📜قصیدة: ] أقراله عاشوراء يوميه [

🎤أداء الملا قحطان البدیري
🖋الشاعر: کرار حسین الکربلائي
📆جمادي الآخرة ۱٤۳۹ هـ.
🏴وفاة أم البنین )س(
--------------------
المستهل:

الحمدُللّه و الشُکر
بکّائه خلّصت العمر
و البیت سویته حسینیّه
صارت قِبلتي کربلا
کل مغرب أتوجّه إله
و أقراله عاشوراء یومیه
●●●●●●●●●●
۱/
و اللّه لو أملك عمر نوح
ما أشبع امن الدمعه و النوح
اشلون بحیاته ایعیش مرتاح
العنده مثل حسین مذبوح

خل یجي یعگوب و یگابلني ابونینه
یوسف عدل شنهو السبب مبیضّه عینه
شیگول گلبي و یوسفه مایدري وینه
عن ثوبه أسأل جاوبوني امسلّبینه

لقصّة حسین و مذبحه
کل یوم عندي فاتحه
و أنصب عزه بالدار لیلیه
تکتلني وحشة منزله
کل مغرب أتوجّه إله
و أقراله عاشوراء یومیه
●●●●●●●●●●
۲/
امن حسین ماکو الدنیا بیها
و ما حصّلت حتی شبیهه
یا ناس نعمه البچي اعله حسین
بي صرت عند اللّه وجیهه

یا هالخلگ لو خیّروني بین الاثنین
أجري الدمع لحسین لو ولدچ تریدین
أحلف و حگ الگطّعوا من عنده چفّین
ما بدّل الدنیا بثواب ادموعي لحسین

یا ناس صدقوا هالدمع
من فاطمه یجبر ضلع
بهذا البکاء الحاجه مقضیّه
لمّن أطیح ابمشکله
کل مغرب أتوجّه إله
و أقراله عاشوراء یومیه
●●●●●●●●●●
۳/
بچّیت کل الرایح و جاي
بثوابه وزّعت اشکثر ماي
صعبه یظل فوگي سگف بیت
و حسین عاري ایدوّر افیاي

یم بابي أنصب موکبي و یصیح الاحساس
یا ناس هذا الماي مو بثواب عبّاس
هالماي اشربوه بثواب حسین یا ناس
للنحره ضامي و عالترب جسمه بلا راس

کلما شربت امن العذب
اذکر اولیدي المنسلب
و جروح عنده ألف و تسعمیّه
هذا الحزن یستاهله
کل مغرب أتوجّه إله
و أقراله عاشوراء یومیه
●●●●●●●●●●
٤/
شنهو وجودي ابلا وجوده
هو اللّه خالقني اعله موده
أترك الثوب الأسود اشلون
و زینب إجت بمتون سوده

بفراش إذا عیني غفت أتخیّل امصاب
زینب حبیبة فاطمه نامت علی اتراب
گمت أجمع أطفال المدینه بعتبة الباب
لخاطر رقیّه ابنیّته أنطیهن احجاب

و بثواب عبداللّه بعد
کل طفل أهدیله مهد
و اوگف ألولي و آنه محنیّه
و الصابه نبله حرمله
کل مغرب أتوجّه إله
و أقراله عاشوراء یومیه
●●●●●●●●●●
۵/
الینصب عزا و اللي یحضره
العبّاس بعیونه ینظره
أتمنی ما مخلوقه حرمه
ابمنبرکم أصعد و آنه أقره

خلّوني أسمعکم نواعي بطور الأحزان
من أنعه آنه الوالده و الگلب لهفان
ویلا علیك حسین یبني المات عطشان
من بعد ذبحك أصبحت للخیل میدان

و الیستمع هذا الحچي
لازم یموت امن البچي
و آنه متت دیرة حزن بیّه
بگبري و دموعي هامله
کل مغرب أتوجّه إله
و أقراله عاشوراء یومیه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] يحكى أنها [

🎤أداء الملا قحطان البدیري
🖋الشاعر: میرزا عادل أشکناني
📆جمادي الأولی ۱٤۳۹ هـ.
🏴اللیالي الفاطمیه
--------------------


یُحکی أنّها کُلّما تنَفّسَت تألّمَت فاطمه
●●●●●●●●●●
۱/
یُحکی عَن الزهره بحزِنها عَافت النومْ
او لمّن توِن چانت توِنّ اِویاها الِنجُومْ

ذایب جفنها اِمن السَهر
ظلت تون طول السَحر
و لفاطمه حتّی الصخر یِجري الدموع
حمره العیون او تجري دم
و اِمن الضرب چفها وُرَم
تتلوَّه من شِدّة ألم طگ الضلوع

یُحکی أنّها قد قَضَت مِن ضَربِهِم مُتُونُها وارِمه
یُحکی أنّها کُلّما تنَفّسَت تألّمَت فاطمه
●●●●●●●●●●
۲/
قالوا بأنْها لو مِشَت یلچمها ضلعین
تتوچّه کون اِعله الحسن و أچتاف الحسین

ما بیها عالنهضه عُگب
وَرمتْ إدیها اِمن الضَرُب
وقت الصّلاه تِرفَع غَصُب چف للقنوت
او زینب تشوف اللي جره
إید أمها فوگ الخاصره
مِن گد حِزن زینب تَره رادت تِموت

یُحکی أنّها مُذ بَکت ما رُؤیَت مِن بعدها باسِمه
یُحکی أنّها کُلّما تنَفّسَت تألّمَت فاطمه
●●●●●●●●●●
۳/
مَلْوي ضلعها اِمن الکسُر یوجعها کل ساع
بس اللّه یدري اشگد کلِف کسر الـ بالأضلاع

او بسمارها گوَّه انْغِرَس
گاطع امن الزهره النفس
یوم الّذي الطاغي رِفَس باب البتول
یطبگ الباب اِعله الصَدُر
حد ما سِمَع صوت الکسُر
یوم القیامه اشیعتذُر من الرَّسول

یُحکی أنّها بالجَوی ماتت أسی لِغَیظِها کاظِمه
یُحکی أنّها کُلّما تنَفّسَت تألّمَت فاطمه
●●●●●●●●●●
٤/
وي کل نفس چانت تِجرَّه ترتفع آه
وي کل نفس چانت تنادي حَسبيَ اللّه

سَالتْ دِماها اِمن الضِلع
شابَهت وهْیَه ابهالوضع
میزاب ماي او مِندِفع دم الجروح
اِتْفِتّ الگلب لمّن توِن
بَحَّتها ملیانه حِزن
اتعلّم حمامات الغِصِن لمّن تنوح

یُحکی أنّها بالبُکا دموعُها من قبرِها ساجِمه
یُحکی أنّها کُلّما تنَفّسَت تألّمَت فاطمه
●●●●●●●●●●
۵/
مالت مثل قوس او حزِنها ایْمیل الِجبال
من شاهِدَت حامي الحِمه ایجرّونه بِحبال

بیمن بعد تگدر عله
ردّ المصایب و البله
ما تنفع الحسره و لا الونّه تفید
و لا تنفع الدمعه التِهِل
اشحال العزیزه من تِذِل
و إید اللّه یا وسفه ابحَبِل چتفوله إید

یُحکی أنّها هکذا قد دُفِنَتْ مِنَ الاُلی ناقِمه
یُحکی أنّها کُلّما تنَفّسَت تألّمَت فاطمه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] الله نور السماوات [

🎤أداء الملا قحطان البدیري
🖋الشاعر: عبداللّه القرمزي
📆جمادي الآخرة ۱٤۳۹ هـ.
🏴اللیالي الفاطمیه
--------------------
المستهل:

اللّهُ نورُ السَماوات
و فاطِمٌ مِنهُ مِشکاة
تُزهِرُ لِلحَشرِ
کالکوکبِ الدُرِ
قَدّسَها اللّهُ مِن ذات
●●●●●●●●●●
۱/
زَهْراء زَهْراء
هِيَ النورُ الأجَلُّ
بِها الکُرسِيُ یَعلو
و آیاتٌ لها تَزهو و آیات
زَهْراء زَهْراء
و ما أزهی سَناها
بِها یُزهِرُ طه
و تَزدانُ بِها کُلُّ الاُمومات
جَلالٌ لا یُحَدُّ
سَجایا لا تُعَدُّ
بِها قد کمّلَ اللّهُ الرِسالات
و سرُ اللّهِ فیها
تَجَاری مِن أبیها
کـ شَمسٍ غسّلَتْ وجهَ الصَباحات

تَرضَی السَماء لِرِضَاها
مِن طُهرِها مِن تُقَاها
زاهِرَةُ الطُهرِ
کالکوکبِ الدُرِ
قَدّسَها اللّهُ مِن ذات
●●●●●●●●●●
۲/
زَهْراء زَهْراء
یَحارُ الطُهرُ فیها
و قد صَلّی علیها
جلالُ اللّهِ بینَ الإنسِ و الحور
زَهْراء زَهْراء
فَماذا مُبْتَداها
و ماذا مُنْتَهاها
و ما بینَهُما نورٌ علی نور
و جودٌ یَتَزمزَم
من النورِ المُعظّم
و قَلبٌ من بُیوتِ اللّهِ مَعمور
مِن اللّهِ سَناها
و رَیحَانةُ طه
و حُبُ المُرتضی إذ صعدَ الطور

في طُهرِها عَبقَریّه
حُوریّةٌ آدَمیّه
و قَلبُها العُذرِ
کالکوکبِ الدُرِ
قَدّسَها اللّهُ مِن ذات
●●●●●●●●●●
۳/
زَهْراء زَهْراء
بِها تَسمو الصَلاةُ
و تَزکو المَکرُماتُ
و تَأْتَمُّ بِها کلُّ التَسَابیح
زَهْراء زَهْراء
سُلَیمانُ رَجاها
فَألقَت مِن هَواها
بسَاطاً یَقطعُ الدُنیا علی الریح
ظُهوراً للعَجائب
لِإبنِ أبي طالِب
إذا شَاهَدَها یَنسی التَباریح
و ما کانت نَبیَّه
و لکن نَبَویَّه
بِکَفَّیها إلی الخُلدِ مفاتیح

بابُ الجِنانِ هَواها
کلُّ الوجودِ فِداها
و خَیرُها یَجري
کالکوکبِ الدُرِ
قَدّسَها اللّهُ مِن ذات
●●●●●●●●●●
٤/
زَهْراء زَهْراء
لَها یَومَ القِیامَه
مِن اللّهِ الکَرامه
و مِن بُطْنانِهِ العَرشُ یُنادي
زَهْراء زَهْراء
سَتَجْتازُ المَحَاشر
( ألا غُضّوا النواظر )
لِـ کَي تَعبُرَ ما بینَ العِبادِ
تُعَلّي بِالدِماءِ
قَمیصاً کربَلائي
عَلَیهِ بَعضُ أشْلاءِ الفُؤادِ
بِنا تَدعو الشَفیعه
لنا یا ربُّ شیعه
ألا حَقِق لهم کلَّ مُرادِ

اللّهُ نورُ السَماوات
یَقضي لِخَیرِ الشفیعات
أمْرُكِ مِن أمري
کالکوکبِ الدُرِ
قَدّسَها اللّهُ مِن ذات



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] راح وليدي [

🎤أداء الملا قحطان البدیري
🖋الشاعر واثق العیساوي
📆جمادي الآخرة ۱٤۳۹ هـ.
🏴وفاة أم البنین سلام اللّه علیها
--------------------
المستهل:

آه راح ولیدي و خلاني
آه المن یا گلبي امتاني
●●●●●●●●●●
۱/
ونین ون التفارگ ابنها من یسمعه
حنین ویه کل جرّة نفس گلبي یشلعه
سنین و آنه الم ادموعي لجله دمعه دمعه
یمین أحلف أنطي عیوني فدوه للیرجعه

لیش چنت أرعاه و یرعاني
آه المن یا گلبي امتاني
●●●●●●●●●●
۲/
أنوح أذکر بیوم المشه و دمعه اعله عینه
أروح و گلّي راح أشتاگلچ یَمّي الحنینه
جروح اشحمل گلب الوالده اللّه یعینه
یروح ضَیعي ابني بالغرب ضاعت سنینه

سال دمعه و بعده البچّاني
آه المن یا گلبي امتاني
●●●●●●●●●●
۳/
وحید ها یگلبي اشبیك عالحسره اشيعينك
أريد اتوگّف الدگات و اتسکت ونینك
تهید ماظن اتهید أبداً لباگوا سنینك
بعید عاللي مایرجع شنو اشینفع ونینك

صوت يا ييمه اشگد ناداني
آه المن یا گلبي امتاني
●●●●●●●●●●
٤/
یغیب لَوَن لحظه ایروح عنّي الچنت أفگده
حبیب حسین ابن الزهره چان و ابنه عنده
غریب فوگ صدره گاعد من یردّه
حتی ما زرته بمماته واللّه شِدّه

وین ألگیه و أحچي أحزاني
آه المن یا گلبي امتاني
●●●●●●●●●
۵/
نسیت من سمعت الناعي ینعه عالمصیبه
مشیت أعثر بنسمة هوا و أسمع نحیبه
گلت وین ابني الگلب راید حبیبه
لگیت حسین مذبوح و اجت زینب غریبه

گال یرجعلي و ما ینساني
آه المن یا گلبي امتاني



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] إذا سئلت [

🎤أداء الملا قحطان البدیري
🖋الشاعر: میرزا عادل أشکناني
📆جمادي الآخرة ۱٤۳۹ هـ.
🏴اللیالي الفاطمیه
--------------------
المستهل:

إذا الضلوعُ سُئِلَتْ
بِأيِّ ذَنْبٍ کُسِرَتْ
یَومَ الجَزا ماذا تَقولْ
إذا سُئِلَتْ
●●●●●●●●●●
۱/
یوم القِیامَه رَبنا یِنْصُب میزان
و ایْحاسِب الهشَّم ضِلع غُصْنِ البان
شاهِد جَریمتهُم تَراچي الآذان
و صَدْر الجنین اللي اخْتِنگ بِالدَخّان

مُحَمّدٌ یُبدي الأسی
لمّا دَها خَیْرَ النِسا
ماذا سَتُخبِرُ الرَسولْ
إذا سُئِلَتْ
●●●●●●●●●●
۲/
ابیوم القِیامَه الناس توگف صَفّین
و حُکم الحِساب ایصیر بید أم احسین
أوّل اِمن اتحاسب اهناك الجِبتین
و من السِطَرها ابعینها اترد الدین

لِلَطْمَةٍ في جِفْنِها
أمْ لِسَوادِ مَتْنِها
مِمَّا سَتَشتَکي البتولْ
إذا سُئِلَتْ
●●●●●●●●●●
۳/
بِالمَحشَر اِمن الظالِم اتْرید اجْواب
لمّن عِصَرها چم ضلع منها انْصاب
اشیِنفَع بعد عُذره اویه ربِّ الأرباب
و احْجَاب اللّه لاذت ابلایه احْجَاب

کَفٌّ قَد اِعتَدَتْ علی
ناموسِ جَلَّ و عَلا
حِسابُها سَوفَ یَطولْ
إذا سُئِلَتْ
●●●●●●●●●●
٤/
اتْجیب الزِچیّه اجروحها للجَبّار
و اتْجیب کلمن شارك ابحرگ الدار
ابـ بِسمار صدري کون ینبِت بِسمار
و نار اللي حِرگت داري تِدخِل بالنار

کیفَ تَشا تُعاقِبُ
بِالثَأرِ لَو تُطالِبُ
فَالحُکمُ لِلزَهرا یَؤولْ
إذا سُئِلَتْ
●●●●●●●●●●
۵/
الأسَّس أساس الظُلُم و الهَم و الجُور
باچر یِسِألونه اعله کل دم مهْدور
لَو لا السَقیفه ما نِشَاهِد عاشور
و ما چان صَدر احسین بالطف مکسور

حُکمُ السَقیفَةِ إقْتَضی
صَدرَ الحُسَینِ رُضْرِضا
ما عُذرُها تِلكَ الخُیولْ
إذا سُئِلَتْ



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋 قصیدة: من هوینه - مکتوبة

🎤 أداء الملا قحطان البدیري
🖋الشاعر: واثق العیساوي
--------------------
من هوينه
الضحکه شو ترست گلبنه من هوینه
الدمعه نامت وي جفنّه من هوینه
الشوگ مالي دروبکم حنّه و سوالف
و احنه و غمّضنه العیون و بیه مشینه من هوینه
من زغرنه و احنه شاغلنه ذکرکم
و من شربناکم وفه ماي ارتوینه من هوینه
تسکت ابروحه السوالف الیهد ادموع عینه
و تعشگ اعیون البحر لیلیه گمره
و تحلم بضحکة سفینه
النه وي حبکم سوالف
لیل و ادموع و سهر تصعب علینه
النه ويه الشوگ سِر و ذکریات
انطشت ابکُبر المدینه
انرید تفسیر لهواکم
نقنع اللي ایلوم بینه
والله یهل البیت حیره
اشکثر دوّرنه و تعبنه و ما لگینه
من هوینه
گالوا أرواح الثمن و احنه اشترینه
گالوا الیذکر کُفُر بس ما نسینه
گالوا الیبچي شرك بالدم بچینه
والله نتنفس هواکم
شهگة الغرقان لو شاف النفس مرّه اعله عینه
والله ما نترك هواکم مو بدینه
اشبیده من بدروبکم خلّص اسنینه
اشبیده و اشیگدر اذا ذاب ابحنینه
بالحُسینیات من انشم عطرکم
ترد کل الروح بینه
و لو سمعنه ایمُر اسمکم
تنتهي الدنیا بتعبها
و احنه وي حبکم بدینه من هوینه
مشکله حُب الیهز الروح ماتخلص اسنینه
و مشکله اللي راد ننساکم أبد ما عرف دینه
کل شي ینحل بالإراده إلّا حبکم مو بدینه
و لا حسبنا احساب من ذبنه و هوینه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

قصيدة أسأل الله يثبتك عالولايه

موال / أنا شيعي

📋قصیدة: يا علي مدد - مکتوبة

🎤أداء الملا قحطان البدیري
🖋الشاعر: کرار حیدر الخفاجي
--------------------

صوتي بالشدد یا علي مدد
لا فتی إلّا علي یا علي مدد
--------------------

حیدر علي بوکت الشدد یحمیني
علي علي
اچفوفي أمِدها و ما یرد چفّینی
علي علي
لو ما عرفته ما عرفته لدیني
علي علي
عیني اللي مَتشوفه شسوّي بعیني
علي علي

هو مسندي یبقی قائدي
آنه حرزي و موئلي یا علي مدد
--------------------

حیدر حبیبي اللي رُبیت بدربه
علي علي
طیب و لایحرمني طیبة گلبه
علي علي
اتبرّه من روحي و لا من حُبه
علي علي

حیدر النَبَاء فاطر و سَبَاء
هو قرآن الجَلي یا علي مدد
------------------

حیدر مَلیکي و ممتلك إحساسي
علي علي
ماشم هوا ما بي علي بأنفاسي
علي علي
لمّن یخالفني الزمان القاسي
علي علي
اوگف علی بابه و أدنّگ راسي
علي علي

فازَ مَن سَعَی و بـ علي دَعَا
هذا حیدر کافلي یا علي مدد
--------------------

عشگي و حیاتي الما أعیش بدونه
علي علي
والي الأیتام و کلهم ایحبونه
علي علي
کلمن یجي و بیده حِمَل ماعونه
علي علي
ایوزع ابخیر اعلیهم ایریدونه
علي علي

گلبي و النبض دیني و الفرض
کل شي بالدنیا إلي یا علي مدد
--------------------

حیدر الأول غصباً إعلی الحاقد
علي علي
مو آنه راید هو الله الراید
علي علي
مهما العواذل بالقضیه اتعاند
علي علي
یبقي علي برغم التسلسل واحد
علي علي

کلنا عالعهد نمضي للأبد
فدوه أموالي و هلي یا علي مدد
---------------------

تبقی النجف بسم الولي معموره
علي علي
اشما رادوا ایظلموها یسطع نوره
علي علي
الرادت تهدم صحن ما معذوره
علي علي
خل اتخسي و حیدر الحارس سُوره
علي علي

لو نذل هجم والله إلّا دم
نسحگه وداعة علي یا علي مدد
--------------------

یا علي محروس العراق بزودك
علي علي
یا داعش الیفتح حلگ بوجودك؟
علي علي
والله بس یتقربون لحدودك
علي علي
تلگی إعلی رووس الداعشیه جنودك
علي علي

داعش الحضر ابزودك اندحر
بصیحتي وده عاذلي یا علي مدد



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋 موال و هوسات - مکتوبات

🎤أداء الملا قحطان البدیري
🖋الموال للشاعر السید عبدالخالق المحنه
🖋الهوسات للشاعر علي المیاحي
--------------------

جمّار حبك علي لا مو سعف کربلا
و ایزیح ظیم الگلب کل ما حضر کربلا
و ابنك دعوه الکفر یخضع لهم کربلا
مو حگنه من نگصده ممشی بضریح نجف
و ادموعنه اتباشرت هیهات أبد مانجف
واللّه لو ینگطع خط کربلاء و نجف
بالگلب خط یشتغل یصرخ نجف کربلا
--------------------
هوسات:

یذکر واحد العباس هو التاریخ شمفهمه
آنه الشایف ابعیناي کیف أقتنع بالکلمه
اهو العباس چم عباس حتی بکربلا اتلمه
ایکفیله مدري اشکم کون


علي طوفان یونس یوم ضکه الحوت
و علي صوت الـ إله و چذب صوته ایموت
فقّاره بیمینه و شفرته التابوت
چف اللّه حیدر بالحومه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

هديتي لكم في ذكرى ولادة امير المؤمنين عليه السلام 🌸🍃
هي زيارة سيدتي ومولاتي
فاطمة المعصومة سلام الله عليها 🌸🍃

📜قصیدة: ] يا شمل ينجمع [

🎤أداء الملا قحطان البدیري
🖋الشاعر: مصطفی العیساوي
📆جمادي الآخرة ۱٤۳۹ هـ.
🏴اللیالي الفاطمیه
--------------------
المستهل:

اسمي أم الدمع
عمري خمسه و ضلع
من بعد فاطمه
یا شمل ینجمع
●●●●●●●●●●
۱/
ما ضنّه یلتم الشمل من راحت أُمنه
چانت تناغینه بعلي و ننجمع کلنه
ما حسّبت حفرة گبر تاخذ محنّه
و اتأکّدت لمّن مشت یبعد شملنه

گلنه ماضن ترد
من غُفَت باللِحِد
بیّن أول جرح
یا شمل ینجمع
●●●●●●●●●●
۲/
بانت علامات البُعُد من دفعة الباب
و اتغیّر اسمي امن الدمع صرت أم المصاب
أول ألم چان الضلع و الثاني أبو تراب
من راح مچتوف بحبل مني الگلب ذاب

من شفت حالته
المو زلم جرّته
صعبه أسولف بعد
یا شمل ینجمع
●●●●●●●●●●
۳/
الشیب سیّر من وکت یم العقیله
و ابساع کبّرني الحزن راد أنتمي له
مَوّت لي أمي امن الزغر حتی أنحني له
عاندت حزني بالبچي و هدّیت حیله

للحزن چنت أهل
یمي صار الأجل
و للحزن ما أهم
یا شمل ینجمع
●●●●●●●●●●
٤/
مجبوره صرت أم إخوِتي من صاروا أیتام
طبع الزغیر امن التعب بحضن أمه اینام
غیمه صرت تمطر وفه بس عطشت أیام
راحت أیامي یم حسن من عشت الآلام

عمري عاف الفرح
ابفرگة أمي انجرح
شلي بیه العمر
یا شمل ینجمع
●●●●●●●●●●
۵/
واللّه أمي فاطمه أصل القضیه
کسر الضلع خطوة سبي بالغاضریه
و لو ما سقیفة ساعده ابذیچ المسیه
چا محسن الهسه عدل مابین إدیه

فاطمه أم الأصل
بالسمه انتي الفصل
بالقیامه أنتظر
یا شمل ینجمع



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] ظهر التل [

🎤أداء الملا قحطان البدیري
🖋الشاعر: محمد البطحاوي
📆جمادي الآخرة ۱٤۳۹ هـ.
🏴اللیالي الفاطمیه
--------------------

ما أندل ما أندل
کلّش عالي ظَهر التل
●●●●●●●●●●
۱/
اخیتك بالنهار اتّیه
اشلون ابلیل أشوفنّك
و الطف منترس دخّان
ما أشتم عطر منّك
اللّه ایعابي ذیچ الخیل
ویّه الگاع ساونّك
راح أندهلك ابشهگات
و انت اندهلي ابونّك

اومیلي اومیلي
بیدك و أقره یا ویلي
●●●●●●●●●●
۲/
اجتني الخیل تلهث نار
هل صیوانك اچّیّم
تِدِچ حافرها تتحمّه
مِن ارواگ المخیّم
علیك و مو تعدّي التل
مِسرِع و الثری امغیّم
ما شمّیت حرگ اخیام
من داسك یالمشیّم

درب أظلم درب أظلم
راح أتبع طریج الخیل
●●●●●●●●●●
۳/
صعدت لخاطرك یحسین
ذاك التل عشر مرّات
مرّه اتشلبه بچفوفي
مرّه أگضیها بالعثرات
أگومن و الهوه ضدّي
و ظَهر التل یرید اثبات
أعاین بلکي أشوفنّك
و أصیحن ها عدل ها مات

هذا انت هذا انت
بعباتي السوده حلّفته



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] أول علي و آخر علي [

🎤أداء الملا قحطان البدیري
🖋الشاعر: کرار حسین الکربلائي
🏴استشهاد الإمام علي الهادي -ع-
📆 ۱٤۳۹ هـ.
--------------------
المستهل:

امن أول علي لآخر علي
من اللّه واجب حبهم
سلمٌ لمن سالمهم
حربٌ لمن حاربهم
عنهم و لا نبتعد
من المهد للحد
حربٌ لمن حاربهم
●●●●●●●●●●
۱/
اي و النجم اي و العلق و الطارق
حبهم فرض عالسابق و عاللاحق
من انعرض حبهم علی الخلائق
گبل النطق گلتلهم آنه اموافق

اسأل علی أفضل عمل
بالکون کلشي ناده
حيَّ علی خیر العمل
حب حیدر و أولاده
ابهالمعتقد معتقد
من المهد للحد
حربٌ لمن حاربهم
●●●●●●●●●●
۲/
أول علي تسبیحة الکواکب
یا علي حتی اللّه اعله عرشه کاتب
فرض الصلاه واجب و حبه واجب
هو علیّـــــاً مظهر العجائب

شیخ و مثیله ما یصح
کُبر الأرض مضیفه
ماکو فتی إلّا علي
و لا سیف إلّا سیفه
بمملکته أبقه عبد
من المهد للحد
حربٌ لمن حاربهم
●●●●●●●●●●
۳/
ثاني علي أذکر الك صفاته
زین العباد التلگه اللّه بذاته
و القاد ثورات السبي بعمّاته
و ظهر الهزیله صارت امصلّاته

ما شفنه من گبله جبل
مچتوف قائد ثوره
چانت عباته اعله الحرم
مثل الکساء بس حمره
بدمعه یتوضّه الورد
من المهد للحد
حربٌ لمن حاربهم
●●●●●●●●●●
٤/
ثالث علي بنفاسه عطر القرآن
هذا الرضا و بطوس فاتح دیوان
اللّه یا قصره اشکثر بي بیبان
بأي باب توگف ایحاچیک السلطان

اسألني جرّبته اشکثر
شایل بحر حنّیّه
لو ردت منّه گُبّته
ایگول ابشر و مگضیّه
صاحب بخت ینگصد
من المهد للحد
حربٌ لمن حاربهم
●●●●●●●●●●
۵/
رابع علي آخر علي بالعتره
هذا علي الهادي ملك سامرّه
مو حضره دوله و علم ذیچ الحضره
متروس چفها ترد منّه الفقره

جیرانه ینطیهم و أبد
ما منع عنهم خیره
گُبّته الطاحت طشّرت
عالدنیا طیب و غیره
لگُبته الذهب یستعد
من المهد للحد
حربٌ لمن حاربهم
●●●●●●●●●●
٦/
ویّه علي الهادي الزمان اشعنده
صایم رجب و السم ایگطّع چبده
بالغربه یا شیعه یعالج وحده
و انکسر ظهر العسکري من بعده

و انشال نعشه بهیبته
و حسین محد شاله
محد گطع له منحره
محد سباله اعیاله



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] رسالتي للفرات [

🎤أداء الملا قحطان البدیري
🖋الشاعر: عبداللّه القرمزي
📆جمادي الآخرة ۱٤۳۹ هـ.
🏴وفاة أم البنین سلام اللّه علیها
--------------------
المستهل:

رِسَالَتي لِلْفُراتْ
إنْ عُدَّتَ مِنهُ خائِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
۱/
قَرَعتُ بابَ العَفوِ و الرجاءِ
حامِلَةً رضیعَ کربلاءِ
أمُّ البنینِ و القِماطُ روحي
و الحُزنُ حُزني و العَزا عَزائي
عَلّقتُ آمالي علیكَ ربّي
بِحَقِّ هذا فأستَجِبْ دُعائي
حَمَلتُ عبدَاللّهِ من شُجوني
رَسائلَ الدموعِ للسَماءِ

أدعو دُعاءَ الصَباحْ
إنْ کُنتَ لي مُعاتِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
۲/
یَبنَ الربابِ یا ضیاءَ عَیني
یا فَلْذَةً من کَبدِ الحُسینِ
إذا أتیتُم کربلاء عُطاشی
و البَینُ حالَ بینَکُم و بَیني
تَذَکّروا أمَّ البنینِ غَرقی
بِمَدمعِ الحسرةِ و الحنینِ
و قُلْ إلی ربِّكَ یا إلهي
أظْمَا علی ضِفافِ الرافِدینِ

طِفلٌ إلیكَ إلْتَجا
مِنَ السِهامِ هارِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
۳/
أعُوذُ مِنكَ لاهِبَ الغَلیلِ
و جُودُکمْ نِهایةُ المأمولِ
أسألُ یا ربّي سِواكَ حاشا
و أنتَ أنتَ غایةُ المسئولِ
و وعدُكَ الصادقُ للحَیاری
و بابُكَ المفتوحُ للوُغُولِ
و إنْ أرَدتَ هذةِ دِمانا
مُتْرَعَةٌ في ضَنَكِ الْمَحولِ

و هَل یَموتُ عُطشان
مَن لكَ فَرّ راغِبا
کیفَ تَرُدُّ ظَمآن
جاءَ إلیكَ شارِبا
●●●●●●●●●●
٤/
سَتَرحَلونَ یا سَنا اللیالي
لِکَربلاء بالأهلِ و الرجالِ
و یَشهَدُ اللّهُ عَلَيَّ دَوماً
بأنني لا أذکُرُ الغَوالي
فَإنّما یَذکرُ مَن نَساکُم
و أنتُمُ دَوماً علی خَیالي
و أصعَبُ اللحظاتِ یا حبیبي
إنْ عُدّتُمُ و المَهدُ مِنكَ خالي

یَبنَ الحُسینِ إیّاكْ
تُرجِعُ قَلبي ذائِبا
کیفَ تَرُدُّ ظَمآن
جاءَ إلیكَ شارِبا



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة: یا غریب الکاظمیه - مکتوبه

🎤أداء الملا قحطان البدیري
🖋الشاعر: أمیر فاضل السبتي
--------------------
المستهل:

تنزل خواطر دمعتك
تقره یهلي یا مسیة العافیه
لو مر علی عیونك فجر
یلگه بس دمعة حنینك غافیه
یا غریب الکاظمیه یا غریب الکاظمیه
--------------------
۱/

تچوي القصیده التنکتب بالمدمع
ما اتخطها بیدك چان خدك یطبع
چم مره راح اتصیح أعد من تسمع
کلمة أهل و بعیده و الهم ترجع

عینك سلام امن السجن
کل مسه یالکاظم اتودیها
دار الغرب ماتنسکن
ماتعاین بسمة أهلك بیها
یا غریب الکاظمیه یا غریب الکاظمیه
--------------------
۲/

اشگد الغریب اسوالف بنظراته
و اشگد صور شایلهن بدمعاته
گلبك برید ایودي من ونّاته
و لیل الدمع مثل النجوم اتباته

من المدینه ایرد خبر
تدعي و لبیتك تشم اترابه
شیسوي مثلك بالنظر
و هو عطشان لوجوه أحبابه
یا غریب الکاظمیه یا غریب الکاظمیه
--------------------
۳/

لیل السجن یشبه سواد عیونك
و اعرفنه لیش الراهب ایسمونك
انت الکرم ماینعرف من دونك
حتی القدر یاکل سوه ابماعونك

ما تکسر بخاطر بشر
ما تعوف اللي نخاك بحیره
طبعك نواعیر و نهر
تغرف الخیر و علینا اتدیره
یا غریب الکاظمیه یا غریب الکاظمیه
--------------------
٤/

لمّن مُحرّم سیدي یبرالك
تقره انت لو گبل واحد قرالك
یا ناعي من أیام أبوك ابالك
طور العراقي الیا سبب یحلالك

بالخارطه اموسّد جرح
نایم بطول (العراق) اتشوفه
هذا الحسین المنذبح
و (الفرات) و (دجله) لسه ایطوفه
یا غریب الکاظمیه یا غریب الکاظمیه
--------------------
۵/

جرحك بلال و أحلی نبره بصوته
گبلك یفز خاف الأذان ایفوته
یونس أشوفك و بظلام الحوته
بس الفرق مو عالجسر تابوته

یونس أثر مابي طلع
و انت میت و الحدید إبإیدك
عاش بغرب لکن رجع
و انت گاع الکاظمیه اتریدك
یا غریب الکاظمیه یا غریب الکاظمیه
--------------------
٦/

ظل گبرك لکل الملوك احچایه
أول سیاسي ابابك امحنایه
فجة عباتك چانت امصلایه
و الهل سبب سواها ربك رایه

دولة حوائج دولتك
و انت شعبك سیدي زوارك
ناخذ علگ من رایتك
هو اللّه لعرشه باب اختارك
یا غریب الکاظمیه یا غریب الکاظمیه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] بس رضاج [

🎤أداء الملا قحطان البدیري
🖋الشاعر: محمد البطحاوي
📆جمادي الآخرة ۱٤۳۹ هـ.
🏴اللیالي الفاطمیه
--------------------

بس رضاچ فاطمه انتي الغایه
بس رضاچ من أسوّي اقرایه
●●●●●●●●●●
۱/
أرید امن اللّه بس ترضین عنّي
بمجالسنه احضري اعلینه مِنّي
یم الباب لتگولین خلني
أخافن یلچم اضلوعچ تِدَنّي

ابکل عزاء احنه الچ عنّایه
●●●●●●●●●●●
۲/
اللّه من یسألنه باچر ما نرید
خلنه للزهراء یَرَبّي احنه عبید
و أجي رافع راسي ابیوم الوعید
گلبي یفرح لو سمع مجلس بعید

اتسجلیه هم عزاء و مشّایه
●●●●●●●●●●
۳/
ابعزائچ لو شفت محد یصیح
أشگ گلبي اعلیچ یأم ضلع الجریح
اعلیچ لو شفنه الدمع فاطم شحیح
اهنا نفقس اعیونه لأم الذبیح

لو نموت ما نوفّي ابهایه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] اتمنه بيده [

🎤أداء الملا قحطان البدیري
🖋الشاعر: مصطفی العیساوي
📆جمادي الآخرة ۱٤۳۹ هـ.
🏴وفاة أم البنین سلام اللّه علیها
--------------------
المستهل:

أتمنی بیده ایغمّض العین
الموت عندي افراگ الحسین
من راح منّي و آنه أنعه
دمعه التودّیني اعله دمعه
●●●●●●●●●●
۱/
من خطوة الناگه المشت ویاها ذیچ اللمّه
من یومها و آنه النعي عایش اویاي ابکلمه
حسین أغله امن الهوه أختنگ لو ما شمّه
و الفرگه تابوت العدل لو راح غالي ایهمّه

یا دنیا تحله بغیر الأحباب
و روح المفارگ دگت الباب
صوت البچي یاهو الیسمعه
دمعه التودّیني اعله دمعه
●●●●●●●●●●
۲/
تلچمني کلمة کربلا کلما یمر طاریها
الهسه یجرحني الحچي لو ناعي یقره اعلیها
و لو گال شافتها الزلم زینب هظیمه احچیها
اللّه أکبر یا خلگ ستر اللّه سولف بیها

حتی الستر یم خیمتچ چان
یوگف ابابچ یقره قرآن
وسفه الستر دوّرله فزعه
دمعه التودّیني اعله دمعه
●●●●●●●●●●
۳/
الموت أسهل من سهم و اشصار بالطف منه
حسین أحس بیه ینلچم لو سولفتلك عنه
و اتخیّل العمره ندی عبداللّه طیر الجنّه
ینذبح عنده آخر حلم عطشان چان بحضنه

عبداللّه سولف ماي للماي
ذبّت اگماطه چانت اهواي
راد الشهاده مثل ربعه
دمعه التودّیني اعله دمعه
●●●●●●●●●●
٤/
چلمة الیُمه اتیتّمت من راح منّي الوالي
صح آنه أم الأربعه بس ما بقت تحلالي
اشتنفع الأم ابلا ولد و البیت صَبّح خالي
اشمحلاتها الأم تندفن بچفوف ابنها الغالي

شیل الجنازه اترید الأولاد
و أنا أربعتهم عنّي ابعاد
یاهو الیحط بگبري شمعه
دمعه التودّیني اعله دمعه
●●●●●●●●●●
۵/
الأم سوالفها الإبن للشیب ضمّت ذخره
و آنه نذرت الأربعه لو یرجع ابن الزهره
یُمه أعتذر یا بوعلي ما خلّفتلك عشره
ما أدري مثلك ینذبح و الخیل تسحگ صدره

صدره صُفه میدان للخیل
دمّه اعله رملة کربلا ایسیل
ما چنت یَمه حتی أودعه
دمعه التودّیني اعله دمعه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📋قصیدة‌: طالعتك بدرا - مکتوبة

🎤 أداء الحاج باسم الکربلائي
🎤 و الملا قحطان البدیري
🖋الشاعر الأدیب مهدي جناح الکاظمي
💿 ضمن اصدار - أحزاني أوطان
--------------------

طالعتُكَ بدراً یتوسدُ رملَ الصحراء
طالعتُكَ جُرحاً یتعبدُ في غارِ حِراء
--------------------

و الوحيُ سمیرٌ و همومُ الإنسانِ لدیك
تتجلی ظمأءً تحملهُ شُطآنُ یدیك
و تَلوحُ یتیماً و قریشُ تنقادُ إلیك

طالعتُكَ قلباً یأویهِ جُرحُ النُبَلاء
طالعتُكَ شمساً تغبِطُها عینُ الأغواء
--------------------

ها أنتَ غَنيٌ دانَ لهُ حتی القَمَران
بِـ رِدائكَ مَعناً و سحابٌ یمطُرُ إحسان
بِـ جُراحكَ یخضَرُ عطاءً أملُ الأزمان

و جبینُكَ نوراً یتجلی للأرضِ سماء
و صفاتُكَ فیها یتعالی لله نداء
--------------------

لكَ یبقی غارُ حِراء و شعبُ أبي طالبَ یشهد
و بأنكَ تأبي إلّا أن تبقی في کَلِّ الأزمانِ مُحَمَّد
--------------------

یا صانعَ تاریخِ الدُنیا و الصبرُ لِواك
و مشیتَ و خطوكَ لم یشکو وخزَ الأشواك
و أسامتكَ قریشُ أذاها و اللّه یراك

ما زِلتَ نبیاً و یداهُ ینبوعَ عطاء
و لأنت غریبٌ و ستبقی رمزَ الغُرباء
---------------------

أبکیكَ علیّاً مکتوفاً بِـ حِبالِ الحیف
أبکیكَ حُسیناً منحرهُ ینهبُهُ السیف
تتوسلُ لِـ تراكَ عیوني أجنحةَ الطیف

تحمِلُها دمعاً و صلاةً تنعی الزهراء
فَـ یعودُ الطفُ بِـ صیحتهِ هل قطرهُ ماء



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] القدر و الكوثر [

🎤أداء الملا قحطان البدیري
🖋الشعر القریض: کرار حیدر الخفاجي
🖋الشعر الشعبي: مصطفی العیساوي
📆جمادي الآخرة ۱٤۳۹ هـ.
🏴اللیالي الفاطمیه
--------------------
المستهل:

فِضَّةُ أدْرِکینيْ
قَدْ أسْقَطوا جَنینيْ
مَا بینَ بابٍ وَ جِدارٍ وَ نارْ
●●●●●●●●●●
۱/
فِضَّةُ قُومي فَالأسَی مُثْقِلِيْ
قَدْ أوْهَنَتْ عَصْرَتُهمْ أرْجُليْ
صَوْتي یُنادیكِ وَ فيْ داخِليْ
قَلْبٌ یُنادي یا عليْ یا عليْ

صِحِتْ فِضّه ابْصوت مِن وِصلوا إلي
بس دَمِعتي اتصیح وینك یا علي

خَوْفِيْ و کُلُّ هَمّيْ
أنْ یَقْتِلوا ابْنَ عَمّيْ
فيْ غِمْدِهِ مُضْطَرِبٌ ذولفِقَارْ
●●●●●●●●●●
۲/
کِلْ خُوفي أشوفَك یا علي مِنْکِسِرْ
انت ابْحبِل تِنْچِتفْ و آنه أنْعِصرْ
رَحمة الباري ابّیتنه تِسْتِقرْ
سُورَة الکَوثَر آنه و انت القَدرْ

نُقْطةُ الباءِ و سِرُّ البَسْملهْ
کَیْفَ نارُ الجِبْتِ تَدْنو مَنْزِلهْ

قُرآنْ سُولَف بینه
العَرِشْ ما ناسینه
و اتْغَیّرتْ من صارت ابْیدِ ازغارْ
●●●●●●●●●●
۳/
أبْصَرتُ قَرْمَ الدّینِ وَ السَّیِّدا
لَیْثاً کَسِیراً فيْ شِراكِ العِدی
وَ صَوْتُ جِبْریلِ السَّما رَدّدا
مَنْ قَیَّدَ الدُّنیا لَقَدْ قُیِّدا

بابهُم عَن باب خیبر یِختِلفْ
المِثِل حیـدر یا زمن ما یِنْچِتفْ

وَ مُفْزِعُ الأعادِيْ
یُقَادُ بِالنَجادِ
عَمْداً وَ جَهْراً وَ بِوَضْحِ النَهارْ
●●●●●●●●●●
٤/
بِسْمارْ سُولَف مِن ضِلعها الْتِوَه
الجَنّه مِن تِنسطِر تِنزف ضِوَه
بِچفوف نار اندِفَع بابِ الهوه
دَمعتها نزلت وَي ضِلِعها سِوَه

أثَرُ السَوْطِ بَدَا فيْ مَتْنِها
نُثِرَتْ بِالضَربِ قُرْطا اُذْنِها

تِتْمَنّه حیـدر عِدها
بَسِّ الوِصِیّه اترِدها
بَسِّ الوصیّه الحَیّرتْ حامي الجارْ
●●●●●●●●●●
۵/
وَ ما خُروجِيْ خَلْفَهُمْ نَاقِمه
إلّا لِکَيْ اُثْبِتَ مَنْ فَاطِمَه
إنْ أدْعُ اُبْدي غَیْمَةً مُظْلِمَه
لِتُقْلِبَ الأرضَ بِهِمْ حَاطِمَه

ما یِرِدْ چَفّي إذا أدعي السِمه
ما اتطیح الگاع کِلمَة فَاطِمَه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed