Давлат органи ҳужжати бўйича фаолият юритган шахслар ва тадбиркорлар энди ушбу ҳужжат бекор бўлиб кетганда мулкидан маҳрум бўлиши ёки бошқа оғир оқибатларга олиб келмаслигига оид ҳужжат лойиҳаси тайёрланади.

Олий суднинг 2026 йил биринчи ярим йиллиги учун тайёрлаган иш режасида мазкур ҳужжатни тайёрлаш май ойига мўлжалланган.

Амалдаги тартибга кўра, масалан, бирор ҳокимият қарори билан қурилган дўкон, агар ушбу қарор бекор бўлиб кетса, ҳеч ўйланмай бузилишга тушади.

@platformauzb_live

Айни пайтда собиқ қишлоқ хўжалиги вазири Азиз Воитов ва унинг жиноий шериклари бўйича апелляция суди бўлиб ўтяпти.

Воитовга ўтган йили сентябрда 3 йил муддатга ахлоқ тузатиш ишлари жазоси тайинланганди.

@platformauzb_live

Сирдарёдаги савдо дўконлари бузилиши ЎзЛиДеП назоратига олинди

Сирдарё вилояти Гулистон шаҳрида енгил конструкцияли савдо дўконлари бузилиши юзасидан ЎзЛиДеП депутати Отабек Мусурмонов томонидан вилоят ҳокимига депутатлик сўрови юборилди.

Сўровда мулкни давлат эҳтиёжлари учун олиб қўйиш фақат суд қарори ва компенсация тўланганидан кейин амалга оширилиши кераклиги қонун нормаларига таяниб қайд этилди. Шунингдек, бузиш ишларининг ҳуқуқий асослари ҳамда тадбиркорларга нисбатан қўлланган чоралар бўйича аниқ тушунтиришлар сўралди.

ЎзЛиДеП тадбиркорлик субъектларининг қонуний манфаатларини ҳимоя қилиш, очиқлик ва қонунийликни таъминлаш йўлида тизимли ишларни изчил давом эттирмоқда.

@platformauzb_live

Энди амалдорларнинг яқин қариндошлари билан боғлиқ коррупция хавфлари тез аниқланади

Коррупцияга қарши курашиш агентлиги директори Акмал Бурҳоновнинг ЎзАга маълум қилишича, Агентлик ҳузурида ташкил этилаётган “Хавф-таҳлил маркази”га вазирлик ва идораларнинг 30 га яқин маълумот базалари интеграция қилинади.

Унинг айтишича, мазкур марказда сунъий интеллект технологиялари жорий этилиб, коррупциявий хавф-хатарларни аниқлаш ва назорат қилиш имкониятлари кенгайтирилади. Хусусан, soliq.uz базаси орқали ташкилот таъсисчилари билан давлат харидларида аффилланганлик ҳолатлари, “Электрон жиноий-ҳуқуқий статистикаси” тизими орқали коррупцияга оид жиноятлар ва уларнинг сабаблари, “my.mehnat.uz” базаси орқали эса яқин қариндошларнинг бевосита бўйсунув асосида ишлаши ҳолатлари аниқланади.

Қайд этилишича, натижада коррупциявий хавф-хатарларни таҳлил қилиш жараёни анъанавий усулда 5–6 кун вақт олган бўлса, рақамлаштириш орқали бу иш бир соат ичида амалга оширилади.

@platformauzb_live

Давлат раҳбари бошчилигида белгиланган устувор вазифаларни амалга оширишда Экопартия ва Олий Мажлис Қонунчилик палатасидаги Экофракция депутатлари биринчилардан бўлиб маҳаллаларга кириб бормоқда.

Партия вакиллари фуқаролар билан яқин мулоқот ўрнатиб, уларни узоқ вақтдан бери ўйлантириб келаётган муаммо ва масалаларни ўрганишга киришди. Мурожаатлар жойида тингланиб, аниқ ечимлар бўйича таклифлар ишлаб чиқилмоқда.

Учрашувлар давомида аҳоли бандлиги, ижтимоий ҳимоя, кам таъминланган оилаларни қўллаб-қувватлаш ҳамда маҳалла фаолиятини яхшилаш масалаларига эътибор қаратилмоқда.

Шунингдек, партия вакиллари ва депутатлар аҳоли хонадонларида бўлиб, уларни ўйлантириб келаётган масалаларга қулоқ тутди.

Агар Президент белгилаб берган топшириқлар ҳар бир масъул томонидан айнан шу суръатда ва шу муносабат билан бажарилса, жамиятдаги ўзгаришлар янада тезлашиши шубҳасиз. Энг муҳими, буни одамлар маҳаллада, ўз ҳаётида ҳис қила бошлайди.

Экопартия ва Экофракция депутатларининг бугунги ёндашуви ана шу иш услубининг амалий намунасидир.

@platformauzb

Қамчибек Ташиев:

"....Мен учун мамлакатдаги тартиб муҳим. Қудамизни, акамнинг боласини қамадим. Агар мен қонунни бузган акамнинг боласини қамай олмасам, мамлакатни бошқара олмай қоламиз....".

PS. Бўмапти. Бизда эса ҳатто лавозимлар ҳам отадан ўғилга мерос бўлиб ўтяпти.

@platformauzb_live

Шоир укаларимга

Бир тутам маошни ўнга бўласан,
Қайта ҳисоблайсан ўн қисм пулни:
Ўтган ойги қарзга,
Уйга – тўловга,
Рўзғорга,
Болангга этик оласан,
Ичингга ютасан шўртак тупукни...

Яна маош етмас бахтли бўлишга!

Ғарибликни атай яширмоқ истаб,
Ночорлик юзига пардалар тортиб,
Бу шаҳар, куёвни алдаган қиздай,
Қиммат машиналар,
Ҳашам уйларни
Атай йўл четига терган ботартиб.

Ҳар ялтироқ бино, ҳар сархуш кафе,
Худди сеникидек туюлар сенга.
Анов кашмир пальто кийганлар каби
Ғалати бир кибр кирар кўксингга.

Ва ўнга кўпайтиб орзуларингни,
Қудратинг етгудек, маош етгудек.
Саёҳат режаси,
Тўй тадориги,
Ўйлайсан қўл етмас обрўларингни,
Хаёл етган жойга бу бош етгудек…

Шунда доимгидек кир, эски лифтда
Чироғи куйган қай қаватга чиқиб,
Эскирган орзуинг,
Куйган юрагинг
Ҳақида шеър ёзгинг келар олифта,
Ялтироқ сўзлардан бахтлилик тўқиб.

Аммо сендан бошқа ҳамма тушунар –
Ахир маош етмас бахтли бўлишга!

Носиржон Жўраев

@platformauzb_live

Эртадан барча мактабларда 3-чорак дарслари бошланади

Вазирлар Маҳкамасининг 2017 йил 15 мартдаги 140-сонли қарорига мувофиқ, қишки таътил 2026 йил 10 январгача (14 календарь кун) давом этади.

2026 йил 11 январь якшанба — дам олиш кунига тўғри келгани боис, III чорак дарслари 2026 йил 12 январдан бошланади.

@platformauzb_live

Ўзбекистонга жалб қилинган ҳар бир сайёҳ учун 100 доллардан субсидия берилади

«Умра плюс» зиёрат туризми дастурини амалга оширишга қаратилган қўшимча чора-тадбирлар тўғрисида Ҳукумат қарори қабул қилинди.

Ҳар бир турист учун туроператорларга 100 доллардан субсидия берилади.

@platformauzb_live

Эронда Оятуллоҳ тузуми қулаши бутун минтақада аск-таъсир беради. Биринчи галда ҲАМАС жуда мўртлашади. Тўғри, уни баъзи араб давлатлари қўллайди, бироқ асосий таъминот узилади. Энди ҲАМАСнинг бепул, доимий қурол занжири йўқолади.

Ливандаги Ҳизбуллоҳ учун ҳам оғир кунлар бошланади. Гуруҳ бутунлай Эрон мададига таянарди. Сурияда ҳам ҳокимият алмашгани ҳисобга олинса, Ҳизбуллоҳ минтақадаги устунликни бой бериши эҳтимоли катта. Ва албатта, бунга Исроил ҳали катта ҳисса қўшади.

Ямандаги ҳусийлар эса АҚШ ва Саудия қаршисида яккаланиб қолади. Улар тўлиқ мағлуб бўлиши қийин. Чунки Яманда партизанлик уруши олиб бориш учун қулай ерлар кўп. Лекин тез орада Саудия Яманда асосий кучга айланишини башорат қилиш мумкин.

Исроилда мутлақ ғалаба.

Ироқдаги ҳозирги тартибсизликлар фақат АҚШнинг айби деб ҳисобловчилар кўп. Ҳа, АҚШ Саддам Ҳусайнни ағдариб, беқарорлик яратди. Бироқ америкаликларга қарши асосий қаршиликни Эрон рағбатлантирди. Айнан Теҳрон Ироқда шиа кучларига муттасил ёрдам бериш орқали мамлакатда беқарорлик ҳукм суришига ҳисса қўшяпти. Саддам даврида эзилган шиалар Эрон тимсолида қутқарувчини кўради.

Шоҳнинг ўғли отаси каби Ғарб сиёсати юритиши аниқ. Демак, йиллар давомида Эронга суянган кўплаб прокси-гуруҳлар учун оғир даврлар бошланмоқда. Уларни Россия хоҳласа ҳам қўллай олмайди. Хитой эса бундай диний тузилмалар билан ҳамкорлик қилмайди.

@platformauzb_live

“Бу – миллий қадриятнинг бир қисми” – вазир Озодбек Назарбеков тўйда қўшиқ айтиб, қистирилган пулларни олганига изоҳ берилди

Интернетда Озодбек Назарбеков тўйда қўшиқ куйлаб, унга қистирилган пулларни олаётгани акс этган видео тарқалди. Маданият вазирлигининг билдиришича, тўйлардаги қистир-қистир “асрлар давомида шаклланган миллий урф-одат” ва “орзу-ҳавас” ҳисобланади.

Вазирликка кўра, агар хонанда узатилган пулларни олишдан бош тортганида, бу камситиш ёки менсимаслик сифатида талқин қилиниши мумкин эди.

@platformauzb_live

«Аммо хонанда ва созандаларнинг саёқлари, гарчи ғамни тарқатувчи, шодлик таратувчи бўлсалар ҳам, лекин ҳақиқатда пасткаш ва тиланчилардир. Бундай ашулачи ва чолғувчилар зорланиб ва ялинчоқлик билан пул топадилар.

Агар буюрувчидан инъом-эҳсон бўлса, унинг хизматини бажарадилар. Суҳбатда ноз-неъмат тўкин бўлса, улар ҳар қандай амр-фармонни бажаришга тайёрдирлар. Агар базмда маишат кам бўлса, улар ноз-истиғно ва инжиқлик билан қилиқ кўрсатадилар.

Ва агар ноз-неъмат деган нарса тамом йўқ бўлса, уларнинг кўнгли сендан узилди ҳисоб. Улар агарчи йил бўйи сенинг эҳсонингдан баҳраманд бўлган эсалар-да, ёнингдан танимай ўтиб кетаверадилар. Оз олсалар – ерга урадилар; кўп олсалар – қадрламайдилар.

Уларнинг кўпчилиги ахлоқсиз; бадфеъл; қолганлари ҳам ўлгудай қайсар ва дағал сўзли бўладилар. Ҳаракатлари ҳаддан ташқари тутуриқсиз сўзларидек, гаплари эса бемаҳал қилган нозларидек, улар вафо деган фазилатдан бенасиб қолганлар, шунинг учун вафодорлар улар олдида қадрсиз ва хароб.

Вафосиз муғанний – ҳаёсиз муттаҳам. Агар йиллар бўйи иззат-ҳурмат қилиб, унга едириб-ичирган бўлсанг ҳам бир гал уни қуруқ қўйсанг, сендан кечади, танимайди-қўяди. Булар эркак сувратидаги таннозлар ва башанг кийим кийган уйбузар ахлоқсизлардир. Улар қўшиқ айтиб ва соз чалиб, баъзиларни таловчи, йўлтўсарлардир. Ҳеч кимга бу фитна дуч келмагай, чунки овозидан нажот қуши учиб кетади, қуш қўнмоқчи бўлса, доим довул уради, бу билан ўша қушни узоқ муддатга ҳуркитиб юбориш мумкин...»

Алишер Навоий, "Маҳбуб ул-қулуб"дан

@platformauzb_live

Хорижий тил ўқитувчилари ҳуқуқлари бузилмоқда — бу қонунга зид!


Охирги кунларда хорижий тил ўқитувчиларига ойлик иш ҳақи ҳисобланмаганлиги, ишдан четлатилганлиги, ҳатто мажбурий равишда ариза ёздириб олинганлиги ҳақида кўплаб мурожаатлар келиб тушмоқда.

Эслатиб ўтамиз:
Иш берувчиларнинг ўқитувчиларга нисбатан бундай ҳаракатлари меҳнат қонунчилигига зид бўлиб, ҳуқуқбузарлик ҳисобланади.

Давлат меҳнат инспекцияси ҳар бир аниқланган ҳолат бўйича белгиланган тартибда чоралар кўришини, жумладан жавобгарлик чораларини қўллашини маълум қилади.

Агар сиз ёки танишларингиз шундай ҳолатларга дуч келган бўлса, мурожаат қолдиринг — ҳар бир ҳолат қонун доирасида кўриб чиқилади ва ҳимоя таъминланади.

@munosibmehnat_bot – Давлат меҳнат инспекциясининг расмий телеграм боти.

Давлат меҳнат инспекцияси

@platformauzb_live

Мўйноқдаги яна бир қудуқдан газ отилиб чиқибди.

@platformauzb_live

Ҳукумат қарори билан 121 та тоғ ва чўққи номи ўзбекчага ўтказилди.

@platformauzb

Айрим хўжалик юритувчи субъектлар пропан нархлари асоссиз оширилишига сабаб бўлувчи манипуляция ва мувофиқлаштирилган ҳаракатлар содир этган.

Рақобат қўмитаси аниқланган ҳолатлар юзасидан қонунбузилиш ҳолатлари бўйича иш қўзғатишни бошлабди.

Умид қиламизки, бундан бир неча ой олдин бошланган телефон компаниялари ўрганишига ўхшаб бир жойларда чанг босиб қолиб кетмайди.

@platformauzb_live