغيره لك عادي قلي أي شي مضايقك ..


ماجد : لا لا شكرا تسلم الحمدلله مرتاح وكل شي تمام ...


توفيق : قبل ماتروح مر لعند الحسابات معك مرتب 💶 شهرين وقلت أسألك ذلحين ع العرس تكلم عروستنا تشوف القاعات الي تشتي والتاريخ الي يناسبها ولاتهم الزلط انا متكفل بكل المصاريف وشارسلكم لعند محل ذهب تختار الي يعجبها وأنا شتحاسب معه ...


ماجد : إرتبش 😅 وتلعثم في الكلام .. هاااه. مارائيك نخليه للعطله قدك داري بتقراء الجامعه ...


توفيق : بهنجمه 🤨 لا لا ايش من عطله مش مشكله القرايه عتكمل تقراء عندي ...



ماجد : قدهو بيهم ماعيفعل وماعيقلهم هز رآسه .. يله تمام ان شاء الله خير ذلحين أستاذنك أذا ماعدباقي شي أسير أبسر العمل وحاول يبتسم 🙂 عادنا بينتعلمه ..



توفيق : الله معك ولاتنسى ماتنبيني لما تقرروا من القاعات ..


........ ......... .........

في الجامعه 🏫...


رهف : بعد ماخرجين من محاضرتهن بتتصل لمحمد 📱 مغلق .. مدري ماله مغلق وماجاش مع انه أمس العشي قلي اليوم معه محاضره الصبح ...


سلا : بتحرك شفايفها 😗 بإستغراب أممممم يمكن لاهو رقد ولاطفي تلفونه ...


رهف : سلاتي .. أسالش سؤال ووطت رآسها 😟 عمو أحمد ليش بيكرهوني هكذا مايشتوش محمد يتزوج بي ماهو الي فعلته ...


سلا : زعلت عليها واقتهرت 💔 ماااهو يكرهوش من الخباله هم بس رافضين عاد تفكيرهم ساع حق شيبات زمان انه مايسبر نتزوج الا من نفس عائلتنا وطبقتنا ..


رهف : تنهدت 😞 اااح يعني ماعيرضوش حتى لش وريان عادهو اخس عيمنعوش ..


سلا : أبتسمت 🙂 ان شاء الله ربي عيكتب لنا الخير كلنا لاتتشأموش خلوكم مثلي ..


رهف : خفعتها بالشنطه 🎒 مابورده قلبش ماقد وردت ع احد اخطي اخطي شررق علينا ندور ريان اروح ..


سلا : مليون مره قلتلكم روحوا معي ..


رهف : ايوه يبسرونا معش ولا السواق يحارش وانحنا نزيد مشاكل وجنان قدحنا هكذا اخرج ..


🌹meme_abdalgaleel


@qesasanani

بارت 85



أحمد : قبل مايسير للشركه 🏢مر لعند واحد من أصحابه يتوسط له عند مدير البنك ...


صاحبه : يله تمام اخطي معي فوق سيارتي وشارجعك للشركه انا خلي سواقك يرحله ...

توفيق : سار معه ...


وهم فوق السياره 🚘


صاحبه : بيأشر للسواق وقف يا ابني عند البقاله هذه أنزل أشتري لي باكت روتمان ..



السواق : وقف ونزل يشتري لهم ورجع ..فتحت الباب وطلع ...


أحمد : هيا مالك يا ابني ماتخطى شرق علينا عنتاخر ..


السواق : دقيقه ياعم صاحب البقاله سار يصرف من عند المحل الي جنبه ....



محمد : سار البقاله اليوم من الصبح صاحب البقاله مريض .. ..صرف الزلط وحط باكت 🚬 الشقاره في الكيس وقرب لعند السياره🚘 بيمكن السواق هااه اتفضل ..


أحمد : جالس فالكرسي وراء إبسره انصدم واقتلب وجهه 😨 مااابتفعل هانا ...



محمد : سمع صوت كأنه صوت أبوه لفت بسرعه👀 لاوراء وانه إبسر ابوه تفاجاء 😳 وسكت ..


أحمد : بيبسر الكيس في يده والباقي عرف انه الي بيشتغل فالبقاله بعصبيه 😠 فلت العز كله واخرتك بياع في بقاله وعلشان من هذا كله علشان بنت ..



محمد : لفت للسواق ومدعمم .. اي خدمات ثانيه يا استاذ ...


السواق : تسلم شكرا ..

محمد : فلت وخطي🚶🏻‍♂ ودخل البقاله ...

احمد : بيداعيه ويصيح ..


صاحبه : لفت له 👀منهو هذا مابه ليش الصياح ..



أحمد : بيحكي له الموضوع ..


........ ...... .......


في الشارع عند باب الجامعه🏫 حقه ...


مهند : خرج من جامعته 🏫 سمع واحد من الشباب بيتحاكى عليه ويضحك ...لفت له بعصبيه 😠 ماااالك مابتدور ...



الشاب : بسخريه 😏 مابلا بينقلهم شكل دلوع بابا ماعدبه. زلط ساع زمان ماعد بنبسر الزنط والفشخره شكل بابا قطع عليك المصروف ولا قد عتفلسوا هههه 😂...


مهند : حسه دمه بيفور 😡 وماعد قدر يمسك نفسه هزره من الشميز حقه 👔 وهات يا ضرب 👊🏻....

الشباب بيحاولوا يفرعوا ماقدروش ...


مهند : بطحه ع الأرض وهات ياضرب 👊🏻 وخفاع وزبط ..


عسكر الجامعه : خرجوا مسكوه 👨🏻‍✈ وبعدوه من فوقه ..


الشاب : بيصيح يده ماعاد قدر يحركها وصدره بيوجعوه ...


الشباب : اسعفوه للمستشفى 🏨 القريب منهم ..



مدير الجامعه : بعد ماعرف الي حصل قرر فصل الاثنين شهر من الجامعه يتربوا ..ومصاريف علاج الشاب ع حساب مهند ...



مهند : ضبح😤 وماعاد عرف كيف يتصرف. اتصل لغاده تحاول تدبر له الزلط وانهو حانب ...



🌹 meme_abdalgaleel


@qesasanani

بارت 86


العشي 🌚...


في بيت أحمد 🏬...


غاده : جالسه سامره معاهم مطننه 🤔 تشتي تحاكي احمد ومتردده ...


سلا : بتتفرج حالات الوتس إبسرت حاله أخت زوج امل فيها صورته و مكتوب فيها الف مبروك يا أخي .. بتدعي ....يييه أمل إبسري إبسري صوره زوجش ومنه صدق زد لبس حريو مكنتها التلفون 📱..


أمل : إبسرت التلفون 📱 ونزلت دموعها ع طول اقتهرت بكيت 😭 وقامت ...


ناديه : لفتت لها بضبح 😤 وقالبه صوره .. يعني مشو ناقصها الي فيها تقرحي قلبها💔 اكثر ماااهو منش بتدوري تحانكي بنتي ولا ماهو...


سلا : ضبحت منها وليش شاحانكها هي اختي وبعدا ليش ماهي حسيتوا لزعلها ومحمد عادي يكتسر قلبه 💔هي ومهند...


أحمد : صيح 😠 ييييه عتهجعنا من ايحين عندي بنتي وبنتش واخي واختش كلهم عيالي ..

غاده : بحرقه قلب ❣ لو كلهم عيالك ماقدك عتجنن ع هذه والباقيين مرجومين فالشارع مشنت داري أينهم لا مابياكلوا ولا مابيشربوا ولا كيف بيدبروا مصاريفهم ولا ما معاهم انت داري ان ابنك اليوم تضارب مع واحد وغرموه 100الف جلس اصحابه يعايروه والثاني قدهو وسط بقاله بياع ولا مابنتك الإ هذه مابعدا حرام عليك وبكيت😭 وخرجت ..


سلا : لحقت امها 🏃🏽‍♀ وخرجت ..


....... ........ .........


في بيت حسين 🏡...


طالع في شقه ماجد ....


رنا : قربت العشاء 🍲🍣.. هييا عشاء برد مالك مطنن ..


مااجد : مطنن في عالم آخر 🤔 .. الرجال يشتي عرس حاولت اغالطه قلت له تكمل حتى هذه السنه قال عتكمل عنده ومشنا داري كيف شفعل ولا كيف شاحاكيهم ...


رنا : قحصت شفايفها ..أممم انت داري لاقد تقلهمش انه عقدت لها قلهم جالها خطيب ووافقت عليه وخلاص الامر منتهي ماعدبش نقاش وهي عتقع مصياحه كما جلسنا ..


ماجد : تنهد ... ااااح والله ان شكلي تهورت وفعلت لي نثره لافوق راسي الله يستر بس ...


رنا : سكبت له شاهي ☕ ومكنته روتي 🥖 كل بس وماعذر من خير ربك عيفرجها إبسر ع قد نعمه إحنا فيها ..


ماجد : ع الله وشل الروتي 🥖 وبيتعشى ..


....... ........ .........

في بيت توفيق 🏬...


توفيق : دخل لعند سمرفي غرفتها بيجابرها يشتي يعرف مايعجبها أكيد عيعجب رهف .... أيووه يابنتي جي قليلي مايعجبش وماهن الحاجات الي يعجب البنات الي في سنش ...


سمر : كانت بتلعب بتلفونها حطته 📱.. إستغربت 😳 كييف يعني مايعجبني ويعجب البنات الي في سني ..


توفيق : ارتبش 😅 هاااه يعني قصدي مايعجبش من فساتين وجزم واكسسوارات وذهب من هذه الحاجات ...


سمر : هاااه .. كيف لكم سالتوني وانتوا ماتهتموش بهذه الطنافس ..


توفيق : ابتسم بخوف لاينكشف 🙃 اممم .. مابلا معي صاحب عيسافر تركيا يتجر ويدي بضايع من هاناك قلت اسألش مايعجبش اخليه يدي لش معه ...


سمر : فرحت 😄 هاااه هيا جو اجلسوا جنبي اوريكم وفتحت تلفونها 📱 بتوريه فالنت الموديلات ...




🌹meme_abdalgaleel



@qesasanani

بارت 87


ثاني يوم الصبح 🌞..


في بيت جد محمد 🏬...


محمد : عادهو راقد 😴....


مهند : قام قبله ابسره راقد😴 استغرب دخل يقيمه .. بعد البطانيه من فوقه يييه محمد هييا موخم عتقوم معك جامعه ....


محمد : سحب البطانيه وغطى وشه .. يا اخي خليني ارقد 😴 ما اسير افعل كما دبرت لهم زلط شاسير اليوم معي اختبار ولو اسير ماعيدخلونيش شرجع امتحنهن في اكتوبر...


مهند : سحب البطانيه من فووقه ...بهنجمه 🤨 قوووم قوووم شررق عليك قوم امتحن قلك اكتوبر قد دفعت لك قسط بس نسيت ما اقلك ...



محمد :فتح عيونه وانتهض بسرعه 😳 دفعت لي مااهو وكيف منين الزلط ..


مهند : مش وقت التحقيق ياكونان قوم الحق اختبارك ..


محمد : مشنا مذاكره كيف اسير..


مهند : قووم حل بالحاصل كودك فوق الكتب 📚 احسن ماتخليها لاكتوبر..


محمد : والزلط 💷منيه كيف فعلت ..


مهند : ضحك🤣 ودهفه يلله قووم شرق وبعدا عنتجابر ...



....... ........ .......


في بيت احمد 🏬...


أحمد : مارقدتش 😴 طول الليل بيفكر ...


سلا : قامت بتتجهز عتسير الجامعه 🏫 ..


احمد : دق لها باب الغرفه ✊🏻.. سلا عادش موجوده ..

سلا : فتحت له الباب 🚪 .. ايووه قدنا شخطى ذلحين ..


أحمد : اخوش محمد بيجي الجامعه 🏫... لو اجي معش شلقاه ..


سلا : إرتبشت 😅 وافتجعت لايتصايح معه ... هاااه مدري اصلا ..


أحمد : بهنجمه 🤨 بيجي ولا مااشي ...


سلا : مدري اصلا أوقات معه محاضرات مش في وقتي مابينبسره كل يوم ..


احمد : ببهراره 🙄إتصلي له يله 📱 قدامي ولا تقليش له أني بينسأل عليه وافتحي الاسبيكر ..


سلا : إفتجعت منه 😥.. طييب حاضر الان وبتتصله ..


محمد : فوق السياره مستعجل رد .. ع طوول مااهو ياهرم شرق عليا معي امتحان ماتشتي .


سلا : بربشه 😅 هاااه خلاص بس كنت اشتي اعرف عتجي او مع يله باي باي وغلقت..


احمد : اشر لها . يله اخطي قبالي شاجي معش وياويلش تحاكيه او ترسلي له ..


سلا : خرجت معه وتعذرت انه نسيت الكتاب 📙 دخلت بسرعه رسلت لرهف انه تحاول ماتبان علشان ابوها عيجي لايعرف انها معاهم فالجامعه ...



🌹meme_abdalgaleel

https://tttttt.me/joinchat/AAAAAERja9LRzSkmuZYIRw


@qesasanani

بارت 88


في الجاامعه 🏫...


رهف : رسلت لسلا انا داخل في قاعه المحاضرات ماشخرجش لما ترني لي ...


سلا : قد فعلت تلفونها صامت 📱 علشان ابوها ومراعيه معه فوق السياره 🚘 باب الجامعه ..


أحمد : لفت لها 👀 إتصلي لأخوش إبسري قد وصل ولاعادهو ...


سلا : تنهدت وخايفه ع محمد 😥 .. طيب حاضر .. وخرحت تلفونها تتصل 📱 إبسرت رساله رهف ردت عليها تمام واتصلت لمحمد وفتحت الاسبيكر .. هاه اين قدك ..

محمد : فتح يرد📱 .. سلا ماالش ماابه مش عوايدش تمكنيني اتصالات هكذا من صباح الصبح مااابه رهف فيها شي لاتقلقيني ...


أحمد : سمعه👂🏻 بيقلق ع رهف هز راسه وسكت ..


سلا : 😅 ارتبشت لما ذكر اسم رهف هاااه مع مع مدري المهم خلاص انت داري انا فوق السياره 🚘 باب الجامعه لما توصل جي لعندي قبل ماتدخل ...


محمد : قد بينجنب سيارتي 🚘 يله ابسرتش أوذا شاجي ..


أحمد : أبسر السواق 👀 أنزل لك انت وانتي أول مايطلع اخوش أنزلي ..


محمد : قرب لعند السياره 🚘بيفتح الباب .. هييامالش وإبسر أبوه سكت ماكمل كلامه ...


أحمد : لفت له 🤨 بهنجمه ... اطلع يله معي لك كلام وانتي انزلي ادخلي جامعتش 🏫 ...


محمد : معي أمتحان بعد نص ساعه أشتي ادخل اراجع ماقد ذاكرت 📖...


أحمد : بهرر فوقه 🙄 الكلام الي معي أهم من امتحانك وما شاخرك ..


محمد : طلع وقدهو بيهم لا يتصايحوا ويطير عليه الامتحان ....


سلا : دخلت بسرعه🏃🏽‍♀ لعند رهف تحكي لها ماحصل وقدهن قلقات ع محمد ...



........ ....... ........

في شركه توفيق 🏢..


توفيق : اتصل📱 لماجد يجي لعنده ...

ماجد : قام من مكتبه وقدهو قلق بيهم 😥 ماعيفعل معه .. دخل لعنده .. صباح الخير..


توفيق : ابتسم 🙂 له صباح النور هيا كيف انت وكيف القمر حقنا ايحين عتخليني ابسرها نفعل ساع شباب هذه الايام نترمسس ونتجابر فالتلفون 📱...


ماجد : ابتسم بفجيعه 😅 هااااه مارضيتش البنت بتخزا قووي قدهو ان شاء الله للعرس ..


توفيق : مسنب وراء مكتبه .. آها يله مش مشكله خليها براحتها واشر له بيده 👋🏻 إجلس ..


ماجد : جلس فوق الكرسي وبيتفرجه 👀..


توفيق : حط شنطه فوق المكتب 💼
هااااه امسك هذه4 مليون مهر البنت وهذا الكرت حق محل الذهب تسيروا تشتروا الي يعجبكم والحساب شاسد انا وهو ..


ماجد : إبسر الزلط 💷 دوخ 😇 ونسي كيف عيفعل مع رهف وأمه . . شلها وخطي ودخل مكتبه يتصل لرنا 📱..


رنا: فررحت صددق 😄 4 مليون والله انها عتسعد ع حظ معاها لكن انتبه تقلهم انها 4 مليون عنقلهم انهو ادى 2 مليون ونشل لنا الباقي والذهب رسلي ذلحين عنوان المحل شاسير اشتري لها ولي وقدهو يحاسب من مره ...



ياتررري ايش الكلام الي أحمد يشتي يقله لمحمد 🤔.. أممممم


🌹meme_abdalgaleel

@qesasanani

بارت 89


في الجامعه 🏫...


رهف : ملامح القلق ع وجهها 😰 بتسير وتجي 🚶🏼‍♀ في الممر ..


سلا : مرتزحه عرض الجدر وفي يدها الشنطه ... ييييه بنت بس قووى اديتي لي القلق 😰 ...


رهف : لفتت لها 👀وسنبت تقلي مايشتوا منه بينهم لايتصايحوا ومعه امتحان واللع ماعد يقدر يكتب حرف كان عيراعوا لما يكمل الامتحانات ...


سلا : الصدق قلبي❤ بيفور ..ومكنتها الشنطه لايدها هااه اشبحي .. شاسير لعندهم ماعاد قدرت اصبر ...


رهف : مسكت الشنطه 🎒والملازم وجلست فوق كرسي
وبتهز ارجلها من القلق ....

........ ......... ........


فوق السياره 🚘...

محمد : جالس وراء وطارح يده عرض الباب حق السياره 🚘 وساكت ..


أحمد : بيتفرجه 👀وماقدرش يتكلم ...


محمد : ابسر الساعه ⏰عتجلسوا ساكتين خيرات معي امتحان ولو الموضوع طويل خلوه لما اكمل الامتحان شتاخر ...



أحمد : تنهد .... ولفت له 👀 أنا موافق اخطب💍 لك رهف ...


محمد : هز رآسه بلا مبالاه😕 .. طيييب تمام بس انا مش موافق ولا شقبل شروطكم ولا شرضاها ع نفسي اكون مرتاح وابني سعادتي ع تعاسه مهند ..



أحمد : بهنجمه 🤨 ومادخل مهند عتتزوج انت ولا هو ...

محمد : قد انا داري بالخطه الجديده وفتح الباب حق السياره 🚘 خلاص قووى ممكن أنزل امتحن ..


أحمد : بهرر 🙄 لا مش ممكن اطلع وغلق الباب ماقد كملت كلامي ...


محمد : في داخله ضبح وبيقلق ع الامتحان 😰 ... غلق الباب ... طييب ماعد باقي ..


أحمد : أنا لا عاد اشتي مهند يخطب سمر ويرجع لها ولا عاد شادور عذر واقلك نقراء فاتحه بس وأهجعك أنا جيت اقلك أننا موافق اخطبها لك خطبه رسمي وعقد تتطمن ولو تشتي عرس في العطله شاعرس لك وكملوا قرايتكم وانتوا مزوجين ...


محمد : فتح عيوونه مصدوم 😳 ماقدهوش مستوعب مابيقل أبووه .. فتح فمه .. هاااه ..


احمد : بهنجامه 🤨 مااهو هاااه مالك اقتلبت أبلد في سااعه قلتلك موافق ازوجك بالبنت ولا معك كلام ثاني قد غيرت رائيك ماعاد تشتيهاش ...


محمد : ابتسم فرح 😃 بس بيحاول لا قد يصدقش قوى ويعشم نفسه يعرف ابوه ..

سلا : وقفت عند باب السياره 🚘.. تشتي تبسر ماابه ..


محمد : ابسرها ع طول نزل الزجاج وبابتسامه 😃 وفررحه سلا ابي وافقوا ورجع لفت لابوه بسرعه 👀 ذلحين صدق صدق قلوا والله اننتوا بتتحاكوا صددق ..


سلا : فرحت 😃 ودخلت راسها من الطاقه ..صددق يابابا موافقين. .


أحمد : حس بالفرحه الي في أبنه ابتسم 🙂 أيووه صددق صددق واطمن والله ما ارجع في كلمتي ..


محمد : من الفرحه قفز لعند ابوه بيحضنه ويبوسه 😘 يوووه محلاااكم تسسلموا تسسلموا ...


سلا : حملت بسرعه 🏃🏽‍♀ لعند رهف تفرحها ...


أحمد : ضحك 😂 يلله شررق عليك عتتاخر انزل اختبر وروح البيت انت واخوك ..


محمد : حبه في رآسه 😘 وطااار طريق رهف يفرحها ..


رهف : مادخلتش المحاضره جالسه خارج مراعيه بتقلق 😥..


سلا : حملت بسرعه لعندها بتحضنها 😘 وتبوسها مبررروك مبرروك بابا وافقوا ...

رهف : مسجمه 😳 هاااه مااهوو ..


محمد : من وراها بابتسامه 🙂 .. وافقوا ع خطوبتنا مبررروك ياعروسه يله ادخل امتحن بسرعه ولما اخرج عنتجابر .



مسسسكين يامحمد لو تعرف أيش قد فعل مااجد ياقهرري ع فرحتكم كل ما ينفتح لكم باب يتقفل من جهه ثانيه 😔..


🌹meme_abdalgaleel


@qesasanani

بارت 90


بعد العصر ...

في بيت حسين 🏡...

رهف : أول يووم من بعد موت ابوها تفرح هكذا في غرفتها .. فاتحه أغاني وتترقوص 💃....


هيفاء : فتحت عليها الباب 🚪 وابسرتها فارحه فرحت لها 😃 الله يديم فرحتش ياروحي قليلي مابه فارحه هكذا ...


رهف : خزيت 😊 وقربت لجنبها وباستها 😘 اخيررا شنجح في هذه الماده قدرت افهمها كاانت صعبه قووي ..


هيفاء : ضحكت هههه 🤣 الله يهديش هذا الجنان كله لانش فهمتيها بس الله يووفقش ياروحي ويسهل طريقش ..


رهف : أيووه ايوووه أدعولي خييرات ..


هيفاء : ابتسمت لها 🙂 الله يوفقش ياروحي وينولش الي في بالش ويحقق لش كل مابتتمنيه انتي وريان وينور طريقكم ....


رهف : رجعت تترقوص قدام المرايه وتتنبع 💃...


هيفاء : غلقت عليها الباب وهي بتضحك🤣 وفارحه لها ..


........ ........ ...........


في بيت توفيق 🏬.


توفيق : بعد مارسل السواق لعند صاحبه الي ادى الفساتين لرهف دخل الشنط 👛للملحق وبيتفرجهن مادري ماهو حالي وماهو شوعه إتصل 📱لسمر تخرج لعنده ..


سمر : خرجت لعنده ابسرت الشنط فرحت 😄 حسبتهن لها ... يوووه يابابا مااهو هذا يجننين اسلموا ..

توفيق : أصترع 😅 هااه مع يارروحي هذولاء حق بنت واحد من اصحابي تذكري الي قلتلش معي صاحب عيسافر يدي بضايع وانا اتجملت من واحد قلتله شاخلي صاحبي يدي لبنته واداهن اليوم ومشنا داري كيف الذوق لاعد يقل شوعه قلت اسالش ...


سمر : عوجت فمها 😏 امممم قد فرحتوني ... لكن اسهل عتعوضوني .. وهذولاء يجننين كل واحد احلى من الثاني ...


توفيق : خرج لها فستان الزفاف الي كانين بيتحانبين عليه هي وامها 👗 هييا وهذا كييف ..


سمر : تنهدت بقهر ووطت راسها بزعل 😔 هذا الفستان الي كان ماما بيقلوا اشتريه صح وماعجبنيش ...


توفيق : مسكها من كتفها حس بقهرها بيطبطب عليها ..... طزز فيه ولا تقهري نفسش يااروحي ابسري ع زواجه شازوجش اخليك يندم عليش ...


سمر : بقهر ..😔 خلاص ابردوا بس ذلحين أيحين عتتزوج بنت صاحبكم هذا الفستان طلع يجنن احلى من ماكنت بينبسره بس الصدق من حين ابسرته ماتخيلته الا فوق رهف هذك الي كنا نشتيها لابن خالتي لانها نعومه وهو ناعم مثلها ..


توفيق : إرتبش 😅 هاااه . مدري اهم شي اتجمل معاهم وبعدا معي عمل بعد فتره شاسافر ومالش الا احلى فساتين ...


........ ........ ......


في بيت جد محمد 🏬...


محمد : بيلفلف لداته 👕👖👔للشنطه وكتبه 📚 فارح ..


مهند : فوق السرير جالس عنده بيضحك عليه 🤣 يا اخي لاقد تتسرعش وتلفلف لداتك سعم أن أبي عيوافقوا هكذا وفجاءه والله ان به شي وراهم لاقد تركنش ..


محمد : بيخرج اللده من الدولاب خفعه بالفنيله 👕 في وجهه . بغير خباله لاتفجعنيش والله اننا حسيتهم صادقين هذه المره ..


مهند : ضحك 🤣 هههه ما انا مكره والله قد تعبت شحططه ونفسي ارجع البيت وعيشتنا الطبيعيه بس أهم شي والله مرجع لسمر ...


محمد : دق راسه بيده 👋🏻 لك هذا الراس والله لو يقرح ماتخطب الا الي تشتي قلتلك هو لو يبسرونا مصرين ع رائينا في الأخير عيرضوا ..


مهند : رفع يده 🤲🏻 يااارب . يله مدام متفائل هكذا أقوم حتى أنا اجهز لداتي ونغلق الطيقان ونتفقد البيت سواء قبل مانخطي ..


🌹meme_abdalgaleel


@qesasanani