سأكتفي بك حلمآ 💔..

بارت ٩٦ ...


في بيت أهل شيماء 🏠...

شيماء : عندها العيال شلوهم تبسرهم وتخليهم عندها علشان العرس جالسه بتلعب معاهم قاقده لهم ..


بنت الجيران : بتتفرجها 😏 وتحطم .. ذلحين منش صدق ياخبلاء شليتهم عندش لو انا بش لأرجعهم ادوهم لش يشتوا يتعرسوا ويفتهنوا لو هو انا لأتصلهم يجوا يشلوهم ويخغروا لهم العرس يحنبوا من يبزيهم ..

شيماء : حطت نور من يدها 👧🏻 يووه مع كيف ارجعهم قدنا فاقده لهم إبسري محلى نور كيف قد بتخطى والله أن قد قلبي عيخرج عليهم وبعدا الصدق هن كانين طيبات لعندي وأنا كنت ادور أضبحهن علشان اخرج بيت وحدي ...


بنت الجيران : هيا من هذه الخباله قلك كانين طيبات وبعدا لاتتعلقي بهم ولا تخلي قلبش معلق عندهم .. شويه وتزوجتي مافايده خليهم غير يسيروا عند أبوهم وأهلهم يربوهم . وبعدا ماعتجلسي تمكنيها يوميه جلسه فالبيت أومه أو انتي موجله قومي نخرج ونتفرط وأشتي أشلش بيت لو تبسري ع بيت وبقعه أمانه به واحده من صاحباتنا أخوها مرته حانقه وبيدورا له مره أعرفش عليها وأجلس اجابرها منش أطلعش في راسها تزوجش لأخوها والله لاتدعي لي طول العمر ومعه فله لوحده وحلا ودلع ...

شيماء : بداء الكلام يدخل عقلها وبتفكر 🤔 صح اصلا ماشجلس افعل عند أخي ومرته ونادر لو ارجع له شجلس أمرضه واوبه له ع قولتها ادور لي زواجه صح وبس ...

بنت الجيران : هيا مالها طننت 🤔..

شيماء : هيا قومي أخطى ألبس بساعتي وشاحط العيال عند امي ونسير عند صاحبتش هذه الي قلتي ابسر كيفهم وكيف البيت وبعدا لو البقعه عجبتني عنرتب لها امد ماكمل العده ...


....... ......... ........

عند العرس 👰🏻 ....

سندس : جالسه خازيه فوق الكوشه 😊...

غاده : بتسير لعندها تسألها لو تحتاج شي ..

أهل زياد : بيتحيلوا لها وأدوا لها ورد 💐 هديه منه .

روان : جالسه فوق المدكى .. قدام سمر بتتجابر معاها وبتحكي لها ع رسايل نادر الي رسل ..

سمر : خفعتها بيدها في رجلها 👋🏻 وضحكت ههه حرركاتش يابنت إحنا شليناش مع الرجال تعالجوه ولا تحبوا بعض ..

روان : خزيت 🥰 ههه والله ياسمر مافعلت شي ولا قلت له اننا أحبه لأنه كنت احترم انه مزوج وأننا مخطوبه وبعدا أنتي داريه أن نادر بالنسبه لي كان حلما وبعد ماتزوج قررت انه سأكتفي بك حلمآ وبس ..

سمر : طيب وأنا معش كنت من اول وكل الظروف عكسش عتتكفي به حلمآ بس ذلحين الوضع كله تغير والظروف كلها في صفش وانا أكثر واحده كنت أمنعش بينقلش ذلحين حققي حلمش وخليش قريبه منه ولا تحاولي تضيعي فرصه جت لش ...

روان : تنهدت 😔 بس ياسمر كلشي مش ضابط ولا عينفع مشتيش أكون السبب في خراب بيته وحرام عياله يتربوا بعيد عن أمهم وخايفه أنه يكون تعود ع وجودي جنبه بس فتره مرضه يعني تعود مش حب وفوقها بابا إستحاله يرضوا بشخص معه عيال ..

سمر : العيال يا روان أنتي عتكوني لهم أم بدل أمهم ماتزعليش عليها وبعدا عمو عادل هم داريين كيف نادر وأكيد لما يدروا إنش موافقه وتشتيه ماعيمانعوش ..

روان : بتتحاكى معاها وصلت لها رساله من نادر 📱 ممكن ياقمر لما أتصلهم بعد شويه أبسر سندس تتنازلي وتخليني أبسرش لأنش صدق وحشتيني .. قريتها وورت سمر ..

سمر : قريتها ضحكت ههه وغمزت لها 😉 جبر الي قد بتوحشهم ويشتوا يبسروها شكل العرسات عتهل عندكم واحد بعد الثاني عنكمل عرس سندس ونزوجكم ..

روان : ضحكت ودكمتها 👊🏻 الله يقلعش سعم انهو قلي اشتي اتزوجش هو قال اشتي أبسرش ..

أزهار : قاطعتهن .. دعتها تقوم ترقص💃 مع سندس هي والبنات ...

🌹meme_abdalgaleel

https://tttttt.me/qesasanani/3374


@qesasanani

سأكتفي بك حلمآ 💔 ...

بارت ٩٧ ...

يوم الزفاف 👰🏻..

زياد :فارح من الصبح قام بدري لأنه أصلا ماقد رقد 😴 اول شي فعله مسك تلفونه رسلها 📱 من عيكون حقي اليوم 😉 والله مانا مصدق.. بقدر ماكرهتش يوم ماصدمتيني حبيتش أضعاف وأخترتش شريكه حياتي ..

سندس : كانت فوق السرير ممدده بتتفرج السقف وغرفتها 😔 زاعله ان اليوم أخر يوم لها فيها وعتفلت اهلها وتسافر وزاد قهرها إن نادر مش موجود معاها وعتسافر وماتقدر تبسره وتتطمن عليه .. سمعت صوت التلفون فتحت الرساله 📱 إبتسمت 🙂 ردت عليه .. هو ينفع ما أجيش وأجلس في بيتنا 😅...

زياد : رد عليها 😡 جربي افعليها وشاجي لش بطقم عسكر هههههه واخرجش بزفه ماقد حصلت لعروسه ..

سندس : مشتيش أفلت بيتنا 😞 حاسه اليوم بشعور غريب.. اليوم صدقت خلاص كنت أحسب إننا في حلم ...

زياد : لو كل الأحلام هكذا حلو سأكتفي بها حلمآ وماعد اشتيش حقيقه 😍 يله قومي بسرعه تجهزي خلي الكوافير تصلحش بسرعه نلحق جلسه التصوير ..

سندس : حاضر أصلا شخرج ع الساعه ٢ وانت تجي للقاعه نتصور براحتنا قبل مايجوا المعازيم ..

زياد : خلاص اوكيشن 😍 ..

سندس: خرجت من غرفتها بتودع كل شي في بيتهم ونزلت لعند أبوها تجلس معه ...


........ ....... .......

في المستشفى 🏥...

سمر : إبسرت روان جت ...😳 يوووه ماجاء بش والعرس ... عتسيري مع سندس الكوافير ...

روان : إبتسمت 😊 أيووه شرجع ذلحين بس أمس نادر رسلي نتايج الفحوصات الأخيره وأنا جيت أبسر نتيجه أول فحص فعلناه هانا أشتي إبسر الفرق ...


سمر : بهنجمه 🤨 جبر المهتمه الي فلتت العرس وبكرت من الصبح ع أساس إنش ماشليتي نسخه صح ...

روان : إبتسمت 🥰 الإ بس هن هاناك وقلت له يوريني مادريش اينهن لأنه كنت محتفظه بهن أنا هاناك جيت اطلع بدلهن من هانا ...


سمر : دكمتها 👊🏻 وأرجعي مكنيني أنا ماببنت له حبي انا اكتفيت به حلمآ قد شاحبش أنا لو بتفعلي معي هكذا ...

روان : ضحكت 😊 وسحبتها ... هيا جي معي بسرعه نطلعهن وندخل لعند الدكتور اوريه كيف الفرق أفرحه وارجع البيت بسرعه عاد معي ألف شغله ...


....... ........ .........

وقت الظهر ☀️...

في بيت اهل شيماء 🏠...


الباب : بيدقدق ✊🏻...

مره اخو شيماء : فتحت الباب 🚪 آبسرتها إبتسمت لها مجامله أهلا لأنها داريه إنها بتخرب شيماء ..

بنت الجيران : وينهي شيماء به احد داخل ..

مره أخوها : ايذك داخل إدخلي لعندها ..

بنت الجيران : دخلت بتداعيها .. يييه ياشيماء إبسرتها 👀 هيا قومي البسي بسرعه ..

شيماء : كانت بتلعب بالتلفون 📱 لفتت لها أهلا ... ليش البس مابه ..

بنت الجيران : قومي بسرعه إلبسي هيا وشافهمش في الطريق بس جي افعلش مكياج خفيف ..

شيماء : بإستغراب 😳 مكياج خفيف مابه ..

بنت الجيران : شافهمش بعدا قلي حاضر وبس ...


ياترى هذه ع إيش ناويه 🤔..

🌹meme_abdalgaleel



@qesasanani

سأكتفي بك حلمآ 💔..

بارت ٩٨ ....


في الهند 👳🏻‍♂️...

عادل : جالس فوق الكرسي 🪑 بيضحك هو ونادر .. هيا أقطب والله لو تبدع بي ماتلوم الإ نفسك 😁...

نادر : بيحلق له ويضحك 🤣 وانا مادخلني قد قلت لكم تنزلوا عند الحلاق قلتوا ماشي ...

عادل : يله إلعب بعمك بس والله لأتصل لبنت عمك لو تبدع بي تجي تتصرف معك اقلها بتلعب بأبوها بعد ماسارت ...

نادر : إبتسم 😊 هيا لو قد عتخلوها تجي مالكم الإ أحلى تبداع ..

عادل : خفعه صفاد 👊🏻 وأنا مامليتش عينش هاه ولا مشنا دكتور اوبه لك ...

نادر : خزي وضحك 😅 هاااه مش قصدي بس ماشاء الله عليها روان تدي جرعه تشجيع فضيع وتذكرني بكل مواعيد العلاجات وقد تعودت انها معي في كل جلسه ...

عادل : طاايب يابن هاشم طاااايب الان أتصلها واقلها خرج تلفونه وبيتصلها فيديو 📱 ...

روان : كانت عند الكوافير مع سندس بتتصلح إبسرت إتصال من ابوها بعدت من جنب البنات خرجت للصاله الثانيه وجلست فالزاويه تجاوبه فتحت ومش داريه ان نادر جنبه وهي مصلحه باقي لها رتوش بسيطه أول مافتحت .. حيا حيا بروح قلبي 🥰 ...

عادل : أهلا اهلا بالقمر حقي هذا بنتي مصلحه عرووسه تجنن ..

نادر : إبسرها وفتح عيونه وقعت قلوب 😍 وع طول بعد من جنب عمه .. وصاح .. اعوذ بالله من الشيطان فجعتيني ماهو هذا سيري امسحي الشخبطه هذه ..

روان : 🤦🏼‍♀️ خفعت وشها بيدها يوووه وهذا جنبكم ليش ماتتحاكوا وقفلت الكاميرا ...

عادل : ضحك 🤣🤣 مفعل قد كنتي فالوسط مدراني انش بتتصلحي وبعدا ياسعم مايعرفش...

نادر : بيصيح يحانكها قلوا لها ع حلاها ههه تفجع تمسح المكياج بس وبعدا قد غمضت وشعرها عادها غطته مني اول امس وكود طرحتها بتطحس يعني ما إستفدت الا الفجيعه 😜 ...


عادل : بيضحك عليهم 🤣🤣 اقسم بالله ان إنتوا شويه مداليز ذلحين أنا أتصلت لش تبسري ما فعل بي حلق لي شعري ومشو عاجبه جلستي معه يشتي روان ..

روان : ليش تخلوه يبدع بكم قلوا له يحلم ازيد اجي لا اوفي له الفجيعه يكفي قد افتجع اليوم 🤨...

نادر : ضحك🤣 هههه إسهل جي بس ولو إفتجعت عيكووا لي والله اننا بينسي علاجاتي صدق وعمي قدهم شيبه بينسوا مايذكروني نشتي الاثنين مره توبه لنا شكلي شازوج عمي ...

روان : بضبح 😤 لاتزوج بابا ولا عليك منهم اتزوج انت ..

عادل : ضحك ههه 😂 جبر الي بتغير ع ابوها أنا فدالها خلاص نزوجه هو بيني وبينش ندور له ممرضه هنديه وسكهنا اذوته ...

روان : أيوه يستاهل ودوروا له اخبث ممرضه الي تفعل له الإبره وتسمعوا صياحه للشارع الثاني قلك افجع قد الي هانا كلهن بيتحيلين لي وهو قال افجع ...

عادل : ضحك 😂 إبردي لش منه هو ذوقه احوس والله إنش ساع القمر وتجنني .. سندس قد تجهزت او عادهي ..

روان : ماشي عادهي بتتصلح لما تكمل شاخليها تتصلكم تبسروها وتحاكوها هي تشتي تحاكيكم أنتوا ونادر ...

عادل : يله تمام سيري كملي تصلحي الله يعينكم انتبهي لنفسش ..

نادر : بيحانك وقوى امسحي الي في وجهش هههه .

روان : قلوا له مايدخلش هيا وعناد فيه والله لا افعل روج احمر أوقع افجع سواء 💄 يله باي ..

عادل : دخل الحمام يغسل وجهه من الشعر ...

نادر : مسك تلفونه ورسلها والله لو تفعلي روج أحمر 💄 لأجي أذبحش قدش تجنني وانتي هكذا عاد بالأحمر كيف عتطلعي😍😍 ...

روان : ماعليك مني أنت سير أكوي من الفجيعه ...

نادر : 😍😍 مزززه تجنني ..زيد وريني هيا .. أخبل والله الي قفيت كنت شاركز سواء ...

روان : رسلت له بوكسات 👊🏻👊🏻👊🏻..


........ ........ ........

في بيت صاحبتهن 🏠...

بنت الجيران : خرجت لعندها .. خلاص تمام ع ماسدينا ..

صاحبتها : أهم شي شيماء ماعتزعلش ..

بنت الجيران : ماعليش شي خلينا بس نخليه يبسرها اول ...

صاحبتها : يله تمام أنا شاخليه ذلحين يخطى ويدخل سعمنهو مش داري ...

شيماء : كانت جالسه بتشرب العصير 🍸 ..

اخو صاحبتهن : دخل سعم مشو داري وإبسرها ... يووه العفو منش مشنا داري ان به احد هانا ...

شيماء : خزيت ووطت وشها ع طول وسحبت البرقع تتغطى ..

اخو صاحبتهن : خرج ع طول ...


بنت الجيران : دخلت لعندها هي وصاحبتها سعم مش داريات ..

شيماء : بتحكي لهن وقدهي خازيه 😅...

صاحبتهن : فعلت نفسها محرجه منها وبتعتذر لها بدل اخوها 😅...

🌹meme_ abdalgaleel


@qesasanani

سأكتفي بك حلمآ 💔..

بارت ٩٩...

بعد إسبوع ..

كمل العرس وجاء يوم السفر ✈️..

في بيت هاشم 🏠..

سندس : بتسلم ع أمها وتبكي 😭...

غاده : بتمسح دموعها 😰 بتحاول تكون قويه ...

زياد : إبسرها وضحك بيحانكها .. أخيرا إبسرتش أنثى مش طرزان ..

غاده : لفتت له بضبح 😤 مش وقت هبالتك يكفي قد عتشل أختي مننا وتزيد تسفرها ...

هاشم : هيا ناهي لكن هي عتسافر وتكون تجي وقد به نت وعتتجابرين يوميه وبعدا قدوذا شويه وتلحقيها الدور والباقي عليا أنا وأمكن الي عينجلس وحدنا😔 ...

حوريه : الله يسخر لهن وأحنا ربي عيعوضنا بمره سابره لنادر ياررب لما يرجع بالسلامه ...

...... ....... ......

في بيت الجد قاسم 🏠...

آيه : فتحت باب البيت 🚪دخلت ضابحه ...

أزهار : يووه خير مالش قالبه صور أين زوجش ماقالت الدكتوره ..

آيه : فعلت بيدها حركه لامبالاه 👋🏻 يسير حتى المريخ ماعليا منه وفلتت وطلعت ...

روان : كانت واقفه باب المطبخ ابسرتهم سارت لعند عمتها مالها آيه خير ماقالت لهم الدكتوره مالها ضابحه النونو فيه شي 🤔...

علي : دخل من الباب 🚪 وهو مبتسم 🙂 سلاااام ..

أزهار : يووه 😳 واحد بيضحك قد وجهه عيشتط من الضحكه والثانيه ضابحه عتقرح مابه ..

علي : رجم مفاتيح السياره من يده 🔑 لافوق الكنبه .. ابردوا لكم منها خلوها تجنن لها ماعجبهاش إن الي في بطنها طلعت بنت تشتي ولد ...


روان : ضحكت 🤣 أمانه منك صدق هذا الضبح كله لأن معاها بنت أنا أعرف إن الرجال يضبحوا يشتوا عيال مش النسوان ...

أزهار : هزت رآسها.. آااااها كان قلت لي مالها ..ولفتت لروان هي مش ع إنها بنت هي ذلحين ع الإسم ..

روان : إستغربت 🙄 يووه قد عتتحانبوا ع الإسم من ذلحين اول تجي بالسلامه وبعدا خليها تسمي هي البنات وانت العيال وخلاص بدل ماتتحانبوا ..

علي : هز راسه ... نوووو والله لو تحنق للصبح أنا حلفت يمين ماتتسمى الإ روان ساعش وهي تفعل الي في راسها ...

روان : أحرجت منه 😅 يوووه ساعي .. علي بطل جنان لو سمحت مرتك ماتحبنيش لاعد تخليهاش تكرهني ...

علي : إبردي لش منها أهم شي كلنا بنحبش وهي عتتعود ...

روان : طيب عتسدوا أنت أخبر أنت ومرتك إبسرت الحجز حق الطيران ذلحين ما أتفقتوا من عيجي معي ...


علي : أيوه قد حاكيت خالو هاشم قالوا عيجوا هم وخالتي حوريه وغاده عتجي هانا وعيال نادر عيخلوهم عند أمهم أمد ماترجعوا ...

روان : خلاص نبيني بس أيحين الحجز علشان ارتب أموري فالمستشفى 🏥 وعلشان بابا والكل لانهم عيرجعوا يبسروا لهم موعد ..


🌹meme_abdalgaleel

https://tttttt.me/qesasanani/3374


@qesasanani

سأكتفي بك حلمآ 💔..

بارت ١٠٠ ...

في بيت أهل شيماء 🏠..

شيماء : بتتصل لها بنت الجيران ...يوووه 🤦🏻‍♀️ منش صدق كيف لوما ومسرع ...

بنت الجيران : ضحكت 🤣 سبحان الله إعجبتيه وقال لأخته يشتيش ..

شيماء : طننت شويه 🤔 لكن ماعيقلوا الناس كملت العده وخطيت تتزوج وبعدا عيالي ..

بنت الجيران : إبردي لش من كلام الناس وبعدا عيالش هم كذا ولا كذا عيكبروا ويبسروا حياتهم وابوهم قدوذا بتبسري يشتيهم عنده وماتجلسي تفعلي في بيتكم يوميه صياح مع أخوش ومرته ..

شيماء : أممم 🤔 مدري خليني افكر أصلا أنتي قلتي مرته حانقه يعني ماقد طلقها وزيد معاه ٣ جهال ..


بنت الجيران : قالت أخته هو عيطلقها بس اول يشتي يتزوج وعادها حانقه يشتي يقهرها وعياله ماعتدخليش منهم معاهم شغاله لاراسهم وبعدا إبسرتي ع بيت وزلط يعني عيعيش مرتاحه ودلع ..

شيماء : خليني افكر 😇 وأقلبها في راسها وشارجعش خبر ...

بنت الجيران : بغير خباله توكلي ع الله إبسرتي اخته ع لبس وذهب والله لاتفتهني ..

شيماء : خلاص خليني أزيد أحاكي أمي وارجعش خبر ..

بنت الجيران :ضحكت 😂 عادش تشتي رائيهم قد ودفوا بش مره لعند نادر هذه المره شلي قرارش بنفسش لاعاد تخلي أحد يتحكم فيش ...

شيماء : بعد ماغلقت معاها جلست تفكر في كلامها 🤔 وتحسبها ...


........ ......... ..........


في الهند 👳🏻‍♂️...

في المستشفى 🏥..

عادل : مسك نادر وبيخطوا 👬🏻 وهو فارح 😁 ...

نادر : والله مانا مصدق إن به تحسن هكذا والله ان جميل روان فوق راسي طول العمر .

عادل : بطل خباله قلك جماله أصلا مشنا داريه ليش كنت معاند ماتشتيش تتعالج ..

نادر : وقف 🧍🏻أصلا كنت اقل شاموت خلاص ليش ازيد أتعذب وكيماوي وأخليكم تزعلوا عليا أجلس ساكت بس وأتحمل وجعي ولا اقل لأحد لما أموت 😔...

عادل : الله يحفظك .. إبسر كيف لوماسمعت الكلام وتعالجت وعاد الأمور فالبدايه كيف بداءت تتحسن وشويه وشويه وعتفتهن إن شاء الله ...

نادر : أنتوا داريين لوكانت زواجه روان تمت كنت شندم طول عمري ..

عادل : بإستغراب 😳 ليييش ...

نادر : أصلا هي ربطت زواجها بعلاجي وأنا قلت قد شاموت خلاص وكلكم نفسكم تفرحوا بها فوافقت أتعالج علشان هي توافق تتزوج ...

عادل : إتفاجاء .. 😳 آااااها وأنا بينقل كيف لوما رضيت مع إنه كنت حاسس إنها مش مقتنعه ..

نادر : والله لاكنت أندم طول عمري خاصه بعد ماطلع إنسان مش كويس أنا كنت شفتهن وأتعالج وهي عتنظلم معاه بسببي بس ربي ماسخيش فيها ولا فيني ...


عادل : ربك كريم داري إن روان قلبها طيب وتحب الخير للناس كلهم ... خطيوا 👬🏻 وبيفكر🤔 طول الطريق ليش روان ربطت زواجها بعلاجه ومحد قدر يقنعها تتزوج أبدا ليش نادر ...


🌹meme_abdalgaleel



@qesasanani

سأكتفي بك حلمآ 💔..

بارت ١٠١...


في بيت الجد قاسم 🏬...

فوق العشاء 🍱..

الجد قاسم : والله إنها أحلى خوره الصدق في هذا البرد ...

هاشم : بيأكل ..مدري ماطلع لي خورتها هذه الساع قد بتقلي حوريه عتفعل لي قلت والله مشتي الإ من يد أزهار حقها العصيده ثانيه ...


أزهار : بالعافيه ع قلوبكم ❤️ بكم جيتوا تسمروا ونتواله ...

روان : بتتجابر مع غاده ويضحكين 😂 وبتحكي لها ليش آيه حانقه مانزلتش تتعشى معاهم بسبب الإسم ..

غاده : بتحاكيها دلا .. يووه غبني عليا حين شجلس هانا لما تسافروا🤣 ..

علي : ذلحين خلاص ماقررتوا من السفر علشان أحجز ع ماسدينا روان وخالي هاشم وخالتي بس ...

الجده خديجه : إبسرت للجد قاسم بضبح 😤 .. وأنا أنت قلت لي عنسافر وقدنا افعل فحوصات والكل ...

الجد قاسم : ضحك 😂😂 يعني اشهدوا ع أمكم هاه تشتي تفعل فحوصات قدهي عجوز يعني محد يلومني لو قلت زوجوني ..

روان : ضحكت 🤣 هههه أنتوا داريين ياماما إنهم كان يجلسوا يجابروا الممرضات الهنديات ويقلوا لهن عتتزوجيني وهن ولايفهمين وارجع اغالطهن بكلام ثاني ...

الجده خديجه : بهررت فوقه 🙄 هيا ناهي لك إحجز لي ياعلي أسير أبسر الي عجبين جدك ....

حوريه : ضحكت هههه هيا مه عتخلونا نسافر نبسر الولد ولا عنسير نهم لو ازواجنا يبسروا الهنديات ماشي يجلس هاشم هانا يا أمه ونسافر أنا وأنتوا وروان ...

علي : أيوه موافق وأنا معاكم ونخلي الشيبات يجلسوا هانا 😉.

أزهار : ناهي ياشيبات ذكرتوني ع ذكر الزواجه مازد فعلتي ياحوريه سألتي ع البنت بنت منهي ...

غاده : هااه ايووه طلعت صاحبه أخت زياد ...

روان : بنت مه ياخطيرات من ورايا 😉...

الجده خديجه : مابلا إبسرت بنت في عرس سندس عجبتني قوي وشكلها مؤدبه وبنت ناس قلت لهن يسالين عليها بنت منهي لما يرجع نادر بالسلامه ونطمن عليه نرجع نبسرها له ونزوجه ماعاد منهاش يجلس بغير مره عمتش حوريه ماعادهيش حق بزا وجهال ...

روان : حنبت اللقمه في حلقها وأكتبدت 🥺 حاولت ماتبين ..

حوريه : الله يرده بالسلامه ويعافيه والله ان شكلها مسكينه قوي وزد سندس سألت اخت زياد قالت هي قد تزوجت وتطلقت كان معاها عمه هرمه وشلوا عليها ابنها والكل يعني عتجي حنونه ع عيال إبني قدهي حاسه بالأمومه ...

الجد قاسم : بنت منهي ومن هم اسرتها مشو لاقد عجبكن الشكل وبس ونسأل ليش تطلقت وكيف ومه ...


روان : قامت سكته من فوق الأكل قعلت نفسها شبعت 😔 ماعد قدرت تأكل .. طيب أستأذنكم عادي معي دوام الصبح بدري وشحظر عمليات ..

الجده خديجه : الله معش ياروحي وربي يعينش ..

روان : تصبحوا ع خير وطلعت مسكت تلفونها ورسلت لنادر 😔 (مبروك ياعريس يله أقطب إفتهن بسرعه ترجع قد قدامهم لك عروسه حلوه وناويين يزوجوك ) ..


🌹meme_abdalgaleel



@qesasanani

سأكتفي بك حلمآ 💔..

بارت ١٠٢ ....

في الهند 👳🏻‍♂️...

نادر : كان راقد 😴 سمع رساله وصلته جلس يتقلب يفتحها او لا رجع سحب تلفونه 📱 وهو فاتح عين ومغمض عين .. قريها من روان ع طول جلس وفتح عيونه 👁️ ورد عليها (ههههه 😂 يعني أعتبر هذه غيره ولا مباركه ) ....

روان : كانت ممدده فوق السرير ضابحه 😤 قريتها ردت عليه ( وليش أغار أنا قلت بس أبارك لك 🙃) ...

نادر : ( هههه قد بينبسر عيونش الي كلها شرر لاعندي قلك ما بتغير خلاص بطلي زنط وإعترفي قلي أيووه بينغير 😜) ..

روان : ( وليش أغير مادخلني.. انا قلت بس أحفزك علشان تتشجع وتفتهن بسرعه خاصه انها حاليه 😉)..

نادر : ( ههههه إذا هي أحلى منش موافق ماعاد شاراعي أفتهن شرجع بكره وأجي أكمل العلاج أنا وياها )..

روان : ضبحت من رده 😤 ردت عليه ( مشنا داريه كيفهي بس لوتشتي أسير أبسرها لك بكره حاضر وشاقلك وقدهو بدل ماعاد نسافر قدك تجي أنت )..

نادر : ( ههههه 😂 محلاش يابنت اللذين ومحلى غيرتش وجنانش أين كنت هذه السنين كيف كنت أعمى وما أنتبهت لش ) ..


روان : ضحكت 😁 بس حاولت تخلي نفسها 💪🏻 ( وتنتبه لي ليش يا إبن عمي 🤔 أنت شكلك شربت حبوب مهدئه وبدأت تهذي ) ..

نادر : ( أنا فعلآ بدأت أهذي من يوم ماعرفت إننا كنت أعمى 😎 ولما فتحت عيوني تشتوا تزوجوني ههه ) ...

روان : تشتي تتهرب منه رسلت ( تصبح ع خير معي دوام 👋🏻)..

نادر : تنهد بفرحه 😁 تأكد إنها بتغير وبتحبه بس مكابره إتصل لها 📱...


روان : بتبسر إتصاله 📱 وتكنسل ..

نادر : رسلها ( حاااضر كنسلي لاترديش براحتش وأنا الآن أسير أقيم عمو عادل أخطبش منهم 😜 شاعيد الإتصال مره إذا مارديتيش والله لا أسير أحاكيهم ) ..

روان : إفتجعت 😅 لو يسير صدق لأنه بداء يتهور صدق فتحت التلفون وردت عليه ...

........ ......... ..........

في بيت أهل شيماء 🏠..

أم شيماء : سامره في حضنها يوسف بتلاعبه 👶🏻 لفتت لشيماء 👀 ... ياعيبتش صدق حين سخيتي تتطلقي وتحرميهم منش ومن ابوهم ...

شيماء : بزنط 😌 مابش نصيب وبعدا ماعيوقع بهم هم شويه وكبروا وأبسروا حياتهم شاكون أبسرهم وعيجوا عندي ..

مره اخوها : ياشيماء ليش ماتحاولي تحاكي أمه خاصه أنهي حاليه لاعندش لو عتحاكيه وترجعي علشان جهالش ..

شيماء : لفتت لها بنص عين 😏 أرجع له مه شكلش بتدوري ارحلي وبس .. وبعدا افتهني أنتي وأمي قد اخو صاحبتي يشتي يخطبني قد حاكتني وأنا موافقه حاكوا اخي ويبسر يوم يبسر الرجال ويسد معه ...

أم شيماء: بإستغراااب 😨 أيييش أخو صاحبتش وخطبه مه وأيحين قد وافقتي عاد شي معش عقل هكذا منش والي نفسش ماعيقلوا عليش الناس طلبت الطلاق وماقد كملت العده سواء الا وقد عتتزوج ...

شيماء : وقفت ولفتت لأمها ... يقلوا ماقالوا مايهمنيش مجلس افعل جهالي وعند ابوهم وأنا أشتي أعيش وأبسر حياتي المهم نبو ع اخي ورجاء هذه المره محد يدخل يكفي زوجتوني ع رائيكم بنادر وهذه النتيجه هذه المره هذا أختياري ومحد عيمنعني انا راضيه وفلتت وخطيت 🚶🏻‍♀️..


أم شيماء : لفتت لمره إبنها بزعل 😔 لاحول ولاقوه الإ بالله .. قوى يابنتي أنا فدالش لاتحاكى زوجش ولاتقلي له ماقالت والله لايذبحها عيقل مدري مابينهم صدق حين بتقل هكذا ومستعجله تتزوج بعد ماطلبت الطلاق هي حره انا شاقله ان صاحبتها جت تحاكيني أنا .. الله يعينني ويخارجني ماعد دريت كيف أفعل معاها ...

🌹meme_abdalgaleel



@qesasanani

سأكتفي بك حلمآ 💔..

بارت ١٠٣ ...

ثاني يوم فالمستشفى 🏥...

روان : رغم إنها رقدت متأخره 😴 بس قامت نشيطه ومبسوطه بعد كلامها هي ونادر وحست إنه بيحبها😍 بس جالسه تعانده مش راضيه تعترف ...

سمر : دخلت وفي يدها ٢ كوفي 🥤🥤 حطته لها واحد فوق المكتب .. ذلحين اجلس امخمخ لش سواء وأسمع ماحصل بالظبط ...

روان : بتضحك خازيه 😅 هههه الي قلتلش بس أنه إتصلي وجلس يحاكيني للفجر ...

سمر : بتفعلها شكل قلب ❤️ بيدها .. والله أن شكل حلمش عيتحقق ..

روان : هههه 🥰 أنتي داريه طول المكالمه وهو بيدحس يشتي يعرف إيش الحلم حقي الي دايما اجلس اقل معي حلم نفسه يتحقق وأنا ولارضيت ابين له إنهو هو أو أحسسه أننا بينحبه ...


سمر : بتتليقن عليها 😜 يعني ع أساس إنه ماقدهوش داري اصلا مفضوحه ...

قاطعهم صوت غيث دخل ..

غيث : واقف عند الباب 🚪وهو محرج 😅 صباح الخير ممكن أدخل ..

روان : قامت وقفت ولفتت لعند سمر بضبح 😤 أنا شنزل معي حالات ..

غيث : لفت لها .. دكتوره روان ممكن تجلسي أنا جيت علشان أكلمش معي موضوع أشتي أحاكيش ..

روان : وقفت قدامه بهنجمه 🤨 ليش باقي معك مواضيع غير الي قلتها ...

غيث : بريحمه 😔 طيب ممكن تخليني أدخل واتكلم معش وبعدين تحكمي ..

سمر : حست إنه يشتي يكلمها . وقفت ولفتت لعندها روان أنا شنزل افعل لفه إبسر قسم الرقود وأرجعلش وخرجت 🚶🏻‍♀️...

غيث : بيلعب با أصابيعه متوتر 😰 طيب ممكن تجلسي ونتفاهم وبعدين القرار لش ..

روان : رجعت جلست فوق الكرسي 🪑 حق المكتب وربعت أيديها .. تفضل خير إيش عندك..


......... ......... ........

في الجامعه 🏫...

غاده : واقفه مع صاحبتها بتضحك 😂 بتحكي لها من آيه وبتهم كيف عتفعل لما تجلس عندهم لما يسافروا ...

عصام : مشي لعندها 🚶🏻‍♂️ مبتسم .. صباح الخير كيف الحال ..

غاده : خزيت منه 🥰 وطت راسها .. صباح النور ..

عصام : كيف حالش كيف الجامعه وكل شي معش ..

غاده : بخزا ☺️ الحمدلله كلشي تمام ..

عصام : أنا مريت لاهانا معي عمل قلت أبسرش مع الطريق أسلم عليش وأسأل كيف قد اخوش بيقلوا لي أمي إن عمي وعمتي عيسافروا قلت أستاذن منش أشل رقمش أكون أطمن
عليش واشوف لو تحتاجي شي ...

غاده : بقدر ماكانت هذك البنت المصيحه طرزان بقدر الإحراج الي هي فيه 😅 هاااه ماشي مع.. أصلا شجلس في بيت جدو يعني ماشحتاج شي ...

عصام : ضحك 😂 الله يرحم أيام المضاربه .. وبعدا ليش ماشي أنا قدنا خطيبش اللهم باقي الدبل أخرتونا لما يرجعوا من السفر ولا شتصلهم اليوم يحددوا يوم نخطب قبل السفر وبس ...

غاده : هااه 😅 مع مع أصلا أنا أشتي خطوبتي ونادر موجود يكفي سندس ماعتكون معي ...

عصام : خلاص يله هاتي لي رقمش وأطمني أنا مش مزعج بكون أطمن عليش بس ..

غاده : إدبست ورجعت تمليه الرقم 😁....

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ١٠٤ ...

في الهند 👳🏻‍♂️...

نادر : بيتغدى 🍲🍛 هو وعمه خرجوا مطعم ويتمشوا شويه إبسر ٢ ماشيين وماسكين يد بعض 👫🏻. جلس يتفرجهم ويبتسم 😊 تذكر روان وبيتمنى لوهو مكانهم ..

عادل : حرك يده قدام وجه نادر 👋🏻 ييه نحن هنا هههه ...

نادر : ضحك هههه 😅 وانا هنا والكل ..

عادل : غمز له مابلا هناك 😉 مالك مطنن لاتقليش فاقد لشيماء لأنه صدق يانادر والله ماتستاهلك ...

نادر : لالا تعوذوا من الشيطان 👹 صح زاعل عليها علشان عيالي بس والله ان ربي عالم كيف حاولت اداريها وأعاملها بكل حب وحنيه وانفذ لها الي تشتي بس ماشفت معاها يوم حلو وفالأخير تصرفت معي هكذا وباعتتي ..

عادل : خفعه بيده في رجله 👋🏻 كان ماقد معانا الضحكه ملان وشك ..

نادر : ولا شي بس بينفكر 🤔 لو به واحده أحبها عيرضوا اهلها يزوجوني بها بعد مايدروا أننا مريض وأعيش مرتاح ..

عادل : وليش مايرضوش بالعكس الكل يتمنى واحد مثلك .. أنت أشر بس لما نروح وتعرف احلى عروسه من رآسي ...

نادر : فرح 😄 مدام هذا رد عمه ورائيه فيه ...

....... ........ .......

في المستشفى 🏥...

غيث : موطي راسه 😰 محرج .. أنا عارف إن تصرفي غلط لما قلت لمدير القسم هذاك الكلام بس نفسي تفهميني ولو حتى لمره .. أنا ياروان تصرفي من غيره صح تصرف غلط بش كنت مشتيش أحد يقرب منش أنتي دايما بتصديني وترفضيني بس والله العظيم إني شاريش ومستعد لو توافقي اليوم قبل بكره أكون في بيتكم واطلب يدش ..

روان : متضايقه من كلامه 😠 ليش والي شاري أحد ويشتيه يشوه سمعته صح وبعدين هذه الموضوع نصيب ورجاء تقفل هذا الموضوع ..

غيث : طيب قبل مانقفله ممكن تقبلي إعتذاري والي يرضيش أنا مستعد أسويه وشاسير أحاكى المدير إننا كذبت 😔 .. تتهد بزعل بس لاتصديني إديلي فرصه إعرفيني والله مانا إنسان غلط أنا واحد بيحبش وشاريش ومستعد أكون رهن إشارتش بس ترضي عليا . ياروان محد يرضى ع نفسه ينحط في هذا الموقف ولا ينزل من نفسه الإ وهو بيحب بصدق وأنا مستعد أبيع الدنيا كلها بس ترضي عليا ...

روان : رحمته لأنه شافت الصدق في عيونه وكلامه 😔 خلاص يادكتور الله يسامحك وشنسى الي قلته بس خلينا زملاء ولو لي غلاوه عندك تقفل هذا الموضوع ..

غيث : طيب حاضر 😔 بس إذا في يوم حسيتي إن في أمل لاتترددي وقلي لي وشل نفسه وخرج🚶🏻‍♂️..

روان : حست بكسرته وزعلت عليه لأنها ذكرت زعلها وقهرها ع نادر لما كان مع غيرها 😔...

ليش دائما لما نحب شخص يكون قلبه مع غيرنا وإذا حبينا بعض تكون الظروف أقوى مننا وتفرقنا ...💔 ...

🌹meme_abdalgaleel



@qesasanani

سأكتفي بك حلمآ 💔..

بارت ١٠٥ ...


بعد إسبوع ....

في بيت أهل شيماء 🏡...

شيماء : لابسه فستان أخضر طويل وسوت شعرها تكسير وحاطه مكياج 👸🏻 وتاج صغير ...

بنت الجيران : بتصلح لها المناكير 💅🏻 ... مش أنا داريه ليش عاندتي هكذا ومارضيتيش تفعلي حتى عرس خفيف ..

شيماء : بزعل 😰 إبردي مشو لازم قدوذا بتبسري حتى أمي وأخي مش مقتنعين بس قد مشيت كلامي وبينهم العيال .

بنت الجيران : ولاتهمي أحد أهلش عيبسروه ويعرفوه سواء وعيرجعوا يرضوا أصلا ماعتجلسي تفعلي وجهالش اوذا عيجلسوا عند أمش لما يرجعوا اهل أبوهم من السفر وعتكون تبسريهم ...

شيماء : تنهدت .. يله ع الله أهم شي إنها زواجه لاطريق مشو بحق الإستعجال هذا وكلام الناس عليا ...

بنت الجيران : إبردي لش من كلام الناس هم حق هدار ع طول أهم شي أنتي عترتاحي إبسري ع قد ذهب إدالش وكم ادالش مهر وبيفعل كلشي ..

شيماء : لكن عادهو ماقد طلق مرته ...

بنت الجيران : هو عيطلقها .. بس مثل ماقلتلش هو يشتي أول يقهرها حين يتزوج وهي ع ذمته ...


مره أخوها : دخلت لعندهن .. شيماء قال أخوش تقطبي شويه وعيشلوش..

شيماء : جاهزه بس قلي لأمي يدوا العيال أزيد ابسرهم قبل مخطى ..


....... ....... ........

في بيت الجد قاسم 🏬...

غاده : بتحط شنطتها في الغرفه الي فيها روان وبتضحك 😂 ذلحين دوري ..

روان : حضنتها شفقدش ياشوعه إسهل قد كلنا اتلخبطت أمورنا علشان نادر ...

غاده : حضنتها وأنا والكل ...والله إن قد بينهم كيف شجلس أنا وآيه الله يستر أهم شي يرجع لنا نادر بالسلامه ..

روان : خلاص إن شاء الله بالكثير كم شهر ورجعنا لأن صحته بتتحسن قوي ولو كمل الجرعات عنرجع ويكمل علاجه هانا ...

علي : بيداعي .. هيا روان عتتأخروا شرق ..

غاده : يله هيا ننزل علشان أزيد أسلم ع بابا وماما ...


نازل كلهم بيودعوهم ....

هاشم : بيوصي علي .. ماعاد شتحراك قوى أختك حسك معاها وخاصه المشاوير والجامعه اعرفها يافرحتها مابحد انا تخرج بالسياره ..

الجد قاسم : بهنجمه 🤨 أين تخرج ماصداها خليه بس يقلي إنها حركت سياره وحدها ...

أزهار : ماعليكم شي لاتهموش أصلا ماعاد عنكون نسير مكان الا أنا وهي ماعد به الإ أنا وياها...


آيه : بتمط صوتها .. يوووه وانا وعلي ولا نسيتونا ..

ازهار : مع مع قصدي عتنشعلي بزوجش وانا أنشغل بها 😅...

كملوا يودعوهم وطلعوا السياره علشان يروحوا المطار ..

نادر : رسل لروان ...( مشنا مصدق عيوني ساعات وقدش قدامي من جديد بس ياهمتاه لنا عتجي أنتي والجيش اليمني كله إشتي أخذ راحتي 😜 ) ...

روان : فوق السياره إبتسمت وردت عليه ( لاتفرحش اصلا شاجي أطمن عليك بس وأرجع مع بابا 🤪) ..

نادر : ( اتحداش ترجعي هذا إذا ماخليتهم أصلا يرجعوا كلهم وتجلسي وحدش 😉 عندي ومعي )

روان : حست إن كلامه فيه إنا طنشته وماعاد ردت 😅. .


🌹meme_abdalgaleel



@qesasanani

سأكتفي بك حلمآ 💔..

بارت ١٠٦ ...

بعد يومين ...

في بيت الجد قاسم 🏬.

أزهار : بتحاكي التلفون 📱 يووه منش صدق من قلش ماشي مابش خبر لوشي إن قد درينا ..

صاحبتها : الإ والله سعم معرفهاش أومه وبعدا هو أصلا زوجها الجديد إبن عم مره إبن أخي وكان معاهم ولاد امس وسيرت عندهم وبينسمعهن بيتحاكين إنصدمت ورجعت سألت سوا وتأكدت إنها شيماء...

أزهار : حطت يدها ع رآسها 🙆🏻‍♀️ يعووو والفعله كان ناهي تزيد تراعي يمكن يرجعها .. ولا إبردي من هذا كله جهالها حين سخيت عليهم عادهم أطفال وبعدا مسرع ناهي تزيد تصبر حتى شويه ..

صاحبتها : والجهال صدق كيف عتفعلوا عيجلسوا عند أمها قالين أمس إنهم عندها ...

أزهار : ماشي ما أظنش هو اصلا نادر قال ماعيجلسوا الإ عنده بس شلوهم إبسرتي أمد عرس سندس وذلحين زيد سافرت حوريه والكل قالوا يجلسوا عند أمهم لما يرجعوا مش إحنا داريين إنها عتفعل الفعله هذه..

آيه : كانت ماشيه سمعتها شدها الموضوع وقفت تسمع 👂🏻.. فهمت إن شيماء تزوجت .. حمله حمله طريق تلفونها 📱 تتصل لعلي تقله ..

علي : إنصدم أول ماسمع الخبر 😲 هييا ناهي لش من الخباله ماهو تزوجت مسرع كيفه ..

آيه : والله مديلكم علم أنا ماعد صديت لا أتصلها ولا أعرف عنها شي من حين منعتني بس أنا سمعت عمتي بيتحاكوا جيت أقلك ...

علي : يله خير حسبنا الله ونعم الوكيل فيها بس .. يله غلقي معي عمل ذلحين .. غلق الإتصال ورسل لنادر ( قالوا شيماء تزوجت 😅 إعترف يابن عمي ماكنت بتفعل بها لما فلتتك وتزوجت ع طول ساع العصفور لما يكون محبوس اول ما يلقى فرصه يطير ) ...


........ ....... .......

في بيت زوج شيماء 🏡...

شيماء : فارحه بالبيت😄 أخيرا بيت وحدها وكانت تحسب أنهم عيجلسوا وحدهم قد بتخطط من عتعزم تحانكهن بتقلب تلفونها 📱تبسر الاسماء ..

زوج شيماء : دخل لعندها .. هيا مه ياعروسه جالسه بتلعبي بالتلفون 📱 وزوجش جاوع قد بينقل اليوم عتأكليني من يدش ماشاقوم الإ وقد الأكل جاهز ..

شيماء : بإستغراب 😳 غداء أوذا انت بنفسك عادك قلت ياعروسه يعني ماقد اطبخش وبعدا اوذا به شغاله يعني ليش أطبخ ..

زوجها : ضحك هههه 😂 هيا ناهي لنا قلك شغاله تطبخ هي يله توبه للجهال وتبسر حاجتهم وبعدا أنا يعجبني أكل من يد مرتي ما يعجبنيش أكل شغالات ..

شيماء : بتتذكر كلام صاحبتها إنه تفعل نفسها خبلاء ... ردت عليه بدلع .. 😊 بس أنا مقدرش اطبخ كيف كنت بتفعل هذه الفتره نفعل نفسها .

زوجها : يوووه 🤨 قدش ام ٢ وماتقدريش تطبخي كان كيف كنتي تأكليهم وبعدا كانت مرتي تطبخ ومن حين سارت كانت اختى عندي ...

شيماء : طيب شاحاول أتعلم علشانك بس ماقلت ليش أيحين عتطلقها ...

زوجها : بإستغراب 😲 أطلقها .. وليش أطلقها ...

شيماء : تفاجأءه 😨 ماهو كيف ليش تطلقها انا قالت أختك إنك عتطلقها بس تشتي تتزوج وعادهي ع ذمتك علشان تقهرها بس وترجع تطلق ..

زوجها : أشر بيده 👋🏻 ناهي ناهي مش وقت هذا المجبر قومي أفعلي لي أي شي اكله ولو سمحتى إسالي العيال قبل ماتفعلي شي إيش يشتوا من أكل لأنه كل واحد وله ذوق ...

شيماء : قامت من فوق الكنبه وهي ضابحه 😤 بتخطى للمطبخ تبسر ماعتقعل لهم لقيت أبنه الصغير عمره ٧ سألته ماتشتي من اكل أنت وأخوتك ...

إبنه : مالش دخل أنا حر أكل الي أشتي ولا اقلش خلاص صح أنتي عتكوني الطباخه نعلمش ...

شيماء : بضبح فوقه😠 مشنا الطباخه حقك إحمد ربك إننا شتنازل وأفعلك أكل ...

إبنه : أنتي شريره وما أحبش وشاسير اقل لأخوتي مجد يحبش ...

شيماء : ضبحت من اسلوبه 😤 فلتته ودخلت المطبخ ...


🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ١٠٧ ..

بعد شهرين ....

في صنعاء ...

في بيت الجد قاسم 🏬...

آيه : بتصيح وتبكي 😭 وتمسك ظهرها شامووت وجع قوي .

أزهار : بتلبس البالطو وتصيح ياعلي هيا بسرعه ..

علي : مربوش 😅 مشو داري مايفعل بيحس نفسه ضايع يله هيا كنت بينتصل لخالي عادل ..

أزهار : وخالك حبكت قام روح اليوم وقد كان هانا لو شي إنه معك ...

علي : قد عيسبقونا للمستشفى الي فيه روان 🏥 قالوا عيتصلوا لسمر تجي والكل علشان يهتموا بها ...

آيه : بتصيح وتبكي 😭 خلاص ماعد أشتيش أولد مادام والوجع هكذا ..

أزهار : مسكتها وبتخطيها .. يله كلها شويه وربي يفرج عليش يابنتي الله يسهلش يارب ..

علي : سبقهن يشغل السياره 🚙...

أزهار : لفتت للشغاله قوي حسش مع الجهال وأتصلي لغاده تروح من الجامعه بسرعه الجهال وحدهم وأنا شازيد أتصلها ...

الشغاله : طيب حاضر ماما ..

........ ....... ........

في بيت أهل شيماء 🏠..

الباب🚪 بيدقدق ✊🏻...

مره أخوها : فتحت ..إبسرتها وفي يدها شنطه إستغربت😳 يووه خير مالش ..

شيماء : دهفتها من الباب ودخلت مشو عليش ..

مره أخوها : إبسرتها ورفعت يدها 👆🏻 لاحول ولاقوه الإ بالله الله يعينش ع نفسش وغلقت الباب 🚪 ودخلت ..

أم شيماء : إبسرتها دخلت 😨 فتحت عيونها .. يوووه ماقد لش ..

شيماء : رجمت شنطه اليد حقها 👜 مالي حانقه مابتبسروا ..

أم شيماء : حنق مه يابنتي ماقد لش ماقدبه عادش ماقد قلتي بسم الله مسرع قد حنقتي ..

شيماء: تعبت ضبحت لما يبسر حل مع جهاله أنا قلي عتوبه لهم الشغاله وأن معه شويه جن كودهم وسط غرفتي بيندشوها لي ولو إبسروني جالسه مع أبوهم يجوا يجلسوا معانا وزد بنته النزغه بتمكنه ماما أمس لبست فستان يجنن عند العرس وقعت قمر احلى من هذه ماما وماما لما ضبحت بي قلت له هيا أيحين عتطلقها دعممني شكله عيجلس يمكنها مماطله قلت أحنق علشان يطلقها يدرى إننا زاعله ويصيح فوق عياله ...

أم شيماء: ماعندهم حجه يابنتي هم جهال يشتوا أبوهم وأمهم ماتقدري تلوميهم المفروض تكسبيهم وتتقربي منهم مش تخليهم يكرهوش ..

شيماء: بضبح 😤 لا أتقرب منهم ولا يتقربوا مني يسيروا عند أمهم بس بدل ماهي راجمه لهم عندي ..

أم شيماء : ساع ما أنتي راجمه عيالش إبسرتي كيف الدنيا بتستقضى بسرعه ..

شيماء: ضبحت من كلام أمها 😤 فلتتها ودخلت الغرفه ...

مساء الخير آسفه قوي ع التأخير بس والله ماهو برضايا وغصب عني ومتأكده ان أنتوا عتقدروا بس والله لاعوضكم ع قد مقدر وقد أصلا قصتنا خلاص قربت تنتهي 😅


🌹 meme_abdalgaleel



@qesasanani

سأكتفي بك حلمآ 💔...

بارت ١٠٨ ...

في الهند 👳🏻‍♂️

الجد قاسم : ممدد فوق الكنبه 🛋️هيا عتغدنا قدنا ميت جوع محلى لما كنت أنا وعادل وحدنا ننزل أي مطعم وسكهنا الإذوه ..

الجده خديجه : مابش غداء الإ لما تجي روان ونادر قصدك في بطنك وحدك وهم ...

هاشم : لو تشتوا الصدق والله أن ربي رحمني وحوريه معانا ما اكلهم هذا ولاعجبني كله فح وبهارات 😅...

الجد قاسم : بيضحك عليه😁 ماولفك الصدق ماخبيري الإ عادل حتى يدلعني في لبسي وأنت بتمكني قدك شيبه ...

الجده خديجه : فارحه 😄 مابلا عيس ماتشتي تتدلع ويبسرنك البنات ..

حوريه : دخلت لعندهم وفي يدها صحون بتقرب الأكل 🍝🍜 هيا غداء .. نادر وروان ماعيجوش قد أتصلت لهم 📱 قالوا عيتاخروا مراعيين للفحوصات وعيسيروا يتغدوا في أي مطعم أمد مايجهزين ..

هاشم : لفت لعند أمه 🙃 هيا إبسرتوا أنتوا مجوعين لنا بسببهم وهم ساروا يتغدوا ...


......... ........ .........


في المطعم🏪 .....

نادر : سحبها بيدها 👫🏻 جي نجلس هاناك خارج عند الشجر احسن ..

روان : بعدت يدها بدون ماتحرجه كأنها بتصلح الطرحه حقها . يووه هذه الطرحه أيحين شاسد أنا وياها كودها بتطحس 😅 ...

نادر : عادش فالطرحه بس قد طحست أنا بكلي ومحد سمى عليا وغمز لها 😉..

روان : بتغالطه .. جي نجلس هانا بقعه حاليه وخطيت قبله 🚶🏼‍♀️ تجلس ..

نادر : لحقها وجلس قدامها بيتفرجها ويبتسم 😊..

روان : خازيه من نظراته 😅 بتدور يووه أين الويترز حقهم قدنا جاوعه ..

نادر : حط أيديه فوق الطاوله ركى بهن ومسك وجهه قربه إبردي لش من الأكل ذلحين وقلي لي أنا ماشي صح ولاغلط ...

روان : رجعت الكرسي وظهرها لوراء .. إرتبشت وثلجت أطرافها 😅 .. أنت جالس كيف ماشي مالك بتربش ..

نادر : بيتفرجها بإبتسامه 😍 مفعل ربشت من يوم مابعدت النظاره وإبسرت صح .. روان ممكن سؤال ؟؟

روان : موطيه راسها وقلبها بيدق 💗 هاااه ..

نادر : ضحك هههه 🤣 فديت الهااه وصاحبتها .. أنا قلت سؤال مش تقلي لي هااه ...

روان : بتقرح أصابيعها ... ماهو السؤال ؟؟

نادر : تنهد بزعل 😞 من أيحين وأنتي مخبيه عليا وليش ما تحاكيتي حتى أقل شي كان عتلمحي لي عتحاكي البنات كيف صبرتي هذه الفتره كلها ياجلفه كيف سخيتي توجعي نفسش؟ .....


روان : تشارغت عيونها بالدموع 🥺 من زمان وزمان قوي من قبل ماحتى تخطب وتتزوج خلاص طابت نفسك يله نروح ...

نادر : مكنها مناديل .. وسخيتي ع نفسش تبسريني عريس وتحضري عرسي وتمثلي إنش مبسوطه ومحد حس فيش لييش ياروان توجعي نفسش وتوجعيني ذلحين ليش ماتقلي لي أقسم بالله لو يرجع الزمان ماتضيعي من يدي ولا افكر في لحضه إنش تكوني لغيري وأنا الغبي الي مافهمت إنش وافقتي تتزوجي علشان أتعالج وتضيعي حياتش علشان حياتي آااااح بس كيف كنت غبي بس ربي ماسخيش عليش وفوقني ...

روان : موطيه رآسها مش قادره تتكلم 😔 ...

نادر : طيب ممكن سؤال ثاني إيش الحلم الي كنتي مخبيه له ومارضيتيش تقليه ...

روان : بتفتح الشنطه وتقفلها 👛 من الخزا .. أنت كنت أجلس أقل لسمر أصلا هو حلم وماعيتحققش لذلك سأكتفي به حلمآ 💔...

نادر : الله يقدرني وأسعدش وأحقق لش حلمش ياتكتفي بي حلمآ قلي يارب يشفيني بس والله لأعوضش ع كل لحضه حزن وزعل حسيتي فيها بسببي ...

روان : ان شاء الله ربي يشفيك علشانك أنت الأول وعيالك وعمي وعمتي ...

نادر : وانتي الأهم لأنه لولاش إننا بدون علاج وميت وعادنا لابس نظاره وأعمى 😎..

قاطعهم الويتر وجاء يشل منهم الطلب ....


🌹meme_abdalgaleel


@qesasanani

سأكتفي بك حلمآ 💔..

بارت ١٠٩ ....

في صنعاء ...

بعد ٣ ساعات ....

في المستشفى 🏥...

أزهار : بتحاكي غاده فالتلفون 📱 ماشي عادها داخل مارضيوش يخلوني أدخل معاها ..

غاده : الله يقيمها بالسلامه .. يووه والحلا عيوقع عندنا نونو وولاد 😄.

أزهار : بإذن الله يارب يله حسش مع الجهال ..

عادل : بيضحك ع علي 😂 سومت بي سيره جيه جي إجلس ...

علي : بيخطي فالممر 🚶🏻‍♂️قلق .. مفعل قلق مش بيدي ...

عادل : ذكرتني يوم ماولدت روان كنت مثلك هكذا وعادنا كنت أخس لأنه خالتك كانت تاعبه الله يرحمها ...

علي : بس ليش تأخرت هكذا هو المفروض تولد لما حست الوجع ...

عادل : سحبه وجلسه جنبه فوق الكرسي 🪑 .. جي إجلس وأرتاح وإدعي لها بس ...


الممرضه : خرجت لعندهم .. مبروك ولدت وإدت بنت حمدلله ع سلامتها ...

علي : فرح 😁 وحمل لعندها فينهي أشتي إبسرها ..

أزهار : ممكن أدخل لعندها ذلحين ..

الممرضه : خلاص أنتي جي معي تبسريها وتشلي البنت وأنت شويه وندخلك بس عاد بيفعلوا له مغذيه 💉...

عادل : خرج تلفونه 📱 يتصل لغاده ويتصلهم للهند يقلهم إنها ولدت ...


........ ....... ........


في بيت أهل شيماء 🏡...


أخو شيماء : دخل بيداعي يا أمه فينهي شيماء ..

أم شيماء : خرجت تجاوبه هاه إبني شيماء سارت لعندبنت الجيران ..

أخو شيماء : إتصلوا لها قلولها قد زوجها إتصل قال بيتصلها📱 مابتردش وتكنسل عليه إذا مارجعتش الليله هي حره وورقتها عتوصلها وقلوا لها قال قد سار رجع مرته عجبها ولا الله معاها مابش معه مره تخرج من وسط بيتها حانقه هكذا ...

أم شيماء : يووه 😱 والفعله كيف يطلقها بغير جنان هذه أختك تشتي ترجع مطلقه للمره الثانيه من عاد عيعبرها حسبي الله بس كيف نفعل بها أنا تعبت منها ...

أخو شيماء : أنا الصدق ماذلحين شقلب فوقها 😡 وشارجعها بالصميل وطت راسي كودها بتفعل كل مصيبه أكبر من أختها أحنا زيدنا لها الدلع بس خلاص ماذلحين ماعادهوش برضاها هي تزوجت به غصب عننا وقالت هي راضيه مادخلنا خلاص تتحمل نتيجه إختيارها ...


....... ...... .......

في بيت الجد قاسم 🏬..

غاده : فارحه 😁 إنه عيروح نونو البيت بترفع مع الشغاله ويجهزين ..

الشغاله : تعرف غاده أنا فرحان مش علشان آيه أنا فرحان علشان علي في نونو وفرحانه لأنه نونو بيكون إسمه روان ..

غاده : ضحكت هههه 😂 لاقد تفرحيش قوي ع الإسم يعلم الله ماعتفعل آيه الله يستر بس ..

الشغاله : لالا كلاس علي قال روان يعني روان وبابا كاسم قال ايوه روان لانه حب كثير أصلا كلنا حب كثير روان ...

غاده : جي جي نتصل لروان نقلها إنها ولدت ونفرح جدو وجدتي 😁...


🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ١١٠ ...

في الهند 👳🏻‍♂️..

في المستشفى 🏥...

بعد ماكملوا غداهم رجعوا يبسروا نتيجه الفحوصات ...

نادر : جالس فوق الكرسي 🪑 بيهز أرجله ..

روان : إبسرته متوتر حاولت تخفف عنه .. ذلحين ليش الهزوزه هذه قلقتني محسسني إنها نتيجه أول فحص تفعله ...

نادر : هذه المره تفرق معي لأنه بنتيجتهن عيتحدد شابطل جلسات الكيماوي أو لا وبعدا ذلحين حاجات خيرات إختلفت معي إشتي أفتهن وأروح معي مشاريع في راسي إشتي أنفذها😉 ...

روان : طيب إهداء بطل قلق أنا واثقه إن النتيجه خير إن شاء الله ..

نادر : قليلي كيف كان شعورش لما فعلتي لي الفحوصات أول مره ودريتي بالنتيجه 😅...

روان : ضحكت 😂 هههه لاعاد تدراش أمانه إننا أقتلبت مجنونه وكنت اندشهن ملان الغرفه ومراعيه يطلع الصبح أسير المستشفى كان عندي أمل إنه حصل غلط ومشهن حقك وخليتك تعيد الفحوصات أتاكد ..

نادر : إبسرها وإبتسم 😊 روواني الله يخليش لي ولايحرمني منش أين كنت أينه كيف كنت غبي لهذه الدرجه وماقدرت أحس بهذا الخوف عليا بس أوعدش إذا ربي كتب لي الشفاء وأعيش لأعوضش ع كل لحضه زعل عشتيها بعيد عني بسببي ...

روان : خزيت منه 🥰 أقوم أبسر الفحوصات ..وقفت تمشي ورن تلفونها غاده بتتصل 📱 جاوبتها وبتحكي لها أن آيه ولدت ويتجابرين ..

نادر : ضحك ههه😂 ماعادبش فحوصات صح هيا إدي التلفون أجابر غاده شويه وأبسر العيال يكفيكن حش ع خلق الله وأنتي سيري أبسري لو قدهن جاهزات ...


....... ......... .........

في بيت زوج شيماء 🏡..

زوج شيماء : بيتحاكى بهنجمه فالتلفون 📱 مع أخته 🤨 أنتي قلتي لي إنها مسكينه وطيبه صح وعتوبه لعيالي وإنها من حين جت وهي دحس يوميه ع الجهال وبعدا ليش بتصيحي إننا سيرت روحت مرتي قدهي أمهم وتجي توبه لهم والله إننا أكتشفت إنها كانت مسكينه وأنا الي كنت أزيدها عليها من بعد ماعاشرت شيماء ...

أخته : وأنا مدراني يا أخي أنا قالت لي صاحبتي إنها مسكينه وطيبه وتحب الجهال قلت عتجي تعوض جهالك وتحن عليهم بدل جهالها الي عند أبوهم وبعدا أنا ماعليا ترجع مرتك أو تخليها أنا إستغربت بس مدام ناوي ترجعها ليش خليتنا ندور لك مره ونزوجك وقد إبسرتها أنت بنفسك وأنت عترجعها ذلحين ماعتفعل مع شيماء ...

زوج شيماء : أنا قد خيرتها وهي حره ماشوقع ظالم إذا راضيه ترجع وتقبل طبينتها ويعيشين سكته بغير مشاكل وجنان وترضى بالحاصل وبجهالي ومرتي ولا الله معاها ورقتها عتوصلها وأنتي زيد إتصلي لصاحبتش الي عرفتش عليها قليلها تقلها نفس الكلام وإذا هي موافقه الليله وهي وسط البيت مثل ماحنقت وحدها ترجع وحدها والله لو يطلع الصبح وهي في بيتهم ماعاد تدخل لي بيت وورقتها عتوصلها مابش معي مره تتحدانا ...

أخته : حست إنه خلاص مقرر ومش ناوي يتراجع عن قراره ومعصب 😡 طيب خلاص تمام أنا ماعاد شتصل لصاحبتي شاسير لبيت شيماء وأحاكيها بنفسي وأرجع لك الخبر ...


إيش رائيكم تستاهل شيماء إنها ترجع وتعيش مع طبينه ولا تتطلق وتحس إنها إنسانه محد يشتيها وإنه نادر كان متحملها هذه السنين ...

🌹meme_abdalgaleel



@qesasanani

سأكتفي بك حلمآ 💔...

بارت ١١١...

ثاني يوم الصبح ...

في الهند 👳🏻‍♂️...

روان : بتحاكي الجد قاسم .. خلاص مثل ما إتفقنا أنتوا لاتحاكوه وغالطوه ...

الجد قاسم : بس كيف قدرتي تزيدي عليه وتقلي له إنهن ماطلعين وقالوا لليوم😄 ...

روان : لما كان بيحاكى غاده والعيال انا سيرت أبسرهن ومكني قلت له خلاص خليهن عندك ولو جاء نادر يسالك عليهن قل أنهن عيتأخرين لبكره...

الجد قاسم : فديت بنتي الذكيه 😘 خلاص أنتي سيري جهزي الي تشتي ولو سأل عليش شاقله سيرتي للمستشفى تدي الفحوصات وششغله هو والباقي لما تتصلي لي ...

روان : حبته في رآسه 😘 جبرني باأحلى جدو صاحبي الله يحفظكم لي ..

الجد قاسم : ويخليش لي يا قلب جدش الله يسعدش ويفرحني بش ...

........ ........ .......


في صنعاء ...

في بيت الجد قاسم 🏬. .

علي : فارح 😁 في حضنه بنته بيلاعبها ...

آيه : بتتفرجه 👀 فارح .. علي ممكن أسالك سؤال ....

علي : طرح البنت من يده .. هااه مالش ..

آيه : تنهدت بزعل أنت فارح بالبنت وبتلاعبها لأنها بنتك ولا لأن إسمها روان بتحبها علشان روان 😔..

علي : قرب لجنبها ومسك يدها 🤝🏻 بينحبها لأنها بنتي وبنتش أنتي داريه يا آيه ماهي مشكلتش ...

آيه : تشارغت عيونها بالدموع 🥺 ماهي ..

علي : مشكلتش إنش فتحتي أذانش 👂🏻 لشيماء من بعد العرس وصدقتيها وخلتش تكرهي روان وتتعاملي مع غاده وسندس بجلافه ماقدرتيش تفهمي نوع العلاقه الي بيننا إحنا كلنا تربينا أخوه صح أنا ماشنكرش إننا تمنيت روان وحاكيت هذك الفتره نادر وجدي وأمي وكان ردهم لي بغير خباله أنتوا أخوه وروان مابتبسرك الإ أخوها حتى روان ماوصلوها الخبر أمي يوم لمحوا لها هيا بدل ماندور لعلي نزوجه بواحده منكن قالت لهم يوه ياعمه تزوجنا با أخونا ففهموا أمي إنه مابش داعي نفتح الموضوع وأنا فعلا لما حسبتها صح حسيت إنه ممكن أخسر روان لو أتحاكيت بس بعد ماتزوجنا وشيماء قالت لش لأنه نادر الأهبل فلتت عليه كلمه قدامها وأنتي صدقتيها فكنت أتعمد أبرقطش علشان تعقلي أما روان فهي فعلا تنحب ولو عليا شاسمي كل بناتي روان مش لأن عادنا بينحبها لأننا إشتي بناتي كلهن يطلعهن مثل عمتهن روان جمال وادب وعمرها ماحملت في قلبها ع أحد رغم معاملتش الغلط لها بس ولا مره جرحتش محتويه للناس كلهم البنت عاقله فاهمه كيف تتصرف عندش موضوع نادر إبسرتي كيف رتبت كل شي علشان محد يفتجع عليه وسافروا وعالجوه بنت ذكيه معتمده ع نفسها بنت بألف رجال فهمتي ليش إشتي كل بناتي يكونين مثل روان ...

آيه : نزلت دموعها وبكيت 😭 أنا آسفه ياعلي ع كل شي أنا كنت أصدق شيماء هي فهمتني كلام خيرات وأنا كنت اغير منها وأجنن حتى كانت تعلمني ما أحبش ماما أزهار بس أمس لما كانوا عندي وجنبي وأنا بينولد حسيت كيف خوفهم عليا وكيف كان يصيحوا فوق الممرضات وكيف بيفعلوا للبنت من أمس ويفعلوا لي حتى مجرد ما اسنب إشتي أمشي يمسكوني ودلا وأنتبهي والله إننا إقتهرت وزعلت قوي حتى غاده لما روحت وهي مجهزه البيت وقد ملته كله بالونات وفعلت تعليقات ورتبت البيت وفارحه ببنتك حسيت إنه صدق أنت أخوها مش إبن عمتها بس سامحني ع كل شي وأنا أوعدك إنك من اليوم عتبسر آيه ثانيه ماليش دخل بأي حد بيتي وزوجي وبنتي هم أهم شي في حياتي وأهل زوجي هم أهلي وروان من اليوم أختي كم قد وجعتها بالكلام ورغم هذا مالقيت منها الإ كل خير...

علي : مسح دموعها 😭 وأنا آسف لو كنت بينزيدها معش بس لأنه كان لازم تحسي أنش بتغلطي وإبسرتي شيماء كيف خربت بيتها ماكنت إشتي ينخرب بيتش ..

غاده : جت تشتي تدخل إبسرتهم بيتعاتبوا فرحت إنهم إتصالحوا 😁 خرجت فارحه تقل لعمتها أزهار...


🌹meme_abdalgaleel



@qesasanani

سأكتفي بك حلمآ 💔..

بارت ١١٢...

في الهند 👳🏻‍♂️...

روان : فالمطعم الي حجزت هي والجدقاسم ..

أخيرا كملت تجهيزات الحفله 🎊🎉🎈🎈 فعلوا بالونات فالسقف وفالبوابه والورود🌹🌹 فوق الطاوله ولوحه كبيره مكتوب فيها حمدلله ع السلامه وترته فيها صوره نادر والأكل .. مسكت تلفونها 📱 وإتصلت لجدها .. هاه جدو خلاص كلشي اوكي 😃..

الجد قاسم : طيب خلاص أنا شديهم الآن شاقلهم إنش إتصلتي قد سبقتينا للمطعم وقد طلبتي الأكل ..

روان : خلاص تمام بس لما قد أنتوا قريبين رسلوا لي علشان أفعل مكالمه جماعيه بيننا وبين الي في صنعاء قد اتفقت مع بابا وغاده 🥰...


....... ....... ........

في بيت زوج شيماء 🏡...

شيماء : بعد ماجلست مع نفسها وفكرت حست إنه صعب تتطلق ماعيقلوا عليها الناس وعيشمت فيها نادر وبعد موقف أخوها وصياحه 😡 قررت ترجع وحاطه في قراره نفسها إنها عتجنن طبينتها وتخليها تتطلق وتجلس وحدها ...

زوج شيماء : بيداعيها يييه مالش بينداعيش من أول مطننه ..

شيماء : تشتي تدخل نفسها لعنده إبتسمت له هاه روحي 🥰 ماسمعتش كنت جالسه أفكر كيف أعتذر منك ع تصرفي المتهور الي فعلت وسيرت بيتنا ...

زوج شيماء : بضبح 😤 روحش ع الله والله ماعد دري حالي بش ..

شيماء : أيووه روحي وقلبي كيفه أنت زوجي 😍...

زوج شيماء : بيحاكي نفسه 🤔.. والله أن شكلي تهورت وتزوجت خاصه بعد مادريت إنش الي طلبتي الطلاق من زوجش حين دريتي إنه مريض وبعتي جهالش علشان تتزوجي لكن ع الله قدنا معش لما نبسر ماعيفرجها ربي ...

شيماء : مسكت يده 🤝🏻 مالك مطنن مش مصدق إنك روحي .

زوج شيماء : هز رآسه .. هاآاااه الإ الإ مصدق😅 .ذلحين مش وقت المجابره هذه الولد👶🏻 بيبكي نازل يشتي تغيير الحفاظه وأمه خرجت مع أختي أنزلي غيري له ...


شيماء : ضبحت 😤 وقدها بتحطم داخل نفسها .. سعم إننا الشغاله حقها هي تخرج وأنا أوبه لها ..

زوج شيماء :بهنجمه 🤨 يييه من بينحاكي ...

شيماء : هاه روحي الان الان خلاص أنزل وأنا شلحقك بس منين أدي له ملابس ..

زوج شيماء : إدخلي للغرفه هاناك مطروحات في الدولاب ..

شيماء : خطيت وهي بتحطم 🚶🏻‍♀️ دخلت غرفه طبينتها بتدور ملابس للولد وإبسرت كم معاها عطور وحاجات وملابس ومكياجات لأنها ماقد دخلت غرفتها كانت مقفله طول ماهي حانقه جننت وحست بالغيره فتحت الدولاب وخرجت فساتين👗🥻 قطعتهن ورجعتهن مكانهن وشلت ملابس الولد ونزلت تغير له ...

......... .......... ........

في الهند 👳🏻‍♂️...

نادر : نزل من السياره هو والبقيه ...

الجدقاسم : مسكه من يده 👬🏻 جي انت معي إشتي أمسكك مثل ماكنت صغير ..

هاشم :ضحك 😂 ماذلحين قدهو أكبر مننا وقد بنمسك عياله ..

حوريه : أينهي روان إتصلوا لها ...

الجده خديجه : دخلت وبتبسر البالونات 🎈🎊 هذا مامعاهم عيد ميلاد أومه ...

الجد قاسم : ماعلينا مامعاهم معاهم إحنا جينا نتغداء 😜...

روان : كانت فاتحه تلفونها قد فعلت إتصال مع أبوها وغاده وعمتها 📱 يله يله قد جو شفتح لكم الكاميرا لعندهم ...

غاده : يله خليهم يدخلوا الترته وينزلوا اللوحه الي مكتوب فيها حمدلله ع السلامه كان نفسي وسندس معانا بس قدهي راقده توقيتهم غلط ..

روان : يله الآاان قد حاكيت الويترز ..

خطيت لعندهم 🚶‍♀️..
الويتر : خطي بعدها وفي يدها الترته 🎂 وفتحوا له أغنيه

الف سلامه عليك
يا حبيبي يا حياتي
تسلملي و بعيد الشر عليك
انا روحي و عمري فداك
بالدنيا و لا تسوى دمعه من عينيك
ان شا الله عدوينك اللي يكرهوك
ان شا الله عدوينك اللي يحسدوك
ان شا الله يا حبيبي اللي يزعلوك
مش عايز اشوف و لا دمعه حزينه
تاخدك من احظاني
انا عايز اشوف الضحكه الحلوه
تملا شفايفك تاني
الف سلامه يا حبيبي
و بعيد الشر عليك
اول مره اشوفك
دموعك في عينيك
تالمت عشان قلت يا ريتني مكانك
انا عايش عمري ليك
مش قادر اتحمل اي الم جواك
اضحك بقى طمنني خليت قلبي وجعني
بعيد الشر عليك😍..

نادر : فرح قووي 😁 ومش مصدق لفت لعندهم ماهو هذا ..

الجده خديجه وحوريه وهاشم : مستغربين مابه ...


الجد قاسم : قرب يحضنه ويبوسه 😘 حمدلله ع سلامتك فحوصاتك طلعت سليمه وعتوقف الجلسات ...

هاشم : فرح وحضنه 😃..

الجده خديجه : بكيت هي وحوريه من الفرحه ..

روان : بتتفرجه بفرح ومبسوطه 🥰 أخيرا عنبطل علاج حمدلله ع سلامتك وطبعا فاتحه تلفونها لأبوها وعمتها وغاده ...

نادر : مسك ورده وخفعها 🌹 أنا أوريش يعني بتكذبي أخروا الفحوصات وأنتي هانا بتجهزي ...

عادل : صيح بصوته 😄 يييه مالك بتضارب بنتي ...

نادر : ضحك وخزي 😅 دري إنه قالتلفون سحب التلفون من يدها بيحاكيه 📱 يوووه وأنتوا كلكم داريين وعمتي وغاده ...

غاده وأزهار : بيباركين له 😄..

عادل : حمدلله ع سلامتك ماذلحين خلاص روحوا لي بنتي قدنا فاقد لها مدام بتضاربها ...

نادر : لفت لعند روان وإبتسم 😍 ورجع يقل لعمه عادل ماعاد شاروحهاش لكم خلاص روان حاجه ماعد أقدرش استغنى عنها ولفت لعند ابوه وجده .. أنا ما

ناش داري بالضبط من من فيكم أخطبها من عمي ولا من جدي ولا المفروض أبي هو الي يتحاكوا ولا أنا داري مايقلوا بس زوجوني بهذه البنت ولا ماعد شارجعهاش شخطفها هانا 😁...

روان : بلمت مكانها ويبست رجولها وحست جسمها كله قطعه ثلج ومش مصدقه الي بيقله بتحس إنها في حلم 😳...

عادل : سكت ولا كلمه ...

كلهم مطننين متفاجأين 😳 ..

الجد قاسم : مسكه من كتفه وضحك هههه أقسم بالله إن قد كان قلبي حاسس بكم ياملاعين من حين جينا المره الأوله 😂 إخطبها مني أنا بس ما عليك من احد ..

عادل : وأنا بينقل بنتي مالها بنتي مامغير لها بنتي كيف لها وافقت تتزوج بعبدالله علشان علاجك قد بينسمع الأغنيه الحاليه طااايب ياروان عليا وضحك 😂😂..

أزهار : فرحت وبتحجر 😄...

الجده خديجه : بتتفرج لروان وتبتسم 😀 هيا مالها الحريوه مطننه جي كذا ...

هاشم : بيبسرها مطننه .. يييه راعوا مالكم يمكن روان رائيها ثاني نبسر البنت أول مارائيها ...

روان : ماقدرت ترد جلست فوق الكرسي وبتبكي 😭....


ياترى ليش دموعش ياروان وليش بتبكي 😭 وإيش عيحصل ...

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ١١٣ ....


في صنعاء ...

عبدالله : فوق السيارة 🚙 بيسوق يوصل أمه ...

أم عبدالله : أيوه جبرك وقف عند هذك الباب الأسود 🚪 هو هذاك البيت . .

عبدالله : يله تمام أيحين عتروحوا أجي لكم ...

أم عبدالله : شرجع أتصلك 📱 والا لو لقيتي أحد من الجيران شخطى معاها ..

عبدالله : يله تمام متواصلين بس انزلوا بسرعه لأننا مجنب غلط وسط الشارع ...

أم عبدالله : فتحت باب السياره 🚙 وبتنزل ع خطيه متر 🏍️ مسرع طيرها للرصيف ...

عبدالله : فتح الباب وحمل بسرعه 🏃🏻‍♂️ يبسر أمه والناس محوشه .

صاحب المتر : من الفجيعه 🏍️ فلت وهرب والناس بتلحقه ...

أم عبدالله : مرجومه فالشارع وملانها دم وبتصيح وتبكي 😭 ...

عبدالله : حظن أمه وطلعها فوق السياره يسعفها 🚙 وع طول شلها للمستشفى الي بيشتغل فيه غيث علشان يعرفه ...

أم عبدالله : بتصيح ظهري رجلي وتبكي 😭....

....... ....... .......

في بيت الجد قاسم 🏬..

علي : لما كان خاطى عيخرج من الباب 🚪 سمع المحجره حق أزهار رجع يبسر مابه ...

غاده : ماسكه التلفون بتحاكيهم .. يووه مالها بتبكي 😭 ...

علي : دخل إبسر أمه 😳 مالكم بتحجروا ومن بيبكي ماهو من بتحاكوا ...

أزهار: بتحكي له ماحصل . .

علي : إنصدم 😨 وفتح عيونه .. إييييش نادر خطب روان طيب وهي ماهو موافقه 😳...

أزهار :حست ملامحه تغيرت ... مدراني وأنابينقلك مادريناش مالها بتبكي ..

غاده : غلقت معاهم الاتصال 📱 ولفتت لعند أزهار غلقت شويه ونتصل روان قالت تشتي تحاكى عمو عادل يمكن لاهي تشتي تقله رائيها ...


علي : حس بغيره رغم إنه قد أقتنع ووعد آيه بس الموقف فضح مشاعره خاصه لانه نادر وهو كان يعرف انه يحبها .. تغيرت ملامحه وبنبره صوت حاده 😠 كيف يعني رائيها ماهو رائيها ليش اصلا نادر يتصرف هكذا هو داري إنها عتقل إنحنا أخوتها ماله تهور هكذا واحرجها قدام الكل خلاها تبكي ...

غاده : بضبح 😤 ناهي وأنت مالك ضابح هكذا سمعت جدو ماقالوا انهم قد حسوا أن بينهم شي من السفره الأوله وماعيقولوا جدو هكذا الإ وبه شي ونادر مشو غبي يتصرف هكذا الإ وهو عارف الرد وبعدا الصدق يارريت وروان موافقه وتكون أختي ومره أخي ..

علي : فلت حنق وخرج 🚶🏻‍♂️..

أزهار : زعلت ع علي لأنها داريه بمشاعره 😔 ..

علي شغل السياره 🚙 بيخطى وبيحاكى نفسه معقووله ياروان معقووله عتوافقي ع نادر معقوله أنا أخوش وهو لا أكيد أنه فاجأش ومابش بينكم شي وجدو بيتهيأ لهم غلط مش معقول إنش بتحبيه روان أنا قد حاولت اقتنع وأعيش حياتي بس سألتك بالله لاتوجعي قلبي وترضى بنادر وتخليني أكتفي بك حلمآ💔 .....


🌹meme_abdalgaleel



@qesasanani

سأكتفي بك حلمآ💔...

بارت ١١٤ ...

في الهند 👳🏻‍♂️....

في المطعم 🏪....

نادر : واقف بيتفرج روان بتبكي مستغرب 😳 مالها ..

خديجه : قربت لجنبها حطت يدها ع كتفها مالش يابنتي ...

روان : جالسه فوق الكرسي 🪑 أكمل أحاكي بابا مابش شي لاتقلقوش . مسكت التلفون 📱 وخرجت خارج المطعم ...

الجد قاسم : لفت لعند نادر والله إننا كنت متوقع إنها تفرح معقوله إنحنا فسرنا غلط وهي بتتعامل معك بطبيعتها 🤔....

نادر : فلتهم وخرج 🚶🏻‍♂️بيدور اين سارت تتحاكى ..

حوريه : ريت والله وهو أول خلاني أسالها أحسن من مايكسر قلبه هكذا ويحرجها لكن يله قد سبر 😔..

هاشم : جالس فوق الكرسي ساكت ولافتح فمه ...

روان : ماسكه تلفونها 📱 بتحاكي التلفون ... وهي بتخطى 🚶‍♀️..

عادل : ليش قفلتي الكاميرا ماتشتيش أبسر دموعش ...

روان : خلوني هكذا صوت بس اقدر اتحاكى سواء ..

عادل : طيب مالش كنتي فارحه بالحفله🤔 موقف نادر ضايقش صح كان المفروض يقلش أو يكلمني قبل مايحرجش هكذا قدام الكل ...

روان : موقفه صح احرجني بس أنا بكيت 😭 لأننا إقتهرت لما إبسرتكم فارحين وجدو كانوا ملاحظين وأكيد مدام هم لاحظوا إن أنتوا لاحظتوا والكل .. قهري لأننا ماقلت لكم وكنت محتفظه به حلم في حياتي وإنه هذا الشي الوحيد الي خبيته عليكم في حياتي وحتى كنت واصله لمرحله إنه سأكتفي به حلمآ وبس وزاعله انه عرفتوا هكذا بدون ما أقلكم أنا .. أنا اليوم إتفاجاءت وماتوقعت إنه ممكن الحلم يتحقق 😔..

عادل : ضحك 😂 وبتبكي ياهبلاء لأنش خبيتي عليا بالعكس لو تحسبي إننا شزعل لا لأننا بالعكس زاد حبي وإحترامي وثقتي فيش لأنش لا حاولتي تبيني له ولا تخربي بيته بالعكس كنتي له سند ووقفتي معه وقت ماهو محتاجش المفروض أبكي أنا مش أنتي الي عيشلش مني وأجلس وحدي وبدونش ...

روان : حست براحه بعد كلام أبوها وهدأءت .. فتحت الكاميرا وإبتسمت محد عيشلني منكم ..

عادل : إبتسم لها 🙂 الا شاشلش له أنا ماذلحين بالصميل كنت اقلش عمري ما شاخليش توافقي ع أحد الإ برضاش بس نادر أشلش وأنا مغمض عيوني وبعدا يله يله عنمكنها بكاء ودموع 😭 أدخلوا كملوا الحفله وانبسطوا وخلي الحفله حفلتين وقلي لنادر بنتي يجي يخطبها مني ومهرها غالي مايركنش شازوجش له هكذا بسرعه عادنا شاتعبه تشراط مابش معي الإ روان واحده ...

نادر : كان بيسمعهم بعد مالحقها .. قرب من وراها وسحب التلفون 📱 وأنا مستعد أدفع لها عمري بس تقل أيوه وتوافق ..

روان : لفتت له وخزيت 🥰 فلتت ودخلت المطعم ...

نادر : ضحك عليها 😂 هيا إبسرتوا من ذلحين قدهي بتزنط ..

عادل : ضحك هههه 😂 وأنت أحد يفعل فعلتك تفاجاءها هكذا وماتشتيش تخزا هيا أقطب إحجزوا وارجعوا ..

روان : دخلت لعندهم وهي خازيه 🥰 ودريوا انها موافقه وتفهموا موقفها وكملوا حفلتهم ..

الجد قاسم : قبل مايروحوا البيت مارضيش يروح الا وقد إشتروا دبله ومحبس 💍 ولبس روان ...

نادر : بيحطم طول الطريق إنه هو المفروض يلبسها مش جده 😂...

روان : ساكته مؤدبه خازيه 🥰 ولا كلمه ماقد قدرت تستوعب الي حصل وحاسه نفسها في حلم وخايفه تفوق منه مراعيه توصل البيت تتصل لسمر تحكي لها الي حصل وتخرج الي في قلبها بالتفصيل ....

...... ...... .......

في صنعاء ...

في المستشفى 🏥..

عبدالله : بعد ماحنب اول ماوصل لأنه مارضيوش يدخلوا أمه يسعفوها أمد مايسير يدي فلوس إتصل لغيث لأنه دكتور فالمستشفى يضمنه ...

غيث : بعد ما إستحى ع نفسه وقد كان بيتهرب منه لأنه حاله إسعاف سار بنفسه للمستشفى 🏥..

عبدالله : بعد مادخلوا أمه بيدور غيث يشكره ..

غيث : واقف مع صاحبه دكتور ..

صاحبه : بإستغراب 😳يووه يعني هذا الي كان خطيب روان صح بس كيف لك تصاحبت معه وأنت أصلا كنت تشتيها وبتحبها ..

غيث : بزعل 😔 آاح بس لاعاد تزيد توفي قهري وتوجعني رغم كل الي فعلته علشان أكسب رضاها وقلبها ماقدرت تصاحبت معه ودورت كيف أتعرف عليه علشان اخليه يكرهها ويفلتها وتكون لي وفي الأخير روان فلتته وفلتتني شكل سأكتفي بها حلمآ 💔...

عبدالله : كان واقف عند اللفه حق الممر سمعهم 👂🏻 تسمر مكانه حس بغيض وقهر ضغط ع يده بقوه 👊🏻كان نفسه يقوم يضربه يقتله بسببه خسر روان وضاعت من يده حاول يتماسك اعصابه ومشي وهو بيلوم نفسه ويحاكيها إنه هو الي ضيعها بسبب تصرفاته فكر يرسلها ويعتذر لها بس شافها كبيره في حقه فقرر يكتفي بها حلمآ 💔


سامحوني إتاخرت بس والله اننا بينحاول اشوف كيف أدبر لها مخرج علشان اغير لكم النهايه غير الي كانت في بالي 😅...

🌹meme_abdalgaleel



@qesasanani