🧡
💚
💜
بارت 73


في بيت علي ...

سماح : دخلت لعند ريم للغرفه ... مالش ليش روحتي بسرعه مال عيونش حمر 👁 .


ريم : حضنتها وبكيت 😭 أقلش بس إحلفي ماتقلي لأحد بعد ما عاد عيخلونيش أسير المعهد ..


سماح : بتطبطب عليها .. والله ما اتحاكى مالش مابه لاتفجعينيش ..


ريم : وهي بتبكي 😭 به واحد فالمعهد كوده بيلاحق بعدي ويجنني واليوم قلي لو ما ادي له رقمي لايفعل لي فضيحه وبيهددني وأنا افتجعت وروحت ..


سماح : بهررت 😳 يوووه وأنتي ليش ماتشتكي به حاكيهم فالإداره إنه بيضايقش ..

ريم : ما أقلهم أنتي ماتعرفيش كيفهو ما بلا أفعل لنفسي مشاكل بس وبابا لو يسمعوا بشي داريه بهم ..


سماح : قد إبسرش حين دخلتي قلي مسرع روحت هذه اليوم قلتله أنه ماجاش الأستاذ حقكم قال والله ان جلسه البيت أخرج ماناش داري مامصنف لها فالدراسه ..


ريم : أيووه .. وأنا ليش مشتيش أفعل معه مشاكل والله لاتجي فرصه لبابا وماعاد يخلوني أكمل ..

سماح : خلاص ابردي لش ذلحين وقومي إغسلي وجهش لايبسروش ماما أميره وافتهني أمد ما أخرج أبسر أبوش ..


أيمن : ماكانش مركز مابيشرح حسه عند ريم وقلق عليها 😥 حاول يختصر لهم بسرعه وخرج رسل لها ( ريم لو سمحتي طمنيني عليش إيش في )..


ريم: إبسرت الرساله .. بس ماصديتش ترد جلست ماسكه التلفون 📱 بتتفرج الرساله ...


أيمن : إبسرها ماردتش زاد قلقه 😥 فتح رقمها وهمس إتصال ...


ريم : ماسكه التلفون في يدها 📱إبسرته بيرن وبيطلع إسمه ارتبشت مادريت ماتفعل ماتشتيش ترد ولو تدعمم الإتصال خايفه أحد يدخل عندها ويتصل مره ثانيه مادريتش ماتفعل ...


أيمن : زاد قلقه لأنها ماردتش عاد الإتصال مره ثانيه 📱...

ريم : قامت بسرعه قفلت الباب 🚪 وفتحت الإتصال وبصوت خايف ومرتبك ألووو ..


أيمن : بصوت مرتفع ... ماااالش مابتجاوبيييش قد شجنن ..


ريم : إستغربت منه ليش بيصيح هكذا وفي نفس الوقت حست قلبها بيدق بسرعه ❤ من الخووف ... ارتبشت .. هآااه ..

أيمن : هداء لما سمعها بخير .. ماااهو هآاااه بينقلش مالش مابتجاوبيش ممكن أفهم أيش حصل معش مالش كنتي بتبكي 😭 وروحتي ومارضيتي تجاوبيني لما داعيتش ..


ريم : بإرتباك 😅 أصلااا وعينها عالباب مفتجعه لو أحد يدخل ومش متعوده تجاوب أحد خايفه ...


أيمن : حس إنها مش قادره تتكلم ... طيب إسمعيني شكلش مش قادره تتكلمي وأنا آسف اتصلت بس والله ماعاد قدرت أصبر كنت قلق عليش قووي 😥 حتى انه اختصرت لهم الدرس بسرعه علشان أخرج أطمن عليش.. شاغلق ذلحين ترتاحي بس منتظر أتصالش أعرف مالش ومابش اليوم معش أي مجال تتعذري وتتهربي إبسري الوقت الي يناسبش وأتصلي أوكي ...


ريم : أول مره تحس شخص يهتم بها هكذا وبيكلمها هكذا حست شعور غريب وخزيت منه وبصوت محرج 😊 إن شاء الله ..


أيمن : قلي لي وعد ياريم لأنه إذا ما أتصلتيش 📱اليوم واعرف ماحصل بكره شمسكش فالمعهد وشاخليش تتكلمي بطريقتي ...

ريم : 😮 بصوت مربووش .. هاااه فالمعهد لا لا خلاص والله لأتصل بعدا ..


أيمن : إبتسم 🙂 يله تمام إنتبهي لنفسش ولو سمحتي كن طمنيني عليش بمسج لما تتصلي ولاتزعليش نفسش عيونش 👁 بتقع شوعه لما تبكي وهن حاليات .


ريم : خززيت قووي من كلامه 😊 وقلبها بيدق ❤ بقووه حاسه جسمها كله بيدخن وبتتلفت وراها لو احد دخل .. تمام يله باي ..


أيمن : باي .. وغلق التلفون وهو فارح 😃 إنه إطمن عليها وإنه أخيرا عيعرف من بيزعلها ويخليها تبكي ..


....... ........ .......

في موقع المشرووع ..


سامي : سار بيدور ويسأل ع هاشم عبدالله أبو أيمن ..


واحد من العمال : عمي هاشم مابحدهو ماجاش اليووم مابلا عمي يوسف من أنت ..


سامي : أنا الي ششتغل محاسب هانا الي من طرف أيمن ..

العامل : هآه تمام ودخله لعند يووسف واتفق معاه وبيوريه الحسابات والأمور الماليه واتفقوا عيداوم من بكره كل يووم الصبح ..


🌹meme_abdalgaleel



@qesasanani

🧡
💚
💜
بارت 74


في بيت هاشم ...

هاشم : بيداعي العيال هيا بابا أوصلكم النادي ..


سام : خرج للصاله وهو لابس لبس الرياضه والشنطه معلق لها 🎒 فووق كتفه .. انا جاهز ..


هاشم : بيداعي سندس .. هيا سنددددس مالش اليوم عتتأخري ..

سندس : خرجت لعنده عادها بالبجامه 👚👖 ملان نوم أنا اليوم تاعبه مشتيش أسير ملاني نوم 😴 ( طبعا ساهره مع سهيل كل واحد بيرسم يعلق الثاني علشان مصلحته )..


هاشم : خلاص أوكي .. باي ..

سندس : رجعت غرفتها عترقد 😴 رجعت فكرت تتصل لسهيل تقيمه علشان يحس إنها مهتمه فيه ويصدق إنها بداءت تتعلق فيه )..


....... ....... ........

في بيت توفيق ...


ليلى : ماقدرتش ترقد طول الليل من قهرها قامت من الصبح بترفع البيت وتمسح الزجاجات ودخلت المطبخ تفعل الأكل وهي مطننه بتفكر كيف أبوها بدون ماتنتبه تشتي تقطع الخيار🥒 قطعت أصبعها وقد الدم بيخرج من يددها قووي ..


عفاف : كانت جنبها بتطبخ 🥘 إبسررتها ..😱 يوووه كيف الدم ملان يدش ومسكتها لها بتغسلها بماء بارد 🚿 كيف وجعتيها مالش ماتنتبهي يابنتي ..


ليلى : بتغسلها وتهز يدها من الوجع 🖖🏻 أدولي لصقه بس أفعل لها ..


عفاف : ماعد بش معانا خلاص أفعلي لها بن أمد مخرج بساعتي أشتري لش من البقاله ..


ليلى : أظاهر معي في غرفتي إسكه إبسروا لي فالادراج ...


عفاف : دخلت غرفتها بتدور فالأدراج مالقيتش قدهي عتخرج من الغرفه رجعت للدولاب تفتحه تزيد تبسر لو به فيه فتحته بتدور لقيت قدامها رزمه زلط 💵 أبو ألف جديد 😱 اتغيرت ملامحها يووه منين اديت هذه الزلط وخرجت بسرعه لعندها بتداعيها ...

ليلى : خرجت من باب 🚪المطبخ هاه لقيتوا ..

عفاف : رفعت الزلط بيدها 💵 لاقدامها ... وبعصبيه 😡 لقيييت هذه ... منين أديتي الزلط ..

ليلى : إفتجعت 😰 مادريت ماتقل .. هآااااه ..


عفاف : بصياااح 😡 منييين الززلط هذه أين سيرتي أمس أنتي وصاحباتش عتتحاكي سرقتيها ولا شليتها ع من ولا مع من سيرتي واداها لش وبتصيح وقربت عتضربها أنتي كودش تشتي زلط زلط منين اديتيها ..


ليلى : بكيت 😭 وافتجعت والله ماسرقتها ع أحد ولا سيرت مع أحد إنها حقي ..


عفاف : 😡 حقش منيينه سعمنش ورثتي ولا معانا زلط هكذا سعم مشنتي بنتي وداريه ومسكت بشعرها ...


ليلى : بتصيح وتبكي 😭 فلتوني والله انها حقي اداها لي أبي أمس أنا سيرت أنا وصاحبتي لعنده أمس ولو مشنتوا مصدقين أتصلوا لصاحبتي ..


عفاف : دهفتها وبإستغراب منها مع قهر 😧 أبوووش ماذلحين قد عرفتيه وهو راجم لكم طول هذه السنين..سيرتي تشحتي منه ياليلى وقرحت بالبكاء 😭 ماقلتي له أمي مابش معاها زلط ومابتديليش الي أشتي ..


ليلى : ببكاء 😭 ماشي والله ماقلتله شي هو اداها لي من نفسه وماطلبت منه شي أنا سيرت بس أبسره ..

عفاف : بتدلهفها . يله قبالي أخطي البسي وريني أينهو بقع نرجعها له والله لونموت جوع ما أشل منه ريال واحد 💵 ..


🌹meme_abdalgaleel


@qesasanani

🧡
💚
💜
بارت 75



بعد ساعتين تقريبا ...


ريم : كملت تساعد امها وتأكدت أن أبوها خرج من البيت دخلت غرفتها تتصل لأيمن 📱..

مسكت التلفون 📱 بتضغط اتصال وهي بتتنفس بسرعه وبتحس برعشه في جسمها وصوتها من الخوف .. ألووو..


أيمن : كان فوق السياره 🚘 مروح من المعهد في طريقه لبيت جدي يسقى الشجر ويبسر الكاميرات .. سمع تلفونه 📱بيرن خرجه من جيبه إبسر إنها ريم إبتسم 😃 ووقف السياره ع جنب الطريق ورد .. ساعتين يامفتريه ..

ريم : ضحكت وغطت فمها لايسمعها 🙊 وفي نفسها يووه حاسب للوقت .. بعدت يدها .. عفوا بس كنت بينساعد ماما وعادنا كملت ..


أيمن : بيحس بشي غريب ورآحه لما سمع صوتها 😍 يعني تشتي تفهميني إنش شاطره ومش من البنات الدلوعه الي ماتقدر تسوي شي ..


ريم : بعفويه .. أيووه والله إننا حميش وأقدر أسوي كلشي وما اخليش ماما لو أنا فالبيت يصلحوا شي ..


أيمن : كم معش خوات ياريم ..

ريم : انا بس ومعي 2 اخوه ..

أيمن : آااها وبيحانكها يعني اذا دلوعه مش حميش 😜 ...

ريم : ضحكت هههه خلاص تمام اصلا ماعتصدقش ..


أيمن : إبسري محلى ضحكتش وأنت كودش بتبكي 😭 .. ذلحين عتقلي لش مازعلش اليووم وليش بكيتي هكذا وروحتي فجاءه ..


ريم : سكتت شوويه أممم 🙊..

أيمن : انتي قلتي لي به واحد بيضايقش في المعهد صح هو الي زعلش اليوم ..


ريم : أيووه ..

أيمن : منهو هذا وايش يشتي ليش بيضايقش ..

ريم : بتحكي له الموظوع ومضايقات أحمد وتهديداته لها وانه مفكر إن في شي بينه وبينها لما إبسرها واقفه معه ..


أيمن : ضبح 😤 آاااااها وانتي ليش ساكته له أصلا.. هكذا عيفكر أنش خايفه منه ويزيد أكثر بس انا شتصرف معه إطمني ..

ريم : مع مع قووى مشتيش مشاكل بعدا بابا لو يدروا عيخلوني أبطل المعهد وهم يله رضيوا ..


أيمن : مش واثقه فيني ياريم .. سعمني مجنون أوصل الموضوع لأهلش أنا شتصرف بمعرفتي واريحش منه بدون مايكون لش دخل ولا يحس أن لش دخل بشي ..

ريم : الإ واثقه ولا ماكنش قلتلك بشي بس خايفه منه ..


أيمن : خايفه وأنا واقف معش هكذا شزعل ..

ريم : مع خلاص آسفه الي تبسره صح أفعله مثل ماتفعل لإختك ..


أيمن : ضحك 😂 هههههه أختي مه من قال مشنتي أختي ..

ريم : طننت هاه 🤔 ...

أيمن : حس انها فلتت عليه 🙈 .. يشتي يغالطها ... أنتي طالبتي وانا أستاذش لأنه لو تكوني أختي عتزيدي عليا وأغشش الإمتحانات ..


ريم : ضحكت بخزا 😊 هاه أيووه صح ياتيتشر .. ذلحين ممكن أقفل ..


أيمن : ولو إني مشتيش تقفلي أول مره أسمع صوتش وأركز فيه انه حالي بس تمام داري انش ماعتقدريش تتكلمي المهم من اليوم نبطل زعل سدينا ..

ريم : قد عتطفح من الخزا وبتقحص أظافيرها 😊 وتشتي تتخارج منه يله تمام باي وغلقت بسرعه ..


أيمن : غلق وضحك عليها 😂 ورسل لها ( من اليوم ممنوع الدموع والبكاء لأن عيونش حاليه والدموع بتخربها ).. حط رآسه ع كرسي السياره وهو مبتسم 🙂 ومستغرب من نفسه كيف قدر يتكلم معاها هكذا ومنين جت له الجراءه هكذا لأول مره ..


..... ...... .....

في شركه توفيق ..

عفاف : دخلت هي وليلى بتسأل بعصبيه 😡 اين توفيق ..

السكرتيره : عرفت ليلى .. انتي المندوبه حق أمس صح ..


عفاف : لفتت لها 😳 بنظره حاده بينقلش توفيق داخل او ماشي ..

السكرتيره : أيووه بس من أقله .وليش بتصيحي ليش 😡معصبه هكذا ..

عفاف : طنشتها وبتخطى للمكتب والسكرتيره بتلحقها .. فتحت الباب ودخلت 🚪..


توفيق : كان جالس فالمكتب سنب .. ايش في ..

عفاف : دخلت وليلى واقفه عند الباب 🚪 فتحت شنطتها وخرجت الزلط 💵 وبعصبيه 😡 مدري عادك ذاكر من أنا او ماشي لكن هذه زلطك ورجمتها له ولا أنا ولا عيالي مراعيين لك .


توفيق : طنن وتفاجاء 😳 مشو مصدق إن هذه الي واقفه قدامه هي عفاف كيف قد شكلها متغير شكل الزمن هدها ولا كان متوقع إنه عاد عيجي يووم ويبسرها حس راسه لف به وواقف مبلوود ولاقدر يفتح فمه بكلمه ..

عفاف : مسكت ليلى وسحبتها من يدها 👭 وخرجت ..

توفيق : ارتجم فوق الكرسي وبيفكر في كل شي حصل معه ..


🌹meme_abdalgaleel


@qesasanani

🧡
💚
💜
بارت 76

بعد المغرب 🌚 في بيت جدي ..


وليد : بيداعي أيمن .. هييا عنروح ماعاد باقي معك أنا كملت الي في يدي والله مانا متوقع إنه كملنا كل هذه الحاجات في هذه الفتره ..


أيمن : بيتلفت للبيت 👀 تصدق حتى أنا مستغرب باقي لنا حاجات بسيطه وإن قد البيت جاهز ..


وليد : بيضحك هههه 😂 هو عيجي لنا الجني 👿 يمحق لنا ماقد فعلنا ...


أيمن : خطرت في باله فكره 🤔 معي فكره مارأئيك لو نكون نرقد😴 هانا نمسكه ونعرف ماراسه ...


وليد : 🤔 أمممم هي فكره بس يلزمها بطانيات وفراش وضحك هههه😂 ...


أيمن : هذولاء أمرهن سهل نخرج نشتري لنا عشاء🍱 ونديهن ... بس بينهم بابا ماعيقلوا شاقل إنك فعلت حادث وشاكن أرقد عندك هذا الإسبوع لما تخرج من المستشفى ..


وليد : خفعه بصفاد 👋🏻 أيووه ايووه قد عتدخلني مستشفى علشان الجن حق جدك هههه ..


........ ....... ........

في بيت توفيق ..


عفاف : من حين روحت وهي مقهوره ومطننه 😔 زاعله إنها سارت برجلها لعند توفيق الي باعها وباع عيالها من سنين وكيف قد تغير شكله بس للأحسن كيف سمن وإرتاح والنعمه باينه في وجهه وهي قد هدها الزمان وقد حالتها تاعبه جلست تفكر وتقلب ذكرياتها معه 🤔 وكيف كان وكيف فلتهم فجأءه ...


ليلى : جالسه في زوه المكان يدها ع خدها مش قادره تتكلم مع أمها إنها حطتها في هذا الموقف 😞 ومقهوره كيف أول موقف يجتمع فيه أبوها وأمها كان بهذا الشكل تنهدت ونزلت دمعتها من عينها 😢 وقامت تبوس رآس أمها .. ماما أنا آسفه سامحوني مشنا داريه انه كان عيحصل هكذا ..


عفاف : من قهرها دهفتها وبعصبيه 😡 ابعدي لاتتأسفي لا عادنا أمش ولا أوذك أبوش عندش يله سيري عنده أنتي تشتي الزلط هو معه زلط خيرات ..


سامي : عادهو روح من العمل فتح الباب 🚪 ودخل بس محد انتبه له لأنهن كانين بيتصايحين سمع أصواتهن وقف مكانه بيسمعهن..


ليلى : وهي بتبكي 😭 ياماما صح أنا سيرت لعنده بس كنتي أشتي أتعرف عليه وصح أني أشتي أعيش ساع صاحباتي ومثل أخوتي مرتاحين بس بعد ما إبسرت كيفهو ورجم لي الزلط 💵 وخرج معه عمل ولا حتى كلف نفسه يحضني أو يبوسني 😘 حسيت وقتها أن أنتوا أهم شي في حياتي قووى خلاص آسفه سامحوني والله ماعيدها. ..

عفاف: ودموعها ع خدها 😢 ذليتني خلاص ياليلى طول هذه السنين ماعاد أعرف صورته واليوم سيرت برجلي لعنده علشانش ياليلى ...

سامي :عصب ودخل 😡 ايييش أين سيرتوا ولفت لليلى مافعلتي ماشلش لعند هذاك الرجال ..

عفاف : بتحكي له القصه ..

ليلى : ماعاد قدرت تتحمل تأنيب الكل لها قامت من عندهم وهي بتبكي😭 دخلت غرفتها تتصل لأيمن تخفف همها شويه لما تحكي له بتتصله مابيردش رسلت له يتصلها ضروري ...



🌹meme_abdalgaleel

@qesasanani

🧡
💚
💜
بارت 77

في بيت هاشم ..


هاشم : غلق التلفون من يده 📱ولفت لناديه 👀 ذلحين هذا أبنش مامعه أنا الصدق قدنا مستغرب من تصرفاته من حين رجعنا بينحسه بيكذب خيرات وذلحين أتصل قال عيرقد خارج صاحبه فعل حادث عيجلس عنده فالمستشفى 🏨 هذا الاسبوع عيكن يجي الصبح يبدل قبل المعهد ...


ناديه : حركت يدها بإستغراب 🤔 علمي علمك حتى لداته مانا داريه مابيمهد فيهن هكذاك وفيهن رنج ووسخ ماعاد بيبتعد وكل ماقله شي يقلي بيسبر حوش المعهد قلتله أنت اتوظفت عندهم مدرس ولا شاقي ...

هاشم : المشكله إني داري إن ابني عاقل بس به حاجه ماناش داري ماهي بس إسهل شعرفها كما خباها ..


ناديه : ذلحين قلي مافعلت مع يوسف والرجال الي قلتوا يعرف أهل مره أبوك سألتوا ع خواتك ..


هاشم : سيرنا للحاره هذك قالوا الجيران قد نقلوا من هاناك بس به واحده من بناتهم يمكن كانت بتدرس مع واحده من بنات أختي عيتأكدوا منها لاهي داريه بنت منهي ولا اين عنوانهم وع الله ..


ناديه : اللهم يلم شملكم ويجمعك بهن ع خير ..

هاشم : تنهد بزعل 😔 ع الله بس وهن بعد تعبي هذا كله يرضين يبسرني ويعترفين بي كانه كان ذنبي ان ابي تزوج وخالتي علمتهن يكرهني ..


سندس : في غرفتها بتجابر سهيل فالفيس . ( اوكي وانا موافقه صح إني صغيره وماقد اشتيش أتزوج بس لازم أسافر كندا )..


سهيل : رسل لها وجه زاعل 😔 يعني ماتشتيش نكون مع بعض تشتي بس تسافري ..

سندس : خفعت وجهها 😱 ركزت إنها خبصت . لا لا مش قصدي هكذا ياروحي بس أقصد انه كان نفسي أول أكمل دراسه وبعدين نتزوج بس ماعينفعش أسافر الا لو تزوجنا ..


سهيل : أيووه أنا فاهم لش علشان كذا أنا أشتي أسوي لش كل الي في نفسش وأخليش تسافري كندا. وتكملي دراسه حتى لو شبعد عن أهلي واتغرب بس علشان حبش ❤ ممكن أسير معش حتى المريخ أهم شي سعادتش عندي ..


سندس : رسلت له وجه مستحي 😊 خلاص كلم خالو يمكن مايوافقوش ..

سهيل : لا لا من هذه الناحيه إطمني هذا مستقبلي وقراري ..


........ ....... .......

في بيت علي ..

ريم : سامره مع أخوتها وأمها وسماح بيرتبوا شنطه خطوبه 💍 أسامه عيخطب بعد بكره ..


أسامه : فارح 😄 يا الله مشنا مصدق انهم موافقين وبكره قدهي خطوبتي ..


محمد : بيغمز له 😉 الإ الإ صدق أخيرا عيرحمني الباري ويخارجك من عندي غرفه ثانيه اقدر😴 أرقد بنوم عيوني من الهدار طول الليل ههه ..

سماح : بتأشر له بيدها عادنت 🖐🏻 5 شهور وعترتاح هههه ..

أميره : ضحكت عليهم لأنها كانت فاهمه وحاسه انهو يعرفها بس ماحبت تحرجه 😂 يله هاه عقبال ما الثاني يزيد يخطب لنفسه هو والكل وأنا ارجع أصدق انها صاحبه بنتي. .


أسامه : حمر وضحك 😊 اصلا هوو ..

قاطعهم صوت علي

علي : بيصيح من غرفته ... ييييه واحده منكن تقوم تدي لي عشاء 🍱 معي عمل إشتي أخرج ..

أميره : وقفت تشتي تقوم تديله ..

سماح : أشرت لها مع مع ياماما انا شاقوم أنا وقامت. .

ريم : ابسرت تلفونها 📱 سرج وصوت رساله فتحته وانه أيمن ( مساء الخير .. تصدقي لو أقلش إني اليوم مبسوط قوي وبينفكر ليش من أول وأنه أكتشفت ان كلامي معش وصوتش هو الي خلاني مبسوط هكذا )..

ريم : ارتبشت 😅 وحمرت وصفرت وهي بتقراها حست الكل قري الرساله معاها قامت بسرعه والتلفون في يدها 📱 شاسير اساعد سماح واقرب العشاء لنا والكل .


🌹meme_abdalgaleel


@qesasanani

🧡
💚
💜
بارت 78


في بيت الحج أحمد ..


الكل سامر بيتفرجوا التلفزيون 📺..


الحج أحمد : ذلحين التركيات👱🏻‍♀ حاليات فالحقيقه صدق ولا بس فالتلفزيون ..


سمر : ضحكت ههه 😂 الإ الإ حاليات ياجدو للمه أو قد بتتحيلوا لهن ..

يوسف : بيمزح 😉 هيا مارائيكم يا أبه نسير تركيا نتزوج لنا من عندهم ..


ساميه : خفعته بصفاد بالوساده حق المدكى .. زجاجه قلك يتزوج 😂 ..


يوسف : بيحانكها 😜 مافيها الشرع حلل أربع اومه يا أبه قلوا لها .

الحج أحمد : أنت أخبر بنفسك سد أنت ومرتك ما أنا والله ماعد مره فتحت في عيني بعد أمك الله يرحمها

سهى : هيا ابسروا محلى جدو أنا فدالهم الصدق زوج مخلص مش مثل رجال هذه الأيام بياعين ..

يوسف : ضحك ههه 😂 هكذا والله يعني قد أبوش بياع هيا ناهي لش ياسهى ..

سهيل : يشتي يتحاكى بس متردد رجع قرر يتكلم 🤔 هيا مالاجينا للصدق لو قدنتوا ناويين ع زواجه صدق زوجوني أنا مش أنتوا ..


ساميه : لفتت له ذلحين القى لك وظيفه أول وبعدا فكر تتزوج ..

سهيل : زوجوني بس ولا تهموني بشي أنا شتصرف بس الصدق أنا في نفسي واحده وخايف أحد يخطبها 💍 ويشلها عليا اخطبوها لي وزوجوني بها وبعدا كل شي عيسبر..


الحج أحمد : أشر بيده راعوا راعوا اسكتوا 🤚🏻 هذا شكل ابن ابني بيتحاكي صدق مشو زبج ..

سهيل : ابسره بهنجمه 😶أيووه ياجدو بينتحاكى جد وإشتي تحاكوا عمي هاشم تخطبوا لي سندس ..

سمر : لفتت لسهى بإستغراب 😳 ايييش سندس ..


ساميه : ابسرته ومستغربه .. كيف لوما سندس سعم البنت متحرره قووي وانت مايعجبك هذه النوعيه ..

يوسف : لفت له 👀 أنت مقتنع بالكلام الي بتقله يعني منك صدق تشتي سندس ..

سهيل : بيهز رآسه .. أيووه اشتيها صدق مالكم متفاجأين هكذا البنت بنت عمتي ولما عاشرتها وعرفت طباعها اكثر اعجبتني والصدق حبيتها وحسيت انها الي تناسبني واشتي تحاكوا عمي هاشم ..

الحج أحمد : ولو عمك هاشم رضي سعم انها عترضى بك ولا قدك ناسي ع مظرابي 👋🏻 ندعت لها ..

سهيل : أنتوا بس اقنعوا عمي وعمتي بس وسندس ماعليكم لاتهموهاش ..


سمر : عوجت فمها 😏 هيا كان قلنا ماراس توصيلك لها واوباهك لها صورتهم ياجدو قدهم سديين ومتفقين أنتوا لاعاد تهموا شي ..

سهيل : لفت لها بضبح 😤 أنتي مشو عليش ماتدخليش هذا الموظوع مايخصش ..


يوسف : صيح فوقهم 😡 جهال بس سكته .. ولفت لسهيل خلاص خليني أفكر أنا وجدك 🤔 فالموظوع وبعدا لنا كلام .


....... ...... ......

في بيت جدي

أيمن : جالس ممدد فوق الفراش وطارح يده وراء رآسه مطنن بيتذكر كلامه مع ريم اليوم وابتسم 🙂 ..


وليد : بيجابره وهو مطنن مشو مركز معه نزفه بالماء وهو بيضحك 😂 مطنن فالحب اليوم اومه ماجابرتهاش أنا عندك ..


أيمن : بيمسح الماء من وجهه وبيضحك 😂 يا اخي قلتلك والله مابينحبها وانها بالنسبه لي أخت وصديقه كم عنجلس نفهمك ..وذكر يوووه صدق اتصلت اول ما جاوبتهاش رسلت لي اتصلها ونسيت ..


وليد : بيحانكه 😜 سعم ماهو بتلمح لي اخرج تتصلها اومه هيا والله مااتحرك من بقعتي تشتي تتصلها أخرج انت ..

أيمن : بعد الدفاء من فوقه ومن قلك اني اشتيك تخرج شخرج أنا وشل تلفونه 📱 وخرج للحوش يتصل ليلي ...


ليلى : ردت عليه ..بصوت مقهور ومشحب ضابحه 😤 أين أنت لاذلحين قدنا راقده ..

أيمن : آسف والله انشغلت عادنا فضيت ..

ليلى : بزعل 😔 اييوه لاني اهمك وحسك عندي مافضيت لي ..

أيمن : هيا من الزعل لكن والله اننتي تهميني ولا يعني لوماكنتي تهميني كنت شاقوم من تحت الدفاء وقدنا ممدد لما ذكرتش وخرجت اتصلش 📱..

ليلى : فرحت 😊 ونسيت زعلها . قل والله يعني قمت بس علشان تحاكيني ..


أيمن : ضحك ههه 😂 أيووه والله اني قمت علشان اتصلش ليش مستغربه سعم مشنتي داريه بتستغبي صح .ذلحين قليلي مالش كنتي زاعله تشتيني ضروري.


ليلى : كلامه فرحها 😊 لا لا خلاص انسى ماعاد اشتيش اتحاكى ذلحين أيووه جابرني مابتفعل اين كنت مشغول .

أيمن : بيحاكيها .. سمع صوت 👂🏻 احد قفز للحوش ولمح حاجه ... بعجله .. ليلي ليلي خلاص باي باي شتصلش بعدا وغلق وحمل🏃🏻 بسرعه لاداخل لعند وليد بيدعيه دلا ولييد ولييد شكل الجني 👿جاء ..


وليد : يله بسرعه أحمل نتخبى داخل ونخليه ياخذ راحته ونمسكه ...



ياعالم ايش عيحصل في بيت جدي مع الجني 😉..


🌹meme_abdalgaleel


@qesasanani

🧡
💚
💜
بارت 79


في بيت علي ..


ريم : بعد ماكملوا يتعشوا وخرج أبوها فالمطبخ بترفع هي وسماح ويتجابرين ..


سماح : اقلش حاجه وماتضحكيش عليا 🙈..


ريم : بتسمعها 👂🏻ماهوو.. كلي آذان صاغييه ...

سماح : تصدقي إني حسدت أسامه وخطيبته كان نفسي هكذا أحب ساعهم وأنخطب 💍 ويجي يوم خطوبتي وأنا فارحه مش مثل ماحصلي وزوجوني وأنا بينبكي 😭 بس ربي عوضني بكم وقعتوا لي أحلى أخوه وأهل وربي عوضني بماما أميره بدل أمي ..

ريم : تنهدت بزعل 😔 وأنا ساعش بس مانفعل هذا نصيبنا من الله ويمكن ربي يعوضني بمره عمش تكون لش أم وبناته خواتي ...


سماح : وطت رآسها 😔 عمتي مسكينه بس هي مريضه لكن بناتها الله يعينش عليهن حاكي أبوش أهم شي ماتعيشي معاهم ريت والله وأحنا انخطبنا بالي نشتي ونحب ..


ريم : لفتت لها 👀 سماح أسألش سؤال أحنا خوات صح عتردي بصراحه .. قد حبيتي ❤...


سماح : إرتبكت 😅 هاااااه .. اقلش بس يكون سر أنا كنت بينحب إبن عمتي وحتى هو كان يشتيني بس عمي مجرم الله لاسامحه زوجتي بأ أبوش وأنتي قد حبيتي أحد أومع هيا إبسري كيف حاكيتش ..


ريم : طننت شويه 🤔 ماشي والله ماقد حبيت أحد بس به حاجه حصلت معي إشتي أحكيها لش من اول مقهوره حاسه اني سويت شي غلط بس والله ماهو قصدي شي وبتحكي لها من أيمن وإتصاله 📱..


سماح : بعد ماسمعت ابتسمت 🙂 كذاابه هذا شكله معجب ولا مابش استاذ عيهتم بطالبه هكذا الا لشي ..

ريم : بتغالط نفسها .. مع مع هو طيب أصلا وبعدا هو عاش في كندا طباعه ساعهم مشو لاقد حاكى بنت انه بيحبها ..

سماح : يله انتي حره غالطي نفسش بس لاعاد تحاكيه لأنش مخطوبه 💍حرام تعلقيه بش .

........ ........ ........


في بيت جدي ..


وليد : داخل فالغرفه هو وأيمن فاتحين الباب 🚪 دلا ومسنب بيتفرجوا منه 👀.


أيمن : واقف من وراه لأنه أطول بيتفرج يمين وشمال 👀 وبصوت واطي أين زد جاء أختفي ماقد دخلش ..

وليد : بصوت واطي . أكييد عيدخل أين عيسير أنت أبسر الكاميرات 📹 أينهو بالظبط وأنا شاراعي هانا ..

أيمن : قرب لعند الشاشه حق الكاميرا 📹 أبسره طالع من الدرج لعندهم وفي يده كيس أسود كبير من حق الزباله بيخرج منه كبد وأمعاء من حق الخرفان وبيراجمهن فالدرج ويطبع ايديه 🖐🏻بالدم عرض الجدار ... بيدعيه .. وليييد وليييد قدهو طالع لعندنا وحمل شل العصيه 🗡من فوق الماسه وسنب قفا الباب 🚪..


وليد : إسمعني نخليه يطلع ويشل راحته يركن مابش أحد ولما يقفى نخرج له ...

الرجال الجني 👿: أخذ راحته ع الآخر وبيمهد البيت طلع ومشو داري إن أحد فالبيت ..


أيمن : أشر لوليد برآسه لما ابسروه 👀 هيييا فتحوا الباب 🚪 دلا وحملوا له واحد من قدامه وواحد من وراه ..


الرجال الجني 👿: إتفاجاء لما أبسرهم.. طبعا مغطى وجهه بشال ملثم 😷 وع طول سحب المسدس 🔫 بيده ولفت لهم من أنتوا ماتشتوا ...

وليد : في يده مفرس ⛏ من حق الزراعه الي بيستخدموه . عادهو من إحنا وقرب عيدهفه .. من أنت ماتشتي بتفعل هكذا ...


وليد : بعصبيه 😡 رفع العصيه عتقلي من أنت وقرب بيهزوره يشتي يبعد له الشال ليش بتفعل بنا هكذا من انت ...

الرجال الجني 👿 : دهف أيمن للقاع بقوه لعرض الماسه وضرب بالمسدس 🔫 مطلع وبعصبيه ع خوف 😡 الي يقرب جنبي شقتله وبيخطي بالعكس لاوراء يشتي يهرب وحمل 🏃🏻...

وليد : حمل بعده يلحقه 🏃🏻 من الدرج خفعه بالعصيه حق المفرس ⛏ و بيهزوره مسكه بالشال وبيهزره .. بعده له ..

الرجال الجني 👿 : بيتهزور معه و ركضه بقووه برجله ورجع الشال ع وجهه بسرعه وهو بيحمل 🏃🏻 ..


وليد : بيصيح لأيمن ويلحق بعده 🏃🏻 ..

أيمن : سنب يشتي يقوم طررح يده ع رآسه من الخفعه وان قدهي ملان دم مسكها وحمل بعدهم 🏃🏻..


الرجال الجني 👿 : ابسر قدامه الطاقه الي فالدرج فتحها ونبع منها ..

وليد : نزل بعده للحوش بيدوره في كل مكان ماعاد بحدهو هرب ...

أيمن : خرج للحوش بيداعي وليد .. ياولييد هيا مه لقيته ..

وليد : قرب لعنده بعصبيه 😡 مع شحطتك هرب اين انت فلتني وحدي معه .


أيمن : ويده ع رآسه ..وراه الدم في يده 👋🏻 ابسر مافعل بي مقدرتش الحقكم راسي ..

وليد : 😮 مسكه .. اوووه ع قد خفعه هذا قدهو جني صددق ابسرت سعمنهو ع جثه فيه وكرش لكن عضلات 💪🏻 هيا نخطي بسرعه للمستشفى يخيطوها لك حميت القعشه هذه بكلها ماحمت راسك تبكر تسير تحلق هههه ...

أيمن : إبسره بضبح 😤 وقت الخباله هذه الساع صح راسي وجيع والرجال هرب علينا وأنت بتتسيمج ..

وليد : خلاص آسف أخطي ذلحين نبسر راسك والرجال عنبسر وجهه فالكاميرا قد عرفته ..

أيمن : لا لا مايحتاج مستشفي ولا نسير للصيدليه بس نشتري معقم وبلاستر وشفتهن ..

الرجال الجني 👿: من الفجيعه كان يحمل بسرعه ووصل عند السياره 🚘 حقه الي موقف لها بعيد يشتي يفتحها مالقيش الدواير شكله نكعهن رجع كسر زجاج من السياره وفتحها ودور حديده وأسلاك وشغلها وهرب ..



@qesasanani

🧡
💚
💜
بارت 80

ثاني يووم الصبح ..

في المعهد ...

غيداء : بتتلفت يمين وشمال 👀 بتدور ريم خايفه لو ماتجيش بعد الي حصل أمس مع أحمد خرجت تلفونها 📱 تتصلها ابسرتها قدامها ابتسمت 🙂 وخطيت لعندها . 🚶🏻‍♀ قدنا شتصلش ياشوعه بينهم لو ماتجيش بسبب أحمد. .

ريم : لأول مره تكون قوويه هكذا بعد وعد أيمن لها يخلصها منه . ليش منهو أحمد هاذا علشان أبطل دراسه علشانه ..

غيداء : رفعت لها حواجبها 😌 ياحركااات ومن الي كان بيبكي أمس وروح ..

ريم : ضحكت ههه 😂 أمس أمس خلاص قدحنا فاليوم يله ندخل الكلاس لانتأخرش .

غيداء : مسكتها بيدها 👭 أيوه أيووه أمس ماخليناش نسبح الله في ملكه ونتحيلى للتيتشر أيمن نعوض اليوم ..

ريم : أول مره تحس بهذا الشعور وتتضايق من كلام غيداء وإعجابها باأيمن .. بضبح 😤 غيداء بطلي خباله إحنا جينا ندرس مش نجلس نتجابر ع التيتشر لاتعلقيش نفسش بأحد والله ماعيرجع يزوجش أبوش الإ بالي يشتي ..

غيداء : إستغربت من رده فعلها 😮 يووه مالش اوذا بينتحاكى منه يوميه ليش ما اليوم ..

ريم : حست انها ماتمالكتش أعصابها 😅 هاه ولا شي بس قلت نفكر في دراستنا وبش .. وخطين دخلين للكلاس وريم بتتفرج أحمد وتقفى وجهها ..

أحمد : إبسرها بضبح 😤 وقام لعندها حط يده فالماسه حقها .. بهنجمه 😠 أين الرقم أنا ماقلتلش أمس ولا اتصرف أنا مشو صعب أديه بس قلت أخليش تديه برضاش ..

ريم : بهررت فوقه 🙄 وبصوت قووي لأول مره ... وأنا ماشدي شي والي تشتي تسويه سووي يله من هانا ..

العيال : بيتوشوشوا ع أحمد ويضحكوا ..😂 صرعته هو قال عيدي رقمها واتحدانا ..

أحمد : خفع الماسه بيده 🤜🏻 طيب عنبسر ياريم من الي عيضحك فالأخير اذا ماخليتش تجي تترجيني مايكون اسمي أحمد ..


أيمن : كان واقف عند الباب 🚪 سمع تحديه .. مشي دلا دلا 🚶🏼 لعنده مسكه من الشميز من وراه ولفه لعنده ... أيش الي قلته ياشاطر أنت جاي تدرس ولا تأذي بنات الناس ..

ريم : أبسرت أيمن دخل وتنهدت بفرح ارتاحت 🙂 حست وراها ظهر وأحد بيدافع عليها ..


أحمد : بعصبيه 😡 وليش بتصيح يعني ع اساس انك الي دخلت تدرس بس مشو دخلت تصاحب وتتعرف ..


أيمن : بصيااح 😡 يله قدامي للإداره ياشاطر ونشوف فينا من الي دخل يصاحب ... ولفت لريم وخطي 🚶🏼 .


الطلاب الي فالفصل بداؤا يتلفتوا يمين وشمال واصواتهم تعلى ...


ريم : حست أخيرا برآحه 🙂 انه عتخلص من أحمد بدون مشاكل هذه المره لأنها راكنه في أيمن .. وهي بتبسرهم بيخطوا إنتبهت أن راس أيمن فيه بشاش وبلاستر 🤕 ..


..... ....... .........

في بيت علي ..


أسامه : قام من النوم متأخر شويه بدل بسرعه 👖👕 يشتي يخرج يكمل الحاجات والتجهيزات حق الخطوبه 💍 يشتي يستأذن من أبوه يديله السياره حقه خرج من الغرفه لعند سماح ... بيداعيها سماح ياسماح .. أبي هانا ولا قد خرجوا ..

سماح : الإ هانا عادهو راقد😴 ماقد قامش ..


أسامه : ادخلي استأذني لي منهم أشل السياره 🚘 وقليلهم شاعبي لهم بترول ..


سماح : دخلت لعنده . وخرجت قالت قال ماشي هو عيخرج ذلحين ..


أسامه : يله خلاص إبردي شتصل 📱لصاحبي يجي لي أبي يجلس يرقد ويفتهن كأنه خطبه 💍 ابن الجيران بكره مشهي خطوبه ابنه .



🌹meme_abdalgaleel



@qesasanani

🌳
🏘 🌳

بارت 81

في المكتب حق يوسف وهاشم ..


سامي : بكر من الصبح يشتغل وبيراجع الأوراق والحسابات 📑..


هاشم : دخل المكتب وابسره قدامه استغرب 😳 من أنت ..

سامي : سنب .. أنا الموظف الجديد الي ...


هاشم : قاطعه .. 🤔 ذكر .. آها أيوه. أيووه ذكرت أنت صاحب إبني أيمن ..

سامي : أيووه وقرب يسلم عليه 👋🏻 تشرفنا أنتوا أبو أيمن ..

هاشم : أيووه أنا عمك هاشم وحط يده ع كتفه ..👋🏻 يله يا إبني ماعاد شاوصيك وأيمن بيشكر فيك وقال انت خريج محاسبه ..


سامي : إطمنوا إن شاء الله أقدر أساعدكم واعتبروني مثل أيمن في أي شي تحتاجوه ..


هاشم : ابتسم له 🙂 تسلم يا إبني يله أنا شخطى للموقع حق المشروع أبسر العمال مافعلوا لما يجي عمك يوسف قله قد جيت أدوره أصلا أنت داري قلنا نقسم العمل بيننا أنا فالموقع وهو فالمكتب نخفف ونساعد بعض ..


يوسف : ع وصلته بيدخل من باب المكتب 🚪 إبسر هاشم بيأشر له .. هيا عيس إنك جيت عادنا كنت شنزل الموقع إشتيك ..

هاشم : مسكه وخطيوا 👬بيتجابروا يله عيس قدوذا جيت لك أشتيك والكل أمس لقيت أرضيه موقعها تجنن وبيحاكيه من العمل ...

يوسف : قاطعه .. ناهي راعي اسهل عنتجابر من العمل معي لك موظوع مارقدتش 😴 طول الليل بينفكر كيف أفاتحه فيك ولا أنا داري هو يسبر أحاكيك أو ماشي ومهما كان ردك عادي أنا متقبل ما عتقله لأنه أحنا اخوه مهما كان ..


هاشم : فتح عيونه 😳 بإستغراب .. مالك مابه خير قلقتني ..

يوسف : خير إن شاء الله مابلا قل يا أخي أمس بنتجابر من الزواجه وإلي الزواجه وما إبسرنا سهيل الإ بيقل لنا لوتشتي الصدق أنا أشتي سندس بنت عمتي وماشاراعيش لما أحد يشلها عليا وحسيت الولد منه صدق وقال حتى لو عمي هاشم مارضيوش شاسير أحاكيهم أنا ...


هاشم : تفاجاء 😳 سنننندس .. بس يا أخي البنت عادها صغيره وقدك داري البنت كيف طبعها...


يوسف : قاطعه .. إسمعني لاقد تقل شي ولاترد خبر أول حاكي أختي وسندس وإبسر رأئيهن لأنه حسيت من كلام سهيل أنه متأكد ان سندس موافقه ولا ماحصلش نصيب إسهل مابش شي إحنا أخوه والبنت بنت عمته وخلاص ..


هاشم : في نفسه 🤔معقووله تكون سندس موافقه على سهيل وهي داريه كيف طباعه محزق والبنت طموحها مختلفه.. سكت شويه ولفت ليوسف 👀 ان شاء الله خير يا أخي خلينا نحاكي البنت وأمها ونبسر كيف ما أنا ماشاقل موافق عاد شي أحسن من ما أطمن عليها لعند خالها والخال والد ..

يوسف : إسمعني هذه المواضيع مابش فيها خزا ولا لامابش نصيب عادي قلي واحنا الأهل والبنت هي بنت الجميع ..


....... ...... ......

في المعهد ..

في الإداره ...


المدير : أنت متأكد ياتيتشر أيمن من هذا الكلام ...

أيمن : أكيد وتقدر تدعي الطالبه وصاحبتها والطلبه الي في الكلاس وأسألهم ..

أحمد : بعصبيه 😡 أيووه مابلا قلهم والكل انك بتحبها وقد شفتك واقف معاها ..

المدير : لفت لأيمن 👀 أييش بيقل ...

أيمن : البنت وقفت معي مره تشكي لي منه ومن مضايقته لها وهو ماصدق يلقى شي يتعذر فيه إدعي الطلاب وإسألهم وشووف ريم هي صاحبه الموضوع ..


المدير : لا .. مش قصدي شي ياتيتشر أيمن أنت الكل عارف أخلاقك بس مشكله مثل هذه قدك داري ضروري نتصرف ..

أيمن : أكيد وخذ راحتك وأنا معك ..

المدير : دعى ريم وغيداء ومجموعه طلبه وسألهم وعرف منهم تهديدات وازعاج أحمد ومراهنته للشباب ع ريم فصله من المعهد وطرده ...


ريم : فرحت وارتاحت 😄 انها أخيرا خلصت منه وزاد إعجابها با أيمن رجعت الكلاس بس ماصديت تكلمه او حتى تشكره قدام الطلبه .. كانت تتفرجه وتبتسم وعيونها بتلمع 👁..

أيمن : كان يحاول ع عقد مايقدر يتجنب يلفت لعندها لأنه حاسس بسحر بيجذبه في عيونه 👁 وخايف مشاعره تبان قدام الكل ويصدقوا كلام أحمد خوفا ع ريم ...


غيداء : طبعا ولا سكتت طول الحصه وهي بتتكلم عليه وتتحيلى لتصرفه وكيف خلصهن من أحمد وازعاجه 😍..


........ ....... .......

في بيت علي ..


علي : قام يلبس ويتجهز 👖👕 بيندش الأدراج والدواليب ويصيح😡 أين الصندوق الي كان في الدولاب ..


أميره : إبسرته بيصيح 😡 حملت لعنده مالك ماتشتي منه أنا قد خرجته رفعته في دولاب في المخزن مابش فيه الا شويه قلاقد ودواير ...


علي : دهفها بيده 👋🏻 وخطي وهو ضابح للمخزن 😤 فتح الصندوق شل الي يشتي منه وخرج بالسياره ورحله 🚘 ...



يا الله كيف الصدف هاشم اليوم إجتمع باإبن أخته وهو مايعرفه في نفس الوقت الي جالس يدور عليهم ...



@qesasanani

🌳
🏘 🌳

بارت 82

وقت الظهر ..

في بيت هاشم ..

هاشم : قدهو ضابح 😤ذلحين إبنش هذا مشو ناوي يروح البيت أو كيف ..

ناديه : والله مدي لك علم قد اتصلت له عيجي يتغداء كان عيجي يبدل وهو بيمكني دعممه وتهراب ..


هاشم : بعصبيه 😡 ناوليني تلفوني 📱 أتصله أبسر عدشي معه كبير ولا عيالش كل واحد فيهم جاء اليمن وركب عقله قد كل واحد كبير نفسه ..

ناديه : مكنته التلفون 📱..

هاشم : مسك التلفون بيتصله 📱 هيييا مه أييين إبني ولا ماعدبش معك بيت وأهل ..

أيمن : كان بيسوق السياره في طريقه لبيت جدي هو ووليد .. جاوبه 📱 اهلا بالغالي الإ أكيد معي بيت وأهل وكلشي ..


هاشم : بضبح 😤 ليش ماعتجيش تتغداء وتروح من الأخير إسمعني تصرفاتك أخر فتره أو بالأصح من حين جينا مشهي عاجبه لي معاك نص ساعه بالظبط وأنت فالبيت.


أيمن : فتح عيونه 😳 أيييش نص ساعه مه ماينفعش والله أنا بعيد وبعدين معي عمل ضروري أكمله وتمام شاروح ..


هاشم : صيح 😡 أنت سمعت ماقلت أو لا قلت نص ساعه وأنت عندي وغلق التلفون 📱..

أيمن : لفت لوليد 👀 ذلحين كيف عادنا قلت نوصل البيت نشل تسجيل الكاميرا 📹 نوري الشيبه هذاك لاهو يعرف هذا الرجال مع انه صح مابانش وجهه تمام كان شاطرغطاه بسرعه بس ع الاقل يمكن يعرفه من جسمه ..

وليد : خلاص إسمعني أنت اطرحني هانا وأنا شستأجر وأسير وأبسر الشيبه أنا وأنت روح إبسر أبوك لأن شكله قدهو مضايق وبيشك في تصرفاتك.

أيمن : يله خلاص تمام أنا شرجع لي وأنت إبسر كيف وإتصلي 📱..


وليد : نزل من السياره 🚘 يسير بيت جدي ..


أيمن : فتح الإذاعه 📟 بيتسمع أغاني سمع أغنيه ( كل ما أدلّع ريم واقول ريموه
تزعل علي وتقول يا ناس يا هوه
يا ناس انا اسمي ريم واحلى من الريم
اخذوا وصوفي بس هالاسم خلّوه) .. ضحك 😂 ههه هذه البنت بعدي بعدي خرج تلفونه ورسلها كلمات الأغنيه وكتب تحتها ليش اسم ريم بعدي بعدي تقلي ماهو السبب 😉 ) ...


ريم : كانت فالمطبخ بتقرب الغداء 🍱🥘 هز تلفونها 📱 في جيبها خرجته قريت الرساله من أيمن أبتسمت ☺ وردت عليه ( آسفه قوي والله اني محرجه منك أكيد قد ازعجتك بمشكلتي مع أحمد صح وشكرا تسلم مالقيتش فرصه أتشكرك فالمعهد ع الي سوويته معي ولو قد طولت الرساله وازعجتك بس سلامات مال رآسك 🤕)..


أيمن : قرري الرساله وقرح ضحك 😂 ورد عليها ( ناهي مالش هرعتيهن كلهن في رساله واحده رسلي ع حاجه حاجه ولا ماعد تشتيش تراسليني وبعدا ياخطيره كيف انتبهتي لرآسي وأنتي ع طول بتجلسي موطيه رآسش ☺ ..


ريم : حطت الصحن من يدها🍛 وارتزحت عرض الدولاب ردت عليه (وش محرج ☺ هاه مش قصدي شي بس انتبهت لما خطيت أصلا كان باين المهم سلامتك وشكرا تسلم ع موقف اليوم معي وان شاء الله اردها لك ) .


أيمن : بيقرى رسالتها وهو مبتسم 🙂 رد عليها ( أيووه إشتي ترديها لي ذلحين إشتي أتصلش لأني بينسوق وشصدم بعدا بسببش حسي عند الرسايل )..


ريم : رسلتلها (هآااه إتصال 📱 مع ماشقدرش بينقرب الغداء يله باي أجاوب بيداعوني ).. محد بيداعيها بس تشتي تتهرب ..


أيمن : رد عليها ( أوكي واتغدي خيرات 😉 ومراعي لإتصال أول ماتفضي ولا شاجننش أتصالات ) .


ريم : قريتها وضحكت ☺ حست نفسها فارحه وبتحس شي بيشدها ويقربها منه ..

سماح : دخلت والتلفون📱 في يدها وهي مبتسمه ☺ .. يييييه ماقد معانا بنهيم في عالم أخر قلنا اعقلي أنتي مخطوبه وأبوش وعمي والله لايذبحوش ..

ريم : نفخت 😤وهزت يدها .. أووف منش محد يقلش بشي وبعدا هذه صاحبتي انا فارحه اليوم طردوا أحمد من المعهد ..

سماح : ناهي يله شرق اخطي نقرب الغداء أبوش عيجي ذلحين ويصيح ...


🌹meme_ abdalgaleel


@qesasanani

🌳
🏘 🌳

بارت 83

في بيت جدي ..

وليد : وصل البيت ودخل الغرفه الي فيها شاشه الكاميرات 📹 ونسخ منها المقطع الي يشتي وسار لبيت الشيبه يدوره ..

الشيبه : خرج يجاووبه ... اهلا وسهلا يا ابني كيف حالك وينو صاحبك .. هيا امانه أدخل نتغداء جمعه ..

وليد : تسلموا ياحج الله يبارك فيكم . صاحبي مراعي لي بس قلت أمر لعندكم اوريكم هذا المقطع تبسروا هذا الرجال قد إبسرتوه أو عرفتوه من قبل كان يجي بيت الحج عبدالله ..


الشيبه : جلس فالدكه حق الباب 🚪 هيا اديه يا ابني نبسره مع اني والله ماعد بينستضى قدوذا سنين لكن نبسر مايمنعش ..

وليد : فتح له التلفون 📱 وجلس جنبه يوريه ..

الشيبه : بيحاول يركز ويركز ويتذكر 🤔 ولفت لوليد تشتي الصدق يا ابني والله ماعرفته أنا الرجال الي ابسرته يوم مااتصايح معه كان طويل وضعيف وشعره أسود هذا قصير وسمين ومعه كرش الإ لو قد تغير مع الزمان ..


وليد : ماعيتغيرش ياحج هكذا وتختلف المواصفات .. يله كان سامحنا شغلناك وسنب يقوم يرحله ..

الشيبه : مسك يده 👋🏻 راعي راعي يا ابني كأني ذكرت اذا هو هو بس اعتقد كان أضعف شويه من ذلحين هذا الظاهر إبسرته في جنازه الحج عبدالله لأنحنا سألنا وسيرنا نقبر بس معرفش اذا هو يقرب له او بس واحد من الي جو يقبروا ..

وليد : هز رآسه .. آااااها .. كان يعني عيطلع شخص أكيد يعرفهم ومدام يعرف البيت وبيجي له أكيد أنه يعرفهم قووي .. يله ألف شكر ياحج وسامحونا ع الشغله ..

الشيبه : مابش شغله يا ابني بس ماشاء الله عليكم خطيت من شق البيت قدهو ساع المسرجه 🏡..


وليد : إرجعوا جو للبيت أمانه إبسروه بس ادعوا لنا بس الله يكفينا شر هذا الأدمي ..


........ ....... .......


في بيت توفيق 2


توفيق : بيبسر جهاله بيدلعوا عليه ويتراشوه يخرجهم العشي يتعشوا خارج ذكر 🤔 ليلى واقتهر عليها لفت لمرته 👀 مارأئيش لو أسير أدي ليلى تخرج تتعشى معانا وتتعرف ع أخوتها ...


مرته : إبسرته وقززت 😖 إيييش إييييش من تدي مابلا قل قد قلبك حن ❤من حين جت عفاف للشركه ..


توفيق : بصياااح 😠 هي الحجه عندي أنا الي قلتلش انها جتش وبعدا لو سيرت لها مافيها هي فالأخير بنتي والله لو تبسري كيف قد عفاف لما ابسرتها باين عليها ان حالتهم تاعبه وأكيد عيالي ذلحين محرومين من كل شي ..


مرته : قامت من فوق الأكل بزعل 😞 اسمعني قدوذا بيننبي عليك عيالك وأنت حر بهم لكن لاتركنش انهم عيدخلوا بيتي ولا عيختلطوا بعيالي وفلتته وخطيت 🚶🏻‍♀..



@qesasanani

🌳
🏘 🌳

بارت 84


في بيت الحج أحمد ..

سهى : بعد ماكملوا يتغدوا دخلت ترقد شويه 😴 سمعت تلفونها بيرن مدت يدها للكومدينو تشله بتبسر الرقم مكتوب أمين .. قامت جلست وضبحت منه 😤 ليش يتصل ردت عليه بضبح .. أنا ايش قلتلك لو سمحت لاعاد تتصلش خلاص كتابي ورجعته اعتقد مابش بيننا شي علشان تتصل وجالسه بتتكلم بسرعه وتهذي ماسمعت الا صوت بنت بتضحك هههه 😂 سكتت ..


أخت أمين : ضحكت هههه 😂 كيف حالش مالش بتصيحي هكذا مسكين أخي لو كان جاوب كل هذا التهزيى له ..


سهى : خزيت منها 😅 هآااه .. من معي ..


أخت أمين : أنتي سهى صح أنت أخت أمين والله لوتبسري كم قد تراشاني لما رضيت أتصل📱 كل يوم بيدحسني أتصل أتعرف عليش واليوم اتصل هو ومكني الرقم ..

سهى : قدها خازيه ☺يوووه أنا آسفه الصياح كله جاء فوقش ..

أخت أمين : ضحكت هههه 😂 اسهل هي مامحبه الإ بعد عداوه علشان نتصاحب مع إنه قد حبيتش ع الكلام الي قد قاله لي أمين عليش ..

سهى : بإستغراب 😳 اييش من كلام ليش ماقد قال عليا.. أنا أصلا ما قد عرفته هي يومين الي شل الكتاب فيه ورجعه ماقظ عيقل عليا ...

أخت أمين : اطمني والله ماقال عليش الإ كل خير ذلحين أنتي فالبيت أجي عندش اليوم عصر أتعرف عليش سوى ونتجابر من وجه لاصوره ..

سهى : أحرجت منها مادريت ماترد .😅. حيا بش البيت حقنا في شارع ال...


أخت امين : قاطعها وهي بتضحك 😂 مايحتاج تكملي البيت معروف أمين يعرفه ..

سهى : استغربت من الإسلوب والكلام وبداءت تحس شي مش طبيعي .. يله تمام في انتظارش وغلقت معاها وسارت بتحاكي أمها ان واحده اتصلت لها أخت زميلها الي شل الكتاب 📙 قالت عتجي عندهم ..( طبعا قد سهى حاكت امها لما كان سهيل ضابح وحكت لها انها ضربهن وفهمتها الموظوع )..


ساميه : فرحت 😄 صددق حيا بها وشازيد أتصل لعمتش تجي والكل قدهو نجتمع وبينها وبين نفسها ( يارب والي في بالي صح الله يوفقش يابنتي )..

سمر : حملت تلحق بعدها للغرفه 🏃‍♀ .. بتتليقن عليها هيا واستبكي سوى ياقمر شكل البنت عتجي تبسرش تخطبش 😜..


سهى : ضبحت منها 😤 عتبطلي خباله من هذه المجابره انتي داريه مشتيش أختطب لأحد وبعدا هي تشتي تتعرف عليا بس شكله زعل لما درى ان سهيل صيح فوقنا لنا قلتله لاعاد يحاكينيش ..

سمر : أيووه ماتشتيش تختطبي بحد إجلسي ضيعي العرسان من يدش بس وراعي لفارس الأحلام أيمن لما يجيلش فوق حصان أبيض 🏇🏼 مع إنه مش معبر لش خالص وياعالم هو داري إن معه بنت خال إسمها سهى أو مع ...

سهى : دهفتها يله أخرجي من عندي خليني أبدل وأنتي أخطي افعلي كيكه 🍞☕وشاهي وبخري البيت ..


سمر : بتحانكها وتهز أكتافها 😜 ماعليا تجي الحريوه تفعلهم ..

سمى : دهفتها من الباب 🚪 وغلقته وجلست واقفه قفاه مطننه 😞 معقوله كلامها صدق وأيمن مش مهتم بي وخطيت تشل تلفونها بتتصله تشتي تتعذر باي شي علشان تكلمه بعد كلام سمر .. وضغطت اتصال.


أيمن : رد عليها .. أهلا بالعروسه 👰🏻حقنا ..

سهى : أستغربت من رده ..😳 عروسه إييش ..


أيمن : ضحك هههه 😂 جبر بنت خالي الخازيه خلاص قد درينا عاد خالتي ذلحين أتصلوا لماما قالوا يجوا عندكم به ناس عيجوا يبسروش .

سهى : إكتبدت .. وتغير صوتها 😢 هآااه قالوا لكم هكذا ..


أيمن : أيوووه وقد أمي بيلبسوا هم وسندس شديهم بعد شويه ماتشتي أديلش معي يا عروسه ادي شوكلاته 🍩🍪وحلويات للضيوف ..


سهى : حست كلامه كأنه ملطام 👋🏻 في وجهها .. وبصوت مخنووق .. يعني عندك عادي لو انخطب ..

أيمن : يووه مالش ولا ماتشتيش عادي والله لاتقلقيش محد عيغصبش عليه القرار هو بيدش وماعتتزوجي الإ برضاش وبالي تشتي ...


سهى : نزلت دمعتها من عينها 😢 وبتحاول تكابر .. لا لاخلاص ماعد يفرقش اليوم تأكدت إني كنت بينحلم حلم مش من حقي وأني منيت نفسي بشي من حقي يله تسلم لي يا ابن عمتي وربي يوفقك مع السلامه وغلقت التلفون وارتجمت فوق سريرها بتبكي 😭 مقهوره ع نفسها وانها حبت شخص من طرف واحد عمره مافكر فيها ..


أيمن : إستغرب من رده 🙁 فعلها وشاف انه وحده رسل لريم ( هيا ريم وادي بنا عتقضي دينش وتتصلي ولا عتتعذري وتقلي لي مابش رصيد ) ..


ريم : كانت في غرفتها فوق السرير بتسمع أغاني .. قريت الرساله وضحكت 😂 بتحاكي نفسها .. يوووه ماهو هذا ماله بيجلس يرسلي هكذا ومالي مابينقدرش أقله لا ماهو هذا الشي الي بيجذبني له ويخليني أجلس افكر فيه دايما معقووله مثل ماقالت سماح إنه هذا هو الحب 😍 بس انا مخطوبه ماينفعش أتهور وأكلمه وجالسه مطننه بتفكر رن تلفونها ردت بصوت هادي ناعم الووو ..

أيمن : علشان لاترجعيش تتعذري وتقلي مابش رصيد اوذا اتصلت لش أنا كيف حالش ..


ريم : وطت راسها خازيه ☺ وابتسمت الا معي رصيد بس ..

أيمن : بس إييش وبعدا ماهو هذا الإزعاج كله معاكم عرس ..

ريم : مع بينسمع أغاني فارحه بكره خطوبه 💍 أخي ..

أيمن : آااها ألف مبروك عقبالش يارب قريب ..

ريم : طننت شويه سكتت حست الكلمه كأنها كسرت قلبها 💔 بس أنا ...(كانت تش

تي تقل بس انا مخطوبه )..


أيمن : قاطعها .. بس أنا بينخزا مثل كل البنات وشاقل عادنا صغيره وماقد اشتيش أتزوج وبقيه الكلام حقكن صح ..

ريم : تنهدت بقهر 😔 مادريت ماترد عليه .. شاقفل ماما بيداعوني ...

أيمن : يله تمام وأنا اقوم أوصلهم بس ع فكره هذا مشو الإتصال الي فوقش أنا مراعي للإتصال حقش الي تقضيني به أول ماتفضي إفعلي لي مسد بس وأنا شتصل ..

ريم : إن شاء الله .. باي وغلقت وجلست مقهوره بتبكي 😭 معقوووله يكون معجب فيني وبيحبني وأنا لما حسيت قلبي دق لأول مره ❤ ربي يحرمني منه بسبب خطوبتي وبابا .. خلاص المفروض ماعاد أكلمه من اليوم ..



🌹meme_abdalgaleel


@qesasanani

🌳
🏘 🌳

بارت 85

بعد العصر ...

في بيت توفيق ..


عفاف : عادها حانقه من ليلى بس اضطرت تحاكيها ماتشتيش تفلتها في البيت وحدها .. فتحت عليها باب الغرفه 🚪بتحاكيها بضبح 😤 قوومي البسي عنسير بيت خالتش قالت نجي نبسر لداه الخطوبه حق أسامه ...


ليلى : ممدده فوق السرير في يدها التلفون 📱 بتلعب به . مشتيش أسير..

عفاف : سحبت التلفون من يدها 📱 مابش جلسه وحدش يله قومي البسي مراعيه لش خارج وخطيت 🚶🏻‍♀ ...


ليلى : قامت تلبس وهي حانقه ماتشتيش تسير ..


عفاف : مراعيه لها فالصاله لما تخرج سمعت باب الباب بيدقدق 🚪 سارت تفتح ..


الرجال : هذا بيت توفيق ال...


عفاف : من وراء الباب .. بيت سامي ابنه ليش من تشتي يا ابني..

الرجال : هاه هذه الحاجات شلوهن من الباب حقكم ..


عفاف : إستغربت 😳 حاجات مه يا ابني من اداهن. ..

الرجال : يله مع السلامه وفلت وخطي 🚶🏼..

عفاف : فتحت الباب بتدعيه يييه يا ابني وهو بيدعممها وطلع فوق السياره ورحله .. بتبسر ماهن الحاجات وانهن مصاريف وشوالات رز وسكر دخلت بسرعه تتصل لسامي تسأله ..


سامي : في العمل جاوبها 📱 ماشي أنا مديت شي منين معي زلط اشتري هذا بكله طيب ماقلكمش منهو او ليش إداهن ..


عفاف : قدهي مطننه 🤔 يعلم الله من مشو صاحبك هذا حق أمريكا الي وظفك عند أبوه حين هو داري بوضعنا ..

سامي : 😇 بيفكر ويقلبها في رآسه معتقدش بس شازيد اتأكد منه ..


ليلى : كملت تلبس وخرجت لعند أمها بتتحاكى بضبح 😤 قدنا جاهزه ..


عفاف : يله اخطي شرق وخرجين وطول الطريق بتفكر من إدى الحاجات ...


....... ........ .......

فوق السياره .🚘..


ناديه : إبسرت أيمن .. ذلحين عتقلي مافي رآسك 🤕هذا بمه أوجعته ولا مع اوذا مابحد معانا وأختك مارضيتش تجي ..


أيمن : إبتسم 🙂 لها يووه مالكم قد قلتلكم أول أنتوا وبابا انه كنت مع صاحبي لما فعل الحادث بس ماسخيتش أفجعكم أني دقيت راسي ..

ناديه : هزت رآسها .. إسمعني قد كذبك زاد هذه الأيام قووي والمشكله إنك ماتقدرش تكذب يبان عليك .. ولاعاد شي فيك سابر مخبى طول اليوم ورقده خارج ولداتك👖👕 موسخات حتى رنج وتشتي نصدق انه مابش شي ..

أيمن : يشتي يغالط الموضوع ذلحين ما أشتري معي تشلوا بيت خالو مدام وعيجوا عندهم ضيوف ..


ناديه : لفتت 👀له أيمن أسألك سؤال ؟


أيمن : تفضلوا ياكونان 😉..

ناديه : ضحكت 😂 كونان هاه هههه.. قلي أمانه مشنت زاعل أنهم عيجوا يبسروا سهى يخطبوها ..

أيمن : إبسر أمه وعقد حواجبه 😌 وليش أزعل بالعكس فرحت لها والله ..


ناديه : أصلا مدري كنت أحس كأن سهى معجبه بك او يمكن كان بيتهيألي مدري ..

أيمن : هاه لا لا يمكن بيتهيألكم .. بس طنن 🤔 شويه ودري ليش ذلحين سهى تصرفت معه بهذاك الإسلوب ..


🌹meme_abdalgaleel


@qesasanani

🌳
🏘 🌳

بارت 86


في بيت الحج أحمد ...


سمر : دخلت لعند سهى .. يووه مالش هكذا مال عيونش مورمه بكيتي صح 😭 ..


سهى : بتحاول تكابر ماشي ليش شبكي 😭 بيتهيألش بس ..


سمر : ناهي يله تمام يا بيتهيألي إنجزي أخرجي قد المره جت هي وواحده معاها وافعلي تحت عيونش بودره 👁 ..

سهى : شبحتها بيدها 👋🏻 راعي راعي .. مره مه الي معاها ...


سمر : مدراني يمكن أنهي أختها الكبيره أو شي .. بس صدق شكلهن جيات يتعرفين عليش وانه به موظوع في رآسهن .


سهى : تنهدت بقهر 😔 ذكرت لامبالاه أيمن وأنه مابش في حسه منها .. يله تمام سيري ابسريهن وانا شاجي ذلحين كملت تلبس وخرجت ..

ساميه : هيا قديذه سهى جت ..

أخت أمين : إبسرتها دخلت إبتسمت 🙂 وسنبت تسلم عليها .. كيف حالش ...


سهى : بتسلم عليها . الحمدلله كيف انتي وسلمت ع الي جنبها 😘 وجلست ..


أخت أمين : كيف العطله وجلسه البيت ضبح صح ..


سمر : ردت عليهن ..ولا ضبح ولاشي أنتي عند أختي سهى ماتضيعش وقت خالص بتقضي وقتها فالمطبخ ماشاء الله عليها حميش وغمزت لها 😉 ..

سهى : لاتصدقيهاش مش لهذه الدرجه .. .

ناديه : هيا لكن من الدلع .. لاتصدقيهاش والله انها حميش ونص ماعرفتيناش بيت من أنتوا ..


أخت أمين : إحنا بيت ال... وهذه أختي الكبيره وجلسوا يتعرفوا ع بعض ..


....... ....... .......

في بيت علي ...


أميره : يووه 😵 وسرتي لعنده ..

عفاف : بقهر😔 أيوه يا اختي مفعل والله لوتبسري كيف روحت مريضه مارقدت طول الليل لوتبسري كيف قدهو وع رآحه فيه لهذه الدرجه هانت عليه العشره وسخي يفلتنا كنت مراعيه أنه يساندني بعد موت أبي مش يفلت ويرحله ..


أميره : آآح بس يا أختي 😔 ع الأقل ما أنتي قد فلتش ورحله وأنا ما أقل الي ولاعد كأني مرته بيعاملني هذه المعامله ..تصدقي أني احيانا اجابر نفسي اقل يمكن لوكان معانا سند وظهر واخوه انهم ماعاملوناش ازواجنا هكذا ..


عفاف : ابسرتها بطنانه 🙄تقلي يا أختي يمكن ربي بيعاقبنا هكذا لأنحنا صدقنا أمي الله يرحمهم وقاطعنا أبي واخي ..


أميره : إحنا كنا صغار يا أختي مدرانا خطينا بعدهم ريت والله ومن عاد يدرى بطريق هاشم أو أحد يوصلنا له لكن تقلي عيرضى يسامحنا ..


عفاف : ومدراش أينهو أوذك زمان سمعنا إنهم قالوا انه سافر امريكا مدري أينه ماعيدوره لش بين العالم كله ..


سماح : بتجابر ليلى .. مالش ضابحه 😤 هكذا جابرينا جالسه من أول فوق التلفون بس ...

ليلى : كانت بتراسل فالوتس .. ابسرتها بزنط .. ما أجابر فيكن 😏 قد الوتس احسن لي ..

سماح : طيب براحتش .. ولفتت لريم يتجابرين ..


ريم : ليش تحاكيها ابردي منها ابسري كيف بتزنط فوقنا واحنا جي نفتح لنا الوتس والكل سعم مامعاها تلفون الا هي وضحكت 😄.. فتحت تلفونها ولقيت رساله من رقم دولي فيه صوره أيمن ..هذا رقمي حق الوتس عادهو برقم كندا سجليه ...


سماح : إبسرتها بإستغراب 😳 صوره من هذا ..

ريم : قبصتها .. اوووص راعي شافهمش هذا رقم التيتشر الي قلتلش والله لأ افعله حظر خلاص أنا فكرت في كلامش وانه صح لازم ما أتماداش معه لأنه شتعذب بس ...


🌹meme_abdalgaleel



@qesasanani

🌳
🏘 🌳

بارت 87


العشي ....


في بيت هاشم ..

كلهم سامرين ...


هاشم : بيسألهن هيا مه كيف الجلسه إرتحتين ..


ناديه : ماسيرت الإ أنا وحدي سندس ماجتش معي قالت ماقدرتش .. بس الحمدلله لاهو ع ماعرفناهم وطباعهم هكذا شكلهم ناس طيبين ...


هاشم : هز رآسه هااااه .. وساميه ماحكتش بشي ولا شي ..


ناديه : بإستغراب 😳 بمه .. او قد لك أنت ويوسف شي ولاشي ..


هاشم : لفت لسندس 👀 ولا لنا شي مالنا الإ كل خير أوما قلتي يابنتي ...


سندس : قلبها دق بسرعه ❤ وحست انه يقصدها بكلامه لأن سهيل قد قلها إنهو حاكاهم .. فعلت نفسها مش فاهمه شي .. ماهو ما أقل ..


هاشم : إبسرها وركز في وجهها مع إبتسامه 🙂 تقلي لنا رأئيش ياقمر موافقه ع سهيل أو ماشي ..


أيمن : لفت لهاشم بسرعه 👀 إيييش سهيييل ..


ناديه : اتفاجاءت 😳 ماهو الموظوع ياهاشم مال سهيل ..


هاشم : والله حسب علمي إن الموظوع عند بنتش إذا مشنا غلطان ..


سندس : حمرت وخضرت وصفرت ☺ موظوع مه يابابا ..


أيمن : بضبح 😤 بابا لوسمحتوا ماهو الموظوع مال سهيل وسندس ..


هاشم : اليوم يوسف حاكاني قال ان سهيل يشتي سندس وأبسر رأئيكم ولا مابش
نصيب اسهل احنا الأهل والبنت بنت الجميع ..


ناديه : اكيد قلت له ماشي صح ان البنت عادهي صغيره ماقد عنزوجهاش ...


هاشم : والله ان قد قلتله لكن أصر عليا أنه أسالكم وافكر ..


أيمن : بضبح 😤.. أكيييد لا ماله هذه بيجنن أنا عن نفسي مشنا موافق ..


سندس : لفتت له👀 وليش ماتوافقش أعتقد ان الموظوع هذا يخصني صح والموافقه لي أنا ..


أيمن : بحده فالصووت 😠 سنندس مالش أنتي مجنونه كيف توافقي يعني نسيتي إن سهيل هذا مد يده عليش وكان عيموتش ضرب كيف تشتي نركن عليه وقدش مرته وبعدين سهيل طباعه معقده مش من النوع الي مثلنا وطباعه ماعجبتنيش لاهو ولا اصحابه لما تعرفت عليهم ودراستش ومستقبلش سندس مالش ماغيرش هكذا ..


هاشم : صيح فووقهم 😡 خلااااص اوووص انت وياها القرار في الموظوع والرأي الاول والأخير لي ..


سندس : قامت وهي بتتعرجن بضبح 😤 اووف ماهو هذا كلشي رائيكم طيب أنا موافقه عليه وخرجت ...


هاشم : لفت لأيمن 👀.. دريت ليش قلت ذلحين ان الموظوع قدهو عند أختك شكلها قدهي متفقه هي وسهيل وماتحاكى الإ وقدهو مالي يده ..


ناديه : ما انا ماشاقل شي هو ابن أخي وعتسير لعند أمها الثانيه بس أنا ما قد أشتيش أزوج بنتي عادها صغيره ..


أيمن : أنا قلت رأئي وأنتوا مثل ماتشتوا وفلت وقام غرفته ... دخل وجلس ممدد فوق السرير ضابح 😤 فتح تلفونه 📱 لقي رسايل خيرات من ليلى قريهن ودعممها مابش له نفس يرد ع أحد ابسر وان ريم فعلت له حظر برقم الوتس زاد ضبحه واقتهر 😔 رسل لها ( والله هكذا ياريم فعلتي لي حظر وأنا الي مخنوق وضابح ودخلت غرفتي علشان أراسلش يبتعد الضبح لكن يله عفوا شكلي إزعجتش وكنت ثقيل فرضت نفسي عليش لكن من اليوم وعد ماعاد أكلمش مدام مشكلتش خلاص احتلت أهم شي عندي اني شفتش مرتاحه وسمعت ضحكتش اليوم بدل الدموع الي كنت اشوفها في عيونش 👁 ) ...


...... ....... ......


في بيت الحج أحمد ..

سمر : دخلت بسرعه لعند سهى للغرفه بتداعيها ... سهي ياسهي شكلهن صدق جين يبسرنش واعجبتيهن ..

سهى : كانت جالسه فوق سريرها مقهوره وحاسه قلبها مكسور 💔 من بعد كلامها مع أيمن .. ليش كيف دريتي ..


سمر : أقلش حاجه وماتصيحيش فوقي هن ع خرجتهن قالين لي يشتي رقم البيت ولا رقم بابا وأنا أديته لهن وذلحين سمعت أحد أتصل لبابا بيحاكيه فهمت إنه أبو أمين وانه يشتي يجي يتعرف عليهم ..


سهى : انفجرت بالبكاء 😭لا اراديا وحضنت سمر .. وأيمن ياسمر وأيمن أنتي داريه انه مابيحبنيش وبتحكي لها ماحصل اليووم ..

🌹meme_abdalgaleel


@qesasanani

🌳
🏘 🌳

بارت 88


ثاني يووم الصبح 🌝..

في المعهد ....

ريم : داخل الكلاس جالسه فوق الكرسي قبل مايدخل أيمن متوتره 😅 ومحرجه منه ماعيقل عليها لأنها حظرته جالسه تقرح أصابيعها وتهز أرجلها بتجابر نفسها ...ذلحين عيقل عليا مصلحيه انه بس خليته يحل مشكلتي وطنشته لكن هو الي من نفسه قال يشتي يساعدني وجالسه مطننه 🤔..


غيداء : أشرت لها بيدها قدام وجهها 👋🏻 ييييه أين أنتي قدلي ساعه بينحاكيش وانتي في عالم أخر ..

ريم : نكزت .. هااااه 😅 ماسمعتش ماقلتي عفوا. .

غيداء : بينقلش اليوم فهنه مابحد أحمد صح المفروض نسير نشكر تيتشر أيمن بعد الكلاس ومارائيش نشتري له شوكلاته 🍫...

ريم : بربشه .. هآااه مع مش لازم مع خزا ..

غيداء : مسكتها من يدها بتهزورها 😌وتتراشاها هييييا قوى قوى أنا أصلا أشتي أحاكيه وأتعرف عليه وقدهي فرصه أجي معش ...


ريم : بضبح 😤 غيدداء بس أعقلي إحنا جينا نقرى مش نتخيبل وبعدا لاتفكريش فيه هو أصلا باين إنه مابيفكرش فيش لاتحلميش وترجعي تقتهري ..


غيداء : نفخت في وجهها أووف منش 😤 أنتي هكذا مامنش الإ كسار النفس وبعدا الإ شكله انه معجب بتبسري كيف يجلس يتفرج لعندنا ويبتسم وكوده مركز فالأسئله ع هذه الجهه لأنحنا فيها أو بالأصح لأني هانا ...


ريم : بهررت عيونها فووقها 🙄 غيييداء بس أعقلي مدراش يمكن أنه بيبتسم للي ورانا ولا لي سعم مابش فالكلاس الإ أنتي وبعدا هو طباعه هكذا مع الكل ..


غيداء : بسخريه 😏 ماشي أنا متأكده انه لي وبعدا أنتي والي ورانا ملثمات مابلا أنا محجبه أكيد عجبته وبيبتسم لي ..

ريم : كان أنت حره وقفت وجهها منها ولفت للجهه الثانيه لعند الباب 🚪 لاوش أيمن إبسرته وأحرجت منه قووي 😰 حست جسمها كله دخان وطت راسها ع طول للأرض ..

أيمن : كان اليوم ضابح 😞 باين في ملامح وجهه دخل بيسلم عليهم بدون حماس مثل كل يوم وبداء يشرح بدون مزح ولاحتى لفت لعند ريم . .


غيداء : بتشاور ريم .. ماله اليوم شكله مريض أو زاعل صح ..

ريم : قلبها بياكلها عليه ❤ لأنها حست إن فيه شي وإنه فعلا لما رسلها كان بحاجتها وهي خذلته .. ماجاوبتش ع غيداء .. رفعت يدها ☝🏻بتستأذن منه تيتشر ممكن أخرج ..


أيمن : جاوبها بدون حتى مايلفت لها نوووو لا ...

ريم : حست إنه زاعل منها 😔وطت رآسها كأنها بتدور شي في شنطتها وفتحت تلفونها 📱 وكتبت له رساله ( آسفه ولو سمحت بطل تزعل لأنه مش مناسب لك الزعل شكلك شوعه هكذا قووي وأنا والله لأبعد الحظر وشانفذ الوعد الي فوقي وأتصل 📱) ورسلتها ..


أيمن : منسجم في الشرح وتلفونه مطروح فوق الماسه 📱 سمع صوت الرساله دعمم وواصل الشرح ..


ريم : مش مركزه فالشرح خالص حسها عنده وتشتيه يفتح تلفونه 📱بأي طريقه وكل شويه بتتلفت ..


أيمن : حس إنها مش مركزه .. لفت لها بيتكلم بطريقه جديه😠 غير الي متعوده يكلمها بها .. ريم عيدي لي أخر جمله قلتها ...


ريم : خزيت وقفت 😅 مشهي داريه ماتقل وطت رآسها ساكته ..

غيداء : بتحاكيها بصوت دلا تغششها ...


أيمن : بضبح 😤 لو سمحتي ركزي واتفضلي إجلسي ..


ريم : إقتهرت وجلست ساكته عينها في كتابها 📖 ..



أيمن : قسمهم قروبات وادى لهم أسئله يحلوهن مع بعض 📑 وهم بيحلوهن جلس فوق الكرسي حط رجل ع رجل وشل تلفونه 📱 بيبسره قري الرساله إبتسم 🙂 وتغيرت ملامح وجهه فجأءه وبصوت عالي ضحك هههه ناس ماتجي الا بالصميل ..

الطلبه : لفتوا له أيييش ..


أيمن : أحرج منهم هاه 😅 لا لا عفوا مش أنتوا بس في ناس كان دمهم ثقيل شويه بس خففوه ورسلوا لي انهم عينفذوا وعدهم .


ريم : قحصت فمهما من تحت اللثمه وخزيت 😊 فهمت انه قصده عليها حست ان الكل بيتفرجها وفهموا انه يقصدها ماعاد قدرت ترفع حتى عيونها ...


غيداء : بتدكمها بيدها 😤 بضبح ابسري هذا المجنون كيف سبرت طبيعته بعدا ماقري الرساله معقوله انه بيحب واحده وكان متزاعل معاها اوووف ..


ريم : فرحت انه تغيرت طبيعته 😊 مدراني وأنا أنت اهم شي ابردي بس لاتتعلقيش به وبعدا يمكن ان معه حبيبه كنديه ماعيجي يحب واحده يمنيه ويفلت الكنديات ...


......... ........ ........

في بيت هاشم ...


فوق السياره 🚘..

هاشم : بيسوق السياره يوصل العيال للنادي ..

سندس : جالسه وراء وبتتفرج من الطاقه ساكته ..


هاشم : بهنجمه سنددس ذلحين ماأقل للناس مراعيين لخبر ...

سندس : وهي مقفيه للطاقه أيووه موافقه ..

هاشم : تنهد لأنه مايشتيش بس حاسس ان بنته قدها متفقه مع سهيل وخايف يرفض تتصرف بجنون لأنه يعرف طباعها ... سندس أنتي مركزه ومقتنعه انتي عادش صغيره و سهيل طباعه مختلفه عنش وانتي تشتي تكملي دراسه و..

سندس : قاطعته .. بس انا مقتنعه وموافقه وسهيل أناعرفته عن قرب وايووه موافقه وهذا قراري ومصيري ...



@qesasanani

🌳
🏘 🌳

بارت 89


بعد العصر ...

في بيت الحج أحمد ..


الحج أحمد : ذلحين سعم الناس هذولاء ماعيجوا يفعلوا يتعرفوا علينا بس ولا يطرحوا كلمه ...

يوسف : هم ماتحاكوش يا أبه قالوا يشتوا يتعرفوا علينا بس شكلهم يشتوا اعرف الولد اول قبل مايطرحوا كلمه قد حاكيت هاشم الصبح والكل قلتله يجي قدهو نتشاور كلنا فالموظوع ...


سهيل : جالس وقدهو عيقرح مفكر ان سهى وأمين يعرفوا بعض ومعاهم قصص مثل قصصه وخرابيطه .. 😤 لفت لأبوه ذلحين ماهوو يعني بينحس كأننتوا موافقين ع الرجال وعندكم عادي انه زميلها في الجامعه ..

يوسف : وإذا هو زميلها مافيها الرجال جاء من الباب 🚪 يعني إنه إبن ناس ..

أيمن : بعصبيه 😡 كييف مافيها أكيد ذلحين إنهم يتعارفوا وان بينهم حب وخباله و...

الحج أحمد : إبسره بضحكه 😏 مصطنعه. وانت ماهو وسندس مكنتنا شاشلها شاوصلها شانفعها وانت في بالك شي ثاني ولا حقك حق وحق الناس مرق وبعدا سهى بنتنا وتربيتنا وداررين بها واخلاقها وحتى لو عرفته الرجال يشتيها وجاء من الباب لاكذب عليها ولا لعب ..


يوسف : لايعرفها يا أبه ولا بينهم شي كل الموظوع ع مابتجابرني ساميه انه استعار منها كتاب واعجبته وجاء من الباب ..


سهيل : بضبح أنتوا أخبر 😤 المهم أنا إنجزوا لي موظوعي مشتيش أتاخر ...

يوسف : والله ان عمك هاشم عيجي وزيد حاكيه بنفسك انا قد حاكيته ..

سهيل : قام يجلس جنب جده وحط يده ع فخذه 👋🏻 البركه في جدو ماعيخلوا عمي هاشم يروحوا الإ وقد قالوا أيوه موافقين ...


........ ......... ........


ليلى : في غرفتها بتتصل لأيمن 📱 أين أنت غاطس بينحسك بطلت تهتم فيني مثل أول مابيشغلك ..

أيمن : كان بيتمشى فالشارع بالسيارع 🚘 .. لا والله مابش شي بس بتصادف انه تتصلي في وقت مش مناسب بس ..


ليلى : والرسايل ليش بطلت ترسلي صباح الخير وقبل ما ارقد أنا زعلتك بشي ..

أيمن : لا والله ليش بتقلي هكذا مازعلتينيش بشي بس المعهد وبيت جدي وانشغالات بس والإ ماسخاني عليش أنتي أختي وصديقتي الغاليه ..


ليلى : ضببحت 😤 وبصوت مزعووج أختتتتك ..

أيمن : أستغرب من ردها ..😳 مالش ...

ليلى : بضبح 😤 ولالي شي أنا داريه انك بتمزح تحانكني بس ذلحين أيوه قلي وحشتك أومع ..

أيمن : بيسمع صوت مكالمه خط ثاني وهو بيحاكيه مسك تلفونه 📱 يبسر وانها ريم ابتسم 🙂 ..رجع بسرعه يحاكي ليلى . هاه ليلي يله باي باي شاكلمش بعدين وغلق التلفون وفتح ع ريم .. أهلا أهلا بالناس الزناطه ..

ريم : خارج فالحوش بتحاكيه 📱 .. بصوت محرج وناعم😊 عفوا أنا اسفه ياتيتشر ماكان قصدي أزعلك ...


أيمن : قدهو فارح انها اتصلت ضحك 😂 ههههه يا أييش ياتيتشر أنا إسمي أيمن تيتشر فالمعهد بس وبعدا لحضه لحضه مش معناها انه اتصلتي انه شاصالحش حتى لو قلتي آسفه أمس مقهور وزاعل وكنت أشتي اكلمش تقومي تسوي لي بلوك وتطنشي رسالتي ..

ريم : أصلا انت رسلت واختي ابسرت صورتك وصيحت فوقي من أنت وبعدا أنا مش متعوده أكلم أحد بينفتجع 😅بينحس أن كلهم داريين وبعدا لو يدروا بابا والله لايموتوني ..


أيمن : بيسمع صوتها ساكت سارح بيتذكر عيونها 👁 ونعومتها .. رييييم ..


ريم : بخزا 😊 هاه تيتشر ..

أيمن : رجعنا للتيتشر قلنا اسمي أيمن وبس سدينا وتيتشر فالمعهد بس أوكي ..

ريم : ضحكت بهدوء 🙂 ماشقدرش ..

أيمن : عتتعودي .. ..ذلحين أول قليلي كيف أنتي ..وبعدا شكلي شوعه وانا زاعل هاه 😉 خلاص بطلي تزعليني وأنا شجلس حالي ع طول ...

ريم : أصلا صددق شووعه مش مناسب لك التكشير كلهم اليوم مستغربين مالك فالكلاس ..

أيمن : بإستغراب صددق 😳 يعني كان شكلي باين قووي ..

ريم : أيووه قووي ..

أيمن : بيضحك 😂طيب وليش ماتقليلهم انه انتي الي زعلتيني ..

ريم : بعفويه .. هيا ناهي من السلبطه عيرجعها فوقي أنت اصلا كنت ضابح ورسلت لي تقلي انك ضابح وضحكت ههه ..

أيمن : ضحك هههه 😂 ايش السلبطه ههه طلعت منش تجنن وبعدا صح انا كنت ضابح من اختي وزد اقتهرت قووي من تطنيشك وحظرش لي ..


ريم : ليش ماضبحك ليش تزاعلت أنت واختك ..

أيمن : بيجابرها ويحكي لها من أخته وبداء يجابرها عن نفسه وماحسوش بالوقت ..

ليلى : كل شويه وهي بتتصل قد عتجنن 😡 غلق في وجهها ومشغول اكثر من ساعه من بيجابر طول هذا الوقت . .


🌹meme_abdalgaleel



@qesasanani

🌳
🏘 🌳

بارت 90


العشي 🌚..


في بيت توفيق ..


سامي : بيجابر أمه .. خلاص يا أمه سامحوها قد سبر كم عنجلس زاعلين منها البنت غاويه وبتبسر صاحباتها وتشتي تقع ساعهن وتشتي تحس بحنان أبوها ..


عفاف : قهرتني يا أبني😔 قوي قهرتني بسببها خلتني أسير لعند أبوك بعد كل هذا العمر حسيت اني اذتليت له ..

سامي : قام يحبها في راسها 😘 لاعاش ولاكان من يذلكم وبعدا بالعكس انتوا سيرتوا رجمتوا الزلط يعني بالعكس راسكم مرفوعه وبينتوا لهم ان مشحنا بحاجه أحد ..

عفاف : خلاص إبرد لك بس من هذا المجبر قلي كيف كان خطوبه ابن خالتك اليوم وزد دريت من ادى هذك الحاجات ..

سامي : ماشي والله قد حتى سالت صاحبي ومابش عند خبر يعلم الله ..

ليلى : في غرفتها بتحاكي صاحبتها بتشكي لها من أيمن وانه متغير ..


صاحبتها : ناهي إسمعيني مش وقت أيمن اشتي أسألش سؤال انتوا زد دريتوا من أدالكم الحاجات هذك اليوم كنت بينفكر قلت يمكن لاهو أبوش لأنه ماحصلش هذا الشي الإ بعد ماسيرتي لعنده ..


ليلى : طننت شوويه 🤔 معقووله تقلي هكذا بس ليش ادى لي زلط وادى لنا مصروف وحاجات وهو كان مفلت لنا ع طول ..

صاحبتها : ليلى .. هو ليش فلتكم هكذا واختفي ..

ليلى : مدري قالوا ماما انه فجاءه تغيروا بابا وتزوجوا وفلتوهم بدون سبب..


صاحبتها : مدراش يمكن ان أمش هي السبب وقالت هكذا انه أبوش وانتوا كنتوا صغار يعني
ماعتذكروش شي وهي الي منعته منكم ليش ماتسيري لعنده مره ثانيه وتتأكدي منه وتعرفي السبب مدام وقلتي أن أمش صيحت حين سيرتي عنده يمكن ماتشتيش تعرفي الصدق ..

ليلى : طننت شوويه 🤔 هاااااه معقووله بس هو لما ابسرني ماحسيت حب منه أو كاني بنته ادالي زلط بس كأني سيرت أشحت ..

صاحبتها : ياليلى أكيد انه تفاجاء أول مره يبسرش مادريش كيف يتصرف أنتي فكري في كلامي ...


ليلى :بعد ماغلقت جلست ممدده فوق سريرها مطننه 🤔
بتفكر في كلامها ..


....... ....... ........


في بيت الحج أحمد ...


يوسف : دعى سهى لعنده وهم سامرين ..


سهى : دخلت وهي ضابحه زاعله قلبها مكسور 💔 بعد ماعرفت ان أيمن مايحبهاش .. هاه بابا مالكم ..


الحج أحمد : بيأشر لها بيده 🤚🏻جي جنبي هنيه يابنتي ..

سهى : سارت جلست جنبه .. مالكم ..

يوسف : طبعا يابنتي قد الموظوع عندش أكيد ودريتي إن الناس جوا اليوم والصدق الولد عجبني قووي شكله إبن ناس ومحترم وماشاء الله ع عقل ورزانه فيه وحتى من نفسه قلي اسمعوني ياعم لايتخايلكم ان بيني وبين سهى شي والله مابيننا الإ كل خير وقلي انه اعجبه اخلاقش وكيف عرفش أنا عن نفسي موافق أنا وجدش لكن فالأخير القرار هو قرارش وموافقتش هي أهم شي وخذي راحتك وفكري ...


سهى : إبسرت سمر بقهر 😔 الراي رائيكم أنتوا أخبر ..


سمر : زعلت😔 عليها لأنها حست بقهرها ..


ساميه : فرحت 😄يووه الحمدلله يابنتي الله يفرحني بش ويوصلني لما قدهي أختش ..

الحج أحمد : لاقد تفرحيش أول نزيد نسأل ع الولد سوى مادام والبنت راضيه وبعدا مافيه الخير ربي يسهله ...




@qesasanani

🌳
🏘 🌳🚘

بارت 91

بعد إسبوع بدون أي أحداث مهمه غير أن سهى أختطبت 💍 واليوم خطوبه سندس والعقد ...



في بيت هاشم ...

أيمن : مخنوق وزاعل مش مقتنع بالخطوبه 😔 دخل لعند أبوه قبل مايوصلوا ... يابابا خلوها خطوبه بس ليش الإستعجال هكذا نخلي العقد لاقبل العرس ..


هاشم : والله ان قد حاكيت خالك وقلتلك قال إنه سهيل مارضيش يشتي الإ يعقد قال علشان يقدر يتواصل معاها براحته ويخليها تتعرف عليه أكثر وع طباعه ..


أيمن : تنهد بزعل 😔 والله ماكنت إشتي تتزوج زواجه هكذا بس ماباليد حيله ...


هاشم : قوى إدعي لي أمك مع طريقك تجاوبني ..


أيمن : بيدور أمه يداعيها لقيها عند سندس فالغرفه دعاها تجاوب أبووه وقفى عيخطى ..

سندس : دعته بسحبه .. أيييمن إخص عليك مابش حتى كلمه مبروك ...


أيمن : لفت لها وهو مخنوق مبرووك أقلها لش لو كانت زواجه سواء بس سهيل ماينفعش يا أختي أنا عرفته أكثر منش فكري سواء الله يخليش قبل مايجوا وحتى اقل شي خليها خطوبه بس 💍 ليش مستعجل هكذا ع العقد نفسي أفهم ..


سندس : من داخلها زاعله بس بتحاول تكابر لأنه مش هذا الشخص الي كانت تتمناه بس هي حاطه في بالها انها تسافر كندا وبعدها عتقدر تتصرف ... ابتسمت 🙂 طيب ولو قلتلك اني مقتنعه ومرتاحه له قووي وحاسه انحنا متفاهمين جدا عتقلي مبرووك ..


أيمن : تنهد ... الله يوفقش يارب ويطلع كل الي في بالي غلط وأن سهيل بيحبش فعلا لأنه خايف منه ومش مرتاح له أبدا لأني عاشرته وعرفت طباعه وفلت وخرج ..

سندس : غلقت بعده الباب 🚪 وارتزحت عرضه وجلست تبكي 😭 مقهوره انها عتتزوج بسهيل وكمان مقهوره انها تكمل عمرها فاليمن ..


أيمن : رسل لريم ( رييمي مخنوق قوووي بشكل ماتتخيليه مشتيش أجلس فالخطوبه مارائيش أخرج )..

ريم : ردت عليه ( ماينفعش إسهل مهما كان مش حلوه في حقكم وبعدا مدام شكله بيحبها يمكن مايحصل شي من الي بالك )..

أيمن : ( إن شاء الله .. قومي غرفتش حتى 5 دقايق إشتي أسمع صوتش لأنه علاج فعال يبعد الضبح )..

ريم : ( رسلت له وجه مستحي 😊 هههه علاج خلاص شاسجل صوتي في شرايط وسيدي 💽 وأبيعه فالصيدليه علشان أربح )..

أيمن ( إبتسم لما قري ردها 😄 قصدش علشان اذبحش صوتش ملكي وحدي يله بسرعه مراعي لإتصال ياخادمه )...


ريم : ضحكت وبداءت تحس ان كلامه معاها وتصرفاته كلها بتدل إنه بيحبها ❤ وزاد تعلقها به 😍 ونسيت انها مخطوبه وممكن في اي لحضه يقلوا لها عرس ...

........ ......... .........

في بيت توفيق ..


ليلى : بتتصل لصاحبتها 📱 يله هيا أنا جاهزه أين قد انتي نشتي نسير ونرجع بسرعه قبل مايروحوا ماما من عند العرس ..


صاحبتها : يله قدنا قريبه عند الباب اخرجي أنا فوق التاكسي 🚖..


ليلى : خرجت وسارين للشركه حق توفيق وطلعين .


صاحبتها : يله أنتي أدخلي وأنا شاراعي لش هانا علشان تقدري تتكلمي معه براحتش ...


ليلى : بتدق✊🏻 باب المكتب وهي حاسه يدها بترتعش وقلبها بيدق بسرعه ..فتحته وبتدخل بخطوات بطيئه 🚶🏻‍♀ سلام علييكم ..

توفيق : قد قالت له السكرتيره ان ليلى خارج وقف عند مكتبه مبتسم 🙂 اهلا وسهلا وخطي لجنبها يسلم عليها بيحضنها ويبوسها 😘 كيف أنتي يابابا ..


ليلى : بتسلم عليه وهي محرجه 😰 وخايفه أول مره تسلم عليه .. الحمدلله ..


توفيق : مسك يدها 👋🏻 وجلس فوق الكنبه وجلسها جنبه أيووه قليلي كيف أنتي ما اخبارش ماقدرت أجابرش سوى المره الأوله كنت متفاجاء اسكه ابعدي اللثمه هذه ابسر سعمن قد بنتي ومن تشبه ...


ليلى : بتبعد اللثمه وهي خازيه 😥 ومضطربه وبدات شويه شويه تتكلم معه وتتعود عليه ويتجابروا وقالت له انها جت هربه بدون ماتعرف امها وان نفسها تتعرف عليه أكثر وليش فلتهم ..


توفيق : خلاص يابنتي الي قد سار سار ماعاد عنقلبش فالماضي مهما حكيت لش ماعتصدقيش امش الله يهديها ويسامحها هي الي بعدتني عنكم كانت مغروره بقوه وشايفه نفسها ولا بس خلاص الله يسامحها بس ذلحين قليلي انتي مابتفعلي مابتدرسي مافي نفسش مامحتاجه .. وحاول انه يكسبها ويبسر كل الي ناقصها ...



ليلى : طبعا بعد كل الي دار بينهم خرجت وهي فارحه 😄 ان أبوها طيب هكذا وانها كانت ظالمه له بسبب كلام أمها الكذب وقدهي حاقده عليها انها حرمتهم منه ...


🌹meme_abdalgaleel



@qesasanani