Аттестациядан 60 фоиздан ортиқ ўқитувчи ўта олмаган

353,6 минг педагог тест синовларида иштирок этди, 60% дан ортиғи аттестациядан ўта олмади.

Малака тоифаси олганлар:
➖ олий — 22 311;
➖ биринчи — 43 445;
➖ иккинчи — 60 055;
➖ мутахассис — 13 371.

📄 125 811 нафар педагог тоифасини сақлади ёки оширди. 6 553 нафар педагогга аттестациясиз тўғридан-тўғри тоифа берилди. 21 836 нафар стажёр-ўқитувчи касбий сертификатлашда қатнашди, 48 599 та миллий ва халқаро сертификат тан олинди ва улар учун устама тўланди.

@platformauzb

Мактаб ва мактабгача таълим педагог ходимларининг ўртача иш ҳақи 2 баравар оширилади

Муҳокама учун эълон қилинган Президент Фармони лойиҳасига асосан педагог кадрлар мақомини ошириш, уларнинг билими ва малакасини халқаро стандартларга мослаштириш мақсадида 2030 йилгача:

Мактабгача таълим ташкилотлари ва умумий ўрта таълим муассасалари педагог ходимларининг ўртача иш ҳақини 2 баравар ошириш (2026 да 0,4, 2027 йилда 0,8, 2028 йилда 1,2,  2028 йилда - 1,6 ҳамда 2030 йилда 2,0 баробарга);

Мактабгача таълим ташкилотлари ва умумий ўрта таълим муассасалари ходимларининг малакасини узлуксиз ошириш орқали 500 минг нафар педагог кадрларни қамраб олиш;

Эҳтиёж юқори бўлган йўналишлар ва олис ҳудудлардаги абитуриентлар учун педагогик таълим йўналишлари бўйича давлат гранти асосида тайёрланган кадрлар улушини 17 фоизга етказиш режалаштирилмоқда.


@platformauzb

Президент администрацияси раҳбари Саида Мирзиёеванинг илк марта интервью беришини “янгилик” сифатида эмас, балки сигнал сифатида кўриш тўғрироқ бўлади, назаримизда. Сигналки, раҳбарият саволларга жавоб беришдан чўчимаслигини ва ҳар доим бунга тайёр эканини амалда намойиш этди.

Одатда бу даражадаги раҳбарлар фақат ҳужжатлар орқали “гапиради”. Микрофон — хавф, савол — ноқулайлик сифатида қабул қилинади. Бунга мисол сифатида аксар қўшни давлатларни келтирса бўлади. Шу сабабли бундай мулоқотнинг ўзиёқ маълум бир чегаранинг ортда қолганини англатади.

Сўнгги йилларда Ўзбекистонда қарорлар нафақат қабул қилинмоқда, балки аҳолига тушунтирилмоқда. Бу ёндашув тасодифий эмас. Мамлакатда очиқлик сиёсатининг бош меъмори Президент Шавкат Мирзиёев ҳисобланади. Давлат раҳбари бошлаган очиқлик ва жамоатчилик билан мулоқот сиёсати бугун бошқарув тизимининг турли бўғинларида амалда намоён бўлмоқда. Интервью эса айнан шу сиёсатнинг мантиқий давомидир: ёпилиш эмас, очилиш. Сукут эмас, изоҳ.

Бу ёндашув жамият билан муносабатларда оҳангни ўзгартиради: буйруқдан — мулоқотга, масофадан — яқинликка. Ва энг муҳими, у жавобгарлик ҳиссини оширади.

Саида Шавкатовнанинг интервью бериши ўзига хос жасорат. Бу қадамни ҳар қанча қўллаб-қувватласа арзийди. Айниқса, интервьюдан қочадиган, микрофонни кўрса айланиб ўтадиган, ОАВ ва блогерларни душман деб билувчи қуйи бўғиндаги айрим раҳбарлар учун бу жиддий сигнал ва намуна бўлиши керак.

@platformauzb

“Миллий спорт мукофоти-2025” тадбирида спорт вазири Адҳам Икромовдан жонли ижро

@platformauzb

Марказий банк раиси диққатига!

TBC Bankка қўйилган аҳоли омонатлари хавф остидами?

Каналимизга йўлланган мурожаатга кўра,  TBC Bankка омонат қўйган фуқаролар фоизи пластикка тушириб берилмаётган экан. 

Мазкур банк ишонч телефонлари операторлари бу борадаги мурожаатларга бирор тайинли жавоб бермаяпти дейишяпти.

Бу ҳақда TBC Bank ўз мижозларига аслида нима бўлаётгани ҳақида расман тушунтириш бериши лозим.

@platformauzb

Айтишларича, йилнинг бошидан вилоят ва шаҳар/туман ҳокимлари анъанага кўра меҳнат таътилига чиқибди.

Ўрнида ҳокимларнинг биринчи ўринбосарлари ҳокимлик қилиб туради. Меҳнат таътили жорий йилнинг 12 январгача давом этиши мумкин.

@platformauzb

Ўзбекистонликлар 50 та давлатга визасиз бора олади

Ўзбекистон стратегияси 2030 лойиҳасига кўра, Ўзбекистон фуқаролари 2030 йилгача 50 та давлатга визасиз ташриф буюришлари мумкин.

Ҳужжатга кўра, 2026 йилда 37 та давлат, 2027 йилда бу сон 42 тага, 2028 йилда 45 тага, 2029 йилда 48 тага ва 2030 йилда 50 тага етади.

@platformauzb

Hayot bankда ҳам аҳоли омонатлари билан боғлиқ тушунарсиз ҳолат юз бермоқда экан

Мурожаатчи:
"Масалан, (омонат фоизлари) 3 январда тушиш керак эди. 12 январда тушадиган бўлиб турибди!

Дам олиш кунлари иловада умуман омонатлар кўринмай қолди.

Дам олиш кунлари умуман омонатлар йўқ бўлиб, кўринмай қолди. Бугун кўринди, лекин пул тўланиши керак бўлган кунлар ўзгариб орқага чўзилиб кетган.

Банк билан умуман боғланиб бўлмаяпди, жавоб беришмаяпди..."

@platformauzb

TBC Bank муносабати:

"Йил якуни ва дам олиш кунлари муносабати билан (31 декабрь – 1 январь) банк тизимида янги банк куни ҳали очилмаган. Шу сабабли айрим омонатлар бўйича ҳисобланган фоизлар вақтинча пластик карталарга тушмаган бўлиши мумкин.

Шуни алоҳида таъкидлаймиз:
-Мижозлар омонатлари тўлиқ сақланган ва хавф остида эмас
-Фоизлар амалдаги шартнома асосида тўлиқ ҳисобланмоқда

Янги банк куни очилиши билан барча ҳисоб-китоблар автоматик тарзда амалга оширилади.

Ушбу ҳолат техник ва календар сабабларга кўра юзага келган бўлиб, молиявий муаммо билан боғлиқ эмас.

Ҳурмат билан,
TBC Bank жамоаси."

@platformauzb

Hayot Bank расман изоҳ берди:

«Молиявий йил якунини техник ёпиш муносабати билан (31 декабрь – 1 январь) мазкур вақт оралиғида мобил илованинг айрим хизматларида чекланишлар эҳтимоли мавжуд бўлган.

Ҳозирда шуни маълум қиламизки:

- Иловада ҳеч қандай чекловлар мавжуд эмас.
- Омонатлар ҳақида маълумотлар тўлиқ акс этмоқда.

Душанба-якшанба кунлари соат 08:00 дан 20:00 гача банк билан 1320 қисқа рақами ҳамда +998555202222 рақами орқали боғланишингиз мумкин.

Ҳурмат билан,
Hayot Bank жамоаси."

@platformauzb

Ўзбекистонликлар зудлик билан Россияни тарк этишлари керак — Алишер Қодиров

Олий Мажлиси Қонунчилик палатаси депутати, “Миллий тикланиш” демократик партияси раиси Алишер Қодиров ўзбекистонлик муҳожирларни Россияни зудлик билан тарк этишга чақирди. Бу ҳақда у ўзининг ижтимоий тармоқлардаги саҳифасида ёзди.

“Рус махсус хизматлари Марказий Осиёликларни Россияда кутилаётган нотинчликларнинг фаол иштирокчиси сифатида тахмин қилмоқда, шу сабабли улардан келадиган фойдадан аллақачон кечиб бўлинган”, дейди Алишер Қодиров Россияда ўзбекистонлик мигрантнинг ОМОН томонидан дўппослаб ўлдирилганига ишора қилиб. Унинг қўшимча қилишича, бундан буён вазият ой сайин фақат ёмонлашади.

“Ақлингизни ишлатинг, Россиядан тезроқ кетинг! Ҳеч қандай даромад ота-оналар ва фарзандларингизнинг кўз ёшига арзимайди!” дейди у.

@platformauzb

❗️ АҚШ Венесуэла президенти Мадуро ҳамда унинг рафиқасини қўлга олиб, уларни мамлакатдан олиб чиққан. Бу ҳақда Дональд Трамп маълум қилди.

@platformauzb

Россия Мадуро сабаб Қўшма Штатлардан изоҳ сўради

“Агар бундай ҳаракатлар чиндан ҳам содир бўлган бўлса, улар мустақил давлат суверенитетининг мутлақо қабул қилиб бўлмайдиган тарзда бузилиши ҳисобланади. Суверенитетни ҳурмат қилиш эса халқаро ҳуқуқнинг асосий тамойилларидан биридир”, дейилади Россия Ташқи ишлар вазирлиги байнотида.

@platformauzb

Венесуэла: нега дунёдаги энг катта нефть захирасига эга давлат қашшоқлашди?

Венесуэла - табиий бойлик бойликка кафолат эмаслигини исботлаб берган энг оғриқли мисоллардан бири. Дунёдаги энг катта нефть захираларига эга бўлган бу мамлакат бугун чуқур иқтисодий ва ижтимоий инқироз ичида.

Инқирознинг илдизи Уго Чавес даврига бориб тақалади. Ижтимоий дастурлар, бепул субсидиялар, давлат томонидан қаттиқ назорат - дастлаб камбағалликни камайтиргандек туюлди.

Аммо иқтисодиёт деярли тўлиқ нефтьга боғланиб қолди, хусусий сектор сиқиб чиқарилди, давлат институтлари эса сиёсийлашиб кетди.

Николас Мадуро ҳокимиятга келгач, вазият янада оғирлашди: гиперинфляция, миллий валюта - боливарнинг қадрсизланиши, озиқ-овқат ва дори-дармон танқислиги. Одамлар ойлик маошига фақат бир неча нон сотиб ола оладиган даражага тушиб қолди. Миллионлаб фуқаролар мамлакатни тарк этиб, қўшни давлатларга муҳожир бўлишга мажбур бўлди.

Бугун Мадуро ҳукуматини АҚШ ҳарбийлари уч соат ичида йўқ қилиб қўя қолди.
Венесуэла тажрибаси оддий хулосани кўрсатади: популизм, ягона ресурсга ҳаддан ташқари боғлиқлик ва заиф институтлар охир-оқибат инқирозга сабаб бўлди.

Бектош Хотамов

@platformauzb