📋قصيدة: تاج الخدامة

🎤أداء الملا قحطان البديري
🖋الشاعر علي عسيلي العاملي
---------------
المستهل:

تاجُ الخِدامةِ للعقــــيلةِ منْ كراماتِ السَّما
عبّـــاسُ يُلْبِسُهُ فتىً نذرَ الحياةَ لِيَخدِما
طوبى لِمَنْ يُكتبْ...عبداً لدى زيْنَبْ
--------------
١/قلَمي بأثوابِ الحياءِ تَحجَّبا
وتلا( يُرِيدُ اللهُ عــنْكِ لِيُــذْهِبا)
ثــمَّ انحنـى بــمدادِهِ مُتــأدِّبا:
"عبّـــاسُ فأْذَنْ لي لأذكرَ زينبا"

نذرًا إذا أذِنَ الكفيلُ ونِلتُ (رُتْبةَ) ذكْرِها
سأقولُ ألْفاً"ربِّ صَلِّ على جلالَةِ خِدْرِها"
حُلْمي بأنْ أُحْسَبْ...عبْداً لدى زيْنَبْ
------------
٢/تفّاحةَ الفرْدَوْسِ قَدْ أكلَ النَّبِي
فأتتْهُ فاطِمةٌ بأزْهرِ كَوْكبِ
ما أطْعَمَ الرّحمانُ حَيْدرَهُ الأَبِي؟
حتّى أتانا بالشُّعاعِ الزَّيْنَبي

جِبْرِيلُ أقْبَلَ حافياً في مَشْيَةٍ مُتأَدِّبهْ
قَدْ جَاءَ يَحْمِلُ (ثَمْرَةً) منْ ربِّهِ مُتَحَجِّبَهْ!
جِبْرِيلُ فلْتذْهبْ...عبداً لدى زيْنَبْ
--------------
٣/(أمُّ الْكِتَابِ) تتوَّجتْ في ذِكْرِهِ
وتتَوَّجتْ (أمُّ الحجابِ) بسِتْرِهِ
إِنْ كانتْ الزَّهْراءُ ليلَةَ قَدْرِه
ذي بنْتُها الحوراءُ ليلَةُ (خِدْرِهِ)

في (لَيْلةِ الخِدْرِ) العباءةُ والخمارُ يسبِّحُ
وسِتارُ محْمَلِها يُصلِّي علَّهُ لا يُصْبِحُ!
متذلِّلاً يرْغبْ...عبْداً لدى زيْنَبْ
--------------
٤/أسفي على هذا الحجابِ أَيُضرَبُ؟!
أيُقادُ في وضحِ النَّهارِ ويُسْحبُ؟!
قَدْ بدَّلَتْهُ الشمْسُ..جهراً يُسلبُ
هُوَ زيْنبٌ! جهِلَتْهُ حتَّى زيْنبُ!

يا شمْسُ وَيْحَكِ كَيْفَ تُبْدى زينبُ ابنةُ حيدَرهْ؟
ما خِفتِ منْ سيْفِ الرَّدى إِنْ قامَ سَبْعُ القَنْطَرهْ!
ولها الضيَا يُحجَبْ...عبْداً لدى زيْنَبْ
--------------
٥/سَنَةً مِنَ الزّفراتِ عاشتْ ناعِيَهْ
حتّى دعاهُا الموْتُ..لبَّتْ داعِيَهْ
يا سائلي عَنْ كرْبلاءَ وما هِيَهْ؟
هِيَ مَوْتَةٌ أولى وهذي الثانِيَهْ!

مَعَ طالِبِ الثَّاراتِ أبكي بالدُّموعِ الهُمَّلِ
والخدُّ منْ ثِقْل المدَامِعِ ها يُنادي"يا علي"
في أدْمُعي أُسْكَبْ...عبْداً لدى زَيْنَبْ

• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: هكذا عهدي

🎤أداء الملا قحطان البدیري
🖋الشاعر: عمار هلیل الواسطي
--------------------

أنتَ حَسبي و شَفیعي عندَ ربّي
هکذا عَهدي أیُّها المَهـــدي
--------------------

بدمعة العین صبري لاوین
سال دمعي أحني ضلعي او ما لگیتك
ابهاي الآلام أبدي کل عام
ضاگ صدري خلص عمري او ما لگیتك
مدري أسافر مدري أناطر
مره أکابر مره حایر او دوّریتك
و آنه کل یوم أحمل اهموم
ونه ونه صفنه صفنه ناطریتك

أیُّها الغائبُ قدْ طالَ انتظاري
و سنیني تُبْتَلی و الدمعُ جاري
لستُ أدري أهْوَ لیلي أم نهاري
حیرتي تُوقِدُ في الأحشاءِ ناري
--------------------

عیلَ صَبري لستُ أدري
صِرتُ أدعو کیفَ أنجو یا إمامي
ذابَ قلبي کُنْ بِقُربي
یا أماني في زماني و سلامي
وَقْدُ ناري في انتظاري
لَهفُ روحي و جُروحي و انعدامي
شَاءَ ربّي و هو حَسبي
أنْ اُجاري ذا قراري لِختامي

حسرتي حسرة ابدمعتي جمرة
واللّه روحي اتعذّبت ماتحمل اغیاب
وین یالغایب و الگلب ذایب
لا صبر ینفع عذابي و لا جرح طاب

ویــن أفرح بظهورك
من أشوفن نورك
دمعتي ابوسط الجفن
لا ما هدت یوم
ویــن سیدي أزورك
لهفتي حضورك
واللّه خلصت العمر یالغالي مهموم
--------------------

أي یا غالي هذا حالي
ماتبدّل أبقی أسئل وین أشوفك
بگلبي حیره اشگد چبیره
جرح عمري و آنه عذري بس ظروفك
ترضی اعاتب و انت غایب
ضاع دربي و حلف گلبي مایعوفك
جفني ساهر فکري حایر
بلکت أغفی و أمر صدفة یم طیوفك

أیُّها الحِلمُ الّذي أحیا خَیالي
فَـ مَتی ألقی جواباً لِسؤالي
أین ألقاكَ و إنْ طالَ رِحالي
سیدي أفدیكَ روحي و عیالي
--------------------

لستُ أشقی حینَ ألقی
خیطَ فجري بعدَ صبري بالظهورِ
إنْ أراكَ فَـ فِداكَ
کُلَّ صبري لیتَ شعري ذا شعوري
سَـ اُنادي یا فُؤادي
و هو عهدٌ و هو وعدٌ للنشورِ
کیفَ أحیا دونَ رؤیا
ضاقَ ذرعي حِبرُ دمعي في سطوري

بروحي هالغربة حسبتي حسبة
خلصت اسنیني اشبعد یا ماي العیون
أنتظر ترجع اتنشّف المدمع
لو بعد ماشوفك و تاذیني الظنون

لـيـش غایب انت عني
یاللي تسمع ونّي
دمعتي ابوسط الجفن
لا ما هدت یوم
لـيـش یقترب مماتي
شوفتك حیاتي
خاف أموت بحسرتي و ابهاي الهموم


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: وین یا مولاي وین - مکتوبة

🎤أداء الملا قحطان البدیري
🖋الشاعر: سید علي طعمه البطاط
-------------------

وین یا مولاي وین والله ما ظلت لي عین
أینَ اسْتَقرتْ بِكَ النَوی
--------------------

إحسبني یوسف یالعزیز و أقنع ابأبخس ثمن
ضلعي بعدك یسوه عندي عیشه و ابجنة عدن
إلك هذا الکون کله لیش ماعندك وطن
تمشي وتعِد باللیالي گلبك الینبض حنین
وین یا مولاي وین
--------------------

یم گبر جدك تسولف تبچي لجروحه و مصابه
لو علی التل یا بوصالح شیبك اتخضب ترابه
لو وصل للشام جدمك گاعد ابذیچ الخرابه
چنه راس حسین یمك طفله میته من الونین
وین یا مولاي وین
--------------------

غربتك ضعن و سبایه خِیَم بالطف سَلّبوها
صفنتك دمعة عقیله عالهزل من یَسّروها
حسرتك شهگة رقیّه یوم شُبگت راس أبوها
ماتت و دمعتها جمره راحت بچف الحسین
وین یا مولای وین
--------------------

سیدي کل دمعه منك گطره من دم کربلا
سیدي کل حسره منك حُرمه تمشي بسلسله
صدفه لو غمضت عیونك اتشوف نبلة حرمله
و الرضیع اگماطه من دم امخضب بجرحه السنین
وین یا مولاي وین

• الّلهُـــــمَ صَل عَلَی مُحَمّـــــد و آل مُحَمّـــــد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
•للقصائد المكتوبة

@qahtanqasaed

📋قصیدة: فلسفة الدموع

🎤أداء الملا قحطان البديري
🖋الشاعر: علي عسيلي العاملي
@AliOsailyAmily
---------------------

السَلامُ علیكَ یا أبا عَبْداللّه
---------------------

١/لَوْلا حُسينٌ لَمْ يكُنْ أصْلُ البكاءِ
أُنْظرْ لِعَينِكَ كيْ تَرَاهَا حرْفَ(حاءِ)
كــلٌّ ..تعودُ حياتُهُ الأولى لماءِ
والماءُ أوّلُ خَلْقهِ دمْعُ العزاءِ
---------------------

٢/كَسَرَتْ قوانِينَ الطَّبِيعَةِ والعُقُولِ
عَينٌ جَرَتْ عَبَراتُها لابنِ الرَّسولِ
لا تَنزِلُ الدَّمْعاتُ في قَوْسِ النُّزُولِ
لكنَّها ترْقَى عَلى كفِّ البَتُولِ
--------------------

٣/الدَّمعُ رزْقٌ سيِّدي فامْننْ عَلَيْنا
لَمْ نرجُهُ خَوْفاً..ولا طَمَعاً بكَيْنا
لكنَّنا في ذَرِّنا حَقَّاً رأيْنَا
نورَ الأُلوهةِ قائِلاً إِبكُوا حُسيْنا
--------------------

٤/يا منْ بكاهُ وجَفْنُهُ كالمُزْنِ سَاجِمْ
أسْعَدتَ رَبَّكَ عندَما أَسعَدْتَ فاطِمْ
أَفْديكَ تَحْضَرُ عِنْدَها وَسْطَ المآتِمْ
سُجِّلتَ في ديوانِها للسِّبْطِ خادمْ
--------------------

٥/الدَّمْعُ رفضٌ للَّذي جَحَدَ النَّبيَّا
رفْضٌ لقَِومٍ بَعْدهُ خَذَلُوا عليَّا
يَسقي أرَاكةَ فاطِمٍ ماءًا جريَّا
يَغْلي فَيُحْرقُ حَرُّه حتْماً (عَدِيّا)


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: رحلة آلامك

🎤أداء الملا قحطان البدیري
🖋الشاعر علي عويز الشويلي
--------------------
المستهل:

چم لوعه برحلة آلامك
ما بین الأیام
چم طیف اعیونك عایفته
بدموع الأیتام
عطشانین اهواي
و ایطلبونك ماي
--------------------
۱/
ابکل اصبع بچفك طفل
فاتح لك اعیونه
و افتهموا الخنصر ولد
بیدك یذبحونه
و ابکل ضلع شایل أخو
گدروا یعرفونه
ایذبحوا لك اخوان اشکثر
لمّن یرضّونه

جسمك علیه اجروح تنزف حبایب
و هاي الضلوع اعزاز فوگ الترایب

اتخضر بجروحك حنّیّه
من بین الآلام
مذبوح و مبتسمه اشفافك
بوجوه الأیتام
حسّوا بیك افیاي
و ایطلبونك ماي
--------------------
۲/
کون أسمع بإذني اشگلت
للعلگمي و مایه
ذابح بناتي من العطش
لو کاسر الرایه
لو ردلي بس عین الگمر
و اطفي نظر هایه
لو فطّر السانك ضمه
ماطلعت احچایه

صفناتك اعلی الماي تبچي لحلم ضاع
عبداللّه ما شرباك و اتشربك الگاع

ماتت غیره ابگصة مایك
من عطشت أطفال
ودّیت العبّاس ایذبحك
شافك مو رجّال
عاف اعیاله اویاي
و ایطلبونك ماي
--------------------
۳/
کل ما یجي ابصدرك سهم
اتشوفك اعیالك
ذاك انت گاعد تنذبح
تتگطع أوصالك
بالك فلا یم النحر
یم الخیم بالك
خایف یشوفون الدمه
تتروع أطفالك

انحز منحرك و اتصیح زینب اُخیّه
خلي ایدچ اعلی اعیون بنتي رقیّه

شمتني ابنحري ابتودیعي
گالت یمته اتعود
اگلیبي لوحدك بيه الساکن
غیرك ما موجود
ذوله اخواني احذاي
و ایطلبونك ماي
--------------------
٤/
مذبوح بس چنك عدل
ما میت احساسك
بالوحشه اللي براسك صفن
یسمع بچي ابراسك
تنبع ونین امن الجسد
من تنظر ابناسك
بلا صوط و امتنونك زرگ
الجاس الخدر جاسك

لیل اهدعش حرسوك بس انت مذبوح
لو بس جسد یدرون لعیالك اترد

بس راس اتبات اویه اعیالك
رفضوا ما خلوك
اشتاقیت المن بالوحشه
ماتوصل منعوك
محد گلهم جاي
و ایطلبونك ماي


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: آذان البكاء

🎤أداء الملا قحطان البديري
🖋الشاعر كرار حسين الكربلائي
🏴ليلة ١ محرم الحرام ١٤٣٩ هـ.
●●●●●☆●●●●●
المستهل:

حَسَب تَوْقیتْ العَزاء
أذّن آذان البُکاء
حزن صَلّتْ کربلاء
یا مُحَـــــرّم
●●●●●☆●●●●●
۱/
لاحت علی وجه السما صورة عزائك
حتّی النجم ظل منتظر مجلس رثائك
فجرك لبس ثوب الحزن و أسود ردائك
بچّانه آذان النحر من کربلائك

من منارات الضریح
صوت جبریلك یصیح
هذا وجه اللّه ذبیح
یا مُحَـــــرّم
●●●●●☆●●●●●
۲/
مختنگه الدموع و صفت بعیوني غیمه
ماتمطر إلّا بمجلسك و اخدودي هیمه
نار انتظارك وجّرت بعیوني خیمه
خلیني أسَمعَك یا شهر ونة یتیمه

طبع الامتاني حبیب
ادموعه تنزل بیها شیب
واللّه من دونك غریب
یا مُحَـــــرّم
●●●●●☆●●●●●
۳/
بالنسبه لیّه جیّتك دنیا جدیده
گلبي اعلی دگات اللطم ینبض وریده
جبریل عالتل یصعد و یقرا قصیده
بیت بي زینب الخیمه تصیح عیده

احترگت اهناك الخیام
مدري بیت اللّه الحرام
جیّتك دمعة سلام
یا مُحَـــــرّم
●●●●●☆●●●●●
٤/
بهلالك أقرا کربلا امن الخیمه للماي
تروح و سنه یلا تجي بس حزنك اویاي
هالدنیا صحرا و جیّتك للعاشگ افیاي
وکت الیشح بیه الدمع تلگاني بچّاي

عني من ترحل أموت
بس تجي تسمع لي صوت
ابدونك العالم سکوت
یا مُحَـــــرّم
●●●●●☆●●●●●
۵/
بین النجوم اتدورك اعیون المنابر
الرادود محتاجك نغم بین المشاعر
کل ما تجي للدنیا تخلق ألف شاعر
و عبّاس کاتب لافته تحیی الشعائر

و الشعار بکلمتین
لا حیاة ابلا حسین
و ابذممنه هذة دین
یا مُحَـــــرّم


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: معنى الحياة

🎤أداء الملا قحطان البديري
🖋الشاعر: واثق العيساوي
🏴 ليلة ٢ محرم الحرام ١٤٣٩ هـ.
●●●●●★●●●●●
المستهل:

شنو معنی الحیاة بغیر الحسین
و بلا دمعة محرم ترخص العین
مخلوق لخدمته
و عمري ارخیص شفته
بغیر الحسین
●●●●●★●●●●●
۱/
الشجر من ینگطع مایه
الحزن من یسکن اولایه
الیعیش ابلا هوه و ابلا ضوه
شیسوي بالعین
العقل من ینفگد رایه
بسکته اتضیع الحچایه
الجدم لو ضیعت لمّن مشت
درب الصدگ وین
أعیش بغیر کل غایه
و أدوّر ماکو وفّایه
هذا آنه و حیاتي و دنیتي
من غیر الحسین

أحس کل شي بحیاتي و عمري مذخور
لأبو الیمه و أوزّع دنیتي انذور
تمر أیامي سکته
و عمري ارخیص شفته
بغیر الحسین
●●●●●★●●●●●
۲/
کُبرت ابدمعتي و نوحي
او یرف اسمه علی اسطوحي
رایه و ماتطیح و لاتذل
ابکل الأیام
محرم یا شهر روحي
وطن لآلامي و اجروحي
و لو ما حسین عندي ماتهون
اعلیّه الآلام
مناجاة و نغم بوحي
او صَداي الیرکض بسوحي
میدان الحزن وکت المصاب
امغیّم اسهام

الخذوا منّه الهوه یتنفس ابّیش
الخذوا منّه الحسین ابیا دوه ایعیش
الگلب من یشفي علته
و عمري ارخیص شفته
بغیر الحسین
●●●●●★●●●●●
۳/
صدري الیرسم أحلامه
یرید اچفوفي لطّامه
عسی ایواسي الحسین ابهل جروح
و هذا المصاب
حلم أستقبل إسهامه
و حجر یضربني بالهامه
و حوافر خیلهم تسحگ علیّه
و جسمي ینعاب
شنو الزنجیل و القامه
هو الحرگوا اخیامه
أواسیه و آني ساکن بیت عندي
و أمتلك باب

لاتنقد دمعتي او لطمي و النوح
شقَدّم للیقدّم طفل مذبوح
یقین اللي عرفته
و عمري ارخیص شفته
بغیر الحسین
●●●●●★●●●●●
٤/
دنیا و کل مَن او نیته
ضوه بعیوني خلیته
أصیر أعمه إذا مو نظرته
او توفیقه حسّیت
نبض بعروگي لاگیته
نفس و ابصدري ضمّیته
أموت ابلا حسین و خدمته
و ابغربه ظلّیت
یمسح راسي حسّیته
بحزن و ابدمعتي اشریته
یعیش ابکل کیاني او کل وجودي
اویاه یاریت

یمن ببسط أموري و عایش اویاي
یا صورة عطش مرسومه عالماي
خلود اسمه طلبته
و عمري ارخیص شفته
بغیر الحسین
●●●●●★●●●●●
۵/
یا سر ما کتبته احروفي
بحر ما لمّته اجروفي
سما و طبع السما ابهذا العقل
ماتحد هالأفکار
عشت من طفه بطفوفي
مشیت اتعثّر بخوفي
خیامي ابفکري بیها ابلا رحم
تتوجّر النار
عثرت ابخنصره او شوفي
یراویني مدی احتوفي
لو بالطف چنت من الأم
چان الأجل صار

إذاً لو ما وجودك عمري أوهام
شکرنه الباري صرنه اویاك خدّام
و انت الغایه انت
عمري ارخیص شفته
بغیر الحسین


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: أول يتيمه

🎤أداء الملا قحطان البديري
🖋الشاعر: مصطفى العيساوي
🏴ليلة ٣ محرم الحرام ١٤٣٩ هـ.
●●●●●☆●●●●●
المستهل:

روح بس عندك علم
ابلا سمه ایموت النجم
یالخذت آخر حلم
اوداعة اللّه اوداعة اللّه
اوداعة اللّه یبویه اوداعة اللّه
●●●●●☆●●●●●
۱/
راح أسولف مو احچایه
دمعه بس بیها حچي
لو رحت چم غیمه تشرب
من دمع بنتك بچي
یالچنت تنطیني ایدك
و علی طولك أرتچي
یالعرفت الدنیا وجهك
لو طحت وین أنتچي

أعرف ابهجرك یطول
خاطري تدري اشیجول
غیر هالکلمه شگول
اوداعة اللّه اوداعة اللّه
اوداعة اللّه یبویه اوداعة اللّه
●●●●●☆●●●●●
۲/
صعبه کلمة ظلي وحدچ
تذبح اسنین الأمل
آنه أول بنت یتیمه
امیتمه و عندها أهل
اشما تصیح أطفال بویه
ألتفت بس بخجل
الفاگده مثلي اتعرفني
فرگة الوالد أجل

أتموت اللي امضیعه أبو
او ویه أبوها ایروح أخو
عایشه ابعمري شکو
اوداعة اللّه اوداعة اللّه
اوداعة اللّه یبویه اوداعة اللّه
●●●●●☆●●●●●
۳/
یالحنانك مثل خیمه
او گاعد ابفیها الیتم
یا دوه اجروح الیتامه
لیش بنتك تنلچم
یا هوه اللّه البیك أشِمّن
لو رحت بیمن أشِم
حتّی أعیش بذکریاتك
بویه خلیلي هِدِم

ایسافر اویاکم هواي
یالصرت جرحي او دواي
عندي آخر کلمه هاي
اوداعة اللّه اوداعة اللّه
اوداعة اللّه یبویه اوداعة اللّه
●●●●●☆●●●●●
٤/
روح بس عافیتي راحت
ویه کاروك الطفل
خل یظل بالدار أصغر
شمس و ایضوّي النزل
بعده توه ایناغي لإخته
و رایح لدیرة چتل
ترف مثل الضوه نحره
و السهم ماینحمل

خوفي عبداللّه الرضیع
ابکربلا مني یضیع
ایصیح الإمودع الربیع
اوداعة اللّه اوداعة اللّه
اوداعة اللّه یبویه اوداعة اللّه
●●●●●☆●●●●●
۵/
خایفه ینعاك صوتي
او یصرخ ابسابع سمه
او خایفه عمتي تجیني
او چفها مصبوغ ابدمه
او خایفه اعلی أختي رقیه
ماتردلي سالمه
شو أحس هذا سفرکم
سالفة ذبح و ضمه

دهرك ابهل سفر ضام
سالفة کربلا او شام
و الختام ابهل کلام
اوداعة اللّه اوداعة اللّه
اوداعة اللّه یبویه اوداعة اللّه


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: وحي السكوت

🎤أداء الملا قحطان البديري
🖋الشاعر: كرار حسين الكربلائي
🏴ليلة ٣ محرم الحرام ١٤٣٩ هـ.
●●●●●★●●●●●
المستهل:

عفتني لوحشة الدار
و أدور بالهوه أخبار
علیك اشصار ماصار
وینك وینك
عَلَي لو صار الغروب
أطش عیني اعلی الدروب
دخیلك اسمي مکتوب
وینك وینك
●●●●●★●●●●●
۱/
أنا و جرح الوکت و أحلام الإزغار
وگفت بدرب جیّتکم مناره
صرت مثل الشمع و افراگکم نار
و لیل الفرگه یکتل بنتظاره

أدور اضعونکم دخیل اعیونکم
خبر ماجاني و یگلي اشلونکم

علیکم تسأل العین
و أناشد وین ماوین
یموت العافه الحسین
وینك وینك
بدمع عیني توضّیت
او صلاة الغربه صلّیت
هلالك عني محجوب
وینك وینك
●●●●●★●●●●●
۲/
نزل بالدار بعدك وحي السکوت
الجنّه بغیر وجهك ماهي جنّه
تره کلمة وداعاً بالأصل موت
گلتها و متت بعدك ونّه ونّه

الهجر بحساسي یشیب راسي
هوه احتاجیتك یبعد أنفاسي

لحنانك گلبي مشتاگ
تعال و کافي الفراگ
المدینه أحلی امن العراگ
وینك وینك
مشیت و حالي مو ذاك
ذبلت ابصیف فرگاك
یموت العافه محبوب
وینك وینك
●●●●●★●●●●●
۳/
لباب أم البنین ابدمعي حنّیت
طلبت امراد منها بلکت اتعود
طلعت تلگتني وبیها شمّیت
ریحة چف گمر و امفارگ الجود

الك حنّینه اشکثر ونّینه
علی هجرانك بعد مابینه

التقینه ابیت الأحزان
گعدنه نقره قرآن
وجهنه لکربلا چان
وینك وینك
بچینه بعدك اعیون
او دمعنه أبیض اللون
ییوسف صرنه یعگوب
وینك وینك
●●●●●★●●●●●
٤/
یبویه الراح عنها واحد اتنوح
و أنا اثمنطعش واحد راح مني
أشوفن باب گلبي لحزني مفتوح
الحزن گام ایتداین حزن مني

علیله او صحتي یبعد ارویحتي
یباب اجروحي بعتبتك طیحتي

دِگِلي ابیش أرتاح
ظعنکم للغرب راح
تعب صوتي امن الصیاح
وینك وینك
و لا أنسی المَثَل گال
وداع الغالي چتّال
زغیره او وجهي متعوب
وینك وینك
●●●●●★●●●●●
۵/
چان الوکت سکته او صاح جبریل
بعد ما خلّصت فرض الظهیره
صدر احسین ملعب صار للخیل
او زینب تلم بضلوعه الکسیره

السهام بصدره طلعت من ظهره
و أشوفن زینب تِقَبّله ابنحره

او علی التل عمّتي اتصیح
او نداهه جابته الریح
خیمکم راحت اتطیح
وینك وینك
او بنات العرش و اللوح
سبایه بعدك اتروح
و اجه دور السبي النوب
وینك وینك


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: أماً بلا بنين

🎤أداء الملا قحطان البديري
🖋الشاعر: ميرزا عادل أشكناني
@adel_ashkanani
🏴ليلة ٤ محرم الحرام ١٤٣٩ هـ.
●●●●●★●●●●●
المستهل:

أتْعَبَني الحَنین
یا لَكِ من سِنین
قَدْ کُنتُ أمّاً لِبنینٍ
فَصِرتُ بعدَ کَربلاء
أمّاً بلا بنین
●●●●●★●●●●●
۱/
أبچي و إذا أبچي
السهر من ناظري ایسیح
دمعاتي چنها انجوم
من سابع سمه اتطیح
شَسْکِت و أحس حتی السکوت
اعلی الجره ایصیح
آمالي صم ارماد بیها
اشتدَّت الریح

بالمدمع الها طول
عُمرُ الأسی یَطول
ماذا عسی أقول
عن مُصابي
●●●●●★●●●●●
۲/
منحور صبري للِذي
اِمْن إگفاه منحور
صوب البقیع أطلع
و أفِتْ ابونّي الصخور
بلساني آه یحسین
چنها نفخة الصُور
کثر البواچي فَزّت
الموته امن الگبور

فَخافِقي یَصیح
و آهٍ علی الذبیح
ذا یُوسُفي اُبیح
للذئابِ
●●●●●★●●●●●
۳/
أبْني شَواهد خمسه
و أمسحهن بیدَیه
و أترك فقط شاهد گبر
لإبن الزچیه
أنحب علی المحد نصب
یمه عزیّه
من یبچي عنده و إخته
ودوها سبیّه

مَن یَنصِب العَزاء
بِاللَطْمِ و البُکاء
و سَارت النساء
بغترابِ
●●●●●★●●●●●
٤/
هم زین گلبي
بعده بین اضلوعي ملزوم
او هم زین جفني
ما وگع من قِلّة النوم
یا ریت همّي
یبرك بنُص صدري جاثوم
حتی اشترك بالحسره
وي زینب او کلثوم

أمْسَیتُ بالجُروح
کَـ رَملَةٍ أنوح
و مَدمعي سَفوح
کالرَبابِ
●●●●●★●●●●●
۵/
دور الرحاة ابهمها
دارت بیه السنین
حد ما وصل ناعي الحزن
و ایصیح بونین
باللّه إستعدي للبواچي
یَمّ الإبنین
ردوا یتامه و انذبح
عباس و حسین

و اختصرَ الکلام
لیسَ لکم مُقام
قَدْ قُتِل الإمام
یا عَذابي


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: أمنية عمري

🎤أداء الملا قحطان البديري
🖋الشاعر: كرار حسين الكربلائي
🏴ليلة ٤ محرم الحرام ١٤٣٩ هـ.


أمنیة عمري زیارة کربلاء
●●●●●☆●●●●●
۱/
حسرتي ابوجه الهوه تکتب عبارة
لکربلا یا ربي ارزقني الزیارة
نذر لو اوصل اله طفت ابمزارة
إلّا من آهاتي أبني له منارة

یندعي گلبي ارزقني یا ربي
زیارة کربلاء
●●●●●☆●●●●●
۲/
اشوکت اوصل گبره و أضوي عیوني شمعة
ادموعي أوزّعها بثوابه دمعة دمعة
تسوه عمري ازیارته لیلة الجمعة
و ابنواعي الوالدة یم گبره أنعه

صاحت اجروحي أشتري ابروحي
زیارة کربلاء
●●●●●☆●●●●●
۳/
صدگ اوصل کربلا و ابصوت أصیحه
الك ممنونه یا ثار اللّه او ذبیحه
اهناك أموت او أحیه من أشتم ضریحه
و أبچي یمه ابراحتي او گلبي أریحه

گبره أشتمه نعمة النعمه
زیارة کربلاء
●●●●●☆●●●●●
٤/
کربلا جنّه او هواها عطر الأنفاس
و الدخلها ایعیش عالم ثاني یا ناس
شایله ابگلبي سوالف کلهن احساس
ذَنّي ماینحچن إلّا اگبال عبّـــــاس

و الکفل إخته ردت من بخته
زیارة کربلاء
●●●●●☆●●●●●
۵/
أرد أحط خدي اعلی تُرب الغاضریّه
و أحظن اگبور الوِلِد بثنین ادیّه
اهناك أدوّر وینه تــلّ الزیـنبـیّـه
أرد أموت امن البواچي اعلی السبیّه

یمته من بیتي او تنعقد نیتي
زیارة کربلاء
●●●●●☆●●●●●
٦/
ألتفت و اعلی المخیم أبقی أنشد
أعتني و اباب خیمة زینب أسجد
بالمکان البي رُقیّه اهناك أگعد
و أگضي عمري بکربلا و من عدها مارد

یعتلي صوتي طِلبتي ابموتي
زیارة کربلاء


• الّلهُـمَ صَل عَلَی مُحَمّد و آل مُحَمّد

ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed