Атамалар комиссиясининг ишчи кенгаши – Ўзбекистон Фанлар академияси Ўзбек тили, адабиёти ва фольклори институти олимлари мудофаа соҳасига оид бир қанча янги атамани кўриб чиқиб, муҳокамага тақдим этди.

Рўйхатдан 41 атама ўрин олган. Улар орасида бизга таниш, одатий бўлиб қолган сўзларам, янги ясалган сўзларам бор. Қадимги туркий тилдан ҳам бир-икки сўз олинибди.

@platformauzb

Мудофаа соҳасига оид таклиф этилаётган муқобил атамалар:

Акселбант >>> Зарҳал боғ(ич);
Амбразура >>> Шинак;
Атака >>> Ҳамла;
Барабан(чи) >>> Ноғора(чи);
Блиндаж >>> Панажой;
Блокада >>> Қамал;
Блокпост >>> Тўсиқпост;
Бронежилет >>> Зирҳнимча;
Вешмешок >>> Юкхалта;
Гаупвахта >>> Тутуқхона;
Горн(чи) >>> Бурғу(чи);
Диверсант >>> Қўпорувчи;
Диверсия >>> Қўпорувчилик;
Дозор >>> Эровул;
ДОТ >>> УММОН, МЖОН;
Дубинка >>> Таёқ;
Запал >>> Чақнаткич;
Каска >>> Дубулға;
Кокарда >>> Жиға;
Котелок >>> Қозонча;
Курсант >>> Курсант, тингловчи;
Лагер >>> Жамлоқ;
Марш >>> Юриш;
Мишен >>> Нишон;
Окоп >>> Хандақ;
Паёк >>> Паёк;
Планшет >>> Ёнчиқ;
Полигон >>> Дала ўқув майдони;
Противогаз >>> Газниқоб;
Режим >>> Тартибот;
Ствол >>> Ўққувар;
Траншея >>> Хандақ йўлаги;
Тревога >>> Бонг;
Тренчик >>> Занжирбоғ;
Трибунал >>> Ҳарбий маҳкама;
Фортификация >>> Истеҳком;
Фуражка >>> Бўрк;
Шеврон >>> Уқа;
Эмблема >>> Тануқ.

@platformauzb

Камбағалликни қисқартириш ва бандлик вазирлиги томонидан 2026 йилга мўлжалланган иш вақти календари ишлаб чиқилди

Ушбу иш вақти календари Меҳнат кодекси, Ўзбекистон Республикаси Президентининг 257-сон фармони ва 2025 йил ва 2026 йилларнинг календарларидан фойдаланган ҳолда ишлаб чиқилган.

Ушбу ҳужжатдан:

иш жадвалларини ишлаб чиқишда;

таътилларни режалаштириш ва расмийлаштиришда;

ойлик, чораклик ва йиллик иш соатларини аниқлашда ҳамда бошқа мақсадларда фойдаланиш мумкин.

Агар Президент Фармони билан қўшимча дам олиш кунлари белгиланса ёки дам олиш кунлари кўчирилса, ушбу иш вақти календари ҳам ўзгаради.

@platformauzb

Тахтиқорача довони

@platformauzb

“Арипов билан урушиб, жанжаллашиб қолган пайтларимиз ҳам бўлди” — Қамчибек Ташиев

Қирғизистон президенти Садир Жапаровнинг 5 йиллик фаолиятига бағишланган фильмда Миллий хавфсизлик давлат қўмитаси раиси Қамчибек Ташиев Ўзбекистон билан чегара масалаларини ҳал қилиш жараёнлари қандай кечгани ҳақида гапирди.

Унинг таъкидлашича, жараён осон ўтмаган. Қамчибек Ташиевнинг сўзларига кўра, Ўзбекистон бош вазири Абдулла Арипов билан тортишиб, ўзаро урушиб қолган пайтлари ҳам бўлган:

“Бир вақт Арипов билан келиша олмай қолдик. Яхши-ёмон гаплар ўтиб, урушиб кетдик. Уям кетди, мен ҳам кетдим. Кейин у ‘кел, гаплашайлик’ деди, мен эса ‘йўқ, гаплашмайман’, деб туриб олдим”, - деди у.

Ташиевнинг таъкидлашича, шу ҳолатдан кейин икки давлат президентларининг шахсий аралашувисиз музокаралар тўхтаб қолиши мумкин эди.

“Президентимиз ўртага тушди. Икки давлат раҳбарлари ‘қўйинглар, урушманглар, талашманглар, ўтиринглар’ деб муросага чақирди. Шундан кейин музокаралар қайтадан тикланди”, дея қўшимча қилди у.

@platformauzb

Президент прокуратура органларининг бир гуруҳ ходимларини мукофотлади

Рўйхат

@platformauzb

Яна "метан заправкалар" фаолиятига чеклов киритилди

Эртага, 8 январдан “метан заправкалар” соат 10:00 дан 16:00 га қадар фаолият юрита бошлайди. Фарғона водийсида эса “метан заправка”лар иш вақти ҳокимликлар билан келишилган ҳолда амалга оширилади — Энергетика вазирлиги

@platformauzb

Энг қийин, аммо энг тўғри йўл — бу очиқлик

Экология ва ҳаво ифлосланиши масаласида бугун кўрилаётган чора-тадбирлар, изчил бериб борилаётган маълумотлар давлат осон йўлни танламаганини кўрсатади.

Муаммоларни инкор этишмади, сукут сақлашмади. Аксинча, вазият очиқ тан олинди ва илмий асосланган ечимлар қилиняпти. Бу ахборот сиёсатида ҳам муҳим, ҳатто принципиал қадам.

Бугун давлат ахборот берса ҳам, бермаса ҳам босим бор. Қайси йўлни танлашмасин, “оғриқсиз” вариант йўқ. Ана шундай шароитда ҳукумат учун жим туриш энг қулай ва энг хавфсиз йўл бўларди. Лекин қулайлик эмас, масъулият танланди.

Бир пайтлар юқори даражада муаммони очиқ тан олиш ва бу ҳақда доимий ахборот берилиши орзу эди. Бугун эса шу амалиёт йўлга қўйилган.

Ҳатто айрим вақтларда ҳаво сифати бироз яхшиланса, аҳоли ва жамоатчилик муаммони дарров унутяпти. Аммо ҳукумат олдида муаммо кун тартибидан тушгани йўқ. Доимий ишлар кетяпти, очиқ ахборот бериб бориляпти. Шуни инобатга олиб, бу масалага нисбатан фақат танқид эмас, холис баҳо ҳам керак.

@platformauzb

Кам даромадли оилаларга газ ва свет тўловининг бир қисми давлат томонидан қоплаб берилади.

1 февралдан бошлаб талабгорлар табиий газ ва электр энергияси истеъмоли учун базавий меъёр доирасидаги хамда базавий меъёрдан ошган нархлар ўртасидаги фарқни қоплаш учун онлайн ариза бериш тизими йўлга қўйилади

Масъул ташкилот: Ижтимоий химоя миллий агентлиги
Маҳалладан масъул: Ижтимоий ходим

@platformauzb

Ўзбекистондаги газеталарнинг 2026 йилги тиражи

1. «Постда» — 46 355 та;

2. «Ишонч» газетаси — 35 382 та;

3. «Ватанпарвар» — 32 936 та;

4. «Янги Ўзбекистон» — 32 015 та;

5. «Халқ сўзи» — 31 016 та;

6. «Жадид» газетаси — 18 738 та;

7. «Маҳалла» — 8 800 нусха;

8. «Тошкент ҳақиқати» — 7 386 та;

9. «Нуроний» газетаси — 6 000 та;

10. "XXI asr" газетаси — 5908 та;

11. «Ҳуррият» — 5 271 та;

12. «Народное слово» — 4 134 та;

13. «Миллий тикланиш» – 4 000 та;

14. «Маърифат» — 3 751 та;

15. «Нурлы жол» — 3 221 та;

16. «Овози тожик» — 3 154 та;

17. «Ишонч–Доверие» — 2 404 та;

18. «Ўзбекистон овози» — 2 214 та;

19. «Правда Востока» — 1 450 та.

20. "Қишлоқ ҳаёти" — 3 380 та

@platformauzb

Тошкентдаги онкология шифохоналари ўрнига кўп қаватли уйлар қурилиши 100 фоиз аниқ масала экани айтилмоқда.

Тарқалган видеога кўра, "домлар"ни Хаджаевнинг жияни қуради. Қайси Хаджаев экани очиқланмаган.

Ушбу шифохоналар ва атрофидаги "заправкалар" ҳам бузилиши кутиляпти.

@platformauzb

Ёмғир суви тоза ресурсми ёки фойдаланилмаган имконият?

Кўпинча ёмғир сувига оддий табиий ҳодиса сифатида қаралади. Лекин мутахассисларнинг фикрича, у тўғри йиғилса ва фильтрланса, қишлоқ хўжалиги, қурилиш, маиший ва техник эҳтиёжлар учун самарали ресурсга айланиши мумкин. Айниқса, сув танқислиги кучайиб бораётган бир пайтда бу масалага юзаки ёндашиб бўлмайди.

Ана шу нуқтаи назардан, ёмғир сувларидан фойдаланиш мавзусининг илмий асосда муҳокама қилиниши жуда муҳим. Экологик партиянинг “Олам” мунозара клубида бўлган суҳбатда олимлар ва соҳа мутахассислари ёмғир сувининг хусусиятлари, уни хавфсиз сақлаш ва қўллаш имкониятлари ҳақида атрофлича фикр билдиришди. Бу ерда аниқ маълумотлар ва реал ёндашувлар устувор бўлганлиги суҳбатнинг салмоғини янада оширган, дейиш мумкин.

📹 Тўлиқ муҳокамани партиянинг YouTube саҳифасида томоша қилинг.

@platformauzb

Матбуот котиблари аттестациядан ўтказилмоқда

Ҳокимиятлар, вазирлик ва идоралар матбуот котиблари аттестациядан ўтказилмоқда.

Аттестация жараёнлари Оммавий ахборот воситалари учун контент тайёрлаш маркази томонидан ташкил этилмоқда.

Айтишларича, матбуот котибларининг катта қисми аттестациядан ўта олмаяпти.

@platformauzb

Тадбиркорлар учун муҳим янгилик

Давлат органи ҳужжати бўйича фаолият юритган шахслар ва тадбиркорлар энди ушбу ҳужжат бекор бўлиб кетганда мулкидан маҳрум бўлиши ёки бошқа оғир оқибатларга олиб келмаслигига оид ҳужжат лойиҳаси тайёрланади.

Олий суднинг 2026 йил биринчи ярим йиллиги учун тайёрлаган иш режасида мазкур ҳужжатни тайёрлаш май ойига мўлжалланган.

Амалдаги тартибга кўра, масалан, бирор ҳокимият қарори билан қурилган дўкон, агар ушбу қарор бекор бўлиб кетса, ҳеч ўйланмай бузилишга тушади.

@platformauzb