أوامر 😂💔
مشيت صحيت وعد قلت ليها انا طالعه بعد ساعه قومي اعملي لي اندومي جعانه انا
هي عاينت لي بطرف عينها قالت لي :أصبحنا وأصبح الملك لله ، عايذه تلبسي شنو يا الظريفه؟!
#تونكا وبنطلون
*عايذه تلبسي طرحه ؟!
#ههههههه متخلفه دي مالي فايره قالو ليك ، اكيد ح البسها مالك بتسألي
*لاني شلت هم التسريحه لكن ريحتيني😂💔
#اي ارتاحي يلا ماشه اجهز انا وعليك الله قومي اعمليها لي سرعه
*حاضر يا فدوى حاااااضر
........ ........ .......
جهزت واكلت ومسكت تلفوني لقيت عمر متصل 3 مكالمات ، اصلا أتأخرت انا نص ساعه ، ما حصل التزمت بزمن 😂💔
نزلت انا ولقيتو منتظرني قال لي بتبااااالغي ليه كل دا
يلا لمن قال لي كدا بقيت المس في شعري قلت دا عندو مشكله مع الشعر احتمال شعري طالع ، لكن م طالع ، تاني عاينت للبنطلون قلت احتمال م عجبو ، رفعت راسي قلت ليو قصدك شنو جهجهتني🙄🌝
*😂غبيه قصدي انك اتأخرتي
#ايوااااا افتكرت حاجات تانيه انا 😅😅😅
...... ...... فتح لي باب العربية
اووووول مره في حياتي زول يعمل لي الحركة دي ، عمري كلو بشوفها في المسلسلات ياخ ابوووي ما بفتح العربيه لامي 😂😂💔 .... غايتو بنات اللذين ديل لاقيتنها في الحب

#روایتي
بقلم فادية محمد
-١٠-
قلت بيني وبين نفسي هوووي يا فدوى ما تغيري معاملتك معاو عشان م يفهمك غلط ... اها صلحت القعده واتوهطت زييييين وقبلت عليو قلت ليو
*تعال اسألك انت عايذ تخطفني ؟!🤔
#ههههههه ايووون لكن م الليله،كل حاجه لقدام ح توضح☺️
*الله يجيب قدام عشان توضح ونشوف 😏
#ما تستعجلي يا شفقانه
*م كدا لكن نحن ما بنعرف بعض كويس ، ودقيقه دقيقه بس ما تكون خاتي في بالك اني زي باقي البنات ، والله ما حصل اتعاملت مع ولد ولا حصل ركبت عربية زول ما بعرفو الا مره وحدي ما لقينا مواصلات انا ومروه ووقف لينا راجل كدا كبير ، غير كدا ما حصل والله😢💔
#هههههه لمن اقول ليك مجنونه صدقيني ، يابت هسي انا ما بحاسبك وكلامك دا كلووو انا بعرفو ما تتعبي نفسك
*بتعرف من وين 🙄🙄🙄
#ما مجال تخصصك يا الفالحه
*كويييييس يا سيدي سكتا
#ههههههه ما قلت ليك اسكتي
*ابيت مش بتختصرني
#بطلي حركات شفع وما تبوذي لي كدا ، يلا وصلنا انزلي 😅

....... بالجد المطعم حاجه واااااووو ويعمل كدا👋 ، هو نزل من العربيه قبلي وفتح لي الباب
انا زي الهبله عاينت ليو قلت ليو دا يفهمو شنو ، بعد كدا 😂😂😂
*الزول ما يعمل فيك حسنه ، بطلي فصاحه واتحركي🌝
...... يلا قعدنا واللخو دا شكلو فااااهم نقطة ضعفي الطقه😂✋
المهم هو بشارك مرات مرات وكالعاده انا مستلمه الونسه وبحكي مواقف مضحكه
هو بس يعاين لي لمن انا اخجل واسكت وتاني اواصل مااا بقدر اسكت يا جماعه 😂😂
...... الاكل وصل وهنا لا كلام مع الطعام😌✋
بدينا ناكل وهو مركز معاي ، انا مع اني ما عندي حاجه للناس لكن اللخو دا ما خلاني اخد راحتي في الاكل ، نفسي اعرف عيوني فيهم اطلس ولا فهرس ولا شنو بالظبط
ليه يعاين لي في الوقت دا تحديدا وكمان خاتي يدو ع خدو😒🌝
اها انا ما بحب التصنع وكل حاجه ولاااا بطني ✋ .... قلت ليو
*عمر اها ناوي تنزل عينك متين لاني م قادره اكل صراحه🙄🌝
#😂😂😂😂معليش معليش يلا واصلي اكل يا مفضوحه
*ما هو انا ما فهمتك عايذ شنو بالظبط وحتى المشوار دا نهايتو شنو
#اصبري ، انتي اكلي عشان ما تجوعي وتاني انا ما عندي ليك مطعم ، تقعدي جعانه لحد توصلي لاهلك😂🙊😜
*خشمي وعلي اها🙊
........ المهم مرت القعده ع خير وبقى يحكي لي عن اصحابو وخصوصي صحبو عمار دا متعلق بيو شدييييد لدرجة مشغلو معاو في الشركه وصحبتو وفاق دي قريبه منو
...... يلا ونحن طالعين كدا هو قال لي اتقدمي انا شويه واجي
طبعا انا ختيت في بالي ماشي الحمام😂🙊
لكن لمن رجع شايل معاو سندوتشات😍
قلت ليو * دا ليه ؟!
#المشوار لسه ما خلص ☺️💚
*ماشين وين🙄🙄🙄
#ح تعرفي لمن نوصل
*حاااااااضر ما ح اسألك من حاجه تاني
#فاااالحه شافعتي
*شافعتك؟!!!!!
#ايون في نظري كدا وع فكره سجلتك في التلفون كدا😜😝😂
*ما راضيه انا 💔😢
#مصيرك ترضي وتقتنعي
*اقتنع بشنو ؟!
#كل حاجه ، وم تجرجريني لاني ما ح اوريك حاجه🌝
*حاااااضر
....... ركبنا العربيه وحزام الامان وترني 💔
هو قرب مني وظبطو لي ، وشي قريب مني شدييييد وعيونو في عيوني ، بعد دقايق هو بعد مني
وقال لي ظبط ؟!
حسيت بيو اتوتر ، وانا اتوترت وما قدرت ارد عليو ، الاتنين ساكتين
وهو كسر حاجز الصمت بأغنيه شغلها كانت اغنية نانسي عجرم {ﻛﻞ ﻳﻮﻣﻴﻦ ﻳﺒﻌﺪ ﻭﻳﺴﺒﻨﻲ ﻭﺍﺗﻤﻨﻲ ﺑﺤﺒﻪ ﺑﻴﺤﺴﺒﻨﻲ
ﻫﻔﻀﻞ ﻛﺪﻩ ﺳﺎﻳﺒﺎﻩ ﻳﻌﺬﺑﻨﻲ ﻭﻳﻨﺴﻰ ﻫﻮﺍﻳﺎ......}
عمر فجأة قعد يضحك
قلت ليو*مالك ؟!
#مستغرب من كلمات الاغنيه
*كيف؟!
#لانو مستحييييل يكون في ولد بحب ليو بت وما يسأل منها ويطنشها
*مممممممم يعني انت ما ح تعمل كدا ؟!🙄🙄🙄
#لا طبعا لاني لو حبيت ح اكون ليها كل حاجه وح احافظ عليها وح احتويها بالجد البت حاجه رقيقه وتستاهل كل حاجه حلوه وراقيه لانها حساسه وعايشه بمشاعرها ، يعني لمن اطنشها معناه ح اجرحها واكسرها ودا ما هدفي ، هدفي اسعدها ☺️
........ انا اتلجنت ولساني مشى وين ما بعرف ، كلماتو قدرت تدخل قلبي ، وحسيت باحساس غريب وحلو في نفس الوقت😍💚💚💚😍
...... هو عاين لي بطرف عينو وابتسم قال لي سرحتي وين ؟!🤔
*انت غريب وياريت لو كل الاولاد تفكيرهم زيك ☺️
#الاولاد لمن يحبو من قلبهم بعملو زيي لكن الزمن دا الكذب بقى كتير
*الله كريم 😁😅
...... فجأه هو وقف العربيه قال لي وصلنا .... اتلفت لقيت المكان هو مدرستي بتاعت الاساس ... ما قدرت افهم ليه نحن هنا وقبل اسألو هو بقى يتكلم
#دي مدرستك ،، انتي دخلتي صغيره لانك ما قريتي روضه وما مشيتي الا شهر واحد وادوك شهاده بالغصب😂 مديرة المدرسه رفضت تدخلك لانك صغيره ما تامه 5 سنه لكن انتي اصريتي ،، هي قالت لاهلك نخليها تكون مستمعه بس ،، مرت السنه وانتي بتقفلي المجموع ،، وبكدا قدرتي تثبتي وجودك وواصتي باقي السنين معاهم ،، كنتي مميزه وبتقدمي برامج الاذاعه ،، وكل الاستاذه بحبوك لانك مرحه وقلبك ابيض ،،بس مشكلتك الوحيده انك بتاكلي في نص الحصه يا اشعب😂😂
...... ياخ لمن هو قال كدا انا بقيت اضحك من قلبي وقلت ليو عرفت كل دا من وين ؟!
قال لي اصبري لسه ما خلصنا 😂🌝🌝

#روایتي
بقلم فادية محمد
-١٣-
عاين لعمر وقال ليو
#سمعت انك قايم بكره ، عندي وصيه لولدي بالله وصلها معاك
*جدددآ يا ابوي ما عندك اي مشكله😍
..... سلمو شنطه وشكرو وفات
.....انا عاينت ليو قلت ليو
#ما ح تتأخر صح ؟!🙄
*في شوق حاصل من هسي ولاشنو😂😉
#ههههه ابدا يلا انا داخله البيت
*فدو دقيقه
#احكي🙄
*الإسوره طالعه بتجنن عليك☺️
#هههه🙈تسلم ،، انتبه لنفسك كويس💔😞
*حااااضر وانتي كمان ، لا اله الا الله
#محمد رسول الله
...... لمن دخلت البيت لقيت وعد منتظراني ومسكتني من يدي قالت لي ارح احكي بالتفصييييل😍😍😍😍
حكيت ليها كل حاجه
هي بقت تغني "أخيرا قالها ، قال احبك قالها"💕💕💕💕
انا طوالي اتصلت ع مروه وحكيت ليها شي من بداية اليوم لحد نهايتو
فجأه سمعتها بتبكي ، غايتو بقت توقف لي قلبي 😳
#يابت مالك بتبكي
*هههههه دي بكية فرح ياخ ، اخيييييرا دحلتي عالم الحب .... الف مبرووووك وربي اني مبسوطه شديييييد .... ياخ الاتنين حلوين ومناسبين لبعض ... ربنا يحفظكم ويتم ليكم ع خيييير ... وصيتي ليك ما تدخلي طرف تالت بينكم حتى لو كنت انا ... ح تواجهكم مشاكل كتيره لا قدر الله لكن اوعك تمشي تحكي وتشكي كتير ... شغلي مخك وحاولي تعرفي الحل اذا ما قدرتي تعالي لي ح اديك وجهة نظري .... اما بالنسبه لوفاق ما تركزي معاها كتير وخليك واثقه في عمر ... الولد اتعلق بيك وخاتيك هدف ح يوصل ليو بالحلال😍💚✋
*يااااا سلااااااام ياخ ربنا يسعدك ، ريحتيني 😘😘😘💚
.... ...... .......
بلييييل م قدرت انوم خالص وبتذكر الحصل في يومي ،،، طبعا ماااا متذكره عمتي الماتت😂💔
تفكيري كلو في عمر
قمت طوالي استخرت وحسيت براحه خياليه😍🙈 بعدها قريت سورة البقره ودعيت ليو انو يسافر ويرجع بالسلامه
...... الصباح اتصل لي
#صباح الامل والأمان ع روح الروح😍💚
*يسعد صباحك ، حلمان بي ولاشنو😴😴😴
#ههههههه حمانا الله ، اتحصنت ونومت يا قلبي
*😂عولاق يعني انا شيطان
#اسمعيني انا في المطار
*مطااااااار😳😳😳 ليه ما صحيتني من قبيل ع الاقل كنت لاقيتك قبل تسافر.
#ما بحب الوداع وبعدين كلو اسبوع ما تقلقي ،، ح اكون مشغول وح احاول اكون معاك ما ح اخليك براك 💚.
*كفايه كلامك دا بالدنيا.
#فدو انتي طلعتي لي من وين ، كنت مرتاح ، هسي يومي كلو بفكر فيك زي الحاجه السمحه😂😒
*😂😂😂😂اصلا حاجه سمحه
#الله يخلي لي ضحكتك الحلوه دي ،،، اسمعيني ح ارجع ليك بعدين اوكي
*كويس
....... ....... ......
المهم بعد يومين اهلي رجعو وانا رجعت معاهم
والايام مرت وكل يوم عمر بثبت لي انو هو المناسب لي 💚
وكان بوصيني ع نفسي واني ما اتغير خالص
....... ....... .......
بقت سفراتو كتيره ، وكل مره انا بمشي ناس خالتي ما بلاقيو لانو يا اما في الشغل او مسافر بسبب الشغل
المهم الجامعه بتاعتي فتحت ونزلنا دراسه
الطبيعي اني بكون مستااااءه اول يوم لكن المره دي غييير ، لاني غيرت نظرتي للحب ، وبقيت مهتمه بنفسي زي البنات😂😂💔✋ ،،، يلا اول يوم في الجامعه ح احكي ليكم الحصل 🙈

جاتني رساله الصباح من عمر
💕📩صباحك عافيه يا راحتي ... انتبهي لنفسك لحد توصليني ... بما انو الليله اول يوم دوام في الجامعه فحاااااابي اكون معاك يا شافعتي ... ما تتأخري علي💚

..... ظبطت نفسي وطلعت لقيتو متتظرني في نهاية الشارع ،، اووول من ركبت العربيه اتلفت عليو لقيتو بحمر لي 😂😂 دا مالو كمان نفسيات من الصباح
#لاااازم تتأخري صح لو ما اتأخرتي ح تموتي مثلا ...وشعرك الطالع دا لفي فيو الطرحه زي الناس لاني لو شفتو طالع ح اقصو اريحك منو خالص ...وو
*مشتاقييييييييين☺️
#جااااده😍اول مره تقوليها
*اي عشان انت تسكت😂😝
#مممممممم يعني م مشتاقه لي مع اني طولت منك 🤔
*اي م مشتاقه ليك خالص
#خليك قدر كلامك☺️🌝✋
*قدرو
...... فجأه مسك يدي 😳 وترني الكريه ، طواااالي بعدت منو قلت ليو
*حركاتك دي ما تعملا لي لاني بتوتر 😭✋
.... هو قعد يضحك قال لي معليش لكن انتي فصيحه وقلتي قدر كلامك
.......
مااا تم كلامو دخلت مكالمه من وفااااق💔
هو عاين لي مساااافه ، قلت ليو رد عادي☺️
شال التلفون وطلع من العربيه
شايفاو بتكلم وبضحك معاها
قربت انزل اخنقو 😭💔

#روایتي
بقلم فادية محمد
-١٥-
ما دقيت الباب نظام مفاجأه وتوشك دخلت وكانت الصدمه
هو قاعد وقدامو اللابتوب ... وفاق قاعده في رجل الكرسي وتضحك
وهو زاتو ما مقصر ومندااااح معاها
لمن شافوني ،، وفاق قالت لي
#افتكر الزول بستأذن وانتي منو ؟!
*بعتذر .... قفلت الباب ورجعت بطريقي💔😢
سامعه عمر بنادي فيني لكن ما اشتغلت بيو نهائي لحد طلعت من الشركه
حسيت رجولي ما شايلني ... في مسطبه قعدت فيها وابكي😭😭😭😭😭
عمر جاني ومتوتر اكتر مني قال
#فدو
*ما اسمي اي زفت فدو .. ويا سيدي غلطانه انا جيت فجأه .. امشي ليها واصل قعدتك😭
#ما تفهمي غلط وتألفي من راسك💔
*دي حياتك عيشها زي ما عايذ وما عايذاك تبرر حاجه 😭✋
#روقي واستهدي بالله ، ياخ الموضوع م كبير للدرجه دي 🙄
*تمااااااااااااام
#فدو عايني انا بتكلم معاك
*امشي مني ما عايذاك
#انتي هسي متضايقه ما ح اركز في كلامك
*لا ركز عادي
...... ....... هو قعد جنبي ودنقر راسو وسكت مسااااافه ، انا تميت بكيتي وقلت ليو
*انا ما حصل حبيت قبلك .. ومن يومي بنتقد العلاقات لاني شايفاها عذاب ووجع قلب .. ما فكرت مجرد تفكير اني احب زول من قلبي .. لكن حبيتك انت وما قلت ليك بحبك من عرفتني وكنت فاهمني انت وما ضغطت علي نهائي وهسي انا بقول ليك بحبك يا عمر وبغير عليك حتى لو من صحبتك الانت معتبرها اختك .. ودا سبب تصرفي معاك قبيل .. لمن حسيت نفسي قلت كلام غلط جيتك لحد هنا عشان اراضيك ما بهون علي اخيك متضايق لانك شايلني في عيونك .. بس يا عمر ما بيدي وما بقدر اتعامل عادي ما دام هي بتحبك .. ياخ لو هي معتبراك صاحبها ممكن اتقبل الوضع لكن هي بتحبك .. قول لي اعمل شنو عليك الله😭💔
....... ...... ...... هو ما رفع راسو الا بعد انا خلصت كلامي كلوووو
#ما عارف اقول ليك شنو بالجد💔💔💔 انا فااااهمك والله وكنت متأكد انك ح تراجعي نفسك وتسحبي كلام قبيل ... انا لمن حبيتك جيت كلمتك لمن كنا برا في الشارع ولو عايذاني اعيدو ح اعيدو .. ولو بتتذكري لمن كنا في العربيه وجات اغنية كدا قلت ليك البت البحبها ما ح اكسرها وح احتويها وهدفي سعادتها ... حرفيآ دا البعملو ليك لكن وحياااااة معزتك وغلاوتك عندي انا ما مستحيل افكر في وفاق .. ووضحت ليها اني ما ح افكر فيها غير اخت وما طالع بيدي حاجه ... ممكن اطلب منك طلب ؟!🙄
*اطلب
#خليك واثقه فيني .. وختي لي عذر لحد اوضح ليك قبل تفهمي غلط .. والمره الجايه ما تقفلي الباب وتمشي .. تعالي قوميها واقعدي انتي ما عندي مشكله ، المهم الحلو ما يزعل 🌝😂
*هههههه حناك ، طيب كنتو بتضحكو ليه
#قبيل لمن اتصلت علي قالت لي لقيت صورك القديمه وعايذه اوريك ليهم ،، المهم لمن انتي جيتي هي كانت بتوريني ليهم وهم ما حلوات لاني كنت برلوم وفرحان ومفتري😂💔💔
*ممممممممممممم ، طيب
#طيب شنو
*طيب خلاص م زعلانه انا
#في دمعه شكلها م لحقت اخواتها ، جات متأخره
... قشاها لي 🙈🙈🙈🙈💚
وقال لي #ياستي زعلتيني قبيل وتاني زعلتيني منك
*😳متين تاني زعلتك
#ههههههه اي زعلت لانك زعلتي يلا راضيني
*ههههه غياظ ، اصلا جيت اراضيك لكن اول نمشي نتغدا لاني جعانه😁
#يحليلي فلست بقيت مسكين😢
*ههههههه اي عارفاك مفلس وعازماك انا
#انتي هبله ولاشنو ، انا بشتغل وبتعب عشانك انتي واخواني ، المختصر قروشي هم قروشك وتطلبي اي حاجه نفسك فيها يا روحي☺️☺️💚❤️
*اي دا بعدين لكن هسي لا
#بطلي فهمك الطيره دا ما تخليني ازعل زياده😒
*😂حلاتك لمن تزعل ، طيب ح تمشي انت وعندك شغل ؟!
#الشغل طاير ، لقيت لي عذر اطلع انا زاتي ، ح نتغدا واوصلك بيتكم وارجع بيتي ، يلا قدامي امشي فالحه بتي الشافعه
*😂حاااااضر يا ابوي
...... ...... .......
وصلنا المطعم ما كان بعيد هو .. اتغدينا وبقيت احكي ليو عن يومي
وهو خاتي يدو ع خدو ومركز معااااي شديد ويعاين لي
*بسبس عموري انت سارح وين🙄
#في كلامك وحركاتك وملامحك ، متين يجي يوم تكوني معاي في بيت واحد 😢
*😂مجنون ، ح يجي اليوم دا ما تستعجل
#كيف م استعجل احتمال يطلع واحد من اولاد اهلك ويخطفك مني
*انا ووعد الكبار في اسرة اهل امي ، اما اعمامي وعماتي انت عارفني م معترفه بيهم .. المختصر ما بخطفني منك الا الموت
#ااايييشششششششي بقيتي تعرفي تردي😂
*😂😂بقيت كبيره صح
#لالا 😝😝😝
*عولاق كبيره غصبآ عنك😒
#خلاص كبيره في نظري لكن شافعه ، كدا مناسب وعلي الحرام ما اتراجع من كلامي😌✋
*😂😂😂تحرم شنو يا الفالح
#م عارف لكن بقول ساي م تركزي😂👊
*حااااضر ،، يلا عايذه اراضيك لكن ما بعرف اذا ح يعجبك ذوقي .. هاك ديل ليك🛍🎁
#ممممممم فيو شنو الكيس دا
*بطل شمارات ، افتحو وشوف
#😍😍😍😍😍😍😍😍😍😍😍😍شافعتي جابت لي ساعه وعطر .. حلوين زي عيونك الكبار ديل .. كفايه انهم منك يا قلبي .. وياستي من هسي ح البس الساعه وما ح البس غيرها نهائي .. الله يخليك لي💚
*ويخليك لي .. انت العملتو عشاني ما قليل..تستعملهم بالعافيه☺️
#الله يعافيك يا عافيتي .. لكن عرفتي انو دا عطري كيف ؟؟
*😂😂😂غب

#روایتي
بقلم فادية محمد
-١٨-

#ياستي ح تعرفي كل حاجه بعد شويه
...... سلمنا عليهم وكان سبب اللمه الحلوه انهم محتفلين بقرار الخطوبه بتاعنا😍
ياخ كانت لمه حلوووه شديد لكن الخنقني المخلوقه الاسمها وفاق دي ما هضمتها نهااائي 🤢🤢🤢..
مروه تعاين ليها ساااااي شكلها زاتها ما حبتها😂
يلا علوش المجنون شايل كولا في يدو ولمن عايز يفتحها اتكشحت فيني💔
ولمن مشيت الحمام عشان اغسل جاتني وفاق
نظراتها لي ما عجبتني خالص لكن اتعاملت عادي معاها
قالت لي #مبسوطه؟!
*اكييييد كفايه الناس بتحبني وجنبي عمر ☺️✋
#ما مشكله اخدي راحتك ما معروف يحصل شنو لقدام
*قصدك شنو ؟!
#اجيبها ليك بالوااااضح كدا انو عمر بحبني انا وح اثبت ليك
*هههههههه شكلك بتحضري افلام هنديه كتير
..... وطلعت من الحمام لاقتني مروه جايه علي قالت لي
#المخلوقه دي ما تكون قالت ليك حاجه ؟!
*اي قالت انو عمر بحبها هي
#ههههههه ما نصيحه الوقحه دي ... ما تركزي معاها لانو هدفها تعكر ليك مزاجك في اليوم الحلو دا
*هي جات ليه
#بري جات مع عمار ... يلا نمشي ليهم وخليك عاديه وما تكلمي عمر عشان م يعمل مشكله وما ناقصين هسي
*حاااااضر
....... ....... .......
قعدت جنب عمر وسألني مالك م ع طبيعتك
*مصدعه
#سلامتك ، لو م قادره ممكن نرجع البيت 🙄
*لالا م ظريفه نخليهم هم تعبو نفسهم عشانا نحن
#خلاص امشي الصيدليه اجيب ليك مسكن واجيك
*لالا خليك
#فدو ما ح اتأخر لو عايزه تمشي معاي ارح
....... انا قمت معاو طوالي ،،، علوش قال لينا ع وين
قلنا ليو الصيدليه لمسكن ح نرجع هسي
ووفاق تعاين لي الكريهه
........ المهم مشينا كداري لانها جنب المطعم اصلا
في مسطبه جنب الصيدليه انا قعدت فيها (عيشتي المساطب😂💔)
عمر دخل جاب الحبوب وقطع الظلط جاب موية صحه وجاني راجع قعد جنبي لحد بلعت الحبه انا ساكته بس
#فدو احكي مالك ... انا متأكد انو ما صداع بس
*ماف شي
#معليش احكي اي حاجه جواك انا معاك
*😭😭😭ولو جاء يوم وما لقيتك معاي ح اعمل شنو ؟!
#روقي روقي بسم الله ع قلبك حتى يهدأ ... انا ما ببعدني عنك الا الموت ... ما تفكري بالطريقه دي ... وعدتك ح اكون معاك ليه بتفكري كدا ؟! وفاق ضايقتك بحاجه؟!
*لا لكن انا ما عايزه اخسرك
#ما ح تخسريني وانا ما ح اخسرك ما تقولي كدا ياخ ويلا قشي دموعك دي قبل اقشهم ليك بطريقتي
*ههههه لالا ما عايذه طريقتك ... براي ح اقشهم ... ارح نمشي ليهم ما نتأخر
#اي اضحكي ع طول ما دام انا معاك ما ح اخلي حاجه تضايقك☺️

..... لمن دخلنا عليهم لقيناهم يضحكو في مواضيع ظريفه ... عمر جر لي الكرسي
عمار قال ليو اووووووو
عمر قال ليو شافعتي لازم ادلعها ياخ 😂
... ..... ....انا ضحكت وقعدت ...هو قعد في كرسي جنبي ومسك يدي 🙈🙈🙈
ولمن انا اضحك ، هو بقرب مني بقول لي حلوه الضحكه 🙈
وبشغلها لي لمن اتكلم بقاطعني 😂😂😂
بقول ليو ليه ياخ
بقول لي عايذ كل كلمه تطلع منك تكون لي انا بس 😌✋
... وهم يضحكو ويشغلوها زياده
الزول دا رومانسي ياخ😂💔
..... طبعا وفاق بتعمل حركات وبتحاول تلفت نظر عمر بتفتح مواضيع عن الجامعه ولمن كانو هم اصحاب التلاته وووو
كريهه خلاص والله لو ما عمر كنت قمت عليها دقيتها 😏😏😏
..... ...... ريل ضحكتنا ضحك قالت لعلوش وديني البيت قبل المغرب بخاف انا
علوش قال ليها وحلااااتي العسل بتخاف الشافعه
خلاص قومي اتونستي وضحكتي واكلتي يلا ع بيتكم ما تفضحينا 😂😂
مشو هم وفضلنا نحن نتونس ونضحك لحد المغرب اذن
المهم في النهاية كدا عمر قال ليهم
#العملتو ما بسيط والله وان شاءالله نخدمكم في افراحكم 😍 ... بس بعتذر منكم لاني خاطف فدو الليله 😂
انا عاينت ليو قلت ليو البخطف زول ما بكلمو يا غبي😂💔
هم قالو :دي اقل حاجه ممكن نقدمها ليكم وان شاءالله ربنا يتم ليكم ع خيييير ويسعدكم ☺️
....... ....... .......
لمن وصلنا العربيه قلت ليو
*ماشين وين
#اطلعي العربيه ونتفاهم 🌝🌝
*ممممممممم البباري الجداد 😂😝
...... يلا في الطريق نتونس وهو بقى يحكي لي عن سفرتو وووو
لحد وصلنا محل ايسكريم
قال لي
#اولا انتي بتحبي المكان دا شديييد انت وخاصه لمن تقعدي برا عشان تركزي مع الاضاءه ... تانيا الاكياس بتاعت الهدايا افتحيهم قبل تردي لي☺️☺️
..... لمن فتحتهم لقيت فيهم كميه من الحلويات ... وفي عطر .. سلسل شكل فراشه ... والااااهم لقيت كره زجاجيه🔮🔮🔮
انا فرحت شديييييييد وقلت ليو ربنا يخليك ويحفظك وم انحرم منك ياخ بحبك شديييد😍💚
#تستاهليهم يلا ننزل عشان اوصلك البيت بدري قبل اهلك يقلقو عليك☺️
....... هو طلب ايسكريم بالفانيليا وقال لي لانك بتحبي النوع دا تاني انا ح احبو زيك ،، بالله مش طلعت خطييير وظريف😂😂😂
*😂لالا خااااالص
#مرض ، ما طالب رايك اصلا😒🌝✋
*اي صااااح صاااح ما تزعل
...... ...... المهم قعدنا شويه ورجعني البيت لكن المره دي قريب للبيت قال لي يقولو العايزنو والله ما بخليك في بداية الشارع في الزمن دا
ولحسن الحظ ابوي اتصل قال لي وين اتأخرتي
قلت ليو