بارت 53 🏠🧓


ثاني يووم الصبح 🌝

في المعهد ...

وليد : اليوم نكمل المعهد ونخطى نفعل لهن سم قد سألت الرجال قال نفعله بين ماء 🚰 وهن عيشربين منه ويتسممين وحق الفيران والحشرات عنحطه بين جبنه 🧀..


أيمن : لمح ريم خاطيه 👀 أشر لوليد بيده أوكي 👍🏻 أوكي بعدين بعدين وخطي بسرعه 🏃🏻 يلحق ريم بيداعيها .. هيييه هيييه ..

ريم : خاطيه وهو وراها ..🚶🏻‍♀ما انتبهتش إنه بيداعيها هي .


أيمن : وقف قدامها بينهل وإبتسم لها 🙂 أووف تعبتيني ملاحقه ومداعاه ...

ريم : وقفت وأبسرته قدامها خزيت ☺ منه عفوا ما أنتبهتش إنك كنت بتداعيني ..


أيمن : دونت وري ...بس فين إختفيتي. أنا من هذاك اليوم بيندور عليش ليش مامريتي لعندي ..


ريم : إبتسمت إبتسامتها المعتاده 😊 وبانت ملامح الإبتسامه ع عيونها 👁 .. هآاااه أصلا ...


أيمن : إبتسم من إبتسامتها 🙂 أصلا أنا ماكنت إشتيك تعرف ليش بيبنكي صح إختصرتها عليش صح ...


ريم : هزت رآسها أيوووه 😌..

أيمن : طيب وذلحين عتقلي لي ولا لا في أحد زعلش فالمعهد قليلي وأنا أتصرف معاه ..


ريم : أشرت برآسها نوووو بس شويه مشاكل فالبيت ..


أيمن : شويه بس قلي خيرات لأنه الدموع الي نزلت كان واظح إنها دموع بحرقه 😭 بس مدام مشاكل عائليه خلاص أنا ماشدخلش المهم لو تحتاجي شي أنا موجود أنا أسمي أيمن تيتشر جديد عندكم أعتقد قدش عارفه ...


ريم : أيووه قد إبسرتك أنت والتيتشر الجديد أنا إسمي ريم لفل 2A ...


أحمد : كان واقف بعيد إبسرها بتحاكي أيمن قد عيجنن وبيخفع أيديه يد في يد 👊🏻 .. آاااها هكذا ياريم ناس لهم حلال وإحنا حرام لكن تمام أذا ما اخليش تترجيني ما أكون أحمد ...


...... ....... .......

في بيت توفيق ...


عفاف : جالسه بتقطع السلطه 🥒🥕 وبتتجابر مع أميره .. يوووه كان إيذا طلعت مظلومه هي والكل ..


أميره : أيووه مسكينه قد رحمتها 😔 بعد ماجابرتني ريم لما إتصلت وقرح قلبي عليها ماذنبها جاهله لكن حسبي الله عليهم زوجي وعمها له العمى يعلم الله كيف عيفعل ببنتي 💔..


سامي : كان واقف باب المطبخ 🚪 مرتزح ويده عرض الجدر بيسمعهن ... ياخاله المفروض محمد وأسامه يمنعوا هذه الزواجه والله إنه حرام هكذا ماينفعش ...


أميره : لفتت له 👀 مايفعلوا يا إبني قد وقفوا في وجهه وفعلوا الي يقدروا عليه لكن حسبي الله ونعم الوكيل فيه .. ذلحين نتم نتغداء 🥘🍜 وجي روحني البيت قدنا فاقده لجهالي ونسير نزيد نبسر هذه المظلومه الي زد توفيها لي ...


سامي : ضحك هههه 😂 والله اننتوا طبينه حاليه ياخاله ..


عفاف : ناهي يالقانه هيا أخطي إدعي اختك من الغرفه قلها هيا غداء جالسه في غرفتها من حين روحت من المدرسه 🏫..


ليلى : ممدده فوق السرير بتتفرج السقف في يدها التلفون 📱 بتحاكي أيمن وبتلعب بشعرها بيدها .... ذلحين يعني مارائيك مشاعري هذه ناحيته مايسموها إعجاب ولاحب ..


أيمن : ضحك عليها هههه 😂 والله لو ع مابتقلي لي شكلش معجبه به بس أنا من رائي إن عادش صغيره كملي مدرستش وبعدين هذا كله عيجي ...


ليلى : ضبحت منه 😤أوووف منك بدل ماتقلي وهو أكيد معجب بش إذا مثل مابتحكي لي عنه وأنه أكيد عيفهمش لو قلتي له إنش بتحبيه لكن صورتك جاوع اخطى اتغداء وعبي بطنك ويارب يطلع لك اليوم جني 👿 في بيت جدك باي أسير أبسرهم وغلقت ..


أيمن : إستغرب مالها زعلت منه ..


🌹meme_abdalgaleel


@qesasanani

بارت 54 🏠🧓


صاحب سهيل : بيتصله 📱 يا أااخي وين انت كم قد إتصلت لك مابتردش ..


سهيل : ناهي مالك أنت داري مشغول هذه اليومتين مع مرض جدي ليش مابه ..


صاحب سهيل : يا أخي هذه مرام جننتي في روحي قالت مدام فاعل لها حظر من كل مكان أتصل أقلك انها عتراعي لك اليوم عصر في الكوفي الي كنتوا تتلاقوا فيه وإذا ماجيتش هي عتتصرف ..


سهيل : بصياح 😡 يا أخي توريني ماعتفعل ماشاسيرش هذه البنت مابش عندها كرامه خلاص كملوا الناس قلها ..


صاحبه : انا ماشاقلها شي ولا لي دخل بينكم سد أنت وياها أنا قلت لك ماقالت وبس خاطرك ..


سهيل : غلق من عنده 📱 وإتصل لسندس ... وين القمر مختفي علينا ولا بيسأل ولا له حس يعني إذا أنا ماسألت وانشغلت ماتسأليش عليا ..

سندس : الإ والله عادنا كنت بينكلم ماما أتصلك لو فاضي تجي معي أسير الجامعه 🏫الي عجبتني فالنت بس أيمن مشغول مع المعهد ..

سهيل : فرح 😄 فرصه وجت له .. أكييد فاضي ولو مش فاضي افضى كم معي سندس ..بكره الصبح وانا عندش ..

سندس : ثانننكش ..

....... ........ ........


في بيت علي ..

أسامه : بيمزح مع سماح ذلحين ما نسميش خاله سماح ولا سماح ..


سماح : وطت رآسها خزيت منه ☺..


محمد : بيمازحها ذلحين قلي لي كيف عتعاملينا ساع خاله سندريلا وتكون تخلي ريم تكنس وتعذبيها 😜..

ريم : ضحكت عليهم هههه 😂 عيال بسسس امانه حرام عليكم والله انها مسكينه ليش بتحانكوها ..


أسامه : ماسخانا عليها والله.. ولفت لها 👀 اطمني ياسماح انتي أختنا مش مره أبونا لأنه ربي يعينش عليش ويعيننا ..

باب الباب بيدقدق 🚪..


محمد : قام يفتح الباب وإنها أمه رجعت فرح 🙂 وسلموا عليها وجلست معاهم وبتتعرف ع سماح وحبتها ساع ريم ...


...... ...... ......

في بيت جدي 🏡..

وليد : بيفعل السم في الماء🚰 ويوزعهن في أرجاء البيت ..


أيمن : طلع لافوق للدور الثاني يوزع السم مع وليد .. اتفاجاء وفتح عيونه 😳 ددددددم فالأرض منين جاء بيخطى بعده 🚶🏼 يلاحقه دخل لباب الغرفه 🚪وقف وان الدمه السوداء 🐈 مذبووحه وراسها معلق فوق الباب والدم بيقطر ... نزل بسرعه لعند وليد يدعيه ...


وليد : استغرب 😱 معقوووله .. يا أخي مابش جن يذبحوا هكذا وبعدا المفروض ع ماكنا نقل ان الدمه السوداء جني👿 كيف جني عيذبح جني ...


أيمن : جمز ع يده بقووه 🤜🏻 يا اخي من اول يووم بينقلكم هذه مش عمايل جن ولا البيت مسكون هذا به شي وسر في هذا البيت واكيد الي طلع أشاعه ان البيت مسكون وبيفعل كل هذا الحاجات إنه مستفيد بس مستفيد با أيش مدري ..



🌹meme_abdalgaleel


@qesasanani

بارت 55 🏠🧓


بعدها بإسبووع ....


في المعهد🏪 ...

أحمد : إبسر ريم مسنبه بتتجابر مع غيداء 👭جين يسجلين الدوره الجديده ...خطي لعندهن .. كيف القمارى من أيحين سجلتين هذه الدوره ...


غيداء : أبسرته وبهررت عيونها 🙄 قمارى في عينك مادخلك اصلا وبعدا ماعنسجلش اطمن مدام وانت عادك موجود في هذا المعهد ...


أحمد : إبسر ريم بربع عين 😏 مابلا هو حرام علينا إحنا بس يا أنسه ريم ولا ماقلتي ..

ريم : لفتت له بإستغراب 😳 ماقصدك مافهمتش ..


أحمد : قصدي بتدقيها شرف لعندنا لكن التيتشير الجديد حقه حق توقفي معاه وتجابريه وتضحكي معه ....

ريم : صاحت فوقه 😡 عييب عليك تقل هكذا وبعدا انا لو وقفت معه هو أستاذ ومحترم مشو شخص مثلك ..

غيداء : بتسحبها من يدها .. أستاذ مه من أيحين أوذا ماقلتيليش ..

ريم : بعدت يدها بضبح 😤مش وقتش ذلحين راعي نبسر الأهبل هذا ..

أحمد : قزز 😖 آااااها أهبل مابلا قلي ماعجبناش ياست ريم مشنا ابو شعر كيرلي ولا حق أناقه وكاجول ساعه لكن قسمابالله ماراحت لش ياكلنا نلنا من الحب جانب وصاحبتينا كلنا يا والله العظيم لاخلي سمعتش مثل الزباله بين كل الطلبه وأخلي الصغير قبل الكبير يتحاكى عليش ...

غيداء : بداء صوتها يرتفع😡 ..وبترفع يدها .. أنت قليل أدب إحترم نفسك والله لا أسير أشتكي بك للإداره وأخليهم يتفاهموا معك ...


ريم : ماقدرتش ترد عليه نزلت دموعها 😭 وفلتتهم بيتصايحوا وخطيت 🚶🏻‍♀وجلست وراء سياره في حوش المعهد 🚘 بتبكي لحد يبسرها ..


أيمن : خرج من الإداره وبيخطى مع وليد لعند السياره 👬 يروحوا بيتجابروا بالخطه الجديده الي ناويين يفعلوها في بيت جدي بيفتح باب السياره 🚘 أبسر ريم قفاها ضحك 😃 وقرب لجنبها ... هيا مه ياريم كل ما ابسرش وأنتي بتبكي 😭 .


ريم : إحرجت منه 😊 ووقفت .. عفوا ماكنتش داريه إنها سيارتك خلاص آسفه وفلتت وخطيت🚶🏻‍♀..

أيمن : بيلحقها🏃🏻 ويدعيها .. هيييه ريييم لحضه ..


وليد : بيداعيه .. ييييه مالك مشدوف هكذا كودك بتدعممني وتلحقها ..

ريم : لفتت له وعيونها الساحره 👁 بتلمع ملان دموع .. لوسمحت لاتكلمنيش لو يبسرك معي مره ثانيه عيفعلي مشكله ..

أيمن : لمح عيونها 👁 شكلها تجنن وطى رآسه ع طوول .. منهو أخوش وبعدين مافيها شي انا تيتشر وواقف اكلمش ..

ريم : لا مشهو أخي هذا طالب معانا إسمه أحمد يشتي أكلمه وأصاحبه بالغصب ولا عيفعلي مشاكل ..


أيمن : عصب 😡إييييش طالب. وعتخافي منه .. أنتي مجنونه .. طيب اسمعيني أنا مستعجل ذلحين شامشي وبكره مراعي لش في مكتبي تجي تفهميني القصه كلها ..


ريم : ماشقدرش أجي الدوره الجديده حقنا بعد إسبوع ..


أيمن : خرج تلفونه 📱 يله بسرعه إذا هاتي لي رقمش ..


ريم : عجمت 😅 هاه رقمممي ..


أيمن : بهرر فوقها 🙄 ريم يله بطلي خباله أشتي افهم الموظوع وشتصرف معه ..


ريم : ماحستش بنفسها الإ وهي بتمليه الرقم ..


....... ....... .......

في بيت هاشم ...

هاشم : واقف باب المطبخ بيتجابر مع ناديه ..مالش انتي والكلام هذا أكيد لا والمفروض أصلا ماكنتيش حتى تتكلمي معاها في هذا الموظوع أو تدي لها فرصه ..

ناديه : جنب البوتقاز 🎛 بتصلح الغداء 🥘🍜 قد حاكيتها والله وقلتلها أبوها ماعيرضاش .بس ما اقلها احرجتني قالت ابسرتها فالعرس وعجبتها نفس المواصفات الي يشتي ابنها..


هاشم : خلاص نبيها وقليلها ماعنزوجش بنتنا واقطبي قربي لي الغداء ..


🌹meme_abdalgaleel


@qesasanani

بارت 56 🏠🧓


في بيت توفيق ...

ليلى : وصلت فارحه 😃 رجمت شنطتها 🎒 يوووه أخيرا الحمدلله كملنا إختبارات أخيرا شاكمل 3 ثانوي ..


عفاف : ابتسمت 🙂 وبتدعي لها .. الله يجعلها أخر سنه لش صدق يارب وتنجحي تفتهني وافتهن ..


ليلى : قربت حبت رآسها 😘 مالكم الإ أنجح أصلا ضروري أنجح أنتوا بس إدعوا لي إن الله يحقق لي الي في نفسي ..

عفاف : بتاشر لها بوجهها 😬 مافي نفسك ...

ليلى : ابتسمت 🙂 وبتفعل حركه با ايديها كأنها بتطير نفسي أطير وبتضحك هههه ..

عفاف : ضحكت عليها 😂 الله يجعلش فارحه هكذا ع طول اتصلي لاخوش أمانه بس مابش معي رصيد قلي له عنسير نتغداء عن خالتش أميره يتغداء خارج ...


ليلى : سنبت .. وعوجت فمها 😏 نسير نبسر العروسه الجديده ..


عفاف : ناهي أخطي من اللقانه شرق اتصلي لأخوش واقطبي إلبسي نخطى ..


ليلى :خرجت تلفونها 📱 من الشنطه وبتتصل لأخوها ماردش رسلت له رساله وبتتصل لأيمن ...


أيمن : فوق السياره🚘 بيسوق ووليد جنبه رد ... ألووو هيا مه كيف رآسبه صح ..

ليلى : ضحكت وبتحانكه لا طبعا شنجح وأحانكك 😜 بس أهم شي يارب يارب يحبني ويجي يخطبني الي حاكيتك منه مدري ماله بيزنط مع إني متأكده إنهو هو بيحبني والكل بس يعجبه يحانكني ...


أيمن : بيحانكها 😜 أيووه وكيف تأكدتي منه إذا ما قد كلمش ..

ليلى : تصرفاته واهتمامه بي ويحب يسمع مشاكلي واول مايقوم يصبح عليا وقبل مايرقد يكلمني وحاجات خيرات شرجع أجابرك بهن ذلحين شغلق عنسير بيت خالتي عند ريم هذك الخبلاء الي قد جابرتك منها وبإستهزاء 😏نسير نبسر مره أبوها خخخخ وشويه وقدهي هي مره أب ههههه ..


أيمن : أيمن لما سمع إسم ريم ذكر ريم حق المعهد إبتسم 🙂
..بس طبعا مشو داري إن ريم هذه هي نفسها الي يعرفه عن ريم بنت خاله ليلى كل شي فيها شووعه وإنها شريره رد عليها .. اووووه 😮 اذا الله يعينش .. باي واول ماغلق فتح رقم ريم ورسل لها رساله (هاااي أنا تيتشر أيمن هذا رقمي لما تحسي نفسش حابه تكلميني سوي لي مسد )..


وليد : بيتفرجه بإستغراب 😳 طول مابيكلمها وساكت ..

أيمن : بعد مارسل الرقم إبسره وضحك ههه 😂 مالك مستغرب إطمن أنا مش غلط وهذه صديقتي بس وبيحكي له القصه كيف عرفها ...


...... ...... ......

في بيت علي ..


سماح : فالمطبخ بتساعد أميره ..🥘 ياخاله أميره جو أطعموا الرز هكذا الملح عيس ولا أزيده ...


أميره : هيا مه ماسدينا قلنا مانشتيش خاله أميره أنا أمكن الثنين انتي وريم ...

سماح : غطت وجهها بيدها خزيت 🙈 خلاص آسفه أخر مره بس بيننسى لأني حتى أمي ماعرفتهمش ولا قلتلهم هذه الكلمه من حين شلنا عمي ..

أميره : وأنا قدوذا قلتلش أنا أمش ذلحين مشو وقت المجابره ننجز بساعتنا قد خالتش عفاف عتجي ذلحين هي وليلى ..


سماح : أنتوا داريين ماهو أحلى شي اليوم أنه علي مابحد سافر الحديده 🌊 والله ان نفسي مايرجع ..


ريم : كانت بترفع الصاله وتكنسها بعد مارجعت من المعهد سمعتهن لان صوتهن عالي صاحت لسماح .. أيوووه أيوووه ياسمووح والله انهي نفسي الأمنيه حقي ..

أميره : صيحت فوقهن 😡 بناااات بس عيب عليكن يله شرق اقطبين العمل ..



🌹meme_abdalgaleel


@qesasanani

بارت 57 🏠🧓


في بيت جدي ...


وليد : هيا مه و ذلحين كيف منين عنبداء ..

أيمن : أول شي نفعل مثل ماقلتلك مدام وقد الحيه والحنشان تسممين 🐍 ندخل نبداء ننظف البيت قبل الليل ونصلح المغالق الجديده حق الأبواب ونبعد الطيقان نشلهن نصلحهن ونرجع ندور الشيبات الي كانوا عايشين في هذه المنطقه ونسألهم من كان يعرف جدي ..

وليد : بس ع مافهمت منك إن جدك كان هانا وحده ..

أيمن : بس اكيد في ناس عرفوا بقصه الجن الي قالوا حرقوا الفلوس 💵 والاوراق وقتلوا جدي مثل الرجال الي لقيني اول يوم ..

أيمن : إذا يله مابش وقت انت أطلع أبداء فكفك الطيقان الي تشتي تتصلح وأنا أدخل أسقي الغرسات 🌳 في المزرعه ...


........ ...... .....


بعد العصر ...

في بيت الحج أحمد ...

سمر : بتداعي سهى تلفونها بيرن 📱 ماجاوبتش ردت هيه رقم أرضي .. ألوووو ..

أمين : الوو سلام عليكم معش أمين ...

سمر : ذكرت ع طول 🤔 انهو الي جابرتها منه حق الكتاب .. بضبح 😤 أيووه و ماتشتي يا أمين باشه ..

أمين : إصترع 😅 أنا آسف ع إزعاجش والله بس شفت انش مابترديش ع رسايلي واتصالاتي أطمن ع جدش قلت أتصل بهذا الرقم أتطمن وأقلش أين أحط الكتاب 📙 خلاص كملت ..


سمر : آااااها .. تمام شاقلها لما تجي ترسل تقلك اين تحطه لها ولاتتعذرش بالكتاب يابطل ناهي .


أمين : اتفاجاء 😳 إييييش لما تجي ليش من أنتي ..


سمر : أنا أختها الصغيره ..

أمين : ضحك هههه 😂 وانا قد إستغربت أصلا سهى مشهي لقنه هكذا شكلها هادئه وحبوبه ..


سمر : ضبحت 😤 إيييش قصدك يعني أنا اللقنه صح هيا ناهي قسمابالله ما اقلها انك أتصلت ولا احاكيها من الكتاب 📙 وغلقت في وجهه ..


أمين : غلق وجلس يضحك عليها 😂 هههه فرق بينها وبين أختها ..


........ ........ .......

في بيت توفيق ...

ليلى :بتتفرج سماح بربع عين هي وريم 😏.. سعم ذلحين ليش سديات هكذا المفروض تكرهيها قدهي فالأخير مره ابوش ..


أميره : لفتت لها 😤 بضبح هن خوات وبعدا مالش من الدحس ..


ليلى : غيوزت عيونها وعوجت فمها 😏 مالي شي بس يله عيس حلا ترجع ريم تتخاوى مع بنات زوجها مدام وهي اخت لخلق الله كلهم من شق وطرف ..


ريم : دعممتها وبتجابر سماح .. إبردي لش منها بس هي طباعها هكذا ذلحين رسلي لي الأغنيه الي كنتي بتسمعيها اول في تلفونش وإحنا بنغسول الصحون 🍽. وفتحت تلفونها لقيت الرساله حق أيمن افتتحت عيونها وتذكرت شكله وحنيته عليها ابتسمت وحست إحساس غريب أول ماقريتها ☺.

سماح : بتداعيها ... ييييه حجه يييه قلنا افتحي الواي فاي ارسلها لش ..

ريم : نكزت😅 ولفتت لها هآااه ماقلتي ماتشتي ..

سماح : ضحكت عليها هههه 😂إشتي عافيتش هيا افتحي افتحي ..

ليلى : بتبسرهن متفقات مع بعض وقد عتجنن وبتزداد مشاعر كرهها لريم 😖...


🌹meme_abdalgaleel



@qesasanani

بارت 58 🏠🧓


ثاني يووم ...


في جامعه سهيل 🏢..


سهيل : بإستغراب 😳 إيشششش .... بطل خباله ..


صاحبه : والله إني تفاجاءت أخس منك ماتوقعتش منها وهي بنت تفعل هكذا إتخايلي إنها عتفتجع مش تزيد توزع صور محادثاتكم هي للطلبه حق الجامعه 🏢 وعاد قالت لي باقي معاها محادثات خاصه عترسلهن لأبوك ..


سهيل : قد عيجنن وبيحس دمه بيفور 😡 خرج تلفونه 📱 بيتصل لمرام بتكنسل في وجهه ورسلت له صوره 😜 قلتلك مش أنتي قدي وانا عن نفسي مايهمني وعادنا ناويه لك ع فضيحه أكبر ...


صاحبه : إبسره بزعل 😞 والله مانا داري ما اقلك ماتوقعتش إن البنت عتفعل هكذا ماشاء الله ع سماخه فيها ما افتجعتش حتى من أهلها لو يدروا ..

سهيل : بضبح 😤 أين أهلها وأين طلي هم فري للطرف أمها أجنبيه وأبوها مشو داري أينهن عايشات مزوج ب4 أنا ذلحين في الهدار الي عيجي لافوق رآسي وكم بنات عيبدين لي وكل واحده تقلي يعني كنت بتكذب عليا وتقل انك بتحبني أنا وحدي بس ..


صاحبه : حرك يده وعوج فمه 😏 كم قد قلتلك يا صاحبي خف من الجنان حقك ومشاغله بنات الناس ...


...... ....... ........


في بيت علي ...


أسامه : وصل من الجامعه فارح 😄بيداعي ريم .. ريمووو ريموتي جي هاه ..


ريم : كانت بتساعد أمها فالمطبخ 🥘🥗 حطت الي في يدها وسارت تجاوبه ..


أسامه : إبسرها وإبتسسسم بقوه 😄 كيف أختي الحبوبه كيف العسل حقنا ..


ريم : إبسرته وضحكت 😄 ماله أخي فارح ماقد معه ...


أسامه : مسك يدها وبيسحبها 👫 جي معي للغرفه إشتيش في موظوع وسحبها ودخلوا ..


ريم : جلست فوق السرير حقها وربعت أرجلها .. هيا ماتشتي يا مسيوو...


أسامه : وطى رآسه ومبتسم 😊 به واحده معي فالجامعه قدلي سنه أعرفها بينحبها وإشتي أخطبها لانه خلاص كملت الإمتحانات اليوم اخر سنه وأشتي منش خدمه تتعرفي عليها وصاحبيها علشان امي يعرفوها وتقليلهم أنها عجبتش تخطبيها لي لأن أبي لو يدروا أني أعرفها ماعيرضوش يخطبوها لي ..


ريم : بتحانكه بصفاد 😜 وقفت وجهها وبتحرك أكتافها ماعه ماعه ماعليا عادك ذكرت تقلي ذلحين لمصلحتك بس ..


أسامه : بيتراشاها ويبوسها 😘 هيا قووى يا أختي امانه أنا قلتلها شاشلش اليوم عندها هي قالت لأمها انها تعرفت ع بنت في عرس وتصاحبت معاها وهي عتجي عندها ...


ريم : آاااها هكذا وسديين جمعه هيا ماعه ماعه وضحكت هههه 😂...

أسامه : هيا وانا قسما بالله لأشلش اليوم اعشيش خارج واشتري لش ماتشتي بس قومي ذلحين بسرعه تراشي ماما يخلوش تسيري قلي عند صاحبتش وشلي معش سماح علشان يرضوا بس لاتقليلها بشي ...


🌹meme_abdalgaleel



@qesasanani

بارت 59 🏠🧓


في بيت جدي ...


أيمن : بيتسؤال الناس الي في هذك المنطقه لو به احد كان يعرف جده ومن الي قلهم إنهو مسكون 👿..


وليد : واقف مع رجال شيبه لفت لأيمن .. وبيأشر له بيده 👋🏻 ويداعيه .... أيمن ييييه جي كذا ..


أيمن : خطي لعندهم وصل بيمد يده يسلم ع الرجال ✋🏻 السلام عليكم كيف انتوا ياعم ..


وليد : هذا الحج قال كان يعرف جدك كان هو من الي نقلوا هانا زمان وماقد كان به الإبيوت قليله ..

الشيبه: كيف أنتي يا إبني ذلحين أنت حفيد الحج الله يرحمه ع ماقلي صاحبك ..


أيمن : أيووه ياعم واشتي أجابركم شوويه وأسالكم كيف لوما مات جدو ومن قال البيت مسكون 👿...


الشيبه : جلس فوق الرصيف وجلس العيال جنبه بيجابرهم .. إسمعني ياولدي إحنا وجدك كنا والفين نسير نصلي فالجامع🕌 يوميه مع انه محناش أصحاب هوكان منطوي ع نفسه بيوبه لمزرعته ومايختلط بنا المهم يوم كنت راجعي من الجامع بعد صلاه الفجر وخطيت من شق بيت جدك وإبسرت جدك مسنب مع واحد كان بيتصايح معه جنب سيارته 🚘 وفلت الرجال وحنق طلع فوق سيارته ورحله ..


أيمن : فاتح عيونه 😳 مركز معه بيتسمعه . أيووه وبعدا ..


الشيبه : ولا شي جلسنا يمكن يومين ثلاث وجدك ولاعاد بينبسره فالجامع 🕌 استغربت قلت يعلم الله ماله سعم هو مابيقطعش فرض الا ويصليه فالجامع وسالت صاحب البقاله عليه قال هو ما ابسرش وطبعا كان زمان الدنيا هانا فاضيه مابش بيوت ولا بقالات الا هذه وعادها بعيده المهم زد جلسنا بعد اليومين يومين الإ وقد بيقلوا الحج مات لقيووه مرجوم في البيت 🏡جو اهله يبسروه ولقيوه مرجوم جسمه كله مدكم أزرق وبه دم ملان الارض والبيت محرقه الجدران وكان معه زلط💴 واوراق كلها محرقه وانهم ابسروا جن👿 وسمعوا أصووات ورجع اهله شلوه يقبروه و زد بعدها بإسبوع جاء واحد من أهله قال يتفقد البيت ماسمعنا الإ صياحه بيحمل يهرب 🏃🏻 ويقل الجن داخل البيت مسكون هم الي قتلوا الحج وبعدا لليوم هذا ومحد بيصداء يدخل البيت ولاعاد أحد جاء من أهله يزيد يسأل عليه ..


أيمن : تباسر هو ووليد 👀 .. أيووه ياعم طيب قلوا لي به شي أحد قد سمع شي فالبيت أبسرتوا شي ..


الشيبه : بين فتره وفتره نسمع أصوات من داخله وكنا نبسر ظل رجال فالحوش بيخطى وابواب تتصروع 🚪...


وليد: طيب ياعم هذا الرجال زد ابسرتوه مره ثانيه ..

الشيبه : أيووه يا ابني هو الي جاء يتفقد البيت وكان يحمل🏃🏻 ويصيح جن 👿 شكله لاهو ابنه ولامدري مايوقع له .


وليد : هز رآسه .. لا لا ياعم ابنه كان مسافر✈ مغترب أبو هذا عادهم رجعوا ...


الشيبه : يعلم الله منهو أحنا مكناش مختلطين بالحج قوي ومانعرفش أهله .. ذلحين أنتوا ماتشتوا بتسألوا اوبهوا ياجهالي قوى بعدا يجوا لكم الجن 👿 حق البيت مدام بتدخلوه ..


أيمن : لفت له تنهد بزعل وقحص فمه 😞 جن مه ياعم والله ماجن الإ بني أدم .. وشلوا رقم الرجال وروحوا وهم خلاص مقتنعين أن الرجال هذا وراه شي ..


🌹meme_abdalgaleel


@qesasanani

بارت 60 🏠🧓


في بيت هاشم ..

سندس : بتدحس أبووها ..بضبح 😤 يابابا ماهو هذا أيمن أيمن قدله يومين من حين وعدني يخرجني السوق إشتي أشتري بالطوه وحاجات للجامعه وهو مخبى كل يووم ..


هاشم : إسهل ياقلبي ❤ هو مشغول شويه وبعدا إسهل باقي وقت لما تبداؤ الدوام ..


سام : بابا بليييييز اي ونت تو بلي تينس سيم كندا .. اليمن اووف مش هلووه 😤 ..

سندس : ايوه يابابا صح هانا كلشي ممنوع حتى دروس السباحه الي كنت أخذها مافيش هانا ...


ناديه : أيووه صدق ياهاشم العيال مشهم متعودين ع الحبسه هذه لوتبسر نادي تسجل سام وسندس سمعت بنات اخي قالين به نوادي للبنات والكل بيسيرين صاحباتهن يتسبحين ويلعبين رياضه ..


هاشم : طنن شوويه 🤔 أممم طيب تمام موافق بس انا معرفش نوادي أبسري سهيل إبن اخوش لاهو يعرف جاء شلهم يسجلهم ..


سندس : فرحت 😄وسنبت اوذا شتصله انا الآن اقله يجي يشلنا وعادنا أشتي تقطعوا لي رخصه علشان ابداء اسووق خلاص باقي لي شهر واكمل 18 ..


هاشم : ضحك عليها 😂 هههه مستعجله بنتي هاه عتحمل هي تتصله خلي ماما اول تبسره يمكن معه عمل او شي عيب نحرجه ..


سندس : بتخطى وتأشر له بيدها نووو نووو هو سيد اي وقت كلميني ...


ناديه : إبسرت هاشم وضحكت 😄 مسكين سهيل كم قد بينرحمه من كثر مابنتك بتشغله ..


سندس : بتتصل 📱لسهيل ماردش رسلت له رساله ...


....... ...... .......

في مكتب توووفيق ...


توفيق : بيحاكي التلفوون بصياح 📱أنا ملييييون مره إيش قلتلك ماعاد تتصلش عليا ولا إشتي أسمع صوووتك ..


علي : بصيااااح 😡 يييييه إسمعني رسل لي 500 ألف أنا فالحديده 🌊 بحاجتها ...


توفيق : أنت مابتشبعش زلط 💴 كودي بينحولك إسكه يا أخي أنا مابش معي ...


علي : قلب صوره فووقه 😡 إسمعننننني أنت عترسلها وغصبا عنك ولا تخلينيش أطلب بدل ال500 مليوون المهم قدك أخبر إشتيها اليووم خاااطرك يا عدديلي ...


توفيق : رجم التلفون 📱لافوق المكتب حقه وبضبح 😤 بيداعي السكرتير يييييه ياجننني جي كذا ...


السكرتير : حمل 🏃🏻لعنده بسرعه وفي يده الورق 📑 عفوا عفوا اتاخرت بس إديت الورق ..


توفيق : بضبح 😤 بيأشر بيده 👋🏻 لا لا مش وقت الورق ذلحين سير شل من المدير المالي الآن 500 الف وحولها مثل كل مره لعلي ..


السكرتير : الأستاذ علي ال....


توفيق : عادهو عيحترمه ويقل الأستاذ. يله خرجه من قبالي توصله الحواله اليووم ماعتتأخرش هو فالحديده 🌊..


...... ....... .........

في بيت جدي ...


أيمن : بعد ماكملوا اليوم التنظيف كله .. لفت لوليد من بكره نبداء نرنج ...


وليد : ان شاء الله بس اليوم ضروري مثل ما اتفقنا نخلي الكهرباء والعه في البيت كله وضروري بكره نشتري كاميرات 🎥 مراقبه خلينا نبسر منهو هذا الجني الي بيفعل بنا هكذا ...


أيمن : ضحك هههه 😂 بس الصدق هذا الجني 👿 بيخورنا خورات مش ملاحظ قدله يومين مأدب ولا بيخرب لنا شي ...


وليد : ضحك ههههه 😂 أيوووه هو رحمنا قال قدحنا تاعبين بس شكله عيخرج لنا التعب مره واحده ..

أيمن : ناهي يالقانه قوم نرحل لنا اليووم شعزمك عشاء في بيتنا بس لاتنسى إحنا اصحاب فالمعهد وبس وبتساعدني نزرع حوش المعهد ...


🌹meme_abdalgaleel



@qesasanani

🧡
💚
💜
بارت 61


بعدها بيووميين ..

في بيت علي ...

محمد : دخل ضابح لعند أسامه 😤 قد أبووك شرف من الحديده 🌊 قد كنا مرتاحين بدونه ..


أسامه : نفخ ياهمتاه لنا 😤 ذلحين يعلم الله ماعيفعل حين نقله إشتي أخطب 💍 ...


محمد : أنت داري مابلا خلي سماح تحاكيهم تقلهم انها ابسرت بنت وإعجبتها لأنه لو أمي تحاكيهم مابلا يعاندوا ..


أسامه : سنب .. أنت داري ماشاراعيش لحد يتحاكى شاقل أن قدنا إشتي أخطب وشاخلي أمي وريم يبسرين لي ..


محمد : وياسعم يارامبو 💪🏻 إن أبي عيقلوا لك يله غطوه خطوبه ...


أسامه : أبي الي يهمهم أنه مايخسروش زلط 💵 خلاص حتى اتزوج الصبح ..

محمد : بيحانكه 😜 كان يله شد حيلك يا أسد وتوكل ع الله يله أخرج افتح الموظوع ..

أسامه : مش ذلحين راعي لابعدا ذلحين المزاج عيقع مقلوب بعد الطريق ...


ريم : سمعت صوت أبووها جاء اقتهرت وزعلت 😞 قد كانوا مرتاحين غلقت باب غرفتها ع نفسها ياسعم إنها راقده فتحت تلفونها 📱 بتلعب به ذكرت رساله أيمن فتحتها جلست تقراها وتبتسم 😊 بس ماصديتش ترسله ولا تتصله ..


........ ....... ........

في بيت الحج أحمد ...


ساميه : بتداعي سمر ... يييه ياسمر جي عاونيني ماذلحين عطله خلاص كودش تتعلمي إبسري محلا أختش ع حماشه فيها ...


سمر : بتجابر صاحباتها فالوتس ضبحت 😤 اوووف ماهو هذا ياماما قوى عطله خلوني أفتهن ..


سهى : سارت تسحبها .. يله قوومي هيا شرق عاوني ماما أنا إشتي أسير للجامعه معي حاجات وورق أشتي أكمل اوقعهن علشان التخرج 🎓..


سمر : خفعت رآسها بيدها .. يووه 😮 نسيت ما أقلش إنهو اتصل هذاك المجنون قال أين يحط كتابش 📙 هيا اتصلي له مدام عتسيري للجامعه يديه ..


سهى : صيحت فووقها 😡 وليش ماتقليلي لو شي ان قد كلمته يديه افرضي ذلحين مشغول ماعيقدرش يديه ..خرجت تلفونها📱 ودخلت غرفتها تتصلها ...


أمين : رد عليها .. يا أهلا وسهلا والله ان قد أنتي عمله صعبه يابنت ماتشتيش كتابش 📙..


سهى : خزيت منه 😊 العفو منك ماكنتش داريه انك اتصلت عادها قالت لي أختي ذلحين ..


أمين : ضحك هههه 😂 أختش اللقنه الله يعينكم عليها ..

سهى : إستغربت 😳 لقنه ليش ماقد فعلت ..

أمين : ابردي لش بس شكلها غاويه جلست تتمجنن شويه لما اتصلت اقلش اين احط الكتاب📙 ذلحين طمنيني كيف قد جدش ان شاء الله أحسن والعفو منش لوكنت ازعجتش بس كنت حابب أطمن عليه ..


سهى : لا لاعادي مابش ازعاج وجدو الحمدلله قدهم أحسن قد خرجوهم من العنايه .. انا اتصلت علشان أقلك شاسير الجامعه ذلحين لو عتقدر تدي الكتاب 📙..


أمين : أوووه .. لو اتصلتي لي بدري أنا خارج صنعاء اليوم بس عادي ممكن تقليلي اين احطه لش وشاحطه بكره ..


سهى : اممم فكرت شويه 🤔 طيب ولو قد ششغلك به مكتبه قريبه من بيتنا في شارع ال.... اسمها مكتبه ال... حطه عنده قله حق بيت ال.. وانا شاخلي أخي يشله من عنده ولا شأمر له ..


أمين : خلاص تمام ان شاء الله وبكره شاكلمش لما أحطه ..



...... ....... ........


🌹meme_abdalgaleel


@qesasanani

🧡
💚
💜
بارت 62


بعد العصر ...


فوق السياره 🚘..


سهيل : بيسوق السياره عيشلهم يسجلهم في النادي بيتفرج سندس من المرايه ويبتسم 🙂 ذلحين ياسام باشا ليش ماطلعت وراء وخليت أختك تجلس هانا ...


سام : أنا هانا عجبني هالي قووي.


سهيل : ضحك عليه وشعفل شعره 👦🏻 ولفت لسندس من المرايه وأنا الي جالس وراء عاجبني حالي قووي ونفسي أقله كلام خيرات وغمز لها 😉..


سندس : ابتسمت ☺وقفت للطاقه بتتفرج الشارع .. تشتي تغالطه .. سهيل انا اشتي اقطع رخصه 💳 علشان أسوق مع الجامعه بس بينشوف كيف الشوارع والناس واحس نفسي ماشاقدر أتعامل معاهم ..


سهيل : وليش تسوقي أنا فاضي كملت جامعتي ومابش معي عمل شاكن أجي اوصلش أنا ...


سندس : لا لا مشتيش أتعبك وعلشان كمان أخذ راحتي في مشاويري من يوم ماجينا وانا محبوسه بسبب انه مافيش أحد يخرجني بعكس كندا .


سهيل : فرح انها فتحت موظوع كندا 😄 .. طيب ياسندس ليش ماتفكري تسافري كندا وتكملي دراستش وعيشتش هاناك مثل ماكنتي متعوده ..


سندس : تنهدت وقفت وجهها .. ليش علشان 👋🏻تظربني مره ثانيه ..


سهيل : تنقطع يدي👋🏻 لو أفكر أمدها عليش ياسندس مره ثانيه أنا آسف وشجلس اتأسف طول عمري أنا ماسويت هكذا الإ من خوفي عليش لايحصل لش شي أنتي ياسندس حاجه كبيره قووي ونفخ اووووف هيا اسكه أنا شاقلش وأنت فكري فيها كيف ماتشتي أنا أحبببك ❤ حبيتك من اول يوم شفتك فيه ولما هربتي كنت مقهور وخايف عليش حتى اني علشان اسعدش مستعد لو عترضي توافقي بي ونتزوج أسافر معش كندا علشان تعيشي حياتش نفس ماكنتي ..


سندس : تفاجاءت منه 😳 إييييش. بتحبني وجلست ساكته ولاعاد فتحت فمها معه بكلمه طول الطريق حتى لما سجلوا وروحوا ..


سام : طبعا مش داري أين الدنيا ولا ركز في كلامهم كان بيتفرج الشارع والناس ومبسوط 😄..


....... ..... ......

في بيت توفيق ..


ليلى : كملت تحاكي صاحبتها فالتلفون ودريت منها انها ماعتراعيش سنه لما تسجل جامعه اول ماتطلع النتايج عتسجل في جامعه 🏫 خاصه بكشف الدرجات .. سارت لعند أمها تدحسها ... ياماما وأنا اشتي اسجل ساع صاحبتي في جامعه خاصه هذه السنه ...


عفاف : كانت فوق المكينه بتخيط ولابسه نظارتها 👓 .. حطت الزنه من يدها ... جامعه خاصه مه يابنتي بتبسري ظروفنا يله حين قد اخوش تم هذه السنه وهو في جامعه صنعاء وبيشتغل منين أديلش مصاريف جامعه خاصه ...


ليلى : بكيت 😭 ورجمت القاروه الماء الي كانت جنبها وانا ماذنبي كل الناس مفتهنين وأنا ماشي كل شي مابش مابش الله يشلني يارب ويريحكم مني وفلتت ودخلت غرفتها بتبكي . .


🌹meme_abdalgaleel


@qesasanani

🧡
💚
💜
بارت 63


في بيت جدي ..

أيمن : في يده الفرشه حق الرنج بيرنج الجدار ..


وليد : بيضحك عليه هههه 😂 يوميه بتقل لأبوك بتزرع الحوش مع التراب واليوم ماعتقله بترنج السوور حق المعهد 😜...


أيمن : ضحك هههه 😂 أنت مامنك الإ اللقانه يله اشتحط وكمل رنج الي عليك نشتي نكمل الرنج حق هذه الغرفه اليوم عاد معانا بيت بكله ..


وليد : وهو بيرنج ويتحاكى يا اخي أين زاد الجني 👿 حق البيت مايجي يعاونا عيفعل بالبيت كله آها في غمضه عين ههههه ..


أيمن : تف من فمك يا اخي اتعوذب من الشيطان 😈 قدلنا 5 أيام هاجعين والله ماقدرت يجي يمهد لنا العمل هذا كله .


وليد : ماذلحين لو جاء حيا به والله ان قدنا مراعي له بفارغ الصبر بعد ماركبنا الكاميرات 📹 قد نفسي أعرف منهو ..


أيمن : بقهر 😥 والله مش أكثر مني نفس أمسكه وأعرفه أدرى ليش بيفعل هكذا وماهي القصه .


وليد : لفت له بيحانكه 😜 تخيل ياأيمن يطلعوا جن👿 صدق والي بنفكر فيه غلط ..


أيمن : يشتي يرد عليه .. رن تلفونه 📱 خرجه وانهي ليلى لفت لوليد هيا كمل كمل رنج أكمل أجاوب وارجع لك ...


وليد : بيلعب له بحواجبه 😌 ايوه ايوه الحب ..


أيمن : عقد له حواجبه بضحك 😠 شعب متخلف كل شي عندهم حب هههه وخرج يجاوبها ... ألووو..


ليلى : وصوتها بكاء 😭 مشغول أو فاضي ..


أيمن : سمع صوتها 👂🏻... مالش مال صوتش بتبكي صح من زعلش ..


ليلى : هذولاء ماما بينقلهم اشتي اسجل في الجامعه 🏫 وبتحكي له ماحصل ...


أيمن : بيحاول يهدائها .. طيب ياليلى خلينا نكون واقعيين هو فعلا صح منين تدي لش مصاريف جامعه خاصه طيب اخوش ليش مايكلم أبوش من حقكم عليه إنه يصرف عليكم هكذا تعب ع أمش وسامي والله انه مسكين كم بيتحمل .


ليلى : بابا وطننت شوويه 🤔 بس ماعيرضاش سامي ولا ماما يحاكوه لانه مفلت لنا ..


أيمن : أصلا المفروض حتى المحكمه تحكم لكم بنفقه مدام وهو مفلت لكم ومثل مافهمت منش انه مرتاح ومعه فلوس وشركه مقاولات ...


ليلى : بس هو ماقد طلقش ماما بس هو تزوج بواحده ثانيه وفلتنا ..


أيمن : إنتي داريه شرجع اتصل لسامي واخرج معه ونتكلم في عده مواظيع وأساله ع ابوش واحاول أقله ..


ليلى : افتجعت 😰 يييه مالك مجنون ماتقله عيقل مدراك ...


أيمن : ضحك ههه 😂 مالش يامجنونه مشنا أهبل ذلحين يله أخرجي اعتذري من خاله تاسفي لهم وبعدا الله عيسهلها وانا ادخل اكمل الرناح ..

ليلى : ضحكت عليه ههه 😂 قدك مرنج .. أمانه وريني كيف شكلك بالرنج تصور ..


أيمن : تمام حاضر شاخلي وليد يصورني وارسلها لش وتس ..



🌹meme_abdalgaleel



@qesasanani

🧡
💚
💜
بارت 64


بعد يومين ...


في المعهد داخل الكلاس 🏫..


غيداء : والله هكذا ياشووعه فلتيني أومه فالعلطله ولا عاد بتسألي عليا ولا قد معش أخت ماذلحين ...


ريم : با إبتسامتها المعتاده 😊 يوووه ياشووعه والله مسخى عليش بس انشغلت هذا الإسبوع .. وبتتلفت👀 يمين وشمال يووه الحمدلله شكل أحمد مابحدهو معانا في هذا الدوره نفتهن منه ..


غيداء : أيووه ماقد إبسرته بين الطلاب الله يبعده منا ..


أيمن : دقدق باب الكلاس 🚪ودخل .. قوود مورننق ستيودنتس ام تيتشر أيمن وبيعرفهم ع نفسه ولمح ريم بينهم إبتسم لها ..


ريم : وطت رآسها ☺ خازيه منه لأنها طنشته ماعيقل. .


غيداء : إبسرته وشهقت بفرحه 😄 هااه ودكمت ريم .. ابسري ابسري ابتسم لي يووه والحلا عيدرسنا هو هذه الدوره ..


ريم : خفعتها وأشرت لها اووص بغير تبداع 🙊 يامفضوحه ..(طبعا غيداء مش عارفه بالي قد حصل بين ريم وأيمن وإنه مراعي لها تحاكيه وان الإبتسامه كانت لها )..


أيمن : طلب من الطلبه ان كل واحد يقوم يعرف ع نفسه ..


غيداء : رفعت إصبعها 👆🏻 تقوم هي الأوله وقامت تعرف عن نفسها وبتتحاكى وهي فارحه ..


أيمن : بعد ماكملت غيداء هز لها رآسه بإبتسامه 🙂 نايس تو ميت يوو غيداء..


غيداء : رجعت بقعتها وقدهي مزقرعه 😁 وبتجنن ريم عليه ..


الطلبه : بداء كل واحد يعرف ع نفسه وريم ماقد جزمت تقوم مراعيه ...


أيمن : لفت لها بيبسرها بتركيز ورفع حواجبه 😌 وات از يور نيم بليز توك اباوت يور سيلف ...


ريم : قحصت شفايفها 👄 من تحت اللثمه من الخزا محرجه منه وقفت وبداءت تتكلم ع نفسها وبتحس جسمها كلها بيدخن من الإحراج 😅 ...


أيمن : لأول مره في حيااااته يحس بإحساس غريب في شي داخله بيشده لهذه البنت 😍 ومستمتع بكل كلمه بتقلها ..


....... ....... .......

في بيت هاشم ...


هاشم : يشتي يخرج مستعجل معه عمل مهم هو ويووسف لانه اتفق معه يبداواء يدورا ع خواته يشتي يبسرهن ويطمن ع أحوالهن حتى لوهن مقاطعات له من زمان ومايعرفين عنه شي ...


سام : حمل يلحقه 🏃🏻 للحوش بيداعيه دادي فين تروحوا من يوصل أنا وسندس ..


هاشم : خلي أختك تتصل لسهيل 📱 يوصلكم ماعيتحاكاش أنا معي عمل خالك يوسف مراعي لي ..


سام : دخل لعند سندس يقلها ..

سندس : فتحت عيوونها 😳 إييش اتصل لسهيل خلاص خلاص مش مهم اليوم عنسير بكره (طبعا سندس من يوم ماقلها سهيل إنهو بيحبها وهي محتاره 🤔 بتفكر لأنه مش الشخص الي تشتيه ولا مناسب لها بس ممكن يكون المنقذ الي يخلصها من اليمن ويرجعها كندا ....


🌹meme_abdalgaleel


@qesasanani

🧡
💚
💜
بارت 65


بعد الغداء ...

في بيت الحج أحمد ..


سمر : جالسه هي وسهى فالحوش بيتجابرين ويأكلين شبس وتنفاش 🍿..


سهى : ياسمر هيا لما يروحوا ماما العشي من بيت جدو ادحسيهم نسير بيت عمتي قدنا فاقده لهم ماما انشغلوا مع مرض جدو ولاعاد سيرنا عندهم ....


سمر: غمزت لها بعيوونها 😉 ومطت صوووتها فااااااقده لعمتي ولا لإبن عمتي وضحكت ههههه ...


سهى : خفعتها 👋🏻 وبتضحك بخزا ☺ سمر بس بطلي ..


سمر : انتي خبلاء والله ..ماقد حتى لمحتي له انش بتحبيه😍 لما يرجع يحب له واحده ثانيه ولا بابا يزوجوش اشتحطي واتصرفي ..


سهى :ابسرتها .. طيب قليلي مفعل ماهو كيف يعني اسير اقله افرضي انه مابيفكرش فيني أو معه واحده كنديه كان بيحبها ❤ وبيتواصل معاها ..


سمر : حتى لو معه كنديه هي بعيده والبعيد عن العين 👁 بعيد عن القلب أنتي انوي بس ومالش الإ اتصرف ادي لي الموافقه بس ...


سهى : إبتسمت واشرت لها بحواجبها 😌 خلاص تمام معش صلاحيات .. وهن بيتجابرين رن تلفونها 📱ردت الووو..


أمين : أيوه .. السلام عليكم كيف حالش يا سهى ..


سهى : الحمدلله .. انت كيفك ..

امين : الحمدلله تسلمي .. بس حبيت أقلش أن أنا فالشارع الي قلتي لي حقكم . بس مالقيتش المكتبه قد لفيت مرتين علشان أحط الكتاب 📙 ..


سهى : يوووه ..بالعكس ماتتوهش أنت فين بالظبط ..

أمين : بيشرح لها اينهو ..


سهى : ضحكت ههه 😂 يووه أين سيرت قدك في بقعه ثانيه قدك فالشارع الثاني خلاص تمام أنت راعي مكانك وانا شاجي ذلحين اشله منك لاعاد نضيعك وغلقت ..


سمر : بتتكركر عليها 😂 وتقلدها .. أنت راعي مكانك وأنا شاجي ذلحين..


سهى : خخخخ 😬 هيا اقطبي البسي واخطي معي يالقانه عيب الرجال مراعي نشل الكتاب 📙..


...... ....... .......

في بيت جدي ...


وليد وأيمن : عادهم وصلوا البيت فلتوه يومين ينشف الرنج ..


أيمن : خرج المفتاح 🔑 بيفتح الباب 🚪 ... ودخل هو ووليد ..


وليد : صاااح 😱 ماهووو هذا قلتلك من ذكر الجن 👿ركضووه ذكرناهم قبل يومين ماعد جوش واليوم رجعوا أمانه إن قدنا شجنن منهو هذا ..


أيمن : بيتفرج الشخبطه والكتابه الي باللون الأحمر ع الجدران .. (اتركوا منزلنا سنؤذكم ).. وطنن 🤔 أمانه عليك به جن يكتبوا عربي ..


وليد : ضحك 😁 بس احنا عنطلع اذكى من الجني هذا اخطي نبسر تسجيل الكاميرات 📹 ونتعرف ع الجني 👿حقنا ...


أيمن : خطي معه للغرفه الي حطوا فيها توصيلات وتحكم الكاميرات الي قد غلقوها بالداير 🔑 يبسروا من دخل البيت وفعل هكذا ..



تقووولوا من عيطلللع 🤔..


🌹meme_abdalgaleel



@qesasanani

🧡
💚
💜
بارت 66

في الشارع ...

أمين : مسنب جنب سيارته 📱 في يده التلفون بيحاكي سهى .. ايووه ايوووه ابسرتش انا واقف جنب السياره المرسيدس 🚘🚘السوداء ..


سهى : إبسرته 👀 هاه خلاص إبسرتك ... يله تمام اوذا شاجي وخطيت لعنده هي وسمر ...


أمين : إبسرها قربت . خرج الكتاب📙 من السياره مطروح في كيس أنيق ومشي لعندها .. سلام عليكم عفوا والله اني محرج منش اخرت الكتاب وزيد خرجتش تشليه ومد يده بالكيس .. تفضلي الكتاب ..


سمر : مدت يدها تشله هي 🤚🏻 اهي اهي هو كتاب عاد عيطرحه في كيس ويدلعه ..


سهى : دكمتها .. وبهررت فوقها 😳 ...


أمين : ضحك عليها 😂 ههههه إذا شكلش أنتي اللقنه الي جاوبتني ..


سمر : عوجت رآسها .. أيووه أنا ولا ماعجبتك ..


سهى : لفتت له بسرعه 👀 يله تمام أستاذنك لأنه تأخرنا وسحبت أختها وخطين ..


سهيل : ع خطيته من الشارع مروح كان معصب 😡 عادهو كمل يتصايح مع واحده من صاحباته الي رسلت لهن مرام صور المحادثات وقالت إنه كان بيلعب ويكذب عليها وانها عتخليه يكره اليوم الي كذب عليها ... لمح من بعيد خواته وأمين كان واقف معاهن جنن لحق بعدهن بسرعه للبيت 🏃🏻... بيرزوع الباب قووي ويصيح سههههى 😡 ياسسسسمر ...


سهى : افتجعت😰 حسبت ان في شي حصل لجدها ماقد بعدت البالطوه حملت بسرعه تفتح له ..


سهيل : ع طول اول مافتحت له مسكها بالطرحه بيده 👋🏻 وبيسحبها ... أين كنتي أنتي وأختش ..


سمر : حملت بتهزوره وتدهفه 😡 فلتها مالك ماتدخلش إحنا كنا خارج بنجعل ...


سهيل : بصياح وعادش بتكذبي ولطمها 👋🏻 بتجعلي اومه وقد ابسرتكن بعيني واقفات مع رجال عند السياره السوداء 🚘...


سهى : بتبكي 😭 أيوووه احنا سيرنا ندي حقي الكتاب 📙 هذا زميلي فالجامعه كان كتابي عنده وماعرفش فين يحطه لي كملنا السنه ...


سهيل : ركضها برجله .. مابلا قصدش حبيبش ❤ وجاء يبسرش وبيدور فين الهديه الي ادالش أنا ابسرت كيس دخل للغرفه بيدور لقيه قدامه فوق السرير فتحه ولقي فعلا كتاب 📙 بيقلبه لو داخله رساله 📩او اي شي مكتوب لقي اسمها مكتوب عليه ..


سهى : واقفه باب الغرفه 🚪 وهي بتبكي 😭 اتاكدت اطمنت انهو مش حبيبي وكان عيحطه لي فالمكتبه بس ماعرفهاش ورجعت اخرج اشله هكذا تشك فيني ..


سمر : والله لاقل لبابا لما يرجعوا واقلهم انك مديت يدك ياقليل الادب 😡 ...


سهيل : رجم الكتاب📙 بضبح 😤 وخطي ...


....... ...... ......


في بيت جدي ..


وليد : بيفتح الكاميرا 📹 يبسر التسجيل ...


أيمن : بيتفرج بتركيز . 😳 إبسروا واحد قفز من الطاقه الخلفيه ودخل في يده مثل علبه وفرشه .. بيقربوا صورته وانهو ملثم بشال 😷 وجهه مغطى جسمه ممتلي ومعه كرش كان لابس زنه وكوت .. فتح العلبه وبيكتب فالجدار ورش لون احمر فالجدار ورجع خرج من نفس المكان الي دخل منه ...


وليد : لفت لأيمن وإبتسسسسم 🙂 أخيررررا عرفنا الجني 👿 الي بيشاغلنا ..


أيمن : ماذلحين جاء لقضاه شامكنها رقده في البيت ولو هو رجال يرجع يجي ليدي ...


وليد : ضحك هههه 😂 جني جني مشو رجال قلك لاهو رجال يجي ليدي .. خليني امسكه لأخرج التعب هذا كله فوقه ...



🌹meme_abdalgaleel



@qesasanani

🧡
💚
💜
بارت 67



في بيت علي ...


ريم : فرحت 😃 قلي والله يعني رضيوا يخطبها 💍 ..


سماح : أيووه .. قد جلست طول أمس اتراشاه بس قال هو مايدخلش ماعيديش ولا ريال 💴...


ريم : ياسعم انهم بيدوا يله بيشبعونا حياه لما يخرجوا الريال وسحبتها 👭 هيا جي نسير نفرح أسامه ..


أسامه : كان جالس مخزن عند أمه بيتجابر معاها ...


ريم: دخلت جلست هي وسماح وبدائين يتحرشين به ويحانكنه 😜 ... أسامه قووم اشتري لنا شبس ...


سماح : أيوووه ايوووه ونشتي سندوتشات والكل 🌯 ..


أسامه : إبسرهن وعقدلهن حواجبه 😟 عنخزن ولا عنجعل ...


سماح : إبسرت ريم 👀 ريمي خلاص ابردي هو الخسران بعدا خليه يرجع هو يتراشانا مابلا نقله ...

ريم : هزت راسها ولفتت له بمحانكه 😜...أيووه أيوووه والله لايرجع هو ويجلس يتراشانا واحنا نرجع نعقد له حواجبنا ساعه ..


أميره : إبسرتهن وضحكت 😂 شكلهن بيتذربنك قوم انفعنهن عيجننك.


أسامه : فعل بيده حركه لامبالاه 👋🏻.. يجننين لما يشبعين قات وخزانه يشتين اسير أمحق لهن الطعم بشم السندوتشات والشبس 🌯..


ريم : مدت له لسانها 😜 خلاص اذا عندخل نقل لبابا انك غيرت رأئيك ماعد تشتيش تخطب خلاص يغيروا رائيهم ..وخرجت من الغرفه هي وسماح ..


أسامه : رجم علاقيه القات🌿 وحمل بعدهن 🏃🏻 راعييين يييه ...

ريم : دخلت الغرفه وغلقت الباب عليه هي وسماح وبيتكركرين 😂ههههه ...


أسامه : والله هكذا يله بسرعه قلين لي ماهو الخبر ..


سماح :بتحاكيه من قفى الباب 🚪 والله مانقلك بشي الإ لما تسير تشتري ..


أسامه : خطي🚶🏼 يشتري لهن وهو بيلاعنهن ..

أميره : بتضحك عليه هههه .😉. زادين عليك يامسكين ...

........ ....... ........


في بيت هاشم ...


أيمن : جالس بيتجابر مع أبووه ع أهله وعماته ومن كان منهم يزور جده وليش جده كان جالس وحده فالبيت الي خارج المدينه ...


هاشم : انت داري يا ابني هو بعد ما ابي تزوج بأمي الله يرحمهم أجمعين .. خالتي شلت بناتها وحنقت عند اخوتها اعتقد ومنعت خواتي حتى من جيتهن عندنا وابي كان يشلوا حاجتهن بس بعد ماماتت أمي وأنا تزوجت قالوا ضبحوا من ازعاج صنعاء وخرجوا هاناك وانا بعدها سافرت ..

ايمن : طيب وعماتي تزوجين اكيد حظرتوا عرساتهن..

هاشم : مابلا خالهن يوم اتصل لنا قال لأبي قد خطبنا لبناتك وعنزوجهن الثنتين وابي حنقوا قالوا هيا مثل ماخطبت بناتي بغير علمي زد زوجهن وماعد ساروش ولادرينا بمن تزوجين ..


أيمن: طيب وليش جدي تزوجوا ..

هاشم : قالوا ان خالتي وقع لها ورم فالرحم وهم تزوجوا كانوا يشتوا ولد ..


🌹meme_abdalgaleel



@qesasanani

🧡
💚
💜
بارت 68


في المعهد ثاني يوووم ..


أيمن : فتح الكتاب وبداء يشرح ولا إراديا مش قادر يتحكم في نفسه كل شويه عينه تجي في عين ريم 👁 ويبتسم ..

ريم : قدهي ميته احراج ☺ وبتنزل عيونها 👁 كل مايلتفت لها ..


غيداء : طارحه يدها ع خدها بتتفرجه منسجمه ☺ بتتحيلى له ..


باب الكلاس دقدق 🚪..

أيمن : فتح الباب لقي..

أحمد : إبسر وانه أيمن التيتشر قزز 😖 وقله أنا طالب معاكم بس امس ماداومتش ..

أيمن : أوكي واشر له بيده 👆🏻 إدخل ..


ريم : لفتت لغيداء وبانت ملامح الضبح والزعل عليها 😤 ..


أحمد : خطي متعمد🚶🏼 من جنب ريم ونكع لها الكتب 📙 ووطى يديهن.. حطهن فوق الماسه وقلها بصوت واطي فارحه اكيد حبيب القلب معانا ..وخطي ..

غيداء : كانت عترد بس ريم مسكت يدها 👋🏻 تسكت ..

أيمن : حس ان في شي لانه ابسر ملامح البنات تغيرت بس حاول يدعمم ...


...... ....... ........

فوق الغداء .🍚🍲🥘.

في بيت توفيق ...


ليلى : تشتي تخرج مع صاحباتها بعد العصر بتستأذن من أمها . ماما ممكن أخرج مع صاحباتي عصر ..


عفاف : إسهل يابنتي إخرجي غيري جو أهم شي لاتتأخريش ..

سامي : أين عتسيرين وانا شاوصلش بينقلق عليش ولما قد عتروحين إتصلي لي 📱 وأنا شاجي لش ..


ليلى : إرتبشت 😅 هاه .. اسهل اسهل هي واحده من صاحباتنا أختها بتسوق عتجي لنا وتروحنا هي ..


سامي : يله تمام كملي إتغدي وادخلي لعندي أديلش زلط 💴 ..

ليلى : كملت تتغداء ودخلت لغرفتها بسرعه ترسل لصاحبتها 📱(خلاص تمام مثل ما إتفقنا نسير قد قلت لهم إني شخرج مع صاحباتي أهم شي أتأكدي من العنوان ) .


صاحبتها : ردت عليها (خلاص أوكي .. والعنوان إطمني تأكدت منه وإنهو موجود العصر هاناك والكل )..


........ ....... .......

أيمن : كان تاعب ومرهق قدهو أخر فتره عمل متواصل في بيت جدي وزد المعهد فكر يخرج يغير جو اتصل لوليد وإنهو مشغول بيتصل لسهيل وان تلفونه مغلق 📱 فكر شويه ذكر سامي اتصله سلم عليه وقله اذا كان فاضي عيمر له يخرجوا يغيروا جو ..

سامي : أوكي تمام منتظرك ان شاء الله ..


🌹 meme_abdalgaleel



@qesasanani

🧡
💚
💜
بارت 69


في بيت الحج أحمد ..

ساميه : بتداعي البنات .. يابنات هيا شررق علينا نخطى بيت عمتكن ..


سمر : أنا جاهزه هي سهى الي ماخره لنا ..


سهى : قدام المرايه جالسه تتفرج نفسها كيف لبسها حلو ومرتب ومحشم علشان أيمن وترجع تغير الطرحه بتدور لون ثاني ...


ساميه : دخلت لعندها .. هيا يابنتي شرق علينا عتجلسي 10 ساعات تلبسي سعمن انحنا عنسير نتعرس ..

سهى : خزيت 😅 يله الآن بسرعه شلبس ...

وطلعوا فوق السياره مع سهيل ..

سهى وسمر : طبعا قالبات صوره فوق سهيل من امس ولا بيكلمنه ..


ساميه : عتدخل معانا بيت عمتك عند أيمن ولا عتروح ..


سهيل : ماشي معي عمل .. ولفت لوراء لعند البنات بهنجمه 😠واحده منكن تدي تلفونها ترجعوا تتصلوا لي به أجي لكم ...

ساميه : ليش واينو تلفونك 📱..


سهيل : غلقته ماعد اشتيش تلفون📱 ليش احد عنده مانع .


ساميه : استغربت من رده فعله 😱يوووه مالك ماقد قلنالك ..


سهيل : لفت لهن لوراء بعصبيه 😡 يله قلت ادين تلفون 📱..


سمر : ماعنديش اسكه كل واحد حر بتلفونه تشتي تلفون 📱 اتصرف وعصرت وجها ...


سهيل : دعس البريك ولفت لها بيصيح 😡 ادي تلفونش عادها عتتليقن ..


ساميه : خرجت تلفونها ومكنته 📱هاه هاه شل حقي خلاص من الجنان حقكم ..


سهيل : بعصبيه حسابش للبيت تمام ..


سمر : عوجت فمها 😏 صدق روحه معي أب ..


...... ........ ......


في الشارع ..


ليلى : بتتفرج العماره 🏢 أنتي متأكده انها هذه ..


صاحبتها : أيووه وهو موجود هانا ..هيا نطلع ...


ليلى : لما دخلين بتسأل السكرتاريه .. المهندس توفيق موجود ..


السكرتيره :أيووه بس مشغول من نقله ..


صاحبتها : هاه 😅 إحنا نشتيه في عمل ...


السكرتيره : استغربت 😳 عمل بس شكلكن صغار ..


ليلى : بزنط ..أصلا إحنا مندوبات لشركه مواد بناء نشتي نشووفه ..


السكرتيره : طيب انتظرين شويه لما يكمل الي معه ..


........ ........ ........

سامي : فتح باب السياره 🚘 وطلع بيسلم ع أيمن ..كيف الحال ..

أيمن : الحمدلله اخبارك عتقل هذا انسان مصلحي مابيسألش صح اتصلي لما كان يشتي عمال وذلحين مدري مايشتي وضحك هههه ..


سامي : ضحك هههه 😂 لا لا الله المستعان أصلا الدنيا مشاغل وانا مقدر وضعك والله وبعدا حتى أنا مشغول هذه الايام بعد الجامعه بيندور عمل الصبح جنب عملي حق الظهر ..

أيمن : طنن شويه 🤔 أنت قلت لي تجاره صح ..

سامي : أيووه ..محاسبه .

أيمن : والله ان حظك من السماء عاد بابا بيدوروا محاسب لأنهم فتحوا مشروع وبيدوا محاسب خلاص ابسرت كيف جيتي فادتك هههه هذه المره طلعت مني بفايده بس ليش تشتي تشتغل عملين وين الوالد ..

سامي : بيجابره ويحاكيه إنه مفلت لهم وبيجابره ..


........ ....... .......


في الشركه 🏢...


السكرتيره : بعد ماحاكت توفيق ع المندوبات دعتهن ...تفضلين وفتحت لهن الباب 🚪 يدخلين ..


ليلى : دخلت من الباب هي وصاحبتها سلام عليكم ..


توفيق : وعليكم السلام ..اتفضلين .


صاحبه ليلى : جلست فوق الكرسي ..


ليلى : بتتفرج أبووها 😳ومبلمه في وجهه ماعد تذكر شكله قدلها منه وعادها جاهله جالسه مطننه ..

توفيق : يييه يابنتي مالش مسنبه إجلسي ..

ليلى : بصوت متقطع بنننتي الله محلى هذه الكلمه من فمكم بس ليش حرمتوني منها ..

توفيق : مستغرب منها 😧 يوووه مالها هذه ولفت لصاحبتها انتوا تبع أي شركه ..

ليلى : لفتت له وقد عيونها بتتشارغ دموع 😢 أنا بنتك ليلى يابابا ...


توفيق : تفاجاء ومسك المكتب بيده 😳 اييييش قلتي ليللللى بنتي ..



🌹meme_abdalgaleel


@qesasanani

🧡
💚
💜
بارت 70


في بيت هاشم ...

بعد مادخلين وجالسات بيتجابرين ...


ناديه : وينهو سهيل هذه اليومتين مغيب علينا قد تعودنا عليه أخر فتره ..


ساميه : يا أختي مدري ماله مقلوب وماعد بيقبل كلمه من أحد ومغلق تلفونه 📱 لوتبسري ماقد فعل بنا فوق السياره هو وسمر يشتي تلفونها أمانه أن قد زيغ عقلي رجعت طرحت له تلفوني ...


سندس : بتسمعهن سكته 🙊 ولا بتقل كلمه .. بتفكر في نفسها 🤔 معقوووله يكون زعلان لهذه الدرجه لأني طنشته .. شكله بيحبني صددق بس ماهوش الشخص الي اتمناه صح إنهو وسيم وجنتل بس طباعه جلفه ...


سهى : قاطعتها بتأشر لها بيدها 👋🏻 يييه نحن هنا أين أنتي مطننه ..

سندس : هزت رآسها هاه ولا شي معاكن معاكن ...


سمر : بلغاجه 😏 أين معانا مابلا شكل حسش في كندا شكلش ماقد نسيتي ..


سهى : بهررت فوقها 😳 وغيرت الموظوع ... أنتي قلتي تشتي تتصلي لصاحبتش الي تزوجت هيا فرصه مابش معش مهره قومي اتصلي لها 📱...


سندس : إستغربت 😱 يوووه عادها ساعها وقد تزوجت ..

سمر : ضحكت هههه 😂 وقدهي واحمه ومعاها 3 سلايف وواحده أصغر منها ..


ناديه : جاوبتهن ...يوووه حرام ماهذا قدهو ظلم ..


ساميه : هيا ناهي لش الي يسمعش ماعيقلش انحنا تزوجنا والكل جواهل وتحملنا بيوت وجهال وشقينا وماوقع بنا شي قدهي سنه الحياه ماعيجلسين يفعلين ...


سندس : استغربت 😱 يوووه كيف مايجلسين يفعلين يكملين دراسه ويشتغلين ويحققين طموحهن ...


ساميه : اشرت لها بيدها 👋🏻 بلامبالاه هيييا ناهي لش قلش يشتغلين احنا عندنا المره مامعاها الا زوجها وبيتها وعيالها والقرايه حقها تنفعها تذاكر بها لعيالها ...


سندس : طننت شوويه 🤔 بعد كلامها .. معقووله عيكون هكذا مصيري تنهدت بضبح 😤 شكل مابش معي الإسهيل هو الحل الوحيد الي عينقذني أرجع وكما سافرت شقدر أعيش براحتي لأني كملت 18 سنه .. خرجت تلفونها من جيبها ورسلت لرقم ساميه📱 أنا سندس وموافقه نتعرف ع بعض أكثر لما تفضى حاكيني واحذف رسالتي من تلفون خاله ..

سهيل : كان فالشارع بيلوي بالسياره 🚘 من ضبحه سمع صوت التلفون فتح الرساله ابتسم 🙂 أخيررا خطتي شكلها عتنجح واسافر لي وأخلص من هذه العيشه ..


.......... .......... ..........

في الشركه ....


توفيق : جالس بيتجابر مع ليلى مش مصدق ان قدها هذه بنته وكبرت بيتفرجها بتركيز 😳 .. وأخوش سعمن قدهو مابيفعل ...


ليلى : بصووت مشحب بعد مابكيت 😭 كمل الجامعه هذه السنه وبيشتغل العصر علشان يصرف علينا ويساعد ماما لأنهم ماوجع عيونهم ماعد بيقدروش يخيطوا خيرات ...


توفيق : تنهد زعل ع عياله 😔 سامحيني يابنتي أنا داري إني مقصر بس مفعل والله مشغول ..


ليلى : أيووه واخوتي والمره الثانيه مش أنتوا مشغولين عليهم ...


توفيق : جاله إتصال جاوبه 📱 اوووه ياليلى مضطر أخرج فتح الخزنه وخرج لها زلط 💴 هذه لش ولو احتجتي شي كلميني هذا رقمي ومكنها كرت 💳 وخرج..


ليلى : حست كأنهو لطمها بتصرفه 👋🏻 نزلت دمعتها 😢 ومسكت صاحبتها وخرجين 👫..



🌹meme_ abdalgaleel



@qesasanani

🧡
💚
💜
بارت 71


سهيل : بعد ماقري رساله سندس فكر كيف يتقرب لها 🤔 اتصل من تلفون أمه لعند سهى ...


سهى : ماتشتيش تجاوبه عادها زاعله 😞 منه .. مكنت أمها التلفون 📱 هاه جاوبوه أنتوا ..


ساميه : يوووه ليش هو تصايح مع سمر ولا معش .. وجاوبت ألوووه ..


سهيل : وزعكمه مالها ماتجاوب ولا حانقه ..


ساميه : ضبحت منه 😤 مدراني مالكم وانت قد روحك في نخرك ماتشتي أو قد عتجي لنا ولا شي سعم عادهو بحين ...


سهيل : هاه مع مع ... هو بس قلت اليوم شاعشيكم🍱 ع حسابي عازمكم تسألوا البنات وسندس وعمتي مايشتين علشان اشتري لكل واحد مايشتي قبل ما أجي ...


ساميه : مسرع .. عادوذا كنت قالب صوره 😠 كيف لو ماعتشعيهن ..


سهيل : يوووه منكم يا أمه احنا والدحس المهم ابسروا مايشتين خصوصا سندس وركز ورجع قال وسام لأنهم مشو اي شي يعجبهم واتصلوا لي مراعي سلام ...


........ ......... ........

في الكوفي ...

أيمن : بيتجابر هو وسامي .. ماشاء الله عليك والله عاقل مدام لاشيشه ولاقات كل ما اجي هذا الكوفي شوب مع ابن خالي وخبرته مايوصلوا الإ يطلبوا شيشه ...


سامي : ضحك هههه 😂 يااخي هذولاءك راكنين ع جييب الوالد أنا يله ماجمعته أصرفه حاجتنا عاد القات والولعه تشتي معاش لاراسها وبعدا ضياع للوقت ..


أيمن : تصدق لما رجعت اليمن كنت فارح ان الاجيال الجديده عتحط يدها في يد بعض 👏🏻 ويتخلصوا من عادات سيئه علشان نطور بلادنا لكن عادهو من جيل لاجيل اسواء..


سامي : أنت داري فين غلطنا إنحنا شعب كسل وإتكالي كل واحد راكن ع حق أبوه ولا يشتي كلشي يجي لعنده جاهز بس ماهو شعب رهيب فالانتقاد بس نسيوا ان الله لايغير مابقوم حتى يغيروا ما بأنفسهم وماعنتغير وننافس الغرب الإ لما كل شخص يبداء بنفسه ويصلحها ..


أيمن : إبتسم له 🙂 تصدق عجبني طريقه تفكيرك لو كل واحد بيفكر مثلك ان اليمن بخير .. وقاطعه صوت رساله لتلفونه 📱( إشتي أكلمك ظروري زاعله قووي ).. فرد عليها (أنا مع سامي أروح وأكلمك )..


خطي واحد من الي موجود فالكوفي ومعه بنته صغيره حملت بيدعيها .. ريم انتبهي عتتدربي ..


أيمن : سمع إسم ريم ابتسم 😊..


سامي : بيمازحه .. هيا من رسلك للابتسامه العريضه هذه 😉 أكيد قد علقت نص بنات صنعاء من حين جيت ..


أيمن : ضحك هههه واحرج 😅 لا والله أنا مش من هذه النوعيه ولو نويت أدخل في علاقه عتكون جديه حب وزواج مش لعب ... وأنت من اي نوع هيا أعترف 😉..



سامي: يا أخي أنا مش حق شي من الثنتين يله ألقى ما أصرف ع أهلي عاد شاحب لي وأتزوج .. منكرش كنت أفكر في ريم بنت خالتي بس بدون ما اقل لحد أو حتى لمحتلها وكنت أقل لو سبرت ظروفي شرجع أتقدم لها لكن مابش نصيب قد اختطبت 💍 وعتتزوج ..

أيمن : ذكر كلام ليلى عنها ... آاااها بنت خالتك ..


سامي : أيووه والله إن به ريم تنحط ع الجرح يبرى أدب وطيبه وحنونه بس نصيب يله ربي يسهل له ...


أيمن : استغرب 😳 من الفرق بين كلام سامي عليها وليلى ...



🌹meme_abdalgaleel



@qesasanani

🧡
💚
💜
بارت 72


كمل اليوم ومابش أحداث مهمه غير إن :

سهيل : اشتري رقم جديد لسندس بس و لما روح بيتهم بعد ما أتعشى عندهم جلس يتراسل معاها طول الليل وبيحاول يتقرب منها ...


سندس : مفكره إنها بداءت تستخدم ذكائها إنها تخليه يحبها❤ ويتعلق بها علشان توصل لهدفها وترجع تسافر كندا وكل واحد فيهم بيلعب ع الثاني ..


ليلى : من حين روحت من عند أبوها مقهوره وجالسه في غرفتها بتتفرج الزلط 💴 وحست انها بقدر ماكان نفسها فيها انها محتاجه لحنان أبوها وقربه منها أكثر وكالمعتاد أتصلت لأيمن تشكي وتحكي له الي حصل وبتشوف اهتمامه بها وتتعلق به أكثر وتحسب انه بيحبها 😍 ...


....... ......... ......


ثاني يوووم ...

في المعهد ...


ريم : مسنبه عند باب الكلاس 🚪 مراعيه لما تجي غيداء لأنها ضبحت وحدها ماقد أحد جاء من البنات حق الكلاس ...


أحمد : وصل إبسرها مسنبه وقف قدامها ... وابسرها بسخريه 😏 اهااا لاهذه الدرجه بيوحشك بتراعي له عند الباب 🚪 ...


ريم : مسكت نفسها وكتمت زعلها 😔 ماتشتيش تتصايح معه ولا تدي له وجه دعممته وخرجت للمر تراعي خارج مدام عيدخل ..

أحمد : إبسرها خطيت لحقها 🚶🏼 ووقف قدامها ...اييش الي عاجبش فيه ومش فيني ولا عجبتش القعشه حقه اسهل كلنا نقدر نربي شعرنا ولا هو حقه حق واحنا عيال البطه السوداء وبهنجامه 😠 قسما بالله ياريم لو ماتجي بعد الكلاس لعندي تدي رقمش لاأفعلش فضيحه تكرهي نفسش ...


ريم : إفتجعت منه وبداءت دموعها تنزل 😭 ع جيه غيداء..

غيداء : ابسرتها بتبكي وأحمدجنبها حملت مهريه 🏃‍♀ بتصيح ... ماتشتي يله من هانا لا أسير أشتكي بك ..


أحمد : بسخريه 😏 هع تشتكي بمن ياشاطره ولفت لريم خبرش عندش ودخل الكلاس ..


ريم :دخلت بسرعه وهي بتبكي 😭 تشل كتبها وشنطتها 👜 تروح ...

غيداء : بتحمل بعدها تلحقها 🏃‍♀ تشتي تفهم مالها ماحصل ..


أحمد : دخل بيزنط عند خبرته انهم اليوم عيديلهم رقم ريم ...

أيمن : ع جيته أبسر ريم خارجيه من الممر بتبكي 😭 والكتب في يدها وغيداء بتلحقها إستغرب .. مالها هذه البنت وبيصيح لهن غيداء ريم ستوووب ..


ريم: دعممت وخرجت من المعهد تروح ..


غيداء : لحقت بعدها تروحها وتعرف منها ماحصل ...


أيمن : ضبح 😤 انهن دعممنه وخفع الجدر بيده 👊🏻قلق عليها ايش في بس اضطر انه يدخل يدرسهم بس حسه مش عنده وقلق يشتي الوقت يمر بسرعه يخرج يحاول يعرف ماحصل ...

........ ....... ......

في الجامعه ...

سهى : سارت تبسر النتايج الي قد طلعوا ... لمحت سياره أمين واقفه .. حاولت تخطى بسرعه 🚶🏻‍♀...


أمين : لمحها وبيداعيها ... ييييه سهي ياسهي ..


سهى : استحت ووقفت ترد بعصبيه😠.. نعم ايش تشتي ..


أمين : استغرب من رده فعلها 😳 هاه ولا شي عفوا بس ابسرتش قلت اسلم واطمن كيف النتايج حقش ..

سهى : شكرا بس بو ابسرتني مره ثانيه لا عاد تكلمنيش يكفي الي حصل معي بسببك يوم الكتاب والي فعله بي أخي ..


أمين :فتح عيوونه 😮 ايش فعلت بش ومادخل أخوش ماهو ماحصل ..


سهى : أخي أبسرني واقفه معك لما شليت الكتاب 📙 وحسب ان بيننا شي وتصايحنا وظربني لذلك لو سمحت لاعاد تكلمني وفلتته وخطيت 🚶🏻‍♀...


أمين : كان يشتي يدعيها سكت بس اقتهر وزعل عليها 😔 ...



🌹meme_abdalgaleel



@qesasanani