سأكتفي بك حلمآ 💔..

بارت ٦٠ ...

بعد العصر ....

في بيت الجد قاسم 🏬..

علي : ضحك هههه 😂 هيا ناهي لنا شكل المسبحه عتخترط روان كانت مقفله ع البنات هي الإ اختطبت والباقي عيلحقين ...

عادل : لفت له ورفع حاجبه 🤨 بمزاح مابتدور انت من الدحس تشتي تقل إن روان مغلقه عليهن اومه ورجمه بالقاروره 🍾...

علي : ضحك هههه 😂 ماشي والله أنتوا داريين بس ضحكت عادحنا كملنا الخطوبه الأوله وقد شكلنا عنلحق ..

الجد قاسم : بهنجمه 😠 ليش او قد إبسرتنا وافقنا عادحنا عنسأل ع الولد ونبسر كيفهو وأهله ولفت لعند عادل 👀 منين تعرفه كيف لوما يشتي الإ سندس ...

عادل : هو مهندس وله إسمه فالسوق مع إن عادهو صغير بس فهلوي الصدق وسمعته سابقه له .. قال إن مدري ماتوقع له ماعاد اذكرش حاكت امه عليها مدري اين أبسرتها وهو سال ودري إنها بنت اخي وجاء لعندي ...

هاشم : آااها .. يعني ماقد ابسرتهاش أمه ماشاء الله عليه سعم شباب هذه الأيام ماعاد بيخطوش ع ذوق اهلهم عاد ماهذا ع ذوق مدري ماتقرب له حتى امه ماقد عرفتها ...

نادر : ضحك هههه😂 ..هيا ناهي لكم ياعم وانتوا سعم إن عادهو اخبل ذلحين مليون فالميه مادام قد دري بنت منهي وسأل إن قد راعى قبال البيت وإبسرها خاصه إنها كاشفه عاد عيراعي لذوق أمه ...

الجد قاسم : خلاص نسأل عليه ونبسر ولو الولد عيس نسأل البنت ع رائيها وبعدا مافيه الخير الله يسهله ..

جلسوا يتكلموا وخزنوا وعادل تأخر عند أبوه يشتي يفتح معه موضوع نادر علشان السفر ويفهمه بعد مااقنع نادر هو وروان بالسفر ويكون جده معاهم ..

...... ...... ......

في بيت هاشم 🏡..

غاده : جالسه فالديوان بتشرب شاهي حليب ☕ ومندشه كتبها 📚..

سندس : بتصيح فوقها .. هيا قومي لفلفي كتبش من هانا صاحبتي شويه وعتجي عندي وانتي معفسه الدنيا بكتبش 📚..

غاده : لفتت لها بتتفرجها من طالع لانازل وبتتمسخر وتضحك 😁 صاحبتش عتجي وأنتي بهذا المنظر أخطى بدلي جالسه لابسه البجامه هذه الي عفا عنها الزمن ماعاد احد بيلبس هذه الألوان الإ أنتي وزد مرسوم فيها دبدوب ساع حق الجهال ..

سندس : أشرت بإصبعها 🤫 اوووص أنا حرره ماعليكم اليوم كلكم مني دحس ..

غاده : بتلفلف كتبها وتضحك 😂 كان زيدي مشطي شعرش قدش مشعفله عتفجعي البنت ..

سندس : بتحانكها .. وتزيد تشعفله .. انا حرره هيا عناد والله لأجلس هكذا ...

الباب بيجرس 🚪...

سندس : هيا وشازيد اسير افتح لها وانا هكذا ..شاسد انا وصاحبتي وخطيت تفتح الباب 🚶🏻‍♀️..

أم زياد وخاله : واقفات فالباب 👭🏻 سلام عليكم ..

سندس : إبسرتهن نسوان غريبات مش صاحبتها وهي بالمنظر هذا خزيت 🙈 وبتلفلف شعرها .. وعليكم السلام عفوا من انتوا ..

ام زياد : أبتسمت انتي سندس ولا اختها .. إحنا بيت ال...... أمش داخل ...

سندس : سمعت الإسم رن ع طول في إذنها 👂🏻 حست شعر جسمها كله وقف ... ارتبكت ماعرفت كيف تتصرف ولا ليش جو ... بإ حراج هاااه .. أيوه داخل اتفضلوا لحضه شدعيهم لكم .. وحمله حمله 🏃‍♀️ لعند امها تدعيها نسوان نازل يشتنها ...

حوريه : نزلت وبتسلم عليهن وبتتعرف عليهن ..

أم زياد : إحنا بيت ال.... الصدق جينا نبسر بنتش سندس ناس دلونا عليها وبيشكروكم قوي وقد إبني حاكى عمها والكل ( طبعا زياد طلب منها تقول ان ناس كلموهم ) ...

حوريه : تجابرت معاهن وفهمت انهن جين علشان سندس .. قامت تدي لهن عصير وصيحت لغاده من الدرج قلي لسندس تجي تجاوب لكن قليلها تلبس سواء الناس جو يبسروها ..

سندس : في غرفتها كانت تتنبع ساع المجنونه قد عتموت خزا 🙈 وبتخفع نفسها كيف ابسروها وفهمت ايش قصده اليوم مشطي شعرش والبسي سواء كانت تصيح وتلاعنه ماكانت متوقعه يرسل اهله خاصه إنه ماكان بينهم اي كلام حب ...

غاده : دخلت لعندها بتتليقن هيا جاوبوا ياقمر قالوا ماما به ناس جو يشتوا يبسروش انزلي ..

سندس : مسكتها وكانت يدها ترتعش 👋🏻 ياغاده ياغاده ابسروني هكذا اكيد ماشاعجبهم انتي داريه من هولاء بيت ال.... وبتحكي لها مارسل لها وهي مافهمتش قصده ...

غاده : كانت تعلق عليها وتضحك 😂 هههههه تستاهلي قد بينقلش اخطي بدلي زيد حانكتي وشعفلتي شعرش هيا أخطي البسي سواء وانزلي تبعدي لهن الفجيعه ...

سندس : بدلت ونزلت تسلم وهي خازيه قوي 🙈 جلست شويه وقامت ..

ام زياد وخالته : ماطولنش قامين وبيسلمين ع حوريه .. الله يجعل فيه خير يارب انتوا أسالوا وهذا حقكم وهذا رقمي وقد إحنا متواصلين انا الصدق ارتحت لكم وان شاء الله ربي يقدم مافيه الخير ..

حوريه : بإذن الله وفرصه سعيده تشرفت بمعرفتكن ...

سندس : طلعت غرفتها خازيه ☺️مش مصدقه ولا مستوعبه الي حصل ..

غاده : نازل عند امها بتتطقس منها ماقالين وماحصل بينهن ..

بعد نص ساعه وصلت سندس رساله من زياد ( ههههه 🤣 قد قلت لش تمشطي شعرش انا داري إنش مشعفله لكن يله عيس يعرفوش امي ع حقيقتش لاتغشيهم ... بس رغم أنش مشعفله ولابسه لي بجامه من حق الجهال ابو دباديب بس عجبتيهم مش هم داريين إن قد عجب

تي إبنهم من قبلهم الله يتمم لنا ع خير يارب قلي امين 😉 ) .

سندس: قريتها وكانت تتنبع ماعاد عرفت ماتقل ولا ماترد رجمت التلفون وجالسه تلاعنه قد عتموت خزا وإحراج 🙈....

فعلا الشاب الي يعرف الصح هو الي إذا عجبته بنت دق بابها ودخل للبيوت من أبوابها 🚪 والفرق واضح بين شخصيه وائل وشخصيه زياد واكيد محد من شبابنا حابب يكون وائل ولا أيش رأيكم 🤔..

🌹meme_abdalgaleel


@qesasanani

سأكتفي بك حلمآ 💔...

بارت ٦١....


بعد إسبوع ...

في بيت الجد قاسم 🏬

خديجه : بتسلم ع زوجها 😘 انتبه ع نفسك وع العيال مشنا داريه ماطلع لك في هذك السفره فجاءه ومارضيت تشلني معك ..

الجد قاسم : قد قلت لش اشتي افعل فحوصات مدام قد عادل وبنته عيسيروا يتكسوا لها للعرس وماقدرت لدحس احد قد نادر معي ...

علي : بيسلم 😘 عليهم توصلوا بالسلامه ولو اننتوا فركتوا بي وشليتوا نادر ..

الجد قاسم : ومن عيوبه للبيت🏡 وجدتك وأمك أنا راكن عليك انت رجال البيت ...

عادل : سلم ع أمه واخوته والبقيه وبيودعهم ...

شيماء : قالبه صور 😠 مش عاجبها أن نادر عيسافر وروان معاهم وقالت له هي عتجلس عند امها ...

روان : بتسلم ع بنات عمها ويمزحين بيعلقين ع سندس بعد خطوبتها 😉..


نادر : كان بيسلم ع الكل بخوف إنه مايرجعش وحضن عياله 👧🏻👶🏻 بقوه وبيوصي أبوه ينتبه لعياله قوي😔 ..

........ ......... .........

في بيت عبدالله 🏡...

أم عبدالله : جالسه تقطع الخيار للسلطه 🥒يوووه ... منك صدق عتسافر هكذا بدون ماتستاذن منك نبتك بس ...

عبدالله : مايشتيش يبين لها إنه زعل 😔...
اصلا يا أمه ماقدناش زوجها تستاذن مني هي قالت لي أنها عتسافر مع أبوها وجدها يشتي يفعل فحوصات ...


اخت عبدالله : بحركات مغامزه ولئم 😏 سبحان الله ماعيسروا الإ بالدكتوره حقهم وزد أمانه كيف رضيت لها وإبن عمها معاهم وعيجلسوا جمعه ..

عبدالله : ماركز ع هذه النقطه لما حاكته روان قلبه 🖤 كان يحرق .. فلتهم وخرج ومسك تلفونه بيتصل لها 📱 ....

روان : فوق السياره 🚙 جالسه جنب ابوها وراء وجدها .. إبسرت إسمه 📱 مطنشه ...

عادل : من بيتصلش جاوبي ..

روان : عبدالله مشتيش ارد عليه ذلحين لما قدحنا فالمطار شاحاكيه ..

الجد قاسم : بيزبج عليها 😉 خليها ياعادل ماتشتيش تجاوبه قبالنا تشتي ع راحتها وقدهي وحدها سقى الله أيام زمان كيف كنا مايعرف الواحد مرته الإ يوم العرس وأنتوا جيل لاعاد بيخزا ولا يستحى مجابره وبسره ورمسسه لانص الليل ...

عبدالله : رسل لها .. (عادنا الان ركزت ان ابنش معاكم وعتسكنوا مع بعض الموضوع مش عاجبني ومابش داعي نعيد ونزيد في نفس الموضوع ياروان سدي مع أبوش وإجلسوا وحدكم 😤 )..

روان : قريت الرساله وتغيرت ملامحها ضبحت😤 ردت عليه ( شكرا هذه توصلي بالسلامه حقك وعلشان ما اكونش كذابه واوعدك انحنا عنجلس وحدنا وإحنا ماعنجلس الإ مع بعض وشاكون مع نادر دايما أنا ماكنت حابه أحد يعرف بس نادر محتاجني بحكم اني دكتوره هذه الفتره وبكون معه دايما ولاتسأل كيف لأنه ماشديش أي تفاصيل ) ..

عبدالله : ( إفعلي الي في راسش وكسري كلامي ولنا كلام ثاني عنتفاهم لما توصلي ) ..

روان : ضبحت من إسلوبه قفلت تلفونها 📱...

نادر : كان جالس قدام جنب السواق ...لأول مره يحس بهذا الإحساس ضبح وتضايق 😤 لما سمع إسمه وإنه بيتصل وشافها بتراسله📱 تمنى بينه وبين نفسه إنها ماترد عليه أبدا وطول الطريق للمطار وهو بيتفرجها من المرايه وحاسس إحساس غريب كل يوم بيشوفها فيه أخر فتره بيركز ع ملامحها وجمالها أكثر 😍 ....


🌹meme_abdalgaleel



@qesasanani

سأكتفي بك حلمآ 💔...

بارت ٦٢ ...

في بيت الجد قاسم 🏬...

أزهار : واقفه عند الباب 🚪 حق الصاله .. هيا ناهي لك ياهاشم من الخباله قد إحنا جمعه اليوم اين تشتي تسير ...

هاشم : بيلبس الجاكت ... قدوذا خليت لش بنات اخوش وامهن ماعد تشتي أنا خليني أسير أبسر عملي والله إن أخوش مشغول لافوق راسه ...

شيماء : عتقرح غارقه 😠 لحضه شلوني معاكم ألفلف حاجاتي وتوصلوني بيتنا لما يجي زوجي من السفر ...

حوريه : إبسرتها واستغربت يوووه 😳 ليش يابنتي عتسيري وتفلتي بيتش ...

شيماء : بنخيط مشو بيتي ولاهو بيتي 🏠 يله إحمدوا الله إننا جالسه فيه وزوجي فيه ..

هاشم : ضبح من إسلوبها .. أشر لها يله القطبه بسرعه مراعي فوق السياره 🚙 وفلتها وخطي...

غاده : بتشاور سندس 👂🏻 ريت والله وانتي تجلسي هاناك ع طول بس وتريحينا منش بس فلتي لنا الجهال ..

سندس : دكمتها اوووص 🤫 لاتسمعش ماقدرنا للمشاكل ...

آيه : ممدده في غرفتها مع الحمل تاعبه ممنوع تتحرك لا تسقط البيبي قلبها بيفور ❤️ تشتي تعرف مابيحصل نازل ...

......... ........ ..........

فوق الطياره 🛫...

الكراسي بالترتيب في نفس الصف ..

الجد قاسم جنب الطاقه وجنبه نادر والجهه الي جنبهم من جهه نادر روان وداخل جنب الطاقه عادل ...

روان : بتسمع التعليمات وضحكت 😄 كل مره أسافر محد بيفجعني الإ هذه التعليمات كأنهم بيقلوا لنا إحنا عنشلكم رحله للموت ..

عادل : ضحك 😂 والله صدق بيمكنوش إستخدم الاكسجين اهرب من باب الطواري البس التيوب ...

نادر : لفت لها بحزن 😔 تصدقي إنها أول رحله لي في حياتي خايف منها بقوه مش بسبب التعليمات حقهم خايف ماعاد ارجع معاكم مدري ليش قلبي مقبوض قووي وحاسس إنها أخر سفره لي في حياتي ...

روان : اقتهرت عليه 😔 بعد الشر عليك الله يحفظك .. وبعدا عتشهدوا عليه من هذا الكلام الأخبل ..

الجد قاسم : خفعه بيده في رجله 👋🏻 قلك مفتجع .. هيا مه إحنا معانا أسد وبعدا جي بقعتي قوم أنقل مشتيش جنب الطاقه ...

نادر : حاضر يا أسد وغيروا أماكهن وبعد من جنب روان ...

بعد ما أقلعت الطياره 🛫
روان : لفتت لعند أبوها وجدها رقدوا 😴 ونادر جالس يقراء كتاب .. ضبحت مادريت ماتفعل قربت لجنب الطاقه من جهه ابوها تتفرج ..

عادل : حس عليها نكز فتح عيونه 👁️.. تشتي تجي هانا تتفرجي ...

روان : يوووه .. آسفه نكزتكم ..

عادل : وقف يغيروا أماكنهم ..

نادر : إبسره .. حط الكتاب من يده وإبتسم 🙂.. ولفت لعمه هيا جو هنيه الشيبات حق النوم يجوا يرقدوا جمعه وانا شرجع مكانكم ضبحت وحدي ..

عادل : ضحك ههه 😂 ناهي لك ياشيبه هيا جي ورينا ياشباب كم عتجلسوا تتوالهوا وتتجابروا اذا كملت نص ساعه ومارقدت تعرف الليله العشاء ع حسابي ...

نادر : ضحك خلاص سدينا وتبادل هو وعمه الأماكن وجلس جنب روان ..

طول الرحله وهم بيتكلموا ويتفرجوا المناظر تحتهم وتذكروا سفره لهم زمان وهم صغار وغاده لما ضربت ولد فوق الطياره كان فالكرسي الي قدامهم ...

...... ....... ......

بعد العصر ....

في بيت اهل شيماء 🏡...

مره أخوها : بتحاكي التلفون 📱 ياهمتاه لقلبي عتجلس عندنا ويعلم الله كم مدري أيحين عيرجع زوجها ...

شيماء : سمعتها .. دخلت ع طول هزرت التلفون من يدها 📱 ورجمته للأرض وصيحت 😡 مشنا جالسه في بيت أبوش عادهو بيت أبي لو مشو عاجبش شليتي شنطتش ومع ورور ...

مره أخوها : بتبسر تلفونها مرجوم فالأرض تكسر 📱 بتصيح .. أنتي مجنونه ولا ما انتي مافعلتي بالتلفون وبتجمعه من الأرض ...

شيماء : وعادنا شاوريش الجنان ع اصوله لما تتعلمي الأدب وتدري كيف تتحاكى ودهفتها ...

مره أخوها : بكيت ع التلفون📱 والدهفه وبتصيح والله لأقل لأخوش يبسر لش حل ويتصرف معش ولا معي اهل وخطيت تشتكي بها لعند أمها لما يجي زوجها ...

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ٦٣ ...

ثاني يووم .....

في الهند 👳🏻‍♂️.....

روان : قامت من الصبح بدري بدلت وتجهزت لبست بنطلون 👖 جينز أبيض وشميز اصفر طويل للركبه وطرحه بيضاء طلع عليها الأبيض مع الأصفر 😍 يجنن وكالمعتاد طرحتها الي كودها بتطحس ههه وتبان خصله من شعرها وخرجت من غرفتها بتداعي يا أهل البيت يله يله ماجيناش نررقد يله يكفيكم نوم ودخلت تقيم ابوها وجدها وتدقدق الغرفه ع نادر ....

عادل : فتح عين 👁️ وعين مغمضه إبسرها 😁 إبتسم هذا الشمس مسرع إشرقت ههه يا اصفر من الصبح ..

روان : باسته 😘 صباح الخير ع احلى بابا فالدنيا كلها يله قوموا تجهزوا نخرج نصتبح جاوعه ونلوي مابش وقت معانا موعد مع الدكتور حق نادر الساعه ١٠ الليل ...

عادل : اووف مسرع حجزتي يامقطوبه اليوم نرتاح بعد الرحله والسفر ...

روان : مابش وقت نشتي يبداء بالعلاج صح علشان يفتهن بسرعه ..وخرجت تبسر البقيه ...

نادر : خرج من الغرفه فاتح نص عيونه بيتقعم 🥱 إبسرها .. صبااحه من صباح الصبح عنرقد ياهرمه .. وركز ع اللون الأصفر قام يمزح معاها غطى بيده عيونه 🙈 يووه يووه الشمس كزت عيوني 😜 ...

روان : فعلت هذه الحركه 😬 بتتليقن عليه ييي ييي سماجه تايم يله قوم أشتحط جينا نرقد صح يله القطبه اشتي اخرج اصتبح جاوعه ونتمشى ومعك موعد العشي مع الدكتور ...

نادر : حك راسه بيده 😅 من اليوم .. يله إدكتري علينا ماصدانا نقل ماشي ..

الجد قاسم : خرج من الغرفه وقدهو مبدل ولابس شميز وبنطلون وجاكت 👕👖 ..

نادر : إبسره وبيمازحه ... الله الله ياحج حررركات 😉 ...

روان : فينهم ماما خديجه يجوا يبسروا الدلع هذا كله شكلكم ماعتروحي من هانا الإ بعروسه 🤪 ..

عادل : خرج وابسر ابوه وبيزبج عليه مثلهم 🤣...

....... ..... ........

في صنعاء ....

في الجامعه 🏫...

غاده : بتشتري سندوتشات 🌭 من الكافتيريا ...

صاحب وائل : خطي من جنبها هو وصاحبه عصام 👬🏻 من جامعه ثانيه جاء لعنده .. إبسرها هزر عصام جي كذا جي هذه البنت ساع الناقله إبتعد عنها ١٠٠ قدم وضحك هههه ...

عصام : إستغرب😳 ليش مع إنها حاليه ..

صاحبه : جي وأنا شحكي لك ماحصل وجلسوا يصتبحوا فالكفتيريا 🌭☕ وبيحكي له مافعل وائل وكيف ربته وفصلوه من الجامعه ...

عصام : هز رآسه آااها 😅 والله إنها طلعت راس بنت منهي ..

صاحبه : قله بنت من وجلسوا يتجابروا ...

🌹meme_abdalgaleel



@qesasanani

سأكتفي بك حلمآ 💔..

بارت ٦٤ ....

في المستشفى 🏥...

الممرضه : دخلت لعند الدكتور غيث .. دكتور في حاله كانت تتابع مع الدكتوره روان ممكن تكمل معك لما ترجع الدكتوره من السفر ...

غيث : اتفاجاء 😳.. الدكتوره روان سافرت ....

الممرضه : أيووه شلت إجازه مفتوحه لأن معاهم مرض سافرت الهند ...

غيث : بإستغراب 😳 مرض .. من مريض أبوها او من .. بيحاكى نفسه معقول علشان إبن عمها ..

الممرضه : ذلحين إيش قلت يادكتور ادخلك المريضه ..

غيث : هز رآسه .. هااه تمام دخليها ..

كمل يشوف المريضه وسار يسأل المريض الي يقرب لروان عادهو بيتابع الجلسات فعرف منهم إنه سافر ..

بيحاكي نفسه بضبح 😤.. آااااها كل هذا إهتمام به ياروان طيب وخطيبش .. سار لعند سمر بيدورها ...

سمر : كانت في غرفه الطوارئ مناوبه ... بتجارح لمريض 💉 ...

غيث : دخل لعندها ... صباح الخير يادكتوره كيف أنتي . .سلامات ماله أبو الدكتوره روان قالوا سافرت معاهم مرض ...

سمر : لفتت له 👀 صباح النور .. الله يسلمك بس الحمدلله عمو عادل بخير ذمابش شي هو بس سافرت علشان ابن عمها الي كان هانا الي شفته هذاك اليوم ...

غيث : هز رآسه 😏 وبغصه داخله ... آااها يعني يمكن تطول صح لأن معاها حاله حولتها لعندي اتابعها ...

سمر : والله كله ع حسب العلاج وكم عيتحدد له جرعات ..

غيث : طيب وعرسها .. ولا ماقد حددوش ..

سمر : لا عاده مافيش خبر .. ليش مهتم وبتسال هكذا خلاص هيا مه وإبتسمت 😊 ..

غيث : إبتسم يغالطها 🙂 هاه ولاشي بس فضول هههه هي لين انخطبت قلتي لي لبيت من ..

سمر : ضحكت بعبدالله ال..... يافضولي ههه😂..

غيث : يله تسلمي وفلت وخطي🚶🏻‍♂️ خرج تلفونه 📱 فتح برنامج البحث عن الارقام بيدور رقم عبدالله ....

....... ........ ........

في بيت اهل شيماء 🏡...

شيماء : قامت ومكنت امها بنتها .. هاه صبحوها👧🏻 انا شرجع أرقد ..

اخوها : سمعها 👂🏻.. دعاها بهنجمه 😠.. هاه هاه جي كذا يا تخطي ترقدي جي كذا ابسر مافعلتي بمرتي انتي مابتدوري ليش كسرتي تلفونها 📱...

شيماء : نفخت 😤 اووف ورفعت اصابيعها 👆🏻 أصبحنا واصبحنا الملك لله ماقد معك من الصبح مابتدور ...

اخوها : رفع صوته وبيصيح 😡 معي ابسر اخرتها معش عتستحي ع نفسش وتجلسي هانا بأدب ولا عتمكنيها كل يوم مشاكل ..

شيماء : لفتت له بنص عين 😏 ماشجلسش بأدب سعم ماعتفعل وعصرت وشها وخطيت 🚶🏻‍♀️...

اخوها : سحبها من شعرها 😡 لما أحد يحاكيش تعلمي كيف تحاكيه وتوقفي وإتعلم الأدب .. زيدوا لش امي الدلع لما ماعد بتحترمي أحد ..

شيماء : بتصيح وتبكي 😭 آاااي شعري فلتني وتداهفه ..

أم شيماء : حملت 🏃‍♀️ تفرع بينهم وبتحاول تهدي الوضع ...

مره اخوها : رغم إنها ضربتها وكسرت تلفونها 📱 بس ماسخيت يضربها سارت تفرع بينهم .. خلاص قوى فلتها ماعاد اشتيش تلفون انا مسامحه لها بس فلتها قوى ...

شيماء : بتبكي 😭 وحنقت شلت بنتها 👧🏻 ودخلت غرفتها ...

مارائيكم تستاهل شيماء الي حصل معاها ولا أخوها غلط لما مد يده عليها 🤔
يوووه صح نسينا يعلم الله مايشتي غيث بيدور رقم عبدالله 🤪



🌹meme_abdalgaleel@



@qesasanani

سأكتفي بك حلمآ 💔..

بارت ٦٥ ...

في الهند 👳🏻‍♂️ ....

بعد ماكملوا يصتبحوا ☕🍣بيتمشوا ..

الجد قاسم : بيتلفت يمين وشمال 👀 محلى بلادهم ماشاء الله كيف الجبال كلها خضراء 🌳🌴..

عادل : ايووه جميله قوي نفس بلادنا بالظبط 😜 ...

نادر : ماسك يد جده بيخطوا 👬🏻 ضحك ههه🤣 ايوووه اليمن الأخضر مدري اليمن السعيد مش انا داري أين الخضره والسعاده منها ..

روان : بتخطى وراهم ماسكه ابوها 👫🏻 ... مالك بتحطم ع بلادنا أيووه اليمن السعيد نسبه لسعيد اليهودي 😂 ....

الجد قاسم : لفت لها وضحك 😂 هههه هيا ناهي يازياجه ياسعيد اليهودي إخطى قبالي دوري لي لو به بنيه حاليه صورينا معاها نرسلها لجدتش ...

نادر : ضحك 😂 ووقف خرج تلفونه 📱 هيا جو نتصور صدق ولا قد تصورنا صوره من الصبح وبيضحكوا ويتصوروا مبسوطين ..

روان : حاسه إنها في حلم 😍 مش مصدقه إنها هكذا مع نادر وبيضحك مبسوط وناسي وجعه ومرضه ..

نادر : بيحاكي نفسه ليش عمري ماكنت مبسوط هكذا الإ من بعد ماقربت من روان قوي هذه البنت فعلا ع قوله جدتي سعاده لكل الي حولها 😍...

روان : بتتجابر مع واحد هندي بتسأله فين الفيله 🐘 نفسها تجرب تطلع ..

الهندي : شلهم لعند الفيله الي قريبه من عندهم حق واحد ...

الجد قاسم : بيتسابق مع عادل يبسروا من عاده الشباب فيهم😊 ...

نادر : بيتحانب هو وروان مابش طلعه قلت 😖 عتنكعي إبسري سعمنهو ...

الرجال : بيجلس الفيل 🐘 علشان روان تطلع ..

روان : بتحانكه وترفع أكتافها ... ماعليا والله لااطلع قدنا وسط الهند وماتشتيش اجرب الفيل 🐘..

نادر : خفعها في رآسها 👋🏻 عنيده ... يله إطلعي مسك بيدها يسندها تطلع ...

روان : طلعت وهي مبسوطه😄 بتضحك وبتخطى به لعند ابوها وجدها ...

نادر : بيمشى معاها ويصورها 📱 ويتليقن عليها ..

كمل يومهم كله سعاده وإنبساط وروحوا يرتاحوا قبل موعد الدكتور ...

....... ....... ........

في صنعاء..

غيث : لقي رقم عبدالله بس مش متأكد هو رقمه او لا 🤔 بيفكر يغامر ويرسل له يتأكد ...

مسك تلفونه 📱 ورسل مساء الخير معي الاخ عبدالله ال.....

عبدالله : كان ماسك تلفونه 📱ضابح 😤 بيرسل لروان للوتس بيشوف الرسايل بتوصل بس مابتفتحش .. وصلته الرساله قريها رد ...
( أيوه انا عبدالله ال.... من معي ) ..

غيث : امممم 🤔 تردد قبل مايقله منهو رجع قرر مايقله منهو خاصه إن هذا رقمه الثاني الي مش منتشر ...
( معك دكتوره فالمستشفى زميله الدكتوره روان خطيبتك ) ..

عبدالله : ( زميلتها 😳 تفضلي خير في شي )...

غيث : ( هاه 😅... والله مش عارفه إيش اقلك بس انت مقتنع بالخطوبه هذه أصلا روان يعجبها لمه الكل حولها بس كيف مخطوبه بك ومعلقه دكتور عندنا فالمستشفى بتقله هي بتحبه بس أهلها جبروها تنخطب لك 💍 وفي نفس الوقت لو تبسر كيف بتفعل لإبن عمها الي مريض انت داري إنها بكيت ودوخت لما عرفت إنه مريض لو هو أبوها الي مريض ماتفعل هكذا وفوقها تفلت عملها وتاخذ إجازه مفتوحه علشان تسافر معه يعني عرسك عيجلس مربوط لما ترجع ويفتهن إذا أفتهن) ......

عبدالله : ضغط ع يده 👊🏻 بقوه الكلام ضايقه وبيحس انه في شي من الصدق خاصه اهتمامها بنادر وتعاملها معه ببرود .. بس ماحبش ان يدي وجه للبنت الي بترسل رد عليها ( أعتقد هذه المواضيع ماتخصش وبطلي تتدخلي في خصوصيات الناس ) وفعلها بلك ... بس ع طول رجع يرسل لروان ( ليش مابتردي 😡 إيش الإسلوب هذا روان أنا مشتيش نتصايح ردي معي الف سؤال وسؤال إشتي لهن اجوبه ) ...

غيث : ضبح من رده 😤 مسك التلفون ورجمه لفوق السرير وبيحاكي نفسه ... والله لافركش عليش واخرب عليش كل شخص يقرب منش انتي لي وبس ....



🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔..

بارت ٦٦ ..

بعد إسبوع ...

في الهند 👳🏻‍♂️...

فالمستشفى 🏥....

نادر : فوق السرير ممدد 🛌🏻 بداء جلسات الكيماوي والابر في يده ...

عادل : جالس جنبه فوق الكرسي 🪑 بيجابره ...

روان : نازل فالمستشفى مع جدها بتسوي له فحوصات زياده إطمئنان ع صحته ...

نادر : رن تلفونه 📱محطوط عند عمه شيماء بتتصل إيمو..

عادل : لفت لعنده 👀 مرتك بتتصل مفعل اكنسل واخليك تسجل لها فويس تقلها اي شي علشان لاتتصل ..

نادر : وجهه شاحب مصفر تاعب لابس ماسك 😷 .. ماقدرت ارد عليها اكتبوا لها اي شي اننا خارج ماشقدر أرد ..

عادل : رسلها .. اهلا كيف انتي والعيال شتصلش 📱بعدين مشغول خارج ...

عادل : وقف بيقرب لعنده .. مرتك رسلت فويس شاحط لك التلفون لما تسمعه 📱..

نادر : إبتسم بتعب .. إفتحوه بس إطمنوا مابش فيه رمسسه ذلحين هي اكيد بتحطم ..

عادل : فتحه وقربه لعنده ..

شيماء : بصوت بيتقارح 😡 ... أيووه ماعندك حجه مشغول خارج افتهن ولوي مع ست الحسن إكسي الحريوه وانا وعيالك نجلس هانا كل يوم هكذا تهراب ماعاد بترضى ترد أنا ضبحت في بيتنا ومشتيش ارجع بيت اهلك إتصرف روح وجدك هوذك معه البرنسيسه حقكم الي مابيتحركوا الا بها خلاص ماجلستك روح وتجلس هي ...

عادل : وطى راسه وفعل نفسه ماسمع👂🏻 شي ..

نادر : خزي من عمه 😰 من طريقه كلامها واسلوبها ولقانتها ع روان .. أنا آسف والله مانا داريه ماقل ..

عادل : حط يده ع كتفه 👋🏻 مابش شي ماعليك شي بس لوتشتي نصيحه اب ماتخليش مرتك تتمادى معك هكذا وترفع صوتها الزواج إحترام ..

نادر : بضبح 😤 والله ماعدنا داري مفعل معها وبيحكي لعمه ع حياته معاها وتصرفاتها يشور عليه ..

جلسوا يتجابروا ومضي وقت الجرعه بسرعه رغم الألم والوجع الي كان فيه ...

....... ....... .........

في صنعاء ....

في عرس بيت جيرانهم ..

أزهار : جالسه هي وخديجه وحوريه ..

سندس : بترقص هي وغاده 👯🏻‍♀️..

أم عبدالله : لمحتهن من بعيد بتحاكي بنتها .. هذولاء أهل خطيبه اخوش أومه ...

اخت عبدالله : أيوه هن والي بيرقصين والكل الي دخلين معاها ..

أم عبدالله : عوجت فمها 😏 ع قد أنساب عزمونا هذك المره ولاهاناك جي نسير نسلم عليهن ونبسر خطيبه أخوش كيفهي ..

سارين يسلمين عليهن وجلسين جنبهن ...

الجده خديجه : بإبتسامه 🙂 حيا بكن كيف انتين كيفهو عبدالله ..

أم عبدالله : بتصلح شعرها وبنخيط 😌 الحمدلله كلنا بخير وعبدالله الحمدلله في خير وعافيه وروان كيفهي ولا بتسأل ولا تقل قدنا ساع أمها ..

أزهار : إستغربت يووه روان هي مسافره ليش مش انتي داريه ماقلش عبدالله ...

أخت عبدالله : بعنصه 😏 عبدالله ليش عيقلنا شي عليها هو مشدوف ودكمت امها تسكت لاتبين انهن داريات ..

حوريه : ببراءه وإبتسامه 😊 يووه الله يسعدهم يارب وبعدا هي عادها بتخزا ماقد عتجزم تسال عليش أكيد بتقل لعبدالله يسلم عليكن ..

أم عبدالله : ليش سافرت أو أحد مريض ...

خديجه : يووه تف من فمش تعوذبي من الشيطان وبزنط 😌 مابلا جدها قال يسيروا يكسوها الزنين المطرزه والي تحتاج من الهند للعرس ولا ماقد انتوش ناويين تعرسوا ...

أم عبدالله : بإحراج 😅 آااها الا الا ماهو قدهو يشتي عرس قريب ..

حوريه : يوه صدق يا أزهار هيا ارجعي ذكريني نخلي نادر يدي لنا زنين إحنا والكل ..

أخت عبدالله : بإستغباء 🤓 من نادر ليش هو مسافر والكل ..

حوريه : إبني هو سافر معاهم والكل 😁...

أم عبدالله : حطت يدها ع وشها 😱 يوووه سافر وروان معاهم ماهو هذا الصدق من ذلحين أبني مايعجبه ولا إحنا يعجبنا هكذا ماهو تسافر مع عيال عمها ..

أزهار : بضبح 😤 وليش مايعجبه هم كبروا عيالنا كلهم هكذا ومحد بيتلفلف من أحد ..

أم عبدالله : 😏 هذاك عندكم ياروحي بس مادام قد عتدخل عندنا عتشل من طباعنا وبعدا الصدق عيس قد افتتح الموضوع أنا حاجات خيرات الصدق إشتيها تتغير فيها وبداءت تحطم ..

سندس وغاده : جلسين قدامهن وبيسمعين ويضحكين عليها وبيحمدين الله إن روان ماعتعيش عندها ....

🌹meme_abdalgaleel



@qesasanani

سأكتفي بك حلمآ 💔..

بارت ٦٧ ....

في الشارع ....

غيث : قدله فتره بيحاول يوصل لعنوان عبدالله موقف السياره بعيد 🚙 بعد ماعرف البيت وعرف إنه الإبن الوحيد للأسره ...

عبدالله : فتح باب البيت🚪 وخرج .. بيخطى رجل 🚶🏻‍♂️عيسير بيت جيرانهم يخزن ...

غيث : 😖 قزز ... هو أنت عريس الغفله الي تشتي تشلها .. طيب تمام ولايهمك .. خطي بعده بالسياره 🚙 بيحاكي نفسه صبرك عليا بس والله ماسبرت لك ...

عبدالله : دخل يده في جيب الكوت بيدور تلفونه 📱 مالقيه ذكر انه نسيه فوق الماسه رجع يديه ..

غيث : إبسره بيمشي إتجاهه رجع عكس 🚶🏻‍♂️ دعس بترول ودكمه دكمه خفيفه كانه بدون قصد ...

عبدالله : دق رجله وبيصيح 😡 الناس يبسروا سواء أنت اعمى ولا ماهو مابتبسرنيش قبالك ...

غيث : فتح الباب حق السياره 🚙 ونزل ع طول .. اسف اسف العفو منك اسكه وريني سلامات ايش حصلك ...

عبدالله : ماسك رجله بيده 👋🏻... دهفه ولافيني شي كن استضى بس .

غيث : فاعل نفسه مستحي منه وزاعل 😰 انا أسف يا اخي والله ماكنت مركز عادنا خرجت من عمليه وتوفى المريض وزاعل عليه .. اسكه لو سمحت خليني اشوف رجلك أنا دكتور ..

عبدالله : رحمه .. اوووه 😔 لاحول ولاقوه الا بالله .. خلاص عادي يا اخي مابش شي رجلي بخير ووقف عليها بيوريه انه بخير ...

غيث : لالا والله ماينفع هكذا تقلي انك بخير بس وافلتك ماعيسمح لي ضميري افلتك وامشي نسيت إننا دكتور والله مافلتك هيا إطلع معي نسير للمستشفى 🏥 نفعلك كشافه أتاكد أنا بينشتغل في مستشفى ال... يعني قريب مشو بعيد ...

عبدالله : سمع إسم المستشفى 👂🏻.. آااها انت هاناك .. بس والله مابه شي اطمن بس ورحلك الله معك ..

غيث : لو تشتي اروح اديلي رقمك لو تسمح أطمن عليك وعلشان لو حسيت وجع فيها تمر لي للمستشفى 🏥 وهذا رقمي سجله عندك ..

عبدالله : شل رقمه وإداله رقمه ...

....... ......... ...........

في الليل ....

في بيت أهل شيماء 🏠...

أم شيماء : بتصيح .. ياشيماء أين انتي حرام عليش جي شلي بنتش بتبكي من أول ولا رضيت تهجع تشتي مدري ماهو مافهمتش مابتقل ...

شيماء : في غرفتها ...بتتجابر مع آيه فالتلفون 📱 صاحت لأمها هي تشتي ابوها بتدحس عليه مازد حاكته ...

آيه : ممدده فوق السرير ..غريبه والله مابلا مدري ماله ليش بيتهرب منش هكذا ...

شيماء : بضبح 😤 الله يجعله الموت وبس أنا وهذا الجنان قدوذا بتسمعي بإذنش كيف بنته بتبكي بتدحس عليه وهو ولافي حسه مفتهن ..

آيه : لو نقل ان هذك القرده ماقد اختطبت وسافرت تتكسى للعرس عنقل إنها بتدور ترسم عليه لكن قدوذا اختطبت ...

شيماء : يوووه لكن الله يشلها إبسرتي كيف بتنزل فالحاله حقها صورها هي وابوها وع لبس ودلع ...

آيه : ايووه الله يحرقها 🔥اقسم بالله إننا أبسر علي يبسرهن ولا حين يتصل لهم ويحاكيهم كيف يحرق قلبي ..

شيماء : امانه اسكه خليه يتصل 📱لنادر اكيد عيجاوبه ويقله إن بنته بتبكي وتدحس تشتيه يتصل ...

آيه : ماقد روحش لكن شنزل أقل لجدتي جو نتصل لجدي وهم جمعه ولما يحاكوهم شاقلهم يقلوا له وأنتي قلتلش بطلي تعامليه هكذا عيبسر منش جلافه وصياح وهذاك قباله كلها دلع ونعومه دوري كيف تضحكي ع عقله قومي رسلي له اغاني شوق وافعلي له حالات حب .

شيماء : ضحكت هههه 🤣 حبته القراده والله لو عليا ماعاد اجلس معه يوم ولا بيرضى يسمع كلامي في شي لكن يله بعدش نبسر لين عنوصل ...

🌹meme_abdalgaleel



@qesasanani

سأكتفي بك حلمآ 💔..

بارت ٦٨ ...

ثاني يوم ...

في الهند 👳🏻‍♂️....

في المستشفى 🏥 الصبح ...

روان : دخلت وفي يدها ورد 🌹🌹 ومبتسمه 😊 صباح الخيرات قربت تبوس أبوها ..

عادل : ياصباح الأنوار 😊 إيش هذا الورد والحلا ..

روان : لفتت لنادر .. أيحين زيد رقد 😴...

عادل : عادهو يمكن قبل ساعتين زيد امس شيماء كل شويه بترسل لتلفونه 📱 تسجيلات لصوت عياله وبنته بتبكي مسكين جلس مقهور ولاقدر يتصلهم ...

روان : تنهدت بزعل 😔 يووه مساكين خلاص شبسر كيف لو حتى أستاذن من الدكتور لو ينزل للحوش شويه أمد مايتصلهم بسرعه لاتركزش مرته انه في مستشفى ...

عادل : خلاص تمام إبسري ماعتفعلي وأنا شرجع الشقه أرتاح شويه وأتحمم ..

روان : قد طلبت لكم صبوح قد حطيته فوق السفره لكم ولجدو خرجت وعادهم راقدين 😴...

عادل : يله تمام انتبهي ع نفسش وع نادر .. فلتها وخرج🚶🏻‍♂️ ...

روان : بتفتح الورد 🌹 وتحطهن فالمزهريه ...

نادر : ممدد فالسرير فتح عيونه 👁️ إبسرها بتصلح الورد إبتسم 😊صباح الخير فينهم عمو ..

روان : لفتت له بإبتسامه 😊 صباحك ورد 🌹 بابا اتصلت لهم شاجي بدلهم وهم يروحوا يرتاحوا ..

نادر : تنهد ... سامحوني بينتعبكم معي 😔 وياعالم بعد هذا التعب شاعيش أو أموت ...

روان : بنبره حاده ..وهنجمه 😠 اخر مره أسمع منك تعيد هذه الكلمه إحنا إيش قلنا أهم شي تكون ثقتنا بالله قويه وتكون قوي علشان نتغلب ع المرض ..

نادر : إبسرها مهنجمه ضحك لا إراديا ههه 😂 أول مره أبسرش بتصيحي بس الصدق حتى وأنتي بتهنجمي قمر يعني في كل الأحوال لما تتصايحي مع عبدالله عيتحلى لش هههه ..

روان : ضحكت من ضحكته ووطت للأرض ☺️..

نادر : بنظره عيون كلها قلوب 😍تصدقي ياروان عمري ماكنت مركز ع تفاصيل جمالش وحلاوه طبعش مثل هذه الفتره تقولي ليش يمكن لأن قدنا شافلتكم وأرحلي ...

روان : إحرجت من كلامه حست نظرته مثل السهم دخلت قلبها ❤️ حاولت تغالط ... وتبهرر بعيونها 😳 رجعنا لذكر الموت صح ..

نادر : متنح في وجهها 🙃 حتى عيونش وهي مبهرره حلوه ..

روان : خلاص ماعد قدرت تمسك نفسها مش مستوعبه ان هذا الكلام نادر الي بيقوله كان قلبها يدقها بسرعه ألف 💗 شاسير أبسر الدكتور استاذنه انزلك الحوش تصتبح وتتصل للعيال وفلتته وخرجت وصلت لخارج الغرفه وهي بتنهل كأنها كانت بتجري من كثر الإحراج 😅 ... سارت تبسر الدكتور تكلمه ...

....... ...... ......

بعد ٤ ساعات ⏰

في صنعاء ...

غيث : بيلبس يتجهز عيسير المستشفى 🏥 خرج تلفونه وبيتصل لعبدالله ...

عبدالله : كان راقد😴 .. شاف رقمه رد .. ألوو ..

غيث : صباح الخير .. عفوا شكلي صحيتك من النوم بس صدق ضميري بيوجعني ماقدرت ادعمم إشتي أطمن عليك إيش رائيك تجي للمستشفى نفعلك أشعه تطيب نفسي ..

عبدالله : بيتقعم 🥱 تسلم يادكتور والله إننا تمام ورجلي مابش فيها شي بس هي النكيه بعد الخفعه ..

غيث : لالا مابش قبول لأي مبرر خلاص بنتظرك فالمستشفى .. أسمه مستشفى 🏥 ال.... وبيدي له العنوان ..

عبدالله : خلاص تسلم أنا اعرفه أصلا خطيبتي دكتوره فيه يله علشان ذوقك بس وإهتمامك شلبس واجي لك ...

غيث : بعد ما غلق ضحك 😂 بدينا ننفذ الخطه صح ...

ياترى ع إيش ناوي يادكتور غيث 🤔

🌹meme_abdalgaleel


https://tttttt.me/qesasanani/3374



@qesasanani

سأكتفي بك حلمآ 💔..

بارت ٦٩ ..

في بيت أهل شيماء 🏠..

شيماء : تلفونها بيرن 📱 إتصال عادي من نادر .. ردت الو ..

نادر : بيحاول يكون قوي مايبان صوته تاعب 💪🏻 صباح الخير كيف انتي ..

شيماء : بحطيم 😏 عادك ذكرت صح إن معك مره ولامشدوف مع ست الحسن والجمال فالكسوه حقها ...

نادر : جالس فوق الكرسي في حوش المستشفى ولابس الماسك 😷 الحمدلله الله يسلمش انا بخير وكلنا بخير نسال عليش وع العيال فينهم أدي احاكيهم ..

شيماء : إغتاضت من رده ونفخت 😤 دعمم دعمم وبعدا ليش ماتتصل إيمو شاغلق وإتصلك ..

نادر : لفت لروان وهز رآسه كان توقعش في محله ماعيقنعهاش الاتصال العادي 📱.. كويس إنحنا نزلنا الحوش ..

روان : كانت واقفه جنبه .. طيب خذ راحتك كلمها هي والعيال بس لاتنسى ماتبعد الماسك وحاول تركز مايبان انك في حوش مستشفى ركز الكاميرا ع وجهك والشجره وإبتسمت 😊ومشيت بتتصل لسمر ...

نادر : رد ع شيماء وكل المكالمه دحس وصياح يله كمل كلامه مع عياله وقفل ماعاد قدر يواصل كلامه اكثر معاها ..قام بيدور يمين وشمال👀 فين روان وعقله بيقارن بين شيماء الي ماحست للحضه بتعبه وبين روان الي من نبره صوته تحس وجعه ...

...... ...... ....

في الجامعه 🏫....

اليوم إختبارات ....

غاده : منسجمه بتحل في ورقه الإمتحان 📄 ...

عصام : جاء لعند صاحبه ومراعي له خارج القاعه ...

صاحبه : كمل الامتحان وخرج لعنده واقفين مع بعض 👬🏻 بيتجابروا ..

غاده : خرجت من باب القاعه وذكرت 🤔 إنها نسيت ماتكتب إسمها .. رجعت بسرعه وملامحها خوف 😥 للقاعه بتتراشى المراقب يخليها تكتب إسمها...

المراقب : بيحاكيها بجلافه 😠 كنتي عتركزي من أول همكم تخرجوا من القاعه وبس .

غاده : نزلت دموعها وبكيت 😭 قووى لو سمحت حرام عليك والله اننا نسيت حرام عليك تخليني أحمل الماده وأنا حليت كل شي وواثقه من آجابتي ..

المراقب : أنا أسف خلاص كمل الوقت وقد خرجتي إيش ضمني إنها ورقتش أصلا أو إنش خرجتي تغشي أجوبه ...

غاده : واقفه بتتراشاه 😭والله ماغشيت شي شل الورقه انت وأكتب إسمي عليها أنت ولا خليني اكتب الأسم قدامك ..

المراقب : جالس بيجمع الورق عيخطى يسلمهن 🚶🏻‍♂️..

عصام : شافها بتتراشاه رحمها خطى لعندهم🚶🏻‍♂️ لأن المراقب صاحبه يعرفه وقف سلم عليه .

غاده : إبسرته خلاص مش موافق ومطنش لها بيحاكى صاحبه خطيت وهي بتبكي 😭 ..

عصام : توسط لها عند صاحبه ووافق يخليها تكتب إسمها دعوها وقد خطيت ..

المراقب : خرج الورق شاف الورقه الي بدون إسم وكتب عليها إسمها بعد ماقله عصام ع إسمها ...

عصام : سار يدورها لقيها بتبكي😭 عند كرسي🪑 تحت شجره .. وقف وابسرها وإبتسم .خلاص بطلي بكاء ماعيقلوا عليش هذه الزريه حق الجامعه بتبكي خلاص قد كتبنا إسمش ..

غاده : رفعت رآسها وبتمسح دموعها .. بهنجمه 😠 وانت من انت مادخلك وبعدا مادراك بإسمي ..

عصام :ضحك 😂 هذه الشكرا حقش ههه خلاص يله يازريه قومي روحي تذاكري للامتحان الجاي وركزي تكن تكتبي إسمش مش كل مره شاكون موجود ويطلع المراقب صاحبي وفلتها وخطي 🚶🏻‍♂️ ..

غاده : بتصيح .. يييه من انت ..إبسرته مشي تنهدت فرح😀 انه تسجل إسمها بتلفلف كتبها ومسكت شنطتها وروحت ...

🌹meme_abdalgaleel



@qesasanani

😍 لـعشـــاق الروايــــات 😍

سأكتفي بك حلمآ 💔..

بارت ٧٠ ...

بعد شهر ....

في صنعاء ....

في بيت هاشم 🏠...

سندس : بتتمشى فالحوش حقهم وتحاكي التلفون 📱...

زياد : فوق الكرسي حق المكتب حقه 🪑 بيضحك😂 هههه والله إننا بينكلمش صدق ليش واخذه الموضوع إنه مزح ..

سندس : وقفت مكانها وطننت😳 ..زياد هيا لكن كيف لوما جاء هذا القرار ..

زياد : والله مانا داري تسهلت كنت مصدوم مثلش هكذا اول ماوصلني الخبر بس الصدق فرصه حلوه وماتتعوضش ..

سندس : فتحت باب البيت 🚪 وبتطلع غرفتها ... بس أنا مشتيش افلت أهلي وأسافر .

زياد: بيقلد زعل .. يعني ماتفلتيش أهلش وتفلتيني أنا😔 ..

سندس : خزيت 😅 هاه مع مش قصدي بس نجلس هانا وماشفلت احد منكم كلكم ...

زياد : بيحانكها 😉 لالا خلاص لاتحاوليش انا داري أسهل تفلتيني بس ماتفلتيش أهلش ... خلاص شاسافر واتزوج واحده ثانيه وانتي اخليش عند اهلش مارائيش ...

سندس : بهررت 🙄 زجاجه .. عشم إبليس فالجنه قلك يتزوج والله إن رجلي ع رجلك ماتدي خطوه بدوني ..

زياد : ضحك 😂 هههه خلاص يله تجهزي للعرس و السفر ماعادبش معانا الا ٣ شهور ...

سندس : جلست فوق السرير حقها ...😨 مااهو ٣ شهور بغير جنان ايحين شتجهز وأتكسى واحجز قاعات ماينفعش ...

زياد : إشتري الأساسيات الكسوه عتشتري من هاناك الي تشتي كله .. والقاعات معي صاحبي معه قاعه ال.... شاسد انا وياه وأحجزها لش ..

سندس : ماعليا انا سد أنت وعمك ولو وافقوا أنا بعدهم ..

زياد : ماعليش شي انا وعمي سديين وبعدا هم يافرحتهم يشتوا يطيروش يفتهنوا من اذوتش 😜 ...

سندس : بتتحانب معه وكملوا كلامهم وبيحاولوا يتفقوا إيش عيفعلوا ...

...... ..... ......

في الهند 👳🏻‍♂️....

في المستشفى 🏥....

نادر : واقف قدامه المرايه بيتفرج شعره بيهتر بيمسكه بيده وهو يخرج زعل 😔...

روان : دخلت للغرفه واقفه وراه زاعله عليه بس بتكابر إبتسمت 🙂 يووه يانادر اقلك حاجه وماتقلش عليا مجنونه ..

نادر : لفت لعندها بزعل 😔 ايش ..

روان : نفسي من زمان أقلك تحلق شعرك صفر خاوره أبسرك صلعه أصلا لو تبسر كيف يعجبني الرجال الأصلع هههه 😃...

نادر : إبتسم بدون نفس 🙃 بتدوري تساليني ساع الجهال صح ..

روان : ضحكت ههه هيا نادر أمانه جي نتصرف بجنون مره واحده أنت اليوم تحلق شعرك صفر وأنا اقص شعري ولد 😄...

نادر : بهرر فوقها 😳 ماهو الجنان أين تفصي شعرش بطلي خباله ...

روان : ماعليك أنا اشتي اقصه مثلك بس ماشصداش احلقه من بابا ولا والله لأحلقه 😉 ...

نادر : تأكد اليوم فعلا إن قلبه 💓 بدأ يدق لها وأن مشاعره اخر فتره كانت إعجاب ... إبتسم لها ..🙂 تمام شحلقه صفر بس ماعتقصيش شعرش ممنوع ماتعجبنيش البنت وشعرها قصير ..

روان : ضحكت خزيت😅 خلاص حاضر بس يله نحلق شعرك ..

نادر : بما إنه ممنوع أخرج سيري إدي لنا مكينه حلاقه وجي نتهور 😃..

🌹meme_abdalgaleel



@qesasanani

سأكتفي بك حلمآ 💔...

بارت ٧١ ....

في صنعاء ...

غيث : قد تصاحب مع عبدالله..

إتصله 📱 هيا أين أنت ليش تأخرت الغداء عيبرد 🍲🍛 قد طلبت ..

عبدالله : باب المطعم .. جاوبه 📱.. هاه انا باب المطعم اين انت ...

غيث : جالس إبسره 🙋🏻‍♂️ بيأشر له ..

عبدالله : إبسره سار سحب الكرسي وجلس ... اووف ع زحمه فالطريق تاخرت ..

غيث : فاعل نفسه زاعل .. بيحاكيه وبيقلد انه مقهور 😔 ... عادي بس هميتك عيبرد الغداء...

عبدالله : إستغرب .. مالك شكلك زاعل فيك شي ...

غيث : هاه ..ولاشي إبرد إبرد إتغدى وبس😞 ...

عبدالله : يووه والله أن فيك شي أصلا من يوم ماعرفتك وانت ع طول حق ضحك وزبح مالك اليوم أمانه مالك أنت قلت لي قد بتعتبرني أخوك ...

غيث : تنهد 😔 هو لأن قدنا بينعتبرك أخي والله مانا داري ماقلك ولاقادر أسكت و أخبي عليك عادنا دريت اليوم بالصدفه ومتفاجى ...

عبدالله : تغيرت ملامحه😟 حط الملعقه من يده ماالك مابه قلقتني ...

غيث : والله مانا داري كيف أبداء .. أنت هذك المره قلتلي إن خطيبتك فالمستشفى🏥 معانا صح وانا ماسالتك منهي قلت عيب هذه خصوصيات وماقد أعرفك واليوم بالصدفه بينتجابر مع الدكتوره صاحبتها وعرفت انك خطيب روان ..

عبدالله : فتح عيونه 😨 أيووه الدكتوره روان خطيبتي مابه ..

غيث : إرتزح عرض الكرسي .. قلي ياعبدالله انتوا انخطبتوا عن حب ولا زواج اهل ..

عبدالله : بدأ يقلق .. لاهذا ولا هذا أنا إبسرتها فالمستشفى كان عندنا مريض وكلمت اهلي وابي يعرف أهلها وتقدمنا ...

غيث : هز رآسه .. آاااها طيب هي كانت موافقه ولا أهلها غصبوها ...

عبدالله : بداءت ملامحه تتقلب .. كيف مغصوبه ممكن ياغيث توضح اكثر ماهو ماقالت لك صاحبتها لاتوترنيش 😥...

غيث : قبل كل شي إحلف لي أن هذا الكلام يكون بيننا ولا مخلوق يعرف إننا قلت لك شي لأنه ماسخيت اخبي عليك ..

عبدالله : بعصبيه 😠 والله ما أتحاكى مابه يا اخي اتحاكى من حريق الدم ..

غيث : شوف بحكيلك كل شي أعرفه من البدايه ... اول شي روان مغروره قوي وبتعامل الكل إنهم ولاشي ولا تعبر دكتور يعجبها يلاحقوا بعدها ..

عبدالله : طيب حلو وهذا شي عجبنها فيها إنها مابتديش وجه لحد ..

غيث : إبتسم إبتسامه صفراء 😏 راعي أكمل .. مره جاء عندنا دكتور ولا عبرها وهي جننت المهم قلبها كان يفور كيف هذا ماعبرها المهم جلست تلف وتدور لما خلته يحبها وتصاحبت معه وكانت تقله مابلا يجي يخطبها 💍 ولما سار يخطبها رفضته قالت له أنا بس حبيت ارضى غروري لأنك أصلا مالفت لي من البدايه ..

عبدالله : متفاجى 😳 رووووان ..

غيث : أيووه روان وبعدا شويه شويه وإنها تطلع مصاحبه دكاتره خيرات بس من تحت لاتحت علشان تحسس الكل انها البنت المفضله وكلهم يشتوها ..

عبدالله : مطنن في وجهه 😳 رووان ..

غيث : وعاد إيش زد وفتها بمن غرورها وصل لأي مرحله تشتي تحس إنها تقدر تشل رجال من مرته .. داري من إبن عمها يعني ماعاد جاء في حسها إنهو إبن عمها وعتخرب بيته ...

عبدالله : أول ماذكر إسم إبن عمها ع طول مرت الأحداث في باله يوم ماجاوبه فالتلفون 📱 في الحديقه ولما قالت له انه متغدي عندهم ولما رفضت تبطل تكلمه وانها سافرت معه وفي شقه واحده .. طنن شويه وصدق إن كل الكلام الي قاله عليها صح ولا مادراه بإبن عمها إذا هو كذاب ...

غيث : لا والي زيد قهرني إيش إنها بتفعل هكذا مع إبن عمها وقدها مخطوبه يعني ماعاد إحترمت وجودك .. انت داري إنها فعلت نفسها مدوخه وبتبكي😭 لما دريت إن فيه سرطان ..وبدأء يحكي له التفاصيل ويزيد بهارات من راسه لما حس إنه فعلا بداء يصدقه ...

...... ....... .......

في الهند 👳🏻‍♂️...

في المستشفى 🏥....

نادر : جالس فوق الكرسي ورابط مريله حلاقه ...

روان : واقفه وفي يدها المكينه حق الحلاقه 👨🏻‍🦲 بتحلق له ...

نادر : بيتحانب معاها .. بس يامجنونه مش هكذا شاوقع شوعه عتقلبي شعري خريطه ويسحب منها المكينه ...

روان : بتهزرها منها وتضحك 😂 ماعليك انت اصبر بس والله لأطلعك اضخم من اي حلاق ...

نادر : بيضحك ونسى وجعه 😂 ههه والله لو اطلع شوعه لاتنزلي تشتري كوافي ع حسابش ...

روان : ادي لك الي تشتي بس يله اووص 🤫 سكته إرفع راسك خليني أبسر عملي ..

نادر : رافع رآسه وتوضع لها وطول مابتحلق له وهو بيحطم وهي تسكته ..

روان : طفت المكينه .. وبتبعد الشعر من أكتافه يله إسكه وريني ..

نادر : لفت لها وفتح أسنانه 😁 هيا كيف انا . .

روان : ماقدرت تمسك نفسها لما إبسرت 👨🏻‍🦲 وشه ضحكت لما قد عتطفح وماسكه بطنها من كثر الضحك 😂...

نادر : قام يبسر نفسه قدام المرايه شاف الصلعه وقدها شوارع 👨🏻‍🦲 كان يصيح .. والله ماراحت لش محد يصدق جهال الحجه عندي ..

روان : واقف جنب السرير ميته من الضحك وتتفرجه وترجع تضحك 😂...

نادر : بيغسل وجهه من الشعر عند المغسل وهو بيلاعنها ومتحلف لها إبسر فالمغسل قلص فاضي عباه ماء🥛 ولفت بسرعه لعندها وسكبه لافوقها ..

روان :

كانت تصيح وتضحك 😂 ههههه يا أصلع يا أصلع هههه وخرجت تلفونها تصوره وتحانكه شانزلها حاله واكتب الأصلع المتوحش ههه ..

نادر : مسك تلفونها 📱وبيهزروها يمسح الصور ...

الدكتور : دخل يطمن عليه إبسرهم بيضحكوا .. إبتسم وكلمهم إنه مبسوط لأنه معنوياته هكذا حلوه وأنه كل مايستمر هكذا عيساعدهم فالعلاج ...

🌹 meme_abdalgaleel


https://tttttt.me/qesasanani/3374



@qesasanani

سأكتفي بك حلمآ 💔..

بارت ٧٢...

الليل 🌚..

في بيت عبدالله 🏠...

عبدالله : من وقت ماروح من عند غيث وهو بيقلب أخماس في أسداس 🤔 ويفكر في كلانه . معقوله تكون روان بهذه الأخلاق ويحاول يعيد حساباته ويحاكي نفسه بس البنت باين إنها محترمه قوي هو موقف ابن عمها بس الي مش عاجبني بس يمكن تكون زعلانه عليه و بكيت ودوخت صدق لأنهم متربيين مع بعض وأخوه مش معناها إنه بتحبه بس ليش بتتعامل معي هكذا وماترد عليا واحسها كانها صدق مغصوبه عليا .. بس انا صدق من اول فتره كنت قاسي عليها قوي المفروض اكون حلو وكويس معاها وهي عتحبني وتتعلق فيني واقنعها الي أشتي ...

اخت عبدالله : واقفه وفي يدها صحن العشاء 🍱 بتداعيه وهو مطنن .. قربت لجنبه بتاشر بيدها قدام وجهه 👋🏻 يييه نحن هنا ..

عبدالله : ركز 😅 هاه ايحين دخلتي ..

أخته : حطت له الصحن 🍱 فوق الماسه أين انت مطنن من اول بينداعيك ..مالك ..

عبدالله : سحبها وجلسها جنبه .. جي جابريني قلي لي مارائيش في روان كيف أخلاقها ...

اخته : 🧏🏻‍♀️ حطت إصبعها ع خذها .. أمممم إبسر الصدق هو جلسنا معاها يوم مقدرش احكم بس حسيتها واثقه من نفسها قوي والبنت تشتي تشتغل الصدق والله انها دخلت وعاملتنا بأدب بس ماما وانا الصدق تذربناها هههه خاصه لما درينا إنها تشتي تجلس عند ابوها قلنا ماعيقلوا علينا الناس ...

عبدالله : طيب انتي كبنت تقدري تعرفي تميزي بين البنت المحترمه والي هي حق شباب ومصاحبه كيف إبسرتي ...

اخته : ضحكت 😂 أين شباب لوهي حق شباب ماقدهي دكتوره وشاطره هكذا ومابترفض تتزوج وهمها أبوها حتى لما قررت تتزوج تشتي معه .. أنا الصدق لما إبسرتها قمر غرت منها وانها عتشلك مننا ..

عبدالله : طيب انتي قلتي لقيتوا أهلها فالعرس صح وقالوا لكم انها سافرت مع ابوها وجدها وابن عمها .

أخته : هزت راسها ايووه قالوا سافروا يكسوها بس كيف اهلها عادهي عندهم كلهم حتى بنات عمها وابن عمتها كلهم جمعه ويجلسوا ويتفاتشوا مشهم ساعنا ...

عبدالله : آااها يعني مابينوش لكم إن نادر إبن عمها مريض وسافرت معه علشان يتعالج لان فيه كانسر ..


اخته : يووه 😲 يعني معاهم مرض ليش بيخفو او عنشمت فيهم ...

عبدالله : خلاص دعممي دعممي قليلي كيف الدراسه معش وجلس يجابرها ....


اخته : بعد ماكملت تحاكيه سارت وحاكت أمها ...

....... ....... .......

في بيت هاشم 🏠...

غاده : ممدده فوق السرير مطننه🤔 منهو هذاك الي جاء سجل إسمها وكيف عرف إسمها أصلا ..

سندس : خفعت السرير حقها بيدها 👋🏻 نحن هنا ..

غاده : فزت 😅 وخفعتها بالوساده ماهو ياهباله مالش نكزتيني هكذا ..

سندس : ماقد معانا مطنيين هذه الطنانه بدل ماتقومي تقولي تستغلي الفرصه وتجلسي مع اختش قد عتسافر ...

غاده : سألتش بالله لاعاد توفي لي والله إننا قد بينهم من حين قلتي لي ..

سندس : ناهي يله قلي لي مالش مطننه هكذا 🤔 ...


غاده : بتجابرها ع عصام ومستغربه منهو وليش فعل معاها هكذا 🤔...

🌹meme_abdalgaleel


@qesasanani

سأكتفي بك حلمآ 💔...

بارت ٧٣ ...

في الهند 👳🏻‍♂️....

في الشقه ...

تأخروا خارج كانوا معزومين عند ناس ..

عادل : بيحاكى نادر فالتلفون 📱 مع والله بطل خباله أبدل بس أصلا أخرونا الناس قدنا محرج منهم ولا فهموا يخلونا نمشي ولا حبينا نبين لهم إنك فالمستشفى 🏥 ..

نادر : والله ماعاد يحتاج تجوا أنا احسن وبعدا التمريض عندي لو أحتجت شي شاحاكيهم لاعاد تتعبوا نفسكم أرقدوا بس وأرتاحوا والصبح قد عتجوا كلكم تفتجعوا هههه 😂..

عادل : بيفتح الدولاب يبدل 👕👖 نفتجع 😳 ليش مالك به حاجه جديده حصلت ..

نادر : ضحك هههه 😂 مع مع إطمنوا قلوا لروان مافعلت بي وهي عتقلكم أنا راكن إن قد قالت لكم ...

عادل : ماهوو ..

نادر : حلقت شعري صلعه 👨🏻‍🦲 خلوها توريكم الصور ...

عادل : ضحك هههه😂 حسبك الله قد فجعتني تمام الان أسير أبسرهن بس متأكد ما اجيش ..

نادر : أيووه والله اننا تمام ولو اشتي شي شتصل ...

عادل : كمل يبدل وخرج بيداعي روان توريه صور نادر ..

روان : بتوريه الصور هو وجدها وتضحك 😂 وتحكيلهم كيف شعره بداء يتساقط وكيف حلقت له و لعبت بشعره وماقال الدكتور لما شاف معنوياته حلوه ..

الجدقاسم : فرح 😄 إنه الدكتور قال هكذا الله يشفيك يانادر ونروح وأنت بخير ومتعافي ..

عادل وروان : اللهم امين يارب🤲🏻 .

....... ....... .......


في المستشفى 🏥 ...

نادر : بيتمشى فالغرفه وقف عند الطاقه فتحها يشم هواء وبيتفرج السماء والقمر 🌝 ذكر روان وهم صغار لما كانوا يلعبوا وهي تبسر القمر وتقلهم ليش بتسموها قمر بس بدون ماتقلوا روان القمر اصلا بابا يقلوا روان القمر حقي يعني أنا وهي حق بابا . إبتسم ورسل لها

( إمانه قومي إبسري محلا القمر 🌝 الليله فالسماء ياروان القمر حق بابا 😉) ...

روان : عادها دخلت غرفتها بتتجهز ترقد 😴 إبسرت الرساله إبتسمت وردت عليه ..

( 🙈🙈 هههه عادك ذاكر خلاص قد كبرت ودريت ان لا هي حقي ولا حق بابا )..


نادر : ( بس أنتي القمر حقي صح 😉 ) ...

روان : كانت واقفه جنب الطاقه قريت الرساله فتحت عيونها 😳 كانت تقراها وترجع تعيدها بتتأكد هي قريت صح ...

نادر : إبسرها ماردت ع طول ضحك 😂 حس إنه تهور رجع رسل

( ههههه هيا أوبهي تصدقي نفسش أنتي القمر حقي صح بس القمر السوداء المخسفه الي ناوي أنتقم منها بعد حلاقه اليوم هيا رسلي الصور غبني ع عبدالله ع ودافه ودف 😂)...


روان : ( قدك فدالي يا اصلع 👊🏻 هيا مابش صور وعتبسر كيف شانزلهن حاله واذلك بهن ) ..

نادر : إتصلها 📱 اول ماردت .. تذلي من ياقمر ...

روان : ضحكت ههههه 😂 أذلك أنت مدام وانا مخسفه ..

نادر : ضحك هههه 😂 وانتي صدق كنتي خادمه وشوعه هو عادش الإ أستبكتي شكلش فعلتي عمليه تجميل وبتخدعينا لأنه عادنا الإ ابسرتش حاليه هذه الأيام ..

روان : بتلوي فالغرفه 📱 وتجابره . مفعلك لو أنت كنت أعمى كنت عتقلي وششتري لك نظاره ع حسابي ..😎


نادر : هههه 😂 ذلحين إشتري لي كوافي 🧢 وكثر الله خيرش نغطى الخريطه حقش ..

روان: فالمشمش خليك هكذا عقاب لما تبطل تضحك عليا ..

نادر : بصوت هادئ .. روان رسلي لي أغاني ...

روان : أغاني 😅 هذه الساع ..

نادر : أيووه خاور أسمع أغاني بس قدلي خيرات ماعاد بينسمعش ..

روان : طيب حاضر الآن شارسلك أغاني حاليه .. يله غلق وشارسلهن وتس ..

نادر : جلس يتسمع الأغاني الي رسلت 🎧 طول الليل ودخل اليوتيوب يدور اغاني عجبته أغنيه

( إجا بوقته غرامك 😍 حبيبي الله جابك ..
كنت محتاجلك حيل.. يا الي طول غيابك ..
اريد بقلبي أضمك.. واخلص عمري يمك.. كل شي بعد ما أريد ..أنت وياي دامك.. كنت تايه قبل حبك .. فراغي إنتا كملته. .. بدات تحلى حياتي وياك.. صدق حبك إجا بوقته 💓

رسلها لروان ( إسمعيها قوي 😉) . .

🌹meme_abdalgaleel



@qesasanani

سأكتفي بك حلمآ 💔...

بارت ٧٤ ...


ثاني يوم وقت الظهر ☀️...

في بيت الجد قاسم 🏬...

الباب : بيدقدق 🚪✊🏻...


خديجه : جالسه فالحوش بتتشمس ☀️ بتداعي يييه يا آيه يا أزهاار جين افتحين ...

علي : جاوبها .. هااه جده لحضه شفتح انا هم داخل خرج يفتح الباب ..

أم عبدالله : أينهي جدتك داخل ..

علي : ايوه فالحوش ادخلوا .. دخلها ودخل للبيت .. بيداعي امه . يا أمه به مره جت سيروا إبسروها ...

خديجه : إبسرتها قامت حيا حيا وبتسلم عليها 😘 .. هيا ندخل ..

أم عبدالله : مع ولا خلينا هنيه الجو حالي ..

خديجه : بتداعي يا أيه أدي عصير🍷 لأم عبدالله وإدعي أمش ازهار تجي تسلم عليها ...

علي : سمع جدته بتداعي 👂🏻 دري انها أم خطيب روان .. جلس باب البيت من داخل يشتي يدرى مابيقلين ...

أزهار : خرجت تسلم 😘 عليها وجلست جنبها ...

آيه : خطيت وفي يدها العصير 🍷 تخرجه إبسرته بهررت فوقه 🙄 هيا مامعانا هنيه المره خارج دخله دخله ..

علي : جالس مربع باب البيت 🚪من داخل.. بينشم هواء او قصدش شتفرجها قدهي ساع امي من الخباله هذه الساع هيا أخطي خرجي العصير هاه ...

آيه : خطيت وهي بتحطم 😏 مابلا كل شي من ريحه أختنا روان بيعجبنا ....

خديجه : كيف انتي وكيف بنتش وعبدالله ماله شي ..

أم عبدالله : الحمدلله كلهم بخير أنتي كيف قدو أبن إبنش الله المستعان ولا كأنحنا انساب مخفيين عليا للمه أو عنشمت فيكم 😏 المرض ع الناس كلهم قمتوا تتعذروا بسفرتهم إنه لكسوه روان ...

خديجه : إبسرت أزهار 😳 بإستغراب ... ماهو نخفي عليكم مافهمتش ماعنخبي .

أزهار : حست بخوف 😰 لأنه فعلا كل مابيتصلوا لهم ونادر مابحد ولاعاد حاكوه .. بتسالها بقلق ... ماهو مانخبي مرض مه مابه ...

أم عبدالله : هيا ناهي لكن😏 .. منكن صدق مش انتين داريات سألتكن بالله بطلين هذه الحركات كيف عيسافر يتعالج وبهذا المرض ومش انتين داريات ..

خديجه : إقتلبت صورتها 🥺 وتشارغت عيونها بالدموع ... وبإنفعال ... مااهوووو ماله ابن ابني مرض مه إتحاكي مافيه ...

أزهار : نزلت دموعها وبكيت 😭 سألتش بالله تحاكى منش صدق ولا بتكذبي مافيه ماهو مرض مه مابتقلي ...

أم عبدالله : حست إنه منهن صدق مش داريات بشي ماعاد دريت ماتقل بتخفع وشها بيدها 😱 يوووه حسبي الله من قلي أتحاكي انا جيت أسال عليه قلت اتجمل شكلي خربت الدنيا ...

خديجه : بتبكي 😭 سنبت وبتصيح ياعلي جي قلي ماله نادر مابه فيه جي إتصلي لجدك ..

أزهار : مسكتها وبتحلفها سألتش بالله ما انتي داريه مافيه من قلش مابه 😔...

علي : سمع صياح جدته وبكاها حمل لعندها 🏃🏻‍♂️ مالكم مابه ولفت لعند ام عبدالله ماقلتوا لهم .

أم عبدالله : محرجه قوي وقدهي مفتجعه 😰 يووه حسبي الله والله ماعلم إن مش أنتوا داريين أنا جيت أسال أصلا ماتوقعت انه مرض هكذا يتخبى كيف فيه سرطان وسافر هو وجده وعمه ومش انتوا داريين ..

آيه : بعد ماسمعت الصياح حملت 🏃‍♀️ وصلت ع هذه الجمله تسمرت مكانها 😳 سررطان . نادر يووه مسكينه ياشيماء وأنتي بتقلي ليش مابيتصلش ...

خديجه : أطرحت فالارض وبتبكي😭 وتصيح وتلطوم وشها 😱 أدولي هاشم ليش مخبيين عليا ..

علي : قد عيجنن مش مصدق بيسير ويجي 🚶🏻‍♂️ والتلفون في يده بيتصل📱 لروان للهند مشغول ...

أزهار : مسكت أمها بتحاول تهديها .

آيه : حمله حمله لداخل تتصل 📱 لشيماء تقلها ...

أم عبدالله : ماعاد قدرت تجلس حست إنها خربت الدنيا شلت نفسها وروحت 🚶🏻‍♀️..

خديجه : بتصيح وتبكي يتصلوا لهاشم يجي الان ..


....... ....... ......

في المستشفى 🏥...

سمر : بتتحاكى فالتلفون📱 مع روان .. كذابه أيووه وأنتي مارديتي عليه بعد مارسلش الأغنيه ..

روان : بتضحك 😂 هههه ما اقله ولا قلت شي ساكته حتى اليوم ماسيرت المستشفى مثل كل يوم أصلا هذه الفتره بينحسه غريب فيه شي ...

سمر : بتصيح فوقها 😠 رووان أقسم بالله لو ماتبطلي ماهو هذا الجنان مالش أيش حصلش يعني صابره طول هذا الوقت وماعرفش بحبه لش وهو عزب وطول ماهو مزوج هذه السنين ولما جيتي للوقت الضايع الي هو مزوج وانتي قد عتتزوجي وفوق هذا كله الله عالم إيش عيحصل في مرضه ويقوم ولا لا روان تصرفاتش غلط ..

روان : فالصاله جالسه فوق الكنبه 🛋️ مفعل والله ما بينقله شي حتى انا مستغربه من تصرفاته ..

سمر : كيف مابتقلي له إهتمامش به تصرفاتش نظراتش كلها مفضوحه قلت لش ياروان إبعدي عنه ياروان لاتوجعي نفسش وتوجعيه ..

روان : بكيت 😭 والله ماهو قصدي أبين له حبي وإن تصرفاتي معه عفويه ولا قصدي اخرب بيته ولا توقعت إنه ممكن يفكر هكذا وبعدا يمكن إنحنا بنفسر غلط وهو مش قصده ...

سمر : عنقلهم ياغلط 😡 وعبدالله ما اخباره اقلش ماعتقلي لي مدري انا اصلا حانقه منه من يوم السفر صح وماعاد بينجاوبه صح ...

روان : أيووه 😔 ...

سمر : أيوه مشغوله معش الأهم 😡 قسما بالله ياروان إذا ماعقلتي وفعلتي حد لهذا الوضع لايكون تصرفي معش ثاني ..


@qesasanani

سأكتفي بك حلمآ 💔..

بارت ٧٥ ....

في بيت هاشم 🏠...

سندس : فاتحه اغاني 🎧وبتنظف البيت مبسوطه ...

حوريه : بتضحك 😂 ههه ع قد بنات اخر زمان راكنه إنش عتبكري خازيه حين بيقلش ابوش إنهم يشتوا عرس وانش مزقرعه ..

غاده : ضحكت 😂 هذاك ع زمانكم ياماما الي ماتعرفنهم ولا داريات منهم بتهمين وتفتجعين ماذلحين الوضع تغير ...

حوريه : لفتت لها 👀 بنات اخر زمن هذه المسكينه هكذا وقدهي مزقرعه هكذا ما انتي يعلم الله ماعترجعي تفعلي بنا ..

غاده : ضحكت 🤣 أنا شديه لكم شابحه له في يدي اقلكم زوجوني بهذا ...

فجاءه .....

سمعين صوت هاشم من طالع بيتكلم بصياح وبينزل من الدرج والتلفون📱 في يده ...

هاشم : وجهه مقلوب 😠 من قلش ماهو هذا الجنان أكيد كذب مشو صدق الان جاي لعندكم .. نزل وبيصيح اين مفاتيح السياره بيدور ...

حوريه : افتجعت 😳.. مالك مابه ..

هاشم : بيندش ويدور المفاتيح 🔑..

سندس : حملت تديه له 🔑 وتمكنه هاه ..

هاشم : شل المفاتيح من يدها وماعاد قدر يمسك نفسه جلس فالأرض ولفت لها أطلعي إلبسي بسرعه جي وصليني وحط يده ع وجهه وبكي 😭 ...

سندس : حملت تلبس🏃‍♀️ ...

حوريه : بتصيح بخوف 😱 مااالك مابه وتهزوره يده من وشه ..

هاشم : لفت وشه لعندها 😰 قالوا نادر مريض فيه سرطان وسافروا يعالجوه ومخبيين عليا ...

حوريه : صاااحت وكانت تلطوم وشها 😱 إبننني إبننننني كذب كذب من قلك ماشي إبني بخير .

غاده : جلست فوق الكنبه وبتبكي 😭 مشو كذب كلنا كنا ملاحظين أنه مريض بس محد فكر إنه هكذا وانا بينقل كيف جت سفره مفاجئه لجدو ومابلا يشتوا نادر معاهم وهي روان تشتي تتكسى ..

سندس : نزلت بعد مالبست بتبسرهم بيبكوا 😭 ماصديت تتكلم افتجعت أيش حصل ..

هاشم : مد يده لعندها .. إمسكيني واخطى وصليني بيت جدش ..

حوريه : بتبكي 😭 راعي لي شاجي معاكم ..

هاشم : خلي غاده تديش .. فلت وخرج هو وسندس 👫🏻 ..

....... ....... .......

في بيت أهل شيماء 🏡...

شيماء : بتصيح 😱 يوووه من قلش ..

أمها : سمعتها حملت لعندها ٠ مالش مابه ..

شيماء : بتأشر لها تسكت اووص 🤫 خلوني أسمع .. وبتفهم من آيه الي حصل . آاااها ومخبي عليا أنا مرته ومحد داري الإ هم تمام ..

غلقت من عندها ورسلت لنادر ( الرجال لما يمرض اول من تدرى هي مرته لكن تسلم يامحترم كفايه عليك جدك وعمك وبنته صح هي دكتوره هيا خليهم ينفعوك ) ..

🌹meme_abdalgaleel


https://tttttt.me/qesasanani/3374


@qesasanani

سأكتفي بك حلمآ 💔...

بارت ٧٦ ...

في الهند 👳🏻‍♂️....

روان : جاوبت علي 📱 وبتحاول تفهمه بهدوء إن هذه كانت رغبه نادر وتشرح له حالته وإنه العلاج تمام واموره كويسه علشان يطمن ويطمنهم .

علي : تنهد بزعل 😔 روان مش انا طفل تقلي لي هكذا علشان اطمن قليلي الصدق أنا ماشتحاكاش وبعدا كان عتقلوا لي اقلها كنت شاحاول هانا انتبه ان الخبر مايوصلهم لو تبسري كيف قد حاله الكل هانا عيجننوا قد حتى خالي هاشم هانا وخاله حوريه والبنات قد البيت عزاء 😔...

روان : طيب إسمعني انت حاول تهديهم وانا شاقوم اخطي للمستشفى 🏥 الآن لعندهم واشرح لهم الموضوع واتصلكم فيديو كول تحاكوه كلكم وتتطمنوا إنه بخير ...

..... ...... .....

في صنعاء ...

في بيت عبدالله 🏠...

عبدالله : بيصيح 😡 فوق أخته أنتي ماينبلش في فمش فوله مامعش تقلي لأمي ..

أم عبدالله : وأنا مدراني إنه عيحصل هكذا مدراني إن مشهم داريين أنا قلت أسير أسال عليه أتجمل لاترجعش تقل خطيبتك إنه مابنعبر اهلها ونسأل عليهم ..

عبدالله : بيصيح 😡 خفع الماسه بيده 👊🏻 حالي حالي زيد وفوا محقوها بس هذه الخطوبه من حين بدات وكل يوم معي جغره فيها ...

أم عبدالله : بكل برود .. مدام وهي كلها جغرات ومشاكل إبرد لك منها وبس لاتجي تنحسك ...

عبدالله : ضبح 😤 من إسلوب أمه فلت وخرج وصرع الباب 🚪.

...... ....... ......

في الهند 👳🏻‍♂️. .

روان : وصلت المستشفى 🏥 دخلت ووجها مقلوب باين عليها فيها شي سلام عليكم .. وجلست ع طول جنب ابوها ..

نادر : شافها مقلوبه إستغرب 🤔 بيحاكي نفسه .. يووه شكلها زعلت مني بعد كلامي أمس معاها شكلي تهورت صدق ..

الجد قاسم : جالس فوق الكنبه بيشرب قهوه ☕ .. لفت لها . هيا مالها مقززه قلتي ماعتجيش مدري أين عتسيري .

عادل : بيحاكيها دلا . مالش مقلوبه هكذا ماحصل وجهش فيه كلام ..

روان : حاولت تتماسك وتستجمع قواها هزت راسها أيوه .. وإبسرت نادر 👀 ...

نادر : إبتسم بخوف لما إبسرته حس إنها عتقل لأبوها أنه بيلمح لها إنه معجب بها 😥...

روان : بزعل😔 علي إتصلي .. قال أم عبدالله جت لعندهم تسال ع نادر كان قصدها تتجمل تسأل كيفهو وتفأجوا كلهم منها بالخبر مشهي داريه ان محد داري وذلحين الكل دري وقدهم في بيت جدو وعيجننوا يشتوا يطمنوا ع نادر ..

نادر : إتفاجاء 😳 حاكيتي خطيبش ياروان الله المستعان بس ..

روان : بكيت 😭 قسما بالله ماقلت له شي ولا انا داريه كيف عرف أنا أصلا من يوم السفر لليوم مابينحاكيه وبتفتح له تلفونها 📱 هاه ابسر بنفسك واقراء المحادثات ولفتت لأبوها وجدها . والله ماقلت لمخلوق شي ولا حاكيته وتبكي 😭...

الجد قاسم : سنب وخطي لعندها 🚶🏻‍♂️ حط يده ع كتفها بغير ماتحلفي مصدق لش ..

عادل : بس بكاء😠 بغير خباله أصلا كان عيعرفوا مهما خبينا ذلحين خلونا نتصل لهم نطمنهم وبعدا عنبسر كيف دري . .

نادر : رحمها إنها بتبكي 😔 وبتبرر بس سكت ماعلق عليها .. لفت لعمه شتصلهم أنا من تلفوني وشاحاكيهم .

عادل : يله تمام راعي شامكنك وشله من فوق الماسه وبيمكنه 📱..

نادر : فتحه لقي رساله من شيماء فتحها 😳 ماعرف إيش يرد أويقلها معقوله هذه رده فعل واحده دريت إن زوجها مريض .. قفل الرساله والتلفون ولفت لروان .. ممكن تتصلي من عندش لعلي ...

روان : فتحت تلفونها وببتصل 📱 مكنته ولفتت له .. قسما بالله مافتحت فمي يانادر لا لعبدالله ولا لغيره وفلتت وخرجت بتبكي 😭 .

عادل : قام لحقها 🏃🏻‍♂️...

علي : جاوب ع طول وبيحاكي نادر هو والبقيه والي بيبكي 😭 والي بيعاتبه ليش يخبي وبيطمنوا عليه ..

نادر : بيحاكيهم ويطمنهم وحسه عند روان الي زعلها وخرجت وهي بتبكي يشتي يقفلوا يراضيها ...

🌹meme_abdalgaleel


@qesasanani