📜قصیدة: ] يا شمل ينجمع [

🎤أداء الملا قحطان البدیري
🖋الشاعر: مصطفی العیساوي
📆جمادي الآخرة ۱٤۳۹ هـ.
🏴اللیالي الفاطمیه
--------------------
المستهل:

اسمي أم الدمع
عمري خمسه و ضلع
من بعد فاطمه
یا شمل ینجمع
●●●●●●●●●●
۱/
ما ضنّه یلتم الشمل من راحت أُمنه
چانت تناغینه بعلي و ننجمع کلنه
ما حسّبت حفرة گبر تاخذ محنّه
و اتأکّدت لمّن مشت یبعد شملنه

گلنه ماضن ترد
من غُفَت باللِحِد
بیّن أول جرح
یا شمل ینجمع
●●●●●●●●●●
۲/
بانت علامات البُعُد من دفعة الباب
و اتغیّر اسمي امن الدمع صرت أم المصاب
أول ألم چان الضلع و الثاني أبو تراب
من راح مچتوف بحبل مني الگلب ذاب

من شفت حالته
المو زلم جرّته
صعبه أسولف بعد
یا شمل ینجمع
●●●●●●●●●●
۳/
الشیب سیّر من وکت یم العقیله
و ابساع کبّرني الحزن راد أنتمي له
مَوّت لي أمي امن الزغر حتی أنحني له
عاندت حزني بالبچي و هدّیت حیله

للحزن چنت أهل
یمي صار الأجل
و للحزن ما أهم
یا شمل ینجمع
●●●●●●●●●●
٤/
مجبوره صرت أم إخوِتي من صاروا أیتام
طبع الزغیر امن التعب بحضن أمه اینام
غیمه صرت تمطر وفه بس عطشت أیام
راحت أیامي یم حسن من عشت الآلام

عمري عاف الفرح
ابفرگة أمي انجرح
شلي بیه العمر
یا شمل ینجمع
●●●●●●●●●●
۵/
واللّه أمي فاطمه أصل القضیه
کسر الضلع خطوة سبي بالغاضریه
و لو ما سقیفة ساعده ابذیچ المسیه
چا محسن الهسه عدل مابین إدیه

فاطمه أم الأصل
بالسمه انتي الفصل
بالقیامه أنتظر
یا شمل ینجمع



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] ظهر التل [

🎤أداء الملا قحطان البدیري
🖋الشاعر: محمد البطحاوي
📆جمادي الآخرة ۱٤۳۹ هـ.
🏴اللیالي الفاطمیه
--------------------

ما أندل ما أندل
کلّش عالي ظَهر التل
●●●●●●●●●●
۱/
اخیتك بالنهار اتّیه
اشلون ابلیل أشوفنّك
و الطف منترس دخّان
ما أشتم عطر منّك
اللّه ایعابي ذیچ الخیل
ویّه الگاع ساونّك
راح أندهلك ابشهگات
و انت اندهلي ابونّك

اومیلي اومیلي
بیدك و أقره یا ویلي
●●●●●●●●●●
۲/
اجتني الخیل تلهث نار
هل صیوانك اچّیّم
تِدِچ حافرها تتحمّه
مِن ارواگ المخیّم
علیك و مو تعدّي التل
مِسرِع و الثری امغیّم
ما شمّیت حرگ اخیام
من داسك یالمشیّم

درب أظلم درب أظلم
راح أتبع طریج الخیل
●●●●●●●●●●
۳/
صعدت لخاطرك یحسین
ذاك التل عشر مرّات
مرّه اتشلبه بچفوفي
مرّه أگضیها بالعثرات
أگومن و الهوه ضدّي
و ظَهر التل یرید اثبات
أعاین بلکي أشوفنّك
و أصیحن ها عدل ها مات

هذا انت هذا انت
بعباتي السوده حلّفته



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] أول علي و آخر علي [

🎤أداء الملا قحطان البدیري
🖋الشاعر: کرار حسین الکربلائي
🏴استشهاد الإمام علي الهادي -ع-
📆 ۱٤۳۹ هـ.
--------------------
المستهل:

امن أول علي لآخر علي
من اللّه واجب حبهم
سلمٌ لمن سالمهم
حربٌ لمن حاربهم
عنهم و لا نبتعد
من المهد للحد
حربٌ لمن حاربهم
●●●●●●●●●●
۱/
اي و النجم اي و العلق و الطارق
حبهم فرض عالسابق و عاللاحق
من انعرض حبهم علی الخلائق
گبل النطق گلتلهم آنه اموافق

اسأل علی أفضل عمل
بالکون کلشي ناده
حيَّ علی خیر العمل
حب حیدر و أولاده
ابهالمعتقد معتقد
من المهد للحد
حربٌ لمن حاربهم
●●●●●●●●●●
۲/
أول علي تسبیحة الکواکب
یا علي حتی اللّه اعله عرشه کاتب
فرض الصلاه واجب و حبه واجب
هو علیّـــــاً مظهر العجائب

شیخ و مثیله ما یصح
کُبر الأرض مضیفه
ماکو فتی إلّا علي
و لا سیف إلّا سیفه
بمملکته أبقه عبد
من المهد للحد
حربٌ لمن حاربهم
●●●●●●●●●●
۳/
ثاني علي أذکر الك صفاته
زین العباد التلگه اللّه بذاته
و القاد ثورات السبي بعمّاته
و ظهر الهزیله صارت امصلّاته

ما شفنه من گبله جبل
مچتوف قائد ثوره
چانت عباته اعله الحرم
مثل الکساء بس حمره
بدمعه یتوضّه الورد
من المهد للحد
حربٌ لمن حاربهم
●●●●●●●●●●
٤/
ثالث علي بنفاسه عطر القرآن
هذا الرضا و بطوس فاتح دیوان
اللّه یا قصره اشکثر بي بیبان
بأي باب توگف ایحاچیک السلطان

اسألني جرّبته اشکثر
شایل بحر حنّیّه
لو ردت منّه گُبّته
ایگول ابشر و مگضیّه
صاحب بخت ینگصد
من المهد للحد
حربٌ لمن حاربهم
●●●●●●●●●●
۵/
رابع علي آخر علي بالعتره
هذا علي الهادي ملك سامرّه
مو حضره دوله و علم ذیچ الحضره
متروس چفها ترد منّه الفقره

جیرانه ینطیهم و أبد
ما منع عنهم خیره
گُبّته الطاحت طشّرت
عالدنیا طیب و غیره
لگُبته الذهب یستعد
من المهد للحد
حربٌ لمن حاربهم
●●●●●●●●●●
٦/
ویّه علي الهادي الزمان اشعنده
صایم رجب و السم ایگطّع چبده
بالغربه یا شیعه یعالج وحده
و انکسر ظهر العسکري من بعده

و انشال نعشه بهیبته
و حسین محد شاله
محد گطع له منحره
محد سباله اعیاله



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] رسالتي للفرات [

🎤أداء الملا قحطان البدیري
🖋الشاعر: عبداللّه القرمزي
📆جمادي الآخرة ۱٤۳۹ هـ.
🏴وفاة أم البنین سلام اللّه علیها
--------------------
المستهل:

رِسَالَتي لِلْفُراتْ
إنْ عُدَّتَ مِنهُ خائِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
۱/
قَرَعتُ بابَ العَفوِ و الرجاءِ
حامِلَةً رضیعَ کربلاءِ
أمُّ البنینِ و القِماطُ روحي
و الحُزنُ حُزني و العَزا عَزائي
عَلّقتُ آمالي علیكَ ربّي
بِحَقِّ هذا فأستَجِبْ دُعائي
حَمَلتُ عبدَاللّهِ من شُجوني
رَسائلَ الدموعِ للسَماءِ

أدعو دُعاءَ الصَباحْ
إنْ کُنتَ لي مُعاتِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
۲/
یَبنَ الربابِ یا ضیاءَ عَیني
یا فَلْذَةً من کَبدِ الحُسینِ
إذا أتیتُم کربلاء عُطاشی
و البَینُ حالَ بینَکُم و بَیني
تَذَکّروا أمَّ البنینِ غَرقی
بِمَدمعِ الحسرةِ و الحنینِ
و قُلْ إلی ربِّكَ یا إلهي
أظْمَا علی ضِفافِ الرافِدینِ

طِفلٌ إلیكَ إلْتَجا
مِنَ السِهامِ هارِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
۳/
أعُوذُ مِنكَ لاهِبَ الغَلیلِ
و جُودُکمْ نِهایةُ المأمولِ
أسألُ یا ربّي سِواكَ حاشا
و أنتَ أنتَ غایةُ المسئولِ
و وعدُكَ الصادقُ للحَیاری
و بابُكَ المفتوحُ للوُغُولِ
و إنْ أرَدتَ هذةِ دِمانا
مُتْرَعَةٌ في ضَنَكِ الْمَحولِ

و هَل یَموتُ عُطشان
مَن لكَ فَرّ راغِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
٤/
سَتَرحَلونَ یا سَنا اللیالي
لِکَربلاء بالأهلِ و الرجالِ
و یَشهَدُ اللّهُ عَلَيَّ دَوماً
بأنني لا أذکُرُ الغَوالي
فَإنّما یَذکرُ مَن نَساکُم
و أنتُمُ دَوماً علی خَیالي
و أصعَبُ اللحظاتِ یا حبیبي
إنْ عُدّتُمُ و المَهدُ مِنكَ خالي

یَبنَ الحُسینِ إیّاكْ
تُرجِعُ قَلبي ذائِبا
کیفَ تَرُدُّ ظَمآن
جاءَ إلیكَ شارِبا



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: یا غریب الکاظمیه - مکتوبه

🎤أداء الملا قحطان البدیري
🖋الشاعر: أمیر فاضل السبتي
--------------------
المستهل:

تنزل خواطر دمعتك
تقره یهلي یا مسیة العافیه
لو مر علی عیونك فجر
یلگه بس دمعة حنینك غافیه
یا غریب الکاظمیه یا غریب الکاظمیه
--------------------
۱/

تچوي القصیده التنکتب بالمدمع
ما اتخطها بیدك چان خدك یطبع
چم مره راح اتصیح أعد من تسمع
کلمة أهل و بعیده و الهم ترجع

عینك سلام امن السجن
کل مسه یالکاظم اتودیها
دار الغرب ماتنسکن
ماتعاین بسمة أهلك بیها
یا غریب الکاظمیه یا غریب الکاظمیه
--------------------
۲/

اشگد الغریب اسوالف بنظراته
و اشگد صور شایلهن بدمعاته
گلبك برید ایودي من ونّاته
و لیل الدمع مثل النجوم اتباته

من المدینه ایرد خبر
تدعي و لبیتك تشم اترابه
شیسوي مثلك بالنظر
و هو عطشان لوجوه أحبابه
یا غریب الکاظمیه یا غریب الکاظمیه
--------------------
۳/

لیل السجن یشبه سواد عیونك
و اعرفنه لیش الراهب ایسمونك
انت الکرم ماینعرف من دونك
حتی القدر یاکل سوه ابماعونك

ما تکسر بخاطر بشر
ما تعوف اللي نخاك بحیره
طبعك نواعیر و نهر
تغرف الخیر و علینا اتدیره
یا غریب الکاظمیه یا غریب الکاظمیه
--------------------
٤/

لمّن مُحرّم سیدي یبرالك
تقره انت لو گبل واحد قرالك
یا ناعي من أیام أبوك ابالك
طور العراقي الیا سبب یحلالك

بالخارطه اموسّد جرح
نایم بطول (العراق) اتشوفه
هذا الحسین المنذبح
و (الفرات) و (دجله) لسه ایطوفه
یا غریب الکاظمیه یا غریب الکاظمیه
--------------------
۵/

جرحك بلال و أحلی نبره بصوته
گبلك یفز خاف الأذان ایفوته
یونس أشوفك و بظلام الحوته
بس الفرق مو عالجسر تابوته

یونس أثر مابي طلع
و انت میت و الحدید إبإیدك
عاش بغرب لکن رجع
و انت گاع الکاظمیه اتریدك
یا غریب الکاظمیه یا غریب الکاظمیه
--------------------
٦/

ظل گبرك لکل الملوك احچایه
أول سیاسي ابابك امحنایه
فجة عباتك چانت امصلایه
و الهل سبب سواها ربك رایه

دولة حوائج دولتك
و انت شعبك سیدي زوارك
ناخذ علگ من رایتك
هو اللّه لعرشه باب اختارك
یا غریب الکاظمیه یا غریب الکاظمیه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] بس رضاج [

🎤أداء الملا قحطان البدیري
🖋الشاعر: محمد البطحاوي
📆جمادي الآخرة ۱٤۳۹ هـ.
🏴اللیالي الفاطمیه
--------------------

بس رضاچ فاطمه انتي الغایه
بس رضاچ من أسوّي اقرایه
●●●●●●●●●●
۱/
أرید امن اللّه بس ترضین عنّي
بمجالسنه احضري اعلینه مِنّي
یم الباب لتگولین خلني
أخافن یلچم اضلوعچ تِدَنّي

ابکل عزاء احنه الچ عنّایه
●●●●●●●●●●●
۲/
اللّه من یسألنه باچر ما نرید
خلنه للزهراء یَرَبّي احنه عبید
و أجي رافع راسي ابیوم الوعید
گلبي یفرح لو سمع مجلس بعید

اتسجلیه هم عزاء و مشّایه
●●●●●●●●●●
۳/
ابعزائچ لو شفت محد یصیح
أشگ گلبي اعلیچ یأم ضلع الجریح
اعلیچ لو شفنه الدمع فاطم شحیح
اهنا نفقس اعیونه لأم الذبیح

لو نموت ما نوفّي ابهایه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] اتمنه بيده [

🎤أداء الملا قحطان البدیري
🖋الشاعر: مصطفی العیساوي
📆جمادي الآخرة ۱٤۳۹ هـ.
🏴وفاة أم البنین سلام اللّه علیها
--------------------
المستهل:

أتمنی بیده ایغمّض العین
الموت عندي افراگ الحسین
من راح منّي و آنه أنعه
دمعه التودّیني اعله دمعه
●●●●●●●●●●
۱/
من خطوة الناگه المشت ویاها ذیچ اللمّه
من یومها و آنه النعي عایش اویاي ابکلمه
حسین أغله امن الهوه أختنگ لو ما شمّه
و الفرگه تابوت العدل لو راح غالي ایهمّه

یا دنیا تحله بغیر الأحباب
و روح المفارگ دگت الباب
صوت البچي یاهو الیسمعه
دمعه التودّیني اعله دمعه
●●●●●●●●●●
۲/
تلچمني کلمة کربلا کلما یمر طاریها
الهسه یجرحني الحچي لو ناعي یقره اعلیها
و لو گال شافتها الزلم زینب هظیمه احچیها
اللّه أکبر یا خلگ ستر اللّه سولف بیها

حتی الستر یم خیمتچ چان
یوگف ابابچ یقره قرآن
وسفه الستر دوّرله فزعه
دمعه التودّیني اعله دمعه
●●●●●●●●●●
۳/
الموت أسهل من سهم و اشصار بالطف منه
حسین أحس بیه ینلچم لو سولفتلك عنه
و اتخیّل العمره ندی عبداللّه طیر الجنّه
ینذبح عنده آخر حلم عطشان چان بحضنه

عبداللّه سولف ماي للماي
ذبّت اگماطه چانت اهواي
راد الشهاده مثل ربعه
دمعه التودّیني اعله دمعه
●●●●●●●●●●
٤/
چلمة الیُمه اتیتّمت من راح منّي الوالي
صح آنه أم الأربعه بس ما بقت تحلالي
اشتنفع الأم ابلا ولد و البیت صَبّح خالي
اشمحلاتها الأم تندفن بچفوف ابنها الغالي

شیل الجنازه اترید الأولاد
و أنا أربعتهم عنّي ابعاد
یاهو الیحط بگبري شمعه
دمعه التودّیني اعله دمعه
●●●●●●●●●●
۵/
الأم سوالفها الإبن للشیب ضمّت ذخره
و آنه نذرت الأربعه لو یرجع ابن الزهره
یُمه أعتذر یا بوعلي ما خلّفتلك عشره
ما أدري مثلك ینذبح و الخیل تسحگ صدره

صدره صُفه میدان للخیل
دمّه اعله رملة کربلا ایسیل
ما چنت یَمه حتی أودعه
دمعه التودّیني اعله دمعه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة‌: طالعتك بدرا - مکتوبة

🎤 أداء الحاج باسم الکربلائي
🎤 و الملا قحطان البدیري
🖋الشاعر الأدیب مهدي جناح الکاظمي
💿 ضمن اصدار - أحزاني أوطان
--------------------

طالعتُكَ بدراً یتوسدُ رملَ الصحراء
طالعتُكَ جُرحاً یتعبدُ في غارِ حِراء
--------------------

و الوحيُ سمیرٌ و همومُ الإنسانِ لدیك
تتجلی ظمأءً تحملهُ شُطآنُ یدیك
و تَلوحُ یتیماً و قریشُ تنقادُ إلیك

طالعتُكَ قلباً یأویهِ جُرحُ النُبَلاء
طالعتُكَ شمساً تغبِطُها عینُ الأغواء
--------------------

ها أنتَ غَنيٌ دانَ لهُ حتی القَمَران
بِـ رِدائكَ مَعناً و سحابٌ یمطُرُ إحسان
بِـ جُراحكَ یخضَرُ عطاءً أملُ الأزمان

و جبینُكَ نوراً یتجلی للأرضِ سماء
و صفاتُكَ فیها یتعالی لله نداء
--------------------

لكَ یبقی غارُ حِراء و شعبُ أبي طالبَ یشهد
و بأنكَ تأبي إلّا أن تبقی في کَلِّ الأزمانِ مُحَمَّد
--------------------

یا صانعَ تاریخِ الدُنیا و الصبرُ لِواك
و مشیتَ و خطوكَ لم یشکو وخزَ الأشواك
و أسامتكَ قریشُ أذاها و اللّه یراك

ما زِلتَ نبیاً و یداهُ ینبوعَ عطاء
و لأنت غریبٌ و ستبقی رمزَ الغُرباء
---------------------

أبکیكَ علیّاً مکتوفاً بِـ حِبالِ الحیف
أبکیكَ حُسیناً منحرهُ ینهبُهُ السیف
تتوسلُ لِـ تراكَ عیوني أجنحةَ الطیف

تحمِلُها دمعاً و صلاةً تنعی الزهراء
فَـ یعودُ الطفُ بِـ صیحتهِ هل قطرهُ ماء



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] القدر و الكوثر [

🎤أداء الملا قحطان البدیري
🖋الشعر القریض: کرار حیدر الخفاجي
🖋الشعر الشعبي: مصطفی العیساوي
📆جمادي الآخرة ۱٤۳۹ هـ.
🏴اللیالي الفاطمیه
--------------------
المستهل:

فِضَّةُ أدْرِکینيْ
قَدْ أسْقَطوا جَنینيْ
مَا بینَ بابٍ وَ جِدارٍ وَ نارْ
●●●●●●●●●●
۱/
فِضَّةُ قُومي فَالأسَی مُثْقِلِيْ
قَدْ أوْهَنَتْ عَصْرَتُهمْ أرْجُليْ
صَوْتي یُنادیكِ وَ فيْ داخِليْ
قَلْبٌ یُنادي یا عليْ یا عليْ

صِحِتْ فِضّه ابْصوت مِن وِصلوا إلي
بس دَمِعتي اتصیح وینك یا علي

خَوْفِيْ و کُلُّ هَمّيْ
أنْ یَقْتِلوا ابْنَ عَمّيْ
فيْ غِمْدِهِ مُضْطَرِبٌ ذولفِقَارْ
●●●●●●●●●●
۲/
کِلْ خُوفي أشوفَك یا علي مِنْکِسِرْ
انت ابْحبِل تِنْچِتفْ و آنه أنْعِصرْ
رَحمة الباري ابّیتنه تِسْتِقرْ
سُورَة الکَوثَر آنه و انت القَدرْ

نُقْطةُ الباءِ و سِرُّ البَسْملهْ
کَیْفَ نارُ الجِبْتِ تَدْنو مَنْزِلهْ

قُرآنْ سُولَف بینه
العَرِشْ ما ناسینه
و اتْغَیّرتْ من صارت ابْیدِ ازغارْ
●●●●●●●●●●
۳/
أبْصَرتُ قَرْمَ الدّینِ وَ السَّیِّدا
لَیْثاً کَسِیراً فيْ شِراكِ العِدی
وَ صَوْتُ جِبْریلِ السَّما رَدّدا
مَنْ قَیَّدَ الدُّنیا لَقَدْ قُیِّدا

بابهُم عَن باب خیبر یِختِلفْ
المِثِل حیـدر یا زمن ما یِنْچِتفْ

وَ مُفْزِعُ الأعادِيْ
یُقَادُ بِالنَجادِ
عَمْداً وَ جَهْراً وَ بِوَضْحِ النَهارْ
●●●●●●●●●●
٤/
بِسْمارْ سُولَف مِن ضِلعها الْتِوَه
الجَنّه مِن تِنسطِر تِنزف ضِوَه
بِچفوف نار اندِفَع بابِ الهوه
دَمعتها نزلت وَي ضِلِعها سِوَه

أثَرُ السَوْطِ بَدَا فيْ مَتْنِها
نُثِرَتْ بِالضَربِ قُرْطا اُذْنِها

تِتْمَنّه حیـدر عِدها
بَسِّ الوِصِیّه اترِدها
بَسِّ الوصیّه الحَیّرتْ حامي الجارْ
●●●●●●●●●●
۵/
وَ ما خُروجِيْ خَلْفَهُمْ نَاقِمه
إلّا لِکَيْ اُثْبِتَ مَنْ فَاطِمَه
إنْ أدْعُ اُبْدي غَیْمَةً مُظْلِمَه
لِتُقْلِبَ الأرضَ بِهِمْ حَاطِمَه

ما یِرِدْ چَفّي إذا أدعي السِمه
ما اتطیح الگاع کِلمَة فَاطِمَه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: حبيناكم - مکتوبة

🎤 أداء الملا قحطان البدیري
🖋الشاعر: واثق العیساوي
--------------------

یا شوگ الما نعرف سِرّه
کلما سألونه انگللهم حبیناکم
کلما سیف ایحز ابمنحر
راید نتبره و مانگدر
حبینـــــاکـــــم
--------------------

دَوّرنا انرید الیشبهکم
الغیر اتفکر ننساکم
غلطانین و عشنا ابچذبه
ننسه الدنیا و ما ننساکم
حبینـــــاکـــــم
------------------

ذبحونه و ظلینه اویاکم
فجعونه و ظلینه اویاکم
اخذوا کل غالي و نادینه نبقی اویاکم
حبینـــــاکـــــم
--------------------

أم و ذبحوا شُبان الها
بالدم تتحنی و تنخاکم
یهل البیت اولادي الراحوا
لاتنسوهم ولدي اویاکم
کل العندي و ذخر الشیبي
بیهم یهل البیت أفداکم
حبینـــــاکـــــم
--------------------

و ابحُبنه امحیرین أعداکم
بعنه الدنیا و ما بعناکم
عفنه الغالي و ما عفناکم
یا شهگة حُب حسّیناکم
غرگانین و شمیناکم
شلنه العین و خلیناکم
شفنه الشده اتهون اویاکم
و انتم بس انتم شفناکم
حبینـــــاکـــــم
--------------------

ما ردنه الدنیا و زینتها
عفناهه و نصرخ ردناکم
کل شي انعوفه لخاطر حبکم
بس بالمحشر کون اویاکم
حبینـــــاکـــــم



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] يعباس على مهدك [

🎤أداء الملا قحطان البدیري
🖋الشاعر: کرار حسین الکربلائي
📆 ٤ شعبان ۱٤۳۵ هـ.
--------------------
المستهل:

یعبّاس علی مهدك
یعبّاس ردت عهدك
یعبّاس وفي ابوعدك
یبوفاضل یبوفاضل
--------------------

گبل میلادك ابلیله
شفت طیف الکشف همّي
گمر و امبرگع ابرایه
سجد یابالفضل یمّي
فتحت اعیوني لن أسمع
صوت أم البنین أمي
إجه العبّاس و ابوجهك
تفسّر یا گمر حلمي

أناديك صدگ شفتك
هلا بیك یبعد اختك
أناجیك گمر خدك
یبوفاضل یبوفاضل
--------------------

صور یم مهدك أنظرها
و أحبس دمعي بالگوّه
صورة جود بچفوفك
و من الصوره أتروّه
اشگد یشبه علي وجهك
ینگط غیره و امروّه
أگولن مو علي و روحي
تگلّي لا علي هوّه

حروفك علی الساني
و أشوفك علي الثاني
یطوفك نجم مجدك
یبوفاضل یبوفاضل
--------------------

کأن جبریل یم مهدك
نزل یقرالي هالآیه
هَدیناكِ گمر هاشم
کفیل و بي هالکفایه
نطقت ابمهدك و چانت
زینب أول احچایه
گلت مارید لعّابه
أریدن هودج و رایه

تصدلي ابوفه و نخوه
تگلّي الچ فدوه
أصلّي علی زندك
یبوفاضل یبوفاضل
--------------------

تنام الناس و آنه أبقه
أسهر وي گمر لیلي
تلاعب خدي بچفوفك
أناغیك و تناغیلي
إذا عنك غبت ساعه
ابسلامة عمري تدعیلي
و عن حبك تعبّرلي
اعصابه و شیله تهدیلي

یگلبك وفه شایل
اجیتك یبوفاضل
اعله دربك مشه البعدك
یبوفاضل یبوفاضل
--------------------

بعیونك شلت إختك
طبگت ارموشك اعلیّه
امن اگول اسمك أحس روحي
ابعرش الباري محمیّه
إذا محتاج إجه یمك
یحلفك یا گمر بیّه
تگله اوداعة اعیونك
یعمّي روح الحاجه مگضیّه

ابصلاتي یتکبیره
حیاتي یبوالغیره
عباتي العرش عندك
یبوفاضل یبوفاضل



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] حيره وصفك [

🎤أداء الملا قحطان البدیري
🎤 و ملا محمد فصولي
🖋الشاعر: فاضل مقدم
📆 ٤ شعبان ۱٤۳۹ هـ.
🔖 میلاد أبالفضل العبّاس علیه السلام
--------------------
المستهل:

حیره وصفك حیره
انت رب الغیره
عبّاس انت رفعة راسي
عبّاس یالملکت إحساسي
●●●●●⭐️🌙●●●●●

زینب ابهل لیله
گاعده اتلولیله
گمر تحله بسمته بخدوده
ایدور نظرة عینه
ایعاین اعله حسینه
ایرید رایة کربلا بزنوده

ظل یهز مهده و ینادي الغالي
هلا بحزام الظهر و الوالي
زینب اتنادي گمر و ایلالي
خویه بوجودك قدرنه عالي

خویه بیك أتباهه
ضحکتك محلاهه
عبّاس یالسکنت أنفاسي
عبّاس یالملکت إحساسي
●●●●●⭐️🌙●●●●●

و الحسین ایشوفه
عالمهد و ایطوفه
ایشوف ساحة کربلا بعیونه
ابغیضه تلهب ناره
ظل یصد بتّاره
اهناك راعي المرجله ایسمّونه

ایگطّع اگماطه بعزم چفّینه
اشما یگمطونه یفك ایدینه
تجدح ابنار الشهامه عینه
ناره تبرد من یحضنه احسینه

حسین ایقبّل إیده
ایشوف عزم اعضیده
عبّاس یا فخر نوماسي
عبّاس یالملکت إحساسي
●●●●●⭐️🌙●●●●●

و الصمیده ابزوده
إتعنّه یم مولوده
صاح زینب خل تجي للغالي
شال چفّه بیده
حطها بید اولیده
للکفاله و صار هو الوالي

گال حیدر یا بوفاضل زودك
تکفل الحره العقیله ازنودك
و عالنهر یبني توافي اعهودك
و خلها تتباهه تظل بوجودك

رایتك علّیها
عالنهر هد بیها
عبّاس بیك أصد نبراسي
عبّاس یالملکت إحساسي
●●●●●⭐️🌙●●●●●

من کُبر عالغیره
ما تمر الحیره
زینب إخته و الوعد حادیها
عجّب الکون ابفخر
و ابسمه الخوّه گمر
و هو سبع الگنطره و حامیها

صار باب الحاجه من ایثاره
ما یخیب اللي گصد خطّاره
ابچفّه نهر المعرفه یتجاره
للکرامه الهسه تلهب ناره

و اللي ینخه اچفوفه
ایغرّگه ابمعروفه
عبّاس شرف أهلي و ناسي
عبّاس یالملکت إحساسي



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] مبروك يا حيدر علي [

🎤أداء الملا قحطان البدیري
🖋الشاعر: کرار حیدر الخفاجي
--------------------
المستهل:

مبروك مبروك
یا حیـــــدر علي
--------------------
۱/
وي حمام الطایر
تهنئه امن الخاطر
یا علي امودّیها
بیها لهفة حایر
أعتذر ماجیتك
امن البعد هنّیتك
امن الگلب متبارك
یا علي ابذریتك

هذا عشگي ابدلیلي أبد مو خفي
یبقی عشگي یحیدر عشگ نجفي
--------------------
۲/
علي بیني و بینك
عمري فدوه لعینك
هذة أول فرحه
بیها نور احسینك
احسینك الأعجوبه
للگلب محبوبه
بحبه لو وذروني
ما أگول التوبه

یبقی غالي و أحبه رغم أجلي
هو دیني و معادي و حُسن عملي
--------------------
۳/
حسین من امهاده
بي مهابة قاده
یا علي و تقراله
الفلق من حُسّاده
یا جلال الصانع
بالحسین اشواضع
مثله لا ما شایف
حتی هم ما سامع

مو بشر من أحسبه أنا ابنظري
امن الملائك نزوله ابشکل بشري
--------------------
٤/
ابهالشهر أنفاسك
بیها طیب احساسك
لأن یوم الرابع
ینولد عبّاسك
گمر هاشم نوره
یترس المهموره
یا علي ابمیلاده
فاطمه مسروره

من گمرکم یحیدر أخذنه الضوه
هو أنفاسي بوجوده علیمن هوه
--------------------
۵/
و الگمر کل لیله
زینب اتناغیله
اتنوّمه بحجرتها
و سالفه تحچیله
خویه باچر انت
الراح أصیر ابذمته
ابشاربك یا خویه
هالعهد ما منته

یا کفیلي و یا سوري و ینور النظر
باللیالي أحسبك یخویه الگمر
--------------------
٦/
ابهالشهر أعیادك
تکثر ابأولادك
و بعد یوم الخامس
ینولد سجادك
اللّه عابد راده
و بي باهه اعباده
حتی من سجداته
ملّت السجّاده

و ابسجوده دعائه یزیل الشدد
اسمه سجّاد صبح من کثر ما سجد
--------------------
۷/
یا علي یا حیدر
شوگي ما یتغیّر
گلبي بث أشواگه
وي قدوم الأکبر
من بهاء أوصافه
ینفتن من شافه
من تشوف اعیونه
کل جرح یتشافه

من جلاله و جماله تهاب السمه
و ابرسومه الیرکّز یصیبه العمه
--------------------
۸/
یا علي نادینه
ابهالشهر یحینه
بالنصف یا حیدر
ینولد مهدینا
و ابقدومه الطاهر
ینجبر کل خاطر
جلّ من سوّاهم
یا جلال القادر

هذا منقذ أرضنا من الظلمه
کلمة الثار یسجّل علی عَلَمه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ]مرني طيفك [

🎤أداء الملا قحطان البدیري
🖋الشاعر السید عبدالخالق المحنه
--------------------

مرني طیفك و آنه ما نایم حشاي
نومة الفاگد عزیز اشلونها

چالغزاله الباتت ابغار الذیاب
اتشوف موتتها و تغمض اعیونها

ما ردت منك فقط کلمة إجیت
حتی أموت و دمعتي ایبوسونها

روحي چلمه لیش طاحت بإزدحام
الما یعرفون الحچي ایسحگونها

وینك و شط الجمر بيَّ استراح
وگعة الحر اشکثر یردونها

ما ترد یالتارس اعیوني غیاب
و الخذوا منها الضوه اشينطونها



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] شعبان الأفراح [

🎤أداء الملا قحطان البدیري
🖋الشاعر: کرار حسین الکربلائي
--------------------
المستهل:

هلا هلا گلب المحب صاح
هلا هلا شعبان الأفراح
اللهم صل علی محمّد
و آل أحمد
--------------------

یا شهر یالفرّحت کل الموالین
احنه مدیونین الك مانوفي بالدین
صحنه و ادموع السعاده اتکحّل العین
یا هلا و میّة هلا بمیلاد الحسین

هلا هلا یا أحلی مصباح
هلا هلا شعبان الأفراح
اللهم صل علی محمّد
و آل أحمد
--------------------

لاحت بعین اللیالي دمعة احساس
و السما تنثر نجوم امعطّره ابیاس
رابع بشعبان گامت تهتف الناس
یا هلا و میّة هلا بمیلاد عبّاس

هلا هلا بدر الوفه لاح
هلا هلا شعبان الأفراح
اللهم صل علی محمّد
و آل أحمد
--------------------

یا شهر أیام شهرك کلها أعیاد
تنضح أفراح و سعاده و خیر و أمجاد
یوم خامس بیك یصدف أحلی میلاد
یا هلا و میّة هلا یا زین العباد

هلا هلا عطر الإبا فاح
هلا هلا شعبان الأفراح
اللهم صل علی محمّد
و آل أحمد
--------------------

ابداخلي قلعة عشگ کل لحظه تکبر
ابگلبي آذان الفرح هاللیله کبّر
یا خلگ یوم إحدعش من حگي أسهر
و صیحتي کل الهلا یا علي الأکبر

هلا هلا گلبي الك راح
هلا هلا شعبان الأفراح
اللهم صل علی محمّد
و آل أحمد
--------------------

بخمسطعش شعبان لازم أنطي عهدي
أنتظر محبوبي و ادموعي اعله خدّي
أندعي ساعة ظهوره إلنا تبدي
عجّل اللّه فرجك مهـــــدي




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ إلی متی أحار ]

🎤 أداء الملا قحطان البدیري
🖋الشاعر المیرزا عادل أشکناني
—------------------

إلی متی أحار؟
یا غُرَّةَ النهار
فالروحُ باغتِراب
و القلبُ بانتِظار
یا مهدي یا مهدي
—------------------

غارگ بالنهر بس الگلب ملهوب
عایش بالوطن بس أشعر ابغُربه
عایش حالة المطرود الـ ما رحُّبت بیه الگاع
یمشي او ما یدل دربه
حسبه اتجیبه و اتودّیه ألف حسبه
ناثر ما تَبَقّی من نبض گلبه
یبحر لاشتیاقه ابمرکب النُدبه
یدوّر عن ملامح یوسفیّه
من ذَوي القُربی

صمتٌ و انکسار
و الصبرُ بانهِیار
دمعي متی یُجاب؟
یا صاحبَ الدیار
—------------------

ناصب روحي خیمه
ابوسط صحرة شوگ
و أتنطّر تخضّر جیّتك واحه
یَزمزم گلبي العطشان
لاچن العجیب اشلون
انت اللاچم إجراحه
یَدوَاه او یَجَرّاحه
فِلَت صبري امن ایدیّه
ذبیح او یطلُبَك دیّه
غیر انت اللي ذبّاحه؟

عَیشٌ باضطرار
أم مَوتُ اصطِبار؟
في مدمعي سحاب
و في حَشايَ نار




• الّلهُـمَ صَل عَلَی مُحَمّد و آل مُحَمّد
—------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ یا شمس الغروب ]

🎤أداء الملا قحطان البدیري
🖋الشاعر: مصطفی العیساوي
📎اللیالي الفاطمیه 1439 هـ.
—------------------
المستهل:

یا شمس الغروب
دافن لي محبوب
او یا غایب ایجیبه الدمع
من یذکر أغلی أحبابه
—------------------

بیّن اغروبچ و النفس بیه احتار
او بس المفارگ مثلي یسئلني اشصار
صار الغروب و لوعتي
یا سالفه اتضم حسرتي
راحت الچانت دنیتي
الأشتم هواها امن اسنین

کون البچي ینگال مو بس أثر ماي
چا شفت حچي العین من سولف اویاي

الدمعه مقیاس
للعدهم احساس
او یا دمعه توصف حالته
من یذکر أغلی أحبابه
—------------------

الهسه أنتظر جیّتها مشتاگه الروح
و الینلچم بهمومي بس المجروح
یالغبتي بعدچ شنتظر
دافن حلم بس منکسر
هم شفتي جنّه تنعصر
لو تنسطر منها العین

یندفع باب الچان ینطیهم امراد
و الجنّه صاحت لیش ما غزّر الزاد

حرگوها بالنار
و الجنّه بالدار
او یا جمره تطفه ابلوعته
من یذکر أغلی أحبابه
—------------------

عافتني روحي و غرّبت ویّه الموت
و ابلا جواب ایحس یتم حتی الصوت
و اتیتّم اویاها الصبح
و اللیل بالهم ینذبح
بفراگها ایعیش الجرح
و الجرح سالفته اونین

الجرح طبعه ایعیش لو من الأحباب
و آنه انجرح مرتین کل ما شفت باب

من تحچي الجروح
تسمعها بالروح
و المغرب ایجیب الحزن
من یذکر أغلی أحبابه
—------------------

نزلت دمعتي و انذکر غالي العین
سولفت عنچ للشمس یم احسین
یا شمس طحتي ابلا دفع
سلمتي وي وکت الدمع
ما رحتي مکسورة ضلع
من أثر دفعة چفین

جرحي الیشوفه اللیل ما حاجه العیون
ما حسّبت له احساب بالمغرب اشلون

بالمغرب أشتاگ
هد حیلي الفراگ
او یشتاگ لسنین المُضن
من یذکر أغلی أحبابه
—------------------

آخر احچایه یا شمس ردي اویاي
ردتچ سهله الصعبه یرجعلي اهواي
اترجعین إلیّه امعلمه
بس صعب ترجع فاطمه
خدها أزرگ ابلون السمه
او مهظومه أم السبطین

تنحني اضلوع الگاع من أذکر الصار
صعبه البعینه ایشوف بضلوعه بسمار

أتذکر اشلون
غمّضت العیون
شیغمّض اعیون الجرح
من یذکر أغلی أحبابه



• الّلهُـمَ صَل عَلَی مُحَمّد و آل مُحَمّد
—------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ لا فتی إلا علي ]

🎤أداء الملا قحطان البدیري
🖋الشاعر: میرزا عادل أشکناني
——————————

قالها الربُ العلي
لا فتی إلّا علي
——————————

یا سر هل أتی ، مثلك مَن أتی؟
واللّه یا علي ، غیرك لا فتی

بیدك چنت افراشك تفرش
قمبر نایم و انت التغبش
تفتر و اعله اچتافك چم عش .. طیر
ابّاب الفقره واگف تنطر
راید ویّه ایتامك تفطر
یالغیمة چفّك بس تمطر .. خیر
——————————

تارك عالمه ، سِر ما نفهمه
ابگلبه أحمد سکن ، و اللّه و فاطمه

حیدر للکون اهوه المحور
چم دوله الیحکم و اتصوّر
ما دوَّر دنیا و لا دوَّر .. جاه
ما فرّق بین أبیض و أسود
و لهذا ابلحده امن اتوسّد
حتی الکافر صاح و ردّد .. آه
——————————

شوف المسأله ، ابساعة مقتله
ما همّه الجرح ، همّه ابقاتله

بالقاتل وصّه ایرحمونه
لو ضربه ابضربه ایجازونه
فعلاً هذا اللي ایسمونه .. دین
جامع ضدّین اویه الضدّك
رحمه و نقمه ایشیل ابزندك
ابگد القسوه العندك عندك .. لین
——————————

تالي ابسجدته ، طبروا هامته
عرش اللّه ابحزن ، طاح ابطیحته

اللوح المحفوظ اویه الکرسي
و کلشي ابکون اللّهِ القدسي
و لحیدر کل جنّي و إنسي .. ناح
البرزخ و اجهنم و الجنّه
کل ذروه اتون ابهل ونّه
اتهدم دین الباري و رکنه .. طاح



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ صعبه یرجع ]

🎤أداء الملا قحطان البدیري
🖋الشاعر: علي مخیلف
📎لیلة 19 رمضان 1439 هـ.
——————————
المستهل:

صعبه من تفگد عزیز الروحك
و انت ماتگدر تلم اجروحك
و اتحس روحك عمرك ضاع
آه و دمعه و لیل اوداع
صعبه صعبه
——————————

لو غاب عن عینك بشر
تختنگ بیك البیبان
ینزل امن اعیونك جمر
الفرگاکم الموعد حان
زینب أنا و مو أي مره
راح أفتقد أغلی انسان
رایح امن اعیوني علي
یا ناس مو یاهو الچان

رایح امن اعیوني ضي اعیوني
گبل لا یلبس چفن دفنوني
بفراگه اتذل طولي الگاع
آه و دمعه و لیل اوداع
صعبه صعبه
——————————

المجروح گلبه امن العتب
چا بیمن ایصبرونه
و الراح من عنده أبو
ابیا سالفه ایسکتونه
فك باب الأحزان و طلع
و اختلف کلش لونه
رایح و ما یرجع بعد
أعرف علي امن اعیونه

بعد ما یرجع یگلي احساسي
من رفع ایده و مسحها ابراسي
ضم ادموعه و راح ابساع
آه و دمعه و لیل اوداع
صعبه صعبه
——————————

امبیّن علی اعیونه هجر
اشعندك گلت یا نیّه
ریّض یبو السان الحلو
عایف وراك ابنیّه
بیّه الحچي ابگد السمه
و لموادعك ما بیّه
یجرحني یا بویه البعد
أبچي و أون لیلیه

لا تخلیني و دمعتي ابعیني
اسوالف الفرگه تره اتأذّیني
فوگ الخد ادموعي اشراع
آه و دمعه و لیل اوداع
صعبه صعبه
——————————

حسره اویه کل جرّة نفس
مِن حرّکتها أجدامك
أشتاگلك من تبتعد
و أشتاگلك جدامك
یالنازل امن اللّه رزق
امطشر ثواب أیامك
یا عافیه و موعد خبز
یحنین اویه أیتامك

من عفتهم و اعتنیت لموتك
چم یتیم اللي شبگ تابوتك
ما عندك بالفرگه أطباع
آه و دمعه و لیل اوداع
صعبه صعبه
——————————

عایفني و اعیوني اتهَمِل
بعدك أضل حیدر وین
خیمتنه طاحت و انتهت
کل ابتسامات البین
دارك بقت بس للدمع
و أحزان و اجروح اونین
فضه تواسي بالحسن
و قنبر یسکت بحسین

یالبشوفتنه تکحل اعیونك
نکسر الخاطر بقینه ابدونك
من عطرك ماضل امتاع
آه و دمعه و لیل اوداع
صعبه صعبه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ أعطف علی الأیتام ]

🎤أداء الملا قحطان البدیري
🖋الشاعر: علي عسیلي العاملي
📎لیلة 20 رمضان 1439 هـ.
——————————
المستهل:

ما أصعبَ الأیام
فأعطِف علی الأیتام
یا بابُ جائوا کُلهم شَوقٌ إلی حیدر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

لا یَفهمُ الأیتامُ أحوالَ القَضا
طبیبهُ ما قالَ شيئاً و مَضَی
سُکوتهُ لیسَ دلیلاً للرِّضا
بَل إنّهُ یعني رحیلَ المُرتضی

یا أیُّها الجرّاح
هَل حیدرٌ مرتاح؟
ما طَمأنَ الأطفالَ یا لهفي و لا استَنکَر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

أمَّن یُجیبُ صَوتَ طفلٍ ما اطمأن
بالبابِ حاملاً فُؤادآً لا لَبَن
قالوا بِأنَّ السُّمَّ یسري في البَدَن
فَهَل یَضَلُّ سالماً أبو الحَسَن؟!

قالوا خُذِ الأعمار
مِنّا إلی الکرّار
ما قیمةُ الأرواحِ إن یرحل أبو شُبَّر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

یَهتَزُّ عرشُ اللّهِ من دمعِ الصّبي
لمّا یُنادي بافتجاعٍ یا أبي
آهٍ لطفلِ حیدرٍ إن یَنحَبِ
مع کلِّ دمعةٍ هَوَت یَهوي نبي

في دمعهِ المصبوب
حتماً هَوَی یعقوب
فالشَوقُ للکرّارِ أبکی الصخرَ بَل فَسَّر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

یا بابَ هَل أتی ، أهَل حقاً أتی
یومٌ و لَم تُجِب یتیماً صَوّتا؟
بِقُربِ مسکینٍ أبی أن یَسکُتا
مِثلَ أسیرٍ قلبُهُ تفتّتا

ذي سورةُ الإنسان
مَلَّت مِنِ استئذان
آیاتُها محزونةٌ في أدمُعٍ تُنثَر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

یا بابُ صبرَهُم و صَبرَ زینبا
مِن بعدِ فقدِ الأمِّ تفتَقِدُ الأبا
شَدّت لَدیكَ قلبَها المُعَذّبا
ترجُوكَ لا تَدَع أبي إن یَذهبا

إن یُخمَدِ المصباح
تَعصِف بها الأریاح
سُرعانَ ما أجفانُها مِنها الدِّما تُعصَر
و اللّهُ أوصی بالیتامي قالَ " لا تقهر "
فأعطِف علی الأیتام



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed