📋قصیدة: حبيناكم - مکتوبة

🎤 أداء الملا قحطان البدیري
🖋الشاعر: واثق العیساوي
--------------------

یا شوگ الما نعرف سِرّه
کلما سألونه انگللهم حبیناکم
کلما سیف ایحز ابمنحر
راید نتبره و مانگدر
حبینـــــاکـــــم
--------------------

دَوّرنا انرید الیشبهکم
الغیر اتفکر ننساکم
غلطانین و عشنا ابچذبه
ننسه الدنیا و ما ننساکم
حبینـــــاکـــــم
------------------

ذبحونه و ظلینه اویاکم
فجعونه و ظلینه اویاکم
اخذوا کل غالي و نادینه نبقی اویاکم
حبینـــــاکـــــم
--------------------

أم و ذبحوا شُبان الها
بالدم تتحنی و تنخاکم
یهل البیت اولادي الراحوا
لاتنسوهم ولدي اویاکم
کل العندي و ذخر الشیبي
بیهم یهل البیت أفداکم
حبینـــــاکـــــم
--------------------

و ابحُبنه امحیرین أعداکم
بعنه الدنیا و ما بعناکم
عفنه الغالي و ما عفناکم
یا شهگة حُب حسّیناکم
غرگانین و شمیناکم
شلنه العین و خلیناکم
شفنه الشده اتهون اویاکم
و انتم بس انتم شفناکم
حبینـــــاکـــــم
--------------------

ما ردنه الدنیا و زینتها
عفناهه و نصرخ ردناکم
کل شي انعوفه لخاطر حبکم
بس بالمحشر کون اویاکم
حبینـــــاکـــــم



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] يعباس على مهدك [

🎤أداء الملا قحطان البدیري
🖋الشاعر: کرار حسین الکربلائي
📆 ٤ شعبان ۱٤۳۵ هـ.
--------------------
المستهل:

یعبّاس علی مهدك
یعبّاس ردت عهدك
یعبّاس وفي ابوعدك
یبوفاضل یبوفاضل
--------------------

گبل میلادك ابلیله
شفت طیف الکشف همّي
گمر و امبرگع ابرایه
سجد یابالفضل یمّي
فتحت اعیوني لن أسمع
صوت أم البنین أمي
إجه العبّاس و ابوجهك
تفسّر یا گمر حلمي

أناديك صدگ شفتك
هلا بیك یبعد اختك
أناجیك گمر خدك
یبوفاضل یبوفاضل
--------------------

صور یم مهدك أنظرها
و أحبس دمعي بالگوّه
صورة جود بچفوفك
و من الصوره أتروّه
اشگد یشبه علي وجهك
ینگط غیره و امروّه
أگولن مو علي و روحي
تگلّي لا علي هوّه

حروفك علی الساني
و أشوفك علي الثاني
یطوفك نجم مجدك
یبوفاضل یبوفاضل
--------------------

کأن جبریل یم مهدك
نزل یقرالي هالآیه
هَدیناكِ گمر هاشم
کفیل و بي هالکفایه
نطقت ابمهدك و چانت
زینب أول احچایه
گلت مارید لعّابه
أریدن هودج و رایه

تصدلي ابوفه و نخوه
تگلّي الچ فدوه
أصلّي علی زندك
یبوفاضل یبوفاضل
--------------------

تنام الناس و آنه أبقه
أسهر وي گمر لیلي
تلاعب خدي بچفوفك
أناغیك و تناغیلي
إذا عنك غبت ساعه
ابسلامة عمري تدعیلي
و عن حبك تعبّرلي
اعصابه و شیله تهدیلي

یگلبك وفه شایل
اجیتك یبوفاضل
اعله دربك مشه البعدك
یبوفاضل یبوفاضل
--------------------

بعیونك شلت إختك
طبگت ارموشك اعلیّه
امن اگول اسمك أحس روحي
ابعرش الباري محمیّه
إذا محتاج إجه یمك
یحلفك یا گمر بیّه
تگله اوداعة اعیونك
یعمّي روح الحاجه مگضیّه

ابصلاتي یتکبیره
حیاتي یبوالغیره
عباتي العرش عندك
یبوفاضل یبوفاضل



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] حيره وصفك [

🎤أداء الملا قحطان البدیري
🎤 و ملا محمد فصولي
🖋الشاعر: فاضل مقدم
📆 ٤ شعبان ۱٤۳۹ هـ.
🔖 میلاد أبالفضل العبّاس علیه السلام
--------------------
المستهل:

حیره وصفك حیره
انت رب الغیره
عبّاس انت رفعة راسي
عبّاس یالملکت إحساسي
●●●●●⭐️🌙●●●●●

زینب ابهل لیله
گاعده اتلولیله
گمر تحله بسمته بخدوده
ایدور نظرة عینه
ایعاین اعله حسینه
ایرید رایة کربلا بزنوده

ظل یهز مهده و ینادي الغالي
هلا بحزام الظهر و الوالي
زینب اتنادي گمر و ایلالي
خویه بوجودك قدرنه عالي

خویه بیك أتباهه
ضحکتك محلاهه
عبّاس یالسکنت أنفاسي
عبّاس یالملکت إحساسي
●●●●●⭐️🌙●●●●●

و الحسین ایشوفه
عالمهد و ایطوفه
ایشوف ساحة کربلا بعیونه
ابغیضه تلهب ناره
ظل یصد بتّاره
اهناك راعي المرجله ایسمّونه

ایگطّع اگماطه بعزم چفّینه
اشما یگمطونه یفك ایدینه
تجدح ابنار الشهامه عینه
ناره تبرد من یحضنه احسینه

حسین ایقبّل إیده
ایشوف عزم اعضیده
عبّاس یا فخر نوماسي
عبّاس یالملکت إحساسي
●●●●●⭐️🌙●●●●●

و الصمیده ابزوده
إتعنّه یم مولوده
صاح زینب خل تجي للغالي
شال چفّه بیده
حطها بید اولیده
للکفاله و صار هو الوالي

گال حیدر یا بوفاضل زودك
تکفل الحره العقیله ازنودك
و عالنهر یبني توافي اعهودك
و خلها تتباهه تظل بوجودك

رایتك علّیها
عالنهر هد بیها
عبّاس بیك أصد نبراسي
عبّاس یالملکت إحساسي
●●●●●⭐️🌙●●●●●

من کُبر عالغیره
ما تمر الحیره
زینب إخته و الوعد حادیها
عجّب الکون ابفخر
و ابسمه الخوّه گمر
و هو سبع الگنطره و حامیها

صار باب الحاجه من ایثاره
ما یخیب اللي گصد خطّاره
ابچفّه نهر المعرفه یتجاره
للکرامه الهسه تلهب ناره

و اللي ینخه اچفوفه
ایغرّگه ابمعروفه
عبّاس شرف أهلي و ناسي
عبّاس یالملکت إحساسي



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] مبروك يا حيدر علي [

🎤أداء الملا قحطان البدیري
🖋الشاعر: کرار حیدر الخفاجي
--------------------
المستهل:

مبروك مبروك
یا حیـــــدر علي
--------------------
۱/
وي حمام الطایر
تهنئه امن الخاطر
یا علي امودّیها
بیها لهفة حایر
أعتذر ماجیتك
امن البعد هنّیتك
امن الگلب متبارك
یا علي ابذریتك

هذا عشگي ابدلیلي أبد مو خفي
یبقی عشگي یحیدر عشگ نجفي
--------------------
۲/
علي بیني و بینك
عمري فدوه لعینك
هذة أول فرحه
بیها نور احسینك
احسینك الأعجوبه
للگلب محبوبه
بحبه لو وذروني
ما أگول التوبه

یبقی غالي و أحبه رغم أجلي
هو دیني و معادي و حُسن عملي
--------------------
۳/
حسین من امهاده
بي مهابة قاده
یا علي و تقراله
الفلق من حُسّاده
یا جلال الصانع
بالحسین اشواضع
مثله لا ما شایف
حتی هم ما سامع

مو بشر من أحسبه أنا ابنظري
امن الملائك نزوله ابشکل بشري
--------------------
٤/
ابهالشهر أنفاسك
بیها طیب احساسك
لأن یوم الرابع
ینولد عبّاسك
گمر هاشم نوره
یترس المهموره
یا علي ابمیلاده
فاطمه مسروره

من گمرکم یحیدر أخذنه الضوه
هو أنفاسي بوجوده علیمن هوه
--------------------
۵/
و الگمر کل لیله
زینب اتناغیله
اتنوّمه بحجرتها
و سالفه تحچیله
خویه باچر انت
الراح أصیر ابذمته
ابشاربك یا خویه
هالعهد ما منته

یا کفیلي و یا سوري و ینور النظر
باللیالي أحسبك یخویه الگمر
--------------------
٦/
ابهالشهر أعیادك
تکثر ابأولادك
و بعد یوم الخامس
ینولد سجادك
اللّه عابد راده
و بي باهه اعباده
حتی من سجداته
ملّت السجّاده

و ابسجوده دعائه یزیل الشدد
اسمه سجّاد صبح من کثر ما سجد
--------------------
۷/
یا علي یا حیدر
شوگي ما یتغیّر
گلبي بث أشواگه
وي قدوم الأکبر
من بهاء أوصافه
ینفتن من شافه
من تشوف اعیونه
کل جرح یتشافه

من جلاله و جماله تهاب السمه
و ابرسومه الیرکّز یصیبه العمه
--------------------
۸/
یا علي نادینه
ابهالشهر یحینه
بالنصف یا حیدر
ینولد مهدینا
و ابقدومه الطاهر
ینجبر کل خاطر
جلّ من سوّاهم
یا جلال القادر

هذا منقذ أرضنا من الظلمه
کلمة الثار یسجّل علی عَلَمه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ]مرني طيفك [

🎤أداء الملا قحطان البدیري
🖋الشاعر السید عبدالخالق المحنه
--------------------

مرني طیفك و آنه ما نایم حشاي
نومة الفاگد عزیز اشلونها

چالغزاله الباتت ابغار الذیاب
اتشوف موتتها و تغمض اعیونها

ما ردت منك فقط کلمة إجیت
حتی أموت و دمعتي ایبوسونها

روحي چلمه لیش طاحت بإزدحام
الما یعرفون الحچي ایسحگونها

وینك و شط الجمر بيَّ استراح
وگعة الحر اشکثر یردونها

ما ترد یالتارس اعیوني غیاب
و الخذوا منها الضوه اشينطونها



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: ] شعبان الأفراح [

🎤أداء الملا قحطان البدیري
🖋الشاعر: کرار حسین الکربلائي
--------------------
المستهل:

هلا هلا گلب المحب صاح
هلا هلا شعبان الأفراح
اللهم صل علی محمّد
و آل أحمد
--------------------

یا شهر یالفرّحت کل الموالین
احنه مدیونین الك مانوفي بالدین
صحنه و ادموع السعاده اتکحّل العین
یا هلا و میّة هلا بمیلاد الحسین

هلا هلا یا أحلی مصباح
هلا هلا شعبان الأفراح
اللهم صل علی محمّد
و آل أحمد
--------------------

لاحت بعین اللیالي دمعة احساس
و السما تنثر نجوم امعطّره ابیاس
رابع بشعبان گامت تهتف الناس
یا هلا و میّة هلا بمیلاد عبّاس

هلا هلا بدر الوفه لاح
هلا هلا شعبان الأفراح
اللهم صل علی محمّد
و آل أحمد
--------------------

یا شهر أیام شهرك کلها أعیاد
تنضح أفراح و سعاده و خیر و أمجاد
یوم خامس بیك یصدف أحلی میلاد
یا هلا و میّة هلا یا زین العباد

هلا هلا عطر الإبا فاح
هلا هلا شعبان الأفراح
اللهم صل علی محمّد
و آل أحمد
--------------------

ابداخلي قلعة عشگ کل لحظه تکبر
ابگلبي آذان الفرح هاللیله کبّر
یا خلگ یوم إحدعش من حگي أسهر
و صیحتي کل الهلا یا علي الأکبر

هلا هلا گلبي الك راح
هلا هلا شعبان الأفراح
اللهم صل علی محمّد
و آل أحمد
--------------------

بخمسطعش شعبان لازم أنطي عهدي
أنتظر محبوبي و ادموعي اعله خدّي
أندعي ساعة ظهوره إلنا تبدي
عجّل اللّه فرجك مهـــــدي




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ إلی متی أحار ]

🎤 أداء الملا قحطان البدیري
🖋الشاعر المیرزا عادل أشکناني
—------------------

إلی متی أحار؟
یا غُرَّةَ النهار
فالروحُ باغتِراب
و القلبُ بانتِظار
یا مهدي یا مهدي
—------------------

غارگ بالنهر بس الگلب ملهوب
عایش بالوطن بس أشعر ابغُربه
عایش حالة المطرود الـ ما رحُّبت بیه الگاع
یمشي او ما یدل دربه
حسبه اتجیبه و اتودّیه ألف حسبه
ناثر ما تَبَقّی من نبض گلبه
یبحر لاشتیاقه ابمرکب النُدبه
یدوّر عن ملامح یوسفیّه
من ذَوي القُربی

صمتٌ و انکسار
و الصبرُ بانهِیار
دمعي متی یُجاب؟
یا صاحبَ الدیار
—------------------

ناصب روحي خیمه
ابوسط صحرة شوگ
و أتنطّر تخضّر جیّتك واحه
یَزمزم گلبي العطشان
لاچن العجیب اشلون
انت اللاچم إجراحه
یَدوَاه او یَجَرّاحه
فِلَت صبري امن ایدیّه
ذبیح او یطلُبَك دیّه
غیر انت اللي ذبّاحه؟

عَیشٌ باضطرار
أم مَوتُ اصطِبار؟
في مدمعي سحاب
و في حَشايَ نار




• الّلهُـمَ صَل عَلَی مُحَمّد و آل مُحَمّد
—------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ یا شمس الغروب ]

🎤أداء الملا قحطان البدیري
🖋الشاعر: مصطفی العیساوي
📎اللیالي الفاطمیه 1439 هـ.
—------------------
المستهل:

یا شمس الغروب
دافن لي محبوب
او یا غایب ایجیبه الدمع
من یذکر أغلی أحبابه
—------------------

بیّن اغروبچ و النفس بیه احتار
او بس المفارگ مثلي یسئلني اشصار
صار الغروب و لوعتي
یا سالفه اتضم حسرتي
راحت الچانت دنیتي
الأشتم هواها امن اسنین

کون البچي ینگال مو بس أثر ماي
چا شفت حچي العین من سولف اویاي

الدمعه مقیاس
للعدهم احساس
او یا دمعه توصف حالته
من یذکر أغلی أحبابه
—------------------

الهسه أنتظر جیّتها مشتاگه الروح
و الینلچم بهمومي بس المجروح
یالغبتي بعدچ شنتظر
دافن حلم بس منکسر
هم شفتي جنّه تنعصر
لو تنسطر منها العین

یندفع باب الچان ینطیهم امراد
و الجنّه صاحت لیش ما غزّر الزاد

حرگوها بالنار
و الجنّه بالدار
او یا جمره تطفه ابلوعته
من یذکر أغلی أحبابه
—------------------

عافتني روحي و غرّبت ویّه الموت
و ابلا جواب ایحس یتم حتی الصوت
و اتیتّم اویاها الصبح
و اللیل بالهم ینذبح
بفراگها ایعیش الجرح
و الجرح سالفته اونین

الجرح طبعه ایعیش لو من الأحباب
و آنه انجرح مرتین کل ما شفت باب

من تحچي الجروح
تسمعها بالروح
و المغرب ایجیب الحزن
من یذکر أغلی أحبابه
—------------------

نزلت دمعتي و انذکر غالي العین
سولفت عنچ للشمس یم احسین
یا شمس طحتي ابلا دفع
سلمتي وي وکت الدمع
ما رحتي مکسورة ضلع
من أثر دفعة چفین

جرحي الیشوفه اللیل ما حاجه العیون
ما حسّبت له احساب بالمغرب اشلون

بالمغرب أشتاگ
هد حیلي الفراگ
او یشتاگ لسنین المُضن
من یذکر أغلی أحبابه
—------------------

آخر احچایه یا شمس ردي اویاي
ردتچ سهله الصعبه یرجعلي اهواي
اترجعین إلیّه امعلمه
بس صعب ترجع فاطمه
خدها أزرگ ابلون السمه
او مهظومه أم السبطین

تنحني اضلوع الگاع من أذکر الصار
صعبه البعینه ایشوف بضلوعه بسمار

أتذکر اشلون
غمّضت العیون
شیغمّض اعیون الجرح
من یذکر أغلی أحبابه



• الّلهُـمَ صَل عَلَی مُحَمّد و آل مُحَمّد
—------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ لا فتی إلا علي ]

🎤أداء الملا قحطان البدیري
🖋الشاعر: میرزا عادل أشکناني
——————————

قالها الربُ العلي
لا فتی إلّا علي
——————————

یا سر هل أتی ، مثلك مَن أتی؟
واللّه یا علي ، غیرك لا فتی

بیدك چنت افراشك تفرش
قمبر نایم و انت التغبش
تفتر و اعله اچتافك چم عش .. طیر
ابّاب الفقره واگف تنطر
راید ویّه ایتامك تفطر
یالغیمة چفّك بس تمطر .. خیر
——————————

تارك عالمه ، سِر ما نفهمه
ابگلبه أحمد سکن ، و اللّه و فاطمه

حیدر للکون اهوه المحور
چم دوله الیحکم و اتصوّر
ما دوَّر دنیا و لا دوَّر .. جاه
ما فرّق بین أبیض و أسود
و لهذا ابلحده امن اتوسّد
حتی الکافر صاح و ردّد .. آه
——————————

شوف المسأله ، ابساعة مقتله
ما همّه الجرح ، همّه ابقاتله

بالقاتل وصّه ایرحمونه
لو ضربه ابضربه ایجازونه
فعلاً هذا اللي ایسمونه .. دین
جامع ضدّین اویه الضدّك
رحمه و نقمه ایشیل ابزندك
ابگد القسوه العندك عندك .. لین
——————————

تالي ابسجدته ، طبروا هامته
عرش اللّه ابحزن ، طاح ابطیحته

اللوح المحفوظ اویه الکرسي
و کلشي ابکون اللّهِ القدسي
و لحیدر کل جنّي و إنسي .. ناح
البرزخ و اجهنم و الجنّه
کل ذروه اتون ابهل ونّه
اتهدم دین الباري و رکنه .. طاح



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ صعبه یرجع ]

🎤أداء الملا قحطان البدیري
🖋الشاعر: علي مخیلف
📎لیلة 19 رمضان 1439 هـ.
——————————
المستهل:

صعبه من تفگد عزیز الروحك
و انت ماتگدر تلم اجروحك
و اتحس روحك عمرك ضاع
آه و دمعه و لیل اوداع
صعبه صعبه
——————————

لو غاب عن عینك بشر
تختنگ بیك البیبان
ینزل امن اعیونك جمر
الفرگاکم الموعد حان
زینب أنا و مو أي مره
راح أفتقد أغلی انسان
رایح امن اعیوني علي
یا ناس مو یاهو الچان

رایح امن اعیوني ضي اعیوني
گبل لا یلبس چفن دفنوني
بفراگه اتذل طولي الگاع
آه و دمعه و لیل اوداع
صعبه صعبه
——————————

المجروح گلبه امن العتب
چا بیمن ایصبرونه
و الراح من عنده أبو
ابیا سالفه ایسکتونه
فك باب الأحزان و طلع
و اختلف کلش لونه
رایح و ما یرجع بعد
أعرف علي امن اعیونه

بعد ما یرجع یگلي احساسي
من رفع ایده و مسحها ابراسي
ضم ادموعه و راح ابساع
آه و دمعه و لیل اوداع
صعبه صعبه
——————————

امبیّن علی اعیونه هجر
اشعندك گلت یا نیّه
ریّض یبو السان الحلو
عایف وراك ابنیّه
بیّه الحچي ابگد السمه
و لموادعك ما بیّه
یجرحني یا بویه البعد
أبچي و أون لیلیه

لا تخلیني و دمعتي ابعیني
اسوالف الفرگه تره اتأذّیني
فوگ الخد ادموعي اشراع
آه و دمعه و لیل اوداع
صعبه صعبه
——————————

حسره اویه کل جرّة نفس
مِن حرّکتها أجدامك
أشتاگلك من تبتعد
و أشتاگلك جدامك
یالنازل امن اللّه رزق
امطشر ثواب أیامك
یا عافیه و موعد خبز
یحنین اویه أیتامك

من عفتهم و اعتنیت لموتك
چم یتیم اللي شبگ تابوتك
ما عندك بالفرگه أطباع
آه و دمعه و لیل اوداع
صعبه صعبه
——————————

عایفني و اعیوني اتهَمِل
بعدك أضل حیدر وین
خیمتنه طاحت و انتهت
کل ابتسامات البین
دارك بقت بس للدمع
و أحزان و اجروح اونین
فضه تواسي بالحسن
و قنبر یسکت بحسین

یالبشوفتنه تکحل اعیونك
نکسر الخاطر بقینه ابدونك
من عطرك ماضل امتاع
آه و دمعه و لیل اوداع
صعبه صعبه



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ أعطف علی الأیتام ]

🎤أداء الملا قحطان البدیري
🖋الشاعر: علي عسیلي العاملي
📎لیلة 20 رمضان 1439 هـ.
——————————
المستهل:

ما أصعبَ الأیام
فأعطِف علی الأیتام
یا بابُ جائوا کُلهم شَوقٌ إلی حیدر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

لا یَفهمُ الأیتامُ أحوالَ القَضا
طبیبهُ ما قالَ شيئاً و مَضَی
سُکوتهُ لیسَ دلیلاً للرِّضا
بَل إنّهُ یعني رحیلَ المُرتضی

یا أیُّها الجرّاح
هَل حیدرٌ مرتاح؟
ما طَمأنَ الأطفالَ یا لهفي و لا استَنکَر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

أمَّن یُجیبُ صَوتَ طفلٍ ما اطمأن
بالبابِ حاملاً فُؤادآً لا لَبَن
قالوا بِأنَّ السُّمَّ یسري في البَدَن
فَهَل یَضَلُّ سالماً أبو الحَسَن؟!

قالوا خُذِ الأعمار
مِنّا إلی الکرّار
ما قیمةُ الأرواحِ إن یرحل أبو شُبَّر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

یَهتَزُّ عرشُ اللّهِ من دمعِ الصّبي
لمّا یُنادي بافتجاعٍ یا أبي
آهٍ لطفلِ حیدرٍ إن یَنحَبِ
مع کلِّ دمعةٍ هَوَت یَهوي نبي

في دمعهِ المصبوب
حتماً هَوَی یعقوب
فالشَوقُ للکرّارِ أبکی الصخرَ بَل فَسَّر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

یا بابَ هَل أتی ، أهَل حقاً أتی
یومٌ و لَم تُجِب یتیماً صَوّتا؟
بِقُربِ مسکینٍ أبی أن یَسکُتا
مِثلَ أسیرٍ قلبُهُ تفتّتا

ذي سورةُ الإنسان
مَلَّت مِنِ استئذان
آیاتُها محزونةٌ في أدمُعٍ تُنثَر
و اللّهُ أوصی بالیتامی قالَ " لا تقهر "
فأعطِف علی الأیتام
——————————

یا بابُ صبرَهُم و صَبرَ زینبا
مِن بعدِ فقدِ الأمِّ تفتَقِدُ الأبا
شَدّت لَدیكَ قلبَها المُعَذّبا
ترجُوكَ لا تَدَع أبي إن یَذهبا

إن یُخمَدِ المصباح
تَعصِف بها الأریاح
سُرعانَ ما أجفانُها مِنها الدِّما تُعصَر
و اللّهُ أوصی بالیتامي قالَ " لا تقهر "
فأعطِف علی الأیتام



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ میت من زمان ]

🎤أداء الملا قحطان البدیري
🖋الشاعر: میرزا عادل أشکناني
📅لیلة ۲۰ رمضان ۱٤۳۹ هـ.
--------------------
المستهل:

الدنیا ما بیها أمان
راح أودّعکم و أروح
آنه میّت من زمان
باقي جسمي ابلایه روح
ویّه موت الزهره ودّعت الحیاة
--------------------
۱/
الدنیا خدّاعه ما صفت ساعه
مثل طبع الحیّه ملسه و تحمل اسموم
راودتني اشگد لیّه تتودّد
و یعلم الله ما رِکنت لدنیِتي یوم

اشلون أصدّگ دنیا بس بیها أذیّه
اثمنطعش عام و خذت منّي الزچیّه

الدنیا راوتني العذاب
و انگطع منها رجاي
زهرتي حدر التراب
إلمن أتنفّس هواي
و أشعر ابضلعي تدوس العادیات
--------------------
۲/
لو تعرفوني ما تلوموني
اشلون بالله ابهالحیاة اسنیني مرّت
عایش ابجسمي و روحي مو یمّي
روحي بین الباب و الحایط انعصرت

و یوم جفن أم الحسن وسط اللحد بات
امن اهناك و آنه محسوب اعله الأموات

الدنیا ما إلها اعتبار
من تعیش ابلا حبیب
ینکسر ظهر النهار
الشمس لو عنّه تغیب
عشت عمري نایبات ابـ نایبات
--------------------
۳/
هالطبر راسي خمّد أنفاسي
لچن دمّي بالحقیقه ابذمة اثنین
سیف ابن ملجم ناگع امن السّم
الگوم نفس الگوم رادوا ذبحي مرتین

ما کفاهم موتتي ابموت أم الحسین
غیر طبرة گلبي طبروا راسي نصّین

الدنیا ما تسوی العتاب
اعلیمن اعتابي یطول
عایش اسنین اغتراب
من مشت عنّي البتول
راحت و ترکت وراها الذکریات
--------------------
٤/
في أمان الله بالدمع و الآه
راح أودعك یالحسن و الراس مطبور
و ابجرح گلبي أرجع لربّي
أصلي نور و لازم أرجع تالي للنور

و انت یحسین أفهم بدمعك کلامك
راح أوصّل یبني للزهره سلامك

و انتي یا زینب علیچ
راح أوصّي إبن أبوچ
اشما تخون الدنیا بیچ
هذا أبوفاضل أخوچ
باچر ایثبّت کلامه اعله الفرات




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ لمن سولفتها ]

🎤أداء الملا قحطان البدیري
🖋الشاعر کرار حسین الکربلائي
📅لیلة ۸ شوال ۱٤۳۹ هـ.
📎ذکری تهدیم قبور أئمة البقیع -ع-
--------------------
المستهل:

ابیا نبره گلتها
لمّن سولفتها
لا لن تَفي الدموعُ للعزاءِ
لأبکیَنَ النحرَ بالدماءِ
--------------------
۱/
وین واگف چلمتك و احچیتها
هالزیاره ابیا مچان اقریتها
الرکعتین ابیا کتر صلّیتها
دمعة الدم گلي وین ابچیتها

أحمر دمعك ایطیح
و صوتك شالته الریح
یا مَن بَکاهُ العرشُ في السماءِ
لأبکیَنَ النحرَ بالدماءِ
--------------------
۲/
رکّزت و اتجرّدت من محتواي
أرد أعیش احساسك ابهالچلمه هاي
اشکثر واگف بالشمس و ابلا فیاي
اشگد عطشت و ما ضگت یالمهدي ماي

زرته و شفته مذبوح
و صوتك یمه مبحوح
یا عاریاً ظلَ بِلا رِداءِ
لأبکیَنَ النحرَ بالدماءِ
--------------------
۳/
ما تگلي اشْمَر علی بالك مصاب
المنه دم تبچي و صُفه لشیبك خضاب
أعتقد چوّیت خدك بالتراب
لو وگفت اتلولي و اذکرت الرباب

خلها تسمع الناس
عبدالله بلا راس
جنبَ الفراتِ ماتَ دونَ ماءِ
لأبکیَنَ النحرَ بالدماءِ
--------------------
٤/
بعتقادي ما عشت هاي الطقوس
إلّا بالطف جرّبت نوم الشموس
اتخیّلت فوگك حوافرهم تدوس
و زینب اتحشّم اهل ما عدها روس

بصدر احسینك اسهام
و یزحف صوب الخیام
یا قائلاً و القولُ في البکاءِ
لأبکیَنَ النحرَ بالدماءِ
--------------------
۵/
أرد أسئلك جرّبت هذا المرار
ترکض و طارف عباتك بیها نار
لیل مر عمتکم و ما عدها دار
و من سیاط اعداکم اتصیح الزغار

عمتك بین الخیول
و أسمع گلبك ایگول
فَـ کَم هَوَت زینبُ بالعراءِ
لأبکیَنَ النحرَ بالدماءِ
--------------------
٦/
یا بوصالح أعتذر و آخر سؤال
هم رکبت النوگ بدروب الطوال
اعمامتك هم مالت و بیدك احبال
زینب المسبیه شافت هیچي حال

چم عمه سبیّه
أزغرهن رقیّه
فأيُّ خدرٍ راحَ للسباءِ
لأبکیَنَ النحرَ بالدماءِ



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ مهرة خیل ]

🎤أداء الملا قحطان البدیري
🖋الشاعر: سید عباس الموسوي
📅لیلة ۸ شوال ۱۴۳۹ هـ.
📎ذکری تهدیم قبور أئمة البقیع -ع-
--------------------

مهرة خیل بین العشره تتفرّد
إسرجها بعباتك و إگصد الغرقد
یراچب لا تِنَوِّخ و إتبع المگصود
أمل بیك المچارم من جدید اتعود
یا موعود انت الراید و مریود
أمر واجب علینه ابکل فرض تنعد
--------------------

سابگ ریح و إطوي کل ثلاثه ابیوم
یمأدّي الفرض و انت الفرض معلوم
یشبه السیل انت املازم و ملزوم
ملزوم ابوعد و ابعهده تتعهّد
--------------------

إزجر بکرتك و اسبگ زمان الثار
عطش دم الفقار و یندبك فقار
ابیوم الثار ثور ابشفرة البتّار
جابلها ابعزم و اعلیها قیم الحد
--------------------

حِل إحرام صبرك من تِصِل بالحال
حوّل دنیتك یمحوّل الأحوال
ما یروه الفقار ابیمنتك لو حال
و لو حال ابیمینك ما یظل مِرتد
--------------------

أخبرك و الخبر عندك یماي الشوف
جرحنه ابگَي نِعَطبه و ما نفعنه الروف
یمجَفِّل زمانك یا رعید الخوف
من ترعد جبال الغیره تتصلّد
--------------------

یمعَزب المنایه ابساحة المیدان
یا ذخر الرساله و مفخرة عدنان
علگم عالعِده و بین الخلگ ریحان
یچانون الصبر بالحسره تتوگّد
--------------------

یچانون الجِحیل و یا سعیر الگیظ
یا غیظ التِچَوّم من مسیل الفیض
یمفوّض فقارك لو لفاله الغیظ
یگطع بالرگاب و شفرته تنحد
--------------------

ینحر بالرگاب و شفرته اتکبّر
ما یهمل خصیم و لا عذر یعذُر
بلسم للجرح لو کَر فلا یدبر
یجابر بالکسر و ایعمُّر المرقد



• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

Qasaed:
📜قصیدة: [ أزور کربلا ]

🎤أداء الملا قحطان البدیري
🎤 و مرتضی الحمیداوي
🖋الشاعر: کرار حسین الکربلائي
📎اللیالي الفاطمیه ۱٤۳۹ هـ.
--------------------
المستهل:

أزور کربلا نیابه عن فاطمه
أزور کربلا و إنوي صلاة الضمه
--------------------
۱/
کربلا للکُره الأرضیّه نبُضها
تنزل اعلیها السمه اتقبّل أرُضها
الکعبه بیها اتطوف و اتأدّي فرُضها
جَنّةٌ عَرضُ السماوات ابعُرضها

سؤال ینطرح عن سر لغز کربلا
سؤال ینطرح هیه أرض لو سما
--------------------
۲/
کربلا مو أي بشر یتوفق الها
ایدز علیك احسین یالله تدخل الها
زینب اعله التل تقیّدنه ابسجلها
و چف أبوفاضل یجي و ایوقّع الها

هلا ابزایري نسمع نداء النحر
هلا ابزایري یومي بچفوفه الگمر
--------------------
۳/
هاي أرض الله الحِوَت منحر ذبیحه
ابوکت کل الدنیه سکته هیه صیحه
هالروایه مُسنده عدنه و صحیحه
اتزور الله ابعرشه یا زایر ضریحه

ضریح العرش من توصله ابکربلا
ضریح العرش اتوضّه و إسجد إله
--------------------
٤/
هیّه قرآن و یرتّل بیها الکتاب
الذهب یتمنه یصیر ابکربلا اتراب
احسین من یسمع إجتله لکربلا أحباب
ایعوف شِبّاچه و یجي یرکض علی الباب

کریم النفس یفرح نطب حضرته
کریم النفس بیده یمد سُفرته
--------------------
۵/
من أطبها ینرسم کلشي بخیالي
احسین أشوفن راسه فوگ الرمح عالي
و بعد رکضة زینب اتمر اعله بالي
و صوتها امن اتصیح ماظل بعد غالي

ونین فاطمه ابهاي الأرض ینسمع
ونین فاطمه عالمنحر و عالضلع
--------------------
٦/
والله من أدخل ضریحه أنسه کلشي
کون مکناسة ضریحه ایصیر رمشي
من أرِد لهلي أحس بالگوّه أمشي
أندعي من حضرته ایشیلون نعشي

إلي أمنیه امحلفه بأخوه الحسن
إلي أمنیه موتي اعله باب الصحن




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ مجنون ]

🎤أداء الملا قحطان البدیري
🎤 و الحاج علي باشا
🖋الشاعر: کرار حیدر الخفاجي
📅لیلة ۱۱ ذي القعده ۱٤٣٧ هـ.
📎میلاد الإمام الرضا علیه السلام
--------------------
المستهل:

مجنون و عاشگك چن کلشي بیّه
یالرضا إرضا علیّه مجنون
--------------------
۱/
بیك مجنون العقل
من محبتك ما أمل
یالرضا و طبع الیحب مجنون
ابماي حبك یرتوي
گلبي شیعي و رَضَوي
و اعله گلبي ینکتب مجنون
حبك أحلی امن العسل
ما أعوفك للأجل
ما یهم لو أنحسب مجنون
مشتریك و ما بعت
اویاك باقي و ما مِلِت
حتی لو حبك ذنب مجنون

ویّاك لآخر أنفاسي أحبك
ما مشیت بغیر دربك مجنون
--------------------
۲/
کل سلاطین المِلل
ترکع ابابك خجل
و إلّذي ما یعرفك مجنون
انت سلطان الأمم
سلطتك نار ابعَلَم
سیّدی و الخالفك مجنون
انت یا شمس الشموس
غرّگِت بالخیر طوس
خصمك الما أنصفك مجنون
أرد أوصفك سیّدی
حایر ابیش أبتدي
و یا کلام الیوصفك مجنون

سلطان تفتر الدنیا اعله إیدك
قسم کلمن ما یریدك مجنون
--------------------
۳/
عاشگك گبل المهد
یالرضا لهسه و بعد
عشگك بعیني انفضح مجنون
آنه بالذر عاشگك
ابدنیتي ما فارگك
جفني أول مَنْفِتح مجنون
تاج راسي و لو تصیر
اتراب لجدامك أصیر
و بیك هنیاله الصُبَح مجنون
ما یبعدوني قسم
الحب حلاته اتضحّي دم
خلي نحري ینذبح مجنون

أفدیك بنفسي و أموالي و بنیني
و آنه مکتوب بجبیني مجنون
--------------------
٤/
مرقدك مأوی البشر
اللي ما زارك خسر
عطرك ایخلي العقل مجنون
أرد أجي لزیارتك
و أشم ریحة تربتك
عبدك الآن و قبل مجنون
و آنه یم بابك أجیك
یبو محمّد أرتجیك
حاشه چفّك ما یذل مجنون
حضرتك جَنْةِ العُلی
هیّمت کل المله
شایب و شاب و طفل مجنون

مشتاگ أشتم بصحنك نسایم
و انت تکتب إسمي خادم مجنون
--------------------
۵/
کل طلب مهما صعب
بس من أهله ینطلب
و جیتك أطلب طلبتي مجنون
عندي چم حاجه و حلم
لچن بس واحد مهم
و أنا ابهذة حاجتي مجنون
أمنیه طول السنین
أظل خادم للحسین
و کون أموت ابخدمتي مجنون
الله لا یحرمني لا
من زیارة کربلا
و بیها أختم دنیتي مجنون

محتاج یاللي أقرب من وریدي
و ما أمد لغیرك إیدي مجنون




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ سلطان المجد ]

🎤أداء الملا قحطان البدیري
🖋الشاعر واثق العیساوي
📎میلاد الإمام الرضا علیه السلام
--------------------
المستهل:

سلطان المجد و العزه معناك معناك
مشهد ماتصیر الجنّه لولاك لولاك
بسمك شرّفتها و ما یوم اگصدتها
لولاك لولاك
⭐★⭐🌼⭐★⭐
۱/
یگولون الفرح لو دگ علی الباب یجیبلنه الأماني
و أیام العمر ابّین الأحباب محسوبه بثواني

و أیام العشتها من عمري و شفتها
مو منّه احسبتها تمر طیف الأفراح
الفجر لمّن أزورك یغسل وجهي نورك
فرح همّي و سرورك و لا عیش بالجراح

کل خطوه ابضریحك جنّه مولاي مولاي
أحس طعم العسل من صحنك الماي الماي
دواي و أمنیاتي و لا معنی لحیاتي
لولاك لولاك
⭐★⭐🌼⭐★⭐
۲/
إجیتك و الیجیك امفارگ الناس یا دنیا التِلِمّه
أشِمَّنّك نفس بس غیر الأنفاس عطر الجنّه أشِمّه

بضریحك لیل أتاني ملاذي و بي کیاني
عفت دمعه بمکاني تنادیك و تحاچیك
رساله و بیها اسمي أخطّها و حبري دمّي
کتبت اعلیها همّي و الهموم تبچیك

من أشکي بضریحك أرفع الراس الراس
ترضه اشلون أعوفك و أشکي للناس للناس
صعبه و إنت موجود درب الوفه مسدود
لولاك لولاك
⭐★⭐🌼⭐★⭐
۳/
أثر جدمك إذا ظل فوگ التراب یبو محمّد کرامه
و نور ابگُبتك یا نسل الأطیاب للتایه علامه

ذهب في محتواها شمس تشرق ضواها
کل اللي إجاها بالهموم و الدموع
بالهم گضّه عمره و تعب من کثر صبره
الحسره اتچوّي صدره و الآهات بالضلوع

بحیاتك و بمماتك تسمع الآه الآه
و الیتعنّه لیك اشلون تنساه تنساه
مضیفك دومه مفتوح و أبد ماتطیب الجروح
لولاك لولاك
⭐★⭐🌼⭐★⭐
٤/
إجیت و مولدك چن عالسمه ایدور ضوّاها اللیالي
مو کل نور مثلك ینحسب نور لا والله یغالي

کل الکون فرحان یردّد اسمك آذان
یا وارث القرآن بالورود أهنّیك
اللیله بفرحة العید ویّه الحب مواعید
بعین العالم اجدید بمولود فرح بیك

ابیات الفرح أقراها آیات آیات
هیهات الیحبك ینسه هیهات هیهات
اشلون المثلك أنساه أعیش ابغربه و ابآه
لولاك لولاك
⭐★⭐🌼⭐★⭐
۵/
أحاچي اجروحي أگلها ها یالجروح یمته الفرح یمته
تگلي للرضا و ابمشهد انروح دواه انشوفه کلنه

الجنّه اتطفي کل نار یَسِرّ و شایل أسرار
أوصفك بیش محتار بمولودك شنادیك
باچر یوم الإحساب أریدن منّك اکتاب
تسجّلني اویه الأحباب یمولاي أمل بیك

باچر عطرك علی اهدومي یلگوه یلگوه
یعرفونك شفیعي و ذنبي یمحوه یمحوه
متخلّيني محتار وحدي و أدخل النار
لولاك لولاك




• الّلهُـمَ صَل عَلَی مُحَمّد و آل مُحَمّد 🌹
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عيدك مبارك ]

🎤أداء الملا قحطان البدیري
🖋الشاعر حیدر النجفي
📅لیلة ۱۱ ذي القعده ۱۴۳۹ هـ.
📎میلاد الإمام الرضا علیه السلام
--------------------
المستهل:

بالفرحه انذاعت اخبارك
و اهتفنا عیدك امبارك
فرحه تتجدد بسم أبومحمّد
و اهتفنا عیدك امبارك
⭐⭐⭐🌼⭐⭐⭐
۱/
بالسمه انذاع الخبر
اللیله سلطان الدهر
نوره عالدنیا انتشر حل علینا
نورك الضوّه الفلك
ثغر أبوك ایقبّلك
و الفرح کله إلك یا ولینا
لهذا نور الهاشمي
یا شفاه اتبسّمي
إلك بالحب ننتمي سَرَبینا

من هاشم نور والینا
و للکاظم کلنا هنینا
و الزمن غرّد بسم أبومحمّد
⭐⭐⭐🌼⭐⭐⭐
۲/
یا ملائك رتّلي
هذا نور الله الجلي
و لیك یا ثالث علي هذي بیعه
هاي بیعه عن یقین
إلك من المؤمنین
یالرضا بطول السنین إلك شیعه
یا أمیر الرافضه
حبك الباري أفرضه
کنز حبك یالرضا ما نبیعه

و بحبك کوکب الثامن
و بحبك کل محب آمن
کل محب یسعد بسم أبومحمدّ
⭐⭐⭐🌼⭐⭐⭐
۳/
بحبك القدسي نطوف
یمك إحسبنا ضیوف
یالرضا انت الرئوف رحمه إلنا
بهاي فرحتنا نجیك
ماترد الیعتنیك
نقسم ابـ أمك علیك ماتردنا
نعمه عدنا اولایتك
و شمس عزنا گبتك
و هاي ساحة حضرتك أحلی جنّه

من بابك سهله طِلبتنا
من بابك تگضي حاجتنا
و کل دعا یصعد بسم أبومحمّد
⭐⭐⭐🌼⭐⭐⭐
٤/
یالرضا بطول الزمان
حضرتك لینا الأمان
هیه مفتاح الجنان أسمه غایه
یا کهفنا امن العذاب
و الأمل یوم الحساب
انت یا عدل الکتاب أعظم آیه
امحبتك کنز الکنوز
بیها عالمعبر نجوز
آخره و دنیا نفوز بالولایه

بالمحشر عینك اعلینا
بالمحشر انت تنجینا
و الگلب یبرد بسم أبومحمّد
⭐⭐⭐🌼⭐⭐⭐
بیت أبوذیه/

ألف هنیاله من زاره و صلّه
بضریحه و من طلب حاجه و صلّه
الرضا متعلق بروحي و صلّه
الوصل ماینگطع حد المنیه




• الّلهُـمَ صَل عَلَی مُحَمّد و آل مُحَمّد 🌹
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ بكاء جوارحي ]

🎤أداء الملا قحطان البدیري
🖋الشاعر علي عسیلي العاملي
📅شوال ۱٤٣٩ هـ.
📎لیالي استشهاد الإمام الصادق علیه السلام
--------------------
المستهل:

یا ربِّ قَوِّ علی البُکاءِ جَوارِحي
و اشدُد علی قصدِ الحُسینِ جَوانِحي
حتی انقِضائي یَبقی رَجائي
یَبقی رَجائي بابُ الحُسین
--------------------
۱/
مِقدارَ ما في القلبِ یا اللهُ مِن لَوعه
إنّي أنا المُضطَرُ و المحتاجُ للدمعه
لیسَت کـ شَيءٍ یُشتری کلّا و لا صَنعه
لکِنَّها " مَــنٌّ " مِنَ الصِدیقَةِ البَضعه

مَحرومةٌ عینُ الّذي لَم یُرزَقِ
فَـ علی عُبَیدِكِ یا بَتولُ تَصدّقي
رِزقي بُکائي یَبقی رَجائي
یَبقی رجائي بابُ الحُسین
--------------------
۲/
تَحتاجُ عَیني دمعتینِ لِأعرِفَ الرّبّا
الدمعةُ الأولی لِکَي أمحو بِها الذَّنبا
و الدمعةُ الأخری تَقودُ بِنُورِها القلبا
حتّی تُصَبَّ علیهِ رحمةُ فاطِمٍ صَبّا

إن صارَ قَلبُكَ بینَ أیدي فاطِمه
إبشِر بِتَوفیقٍ و حُسنِ الخاتِمه
فیها بَقائي یَبقی رَجائي
یَبقی رَجائي بابُ الحُسین
--------------------
۳/
و أنا المُسيءُ أنا الّذي حتّی أنا ضِدّي
عِندي و لکِن صَفحَتي خَجلَی بِما عِندي
مَن ذا أکونُ لِأذرِفَ الدمعاتِ في خدّي
في لَحظةٍ فیها أشارِكُ دمعةَ المَهدي

القَائمُ المَهديُّ حتماً یَحضَرُ
و إلی عُیونِكَ حینَ تبکي یَنظرُ
یَدري دُعائي یَبقی رَجائي
یَبقی رَجائي بابُ الحُسین
--------------------
٤/
کُلٌّ لَهُ تَسبیحُهُ کَي یَشکُرَ الباري
و العینُ تشکُرُ ربّها بالمَدمعِ الجاري
تَبکي علی مَحبوبهِ في کَربلا عاري
للهِ کَیفَ الشَمسُ تکوي النورَ بالنارِ

یَومَ اللِقا طُوبی لِعینٍ هامِله
قَد بَلّلَت شَفَةَ الحُسینِ الذابِله
جِفني سِقائي یَبقی رَجائي
یَبقی رَجائي بابُ الحُسین




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ بلا كلام ]

🎤أداء الملا قحطان البدیري
🖋الشاعر مصطفی الصائغ الکاظمي
--------------------

ابلا کلام و لا عتب
یحرگ سنابل شوگ بچفوف الیتاني
و لا رسالة عشگ خضره
و لا جرح ینزف أماني
جیتك و ممشیت خطوه
و گلبي بجناحه اعتناك
و آنه ضلّیت بمکاني
و بنتظارك روحي شمعه
تنتظر دمعه اعله دمعه
و گطّع چفوف الأمل سیف الثواني
★★★⭐★★★

و تشرب الساعات عمري
و مسمعت صوتك بذاني
و آنه أشرب کاس صبري
و أغفه بوسادة زماني
براسي تتزاحم سوالف
و عالبحر کل جمعه واگف
لحظه حایر لحظه خایف
و أسألك یالمبعد اشهالغیبه
و بنتظاري الموت یاخذني و یردني
أدعي ربي و انت تسمع
بلکي یرجع بلکي یرجع
حِن اعله حالي و تعال
★★★⭐★★★

أحسب أیامك نزیف
و گطره گطره
تنزل ادموعي بدعاء الفرج لجلك
گطره گطره
کل حرف أزرع دمع
یالمهدي و یخضّرلي شجره
قَذیت عیني بغیابك
و الجفن مابیه عبره
و مثل حرث الگاع أحرث روحي
یالملگاك مطره
و ما لفت منك سحابة شوگ الیّه
و لا خبر منك و لا مرسال إجاني
مِنتظر یالمُنتظر یصرخ لساني
ابلا کلام




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed