#روایتي
بقلم فادية محمد
-٧-

يلا صحيت بدري كالعاده ومقلقه اني اكيف اتكلم معاو... علما اني ما حصل اعتذرت لزول... اقول ليو معليش وخلاص كفاو 🌝✋
لكن لازم اطلع بدري عشان اصادفو قبل هو يمشي الشغل
يلا سرعه سرعه ظبطت اموري ولبست فستاني الجيت بيو من بيت اهلي وواقفه جنب الشباك زي الشافعه منتظره حضرتو يطلع 🙄🙄🙄
يلا لمحتو كان لابس نفس لون فستاني عنابي... وسرعه شلت شنطتي وطلعت🚶‍♀🚶‍♀🚶‍♀
هو بعد فتح العربية رجع البيت شكلو عندو حاجه نساها لانو ضرب راسو بيدو🤦‍♂🤦‍♂🤦‍♂
انا اندسيت ورا الباب ما يشوفني لانو منظري ح يكون بايخ.... انتظرتو لحد طلع تاني
انا عملت نفسي طالعه وقفلت الباب 🚪
هو شافني *قال لي صباح الخير ☺️
#صباح النور😁
*ع وين من الصباح ؟!
#قريب قريب
*طيب تحبي أوصلك ؟!
#لالا بري 😳
*بسم الله مالك اتهجمتي😂
#لالا ساي
*الحبوب نفعت معاك ؟!
طبعا لمن قال لي كدا بقيت اشوفو عشره عشره ...وقلت خلاص دا قليل ادب وما يستاهل اني اعتذر منو ...غلطانه انا لاني فكرت فيو....
اصلا فهمي بمشي شمال طبيعي😂😂💔
سكتا ما رديت ليو ومشيت منو
قال لي النفسيات كعبه😒
.... انا ندمت ع اني استعجلت وم اكلت حاجه من الصباح كلو بسببو 😭😭😭
يلا هو في عربيتو وانا ماشه كداري لحد الظلط ما بعيد لكن لانو سايق عربيتو وبتكلم معاي حسيت بيو بعيد بعد شديد
*الزول ما بقدر يفهمك خالص ، مره كويسه ومره تعملي حركات ، وهسي لو ما مجنونه بتطلعي بدري كدا وين ، ع الاقل كنتي تخليني اوصلك 🌝🌝🌝 ، اختك مالا ما طلعت معاك وخلتك براك ؟!!
#انا لو قمت ع الغتاته كعبه تب ... خشمي وعلي ما رديت ليو خالص وماشه مستكينه🚶‍♀🚶‍♀🚶‍♀
هو شكلو زهج قال لي راحتك
وفحط بعربيتو
التراب جاني في خشمي.. شكلو زعل شديد 😂😂😂😂💔
يلا ركبت المواصلات ولمن نزلت في شارع بيتنا بقيت اتونس من طرف لانو الشارع من اولو لحد نهايتو بعرفوني وبعرفهم
في راجل بتاع دكان كدا قدااااام دا قال لي حاجزك لولدي في سويسرا وطبعا الكلام دا سامعه بيو من لمن كنت في الروضه
اها للحظه دي لا شفت الولد لا شفت خلقتو لكن رفع معنويات ساي بتبسم مع الراجل 😂😁
جيت ماره بشفع يلعبو في الميدان جنبنا... قالو لي اسرعي يا خاله اخرتينا ياخ 😢
انا كلمة خاله دي بتعمل لي الطمام وبحس برعشه وعيوني طشاش طشاش
طوااااالي وقفت في نص الميدان قلت ليهم القال خاله دا منو😒😒😒
طلع لي شافع لكن عاااااتي وسمين ماشاء وشكلو بتاع مشاكل قال لي انا القلت مالك 🤔
*انا خوفت ع نفسي والله ما عندي حيل للمضاربه... ختيت يدي في كتفو قلت ليو اصبر علي شويه... خالتك دي حركتها تقيييله والرطوبه قايمه عليها وجسمها كلو واجعها
قال لي يلا خلصينا
قلت ليو سمح وبسرعة واحد قطعت الميدان وتوشك وصلت باب البيت... يحليلك يا فدوى كمان اخرتها تهرشي من شافع تلديو😂😂💔
عدي اخوي فتح لي الباب وبتكشيره كدا قال لي خلاص جيتي😏😏😏
وفات اداني ضهرو
اجي مالو الشافع دا كمان.... تعال يا عدي مالك ما بتسلم ؟!
*اسلم شنو انتي قايله روحك جيتي من لندن
#خلاص خلي السلام مالك مكشر لي كدا ؟!
*عشان بتجي تقولي لي قوم عايذه انضف وما تحاوم في البيت مسحتو هسي وما تبشتن الملايات وما وما وما 😏😏😏
#😂😂😂😂اهاااا وانت زعلان عشان كدا يعني... اها امي وين ؟!
*مشت للجيران
#في حاجه بياكلوها ؟!
*فدوى تعالي اكليني انا
#خلاص انا ماشه لامي ما تطلع من البيت انت سمح
#اصبري متين جيتي انتي
*والله كلامك صاح خلاص خليتو يا عدي خليتو ، ماشه اكل وبجيك
#سمح
...... ....... .......
اكلت ورتبت اموري تماااااااااااام ومشيت مسكت التلفون دخلت واتس لقيت قروب الشله اااخر ونسه
طواااالي دخلت ليهم واندحت في الونسه😂✋
امي جات وطوالي يلا فدوى ختي الفطور ويلا الشاي ووووو
اها اتونست مع امي زيييييييييييييين
وبليل وعد اتصلت علي قالت لي انو حددو يوم الخطوبه ح يكون الخميس.... الليله السبت يعني لازم تجي راجعه عليك الله😭😭😭
#وعد ابكي لي بالله وحسسيني مهمه😂
*اها ح ترجعي متين لاني عندي مشاوير كتيره للتجهيزات
#ايوااااا عايذاني اجي لمشاويرك
*اي عايذاني اقول ليك لا يعني😁
#المقابل شنو ؟!
*كل مشوار معاو عزومة في مطعم😉
#عارفه نقطة ضعفي يا كلبه ، خلاص ح اجي التلاتاء ان شاءالله
*مستحييييل ...تجي بعد بس
#لا ، عندي التزامات انا مالي هامله الصباح الصباح في المواصلات 🌝🌝🌝
*يا فدو بطلي استهبال ... بعدين التزاماتك شنو انتي وريني
#خصوصيات خصوصيات،ح اجي التلات متفقين يلا سلام
تيييييت تييييت تيييييت😝
*طيب اوكي م مشكله ح تتسهل ان شاءالله
...... ...... ......

المهم عدت الايام ورجعت ناس خالتي....وحتى ايام كنا بنطلع للسوق ما حصل صادفت عمر خالص...يلا يوم الخميس الصباح رتبنا البيت وعزمنا خالاتي وخيلاني واعمام وعمات وعد... وخالتو سهام وخالتو نوال دي الجاره التانيه ... يلا انا ووعد وريل مشينا الكوفير نظام نحن البنات الكبار لانو خالاتي الاتنين ما عندهم بنات كبار 😅

#احتواء 🔞
#احتواء_محرم
بقلم صفاء عبد الحميد
-٢٨-
_يعني لييه كل الحقد دا نحنا عملنا ليهم شنو لمن يعملو فينا كل داا لييه ليييه ي فاطمه لييه عاايزين يووصلونا لي ووين اكتر من كده
_مرريم في شنو ي اختي
عااارفه القتل مصعب طلع منو ي فاطمه؟!عاارفه منوو
ولد عمك المحترم مصعب هوو الدفع لي وواحد قرروش بسسس عشان يقتل مصععب بسس عشاان يشيل سند البيت بس عشان يشيل الحيطه الكنا ماايلين عليها وبي شيلو لي الحيطه دي وقعت الاركان ي فاطمه وقعت الاركان وقعتتت
_مررريم انتي م م مريم مريم
ي اخوواتي
#فااطمه حتوواسيني ولا توواسي نفسها 💔يااااههه ي الوجع
_سااره دخلت علينا انا وفاطمه كنا في حااله مااعارفين زاتو نحنا وين او نحنا منو مااعارفين حااجه بس حاافظين كلمت وجع كنا في حااله زي الاغماء ولاكن اغماء مستتر
_ي مرريم عييب منك البتعملي في نفسك دا انتي مفترض تكوني سند لي فاطمه ي مرريم انا الشجاعه الدخلت فيني دي كلها انتي المصدر الوحيد فيها كووني قوويه زي ماانا عرفتك انتي خلاص في النهاايه ماامفترض تنهااري ي مرريم
ااااااااه انا يااساره انا كنتا منتظرره النهاايه بس شكلو مكتوب علي انو اكون عباره عن قصه زي قصص الروايات اكون عبااره عن بطله ومنتظرره النهاايه بس ي رريت لو ماانتظررت النهاايهه مكتوب علي فيها اكون قصه ززات نهايه حزينه ي سااره
_وبعد الحزن حيكون في شنو ي مرريم ؟!؟!
_ههه حيكون في حززن ي سااره حيكون في تعااسه وخزلان واحباط ووجع حيكوون في كتيرر ي سااره
_ولييه ماايكون في سعااده ي مرريم نحنا في النهاايه البنصنع لي نفسنا درب السعااده اررجعي مرريم القوويه العررفتها مرريم الطوول عمرري متعووده عليها بي انها انساانه قوويه وطمووحه ارجعي مرريم القوويه البتحاارب عشان امها واختها ارجعي السند ي مرريم
_ارجعي #مريمي لذلك #القمر
واكيد حيمسك يدك لمن تصلي درب السعاده ي مريم
_نطت ليهااا فااطمه طووالي هييي ي سااره شغل الطريق الماادغرري دا ماابنفع معااي قصدك شنو ومنوو بي القمر ؟!دا
_مااحتقدر تجاوب عليك ي فااطمه لنو انا بنفسي ماابعرف القمر ماابعرفو ماابعرف اي حااجه عن قمرري غير انو جسم مضئ
_سااره حضنتني شديد وقاالت لي
ان شااء الله حتفرج ي مريم ان شااء الله حتقاابلي قمرك والحمدالله حق مصعب ظهر مفترض تفرحي ي مريم
_شوويه كده وسمعت صوووت بتها بتبكي جررت عليها وانا خلاص بعد كلام سااره دا قررتاا اقاابل قمرري عاايزه اتقوي بيهو بسس
ي رربي اسمو الحقيقي منو ؟!و
عمررو كم سنه 'وطويل ولا قصير ؟واخضر ولا حلبي
_نسسيت كل الافكاار دي وفي النهاايه رسمتا ليهو صووره من خياالي
_طووالي مسكتا التلفون واول حاجه عملتها فتحتا رقمو
_ولي اول مرره اكون عاايزه ارسل ليهو وماايكون في منوو رسااله
كتبتا ليهو قمرري انا محتااجه ليك شديد انا عاايزه انو نتقاااابل ولا انا لسسه محررمه ليك ي قمري
_بعد ربع سااعه كتب لي
ااانتي حااليآ ماامحرمه بس النسبه لي بس انا خاايف ي مرريم لو اتقاابلنا وعرفتي انا منوو انتي الحتحرميني علي نفسك
_انااا ماافهمتا ولا حرف كيف كنتا محرمه ليهو وحااليآ خاايف انو انا اخليهو في نص الطريق
_كتبتا ليهو #وعد حااكون متمسكه بيك لي اخرر العمر كفاايه انو انتا كنتا متمسك بي لمن كل الناس خلتني
_طييب حااليآ انتي وين ؟!
في البيت
طيب اطلعي علي ... وانا بنتظررك هناك
#جدعتااا التلفون ياااا انا خلاص حااقاابل قمرري كنتا مبسووطه شديد انو خلاص حااقدر اتعرف عليهو لنو بي الجد هو يستحق
_جرريت علي الدولاب مااعارفه البس شنو ي ربي هو حيحب يشووفني بي شنو انا مااعندي خبرره في حااجات البنات دي بعد مااوقفتا سااعه كامله في الدولاب في النهايه طلعتا اسسمح عبايه عندي ماابرتاح الا بي عبايه وانا وواقفه في الباب وخلاص طاالعه سمعتا صووت ساره بتنادي فيني
مررريم
_ايووه ي سررو انا مستعجله بس ماابتااخر
انتي حتمشي كده ي مريم
ايوووه لييه ؟!
مااشاااايفه وشك دا عاامل كيف كان اقل شي تعملي ليك فير ساي بس
لالا ي سااره خلي يشووفني علي طبيعتي المتعوده اطلع بيها ماابحب اتصنع لي زول ي سااره
بس داا مااتصنع دا مكيااج
هههه بااااي باااي
_طلعتا منها في اقل من نص ساعه وصلتا بسس دااا منوو
_ي رربي دا قمري ؟!!
لمن قرربتا اكتر شفتا اونتي ود عمي ايووه اخ مشتهي عررفتو ؟!
بسس الجاب اونتي هناا شنو هوو لييه عاايز يزكرني بي المااضي صاح زمان كنتا بحبو بس حااليا انا ماعايزه غير #قمري الاحتوواني بي كل تفااصيلي
طووالي غيرتا الاتجااه
مررريم ؟!مووش قلتا لي #وعد مااااخليك في نص الطريق لييه من شفتيني درتي لي ضهرك ي مرريم
مووش اتفقنا نكمل مع بعض ي مرريم مووش قلتا ليك حااكون محرم بي النسبه ليك ؟!
_قمررري
ايووه انا قمري انا قمري ي مريم انا قمرري
_اعفي لينا ي مرريم اعفي لي امي ومصعب خلي القاانون يااخد مجرراهو بس من قلبك اعفي ليهم
_اعفي شنو ي اونتي ولا اقول ليك ي قمري اعفي شنو اعفي مووت مصعب ولا اعفي اغتصاابي ؟!
ولا ا

#مقتطفات
#قالت:

نحن 3 بنات دايما كان تقديري في المدرسه بكون اقل تقدير فيهن مع العلم لو ماكان جيد جدا بكون جيد وهن امتياز اسوء يوم في السنه كان بكون يوم النتائج ومن لما تقرب الامتحانات ببكي اكتر من اقرا وبسبب الضغط النفسي والتوتر معظم الاجابات بكون عارفاها بس م بكتباا الحاجه دي استمرت وكمان اتطورت لحدي سنه تالته ثانوي امتحنت ٣مرات مره مانجحتا ومرتين كان نسبتي ضعيفه ودا لأنو فجأه بتجيني حمه وبتعب قريب للامتحان ولما افحص ما كان بيظهر مرض تخلص الامتحانات برجع كويسه...كل الحوالي كان بقولو عني فاشله والكلام دا لحدي ما انا بذات نفسي اقتنعتا بكدا وخليت القرايه عشان ارتاح من الضغط الانا عايشاهولكن بالعكس كل مره كان بزيد
في يوم من الايام مشيت لجيراننا وشافني ولدهم اتونس معايا انا واختو الفي عمري ونسه بسيطه ومشى مننا بعدها بفتره أبوي ناداني وقال لي في عريس متقدم ليك وهو فلان الفلاني ( الهو ود جيراناا)من المفاجأه سكتتا وما رديت هنا ابوي اعتبر سكوتي رضا خصوصا انو اختو صاحبتي. بعدها بشهر قالو جايين خطوبه ولما شافوا الناس كتار عقدوا
بعد ٣شهور لقيت نفسي بتصبح وبتمسى بزول م بعرف عنو غير المعلومات الاساسيه.
في وقت بسيط تعاملو معاي قدر يحول خوفي من انو زول غريب لاطمئنان بتصرفاتو معاي
في يوم من الايام جاء شايل كمية من الكتب والمزكرات استغربتا لأنو في العاده كان بجي شايل مرجع او اتنين ولمن عاينتا ليهن لقيتن كتب تالته ثانوي فاستغربتا زياده لكن م حبيت اسألو..
بعدها قال لي انا قررتا امتحن تالته ثانوي ولأني طولتا ممكن تساعديني تشرحي لي؟؟؟ رديت ليهو؟؟في زول نصيح بعد خلص مختبرات طبيه يرجع لتالته!!بعدين انت م محتاج ليها
قال لي:انا عايز احقق حلمي الم قدرتا احققو زمان
انتي حلمك شنو؟؟؟ أنت عارف اول مره اتسأل السؤال دا!!وبعدين ح يفيد شنو يعني ؟؟؟
رد علي انتي بس قولي
قلتا ليهو صيدله
كان كل مايجي يزاكر يسألني واشرحي لي دي وحفظيني القصيده دي وتعالي اسمع ليك القانون دا.... تلقائيا بلقى نفسي حفظتا معاهو عشان اشجعو في يوم قال لي رايك شنو ترجعي تالت معاي ؟؟رفضتا طوالي وكنتا مصره في قراري
بعد فتره تاني طلب مني اعيد..كان فاضل للامتحان الكبير حوالي ٥شهور.
قلتا ليهو ياتو مدرسه ح تقبلني وبديت اتحجج ..!!كل حجه كان بيقنعني بالرد وفاجأني بأنو سجل لي في مدرسه..رفضتا انزل مدرسه جاب لي استاذ فيزياء لأني كنت ضعيفه فيها اما باقي المواد كنا بنشرح لبعض
جاءت ايام الامتحانات كنا م بنطلع من قبل نقرا سورة يس وطبعا محافظين علي وردنا الثابت من سورة البقرة .
كملنا امتحانات ومواعيد النتيجة جات قال لي ح امشي انا اجيب ليك نتيجتك من المدرسة
كنت متوتره شديد فجأه جاء مبسوط مبروك جبتي ٨٦
وانت جبتا كم؟؟قال لي انا م امتحنتا اساسا حصلت لي مشكله في رقم الجلوس ومن بدري كلموني وما حبيت اكلمك عشان انتي م تتضايقي وتكسلي وانا اصلا كان في نيتي اشجعك انتي وبس ودي كانت طريقتي الوحيده..
فرحتا بيهو شديد اكتر من النتيجه
بعديها بأيام جاء يبشرني بأنو جاتو فرصة شغل في معمل خاص قريب وبعدها بشهر جاب لي خبر قبولي في منحه كليه الصيدله في جامعة الأحفاد
قال لي الشغل الاضافي دا لقرايتك انتي
و عشان م تزعلي انا قدمتا ماستر
في يوم اثناء م برتب دولابو لقيت نتيجتي اتفاجأتا بأنها٧٦ بكيت شديد وأول من جاء سألتو قال لي م كنت داير احبطك وعشان م تحسي انك م قادره تحققي حلمك.
قبل انزل جامعه بيوم جاء شايل ورقه كاتب فيها جدول اعمال البيت كان مقسم لي الجمعه بس باقي الاسبوع عليهو
خلصتا السمستر الاول و جبتا امتياز وفي نص السمستر التاني حصل لي حمل هنا بدا التعب والمعاناة الجد
بعد نهاية سمستر ٣جبتا بتنا الأولى قررتا اجمد سنه هو رفض وقال لي انا بساعدك كان بجيب الشيتات يشرحا لي ويمسك البت عشان اقرا الحمد لله اتخرجتا شرف الدفعه
وبعد تخريجي كانت هديتو تقديم للماستر في جامعة الخرطوم
ولأني متفقوقه خلصتا قبل المواعيد
بعديها بدينا الدكتوراه مع بعض لأني رفضتا اقراها قبلو
والحمد لله زي م الكل عارفين اليوم مناقشتي وختاما حبيت احكي قصة كفاحو عشان تعرفو انو وجودو معاي هو انجح حاجه وأعظم شي انا طلعت بيه من الدنيا.
#وعد صديق