"Yil sarhisobi – 2024"

Samarqand davlat veterinariya meditsinasi, chorvachilik va biotexnologiyalar universitetida "Yil sarhisobi – 2024" tadbiri o‘tkazildi

2024-yil yakuniga bag‘ishlangan mazkur tadbir universitetning Zooinjeneriya va mahsulotlarni qayta ishlash texnologiyasi fakultetida o‘tkazildi. Tadbirni fakultet dekani vazifasini bajaruvchi O.B. Fayzullayev kirish so‘zi bilan ochib, o‘tgan yil davomida erishilgan yutuqlar va talabalarning muvaffaqiyatlarini alohida ta’kidladi.

Tadbir davomida universitet hamda fakultet dekani tomonidan iqtidorli talabalar va ularning ota-onalariga tashakkurnomalar topshirildi. Ushbu mukofotlar talabalarning ilmiy va ijodiy sohadagi muvaffaqiyatlarini qadrlash va ularni yanada rag‘batlantirish maqsadida berildi.

Tadbirni yanada qiziqarli va mazmunli qilish uchun talabalarning ijodiy chiqishlari namoyish etildi. Ular tomonidan tayyorlangan sahna ko‘rinishlari, musiqiy chiqishlar va she’rlar tadbirga o‘zgacha ruh bag‘ishladi. Bu nafaqat talabalarning va ustozlarining ham qalbini faxr va g‘urur bilan to‘ldirdi.

Zooinjeneriya va mahsulotlarni qayta ishlash texnologiyasi fakulteti bu yil ko‘plab yutuqlarga erishdi. Talabalar xalqaro va respublika miqyosidagi tanlovlarda g‘oliblikni qo‘lga kiritib, universitet nufuzini yanada oshirishga hissa qo‘shdilar.

Ijtimoiy tarmoqlarni kuzatib boring:
📱Instagram 📱Facebook 🌐Sayt