سأكتفي بك حلمآ 💔..

بارت ٧٧ ..

في بيت الجد قاسم 🏬..

كانت ليلتهم صعبه وكلها قهر ووجع 😔.

هاشم : خرج هو وعلي لعند صاحبه هو دكتور من كثر قلقه ع إبنه يشتي يسأل ويطمن ...


خديجه : إرتفع لها الضغط مريضه مع القهر 🤒 ... ممدده فوق السرير ..

سندس : جالسه جنب راسها فوق السرير بتأكلها 🥘 شربه ..

حوريه : راسها معصب 🤕 جالسه بتون ومقهوره ..

ازهار : ذكرت 🤔 يووه شيماء مسكينه لو تدرى كيف نفعل نقلها او لانخليها تقلق ..

آيه : قحصت فمها 😅 وإبسرتها . لكن لاتصيحوش فوقي انا قد إتصلت لها .

غاده : لفتت لها بضبح 😠 مالش انتي مجنونه ليش تقلي لها كان اول عنبسر كيف نوصل لها الخبر مش هكذا ...

آيه : بضبح 😤 ناهي ناهي دلا لاتصيحيش فوقي ولا وقع فيها شي قدوذا دريت ماشاء الله عليها قويه إيمان ...

خديجه : لفتت لها 👀 و بتتحاكى بصوت تاعب منش صدق بتتحاكى أين قوه إيمان هذا زوجها ..

سندس : راعوا ياجده لاقد تصدقوش اكيد أنها زاعله بس يمكن مابينت قبال آيه مسكينه أسير أقوم اتصلها اديها عندنا عتقل محد فيها وقف جنبها في هذا الموقف 😔..

غاده : اقسم بالله مافي حسي منها بقدر ماحسي ع عيال أخي 😔 بس الحمدلله إنهم صغار ماقد يفهموا ..

أزهار : لفتت لسندس 👀 إتصلي لمره أخوش وأدي التلفون أحاكيها مدام وقد دريت ...

سندس : خرجت تلفونها وبتتصلها 📱..


الساعه ٢ الليل 🌚...

فالهند 👳🏻‍♂️...

روان : في غرفتها ماقد ترقد جالسه تبكي 😭 مقهوره ..

عادل : ماسخيش يرقد وروان زاعله سار دقدق ✊🏻 الباب عليها 🚪 روان صاحيه ..

روان : سمعته بس ماردت فعلت نفسها راقده 😴 ماتشيش يشوفها بتبكي ...

عادل : رجع غرفته ورقد 😴...

نادر : فالمستشفى 🏥.. بيتقلب ماقدر يرقد من الوجع ومن كثر زعله ع روان لأنه قهرها بدون مايقصد قام حاول يجلس وسحب تلفونه 📱 يتصلها ...

روان : حاطه راسها فوق الوساده ودموعها في عيونها 😥 سمعت التلفون سحبته تبسر من طلع نادر كنسلت عليه ...

نادر : عاد الإتصال أكثر من مره 📱.. ماردت رسل لها ( أنا آسف يارواني 😔 والله ما أنا داري كيف قلت هكذا لأنه استغربت كيف عرف سامحيني ) ..

روان : قريت رسالته ودعممته ..

نادر : إبسرها متصله وقريت رسالته .. رجع رسلها ( فديت الزعوله حقنا .. هيا روان أنا آسف عتسخي عليا أرقد زاعل والله إننا ميت قهر😔 خاصه انش فلتي ع طول وروحتي سخيتي عليا هيا مه أنتي قلتي الزعل مش حلو علشان أفتهن بسرعه ..

روان : قريتها وطفت التلفون ورقدت 😴...

سامحوني تأخرت عليكم بس والله مريضه 😔

🌹meme_abdalgaleel



@qesasanani

سأكتفي بك حلمآ 💔..

بارت ٧٨..

ثاني يوم الصبح ...

في الجامعه 🏫...

غاده : سارت الجامعه بالغصب مقهوره ع نادر واقفه🧍🏻‍♀️ من بعيد مراعيه لصاحبتها بتبسر النتايج علقوهن ...


عصام : طبعا قدهو كل يومين ثلاثه بيسير جامعتهم 😉 شافها واقفه مش مزاحمه معاهم تبسر نتيجتها سار يشوف الكشوفات ونقل درجاتها لورقه ...


صاحبتها : جت لعندها 🤷🏻‍♀️ مقدرتش أبسر شي زحمه لما يبعدوا ..

عصام : سار لعندها بكل جديه 🚶🏻‍♂️وفي يده ورقه .. سلام عليكم ومد يده بالورقه 📄 هذه درجاتش نقلتهن لش شفتش واقفه هانا قلت اكيد ماتشتيش تزاحمي ...

غاده : إبسرته وبتحرك يدها 👋🏻 وبضبح 😤 ماهو ماهو من أنت ماعليك مني يوم تتوسط لي تكتب إسمي ويوم تدي درجاتي ..

عصام : ضحك 😂 ملاك ربي سخره لش من السماء هههه بدل ماتحمدي ربش عادش بتقززي فوقي ..هذه جزاتي لوشي إنش بتبكي ذلحين عليش ماده .

غاده : محد طلب منك وفلتته وخطيت 🚶🏻‍♀️..

صاحبتها : شلت الورقه 📄 من يده لاتصدقهاش هذه خبلاء ريت والله وسجلت حقي والكل .. عموما الف شكر ولحقتها 🏃‍♀️...

عصام : واقف بيتفرجها ويضحك 😂 أقسم بالله إنش مجنونه وعنيفه بس والله إنش تستاهلي واحد يتعب لش . .


....... ....... ........

في بيت شيماء 🏠...

فوق الصبوح 🍲🍛..

أم شيماء : تلفونها رن 📱جاوبته حيا حيا الحمدلله وانتي كيف انتي ..

حوريه : آآح بس يا أختي كيف شاوقع لكن نحمد الله ونشكره 😔..

أم شيماء : مستحيه منهم لأن بنتها مدعممه لهم فعلت نفسها مش داريه ...إستغربت يوووه خير مالش 😨 مابه ..

حوريه : إتفاجاءت انها ماقد دريتش 😳 يوه ماقالت لش شيماء ..

شيماء : بتصتبح ..أتفرجت 👀 أمها وتسألها من ...

أم شيماء : ماشي ماقالت لي شي ليش مابه 😳 ..أو قد فعلت شي ..

حوريه : مع مع مافعلت شي بس طلع ان نادر مريض بهذاك المرض 😔 وسفره كان يتعالج ومخبيين عليا وعادحنا درينا كلنا امس وقلبي بيفور ع شيماء كيف قد عتوقع قدنا مجربه قهري خاصه إنها مابتجاوبش ع تلفونها قلقت قلت أطمن عليها لعندش ...

أم شيماء : لفتت لشيماء بنظره غضب 😡 .. يوووه جعلي مكسر عليه الله يشفيه يارب ويجبر قلوبنا ولا حاكتني ولا وانا بينقل مالها من امس في غرفتها ومارضيت تاكل ...


حوريه : قوى يا أختى قليلها تتجهز شاخلي علي يجي لها هي والجهال عندنا قد إحنا كلنا جمعه ونبسر كيف عنفعل بيقل أبوها هاشم يحجز لي وله ولها نسافر...

أم شيماء : بعد ماغلقت معاها 😡 بتصيح فوق شيماء هيا إبسرتي كيف الناس قلقين عليش بيهموش مابتجاوبيش تخايلهم إن قد عتجنني ماهو هذا البرود حقش عاد المره تقتهر ع زوجها تزعل مش تبكر تصتبح ...


شيماء : الزعل فالقلب مشو بالصياح والبكاء ليش ابكي علشان أخليهم يفرحوا فيني يبسروني مكسوره وبعدا هو اصلا خبى عليا خلاص هو حر يعتبر إننا ماقد دريت ...


أم شيماء : بتأشر لها بيدها 👋🏻 هيا قوومي قوومي تجهزي عيجي لش علي أنتي والجهال تسيري بيتش قالت عمتش يمكن تسافروا تسيروا عنده علشان تبسروا مالكم وعليكم ..

شيماء : ردت بإسلوب سخيف 😏 هه ماذلحين عيسفروني حين دريوا إنه مريض يشلوني شغاله أوبه له ولما كانت سفره فسحه ويتكسوا للحريوه حقهم خلوني هانا .. هيا يخلوا الحريوه حقهم توبه له وتسير أمه ماشاسير ولا شبدي لما يتعلموا كيف يحترموني ..

أم شيماء : بتصيح فوقها 😠 عيب عليش إستحي ع روحش جننتني في روحي ماعاد دريت أنتي بشر ولا حيوان ماعدبش فيش إحساس زوجش مريض لاعاد خليتي لش مخلوق تشتي كل شي ع قولش كيف ازيد أفعل معش لكن والله ان الغلط مني الي زيدت لش الدلع لما خربتش ...

شيماء : حضنت بنتها 👧🏻 وقامت ولفتت لأمها 👀 أتصلوا لهم لحد يجي لي يتعب نفسه عالفاضي ماشاسيرش ...


أم شيماء : ماعاد دريت كيف تفعل ولا تتصرف حط يدها ع وشها وبتبكي 😭..

مره أخوها : بتحاول تصبرها وتواسيها ...


🌹meme_ abdalgaleel



@qesasanani

سأكتفي بك حلمآ 💔...

بارت ٧٩

في الهند 👳🏻‍♂️....

في المستشفى 🏥...

نادر : تاعب عادهم كملوا يفعلوا لي جرعه كيماوي 🤒 أول مره يفعلوها له وروان مابحد ...


عادل : جالس خارج فالكرسي هو والجد قاسم 🛋️...

روان : رغم آنها زاعله منه 😔 وماقدرت تكون معه بس كانت فالمستشفى نازل بتشوف الأشعه الجديده حقه والفحوصات ...


الجد قاسم : ذلحين ماقال أخوك لقي حجز ..

عادل : ماشي عادنا بينحاول أقنعه إن الأمور كلها بخير وماعاد يحتاج يجي ...


الجد قاسم : إتصلي📱 وأنا شاحاكيه والله ماعاد يحتاج جيتهم خاصه إنهم يشتوا عرس لسندس علشان سفره زوجها ...


عادل : قال عينبي عليهم مابش عرس لما يتباخر نادر ويرجع من السفر وهم برضاهم ..

الجد قاسم : بهرر 😳 مشو برضاهم ولا برضاه الرجال يشتي يسافر وبعدا مشو إبننا ميت علشان نبطل العرس إتصلي وشتفاهم معه البنت عتتعرس وعادحنا ع ٣ شهور ماعيجي الا وقد رجعنا ..

عادل : طيب تمام .. بس قد أشتي أزيد احاكيكم قد إسمنا وحدنا مابحد روان .. أنا الصدق ماعاد أرتحت للخطوبه هذه ولا حاسس إنها مرتاحه أم خطيبها جنان وهرم وحق قالت قلتي وزد وفت لنا بهذه الفعله ...

الجد قاسم : ليش مالها أمه وبعدا كيف لوما دري ومحد قله 🤔..

عادل : بيحكي له مافعلت بروان وماقالين لها البنات لما لقتهن فالعرس واسلوبه مع روان ..


روان : طلعت وسمعتهم👂🏻 بيتكلموا ابسروها وسكتوا قربت لعندهم كانها ماركزتش مابيقلوا .. في يدها قهوه ☕ مكنتهم ..

عادل : مالش تاخرتي نازل هيا ندخل نطمن ع نادر بعد الجلسه عادحنا مراعيين لش ..

روان : أدخلوا انتوا انا أشتي اتصل لعبدالله افهم منه كيف عرف وإيش قال لأمه وليش فعلوا هذه المشكله كلها ...

عادل : حس أنها ضابحه منه وعتقرح 😠 طيب ممكن لاتتصليش وانتي هكذا ...

روان : بضبح 😤 وإيش عيحصل عنتصايح عادي أصلا إحنا متصايحيين من يوم ماسافرت لأنه أصلا بيدور يتحكم فيني ويفعل مشاكل أيش عاد عيحصل أكثر وورتهم رسايله معاها ...

الجد قاسم : ببهراره 😳 مااهو بيتحكم ويدور مشاكل هيا مه عيصدق روحه أنا شتصله انا مش أنتي وبنات الناس مشهن لعبه عنده عجبه بنتنا هكذا ماعجبش الله معه يحمد ربه إننتي رضيتي عليه ..

عادل : بيحاول يهدي أبوه .. خلاص ممكن تهداوء خلونا ندخل نطمن ع نادر مش وقت الجنان هذا واول مانخرج من عنده انا شتصله أنا لأنه فعلا مشنا داري أنه بيرسلها هكذا مشو داري إن الي يفكر يزعل بنتي بنظره مش بس بكلمه ماشسكت له ...


روان : بينها وبين نفسها فارحه 🙂إنه ابوها وجدها في صفها وممكن يقلبوا عليه وتخلص منه ..


دخلوا يطمنوا ع نادر ...

نادر : شافها دخلت بيتفرجها بزعل 😔 ..

عادل والجد قاسم : وقفوا جنبه بيطمنوا عليه وجلسوا ..

روان : دخلت ع طول فتحت الملف حق الدكتور الي بيسجلوا عليه مافعلوا .. واقفه بتقراه📑 ومدعممه له ...

نادر: لسانه ثقيله تاعب بعد الجرعه 😔 لفت لها بقهر .. أنا آسف ..

روان : إقتهرت إنه بيفكر يتأسف لها وهو هكذا تاعب 😔 قربت لجنبه خلاص مابش شي أنت ذلحين أهداء وارتاح بعد العلاج ..


الجد قاسم : ماعد يشتيش يزعله أنت افتهن بس وبعدا من قلك ان روان زاعله ماوصلنا البيت الا وقد نسيت ..

نادر : بيتفرجها ونظراته كلها زعل😔 شايفها موجوعه خاصه إنها مادخلت معه وقت الجرعه ..


روان: بتحاول قدر الإمكان ماتجي عيونها في عيونه وبتتهرب وحاولت تخترع عذر علشان تنزل لأنه موجوعه عليه وموجوعه منه ...


🌹meme_abdalgaleel



@qesasanani

سأكتفي بك حلمآ 💔...

بارت ٨٠ ...

في صنعاء ...

في الشارع ...

عبدالله : بيسوق السياره 🚙 رن تلفونه بيبسر رقم دولي من الهند حسبها روان فتح ع طول رد بضبح 😤.. ليش تتعبي نفسش وتتصلي واصلي حنق من قلش أننا اصلا إشتي اكلمش أنا مأجل كل الكلام لما ترجعي لأن معانا مواضيع خيرات لازم نتفاهم فيها ...

عادل : اووه خساره ماناش روان أنا عمك عادل و أتصلت علشان لانأجلش الكلام نتكلم ذلحين ونحل الأمور ...

عبدالله : أحرج 😰 جنب السياره ع طول .. أهلا اهلا كيف انتوا أنا آسف كنت احسب أنها روان لانحنا متزاعلين ...

عادل : بيتحاكى بهنجمه 😠 وأنا داري إنكم متصايحين قصدك مش متزاعلين وبصراحه إسلوبك معاها مش عاجبني نهائيا أنا شفت رسايلك معاها إسمعني ياعبدالله أنا لما قررت أزوج بنتي وعدت نفسي إنه لو يفكر يزعلها بس ماعنسد أنا وهو وأنا جلست معك قبل الخطوبه وكنت موافق ع كل شروطي وذلحين بدأت تتغير بإسلوبك بالإضافه لتعامل أمك الي مش عارف إيش قد فعلت بها بنتي بس هذه كل عنتفاهم فيه الان والنقطه الأهم كيف عرفت إن نادر مريض والموضوع محد عارفه وتصرف أمك الي في بيتنا ...

عبدالله : محرج منه قوي 😰 مش متوقع إنه عارف بزعلهم وشاف الرسايل مش عارف مايرد .. ولا كيف عيبرر بموضوع نادر .. حاول يلملم القصه ..امممم 🤔 أصلا انا سيرت للمستشفى لعند دكتور هاناك صاحبي وبعدا بيسالني أيحين عترجع روان وكيف قد ابن عمها استغربت ماله فبيحكي لي فقلت لأمي يسيروا يسألوا عيب مانطمن عليه ..

عادل : جلس يتكلم معاه وبعد ماغلق جلس مع نفسه بيراجع قراره بخطوبه روان فقرر يأجله لما يروح ويجلس مع عبدالله وجه لوجه ...


....... ...... ........

ثاني يوم ...

بعد العصر

في بيت هاشم 🏠...

هاشم : عند ابو زياد وزياد ...

أبو زياد : جالس متكي عرض المدكي .. توضع .. والله ما اقدر ألومك في أي كلمه قلتها وإبنك هو إبني بس الحمدلله قلت انهم بيقلوا حالته بتتحسن والعرس عادنا معانا شهرين ونص وان شاء الله يجي وقتها وقدهو بخير ورجع بس إنحنا نأجله بدون وقت ماعتسخاش انت ع زياد والكل هو إبنك يضيع الفرصه هذه وماينفعش يسافر ومايشلش مرته خاصه انه لو عيخرج من عندهم مابلا بعد سنه ع الأقل ..


زياد : جالس ساكت بيهز ارجله متوتر من رد عمه 😅...

هاشم : والله ماعاد دري حالي خايف يحصل شي وخايف ع إبني 😔 وهذولاء والكل عيالي لكن خليني أزيد أبسر ماعتقل أمها وأحاكي أبي وأرجع لكم خبر...

زياد : لفت له 👀 عادي والله إننا موافق لو تشتوا مانفعل عرس عادي ادوا مرتي بس ونسافر ..


أبو زياد : ضحك هههه 😂 لفت لهاشم هيا بتبسر ياحج شكلهم سديين حتى لايعرسوش وإحنا هنيه بنتحانب

هاشم : إبتسم🙂 و هز رآسه .. الله يقدم مافيه الخير والله مشتي الإ سعادتهم خليني أزيد اواليهم وعنتواصل ..

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ٨١ ...

في الهند 👳🏻‍♂️..


روان : حست إنه نادر محتاج يغير جو شهر واسبوع وهو داخل المستشفى🏥 استأذنت من الدكتور يخرجوه ...

نادر : خرج معاهم وهو لابس كاب وشال وجاكت ومغطي وجهه بماسك 😷 ....

الجد قاسم : عاجب له المكان قوي 😄 الصدق مكان يجنن قوي إبسروا محلا الخضره 🌲🌳والشلال من قلش عليه ...

عادل : ضحك هههه 😂 ذلحين دريت مالش هذه اليومين كودش مع بنت الحارس حق العماره وإنها بترتب لش هذه الخروجه ...

روان : أصلا قلت نادر قدهو اكيد مخنوق من المستشفى 🏥 وأنتوا مابتخرجوش الا مطاعم للأكل نفعل اليوم تغيير ...

نادر : حاسس إنها زاعله منه ماعاد دري هل تغييرها معه هكذا بسبب إنه لامها ع موضوع مرضه ولا لأنه رسلها الاغنيه وبدأ يلمح لها إعجابه .. لفت لها 👀 تسلمي ياروان ع كل شي تعبتش معي ...

روان : حاولت تخلي نفسها عادي وردت عليه العفو ع إيش يا أبن عمي .. مابش مايستاهل أي واحد مكانك شفعل معه هكذا واكثر ...

نادر : حس بكسفه 😅 وبيحاكي نفسه 🤔 سرح إيش قصدها يعني تصرفاتها معي عاديه وأنا فهمت غلط ولا هو أنا الي ماعرفت أتعامل معاها وبينزعلها ..

الجد قاسم : خفعه بيصافده 👋🏻 هيا ماله مطنن ...أكيد قدك فاقد للحجه حقك وضحك 😂...

نادر : لفت لعند روان ورجع رد عليه .. تنهد بحسره 😔 أين حجه ياجدو أنتوا داريين إنها من بعد مادريت إننا مريض ماعاد كلفت نفسها ترسل حتى رساله تتطمن عليا حتى عيالي بيننصلها وأرسلها ابسرهم بتدعمم وتقفل التلفون ..

الجد قاسم : رفع حاجبه 🤨 مااهو منك صدق ماهي هذه المره وليش ماتتحاكى الان اتصل لأبوك يسير يشل العيال البيت عند عماتهم وتجابرهم لما تقل بس وهي فلتها في بيتهم ..

عادل : بيهدي ابوه .. مالكم ياحج اذكروا الله أين تجلس في بيتهم مابش شي هي ذلحين اكيد زاعله عليه بس ومش ساخيه تجاوب ...

نادر : ضحك بإستخفاف 🤣 أيووه قلقه وزاعله عليا قوي ولما علي سار يشلها يروحها علشان يسفروها مع ابي قبل ماتسدوا معاهم صيحت وغورت بدعت به قالت آحنا نشتيها شغاله تجي تمرض بس ..


عادل : خفع راسه بيده 🙆🏻‍♂️ حسبي الله فيك ياعلي هذا ماتبتل في فمه فوله مايصلح الا يقلك كل شي قد نبيت عليهم مشتيش مغثيات ...

روان : فلتتهم وقامت بتتصل لسمر 📱 وبتلعب بالماء دخلت ارجلها بتتصل لها مابترد فتحت لها أغاني وجلست فوق حجره ومنزله أرجلها للماء وبتراجم حجار ...

نادر : إبسرها جالسه وحدها ..لفت لعند عمه ووقف شاسير أبسرها شكلها جالسه مقهوره مني لما زعلتها😔 ..

عادل : روان قلبها طيب ماتحملش ع احد لكن سير جابرها وزيد مع الطريق حاول تقهم منها هي مقتنعه بالخطوبه وعبدالله ولا لا لأنه صدق تصرفاته ماعد عجبتني ..


نادر : حس بشي داخله ماعرف يحدده كأنه فرح لما حس إنه عمه ماعاد يشتي الخطوبه تكمل .. مشي لعندها وبيفكر 🤔 مالي بينتخيبل هكذا وفرحت ...

........ ......... .........

في صنعاء ...

في بيت شيماء 🏠..

أخو شيماء : دخل لعند أمه ضابح 😠 ذلحين ماهو هذا الكلام الي وصلني صدق منها هذه البنت ولا بتتخيبل ...

أم شيماء : بكيت 😭 والله ماعد دري حالي بهذه البنت ماناش داريه ماطلع لها اليوم من الصبح ...

أخو شيماء : جلس جنب أمه ...😠 هذا بدل ماتوقف مع زوجها في هذه الظروف عادها تقوم تجنن وتقول هكذا ...

أم شيماء : الصدق أنا ماعد قدرت فيها ولا عادنا داريه مفعل أختك عندك وسد انت وياها 😔..

🌹meme_abdalgaleel



@qesasanani

سأكتفي بك حلمآ 💔...

بارت ٨٢ ...


في الهند 👳🏻‍♂️...

روان : كانت سارحه ومش حاسه بالدنيا وهي بتخفع بالحجار ..

نادر : جاء من وراها وإبتسم 🙂 ممكن أجلس ولا ممنوع ..

روان : بتتكلم معه بجديه غير عادتها ... عادي الي يريحك المكان للناس كلهم .

نادر : شل حجره كبيره ورجمها للماء متعمد علشان يتطاير الماء لفوقها 🤪 ..

روان: لفتت له بضبح مالك 😤 وبتمسح الماء ..

نادر : ضحك ههه 😂 علشان تبطلي حنق لأن شكلش شوعه قوي وانتي مقززه ..

روان : وقفت وبضبح 😤 مشنا مقززه ولافيني شي وبعدا عادي إشتي اوقع شوعه ماعليك ..

نادر : روااان .. هيا خلاص أنا آسف 😔 والله ماكان قصدي أزعلش أصلا الموقف نفسه استغربت كيف عرف قلت يمكن قلتي له مشو قصدي شي وقد أعتذرت ومستعد اراضيش بالي تشتي ...

روان : موقفه قدامه 🧍🏼‍♀️وأنا قد قلت لك خلاص مابش شي ..

نادر : عيني في عينش يله وريني إن أنتي مش زاعله 👁️...

روان : فلتته وخطيت 🚶🏼‍♀️...

نادر : مسكها من يدها 👫🏻 هيا من الحنوقه ساع الجهال جي كذا نتفاهم .. ماشي والله لأرجم نفسي للشلال وقرب لعند الماء بيحانكها ...

روان : لفتت له بلا مبالاه 😏 يله ارجم سعم بتفجعني مادخلني وانا ..

نادر : بزعل 😔 والله هكذا طيب ياروان والله لو هذا عيرضيش لارجم نفسي وقرب لعند الشلال ..

روان : إبسرته بيقرب 😠 صيحت يييه الخباله مش حاليه والله لأسير ادعي جدو ..

نادر : ضحك ههه 😂 بتفتجعي عليا إعترفي ..

روان : لفتت له وقحصت اسنانها 😬 يييي ييي خباله ..

نادر : ضحك عليها وبيقلدها هههه 😂 جالسه انتي والحركه هذه مابطلتيهاش قد بينقل قدش دكتوره هههه بس فعلا كل يوم أكتشف حاجه جديده كأننا ماكنت اعرفش من قبل ولا كأنش معي وقدامي هذه السنين كلها ..

روان : لأنك أصلا كنت اعمى 😎 ولابس نظاره سوداء ..

نادر : طيب ولو اقلش إننا بعدت النظاره 🤓 وقدنا بينبسر سواء وقد نظري سته ع سته وقدش فارقه معي قوي وغمز لها 😉..

روان : قلبها دق بسرعه 💓 وحست انه بيحاول يلمح لها بشي ذكرت ع طول كلام سمر وإنه مزوج وهي مخطوبه .. حاولت تمسك نفسها لاتضعف قدامه ... ردت عليه عادي ششتري لك نظاره سوداء اقوى من الأوله والبسك ورجعت له الغمزه 😉 ...

نادر : ضبح من ردها 😤 مسك حجره ورجمها للماء ...

روان : لفتت له تقهره عادي ارجم لما تقل بس ماعيطلعنش نقطه في بحر الحجار الي قد راجمت وأنت لابس النظاره 😎 وفلتت وخطيت 🚶🏼‍♀️.

نادر : بيحاكي نفسه 🤔 ماقصدها ماهو قد راجمت حجار خيرات معقوله روان كانت تحبني وانا كنت أعمى لالا ما أظنش ماهو وبيحاول يسترجع مواقف وأشياء حصلت من زمان من وهم صغار ويحاول يربط كل شي ...


🌹meme_abdalgaleel



@qesasanani

سأكتفي بك حلمآ 💔..

بارت ٨٣ ...


بعد يومين ...

في صنعاء ....

في بيت هاشم 🏠...

حوريه : بتقرب الصبوح 🍲🍛..

هاشم : قد بدأء يأكل .. لفت لها 👀 بس بس يكفي لمن هذا كله ..

حوريه : قدهو علشان غاده وسندس والكل قد عينزلين والكل بيلبسين عنخرج ..

هاشم : بزعل 😔 والله مانا داري كيف عيوقع كيف عرس ونادر مريض بس مفعل قد إبسرتي كيف أبي صيحوا وقالوا الرجال بخير وأنتوا تشتوا تتفولوا عليه ...

حوريه : تنهدت 😔 والله إن قلبي موجوع شقرح بس حلا لأنه بينطمن عليه كل يوم ..

هاشم : المهم انا شخطى لي نبسر أخو مره إبنش مايشتي وأنتين خرجتين السوق . خاطرش ..

....... ....... ......

في بيت الجد قاسم 🏬...


آيه : قرحت لها العيافه ...

علي : بيبدل قدام التسريحه بيمشط شعره وتعطر ....

آيه : كانت ممدده فوق السرير شمت العطر سدت انفها 😷 إاااااف ماهو هذا الشم ..

علي : إستغرب منها ... كييفه إاااف عطر العطر حق يوميه...

آيه : يع يع يع ومسكت فمها 🙊 اخرج اخرج بسرعه شمك شوعه ...


علي : شك في نفسه مسك الشميز حقه بيشمه .. مالها هذه بتجنن ماقد معاها بتدور هدار من الصبح .. حسبي الله بس إحنا والهرم ..


آيه : ماتحملت الشم ع طول حملت للحمام ترجع 🤮 ...

علي : نزل لعند امه يصتبح وبيحكي لها هي وجدته ...


الجده خديجه : ضحكت 😂 هذه قد العيافه قرحت الله يعينك ماذلحين شكلها عتعيفك بس مدام قد عتعيف هكذا شكله ولد ...

علي : حط الخبز من يده 🥖 ولد 😳 مشتيش ولد أنا أشتي روان ياجده ..

أزهار : إبسرته ببهراره 🙄 الناس يتزوجوا ويعقلوا يا إبني وبعدا قدك مزوج خلاص وروان عتتزوج ابسر مرتك وبيتك والجاهل الي عيجي لك ماعاد معك بتدور إسمها ...


علي : تنهد 😒 مالكم عليا خلاص روان كانت حلم وماتحقق خلوني حتى أحقق حلمي وأسمي بنتي ..


خديجه : ع ذكره روان قوى يا ابني إشتيك تسير للحاره حق خطيبها بعسس سواء ع الأم ماعذر ماتسمع خبر من صاحب بقاله من جار إشتي أعرف كيف طباعها سواء كل يوم بينبسرها أخس من الي قبله شكلها هرمه قوي وعتجنن بنت عمك بينهم إنحنا تسرعنا ودحسنا البنت توافق وماسألناش سواء ترجع تدعي علينا ...


علي : تجرب بس تقرب جنبها والله لأذبحها ع غير قبله .. بس حاضر شسأل وأفصفص سواء ...


🌹 meme_abdalgaleel

https://tttttt.me/qesasanani/3374


@qesasanani

سأكتفي بك حلمآ 💔...

بارت ٨٤ ...

في المستشفى 🏥...

سمر : خاطيه فالممر سمعت غيث بيتحاكى مع مدير القسم ..

غيث : يادكتور والله ماينفع هكذا أنا الصدق زاد عليا الضغط حالاتي وحالات روان مرجومه فوقي وهي مسافره تفتهن وتلوي ...

المدير : يادكتور غيث هي في إجازه والحالات بتتحولك بحكم أنك نفس الإختصاص بس لو متضايق شاكلم دكتوره تمسك أيامها وحالاتها ..

غيث : يادكتور اقلك شي بس سر بيننا أنت داري إن روان معجبه بي وبتدور تتقرب مني وتلاحقني وحولت حالاتها لعندي علشان تتقرب مني لو إحتجت اسالها أتواصل معاها😅 ..

المدير : إستغرب 😳 من رووان شكلك فاهم غلط لأن روان أنا أعرفها من زمان وعادهي طالبه وأعرف اخلاقها بالإضافه الإ أنها مخطوبه ..


سمر : كانت واقفه بتسمع 👂🏻 ماقدرت تمسك نفسها تدخلت ع طول .. بعصبيه 😡 قصدك أنت الي بتلاحقها صح يادكتور غيث وجننتها في روحها ولا ناسي كم قد تراشيتني أتوسط لك عندها .. عيب عليك الكلام الي بتقله اوزن كلامك ..

غيث : ضحك بسخريه 🤣 خخخخ من بينلاحق يادكتوره يله غطي ع فضايح صاحبتش أزيدش من الشعر بيت يادكتور الي بتقل إنها ملاك مفلته لك الدوام علشان تسافر تترمسس مع إبن عمها الي شكلها بتلف عليه وقدهي مخطوبه ..

سمر : حمر وجهها وعصبت وبتصيح 😡 لاهانا وبس إحترم نفسك ولفتت للمدير ع فكره أنت آذا ماعتوقفه عند حده في مدير مستشفى يشتكوا له وأنا شاكلم دكتوره روان بكل الكلام الي إنقال وفلتتهم وخطيت 🚶🏻‍♀️ دخلت مكتبها وبتتراسل مع روان وتحاكيها بالي حصل ..


روان : عادها دخلت المستشفى 🏥 مع إبوها بتقراء الرسايل طريق طريق وهي بتمشي .. 🚶🏻‍♀️ ضبحت وع طول رسلت لعند مدير القسم والمستشفى إنه لازم يوقفوه عن الكلام الي بيقله ولا عتتصرف بمعرفتها مش حابه تتجاوزهم ...


....... ...... ........

في بيت أهل شيماء 🏠...


هاشم : جالس في حضنه العيال نور في جهه ويوسف في جهه بيبوسهم وأدالهم شوكلاته ولعب 😘...

أخو شيماء : حيا بكم ياعم هاشم نورتوا ...

هاشم : بنورك يا إبني بس وينهي شيماء ماقد دخلت أبسرها والله إننا عاتب عليها قوي زوجها مريض وهي رفضت تجي عندنا ولا تسافر عنده هو يسبر قدنا فلتها براحتها قلت تهداء نفسيتها اكيد زاعله عليه ...

أخو شيماء : محرج منه 😥 والله إننا مستحي منكم قوي ياعم ولا داري ماقل بنتنا غلطانه والغلط راكبها من ساسها لاراسها بس والله ماعد قدرت فيها ولا داري ماقل إتصلت لكم تجوا تحاكوها أنتوا يمكن تخزا منكم وتعقل ...

هاشم : الله يهديها أختك والله ماعاد دري حالي حتى انا بها بس إدعيها أحاكيها ..

أخوها: سار يدعيها ..

شيماء : دخلت بضبح 😤 و سلام عليكم قال تشتوني وجلست واقفه ..

هاشم : وعليكم السلام .. الله المستعان يابنتي في بيتكم وماتدخلي تسلمي عليا الا حين دعيتش ع الأقل إجلسي إبسرش واجابرش ...

شيماء : بعصره وجه ..😏 مافايده للمجابره والسؤال أنا قد حاكيت اخي مشتي ليش عاد أدخل ..

هاشم : إستغرب 😳 ماتشتي ماقلي شي ..

أخو شيماء: خازي مشو داري مايقل😰 ...

شيماء : لفتت لعند أخوها بضبح وصياح 😡 أنا قلت لك تقلهم إشتي أتطلق ماعاد اشتيش أعيش مع إبنهم بيجنني ويهرمني وهو بخير عاد لما قدهو مريض ماعيفعل بي وبعدا أنا اشتي أفتهن في حياتي واعيش ولا شقتلب خدامه لواحد مريض بالسرطان ممكن يموت اي وقت ...


هاشم : مصدوم من كلامها 😨 حط يوسف ونور من فوقه بيبسرها .. لاحول ولاقوه الإ بالله العظيم أنتي متأكده إنش مره سواء وتعرفي مامعنى زوج وطاعه المره لما يحتاجها زوجها تكون اول واحده توقف جنبه مش تقل الي بتقليه ..

شيماء : حاطه يدها ع خصرها وبصياح 😠 والله كل واحده حره واخبر بمصلحتها أنا قلت الي عندي ماشاضيع حياتي مع مريض واحبس نفسي معه وممكن يموت لي اي لحضه رجاءا مابش داعي للشوشره قولوا له يطلق ولا شخلعه وفلتت ومشيت 🚶🏻‍♀️...

أخوها : محرج ماعاد دري مايقل ولا مايفعل قام ع طول يتاسف لهاشم ويبوس راسه 😘 سامحوني ياعم إمسحوها في وجهي لاتصدقوها انا شتفاهم معاها واربيها ..

هاشم : وقف وبيشل كوته 🧥 ولاعليك ملامه يابني ووجهك أبيض .. انت كثر الله خيرك بس قل لأختك تجهز العيال وملابسهم شاخلي عمهم علي يجي لهم العشي ولنا كلام ..وفلت ورحله ..

تقولوا في نسوان بياعات وقليلات اصل مثل شيماء ممكن تبيع زوجها في اول موقف ..🤔



🌹meme_abdalgaleel



@qesasanani

سأكتفي بك حلمآ 💔..

بارت ٨٥ ...

بعد إسبوع ..

في الهند 👳🏻‍♂️...

نادر : خرج من المستشفى 🏥 معه مواعيد ايام الجرعه بس ...

روان : بتتعامل معه بطريقه جديه شويه عن قبل خاصه بعد ماحست انه ممكن يكون معحب فيها ..

الجد قاسم : جالس فالبلكونه هو وعادل بيتحاكى فالتلفون مع هاشم فاتح الاسبيكر 📱 مشو داري ان نادر جالس فالصاله... بإنفعال منك صددق 😠 هذا الكلام هذه مره ولا ماجنسها به مره تطلب هذا الطلب لما تدرى إن زوجها مريض ..

هاشم : بضبح 😤 أقسم بالله إنها فطرت قلبي بس ماقد سخيت أحاكيه ما أقله قد شليت العيال قدهم هانا فالبيت قلت لاهي عتحس وتدكم راسها تعقل ...

عادل : شل التلفون يحاكيه 📱 ماشي يا اخي ماينفعش تشل العيال ماتدخلهمش في موضوعها هي وزوجها مهما كان العيال محتاجين امهم ...

هاشم : يا اخي أفهمني .. أصلا معانده قوي وزد قهرتني لما قالت هي تشتي تتطلق ماعاد تفعل به رجال مريض تدفن شبابها معه وتقتلب له شغاله .. خلاص خلي عيالنا عندنا وهي تعيش شبابها ...

نادر : سمع كلامهم 👂🏻 قرب لعندهم ووقف باب البلكونه.

الجد قاسم : لاتصدقش اخوك لا ترجع لها الجهال اذا ماعقلت ودكمت راسها الله معاها والله لازوجه باحسن منها العيال عيالنا وهي تعيش حياتها ..

نادر : كان يحس راسه بيفور 😡 ومصدوم صح شيماء إنسانه غلط وعارف ان فيها عيوب بس ماتوقع إنها توصل معاها لاهانا دخل ع طول سحب التلفون 📱 سيروا قلوا لها بيقلش نادر هو أصلا الي مش متنازل لواحده مثلش تكون جنبه قلوا لها هي طالق وتسير تعيش حياتها وعيالي ماعد تحلم تبسرهم لأنهم ماعيتربوش عند أم مثلها قليله أصل وعشره ..

عادل : مسكه بيصيح فوقه 😡 مابتفعل اذكر الله مالك من الجنان .

نادر : بعصبيه 😠 الجنان اننا ماقد فعلت هكذا من زمان وفلت وخرج ..

الجد قاسم : شل التلفون 📱 وبيحاكي هاشم ..

عادل : لحق نادر يتفاهم معه ..


........ ....... .......

في الجامعه 🏫..

غاده : جالسه مع صاحبتها بيتجابرين بتحكي لها انها قلقه ع نادر وزيد العيال عندهم مرته تشتي تتطلق وبيجهزين لعرس سندس والدنيا ملخبطه ...


عصام : واقف من بعيد 🧍🏻بيتفرجها وشايف ان ملامحها متغيره كان فيها حزن يشتي يسير يسألها مالها بس داري إنها عتهزئه جلس مكانه يتفرجها من بعيد ...

صاحبه : جاء وخفعه من قفاه بالكتاب في راسه 📙 وضحك 😂 ولفت رجلك ع الجيه لاهانا مامعانا ..

عصام : ضحك 😅 وخزي هههه احمد الله بينفقدك اجي أبسرك ..

صاحبه : غمز له 😉 تبسرني أنا هاه هههه ..

عصام : ضحك هههه يا اخي بيني وبينك والله ان البنت عاجبه لي خاصه بعد ماشفت كيف تعاملها وتصرفها بس خايف افاتحها بشي تظن إننا لعاب ...

صاحبه : طيب وماعتفعل .

عصام : بينفكر أدي أختي للجامعه تجي تحاكيها تقلها أننا اشتي اخطبها💍 وتشوف ماعتقل ولو موافقه أشل أهلي لابيتهم ...


🌹meme_abdalgaleel



@qesasanani

سأكتفي بك حلمآ 💔..

بارت ٨٦ ...

في بيت أهل شيماء ....


شيماء : جالسه هي وبنت جيرانهم بيتجابرين ويضحكين 🙂 جت عندها ..

بنت الجيران : بتاكل كيك 🥧 وانتي إسهل لاتتبرقطي ولا هم يومين وعيتعبوا من العيال ويدوهم ولا لو خلوهم ماعيوقع خليهن يبزين شويه وانتي تفتهني ...

شيماء : أصلا بيني وبينش والله إننا صدق قكرت في كلامش من هذاك اليوم لما قلتي لي ماعاد عتكون حياتي الإ مستشفيات 🏥 وشم غرفتي علاجات وياريت عادهو مرض يتعالج هذا يمكن يموت واننا إحرم حياتي ليش ع كثر ماهو مريح لي ولارضي يدي لي بيت وحدي ..

بنت الجيران : بإبتسامه 😊 جبر الي سمعت الكلام وفكرت صح عيشي حياتش بس وإفتهني وعتتزوجي بأحسن منه أنتي غر تطلقي بس وتعرفي زواجه من راسي والله لا أبسرلش زوج مرتاح حق راحه وأنس ويخليش تدخلي وتخرجي وتفتهني في روحش ..

أم شيماء : دخلت لعندها وفي يدها التلفون 📱 جاوبي عمتش حوريه بتتصلش قالت من أول مابتجاوبيش تلفونش بنتش بتدحس تشتي تحاكيش ..

بنت الجيران : أشرت لها بعيونها 🙄ماشي .

شيماء : ردت التلفون من يد امها 📱خلوها تتعود بس ..

أم شيماء : بتصيح فوقها 😠 يابنتي عيب عليش إستحي ع نفسش قومي بيت زوجش وابسري عيالش ..

شيماء : بتصيح يوووه 😡 بتفهموا قلت لكم ماشاجاوبش ..

حوريه : سمعت صوتها بتصيح غلقت التلفون 📱...

ام شيماء : حنقت منها فلتتها وخرجت 😔..

شيماء : وصلتها رساله لتلفونها📱 فتحتها ( أنتي طالق ) ... قريتها مطننه 😳 مصدومه كأنها ماتوقعت...

بنت الجيران : بتبسرها مطننه إستغربت 😳 مالش من رسلش ...

شيماء : تشارغت عيونها 🥺 بالدموع وصاحت ... نادر طلقني وبكيت 😭...

بنت الجيران : مسكتها بتهديها .. مالش ياخبلاء بتبكي بدل ماتفرحي هيا ناهي لش من الخباله ..


شيماء : بتبكي مصدومه 😭 صح إنها قالت تشتي تتطلق بس ماتوقعت مدري كيف حست ...

........ ....... .......

في بيت هاشم 🏠....

حوريه : دخلت لعند سندس في غرفتها في يدها نور 👧🏻 إسكه قومي قوى خرجي بنت اخوش لاهي عتسكت بتدحس ع أمها مارضيت تحاكيها لوتبسري كيف كانت بتصيح فوق امها حين إتصلت لها ...

سندس : حضنت البنت 👧🏻 من يد امها .. ليش تتصلوا لها ياماما كنتوا عتدعوني بس وأنا شاحاول أسكتها وأخرجها هي يوسف ...

حوريه : بزعل 😔 ماسخيت عليها قلت جاهله بتبكي تحاكي أمها ..

هاشم : عادهو وصل من خارج فتح الباب بيصيح ييييه ياحوريه يييه أين انتي ...

حوريه : هذا أبوش جاء أسير أبسره مدري ماله بيصيح هكذا حملت تجاوبه 🏃‍♀️ هاه هاشم مالك ...


هاشم : واقف ومفتاح السياره في يده 🔑 إبسرها ... إبنش طلق مرته ...

حوريه : صاحت 😱 يوووه مابتقل أنت ماهو طلقها أنت قلت ماعتقله شي ..

هاشم : بيحكي لها ماحصل ..

سندس : واقفه بتسمعهم 👂🏻والبنت في يدها تسمرت مكانها ..وبتحاكي نفسها لاحول ولاقوه الإ بالله ماهو هذا الحظ الي معي والعرس الي جاء وقت دبور كل شويه ويحصل شي دخلت غرفتها بتتصل لزياد 📱...


🌹meme_abdalgaleel


@qesasanani

سأكتفي بك حلمآ 💔..

بارت ٨٧ ...

في الهند 👳🏻‍♂️...

نادر : دخل غرفته وقفل ع نفسه ضابح وزاعل ع نفسه وع عياله 😔..

روان : جالسه فالصاله عرفت من أبوها بالي حصل زعلت عليه 😔 وخافت إن حالته تسوء وينتكس .. بقدر مابتحبه بس عمرها ماتمنت إنه يطلق مرته ولا تشتي بيته ينخرب ...

الجد قاسم : ممدد فوق الكنبه 🛋️ وبيهز رجله ويلوم نفسه إنه اتصل لهاشم وتكلم معه بخصوص شيماء ونادر فالشقه حسبي الله ونعم الوكيل من قلي اتصله ...

عادل : مسك يد ابوه وباسها 😘 لاتقلوش هكذا قدر الله وماشاء الله فعل هي أصلا قدهي بتدور لها أعذار من اول حتى اول ماعرفت بمرضه رسلت له رساله ضيقت بي أنا عاد ماهو ...

روان : جالسه فوق الكنبه الي جنبهم .. بصوت زاعل 😔 كيف سخيت تطلب الطلاق في هذه الظروف ع الأقل تتطمن كيف صحته يمكن تاعب قوي كيف ترجم عيالها هكذا والله إننا خايفه لو يقتهر قوي وتسوء حالته قد فرحنا بيتحسن ...


الجد قاسم : إسكه يابنتي قوى قومي إبسريه حاولي تتحاكى معاه ولا قومي خرجيه لايجلس مغلق ع نفسه هكذا من اول 😰 ...

عادل : صح كلام جدش ياروان حاولي لو عيرضى لش تخرجوا تهدأ نفسيته شويه ..

روان : هزت راسها وسنبت طيب حاضر شاسير أبسره .. ✊🏻 دقت عليه الباب 🚪 مابيرد .. زادت دقت مره ثانيه مارد قلقت .. رجعت تدق بقوه اكثر وبتداعيه .. نادر ممكن تفتح لي أطمن عليك بس ..

نادر : سمع إنها روان بس ضابح مخنوق مايشتي يتكلم مع أحد 😓 .. رد عليها أنا بخير تسلمي بس مشتيش أتكلم مع أحد ...

روان : حتى أنا ماتشتيش تكلمني 😰 عتسخى تخليني أجلس مراعيه هكذا فالباب .. طيب خلاص الي يريحك لاتفتحش أنا عن نفسي ماشاتحرك من باب الغرفه لو حتى أجلس هانا للصبح وجلست فالأرض ...

نادر : قام فتح الطاقه حق الغرفه وجالس قدامها يشم هواء ويتفرج الشارع ...

روان : رجعت تدق له ✊🏻 نادر البلاط بارد أنا لو مرضت بسببك ...

نادر : غلق الطاقه ورد عليها عادش هانا ... قومي لاتمرضي ولما أهداء شخرج لعندكم ..

روان : بدلع 🥰 ماااعه ولا شتحرك من بقعتي وخليني امرض ويارب أموت وترجع تقل أنا السبب ..

نادر : قرب يفتح الباب 🚪 وإبسرها جالسه فالارض صدق ومرتزحه لعرض الباب .. بيهنجم أنتي خبلاء صح جالسه فوق البلاط قومي يله 😖...

روان : بدلع 😊 هزت أكتافها مااعليا ولا شتحرك من مكاني لما تدخل تلبس وتجي تخرجني أشتي أخرج ضابحه ...

نادر : بزعل 😞 ياروان قوى مش اليوم بكره ..

روان : خلاص خلينا اجلس هانا للصبح ووطت راسها بتقلد زعل 😞..

نادر : خفعها في راسها 👋🏻 بيده .. قومي أمرش إلي الله يوميه بتخرج لنفسها وتخرجنا هي واليوم تشتي أخرجها ..

روان : وقفت وإبتسمت .. أيووه حره وعادك عتعزمني ع حسابك وتعشيني ومدت له لسانها 😜...

نادر : بهنجمه 🤨 ناهي ياحسابي قومي البسي بس قسما بالله لو ماتلبسي ساع الناس لا تجلسي فالبيت مشتيش حقش المدلعات والطرحه الي كودها بتطحس عنخرج نتعشى مافيني نفس للتفراج وتبسار خلق الله ...


روان : بتحانكه أصلا أنا الحاليه مشو اللبس حتى لو لبست شواله 😜 وبعدا مالك عادي خليهم يبسروني يقلوا سبحان الله ماشاء الله بكم اذكرهم بالله ..

نادر : تلفت يمين شمال 👀 مابش بما اخفعش ياحاليه يا السديس الي عيذكرهم بالله اخطي من قبالي البسي قبل ماغير رائي🤨 ...

روان : ضحكت وخطيت 🏃‍♀️ يله الان الان ...


....... ......... ........


في صنعاء ....

في بيت الجد قاسم 🏬...

ازهار : سامره مع امها وعلي وآيه.. يووه ياقهر قلبي 😔 ع العيال وع نادر في هذا الوضع ..

علي : حرك يده بلامبالاه 👋🏻 ليش وانتوا زاعليين أصلا هي مشهي مره سابره من اولها حق جنان ودحس وجهالها ماعيوقع بهم شي عيتربوا ..

آيه : بزعل ع صاحبتها 😔 مالك أنت هكذا مابتحسش تخيل موقفها ذلحين مسكينه حين تطلقت ..

الجده خديجه : بزعل 😔 المشكله مدري مالها هكذا معانده مدري ماقلبها هكذا اسكه ياعلي قوى لما تتصله حاكيه لاهو عيرجعها عادهي طلقه بفمه ماقدبش شيخ ولا ..

أزهار : قدهي طلقه يا أمه بشيخ ولا بدونه قد نواها وطلق بس واحد يبسره ويرجعها ..


علي : خلنه يفتهن في روحه أين يرجعها تزيد تمرضه فوق المرض خلوه مفتهن هكذا النسوان مامنهن الإ الدحس والهرم والله إنه فعل أكبر خير في حياته ...

آيه : لفتت له بقلبه وش 😠 ماهو ماقصدك النسوان يمرضين مابتلمح .

علي : بهرر فوقها 🙄 بينلمح تهجعي وتسكتي ولاعاد أزيد أبسر رقمها في تلفونش ولا يعلمني طير إنش تواصلتي معاها لا تلحقي بعدها وأنتي اخبر ...

أزهار : بتهديهم ... هيا ه ياجهالي عتذكروا الله ولا عنمكنها صياح وهرم ...

علي : طيب حاضر علشانكم بس شسكت ..

خديجه : هيا إسكه جرب إتصلي لعند نادر أبسر كيفهو أطمن عليه ومع الطريق أبس لو شقدر أجابره ع مرته...


في حد زعل ع شيماء لما انصدمت من الطلاق وبكيت ولا تستاهل لأن هذا قرارها 🤔


🌹meme_abdalgaleel



@qesasanani

سأكتفي بك حلمآ 💔..

بارت ٨٨ ...


بعد يومين ....

في الجامعه 🏫....

غاده : خارجيه من قاعه المحاضرات هي وصاحبتها👭🏻 بيتجابرين وفي يدها الكتب 📚...

عصام : واقف مع أخته بيأشر لها بيده 👆🏻 هذك الي لابسه الطرحه البني .

أخت عصام : ضحكت ههه وبتغمز له ياخطير 😉 ...

عصام : خفعها 👋🏻 هيا إخطي من الخباله سيري تعرفي عليها وجابريها إبسري رائيها ...

أخت عصام : بإبتسامه 🙂 ولو خليتها توافق ماعتدي لي ..

عصام : بضبح 😤 اوووف منش الي تشتي بس يله بسرعه أخطى قبل ماتروح ...

أخت عصام : خطيت لجنبها 🚶🏻‍♀️ووقفت سلام عليكم ..


غاده وصاحبتها : وعليكم السلام ..

أخت عصام : بإبتسامه 🙂 أنتي غاده صح كيف حالش ..


غاده : مستغربه 😳 أيوه .. الحمدلله من أنتي ..

أخت عصام : ممكن أجلس اتكلم معش شويه وعتعرفي من أنا 🙂 ...

صاحبتها : إبتسمت 🙂 هي وحدها ولا انا معاها ..

أخت عصام : ضحكت بخزا ههه 😅 هاه مع عادي بكم تساعديني لأننا مش داريه منين شبداء ...

غاده : إستغربت 😳 تبدأي إيش ..

أخت عصام : خلاص جي نجلس ونتجابر ..

غاده : مشيت معاها هي وصاحبتها وجلسين فالكفتيريا ...

أخت عصام : جلست بتعرفهن ع نفسها .. أنا أخت عصام ال.... طبعا عتستغربي جيتي بس مانفعل لأخي المجنون أخي جنني يشتي يجي أحاكيش الصدق هو معجب فيش وحابب يجي من الباب 🚪 يشتي يتقدم لش وقلي أجي أكلمش وهو مش لعاب ولا ماكان خلاني أجي وأنتي كلمي أهلش ولو أنتي موافقه عنجي للبيت أنا وامي فالبدايه نتعرف عليكم وبعدا يجو الرجال ..


غاده : وطت راسها محرجه 😅 مادريت ماتقل ..

صاحبتها : ضحكت 😂 هههه خلاص اديلي رقمش وأنا شرجع ارجع لش خبر هذه البنت ماعتقدري تشلي منها لاحق ولاباطل ...


....... ........ .........

في بيت أهل شيماء 🏠..

شيماء : مغلقه ع نفسها في غرفتها مقهوره 😞 فاقده لعيالها وبتفكر انها كيف تصرفت صح او غلط مسكت تلفونها 📱 وبتتصل لآيه تسألها إيش الأخبار مابيقلوا عليها ...


آيه : كانت واقفه قدام المرايه بتبسر بطنها قدهي بتكبر وتوري علي .. إبسر علي تلفونها بيرن مكتوب شيماء كنسل عليها ...

شيماء : عادت الإتصال 📱...

آيه : جاوبتها بعد ماقلها علي ماتقل وصيح فوقها وفاتحه الاسبيكر . الووو ..

شيماء : ببكاء 😭 هاه آيه كيف انتي إبسرتي ماحصلي ...

آيه : بتتفرج علي مفتجعه 😅 مش قادره ترد سواء .. هاه أصلا ياشيماء أنتي الي فعلتيه وقلتيه ماينفعش كيف تفلتي زوجش في هذه الظروف ..

شيماء : ببكاء 😭 كيف افعل جننت ياآيه خاصه لما زد دريت انه روان معه وجلست أذكر كلامش انها بتلاحقه وتشتيه تخليه يحبها مثل علي وزيد هميت صدق كيف شاكمل حياتي كلها مع مريض أجلس اوبه له ...

آيه : إبسرت علي بعد مابيبهرر فوقها 😡 افتجعت .. هاااه أيحين قلت لن آيه بتلاحقه مالش ياشيماء انتي ماعد تشتي زوجش ليش ترجعيها فوقي ...

شيماء : يوووه 😨 مالش مسرع قد تغيرتي عليا حتى أنتي نسيتي كل شي كنا نسد عليه لكن اسهل ياآيه لي الله وأنا الي عادنا أتصلت اسالش مابيقلوا عليا وماحصل ونتفق نبسر طريقه ارجع بها ...

علي : شل التلفون 📱 وحاكاها .. إسمعيني ياشيماء خلي لمرتي حالها وإبعدي عنها ولفت لأيه بعصبيه 😠 وهذا يمين حرام وطلاق يا آيه لو عاد أسمع او أدرى إنش حاكيتيها أو إبسرتيها في مكان وسلمتي عليها ماعاد تجلسي لي دقيقه فالبيت وتلحقيها وغلق التلفون 📱 ...


آيه : بكيت 😭 وبتحاول تبرر له وتشرح له انها بتكذب ماكانوا يتفقوا ع شي ...

شيماء : رجمت التلفون 📱 وبتبكي بتداعي أمها تجي تتصل لحوريه يدوا العيال تشتي تبسرهم فاقده لهم ...


🌹meme_abdalgaleel


@qesasanani

سأكتفي بك حلمآ 💔..

بارت ٨٩ ...

في الهند 👳🏻‍♂️...

فالسوق ....

الجد قاسم : بيتفرج قطع قماش مطرزه .. ياروان إبسري هذه كيفهي حاليه لجدتش ...

نادر : ضحك ههه 😁 هيا ناهي ياجدو هذه حق بنات صغار ابسروا كيفهي مطرزه قوي ولونها تشتوا جدتي يوقعوا احلي من العروسه إعترفوا ...

روان : حطت يدها ع خصرها بتعانده .. مالك ع ماما خديجه طااايب يانادر والله لأقلهم إنك قلت إنهم عجوزه ..

عادل : ضحك ههه 😅 ياجماعه بس مالكم خلوا الرجال يشتري لمرته الي يعجبه ماعليكم ..

الجد قاسم : بهنحمه 🤨 قلهم .. هيا عناد في نادر والله لاشتريها لجدتك قد إسمها جده الحريوه ...

روان : طيب إبسروا هذولاء الي اخترت لسندس ..

الجد قاسم : إبسرها 😳 لسندس بس طيب وأنتي وين حقش ..

روان : سندس الي عتتزوج الأوله عنشل حقها أنا ماقد تحدد عرس من وقته ..


عادل : ابسرها وتنهد 😞 حاسس انها مش مقتنعه فعلا وحتى هو ماعاد عجبه إسلوب عبدالله ..

نادر : ذلحين منكم صدق بتتجهزوا عتسافروا ياجدو أنتوا وروان وتفلتوني ...

عادل : هنجم بضحك 🤨 هيا ناهي لك وانا ماعجبتك اومه أجلس معاك .

نادر : ضحك ههه 😅 مابلا قصدي تعودت عليهم كيف شجلس من غيرهم ...

عادل : عاد سفرهم بعد إسبوع خليهم يسيروا يتعرسوا وروان تبسر عملها وجدك قدهو فاقد للحجه انا عملي بينتابعه من هانا بالنت ..

الجد قاسم : والله إن كان نفسي نرجع كلنا نتعرس بس مانفعل قدوذا سمعتوا الدكتور قال ماينفعش يوقف علاجه يكمل العرس ع طول ويجي أبوك وامك ولو رضيت جدتك شاجي انا والكل وعمك يرجع يبسر عمله ..

نادر : لفت ع طول لعند روان 😨 وروان ماعترجعش ماشي ماينفعش كيف هي أصلا فاهمه مابيفعل الدكتور الصدق انا ماراكن الآ عليها ...

الجد قاسم : ولو خطيبها يقل يشتي عرس ماعنقله مع تكمل علاجك ..

روان : افتجعت 😥 هااااه عررس مه ياجدو احنا ماسديناش هكذا انتوا قلتوا لما انا اوافق ..

صاحب المحل : قاطعهم علشان يشوف ايش شلوا ويحاسبهم ...


........ ....... .......


في صنعاء ...

في بيت هاشم 🏠 .. .

سندس : بتضحك ع غاده 😂 وتحانكها ...

غاده : خفعتها بالوساده بس بطلي خباله 😠 ...

سندس: هههه الأخ طلع متيم وانتي بتمكنيه ماعليك مادخلك 😜 وانا بينقل مالش مطننه ولاتتحاكى ...

غاده : ياسندس هيا بطلي خباله ما اقل ذلحين مفعل ..

سندس : أنتي مارائيش فيه مابتحسي 😉 عندش قبول ولا لا ..


غاده : مدري الصدق هو شهم وباين انه محترم بس مشنا داريه كيفهو ولا طباعه ولا أخلاقه ...

سندس : مارائيش نحاكى زياد يسال عليه أول ويدى لنا أخباره ولو إرتحتي نحاكي ماما ان اخته جت لعندش وبعدا يتفاهموا ..

غاده : طننت شويه 🤔
أمممم .. خلاص تمام خليه يبسر كيفهو ...


سندس : ضحكت ههه وبتحانكها بتغني اول مره تحب ياقلبي 😜 .

غاده : شلت الوساده الثانيه وخفعتها وجلسين يضحكين 😂 ...


🌹meme_abdalgaleel


@qesasanani

سأكتفي بك حلمآ 💔...

بارت ٩٠ ...

بعد إسبوع ...

في الهند 👳🏻‍♂️...

نادر : بزعل 😞 طيب خلوني أجي معاكم للمطار ...

الجد قاسم : ماشي لا انت ولاعمك مايحتاج ... التاكسي 🚕 مراعي نازل وعنتواصل تلفون ..

عادل : بيوصي روان ... مثل ما إتفقنا ولا تحاكيه ولا تتفاهمي معه بشي
الصدق مدري ليش ماعادهوش قلبي مطروح له من مره ...

روان : إبتسمت 😁 خلاص هيا نفسخ ..

عادل : ضحك ههه 😂 توصلي بالسلامه ياذربه وجلسه في بيت جدش أسمع بس انش عاندتي ورقدتي حتى يوم فالبيت وحدش ..


الجد قاسم : لفت لها .. هيا بنتي شرق لانتاخر ونزل ..

عادل : بينزل الشنط مع ابوه 🧳...

نادر : لفت لروان قبل ماتنزل .. بزعل 😔 رواني عتفلتيني خلاص وانا لمن ..

روان : تنهدت 😔 هيا لكن بابا هانا وعمو عيجوا وأنا والله لاحاول أرجع معاهم اضبط اموري بس وأتعرس ماشسخاش أفلت سندس في عرسها ..

نادر : إبسرها وطنن في وشها قووي وإبتسم 😊 أقلش حاجه ..

روان : خزيت ووطت راسها حست نظرته غريبه ☺️ ايش ...

نادر : ضحك ههه خلاص شاقلش بعدا لما توصلي المطار شجلس اجابرش لاتضبحيش ..

الجد قاسم : بيداعي رووان هيا شرق ..

روان : لفتت له يله مع السلامه انتبه لنفسك قوي وواصل ع العلاج وياويلك تتكاسل ..

نادر : مد يده يسلم عليها 🤝🏻 وعد لا اهتم بنفسي علشانش انتي واوعدش أتمسك بالحياه علشان أكون جنبش ع طول ..

روان : خزيت ☺️ بعدت يدها ع طول ونزلت .. بقدر ماهي زاعله عتبعد عنه بس فارحه انها بتحسه انه بداء يتعلق فيها بس ماتشتيش تبين له ولا تدي لنفسها امل ولا له ووعدت نفسها انها تحاول تكلم شيماء ترجع له علشان عياله ..


........ ....... ........

في بيت هاشم 🏠..

حوريه : دخلت لعندها بتصيح 😠 ياغاده عيب عليش قومي إدخلي قد امي خديجه بيبهرروا فوقي من أول ..

غاده : جالسه فوق السرير لابسه فستان قصير رمادي👗 ولافه شعرها ذيل حصان ... ياماما مقدرتش بينخزا بينخزا ☺️...

سندس : بتضحك 😂 قربت تشاورها ريت ومن يصورش لزياد يشمت فيش ماقد فعلتي فيه ...

حوريه : صيحت هيا من الخباله مش وقت المشاوره يله خلي اختش تدخل العصير🍹 ...

أزهار : طلعت لعندهن .. يووه ياحوريه طلعتي تدعيها حنبتي جنبها مايسبرش عيب الناس نازل ..

حوريه : يله هيا ننزل وهي تلحق ..

سندس : بتهزورها وتضحك عليها 😂
يله احمدي الله جو وانتي مبدله مانا كنت مشعفله ...


غاده : نزلت لعندهم وقربت لهم العصير 🍹 وجلست جنب اخته وتعرفوا ع بعض وارتاحت لها أم عصام ...

....... ....... .........

في المطار ✈️...

روان كملت المعاملات وجالسه جنب جدها فالكرسي🛋️ مراعيين للرحله ..

الجد قاسم : تعب مراعاه غمض عيونه ونعس 😴...

روان : إتصلت لأبوها 📱 تحاكيه تتواله معه ..

نادر : جالس جنب عمه وهو بيحاكيها .. مسك تلفونه📱 ورسل لها هيا بس يكفي مجابره مع عمو الصدق بينغير ممكن تقفلي معاهم شدخل غرفتي واتصلش ماعيصبرني ع بعدش هكذا ..

روان : قريت الرساله وهي بتحاكي ابوها .. ضحكت ☺️ ردت عليه .. عادي عتتعود كلها كم شهر وأتزوج وأنت ترجع وأكون أبسركم يوم الجمعه بس ..


نادر: رسلها .. كم شهر وإيش 😡 أقسم بالله لأحرق صنعاء حريق لو يتم هذا الزواج ...

روان : رسلت له 😳 وجه مستغرب ..

نادر : لاتستغربي لي ولا استغرب لش من الأخير والله ماتكوني له ومش ماضغطت عليش تنخطبي له شاخليش تفسخي😡 ...

عادل : بيحاكيها ... ييبه مالش بينحاكيش وحسش مشو عندي ..

روان : هاه 😅 لحضه لحضه غلقوا وشرجع اتصلكم اتاكد بس يمكن بيدعوا رحلتنا ... وجالسه بتقراء رسايل نادر مطننه...

نادر : إبسر عمه قفل التلفون 📱 دخل ع طول الغرفه بيتصلها ...

روان : بتكنسل عليه ...

نادر : رسلها .. روان أنا اليوم حابب أقلش إننا فعلا كنت أعمى ع قولتش طول هذه السنين وكنت لابس نظاره سوداء 😎 وما أنتبهت لش ولا لاحظت حبش لي ولولا ان ربي قربش مني في هذه الفتره ماكنت شنتبه وبالعكس فارح بمرضي لأنه عرفني من الي بيحبني وضحى بنفسه علشاني ومن الي باعني ..

روان أحبك ❤️ وإستحاله أخليش تضيعي من يدي بعد اليوم ارجعي لي بسرعه لأن وجودش جنبي هو الي بيقويني ..


روان : كانت تقراء الرساله وترجع تتأكد😳 وتفتح وتقفل حست نفسها في حلم معقوله هذا نادر معقوله هذا الكلام لها معقوله حس فيها كان قلبها يدق بسرعه ❤️ لما كانت تسمع دقاته في اذنها وتحس نبضها بيدق في كل جسمها ماعاد دريت ماتقل ولا ماترد ولا الي حصل صح ولا غلط حست نفسها في عالم ثاني ..

الجد قاسم : نكز من النوم 😴 هيا مه دعونا ..

روان : إبتسمت 😅 له ضيع عليها اللحضه الي كانت تتمناها طول عمرها ... مع ماقد دعوش ارقدوا بس وانا شرجع اقيمكم ...

طول الرحله ✈️ روان مطننه في الي حصل وبتفكر في كل شي ونادر فارح ومبسوط انه قلها مشاعرها وحالف ماتضيع من يده ...



🌹meme_ abdalgaleel

https://tttttt.me/qesasanani/3374


@qesasanani

سأكتفي بك حلمآ 💔..

بارت ٩١...

بعد يومين ....

في صنعاء ...

في المستشفى 🏥....

سمر : بتسلم ع روان 😘 وتخفعها وحشتيني ياشوعه أمس ماقدرت اجي بنتي مريضه ...


روان : بتحانكها .. مابلا ماعاد تحبينيش إعترفي ماوحشتش صح .🤪

سمر : بتضحك هههه وخفعتها 👊🏻 قد معش من يحبش يله بسرعه جي جابريني سواء وسحبتها اشتي كل التفاصيل ..

روان : جلست جنبها فوق الكرسي 🪑 طبعا قبل كل شي من يوم مارجعت ولا عاد رديت ع نادر حتى بكلمه مش مستوعبه الي قاله ولا أشتي إتهور بشي ووعدت نفسي أحاول أصلح الامور بينه وزوجته علشان الأطفال ...

سمر: تشتي نصيحتي أنا كنت ضدش ومش موافقه لأنه مزوج بس الآن إختلف الوضع وخاصه انها باعته في هذا الوقت بس لاتنسيش كمان إنش مخطوبه 💍..

روان : يووه صح ذكرتيني يامخطوبه 💍 فهميني بالضبط ماقال غيث سواء وجي نسير نبسر مدير القسم ماعد فعل معه هو وعدني عيشوف الموضوع .

سمر : بتحكي لها .. وقامين لعند مدير القسم ...

........ ........ ..........

في بيت هاشم 🏠...

حوريه : قامت من الصبح بترفع بداءت البيت معاها ع شويه شويه تجهز لخطوبه غاده وللعرس ..

غاده : إبسرت أمها بترفع سارت تفتح اغاني زفه .. ودخلت تعاونها ...

حوريه : سمعت صوت الأغاني وبكيت 😭...

غاده : يوووه 😲 هيا مالكم بتبكوا ...

حوريه : بينبكي ع خطوبه و عرس عيوقع معانا وأخوش مابحد وقلبي معلق عنده وزيد مرته وجنانها وأختش عتسافر وأنتي شويه وتزوجتي وفضي البيت ..

غاده : مسكتها وحبتها في رآسها 😘 هيا ياماما بس لكن نادر وعيرجع لنا بالسلامه وبعدا قد عتفضوا البيت مسرع عادنا وبعدا العرس له حلات لما أكمل الجامعه أمانه هيا بطلوا بكاء لاتزعلوش سندس حرام نخرب فرحتها ونادر ربي عيرجه لنا بالسلامه ...

هاشم : بيداعي فارح .. يييه ياحوريه سندس غاده أين أنتين جي إبسرين نور محلاها بتخطى 👧🏻..

سندس : نزلت بتبسرها وتضحك عليها بتخطى خطوه وتدرب خرجت تلفونها تصورها 📱 وترسلها لنادر ..

....... ...... .....

في المستشفى 🏥 ...

روان : بعد مادخلت لعند الدكتور وتفاهمت معه ع موضوع غيث وانه لازم يوقف عند حده او يثبت كلامه عليها وتصايحت معه ..

غيث : خرج من عندهم معصب 😡 زاد حقده عليها مسك تلفونه ورسل 📱 لعبدالله .. خطيبتك رجعت من السفر مستقويه وشكلها عرفت اننا قلت لك من مرض ابن عمها وصلت تتمايع لمدير القسم وتتدلع له علشان يعاقبني ..

عبدالله : رد عليه بوجه مستغرب 😳 ليش روان قد جت من السفر ..

غيث: رد عليه بسخريه هههه😂 سألتك بالله مش معبره لك لهذه الدرجه ولا تعرف حتى انها جت وعادك جالس معاها رغم اخلاقها الغلط الله يعينك ..


🌹meme_abdalgaleel



@qesasanani

سأكتفي بك حلمآ 💔..

بارت ٩٢ ...

في الهند 👳🏻‍♂️...

نادر : بيحاكي أبوه وامه فالتلفون📱 ويبسر بنته ويضحك ..

عادل : بيأشر له شنزل اشتري لنا غداء 🍱...

هاشم : بيصيح له .. ادعي ادعي عمك يجي ما أقله جاء عريس لغاده وبيجابره ..

عادل : رجع شل التلفون منه وبيحاكيه 📱 بيتجابروا ع العريس ..

نادر : طنن شويه 🤔 بعد ما إبسر بنته بتخطى سندس عتتزوج وغاده بعدها وعياله كيف عيتربوا أمه تعب تربيهم وماينفعش يرجعهم عند شيماء وبيهم لو يحصل له شي جلس يفكر ويقرر ماعيفعل ...


........ ........ ........

وقت الظهر ☀️..

في بيت عبدالله 🏠..

عبدالله : وصل البيت ضابح 😤 دخل بيتقارح ..

أم عبدالله : فالمطبخ بتجهز الأكل ... هيا مامعانا مالك بتتقارح وصلت حامي 😡..

عبدالله : إسكه إتصلوا 📱لعند جده روان تأكدوا قد جت من السفر ولا ماشي ..

أم عبدالله : حطت الملعقه من يدها 🥄 ماشي ولا ماعليا يكفي المره الأوله وقع لي هدار من تحت راسك أنت وخطيبتك ايذك عندك إتصل بنفسك وتأكد جت او مع ..

عبدالله : ضبح منها😤 وفلت ودخل غرفته خرج تلفونه يجرب يتصل 📱 برقمها يبسر عيرن أو لا ..


روان : كانت جالسه مع سمر فالمكتب حقها بيتجابرين وضابحه من تصرفات غيث .. رن تلفونها 📱 بتبسر رقم عبدالله كنسلت ..

سمر : بتسألها .. ليش ماتردي من بيتصل ...

روان : هذا عبدالله .. بس بابا قالوا لي ما أكلمه بشي لما يتفاهموا معه ..

سمر : بتغمز لها 😉 يافرحتش ماذلحين قد نفسش يطير اليوم قبل بكره ..

روان : تنهدت وردت 😔 والله ماهو الموضوع بالسهوله هذه ياسمر اول شي نادر مقدرش أتأكد من مشاعره يمكن إنه حاسس بالجميل بس ومشاعره مش حب بس لقي أحد يهتم فيه وحرام عياله إيش ذنبهم إشتي ترجع له مرته ..

سمر : بتتناقش معاها ويتفاهمين ع هذا الموضوع ...

عبدالله : عاد الإتصال وبيرن 📱 محد بيرد ضبح رسل لها 😡 من فاكره نفسش يابنت الناس سيره جيه ع مزاجك ولا حتى تعبريني بكلمه وفوقها بتكنسلي يعني عتمكنيها زنط ليش لأني سيرت وجيت خيرات توافقي عليا شكلي والله كنت مغشوش قوي فيش وفي أخلاقك بينحاول أكذب الكلام الي بينسمعه بس شكله عيطلع صدق ...

روان : قريت الرساله 😳 وفتحت عيونها مستغربه ماعرفت ماتقل ولا ماترد ع طول فعلت لها نسخ ورسلتها لعند أبوها وكتبت لها بابا عبدالله بيتصل مارديت عليه مثل ماقلتوا لي ورسل لي هذا الكلام ..

عبدالله : شافها مابترد عليه جلس قلبه يفور 😡 وبيرسل كلام جارح ويوجع ....

روان : بتنسخ اي شي يرسله ع طول لعند أبوها ...

🌹meme_ abdalgaleel




@qesasanani

سأكتفي بك حلمآ 💔...

بارت ٩٣ ...

في بيت الجد قاسم 🏬..

حوالي الساعه ٨ الليل🌚 ...

روان : جالسه جنب جدها وجدتها بتتجابر معاهم ويضحكوا 😄..

الجده خديجه : فارح بها 😃 إبسري محلاش كما أنتي هانا الصدق لما يرجع أبوش ماعادبش لكم رجعه بيتكم جلسه هانا ..

آيه : مش عاجب لها جلسه روان عندهم من بعد ماجت من السفر 😏 بتفرجها سكته وبتحاول تمغط الكلام بعد ماحلف علي يمين خايفه يطلقها بعد شيماء ..

أزهار : تصدقي يارورو قد بينهم أبوش بعد عرسش كيف عيفعل حينهو متعود عليش صح انش عتجلسي طالع بس مدري زوجش عيرضى يكن تنزلوا تاكلوا معه أو كيف عتتفقوا ..


الجد قاسم : إبتسم 😊 والله ان شكلي شتزوج انا وإبني ولا ماقلتي ياحجه خديجه نجدد شبابنا ...

الجده خديجه : حطت الريموت من يدها .. ولفتت له بضبح 😤 ماذلحين تشتي تتزوج من عاد عترضى بك قد احفادك عيدوا جهال وإبني ماعليك منه لاتزوجه ولا يشتي ..

علي : دخل لعندهم ووجهه مقلوب وضابح 😤 مساء الخير ولفت ع طول لعند روان .. روان ممكن تقومي تلبسي جي معي نسير للبيت عندكم .

آيه : لفتت له بسرعه وفتحت عيونها 🙄.. ليش ماتسير تفعل ..

روان : إستغربت 😳 بيتنا هذه الساع .. ليش ايش في ..

الجد قاسم : مالك مابه يابني خير في شي ...

علي : حس إنه وتر الجو حاول يهداء ويبتسم 🙂 هاه مابش شي بس عمو يشتي حاجات من البيت وصاحبي مسافر الليله جيت لروان نسير بسرعه نديهن ..

روان : لفتت لأزهار 👀 غريبه ماحاكونيش ..يله الان شاقوم البس ..

علي : أصلا هو عادنا الآن كلمتهم وقالوا عيتصلوا لش لما نوصل ماتدي لهم ..

آيه : سنبت .. يله بسرعه شاقوم البس أجي معاكم .

علي : بهرر فوقها 🙄 أين عتسيري جلسه شخطى أنا وروان وحدنا ..

آيه : جلست ومقهوره وقلبها بيفور 😡 لأنه عيشلها ويسير ..


....... ......... ........

في بيت أهل شيماء 🏠..

شيماء : كل يوم بتبكي 😭 فاقده لعيالها وبتهم كيف عتفعل مع مره أخوها خاصه إن قد بدأت تداولها فالعمل وهي بعد الطلاق بتحاول ماتزيد المشاكل مابش اين عتسير ..

أم شيماء : دخلت لعندها 🚶🏻‍♀️ قومي تعشي معانا ماعتجلسي يوميه هكذا مغلقه ع نفسش جهالش وقد قلت لش شتصل لعند عمتش حوريه الصبح ويسير خالهم يديهم تبسريهم الله يهديش خربتي بيتش ..

شيماء : عاد العناد فيها والغرور .. بتصيح 😠 ماشتصلش ولا عتتصلوا لأحد ولا شتنازل لمخلوق وبعدا هو ماصدق وجت له فرصه يطلقني حمله يطلق خلاص الله معه بكره شتزوج بأحسن منه ..

أم شيماء : عوجت فمها 😏 وحطت يدها عرض الباب .. ليش راكنه عاد احد عيجي لش بعد مايدرى انش قليله أصل ومعروف فلتي زوجش حينهو مريض من عاد عيأمن نفسه عليش ...

شيماء : بتحاول تكابر انها صح مش الغلط بصياح 😡 خلاص قفلوا الموضوع هذا وشابعه عشاكم اخرجوا اتعشوا وحدكم وشلت تلفونها وبتتصل لبنت الجيران ...

🌹meme_ abdalgaleel


https://tttttt.me/qesasanani/3374


@qesasanani

سأكتفي بك حلمآ 💔...

بارت ٩٤ ...

في بيت عادل 🏠...

روان : دخلت البيت وبتخرج تلفونها 📱 تتصل لأبوها تسأله مايشتي من حاجات ...

علي : بيقفل الباب 🚪 وإبسرها خرجت التلفون .. لفت لها راعي تشتي تتصلي لخالو عادل صح ..

روان : أيوه ..أتصلهم 📱 إبسر مايشتوا أجهز لهم ..

علي : جلس فوق الكنبه 🛋️ ولا يشتوا شي ..

روان : بإستغراب 😳 كيف يعني ولا يشتوا شي كان ليش قلت لي أجي وصاحبك عيسافر ..

علي : إديتش علشان تطلعي تدي لي حاجات الخطوبه 🧳 كلهن ولا تخلي حاجه وقليلي ماهي الشوكلاته الي ادوا ولو معش صور هاتيهن افعل نفسهن قد خالو بيتحروني أرجع لهم كل شي ما أخلي شي حتى أي بعسيسه ...

روان : فتحت عيونها بفرحه 😃 ترجعهن .. ليش ماهو ماحصل ...

علي : ناهي إطلعي إديهن وبعدا شاقلش التفاصيل ...

روان : من الفرحه 😃 مش وقت الحاجات أول ماهو ماقالوا لك بابا ..

علي : إبسرها فارحه ضحك عليها 😂 ناهي إجلسي وأنا شاقلش إتصلوا لي خالو قالوا لي سير الان لعند عبدالله ورسلوا لي الرسايل الي رسلش وجابروني ع تصرفاته معش سيرت لعنده أوقفه عند حده وأتفاهم معه كيف يحترمش وأنه بداء يغلط عليش وكلمه جرت كلمه قام يقلي أحمد الله أننا رضيت بها وهي حتى دكاتره المستشفى بيلعنوها ويتكلموا ع أخلاقها وصاحبه غيث بيقل عليش كلام شوعه المهم ماسكت له وتصايحنا قوي وضربته 😅..


روان : بعصبيه 😠 هذا غيث ماعيوقفش عند حده شكله يشتي من يربيه ماكفاه الي حصل ..

علي : بهنجمه 🤨 أيش حصل ومنهو غيث هذا ..

روان : راعي👌🏻 كمل لي ماعد فعلت معه وشحكيلك منهو غيث هذا ..

علي : شرح لها انه كلم عادل وقله يفسخ الخطوبه ويرجع حاجتهم لانه ماعاد عجبه ولا يشتيه ومايراعي حتى للصبح ...


...... ....... .........

في الهند 👳🏻‍♂️...

عادل : ماسك تلفونه 📱 وبيسير ويجي 🚶🏻‍♂️...

نادر : ممدد فوق الكنبه 🛋️ كان بيتفرج التلفزيون قام سنب .. إسكه قلوا لي مالكم من أول التلفون في يدكم وقلقين😰 به شي في صنعاء مخبيين عليا ..

عادل : وقف 🧍🏻مابش شي لاتقلق أصلا حصلت مواقف خيرات من خطيب روان وماعاد عجبني واليوم حصل كذا وبيحكي له خليت علي يشل الحاجات حقهم ويسير يمكنهم ويفسخ الخطوبه .

نادر : إبتسم بقوه فرح 😁 ولمعت عيونه .. بس حاول يمسك نفسه لا ينفضح بيني وبينكم فعلتوا خير الصدق هكذا أحسن لأنه حتى روان كنت أحسها مش مرتاحه ..

عادل : هز رآسه أيوه .. وخفت إنه مايكون تمام وارجع اندم لأنه حسيت إنها وافقت غصب ..رن تلفونه 📱 هذا علي راعي أجاوبه ..

نادر : من كثر فرحته ع طول قام شل تلفونه 📱 ورسل لروان : (الناس يقولوا مبررروك ع الخطوبه ... بس أنا شاقول مليون مبرووك ع الفسخ 😍 هكذا أقدر أتهور براحتي وأقلش أحبك بدون خوف لأنه الأعمى فتح وعيحبش لأخر يوم في عمره ولايمكن يفلتش ) ...


🌹meme_ abdalgaleel



@qesasanani

سأكتفي بك حلمآ 💔...

بارت ٩٥ ....


بعد إسبوع ....

بداءت مراسيم عرس سندس 👰🏻...

غاده : بتتحانب مع روان .. هيا لكن بطلي خباله أمانه إفعلي لش هذا الروج 💄...

روان : بتضحك عليها 🤣 وأرجع مهرج مثلش .. ماشي والله مفعل شي هكذا يعجبني وبعدا يله بغير دحس كملي البسي ننزل ماما خديجه عيصيحوا فوقنا عيقولوا هذا وعادها حفله فالبيت كيف عنفعل فالقاعات ...

غاده : بتتصلح قدام المرآيه .. يووه صح والله لازم ننجز يله الان وأنتي أتصلي لعلي إبسر أين قدهو هو وسندس وآيه ..

روان : ضحكت 😂 يعلم الله كيف عتطلع ماصنف لها تشل آيه معاها ..

غاده : رجعت شعرها بيدها لوراء .. خليها وانتي قدهو بحق الدحس خزيت منها قالت علشان تشتيش أنتي تسيري معاها ...

روان : بتكمل تتجهز وصلتها رساله فتحتها ..

نادر : ع فكره زعلان منش 😔 مطنشه لي حتى مواعيد العلاج ماعاد بتذكرينيش بس أنا بينتذكر وحدي لأني مصمم أفتهن بسرعه علشان أكمل حياتي معش😉 ) ..

روان : قريتها وردت عليه العفو منك يا إبن عمي بس مشغوله قوي هذه الأيام ...

نادر : ضحك هههه 😂 مشغوله بالعرس عقبالش بس كيف عتطلعي وأنتي عروسه شوعه صح ...

روان : رسلت له وجه ضابح 😤 أيووه شوعه وبعدا أنا مشتيش أتزوج يله باي خلينا نتعرس ...

نادر : عنزوجش غصب عنك 😜 وبطلي تغيبي عني بتوحشيني طيب ابردي مني إذا ماعد بينوحشش طيب والعلاج ماعد يهمش تذكريني ع فكره قد بيننساه خيرات ..


روان : بهررت فوقه 🙄 تشتي عصيه صح ماهو بتنساه نادر والله لأزعل منك قوي ..

نادر : وأنا والله العظيم ماعاد أشرب حبه واحده ولا أسير جلسه إذا ماذكرتيني وانتي حره 😜..

روان : 😡 عنتفاهم بعدا وبطل تحلف خليني انزل أبسرهم عيصيحوا فوقنا ..

........ ....... .......


في التخزينه ...

غيث : جالس مخزن مع عبدالله ..

عبدالله : بيحكي له الي حصل بضبح 😤...

غيث : إبتسم فارح 😃 يعني افتسخت الخطوبه ...

عبدالله : إبسره بضبح 🙁 ومالك زقرعت هكذا وفرحت ...


غيث : ارتبك 😅 هاااه .. مابلا فرحت لك انك خلصت منها لأنك كنت عتدبس قوي .. وبيحاكي نفسه 🤔 ذلحين لازم اشوف طريقه أصلح وضعي مع روان وأعتذر منها واتقرب منها لا أضيع الفرصه وهذا الأهبل أحاول ابداء اتخلص منه ومن صحوبيتي معه ...


🌹meme_ abdalgaleel



@qesasanani